(1)

Ir-Regolament ta' Implimentazzjoni tal-Kummissjoni (UE) Nru 463/2014 (2) jistabbilixxi d-dispożizzjonijiet meħtieġa għat-tħejjija tal-programmi. Sabiex tiġi żgurata l-implimentazzjoni ta' programmi ffinanzjati mill-Fond għal Għajnuna Ewropea għall-Persuni l-Aktar fil-Bżonn (l-“FEAD”), jeħtieġ li jiġu stabbiliti aktar dispożizzjonijiet għall-applikazzjoni tar-Regolament (UE) Nru 223/2014.

(2)

Għall-finijiet tal-Artikolu 32(2)(d) tar-Regolament (UE) Nru 223/2014, jeħtieġ li jiġu stipulati speċifikazzjonijiet tekniċi tas-sistema sabiex tirreġistra u taħżen f'forma kompjuterizzata dejta dwar kull operazzjoni meħtieġa għall-monitoraġġ, l-evalwazzjoni, l-immaniġġjar finanzjarju, il-verifika u l-awditjar.

(3)

L-ispeċifikazzjonijiet tekniċi dettaljati tas-sistema li tirreġistra u taħżen id-dejta għandhom ikunu dokumentati biżżejjed sabiex jiżguraw rendikont tal-entrati tal-konformità mar-rekwiżiti ġuridiċi.

(4)

Is-sistema li tirreġistra u taħżen id-dejta għandha tinkludi wkoll għodod ta' tiftix u funzjonijiet ta' rappurtar xierqa sabiex tkun tista' tirkupra u taggrega faċilment informazzjoni maħżuna fiha għall-monitoraġġ, l-evalwazzjoni, l-immaniġġjar finanzjarju, il-verifika u għanijiet ta' awditjar.

(5)

Il-miżuri previsti f'dan ir-Regolament huma skont l-opinjoni tal-Kumitat għall-Fond għal Għajnuna Ewropea għall-Persuni l-Aktar fil-Bżonn,

(a)

għodod ta' tiftix xierqa li jippermettu l-irkupru faċli tad-dokumenti, id-dejta u l-metadejta tagħhom;

(b)

funzjoni ta' rappurtar li tippermetti l-ġenerazzjoni ta' rapporti fuq il-bażi ta' kriterji predefiniti, b'mod partikolari għad-dejta stipulata fir-Regolament Delegat tal-Kummissjoni (UE) Nru 532/2014 (3);

(c)

possibbiltà ta' ssejvjar, esportazzjoni jew stampar tar-rapporti msemmija fil-punt (b), jew link għal applikazzjoni esterna li tipprovdi din il-possibbiltà.

(1)

Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissal-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

Il-Pjan Direttur S2R għandu jiġi stabbilit u żviluppat mill-Impriża Konġunta Shift2Rail, b'konsultazzjoni mal-Aġenzija Ferrovjarja Ewropea u l-Pjattaforma Teknoloġika tal-Kunsill Konsultattiv għar-Riċerka Ewropea dwar il-Ferroviji (ERRAC), biex jistimula l-innovazzjoni fis-settur ferrovjarju fuq medda twila ta' żmien.

(2)

Il-Pjan Direttur Shift2Rail għandu jidentifika l-prijoritajiet ewlenin u l-innovazzjonijiet teknoloġiċi u operazzjonali essenzjali meħtieġa mill-partijiet ikkonċernati kollha biex jinkisbu l-għanijiet speċifiċi tal-Impriża Konġunta Shift2Rail imsemmija fir-Regolament (UE) Nru 642/2014.

(3)

Il-Pjan Direttur Shift2Rail għandu jkun xprunat mill-prestazzjoni u strutturat madwar numru limitat ta' oqsma tematiċi ewlenin, jew Programmi ta' Innovazzjoni kif identifikat fl-Anness I tar-Regolament (UE) Nru 642/2014.

(4)

Il-verżjoni tal-Pjan Direttur Shift2Rail approvata mill-Bord Governattiv fl-24 ta' Settembru 2014 u li tintegra kontribuzzjonijiet ewlenin mill-partijiet ikkonċernati rilevanti, tikkostitwixxi l-bażi tas-sejħa għal membri assoċjati mnedija mill-Kummissjoni fis-6 ta' Ottubru 2014 skont l-Anness I tar-Regolament (UE) Nru 642/2014 u l-bażi għall-istabbiliment tal-pjan ta' ħidma tal-Impriża Konġunta Shift2Rail,

(1)

Permezz tad-Deċiżjoni 2000/365/KE, il-Kunsill awtorizza lir-Renju Unit biex jipparteċipa f'partijiet tal-acquis ta' Schengen.

(2)

Wara n-notifiki tar-Renju Unit dwar ix-xewqa tiegħu li jagħmel użu tal-possibbiltajiet f'konformità mal-Artikolu 10(4) u (5) tal-Protokoll Nru 36 dwar id-dispożizzjonijiet transitorji, anness mat-Trattat dwar l-Unjoni Ewropea (TUE) u mat-Trattat dwar il-Funzjonament tal-Unjoni Ewropea (TFUE) id-Deċiżjoni 2000/365/KE ġiet emendata bid-Deċiżjoni tal-Kunsill 2014/857/UE (2).

(3)

F'konformità mal-Artikolu 4 tal-Protokoll Nru 19 dwar l-acquis ta' Schengen integrat fil-qafas tal-Unjoni Ewropea (“il-Protokoll ta' Schengen”), anness mat-TUE u mat-TFUE, id-Deċiżjoni 2000/365/KE tispeċifika, fl-Artikolu 6(3) moqri flimkien mal-Artikolu 6(1), li d-dispożizzjonijiet imsemmija fl-Artikolu 1(a)(ii), kif ukoll dispożizzjonijiet oħra rilevanti dwar is-Sistema ta' Informazzjoni ta' Schengen (SIS) adottati mill-1 ta' Diċembru 2009, iżda li għadhom ma daħlux b'effett, għandhom jiddaħħlu b'effett, bejn ir-Renju Unit u l-Istati Membri u Stati oħrajn li għalihom dawn id-dispożizzjonijiet jkunu diġà daħlu b'effett, meta l-prekondizzjonijiet għall-implimentazzjoni ta' dawk id-dispożizzjonijiet ikunu ġew issodisfati, b'deċiżjoni ta' implimentazzjoni meħuda mill-Kunsill, li jaġixxi b'unanimità tal-membri tiegħu kif imsemmi fl-Artikolu 1 tal-Protokoll ta' Schengen u tar-rappreżentant tal-Gvern tar-Renju Unit.

(4)

F'Novembru 2012, ir-Renju Unit esprima l-intenzjoni tiegħu li jibda l-implimentazzjoni tal-partijiet li ġejjin tal-acquis ta' Schengen: is-SIS u r-regoli relatati dwar il-protezzjoni taddata.

(5)

F'Lulju 2013, intbagħat kwestjonarju lir-Renju Unit, li t-tweġibiet tiegħu ġew reġistrati u sussegwentement saret żjara ta' verifika u evalwazzjoni fir-Renju Unit skont il-proċeduri applikabbli fil-qasam tal-protezzjoni tad-data.

(6)

Fir-rigward tal-applikazzjoni tal-acquis ta' Schengen fir-rigward tal-protezzjoni tad-data, it-tweġibiet għall-kwestjonarju u ż-żjara li saret f'Ottubru 2013 urew li r-rekwiżiti li għandhom x'jaqsmu mal-leġislazzjoni, il-livelli tal-manodopera, l-infrastruttura u r-riżorsi materjali li ġew issodisfati.

(7)

Għalhekk, il-Kunsill kien f'pożizzjoni li jikkonkludi fit-3 ta' Marzu 2014 li l-prekondizzjonijiet għall-implimentazzjoni mir-Renju Unit tad-dispożizzjonijiet tal-acquis ta' Schengen kif imsemmija fl-Artikolu 1(a)(ii) tad-Deċiżjoni 2000/365/KE, safejn jirrigwardaw il-protezzjoni tad-data, ġew milħuqa, biex b'hekk dawk id-dispożizzjonijiet u l-iżviluppi sussegwenti tagħhom jidħlu b'effett għar-Renju Unit.

(8)

Ir-Renju Unit indika li hu kien lest biex b'mod proviżorju jdaħħal b'effett il-partijiet tal-acquis ta' Schengen imsemmija fl-Artikolu 1(a)(ii) tad-Deċiżjoni 2000/365/KE, safejn jikkonċernaw il-funzjonament tas-SIS, mit-13 ta' Frar 2015.

(9)

Fi żmien sitt xhur mid-data tad-dħul b'effett proviżorju ta' dawk il-partijiet tal-acquis ta' Schengen, għandhom isiru żjarat ta' evalwazzjoni fir-Renju Unit biex jiġi evalwat is-SIS tiffunzjonax sew u u jekk id-Deċiżjoni tal-Kunsill 2007/533/ĠAI (3) hijiex qed tiġi applikata tajjeb.

(10)

F'konformità mat-tieni paragrafu tal-Artikolu 23 tar-Regolament tal-Kunsill (UE) Nru 1053/2013 (4),id-Deċiżjoni tal-Kumitat Eżekuttiv tas-16 ta' Settembru 1998 (5) (“Deċiżjoni tas-16 ta' Settembru 1998”) tibqa' tapplika sal-1 ta' Jannar 2016 fir-rigward tal-proċeduri ta' evalwazzjoni tar-Renju Unit għall-fini ta' dik l-evalwazzjoni.

(11)

Fid-dawl tal-eżitu ta' dik l-evalwazzjoni, id-dħul b'effett finali tal-partijiet rilevanti tas-(SIS) għar-Renju Unit għandu jkun soġġett għal deċiżjoni ulterjuri ta' implimentazzjoni tal-Kunsill adottata skont l-Artikolu 6(1) u (3) tad-Deċiżjoni 2000/365/KE moqrija flimkien mal-Artikolu 4 tal-Protokoll ta' Schengen.

(12)

Din id-Deċiżjoni għandha għalhekk iddaħħal b'effett b'mod proviżorju l-partijiet tal-acquis ta' Schengen imsemmi fl-Artikolu 1(a)(ii) tad-Deċiżjoni 2000/365/KE, safejn għandhom x'jaqsmu mal-funzjonament tas-SIS. Ladarba l-evalwazzjonijiet ta' hawn fuq ikunu ġew ikkompletati b'suċċess il-Kunsill għandu, sal-31 ta' Ottubru 2015, jeżamina s-sitwazzjoni bil-ħsieb li jadotta deċiżjoni ta' implimentazzjoni li tiffissa d-data tad-dħul b'effett finali.

(13)

Skont l-Artikolu 2 tal-Ftehim bejn il-Kunsill tal-Unjoni Ewropea u r-Repubblika tal-Islanda u r-Renju tan-Norveġja dwar l-istabbiliment ta' drittijiet u obbligi bejn l-Irlanda u r-Renju Unit tal-Gran Brittanja u l-Irlanda ta' Fuq, min-naħa waħda, u r-Repubblika tal-Islanda u r-Renju tan-Norveġja, min-naħa l-oħra, fl-oqsma tal-acquis ta' Schengen li japplikaw għal dawn l-Istati (6), il-Kumitat Imħallat, stabbilit skont l-Artikolu 3 tal-Ftehim konkluż mill-Kunsill tal-Unjoni Ewropea u r-Repubblika tal-Islanda u r-Renju tan-Norveġja dwar l-assoċjazzjoni ta' dawn tal-aħħar mal-implimentazzjoni, l-applikazzjoni u l-iżvilupp tal-acquis ta' Schengen (7), ġie kkonsultat skont l-Artikolu 4 tiegħu fir-rigward tat-tħejjija ta' din id-Deċiżjoni.

(14)

Fir-rigward tal-Isvizzera, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen skont it-tifsira tal-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera fl-implimentazzjoni, l-applikazzjoni u l-iżvilupp tal-acquis ta' Schengen (8) li jaqgħu fil-qasam imsemmi fl-Artikolu 1, tad-Deċiżjoni tal-Kunsill 1999/437/KE (9) moqri flimkien mal-Artikolu 3 tad-Deċiżjoni tal-Kunsill 2008/146/KE (10).

(15)

Fir-rigward tal-Liechtenstein, din id-Deċiżjoni tikkostitwixxi żvilupp tad-dispożizzjonijiet tal-acquis ta' Schengen, skont it-tifsira tal-Protokoll bejn l-Unjoni Ewropea, il-Komunità Ewropea, il-Konfederazzjoni Svizzera u l-Prinċipat ta' Liechtenstein dwar l-adeżjoni tal-Prinċipat tal-Liechtenstein għall-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera fl-implimentazzjoni, l-applikazzjoni u l-iżvilupp tal-acquis (11) ta' Schengen, li jaqgħu fil-qasam imsemmi fl-Artikolu 1 tad-Deċiżjoni 1999/437/KE moqri flimkien mal-Artikolu 3 tad-Deċiżjoni tal-Kunsill 2011/350/UE (12),

(1)

Id-Deċiżjoni tal-Kummissjoni 2007/777/KE (2) tistabbilixxi r-regoli tas-saħħa tal-annimali u dik pubblika għall-importazzjonijiet lejn l-Unjoni u t-tranżitu u l-ħażna fl-Unjoni ta' kunsinni ta' prodotti tal-laħam, stonkijiet, bżieżaq tal-awrina u msaren ittrattati, kif definit fl-Anness I tar- Regolament (KE) Nru 853/2004 tal-Parlament Ewropew u tal-Kunsill (3).

(2)

Il-Parti 2 tal-Anness II ta' dik id-Deċiżjoni tistabbilixxi lista ta' pajjiżi terzi jew partijiet tagħhom, li minnhom hija awtorizzata l-introduzzjoni fl-Unjoni ta' dawk il-prodotti, sakemm ikun sar it-trattament rilevanti kif stabbilit fil-Parti 4 ta' dak l-Anness.

(3)

L-Iżrael huwa elenkat fil-Parti 2 tal-Anness II tad-Deċiżjoni 2007/777/KE kif awtorizzat, inter alia, għall-introduzzjoni fl-Unjoni ta' prodotti tal-laħam u stonkijiet, bżieżaq tal-awrina u msaren ittrattati għall-konsum uman, miksuba minn tjur, tjur tal-kaċċa mrobbija fl-irziezet u għasafar tal-kaċċa selvaġġi, li jkunu ġew soġġetti għat-trattament mhux speċifiku (it-“trattament A”).

(4)

F'Ġunju 2014, l-Uffiċċju Alimentari u Veterinarju tal-Kummissjoni wettaq eżerċizzju ta' awditjar fl-Iżrael biex jevalwa l-kontrolli tas-saħħa tal-annimali għal tjur u prodotti tat-tjur maħsuba għall-esportazzjoni lejn l-Unjoni (“l-awditu tal-2014”).

(5)

Mill-awditu tal-2014 ġew identifikati diversi nuqqasijiet importanti fir-rigward tal-miżuri ta' kontroll tal-mard għall-marda ta' Newcastle u ċ-ċertifikazzjoni veterinarja għal prodotti tat-tjur maħsuba għall-introduzzjoni fl-Unjoni, li ġew indirizzati malajr mill-Iżrael.

(6)

Minkejja l-isforzi mwettqa mill-Iżrael f'dawn l-aħħar snin flimkien ma' xi titjib fil-bijosigurtà u miżuri oħra preventivi għall-marda ta' Newcastle, għadhom iseħħu regolarment tifqigħat ta' dik il-mard kemm f'farms għall-użu personali kif ukoll fis-setturi kummerċjali tat-tjur, u fil-futur qrib jidher li dik il-marda mhux se tiġi kompletament ikkontrollata u eradikata.

(7)

Minħabba l-persistenza tal-vajrus tal-marda ta' Newcastle fl-Iżrael u t-tifqigħat kontinwi f'qatgħat ta' tjur f'irziezet kummerċjali, huwa meħtieġ li jiġu pprovduti garanziji aħjar għas-sikurezza tal-introduzzjoni ta' prodotti tat-tjur mill-Iżrael lejn l-Unjoni.

(8)

It-“trattament A” attwali, li huwa preskritt għall-Iżrael fid-Deċiżjoni 2007/777/KE, ma jippreskrivix li għandha tintlaħaq xi temperatura partikolari matul l-ipproċessar, u għaldaqstant mhuwiex biżżejjed biex jelimina r-riskji għas-saħħa tal-annimali b'rabta mal-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati għall-konsum uman miksuba minn laħam tat-tjur, ratiti mrobbija fl-irziezet u għasafar tal-kaċċa selvaġġi meta titqies il-qagħda epidemjoloġika attwali għall-marda ta' Newcastle f'dak il-pajjiż.

(9)

Il-Parti 2 tal-Anness II tad-Deċiżjoni 2007/777/KE għandha għalhekk tiġi emendata sabiex tirrikjedi t-trattament “D” li huwa aktar sever, biex b'hekk il-prodotti kollha jiġu pproċessati f'temperatura minima ta' 70 °C biex jinattiva kull vajrus tal-marda ta' Newcastle li jista' jkun preżenti fil-materja prima.

(10)

Minħabba s-sitwazzjoni tas-saħħa tal-annimali fl-Iżrael, huwa previst ukoll li għall-introduzzjoni ta' prodotti oħra tat-tjur koperti mir-Regolament tal-Kummissjoni (KE) Nru 798/2008 (4) minn dak il-pajjiż lejn l-Unjoni, jiġu introdotti restrizzjonijiet tal-introduzzjoni jew rekwiżiti addizzjonali għas-saħħa tal-annimali inkluż l-ittestjar fil-laboratorju sabiex jiżdied il-livell tal-garanziji għal dawn il-prodotti permezz ta' emenda ta' dan l-att.

(11)

L-Anness II tad-Deċiżjoni tal-Kummissjoni 2000/572/KE (5) jistabbilixxi mudell taċ-ċertifikat tas-saħħa tal-annimali u dik pubblika għall-preparazzjonijiet tal-laħam maħsuba għall-kunsinna lejn il-Komunita Ewropea minn pajjiżi terzi u l-Anness III jistipula ċertifikat mudell għat-tranżitu u l-ħażna ta' preparazzjonijiet tal-laħam. Skont il-Parti I tan-Noti stabbiliti f'dawk iċ-ċertifikati mudell, il-prodotti li jiġu importati jew jgħaddu mill-Unjoni għandhom jiġu deskritti bl-inklużjoni ta' referenza għal kodiċijiet HS 02.10, 16.01 u 16.02 rilevanti.

(12)

Madankollu, ċerti oġġetti tal-ikel li joriġinaw minn tjur u li huma definiti bħala preparazzjonijiet tal-laħam mhumiex koperti b'dawk il-kodiċijiet HS. Għat-twettiq ta' ċertifikazzjoni korretta ta' dawk il-prodotti, jeħtieġ li fil-Parti 1 tan-Noti tal-mudell taċ-ċertifikat tas-saħħa tal-annimali u dik pubblika għall-preparazzjonijiet tal-laħam maħsuba għall-kunsinna minn pajjiżi terzi lejn il-Komunita Ewropea u fiċ-ċertifikat mudell għat-tranżitu u l-ħażna ta' preparazzjonijiet tal-laħam, jiżdied il-kodiċi HS 02.07.

(13)

Sabiex jiġu evitati interruzzjonijiet żejda għall-kummerċ, din id-Deċiżjoni għandha tistipula perjodu tranżitorju biex jippermetti d-dħul fl-Unjoni ta' kunsinni ta' prodotti tal-laħam u ta' stonkijiet, bżieżaq tal-awrina u msaren ittrattati għall-konsum uman miksuba minn tjur, tjur tal-kaċċa mrobbija fl-irziezet u għasafar tal-kaċċa selvaġġi kif ukoll kunsinni ta' preparazzjonijiet tal-laħam prodotti, mibgħuta jew fi triqithom lejn l-Unjoni qabel id-dħul fis-seħħ ta' din id-Deċiżjoni.

(14)

Għal raġunijiet ta' trasparenza tas-suq u skont il-liġi pubblika internazzjonali, għandu jiġi ċċarat li l-kopertura territorjali taċ-ċertifikati hija limitata għat-territorju tal-Istat tal-Iżrael bl-esklużjoni tat-territorji taħt l-amministrazzjoni tal-Iżrael sa minn Ġunju 1967, jiġifieri l-Għoljiet ta' Golan, l-Istrixxa ta' Gaża, Ġerusalemm tal-Lvant u l-bqija tax-Xatt tal-Punent, li għandhom jiġu indikati fil-Parti 2 tal-Anness II.

(15)

Id-Deċiżjonijiet 2000/572/KE u 2007/777/KE għandhom għalhekk jiġu emendati kif xieraq.

(16)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,