ANNESS

Prodotti agrikoli maħsuba għall-konsum mill-bniedem elenkati fl-Anness I tat-Trattat:

Klassi 1.6.   Frott, ħaxix u ċereali, friski jew ipproċessati

IR-RENJU UNIT

Pembrokeshire Earlies/Pembrokeshire Early Potatoes (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.5.   Żjut u xaħmijiet (butir, marġerina, żjut, eċċ.)

SPANJA

Aceite Sierra del Moncayo (AOP)

ANNESS

Prodotti agrikoli maħsuba għall-konsum mill-bniedem elenkati fl-Anness I tat-Trattat:

Klassi 1.2.   Prodotti tal-laħam (imsajra, immelħa, iffumigati, eċċ.)

SPANJA

Cordero Segureño (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.1.   Laħam frisk (u l-ġewwieni)

FRANZA

Dinde de Bresse (DPO)

ANNESS

Prodotti agrikoli maħsuba għall-konsum mill-bniedem elenkati fl-Anness I tat-Trattat:

Klassi 1.6. –   Frott, ħaxix u ċereali friski jew ipproċessati

L-ITALJA

Ciliegia di Marostica (IĠP)

ANNESS I

Fl-ispeċifikazzjonijiet tad-denominazzjoni ta’ oriġini protetta “Fourme de Montbrison”, l-emenda li ġejja hija approvata:

1.   Intestatura II “Deskrizzjoni tal-prodott”

—

Id-deskrizzjoni organolettika li ġejja tissupplimenta d-deskrizzjoni tal-prodott: “Il- Fourme de Montbrison għandu kompożizzjoni omoġenja, kemxejn iebsa u li ddub fil-ħalq. Għandu riħa fina u tfuħ, togħma ta’ prodott tal-ħalib bil-frott b’karattru ta’ ġobon tat-tursina sottili li jagħtih ċerta ħlewwa. Tikka mluħa u qrusa ħafifa huma aċċettati.”. Din id-deskrizzjoni hija utli għall-eżami organolettiku tal-prodott fil-qafas tal-kontroll.

—	Huwa ppreċiżat li “Il-qtugħ tal-Fourme de Montbrison huwa awtorizzat jekk dan ma jiżnaturax il-kompożizzjoni tiegħu. Il-preżenza tal-qoxra hija obbligatorja għall-porzjonijiet b’toqol ta’ aktar minn 50 gramma.”.

Meta jitqies l-iżvilupp kostanti fil-modi ta’ konsum tal-ġobon, din id-dispożizzjoni tiffissa qafas sabiex jiġu evitati derivattivi f’termini tat-tip ta’ qtugħ.

2.   Intestatura IV “Prova tal-oriġini”

2.1.   Subintestatura IV.1 “Obbligi dikjarattivi”

—	Huwa ppreċiżat li d-dikjarazzjoni ta’ identifikazzjoni “issir skont mudell ivvalidat mid-Direttur tal-Istituzzjoni nazzjonali tal-oriġini u tal-kwalità”.

Huma previsti dikjarazzjonijiet preliminari għan-nuqqas ta’ intenzjoni ta’ produzzjoni u għall-issoktar tal-produzzjoni li jippermettu segwitu preċiż għall-operaturi li jkunu jixtiequ jirtiraw momentarjament id-denominazzjoni tal-oriġini.

Il-kontenut u l-modalitajiet tat-trażmissjoni tad-dikjarazzjonijiet meħtieġa għall-għarfien u s-segwitu tal-prodotti huma ddettaljati, għal kull kategorija ta’ operatur ikkonċernat.

Dawn l-emendi huma marbuta mar-riforma tas-sistema ta’ kontroll tad-denominazzjonijiet ta’ oriġini li ddaħħlet bil-liġi tad-digriet Nru 2006-1547 tas-7 ta’ Diċembru 2006 dwar il-valorizzazzjoni tal-prodotti agrikoli, tal-foresti jew tal-ikel u tal-prodotti tal-baħar.

2.2.   Subintestatura IV.2 “Reġistri”

—	Il-lista ta’ reġistrazzjonijiet li l-operaturi għandhom iwettqu hija kkompletata sabiex jiġi ffaċilitat il-kontroll tal-kundizzjonijiet ta’ produzzjoni ddefiniti mill-ispeċifikazzjonijiet.

2.3.   Subintestatura IV.3 “Kontroll tal-prodotti”

—	L-istadju meta jsir l-eżami organolettiku tal-prodott u l-metodu tat-teħid tal-kampjuni huma ppreċiżati. Dawn il-modalitajiet huma sussegwentement inklużi fil-pjan ta’ kontroll jew ta’ spezzjoni tad-denominazzjoni ta’ oriġini mfassal minn korp ta’ kontroll.

3.   Intestatura V “Metodu ta’ ksib”

3.1.   Subintestatura V.1 “Produzzjoni tal-ħalib”

—

Il-merħla li tipproduċi l-ħalib hija ddefinita. Din tikkonsisti fi “il-baqar tal-ħalib u l-erieħ ta’ tiġdid kollha preżenti fl-impriża agrikola”, waqt l huwa mifhum li “il-baqar tal-ħalib huma l-annimali li jkunu qegħdin jipproduċu l-ħalib u dawk xotti”, waqt li “l-erieħ huma l-annimali bejn il-fażi tal-ftim sakemm iwelldu”. Din id-definizzjoni hija intiża biex tistabbilixxi b’mod ċar għal liema annimali qiegħda ssir referenza bl-użu tat-termini “merħla li tipproduċi l-ħalib”, “baqar tal-ħalib” u “erieħ” fil-kumplament tal-ispeċifikazzjonijiet, sabiex tiġi evitata kwalunkwe konfużjoni.

—	Fil-punt V.1.a, il-modalitajiet dwar id-deroga temporanja mill-provenjenza tar-razzjon bażiku tal-baqar tal-ħalib f’każ ta’ perjodi ta’ nixfa, temp mhux mistenni jew ċirkostanzi eċċezzjonali oħrajn huma rtirati.

—	Fil-punt V.1.a, huwa ppreċiżat li t-tieni paragrfu jikkonċerna r-razzjon bażiku u li l-kruċiferi huma esklużi bħala għalf. Dawn il-preċiżjonijiet huma intiżi biex tiġi evitata kull ambigwità fit-test.

—

Fil-punt V.1.a, is-sentenza “Il-parti tal-ħaxix mikula mill-mergħa, fil-forma ta’ tiben, qabel ma jsir tiben, marbut b’qafla jew maħżun f’silo, espress bħala materjal niexef, huwa ta’ aktar minn, jew ekwivalenti għal, 80 % tal-għalf tar-razzjon bażiku tal-baqar tal-ħalib, bħala medja għall-baqar tal-ħalib kollha u fuq sena” tissostitwixxi s-sentenza “Il-ħaxix mikul mill-mergħa, fil-forma ta’ tiben, qabel ma jsir tiben jew mis-silo għandu jkun il-bażi tal-alimentazzjoni”. Il-proporzjon ta’ ħaxix fir-razzjon bażiku b’hekk huwa ppreċiżat b’mod ċar, kif ukoll l-annimali li għalihom japplika u l-iskala ta’ żmien ikkonċernata, li għandu jiffaċilita l-kontrolli. Din id-dispożizzjoni tixħet dawl fuq l-importanza tal-alimentazzjoni b’bażi ta’ ħaxix fid-denominazzjoni ta’ oriġini “Fourme de Montbrison”.

—

Fil-punt V.1.a, is-sentenza “Is-sehem ta’ qamħirrum mis-silo, espress bħala materjal niexef, ma għandux jaqbeż l-20 % tar-razzjon bażiku tal-baqar tal-ħalib, bħala medja għall-baqar tal-ħalib kollha u fuq sena” tissostitwixxi s-sentenza “Is-sehem ta’ qamħirrum mis-silo, espress bħala materjal niexef, ma għandux jaqbeż l-20 % tar-razzjon ta’ kuljum, bħala medja għall-merħla u fuq sena”. Il-limitazzjoni tal-kwantità ta’ qamħirrum b’hekk tapplika għar-razzjon bażiku u mhux għar-razzjon totali u tieħu f’kunsiderazzjoni biss il-baqar tal-ħalib.

Dik id-dispożizzjoni hija ssupplimentata bis-sentenzi “Fi ħdan il-merħla li tipproduċi l-ħalib, il-konsum tal-pjanta tal-qamħirrum sħiħa mis-silo huwa rriżervat għall-erieħ li deħlin fl-aħħar xahar tagħhom ta’ ġestazzjoni u għall-baqar tal-ħalib” u “L-akkumulazzjoni, fir-razzjon ta’ kuljum tal-baqar tal-ħalib, tal-pjanta tal-qamħirrum sħiħa (friska jew mis-silo) ma’ ħbub tal-qamħirrum jew ma’ miżwed ikkonservat fl-umdità hija pprojbita”. Il-preċiżjoni tal-annimali li jistgħu jirċievu qamħirrum mis-silo tiffaċilita l-kontroll tal-parti tal-qamħirrum mis-silo li realment tingħata lill-baqar tal-ħalib. Il-projbizzjoni tal-akkumulazzjoni tal-pjanta sħiħa tal-qamħirrum flimkien ma’ ħbub tal-qamħirrum jew ma’ miżwed ikkonservat fl-umdità hija intiża wkoll biex tillimita s-sehem tal-qamħirrum fl-alimentazzjoni tal-baqar tal-ħalib, b’mod partikolari f’forma ffermentata.

Dawn id-dispożizzjonijiet kolha huma intiżi, minn naħa waħda, biex jiffavorixxu l-ħaxix fl-alimentazzjoni tal-baqar tal-ħalib, u min-naħa l-oħra biex jiffaċilitaw il-kontroll b’referenzi aktar preċiżi għall-annimali u l-perjodi kkonċernati.

—	Fil-punt V.1.a, id-dispożizzjoni dwar is-sehem tat-tiben barra mill-perjodu tar-ragħa hija rriżervata għall-baqar tal-ħalib: għal finijiet ta’ koerenza, il-kontroll ta’ dik id-dispożizzjoni ssir fuq il-baqar tal-ħalib kollha u mhux fuq il-merħla li tipproduċi l-ħalib.

—	Fil-punt V.1.b, għal aktar preċiżjoni, huwa indikat li l-projbizzjoni tat-trobbija fi stalel permanenti esklużivi u t-trobbija mhux fuq il-ħamrija tikkonċerna l-baqar tal-ħalib.

—	Fil-punt V.1.b, huwa ppreċiżat perjodu minimu ta’ ragħa ta’ 150 jum fis-sena għall-baqar tal-ħalib. Din il-kundizzjoni ssaħħaħ is-sehem tar-ragħa fl-alimentazzjoni tal-baqar tal-ħalib u tiffaċilita l-kontroll u l-obbligu tar-ragħa.

—

Fil-punt V.1.b, sentenza speċifika dwar it-tagħlif fin-natura tawtorizza dik il-prattika għall-baqar tal-ħalib, bil-ħaxix provenjenti miż-żona ġeografika u l-kumplament mir-ragħa. Dan b’hekk jippermetti li jitqies bħala għalf frisk il-ħaxix minn pakketti ta’ raba’ wisq ‘il bogħod mill-maħleb biex ikunu jistgħu jittieħdu hemmhekk il-baqar tal-ħalib.

—	Fil-punt V.1.b, iddaħħlet limitazzjoni għat-tagħbija tal-impriża agrikola sabiex tikkontribwixxi biex tafferma t-tmexxija estensiva tal-impriżi li jipproduċu l-ħalib fid-denominazzjoni ta’ oriġini “Fourme de Montbrison”.

—	Fil-punt V.1.c, iddaħħlet limitazzjoni fis-sehem tas-supplimenti u l-addittivi għal massimu ta’ 1 800 kg materjal niexef għal kull baqra tal-ħalib u fis-sena. Din id-dispożizzjoni b’hekk tiffavorixxi alimentazzjoni minn għalf li jikkostitwixxi razzjon bażiku, li jiġi miż-żona ġeografika.

—	Fil-punt V.1.c, il-materji primi li issa huma awtorizzati fis-supplimenti mogħtija lill-baqar tal-ħalib u l-addittivi awtorizzati issa huma s-suġġetti ta’ żewġ listi pożittivi distinti, għal aktar ċarezza.

Il-lista pożittiva ta’ materja prima awtorizzata fis-supplimenti mogħtija lill-baqar tal-ħalib hija kkompletata bil-prodotti tal-ħbub tal-qamħirrum; il-prodotti dderivati taż-żrieragħ oleaġinużi, mingħajr iż-żieda ta’ urea; il-prodotti dderivati tal-frott oleaġinużi, mingħajr żieda ta’ urea, bl-eċċezzjoni ta’ żjut u xaħmijiet veġetali u mwieżaq u qxur tal-kawkaw; il-prodotti dderivati minn żrieragħ leguminużi; u l-prodotti sekondarji tal-fermentazzjoni ta’ mikroorganiżmi li ċ-ċelluli tagħhom ikunu ġew inattivati jew maqtula, minbarra l-prodotti miksuba mill-bijomassa ta’ mikroorganiżmi speċifiċi kkultivati fuq substrati ddeterminati u minbarra l-vinass. It-termini “iċ-ċereali kollha u l-prodotti sekondarji tagħhom”, “il-polpi tal-pitravi deżidratati”, “il-molassi”, “iż-żrieragħ proteaġinużi” u “il-melħ, il-minerali” huma ssostitwiti rispettivament mit-termini “il-ħbub kollha taċ-ċereali u l-prodotti derivati tagħhom”, “il-polpi tal-pitrava mnixxfa”, “il-molassi”, “iż-żrieragħ tal-leguminużi” u “il-minerali u prodotti dderivati”. It-termini “l-espellenti mingħajr żieda ta’ urea” tneħħew għaliex dawn il-prodotti jagħmlu parti mill-prodoti dderivati taż-żrieragħ jew il-frott oleaġinużi, mingħajr żieda ta’ urea. Huwa ppreċiżat ukoll li l-imwieżaq tal-qamħirrum jistgħu jiġu kkonservati b’mod niexef jew umdu. Dawn il-materji primi ma għandhomx impatt fuq il-kwalità tal-prodott.

L-użu tas-soder għat-trattament taċ-ċereali u s-subprodotti tagħhom huwa pprojbit għaliex din ma hijiex prattika tradizzjonali.

Il-lista pożittiva ta’ addittivi hija ssostitwita bil-frażi “Kull addittiv intiż biex jimmodifika direttament il-kompożizzjoni tal-ħalib huwa pprojbit.” u telenka b’mod eżawrjenti l-kategoriji u l-gruppi funzjonali ta’ addittivi awtorizzati, waqt li tirrispetta t-terminoloġija regolatorja. Din l-emenda hija intiża biex tiġi evitata kull ambigwità jew interpretazzjoni matul il-kontrolli.

—	Fil-punt V.1.e, dispożizzjoni li tipprojbixxi l-OĠM fl-alimentazzjoni tal-annimali u l-kultivazzjonijiet tal-impriża agrikola hija miżjuda, sabiex jinżamm il-karattru tradizzjonali tal-alimentazzjoni.

3.2.   Subintestatura V.3 “Ipproċessar”

—

Fil-lista pożittiva ta’ ingredjenti jew supplimenti tal-produzzjoni jew addittivi awtorizzati fil-ħalib jew matul il-produzzjoni, it-termini “kultivazzjonijiet inoffensivi ta’ batterja, ħmira, moffa” huma ssostitwiti bit-termini “kultivazzjonijiet ta’ batterja, ħmira u moffa li l-innokwità tagħhom tkun ippruvata”, għal aktar preċiżjoni.

—

Il-paragrafu “Id-diversi stadji li jseħħu wara l-qtugħ tal-“coagulum jew baqta’”, it-tħawwid, is-serħan tal-baqta’, għafis ħafif, it-tmelliħ fil-massa tal-baqta’, it-tqegħid fil-forma, l-iskular, it-tqegħid f’gandotti. Dawn huma ddefiniti fil-paragrafi segwenti:” tneħħiet għaliex kull stadju elenkat f’dan il-paragrafu huwa deskritt individwalment fil-kumplament tal-ispeċifikazzjonijiet.

—	It-tagħfis ħafif tal-baqta’ waqt li tkun qiegħda tistrieħ qabel it-tfarrik issa huwa fakultattiv. Din il-prattika fil-fatt ma hijiex indispensabbli fl-iskema teknoloġika tal-produzzjoni, inkwantu l-estratt niexef finali jirrispetta dak impost mill-ispeċifikazzjonijiet.

—

Is-sentenza “Il-baqta’ sussegwentement titfarrak, tiġi mmellħa fil-massa u titpoġġa f’forma” hija fformulata mill-ġdid skont kif ġej: “Il-baqta’ sussegwentement titfarrak u tiġi mmellħa fil-massa, sa mhux aktar tard mill-mument tat-tqegħid fil-forma”. Il-formulazzjoni b’hekk hija aktar espliċita dwar il-mument meta jsir it-tmelliħ.

—	Huwa ppreċiżat li l-iskular fil-kamra jseħħ mingħajr għafis bi qlib li jseħħ wara li l-baqta’ titpoġġa fil-forma, sabiex dan ikun jinftiehem aħjar.

—	Id-durata massima tal-iskular mingħajr għafis tnaqqset minn 24 għal 18-il siegħa. Effettivament, l-iżviluppi f’dawn il-prattiki naqqsu dak it-tul ta’ żmien, mingħajr ma ġiet affettwata l-kwalità tal-ġobon miksub.

—	Is-sentenza “Operazzjoni ta’ tniggiż issir mill-10 jum wara ż-żieda tal-kimożina” tressqet fil-punt V.4, waqt li ġie ppreċiżat li dan jikkonsisti fit-tniggiż tal-ġobon.

3.3.   Subintestatura V.4 “Maturazzjoni u konservazzjoni”

Is-sentenza “Wara t-tniggiż, issir il-maturazzjoni f’kaverna jew kantina b’temperatura li tinżamm bejn 6 °C u 12 °C għal mhux inqas minn ħmistax-il jum b’igrometrija ta’ 90 sa 98 % ta’ umdità relattiva” hija ssostitwita bis-sentenza “Wara l-ħruġ mill-kamra tal-gandotti, u possibbilment tnixxif, issir il-maturazzjoni f’kaverna jew kantina b’temperatura li tinżamm bejn 6 °C u 12 °C għal mhux inqas minn ħmistax-il jum b’igrometrija ta’ 90 sa 98 % ta’ umdità relattiva”, issupplimentata bis-sentenza “Wara t-tniggiż, il-ġobon jiġi mmaturat għal mhux inqas minn 15-il jum f’kaverna jew kantina fil-kundizzjonijiet ta’ temperatura u ta’ igrometrija deskritti hawn fuq”.

Dawn il-preċiżjonijiet fil-formulazzjoni huma intiżi biex jiddeskrivu aħjar il-katina ta’ operazzjonijiet. Effettivament, it-tniggiż ma jsirx qabel id-dħul fil-kaverna, iżda meta l-ġobon ikun diġà fil-kaverna. Jista’ jsir tnixxif bejn il-ħruġ mill-kamra tal-gandotti u d-dħul fil-kaverna. Iż-żmien li jitħalla fil-kaverna huwa ta’ mhux inqas minn 15-il jum li jibda jgħodd mid-data tat-tniggiż.

4.   Intestatura VIII “Tikkettjar”

L-obbligu li titpoġġa r-referenza “denominazzjoni ta’ oriġini kkontrollata” fuq it-tikketta tneħħa u ġie ssostitwit bl-obbligu li jitpoġġa s-simbolu tal-Unjoni Ewropea relatat mad-denominazzjoni ta’ oriġini protetta, sabiex it-tikketta tkun tinqara faċilment u tinħoloq sinerġija fil-komunikazzjoni tal-prodotti rreġistrati DPO.

5.   Intestatura IX “Rekwiżiti nazzjonali”

B’mod konformi mar-riforma nazzjonali tas-sistema ta’ kontroll tad-denominazzjonijiet ta’ oriġini msemmija iktar ‘il fuq, ġiet miżjuda tabella li tippreżenta l-punti prinċipali li għandhom jiġu kkontrollati u l-metodu kif jiġu evalwati.

ANNESS II

DOKUMENT UNIKU KKONSOLIDAT

Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi ud-denominazzjonijiet tal-oriġini għall-prodotti agrikoli u l-oġġetti tal-ikel (1)

“FOURME DE MONTBRISON”

Nru KE: FR-PDO-0105-01014-6.7.2012

IĠP () DPO (X)

1.   Dénominazzjoni

“Fourme de Montbrison”

2.   Stat membru jew pajjiż terz

Franza

3.   Deskrizzjoni tal-prodott agrikolu jew tal-prodott tal-ikel

3.1.   Tip ta’ prodott

Klassi 1.3.

Ġobon

3.2.   Deskrizzjoni tal-prodott bid-denominazzjoni msemmija fil-punt 1

Il-“Fourme de Montbrison” huwa ġobon magħmul mill-ħalib tal-baqra biż-żieda tal-kimożina li huwa ppreżentat fil-forma ta’ ċilindru b’tul ta’ bejn 17 u 21 cm u dijametru ta’ bejn 11,5 u 14,5 cm u b’piż ta’ bejn 2,1 u 2,7 kg, b’polpa bil-vini, mhux ippressat, mhux imsajjar, iffermentat u mmellaħ biż-żieda ta’ melħ mal-baqta’ meta jitpoġġa fil-forma.

Il-kontenut ta’ xaħam huwa ta’ 52 gramma bħala minimu għal kull 100 gramma ta’ ġobon wara tnixxif totali, u l-kontenut bħala materjal niexef ma għandux ikun inqas minn 52 gramma għal 100 gramma ta’ ġobon immaturat.

Il-ġobon jista’ jibda jibbenefika mid-denominazzjoni ta’ oriġini “Fourme de Montbrison” biss mit-tlieta u għoxrin jum mid-data taż-żieda tal-kimożina.

Il-qoxra niexfa u bil-moffa, hija ta’ lewn oranġo u jista’ jkollha moffa bajda, safra u ħamra. Il-polpa, li hija lewn il-krema, għandha ftit fetħiet b’vinitura qisha rħam ta’ lewn ikħal ċar.

Il-“Fourme de Montbrison” għandu kompożizzjoni omoġenja, kemxejn iebsa u li ddub fil-ħalq. Għandu riħa fina u tfuħ, togħma ta’ prodott tal-ħalib bil-frott b’karattru ta’ ġobon tat-tursina sottili li jagħtih ċerta ħlewwa. Tikka mluħa u qrusa ħafifa huma aċċettati.

3.3.   Materji primi (għall-prodotti pproċessati biss)

—

3.4.   Għalf għall-annimali (għall-prodotti ta’ oriġini mill-annimali biss)

Matul is-sena kollha, ir-razzjon bażiku tal-baqar tal-ħalib huwa żgurat esklużivament minn għalf provenjenti miż-żona ġeografika tad-denominazzjoni.

L-ikel awtorizzat fir-razzjon bażiku huwa kull għalf, ħlief għall-kruċiferi fil-forma ta’ għalf.

Is-sehem ta’ ħaxix mikul mill-mergħa, fil-forma ta’ tiben, qabel ma jsir tiben, marbut b’qafla jew mis-silo huwa aktar minn jew daqs 80 % tal-għalf tar-razzjon ta’ bażi tal-baqar tal-ħalib, bħala medja għall-baqar tal-ħalib kollha u fuq sena.

Is-sehem ta’ qamħirrum mis-silo, espress bħala materjal niexef, ma għandux jaqbeż l-20 % tar-razzjon bażiku tal-baqar tal-ħalib, bħala medja għall-baqar tal-ħalib kollha u fuq sena.

Barra mill-perjodu meta jirgħu, it-tiben jirrappreżenta ta’ mill-inqas 3 kg ta’ materjal niexef u kuljum, bħala medja għall-baqar tal-ħalib kollha.

Matul il-perjodu meta jkun disponibbli l-ħaxix, sakemm ikun jippermetti t-temp, huwa impost obbligu li l-baqar tal-ħalib jirgħu. It-tul ta’ dan il-perjodu ma jistax ikun inqas minn 150 jum fis-sena.

L-għoti ta’ supplimenti u addittivi huwa llimitat għal 1 800 kilogramma ta’ materjal niexef bħala massimu għal kull baqra tal-ħalib u fis-sena, bħala medja għall-baqar tal-ħalib kollha.

Huma awtorizzati biss bħala supplimenti u addittivi mogħtija lill-baqar tal-ħalib il-materji prima u l-addittivi ppreċiżati f’lista pożittiva.

3.5.   Stadji speċifiċi tal-produzzjoni li għandhom iseħħu fiż-żona ġeografika delimitata

Il-produzzjoni tal-ħalib, il-maturazzjoni u l-konservazzjoni tal-ġobon għal 32 jum li jibdew jgħoddu mid-data taż-żieda tal-kimożina għandhom iseħħu fi ħdan iż-żona ġeografika.

3.6.   Regoli speċifiċi applikabbli għat-tfettit, tħakkik u tgeżwir, eċċ.

Il-qtugħ tal-“Fourme de Montbrison” huwa awtorizzat jekk dan ma jiżnaturax il-kompożizzjoni tiegħu. Il-preżenza tal-qoxra hija obbligatorja għall-porzjonijiet li l-piż tagħhom ikun ta’ aktar minn 50 gramma.

3.7.   Regoli speċifiċi dwar it-tikkettjar

It-tikketta tal-ġobnijiet li jibbenefikaw mid-denominazzjoni ta’ oriġini “Fourme de Montbrison” tikkonsisti fl-isem tad-denominazzjoni miktub b’ittri ta’ daqs li jkun mill-inqas żewġ terzi ta’ dak tal-akbar ittri fuq it-tikketta u s-simbolu DPO tal-Unjoni Ewropea.

Indipendentement mir-referenza regolamentari applikabbli għal kull ġobon, kull kelma kwalifikattiva miżjuda direttament mal-isem tad-denominazzjoni ta’ oriġini hija pprojbita, ħlief għall-marki tal-manifattura jew tal-kummerċ partikolari.

4.   Deskrizzjoni fil-qosor tad-delimitazzjoni taż-żona ġeografika

Iż-żona ġeografika tal-Fourme de Montbrison testendi għat-territorju li ġej:

Id-département ta’ Loire: il-communes ta’ Bard, Cervières, Chalmazel, La Chamba, La Chambonie, Champoly, Châtelneuf, La Côte-en-Couzan, Écotay-l’Olme, Essertines-en-Châtelneuf, Jeansagnière, Lérigneux, Noirétable, Palogneux, Roche, Saint-Bonnet-le-Courreau, Saint-Didier-sur-Rochefort, Saint-Georges-en-Couzan, Saint-Jean-la-Vêtre, Saint-Julien-la-Vêtre, Saint-Just-en-Bas, Saint-Laurent-Rochefort, Saint-Priest-la-Vêtre, Saint-Romain-d’Urfé, Les Salles, Sauvain, La Valla-sur-Rochefort u Verrières-en-Forez.

Id-département ta’ Puy-de-Dôme: communes ta’ Brugeron, Job, Saint-Anthème, Saint-Pierre-la-Bourlhonne u Valcivières.

5.   Rabta maż-żona ġeografika

5.1.   Speċifiċità taż-żona ġeografika

Fatturi naturali

Iż-żona ġeografika tad-denominazzjoni ta’ oriġini “Fourme de Montbrison” testendi prinċipalment fuq l-“hautes chaumes” li jiffurmaw il-parti tal-quċċata tal-għoljiet ta’ Forez, fil-konfini tad-départements ta’ Loire u ta’ Puy-de-Dôme, kif ukoll fil-parti tal-għoljiet ta’ Forez. Din hija żona semi-muntanjuża (altitudni ta’ 1 634 m fil-quċċata) li hija globalment orjentata tramuntana-nofsinhar, tistrieħ fuq sisien tal-granit u hija mdawra b’limiti naturali. Din tippreżenta pajżaġġ ta’ meded ta’ art muntanjużi u subalpini, li tistruttura pajżaġġ ta’ plateaux imneżżgħin b’għoljiet li l-quċċati tagħhom huma tondi u ħelwin, iċċirkondati b’art li xxeqleb b’foresti ta’ siġar partikolarment tar-raża. Wieħed isib hawnhekk għadd kbir ta’ artijiet bil-pit u mergħat. Ir-rata ta’ nżul ta’ xita hija relattivament sostanzjali (aktar minn 1 000 mm fis-sena bħala medja). Il-klima hija soġġetta għal influwenza oċeanika u kontinentali. It-temperaturi annwali medji b’hekk huma pjuttost kesħin, inqas minn 10 °C u spiss inqas minn 5 °C. Ix-xtiewi huma twal u kesħin, u spiss jagħmel is-silġ.

Minħabba l-altitudni u r-rata għolja ta’ xita, il-produzzjoni tal-għalf hija bbażata essenzjalment fil-mergħat permanenti.

Fatturi umani

Il-produzzjoni tal-“Fourme de Montbrison” tmur lura għaż-żminijiet tal-bidu tal-Medjuevu fir-reġjun ta’ Haut-Forez u kien għad hemm sistema agro-pastorali sat-tieni gwerra dinjija. Il-produzzjoni ta’ dan il-ġobon kienet issir fil-“jasseries”, binjiet tal-injam alpini li kienu jikkolonizzaw iż-żewġ xaqlibiet tal-għoljiet ta’ Forez. Il-ġobon dak iż-żmien kien isir matul l-istaġun tas-sajf, minn ħalib ta’ merħliet ta’ daqs modest, min-nisa, waqt li l-irġiel kienu jibqgħu fir-raħal u jkomplu bix-xogħol fl-għelieqi fis-sajf. L-ambjent naturali b’hekk kien jipprovdi siġar tar-raża, li ladarba jinqatgħu min-nofs u jitħaffru minn ġewwa, jiffurmaw gandotti (imsejħa chéneaux) li huma adattati perfettament għall-iskular ta’ ġobon fil-forma li jkun għadu qiegħed isir. Dawn tal-aħħar spiss kienu jinżammu sal-inżul mill-mergħa, u mbagħad kinu jinbiegħu fis-swieq tad-diversi partijiet taż-żona muntanjuża, fosthom is-suq importanti ta’ Montbrison.

Illum il-ġurnata t-trobbija tal-baqar tal-ħalib issir fil-biċċa l-kbira fil-mergħa permanenti. Il-kundizzjonijiet għall-produzzjoni tal-“Fourme de Montbrison” u b’mod partikolari r-ragħa obbligatorju matul il-perjodu meta dan ikun possibbli, ir-razzjon ibbażat fuq l-użu tal-ħaxix u kif ukoll il-limitazzjoni tal-ħżin tal-qamħirrum fis-silo jagħtu valur lil din ir-riżorsa naturali.

L-iskema teknoloġika tal-“Fourme de Montbrison”, li ntirtet mit-teknika tal-antenati, għandha l-valur ta’ għarfien lokali, li timplimenta:

—	Tħawwid adattat li huwa marbut mad-daqs ta’ bċejjeċ tal-baqta’ ridotti, b’wisa’ ta’ bejn 0,5 cm u 1 cm,

—	Tmelliħ fil-massa, u tmelliħ estern imnaqqas,

—	It-teknika ferm partikolari tal-iskular supplimentari f’gandott tal-injam tar-raża.

5.2.   Speċifiċità tal-prodott

Il-“Fourme de Montbrison”, li huwa ġobon b’polpa bil-vini b’riħa fina u tfuħ, ippreżentat fl-forma ta’ ċilindru b’tul ta’ bejn 17 u 21 ċm u dijametru ta’ bejn 11,5 u 14,5 ċm u huwa imlibbes b’qoxra fl-oranġo, għandu polpa b’fetħiet żgħar u karattru ta’ “ġobon tat-tursina” sottili li jagħtih ċerta ħlewwa.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO), jew kwalità speċifika, ir-reputazzjoni jew karatteristika oħra tal-prodott (għall-IĠP)

L-oriġini tal-karatteristiċi speċifiċi tal-“Fourme de Montbrison” jinsabu fl-użanzi ta’ produzzjoni tal-ħalib u ta’ manifattura partikolari.

Il-produzzjoni tal-ħalib tistrieħ fuq ir-rikkezza tal-mergħat tal-għoljiet ta’ Forez u tikkontribwixxi għat-togħma fina u tfuħ tal-“Fourme de Montbrison”.

Il-forma relattivament żgħira tiegħu hija marbuta mal-oriġini tiegħu: merħliet ta’ daqs żgħir bi produzzjoni żgħira ta’ ħalib u produzzjoni min-nisa.

It-togħma pjuttost ħelwa tal-“Fourme de Montbrison” hija marbuta mal-qtugħ fin tal-biċċiet tal-baqta’. Dan id-daqs żgħir tal-biċċiet tal-baqta’ jiġġenera fetħiet ta’ dimensjoni żgħira fil-polpa, biex b’hekk ikun illimitat l-iżvilupp tal-moffa tal-Penicillium roqueforti, li huwa aktar dgħajjef minn f’ġobniet oħrajn tat-tursina.

Il-lewn oranġo tal-qoxra tiegħu, li huwa daqstant partikolari, huwa influwenzat mit-tekniki tat-tmelliħ, li jiffavorixxu l-implantazzjoni ta’ flora superfiċjali. L-iżvilupp tal-flora superfiċjali jinżamm ukoll mill-iskular f’gandott tal-injam tar-raża. Effettivament, il-gandotti tal-injam huma kontenitur tal-flora superfiċjali u jipparteċipaw direttament fl-iżvilupp ta’ dik il-flora biex b’hekk jiġi evitat tnixxif wisq malajr tal-qoxra.

It-tekniki ta’ tmelliħ jagħmlu wkoll il-“Fourme de Montbrison” ġobon inqas mielaħ mill-ġobnijiet l-oħrajn tat-tursina.

Referenza għall-pubblikazzjoni tal-ispeċifikazzjonijiet

(l-Artikolu 5(7) tar-Regolament (KE) Nru 510/2006)

https://www.inao.gouv.fr/fichier/CDCFourmeDeMontbrison.pdf

---

(1)   ĠU L 93, 31.3.2006, p. 12. Issostitwit bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.6.   Frott, ħaxix u ċereali, friski jew ipproċessati

SPANJA

Peras de Rincón de Soto (DPO)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.2   Prodotti tal-laħam (imsajjar, immellaħ, affumikat, eċċ.)

SPANJA

Jamón de Trevélez (PGI)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.1.   Laħam frisk (u l-ġewwieni)

SPANJA

Ternera Gallega (IĠP)

ANNESS

Nru	68/TQ39
Stat Membru	Franza
Stokk	PLE/7FG.
Speċi	Barbun tat-tbajja’ (Pleuronectes platessa)
Żona	VIIf u VIIg
Data tal-għeluq	18.11.2013

ANNESS

Prodotti agrikoli u oġġetti tal-ikel imsemmija fil-Parti I tal-Anness I, tar-Regolament (UE) Nru 1151/2012:

Klassi 2.1.   Birer

IR-REPUBBLIKA ĊEKA

Českobudějovické pivo (IĠP)

ANNESS

L-Anness I A tar-Regolament (KE) Nru 606/2009 huwa emendat kif ġej:

(1)

It-tabella hija emendata kif ġej: (a) Ir-Ringiela 6 hija emendata kif ġej: (i) Fil-kolonna 1, jiżdied l-inċiż li ġej: “— żieda ta’ awtolisati tal-ħmira.” (ii) Fil-kolonna 2, għandu jiżdied it-test li ġej: “Bl-għeneb frisk, bil-most tal-għeneb, bil-most parzjalment iffermentat, bil-most parzjalment iffermentat miksub minn għeneb imqadded, bil-most ikkonċentrat, u bl-inbid ġdid li għadu jiffermenta biss.” (b) Fir-Ringiela 10, it-tieni inċiż jinbidel b’dan li ġej: “— proteini tal-pjanti mill-qamħ, mill-piżelli u l-patata.” (c) jiżdiedu r-ringieli 51 u 52 li ġejjin: “51 L-użu ta’ ħmira inattiva     52 Il-ġestjoni ta’ gass maħlul fl-inbid bl-użu ta’ kuntatturi tal-membrana Għall-prodotti ddefiniti fil-paragrafi 1, 3, 4, 5, 6, 7, 8, 9, 15 u 16 tal-Anness XIb tar-Regolament (KE) Nru 1234/2007 ħlief għaż-żieda tad-diossidu tal-karbonju għall-prodotti ddefiniti fil-paragrafi 4, 5, 6 u 8 ta’ dak l-Anness”

(2)

L-Appendiċi 18 li ġej huwa miżjud: “Appendiċi 18 Ir-rekwiżiti għall-ġestjoni ta’ gass maħlul fl-inbid bl-użu ta’ kuntatturi tal-membrana Il-ġestjoni ta’ gass maħlul fl-inbid bl-użu ta’ kuntatturi tal-membrana huwa metodu fiżiku għall-ġestjoni ta’ konċentrazzjonijiet tal-gass maħlul fl-inbid bl-użu ta’ kuntatturi tal-membrana (membrani idrofobiċi) u gassijiet użati fl-enoloġija. REKWIŻITI (1) Din it-teknika tista’ tintuża minn tmiem il-fermentazzjoni alkoħolika sal-imballaġġ biex tieħu post l-użu ta’ apparat għat-tbaqbiq jew sistemi tat-tip venturi. (2) Din il-prattika għandha titwettaq mill-enoloġista jew tekniku kkwalifikat. (3) It-trattament għandu jitniżżel fir-reġistru msemmi fl-Artikolu 185c(2) tar-Regolament (KE) Nru 1234/2007. (4) Il-membrani li jintużaw għandhom jikkonformaw mar-rekwiżiti tar-Regolament (KE) Nru 1935/2004 u tar-Regolament (UE) Nru 10/2011 u mad-dispożizzjonijiet nazzjonali adottati għall-implimentazzjoni tagħhom. Għandhom jikkonformaw mar-rekwiżiti tal-Kodiċi Enoloġiku Internazzjonali ppubblikat mill-OIV.”

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	AL	46,1
	MA	61,3
	TN	66,1
	TR	82,3
	ZZ	64,0
0707 00 05	AL	47,7
	EG	200,0
	MA	152,9
	TR	135,0
	ZZ	133,9
0709 91 00	EG	200,0
	ZZ	200,0
0709 93 10	MA	133,9
	TR	138,7
	ZZ	136,3
0805 10 20	AR	28,7
	AU	88,3
	TR	56,3
	UY	36,0
	ZA	58,6
	ZZ	53,6
0805 20 10	AU	135,6
	MA	67,5
	PE	131,0
	TR	100,8
	ZA	150,1
	ZZ	117,0
0805 20 30 , 0805 20 50 , 0805 20 70 , 0805 20 90	IL	59,5
	PE	74,3
	SZ	43,6
	TR	65,5
	UY	92,4
	ZZ	67,1
0805 50 10	TR	84,1
	ZZ	84,1
0808 10 80	AU	125,0
	BA	42,7
	MK	29,8
	NZ	160,5
	US	133,8
	ZA	93,6
	ZZ	97,6
0808 30 90	TR	123,3
	US	205,7
	ZZ	164,5

---

(1)  In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ ZZ ” jirrappreżenta “ta’ oriġini oħra”.

ANNESS

Għall-finijiet ta' dan l-Anness għandhom japplikaw id-definizzjonijiet li ġejjin:

(a)	“Diossini + furani (WHO-TEQ)” tfisser it-total ta’ dibenżo-para-diossini poliklorinati (PCDDs) u dibenżofurani poliklorinati (PCDFs), espress bħala l-ekwivalent tossiku tal-Organizzazzjoni Dinjija tas-Saħħa (WHO) bl-użu tal-fatturi ta’ ekwivalenza tossika tal-WHO (WHO–TEFs)).

(b)	“PCBs simili għad-diossini (WHO-TEQ)” tfisser it-total ta’ bifenili poliklorinati (PCBs), espressa bħala l-ekwivalent tossiku tal-WHO bl-użu tal-WHO-TEFs.

(ċ)

“WHO-TEFs” tfisser il-fatturi ta' ekwivalenza tossika tal-Organizzazzjoni Dinjija tas-Saħħa għall-evalwazzjoni tar-riskju għall-bniedem ibbażata fuq il-konklużjonijiet tal-Organizzazzjoni Dinjija tas-Saħħa (WHO) - il-laqgħa tal-esperti tal-Programm Internazzjonali dwar is-Sikurezza Kimika (IPCS) li saret Ġinevra f'Ġunju 2005 (Martin van den Berg et al., The 2005 World Health Organization Re-evaluation of Human and Mammalian Toxic Equivalency Factors for Dioxins and Dioxin-like Compounds. Toxicological Sciences 93(2), 223–241 (2006)).

Ikel	Livell ta' azzjoni għad-diossini + furani (WHO-TEQ) (1)	Livelli ta' azzjoni għall-PCBs simili għad-diossini (WHO-TEQ) (1)
Laħam u prodotti tal-laħam (ħlief il-ġewwieni li jittiekel) (2) tal-annimali li ġejjin
— annimali bovini u nagħaġ	1,75 pg/g xaħam (3)	1,75 pg/g xaħam (3)
— tjur	1,25 pg/g xaħam (3)	0,75 pg/g xaħam (3)
— ħnieżer	0,75 pg/g xaħam (3)	0,50 pg/g xaħam (3)
Xaħmijiet imħallta	1,00 pg/g xaħam (3)	0,75 pg/g xaħam (3)
Laħam tal-muskoli ta’ ħut imrobbi u prodotti ta’ ħut imrobbi	1,50 pg/g piż imxarrab	2,50 pg/g piż imxarrab
Ħalib nej (2) u prodotti tal-ħalib (2), inkluż ix-xaħam tal-butir	1,75 pg/g xaħam (3)	2,00 pg/g xaħam (3)
Bajd tat-tiġieġ u prodotti tal-bajd (2)	1,75 pg/g xaħam (3)	1,75 pg/g xaħam (3)
Tafal bħala suppliment tal-ikel	0,50 pg/g piż imxarrab	0,35 pg/g piż imxarrab
Frott, ħxejjex (inklużi ħxejjex aromatiċi friski) u ċereali (4)	0,30 pg/g piż imxarrab	0,10 pg/g piż imxarrab

---

(1)  Konċentrazzjonijiet li huma eqreb lejn valuri għoljin: Konċentrazzjonijiet li huma eqreb lejn valuri għoljin jiġu kkalkolati billi wieħed jassumi li l-valuri kollha tad-diversi konġeneri anqas mil-limitu tal-kwantifikazzjoni huma daqs il-limitu tal-kwantifikazzjoni.

(2)  Oġġetti tal-ikel elenkati f'din il-kategorija kif inhuma ddefiniti fir-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (ĠU L 139, 30.4.2004, p. 55).

(3)  Il-livelli ta' azzjoni mhumiex applikabbli għall-prodotti tal-ikel li fihom inqas minn 2 % xaħam.

(4)  Għall-frott imnixxef u l-ħxejjex imnixxfin (inklużi ħxejjex aromatiċi mnixxfin) il-livell ta’ azzjoni huwa 0,5 pg/g għad-diossini + furani u 0,35 pg/g għall-PCBs simili għad-diossini, espressi fuq il-prodott kif jinbiegħ.