18.12.2013   

MT

Il-Ġurnal Uffiċjali tal-Unjoni Ewropea

L 341/1

(1)

Id-Direttiva 2009/138/KE tal-Parlament Ewropew u tal-Kunsill (2) tipprovdi sistema moderna bbażata fuq ir-riskju għar-regolamentazzjoni u s-superviżjoni tal-impriżi Ewropej tal-assigurazzjoni u r-riassigurazzjoni tal-Unjoni. Dik is-sistema hija essenzjali sabiex jiġi żgurat settur tal-assigurazzjoni sikur u solidu li jista’ jipprovdi prodotti tal-assigurazzjoni sostenibbli u jappoġġa l-ekonomija reali permezz ta’ investimenti fit-tul u stabbiltà addizzjonali.

(2)

Id-Direttiva 2011/89/UE tal-Parlament Ewropew u tal-Kunsill (3) tagħmel ċertu emenfi fl-Artikoli 212 sa 262 tad-Direttiva 2009/138/KE li għandhom isiru applikabbli mill-10 ta’ Ġunju 2013.

(3)

Id-Direttiva 2012/23/UE tal-Parlament Ewropew u tal-Kunsill (4) temenda d-Direttiva 2009/138/KE billi tipposponi d-data għat-traspożizzjoni mill-31 ta’ Ottubru 2012 għat-30 ta’ Ġunju 2013, id-data tal-applikazzjoni mill-1 ta’ Novembru 2012 għall-1 ta’ Jannar 2014 u d-data tat-tħassir tad-Direttivi ta’ assigurazzjoni u riassigurazzjoni eżistenti (5) (imsejħa kollettivament “Solvenza I”) mill-1 ta’ Novembru 2012 sal-1 ta’ Jannar 2014

(4)

Fid-19 ta’ Jannar 2011 il-Kummissjoni adottat proposta (“il-proposta Omnibus II”) biex temenda, inter alia, id-Direttiva 2009/138/KE sabiex tieħu kont tal-arkitettura ta’ superviżjoni l-ġdida għall-assigurazzjoni u l-aktar it-twaqqif tal-Awtorità Superviżorja Ewropea (l-Awtorità Ewropea tal-Assigurazzjoni u l-Pensjonijiet tax-Xogħol) (EIOPA). Il-proposta Omnibus II tinkludi wkoll proviżjonijiet biex tipposponi d-data ta' transpożizzjoni u d-data ta' applikazzjoni tad-Direttiva 2009/138/KE u d-data ta' tħassir ta' Solvenza I, u sservi wkoll bħala mezz biex id-Direttiva 2009/138/KE tiġi adattata għad-dħul fis-seħħ tat-Trattat dwar il-Funzjonament tal-Unjoni Ewropea billi temenda d-dispożizzjonijiet li jagħtu s-setgħa lill-Kummissjoni biex tadotta miżuri ta’ implimentazzjoni b’ dispożizzjonijiet li jagħtu s-setgħa lill-Kummissjoni biex tadotta atti ddelegati u ta’ implimentazzjoni.

(5)

Minħabba l-kumplessità tal-proposta Omnibus II, hemm riskju li mhux se tkun daħlet fis-seħħ qabel id-data tat-trspożizzjoni u d-data ta’ applikazzjoni tad-Direttiva 2009/138/KE. Jekk dawk id-dati ma jinbidlux, id-Direttiva 2009/138/KE tiġi implimentata qabel id-dħul fis-seħħ tar-regoli tranżitorji u l-adattamenti rilevanti, inkluż aktar kjarifika ta’ għoti ta’ setgħat ta’ atti ddelegati u ta’ implimentazzjoni, pprovduti mill-proposta Omnibus II.

(6)

Sabiex jiġu evitati obbligi leġislattivi ta’ piż żejjed għall-Istati Membri skont id-Direttiva 2009/138/KE u aktar tard skont l-arkitettura superviżorja l-ġdida prevista mill-proposta Omnibus II, huwa għalhekk xieraq li d-data għat-traspożzzjoni u d-data tal-applikazzjoni tad-Direttiva 2009/138/KE jiġu posposti biex is-superviżuri u l-impriżi ta’ assigurazzjoni u riassigurazzjoni jingħataw biżżejjed ħin biex jippreparaw għall-applikazzjoni ta’ dik l-arkitettura superviżorja l-ġdida.

(7)

Huwa evidenti mill-ordni kronoloġiku tal-ġrajjiet li d-dati posposti għat-traspożizzjoni u d-data tal-applikazzjoni tad-Direttiva 2009/138/KE, għandhom japplikaw ukoll għall-emendi li sarulha mid-Direttiva 2011/89/KE.

(8)

Għal raġunijiet ta’ ċertezza legali, id-data tat-tħassir tas-Solvenza I għandha tiġi posposta skont dan.

(9)

Minħabba l-perjodu qasir ħafna ta’ żmien li fadal qabel id-dati rilevanti stabbiliti fid-Direttiva 2009/138/KE, din id-Direttiva għandha tidħol fis-seħħ mingħajr dewmien.

(10)

Konsegwentement, huwa wkoll iġġustifikat li tiġi applikata l-eċċezzjoni għal każijiet urġenti pprovduti fl-Artikolu 4 tal-Protokoll Nru 1 dwar ir-rwol tal-parlamenti nazzjonali fl-Unjoni Ewropea f’dan il-każ fir-rigward tat-trażmissjoni lill-parlamenti nazzjonali tal-proposta għal din id-Direttiva,

1.

l-Artiklu 309(1) huwa emendat kif ġej:

2.

Fl-ewwel paragrafu tal-Artikolu 310, id-data tal-“1 ta’ Jannar 2014” tinbidel b’dik tal-“1 ta’ Jannar 2016”.

3.

Fit-tieni paragrafu tal-Artikolu 311, id-data tal-“1 ta’ Jannar 2014” tinbidel b’dik tal-“1 ta’ Jannar 2016”.

18.12.2013   

MT

Il-Ġurnal Uffiċjali tal-Unjoni Ewropea

L 341/4

(1)

Ir-relazzjonijiet bejn l-Unjoni u r-Renju Ħaxemita tal-Ġordan (“il-Ġordan”) qegħdin jiżviluppaw fi ħdan il-qafas tal-Politika Ewropea tal-Viċinat (PEV). Ftehim Ewro-Mediterranju li jistabbilixxi Assoċjazzjoni bejn il-Komunitajiet Ewropej u l-Istati Membri tagħhom minn naħa, u l-Ġordan min-naħa l-oħra (2) (minn issa ’l quddiem “il-Ftehim ta’ Assoċjazzjoni UE-Ġordan”), daħal fis-seħħ fl-1 ta’ Mejju 2002. Id-djalogu politiku u l-kooperazzjoni ekonomika bilaterali komplew jiżviluppaw fi ħdan il-qafas tal-Pjanijiet ta’ Azzjoni tal-PEV, li l-aktar reċenti jkopri l-perjodu 2010–15. Fl-2010, l-Unjoni tat lill-Ġordan sħubija ta’ “Status Avvanzat”, li tkopri ambitu wiesa’ ta’ kooperazzjoni ta’ bejn iż-żewġ pajjiżi. Fl-2013, il-Ftehim ta’ Assoċjazzjoni UE-Ġordan ġie kkumplimentat minn Ftehim Qafas bejn l-Unjoni u l-Ġordan dwar il-prinċipji ġenerali għall-parteċipazzjoni tal-Ġordan fi programmi tal-Unjoni, b’kooperazzjoni ulterjuri bejn l-Unjoni u l-Ġordan.

(2)

L-ekonomija tal-Ġordan kienet affettwata b’mod sinifikanti minn avvenimenti domestiċi relatati ma’ avvenimenti fin-Nofsinhar tal-Mediterran sa minn tmiem l-2010, magħrufa bħala “r-Rebbiegħa Għarbija”, kif ukoll mill-inkwiet reġjonali li ma jaqtax, b’mod partikolari fl-Eġittu u s-Sirja, il-pajjiżi ġirien. B’mod partikolari, l-influss kbir ta’ rifuġjati mis-Sirja li fittxew rifuġju fil-Ġordan qed ikollu impatt qawwi fuq l-ekonomija tal-Ġordan. Fil-kuntest ta’ ambjent ekonomiku globali ħafna aktar dgħajjef, it-tfixkil ripetut fil-fluss tal-gass naturali mill-Eġittu, li wassal biex il-Ġordan jissostitwixxi l-importazzjonijiet tal-gass mill-Eġittu għal fjuwils aktar għoljin għall-ġenerazzjoni tal-elettriku, u r-riżorsi finanzjarji sinifikanti meħtieġa biex jipprovdu assistenza umanitarja lir-rifuġjati mis-Sirja li huma preżenti fit-territorju tal-Ġordan, irriżultaw f’diskrepanzi finanzjarji importanti esterni kif ukoll baġitarji.

(3)

Mindu bdiet ir-Rebbiegħa Għarbija, l-Unjoni ddikjarat, f’diversi okkażjonijiet, l-impenn tagħha li tappoġġa lill-Ġordan fi proċess ta’ riforma ekonomika u politika tiegħu. Dak l-impenn ġie affermat, f’ Diċembru 2012, mill-ġdid fil-konklużjonijiet tal-għaxar laqgħa tal-Kunsill ta’ Assoċjazzjoni bejn l-Unjoni u l-Ġordan.

(4)

Minħabba l-pożizzjoni ġeografika tiegħu, il-Ġordan huwa pajjiż strateġiku għall-istabbilità u s-sigurtà fil-Lvant Nofsani, kif ukoll vulnerabbli b’mod partikolari għax-xokkijiet esterni, kemm f’termini politiċi kif ukoll ekonomiċi. Għalhekk huwa importanti li l-Ġordan jingħata appoġġ adegwat u li jkompli jikber id-djalogu politiku u ekonomiku bejn l-Unjoni u l-Ġordan.

(5)

Il-Ġordan beda sensiela ta’ riformi politiċi, li b’mod partikolari wasslu għall-adozzjoni mill-Parlament tal-Ġordan, f’Settembru 2011, ta’ aktar minn 40 emenda kostituzzjonali, li jirrappreżentaw pass sinifikanti lejn sistema demokratika b’mod sħiħ. L-appoġġ politiku u ekonomiku mill-Unjoni lill-proċess ta’ riforma tal-Ġordan huwa konsistenti mal-politika tal-Unjoni għan-Nofsinhar tar-reġjun Mediterranju, kif stabbilit fil-kuntest tal-PEV.

(6)

F’konformità mad-Dikjarazzjoni Konġunta tal-Parlament Ewropew u tal-Kunsill adottata flimkien mad-Deċiżjoni Nru 778/2013/UE tal-Parlament Ewropew u tal-Kunsill (3), l-assistenza makrofinanzjarja tal-Unjoni għandha tkun strument finanzjarju eċċezzjonali ta’ għajnuna mingħajr irbit u mhux speċifikata għall-bilanċ tal-pagamenti, li għandu l-għan jerġa’ jġib sitwazzjoni finanzjarja esterna sostenibbli għall-benefiċjarju u għandu jappoġġa l-implimentazzjoni ta’ programm ta’ politika li jkun fih miżuri ta’ aġġustament u ta’ riforma strutturali b’saħħithom intiżi biex itejbu s-sitwazzjoni tal-bilanċ tal-pagamenti, partikolarment matul il-perjodu tal-programm, u jsaħħaħ l-implimentazzjoni tal-ftehimiet u tal-programmi rilevanti mal-Unjoni.

(7)

F’Awwissu tal-2012, l-awtoritajiet tal-Ġordan u l-Fond Monetarju Internazzjonali (FMI) ftiehmu fuq Arranġament ta’ Riżerva mhux ta’ prekawzjoni għal tliet snin (“il-programm tal-FMI”) tal-SDR (drittijiet speċjali ta’ prelevament) ta’ 1 364 miljun bħala appoġġ għall-programm ta’ aġġustamenti u riformi ekonomiċi. L-objettivi tal-programm tal-FMI huma konsistenti mal-fini tal-assistenza makrofinanzjarja tal-Unjoni, partikolarment biex jittaffew diffikultajiet fil-bilanċ tal-pagamenti fuq perjodu ta’ żmien qasir, u l-implimentazzjoni ta’ miżuri ta’ aġġustament b’saħħithom tkun konsistenti mal-għan tal-assistenza makrofinanzjarja tal-Unjoni.

(8)

L-Unjoni għamlet disponibbli EUR 293 miljun f’għotjiet għall-perjodu 2011–13 taħt il-programm ta’ kooperazzjoni regolari tagħha, biex tappoġġa l-aġenda ta’ riforma ekonomika u politika tal-Ġordan. Barra minn hekk, EUR 70 miljun ġew allokati għall-Ġordan fl-2012 taħt il-programm “Sostenn għas-Sħubija, ir-riformi u t-tkabbir inklużiv” (SPRING), u EUR 10 miljun f’għajnuna umanitarja tal-Unjoni biex jiġu megħjuna r-rifuġjati Sirjani.

(9)

F’Diċembru tal-2012, fid-dawl tas-sitwazzjoni u l-prospettivi ekonomiċi li dejjem qed jeħżienu, il-Ġordan talab assistenza makrofinanzjarja lill-Unjoni.

(10)

Minħabba l-fatt li l-Ġordan huwa pajjiż kopert mill-PEV, għandu jitqies eliġibbli biex jirċievi l-assistenza makrofinanzjarja tal-Unjoni.

(11)

Minħabba li, għad hemm differenza residwa sinifikanti fil-finanzjament estern fil-bilanċ tal-pagamenti tal-Ġordan lil hinn mir-riżorsi pprovduti mill-FMI u istituzzjonijiet multilaterali oħrajn, u minkejja l-implimentazzjoni ta’ programmi ta’ stabilizzazzjoni ekonomika u ta’ riforma b’saħħithom min-naħa tal-Ġordan, u minħabba l-vulnerabbiltà tal-pożizzjoni finanzjarja esterna tal-Ġordan għax-xokkijiet eżoġeni, li teħtieġ li jinżamm livell xieraq ta’ riservi tal-kambju barrani, l-assistenza makrofinanzjarja tal-Unjoni li trid tiġi pprovduta lill-Ġordan (“l-assistenza makrofinanzjarja tal-Unjoni”) qed titqies, fiċ-ċirkostanzi eċċezzjonali attwali, bħala tweġiba adattata għat-talba tal-Ġordan biex tiġi appoġġata l-istabilizzazzjoni ekonomika flimkien mal-programm tal-FMI. L-assistenza makrofinanzjarja tal-Unjoni għandha tappoġġa l-aġenda tal-istabbilizzazzjoni ekonomika u tar-riforma strutturali tal-Ġordan, filwaqt li tissuplimenta r-riżorsi li huma disponibbli taħt l-arranġament finanzjarju tal-FMI.

(12)

L-assistenza makrofinanzjarja tal-Unjoni għandu jkollha l-għan li tappoġġa l-ħolqien mill-ġdid ta’ sitwazzjoni finanzjarja esterna sostenibbli għall-Ġordan, u b’hekk tappoġġa l-iżvilupp ekonomiku u soċjali tiegħu.

(13)

Id-determinazzjoni tal-ammont tal-assistenza makrofinanzjarja tal-Unjoni hija bbażata fuq valutazzjoni kwantitattiva kompleta tal-ħtiġijiet ta’ finanzjament estern residwu tal-Ġordan u tqis il-kapaċità tiegħu li jiffinanzja lilu nnifsu bir-riżorsi proprji tiegħu, partikolarment ir-riżervi internazzjonali li għandu għad-dispożizzjoni tiegħu. L-assistenza makrofinanzjarja tal-Unjoni għandha tikkomplimenta l-programmi u r-riżorsi pprovduti mill-FMI u mill-Bank Dinji. Id-determinazzjoni tal-ammont tal-assistenza tqis ukoll kontribuzzjonijiet finanzjarji mistennija mingħand donaturi multilaterali u l-ħtieġa li tiġi żgurata l-kondiviżjoni ġusta tal-piż bejn l-Unjoni u donaturi oħrajn, kif ukoll l-utilizzazzjoni diġà eżistenti ta’ strumenti ta’ finanzjament estern oħrajn tal-Unjoni fil-Ġordan u l-valur miżjud tal-involviment ġenerali tal-Unjoni.

(14)

Il-Kummissjoni għandha tiżgura li l-assistenza makrofinanzjarja tal-Unjoni tkun legalment u sostanzjalment konformi mal-prinċipji, l-objettivi u l-miżuri ewlenin meħuda fl-oqsma differenti tal-azzjoni esterna u politiki oħrajn rilevanti tal-Unjoni.

(15)

L-assistenza makrofinanzjarja tal-Unjoni għandha tappoġġa l-politika esterna tal-Unjoni rigward il-Ġordan. Is-servizzi tal-Kummissjoni u s-Servizz Ewropew għall-Azzjoni Esterna għandhom jaħdmu mill-qrib matul l-operazzjoni ta’ assistenza makrofinanzjarja kollha bil-għan li jikkoordinaw il-politika esterna tal-Unjoni u jiggarantixxu l-konsistenza tagħha.

(16)

L-assistenza makrofinanzjarja tal-Unjoni għandha tappoġġa l-impenn tal-Ġordan fir-rigward tal-valuri kondiviżi mal-Unjoni, fosthom id-demokrazija, l-istat tad-dritt, il-governanza tajba, ir-rispett għad-drittijiet tal-bniedem, l-iżvilupp sostenibbli u t-tnaqqis fil-faqar, kif ukoll l-impenn tiegħu għall-prinċipji ta’ kummerċ miftuħ, ibbażat fuq ir-regoli u b’mod ġust.

(17)

Prekundizzjoni għall-għoti ta’ assistenza makrofinanzjarja tal-Unjoni għandha tkun li l-Ġordan jirrispetta l-mekkaniżmi demokratiċi effettivi, inklużi s-sistema parlamentari b’diversi partijiet u l-istat tad-dritt, u jiggarantixxi r-rispett għad-drittijiet tal-bniedem. Barra minn hekk, l-objettivi speċifiċi tal-assistenza makrofinanzjarja tal-Unjoni għandhom isaħħu l-effiċjenza, it-trasparenza u r-responsabbiltà fis-sistemi tal-ġestjoni tal-finanzi pubbliċi fil-Ġordan, u jippromwovu r-riformi strutturali li għandhom l-għan li jappoġġaw it-tkabbir sostenibbli u inklussiv, il-ħolqien tax-xogħol u l-konsolidazzjoni fiskali. Il-Kummissjoni għandha tagħmel monitoraġġ regolari kemm tat-twettiq tal-prekundizzjoni, u kemm tal-kisba ta’ dawk l-objettivi.

(18)

Sabiex tkun żgurata l-protezzjoni effikaċi tal-interessi finanzjarji tal-Unjoni marbuta mal-assistenza makrofinanzjarja tal-Unjoni, il-Ġordan għandu jadotta l-miżuri xierqa relatati mal-prevenzjoni tal-frodi, il-korruzzjoni u kull irregolarità oħra marbuta ma’ din l-assistenza, u l-ġlieda kontrihom. Barra minn hekk, għandu jsir provvediment biex il-Kummissjoni tagħmel kontrolli u biex il-Qorti Ewropea tal-Awdituri twettaq awditi.

(19)

Ir-rilaxx tal-assistenza makrofinanzjarja tal-Unjoni huwa mingħajr preġudizzju għas-setgħat tal-Parlament Ewropew u tal-Kunsill.

(20)

L-ammonti tal-provvediment meħtieġ għal assistenza makrofinanzjarja għandhom ikunu konsistenti mal-approprjazzjonijiet baġitarji previsti fil-qafas finanzjarju pluriennali.

(21)

L-assistenza makrofinanzjarja tal-Unjoni għandha tiġi ġestita mill-Kummissjoni. Sabiex ikun żgurat li l-Parlament Ewropew u l-Kunsill ikunu jistgħu jsegwu l-implimentazzjoni ta’ din id-Deċiżjoni, il-Kummissjoni għandha tinfurmahom regolarment bl-iżviluppi marbutin mal-assistenza u tipprovdilhom id-dokumenti rilevanti.

(22)

Sabiex jiġu żgurati kundizzjonijiet uniformi għall-implimentazzjoni ta’ din id-Deċiżjoni, il-Kummissjoni għandha tingħata setgħat ta’ implimentazzjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (4).

(23)

L-assistenza makrofinanzjarja tal-Unjoni għandha tkun soġġetta għal kundizzjonijiet ta’ politika ekonomika, li għandhom jiġu stabbiliti f’Memorandum ta’ Qbil. Sabiex jiġu żgurati kundizzjonijiet uniformi għall-implimentazzjoni u għal raġunijiet ta’ effiċjenza, il-Kummissjoni għandha tingħata s-setgħa li tinnegozja tali kundizzjonijiet mal-awtoritajiet tal-Ġordan taħt is-superviżjoni tal-kumitat tar-rappreżentanti tal-Istati Membri skont ir-Regolament (UE) Nru 182/2011. Skont dak ir-Regolament, il-proċedura konsultattiva għandha, bħala regola ġenerali, tapplika fil-każijiet kollha għajr kif previst f’dak ir-Regolament. Meta jiġi kkunsidrat l-impatt potenzjalment importanti tal-assistenza ta’ aktar minn EUR 90 miljun, huwa adatt li l-proċedura ta’ eżami tintuża għal operazzjonijiet li jaqbżu dak il-limitu. Meta jitqies l-ammont ta’ assistenza makrofinanzjarja tal-Unjoni lill-Ġordan, il-proċedura ta’ eżami għandha tapplika għall-adozzjoni tal-Memorandum ta’ Qbil, u għal kwalunkwe tnaqqis, sospensjoni jew tħassir tal-assistenza.

(a)

il-prekundizzjoni stabbilita fl-Artikolu 2;

(b)

rekord sodisfaċenti kontinwu fl-implimentazzjoni ta’ programm ta’ politika li fih miżuri ta’ aġġustament u ta’ riforma strutturali b’saħħithom appoġġat minn arranġament ta’ kreditu tal-FMI mhux prekawzjonarju; u

(c)

l-implimentazzjoni, f’perjodu ta’ żmien speċifiku, tal-politika ekonomika u l-kundizzjonijiet finanzjarji miftiehma fil-Memorandum ta’ Qbil.

(a)

li jiżguraw li l-Ġordan jivverifika regolarment li l-finanzjament ipprovdut mill-baġit ġenerali tal-Unjoni ntuża kif suppost, jieħu miżuri xierqa biex jipprevjeni l-irregolaritajiet u l-frodi u, jekk ikun meħtieġ, jieħu azzjoni legali biex jirkupra kwalunkwe fondi pprovduti skont din id-Deċiżjoni li ġew approprjati bla dritt;

(b)

jiżguraw il-protezzjoni tal-interessi finanzjarji tal-Unjoni, b’mod partikolari jipprovdu miżuri speċifiċi marbutin mal-prevenzjoni ta’ u l-ġlieda kontra l-frodi, il-korruzzjoni, u kull irregolarità oħra li tinfluwenza l-assistenza makrofinanzjarja tal-Unjoni, skont ir-Regolament tal-Kunsill (KE, Euratom) Nru 2988/95 (9), ir-Regolament tal-Kunsill (Euratom, KE) Nru 2185/96 (10) u r-Regolament (UE, Euratom) Nru 883/2013 tal-Parlament Ewropew u tal-Kunsill (11);

(c)

jawtorizzaw espressament lill-Kummissjoni, inkluż lill-Uffiċċju Ewropew Kontra l-Frodi, jew lir-rappreżentanti tagħha, biex jagħmlu kontrolli u ispezzjonijiet fuq il-post;

(d)

jawtorizzaw espressament lill-Kummissjoni u lill-Qorti tal-Awdituri jagħmlu awditjar matul u wara l-perjodu ta’ disponibbiltà tal-assistenza makrofinanzjarja tal-Unjoni, inkluż awditjar ta’ dokumenti u awditjar fuq il-post, bħal pereżempju valutazzjonijiet operazzjonali;

(e)

jiżguraw li l-Unjoni hija intitolata għal ħlas lura bikri tas-self fejn ikun stabbilit li, fir-rigward tal-ġestjoni tal-assistenza makrofinanzjarja tal-Unjoni, il-Ġordan wettaq kwalunkwe att ta’ frodi jew ta’ korruzzjoni jew kwalunkwe attività illegali li hija ta’ detriment għall-interessi finanzjarji tal-Unjoni.

(a)

jeżamina l-progress li sar fl-implimentazzjoni tal-assistenza makrofinanzjarja tal-Unjoni;

(b)

jevalwa s-sitwazzjoni ekonomika u l-prospetti tal-Ġordan, kif ukoll il-progress li sar fl-implimentazzjoni tal-miżuri ta’ politika msemmija fl-Artikolu 3(1);

(c)

jindika r-rabta bejn il-kundizzjonijiet tal-politika ekonomika stipulati fil-Memorandum ta’ Qbil, il-prestazzjoni ekonomika u fiskali attwali tal-Ġordan u d-deċiżjonijiet tal-Kummissjoni li tirrilaxxa l-pagamenti parzjali tal-assistenza makrofinanzjarja tal-Unjoni.

18.12.2013   

MT

Il-Ġurnal Uffiċjali tal-Unjoni Ewropea

L 341/10

(1)

Ir-Regolament (UE) Nru 608/2013 jistabbilixxi l-kundizzjonijiet u l-proċeduri għal azzjoni mill-awtoritajiet doganali meta oġġetti suspettati bi ksur tad-dritt tal-proprjetà intellettwali huma, jew kellhom ikunu, soġġetti għal superviżjoni jew kontrolli doganali skont ir-Regolament tal-Kunsill (KEE) Nru 2913/92 (2).

(2)

Skont ir-Regolament (UE) Nru 608/2013 persuni u entitajiet debitament intitolati jistgħu jissottomettu applikazzjoni lid-dipartiment doganali kompetenti u jitolbu li l-awtoritajiet doganali jieħdu azzjoni rigward dawk l-oġġetti (applikazzjoni) u jistgħu ukoll jitolbu estensjoni tal-perjodu li matulu l-awtoritajiet doganali jridu jieħdu azzjoni skont applikazzjoni milqugħa qabel (talba ta’ estensjoni).

(3)

Sabiex ikunu żgurati kundizzjonijiet uniformi għall-applikazzjoni kif ukoll għat-talba ta’ estensjoni, għandhom jiġu stabbiliti formoli standard.

(4)

Dawn il-formoli standard għandhom jissostitwixxu dawk previsti fir-Regolament tal-Kummissjoni (KE) Nru 1891/2004 (3) li jimplimenta r-Regolament (KE) Nru 1383/2003, li għandu jiġi revokat bir-Regolament (UE) Nru 608/2013.

(5)

Għalhekk ir-Regolament (KE) Nru 1891/2004 għandu jiġi revokat.

(6)

Ir-Regolament (UE) Nru 608/2013 japplika mill-1 ta’ Jannar 2014 u, għaldaqstant, dan ir-Regolament għandu wkoll ikun applikabbli mill-istess data.

(7)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali, imsemmi fl-Artikolu 34(1) tar-Regolament (UE) Nru 608/2013.

18.12.2013   

MT

Il-Ġurnal Uffiċjali tal-Unjoni Ewropea

L 341/32

(1)

Skont l-Artikolu 50(2)(a), tar-Regolament (UE) Nru 1151/2012, l-applikazzjoni Belġjana għar-reġistrazzjoni tad-denominazzjoni “Liers vlaaike” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Billi l-Kummissjoni ma rċeviet l-ebda stqarrija ta’ oġġezzjoni skont l-Artikolu 51 tar-Regolament (KE) Nru 1151/2012, id-denominazzjoni “Liers vlaaike” għandha tiġi rreġistrata,

18.12.2013   

MT

Il-Ġurnal Uffiċjali tal-Unjoni Ewropea

L 341/34

(1)

Ir-Regolament (KE) Nru 1098/2007 jistipula d-dispożizzjonijiet għall-istabbiliment ta’ limitazzjonijiet tas-sajd għall-istokkijiet tal-bakkaljaw fil-Baħar Baltiku.

(2)

Abbażi tar-Regolament (KE) Nru 1098/2007, l-Anness II għar-Regolament tal-Kunsill (UE) Nru 1180/2013 (2) stabbilixxa limitazzjonijiet għall-isforz tas-sajd għall-2014 fil-Baħar Baltiku.

(3)

Skont l-Artikolu 29(2) tar-Regolament (KE) Nru 1098/2007, il-Kummissjoni tista’ teskludi s-Subdiviżjonijiet 27 u 28.2 tal-ICES mill-kamp ta’ applikazzjoni ta’ ċerti limitazzjonjiet tal-isforz tas-sajd meta l-qabdiet tal-bakkaljaw kienu taħt ċertu livell limitu fl-aħħar perjodu ta’ rappurtar.

(4)

Fid-dawl tar-rapporti mressqa mill-Istati Membri u tal-parir tal-Kumitat Xjentifiku, Tekniku, u Ekonomiku għas-Sajd, fl-2014 is-Subdiviżjonijiet 27 u 28.2 tal-ICES għandhom ikunu esklużi mill-kamp ta’ applikazzjoni ta’ dawk il-limitazzjonjiet tal-isforz tas-sajd.

(5)

Ir-Regolament (UE) Nru 1180/2013 se jibda japplika mill-1 ta’ Jannar 2014. Biex tkun żgurata l-koerenza ma’ dak ir-Regolament, dan ir-Regolament għandu japplika retroattivament mill-1 ta’ Jannar 2014.

(6)

Il-miżuri previsti f’dan ir-Regolament huma skont l-opinjoni tal-Kumitat dwar is-Sajd u l-Akkwakultura,

18.12.2013   

MT

Il-Ġurnal Uffiċjali tal-Unjoni Ewropea

L 341/35

(1)

Ir-Regolament tal-Kummissjoni (KE) Nru 669/2009 (2) jistipula regoli dwar iż-żieda fil-livell ta’ kontrolli uffiċjali mwettqa fuq l-importazzjonijiet ta’ ċertu għalf u ikel ta’ oriġini mhux mill-annimali elenkati fl-Anness I tiegħu (“il-lista”), fil-punti ta’ dħul fit-territorji msemmija fl-Anness I tar-Regolament (KE) Nru 882/2004.

(2)

L-Artikolu 2 tar-Regolament (KE) Nru 669/2009 jistipula li l-lista għandha tiġi riveduta regolarment, tal-inqas kull tliet xhur, filwaqt li tal-inqas jitqiesu s-sorsi ta’ informazzjoni msemmija f’dan l-Artikolu.

(3)

L-okkorrenza u r-rilevanza ta’ inċidenti tal-ikel innotifikati permezz tas-Sistema ta’ Twissija Bikrija għall-Ikel u l-Għalf, is-sejbiet ta’ missjonijiet f’pajjiżi terzi mwettqa mill-Uffiċċju Alimentari u Veterinarju, kif ukoll ir-rapporti trimestrali dwar kunsinni ta’ għalf u ikel ta’ oriġini mhux mill-annimali sottomessi mill-Istati Membri lill-Kummissjoni skont l-Artikolu 15 tar-Regolament (KE) Nru 669/2009 jindikaw li l-lista jeħtieġ li tiġi emendata.

(4)

B’mod partikolari, il-lista jeħtieġ li tiġi emendata billi jitħassru l-entrati għall-komoditajiet li l-informazzjoni disponibbli dwarhom tindika livell globalment sodisfaċenti ta’ konformità mar-rekwiżiti ta’ sikurezza rilevanti stipulati fil-leġiżlazzjoni tal-Unjoni u li għalhekk għalihom żieda fil-kontrolli uffiċjali ma tibqax ġustifikata. L-entrati fil-lista li jikkonċernaw il-ġellewż mill-Azerbajġan, il-qxur tan-noċemuskata, il-ġinġer u l-kurkuma mill-Indja, il-qoxra tan-noċemuskata mill-Indoneżja u ħxejjex brassica mit-Tajlandja għandhom għalhekk jitħassru.

(5)

Biex jiġu żgurati l-konsistenza u ċ-ċarezza, huwa xieraq li l-Anness I tar-Regolament (KE) Nru 669/2009 jinbidel bit-test stipulat fl-Anness ta’ dan ir-Regolament.

(6)

Ir-Regolament (KE) Nru 669/2009 għandu għalhekk jiġi emendat skont dan.

(7)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

18.12.2013   

MT

Il-Ġurnal Uffiċjali tal-Unjoni Ewropea

L 341/43

(1)

Il-Kummissjoni Ewropea (“il-Kummissjoni”) irċeviet talba skont l-Artikoli 13(3) u 14(5) tar-Regolament bażiku biex tinvestiga l-possibbiltà ta’ ċirkomvenzjoni tal-miżuri tal-antidumping imposti fuq ċerti drappijiet b’malja miftuħa tal-fibri tal-ħġieġ li joriġinaw mir-Repubblika Popolari taċ-Ċina permezz ta’ importazzjonijiet ta’ ċerti drappijiet b’malja miftuħa tal-fibri tal-ħġieġ b’modifika żgħira li joriġinaw mir-Repubblika Popolari taċ-Ċina, u biex tissoġġetta dawn l-importazzjonijiet għal reġistrazzjoni.

(2)

Din it-talba ġiet ippreżentata fis-6 ta’ Novembru 2013 minn Saint-Gobain Adfors CZ s.r.o., Tolnatext Fonalfeldolgozo, Valmieras “Stikla Skiedra” AS u Vitrulan Technical Textiles GmbH, erba’ produtturi fl-Unjoni ta’ ċerti drappijiet b’malja miftuħa tal-fibri tal-ħġieġ.

(3)

Il-prodott ikkonċernat mill-possibbiltà ta’ ċirkomvenzjoni huma ċerti drappijiet b’malja miftuħa tal-fibri tal-ħġieġ, b’daqs ta’ ċellula ta’ aktar minn 1,8 mm, kemm fit-tul kif ukoll fil-wisa’ u li jiżnu iżjed minn 35 g/m2, minbarra diski tal-fibra tal-ħġieġ, li joriġinaw mir-Repubblika Popolari taċ-Ċina, li bħalissa jaqgħu taħt il-kodiċijiet NM ex 7019 51 00 u ex 7019 59 00 (“il-prodott ikkonċernat”).

(4)

Il-prodott taħt investigazzjoni huwa l-istess bħal dak definit fil-premessa preċedenti, iżda li bħalissa jaqa’ fil-kodiċi tan-NM ex 7019 40 00 u li joriġina mir-Repubblika Popolari taċ-Ċina (“il-prodott taħt investigazzjoni”)

(5)

Il-miżuri attwalment fis-seħħ u li possibbilment qed jiġu evitati huma miżuri ta’ antidumping imposti mir-Regolament ta’ Implimentazzjoni tal-Kunsill (UE) Nru 791/2011 (2).

(6)

It-talba tinkludi biżżejjed evidenza prima facie li l-miżuri tal-antidumping fuq l-importazzjonijiet ta’ ċerti drappijiet b’malja miftuħa tal-fibri tal-ħġieġ li joriġinaw mir-Repubblika Popolari taċ-Ċina qed jiġu evitati permezz ta’ modifika żgħira tal-prodott ikkonċernat biex jiġi jaqa’ taħt kodiċijiet doganali li normalment ma humiex soġġetti għall-miżuri, u li l-modifika ma tibdilx il-karatteristiċi essenzjali tal-prodott ikkonċernat. Il-modifika żgħira tikkonsisti f’żieda tal-proporzjon tal-ftietel magħmula mill-fibra tal-ħġieġ fil-malja miftuħa. sabiex dawn jippredominaw fil-piż fil-prodott taħt investigazzjoni li b’hekk jiġi kklassifikat taħt il-kodiċi NM 7019 40 00 bħala drappijiet minsuġa mill-fibri tal-ħġieġ magħmula mill-ftietel.

(7)

L-evidenza prima facie li ġiet ippreżentata hija din:

(8)

It-talba turi li seħħet bidla sinifikanti fix-xejra tal-kummerċ li tinvolvi esportazzjonijiet mir-Repubblika Popolari taċ-Ċina lejn l-Unjoni wara l-impożizzjoni tad-dazju definittiv antidumping fuq il-prodott ikkonċernat impost mir-Regolament ta’ Implimentazzjoni tal-Kunsill (UE) Nru 791/2011, mingħajr raġuni biżżejjed jew ġustifikazzjoni ekonomika għal tibdil bħal dan għajr l-impożizzjoni tad-dazju.

(9)

Din il-bidla tidher li ġejja mill-importazzjoni fl-Unjoni tal-prodott taħt investigazzjoni. It-talba tinkludi biżżejjed evidenza prima facie li l-prodott taħt investigazzjoni għandu l-istess karatteristiċi essenzjali u użi bħall-prodott ikkonċernat.

(10)

Barra minn hekk, it-talba fiha biżżejjed evidenza prima facie li l-effetti ta’ rimedju tal-miżuri antidumping eżistenti fuq il-prodott ikkonċernat qed jiddgħajfilhom l-impatt kemm fil-kwantità kif ukoll fil-prezz. Volumi sinifikanti ta’ importazzjonijiet tal-prodott investigat jidher li ħadu post l-importazzjonijiet tal-prodott ikkonċernat. Barra minn hekk, hemm biżżejjed evidenza prima facie li l-importazzjonijiet tal-prodott taħt investigazzjoni qed isiru bi prezzijiet aktar baxxi mill-prezz mhux dannuż stabbilit fl-investigazzjoni li wasslet għall-miżuri eżistenti.

(11)

Fl-aħħar nett, it-talba fiha biżżejjed evidenza prima facie li l-prezzijiet tal-prodott taħt investigazzjoni huma oġġett ta’ dumping fir-rigward tal-valur normali stabbilit qabel għall-prodott ikkonċernat.

(12)

Jekk il-prassi ta’ ċirkomvenzjoni li hija koperta bl-Artikolu 13 tar-Regolament bażiku, għajr dawk imsemmija hawn fuq, tiġi identifikata fl-andament tal-investigazzjoni, l-investigazzjoni tista’ tkopri din il-prassi wkoll.

(13)

Fid-dawl ta’ dan ta’ hawn fuq, il-Kummissjoni kkonkludiet li teżisti biżżejjed evidenza biex tiġġustifika l-bidu ta’ investigazzjoni skont l-Artikolu 13(3) tar-Regolament bażiku u li tagħmel l-importazzjonijiet tal-prodott taħt investigazzjoni soġġetti għal reġistrazzjoni, b’konformità mal-Artikolu 14(5) tar-Regolament bażiku.

(14)

Sabiex tikseb tagħrif li tqis bħala meħtieġ għall-investigazzjoni tagħha, il-Kummissjoni se tibgħat kwestjonarji lill-esportaturi/produtturi magħrufa u lill-assoċjazzjonijiet tal-esportaturi/produtturi magħrufa fir-Repubblika Popolari taċ-Ċina, lill-importaturi magħrufa u lill-assoċjazzjonijiet magħrufa ta’ importaturi fl-Unjoni u lill-awtoritajiet tar-Repubblika Popolari taċ-Ċina. Kif xieraq, it-tagħrif jista’ jintalab ukoll mingħand l-industrija tal-Unjoni.

(15)

F’kull eventwalità, il-partijiet interessati kollha għandhom jikkuntattjaw lill-Kummissjoni minnufih, u mhux iktar tard mil-limitu taż-żmien stabbilit fl-Artikolu 3 ta’ dan ir-Regolament, u jitolbu kwestjonarju fil-limitu taż-żmien stabbilit fl-Artikolu 3(1) ta’ dan ir-Regolament, sakemm il-limitu taż-żmien stabbilit fl-Artikolu 3(2) ta’ dan ir-Regolament japplika għall-partijiet interessati kollha.

(16)

L-awtoritajiet tar-Repubblika Popolari taċ-Ċina se jiġu nnotifikati bil-bidu tal-investigazzjoni.

(17)

Il-partijiet kollha interessati huma b’dan mistiedna jagħtu l-fehmiet tagħhom bil-miktub u jipprovdu evidenza ta’ sostenn. Barra minn hekk, il-Kummissjoni tista’ tisma’ lill-partijiet interessati, sakemm dawn jagħmlu talba bil-miktub u juru li hemm raġunijiet partikolari għalfejn dawn għandhom jinstemgħu.

(18)

B’konformità mal-Artikolu 13(4) tar-Regolament bażiku, l-importazzjonijiet tal-prodott taħt investigazzjoni jistgħu jiġu eżentati mir-reġistrazzjoni jew mill-miżuri jekk l-importazzjoni ma tikkostitwixxix ċirkomvenzjoni.

(19)

Billi l-possibbiltà ta’ ċirkomvenzjoni ssir barra mill-Unjoni, jistgħu jingħataw eżenzjonijiet, skont l-Artikolu 13(4) tar-Regolament bażiku, lill-produtturi tal-prodott taħt investigazzjoni fir-Repubblika Popolari taċ-Ċina li jistgħu juru li ma humiex relatati (3) ma’ xi produttur soġġett għall-miżuri eżistenti (4) u li jinstab li mhumiex involuti fi prassi ta’ ċirkomvenzjoni kif huwa definit fl-Artikoli 13(1) u 13(2) tar-Regolament bażiku. Il-produtturi li jixtiequ jiksbu eżenzjoni għandhom iressqu talba sostnuta b’evidenza xierqa fil-limitu taż-żmien indikat fl-Artikolu 3(3) ta’ dan ir-Regolament.

(20)

Skont l-Artikolu 14(5) tar-Regolament bażiku, l-importazzjonijiet tal-prodott taħt investigazzjoni jkunu soġġetti għal reġistrazzjoni sabiex ikun żgurat li, jekk l-investigazzjoni tikkonkludi li hemm ċirkomvenzjoni, ikun jista’ jiġi impost ammont xieraq ta’ dazji tal-antidumping mid-data li fiha tkun ġiet imposta r-reġistrazzjoni ta’ importazzjonijiet bħal dawn.

(21)

Fl-interess ta’ amministrazzjoni soda, għandhom jiġu ddikjarati limiti taż-żmien li matulhom:

(22)

Ta’ min jiġbed l-attenzjoni dwar il-fatt li t-tħaddim tal-biċċa l-kbira tad-drittijiet proċedurali stabbiliti fir-Regolament bażiku jiddependi mill-fatt li l-parti tippreżenta ruħha fil-limiti taż-żmien imsemmija fl-Artikolu 3 ta’ dan ir-Regolament.

(23)

F’każijiet fejn xi parti interessata tiċħad l-aċċess jew ma tagħtix it-tagħrif meħtieġ fil-limiti taż-żmien, jew tfixkel l-investigazzjoni b’mod sinifikanti, jistgħu jsiru sejbiet, pożittivi jew negattivi, skont l-Artikolu 18 tar-Regolament bażiku, abbażi tal-fatti disponibbli.

(24)

Fejn jinstab li xi persuni interessati jkunu pprovdew informazzjoni falza jew qarrieqa, l-informazzjoni tiġi injorata u jista’ jsir użu mill-fatti disponibbli,

(25)

Jekk parti interessata ma tikkoperax jew tikkopera biss parzjalment u għalhekk il-konklużjonijiet ikunu bbażati fuq il-fatti disponibbli b’konformità mal-Artikolu 18 tar-Regolament bażiku, ir-riżultat jista’ jkun anqas favorevoli għal dik il-parti milli kieku din tkun ikkoperat.

(26)

L-investigazzjoni se tiġi konkluża, skont l-Artikolu 13(3) tar-Regolament bażiku, fi żmien disa’ xhur mid-data tal-pubblikazzjoni ta’ dan ir-Regolament f’Il-Ġurnal Uffiċjali tal-Unjoni Ewropea.

(27)

Huwa nnutat li kwalunkwe dejta personali miġbura f’din l-investigazzjoni se tiġi trattata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwi fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (5).

(28)

Il-partijiet interessati jistgħu jitolbu l-intervent tal-Uffiċjal tas-Seduta tad-Direttorat Ġenerali għall-Kummerċ. L-Uffiċjal tas-Seduta jagħmilha ta’ medjatur bejn il-partijiet interessati u s-servizzi ta’ investigazzjoni tal-Kummissjoni. L-Uffiċjal tas-Seduta jeżamina t-talbiet ta’ aċċess għall-fajl, it-tilwim dwar il-kunfidenzjalità tad-dokumenti, it-talbiet għall-estensjoni tal-limiti taż-żmien u t-talbiet minn partijiet terzi għal smigħ. L-Uffiċjal tas-Seduta jista’ jorganizza smigħ ma’ parti interessata individwali u jagħmilha ta’ medjatur biex jiżgura li d-drittijiet tad-difiża tal-partijiet interessati jkunu qed jitħaddmu b’mod sħiħ.

(29)

It-talba għal seduta ta’ smigħ mal-Uffiċjal tas-Seduta għandha ssir bil-miktub u għandha tispeċifika r-raġunijiet tat-talba. L-Uffiċjal tas-Seduta jagħti wkoll opportunitajiet biex isir smigħ li jinvolvi lill-partijiet u li jippermetti li jitressqu fehmiet differenti u argumenti kuntrarji.

(30)

Għal aktar informazzjoni u dettalji ta’ kuntatt il-partijiet interessati jistgħu jikkonsultaw il-paġni tal-Internet tal-Uffiċjal tas-Seduta fuq il-websajt tad-Direttorat Ġenerali għall-Kummerċ: http://ec.europa.eu/commission_2010-2014/degucht/contact/hearing-officer/.

European Commission

Directorate-General for Trade

Directorate H

Office: N105 08/020

1049 Bruxelles/Brussel

BELGIQUE/BELGIË

Faks +32 222962219

Posta elettronika: TRADE-OPEN-MESH-FABRICS-DUMPING@ec.europa.eu

18.12.2013   

MT

Il-Ġurnal Uffiċjali tal-Unjoni Ewropea

L 341/47

(1)

Ir-regoli tal-oriġini mhux preferenzjali għandhom jiġu applikati għal miżuri ta’ politika kummerċjali mhux preferenzjali kollha, inklużi d-dazji antidumping u dawk kompensatorji.

(2)

Fl-Artikolu 24 tar-Regolament (KEE) Nru 2913/92, il-prinċipju bażiku huwa stabbilit li merkanzija li l-produzzjoni tagħha tinvolvi aktar minn pajjiż wieħed għandha titqies li toriġina mill-pajjiż meta tkun għaddiet mill-aħħar proċessar sostanzjali, ekonomikament ġustifikat jew xogħol f’impriża mgħammra għal dak l-iskop u li tirriżulta fil-manifattura ta’ prodott ġdid jew li tirrappreżenta stadju importanti tal-manifattura.

(3)

Id-dikjarazzjoni taċ-ċirkolazzjoni ħielsa ta’ moduli jew pannelli fotovoltajċi bis-siliċju kristallin u l-komponenti ewlenin tagħhom ġiet suġġetta għal dazji antidumping provviżorji mir-Regolament tal-Kummissjoni (UE) Nru 513/2013 (2).

(4)

Sabiex tiġi żgurata l-implimentazzjoni korretta u uniformi tad-dazji antidumping provviżorji, jeħtieġ li tiġi stabbilita regola dettaljata għall-interpretazzjoni tal-prinċipju tal-Artikolu 24 tar-Regolament (KEE) Nru 2913/92 biex tiġi ddeterminata l-oriġini tal-prodotti koperti minn dawk il-miżuri rigward moduli jew pannelli fotovoltajċi bis-siliċju kristallin u komponent ewlieni tagħhom, ċelloli fotovoltajċi bis-siliċju kristallin.

(5)

Il-proċess ta’ produzzjoni ta’ moduli jew pannelli fotovoltajċi bis-siliċju kristallin jista’ jinqasam fil-passi l-kbar li ġejjin: produzzjoni ta’ wejfers tas-siliċju, ipproċessar tal-wejfers tas-siliċju f’ċelloli fotovoltajċi bis-siliċju kristallin; assemblaġġ ta’ diversi ċelloli fotovoltajċi bis-siliċju kristallin f’modulu jew pannell fotovoltajku bis-siliċju kristallin.

(6)

L-aktar stadju importanti fil-manifattura ta’ pannelli jew moduli fotovoltajċi bis-siliċju kristallin huwa l-ipproċessar ta’ wejfers tas-siliċju f’ċelloli fotovoltajċi bis-siliċju kristallin. Dak huwa l-istadju ta’ produzzjoni deċiżiv li matulu l-użu li għalih ser jitqiegħdu il-partijiet komponenti tal-pannell jew il-modulu isir definittiv u meta dawn jingħataw kwalitajiet speċifiċi tagħhom.

(7)

Dik it-trasformazzjoni għalhekk għandha titqies bħala dik li fiha l-aħħar trasformazzjoni sostanzjali fil-proċess ta’ produzzjoni tal-pannelli jew moduli fotovoltajċi bis-siliċju kristallin skont l-Artikolu 24 tar-Regolament (KEE) Nru 2913/92. Il-pajjiż ta’ manifattura taċ-ċelloli bis-siliċju kristallin għandu għalhekk ikun il-pajjiż ta’ oriġini mhux preferenzjali tal-pannelli jew moduli fotovoltajċi bis-siliċju kristallin.

(8)

Bid-Deċiżjoni 94/800/KE (3) il-Kunsill approva, inter alia, il-Ftehim dwar ir-Regoli ta’ Oriġini (WTO- GATT 1994) mehmuż mal-att finali ffirmat f’Marrakesh fil-15 ta’ April 1994. Skont il-prinċipji stabbiliti fil-Ftehim għall-Programm ta’ Ħidma għall-Armonizzazzjoni, id-determinazzjoni tal-pajjiż li fih il-prodotti għaddew mill-aħħar trasformazzjoni sostanzjali għandha l-ewwel nett tkun ibbażata fuq il-pajjiż li fih il-proċess ta’ produzzjoni wassal għal bidla fil-klassifikazzjoni tat-tariffi. Huwa biss meta dak il-kriterju ma jippermettix li jiġu ddeterminati l-pajjiż tal-aħħar trasformazzjoni sostanzjali li jistgħu jintużaw kriterji oħrajn, bħall-kriterju tal-valur miżjud jew id-determinazzjoni ta’ operazzjoni speċifika ta’ pproċessar. Huwa xieraq li jintużaw l-istess prinċipji fil-leġiżlazzjoni doganali tal-UE.

(9)

Ċelloli fotovoltajċi bis-siliċju kristallin huma kklassifikati f’intestatura 8541 tas-Sistema Armonizzata (SA). Moduli jew pannelli fotovoltajċi bis-siliċju kristallin huma kklassifikati fl-istess intestatura. Il-materjal li jidħol, wejfers tas-siliċju, huwa kklassifikat fl-intestatura tas-SA 3818. Ir-regola bbażata fuq bidla ta’ intestatura ta’ tariffa b’hekk tesprimi adegwatament l-aħħar trasformazzjoni sostanzjali taċ-ċelloli fotovoltajċi bis-siliċju kristallin. Fl-istess ħin teskludi l-assemblaġġ tal-pannelli jew moduli fotovoltajċi bis-siliċju kristallin miċ-ċelloli biex tagħti l-oriġini lill-prodott finali, minħabba li kemm il-pannelli kif ukoll iċ-ċelloli huma kklassifikati fl-istess intestatura.

(10)

Regola tal-oriġini bbażata fuq il-valur miżjud, li normalment jiġi kkombinat mal-bidla tar-regola tal-intestatura tat-tariffa għad-determinazzjoni ta’ prodotti li għalihom l-aħħar trasformazzjoni hija l-operazzjoni ta’ assemblaġġ, mhijiex adattata fil-każ ta’ moduli jew pannelli fotovoltajċi bis-siliċju kristallin, minħabba li l-previżjoni meħtieġa u ċ-ċertezza legali jinkisbu aħjar għal dawk il-prodotti partikolari bl-identifikazzjoni tal-iktar pass ta’ produzzjoni sinifikanti.

(11)

Regola hekk imsejħa “residwa” hija neċessarja sabiex tiġi ddeterminata l-oriġini tal-pannelli jew moduli fotovoltajċi bis-siliċju meta r-regola primarja ta’ bidla fl-intestatura tat-tariffa ma tiġix sodisfatta. F’dak il-każ, l-oriġini taċ-ċelloli fotovoltajċi bis-siliċju kristallin jew tal-akbar porzjon f’valur taċ-ċelloli fotovoltajċi bis-siliċju kristallin għandu jkun l-oriġini tal-pannell jew tal-modulu.

(12)

Moduli jew pannelli fotovoltajċi bis-siliċju kristallin jistgħu wkoll ikunu kklassifikati taħt ċerti kundizzjonijiet fl-intestatura tas-SA 8501. Regola simili bħala għall-Intestarua HS 8541 għandhom ukoll ikunu stabbiliti għal dawk il-pannelli jew moduli fotovoltajċi bis-siliċju kristallin.

(13)

Għalhekk ir-Regolament tal-Kummissjoni (KEE) Nru 2454/93 (4) għandu jiġi emendat skont dan.

(14)

Il-Kumitat tal-Kodiċi Doganali ma tax opinjoni. Inħasset il-ħtieġa ta’ Att ta’ implimentazzjoni u l-President ressaq l-abbozz tal-att ta’ implimentazzjoni lill-kumitat ta’ appell għal aktar diskussjoni. Il-Kumitat tal-Appelli ma ressaqx opinjoni,

18.12.2013   

MT

Il-Ġurnal Uffiċjali tal-Unjoni Ewropea

L 341/50

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

18.12.2013   

MT

Il-Ġurnal Uffiċjali tal-Unjoni Ewropea

L 341/52

(1)

Sa mill-adozzjoni tad-Direttiva 2002/56/KE ġew żviluppati metodi ġodda għat-tkabbir tal-patata, u sar progress fl-għodod djanjostiċi li jidentifikaw organiżmi ta’ ħsara u fil-prattiki agronomiċi li jiġġieldu l-firxa ta’ dawn l-organiżmi.

(2)

Dawn l-iżviluppi tekniċi jippermettu l-produzzjoni ta’ patata taż-żriegħ li tissodisfa rekwiżiti aktar stretti minn dawk stabbiliti fl-Annessi I u II tad- Direttiva 2002/56/KE. Fl-istess ħin sar disponibbli għarfien dwar l-aġenti tal-mard ġodda filwaqt li evolva l-għarfien dwar mard eżistenti li jindika li ċertu mard jeħtieġ miżuri aktar stretti.

(3)

Kontra dan l-isfond, l-istandard tal-Kummissjoni Ekonomika għall-Ewropa tan-Nazzjonijiet Uniti (UNECE) li jikkonċerna l-kummerċjalizzazzjoni u l-kontroll tal-kwalità kummerċjali tal-patata taż-żriegħ ġie adattat fid-dawl ta’ dawn l-iżviluppi tekniċi u xjentifiċi (2).

(4)

Filwaqt li jitqiesu dawk l-iżviluppi, ċerti kundizzjonijiet u tolleranzi minimi, kif stabbilit fl-Annessi I u II tad-Direttiva 2002/56/KE, għandhom jiġu aġġornati u restrizzjonijiet dwar l-iskabbja sewda, l-iskabbja f’forma ta’ trab u l-patata taż-żriegħ, li jkunu ġew deidratati u niexfa b’mod eċċessiv, għandhom jiddaħħlu fl-Anness II.

(5)

Sa mill-adozzjoni tad-Direttiva 2002/56/KE, ġie żviluppat għarfien xjentifiku dwar ir-rabta bejn in-numru ta’ ġenerazzjonijiet u l-livell ta’ preżenza ta’ pesti ta’ patata taż-żriegħ. Il-limitazzjoni tan-numru ta’ ġenerazzjonijiet hija mezz neċessarju biex jiġi mmitigat ir-riskju fitosanitarju li jinħoloq minn pesti f’forma latenti. Din il-limitazzjoni hija meħtieġa għall-mitigazzjoni ta’ dak ir-riskju, u mhemm disponibbli l-ebda miżura anqas stretta biex tissostitwixxiha. Il-limitu massimu ta’ seba’ ġenerazzjonijiet għall-patata taż-żriegħ pre-bażika u l-patata taż-żriegħ bażika jikostitwixxi kompromess bejn il-ħtieġa li jiġi mmultiplikat għadd suffiċjenti ta’ patata taż-żriegħ għall-produzzjoni ta’ patata taż-żriegħ iċċertifikata, u l-protezzjoni tal-istatus tas-saħħa tagħhom.

(6)

Ir-rekwiżiti li jikkonċernaw l-organiżmu ta’ ħsara Synchytrium endobioticum (Schilb.) Perc. għandhom jitneħħew mill-Anness I billi l-presenza tiegħu fuq il-patata taż-żriegħ hija rregolata bid-Direttiva tal-Kunsill 69/464/KEE (3). Ir-rekwiżiti li jikkonċernaw l-organiżmu ta’ ħsara Corynebacterium sepedonicum (Spieck. et Kotth.) Skapt. and Burkh., l-isem li ġie sostitwit minn Clavibacter michiganensis subsp. sepedonicus (Spieck. et Kotth.) Davis et al., għandhom jitneħħew mill-Annessi I u II billi l-presenza tiegħu fuq il-patata taż-żriegħ hija rregolata bid-Direttiva tal-Kunsill 93/85/KEE (4). Ir-rekwiżiti li jikkonċernaw l-organiżmu ta’ ħsara Heterodera rostochiensis Woll., l-isem li ġie sostitwit minn Globodera rostochiensis (Wollenweber) Behrens għandhom jitneħħew mill-Anness II billi l-presenza tiegħu fuq il-patata taż-żriegħ hija rregolata bid-Direttiva tal-Kunsill 2007/33/KE (5). Ir-rekwiżiti li jikkonċernaw l-organiżmu ta’ ħsara Pseudomonas solanacearum (Smith) Smith, l-isem li ġie sostitwit minn Ralstonia solanacearum (Smith) Yabuuchi et al., għandhom jitneħħew mill-Anness II billi l-presenza tiegħu fuq il-patata taż-żriegħ hija rregolata bid-Direttiva tal-Kunsill 98/57/KE (6).

(7)

L-Annessi I u II għad-Direttiva 2002/56/KE għandhom għalhekk jiġu emendati skont dan.

(8)

Il-miżuri stipulati f’din id-Direttiva huma skont l-opinjoni tal-Kumitat Permanenti għaż-Żrieragħ u għall-Materjal ta’ Propagazzjoni għall-Agrikultura, l-Ortikultura u l-Forestrija,

18.12.2013   

MT

Il-Ġurnal Uffiċjali tal-Unjoni Ewropea

L 341/56

(1)

Fis-6 ta' Diċembru 2006, l-Assemblea Ġenerali tan-NU adottat ir-Riżoluzzjoni 61/89 intitolata “Lejn Trattat dwar il-Kummerċ tal-Armi: it-twaqqif ta' standards internazzjonali komuni għall-importazzjoni, l-esportazzjoni u t-trasferimenti ta' armi konvenzjonali”, biex b'hekk jibda l-proċess tan-NU għal Trattat dwar il-Kummerċ tal-Armi (il-“proċess tal-ATT”). Fit-2 ta’ Diċembru 2009, l-Assemblea Ġenerali tan-NU adottat ir-Riżoluzzjoni 64/48 intitolata “It-Trattat dwar il-Kummerċ tal-Armi”, li biha ddeċidiet li fl-2012 tlaqqa’ Konferenza tan-NU dwar it-Trattat dwar il-Kummerċ tal-Armi biex jiġi elaborat strument legalment vinkolanti dwar l-ogħla standards internazzjonali komuni possibbli għat-trasferimenti tal-armi konvenzjonali.

(2)

Minħabba li l-Konferenza tan-NU dwar it-Trattat dwar il-Kummerċ tal-Armi li ltaqgħet f'Lulju 2012 ma setgħetx tilħaq qbil dwar dokument ta' konklużjoni fil-qafas ta' żmien stabbilit għalih u b'segwitu għar-Riżoluzzjoni 67/234 A adottata fl-24 ta' Diċembru 2012 mill-Assemblea Ġenerali tan-NU, il-Konferenza finali tan-NU dwar it-Trattat dwar il-Kummerċ tal-Armi ltaqgħet f'Marzu 2013. Hija żviluppat test ibbilanċjat u wiesa' bbażat fuq it-Trattat li, madankollu, ma rnexxilux jilħaq kunsens minħabba l-oppożizzjoni ta' tliet Stati Membri tan-NU. Konsegwentement, il-kwistjoni ġiet ippreżentata lill-Assemblea Ġenerali tan-NU li, fit-2 ta' April 2013, adottat b'maġġoranza kbira t-Trattat dwar il-Kummerċ tal-Armi permezz ta' votazzjoni tar-Riżoluzzjoni A/RES/67/234 B. It-Trattat infetaħ sussegwentement għall-iffirmar fit-3 ta' Ġunju 2013 u ser jidħol fis-seħħ mal-50 ratifika. L-Istati Membri tal-Unjoni kollha ffirmaw it-Trattat.

(3)

Fil-konklużjonijiet tiegħu tal-11 ta’ Diċembru 2006, l-10 ta’ Diċembru 2007, it-12 ta’ Lulju 2010, u l-25 ta’ Ġunju 2012, il-Kunsill esprima l-impenn l-aktar qawwi tiegħu għal strument internazzjonali legalment vinkolanti ġdid li għandu jistabbilixxi l-ogħla standards internazzjonali komuni possibbli biex jiġi rregolat il-kummerċ legali fl-armi konvenzjonali, u li għandu jkun rilevanti għall-Istati kollha u għalhekk jista’ jkun universali.

(4)

Sabiex jiġu promossi l-inklużività u r-rilevanza tal-proċess tal-ATT, il-Kunsill adotta d-Deċiżjoni 2009/42/PESK (1) u d-Deċiżjoni 2010/336/PESK (2), li appoġġaw, inter alia, serje ta' seminars reġjonali ta' kopertura dinjija. Fir-rigward tal-Konferenza tan-NU inkonklużiva ta' Lulju 2012, l-attivitajiet kontinwi tal-Unjoni f'appoġġ għall-Trattat dwar il-Kummerċ tal-Armi ġew ikkumplimentati bid-Deċiżjoni tal-Kunsill 2013/43/PESK (3).

(5)

Il-prijorità hija issa biex jiġi appoġġat id-dħul fis-seħħ bikri u l-implimentazzjoni sħiħa tat-Trattat. F'konformità mal-appoġġ bikri imwiegħed għall-Proċess tal-ATT, l-Unjoni tista' issa tagħti kontribut sinifikanti għal dak l-objettiv, b'mod partikolari, billi tibni fuq l-esperjenza li ilha għandha fil-finanzjament ta' assistenza għall-kontroll tal-esportazzjoni u ta' komunikazzjoni. Minħabba li l-għoti ta' liċenzji tal-armi u l-użu doppju jibqa' responsabbiltà nazzjonali fl-UE, ħila esperta dwar il-kontroll tal-esportazzjoni użata b'appoġġ għal programmi ta' assistenza u ta' komunikazzjoni ffinanzjati mill-Unjoni tiddipendi ħafna mill-Istati Membri. Għaldaqstant huwa kruċjali li l-Istati Membri jallokaw esperti li jkunu ta' għajnuna għall-programmi tal-Unjoni sabiex l-attivitajiet ta' assistenza għall-kontroll tal-esportazzjoni u ta' komunikazzjoni jkunu ta' suċċess.

(6)

Fil-qasam tal-kontroll tal-esportazzjoni tal-armi, l-attivitajiet tal-Unjoni ta' assistenza u ta' komunikazzjoni twettqu skont l-Azzjoni Konġunta tal-Kunsill 2008/230/PESK (4) u d-Deċiżjonijiet tal-Kunsill 2009/1012/PESK (5) u 2012/711/PESK (6). L-attivitajiet li saru sa issa indirizzaw numru ta' pajjiżi terzi fil-viċinat qrib tal-Unjoni bil-għan li jissaħħu s-sistemi ta' kontroll tal-esportazzjoni tal-armi tagħhom lejn u li jinkisbu aktar responsabbiltà u trasparenza.

(7)

L-Unjoni ilha ħafna wkoll tipprovdi assistenza għall-kontroll tal-esportazzjoni ta' oġġetti b'użu doppju taħt ir-Regolament (KE) Nru 1717/2006 tal-Parlament Ewropew u tal-Kunsill (7) l-Istrument għall-Istabbiltà tagħha li jipprevedi assistenza fl-iżvilupp tal-qafas legali u l-kapaċitajiet istituzzjonali għat-twaqqif u l-infurzar ta' kontrolli effettivi tal-esportazzjoni fuq oġġetti b'użu doppju, inkluż miżuri ta' kooperazzjoni reġjonali. Fit-28 ta' April 2004, il-Kunsill tas-Sigurtà tan-Nazzjonijiet Uniti adotta r-Riżoluzzjoni 1540 (2004) (“UNSCR 1540 (2004)”), li tagħti mandat għal kontrolli effettivi ta' trasferiment fuq oġġetti relatati mal-armi tal-qerda massiva. L-Unjoni appoġġat l-implimentazzjoni tal-UNSCR 1540 (2004) b'mod partikolari permezz tal-Azzjoni Konġunta tal-Kunsill 2006/419/PESK (8), l-Azzjoni Konġunta tal-Kunsill 2008/368/PESK (9) u d-Deċiżjoni tal-Kunsill 2013/391/PESK (10) u, fir-rigward tad-dimensjoni tal-kontroll tal-esportazzjoni tal-UNSCR 1540 (2004), permezz tal-programmi tagħha ta' assistenza għall-kontroll tal-esportazzjoni ta' oġġetti b'użu doppju.

(8)

Minbarra l-assistenza speċifika għall-kontroll tal-esportazzjoni tal-armi, il-kontrolli żviluppati għall-implimentazzjoni tal-UNCSR 1540 (2004) u skont il-programmi ta' assistenza tal-Unjoni għall-kontroll tal-esportazzjoni ta' oġġetti b'użu doppju jikkontribwixxu għall-kapaċità globali biex jiġi implimentat b'mod effettiv it-Trattat dwar il-Kummerċ tal-Armi billi, f'ħafna każijiet, il-liġijiet, il-proċeduri amministrattivi u l-aġenziji responsabbli mill-kontroll tal-esportazzjoni ta' oġġetti b'użu doppju jikkoinċidu ma' dawk responsabbli mill-kontroll tal-esportazzjoni ta' armi konvenzjonali. L-assistenza mogħtija fil-qasam ta' oġġetti b'użu doppju, għalhekk, tappoġġa kapaċitajiet ta' kontroll tal-esportazzjoni tal-armi. Għaldaqstant, huwa kruċjali li tiġi żgurata koordinazzjoni mill-qrib bejn attivitajiet imwettqa f'kontrolli tal-esportazzjoni ta' oġġetti b'użu doppju u attivitajiet li jappoġġaw l-implimentazzjoni tat-Trattat dwar il-Kummerċ tal-Armi.

(9)

F'dan l-isfond ta' koordinazzjoni mixtieqa ta' assistenza għall-kontroll tal-esportazzjoni pprovduta f'oqsma rilevanti oħra, l-attivitajiet appoġġati minn din id-Deċiżjoni tal-Kunsill għandhom l-għan li jsaħħu l-kapaċitajiet ta' kontroll tat-trasferiment tal-armi f'għadd ta' pajjiżi benefiċjarji sabiex tiġi appoġġata implimentazzjoni effettiva u kompetenti tat-Trattat dwar il-Kummerċ tal-Armi. Billi l-impatt tat-Trattat ser jiddipendi fuq kemm huwa universali u fuq il-grad ta' aderenza miegħu, għandhom ikunu wkoll appoġġati attivitajiet ta' komunikazzjoni u ta' sensibilizzazzjoni bil-għan li jittejjeb l-appoġġ għat-Trattat minn partijiet interessanti rilevanti u pajjiżi terzi oħra kif ukoll li jitħeġġeġ l-interess fl-implimentazzjoni tiegħu.

(10)

L-Uffiċċju Federali Ġermaniż tal-Ekonomija u l-Kontroll tal-Esportazzjoni (minn hawn 'il quddiem 'BAFA') ġie fdat mill-Kunsill bl-implimentazzjoni teknika tad-Deċiżjonijiet 2009/1012/PESK u 2012/711/PESK. Huwa kkompleta b'suċċess l-organizzazzjoni tal-attivitajiet kollha previsti fid-Deċiżjoni tal-Kunsill 2009/1012/PESK. Il-BAFA huwa wkoll l-aġenzija ta' implimentazzjoni għal proġetti dwar il-kontrolli tal-esportazzjoni fuq oġġetti b'użu doppju ffinanzjati l-Istrument ta' Stabbiltà. F'dan l-isfond, l-għażla tal-BAFA bħala l-aġenzija ta' implimentazzjoni tal-attivitajiet tal-UE li jappoġġaw l-implimentazzjoni tat-Trattat dwar il-Kummerċ tal-Armi f'pajjiżi terzi hija ġġustifikata bl-esperjenza, il-kwalifiki u l-ħila esperta meħtieġa ppruvati tiegħu fuq il-firxa sħiħa ta' attivitajiet rilevanti tal-Unjoni ta' kontroll tal-esportazzjoni fil-qasam tal-oġġetti b'użu doppju kif ukoll f'dak tal-kontroll tal-esportazzjoni tal-armi. L-għażla tal-BAFA ser tiffaċilita l-identifikazzjoni ta' sinerġiji bejn l-attivitajiet ta' kontroll tal-esportazzjoni ta' oġġetti b'użu doppju u dawk relatati mal-armi sabiex jiġi żgurat li assistenza relatata mat-Trattat dwar il-Kummerċ tal-Armi tissupplimenta b'mod adegwat l-assistenza diġà pprovduta fil-programmi eżistenti tal-assistenza dwar l-oġġetti b'użu doppju u l-kontroll tal-esportazzjoni tal-armi,

—

biex tappoġġa numru ta' Stati fuq talba tagħhom biex jissaħħu s-sistemi tagħhom ta' kontroll tat-trasferiment tal-armi bil-għan li jkunu jistgħu jimplimentaw l-ATT;

—

biex jiżdiedu s-sensibilizzazzjoni u s-sjieda tal-ATT f'livelli nazzjonali u reġjonali mill-awtoritajiet nazzjonali u reġjonali rilevanti u l-partijiet interessati tas-soċjetà ċivili sabiex ikunu involuti aktar fl-implimentazzjoni tal-ATT.

(a)

tassisti lill-pajjiżi benefiċjarji fl-abbozzar, l-aġġornament u l-implimentazzjoni, kif meħtieġ, tal-miżuri leġislattivi u amministrattivi rilevanti li għandhom l-għan li jistabbilixxu u jiżviluppaw sistema effettiva ta' kontroll tat-trasferiment tal-armi f'konformità mar-rekwiżiti tal-ATT;

(b)

issaħħaħ il-ħila esperta u l-kapaċitajiet tal-uffiċjali tal-liċenzjar u l-infurzar tal-pajjiżi benefiċjarji b'mod partikolari permezz tal-kondiviżjoni tal-aħjar prattiki, taħriġ u aċċess għal sorsi rilevanti ta' informazzjoni sabiex jiġu żgurati implimentazzjoni u infurzar adegwati tal-kontrolli tat-trasferiment tal-armi;

(c)

tippromwovi t-trasparenza fil-kummerċ internazzjonali tal-armi billi tibni fuq ir-rekwiżiti ta' trasparenza tal-ATT;

(d)

tippromwovi konformità sostnuta mal-ATT mill-pajjiżi benefiċjarji billi jiġu involuti l-partijiet interessati nazzjonali u reġjonali rilevanti bħall-parlamenti nazzjonali, l-organizzazzjonijiet reġjonali kompetenti u r-rappreżentanti tas-soċjetà ċivili li għandhom interess fuq perijodu twil fil-monitoraġġ tal-implimentazzjoni effettiva tal-ATT;

(e)

tippromwovi interess usa' fl-ATT billi tinvolvi ruħha ma' pajjiżi li ma ħadu l-ebda pass lejn l-ATT sabiex tiġi appoġġata l-universalizzazzjoni tiegħu.

18.12.2013   

MT

Il-Ġurnal Uffiċjali tal-Unjoni Ewropea

L 341/68

(1)

B’notifika rreġistrata mal-Kummissjoni fis-27 ta’ Novembru 2013, l-Ungerija talbet awtorizzazzjoni biex tintroduċi miżura speċjali tal-Mekkaniżmu ta’ Reazzjoni Rapida b’deroga mill-Artikolu 193 tad-Direttiva 2006/112/KE.

(2)

Skont din in-notifika, wasal għall-attenzjoni tal-awtoritajiet nazzjonali li għadd ta’ kummerċjanti kienu involuti fl-evażjoni tat-taxxa billi ma ħallsux il-VAT lill-awtoritajiet tat-taxxa kompetenti.

(3)

Il-miżura mitluba tikkonsisti fin-nomina tal-persuna taxxabbli li lilha tiġi fornuta l-merkanzija, li f’dan il-każ hija zokkor, bħala responsabbli għall-ħlas tal-VAT minflok il-fornitur.

(4)

Fl-4 ta’ Diċembru 2013, il-Kummissjoni nnotifikat lill-Istati Membri li kellha l-informazzjoni kollha meħtieġa biex tivvaluta t-talba.

(5)

Fuq il-bażi taċ-ċifri tal-frodi dettaljati f’dan is-settur, ipprovduti mill-Ungerija, jidher li l-frodi f’dan is-settur kien diġà ta’ natura sostantiva fl-2011 u l-2012.

(6)

Għaldaqstant ġie stabbilit li l-frodi identifikat mhuwiex ta’ natura immedjata fis-sens tal-Artikolu 199b tad-Direttiva 2006/112/KE.

(7)

Id-deroga rikjesta ma għandhiex għalhekk tingħata,

18.12.2013   

MT

Il-Ġurnal Uffiċjali tal-Unjoni Ewropea

L 341/69

(1)

Ir-Regolament (KE) Nru 58/2003 jagħti l-poter lill-Kummissjoni biex tiddelega poteri lill-aġenziji eżekuttivi sabiex jimplimentaw programm jew proġett tal-Unjoni jew parti minn xi wieħed minn dawn, f’isimha u taħt ir-responsabbiltà tagħha.

(2)

L-għan li l-aġenziji eżekuttivi jiġu responsabbilizzati bil-kompiti tal-implimentazzjoni ta’ programm huwa li l-Kummissjoni tkun tista’ iżjed tiffoka fuq l-attivitajiet u l-ħidmiet prijoritarji tagħha li ma jistgħux jiġu assenjati lill-entitajiet esterni, mingħajr madankollu ma titlef il-kontroll fuq, u r-responsabbiltà aħħarija għall-attivitajiet li jitmexxew minn dawk l-aġenziji eżekuttivi.

(3)

Id-delega ta’ kompiti b’rabta mal-implimentazzjoni ta’ programmi lill-aġenziji eżekuttivi titlob separazzjoni ċara bejn l-istadji tal-ipprogrammar, li jinvolvu diskrezzjoni kbira fl-għażliet iggwidati minn kunsiderazzjonijiet ta’ politika u li jitwettqu mill-Kummissjoni, u l-implimentazzjoni tal-programmi, li għandha titħalla f’idejn l-aġenzija eżekuttiva.

(4)

Permezz tad-Deċiżjoni 2004/858/KE (2), il-Kummissjoni ħolqot Aġenzija Eżekuttiva għall-Programm ta’ Saħħa Pubblika (hawn taħt imsejħa l-Aġenzija) u inkarigatha bil-ġestjoni tal-programm ta’ azzjoni Komunitarja fil-qasam tas-saħħa pubblika għall-perjodu mill-1 ta’ Jannar 2003 sal-31 ta’ Diċembru 2008, adottat bid-Deċiżjoni Nru 1786/2002/KE tal-Parlament Ewropew u tal-Kunsill (3).

(5)

Wara dan, il-Kummissjoni emendat il-mandat tal-Aġenzija għal diversi drabi, biex testendih għall-ġestjoni ta’ proġetti u programmi ġodda. Id-Deċiżjoni tal-Kummissjoni 2008/544/KE (4) ttrasformat l-“Aġenzija Esekuttiva għall-Programm tas-Saħħa Pubblika” fl-“Aġenzija Eżekuttiva għas-Saħħa u l-Konsumaturi”, estendiet il-mandat tagħha sal-31 ta’ Diċembru 2015 u inkludiet fih l-implimentazzjoni tal-Programm tas-Saħħa Pubblika 2008-2013 adottat bid-Deċiżjoni Nru 1350/2007/KE tal-Parlament Ewropew u tal-Kunsill (5), il-Programm tal-Konsumatur għall-2007-2013 kif adottat bid-Deċiżjoni Nru 1926/2006/KE tal-Parlament Ewropew u tal-Kunsill (6) u l-miżuri tat-taħriġ dwar is-sikurezza tal-ikel koperti bid-Direttiva tal-Kunsill 2000/29/KE (7) u r-Regolament (KE) Nru 882/2004 tal-Parlament Ewropew u tal-Kunsill (8). Id-Deċiżjoni ta’ Implimentazzjoni tal-Kummissjoni 2012/740/UE (9) estendiet l-ambitu tal-attivitajiet tal-Aġenzija għal miżuri ta’ taħriġ barra l-Istati Membri u inkarigatha bil-ġestjoni tal-miżuri ta’ taħriġ għas-sigurtà tal-ikel koperti mid-Deċiżjoni tal-Kummissjoni C(2012) 1548 (10), u bl-Artikolu 22(1) u (3) tar-Regolament (KE) Nru 1905/2006 tal-Parlament Ewropew u tal-Kunsill (11). Hija inkarigat ukoll lill-Aġenzija bil-ġestjoni tal-Ftehim mal-ANEC, il-vuċi Ewropea tal-konsumatur fl-istandardizzazzjoni, li hija rregolata bir-Regolament (UE) Nru 1025/2012 tal-Parlament Ewropew u tal-Kunsill (12).

(6)

L-Aġenzija mwaqqfa bid-Deċiżjoni Nru 2004/858/KE wriet l-effettività u l-effiċjenza tagħha. Konsulenti esterni wettqu evalwazzjoni interim dwar l-Aġenzija Eżekuttiva għas-Saħħa Pubblika (magħrufa bħala l-Aġenzija Eżekuttiva għas-Saħħa u l-Konsumaturi minn Lulju 2008). Ir-rapport finali ta’ Diċembru 2010 wera li l-ħidmiet ta’ implimentazzjoni tal-programm dwar is-saħħa pubblika jistgħu jitwettqu b’mod aktar effiċjenti mill-Aġenzija, filwaqt li jiġi żgurat l-immaniġġjar ġenerali mill-Kummissjoni ta’ dawk il-programmi u l-miżuri Komunitarji.

(7)

Fil-Komunikazzjoni tagħha tad-29 ta’ Ġunju 2011“Baġit għall-Ewropa 2020” (13), il-Kummissjoni pproponiet l-użu aktar estensiv tal-għażla ta’ rikors għall-aġenziji eżekuttivi eżistenti għall-implimentazzjoni ta’ programmi tal-Unjoni fil-Qafas Finanzjarju Pluriennali li jmiss.

(8)

L-analiżi tal-benefiċċji u l-kostijiet (14) imwettqa skont l-Artikolu 3(1) tar-Regolament (KE) Nru 58/2003 wriet li jekk tafda lill-Aġenzija bil-ħidmiet ta’ implimentazzjoni tal-programm relatat mal-Programm tal-Konsumaturi, il-Programm tas-Saħħa Pubblika u l-miżuri ta’ taħriġ għas-sigurtà tal-ikel, dan ikun jinvolvi benefiċċji kwalitattivi u kwantitattivi sinifikanti meta mqabbla max-xenarju intern li taħtu l-aspetti kollha tal-programmi l-ġodda jiġu ġestiti internament fi ħdan il-Kummissjoni. It-tliet programmi suċċessuri jikkonformaw mal-mandat u mal-missjoni tal-Aġenzija u jirrappreżentaw kontinwazzjoni tal-attivitajiet tal-Aġenzija. L-Aġenzija bniet kompetenza, ħiliet u kapaċità fil-ġestjoni ta’ dawn il-programmi tul bosta snin. Il-Kummissjoni kif ukoll il-benefiċjarji tal-programm għalhekk se jkunu jibbenefikaw mill-esperjenza akkumulata u l-għarfien espert tal-Aġenzija u l-gwadann li jirriżulta fil-produttività, b’mod partikolari l-ġestjoni ta’ programmi ta’ kwalità għolja, is-simplifikazzjoni ta’ proċeduri u servizz aħjar mil-lat ta’ twettiq aktar mgħaġġel f’termini ta’ kuntratti u ħlasijiet iktar fil-pront. Biż-żmien, l-Aġenzija żviluppat kanali effettivi biex tiżgura l-prossimità mal-benefiċjarji u livell għoli ta’ viżibbiltà tal-Unjoni bħala promotur tal-programmi kkonċernati. Id-delega tal-ġestjoni tal-programmi lill-Aġenzija se tiżgura l-kontinwità tan-negozju għall-benefiċjarji u għall-partijiet interessati kollha tal-programmi ddelegati bħalissa. Għalhekk mhix opportuna bidla li twassal għal arranġament intern. Id-delega tal-ġestjoni tal-programmi lill-Aġenzija hija stmata li twassal gwadanni fl-effiċjenza ta’ EUR 14 miljun matul il-perjodu ta’ snin mill-2014 sal-2024 meta mqabbel max-xenarju intern.

(9)

Biex l-aġenziji eżekuttivi jingħataw identità koerenti, il-Kummissjoni, sa fejn kien possibbli, qassmet il-ħidmiet skont l-oqsma tematiċi tal-politika meta stabbiliet il-mandati l-ġodda tagħhom.

(10)

Il-ġestjoni tal-Programm ta’ Saħħa Pubblika għas-snin 2008 sa 2013 adottat bid-Deċiżjoni 1350/2007/KE, il-Programm tal-Konsumatur għas-snin 2007 sa 2013 adottat bid-Deċiżjoni 1926/2006/KE u l-miżuri ta’ taħriġ għas-sigurtà tal-ikel koperti mid-Direttiva 2000/29/KE, mir-Regolament (KE) Nru 882/2004, ir-Regolament (KE) Nru 1905/2006 u d-Deċiżjoni C(2012) 1548 u l-ġestjoni tal-ftehim ma’ ANEC irregolati mir-Regolament (UE) Nru 1025/2012, li kollha huma bħalissa implimentati mill-aġenzija, bħalma hi l-ġestjoni tal-Programm tal-Konsumatur għas-snin 2014 sa 2020 (15), il-Programm tas-Saħħa Pubblika għas-snin 2014 sa 2020 (16) u l-miżuri ta’ taħriġ għas-sigurtà tal-ikel koperti mir-Regolament (KE) Nru 882/2004 u d-Direttiva 2000/29/KE, jinvolvu l-implimentazzjoni ta’ proġetti ta’ natura teknika, li ma jinvolvux it-teħid ta’ deċiżjonijiet politiċi u li jeħtieġu livell għoli ta’ kompetenza teknika u finanzjarja matul iċ-ċiklu kollu tal-proġett.

(11)

L-Aġenzija għandha tkun responsabbli biex tagħti servizzi ta’ appoġġ amministrattiv u loġistiku b’mod partikolari fejn iċ-ċentralizzazzjoni ta’ dawk is-servizzi ta’ appoġġ jirriżultaw f’aktar kisbiet ta’ kosteffiċjenza u ekonomiji ta’ skala.

(12)

Biex tkun żgurata implimentazzjoni konsistenti u fil-ħin, ta’ din id-Deċiżjoni u tal-programmi kkonċernati, jeħtieġ li jkun żgurat li l-Aġenzija twettaq il-kompiti tagħha li huma marbuta mal-implimentazzjoni ta’ dawk il-programmi soġġett għad-data li fiha dawk il-programmi jseħħu u minn dik id-data ’l quddiem.

(13)

Għandha tiġi stabbilita l-Aġenzija Eżekuttiva għall-Konsumaturi, is-Saħħa u l-Ikel. Għandha tissostitwixxi u tissuċċedi lill-Aġenzija Eżekuttiva stabbilita bid-Deċiżjoni Nru 2004/858/KE. Għandha topera skont l-istatut ġenerali stabbilit bir-Regolament (KE) Nru 58/2003.

(14)

Id-Deċiżjoni 2004/858/KE għandha għalhekk tiġi revokata u għandhom jiġu stipulati dispożizzjonijiet tranżizzjonali.

(15)

Il-miżuri previsti b’din id-Deċiżjoni huma konformi mal-opinjoni tal-Kumitat tal-Aġenziji Eżekuttivi,

(a)

il-Programm tal-Konsumaturi (2014-2020);

(b)

il-Programm għas-Saħħa Pubblika 2014-2020;

(c)

il-miżuri ta’ taħriġ għas-sigurtà fl-ikel koperti mid-Direttiva 2000/29/KE u r-Regolament (KE) Nru 882/2004.

(a)

il-Programm tal-Konsumaturi 2007-2013;

(b)

il-Programm għas-Saħħa Pubblika 2008-2013;

(c)

il-miżuri ta’ taħriġ għas-sigurtà tal-ikel koperti mid-Direttiva 2000/29/KE, mir-Regolament (KE) Nru 882/2004, ir-Regolament (KE) Nru 1905/2006 u d-Deċiżjoni C(2012) 1548;

(d)

il-ġestjoni tal-Ftehim mal-ANEC, il-vuċi Ewropea tal-konsumatur fl-istandardizzazzjoni, regolati mir-Regolament (UE) Nru 1025/2012.

(a)

il-ġestjoni tal-istadji kollha jew ta’ xi wħud minnhom tal-implimentazzjoni tal-programmi u l-fażijiet kollha jew ta’ xi wħud minnhom tul il-ħajja tal-proġetti speċifiċi abbażi tal-programmi ta’ ħidma rilevanti adottati mill-Kummissjoni, fejn il-Kummissjoni tkun tatha s-setgħa li tagħmel dan fl-istrument tad-delega;

(b)

l-adozzjoni tal-istrumenti għall-eżekuzzjoni tal-baġit għad-dħul u l-ħruġ ta’ finanzi u t-twettiq tal-operazzjonijiet kollha meħtieġa għat-tmexxija tal-programm, fejn il-Kummissjoni tkun tatha s-setgħa li tagħmel dan fl-istrument tad-delega;

(c)

il-provvediment ta’ sostenn fl-implimentazzjoni tal-programm fejn il-Kummissjoni tkun tatha s-setgħa li tagħmel dan fl-istrument tad-delega.

18.12.2013   

MT

Il-Ġurnal Uffiċjali tal-Unjoni Ewropea

L 341/73

(1)

Ir-Regolament (KE) Nru 58/2003 jagħti s-setgħa lill-Kummissjoni li tiddelega poteri lill-aġenziji eżekuttivi biex jimplimentaw programm jew proġett tal-Unjoni, b’mod sħiħ jew parzjali, f’isimha u taħt ir-responsabbiltà tagħha.

(2)

L-għan li l-aġenziji eżekuttivi jiġu inkarigati bil-kompiti tal-implimentazzjoni ta’ programmi huwa biex il-Kummissjoni tkun tista’ tikkonċentra fuq l-attivitajiet u l-funzjonijiet ewlenin tagħha li ma jistgħux jiġu esternalizzati, mingħajr ma ċċedi l-kontroll fuq l-attivitajiet ġestiti minn dawk l-aġenziji eżekuttivi u r-responsabbiltà aħħarija għall-istess attivitajiet.

(3)

Id-delega ta’ kompiti b’rabta mal-implimentazzjoni ta’ programmi lil aġenzija eżekuttiva titlob separazzjoni ċara bejn l-istadji tal-ipprogrammar li jinvolvu diskrezzjoni kbira fl-għażliet gwidati minn kunsiderazzjonijiet ta’ politika u li jitwettqu mill-Kummissjoni, u l-implimentazzjoni tal-programmi, li għandha titħalla f’idejn l-aġenzija eżekuttiva.

(4)

Bid-Deċiżjoni 2004/20/KE (2), il-Kummissjoni stabbilixxit l-Aġenzija Esekuttiva għall-Enerġija Intelliġenti (minn hawn ’il quddiem imsemmija l-“Aġenzija” u din ġiet inkarigata bil-ġestjoni tal-azzjonijiet Komunitarji fil-qasam tal-enerġija rinnovabbli u l-effiċjenza fl-enerġija.

(5)

Wara dan, il-Kummissjoni emendat il-mandat tal-Aġenzija bid-Deċiżjoni 2007/372/KE (3) biex testendih għall-ġestjoni tal-proġetti u l-programmi l-ġodda fil-qasam tal-innovazzjoni, l-intraprenditorija u l-mobilità u biddlet isimha għall-Aġenzija Eżekuttiva għall-Kompetittività u l-Innovazzjoni.

(6)

L-Aġenzija mwaqqfa bid-Deċiżjoni 2004/20/KE wriet li l-esternalizzazzjoni tal-ġestjoni ta’ programmi operattivi speċifiċi tat ċans lid-Direttorati Ġenerali matriċi li jiffokaw fuq aspetti relatati mal-politika tal-programmi. Minħabba l-limitazzjonijiet kontinwi fil-baġit tal-UE, id-delega tal-kompiti lil aġenzija eżekuttiva tidher li hi iktar kosteffiċjenti. Iż-żewġ evalwazzjonijiet interim tal-Aġenzija wrew li b’mod ġenerali, l-Aġenzija qed taħdem tajjeb u hija mekkaniżmu ta’ twettiq effiċjenti u effettiv għall-inizjattivi li għalihom għandha responsabbiltà operazzjonali.

(7)

Fil-Komunikazzjoni tagħha tad-29 ta’ Ġunju 2011“Baġit għall-Ewropa 2020” (4), il-Kummissjoni pproponiet l-użu tal-għażla ta’ rikors aktar estensiv għal aġenziji eżekuttivi eżistenti għall-implimentazzjoni ta’ programmi tal-Unjoni fil-Qafas Finanzjarju Pluriennali li jmiss.

(8)

L-analiżi tal-kostijiet-benefiċċji (5) li saret skont l-Artikolu 3(1) tar-Regolament (KE) Nru 58/2003 wriet li l-kostijiet mistennija se jkunu ta’ EUR 295 miljun meta mqabbla ma’ EUR 399 miljun taħt ix-xenarju intern. Min-naħa tal-benefiċċji, huma mistennija kisbiet fl-effiċjenza ta’ EUR 104 miljun bl-implimentazzjoni tax-xenarju tal-aġenzija meta mqabbel max-xenarju intern. Barra minn hekk, l-allinjament ta’ portafolli ta’ programmi aktar koerenti mal-kompetenzi fundamentali tal-aġenzija u tal-identità tipika tagħha se twassal għal benefiċċji kwalitattivi sinifikanti. L-analiżi wriet li bi-ġbir flimkien tal-ġestjoni ta’ Orizzont 2020 — il-Qafas Strateġiku Komuni għar-Riċerka u l-Innovazzjoni (2014-2020) (6) (minn hawn’ il quddiem imsejjaħ “Orizzont 2020”), tal-Programm għall-Kompetittività tal-Intrapriżi u l-SMEs (2014-2020) (7) (minn hawn’ il quddiem imsejjaħ COSME) u tal-Programm għall-Ambjent u l-Azzjoni Klimatika (8) (minn hawn’ il quddiem imsejħa LIFE), l-Aġenzija se tapprofitta mis-sinerġiji, mis-simplifikazzjoni u minn ekonomiji ta’ skala. Barra minn hekk, il-ġbir flimkien tal-aspetti kollha tal-“Istrument tal-SMEs” tal-Orizzont 2020 se jipprovdi punt uniku ta’ aċċess għal benefiċjarji potenzjali u se jiggarantixxi forniment konsistenti ta’ servizz. Fi ħdan il-Fond Ewropew għall-Affarijiet Marittimi u s-Sajd (9) (minn hawn’ il quddiem imsejjaħ EMFF), b’mod partikolari l-azzjonijiet previsti fl-ambitu tal-Politika Marittima Integrata jaqblu tajjeb mal-profil attwali tal-Aġenzija relatat mal-innovazzjoni u l-kompetittività. Iċ-ċaqliq tal-ġestjoni ta’ dak li għad baqa’ mill-programm Marco Polo (2007-2013) għall-Aġenzija Eżekuttiva għall-Innovazzjoni u n-Netwerks se jiċċentralizza aktar il-ġestjoni ta’ programmi ta’ infrastruttura għat-trasport fl-Aġenzija, imsemmija qabel u għalhekk jagħti lill-benefiċjarji punt ta’ aċċess uniku ta’ finanzjament.

(9)

Biex l-aġenziji eżekuttivi jingħataw identità koerenti, il-Kummissjoni, safejn kien possibbli, ġabret il-ħidma skont l-oqsma tematiċi tal-qasam politiku meta stabbilit il-mandati l-ġodda tagħhom.

(10)

L-Aġenzija għandha tkun inkarigata bil-ġestjoni tal-LIFE, li ġie wara l-programm predeċessur LIFE +, li fil-Qafas Finanzjarju Pluriennali (2007-2013) huwa ġestit internament mill-Kummissjoni. Il-ġestjoni ta’ LIFE tinvolvi l-implimentazzjoni ta’ proġetti tekniċi li ma jirrikkjedux it-teħid ta’ deċiżjonijiet ta’ natura politika u teħtieġ livell għoli ta’ għarfien espert ta’ natura teknika u finanzjarja tul iċ-ċiklu tal-proġett. LIFE huwa kkaratterizzat minn proġetti li jiġġeneraw għadd kbir ta’ operazzjonijiet omoġenji u standardizzati.

(11)

L-Aġenzija għandha tkun inkarigata bil-ġestjoni ta’ partijiet ta’ COSME li ġew wara l-Programm għall-Intraprenditorjat u l-Innovazzjoni fil-Programm Kwadru għall-Kompetittività u l-Innovazzjoni 2007-2013 (10) (minn issa’ l quddiem imsejjaħ CIP), li bħalisisal-Aġenzjia qiegħda tmexxi parti minnu filwaqt li parti oħra qiegħda titmexxa internament mill-Kummissjoni. Il-ġestjoni tal-partijiet ta’ COSME li se jiġu delegati lill-Aġenzija tinvolvi l-implimentazzjoni ta’ proġetti tekniċi li ma jirrikkjedux it-teħid ta’ deċiżjonijiet ta’ natura politika u teħtieġ livell għoli ta’ għarfien espert ta’ natura teknika u finanzjarja tul iċ-ċiklu tal-proġett. Xi partijiet ta’ COSME huma kkaratterizzati minn proġetti li jiġġeneraw għadd kbir ta’ operazzjonijiet omoġenji u standardizzati.

(12)

L-Aġenzija għandha tkun inkarigata bil-ġestjoni ta’ partijiet tal-EMFF fil-qasam tal-Politika Marittima Integrata (IMP), Kontroll u Pariri u Għarfien Xjentifiċi, li ġew wara attivitajiet simili li fil-Qafas Finanzjarju Pluriennali (2007-2013) huma ġestiti internament mill-Kummissjoni. Il-ġestjoni ta’ EMFF tinvolvi l-implimentazzjoni ta’ proġetti tekniċi li ma jirrikkjedux it-teħid ta’ deċiżjonijiet ta’ natura politika u teħtieġ livell għoli ta’ għarfien espert ta’ natura teknika u finanzjarja tul iċ-ċiklu tal-proġett;

(13)

L-Aġenzija għandha tkun inkarigata bil-ġestjoni tal-partijiet li ġejjin ta’ “Orizzont 2020”:

(14)

L-Aġenzija għandha tkun inkarigata bil-ġestjoni ta’ dak li baqa’ mill-azzjonijiet li diġà ġew delegati lilha bħala parti minn CIP fil-Qafas Finanzjarju Pluriennali (2007-2013): L-Enerġija Intelliġenti-Ewropa (IEE II), in-“Netwerk Ewropew għall-Intrapriżi”, il-“Portal għan-Negozji — l-Ewropa tiegħek”, l-“IPR Helpdesk Ewropew”, l-“Inizjattiva tal-ekoinnovazzjoni” u l-“Proġett IPorta”.

(15)

L-Aġenzija għandha tkun responsabbli biex tagħti servizzi ta’ appoġġ amministrattiv u loġistiku b’mod partikolari fejn iċ-ċentralizzazzjoni ta’ dawk is-servizzi ta’ appoġġ jirriżultaw f’aktar kisbiet ta’ kosteffiċjenza u ekonomiji ta’ skala.

(16)

L-Aġenzija Eżekuttiva għall-Intrapriżi Żgħar u Medji għandha tiġi stabbilita. Din għandha tieħu post l-Aġenzija stabbilita bid-Deċiżjoni 2004/20/KE kif emendata bid-Deċiżjoni 2007/372/KE. Din għandha topera f’konformità mal-istatut ġenerali stabbilit bir-Regolament (KE) Nru 58/2003.

(17)

Id-Deċiżjonijiet 2004/20/KE u 2007/372/KE għandhom jitħassru u għandhom jiġu stabbiliti dispożizzjonijiet tranżitorji.

(18)

Il-miżuri stipulati f’din id-Deċiżjoni huma f’konformità mal-opinjoni tal-Kumitat għall-Aġenziji Eżekuttivi.

(a)

Il-Programm għall-Kompetittività tal-Intrapriżi u l-SMEs (2014-2020) (11);

(b)

Il-Programm għall-Ambjent u l-Azzjoni Klimatika (LIFE) (2014-2020) (12);

(c)

Il-Fond Ewropew għall-Affarijiet Marittimi u s-Sajd (EMFF) (13) inkluża l-Politika Marittima Integrata (IMP), Kontroll u Pariri u Għarfien Xjentifiċi;

(d)

Il-Programm Qafas għar-Riċerka u l-Innovazzjoni 2014-2020 (Orizzont 2020) (14) — il-partijiet tal-“PARTI II –— Tmexxija Industrijali” u l-“Parti III Sfidi tas-soċjetà”.

(a)

l-Enerġija Intelliġenti-Ewropa (IEE II);

(b)

l-“Inizjattiva tal-ekoinnovazzjoni”;

(c)

in-“Netwerk Ewropew għall-Intrapriżi”;

(d)

il-“Portal għan-Negozji — L-Ewropa tiegħek”;

(e)

l-“IPR Helpdesk Ewropew”;

(f)

il-“Proġett IPorta”.

(a)

il-ġestjoni tal-istadji kollha jew xi wħud minnhom tal-implimentazzjoni tal-programmi u l-fażijiet kollha jew xi wħud minnhom tul il-ħajja tal-proġetti speċifiċi abbażi tal-programmi ta’ ħidma rilevanti adottati mill-Kummissjoni, fejn il-Kummissjoni tkun tatha s-setgħa li tagħmel dan fl-istrument tad-delega;

(b)

l-adozzjoni tal-istrumenti għall-eżekuzzjoni tal-baġit għad-dħul u l-infiq ta’ finanzi u t-twettiq tal-operazzjonijiet kollha meħtieġa għall-ġestjoni tal-programm, fejn il-Kummissjoni tkun tatha s-setgħa li tagħmel dan fl-istrument tad-delega;

(c)

il-provvediment ta’ sostenn fl-implimentazzjoni tal-programm fejn il-Kummissjoni tkun tatha s-setgħa li tagħmel dan fl-istrument tad-delega.