(1)

Permezz tad-Deċiżjoni tad-19 ta’ Novembru 2008 (3), il-Kummissjoni ddeċidiet li ma toġġezzjonax kontra l-miżuri ta’ urġenzi li ttieħdu fil-forma ta’ operazzjoni ta’ appoġġ ta’ likwidità ( “liquidity assistance” , minn hawn ‘il quddiem “l-operazzjoni LA”) u ta’ garanzija fuq ċerti obbligazzjonijiet ta’ Dexia (4). Il-Kummissjoni kkunsidrat li dawn il-miżuri kienu kompatibbli mas-suq intern abbażi tal-Artikolu 107(3)(b) tat-TFUE bħala għajnuna ta’ salvataġġ ta’ impriża f’diffikultà u awtorizzat dawn il-miżuri għal perjodu ta’ sitt xhur li beda mit-3 ta’ Ottubru 2008, waqt li indikat li wara dan il-perjodu, il-Kummissjoni għandha tirrevedi mill-ġdid l-għajnuna bħala miżuri strutturali.

(2)

Il-Belġju, Franza u l-Lussemburgu (minn hawn ‘il quddiem “l-Istati Membri kkonċernati”) innotifikaw lill-Kummissjoni dwar l-ewwel pjan ta’ ristrutturar ta’ Dexia fis-16, is-17 u t-18 ta’ Frar 2009 rispettivament.

(3)

Bid-Deċiżjoni tat-13 ta’ Marzu 2009, il-Kummissjoni ddeċidiet li tiftaħ il-proċedura prevista fl-Artikolu 108(2) tat-TFUE għal kull għajnuna mogħtija lil Dexia (5).

(4)

Bid-Deċiżjoni tat-30 ta’ Ottubru 2009 (6), il-Kummissjoni awtorizzat l-estensjoni tal-garanzija sat-28 ta’ Frar 2010 jew sad-data tad-Deċiżjoni tal-Kummissjoni li tiddeċiedi dwar il-kompatibbiltà tal-miżuri ta’ għajnuna u tal-pjan ta’ ristrutturar ta’ Dexia.

(5)

Fid-9 ta’ Frar 2010, l-Istati Membri kkonċernati bagħtu informazzjoni lill-Kummissjoni dwar miżuri addizzjonali ppjanati sabiex jitlesta l-ewwel pjan ta’ ristrutturar ta’ Dexia.

(6)

Bid-Deċiżjoni tas-26 ta’ Frar 2010 (7) (minn hawn ‘il quddiem “id-Deċiżjoni ta’ approvazzjoni kondizzjonali”), il-Kummissjoni approvat il-pjan ta’ ristrutturar ta’ Dexia u l-bidla tal-għajnuna ta’ emerġenza f’għajnuna għar-ristrutturar, diment li tkun konformi mal-patti u l-kundizzjonijiet kollha meħtieġa mill-imsemmija Deċiżjoni.

(7)

Il-miżuri ta’ għajnuna mogħtija lil Dexia minn Settembru 2008, approvati mill-Kummissjoni fid-Deċiżjoni ta’ approvazzjoni kondizzjonali tagħha, jikkonsistu:

(8)

Biex tkun żgurata l-implimentazzjoni korretta tal-impenji u l-kundizzjonijiet, espert f’isem il-Kummissjoni (minn hawn ‘il quddiem “l-espert maħtur”), li jista’ jagħmel il-kontrolli kollha meħtieġa, jippreżenta rapport dettaljat kull sitt xhur lill-Kummissjoni.

(9)

Fir-rapport tiegħu tat-30 ta’ Novembru 2010, l-espert maħtur sab li tliet impenji ma ġewx issodisfati:

(10)

Fir-rapport tiegħu tad-29 ta’ April 2011, l-espert maħtur jemmen li, minbarra n-nuqqasijiet misjuba fir-rapport tiegħu tat-30 ta’ Novembru 2010, erba’ impenji ma ġewx issodisfati:

(11)

Fir-rapport tiegħu tas-26 ta’ Settembru 2011, l-espert maħtur jemmen li, minbarra n-nuqqasijiet misjuba fir-rapport tiegħu tat-30 ta’ Novembru 2010 u tad-29 ta’ April 2011, żewġ impenji ma ġewx issodisfati:

(12)

Fir-rapport tiegħu tat-22 ta’ Mejju 2012, l-espert maħtur jemmen li, minbarra n-nuqqasijiet misjuba fir-rapport tiegħu tat-30 ta’ Novembru 2010, tad-29 ta’ April 2011, u tas-26 ta’ Settembru 2011, tliet impenji ma ġewx issodisfati:

(13)

Fir-rapport tiegħu tal-5 ta’ Ottubru 2012 dwar l-implimentazzjoni tal-impenji minn Dexia (minbarra Dexia Banque Belgique (100 % sussidjarja ta’ Dexia SA, minn hawn ‘il quddiem “DBB/Belfius”) matul il-perjodu kopert minn dan ir-rapport, jiġifieri mill-1 ta’ Jannar 2012 sat-30 ta’ Ġunju 2012), l-espert maħtur jemmen li, minbarra n-nuqqasijiet misjuba fir-rapport tiegħu tat-30 ta’ Novembru 2010, tad-29 ta’ April 2011, tas-26 ta’ Settembru 2011 u tat-22 ta’ Mejju 2012, l-impenn relatat mar-RAROC ma ġiex irrispettat, bi ksur tal-punt 3 tal-impenji. Minn kampjun ta’ 218-il self, [15-20] self li sar matul il-perjodu ta’ bejn l-1 ta’ Jannar 2012 u t-30 ta’ Ġunju 2012, li jirrappreżenta valur totali ta’ aktar minn EUR [100-125] miljun, kellu RAROC ta’ inqas minn 10 %.

(14)

Skont id-Deċiżjoni ta’ approvazzjoni kondizzjonali, Dexia ntrabat li jbiegħ jew idaħħal fl-elenku s-sehem tiegħu ta’ 70 % fis-sussidjarja Taljana tiegħu, Dexia Crediop, sal-31 ta’ Ottubru 2012. L-espert indipendenti wissa fir-rapport tiegħu tal-5 ta’ Ottubru 2012 li Dexia ma pprovdiex informazzjoni dwar l-implimentazzjoni ta’ dan l-impenn għall-ewwel nofs tal-2012. Madankollu, abbażi tal-informazzjoni pprovduta mir-rapporti preċedenti, l-espert indipendenti jkompli jemmen li Crediop mhuwiex […] u għalhekk mhuwiex […] (13).

(15)

Mis-sajf tal-2011, Dexia ltaqa’ ma’ diffikultajiet oħrajn. Minħabba dan, l-Istati Membri kkonċernati ħadu miżuri ta’ għajnuna addizzjonali u kkunsidraw l-adozzjoni ta’ għajnuna ġdida.

(16)

Fis-7 ta’ Ottubru 2011, l-awtoritajiet Belġjani infurmaw lill-Kummissjoni dwar proposta ta’ akkwiżizzjoni ta’ DBB/Belfius mill-Istat Belġjan. Fit-12 ta’ Ottubru 2011, il-Belġju nnotifika lill-Kummissjoni dwar miżuri addizzjonali għall-pjan ta’ ristrutturar approvat mid-Deċiżjoni ta’ approvazzjoni kondizzjonali, li kienu jikkonsistu fl-akkwiżizzjoni ta’ DBB/Belfius mill-Istat Belġjan permezz tal-akkwist mingħand Dexia SA ta’ 100 % tal-ishma ta’ DBB/Belfius għall-prezz ta’ EUR 4 biljun.

(17)

Permezz tad-Deċiżjoni tas-17 ta’ Ottubru 2011 (minn hawn ‘il quddiem “id-Deċiżjoni ta’ ftuħ fuq il-bejgħ ta’ DBB/Belfius”) (14), il-Kummissjoni fetħet proċedura ta’ investigazzjoni formali dwar il-miżura ta’ bejgħ minn Dexia u ta’ akkwiżizzjoni mill-Istat Belġjan ta’ DBB/Belfius. Din il-miżura tirrigwarda l-akkwiżizzjoni mill-Istat Belġjan ta’ DBB/Belfius u s-sussidjarji tiegħu (15), minbarra Dexia Asset Management (minn hawn ‘il quddiem “DAM”). Biex tinżamm l-istabilità finanzjarja, il-Kummissjoni ddeċidiet ukoll li tawtorizza l-miżura temporanjament. Għalhekk din ġiet awtorizzata għal sitt xhur mid-Deċiżjoni ta’ ftuħ fuq il-bejgħ ta’ DBB/Belfius (jiġifieri sas-16 ta’ April 2012 inkluż) jew – jekk il-Belġju jressaq pjan ta’ ristrutturar għal DBB/Belfius fi żmien sitt xhur mid-Deċiżjoni ta’ ftuħ fuq il-bejgħ ta’ DBB/Belfius – sakemm il-Kummissjoni tadotta Deċiżjoni finali dwar il-miżura. Iċ-ċessjoni ta’ DBB/Belfius saret fl-20 ta’ Ottubru 2011. Fl-1 ta’ Marzu 2012, il-kumpanija li sa dak iż-żmien kienet magħrufa bħala Dexia Banque Belgique, ħabbret uffiċjalment l-isem il-ġdid tagħha: Belfius (16). Sal-lum, DBB ma baqagħlux rabtiet ta’ proprjetà ma’ Dexia.

(18)

Il-Kummissjoni rċeviet kummenti minn partijiet terzi interessati dwar din il-kwistjoni. Hija bagħtithom lill-Belġju filwaqt li tatu l-possibbiltà li jikkummenta dwarhom, u rċeviet il-kummenti tal-Belġju b’ittra datata d-19 ta’ April 2012.

(19)

Fis-17 ta’ April 2012, il-Belġju ressaq pjan ta’ ristrutturar għal DBB/Belfius. Mis-17 ta’ April 2012 sat-23 ta’ Novembru 2012, saru diversi laqgħat, taħditiet fuq it-telefon u sottomissjonijiet ta’ informazzjoni addizzjonali.

(20)

Fis-26 ta’ Novembru 2012, il-Belġju nnotifika l-verżjoni finali tiegħu tal-pjan ta’ ristrutturar għal DBB/Belfius lill-Kummissjoni.

(21)

Fil-21 ta’ Diċembru 2012, il-Kummissjoni rċeviet in-notifika ta’ ittra ta’ impenji mill-Belġju lejn DBB/Belfius.

(22)

Fit-18 ta’ Ottubru 2011, l-Istati Membri kkonċernati infurmaw lill-Kummissjoni dwar sett ta’ miżuri ġodda potenzjali għal pjan ġdid ta’ riżoluzzjoni jew ta’ għeluq ta’ Dexia. Taħt dan is-sett ta’ miżuri ġodda, il-Belġju nnotifika lill-Kummissjoni, fil-21 ta’ Ottubru 2011, dwar miżuri ta’ għajnuna ta’ likwidità ta’ emerġenza (“Emergency Liquidity Assistance”) (minn hawn ‘il quddiem “ELA”) mogħtija lil DBB/Belfius mill-BNB.

(23)

Fl-14 ta’ Diċembru 2011, Franza, il-Belġju u l-Lussemburgu nnotifikaw ukoll lill-Kummissjoni, taħt dan is-sett ta’ miżuri ġodda, abbozz ta’ garanzija temporanja mill-Istati Membri kkonċernati fuq il-finanzjament mill-ġdid ta’ Dexia SA u ta’ Dexia Crédit Local (minn hawn ‘il quddiem “DCL”).

(24)

Permezz tad-Deċiżjoni tal-21 ta’ Diċembru 2011 (minn hawn ‘il quddiem “id-Deċiżjoni ta’ approvazzjoni temporanja”) (17), sabiex iżżomm l-istabilità finanzjarja, il-Kummissjoni ddeċidiet li tapprova temporanjament sal-31 ta’ Mejju 2012 il-garanzija temporanja ta’ rifinanzjament. Madankollu, f’din id-Deċiżjoni, minħabba l-fatt li l-garanzija temporanja ta’ rifinanzjament, l-akkwiżizzjoni ta’ DBB/Belfius mill-Belġju u n-nuqqasijiet misjuba fit-twettiq tal-impenji u l-kundizzjonijiet previsti mid-Deċiżjoni ta’ approvazzjoni kondizzjonali jikkostitwixxu bidla sinifikanti fil-kundizzjonijiet ta’ ristrutturar ta’ Dexia, il-Kummissjoni fetħet proċedura formali fuq il-miżuri addizzjonali kollha għar-ristrutturar ta’ Dexia mill-adozzjoni tad-Deċiżjoni ta’ approvazzjoni kondizzjonali (inkluża l-garanzija temporanja ta’ rifinanzjament).

(25)

Fit-23 ta’ Marzu 2012, il-Lussemburgu nnotifika lill-Kummissjoni dwar il-bejgħ ta’ Dexia Banque Internationale fil-Lussemburgu (minn hawn ‘il quddiem “Dexia BIL”). Xi assi ġew esklużi mill-ambitu ta’ dan il-bejgħ. Precision Capital SA – grupp ta’ investituri mill-Qatar – kellu jakkwista 90 % ta’ Dexia BIL, bl-10 % li jifdal jirritornaw għand l-Istat tal-Lussemburgu. B’Deċiżjoni tat-3 ta’ April 2012 (18), il-Kummissjoni fetħet proċedura ta’ investigazzjoni formali dwar il-bejgħ ta’ Dexia BIL. B’Deċiżjoni tal-25 ta’ Lulju 2012 (19) il-Kummissjoni approvat il-bejgħ ta’ Dexia BIL.

(26)

Fil-21 u fit-22 ta’ Marzu 2012, l-Istati Membri kkonċernati nnotifikaw lill-Kummissjoni dwar l-ewwel pjan ta’ riżoluzzjoni ordnata ta’ Dexia (minn hawn ‘il quddiem “l-ewwel pjan ta’ riżoluzzjoni ordnata ta’ Dexia”).

(27)

Fil-25 ta’ Mejju 2012, l-Istati Membri kkonċernati nnotifikaw lill-Kummissjoni b’talba ta’ estensjoni tal-garanzija temporanja ta’ finanzjament mill-ġdid sat-30 ta’ Settembru 2012.

(28)

Fil-31 ta’ Mejju 2012, il-Kummissjoni adottat żewġ Deċiżjonijiet.

(29)

Fl-ewwel Deċiżjoni (minn hawn ‘il quddiem “id-Deċiżjoni ta’ estensjoni tal-proċedura”), il-Kummissjoni ddeċidiet li testendi l-proċedura ta’ investigazzjoni formali għall-miżuri kollha addizzjonali għar-ristrutturar ta’ Dexia, sabiex teżamina l-pjan ta’ riżoluzzjoni ordnata ta’ Dexia ppreżentat mill-Istati Membri kkonċernati fil-21 u fit-22 ta’ Marzu 2012 (20). Hija stiednet ukoll lill-Istati Membri kkonċernati sabiex iressqu l-kummenti tagħhom u jipprovdu kull informazzjoni utli dwar ir-rikapitalizzazzjoni ta’ Dexia minn Arcofin sabiex tistabbilixxi jekk id-Deċiżjoni ta’ approvazzjoni kondizzjonali għandhiex tkun irrevokata (ara l-premessi (41) u (42) aktar ‘l isfel).

(30)

Fit-tieni Deċiżjoni (minn hawn ‘il quddiem “id-Deċiżjoni tal-ewwel estensjoni tal-garanzija”) (21), il-Kummissjoni approvat temporanjament, sakemm tieħu Deċiżjoni finali dwar il-pjan ta’ riżoluzzjoni ordnata ta’ Dexia, l-ewwel estensjoni tal-perjodu ta’ garanzija temporanja tal-Istati Membri kkonċernati fuq ir-rifinanzjament ta’ Dexia SA u DCL sat-30 ta’ Settembru 2012, filwaqt li estendiet il-proċedura ta’ investigazzjoni formali għal din il-miżura fuq il-miżuri kollha addizzjonali għar-ristrutturar ta’ Dexia miftuħa mid-Deċiżjoni ta’ approvazzjoni temporanja.

(31)

Fil-5 ta’ Ġunju 2012, l-Istati Membri kkonċernati nnotifikaw lill-Kummissjoni żieda fil-limitu tal-garanzija għal ammont massimu bi prinċipal ta’ EUR 55 biljun. Fid-Deċiżjoni tagħha tas-6 ta’ Ġunju 2012 (22) (minn hawn ‘il quddiem “id-Deċiżjoni ta’ żieda fil-limitu tal-garanzija”), il-Kummissjoni approvat temporanjament, sakemm tieħu Deċiżjoni finali dwar il-pjan ta’ riżoluzzjoni ordnata ta’ Dexia, iż-żieda fil-limitu tal-garanzija, filwaqt li estendiet il-proċedura ta’ investigazzjoni formali għal din il-miżura fuq il-miżuri kollha addizzjonali għar-ristrutturar ta’ Dexia miftuħa mid-Deċiżjoni ta’ approvazzjoni temporanja.

(32)

Fis-7 ta’ Settembru 2012, l-Istati Membri kkonċernati nnotifikaw lill-Kummissjoni b’talba ta’ estensjoni oħra, sal-31 ta’ Jannar 2013, tal-perjodu tal-garanzija temporanja ta’ rifinanzjament (b’limitu tal-garanzija ta’ ammont massimu bi prinċipal ta’ EUR 55 biljun). Fid-Deċiżjoni tagħha tas-26 ta’ Settembru 2012 (23) (id-Deċiżjoni tat-tieni estensjoni tal-garanzija”), il-Kummissjoni approvat temporanjament, sakemm tieħu Deċiżjoni finali dwar il-pjan ta’ riżoluzzjoni ordnata ta’ Dexia, it-tieni estensjoni tal-perjodu ta’ garanzija temporanja tal-Istati Membri kkonċernati fuq ir-rifinanzjament ta’ Dexia SA u DCL sal-31 ta’ Jannar 2013, filwaqt li estendiet il-proċedura ta’ investigazzjoni formali għal din il-miżura.

(33)

Fis-26 ta’ Novembru 2012, il-Belġju nnotifika l-verżjoni finali tal-pjan ta’ ristrutturar ta’ DBB/Belfius lill-Kummissjoni. Fis-17 ta’ Diċembru 2012, il-Belġju nnotifika ittra ta’ impenji dwar ir-ristrutturar ta’ DBB/Belfius.

(34)

Fl-14 ta’ Diċembru 2012, l-Istati Membri kkonċernati nnotifikaw pjan ġdid ta’ riżoluzzjoni ordnata ta’ Dexia lill-Kummissjoni (minn hawn ‘il quddiem “il-pjan rivedut ta’ riżoluzzjoni ordnata ta’ Dexia”), li kien jissostitwixxi l-ewwel pjan ta’ riżoluzzjoni ordnata ta’ Dexia.

(35)

Fl-14 ta’ Diċembru 2012, l-Istati Membri kkonċernati għaddew ukoll lill-Kummissjoni nota intitolata “Nota mill-awtoritajiet Franċiżi lill-Kummissjoni Ewropea” bis-suġġett tal-“Preżentazzjoni tal-appoġġ lil DMA mill-Istat, mill-Caisse des Dépôts et Consignations u minn La Banque Postale” (minn hawn ‘il quddiem “in-nota dwar l-operazzjoni ta’ ċessjoni ta’ DMA”).

(36)

Fis-17 ta’ Diċembru 2012, l-Istati Membri kkonċernati nnotifikaw ukoll ittra ta’ impenn għall-pjan rivedut ta’ riżoluzzjoni ordnata ta’ Dexia u ittra ta’ impenji għall-operazzjoni ta’ ċessjoni ta’ Dexia Municipal Agency (minn hawn ‘il quddiem “DMA”).

(37)

Fil-premessa 104 tad-Deċiżjoni ta’ approvazzjoni kondizzjonali, il-Kummissjoni tinnota li l-Istati Membri kkonċernati jikkunsidraw li d-Deċiżjoni ta’ xi azzjonisti storiċi ta’ Dexia, bħal Arcofin, li jipparteċipaw fiż-żieda tal-kapital tal-bank ma fiha ebda element ta’ għajnuna mil-Istat. Fil-premessa 130 tad-Deċiżjoni, il-Kummissjoni tqis li r-riżorsi disponibbli għal Dexia minħabba l-imġieba ta’ Arcofin mhumiex riżorsi tal-Istat. Il-Kummissjoni tikkonkludi għalhekk, fid-Deċiżjoni ta’ approvazzjoni kondizzjonali tagħha, li l-investiment ta’ Arcofin f’Dexia mhuwiex għajnuna mill-Istat peress li din l-operazzjoni ma tissodisfax waħda mill-kundizzjonijiet imposti mill-Artikolu 107(1) tat-TFUE.

(38)

Fis-7 ta’ Novembru 2011, l-awtoritajiet Belġjani nnotifikaw l-estensjoni ta’ skema ta’ garanzija tal-Istat li sa dakinhar kienet tiffavorixxi lid-depożiti bankarji u l-assigurazzjonijiet fuq il-ħajja msejħa “branche 21”. Din l-estensjoni tippermetti li l-ishma tal-azzjonisti individwali f’kooperattivi finanzjarji approvati jibbenefikaw ukoll mill-garanzija tal-Istat.

(39)

Minn dakinhar, il-Kummissjoni saret taf b’evidenza li tissuġġerixxi li l-investiment ta’ Arcofin f’Dexia seta’ sar possibbli permezz ta’ assigurazzjonijiet – kontemporanji għall-investiment ta’ Arcofin f’Dexia – min-naħa tal-awtoritajiet Belġjani li l-imsieħba ta’ Arcofin jiġu protetti minn riskju ta’ telf (ara s-sezzjoni 3.1.2, premessi (397) sa (399) hawn taħt). Dan jista’ jfisser li r-rikapitalizzazzjoni ta’ Dexia minn Arcofin kienet tinvolvi riżorsi tal-Istat u għalhekk għajnuna mill-Istat.

(40)

Permezz tal-ittra tas-6 ta’ Diċembru 2011, il-Kummissjoni infurmat lill-Istat Belġjan li l-estensjoni tal-iskema ta’ garanzija tista’ tikkostitwixxi għajnuna illegali mill-Istat u talbet lill-Belġju sabiex joqgħod lura milli jieħu kwalunkwe azzjoni addizzjonali biex ikompli jwettaq din il-miżura. Dakinhar, hija rreferiet għall-possibbiltà li tadotta, taħt l-Artikolu 11 tar-Regolament (KE) Nru 659/1999 tal-Kunsill tat-22 ta’ Marzu 1999 li jistabbilixxi regoli dettaljati għall-applikazzjoni tal-Artikolu 93 tat-Trattat KE (24) (minn hawn ‘il quddiem “ir-Regolament tal-proċedura”), Deċiżjoni li teħtieġ lill-Istat Membru jissospendi l-iskema ta’ garanzija, jiġifieri li ma jieħux aktar azzjonijiet biex jimplimenta l-iskema. F’din l-istess ittra, il-Kummissjoni stiednet lill-Belġju sabiex iressaq l-osservazzjonijiet tiegħu dwar din il-kwistjoni, ħaġa li għamel bl-ittra tat-22 ta’ Diċembru 2011.

(41)

Fil-11 ta’ April 2012, il-Kummissjoni bagħtet ittra lill-Istati Membri kkonċernati li biha infurmathom bl-intenzjoni tagħha li tiftaħ proċedura ta’ investigazzjoni formali biex tirrevoka kull parti tad-Deċiżjoni ta’ approvazzjoni kondizzjonali li tirrigwarda l-partiċipazzjoni ta’ Arcofin fiż-żieda tal-kapital ta’ Dexia. Din l-ittra kienet ibbażata fuq evidenza li tissuġġerixxi li l-parteċipazzjoni ta’ Arcofin fir-rikapitalizzazzjoni ta’ Dexia kient fil-fatt attribwibbli lill-Istat Belġjan wara l-assigurazzjoni mogħtija minnu li jiggarantixxi l-ishma tal-imsieħba individwali fil-kooperattivi finanzjarji approvati bħal Arcofin.

(42)

Fis-16 ta’ Mejju 2012, l-Istati Membri kkonċernati wieġbu f’ittra indirizzata lill-Kummissjoni li ma kien hemm l-ebda bażi għall-ftuħ ta’ proċedura ta’ investigazzjoni formali u/jew revoka tad-Deċiżjoni ta’ approvazzjoni kondizzjonali f’dak li jirrigwarda l-konklużjoni li l-parteċipazzjoni ta’ Arcofin fir-rikapitalizzazzjoni ta’ Dexia ma kinitx tinvolvi riżorsi tal-Istat. Fid-Deċiżjoni ta’ estensjoni tal-proċedura, il-Kummissjoni fetħet il-proċedura ta’ investigazzjoni formali għall-parteċipazzjoni ta’ Arcofin fiż-żieda tal-kapital ta’ Dexia, billi stiednet lill-Istati Membri kkonċernati jressqu l-kummenti tagħhom u jipprovdu kull informazzjoni utli sabiex tistabbilixxi jekk id-Deċiżjoni ta’ approvazzjoni kondizzjonali għandhiex tkun irrevokata f’dak li jirrigwarda r-rikapitalizzazzjoni ta’ Dexia minn Arcofin.

(43)

Barra minn hekk, il-Kummissjoni tinnota li d-Deċiżjoni ta’ approvazzjoni kondizzjonali ma kinitx implimentata kif suppost. Kif deskritt f’aktar dettall fis-sezzjoni 1.2.2 tad-Deċiżjoni ta’ estensjoni tal-proċedura, l-espert maħtur sab ripetutament li Dexia ma kinitx irrispettat ċerti impenji previsti fil-pjan ta’ ristrutturar u li taħthom l-għajnuna mill-Istat mogħtija lil Dexia kienet ikkunsidrata kompatibbli mas-suq intern. B’mod partikolari, fir-rapporti tiegħu tat-30 ta’ Novembru 2010, tad-29 ta’ April 2011, tas-26 ta’ Settembru 2011 u tat-22 ta’ Mejju 2012, l-espert maħtur sab li l-impenji li ġejjin ma ġewx issodisfati:

(46)

Minħabba dawn in-nuqqasijiet ta’ Dexia fir-rigward tar-rispett tal-impenji kif deskritt hawn fuq, il-Kummissjoni, fid-Deċiżjoni ta’ estensjoni tal-proċedura, fetħet il-proċedura ta’ investigazzjoni formali. F’din id-Deċiżjoni, il-Kummissjoni fakkret li minħabba n-nuqqasijiet fir-rigward ta’ dawn il-kundizzjonijiet hija kellha tinvestiga mill-ġdid il-kompatibbiltà tal-għajnuna kollha diskussa fid-Deċiżjoni kondizzjonali u stiednet lill-Istati Membri kkonċernati sabiex jissottomettu l-kummenti tagħhom u jipprovdu kull informazzjoni rilevanti għall-evalwazzjoni ta’ dawn il-miżuri ta’ għajnuna.

(47)

Din id-Deċiżjoni tagħlaq kemm il-proċedura ta’ investigazzjoni formali miftuħa għar-riakkwist ta’ DBB/Belfius kif ukoll dik miftuħa mid-Deċiżjoni ta’ approvazzjoni kondizzjonali (u estiża permezz tad-Deċiżjoni ta’ estensjoni tal-proċedura, id-Deċiżjoni tal-ewwel estensjoni tal-garanzija, id-Deċiżjoni taż-żieda tal-limitu tal-garanzija u d-Deċiżjoni tat-tieni estensjoni tal-garanzija, għall-miżuri ta’ ELA, ta’ garanzija ta’ rifinanzjament, ta’ sottoskrizzjoni minn DBB/Belfius ta’ obbligi garantiti mill-Istati Membri kkonċernati u maħruġa minn Dexia SA u DCL) fuq ir-ristrutturar u l-pjan rivedut ta’ riżoluzzjoni ordnata ta’ Dexia, inkluża l-operazzjoni ta’ ċessjoni ta’ DMA

(48)

Iffurmat fl-1996 mill-għaqda tal-Crédit Local ta’ Franza u l-Crédit communal tal-Belġju, il-grupp Dexia (minn hawn ‘il quddiem “Dexia”) kien speċjalizzat fis-self lill-awtoritajiet lokali iżda kellu wkoll madwar 5,5 miljun klijent privat, prinċipalment fil-Belġju, fil-Lussemburgu u fit-Turkija.

(49)

Dexia kien organizzat madwar il-kumpanija holding possedenti (Dexia SA) u tliet sussidjarji operattivi li jinsabu fi Franza (DCL) (26), fil-Belġju (DBB/Belfius) u fil-Lussemburgu (Dexia BIL). Huwa kien jinkludi fost l-oħrajn kumpanija tal-ipoteki, DMA, sussidjarja ta’ DCL. Kellu wkoll sussidjarji oħrajn: Deniz Bank, Dexia Habitat, DKB Polska, DAM, Dexia Région Bail, Dexia Flobail, Dexia Bail, Dexia Israël u Dexia LLD. Għal deskrizzjoni aktar dettaljata ta’ Dexia, il-Kummissjoni tirreferi għad-Deċiżjoni ta’ estensjoni tal-proċedura (27) u d-Deċiżjoni ta’ ftuħ fuq il-bejgħ ta’ DBB/Belfius (28).

Figura 1

Struttura semplifikata tal-Grupp fit-30 ta’ Settembru 2011 (jiġifieri qabel l-implimentazzjoni taċ-ċessjonijiet imħabbra waqt il-laqgħa tal-Bord tad-Diretturi ta’ Dexia tad-9 ta’ Ottubru 2011)

Dexia S.A.

100 %

99,9 %

99,8 %

100 %

Dexia Banque tal-Belġju

Dexia Banque International à Luxembourg

Deniz Bank

Dexia Credit Local

DCL including: DCL NY.

DCL Canada, DCL Mexico.

DCL Holding Inc, DCL East,

DCL Israel

100 %

49 %

51 %

50 %

60 %

70 %

100 %

100 %

100 %

Dexia Insurance tal-Belġju

Dexia Asset Management

RBS Investor Services

Dexia Sabadell

Dexia Municipal Agency

Dexia Sofaxis

Dexia Crediop

Dexia Kommunalbank tal-Ġermanja

(50)

Mill-ewwel kwart tal-2010, Dexia ġabret fi ħdan Legacy Portfolio Management Division strumenti ġestiti b’ġestjoni estintiva (minn hawn ‘il quddiem “legacy portfolio”. Fit-30 ta’ Ġunju 2012, l-impenji tal-Legacy Portfolio Management Division kienu jammontaw għal EUR 86,3 biljun inklużi l-impenji barra l-karta tal-bilanċ; l-impenji fil-karta tal-bilanċ kienu jammontaw għal EUR 83,9 biljun.

(51)

L-Istati Membri kkonċernati bdew riżoluzzjoni ordnata ta’ Dexia. Fl-20 ta’ Ottubru 2011, DBB/Belfius inbiegħ lill-Istat Belġjan u, fil-31 ta’ Diċembru 2011, il-karta tal-bilanċ ikkonsolidata ta’ Dexia (b’dekonsolidazzjoni ta’ DBB/Belfius fl-1 ta’ Ottubru 2011) kienet ta’ EUR 413-il biljun. Bħala parti mir-riżoluzzjoni ordnata tiegħu, Dexia kien diġà biegħ lil RBC Dexia Investor Services (minn hawn ‘il quddiem “RBCD”) fis-27 ta’ Lulju 2012, u lil Dexia BIL fil-5 ta’ Ottubru 2012 u lil Denizbank fit-28 ta’ Settembru 2012.

(52)

Fl-aħħar ta’ Ottubru 2012, il-grupp Dexia kellu l-istruttura li ġejja:

Figura 2

L-istruttura tal-grupp Dexia fl-24 ta’ Ottubru 2012

ORGANIGRAMMA

Gvern Federali tal-Belġju

5,73 %

Gvern Reġjonali ta' Flanders

2,87 %

Gvern Reġjonali ta' Wallonia

2,01 %

Gvern Reġjonali ta' Brussell

0,86 %

French State

5,73 %

Muniċipalitajiet/ Provinċji Belgjani

100 %

Holding Komunali Brussell, il-Belgju

CDC

17,61 %

14,26 %

CNP

2,96 %

Ethias Finance SA

5,04 %

Group Arco Brussel, il-Belgju

10,19 %

Shareholders Pubbliċi

34,74 %

DEXIA S.A. Brussell, il-Belġju

Dexiarall S.A., Pariġi, Franza

100 %

Associated Dexia Technology Services S.A., il-Lussemburgu

99,40 %

DCL Investissements S.A. Pariġi, Franza

100 %

Dexia Nederland B.V. Amsterdam, l-Olanda

100 %

Dexia Asset Management Luxembourg S.A., il-Lussemburgu

100 %

Dexia Participation Belgique S.A., Il-Belġju

100 %

Dexia S.A., Istituzzjoni Stabbli Franza Il-Belġju

Dexia S.A., il-Lussemburgu

100 %

Dexia Crédit Local S.A., Pariġi, Franza

10 %

90 %

Dexia Holdings Inc, New York, U.S.A.

100 %

Dexia Crédit Local S.A., Pariġi, Franza

(53)

Id-diffikultajiet li ffaċċja l-grupp Dexia matul il-kriżi finanzjarja fil-Ħarifa tal-2008 ġew deskritti fid-Deċiżjoni ta’ approvazzjoni kondizzjonali. Id-diffikultajiet iktar reċenti ta’ Dexia jistgħu jkunu imqassra kif ġej.

(54)

L-ewwel nett, id-deterjorament tal-kriżi tad-dejn sovran, li bosta banek Ewropej qed jiffaċċjaw, wasslet għal nuqqas ta’ fiduċja dejjem ikbar min-naħa tal-investituri fil-kontropartijiet bankarji, b’mod li dawn tal-aħħar ma kinux kapaċi jiksbu finanzjament f’volumi sodisfaċenti u taħt kundizzjonijiet sodisfaċenti.

(55)

Barra minn hekk, billi l-grupp Dexia kien partikolarment espost għar-riskju sovran u para-sovran, il-livell ta’ nuqqas ta’ fiduċja fil-grupp Dexia fost l-investituri kien akbar. Fil-fatt, Dexia għandha fost l-assi tagħha ħafna self u/jew bonds minn pajjiżi u/jew awtoritajiet lokali u reġjonali f’pajjiżi meqjusa bħala riskjużi mis-suq.

(56)

Barra minn hekk, il-kriżi tad-dejn sovran laqtet qabel ma Dexia kellu ċans jiffinalizza l-implimentazzjoni tal-pjan ta’ ristrutturar tiegħu. Peress li l-implimentazzjoni tal-pjan ta’ ristrutturar damet, il-profil tar-riskju ta’ likwidità tal-grupp mar għall-agħar. Din id-deterjorazzjoni għamlet lil Dexia aktar vulnerabbli minn banek Ewropej oħrajn għan-nuqqas ta’ fiduċja tas-suq.

(57)

Il-ħtiġijiet ta’ finanzjament ta’ Dexia żdiedu sew għar-raġunijiet li ġejjin:

(58)

Id-diffikultajiet ta’ Dexia affettwaw b’mod partikolari lil DBB/Belfius, ċentral tal-flus tal-grupp, mill-bidu tas-sena 2011.

(59)

Huwa f’dawn iċ-ċirkostanzi li l-Istati Membri kkonċernati ddeċidew, għall-ewwel, li jagħtu miżuri oħrajn sabiex jgħinu lil Dexia billi rrikorrew għal miżura ġdida ta’ ELA mogħtija mill-banek ċentrali tal-Belġju u ta’ Franza, li jagħtu garanzija temporanja ta’ rifinanzjament u jfasslu pjan ta’ riżoluzzjoni tal-grupp.

(60)

L-Istati Membri kkonċernati jikkunsidraw li l-grupp li fadal, minkejja l-miżuri li ttieħdu minn Frar 2010, huwa espost għal riskju ta’ “għajbien immedjat” (29) li ma jistax jiġi rrimedjat għajr b’riżoluzzjoni ordnata tal-grupp.

(61)

DMA hija waħda mill-kumpaniji Ewropej ewlenin tal-ipoteki. L-għan prinċipali tagħha huwa r-rifinanzjament ta’ self jew ta’ titoli, permezz tal-ħruġ ta’ obbligi fuq il-proprjetà, wieħed mill-komponenti sinifikanti tas-suq tal- “covered bonds” fil-livell internazzjonali. Bħala kumpanija tal-ipoteki skont il-liġi tat-22 ta’ Ottubru 2010, DMA toħroġ bonds koperti kkaratterizzati minn privileġġ legali li jaffettwa primarjament ir-rikavat tal-assi tagħha għas-servizz tal-ħlasijiet tal-imgħax tagħhom u tar-rimbors tagħhom.

(62)

L-assi ta’ DMA jinkludi biss skoperturi għal entitajiet pubbliċi eliġibbli bħall-gvernijiet lokali jew il-gruppi tagħhom jew istituzzjonijiet pubbliċi li jinsabu fiż-Żona Ekonomika Ewropea, fl-Isvizzera, fl-Istati Uniti, fil-Kanada u fil-Ġappun. L-iskoperturi huma materjalizzati b’self jew titoli ta’ debitu li jirrappreżentaw pretensjoni fuq dawn l-entitajiet pubbliċi. L-ishma tal-fond reċiproku ta’ kreditu jew entitajiet relatati “asset backed securities (ABS)” huma wkoll eliġibbli għall-valutazzjoni ta’ DMA.

(63)

L-obbligi ta’ DMA jikkonsistu f’żewġ kategoriji ta’ dejn: obbligi fuq il-proprjetà u dejn ieħor subordinat għal dawn tal-ewwel. L-assi li mhumiex iffinanzjati mid-dejn garantit (l-oversizing) huma ffinanzjati fuq fondi proprji u minn dejn ikkuntrattat ma’ DCL, l-uniku azzjonist ta’ DMA. Il-proporzjon ta’ oversizing tal-kumpaniji tal-ipoteki huwa kkalkulat bħala t-total ta’ assi ( “cover pool” ) imqabbel mad-dejn prvileġġjat kollu. DMA impenjat ruħha li żżomm dan il-proporzjon f’livell ogħla jew ugwali għal 105 % meta mqabbel ma’ livell minimu statutorju ta’ 102 %. Il-ġestjoni tal-operazzjonijiet ta’ DMA titħalla għal kollox f’idejn DCL, l-uniku azzjonist tagħha.

(64)

L-akbar parti tal-assi li jidhru fuq il-karta tal-bilanċ ta’ DMA ġejja mill-attività kummerċjali tal-grupp Dexia. Il-portafoll ta’ klijenti, il-“cover pool”, kien magħmul fit-30 ta’ Ġunju 2012 minn EUR 54,1 biljun ta’ self u minn EUR 17,6 biljun ta’ titoli, jiġifieri total ta’ EUR 71,8 biljun. Id-distribuzzjoni ġeografika tal-portafoll tal-assi kienet ta’ 65 % għal Franza u 35 % għall-pajjiżi l-oħra prinċipalment Ewropej. Il-portafoll li jirrigwarda l-awtoritajiet lokali Franċiżi kien jirrappreżenta l-ammont ta’ EUR 37 biljun u dak tal-faċilitajiet tas-saħħa pubbliċi kien jammonta għal EUR 6,6 biljun.

Tabella 1

Il-portafoll tal-klijenti ta’ DMA

IL-PORTAFOLL TAL-KLIJENTI TA’ DEXMA FIT-30 TA’ ĠUNJU F’BILJUNI TA’ EURO

(65)

Ċertu self Franċiż tal-portafoll ta’ DMA jista’ jiġi deskritt bħala self strutturat. Fil-31 ta’ Awwissu 2012, is-self Franċiż ta’ DMA (f’ammonti pendenti, kuntratti u numru ta’ klijenti) kien imqassam kif ġej skont it-tip ta’ kreditu (mhux strutturat, strutturat, mhux sensittiv u strutturat sensittiv) u skont il-klassifikazzjoni tal-Karta Gissler (30) (ara l-premessa (194) li tkejjel ir-riskji tal-istruttura).

Tabella 2

Klassifikazzjoni tas-self

(66)

DMA għandha portafoll ta’ 1 522“self sensittiv” b’valur nominali ta’ EUR 9,4 biljun fil-31 ta’ Awwissu 2012. Dan is-self huwa kkaratterizzat minn komponent strutturat b’effett qawwi ta’ ingranaġġ. Normalment wara perjodu inizjali li matulu r-rata li għandha titħallas mill-klijent tkun fissa u, ħafna drabi, inqas mir-rata ta’ self vanilla bl-istess maturità, il-perjodu strutturat tas-self s’aktarx li jiġi attivat. Ir-rata ta’ imgħax pagabbli għaldaqstant issir direttament marbuta ma’ indiċi sottostanti (indiċi tar-rata, parità ta’ skambju eċċ.) skont formula xi ftit jew wisq kumplessa. B’hekk ħafna self ikun indiċjat direttament fuq il-parità tal-euro-frank Svizzeru. Minħabba l-kriżi u t-tkabbir qawwi tal-frank Svizzeru fl-aħħar snin, ir-rata ta’ imgħax pagabbli mill-klijent issa hija ħafna ogħla mill-prezz tas-suq.

(67)

Minħabba l-livell ta’ ċerti rati ta’ imgħax imħallsa attwalment, ħafna klijenti ddeċidew li jassenjaw lil DMA billi qajmu l-oġġezzjonijiet li ġejjin: 1) l-assenza jew l-inkorrettezza tar-rata perċentwali ta’ imposta (RPI), 2) in-nuqqas ta’ DCL/DMA lejn l-obbligu ta’ informazzjoni u ta’ pariri u 3) in-nullità tal-kuntratt minħabba vizzju tal-kunsens. Fit-30 ta’ Settembru 2012, 50 klijent (għal ammont pendenti nominali kumulat ta’ madwar EUR [0-2,5] biljun) kienu assenjaw lil DCL/DMA. Fl-istess waqt ħafna self ta’ ammont nominali kumulat ta’ EUR 250 miljun kien pendenti.

(68)

Kif indikat hawn fuq fid-deskrizzjoni tad-Deċiżjoni ta’ estensjoni tal-proċedura l-pjan ta’ riżoluzzjoni ordnata notifikat lill-Kummissjoni f’April 2012 kien jipprevedi inizjalment l-implimentazzjoni ta’ żewġ garanziji: (i) garanzija kontra litigazzjonijiet mogħtija minn Dexia/DCL lix-xerrejja ta’ DMA fuq il-portafoll ta’ self sensittiv (din il-garanzija kienet kontrogarantita mill-Istat Franċiż) u (ii) garanzija stop-loss biex tkopri r-riskji ta’ kreditu tal-portafoll kollu ta’ DMA.

(69)

Sabiex tiddeċiedi dwar il-kompatibbiltà ta’ dawn il-garanziji mar-regoli dwar l-għajnuna mill-Istat, il-Kummissjoni ħatret espert indipendenti sabiex iwettaq analiżi tal-portafoll tas-self sensittiv u sabiex jivvaluta t-telf mistenni tiegħu. L-analiżi ta’ dan it-telf (riskji ta’ kreditu u riskji ta’ telf fuq litigazzjoni) kienet ibbażata fuq diversi suppożizzjonijiet ta’ tibdil fl-indiċijiet sottostanti li jiddeterminaw ir-rata ta’ imgħax pagabbli mill-klijent. Id-differenza bejn ir-rata ta’ imgħax pagabbli u r-rata kkunsidrata bħala “ir-rata tas-suq” għamlitha possibbli li tiġi ddeterminata l-probabbiltà ta’ tilwim fir-rigward tat-tilwim eżistenti u li jinħolqu xenarji differenti ta’ soluzzjoni.

(70)

Abbażi ta’ din l-analiżi mwettqa mill-Kummissjoni, it-telf totali (telf marbut mal-ammonti pendenti u t-telf marbut mat-tilwim) għal DMA huwa ta’ EUR [1,5-4,5] biljun f’xenarju bażi u ta’ EUR [3-8] biljun f’xenarju ta’ stress. L-Istati Membri kkonċernati jikkunsidraw li desensitizzazzjoni ta’ dan it-telf tista’ tnaqqas it-telf b’madwar 70 % sa 80 %.

(71)

Is-sussidjarja Taljana Crédiop, 70 % proprjetà ta’ DCL, hija attiva fis-suq Taljan tas-servizzi finanzjarji lis-settur pubbliku u parapubbliku (minn hawn ‘il quddiem “Public and Wholesale Banking” jew “PWB”) b’sehem mis-suq ta’ madwar 20 %. Hija tiffinanzja wkoll proġetti privati f’diversi setturi. Fit-30 ta’ Ġunju 2012, il-portafoll tas-self tagħha kien ta’ EUR 29,3 biljun. Minħabba t-tnaqqis fil-klassifikazzjoni ta’ kreditu tagħha, l-iżbilanċ tal-finanzjament tagħha żdied u Crediop issa hija ffinanzjata b’EUR 5 biljun minn DCL.

(72)

Id-Deċiżjoni ta’ approvazzjoni kondizzjonali tas-26 ta’ Frar 2010 kienet tipprevedi li l-holding ta’ 70 % ta’ Dexia fis-sussidjarja Taljana tiegħu Crediop jinbiegħ jew jiġi introdott fl-ekwità pubblika qabel l-aħħar ta’ Ottubru 2012. Dan ma kienx possibbli, kif ikkonferma l-espert indipendenti (ara l-premessa 55 hawn fuq).

(73)

DBB/Belfius huwa attiv prinċipalment fis-suq Belġjan tas-servizzi finanzjarji għas-settur pubbliku u parapubbliku (minn hawn ‘il quddiem “Public and Wholesale Banking” jew “PWB”), is-servizzi finanzjarji għall-individwi (minn hawn ‘il quddiem “Retail and Commercial Banking” jew “RCB”) u tal-assigurazzjonijiet. DBB/Belfius għandu sehem mis-suq (31) fil-Belġju ta’ [10-15]% fi krediti PWB, ta’ 13 % ta’ tfaddil RCB, ta’ 15 % f’ipoteki RCB, 9,5 % f’assigurazzjonijiet tal-ħajja u 5 % f’assigurazzjonijiet mhux tal-ħajja. DBB/Belfius għandu madwar 3,8 miljun klijent. DBB/Belfius kellu karta tal-bilanċ ta’ EUR 233 biljun fl-aħħar tal-2011 u proporzjon ta’ solvenza Core Tier 1 Basel II ta’ 11,8 % fl-aħħar tal-2011. DBB/Belfius irreġistra telf nett wara t-taxxa ta’ EUR 1,37 biljun fuq l-2011.

(74)

Il-pjan rivedut ta’ riżoluzzjoni ordnata ta’ Dexia jinkludi b’mod partikolari ċ-ċessjoni tal-entitajiet negozjabbli tal-grupp kif ukoll il-ġestjoni estintiva tal-entitajiet l-oħrajn kollha u l-assi tal-grupp.

(75)

Il-pjan rivedut ta’ riżoluzzjoni ordnata jipprovdi li l-portafoll tal-obbligazzjonijiet u tas-self fil-prinċipju jinżamm sal-maturità sabiex jiġi ppreservat il-valur tiegħu u jiġi evitat il-bejgħ bi prezz irħis tal-assi tiegħu ( “fire sales” ). Dexia u l-Istati Membri kkonċernati sejrin jistudjaw ukoll il-kundizzjonijiet li taħthom il-grupp jista’ jagħmel aċċelerazzjoni opportunistika ta’ deleveraging jekk il-kundizzjonijiet tas-suq jippermettu dan.

(76)

L-istrateġija proposta twassal għal tnaqqis sinifikanti fid-daqs tal-karta tal-bilanċ ta’ Dexia. Fit-30 ta’ Ġunju 2012, dan kien diġà niżel għal EUR 411 biljun, jiġifieri tnaqqis ta’ aktar minn 37 % meta mqabbel mad-daqs tal-karta tal-bilanċ ta’ Dexia fil-31 ta’ Diċembru 2008 (EUR 651 biljun), meta ngħatat l-ewwel għajnuna mill-Istat. L-assi tal-grupp għandhom ikunu ta’ EUR [200-250] biljun fl-aħħar tal-2013, wara ċ-ċessjoni ta’ DMA (impatt ta’ EUR [60-80] biljun), u għandhom jinqasmu f’PWB (EUR [80-100] biljun), assi legacy EUR ([60-80] biljun), collateral cash (EUR [20-40] biljun) u assi oħrajn EUR ([40-60] biljun). L-assi mbagħad jamortizzaw b’madwar EUR [10-20] biljun fis-sena sal-2017. Dawn għandhom ikunu EUR [100-150] biljun fl-2020, li minnhom EUR [50-70] biljun f’self PWB (-[30-50]% meta mqabbel mal-aħħar tal-2013) u [30-50] biljun ta’ assi legacy (-[30-40]%). Meta mqabbel mal-2008, it-tnaqqis fil-karta tal-bilanċ ikun ta’ [70-80]% fl-2020.

Figura 3

Kompożizzjoni tal-assi ta’ Dexia

(…)

(77)

Il-pjan rivedut ta’ riżoluzzjoni ordnata jinkludi wkoll tqabbil mal-għażla alternattiva ta’ inadempjenza ta’ Dexia segwit minn falliment (xenarju ta’ likwidazzjoni immedjata) mingħajr għajnuna addizzjonali mill-Istat u jikkonkludi li dan ix-xenarju mhuwiex opzjoni kredibbli minħabba r-riskji għall-Istati Membri kkonċernati relatati mat-talba għall-garanziji fuq ir-rifinanzjament mogħtija fil-passat, l-impatt fuq l-istabilità finanzjarja, l-istabilità tas-swieq tad-dejn mhux garantit, tad-derivattivi u tas-swieq tad-dejn sovran, l-ispejjeż soċjali u t-telf kbir u immedjat ta’ kapital.

(78)

Dexia uża l-garanzija fuq ir-rifinanzjament tal-Istati Membri kkonċernati li tammonta għal EUR 73 biljun (peak) fl-2012. L-użu tagħha għandu jitnaqqas għal EUR [30-50] biljun mill-2016 u ser jonqos gradwalment sa’ EUR [20-40] biljun fl-2020. F’xenarju ta’ stress, l-użu tal-garanziji jista’ jiżdied b’EUR [10-20] biljun mill-2013 u b’hekk jilħaq il-EUR [75-85] biljun.

Figura 4

Tqassim tal-użu tal-garanziji

(…)

(79)

Il-ħtiġijiet ta’ finanzjament għandhom jonqsu minn EUR [250-300] biljun fl-2012 għal EUR [100-150] biljun fl-2020. L-użu tal-ELA għandu jitnaqqas b’mod qawwi mill-bidu tal-2013 (kien ogħla minn EUR [10-20] biljun fl-aħħar ta’ Settembru 2012) u jibqa’ qrib iż-0, ħlief għall-2016 (EUR [10-20] biljun) meta huwa mistenni li Dexia jieqaf juża t-titoli garantiti tiegħu stess (“own use”) biex jiġi rifinanzjat mill-Eurosistema. L-użu tal-finanzjament tal-Bank Ċentrali (operazzjonijiet tal-Eurosistema) jonqos gradwalment, l-użu proprju ( “own use” ) tat-titoli garantiti kollaterali ser ikun limitat għal EUR [10-20] biljun u jaqa’ għal 0 mill-2016. Dan it-tnaqqis fid-dipendenza fuq l-operazzjonijiet tal-Bank Ċentrali ser ikun ikkompensat minn żieda fl-użu tal-finanzjament sikur (operazzjonijiet ta’ repo) u mill-investiment fis-suq tat-titoli garantiti. Kwalunkwe ħtieġa addizzjonali ta’ finanzjament issir fl-ordni ta’ prijorità li ġej: suq tar-repo, investiment ta’ titoli ġodda garantiti mill-Istat fis-suq, rifinanzjament mill-Bank Ċentrali (operazzjonijiet tal-Eurosistema) u prelevament tal-ELA.

Figura 5

Taħlita ta’ finanzjament

(…)

(80)

Il-pjan ta’ riżoluzzjoni huwa bbażat fuq xenarju makroekonomiku u sensiela ta’ suppożizzjonijiet finanzjarji sottostanti bbażati fuq il-livell attwali tar-rati bil-quddiem. B’hekk, minn issa sal-2014 huwa mistenni tnaqqis ta’ żewġ notches fil-klassifikazzjoni tal-kreditu tas-sovrani Ewropej li għandu jgħin sabiex jinżammu firxiet ta’ kreditu fil-livelli attwali tagħhom u rati ta’ imgħax fuq il-flus dejjem baxxi fuq il-kurva kollha. Imbagħad mill-2014, l-istabilizzazzjoni tal-kundizzjonijiet tas-suq għandha twassal għal żieda gradwali fir-rati ta’ imgħax u konverġenza tal-firxiet ta’ kreditu lejn il-medja storika tagħhom.

(81)

L-assi ppeżati tar-riskju (RWAs) huma mbassra li jistabbilixxu ruħhom għal EUR 59,6 biljun sal-aħħar tal-2012. Żieda ta’ EUR [10-20] biljun hija prevista fl-2013. Din hija dovuta l-aktar għall-implimentazzjoni tar-Regolament Basel III iżda wkoll għat-tnaqqis previst fil-klassifikazzjoni ta’ kreditu ta’ diversi sovrani li għalihom huwa espost il-grupp. Imbagħad mill-2014, l-RWAs għandhom jonqsu gradwalment bl-amortizzazzjoni tal-karta tal-bilanċ. Fl-aħħar tal-2020, dawn għandhom ikunu ta’ EUR [20-40] biljun, jiġifieri mnaqqsa b’[40-50]% meta mqabbla mal-2012.

(82)

Dexia għandu jirreġistra telf li jlaħħaq EUR 2,8 biljun fl-2012 u [0-2] biljuni fl-2013. Ir-ritorn għall-profitt għandu jseħħ mis-sena finanzjarja 2018 (EUR [10-20] miljun). L-ispejjeż operattivi għandhom jinżlu b’mod sinifikanti mill-2013 (EUR 547 b’paragun ma’ EUR 1,23 biljun) l-aktar minħabba ċ-ċessjoni ta’ DenizBank (-EUR [400-500] miljun) u tal-entitajiet l-oħra. Mill-2013, l-ispejjeż operattivi jonqsu gradwalment b’madwar EUR [180-220] miljun sal-2020. L-ispiża tar-riskju għandha tkun ta’ EUR [200-250] miljun fl-2013 u sejra tonqos gradwalment qabel ma tistabbilizza ruħha għal EUR [50-100] miljun mill-2017.

(83)

Iċ-ċessjonijiet li ġejjin saru qabel is-sottomissjoni tal-pjan rivedut ta’ riżoluzzjoni ordnata lill-Kummissjoni: ir-riakkwist ta’ DBB/Belfius mill-Istat Belġjan (Ottubru 2011), il-bejgħ ta’ RBCD (Lulju 2012), DenizBank (Settembru 2012), BIL (Ottubru 2012), Dexia Habitat (Ġunju 2012), DKB Polska (ċessjoni ffirmata fis-7 ta’ Novembru 2012).

(84)

Il-pjan rivedut ta’ riżoluzzjoni ordnata jinkludi wkoll:

(85)

Dexia implimenta metodoloġija ta’ informazzjoni u ta’ valorizzazzjoni taċ-ċessjonijiet kollha proposti skont l-importanza ta’ kull ċessjoni proposta li ppreżenta lill-Kummissjoni:

(86)

Il-ġestjoni estintiva (jiġifieri mingħajr produzzjoni ġdida) mid-dħul fis-seħħ tal-pjan rivedut ta’ riżoluzzjoni ordnata, tal-entitajiet l-oħrajn kollha u tal-assi tal-grupp residwu (soġġett għat-termini speċifiċi previsti għal Crédiop): Dexia Sabadell, DKD, DKB, DCL America (DCL New York, DRECM, DCL Mexico, Dexia US Securities), DCL Dublin, DLG, Parfipar, DHI (FP, Global Funding), Dexia SA, CLF Banque, DCL Paris, Crediop wara perjodu ta’ sena minn din id-Deċiżjoni.

(87)

Dexia kellu jagħmel l-aħjar sforzi tiegħu ukoll sabiex iħaffef il-bejgħ tal-portafoll tal-obbligazzjonijiet, meta l-kundizzjonijiet tas-suq ikunu aħjar, u b’hekk jissodisfa l-proporzjonijiet regolatorji, diment li tali ċessjoni ma sseħx jekk ikollha impatt negattiv sostanzjali fuq is-solvenza ta’ Dexia.

(88)

L-Istati Membri kkonċernati impenjaw irwieħhom li jagħtu lil Dexia, mid-data tad-dħul fis-seħħ tal-ftehim ta’ ħruġ ta’ garanziji sa mhux aktar tard mill-31 ta’ Jannar 2013, wara l-iffirmar taċ-ċessjoni ta’ DMA, li l-abbozz finali tiegħu ġie ppreżentat lill-Kummissjoni fl-14 ta’ Diċembru 2012 (minn hawn ‘il quddiem “il-ftehim ta’ garanzija”), garanzija ta’ rifinanzjament finali kif imqassra hawn taħt.

(89)

L-Istati Membri kkonċernati għandhom jagħtu lil Dexia SA u lil DCL garanzija ta’ rifinanzjament konġunta, li tammonta għal 51,41 % għall-Belġju, 45,59 % għal Franza u 3 % għal-Lussemburgu. Il-garanzija sejra tkun limitata fil-prinċipju għal EUR 85 biljun fil-ftehim ta’ garanzija. Il-garanzija tkopri wkoll l-imgħaxijiet u l-anċillari.

(90)

L-obbligazzjonijiet garantiti jistgħu jinħarġu sal-31 ta’ Diċembru 2021, u jdumu massimu ta’ għaxar snin.

(91)

Dexia SA u DCL mhux ser ikunu meħtieġa jipprovdu garanziji lill-Istati Membri kkonċernati, bl-eċċezzjoni ta’ kollateral subordinat mogħti lill-Istati Membri kkonċernati fuq l-assi mirhuna bħala garanzija mill-banek ċentrali taħt l-ELA, li għandha tinżamm.

(92)

DCL ser joffri lil DBB/Belfius il-possibbiltà li jifdi l-obbligi li ntrabat bihom ma’ DCL taħt l-iskema tal-ftehim ta’ garanzija awtonoma temporanja konkluż fis-16 ta’ Diċembru 2011 diment li DBB/Belfius jissottoskrivi, fl-istess waqt, għal obbligazzjonijiet ġodda b’karatteristiċi ekonomiċi ekwivalenti għal DCL, li sejrin jibbenefikaw mill-iskema ta’ garanzija finali, u b’mod partikolari mis-sistema ta’ allokazzjonijiet imsemmija hawn fuq.

(93)

Il-kummissjoni ta’ implimentazzjoni hija ta’ 0,50 % ta’ EUR 85 biljun bi tnaqqis tal-kummissjoni ta’ implimentazzjoni diġà mħallsa taħt il-garanzija temporanja (32), li jitqassmu bejn il-Belġju u Franza biss, fil-proporzjon ta’ 53 % għall-Belġju u 47 % għal Franza.

(94)

Il-kummissjoni ta’ kull xahar għall-garanzija ta’ finanzjament hija ta’ rata annwali ta’ 0,05 %, ħlief fuq l-ammont pendenti mqiegħed mal-Ġestjoni ta’ BdF sakemm il-BCE jaċċetta l-prinċipju ta’ kumpens all-in, li għalih ir-rata tal-kummissjoni tkun ugwali għal dik prevista fil-ftehim tal-2011 (attwalment 70 punti bażi). Il-kummissjoni għandha tinqasam bejn l-Istati Membri kkonċernati, b’rata annwali ta’ 0,01 % għal-Lussemburgu u l-bqija, fil-proporzjon ta’ 53 % għall-Belġju u 47 % għal Franza, mid-data tad-dħul fis-seħħ tal-ftehim ta’ garanzija (wara ċ-ċessjoni ta’ DMA u qabel il-31 ta’ Jannar 2013).

(95)

Barra minn hekk, it-titoli maħruġa mill-21 ta’ Diċembru 2011 u mogħtija garanziji temporanji kif temporanjament awtorizzati mid-Deċiżjonijiet tal-Kummissjoni tal-21 ta’ Diċembru 2011, tal-31 ta’ Mejju 2012, tas-6 ta’ Ġunju 2012 u tas-26 ta’ Settembru 2012 sejrin ikomplu jibbenefikaw minn garanziji sal-maturità tagħhom, diment li l-kundizzjonijiet għall-għoti ta’ dawn il-garanziji jkunu rrispettati.

(96)

Fuq il-bażi ta’ suppożizzjonijiet ġodda sottostanti għall-pjan rivedut ta’ riżoluzzjoni ordnata tal-grupp Dexia li tirrikjedi spejjeż ta’ finanzjament li jaffettwaw b’mod qawwi l-prospetti tal-grupp Dexia u b’mod partikolari ta’ DCL, il-Bord tad-Diretturi ta’ Dexia SA wettaq, fis-7 ta’ Novembru 2012, tnaqqis sħiħ tal-valur tal-investiment tiegħu f’DCL. Wara dan it-tnaqqis tal-valur, il-fondi proprji tal-kumpanija tal-holding Dexia saru negattivi.

(97)

Jirriżulta min-notifika tal-pjan rivedut ta’ riżoluzzjoni ordnata ta’ Dexia li sabiex ir-riżoluzzjoni ta’ Dexia tkun ordnata, jeħtieġ li s-sitwazzjoni finanzjarja tal-grupp tkun stabbilizzata u għalhekk li tiġi indirizzata s-sitwazzjoni tal-kapital negattiv ta’ Dexia SA fit-30 ta’ Settembru 2012 u ta’ DCL fil-31 ta’ Diċembru 2012. Għal dan il-għan, il-Belġju u Franza ntrabtu li jissottoskrivu għal kollox għal żieda fil-kapital ta’ Dexia ta’ EUR 5,5 biljun minn issa sa mhux aktar tard mill-31 ta’ Diċembru 2012 permezz ta’ emissjoni riservata ta’ ishma ta’ preferenza bid-dritt tal-vot.

(98)

53 % tal-ammont tar-rikapitalizzazzjoni ser ikun sottoskritt mill-Belġju, (jiġifieri EUR 2,915 biljun) u 47 % minn Franza (jiġifieri EUR 2,585 biljun).

(99)

Taħt l-Artikolu 598 tal-Kodiċi tal-Kumpaniji Belġjan, il-prezz ta’ sottoskrizzjoni huwa ugwali għall-prezz medju tal-għeluq tal-ishma ta’ Dexia SA fuq NYSE Euronext Brussels matul l-aħħar 30 jum qabel id-deċiżjoni tal-Bord tad-Diretturi ta’ Dexia SA (bid-data tal-14 ta’ Novembru 2012) li jipproponu lill-azzjonisti li jżidu l-kapital, jiġifieri EUR 0,19.

(100)

Din iż-żieda fil-kapital riservata għall-Istat Belġjan u dak Franċiż sejra tirriżulta fl-allokazzjoni lill-Istati ta’ ishma ta’ preferenza li tagħtihom prijorità, ta’ 8 % tal-valur nominali tal-ishma fis-sena, fuq kwalunkwe distribuzzjoni ta’ dividendi li jwettaq Dexia. It-total tan-nuqqasijiet ta’ dividendi meta mqabbel mar-rata ta’ 8 % fis-sena jikkostitwixxi likwidazzjoni addizzjonali li tagħti lill-Istati dritt ta’ prijorità għat-tqassim ta’ kwalunkwe assi nett li jista’ jitqassam f’każ ta’ likwidazzjoni. Id-drittijiet preferenzjali mogħtija lill-ishma l-ġodda jkunu limitati u/jew sospiżi f’każ li l-grupp jonqos li jikkonforma ma’ ċerti livelli ta’ proporzjonijiet prudenzjali.

(101)

Għaldaqstant, kwalunkwe titjib fil-ġejjieni tas-sitwazzjoni finanzjarja ta’ Dexia ser ikun ta’ benefiċċju l-ewwel u qabel kollox għall-Istat Belġjan u dak Franċiż, minħabba r-riskju li jġorru. L-Istati Membri indikaw li s-soluzzjoni proposta sejra tissodisfa r-rekwiżit ta’ “burden-sharing” anki jekk ma tikkonformax mal-prinċipji applikabbli għar-rikapitalizzazzjoni tal-banek kif stipulat fil-Komunikazzjoni tal-Kummissjoni dwar l-applikazzjoni mill-1 ta’ Jannar 2012, tar-regoli dwar l-għajnuna mill-Istat lill-banek fil-kuntest tal-kriżi finanzjarja (minn hawn ‘il quddiemi “il-Komunikazzjoni ta’ estensjoni tal-2011”) (33). Dawn fil-fatt jirrakkomandaw li kwalunkwe rikapitalizzazzjoni ssir bi skont sinifikanti b’paragun mal-prezz teoretiku minbarra l-ħlasijiet ta’ sottoskrizzjoni. Barra minn hekk, il-karatteristiċi tal-operat, u b’mod partikolari d-drittijiet ta’ prijorità marbuta mal-ishma ta’ preferenza (tal-kategorija B), iwasslu għal dilwizzjoni ekonomika tal-azzjonisti eżistenti, peress li bl-applikazzjoni tad-drittijiet marbuta mal-ishma ta’ preferenza, kwalunkwe tnaqqis tal-kapital ikun attribwit l-ewwel lill-ishma ordinarji, b’mod li l-proporzjon tal-kapital tal-kumpanija rrappreżentat mill-ishma ordinarji jonqos għal ammont qrib iż-żero u dawk li jkollhom ishma ordinarji jaraw id-drittijiet tagħhom ta’ ħlas lura tal-kapital jonqos għal ammont ta’ kważi żero.

(102)

Id-dħul miż-żieda fil-kapital jintuża minn Dexia sabiex iħallas lura l-obbligi tiegħu vis-à-vis DCL u biex joħloq riservi ta’ likwidità għat-telf futur, kif ukoll sabiex iżid il-kapital ta’ DCL b’EUR 2 biljun sabiex isaħħaħ l-ekwità tiegħu skont ir-regoli ta’ kontabilità u ta’ prudenza soċjali Franċiżi, filwaqt li jżomm riserva ta’ flus ta’ madwar EUR 700 sa 800 miljun.

(103)

Kull rabta eżistenti bejn Dexia u DMA sejra tinħall f’perjodu ta’ mhux aktar minn sitt xhur mid-data tal-closing tal-operat ta’ DMA, ħlief għas-sistemi kompjuterizzati li l-konnessjonijiet tagħhom sejrin jinqatgħu fi żmien 24 sa 30 xahar mill-istess data.

(104)

Il-pjan rivedut ta’ riżoluzzjoni ordnata jipprevedi l-ħruġ ta’ Dexia mis-swieq li kien preżenti fihom kemm biċ-ċessjoni ta’ entitajiet lil parti terza, kif ukoll bit-tqegħid tal-entitajiet residwi f’ġestjoni estintiva. Il-ġestjoni estintiva hija bbażata fuq in-nuqqas ta’ kull produzzjoni ġdida, bl-eċċezzjoni ta’ Crediop u DCL kif speċifikat hawn taħt fil-premessi 105 sa 108.

(105)

Biex jintlaħqu r-rekwiżiti regolatorji ta’ Crediop minħabba l-ġestjoni estintiva tagħha minn issa sal-31 ta’ Diċembru 2013, Crediop tista’ tirrikorri għal finanzjamenti ġodda lill-klijenti eżistenti sa EUR 200 miljun għal perjodu ta’ sena mid-deċiżjoni finali tal-Kummissjoni. L-Istati jistgħu wkoll jitolbu lill-Kummissjoni, meta jintemm dan il-perjodu ta’ sena, l-awtorizzazzjoni ta’ ammont addizzjonali ta’ finanzjament ġdid għal sena għal raġunijiet ta’ stabilità finanzjarja.

(106)

DCL ikun jista’ jagħti finanzjamenti ġodda sa massimu totali ta’ EUR 600 miljun bejn Frar u Lulju tal-2013, jew Ġunju u Novembru tal-2014, għad-desensitizzazzjoni tal-ammont pendenti ta’ EUR 1,2 biljun fi krediti strutturati sensittivi li jibqgħu jinżammu minn DCL (self mogħti lil komunitajiet lokali u kklassifikati barra l-Karta ta’ Gissler jew immarkati E3, E4 jew E5 fil-Karta ta’ Gissler jew b’punteġġ Cepcor (34) ogħla minn jew ugwali għal 11). It-titjib tal-valur ekonomiku tal-ammont pendenti li għandu jirriżulta minn dan huwa definit b’kunsiderazzjoni tat-tnaqqis tar-riskju ta’ litigazzjoni iġġenerat mid-desensitizzazzjoni. Dan l-ammont ser iwassal, minn naħa waħda, għat-tnaqqis b’aktar minn 50 % tar-riskju (inkluż ta’ litigazzjoni) marbut mas-self ikkonċernat u, min-naħa l-oħra, għat-tnaqqis tal-volatilità tal-kollateral u r-riskju operattiv fuq l-operazzjonijiet ta’ kopertura f’derivattivi kumplessi.

(107)

Il-flussi marbuta mal-operazzjonijiet ta’ desensitizzazzjoni tas-self eżistenti miżmuma minn DCL (wara ċ-ċessjoni ta’ DMA) sejrin ikunu wkoll limitati skont il-kundizzjonijiet li ġejjin:

(108)

Huma biss l-operazzjonijiet li ġejjin li sejrin ikunu awtorizzati f’dan il-kuntest ta’ desensitizzazzjoni: […]. Din il-possibbiltà ta’ ristrutturar attiv (intrinsikament estintiv – ladarba l-krediti sensittivi mdaħħla fil-karta tal-bilanċ ta’ DCL jiġu organizzati mill-ġdid, il-protafoll ta’ DCL jitqiegħed f’ġestjoni estintiva totali) għandha biss l-għan li tillimita, safejn huwa possibbli u fil-medja, it-telf mistenni fuq il-portafoll eżistenti f’xenarju ta’ run-off. Fi kwalunkwe każ DCL mhu ser iwettaq l-ebda attività ġdida fis-sens strett (l-ebda produzzjoni ġdida lil klijenti ġodda).

(109)

Espert indipendenti ser ikun inkarigat sabiex jissorvelja l-implimentazzjoni tal-pjan rivedut ta’ riżoluzzjoni ordnata u jagħmel rapport lill-Kummissjoni kull sitt xhur fuq l-istess termini, mutatis mutandis, bħal dawk stabbiliti fil-punti 18 u 19 tal-Anness I tad-Deċiżjoni ta’ approvazzjoni kondizzjonali.

(110)

B’mod partikolari, l-espert indipendenti ser jippreżenta rapport kull sitt xhur lill-Kummissjoni dwar l-implimentazzjoni tal-impenji tal-pjan rivedut ta’ riżoluzzjoni ordnata. Dan ir-rapport ser jinkludi rendikont dettaljat tal-progress fl-implimentazzjoni tal-pjan rivedut ta’ riżoluzzjoni ordnata, fosthom 1) tar-rispett tal-ammont u tal-kundizzjonijiet ta’ desensitizzazzjoni tal-protafoll tas-self sensittiv ta’ DCL; 2) tar-rispett tal-limitu massimu ta’ finanzjamenti ġodda mogħtija lill-klijenti eżistenti ta’ Crediop; 3) tal-konformità mal-iskeda taċ-ċessjonijiet previsti, inkluża d-data taċ-ċessjoni, il-valur nominali tal-assi fil-31 ta’ Diċembru 2011, il-valur taċ-ċessjoni, il-qligħ u t-telf magħmul u d-dettalji tal-miżuri li jkun fadal jiġu implimentati taħt il-pjan rivedut ta’ riżoluzzjoni ordnata; u 4) il-ġestjoni u r-ring-fencing ta’ DAM u ta’ Dexia Israël.

(111)

Il-pjan ta’ riżoluzzjoni ordnata jinkludi impenji, li t-test awtentiku tagħhom huwa mehmuż fl-Anness I.

(112)

Fl-introduzzjoni tal-ittra tal-impenji tagħhom, l-Istati Membri kkonċernati jindikaw li sejrin jiżguraw li l-pjan rivedut ta’ ristrutturar ordnat kif ukoll l-impenji jiġu implimentati kollha. Dawn japplikaw sal-amortizzazzjoni sħiħa tal-assi ta’ Dexia.

(113)

Dexia mhuwiex ser jixtri kapital azzjonarju ta’ istituzzjonijiet ta’ kreditu oħrajn jew ta’ kumpaniji tal-investiment (35) jew kumpaniji tal-assigurazzjoni, mingħajr awtorizzazzjoni minn qabel tal-Kummissjoni. Din l-awtorizzazzjoni tintalab biss għall-akkwist possibbli minn Dexia ta’ holding bi ħlas fil-forma ta’ injezzjoni ta’ holdings jew attivitajiet imwettqa fil-kuntest ta’ operazzjoni ta’ bejgħ jew ġbir flimkien (permezz ta’ amalgamazzjoni jew injezzjoni) ta’ assi jew attivitajiet, sakemm, bl-istess suppożizzjoni, il-holding imsemmi ma jagħtix lil Dexia l-kontroll esklussiv jew konġunt tal-entità benefiċjarja tal-injezzjoni jew li tirriżulta mill-amalgamazzjoni. B’eċċezzjoni, Dexia jista’ jakkwista l-holding minoritarju ta’ 40 % f’Dexia Sabadell (għat-tqegħid tagħha f’ġestjoni estintiva) wara l-eżerċizzju tal-opzjoni ta’ bejgħ (put option) ta’ Banco Sabadell, minħabba li dan l-akkwist kien għadu ma sarx fid-data tal-impenji.

(114)

Soġġett għall-impenji li diġà għamel fir-rigward ta’ Dexia Région Bail, Dexia Flobail, Dexia Bail u Dexia LLD fid-data ta’ din id-deċiżjoni, Dexia jintrabat li ma jagħti l-ebda finanzjament fil-grupp il-ġdid (jiġifieri ta’ ammont ogħla mil-livell ta’ finanzjament intra-grupp eżistenti fid-data ta’ din id-deċiżjoni) lill-entitajiet li għandhom jinbiegħu skont il-premessa (122) hawn taħt ( “ring-fencing” ). Dan huwa mingħajr preġudizzju għall-obbligi legali imposti fuq Dexia bħala azzjonist tal-entitajiet ikkonċernati u għall-obbligu tiegħu li jżomm il-vijabbiltà ta’ Dexia Israël u ta’ DAM skont il-premessa (129) hawn taħt. F’każ li l-implimentazzjoni ta’ dawn l-obbligi tkun teħtieġ l-għoti ta’ finanzjamenti ġodda lill-entitajiet ikkonċernati, Dexia għandu jinforma lill-Kummissjoni minn qabel.

(115)

Dexia mhuwiex ser juża l-istatus tiegħu ta’ bank li għandu garanzija jew għajnuna oħra mill-Istati Membri kkonċernati għal xi wħud mill-impenji tiegħu għal skop ta’ rekalamar kummerċjali ma’ partijiet terzi li mhumiex “Terzi Benefiċjarji” kif definiti fil-ftehim ta’ garanzija, u mhuwiex ser juża l-garanzija għal operazzjonijiet purament ta’ arbitraġġ.

(116)

Kif indikat fil-pjan rivedut ta’ riżoluzzjoni ordnata:

(117)

Mingħajr preġudizzju għall-operazzjonijiet li Dexia jkun legalment meħtieġ li jwettaq, jew għall-operazzjonijiet li huwa jkun meħtieġ jagħmel taħt il-kuntratti konklużi qabel id-data ta’ din id-deċiżjoni, fuq strumenti ibridi Tier 1 jew Tier 2, Dexia għandu joqgħod lura:

(118)

Dexia għandu jkomplu jirrispetta l-prinċipji ta’ remunerazzjoni pprovduti mill- G-20 u mill-istanzi nazzjonali kkonċernati f’dak li jirrigwarda r-remunerazzjoni tal-membri tal-kumitati ta’ ġestjoni u eżekuttivi ta’ Dexia SA u tal-entitajiet prinċipali operattivi tal-grupp Dexia. Dexia għandu jeskludi b’mod partikolari l-ħlas tal-porzjon varjabbli tar-remunerazzjoni tal-membri tal-Bord Amministrattiv ta’ Dexia SA u għandu jillimita għal 30 % tal-porzjon fiss tar-remunerazzjoni tagħhom l-ammont tal-porzjon varjabbli tar-remunerazzjoni tal-impjegati l-oħra ta’ Dexia SA u tas-sussidjarji bankarji tiegħu msemmija fil-punt 2.5.1.1. tal-politika ta’ remunerazzjoni ta’ Dexia kif notifikata fil-15 ta’ Marzu 2011 lis-CBFA (37).

(119)

Skont il-pjan rivedut ta’ riżoluzzjoni ordnata, Dexia m’għandu jagħmel l-ebda produzzjoni ġdida minn din id-deċiżjoni, ħlief meta l-entità inkwistjoni tkun soġġetta għal impenn ta’ ċessjoni skont il-premessa (122) hawn taħt. Għall-finijiet ta’ dan l-impenn, m’humiex “produzzjoni ġdida”:

(120)

B’eċċezzjoni:

(121)

Barra minn hekk, il-flussi msemmija fil-punt 2 hawn fuq għandhom ikunu limitati skont il-kundizzjonijiet previsti fil-premessa 106 ta’ din id-deċiżjoni.

Dexia ser jibgħat lill-Kummissjoni reviżjoni perjodika tal-pjan ta’ amortizzazzjoni u ta’ desensitizzazzjoni tas-self sensittiv ta’ DCL fil-15 ta’ Jannar 2013 u fil-15 ta’ Mejju 2014.

(122)

Dexia diġà għamel iċ-ċessjonijiet li ġejjin:

(123)

Dexia ser iċedi entitajiet li l-lista u l-iskeda tagħhom huma pprovduti hawnhekk:

(124)

L-impenji ta’ ċessjoni msemmija hawn fuq jitqiesu ssodisfati meta Dexia u x-xerrej jidħlu fi ftehim vinkolanti u definittiv (jiġifieri ftehim li ma jistax jiġi mitmum minn Dexia mingħajr ma jeħel penali) għaċ-ċessjoni tas-sehem kollu ta’ Dexia fl-entità jew fl-assi kkonċernat, anki jekk l-awtorizzazzjonijiet jew id-dikjarazzjonijiet ta’ nuqqas ta’ oġġezzjoni mill-awtoritajiet superviżorji kompetenti jkunu għadhom ma nkisbux sal-mument tal-iffirmar tal-ftehim dimenti li l-closing isir sa mhux aktar tard minn sitt xhur wara l-firma tal-ftehim ta’ ċessjoni.

(125)

Jekk xi wieħed mill-impenji ta’ ċessjoni msemmija hawn fuq ma jkunx issodisfat, l-Istati Membri kkonċernati għandhom jipproponu l-ħatra ta’ fiduċjarju inkarigat miċ-ċessjoni tal-entità kkonċernata fix-xahar ta’ wara l-iskadenza assenjata liċ-ċessjoni, taħt il-kundizzjonijiet deskritti fil-premessa (132) hawn taħt.

(126)

Qabel kull ċessjoni (40) prevista hawn fuq u li għadha trid issir, Dexia għandu jżomm lill-espert indipendenti infurmat dwar il-partijiet li jkunu wrew interess għall-akkwist ta’ dawn l-assi u għandu jipprovdilu l-informazzjoni kollha meħtieġa u raġonevolment disponibbli sabiex jassigura l-indipendenza tax-xerrej potenzjali. Il-Kummissjoni għandha tinnotifika fi żmien 15-il jum ta’ xogħol lill-Istati Membri kkonċernati l-ismijiet tal-partijiet li, skont hi, ma jissodisfawx ir-rekwiżiti ta’ rilevanza u indipendenza meħtieġa u r-raġunijiet għad-deċiżjoni tagħha. Dexia mbagħad ittemm il-proċess tal-bejgħ ma’ dawn il-partijiet.

(127)

Dexia kellu jagħmel l-aħjar sforzi tiegħu ukoll sabiex iħaffef iċ-ċessjoni tal-portafoll tal-obbligazzjonijiet, meta l-kundizzjonijiet tas-suq ikunu aħjar, u b’hekk jissodisfa l-proporzjonijiet regolatorji, diment li tali ċessjoni ma sseħx jekk ikollha impatt negattiv sostanzjali fuq is-solvenza ta’ Dexia. Dexia għandu jibgħat lill-Kummissjoni reviżjoni ta’ dawn il-possibbiltajiet kull sena.

(128)

Mid-data tan-notifika ta’ din id-deċiżjoni, l-entitajiet mhux imsemmija fil-premessa (122) hawn fuq (inkluż Dexia Sabadell ladarba l-akkwist imsemmi fil-premessa (113) ikun finalment seħħ) sejrin ikunu ġestiti b’mod estintiv (run-off), b’mod partikolari mingħajr produzzjoni ġdida skont il-premessa (119) hawn fuq.

(129)

B’konformità mal-interess soċjali ta’ Dexia SA u tal-grupp Dexia, saċ-ċessjoni effettiva ta’ DAM u ta’ Dexia Israël (u wara l-kjarifika msemmija fil-premessa (122) punt 10 hawn fuq għal Dexia Israël), Dexia:

(130)

Minn issa saċ-ċessjoni tagħha fi żmien sena minn din id-deċiżjoni jew it-tqegħid tagħha f’ġestjoni estintiva, huwa miftiehem li Crediop għandha tkun ġestita b’mod separat mill-grupp Dexia. Sabiex ikun żgurat li d-deċiżjonijiet kollha tal-amministrazzjoni ta’ Crediop meħuda bejn id-data ta’ din id-deċiżjoni u t-twettiq taċ-ċessjoni [fi żmien sena minn din id-deċiżjoni jew it-tqegħid tagħha f’ġestjoni estintiva] ikun fl-aħjar interessi ta’ Crediop minħabba ċ-ċessjoni tagħha [jew it-tqegħid tagħha f’ġestjoni estintiva], li Dexia jaħtar maniġer responsabbli biex jiżgura s-separazzjoni tal-attivitajiet ta’ Crediop u jara li dan il-maniġer jaħdem b’mod għal kollox indipendenti skont l-impenji applikabbli għal Crediop. Dan il-maniġer inkarigat li jiżgura s-separazzjoni tal-attivitajiet jista’ jkun is-CEO ta’ Crediop. Huwa għandu jmexxi lil Crediop fl-aħjar interessi tagħha, f’konsultazzjoni ma’ Dexia, taħt il-kontroll tal-espert indipendenti kif iddikjarat fil-premessa (138) hawn taħt.

(131)

Il-ħatra ta’ maniġer responsabbli biex jiżgura s-separazzjoni tal-attivitajiet ta’ Dexia Israël u ta’ DAM mhijiex meħtieġa, peress li dawn iż-żewġ entitajiet huma diġà mmexxija b’mod separat fid-data ta’ din id-deċiżjoni għar-raġunijiet deskritti fil-pjan ta’ riżoluzzjoni.

(132)

F’każ li xi wieħed mill-impenji msemmija fil-premessa (123), punt 1 sa 4, ma jkunx ġie ssodisfat saż-żmien speċifikat aktar ‘il fuq, u fin-nuqqas ta’ approvazzjoni ta’ impenn alternattiv mill-Kummissjoni, l-awtoritajiet Franċiżi, Belġjani u Lussemburgiżi għandhom jippreżentaw għall-approvazzjoni minn qabel tal-Kummissjoni, u sa mhux aktar tard minn xahar wara l-iskadenza għaċ-ċessjoni, lista ta’ persuna waħda sa’ tlieta biex jinħatar/jinħatru bħala fiduċjarju/i responsabbli mill-implimentazzjoni ta’ dawn iċ-ċessjonijiet.

(133)

Il-fiduċjarju inkarigat miċ-ċessjoni għandu jkun indipendenti, ikollu l-kompetenzi meħtieġa u ma għandux jiffaċċja sitwazzjoni ta’ kunflitt ta’ interessi matul l-eżerċizzju tar-rappreżentanza tiegħu.

(134)

Il-Kummissjoni tkun tista’ tagħti l-approvazzjoni tagħha jew tirrifjuta l-fiduċjarju/i propost(i). Jekk il-Kumissjoni tirrifjuta l-fiduċjarju/i inkarigat(i) miċ-ċessjoni propost(i), Dexia u l-awtoritajiet Franċiżi, Belġjani u Lussemburgiżi għandhom jipproponu, f’terminu ta’ xahar wara l-komunikazzjoni tar-rifjut, minn kandidat ġdid sa tlieta li għandhom ugwalment jiġu approvati jew irrifjutati mill-Kummissjoni. Jekk il-kandidati kollha proposti jkunu finalment irrifjutati mill-Kummissjoni, din għandha tinnomina fiduċjarju fuq il-bażi tar-rappreżentazzjoni approvata mill-Kummissjoni.

(135)

L-awtoritajiet Franċiżi, Belġjani u Lussemburgiżi jintrabtu li Dexia jagħti l-poteri ta’ rappreżentazzjoni meħtieġa u xierqa lill-fiduċjarju inkarigat miċ-ċessjoni:

(136)

Il-fiduċjarju inkarigat miċ-ċessjoni għandu jinkludi fil-kuntratt(i) ta’ xiri u bejgħ it-termini u l-kundizzjonijiet normali u raġonevoli li jikkunsidra bħala xierqa sabiex jiġi konkluż il-bejgħ fis-sena ta’ wara n-nominazzjoni tiegħu. Il-fiduċjarju inkarigat miċ-ċessjoni għandu jorganizza l-proċess ta’ bejgħ b’tali mod li jiżgura ċ-ċessjoni […]. Iċ-ċessjoni jew il-likwidazzjoni għandha tkun effettiva fi żmien sena massimu wara l-iskadenza tal-bejgħ.

(137)

L-ispejjeż tas-servizzi tal-fiduċjarju inkarigat miċ-ċessjoni għandhom jitħallsu minn Dexia.

(138)

L-awtoritajiet Belġjani, Franċiżi u Lussemburgiżi għandhom jissottomettu għall-approvazzjoni minn qabel tal-Kummissjoni, u sa mhux aktar tard minn xahar wara din id-deċiżjoni, lista ta’ persuna waħda sa tlieta, biex tinħatar bħala espert indipendenti inkarigat mill-verifikazzjoni fid-dettall tal-applikazzjoni tal-impenji ta’ hawn fuq (“l-espert indipendenti”) għal ħames snin, u dan il-perjodu jista’ jiġi estiż fuq talba tal-Kummissjoni. L-espert indipendenti għandu jkollu l-kompetenzi rikjesti u ma għandux jiltaqa’ ma’ sitwazzjoni ta’ kunflitt ta’ interessi matul l-eżerċizzju tal-mandat tiegħu. Il-Kummissjoni tkun tista’ jew tagħti l-approvazzjoni jew tirrifjuta l-espert(i) indipendenti propost(i). Jekk il-Kummissjoni tirrifjuta l-espert(i) indipendenti propost(i), Dexia u l-awtoritajiet Belġjani, Franċiżi, u Lussemburgiżi għandhom jipproponu, f’terminu ta’ xahar wara l-komunikazzjoni tar-rifjut, minn kandidat sa tlieta kandidati ġodda li għandhom ugwalment ikunu approvati jew irrifjutati mill-Kummissjoni. Jekk il-kandidati kollha proposti jkunu finalment irrifjutati mill-Kummissjoni, il-Kummissjoni għandha tinnomina espert indipendenti. L-ispejjeż tas-servizz tal-espert indipendenti għandhom jitħallsu minn Dexia mingħajr ma jinqabżu r-rati fis-siegħa li normalment jintalbu għal dan it-tip ta’ servizz.

(139)

Il-Kummissjoni għandu jkollha aċċess mingħajr restrizzjoni, b’mod permanenti matul it-terminu tal-pjan rivedut ta’ riżoluzzjoni ordnata għall-informazzjoni meħtieġa għall-implimentazzjoni ta’ din id-deċiżjoni li tapprova l-pjan rivedut ta’ riżoluzzjoni ordnata. Hija tkun tista’ tindirizza direttament lil Dexia sabiex tikseb l-ispjegazzjonijiet u d-dettalji meħtieġa. L-awtoritajiet Belġjani, Franċiżi, u Lussemburgiżi u Dexia għandhom jikkoperaw bis-sħiħ għall-verifiki li tista’ titlob il-Kummissjoni jew, jekk ikun il-każ, l-espert indipendenti.

(140)

L-espert indipendenti għandu jissottometti kull sitt xhur rapport lill-Kummissjoni dwar l-implimentazzjoni tal-impenji ta’ hawn fuq. Dan ir-rapport għandu jinkludi deskrizzjoni dettaljata tal-progress fl-implimentazzjoni tal-pjan rivedut ta’ riżoluzzjoni ordnata, b’mod partikolari: 1) l-osservanza tal-ammont u tal-kundizzjonijiet ta’ desensitizzazzjoni tal-portafoll ta’ self sensittiv ta’ DCL imsemmi fil-premessa (120) u (121) aktar ‘il fuq; 2) l-osservanza tal-limiti massimi tal-finanzjamenti l-ġodda mogħtija lill-klijenti eżistenti ta’ Dexia Crediop kif imsemmija fil-premessa (120) aktar ‘il fuq; 3) l-osservanza tal-iskeda ta’ ċessjonijiet previsti fil-premessa (122) aktar ‘il fuq, inkluża d-data taċ-ċessjoni, il-valur kontabbli tal-assi sal-31 ta’ Diċembru 2011, il-valur taċ-ċessjoni, il-qligħ jew it-telf li jkun sar u d-dettalji tal-miżuri li jkun għadhom iridu jittieħdu bħala parti mill-pjan rivedut ta’ riżoluzzjoni ordnata; 4) il-ġestjoni u r-ring-fencing tal-entitajiet li għandhom jinbiegħu u b’mod partikolari ta’ DAM u ta’ Dexia Israël previsti fil-premessi (114) u (129) aktar ‘il fuq.

(141)

Dan ir-rapport għandu jiġi trażmess mhux aktar tard minn xahar wara l-preżentazzjoni tal-kontijiet semestrali u l-approvazzjoni tal-kontijiet annwali u fi kwalunkwe każ qabel l-1 ta’ Ottubru u t-30 ta’ April ta’ kull sena.

(142)

Meta jintemm il-madat tal-espert indipendenti u sal-amortizzazzjoni sħiħa tal-assi ta’ Dexia, l-Istati Membri għandhom jippreżentaw rapport annwali lill-Kummissjoni li jiddeskrivi l-progress tal-proċess ta’ riżoluzzjoni ordnata.

(143)

Iċ-ċessjoni ta’ DMA għandha ssir sa mhux aktar tard mill-31 ta’ Jannar 2013.

(144)

Sejra tinħoloq istituzzjoni ta’ kreditu ġdida (minn hawn ‘il quddiem “IKĠ”), li tagħha DMA tkun sussidjarja 100 %. L-IKĠ tkun direttament miżmuma mill-Istati Franċiż (għal 75 %), mis-CDC (għal 20 % f’assi ta’ preferenza) u minn La Banque Postale (għal 5 %). Għalhekk, DMA mhix sejra tkun aktar ikkontrollata mill-grupp Dexia iżda mill-Istat Franċiż, mis-CDC u minn La Banque Postale.

(145)

Sejra tinħoloq ukoll impriża konġunta (minn hawn ‘il quddiem “IK”) bl-istatus ta’ intermedjarja f’operazzjonijiet bankarji bejn is-CDC (għal 35 %) u La Banque Postale (għal 65 %) li sejra tikkumerċjalizza self ġdid esklussivament għall-awtoritajiet lokali Franċiżi u faċilitajiet pubbliċi tas-saħħa u tuża DMA bħal vettura ta’ rifinanzjament. DMA sejra tipprovdi wkoll ir-rifinanzjament relatat mal-ammont pendenti ta’ self ġdid eżistenti.

Figura 6:

Struttura tal-bank futur ta’ żvilupp li tinkorpora lil DMA

35 %

65 %

Stati BE/Lux

Stat FR

CDC

LBP

75 %

Finanzjament € 12.5 biljun

20 %

5 %

Dexia

100 %

IKĠ

IK

DCL

100 %

DMA

(146)

La Banque Postale iżid gradwalment il-kapital tal-IKĠ. Il-prezz li għandu jitħallas minn La Banque Postale ser ikun prezz tas-suq, stabbilit mill-esperti u jista’ jkun ivverifikat mill-Kummissjoni. La Banque Postale ikollu l-opzjoni ta’ akkwist progressiv ( “call” ) fuq porzjon tal-ishma miżmuma mill-Istat Franċiż b’mod li l-parteċipazzjoni tiegħu fl-IKĠ, wara l-eżerċizzju tal-call kollu, tiżdied maż-żieda fl-ammonti pendenti relatati mal-produzzjoni l-ġdida fl-assi kollha ( “cover pool” ) ta’ DMA. Il-call ma tistax titħaddem ħlief meta s-sehem ta’ produzzjoni ġdida “iġġenerata” minn La Banque Postale jew l-IK jaqbeż […] % tal-cover pool ta’ DMA. Kull sena, La Banque Postale jista’ jeżerċita l-call għal perċentwal minimu ta’ […] % tal-kapital tal-IKĠ, mingħajr ma 1) il-parteċipazzjoni ta’ La Banque Postale f’DMA tkun ogħla mis-sehem ta’ produzzjoni ġdida ġġenerata minn La Banque Postale jew l-IK fil-cover pool ta’ DMA u 2) La Banque Postale isir l-akbar azzjonist tal-IKĠ.

(147)

L-arranġamenti legali taċ-ċessjoni ta’ DMA sejrin jitħaddmu skont il-mudell ġenerali li ġej: DCL jagħti lill-IKĠ l-ishma ta’ DMA u l-għodod, il-persunal u r-riżorsi meħtieġa biex tmexxi lil DMA, imbagħad iċedi 100 % tal-kapital tal-IKĠ lill-Istat, lis-CDC u lil La Banque Postale. Il-prezz taċ-ċessjoni ser ikun ta’ EUR 1.

(148)

Fir-rigward ta’ dan il-prezz, il-Kummissjoni tinnota dan li ġej, enfasizzat minn ditta tal-awditjar u l-Istati Membri kkonċernati.

(149)

F’ittra ta’ ekwità ( “fairness opinion” ) tal-10 ta’ Ottubru 2012 minn ditta ta’ analisti finanzjarji kkummissjonata mill-awtoritajiet Franċiżi u s-CDC, hemm evidenza li “prezz ta’ EUR 380 miljun għal 100 % ta’ IKĠ (hija nfisha proprjetarja 100 % ta’ Dexia Municipal Agency “DMA”) huwa prezz aċċettabbli għal investitur prudenti”. Huwa ddikjarat li din l-evalwazzjoni tal-prezz tikkunsidra li “Ix-xerrejja jibbenefikaw minn garanziji ta’ assi u ta’ passiv ġenerali u speċifiċi inkluż b’mod partikolari garanzija dwar il-validità tas-self mogħti u tal-kuntratti tiegħu” u tirrifletti:

Din il-valutazzjoni tiswa biss meta tkun assoċjata mal-garanziji ġenerali u speċifiċi u mal-iskema ta’ ċessjoni sintetika tas-self sensittiv. […]”  (41)

(150)

L-ittra ta’ ekwità tindika wkoll li “il-valur ta’ IKĠ/DMA, minħabba l-kunsiderazzjoni tal-irkupru gradwali tal-aġġustamenti tal-valur, jammonta għal bejn wieħed u ieħor […] f’xenarju ta’ estinsjoni tal-valur” .

(151)

Fin-nota tagħhom dwar l-operazzjoni ta’ ċessjoni ta’ DMA (minn hawn ‘il quddiem “in-nota dwar l-operazzjoni ta’ ċessjoni ta’ DMA”), l-Istati Membri kkonċernati jindikaw li, għall-ewwel, “kien hemm qbil li l-prezz tax-xiri ta’ DMA u tal-għodod, tal-persunal u tar-riżorsi trasferiti minn DCL ikun ta’ EUR 380 miljun [nota ta’ qiegħ il-paġna: u li “il-partijiet kienu ikkontemplaw li [Dexia] u DCL li jagħtu diversi garanziji tal-bejgħ bħala parti miċ-ċessjoni ta’ DMA: garanzija ta’ rendiment u fuq il-litigazzjoni fuq […] is-self sensittiv, garanzija msejħa “stop-loss” lil hinn minn konċessjoni annwali ta’ 10 punti bażi fuq l-ammont pendenti medju tas-self, kif ukoll garanziji ġenerali u speċifiċi oħrajn” (42).

(152)

Huma jindikaw ukoll li, imbagħad, aċċettaw li jirrinunzjaw għall-garanzija “stop-loss” u, wara, “għat-trasferiment sintetiku tas-self sensittiv lejn il-bilanċ ta’ DCL. Għalhekk, il-garanzija ta’ Franza li tkopri l-impenji ta’ DCL f’dan ir-rigward waqgħet ukoll”  (43).

(153)

Skont l-Istati Membri kkonċernati, kien “Sabiex jiġu indirizzati dawn iż-żewġ bidliet sinifikanti fil-mudell ta’ ċessjoni ta’ DMA u jinżamm il-karattru tas-suq tagħha [li] il-prezz taċ-ċessjoni tbaxxa u ġie ffissat għal EUR1. Dan il-prezz il-ġdid (li ma jiddependix aktar mill-ekwità ta’ DMA) jirrifletti wkoll l-abbandun tal-klawsola ta’ aġġustament tal-prezz” (44).

(154)

Wara li fakkru li huwa ċar mill-ittra ta’ ekwità li l-prezz ta’ DMA u tal-għodod, il-persunal u r-riżorsi meħtieġa għall-ġestjoni ta’ DMA huwa ta’ EUR 380 miljun EUR skont l-iskema inizjali taċ-ċessjoni (li kienet tinkludi l-garanziji u l-klawsola ta’ aġġustament tal-prezz), l-Istati Membri kkonċernati jispeċifikaw “Minħabba l-abbandun tal-garanziji u tal-klawsola ta’ aġġustament tal-prezz ipprovduti f’din l-iskema u l-iżviluppi fis-sitwazzjoni tal-bilanċ ta’ DMA osservati matul l-ewwel tliet kwarti tas-sena 2012, il-prezz aġġustat ta’ EUR1 iżomm perfettament il-karattru tas-suq tagħha”  (45).

(155)

L-awtoritajiet Franċiżi jqisu li hemm falliment fis-suq dwar il-finanzjament tal-istituzzjonijiet pubbliċi tas-saħħa u tal-awtoritjajiet lokali Franċiżi. Għaldaqstant, l-awtoritajiet Franċiżi, kif ukoll CDC u La Banque Postale, qegħdin jikkunsidraw li jixtru lil DMA (permezz tal-akkwist tal-IKĠ proprjetarja 100 % ta’ DMA) bl-għan li jibdluha f’“bank ta’ żvilupp”. Dan il-bank ta’ żvilupp ikollu faxxa ta’ azzjoni limitata għall-korrezzjoni tal-falliment tas-suq dwar il-finanzjament tal-istituzzjonijiet pubbliċi tas-saħħa u tal-awtoritjajiet lokali Franċiżi, billi dan il-falliment ma jistax jiġi korrett bl-offerta attwali fis-suq. L-awtoritajiet Franċiżi ppreżentaw l-argumenti li ġejjin sabiex juru l-imsemmi falliment fis-suq kif ukoll il-ħtieġa tal-ħolqien ta’ bank ta’ żvilupp:

(156)

Skont l-awtoritajiet Franċiżi, l-investimenti fl-isptarijiet kienu jammontaw għal EUR 6,5 biljun fl-2010 (tnaqqis ta’ 4,5 % meta mqabbel mal-2009) wara li żdiedu b’mod kostanti mill-bidu tas-snin 2000. Dawn l-investimenti huma prinċipalment iffinanzjati mill-awtofinanzjament u mill-għotjiet. Ir-rata ta’ kopertura tal-investimenti mid-dejn fuq żmien medju-fit-tul kienet ta’ 36 % fl-2010.

(157)

Il-ħtieġa ta’ finanzjament annwali fuq żmien medju-fit-tul tal-istituzzjonijiet pubbliċi tas-saħħa fi Franza tvarja għalhekk bejn EUR 2 u 4 biljun skont is-snin. Hija tkopri l-finanzjament tal-investimenti u r-rimborż tas-self li jimmatura.

(158)

Barra minn hekk, din il-ħtieġa ta’ finanzjament tkopri proġetti ta’ investimenti kbar, l-aktar proprjetà immobbli, f’kuntest fejn ir-rata ta’ deterjorament (li tirrelata d-deprezzament akkumulat mal-valur gross tal-proprjetà u li laħqet livell storikament għoli fl-2002) kienet teżiġi investimenti kbar sabiex jinżamm l-istokk tal-proprjetà: bejn l-1997 u l-2002, ir-rata ta’ deterjorament kienet għaddiet minn 50 % għal 55 %. It-tqassim tal-investimenti diretti skont it-tip fl-2010 mqabbel ma’ dak tal-2002 b’hekk juri tgħawwiġ tal-istruttura favur it-taqsima tal-proprjetà għad-detriment tat-taqsima “tagħmir”.

(159)

Għas-snin li ġejjin, il-ħtiġijiet tal-investiment għandhom ikunu l-aktar fuq żewġ livelli. L-ewwel, ser ikun meħtieġ li jiġu indirizzati l-isfidi ewlenin tas-sigurtà (konformità mal-istandards parasismiċi, riskji ta’ għargħar, it-tneħħija tal-asbestos, riskji prijoritarji ta’ nirien); Imbagħad, sejrin isiru wkoll proġetti ta’ investiment għall-kwalità tal-provvista ta’ kura. Hawnhekk ukoll, dan ikun jinvolvi essenzjalment operazzjonijiet ta’ bini (kostruzzjonijiet, bini mill-ġdid, ristrutturar eċċ.) li jirrappreżentaw ġeneralment investimenti kbar u li għalihom huwa essenzjali li jkun hemm self, għall-inqas parzjali.

(160)

Fl-istess ħin, l-istituzzjonijiet pubbliċi tas-saħħa għandhom ħtieġa kbira ta’ finanzjament fuq żmien qasir, ta’ madwar EUR 3 biljun fis-sena (bi prelevament medju ta’ 50 %), minħabba ħtieġa kbira ta’ fondi li jistgħu jerġgħu jintużaw. Din il-ħtieġa hija prinċipalment dovuta għad-dewmien bejn il-ħlas tal-assigurazzjonijiet tas-saħħa lill-istituzzjonijiet pubbliċi tas-saħħa u l-iskeda limitata tal-infiq tagħhom.

(161)

Min-naħa tal-provvista, il-banek Franċiżi mhumiex kapaċi jerġgħu jakkwistaw is-sehem tas-suq ta’ Dexia. L-ammont pendenti totali tad-dejn tal-istituzzjonijiet tas-saħħa kien jammonta għal EUR 22,8 biljun fil-31 ta’ Diċembru 2012. Storikament, u bħal fil-każ tal-awtoritajiet lokali, dan id-dejn jinġarr prinċipalment mis-settur bankarju. Il-finanzjament diżintermedjat baqa’ fil-fatt marġinali (5,7 % biss tad-dejn pendenti huma bonds), l-aktar minħabba l-preżenza ta’ għadd kbir ta’ istituzzjonijiet żgħar: Franza kellha 1 034 istituzzjoni pubblika tas-saħħa fil-31 ta’ Diċembru 2010. L-isptarijiet universitarji, li huma l-akbar istituzzjonijiet, jirrappreżentaw 99,1 % tat-total tal-ħruġ ta’ bonds.

(162)

Dexia kellu bil-bosta l-akbar sehem mis-suq: matul l-aħħar snin ta’ attività tiegħu, il-bank kien ikopri madwar [40-45]% tal-ħtiġijiet finanzjarji fuq żmien medju-fit-tul, u kien jipprovdi madwar terz tal-linji ta’ flus kontanti. Fl-istokk, Dexia kien għad kellu [30-35]% tad-dejn pendenti kollu fl-aħħar tal-2010 (ara d-dijagramma hawn taħt).

(163)

Skont l-awtoritajiet Franċiżi, il-banek Franċiżi l-oħrajn ukoll mhumiex f’qagħda li jieħdu l-ishma fis-suq li ħalla Dexia għal diversi raġunijiet:

(164)

Għal dawn ir-raġunijiet ċikliċi u strutturali kollha, l-awtoritajiet Franċiżi jibżgħu li huwa improbabbli li t-titjib fil-marġini u li l-volumi baxxi involuti sejrin ikunu biżżejjed sabiex jiġġeneraw żieda spontanja tal-offerti privati biex jieħdu post Dexia u jissodisfaw id-domanda tal-istituzzjonijiet pubbliċi Franċiżi tas-saħħa.

(165)

Is-settur pubbliku lokali fi Franza huwa magħmul l-ewwel nett mill-awtoritajiet lokali, jiġifieri l-muniċipalitajiet u r-raggruppamenti tagħhom, ir-reġjuni u d-dipartimenti. Il-piż ekonomiku ta’ dawn l-entitajiet jirrappreżenta fluss ta’ nefqa annwali ta’ madwar EUR 220 biljun (total tan-nefqa tal-amministrazzjoni u tal-investiment). L-ispejjeż tal-investiment irrappreżentaw EUR 50,4 biljun fl-2010 u EUR 52 biljun fl-2011, jiġifieri ¾ tal-investiment pubbliku fi Franza. L-awtoritajiet lokali għalhekk huma atturi ewlenin għall-manutenzjoni u l-iżvilupp tal-infrastruttura fi Franza.

(166)

Biex jiffinanzjaw dawn l-ispejjeż, l-awtoritajiet lokali għandhom diversi riżorsi:

(167)

Billi l-ammonti ta’ self ġdid għall-finanzjament tal-investimenti huma akbar mill-ħlas tas-self li jimmatura, l-awtoritajiet lokali għalhekk ħolqu, maż-żmien, dejn pendenti li ammonta għal EUR 152 biljun fl-2011.

Tabella 3

Dejn pendenti tal-awtoritajiet lokali Franċiżi fl-1 ta’ Jannar 2011 (f’biljuni ta’ euro)

(168)

L-awtoritajiet Franċiżi jqisu li l-previżjoni tal-volumi ta’ self ġdid fuq is-snin li ġejjin għandha tikkunsidra diversi parametri bħal: il-bidliet fid-dħul u l-infiq tal-ġestjoni tal-awtoritajiet lokali li sejrin jiddeterminaw l-awtofinanzjament (i); il-ħtiġijiet ta’ investiment ta-awtoritajiet lokali li huma parzjalment marbuta maċ-ċiklu elettorali (ii). Id-dewmien tal-istruzzjoni u tat-twettiq tal-proġetti u r-rieda li jiġu ffinalizzati qabel tmiem l-elezzjonijiet muniċipali Franċiżi jirriżulta fi tnaqqis fil-bidu tal-mandat tal-investimenti u żieda fl-aħħar tal-mandat.

(169)

Barra minn hekk abbażi tad-data magħrufa fl-aħħar tal-2011, saret simulazzjoni sabiex tiġi antiċipata l-ħtieġa ta’ self tas-settur pubbliku skont żewġ xenarji li jvarjaw bejniethom skont il-kapaċità tal-awtoritajiet lokali li jiġġeneraw marġnijiet ta’ awtofinanzjament fuq it-taqsima ta’ funzjonament tagħhom (46). Il-kawżi ta’ dawn id-diffikultajiet jistgħu jkunu diversi: dħul fiskali baxx, imblukkar minn Stat ċentrali nnifsu limitat minn sussidji jew inkella żieda ta’ ċerti spejjeż bħall-għajnuna soċjali.

Tabella 4

Kapaċità tal-awtoritajiet lokali li joħorġu marġnijiet ta’ awtofinanzjament fuq it-taqsima ta’ funzjonament tagħhom

(170)

Il-ħtieġa ta’ self ġdid ammontat għal medja ta’ EUR 19,5 biljun fix-xenarju 1-a u għal EUR 21,5 biljun fix-xenarju 1-b. F’termini ta’ dejn pendenti, dan imbagħad jilħaq rispettivament EUR 175 biljun u EUR 185 biljun sal-aħħar tal-2016.

(171)

Jista’ jiġi ppreżentat xenarju ieħor, dak ta’ restrizzjoni fuq il-kapaċità tad-dejn tal-awtoritajiet dovut kemm minħabba: i) l-impenn tal-awtoritajiet pubbliċi li jnaqqsu d-dejn, ii) kemm minħabba offerta ta’ finanzjament insuffiċjenti. Hi x’inhi l-kawża, il-limitazzjoni tal-kapaċità tas-self tirriżulta fi tnaqqis kbir fl-investiment.

(172)

Għalhekk, skont l-Istat Franċiż, iż-żamma ta’ valur kostanti tad-dejn pendenti inaqqas is-self ġdid fuq il-perjodu f’ammonti inklużi bejn EUR 12 u 14-il biljun. Il-livell tal-investiment imbagħad ikun limitat. F’din l-ipotesi, l-investiment jinżel minn EUR 51,9 biljun fl-2011 għal medja ta’ EUR 43,2 biljun fuq il-perjodu 2012-2016, jew livell komparabbli għal dak tas-snin 2004/2005 u inqas b’medja ta’ 16 % meta mqabbel mal-livelli ta’ investiment taż-żewġ xenarji preċedenti.

(173)

Tali tnaqqis ikollu impatt negattiv fuq l-iżvilupp u l-manutenzjoni tal-infrastrutturi tas-servizz pubbliku (trasport, edukazzjoni, ambjent, enerġija) kif ukoll fuq il-livell ta’ attività tas-settur tal-bini u x-xogħlijiet pubbliċi (biex wieħed jiftakar, l-investiment lokali jirrappreżenta kważi 75 % tal-attività tal-industrija tal-kostruzzjoni).

(174)

Fil-qosor, il-ħtieġa ta’ self tal-awtoritajiet lokali hija mistennija li tkun kostanti, jew saħansitra sejra tikber fis-snin li ġejjin. Restrizzjonijiet eżoġeni biss jistgħu jillimitawha b’riskju ta’ tnaqqis sinifikanti fl-investiment pubbliku peress li l-komunitajiet lokali għandhom ftit sorsi alternattivi ta’ finanzjament.

(175)

Barra minn hekk, entitajiet oħrajn tas-settur pubbliku jistgħu jkollhom ukoll ħtiġijiet ta’ self u jkunu ffinanzjati mill-kumpaniji tal-ipoteki: l-isptarijiet pubbliċi li d-dejn pendenti tagħhom huwa stmat għal EUR 24 biljun u l-ħtieġa annwali ta’ self għal EUR 3 biljun (i); l-organizzazzjonijiet tad-djar soċjali li d-dejn pendenti tagħhom huwa stmat għal EUR 100 biljun (li parti kbira minnu jkun garantit mill-awtoritajiet lokali) u li l-ħtieġa annwali tagħhom ta’ self hija stmata għal madwar EUR 15-il biljun (ii); istituzzjonijiet pubbliċi oħrajn, emanazzjonijiet tal-istat u tal-awtoritajiet lokali (iii).

(176)

Is-suq totali, fil-livell tas-settur pubbliku lokali fis-sens wiesa’, jista’ jkun stmat f’medja ta’ EUR 40 biljun fis-sena. Madankollu, il-bank il-ġdid tal-iżvilupp ser jiffinanzja biss lill-awtoritajiet lokali u l-istituzzjonijiet tas-saħħa (u mhux is-settur pubbliku Franċiż kollu).

(177)

F’kuntest ta’ domanda qawwija, il-finanzjament tas-settur pubbliku ra l-offerta tonqos ferm minħabba:

(178)

L-awtoritajiet ikkonċernati jinnutaw li dawn id-diversi fatturi wasslu sabiex il-Caisse des Dépôts et Consignations iġedded fl-2012, bħal fl-2011, baġit ta’ emerġenza ta’ EUR 5 biljun meħuda mill-fondi ta’ tfaddil u propost għal prezz ta’ EURIBOR + 3,20 %.

(179)

It-tabella ta’ hawn taħt tagħti stima tal-ammont tal-offerta tad-diversi banek fis-settur pubbliku lokali fis-sens wiesa’, jiġifieri l-awtoritajiet lokali, l-isptarijiet u l-organizzazzjonijiet tal-akkomodazzjoni soċjali. Il-ħtieġa mhux koperta hija ta’ madwar EUR 7 sa 8 biljun. Jekk l-attività tal-bank il-ġdid ta’ żvilupp ma tapplikax għall-organizzazzjonijiet tal-akkomodazzjoni soċjali, l-għan tal-bank ikun li jikkoreġi l-ħtieġa mhux koperta ta’ finanzjament lill-awtoritajiet lokali u l-istituzzjonijiet pubbliċi tas-saħħa b’ammont li jilħaq EUR 8 biljun.

Tabella 5

Stima tal-ammont offrut tad-diversi banek fis-settur pubbliku lokali f’sens wiesa’

(180)

Din ir-restrizzjoni tal-offerta kienet akkumpanjata minn żieda strutturali tal-prezzijiet mill-kriżi finanzjarja tal-2008. Filwaqt li l-prezzijiet kienu madwar 100 punt bażi ogħla minn EURIBOR fl-ewwel sitt xhur tal-2011, dawn qabżu l-200 punt bażi fit-tieni nofs tas-sena.

(181)

Id-domanda għall-pakkett CDC hija aktar minn 3 darbiet ogħla mill-volum tagħha: il-prezz ta’ EURIBOR + 320 punt bażi għaldaqstant huwa inqas mill-prezz li kien jibbilanċja l-offerta u d-domanda fil-kuntest ta’ funzjonament konvenzjonali tas-suq.

(182)

B’mod aktar strutturali, żewġ fatturi jagħmlu lil dan is-suq inqas attraenti għall-istituzzjonijiet bankarji ġenerali: (i) in-nuqqas ta’ ċertu dħul addizzjonali għas-self, l-aktar minħabba l-obbligu ta’ depożiti ta’ fondi fit-Teżor; u (ii) il-maturità twila wisq tal-finanzjamenti mitluba (15-il sena jew aktar), f’konformità mal-amortizzazzjoni teknika tal-investimenti, iżda li ġġiegħel lill-finanzjaturi jneħħu likwidità minn fuq termini simili.

(183)

L-awtoritajiet Franċiżi jinnotaw ukoll li fil-pajjiżi l-oħrajn tal-Ewropa, l-istituzzjonijiet pubbliċi spiss ikunu preżenti fuq dan is-suq u li huma jipprovdu aktar minn nofs il-ħtieġa tal-komunitajiet lokali. Pereżempju: il-Cassa Depositi e Prestiti (CDP) fl-Italja, il-banek pubbliċi reġjonali fil-Ġermanja, il-PWLB (Public Works Loan Board) fir-Renju Unit u l-aġenziji pubbliċi ta’ finanzjament fil-pajjiżi Nordiċi (id-Danimarka, in-Norveġja, l-Isvezja).

(184)

Fuq il-bażi tal-fatturi msemmija hawn fuq, l-awtoritajiet Franċiżi jikkonkludu li l-implimentazzjoni tal-bank tal-iżvilupp ser tiżdied mal-offerta li ġejja mill-banek privati, li strutturalment mhumiex adegwati. Għalhekk, dan id-dħul ġdid fuq is-suq ser jaġġorna l-offerta mad-domanda u mhux jeskludi mis-suq lill-atturi stabbiliti.

(185)

Il-pjan tan-negozju kkonsolidat ta’ DMA, l-IKĠ u l-IK sottomess lill-Kummissjoni jindika l-elementi prinċipali li ġejjin:

(186)

Rigward il-ġestjoni kontinwa tal-assi pendenti miżmuma minn DMA, li s’issa kienet ipprovduta minn DCL, din sejra tkun ipprovduta mill-IKĠ. Dawn il-funzjonijiet ta’ ġestjoni sejrin ikopru fost oħrajn:

(187)

Bara minn hekk, l-IKĠ sejra tipprovdi ċerti servizzi fl-IK, b’appoġġ għall-attività ta’ self esklussivament lill-awtoritajiet lokali Franċiżi u l-istituzzjonijiet pubbliċi Franċiżi tas-saħħa. Dawn il-benefiċċji soċjali sejrin ikopru b’mod partikolari benefiċċji ta’ assistenza fil-marketing u l-ġestjoni tas-self, assistenza fil-ġestjoni attiva ta’ self mhux sensittiv, kif ukoll benefiċċji relatati mal-finanzi u mar-riskji.

(188)

L-IK sejra tagħmel self esklussivament lill-awtoritajiet lokali Franċiżi u l-istituzzjonijiet pubbliċi Franċiżi tas-saħħa. Dan is-self ser ikun irreġistrat fil-bilanċ ta’ La Banque Postale imbagħad trasferit lil DMA li tkun tista’ tiffinanzjah mill-ġdid permezz ta’ ħruġ ta’ bonds ipotekarji meta dan is-self jissodisfa r-rekwiżiti ta’ eliġibbiltà għall-inklużjoni fil-cover pool ta’ DMA kif ukoll fil-politika ta’ impenn ta’ DMA.

(189)

L-Istat Franċiż jintrabat li l-IK ma toffrix kundizzjonijiet ta’ finanzjament aktar attraenti minn dawk offruti minn banek kummerċjali oħrajn. L-IK mhix sejra tkun tista’ tagħmel, fil-komunikazzjoni kummerċjali tagħha, offerti aktar attraenti mill-prattiki tas-suq. Il-kundizzjonijiet ta’ kummerċjalizzazzjoni tas-self lill-istituzzjonijiet pubbliċi tas-saħħa għandhom jiżguraw il-kompatibbiltà ta’ dan is-self mas-suq intern skont id-dispożizzjonijiet aplikabbli għall-għajnuna mill-Istat.

(190)

Minn dawn l-impenji jirriżulta li l-attività ta’ produzzjoni ġdida tal-IK sejra tkun limitata għal self imsejjaħ “plain vanilla”. Essenzjalment, l-offerta tal-IK sejra tkun 1) limitata għal krediti fuq żmien medju/fit-tul; 2) sempliċi u trasparenti; 3) mibnija fuq ir-rakkomandazzjonijiet tas-suq (ċirkolari interministerjali tal-25 ta’ Ġunju 2010, Karta tal-kondotta tajba msejħa Karta ta’ Gissler, rapport tal-Kummissjoni parlamentali Bartolone).

(191)

L-awtoritajiet Franċiżi jargumentaw li l-limitazzjoni tas-self tal-IK għal self plain vanilla tgħin sabiex jiġu koperti l-ħtiġijiet identifikati tal-klijenti, jiġifieri s-sempliċità, id-diversifikazzjoni, il-protezzjoni kontra bidliet avversi tas-swieq. Din l-offerta sejra teskludi l-prodotti ingranati, il-prodotti ta’ inklinazzjoni, il-prodotti f’muniti, il-prodotti strutturati komplessi b’effett ta’ struttura kumulattiva u kwalunkwe prodott li jesponi lill-klijent għal riskji fuq il-kapital.

(192)

Fi kwalunkwe każ, l-offerta sejra tkun adattata għall-karatteristiċi u d-daqs tal-klijenti u kull prodott ġdid ser ikun soġġett għal skambju mal-Awtorità ta’ Kontroll Prudenzjali.

(193)

L-IK sejra tipprovdi lill-klijenti dokumentazzjoni ċara li tippreżenta l-prodotti skont il-klassifikazzjoni tal-Karta ta’ Gissler.

(194)

Il-Karta ta’ Gissler hija skeda analitika li tibbaża fuq żewġ kriterji: l-indiċi ta’ referenza u l-istruttura applikata. Hija tiżviluppa klassifika mill-iżgħar sal-ikbar riskji aċċessibbli għall-awtoritajiet lokali.

Tabella 6

Tabella tar-riskji tal-Karta ta’ Gissler

(195)

L-IK sejra tillimita l-offerta ta’ prodotti proposti għall-prodotti li ġejjin:

(196)

L-awtoritajiet Franċiżi enfasizzaw li huwa eskluż li fil-kategorija 2 jintużaw differenzi bejn l-indiċijiet ta’ inflazzjoni taż-żona Euro, jew l-indiċijiet tal-inflazzjoni ta’ pajjiżi oħrajn taż-żona tal-Euro.

(197)

Barra minn hekk, dawn il-prodotti mhumiex aċċessibbli għall-klijenti kollha. Jiddependu mid-daqs tal-awtoritjaiet skont il-matriċi li ġejja:

Tabella 7

Kategorija ta’ prodotti aċċessibbli skont is-segmentazzjoni tal-klijenti

(198)

Iż-żmien tas-self propost m’għandux jaqbeż il-15-il sena, ħlief għal fakultà ta’ abbinament lil riżorsa ta’ rifinanzjament itwal, l-aktar permezz tal-ħruġ ta’ bonds ta’ ipoteki b’maturità korrispondenti.

(199)

Fi kwalunkwe każ, it-tul tas-self lill-klijenti huwa soġġett għall-kapaċità ta’ DMA li tiffinanzja lilha nfisha mill-ġdid fuq termini simili.

(200)

Biex tiffaċilita d-desensitizzazzjoni, l-IK mhijiex sejra toffri finanzjament lill-klijenti li jkunu f’litigazzjoni jew f’pożizzjoni ta’ ammonti pendenti fuq il-bilanċ ta’ DMA. Barra minn hekk, sejra ssir konsultazzjoni minn qabel bejn l-IK u l-IKĠ qabel kwalunkwe għoti ta’ finanzjament lil klijenti li jkollhom self sensittiv.

(201)

L-awtoritajiet Franċiżi sejrin jipproponu espert indipendenti inkarigat li jikkontrolla, għal perjodu ta’ sentejn, il-konformità ma’ dawn il-kundizzjonijiet. Wara dan il-perjodu, l-awtoritajiet Franċiżi sejrin jibagħtu l-informazzjoni rilevanti sabiex jiżguraw konformità ma’ dawn l-impenji lill-Kummissjoni, li tkun tista’, jekk tqis li jkun meħtieġ, titlob li jiġi estiż l-użu tal-espert indipendenti.

(202)

Ir-rabtiet kuntrattwali ta’ servizz bejn, minn naħa, il-grupp Dexia u, min-naħa l-oħra, DMA, IKĠ u l-IK, sejrin jinqatgħu. Dan il-qtugħ ta’ rabtiet fil-prinċipju ser iseħħ wara perjodu ta’ tranżizzjoni li matulu jistgħu jinżammu rabtiet kuntrattwali identifikati b’mod preċiż u limitati għal dawk meħtieġa sabiex jippermettu lill-IKĠ, lil DMA u lill-IK ikunu jistgħu jipprovdu huma stess is-servizzi kkonċernati.

(203)

Fir-rigward tas-servizzi mhux informatiċi, Dexia sejra tipprovdi ċerti servizzi lill-IKĠ (jiġifieri l-monitoraġġ tal-portafoll tal-bonds (48), il-monitoraġġ kummerċjali tas-self mhux Franċiż (49), l-analiżi tar-riskju tal-kreditu (48), is-sistema ta’ klassifikazzjoni interna (48), il-valutazzjoni tat-titoli (48) u l-awditjar (49)) għal perjodu ta’ tranżizzjoni limitat, skont is-servizzi kkonċernati, għal bejn tlieta sa sitt xhur. B’mod reċiproku, l-IKĠ sejra tipprovdi lil Dexia xi servizzi (jiġifieri l-analiżi tar-riskju tal-kreditu u s-servizzi marbuta mas-sistema ta’ klassifikazzjoni interna) għal mhux aktar minn sitt xhur.

(204)

Fir-rigward tas-sistemi tal-informazzjoni, il-perjodu ta’ tranżizzjoni ser idum bejn 24 u 30 xahar minħabba l-kumplessità tad-duplikazzjoni u l-migrazzjoni ta’ għadd kbir ta’ applikazzjonijiet differenti u ta’ databases differenti relatati.

(205)

Skont l-awtoritajiet Franċiżi, il-ħtiġijiet ta’ finanzjament ewlenin tal-IKĠ u ta’ DMA sejrin ikunu marbuta:

(206)

Il-ħtieġa ta’ finanzjament marbuta mal-kollateral mogħti minn DCL fuq l-iswaps interni (swaps bejn DMA u DCL) lil kontropartijiet tas-suq (u mhux riċevut minn DCL min-naħa ta’ DMA) illum hija ta’ madwar EUR [2-5] biljun. Taħt l-operazzjoni tal-akkwist tal-IKĠ (jiġifieri ta’ DMA), il-partijiet ftiehmu li l-IKĠ għandha tintermedja post closing l-iswaps interni, jiġifieri ġġorr il-piż li tiffinanzja l-ħtieġa ta’ kollateral fi flus marbuta ma’ dawn l-iswaps. Il-likwidità tiġi pprovduta bi prezz tas-suq (li jkun definit permezz ta’ metodoloġija assigurata mill-awtoritajiet Franċiżi) lill-IKĠ mill-azzjonisti tagħha. DCL ser jikkumpensa lill-IKĠ bil-ħlas ta’ kumpens finanzjarju ta’ EUR 130 miljun għal din l-interpożizzjoni.

(207)

Barra minn hekk, DCL ser jintrabat li jikkoopera mal-IKĠ biex fl-2013 jitwettaq l-iżmembrament tat-titolizzazzjonijiet “Dexia Crediop per la cartolarizzazione” (“DCC”) sabiex jiġu sostitwiti l-porzjonijiet tat-titolizzazzjoni fil-grupp tal-assi ta’ DMA bl-assi sottostanti li mbagħad jinżammu direttament. Se jkun meħtieġ li dan l-iżmembrament iwassal għall-implimentazzjoni tal-iswaps bejn DMA u Crediop. Dawn l-iswaps imbagħad ikunu intermedjati mill-IKĠ u din l-intermedjazzjoni twassal għall-kumpens minn Dexia, li għandu jiġi kkalkulat bl-istess mod bħal dak deċiż għall-iswaps interni intermedjati fil-closing taċ-ċessjoni ta’ DMA.

(208)

F’każ li jintużaw swaps (jew derivattivi oħrajn), dawn sejrin isiru direttament mill-IKĠ u/jew DMA, mingħajr l-intermedjazzjoni ta’ DCL.

(209)

L-awtoritajiet Franċiżi jintrabtu li l-azzjonisti finali ta’ DMA jżommu l-kapitalizzazzjoni tagħha f’livell suffiċjenti sabiex tassorbi kwalunkwe telf fuq il-portafoll eżistenti tagħha relatat mal-possibbiltà ta’ riskju ta’ litigazzjoni rrapreżentat mis-self sensittiv. Kull rikapitalizzazzjoni futura tkun soġġetta għall-approvazzjoni minn qabel tal-Kummissjoni.

(210)

L-azzjonisti finali ta’ DMA għandhom jikkontribwixxu, bħala parti mill-prinċipji li ġejjin, għall-ħtiġijiet ta’ finanzjament tal-IKĠ u ta’ DMA:

(211)

Il-parti tal-bilanċ ta’ DMA, stmat għal EUR [20-40] biljun fit-30 ta’ Settembru 2012, li ma tikkorrispondix għal self eżistenti lil xi awtoritajiet lokali Franċiżi u istituzzjonijiet pubbliċi tas-saħħa fi Franza għandha titqiegħed f’ġestjoni estintiva.

(212)

Fil-fatt, kif jirriżulta minn dak li ntqal fil-premessi preċedenti, l-attivitajiet tal-IKĠ, ta’ DMA u tal-IK sejrin ikunu limitati għal attivitajiet ta’ finanzjament ta’ awtoritajiet lokali Franċiżi u ta’ istituzzjonijiet pubbliċi tas-saħħa fi Franza. Madankollu, porzjon tal-bilanċ pendenti ta’ DMA ma jikkorrispondix għal dawn l-attivitajiet. Din il-parti tal-ammont pendenti, li mhijiex sejra tibqa’ tikkorrispondi għall-attivitajiet ta’ DMA wara ċ-ċessjoni tal-kumpanija, sejra titqiegħed f’ġestjoni estintiva u l-IK ma tkun tista’ tagħti l-ebda self lil awtoritajiet lokali Franċiżi u sptarijiet pubbliċi Franċiżi klijenti.

(213)

Għandu jiġi nnutat li għall-kuntrarju ta’ dak li kienu ppjanaw skont il-proġett inizjali ta’ ċessjoni ta’ DMA, kif ippreżentat f’nota tal-awtoritajiet Franċiżi f’April 2012 deskritt fit-taqsima 2.3.5. tad-Deċiżjoni ta’ awtorizzazzjoni kondizzjonali, il-partijiet għall-operazzjoni ta’ ċessjoni ta’ DMA rrinunzjaw li Dexia SA u DCL jagħtu lil DMA garanzija msejħa “stop loss” f’każ ta’ telf fuq l-ammont pendenti medju ta’ self inkluż fil-bilanċ ta’ DMA u garanzija għas-“self sensittiv” fuq portaforll ta’ kreditu “sensittiv” li tammonta għal madwar EUR 10 biljun u li tkopri kemm it-telf relatat ma’ litigazzjoni potenzjali kif ukoll mat-telf li jirriżulta minn negozjar mill-ġdid jew mir-ristrutturar.

(214)

L-Istati Membri kkonċernati irtiraw ukoll żewġ garanziji mill-Istat inizjalment maħsuba bħala parti mill-operazzjoni DMA: kontrogaranzija tal-Istat Franċiż fuq l-obbligazzjonijiet ta’ Dexia SA u ta’ DCL taħt is-self sensittiv lill-assi ta’ DMA (51) u estensjoni tal-garanzija ta’ rifinanzjament tal-Istati Membri kkonċernati għall-obbligi ta’ nofs it-terminu ta’ DCL fuq programm ta’ obbligi […], sabiex jevitaw l-implimentazzjoni tal-klawsoli ta’ ħlas lura antiċipat f’każ ta’ ċessjoni sostanzjali ta’ assi.

(215)

Barra minn hekk, huwa mistenni li, maċ-ċessjoni tal-IKĠ, “l-ebda garanzija ma tingħata minn DCL u [Dexia] fuq is-self (i) konkluż minn DCL u trasferit lil DMA jew (ii) konkluż minn DCL f’isem DMA jew (iii) konkluż direttament minn DMA” (52). Għalhekk, l-IKĠ u DMA għandhom fil-prinċipju jġorru t-telf marbut ma’ dawn it-tliet tipi ta’ self, l-aktar dak relatat ma’ irregolarità jew nuqqas ta’ konformità li taffettwa lil dan is-self, l-eżistenza tiegħu u l-validità tiegħu. Madankollu, “DCL ser jibqa’ marbut bis-sentenzi ta’ danni li DCL ikun ordnat iħallas lil min jissellef skont it-termini tas-Self (i) fir-rigward ta’ ħsara mġarrba minn min ikun issellef ikkawżata direttament minn ksur minn DCL tal-obbligi kuntrattwali, legali jew regolatorji tiegħu u (ii) li ma tkunx ir-riżultat ta’ kanċellazzjoni tas-Self ikkonċernat, ta’ bidla f’wieħed jew aktar termini jew kundizzjonijiet tiegħu jew li ma tqiegħedx lil min jissellef f’sitwazzjoni simili għal dik li kien ikun fiha kieku s-Self jew xi wieħed jew aktar mit-termini jew il-kundizzjonijiet tiegħu kienu soġġetti għal Deċiżjoni ġudizzjarja ta’ kanċellazzjoni jew ta’ modifika.” (53)

(216)

Skont l-awtoritajiet Franċiżi, “DMA, l-IKĠ u l-IK, li l-attivitajiet tagħhom sejrin ikunu limitati għall-finanzjament tal-awtoritajiet lokali Franċiżi u tal-isptarijiet pubbliċi Franċiżi flimkien sejrin jiffurmaw “bank ta’ żvilupp” ”  (54).

(217)

L-awtoritajiet Franċiżi indikaw li bank ta’ żvilupp kien meħtieġ sabiex jegħleb il-falliment tas-suq osservat fil-finanzjament tal-awtoritajiet lokali Franċiżi u tal-isptarijiet pubbliċi Franċiżi. L-awtoritajiet ippreżentaw ukoll xi analiżijiet li fihom jingħad li d-domanda annwali ta’ finanzjament ta’ dawn tal-aħħar hija ta’ madwar EUR 20-24 biljun filwaqt li l-offerta tal-banek hija limitata għal madwar EUR 10 biljun.

(218)

Dan l-iżbilanċ huwa l-aktar dovut għall-irtirar ta’ Dexia li kellha madwar [40-50]% tas-suq.

(219)

L-impenji relatati mal-operazzjoni ta’ ċessjoni ta’ DMA u mal-introduzzjoni tal-bank ta’ żvilupp il-ġdid huma dawn li ġejjin, u li t-text awtentiku tagħhom huwa mehmuż fl-Anness III:

(220)

Sa mhux aktar tard mill-31 ta’ Jannar 2013, DCL għandu jċedi 100 % tal-kapital tal-IKĠ lill-Istat Franċiż, lis-CDC u lil Banque Postale bil-prezz ta’ EUR 1 deskritt mill-Istati Membri kkonċernati bħala “prezz tas-suq” li jikkorrispondi għall-prezz tax-xiri ta’ DMA u għal dak tal-għodod u r-riżorsi trasferiti minn DCL, jew magħmula disponibbli tal-IKĠ, sa mhux aktar tard mid-data taċ-ċessjoni ta’ DMA.

(221)

Il-Banque Postale ikun jista’ jżid is-sehem tiegħu fil-kapital tal-IKĠ bil-prezz tas-suq iddeterminat minn esperti indipendenti u skont metodi ġeneralment aċċettati f’każijiet komparabbli sabiex is-sehem tiegħu fil-kapital tal-IKĠ ikun finalment ugwali għas-sehem tal-ammont pendenti relatat mal-produzzjoni l-ġdida fil-cover pool ta’ DMA.

(222)

L-ambitu ta’ attività tal-IK ser ikun limitat għall-finanzjament tal-awtoritajiet lokali Franċiżi kif ukoll dak tal-istituzzjonijiet pubbliċi Franċiżi tas-saħħa. Is-self kummerċjali inizjalment ikun irreġistrat fil-bilanċ ta’ La Banque Postale imbagħad trasferit lil DMA taħt kundizzjoni ta’ konformità mal-politika ta’ impenn ta’ DMA (55). Is-self li ma jissodisfax il-kriterji stabbiliti minn dan l-impenn ma jistax ikun trasferit lil DMA.

(223)

L-offerta tal-prodotti tal-IK sejra tkun sempliċi, magħmula minn prodotti “plain vanilla” b’metodi ta’ pprezzar sempliċi u trasparenti. Hija għandha tissodisfa l-kundizzjonijiet deskritti fin-nota awtorizzata pprovduta lill-Kummissjoni fit-8 ta’ Ottubru 2012 (Anness IV – b mehmuż ma’ din id-Deċiżjoni).

(224)

Il-finanzjamenti sejrin ikunu offruti lill-awtoritajiet lokali Franċiżi u lill-istituzzjonijiet pubbliċi Franċiżi tas-saħħa fuq kundizzjonijiet tas-suq li ma jkunux aktar attraenti minn dawk offruti mill-banek kummerċjali l-oħrajn. Dan ikun ifisser li l-IK ma tkunx tista’, fil-komunikazzjonijiet kummerċjali tagħha, tagħmel offerti aktar attraenti mill-prattika tas-suq. Il-fiduċjarju inkarigat mis-sorveljanza ser ikollu wkoll il-kompitu li jiddefinixxi l-metodi li bihom ikun jista’ jikkontrolla l-konformità ma’ dan l-impenn.

(225)

L-attivitajiet tal-IKĠ, ta’ DMA u tal-IK huma awtorizzati għal perjodu ta’ 15-il sena, diment li, fl-aħħar ta’ dan il-perjodu u mingħajr preġudizzju għall-impenn fil-premessa (227) hawn taħt: 1) għall-attivitajiet ta’ finanzjament lill-awtoritajiet lokali, din l-approvazzjoni tiġġedded fl-istess kundizzjonijiet sakemm ikun għadu jeżisti falliment fis-suq; 2) għall-attivitajiet ta’ finanzjament tal-istituzzjonijiet pubbliċi Franċiżi tas-saħħa, it-tiġdid ta’ din l-approvazzjoni tkun tiddependi fuq il-prova ta’ falliment fis-suq.

(226)

Minn perjodu ta’ tliet snin wara d-deċiżjoni finali, l-awtoritajiet Franċiżi jkunu jistgħu jitolbu lill-Kummissjoni tivverifika li l-pjan tan-negozju globali tal-IKĠ, DMA u tal-IK ikun jissodisfa l-istandards ta’ profittabbiltà ta’ bank kummerċjali għat-trasformazzjoni tagħhom, soġġett għal awtorizzazzjoni mill-Kummissjoni, f’bank kummerċjali.

(227)

Ir-rabtiet kuntrattwali ta’ servizzi bejn, minn naħa, il-grupp Dexia u, min-naħa l-oħra, DMA, l-IKĠ u l-IK, sejrin ikunu limitati għal dawk deskritti fin-noti tat-8 u tal-11 ta’ Ottubru 2012, annessi hawn (Annessi IV – c u d mehmuża ma’ din id-Deċiżjoni) u sejrin ikunu ddebitati bil-prezzijiet tas-suq.

(228)

Matul perjodu ta’ ħames snin mid-Deċiżjoni finali, DMA, l-IKĠ u l-IK mhumiex sejrin jixtru jew jinvestu f’xi kumpanija. Dan ikopri kemm il-kumpaniji li għandhom forma legali ta’ kumpanija kif ukoll l-assi kollha li jiffurmaw kumpanija.

(229)

Bl-eċċezzjoni tad-dividendi mħallsa minn DMA lill-IKĠ, DMA, l-IKĠ u l-IK mhumiex sejrin iqassmu l-ebda forma ta’ dividend fuq l-ishma tagħhom sal-31 ta’ Diċembru 2015. DMA, l-IKĠ u l-IK mhumiex sejrin iħallsu kupuni, ħlief jekk ikunu obbligati b’kuntratt minħabba impenn meħud qabel l-14 ta’ Diċembru 2012.

(230)

L-Istat għandu jiżgura li DMA, l-IKĠ u l-IK jikkonformaw mal-leġiżlazzjoni fis-seħħ fir-rigward tal-pagi u s-salarji, speċjalment mal-limiti tas-salarji applikabbli għall-istituzzjonijiet bankarji u mar-restrizzjonijiet li jkunu direttament relatati maż-żamma diretta jew indiretta, mill-Istat tal-kontroll ta’ DMA, l-IKĠ u l-IK. L-Istat jintrabat li jiżgura li DMA, l-IKĠ u l-IK jirrispettaw b’mod strett il-kundizzjonijiet li l-Kummissjoni timponi fuq dan il-punt fil-kuntest tal-implimentazzjoni tar-regoli dwar l-għajnuna mill-Istat.

(231)

F’dan ir-rigward, l-awtoritajiet Franċiżi għandhom jagħmlu l-aħjar użu possibbli mill-fondi pubbliċi f’dak li jirrigwarda l-pagi u s-salarji attribwibbli lill-impjegati tal-banek soġġetti għall-pjan ta’ ristrutturar. B’mod partikolari, l-Istat għandu jara li l-pjan tan-negozju sottomess lill-Kummissjoni (56) jiġi implimentat b’mod rigoruż. L-Istat għandu wkoll jissottometti lill-Kummissjoni proposti dwar it-tnaqqis tal-ispejjeż ġenerali u tal-persunal ta’ DMA, tal-IKĠ u tal-IK jekk, fl-aħħar tas-sena tal-kontijiet inkwistjoni: (i) il-marġni pożittiv ikun aktar minn 20 % inqas mill-mira mħabbra fil-pjan tan-negozju (57); (ii) id-dħul nett (minbarra l-kontinġenzi) ikun aktar minn 25 % inqas mill-mira mħabbra; (iii) jiġi rreġistrat telf fid-dikjarazzjoni tad-dħul; jew (iv) DMA, l-IKĠ jew l-IK ma jibqgħux jilħqu l-proporzjonijiet regolatorji minimi fis-seħħ. Dan l-impenn għandu jkollu effett mir-rapporti finanzjarji kkonsolidati għall-2013.

(232)

Is-self ikkapitalizzat ta’ DMA u li ma jkunx ingħata lill-istituzzjonijiet pubbliċi Franċiżi tas-saħħa jew lill-awtoritajiet lokali Franċiżi jitqiegħed f’ġestjoni estintiva: b’mod partikolari ma jingħata l-ebda self ġdid lil klijenti li ma jaqgħux taħt l-ambitu ta’ attività definit hawn fuq (premessa (222)).

(233)

Is-self mogħti lill-awtoritajiet lokali Franċiżi jew lill-istituzzjonijiet pubbliċi Franċiżi tas-saħħa u kklassifikati barra l-Karta ta’ Gissler jew ikklassifikati E3, E4 jew E5 fil-Karta ta’ Gissler jew li għandhom punteġġ ta’ 11 jew aktar fl-iscoring intern ta’ Dexia (“is-self sensittiv”) għandu jkun soġġett għal desensitizzazzjoni magħmula mill-IKĠ u ffinanzjata minn DMA. Din id-desensitizzazzjoni ser ikollha l-għan li tnaqqis ir-riskju relatat u tkun tista’ tiġi akkumpanjata minn produzzjoni ġdida.

(234)

L-IK mhijiex sejra tikkumerċjalizza finanzjament lill-klijenti li jkollhom self sensittiv u li jkunu f’sitwazzjoni ta’ ammont pendenti jew ta’ litigazzjoni fuq il-bilanċ pendenti ta’ DMA.

(235)

DMA għandha tiffinanzja mill-ġdid is-self mogħti mill-IK kif ukoll dak relatat mal-ammont pendenti eżistenti. Mill-implimentazzjoni taċ-ċessjoni ta’ DMA, il-bilanċ ta’ DMA ser ikun soġġett għal ġestjoni partikolari relatata, l-ewwel nett mal-preżenza ta’ self sensittiv li l-volum globali tiegħu huwa stmat li huwa EUR 9,4 biljun u t-tieni, mat-tqegħid f’ġestjoni estintiva tas-self li ma jikkorrispondix għall-attivitajiet ta’ bank ta’ żvilupp definiti fil-premessa (222) ta’ dawn l-impenni u li l-volum globali tiegħu huwa stmat għal EUR [20-40] biljun fit-30 ta’ Settembru 2012.

(236)

L-Istat Franċiż, is-CDC u La Banque Postale jintrabtu li jipprovdu l-likwidità meħtieġa lill-IKĠ u lil DMA. Dawn il-provvisti ta’ flus sejrin isiru skont il-kundizzjonijiet deskritti fin-nota approvata mogħtija lill-Kummissjoni fit-8 ta’ Ottubru 2012 u mehmuża hawnhekk (Anness IV – a, mehmuża ma’ din id-Deċiżjoni). Fil-każ tas-CDC, dawn il-kontribuzzjonijiet sejrin ikunu limitati għal EUR 12,5 biljun.

(237)

Dexia SA u DCL jieqfu għal kollox milli jipprovdu flus lil DMA u lill-IKĠ meta tiġi ffinalizzata ċ-ċessjoni ta’ DMA.

(238)

L-Istat Franċiż, is-CDC u La Banque Postale jintrabtu li jżommu l-livell ta’ kapital meħtieġ sabiex ilaħħqu mal-possibbiltà ta’ telf fuq il-portafoll eżistenti ta’ DMA. Kull żieda fil-kapital ta’ DMA għandha tiġi nnotifikata lill-Kummissjoni skont ir-regoli dwar l-implimentazzjoni tal-Artikoli 107 u 108 tat-Trattat.

(239)

Fiduċjarju inkarigat mill-monitoraġġ tal-impenji għandu jaġixxi f’isem u għan-nom tal-Kummissjoni u għal dan il-għan ikun jista’ jistaqsi kwalunkwe mistoqsija lill-Istat Franċiż, lis-CDC u lil La Banque Postale, lil DMA, lill-IKĠ jew lill-IK u jikseb kwalunkwe dokument mingħandhom. Huwa għandu jinħatar skont dawn il-kundizzjonijiet:

(240)

Il-missjoni tal-fiduċjarju inkarigat mill-monitoraġġ għandha tkun dik difinita hawn taħt:

(241)

Sakemm iddum l-awtorizzazzjoni tal-attivitajiet tal-bank ta’ żvilupp kif definiti f’dawn l-impenji, l-Istat għandu jibgħat lill-Kummissjoni kull informazzjoni li din tista’ tixtieq sabiex tikkontrolla l-konformità ma’ dawn l-impenji. Fi tmiem il-missjoni tal-fiduċjarju inkarigat mill-monitoraġġ, l-Istat għandu wkoll jagħti lill-Kummissjoni rapport annwali dwar il-konformità mal-impenji msemmija.

(242)

Fid-9 ta’ Ottubru 2011, permezz tas-Société Fédérale de Participations et d’Investissements (SFPI), il-Belġju ppropona lil Dexia SA li jixtri 100 % tal-parteċipazzjoni ta’ dan tal-aħħar f’DBB/Belfius u s-sussidjarji tiegħu, minbarra ta’ DAM, għal ammont fiss ta’ EUR 4 biljun. L-akkwist jinkludi wkoll l-istrumenti tal-portafoll legacy ta’ valur ta’ madwar EUR 18-il biljun.

(243)

Din l-offerta ġiet aċċettata mill-Bord tad-Diretturi ta’ Dexia SA fl-10 ta’ Ottubru 2011.

(244)

Il-ftehim ta’ ċessjoni jinkludi wkoll mekkaniżmu ta’ prezz addizzjonali għal Dexia SA f’każ ta’ possibbiltà ta’ bejgħ mill-ġdid bi qligħ fi żmien 5 snin (imsejjaħ “sehem varjabbli”). Taħt il-mekkaniżmu tas-sehem varjabbli jekk, fi żmien 5 snin mid-data tat-tifdija tal-ishma ta’ DBB/Belfius, dawn jinbiegħu lil xi parti terza (minbarra l-Istat Federali Belġjan, ir-reġjuni Belġjani jew kwalunkwe kumpanija pubblika jew kumpanija kkontrollata minnhom), Dexia SA tirċievi porzjon minn kull qligħ eventwali magħmul mill-Belġju ta’ aktar mill-ammont ta’ 10,5 %. Dan il-porzjon tal-qligħ dovut lil Dexia SA ikun ta’ 100 % f’każ li l-bejgħ isir fl-ewwel 18-il xahar mid-data tal-fidwa. Il-porzjon tal-qligħ dovut lil Dexia SA mbagħad jitnaqqas gradwalment b’6,25 % għal kull sitt xhur.

(245)

Skont in-notifika tal-miżura tal-fidwa ta’ DBB/Belfius, kien ukoll previst li kemm jista’ jkun jitnaqqas il-finanzjament fi ħdan il-grupp ta’ DBB/Belfius lil DCL, li dak iż-żmien kien jammonta għal EUR 53 biljun li minnhom EUR 33 biljun ma kinux iggarantiti (58). Għalhekk, qabel l-iffirmar tal-ftehim ta’ garanzija temporanja fuq ir-rifinanzjament ta’ Dexia u ta’ DCL, kellu jsir ftehim fuq skeda għat-tnaqqis gradwali fil-finanzjament mogħti minn DBB/Belfius lill-grupp Dexia. Hekk kif il-garanzija temporanja tkun implimentata, DCL u Dexia kellhom joħorġu strumenti garantiti mill-Istati Membri kkonċernati, li kellhom iservu parzjalment sabiex jitħallsu lura l-finanzjamenti fi ħdan il-grupp mogħtija minn DBB/Belfius lil DCL u s-sussidjarji tiegħu (59). Skont ittra tas-16 ta’ Diċembru 2011, DBB/Belfius intrabat li jissottoskrivi bonds garantiti mill-Istati Membri kkonċernati maħruġa minn DCL taħt il-garanzija temporanja għal valur ekwivalenti f’kollateral eliġibbli għall-Bank Ċentrali Ewropew ta’ EUR 12-il biljun, filwaqt li DCL intrabat li jalloka dawn il-fondi għall-ħlas lura tal-finanzjamenti mhux garantiti ta’ DBB/Belfius għal ammont nominali ta’ EUR 12-il biljun.

(246)

Fl-aħħar nett, l-Istat Belġjan jaqbel li Dexia tkun immuni kontra kull riskju ta’ telf relatat mal-ammont pendenti fuq Arco, Ethias u l-Holding Communal (azzjonisti ta’ Dexia SA), partikolarment li jirrigwarda 1) parteċipazzjoni jew kull forma oħra ta’ inċentiv tal-imsemmija azzjonisti fil-kapital jew fil-prestazzjoni ta’ DBB/Belfius; jew 2) kwalunkwe riorganizzazzjoni, skedar mill-ġdid jew maħfra ta’ dejn minn DBB/Belfius li jirrigwarda s-self mogħti minn DBB/Belfius jew mis-sussidjarji tiegħu lil xi wieħed jew aktar mill-imsemmija azzjonisti; jew 3) il-konsegwenzi ta’ kwalunkwe sitwazzjoni ta’ kompetizzjoni li tinvolvi entitajiet tal-grupp Arco, Holding Communal jew Ethias.

(247)

L-awtoritajiet Belġjani bagħtu wkoll stima tal-valur ta’ DBB/Belfius magħmula minn espert indipendenti li, abbażi tal-kontijiet ta’ DBB/Belfius fit-30 ta’ Ġunju 2011, jistma l-valur tiegħu għal bejn EUR 3,4 u 4,2 biljun skont il-metodi Price/Earnings (Prezz/Qligħ) multipli u Price/Total book value (Prezz/Valur tal-kontabbiltà) multipli kif ukoll f’firxa bejn EUR 2,8 u 7,2 biljun skont il-metodu Gordon Growth.

(248)

Fis-17 ta’ April 2012, l-awtoritajiet Belġjani informaw lill-Kummissjoni dwar il-mudell kummerċjali ta’ DBB/Belfius. Din l-informazzjoni kienet issupplimentata minn sensiela ta’ ittri u laqgħat bejn is-17 ta’ April 2012 u t-23 ta’ Novembru 2012, imbagħad minn pjan finali ppreżentat fis-26 ta’ Novembru 2012. Din l-informazzjoni tinkludi fost oħrajn:

(249)

It-tabella ta’ hawn taħt turi għal kull sena bejn l-2012 u l-2016 ir-riżultati, il-qligħ u s-solvenza proġettati ta’ DBB/Belfius f’xenarju bażiku.

Tabella 8

Xenarju bażiku ta’ DBB/Belfius – riżultati, qligħ u solvenza proġettati

(250)

DBB/Belfius huwa primarjament attiv fuq is-suq Belġjan tas-servizzi finanzjarji lis-settur pubbliku u parapubbliku (minn hawn ‘il quddiem “Public and Wholesale Banking” jew “PWB”), is-servizzi finanzjarji għall-individwi (minn hawn ‘il quddiem “Retail and Commercial Banking” jew “RCB”) u tal-assigurazzjonijiet. DBB/Belfius għandu sehem mis-suq (61) fil-Belġju ta’ [10 %-15]% fi krediti PWB, ta’ 13 % ta’ tfaddil RCB, ta’ 15 % f’ipoteki RCB, 9,5 % f’assigurazzjonijiet tal-ħajja u 5 % f’assigurazzjonijiet mhux tal-ħajja. DBB/Belfius għandu madwar 3,8 miljun klijent. DBB/Belfius kellu karta tal-bilanċ ta’ EUR 233 biljun fl-aħħar tal-2011 u proporzjon ta’ solvenza Core Tier 1 Basel II ta’ 11,8 % fl-aħħar tal-2011. DBB/Belfius irreġistra telf nett wara t-taxxa ta’ EUR 1,37 biljun fuq l-2011.

(251)

Il-pjan ta’ ristrutturar ta’ DBB/Belfius jipprovdi ċ-ċentrar tal-bank fuq is-swieq ewlenin tiegħu ta’ servizzi finanzjarji lis-settur pubbliku u parapubbliku, is-servizzi finanzjarji għall-konsumaturi u l-assigurazzjonijiet permezz taż-żamma tal-pożizzjoni tiegħu tat-tielet l-akbar attur bħala bank tal-assigurazzjonijiet fil-Belġju. Mhux maħsub xi żvilupp internazzjonali. Skont l-awtoritajiet Belġjani, il-pjan ta’ ristrutturar għandu jwassal għal tnaqqis ta’ 20 % tad-daqs totali tal-bilanċ ta’ DBB/Belfius fil-31 ta’ Diċembru 2016 meta mqabbel mal-31 ta’ Diċembru 2011. It-total tal-bilanċ ta’ DBB/Belfius għandu jammonta għal EUR 185 biljun fl-aħħar tal-2016 meta mqabbel EUR 233 biljun fl-aħħar tal-2011.

(252)

Fuq il-perjodu ta’ ristrutturar 2012-2016, il-grupp DBB/Belfius iqis li jista’ jiġġenera EUR [0,5-3] biljun ta’ qligħ mhux distribwit (62) li għandu jsaħħaħ il-kapital regolatorju tiegħu. Dan il-qligħ għandu jinqasam […] bejn l-impjiegi PWB, RCB u l-assigurazzjoni.

(253)

Il-pjan ta’ ristrutturar jippjana deleveraging kbir u de-risking tal-assi tal-grupp. L-espożizzjoni mhux garantita fuq Dexia tnaqqset għal livell qrib iż-żero minn Marzu 2012. It-titoli bankarji garantiti maħruġa minn DCL li huma miżmuma sejrin jimmaturaw minn issa sal-2015. L-espożizzjoni sovrana u parasovrana sejra titnaqqas. EUR [200-500] miljun tal-baġit (bank u assigurazzjoni) ġew allokati għad-de-risking tal-portafolli.

(254)

Il-proporzjon spejjeż/dħul għandu jilħaq livell ta’ 69 % (bank) minħabba l-isforzi kbar ta’ produttività u kontroll kontinwu tal-ispejjeż. L-ekonomiji ewlenin għandhom isiru permezz ta’ negozjar mill-ġdid tal-kuntratti ta’ servizzi mal-fornituri esterni, it-titjib tal-produttività tal-aġenziji u aġġustament tal-ispejjeż tal-persunal.

(255)

L-għan tal-pjan ta’ ristrutturar huwa li jinżamm is-sehem tas-suq attwali ta’ DBB/Belfius fis-swieq ewlenin tiegħu.

(256)

Rigward is-segment tal-PWB fuq il-perjodu 2012-2016, il-grupp għandu l-ħsieb li jżomm is-sehem tiegħu tas-suq (7,4 % fl-2011) fid-depożiti bi tkabbir annwali konformi ma’ dak tas-suq (3-4 %). Is-self pendenti tal-grupp m’għandux jiżdied, bis-self il-ġdid jikkumpensa dak li jkun immatura. Peress li t-tkabbir annwali tas-suq huwa stmat għal 3-4 %, is-sehem tas-suq ta’ DBB/Belfius għandu jonqos minn [10-15]% fl-aħħar tal-2011 għal [10-15]% fl-aħħar tal-2016. Il-proporzjon tas-self fuq id-depożiti (Loan to Deposit ratio) għaldaqstant għandu jitjieb mekkanikalment u jkun inqas minn […] mill-2013 meta mqabbel ma’ […] fl-2012 u […] fl-2011.

(257)

Il-grupp qed jikkunsidra produzzjoni ġdida ta’ self Public Banking ta’ madwar EUR [2,5-5] biljun fl-2013 u massimu ta’ EUR [2,5-6] biljun għas-snin ta’ wara. Is-self totali pendenti għandu jibqa’ stabbli għal EUR [25-50] biljun. F’dak li jirrigwarda l-prezz propost lill-klijenti fuq is-self, DBB/Belfius uża approċċ aktar konservattiv milli fil-passat li b’mod partikolari jikkunsidra aktar il-prezz tal-likwidità. Dan tal-aħħar qabel kien ikun stabbilit b’rata fissa skont it-tul tas-self. Għalhekk il-prezz propost lill-klijenti kien ikun medja ta’ Euribor+ [100-200] punt bażi fl-ewwel kwart tal-2012 meta mqabbel ma’ Euribor+ [50-150] punt bażi fl-ewwel kwart tal-2011. Dan il-pricing ġdid jiġġenera marġni gross ta’ [0-50] punt bażi. Madankollu, minħabba d-durata għolja tal-krediti ta’ investiment, il-marġni medja fuq l-ammonti pendenti hija mistennija li tiżdied aktar bil-mod biex tilħaq [0-50] punt bażi fl-2016.

(258)

Id-depożiti pendenti għandhom jiżdiedu b’madwar [0-5]% fis-sena u jilħqu EUR [15-25] biljun fl-aħħar tal-2016 meta mqabbla ma’ EUR [15-25] biljun fl-aħħar tal-2012. Il-marġni li tirriżulta mid-depożiti għandha tinżel għal [20-60] punt bażi fl-aħħar tal-2016 meta mqabbla ma’ [30-70] punt bażi fl-2012 u [50-100] punt bażi fl-2011.

(259)

Id-depożiti (kontijiet kurrenti, kontijiet ta’ tfaddil u depożiti għal perjodu qasir) tal-klijenti tal-bank li jipprovdi servizzi lill-konsumatur kienu jammontaw għal EUR 60 biljun fl-aħħar tal-2011. DBB/Belfius ibassar żieda ta’ madwar EUR [0-5] biljun fis-sena sabiex jilħaq pendenti ta’ EUR [50-100] biljun fl-aħħar tal-2016.

(260)

Iż-żieda annwali tal-pendenti tad-depożiti mingħajr maturità fissa (kontijiet kurrenti u kontijiet ta’ tfaddil) għandha tkun ta’ [0-5]%, livell konformi mat-tkabbir annwali tas-suq. Is-sehem mis-suq ta’ DBB/Belfius għandu jibqa’ globalment stabbli bejn l-2011 u l-2016. Bl-eċċezzjoni tas-sena 2012/2013 li matulha DBB/Belfius ibassar marġnijiet […] (bħall-prodotti l-oħrajn proposti lill-klijenti RCB tieghu), il-marġni fuq id-depożiti għal perjodu qasir għandha tistabbilizza għal madwar [25-80] punt bażi fl-2015/2016, livell ftit ogħla minn dak tas-snin 2008-2011.

(261)

DBB/Belfius ibassar produzzjoni annwali ta’ self għall-proprjetà ta’ EUR [0-5] biljun b’marġni inizjali […] ta’ [0-25] punt bażi fl-2012 imbagħad ta’ [5-30] punt bażi fl-2013, livell komparabbli ma’ dak tal-2010/2011. Mill-2014, il-marġni kellu jkun ta’ [10-35] punt bażi. Il-marġnijiet ippjanati fuq il-prodotti l-oħra (self għall-konsumatur, self kummerċjali eċċ.) kellhom ikunu ferm inqas minn dawk li kienu fl-2010/2011. Il-marġnijiet fuq is-self għall-konsumatur għandhom pereżempju jkunu ta’ [150-300] punt bażi meta dawn kienu inklużi bejn [300-450] punt bażi u [450-600] punt bażi fl-2010/2011.

(262)

Is-self pendenti għandu jilħaq EUR [25-50] biljun fl-2016 meta mqabbel ma’ [5-15]-il biljun fl-aħħar tal-2011, jiġifieri żieda ta’ madwar 10 %.

(263)

DBB/Belfius qed jikkunsidra l-għeluq ta’ 41 aġenzija, b’mira ta’ 777 fergħa fl-aħħar tal-2013 meta mqabbla ma’ 818 fl-2011. 500 fergħa sejrin ikunu mibdula f’fergħat miftuħa ( “open branches” ) minn issa sal-aħħar tal-2013 b’mod li jonqsu l-ispejjeż waqt li jiffoka aktar fuq il-ġestjoni tar-relazzjoni kummerċjali u tas-servizzi b’valur kbir miżjud. L-enfasi sejra tkun fuq is-sodisfazzjon tal-klijenti li l-kejl regolari tagħha jippermetti aġġustament tal-valutazzjoni individwali. DBB/Belfius għandu jara li jżomm l-ispejjeż operattivi tiegħu (għall-attivitajiet bankarji kollha) f’livell aktar baxx minn EUR [1 300-1 450] miljun fl-2013 u EUR [1 250-1 400] miljun fl-2014.

(264)

Fir-rigward tal-assigurazzjonijiet, DBB/Belfius għandu jiffoka fuq is-suq Belġjan u għandu jżomm is-sehem tas-suq ta’ 9,5 % f’assigurazzjonijiet fuq il-ħajja u ta’ 5 % f’assigurazzjonijiet mhux tal-ħajja. Is-segment tal-assigurazzjoni tal-ħajja jirrappreżenta 80 % tan-negozju tal-assigurazzjonijiet b’EUR 2,1 biljun tal-primjums tal-assigurazzjoni tal-ħajja miġbura fl-2011 meta mqabbel ma’ EUR 509 miljun għas-segment mhux tal-ħajja. Il-bank ser jibqa’ strument preferut ta’ ġbir ta’ primjums tal-assigurazzjoni.

(265)

It-telf kbir sofrut fl-2011 wara l-implimentazzjoni tal-PSI (63) fil-Greċja kkontribwixxa għad-degradazzjoni tal-proporzjon regolatorju ta’ solvenza (Solvency I). Dan kien ta’ 102 fl-2011. Dan għandu jerġa’ jmur għal 135 mill-2012 u jiżdied gradwalment biex jilħaq livell ta’ […] fl-2016.

(266)

DBB/Belfius ibassar tnaqqis ta’ [0-5] punti mill-proporzjon tiegħu tal-ispejjeż operattivi li fl-2016 għandu jkun ta’ [25-50] għas-segment tal-ħajja u ta’ [10-30] għas-segment mhux tal-ħajja. Dan it-tnaqqis għandu jsir l-aktar permezz tar-razzjonalizzazzjoni tal-proċessi informatiċi. Barra minn hekk, permezz tal-introduzzjoni ta’ politika ġdida ta’ prezzijiet u razzjonalizzazzjoni tal-ġestjoni tal-pretensjonijiet, DBB/Belfius qed ibassar tnaqqis ta’ [5-15]-il punt mill-proporzjon tar-rata ta’ pretensjonijiet minn issa sal-2016.

(267)

F’dak li jirrigwarda s-segment tal-ħajja, DBB/Belfius kien joffri sal-2011 prinċipalment prodotti ta’ kapital garanti (B21) li kien jirrappreżenta [70-80]% tal-pendenti fl-aħħar tal-2011 meta mqabbel ma’ [20-30]% għall-prodotti alternattivi tiegħu B26 u B23 (mhux kapital garantit). DBB/Belfius jikkunsidra […] tal-primjums sottoskritti taħt il-prodotti B21 tiegħu (EUR […] miljun fis-sena meta mqabbel ma’ EUR […] biljun fl-2011) u […] tal-primjums sottoskritti għall-prodotti l-oħrajn kollha. Il-primjums kollha sottoskritti għall-prodotti tal-assigurazzjoni fuq il-ħajja għandhom ikunu inqas minn EUR [0-2,5] biljun fl-2013 u minn EUR [0-3] biljun fl-2014, jekk wieħed jassumi li t-tkabbir tas-suq ikun inqas minn 4 %.

(268)

Il-portafoll tal-investiment ta’ DBB/Belfius Insurance kellu valur nominali ta’ EUR 17-il biljun fil-31 ta’ Diċembru 2011 u ġie investit għal 95 % f’titoli investment grade. Il-politika l-ġdida ta’ allokazzjoni ta’ assi definita għall-2012 timponi klassifikazzjoni minima ta’ AA għall-bonds sovrani ([70-80]% tal-portafoll) u ta’ A għall-obbligi korporattivi ([20-30]% tal-portafoll).

(269)

DBB/Belfius kellu, fil-31 ta’ Diċembru 2011, tliet portafolli tal-investiment (PMG, ALM, DIS) (64) ta’ valur nominali totali ta’ EUR 43 biljun kif ukoll portafoll ta’ strumenti derivattivi b’valur ta’ EUR 12,8 biljun. 95 % tal-portafoll ta’ investiment kien jikkonsisti minn bonds investment grade. Il-bank tal-investiment konsulent imqabbad mill-bank stima fuq il-bażi tal-osservazzjonijiet ta’ 63 % tal-portafoll (l-espożizzjonijiet sovrani fuq il-Belġju u Franza kif ukoll l-espożizzjonijiet żgħar u dawk li mmaturaw fl-2012 kienu esklużi mill-analiżi) li t-telf mistenni ta’ dan il-portafoll kellu jkun matul l-2012-2016 ta’ EUR [350-550] miljun u EUR [800-1 000] miljun fil-każ bażiku u fil-każ ta’ stress rispettivament. Matul il-perjodu 2012-2016, minħabba d-dispożizzjonijiet diġà eżistenti u l-impatt tal-programm ta’ de-risking, dan it-telf mistenni għandu jwassal għal impatt nett ta’ EUR [200-400] miljun fuq id-dikjarazzjoni tad-dħul.

(270)

[25-50]% tal-assi tal-portafoll sejrin ikunu mmaturaw sal-2016. Dakinhar, [75-100]% tal-bonds miżmuma sejrin ikollhom klassifikazzjoni tal-kreditu ugwali għal jew ogħla minn grad ta’ investiment.

(271)

Il-portafoll tad-derivattivi kellu pożizzjoni importanti fis-suq ta’ EUR –[4-10] biljun fil-31 ta’ Marzu 2012 li minnhom aktar minn [75-100]% kienu għad-derivattivi mir-rata tal-imgħax.

(272)

Il-kollateral imqiegħed minn DBB/Belfius sabiex ikopri din il-pożizzjoni fis-suq negattiva kien ta’ EUR [10-20] biljun fil-31 ta’ Marzu 2012, li minnhom EUR [0-5] biljun li mhumiex fil-forma ta’ kollateral fi flus kontanti. Ir-raġuni għad-differenza bejn l-ammont tal-kollateral fi flus kontanti mħallas u l-pożizzjoni importanti fis-suq hija l-ftehimiet unilaterali ta’ swaps (one-sided collateral agreements) konklużi bejn DBB/Belfius u xi wħud mill-kontropartijiet tiegħu u r-rekwiżiti tal-kmamar tal-ikklerjar.

(273)

[40-50]% tad-derivattivi tal-portafoll sejrin jimmaturaw minn issa sal-2016.

(274)

Fil-31 ta’ Marzu 2012 DBB/Belfius kellu bafer ta’ likwidità (liquidity buffer) ta’ EUR [5-15] biljun. L-implimentazzjoni ta’ diversi miżuri (żieda fid-depożiti, ħruġ ta’ bonds ta’ ipoteki, rikors akbar għal finanzjamenti garantiti u mhux garantiti) kellha ttejjeb dan il-bafer ta’ likwidità għal EUR [30-45] biljun sal-2016.

(275)

Bejn is-26 ta’ Ottubru 2011 u l-25 ta’ Jannar 2012, DBB/Belfius naqqas l-espożizzjoni ta’ kreditu nett tiegħu fuq Dexia S.A. minn EUR [25-50] biljun għal EUR [10-30] biljun. Din l-espożizzjoni tnaqqset għal EUR [5-10] biljun fit-2 ta’ Marzu 2012 (65). Fit-2 ta’ Marzu 2012, l-espożizzjoni fi flus kontanti mhux garantita fuq il-grupp Dexia kienet ta’ EUR [600-700] miljun. Din l-espożizzjoni, imbagħad, tnaqqset għal kważi żero fis-7 ta’ Marzu 2012.

(276)

DBB/Belfius implimenta diversi kumitati ta’ riskju li jiddeċiedu dwar kull tranżazzjoni. Hemm tliet livelli ta’ ġerarkija ta’ kumitati li l-kompożizzjoni tagħhom u l-ġurisdizzjoni tagħhom jiddependu minn diversi fatturi, fosthom il-klassifikazzjoni tal-kontroparti, il-kwalità tal-kontroparti (impriża, awtorità lokali, eċċ.) u l-ammont tat-tranżazzjoni.

(277)

L-awtoritajiet Belġjani pprovdew ukoll xenarju ta’ stress sabiex jiddeterminaw ir-reżistenza tal-grupp għal xokkijiet esterni. Din il-prova ta’ stress hija bbażata fil-parti l-kbira tagħha fuq il-metodoloġija ABB u tkejjel ir-reżistenza tal-grupp għal kundizzjonijiet makroekonomiċi u finanzjarji ħżiena. L-aktar affettwati huma l-mudell ta’ negozju tal-bank, ir-riskju ta’ likwidità u ta’ finanzjament tiegħu, ir-riskju ta’ kreditu u r-riskju tas-suq tal-assi miżmuma.

(278)

Ix-xenarju ta’ stress jiddeterjora b’madwar EUR [400-750] miljun id-dħul nett akkumulat qabel it-taxxi bejn l-2012 u l-2016. Dan jistabbilixxi ruħu għal EUR [0-3] biljun kontra EUR [0-3] biljun fil-każ bażiku. Ir-ritorn fuq l-ekwità tal-kontabilità 2016 ikun affettwat biss marġinalment.

(279)

Fil-każ ta’ stress, sal-2016, il-proporzjon Core Tier 1 Basel III ikun ta’ [7,5-15]% (kontra [7,5-15]% fil-każ bażiku). Il-proporzjon CAD jistabbilixxi ruħu għal [7,5-15]% kontra [7,5-15]% fil-każ bażiku. Il-bafer ta’ sigurtà jkun ta’ EUR [20-30] biljun kontra EUR [30-45] biljun fil-każ bażiku.

(280)

Għar-ristrutturar ta’ DBB/Belfius, soġġett għal żmien ieħor imsemmi fl-impenni individwali, Il-Belġju jintrabat li DBB/Belfius għandu jirrispetta, sal-31 ta’ Diċembru 2014, l-impenni li ġejjin (66).

(281)

DBB/Belfius jintrabat li jillimita l-livell assolut tiegħu ta’ miżati u spejjeż operattivi – jiġifieri l-ispejjeż tal-persunal tiegħu u spejjeż oħrajn -:

(282)

DBB/Belfius għandu l-għan li jnaqqas il-livell assolut tiegħu ta’ miżati u spejjeż operattivi jiġifieri l-ispejjeż tal-persunal tiegħu u spejjeż oħrajn – minn EUR [1 350-1 500] miljun fl-2012 għal EUR [1 200-1 350] miljun fl-2016.

(283)

DBB/Belfius ser iwaqqaf l-operazzjonijiet tiegħu. Dan ifisser li DBB/Belfius ser jittratta biss it-tranżazzjonijiet li jew 1) huma meħtieġa sabiex jirċievi, jibgħat jew iwettaq ordnijiet ta’ xiri jew ta’ bejgħ tal-klijenti tiegħu, jew 2) jgħinu lil DBB/Belfius fil-ġestjoni tal-likwidità jew tal-assi u l-passiv. DBB/Belfius mhuwiex ser joħloq pożizzjonijiet għalih stess, ħlief jekk dawn iseħħu minħabba li DBB/Belfius, pereżempju, ma jwettaqx l-ordnijiet tal-klijenti tiegħu minnufih. Il-pożizzjonijiet ta’ dan it-tip u l-pożizzjonijiet ta’ ġestjoni tal-likwidità jew tal-assi u l-passiv jittieħdu biss jekk ma jikkompromettux il-vijabbiltà tal-bank u/jew tal-likwidità tiegħu. Dan huwa kompletament konformi mar-rakkomandazzjonijiet li jinsabu fir-rapport tal- “High-level Expert Group on reforming the structure of the EU Banking sector” .

(284)

DBB/Belfius 1) ser isegwi politika kummerċjali għaqlija u prudenti bbażata fuq il-prinċipju ta’ sostenibbiltà, u 2) ser jirrevedi l-adegwatezza tas-sistemi interni ta’ inċentivi fil-kuntest tar-rekwiżiti legali u regolatorji u jiżgura li ma jipprovdux tentazzjonijiet li jittieħdu riskji inaċċettabbli u jkunu trasparenti u ffukati fuq miri fit-tul u sostenibbli.

(285)

DBB/Belfius ser itejjeb ukoll il-governanza tiegħu ta’ ġestjoni tar-riskji u tal-likwidità. Belfius diġà stabbilixxa linji gwida sabiex jiżgura ġestjoni prudenti tal-likwidità fil-futur, fosthom 1) miri ċari għal-linji tan-negozju fil-livell tal-użu tal-valutazzjonjiet, il-ġbir tad-depożiti, u l-kwalità tal-garanziji pprovduti; 2) l-implimentazzjoni ta’ inċentivi ċari (spiża jew bonus tal-likwidità) għal-linji tan-negozju. DBB/Belfius ser itejjeb ukoll il-proċessi u l-governanza għal likwidità ċentralizzata b’miri ċari u linji gwida ċari.

(286)

DBB/Belfius mhu ser iqassam l-ebda forma ta’ dividendi fuq l-ishma tiegħu.

(287)

DBB/Belfius mhu ser jagħmel l-ebda rimborż diskrezzjonali antiċipat jew ħlas ta’ kupuni fuq strumenti 1) maħruġa minn DBB/Belfius qabel l-20 ta’ Ottubru 2011, 2) miżmuma minn persuni jew entitajiet oħrajn minbarra DBB/Belfius, u 3) li l-ħlas jew it-twettiq tagħhom huwa diskrezzjonali b’applikazzjoni tad-dispożizzjonijiet kuntrattwali relatati ma’ dawn l-istrumenti.

(288)

Dan l-impenn:

(289)

DBB/Belfius mhux ser jakkwista jew jieħu interess f’kumpaniji sal-31 ta’ Diċembru 2014. Dan ikopri kemm l-impriżi li għandhom forma legali ta’ kumpanija kif ukoll l-assi kollha li jiffurmaw kumpanija. Minkejja din il-projbizzjoni, DBB/Belfius ikun jista’ jakkwista interess f’impriżi sakemm il-prezz tax-xiri mħallas għal tali akkwist ma jaqbiżx iż-0,01 % tal-bilanċ ta’ DBB/Belfius fid-data ta’ din id-Deċiżjoni u l-prezz tax-xiri mħallas akkumulat għall-akkwisti kollha ta’ din ix-xorta fuq il-perjodu kollu ta’ ristrutturar ma jaqbiżx iż-0,025 % tal-bilanċ tiegħu fid-data ta’ din id-Deċiżjoni. Il-projbizzjoni ma tapplikax għall-akkwisti li 1) isiru fl-iżvolġiment normali tan-negozju bankarju fil-ġestjoni ta’ tilwim eżistenti fir-rigward ta’ kumpaniji f’diffikultà, jew 2) li jsiru skont l-operazzjonijiet ta’ private equity.

(290)

DBB/Belfius ser joqgħod lura milli jagħmel kampanji pubbliċi ta’ komunikazzjoni kummerċjali li tippreżenta l-miżuri storiċi ta’ għajnuna mill-Istat bħala vantaġġ kompetittiv u DBB/Belfius mhux ser jirreklama l-parteċipazzjoni tal-Istat fih jew jirreferi għal kwalunkwe appoġġ finanzjarju li jingħata mill-Istat fil-komunikazzjonijiet tiegħu lill-klijenti u/jew investituri eżistenti jew potenzjali. Minkejja din il-projbizzjoni, DBB/Belfius jista’ jirreferi għall-fatt li huwa proprjetà tal-Istat u għal kwalunkwe appoġġ ieħor mill-Istat li jkun ingħata meta din ir-referenza tkun meħtieġa mid-dispożizzjonijiet legali jew regolatorji applikabbli.

(291)

Belfius ser jikkonforma mal-liġijiet fis-seħħ fir-rigward tal-pagi u s-salarji, b’mod partikolari mal-limiti tal-pagi applikabbli għall-istituzzjonijiet bankarji. Belfius ser jikkonforma mal-kundizzjonijiet li l-Kummissjoni timponi fuq dan il-punt taħt l-implimentazzjoni tar-regoli dwar l-għajnuna mill-Istat.

(292)

Belfius ser jiżgura wkoll li jagħmel l-aħjar użu possibbli mill-fondi pubbliċi f’dak li jirrigwarda l-pagi u s-salarji attribwibbli lill-persunal. B’mod partikolari, Belfius ser jara li jillimita sal-minimu legali l-ammont ta’ benefiċċji tat-tluq, filwaqt li jibqa’ flessibbli sabiex iwettaq il-miri tal-Pjan Strateġiku.

(293)

Belfius ser jissottometti lill-Kummissjoni proposti dwar it-tnaqqis tal-ispejjeż ġenerali u tal-persunal tal-grupp jekk, fl-aħħar tas-sena finanzjarja inkwistjoni, (i) id-dħul bankarju nett kellu jkun aktar minn 20 % inqas mill-mira mħabbra; jew (ii) id-dħul gross operattiv kellu jkun aktar minn 25 % inqas mill-mira mħabbra; u fi kwalunkwe każ jekk (i) jiġi rreġistrat telf fid-dikjarazzjoni tad-dħul; jew (ii) l-entità ma tibqax tissodisfa r-rekwiżiti regolatorji minimi fis-seħħ għas-solvenza. Dan l-impenn ser ikun effettiv biss għall-kontijiet annwali tas-snin 2013 u 2014.

(294)

DBB/Belfius jintrabat li jillimita l-produzzjoni l-ġdida tiegħu ta’ self Public Banking għal massimu ta’ EUR [2,5-5] biljun għall-2013 u EUR [2,5-5] biljun għall-2014. Jekk it-tkabbir tas-suq taqbeż ir-rata normali ta’ tkabbir annwali ta’ 4 % fis-suq tas-self Public Banking fil-Belġju fl-2013, dan l-ammont jista’ jiġi aġġustat bl-approvazzjoni minn qabel tal-Kummissjoni. Għal kull tkabbir ta’ 0,1 % addizzjonali tas-suq fl-2013 li jaqbeż ir-rata normali ta’ tkabbir annwali ta’ 4 %, il-limitazzjoni ta’ produzzjoni ġdida sejra tiżdied b’EUR [25-75] miljun fl-2014.

(295)

DBB/Belfius jintrabat li jillimita l-produzzjoni l-ġdida tiegħu fi primjums gross ta’ prodotti tal-assigurazzjoni tal-ħajja għal massimu ta’ EUR [0-2,5] biljun għall-2013 u għal massimu ta’ EUR [0-3] biljun għall-2014. Jekk it-tkabbir tas-suq jaqbeż ir-rata normali ta’ tkabbir annwali ta’ 4 % fis-suq tal-prodotti tal-assigurazzjoni tal-ħajja fil-Belġju u fil-Lussemburgu fl-2013, dan l-ammont jista’ jiġi aġġustat bl-approvazzjoni minn qabel tal-Kummissjoni. Għal kull tkabbir addizzjonali ta’ 0,1 % tas-suq fl-2013 li jaqbeż ir-rata normali ta’ tkabbir annwali ta’ 4 %, il-limitazzjoni ta’ produzzjoni ġdida tiġi miżjuda b’EUR [0- 50] miljun fl-2014.

(296)

Fit-30 jum ta’ xogħol ta’ kull sena u kull sitt xhur, jew kif miftiehem mod ieħor mal-Kummissjoni, l-espert indipendenti għandu jissottomettu abbozz ta’ rapport miktub bl-Ingliż jew bil-Franċiż lill-Kummissjoni u lill-awtoritajiet Belġjani, li jagħti lil kull wieħed l-opportunità li jippreżentaw il-kummenti tagħhom fi żmien għaxart ijiem ta’ xogħol. Fi żmien għaxart ijiem ta’ xogħol wara li jaslu dawn il-kummenti, l-espert indipendenti għandu jħejji rapport finali u jissottomettih lill-Kummissjoni, li jikkunsidra, jekk ikun possibbli u fid-diskrezzjoni sħiħa tiegħu l-kummenti ppreżentati. L-espert indipendenti għandu jibgħat ukoll kopja tar-rapport finali lill-awtoritajiet Belġjani. L-espert indipendenti jista’ jitlob l-awtorizzazzjoni tal-Kummissjoni sabiex juża data oħra, jekk l-ammont ta’ xogħol operattiv jagħmel id-data ta’ preżentazzjoni tar-rapporti impossibbli.

(297)

Ir-rapport għandu jkopri l-ħlas mill-espert indipendenti tal-obbligi tiegħu skont il-mandat tiegħu u r-rispett tal-impenji msemmija hawn fuq.

(298)

Għandu jinħatar espert indipendenti li jirrapporta kull sitt xhur lill-Kummissjoni dwar il-konformità mal-impenji deskritti fil-premessi (281) sa (295). L-espert indipendenti għandu jkun indipendenti, ikollu l-kwalifiki meħtieġa, u ma jkun hemm ebda kunflitt ta’ interess matul it-twettiq tal-mandat tiegħu.

(299)

Sa mhux aktar tard minn xahar wara l-adozzjoni ta’ din id-Deċiżjoni, l-awtoritajiet Belġjani għandhom jissottomettu lill-Kummissjoni, għall-approvazzjoni, lista ta’ persuna waħda jew aktar li jipproponu għall-ħatra bħala espert indiipendenti. Il-Kummissjoni għandu jkollha d-diskrezzjoni li tapprova jew tirrifjuta l-fiduċjarju jew il-fiduċjarji proposti li għandhom ikunu indipendenti minn Belfius. Jekk il-Kummissjoni tirrifjuta l-fiduċjarju jew il-fiduċjarji proposti, l-awtoritajiet Belġjani jkollhom xahar min-notifika ta’ dan ir-rifjut sabiex jipproponu kandidati ġodda li għandhom ikunu approvati jew irrifjutati mill-ġdid mill-Kummissjoni. Jekk dawn ukoll ikunu rrifjutati mill-Kummissjoni, il-Kummissjoni għandha tinnomina espert indipendenti, li l-awtoritajiet Belġjani għandhom jaħtru jew jaraw li jinħatar, skont mandat approvat mill-Kummissjoni.

(300)

L-espert indipendenti għandu jassumi d-dmirijiet imposti fuqu sabiex jiżgura l-konformità mal-impenji. Il-Kummissjoni tista’, fuq inizjattiva tagħha stess jew fuq talba tal-espert indipendenti, tagħti ordnijiet u struzzjonijiet lill-espert indipendenti sabiex tiżgura l-konformità mal-kundizzjonijiet u l-obbligi marbuta ma’ din id-Deċiżjoni.

(301)

L-espert indipendenti għandu:

(302)

Jekk l-espert indipendenti ma jkomplix iwettaq il-funzjonijiet taħt l-imenji tiegħu, jew għal xi raġuni oħra, inkluż l-espożizzjoni tal-espert indipendenti għal xi kunflitt ta’ interess:

(303)

Jekk l-espert indipendenti jkun eskluż taħt il-premessa (302), jista’ jkun meħtieġ minnu li jkompli l-funzjoni tiegħu sal-istabbiliment ta’ espert indipendenti ġdid li lilu l-espert indipendenti eskluż ikun trasferixxa l-informazzjoni kollha rilevanti. L-espert il-ġdid indipendentii għandu jinħatar skont il-proċedura msemmija fil-premessa (298).

(304)

Minbarra l-iżgumbrament ippjanat fil-premessa (302), l-espert indipendenti ma jieqafx jaġixxi bħala espert indipendenti ħlief wara li l-Kummissjoni tkun neħħietu mill-karigi tiegħu, wara li l-impenji kollha assenjati lill-espert indipendenti jkunu ġew issodisfati.

(305)

Fil-21 ta’ Ottubru 2011, il-Belġju nnotifika lill-Kummissjoni dwar miżura ta’ rikors għal DBB/Belfius għall-ELA pprovduta b’garanzija mill-Istat Belġjan, sabiex jippermetti lil DBB/Belfius jagħti finanzjamenti lil DCL.

(306)

Mill-5 ta’ Ottubru 2011, il-BNB ipprovda lil DBB/Belfius fondi taħt l-ELA. Skont il-liġi tat-22 ta’ Frar 1998 li tistabbilixxi l-istatus organiku tal-Banque Nationale tal-Belġju, l-Istat Belġjan jiggarantixxi lil BNB ir-rimborż ta’ kwalunkwe kreditu mogħti bħala parti mill-kontribut tiegħu għall-istabilità tas-sistema finanzjarja u jiggarantixxi lil BNB kontra kwalunkwe telf imġarrab wara kull operazzjoni meħtieġa f’dan ir-rigward. Din il-garanzija hija infurzabbli.

(307)

Fis-6 ta’ Ottubru 2011, il-Kunsill governattiv tal-BCE ma qajjimx oġġezzjoni għall-miżura ta’ ELA mill-BNB u l-Banque de France (Bank ta’ Franza, minn hawn ‘il quddiem “BdF”), fil-limitu tal-ammont ta’ EUR […] biljun lil DBB/Belfius u lil DCL.

(308)

Skont l-awtoritajiet Belġjani, il-BNB u l-BdF qablu li jaqsmu ugwalment ir-riskji u d-dħul nett tal-ELA mogħtija lill-grupp Dexia. Din l-ELA tibbenefika minn garanzija tal-BNB fuq it-talbiet mhux eliġibbli ta’ DBB/Belfius u tal-BdF fuq ir-riċevibbli u t-titoli mhux eliġibbli ta’ DCL, li għalihom huma applikati haircuts “xierqa”. Il-livell ta’ dawn il-haircuts ma kienx indikat lill-Kummissjoni.

(309)

It-tabella t’hawn taħt, mill-ewwel notifika tal-ewwel pjan ta’ riżoluzzjoni (is-suġġett tad-Deċiżjoni tal-estensjoni tal-proċedura) tinkludi elementi li jirrigwardaw id-data tal-għotja, l-ammont u l-maturità tal-ELA mogħtija mill-BNB lil DBB/Belfius sas-17 ta’ Ottubru 2011. Deskrizzjoni dettaljata tal-kundizzjonijiet tal-ELA tinstab fin-notifika tal-Belġju tal-21 ta’ Ottubru 2011.

(310)

F’dokument tal-awtoritajiet Belġjani tad-29 ta’ Ġunju 2012 bi tweġiba għal xi mistoqsijiet tal-Kummissjoni magħmula f’April, Mejju u Ġunju 2012 dwar il-pjan tan-negozju ta’ Belfius tinstab tabella li tindika l-ELA favur DBB/Belfius, inkluż matul perjodu wara l-akkwist tiegħu mill-Istat Belġjan.

Figura 7

Livell ta’ ELA lil DBB/Belfius mill-5 ta’ Ottubru sal-1 ta’ Frar 2012

(…)

(311)

L-ammonti massimi mogħtija mill-BNB lil DBB/Belfius kienu joqorbu l-EUR […] biljun fl-aħħar ta’ Novembru/bidu ta’ Diċembru 2012. Dawn naqsu mill-bidu tas-sena 2012 u spiċċaw fl-1 ta’ Frar 2012 (67).

(312)

Għandu jiġi nnutat li l-grupp Dexia m’għadux jibbenefika mill-ELA permezz ta’ DBB/Belfius minn meta din l-entità nbiegħet lill-Istat Belġjan fl-20 ta’ Ottubru 2011.

(313)

Fin-notifika tagħhom tal-21 ta’ Ottubru 2011 dwar l-ELA tal-BNB lil DCL bħala parti mill- “ELA Framework Agreement” tal-5 ta’ Ottubru 2011 bejn NBB u DBB, l-awtoritajiet Belġjani indikaw l-eżeistenza ta’ ftehim proviżorju dwar il-qsim tad-dħul u l-ispejjeż relatati mal-ELA:

(314)

Wara mistoqsija bil-posta elettronika tas-servizzi tal-Kummissjoni fid-19 ta’ April 2012 lill-awtoritajiet Belġjani dwar il-qsim indaqs tar-riskji u tad-dħul tal-ELA bejn il-bank ċentrali Belġjan u dak Franċiż, l-awtoritajiet Belġjani indikaw l-eżistenza ta’ ftehim ta’ garanzija ffirmat miż-żewġ banek ċentrali fit-2 ta’ Frar 2012.

(315)

Wara ittra tal-14 ta’ Mejju 2012 mis-servizzi tal-Kummissjoni lill-awtoritajiet Belġjani u dawk Franċiżi, il-Belġju u Franza bagħtu lis-servizzi tal-Kummissjoni, fis-16 ta’ Mejju 2012, kopja tal-ftehim tat-2 ta’ Frar 2012. Skont dan il-ftehim:

“ Meta jitqies li l-BdF u l-BNB ftiehmu li, f’każ li jkun meħtieġ, jagħtu krediti rispettivament lil Dexia Crédit Local (DCL) u lil Dexia Banque Belgique (DBB) sabiex jipprovdu likwidità ta’ emerġenza għall-benefiċċju tal-imsemmija istituzzjonijiet ta’ kreditu u sabiex jaqsmu l-prodotti u kull telf li jirriżultaw skont l-iskema ta’ qsim ta’ 50 % għall-BNB u 50 % għall-BdF;

(…)

Il-Banque de France:

(…)

(…)

Il-Banque nationale de Belgique:

(…)

(316)

L-Istati Membri kkonċernati indikaw li l-ammonti massimi mogħtija mill-BdF lil DCL kienu madwar EUR […] biljun fl-aħħar ta’ Diċembru 2011. L-ammonti massimi mogħtija mill-BdF mit-2 ta’ Frar 2012 kienu ta’ EUR […] biljun (fil-bidu ta’ Frar 2012).

(317)

Il-Kummissjoni fetħet proċedura fuq l-akkwist ta’ DBB/Belfius mill-Istat Belġjan, peress li deherilha li din l-operazzjoni setgħet tinkludi għajnuna mill-Istat inkompatibbli mas-suq intern.

(318)

Il-Kummissjoni nnutat li l-prezz tal-akkwist imħallas mill-Istat Belġjan sabiex jikseb l-ishma kollha ta’ DBB/Belfius kien ivvalutat abbażi ta’ dejta tal-karta tal-bilanċ u d-dikjarazzjoni tad-dħul tal-bank fit-30 ta’ Ġunju 2011, li ma jinkludux l-impatt negattiv tal-iżviluppi reċenti fis-sitwazzjoni finanzjarja ta’ DBB/Belfius (l-irtirar tad-depożiti u l-aħħar żieda fil-finanzjament fi ħdan il-grupp li kienet meħtieġa minħabba l-istabbiliment ta’ garanziji fi flus kontanti li jkopru t-tranżazzjonijiet fuq id-derivattivi). Barra minn hekk, il-valutazzjoni hija bbażata fuq il-previżjonijiet finanzjarji relatati ma’ DBB/Belfius u li ngħataw minn Dexia mingħajr ma dan wettaq il-verifiki minn qabel li ġeneralment isiru għal dan it-tip ta’ operazzjoni. Il-Kummissjoni enfasizzat ukoll li l-akkwist huwa assoċjat ma’ sensiela ta’ parametri li jistgħu jirriżultaw minħabba li l-prezz imħallas mhuwiex konformi mal-prinċipju tal-investitur f’ekonomija tas-suq, fosthom il-fatt li mekkaniżmu ta’ qsim tal-qligħ jiġi attivat jekk DBB/Belfius jinbiegħ bi qligħ lil xi investitur ieħor fi żmien ħames snin u li l-Istat Belġjan iħares lil Dexia kontra kull telf li jista’ jirriżulta mid-diffikultajiet li jistgħu jiltaqgħu magħhom xi wħud mill-azzjonisti tiegħu (Arco, Ethias u l-Holding Communal). Għaldaqstant, il-Kummissjoni ma kinitx konvinta li l-prezz imħallas mill-Istat Belġjan, flimkien ma’ miżuri oħrajn favur Dexia matul id-diskussjoni ma’ dan tal-aħħar (b’mod partikolari l-garanzija ta’ rifinanzjament), huwa xieraq u jassigura qsim xieraq tal-piżijiet.

(319)

Barra minn hekk, il-Kummissjoni osservat li anki jekk ix-xiri ta’ DBB/Belfius jikkontribwixxi sabiex il-vijabbiltà tiegħu tiġi stabbilita mill-ġdid, din il-miżura hija marbuta maż-żamma tal-finanzjament sa dakinhar “fi ħdan il-grupp” ta’ DBB/Belfius lil Dexia u lis-sussidjarji tiegħu, għal ammonti li jirrappreżentaw madwar 24 % tal-bilanċ ta’ DBB/Belfius. Dawn id-dispożizzjonijiet jistgħu jkunu ta’ piż kbir fuq il-profittabbiltà futura u s-sostenibbiltà fit-tul ta’ DBB/Belfius kieku l-bqija tal-grupp kellu jirreġistra telf fil-futur. Barra minn hekk, għal Dexia, l-akkwist ta’ DBB/Belfius mhuwiex fih innifsu biżżejjed sabiex jistabbilixxi mill-ġdid il-vijabbiltà fit-tul tal-grupp kollu ta’ Dexia, li wassal għall-miżuri l-oħrajn attwalment ikkunsidrati mill-Istati Membri kkonċernati.

(320)

Barra minn hekk, il-Kummissjoni nnutat li l-miżura ta’ akkwist ta’ DBB mill-Istat Belġjan kienet parti minn qafas usa’ ta’ miżuri ġodda favur Dexia SA li dwarhom hija ma kienet irċeviet l-ebda informazzjoni preċiża meta fetħet il-proċedura ta’ investigazzjoni dwar il-bejgħ ta’ DBB.

(321)

Fl-aħħar nett, l-awtoritjaiet Belġjani talbu lill-Kummissjoni li teħles lil DBB/Belfius (wara l-akkwist), safejn ikun possibbli, mill-impenji li jinsabu fil-pjan ta’ ristrutturar ta’ Dexia approvat mill-Kummissjoni fid-Deċiżjoni tagħha ta’ awtorizzazzjoni kondizzjonali. Il-Kummissjoni indikat li għalhekk, jekk jinstab li x-xiri ta’ DBB/Belfius jinkludi elementi ta’ għajnuna mill-Istat, jista’ ma jkunx hemm rimedju għad-distorsjonijiet tal-kompetizzjoni kkawżati minn din l-għajnuna peress li l-awtoritajiet Belġjani ma jipproponu l-ebda miżura għal dan. Rigward Dexia u s-sussidjarji tiegħu, il-Kummissjoni ddikjarat fid-Deċiżjoni tal-ftuħ tagħha dwar il-bejgħ ta’ DBB li ma kinitx f’pożizzjoni li tistabblixxi jekk setax jinstab rimedju xieraq għal kwalunkwe distorsjoni tal-kompetizzjoni kkawżata mill-elementi possibbli ta’ għajnuna tal-miżura.

(322)

Fid-Deċiżjoni ta’ awtorizzazzjoni temporanja għal garanzija temporanja ġdida ta’ rifinanzjament favur Dexia SA u DCL, il-Kummissjoni fetħet proċedura ġdida ta’ investigazzjoni, meta qieset li “il-garanzija temporanja ta’ rifinanzjament, bħax-xiri ta’ DBB u miżuri oħrajn ta’ għajnuna li ġejjin, jikkostitwixxu għajnuna addizzjonali li tibdel b’mod sostanzjali l-kundizzjonijiet tar-ristrutturar” approvata mid-Deċiżjoni ta’ awtorizzazzjoni kondizzjonali.

(323)

Wieħed mill-elementi ewlenin ta’ dan il-pjan kien il-bejgħ ta’ DMA lil entità ġdida, awtorizzata bħala istituzzjoni ta’ kreditu u li l-azzjonisti tagħha kellhom ikunu CDC, DCL u l-Istat Franċiż.

(324)

Barra minn hekk, il-Kummissjoni saret taf b’evidenza li tissuġġerixxi li l-kontribuzzjoni ta’ Arcofin għar-rikapitalizzazzjoni ta’ Dexia, approvata mid-Deċiżjoni kondizzjonali, ġiet deċiża fuq il-bażi ta’ skema ta’ garanzija tal-Istat Belġjan favur azzjonisti individwali fil-kooperattivi finanzjarji, fosthom dawk ta’ Arcofin. Fid-dawl ta’ dawn l-elementi, il-Kummissjoni tikkunsidra li l-konklużjonijiet tagħha fid-Deċiżjoni ta’ approvazzjoni kondizzjonali, li skonthom il-kontribuzzjoni ta’ Arcofin mhijiex għajnuna mill-Istat minħabba li ma tinvolvix riżorsi tal-Istat, jistgħu jkunu bbażati fuq informazzjoni żbaljata.

(325)

Fid-Deċiżjoni tal-estensjoni tal-proċedura, il-Kummissjoni fetħet proċedura ta’ investigazzjoni formali wara diversi nuqqasijiet ta’ Dexia fir-rigward tal-konformità ma’ ċerti impenji stabbiliti fid-Deċiżjoni kondizzjonali (ara l-premessa (47) ta’ din id-Deċiżjoni).

(326)

Fil-21 u fit-22 ta’ Marzu 2012, l-Istati Membri kkonċernati nnotifikaw lill-Kummissjoni l-ewwel verżjoni tal-pjan ta’ riżoluzzjoni ordnata tal-grupp Dexia. Id-Deċiżjoni li testendi l-proċedura prevista fl-Artikolu 108(2) tat-TFUE tirrigwarda din l-ewwel verżjoni tal-pjan ta’ riżoluzzjoni ordnata tal-grupp Dexia.

(327)

Skont il-Kummissjoni, l-ewwel verżjoni tal-pjan ta’ riżoluzzjoni ordnata kien jinkludi l-għajnuna potenzjali li ġejja:

Il-Kummissjoni tinnota li xi wħud minn dawn il-miżuri ġew abbandunati u ma jidhrux fil-verżjoni finali tal-pjan ta’ riżoluzzjoni.

(328)

L-estensjoni tal-proċedura għall-pjan ta’ riżoluzzjoni kienet immotivata mill-fatt li l-Kummissjoni kellha dubji serji fuq il-kompatibbiltà mas-suq intern ta’ din l-għajnuna marbuta mal-pjan ta’ ristrutturar ordnat ta’ Dexia. Fil-fatt, hija wriet dubji dwar kemm il-pjan ta’ riżoluzzjoni ordnata huwa xieraq, kemm jillimita l-għajnuna għall-minimu meħtieġ u kemm fih miżuri suffiċjenti sabiex jikkompensaw għad-distorsjoni tal-kompetizzjoni li tirriżulta minnha. Bħala parti mill-operazzjoni DMA, fuq perjodu li jista’ jdum sal-2020, hemm rabtiet strutturali bejn il-grupp Dexia u l-istruttura l-ġdida ta’ DMA, filwaqt li DCL ikompli jiffinanzja mill-ġdid is-self ipotekarju addizzjonali iġġenerat mill-istruttura l-ġdida.

(329)

Minflok ma tqiegħed f’riżoluzzjoni proprja b’għajnuna limitata għall-minimu meħtieġ, Dexia kompla għalhekk jipparteċipa fil-produzzjoni ta’ self ġdid u joħroġ bonds ġodda.

(330)

Barra minn hekk, l-ewwel verżjoni tal-pjan ta’ riżoluzzjoni ordnata kienet ibbażata fuq garanzija “permanenti” tal-Istati Membri kkonċernati, li l-ispiża tagħha kien jidher wisq baxx meta wieħed iqis li l-grupp Dexia kien ser jiġġenera self ġdid u joħroġ dejn ġdid fuq perjodu ta’ żmen sostanzjali.

(331)

Dexia jiċħad li naqas mill-impenji pprovduti mid-Deċiżjoni ta’ approvazzjoni kondizzjonali.

(332)

B’mod partikolari, Dexia jindika li huwa għamel iċ-ċessjonijiet previsti “qabel l-iskeda” u li d-deleveraging tal-portafoll tal-bonds kien aktar mgħaġġel minn kemm kien previst (68). Barra minn hekk, Dexia jindika li huwa llimita l-produzzjoni tiegħu ta’ self ġdid għal inqas mil-limiti stabbiliti mill-pjan ta’ ristrutturar (69).

(333)

Il-fatt li ma ntlaħqitx il-mira ta’ tnaqqis tal-karta tal-bilanċ ta’ Dexia fil-31 ta’ Diċembru 2010 huwa dovut għall-varjazzjonijiet fil-parità tar-rata tal-kambju (euro/dollar) u dan ġie korreġut mill-31 ta’ Marzu 2011, jiġifieri tliet xhur qabel l-iskadenza permessa mill-punt 18.d tal-impenji.

(334)

Dexia jargumenta li kwalunke differenza mill-impenji misjuba mill-espert indipendenti wara Ottubru 2011 hija dovuta għad-diffikultajiet li huwa sab f’Ottubru 2011 (li min-naħa tagħhom għandhom jiġu kkorelati mad-deterjorament tal-kriżi tad-dejn sovran li wassal għal nuqqas akbar ta’ fiduċja tal-investituri fir-rigward tal-kontropartijiet bankarji) u għall-profil tiegħu ta’ likwidità vulnerabbli.

(335)

Huwa jiddikjara li wara Ottubru 2011, il-miri tal-pjan ta’ ristrutturar ta’ Dexia ta’ Frar 2010 ma baqgħux possibbli li jintlaħqu u għaldaqstant Dexia ma jistax jiġi akkużat li ma kkonformax, wara Ottubru 2011, mal-impenji previsti mid-Deċiżjoni ta’ approvazzjoni kondizzjonali.

(336)

Dexia jenfasizza wkoll li l-pjan rivedut ta’ riżoluzzjoni ordnata jwieġeb il-mistoqsijiet kollha tal-Kummissjoni fid-Deċiżjonijiet ta’ ftuħ u ta’ estensjoni tal-proċedura tagħha, u huwa konformi mal-“qafas temporanju”.

(337)

Bi tweġiba għall-osservazzjoni tal-Kummissjoni fil-premessa 275 tad-Deċiżjoni ta’ estensjoni tal-proċedura tagħha dwar il-karattru insuffiċjenti u wisq inċert tal-informazzjoni kkommunikata dwar il-garanzija “finali” ta’ rifinanzjament fin-notifika tal-pjan ta’ riżoluzzjoni ordnata sabiex tivvaluta l-adegwatezza tal-garanzija msemmija, Dexia jindika li l-kundizzjonijiet u t-termini tal-garanzija ġew speċifikati f’dokument tat-8 ta’ Novembru 2012 mehmuż bħala Anness 18 tal-pjan rivedut ta’ riżoluzzjoni ordnata, u huma mqassra fil-parti IV.B.2.b) tal-pjan rivedut ta’ riżoluzzjoni ordnata.

(338)

Skont Dexia, in-nuqqas ta’ produzzjoni ġdida tal-entitajiet imqiegħda f’ġestjoni estintiva (b’mod partikolari ta’ DCL, Dexia Sabadell u, fil-każ fejn ma sseħħx ċessjoni lil parti terza, ta’ Crediop) fil-pjan rivedut ta’ riżoluzzjoni ordnata ta’ Dexia tkun tali li tqajjem id-dubji espressi mill-Kummissjoni fil-premessa 281 tad-Deċiżjoni ta’ estensjoni tal-proċedura dwar il-merti ta’ remunerazzjoni inqas minn dik preskritta mill-Anness għall-komunikazzjoni ta’ estensjoni tal-2011.

(339)

Il-bank jenfasizza li l-Kummissjoni ma għadx għandha għalfejn tinkwieta (70) dwar dak li kien ippjanat oriġinarjament li l-garanzija finali tkopri self eżistenti (l-EMTNs u s-self tal-BEI fi Crediop), kontra l-prinċipju ta’ limitazzjoni tal-għajnuna għall-minimu meħtieġ u ta’ kontribuzzjoni proprja tal-benefiċjarju minħabba li l-bank jinsab meħlus mir-riskju marbut ma’ finanzjament preġeżistenti. Dan it-tħassib m’għadx hemm loku peress li l-garanzija finali kif prevista fil-pjan rivedut ta’ riżoluzzjoni ordnata mhijiex sejra tkopri l-EMTNs jew strumenti eżistenti oħrajn.

(340)

Dexia jiġġustifika l-limitu ta’ EUR 85 biljun tal-garanzija finali bil-fatt li dan il-livell huwa neċessarju sabiex jiġi żgurat il-massimu tal-ħtiġijiet ta’ finanzjament ta’ Dexia f’xenarju ta’ stress. Spjegazzjonijiet ingħataw f’dan ir-rigward fil-parti IV.C.1 tal-pjan rivedut ta’ riżoluzzjoni ordnata.

(341)

Huwa jirreferi għal nota tal-awtoritajiet Franċiżi (71) li għandha twieġeb għall-mistoqsijiet tal-Kummissjoni dwar l-istruttura l-ġdida ta’ kreditu ipotekarju (issal-bank ta’ żvilupp għall-finanzjament tal-awtoritajiet lokali Franċiżi u l-istituzzjonijiet pubbliċi Franċiżi tas-saħħa, wara ċ-ċessjoni ta’ DMA) (72).

(342)

Dexia jfakkar li ċ-ċessjoni ta’ DenizBank saret u qal li t-termini taċ-ċessjonijiet ta’ DMA, Sofaxis, Domiserve, Exterimmo, LLD u DCL huma msemmija fil-pjan rivedut ta’ riżoluzzjoni ordnata u sejrin ikunu speċifikati meta jiġu nnotifikati lill-Kummissjoni.

(343)

F’dak li jirrigwarda l-pjan ta’ finanzjament, Dexia jindika (73) li aċċelerazzjoni tat-tnaqqis tal-portafoll “legacy” tiegħu sabiex jillimita l-ħtiġijiet ta’ finanzi sabet ostakolu fil-fatt li l-valur ġust ( “marked-to-market” ) tal-portafoll tal-bonds li jkopri ammont nominali ta’ EUR [70-80] biljun kien biss ta’ EUR [50-60] biljun, li kien jinvolvi telf mhux realizzat ta’ EUR [10-20] biljun. Bi tweġiba għall-mistoqsijiet tal-Kummissjoni għal-likwidità tal-bonds fil-portafoll “legacy” , u b’mod partikolari għaliex valur ġust ibbażat fuq il-prezz tas-suq jew fuq prezz approssimat permezz ta’ mudell ma jitqiesx bħala indikazzjoni tajba tat-telf futur, Dexia jirreferi għan-nota tiegħu dwar l-opzjonijiet differenti ta’ deleveraging mehmuża fl-Anness 25 għall-pjan rivedut ta’ riżoluzzjoni ordnata, u għall-impenn 10.c li jakkumpanja l-pjan imsemmi.

(344)

Dexia jsostni li r-rikapitalizzazzjoni ta’ dan tal-aħħar mill-Istat Franċiż u dak Belġjan għall-ammont ta’ EUR 5,5 biljun sejra żżomm il-proporzjonijiet regolatorji tal-entitajiet tal-grupp Dexia (74).

(345)

Barra minn hekk, Dexia jirreferi għall-miżuri ta’ riforma tal-governanza tal-grupp imsemmija fil-parti I.F.2. tal-pjan rivedut ta’ riżoluzzjoni ordnata, li fil-fehma tiegħu twieġeb għall-kummenti tar-rapport tal-uffiċċju […] (li tappoġġja l-Kummissjoni) rigward ir-riskji operattivi […] intrinsiċi għall-miżuri proposti fil-kuntest tal-pjan ta’ riżoluzzjoni ordnata. F’dan ir-rigward, il-Kummissjoni kkonstatat fil-premessi 264 u 265 tad-Deċiżjoni ta’ estensjoni tal-proċedura, li huwa essenzajli li dawn ir-riskji jkunu indirizzati b’mod sistematiku, b’mod partikolari bl-identifikazzjoni tal-persunal ewlieni sabiex, jekk ikun meħtieġ, jittieħdu miżuri ta’ prevenzjoni t-tluq possibbli tagħhom jew il-konsegwenzi negattivi ta’ dan it-tluq fuq il-grupp.

(346)

Fl-aħħar nett, Dexia jirreferi għal ċerti dokumenti li jwieġbu l-kummenti l-oħrajn magħmula mill-Kummissjoni (75).

(347)

Wara l-pubblikazzjoni tal-proċedura ta’ investigazzjoni formali tal-11 ta’ Frar 2012, il-Kummissjoni rċeviet kummenti minn żewġ partijiet terzi interessati.

(348)

Wieħed mill-kummenti li waslu (minn hawn ‘il quddiem “Kumment A”) jiġbed l-attenzjoni tal-Kummissjoni fuq l-istrateġija ta’ DBB/Belfius li tikkonsisti fl-offerta reċenti ta’ rati ta’ imgħax bi tkabbir aggressiv fuq il-kontijiet ta’ depożitu msejħa “Treasury Plus” u “Treasury Plus Special” offruti lill-impriżi żgħar u ta’ daqs medju Belġjani u lill-klijenti istituzzjonali. Din il-parti terza tqis li din l-istrateġija aggressiva tal-prezz toħloq żbilanċi fil-prezz bejn l-attiv u l-passiv li teħtieġ konverżjoni fil-maturitajiet u mhijiex sostenibbli fit-tul. Tali politika tal-prezz mhijiex possibbli mingħajr l-għajnuna mill-Istat.

(349)

Skont il-kumment l-ieħor (minn hawn ‘il quddiem “Kumment B”), l-ispejjeż tal- marketing, tal-isponsoring fil-qasam tal-isports u tal-kultura u tal-bidla fl-isem huma eċċessivi. Din il-parti terza tqis ukoll li l-istrateġija kummerċjali ta’ DBB/Belfius toħloq distorsjonijiet fil-kompetizzjoni permezz tal-prezzijiet aggressivi b’mod partikolari fuq il-krediti ipotekarji, riċevuti, kontijiet ta’ tfaddil fuq l-Internet u l-bonuses tal-lealtà tagħhom.

(350)

L-Istati Membri għamlu l-osservazzjonijiet li ġejjin.

(351)

F’Ottubru 2012, il-Belġju enfasizza l-urġenza tal-akkwist ta’ DBB/Belfius mill-Istat Belġjan għal raġunijiet ta’ stabilità finanzjarja. F’dan ir-rigward, il-BNB bagħat ittra lill-Kummissjoni fit-12 ta’ Ottubru 2011 li tiddeskrivi d-diffikultajiet serji li ltaqa’ magħhom DBB/Belfius fl-ewwel jiem ta’ Ottubru 2011 minħabba l-irtirar tad-depożiti u tnaqqis konsidervevoli fil-finanzjamenti mhux sekurizzati. Fir-rigward tal-importanza sistematika ta’ DBB/Belfius għas-settur finanzjarju Belġjan u Ewropew, kif ukoll tad-disturbi rreġistrati fis-swieq finanzjarji, kienet meħtieġa miżura ta’ salvagwardja għal DBB/Belfius. L-akkwist ta’ DBB/Belfius kien jevita telf serju tal-fiduċja tal-pubbliku, b’mod partikolari meta wieħed iqis ir-riskji ta’ assalt bankarju, li min-naħa tiegħu kien iwassal għal disturb serju fis-sistema bankarja kollha kemm hi, kemm fil-Belġju kif ukoll fil-livell Ewropew.

(352)

Il-Belġju jqis li l-miżura ta’ akkwist ta’ DBB/Belfius ma fihiex għajnuna mill-Istat u li DBB/Belfius għalhekk m’għandhiex tkun soġġetta għal impenji jew miżuri li jirrimedjaw għad-distorsjonijiet tal-kompetizzjoni. Barra minn hekk, il-Belġju jitlob li DBB/Belfius jinħeles mill-impenji u l-kundizzjonijiet li jidhru fid-Deċiżjoni ta’ approvazzjoni kondizzjonali.

(353)

Il-Belġju jfakkar il-prinċipju stabbilit fl-Artikolu 345 tat-TFUE ta’ newtralità bejn is-sjieda pubblika jew privata ta’ kumpanija. Il-fatt li x-xiri jsir mill-Istat Belġjan ma jistax jitqies bħala element ta’ għajnuna mill-Istat fih innifsu, għall-benefiċċju ta’ DBB/Belfius. Barra minn hekk, it-tranżazzjoni saret f’kundizzjonijiet tas-suq, kif ikkonfermat minn analiżijiet ta’ esperti indipendenti u tipprovdi ritorn raġonevoli lill-Belġju, ekwivalenti għal ritorn aċċettabbli għal investitur privat f’ċirkostanzi simili.

(354)

DBB/Belfius dejjem kien fornitur nett ta’ likwidità lill-bqija tal-grupp. Il-Belġju jenfasizza bil-qawwa li DBB/Belfius ma bbenefikax minn għajnuna antika riċevuta mill-grupp Dexia fil-passat. Pereżempju, l-għajnuna fil-forma ta’ garanziji u ta’ ELA approvati mid-Deċiżjoni ta’ approvazzjoni kondizzjonali, intużat b’mod ċar għall-ħtiġijiet ta’ likwidità ta’ entitajiet oħrajn tal-grupp Dexia.

(355)

Il-parti l-kbira tal-kundizzjonijiet u l-impenji tad-Deċiżjoni ta’ approvazzjoni kondizzjonali ma kinux speċifikament għal DBB/Belfius. Barra minn hekk DBB/Belfius diġà implimenta sensiela ta’ miżuri ta’ ristrutturar minn Frar 2010 fosthom l-għeluq ta’ aġenziji, divestimenti, tnaqqis fl-attività tiegħu fil-finanzjamenti pubbliċi, tal-portafolli tat-titoli tiegħu, tad-daqs tal-bilanċ u tal-ispejjeż tiegħu.

(356)

Skont il-każistika (76), il-Kummissjoni ma tistax sempliċement tikkonkludi li l-għajnuna mogħtija lil grupp awtomatikament tingħata lill-entitajiet kollha ta’ dan il-grupp. Il-mekkaniżmi ta’ trasferiment fi ħdan il-grupp Dexia kienu preliminari għal DBB/Belfius. DBB/Belfius ma jistax jitqies bħala entità li kompliet l-attività ekonomika ta’ Dexia minħabba sensiela ta’ indizji li, skont każistika kostanti (77) għandhom jiġu kkunsidrati f’din il-valutazzjoni u li jirrigwardaw b’mod partikolari l-għan tat-trasferiment, il-prezz tat-trasferiment, l-identità tal-azzjonisti jew tal-proprjetarji tal-impriża xerrejja jew tal-impriża mixtrija, iż-żmien tat-trasferiment u l-loġika ekonomika tat-trasferiment.

(357)

L-attivitajiet ta’ DBB/Belfius akkwistati mill-Belġju huma ferm imnaqqsa meta mqabbla mad-daqs tal-grupp ta’ qabel u DBB/Belfius bidel ismu għal Belfius, sabiex jelimina kwalunkwe perċezzjoni ta’ rabta ta’ appartenenza għall-grupp ta’ qabel. Barra minn hekk, l-akkwist ta’ DBB/Belfius ma sarx b’inqas mill-prezz tas-suq li jiżgura li x-xerrej iħallas b’mod adegwat għall-għajnuna li DBB/Belfius seta’ jibbenefika minnha bħala entità tal-grupp Dexia. Il-kriterju ta’ indipendenza bejn Dexia, u l-proprjetarji l-ġodda u l-maniġment il-ġdid ta’ DBB/Belfius huwa wkoll irrispettat. Barra minn hekk, huwa mistenni li jiġu eliminati r-rabtiet finanzjarji kollha bejn DBB/Belfius u Dexia. Min-naħa l-oħra, l-akkwist ta’ DBB/Belfius mill-Belġju ma fih la trasferiment tal-kapital u lanqas ta’ riżorsi oħrajn tal-Istat lil DBB/Belfius.

(358)

Fl-aħħar nett, il-pjan ta’ ristrutturar ta’ DBB/Belfius fih biżżejjed elementi li jistgħu jkunu kklassifikati bħala miżuri ta’ vijabbiltà, kontribuzzjoni proprja u miżuri ta’ kumpens, li jeskludi kwalunkwe miżuri jew impenn addizzjonali min-naħa ta’ DBB/Belfius.

(359)

Rigward il-kumment A, l-awtoritajiet Belġjani jqisu li DBB/Belfius ma jibbenefikax mill-fatt li jinxtara mill-Istat. DBB/Belfius ma rċieva l-ebda trattament regolaatorju favorevoli minħabba l-akkwist tiegħu mill-Istat Belġjan, id-depożiti tal-klijenti tiegħu jibbenefikaw eżattament mill-istess livell ta’ garanzija tal-Istat tal-banek l-oħra fil-Belġju u r-rating tiegħu ma kienx rivedut ‘il fuq minn dakinhar. Barra minn hekk l-akkwist tiegħu mill-Istat ma tah l-ebda aċċess preferenzjali għal-likwidità pprovduta mill-BĊE.

(360)

L-istrateġiji tal-prezz ta’ Treasury Plus u ta’ Treasury Plus Special jikkonformaw mal-qafas regolatorju fis-seħħ fil-Belġju u ma joħolqux riskju ta’ likwidità eċċessiv. Il-qafas regolatorju ma jagħtix obbligi ta’ politika tal-prezz skont il-prodott iżda jissorvelja s-sitwazzjoni ta’ likwidità globali ta’ bank. Barra minn hekk, DBB/Belfius iqis il-profil ta’ maturità tal-imġiba tal-klijenti tiegħu, li għall-bank dan jirriżulta aktar realistiku mill-profil tal-maturitajiet kuntrattwali.

(361)

Barra minn hekk, il-prezzijiet offruti fuq dawn il-prodotti ma nbidlux mis-sajf tal-2011 u jidhru li huma konformi mas-suq. B’kollox, il-volumi ta’ dawn iż-żewġ prodotti baqgħu stabbli minn tmiem l-2009, prova tal-assenza ta’ distorsjonijiet fil-kompetizzjoni f’dan ir-rigward.

(362)

Fir-rigward tal-kumment B, l-awtoritajiet Belġjani jikkunsidraw li DBB/Belfius ma nefaqx iżżejjed fuq il-marketing u fuq it-tibdil ta’ ismu minn DBB/Belfius għal Belfius. Dawn l-ispejjeż ma setgħux jiġu evitati għall-ġejjieni tal-bank, minħabba li l-bank sofra b’mod partikolari mill-assoċjazzjoni tiegħu mal-isem ta’ Dexia. L-ispejjeż jammontaw għal madwar EUR [25 000-50 000] għal kull fergħa u jikkonformaw ma’ atturi oħrajn tas-suq f’dan ir-rigward fil-Belġju u fl-Ewropa. Barra minn hekk l-isponsoring fil-qasam tal-isports u tal-kultura kien diġà fis-seħħ qabel l-akkwist ta’ DBB/Belfius mill-Istat u huwa prattika komuni applikata wkoll minn banek oħrajn fil-Belġju u fl-Ewropa. Barra minn hekk, is-sehem ta’ DBB/Belfius fis-suq Belġjan tar-reklamar tal-banek naqas bejn il-perjodu ta’ Jannar 2010 u Ottubru 2011 u Novembru 2011 u Frar 2012.

(363)

Barra minn hekk il-politika kummerċjali ta’ DBB/Belfius ma toħloqx distorsjonijiet fil-kompetizzjoni fil-kompetizzjoni fuq is-suq Belġjan. Il-prezzijiet ta’ DBB/Belfius fuq is-self ipotekarju, kontijiet tal-Internet u riċevuti huma konformi mal-kompetituri ewlenin Belġjani. Barra minn hekk, minn Ottubru 2011, l-ishma tas-suq ta’ DBB/Belfius għandhom […] għas-self ipotekarju, u kienu […] għall-kontijiet tal-Internet u u l-irċevuti. Dan jindika l-assenza ta’ distorsjonijiet fil-kompetizzjoni min-naħa ta’ DBB/Belfius fl-oqsma tiegħu.

(364)

Fit-2 ta’ Lulju 2012, l-awtoritajiet tat-tliet Stati Membri kkonċernati ppreżentaw lill-Kummissjoni l-kummenti konġunti tagħhom dwar id-Deċiżjoni ta’ estensjoni tal-proċedura u d-Deċiżjoni ta’ awtorizzazzjoni temporanja.

(365)

L-Istati Membri kkonċernati jargumentaw li l-pjan ta’ ristrutturar approvat mid-Deċiżjoni ta’ approvazzjoni kondizzjonali kien implimentat b’mod ġust u li kwalunkwe diskrepanza mal-impenji hija dovuta għal fatturi esterni (nirreferu għall-preżentazzjoni tal-argumenti mressqa fl-istess rigward minn Dexia, fil-premessi (332) sa (334) hawn fuq).

(366)

L-ewwel nett, l-Istati Membri kkonċernati jikkontestaw il-karattru ta’ għajnuna tal-ELAs deċiżi mill-BNB u mill-BdF. L-awtoritajiet Belġjani jfakkru li l-BNB iddeċida b’mod awtonomu u diskrezzjonali dwar l-għoti, dwar l-estensjoni tal-ammont tal-ELA, bħala parti mill-missjoni tiegħu li jikkontribwixxi għall-istabilità tas-sistema finanzjarja. L-operazzjonijiet ELA huma miżuri temporanji fi ħdan il-missjonijiet tradizzjonali tal-banek ċentrali nazzjonali u huma approvati mill-Kunsill governattiv tal-BĊE. Skont l-Istati Membri kkonċernati, l-ELA ngħatat lil Dexia b’rati ta’ imgħax sfavorevoli, u saħansitra projbittivi u din kienet garantita minn kollateral suffiċjenti li fuqu ġew applikati marġnijiet ta’ sigurtà kbar skont il-kwalità tagħhom. Barra minn hekk, skont l-awtoritajiet Belġjani, il-garanzija mogħtija mill-Belġju mhijiex mogħtija speċifikamenti għall-ELA, iżda tirrigwarda l-krediti kollha mogħtija mill-BNB bħala parti mill-kontribuzzjoni tiegħu għall-istabilità tas-sistema finanzjarja. Fl-aħħar nett, l-awtoritajiet Belġjani jiddikjaraw li l-garanzija tal-Belġju li ngħatat għall-krediti mogħtija mill-BNB ma taqax taħt il-kunċett ta’ “kontrogaranzija” kif imsemmi fil-Komunikazzjoni tal-Kummissjoni – L-applikazzjoni tar-regoli dwar l-għajnuna mill-Istat għall-miżuri meħuda b’konnessjoni mal-istituzzjonijiet finanzjarji fil-kuntest tal-kriżi finanzjarja mondjali (78) (minn hawn ‘il quddiem “il-Komunikazzjoni bankarja”). Fil-fatt, il-garanzija speċifika tal-Belġju ma ngħatatx speċifikament għall-ELA, iżda tiggarantixxi l-kreditii kollha mogħtija mill-BNB, dimenti li dawn jingħataw bħala parti mill-kontribuzzjoni tal-BNB lejn l-istabilità tas-sistema finanzjarja, li skont l-awtoritajiet Belġjani, imur lil hinn mill-miżuri kontra l-kriżi. Barra minn hekk, l-Istati Membri kkonċernati jinnutaw li tali interpretazzjoni tikkorrispondi finalment għall-prattika deċiżjonali tal-Kummissjoni filwaqt li jagħmlu referenza bħala eżempju għad-Deċiżjoni Northern Rock (79) tal-2007.

(367)

Rigward il-ftehim bejn il-BNB u l-BdF (80), l-awtoritajiet Belġjani jfakkru li fil-premessa 108 tad-Deċiżjoni ta’ approvazzjoni kondizzjonali l-Kummissjoni kienet indikat “il-Banque de France […]ma jibbenefika minn ebda garanzija speċifika mill-Istat Franċiż u l-garanzija tal-Istat Belġjan ma tistax evidentement tapplika għal operazzjoni mwettqa għall-kont u r-riskju ta’ bank ċentrali barrani” u jqisu li l-garanzija tal-Istat Belġjan favur il-BNB (81) ma tistax tapplika għal operazzjoni mwettqa għall-kont u r-riskji ta’ bank barrani. L-Istati Membri kkonċernati jikkunsidraw li 1) huwa l-BNB li huwa parti mill-ftehim ta’ garanzija, u mhux l-Istat; 2) il-kuntratt ta’ garanzija jalloka b’mod ċar ir-riskji/id-dejn sostnuti minħabba t-tranżazzjonijiet rilevanti tal-BNB u tal-BdF; u 3) fi kwalunkwe każ il-porzjon tat-telf sostnut eventwalment mill-BNB wara l-applikazzjoni tal-kuntratt ta’ garanzija biss huwa garantit mill-Istat, jiġifieri l-Istat Belġjan ma jiggarantixxix ir-riskju jew id-dejn sostnut mill-BdF.

(368)

Barra minn hekk, rigward il-benefiċjarji ta’ għajnuna potenzjali taħt ir-ristrutturar ta’ Dexia, l-Istati Membri kkonċernati jinnutaw li ma teżisti l-ebda struttura tat-tip “struttura ġdida ta’ kreditu ipotekarju” u li jeħtieġ li ssir distinzjoni bejn l-attivitajiet ekonomiċi tal-IKĠ, tal-IK u ta’ DMA. Dawn l-entitajiet, li għandhom sjieda differenti u jsegwu interess soċjali proprju, huma vertikalment integrati b’rabtiet ta’ servicing.

(369)

Rigward il-garanziji previsti fil-pjan ta’ riżoluzzjoni ordnata ta’ Dexia, l-Istati Membri kkonċernati jikkunsidraw li l-garanzija tal-Istat Franċiż fuq l-impenn ta’ DCL dwar is-self sensittiv biss hija għajnuna mill-Istat, bl-esklużjoni tal-garanziji l-oħrajn (il-garanzija “stop-loss” , il-garanziji l-oħrajn tal-bejjiegħa mhux kontrogarantiti mill-Istat u l-garanzija fuq is-“self sensittiv”) (82).

(370)

Il-garanzija tal-Istat Franċiż fuq l-impenn ta’ DCL tagħti vantaġġ, skont l-Istati Membri kkonċernati, lill-grupp residwu biss, u mhux lil DMA jew lil xi “struttura ġdida ta’ kreditu ipotekarju” ipotetika. Fl-assenza ta’ deprezzament sinifikanti, ma tistax tiġi deskritta bħala miżura t’a trattament ta’ assi danneġġati.

(371)

Il-garanziji l-oħrajn (il-garanzija “stop-loss” , il-garanziji l-oħrajn tal-bejjiegħa mhux kontrogarantiti mill-Istat u l-garanzija fuq is-“self sensittiv”) ingħataw, skont l-Istat Membri kkonċernati, minn kumpanija privata li r-riżorsi tagħha mhumiex ikkontrollati mill-Istat u li d-Deċiżjoni tagħha mhumiex attribwibbli lill-Istat. Skont l-Istati Membri kkonċernati, id-Deċiżjonijiet ta’ Dexia mhumiex attribwibbli għall-Istat għaliex is-setgħat pubbliċi ma jistgħux jeżerċitaw influwenza dominanti fuq Dexia SA. Dan għaliex minn naħa mhijiex kumpanija pubblika (speċjalment meta l-Istati Membri kkonċernati ma jistgħux jikkontrollaw, b’mod konsistenti, ir-riżorsi tagħha permezz tal-parteċipazzjonijiet li għandhom fil-kapital ta’ azzjonisti oħrajn) u, min-naħa l-oħra, minħabba n-nuqqas ta’ parteċipazzjoni ta’ kontroll ta’ Stat Membru individwali fil-kapital ta’ Dexia. Deċiżjonijiet konformi mal-interess korporattiv ta’ Dexia u għar-regolamenti applikabbli biss jistgħu jkunu adottati minn dawn il-korpi governattivi tiegħu. Barra minn hekk, il-kriterji tas-sentenza Stardust Marine (83) mhumiex issodisfati: Dexia mhuwiex integrat fl-amministrazzjoni pubblika, l-attivitajiet tiegħu jitwettqu f’suq b’kundizzjonijiet normali ta’ kompetizzjoni, l-istatus tiegħu jaqa’ taħt il-liġi ġenerali tal-korporazzjonijiet u l-ebda entità pubblika m’għandha xi tutela fuq Dexia. Fl-aħħar nett, l-awtoritajiet ikkonċernati jiċħdu bil-qawwa li huwa possibbli li jiġi kkunsidrat li l-garanzija tal-bejjiegħa fuq is-“self sensittiv” tinkludi elementi ta’ għajnuna minħabba l-kontrogaranzija tal-Istat. Il-kawża Hellenic Shipyard (84) iċċitata mill-Kummissjoni fid-Deċiżjoni tagħha dwar l-estensjoni tal-proċedura, sabiex tiġġustifika l-valutazzjoni preliminari tagħha, tinkludi fatti ferm differenti minn dan il-każ.

(372)

Barra minn hekk, l-Istati Membri kkonċernati jqisu li l-garanziji tal-bejjiegħa ngħataw f’kundizzjonijiet tas-suq u għaldaqstant ma joffru l-ebda vantaġġ selettiv. Huma josservaw li r-riskju kopert huwa partikolarment baxx meta mqabbel mal-qafas kostituzzjonali u leġiżlattiv għall-finanzi tal-awtoritajiet lokali. Dan it-tip ta’ garanziji huwa komuni fil-kuntratti ta’ ċessjoni ta’ kumpaniji. Minkejja n-nuqqas ta’ limitu, l-għoti ta’ dawn il-garanziji baqa’ perfettament xieraq għal investitur privat f’ekonomija tas-suq minħabba r-riskju speċifiku kopert li ma jibbażax fuq DMA u x-xerrejja tagħha, iżda fuq iċ-ċessjonarji ta’ DMA. Il-kwalifika ta’ assi danneġġati mhijiex applikabbli u fi kwalunkwe każ ma tikkonċernax l-assi kollha ta’ DMA. L-assi ta’ DMA mhumiex esposti għal deprezzamenti kbar jew għal aġġustamenti ‘l isfel sinifikanti tal-valur. Lanqas ma hija l-kwalità tal-assi ta’ DMA li wasslet għax-xettiċiżmu dwar il-vijabbiltà ta’ Dexia, iżda mudell ta’ negozju li jinkludi assi fit-tul u rifinanzjament fuq żmien qasir.

(373)

Imbagħad, rigward iċ-ċessjoni ta’ DMA, l-Istati Membri kkonċernati jallegaw li d-Deċiżjonijiet tas-CDC u ta’ La Banque Postale dwar l-investimenti tagħhom f’DMA mhumiex attribwibbli għall-Istat u li l-prezz ta’ ċessjoni ta’ DMA jikkorrispondi mal-prezz tas-suq, filwaqt li run-off ta’ DMA tkun tiswa aktar flus għal Dexia milli ċessjoni fil-kundizzjonijiet ikkontemplati.

(374)

L-Istati Membri kkonċernati jinnotaw rigward ir-responsabbiltà tad-Deċiżjonijiet tas-CDC u ta’ La Banque Postale fuq l-Istat li d-Deċiżjoni tas-CDC li jipparteċipa fil-kapital tal-IKĠ ġejja minn għażla strateġika li jaħtaf l-opportunità tas-suq. Huma jargumentaw li l-pożizzjoni tal-Kummissjoni kkonfermata mill-Qorti tal-Prim’Istanza fis-sentenza Air France tal-1996 m’għadhiex rilevanti fid-dawl tal-każistika sussegwenti (Stardust Marine) u tal-iżviluppi statutorji esperjenzati mis-CDC. Għalkemm is-CDC huwa ċertament istituzzjoni pubblika, l-istatus tiegħu jagħtih awtonomija kbira mill-Istat u l-proċess deċiżjonali huwa l-istess bħal dak tal-banek privati. L-investiment indirett fl-IKĠ jikklassifika fi ħdan l-attivitajiet kompetittivi li l-grupp CDC jista’ jeżerċita fil-kuntest tas-sussidjarji. Madankollu, id-Deċiżjonijiet tas-CDC rigward l-attivitajiet kompetittivi tiegħu jittieħdu b’aktar awtonomija mill-Istat. Bl-istess mod, wieħed għandu jikkunsidra l-awtonomija organizzattiva u deċiżjonali ta’ La Poste, kif ukoll ta’ La Banque Postale. Il-kriterji tas-sentenza Stardust Marine mhumiex issodifati f’dan il-każ u l-preżenza tal-Kummissarju tal-gvern u tal-kontrollur Ġenerali ekonomiku u finanzjarju, kif ukoll il-parteċipazzjoni ta’ membru tal-Bord tad-Diretturi ta’ La Poste, fil-proċedura quddiem il-Kummissjoni mhumiex argumenti rilevanti.

(375)

Barra minn hekk, il-linja ta’ likwidità li s-CDC jġib lil DMA wara ċ-ċessjoni ta’ din tal-aħħar tirriżulta, skontl-Istati Membri kkonċernati minn prattika tas-suq normali u tippermetti lis-CDC u lil La Banque Postale li jidħlu fis-suq tal-finanzjament tal-awtoritajiet lokali f’kundizzjonijiet mill-aqwa, jiġifieri, li jgawdu, bi prezz tas-suq, mill-aċċess għal kumpanija ta’ kreditu ipotekarju li jipprovdi rifinanzjament lill-IK f’kundizzjonijiet tas-suq.

(376)

Fl-aħħar nett, l-Istati Membri kkonċernati jsostnu li ċ-ċessjonijiet ta’ assi vijabbli setgħu jibbenefikaw biss lil Dexia u mhux lill-entità mibjugħa, peress li l-prezz imħallas jikkorrispondi għal prezz tas-suq u ċ-ċessjonijiet seħħew fil-kundizzjonijiet tas-suq.

(377)

L-Istati Membri kkonċernati jinnutaw li r-rikapitalizzazzjoni ta’ Dexia minn Arcofin mhijiex attribwibbli lill-Istat Belġjan, peress li fil-mument li ħadu d-Deċiżjoni li jipparteċipaw fir-rikapitalizzazzjoni, fl-2008, l-azzjonisti ta’ Arcofin ma kellhom l-ebda garanzija li l-investiment tagħhom ser ikun appoġġjat mill-Istat Belġjan. Għaldaqstant mhemm l-ebda rabta kawżali bejn din id-Deċiżjoni u d-diskussjonijiet politiċi li tirreferi għalihom il-Kummissjoni, jew il-garanzija mogħtija f’Ottubru 2011 lill-azzjonisti individwali tal-kooperattivi finanzjarji. L-Istati Membri kkonċernati jressqu raġunijiet ekonomiċi u storiċi sabiex jiċċaraw l-għażla ta’ Arcofin li jipparteċipa fiż-żieda tal-kapital. Barra minn hekk, il-parteċipazzjoni tiegħu fil-kapital ta’ Dexia dejjem kien l-akbar investiment ta’ Arcofin li b’hekk kellu 18 % tal-kapital ta’ Dexia. Arcofin, li minn dejjem kellu rabta mill-qrib ma’ Dexia, ried jevita dilwizzjoni tal-parteċipazzjoni tiegħu.

(378)

Barra minn hekk, l-Istati Membri kkonċernati jenfasizzaw li, anki jekk il-Kummissjoni tikkonkludi li l-parteċipazzjoni ta’ Arcofin fir-rikapitalizzazzjoni ta’ Dexia tikkostitiwixxi għajnuna mill-Istat, il-prinċipju ta’ proporzjonalità jeżiġi li l-pjan ta’ ristrutturar inizjalment approvat fis-26 ta’ Frar 2010 jinbidel biss marġinalment. Barra minn hekk, l-implimentazzjoni tal-pjan ta’ ristrutturar skont skeda antiċipata meta mqabbla ma’ dak li kien previst inizjalment tikkumpensa kwalunkwe għajnuna addizzjonali li tista’ tinstab f’din ir-rikapitalizzazzjoni. L-awtoritajiet ikkonċernati jindikaw li l-pjan ta’ riżoluzzjoni ordnata mressaq fl-24 ta’ Marzu 2012 ixejjen kwalunkwe bidla fil-pjan ta’ ristrutturar.

(379)

L-awtoritajiet tal-Istati Membri kkonċernati jqisu li l-miżuri ta’ għajnuna li jinsabu fil-pjan ta’ riżoluzzjoni ordnata huma kompatibbli mal-Komunikazzjoni dwar ir-ristrutturar tal-banek. L-ewwel nett, l-għajnuna li tinsab fil-garanzija ta’ rifinanzjament hija xierqa peress li din tippermetti riżoluzzjoni sħiħa u kompluta ta’ Dexia. Imbagħad, l-għajnuna hija limitata għall-minimu. Il-garanzija fuq il-portafoll EMTN u s-self tal-BEI fi Crédiop, li tikkostitwixxi garanzija mill-Istat li tkopri l-passiv eżistenti ta’ bank f’diffikultà diġà aċċettata mill-Kummissjoni f’każijiet oħrajn, hija essenzjali sabiex jiġi evitat li jiżdiedu b’mod sostanzjali l-ħtiġijiet ta’ likwidità u r-riskju ta’ likwidazzjoni diżordnata tal-grupp Dexia. Il-limitu tal-garanzija finali ta’ EUR 90 biljun jgħin sabiex jiġu indirizzati r-riskji ta’ impatt sinifikanti fuq il-pakkett tal-ammonti garantiti f’każ ta’ stress (li mhuwiex ikkunsidrat fil-ħtieġa ta’ finanzjament nett stmat fix-xenarju bażiku tal-Business Plan ta’ Dexia) billi toffri marġni ta’ sigurtà. Barra minn hekk, Dexia SA jikkontribwixxu għall-isforz ta’ riżoluzzjoni ordnata permezz ta’ 1) ir-rikavat taċ-ċessjoni (l-assi kollha tal-grupp Dexia huma maħsuba biex jinbiegħu jew jitqiegħdu f’ġestjoni estintivia u fejn ir-rikavat jintuża kollu għar-riżoluzzjoni ordnata ta’ Dexia), 2) it-tnaqqis tal-ispejjeż għall-implimentazzjoni ta’ mudell ta’ ġestjoni semplifikat u aktar ċentralizzat u 3) ir-rimunerazzjoni tal-għajnuna li għandha tkun proporzjonata għall-kapaċitajiet finanzjarji tal-entità minħabba l-livell tar-ristrutturar ippjanat. L-Istati Membri kkonċernati jfakkru wkoll li l-azzjonisti u d-detenturi ta’ titoli ta’ Dexia diġà kkontribwew (u sejrin ikomplu jikkontribwixxu fil-futur) għall-ispiża tar-ristrutturar. Fl-aħħar nett, huma jenfasizzaw li l-unika riserva għall-ħruġ mis-suq ta’ Dexia tikkonsisti f’fergħa ta’ produzzjoni ġdida li l-uniku skop tagħha huwa li tilħaq ir-rekwiżiti regolatorji u żżomm it-trasferibbiltà ta’ ċerti entitajiet. L-ishma tas-suq li jirriżultaw minn din il-fergħa jibqgħu minimi u ma jippermettux distorsjoni sinifikanti tal-kompetizzjoni.

(380)

L-Istati Membri kkonċernati jikkunsidraw li r-remunerazzjoni tal-garanzija temporanja ta’ rifinanzjament hija ogħla mil-limitu previst mill-Komunikazzjoni dwar l-estensjoni tal-2011 jekk wieħed jikkunsidra fil-kalkolu tiegħu il-kummissjoni mħallsa minn Dexia li tammonta għal 0,5 % tal-EUR 45 biljun, jiġifieri EUR 225 miljun. Jekk madankollu, il-Kummissjoni kellha tiddikjara mhux kompatibbli l-garanziji ta’ rifinanzjament temporanju, awtorizzati temporanjament mid-Deċiżjoni tagħha ta’ approvazzjoni temporanja u mid-Deċiżjoni tal-ewwel estensjoni tal-garanzija, l-Istati Membri kkonċernati jitolbu lill-Kummissjoni tikkonferma, b’rispett tad-drittijiet akkwistati mill-partijiet terzi u d-detenturi tat-titoli garantiti, li l-bonds diġà maħruġa qabel it-30 ta’ Settembru 2012 b’garanzija ta’ rifinanzjament mill-Istat awtorizzata mid-Deċiżjonijet imsemmija qabel jistgħu jkomplu jgawdu minnha sakemm dawn jitħallsu għal kollox lura.

(381)

L-għajnuna li tirriżulta mill-garanzija tal-Istat Franċiż hija limitata għall-minimu meħtieġ u tinkludi kontribuzzjoni tal-benefiċjarju stess. L-applikazzjoni tal-livell limitu u tal-kontribuzzjoni tal-benefiċjarju previsti f’każ ta’ sejħa għall-garanzija titfa’ l-piż ta’ porzjon sinifikanti tar-riskju marbut mas-“self sensittiv” fuq DCL u Dexia, u b’hekk toħloq inċentiv għall-ġestjoni soda ta’ dan is-self minn dawn iż-żewġ atturi u b’hekk inaqqsu r-riskju ta’ sejħa għall-garanzija. Barra minn hekk, l-Istati Membri kkonċernati jinnutaw li dan ir-riskju fuq DCL u Dexia, kif ukoll l-obbligu li għandhom li jkomplu l-ġestjoni tal-proċess ta’ desensitizzazzjoni, jiżguraw li l-ebda periklu morali mhu ser jirriżulta mill-garanzija tal-Istat. L-awtoritajiet ikkonċernati jenfasizzaw fl-aħħar nett l-eżistenza ta’ remunerazzjoni tal-miżura ta’ għajnuna minn DCL għall-ammont ta’ EUR 10 miljun.

(382)

L-Istati Membri kkonċernati jikkunsidraw li l-miżuri marbuta maċ-ċessjoni ta’ DMA huma kompatibbli mar-regoli dwar l-għajnuna mill-Istat. L-ewwel nett, iċ-ċessjoni hija xierqa. Minn naħa, hija tippermetti li tinżamm, fit-tul, in-natura ordnata tar-riżoluzzjoni ta’ Dexia, filwaqt li twassal għal telf tal-kontroll ta’ DCL fuq DMA u meta DMA, l-IKĠ u l-IK ma jsegwux l-attività ekonomia ta’ Dexia. Ir-relazzjonijiet kuntrattwali li jifdal fil-forma ta’ servizzi jikkontribwixxu min-naħa tagħhom għan-natura ordnata tar-riżoluzzjoni ta’ Dexia. Min-naħa l-oħra, iċ-ċessjoni ta’ DMA tippermetti r-ritorn lejn il-vijabbiltà fit-tul tal-attività tagħha. It-tieni, il-miżuri li jirrigwardaw lil DMA jew l-hekk imsejħa “struttura ġdida ta’ kreditu ipotekarju”, huma limitati għall-minimu meħtieġ. Dawn jippermettu l-ħolqien ta’ attur ġdid fuq is-suq tal-finanzjament tal-awtoritajiet lokali kif ukoll fuq is-suq tal-ħruġ ta’ bonds ipotekarji fejn il-proċess kompetittiv iddgħajjef minħabba l-irtirar tal-operaturi ewlenin. It-tielet, is-CDC u La Banque Postale jikkontribwixxu b’mo sinifikanti għar-ristrutturar ta’ DMA, b’mod partikolari billi jipprovdulha l-likwidità meħtieġa għal dan l-appoġġ. Barra minn hekk, il-ħolqien ta’ periklu morali ikun ukoll evitat mill-fatt li Dexia u DCL jassumu r-riskju kollu, żgħri kemm hu żgħir, li jirriżulta mill-attivitajiet tas-suq qodma tagħhom, kemm permezz tal-garanzija “stop-loss” kif ukoll permezz tal-garanzija tal-bejjiegħa fuq is-“self sensittiv”. Ir-raba’, l-awtoritajiet ikkonċernati jżidu li ż-żamma fuq is-suq ta’ DMA ma toħloq l-ebda distorsjoni tal-kompetizzjoni, peress li s-suq li fuqu tintervjeni l-għajnuna ipotizzata huwa kkaratterizzat minn nuqqas ta’ offerta. L-Istati Membri kkonċernati jargumentaw ukoll li għalkemm l-assenza ta’ kwalunkwe distorsjoni tal-kompetizzjoni telimina l-impożizzjoni ta’ miżuri ta’ kumpens, dawn il-miżuri huma fir-realtà diġà preżenti fiċ-ċessjoni ta’ DMA u fil-ħolqien tal-IKĠ u tal-IK.

(383)

Minħabba l-għadd kbir ta’ ċessjonijiet ippjanati, l-Istati Membri kkonċernati jinnutaw li n-notifika sistematika ta’ kull operazzjoni, flimkien mal-preżentazzjoni ta’ fairness opinion imħejjija minn espert indipendenti, tista’ tkun għalja wisq u ta’ piż għal Dexia. Għaldaqstant, biex itaffi l-piż amministrattiv, Dexia ppropona l-implimentazzjoni ta’ metodoloġija li tiżgura, fil-fehma tiegħu, li l-proċedura adottata tkun proporzjonata għall-importanza ta’ kull ċessjoni ppjanata.

(384)

L-Artikolu 107(1) tat-TFUE jipprovdi li, ħlief għad-derogi previsti fit-Trattati, kull għajnuna, ta’ kwalunkwe forma, mogħtija minn Stat Membru jew permezz ta’ riżorsi tal-Istat, li twassal għal distorsjoni jew theddida ta’ distorsjoni għall-kompetizzjoni billi tiffavorixxi ċerti impriżi jew ċerti produtturi għandha, safejn tolqot il-kummerċ bejn l-Istati Membri, tkun inkompatibbli mas-suq intern.

(385)

Fid-Deċiżjoni ta’ approvazzjoni kondizzjonali tagħha, il-Kummissjoni diġà stabbiliet li għajnuna li rċieva Dexia fil-forma ta’ kapital, garanziji ta’ finanzjament, ta’ ELA akkumpanjata minn garanzija mill-Istat u ta’ appoġġ għall-assi danneġġati (miżura FSA) kienet tikkostitwixxi għajnuna mill-Istat. Fil-fatt, bl-eċċezzjoni ta’ dak li jirrigwarda l-investiment magħmul minn Arcofin, il-Kummissjoni ma taf bl-ebda evidenza li tissuġġerixxi li l-valutazzjoni tagħha dwar l-eżistenza ta’ għajnuna mill-Istat fil-miżuri diskussi fil-premessi 122 sa 149 tad-Deċiżjoni ta’ approvazzjoni kondizzjonali kienet żbaljata. Is-sussidjarji tal-grupp, speċjalment DBB/Belfius u DMA, u mhux biss l-unika kumpanija holding Dexia SA, ibbenefikaw minn dawn il-miżuri kollha li mingħajrhom il-grupp ma kienx ikun jista’ jkompli l-attivitajiet tiegħu.

(386)

Fil-preżent, il-Kummissjoni mhijiex tanalizza l-kwistjoni tal-irkupru tal-għajnuna mill-Istati li tinsab fil-miżuri ta’ għajnuna identifikati fid-Deċiżjoni ta’ approvazzjoni kondizzjonali, li jkun jeħtieġ l-identifikazzjoni tal-kumpaniji li għandhom iħallsu lura l-għajnuna inkompatibbli. Il-Kummissjoni qiegħda tiddetermina pjuttost jekk dawn il-miżuri kinux għajnuna għall-attività ta’, fost oħrajn, DBB/Belfius jew DMA. Miżuri oħrajn ingħataw sussegwentement, jiġifieri garanzija ta’ rifinanzjament lil Dexia SA u lil DCL, ELA ġdida tal-BNB (u ELA mill-BdF akkumpanjata minn garanzija tal-BNB), kif ukoll iċ-ċessjoni u l-miżuri ta’ ristrutturar ta’ DBB/Belfius. Sejrin jittieħdu miżuri ġodda, b’mod partikolari fil-kuntest tar-riżoluzzjoni ordnata ta’ Dexia u taċ-ċessjoni ta’ DMA li twassal għall-istabbiliment ta’ bank ta’ żvilupp għall-finanzjament tal-awtoritajiet lokali Franċiżi u tal-istituzzjonijiet pubbliċi Franċiżi tas-saħħa.

(387)

Kif ġie spjegat fil-premessa 7, fid-Deċiżjoni ta’ approvazzjoni kondizzjonali tagħha, il-Kummissjoni awtorizzat taħt il-kundizzjoni li jiġu rrispettati l-impenji u l-kundizzjonijiet kollha previsti fl-imsemmija Deċiżjoni:

(388)

Il-grupp Dexia u l-Istati Membri kkonċernati jargumentaw, dwar in-nuqqas ta’ konformità mal-impenji u l-kundizzjonijiet tad-Deċiżjoni ta’ approvazzjoni kondizzjonali, li l-Kummissjoni kisret il-prinċipju tal-indipendena tal-espert u li hija għamlet valutazzjoni żbaljata dwar l-implimentazzjoni tal-pjan ta’ ristrutturar ta’ Frar 2010. Huma jallegaw ukoll li “anki jekk wieħed jissupponi li l-ksur allegat mill-Espert indipendenti fit-tielet rapport tiegħu seħħ, ma jistax ikun argumentat raġonevolment li dan seta’ kien is-sors ta’ diffikultajiet serji li ltaqa’ magħhom il-grupp f’Ottubru 2011” li huwa ġġustifikat mill-kriżi sovrana (85).

(389)

Matul il-perjodu ta’ wara l-adozzjoni tad-Deċiżjoni ta’ approvazzjoni kondizzjonali, ħafna impenji li kienu jikkondizzjonaw l-approvazzjoni ta’ din l-għajnuna ma ġewx irrispettati, fosthom il-projbizzjoni ta’ self lil klijenti PWB f’livell ta’ RAROC ta’ inqas minn 10 %, il-konformità ma’ proporzjon ta’ finanzjament stabbli minimu, il-projbizzjoni li tiġi eżerċitata għażla diskrezzjonali ta’ ħlas lura antiċipat fuq strumenti Tier 2, l-obbligu li l-Kummissjoni tiġi nnotifikata minn qabel dwar kwalunkwe kupun fuq strumenti ibridi Tier 1 jew upper Tier 2 u r-ratata’ tnaqqis tad-daqs tal-karta tal-bilanċ tal-grupp (86).

(390)

Skont il-Kummissjoni, il-fatt li d-deleveraging tal-portafoll tal-bonds kien ta’ ammont akba mill-minimu previst, li l-produzzjoni ta’ self ġdid kienet inqas mill-massimu previst jew li ċ-ċessjoni tal-parti l-kbira tal-entitajiet saret qabel l-aħħar jum awtorizzat mill-impenji li jidhru fid-Deċiżjoni ta’ approvazzjoni kondizzjonali jirrappreżenta biss it-twettiq normali tal-imsemmija Deċiżjoni u ma jikkumpensax jew jiskuża, kif jissuġġerixxu l-Istati Membri kkonċernati u Dexia fil-kummenti tagħhom, in-nuqqasijiet sinifikanti identifikati. Barra minn hekk, għalkemm ċerti entitajiet inbiegħu fil-ħin, tnejn mill-akbar entitajiet li kellhom jinbiegħu, Crédiop et Sabadell, baqgħu sussidjarji ta’ Dexia minkejja l-iskadenza taż-żmien taċ-ċessjoni prevista u ma jidhrux li sejrin jinbiegħu fil-futur qarib.

(391)

L-għan ta’ tnaqqis tad-daqs tal-karta tal-bilanċ għas-sena 2010 “intlaħaq” fil-31 ta’ Marzu 2011, minflok ma sar qabel il-31 ta’ Diċembru 2010 kif l-Istati Membri kkonċernati kienu wiegħdu. Il-punt 18 tal-impenji jeħtieġ li l-Istati Membri kkonċernati, meta ma jintlaħqux il-miri annwali, jippreżentaw lill-Kummissjoni miżuri li jippermettu li jintlaħqu dawn l-għanijiet qabel it-30 ta’ Ġunju tas-sena ta’ wara. L-għan ta’ tnaqqis tad-daqs tal-karta tal-bilanċ għall-aħħar tal-2010 ċertament intlaħaq qabel it-30 ta’ Ġunju ta’ wara, iżda xorta waħda jibqa’ l-fatt li l-impenn ma kienx issodisfat għas-sena 2010. Barra minn hekk, il-Kummissjoni tenfasizza li l-impenn ta’ tnaqqis annwali tad-daqs tal-karta tal-bilanċ ġie kkalkulat matul l-adozzjoni tad-Deċiżjoni ta’ approvazzjoni kondizzjonali fuq il-bażi ta’ grupp Dexia li kien jinkludi DBB/Belfius. Jekk Dexia laħaq fl-aħħar tal-2011 l-għan annwali ta’ tnaqqis tad-daqs tal-karta tal-bilanċ, dan huwa għaliex dan il-bilanċ ma kienx jinkludi aktar l-attiv u l-passiv ta’ DBB/Belfius mibjugħa f’Ottubru 2011 meta l-għan ġie stabbilit bis-suppożizzjoni li din is-sussidjarja kbira tal-grupp tkun għadha ta’ Dexia. Filwaqt li tinnota li l-għan għall-2011 intlaħaq formalment, il-Kummissjoni tqis li t-tnaqqis tad-daqs tal-karta tal-bilanċ fl-aħħar tal-2011 mill-grupp Dexia mingħajr DBB/Belfius huwa ferm inqas mir-rata ta’ tanqqis taħt id-Deċiżjoni prevista mid-Deċiżjoni ta’ approvazzjoni kondizzjonali għall-grupp Dexia li jinkludi lil DBB/Belfius.

(392)

Fl-aħħar nett, bi tweġiba għall-kummenti tal-Istati Membri kkonċernati, il-Kummissjoni tinnota li għalkemm il-kriżi tad-dejn sovran tista’titqies bħala raġuni li effettivament fixklet l-implimentazzjoni tad-Deċiżjoni ta’ approvazzjoni kondizzjonali, il-kriżi tad-dejn sovran ma tistax tiġi invokata sabiex tiġġustifika n-nuqqas ta’ konformità ma’ ċerti impenji bħal pereżempju l-RAROC minimu.

(393)

Għar-raġunijiet imfissra hawn fuq, id-dubji espressi mill-Kummissjoni fid-Deċiżjoni ta’ approvazzjoni temporanja tagħha (87) u fid-Deċiżjoni ta’ estensjoni tal-proċedura (88) ma tneħħewx mill-kummenti li waslu mingħand l-Istati Membri kkonċernati li jippruvaw juru r-rispett tal-impenji u l-kundizzjonijiet imsemmija fid-Deċiżjoni ta’ approvazzjoni kondizzjonali (89). Il-Kummissjoni għalhekk tinnota n-nuqqas ta’ konformità mal-kundizzjonijiet u l-impenji tad-Deċiżjoni ta’ approvazzjoni kondizzjonali u l-applikazzjoni ħażina mill-Istati Membri kkonċernati, skont l-Artikolu 108(2) tat-TFUE, tal-għajnuna li hija l-oġġett tad-Deċiżjoni ta’ approvazzjoni kondizzjonali.

(394)

Meta l-Kummissjoni eżaminat ir-rikapitalizzazzjoni ta’ Dexia bħala parti mid-Deċiżjoni ta’ approvazzjoni kondizzjonali tagħha, hija kkonkludiet li din il-miżura kienet tissodisfa l-kundizzjonijiet kollha tal-Artikolu 107(1) tat-TFUE, ħlief għal dak li jirrigwarda l-parteċipazzjoni ta’ Arcofin, ta’ Ethias u ta’ CNP Assurances fiż-żieda tal-kapital. Hija kkonkludiet fil-fatt fil-premessa 130 ta’ din id-Deċiżjoni li l-parteċipazzjoni ta’ dawn il-kumpaniji fir-rikapitalizzazzjoni ta’ Dexia ma kinitx tissodisfa l-kundizzjoni ta’ riżorsi tal-Istat.

(395)

Kif ġie deskritt fil-premessa 31 tad-Deċiżjoni ta’ estensjoni tal-proċedura, fit-3 ta’ April 2012 il-Kummissjoni fetħet proċedura ta’ investigazzjoni formali fil-każ SA.33927 (90)“guarantee scheme protecting the shares of individual members of financial cooperatives”, fejn qalet b’mod preliminari li l-iskema ta’ garanzija tista’ tabilħaqq tkun għajnuna inkompatibbli mas-suq intern għall-kooperattivi finanzjarji li l-azzjonisti individwali tagħhom ikunu koperti mill-iskema ta’ garanzija, u għaldaqstant partikolarment favur Arcofin.

(396)

B’mod partikolari, skont id-Deċiżjoni tat-3 ta’ April 2012, l-iskema ta’ garanzija setgħet għenet lill-kooperattivi jiksbu kapital addizzjonali jew għall-inqas jippreservaw il-kapital eżistenti tagħhom billi kkonvinċew lill-azzjonisti individwali eżistenti tagħhom biex ma jirtirawx mill-kooperattiva tagħhom. Dan kien partikolarment rilevanti matul il-perjodu ta’ bejn il-ħarifa 2008 u d-data tal-adozzjoni (10 ta’ Ottubru 2011) tad-Digriet Irjali, meta l-fraġilità tas-swieq inġenerali u b’mod speċjali tal-istituzzjonijiet finanzjarji kienet f’każ kuntrarju tħeġġeġ lill-investituri jirtiraw mill-kooperattivi (91).

(397)

Kif indikat fid-Deċiżjoni tat-3 ta’ April 2012 u fid-Deċiżjoni ta’ estensjoni tal-proċedura, il-Kummissjoni nnutat li:

(398)

Skont ir-rapport tal-Kummissjoni speċjali tal-Kamra tar-Rappreżentanti tal-Belġju inkarigata sabex teżamina ċ-ċirkostanzi li wasslu għall-iżmantellar ta’ Dexia SA, ma kienx hemm interess ekonomiku proprju għal Arcofin li tipparteċipa fir-rikapitalizzazzjoni ta’ Dexia u din l-operazzjoni saret taħt pressjoni mill-awtoritajiet:

(399)

Skont l-istampa Belġjana, il-Ministru tal-Finanzi tal-gvern preċedenti kien iddikjara fil-25 ta’ Jannar 2012, waqt seduta quddiem il-Kummissjoni speċjali tal-Kamra tar-Rappreżentanti tal-Belġju inkarigata sabiex teżamina ċ-ċirkostanzi li wasslu għall-iżmantellar ta’ Dexia SA, li l-garanzija tal-Istat favur l-ishma tal-azzjonisti ta’ Arcofin kienet ir-riżultat ta’ kompromess politiku li jmur lura għall-2008 taħt l-ewwel pjan ta’ salvataġġ ta’ Dexia:

“ Huwa [il-Ministru tal-Finanzi Belġjan] stqarr ukoll [l-Erbgħa, 25 ta’ Jannar 2012, waqt is-seduta tiegħu quddiem il-Kummissjoni parlamentari dwar l-iżmantellar ta’ Dexia] li ma kienx konvint mal-ewwel mill-garanziji-Arco, l-aktar minħabba biża’ li ma jiġux aċċettati mill-Ewropa. Il-fatt li dawn il-garanziji xorta ġew implimentati huwa r-riżultat, skont il-Viċi Prim Ministru [il-Ministru tal-Finanzi Belġjan], ta’ kompromess politiku li jmur lura għall-2008, waqt l-ewwel salvataġġ ta’ Dexia. Hija l-ewwel darba li persuna kkonċernata ammettiet dan il-kompromess li l-eżistenza tiegħu kienet diġà magħrufa.

Skont [il-Ministru], il-mistoqsija dwar il-fatt li tingħata protezzjoni […] lil dawk li jikkooperaw ma’ Arco, kienet diġà tqajjmet fl-aħħar ta’ Settembru 2008, fil-lejl tal-ewwel salvataġġ ta’ Dexia fil-palazz Egmont.

“[…] Rigward Arco, il-mistoqsija saret mill-Kunsill ristrett tal-Ministri [“Kernkabinet”] stess”, iddikjara l-[Ministru tal-Finanzi] li ma tax dettalji.

[Il-Ministru] qal li il-kompromess politiku kien meħtieġ dakinhar biex Dexia jiġi salvat. […]”  (99).

“ Quddiem il-Kummissjoni Dexia, [il-Ministru tal-Finanzi Belġjan] stqarr ukoll li, għall-ewwel, huwa ma kienx favur din il-garanzija, li kienet il-konsegwenza ta’ kompromess politiku li seħħ fl-2008, ikkonferma l-eks Ministru tal-Finanzi. Huwa fakkar li fil-lejl tal-ewwel salvataġġ ta’ Dexia f’Settembru 2008, ġiet diskussal-estensjoni tal-garanzija offruta għall-investituri fil-prodotti tal-Klassi 21, […], kif ukoll għall-kooperaturi ta’ Arco. “[…] Għal Arco, il-mistoqsija tqajjmet direttament fil-kern [il-kunsill ristrett tal-Ministri].” ”  (100)

(400)

Skont l-intervent ta’ parlamentari fid-diskussjoni tar-rapport tal-Kummissjoni speċjali tal-Kamra tar-Rappreżentanti tal-Belġju inkarigata sabiex teżamina ċ-ċirkostanzi li wasslu għall-iżmantellar ta’ Dexia SA, l-aċċess mogħti mill-Istat lill-azzjonisti tal-grupp Arco għall-iskema ta’ garanzija kienet il-kontroparti għall-parteċipazzjoni ta’ Arcofin fiż-żieda ta’ Dexia li saret taħt pressjoni mill-Gvern:

(401)

Għar-raġunijiet imfissra fil-premessi (397) sa (400), id-dubji espressi mill-Kummissjoni fid-Deċiżjoni ta’ estensjoni tal-proċedura ma tneħħewx mill-kummenti li waslu mingħand l-Istati Membri kkonċernati. Għaldaqstant, il-Kummissjoni tqis li l-garanzija tal-Istat favur l-azzjonisti ta’ Arcofin ġiet imfassla mill-awtoritajiet Belġjani sabiex jikkonvinċu lil Arcofin jipparteċipa fir-rikapitalizzazzjoni ta’ Dexia.

(402)

Bi tweġiba għall-osservazzjonijiet tal-Belġju (ara l-premessa (377)), il-Kummissjoni tinnota li l-aħbar u l-garanzija kienu ġejjin mill-Istat Belġjan. Hija tinnota li din l-operazzjoni ta’ garanzija seħħet biss meta Arcofin kien ikun soġġett, fin-nuqqas ta’ din l-operazzjoni, għal riskju akbar milli kieku l-azzjonisti tiegħu kienu esposti għal telf relatat mal-parteċipazzjoni ta’ Arcofin fir-rikapitalizzazzjoni ta’ Dexia. Hija tinnota l-koinċidenza tal-aħbar tal-abbozz tal-garanzija (l-10 ta’ Ottubru 2008) u t-tħejjija tar-rikapitalizzazzjoni ta’ Dexia (li saret finali fit-3 ta’ Ottubru 2008, u għalhekk imħejjija qabel din id-data) u tqis, fid-dawl tal-kunsiderazzjonijiet preċedenti (102), li Arcofin ma kienx jipparteċipa fir-rikapitalizzazzjoni ta’ Dexia li kieku ma setax jistrieħ fuq l-iskema ta’ garanzija li tipproteġi l-investiment tal-azzjonisti individwali fis-soċjetajiet kooperattivi, li l-aħbar tal-abbozz taghħa ħeġġu jkompli bl-injezzjoni fil-kapital. Għaldaqstant il-miżura hija attribwibbli għall-Istat.

(403)

Ir-rikapitalizzazzjoni ta’ Dexia ta’ EUR 350 miljun mill-kooperattiva finanzjarja Arcofin taħt l-ewwel pjan ta’ salvataġġ ta’ Dexia hija għalhekk imputabbli lill-Istat. Il-kundizzjonijiet l-oħrajn meħtieġa għall-kwalifika ta’ għajnuna mill-Istat huma ssodisfati għar-raġunijiet diġà spjegati fid-Deċiżjoni tal-ftuħ tat-13 ta’ Marzu 2009 (103) u d-Deċiżjoni ta’ approvazzjoni kondizzjonali (104): il-Kummissjoni tikkunsidra li mingħajr il-garanzija tal-Istat Belġjan, Arcofin ma kienx jissottoskrivi għal din iż-żieda tal-kapital, li tat lil grupp Dexia vantaġġ kbir billi naqqset ir-riskju ta’ insolvenza tiegħu; iż-żieda tal-kapital hija selettiva peress li din kienet tirrigwarda biss impriża waħda, il-grupp Dexia; billi d-daqs ta’ Dexia u l-importanza tiegħu fuq is-suq Belġjan, Franċiż u Lussemburgiż, u l-fatt li, mingħajr l-interventi, il-grupp seta’ jsib ruħu f’pożizzjoni ta’ insolvenza, li kienet tbiddel l-istruttura tas-suq bankarju fit-tliet territorji b’mod sinifikanti, il-Kummissjoni tqis li l-miżuri inkwistjoni jaffettwaw il-kummerċ bejn l-Istati Membri u joħolqu distorsjoni jew jheddu li joħolqu distorsjoni tal-kompetizzjoni.

(404)

Il-Kummissjoni tinnota li r-responsabbiltà tal-Istat għall-parteċipazzjoni ta’ Arcofin fir-rikapitalizzazzjoni ta’ Dexia ma tistax tkun iddubitata minn xi konklużjoni possibbli fil-każ SA.33927 “guarantee scheme protecting the shares of individual members of financial cooperatives” li l-iskema ta’ garanzija ma tikkostitwixxix għajnuna mill-Istat favur Arcofin. Fil-fatt, Arcofin seta’ ma kienx benefiċjarju ta’ għajnuna mill-Istat taħt l-iskema ta’ garanzija, għalkemm ħadet, kif innutat il-Kummissjoni f’din id-Deċiżjoni, miżura imputabbli lill-Istat li tikkostitwixxi għajnuna.

(405)

Il-Kummissjoni ma nżammitx informata mill-awtoritajiet Belġjani, bħala parti mill-proċedura li wasslet għad-Deċiżjoni ta’ approvazzjoni kondizzjonali, dwar l-elementi relatati ma’ skema ta’ garanzija li tipproteġi l-ishma tal-azzjonisti individwali fil-kooperattivi finanzjarji. Fil-fatt, in-nuqqas ta’ informazzjoni sħiħa dwar il-kundizzjonijiet madwar il-parteċipazzjoni ta’ Arcofin fir-rikapitalizzazzjoni kellu importanza determinanti fuq il-konklużjoni tal-Kummissjoni dwar in-nuqqas ta’ għajnuna f’dan l-investiment u l-kompatibbiltà tal-elementi l-oħrajn ta’ għajnuna identifikati fid-Deċiżjoni ta’ approvazzjoni kondizzjonali. Dexia rċieva fir-realtà ammont ta’ għajnuna ogħla minn dak innutat mill-Kummissjoni fid-Deċiżjoni ta’ approvazzjoni kondizzjonali u l-iżball fuq l-ammont ta’ għajnuna li fih waqgħet il-Kummissjoni seta’ kellu importanza determinanti fuq l-analiżi tal-Kummissjoni. Il-Kummissjoni għaldaqstant ħabbret permezz ta’ ittra lill-Istati Membri kkonċernati l-intenzjoni tagħha li tiftaħ proċedura bl-għan li tirrevoka l-partijiet kollha tad-Deċiżjoni ta’ approvazzjoni kondizzjonali li jirrgwardaw il-parteċipazzjoni ta’ Arcofin fir-rikapitalizzazzjoni ta’ Dexia. Hija avżat ukoll lill-Istati Membri kkonċernati li, jekk tingħata għajnuna addizzjonali fil-forma tal-parteċipazzjoni ta’ Arcofin fir-rikapitalizzazzjoni ta’ Dexia, għajnuna ġdida mogħtija jew li tista’ tingħata fil-perjodu ta’ ristrutturar speċifikat fid-Deċiżjoni ta’ approvazzjoni kondizzjonali, jew inkella ma jkunx hemm konformità ma’ ċerti impenji u kundizzjonijiet ta’ din l-istess Deċiżjoni, hija jkollha teżamina mill-ġdid il-kompatibbiltà tal-għajnuna kollha indirizzata fid-Deċiżjoni kondizzjonali. Imbagħad, fid-Deċiżjoni ta’ estensjoni tal-proċedura, il-Kummissjoni stiednet lill-Istati Membri kkonċernati jressqu l-osservazzjonijiet tagħhom u jipprovdu kwalunkwe informazzjoni utli dwar dan il-punt, sabiex ikun stabbilit jekk id-Deċiżjoni ta’ approvazzjoni kondizzjonali għandhiex tkun revokata. Għar-raġunijiet li ntqalu, wara l-analiżi tal-osservazzjonijiet ippreżentati mill-Istati Membri kkonċernati, il-Kummissjoni tikkunsidra li d-Deċiżjoni ta’ approvazzjoni kondizzjonali għandha tkun revokata. Madankollu, il-Kummissjoni tqis li l-analiżi dwar l-eżistenza tal-miżuri ta’ għajnuna diġà identifikati fid-Deċiżjoni ta’ approvazzjoni kondizzjonali (ara l-premessi 121 sa 138 tad-Deċiżjoni ta’ approvazzjoni kondizzjonali) tibqa’ għal kollox valida.

(406)

Il-garanzija temporanja tal-Istati Membri kkonċernati għar-rifinanzjament ta’ Dexia SA u ta’ DCL kienet ikkwalifikata bħala għajnuna (u approvata temporanjament) bid-Deċiżjoni ta’ approvazzjoni temporanja (105), id-Deċiżjoni tal-ewwel estensjoni tal-garanzija (106), id-Deċiżjoni dwar iż-żieda tal-limitu tal-garanzija (107) u d-Deċiżjoni tat-tieni estensjoni tal-garanzija (108) għal ammont inizjali ta’ EUR 45 biljun, imbagħat ta’ EUR 55 biljun.

(407)

Fid-Deċiżjonijiet tagħha tad-19 ta’ April 2008 (109) u tat-30 ta’ Ottubru 2009 (110), il- Kummissjoni kienet diġà stabbiliet li l-mekkaniżmu ta’ garanzija tal-Istati Membri kkonċernati għall-finanzjament avvjat minn Dexia, skont ftehim ta’ Ottubru 2008, kien għajnuna mill-Istati.

(408)

Il-Kummissjoni ttenni r-raġunijiet diġà mogħtija fid-Deċiżjonijiet preċedenti tagħha, li l-garanzija ta’ rifinanzjament favur Dexia SA u DCL hija għajnuna mill-Istati.

(409)

Il-Kummissjoni tosserva li l-Istati Membri kkonċernati jiġġustifikaw il-garanzija temporanja ta’ rifinanzjament bil-fatt li Dexia ma setax jiffinanzja lilu nnifsu mill-ġdid fuq is-swieq. F’dawn iċ-ċirkostanzi il-Kummissjoni tista’ tqis li l-garanzija mhijiex ipprovduta b’rata tas-suq u tagħti vantaġġ lill-benefiċjarju tagħha.

(410)

Il-miżura hija seletttiva għax tirrigwarda biss kumpanija waħda, Dexia (Dexia SA u DCL huma l-uniċi entitajiet direttament benefiċjarji).

(411)

Il-garanzija temporanja ta’ rifinanzjament, mogħtija mill-Istati Membri kkonċerrnati, tinkludi biċ-ċar riżorsi tal-Istat.

(412)

Minħabba l-kobor ta’ Dexia u l-fatt li, mingħajr il-garanzija temporanja ta’ rifinanzjament, il-bank kien jissogra li jitqiegħed f’likwidazzjoni immedjata u mhux ordnata minħabba l-problemi kkombinati tiegħu ta’ likwidità, il-kwalità tal-assi, profittabbiltà u solvenza, li kienu jaffettwaw l-istruttura tas-suq bankarju f’diversi Stati Membri, il-Kummissjoni tqis li l-miżura taffettwa l-kummerċ bejn l-Istati Membri u toħloq distorsjoni jew thedded li toħloq distorsjoni fil-kompetizzjoni.

(413)

Il-Kummissjoni tqis li l-ELA mogħtija mill-5 ta’ Ottubru 2011 hija parti minn sensiela ta’ miżuri ġodda favur il-grupp Dexia u DBB/Belfius wara ċ-ċessjoni ta’ DBB/Belfius, adottati (jew li għandhom ikunu adottati) wara l-approvazzjoni, fis-26 ta’ Frar 2010, tal-ewwel pjan ta’ ristrutturar ta’ Dexia, bħall-garanzija temporanja ta’ rifinanzjament, ix-xiri ta’ DBB/Belfius, iċ-ċessjoni ta’ Dexia BIL u l-miżuri previsti mill-pjan ta’ riżoluzzjoni ordnata ta’ Dexia.

(414)

Bi tweġiba għall-osservazzjonijiet tal-Istati Membri kkonċernati dwar l-ELA, il-Kummissjoni tinnota li, skont il-punt 51 tal-komunikazzjoni bankarja (111), waħda mill-kundizzjonijiet biex ikun konkluż li mhemmx għajnuna hija li “l-miżura […] ma tkunx tgawdi l-kontrogaranzija tal-Istat”.

(415)

Hija tinnota li l-garanzija mill-Istat tal-ELA mogħtija lil DBB/Belfius hija parti mill-garanzija tal-Istat Belġjan favur il-BNB, skont il-liġi tat-22 ta’ Frar 1998 li tistabbilixxi l-istatus organiku tal-BNB.

(416)

Hija ma taqbilx mal-awtoritajiet Belġjani li l-garanzija tal-Belġju favur BNB mhijiex parti mill-Komunikazzjoni bankarja (112) minħabba li din il-garanzija mhijiex miżura “ta’ kontra l-kriżi” mogħtija speċifikament għall-ELA, iżda “tiggarantixxi l-krediti kollha [sic] mogħtija mill-BNB, sakemm dawn jingħataw bħala parti mill-kontribuzzjoni tal-BNB għall-istabilità tas-sistema finanzjarja, li jmur ferm lil hinn mill-miżuri ta’ kontra l-kriżi”.

(417)

Il-Kummissjoni tinnota li l-kriterju ta’ nuqqas ta’ kontrogaranzija mill-Istat, promulgat mill-Komunikazzjoni bankarja bħala wieħed mill-kriterji kumulattivi li jeskludu l-kwalifika ta’ għajnuna, mhuwiex definit aktar ‘il quddiem. Din il-Komunikazzjoni ma tindika mkien, lanqas b’mod impliċitu, li tali kontrogaranzija għandha tittieħed speċifikament għall-ġlieda kontra l-kriżi finanzjarja attwali. Fil-fatt, il-kriterji identifikati fil-punt 51 tal-Komunikazzjoni bankarja jirrepetu biss l-analiżi li għamlet il-Kummissjoni fil-premessi 32 u 33 tad-Deċiżjoni tagħha tal-5 ta’ Diċembru 2007Northern Rock (113), ferm qabel l-implimentazzjoni ta’ qafas legali dwar il-kriżi finanzjarja. Huwa biżżejjed għalhekk li l-kontrogaranzija tal-Istat tkopril-provvista ta’ fondi mill-bank ċentrali, u mhuwiex meħtieġ, kif jissuġġerixxu l-awtoritajiet Belġjani, li l-kontrogaranzija tingħata speċifikament għall-ELAs.

(418)

L-Artikolu 9(2) tal-liġi tat-22 ta’ Frar 1998 li tistabbilixxi l-istatut organiku tal-BNB jistipula “L-Istat jiggarantixxi lill-Bank kontra kull telf u jiggarantixxi r-rimborż t’a kwalunkwe kreditu mogħti mill-Bank wara l-implimentazzjoni tal-ftehim imsemmi fil-paragrafu preċedenti [jiġifieri “il-ftehim ta’ kooperazzjoni monetarja internazzjonali li jorbot lill-Belġju”] jew wara l-parteċipazzjoni tiegħu fi ftehim jew f’operazzjonijiet ta’ kooperazzjoni monetarja internazzjonali li tagħhom, permezz tal-approvazzjoni deċiża fil-Kunsill tal-Ministri, il-Bank ikun parti. L-Istat jiggarantixxi wkoll lill-Bank ir-rimborż ta’ kwalunkwe kreditu mogħti bħala parti mill-kontribut tiegħu għall-istabilità tas-sistema finanzjarja u jiggarantixxi lill-Bank kontra kull telf imġarrab minħabba kwalunkwe operazzjoni meħtieġa f’dan ir-rigward.” (114)

(419)

Skont il-Kummissjoni, minn dan jirriżulta li, għall-attivitajiet koperti minn din il-klawżola, il-BNB igawdi minn garanzija tal-Istat “kontra kull telf”. Barra minn hekk, l-awtoritajiet Belġjani, kontinwament iġġustifikaw l-ELAs favur Dexia permezz tal-ħtieġa li jevitaw destabilizzazzjoni tas-sistema finanzjarja.

(420)

Il-fatt li fin-notifika tagħhom tal-21 ta’ Ottubru 2011 dwar il-miżura l-ġdida tal-ELA, l-awtoritajiet Belġjani qiesu li kien meħtieġ jindikaw il-preżenza ta’ kontrogaranzija tal-Istat favur il-BNB kważi minnufih wara l-indikazzjoni li l-ELA hija meħtieġa biex tinżamm l-istabilità finanzjarja tal-Belġju jikkonferma li din il-kontrogaranzija tkopri effettivament l-ELA:

(…)

(421)

Għalhekk il-kundizzjonijiet definiti fil-Komunikazzjoni bankarja sabiex tiġi eskluża l-preżenza ta’ għajnuna mhumiex issodisfati kollha f’dak li jirrigwarda l-ELA tal-BNB lil DBB/Belfius.

(422)

L-istess huwa veru fir-rigward ta’ nofs l-ELA li l-BdF ta lil DCL, għar-raġunijiet mogħtija fil-premessi 414 sa 429.

(423)

Peress li l-ftehim tat-2 ta’ Frar 2012 (116) bejn il-bank ċentrali Belġjan u dak Franċiż kiseb karattru vinkolanti, il-BNB huwa meħtieġ li jħallas sa 50 % tat-telf li l-BdF jista’ jsofri minħabba l-inadempjenza possibbli ta’ DCL. Madankollu, din il-garanzija tal-BNB lill-BdF tgawdi hija stess mill-garanzija tal-Istat Belġjan taħt il-liġi tat-22 ta’ Frar 1998 li tistabbilixxi l-istatut organiku tal-BNB.

(424)

Fin-nuqqas ta’ evidenza suffiċjenti li turi li l-ftehim proviżorju bejn iż-żewġ banek ċentrali li ppreċeda l-ftehim tat-2 ta’ Frar 2012 (117) kien ta’ natura legalment vinkolanti, il-Kummissjoni tqis it-2 ta’ Frar 2012 bħala d-data li minnha l-ELA tal-BdF lil DCL tibda tgħodd bħala għajnuna.

(425)

[…].

(426)

[…].

(427)

[…].

(428)

[…].

(429)

Bħala konklużjoni, il-kundizzjoni li, biex l-ELA ma tkunx għajnuna skont il-Komunikazzjoni bankarja, din l-ELA m’għandhiex tgawdi minn kontrogaranzija tal-Istat (118) mhijiex issodisfata f’dak li jirrigwarda l-ELA tal-BdF favur DCL.

(430)

Għaldaqstant il-kundizzjonijiet definiti fil-Komunikazzjoni bankarja sabiex tiġi eskluża l-preżenza ta’ għajnuna mhumiex issodisfati kollha la f’dak li jirrigwarda l-ELA tal-BNB lil DBB/Belfius u lanqas f’dak li jirrigwarda l-ELA tal-BdF lil DCL. Għaldaqstant, jeħtieġ li jkun ivverifikat jekk il-kundizzjonijiet li jwasslu għal għajnuna mill-Istat humiex effettivament issodisfati.

(431)

Il-BNB huwa istituzzjoni pubblika u l-interventi tiegħu jinvolvu riżorsi tal-Istat fit-tifsira tal-Artikolu 107(1) tat-Trattat. Skont il-BNB stess, “il-predominanza tal-interess ġenerali fil-ġestjoni tal-Bank nazzjonali mill-ħolqien tiegħu kienet tirriżulta f’derogi għal-liġi dwar il-korporazzjonijiet” (119). Huwa jaqdi funzjonijiet tal-ordni sovrana bħaż-żamma tal-istabilità tal-prezzijiet għall-benefiċċju tal-komunità kollha kemm hi. Huwa rregolat minn liġi organika u l-istatuti tiegħu huma approvati permezz ta’ digriet irjali. Il-Gvernatur u d-diretturi jinħatru mir-Re. L-ELA tirrappreżenta għalhekk miżura tal-Istat mogħtija mir-riżorsi tal-Istat fis-sens tal-Artikolu 107(1) tat-TFUE.

(432)

Il-BdF huwa istituzzjoni li l-kapital tagħha jappartjeni lill-Istat. Mingħajr preġudizzju għall-għan ewlieni tal-istabilità tal-prezzijiet, il-BdF jappoġġja l-politika ekonomika ġenerali tal-gvern u jwettaq is-servizzi mitluba mill-Istat jew li jsiru għal partijiet terzi bil-kunsens ta’ dan tal-aħħar. L-ELA tirrappreżenta għalhekk miżura tal-Istat mogħtija mir-riżorsi tal-Istat fis-sens tal-Artikolu 107(1) tat-TFUE.

(433)

L-ELA mħallsa lil DCL u dik imħallsa lil DBB/Belfius saċ-ċessjoni tiegħu minn Dexia lill-Istat Belġjan hija miżura mogħtija b’mod selettiv lil Dexia, li tagħtih vantaġġ billi tagħtih finanzjament li Dexia ma jistax jikseb aktar fuq is-suq minħabba d-diffikultajiet serji tiegħu, l-aktar f’termini ta’ likwidità.

(434)

Bl-istess mod, l-ELA mħallsa lil DBB/Belfius wara ċ-ċessjoni minn Dexia lill-Istat Belġjan hija miżura mogħtija b’mod selettiv lil DBB/Belfius, li tagħtu vantaġġ billi pprovdietlu finanzjament li ma kienx aktar disponibbli għalih fis-suq. Barra minn hekk, fil-kuntest tal-problemi serji ta’ likwidità tal-grupp Dexia, DBB/Belfius wara ċ-ċessjoni kompla jissottoskrivi għall-ħruġ ta’ bonds ta’ DCL. L-ELA ffaċilitatlu l-investiment meta din il-faċilità ma kinitx disponibbli għall-kompetituri tiegħu.

(435)

Peress li Dexia huwa attiv f’diversi Stati Membru u f’kompetizzjoni, fil-parti l-kbira tal-attivitajiet tiegħu, ma’ istituzzjonijiet finanzjarji oħrajn madwar l-Unjoni Ewropea, l-ELA mogħtija lilu xekklet il-kompetizzjoni u affettwat il-kummerċj bejn l-Istati Membri.

(436)

Bl-istess mod, DBB/Belfius wara ċ-ċessjoni seta’ juża, permezz tal-ELA, sors ta’ finanzjament li mingħajru ma kienx ikun jista’ jkompli l-attivitajiet tiegħu (fosthom li jissottoskrivi għall-istrumenti finanzjarji maħruġa minn DCL), u li għalhekk tatu vantaġġ li jxekkel il-kompetizzjoni. Dan huwa bank kbir fil-Belġju u jinsab f’kompetizzjoni ma’ istituzzjonijiet finanzjarji attivi madwar l-Unjoni Ewropea. Għaldaqstant dan il-vantaġġ affettwa l-kummerċ bejn l-Istati Membri.

(437)

Għalhekk, u minkejja l-portafolli ta’ kreditu mogħtija b’rahan minn DBB/Belfius u DCL, il-Kummissjoni tqis li l-ELAs jinkludu għajnuna mill-Istat.

(438)

Fid-Deċiżjoni tal-ftuħ tagħha dwar il-bejgħ ta’ DBB/Belfius, il-Kummissjoni esprimiet id-dubji tagħha dwar in-nuqqas ta’ għajnuna fil-bejgħ ta’ DBB/Belfius lill-Istat Belġjan. Kull differenza pożittiva bejn il-prezz imħallas mill-awtoritajiet Belġjani u l-valur tas-suq ta’ DBB/Belfius waqt it-tranżazzjoni titqies bħala għajnuna mill-Istat lill-bejjiegħ (Dexia SA) ta’ ammont ekwivalenti. Barra minn hekk, it-tranżazzjoni tista’ wkoll tagħti għajnuna għall-benefiċċju tal-entità mibjugħa (DBB/Belfius). Din l-għajnuna tiżdied ma’ dik – ikkontestata – li kienet is-suġġett tad-Deċiżjoni ta’ approvazzjoni kondizzjonali u li minnha DBB/Belfius diġà bbenefika bħala entità tal-grupp Dexia (ara s-sezzjoni 6.1.1, premessi (387) sa (405)), u mal-ELA li rċieva DBB/Belfius (ara l-punt (b) ta’ din is-sezzjoni).

(439)

L-operazzjoni ta’ xiri tal-ishma ta’ DBB/Belfius mill-Istat Belġjan hija ffinanzjata mir-riżorsi tal-Istat (li ġejjin mill-SFPI).

(440)

L-Istat Belġjan intervjena favur Dexia u/jew is-sussidjarji tiegħu f’termini u kundizzjonijiet li ma jkunux aaċċettabbli għal investitur privat li jopera f’kundizzjonijiet normali tas-suq. Il-bejjiegħ Dexia jgawdi mir-riżorsi tal-Istat li jirriżultaw mill-prezz għoli mħallas mill-Belġju għax-xiri ta’ DBB/Belfius. Il-Kummissjoni tinnota li l-valutazzjoni tal-prezz ipprovduta mill-awtoritajiet Belġjani tindika valur ta’ bejn EUR 2,8 biljun u EUR 7,2 biljun. Fil-fatt, wara li ġie kkunsidrat it-telf mhux realizzat li rriżulta mill-kundizzjonijiet tas-suq tas-sajf tal-2011 (degradazzjoni ta’ madwar EUR [0-2] biljun ta’ telf mhux realizzat), kif ukoll l-aspettattivi tad-dħul li ġew ikkomunikati (EUR 408 miljun u EUR […] miljun għall-2012 u l-2013 rispettivament) u abbażi tal-modi multipli ta’ valutazzjoni ta’ gruppi bankarji Ewropej bħal Belfius (multiple P/E (120) ta’ [5-10] għall-2012 u l-2013 u P/TBV (121) ta’ [0,6-0,8] fl-aħħar tal-2011), jidher li l-valur tal-porzjon mibjugħ ta’ DBB/Belfius jista’ jkun stmat bejn EUR [0-5] biljun u EUR [0-5] biljun.

(441)

Barra minn hekk, il-Kummissjoni tosserva li l-kundizzjonijiet tat-tranżazzjoni ta’ DBB/Belfius jinkludu wkoll obbligi kuntrattwali għal DBB/Belfius u/jew għall-Istat Belġjan li huma ta’ vantaġġ għal Dexia/DCL u li, f’kundizzjonijiet normali tas-suq, kienu jnaqqsu l-prezz tat-tranżazzjoni. Dawn l-obbligi huma l-mekkaniżmu ta’ prezz addizzjonali, il-ftehim ta’ finanzjament bejn DBB/Belfius u DCL/Dexia u l-immunizzazzjoni mill-Istat Belġjan tal-grupp Dexia kontra kull riskju ta’ telf marbut mal-pendenti fuq Arco, Ethias u Holding Communal.

(442)

L-ewwel nett, fir-rigward tal-mekkaniżmu ta’ prezz addizzjonali, il-Kummissjoni tirrikonoxxi li huwa komuni fil-bejgħ tal-banek li jkun hemm mekkaniżmi ta’ aġġustament fil-prezz ibbażati fuq ir-rendiment futur tal-attività mibjugħa. Il-Kummissjoni tosserva madankollu li f’dan il-każ dan il-mekkaniżmu huwa sproporzjonat f’dan il-każ. B’mod partikolari, il-fatt li l-Istat Belġjan jintrabat li jħallas lura 100 % tal-valur miżjud ifisser li jaċċetta li jieħu riskju kbir ħafna (ix-xiri għal EUR 4 biljun) filwaqt li jirrinunzja għal kull kumpens għal dan ir-riskju (u mingħajr rimborż tal-ispejjeż tiegħu ta’ finanzjament). Tali rimborż tal-valur miżjud ma kienx ikun aċċettat minn investitur privat mingħajr aġġustament sinifikanti tal-prezz tal-bejgħ. Skont l-informazzjoni mogħtija mill-Belġju u mill-bank konsulent tiegħu, u fuq il-bażi tad-dejta tas-suq, il-mekkaniżmu ta’ prezz addizzjonali jista’ jkun stmat bejn EUR 40 miljun u EUR 150.

(443)

It-tieni, l-offerta magħmula mill-Istat Belġjan lill-grupp Dexia tinkludi tnaqqis gradwali tal-finanzjamenti ta’ DBB/Belfius lill-bqija tal-grupp u l-aktar lil Dexia SA u DCL. Dan it-tnaqqis, madankollu, mhuwiex akkumpanjat minn xi kronoloġija ċara u kritika. Il-Kummissjoni tqis li l-ebda investitur privat ma kien jaċċetta li jixtri b’dawn il-kundizzjonijiet bank li għandu espożizzjoni daqstant importanti għal Dexia u s-sussidjarji tiegħu, grupp f’diffikultà kbira, mingħajr aġġustament tal-prezz tal-bejgħ.

(444)

It-tielet, l-immunizzazzjoni mill-Istat Belġjan tal-grupp Dexia kontra kull riskju ta’ telf marbut mal-ammonti pendenti fuq Arco, Ethias u Holding Communal, kif jidher fl-offerta tal-Istat Belġjan lil Dexia ppubblikata fl-10 ta’ Ottubru 2011, ma kinitx tkun aċċettabbli għal investitur prudenti.

(445)

Huwa mfakkar, kif indikat fid-Deċiżjoni tal-ftuħ dwar il-bejgħ ta’ DBB/Belfius (122) u kkonfermat mid-Deċiżjoni ta’ approvazzjoni temporanja (123) u d-Deċiżjoni ta’ estensjoni tal-proċedura (124) li l-bejgħ ta’ DBB/Belfius lill-Istat Belġjan f’kundizzjonijiet favorevoli għal Dexia huwa miżura ta’ għajnuna li tagħmel parti mill-istabbiliment mill-Istati Membri kkonċernati ta’ sett ta’ miżuri strutturali addizzjonali favur Dexia (li dwarhom, fl-adozzjoni tad-Deċiżjoni tal-ftuħ dwar il-bejgħ ta’ DBB/Belfius, il-Kummissjoni ma kienx għad kellha informazzjoni preċiża biżżejjed, iżda li wara rriżulta li kienu l-garanzija ta’ rifinanzjament, l-ELA u l-miżuri previsti mill-pjan rivedut ta’ riżoluzzjoni ordnata ta’ Dexia) li ma kienx ikun aċċettabbli għal investitur prudenti. Minn dan jirriżulta li x-xiri ta’ DBB/Belfius ma jistax ikun isseparat mill-miżuri l-oħrajn ta’ appoġġ mogħtija lil Dexia (125).

(446)

B’hekk il-prezz ta’ DBB kellu jitbaxxa biex jirrifletti l-obbligi msemmija fil-premessi 441 sa 445 li bbenefikaw lil Dexia/DCL. Il-Kummissjoni tqis għalhekk li l-prezz tal-bejgħ ta’ DBB/Belfius kien stmat iżżejjed u ogħla minn kemm kien jaċċetta investitur privat prudenti. L-għajnuna favur DCL/Dexia tista’ għalhekk tkun stmata li tammonta bejn EUR 1 biljun u EUR 2 biljun.

(447)

Dexia huwa f’kompetizzjoni ma’ gruppi barranin, b’mod li l-kummerċ bejn l-Istati Membri huwa affettwat u dan il-bejgħ bi prezz għoli żżejjed joħloq distorsjoni fil-kompetizzjoni.

(448)

Il-Kummissjoni tqis li ġie stabbilit li l-Istat Belġjan ma aġixxiex bħala investitur prudenti f’ekonomija tas-suq meta akkwista lil DBB/Belfius peress li l-prezz tal-bejgħ kien ogħla mill-valur tas-suq u l-Istat Belġjan akkwista lil DBB/Belfius sabiex jevita d-deterjorazzjoni tas-sitwazzjoni finanzjarja tal-grupp u għalhekk tas-sistema finanzjarja Belġjana.