It-testi oriġinali NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament għandhom jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html.

Li jinkorpora t-test validu kollu sa:

Is-suppliment 23 għas-serje ta' emendi 02 — Id-data tad-dħul fis-seħħ: 9 ta' Ottubru 2014

WERREJ

REGOLAMENT

Kamp ta' applikazzjoni

ANNESSI

KAMP TA' APPLIKAZZJONI

Dan ir-Regolament japplika għal:

1.   DEFINIZZJONIJIET

Għall-iskop ta' dan ir-Regolament,

1.1.    “Fanal tal-pożizzjoni ta' quddiem” tfisser il-fanal li jintuża biex jindika l-preżenza u l-wisa' tal-vettura meta wieħed jaraha minn quddiem;

1.2.    “Fanal tal-pożizzjoni ta' wara” tfisser il-fanal li jintuża biex jindika l-preżenza u l-wisa' tal-vettura meta wieħed jaraha minn wara;

1.3.    “Fanal tal-waqfien” tfisser il-fanal li jintuża biex jindika lill-utenti l-oħra tat-triq li qegħdin wara l-vettura li s-sewwieq tagħha qed japplika l-brejk ta' servizz. Il-fanali tal-waqfien jistgħu jiġu attivati bl-applikazzjoni ta' ritardatur jew apparat simili;

1.4.    “Fanal li jimmarka t-truf tal-vettura” tfisser il-fanal installat qrib it-tarf estrem ta' barra u mill-aktar qrib possibli tal-parti ta' fuq tal-vettura u maħsub biex tindika b'mod ċar il-wisa' totali tal-vettura. Fil-każ ta' ċerti vetturi u trejlers b'magna, dan il-fanal huwa maħsub biex jikkumplimenta l-fanali tal-pożizzjoni tal-vettura u jiġbed attenzjoni speċjali għall-profil estern tagħha;

1.5.   Definizzjonijiet tat-termini:

Id-definizzjonijiet mogħtija fir-Regolament Nru 48 u s-serje ta' emendi tiegħu li jkunu fis-seħħ fiż-żmien tal-applikazzjoni għall-approvazzjoni tat-tip għandhom japplikaw għal dan ir-Regolament.

1.6.    “Fanali tal-pożizzjoni ta' quddiem u ta' wara, fanali tal-waqfien u fanali li jimmarkaw it-truf tal-vettura ta' tip differenti”, tfisser fanali li jvarjaw, f'kull kategorija msemmija, f'aspetti essenzjali bħal:

Tibdil fil-kulur tas-sors tad-dawl jew fil-kulur ta' kwalunkwe filtru ma jikkostitwixxix bidla tat-tip.

1.7.   Ir-referenzi li saru f'dan ir-Regolament għal bozza/bozoz tal-filament standard (étalon) u għar-Regolament Nru 37 għandhom jirreferu għar-Regolament Nru 37 u s-serje ta' emendi tiegħu li jkunu fis-seħħ fiż-żmien tal-applikazzjoni għall-approvazzjoni tat-tip.

Ir-referenzi li saru f'dan ir-Regolament għal sors(i) tad-dawl LED standard (étalon) u għar-Regolament Nru 128 għandhom jirreferu għar-Regolament Nru 128 u s-serje ta' emendi tiegħu li jkunu fis-seħħ fiż-żmien tal-applikazzjoni għall-approvazzjoni tat-tip.

2.   APPLIKAZZJONI GĦALL-APPROVAZZJONI

2.1.   L-applikazzjoni għall-approvazzjoni għandha titressaq mid-detentur tal-isem jew tal-marka kummerċjali jew mir-rappreżentant tiegħu akkreditat kif xieraq. Din għandha tispeċifika:

2.2.   Għal kull tip ta' apparat, l-applikazzjoni għandha tkun akkumpanjata minn:

3.   IMMARKAR

Apparati sottomessi għall-approvazzjoni:

3.1.   Għandu jkollhom l-isem jew il-marka kummerċjali tal-applikant; din il-marka għandha tkun tinqara b'mod ċar u ma tkunx tista' titħassar;

3.2.   Bl-eċċezzjoni tal-fanali li jkollhom sorsi tad-dawl li mhumiex sostitwibbli, għandu jkollhom indikazzjoni li tinqara b'mod ċar u ma tkunx tista' titħassar u li turi:

3.3.   Għandhom jinkludu spazju ta' daqs suffiċjenti għall-marka tal-approvazzjoni u s-simboli addizzjonali preskritti fil-paragrafu 4.2 ta' hawn taħt; dan l-ispazju għandu jintwera fid-disinji msemmija fil-paragrafu 2.2.1 ta' hawn fuq;

3.4.   Fil-każ ta' fanali b'tagħmir elettroniku għall-kontroll tas-sors tad-dawl jew b'kontroll tal-intensità varjabbli u/jew sorsi tad-dawl li mhumiex sostitwibbli u/jew modulu/i ta' sors/i tad-dawl, dawn għandu jkollhom il-marka tal-vultaġġ nominali jew il-medda ta' vultaġġ u potenza massima nominali.

3.5.   Fanali li jaħdmu b'vultaġġi li mhumiex il-vultaġġi stmati nominali ta' 6 V, 12 V jew 24 V rispettivament, permezz tal-applikazzjoni ta' tagħmir elettroniku għall-kontroll tas-sors tad-dawl jew kontroll tal-intensità varjabbli li ma jkunx parti mill-fanal, jew li għandhom modalità ta' tħaddim sekondarja, għandu jkollhom ukoll marki li juru l-vultaġġ nominali ta' disinn sekondarju.

3.6.   Fil-każ ta' modulu/i tas-sors/i tad-dawl, il-modulu/i tas-sors/i tad-dawl, għandu jkollu/jkollhom:

3.7.   It-tagħmir elettroniku għall-kontroll tas-sors ta' dawl jew il-kontroll ta' intensità varjabbli li jkun parti mill-fanal iżda ma jkunx inkluż fil-bodi tal-fanal, għandu jkollu l-isem tal-manifattur u n-numru ta' identifikazzjoni tiegħu.

4.   APPROVAZZJONI

4.1.   Ġenerali

4.1.1.   Jekk iż-żewġ apparati ppreżentati skont il-paragrafu 2.2.4 ta' hawn fuq jissodisfaw ir-rekwiżiti ta' dan ir-Regolament, l-approvazzjoni għandha tingħata. L-apparati kollha ta' sistema ta' fanali interdipendenti għandhom jiġu soġġetti għall-approvazzjoni tat-tip mill-istess applikant.

4.1.2.   Meta żewġ fanali jew iktar ikunu parti mill-istess unità ta' fanali raggruppati, ikkombinati jew inkorporati reċiprokament, tista' tingħata l-approvazzjoni biss jekk kull wieħed minn dawn il-fanali jissodisfa d-dispożizzjonijiet stabbiliti f'dan ir-Regolament jew f'xi Regolament ieħor. Fanali li ma jissodisfawx id-dispożizzjonijiet ta' kwalunkwe minn dawk ir-Regolamenti m'għandhomx ikunu parti minn dik l-unità ta' fanali raggruppati, ikkombinati jew inkorporati reċiprokament. Din id-dispożizzjoni m'għandhiex tapplika għal fanali ta' quddiem mgħammra b'bozza tal-filament doppju, fejn raġġ wieħed biss huwa approvat.

4.1.3.   Għandu jiġi assenjat numru tal-approvazzjoni lil kull tip approvat. L-ewwel żewġ ċifri tiegħu (fil-preżent, 02) għandhom jindikaw is-serje ta' emendi li jinkorporaw l-emendi tekniċi ewlenin l-aktar reċenti li saru lir-Regolament meta nħarġet l-approvazzjoni. L-istess Parti Kontraenti m'għandhiex tassenja l-istess numru lil tip ta' apparat ieħor kopert minn dan ir-Regolament, minbarra f'każ li l-approvazzjoni tiġi estiża għal apparat li jvarja biss mill-apparat diġà approvat fil-kulur tad-dawl mormi.

4.1.4.   Notifika tal-approvazzjoni jew ta' estensjoni jew ċaħda jew ta' rtirar tal-approvazzjoni jew produzzjoni mwaqqfa għalkollox ta' tip ta' apparat skont dan ir-Regolament għandha tiġi komunikata lill-Partijiet tal-Ftehim tal-1958 li japplikaw dan ir-Regolament, permezz ta' formola konformi mal-mudell fl-Anness 2 ta' dan ir-Regolament.

4.1.5.   Kull apparat konformi mat-tip approvat skont dan ir-Regolament għandu jkollu, fl-ispazju msemmi fil-paragrafu 3.3 ta' hawn fuq, u flimkien mal-marki preskritti fil-paragrafi 3.1 u 3.2 jew 3.4 rispettivament, marka ta' approvazzjoni kif deskritt fil-paragrafi 4.2 u 4.3 ta' hawn taħt.

4.2.   Il-kompożizzjoni tal-marka tal-approvazzjoni:

Il-marka tal-approvazzjoni għandha tkun komposta minn:

4.2.1.   Marka tal-approvazzjoni internazzjonali, magħmula minn:

4.2.2.   Is-simbolu jew simboli addizzjonali li ġejjin:

4.2.3.   Iż-żewġ ċifri tan-numru tal-approvazzjoni (fil-preżent, 02, li jikkorrispondu għas-serje a' emendi 02 li daħlu fis-seħħ fil-5 ta' Mejju 1991), li jindikaw is-serje ta' emendi li jinkorporaw l-emendi tekniċi ewlenin l-aktar reċenti li saru fir-Regolament fiż-żmien tal-għoti tal-approvazzjoni u, jekk meħtieġ, il-vleġġa meħtieġa jistgħu jiġu mmarkati viċin is-simboli addizzjonali ta' hawn fuq.

4.2.4.   Il-marki u s-simboli msemmija fil-paragrafi 4.2.1 u 4.2.2 ta' hawn fuq għandhom ikunu jinqraw b'mod ċar u ma jistgħux jitħassru anke meta l-apparat jitwaħħal fil-vettura.

4.3.   L-arranġament tal-marka tal-approvazzjoni:

4.3.1.   Fanali indipendenti

L-Anness 3, fil-paragrafi 1 sa 6, jagħti eżempji tal-marka tal-approvazzjoni bis-simboli addizzjonali msemmija hawn fuq.

Jekk tipi differenti ta' fanali li jikkonformaw mar-rekwiżiti ta' diversi Regolamenti jużaw l-istess lenti interna li jkollha l-istess kulur jew kulur differenti, tista' titwaħħal marka tal-approvazzjoni internazzjonali unika, li tikkonsisti f'ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni, u bin-numru tal-approvazzjoni. Din il-marka tal-approvazzjoni tista' titpoġġa f'kull post fuq il-fanal, sakemm:

4.3.2.   Fanali raggruppati, ikkombinati jew inkorporati reċiprokament

4.3.2.1.   Meta fanali raggruppati, ikkombinati jew inkorporati reċiprokament jinstabu li jikkonformaw mar-rekwiżiti ta' diversi Regolamenti, tista' titwaħħal marka tal-approvazzjoni internazzjonali unika, li tikkonsisti f'ċirku madwar l-ittra “E” segwit bin-numru li jiddistingwi l-pajjiż li ta l-approvazzjoni, u numru tal-approvazzjoni. Din il-marka tal-approvazzjoni tista' titqiegħed fuq kwalunkwe parti tal-fanali raggruppati, ikkombinati jew inkorporati reċiprokament, sakemm:

4.3.2.2.   Is-simbolu tal-identifikazzjoni għal kull fanal, xieraq għal kull Regolament li taħtu ngħatat l-approvazzjoni, flimkien mas-serje korrispondenti ta' emendi li jinkorporaw l-emendi tekniċi prinċipali l-aktar reċenti fir-Regolament fiż-żmien li nħarġet l-approvazzjoni u, jekk ikun neċessarju, il-vleġġa meħtieġa għandhom ikunu mmarkati:

4.3.2.3.   Id-daqs tal-komponenti ta' marka tal-approvazzjoni unika ma għandux ikun iżgħar mid-daqs minimu meħtieġ għall-iżgħar marka tal-approvazzjoni individwali skont ir-Regolament li taħtu ngħatat l-approvazzjoni.

4.3.2.4.   Għandu jiġi assenjat numru tal-approvazzjoni lil kull tip approvat. L-istess Parti Kontraenti ma tistax tagħti l-istess numru lil tip ieħor ta' fanali raggruppati, ikkombinati jew inkorporati reċiprokament kopert minn dan ir-Regolament.

4.3.2.5.   Il-Paragrafu 8 tal-Anness 3 ta' dan ir-Regolament jagħti eżempji ta' marki tal-approvazzjoni għal fanali raggruppati, ikkombinati jew inkorporati reċiprokament bis-simboli addizzjonali kollha msemmija hawn fuq.

4.3.3.   Fanali inkorporati reċiprokament b'tip ta' fanal ta' quddiem li l-lenti tiegħu tintuża wkoll għal tipi oħra ta' fanali ta' quddiem

Id-dispożizzjonijiet stabbiliti fil-paragrafu 4.3.2 ta' hawn fuq huma applikabbli.

4.3.3.1.   Madankollu, jekk tipi differenti ta' fanali ta' quddiem jew ta' unitajiet ta' fanali, inkluż fanal ta' quddiem, jinkludu l-istess lenti, din il-lenti jista' jkollha marki tal-approvazzjoni differenti relatati ma' dawn it-tipi ta' fanali ta' quddiem jew unitajiet jew fanali, sakemm il-bodi ewlieni tal-fanal ta' quddiem, anke jekk ma jistax jiġi sseparat mil-lenti, jinkludi wkoll l-ispazju deskritt fil-paragrafu 3.3 ta' hawn fuq u jkollu l-marki tal-approvazzjoni tal-funzjonijiet attwali. Jekk tipi differenti ta' fanali ta' quddiem jinkludu l-istess bodi ewlieni, dan jista' jingħata l-marki tal-approvazzjoni differenti.

4.3.3.2.   Il-paragrafu 9 tal-Anness 3 ta' dan ir-Regolament jagħti eżempji ta' marki tal-approvazzjoni relatati ma' fanali li huma inkorporati reċiprokament ma' fanal ta' quddiem.

4.3.4.   Il-marka tal-approvazzjoni għandha tkun tinqara b'mod ċar u ma tkunx tista' titħassar. Tista' titqiegħed fuq parti ta' ġewwa jew ta' barra (trasparenti jew le) tal-apparat li ma tistax tiġi separata mill-parti trasparenti tal-apparat li jitfa' d-dawl. Ikun xi jkun il-każ, il-marki għandhom ikunu viżibbli meta l-apparat jitwaħħal fuq il-vettura jew meta tinfetaħ xi parti li tiċċaqlaq, bħall-bonit, l-għatu tal-bagoll jew xi bieba.

5.   SPEĊIFIKAZZJONIJIET ĠENERALI

5.1.   Kull apparat għandu jikkonforma mal-ispeċifikazzjonijiet imsemmija fil-paragrafi 6 u 8 ta' hawn taħt.

5.2.   L-apparati għandhom ikunu ddisinjati u mibnija b'mod li f'kundizzjonijiet tal-użu normali, minkejja l-vibrazzjonijiet li jkunu soġġetti għalihom f'dawn il-kundizzjonijiet, jibqa' jiġi żgurat it-tħaddim tagħhom b'mod sodisfaċenti u ma jitilfux il-karatteristiċi stipulati b'dan ir-Regolament.

5.3.   Il-fanali li jkunu ġew approvati bħala fanali tal-pożizzjoni ta' quddiem jew ta' wara, għandhom jiġu kkunsidrati wkoll fanali li jimmarkaw it-truf tal-vettura approvati.

5.4.   Fanali tal-pożizzjoni ta' quddiem u ta' wara raggruppati, ikkombinati jew inkorporati reċiprokament jistgħu jintużaw ukoll bħala fanali li jimmarkaw it-truf tal-vettura.

5.5.   Il-fanali tal-pożizzjoni, li huma reċiprokament inkorporati ma' funzjoni oħra, permezz tal-użu ta' sors ta' dawl komuni, u ddisinjati biex joperaw permanentement b'sistema addizzjonali għar-regolazzjoni tal-intensità tad-dawl mitfugħ, huma awtorizzati.

5.5.1.   Madankollu, fil-każ ta' fanal tal-pożizzjoni ta' wara inkorporat reċiprokament ma' fanal tal-waqfien, l-apparat għandu jew:

Fi kwalunkwe każ, għandha titniżżel nota fid-dokument tal-komunikazzjoni.

5.6.   Fil-każ ta' moduli ta' sorsi tad-dawl, għandu jiġi verifikat li:

5.6.1.   Id-disinn tal-modulu/i ta' sors(i) tad-dawl għandu jkun tali:

5.6.2.   Il-modulu/i tas-sors(i) tad-dawl għandu jkun iddisinjat b'tali mod li ma jistax jiġi mbagħbas.

5.6.3.   Modulu ta' sors tad-dawl għandu jkun iddisinjat b'tali mod li irrispettivament mill-użu tal-għodda, ma jista' jiġi skambjat mekkanikament mal-ebda sors tad-dawl sostitwibbli li jkun approvat.

5.7.   Jekk il-fanal tal-pożizzjoni ta' quddiem jinkorpora ġeneratur ta' radjazzjoni infraħamra wieħed jew iktar, ir-rekwiżiti fotometriċi u tal-kulur għal dan il-fanal tal-pożizzjoni ta' quddiem għandhom jiġu ssodisfati kemm bit-tħaddim tal-ġeneratur(i) tar-radjazzjoni infraħamra kif ukoll mingħajru.

5.8.   F'każ ta' falliment tal-kontroll tal-intensità varjabbli ta':

Ir-rekwiżiti ta' intensità luminuża stabbli tal-kategorija rispettiva għandhom jiġu ssodisfati awtomatikament.

5.9.   Fil-każ ta' sors/i tad-dawl sostitwibbli:

5.9.1.   Tista' tintuża kwalunkwe kategorija jew kategoriji ta' sors(i) tad-dawl approvata/i skont ir-Regolament Nru 37 u/jew ir-Regolament Nru 128, sakemm ma jkun hemm ebda restrizzjoni fuq l-użu fir-Regolament Nru 37 u s-serje ta' emendi tiegħu li jkunu fis-seħħ fil-ħin tal-applikazzjoni għall-approvazzjoni tat-tip jew fir-Regolament Nru 128 u s-serje ta' emendi tiegħu li jkunu fis-seħħ fil-ħin tal-applikazzjoni għall-approvazzjoni tat-tip.

5.9.2.   Id-disinn tal-apparat għandu jkun tali li s-sors tad-dawl ma jkun jista' jitwaħħal fl-ebda pożizzjoni ħlief f'dik it-tajba.

5.9.3.   Il-ħowlder tas-sors tad-dawl għandu jikkonforma mal-karatteristiċi mogħtija fil-Pubblikazzjoni tal-IEC 60061. Tapplika l-folja tad-dejta ta' dan il-ħowlder għall-kategorija tas-sors tad-dawl użat.

5.10.   Is-sistema ta' fanali interdipendenti għandha tissodisfa r-rekwiżiti meta l-fanali interdipendenti jitħaddmu flimkien. Madankollu, jekk is-sistema ta' fanali interdipendenti li tipprovdi l-funzjoni ta' fanal tal-pożizzjoni ta' wara tiġi installata parzjalment fuq il-komponent fiss u parzjalment fuq komponent li jiċċaqlaq, il-fanal(i) interdipendenti speċifikat(i) mill-Applikant għandu/għandhom jissodisfa(w) ir-rekwiżit tal-viżibilità ġeometrika fuq barra l-vettura, u r-rekwiżiti kolorimetriċi u fotometriċi, fil-pożizzjonijiet fissi kollha tal-komponent(i) li jiċċaqlaq/jiċċaqilqu. F'dan il-każ, ir-rekwiżit tal-viżibilità ġeometrika ġewwa l-vettura għandu jitqies issodisfat jekk din/dawn il-fanal(i) interdipendenti jkun(u) għadu/għadhom jikkonforma(w) mal-valuri preskritti fiż-żona tad-distribuzzjoni tad-dawl għall-approvazzjoni tal-apparat, fil-pożizzjonijiet fissi kollha tal-komponent(i) li jiċċaqlaq/jiċċaqilqu.

6.   INTENSITÀ TAD-DAWL MITFUGĦ

6.1.   Id-dawl mitfugħ minn kull wieħed miż-żewġ apparati għandu jkollu, fl-assi ta' referenza, intensità mhux inqas mill-intensità minima u mhux aktar mill-intensità massima speċifikati hawn taħt:

6.1.5.   Għal tagħmir ta' żewġ fanali jew iktar, l-intensità totali m'għandhiex taqbeż il-valur massimu preskritt għal fanal uniku.

6.1.6.   Meta tagħmir ta' żewġ fanali indipendenti jew iktar soġġett għall-approvazzjoni tat-tip bħala fanali tal-kategorija “D” li għandhom l-istess funzjoni jiġi kkunsidrat bħala fanal uniku, dan għandu jikkonforma mar-rekwiżiti għall-:

6.1.7.   F'każ li ma jaħdimx fanal uniku li jkollu aktar minn sors tad-dawl wieħed għandhom japplikaw dawn id-dispożizzjonijiet li ġejjin:

6.2.   'Il barra mill-assi ta' referenza u fiż-żoni angolari definiti fid-dijagrammi fl-Anness 1 ta' dan ir-Regolament, l-intensità tad-dawl mitfugħ minn kull wieħed miż-żewġ apparati provduti għandha:

6.3.   L-intensitajiet għandhom jitkejlu bis-sors(i) tad-dawl mixgħula kontinwament u, fil-każ ta' apparati li jarmu dawl aħmar, fid-dawl ikkulurit.

6.4.   Fil-każ ta' apparati tal-kategoriji R2, RM2, S2 u S4 il-ħin li jgħaddi bejn l-enerġizzazzjoni tas-sors(i) tad-dawl u l-output tad-dawl imkejjel fuq l-assi tar-referenza sabiex jintlaħaq 90 fil-mija tal-valur imkejjel skont il-paragrafu 6.3 ta' hawn fuq għandu jitkejjel għal-livelli estremi ta' intensità luminuża prodotta mill-apparat. Il-ħin imkejjel sabiex tinkiseb l-intensità luminuża l-aktar baxxa m'għandux ikun itwal mill-ħin imkejjel sabiex tinkiseb l-ogħla intensità luminiża.

6.5.   Il-kontroll tal-intensità varjabbli ma għandux jiġġenera sinjali li jikkawżaw intensitajiet luminużi:

6.6.   L-Anness 4, li jirreferi għalih il-paragrafu 6.2.1 ta' hawn fuq, jagħti dettalji dwar il-metodi tal-kejl li għandhom jintużaw.

7.   PROĊEDURA TAT-TEST

7.1.   Il-kejl kollu, fotometriku u kolorimetriku, għandu jsir:

7.2.   Madankollu, fil-każ ta' sorsi tad-dawl imħaddma minn kontroll ta' intensità varjabbli għall-ksib ta' intensità luminuża varjabbli, il-kejl fotometriku għandu jitwettaq skont id-deskrizzjoni tal-applikant.

7.3.   Il-laboratorju tat-test għandu jirrikjedi mill-manifattur it-tagħmir għall-kontroll tas-sors tad-dawl jew kontroll ta' intensità varjabbli meħtieġ biex jiġu fornuti s-sors tad-dawl u l-funzjonijiet applikabbli.

7.4.   Il-vultaġġ li jrid jiġi applikat lill-fanal għandu jiġi nnotat fil-formola ta' komunikazzjoni fl-Anness 2 ta' dan ir-Regolament.

7.5.   Għandhom jiġu ddeterminati l-limiti tal-wiċċ apparenti fid-direzzjoni tal-assi ta' referenza ta' apparat tas-sinjali bid-dawl.

7. 6.   Fil-każ ta' fanal tal-waqfien tal-kategorija S3 jew S4, li huwa maħsub li jiġi installat ġewwa l-vettura, plejt jew plejts kampjun (f'każ ta' possibbiltajiet differenti) kif provdut(i) (ara l-paragrafu 2.2.5) għandhom jiġu pożizzjonati quddiem il-fanal li jkun se jiġi ttestjat, fil-pożizzjoni(jiet) ġeometrika/ġeometriċi kif deskritt fid-disinn/disinji tal-applikazzjoni (ara l-paragrafu 2.2.1).

8.   IL-KULUR TAD-DAWL MITFUGĦ

Il-kulur tad-dawl mitfugħ fiż-żona tal-grilja tad-distribuzzjoni tad-dawl definita fil-paragrafu 2 tal-Anness 4 għandu jkun aħmar jew abjad. 'Il barra minn din iż-żona ma għandha tiġi osservata ebda varjazzjoni mmarkata ta' kulur. Għall-verifika ta' dawn il-karatteristiċi kolorimetriċi, għandha tiġi applikata l-proċedura tal-ittestjar deskritta fil-paragrafu 7 ta' dan ir-Regolament.

Madankollu, għall-fanali mgħammra b'sorsi tad-dawl li mhumiex sostitwibbli (bozoz tal-filament u oħrajn), il-karatteristiċi kolorimetriċi għandhom jiġu vverifikati bis-sorsi tad-dawl preżenti fil-fanal, skont is-subparagrafu rilevanti tal-paragrafu 7.1 ta' dan ir-Regolament.

Fil-każ ta' fanal tal-waqfien tal-kategorija S3 jew S4, li jkun maħsub sabiex jitwaħħal ġewwa l-vettura, il-karatteristiċi kolorimetriċi għandhom jiġu verifikati bl-agħar kumbinazzjoni(jiet) ta' fanal u tieqa/twieqi ta' wara jew plejt(s) kampjun.

Dawn ir-rekwiżiti għandhom japplikaw ukoll fil-medda tal-intensità luminuża varjabbli prodotta minn:

9.   KONFORMITÀ TAL-PRODUZZJONI

Il-proċeduri tal-konformità tal-produzzjoni għandhom jikkonformaw ma' dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:

10.   PENALI GĦAL NUQQAS TA' KONFORMITÀ TAL-PRODUZZJONI

10.1.   L-approvazzjoni mogħtija fir-rigward tal-apparat tista' tiġi rtirata jekk ma jiġux issodisfati l-kundizzjonijiet stipulati hawn fuq.

10.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, għandha minnufih tavża b'dan lill-Partijiet Kontraenti l-oħra li japplikaw dan ir-Regolament, permezz ta' kopja tal-formola ta' komunikazzjoni konformi mal-mudell fl-Anness 2 ta' dan ir-Regolament.

11.   PRODUZZJONI MWAQQFA GĦALKOLLOX

Jekk id-detentur tal-approvazzjoni jieqaf għalkollox mill-manifattura ta' apparat approvat skont dan ir-Regolament, huwa għandu jinforma b'dan lill-awtorità li tkun tat l-approvazzjoni. Meta tirċievi l-komunikazzjoni rilevanti, dik l-awtorità għandha minnufih tgħarraf b'dan lill-Partijiet l-oħra fil-Ftehim li japplikaw dan ir-Regolament, u dan permezz ta' kopja tal-formola ta' komunikazzjoni konformi mal-mudell fl-Anness 2 ta' dan ir-Regolament.

12.   RIMARKI RIGWARD IL-KULURI U APPARATI PARTIKOLARI

Il-Partijiet Kontraenti tal-Ftehim li huwa anness miegħu dan ir-Regolament mhumiex preklużi skont l-Artikolu 3 ta' dak il-Ftehim milli jipprojbixxu, għal apparat installat fuq vetturi reġistrati minnhom, ċerti kuluri li hemm dispożizzjonijiet dwarhom f'dan ir-Regolament, jew milli jipprojbixxu għall-kategoriji kollha jew għal ċerti kategoriji ta' vetturi reġistrati minnhom fanali tal-waqfien li jkollhom biss intensità luminuża stabbli.

13.   ISMIJIET U INDIRIZZI TA' SERVIZZI TEKNIĊI RESPONSABBLI MIT-TWETTIQ TA' TESTIJIET TA' APPROVAZZJONI U TAL-AWTORITAJIET GĦALL-APPROVAZZJONI TAT-TIP

Il-Partijiet għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet ta' approvazzjoni u tal-Awtoritajiet għall-Approvazzjoni tat-Tip li jagħtu l-approvazzjonijiet u lilhom għandhom jintbagħtu l-formoli li jiċċertifikaw approvazzjoni jew estensjoni jew rifjut jew irtirar ta' approvazzjoni jew ta' produzzjoni mwaqqfa għalkollox, maħruġa f'pajjiżi oħra.

14.   DISPOŻIZZJONIJIET TRANŻITORJI

14.1.   Fanali tas-sinjali bid-dawl li mhumiex mgħammra b'fanali bil-filament u fanali tal-waqfien tal-kategorija S3 maħsuba biex jiġu installati ġewwa vettura.

14.1.1.   Sa mid-data ta' meta jidħol fis-seħħ is-Suppliment 6 għas-serje ta' emendi 02 ta' dan ir-Regolament, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjonijiet skont dan ir-Regolament kif ġie emendat mis-Suppliment 6 għas-serje ta' emendi 02.

14.1.2.   Sa mis-36 xahar wara d-data ta' meta jidħol fis-seħħ tas-Suppliment 6 għas-serje ta' emendi 02, il-Partijiet Kontraenti li japplikaw dan ir-Regolament għandhom jagħtu l-approvazzjonijiet dment li t-tip tal-fanali kif deskritti fil-paragrafu 14.1 ta' hawn fuq jissodisfa r-rekwiżiti ta' dan ir-Regolament kif ġie emendat mis-Suppliment 6 għas-serje ta' emendi 02.

14.1.3.   Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estenzjonijiet ta' approvazzjonijiet għas-serje ta' emendi preċedenti ta' dan ir-Regolament.

14.1.4.   Il-Partijiet Kontraenti li japplikaw dan ir-Regolament għandhom ikomplu jagħtu approvazzjonijiet lil dawk it-tipi ta' fanali kif deskritti fil-paragrafu 14.1 ta' hawn fuq li jissodisfaw ir-rekwiżiti ta' dan ir-Regolament kif ġie emendat mis-serje ta' emendi preċedenti fil-perjodu ta' 36 xahar ta' wara d-data tad-dħul fis-seħħ tas-Suppliment 6 għas-serje ta' emendi 02.

14.2.   L-installazzjoni tal-fanali, fuq vettura, deskritta fil-Paragrafu 14.1 ta' hawn fuq.

14.2.1.   Sa mid-data tad-dħul fis-seħħ tas-Suppliment 6 għas-serje ta' emendi 02, l-ebda Parti Kontraenti li tapplika dan ir-Regolament ma għandha tipprojbixxi t-twaħħil fuq vetturi ta' fanali kif deskritti fil-paragrafu 14.1 ta' hawn fuq, li jkunu ġew approvati skont dan ir-Regolament kif ġie emendat mis-Suppliment 6 għas-serje ta' emendi 02.

14.2.2.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil ta' fanali fuq vetturi kif deskritti fil-paragrafu 14.1 ta' hawn fuq, approvat għal dan ir-Regolament kif ġie emendat mis-serje ta' emendi preċedenti fil-perjodu ta' 48 xahar ta' wara d-data tad-dħul fis-seħħ tas-Suppliment 6 għas-serje ta' emendi 02.

14.2.3.   Meta jiskadi l-perjodu ta' 48 xahar wara d-data tad-dħul fis-seħħ tas-Suppliment 6 għas-serje ta' emendi 02, il-Partijiet Kontraenti li japplikaw dan ir-Regolament jistgħu jipprojbixxu t-twaħħil ta' fanali deskritti fil-paragrafu 14.1 ta' hawn fuq li ma jissodisfawx ir-rekwiżiti ta' dan ir-Regolament kif ġie emendat mis-Suppliment 6 għas-serje ta' emendi 02 fuq vettura ġdida li tkun ingħatat approvazzjoni tat-tip jew approvazzjoni individwali aktar minn 24 xahar wara d-dħul fis-seħħ tas-Suppliment 6 għas-serje ta' emendi 02 ta' dan ir-Regolament.

14.2.4.   Meta jiskadi perjodu ta' 60 xahar wara d-data tad-dħul fis-seħħ tas-Suppliment 6 għas-serje ta' emendi 02, il-Partijiet Kontraenti li japplikaw dan ir-Regolament jistgħu jipprojbixxu t-twaħħil ta' fanali deskritti fil-paragrafu 14.1 ta' hawn fuq li ma jissodisfawx ir-rekwiżiti ta' dan ir-Regolament kif ġie emendat mis-Suppliment 6 għas-serje ta' emendi 02 fuq vettura ġdida li tkun irreġistrata l-ewwel darba aktar minn 60 xahar wara d-data tad-dħul fis-seħħ tas-Suppliment 6 għas-serje ta' emendi 02 ta' dan ir-Regolament.

(1)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.2, para.2.

(2)  In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 għar-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.2/Amend.1.

(3)  Viżibilità tajba (medda ottika meteoroloġika — meteorological optical range — MOR > 2 000 m definita skont WMO, Guide to Meteorological Instruments and Methods of Observation, Sixth Edition, ISBN: 92-63-16008-2, pp 1.9.1/1.9.11, Geneva 1996) u lenti nadifa.

(4)  Għall-fini ta' dan ir-Regolament “li jkun parti mill-fanal” tfisser li jkun fiżikament inkluż fil-bodi tal-fanal jew li jkun estern, separat jew le, iżda fornut mill-manifattur tal-fanal bħala parti mis-sistema tal-fanal.

It-testi oriġinali NU/KEE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta' dan ir-Regolament għandhom jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html.

Li jinkorpora t-test validu kollu sa:

Is-Suppliment 9 għall-verżjoni oriġinali tar-Regolament — Data tad-dħul fis-seħħ: 10 ta' Ġunju 2014

WERREJ

REGOLAMENT

ANNESSI

1.   KAMP TA' APPLIKAZZJONI

Dan ir-Regolament japplika għal sorsi tad-dawl li jaħdmu bl-emissjoni tal-gass li jidhru fl-Anness 1 u li huma maħsuba biex jintużaw f'unitajiet approvati ta' fanali li jaħdmu bl-emissjoni tal-gass ta' vetturi bil-magna.

2.   DISPOŻIZZJONIJIET AMMINISTRATTIVI

2.1.   Definizzjonijiet

2.1.1.   It-terminu “kategorija” jintuża f'dan ir-Regolament biex jiddeskrivi d-disinn bażiku ta' sorsi tad-dawl standardizzati li jaħdmu bl-emissjoni tal-gass ta' tipi differenti. Kull kategorija għandha tismija speċifika, bħal per eżempju: “D2S”.

2.1.2.    “Sorsi tad-dawl li jaħdmu bl-emissjoni tal-gass ta' tipi differenti”  (1) huma sorsi tad-dawl li jaħdmu bl-emissjoni tal-gass fl-istess kategorija li jvarjaw f'xi aspetti essenzjali bħal:

2.2.   Applikazzjoni għall-approvazzjoni

2.2.1.   l-applikazzjoni għall-approvazzjoni għandha tiġi sottomessa mill-proprjetarju tal-isem jew marka kummerċjali, jew mir-rappreżentant debitament akkreditat tiegħu.

2.2.2.   Kull applikazzjoni għall-approvazzjoni għandha jkollha magħha (ara wkoll il-paragrafu 2.4.2.):

2.2.3.   Fil-każ ta' tip ta' sors tad-dawl li jaħdem bl-emissjoni tal-gass li jvarja biss fl-isem jew il-marka kummerċjali minn tip li jkun diġà ġie approvat għandu jkun biżżejjed li wieħed jissottometti:

2.2.4.   L-Awtorità Kompetenti għandha tivverifika l-eżistenza ta' arranġamenti sodisfaċenti biex jiġu żgurati kontrolli effettivi dwar il-konformità tal-produzzjoni qabel ma tingħata l-approvazzjoni tat-tip.

2.3.   Skrizzjonijiet

2.3.1.   Sorsi tad-dawl li jaħdmu bl-emissjoni tal-gass sottomessi għall-approvazzjoni għandu jkollhom fuq il-kappa jew il-bozza:

2.3.2.   L-ispazju msemmi fil-paragrafu 2.3.1.4. għandu jiġi indikat fid-disinji li jakkumpanjaw l-applikazzjoni għall-approvazzjoni.

2.3.3.   Skrizzjonijiet oħra minbarra dawk koperti fil-paragrafi 2.3.1. u 2.4.4. jistgħu jitwaħħlu fuq il-kappa.

2.3.4.   Fil-każ li l-ballast ma jkunx integrat fis-sors tad-dawl, il-ballast użat għall-approvazzjoni tat-tip tas-sors tad-dawl għandu jiġi mmarkat bl-identifikazzjoni tat-tip u tal-marka kummerċjali u bil-vultaġġ u l-wattaġġ nominali, kif indikat fuq il-folja tad-dejta rilevanti tal-bozza.

2.4.   Approvazzjoni

2.4.1.   Jekk il-kampjuni kollha ta' tip ta' sors tad-dawl li jaħdem bl-emissjoni tal-gass li jiġu sottomessi skont il-paragrafi 2.2.2.3. jew 2.2.3.2. ikunu konformi mar-rekwiżiti ta' dan ir-Regolament meta ttestjati bil-ballast skont il-paragrafu 2.2.2.4, f'każ li l-ballast ma jkunx integrat fis-sors tad-dawl, l-approvazzjoni għandha tingħata.

2.4.2.   Kodiċi tal-approvazzjoni għandu jiġi assenjat lil kull tip approvat. L-ewwel ċifra tiegħu għandha tindika s-serje ta' emendi li jinkorporaw l-emendi tekniċi ewlenin l-iktar riċenti magħmula fir-Regolament fiż-żmien tal-ħruġ tal-approvazzjoni.

Dan għandu jkun segwit minn kodiċi tal-identifikazzjoni li jkun magħmul minn mhux iktar minn tliet karattri. In-numri Għarab u l-ittri kapitali li jidhru fin-nota tal-qiegħ (2) biss għandhom jintużaw.

L-istess Parti Kontraenti ma tistax tassenja l-istess kodiċi lil tip ieħor ta' sors tad-dawl li jaħdem bl-emissjoni tal-gass. Jekk l-applikant jixtieq li jsir hekk, l-istess kodiċi ta' approvazzjoni jista' jiġi assenjat liż-żewġ sorsi tad-dawl li jaħdmu bl-emissjoni tal-gass li jarmu dawl abjad u dawl isfar selettiv (ara l-paragrafu 2.1.2.).

2.4.3.   In-notifika ta' approvazzjoni jew ta' estensjoni jew rifjut jew irtirar tal-approvazzjoni jew produzzjoni mwaqqfa għalkollox ta' tip ta' sors tad-dawl li jaħdem bl-emissjoni tal-gass skont dan ir-Regolament għandha tintbagħat lill-Partijiet tal-Ftehim li japplikaw dan ir-Regolament permezz ta' formula li tikkonforma mal-mudell fl-Anness 2 ta' dan ir-Regolament u ta' disinn, provduta mill-applikant għall-approvazzjoni f'format mhux akbar minn A4 (210 × 297 mm) u fuq skala ta' mill-inqas 2: 1.

2.4.4.   Ma' kull sors tad-dawl li jaħdem bl-emissjoni tal-gass li jikkonforma ma' tip approvat skont dan ir-Regolament għandha titwaħħal fl-ispazju msemmi fil-paragrafu 2.3.1.4, minbarra l-iskrizzjonijiet meħtieġa skont il-paragrafu 2.3.1, marka ta' approvazzjoni internazzjonali li tikkonsisti fi:

2.4.5.   Jekk l-applikant ikun kiseb l-istess kodiċi tal-approvazzjoni għal diversi ismijiet jew marki kummerċjali, wieħed jew iktar minn wieħed minnhom ikun biżżejjed biex jilħaq ir-rekwiżiti tal-paragrafu 2.3.1.1.

2.4.6.   Il-marki u l-iskrizzjonijiet speċifikati fil-paragrafi 2.3.1. u 2.4.3. għandhom ikunu jinqraw b'mod ċar u ma jistgħux jitħassru.

2.4.7.   L-Anness 3 ta' dan ir-Regolament jagħti eżempju ta' arranġament tal-marka tal-approvazzjoni.

3.   REKWIŻITI TEKNIĊI

3.1.   Definizzjonijiet

3.1.1.   “Sors tad-dawl li jaħdem bl-emissjoni tal-gass”: sors tad-dawl li fih id-dawl jiġi prodott permezz ta' ark ta' emissjoni stabilizzat.

3.1.2.   “Ballast”: Provvista elettrika speċifika għas-sors tad-dawl li jaħdem bl-emissjoni tal-gass, integrata b'mod fakultattiv fis-sors tad-dawl.

3.1.3.   “Vultaġġ nominali”: Il-vultaġġ tad-dħul immarkat fuq il-ballast jew fuq is-sors tad-dawl fil-każ li ballast ikun integrat fis-sors tad-dawl.

3.1.4.   “Wattage nominali”: Il-Wattage immarkat fuq is-sors tad-dawl li jaħdem bl-emissjoni tal-gass u fuq il-ballast.

3.1.5.   “Vultaġġ tat-test”: Il-vultaġġ, fit-terminali tad-dħul tal-ballast jew fit-terminali tas-sors tad-dawl fil-każ li l-ballast ikun integrat fis-sors tad-dawl, li l-karatteristiċi elettriċi u fotometriċi tas-sors tad-dawl li jaħdem bl-emissjoni tal-gass huma maħsuba u għandhom jiġu ttestjati għalih.

3.1.6.   “Valur oġġettiv”: Il-valur tad-disinn ta' karatteristika elettrika jew fotometrika. Dan għandu jinkiseb, fit-tolleranzi speċifikati, meta s-sors tad-dawl li jaħdem bl-emissjoni tal-gass jingħata l-enerġija permezz tal-ballast, integrat b'mod fakultattiv fis-sors tad-dawl, u jitħaddem bil-vultaġġ tat-test.

3.1.7.   “Sors tad-dawl standard li jaħdem bl-emissjoni tal-gass (etalon)”: Sors tad-dawl speċjali li jaħdem bl-emissjoni tal-gass, użat għall-ittestjar tal-fanali ta' quddiem. Dan għandu karatteristiċi dimensjonali, elettriċi u fotometriċi mnaqqsa kif speċifikat fil-folja tad-dejta rilevanti.

3.1.8.   “Assi ta' referenza”: Assi definit b'referenza għall-kappa u li jirreferu għalih ċerti dimenzjonijiet tas-sors tad-dawl li jaħdem bl-emissjoni tal-gass.

3.1.9.   “Pjan ta' referenza”: pjan definit b'referenza għall-kappa u li jirreferu għalih ċerti dimensjonijiet tas-sors tad-dawl li jaħdem bl-emissjoni tal-gass.

3.2.   Speċifikazzjonijiet ġenerali

3.2.1.   Kull kampjun sottomess għandu jikkonforma mal-ispeċifikazzjonijiet rilevanti ta' dan ir-Regolament ta' meta jiġi ttestjat bil-ballast, fil-każ li l-ballast ma jkunx integrat fis-sors tad-dawl, skont il-paragrafu 2.2.2.4.

3.2.2.   Sorsi tad-dawl li jaħdmu bl-emissjoni tal-gass għandhom ikunu ddisinjati b'tali mod li jkunu u jibqgħu jaħdmu sew meta jintużaw normalment. Barra minn hekk m'għandu jkollhom ebda difett fid-disinn jew fil-manifattura.

3.3.   Manifattura

3.3.1.   Il-bozza tas-sors tad-dawl li jaħdem bl-emissjoni tal-gass m'għandu jkollha ebda barxiet jew daqqiet li jistgħu inaqqsu l-effiċjenza u l-prestazzjoni ottika tiegħu.

3.3.2.   Fil-każ ta' bozza (esterna) ikkulurita, wara perjodu ta' tħaddim ta' 15-il siegħa bil-ballast jew bis-sors tad-dawl bil-ballast integrat bil-vultaġġ tat-test, is-superfiċje tal-bozza għandu jintmesaħ ħafif b'ċarruta tal-qoton imxarrba f'taħlita ta' 70 fil-mija bil-volum n-ettan u 30 fil-mija bil-volum tolwol. Wara madwar ħames minuti, is-superfiċje għandu jiġi eżaminat viżwalment. Dan m'għandux juri tibdil evidenti.

3.3.3.   Sorsi tad-dawl li jaħdmu bl-emissjoni tal-gass għandhom ikunu mgħammra b'kapep standard li jikkonformaw mal-folji tad-dejta tal-kapep tal-Pubblikazzjoni IEC 60061, it-tielet edizzjoni, kif speċifikat fuq il-folji tad-dejta individwali fl-Anness 1.

3.3.4.   Il-kappa għandha tkun soda u mwaħħla sew mal-bozza.

3.3.5.   Sabiex jiġi determinat jekk is-sorsi tad-dawl li jaħdmu bl-emissjoni tal-gass jikkonformawx mar-rekwiżiti tal-paragrafi 3.3.3 sa 3.3.4, għandhom jitwettqu spezzjoni viżwali, verifika tad-dimensjonijiet u, fejn ikun xieraq, twaħħil ta' prova.

3.4.   Testijiet

3.4.1.   Is-sorsi tad-dawl li jaħdmu bl-emissjoni tal-gass għandhom jitqaddmu kif indikat fl-Anness 4.

3.4.2.   Il-kampjuni kollha għandhom jiġu ttestjati bil-ballast, skont il-paragrafu 2.2.2.4, fil-każ li l-ballast ma jkunx integrat fis-sors tad-dawl.

3.4.3.   Il-kejl elettriku għandu jitwettaq permezz ta' strumenti tal-klassi 0.2, mill-inqas. (0.2 fil-mija preċiżjoni tal-iskala kollha).

3.5.   Pożizzjoni u dimesjonijiet tal-elettrodi, l-ark u l-istrixxi

3.5.1.   Il-pożizzjoni ġeometrika tal-elettrodi għandha tkun kif speċifikat fil-folja tad-dejta rilevanti. Eżempju ta' metodu tal-kejl tal-pożizzjoni tal-ark u l-elettrodi jingħata fl-Anness 5. Jistgħu jintużaw metodi oħra.

3.5.1.1.   Il-pożizzjoni u d-dimensjonijiet tal-elettrodi tas-sors tad-dawl għandhom jitkejlu qabel il-perjodu tat-tqaddim, bis-sors tad-dawl li jaħdem bl-emissjoni tal-gass mitfi u bl-użu ta' metodi ottiċi minn ġol-envelowp tal-ħġieġ.

3.5.2.   Il-forma u l-ispostament tal-ark għandhom jikkonformaw mar-rekwiżiti kif stabbilit fil-folja tad-dejta rilevanti.

3.5.2.1.   Il-kejl għandu jsir wara t-tqaddim bis-sors tad-dawl ipprovdut mill-ballast bil-vultaġġ tat-test, jew is-sors tad-dawl bil-ballast integrat bil-vultaġġ tat-test.

3.5.3.   Il-pożizzjoni u d-dimensjoni u t-trażmissjoni tal-istrixxi għandhom jikkonformaw mar-rekwiżiti kif stabbilit fil-folja tad-dejta rilevanti.

3.5.3.1.   Il-kejl għandu jsir wara t-tqaddim bis-sors tad-dawl ipprovdut mill-ballast bil-vultaġġ tat-test, jew is-sors tad-dawl bil-ballast integrat bil-vultaġġ tat-test.

3.6.   Karatteristiċi tat-tqabbid, ir-run-up u t-tqabbid mill-ġdid waqt li jkun sħun

3.6.1.   Tqabbid

Meta ttestjat skont il-kundizzjonijiet speċifikati fl-Anness 4, is-sors tad-dawl li jaħdem bl-emissjoni tal-gass għandu jixgħel direttament u jibqa' mixgħul.

3.6.2.   Run-up

3.6.2.1.   Għal sorsi tad-dawl li jaħdmu bl-emissjoni tal-gass li jkollhom fluss luminuż oġġettiv ta' aktar minn 2 000 lm:

3.6.2.2.   Għal sorsi tad-dawl li jaħdmu bl-emissjoni tal-gass li jkollhom fluss luminuż oġġettiv ta' mhux aktar minn 2 000 lm:

3.6.3.   Tqabbid mill-ġdid waqt li jkun sħun

Meta ttestjat skont il-kundizzjonijiet speċifikati fl-Anness 4, is-sors tad-dawl li jaħdem bl-emissjoni tal-gass għandu jerġa' jixgħel direttament wara li jintefa għal perjodu kif indikat fuq il-folja tad-dejta. Wara sekonda waħda s-sors tad-dawl għandu jarmi mill-inqas 80 fil-mija tal-fluss luminuż oġġettiv tiegħu.

3.7.   Karatteristiċi elettriċi

Meta mkejla skont il-kundizzjonijiet speċifikati fl-Anness 4, il-vultaġġ u l-wattage tas-sors tad-dawl għandhom ikunu fil-limiti stabbiliti fil-folja tad-dejta rilevanti.

3.8.   Fluss luminuż

Meta mkejjel skont il-kundizzjonijiet speċifikati fl-Anness 4, il-fluss luminuż għandu jkun fil-limiti stabbiliti fil-folja tad-dejta rilevanti. Fil-każ fejn l-abjad u l-isfar selettiv ikunu speċifikati għall-istess tip, il-valur oġġettiv għandu japplika għas-sorsi tad-dawl li jarmu dawl abjad, filwaqt li l-fluss luminuż tas-sors tad-dawl li jarmi dawl isfar selettiv għandu jkun mill-inqas 68 fil-mija tal-valur speċifikat.

3.9.   Kulur

3.9.1.   Il-kulur tad-dawl mormi għandu jkun abjad jew isfar selettiv. Barra minn hekk, il-karatteristiċi kolorimetriċi, espressi f'koordinati tal-kromatiċità CIE, għandhom ikunu fil-limiti stabbiliti fil-folja tad-dejta rilevanti.

3.9.2.   Id-definizzjonijiet tal-kulur tad-dawl mitfugħ, mogħtija fir-Regolament Nru 48 u s-serje ta' emendi tiegħu li kienu fis-seħħ fiż-żmien tal-applikazzjoni għall-approvazzjoni tat-tip għandhom japplikaw għal dan ir-Regolament.

3.9.3.   Il-kulur għandu jitkejjel skont il-kundizzjonijiet speċifikati fl-Anness 4, paragrafu 10.

3.9.4.   Il-kontenut minimu ta' aħmar ta' sors tad-dawl li jaħdem bl-emissjoni tal-gass għandu jkun tali li:

fejn:

Dan il-valur għandu jiġi kkalkulat billi jintużaw intervalli ta' nanometru.

3.10.   Radjazzjoni UV

Ir-radjazzjoni UV tas-sors tad-dawl li jaħdem bl-emissjoni tal-gass għandha tkun tali li s-sors tad-dawl li jaħdem bl-emissjoni tal-gass ikun tat-tip b'radjazzjoni UV baxxa konformi ma':

fejn:

(Għal definizzjonijiet ta' simboli oħra ara l-paragrafu 3.9.4 ta' hawn fuq).

Dan il-valur għandu jiġi kkalkulat bl-użu ta' intervalli ta' nanometru.

Il-ponderazzjoni tar-radjazzjoni UV għandha ssir abbażi tal-valuri indikati f'din it-tabella.

It-tulijiet ta' mewġa magħżula huma rappreżentattivi; valuri oħra għandhom jiġu interpolati.

Valuri skont il-“Linji Gwida IRPA/INIRC dwar il-limiti tal-esponiment għar-radjazzjoni ultravjola”.

3.11.   Sorsi tad-dawl standard li jaħdmu bl-emissjoni tal-gass

Sorsi tad-dawl standard (etalon) li jaħdmu bl-emissjoni tal-gass għandhom jikkonformaw mar-rekwiżiti applikabbli għal sorsi tad-dawl tal-approvazzjoni tat-tip u mar-rekwiżiti speċifiċi kif iddikjarati fil-folja tad-dejta rilevanti. Fil-każ ta' tip li jarmi dawl abjad u isfar selettiv, is-sors tad-dawl standard għandu jarmi dawl abjad.

4.   KONFORMITÀ TAL-PRODUZZJONI

4.1.   Sorsi tad-dawl li jaħdmu bl-emissjoni tal-gass approvati skont dan ir-Regolament għandhom ikunu manifatturati b'tali mod li jikkonformaw mat-tip approvat billi jissodisfaw l-iskrizzjonijiet u r-rekwiżiti tekniċi stabbiliti fil-paragrafu 3 ta' hawn fuq u l-Annessi 1 u 3 ta' dan ir-Regolament.

4.2.   Sabiex jiġi verifikat li jintlaħqu r-rekwiżiti tal-paragrafu 4.1, għandhom jitwettqu kontrolli xierqa tal-produzzjoni.

4.3.   Id-detentur tal-approvazzjoni għandu, b'mod partikolari:

4.4.   L-Awtorità Kompetenti li tkun tat l-approvazzjoni tat-tip tista' fi kwalunkwe ħin tivverifika l-metodi tal-kontroll tal-konformità applikabbli għal kull unità ta' produzzjoni.

4.4.1.   F'kull spezzjoni, il-kotba tat-test u r-reġistri tal-istħarriġ dwar il-produzzjoni għandhom jiġu preżentati lill-ispettur li jżur il-post.

4.4.2.   L-ispettur jista' jieħu kampjuni b'mod aleatorju li wara jiġu ttestjati fil-laboratorju tal-manifattur. In-numru minimu ta' kampjuni jista' jiġi determinat skont ir-riżultati tal-verifika tal-manifattur stess.

4.4.3.   Meta l-livell tal-kwalità ma jidhirx sodisfaċenti jew jidher li hemm bżonn li tiġi vverifikata l-validità tat-testijiet imwettqa fl-applikazzjoni tal-paragrafu 4.4.2 ta' hawn fuq, l-ispettur għandu jagħżel għadd ta' kampjuni u jibgħathom lis-servizz tekniku li jkun wettaq it-testijiet għall-approvazzjoni tat-tip.

4.4.4.   L-Awtorità Kompetenti tista' twettaq kwalunkwe test preskritt f'dan ir-Regolament. Dawn it-testijiet għandhom isiru fuq kampjuni magħżula b'mod aleatorju mingħajr ma jtellfu fl-impenni tal-forniment tal-manifattur u skont il-kriterji tal-Anness 8.

4.4.5.   L-Awtorità Kompetenti għandha tipprova tikseb frekwenza ta' spezzjoni ta' darba kull sentejn. Madankollu, dan huwa fid-diskrezzjoni tal-Awtorità Kompetenti u tiddeppendi mill-kunfidenza tagħhom fl-arranġamenti biex jiġi żgurat kontroll effettiv tal-konformità tal-produzzjoni. Fil-każ fejn jiġu reġistrati riżultati negattivi, l-Awtorità Kompetenti għandha tiżgura li jittieħdu l-passi meħtieġa kollha sabiex il-konformità tal-produzzjoni tiġi stabbilita mill-ġdid malajr kemm jista' jkun.

5.   IL-PIENI GĦAN-NUQQAS TA' KONFORMITÀ TAL-PRODUZZJONI

5.1.   L-approvazzjoni mogħtija fir-rigward ta' sors tad-dawl li jaħdem bl-emissjoni tal-gass skont dan ir-Regolament tista' tiġi rtirata jekk il-konformità preskritta tar-rekwiżiti tal-produzzjoni ma tintlaħaqx.

5.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat preċedentement, minnufih għandha tinnotifika b'dan lill-Partijiet Kontraenti l-oħra għall-Ftehim li japplikaw dan ir-Regolament permezz ta' formola ta' komunikazzjoni li tikkonforma mal-mudell fl-Anness 2 ta' dan ir-Regolament.

6.   PRODUZZJONI MWAQQFA GĦALKOLLOX

Jekk id-detentur tal-approvazzjoni jieqaf għalkollox milli jimmanifattura tip ta' sors tad-dawl li jaħdem bl-emissjoni tal-gass approvat skont dan ir-Regolament, hu għandu jinforma dwar dan lill-awtorità li tkun tat l-approvazzjoni. Meta tirċievi l-komunikazzjoni rilevanti, dik l-awtorità għandha tinforma dwar dan lill-Partijiet l-oħra tal-Ftehim li japplikaw dan ir-Regolament permezz ta' formola ta' komunikazzjoni li tikkonforma mal-mudell fl-Anness 2 ta' dan ir-Regolament.

7.   ISMIJIET U INDIRIZZI TAD-DIPARTIMENTI TEKNIĊI RESPONSABBLI GĦAT-TWETTIQ TA' TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet tal-Ftehim li japplikaw dan ir-Regolament għandhom jibagħtu lis-Segretarjat tan-Nazzjonijiet Uniti l-ismijiet u l-indirizzi tad-Dipartimenti Tekniċi responsabbli għat-twettiq ta' testijiet tal-approvazzjoni u tad-Dipartimenti Amministrattivi li jagħtu l-approvazzjoni u li għandhom jintbagħtu lilhom il-formoli li jiċċertifikaw approvazzjoni jew estenzjoni jew ċaħda jew irtirar ta' approvazzjoni, jew produzzjoni mwaqqfa għalkollox maħruġa f'pajjiżi oħra.

(1)  Bozza ta' kulur isfar selettiv jew bozza esterna addizzjonali ta' kulur isfar selettiv, maħsuba biss biex tibdel il-kulur iżda mhux il-karatteristiċi l-oħra ta' sors tad-dawl li jaħdem bl-emissjoni tal-gass li jarmi dawl abjad, ma tikkostitwixxix bidla fit-tip tas-sors tad-dawl li jaħdem bl-emissjoni tal-gass.

(2)  0 1 2 3 4 5 6 7 8 9

A B C D E F G H J K L M N P R S T U V W X Y Z

(3)  In-numri ta' distinzjoni tal-Partijiet Kontraenti tal-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.2/Amend.1.