20.3.2014   

MT

Il-Ġurnal Uffiċjali tal-Unjoni Ewropea

L 82/1

(1)

L-Artikolu 13(1) tar-Regolament (KE) Nru 1967/2006 jipprojbixxi l-użu ta’ rkaptu rmunkat fl-inħawi ta’ 3 mili nawtiċi tal-kosta jew fl-isobat ta’ 50 metru fejn jintlaħaq dak il-fond f’distanza iqsar mill-kosta.

(2)

Fuq talba ta’ Stat Membru, il-Kummissjoni tista’ tippermetti deroga mill-Artikolu 13(1) tar-Regolament (KE) Nru 1967/2006, sakemm jiġu sodisfati għadd ta’ kundizzjonijiet stabbiliti fl-Artikolu 13(5) u (9).

(3)

Fit-8 ta’ Frar 2013, il-Kummissjoni waslitilha talba mingħand is-Slovenja għal deroga mill-ewwel subparagrafu tal-Artikolu 13(1) ta’ dak ir-Regolament, għall-użu ta’ bastimenti tat-tkarkir “volantina” fl-ilmijiet territorjali tas-Slovenja, f’anqas minn 50 metru fond, fiż-żona bejn 1,5 u 3 mil nawtiku mill-kosta.

(4)

It-talba tkopri l-bastimenti b’esperjenza fis-sajd ta’ aktar minn ħames snin u li joperaw skont pjan ta’ ġestjoni adottat mis-Slovenja fit-13 ta’ Frar 2014 (2) skont l- Artikolu 19(2) tar- Regolament (KE) Nru 1967/2006. Dawk il-bastimenti inklużi f’lista kkomunikata lill-Kummissjoni skont ir-rekwiżiti tal- Artikolu 13(9) tar- Regolament (KE) Nru 1967/2006.

(5)

Il-pjan ta’ ġestjoni ma jagħtix garanzija dwar żieda futura fl-isforz tas-sajd, peress li l-awtorizzazzjonijiet tas-sajd se jinħarġu biss lil12-il bastiment speċifikat li jinvolvu sforz totali ta’ 178 tunnellata grossa li huma diġà awtorizzati li jistadu mis-Slovenja.

(6)

Is-Slovenja tat ġustifikazzjonijiet xjentifiċi u tekniċi aġġornati għad-deroga.

(7)

Il-Kumitat Xjentifiku, Tekniku u Ekonomiku għas-Sajd (STECF) ivvaluta d-deroga mitluba mis-Slovenja u l-abbozz relatat mal-abbozz tal-pjan ta’ ġestjoni fis-sessjoni plenarja tiegħu li saret mit-8 sat-12 ta’ April 2013.

(8)

Id-deroga mitluba mis-Slovenja tikkonforma mal-kundizzjonijiet stabbiliti fl-Artikolu 13(5) u (9) tar-Regolament (KE) Nru 1967/2006.

(9)

B’mod partikolari, hemm limitazzjonijiet ġeografiċi speċifiċi, peress li l-ibħra territorjali tas-Slovenja fl-ebda punt ma jilħqu l-fond ta’ 50 metru. Għaldaqstant, bastimenti tat-tkarkir tal-qiegħ, inklużi l-bastimenti tat-tkarkir “volantina”, bħalissa joperaw esklussivament lil hinn mit-3 mili nawtiċi, fejn żoni tas-sajd huma limitat b’mod sinifikanti minn żona dedikata għal rotot ta’ navigazzjoni kummerċjali.

(10)

Is-sajd bit-tkarkir “volantina” ma jistax isir b’irkaptu ieħor, m’għandu l-ebda impatt sinifikanti fuq l-ambjent tal-baħar, inklużi ħabitats protetti, u ma tinterferixxix ma’ irkaptu ieħor li mhux tat-tkarkir, mtielaq jew xbieki simili rmunkati.

(11)

Id-deroga mitluba mis-Slovenja taffettwa għadd limitat ta’ 12 il-bastiment. In-numri ta’ reġistrazzjoni ta’ dawn il-bastimenti huma speċifikati fil-pjan ta’ ġestjoni.

(12)

L-attivitajiet tas-sajd ikkonċernati jissodisfaw ir-rekwiżiti tal-Artikolu 4, l-Artikolu 8(1)(h) u l-Artikolu 9(3) tar-Regolament (KE) Nru 1967/2006. L-attività ta’ bastimenti tat-tkarkir “volantina” hija rregolata fil-pjan ta’ ġestjoni Sloven biex ikun żgurat li l-qabdiet tal-ispeċijiet imsemmija fl-Anness III tar-Regolament (KE) Nru 1967/2006 ikunu minimi.

(13)

Bastimenti tat-tkarkir “volantina” ma għandhomx fil-mira tagħhom iċ-ċefalopodi.

(14)

Il-pjan ta’ ġestjoni Sloven jinkludi miżuri għall-monitoraġġ tal-attivitajiet tas-sajd, kif stipulat fit-tielet subparagrafu tal-Artikolu 13(9) tar-Regolament (KE) Nru 1967/2006 u fl-Artikolu 14 u 15 tar-Regolament tal-Kunsill (KE) Nru 1224/2009 (3).

(15)

Għaldaqstant, id-derogi mitluba għandhom jingħataw.

(16)

Is-Slovenja għandha tirrapporta lill-Kummissjoni fi żmien xieraq u skont il-pjan ta’ monitoraġġ stipulat fil-pjan ta’ ġestjoni Sloven.

(17)

Għandha tiġi stabbilita limitazzjoni għat-tul ta’ żmien tad-deroga biex ikun permess li jittieħdu miżuri ta’ ġestjoni korrettivi fil-pront f’każ li r-rapport lill-Kummissjoni juri stat ħażin ta’ konservazzjoni tal-istokk sfruttat filwaqt li tipprovdi kamp ta’ applikazzjoni biex tittejjeb il-bażi xjentifika għal pjan ta’ ġestjoni mtejjeb.

(18)

Il-miżuri stipulati f’dan ir-Regolament huma skont l-opinjoni tal-Kumitat dwar is-Sajd u l-Akkwakultura,

(a)

li għandhom in-numru ta’ reġistrazzjoni msemmi fil-pjan ta’ ġestjoni Sloven;

(b)

li għandhom esperjenza ta’ aktar minn ħames snin fis-sajd u li ma jinvolvu l-ebda żieda fil-futur fl-isforz tas-sajd skjerat; u wkoll

(c)

li għandhom awtorizzazzjoni għas-sajd u li joperaw skont il-pjan ta’ ġestjoni adottat mis-Slovenja skont l-Artikolu 19(2) tar-Regolament (KE) Nru 1967/2006.

20.3.2014   

MT

Il-Ġurnal Uffiċjali tal-Unjoni Ewropea

L 82/3

(1)

L-esperjenza mill-implimentazzjoni tar-Regolament tal-Kummissjoni (UE) Nru 185/2010 (2) uriet il-ħtieġa li jiġu riveduti l-modalitajiet ta’ implimentazzjoni tal-istandards bażiċi komuni għall-użu ta’ tekniki tal-Individwazzjoni tat-Traċċi Splussivi (ETD).

(2)

Il-miżuri speċifiċi tas-sigurtà tal-avjazzjoni għall-użu tal-ETD għandhom jiġu ċċarati, armonizzati u simplifikati ħalli titjieb iċ-ċarezza legali, issir standardizzazzjoni tal-interpretazzjoni komuni tal-leġiżlazzjoni u tibqa’ tkun żgurata l-aqwa implimentazzjoni tal-istandards bażiċi komuni għas-sigurtà tal-avjazzjoni.

(3)

L-emendi għandhom x’jaqsmu ma’ miżuri li jiddeskrivu l-użu permess tal-ETD fejn jidħol l-iskrinjar ta’ passiġġieri, persuni li mhumiex passiġġieri, bagalji tal-kabina, bagalji tal-istiva, merkanzija, posta, provvisti għal waqt it-titjira u provvisti tal-ajruport u rekwiżiti tekniċi għat-tagħmir ta’ sigurtà tal-ETD.

(4)

Għaldaqstant ir-Regolament (UE) Nru 185/2010 għandu jiġi emendat skont dan.

(5)

Il-miżuri stipulati f’dan ir-Regolament huma skont l-opinjoni tal-Kumitat dwar is-Sigurtà tal-Avjazzjoni Ċivili,

20.3.2014   

MT

Il-Ġurnal Uffiċjali tal-Unjoni Ewropea

L 82/6

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

20.3.2014   

MT

Il-Ġurnal Uffiċjali tal-Unjoni Ewropea

L 82/8

(1)

Ir-Regolament (KE) Nru 533/2007 fetaħ kwoti tariffarji għall-importazzjoni tal-prodotti tas-settur tal-laħam tat-tjur.

(2)

L-applikazzjonijiet għal-liċenzji tal-importazzjoni introdotti matul l-ewwel sebat ijiem tax-xahar ta’ Marzu 2014 għas-subperjodu mill-1 ta’ April sal-30 ta’ Ġunju 2014 għal ċerti kwoti jaqbżu l-kwantitajiet disponibbli. Għaldaqstant, jeħtieġ li jiġi ddeterminat sa liema punt jistgħu jinħarġu l-liċenzji tal-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba,

20.3.2014   

MT

Il-Ġurnal Uffiċjali tal-Unjoni Ewropea

L 82/10

20.3.2014   

MT

Il-Ġurnal Uffiċjali tal-Unjoni Ewropea

L 82/12

(1)

Id-Direttiva 2000/25/KE tistabbilixxi l-valuri ta’ limitu għall-emissjonijiet ta’ inkwinanti ta’ gass u partikolati applikabbli fi stadji suċċessivi, u l-proċedura tat-test għall-magni b’kombustjoni interna li jintużaw għat-tmexxija ta’ tratturi għall-agrikoltura jew għall-forestrija b’referenza għad-dispożizzjonijiet tad-Direttiva 97/68/KE tal-Parlament Ewropew u tal-Kunsill tas-16 ta’ Diċembru 1997 dwar l-approssimazzjoni tal-liġijiet tal-Istati Membri fir-rigward tal-miżuri kontra l-emissjoni ta’ inkwinanti ta’ gass u partikolati minn magni tal-kombustjoni interna li għandhom jiġu installati f’makkinarju mobbli mhux tat-triq (2).

(2)

Il-progress tekniku jirrekjedi adattamenti mgħaġġla tar-rekwiżiti tekniċi stabbiliti fl-Annessi tad-Direttiva 97/68/KE u għalhekk dik id-Direttiva ġiet emendata bosta drabi. Huwa għaldaqstant neċessarju li d-Direttiva 2000/25/KE tkun konformi mad-dispożizzjonijiet tad-Direttiva 97/68/KE kif emendata.

(3)

L-Anness XII tad-Direttiva 97/68/KE ġie emendat bid-Direttiva tal-Kummissjoni 2012/46/UE (3) sabiex jiġu introdotti approvazzjonijiet tat-tip alternattivi ġodda skont il-progress tekniku fil-livell tan-NU/KEE u sabiex tiġi żgurata l-armonizzazzjoni internazzjonali fir-rigrard ta’ proċeduri alternattivi għall-approvazzjoni tat-tip. Għaldaqstant, dawk id-dispożizzjonijiet alternattivi għall-approvazzjoni tat-tip għandhom jiġu introdotti fid-Direttiva 2000/25/KE. Barra minn hekk, huwa neċessarju li jiġu aġġornati r-referenzi għar-Regolamenti Nru 49 u Nru 96 tal-Kummissjoni Ekonomika għall-Ewropa tan-Nazzjonijiet Uniti (NU/KEE) sabiex ikun żgurat li dawn jikkorrispondu mal-emendi tad-Direttiva 97/68/KE fir-rigward tal-għarfien ta’ approvazzjonijiet tat-tip alternattivi għal magni li jintużaw għat-tmexxija ta’ tratturi għall-agrikoltura jew għall-forestrija.

(4)

L-Annessi I, II u III tad-Direttiva 2000/25/KE għandhom għalhekk jiġu emendati skont dan.

(5)

Il-miżuri stipulati f’din id-Direttiva huma skont l-opinjoni tal-Kumitat stabbilit bl-Artikolu 20 tad-Direttiva 2003/37/KE,

20.3.2014   

MT

Il-Ġurnal Uffiċjali tal-Unjoni Ewropea

L 82/20

(1)

Id-Direttiva 2003/37/KE waqqfet is-sistema tal-approvazzjoni tat-tip ta’ tratturi għall-agrikoltura u għall-forestrija, u b’hekk ġabitha konformi mar-regoli dwar l-approvazzjoni tat-tip ta’ vetturi bil-mutur.

(2)

Id-Direttiva 2000/25/KE tal-Parlament Ewropew u l-Kunsill tat-22 ta’ Mejju 2000 dwar l-azzjoni li għandha tittieħed kontra l-emissjonijiet ta’ inkwinanti ta’ gass u partikolati minn magni għat-tmexxija ta’ tratturi għall-agrikoltura jew għall-forestrija u li temenda d-Direttiva tal-Kunsill 74/150/KEE (2), hija waħda mid-Direttivi separati fil-qafas tas-sistema tal-approvazzjoni tat-tip stabbilita bid-Direttiva 2003/37/KE. Id-Direttiva 2000/25/KE ġiet emendata sabiex tinkludi diversi modifiki tad-Direttiva 97/68/KE tal-Parlament Ewropew u tal-Kunsill tas-16 ta’ Diċembru 1997 dwar l-approssimazzjoni tal-liġijiet tal-Istati Membri fir-rigward tal-miżuri kontra l-emissjoni ta’ inkwinanti ta’ gass u partikolati minn magni tal-kombustjoni interna li għandhom jigu installati f’makkinarju mobbli mhux tat-triq (3), rigward l-adattament għall-progress tekniku, l-introduzzjoni ta’ stadji ġodda ta’ emissjonijiet, l-introduzzjoni ta’ proċeduri ta’ approvazzjoni tat-tip alternattivi u l-implimentazzjoni ta’ skemi ta’ flessibbiltà.

(3)

Sabiex jitqiesu dawk l-emendi tad-Direttiva 2000/25/KE, id-dispożizzjonijiet amministrattivi korrispondenti tad-Direttiva 2003/37/KE għandhom jiġu aġġornati.

(4)

L-Annessi I, II, u III tad-Direttiva 2003/37/KE għandhom għalhekk jiġu emendati skont dan.

(5)

Il-miżuri stipulati f’din id-Direttiva huma skont l-opinjoni tal-Kumitat stabbilit fl-Artikolu 20(1) tad-Direttiva 2003/37/KE,

20.3.2014   

MT

Il-Ġurnal Uffiċjali tal-Unjoni Ewropea

L 82/27

(1)

Fil-5 ta’ Ottubru 2006, il-Kunsill adotta r-Regolament (KE) Nru 1472/2006 (2) (“ir-Regolament ikkontestat”), li jimponi dazju anti-dumping definittiv u li jiġbor b’mod definittiv id-dazju provviżorju impost fuq l-importazzjoni ta’ ċerti tipi ta’ lbies għar-riġlejn bil-parti ta’ fuq tal-ġilda li joriġinaw fir-Repubblika Popolari taċ-Ċina u l-Vjetnam. Wara rieżami ta’ skadenza, il-miżuri ġew estiżi mir-Regolament ta’ Implimentazzjoni tal-Kunsill (UE) Nru 1294/2009 (3). Dawn il-miżuri skadew fil-31 ta’ Marzu 2011.

(2)

Ċerti produtturi li jesportaw ressqu kawżi quddiem il-Qorti Ġenerali għall-annullament tar-Regolament ikkontestat. Il-Qorti Ġenerali ċaħdet dawn l-azzjonijiet. (4) Madankollu, fuq appell, il-Qorti tal-Ġustizzja (“il-Qorti”), fis-sentenza tagħha tat-2 ta’ Frar 2012 fil-Kawża C-249/10 P, Brosmann et al vs il-Kunsill u tal-15 ta’ Novembru 2012 fil-Kawża C-247/10 P, Zhejiang Aokang Shoes vs il-Kunsill (is-“sentenzi”), tannulla s-sentenzi tal-Qorti Ġenerali u tannulla r-Regolament (KE) Nru 1472/2006 dment li jirrigwarda għall-appellanti. B’mod partikolari, il-Qorti sabet illi l-Kummissjoni missha eżaminat it-talbiet ippreżentati mill-appellanti għall-fini tal-Trattament tal-Ekonomija tas-Suq (“MET”) li jagħmel it-talba f’konformità mal-Artikolu 2(7)(b) u (c) tar-Regolament (KE) Nru 1225/2008 u li ma setax jiġi eskluż li tali eżami setgħet twassal għal dazju aktar baxx ta’ antidumping għall-appellanti.

(3)

Permezz ta’ avviż ippublikat f’Il-Ġurnal Uffiċjal tal-Unjoni Ewropea  (5) il-Kummissjoni informat lill-produtturi li jesportaw ikkonċernati bis-sentenzi li hija kienet iddeċidiet li terġa’ tibda l-proċedura biex tibdel il-partijiet annullati tar-Regolament ikkontestat u biex teżamina jekk il-kondizzjonijiet tal-ekonomija tas-suq irnexxewx għal dawn il-produtturi matul il-perijodu rilevanti.

(4)

Fid-19 ta’ Frar 2014, il-Kummissjoni adottat il-proposta għal Regolament ta’ Implimentazzjoni tal-Kunsill li jerġa’ jimponi dazju antidumping definittiv u jiġbor b’mod definittiv id-dazju provviżorju impost fuq l-importazzjonijiet ta’ ċertu xedd tas-saqajn bil-parti ta’ fuq tal-ġilda li joriġinaw mir-Repubblika Popolari taċ-Ċina u prodotti minn Brosmann Footwear (HK) Ltd, Seasonable Footwear (Zhongshan) Ltd, Lung Pao Footwear (Guangzhou) Ltd, Risen Footwear (HK) Co Ltd u Zhejiang Aokang Shoes Co. Ltd (“il-proposta”). Il-proposta tiddikjara li l-eżami tat-talbiet tal-MET urew li l-kondizzjonijiet tal-ekonomija tas-suq ma rnexxewx matul il-perijodu rilevanti għall-produtturi li jesportaw ikkonċernati mis-sentenzi, li l-MET għandu jiġi miċħud mingħand dawn il-produtturi li jesportaw u li d-dazju antidumping oriġinarjament impost mir-Regolament ikkontestat għandu, b’konsegwenza, jerġa’ jiddaħħal. Għal dan il-għan, il-proposta terġa’ ddaħħal dazju definittiv antidumping għall-produtturi li jesportaw ikkonċernati mis-sentenzi għall-perijodu ta’ applikazzjoni tar-Regolament ikkontestat.

(5)

L-Artikolu 1(4) tal-proposta jaqra kif ġej: “Id-dispożizzjonijiet fis-seħħ li jikkonċernaw dazji doganali għandhom japplikaw, bl-eċċezzjoni tal-Artikolu 221 tar-Regolament tal-Kunsill (KEE) Nru 2913/1992 tat-12 ta’ Ottubru 1992 li jistabbilixxi l-Kodiċi Doganali Komunitarju (6). Il-komunikazzjoni lid-debitur tal-ammont ta’ dazju tista’ ssir iktar minn tliet snin wara li ġġarrab id-dejn doganali, imma mhux aktar tard minn sentejn wara d-dħul fis-seħħ ta’ dan ir-Regolament.”.

L-Artikolu 221(3) tar-Regolament (KEE) Nru 2913/1992 (“Kodiċi Doganali”) jippreskrivi l-komunikazzjoni tad-dazji antidumping li ġew imposti mill-ġdid fuq id-debitur għal kwalunkwe importazzjoni li seħħ iktar minn tliet snin ilu, dment li l-perijodu ma ġiex sospiż fi stennija għal appell taħt l-Artikolu 243 tal-Kodiċi Kriminali. L-Artikolu 1(4) tar-Regolament ikkontestat ipprovda li, dment li ma jkunx speċifikat mod ieħor, id-dispożizzjonijiet fis-seħħ rigward id-dazji doganali applikati, u ma kienx fih ebda deroga mill-Artikolu 221(3) tal-Kodiċi Doganali. Għall-għan li l-komunikazzjoni oriġinali tad-dejn għad-debitur ġiet irtirata wara s-sentenzi, l-operaturi setgħu, b’mod leġittimu, jistennew li, ġaladarba l-perijodu ta’ tliet snin previst mill-Artikolu 221(3) tal-Kodiċi Doganali jkun skada, kwalunkwe impożizzjoni mill-ġdid tad-dejn ikun preskritt u, konsegwentement, id-dejn kien “spiċċa”. (7) Ġaladarba d-dejn spiċċa skont l-Artikolu 221(3), l-impożizzjoni tiegħu mill-ġdid b’mod retroattiv ikun għalhekk qed jikser l-aspettazzjonijiet leġittimi tal-operaturi kkonċernati.

F’konklużjoni, il-valutazzjoni tal-Kunsill hija li applikazzjoni retroattiva tad-deroga mill-Artikolu 221(3) tal-Kodiċi Doganali ma tkunx possibbli f’dan il-każ, peress li tikser l-aspettazzjonijiet leġittimi tal-operaturi kkonċernati.

(6)

Mingħajr id-deroga retroattiva mill-Artikolu 221(3), l-impożizzjoni mill-ġdid tad-dazji jkollha effett finanzjarju limitat ħafna fil-prattika, minn meta l-miżuri oriġinali skadew fil-31 ta’ Marzu 2011.

(7)

Barra minn hekk, dawk li jkunu qed jilmentaw ma pprovdewx elementi li juru li l-adozzjoni tal-miżura proposta ser ikollha impatt fuqhom.

(8)

Il-Qorti annullat ir-Regolament ikkontestat fl-intier tagħha, safejn ma tirrigwardax għall-appellanti. Bħala konsegwenza, l-effett tas-sentenzi fir-rigward għall-miżura annullati mhux dipendenti fuq att addizzjonali li għandu jiġi adottat mill-Istituzzjonijiet. Għalhekk il-Kunsill ikkonkluda li l-Artikolu 266 tat-Trattat dwar il-Funzjonament tal-Unjoni Ewropea ma jobbligax l-Istituzzjonijiet biex jimponi mill-ġdid id-dazji fil-każ attwali,

20.3.2014   

MT

Il-Ġurnal Uffiċjali tal-Unjoni Ewropea

L 82/29

(1)

Id-Direttiva 66/402/KEE tistabbilixxi rekwiżiti speċifiċi għall-produzzjoni u l-kummerċjalizzazzjoni taż-żerriegħa taċ-ċereali. Dawk id-dispożizzjonijiet jipprevjenu l-kummerċjalizzazzjoni ta’ żerriegħa li ma tiffurmax parti minn varjetà.

(2)

Madanakollu, riċerka ġdida fl-Unjoni dwar materjal riproduttiv tal-pjanti li ma jissodisfax d-definizzjoni tal-varjetà fir-rigward tal-uniformità, turi li jista’ jkun hemm benefiċċji jekk jintuża dan il-materjal divers, partikolarment fir-rigward tal-produzzjoni organika jew fl-agrikoltura b’kontribut żgħir (low input agriculture), pereżempju biex jitnaqqas it-tixrid tal-mard.

(3)

Biex jippermettu li żerriegħa minn dawk il-popolazzjonijiet tiġi kummerċjalizzata, ikun meħtieġ li jiġu emendati l-punti E., F. u G. tal-Artikolu 2(1) tad-Direttiva 66/402/KEE billi tiżdied il-possibbiltà li tiġi kummerċjalizzata żerriegħa li ma tissodisfax ir-rekwiżiti li jikkonċernaw aspetti varjetali. Sabiex tittieħed deċiżjoni dwar tali emenda għad-Direttiva 66/402/KEE, huwa meħtieġ li tinġabar informazzjoni dwar il-kummerċjalizzazzjoni ta’ żerriegħa minn popolazzjonijiet. B’mod partikolari, jeħtieġ li jkun ivverifikat jekk l-identifikazzjoni ta’ popolazzjonijiet ta’ speċijiet partikolari tistax tiġi żgurata, b’garanziji simili għal dawk li jirriżultaw mir-rekwiżiti li jikkonċernaw aspetti varjetali, abbażi ta’ informazzjoni dwar metodi għat-tnissil u għall-produzzjoni tagħhom. Barra minn hekk, għandu jiġi evalwat, f’dan l-esperiment, jekk l-identità taż-żerriegħa kummerċjalizzata bħala parti minn dawk il-popolazzjonijiet u l-informazzjoni lill-utent jistgħux jiġu żgurati, b’garanziji simili għal dawk li jirriżultaw mill-Artikoli 3(1) u 10, abbażi tar-rekwiżiti dwar it-traċċabbiltà u l-identifikazzjoni tal-postijiet ta’ produzzjoni.

(4)

Minħabba l-karatteristiċi ta’ popolazzjonijiet, iċ-ċertifikazzjoni ta’ żerriegħa minn popolazzjonijiet tista’ timplika piż sproporzjonat għall-awtoritajiet u għall-operaturi. Għaldaqstant, huwa xieraq li tinġabar informazzjoni dwar il-possibbiltà li tkun stipulata sistema ta’ kontrolli tal-produzzjoni u l-kummerċjalizzazzjoni ta’ żerriegħa ta’ popolazzjonijiet li ma jeħtiġux ċertifikazzjoni.

(5)

Fid-dawl tal-importanza tagħhom għas-settur tas-suq ta’ ċereali, u fid-dawl tar-riżultati disponibbli tar-riċerka, l-ispeċijiet soġġetti għal dan l-esperiment għandhom ikunu l-qamħ, ix-xgħir, il-ħafur u l-qamħirrum.

(6)

Sabiex tkun iċċarata n-natura ta’ popolazzjonijiet meta mqabbla ma’ varjetajiet, jeħtieġ li jiġi stabbilit rekwiżit dwar l-għadd ta’ varjetajiet użati fit-taħlit biex titnissel popolazzjoni.

(7)

Il-korpi uffiċjali responsabbli għandhom jimmonitorjaw dan l-esperiment permezz ta’ kontrolli uffiċjali dwar il-produzzjoni u l-kummerċjalizzazzjoni ta’ żerriegħa minn popolazzjonijiet u l-kwantitajiet tagħhom, il-persuni li jżommu dawk il-popolazzjonijiet u l-prestazzjoni ta’ dawk il-popolazzjonijiet f’żoni speċifiċi.

(8)

Għandhom jiġu stabbiliti l-kundizzjonijiet għat-tressiq tal-applikazzjonijiet u l-awtorizzazzjoni ta’ popolazzjoni skont din id-Deċiżjoni, is-sottomissjoni ta’ kampjun ta’ referenza, id-denominazzjoni tal-popolazzjoni, u r-reġistrazzjoni ta’ persuni li jipproduċu u jikkummerċjalizzaw dawk il-popolazzjonijiet. Huwa importanti li dawk il-kundizzjonijiet jiġu vvalutati biex jiġu żgurati l-identità u t-traċċabbiltà matul il-produzzjoni u l-kummerċjalizzazzjoni ta’ tali popolazzjonijiet, kontrolli effettivi mill-korpi uffiċjali responsabbli, u l-evitar tal-ħolqien ta’ suq parallel ma’ dak stabbilit skont id-Direttiva 66/402/KEE.

(9)

Barra minn hekk, huwa xieraq li jiġu stipulati rekwiżiti speċifiċi għall-produzzjoni u l-kummerċjalizzazzjoni sabiex ikun żgurat li ż-żrieragħ minn popolazzjonijiet jissodisfaw l-istess rekwiżiti fl-Istati Membri parteċipanti kollha. Dawn ir-rekwiżiti għandhom ikunu bbażati fuq il-kundizzjonijiet stabbiliti f’din id-Deċiżjoni. Sabiex tiġi żgurata s-saħħa u l-kwalità taż-żerriegħa, dawk ir-rekwiżiti għandhom ikunu simili għal dawk stabbiliti għal żerriegħa ċertifikata fid-Direttiva 66/402/KEE sabiex ikun żgurat livell komparabbli ta’ kwalità.

(10)

Minħabba n-natura sperimentali tal-miżura stipulata f’din id-Deċiżjoni, għandha tiġi ffissata kwantità massima għall-kummerċjalizzazzjoni ta’ popolazzjonijiet ta’ żerriegħa, b’mod li titqies il-ħtieġa li jiġu ttestjati taħlitiet differenti bl-użu tal-faċilitajiet eżistenti. Il-kwantità għandha tkun tali li tippermetti riżultati affidabbli u rappreżentattivi tal-esperiment. Madanakollu, din ma għandhiex taqbeż ċertu limitu, sabiex ikun prevenut l-iżvilupp ta’ suq taż-żerriegħa parallel ma’ dak stabbilit skont id-Direttiva 66/402/KEE.

(11)

Sabiex jiżguraw it-trasparenza u għażliet infurmati għall-utenti ta’ dawk il-popolazzjonijiet, u biex jiġu prevenuti prattiċi qarrieqa, għandhom jiġu adottati kundizzjonijiet speċjali dwar l-ittikkettar għall-kummerċjalizzazzjoni ta’ żerriegħa minn dawn il-popolazzjonijiet waqt dak l-esperiment. Minħabba n-natura speċjali tal-popolazzjonijiet, dawk il-kundizzjonijiet għandhom jidderogaw mid-dispożizzjonijiet tal-Anness V tad-Direttiva 66/402/KEE. Għandu jiġi ttestjat jekk tistax tiġi żgurata biżżejjed informazzjoni xierqa lill-utent tal-materjal mir-rekwiżiti li d-denominazzjoni ta’ popolazzjonijiet tindika b’mod ċar li huma popolazzjonijiet, u li t-tikketta tindika r-reġjun tal-produzzjoni.

(12)

Sabiex ikun determinat il-valur ekonomiku, agronomiku u ambjentali tal-alternattivi mtejba għad-dispożizzjonijiet tad–Direttiva 66/402/KEE imsemmijin hawn fuq, huwa importanti li tiġi żgurata valutazzjoni komprensiva ta’ għadd ta’ elementi u riżultati ta’ dak l-esperiment. Għal dak l-għan l-Istati Membri għandhom jirreġistraw l-informazzjoni xierqa, jiġifieri l-ispeċijiet u d-denominazzjonijiet użati għall-popolazzjonijiet li fuqhom ikun qed isir l-esperiment, it-tip ta’ popolazzjonijiet, il-modalitajiet u l-ispejjeż tal-awtorizzazzjoni tal-popolazzjonijiet, ir-riżultati tat-testijiet, ir-riżultati tal-prestazzjoni, id-daqs tal-operaturi involuti, it-tip ta’ utenti u l-esperjenza tagħhom.

(13)

Sabiex jippermettu lill-Istati Membri jivverifikaw li l-kwantità massima ta’ żerriegħa minn popolazzjonijiet ma tinqabiżx, l-operaturi li beħsiebhom jipproduċu tali popolazzjonijiet għandhom jikkomunikaw lill-Istati Membri kkonċernati l-kwantitajiet li beħsiebhom jipproduċu.

(14)

Sabiex jippermetti li l-fornituri jipproduċu u jikkummerċjalizzaw kwantità kbira biżżejjed ta’ żerriegħa, u biex jagħmilha possibbli għall-awtoritajiet kompetenti li jispezzjonaw dak il-materjal u jiġbru biżżejjed informazzjoni komparabbli biex tintuża għat-tħejjija tar-rapport, l-esperiment għandu jsir tul perjodu ta’ mill-inqas tliet staġuni kummerċjali.

(15)

Il-miżuri stipulati f’din id-Deċiżjoni jikkonformaw mal-opinjoni tal-Kumitat Permanenti dwar iż-Żerriegħa u l-Materjal Propagattiv għall-Agrikultura, l-Ortikultura u l-Forestrija,

(a)

jekk l-identifikazzjoni tal-popolazzjonijiet ta’ dawk l-ispeċijiet tistax issir abbażi ta’ informazzjoni dwar metodi għat-tnissil u għall-produzzjoni tagħhom, il-varjetajiet użati fit-taħlit, u l-karatteristiċi ewlenin ta’ dawk il-popolazzjonijiet; kif ukoll

(b)

jekk l-identità ta’ żrieragħ minn dawn il-popolazzjonijiet kummerċjalizzati tistax tkun ibbażata fuq ir-rekwiżiti dwar it-traċċabbiltà u l-identifikazzjoni tar-reġjun tal-produzzjoni.

(a)

jirriżultaw minn kombinament determinat ta’ ġenotipi;

(b)

huma kkunsidrati bħala unitajiet fir-rigward ta’ kemm huma adatti biex jiġu riprodotti mingħajr ma jinbidlu ladarba jiġu stabbiliti f’reġjun partikolari tal-produzzjoni b’kundizzjonijiet agroklimatiċi speċifiċi;

(c)

huma ġġenerati permezz ta’ waħda mit-tekniki li ġejjin:

(a)

il-varjetajiet użati fit-taħlit għall-ħolqien tal-popolazzjoni;

(b)

l-iskemi tat-tnissil kif definiti permezz tal-protokolli rispettivi;

(c)

ir-reġjun tal-produzzjoni;

(d)

il-grad ta’ eteroġenejtà, b’mod partikolari fi speċijiet li jdakkru lilhom infushom; kif ukoll

(e)

il-karatteristiki tagħha, kif imsemmija fl-Artikolu 7(2)(f).

(a)

iż-żerriegħa tkun tagħmel parti minn popolazzjoni awtorizzata;

(b)

iż-żerriegħa tkun konformi mal-Artikolu 9;

(c)

id-denominazzjoni tal-popolazzjoni tikkonforma mal-Artikolu 8;

(d)

il-popolazzjoni titnissel u ż-żerriegħa hija prodotta minn persuni reġistrati skont l-Artikolu 10.

(a)

l-isem u l-indirizz tal-applikant;

(b)

l-ispeċi u d-denominazzjoni tal-popolazzjoni;

(c)

deskrizzjoni tat-tip ta’ teknika użata biex tiġi ġġenerata l-popolazzjoni, b’referenza, kif japplika, għall-Artikolu 2(c)(i), (ii) jew (iii);

(d)

l-għanijiet tal-programm ta’ tnissil;

(e)

il-metodu ta’ tnissil u produzzjoni: skema ta’ tnissil kif definita mill-protokolli rispettivi, il-varjetajiet użati biex titnissel u tiġi prodotta l-popolazzjoni, u programmi tal-kontroll tal-produzzjoni proprji użati mill-operatur inkwistjoni;

(f)

deskrizzjoni tal-karatteristiki tagħha:

(g)

ir-reġjun tal-produzzjoni;

(h)

dikjarazzjoni tal-applikant dwar il-verità tal-elementi msemmija fl-Artikolu 5(1);

(i)

kampjun rappreżentattiv tal-popolazzjoni;

(j)

l-isem u l-indirizz tal-persuna responsabbli għat-tnissil, il-produzzjoni u ż-żamma.

(a)

il-konformità tal-applikazzjoni mal-paragrafu 2; kif ukoll

(b)

il-konformità tal-popolazzjoni mar-rekwiżiti ta’ identifikazzjoni tal-Artikolu 5.

(a)

isimhom, l-indirizz tagħhom u d-dettalji ta’ kuntatt;

(b)

id-denominazzjoni tal-popolazzjoni inkwistjoni.

(a)

l-isem, l-indirizz u d-dettalji ta’ kuntatt kif stabbilit fil-paragrafu 2(a);

(b)

id-denominazzjoni tal-popolazzjoni msemmija fil-paragrafu 2(b) li għandha tiġi prodotta jew miżmuma.

(a)

l-ispezzjoni fuq il-post, it-teħid ta’ kampjuni u l-kontrolli ta’ popolazzjonijiet, kif stabbilit fil-punt (1) tal-Anness II;

(b)

is-superviżjoni ta’ organizzazzjoni ta’ provi komparattivi fuq il-post għal dan l-għan, kif stipulat fil-punt (2) tal-Anness II;

(c)

il-kwantitajiet prodotti u l-kwantitajiet kummerċjalizzati;

(d)

il-konformità tal-produttur u kwalunkwe persuna li tikkummerċjalizza ż-żerriegħa skont din id-Deċiżjoni.

(a)

informazzjoni dwar it-tipi u l-għadd ta’ popolazzjonijiet awtorizzati għal kull speċi, prodotti u kummerċjalizzati fil-qafas tal-esperiment; kif ukoll

(b)

il-kwantitajiet prodotti u kummerċjalizzati għal kull popolazzjoni u speċi, u, fejn ikun applikabbli, l-Istat Membru li għalih kienet maħsuba ż-żerriegħa.