ISSN 1977-074X |
||
Il-Ġurnal Uffiċjali tal-Unjoni Ewropea |
L 281 |
|
![]() |
||
Edizzjoni bil-Malti |
Leġiżlazzjoni |
Volum 57 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
||
|
|
||
|
|
DEĊIŻJONIJIET |
|
|
|
2014/672/UE |
|
|
* |
|
|
Rettifika |
|
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
25.9.2014 |
MT |
Il-Ġurnal Uffiċjali tal-Unjoni Ewropea |
L 281/1 |
REGOLAMENT TA' DELEGA TAL-KUMMISSJONI (UE) Nru 1001/2014
tat-18 ta' Lulju 2014
li jemenda l-Anness X tar-Regolament (UE) Nru 1307/2013 tal-Parlament Ewropew u tal-Kunsill li jistabbilixxi regoli għal pagamenti diretti lill-bdiewa taħt skemi ta' appoġġ fil-qafas tal-politika agrikola komuni
IL-KUMMISSJONI EWROPEA,
Wara li kkunsidrat ir-Regolament (UE) Nru 1307/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi regoli għal pagamenti diretti lill-bdiewa taħt skemi ta' appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (1), u b'mod partikolari l-Artikolu 46(9)(c) tiegħu,
Billi:
(1) |
Il-Kapitolu 3 tat-Titolu III tar-Regolament (UE) Nru 1307/2013 jistabbilixxi l-kundizzjonijiet biex jingħata l-ħlas għal prattiki agrikoli li huma ta' benefiċċju għall-klima u l-ambjent. Dawn il-kundizzjonijiet jinkludu regoli dwar iż-żoni li huma fokus għall-ekoloġizzazzjoni biex jintlaħqu l-miri tal-bijodiversità. |
(2) |
Biex l-amministrazzjoni ta' dawn iż-żoni ta' fokus ekoloġiku u biex jitqiesu l-karatteristiċi tat-tipi ta' żoni diversi, l-Artikolu 46(3) tar-Regolament (UE) Nru 1307/2013 jipprevedi l-użu ta' fatturi ta' konverżjoni u ta' ponderazzjoni. |
(3) |
Ir-Regolament ta' Delega tal-Kummissjoni (UE) Nru 639/2014 (2) emenda l-Anness X tar-Regolament (UE) Nru 1307/2013 biex jiġu stabbiliti l-fatturi rilevanti ta' konverżjoni u ponderazzjoni msemmijin fl-Artikolu 46(3) ta' dak ir-Regolament. |
(4) |
Bħala riżultat tat-taħdidiet mal-Parlament Ewropew u mal-Kunsill dwar ir-Regolament ta' Delega (UE) Nru 639/2014, il-Kummissjoni impenjat ruħha biex iżżid il-fattur ta' ponderazzjoni għaż-żoni fejn jitkabbru għelejjel li jassimilaw in-nitroġenu kif imsemmi fil-punt (j) tal-ewwel sottoparagrafu tal-Artikolu 46(2) tar-Regolament (UE) Nru 1307/2013 biex jintlaħqu l-miri msemmijin hawn fuq. |
(5) |
Għalhekk, l-Anness X tar-Regolament (UE) Nru 1307/2013 għandu jiġi emendat skont dan. |
(6) |
Dan ir-Regolament għandu japplika fir-rigward ta' applikazzjonijiet għall-għajnuna għas-snin kalendarji wara s-sena kalendarja 2014, |
ADOTTAT DAN IR-REGOLAMENT:
Artikolu 1
Emenda fir-Regolament (UE) Nru 1307/2013
Fl-Anness X tar-Regolament (UE) Nru 1307/2013, il-fattur ta' ponderazzjoni ta' “0,3” għaż-żoni fejn jitkabbru għelejjel li jassimilaw in-nitroġenu jiġi sostitwit b'“0,7”.
Artikolu 2
Id-dħul fis-seħħ u l-applikazzjoni
Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika fir-rigward ta' applikazzjonijiet għall-għajnuna relatati mas-snin kalendarji wara s-sena kalendarja 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta' Lulju 2014.
Għall-Kummissjoni
Il-President
José Manuel BARROSO
(1) ĠU L 347, 20.12.2013, p. 608.
(2) Ir-Regolament ta' Delega tal-Kummissjoni (UE) Nru 639/2014 tal-11 ta' Marzu 2014, li jissupplimenta r-Regolament (UE) Nru 1307/2013 tal-Parlament Ewropew u tal-Kunsill li jistabbilixxi regoli għall-pagamenti diretti lill-bdiewa skont skemi ta' appoġġ fil-qafas tal-politika agrikola komuni u li jemenda l-Anness X ta' dak ir-Regolament (ĠU L 181, 20.6.2014, p. 1).
25.9.2014 |
MT |
Il-Ġurnal Uffiċjali tal-Unjoni Ewropea |
L 281/3 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1002/2014
tal-24 ta’ Settembru 2014
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),
Wara li kkunsidrat ir-Regolament ta' Implimentazzjoni tal-Kummissjoni (UE) Nru 543/2011 tas-7 ta' Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b'mod partikolari l-Artikolu 136(1) tiegħu,
Billi:
(1) |
Ir-Regolament ta' Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta' Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Settembru 2014.
Għall-Kummissjoni,
F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 KG) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
MK |
56,9 |
TR |
83,3 |
|
XS |
79,6 |
|
ZZ |
73,3 |
|
0707 00 05 |
MK |
34,9 |
TR |
95,4 |
|
ZZ |
65,2 |
|
0709 93 10 |
TR |
115,2 |
ZZ |
115,2 |
|
0805 50 10 |
AR |
152,5 |
CL |
148,6 |
|
IL |
114,0 |
|
TR |
123,0 |
|
UY |
140,2 |
|
ZA |
137,5 |
|
ZZ |
136,0 |
|
0806 10 10 |
AR |
128,7 |
BR |
174,2 |
|
EG |
160,1 |
|
MK |
39,0 |
|
TR |
118,0 |
|
ZZ |
124,0 |
|
0808 10 80 |
AR |
262,7 |
BR |
65,3 |
|
CL |
112,7 |
|
NZ |
128,5 |
|
US |
135,4 |
|
ZA |
130,4 |
|
ZZ |
139,2 |
|
0808 30 90 |
AR |
218,6 |
CL |
231,7 |
|
CN |
105,0 |
|
TR |
120,0 |
|
ZZ |
168,8 |
|
0809 30 |
TR |
121,6 |
ZZ |
121,6 |
|
0809 40 05 |
MK |
9,0 |
ZZ |
9,0 |
(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta' oriġini oħra”.
DEĊIŻJONIJIET
25.9.2014 |
MT |
Il-Ġurnal Uffiċjali tal-Unjoni Ewropea |
L 281/5 |
DEĊIŻJONI TA' IMPLIMENTAZZJONI TAL-KUMMISSJONI
tal-24 ta' Settembru 2014
dwar l-estensjoni tal-ħatra tal-Korp ta' Analiżi tal-Prestazzjoni tal-Ajru Uniku Ewropew
(2014/672/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 549/2004 tal-Parlament Ewropew u tal-Kunsill tal-10 ta' Marzu 2004 li jippreskrivi l-qafas għall-ħolqien tal-Ajru Uniku Ewropew (1), u b'mod partikolari l-Artikolu 11(2) tiegħu,
Billi:
(1) |
Bid-Deċiżjoni tal-Kummissjoni tad-29 ta' Lulju 2010 (2), l-organizzazzjoni Ewropea għas-sikurezza tan-navigazzjoni tal-ajru (Eurocontrol) stabbilita bil-Konvenzjoni Internazzjonali tat-13 ta' Diċembru 1960 li tirrelata mal-Koperazzjoni għas-Sigurezza tan-Navigazzjoni tal-Ajru, kif emendata fit-12 ta' Frar 1981 u riveduta fis-27 ta' Ġunju 1997, filwaqt li taġixxi permezz tal-Kummissjoni ta' Analiżi tal-Prestazzjoni appoġġata mill-unità għall-analiżi tal-prestazzjoni, nħatret bħala l-Korp ta' Analiżi tal-Prestazzjoni tal-Ajru Uniku Ewropew għal perjodu li jintemm fit-30 ta' Ġunju 2015. |
(2) |
Bl-ittra tal-11 ta' Awwissu 2010, il-Kummissjoni ħatret il-President tal-Korp ta' Analiżi tal-Prestazzjoni u bid-Deċiżjoni tal-Kummissjoni tal-25 ta' Lulju 2013 (3) il-Kummissjoni approvat il-membri ta' dak il-korp, it-tnjen li huma għal perjodu li jintemm fit-30 ta' Ġunju 2015. |
(3) |
Meta wieħed jikkunsidra l-kompiti importanti ta' dan il-korp, kif stabbiliti fl-Artikolu 11(2) tar-Regolament (KE) Nru 549/2004 u fl-Artikolu 3 tar-Regolament ta' Implimentazzjoni tal-Kummissjoni (UE) Nru 390/2013 (4), jeħtieġ li wara t-30 ta' Ġunju 2015 jibqa' jinkiseb l-appoġġ espert biex jassisti lill-Kummissjoni u lill-awtoritajiet superviżorji nazzjonali u għalhekk li jinħatar Korp ta' Analiżi tal-Prestazzjoni għal perjodu addizzjonali. |
(4) |
Wara li jintemm l-ewwel perjodu ta' referenza, li jispiċċa fil-31 ta' Diċembru 2014, il-Kummissjoni għandha tirrevedi l-impatt, l-ambitu u l-effkaċja tal-iskema ta' prestazzjoni, li tinkludi wkoll il-Korp ta' Analiżi tal-Prestazzjoni. Fid-dawl ta' dan, huwa xieraq li l-perjodu addizzjonali tal-ħatra tal-Korp ta' Analiżi tal-Prestazzjoni jintemm fil-31 ta' Diċembru 2016, sabiex ma jkunx antiċipat ir-riżultat ta' dan il-proċess ta' reviżjoni, li jista' jwassal għal bidliet fil-futur fil-kompiti, fil-ħatra u fil-kompożizzjoni ta' dak il-korp. Id-data ta' tmiem tal-31 ta' Diċembru 2016 hija wkoll konsistenti mal-perjodu ta' referenza skont l-Artikolu 3(1) tar-Regolament (UE) Nru 390/2013, sakemm tippermetti lill-Korp ta' Analiżi tal-Prestazzjoni jiffinalizza l-ħidma tiegħu fir-rigward tal-adozzjoni tal-pjanijiet ta' prestazzjoni għat-tieni perjodu ta' referenza (2015–19), biex jiġu żviluppati miri ta' prestazzjoni għall-Unjoni kollha bil-ħsieb tal-applikazzjoni tagħhom mill-2017 fir-rigward tal-ispiża determinata għal kull unità għas-servizzi tan-navigazzjoni tal-ajru tat-terminal, u biex fl-2016 jiġu vvalutati s-suppożizzjonijiet tat-traffiku li ntużaw sabiex jiġi stabbilit miri ta' prestazzjoni għall-Unjoni kollha għat-tieni perjodu ta' referenza. |
(5) |
Il-Kummissjoni għall-Analiżi tal-Prestazzjoni tal-Eurocontrol, li f'dan iż-żmien għadha tikkostitwixxi l-aktar korp adegwat biex iwettaq dawk il-kompiti, ma esprimiet l-ebda oġġezzjoni li tinħatar bħala l-Korp ta' Analiżi tal-Prestazzjoni għal perjodu addizzjonali. Il-President u l-membri ta' dan il-korp, li qabel kienu magħżula skont il-proċedura prevista fl-Artikolu 4(4) u 5(1) tad-Deċiżjoni tal-Kummissjoni tad-29 ta' Lulju 2010, indikaw ukoll id-disponibbiltà tagħhom għal tiġdid ta' żmien. Meta jitqies it-tul ta' żmien limitat ta' dan il-perjodu addizzjonali u l-importanza li tiġi żgurata l-kontinwità fil-bidu tal-perjodu ta' referenza, mhuwiex xieraq li tinbeda proċedura ġdida ta' selezzjoni f'dan l-istadju. |
(6) |
Il-ħatra tal-Korp ta' Analiżi tal-Prestazzjoni u l-ħatra tal-President u l-membri tiegħu għandhom għalhekk jiġu mġedda, għal perjodu li jintemm fil-31 ta' Diċembru 2016. |
(7) |
Skont ir-Regolament (KE) Nru 549/2004, il-Korp ta' Analiżi tal-Prestazzjoni jrid ikun imparzjali, irid ikollu kompetenzi xierqa meta jwettaq il-kompiti fdati lilu u jrid jaġixxi b'mod indipendenti. Għalhekk għandhom jiġu previsti salvagwardji xierqa f'dan ir-rigward. Għandu wkoll jiġi speċifikat kif dan il-korp għandu jirrapporta lill-Kummissjoni. |
(8) |
Sabiex ikun żgurat il-funzjonament tajjeb tiegħu, għandhom jiġu stabbiliti regoli xierqa dwar ir-regoli ta' proċedura, ir-rekwiżiti ta' votazzjoni meħtieġa u l-finanzjament tal-Korp ta' Analiżi tal-Prestazzjoni. |
(9) |
Fl-interess taċ-ċarezza, id-Deċiżjoni tal-Kummissjoni tad-29 ta' Lulju 2010 u d-Deċiżjoni tal-Kummissjoni tal-25 ta' Lulju 2013 għandhom jiġu revokati. |
(10) |
Sabiex tkun assigurata l-kontinwità legali, din id-Deċiżjoni għandha tidħol fis-seħħ mill-1 ta' Lulju 2015, |
(11) |
Il-miżuri previsti f'dan ir-Regolament huma skont l-opinjoni tal-Kumitat dwar l-Ajru Uniku stabbilit bl-Artikolu 5(1) tar-Regolament (KE) Nru 549/2004, |
ADOTTAT DIN ID-DEĊIŻJONI:
Artikolu 1
Ħatra tal-Korp ta' Analiżi tal-Prestazzjoni
1. Il-Kummissjoni għall-Analiżi tal-Prestazzjoni tal-Eurocontrol, appoġġata mill-unità għall-analiżi tal-prestazzjoni tal-aġenzija Eurocontrol, hija maħtura bħala l-Korp ta' Analiżi tal-Prestazzjoni tal-Ajru Uniku Ewropew sal-31 ta' Diċembru 2016.
2. Il-ħatra hija suġġetta għall-kundizzjoni li l-Korp ta' Analiżi tal-Prestazzjoni jżomm il-kompetenza kollettiva fl-erba' oqsma ta' prestazzjoni ewlenin tas-sikurezza, tal-kapaċità, tal-ambjent u tal-kosteffiċjenza u li jkun ipprovdut lilu appoġġ suffiċjenti, indipendenti u kompetenti mill-unità għall-analiżi tal-prestazzjoni tal-Eurocontrol.
3. Meta jkun qed iwettaq il-kompiti fdati lilu b'din id-Deċiżjoni, il-Korp ta' Analiżi tal-Prestazzjoni u l-membri individwali tiegħu għandhom ikunu imparzjali u għandhom jeżerċitaw il-funzjonijiet tagħhom b'indipendenza, filwaqt li jevitaw kunflitti ta' interess.
4. Il-Korp ta' Analiżi tal-Prestazzjoni għandu jingħata aċċess għad-dejta relatata mal-prestazzjoni msemmija fir-Regolament ta' Implimentazzjoni (UE) Nru 390/2013, disponibbli fil-Eurocontrol.
Artikolu 2
Rappurtar
1. Il-Korp ta' Analiżi tal-Prestazzjoni għandu jaġixxi bi trasparenza sħiħa u għandu jirrapporta direttament lill-Kummissjoni. Ir-rapporti u r-rakkomandazzjonijiet tiegħu għandhom ikunu l-proprjetà tal-Kummissjoni. Il-pubblikazzjoni u t-tqassim ta' dawk ir-rapporti u r-rakkomandazzjonijiet se jeħtieġu l-kunsens bil-miktub minn qabel tal-Kummissjoni.
2. Darba fis-sena, il-Korp ta' Analiżi tal-Prestazzjoni għandu jirrapporta lill-Kummissjoni:
(a) |
dwar il-kooperazzjoni tiegħu mal-Aġenzija Ewropea tas-Sikurezza tal-Avjazzjoni (EASA) u dwar l-arranġamenti ta' ħidma flimkien mal-fornituri tas-servizzi tan-navigazzjoni tal-arju, mal-operaturi tal-ajruporti, mal-koordinaturi tal-ajruporti u mat-trasportaturi tal-ajru, kif imsemmi fl-Artikolu 3(7) u (8) tar-Regolament (UE) Nru 390/2013, rispettivament; |
(b) |
dwar il-ħidma mwettqa skont din id-Deċiżjoni u dwar l-użu tar-riżorsi tiegħu. |
Artikolu 3
Ħatra tal-President u l-membri
1. Il-President u l-membri tal-Korp ta' Analiżi tal-Prestazzjoni huma elenkati fl-Anness.
2. Il-President u l-membri għandhom jiffirmaw dikjarazzjoni li permezz tagħha jimpenjaw ruħhom li jeżerċitaw id-dmirijiet tagħhom fi ħdan il-Korp ta' Analiżi tal-Prestazzjoni b'mod indipendenti.
3. Jekk il-President jew membru jitlaq il-Korp ta' Analiżi tal-Prestazzjoni qabel il-31 ta' Diċembru 2016, għandu jintagħżel supplenti minn fost il-kandidati, li jkollu l-esperjenza u l-kompetenza xierqa, kif ukoll indipendenza u ma jrid ikollu l-ebda kunflitt ta' interess. Dak is-supplenti għandu jinħatar mill-Kummissjoni skont l-Artikolu 3(1) tar-Regolament ta' Implimentazzjoni (UE) Nru 390/2013.
Artikolu 4
Regoli ta' Proċedura
1. Il-Korp ta' Analiżi tal-Prestazzjoni għandu jadotta r-regoli ta' proċedura tiegħu, wara li jkunu approvati mill-Kummissjoni, b'votazzjoni ta' maġġoranza sempliċi.
2. Il-Korp ta' Analiżi tal-Prestazzjoni għandu jadotta r-rapporti u r-rakkomandazzjonijiet tiegħu b'votazzjoni ta' maġġoranza sempliċi.
Artikolu 5
Finanzjament
1. Il-ħidma tal-Korp ta' Analiżi tal-Prestazzjoni biex iwettaq l-kompiti msemmija fl-Artikolu 3(3), (4), (5) u (6)(a) tar-Regolament (UE) Nru 390/2013, inklużi l-ispejjeż tal-President u l-membri tal-Korp ta' Analiżi tal-Prestazzjoni kif ukoll tal-ispejjeż tal-persunal rilevanti tal-unità għall-analiżi tal-prestazzjoni tal-Eurocontrol, għandha tiġi ffinanzjata mill-baġit tal-Unjoni.
2. Il-kompiti msemmija fl-Artikolu 3(6)(b) u (c) tar-Regolament ta' Implimentazzjoni (UE) Nru 390/2013 għandhom ikunu suġġetti għal finanzjament speċifiku minn Stat(i) li jkopri l-ispejjeż addizzjonali mġarrba li jirriżultaw mit-talba għall-assistenza tal-Korp ta' Analiżi tal-Prestazzjoni lill-Istat(i) Membru/Membri kkonċernat(i).
Artikolu 6
Terminazzjoni kmieni
1. In-nuqqas ta' konformità mill-President jew mill-membri tal-Korp ta' Analiżi tal-Prestazzjoni mad-dispożizzjonijiet ta' din id-Deċiżjoni, għandu jagħti lill-Kummissjoni d-dritt li tittermina l-ħatra tagħhom.
2. In-nuqqas ta' konformità mill-Eurocontrol mad-dispożizzjonijiet ta' din id-Deċiżjoni, għandu jagħti lill-Kummissjoni d-dritt li tirrevedi jew tittermina l-ħatra wara notifka bil-kitba, tliet xhur minn qabel.
Artikolu 7
Tħassir
Id-Deċiżjoni tal-Kummissjoni tad-29 ta' Lulju 2010 u d-Deċiżjoni tal-Kummissjoni tal-25 ta' Lulju 2013 huma revokati.
Artikolu 8
Dħul fis-seħħ u applikazzjoni
Dan ir-Regolament jidħol fis-seħħ fl-1 ta' Lulju 2015 u japplika sal-31 ta' Diċembru 2016.
Magħmul fi Brussell, l-24 ta' Settembru 2014.
Għall-Kummissjoni
Il-President
José Manuel BARROSO
(2) C(2010)5134 final.
(3) C(2013)4651 final.
(4) Ir-Regolament ta' Implimentazzjoni tal-Kummissjoni (UE) Nru 390/2013 tat-3 ta' Mejju 2013 li jistabbilixxi skema ta' prestazzjoni għas-servizzi tan-navigazzjoni tal-ajru u għall-funzjonijiet tan-netwerk (ĠU L 128, 9.5.2013, p. 1).
ANNESS
IL-PRESIDENT U L-MEMBRI TAL-KORP TA' ANALIŻI TAL-PRESTAZZJONI
Il-President tal-Korp ta' Analiżi tal-Prestazzjoni:
— |
GRIFFITHS Peter |
Il-membri tal-Korp ta' Analiżi tal-Prestazzjoni:
— |
BARTHELEMY Laurent |
— |
BAUMGARTNER Marc |
— |
BILLINGER Nils Gunnar |
— |
BRUN René |
— |
BUJIA LORENZO Juan Manuel |
— |
ERDURAK Hasan Bahadir |
— |
HUTCHINGS Marja |
— |
ISCRA Giorgio |
— |
LAHTINEN Antero J. |
— |
LAMBERT Anne |
— |
NIEMEIER Hans-Martin |
— |
RIEDLE Ralph |
Rettifika
25.9.2014 |
MT |
Il-Ġurnal Uffiċjali tal-Unjoni Ewropea |
L 281/9 |
Rettifika għar-Regolament ta' Implimentazzjoni tal-Kummissjoni (UE) Nru 669/2014 tat-18 ta' Ġunju 2014 dwar l-awtorizzazzjoni tad-D-pantotenat tal-kalċju u tad-D-pantenol bħala addittivi fl-għalf għall-ispeċi kollha tal-annimali
( Il-Ġurnal Uffiċjali tal-Unjoni Ewropea L 179 tad-19 ta' Ġunju 2014 )
Fil-paġna 64 fl-Anness, fl-aħħar kolonna “Tmiem il-perjodu tal- awtorizzazzjoni”:
flok:
“Id-19 ta' Ġunju 2024”
aqra:
“Id-9 ta' Lulju 2024”