17.12.2013   

MT

Il-Ġurnal Uffiċjali tal-Unjoni Ewropea

L 338/1

(1)

Permezz tar-Regolament (KE) Nru 1601/2001 (2) il-Kunsill impona dazju anti-dumping definittiv fuq l-importazzjonijiet ta’ ċerti ħbula u kejbils tal-ħadid jew tal-azzar (SWR) li joriġinaw fil-Federazzjoni Russa, it-Turkija, it-Tajlandja, u r-Repubblika Ċeka. Dawk il-miżuri minn hawn ‘il quddiem se jissejħu ‘l-miżuri orġinali’ u l-investigazzjoni li wasslet biex jidħlu dawk il-miżuri minn hawn ‘il quddiem se tissejjaħ ‘l-investigazzjoni oriġinali’.

(2)

Il-Kummissjoni kienet aċċettat f’Awwissu tal-2001 offerta ta’ impenn għall-prezz minn produttur Russu (JSC Severstal-Metiz). Dak il-ftehim ta’ impenn ġie rrevokat f’Ottubru tal-2007 (3) minħabba li kien meqjus bħala mhux fattibbli minħabba diffikultajiet fil-klassifikazzjoni dovuta tan-numru kbir ta’ tipi ta’ prodotti esportati mill-kumpanija.

(3)

Permezz tar-Regolament (KE) Nru 1279/2007 (4) il-Kunsill, wara reviżjoni interim parzjali u tal-iskadenza, żamm il-miżuri oriġinali għall-Federazzjoni Russa taħt l-Artikolu 11(2) tar-Regolament bażiku. Minn hawn ‘il quddiem se ssir referenza għal dawn il-miżuri bħala “il-miżuri fis-seħħ” u l-investigazzjoni tar-reviżjoni tal-iskadenza minn hawn ‘il quddiem se ssir referenza għaliha bħala ‘l-aħħar investigazzjoni’. Ir-Regolament (KE) Nru 1279/2007 ittermina l-miżuri li jirrigwardaw l-importazzjonijiet ta’ ħbula u kejbils tal-azzar li joriġinaw fit-Turkija u t-Tajlandja.

(4)

Bħalissa (5), hemm ukoll miżuri fis-seħħ kontra SWR mill-Ukraina u r-Repubblika Popolari taċ-Ċina, li ġew estiżi għal importazzjonijiet ta’ SWR konsenjati mill-Marokk, il-Moldova u r-Repubblika tal-Korea.

(5)

Fit-27 ta’ Ottubru 2012, permezz ta’ avviż ippubblikat f’Il-Ġurnal Uffiċjali tal-Unjoni Ewropea, il-Kummissjoni ħabbret il-bidu ta’ reviżjoni ta’ skadenza (“notifika ta’ bidu”) (6) tal-miżuri anti-dumping applikabbli għall-importazzjonijiet ta’ SWR li joriġinaw mill-Federazzjoni Russa skont l-Artikolu 11(2) tar-Regolament bażiku.

(6)

Ir-reviżjoni nbdiet wara talba sostanzjata mressqa mill-Kumitat ta’ Kollegament tal-Industriji tal-Kejbils tal-Metall tal-Unjoni Ewropea (minn hawn ‘il quddiem imsejjaħ l-“EWRIS” jew “ir-rikorrent”) f’isem il-produtturi tal-Unjoni li jirrappreżentaw aktar minn 50 % tal-produzzjoni totali tal-Unjoni ta’ ċerti ħbula u kejbils tal-ħadid jew tal-azzar. It-talba kienet ibbażata fuq ir-raġunijiet li l-iskadenza tal-miżuri aktarx twassal biex ikun hemm kontinwazzjoni ta’ dumping kif ukoll rikorrenza ta’ ħsara għall-Industrija tal-Unjoni (“UI”).

(7)

L-investigazzjoni tat-tkomplija jew ir-rikorrenza ta’ dumping u ħsara kopriet il-perjodu mill-1 ta’ Ottubru 2011 sat-30 ta’ Settembru 2012 (il-“PIR”). L-eżami tax-xejriet rilevanti għall-valutazzjoni ta’ probabbiltà ta’ kontinwazzjoni jew rikorrenza ta’ dannu kopra l-perjodu mill- 1 ta’ Jannar 2009 sa tmiem l-PIR (il-perjodu kkunsidrat).

(8)

Il-Kummissjoni uffiċjalment avżat lill-produtturi esportaturi, il-produtturi tal-Unjoni, l-importaturi u l-utenti li tagħaraf hi kif ukoll l-applikant u l-awtoritajiet tal-pajjiż esportatur. Il-partijiet interessati ngħataw l-opportunità li jagħmlu l-fehmiet tagħhom magħrufa bil-miktub u li jitolbu smigħ fil-limitu taż-żmien stabbilit fin-notifika tal-bidu.

(9)

Fid-dawl ta’ numru potenzjalmentkbir ta’ produtturi fil-Federazzjoni Russa involuti fl-investigazzjoni, fil-fidu kien previst teħid ta’ kampjuni fin-notifika ta’ bidu, skont l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk it-teħid ta’ kampjuni jkunx tassew meħtieġ u, jekk iva, tagħżel kampjun, il-produtturi esportaturi mill-Federazzjoni Russa intalbu jippreżentaw ruħhom fi żmien 15-il jum mill-bidu tal-proċediment u jipprovdu l-informazzjoni mitluba fin-notifika ta’ bidu lill-Kummissjoni.

(10)

Minħabba li kien hemm biss żewġ produtturi esportaturi fil-Federazzjoni Russa li pprovdew l-informazzjoni mitluba fl-avviż ta’ bidu u esprimew ir-rieda tagħhom li jikkooperaw aktar mal-Kummissjoni, ġie deċiż li t-teħid ta’ kampjuni ma jiġix applikat għall-produtturi esportaturi.

(11)

Il-Kummissjoni, fin-notifika ta’ bidu ħabbret li hi kienet provviżorjament għażlet kampjun ta’ produtturi mill-Unjoni u stiednet lill-partijiet interessati biex jikkummentaw dwaru sa skadenza prevista fin-notifika ta’ bidu. Il-kampjun provviżorju kien jikkonsisti minn ħames produtturi tal-Unjoni li nstabu li kienu jirrappreżentaw lill-industrija tal-Unjoni f’termini ta’ volum tal-produzzjoni u l-bejgħ tal-prodott simili fl-Unjoni.

(12)

Fin-nuqqas ta’ kummenti, ġew magħżula l-kumpaniji proposti biex ikunu inklużi fil-kampjun finali u l-partijiet interessati kienu għalhekk infurmati. Madanakollu, waħda mill-kumpaniji finalment magħżula, sussegwentement irtirat mill-kampjun. Il-Kummissjoni għalhekk iddeċidiet li tnaqqas il-kampjun għall-erba’ kumpaniji li kien baqa’, li nstab li xorta kienu jirrappreżentaw lill-industrija tal-Unjoni f’termini ta’ volum tal-produzzjoni (29,3 %) u l-bejgħ (20,9 %) tal-prodott simili fl-Unjoni.

(13)

Għalkemm it-teħid ta’ kampjuni kien previst fin-notifika ta’ bidu ta’ importaturi mhux relatati, ma ppreżentaw ruħhom la xi importaturi mhux relatati u lanqas xi utent. Għalhekk, it-teħid tal-kampjuni ma ġiex applikat għal importaturi mhux relatati.

(14)

Intbagħtu kwestjonarji lill-erba’ produtturi tal-Unjoni li ntgħażlu fil-kampjun, iż-żewġ produtturi esportaturi fil-Federazzjoni Russa, u l-importatur relatat.

(15)

It-tweġibiet għall-kwestjonarji waslu mingħand l-erba’ produtturi tal-Unjoni fil-kampjun, minn importatur relatat u minn produttur esportatur wieħed mill-Federazzjoni Russa.

(16)

Għalkemm oriġinarjament kienu ppreżentaw ruħhom żewġ produtturi esportaturi mill-Federazzjoni Russa, wieħed minnhom biss ipprovda tweġiba għall-kwestjonarju u hu meqjus li kkoopera fl-investigazzjoni. Il-produttur esportatur li kkoopera għandu kumpanija sussidjarja posseduta kollha bbażata fl-Italja, li tipproduċi wkoll l-SWR u timporta l-prodott ikkonċernat mill-Federazzjoni Russa. Il-produttur esportatur l-ieħor ipprovda sottomissjoni waqt il-bidu tal-investigazzjoni u għalkemm ġie mistieden jimla l-kwestjonarju, naqas milli jagħmel dan. Għalhekk huwa meqjus li t-tieni produttur esportatur ma kkooperax fl-investigazzjoni.

(17)

Il-Kummissjoni fittxet u vverifikat l-informazzjoni kollha li qieset bħala meħtieġa għall-iskop li tiddetermina l-probabbiltà tal-kontinwazzjoni jew tar-rikorrenza tad-dumping u l-ħsara li tirriżulta u tal-interess tal-Unjoni. Saru żjariet ta’ verifika fil-bini tal-kumpaniji li ġejjin:

(18)

Il-prodott ikkonċernat huwa l-istess bħal dak fl-investigazzjoni oriġinali u fl-aħħar investigazzjoni li wasslet għall-impożizzjoni ta’ miżuri attwalment fis-seħħ, jiġifieri ħbula u kejbils tal-azzar, li jinkludu l-ħbula koljaturi maqfulin, esklużi ħbula u kejbils tal-ħadid u l-azzar li ma jissaddadx, b’dimensjoni massima ta’ wisa’ li taqbeż it-3 mm, bil-fittings magħhom jew mingħajrhom (fit-terminoloġija tal-industrija dawn issir referenza għalihom bħala “SWR”), attwalment klassifikabbli taħt il-kodiċijiet NM ex 7312 10 81, ex 7312 10 83, ex 7312 10 85, ex 7312 10 89 u ex 7312 10 98 (il-“prodott ikkonċernat”).

(19)

L-investigazzjoni attwali tar-reviżjoni ta’ skadenza kkonfermat illi l-SWR maħduma fil-Federazzjoni Russa u esportata lejn l-Unjoni, u l-SWR maħduma u mibjugħa fl-Unjoni mill-produtturi tal-Unjoni, għandhom l-istess karatteristiċi fiżiċi u tekniċi bażiċi u użu finali u għalhekk jitqiesu bħala prodotti simili fi ħdan it-tifsira tal-Artikolu 1(4) tar-Regolament bażiku.

(20)

Skont l-Artikolu 11(2) tar-Regolament bażiku, ġie eżaminat jekk id-dumping kienx qed isseħħ fil-preżent u jekk l-iskadenza tal-miżuri kellhiex il-probabbiltà li twassal għall-kontinwazzjoni jew rikorrenza ta’ dumping.

(21)

Kif spjegat hawn fuq fil-premessa (10), ma kienx hemm bżonn li jintgħażel kampjun ta’ produtturi esportaturi fil-Federazzjoni Russa. Il-produttur esportatur li kkoopera kien responsabbli għal 99 % tal-esportazzjonijiet tal-prodott ikkonċernat mill-Federazzjoni Russa lejn l-Unjoni matul il-PIR. Fuq din il-bażi, kien konkluż li l-kooperazzjoni kienet għolja.

(22)

Ladarba żewġ produtturi magħrufa oħra fil-Federazzjoni Russa ma kkooperawx fl-investigazzjoni, il-konklużjonijiet dwar il-probabbiltà ta’ tkomplija jew rikorrenza ta’ dumping stabbiliti hawn taħt kellhom ikunu bbażati fuq l-aħjar fatti disponibbli inklużi d-dejta tal-Eurostat, l-istatistika uffiċjali Russa u d-dejta limitata miksuba mit-tieni produttur.

(23)

Skont it-talba għal reviżjoni, l-esportazzjonijiet mill-Federazzjoni Russa lejn l-Unjoni kienu allegatament iddampjati f’marġni medju ta’ 130,8 %. Kif issemma fin-notifika ta’ bidu (paragrafu 4.1), l-applikant qabbel il-prezzijiet tal-esportazzjoni mill-Federazzjoni Russa lejn l-Unjoni (fil-livell ex-works) mal-prezzijiet domestiċi fil-Federazzjoni Russa.

(24)

Skont l-Artikolu 2(2) tar-Regolament bażiku, għal kull produttur esportatur Indjan fil-kampjun l-ewwel ġie stabbilit jekk il-bejgħ domestiku totali mill-produttur esportatur li kkoopera, lil klijenti indipendenti fis-suq domestiku Russu kienx rappreżentattiv, jiġifieri jekk il-volum totali ta’ dan il-bejgħ kienx ugwali għal mill-anqas 5 % tal-volum totali tal-bejgħ korrispondenti għall-esportazzjoni lejn l-Unjoni. Il-bejgħ domestiku tal-prodott simili mill-produttur esportatur li kkoopera nstab li kien rappreżentattiv b’mod ġenerali.

(25)

Sussegwentement, il-Kummissjoni identifikat dawk it-tipi tal-prodott simili mibjugħa domestikament mill-produttur esportatur li kienu identiċi jew komparabbli direttament mat-tipi mibjugħa għall-esportazzjoni lejn l-Unjoni.

(26)

Ġie eżaminat ukoll jekk il-bejgħ domestiku tal-produttur esportatur li qed jikkopera kienx rappreżentattiv għal kull tip ta’ prodott, jiġifieri jekk il-bejgħ domestiku ta’ kull tip ta’ prodott kienx jikkostitwixxi mill-anqas 5 % tal-volum tal-bejgħ tal-istess tip ta’ prodott lill-Unjoni. Fil-każ tat-tipi ta’ prodotti mibjugħa fi kwantitajiet rappreżentattivi, imbagħad ġie eżaminat jekk dan il-bejgħ sarx fl-andament normali tal-kummerċ (“ANTK”), skont l-Artikolu 2(4) tar-Regolament bażiku.

(27)

L-eżami ta’ jekk il-bejgħ domestiku ta’ kull tip ta’ prodott, mibjugħ domestikament fi kwantitajiet rappreżentattivi, jistax jitqies bħala li sar fl-ANTK, saret billi ġie stabbilit il-proporzjon tal-bejgħ profittabbli lil klijenti indipendenti tat-tip ikkonċernat. Fil-każijiet kollha fejn il-bejgħ domestiku tat-tip ta’ prodott partikolari sar fi kwantitajiet suffiċjenti u fl-ANTK, il-valur normali ġie bbażat fuq il-prezz domestiku effettiv, ikkalkulat bħala medja differenzjata tal-bejgħ domestiku kollu ta’ dak it-tip li sar matul il-PIR.

(28)

Għat-tipi ta’ prodott li jifdal fejn il-bejgħ domestiku ma kienx rappreżentattiv jew ma nbiegħx fl-ANTK, il-valur normali nħadem skont l-Artikolu 2(3) tar-Regolament bażiku. Il-valur normali nħadem biż-żieda mal-ispejjeż tal-manifatturazzjoni tat-tipi esportati, fejn hemm bżonn aġġustati, ta’ perċentwal raġonevoli għall-ispejjeż tal-bejgħ, ġenerali u amministrattivi u marġni raġonevoli għall-qligħ, abbażi tad-dejta reali tal-produzzjoni u l-bejgħ tal-prodott simili fl-ANTK, skont l-ewwel sentenza tal-Artikolu 2(6) tar-Regolament bażiku.

(29)

Għall-bejgħ ta’ esportazzjoni tal-produttur esportatur Russu li qed jikkopera lejn is-suq tal-Unjoni li sar direttament lil klijenti indipendenti, il-prezz tal-esportazzjoni ġie stabbilit fuq il-bażi tal-prezzijiet imħallsa attwalment jew pagabbli għall-prodott ikkonċernat skont l-Artikolu 2(8) tar-Regolament bażiku.

(30)

Għat-tranżazzjoni tal-esportazzjoni fejn l-esportazzjoni lejn l-Unjoni saret permezz ta’ kumpanija tan-negozju, il-prezz tal-esportazzjoni ġie stabbilit fuq il-bażi tal-ewwel prezz tal-bejgħ mill-ġdid tan-negozjant relatat lil klijenti indipendenti fl-Unjoni, skont l-Artikolu 2(9) tar-Regolament bażiku. Saru aġġustamenti biex jitqiesu l-kostijiet kollha mġarrba bejn l-importazzjoni u l-bejgħ mill-ġdid, u għall-profitt, biex jiġi stabbilit prezz ta’ esportazzjoni afidabbli. Fl-assenza ta’ informazzjoni minn importaturi indipendenti dwar il-livell ta’ profitti akkumulati matul il-PIR, intuża marġini ta’ profit medju ta’ 5 %.

(31)

Il-paragun bejn il-valur normali medju differenzjat u l-prezz medju differenzjat tal-esportazzjoni sar fuq il-bażi ta’ kif joħroġ mill-fabbrika u fl-istess livell ta’ kummerċ.

(32)

Sabiex jiġi żgurat tqabbil ġust bejn il-valur normali u l-prezz tal-esportazzjoni, skont l-Artikolu 2(10) tar-Regolament bażiku, tqiesu differenzi fil-fatturi li kienu ppruvati li jaffetwaw il-prezzijiet u t-tqabbil tal-prezzijiet. Għan dan l-għan, ingħatat konċessjoni xierqa f’forma ta’ aġġustamenti għad-differenzi fl-ispejjeż tat-trasport, l-assigurazzjoni, l-immaniġġar, it-tagħbija u l-ispejjeż anċillari, l-ispejjeż finanzjarji, l-ispejjeż tal-ippakkjar, il-kummissjonijiet u r-rifużjonijiet fejn applikabbli u ġġustifikat.

(33)

Kif stipulat fl-Artikolu 2(11) tar-Regolament bażiku, il-valur normali medju differenzjat skont it-tip tqabbel mal-prezz tal-esportazzjoni medju differenzjat tat-tip korrispondenti tal-prodott ikkonċernat. Dan it-tqabbil wera l-eżistenza ta’ dumping li kien jammonta għal 4,7 % għall-produttur esportatur.

(34)

Minbarra l-analiżi tal-eżistenza tad-dumping matul il-PIR, ġiet investigata wkoll il-probabbiltà tal-issoktar tad-dumping f’każ li jiġu revokati l-miżuri. F’dan ir-rigward ġew analizzati l-elementi li ġejjin: il-volum u l-prezzijiet tal-importazzjonijiet iddampjati mill-Federazzjoni Russa, l-attrazzjoni tas-suq tal-Unjoni u swieq oħra ta’ pajjiżi terzi, kapaċità ta’ produzzjoni u kapaċità eċċessiva għal esportazzjonijiet fil-Federazzjoni Russa.

(35)

Skont il-Eurostat, matul il-perjodu kkunsidrat, l-importazzjonijiet mill-Federazzjoni Russa żdiedu minn 2 005 tunnellata fl-2009 għal 2 343 tunnellata fil-PIR li jirrappreżentaw madwar 1 % tal-konsum tal-Unjoni fil-PIR u fil-perjodu kkunsidrat. Kif imsemmi hawn fuq fil-premessa (33), l-importazzjonijiet mill-produttur esportatur li kkoopera saru bi prezzijiet iddampjati (4,7 %) minkejja d-dazju anti-dumping fis-seħħ.

(36)

L-esportazzjonijiet tal-Unjoni ikkostitwixxew 3 % tal-bejgħ totali tal-produttur li kkoopera, filwaqt li l-maġġoranza tal-bejgħ (85 %) sar fis-suq domestiku Russu. Is-suq domestiku kiber bi 38 % fil-perjodu kkunsidrat (7) u jista’ jikber aktar jekk il-PGD tal-Federazzjoni Russa jkompli jikber, kif previst minn sorsi disponibbli pubblikament li jispeċjalizzaw fl-analiżi ekonomika. Barra minn hekk, l-informazzjoni miġbura matul l-investigazzjoni wriet li l-produttur li kkoopera ma jipproduċix it-tipi kollha tal-prodott ikkonċernat u għalhekk il-pressjoni kompetittiva tiegħu fuq il-produtturi tal-Unjoni hija limitata. Dan x’aktarx li jkun il-każ ukoll għaż-żewġ produtturi l-oħra fid-dawl tan-nuqqas ta’ tagħrif disponibbli dwar investimenti f’makkinarju ġdid, li jista’ pereżempju jippermetti l-produzzjoni tal-prodott ikkonċernat ta’ dijametru akbar. Barra minn hekk, il-pressjoni kompetittiva limitata mill-produtturi esportaturi mill-Federazzjoni Russa tidher li hi kkonfermata wkoll mill-preżenza tal-produtturi tal-Unjoni fis-suq Russu. Skont l-istatistika uffiċjali tad-dwana Russal-esportazzjoni tal-produtturi tal-Unjoni tal-prodott simili lill-Federazzjoni Russa tirrappreżentata 30 % tal-importazzjonijiet kollha tal-prodott ikkonċernat lejn is-suq Russu fil-PIR, li tagħmel il-produtturi tal-Unjoni l-akbar esportatur lejn is-suq Russu.

(37)

B’risposta għall-iżvelar finali l-applikant argumenta li t-tkabbir proġettat tal-PDG tar-Russja (fil-medda ta’ 3 %) huwa pjuttost moderat u mhux se jippermetti għal aktar żvilupp tas-suq Russu tal-SWR. Konsegwentement, is-suq Russu jista’ ma jkunx kapaċi jassorbi volumi addizzjonali tal-prodott simili. F’dan ir-rigward ta’ min jinnota li t-tkabbir tal-PDG tar-Russja matul il-perjodu kkunsidrat, jiġifieri bejn l-2009 u tmiem il-PI, kien iktar baxx mit-tkabbir imbassar għas-sena 2014 u minkejja kollox ippermetta għat-tkabbir tas-suq tal-SWR fir-Russja bi 38 %. Għalhekk, dan l-argument kien miċħud.

(38)

L-istess parti ġibdet l-attenzjoni għat-tipi ġodda ta’ prodotti li l-produttur esportatur li kkoopera reċentement żviluppa (f’kooperazzjoni mas-sussidjarja tiegħu bbażata fl-Unjoni) u stqarr li dan jikkonferma l-investimenti li saru minn dan il-produttur fil-perjodu kkunsidrat. Dan il-fatt madankollu ma jikkontradixxix il-konklużjoni dwar l-inabbiltà tal-produttur li kkoopera li jipproduċi kull tip ta’ ħbula (speċjalment ll-SWR fil-parti għolja tas-suq). Għalhekk, dan l-argument kien miċħud.

(39)

L-attrazzjoni tas-suq tal-Unjoni għandha titqies ukoll fil-kuntest ta’ xi akkwisti ta’ produtturi tal-Unjoni mill-produtturi esportaturi Russi. Fil-fatt, żewġ produtturi Russi bħalissa għandhom kumpaniji sussidjarji bbażati fl-Unjoni. Iż-żjara ta’ verifika għand is-sussidjarja tal-esportatur li kkoopera bbażata fl-Ewropa wriet li l-bejgħ tagħha ġie konkluż l-aktar fis-suq Ewropew u li l-bejgħ relatat bejn il-produttur li kkoopera u din is-sussidjarja baqa’ limitat fil-PIR.

(40)

Fuq il-bażi tad-dejta tal-esportatur li kkoopera, għandu jiġi nnutat li l-volum tal-esportazzjoni Russu tal-prodott ikkonċernat lejn pajjiżi terzi kien aktar minn erba’ darbiet il-volum tal-esportazzjoni lejn l-Unjoni fil-PIR. Il-prezzijiet tal-esportazzjoni tal-produttur esportatur li kkoopera lejn pajjiżi terzi nstabu li bħala medja kienu inqas mill-prezz tal-bejgħ domestiku fil-Federazzjoni Russa, iżda bħala medja f’livelli ogħla mill-prezzijiet tal-esportazzjoni lejn is-suq tal-Unjoni. Dan jippermetti konklużjoni li l-bejgħ tal-esportazzjoni lejn swieq ta’ pajjiżi terzi huma aktar attraenti mill-bejgħ lejn is-suq tal-Unjoni. F’dan il-kuntest, hija nnutata wkoll l-eżistenza ta’ kanali ta’ bejgħ li ilhom stabbiliti mas-swieq tal-Commonwealth ta’ Stati Indipendenti (CIS).

(41)

B’risposta għall-iżvelar finali l-applikant argumenta li l-prezzijiet tal-esportazzjoni tal-produtturi Russi lejn swieq terzi huma fil-fatt irħas mill-prezzijiet tal-esportazzjoni lejn l-Unjoni. Paragun bejn il-medja tal-prezzijiet tal-esportazzjoni lejn l-Ukraina u xi pajjiżi Ewropej allegatament ibbażati fuq l-istatistika tad-dwana Russa kien evokat. Ma ġiet ippreżentata l-ebda dejta oriġinali sottostanti għall-paragun. F’dan ir-rigward ta’ min jinnota li t-tqabbil tad-differenza fil-prezz bejn il-prezzijiet Russi tal-esportazzjoni lejn l-Unjoni u fi swieq terzi mwettqa fl-investigazzjoni kienet ibbażata fuq dejta mill-kwestjonarji vverifikati ta’ dak tal-produttur esportatur li kkoopera. Dan it-tqabbil fil-prezzijiet sar fil-livell ex-works li kkunsidra d-differenzi bejn it-tipi ta’ prodotti u l-livell tal-kummerċ. Il-prezzijiet medji imressqa mill-applikant ma jirriflettux il-kumplessità tal-komponenti tal-prezz u l-firxiet li jeżistu fis-suq tal-SWR u li jirriżultaw minn għadd sinifikanti ta’ prodotti differenti u livelli differenti tal-kummerċ. Għalhekk, dan l-argument kien miċħud.

(42)

L-istess parti argumentat li l-livell tal-volum tal-esportazzjoni tal-industrija tal-Unjoni lejn il-Federazzjoni Russa huwa irrilevanti f’dan il-każ u pjuttost saħqet fuq l-importazzjonijiet li żdiedu mir-Repubblika tal-Poplu taċ-Ċina lejn il-Federazzjoni Russa u l-ħtieġa li dawn jiġu kkunsidrati fl-analiżi minħabba li dawn jikkostitwixxu theddida kompetittiva għall-preżenza ta’ produtturi Russi oħrajn fuq is-swieq Russi u tas-CIS. F’dan ir-rigward, il-fatt li l-produtturi tal-Unjoni jibqgħu fuq quddiem nett fl-esportazzjoni fis-suq Russu huwa rilevanti peress li jikkonferma l-fatt li l-produtturi Russi ma jkunux jistgħu jipproduċu t-tipi kollha tal-SWR li għalihom id-domanda teżisti fis-suq Russu. Rigward l-esportazzjonijiet Ċiniżi lejn il-Federazzjoni Russa, huwa nnutat li kibru b’mod parallel mat-tkabbir rapidu tad-domanda tas-suq Russu. Ma kienet ipprovduta l-ebda informazzjoni pereżempju fir-rigward tal-livelli tal-prezz tal-esportazzjoni Ċiniża lejn il-Federazzjoni Russa jew il-Pajjiżi tal-KSI jew il-karatteristiċi tal-prodott taħt l-investigazzjoni li jippermettu analiżi ulterjuri. Fl-aħħar nett, huwa nnotat li skont l-istatistika tad-dwana Russa il-produtturi Russi tal-prodott ikkonċernat baqgħu fuq quddiem nett fis-suq domestiku tagħhom tal-SWR matul il-PIR u l-importazzjonijiet totali lejn dan is-suq jammontaw għal madwar 15 % biss tas-suq Russu tal-SWR. Għalhekk, dan l-argument kien miċħud.

(43)

Skont it-talba għal reviżjoni, il-kapaċità ta’ produzzjoni tal-produtturi esportaturi Russi kienet ta’ 115 000 tunnellata. Matul l-investigazzjoni l-applikant ivvaluta mill-ġdid il-kapaċità tal-produzzjoni Russa u sabli kienet f’medda ta’ bejn 220 000 u 250 000 tunnellata, li madankollu ma kinetx appoġġjata b’xi evidenza. Fuq il-bażi tad-dejta vverifikata tal-esportatur li kkoopera, id-dejta sottomessa mit-tieni produttur magħruf u d-dejta li tinsab fit-talba dwar it-tielet produttur, il-kapaċità tal-produzzjoni tal-produtturi kollha Russi tal-prodott ikkonċernat ġiet stabbilita fil-livell ta’ madwar 158 000 tunnellata. F’dan il-kuntest, huwa nnutat li l-kapaċità ta’ produzzjoni tal-produttur li kkoopera għaddiet minn aġġustamenti strutturali fil-perjodu kkunsidrat, li ħallew ir-riżultat li ingħalaq ħanut tal-produzzjoni.

(44)

B’risposta għall-iżvelar finali parti waħda argumentat li xi makkinarju tal-ħanut tal-produzzjoni li ngħalaq ġie ittrasferit għal sit ieħor ta’ produzzjoni tal-produttur li kkoopera. Madankollu ma ngħatat l-ebda evidenza biex issostni din l-allegazzjoni. F’dan ir-rigward huwa kkonfermat li l-evidenza miġbura matul l-investigazzjoni tikkonferma li l-produttur li kkopera fil-perjodu kkunsidrat għadda minn aġġustamenti strutturali, li inkludiet l-iskreppjar ta’ xi makkinarju fit-tliet siti ta’ produzzjoni u l-għeluq ta’ ħanut tal-produzzjoni. Fl-istess ħin ma jistax jiġi eskluż li ċertu makkinarju mill-ħanut tal-produzzjoni li ngħalaq ġie trasferit għal dawk li kien baqa’. Fi kwalunkwe każ, dan ma jbiddilx l-istima tal-kapaċità tal-produzzjoni ta’ dan il-produttur u tar-Russja b’kollox, li l-parti ma kkontestax. Għalhekk, dan l-argument kien miċħud.

(45)

Fir-rigward tal-kwistjoni tal-utilizzazzjoni tal-kapaċità u l-kapaċità eċċessiva, wara d-dejta taż-żewġ produtturi, fin-nuqqas ta’ kwalunkwe informazzjoni preċiża dwar l-utilizzazzjoni tal-kapaċità tat-tielet produttur ġie preżunt li l-utilizzazzjoni tal-kapaċità tiegħu kienet fl-istess ilma taż-żewġ produtturi l-oħra jiġifieri 90 % fil-PIR. Fid-dawl ta’ dan ta’ hawn fuq, ġie konkluż li l-kapaċità żejda totali fil-Federazzjoni Russa hija fil-medda ta’ 17 000 tunnellata. Dan jikkorrispondi għal madwar 8 % tal-konsum tal-Unjoni fil-PIR.

(46)

Fid-dawl tal-konklużjonijiet li l-esportazzjonijiet mill-Federazzjoni Russa għadhom qed jiġu ddampjati matul il-PIR, hemm probabbiltà ta’ tkomplija ta’ dumping fis-suq tal-Unjoni fil-każ li jitneħħew il-miżuri anti-dumping li hemm issa.

(47)

Madankollu, għandhom jiġu enfasizzati dawn il-punti. L-ewwel nett, hemm il-kapaċità żejda limitata disponibbli fil-Federazzjoni Russa, li tista’ tiġi assorbita minn domanda li qed tikber malajr fis-suq domestiku. It-tieni, il-produtturi Russi ma għandhomx kapaċitajiet li jipproduċu t-tipi kollha ta’ ħbula u għalhekk il-pressjoni kompetittiva tagħhom fis-suq tal-Unjoni hija limitata. It-tielet, tnejn mit-tliet produtturi esportaturi magħrufa għandhom is-sussidjarji kollha kemm huma proprjetà tagħhom fl-Unjoni li jipproduċu l-prodott simili. Fuq il-bażi tal-informazzjoni li waslet mill-kumpanija sussidjarja tal-produttur esportatur li kkoopera, wieħed jista’ jara li l-prodott simili manifatturat mis-sussidjarja jinbiegħ primarjament fis-suq tal-Unjoni filwaqt li l-produttur esportatur tjipproduċi u jbigħ il-prodott simili l-aktar għas-suq Russu. Barra minn hekk, il-produtturi Russi li jesportaw għandhom rabtiet kummerċjali b’saħħithom b’mod partikolari mas-swieq ta’ pajjiżi terzi, b’mod partikolari swieq tas-CIS, li huma aktar attraenti għall-esportaturi Russi minħabba li bħala medja l-prezzijiet imposti f’dawk is-swieq huma ogħla mill-prezzijiet imposti fl-Unjoni. Fuq din il-bażi ġie konkluż li l-importazzjonijiet tal-prodott ikkonċernat minn Federazzjoni Russa huwa improbabbli li jikbru b’mod sostanzjali jekk il-miżuri jitħallew jiskadu.

(48)

Matul il-PIR, l-SWR huma mmanifatturati minn aktar minn 30 produtturi tal-Unjoni. Għaldaqstant l-output ta’ dawk il-produtturi (stabbilit abbażi tal-informazzjoni miġbura mill-produtturi li kkooperaw u għall-produtturi l-oħra tal-Unjoni mid-dejta tal-applikant) jitqies għalhekk li jikkostitwixxi l-produzzjoi tal-Unjoni fl-ambitu tat-tifsira tal-Artikolu 4(1) tar-Regolament bażiku.

(49)

Kif spjegat fil-premessa (12), minħabba l-għadd kbir ta’ produtturi tal-Unjoni, intgħażel kampjun. Għall-fini tal-analiżi tal-ħsara, l-indikaturi tal-ħsara ġew stabbiliti fiż-żewġ livelli li ġejjin:

(50)

Il-konsum tal-Unjoni żdied bi 8 % minn 195 426 tunnellata għal 211 380 tunnellata bejn l-2009 u l-PIR.

(51)

Skont id-dejta tal-Eurostat, il-volum tal-importazzjonijiet tal-prodott ikkonċernat li joriġina mill-Federazzjoni Russa żdied minn 2 005 tunnellata għal 2 343 tunnellata beween l-2009 u l-PIR. Minkejja din iż-żieda, dawn il-volumi huma inqas mill-importazzjonijiet mill-Federazzjoni Russa matul l-aħħar investigazzjoni, fejn l-importazzjonijiet kienu 2 908 tunnellata għall-2005 u 3 323 tunnellata għall-perjodu mill-1 ta’ Lulju 2005 sat-30 ta’ Ġunju 2006 (l-aħħar PIR). Barra minn hekk, sa mit-tmiem il-PIR, l-importazzjonijiet mir-Russja juru xejra li qed tonqos (tnaqqis ta’ 20 %).

(52)

Is-sehem mis-suq tal-importazzjonijiet mir-Russja kien ta’ 1,03 % fl-2009 u 1,11 % fil-PIR.

(53)

Safejn huma kkonċernati l-prezzijiet tal-importazzjoni, dawn żdiedu b’mod stabbli b’12 % matul il-perjodu kkunsidrat.

(54)

It-twaqqigħ tal-prezz ġie stabbilit bl-użu tal-prezzijiet tal-esportazzjoni li produttur Russu li kkoopera, mingħajr id-dazju anti-dumping, u nstab li kien ivarja bejn 54,7 % sa 69,0 % jiddependi fuq tip ta’ prodott b’marġni ta’ twaqqigħ b’medja peżata ta’ 63,4 %. Madankollu, minħabba n-nuqqas ta’ volumi ta’ importazzjoni mill-Federazzjoni Russa u bosta tipi differenti ta’ SWR li jeżistu, it-twaqqigħ tal-prezz seta’ jiġi stabbilit biss fuq il-bażi ta’ ftit tipi ta’ prodotti identiċi b’volumi baxxi (19,9 tunnellata). Għalhekk, il-marġni tat-twaqqigħ jista’ jiġi kkunsidrat biss bħala indikattiv.

(55)

L-importazzjonijiet minn pajjiżi oħra minbarra l-Federazzjoni Russa żdiedu b’10,6 % matul il-perjodu kkunsidrat, li hija ċifra aktar għolja miż-żieda fil-konsum fis-suq tal-Unjoni (+ 8 %). Minkejja l-qligħ tas-sehem mis-suq tal-Unjoni minn pajjiżi oħra għajr l-Federazzjoni Russa, l-ishma tas-suq rispettivi jistgħu jiġu kkunsidrati bħala stabbli.

(56)

Il-pajjiżi esportaturi ewlenin matul il-PIR kienu l-Korea t’isfel b’16 % tas-sehem mis-suq segwiti minn mir-RPĊ (1,78 %), it-Tajlandja b’madwar 1,65 % tas-sehem mis-suq, u l-Federazzjoni Russa (ara hawn fuq, b’1,11 % tas-sehem mis-suq) filwaqt li s-sehem mis-suq tal-industrija tal-Unjoni kien qrib is-60 %.

(57)

Il-prezzijiet medji ġenerali tal-importazzjonijiet tal-prodott simili minn pajjiżi oħra baqgħu stabbli u ma nbidlux matul il-perjodu kkunsidrat u waqqgħu il-prezzijiet tal-industrija tal-Unjoni b’medja ta’ 57 %.

(58)

Skont l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indiċi rilevanti kollha li jaffettwaw l-istat tal-industrija tal-Unjoni.

(59)

Fid-dawl tal-fatt li t-teħid ta’ kampjuni ntuża fir-rigward tal-industrija tal-Unjoni, il-ħsara ġiet evalwata fuq il-bażi tal-informazzjoni miġbura fuq il-livell tal-industrija tal-Unjoni kollha (“IU”) (elementi makroekonomiċi kif stabbilit fil-premessa (49)) u fuq il-bażi tal-informazzjoni miġbura fil-livell tal-produtturi tal-Unjoni fil-kampjun (elementi mikroekonomiċi kif definit fil-premessa (49)).

(60)

Il-produzzjoni tal-IU żdiedet b’6 % bejn l-2009 u l-PIR, jiġifieri minn 214 475 tunnellata għal 228 368 tunnellata. F’kuntest ta’ żieda fil-konsum (+ 8 %), kif imsemmi fil-premessa (52), l-industrija tal-Unjoni naqqset il-volum tal-produzzjoni b’ 6 %.

(61)

Iż-żieda f’Konsum tal-Unjoni (+ 8 %) pprovokat żieda fil-produzzjoni mill-industrija tal-Unjoni b’ 6 %.

(62)

Il-bejgħ mill-IU fis-suq tal-Unjoni zdied b’7 % bejn l-2009 u l-PIR.

(63)

l-IU irnexxielha żżomm is-sehem tagħha mis-suq relattivament stabbli matul il-perjodu kkunsidrat, jiġifieri 60 % fl-2009 u 59 % matul il-PIR.

(64)

Bejn l-2009 u l-PIR, meta l-konsum tal-Unjoni żdied b’8 %, il-volum tal-bejgħ tal-IU żdied ukoll b’7 %. Is-sehem mis-suq tal-IU għalhekk jista’ jkun ikkunsidrat bħala stabbli, minkejja li tilfet kemxejn is-sehem mis-suq, filwaqt li l-importazzjonijiet mill-Federazzjoni Russa żdiedu bi ftit.

(65)

Filwaqt li produtturi tal-Unjoni fil-kampjun urew żieda ta’ 5 % matul il-perjodu kkunsidrat, l-istima mill-applikant tal-livell tal-impjiegi tal-IU kollha huwa differenti u turi xejra negattiva, peress li hemm tnaqqis ta’ 6 % bejn l-2009 u l-PIR.

(66)

F’dak li jirrigwarda l-impatt fiq il-UI tal-kobor tal-marġini attwali ta’ dumping li nstab (4,7 %), meta wieħed iqis il-volum relattivament baxx tal-importazzjonijiet mill-Federazzjoni Russa u l-marġini ta’ dumping relattivament baxx, dan l-impatt ma jistax jiġi kkunsidrat bħala sinjifikanti.

(67)

Il-livell tal-ħażniet tal-għeluq tal-IU naqas bejn l-2009 u l-PIR.

(68)

Il-prezzijiet tal-bejgħ għal kull unità tal-IU żdiedu bi 8 % bejn l-2009 u l-PIR. Dan l-iżvilupp fil-prezzijiet huwa marbut mal-fatt li l-IU kienet kapaċi tgħaddi ż-żieda fl-ispiża tal-produzzjoni (bi 8 %) għal fuq l-utenti. Huwa relatat ukoll mal-migrazzjoni progressiva tal-IU lejn dijametru akbar tal-SWR u aktar attenzjoni lejn il-kejbils għal użu speċifiku.

(69)

Bejn l-2009 u l-PIR, is-salarju medju għal kull ekwivalenti għal full-time (FTE) żdied b’20 % matul il-perjodu kkunsidrat. Wara r-ristrutturar ta’ xi kumpaniji fil-kampjun, il-proporzjon tal-impjegati tal-moħħ versu l-impjegati tal-id żdied matul il-perjodu kkunsidrat, li hu rifless fiż-żieda fil-paga medja tal-ispiża għal kull impjegat.

(70)

Il-produttività tal-forza tax-xogħol tal-IU, imkejla bħala l-output għal FTE impjegati kull sena, kienet volatili matul il-perjodu kkunsidrat hekk kif naqset fl-2010 qabel ma reġgħet żdiedet fl-2011 u fil-PIR.

(71)

L-investimenti fl-SWR zdiedu b’271 % matul il-perjodu kkunsidrat, kienu sinifikanti u kienu jammontaw għal madwar minn EUR 16 miljun. Il-produtturi fil-kampjun ma kellhom l-ebda diffikultà biex iżidu l-kapital matul il-perjodu kkunsidrat. Barra minn hekk, proporzjon kbir ta’ investimenti setgħu jiġu ffinanzjati minn flussi ta’ flus iġġenerati minnhom stess.

(72)

Il-produtturi fil-kampjun irnexxielhom jiksbu profitti matul il-perjodu kollu kkunsidrat. Il-profitti miksuba mill-2009 sal-PIR - minkejja l-waqgħa meta mqabbel mal-2009 - kienu ‘l fuq sew mill-profitt fil-mira ta’ 5 % stabbilit fl-investigazzjoni oriġinali.

(73)

Ir-redditu fuq l-investimenti (ROI), espress bħala l-profitt totali ġġenerat mill-attività tal-SWR f’perċentwal tal-valur nett skont il-kotba tal-assi direttament u indirettament relatati mal-produzzjoni tal-SWR, segwit mix-xejriet ta’ profitabbiltà ta’ hawn fuq matul il-perjodu kollu kkunsidrat. Minkejja l-waqgħa, dan l-indikatur għadu pjuttost għoli.

(74)

Is-sitwazzjoni tal-flussi ta’ flus b’mod ġenerali tibqa’ pożittiva ferm, minkejja li marret ftit lura bejn l-2009 u l-PIR: dan isegwi sa ċertu punt ix-xejriet ta’ profittabbiltà matul il-perjodu kollu kkunsidrat.

(75)

Il-maġġoranza tal-indikaturi turi li l-IU adattat it-tagħmir tal-produzzjoni tagħha biex tiffaċċja aħjar l-ambjent ekonomiku ġdid u tkun kapaċi taħtaf l-opportunitajiet fis-swieq tal-Unjoni u dawk li mhumiex tal-Unjoni, f’segmenti fejn jistgħu jinltaħqu marġini għoljin. It-titjib fis-sitwazzjoni ekonomika u finanzjarja tal-IU, flimkien mal-impożizzjoni tal-miżuri anti-dumping fl-2001, juru li l-miżuri huma effettivi u li l-IU irkuprat mill-effetti tal-prattiki tad-dumping tal-passat.

(76)

Matul il-perjodu meqjus l-IU irnexxiela bejnwieħed u ieħor li żżomm is-sehem mis-suq tagħha, il-prezzijiet żdiedu bi 8 %, il-ħażniet baqgħu f’livell raġonevoli filwaqt li l-volum tal-produzzjoni u l-konsum żdied. l-IU għamlet profitt matul il-perjodu kkunsidrat, minkejja li l-profitti kienu f’livell iktar baxx fil-PIR milli fl-2009. Fid-dawl ta’ dak li ntqal hawn fuq, jista’ jiġi konkluż li l-IU ma ġarrbitx ħsara materjali matul il-perjodu kkunsidrat.

(77)

Ġie eżaminat ukoll jekk ir-rikorrenza tal-ħsara materjali tkunx probabbli jekk il-miżuri jitħallew jiskadu. Huwa vvalutat li aktarx dan ma jiġrix minħabba r-raġunijiet imfissra hawn taħt.

(78)

Kif ġie enfasizzat fil-premessa (54), il-prezzijiet tal-importazzjonijiet mill-Federazzjoni Russa nstab li kienu baxxi u inqas mill-prezzijiet tal-UE. Madankollu, minħabba l-volumi baxxi ta’ tqabbil tipi ta’ prodotti, il-marġini tat-twaqqigħ preenti jista’ jitqies biss bħala indikattiv.

(79)

Kif spjegat fil-premessa (51), il-volum tal-importazzjonijiet tal-prodott ikkonċernat li joriġina fil-Federazzjoni Russa kien ta’ 2 005 tunnellata fl-2009 u 2 343 tunnellata matul il-PIR, li jirrappreżentaw sehem mis-suq ta’ 1,03 % u 1,11 % rispettivament.

(80)

Kif spjegat fil-premessi (43) u (45), it-total tal-kapaċità Russa huwa stmat li hu madwar 158 000 tunnellata, filwaqt li, matul l-aħħar investigazzjoni dan kien stmat li hu fil-livell tal-konsum totali tal-UE, jiġifieri 220 000 tunnellata. Barra minn hekk, bħalissal-kapaċitajiet żejda jidhru li huma limitati.

(81)

Matul l-aħħar investigazzjoni, is-suq Russu kien ivvalutat bħala mhux kapaċi jassorbi l-livell tal-provvista. Bħalissa, kif spjegat fil-premessa (36), il-konsum domestiku tal-SWR fir-Russja għadda minn tkabbir konsiderevoli bi 38 % tul il-perjodu kkunsidrat. Barra minn hekk, it-tbassir ekonomiku disponibbli pubblikament jistma tkabbir b’saħħtu tal-PDG fil-Federazzjoni Russa fis-snin li ġejjin. Il-kapaċità żejda Russa, kif imsemmi fil-premessa (45), huwa għalhekk probabbli li jiġi assorbit mis-suq Russu li qed jikber hekk kif il-prezzijiet fir-Russja huma madwar 11 % ogħla mill-prezzijiet tal-esportazzjoni lejn l-UE. Barra minn hekk, il-prezzijiet tal-esportazzjoni Russi lejn swieq oħra, notevolment lejn il-pajjiżi tal-KSI huma bħala medja 5,6 % ogħla mill-prezzijiet ta’ esportazzjoni lejn l-UE. Għalhekk huwa probabbli li kwantitajiet sostanzjali jew tal-kapaċità żejda jew tal-bejgħ attwali tagħhom fis-suq domestiku li hu ta’benefiċċju akbar u/jew is-swieq tal-pajjiżi tal-CIS sej jkun dirett mill-ġdid lejn is-suq tal-Unjoni.

(82)

Fid-dawl ta’dan ta’hawnfuq, huwa konkluż li r-revoka tal-miżuri fuq l-importazzjonijiet li joriġinaw mill-Federazzjoni Russl fil-probabbiltà kollha ma jirriżultawx fir-rikorrenza ta’ ħsara għall-IU fl-intier tagħha.

(83)

Fid-dawl ta’ dan ta’ hawn fuq, il-miżuri anti-dumping applikabbli għall-importazzjonijiet tal-SWR mill-Federazzjoni Russa għandhom jiġu revokati u l-proċediment attwali tterminat skont l-Artikolu 9(2) u l-Artikolu 11(2) tar-Regolament bażiku.

(84)

Il-partijiet kollha ġew mgħarrfa dwar il-fatti essenzjali u l-kunsiderazzjonijiet li abbażi tagħhom kien previst li jiġi rakkomandat li l-miżuri eżistenti jiġu tterminati fir-rigward tal-importazzjonijiet li joriġinaw mill-Federazzjoni Russa. Ingħataw ukoll perjodu biex jagħmlu r-rappreżentazzjonijiet wara dan l-iżvelar. Waslu kummenti minn parti interessata waħda li wkoll talbet u ngħatat seduta fil-preżenza tal-Uffiċjal tas-Seduta,

17.12.2013   

MT

Il-Ġurnal Uffiċjali tal-Unjoni Ewropea

L 338/11

(1)

Ir-Regolament tal-Kunsill (KE) Nru 1184/2007 (2) impona dazju anti-dumping definittiv fuq l-importazzjonijiet tal-peroxosulphates (persulphates) li joriġinaw mir-Repubblika Popolari taċ-Ċina (“ir-RPĊ”), it-Tajwan u l-Istati Uniti tal-Amerika (“l-investigazzjoni oriġinali” u “il-miżuri oriġinali”). Il-miżuri fir-rigward tar-RPĊ ħadu l-forma ta’ dazju ad valorem ta’ 71,8 % għall-kumpaniji kollha ħlief żewġ produtturi esportaturi Ċiniżi li ġew mogħtija dazji individwali.

(2)

Fl-10 ta’ Ottubru 2012, il-Kummissjoni ħabbret b’avviż (“Notifika ta’ bidu”) (3), ippubblikat f’Il-Ġurnal Uffiċjali tal-Unjoni Ewropea, li kienet se tinbeda reviżjoni ta’ skadenza tal-miżuri anti-dumping applikabbli għal importazzjonijiet ta’ peroxosulphates (persulphates) li joriġinaw mir-RPĊ.

(3)

Ir-reviżjoni nbdiet wara li ġiet ippreżentata talba ssostanzjata minn żewġ produtturi Ewropej, RheinPerChemie GmbH&Co. KG and United Initiators GmbH&Co. KG (“l-applikanti”) li tirrappreżenta 100 % tal-produzzjoni totali tal-Unjoni ta’ peroxosulphates (persulphates).

(4)

It-talba kienet ibbażata fuq il-fatt li l-iskadenza tal-miżuri x’aktarx tirriżulta f’issoktar ta’ dumping u ħsara għall-industrija tal-Unjoni.

(5)

L-investigazzjoni tal-kontinwazzjoni jew tar-rikorrenza tad-dumping kienet tkopri l-perjodu mill-1 ta’ Ottubru 2011 sat-30 ta’ Settembru 2012 (“il-perjodu ta’ investigazzjoni tar-reviżjoni” jew “PIR”). L-eżami tax-xejriet rilevanti għall-valutazzjoni tal-probabbiltà ta’ kontinwazzjoni jew rikorrenza tal-ħsara kien ikopri l-perjodu mill-1 ta’ Jannar 2009 sal-aħħar tal-PIR (“il-perjodu kkunsidrat”).

(6)

Il-Kummissjoni uffiċjalment avżat lill-applikanti, lill-produtturi esportaturi fir-RPĊ, lil importaturi u utenti mhux relatati magħrufa li huma kkonċernati, produtturi f’pajjiżi analogi potenzjali kif ukoll lir-rappreżentanti tar-RPĊ bil-bidu tar-reviżjoni ta’ skadenza. Il-partijiet interessati ngħataw l-opportunità li jagħtu l-fehmiet tagħhom bil-miktub u li jitolbu smigħ fil-limitu taż-żmien stabbilit fin-Notifika ta’ Bidu.

(7)

Fid-dawl tal-għadd apparentament kbir ta’ produtturi esportaturi fir-RPĊ u importaturi mhux relatati fl-Unjoni involuti fl-investigazzjoni, ġie ppjanat it-teħid ta’ kampjuni għal dawn il-partijiet fin-Notifika ta’ Bidu, taħt l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk it-teħid ta’ kampjuni jkunx meħtieġ u, jekk dan ikun il-każ, tagħżel kampjun, il-partijiet imsemmija hawn fuq intalbu, taħt l-Artikolu 17 tar-Regolament bażiku, biex jippreżentaw irwieħhom fi żmien 15-il jum mill-pubblikazzjoni tal-avviż ta’ bidu u jipprovdu l-informazzjoni mitluba fin-Notifika ta’ bidu lill-Kummissjoni.

(8)

L-ebda wieħed mill-importaturi ma ppreżenta ruħu.

(9)

Produttur esportatur wieħed biss mir-RPĊ wieġeb il-kwestjonarju. Għaldaqstant, ma kienx hemm bżonn li jintgħażel kampjun ta’ produtturi esportaturi.

(10)

Il-Kummissjoni bagħtet kwestjonarji lill-partijiet kollha magħrufa kkonċernati u lil dawk li ppreżentaw irwieħhom fl-iskadenzi stabbiliti fin-Notifika ta’ bidu. Waslu tweġibiet mingħand żewġ produtturi tal-Unjoni, produttur esportatur wieħed fir-RPĊ u produttur wieħed fit-Turkija, ikkunsidrat bħala pajjiż analogu potenzjali.

(11)

Il-Kummissjoni fittxet u vverifikat l-informazzjoni kollha li qieset li kienet neċessarja għad-determinazzjoni tal-probabbiltà tal-issoktar jew ir-rikorrenza ta’ dumping u l-ħsara li tirriżulta minnu u d-determinazzjoni ta’ dak li hu fl-interess tal-Unjoni. Saru żjarat ta’ verifika fil-bini tal-kumpaniji li ġejjin.

United Initiators (Shanghai) Co. Ltd, Shanghai (4)

(12)

Il-prodott ikkonċernat huwa l-istess bħal dak kopert mill-investigazzjoni oriġinali, jiġifieri peroxosulphates (persulphates), inkluż il-potassium peroxymonosulphate sulphate (“il-prodott ikkonċernat”), li bħalissa huwa kklassifikat fil-kodiċijiet NM 2833 40 00 u ex 2842 90 80.

(13)

Il-prodott ikkonċernat jintuża bħala inizjatur jew aġent ossidanti f’numru ta’ applikazzjonijiet. Xi eżempji jinkludu l-użu tiegħu bħala inizjatur tal-polimerizzazzjoni fil-produzzjoni tal-polimeri, bħala aġent ta’ inċiżjoni fil-produzzjoni tal-pannelli taċ-ċirkwiti stampati, fil-kożmetiċi tax-xagħar, fil-proċess ta’ ssiġġallar tal-pori tat-tessuti, fil-manifattura tal-karta, bħala aġent ta’ tindif tad-dentaturi u bħala diżinfettant.

(14)

L-investigazzjoni kkonfermat li, bħal fl-investigazzjoni oriġinali, il-prodott ikkonċernat u dak manifatturat u mibjugħ fis-suq domestiku tar-RPĊ, kif ukoll dak immanifatturat u mibjugħ mill-industrija tal-Unjoni fis-suq tal-Unjoni għandhom l-istess karatteristiċi fiżiċi u tekniċi bażiċi u l-istess użi bażijiet, u għalhekk huma kkunsidrati li huma simili skont it-tifsira tal-Artikolu 1(4) tar-Regolament bażiku.

(15)

Skont l-Artikolu 11(2) tar-Regolament bażiku, ġie eżaminat jekk id-dumping kienx qed isseħħ fil-preżent u jekk kienx probabbli li d-dumping jissokta jew jerġa’ jseħħ jekk possibbilment jiskadu l-miżuri fis-seħħ fuq ċerti importazzjonijiet mir-RPĊ.

(16)

Kif spjegat fil-premessa (9), produttur esportatur Ċiniż wieħed biss ikkoopera fl-investigazzjoni u huwa ma esportax il-prodott ikkonċernat lejn l-Unjoni matul il-PIR. Kif huwa msemmi hawn skont il-premessa (22) u kif spjegat fid-dettall fil-premessi minn (51) sa (53), l-investigazzjoni wriet li bażikament l-importazzjonijiet kollha mir-RPĊ matul il-PIR kienu magћmula minn esportatur wieћed li nstab li ma kienx qed jagħmel dumping fl-investigazzjoni oriġinali, u li mhuwiex soġġett għar-reviżjoni attwali. Għalhekk, l-ebda analiżi ma jista’ jsir fuq id-dumping f’dan il-każ.

(17)

Sabiex tkun valutata l-probabbiltà ta’ rikorrenza ta’ dumping, l-informazzjoni pprovduta mill-produttur esportatur Ċiniż li kkopera, l-informazzjoni miġbura skont l-Artikolu 18 tar-Regolament bażiku u l-fatti disponibbli fir-rigward tal-produtturi esportaturi li ma kkooperawx kienu kkunsidrati. Il-fatti disponibbli nstabu fit-talba għar-reviżjoni ta’ skadenza, fl-informazzjoni ppubblikata fil-qafas ta’ reviżjoni ta’ skadenza mibdija f’Marzu 2013 mill-Istati Uniti tal-Amerika (5), fl-istatistika disponibbli għall-Kummissjoni jiġifieri d-dejta ta’ kull xahar mibgħuta mill-Istati Membri skont l-Artikolu 14(6) tar-Regolament bażiku (“il-bażi tad-dejta 14.6”) u dejta dwar l-importazzjoni tal-Eurostat.

(18)

Id-dejta disponibbli fl-investigazzjoni wriet li bażikament l-importazzjonijiet kollha mir-RPĊ matul il-PIR kienu magħmula minn esportatur Ċiniż wieħed li ma nstabx li kien qed jagħmel dumping fl-investigazzjoni oriġinali (6). Dawk l-importazzjonijiet għalhekk mhumiex suġġetti għall-miżuri anti-dumping. Il-prezzijiet ta’ dawn l-importazzjonijiet baqgħu taħt il-prezzijiet tal-industrija tal-Unjoni matul dak il-perjodu.

(19)

Minkejja li l-prezzijiet ta’ importazzjoni Ċiniżi fl-Unjoni żdied b’29 % matul il-perjodu kkunsidrat, dawn kienu għadhom baxxi u kienu qed iwaqqgħu l-prezz tal-industrija tal-Unjoni matul il-PIR. Il-prezzijiet ta’ bejgħ tal-industrija tal-Unjoni fis-suq tal-Unjoni żdiedu wkoll iżda b’pass ħafna inqas qawwi b’rata ta’ 7 %.

(20)

L-uniku esportatur Ċiniż li kkoopera li huwa soġġett għall-miżuri attwali ta’ anti-dumping u li ma kienx qed jesporta l-prodott ikkonċernat lejn l-Unjoni matul il-PIR. Madankollu, l-investigazzjoni wriet li kien qed jesporta bi prezzijiet suġġetti għal dumping lejn swieq ta’ pajjiżi terzi u li l-prezzijiet tiegħu kienu saħansitra iktar baxxi minn dawk ta’ importazzjonijiet attwali mir-RPĊ fis-suq tal-Unjoni. Din hija indikazzjoni li l-esportaturi fiċ-Ċina qegħdin ikomplu jeżerċitaw id-dumping u li l-prezzijiet tagħhom huma baxxi.

(21)

Is-suq tal-Unjoni jikkonsisti bejn wieħed u l-ieħor f’importazzjonijiet minn tliet pajjiżi: Iċ-Ċina, it-Turkija u l-Istati Uniti, u kull wieħed jirrappreżenta bejn 8 % u 10 % tas-sehem fis-suq u żewġ produtturi tal-Unjoni b’sehem mis-suq ta’ madwar 65 % sa 75 %. L-investigazzjoni wriet li l-Istati Uniti komplew ikunu preżenti fis-suq tal-Unjoni u kienu jirrappreżentaw madwar terz tal-importazzjonijiet totali matul il-PIR. Il-prezzijiet tal-importazzjoni mill-Istati Uniti kienu bħala medja 10 % aktar mill-prezzijiet tal-importazzjoni mir-RPĊ. Din l-iskoperta, flimkien ma’ tnaqqis osservat tal-prezzijiet tal-industrija tal-Unjoni, tindika li l-importazzjonijiet Ċiniżi komplew jeżerċitaw pressjoni ’l isfel fuq il-prezzijiet tal-bejgħ fl-Unjoni.

(22)

Kif imsemmi hawn fuq fil-premessa (18), l-importazzjonijiet Ċiniżi matul il-PIR kienu magћmula minn esportatur wieћed li nstab li ma kienx qed jagħmel dumping fl-investigazzjoni oriġinali. Bejn l-2009 u l-PIR, il-volum ta’ dawn l-importazzjonijiet żdied b’24 % u s-sehem tas-suq korrispondenti żdied minn 8 % għal 9,6 % tal-konsum totali fl-Unjoni fl-istess perjodu.

(23)

Notevolment ta’ min iffakkar li fis-snin mill-1995 sal-2001 kienu imposti l-miżuri anti-dumping kontra peroxosulphates (persulphates) mir-RPĊ. Billi dawn il-miżuri ġew revokati, il-volum tal-importazzjoni mir-RPĊ żdied minn ftit anqas minn 200 tunnellata fl-2001 għal aktar minn 4 000 tunnellata fl-2003 u aktar mid-doppju għal kważi 9 000 tunnellata fl-2006. Fi kliem ieħor, l-importazzjonijiet Ċiniżi ħadu aktar minn 20 % tas-suq tal-Unjoni fi ftit snin. Matul il-perjodu 2003-2006, filwaqt li l-konsum żdied b’7 %, is-sehem tas-suq Ċiniż irdoppja. Dan juri li l-esportaturi Ċiniżi jistgħu jieħdu sehem konsiderevoli fis-suq tal-Unjoni fin-nuqqas ta’ miżuri anti-dumping.

(24)

Fid-dawl tal-fatti u l-konsiderazzjonijiet ta’ hawn fuq, b’mod partikolari r-reazzjoni Ċiniża għar-revoka tal-miżuri fis-suq tal-Unjoni fl-2001, il-livell tal-prezzijiet Ċiniżi matul il-PIR u l-prattiċi ta’ dumping kontinwi fi swieq ta’ pajjiżi terzi, huwa kkunsidrat li hemm probabbiltà li f’qasir żmien l-importazzjonijiet irħas Ċiniżi jerġgħu jissoktaw fi kwantitajiet kbar fis-suq tal-Unjoni jekk il-miżuri attwali jiġu revokati.

(25)

Kif imsemmi fil-premessa (16) hawn fuq, kumpanija Ċiniża li kkooperat ma esportatx lejn l-Unjoni matul il-PIR, u ma kienx possibbli li jitqabblu l-valuri normali tagħha fis-suq domestiku mal-prezzijiet tal-esportazzjoni lejn l-Unjoni. Madankollu ġie vvalutat, kif imsemmi fil-premessa (24) hawn fuq, jekk l-esportazzjonijiet tal-kumpanija lejn pajjiżi terzi saru bi prezzijiet li huma l-oġġett ta’ dumping matul il-PIR. Għall-kumpanija li ngħatat TES fl-investigazzjoni oriġinali, il-valuri normali ġew stabbiliti abbażi tad-dejta tagħha.

(26)

Għat-tliet tipi tal-prodott ikkonċernat fejn il-bejgħ domestiku kien rappreżentattiv u sar fil-kummerċ normali, il-valuri normali medji ġew stabbiliti abbażi tal-prezzijiet li tħallsu mill-klijenti indipendenti fis-suq domestiku. Għal tip wieħed, il-valur normali kellu jkun mibni fuq il-kost tal-produzzjoni, skont l-Artikolu 2(3) tar-Regolament bażiku. L-ispejjeż tal-manifattura u tal-bejgħ u l-ispejjeż ġenerali u amministrattivi (SG& A) u l-profitt miksub fuq bejgħ domestiku li sar fl-andament normali tal-kummerċ skont l-Artikolu 2(6) tar-Regolament bażiku kienu użati sabiex jiġi stabbilit il-valur normali ta’ dak it-tip.

(27)

It-tqabbil bejn il-valur normali medju peżat u l-prezz medju peżat tal-esportazzjoni, fuq bażi ex works lil pajjiżi terzi stabbiliti fuq il-bażi tad-dejta rappurtata u verifikata, wera marġini tad-dumping medju ta’ 9,4 %.

(28)

Fir-rigward tal-imġiba fl-ipprezzar, l-eżistenza tal-miżuri anti-dumping mill-Indja u mill-Istati Uniti tal-Amerika hija wkoll indikazzjoni ċara ta’ prattiċi ta’ dumping mill-produtturi esportaturi Ċiniżi fuq swieq oħra.

(29)

L-investigazzjoni wriet li kumpanija Ċiniża li kkooperat esportat lejn varjetà wiesgħa ta’ pajjiżi terzi bħal Brażil, l-Indoneżja, il-Malasja, l-Afrika t’Isfel, il-Korea t’Isfel, it-Tajwan, it-Tajlandja u l-Emirati Għarab Magħquda. Il-prezzijiet tal-esportazzjoni tal-kumpanija Ċiniża li kkooperat lejn swieq terzi ġew imqabbla għal-livell ta’ prezzjiet tal-bejgħ tal-industrija tal-Unjoni u l-prezz tal-importazzjoni għar-RPĊ matul il-PIR fis-suq tal-Unjoni. Dan it-tqabbil wera li l-esportatur Ċiniż li kkoopera kien qed iwaqqa’ b’mod sinifikanti, sa 40 %, il-prezzijiet tal-industrija tal-Unjoni matul il-PIR.

(30)

Din l-analiżi turi min-naħa l-waħda, li l-prezzijiet fis-suq tal-Unjoni huma ogħla u għaldaqstant attraenti ħafna, u, min-naħa l-oħra, li l-prezzijiet offruti minn esportatur Ċiniż ieħor huma inqas minn dawk attwali tal-prezz tal-importazzjonijiet Ċiniżi fis-suq tal-Unjoni.

(31)

Ta’ min jinnota wkoll li l-valuri normali tal-kumpanija li kkooperat matul il-PIR kienu ġeneralment aktar baxxi mill-prezzijiet tal-bejgħ tal-industrija tal-Unjoni. Dan jikkonferma l-attrazzjoni tas-suq tal-Unjoni hekk kif ċertament tiġġenera profitti ogħla għall-produtturi Ċiniżi. Il-livell baxx tal-prezzijiet fiċ-Ċina ma jidhirx li hu bbażat fuq kwalunkwe raġuni barra mill-kapaċità abbundanti u l-offerta tal-prodott ikkonċernat.

(32)

Kif imsemmi hawn fuq fil-premessa (28), ċerti swieq ta’ pajjiżi terzi, bħall-Istati Uniti u l-Indja, saru inqas attraenti għall-esportaturi Ċiniżi minħabba l-eżistenza tal-miżuri anti-dumping. Barra minn hekk, f’termini relattivi, swieq oħra ta’ pajjiżi terzi nstabu li jaħdmu f’livelli ta’ prezzijiet aktar baxxi minn dawk fis-suq tal-Unjoni. Fir-rigward ta’ swieq ta’ pajjiżi terzi oħrajn, li ma jaqgħux taħt il-miżuri, dawn huma ġa fornuti minn kumpaniji li huma preżenti f’dawk is-swieq, u hekk kwalunkwe kapaċità żejda fir-RPĊ x’aktarx tintuża għal esportazzjonijiet lejn is-suq tal-Unjoni.

(33)

Fuq il-bażi ta’ dan ta’ hawn fuq, huwa mistenni li l-importazzjonijiet Ċiniżi jerġgħu jissoktaw f’volumi akbar u jagħmlu pressjoni ikbar fuq il-prezzijiet fis-suq tal-Unjoni jekk il-miżuri attwali jitneħħew.

(34)

Skont l-Artikolu 18 tar-Regolament bażiku, fin-nuqqas ta’ informazzjoni oħra disponibbli, l-analiżi tal-kapaċità żejda fir-RPĊ kienet ibbażata fuq il-fatti disponibbli, jiġifieri l-informazzjoni limitata mogħtija mill-produttur esportatur Ċiniż li kkoopera dwar is-sitwazzjoni tas-suq fir-RPĊ, mill-industrija tal-Unjoni u minn informazzjoni disponibbli pubblikament fil-livell ta’ ħames produtturi ewlenin identifikati fir-RPĊ u d-dejta miġbura fl-istadju tal-bidu. L-informazzjoni mogħtija minn dawn is-sorsi nstabet li kienet konsistenti.

(35)

Fuq il-bażi ta’ din l-informazzjoni, huwa preżunt li aktar minn 100 000 tunnellata tal-kapaċità ta’ produzzjoni hija disponibbli fir-RPĊ, li tirrappreżenta madwar tliet darbiet il-volum tal-konsum tal-Unjoni tul il-PIR.

(36)

Ibbażat fuq ir-rata tal-utilizzazzjoni tal-kapaċità tal-produttur li kkoopera, ġie konkluż li hemm kapaċitajiet potenzjalment sinifikanti disponibbli fir-RPĊ li jistgħu jintużaw biex tiżdied il-produzzjoni u tiġi diretta mill-ġdid lejn is-suq tal-Unjoni fil-każ li l-miżuri anti-dumping jitħallew jiskadu.

(37)

Fid-dawl ta’ dak li ntqal hawn fuq, ġie kkunsidrat li hemm probabbiltà li se jerġa’ jseħħ dumping jekk il-miżuri attwali jitħallew jiskadu. B’mod partikolari l-livell tal-valuri normali stabbiliti fiċ-Ċina, l-aġir ta’ dumping tal-produttur li kkoopera fi swieq ta’ pajjiżi terzi, l-estensjoni tal-miżuri anti-dumping kontra esportaturi Ċiniżi fl-Indja u l-Istati Uniti, l-attrazzjoni tas-suq tal-Unjoni meta mqabbel ma’ swieq oħra u d-disponibbiltà ta’ kapaċità ta’ produzzjoni sinifikanti fir-RPĊ kollha jippuntaw lejn il-probabbiltà ta’ rikorrenza ta’ dumping f’każ li l-miżuri attwali jiġu revokati.

(38)

L-investigazzjoni attwali kkonfermat li l-peroxosulphates (persulphates) huma mmanifatturati minn żewġ produtturi fl-Unjoni biss. Huma jikkostitwixxu 100 % tal-produzzjoni totali tal-Unjoni matul il-PIR. Iż-żewġ produtturi appoġġaw it-talba għal reviżjoni kif ukoll ikkooperaw fl-investigazzjoni.

(39)

Dawn iż-żewġ kumpaniji jikkostitwixxu l-industrija tal-Unjoni skont it-tifsira tal-Artikoli 4(1) u 5(4) tar-Regolament bażiku u minn hawn ’il quddiem se ssir referenza għalihom bħala l-“industrija tal-Unjoni”.

(40)

Sabiex tkun imħarsal-kunfidenzjalità skont l-Artikolu 19 tar-Regolament bażiku, id-dejta relatata maż-żewġ produtturi tal-Unjoni hija ppreżentata f’forma ta’ indiċi jew firxiet.

(41)

Informazzjoni dwar l-importazzjonijiet ġiet analizzata fil-livell tal-kodiċi NM għat-tliet tipi ewlenin tal-prodott simili, persulfat tal-ammonju, persulfat tas-sodju, persulfat tal-potassju, fuq il-livell tal-kodiċi TARIC għar-raba’ tip, il-potassium peroxymonosulphate. L-analiżi tal-importazzjonijiet ġiet ssupplimentata mid-dejta miġbura skont l-Artikolu 14(6) tar-Regolament bażiku.

(42)

Il-konsum tal-Unjoni ġie stabbilit abbażi tal-volumi tal-bejgħ tal-industrija tal-Unjoni fis-suq tal-Unjoni, u dejta tal-importazzjoni mill-Eurostat, f’kodiċi NM u l-livell tal-kodiċi TARIC.

(43)

Il-konsum tal-Unjoni matul il-PIR kien kemxejn ogħla milli fil-bidu tal-perjodu kkunsidrat. Kien hemm żieda ta’ 22 % osservata bejn l-2009 u l-2010 iżda aktar fuq il-konsum li naqas b’rata stabbli b’madwar 18 %.

Tabella 1

Konsum

(44)

Il-volumi u l-ishma tas-suq tal-importazzjonijiet mir-RPĊ kienu analizzati abbażi ta’ dejta tal-Eurostat u dejta miġbura skont l-Artikolu 14(6) tar-Regolament bażiku.

(45)

It-tqabbil tal-bażijiet tad-dejta msemmija hawn fuq jindika li l-importazzjonijiet kollha mir-RPĊ joriġinaw minn kumpanija waħda li nstabet li ma kinitx qed tagħmel dumping fl-investigazzjoni oriġinali. Bħala konsegwenza, is-sehem mis-suq tal-importazzjonijiet dumped mir-RPĊ u l-evoluzzjoni tal-prezzijiet ma jistgħux jiġu analizzati.

(46)

Barra minn hekk, peress li l-produtturi esportaturi Ċiniżi sottomessi għal miżuri tal-anti-dumping ma kinux jesportaw il-prodott ikkonċernat lejn l-Unjoni matul il-PIR, ma kienx possibbli li jiġi kkalkulat it-twaqqigħ tal-prezz għar-RPĊ.

(47)

Il-volum ta’ importazzjonijiet u prezzijiet u s-sehem tas-suq minn pajjiżi oħrajn matul il-perjodu kkunsidrat qed jintwera fit-tabella hawn taħt. Dawn ġew stabbiliti abbażi tal-informazzjoni statistika pprovduta f’livell ta’ Kodiċi NM u TARIC. Għal raġunijiet ta’ kunfidenzjalità kif spjegat fil-premessa (40) hawn fuq iċ-ċifri tas-sehem tas-suq huma żvelati taħt forma indiċizzata.

Tabella 2

Importazzjonijiet minn pajjiżi terzi oħrajn

(48)

Il-volumi ta’ importazzjonijiet minn pajjiżi terzi oħra lejn is-suq tal-Unjoni naqsu b’madwar 12 % matul il-perjodu kkunsidrat, u l-prezz medju żdied b’6 % matul l-istess perjodu. Is-sehem mis-suq mitluf minn pajjiżi terzi oħrajn ġie parzjalment meħud mill-importazzjonijiet Ċiniżi u l-industrija tal-Unjoni. Matul l-istess perjodu l-industrija tal-Unjoni żiedet il-prezzijiet tagħha b’medja ta’ 7 % kif iddikjarat fil-premessa (64) iktar ’l isfel.

(49)

Skont l-Artikolu 3(5) tar-Regolament bażiku, il-Kummissjoni eżaminat il-fatturi u l-indiċijiet ekonomiċi kollha li għandhom piż fuq l-istat tal-industrija tal-Unjoni.

(50)

Il-volum ta’ produzzjoni tal-industrija tal-Unjoni żdied b’mod sinifikanti matul il-perjodu kkunsidrat. Din iż-żieda kienet osservata partikolarment bejn l-2009 u l-2010 meta l-produzzjoni żdiedet bi 32 punt perċentwali. Din baqgħet stabbli wara, b’tnaqqis żgħir bejn l-2011 u l-PIR.

Tabella 3

Produzzjoni totali tal-Unjoni

(51)

Il-kapaċità ta’ produzzjoni baqgħet stabbli matul il-perjodu kkunsidrat. Hekk kif il-produzzjoni żdiedet fil-perjodu 2009–2011, l-utilizzazzjoni tal-kapaċità wriet żieda ġenerali ta’ 34 %. Din it-tendenza nbidlet fil-PIR minħabba li t-tnaqqis fil-produzzjoni rriżulta wkoll fi tnaqqis fl-utilizzazzjoni tal-kapaċità minn sitt punti perċentwali kif muri hawn taħt:

Tabella 4

Kapaċità tal-produzzjoni u użu tal-kapaċità

(52)

Għalkemm il-livell tal-ħażniet tal-għeluq tal-industrija tal-Unjoni żdied b’mod sostanzjali bejn l-2009 u l-PIR, il-livell tagħha jibqa’ relattivament baxx fir-rigward il-livell ta’ produzzjoni.

Tabella 5

Stokk tal-għeluq

(53)

Il-volum tal-bejgħ tal-industrija tal-Unjoni fis-suq tal-Unjoni għal konsumaturi mhux relatati segwa x-xejra ta’ konsum b’quċċata fl-2010 u mbagħad xejra ta’ tnaqqis fis-snin ta’ wara, sa tmiem il-PIR. Matul il-perjodu kkunsidrat dan żdied b’6 %.

Tabella 6

Bejgħ lil klijenti mhux relatati

(54)

Hekk kif il-volumi tal-bejgħ lejn l-Unjoni segwew ix-xejra tal-konsum, is-sehem mis-suq tal-industrija tal-Unjoni baqa’ relattivament stabbli fil-perjodu kkunsidrat.

Tabella 7

Sehem tas-suq tal-Unjoni

(55)

Kif spjegat hawn fuq, it-tkabbir fil-konsum fl-Unjoni kien limitat għal tliet punti perċentwali matul il-perjodu kkunsidrat. L-industrija tal-Unjoni rnexxielha bi ftit iżżid il-volumi tal-bejgħ u tas-sehem tagħha mis-suq matul l-istess perjodu.

(56)

Il-livell ta’ impjiegi tal-industrija Komunitarja baqa’ stabbli bejn l-2009 u l-PIR. Madankollu, il-produttività ta’ kull impjegat, mkejla bħala l-produzzjoni f’tunnellati għal kull impjegat, żdiedet b’mod viżibbli f’dan il-perjodu skont ix-xejra tal-produzzjoni. Id-dejta dettaljata tidher hawn taħt:

Tabella 8

Impjiegi u produttività totali tal-Unjoni

(57)

Il-prezzijiet ta’ bejgħ ta’ unità tal-industrija tal-Unjoni lil klijenti mhux relatati fl-Unjoni żdied b’7 % bejn l-2009 u l-PIR. Din iż-żieda ta’ 7 % fil-prezz tal-bejgħ medju tal-industrija tal-Unjoni tista’ tiġi spjegata minn din il-bidla fit-taħlita tal-prodott li kienu qed ibiegħu matul il-perjodu kkunsidrat. Dan il-prezz, anki meta wieħed iqis id-differenza potenzjali fit-taħlita tal-prodott, kien ferm ogħla mill-prezz mitlub mill-produttur Ċiniż għall-esportazzjoni lejn pajjiżi terzi.

Tabella 9

Prezz ta’ unità tal-bejgħ tal-Unjoni

(58)

Fl-2009, il-profittabbiltà tal-industrija tal-Unjoni kienet qrib bilanċ bejn il-qligħ u t-telf. Sussegwentement, fil-perjodu 2010 — il-PIR, il-profittabbiltà baqgħet ogħla minn 10 %. Il-qabża f’daqqa fl-indiċi tal-profittabbiltà bejn l-2009 u l-2010 għalhekk tirriżulta minn livell ta’ bażi baxx ħafna fl-2009 li kienet sena kritika għall-industrija tal-Unjoni. Fl-2011 il-profittabbiltà għolja rriżultat minn episodju straordinarju ta’ ffrankar tal-ispejjeż, li mhux se jerġa’ jseħħ fil-futur. Dan hu diġà rifless fil-profittabbiltà mnaqqsa fil-PIR, li tkompli tkun it-tendenza.

Tabella 10

Profittabbiltà

(59)

L-investigazzjoni wriet li l-industrija tal-Unjoni kienet kapaċi żżomm livell għoli ta’ investimenti fil-perjodu kollu kkunsidrat.

(60)

Redditu fuq l-investiment segwit mill-qrib mit-tendenza ta’ profittabbiltà fl-2009 u fl-2011 mhuwiex rappreżentattiv kif spjegat fil-premessa (58) hawn fuq.

Tabella 11

Investimenti u Redditu mill-Investiment

(61)

Il-fluss ta’ flus, li jaffettwa l-kapaċità tal-industrija li tiffinanzja hija stess l-attivitajiet tagħha, muri bħala perċentwali tal-fatturat tal-prodott ikkonċernat, segwa xejra simili għal dik tal-profittabbiltà. Tjieb b’mod sinifikanti sal-2011 u naqas matul il-PIR.

Tabella 12

Fluss tal-flus

(62)

Filwaqt li l-għadd ta’ nies impjegati mill-industrija tal-Unjoni baqa’ stabbli, il-pagi tagħhom żdiedu bi 12 % matul il-perjodu kkunsidrat.

(63)

Kif spjegat hawn fuq ma kienx hemm importazzjonijiet li huma l-oġġett ta’ dumping mir-RPĊ matul il-perjodu kkunsidrat, u b’hekk id-daqs tal-marġni tad-dumping ma setax jiġi vvalutat.

(64)

Filwaqt li titqies in-nuqqas ta’ importazzjonijiet dumped bi prezz baxx mir-RPĊ, l-utilizzazzjoni relattivament għolja ta’ kapaċità u l-qligħ fis-sehem tas-suq miksub mill-industrija tal-Unjoni, il-livell tagħha ta’ profitabbiltà u l-iżvilupp pożittiv ta’ ċerti indikaturi finanzjarji, huwa konkluż li l-industrija tal-Unjoni rkuprat mill-effetti ta’ dumping fl-imgħoddi matul il-perjodu kkunsidrat. L-irkupru huwa madankollu riċenti u kien osservat tnaqqis f’diversi indikaturi ta’ ħsara bħalma huma l-profittabbiltà, il-fluss tal-likwidità, ir-redditu fuq l-investiment u l-investiment fis-suq tal-Unjoni matul il-PIR.

(65)

L-investigazzjoni wriet li l-importazzjonijiet ta’ prodotti li huma l-oġġett ta’ dumping bi prezzijiet baxxi mir-RPĊ waqfu milli jaslu fis-suq tal-Unjoni dritt wara l-impożizzjoni tal-miżuri oriġinali fl-2007 u li dawn ma kinux preżenti matul il-perjodu kkunsidrat jew fil-PIR. L-importazzjonijiet mir-RPĊ preżenti fis-suq tal-Unjoni joriġinaw mill-uniku produttur Ċiniż li nstab li ma kienx qed jagħmel dumping fl-investigazzjoni oriġinali. Dan ippermetta lill-industrija tal-Unjoni li tikseb livell għoli ta’ produzzjoni, iżżid il-volum tal-bejgħ tagħha, il-prezz medju tal-bejgħ, is-sehem mis-suq u l-profitabbiltà u biex ittejjeb il-qagħda finanzjarja globali tagħha.

(66)

Huwa għalhekk konkluż li l-industrija tal-Unjoni ma ġarrbitx ħsara materjali matul il-PIR. Minħabba t-tnaqqis fil-konsum u d-deterjorament f’ċerti indikaturi tal-ħsara kif deskritt hawn fuq matul il-PIR, is-sitwazzjoni tal-industrija tal-Unjoni għadha vulnerabbli.

(67)

Għall-valutazzjoni tal-probabbiltà ta’ rikorrenza ta’ ħsara jekk il-miżuri jitħallew jiskadu, l-impatt potenzjali tal-importazzjonijiet Ċiniżi fuq is-suq tal-Unjoni u l-industrija tal-Unjoni kien analizzat skont l-Artikolu 11(2) tar-Regolament Bażiku.

(68)

L-analiżi ffukat fuq l-kapaċità żejda fir-RPĊ u l-imġiba tal-esportaturi Ċiniżi f’swieq ta’ pajjiżi terzi u fis-suq tal-Unjoni.

(69)

Skont l-informazzjoni miġbura u vverifikata matul l-investigazzjoni, huwa stmat li madwar 100 000 tunnellata ta’ kapaċità ta’ produzzjoni għall-prodott ikkonċernat huwa disponibbli fiċ-Ċina. Barra minn hekk, hemm diversi produtturi żgħar mifruxa fil-pajjiż li jagħmlu din iċ-ċifra saħansitra ogħla.

(70)

Minħabba n-nuqqas ta’ kooperazzjoni mill-esportaturi Ċiniżi, ma hemm l-ebda dejta disponibbli li tindika l-perċentwal preċiż ta’ din il-kapaċità li hija żejda u li tista’ tintuża biex il-prodott ikkonċernat jiġi esportat lejn is-suq tal-Unjoni. Madankollu, l-investigazzjoni wriet li l-uniku produttur Ċiniż li kkoopera għandu kapaċità żejda ta’ madwar 30 %. L-estrapolazzjoni ta’ din l-informazzjoni lill-kumpaniji Ċiniżi kollha tkun tfisser li bħalissa teżisti kapaċità żejda ta’ aktar minn 30 000 tunnellata fir-RPĊ.

(71)

Fuq il-bażi ta’ dan ta’ hawn fuq, anke jekk il-kumpaniji Ċiniżi ma jaħdmux bil-kapaċità sħiħa tagħhom, 20 000–25 000 tunnellata tal-prodott ikkonċernat ikun disponibbli għall-esportazzjoni fir-RPĊ. Minħabba l-iskoperti magħmula u l-konklużjonijiet milħuqa fil-premessi minn (22) sa (44) ta’ hawn fuq, huwa ċar li f’każ li l-miżuri ma jiġux estiżi, il-kapaċità żejda disponibbli fiċ-Ċina se tkun intiża għall-esportazzjoni tagħha lejn is-suq tal-Unjoni. Dan il-volum tal-esportazzjoni addizzjonali potenzjali għandu jitqies fil-kuntest tal-konsum tal-Unjoni ta’ madwar 25 000–35 000 tunnellata fil-PIR.

(72)

Kif imsemmi fil-premessa (20) hawn fuq, l-investigazzjoni wriet li l-esportazzjonijiet Ċiniżi lejn pajjiżi terzi saru bi prezzijiet li huma l-oġġett ta’ dumping. Barra minn hekk, ir-riżultati ta’ reviżjonijiet ta’ skadenza mwettqa mill-awtoritajiet rilevanti fl-Istati Uniti u fl-Indja waslu għall-konklużjoni li l-miżuri anti-dumping fis-seħħ fuq il-peroxosulphates (persulphates) mir-RPĊ għandhom jiġu estiżi. F’din is-sitwazzjoni huwa mistenni li l-kapaċità ta’ produzzjoni libera tal-esportaturi Ċiniżi se tibda tintuża l-aktar għall-produzzjoni għall-esportazzjoni lejn is-suq tal-Unjoni jekk il-miżuri jitħallew jiskadu. Kif spjegat fil-premessa (32) hawn fuq, minħabba li l-provvista lejn swieq oħrajn ta’ pajjiżi terzi, mhux skont miżuri, diġà hija assigurata minn kumpaniji li huma preżenti f’dawk is-swieq, kwalunkwe kapaċità żejda disponibbli fir-RPĊ x’aktarx tintuża għall-esportazzjoni tal-prodott ikkonċernat lejn is-suq tal-Unjoni.

(73)

B’kunsiderazzjoni tal-prattika tad-dumping tal-imgħoddi mill-esportaturi Ċiniżi li wasslet għall-impożizzjoni tal-miżuri fis-seħħ u l-imġiba ta’ dumping attwali tagħhom f’pajjiżi terzi, jista’ jiġi konkluż li dawn il-volumi ta’ esportazzjonijiet lejn l-Unjoni se jsiru bi prezzijiet li huma l-oġġett ta’ dumping.

(74)

Barra minn hekk, kif imsemmi fil-premessa (23) hawn fuq, hu mfakkar li fis-snin mill-1995 sal-2001, miżuri anti-dumping kienu imposti kontra l-esportazzjoni ta’ peroxosulphates (persulphates) mir-RPĊ. Peress li dawn il-miżuri ma ġewx estiżi, l-importazzjonijiet mir-RPĊ żdiedu minn ftit anqas minn 200 tunnellata fl-2001 għal kważi 10 000 tunnellata fl-2006, u għalhekk ħadu iktar minn 20 % tas-suq tal-Unjoni.

(75)

Fid-dawl tal-iskoperti tal-investigazzjoni, jiġifieri l-kapaċità ta’ riżerva disponibbli fir-RPĊ, il-kontinwazzjoni ta’ dumping Ċiniż lejn pajjiżi terzi, il-kapaċità limitata tal-esportaturi Ċiniżi li jbigħu fis-swieq ta’ pajjiżi terzi ewlenin oħra u l-ħila ppruvata tagħhom biex idawru l-volumi ta’ esportazzjoni lejn is-suq tal-Unjoni, huwa kkunsidrat li r-revoka tal-miżuri tista’ ddgħajjef il-pożizzjoni tal-industrija tal-Unjoni fis-suq prinċipali tagħhom u l-ħsara mġarrba tixref mill-ġdid minħabba importazzjonijiet Ċiniżi probabbli bi prezzijiet li huma l-oġġett ta’ dumping. Ma hemm l-ebda raġuni biex wieħed jemmen li t-titjib tal-prestazzjoni tal-industrija tal-Unjoni minħabba l-miżuri fis-seħħ jibqgħu jew jissaħħu jekk il-miżuri jiġu revokati. Għall-kuntrarju, hemm kundizzjonijiet favorevoli għal bidla probabbli tal-importazzjonijiet Ċiniżi lejn is-suq tal-Unjoni bi prezzijiet li huma l-oġġett ta’ dumping u f’volumi konsiderevoli u li x’aktarx jipperikolaw l-iżviluppi pożittivi li ntlaħqu fis-suq tal-Unjoni matul il-perjodu kkunsidrat. L-importazzjonijiet dumped Ċiniżi li x’aktarx ikunu jistgħu jeżerċitaw pressjoni fuq il-prezzijiet ta’ bejgħ tal-industrija u jġegħluha titlef sehem tas-suq u bħala konsegwenza jkollhom impatt negattiv fuq il-prestazzjoni finanzjarja tal-industrija tal-Unjoni li għadha vulnerabbli skont il-premessa (66) hawn fuq.

(76)

Skont l-Artikolu 21 tar-Regolament bażiku, ġie eżaminat jekk iż-żamma tal-miżuri eżistenti tmurx kontra l-interess tal-Unjoni b’mod ġenerali. Id-determinazzjoni tal-interess tal-Unjoni kienet ibbażata fuq apprezzament tal-interessi differenti involuti, jiġifieri dawk tal-industrija tal-Unjoni, tal-importaturi, u tal-utenti. Il-partijiet interessati kollha ngħataw l-opportunità li jesprimu l-opinjonijiet tagħhom skont l-Artikolu 21(2) tar-Regolament bażiku.

(77)

Minħabba li din l-investigazzjoni hija reviżjoni tal-miżuri eżistenti, hija tippermetti għal evalwazzjoni ta’ kwalunkwe impatt negattiv tal-miżuri anti-dumping eżistenti fuq il-partijiet interessati.

(78)

Ġie konkluż fil-premessa (70) hawn fuq li l-industrija tal-Unjoni aktarx tesperjenza deterjorazzjoni serja tas-sitwazzjoni tagħha fil-każ li l-miżuri anti-dumping jitħallew jiskadu. Għalhekk, il-kontinwazzjoni tal-miżuri tibbenefika lill-industrija tal-Unjoni minħabba li l-produtturi tal-Unjoni għandhom ikunu kapaċi jżommu l-volumi tagħhom tal-bejgħ, is-sehem fis-suq, il-profittabbiltà u s-sitwazzjoni ekonomika pożittiva ġenerali tagħha. B’kuntrast, il-waqfien tal-miżuri jheddu serjament il-vijabbiltà tal-industrija tal-Unjoni għax ikun hemm raġunijiet biex wieħed jistenna bidla tal-importazzjonijiet Ċiniżi lejn is-suq tal-Unjoni bi prezzijiet li huma l-oġġett ta’ dumping u f’volumi konsiderevoli li jikkawżaw rikorrenza ta’ ħsara.

(79)

L-ebda mill-44 utent ikkuntattjat ma wieġeb għall-kwestjonarju jew ikkoopera. L-utenti ma kkooperawx fl-investigazzjoni oriġinali wkoll. Fin-nuqqas ta’ interess minn utenti, ġie konkluż li miżuri ma jkunux kontra l-interess tal-utenti biex jinżammu. Barra minn hekk, l-investigazzjoni żvelat li l-impatt tal-prodott ikkonċernat fuq l-ispejjeż tal-prodotti li jiġu wara fil-katina tas-suq hija pjuttost marġinali u ż-żamma tal-miżuri mhix se jkollha impatt negattiv fuq l-industrija tal-utenti. L-investigazzjoni żvelat ukoll li minħabba n-natura tal-prodott kif ukoll minħabba d-diversi sorsi ta’ provvisti disponibbli fis-suq, l-utenti jistgħu faċilment jibdlu l-fornitur.

(80)

L-ebda mill-14-il importatur ikkuntattjat ma wieġeb għall-kwestjonarju jew ikkoopera. L-importaturi ma kkooperawx fl-investigazzjoni oriġinali wkoll. Fin-nuqqas ta’ interess mill-importaturi, ġie konkluż li ma jkunx kontra l-interess tal-utenti biex jinżammu l-miżuri. L-investigazzjoni wriet li l-importaturi jistgħu faċilment jixtru minn sorsi differenti li huma attwalment disponibbli fis-suq, b’mod partikolari mill-industrija tal-Unjoni, l-esportaturi tal-Istati Uniti u l-esportaturi Ċiniżi li jbiegħu bi prezzijiet li mhumiex oġġett ta’ dumping.

(81)

Meta jitqies dan ta’ hawn fuq, huwa konkluż li ma hemmx raġunijiet konvinċenti ta’ interess għall-Unjoni kontra ż-żamma tal-miżuri anti-dumping attwali.

(82)

Il-partijiet kollha ġew mgħarrfa bil-fatti u l-kunsiderazzjonijiet essenzjali li abbażi tagħhom kien maħsub li jiġi rakkomandat li jinżammu l-miżuri eżistenti. Ingħataw ukoll perjodu biex jissottomettu kummenti wara dak l-iżvelar. Is-sottomissjonijiet u l-kummenti ngħataw il-kunsiderazzjoni dovuta fejn kien ġustifikat.

(83)

Minn dan isegwi li, kif provdut fl-Artikolu 11(2) tar-Regolament bażiku, il-miżuri anti-dumping applikabbli għall-importazzjonijiet ta’ peroxosulphates (persulphates) li joriġinaw fir-RPĊ, imposti bir-Regolament (KE) Nru 1184/2007, għandhom jinżammu.

(84)

Sabiex jiġu minimizzati r-riskji ta’ evażjoni minħabba d-differenza għolja fir-rati tad-dazju, huwa kkunsidrat li huma meħtieġa miżuri speċjali f’dan il-każ biex jiżguraw l-applikazzjoni xierqa tad-dazji anti-dumping. Dawn il-miżuri speċjali, li japplikaw għal kumpaniji li għalihom tkun introdotta rata individwali tad-dazju, jinkludu dan li ġej: il-preżentazzjoni lill-awtoritajiet tad-dwana tal-Istati Membri ta’ fattura kummerċjali valida, li għandha tkun konformi mar-rekwiżiti stabbiliti fl-Anness ta’ dan ir-Regolament. L-importazzjonijiet li ma jkunux akkumpanjati b’tali fattura gћandhom ikunu suġġetti gћad-dazju tal-anti-dumping residwu li japplika gћall-produtturi l-oћra kollha,

17.12.2013   

MT

Il-Ġurnal Uffiċjali tal-Unjoni Ewropea

L 338/23

(1)

Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa għall-2013 l-opportunitajiet tas-sajd disponibbli fl-ilmijiet tal-UE u, għall-bastimenti tal-UE, f’ċerti ilmijiet mhux tal-UE għal ċerti stokkijiet tal-ħut u gruppi ta’ stokkijiet ta’ ħut li huma suġġetti għal negozjati jew ftehimiet internazzjonali (2), jistabbilixxi l-kwoti għall-2013.

(2)

Skont l-informazzjoni li waslet għand il-Kummissjoni, il-qabdiet tal-istokk li hemm referenza għalihom fl-Anness ta’ dan ir-Regolament li saru minn bastimenti li jtajru l-bandiera tal-Istat Membru li hemm referenza għalih hemmhekk jew li huma rreġistrati fih, eżawrew il-kwota allokata għall-2013.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

17.12.2013   

MT

Il-Ġurnal Uffiċjali tal-Unjoni Ewropea

L 338/25

(1)

Ir-Regolament tal-Kunsill (UE) Nru 39/2013 tal-21 ta’ Jannar 2013 li jiffissa għall-2013, l-opportunitajiet tas-sajd disponibbli għall-bastimenti tal-UE għal ċerti stokkijiet tal-ħut u għal ċerti gruppi ta’ stokkijiet tal-ħut li mhumiex suġġetti għal negozjati jew ftehimiet internazzjonali (2), jistabbilixxi l-kwoti għall-2013.

(2)

Skont l-informazzjoni li waslet għand il-Kummissjoni, il-qabdiet tal-istokk li hemm referenza għalihom fl-Anness ta’ dan ir-Regolament li saru minn bastimenti li jtajru l-bandiera tal-Istat Membru li hemm referenza għalih hemmhekk jew li huma rreġistrati fih, eżawrew il-kwota allokata għall-2013.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

17.12.2013   

MT

Il-Ġurnal Uffiċjali tal-Unjoni Ewropea

L 338/27

(1)

Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa għall-2013 l-opportunitajiet tas-sajd disponibbli fl-ilmijiet tal-UE u, għall-bastimenti tal-UE, f’ċerti ilmijiet mhux tal-UE għal ċerti stokkijiet tal-ħut li huma suġġetti għal negozjati (2), jistabbilixxi l-kwoti għall-2013.

(2)

Skont l-informazzjoni li waslet għand il-Kummissjoni, il-qabdiet tal-istokk li hemm referenza għalihom fl-Anness għal dan ir-Regolament li saru minn bastimenti li jtajru l-bandiera tal-Istat Membru li hemm referenza għalih hemmhekk jew li huma rreġistrati fih, eżawrew il-kwota allokata għall-2013.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

17.12.2013   

MT

Il-Ġurnal Uffiċjali tal-Unjoni Ewropea

L 338/29

(1)

Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa għall-2013 l-opportunitajiet tas-sajd disponibbli fl-ilmijiet tal-UE u, għall-bastimenti tal-UE, f’ċerti ilmijiet mhux tal-UE għal ċerti stokkijiet tal-ħut u gruppi ta’ stokkijiet ta’ ħut li huma suġġetti għal negozjati jew ftehimiet internazzjonali (2), jistabbilixxi l-kwoti għall-2013.

(2)

Skont l-informazzjoni li waslet għand il-Kummissjoni, il-qabdiet tal-istokk li hemm referenza għalihom fl-Anness ta’ dan ir-Regolament li saru minn bastimenti li jtajru l-bandiera tal-Istat Membru li hemm referenza għalih hemmhekk jew li huma rreġistrati fih, eżawrew il-kwota allokata għall-2013.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

17.12.2013   

MT

Il-Ġurnal Uffiċjali tal-Unjoni Ewropea

L 338/31

(1)

Ir-Regolament tal-Kummissjoni (KEE) Nru 2568/91 (2) jiddefinixxi l-karatteristiċi kimiċi u organolettiċi taż-żejt taż-żebbuġa u ż-żejt mir-residwi taż-żebbuġ u jistabbilixxi l-metodi għall-valutazzjoni ta’ dawk il-karatteristiċi. Dawk il-metodi u l-valuri ta’ limitu għall-karatteristiċi taż-żjut għandhom jiġu aġġornati abbażi tal-opinjoni tal-esperti kimiċi u skont il-ħidma mwettqa fi ħdan il-Kunsill Internazzjonali taż-Żebbuġ (l-IOC).

(2)

Sabiex tiġi żgurata l-implimentazzjoni fil-livell tal-Unjoni tal-aktar standards internazzjonali riċenti li ġew stabbiliti mill-IOC, ċerti metodi ta’ analiżi u ċerti valuri ta’ limitu għall-karatteristiċi taż-żjut stabbiliti fir-Regolament (KEE) Nru 2568/91 għandhom jiġu aġġornati.

(3)

Għalhekk, il-valuri ta’ limitu għall-istigmastadini, ix-xama’, l-aċidu miristiku u l-esteri tal-alkil tal-aċidi xaħmin għandhom jiġu adattati u ċerti dijagrammi tad-deċiżjonijiet li jintużaw biex jiġi vverifikat jekk kampjun taż-żejt taż-żebbuġa jkunx konsistenti mal-kategorija ddikjarata jew le għandhom jiġu emendati kif xieraq. Għandhom jiddaħħlu dijagrammi tad-deċiżjonijiet għall-kampesterol u d-delta-7-stigmastenol flimkien ma’ parametri aktar restrittivi sabiex jiġi ffaċilitat il-kummerċ u tiġi żgurata l-awtentiċità taż-żejt taż-żebbuġa sabiex jitħarsu l-konsumaturi. Il-metodu tal-analiżi marbut mal-kompożizzjoni u l-kontenut tal-isteroli u mal-istabbiliment tal-konċentrazzjoni ta’ eritrodiol u uvaol għandu jinbidel b’metodu aktar affidabbli li jkopri wkoll id-dialkoħol tat-triterpen. Huwa xieraq ukoll li tiġi analizzata mill-ġdid il-valutazzjoni organolettika taż-żejt taż-żebbuġa u li jiddaħħal metodu li jippermetti li tiġi nnutata l-preżenza ta’ żjut veġetali barranin fiż-żjut taż-żebbuġa.

(4)

Fid-dawl tal-iżviluppi marbutin mal-proċeduri tal-verifiki tal-konformità taż-żjut, il-metodu tat-teħid tal-kampjuni taż-żejt taż-żebbuġa u taż-żjut mir-residwi taż-żebbuġ għandu jiġi adattat kif xieraq.

(5)

Għalhekk, ir-Regolament tal-Kummissjoni (KEE) Nru 2568/91 għandu jiġi emendat kif xieraq.

(6)

Sabiex jitħalla perjodu taż-żmien għall-aġġustament mar-regoli l-ġodda, u biex jingħata żmien biex jiddaħħlu l-mezzi għall-applikazzjoni tagħhom u jiġi evitat li jiġu ddisturbati t-tranżazzjonijiet kummerċjali, l-emendi li jsiru permezz ta’ dan ir-Regolament għandhom japplikaw mill-1 ta’ Marzu 2014. Għall-istess raġunijiet, għandhom isiru dispożizzjonijiet biex iż-żejt taż-żebbuġa u ż-żjut mir-residwi taż-żebbuġ li jiġu mmanifatturati u ttikkettati legalment fl-Unjoni jew li jiddaħħlu legalment fl-Unjoni u jiġu rrilaxxati għaċ-ċirkulazzjoni ħielsa qabel dik id-data jkunu jistgħu jiġu kkummerċjalizzati sa ma jispiċċaw il-ħażniet kollha.

(7)

Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

L-Artikolu 2 għandu jinbidel b’dan li ġej:

“Artikolu 2

1.   Il-karatteristiċi taż-żjut stabbiliti fl-Anness I għandhom jiġu stabbiliti skont il-metodi ta’ analiżi li ġejjin:

Sabiex tiġi nnutata l-preżenza ta’ żjut veġetali barranin fiż-żjut taż-żebbuġa, għandu jintuża l-metodu ta’ analiżi stabbilit fl-Anness XXa.

2.   L-awtoritajiet nazzjonali jew ir-rappreżentanti tagħhom għandhom iwettqu l-verifika tal-karatteristiċi organolettiċi taż-żjut taż-żebbuġa verġni permezz ta’ bordijiet li jduqu ż-żjut approvati mill-Istati Membri.

Il-karatteristiċi organolettiċi taż-żejt imsemmija fl-ewwel subparagrafu għandhom jitqiesu li jkunu konformi mal-kategorija ddikjarata jekk il-bord approvat mill-Istat Membru jikkonferma din il-klassifikazzjoni.

Jekk il-bord ma jikkonfermax il-kategorija tal-karatteristiċi organolettiċi ddikjarata, l-awtoritajiet nazzjonali jew ir-rappreżentanti tagħhom għandhom iwettqu żewġ kontrovalutazzjonijiet permezz ta’ bordijiet approvati oħrajn mingħajr dewmien, fuq talba tal-parti kkonċernata, u mill-inqas waħda minn dawn il-kontrovalutazzjonijiet trid titwettaq minn bord li jkun approvat mill-Istat Membru kkonċernat fejn ikun ġie prodott iż-żejt. Il-karatteristiċi kkonċernati għandhom jitqiesu li jkunu konformi mal-karatteristiċi ddikjarati jekk iż-żewġ kontrovalutazzjonijiet jikkonfermaw il-klassifika ddikjarata. Jekk dan ma jkunx il-każ, il-parti interessata jkollha tħallas l-ispejjeż tal-kontrovalutazzjonijiet.

3.   Meta l-awtoritajiet nazzjonali jew ir-rappreżentanti tagħhom iwettqu l-verifiki tal-karatteristiċi organolettiċi kif previst fil-paragrafu 1, il-kampjuni għandhom jittieħdu skont l-istandards internazzjonali EN ISO 661 u EN ISO 5555 għat-tħejjija tal-kampjuni għat-testijiet u għat-teħid tal-kampjuni rispettivament. Madankollu, minkejja l-punt 6.8 tal-istandard EN ISO 5555, fil-każ tal-lottijiet tat-tali żjut f’pakketti għall-konsum, il-kampjun għandu jittieħed skont l-Anness Ia ta’ dan ir-Regolament. Fil-każ taż-żjut bl-ingrossa li għalihom il-kampjuni ma jistgħux jittieħdu skont l-istandard EN ISO 5555, il-kampjuni għandhom jittieħdu skont l-istruzzjonijiet mogħtija mill-awtorità kompetenti tal-Istat Membru.

Mingħajr ħsara għall-istandard EN ISO 5555 u għall-Kapitolu 6 tal-istandard EN ISO 661, il-kampjuni meħudin għandhom jitpoġġew kemm jista’ jkun malajr f’post fid-dlam’ il bogħod mis-sħana qawwija u għandhom jintbagħtu lil-laboratorju għall-analiżi mhux aktar tard mill-ħames jum tax-xogħol wara li jittieħdu, inkella l-kampjuni għandhom jinżammu b’tali mod li ma tonqosx il-kwalità tagħhom jew li ma jsofrux ħsara waqt it-trasport jew il-ħażna qabel ma jintbagħtu lil-laboratorju.

4.   Għall-għanijiet tal-verifika prevista fil-paragrafu 3, fil-każ tal-prodotti fil-pakketti, l-analiżi msemmija fl-Annessi II, III, IX, XII u XX u, fejn ikun applikabbli, kull kontroanaliżi meħtieġa skont il-liġijiet nazzjonali, għandha titwettaq qabel id-data minima tad-durabbiltà. Fil-każ tat-teħid ta’ kampjuni taż-żjut bl-ingrossa, dawn l-analiżi għandhom jitwettqu mhux aktar tard minn sitt xhur wara x-xahar li fih ikun ittieħed il-kampjun.

M’għandu japplika l-ebda limitu taż-żmien għall-analiżi l-oħra previsti f’dan ir-Regolament.

Sakemm il-kampjun ma jkunx ittieħed inqas minn xahrejn qabel id-data minima tad-durabbiltà, jekk ir-riżultati tal-analiżi ma jkunux jaqblu mal-karatteristiċi tal-kategorija taż-żejt taż-żebbuġa jew taż-żejt mir-residwi taż-żebbuġ iddikjarata, il-parti kkonċernata għandha tiġi nnotifikata b’dan mhux aktar tard minn xahar qabel ma jintemm il-perjodu stabbilit fl-ewwel subparagrafu.

5.   Sabiex jiġu stabbiliti l-karatteristiċi taż-żjut taż-żebbuġa bil-metodi previsti fl-ewwel subparagrafu tal-paragrafu 1, ir-riżultati tal-analiżi għandhom jitqabblu direttament mal-limiti stabbiliti f’dan ir-Regolament.”

(2)

L-Anness I għandu jinbidel bit-test mogħti fl-Anness I ta’ dan ir-Regolament.

(3)

L-Anness Ia għandu jinbidel bit-test mogħti fl-Anness II ta’ dan ir-Regolament.

(4)

L-Anness Ib għandu jinbidel bit-test mogħti fl-Anness III ta’ dan ir-Regolament.

(5)

L-Anness V għandu jinbidel bit-test mogħti fl-Anness IV ta’ dan ir-Regolament.

(6)

L-Anness VI għandu jitħassar.

(7)

L-Anness XII għandu jinbidel bit-test mogħti fl-Anness V ta’ dan ir-Regolament.

(8)

L-Anness XXa, li t-test tiegħu huwa mogħti fl-Anness VI ta’ dan ir-Regolament, għandu jiżdied wara l-Anness XX.