8.5.2015

Il-Ġurnal Uffiċjali tal-Unjoni Ewropea

L 117/3

PROTOKOLL ADDIZZJONALI

għall-Ftehim dwar il-Kummerċ, l-Iżvilupp u l-Kooperazzjoni bejn il-Komunità Ewropea u l-Istati Membri tagħha, minn naħa, u r-Repubblika tal-Afrika t'Isfel, min-naħa l-oħra, biex jittieħed kont tal-adeżjoni tar-Repubblika tal-Kroazja mal-Unjoni Ewropea

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA' SPANJA,

IR-REPUBBLIKA FRANĊIŻA,

IR-REPUBBLIKA TAL-KROAZJA,

IR-REPUBBLIKA TALJANA,

IR-REPUBBLIKA TA' ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

L-UNGERIJA,

IR-REPUBBLIKA TA' MALTA,

IR-RENJU TAL-PAJJIŻI L-BAXXI,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA SLOVAKKA,

IR-REPUBBLIKA TAL-FINLANDJA,

IR-RENJU TAL-IŻVEZJA,

IR-RENJU UNIT TAL-GRAN BRITTANJA U L-IRLANDA TA' FUQ,

Il-Partijiet Kontraenti għat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, minn hawn 'il quddiem imsejħa “l-Istati Membri tal-Unjoni Ewropea”, irrappreżentati mill-Kunsill tal-Unjoni Ewropea,

kif ukoll

L-UNJONI EWROPEA,

min naħa waħda, kif ukoll

IR-REPUBBLIKA TAL-AFRIKA T'ISFEL, minn hawn' il quddiem imsejħa “l-Afrika t'Isfel”,

min-naħa l-oħra,

flimkien minn hawn 'il quddiem imsejħin “il-Partijiet Kontraenti”,

WARA LI KKUNSIDRAW LI l-Ftehim dwar il-Kummerċ, l-Iżvilupp u l-Kooperazzjoni bejn il-Komunità Ewropea u l-Istati Membri tagħha, minn naħa, u r-Repubblika tal-Afrika t'Isfel, min-naħa l-oħra, (il-“FKŻK”), ġie ffirmat fi Pretorja fil-11 ta' Ottubru 1999 u daħal fis-seħħ fl-1 ta' Mejju 2004,

WARA LI KKUNSIDRAW LI t-Trattat li jikkonċerna l-adeżjoni tar-Repubblika tal-Kroazja mal-Unjoni Ewropea, ġie ffirmat fid-9 ta' Diċembru 2011 u daħal fis-seħħ fl-1 ta' Lulju 2013,

FTIEHMU KIF ĠEJ:

Artikolu 1

Ir-Repubblika tal-Kroazja hawnhekk issir Parti Kontraenti għall-FKŻK u, bl-istess mod bħall-Istati Membri l-oħra tal-Unjoni Ewropea, tadotta u tqis it-testi tal-FKŻK, inklużi l-Annessi u l-Protokolli tiegħu, u d-Dikjarazzjonijiet mehmuża mal-Att Finali.

KAPITOLU I

EMENDI GĦAT-TEST TAL-FKŻK, INKLUŻI L-ANNESSI U L-PROTOKOLLI TIEGĦU

Artikolu 2

Il-lingwi li bihom inkitbu l-kopji oriġinali u n-numru tagħhom

1. L-Artikolu 108 tal-FKŻK jinbidel bit-test li ġej:

“Artikolu 108

Dan il-Ftehim huwa mfassal f'żewġ eżemplari bil-lingwa Bulgara, Kroata, Ċeka, Daniża, Olandiża, Ingliża, Estonjana, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovena, Slovakka, Spanjola, Svediża u bil-lingwi uffiċjali tal-Afrika t'Isfel, minbarra l-Ingliż, jiġifieri bis-Sepedi, is-Sesotho, is-Setswana, is-siSwati, it-Tshivenda, ix-Xitsonga, l-Afrikaans, l-isiNdebele, l-isiXhosa u l-isiZulu, u dawn it-testi huma kollha awtentiċi indaqs.”

2. L-Unjoni Ewropea għandha tikkomunika lill-Afrika t'Isfel il-verżjoni tal-Ftehim bil-lingwa Kroata.

Artikolu 3

Ir-regoli tal-oriġini

Il-Protokoll 1 tal-FKŻK huwa emendat kif ġej:

(1)

L-Artikolu 16(4) jinbidel b'dan li ġej:

“4. Iċ-ċertifikati ta' ċirkolazzjoni EUR.1 maħruġa retrospettivament iridu jkunu approvati b'waħda minn dawn il-frażijiet li ġejjin:

BG	‘ИЗДАДЕН ВПОСЛЕДСТВИЕ’
ES	‘EXPEDIDO A POSTERIORI’
CS	‘VYSTAVENO DODATEČNĚ’
DA	‘UDSTEDT EFTERFØLGENDE’
DE	‘NACHTRÄGLICH AUSGESTELLT’
ET	‘TAGANTJÄRELE VÄLJA ANTUD’
EL	‘ΕΚΔΟΘΕΝ ΕΚ ΤΩΝ ΥΣΤΕΡΩΝ’
EN	‘ISSUED RETROSPECTIVELY’
FR	‘DÉLIVRÉ A POSTERIORI’
HR	‘IZDANO NAKNADNO’
IT	‘RILASCIATO A POSTERIORI’
LV	‘IZSNIEGTS RETROSPEKTĪVI’
LT	‘RETROSPEKTYVUSIS IŠDAVIMAS’
HU	‘KIADVA VISSZAMENŐLEGES HATÁLLYAL’
MT	‘MAĦRUĠ RETROSPETTIVAMENT’
NL	‘AFGEGEVEN A POSTERIORI’
PL	‘WYSTAWIONE RETROSPEKTYWNIE’
PT	‘EMITIDO A POSTERIORI’
RO	‘EMIS A POSTERIORI’
SL	‘IZDANO NAKNADNO’
SK	‘VYDANÉ DODATOČNE’
FI	‘ANNETTU JÄLKIKÄTEEN’
SV	‘UTFÄRDAT I EFTERHAND’.”

(2)

L-Artikolu 17(2) jinbidel b'dan li ġej:

“2. Il-kopja maħruġa b'dan il-mod trid tkun approvata b'waħda minn dawn il-kelmiet li ġejjin:

BG	‘ДУБЛИКАТ’
ES	‘DUPLICADO’
CS	‘DUPLIKÁT’
DA	‘DUPLIKAT’
DE	‘DUPLIKAT’
ET	‘DUPLIKAAT’
EL	‘ΑΝΤΙΓΡΑΦΟ’
EN	‘DUPLICATE’
FR	‘DUPLICATA’
HR	‘DUPLIKAT’
IT	‘DUPLICATO’
LV	‘DUBLIKĀTS’
LT	‘DUBLIKATAS’
HU	‘MÁSODLAT’
MT	‘DUPLIKAT’
NL	‘DUPLICAAT’
PL	‘DUPLIKAT’
PT	‘SEGUNDA VIA’
RO	‘DUPLICAT’
SL	‘DVOJNIK’
SK	‘DUPLIKÁT’
FI	‘KAKSOISKAPPALE’
SV	‘DUPLIKAT’.”

(3)

L-Anness IV jinbidel b'dan li ġej:

“ANNESS IV

DIKJARAZZJONI TAL-FATTURA

Id-dikjarazzjoni tal-fattura, li t-test tagħha huwa mogħti hawn taħt, trid issir skont in-noti ta' qiegħ il-paġna. Madankollu, in-noti ta' qiegħ il-paġna ma għandhomx għalfejn ikunu riprodotti.

Il-verżjoni Bulgara

Износителят на продуктите, обхванати от този документ (митническо разрешение № … (1)) декларира, че освен кьдето е отбелязано друго, тези продукти са с … преференциален произход (2).

Il-verżjoni Spanjola

El exportador de los productos incluidos en el presente documento [autorización aduanera no … (1)] declara que, salvo indicación en sentido contrario, estos productos gozan de un origen preferencial … (2).

Il-verżjoni Ċeka

Vývozce výrobků uvedených v tomto dokumentu (číslo povolení … (1)) prohlašuje, že kromě zřetelně označených mají tyto výrobky preferenční původ v … (2).

Il-verżjoni Daniża

Eksportøren af varer, der er omfattet af nærværende dokument, (toldmyndighedernes tilladelse nr. … (1)), erklærer, at varerne, medmindre andet tydeligt er angivet, har præferenceoprindelse i … (2).

Il-verżjoni Ġermaniża

Der Ausführer (Ermächtigter Ausführer; Bewilligungs-Nr. … (1)) der Waren, auf die sich dieses Handelspapier bezieht, erklärt, dass diese Waren, soweit nicht anders angegeben, präferenzbegünstigte … (2) Ursprungswaren sind.

Il-verżjoni Estonjana

Käesoleva dokumendiga hõlmatud toodete eksportija (tolli kinnitus nr … (1)) deklareerib, et need tooted on … (2) sooduspäritoluga, välja arvatud juhul, kui on selgelt näidatud teisiti.

Il-verżjoni Griega

Ο εξαγωγέας των προϊόντων που καλύπτονται από το παρόν έγγραφο [άδεια τελωνείου υπ' αριθ. … (1)] δηλώνει ότι, εκτός εάν δηλώνεται σαφώς άλλως, τα προϊόντα αυτά είναι προτιμησιακής καταγωγής … (2).

Il-verżjoni Ingliża

The exporter of the products covered by this document (customs authorisation No … (1)) declares that, except where otherwise clearly indicated, these products are of … (2) preferential origin.

Il-verżjoni Franċiża

L'exportateur des produits couverts par le présent document [autorisation douanière no … (1)] déclare que, sauf indication claire du contraire, ces produits ont l'origine préférentielle … (2).

Il-verżjoni Kroata

Izvoznik proizvoda obuhvaćenih ovom ispravom (carinsko ovlaštenje br … (1)) izjavljuje da su, osim ako je drukčije izričito navedeno, ovi proizvodi … (2) preferencijalnog podrijetla.

Il-verżjoni Taljana

L'esportatore delle merci contemplate nel presente documento [autorizzazione doganale n. … (1)] dichiara che, salvo indicazione contraria, le merci sono di origine preferenziale … (2).

Il-verżjoni Latvjana

To produktu eksportētājs, kuri ietverti šajā dokumentā (muitas atļauja Nr. … (1)), deklarē, ka, izņemot tur, kur ir citādi skaidri noteikts, šiem produktiem ir preferenciāla izcelsme … (2).

Il-verżjoni Litwana

Šiame dokumente išvardytų produktų eksportuotojas (muitinės liudijimo Nr. … (1)) deklaruoja, kad, jeigu kitaip nenurodyta, tai yra … (2) preferencinės kilmės produktai.

Il-verżjoni Ungeriża

A jelen okmányban szereplő áruk exportőre (vámfelhatalmazási szám: … (1)) kijelentem, hogy eltérő egyértelmű jelzés hianyában az áruk preferenciális … (2) származásúak.

Il-verżjoni Maltija

L-esportatur tal-prodotti koperti b'dan id-dokument (awtorizzazzjoni tad-dwana Nru … (1)) jiddikjara li, ħlief fejn indikat b'mod ċar li mhux hekk, dawn il-prodotti huma ta' oriġini preferenzjali … (2).

Il-verżjoni Olandiża

De exporteur van de goederen waarop dit document van toepassing is (douanevergunning nr. … (1)), verklaart dat, behoudens uitdrukkelijke andersluidende vermelding, deze goederen van preferentiële … oorsprong zijn (2).

Il-verżjoni Pollakka

Eksporter produktów objętych tym dokumentem (upoważnienie władz celnych nr … (1)) deklaruje, że z wyjątkiem gdzie jest to wyraźnie określone, produkty te mają … (2) preferencyjne pochodzenie.

Il-verżjoni Portugiża

O abaixo assinado, exportador dos produtos abrangidos pelo presente documento [autorização aduaneira n.o … (1)], declara que, salvo indicação expressa em contrário, estes produtos são de origem preferencial … (2).

Il-verżjoni Rumena

Exportatorul produselor ce fac obiectul acestui document (autorizația vamală nr. … (1)) declară că, exceptând cazul în care în mod expres este indicat altfel, aceste produse sunt de origine preferențialā … (2).

Il-verżjoni Slovena

Izvoznik blaga, zajetega s tem dokumentom (pooblastilo carinskih organov št. … (1)) izjavlja, da, razen če ni drugače jasno navedeno, ima to blago preferencialno … (2) poreklo.

Il-verżjoni Slovakka

Vývozca výrobkov uvedených v tomto dokumente (číslo povolenia … (1)) vyhlasuje, že okrem zreteľne označených, majú tieto výrobky preferenčný pôvod v … (2).

Il-verżjoni Finlandiża

Tässä asiakirjassa mainittujen tuotteiden viejä (tullin lupa n:o … (1)) ilmoittaa, että nämä tuotteet ovat, ellei toisin ole selvästi merkitty, etuuskohteluun oikeutettuja … alkuperätuotteita (2).

Il-verżjoni Svediża

Exportören av de varor som omfattas av detta dokument (tullmyndighetens tillstånd nr. … (1)) försäkrar att dessa varor, om inte annat tydligt markerats, har förmånsberättigande … ursprung (2).

Il-verżjonijiet tal-Afrika t'Isfel

Bagwebi ba go romela ntle ditöweletöwa töeo di akaretöwago ke tokumente ye (Nomoro ya ditöwantle ya tumelelo … (1)) ba ipolela gore ntle le moo go laeditöwego, ditöweletöwa töe ke töa go töwa (2) ka tlhago.

Moromelli wa sehlahiswa ya sireleditsweng ke tokomane ena (tumello ya thepa naheng No … (1)) e hlalosa hore, ka ntle ha eba ho hlalositswe ka tsela e nngwe ka nepo, dihlahiswa tsena ke tsa … tshimoloho e kgethilweng (2).

Moromelantle wa dikuno tse di tlhagelelang mo lokwalong le (lokwalo lwa tumelelo ya kgethiso No … (1)) o tlhomamisa gore, ntle le fa go tlhagisitsweng ka mokgwa mongwe, dikuno tse ke tsa … dinaga tse di thokegang (2).

Umtfumeli ngaphandle walemikhicito lebalwe kulomculu (ngeligunya lalokutfunyelwa ngaphandle Nombolo … (1)) lophakamisa kutsi, ngaphandle kwalapho lekuboniswe khona ngalokucacile, lemikhicito … ngeyendzabuko lebonelelwako (2).

Muvhambadzi wa zwibveledzwa mashangoni a nnda, (zwibveledzwa) zwine zwa vha zwo ambiwaho kha ili linwalo (linwalo la u neamaanda la mithelo ya zwitundwannda kana zwirumelwannda la vhu … (1)), li khou buletshedza uri, nga nnda ha musi zwo ambiwa nga inwe ndila-vho, zwibveledzwa hezwi ndi zwa … vhubwo hune ha khou funeseswa kana u takaleleswa (2).

Muxavisela-vambe wa swikumiwa leswi nga eka tsalwa leri (Xibalo xa switundziwa xa Nomboro … (1)) u boxa leswaku, handle ka laha swi kombisiweke, swikumiwa leswi i swa ntiyiso swa xilaveko xa le henhla swinene (2).

Die uitvoerder van die produkte gedek deur hierdie dokument (doeanemagtiging No … (1)) verklaar dat, uitgesonderd waar andersins duidelik aangedui, hierdie produkte van … voorkeuroorsprong (2) is.

Umthumelli-phandle wemikhiqizo ebalwe kilencwadi (inomboro … (1)) egunyaza imikhiqizo ephumako) ubeka uthi, ngaphandle kobana kutjengiswe ngendlela ethileko butjhatjhalazi, lemikhiqizo ine … mwelaphi enconyiswako (2).

Umthumeli weempahla ngaphandle kwelizwe wemveliso equkwa lolu xwebhu (iirhafu zempahla zesigunyaziso Nombolo … (1)) ubhengeza ukuthi, ngaphandle kwalapho kuboniswe ngokucacileyo, ezi mveliso … zezemvelaphi eyamkelekileyo kunezinye (2).

Umthumeli wempahla ebhaliwe kulo mqulu iNombolo … yokugunyaza yentela yempahla … (1) uyamemezela ukuthi, ngaphandle kokuthi kukhonjisiwe ngokusobala, le mikhiqizo iqhamuka … endaweni ekhethekileyo (2).

… (3)

(Post u data)

… (4)

(Il-firma tal-esportatur; kif ukoll, l-isem tal-persuna li ffirmat id-dikjarazzjoni għandu jidher b'mod leġibbli)

(1) Meta d-dikjarazzjoni tal-fattura ssir minn esportatur approvat fit-tifsira tal-Artikolu 20 tal-Protokoll, in-numru tal-awtorizzazzjoni tal-esportatur approvat irid jitniżżel f'dan l-ispazju. Meta d-dikjarazzjoni tal-fattura ma ssirx minn esportatur approvat, il-kliem fil-parenteżi jitħallew barra jew l-ispazju jitħalla vojt."

(2) L-oriġini tal-prodotti trid tiġi indikata. Meta d-dikjarazzjoni tal-fattura hija kollha jew parzjalment relatata mal-prodotti li joriġinaw minn Ceuta u Melilla fit-tifisra tal-Artikolu 36 tal-Protokoll, l-esportatur irid jindikahom b'mod ċar fid-dokument li fih issir id-dikjarazzjoni permezz tas-simbolu ‘CM’."

(3) Dawn l-indikazzjonijiet jistgħu jitħallew barra jekk l-informazzjoni tinsab fid-dokument innifsu."

(4) Ara l-Artikolu 19(5) tal-Protokoll. F'każijiet fejn l-esportatur m'għandux għalfejn jiffirma, l-eżenzjoni mill-firma timplika wkoll eżenzjoni mill-isem tal-firmatarju.”"

KAPITOLU II

DISPOŻIZZJONIJIET TRANŻITORJI

Artikolu 4

Merkanzija fi tranżitu jew f'maħżen temporanju

1. Id-dispożizzjonijiet tal-FKŻK jistgħu jiġu applikati għall-merkanzija esportata jew mir-Repubblika tal-Afrika t'Isfel lejn ir-Repubblika tal-Kroazja jew mir-Repubblika tal-Kroazja lejn ir-Repubblika tal-Afrika t'Isfel, li jikkonformaw mad-dispożizzjonijiet tal-Protokoll 1 tal-FKŻK u li fl-1 ta' Lulju 2013 kienu fi tranżitu jew f'maħżen temporanju, f'maħżen doganali jew f'żona libera fl-Afrika t'Isfel jew fil-Kroazja.

2. F'dan it-tip ta' każijiet jista' jingħata trattament preferenzjali, soġġett għall-preżentazzjoni, lill-awtoritajiet doganali tal-pajjiż importatur, fi żmien erba' xhur mid-data tad-dħul fis-seħħ tal-Protokoll, ta' prova ta' oriġini maħruġa b'mod retrospettiv mill-awtoritajiet doganali tal-pajjiż esportatur.

KAPITOLU III

DISPOŻIZZJONIJIET ĠENERALI U FINALI

Artikolu 5

Dan il-Protokoll jifforma parti integrali mill-FKŻK.

Artikolu 6

1. Dan il-Protokoll jiġi approvat mill-Unjoni Ewropea u l-Istati Membri tagħha u mir-Repubblika tal-Afrika t'Isfel skont il-proċeduri interni rispettivi tagħhom.

2. Il-Partijiet Kontraenti jinnotifikaw lil xulxin bit-twettiq tal-proċeduri rilevanti li jirreferi għalihom il-paragrafu 1. L-istrumenti ta' approvazzjoni jiġu depożitati mas-Segretarjat Ġenerali tal-Kunsill tal-Unjoni Ewropea.

3. Sakemm jidħol fis-seħħ il-Protokoll, il-Partijiet Kontraenti jaqblu li japplikaw provviżorjament dan il-Protokoll għaxart ijiem wara l-wasla tan-notifika tal-applikazzjoni provviżorja mill-Unjoni Ewropea jew ir-ratifika mir-Repubblika tal-Afrika t'Isfel, skont liema jiġi l-aħħar. L-applikazzjoni provviżorja tiġi nnotifikata lis-Segretarju Ġenerali tal-Kunsill tal-Unjoni Ewropea u lill-Ministru tal-Industrija u l-Kummerċ tar-Repubblika tal-Afrika t'Isfel, jew is-suċċessur tiegħu.

4. Mal-applikazzjoni provviżorja, ir-referenzi kollha f'dan il-Protokoll għad-dħul fis-seħħ ta' dan il-Protokoll jitqiesu li jirreferu għad-data li l-applikazzjoni provviżorja tidħol fis-seħħ.

Artikolu 7

1. Dan il-Protokoll jidħol fis-seħħ fl-ewwel jum tal-ewwel xahar wara d-data tad-depożitu tal-aħħar strument ta' approvazzjoni.

2. Minkejja l-paragrafu 1, il-Partijiet Kontraenti jaqblu li japplikaw l-Artikoli 3 u 4 ta' dan il-Protokoll b'effett mill-1 ta' Lulju 2013.

Artikolu 8

Dan il-Protokoll tfassal f'żewġ kopji bil-lingwa Bulgara, Kroata, Ċeka, Daniża, Olandiża, Ingliża, Estonjana, Finlandiża, Franċiża, Ġermaniża, Griega, Ungeriża, Taljana, Latvjana, Litwana, Maltija, Pollakka, Portugiża, Rumena, Slovena, Slovakka, Spanjola, Żvediża u bil-lingwi uffiċjali tar-Repubblika tal-Afrika t'Isfel, minbarra l-Ingliż, jiġifieri bis-Sepedi, is-Sesotho, is-Setswana, is-siSwati, it-Tshivenda, ix-Xitsonga, l-Afrikaans, l-isiNdebele, l-isiXhosa u l-isiZulu, u dawn it-testi huma kollha awtentiċi ndaqs.

Съставено в Кейп Таун на дванадесети март и в Рига на двадесет и седми март две хиляди и петнадесета година.

Hecho en Ciudad del Cabo el doce de marzo y en Riga el veintisiete de marzo de dos mil quince.

V Kapském Městě dne dvanáctého března a v Rize dne dvacátého sedmého března dva tisíce patnáct.

Udfærdiget i Cape Town den tolvte marts og i Riga den syvogtyvende marts to tusind og femten.

Geschehen zu Kapstadt am zwölften März und zu Riga am siebenundzwanzigsten März zweitausendfünfzehn.

Sõlmitud kahe tuhande viieteistkümnenda aasta märtsikuu kaheteistkümnendal päeval Kaplinnas ja kahekümne seitsmendal päeval Riias.

Έγινε στο Κέιπ Τάουν τη δωδέκατη ημέρα του Μαρτίου και στη Ρίγα την εικοστή έβδομη ημέρα του Μαρτίου του έτους δύο χιλιάδες δεκαπέντε.

Done at Cape Town on the twelfth day of March and at Riga on the twenty-seventh day of March in the year two thousand and fifteen.

Fait au Cap, le douze mars, et à Riga, le vingt-sept mars deux mille quinze.

Sastavljeno u Cape Townu dana dvanaestog ožujka te u Rigi dana dvadeset sedmog ožujka godine dvije tisuće petnaeste.

Fatto a Città del Capo il dodici marzo e a Riga il ventisette marzo dell'anno duemilaquindici.

Keiptaunā, divi tūkstoši piecpadsmitā gada divpadsmitajā martā, un Rīgā, divi tūkstoši piecpadsmitā gada divdesmit septītajā martā.

Priimta Keiptaune du tūkstančiai penkioliktųjų metų kovo dvyliktą dieną ir Rygoje kovo dvidešimt septintą dieną.

Kelt Fokvárosban, a kétezer-tizenötödik év március havának tizenkettedik napján, illetve Rigában, március havának huszonhetedik napján.

Magħmul f'Cape Town fit-tnax-il jum ta' Marzu u f'Riga fis-sebgħa u għoxrin jum ta' Marzu tas-sena elfejn u ħmistax.

Gedaan te Kaapstad, de twaalfde maart, en te Riga, de zevenentwintigste maart tweeduizend vijftien.

Sporządzono w Cape Town dnia dwunastego marca oraz w Rydze dnia dwudziestego siódmego marca dwa tysiące piętnastego roku.

Feito na Cidade do Cabo aos doze dias do mês de março e em Riga aos vinte e sete dias do mês de março de dois mil e quinze.

Întocmit la Cape Town, la doisprezece martie și la Riga, la douăzeci și șapte martie, în anul două mii cincisprezece.

V Kapskom Meste dvanásteho marca a v Rige dvadsiateho siedmeho marca roku dvetisíc pätnásť.

V Cape Townu, dvanajstega marca, in v Rigi, sedemindvajsetega marca dva tisoč petnajst.

Tehty Kapkaupungissa kahdentenatoista päivänä maaliskuuta ja Riiassa kahdentenakymmenentenäseitsemäntenä päivänä maaliskuuta vuonna kaksituhattaviisitoista.

Som skedde i Kapstaden den tolfte mars och i Riga den tjugosjunde mars år tjugohundrafemton.

8.5.2015

Il-Ġurnal Uffiċjali tal-Unjoni Ewropea

L 117/13

REGOLAMENT TAL-KUNSILL (UE) 2015/735

tas-7 ta' Mejju 2015

dwar miżuri restrittivi fid-dawl tas-sitwazzjoni fis-Sudan t'Isfel, u li jħassar ir-Regolament (UE) Nru 748/2014

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 215 tiegħu,

Wara li kkunsidra l-proposta konġunta tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà u tal-Kummissjoni Ewropea,

Billi:

(1)

Ir-Regolament tal-Kunsill (UE) Nru 748/2014 (1) jagħti effett għad-Deċiżjoni tal-Kunsill 2014/449/PESK (2) u jipprevedi restrizzjonijiet fuq l-ammissjoni u l-iffriżar ta' fondi u riżorsi ekonomiċi ta' persuni li jostakolaw il-proċess politiku fis-Sudan t'Isfel, inkluż permezz ta' atti ta' vjolenza jew ksur ta' ftehim ta' waqfien mill-ġlied, kif ukoll ta' persuni responsabbli għal vjolazzjonijiet serji tad-drittijiet tal-bniedem fis-Sudan t'Isfel.

(2)

Fit-3 ta' Marzu 2015, il-Kunsill tas-Sigurtà tan-Nazzjonijiet Uniti adotta r-Riżoluzzjoni (UNSCR) 2206 (2015) li tipprevedi restrizzjonijiet fuq l-ammissjoni u l-iffriżar ta' fondi u riżorsi ekonomiċi ta' ċerti persuni responsabbli għal, kompliċi fi, jew li kienu involuti, direttament jew indirettament, f'azzjonijiet jew politiki li jheddu l-paċi, is-sigurtà jew l-istabbiltà tas-Sudan t'Isfel.

(3)	Fid-Deċiżjoni (PESK) 2015/740 (3), il-Kunsill iddeċieda li jintegra l-miżuri restrittivi previsti mill-UNSCR 2206 (2015) u l-miżuri restrittivi imposti bid-Deċiżjoni 2014/449/PESK fi strument ġuridiku uniku.

(4)	Uħud minn dawk il-miżuri jaqgħu fil-kamp ta' applikazzjoni tat-Trattat u għalhekk hija meħtieġa azzjoni regolatorja fil-livell tal-Unjoni sabiex isiru effettivi, partikolarment bil-ħsieb li tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha.

(5)

Dan ir-Regolament jirrispetta d-drittijiet fundamentali u josserva l-prinċipji rikonoxxuti b'mod partikolari mill-Karta tad-Drittijiet Fundamentali tal-Unjoni Ewropea, u b'mod partikolari d-dritt għal rimedju effettiv u għal proċess ġust u d-dritt għall-protezzjoni tad-dejta personali. Dan ir-Regolament għandu jiġi applikat skont dawk id-drittijiet.

(6)

Is-setgħa li tiġi emendata l-lista fl-Annessi I u II għal dan ir-Regolament għandha tiġi eżerċitata mill-Kunsill, fid-dawl tat-theddida speċifika għall-paċi internazzjonali u s-sigurtà fir-reġjun li tirriżulta mis-sitwazzjoni fis-Sudan t'Isfel u sabiex tiġi żgurata l-konsistenza mal-proċess għall-emendar u r-reviżjoni tal-Annessi għad-Deċiżjoni (PESK) 2015/740.

(7)

Għall-implimentazzjoni ta' dan ir-Regolament, u sabiex tiġi żgurata ċertezza legali massima fl-Unjoni, l-ismijiet u dejta oħra rilevanti li jikkonċernaw persuni fiżiċi u ġuridiċi, entitajiet u korpi li l-fondi u r-riżorsi ekonomiċi tagħhom iridu jiġu ffriżati f'konformità ma' dan ir-Regolament, iridu jsiru pubbliċi. Kull ipproċessar ta' dejta personali għandu jkun konformi mad-Direttiva 95/46/KE tal-Parlament Ewropew u tal-Kunsill (4) u mar-Regolament (KE) Nru 45/2001 tal-Parlament Ewropew u tal-Kunsill (5).

(8)	Ir-Regolament (UE) Nru 748/2014 għandu jitħassar u għandu jiġi sostitwit b'dan ir-Regolament,

ADOTTA DAN IR-REGOLAMENT:

Artikolu 1

Għall-finijiet ta' dan ir-Regolament, japplikaw id-definizzjonijiet li ġejjin:

(a)

“servizzi ta' senserija” tfisser:

(i)	in-negozjar jew l-arranġament ta' tranżazzjonijiet għax-xiri, il-bejgħ jew il-provvista ta' beni u teknoloġija jew ta' servizzi finanzjarji u tekniċi, minn pajjiż terz lejn kwalunkwe pajjiż terz ieħor; jew

(ii)	il-bejgħ jew ix-xiri ta' beni u teknoloġija, jew ta' servizzi finanzjarji u tekniċi, li jinsabu f'pajjiżi terzi għat-trasferiment tagħhom lejn pajjiż terz ieħor;

(b)

“pretensjoni” tfisser kull pretensjoni, sew jekk asserita permezz ta' proċeduri legali sew jekk le, li tkun saret qabel jew wara d-data tad-dħul fis-seħħ ta' dan ir-Regolament, taħt kuntratt jew tranżazzjoni, jew b'rabta ma' wieħed minnhom, u b'mod partikolari tinkludi:

(i)	pretensjoni għall-eżekuzzjoni ta' kull obbligu li jirriżulta taħt kuntratt jew tranżazzjoni, jew b'rabta ma' wieħed minnhom;

(ii)	pretensjoni għall-proroga jew għall-ħlas ta' bond, garanzija finanzjarja jew indennizz ta' kwalunkwe forma;

(iii)

pretensjoni għal kumpens fir-rigward ta' kuntratt jew tranżazzjoni;

(iv)	kontropretensjoni;

(v)	pretensjoni għar-rikonoxximent jew l-eżekuzzjoni, inkluż bil-proċedura ta' exequatur, ta' sentenza, ta' deċiżjoni bl-arbitraġġ jew ta' deċiżjoni ekwivalenti, irrispettivament minn fejn tittieħed jew tingħata;

(c)

“kuntratt jew tranżazzjoni” tfisser kull tranżazzjoni ta' kwalunkwe forma u tkun xi tkun il-liġi applikabbli, li tista' tikkonsisti f'kuntratt wieħed jew aktar jew obbligi simili magħmula bejn l-istess partijiet jew partijiet differenti; għal dan l-iskop, “kuntratt” jinkludi bond, garanzija jew indennizz, b'mod partikolari garanzija finanzjarja jew indennizz finanzjarju, u kreditu, sew jekk legalment indipendenti jew le, kif ukoll kwalunkwe dispożizzjoni relatata li tirriżulta mit-tranżazzjoni, jew b'konnessjoni magħha;

(d)	“awtoritajiet kompetenti” tfisser l-awtoritajiet kompetenti tal-Istati Membri kif identifikati fuq is-siti elettroniċi elenkati fl-Anness III;

(e)	“riżorsi ekonomiċi” tfisser assi ta' kull tip, kemm tanġibbli kif ukoll intanġibbli, mobbli jew immobbli, li mhumiex fondi, iżda li jistgħu jintużaw biex jinkisbu fondi, beni jew servizzi;

(f)	“iffriżar ta' riżorsi ekonomiċi” tfisser il-prevenzjoni tal-użu ta' riżorsi ekonomiċi għall-akkwist ta' fondi, beni jew servizzi b'kull mod, inkluż, iżda mhux limitat għall-bejgħ, il-kiri jew l-ipotekar tagħhom;

(g)

“iffriżar tal-fondi” tfisser il-prevenzjoni ta' kull moviment, trasferiment, alterazzjoni, użu, aċċess għal, jew innegozjar ta' fondi b'mod li jwassak għal xi bidla fil-volum, l-ammont, il-post, il-propjetà, il-pussess, il-karattru, id-destinazzjoni jew xi bidla oħra li tipermetti li l-fondi jintużaw, inkluż l-amministrazzjoni tal-portafolli;

(h)

“fondi” tfisser assi finanzjarji u benefiċċji ta' kull xorta, inkluż, iżda mhux limitat għal:

(i)	flus kontanti, ċekkijiet, pretensjonijiet fuq flus, kambjali, ordnijiet ta' flus u strumenti oħra ta' ħlas;

(ii)	depożiti ma' istituzzjonijiet finanzjarji jew entitajiet oħra, bilanċi fuq kontijiet, dejn u obbligi ta' dejn;

(iii)

titoli u strumenti ta' dejn innegozjati pubblikament u privatament, inkluż stokks u ishma, ċertifikati li jirrappreżentaw titoli, bonds, noti, warrants, obbligazzjonijiet u kuntratti tad-derivattivi;

(iv)	imgħax, dividendi jew introjtu ieħor minn assi jew valur li jirriżulta jew li hu iġġenerat minnhom;

(v)	kreditu, dritt ta' tpaċija, garanziji, garanziji tal-eżekuzzjoni jew impenji finanzjarji oħra;

(vi)	ittri ta' kreditu, poloz tat-tagħbija, poloz ta' bejgħ; u

(vii)

dokumenti li jagħtu prova ta' interess f'fondi jew f'riżorsi finanzjarji;

(i)

“assistenza teknika” tfisser kwalunkwe appoġġ tekniku relatat ma' tiswijiet, żvilupp, manifattura, muntaġġ, ittestjar, manutenzjoni, jew kwalunkwe servizz tekniku ieħor, u tista' tieħu forom ta' istruzzjoni, pariri, taħriġ, trażmissjoni ta' tagħrif prattiku jew ħiliet jew servizzi ta' konsulenza, inkluż forom verbali ta' assistenza;

(j)	“territorju tal-Unjoni” tfisser it-territorji tal-Istati Membri li għalihom huwa applikabbli t-Trattat, taħt il-kondizzjonijiet stabbiliti fit-Trattat, inkluż l-ispazju tal-ajru tagħhom.

Artikolu 2

Għandu jkun ipprojbit:

(1)

l-għoti ta' assistenza teknika jew servizzi ta' senserija relatati ma' attivitajiet militari u mal-fornitura, manifattura, manutenzjoni u l-użu ta' armi u materjal relatat ta' kull tip, inkluż armi u munizzjon, vetturi u tagħmir militari, tagħmir paramilitari, u l-partijiet ta' sostituzzjoni għalihom, direttament jew indirettament lil kull persuna fiżika jew ġuridika, entità jew korp fis-Sudan t'Isfel, jew għall-użu f'dak il-pajjiż;

(2)

l-għoti ta' finanzjar jew assistenza finanzjarja relatati ma' attivitajiet militari, inkluż b'mod partikolari għotjiet, self u assigurazzjoni ta' kreditu fuq esportazzjoni, kif ukoll assigurazzjoni u riassigurazzjoni, għal kull bejgħ, forniment, trasferiment jew esportazzjoni ta' armi u materjal relatat, jew għal forniment ta' assistenza teknika relatata, direttament jew indirettament lil kull persuna fiżika jew ġuridika, entità jew korp fis-Sudan t'Isfel, jew għall-użu f'dak il-pajjiż.

Artikolu 3

1. B' deroga mill-Artikolu 2, l-awtoritajiet kompetenti jistgħu jawtorizzaw l-għoti ta' finanzjar u assistenza finanzjarja, assistenza teknika u servizzi ta' senserija fir-rigward ta':

(a)	apparat militari mhux letali maħsub unikament għall-użu umanitarju, ta' monitoraġġ tad-drittijiet tal-bniedem jew għal użu protettiv, jew għal programmi ta' bini ta' istituzzjonijiet tan-NU, l-Unjoni Afrikana (UA), l-Unjoni Ewropea (UE) u l-Awtorità Intergovernattiva għall-Iżvilupp (IGAD);

(b)	materjal maħsub għall-operazzjonijiet ta' maniġġar ta' kriżijiet tal-UE, in-NU u tal-UA;

(c)	tagħmir għat-tneħħija tal-mini u materjal għall-użu f'operazzjonijiet tat-tneħħija tal-mini;

(d)	appoġġ għall-proċess ta' Riforma fis-Settur tas-Sigurtà fis-Sudan t'Isfel.

2. L-ebda awtorizzazzjoni ma għandha tingħata għal attivitajiet li jkunu diġà saru.

Artikolu 4

L-Artikolu 2 ma għandux japplika għal ilbies protettiv, inklużi ġkieket rinforzati bil-metall u elmi militari, temporanjament esportati lejn is-Sudan t'Isfel mill-persunal tal-UE jew tal-Istati Membri tiegħu, mill-persunal tan-NU jew tal-IGAD jew minn rappreżentanti tal-midja, ħaddiema umanitarji u tal-iżvilupp u l-persunal assoċjat għall-użu personali tagħhom biss.

Artikolu 5

1. Il-fondi u r-riżorsi ekonomiċi kollha li jappartjenu, li huma l-proprjetà, jew li huma fil-pussess jew taħt il-kontroll ta' kwalunkwe persuna fiżika jew ġuridika, entità jew korp elenkat fl-Anness I għandhom jiġu ffriżati. L-Anness I għandu jinkludi persuni fiżiċi u ġuridiċi, entitajiet u korpi identifikati mill-Kumitat tal-Kunsill tas-Sigurtà tan-NU stabbilit skont il-paragrafu 16 tal-UNSCR 2206 (2015) (“Il-Kumitat tas-Sanzjonijiet”) bħala responsabbli għal, jew kompliċi fi, jew li kienu involuti, direttament jew indirettament, f'azzjonijiet jew politiki li jheddu l-paċi, is-sigurtà jew l-istabbiltà tas-Sudan t'Isfel, skont il-paragrafi 6, 7, 8 u 12 tal-UNSCR 2206 (2015).

2. Il-fondi u r-riżorsi ekonomiċi kollha li jappartjenu, li huma l-proprjetà, jew li huma fil-pussess jew taħt il-kontroll ta' xi persuna fiżika jew ġuridika, entità jew korp kif elenkat fl-Anness II għandhom jiġu ffriżati. L-Anness II għandu jinkludi persuni fiżiċi jew ġuridiċi, entitajiet u korpi li, skont l-Artikolu 6(1)(b) tad-Deċiżjoni (PESK) 2015/740, ġew identifikati mill-Kunsill bħala responsabbli li qed ixekklu l-proċess politiku fis-Sudan t'Isfel, inkluż b'atti ta' vjolenza jew ksur ta' ftehimiet ta' waqfien mill-ġlied, kif ukoll persuni responsabbli għal ksur serju ta' drittijiet tal-bniedem fis-Sudan t'Isfel, u persuni fiżiċi jew ġuridiċi, entitajiet jew korpi assoċjati magħhom.

3. L-ebda fondi jew riżorsi ekonomiċi ma għandhom isiru disponibbli, direttament jew indirettament, lil jew għal-benefiċċju ta' persuni fiżiċi jew ġuridiċi, entitajiet jew korpi elenkati fl-Annessi I u II.

Artikolu 6

B' deroga mill-Artikolu 5(1), l-awtoritajiet kompetenti jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jew iqiegħdu għad-disponibbli ċerti fondi jew riżorsi ekonomiċi ffriżati, skont kondizzjonijiet li jqisu xierqa, sakemm il-kondizzjonijiet li ġejjin jiġu ssodisfati:

(a)

l-awtorità kompetenti kkonċernata tkun iddeterminat li l-fondi jew ir-riżorsi ekonomiċi huma:

(i)	neċessarji biex jissodisfaw il-ħtiġijiet bażiċi ta' persuni fiżiċi jew ġuridiċi, entitajiet jew korpi elenkati fl-Anness I, inkluż ħlas għal oġġetti tal-ikel, kera jew ipoteki, mediċini u trattament mediku, taxxi, primjums tal-assigurazzjoni, u spejjeż ta' servizzi pubbliċi;

(ii)	maħsuba esklużivament għall-ħlas ta' tariffi professjonali raġonevoli jew għar-rimborż ta' spejjeż marbutin mal-għoti ta' servizzi legali; jew

(iii)

maħsuba esklużivament għall-ħlas ta' tariffi jew imposti għal servizzi ta' kustodja jew ġestjoni normali ta' fondi jew riżorsi ekonomiċi ffriżati;

(b)	l-Istat Membru kkonċernat ikun innotifika lill-Kumitat tas-Sanzjonijiet bid-deċiżjoni msemmija fil-punt (a) u bl-intenzjoni tiegħu li jagħti l-awtorizzazzjoni, u l-Kumitat tas-Sanzjonijiet ma jkunx oġġezzjona għal din l-azzjoni fi żmien ħamest ijiem ta' xogħol min-notifika.

Artikolu 7

B'deroga mill-Artikolu 5(1), l-awtoritajiet kompetenti jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jew iqiegħdu għad-disponibbli ċerti fondi jew riżorsi ekonomiċi ffriżati, skont kondizzjonijiet li jitqiesu xierqa, sakemm il-kondizzjonijiet kollha li ġejjin jiġu ssodisfati:

(a)	l-awtorità kompetenti kkonċernata tkun iddeterminat li l-fondi jew ir-riżorsi ekonomiċi huma meħtieġa għal spejjeż straordinarji;

(b)	l-Istat Membru kkonċernat ikun innotifika lill-Kumitat tas-Sanzjonijiet b'dik id-determinazzjoni u l-Kumitat tas-Sanzjonijiet ikun approva dik id-determinazzjoni.

Artikolu 8

1. B'deroga mill-Artikolu 5(2), l-awtoritajiet kompetenti jistgħu jawtorizzaw ir-rilaxx ta' ċerti fondi jew riżorsi economiċi ffriżati jew iqiegħdu għad-disposizzjoni ċerti fondi jew riżorsi economiċi ffriżati, taħt il-kondizzjonijiet li huma jqisu xierqa, wara li jkunu ddeterminaw li l-fondi jew r-riżorsi economiċi kkonċernati huma:

(a)

neċessarji biex jissodisfaw il-ħtiġijiet bażiċi ta' persuni fiżiċi jew ġuridiċi, entitajiet jew korpi elenkati fl-Anness II, u tal-membri dipendenti tal-familji ta' dawn il-persuni fiżiċi, inklużi ħlas għal oġġetti tal-ikel, kera jew ipoteki, mediċini u trattament mediku, taxxi, primjums tal-assigurazzjoni, u spejjeż ta' servizzi pubbliċi;

(b)	maħsuba esklużivament għall-ħlas ta' tariffi professjonali raġonevoli jew għar-rimborż ta' spejjeż marbutin mal-għoti ta' servizzi legali;

(c)	maħsuba esklużivament għall-ħlas ta' tariffi jew imposti għal servizzi ta' kustodja jew ġestjoni normali ta' fondi jew riżorsi ekonomiċi ffriżati; jew

(d)	neċessarji għal spejjeż straordinarji, sakemm l-awtorità kompetenti rilevanti tkun innotifikat lill-awtoritajiet kompetenti ta' Stati Membri oħrajn u lill-Kummissjoni bir-raġunijiet li għalihom tqis li għandha tingħata awtorizzazzjoni speċifika, tal-inqas ġimagħtejn qabel l-awtorizzazzjoni.

2. L-Istat Membru kkonċernat għandu jinforma lill-Istati Membri l-oħra u lill-Kummissjoni dwar kull awtorizzazzjoni mogħtija skont il-paragrafu 1.

Artikolu 9

B'deroga mill-Artikolu 5(1), l-awtoritajiet kompetenti, jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, sakemm il-kondizzjonijiet kollha li ġejjin jiġu ssodisfati:

(a)	il-fondi jew ir-riżorsi ekonomiċi kkonċernati huma s-suġġett ta' garanzija ġudizzjarja, amministrattiva jew arbitrali stabbilita qabel id-data tal-adozzjoni tal-UNSCR 2206 (2015), jew ta' sentenza ġudizzjarja, amministrattiva jew arbitrali mogħtija qabel dik id-data;

(b)

il-fondi jew ir-riżorsi ekonomiċi inkwistjoni ser jintużaw esklużivament sabiex jissodisfaw pretensjonijiet assigurati b'tali garanzija jew rikonoxxuti bħala validi f'tali sentenza, fil-limiti stabbiliti bil-liġijiet u r-regolamenti applikabbli li jirregolaw id-drittijiet tal-persuni li jkollhom dawn il-pretensjonijiet;

(c)	il-garanzija jew is-sentenza ma tkunx għall-benefiċċju ta' persuna, entità jew korp elenkati fl-Anness I jew II;

(d)	ir-rikonoxximent tal-garanzija jew tas-sentenza ma jmurx kontra l-ordni pubbliku fl-Istat Membru kkonċernat;

(e)	il-Kumitat tas-Sanzjonijiet ikun ġie nnotifikat mill-Istat Membru bil-garanzija jew bis-sentenza.

Artikolu 10

1. B'deroga mill-Artikolu 5(2), l-awtoritajiet kompetenti jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, sakemm il-kondizzjonijiet kollha li ġejjin jiġu ssodisfati:

(a)

il-fondi jew ir-riżorsi ekonomiċi huma s-suġġett ta' deċiżjoni arbitrarja stabbilita qabel id-data li fiha l-persuna fiżika jew ġuridika, l-entità jew korp imsemmijin fl-Artikolu 5(2) ġew elenkati fl-Anness II, jew ta' deċiżjoni ġudizzjarja jew amministrattiva mogħtija fi Stat Membru, jew deċiżjoni ġudizzjarja eżegwibbli fl-Istat Membru kkonċernat, qabel jew wara dik id-data;

(b)

il-fondi jew riżorsi ekonomiċi ser jintużaw esklużivament biex jagħmlu tajjeb għal pretensjonijiet assigurati mit-tali sentenza jew rikonoxxuti bħala validi fit-tali sentenza, fil-limiti stabbiliti mil-liġijiet u regolamenti applikabbli li jirregolaw id-drittijiet ta' persuni li jkollhom dawn il-pretensjonijiet;

(c)	id-deċiżjoni ma tkunx għall-benefiċċju ta' persuna fiżika jew ġuridika, entità jew korp elenkat fl-Anness I jew II;

(d)	ir-rikonoxximent tad-deċiżjoni ma jmurx kontra l-ordni pubbliku fl-Istat Membru kkonċernat.

2. L-Istat Membru kkonċernat għandu jinforma lill-Istati Membri l-oħra u lill-Kummissjoni dwar kull awtorizzazzjoni mogħtija skont il-paragrafu 1.

Artikolu 11

B'deroga mill-Artikolu 5(1) u sakemm pagament minn persuna fiżika jew ġuridika, entità jew korp elenkati fl-Anness I ikun dovut taħt kuntratt jew ftehim li ġie konkluż minn, jew obbligu li nħoloq għall-persuna fiżika jew ġuridika, entità jew korp ikkonċernat qabel id-data ta' meta dik il-persuna fiżika jew ġuridika, entità jew korp kienu nnominati mill-Kunsill tas-Sigurtà tan-NU, jew mill-Kumitat tas-Sanzjonijiet, l-awtoritajiet kompetenti jistgħu jawtorizzaw, taħt dawk il-kondizzjonijiet li huma jqisu adatti, ir-rilaxx ta' ċerti fondi jew riżorsi ekonomiċi ffriżati, sakemm l-awtorità kompetenti kkonċernata tkun iddeterminat dan kollu li ġej:

(a)	il-fondi jew ir-riżorsi ekonomiċi ser jintużaw għal pagament minn persuna fiżika jew ġuridika, entità jew korp elenkati fl-Anness I;

(b)	il-pagament ma jkunx bi ksur tal-Artikolu 5(3);

(c)	il-Kumitat tas-Sanzjonijiet ikun ġie nnotifikat mill-Istat Membru relevanti dwar l-intenzjoni li jagħti awtorizzazzjoni għaxart ijiem ta' xogħol bil-quddiem.

Artikolu 12

1. B'deroga mill-Artikolu 5(2) u sakemm pagament minn persuna fiżika jew ġuridika, entità jew korp elenkati fl-Anness II ikun dovut taħt kuntratt jew ftehim li ġie konkluż minn, jew obbligu li nħoloq għall-persuna fiżika jew ġuridika, entità jew korp ikkonċernat qabel id-data ta' meta dik il-persuna fiżika jew ġuridika, entità jew korp iddaħħlu fl-Anness II, l-awtoritajiet kompetenti, jistgħu jawtorizzaw, taħt dawk il-kondizzjonijiet li huma jqisu adatti, ir-rilaxx ta' ċerti fondi jew riżorsi ekonomiċi ffriżati, sakemm l-awtorità kompetenti kkonċernata tkun iddeterminat dan kollu li ġej:

(a)	il-fondi jew ir-riżorsi ekonomiċi ser jintużaw għal pagament minn persuna fiżika jew ġuridika, entità jew korp elenkati fl-Anness II;

(b)	il-pagament ma jkunx bi ksur tal-Artikolu 5(3).

2. L-Istat Membru kkonċernat għandu jinforma lill-Istati Membri l-oħra u lill-Kummissjoni dwar kull awtorizzazzjoni mogħtija skont il-paragrafu 1.

Artikolu 13

1. L-Artikolu 5(3) ma għandux iwaqqaf l-ikkreditar ta' kontijiet iffriżati minn istituzzjonijiet finanzjarji jew ta' kreditu li jirċievu fondi ttrasferiti minn partijiet terzi fil-kont tal-persuna fiżika jew ġuridika, tal-entità jew tal-korp elenkati, sakemm kull żieda f'dawn il-kontijiet tiġi ffriżata wkoll. L-istituzzjoni finanzjarja jew ta' kreditu għandha tinforma lill-awtorità kompetenti rilevanti bi kwalunkwe tranżazzjoni bħal din mingħajr dewmien.

2. Sakemm kull tali mgħax, qligħ u pagamenti oħrajn jiġu ffriżati skont l-Artikolu 5(1) u (2), l-Artikoli 5(3) ma għandux japplika għaż-żieda fil-kontijiet iffriżati ta' kwalunkwe minn dawn li jmiss:

(a)	imgħax jew qligħ ieħor f'dawk il-kontijiet; jew

(b)	ħlasijiet dovuti taħt kuntratti, ftehimiet jew obbligi li jkunu ġew konklużi jew li nħolqu qabel id-data li fiha l-persuna fiżika jew ġuridika, l-entità jew il-korp imsemmijin fl-Artikolu 5 jkunu ġew inklużi fl-Anness I jew II.

3. Fir-rigward ta' persuni fiżiċi jew ġuridiċi, entitajiet jew korpi elenkati fl-Anness II, l-Artikolu 5(3) ma għandux japplika għaż-żieda fil-kontijiet iffriżati ta' pagamenti dovuti taħt deċiżjonijiet ġudizzjarji, amministrattivi jew arbitrali mogħtija fi Stat Membru jew eżegwibbli fl-Istat Membru kkonċernat, sakemm kull tali pagament jiġi ffriżat skont l-Artikolu 5(2).

Artikolu 14

1. Mingħajr preġudizzju għar-regoli applikabbli dwar ir-rappurtar, il-kunfidenzjalità u s-segretezza professjonali, il-persuni fiżiċi u ġuridiċi, l-entitajiet u l-korpi għandhom:

(a)

ifornu minnufih kull informazzjoni li tiffaċilita l-konformità ma' dan ir-Regolament, bħall-informazzjoni fuq kontijiet u l-ammonti ffriżati skont l-Artikolu 5 lill-awtorità kompetenti tal-Istat Membru fejn ikunu residenti jew fejn jinsabu, u għandhom jittrażmettu din l-informazzjoni, direttament jew permezz tal-Istat Membru, lill-Kummissjoni; u

(b)	jikkooperaw mal-awtoritajiet kompetenti fi kwalunkwe verifika ta' din l-informazzjoni.

2. Kull informazzjoni addizzjonali riċevuta direttament mill-Kummissjoni għandha tkun disponibbli għall-Istati Membri.

3. Kull informazzjoni mogħtija jew riċevuta skont dan l-Artikolu għandha tintuża biss għall-finijiet li għalihom tkun ngħatat jew ġiet riċevuta.

Artikolu 15

Il-parteċipazzjoni, konsapevoli u intenzjonata, f'attivitajiet li għandhom l-għan jew l-effett li jevitaw il-miżuri imsemmija fl-Artikli 2 u 5 għandha tkun ipprojbita.

Artikolu 16

1. L-iffriżar ta' fondi u riżorsi ekonomiċi jew ir-rifjut li dawn il-fondi jew ir-riżorsi ekonomiċi jitqiegħdu għad-dispożizzjoni, li jkun sar in bona fede u għar-raġuni li tali azzjoni tikkonforma ma' dan ir-Regolament, ma għandu joħloq l-ebda tip ta' responsabbiltà fuq il-persuna fiżika jew ġuridika, l-entità jew il-korp li jkunu qed jimplimentawha, la għad-diretturi u lanqas għall-impjegati tagħhom, sakemm ma jiġix ippruvat li l-fondi u r-riżorsi ekonomiċi ġew iffriżati jew miżmuma minħabba negliġenza.

2. L-azzjonijiet mill-persuni fiżiċi jew ġuridiċi, entitajiet jew korpi ma għandhomx jagħtu lok għal responsabbiltà tal-ebda xorta fuq in-naħa tagħhom jekk huma ma kinux jafu, u ma kellhom l-ebda raġuni valida biex jissuspettaw, li l-azzjonijiet tagħhom jiksru l-miżuri stabbiliti f'dan ir-Regolament.

Artikolu 17

1. Ebda pretensjoni b'konnessjoni ma' xi kuntratt jew tranżazzjoni fejn il-prestazzjoni ta' dawn tkub ġiet affettwata, direttament jew indirettament, b'mod sħiħ jew parzjalment, mill-miżuri imposti skont dan ir-Regolament inklużi pretensjonijiet għal indennizz jew kwalunkwe pretensjoni oħra ta' dan it-tip, bħal pretensjoni għal kumpens jew pretensjoni taħt garanzija, b'mod partikolari pretensjoni għal proroga jew ħlas ta' bond, garanzija jew indennizz, b'mod partikolari garanzija finanzjarja jew indennizz finanzjarju, ta' kwalunkwe għamla, ma għandha tiġi sodisfatta, jekk din issir minn:

(a)	persuni fiżiċi jew ġuridiċi, entitajiet jew korpi nominati, elenkati fl-Anness I jew II;

(b)	kull persuna, entità jew korp li taġixxi permezz ta' waħda mill-persuni, l-entitajiet jew il-korpi jew li taġixxi f'isimhom, imsemmija fil-punt (a).

2. Fi kwalunkwe proċedura għall-eżekuzzjoni ta' pretensjoni, l-obbligu ta' prova li l-issodisfar tal-pretensjoni mhux ipprojbit bil-paragrafu 1, għandu jkun fuq il-persuna fiżika jew ġuridika, l-entità jew il-korp li jkunu qed ifittxu l-eżekuzzjoni ta' dik il-pretensjoni.

3. Dan l-Artikolu huwa bla preġudizzju għad-dritt tal-persuni fiżiċi jew ġuridiċi, l-entitajiet u l-korpi msemmija fil-paragrafu 1 għal reviżjoni ġudizzjarja tal-legalità tan-nonadempiment ta' obbligi kuntrattwali skont dan ir-Regolament.

Artikolu 18

1. Il-Kummissjoni u l-Istati Membri għandhom jinfurmaw lil xulxin dwar il-miżuri meħuda taħt dan ir-Regolament u għandhom jikkondividu kull informazzjoni oħra rilevanti li jkollhom għad-dispożizzjoni tagħhom b'rabta ma' dan ir-Regolament, partikolarment informazzjoni fir-rigward ta':

(a)	fondi ffriżati skont l-Artikolu 5 u awtorizzazzjonijiet mogħtija skont l-Artikolu 3 u l-Artikoli 6 sa 12;

(b)	ksur u ta' problemi li jirrigwardaw l-eżekuzzjoni u sentenzi mogħtija minn qrati nazzjonali.

2. L-Istati Membri għandhom jinfurmaw minnufih lil xulxin u lill-Kummissjoni dwar kwalunkwe informazzjoni relevanti oħra li jkollhom għad-dispożizzjoni tagħhom li jista' jkollha impatt fuq l-implimentazzjoni effettiva ta' dan ir-Regolament.

Artikolu 19

Il-Kummissjoni għandha tingħata s-setgħa li temenda l-Anness III abbażi ta' informazzjoni pprovduta mill-Istati Membri.

Artikolu 20

1. Fejn il-Kunsill tas-Sigurtà tan-NU jew il-Kumitat tas-Sanzjonijiet jelenka persuna fiżika jew ġuridika, entità jew korp u jkun ipprovda dikjarazzjoni tar-raġunijiet għad-deżinjazzjoni, il-Kunsill għandu jinkludi dik il-persuna fiżika jew ġuridika, entità jew korp fl-Anness I. Il-Kunsill għandu jikkomunika d-deċiżjoni tiegħu u d-dikjarazzjoni ta' raġunijiet lill-persuna fiżika jew ġuridika, entità jew korp ikkonċernat, direttament, jekk l-indirizz ikun magħruf, jew permezz tal-pubblikazzjoni ta' avviż, fejn dik il-persuna fiżika jew ġuridika, entità jew korp jingħataw l-opportunità li jippreżentaw osservazzjonijiet.

2. Fejn jiġu ppreżentati osservazzjonijiet, jew fejn tiġi ppreżentata evidenza ġdida sostanzjali, il-Kunsill għandu jerġa' jeżamina d-deċiżjoni tiegħu u jinforma lill-persuna jew entità skont il-każ.

3. Fejn in-NU tiddeċiedi li tneħħi mil-lista persuna, entità, jew korp, jew li temenda d-dejta li tidentifika persuna, entità jew korp elenkat, il-Kunsill għandu jemenda l-Anness I skont il-każ.

Artikolu 21

L-Anness I għandu jinkludi, fejn disponibbli, informazzjoni pprovduta mill-Kunsill tas-Sigurtà tan-NU jew mill-Kumitat tas-Sanzjonijiet neċessarja biex jiġu identifikati l-persuni fiżiċi jew ġuridiċi, l-entitajiet jew il-korpi kkonċernati. Fir-rigward ta' persuni fiżiċi, tali informazzjoni tista' tinkludi l-ismijiet inkluż il-psewdonimi, id-data u l-post tat-twelid, iċ-ċittadinanza, in-numru tal-passaport u tal-karta tal-identità, is-sess, l-indirizz, jekk magħruf, u l-funzjoni jew il-professjoni. Fir-rigward ta' persuni ġuridiċi, entitajiet jew korpi, tali informazzjoni tista' tinkludi l-ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju. L-Anness I għandu jinkludi wkoll id-data tad-deżinjazzjoni mill-Kunsill tas-Sigurtà tan-NU jew mill-Kumitat tas-Sanzjonijiet.

Artikolu 22

1. Fejn il-Kunsill jiddeċiedi li jagħmel persuna fiżika jew ġuridika, entità jew korp soġġetta għall-miżuri msemmija fl-Artikolu 2, hu għandu jemenda l-Anness II skont il-każ.

2. Il-Kunsill għandu jikkomunika d-deċiżjoni tiegħu, inklużi r-raġunijiet għall-inklużjoni fil-lista, lill-persuna fiżika jew ġuridika, entità jew korp msemmijin fil-paragrafu 1, direttament, jekk l-indirizz ikun magħruf, jew permezz tal-pubblikazzjoni ta' avviż, fejn dik il-persuna fiżika jew ġuridika, entità jew korp jingħataw l-opportunità li jippreżentaw osservazzjonijiet.

3. Fejn jiġu ppreżentati osservazzjonijiet, jew fejn tiġi ppreżentata evidenza ġdida sostanzjali, il-Kunsill għandu jerġa' jeżamina d-deċiżjoni tiegħu u jinforma lill-persuna jew entità skont il-każ.

4. Il-lista fl-Anness II għandha tiġi riveduta f'intervalli regolari u mill-inqas kull 12-il xahar.

Artikolu 23

1. L-Anness II għandu jinkludi r-raġunijiet għall-elenkar tal-persuni fiżiċi jew ġuridiċi, l-entitajiet jew il-korpi kkonċernati.

2. L-Anness II għandu jinkludi, fejn disponibbli, informazzjoni meħtieġa biex jiġu identifikati l-persuni fiżiċi jew ġuridiċi, l-entitajiet jew il-korpi kkonċernati. Fir-rigward ta' persuni fiżiċi, tali informazzjoni tista' tinkludi l-ismijiet inkluż il-psewdonimi, id-data u l-post tat-twelid, iċ-ċittadinanza, in-numru tal-passaport u tal-karta tal-identità, is-sess, l-indirizz, jekk magħruf, u l-funzjoni jew il-professjoni. Fir-rigward ta' persuni ġuridiċi, entitajiet u korpi, tali informazzjoni tista' tinkludi l-ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju.

Artikolu 24

1. L-Istati Membri għandhom jistabbilixxu r-regoli dwar il-penali applikabbli għall-ksur tad-dispożizzjonijiet ta' dan ir-Regolament u għandhom jieħdu l-miżuri kollha li hemm bżonn biex jiżguraw li dawn jiġu implimentati. Il-penali previsti jridu jkunu effikaċi, proporzjonati u dissważivi.

2. L-Istati Membri għandhom jinnotifikaw dawn ir-regoli lill-Kummissjoni mingħajr dewmien wara d-dħul fis-seħħ ta' dan ir-Regolament, u għandhom jinnotifikawha b' kull emenda sussegwenti.

Artikolu 25

1. L-Istati Membri għandhom jinnominaw l-awtoritajiet kompetenti msemmija f'dan ir-Regolament u jidentifikawhom fuq is-siti elettroniċi elenkati fl-Anness III. L-Istati Membri għandhom jinnotifikaw lill-Kummissjoni bil-bidliet kollha fl-indirizzi tas-siti elettroniċi tagħhom elenkati fl-Anness III.

2. L-Istati Membri għandhom jinnotifikaw lill-Kummissjoni dwar l-awtoritajiet kompetenti tagħhom, inklużi d-dettalji ta' kuntatt ta' dawk l-awtoritajiet kompetenti, mingħajr dewmien wara d-dħul fis-seħħ ta' dan ir-Regolament u għandhom jinnotifikawha dwar kwalunkwe emenda sussegwenti.

3. Fejn dan ir-Regolament jippreżenta l-obbligu li l-Kummissjoni tiġi nnotifikata jew infurmata, jew issir xi komunikazzjoni magħha xorta oħra, l-indirizz u d-dettalji l-oħra tal-kuntatt li jintużaw għal din il-komunikazzjoni għandhom jkunu dawk indikati fl-Anness III.

Artikolu 26

Dan ir-Regolament għandu japplika:

(a)	fit-territorju tal-Unjoni, inkluż l-ispazju tal-ajru tagħha;

(b)	abbord kull inġenju tal-ajru jew kull bastiment fil-ġuriżdizzjoni ta' Stat Membru;

(c)	għal kull persuna ġewwa jew barra mit-territorju tal-Unjoni li tkun ċittadina ta' Stat Membru;

(d)	għal kull persuna ġuridika, entità jew korp, ġewwa jew barra mit-territorju tal-Unjoni, li jkunu inkorporati jew kostitwiti taħt il-liġi ta' Stat Membru;

(e)	għal kull persuna ġuridika, entità jew korpi fir-rigward ta' kull negozju li jsir kompletament jew parzjalment fl-Unjoni.

Artikolu 27

Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta' Mejju 2015.

Għall-Kunsill

Il-President

E. RINKĒVIČS

(1) Ir-Regolament tal-Kunsill (UE) Nru 748/2014 tal-10 ta' Lulju 2014 dwar miżuri restrittivi fir-rigward tas-sitwazzjoni fis-Sudan t'Isfel (ĠU L 203, 11.7.2014, p. 13).

(2) Id-Deċiżjoni tal-Kunsill 2014/449/PESK tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan t'Isfel (ĠU L 203, 11.7.2014, p. 100).

(3) Id-Deċiżjoni tal-Kunsill (PESK) 2015/740 tas-7 ta' Mejju 2015 dwar miżuri restrittivi fid-dawl tas-sitwazzjoni fis-Sudan t'Isfel u li tħassar id-Deċiżjoni 2014/449/PESK (ara l-paġna 52 ta’ dan il-Ġurnal Uffiċjali).

(4) Id-Direttiva tal-Parlament Ewropew u tal-Kunsill 95/46/KE tal-24 ta' Ottubru 1995 dwar il-protezzjoni ta' individwi fir-rigward tal-ipproċessar ta' data personali u dwar il-moviment liberu ta' dik id-data (ĠU L 281, 23.11.1995, p. 31, Edizzjoni Speċjali bil-Malti: Kapitolu 13, Volum 015, p. 355).

(5) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-moviment liberu ta' dik id-dejta (ĠU L 8, 12.1.2001, p. 1).

ANNESS I

Lista ta' persuni fiżiċi u ġuridiċi, entitajiet u korpi msemmija fl-Artikolu 5(1)

A.	PERSUNI FIŻIĊI

B.	PERSUNI ĠURIDIĊI, ENTITAJIET U KORPI

ANNESS II

Lista ta' persuni fiżiċi u ġuridiċi, entitajiet u korpi msemmija fl-Artikolu 5(2)

Isem

Informazzjoni ta' identifikazzjoni

Raġunijiet

Data tal-inklużjoni fil-lista

Santino DENG

(magħruf ukoll bħala: Santino Deng Wol)

Kmandant tat-tielet Diviżjoni tal-Fanterija tal-Armata għal-Liberazzjoni tal-Poplu tas-Sudan (SPLA)

Santino Deng huwa kmandant tat-tielet Diviżjoni tal-Fanterija tal-SPLA li ħa sehem fl-akkwist mill-ġdid ta' Bentiu f'Mejju 2014. Santino Deng huwa għalhekk responsabbli għal ksur tal-Ftehim ta' Waqfien mill-Ġlied tat-23 ta' Jannar.

11.7.2014

Peter GADET

(magħruf ukoll bħala: Peter Gatdet Yaka; Peter Cadet; Peter Gadet Yak; Peter Gadet Yaak: Peter Gatdet Yaak; Peter Gatdet; Peter Gatdeet Yaka)

Mexxej tal-milizzja Nuer, li hija kontra l-gvern. Post tat-twelid: Mayom County Unity State

Peter Gadet huwa l-mexxej tal-milizzja Nuer kontra l-gvern li wettqet attakk fuq Bentiu fil-15 - 17 ta' April 2014, bi ksur tal-Ftehim ta' Waqfien mill-Ġlied tat-23 ta' Jannar. L-attakk wassal għall-qtil ta' aktar minn 200 membru tal-popolazzjoni ċivili. Peter Gadet hu għalhekk responsabbli għall-instigar ta' ċiklu ta' vjolenza, b'hekk ostakola l-proċess politiku fis-Sudan t'Isfel, u għal ksur serju tad-drittijiet tal-bniedem.

11.7.2014

ANNESS III

Siti elettroniċi għal informazzjoni dwar l-awtoritajiet kompetenti u indirizz biex tiġi nnotifikata l-Kummissjoni Ewropea

IL-BELĠJU

http://www.diplomatie.be/eusanctions

IL-BULGARIJA

http://www.mfa.bg/en/pages/135/index.html

IR-REPUBBLIKA ĊEKA

http://www.mfcr.cz/mezinarodnisankce

ID-DANIMARKA

http://um.dk/da/politik-og-diplomati/retsorden/sanktioner/

IL-ĠERMANJA

http://www.bmwi.de/DE/Themen/Aussenwirtschaft/aussenwirtschaftsrecht,did=404888.html

L-ESTONJA

http://www.vm.ee/est/kat_622/

L-IRLANDA

http://www.dfa.ie/home/index.aspx?id=28519

IL-GREĊJA

http://www.mfa.gr/en/foreign-policy/global-issues/international-sanctions.html

SPANJA

http://www.exteriores.gob.es/Portal/es/PoliticaExteriorCooperacion/GlobalizacionOportunidadesRiesgos/Documents/ORGANISMOS%20COMPETENTES%20SANCIONES%20INTERNACIONALES.pdf

FRANZA

http://www.diplomatie.gouv.fr/autorites-sanctions/

IL-KROAZJA

http://www.mvep.hr/sankcije

ITALJA

http://www.esteri.it/MAE/IT/Politica_Europea/Deroghe.htm

ĊIPRU

http://www.mfa.gov.cy/sanctions

IL-LATVJA

http://www.mfa.gov.lv/en/security/4539

IL-LITWANJA

http://www.urm.lt/sanctions

IL-LUSSEMBURGU

http://www.mae.lu/sanctions

L-UNGERIJA

http://2010-2014.kormany.hu/download/b/3b/70000/ENSZBT-ET-szankcios-tajekoztato.pdf

MALTA

https://www.gov.mt/en/Government/Government%20of%20Malta/Ministries%20and%20Entities/Officially%20Appointed%20Bodies/Pages/Boards/Sanctions-Monitoring-Board-.aspx

IN-NETHERLANDS

http://www.rijksoverheid.nl/onderwerpen/internationale-sancties

L-AWSTRIJA

http://www.bmeia.gv.at/view.php3?f_id=12750&LNG=en&version=

IL-POLONJA

http://www.msz.gov.pl

IL-PORTUGALL

http://www.portugal.gov.pt/pt/os-ministerios/ministerio-dos-negocios-estrangeiros/quero-saber-mais/sobre-o-ministerio/medidas-restritivas/medidas-restritivas.aspx

RUMANIJA

http://www.mae.ro/node/1548

IS-SLOVENJA

http://www.mzz.gov.si/si/omejevalni_ukrepi

IS-SLOVAKKJA

http://www.mzv.sk/sk/europske_zalezitosti/europske_politiky-sankcie_eu

IL-FINLANDJA

http://formin.finland.fi/kvyhteistyo/pakotteet

L-IŻVEZJA

http://www.ud.se/sanktioner

IR-RENJU UNIT

https://www.gov.uk/sanctions-embargoes-and-restrictions

INDIRIZZ GĦAL NOTIFIKI LILL-KUMMISSJONI EWROPEA:

European Commission

Service for Foreign Policy Instruments (FPI)

EEAS 02/309

1049 Bruxelles/Brussel

BELGIQUE/BELGIË

Posta elettronika: relex-sanctions@ec.europa.eu

8.5.2015

Il-Ġurnal Uffiċjali tal-Unjoni Ewropea

L 117/25

REGOLAMENT TA' IMPLIMENTAZZJONI TAL-KUMMISSJONI (UE) 2015/736

tas-7 ta' Mejju 2015

li jipprojbixxi l-introduzzjoni fl-Unjoni ta' eżemplari ta' ċerti speċijiet ta' fawna u flora selvaġġi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 338/97 tad-9 ta' Diċembru 1996 dwar il-protezzjoni ta' speċi ta' fawna u flora selvaġġi billi jkun regolat il-kummerċ fihom (1), u b'mod partikolari, l-Artikolu 4(6) tiegħu,

Billi:

(1)	L-Artikolu 4(6) tar-Regolament (KE) Nru 338/97 jipprovdi li l-Kummissjoni tista' tistabbilixxi restrizzjonijiet fuq l-introduzzjoni ta' eżemplari ta' ċerti speċijiet fl-Unjoni skont il-kundizzjonijiet stipulati fil-punti (a) sa (d) tiegħu.

(2)	Il-lista tal-ispeċijiet li għalihom l-introduzzjoni fl-Unjoni hija pprojbita kienet l-aħħar stabbilita f'Awwissu 2014 bir-Regolament ta' Implimentazzjoni tal-Kummissjoni (UE) Nru 888/2014 (2).

(3)

Abbażi ta' informazzjoni riċenti, il-Grupp ta' Analiżi Xjentifika kkonkluda li l-istatus ta' konservazzjoni ta' ċerti speċijiet addizzjonali elenkati fl-Anness B tar-Regolament (KE) Nru 338/97 se jkun ipperikolat b'mod serju jekk l-introduzzjoni tagħhom fl-Unjoni minn ċerti pajjiżi ta' oriġini ma tkunx ipprojbita. L-introduzzjoni fl-Unjoni ta' eżemplari tal-ġeneri ġodda li ġejjin għandha għalhekk tiġi pprojbita:

—	Scolymia spp. minn Tonga.

(4)

Il-Grupp ta' Analiżi Xjentifika kkonkluda wkoll li, fid-dawl tal-aħħar tagħrif disponibbli, il-projbizzjoni tal-introduzzjoni fl-Unjoni, għal eżemplari tal-ispeċijiet li ġejjin, ma għandhiex tkun meħtieġa aktar:

—	Hippopotamus amphibius mill-Kamerun, Iil-Gambja, in-Niġer, in-Niġerja, Sjerra Leone u t-Togo;

—	Crocodylus niloticus mill-Madagaskar;

—	Catalaphyllia jardinei, Euphyllia cristata, Plerogyra sinuosa, Plerogyra turbida, Eguchipsammia fistula, Heliofungia actiniformis, Hydnophora microconos, Blastomussa wellsi, Scolymia vitiensis u Trachyphyllia geoffroyi mill-Indoneżja.

(5)

Il-Grupp ta' Analiżi Xjentifika barra minn hekk ikkonkluda li, fuq il-bażi tal-aħħar tagħrif disponibbli, il-kamp tal-applikazzjoni tal-projbizzjoni tal-introduzzjoni fl-Unjoni għandha tiġi emendata għal eżemplari tal-ispeċijiet li ġejjin, biex din il-projbizzjoni tapplika biss għal qroll ħaj, bl-eċċezzjoni ta' eżemplari mrobbija fil-baħar imwaħħla ma' sottostrati artifiċjali:

—	Euphyllia divisa, Euphyllia fimbriata, Euphyllia paraancora, Euphyllia paradivisa u Euphyllia yaeyamaensis mill-Indoneżja.

(6)	Il-pajjiżi tal-oriġini tal-ispeċijiet li huma soġġetti għal restrizzjonijiet ġodda fir-rigward tal-introduzzjoni fl-Unjoni kollha ġew ikkonsultati.

(7)	Il-lista tal-ispeċijiet li għalihom l-introduzzjoni fl-Unjoni hija pprojbita għandha għalhekk tiġi aġġornata u r-Regolament ta' Implimentazzjoni (UE) Nru 888/2014, għal raġunijiet ta' ċarezza, għandu jiġi sostitwit.

(8)	Il-Grupp ta' Analiżi Xjentifika stabbilit skont l-Artikolu 17 tar-Regolament (KE) Nru 338/97 ġie kkonsultat.

(9)

L-applikazzjonijiet għal permessi ta' importazzjoni għal eżemplari ta' speċijiet li l-importazzjoni tagħhom hija ristretta skont l-Artikolu 4(6) tar-Regolament (KE) Nru 338/97 għandhom jiġu ttrattati mill-Istati Membri b'konformità mal-Artikolu 71 tar-Regolament tal-Kummissjoni (KE) Nru 865/2006 (3).

(10)	Il-miżuri stipulati f'dan ir-Regolament huma skont l-opinjoni tal-Kumitat dwar il-Kummerċ ta' Fawna u Flora Selvaġġi stabbilit skont l-Artikolu 18 tar-Regolament (KE) Nru 338/97,

ADOTTAT DAN IR-REGOLAMENT:

Artikolu 1

L-introduzzjoni fl-Unjoni ta' eżemplari tal-ispeċijiet ta' fawna u flora selvaġġi stipulati fl-Anness ta' dan ir-Regolament mill-pajjiżi tal-oriġini indikati fih hija pprojbita.

Artikolu 2

Ir-Regolament ta' Implimentazzjoni (UE) Nru 888/2014 jitħassar.

Ir-referenzi għar-Regolament ta' Implimentazzjoni mħassar għandhom jitqiesu bħala referenzi għal dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta' Mejju 2015.

Għall-Kummissjoni

Il-President

Jean-Claude JUNCKER

(1) ĠU L 61, 3.3.1997, p. 1.

(2) Ir-Regolament ta' Implimentazzjoni tal-Kummissjoni (UE) Nru 888/2014 tal-14 ta' Awwissu 2014 li jipprojbixxi l-introduzzjoni fl-Unjoni ta' eżemplari ta' ċerti speċijiet ta' fawna u flora selvaġġi (ĠU L 243, 15.8.2014, p. 21).

(3) Ir-Regolament tal-Kummissjoni (KE) Nru 865/2006 tal-4 ta' Mejju 2006 li jistabbilixxi regoli dettaljati dwar l-implimentazzjoni tar-Regolament tal-Kunsill (KE) Nru 338/97 dwar il-protezzjoni ta' speċi ta' fawna u flora selvaġġi billi jkun regolat il-kummerċ fihom (ĠU L 166, 19.6.2006, p. 1).

ANNESS

Eżemplari tal-ispeċijiet inklużi fl-Anness A tar-Regolament (KE) Nru 338/97 li l-introduzzjoni tagħhom fl-Unjoni hija pprojbita

Speċi	Sors(i) kopert(i)	Eżemplari koperti	Pajjiżi tal-oriġini	Bażi fl-Artikolu 4(6), il-Punt:
FAWNA
CHORDATA
MAMMALIA
ARTIODACTYLA
Bovidae
Capra falconeri	Selvaġġ	Trofej tal-kaċċa	L-Uzbekistan	(a)
CARNIVORA
Canidae
Canis lupus	Selvaġġ	Trofej tal-kaċċa	Il-Bjelorussja, il-Mongolja, it-Taġikistan, it-Turkija	(a)
Ursidae
Ursus arctos	Selvaġġ	Trofej tal-kaċċa	Il-Kanada (Il-British Columbia), il-Kazakistan	(a)
Ursus thibetanus	Selvaġġ	Trofej tal-kaċċa	Ir-Russja	(a)
PROBOSCIDEA
Elephantidae
Loxodonta africana	Selvaġġ	Trofej tal-kaċċa	Il-Kamerun	(a)
AVES
FALCONIFORMES
Falconidae
Falco cherrug	Selvaġġ	Kollha	Il-Baħrejn	(a)

Eżemplari tal-ispeċijiet inklużi fl-Anness B tar-Regolament (EC) Nru 338/97 li l-introduzzjoni tagħhom fl-Unjoni hija pprojbita

Speċi	Sors(i) kopert(i)	Eżemplari koperti	Pajjiżi tal-oriġini	Bażi fl-Artikolu 4(6), il-Punt:
FAWNA
CHORDATA
MAMMALIA
ARTIODACTYLA
Bovidae
Ovis vignei bocharensis	Selvaġġ	Kollha	L-Uzbekistan	(b)
Saiga borealis	Selvaġġ	Kollha	Ir-Russja	(b)
Cervidae
Cervus elaphus bactrianus	Selvaġġ	Kollha	L-Uzbekistan	(b)
Hippopotamidae
Hexaprotodon liberiensis (sinonimu Choeropsis liberiensis)	Selvaġġ	Kollha	In-Niġerja	(b)
Hippopotamus amphibius	Selvaġġ	Kollha	Il-Możambik	(b)
Moschidae
Moschus moschiferus	Selvaġġ	Kollha	Ir-Russja	(b)
CARNIVORA
Eupleridae
Cryptoprocta ferox	Selvaġġ	Kollha	Il-Madagaskar	(b)
Felidae
Panthera leo	Selvaġġ	Kollha	L-Etjopja	(b)
Profelis aurata	Selvaġġ	Kollha	It-Tanzanija, it-Togo	(b)
Mustelidae
Hydrictis maculicollis	Selvaġġ	Kollha	It-Tanzanija	(b)
Odobenidae
Odobenus rosmarus	Selvaġġ	Kollha	Il-Groenlandja	(b)
MONOTREMATA
Tachyglossidae
Zaglossus bartoni	Selvaġġ	Kollha	L-Indoneżja, il-Papwa Ginea Ġdida	(b)
Zaglossus bruijni	Selvaġġ	Kollha	L-Indoneżja	(b)
PHOLIDOTA
Manidae
Manis temminckii	Selvaġġ	Kollha	Ir-Repubblika Demokratika tal-Kongo	(b)
Manis tricuspis	Selvaġġ	Kollha	Il-Ginea	(b)
PRIMATI
Atelidae
Alouatta guariba	Selvaġġ	Kollha	Kollha	(b)
Ateles belzebuth	Selvaġġ	Kollha	Kollha	(b)
Ateles fusciceps	Selvaġġ	Kollha	Kollha	(b)
Ateles geoffroyi	Selvaġġ	Kollha	Il-Beliże, il-Kolombja, il-Kosta Rika, El Salvador, il-Gwatemala, il-Ħonduras, il-Messiku, il-Panama	(b)
Ateles hybridus	Selvaġġ	Kollha	Kollha	(b)
Lagothrix lagotricha	Selvaġġ	Kollha	Kollha	(b)
Lagothrix lugens	Selvaġġ	Kollha	Kollha	(b)
Lagothrix poeppigii	Selvaġġ	Kollha	Kollha	(b)
Cercopithecidae
Cercopithecus dryas	Selvaġġ	Kollha	Ir-Repubblika Demokratika tal-Kongo	(b)
Cercopithecus erythrogaster	Selvaġġ	Kollha	Kollha	(b)
Cercopithecus erythrotis	Selvaġġ	Kollha	Kollha	(b)
Cercopithecus hamlyni	Selvaġġ	Kollha	Kollha	(b)
Cercopithecus mona	Selvaġġ	Kollha	It-Togo	(b)
Cercopithecus petaurista	Selvaġġ	Kollha	It-Togo	(b)
Cercopithecus pogonias	Selvaġġ	Kollha	In-Niġerja	(b)
Cercopithecus preussi (sinonimu C. lhoesti preussi)	Selvaġġ	Kollha	In-Niġerja	(b)
Colobus vellerosus	Selvaġġ	Kollha	In-Niġerja, it-Togo	(b)
Lophocebus albigena (sinonimu Cercocebus albigena)	Selvaġġ	Kollha	In-Niġerja	(b)
Macaca cyclopis	Selvaġġ	Kollha	Kollha	(b)
Macaca sylvanus	Selvaġġ	Kollha	L-Alġerija, il-Marokk	(b)
Piliocolobus badius (sinonimu Colobus badius)	Selvaġġ	Kollha	Kollha	(b)
Galagidae
Euoticus pallidus (sinonimu Galago elegantulus pallidus)	Selvaġġ	Kollha	In-Niġerja	(b)
Galago matschiei (sinonimu G. inustus)	Selvaġġ	Kollha	Ir-Rwanda	(b)
Lorisidae
Arctocebus calabarensis	Selvaġġ	Kollha	In-Niġerja	(b)
Perodicticus potto	Selvaġġ	Kollha	It-Togo	(b)
Pitheciidae
Chiropotes chiropotes	Selvaġġ	Kollha	Il-Gujana	(b)
Pithecia pithecia	Selvaġġ	Kollha	Il-Gujana	(b)
RODENTIA
Sciuridae
Callosciurus erythraeus	Kollha	Ħajjin	Kollha	(d)
Sciurus carolinensis	Kollha	Ħajjin	Kollha	(d)
Sciurus niger	Kollha	Ħajjin	Kollha	(d)
AVES
ANSERIFORMES
Anatidae
Oxyura jamaicensis	Kollha	Ħajjin	Kollha	(d)
CICONIIFORMES
Balaenicipitidae
Balaeniceps rex	Selvaġġ	Kollha	It-Tanzanija	(b)
FALCONIFORMES
Accipitridae
Accipiter erythropus	Selvaġġ	Kollha	Il-Ginea	(b)
Accipiter melanoleucus	Selvaġġ	Kollha	Il-Ginea	(b)
Accipiter ovampensis	Selvaġġ	Kollha	Il-Ginea	(b)
Aquila rapax	Selvaġġ	Kollha	Il-Ginea	(b)
Aviceda cuculoides	Selvaġġ	Kollha	Il-Ginea	(b)
Gyps africanus	Selvaġġ	Kollha	Il-Ginea	(b)
Gyps bengalensis	Selvaġġ	Kollha	Kollha	(b)
Gyps indicus	Selvaġġ	Kollha	Kollha	(b)
Gyps rueppellii	Selvaġġ	Kollha	Il-Ginea	(b)
Gyps tenuirostris	Selvaġġ	Kollha	Kollha	(b)
Hieraaetus ayresii	Selvaġġ	Kollha	Il-Kamerun, il-Ginea, it-Togo	(b)
Hieraaetus spilogaster	Selvaġġ	Kollha	Il-Ginea, it-Togo	(b)
Leucopternis lacernulatus	Selvaġġ	Kollha	Il-Brażil	(b)
Lophaetus occipitalis	Selvaġġ	Kollha	Il-Ginea	(b)
Macheiramphus alcinus	Selvaġġ	Kollha	Il-Ginea	(b)
Polemaetus bellicosus	Selvaġġ	Kollha	Il-Kamerun, il-Ginea, it-Tanzanija, it-Togo	(b)
Spizaetus africanus	Selvaġġ	Kollha	Il-Ginea	(b)
Stephanoaetus coronatus	Selvaġġ	Kollha	Il-Côte d'Ivoire, il-Ginea, it-Tanzanija, it-Togo	(b)
Terathopius ecaudatus	Selvaġġ	Kollha	It-Tanzanija	(b)
Torgos tracheliotus	Selvaġġ	Kollha	Il-Kamerun, is-Sudan, it-Tanzanija	(b)
Trigonoceps occipitalis	Selvaġġ	Kollha	Il-Côte d'Ivoire, il-Ginea	(b)
Urotriorchis macrourus	Selvaġġ	Kollha	Il-Ginea	(b)
Falconidae
Falco chicquera	Selvaġġ	Kollha	Il-Ginea, it-Togo	(b)
Sagittariidae
Sagittarius serpentarius	Selvaġġ	Kollha	Il-Kamerun, il-Ginea, it-Tanzanija, it-Togo	(b)
GRUIFORMI
Gruidae
Balearica pavonina	Selvaġġ	Kollha	Il-Ginea, Mali, is-Sudan t'Isfel, is-Sudan	(b)
Balearica regulorum	Selvaġġ	Kollha	Il-Botswana, il-Burundi, ir-Repubblika Demokratika tal-Kongo, il-Kenja, ir-Rwanda, l-Afrika t'Isfel, it-Tanzanija, iż-Żambja, iż-Żimbabwe	(b)
Bugeranus carunculatus	Selvaġġ	Kollha	L-Afrika t'Isfel, it-Tanzanija	(b)
PSITTACIFORMI
Loriidae
Charmosyna diadema	Selvaġġ	Kollha	Kollha	(b)
Psittacidae
Agapornis fischeri	Selvaġġ	Kollha	It-Tanzanija	(b)
Agapornis nigrigenis	Selvaġġ	Kollha	Kollha	(b)
Agapornis pullarius	Selvaġġ	Kollha	Ir-Repubblika Demokratika tal-Kongo, il-Côte d'Ivoire, il-Ginea, Mali, it-Togo	(b)
Aratinga auricapillus	Selvaġġ	Kollha	Kollha	(b)
Coracopsis vasa	Selvaġġ	Kollha	Il-Madagaskar	(b)
Deroptyus accipitrinus	Selvaġġ	Kollha	Is-Surinam	(b)
Hapalopsittaca amazonina	Selvaġġ	Kollha	Kollha	(b)
Hapalopsittaca pyrrhops	Selvaġġ	Kollha	Kollha	(b)
Leptosittaca branickii	Selvaġġ	Kollha	Kollha	(b)
Poicephalus gulielmi	Selvaġġ	Kollha	Il-Kamerun, il-Côte d'Ivoire, il-Kongo, il-Ginea	(b)
Poicephalus robustus	Selvaġġ	Kollha	Ir-Repubblika Demokratika tal-Kongo, il-Côte d'Ivoire, il-Ginea, Mali, in-Niġerja, it-Togo, l-Uganda	(b)
Psittacus erithacus	Selvaġġ	Kollha	Il-Benin, il-Ginea Ekwatorjali, il-Liberja, in-Niġerja	(b)
Psittacus erithacus timneh	Selvaġġ	Kollha	Il-Ginea, il-Ginea-Bissaw	(b)
Psittrichas fulgidus	Selvaġġ	Kollha	Kollha	(b)
Pyrrhura caeruleiceps	Selvaġġ	Kollha	Il-Kolombja	(b)
Pyrrhura pfrimeri	Selvaġġ	Kollha	Il-Brażil	(b)
Pyrrhura subandina	Selvaġġ	Kollha	Il-Kolombja	(b)
STRIGIFORMI
Strigidae
Asio capensis	Selvaġġ	Kollha	Il-Ginea	(b)
Bubo lacteus	Selvaġġ	Kollha	Il-Ginea	(b)
Bubo poensis	Selvaġġ	Kollha	Il-Ginea	(b)
Glaucidium capense	Selvaġġ	Kollha	Ir-Rwanda	(b)
Glaucidium perlatum	Selvaġġ	Kollha	Il-Kamerun, il-Ginea	(b)
Ptilopsis leucotis	Selvaġġ	Kollha	Il-Ginea	(b)
Scotopelia bouvieri	Selvaġġ	Kollha	Il-Kamerun	(b)
Scotopelia peli	Selvaġġ	Kollha	Il-Ginea	(b)
REPTILIA
CROCODYLIA
Alligatoridae
Palaeosuchus trigonatus	Selvaġġ	Kollha	Il-Gujana	(b)
SAURIA
Agamidae
Uromastyx dispar	Selvaġġ	Kollha	L-Alġerija, Mali, is-Sudan	(b)
Uromastyx geyri	Selvaġġ	Kollha	Mali, in-Niġer	(b)
Chamaeleonidae
Brookesia decaryi	Selvaġġ	Kollha	Il-Madagaskar	(b)
Calumma ambreense	Selvaġġ	Kollha	Il-Madagaskar	(b)
Calumma capuroni	Selvaġġ	Kollha	Il-Madagaskar	(b)
Calumma cucullatum	Selvaġġ	Kollha	Il-Madagaskar	(b)
Calumma furcifer	Selvaġġ	Kollha	Il-Madagaskar	(b)
Calumma guibei	Selvaġġ	Kollha	Il-Madagaskar	(b)
Calumma hilleniusi	Selvaġġ	Kollha	Il-Madagaskar	(b)
Calumma linota	Selvaġġ	Kollha	Il-Madagaskar	(b)
Calumma peyrierasi	Selvaġġ	Kollha	Il-Madagaskar	(b)
Calumma tarzan	Selvaġġ	Kollha	Il-Madagaskar	(b)
Calumma tsaratananense	Selvaġġ	Kollha	Il-Madagaskar	(b)
Calumma vatosoa	Selvaġġ	Kollha	Il-Madagaskar	(b)
Chamaeleo africanus	Selvaġġ	Kollha	In-Niġer	(b)
Chamaeleo gracilis	Selvaġġ	Kollha	Il-Benin, il-Gana, it-Togo	(b)
	Imrobbi	Kollha	Il-Benin	(b)
	Imrobbi	Tul mill-imnieħer sat-toqba tal-warrani aktar minn 8 cm	It-Togo	(b)
Chamaeleo senegalensis	Selvaġġ	Kollha	Il-Benin, il-Gana, it-Togo	(b)
	Imrobbi	Tul mill-imnieħer sat-toqba tal-warrani aktar minn 6 cm	Il-Benin, it-Togo	(b)
Furcifer angeli	Selvaġġ	Kollha	Il-Madagaskar	(b)
Furcifer balteatus	Selvaġġ	Kollha	Il-Madagaskar	(b)
Furcifer belalandaensis	Selvaġġ	Kollha	Il-Madagaskar	(b)
Furcifer labordi	Selvaġġ	Kollha	Il-Madagaskar	(b)
Furcifer monoceras	Selvaġġ	Kollha	Il-Madagaskar	(b)
Furcifer nicosiai	Selvaġġ	Kollha	Il-Madagaskar	(b)
Furcifer tuzetae	Selvaġġ	Kollha	Il-Madagaskar	(b)
Trioceros camerunensis	Selvaġġ	Kollha	Il-Kamerun	(b)
Trioceros deremensis	Selvaġġ	Kollha	It-Tanzanija	(b)
Trioceros eisentrauti	Selvaġġ	Kollha	Il-Kamerun	(b)
Trioceros feae	Selvaġġ	Kollha	Il-Ginea Ekwatorjali	(b)
Trioceros fuelleborni	Selvaġġ	Kollha	It-Tanzanija	(b)
Trioceros montium	Selvaġġ	Kollha	Il-Kamerun	(b)
Trioceros perreti	Selvaġġ	Kollha	Il-Kamerun	(b)
Trioceros serratus	Selvaġġ	Kollha	Il-Kamerun	(b)
Trioceros werneri	Selvaġġ	Kollha	It-Tanzanija	(b)
Trioceros wiedersheimi	Selvaġġ	Kollha	Il-Kamerun	(b)
Cordylidae
Cordylus mossambicus	Selvaġġ	Kollha	Il-Możambik	(b)
Cordylus rhodesianus	Selvaġġ	Kollha	Il-Możambik	(b)
Cordylus tropidosternum	Selvaġġ	Kollha	Il-Możambik	(b)
Cordylus vittifer	Selvaġġ	Kollha	Il-Możambik	(b)
Gekkonidae
Phelsuma abbotti	Selvaġġ	Kollha	Il-Madagaskar	(b)
Phelsuma antanosy	Selvaġġ	Kollha	Il-Madagaskar	(b)
Phelsuma barbouri	Selvaġġ	Kollha	Il-Madagaskar	(b)
Phelsuma berghofi	Selvaġġ	Kollha	Il-Madagaskar	(b)
Phelsuma breviceps	Selvaġġ	Kollha	Il-Madagaskar	(b)
Phelsuma comorensis	Selvaġġ	Kollha	Il-Komoros	(b)
Phelsuma dubia	Selvaġġ	Kollha	Il-Komoros, il-Madagaskar	(b)
Phelsuma flavigularis	Selvaġġ	Kollha	Il-Madagaskar	(b)
Phelsuma guttata	Selvaġġ	Kollha	Il-Madagaskar	(b)
Phelsuma hielscheri	Selvaġġ	Kollha	Il-Madagaskar	(b)
Phelsuma klemmeri	Selvaġġ	Kollha	Il-Madagaskar	(b)
Phelsuma laticauda	Selvaġġ	Kollha	Il-Komoros	(b)
Phelsuma malamakibo	Selvaġġ	Kollha	Il-Madagaskar	(b)
Phelsuma masohoala	Selvaġġ	Kollha	Il-Madagaskar	(b)
Phelsuma modesta	Selvaġġ	Kollha	Il-Madagaskar	(b)
Phelsuma mutabilis	Selvaġġ	Kollha	Il-Madagaskar	(b)
Phelsuma pronki	Selvaġġ	Kollha	Il-Madagaskar	(b)
Phelsuma pusilla	Selvaġġ	Kollha	Il-Madagaskar	(b)
Phelsuma seippi	Selvaġġ	Kollha	Il-Madagaskar	(b)
Phelsuma serraticauda	Selvaġġ	Kollha	Il-Madagaskar	(b)
Phelsuma standingi	Selvaġġ	Kollha	Il-Madagaskar	(b)
Phelsuma v-nigra	Selvaġġ	Kollha	Il-Komoros	(b)
Uroplatus ebenaui	Selvaġġ	Kollha	Il-Madagaskar	(b)
Uroplatus fimbriatus	Selvaġġ	Kollha	Il-Madagaskar	(b)
Uroplatus guentheri	Selvaġġ	Kollha	Il-Madagaskar	(b)
Uroplatus henkeli	Selvaġġ	Kollha	Il-Madagaskar	(b)
Uroplatus lineatus	Selvaġġ	Kollha	Il-Madagaskar	(b)
Uroplatus malama	Selvaġġ	Kollha	Il-Madagaskar	(b)
Uroplatus phantasticus	Selvaġġ	Kollha	Il-Madagaskar	(b)
Uroplatus pietschmanni	Selvaġġ	Kollha	Il-Madagaskar	(b)
Uroplatus sameiti	Selvaġġ	Kollha	Il-Madagaskar	(b)
Uroplatus sikorae	Selvaġġ	Kollha	Il-Madagaskar	(b)
Scincidae
Corucia zebrata	Selvaġġ	Kollha	Il-Gżejjer Solomon	(b)
Varanidae
Varanus albigularis	Selvaġġ	Kollha	It-Tanzanija	(b)
Varanus beccarii	Selvaġġ	Kollha	L-Indoneżja	(b)
Varanus dumerilii	Selvaġġ	Kollha	L-Indoneżja	(b)
Varanus exanthematicus	Selvaġġ	Kollha	Il-Benin, it-Togo	(b)
	Imrobbi	Tul totali akbar minn 35 ċm	Il-Benin, it-Togo	(b)
Varanus jobiensis (sinonimu V. karlschmidti)	Selvaġġ	Kollha	L-Indoneżja	(b)
Varanus niloticus	Selvaġġ	Kollha	Il-Benin, it-Togo	(b)
	Imrobbi	Tul totali akbar minn 35 ċm	Il-Benin	(b)
	Imrobbi	Kollha	It-Togo	(b)
Varanus ornatus	Selvaġġ	Kollha	It-Togo	(b)
	Imrobbi	Kollha	It-Togo	(b)
Varanus salvadorii	Selvaġġ	Kollha	L-Indoneżja	(b)
Varanus spinulosus	Selvaġġ	Kollha	Il-Gżejjer Solomon	(b)
SERPENTES
Boidae
Boa constrictor	Selvaġġ	Kollha	Il-Ħonduras	(b)
Calabaria reinhardtii	Selvaġġ	Kollha	It-Togo	(b)
	Imrobbi	Kollha	Il-Benin, it-Togo	(b)
Candoia carinata	Selvaġġ	Kollha	L-Indoneżja	(b)
Elapidae
Naja atra	Selvaġġ	Kollha	Il-Laos	(b)
Naja kaouthia	Selvaġġ	Kollha	Il-Laos	(b)
Naja siamensis	Selvaġġ	Kollha	Il-Laos	(b)
Pythonidae
Liasis fuscus	Selvaġġ	Kollha	L-Indoneżja	(b)
Morelia boeleni	Selvaġġ	Kollha	L-Indoneżja	(b)
Python bivittatus	Selvaġġ	Kollha	Iċ-Ċina	(b)
Python molurus	Selvaġġ	Kollha	Iċ-Ċina	(b)
Python natalensis	Imrobbi	Kollha	Il-Możambik	(b)
Python regius	Selvaġġ	Kollha	Il-Benin, il-Ginea	(b)
Python reticulatus	Selvaġġ	Kollha	Il-Malasja (Peniżolari)	(b)
Python sebae	Selvaġġ	Kollha	Il-Mawritanja	(b)
TESTUDINES
Emydidae
Chrysemys picta	Kollha	Ħajjin	Kollha	(d)
Trachemys scripta elegans	Kollha	Ħajjin	Kollha	(d)
Geoemydidae
Batagur borneoensis	Selvaġġ	Kollha	Kollha	(b)
Cuora amboinensis	Selvaġġ	Kollha	L-Indoneżja, il-Malasja	(b)
Cuora galbinifrons	Selvaġġ	Kollha	Iċ-Ċina, il-Laos, il-Vjetnam	(b)
Heosemys spinosa	Selvaġġ	Kollha	Il-Laos	(b)
Heosemys annandalii	Selvaġġ	Kollha	Il-Laos	(b)
Heosemys grandis	Selvaġġ	Kollha	L-Indoneżja	(b)
Malayemys subtrijuga	Selvaġġ	Kollha	L-Indoneżja	(b)
Malayemys subtrijuga	Selvaġġ	Kollha	L-Indoneżja	(b)
Notochelys platynota	Selvaġġ	Kollha	L-Indoneżja	(b)
Siebenrockiella crassicollis	Selvaġġ	Kollha	L-Indoneżja	(b)
Podocnemididae
Erymnochelys madagaskariensis	Selvaġġ	Kollha	Il-Madagaskar	(b)
Peltocephalus dumerilianus	Selvaġġ	Kollha	Il-Gujana	(b)
Podocnemis lewyana	Selvaġġ	Kollha	Kollha	(b)
Podocnemis unifilis	Selvaġġ	Kollha	Is-Surinam	(b)
Testudinidae
Geochelone sulcata	Imrobbi	Kollha	Il-Benin, it-Togo	(b)
Gopherus agassizii	Selvaġġ	Kollha	L-Istati Uniti	(b)
Gopherus berlandieri	Selvaġġ	Kollha	Kollha	(b)
Indotestudo forstenii	Selvaġġ	Kollha	Kollha	(b)
Indotestudo travancorica	Selvaġġ	Kollha	Kollha	(b)
Kinixys belliana	Selvaġġ	Kollha	Il-Benin, il-Gana, il-Możambik	(b)
	Imrobbi	Tul tal-qoxra ta' fuq akbar minn 5 ċm	Il-Benin	(b)
Kinixys erosa	Selvaġġ	Kollha	Ir-Repubblika Demokratika tal-Kongo, it-Togo	(b)
Kinixys homeana	Selvaġġ	Kollha	Il-Benin, il-Gana, it-Togo	(b)
	Imrobbi	Kollha	Il-Benin	(b)
	Imrobbi	Tul tal-qoxra ta' fuq akbar minn 8 cm	It-Togo	(b)
Kinixys spekii	Selvaġġ	Kollha	Il-Możambik	(b)
Manouria emys	Selvaġġ	Kollha	L-Indoneżja	(b)
Manouria impressa	Selvaġġ	Kollha	Il-Vjetnam	(b)
Stigmochelys pardalis	Selvaġġ	Kollha	Ir-Repubblika Demokratika tal-Kongo, il-Możambik, l-Uganda	(b)
Testudo horsfieldii	Selvaġġ	Kollha	Il-Kazakistan	(b)
Trionychidae
Amyda cartilaginea	Selvaġġ	Kollha	L-Indoneżja	(b)
Chitra chitra	Selvaġġ	Kollha	Il-Malasja	(b)
Pelochelys cantorii	Selvaġġ	Kollha	L-Indoneżja	(b)
AMPHIBIA
ANURA
Conrauidae
Conraua goliath	Selvaġġ	Kollha	Il-Kamerun	(b)
Dendrobatidae
Hyloxalus azureiventris	Selvaġġ	Kollha	Il-Perù	(b)
Ranitomeya variabilis	Selvaġġ	Kollha	Il-Perù	(b)
Ranitomeya ventrimaculata	Selvaġġ	Kollha	Il-Perù	(b)
Mantellidae
Mantella aurantiaca	Selvaġġ	Kollha	Il-Madagaskar	(b)
Mantella bernhardi	Selvaġġ	Kollha	Il-Madagaskar	(b)
Mantella cowani	Selvaġġ	Kollha	Il-Madagaskar	(b)
Mantella crocea	Selvaġġ	Kollha	Il-Madagaskar	(b)
Mantella expectata	Selvaġġ	Kollha	Il-Madagaskar	(b)
Mantella milotympanum (sin. M. aurantiaca milotympanum)	Selvaġġ	Kollha	Il-Madagaskar	(b)
Mantella pulchra	Selvaġġ	Kollha	Il-Madagaskar	(b)
Mantella viridis	Selvaġġ	Kollha	Il-Madagaskar	(b)
Microhylidae
Scaphiophryne gottlebei	Selvaġġ	Kollha	Il-Madagaskar	(b)
Ranidae
Lithobates catesbeianus	Kollha	Ħajjin	Kollha	(d)
ACTINOPTERYGII
PERCIFORMES
Labridae
Cheilinus undulatus	Selvaġġ	Kollha	L-Indoneżja	(b)
SYNGNATHIFORMES
Syngnathidae
Hippocampus barbouri	Selvaġġ	Kollha	L-Indoneżja	(b)
Hippocampus comes	Selvaġġ	Kollha	L-Indoneżja	(b)
Hippocampus erectus	Selvaġġ	Kollha	Il-Brażil	(b)
Hippocampus histrix	Selvaġġ	Kollha	L-Indoneżja	(b)
Hippocampus kelloggi	Selvaġġ	Kollha	L-Indoneżja	(b)
Hippocampus kuda	Selvaġġ	Kollha	Iċ-Ċina, l-Indoneżja, il-Vjetnam	(b)
Hippocampus spinosissimus	Selvaġġ	Kollha	L-Indoneżja	(b)
ARTHROPODA
ARACHNIDA
SCORPIONES
Scorpionidae
Pandinus imperator	Selvaġġ	Kollha	Il-Benin, il-Gana, it-Togo	(b)
	Imrobbi	Kollha	Il-Benin, it-Togo	(b)
INSECTA
LEPIDOPTERA
Papilionidae
Ornithoptera croesus	Selvaġġ	Kollha	L-Indoneżja	(b)
Ornithoptera victoriae	Selvaġġ	Kollha	Il-Gżejjer Solomon	(b)
	Imrobbi	Kollha	Il-Gżejjer Solomon	(b)
MOLLUSCA
BIVALVIA
VENEROIDA
Tridacnidae
Hippopus hippopus	Selvaġġ	Kollha	Il-Kaledonja Ġdida, Tonga, il-Vanwatu, il-Vjetnam	(b)
Tridacna crocea	Selvaġġ	Kollha	Il-Kambodja, Fiġi, il-Gżejjer Solomon, Tonga, il-Vanwatu, il-Vjetnam	(b)
Tridacna derasa	Selvaġġ	Kollha	Fiġi, il-Kaledonja Ġdida, il-Filippini, il-Palaw, il-Gżejjer Solomon, Tonga, il-Vanwatu, il-Vjetnam	(b)
Tridacna gigas	Selvaġġ	Kollha	Il-Gżejjer Marshall, il-Gżejjer Solomon, Tonga, il-Vjetnam	(b)
Tridacna maxima	Selvaġġ	Kollha	Il-Kambodja, Fiġi, il-Gżejjer Marshall, il-Mikronesja, il-Możambik, il-Kaledonja Ġdida, il-Gżejjer Solomon, Tonga, il-Vanwatu, il-Vjetnam	(b)
Tridacna rosewateri	Selvaġġ	Kollha	Il-Możambik	(b)
Tridacna squamosa	Selvaġġ	Kollha	Il-Kambodja, Fiġi, il-Możambik, il-Kaledonja Ġdida, il-Gżejjer Solomon, Tonga, il-Vanwatu, il-Vjetnam	(b)
Tridacna tevoroa	Selvaġġ	Kollha	Tonga	(b)
GASTROPODA
MESOGASTROPODA
Strombidae
Strombus gigas	Selvaġġ	Kollha	Grenada, Ħaiti	(b)
CNIDARIA
ANTHOZOA
HELIOPORACEA
Helioporidae
Heliopora coerulea	Selvaġġ	Kollha	Il-Gżejjer Solomon	(b)
SCLERACTINIA
Scleractinia spp.	Selvaġġ	Kollha	Il-Gana	(b)
Agariciidae
Agaricia agaricites	Selvaġġ	Kollha	Ħaiti	(b)
Caryophylliidae
Catalaphyllia jardinei	Selvaġġ	Kollha	Il-Gżejjer Solomon	(b)
Euphyllia divisa	Selvaġġ	Koralli ħajjin ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Euphyllia fimbriata	Selvaġġ	Koralli ħajjin ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Euphyllia paraancora	Selvaġġ	Koralli ħajjin ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Euphyllia paradivisa	Selvaġġ	Koralli ħajjin ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Euphyllia yaeyamaensis	Selvaġġ	Koralli ħajjin ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Plerogyra niddiskuti	Selvaġġ	Kollha ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Plerogyra simplex (Plerogyra taisnei)	Selvaġġ	Kollha ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Faviidae
Favites halicora	Selvaġġ	Kollha	Tonga	(b)
Platygyra sinensis	Selvaġġ	Kollha	Tonga	(b)
Mussidae
Acanthastrea hemprichii	Selvaġġ	Kollha	Tonga	(b)
Blastomussa merleti	Selvaġġ	Kollha ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Cynarina lacrymalis	Selvaġġ	Kollha ħlief eżemplari mrobbija fil-baħar imwaħħla ma' sottostrati artifiċjali	L-Indoneżja	(b)
Scolymia spp.	Selvaġġ	Kollha	Tonga	(b)
Pocilloporidae
Seriatopora stellata	Selvaġġ	Kollha	L-Indoneżja	(b)
Trachyphylliidae
Trachyphyllia geoffroyi	Selvaġġ	Kollha	Fiġi	(b)
FLORA
Amaryllidaceae
Galanthus nivalis	Selvaġġ	Kollha	Il-Bosnja-Ħerzegovina, l-Isvizzera, l-Ukraina	(b)
Apocynaceae
Pachypodium inopinatum	Selvaġġ	Kollha	Il-Madagaskar	(b)
Pachypodium rosulatum	Selvaġġ	Kollha	Il-Madagaskar	(b)
Pachypodium sofiense	Selvaġġ	Kollha	Il-Madagaskar	(b)
Cycadaceae
Cycadaceae spp.	Selvaġġ	Kollha	Il-Możambik	(b)
Euphorbiaceae
Euphorbia ankarensis	Selvaġġ	Kollha	Il-Madagaskar	(b)
Euphorbia banae	Selvaġġ	Kollha	Il-Madagaskar	(b)
Euphorbia berorohae	Selvaġġ	Kollha	Il-Madagaskar	(b)
Euphorbia bongolavensis	Selvaġġ	Kollha	Il-Madagaskar	(b)
Euphorbia bulbispina	Selvaġġ	Kollha	Il-Madagaskar	(b)
Euphorbia duranii	Selvaġġ	Kollha	Il-Madagaskar	(b)
Euphorbia fianarantsoae	Selvaġġ	Kollha	Il-Madagaskar	(b)
Euphorbia guillauminiana	Selvaġġ	Kollha	Il-Madagaskar	(b)
Euphorbia iharanae	Selvaġġ	Kollha	Il-Madagaskar	(b)
Euphorbia kondoi	Selvaġġ	Kollha	Il-Madagaskar	(b)
Euphorbia labatii	Selvaġġ	Kollha	Il-Madagaskar	(b)
Euphorbia lophogona	Selvaġġ	Kollha	Il-Madagaskar	(b)
Euphorbia millotii	Selvaġġ	Kollha	Il-Madagaskar	(b)
Euphorbia neohumbertii	Selvaġġ	Kollha	Il-Madagaskar	(b)
Euphorbia pachypodioides	Selvaġġ	Kollha	Il-Madagaskar	(b)
Euphorbia razafindratsirae	Selvaġġ	Kollha	Il-Madagaskar	(b)
Euphorbia suzannae-marnierae	Selvaġġ	Kollha	Il-Madagaskar	(b)
Euphorbia waringiae	Selvaġġ	Kollha	Il-Madagaskar	(b)
Orchidaceae
Anacamptis pyramidalis	Selvaġġ	Kollha	It-Turkija	(b)
Barlia robertiana	Selvaġġ	Kollha	It-Turkija	(b)
Cypripedium japonicum	Selvaġġ	Kollha	Iċ-Ċina, il-Korea ta' Fuq, il-Ġappun, il-Korea t'Isfel	(b)
Cypripedium macranthos	Selvaġġ	Kollha	Il-Korea t'Isfel, ir-Russja	(b)
Cypripedium margaritaceum	Selvaġġ	Kollha	Iċ-Ċina	(b)
Cypripedium micranthum	Selvaġġ	Kollha	Iċ-Ċina	(b)
Dactylorhiza romana	Selvaġġ	Kollha	It-Turkija	(b)
Dendrobium bellatulum	Selvaġġ	Kollha	Il-Vjetnam	(b)
Dendrobium nobile	Selvaġġ	Kollha	Il-Laos	(b)
Dendrobium wardianum	Selvaġġ	Kollha	Il-Vjetnam	(b)
Myrmecophila tibicinis	Selvaġġ	Kollha	Il-Beliże	(b)
Ophrys holoserica	Selvaġġ	Kollha	It-Turkija	(b)
Ophrys pallida	Selvaġġ	Kollha	L-Alġerija	(b)
Ophrys tenthredinifera	Selvaġġ	Kollha	It-Turkija	(b)
Ophrys umbilicata	Selvaġġ	Kollha	It-Turkija	(b)
Orchis coriophora	Selvaġġ	Kollha	Ir-Russja	(b)
Orchis italica	Selvaġġ	Kollha	It-Turkija	(b)
Orchis mascula	Selvaġġ/Imrobbi	Kollha	L-Albanija	(b)
Orchis morio	Selvaġġ	Kollha	It-Turkija	(b)
Orchis pallens	Selvaġġ	Kollha	Ir-Russja	(b)
Orchis punctulata	Selvaġġ	Kollha	It-Turkija	(b)
Orchis purpurea	Selvaġġ	Kollha	It-Turkija	(b)
Orchis simia	Selvaġġ	Kollha	Il-Bosnja-Ħerzegovina, Dik li Kienet ir-Repubblika Jugoslava tal-Maċedonja, it-Turkija	(b)
Orchis tridentata	Selvaġġ	Kollha	It-Turkija	(b)
Orchis ustulata	Selvaġġ	Kollha	Ir-Russja	(b)
Phalaenopsis parishii	Selvaġġ	Kollha	Il-Vjetnam	(b)
Serapias cordigera	Selvaġġ	Kollha	It-Turkija	(b)
Serapias parviflora	Selvaġġ	Kollha	It-Turkija	(b)
Serapias vomeracea	Selvaġġ	Kollha	It-Turkija	(b)
Primulaceae
Cyclamen intaminatum	Selvaġġ	Kollha	It-Turkija	(b)
Cyclamen mirabile	Selvaġġ	Kollha	It-Turkija	(b)
Cyclamen pseudibericum	Selvaġġ	Kollha	It-Turkija	(b)
Cyclamen trochopteranthum	Selvaġġ	Kollha	It-Turkija	(b)
Stangeriaceae
Stangeriaceae spp.	Selvaġġ	Kollha	Il-Możambik	(b)
Zamiaceae
Zamiaceae spp.	Selvaġġ	Kollha	Il-Możambik	(b)

8.5.2015

Il-Ġurnal Uffiċjali tal-Unjoni Ewropea

L 117/52

DEĊIŻJONI TAL-KUNSILL (PESK) 2015/740

tas-7 ta' Mejju 2015

dwar miżuri restrittivi fid-dawl tas-sitwazzjoni fis-Sudan t'Isfel u li tħassar id-Deċiżjoni 2014/449/PESK

Il-Kunsill tal-Unjoni Ewropea,

Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,

Billi:

(1)	Fl-10 ta' Lulju 2014, il-Kunsill adotta d-Deċiżjoni 2014/449/PESK (1) fid-dawl tat-tħassib serju li għad għandu dwar is-sitwazzjoni fis-Sudan t'Isfel.

(2)

Fit-3 ta' Marzu 2015, il-Kunsill tas-Sigurtà tan-Nazzjonijiet Uniti adotta r-Riżoluzzjoni (UNSCR) 2206 (2015), fid-dawl tal-fatt li hu allarmat u mħasseb serjament dwar il-konflitt bejn il-Gvern tar-Repubblika tas-Sudan t'Isfel u l-forzi tal-oppożizzjoni sa minn Diċembru 2013, it-tħassib tiegħu dwar it-tbatija umana kbira li tirriżulta u l-kundanna qawwija tiegħu tal-ksur u l-abbużi tad-drittijiet tal-bniedem tal-passat u dawk li għaddejjin u l-ksur tal-liġi umanitarja internazzjonali, kif ukoll dwar l-ispostament fuq skala kbira ta' persuni u l-kriżi umanitarja dejjem tiżdied. Il-Kunsill tas-Sigurtà enfasizza r-responsabbiltà tal-partijiet kollha fil-konflitt għat-tbatija tal-poplu tas-Sudan t'Isfel. Huwa stabbilixxa wkoll li s-sitwazzjoni fis-Sudan t'Isfel tirrapreżenta theddida għall-paċi internazzjonali u għas-sigurtà fir-reġjun.

(3)

Il-paragrafi 9 u 12 tal-UNSCR 2206 (2015) jipprevedu miżuri restrittivi fil-forma ta' restrizzjonijiet fuq l-ivvjaġġar u l-iffriżar tal-assi li jistgħu jiġu applikati fir-rigward ta' persuni u entitajiet indikati mill-Kumitat tal-Kunsill tas-Sigurtà stabbiliti skont il-paragrafu 16 tal-UNSCR 2206 (2015) (“il-Kumitat”). Il-paragrafi 6, 7 u 8 tal-UNSCR 2206 (2015) jipprevedu wkoll kriterji biex persuni u entitajiet jiġu indikati li huma soġġetti għall-miżuri restrittivi stipulati fil-paragrafi 9 u 12 ta' dik ir-Riżoluzzjoni.

(4)	Għal raġunijiet ta' ċarezza, il-miżuri restrittivi imposti bid-Deċiżjoni 2014/449/PESK u l-miżuri restrittivi previsti fil-UNSCR 2206 (2015) adottata mill-Kunsill tas-Sigurtà tan-Nazzjonijiet Uniti għandhom ikunu integrati fi strument legali uniku.

(5)	Id-Deċiżjoni 2014/449/PESK għandha għalhekk titħassar skont dan.

(6)	Hija meħtieġa aktar azzjoni mill-Unjoni biex jiġu implimentati ċerti miżuri,

ADOTTA DIN ID-DEĊIŻJONI:

Artikolu 1

1. Il-bejgħ, il-fornitura, it-trasferiment jew l-esportazzjoni ta' armamenti u materjal relatat ta' kull tip, inkluż l-armi u l-munizzjon, il-vetturi u t-tagħmir militari, it-tagħmir paramilitari u l-partijiet ta' rikambju għal dawk imsemmija qabel, lis-Sudan t'Isfel minn ċittadini ta' Stati Membri jew li ġejjin minn territorji ta' Stati Membri, jew l-użu ta' bastimenti jew ajruplani tal-bandiera tagħhom huma pprojbiti kemm jekk joriġinaw fit-territorji tagħhom jew le.

2. Huma wkoll ipprojbiti:

(a)

l-għoti, direttament jew indirettament, ta' għajnuna teknika, servizzi ta' senserija jew servizzi oħra relatati mal-oġġetti msemmijin fil-paragrafu 1 jew relatati mal-forniment, il-manifattura, il-manutenzjoni u l-użu ta' tali oġġetti, lil kwalunkwe persuna fiżika jew ġuridika, entità jew korp fi jew għall-użu fis-Sudan t'Isfel;

(b)

l-għoti, direttament jew indirettament, ta' finanzi jew għajnuna finanzjarja relatati mal-oġġetti msemmijin fil-paragrafu 1, inklużi b'mod partikolari għotjiet, self u assigurazzjoni tal-kreditu fuq l-esportazzjoni, kif ukoll assigurazzjoni jew riassigurazzjoni, għal kwalunkwe bejgħ, forniment, trasferiment jew esportazzjoni ta' tali oġġetti, jew għall-għoti ta' għajnuna teknika relatata, servizzi ta' senserija jew servizzi oħra lil kwalunkwe persuna fiżika jew ġuridika, entità jew korp fi jew għall-użu fis-Sudan t'Isfel;

(c)	il-parteċipazzjoni, xjentement u intenzjonalment, f'attivitajiet li l-oġġett jew l-effett tagħhom huwa li jiġu evitati l-miżuri msemmijin fil-punt (a) jew (b).

Artikolu 2

1. L-Artikolu 1 ma għandux japplika għal:

(a)

il-bejgħ, il-forniment, it-trasferiment jew l-esportazzjoni ta' tagħmir militari mhux letali maħsub unikament għal użu umanitarju, ta' monitoraġġ tad-drittijiet tal-bniedem jew għal użu protettiv, jew għal programmi ta' bini ta' istituzzjonijiet imwettqa min-NU, l-Unjoni Afrikana (UA), l-UE jew l-Awtorità Intergovernattiva tal-Iżvilupp (IGAD), jew ta' materjal maħsub għal operazzjonijiet tan-NU, tal-UA u tal-UE għall-immaniġġar ta' kriżijiet;

(b)

il-bejgħ, il-forniment, it-trasferiment jew l-esportazzjoni ta' vetturi mhux tal-kumbattiment li ġew manifatturati jew mgħammra b'materjali li jipprovdu protezzjoni ballistika, maħsuba unikament għal użu protettiv, fis-Sudan t'Isfel, minn persunal tal-EU jew tal-Istati Membri tagħha fis-Sudan t'Isfel jew minn persunal tan-NU, l-UA jew l-IGAD;

(c)	l-għoti ta' għajnuna teknika, servizzi ta' senserija u servizzi oħra relatati mat-tagħmir jew il-programmi u operazzjonijiet imsemmijin fil-punt (a);

(d)	l-għoti ta' finanzi u għajnuna finanzjarja relatati mat-tagħmir jew il-programmi u operazzjonijiet imsemmijin fil-punt (a);

(e)	il-bejgħ, il-forniment, it-trasferiment jew l-esportazzjoni ta' tagħmir għat-tneħħija tal-mini u materjal użat f'operazzjonijiet tat-tneħħija tal-mini;

(f)	il-bejgħ, il-forniment, it-trasferiment jew l-esportazzjoni ta' tagħmir militari mhux letali maħsub unikament għall-appoġġ tal-proċess ta' Riforma tas-Settur tas-Sigurtà fis-Sudan t'Isfel kif ukoll l-għoti ta' finanzi, għajnuna finanzjarja jew għajnuna teknika relatati ma' tali tagħmir,

bil-kondizzjoni li tali kunsinni jkunu ġew approvati minn qabel mill-awtorità kompetenti tal-Istat Membru inkwistjoni.

2. L-Artikolu 1 ma għandux japplika għall-ilbies protettiv, inklużi ġkieket għall-flak u elmi militari, esportati temporanjament lejn is-Sudan t'Isfel mill-persunal tal-UE jew l-Istati Membri tagħha, mill-persunal tan-NU jew tal-IGAD, minn rappreżentanti tal-mezzi tax-xandir, ħaddiema umanitarji u ħaddiema mpjegati fl-iżvilupp u l-persunal assoċjat għall-użu personali tagħhom biss.

3. L-Istati Membri għandhom jikkunsidraw kunsinni taħt dan l-Artikolu fuq bażi ta' każijiet individwali, filwaqt li jqisu b'mod sħiħ il-kriterji stabbiliti fil-Pożizzjoni Komuni tal-Kunsill 2008/944/PESK (2). L-Istati Membri għandhom jeħtieġu salvagwardji xierqa kontra l-użu ħażin tal-awtorizzazzjonijiet mogħtija taħt dan l-Artikolu u, fejn xieraq, jagħmlu dispożizzjonijiet għal ripatrijazzjoni tat-tagħmir.

Artikolu 3

1. L-Istati Membri għandhom jieħdu l-miżuri neċessarji biex jipprevjenu d-dħul fit-territorji tagħhom, jew it-tranżitu minnhom, tal-persuni:

(a)	indikati mill-Kunsill tas-Sigurtà jew mill-Kumitat f'konformità mal-paragrafi 6, 7, 8 u 9 tal-UNSCR 2206 (2015), kif elenkati fl-Anness I għal din id-Deċiżjoni;

(b)

mhux koperti mill-punt (a), li qed ixekklu l-proċess politiku fis-Sudan t'Isfel, inkluż b'atti ta' vjolenza jew ksur ta' ftehimiet ta' waqfien mill-ġlied, kif ukoll persuni responsabbli għal ksur serju tad-drittijiet tal-bniedem fis-Sudan t'Isfel, u persuni assoċjati magħhom, kif elenkati fl-Anness II.

2. Il-paragrafu 1 ma għandux jobbliga lil Stat Membru jirrifjuta d-dħul fit-territorju tiegħu liċ-ċittadini tiegħu stess.

Artikolu 4

1. Dan l-Artikolu japplika għall-persuni elenkati fl-Anness I.

2. L-Artikolu 3(1) ma għandux japplika fejn:

(a)	l-ivvjaġġar huwa ġustifikat għal raġunijiet ta' ħtieġa umanitarja, inkluż l-obbligu reliġjuż, kif determinat mill-Kumitat skont il-każ;

(b)	id-dħul jew it-tranżitu huwa meħtieġ biex isir proċess ġudizzjarju;

(c)	l-ivvjaġġar ikompli jiffaċilita l-objettivi ta' paċi u rikonċiljazzjoni nazzjonali fis-Sudan t'Isfel u l-istabbiltà fir-reġjun, kif determinat mill-Kumitat skont il-każ.

Artikolu 5

1. Dan l-Artikolu japplika għall-persuni elenkati fl-Anness II.

2. L-Artikolu 3(1) għandu jkun mingħajr preġudizzju għall-każijiet fejn Stat Membru jkun marbut minn obbligu skont id-dritt internazzjonali, jiġifieri:

(a)	bħala pajjiż li jospita organizzazzjoni intergovernattiva internazzjonali;

(b)	bħala pajjiż li jospita konferenza internazzjonali msejħa minn, jew taħt il-patroċinju ta', in-NU;

(c)	skont ftehim multilaterali li jagħti privileġġi u immunitajiet; jew

(d)	skont it-Trattat ta' Konċiljazzjoni (il-Patt Lateran) tal-1929 konkluż mis-Santa Sede (l-Istat tal-Belt tal-Vatikan) u l-Italja.

3. Il-paragrafu 2 għandu jiġi kkunsidrat li japplika wkoll f'każijiet fejn Stat Membru jkun il-pajjiż li jospita l-Organizzazzjoni għas-Sigurtà u l-Kooperazzjoni fl-Ewropa (OSKE).

4. Il-Kunsill għandu jiġi infurmat kif meħtieġ fil-każijiet kollha fejn Stat Membru jagħti eżenzjoni skont il-paragrafu 2 jew 3.

5. L-Istati Membri jistgħu jagħtu eżenzjonijiet mill-miżuri imposti taħt l-Artikolu 3(1) meta l-ivvjaġġar ikun ġustifikat għal raġunijiet bżonn umanitarju urġenti, jew għal raġunijiet ta' attendenza għal laqgħat intergovernattivi u laqgħat promossi jew ospitati mill-UE jew ospitati minn Stat Membru li jkollu l-Presidenza attwali tal-OSKE, fejn isir djalogu politiku li jippromwovi b'mod dirett l-objettivi ta' politika tal-miżuri restrittivi, inklużi d-demokrazija, id-drittijiet tal-bniedem u l-istat tad-dritt fis-Sudan t'Isfel.

6. Stat Membru li jixtieq jagħti eżenzjonijiet imsemmija fil-paragrafu 5 għandu jinnotifika lill-Kunsill bil-miktub. L-eżenzjoni għandha titqies li ngħatat ħlief jekk membru wieħed jew aktar tal-Kunsill joġġezzjonaw bil-miktub fi żmien jumejn ta' xogħol minn meta tasal in-notifika dwar l-eżenzjoni proposta. Fil-każ li membru wieħed jew aktar tal-Kunsill joġġezzjonaw, il-Kunsill, li jaġixxi b'maġġoranza kwalifikata, jista' jiddeċiedi li jagħti l-eżenzjoni proposta.

7. Fil-każijiet fejn, skont il-paragrafi 2, 3, 5 u 6, Stat Membru jawtorizza d-dħul fi, jew it-tranżitu minn, it-territorju tiegħu tal-persuni elenkati fl-Anness II, l-awtorizzazzjoni għandha tkun strettament limitata għall-iskop li għalih ingħatat u għall-persuni direttament ikkonċernati minn dan.

Artikolu 6

1. Il-fondi u r-riżorsi ekonomiċi kollha li direttament jew indirettament jappartjenu lil, huma proprjetà ta', miżmumin jew ikkontrollati minn, direttament jew indirettament,:

(a)	il-persuni jew entitajiet indikati mill-Kunsill tas-Sigurtà jew mill-Kumitat f'konformità mal-paragrafi 6, 7, 8 u 12 tal-UNSCR 2206 (2015), kif elenkati fl-Anness I għal din id-Deċiżjoni;

(b)

persuni li qed ixekklu l-proċess politiku fis-Sudan t'Isfel, inkluż b'atti ta' vjolenza jew ksur ta' ftehimiet ta' waqfien mill-ġlied, kif ukoll persuni responsabbli għal ksur serju ta' drittijiet tal-bniedem fis-Sudan t'Isfel, u persuni fiżiċi jew ġuridiċi, entitajiet jew korpi assoċjati magħhom, kif elenkati fl-Anness II,

għandhom jiġu ffriżati.

2. L-ebda fondi jew riżorsi ekonomiċi ma għandhom isiru disponibbli, direttament jew indirettament, lil jew għall-benefiċċju ta' persuni fiżiċi jew ġuridiċi, entitajiet jew korpi elenkati fl-Anness I jew II.

Artikolu 7

1. Dan l-Artikolu japplika għall-persuni u entitajiet elenkati fl-Anness I.

2. L-awtorità kompetenti ta' Stat Membru tista' tawtorizza r-rilaxx ta' ċerti fondi jew riżorsi ekonomiċi ffriżati, jew li ċerti fondi jew riżorsi ekonomiċi jsiru disponibbli, taħt il-kondizzjonijiet li hi tqis xierqa, wara li tkun iddeterminat li l-fondi jew ir-riżorsi ekonomiċi kkonċernati huma:

(a)	neċessarji għall-ispejjeż bażiċi, inkluż ħlas għal prodotti tal-ikel, kera jew ipoteka, mediċini u kura medika, taxxi, primjums ta' assigurazzjoni u ħlasijiet tal-użu ta' servizzi pubbliċi;

(b)	esklużivament għall-ħlas ta' tariffi professjonali raġonevoli u r-rimborż tal-ispejjeż sostnuti għall-prestazzjoni ta' servizzi legali;

(c)	tariffi jew imposti ta' servizzi ta' kustodja jew ta' ġestjoni normali ta' fondi ffriżati u riżorsi ekonomiċi.

L-Istat Membru kkonċernat għandu jinnotifika lill-Kumitat bil-quddiem bl-intenzjoni li jawtorizza, fejn adatt, ir-rilaxx ta' ċerti fondi ffriżati jew riżorsi ekonomiċi. Jistgħu jingħataw awtorizzazzjonijiet fl-assenza ta' deċiżjoni negattiva mill-Kumitat fi żmien ħamest ijiem ta' xogħol minn tali notifika.

3. L-awtorità kompetenti ta' Stat Membru tista' tawtorizza r-rilaxx ta' ċerti fondi jew riżorsi ekonomiċi ffriżati, jew li ċerti fondi jew riżorsi ekonomiċi jsiru disponibbli, taħt il-kondizzjonijiet li hi tqis xierqa, wara li tkun iddeterminat li l-fondi jew ir-riżorsi ekonomiċi kkonċernati huma meħtieġa għal spejjeż straordinarji, sakemm tali determinazzjoni tkun ġiet notifikata mill-Istat Membru kkonċernat lill-Kumitat u tkun ġiet approvata mill-Kumitat.

4. B'deroga mill-Artikolu 6(1), l-awtoritajiet kompetenti ta' Stat Membru jistgħu wkoll jawtorizzaw ir-rilaxx ta' ċerti fondi ffriżati jew riżorsi ekonomiċi, dment li l-Istat Membru kkonċernat ikun iddeterminat li l-fondi jew riżorsi ekonomiċi huma soġġetti ta' privileġġ jew sentenza ġudizzjarja, amministrattiva jew arbitrali u li l-fondi jew riżorsi ekonomiċi jkunu ser jintużaw esklużivament biex jiġi ssodisfat dak il-privileġġ jew dik is-sentenza, sakemm il-privileġġ ikun ġie konkluż jew sentenza tkun ingħatat qabel id-data tal-adozzjoni UNSCR 2206 (2015), jiġifieri t-3 ta' Marzu 2015, ma tkunx għall-benefiċċju ta' persuna fiżika jew ġuridika, entità jew korp elenkat fl-Anness I jew II, u tkun ġiet innotifikata mill-Istat Membru kkonċernat lill-Kumitat.

5. L-Artikolu 6(1) ma għandux japplika għaż-żieda mal-kontijiet iffriżati ta':

(a)	imgħax jew dħul ieħor fuq dawk il-kontijiet; jew

(b)	pagamenti dovuti taħt kuntratti, ftehimiet jew obbligi li ġew konklużi jew li rriżultaw qabel id-data li fiha dawk il-kontijiet saru soġġetti għall-miżuri previsti fl-Artikolu 6,

dment li kwalunkwe tali imgħax, qligħ u pagamenti oħrajn jibqgħu soġġetti għall-miżuri previsti fl-Artikolu 6(1).

6. L-Artikolu 6 m'għandux jipprevjeni lil persuna fiżika jew ġuridika, entità jew korp milli tagħmel pagament dovut taħt kuntratt li daħal fis-seħħ qabel id-data li fiha tali persuna fiżika jew ġuridika, entità jew korp ġie elenkat fl-Anness I, dment li l-Istat Membru konċernat jkun iddetermina li l-pagament ma jiġix riċevut, direttament jew indirettament, minn persuna fiżika jew ġuridika, entità jew korp elenkat fl-Anness I jew II u wara notifika mill-Istat Membru kkonċernat lill-Kumitat dwar l-intenzjoni li jagħmel jew jirċievi tali ħlasijiet jew biex jawtorizza, fejn xieraq, ir-rilaxx tal-fondi, assi finanzjarji oħra jew riżorsi ekonomiċi għal dan il-fini, għaxart ijiem ta' xogħol qabel tali awtorizzazzjoni.

Artikolu 8

1. Dan l-Artikolu japplika għall-persuni u entitajiet elenkati fl-Anness II.

(a)	meħtieġa biex jiġu sodisfatti l-ħtiġijiet bażiċi tal-persuni elenkati fl-Anness II u l-membri tal-familja dipendenti minnhom, inklużi pagamenti għal ikel, kera jew garanziji ipotekarji, mediċini u trattament mediku, taxxi, primjums tal-assigurazzjoni, u ħlasijiet ta' servizzi pubbliċi;

(b)	maħsuba esklużivament għall-pagament ta' tariffi professjonali raġonevoli u għar-rimborż tal-ispejjeż imġarrba assoċjati mal-provvista ta' servizzi legali;

(c)	maħsuba esklużivament għall-pagament ta' tariffi jew imposti ta' servizzi ta' kustodja jew ġestjoni normali ta' fondi jew riżorsi ekonomiċi ffriżati; jew

(d)	meħtieġa għal spejjeż straordinarji, bil-kondizzjoni li l-awtorità kompetenti tkun innotifikat lill-awtoritajiet kompetenti tal-Istati Membri l-oħrajn u lill-Kummissjoni bir-raġunijiet li għalihom tqis li għandha tingħata awtorizzazzjoni speċifika, għall-inqas ġimagħtejn qabel l-awtorizzazzjoni.

L-Istat Membru kkonċernat għandu jinforma lill-Istati Membri l-oħrajn u lill-Kummissjoni bi kwalunkwe awtorizzazzjoni mogħtija taħt dan il-paragrafu.

3. B'deroga mill-Artikolu 6(1), l-awtoritajiet kompetenti ta' Stat Membru jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, bil-kondizzjoni li jintlaħqu l-kondizzjonijiet li ġejjin:

(a)

il-fondi jew riżorsi ekonomiċi jkunu s-suġġett ta' sentenza arbitrali mogħtija qabel id-data li fiha l-persuna fiżika jew ġuridika, l-entità jew il-korp imsemmijin fl-Artikolu 6(1) ikunu ġew elenkati fl-Anness II, jew ta' deċiżjoni ġudizzjarja jew amministrattiva mogħtija fl-Unjoni, jew deċiżjoni ġudizzjarja li tkun eżegwibbli fl-Istat Membru konċernat, qabel jew wara dik id-data;

(b)

il-fondi jew ir-riżorsi ekonomiċi ser jintużaw esklużivament biex jiġu sodisfatti pretensjonijiet garantiti minn tali deċiżjoni jew rikonoxxuti bħala validi f'tali deċiżjoni, fil-limiti stabbiliti mil-liġijiet u r-regolamenti applikabbli li jirregolaw id-drittijiet ta' persuni li jkollhom dawn il-pretensjonijiet;

(c)	id-deċiżjoni ma tkunx għall-benefiċċju ta' persuna fiżika jew ġuridika, entità jew korp elenkat fl-Anness I jew II; u

(d)	ir-rikonoxximent tad-deċiżjoni ma jmurx kontra l-politika pubblika fl-Istat Membru kkonċernat.

L-Istat Membru kkonċernat għandu jinforma lill-Istati Membri l-oħrajn u lill-Kummissjoni bi kwalunkwe awtorizzazzjoni mogħtija taħt dan il-paragrafu.

4. L-Artikolu 6(1) ma għandux iżomm lil persuna fiżika jew ġuridika, entità jew korp elenkat milli jagħmel pagament dovut taħt kuntratt li daħal għalih qabel id-data li fiha din il-persuna fiżika jew ġuridika, l-entità jew il-korp ikun ġie elenkat fl-Anness II, sakemm l-Istat Membru kkonċernat ikun iddetermina li l-pagament ma jiġix riċevut, direttament jew indirettament, minn persuna fiżika jew ġuridika, entità jew korp elenkat fl-Anness I jew II.

5. L-Artikolu 6(2) ma għandux japplika għaż-żieda ma' kontijiet iffriżati ta':

(a)	imgħax jew dħul ieħor fuq dawk il-kontijiet;

(b)	pagamenti dovuti taħt kuntratti, ftehimiet jew obbligi li ġew konklużi jew li rriżultaw qabel id-data li fiha dawk il-kontijiet saru soġġetti għall-miżuri previsti fil-Artikolu 6; jew

(c)	pagamenti dovuti taħt deċiżjonijiet ġudizzjarji, amministrattivi jew arbitrali li ngħataw fl-Unjoni jew li huma eżegwibbli fl-Istat Membru kkonċernat,

dment li kwalunkwe tali imgħax, qligħ u pagamenti oħrajn jibqgħu soġġetti għall-miżuri previsti fl-Artikolu 6(1).

Artikolu 9

1. Fejn il-Kunsill tas-Sigurtà jew il-Kumitat jelenka persuna jew entità, il-Kunsill għandu jinkludi tali persuna jew entità fl-Anness I.

2. Il-Kunsill, filwaqt li jaġixxi fuq proposta minn Stat Membru jew mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà, għandu jiddeċiedi li jistabbilixxi u jemenda l-lista fl-Anness II.

3. Il-Kunsill għandu jikkomunika d-deċiżjonijiet tiegħu msemmijin fil-paragrafi 1 u 2, inklużi r-raġunijiet għall-inklużjoni fil-lista, lill-persuna fiżika jew ġuridika, entità jew korp ikkonċernat, jew direttament, jekk l-indirizz ikun magħruf, jew permezz tal-pubblikazzjoni ta' avviż, li tipprovdi lil tali persuna, entità jew korp b'opportunità li jippreżentaw osservazzjonijiet.

4. Fejn jiġu ppreżentati osservazzjonijiet jew provi sostanzjali ġodda, il-Kunsill għandu jirrevedi d-deċiżjonijiet tiegħu u jinforma lill-persuna fiżika jew ġuridika, entità jew korp ikkonċernati kif meħtieġ.

Artikolu 10

1. L-Annessi I u II għandhom jinkludu r-raġunijiet għall-inklużjoni fil-lista tal-persuni u entitajiet imsemmija fl-Artikoli 3(1) u 6(1), kif previst mill-Kunsill tas-Sigurtà jew mill-Kumitat fir-rigward tal-Anness I, u l-Kunsill fir-rigward tal-Anness II.

2. L-Annessi I u II għandhom jinkludu wkoll, fejn disponibbli, l-informazzjoni meħtieġa għall-identifikazzjoni tal-persuni u entitajiet ikkonċernati, kif previst mill-Kunsill tas-Sigurtà jew mill-Kumitat fir-rigward tal-Anness I, u l-Kunsill fir-rigward tal-Anness II. Fir-rigward tal-persuni, tali informazzjoni tista' tinkludi l-ismijiet, inklużi l-psewdonimi, id-data u l-post ta' twelid, iċ-ċittadinanza, in-numri tal-passaport u tal-karta tal-identità, is-sess, l-indirizz jekk magħruf, u l-funzjoni jew il-professjoni. Fir-rigward ta' persuni ġuridiċi, entitajiet jew korpi, tali informazzjoni tista' tinkludi ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju. L-Annessi I u II għandhom jinkludu wkoll id-data tal-inklużjoni fil-lista.

Artikolu 11

Sabiex l-impatt tal-miżuri stipulati f'din id-Deċiżjoni jkun kemm jista' jkun qawwi, l-Unjoni għandha tħeġġeġ lill-Istati terzi biex jadottaw miżuri restrittivi simili għal dawk previsti f'din id-Deċiżjoni.

Artikolu 12

1. Din id-Deċiżjoni għandha tinżamm taħt reviżjoni kontinwa. Hija għandha tiġġedded, jew tiġi emendata kif adatt, jekk il-Kunsill iqis li l-għanijiet tagħha ma ntlaħqux u fid-dawl tad-deċiżjonijiet rilevanti tal-Kunsill tas-Sigurtà.

2. Il-miżuri msemmija fil-punt (b) tal-Artikolu 3(1) u l-punt (b) tal-Artikolu 6(1) għandhom jiġu riveduti f'intervalli regolari u mill-inqas kull 12-il xahar. Huma ma għandhomx ikomplu japplikaw fir-rigward tal-persuni u l-entitajiet konċernati jekk il-Kunsill jiddetermina, f'konformità mal-proċedura msemmija fl-Artikolu 9, li l-kondizzjonijiet għall-applikazzjoni tagħhom m'għadhomx jintlaħqu aktar.

Artikolu 13

Id-Deċiżjoni 2014/449/PESK qiegħda b'dan titħassar.

Artikolu 14

Din id-Deċiżjoni għandha tidħol fis-seħħ f-data wara dik tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi Brussell, is-7 ta' Mejju 2015.

Għall-Kunsill

Il-President

E. RINKĒVIČS

(1) Id-Deċiżjoni tal-Kunsill 2014/449/PESK tal-10 ta' Lulju 2014 dwar miżuri restrittivi fid-dawl tas-sitwazzjoni fis-Sudan t'Isfel (ĠU L 203, 11.7.2014, p. 100).

(2) Il-Pożizzjoni Komuni tal-Kunsill 2008/944/PESK tat-8 ta' Diċembru 2008 li tiddefinixxi regoli komuni li jirregolaw il-kontroll ta' esportazzjonijiet ta' teknoloġija u tagħmir militari (ĠU L 335, 13.12.2008, p. 99).

ANNESS I

Lista tal-persuni u entitajiet imsemmijin fil-punt (a) tal-Artikolu 3(1) u l-punt (a) tal-Artikolu 6(1)

ANNESS II

Lista tal-persuni u entitajiet imsemmijin fil-punt (b) tal-Artikolu 3(1) u l-punt (b) tal-Artikolu 6(1)

Isem

Informazzjoni ta' identifikazzjoni

Raġunijiet

Data tal-inklużjoni fil-lista

Santino DENG

(magħruf ukoll bħala: Santino Deng Wol)

Kmandant tat-tielet Diviżjoni tal-Fanterija tal-Armata għal-Liberazzjoni tal-Poplu tas-Sudan (SPLA)

11.7.2014

Peter GADET

(magħruf ukoll bħala: Peter Gatdet Yaka; Peter Cadet; Peter Gadet Yak; Peter Gadet Yaak: Peter Gatdet Yaak; Peter Gatdet; Peter Gatdeet Yaka)

Mexxej tal-milizzja Nuer, li hija kontra l-gvern. Post tat-twelid: Mayom County Unity State

11.7.2014

		ISSN 1977-074X
Il-Ġurnal Uffiċjali tal-Unjoni Ewropea		L 117

Edizzjoni bil-Malti	Leġiżlazzjoni	Volum 58 8 ta' Mejju 2015

Werrej		II Atti mhux leġiżlattivi	Paġna
		FTEHIMIET INTERNAZZJONALI
	*	Deċiżjoni tal-Kunsill (UE) 2015/733 tad-9 ta' Ottubru 2014 dwar l-iffirmar, f'isem l-Unjoni Ewropea u l-Istati Membri tagħha, u l-applikazzjoni provviżorja tal-Protokoll Addizzjonali għall-Ftehim dwar il-Kummerċ, Żvilupp u Koperazzjoni bejn il-Komunità Ewropea u l-Istati Membri tagħha, fuq naħa, u r-Repubblika tal-Afrika ta' Isfel, fuq in-naħa l-oħra, biex jittieħed kont tal-adeżjoni tar-Repubblika tal-Kroazja mal-Unjoni Ewropea	1
		Protokoll Addizzjonali għall-Ftehim dwar il-Kummerċ, l-Iżvilupp u l-Kooperazzjoni bejn il-Komunità Ewropea u l-Istati Membri tagħha, minn naħa, u r-Repubblika tal-Afrika t'Isfel, min-naħa l-oħra, biex jittieħed kont tal-adeżjoni tar-Repubblika tal-Kroazja mal-Unjoni Ewropea	3
		REGOLAMENTI
	*	Regolament tal-Kunsill (UE) 2015/734 tas-7 ta' Mejju 2015 li jemenda r-Regolament tal-Kunsill (UE) Nru 224/2014 dwar miżuri restrittivi minħabba s-sitwazzjoni fir-Repubblika Ċentru-Afrikana	11
	*	Regolament tal-Kunsill (UE) 2015/735 tas-7 ta' Mejju 2015 dwar miżuri restrittivi fid-dawl tas-sitwazzjoni fis-Sudan t'Isfel, u li jħassar ir-Regolament (UE) Nru 748/2014	13
	*	Regolament ta' Implimentazzjoni tal-Kummissjoni (UE) 2015/736 tas-7 ta' Mejju 2015 li jipprojbixxi l-introduzzjoni fl-Unjoni ta' eżemplari ta' ċerti speċijiet ta' fawna u flora selvaġġi	25
		Regolament ta' Implimentazzjoni tal-Kummissjoni (UE) 2015/737 tas-7 ta' Mejju 2015 li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex	45
		DEĊIŻJONIJIET
	*	Deċiżjoni (UE) 2015/738 tal-Parlament Ewropew u tal-Kunsill tad-29 ta' April 2015 dwar il-mobilizzazzjoni tal-Fond Ewropew ta' Aġġustament għall-Globalizzazzjoni (applikazzjoni EGF/2014/017 FR/Mory-Ducros ippreżentata minn Franza)	47
	*	Deċiżjoni tal-Kunsill (PESK) 2015/739 tas-7 ta' Mejju 2015 li temenda d-Deċiżjoni 2013/798/PESK dwar miżuri restrittivi kontra r-Repubblika Ċentru-Afrikana	49
	*	Deċiżjoni tal-Kunsill (PESK) 2015/740 tas-7 ta' Mejju 2015 dwar miżuri restrittivi fid-dawl tas-sitwazzjoni fis-Sudan t'Isfel u li tħassar id-Deċiżjoni 2014/449/PESK	52

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	MA	83,5
	TN	392,6
	TR	94,0
	ZZ	190,0
0707 00 05	AL	49,4
	TR	109,0
	ZZ	79,2
0709 93 10	MA	112,6
	TR	138,9
	ZZ	125,8
0805 10 20	EG	48,2
	IL	75,0
	MA	48,6
	MO	59,6
	ZA	60,1
	ZZ	58,3
0805 50 10	BR	107,1
	MA	73,0
	TR	56,0
	ZZ	78,7
0808 10 80	AR	99,8
	BR	100,9
	CL	124,4
	MK	32,8
	NZ	157,4
	US	234,9
	ZA	118,4
	ZZ	124,1