30.11.2013

Il-Ġurnal Uffiċjali tal-Unjoni Ewropea

L 320/1

Ftehim Interistituzzjonali bejn il-Parlament Ewropew u l-Bank Ċentrali Ewropew dwar il-modalitajiet prattiċi tal-eżerċizzju tar-responsabbiltà demokratika u tas-superviżjoni tal-eżerċizzju tal-kompiti mogħtija lill-BĊE fil-qafas tal-Mekkaniżmu Superviżorju Uniku

(2013/694/UE)

IL-PARLAMENT EWROPEW U L-BANK ĊENTRALI EWROPEW,

—	wara li kkunsidraw it-Trattat dwar l-Unjoni Ewropea,

—	wara li kkunsidraw it-Trattat dwar il-Funzjonament ta l-Unjoni Ewropea, u b’mod partikolari l-Artikolu 127(6) tiegħu,

—	wara li kkunsidraw ir-Regoli ta’ Proċedura tal-Parlament, u b’mod partikolari l-Artikolu 127(1) tagħhom,

—	wara li kkunsidraw ir-Regolament tal-Kunsill (UE) Nru 1024/2013 tal-15 ta’ Ottubru 2013 li jagħti kompiti speċifiċi lill-Bank Ċentrali Ewropew dwar politiki relatati mas-superviżjoni prudenzjali ta’ istituzzjonijiet ta’ kreditu (1), u b’mod partikolari l-Artikolu 20(8) u (9) tiegħu,

—	wara li kkunsidraw id-dikjarazzjoni konġunta mill-President tal-Parlament Ewropew u mill-President tal-Bank Ċentrali Ewropew, fl-okkażjoni tal-votazzjoni tal-Parlament għall-adozzjoni tar-Regolament tal-Kunsill (UE) Nru 1024/2013,

billi r-Regolament (UE) Nru 1024/2013 jikkonferixxi kompiti speċifiċi lill-Bank Ċentrali Ewropew (BĊE) dwar politiki relatati mas-superviżjoni prudenzjali ta’ istituzzjonijiet ta’ kreditu, bil-għan li jingħata kontribut lis-sikurezza u s-solidità tal-istituzzjonijiet ta’ kreditu u lill-istabbiltà tas-sistema finanzjarja fl-Unjoni Ewropea u f’kull Stat Membru li jipparteċipa fil-Mekkaniżmu Superviżorju Uniku (MSU);

B.	billi l-Artikolu 9 tar-Regolament (UE) Nru 1024/2013 jistabbilixxi li l-BĊE huwa l-awtorità kompetenti għat-twettiq tal-kompiti superviżorji mogħtija lilu minn dak ir-Regolament;

C.	billi l-għoti ta’ kompiti superviżorji jimplika responsabbiltà sinifikanti għall-BĊE biex jikkontribwixxi għall-istabbiltà finanzjarja fl-Unjoni, bl-użu tas-setgħat superviżorji tiegħu bl-aktar mod effettiv u proporzjonat;

billi kwalunkwe għoti ta’ setgħat superviżorji lil-livell tal-Unjoni għandu jkun ibbilanċjat permezz ta’ rekwiżiti xierqa ta’ responsabilità; skont l-Artikolu 20 tar-Regolament (UE) Nru 1024/2013 il-BĊE huwa għalhekk responsabbli għall-implimentazzjoni ta’ dak ir-Regolament lejn il-Parlament u l-Kunsill bħala istituzzjonijiet demokratikament leġittimizzati li jirrappreżentaw liċ-ċittadini tal-Unjoni u l-Istati Membri;

E.	billi l-Artikolu 20(9) tar-Regolament (UE) Nru 1024/2013 jipprovdi li l-BĊE għandu jikkoopera b’mod sinċier ma’ kwalunkwe investigazzjonijiet mill-Parlament, mingħajr ħsara għat-Trattat dwar il-Funzjonament tal-Unjoni Ewropea (TFUE);

billi l-Artikolu 20(8) tar-Regolament (UE) Nru 1024/2013 jipprovdi li, fuq talba, il-President tal-Bord Superviżorju tal-BĊE għandu jkollu diskussjonijiet kunfidenzjali bil-fomm fil-magħluq mal-President u l-Viċi Presidenti tal-kumitat kompetenti tal-Parlament dwar il-kompiti superviżorji tal-BĊE fejn tali diskussjonijiet huma meħtieġa biex il-Parlament ikun jista’ jeżerċita s-setgħat tiegħu skont it-TFUE; billi dak l-Artikolu jeħtieġ li l-modalitajiet għall-organizzazzjoni ta’ dawk id-diskussjonijiet jiżguraw kunfidenzjalità sħiħa f’ konformita’ mal-obbligi tal-kunfidenzjalità imposti fuq il-BĊE bħala awtorità kompetenti skont il-liġi relevanti tal-Unjoni;

billi l-Artikolu 15(1) tat-TFUE jipprovdi li l-istituzzjonijiet tal-Unjoni għandhom imexxu l-ħidma tagħhom b’mod miftuħ kemm jista’ jkun; billi l-kundizzjonijiet li skonthom dokument tal-BĊE huwa kunfidenzjali huma stipulati fid-Deċiżjoni 2004/258/KE tal-BĊE (BĊE/2004/3) (2); billi dik id-Deċiżjoni tipprovdi li kwalunkwe ċittadin tal-Unjoni u kwalunkwe persuna fiżika jew ġuridika li tgħix jew li għandha l-uffiċċju reġistrat tagħha fi Stat Membru, għandha dritt ta’ aċċess għad-dokumenti tal-BĊE, mingħajr ħsara għall-kundizzjonijiet u l-limiti definiti f’dik id-Deċiżjoni; billi, skont dik id-deċiżjoni, il-BĊE għandu jirrifjuta d-divulgazzjoni fejn ċerti interessi pubbliċi jew privati speċifikati jiġu imminati minnha;

billi l-iżvelar tal-informazzjoni relatata mas-superviżjoni prudenzjali tal-istituzzjonijiet ta’ kreditu mhuwiex għad-diskrezzjoni ħielsa tal-BĊE iżda huwa suġġett għal-limiti u l-kundizzjonijiet kif stabbiliti mil-liġi relevanti tal-Unjoni li għalihom huma suġġetti kemm il-Parlament kif ukoll il-BĊE; billi bis-saħħa tal-Artikolu 37.2 tal-Istatut tas-Sistema Ewropea tal-Banek Ċentrali u tal-BĊE (‘l-Istatut tas-SEBĊ’), persuni li għandhom aċċess għal dejta koperta mil-leġiżlazzjoni tal-Unjoni li timponi obbligu ta’ segretezza huma suġġetti għal din il-leġiżlazzjoni tal-Unjoni;

billi l-Premessa 55 tar-Regolament (UE) Nru 1024/2013 tispeċifika li kwalunkwe obbligi ta’ rapportar fil-konfront tal-Parlament għandhom ikunu suġġett għar-rekwiżiti ta’ segretezza professjonali rilevanti; billi l-Premessa 74 u l-Artikolu 27(1) ta’ dak ir-Regolament jipprovdu li l-membri tal-Bord Superviżorju, il-kumitat ta’ tmexxija, il-persunal tal-BĊE u l-persunal issekondat mill-Istati Membri parteċipanti li jwettqu dmirijiet superviżorji għandhom ikunu suġġetti għar-rekwiżiti tas-segretezza professjonali stabbiliti fl-Artikolu 37 tal-Istatut tas-SEBĊ u fl-atti rilevanti tal-liġi tal-Unjoni; billi l-Artikolu 339 tat-TFUE u l-Artikolu 37 tal-Istatut tas-SEBĊ jistabbilixxu li l-membri tal-korpi li jiggvernaw u l-persunal tal-BĊE u tal-banek ċentrali nazzjonali huma marbutin mill-obbligu ta’ segretezza professjonali;

J.	billi, skontl-Artikolu 10.4 tal-Istatut tas-SEBĊ, il-proċedimenti tal-laqgħat tal-Kunsill Governattiv tal-BĊE huma kunfidenzjali;

billi l-Artikolu 4(3) tar-Regolament (UE) Nru 1024/2013 jipprovdi li għall-għan li jitwettqu l-kompiti mogħtija lilu f’dak ir-Regolament, il-BĊE għandu japplika l-liġi kollha relevanti tal-Unjoni, u fejn din il-liġi tal-Unjoni hija magħmula minn Direttivi, il-leġiżlazzjoni nazzjonali li tittrasponi dawk id-Direttivi;

billi mingħajr ħsara għall-emendi futuri jew kwalunkwe atti legali relevanti futuri, id-dispożizzjonijiet tal-liġi tal-Unjoni rilevanti fir-rigward tat-trattament ta‘ informazzjoni, li jkun instab li hija kunfidenzjali, b’mod partikolari l-Artikoli 53 sa 62 tad-Direttiva 2013/36/UE tal-Parlament Ewropew u tal-Kunsill (3) jimponu obbligi stretti ta’ segretezza professjonali fuq l-awtoritajiet kompetenti u l-persunal tagħhom għas-superviżjoni ta‘ istituzzjonijiet ta’ kreditu; billi l-persuni kollha li jaħdmu għal jew li kienu jaħdmu għall-awtoritajiet kompetenti huma marbutin mill-obbligu tas-segretezza professjonali; billi l-informazzjoni kunfidenzjali li jirċievu matul it-twettiq ta’ dmirijiethom tista’ tiġi żvelata biss f’forma sommarja jew aggregata, b’tali mod li l-istituzzjonijiet ta’ kreditu individwali ma jistgħux ikunu identifikati, mingħajr preġudizzju għall-każijiet koperti mil-liġi kriminali;

billi l-Artikolu 27(2) tar-Regolament (UE) Nru 1024/2013 jipprovdi li għall-fini tat-twettiq tal-kompiti mogħtija lilu minn dak ir-Regolament, il-BĊE huwa awtorizzat, fil-limiti u skont il-kundizzjonijiet stabbiliti fil-liġi rilevanti tal-Unjoni, li jagħmel skambju ta’ informazzjoni ma’ awtoritajiet u korpi nazzjonali jew tal-Unjoni fejn il-liġi relevanti tal-Unjoni tippermetti lill-awtoritajiet kompetenti nazzjonali jiddivulgaw informazzjoni lil dawk l-entitajiet jew fejn l-Istati Membri jistgħu jipprovdu għal tali divulgazzjoni skont il-liġi relevanti tal-Unjoni;

N.	billi l-ksur ta’ rekwiżiti ta’ segretezza professjonali fir-rigward tal-informazzjoni superviżorja għandu jwassal għal sanzjonijiet adegwati; billi l-Parlament għandu jipprovdi għal qafas adegwat biex isegwi kwalunkwe każ ta’ ksur tal-kunfidenzjalità mill-Membri jew il-persunal tiegħu;

O.	billi s-separazzjoni organizzattiva tal-persunal tal-BĊE involut fit-twettiq tal-kompiti superviżorji tal-BĊE minn persunal involut fit-twettiq tal-kompiti tal-politika monetarja trid tkun b’tali mod li r-Regolament (UE) Nru 1024/2013 jiġi osservat b’mod sħiħ;

P.	billi dan il-Ftehim ma jkoprix l-iskambju ta’ informazzjoni kunfidenzjali rigward il-politika monetarja jew kompiti oħra tal-BĊE li mhumiex parti mill-kompiti mogħtija lill-BĊE permezz tar-Regolament (UE) Nru 1024/2013;

Q.	billi dan il-Ftehim huwa mingħajr preġudizzju għar-responsabbiltà tal-awtoritajiet kompetenti nazzjonali lejn il-parlamenti nazzjonali skont mal-liġi nazzjonali;

R.	billi dan il-Ftehim ma jkoprix jew ma jaffettwax ir-responsabbiltà u l-obbligi ta’ rapportar tal-MSU lejn il-Kunsill, il-Kummissjoni jew il-parlamenti nazzjonali;

JIFTIEHMU KIF ĠEJ:

I. RESPONSABBILTÀ, AĊĊESS GĦAL INFORMAZZJONI, KUNFIDENZJALITÀ

1. Rapporti

—

Kull sena l-BĊE għandu jressaq rapport lill-Parlament (“Rapport Annwali”) dwar it-twettiq tal-kompiti mogħtija lilu mir-Regolament (UE) Nru 1024/2013. Il-President tal-Bord Superviżorju għandu jippreżenta r-Rapport Annwali lill-Parlament waqt smigħ pubbliku. L-abbozz tar-Rapport Annwali għandu jkun disponibbli għall-Parlament fuq bażi kunfidenzjali f’waħda mil-lingwi uffiċjali tal-Unjoni erbat ijiem tax-xogħol qabel issmigħ. It-traduzzjonijiet fil-lingwi uffiċjali kollha tal-Unjoni għandhom ikunu disponibbli sussegwentement. Ir-Rapport Annwali għandu jkopri, fost l-oħrajn:

i.	it-twettiq tal-kompiti superviżorji,

ii.	il-qsim tal-kompiti mal-awtoritajiet superviżorji nazzjonali,

iii.	il-kooperazzjoni ma’ awtoritajiet relevanti nazzjonali jew tal-Unjoni oħra,

iv.	is-separazzjoni bejn il-politika monetarja u l-kompiti superviżorji,

v.	l-evoluzzjoni tal-istruttura superviżorja u l-persunal, inkluż in-numru u l-kompożizzjoni nazzjonali tal-Esperti Nazzjonali Sekondati,

vi.	l-implimentazzjoni tal-Kodiċi ta’ Kondotta,

vii.	il-metodu ta’ kalkolu u l-ammont ta’ tariffi superviżorji,

viii.

il-baġit għall-kompiti superviżorji,

ix.	l-esperjenza fir-rapportar abbażi l-Artikolu 23 tar-Regolament (UE) Nru 1024/2013 (Rapportar ta’ ksur).

—

Matul il-fażi tal-bidu msemmija fl-Artikolu 33(2) tar-Regolament (UE) Nru 1024/2013, il-BĊE għandu jibgħat rapporti trimestrali lill-Parlament rapporti dwar il-progress fl-implimentazzjoni operattiva tar-Regolament, li jkopru fost l-oħrajn:

i.	it-tħejjija, l-organizzazzjoni u l-ippjanar intern tax-xogħol,

ii.	l-arranġamenti konkreti magħmula għall-konformità mal-ħtieġa li l-funzjonijiet ta’ politika monetarja u dawk superviżorji jinfirdu,

iii.	il-kooperazzjoni ma’ awtoritajiet kompetenti nazzjonali jew tal-Unjoni oħra,

iv.	kwalunkwe ostaklu affaċċjat mill-BĊE fit-tħejjija tal-kompiti superviżorji tiegħu,

v.	kwalunkwe avveniment ta’ tħassib jew bidla fil-Kodiċi ta’ Kondotta.

—

Il-BĊE għandu jippubblika r-Rapport Annwali fuq il-websajt tal-MSU. Il-“hotline tal-posta elettronika għall-informazzjoni” tal-BĊE se jiġi estiż sabiex jittratta speċifikament mistoqsijiet relatati mal-MSU, u l-BĊE għandu jibdel ir-rispons li jirċievi permezz tal-ittri elettroniċi f’sezzjoni tal-FAQ fuq il-websajt tal-MSU.

2. Seduti tas-smigħ u diskussjonijiet kunfidenzjali bil-fomm

—

Il-President tal-Bord Superviżorju għandu jipparteċipa fis-seduti pubbliċi tas-smigħ ordinarji dwar it-twettiq tal-kompiti superviżorji fuq talba tal-kumitat kompetenti tal-Parlament. Il-kumitat kompetenti tal-Parlament u l-BĊE għandhom jaqblu dwar kalendarju għal żewġ seduti ta’ smigħ bħal dawn li jridu jinżammu matul is-sena ta’ wara. Talbiet għal bidliet fil-kalendarju miftiehem għandhom isiru bil-miktub.

—	Barra minn hekk, il-President tal-Bord Superviżorju jista’ jiġi mistieden għal skambji ta’ opinjonijiet addizzjonali ad hoc dwar kwistjonijiet superviżorji mal-kumitat kompetenti tal-Parlament.

—

Fejn hu meħtieġ għall-eżerċizzju tas-setgħat tal-Parlament skont it-TFUE u l-liġi tal-Unjoni, il-President tal-kumitat kompetenti tiegħu jista’ jitlob laqgħat kunfidenzjali speċjali mal-President tal-Bord Superviżorju bil-miktub, waqt li jagħti r-raġunijiet. Dawn il-laqgħat għandhom isiru f’data li tkun miftiehma rbejn iż-żewġ naħat.

—	Il-parteċipanti kollha fil-laqgħat kunfidenzjali speċjali għandhom ikunu suġġetti għar-rekwiżiti ta’ kunfidenzjalità ekwivalenti għal dawk li japplikaw għall-membri tal-Bord Superviżorju u għall-persunal superviżorju tal-BĊE.

—

Fuq talba motivata mill-President tal-Bord Superviżorju jew tal-President tal-kumitat kompetenti tal-Parlament, u bi qbil reċiproku, ir-rappreżentanti tal-BĊE fil-Bord Superviżorju jew il-membri għolja tal-persunal superviżorju (Diretturi Ġenerali jew id-Deputati tagħhom) jistgħu jattendu għas-seduti ta’ smigħ ordinarji, għall-iskambji ta’ opinjonijiet ad hoc u għal-laqgħat kunfidenzjali.

—

Il-prinċipju tal-ftuħ tal-istituzzjonijiet tal-Unjoni skont it-TFUE għandu japplika għall-MSU. Id-diskussjoni f’laqgħat kunfidenzjali speċjali għandha ssegwi l-prinċipju tal-ftuħ u l-elaborazzjoni madwar iċ-ċirkustanzi relevanti. Hija tinvolvi l-iskambju tal-informazzjoni kunfidenzjali rigward it-twettiq tal-kompiti superviżorji, fil-limitu stipulat mil-liġi tal-Unjoni. Id-divulgazzjoni tista’ tkun ristretta mil-limiti ta’ kunfidenzjalità previsti b’mod legali.

—	Persuni impjegati mill-Parlament u mill-BĊE ma jistgħux jiddivulgaw informazzjoni miksuba matul l-attivitajiet tagħhom relatata mal-kompiti mogħtija lill-BĊE skont ir-Regolament (UE) Nru 1024/2013, anke wara li dawn l-attivitajiet ikunu ġew fi tmiemhom jew il-persuni jkunu telqu minn tali impjieg.

—	Is-seduti tas-smigħ ordinarji, l-iskambji ta’ opinjonijiet ad hoc u l-laqgħat kunfidenzjali jistgħu jkopru l-aspetti kollha tal-attività u t-twettiq tal-MSU koperti mir-Regolament (UE) Nru 1024/2013.

—

Ma jistgħu jittieħdu l-ebda minuti jew kwalunkwe reġistrazzjoni oħra tal-laqgħat kunfidenzjali. Ma għandha ssir l-ebda dikjarazzjoni għall-istampa jew xi midja oħra. Kull parteċipant fid-diskussjonijiet kunfidenzjali għandu jiffirma dikjarazzjoni solenni kull darba li ma jiddivulgax il-kontenut ta’ dawk id-diskussjonijiet lil xi terza persuna.

—

Il-President tal-Bord Superviżorju u l-President u l-Viċi Presidenti tal-kumitat kompetenti tal-Parlament biss jistgħu jattendu għal-laqgħat kunfidenzjali. Kemm il-President tal-Bord Superviżorju kif ukoll il-President u l-Viċi Presidenti tal-kumitat kompetenti tal-Parlament jistgħu jiġu akkumpanjati minn żewġ membri tal-persunal tal-BĊE u tas-Segretarjat tal-Parlament rispettivament.

3. Tweġib ta’ mistoqsijiet

—

Il-BĊE għandu jwieġeb bil-miktub għal mistoqsijiet bil-miktub imressqa lilu mill-Parlament. Dawk il-mistoqsijiet għandhom jintbagħtu lill-President tal-Bord Superviżorju permezz tal-President tal-kumitat kompetenti tal-Parlament. Il-mistoqsijiet għandhom jitwieġbu malajr kemm jista’ jkun, u f’kull każ fi żmien ħames ġimgħat minn meta jintbagħtu lill-BĊE.

—	Kemm il-BĊE kif ukoll il-Parlament għandhom jiddedikaw sezzjoni speċifika tal-websajts għall-mistoqsijiet u t-tweġibiet imsemmija hawn fuq.

4. Aċċess għall-informazzjoni

—

Il-BĊE għandu jipprovdi lill-kumitat kompetenti tal-Parlament mill-inqas b’rekord komprensiv u sinifikanti tal-proċeduri tal-Bord Superviżorju li jippermetti li d-diskussjonijiet jinftiehmu, inkluża lista annotata tad-deċiżjonijiet. F’każ ta’ oġġezzjoni mill-Kunsill Governattiv kontra l-abbozz ta’ deċiżjoni tal-Bord Superviżorju skont l-Artikolu 26(8) tar-Regolament (UE) Nru 1024/2013, il-President tal-BĊE għandu jinforma lill-President tal-kumitat kompetenti tal-Parlament bir-raġunijiet għal din l-oġġezzjoni, f’konformità mar-rekwiżiti tal-kunfidenzjalità msemmija f’dan il-Ftehim.

—	Fil-każ tal-istralċ ta’ istituzzjoni ta’ kreditu, informazzjoni mhux kunfidenzjali relatata ma’ dik l-istituzzjoni ta’ kreditu għandha tiġi divulgata ex-post, ladarba tieqaf tapplika kwalunkwe restrizzjoni dwar l-għoti ta’ informazzjoni relevanti li tirriżulta mirrekwiżiti ta’ kunfidenzjalità.

—	It-tariffi superviżorji u l-ispjegazzjoni dwar kif dawn jiġu kkalkulati għandhom jiġu ppubblikati fil-websajt tal-BĊE.

—	Il-BĊE għandu jippubblika fuq il-websajt tiegħu gwida għall-prattiki superviżorji tiegħu.

5. Ħarsien tal-informazzjoni u tad-dokumenti kklassifikati tal-BĊE

—	Il-Parlament għandu jimplimenta salvagwardji u miżuri li jikkorrispondu għal-livell ta’ sensittività tal-informazzjoni tal-BĊE jew tad-dokumenti tal-BĊE u għandu jinforma l-BĊE dwar dan. F’kull każ, informazzjoni jew dokumenti divulgati ser jintużaw biss għar-raġuni li għaliha jkunu ngħataw.

—

Il-Parlament għandu jfittex il-kunsens tal-BĊE għal kwalunkwe divulgazzjoni lil persuni jew istituzzjonijiet addizzjonali u ż-żewġ istituzzjonijiet ser jikkooperaw fi kwalunkwe proċediment ġuridiku, amministrattiv jew proċedimenti oħra li fihom jintalab l-aċċess għal tali informazzjoni jew dokumenti. Il-BĊE jista’ jitlob lill-Parlament, fir-rigward tal-kategoriji kollha ta’ informazzjoni jew dokumenti divulgati jew ta’ uħud minnhom, li huwa jżomm lista ta’ persuni li għandhom aċċess għal din l-informazzjoni u dawn id-dokumenti.

II. PROĊEDURI TA’ GĦAŻLA

—

Il-BĊE għandu jispeċifika u jagħmel pubbliċi l-kriterji għall-għażla tal-President tal-Bord Superviżorju, inkluż il-bilanċ tal-ħiliet, l-għarfien tal-istituzzjonijiet u s-swieq finanzjarji, u l-esperjenza fis-superviżjoni finanzjarja u s-sorveljanza makroprudenzjali. Fl-ispeċifikazzjoni tal-kriterji, il-BĊE għandu jimmira għall-ogħla standards professjonali u għandu jqis il-ħtieġa li jiġi mħares l-interess tal-Unjoni fit-totalità tagħha u d-diversità fil-kompożizzjoni tal-Bord Superviżorju.

—

Il-kumitat kompetenti tal-Parlament għandu jkun informat ġimgħatejn qabel ma l-Kunsill Governattiv tal-BĊE jippubblika l-avviż ta impjieg bid-dettalji, inkluż il-kriterji tal-għażla u l-profil tal-impjieg speċifiku, tal-“proċedura tal-għażla miftuħa” li bi ħsiebu japplika għall-għażla tal-President.

—

Il-kumitat kompetenti tal-Parlament għandu jkun infurmat mill-Kunsill Governattiv tal-BĊE bil-kompożizzjoni tan-numru ta’ applikanti għall-pożizzjoni ta’ President (numru ta’ applikanti, taħlita ta’ ħiliet professjonali, bilanċ ta’ sess u nazzjonalità, eċċ.) kif ukoll il-metodu li permezz tiegħu n-numru ta’ applikanti jiġi skrinjat sabiex titfassal lista qasira b’tal-inqas żewġ kandidati u eventwalment jiddetermina l-proposta tal-BĊE.

—	Il-BĊE għandu jipprovdi lill-kumitat kompetenti tal-Parlament b’lista iqsar ta’ kandidati għall-pożizzjoni tal-President tal-Bord Superviżorju. Il-BĊE għandu jipprovdi dik il-lista qasira tal-inqas tliet ġimgħat qabel il-preżentazzjoni tal-proposta tiegħu għall-ħatra tal-President.

—	Il-kumitat kompetenti tal-Parlament jista’ jressaq mistoqsijiet lill-BĊE relatati mal-kriterji tal-għażla u l-lista qasira tal-kandidati fi żmien ġimgħa minn meta jkun irċeviha. Il-BĊE għandu jwieġeb għal dawn il-mistoqsijiet bil-miktub fi żmien ġimagħtejn.

—

Il-proċess ta’ approvazzjoni jinkludi l-passi li ġejjin:

—	Il-BĊE għandu jgħaddi l-proposti tiegħu lill-President u lill-Viċi President tal-Parlament flimkien ma’ spjegazzjonijiet bil-miktub dwar ir-raġunijiet sottostanti.

—	Għandu jsir smigħ pubbliku tal-President u l-Viċi President tal-Bord Superviżorju proposti fil-kumitat kompetenti tal-Parlament.

—

Il-Parlament għandu jiddeċiedi dwar l-approvazzjoni tal-kandidat propost mill-BĊE bħala President u bħala Viċi President permezz ta’ votazzjoni fil-kumitat kompetenti u fil-plenarja. Il-Parlament, normalment, filwaqt li jqis il-kalendarju tiegħu, ifittex li jieħu dik id-deċiżjoni fi żmien sitt ġimgħat mill-proposta.

—	Jekk il-proposta għall-President ma tiġix approvata, il-BĊE jista’ jiddeċiedi jew li jagħżel mil-lista ta’ kandidati li applikaw għall-pożizzjoni oriġinarjament jew li jerġa’ jinbeda l-proċess ta’ għażla, inkluż l-elaborazzjoni u l-pubblikazzjoni ta’ avviż ta’ impjieg ġdid.

—	Il-BĊE għandu jressaq kwalunkwe proposta biex jitneħħa l-President jew il-Viċi President mill-kariga lill-Parlament u jipprovdi l-ispjegazzjonijiet.

—

Il-proċess ta’ approvazzjoni jinkludi:

—	votazzjoni fil-kumitat kompetenti tal-Parlament dwar abbozz ta’ riżoluzzjoni; u

—	votazzjoni fil-plenarja, għal approvazzjoni jew oġġezzjoni, dwar dik ir-riżoluzzjoni.

—

Fejn il-Parlament jew il-Kunsill ikun informa l-BĊE li jqis il-kundizzjonijiet għat-tneħħija tal-President jew tal-Viċi President tal-Bord Superviżorju bħala sodisfatti għall-finijiet tal-Artikolu 26(4) tar-Regolament (UE) Nru 1024/2013, il-BĊE għandu jipprovdi l-kunsiderazzjonijiet tiegħu bil-miktub fi żmien erba’ ġimgħat.

III. INVESTIGAZZJONIJIET

—

Fejn il-Parlament iwaqqaf Kumitat ta’ Inkjesta, skont l-Artikolu 226 tat-TFUE u d-Deċiżjoni 95/167/KE, Euratom, KEFA tal-Parlament Ewropew, il-Kunsill u l-Kummissjoni (4), il-BĊE, f’konformità mal-liġi tal-Unjoni, għandu jassisti lill-Kumitat ta’ Inkjesta biex iwettaq il-kompiti tiegħu bi qbil mal-prinċipju tal-kooperazzjoni sinċiera.

—	Kwalunkwe attività ta‘ Kumitat ta’ Inkjesta li fiha jassisti l-BĊE għandha ssir fil-ambitu tad-Deċiżjoni 95/167/KE, Euratom, KEFA.

—

Il-BĊE għandu jikkoopera b’mod sinċier ma’ kwalunkwe investigazzjoni mill-Parlament imsemmija fl-Artikolu 20(9) tar-Regolament (UE) Nru 1024/2013 fi ħdan l-istess qafas li japplika għall-Kumitati ta’ Inkjesta u taħt l-istess protezzjoni tal- kunfidenzjalità kif previst f’dan il-Ftehim għal-laqgħat kunfidenzjali bil-fomm (I.2.).

—

Dawk kollha li jirċievu l-informazzjoni pprovduta lill-Parlament fil-kuntest ta’ investigazzjonijiet għandhom ikunu suġġetti għal rekwiżiti ta’ kunfidenzjalità ekwivalenti għal dawk li japplikaw għall-membri tal-Bord Superviżorju u għall-persunal superviżorju tal-BĊE u tal-Parlament u l-BĊE għandhom jaqblu dwar il-miżuri li jridu jiġu applikati ħalli tiġi żgurata l-protezzjoni ta’ tali informazzjoni.

—	Fejn il-protezzjoni ta’ interess pubbliku jew privat rikonoxxut fid-Deċiżjoni 2004/258/KE tirrikjedi li tinżamm il-kunfidenzjalità, il-Parlament jiżgura li din il-protezzjoni tinżamm u m’għandux jiddivulga l-kontenut ta’ kwalunkwe informazzjoni bħal din

—	Id-drittijiet u l-obbligi tal-istituzzjonijiet u l-korpi tal-Unjoni kif stipulati fid-Deċiżjoni 95/167/KE, Euratom, KEFA għandhom japplikaw mutatis mutandis għall-BĊE.

—

Kwalunkwe tibdil fid-Deċiżjoni 95/167/KE, Euratom, KEFA minn att legali ieħor jew emenda tiegħu għandu jwassal għal negozjar mill-ġdid tal-parti III ta’ dan il-Ftehim. Sakemm ma jinstabx Ftehim ġdid dwar il-partijiet rispettivi, dan il-Ftehim għandu jibqa’ validu inkluża d-Deċiżjoni 95/167/KE, Euratom, KEFA fil-verżjoni tagħha fid-data tal-firma ta’ dan il-ftehim.

IV. KODIĊI TA’ KONDOTTA

—	Qabel l-adozzjoni tal-Kodiċi ta’ Kondotta msemmi fl-Artikolu 19(3) tar-Regolament (UE) Nru 1024/2013, il-BĊE għandu jinforma lill-kumitat kompetenti tal-Parlament dwar l-elementi ewlenin tal-Kodiċi ta’ Kondotta maħsub.

—	Fuq talba bil-miktub tal-kumitat kompetenti tal-Parlament, il-BĊE għandu jinforma lill-Parlament bil-miktub dwar l-implimentazzjoni tal-Kodiċi ta’ Kondotta. Il-BĊE għandu jinforma wkoll lill-Parlament dwar il-bżonn ta’ aġġornamenti fil-Kodiċi ta’ Kondotta.

—	Il-Kodiċi ta’ Kondotta għandu jindirizza kwistjonijiet ta’ kunflitt ta’ interess u jiżgura r-rispett tar-regoli dwar is-separazzjoni bejn il-funzjonijiet tal-politika superviżorja u dawk monetarji.

V. ADOZZJONI TA‘ ATTI MILL-BĊE

—

Il-BĊE għandu jinforma kif suppost lill-kumitat kompetenti tal-Parlament bil-proċeduri (inkluż iż-żmien) li jkun stabbilixxa għall-adozzjoni tar-regolamenti, id-deċiżjonijiet, il-linji gwida u r-rakkomandazzjonijiet tal-BĊE (‘atti’), li huma suġġetti għal konsultazzjoni pubblika bi qbil mar-Regolament (UE) Nru 1024/2013.

—	B’mod partikolari, il-BĊE għandu jinforma lill-Parlament bil-prinċipji u t-tipi ta’ indikaturi jew informazzjoni li ġeneralment juża biex jiżviluppa atti u rakkomandazzjonijiet ta’ politika, bil-għan li jiżdiedu t-trasparenza u l-konsistenza mal-politika.

—

Il-BĊE għandu jibgħat l-abbozz tal-atti lill-kumitat kompetenti tal-Parlament qabel il-bidu tal-proċedura ta’ konsultazzjoni pubblika. Fejn il-Parlament jibgħat kummenti dwar l-atti, jista’ jkun hemm skambji informali ta’ opinjonijiet mal-BĊE dwar dawn il-kummenti. Skambji ta’ opinjonijiet informali bħal dawn għandhom isiru b’mod parallel mal-konsultazzjonijiet pubbliċi miftuħa li l-BĊE jmexxi skont l-Artikolu 4(3) tar-Regolament (UE) Nru 1024/2013.

—	Ladarba l-BĊE jkun adotta att, huwa għandu jibagħtu lill-kumitat kompetenti tal-Parlament. Il-BĊE għandu jinforma wkoll b’mod regolari lill-Parlament bil-miktub dwar il-bżonn li jiġu aġġornati l-atti adottati.

VI. DISPOŻIZZJONIJIET FINALI

L-implimentazzjoni prattika ta’ dan il-Ftehim għandha tiġi evalwata miż-żewġ istituzzjonijiet kull tliet snin.

Dan il-Ftehim jidħol fis-seħħ fid-data tad-dħul fis-seħħ tar-Regolament (UE) Nru 1024/2013 jew fid-data wara l-iffirmar ta’ dan il-Ftehim, skont liema tiġi l-aħħar.

L-obbligi rigward il-kunfidenzjalità ta’ informazzjoni għandhom ikomplu jkunu vinkolanti għaż-żewġ istituzzjonijiet anki wara t-tmiem ta’ dan il-Ftehim.

Dan il-Ftehim jiġi ppubblikat f’Il-Ġurnal Uffiċjali tal-Unjoni Ewropea.

Magħmul fi Frankfurt am Main u Brussell, is-6 ta’ Novembru 2013.

Għall-Parlament Ewropew

Il-President

M. SCHULZ

Għall-Bank Ċentrali Ewropew

Il-President

M. DRAGHI

(1) ĠU L 287, 29.10.2013, p. 63.

(2) Deċiżjoni 2004/258/KE tal-Bank Ċentrali Ewropew tal-4 ta’ Marzu 2004 dwar l-aċċess pubbliku għad-dokumenti tal-Bank Ċentrali Ewropew (BĊE/2004/3) (ĠU L 80, 18.3.2004, p. 42).

(3) Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(4) Deċiżjoni 95/167/KE, Euratom, KEFA tal-Parlament Ewropew, il-Kunsill u l-Kummissjoni tad-19 ta’ April 1995 dwar id-dispożizzjonijiet dettaljati li jirregolaw l-eżerċitar tad-dritt ta’ inkjesta tal-Parlament Ewropew, ĠU L 78, 6.4.1995, p. 1.

30.11.2013

Il-Ġurnal Uffiċjali tal-Unjoni Ewropea

L 320/7

DEĊIŻJONI TAL-KUNSILL

tal-25 ta’ Novembru 2013

dwar l-iffirmar, f’isem l-Unjoni Ewropea, tal-Ftehim bejn l-Unjoni Ewropea u r-Repubblika tal-Azerbajġan dwar il-faċilitazzjoni tal-ħruġ ta’ viżi

(2013/695/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari il-punt (a) tal-Artikolu 77(2), flimkien mal-Artikolu 218(5) tiegħu,

Wara li kkunsidra l-proposta mill-Kummissjoni Ewropea,

Billi:

(1)

Id-Dikjarazzjoni Konġunta tas-Samit ta’ Varsavja dwar is-Sħubija tal-Lvant tat-30 ta’ Settembru 2011 tikkonferma l-appoġġ politiku lejn it-tisħiħ tal-mobilità taċ-ċittadini permezz tal-liberalizzazzjoni tal-viża u l-intenzjoni li jittieħdu passi gradwali lejn l-ivvjaġġar mingħajr viża għaċ-ċittadini tagħhom fiż-żmien dovut.

(2)

Fid-19 ta’ Diċembru 2011 il-Kunsill awtorizza lill-Kummissjoni biex tiftaħ in-negozjati mar-Repubblika tal-Azerbajġan dwar Ftehim bejn l-Unjoni Ewropea u r-Repubblika tal-Azerbajġan dwar il-faċilitazzjoni tal-ħruġ ta’ viżi (“il-Ftehim”). In-negozjati ġew konklużi b’suċċess u l-Ftehim ġie inizjalat fid-29 ta’ Lulju 2013.

(3)	Il-Ftehim għandu jiġi ffirmat f’isem l-Unjoni, soġġett għall-konklużjoni tiegħu.

(4)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li fihom ir-Renju Unit mhuwiex qed jieħu sehem, f’konformità mad-Deċiżjoni tal-Kunsill 2000/365/KE (1); għalhekk ir-Renju Unit mhuwiex qed jieħu sehem fl-adozzjoni tagħha u mhuwiex marbut biha jew suġġett għall-applikazzjoni tagħha.

(5)

Din id-Deċiżjoni tikkostitwixxi żvilupp tad-dispożizzjonijiet tal-acquis ta’ Schengen li fihom l-Irlanda mhijiex qed tieħu sehem, f’konformità mad-Deċiżjoni tal-Kunsill 2002/192/KE (2); għalhekk l-Irlanda mhijiex qed tieħu sehem fl-adozzjoni tagħha u mhijiex marbuta biha jew suġġetta għall-applikazzjoni tagħha.

(6)

F’konformità mal-Artikoli 1 u 2 tal-Protokoll (Nru 22) dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhijiex qed tieħu sehem fl-adozzjoni ta’ din id-Deċiżjoni u mhijiex marbuta biha jew suġġetta għall-applikazzjoni tagħha,

ADOTTAT DIN ID-DEĊIŻJONI:

Artikolu 1

L-iffirmar, f’isem l-Unjoni, tal-Ftehim bejn il-Komunità Ewropea u r-Repubblika tal-Azerbajġan dwar il-faċilitazzjoni tal-ħruġ ta’ viżi huwa b’dan awtorizzat, soġġett għall-konklużjoni tal-Ftehim imsemmi (3).

Artikolu 2

Il-President tal-Kunsill huwa b’dan awtorizzat jaħtar il-persuna (jew il-persuni) bis-setgħa tal-firma tal-Ftehim, f’isem l-Unjoni Ewropea.

Artikolu 3

Din id-Deċiżjoni tidħol fis-seħħ fil-jum tal-adozzjoni tagħha.

Magħmul fi Brussell, il-25 ta’ Novembru 2013.

Għall-Kunsill

Il-President

D. PAVALKIS

(1) Deċiżjoni tal-Kunsill 2000/365/KE tad-29 ta’ Mejju 2000 dwar it-talba tar-Renju Unit tal-Gran Brittanja u l-Irlanda ta’ Fuq biex jieħdu parti f’xi dispożizzjonijiet tal-acquis ta’ Schengen (ĠU L 131, 1.6.2000, p. 43).

(2) Deċiżjoni tal-Kunsill 2002/192/KE tat-28 ta’ Frar 2002 dwar it-talba tal-Irlanda sabiex tieħu sehem f’xi dispożizzjonijiet tal-acquis ta’ Schengen (ĠU L 64, 7.3.2002, p. 20).

(3) It-test tal-Ftehim ser jiġi ppubblikat flimkien mad-deċiżjoni dwar il-konklużjoni tiegħu.

30.11.2013

Il-Ġurnal Uffiċjali tal-Unjoni Ewropea

L 320/8

REGOLAMENT TAL-KUMMISSJONI (UE) Nru 1218/2013

tas-27 ta’ Novembru 2013

li jistabbilixxi projbizzjoni tas-sajd għall-aringa fiż-żoni IV, VIId u fl-ilmijiet tal-UE taż-żona IIa minn bastimenti li jtajru l-bandiera tal-Pajjiżi l-Baxxi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa għall-2013 l-opportunitajiet tas-sajd disponibbli fl-ilmijiet tal-UE u, għall-bastimenti tal-UE, f'ċerti ilmijiet mhux tal-UE għal ċerti stokkijiet tal-ħut li huma suġġetti għal negozjatii (2) jew ftehimiet internazzjonali, jistabbilixxi l-kwoti għall-2013.

(2)	Skont l-informazzjoni li waslet għand il-Kummissjoni, il-qabdiet li saru tal-istokk imsemmi fl-Anness ta’ dan ir-Regolament, minn bastimenti li jtajru l-bandiera tal-Istat Membru msemmi fl-istess Anness jew irreġistrati fih, eżawrew il-kwota allokata lilhom għall-2013.

(3)	Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

ADOTTAT DAN IR-REGOLAMENT:

Artikolu 1

Eżawriment tal-Kwota

Il-kwota tas-sajd allokata lill-Istat Membru msemmi fl-Anness ta’ dan ir-Regolament, għall-istokk imsemmi fl-istess Anness għall-2013, għandha titqies eżawrita mid-data stipulata f’dak l-Anness.

Artikolu 2

Projbizzjonijiet

L-attivitajiet tas-sajd għall-istokk imsemmi fl-Anness ta’ dan ir-Regolament minn bastimenti li jtajru l-bandiera tal-Istat Membru msemmi fl-istess Anness jew irreġistrati fih għandhom jiġu pprojbiti mid-data stipulata f’dak l-Anness. B’mod partikolari, għandu jkun ipprojbit li jinżamm abbord, jiġi ttrażbordat, jiġi ttrasportat, jew jinħatt l-art, ħut minn dak l-istokk li jinqabad minn dawk il-bastimenti wara dik id-data.

Artikolu 3

Dħul fis-seħħ

Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta’ Novembru 2013.

Għall-Kummissjoni, F'isem il-President,

Lowri EVANS

Direttur Ġenerali għall-Affarijiet Marittimi u s-Sajd

(1) ĠU L 343, 22.12.2009, p. 1.

(2) ĠU L 23, 25.1.2013, p. 54.

ANNESS

Nru	65/TQ40
Stat Membru	Il-Pajjiżi l-Baxxi
Stokk	HER/2A47DX
Speċi	Aringa (Clupea harengus)
Żona	Iż-żoni IV, VIId u l-ilmijiet tal-UE taż-żona IIa
Data	29.10.2013

30.11.2013

Il-Ġurnal Uffiċjali tal-Unjoni Ewropea

L 320/10

REGOLAMENT TAL-KUMMISSJONI (UE) Nru 1219/2013

tas-27 ta’ Novembru 2013

li jistabbilixxi projbizzjoni tas-sajd għall-aringa fl-ilmijiet tal-UE u l-ilmijiet Norveġiżi taż-żona IV fit-Tramuntana ta’ 53° 30′ N minn bastimenti li jtajru l-bandiera ta' Franza

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

(2)	Skont l-informazzjoni li waslet għand il-Kummissjoni, il-qabdiet li saru tal-istokk imsemmi fl-Anness ta’ dan ir-Regolament, minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata lilhom għall-2013.

(3)	Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

ADOTTAT DAN IR-REGOLAMENT:

Artikolu 1

Eżawriment tal-Kwota

Il-kwota tas-sajd għall-2013 allokata lill-Istat Membru msemmi fl-Anness ta' dan ir-Regolament għall-istokk imsemmi hemmhekk għandha titqies bħala eżawrita mid-data stipulata f’dak l-Anness.

Artikolu 2

Projbizzjonijiet

L-attivitajiet tas-sajd għall-istokk imsemmi fl-Anness ta’ dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih għandhom jiġu pprojbiti mid-data stipulata f’dak l-Anness. B’mod partikolari, għandu jkun ipprojbit li jinżamm abbord, jiġi ttrażbordat, ittrasportat, jew jinħatt l-art, ħut minn dak l-istokk li jinqabad minn dawk il-bastimenti wara dik id-data.

Artikolu 3

Dħul fis-seħħ

Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta’ Novembru 2013.

Għall-Kummissjoni, F'isem il-President,

Lowri EVANS

Direttur Ġenerali għall-Affarijiet Marittimi u s-Sajd

(1) ĠU L 343, 22.12.2009, p. 1.

(2) ĠU L 23, 25.1.2013, p. 54.

ANNESS

Nru	63/TQ40
Stat Membru	Franza
Stokk	HER/4AB.
Speċi	Aringa (Clupea Harengus)
Żona	L-ilmijiet tal-UE u l-ilmijiet Norveġiżi taż-żona IV fit-Tramuntana ta’ 53° 30′ N
Data	24.10.2013

30.11.2013

Il-Ġurnal Uffiċjali tal-Unjoni Ewropea

L 320/12

REGOLAMENT TAL-KUMMISSJONI (UE) Nru 1220/2013

tas-27 ta’ Novembru 2013 li

li jistabbilixxi projbizzjoni tas-sajd għall-bakkaljaw fiż-żona 3M tan-NAFO minn bastimenti li jtajru l-bandiera ta' Stat Membru tal-Unjoni Ewropea

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa l-opportunitajiet tas-sajd disponibbli fl-ilmijiet tal-UE u, għall-bastimenti tal-UE għall-2013, f'ċerti ilmijiet mhux tal-UE għal ċerti stokkijiet tal-ħut li huma soġġetti għal negozjati jew ftehimiet internazzjonali (2), jistabbilixxi l-kwoti għall-2013.

(2)	Skont l-informazzjoni li waslet għand il-Kummissjoni, il-qabdiet li saru mill-istokk imsemmi fl-Anness ta' dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih, eżawrew il-kwota allokata għall-2013.

(3)	Għaldaqstant, jeħtieġ li jiġu pprojbiti l-attivitajiet tas-sajd għal dak l-istokk,

ADOTTAT DAN IR-REGOLAMENT:

Artikolu 1

Eżawriment tal-Kwota

Il-kwota tas-sajd għall-2013 allokata lill-Istati Membri msemmija fl-Anness ta' dan ir-Regolament għall-istokk imsemmi hemmhekk għandha titqies bħala eżawrita mid-data stipulata f’dak l-Anness.

Artikolu 2

Projbizzjonijiet

L-attivitajiet tas-sajd għall-istokk imsemmi fl-Anness ta’ dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih għandhom jiġu pprojbiti mid-data stipulata f’dak l-Anness. Partikolarment, għandu jkun ipprojbit li jinżamm abbord, jiġi ttrażbordat, ittrasportat, jew jinħatt l-art, ħut minn dak l-istokk li jinqabad minn dawk il-bastimenti wara dik id-data.

Artikolu 3

Id-dħul fis-seħħ

Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta’ Novembru 2013.

Għall-Kummissjoni, F'isem il-President,

Lowri EVANS

Direttur Ġenerali għall-Affarijiet Marittimi u s-Sajd

(1) ĠU L 343, 22.12.2009, p. 1.

(2) ĠU L 23, 25.01.2013, p. 54.

ANNESS

Nru	66/TQ40
L-Istat Membru	L-Unjoni Ewropea (L-Istati Membri kollha)
L-istokk	COD/N3M
L-ispeċi	Il-bakkaljaw (Gadus Morhua)
Iż-żona	NAFO 3M
Id-data	15.11.2013

30.11.2013

Il-Ġurnal Uffiċjali tal-Unjoni Ewropea

L 320/14

REGOLAMENT TA’ IMPLIMENTAZZJONI TAL-KUMMISSJONI (UE) Nru 1221/2013

tad-29 ta’ Novembru 2013

li jemenda r-Regolament ta’ Implimentazzjoni tal-Kummissjoni (UE) Nru 476/2013 li jiffissal-limitu kwantitattiv għall-esportazzjonijiet taz-zokkor barra mill-kwota sa tmiem is-sena tas-suq 2013/2014 u li jirrevoka r-Regolament ta’ Implimentazzjoni (UE) Nru 968/2013

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-punt (d) tal-ewwel paragrafu tal-Artikolu 61 flimkien mal-Artikolu 4 tiegħu,

Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 318/2006 dwar il-kummerċ ma’ pajjiżi terzi fis-settur taz-zokkor (2), u b’mod partikolari l-Artikolu 7e tiegħu, flimkien mal-Artikolu 9(1) tiegħu,

Billi:

(1)	Skont il-punt (d) tal-ewwel paragrafu tal-Artikolu 61 tar-Regolament (KE) Nru 1234/2007, iz-zokkor u l-isoglukożju prodotti matul sena tas-suq li jaqbżu l-kwota msemmija fl-Artikolu 56 ta’ dak ir-Regolament jistgħu jiġu esportati biss skont il-limitu kwantitattiv li għandu jiġi stabbilit.

(2)	Ir-Regolament (KE) Nru 951/2006 jistipula r-regoli dettaljati tal-implimentazzjoni għall-esportazzjonijiet barra mill-kwota, b’mod partikolari rigward il-ħruġ tal-liċenzji tal-esportazzjoni.

(3)

Għas-sena tas-suq tal-2013/2014, inizjalment ġie stmat li jekk il-limitu kwantitattiv għall-esportazzjonijiet taz-zokkor barra mill-kwota jiġi ffissat għal 650 000 tunnellata, f’ekwivalent ta’ zokkor abjad, dan ikun jikkorrispondi għad-domanda tas-suq. Dan il-limitu kien iffissat bir-Regolament ta’ Implimentazzjoni tal-Kummissjoni (UE) Nru 476/2013 (3). Iżda skont l-iktar stimi riċenti, il-produzzjoni taz-zokkor barra mill-kwota hija mistennija tilħaq it-3 600 000 tunnellata. Għaldaqstant, għandhom ikunu żgurati postijiet addizzjonali tas-suq għaz-zokkor barra mill-kwota.

(4)

Filwaqt li jitqies il-fatt li l-livell massimu tad-WTO għall-esportazzjonijiet għas-sena tas-suq tal-2013/2014 ma ntużax kollu, huwa xieraq li jiżdied il-limitu kwantitattiv tal-esportazzjoni għaz-zokkor barra mill-kwota b’700 000 tunnellata, biex b’hekk jiżdiedu l-opportunitajiet kummerċjali għall-produtturi taz-zokkor tal-Unjoni Ewropea. Biex il-produtturi taz-zokkor barra mill-kwota tal-Unjoni Ewropea jkunu jistgħu jisfruttaw l-opportunitajiet tas-suq fis-swieq tal-esportazzjoni tagħhom, huwa xieraq li l-kwantitajiet miżjuda jkunu disponibbli mit-2 ta’ Diċembru 2013.

(5)	Ir-Regolament ta’ Implimentazzjoni (UE) Nru 476/2013 għandu jiġi emendat skont dan.

(6)

Biex ikunu jistgħu jitressqu l-applikazzjonijiet għal-liċenzji tal-esportazzjoni taz-zokkor barra mill-kwota, għandha titneħħa kompletament is-sospensjoni tat-tressiq tal-applikazzjonijiet stipulata fl-Artikolu 1(3) tar-Regolament ta’ Implimentazzjoni tal-Kummissjoni (UE) Nru 968/2013 (4). Billi r-Regolament ta’ Implimentazzjoni (UE) Nru 968/2013 eżawrixxa l-effetti tiegħu, huwa xieraq li jiġi rrevokat.

(7)	Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

L-Artikolu 1(1) tar-Regolament ta’ Implimentazzjoni (UE) Nru 476/2013 għandu jinbidel b’dan li ġej:

“1. Għas-sena tas-suq tal-2013/2014, il-limitu kwantitattiv imsemmi fil-punt (d) tal-ewwel paragrafu tal-Artikolu 61 tar-Regolament (KE) Nru 1234/2007 għandu jkun ta’ 1 350 000 tunnellata għall-esportazzjonijiet mingħajr rifużjoni taz-zokkor abjad barra mill-kwota kklassifikat fil-Kodici tan-Nomenklatura Magħquda 1701 99.”

Artikolu 2

Ir-Regolament ta’ Implimentazzjoni (UE) Nru 968/2013 għandu jiġi rrevokat.

Artikolu 3

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mit-2 ta’ Diċembru 2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 299, 16.11.2007, p. 1.

(2) ĠU L 178, 1.7.2006, p. 24.

(3) Ir-Regolament ta’ Implimentazzjoni tal-Kummissjoni (UE) Nru 476/2013 tat-23 ta’ Mejju 2013 li jiffissa l-limitu kwantitattiv għall-esportazzjonijiet taz-zokkor u l-isoglukożju barra mill-kwota sa tmiem is-sena tas-suq 2013/2014 (ĠU L 138, 24.5.2013, p. 5).

(4) Ir-Regolament ta’ Implimentazzjoni tal-Kummissjoni (UE) Nru 968/2013 tad-9 ta’ Ottubru 2013 li jistipula perċentwali ta’ aċċettazzjoni għall-ħruġ ta’ liċenzji tal-esportazzjoni li jirrifjuta applikazzjonijiet għal liċenzji tal-esportazzjoni u li jissospendi t-tressiq tal-applikazzjonijiet għal liċenzji tal-esportazzjoni għal zokkor ’il barra mill-kwota (ĠU L 268, 10.10.2013, p. 12).

30.11.2013

Il-Ġurnal Uffiċjali tal-Unjoni Ewropea

L 320/16

REGOLAMENT TA’ IMPLIMENTAZZJONI TAL-KUMMISSJONI (UE) Nru 1222/2013

tad-29 ta’ Novembru 2013

dwar l-awtorizzazzjoni tal-aċidu propjoniku, il-propjonat tas-sodju u l-propjonat tal-ammonju bħala addittivi tal-għalf għar-ruminanti, il-majjali u t-tjur

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)	Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fl-għalf tal-annimali u għar-raġunijiet u l-proċeduri għall-għoti ta’ tali awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni tal-aċidu propjoniku, il-propjonat tas-sodju u l-propjonat tal-ammonju. Dik l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

Dik l-applikazzjoni tikkonċerna l-awtorizzazzjoni tal-aċidu propjoniku, il-propjonat tas-sodju u l-propjonat tal-ammonju bħala addittivi fl-għalf għall-ispeċijiet kollha tal-annimali, li għandhom jiġu kklassifikati fil-kategorija tal-addittivi “addittivi teknoloġiċi”, il-grupp funzjonali “addittivi tal-ħżin f’sajlo”. L-applikazzjoni tinkludi wkoll użi oħra tal-istess sustanzi li għalihom s’issa għadha ma ttieħdet l-ebda deċiżjoni.

(4)

Fl-opinjoni tagħha tas-16 ta’ Novembru 2011 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, fil-kundizzjonijiet ta’ użu proposti, l-aċidu propjoniku, il-propjonat tas-sodju u l-propjonat tal-ammonju ma għandhomx effetti negattivi fuq is-saħħa tal-annimali, is-saħħa tal-bniedem jew l-ambjent. Ġie konkluż ukoll li s-sustanzi jtejbu l-istabbilità aerobika ta’ materjali faċli biex jinħażnu. L-Awtorità tqis li ma hemmx bżonn ta’ rekwiżiti speċifiċi għal monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodi ta’ analiżi tal-addittivi tal-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

(5)	Il-valutazzjoni tas-sustanzi kkonċernati turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta’ dawn is-sustanzi għandu jiġi awtorizzat kif speċifikat fl-Anness ta’ dan ir-Regolament.

(6)	Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Is-sustanzi speċifikati fl-Anness, li jiffurmaw parti mill-kategorija ta’ addittivi “addittivi teknoloġiċi” u mill-grupp funzjonali “addittivi tal-ħżin f’sajlo”, huma awtorizzati bħala addittivi fl-għalf tal-annimali, soġġetti għall-kundizzjonijiet stipulati f’dak l-Anness.

Artikolu 2

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 268, 18.10.2003, p. 29.

(2) EFSA Journal 2011; 9(12):2446.

ANNESS

Numru tal-identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

mg/kg tal-għalf komplet b’kontenut ta’ umdità ta’ 12 %

Kategorija ta’ addittivi teknoloġiċi. Grupp funzjonali: addittivi tal-ħżin f’sajlo

1k280

—

Aċidu propjoniku

Kompożizzjoni tal-addittiv

Aċidu propjoniku ≥ 99,5 %

Karatterizzazzjoni tas-sustanza attiva

Aċidu propjoniku ≥ 99,5 %

C3H6O2 Nru tal-CAS: 79-09-4

Residwu mhux volatili ≤ 0,01 % meta mnixxef b’140 °C sa piż kostanti

Aldeidi ≤ 0,1 % espressi bħala formaldeid

Prodott b’sinteżi kimika

Metodu tal-Analiżi (1)

Kwantifikazzjoni ta’ aċidu propjoniku bħala aċidu propjoniku totali f’addittivi tal-ikel, taħlitiet minn qabel, għalf: Kromatografija b’Fażi Likwida ta’ Rendiment Għoli (HPLC-RI) b’indiċi rifrattiv li teskludi l-joni

Ruminanti

—

1.	L-użu simultanju ta’ aċidi organiċi oħra fid-dożi massimi permessi huwa kontraindikat.

2.	L-addittiv għandu jintuża f’materjal faċli biex jinħażen (2).

3.	L-użu simultanju ma’ sorsi oħra tas-sustanza attiva ma għandux jaqbeż il-kontenut massimu awtorizzat.

4.	Għas-sikurezza: waqt l-immaniġġar għandhom jintużaw protezzjoni għan-nifs, protezzjoni għall-għajnejn, ingwanti u lbies protettiv.

L-20 ta’ Diċembru 2023

Majjali

—

30 000

Tjur

—

10 000

k281

—

Propjonat tas-sodju

Kompożizzjoni tal-addittiv

Propjonat tas-sodju ≤ 98,5 %

Karatterizzazzjoni tas-sustanza attiva

Propjonat tas-sodju ≤ 98,5 %

C3H5O2Na

Nru tal-CAS: 137-40-6

Telf fit-tnixxif ≤ 4 % iddeterminat permezz ta’ tnixxif għal sagħtejn b’105 °C

Insolubbli fl-ilma ≤ 0,1 %

Prodott b’sinteżi kimika

Metodu tal-Analiżi (1)

Kwantifikazzjoni ta’ propjonat tas-sodju fl-addittiv tal-għalf:

(1)	Kromatografija b’Fażi Likwida ta’ Rendiment Għoli b’indiċi rifrattiv li teskludi l-joni (HPLC-RI) – biex jiġi ddeterminat il-propjonat totali; u

(2)	spettrometrija atomika tal-assorbiment AAS (EN ISO 6869) – biex jiġi ddeterminat is-sodju totali.

Kwantifikazzjoni tal-propjonat tas-sodju bħala aċidu propjoniku totali f’taħlitiet minn qabel, għalf: Kromatografija b’Fażi Likwida ta’ Rendiment Għoli b’indiċi rifrattiv li teskludi l-joni (HPLC-RI)

Ruminanti

—

1.	L-użu simultanju ta’ aċidi organiċi oħra fid-dożi massimi permessi huwa kontraindikat.

2.	L-addittiv għandu jintuża f’materjal faċli biex jinħażen (2).

3.	L-użu simultanju ma’ sorsi oħra tas-sustanzi attivi ma għandux jaqbeż il-kontenut massimu awtorizzat.

4.	Għas-sikurezza: waqt l-immaniġġar għandhom jintużaw protezzjoni għan-nifs, protezzjoni għall-għajnejn, ingwanti u lbies protettiv.

L-20 ta’ Diċembru 2023

Majjali

—

30 000 (3)

Tjur

—

10 000 (3)

1k284

—

Propjonat tal-ammonju

Kompożizzjoni tal-addittiv

Preparazzjoni ta’ propjonat tal-ammonju ≥ 19,0 %, aċidu propjoniku ≤ 80,0 % u ilma ≤ 30 %

Karatterizzazzjoni tas-sustanza attiva

Propjonat tal-ammonju: C3H9O2N

Nru tal-CAS.: 17496-08-1

Prodott b’sinteżi kimika

Metodu tal-Analiżi (1)

Il-kwantifikazzjoni tal-propjonat tal-ammonju fl-addittiv tal-għalf:

(1)	Kromatografija b’Fażi Likwida ta’ Rendiment Għoli b’indiċi rifrattiv li teskludi l-joni (HPLC-RI) – biex jiġi ddeterminat il-propjonat totali; u

(2)	titrazzjoni b’aċidu sulfuriku u idrossidu tas-sodju biex jiġi ddeterminat l-ammonju.

Kwantifikazzjoni ta’ propjonat tal-ammonju bħala t-total ta’ aċidu propjoniku f’taħlitiet minn qabel, għalf:

Kromatografija b’Fażi Likwida ta’ Rendiment Għoli b’indiċi rifrattiv li teskludi l-joni (HPLC-RI)

Ruminanti

—

1.	L-użu simultanju ta’ aċidi organiċi oħra fid-dożi massimi permessi huwa kontraindikat.

2.	L-addittiv għandu jintuża f’materjal faċli biex jinħażen (2).

3.	L-użu simultanju ma’ sorsi oħra tas-sustanzi attivi ma għandux jaqbeż il-kontenut massimu awtorizzat.

4.	Għas-sikurezza: waqt l-immaniġġar għandhom jintużaw protezzjoni għan-nifs, protezzjoni għall-għajnejn, ingwanti u lbies protettiv.

L-20 ta’ Diċembru 2023

Majjali

—

30 000 (3)

Tjur

—

10 000 (3)

(1) Id-dettalji dwar il-metodi analitiċi huma disponibbli fl-indirizz tal-Laboratorju ta’ Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx

(2) Foraġġ li faċli jinħażen: > 3 % karboidrati li jinħallu f’materjal frisk (eż. pjanta sħiħa tal-qamħirrun, sikrana, ħafur jew polpa tal-pitravi). Ir-Regolament tal-Kummissjoni (KE) Nru 429/2008 (ĠU L 133, 22.5.2008, p. 1).

(3) Bħala aċidu propjoniku

30.11.2013

Il-Ġurnal Uffiċjali tal-Unjoni Ewropea

L 320/20

REGOLAMENT TAL-KUMMISSJONI (UE) Nru 1223/2013

tad-29 ta’ Novembru 2013

li jipprovdi għal tnaqqis mill-kwota tas-sajd għas-salamun allokata lill-Polonja fl-2013 u fis-snin sussegwenti fis-subdiviżjonijiet 22-31 tal-ICES minħabba sajd eċċessiv fl-2012

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (1), u b’mod partikolari l-Artikolu 105(1) u (2) tiegħu,

Billi:

(1)	Kienet allokata kwota tas-sajd għas-salamun tal-Atlantiku fl-ilmijiet tal-Unjoni tas-subdiviżjonijiet 22-31 tal-ICES lill-Polonja għall-2012 mir-Regolament tal-Kunsill (UE) Nru 1256/2011 (2).

(2)

Il-Kummissjoni sabet li kien hemm xi inkonsistenzi fid-dejta Pollakka dwar is-sajd għas-salamun fl-2012 b’kontroverifika mad-dejta rreġistrata u rrappurtata f’sajdiet spezzjonati u oħrajn mhux spezzjonati. Dawn l-inkonsistenzi fir-rappurtar tal-kompożizzjoni tal-qabda komplew ġew ikkorroborati bit-twettiq ta’ diversi missjonijiet ta’ awditjar u verifika fil-Polonja skont ir-Regolament tal-Kunsill (KE) Nru 1224/2009. Bl-evidenza miġbura, il-Kummissjoni tista’ tistabbilixxi li dan l-Istat Membru qabeż il-kwota tas-salamun tiegħu għas-sena 2012 b’1 776 biċċa tas-salamun.

(3)	Skont l-ewwel paragrafu tal-Artikolu 105 tar-Regolament (KE) Nru 1224/2009, meta l-Kummissjoni tkun stabbilixxiet li Stat Membru jkun qabeż il-kwoti tas-sajd li kienu allokati lilu, il-Kummissjoni għandha tnaqqas il-kwoti tas-sajd futuri ta’ dak l-Istat Membru.

(4)	Il-paragrafu 2 tal-Artikolu 105 tar-Regolament (KE) Nru 1224/2009 jipprovdi li t-tnaqqis mill-kwoti tas-sajd għandu jsir għas-sena jew is-snin ta’ wara.

(5)

Jinħtieġ li t-tnaqqis meħtieġ sabiex jagħmel tajjeb għal dan is-sajd eċċessiv isir fuq il-kwota allokata lill-Polonja għas-salamun tal-Atlantiku fl-2013. L-ammont ta’ sajd eċċessiv huwa kkwantifikat mill-Kummissjoni għal anqas minn 100 tunnellata. Skont l-aħħar sentenza tal-paragrafu 2 tal-Artikolu 105, l-ebda fattur ta’ multiplikazzjoni ma għandu għalhekk jiġi applikat lit-tnaqqis.

(6)

Madankollu, jekk minħabba l-konsum tal-kwota tal-2013 fil-waqt tad-dħul fis-seħħ ta’ dan ir-Regolament, ma jkunx possibbli li jsir għal kollox it-tnaqqis tal-ammonti dovuti, kull kwantità li jibqa’ għandha titnaqqas mill-kwota tas-salamun tal-Atlantiku li tista’ tiġi allokata lil dan l-Istat Membru fl-2014, f’konformità mal-linji gwida tal-Kummissjoni għat-tnaqqis tal-kwoti skont l-Artikolu 105(1), (2) u (5) tar-Regolament (KE) Nru 1224/2009 (3).

ADOTTAT DAN IR-REGOLAMENT:

Artikolu 1

Il-kwota tas-sajd għas-salamun tal-Atlantiku (Salmo salar) fl-ilmijiet tal-Unjoni tas-subdiviżjonijiet 22-31 tal-ICES allokata lill-Polonja fl-2013 mir-Regolament tal-Kunsill (UE) Nru 1256/2011 għandha titnaqqas kif jidher fl-Anness.

Artikolu 2

Jekk it-tnaqqis li għandu jiġi applikat skont l-Artikolu 1 ikun ogħla mill-kwota tas-sajd li tkun għadha disponibbli u t-tnaqqis ma jkunx jista’ jsir kompletament fl-2013, il-kwantitajiet li jifdal għandhom jitnaqqsu milll-kwota tas-sajd għas-salamun tal-Atlantiku (Salmo salar) fl-ilmijiet tal-Unjoni tas-subdiviżjonijiet 22-31 tal-ICES li tista’ tiġi allokata lill-Polonja fl-2014.

Artikolu 3

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 343, 22.12.2009, p. 1.

(2) ĠU L 320, 3.12.2011, p. 3.

(3) ĠU C 72, 10.3.2012 p. 27.

ANNESS

Stokk

2012

Tnaqqis fl-2013

Kwota inizjali

Kwota addattata

Qabdiet stabbiliti

Differenza bejn il-kwota u l-qabdiet

(sajd eċċessiv)

SAL/3B23.; SAL/3C22.; SAL/3D24.; SAL/3D25.; SAL/3D26.; SAL/3D27.; SAL/3D28.; SAL/3D29.; SAL/3D30.; SAL/3D31.

7 704

9 493

–1 776

1 776

30.11.2013

Il-Ġurnal Uffiċjali tal-Unjoni Ewropea

L 320/22

REGOLAMENT TAL-KUMMISSJONI (UE) Nru 1224/2013

tad-29 ta’ Novembru 2013

li jemenda r-Regolament (KE) Nru 800/2008 rigward il-perjodu tal-applikazzjoni tiegħu

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-Artikolu 108(4) tiegħu,

Wara li kkunsidrat ir-Regolament tal-Kunsill (KE) Nru 994/98 tas-7 ta' Mejju 1998 dwar l-applikazzjoni tal-Artikoli 92 u 93 tat-Trattat li jistabbilixxi l-Komunità Ewropea għal ċertu kategoriji ta' għajnuna mill-Istat orizzontali (1),

Wara li kkonsultat mal-Kumitat Konsultattiv dwar l-Għajnuna mill-Istat,

Billi:

(1)	Ir-Regolament tal-Kummissjoni (KE) Nru 800/2008 (2) jiskadi fil-31 ta’ Diċembru 2013.

(2)

Fil-Komunikazzjoni tagħha dwar il-Modernizzazzjoni tal-Għajnuna mill-Istat tal-UE (3) tat-8 ta’ Mejju 2012, il-Kummissjoni nediet rieżami wiesa' tar-regoli dwar l-għajnuna mill-Istat. Fil-kuntest ta’ dak ir-rieżami, ir-Regolament (KE) Nru 994/98 diġà ġie emendat bir-Regolament tal-Kunsill (UE) Nru 733/2013 (4). Għadd ta’ strumenti oħra tal-għajnuna mill-Istat għadhom fil-proċess ta’ rieżami, bħalma huma dawk li jirrigwardaw riċerka u żvilupp u innovazzjoni, għajnuna ambjentali, kapital ta’ riskju u salvataġġ u ristrutturar ta’ kumpaniji f’diffikultajiet. Mhux se jkun possibbli li jiġi ffinalizzat l-adattament ta’ dawn l-istrumenti qabel ma jiskadi r-Regolament (KE) Nru 800/2008. Sabiex ikun żgurat approċċ konsistenti fl-istrumenti kollha ta’ għajnuna mill-Istat, huwa għalhekk xieraq li jiġi estiż il-perjodu ta’ applikazzjoni tar-Regolament (KE) Nru 800/2008 sat-30 ta’ Ġunju 2014.

(3)	Għalhekk, ir-Regolament (KE) Nru 800/2008 għandu jiġi emendat skont dan.

(4)

Fid-dawl tal-estensjoni tal-perjodu ta’ applikazzjoni tar-Regolament (KE) Nru 800/2008, jista’ jagħti l-każ li xi Stati Membri jkunu jixtiequ jestendu t-tul ta’ żmien tal-miżuri li dwarhom ġiet ipprovduta informazzjoni fil-qosor skont l-Artikolu 9 ta’ dak ir-Regolament. Sabiex jitnaqqas il-piż amministrattiv, huwa xieraq li l-informazzjoni fil-qosor dwar l-estensjoni ta’ dawn il-miżuri għandha titqies li ġiet ikkomunikata lill-Kummissjoni, dment li ma ssir l-ebda emenda sostantiva għall-miżuri kkonċernati.

(5)	Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea biex jippermetti l-estensjoni tal-perjodu ta’ applikazzjoni tar-Regolament (KE) Nru 800/2008, qabel jiskadi,

ADOTTAT DAN IR-REGOLAMENT:

Artikolu 1

Fl-Artikolu 45 tar-Regolament (KE) Nru 800/2008 it-tieni paragrafu jiġi mibdul b'dan li ġej:

“Għandha tapplika sat-30 ta' Ġunju 2014”.

Artikolu 2

Fejn Stat Membru jixtieq jestendi, bħala konsegwenza tal-emenda tar-Regolament (KE) Nru 800/2008, miżuri li dwarhom tressqet l-informazzjoni fil-qosor quddiem il-Kummissjoni, skont l-Artikolu 9 tar-Regolament (KE) Nru 800/2008, l-informazzjoni fil-qosor dwar l-estensjoni ta’ dawk il-miżuri għandha titqies li tkun ġiet ikkomunikata lill-Kummissjoni, dment li ma ssir l-ebda emenda sostantiva għall-miżuri kkonċernati.

Artikolu 3

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri skont it-Trattati.

Magħmul fi Brussell, id-29 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 142, 14.5.1998, p. 1.

(2) Ir-Regolament tal-Kummissjoni (KE) Nru 800/2008 tas-6 ta' Awwissu 2008 li jiddikjara ċerti kategoriji ta' għajnuna bħala kompatibbli mas-suq komuni skont l-Artikoli 87 u 88 tat-Trattat (ĠU L 214, 9.8.2008, p. 3).

(3) Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, il-Modernizzazzjoni tal-Għajnuna mill-Istat tal-UE (SAM), 8.5.2012, COM (2012) 209 finali.

(4) ĠU L 204, 31.7.2013, p. 11.

30.11.2013

Il-Ġurnal Uffiċjali tal-Unjoni Ewropea

L 320/24

REGOLAMENT TA’ IMPLIMENTAZZJONI TAL-KUMMISSJONI (UE) Nru 1225/2013

tad-29 ta’ Novembru 2013

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),

Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,

Billi:

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni, F'isem il-President,

Jerzy PLEWA

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 157, 15.6.2011, p. 1.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	AL	61,5
	MA	45,9
	TR	88,1
	ZZ	65,2
0707 00 05	AL	50,7
	EG	200,0
	TR	132,3
	ZZ	127,7
0709 91 00	EG	200,0
0709 91 00	ZZ	200,0
0709 93 10	MA	133,5
	TR	110,1
	ZZ	121,8
0805 20 10	AU	135,4
	MA	64,3
	PE	131,0
	TR	100,8
	ZA	150,1
	ZZ	116,3
0805 20 30 , 0805 20 50 , 0805 20 70 , 0805 20 90	IL	59,5
	PE	74,3
	SZ	43,6
	TR	63,7
	UY	92,4
	ZZ	66,7
0805 50 10	TR	71,5
0805 50 10	ZZ	71,5
0808 10 80	AU	125,0
	BA	45,7
	MK	36,9
	US	151,9
	ZA	93,4
	ZZ	90,6
0808 30 90	TR	118,4
0808 30 90	ZZ	118,4

(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.

30.11.2013

Il-Ġurnal Uffiċjali tal-Unjoni Ewropea

L 320/26

REGOLAMENT TA’ IMPLIMENTAZZJONI TAL-KUMMISSJONI (UE) Nru 1226/2013

tad-29 ta’ Novembru 2013

li jistabbilixxi d-dazji għall-importazzjoni fis-settur taċ-ċereali applikabbli mill-1 ta’ Diċembru 2013

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kummissjoni (UE) Nru 642/2010 tal-20 ta' Lulju 2010 dwar regoli ta’ applikazzjoni għar-Regolament tal-Kunsill (KE) Nru 1234/2007 dwar id-dazju ta’ importazzjoni fis-settur taċ-ċereali (2), u b'mod partikolari l-Artikolu 2(1) tiegħu,

Billi:

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet NM 1001 19 00, 1001 11 00, ex 1001 91 20 (qamħ komuni, għaż-żrigħ), ex 1001 99 00 (qamħ komuni ta' kwalità għolja għajr dak għaż-żriegħ), 1002 10 00, 1002 90 00, 1005 10 90, 1005 90 00, 1007 10 90 u 1007 90 00, id-dazju għall-importazzjoni huwa daqs il-prezz tal-intervent li jgħodd għal dawn il-prodotti fil-waqt tal-importazzjoni, biż-żieda ta' 55 % u bit-tnaqqis tal-prezz tal-importazzjoni CIF applikabbli għall-konsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)	L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju għall-importazzjoni msemmija fil-paragrafu 1 tal-Artikolu msemmi, għandhom jiġu stabbiliti fuq bażi regolari l-prezzijiet rappreżentattivi tal-importazzjoni CIF għall-prodotti kkonċernati.

(3)

Skont l-Artikolu 2(2) tar-Regolament (UE) Nru 642/2010, għall-prodotti li jaqgħu taħt il-kodiċijiet NM 1001 19 00, 1001 11 00, ex 1001 91 20 (qamħ komuni, għaż-żrigħ), ex 1001 99 00 (qamħ komuni ta' kwalità għolja għajr dak għaż-żriegħ), 1002 10 00, 1002 90 00, 1005 10 90, 1005 90 00, 1007 10 90 u 1007 90 00, id-dazju għall-importazzjoni huwa kkalkulat fuq il-prezz rappreżentattiv tal-importazzjoni CIF ta’ kull jum iddeterminat skont il-metodu speċifikat fl-Artikolu 5 ta’ dak ir-Regolament.

(4)	Jeħtieġ li jiġu stabbiliti d-dazji għall-importazzjoni għall-perjodu li jibda mill-1 ta’ Diċembru 2013, applikabbli sakemm jidħlu fis-seħħ dazji għall-importazzjoni ġodda.

(5)	Minħabba l-ħtieġa li jiġi żgurat li din il-miżura tapplika malajr kemm jista' jkun wara li tkun disponibbli d-dejta aġġornata, dan ir-Regolament għandu jidħol fis-seħħ fil-jum tal-pubblikazzjoni tiegħu,

ADOTTAT DAN IR-REGOLAMENT:

Artikolu 1

Mill-1 ta’ Diċembru 2013, id-dazji għall-importazzjoni fis-settur taċ-ċereali msemmija fl-Artikolu 136(1) tar-Regolament (KE) Nru 1234/2007 huma stipulati fl-Anness I għal dan ir-Regolament abbażi tal-informazzjoni fl-Anness II.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni, F'isem il-President,

Jerzy PLEWA

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 187, 21.7.2010, p. 5.

ANNESS I

Dazji għall-importazzjoni tal-prodotti msemmija fl-Artikolu 136(1) tar-Regolament (KE) Nru 1234/2007 applikabbli mill-1 ta’ Diċembru 2013

Kodiċi NM	Isem tal-merkanzija	Dazju għall-importazzjoni (1) (EUR/t)
1001 19 00 1001 11 00	QAMĦ durum ta' kwalità għolja	0,00
	ta' kwalità medja	0,00
	ta' kwalità baxxa	0,00
ex 1001 91 20	QAMĦ komuni, għaż-żrigħ	0,00
ex 1001 99 00	QAMĦ komuni ta’ kwalità għolja, għajr dak għaż-żriegħ	0,00
1002 10 00 1002 90 00	SEGALA	0,00
1005 10 90	QAMĦIRRUM għaż-żriegħ, għajr l-ibridi	0,00
1005 90 00	QAMĦIRRUM, għajr dak għaż-żriegħ (2)	0,00
1007 10 90 1007 90 00	SORGU tal-qamħ, għajr ibridi għaż-żriegħ	0,00

(1) L-importatur jista’ jibbenefika, skont l-Artikolu 2(4) tar-Regolament (UE) Nru 642/2010, minn tnaqqis fid-dazji ta’:

—	3 EUR/t, jekk il-port tal-ħatt ikun fil-Baħar Mediterran (’l hinn mill-Istrett ta’ Ġibiltà) jew fil-Baħar l-Iswed, jekk il-merkanzija tasal fl-Unjoni mill-Oċeani Atlantiku jew permezz tal-Kanal ta’ Suez,

—	2 EUR/t, jekk il-port tal-ħatt jinsab fid-Danimarka, l-Estonja, l-Irlanda, il-Latvja, il-Litwanja, il-Polonja, il-Finlandja, fl-Isvezja, fir-Renju Unit jew fuq il-kosta tal-Atlantiku tal-Peniżola Iberika, jekk il-merkanzija tasal fl-Unjoni mill-Oċean Atlantiku.

(2) L-importatur jista' jibbenefika minn tnaqqis fiss ta' EUR 24 kull tunnellata jekk il-kundizzjonijiet stabbiliti fl-Artikolu 3 tar-Regolament (UE) Nru 642/2010 jiġu rrispettati.

ANNESS II

Informazzjoni għall-kalkolu tad-dazji stipulati fl-Anness I

15.11.2013-28.11.2013

(1)

Il-kwantitajiet medji għall-perjodu ta’ referenza msemmi fl-Artikolu 2(2) tar-Regolament (UE) Nru 642/2010:

(EUR/t)
	Qamħ komuni (1)	Qamħirrum	Qamħ durum kwalità għolja	Qamħ durum, ta’ kwalità medja (2)	Qamħ durum ta’ kwalità baxxa (3)
Borża	Minnéapolis	Chicago	—	—	—
Kwotazzjoni	203,08	122,01	—	—	—
Prezz FOB l-Istati Uniti tal-Amerika	—	—	222,66	212,66	192,66
Primjum tal-Golf	—	28,32	—	—	—
Primjum tal-Għadajjar il-Kbar	37,83	—	—	—	—

(2)

Il-kwantitajiet medji għall-perjodu ta’ referenza msemmi fl-Artikolu 2(2) tar-Regolament (UE) Nru 642/2010:

Spejjeż għat-trasport: Il-Golf tal-Messiku — Rotterdam:	17,27 EUR/t
Spejjeż għat-trasport: L-Għaddajjar il-Kbar — Rotterdam:	51,31 EUR/t

(1) Primjum pożittiva ta' EUR 14/t inkorporat (l-Artikolu 5(3) tar-Regolament (UE) Nru 642/2010).

(2) Skont ta' EUR 10/t (l-Artikolu 5(3) tar-Regolament (UE) Nru 642/2010).

(3) Skont ta' EUR 30/t (l-Artikolu 5(3) tar-Regolament (UE) Nru 642/2010).

30.11.2013

Il-Ġurnal Uffiċjali tal-Unjoni Ewropea

L 320/29

REGOLAMENT TA’ IMPLIMENTAZZJONI TAL-KUMMISSJONI (UE) Nru 1227/2013

tad-29 ta’ Novembru 2013

li jistabbilixxi l-koeffiċjenti ta’ allokazzjoni għal-liċenzji tal-esportazzjoni għal ċerti prodotti tal-ħalib li għandhom jiġu esportati lejn ir-Repubblika Dominikana skont il-kwota msemmija fir-Regolament (KE) Nru 1187/2009

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kummissjoni (KE) Nru 1187/2009 tas-27 ta’ Novembru 2009 li jistipula regoli dettaljati speċjali għall-applikazzjoni tar-Regolament tal-Kunsill (KE) Nru 1234/2007 fir-rigward tal-liċenzji tal-esportazzjoni u r-rifużjonijiet tal-esportazzjoni għall-ħalib u l-prodotti tal-ħalib (2), u b'mod partikolari l-Artikolu 31(3) tiegħu,

Billi:

(1)	It-Taqsima 3 tal-Kapitolu III tar-Regolament (KE) Nru 1187/2009 jiddetermina l-proċedura għall-allokazzjoni ta’ liċenzji tal-esportazzjoni għal ċerti prodotti tal-ħalib li għandhom ikunu esportati lejn ir-Repubblika Dominikana skont kwota miftuħa għal dak il-pajjiż.

(2)

Ir-regoli ta' dik it-Taqsima, kif emendati mir-Regolament ta' Implimentazzjoni tal-Kummissjoni (UE) Nru 990/2013 (3), jipprevedu għall-possibilità li operaturi jissottomettu applikazzjonijiet għal-liċenzji ta' esportazzjoni mill-1 sal-10 ta' Novembru jekk, wara l-perjodu ta' sottomissjoni tal-applikazzjonijiet tal-liċenzji kif imsemmi fl-ewwel paragrafu tal-Artikolu 29 tar-Regolament (KE) Nru 1187/2009 tibqa' disponibbli xi kwantità taħt il-kwota. L-Artikolu 2 tar-Regolament ta' Implimentazzjoni (UE) Nru 990/2013 jispeċifika li l-kwantità residwa totali, għas-sena ta' kwota 2013/2014, hija 9 018 tunnellata.

(3)

L-applikazzjonijiet sottomessi bejn l-1 sal-10 ta' Novembru 2013 għall-perjodu li jibqa' mis-sena tal-kwota kurrenti 2013/2014 ikopru kwantitajiet inqas minn dawk li huma disponibbli. Konsegwentement, huwa xieraq li, skont ir-raba' subparagrafu tal-Artikolu 31(3) tar-Regolament (KE) Nru 1187/2009 tkun prevista l-allokazzjoni tal-kwantità residwa. Il-ħruġ ta' liċenzji tal-esportazzjoni għal dik il-kwantità residwa għandu jkun kondizzjonali għall-kommunikazzjoni lill-awtorità kompetenti tal-kwantità supplimentari aċċettata mill-operatur ikkonċernat u għall-għoti ta’ garanzija mill-operaturi interessati,

ADOTTAT DAN IR-REGOLAMENT:

Artikolu 1

Se jiġu aċċettati l-applikazzjonijiet għal-liċenzji tal-esportazzjoni sottomessi mill-1 sal-10 ta' Novembru 2013 għall-perjodu li jibqa' mis-sena tal-kwota kurrenti 2013/2014.

Il-kwantitajiet koperti bl-applikazzjonijiet għal liċenzji tal-esportazzjoni msemmija fl-ewwel paragrafu għall-prodotti msemmija fl-Artikolu 27(2) tar-Regolament (KE) Nru 1187/2009, għandhom ikunu mmultiplikati bil-koeffiċjent tal-allokazzjoni ta' 73,918032.

Il-liċenzji tal-esportazzjoni għall-kwantitajiet li jaqbżu l-kwantitajiet applikati għalihom u li huma allokati skont il-koeffiċjent stipulat fit-tieni paragrafu għandhom jinħarġu wara l-aċċettazzjoni tal-operatur fi żmien ġimgħa mid-data tal-pubblikazzjoni ta' dan ir-Regolament u wara l-għoti tal-garanzija korrispondenti.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Novembru 2013.

Għall-Kummissjoni, F'isem il-President,

Jerzy PLEWA

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 318, 4.12.2009, p. 1.

(3) Ir-Regolament ta’ Implimentazzjoni tal-Kummissjoni (UE) Nru 990/2013 tal-15 ta’ Ottubru 2013 li jemenda r-Regolament (KE) Nru 1187/2009 fir-rigward tal-esportazzjonjiet tal-ħalib u tal-prodotti tal-ħalib lejn l-Istati Uniti tal-Amerika u r-Repubblika Dominikana (ĠU L 275, 16.10.2013, p. 3)

30.11.2013

Il-Ġurnal Uffiċjali tal-Unjoni Ewropea

L 320/31

DEĊIŻJONI TAL-KUMITAT POLITIKU U TA' SIGURTÀ EUTM MALI/2/2013

tat-12 ta’ Novembru 2013

dwar l-istabbiliment tal-Kumitat ta' Kontributuri għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati tal-Mali (EUTM Mali)

(2013/696/PESK)

IL-KUMITAT POLITIKU U TA' SIGURTÀ,

Wara li kkunsidra t-Trattat dwar l-Unjoni Ewropea, u b'mod partikolari t-tielet subparagrafu tal-Artikolu 38 tiegħu,

Wara li kkunsidra d-Deċiżjoni tal-Kunsill 2013/34/PESK tas-17 ta' Jannar 2013 dwar missjoni militari tal-Unjoni Ewropea biex tikkontribwixxi għat-taħriġ tal-Forzi Armati ta' Mali (EUTM Mali) (1), u b'mod partikolari l-Artikolu 8(5) tagħha,

Billi:

(1)

Taħt l-Artikolu 8(5) tad-Deċiżjoni 2013/34/PESK, il-Kunsill awtorizza lill-Kumitat Politiku u ta' Sigurtà (KPS) sabiex jieħu d-deċiżjonijiet rilevanti għall-istabbiliment ta' Kumitat ta' Kontributuri (KtK) għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati tal-Mali (EUTM Mali).

(2)	Il-Konklużjonijiet tal-Kunsill Ewropew ta' Nizza tas-7, it-8 u d-9 ta' Diċembru 2000 u dawk ta' Brussell tal-24 u l-25 ta' Ottubru 2002 stabbilixxew l-arranġamenti għall-parteċipazzjoni ta' Stati terzi f'operazzjonijiet ta' maniġġar ta' kriżijiet u l-istabbiliment ta' KtK.

(3)	Il-KtK għandu jkun forum għad-diskussjoni tal-problemi kollha, relattivament għall-ġestjoni ta' EUTM Mali, mal-Istati terzi li jikkontribwixxu. Il-KPS, li jeżerċita l-kontroll politiku u d-direzzjoni strateġika tal-EUTM Mali, għandu jieħu kont tal-fehmiet espressi mill-KtK.

(4)

F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li għandhom implikazzjonijiet ta' difiża. Konsegwentement, id-Danimarka ma tipparteċipax fl-adozzjoni ta' din id-Deċiżjoni u la hi marbuta biha u lanqas hi soġġetta għall-applikazzjoni tagħha,

ADOTTA DIN ID-DEĊIŻJONI:

Artikolu 1

Stabbiliment u termini ta' referenza

B'dan huwa stabbilit Kumitat ta' Kontributuri (KtK) għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati tal-Mali (EUTM Mali). It-termini ta' referenza tiegħu huma stabbiliti fil-Konklużjonijiet tal-Kunsill Ewropew ta' Nizza tas-7, it-8 u d-9 ta' Diċembru 2000 u dawk ta' Brussell tal-24 u l-25 ta' Ottubru 2002.

Artikolu 2

Kompożizzjoni

1. Il-membri tal-KtK għandhom ikunu dawn li ġejjin:

—	rappreżentanti tal-Istati Membri kollha,

—	rappreżentanti ta' Stati terzi li jipparteċipaw fl-EUTM Mali u li jipprovdu kontributi sinifikanti.

2. Rappreżentant tal-Kummissjoni jista' wkoll jattendi għal-laqgħat tal-KtK.

Artikolu 3

Informazzjoni mill-Kmandant tal-Missjoni tal-UE

Il-KtK għandu jirċievi informazzjoni mill-Kmandant tal-Missjoni tal-UE.

Artikolu 4

Presidenza

Il-KtK għandu jkun ippresedut mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà, jew mir-rappreżentant tiegħu jew tagħha, f'konsultazzjoni mill-qrib mal-President tal-Kumitat Militari tal-Unjoni Ewropea, jew mir-rappreżentant tiegħu jew tagħha.

Artikolu 5

Laqgħat

1. Il-KtK għandu jitlaqqa' mill-President fuq bażi regolari. Fejn iċ-ċirkostanzi jeħtieġu dan, jistgħu jissejħu laqgħat ta' emerġenza fuq inizjattiva tal-President, jew fuq talba ta' membru.

2. Il-President għandu jiċċirkola minn qabel aġenda provviżorja u dokumenti relatati mal-laqgħa. Il-President għandu jkun responsabbli biex iwassal lill-KPS l-eżitu tad-diskussjonijiet tal-KtK.

Artikolu 6

Kunfidenzjalità

1. F'konformità mad-Deċiżjoni tal-Kunsill 2013/488/UE tat-23 ta’ Settembru 2013 (2), ir-regoli ta' sigurtà tal-Kunsill għandhom japplikaw għal-laqgħat u l-proċedimenti tal-KtK. B'mod partikolari, ir-rappreżentanti fil-KtK għandhom ikunu fil-pussess ta' awtorizzazzjoni adegwata ta' sigurtà.

2. Id-deliberazzjonijiet fil-KtK għandhom ikunu koperti bl-obbligu tas-segretezza professjonali, sakemm il-KtK ma jiddeċidix unanimament mod ieħor.

Artikolu 7

Dħul fis-seħħ

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, it-12 ta’ Novembru 2013.

Għall-Kumitat Politiku u ta’ Sigurtà

Il-President

W. STEVENS

(1) ĠU L 14, 18.1.2013, p. 19

(2) Deċiżjoni tal-Kunsill 2013/488/UE tat-23 ta’ Settembru 2013 dwar ir-regoli tas-sigurtà għall-protezzjoni ta’ informazzjoni klassifikata tal-UE ( ĠU L 274, 15.10.2013, p. 1).

30.11.2013

Il-Ġurnal Uffiċjali tal-Unjoni Ewropea

L 320/33

DEĊIŻJONI TAL-KUMITAT POLITIKU U TA’ SIGURTÀ EUTM MALI/3/2013

tat-12 ta’ Novembru 2013

dwar l-aċċettazzjoni tal-kontributi ta' Stati terzi għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati ta' Mali (EUTM Mali)

(2013/697/PESK)

IL-KUMITAT POLITIKU U TA' SIGURTÀ,

Wara li kkunsidra t-Trattat dwar l-Unjoni Ewropea, u b’mod partikolari t-tielet subparagrafu tal-Artikolu 38 tiegħu,

Wara li kkunsidra d-Deċiżjoni tal-Kunsill 2013/34/PESK tas-17 ta' Jannar 2013 dwar missjoni militari tal-Unjoni Ewropea biex tikkontribwixxi għat-taħriġ tal-Forzi Armati ta’ Mali (EUTM Mali) (1), u b'mod partikolari l-Artikolu 8(2) tagħha,

Billi:

(1)	Taħt l-Artikolu 8(2) tad-Deċiżjoni 2013/34/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu d-deċiżjonijiet rilevanti dwar l-aċċettazzjoni tal-kontributi proposti minn Stati terzi.

(2)	B'segwitu għar-rakkomandazzjonijiet dwar kontribut mill-Konfederazzjoni Svizzera mill-Kmandant tal-Missjoni tal-UE u l-parir mill-Kumitat Militari tal-Unjoni Ewropea, il-kontribut mill-Konfederazzjoni Svizzera għandu jiġi aċċettat.

(3)

ADOTTA DIN ID-DEĊIŻJONI:

Artikolu 1

Kontributi ta' Stati Terzi

1. Il-kontribut mill-Konfederazzjoni Svizzera għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati ta' Mali (EUTM Mali) huwa aċċettat u huwa meqjus bħala sinifikanti.

2. Il-Konfederazzjoni Svizzera hija eżentata minn kontributi finanzjarji għall-baġit ta' EUTM Mali.

Artikolu 2

Dħul fis-seħħ

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, it-12 ta’ Novembru 2013.

Għall-Kumitat Politiku u ta’ Sigurtà

Il-President

W. STEVENS

(1) ĠU 14, 18.1.2013, p. 19.

30.11.2013

Il-Ġurnal Uffiċjali tal-Unjoni Ewropea

L 320/34

DEĊIŻJONI TAL-KUNSILL 2013/698/PESK

tal-25 ta’ Novembru 2013

b'appoġġ għal mekkaniżmu ta' globali rappurtar dwar armi ħfief u ta' kalibru żgħir illeċtiti u armi konvenzjonali oħrajn u munizzjoni illeċiti biex jitnaqqas ir-riskju tal-kummerċ illeċitu tagħhom

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikoli 26(2) u 31(1) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,

Billi:

(1)

Fit-13 ta' Diċembru 2013, il-Kunsill Ewropew adotta Strateġija Ewropea ta' Sigurtà li tidentifika ħames sfidi ewlenin li l-Unjoni għandha tiffaċċja: it-terroriżmu, il-proliferazzjoni ta' armi ta' qerda massiva, il-konflitti reġjonali, il-falliment tal-Itat u l-kriminalità organizzata. Il-konsegwenzi tal-manifatturar, it-trasferiment u ċ-ċirkolazzjoni illeċiti ta' armi konvenzjonali, inklużi armi ħfief u ta' kalibru żgħir (minn hawn 'il quddiem imsejħa “SALW”), u l-akkumulazzjoni eċċessiva u t-tixrid mingħajr kontroll tagħhom huma ċentrali għal erbgħa minn dawn il-ħames sfidi. Huma jintensifikaw in-nuqqas ta' sigurtà fl-Afrika sub-Saħarjana, fil-Lvant Nofsani u f'ħafna reġjuni oħra tad-dinja billi jiggravaw il-konflitt u jdgħajfu l-bini tal-paċi wara l-konflitt, u b'hekk joħolqu theddida serja għall-paċi u s-sigurtà.

(2)

Fil-15 u s-16 ta' Diċembru 2005, il-Kunsill Ewropew adotta Strateġija tal-UE għall-ġlieda kontra l-akkumulazzjoni illeċita u t-traffikar ta' armi ħfief u ta' kalibru żgħir u l-munizzjoni tagħhom (minn hawn 'il quddiem imsejħa l-“Istrateġija tal-UE dwar is-SALW”), li tistabbilixxi linji gwida għal azzjoni tal-UE fil-qasam tas-SALW. Dik l-Istrateġija tidentifika l-Afrika bħala l-kontinent l-aktar milqut mill-akkumulazzjoni u t-tixrid illeċiti tas-SALW. Hija tirrikonoxxi wkoll li l-problema tat-trasferimenti tas-SALW lejn l-Afrika sub-Saħarjana ma tistax tiġi iżolata minn dik tas-sorsi ta' trasferimenti u tiddikjara li għandha tingħata attenzjoni partikolari għall-modi u l-mezzi li bihom is-SALW huma dissimenati fl-Afrika, inklużi l-intermedjazzjoni u t-trasport illegali.

(3)

L-Istrateġija tal-UE dwar is-SALW tafferma wkoll li l-Unjoni għandha ssaħħaħ u tappoġġa l-makkinarju għas-sanzjonijiet li jissorveljaw u jappoġġaw it-tisħiħ tal-kontrolli fuq l-esportazzjonijiet kif ukoll il-promozzjoni tal-Pożizzjoni Komuni tal-Kunsill 2008/944/PESK (1) permezz ta', fost l-oħrajn, il-promozzjoni tal-miżuri li jtejbu t-trasparenza.

(4)

Permezz tal-Programm ta’ Azzjoni tan-Nazzjonijiet Uniti għall-Prevenzjoni, il-Ġlieda Kontra u l-Qerda tal-Kummerċ Illeċitu f’Armi Ħfief u ta’ Kalibru Żgħir fl-Aspetti Kollha Tiegħu (minn hawn 'il quddiem imsejjaħ il-“Programm ta' Azzjoni tan-NU”), adottat fl-20 ta' Lulju 2001, l-Istati Membri kollha tan-NU impenjaw ruħhom fil-prevenzjoni tat-traffikar illeċitu fis-SALW, jew fid-devjazzjoni tagħhom lejn destinatarji mhux awtorizzati u, b'mod partikolari, biex jittieħed kont tar-riskju tad-devjazzjoni tas-SALW fil-kummerċ illegali meta jiġu vvalutati l-applikazzjonijiet għall-awtorizzazzjonijiet ta' esportazzjoni.

(5)	Fit-8 ta’ Diċembru 2005, l-Assemblea Ġenerali tan-Nazzjonijiet Uniti adottat Strument Internazzjonali li Jippermetti lill-Istati Jidentifikaw u Jittraċċaw, b’Mod f’Waqtu u Affidabbli SALW Illeċiti.

(6)	Is-Sħubija Strateġika Konġunta Afrika-UE tal-2007 tiddefinixxi l-prevenzjoni tal-kummerċ illeċitu fi u l-akkumulazzjoni eċċessiva ta' SALW bħala qasam għal azzjoni permezz tat-titjib tal-bini tal-kapaċità, in-netwerking, il-kooperazzjoni u l-iskambju ta' informazzjoni.

(7)

Fit-Tieni Konferenza ta' Rieżami tal-2012 dwar il-Programm ta' Azzjoni tan-NU, l-Istati Membri kollha tan-NU affermaw mill-ġdid l-impenn tagħhom fil-prevenzjoni tat-traffikar illeċitu fis-SALW, inkluża d-devjazzjoni tagħhom lejn destinatarji mhux awtorizzati, kif ukoll l-impenji tagħhom li jinsabu fil-Programm ta' Azzjoni tan-NU relatati mal-valutazzjoni tal-applikazzjonijiet għall-awtorizzazzjonijiet ta' esportazzjoni.

(8)

Fit-2 ta’ April 2013, l-Assemblea Ġenerali tan-Nazzjonijiet Uniti adottat it-test għat-Trattat dwar il-Kummerċ tal-Armi (ATT). L-objettiv tat-Trattat huwa li jistabbilixxi l-ogħla standards internazzjonali komuni possibbli jew li jtejjeb ir-regolamentazzjoni tal-kummerċ internazzjonali fl-armi konvenzjonali, għall-prevenzjoni u l-qerda tal-kummerċ illeċitu tal-armi konvenzjonali u l-prevenzjoni tad-devjazzjoni tagħhom. L-Unjoni għandha tappoġġa lill-Istati Membri kollha tan-NU fl-implimentazzjoni ta' kontrolli effettivi ta' trasferiment tal-armi sabiex jiġi żgurat li l-ATT, mad-dħul fis-seħħ tiegħu, ikun effettiv kemm jista' jkun, b'mod partikolari fir-rigward tal-implimentazzjoni tal-Artikolu 11 tiegħu.

(9)	L-Unjoni għalhekk tixtieq tiffinanzja mekkaniżmu globali ta' rappurtar dwar SALW illeċiti u armi konvenzjonali illeċiti oħrajn u munizzjoni biex jitnaqqas ir-riskju tal-kummerċ illeċitu tagħhom sabiex tikkontribwixxi għall-kisba tal-għanijiet deskritti hawn fuq,

ADOTTA DIN ID-DEĊIŻJONI:

Artikolu 1

Bil-ħsieb tal-implimentazzjoni tal-Istrateġija tal-UE dwar is-SALW u l-promozzjoni tal-paċi u s-sigurtà, l-attivitajiet ta' proġett li għandhom jiġu appoġġati mill-Unjoni għandu jkollhom dawn l-objettivi speċifiċi:

—

il-ħolqien ta' sistema globali ta' ġestjoni tal-informazzjoni aċċessibbli u faċli dwar SALW iddevjati jew traffikati u armi konvenzjonali oħrajn u munizzjoni iddevjati jew traffikati (“iTrace”) sabiex dawk li jfasslu l-politika, l-esperti dwar il-kontroll tal-armi konvenzjonali u l-uffiċjali tal-kontroll tal-esportazzjoni tal-armi jkollhom informazzjoni rilevanti u tippermettilhom jiżviluppaw strateġiji u proġetti effettivi u bbażati fuq evidenza kontra t-tixrid illeċitu ta' SALW u ta' armi konvenzjonali oħrajn u munizzjoni,

—	it-twettiq ta' riċerka fuq il-post f'SALW u armi konvenzjonali oħrajn u munizzjoni li jiċċirkolaw fiż-żoni milquta minn konflitt u l-introduzzjoni tal-evidenza kollha miġbura fis-sistema ta' ġestjoni tal-informazzjoni,

—

iċ-ċentralizzazzjoni tad-dokumentazzjoni eżistenti rilevanti għall-politika dwar trasferimenti ta' SALW u ta' armi konvenzjonali oħrajn u munizzjoni fis-sistema globali ta' ġestjoni tal-informazzjoni, inkluż rapporti nazzjonali fuq l-esportazzjoni ta' armi, rapporti tal-pajjiżi lir-Reġistru tan-NU tal-Armi Konvenzjoni u l-Programm ta' Azzjoni tan-NU dwar il-Kummerċ Illeċitu fis-SALW, it-testi ta' strumenti nazzjonali, reġjonali u internazzjonali, u rapporti dwar trasferimenti ta' SALW illeċiti ta' armi konvenzjonali illeċiti oħrajn u munizzjoni kompilati mill-gruppi tan-NU għall-monitoraġġ tas-sanzjonijiet, organizzazzjonijiet tas-soċjetà ċivili u l-mezzi ta' komunikazzjoni tal-aħbarijiet internazzjonali.

—

iż-żieda fis-sensibilizzazzjoni permezz ta' informazzjoni dwar il-konklużjonijiet tal-proġett, il-promozzjoni tal-iskop u tal-funzjonijiet disponibbli tal-iTrace lil dawk li jfasslu l-politika internazzjonali u nazzjonali, l-esperti tal-kontroll ta' armi konvenzjonali u l-awtoritajiet tal-liċenzji ta' esportazzjoni tal-armi, u t-tisħiħ tal-kapaċità internazzjonali għall-monitoraġġ t-tixrid illeċitu ta' SALW u ta' armi konvenzjonali oħrajn u munizzjoni kif ukoll l-assistenza lil dawk li jfasslu l-politika fl-identifikazzjoni ta' oqsma ta' prijorità għall-assistenza u l-kooperazzjoni internazzjonali u biex jitnaqqas ir-riskju tad-devjazzjoni ta' SALW u ta' armi konvenzjonali oħrajn u munizzjoni. L-inizjattivi ta' informazzjoni ser jitfasslu wkoll għall-koordinazzjoni tal-kondiviżjoni ta' informazzjoni u għall-bini ta' sħubiji sostenibbli ma' individwi u organizzazzjonijiet li jistgħu jiġġeneraw l-informazzjoni li tista' tiġi introdotta fis-sistema iTrace,

—

il-forniment ta' rapporti dwar kwistjonijiet ta' politika ewlenin, meħuda mid-data ġġenerata minn investigazzjonijiet fuq il-post u ppreżentati fuq is-sistema iTrace, dwar oqsma speċifiċi li jistħoqqilhom attenzjoni internazzjonali, inklużi tendenzi ta' traffikar maġġuri ta' SALW u ta' armi konvenzjonali oħrajn u munizzjoni, u d-distribuzzjoni reġjonali ta' armi u munizzjoni traffikati.

L-Unjoni għandha tiffinanzja dan il-proġett, li tiegħu tidher deskrizzjoni dettaljata fl-Anness għal din id-Deċiżjoni.

Artikolu 2

1. Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà (“RGħ”) għandu jkun responsabbli għall-implimentazzjoni ta' din id-Deċiżjoni.

2. L-implimentazzjoni teknika tal-proġett imsemmi fl-Artikolu 1 għandha titwettaq mill-Conflict Armament Research Ltd. (“CAR”).

3. Il-CAR għandha twettaq il-kompiti tagħha taħt ir-responsabbiltà tar-RGħ. Għal dan l-għan, ir-RGħ għandu jidħol fl-arranġamenti meħtieġa mal-CAR.

Artikolu 3

1. L-ammont ta' referenza finanzjarja għall-implimentazzjoni tal-proġett imsemmi fl-Artikolu 1 għandu jkun ta' EUR 2 320 000. Il-baġit stmat totali tal-proġett ġenerali għandu jkun ta' EUR 2 416 667, li għandhom jiġu pprovduti permezz ta' kofinanzjament mill-CAR.

2. L-infiq iffinanzjat mill-ammont li jidher fil-paragrafu 1 għandu jitmexxa f'konformità mal-proċeduri u r-regoli applikabbli għall-baġit ġenerali tal-Unjoni.

3. Il-Kummissjoni għandha tissorvelja l-amministrazzjoni adatta tal-ammont ta' referenza finanzjarja imsemmi fil-paragrafu 1. Għal dan il-għan, hija għandha tikkonkludi l-ftehim meħtieġ mal-CAR. Il-ftehim għandu jistipula li l-CAR għandha tiżgura l-viżibbiltà tal-kontribuzzjoni tal-Unjoni, adatta għad-daqs tagħha.

4. Il-Kummissjoni għandha tagħmel ħilitha biex tikkonkludi l-ftehim imsemmi fil-paragrafu 3 malajr kemm jista' jkun wara d-dħul fis-seħħ ta' din id-Deċiżjoni. Hija għandha tinforma lill-Kunsill bi kwalunkwe diffikultà f'dak il-proċess u dwar id-data tal-konklużjoni ta' dak il-ftehim.

Artikolu 4

1. Ir-RGħ għandu jirrapporta lill-Kunsill dwar l-implimentazzjoni ta’ din id-Deċiżjoni fuq il-bażi ta’ rapporti regolari ta’ kull tliet xhur imħejjija mill-CAR. Dawn ir-rapporti għandhom jifformaw il-bażi għall-evalwazzjoni mwettqa mill-Kunsill.

2. Il-Kummissjoni għandha tirrapporta dwar l-aspetti finanzjarji tal-proġett kif msemmi fl-Artikolu 1.

Artikolu 5

1. Din id-Deċiżjoni għandha tidħol fis-seħħ fid-data tal-adozzjoni tagħha.

2. Din id-Deċiżjoni għandha tiskadi 24 xahar wara d-data tal-konklużjoni tal-ftehim imsemmi fl-Artikolu 3(3). Madankollu, hija għandha tiskadi sitt xhur wara d-data tad-dħul fis-seħħ tagħha jekk ma jiġi konkluż l-ebda ftehim f'dak il-perijodu.

Magħmul fi Brussell, il-25 ta’ Novembru 2013.

Għall-Kunsill

Il-President

D. PAVALKIS

(1) Pożizzjoni Komuni tal-Kunsill 2008/944/PESK tat-8 ta’ Diċembru 2008 li tiddefinixxi regoli komuni li jirregolaw il-kontroll ta’ esportazzjonijiet ta’ teknoloġija u tagħmir militari (ĠU L 335, 13.12.2008, p. 99.)

ANNESS

Mekkaniżmu Globali ta' Rappurtar iTrace dwar SALW u Armi Konvenzjonali oħrajn u Munizzjoni

1. Sfond u raġunijiet li jiġġustifikaw l-appoġġ tal-PESK

1.1. Din id-Deċiżjoni tibni fuq Deċiżjonijiet tal-Kunsill suċċessivi fil-ġlieda kontra l-impatt destabbilizzanti tad-devjazzjoni u t-traffikar ta' SALW u ta' armi konvenzjonali oħrajn. Il-proliferazzjoni illeċita ta' SALW u ta' armi konvenzjonali oħrajn u munizzjoni hija fattur maġġuri li jdgħajjef l-istabbiltà ta' Stat u li jaggrava l-konflitti, li toħloq theddida serja għall-paċi u s-sigurtà. Kif iddikjarat fl-Strateġija tal-UE dwar is-SALW, l-Afrika tibqa' l-kontinent l-aktar milqut mill-impatt ta' konflitti interni, li huma aggravati mill-influss ta' SALW. In-numru kbir ta' operazzjonijiet għaż-żamma tal-paċi u embargo fuq l-armi Afrikani juri biċ-ċar l-iskala tat-theddida fuq l-Istati Afrikani mill-akkumulazzjoni u t-tixrid illeċiti tas-SALW u armi konvenzjonali oħra. Reġjuni oħra tad-dinja, inklużi ċerti partijiet tal-Amerika Latina u dik Ċentrali, l-Asja Ċentrali u tal-Lvant, il-Balkani u l-Lvant Nofsani huma milquta b'mod simili mill-proliferazzjoni ta' SALW illeċiti u ta' armi konvenzjonali illeċiti oħrajn.

Il-komunità internazzjonali attwalment nieqsa minn monitoraġġ vitali u kapaċità dijanjostika fil-qasam tal-ġlieda kontra l-proliferazzjoni ta' SALW u ta' armi konvenzjonali illeċiti oħrajn. Dan jirriżulta minn tliet fatturi konnessi. L-ewwel, il-biċċa l-kbira tat-traffikar ta' armi konvenzjonali jsir bl-art u f'reġjuni milquta mill-konflitt fejn il-monitoraġġ fuq il-post hu skars. It-tieni, il-kapaċità eżistenti ta' monitoraġġ hi konnessa b'mod dgħajjef, mal-gruppi tan-NU ta' monitoraġġ tas-sigurtà, il-missjonijiet taż-żamma tal-paċi u l-organizzazzjonijiet mhux governattivi li joperaw f'iżolazzjoni relattiva minn xulxin, u l-informazzjoni disponibbli minnhom hija frammentata. It-tielet, il-monitoraġġ limitat u mhux ikkoordinat jonqos milli jipprovdi lil dawk li jfasslu l-politika bl-informazzjoni meħtieġa biex jifformulaw linji ta' politika effettivi għall-ġlieda kontra l-proliferazzjoni.

Din id-Deċiżjoni għandha l-għan li tipprovdi lil dawk li jfasslu l-politika, l-esperti ta' kontroll tal-armi u l-uffiċjali ta' kontroll tal-esportazzjoni tal-armi b'informazzjoni sistematikament kompilata u rilevanti, li tippermettilhom jiżviluppaw strateġiji effettivi u bbażata fuq l-evidenza għall-ġlieda kontra l-proliferazzjoni kontra t-tixrid illeċitu ta' SALW u ta' armi konvenzjonali oħrajn u l-munizzjoni tagħhom sabiex titjieb is-sigurtà internazzjonali u reġjonali. B'dan, hija ser tappoġġahom biex jikkombinaw strateġija reattiva ta' suċċess ma' azzjoni preventiva adegwata biex jiġu indirizzati l-forniment u d-domanda illegali, u biex jiġi żgurat il-kontroll effettiv ta' armi konvenzjonali f'pajjiżi terzi.

1.2. Din id-Deċiżjoni tipprevedi l-ħolqien ta' sistema online pubblikament aċċessibbli, li tittraċċa SALW illeċiti u armi konvenzjonali illeċiti oħrajn u munizzjoni, li timmarka tipi ta' armi, fornituri, vetturi ta' trasferiment u destinatarji illegali speċifiċi (“iTrace”). B'enfasi fuq ir-reġjuni milquta minn konflitt, iTrace ser isservi bħala mekkaniżmu globali ta' rappurtar li ser tippermetti lill-gvernijiet nazzjonali jimmonitoraw it-traffikar f'SALW u f'armi konvenzjonali oħrajn u munizzjoni u jagħmlu dijanjosi ta' każijiet ta' devjazzjoni. Din ser tkun l-ewwel mekkaniżmu globali li jimmonitorja b'mod sistematiku t-traffikar ta' SALW u ta' armi konvenzjonali oħrajn u munizzjoni u b'hekk jgħin fl-identifikazzjoni ta' miżuri adegwati biex jitnaqqas ir-riskju tad-devjazzjoni u t-traffikar tagħhom. Ladarba t-Trattat dwar il-Kummerċ tal-Armi (ATT) ikun daħal fis-seħħ, hija ser tgħin fil-monitoraġġ tal-implimentazzjoni tal-ATT, tipprovdi informazzjoni komprensiva b'appoġġ tar-rieżami ta' implimentazzjoni tal-ATT u ssaħħaħ il-kapaċità tal-gvernijiet nazzjonali li jantiċipaw l-impatt tad-deċiżjonijiet tal-liċenzjar tal-esportazzjoni.

Din id-Deċiżjoni tipprevedi l-adattament ta' software sofistikat ta' ġestjoni tal-informazzjoni, l-iżvilupp ta' portal online fejn jista' jsir tiftix totali biex jiġu identifikati t-trasferimenti illeċiti ta' armi b'mod ġeospazjali, u programm ta' investigazzjonijiet fuq il-post, li ser jipprovdu lill- iTrace b'evidenza f'ħin reali ta' trasferimenti illeċiti ta' armi. Id-deċiżjoni ser tipprevedi wkoll ir-rieżami u l-verifika ta' evidenza eżistenti dwar it-traffikar tal-armi li ser jiġu trasferiti fl- iTrace.

2. Objettivi ġenerali

L-Azzjoni deskritta hawn taħt ser tappoġġa lill-komunità internazzjonali fil-ġlieda kontra l-impatt destabbilizzanti tad-devjazzjoni u t-traffikar ta' SALW u ta' armi konvenzjonali oħrajn u munizzjoni. Hija ser tipprovdi lil dawk li jfasslu l-politika, l-esperti ta' kontroll tal-armi u l-uffiċjali ta' kontroll tal-esportazzjoni tal-armi b'informazzjoni sistematikament kompilata u rilevanti, li tippermettilhom jiżviluppaw strateġiji effettivi għall-ġlieda kontra l-proliferazzjoni bbażata fuq l-evidenza kontra t-tixrid illeċitu ta' SALW u ta' armi konvenzjonali u munizzjoni oħrajn sabiex titjieb is-sigurtà internazzjonali u reġjonali. B'mod speċifiku, l-Azzjoni ser tipprovdi:

(a)	informazzjoni konkreta dwar it-traffikar ta' SALW u ta' armi konvenzjonali oħrajn meħtieġa għall-monitoraġġ tal-implimentazzjoni b'mod effettiv tal-Programm ta' Azzjoni tan-NU dwar il-Kummerċ Illeċitu ta' SALW;

(b)	informazzjoni konkreta biex tissaħħaħ l-implimentazzjoni tal-Strument Internazzjonali tat-Traċċar;

(c)

informazzjoni konkreta għall-ittraċċar ta' rotot u entitajiet maġġuri involuti fil-forniment ta' SALW u ta' armi konvenzjonali oħrajn u munizzjoni lejn ir-reġjuni milquta mill-konflitt jew lill-organizzazzjonijiet terroristiċi internazzjonali u biex tipprovdi evidenza ta' gruppi u individwi attivi fil-kummerċ illeċitu b'appoġġ tal-proċedimenti legali nazzjonali;

(d)

il-possibbiltà li tissaħħaħ il-kooperazzjoni bejn korpi tan-NU, missjonijiet u organizzazzjonijiet internazzjonali oħra, fil-qasam tal-ittraċċar ta' SALW u ta' armi konvenzjonali oħrajn, u tal-forniment ta' informazzjoni direttament b'appoġġ tal-mekkaniżmi ta' monitoraġġ eżistenti, inkluż l-iARMS tal-INTERPOL;

(e)

informazzjoni rilevanti biex jiġu identifikati oqsma ta' prijorità għall-kooperazzjoni u l-assistenza internazzjonali fil-ġlieda effettiva kontra d-devjazzjoni u t-traffikar ta' SALW u ta' armi konvenzjonali oħrajn u munizzjoni, bħall-finanzjament għal proġetti fir-rigward tas-sigurtà ta' ħażniet u/jew il-ġestjoni tal-fruntieri;

(f)

mekkaniżmu għall-assistenza fil-monitoraġġ tal-implimentazzjoni tal-ATT mad-dħul fis seħħ tiegħu, speċifikament għall-identifikazzjoni tad-devjazzjoni ta' armi konvenzjonali trasferiti kif ukoll għall-assistenza lill-Gvernijiet fil-valutazzjoni tar-riskju ta' devjazzjoni qabel l-esportazzjoni ta' armi konvenzjonali, speċifikament ir-riskju ta' devjazzjoni fil-pajjiż fejn isir ix-xiri jew l-esportazzjoni mill-ġdid taħt kondizzjonijiet mhux mixtieqa.

3. Sostenibbiltà u eżiti fit-tul tal-proġett

L-Azzjoni ser tistabbilixxi qafas dewwiem għall-monitoraġġ sostnut tat-tixrid illeċitu ta' SALW u ta' armi konvenzjonali oħrajn u munizzjoni. Mistennija li ssaħħaħ b'mod fundamentali l-informazzjoni eżistenti relatata mal-armi u li tappoġġa b'mod sinifikanti l-iżvilupp immirat tal-kontroll effettiv tal-armi konvenzjonali u l-linji ta' politika ta' kontroll tal-esportazzjoni tal-armi. B'mod speċifiku, il-proġett ser:

(a)	jiżviluppa sistema ta' ġestjoni ta' informazzjoni li ser tiżgura l-ġbir u l-analiżi fit-tul (minimu ta' 10 snin) tad-data dwar armi konvenzjonali illeċiti;

(b)

jipprovdi lil dawk li jfasslu l-politika u lill-esperti b'għodda biex jiġu definiti strateġiji aktar effettivi u oqsma ta' prijorità ta' assistenza u kooperazzjoni (pereżempj,u billi jiġu identifikati l-kooperazzjon isubreġjonali jew reġjonali, il-koordinazzjoni u l-mekkaniżmi ta' kondiviżjoni ta' informazzjoni li jeħtieġ li jiġu jiġu stabbiliti jew imsaħħa, billi jiġu identifikati ħażniet nazzjonali li mhumiex siguri, rotot ta' trasferiment illegali, kontrolli dgħajfa tal-fruntieri, u kapaċitajiet insuffiċjenti tal-infurzar tal-liġi);

(c)	ikollu l-flessibbiltà integrali biex jiġġenera l-informazzjoni rilevanti ta' politika, irrispettivament mir-rekwiżiti ta' politika li jinbidlu rapidament;

(d)	iżid sostanzjalment l-effikaċja ta' organizzazzjonijiet u individwi internazzjonali li jimmonitoraw l-armi billi jipprovdi mekkaniżmu ta' kondiviżjoni tal-informazzjoni ta' ambitu dejjem jespandi.

4. Deskrizzjoni ta' Azzjoni

4.1. Proġett 1: Ħolqien tas-sistema globali ta' ġestjoni ta' informazzjoni dwar l-ittraċċar ta' armi u l-portal tal-immappjar online iTrace

4.1.1. Objettiv tal-proġett

Il-proġett ser jiżviluppa s-software meħtieġ għall-proċessar, il-validazzjoni u l-immappjar tal-informazzjoni dwar SALW u armi konvenzjonali oħrajn u munizzjoni ddevjati jew traffikati. Is-Sistema ta' Ġestjoni tal-Informazzjoni Dfuze (Dfuze Information Management System), li diġà qed tintuża minn diversi servizzi ta' pulizija nazzjonali u tal-intelliġence, ser tiġi adattata biex tiġi pproċessata l-informazzjoni speċifika għall-armi. Is-sistema toffri wkoll analiżi ta' netwerk organizzattiv għall-finijiet ta' monitoraġġ tal-attivitajiet ta' traffikar tal-armi ta' gruppi terroristiċi u organizzazzjonijiet kriminali, inklużi l-konnessjonijiet finanzjarji. Il-funzjonijiet ta' ttraċċar ġeospazjali tas-sistema Dfuze ser jiġu riveduti b'mod estensiv biex jipprovdu tiftix, aċċess pubbliku, il-portal tal-immappjar online u l-funzjonijiet ta' download assoċjati tal-iTrace.

4.1.2. Attivitajiet tal-proġett

L-attivitajiet li ġejjin ser jitwettqu fil-qafas ta' dan il-proġett:

(a)	l-akkwist ta' server, infrastruttura ta' computing u ta' netwerk meħtieġa fil-funzjonament tas-sistema globali ta' ġestjoni tal-informazzzjoni dwar l-ittraċċar ta' SALW u armi konvenzjonali oħrajn u munizzjoni u l-portal tal-immappjar online tal-iTrace;

(b)	ix-xiri u r-rieżami tas-Sistema ta' Ġestjoni tal-Informazzjoni Dfuze, speċifikament il-kategorizzazzjoni mill-ġdid ta' oqsma tal-introduzzjoni tad-data u l-ħolqien tal-portal tal-immappjar online tal-iTrace.

4.1.3. Riżultati tal-proġett

Il-proġett ser:

(a)	jippermetti lil kwalunkwe utent online ifittex post, pajjiż, reġjuni jew kontinent partikolari fid-dinja;

(b)	jidentifika u jagħti evidenza viżwali ta' SALW u armi konvenzjonali oħrajn u munizzjoni ddevjati jew traffikati f'dak il-post, pajjiż, reġjun jew kontinent;

(c)	jimmarka d-dati ta' trasferiment, ir-rotot ta' forniment illeċiti u t-traffikanti involuti għal kwalunke oġġett (fost eluf) ta' SALW u armi konvenzjonali oħrajn u munizzjoni traffikati fuq mappa tad-dinja online;

(d)	awtomatikament isib każijiet simili (SALW u armi konvenzjonali jew munizzjoni oħrajn tal-istess tip, il-pajjiż ta' manifattura jew is-serje ta' produzzjoni) u jimmarka lil dawk l-oġġetti, u l-postijiet fejn jinsabu, fuq mappa tad-dinja online;

(e)	jidentifika u jimmarka l-konnessjonijiet bejn it-tipi ta' SALW u armi konvenzjonali oħrajn u munizzjoni ddevjati jew traffikati, jew l-organizzazzjonijiet ta' traffikar internazzjonali;

(f)	jiġġenera rapporti komprensivi (pereżempju l-iskala ta' devjazzjoni f'pajjiż partikolari jew l-oriġini ta' armi konvenzjonali ddevjati), li jingħataw f'format PDF;

(g)

jospita, skont il-pajjiż jew globalment, id-dokumentazzjoni eżistenti rilevanti għall-politika dwar trasferimenti ta' SALW u ta' armi konvenzjonali oħrajn u munizzjoni, inkluż rapporti nazzjonali fuq l-esportazzjoni ta' armi, rapporti tal-pajjiż għar-Reġistru Konvenzjonali tan-NU u l-Programm ta' Azzjoni tan-NU dwar il-Kummerċ Illeċitu fis-SALW, it-test ta' strumenti nazzjonali, reġjonali u internazzjonali, u rapporti dwar trasferimenti ta' SALW u armi konvenzjonali oħrajn u munizzjoni kompilati mill-gruppi tan-NU għall-monitoraġġ tas-sanzjonijiet, organizzazzjonijiet tas-soċjetà ċivili u l-mezzi ta' komunikazzjoni tal-aħbarijiet internazzjonali;

(h)	kontinwament jikkonnettja mal-INTERPOL iARMS, li ser jippermetti lill-INTERPOL tqabbel b'mod transversali l-armi ta' kriminalità fis-sistema iARMS mal-informazzjoni ġġenerata bl-iTrace dwar l-armi ta' konflitt;

(i)

jipproduċi rapporti ta' valutazzjoni tar-riskju, f'format definit minn qabel, biex jappoġġa lill-esperti ta' kontroll ta' armi konvenzjonali fl-identifikazzjoni ta' oqsma ta' prijorità, l-assistenza u l-kooperazzjoni, u biex jgħin lil-awtoritajiet nazzjonali ta' liċenzja tal-esportazzjoni ta' armi fl-identifikazzjoni tar-riskji ta' devjazzjoni konkreti.

4.1.4. Indikaturi tal-implimentazzjoni tal-proġett

Il-proġett ser jistabbilixxi aċċess pubbliku u liberu, sistema ta' ppjanar online, mingħajr l-ebda restrizzjoni fuq il-benefiċjarji potenzjali.

4.1.5. Benefiċjarji tal-proġett

Ladarba fornuta (ara t-Taqsima 4.2 u t-Taqsima 4.3), l-iTrace ser tipprovdi informazzjoni komprensiva espliċitament immirata lejn, iżda mhux limitata għal dawk li jfasslu l-politika nazzjonali ta' kontroll tal-armi, l-aġenziji tal-liċenzja tal-esportazzjoni ta' armi, organizzazzjonijiet reġjonali u internazzjonali (inklużi gruppi ta' monitoraġġ tas-sanzjonijiet tan-NU, missjonijiet tan-NU għaż-żamma tal-paċi, l-Uffiċċju tan-Nazzjonijiet Uniti kontra d-Droga u l-Kriminalità (UNODC), l-Uffiċċju tan-Nazzjonijiet Uniti għall-Affarijiet ta' Diżarm (UNODA) u l- INTERPOL organizzazzjonijiet mhux governattivi ta' riċerka (inklużi ċ-Ċentru Internazzjonali għall-Konverżjoni ta' Bonn (BICC), il-Grupp għar-Riċerka u l-Informazzjoni dwar il-Paċi (GRIP), l-Istitut ta' Riċerka ta' Stokkolma dwar il-Paċi Internazzjonali (SIPRI), u l-Istħarriġ dwar l-Armi Ħfief, organizzazzjonijiet ta' protezzjoni (inklużi l-Amnesty International u l-Human Rights Watch) u l-mezzi ta' komunikazzjoni tal-aħbarijiet internazzjonali.

4.2. Proġett 2: L-investigazzjonijiet fuq il-post u r-riċerka retrospettiva meħtieġa biex ifornu lis-sistema iTrace b'evidenza dokumentarja f'ħin reali dwar id-devjazzjoni u t-traffikar ta' SALW u ta' armi konvenzjonali oħrajn u munizzjoni, u informazzjoni rilevanti oħra.

4.2.1. Objettiv tal-proġett

Il-proġett ser iwettaq riċerka fuq il-post f'SALW u armi konvenzjonali oħrajn u munizzjoni li jiċċirkulaw fiż-żoni milquta mill-konflitt. Il-proġett hu inizjattiva pilota, li għandha l-għan li tikkonferma l-utilità tas-sistema iTrace billi tiġġenera informazzjoni aġġornata dwar id-devjazzjoni u t-traffikar ta' SALW u ta' armi konvenzjonali oħrajn u munizzjoni fil-pajjiżi fil-periferali sub-Saħarjani. Huwa ser ikopri, fl-ambitu tiegħu, diversi pajjiżi ta' tħassib partikolari għall-Istati Membri tal-UE, inklużi, pereżempju, ir-Repubblika Ċentru-Afrikana, il-Libja, il-Mali, in-Niġer, is-Sudan t'Isfel, is-Sudan u s-Somalja. Barra minn hekk, il-proġett ser iwettaq riċerka retrospettiva biex tforni lis-sistema iTrace b'informazzjoni eżistenti verifikata dwar trasferimenti rilevanti miġbura minn organizzazzjonijiet oħra barra l-CAR.

4.2.2. Attivitajiet tal-proġett

L-attivitajiet li ġejjin ser jitwettqu fil-qafas ta' dan il-proġett:

(a)	il-mobilizzazzjoni ta' esperti kwalifikati tal-armi biex iwettqu analiżi fuq il-post ta' SALW illeċiti u armi konvenzjonali illeċiti, munizzjoni u materjal relatat irkuprat minn konflitti armati fl-Istati periferali sub-Saħarjani;

(b)

l-analiżi, ir-reviżjoni u l-verifika ta' evidenza dokumentata dwar SALW illeċiti u armi konvenzjonali illeċiti, munizzjoni u l-utenti tagħhom, inklużi, inter alia, ritratti ta' armi, l-partijiet komponenti u l-immarkar intern u estern tagħhom; l-ippakkjar, id-dokumentazzjoni tat-trasport marittimu assoċjata u r-riżultati tal-investigazzjonijiet fuq il-post (l-utenti, il-fornituri u r-rotot ta' trasferiment);

(c)

ir-reviżjoni u l-verifika ta' evidenza storika reċenti dwar trasferimenti rilevanti ta' SALW u ta' armi konvenzjonali oħrajn u munizzjoni miġbura minn organizzazzjonijiet oħra barra l-CAR, inklużi rapporti mill-gruppi tan-NU għall-monitoraġġ tas-sanzjonijiet, l-organizzazzjonijiet tas-soċjetà ċivili, u l-mezzi tax-xandir tal-aħbarijiet internazzjonali;

(d)	l-introduzzjoni tal-evidenza kollha miġbura u riveduta fis-sistema ta' ġestjoni ta' informazzjoni u l-portal tal-immappjar online tal-iTrace;

(e)	l-identifikazzjoni u l-appoġġ tal-imsieħba lokali biex tiġi żgurata l-ġabra sostnuta ta' data b'appoġġ għall-iTrace matul u lil hinn miż-żmien tal-Azzjoni proposta;

(f)	il-kollegament mal-Gvernijiet tal-UE ma' punti ta' kuntatt nazzjonali predefiniti, u mekkaniżmu ta' koordinazzjoni, sabiex ikun ċċarat l-ambitu tal-investigazzjonijiet tal-CAR, u jittaffew konflitti possibbli ta' interess, qabel l-investigazzjonijiet tagħha.

Il-proġett ser jiġi implimentat b'mod inkrementali matul il-perijodu sħiħ ta' sentejn tal-proġett iTrace.

4.2.3. Riżultati tal-proġett

Il-proġett ser:

(a)	jiddokumenta, in situ, l-evidenza fiżika ta' SALW u armi konvenzjonali oħrajn u munizzjoni devjati jew traffikati fir-reġjuni periferali sub-Saħarjani milquta mill-konflitt;

(b)	jivverifika u jiżviluppa każijiet ta' traffikar illeċitu mill-evidenza miġbura mill-CAR, u organizzazzjonijiet oħra dwar SALW u armi konvenzjonali oħrajn u munizzjoni devjati u traffikati fir-reġjuni kollha;

(c)	jipprovdi evidenza viżwali konkreta ta' SALW u armi konvenzjonali oħrajn u munizzjoni devjati jew traffikati, inklużi ritratti ta' oġetti, numri serjali, marki ta' fabbrika, kaxxi, listi ta' ppakkjar, dokumenti ta' trasport marittimu u ċertifikazzjoni tal-utent aħħari;

(d)

jiġġenera kontijiet testwali ta' attività illeċita, inklużi r-rotot ta' traffikar, l-atturi involuti fid-devjazzjoni jew t-trasferiment illeċitu u l-valutazzjonijiet ta' fatturi kontibwenti (inklużi l-ġestjoni u s-sigurtà ineffettivi ta' ħażniet u n-netwerks ta' forniment illeċitu maħsuba u orkestrati mill-istat);

(e)	jintroduċi l-evidenza msemmija qabel fis-sistema ta' ġestjoni ta' informazzjoni u l-portal tal-immappjar online tal-iTrace għal diseminazzjoni pubblika totali.

4.2.4. Indikaturi tal-implimentazzjoni tal-proġett

Sa 30 mobilizzazzjoni fuq il-post (inkluża mobilizzazzjoni estiża fejn meħtieġ) matul il-perijodu ta' sentejn biex tiġi iġġenerata evidenza li tiġi introdotta fis-sistema ta' ġestjoni ta' informazzjoni u l-portal tal-immappjar online tal-iTrace.

4.2.5. Benefiċjarji tal-proġett

Jekk jogħġbok ara t-Taqsima 4.1.5 hawn fuq għal lista sħiħa ta' benefiċjarji, li hija identika għall-proġetti kollha elenkati f'din id-Deċiżjoni.

4.3. Proġett 3: Sensibilizzazzjoni tal-partijiet interessati u koordinazzjoni internazzjonali

4.3.1. Objettiv tal-proġett

Il-proġett ser jeżibixxi l-benefiċċji tal-iTrace għal dawk li jfasslu l-politika internazzjonali u nazzjonali, l-esperti ta' kontroll ta' armi konvezjonali u l-awtoritajiet tal-liċenzji tal-esportazzjoni ta' armi. L-inizjattivi ta' sensibilizzazzjoni ser ukoll jkunu mfassla għall-koordinazzjoni tal-kondiviżjoni ta' informazzjoni u l-bini ta' sħubiji sostenibbli ma' individwi u organizzazzjonijiet li jistgħu jiġġeneraw l-informazzjoni li tista' tiġi introdotta fis-sistema iTrace.

4.3.2. Attivitajiet tal-proġett

L-attivitajiet li ġejjin ser jitwettqu fil-qafas ta' dan il-proġett:

(a)

Preżentazzjonijiet tal-persunal tal-CAR għal żewġ konferenzi bbażati fi Brussell. Il-preżentazzjonijiet tal-persunal ser ikunu mfassla biex jesibixxu l-iTrace, b'enfasi fuq 1) il-benefiċċji konkreti tagħha għall-assistenza fil-monitoraġġ tal-implimentazzjoni tal-Programm ta' Azzjoni tan-NU u l-ATT; 2) l-utilità tagħha fl-identifikazzjoni ta' oqsma ta' prijorità għall-assistenza u l-kooperazzjoni internazzjonali; u 3) l-utilità tagħha bħala mekkaniżmu ta' tfassil ta' profil ta' valutazzjoni tar-riskju għall-awtoritajiet tal-liċenzji tal-esportazzjoni ta' armi;

(b)

Il-preżentazzjonijiet tal-persunal tal-CAR f'firxa ta' konferenzi internazzjonali (UE, NU, OSKE u organizzazzjonijiet reġjonali, inklużi l-Unjoni Afrikana, il-Komunità Ekonomika tal-Istati tal-Afrika tal-Punent (ECOWAS) u ċ-Ċentru Reġjonali dwar l-Armi Ħfief fir-Reġjun tal-Lagi l-Kbar, il-Qarn tal-Afrika, u l-Istati Ġirien (RECSA)). Il-preżentazzjonijiet tal-persunal ser ikunu mfassla biex jeżibixxu l-iTrace lil dawk li jfasslu l-politika, jinkoraġġixxu u jiżviluppaw sħubiji sostenibbli ma' individwi u organizzazzjonijiet li jistgħu jiġġeneraw informazzjoni li tista' tiġi introdotta fis-sistema iTrace, kif ukoll biex jgħinu lil dawk li jfasslu l-politika fl-identifikazzjoni ta' oqsma ta' prijorità għall-assistenza u l-kooperazzjoni internazzjonali.

Il-proġett ser jiġi implimentat matul il-perijodu sħiħ ta' sentejn tal-proġett iTrace.

4.3.3. Riżultati tal-proġett

Il-proġett ser:

(a)

jippromwovi l-utilità tal-iTrace lil dawk li jfasslu l-politika nazzjonali u internazzjonali li jaħdmu fl-implimentazzjoni tal-ftehimiet dwar il-kontroll ta' SALW u armi konvenzjonali oħrajn u l-kontroll tal-esportazzjoni ta' armi (Programm ta' Azzjoni tan-NU u ATT), u jevalwaw l-implimentazzjoni tagħhom;

(b)	jipprovdi informazzjoni rilevanti biex jassisti lil dawk li jfasslu l-politika u l-esperti ta' kontroll ta' armi fl-identifikazzjoni ta' oqsma ta' prijorità għall-assistenza u l-kooperazzjoni internazzjonali u fit-tfassil ta' strateġiji effettivi kontra l-proliferazzjoni;

(c)	jipprovdi lill-awtoritajiet tal-liċensji tal-esportazzjoni ta' armi b'informazzjoni dettaljata dwar l-iTrace u l-utilità tagħha għall-valutazzjoni tar-riskju, flimkien ma' mogħdija għall-feedback u t-tisħiħ tas-sistema;

(d)	ikompli jikkolega grupp li qed jikber ta' esperti ta' kontroll ta' SALW u armi konvenzjonali oħrajn involuti fit-twettiq ta' investigazzjonijiet in situ dwar id-devjazzjoni u t-traffikar ta' armi konvenzjonali u munizzjoni;

(e)	itejjeb il-profil pubbliku tal-ittraċċar ta' SALW u armi konvenzjonali oħrajn u munizzjoni bħala mezz ta' assistenza fil-monitoraġġ tal-implimentazzjoni tal-Programm ta' Azzjoni tan-NU, l-ATT u strumenti internazzjonali u reġjonali oħra tal-kontroll ta' armi u l-kontroll ta' esportazzjoni ta' armi.

4.3.4. Indikaturi tal-implimentazzjoni tal-proġett

Sa 12-il konferenza li attendew il-persunal tal-CAR, li tnejn minnhom jinkludu konferenzi li saru fi Brussell. Il-konferenzi kollha ser jinkludu presentazzjonijiet tal-iTrace. L-aġendi u sommarji fil-qosor tal-konferenzi ser jiġu inklużi fir-rapport finali.

4.3.5. Benefiċjarji tal-proġett

Jekk jogħġbok ara t-Taqsima 4.1.5 hawn fuq għal lista sħiħa ta' benefiċjarji, li hija identika għall-proġetti kollha elenkati f'din id-Deċiżjoni.

4.4. Proġett 4: rapporti ta' politika tal-iTrace

4.4.1. Objettiv tal-proġett

Il-proġett ser jipprovdi rapporti ta' kwistjonijiet ta' politika ewlenin, meħuda mid-data ġġenerata mill-investigazzjonijiet fuq il-post u ppreżentata fuq is-sistema iTrace. Ir-rapporti ser ikunu maħsuba biex jenfasizzaw oqsma speċifiċi ta' tħassib internazzjonali, inklużi tendenzi ta' traffikar maġġuri ta' SALW u ta' armi konvenzjonali oħrajn u munizzjoni, id-distribuzzjoni reġjonali ta' armi u munizzjoni traffikati, u oqsma ta' prijorità għall-attenzjoni internazzjonali.

4.4.2. Attivitajiet tal-proġett

Analiżi fil-fond li twassal għall-kompilazzjoni, ir-rieżami, l-editjar u l-pubblikazzjoni ta' erba' rapporti ta' politika tal-iTrace.

4.4.3. Riżultati tal-proġett

Il-proġett ser:

(a)	jipproduċi erba' rapporti, kull wieħed bi profil ta' kwistjoni separata ta' tħassib internazzjonali;

(b)	jiżgura d-distribuzzjoni ta' rapporti ta' politika tal-iTrace lill-Istati Membri kollha tal-UE;

(c)	ifassal strateġija ta' sensibilizzazzjoni mmirata li tiżgura kopertura globali massima;

(d)

isostni l-viżibbiltà tal-Azzjoni fl-arena politika u l-mezzi tax-xandir tal-aħbarijiet internazzjonali billi, inter alia, jippreżenta informazzjoni dwar armi illeċiti ta' tħassib topiku; jipprovdi analiżi rilevanti ta' politika b'appoġġ għal proċessi kurrenti ta' kontroll ta' armi u jfassal rapporti biex jipprovdi interess massimu tal-mezzi tax-xandir tal-aħbarijiet internazzjonali.

4.4.4. Indikaturi tal-implimentazzjoni tal-proġett

Erba' rapporti ta' politika tal-iTrace online prodotti matul iż-żmien tal-Azzjoni proposta u mqassma globalment.

4.4.5. Benefiċjarji tal-proġett

Jekk jogħġbok ara t-Taqsima 4.1.5 hawn fuq għal lista sħiħa ta' benefiċjarji, li hija identika għall-proġetti kollha elenkati f'din id-Deċiżjoni.

5. Postijiet

Il-post għall-Proġett 1 ser ikun ir-Renju Unit. Il-proġett jirrikonoxxi li r-riżultati meħtieġa għal-investigazzjonijiet fuq il-post ma jistgħux jiġu replikati mill-bogħod u l-Proġett 2 ser ikun jeħtieġ mobilizzazzjoni estensiva fuq il-post ta' esperti ta' armi konvenzjonali għall-pajjiżi periferali sub-Saħarjani. Dawn il-mobilizzazzjonijiet ser jiġu valutati fuq bażi ta' każ b'każ, b'referenza għas-sigurtà, l-aċċess u d-disponibbiltà ta' informazzjoni. CAR diġà għandha kuntatti stabbiliti jew proġetti għaddejjin f'bosta mill-pajjiżi periferali sub-Saħarjani konċernati. Proġett 3 ser jitwettaq f'konferenzi internazzjonali fid-dinja kollha biex tiġi żgurata l-viżibbiltà tal-proġett. Proġett 4 ser jiġi kompilat fir-Renju Unit.

6. Tul ta’ żmien

It-tul ta’ żmien totali tal-proġetti hu stmat li jkun ta’ 24 xahar.

7. Entità ta' implimentazzjoni u l-viżibbiltà tal-UE

7.1 L-implmentazzjoni teknika ta' din id-Deċiżjoni ser tiġi assenjata lill- CAR. CAR ser twettaq il-kompitu tagħha taħt ir-responsabbiltà tar-RGħ

CAR irriżultat min-netwerk dejjem jikber ta' investigaturi ta' armi, li kienu l-pijonieri fl-identifikazzjoni u l-ittraċċar ta' armi konvenzjonali u munizzjoni mill-2006. Hija l-unika organizzazzjoni, barra mis-sistema tan-NU, dedikata esklussivament għall-identifikazzjoni u l-ittraċċar ta' armi konvenzjonali, munizzjoni u materjal relatat, fuq l-art, f'konflitti kontemporanji bl-armi u l-ambitu tagħha ta' operazzjonijiet hu ferm usa' mill-oqsma ta' attivitajiet tal-Gruppi tan-NU għall-Monitoraġġ, li huma ffukati biss fuq stati sanzjonati.

L-operazzjonijiet tagħha huma wkoll aktar speċjalizzati minn dawk ta' organizzazzjonijiet mhux governattiv eżistenti ta' kontroll ta' armi, bħall-BICC, GRIP, SIPRI u l-Istħarriġ dwar l-Armi Ħfief (SAS). Maħluqa f'konsultazzjoni (1) mal-organizzazzjonijiet imsemmija qabel, CAR timla lakuna importanti fl-attivitajiet tagħhom ta' riċerka u analażi. Dan hu minħabba li għandhom tendenza li jew jiffukaw fuq il-kompilazzjoni ta' riċerka fuq livell makro (l-analiżi ta' statistika ta' kummerċ u l-ġenerazzjoni ta' informazzjoni dwar it-traffikar minn partijiet terzi) jew fuq ħidma ta' 'livell medju' f'pajjiżi speċifiċi (li spiss jinvolvu stħarriġ ta' vjolenza armata, li mhux iffukat fuq l-armi per se).

B'kuntrast għal dawn l-organizzazzjonijiet, CAR tiffoka esklussivament fuq l-identifikazzjoni u l-ittraċċar ta' armi fuq l-art. Dan l-approċċ ta' studju ta' każ individwali, u l-kapaċità teknika meħtieġa biex jiġi implimentat, huma essenzjali għall-ippjannar b'mod komprensiv tad-devjazzjoni ta' armi konvenzjonali għal u ġewwa pajjiżi f'konflitt, li attwalment mhux qed tiġi monitorata biżżejjed mill-komunità internazzjonali. Biex tagħmel dan, CAR tibgħat timijiet żgħar ta' investigaturi, b'għarfien espert ta' 10 snin jew aktar speċifiku għall-armi, f'żoni milquta mill-konflitt biex jeżaminaw u jiddokumentaw armi illeċiti in situ. CAR taħdem ukoll biex tassisti, tikkoordina u tivverifika investgazzjonijiet mill-Monituri ta' Sanzjonijiet tan-NU, il-persunal tal-missjoni tan-NU, il-ġurnalisti u r-riċerkaturi indipendenti fuq il-post.

Dawn il-kompetenzi ċentrali huma l-uniku mod biex tiġi ġġenerata l-informazzjoni dettaljata, speċifika għall-armi meħtieġa biex tforni sistema globali ta' rappurtar ta' SALW u armi konvenzjonali illeċiti oħrajn, bħall-iTrace.

7.2 Viżibbiltà tal-UE

CAR għandha tieħu l-miżuri kollha adatti biex tippubbliċizza l-fatt li l-Azzjoni ġiet iffinanzjata mill-Unjoni Ewropea. Tali miżuri ser jitwettqu skont il-Manwal tal-Kummissjoni dwar il-Kommunikazzjoni u l-Viżibbiltá għall-Azzjonijiet Barranin tal-UE stipulat u ppubblikat mill-Kummissjoni Ewropea, u skont kull linja gwida oħra miftiehma bejn il-Kummissjoni u d-WHO.

B'dan il-mod, CAR ser tiżgura l-viżibbiltà tal-kontribut tal-Unjoni bi branding u pubbliċità adatti, li jenfasizzaw ir-rwol tal-Unjoni, jiżguraw it-trasparenza tal-azzjonijiet tagħha, u s-sensibilizzazzjoni dwar ir-raġunijiet għad-Deċiżjoni kif ukoll l-appoġġ tal-Unjoni għad-Deċiżjoni u r-riżultati ta' dan l-appoġġ. Il-materjal prodott bil-proġett ser juri b'mod prominenti l-bandiera tal-Unjoni f'konformità mal-linji gwida tal-Unjoni għall-użu u r-riproduzzjoni preċiżi tal-bandiera.

8. Rappurtar

CAR ser tħejji rapporti regolari kull tliet xhur.

(1) CAR ikkonsultat estensivament lill-BICC, GRIP, SAS u SIPRI matul it-tfassil konċettwali tal-proġett tal-iTrace. L-erba' organizzazzjonijiet kollha jiddikjaraw li a) m'għandhomx l-kapaċità teknika biex iwettqu dan it-tip ta' proġett, b) għalihom biex jagħmlu dan ikun meħtieġ rieżami radikali tal-aġendi ta' riċerka tagħhom u l-impjieg ta' persunal espert u c) li l-iTrace tappoġġa b'mod sostanzjali r-riċerka tagħhom billi tipprovdi komponent “nieqes” ta' ppjanar bbażat fuq il-post biex jikkomplimenta “mill-bogħod” approċċi ta' monitoraġġ tal-kummerċ ta' armi.

30.11.2013

Il-Ġurnal Uffiċjali tal-Unjoni Ewropea

L 320/43

DEĊIŻJONI TAL-KUNSILL

tal-25 ta’ Novembru 2013

li taħtar membru Latvjan u żewġ membri supplenti Latvjani fil-Kumitat tar-Reġjuni

(2013/699/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 305 tiegħu,

Wara li kkunsidra l-proposta mill-Gvern Latvjan,

Billi:

(1)	Fit-22 ta’ Diċembru 2009 u t-18 ta’ Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2010 sal-25 ta’ Jannar 2015.

(2)	Konsegwentement għat-tmiem tal-mandat tas-Sur Guntars KRIEVIŅŠ, sar vakanti siġġu ta’ membru fil-Kumitat tar-Reġjuni.

(3)	Konsegwentement għat-tmiem tal-mandat tas-Sur Viktors GLUHOVS, sar vakanti siġġu ta’ membru supplenti. Konsegwentement għall-ħatra tas-Sur Jānis VĪTOLIŅŠ bħala membru fil-Kumitat tar-Reġjuni, ser isir vakanti siġġu ta’ membru supplenti,

ADOTTA DIN ID-DEĊIŻJONI:

Artikolu 1

Dawn li ġejjin huma b’dan maħturin fil-Kumitat tar-Reġjuni għall-bqija tal-mandat attwali, jiġifieri sal-25 ta’ Jannar 2015:

(a)

bħala membru:

—	Is-Sur Jānis VĪTOLIŅŠ, L-ewwel Viċi President tal-Kunsill tal-Belt ta’ Ventspils

(b)

bħala membri supplenti:

—	Is-Sur Gunārs ANSIŅŠ, Viċi President tal-Kunsill tal-Belt ta’ Liepāja

—	Is-Sinjura Olga VEIDIŅA, President tal-Kumitat dwar Kwistjonijiet Soċjali tal-Kunsill tal-Belt ta’ Rīga.

Artikolu 2

Din id-Deċiżjoni għandha tidħol fis-seħħ fil-jum tal-adozzjoni tagħha.

Magħmul fi Brussell, il-25 ta’ Novembru 2013.

Għall-Kunsill

Il-President

D. PAVALKIS

(1) ĠU L 348, 29.12.2009, p. 22.

(2) ĠU L 12, 19.1.2010, p. 11.

30.11.2013

Il-Ġurnal Uffiċjali tal-Unjoni Ewropea

L 320/44

DEĊIŻJONI TA’ IMPLIMENTAZZJONI TAL-KUMMISSJONI

tat-22 ta’ Novembru 2013

dwar it-twaqqif ta’ Stħarriġ Soċjali Ewropew bħala Konsorzju Ewropew għal Infrastruttura ta’ Riċerka (ESS ERIC)

(2013/700/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 723/2009 tal-25 ta’ Ġunju 2009 dwar il-qafas ġuridiku Komunitarju applikabbli għal Konsorzju għal Infrastruttura Ewropea ta’ Riċerka (ERIC) (1), u b’mod partikolari l-Artikolu 6(1)(a) tiegħu,

Billi:

(1)

Ir-Renju tal-Belġju, ir-Repubblika Ċeka, ir-Repubblika Federali tal-Ġermanja, ir-Repubblika tal-Estonja, l-Irlanda, ir-Repubblika tal-Litwanja, ir-Renju tal-Pajjiżi l-Baxxi, ir-Repubblika tal-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Renju tal-Isvezja u r-Renju Unit tal-Gran Brittanja u l-Irlanda ta’ Fuq talbu l-Kummissjoni tistabbilixxi Stħarriġ Soċjali Ewropew bħala Konsorzju Ewropew għal Infrastruttura ta’ Riċerka (ESS ERIC). Ir-Renju tan-Norveġja u l-Konfederazzjoni Svizzera se jipparteċipaw inizjalment fl-ESS ERIC bħala Osservaturi.

(2)

Ir-Renju Unit tal-Gran Brittanja u l-Irlanda ta’ Fuq intgħażel mir-Renju tal-Belġju, ir-Repubblika Ċeka, ir-Repubblika Federali tal-Ġermanja, ir-Repubblika tal-Estonja, l-Irlanda, ir-Repubblika tal-Litwanja, ir-Renju tal-Pajjiżi l-Baxxi, ir-Repubblika tal-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja u tar-Renju tal-Isvezja bħala l-Istat Membru Ospitanti tal-ESS ERIC.

(3)	Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 20 tar-Regolament (KE) Nru 723/2009,

ADDOTTAT DIN ID-DEĊIŻJONI:

Artikolu 1

1. Konsorzju Ewropew għal Infrastruttura ta’ Riċerka għall-Infrastruttura Ewropea ta’ Riċerka dwar l-Istħarriġ Soċjali msemmi ESS ERIC huwa b’dan stabbilit.

2. L-Istatuti tal-ESS ERIC huma stabbiliti fl-Anness. Dawn l-Istatuti għandhom jinżammu aġġornati u jkunu disponibbli għall-pubbliku fuq il-websajt tal-ESS ERIC u fis-sede statutorja tiegħu.

3. L-elementi essenzjali tal-Istatuti ESS ERIC li għalihom l-emendi għandhom jeħtieġu l-approvazzjoni mill-Kummissjoni skont l-Artikolu 11(1) tar-Regolament (KE) Nru 723/2009 huma previsti fl-Artikoli 1, 2, 20, 21, 22, 23, 24, u 25.

Artikolu 2

Din id-Deċiżjoni għandha tidħol fis-seħħ fit-tielet jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-22 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 206, 8.8.2009, p. 1.

ANNESS I

STATUTI TAL-KONSORZJU GĦALL-INFRASTRUTTURA EWROPEA TAR-RIĊERKA — STĦARRIĠ SOĊJALI EWROPEW (“ESS ERIC”)

KAPITOLU 1

DISPOŻIZZJONIJIET ĠENERALI

Artikolu 1

Isem, sit, lokazzjoni, kwartieri ġenerali, twaqqif u lingwa li tintuża

1. Għandu jkun hemm Infrastruttura Ewropea tar-Riċerka msejħa l-Istħarriġ Soċjali Ewropew, minn issa ’l quddiem imsejħa “ESS”.

2. L-isem tal-Konsorzju għall-Infrastruttura Ewropea tar-Riċerka (ERIC) — Stħarriġ Soċjali Ewropew għandu jkun ESS ERIC.

3. Is-sede statutorja tal-ESS ERIC għandha tkun fil-Pajjiż Ospitanti. Normalment is-sede statutorja għandha tkun ospitata fl-istituzzjoni ospitanti ġewwa dan il-pajjiż skont kif jistà jiġi ddeterminat mill-Assemblea Ġenerali meta jkun meħtieġ.

4. L-ewwel sede statutorja tal-ESS ERIC għandha tkun fir-Renju Unit tal-Gran Brittanja u l-Irlanda ta’ Fuq. L-ewwel pajjiż ospitanti għandu jkun r-Renju Unit. L-ewwel l-istituzzjoni ospitanti għandha tkun s-City University London. Is-sede statutorja, il-Pajjiż Ospitanti u l-Istituzzjoni Ospitanti għandhom jiġu riveduti mill-Assemblea Ġenerali kull erba’ snin.

5. L-ESS ERIC għandha tagħmel arranġament ma’ kull Istituzzjoni Ospitanti li jispeċifika t-termini li fuqhom l-Istituzzjoni Ospitanti tista’ tforni kull servizz jew prodott ta’ dan it-tip jew tqiegħed impjegati għad-disponibbiltà tal-ESS ERIC fil-kwartieri ġenerali tagħha (li għandhom ikunu l-uffiċċji ċentrali tal-ESS ERIC li fihom id-Direttur u Viċi Direttur wieħed għandhom ikunu ppustjati) (“Kwartieri Ġenerali”). F’każ li wara t-terminazzjoni ta’ Istituzzjoni Ospitanti li taġixxi bħala tali u wara li dik l-Istituzzjoni Ospitanti ġġarrab xi spejjeż, klejms jew obbligazzjonijiet oħra, l-ESS ERIC għandha tindennizza dik l-Istituzzjoni Ospitanti għal dawn l-ispejjeż, klejms jew obbligazzjonijiet (ħlief sa fejn ikunu kkawżati min-nuqqas ta’ ħlas tal-Istituzzjoni Ospitanti).

6. Il-Kwartieri Ġenerali għandhom normalment jiġu stabbiliti fl-Istituzzjoni Ospitanti. Sakemm ma jkunx determinat mod ieħor mill-Assemblea Ġenerali, l-ESS ERIC għandha normalment tidħol f’arranġamenti biex tipprovdi Kwartieri Ġenerali għal perjodi ta’ erba’ snin. Tnax-il xahar qabel id-data ta’ skadenza ta’ dan l-arranġament mal-Istituzzjoni Ospitanti fir-rigward tal-Kwartieri Ġenerali, l-Assemblea Ġenerali għandha jew iġġedded l-arranġament għal perjodu ieħor ta’ erba’ snin jew tistabbilixxi l-Kwartieri Ġenerali x’imkien ieħor permezz ta’ arranġament ma’ parti terza.

7. Il-Pajjiż Ospitanti għandu jsejjaħ l-ewwel laqgħa tal-Assemblea Ġenerali kemm jista’ jkun malajr iżda mhux aktar tard minn 45 jum kalendarju minn meta tidħol fis-seħħ id-deċiżjoni tal-Kummissjoni għat-twaqqif tal-ESS ERIC.

8. Il-Pajjiż Ospitanti għandu jinnotifika lill-Membri fundaturi b’kull azzjoni legali urġenti speċifika li teħtieġ li tittieħed f’isem l-ERIC qabel ma ssir il-laqgħa kostituzzjonali. Sakemm Membru fundatur ma joġġezzjonax fi żmien ħamest ijiem (5) tax-xogħol wara li jiġi nnotifikat, l-azzjoni legali għandha titwettaq minn persuna awtorizzata mill-Istat Ospitanti.

9. Il-lingwa ta’ użu tal-ESS ERIC għandha tkun l-Ingliż.

Artikolu 2

Kompiti u attivitajiet

1. L-għan prinċipali u l-kompitu tal-ESS ERIC għandu jkun li tistabbilixxi u topera infrastruttura ta’ riċerka bl-objettivi ewlenin li ġejjin:

(a)	li tiġbor, tinterpreta u xxerred permezz tal-Istħarriġ Soċjali Ewropew jew inkella ta’ dejta daqstant rigoruża dwar il-kundizzjoni soċjali tal-Ewropa, inklużi t-tendenzi ta’ moviment, il-valuri, il-perċezzjonijiet u l-mudelli ta’ mġiba fost iċ-ċittadini f’pajjiżi differenti;

(b)	li tipprovdi aċċess liberu u f’waqtu għad-dejta akkumulata tagħha lill-utenti professjonali u l-membri tal-pubbliku;

(c)	li ġġib ’il quddiem l-avvanz ta’ metodi ta’ kejl soċjali kwantitattiv u l-analiżi tiegħu fl-Ewropa u lil hinn minnha.

2. L-ESS ERIC għandha ssegwi l-għan u l-kompitu prinċipali tagħha fuq bażi mhux ekonomika. Madankollu, hija tista’ twettaq attivitajiet ekonomiċi limitati, bil-kundizzjoni li jkunu marbuta mill-qrib mal-kompitu prinċipali tagħha u li ma jippreġudikawx il-ksib tiegħu.

KAPITOLU 2

SĦUBIJA

Artikolu 3

Sħubija u entità rappreżentanti

1. L-entitajiet li ġejjin jistgħu jsiru Membri tal-ESS ERIC:

(a)	L-Istati Membri;

(b)	Pajjiżi Assoċjati;

(c)	pajjiżi terzi oħra li mhumiex Pajjiżi Assoċjati; kif ukoll

(d)	organizzazzjonijiet intergovernattivi

2. L-ESS ERIC għandu jkollha għall-inqas tliet Stati Membri bħala Membri.

3. L-Istati Membri (li jaġixxu permezz ta’ rappreżentanti nazzjonali) għandu jkollhom f’kull ħin b’mod konġunt il-maġġoranza tad-drittijiet ta’ votazzjoni fl-Assemblea Ġenerali. Jekk inqas minn nofs il-Membri kollha (li jaġixxu permezz tar-Rappreżentanti Nazzjonali) huma Stati Membri, l-Istati Membri għandu jkollhom flimkien 51 % tal-voti u kull Stat Membru (li jaġixxi permezz tar-Rappreżentanti Nazzjonali) għandu jkollu sehem ugwali ta’ dawn il-51 % tal-voti. Il-bilanċ tal-voti għandu jinqasam ugwalment bejn il-Membri l-oħra kollha. Għall-finijiet tal-Istatuti, “vot wieħed” għandha tirreferi, fejn ikun xieraq, għal sehem wieħed ta’ vot ta’ Membru aġġustat kif stabbilit f’dan l-Artikolu 3(3) kull meta inqas minn nofs il-Membri kollha jkunu Stati Membri.

4. Kull Membru jew Osservatur jista’ jkun irrappreżentat minn entità pubblika waħda jew entità privata waħda b’missjoni ta’ servizz pubbliku, li jagħżel huwa stess skont ir-regoli u l-proċeduri tiegħu.

Biex jiġi evitat id-dubju kull Membru għandu jkun intitolat li jbiddel ir-rappreżentant tiegħu u/jew li jkollu sa żewġ rappreżentanti iżda vot wieħed biss għal kull Membru.

5. Kull Membru għandu jaħtar (permezz tal-Ministeru rilevanti tiegħu, id-Dipartiment tal-Gvern jew l-entità ddelegata rispettiva tiegħu jew ir-rappreżentant skont l-Artikolu 3(4), u jinforma lill-Assemblea Ġenerali bil-miktub dwar din il-ħatra, persuna fiżika waħda biex tirrappreżenta dan il-Membru (“ir-Rappreżentant Nazzjonali”) fil-laqgħat tal-Assemblea Ġenerali u f’kull ħidma tal-Assemblea Ġenerali jew inkella bejn il-Membru u l-ESS ERIC. Kull Membru għandu wkoll jaħtar, u jinforma lill-Assemblea Ġenerali bil-miktub dwar din il-ħatra, persuna fiżika waħda li taġixxi bħala s-supplent tar-Rappreżentant Nazzjonali jekk ir-Rappreżentant Nazzjonali ma jkunx disponibbli jew ma jkunx jista’ jwettaq dmirijietu.

6. Kull Membru għandu normalment jaħtar Rappreżentant Nazzjonali għal perjodu minimu taċ-ċiklu ta’ sentejn ta’ kull Stħarriġ Soċjali Ewropew (bl-ewwel perjodu għall-ESS ERIC skont kif jiġi stabbilit mid-Direttur bl-approvazzjoni tal-Assemblea Ġenerali) (“Perjodu Biennali”). Kull Membru għandu wkoll jaħtar Rappreżentant Nazzjonali supplenti wieħed għall-istess Perjodu Biennali. Kull Membru jista’ jissostitwixxi r-Rappreżentant jew is-supplent Nazzjonali tiegħu f’kull ħin permezz ta’ avviż bil-miktub lill-Assemblea Ġenerali.

7. Il-Membri u l-Osservaturi attwali u l-entitajiet rappreżentanti tagħhom huma elenkati fl-Anness II. Il-Membri fil-ħin tal-preżentazzjoni tal-applikazzjoni tal-ERIC għandhom ikunu msemmija bħala membri fundaturi.

Artikolu 4

Dħul tal-Membri u Osservaturi

1. Il-Membri l-Ġodda jridu jissodisfaw dawn l-kundizzjonijiet ta’ dħul:

(a)	id-dħul ta’ Membri ġodda għandu jiġi approvat b’maġġoranza sempliċi tal-voti tal-Assemblea Ġenerali;

(b)	l-applikazzjonijiet kollha għas-sħubija għandhom ikunu bil-miktub indirizzata lill-President tal-Assemblea Ġenerali b’kopja lid-Direttur.

(c)

l-applikazzjoni għandha tiddeskrivi kif l-applikant se jikkontribwixxi għall-objettivi u l-attivitajiet tal-ESS ERIC deskritti fl-Artikolu 2 u kif dan ser jissodisfa l-obbligi msemmija fl-Artikolu 3. B’mod partikolari, applikant irid ikun wera, għas-sodisfazzjon tal-Assemblea Ġenerali, li għandu l-mezzi u impenn sod li jagħmel dan li ġej:

(i)

jiżgura aspejjeż tiegħu li l-ġbir tad-dejta u l-istħarriġ li l-ESS ERIC tista’ twettaq meta jkun meħtieġ biex tissodisfa l-kompitu prinċipali tagħha (tal-anqas fuq bażi ta’ kull sentejn) isiru skont l-ispeċifikazzjonijiet imħejjija mid-Direttur u miftiehma meta meħtieġ mill-Assemblea Ġenerali; kif ukoll

(ii)	ikun meħtieġ li jagħmel kontribuzzjonijiet finanzjarji għal baġits f’bilanċ tal-ESS ERIC b’kontribuzzjonijiet inizjali skont kif stipulat hawn fl-anness; kif ukoll

(iii)

jikkontribwixxi, permezz tal-kontribuzzjonijiet stabbiliti fl-Artikolu 17(5) jew mod ieħor, għall-ispejjeż ċentrali tal-ESS ERIC skont il-formula ta’ finanzjament stabbilita, meta jkun meħtieġ, mill-Assemblea Ġenerali skont l-Istatuti; kif ukoll

(iv)	jirrispetta u jipparteċipa fl-arranġamenti ta’ governanza tal-ESS ERIC skont l-Istatuti.

2. Il-membri kollha, bħala kundizzjoni ta’ sħubija, għandhom jidħlu f’att ta’ adeżjoni sostanzjalment fil-forma kif approvata mill-Assemblea Ġenerali, meta jkun meħtieġ.

3. L-entitajiet elenkati fl-Artikolu 3(1) li għad mhumiex f’pożizzjoni li jissieħbu bħala Membri, jistgħu japplikaw għal status ta’ Osservatur. Dawn li ġejjin għandhom jiddaħħlu bħala osservaturi (kull wieħed bħala “Osservatur”):

(a)	kull entità kapaċi li tkun osservatur skont id-definizzjoni tar-Regolament u ammessa mill-Assemblea Ġenerali bħala Osservatur, kemm-il darba dan jitqies mill-Assemblea Ġenerali bħala fl-aħjar interess tal-ESS ERIC u bi tkomplija tal-kompitu prinċipali u l-attivitajiet tagħha;

(b)	kull Membru li jkun tilef id-dritt għall-vot, temporanjament jew b’xi mod ieħor, skont l-Artikolu 5(4), bl-approvazzjoni tal-Assemblea Ġenerali, għandu jingħata l-istatus ta’ Osservatur sakemm jerġa’ jingħata d-dritt tal-vot tiegħu jew sakemm tasal fi tmiem is-sħubija tiegħu.

4. Il-kundizzjonijiet għad-dħul tal-Osservaturi huma dawn li ġejjin:

(a)	l-Osservaturi għandhom ikunu ammessi għal perjodu ta’ erba’ snin; wara dan iż-żmien, l-Osservatur għandu jippreżenta applikazzjoni lill-Assemblea Ġenerali għal estensjoni(jiet) tal-istatus ta’ Osservatur;

(b)	id-dħul u d-dħul mill-ġdid ta’ Osservaturi għandu jeħtieġ l-approvazzjoni tal-Assemblea Ġenerali;

(c)	l-applikanti għandhom jippreżentaw applikazzjoni bil-miktub lis-sit irreġistrat tal-ESS ERIC;

(d)	jekk xi Membru jkun tilef id-dritt għall-vot, temporanjament jew b’xi mod ieħor, skont l-Artikolu 5(4), għandu jingħata l-istatus ta’ Osservatur bl-approvazzjoni tal-Assemblea Ġenerali sakemm jerġa’ jingħata d-dritt tal-vot tiegħu jew sakemm tasal fi tmiem is-sħubija tiegħu.

5. Kull Osservatur għandu jaħtar (permezz tal-Ministeru rilevanti tiegħu, id-Dipartiment tal-Gvern jew l-entità ddelegata rispettiva tiegħu), u jinforma lill-Assemblea Ġenerali bil-miktub dwar din il-ħatra, persuna fiżika waħda biex tirrappreżenta dan l-Osservatur (“ir-Rappreżentant Osservatur”) fil-laqgħat tal-Assemblea Ġenerali u f’kull ħidma tal-Assemblea Ġenerali jew inkella bejn l-Osservatur u l-ESS ERIC.

L-Osservatur Rappreżentattiv ta’ Osservatur ammess bl-Artikolu 4(3) għandu jkun ir-Rappreżentant Nazzjonali maħtur minn din l-entità fil-kapaċità tagħha bħala Membru. Kull Osservatur għandu wkoll jaħtar, u jinforma lill-Assemblea Ġenerali bil-miktub dwar din il-ħatra, persuna fiżika waħda biex taġixxi bħala s-supplent tar-Rappreżentant Osservatur jekk ir-Rappreżentant Osservatur ma jkunx disponibbli jew ma jkunx jista’ jwettaq dmirijietu.

6. Il-persuni li ġejjin għandhom jiġu mistiedna jattendu ex officio dawk il-partijiet tal-laqgħat tal-Assemblea Ġenerali li ma jkunux qegħdin jikkonsidraw Kwistjonijiet Riżervati, bid-dritt li jitkellmu iżda mhux tal-vot u d-dritt li jirċievu d-dokumenti rilevanti kollha:

(a)	rappreżentant tal-Fondazzjoni Ewropea tax-Xjenza jew kwalunkwe korp suċċessur;

(b)	il-President tal-bord konsultattiv xjentifiku tal-Assemblea Ġenerali li jrid jitwaqqaf skont dawn l-Istatuti (“SAB”);

(c)	il-President tal-bord konsultattiv dwar il-metodi tal-Assemblea Ġenerali li jrid jitwaqqaf skont dawn l-Istatuti (“MAB”);

(d)	rappreżentant tal-Forum tal-Koordinaturi Nazzjonali kif deskritt fl-Artikolu 13 (“il-Forum NC”);

(e)	id-Direttur u l-Viċi Diretturi tal-ESS ERIC;

(f)	rappreżentant tal-Istituzzjoni Ospitanti; kif ukoll

(g)	rappreżentant nominat ta’ xi pajjiż ieħor mhux Membru li esprima intenzjoni li jieħu sehem fl-Istħarriġ Soċjali Ewropew u li jkun ġie approvat mill-Assemblea Ġenerali.

Artikolu 5

Irtirar ta’ Membru jew Osservatur/Terminazzjoni ta’ sħubija jew ta’ status ta’ Osservatur

1. Entità għandha awtomatikament ma tibqax Membru jekk ma tibqax teżisti jew ma tibqax taqa’ taħt xi waħda mill-kategoriji stabbiliti skont l-Artikolu 3(1).

2. Membru jista’ jirtira mis-sħubija f’kull ħin, b’effett fit-tmiem ta’ kull Perjodu Biennali (ħlief fl-aħħar tal-ewwel Perjodu Biennali) billi jippreżenta lill-Assemblea Ġenerali mhux aktar tard minn 24 xahar notifika minn qabel bil-miktub (“il-Perjodu ta’ Notifika ta’ Ħruġ”).

3. Is-sħubija għandha tintemm ukoll jekk l-Assemblea Ġenerali, b’maġġoranza ta’ żewġ terzi tal-voti, tiddeċiedi li huwa fl-aħjar interessi tal-ESS ERIC li tali sħubija tintemm wara:

(a)

ksur tal-kundizzjonijiet minn Membru stipulati f’dawn li ġejjin:

(i)	l-Artikolu 4(1)(c)(i) għal żewġ Perjodi Biennali konsekuttivi; jew

(ii)	l-Artikolu 4(1)(c)(ii) għal sentejn finanzjarji konsekuttivi tal-ESS ERIC; jew

(b)	ksur serju minn Membru ta’ kull dispożizzjoni oħra tal-Istatuti.

Il-Membru jew Osservatur għandu jingħata l-opportunità li jikkontesta d-deċiżjoni tat-terminazzjoni u jippreżenta d-difiża tiegħu lill-Assemblea Ġenerali.

4. Minkejja dak li hemm fl-Artikolu 5(3), l-Assemblea Ġenerali tista’ wkoll tiddeċiedi, b’vot ta’ maġġoranza sempliċi, fiċ-ċirkostanzi stabbiliti skont l-Artikolu 5(3), li ma titterminax is-sħubija ta’ Membru iżda li tissospendi jew tirtira d-dritt tal-vot tal-Membru għal ċertu perjodu ta’ żmien u suġġett għal kundizzjonijiet skont kif tista’ raġonevolment tiddeċiedi l-Assemblea Ġenerali. L-Assemblea Ġenerali tista’ tistabbilixxi mill-ġdid, b’vot ta’ maġġoranza sempliċi, id-dritt tal-vot tal-Membru f’kull ħin jekk it-tali Membru jkun irimedja għas-sodisfazzjon tal-Assemblea Ġenerali kull ksur skont kif stabbilit fl-Artikolu 5(3).

5. Is-sħubija ma għandhiex tkun trasferibbli.

KAPITOLU 3

DRITTIJIET U OBBLIGI TAL-MEMBRI U L-OSSERVATURI

Artikolu 6

Membri

1. Soġġett għall-Artikoli 3(5) u 5(4), kull Membru għandu jkollu vot wieħed. Fil-każ li Membru jkollu aktar minn rappreżentant wieħed skont l-Artikolu 3(4), allura ħlief bil-kunsens tal-Assemblea Ġenerali (u dan l-Artikolu), dan il-Membru għandu jkollu vot wieħed biss. Barra minn hekk, il-Membru għandu jindika lill-Assemblea Ġenerali l-proċedura dwar kif ir-rappreżentanti tiegħu se jużaw dan/dawn il-vot/i għal dan il-Membru.

2. Kull Membru għandu:

(a)	jagħti kontribuzzjoni finanzjarja kif speċifikat fl-Artikoli 4(1)(c)(i) u 4(1)(c)(ii) u 4(1)(c)(iii);

(b)	jaħtar Rappreżentant Nazzjonali kif imsemmi fl-Artikolu 3(5); kif ukoll

(c)	jagħti lir-Rappreżentant Nazzjonali tiegħu l-awtorità sħiħa biex jivvota dwar il-kwistjonijiet kollha mqajma waqt l-Assemblea Ġenerali u inklużi fl-aġenda;

3. Minbarra l-kontribuzzjonijiet annwali lill-ESS ERIC, il-Membri jistgħu jagħtu kontribuzzjonijiet oħra b’mod individwali jew konġunt b’kooperazzjoni ma’ Membri, Osservaturi jew partijiet terzi.

Artikolu 7

Osservaturi

1. Id-Drittijiet tal-Osservaturi għandhom jinkludu li jirċievu l-avviż ta’ laqgħa tal-Assemblea Ġenerali, jattendu għaliha u (bl-approvazzjoni tal-President) jitkellmu, għajr li l-Assemblea Ġenerali tista’ teskludi l-Osservaturi minn partijiet ta’ dawn il-laqgħat li jikkunsidraw kwistjonijiet riżervati (skont kif deċiż mill-President jew b’vot tal-Assemblea Ġenerali meta jkun meħtieġ). Osservatur għandu jkun intitolat għall-istess dokumenti bħar-Rappreżentanti Nazzjonali ħlief fir-rigward ta’ xi dokumenti li jinvolvu kwistjonijiet riżervati (kif imsemmi hawn fuq). Osservatur ma għandux ikollu vot.

2. Kull Osservatur għandu jaħtar Osservatur Rappreżentant kif imsemmi fl-Artikolu 4(5).

KAPITOLU 4

IL-GOVERNANZA U TWETTIQ TA’ ATTIVITAJIET TAL-ERIC

Artikolu 8

Assemblea Ġenerali

1. L-Assemblea Ġenerali huwa l-korp li jirrappreżenta lill-Membri kollha tal-ESS ERIC. Kull Membru għandu jkun irrappreżentat mir-Rappreżentant Nazzjonali tiegħu (jew is-sostitut tiegħu) fil-laqgħat tal-Assemblea Ġenerali.

2. L-Assemblea Ġenerali għandu jkollha setgħat sħaħ ta’ teħid ta’ deċiżjonijiet dwar l-operazzjonijiet u l-ġestjoni tal-ESS ERIC. L-Assemblea Ġenerali għandha tipproteġi u ġġib ’il quddiem l-interessi tal-ESS ERIC f’kull ħin.

3. L-Assemblea Ġenerali għandha tkun intitolata b’ordni permanenti li tiddelega lid-Direttur, meta jkun meħtieġ, ċertu kwistjonijiet skont kif jidrilha li huwa xieraq.

4. L-Assemblea Ġenerali għandu jkollha r-responsabbiltà ġenerali biex jiżgura l-vijabilità u s-sostenibbiltà tal-ESS ERIC. Ir-responsabbiltajiet tagħha għandhom ukoll jinkludu, mingħajr ma jkunu limitati għal dawn biss:

(a)

li taħtar, tissostitwixxi jew tneħħi d-Direttur wara konsultazzjoni mat-Tim Xjentifiku Ewlieni kif deskritt fl-Artikolu 13 (“CST”) u tiddetermina it-termini u l-kundizzjonijiet ta’ impjieg tad-Direttur. L-Assemblea Ġenerali għandha tiddetermina jekk kompetizzjoni miftuħa jew proċess ristrett ikunx xieraq fir-rigward tal-ħatra tad-Direttur u jekk kumitat li jaħtar għandux jiġi stabbilit biex jittratta din il-kwistjoni f’isem l-Assemblea Ġenerali;

(b)

li taħtar, tissostitwixxi jew tneħħi l-Istituzzjoni Ospitanti wara konsulazzjoni mas-CST. L-Assemblea Ġenerali għandha tiddetermina jekk kompetizzjoni miftuħa jew proċess ristrett ikunx xieraq fir-rigward tal-ħatra tal-Istituzzjoni Ospitanti u jekk kumitat li jaħtar għandux jiġi stabbilit biex jittratta din il-kwistjoni f’isem l-Assemblea Ġenerali;

(c)	li tirċievi rapporti minn żmien għal żmien mid-Direttur dwar l-eżerċizzju tad-dmirijiet tiegħu/tagħha;

(d)	li tanalizza u tapprova kontijiet u programmi ta’ ħidma mibdija;

(e)	li taħtar, tissostitwixxi jew tneħħi l-membri tal-SAB;

(f)	li taħtar, tissostitwixxi jew tneħħi l-membri tal-MAB;

(g)	li taħtar, tissostitwixxi jew tneħħi l-membri tal-Kumitat Finanzjarju;

(h)	li jistabbilixxi kull korpi jew kumitat konsultattiv ieħor li l-Assemblea Ġenerali tista’ tikkunsidra meħtieġa jew xierqa meta jkun meħtieġ u tiddetermina s-sħubija u l-proċeduri ta’ dawn il-korpi; kif ukoll

(i)	li tissorvelja u tiżgura li l-Membri jissodisfaw l-obbligi tagħhom lejn l-ESS ERIC u, jekk ikun meħtieġ, tieħu azzjoni kontra l-Membri biex tinforza id-drittijiet tal-ESS ERIC kontra dawn il-Membri.

L-Assemblea Ġenerali tista’ tikkummissjona u tirċievi reviżjonijiet jew eżerċizzji ta’ awditjar indipendenti minn żmien għal żmien tal-operazzjonijiet kollha jew parti minnhom tal-ESS ERIC. L-Assemblea Ġenerali għandu jkollu r-responsabbiltà għad-determinazzjoni tal-proċess u l-iskeda ta’ żmien għal kull reviżjoni jew eżerċizzju ta’ awditjar bħal dawn u għat-twaqqif tal-kriterji ta’ reviżjoni f’konsultazzjoni mad-Direttur, is-CST u kull korp konsultattiv li l-Assemblea Ġenerali tista’ tistabbilixxi, meta jkun meħtieġ.

Artikolu 9

President u Viċi President tal-Assemblea Ġenerali

1. L-Assemblea Ġenerali għandha taħtar b’vot ta’ maġġoranza sempliċi President indipendenti (il-“President”), li ma jridx ikun Rappreżentant Nazzjonali u li għandu jikkonforma mal-kriterji skont kif jiġu approvati mill-Assemblea Ġenerali, meta jkun meħtieġ.

Il-President jinħatar għal perjodu ta’ erba’ snin, li jista’ jiġġedded. Qabel ma taħtar il-President, l-Assemblea Ġenerali għandha tressaq bil-miktub in-nominazzjonijiet tal-kandidat(i) mill-inqas tliet ġimgħat qabel il-laqgħa li fiha jinħatar il-President. Il-President għandu jieħu l-ħatra l-aktar fis possibbli wara l-ħatra tiegħu/tagħha.

2. L-Assemblea Ġenerali għandha taħtar b’vot ta’ maġġoranza sempliċi Viċi President (il-“Viċi President”) minn fost ir-Rappreżentanti Nazzjonali. Il-Viċi President jinħatar għal perjodu ta’ erba’ snin, li jista’ jiġġedded. Qabel ma taħtar il-Viċi President, l-Assemblea Ġenerali għandha tressaq bil-miktub in-nominazzjonijiet tal-kandidat(i) mill-inqas tliet ġimgħat qabel il-laqgħa. Il-Viċi President għandu jieħu l-ħatra l-aktar fis possibbli wara l-ħatra tiegħu/tagħha. Il-Viċi President għandu jassumi l-irwoli kollha tal-President fin-nuqqas tiegħu/tagħha.

3. L-Assemblea Ġenerali għandha tagħmel l-arranġamenti meħtieġa sabiex l-ewwel President u Viċi President ikunu jistgħu jinħatru fl-ewwel laqgħa tal-Assemblea Ġenerali.

Artikolu 10

Laqgħat tal-Assemblea Ġenerali

1. L-Assemblea Ġenerali għandha tiltaqa’ mill-inqas darbtejn fis-sena. Fuq talba tal-President jew id-Direttur jew mill-inqas terz tar-Rappreżentanti Nazzjonali jistgħu jissejħu laqgħat oħrajn. Il-Kwartieri Ġenerali tal-ESS ERIC għandhom jorganizzaw l-amministrazzjoni tal-laqgħat, inkluż it-teħid ta’ minuti.

2. Id-deċiżjonijiet kollha tal-Assemblea Ġenerali, għajr għall-Kwistjonijiet Riżervati, għandhom jiġu adottati b’maġġoranza sempliċi tal-voti tal-Membri preżenti permezz tar-Rappreżentanti Nazzjonali tagħhom, soġġett għall-Artikolu 3(5).

3. Soġġett għall-Artikolu 10(15), laqgħa tal-Assemblea Ġenerali għandha tissejjaħ b’avviż ta’ mhux anqas minn erbatax-il jum kalendarju. Soġġett għall-Artikolu 10(15), l-avviż għandu jispeċifika l-ħin u l-post tal-laqgħa u n-natura ġenerali tal-kwistjonijiet li jkunu se jiġu ttrattati.

4. Soġġett għad-dispożizzjonijiet tal-Istatuti, l-avviż dwar laqgħat tal-Assemblea Ġenerali u komunikazzjonijiet oħrajn marbuta magħhom għandhom jingħataw lill-Membri kollha, lid-Direttur, lir-Rappreżentanti Nazzjonali, lill-Osservaturi u lil kull persuna oħra li l-President jista’ jixtieq jistieden għal-laqgħat.

5. Ommissjoni aċċidentali li jingħata avviż ta’ laqgħa, jew nuqqas ta’ wasla ta’ avviż ta’ laqgħa għand xi persuna intitolata li tirċievi l-avviż ma għandux jinvalida l-proċeduri f’dik il-laqgħa.

6. Kull avviż li jsejjaħ laqgħa tal-Assemblea Ġenerali għandu jingħata f’għamla stampata jew f’forma elettronika (kif iddefinit fit-taqsima 1168 tal-Att tal-Kumpaniji tar-Renju Unit 2006) u permezz ta’ websajt.

7. Ma għandu jsir l-ebda xogħol fi kwalunkwe laqgħa tal-Assemblea Ġenerali kemm-il darba ma jkunx hemm kworum ta’ Membri (permezz tar-Rappreżentanti Nazzjonali tagħhom). Jekk il-Membri preżenti jkollhom mill-inqas terz tal-voti eliġibbli fl-Assemblea Ġenerali u huma intitolati li jivvutaw fir-rigward tal-kwistjonijiet li jridu jiġu ttrattati, dan jissejjaħ kworum. Jekk fi żmien nofs siegħa mill-ħin magħżul għal-laqgħa ma hemmx il-preżenza ta’ kworum l-Assemblea Ġenerali għandha tiġi aġġornata għall-istess jum, fl-istess post, għaxar minuti aktar tard. Jekk fil-laqgħa tal-Assemblea Ġenerali li tkun ġiet aġġornata ma hemmx il-preżenza ta’ kworum, il-Membri rrappreżentati u intitolati li jivvutaw dwar il-kwistjonijiet li jridu jiġu ttrattati għandhom jikkostitwixxu kworum u għandu jkollhom is-setgħa li jiddeċiedu dwar kull kwistjoni li setgħet tinħeles fil-laqgħa li minnha jkun seħħ l-aġġornament, iżda kull deċiżjoni adottata f’dik il-laqgħa ma għandhiex tidħol fis-seħħ sakemm u sa meta jkunu ġew iċċirkolati l-minuti tal-laqgħa lill-Membri kollha u jkunu ġew approvati bil-miktub jew bil-posta elettronika minn maġġoranza sempliċi tal-Membri jew maġġoranza ta’ żewġ terzi tal-Membri għal kull Kwistjoni Riżervata. Għall-finijiet ta’ dan l-Artikolu, l-approvazzjoni ta’ Rappreżentant Nazzjonali għandha tiġi ttrattata bħala l-approvazzjoni minn Membru.

8. Il-President għandu jippresjedi f’kull laqgħa tal-Assemblea Ġenerali, jew jekk ma jkunx hemm President, jew jekk huwa jew hija ma jkunux preżenti waqt il-ħin magħżul biex issir il-laqgħa, jew huwa jew hija ma jridux jaġixxu, il-Viċi President għandu jippresjedi bħala President, jew jekk huwa jew hija ma jkunux preżenti jew mhumiex lesti li jaġixxu, ir-Rappreżentanti Nazzjonali preżenti għandhom jeleġġu wieħed minn fosthom sabiex ikun il-President tal-laqgħa.

9. Fi kwalunkwe laqgħa tal-Assemblea Ġenerali, riżoluzzjoni mressqa għall-vot tal-laqgħa għandha tiġi deċiża b’turija tal-idejn jew, fid-diskrezzjoni tal-President, il-vot jista’ jiġi deċiż b’votazzjoni.

10. Dikjarazzjoni mill-President li riżoluzzjoni ġiet approvata jew approvata b’mod unanimu, jew permezz ta’ maġġoranza partikolari, jew ma għaddietx, jew ma ġietx approvata minn maġġoranza partikolari u r-reġistrazzjoni fil-minuti tal-laqgħa tal-ESS ERIC għandhom ikunu evidenza konklużiva tal-fatt mingħajr prova tal-għadd jew il-proporzjon tal-voti rreġistrat favur jew kontra tali riżoluzzjoni.

11. Il-President ma għandux ikollu vot jew il-vot deċiżiv. Id-Deputat President jew kull Rappreżentant Nazzjonali ieħor elett biex jippresiedi laqgħa tal-Assemblea Ġenerali għandu jżomm il-vot tiegħu/tagħha bħala Rappreżentant Nazzjonali meta jkun qed jippresjedi/tkun qegħda tippresjedi laqgħa tal-Assemblea Ġenerali iżda ma għandux ikollu/ma għandhiex ikollha l-ebda vot addizzjonali meta jaġixxi/taġixxi bħala President.

12. L-Osservaturi għandu jkollhom id-dritt li jitkellmu u jinstemgħu fil-laqgħat tal-Assemblea Ġenerali fid-diskrezzjoni tal-President, iżda ma għandux ikollhom id-dritt tal-vot. Il-President jista’, fid-diskrezzjoni tiegħu/tagħha, jitlob/titlob lill-Osservaturi biex jitilqu mill-kamra matul laqgħa sħiħa tal-Assemblea Ġenerali jew parti minnħa.

13. Il-kwistjonijiet li ġejjin (“Kwistjonijiet Riżervati”) jistgħu biss jiġu adottati mill-Assemblea Ġenerali b’maġġoranza ta’ żewġ terzi tal-Membri rappreżentati u li jivvotaw waqt il-laqgħa, sakemm il-laqgħa tkun issejħet b’avviż ta’ mill-inqas sitt ġimgħat u l-avviż ikun speċifika l-ħin u l-post tal-laqgħa u n-natura tal-Kwistjonijiet Riżervati li jridu jiġu ttrattati

(a)	kull tibdil fl-arranġamenti ta’ governanza tal-ESS ERIC;

(b)	kull żieda proposta fil-baġit tal-ESS ERIC (kif stabbilit fl-Artikolu 17 ta’ dan);

(c)	kull tibdil propost fil-mudell ta’ finanzjament kif stabbilit fl-Artikolu 17 ta’ dan;

(d)	terminazzjoni proposta ta’ sħubija ta’ Membru;

(e)	tibdil propost ta’ Istituzzjoni Ospitanti;

(f)	terminazzjoni proposta tal-ħatra tal-President, tal-Viċi President, tad-Direttur qabel id-data preskritta;

(g)	kull bidla fil-kompożizzjoni jew struttura ta’ kull wieħed mill-korpi msemmija fl-Artikoli 11(3) jew 13(2); kif ukoll

(h)	bidliet proposti fl-Istatuti (inkluż kull tibdil kif speċifikat fl-Artikolu 28 ta’ dan).

14. Riżoluzzjoni bil-miktub miftiehma minn tali numru ta’ Membri kif meħtieġ, li kieku ġiet proposta f’laqgħa tal-Assemblea Ġenerali, għandha tkun effettiva daqslikieku kienet għaddiet f’laqgħa tal-Assemblea Ġenerali msejjħa u mlaqqa’ kif xieraq u tista’ tikkonsisti minn għadd ta’ strumenti f’forma simili, kull waħda ffirmata f’isem Membru wieħed jew aktar. Għall-finijiet ta’ dan l-Artikolu, l-approvazzjoni ta’ Rappreżentant Nazzjonali għandha tiġi ttrattata bħala l-approvazzjoni minn Membru.

15. Il-Membri (li jaġixxu permezz tar-Rappreżentanti Nazzjonali maħtura kif xieraq) jitqiesu li ħadu sehem f’laqgħa, jew parti minn laqgħa, tal-Assemblea Ġenerali meta:

(a)	il-laqgħa tissejjaħ u ssir f’konformità mal-Istatuti, u

(b)	kull wieħed minnhom jista’ jikkomunika lill-oħrajn kull informazzjoni jew opinjoni li jkollu fuq kwalunkwe punt partikolari tax-xogħol li jsir fil-laqgħa.

Artikolu 11

Kumitati tal-Assemblea Ġenerali

1. Soġġett għall-Istatuti, l-Assemblea Ġenerali tista’ tistabbilixxi kull kumitat. Skont l-Istatuti, il-kostituzzjoni, is-sħubija u l-proċeduri ta’ kull kumitat għandhom jiġu stabbiliti mill-Assemblea Ġenerali. Is-sħubija ta’ kull kumitat tal-Assemblea Ġenerali tista’ tinkludi persuni li mhumiex Rappreżentanti Nazzjonali. L-Assemblea Ġenerali għandha taħtar il-membri fil-Kumitati tagħha wara konsultazzjoni mad-Direttur u ma’ kull bord speċjali bħal dawn li jaħtar skont kif tikkunsidra li huwa xieraq u meta meħtieġ l-Assemblea Ġenerali.

2. Id-Direttur (jew il-membru sostitut tiegħu/tagħha) għandu jkollu d-dritt li jattendi laqgħat tal-kumitati kollha tal-Assemblea Ġenerali u għandu jorganizza l-amministrazzjoni u ż-żamma tal-minuti tagħhom. L-Assemblea Ġenerali għandha tiddetermina l-għażliet ta’ tiġdid għall-Kumitati tagħha.

3. Dawn il-kumitati għandhom ikunu disponibbli l-ħin kollu:

(a)	Il-Bord Xjentifiku Konsultattiv (jew SAB);

(b)	Il-Bord Konsultattiv dwar il-Metodi (jew MAB); kif ukoll

(c)	Il-Kumitat tal-Finanzi (jew FINCOM).

4. L-SAB għandu normalment ikun magħmul minn tmien studjużi tax-xjenza soċjali għolja, magħżula mill-komunità internazzjonali tar-riċerka tax-xjenza soċjali, maħtura mill-Assemblea Ġenerali, wara n-nominazzjonijiet bil-miktub mill-Membri. Il-Membri tal-SAB għandhom jinħatru għal perjodu ta’ erba’ snin, li jiġġedded.

5. L-SAB għandu jipprovdi pariri u gwida lill-Assemblea Ġenerali, lid-Direttur u lis-CST dwar il-kopertura sostantiva tal-ESS ERIC. Ħlief kif ipprovdut fl-Artikolu 11(6), l-opinjoni tal-SAB ma għandhiex torbot lill-Assemblea Ġenerali, lid-Direttur jew lis-CST.

6. L-SAB għandu jkollu wkoll awtorità delegata mill-Assemblea Ġenerali biex jagħżel il-membri tat-tim tat-tfassil tal-kwestjonarju għall-moduli li jinbidlu ma’ kull Perjodu Biennali minn fost l-applikazzjonijiet li jaslu wara kompetizzjoni internazzjonali.

7. Il-laqgħat tal-SAB għandhom isiru tal-anqas darbtejn f’kull perjodu ta’ tnax-il xahar. L-SAB għandu jeleġġi l-President tiegħu stess u l-Viċi President b’vot ta’ maġġoranza sempliċi wara proċess xieraq ta’ nomina. Il-membri kollha tal-SAB għandu jkollhom vot wieħed. Il-President tal-SAB għandu jkollu vot deċiżiv fil-każ ta’ voti ndaqs.

8. Il-President tal-SAB jista’, fuq diskrezzjoni tiegħu/tagħha, jistieden persuni bħala osservaturi għal-laqgħat tal-SAB kif hu jew hi jikkonsidra/tikkunsidra xieraq, meta jkun meħtieġ.

9. L-MAB għandu normalment ikun magħmul minn sitt speċjalisti tal-metodu għolja, magħżula mill-komunità internazzjonali tar-riċerka tax-xjenza soċjali, maħtura mill-Assemblea Ġenerali, wara n-nominazzjonijiet bil-miktub mill-Membri. Il-Membri tal-MAB għandhom jinħatru għal perjodu ta’ erba’ snin, li jiġġedded.

10. L-MAB għandu jipprovdi pariri u gwida lill-Assemblea Ġenerali, lid-Direttur u lis-CST dwar il-metodoloġija. L-opinjoni tal-MAB ma għandhiex torbot lill-Assemblea Ġenerali, lid-Direttur jew lis-CST.

11. Il-laqgħat tal-MAB għandhom isiru tal-anqas darbtejn f’kull perjodu ta’ tnax-il xahar. L-MAB għandu jeleġġi l-President tiegħu stess u l-Viċi President b’vot ta’ maġġoranza sempliċi wara proċess xieraq ta’ nomina. Il-membri kollha tal-MAB għandu jkollhom vot wieħed. Il-President tal-MAB għandu jkollu vot deċiżiv fil-każ ta’ voti ndaqs.

12. Il-President tal-MAB jista’, fuq diskrezzjoni tiegħu/tagħha, jistieden persuni bħala osservaturi għal-laqgħat tal-MAB kif hu jew hi jikkonsidra/tikkunsidra xieraq, meta jkun meħtieġ.

13. Il-FINCOM għandu jkun magħmul minn erba’ speċjalisti fl-ibbaġitjar u l-kontroll finanzjarju, maħtura mill-Assemblea Ġenerali, wara n-nomini bil-miktub mill-Membri. Mill-inqas żewġ membri tal-FINCOM ma għandhomx ikunu Rappreżentanti Nazzjonali. Il-Membri tal-FINCOM għandhom jinħatru għal perjodu ta’ erba’ snin, li jiġġedded.

14. Il-FINCOM għandu jipprovdi gwida lill-Assemblea Ġenerali u lid-Direttur dwar is-saħħa finanzjarja tal-ESS ERIC, inkluż (mingħajr limitazzjoni) fir-rigward ta’ riżorsi u kwistjonijiet finanzjarji marbuta magħhom mill-ESS ERIC.

15. Il-laqgħat tal-FINCOM għandhom isiru tal-anqas darba f’kull perjodu ta’ tnax-il xahar. Il-membri tal-FINCOM għandhom jiddeterminaw il-proċeduri tal-laqgħat tagħhom stess u dawk ta’ bejn laqgħa u oħra iżda għandhom jinnominaw wieħed minn fosthom biex jirrappreżenta lill-FINCOM f’laqgħat tal-Assemblea Ġenerali biex jirrapporta l-valutazzjonijiet u l-pariri tal-FINCOM.

Artikolu 12

Direttur u Viċi Diretturi

1. L-Assemblea Ġenerali tista’ taħtar jew tissostitwixxi meta jkun meħtieġ lid-direttur tal-ESS ERIC (id-“Direttur”) li għandu jkun il-kap uffiċjal eżekuttiv, il-kap uffiċjal xjentifiku u skont l-Artikolu 12 tar-Regolament ir-rappreżentant legali tal-ESS ERIC. Id-Direttur, sakemm ma jkunx speċifikat mod ieħor minn l-Assemblea Ġenerali meta jkun meħtieġ, għandu jkollu awtorità sħiħa li jaġixxi f’isem l-ESS ERIC. L-ewwel Direttur tal-ESS ERIC għandu jkun l-Investigatur Ewlieni — Koordinatur tal-ESS ta’ dakinhar. Il-ħatra tad-Direttur għandha tkun soġġetta għall-approvazzjoni tal-Assemblea Ġenerali u għandha tkun għal erba’ snin u li tista’ tiġġedded, u inkella skont kundizzjonijiet approvati mill-Assemblea Ġenerali.

2. L-Assemblea Ġenerali għandha tiddelega din l-awtorità lid-Direttur kif jidhrilha xieraq meta jkun meħtieġ sabiex id-Direttur ikun jista’ jwettaq ir-responsabbiltajiet ta’ kuljum ta’ kap uffiċjal eżekuttiv, kap uffiċjal xjentifiku u rappreżentant legali tal-ESS ERIC.

3. Id-Direttur għandu jkun responsabbli biex jintlaħqu l-għanijiet ġenerali tal-ESS ERIC, jimplimenta l-baġit annwali, il-pjan ta’ direzzjoni tan-negozju u tal-programm ta’ ħidma. Id-Direttur għandu jirrapporta direttament lill-Assemblea Ġenerali, jew jekk l-Assemblea Ġenerali titolbu jagħmel dan, lill-kumitat tal-Assemblea Ġenerali. Id-Direttur għandu jkun responsabbli għall-għażla tal-istituzzjonijiet tas-CST (kif definit skont l-Artikolu 13.2(a), suġġett għar-ratifika mill-Assemblea Ġenerali. Id-Direttur għandu jkollu r-responsabbiltà ġenerali li jiżgura li l-ESS ERIC iżżomm l-impenji xjentifiċi, kuntrattwali, legali u baġitarji tagħha. Id-Direttur għandu jkollu l-appoġġ tal-persunal fil-Kwartieri Ġenerali, tas-CST u tax-xjenzati tar-riċerka assoċjati magħhom u tal-koordinaturi nazzjonali fil-pajjiżi parteċipanti kollha u għandu jikkoordinahom sabiex jimplimentaw il-programm ta’ ħidma tal-ESS ERIC skont l-istandard meħtieġ.

4. Id-Direttur għandu jaħtar deputat mill-Istituzzjoni Ospitanti u mill-inqas deputat wieħed ieħor minn fost l-istituzzjonijiet CST l-oħra biex jassistuh fil-kompiti tiegħu. Id-Direttur jista’ jalloka funzjonijiet speċifiċi lil kull wieħed mill-imsemmija deputati.

Artikolu 13

Il-Kumitati tad-Direttur

1. Id-Direttur jista’ jistabbilixxi kumitati li jassistuh fl-implimentazzjoni tar-responsabbiltajiet u l-ħidmiet tad-Direttur. Il-kostituzzjoni, is-sħubija u l-proċeduri ta’ kull kumitat għandhom jiġu stabbiliti mid-Direttur. Is-sħubija ta’ kull kumitat tad-Direttur tista’ tinkludi persuni li mhumiex Rappreżentanti Nazzjonali jew Osservaturi.

2. Il-kumitati tad-Direttur li ġejjin għandhom ikunu disponibbli l-ħin kollu:

(a)	Tim Xjentifiku Ewlieni (jew CST); kif ukoll

(b)	Forum tal-Koordinaturi Nazzjonali (jew Forum NC).

Is-CST u l-Forum NC għandhom jassistu lid-Direttur fl-iżgurar li l-ESS ERIC iwettaq il-kompitu prinċipali tiegħu b’mod konsistenti u jżomm l-istandards ta’ kwalità stabbiliti mill-Assemblea Ġenerali fil-pajjiżi Membri kollha.

3. Is-CST għandu jinkludi dawk l-istituzzjonijiet (kull waħda minnhom “membru istituzzjonali”) skont kif jista’ jiddetermina d-Direttur u tapprova l-Assemblea Ġenerali meta jkun meħtieġ. Kull membru istituzzjonali għandu min-naħa tiegħu jaħtar ir-rappreżentant anzjan tiegħu stess u supplent b’ismu li f’kull każ irid jiġi approvat mid-Direttur biex jattendi l-laqgħat tas-CST. Il-mandat ta’ kull membru istituzzjonali għandu jkun ta’ erba’ snin, li jista’ jiġġedded. Membri oħra tal-persunal fuq livell istituzzjonali tal-membri għandhom ikunu mistiedna għal laqgħat biex jikkontribwixxu l-għarfien speċjalizzat tagħhom matul id-diskussjonijiet.

4. Is-CST għandu jagħti l-pariri u jaħdem mad-Direttur dwar l-aspetti kollha tat-tfassil, tad-direzzjoni xjentifika, il-metodi, l-implimentazzjoni, il-kontroll tal-kwalità, it-twettiq u t-tixrid tal-ħidma tal-ESS ERIC.

5. Il-laqgħat tas-CST għandhom isiru tal-anqas tliet darbiet f’kull perjodu ta’ tnax-il xahar. Il-laqgħat tas-CST għandhom ikunu ppreseduti mid-Direttur u, fin-nuqqas tiegħu/tagħha, minn Viċi Direttur. Għalkemm l-ESS ERIC tista’ meta jkun meħtieġ tagħti b’kuntratt kompiti speċjalizzati lil istituzzjonijiet oħra li mhumiex membri istituzzjonali tas-CST, dawn l-istituzzjonijiet ma għandhomx b’hekk isiru membri tas-CST.

6. Il-koordinaturi nazzjonali (li huma persuni maħtura bħala koordinaturi nazzjonali minn Membru skont dawn l-Istatuti) (“Koordinaturi Nazzjonali”) għandhom jintgħażlu fil-bidu ta’ kull rawnd ta’ stħarriġ minn kull awtorità eżekuttiva rilevanti tal-Membru skont deskrizzjoni ta’ rwol li ġie speċifikat mid-Direttur. Il-mandat ta’ kull Koordinatur Nazzjonali għandu jkun għal kull Perjodu Biennali (jew itwal skont id-diskrezzjoni ta’ kull Membru).

7. L-irwoli ewlenin tal-Koordinaturi Nazzjonali għandhom jikkoordinaw l-attivitajiet tal-ESS ERIC fuq livell nazzjonali u jiżguraw il-konformità mal-ispeċifikazzjonijiet maħruġa mid-Direttur meta jkun meħtieġ.

8. Il-Forum NC (li huwa l-Forum tal-Koordinaturi Nazzjonali stabbilit skont dawn l-Istatuti) għandu jinkludi l-Koordinaturi Nazzjonali ta’ kull Membru (bl-esklużjoni ta’ Membru li jkun organizzazzjoni intergovernattiva), id-Direttur u l-Viċi Diretturi. Il-laqgħat tal-Forum NC għandhom ikunu ppreseduti mid-Direttur u għalihom għandhom jattendu l-Membri CST rilevanti, skont l-aġenda. Għandu jiltaqa’ għallinqas tliet darbiet kull Perjodu Biennali u l-aġenda għal kull laqgħa għandha tkun iddeterminata mid-Direttur f’konsultazzjoni kemm mas-CST kif ukoll mal-Koordinaturi Nazzjonali. Il-Forum NC għandu jinnomina Koordinatur Nazzjonali wieħed minn fost il-membri tiegħu biex jattendu l-laqgħat tal-Assemblea Ġenerali, u wieħed biex jattendi l-laqgħat tas-CST.

9. Il-Forum NC għandu jirċievi u jikkummentaw dwar l-speċifikazzjonijiet ewlenin li d-Direttur jista’ joħroġ meta jkun meħtieġ rigward l-attivitajiet tal-ESS ERIC fuq livell nazzjonali. Il-Forum NC għandu wkoll jagħti pariri lid-Direttur u lis-CST dwar aspetti oħra tat-tfassil u l-aġir tal-ESS ERIC.

10. Il-President tal-Forum NC jista’ jistieden speċjalisti barranin għal laqgħa tal-Forum NC.

Artikolu 14

Komposizzjoni u laqgħat ta’ korpi

1. Sabiex tkun żgurata l-inklużività u jiġu evitati kunflitti ta’ interess, l-ebda individwu (ħlief id-Direttur jew il-Viċi Diretturi) ma għandu jkun membru ta’ aktar minn korp wieħed jew kumitat tal-ESS ERIC, inkluż l-Assemblea Ġenerali, il-kumitati tal-Assemblea Ġenerali u l-kumitati tad-Direttur, ħlief għall-FINCOM, li fihom sa żewġ membri jistgħu jkunu rappreżentanti tal-Assemblea Ġenerali (skont Artikolu 11(13). Dan ir-rekwiżit jista’ jiġi sospiż f’ċirkostanzi eċċezzjonali mill-President tal-kumitat jew korp rilevanti inkluża l-Assemblea Ġenerali. Xejn f’dan l-Artikolu ma għandu jimpedixxi persuna milli tkun osservatur f’aktar minn korp wieħed tal-ESS ERIC.

2. Sakemm ma jkunx determinat mod ieħor mill-Assemblea Ġenerali, fid-determinazzjoni ta’ jekk persuna hiex se tipparteċipa f’laqgħa ta’ kwalunkwe korp jew kumitat tal-ESS ERIC (inkluż l-Assemblea Ġenerali, il-kumitati tal-Assemblea Ġenerali u l-kumitati konsultattivi tad-Direttur), huwa irrelevanti fejn tkun tinsab persuna jew kif tikkomunika mal-oħrajn. Jekk il-persuni kollha li jkunu qed jipparteċipaw f’laqgħa ma jinsabux fl-istess post, jistgħu jiddeċiedu li l-laqgħa għandha titqies bħala li qiegħda sseħħ f’xi post fejn jinsab wieħed minnhom.

3. Il-kompożizzjoni ta’ kwalunkwe korp jew kumitat tal-ESS ERIC għandha tirrefletti bilanċ xieraq bejn is-sessi u bilanċ ġenerali tal-ħiliet.

KAPITOLU 5

RAPPURTAR LILL-KUMMISSJONI

Artikolu 15

Rappurtar lill-Kummissjoni

1. Fit-tmiem ta’ kull sena finanzjarja, id-Direttur għandu jipproduċi rapport annwali tal-attività li jinkludi b’mod partikolari l-aspetti xjentifiċi, operattivi u finanzjarji tal-attivitajiet tiegħu msemmijin fl-Artikolu 2(1). Dan ir-rapport għandu jkun approvat mill-Assemblea Ġenerali b’maġġoranza sempliċi tal-voti u trasmess lill-Kummissjoni Ewropea u lill-awtoritajiet pubbliċi rilevanti fi żmien sitt xhur mit-tmiem tas-sena finanzjarja korrispondenti. Dan ir-rapport għandu jitqiegħed għad-dispożizzjoni tal-pubbliku mill-ESS ERIC.

2. L-ESS ERIC u l-Istati Membri kkonċernati għandhom jinfurmaw lill-Kummissjoni Ewropea bi kwalunkwe ċirkustanza li thedded li tfixkel serjament it-twettiq tal-kompitu tal-ESS ERIC jew li jfixkel l-ESS ERIC milli tissodisfa r-rekwiżiti stabbiliti fl-Istatuti jew fir-Regolament.

3. Meta l-Kummissjoni Ewropea tikseb indikazzjonijiet li l-ESS ERIC tkun qiegħda taġixxi bi ksur serju tar-Regolament, tal-Istatuti, tad-deċiżjonjijiet adottati abbażi tiegħu jew ta’ xi liġi applikabbli oħra, hija għandha titlob spjegazzjonijiet mill-ESS ERIC u/jew mill-Membri tagħha.

KAPITOLU 6

FINANZI

Artikolu 16

Sena finanzjarja

Sakemm ma jkunx determinat mod ieħor mill-Assemblea Ġenerali, l-ESS ERIC għandu jkollha s-sena finanzjarja tagħha mill-1 ta’ Ġunju sal-31 ta’ Mejju u għandha tħejji l-baġits ewlenin tagħha u l-pjanijiet tad-direzzjoni tan-negozju, u tlesti l-kontijiet tagħha u l-awditjar sa din id-data.

Artikolu 17

Baġit

1. Id-Direttur għandu jipprepara u jressaq quddiem il-FINCOM għall-approvazzjoni abbozz tas-sommarju tal-baġit u pjan ta’ direzzjoni tan-negozju għal kull Perjodu Biennali filwaqt li jkopri dħul u kostijiet tal-ESS ERIC fuq bażi annwali (“il-Baġit”).

2. Il-Baġit għandu jkopri dawn il-kostijiet ewlenin, spejjeż u dħul:

(a)	tfassil ewlieni, koordinazzjoni, kontroll tal-kwalità u t-tixrid mill-Kwartieri Ġenerali u l-istituzzjonijiet tas-CST;

(b)	is-segretarjat tal-ESS ERIC (inkluża l-ħidma tal-Assemblea Ġenerali u l-kumitati kollha l-oħra u l-korpi tal-ERIC meta meħtieġ); kif ukoll

(c)	flus imħallsa minn Membri u/jew partijiet terzi jew oħrajn permezz ta’ għotjiet jew pagamenti oħra.

U sabiex, għall-fini li jiġi evitat id-dubju, kull Membru fl-Istħarriġ Soċjali Ewropew ikopri l-ispejjeż tiegħu stess ta’ fieldwork u koordinazzjoni nazzjonali u biex dawn l-ispejjeż ma jiffurmawx parti mill-Baġit.

3. Kull Baġit għandu jinkludi wkoll kwistjonijiet skont kif approvati mill-Assemblea Ġenerali meta jkun meħtieġ fuq il-parir tal-FINCOM f’Ordnijiet Permanenti.

4. Ladarba l-FINCOM japprova kull Baġit għandu jressqu quddiem l-Assemblea Ġenerali għall-approvazzjoni. Fil-każ li l-FINCOM ma japprovax il-Baġit għandu jagħti r-raġunijiet tiegħu lill-Assemblea Ġenerali li għandha tieħu d-deċiżjoni finali dwar l-adozzjoni tiegħu.

5. Ladarba l-Baġit jiġi approvat, il-Membri (jew aġent bi ħlas f’isem Membru) għandhom jagħmlu kontribuzzjonijiet annwali kif muri fil-Baġit bil-kundizzjonijiet ta’ Ordnijiet Permanenti meta jkun meħtieġ kkalkulati kif ġej:

(a)	l-ewwel, kontribuzzjoni ta’ bażi minn kull Membru ta’ ammont kif jista’ jiġi approvat mill-Assemblea Ġenerali meta jkun meħtieġ;

(b)	it-tieni, kontribuzzjoni mill-Pajjiż Ospitanti ta’ ammont maqbul meta jkun meħtieġ; kif ukoll

(c)

it-tielet, kontribuzzjoni minn kull Membru tal-bilanċ meħtieġ kkalkulat skont il-PGD relattiv tagħhom. Jekk dan il-kalkolu jwassal biex xi wħud (iżda mhux kollha) mill-Membri jħallsu ammont ieħor daqs jew inqas mill-ammont bażi msemmij fl-Artikolu 17(5)(a), kull wieħed minn dawn il-Membri ma għandux jiġi mitlub jagħmel xi kontribuzzjoni ulterjuri u d-differenza b’hekk ikkawżata għandha tinqasam fuq il-bażi relattiva tal-PGD fost dawk il-Membri mitluba jikkontribwixxu skont dan is-subartikolu.

Kontribuzzjonijiet in natura mill-Membri għandhom ikunu aċċettabbli biss wara l-approvazzjoni mill-President tal-Assemblea Ġenerali li jkun irċieva il-parir mill-FINCOM.

Artikolu 18

Awditjar finanzjarju

L-ESS ERIC għandha tiżgura li l-kontijiet jiġu verifikati minn ditta tal-awditjar ikkwalifikata kif xieraq kull sena u li tali kontijiet awditjati jkunu ppreżentati kif meħtieġ u ppubblikati. Il-kontijiet awditjati għandhom ikunu approvati mill-Assemblea Ġenerali.

Artikolu 19

Kontabilità

L-ESS ERIC għandha żżomm rendikont separat tal-ispejjeż u d-dħul mill-attivitajiet ekonomiċi tagħha u għandha titlob prezzijiet tas-suq għalihom, jew, jekk dawn il-prezzijiet ma jkunux jistgħu jiġu determinati, abbażi tal-ispejjeż totali b’marġni raġonevoli.

KAPITOLU 7

STRATEĠIJI POLITIĊI

Artikolu 20

Akkwist Pubbliku u eżenzjonijiet mit-taxxa

1. L-ESS ERIC għandha tittratta lill-kandidati u l-persuni li jitfgħu offerta għall-akkwist pubbliku b’mod ugwali u mhux diskriminatorju, indipendentement jekk humiex ibbażati fl-Unjoni Ewropea jew le. Il-politika tal-akkwist pubbliku tal-ESS ERIC għandha tirrispetta l-prinċipji ta’ trasparenza, non-diskriminazzjoni u kompetizzjoni. L-Assemblea Ġenerali għandha tistabbilixxi regoli dettaljati dwar il-proċeduri tal-akkwist u l-kriterji.

2. L-eżenzjonijiet mit-taxxa abbażi tal-Artikolu 143(1)(g) u l-Artikolu 151(1)(b) tad-Direttiva tal-Kunsill 2006/112/KE (1) u skont l-Artikoli 50 u 51 tar-Regolament ta’ Implimentazzjoni tal-Kunsill (UE) Nru 282/2011 (2) għandhom japplikaw għal akkwisti ta’ oġġetti u servizzi mill-ERIC li jeċċedu l-valur ta’ EUR 250 li huma għall-użu uffiċjali mill-ESS ERIC u huma mħallsa bis-sħiħ u prokurati mill-ESS ERIC. L-akkwist li jsir mill-membri individwali ma għandux jibbenefika minn dawn l-eżenzjonijiet.

Artikolu 21

Responsabbiltà

1. L-ESS ERIC għandha tkun responsabbli għad-dejn tagħha.

2. L-obbligazzjoni finanzjarja massima tal-Membri għad-djun tal-ESS ERIC għandha tkun limitata għall-kontribuzzjoni annwali tagħhom, inklużi kontribuzzjonijiet li jkopru l-Perjodu ta’ Notifika ta’ Ħruġ.

3. L-Assemblea Ġenerali għandha tiżgura li l-ESS ERIC tkun koperta b’assikurazzjoni xierqa kontra kull riskju speċifiku għall-kostruzzjoni u t-tħaddim tal-infrastruttura tagħha, inklużi dispożizzjonijiet marbuta mal-istralċ tal-ERIC, f’każ li dan iseħħ. Barra minn hekk, tali assigurazzjoni tista’ tinkludi, mingħajr limitazzjoni, obbligazzjonijiet personali tad-Direttur, tal-Viċi Diretturi jew kwalunkwe persuna fiżika oħra li twettaq xi funzjoni għall-ESS ERIC.

4. Ir-Rappreżentanti Nazzjonali, id-Direttur u l-Viċi Diretturi, l-Osservaturi u membri oħra tal-kumitati u korpi tal-ESS ERIC ma għandhomx ikunu responsabbli għal xi dejn tal-ESS ERIC.

5. L-attivitajiet kollha tal-ESS ERIC għandhom ikunu kkoordinati u jseħħu abbażi li l-ESS ERIC ma tkunx responsabbli għal attivitajiet imwettqa għaliha mill-Membri jew minn oħrajn kif stabbilit fl-Ordnijiet Permanenti meta jkun meħtieġ.

Artikolu 22

Evalwazzjoni Xjentifika u Politika ta’ Tixrid

1. L-ESS ERIC għandha tippermetti aċċess ħieles għad-dejta kollha tal-Istħarriġ Soċjali Ewropew għall-għanijiet ta’ evalwazzjoni xjentifika. Politika bħal din tista’ tkompli tiġi dettaljata permezz ta’ Ordnijiet Permanenti.

2. L-ESS ERIC għandha tfittex li tiżgura li r-riżultati tal-Istħarriġ Soċjali Ewropew ikunu disponibbli għal kulħadd. L-ESS ERIC għandha tiżviluppa u tippubblika l-istrateġija ta’ tixrid tagħha. Politika bħal din tista’ tkompli tiġi dettaljata permezz ta’ Ordnijiet Permanenti.

Artikolu 23

Il-Politika dwar id-Drittijiet tal-Proprjetà Intellettwali u l-Politika dwar id-Dejta

1. L-ESS ERIC għandha fejn ikun prattikabbli tfittex li tkun is-sid tad-drittijiet ta’ proprjetà intellettwali f’xogħlha. Hija għandha tagħti liċenzja mhux esklużiva ħielsa minn drittijiet ta’ proprjetà lil kwalunkwe persuna għal għanijiet mhux kummerċjali. Fir-rigward tal-użu tal-proprjetà intellettwali tal-ESS ERIC għal skopijiet kummerċjali dan għandu jkun ittrattat fuq bażi ta’ każ b’każ. Politika bħal din tista’ tkompli tiġi dettaljata permezz ta’ Ordnijiet Permanenti.

2. L-ESS ERIC għandha tippermetti aċċess ħieles għad-dejta kollha tal-Istħarriġ Soċjali Ewropew mill-komunità xjentifika. Ma għandu jkun hemm l-ebda drittijiet ta’ aċċess privileġġjat minn xi persuna għal dejta bħal din ħlief matul l-ipproċessar u t-tħejjija tagħha għall-użu mill-pubbliku. Politika bħal din tista’ tkompli tiġi dettaljata permezz ta’ Ordnijiet Permanenti.

3. L-ESS ERIC għandha tissottoskrivi d-Dikjarazzjoni dwar l-Etika tal-Istitut Internazzjonali tal-Istatistika.

4. L-ESS ERIC għandha tiżgura sa fejn ikun prattikabbli li d-dejta kollha tal-ESS ERIC tkun anonimizzata. Sal-punt li dan ma jkunx possibbli, il-prinċipji tal-Parlament Ewropew u d-Direttiva 95/46/KE tal-Parlament Ewropew u tal-Kunsill tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ data personali u dwar il-moviment liberu ta’ tali dejta (3) għandha tiġi applikata.

5. Id-dejta kollha ġġenerata mill-ESS ERIC għandha tkun ittrattata f’kull pajjiż rilevanti skont il-liġijiet tal-protezzjoni tad-dejta ta’ dak il-pajjiż.

6. Politika bħal din dwar id-dejta tista’ tkompli tiġi dettaljata permezz ta’ Ordnijiet Permanenti.

Artikolu 24

Politika tal-Impjieg

L-ESS ERIC hija marbuta li jkun hemm ugwaljanza ta’ opportunità u mhux se tiddiskrimina kontra xi persuna fuq il-bażi ta’ razza, oriġini etnika, is-sess, it-twemmin, id-diżabilità, l-orjentazzjoni sesswali jew kull raġuni oħra li hi meqjusa bħala diskriminazzjoni skont il-liġi tal-Unjoni Ewropea meta jkun meħtieġ. Politika bħal din tista’ tkompli tiġi dettaljata permezz ta’ Ordnijiet Permanenti.

KAPITOLU 8

IT-TUL TA’ ŻMIEN U L-ISTRALĊ, IL-LIĠI APPLIKABBLI, IT-TILWIM

Artikolu 25

It-tul ta’ żmien u l-istralċ

1. L-ESS ERIC għandha tiġi stabbilita mid-data li fiha d-deċiżjoni tal-Kummissjoni Ewropea li tistabbilixxi l-ERIC tidħol fis-seħħ u tkompli jkollha personalità legali fuq bażi indefinita sakemm:

(a)	l-ESS ERIC tgħaddi minn stralċ skont id-dispożizzjonijiet ta’ dawn l-Istatuti; kif ukoll

(b)	il-Kummissjoni Ewropea tadotta deċiżjoni biex ittemm l-ESS ERIC.

2. L-Assemblea Ġenerali tista’ tiddeċiedi b’maġġoranza ta’ tliet kwarti tal-Membri preżenti u li jivvutaw favur l-istralċ tal-ESS ERIC. Jekk l-Assemblea Ġenerali tiddeċiedi favur l-istralċ tal-ESS ERIC, b’vot ta’ maġġoranza sempliċi, għandha tispeċifika l-proċedura tal-istralċ.

3. L-ESS ERIC għandha tinforma lill-Kummissjoni Ewropea dwar id-deċiżjoni tal-istralċ tal-ESS ERIC skont ir-Regolament.

4. Fil-każ li japplikaw l-Artikoli 25(1) jew 25(2), id-Direttur għandu jiżgura sa fejn hu possibbli li d-dejta li hija proprjetà tal-ESS ERIC tiġi ddepożitata b’mod sigur ma’ parti terza xierqa jew partijiet sabiex din id-dejta tkun aċċessibbli u użabbli skont dawn l-Istatuti.

Artikolu 26

Liġi applikabbli

It-twaqqif u l-funzjonament intern tal-ERIC għandu jiġi rregolat:

(a)	mil-liġi tal-Unjoni Ewropea u b’mod partikolari r-Regolament u d-deċiżjoni tal-Kummissjoni Ewropea biex tistabbilixxi l-ESS ERIC skont dawn l-Istatuti;

(b)	mil-liġi tal-Istat fejn l-ESS ERIC għandha s-sede statutorja tagħha fil-każ ta’ kwistjonijiet li mhumiex, jew huma biss parzjalment, irregolati mill-atti msemmija fl-Artikolu 26(a), jiġifieri l-liġijiet tal-Ingilterra u Wales fid-data tat-twaqqif tal-ESS ERIC;

(c)	minn dawn l-Istatuti u r-regoli ta’ implimentazzjoni tagħhom.

Artikolu 27

Tilwim

1. Il-Qorti tal-Ġustizzja tal-Unjoni Ewropea għandu jkollha l-ġurisdizzjoni fuq it-tilwim fost il-Membri fir-rigward tal-ESS ERIC, bejn il-Membri u l-ESS ERIC (inkluż xi likwidatur tal-ESS ERIC) u fuq kull tilwim li fih l-Unjoni Ewropea hija parti.

2. Il-leġiżlazzjoni tal-Unjoni Ewropea dwar il-ġurisdizzjoni għandha tapplika għat-tilwim bejn l-ESS ERIC u partijiet terzi. F’każijiet mhux koperti mil-leġiżlazzjoni tal-Unjoni Ewropea, il-liġi tal-Istat fejn l-ESS ERIC għandha s-sede statutorja tagħha (jiġifieri l-liġijiet tal-Ingilterra u Wales fid-data tat-twaqqif tal-ESS ERIC) għandha tiddetermina l-ġurisdizzjoni kompetenti għar-riżoluzzjoni ta’ dawn it-tilwimiet.

3. Il-Membri għandhom jaraw li, jekk xi liġijiet applikabbli jinbidlu sostanzjalment dawn l-Istatuti jinbidlu skont dan.

4. Jekk xi kundizzjoni ta’ dawn l-Istatuti tinstab minn xi qorti jew korp jew awtorità ta’ ġurisdizzjoni kompetenti li kienet illegali, mhux leġittima, bla effett jew mhux infurzabbli skont il-liġijiet ta’ kwalunkwe ġurisdizzjoni, din il-kundizzjoni għandha titqies maqtugħa minn dan il-Ftehim fir-rigward biss ta’ din il-ġurisdizzjoni u dan ma għandux jaffettwa:

(a)	il-legalità, il-leġitimità jew l-infurzar ta’ din kundizzjoni skont il-liġijiet ta’ kwalunkwe ġurisdizzjoni oħra jew:

(b)	il-bqija tal-Istatuti li għandhom jibqgħu fis-seħħ u b’effett fis-sħiħ.

F’dan il-każ il-partijiet għandhom ifittxu li jaqblu skont l-Artikolu 28(2) dwar kundizzjoni valida u infurzabbli biex jissostitwixxu l-kundizzjoni maqtugħa għas-sodisfazzjon tal-Assemblea Ġenerali.

KAPITOLU 9

STATUTI U EMENDI

Artikolu 28

Statuti u Emendi

1. Dawn l-Istatuti għandhom jinżammu aġġornati u magħmula disponibbli għall-pubbliku fuq is-sit elettroniku tal-ERIC u fis-sede statutorja tagħha.

2. Soġġett għall-Artikolu 28(4), kull emenda għal dawn l-Istatuti għandha tiġi approvata bħala Kwistjoni Riżervata mill-Assemblea Ġenerali. Kull emenda għal dawn l-Istatuti minbarra dawk imsemmija fl-Artikolu 28(6) għandha tiġi ppreżentata lill-Kummissjoni Ewropea mill-ESS ERIC fi żmien għaxart ijiem mill-adozzjoni tagħha mill-Assemblea Ġenerali.

3. Kwalunkwe emenda għall-Istatuti għandha tiġi indikata b’mod ċar b’nota li tispeċifika jekk l-emenda tikkonċernax element essenzjali jew element mhux essenzjali tal-Istatuti skont l-Artikolu 11 tar-Regolament (KE) Nru 723/2009 u l-proċedura segwita għall-adozzjoni tagħha.

4. Wara li jintbagħtu l-bidliet adottati lill-Kummissjoni Ewropea skont l-Artikolu 28(2), il-Kummissjoni Ewropea tista’ tqajjem oġġezzjoni għal tali emenda fi żmien sittin jum (60) minn meta tiġi ppreżentata billi tagħti r-raġunijiet għaliex l-emenda ma tilħaqx ir-rekwiżiti ta’ dan ir-Regolament.

5. L-emenda adottata skont l-Artikolu 28 ma għandhiex tidħol fis-seħħ qabel ma jkun skada l-perjodu ta’ oġġezzjoni msemmi fl-Artikolu 28 jew qabel din tiġi rinunċjata mill-Kummissjoni Ewropea jew qabel kull oġġezzjoni mqajma mill-Kummissjoni Ewropea tkun tneħħiet.

6. Kull emenda tal-Istatuti li tikkonċerna l-kwistjonijiet imsemmija fl-Artikoli 1(2) (Isem), 1(4) (Sede Statutorja), 2 (Kompiti u Attivitajiet), 20 (Politika tal-Akkwist), 21 (Obbligazzjonijiet), 22 (Evalwazzjoni Xjentifika u Politika ta’ Tixrid), 23 (Politika dwar id-Drittijiet tal-Proprjetà Intellettwali u Politika dwar id-Dejta), 24 (Politika tal-Impjieg), u 25 (Tul ta’ Żmien u Stralċ) li ġew approvati mill-Membri bħala Kwistjoni Riżervata se jidħlu fis-seħħ biss wara li l-Kummissjoni Ewropea tkun espressament approvat emenda bħal din u tkun daħlet fis-seħħ id-deċiżjoni tal-Kummissjoni Ewropea li tagħti l-approvazzjoni tal-bidliet.

7. Meta tavviċina l-Kummissjoni Ewropea għall-approvazzjoni skont l-Artikoli 28(2) jew 28(6), l-ESS ERIC għandha tissottometti t-test tal-emenda proposta u l-verżjoni kkonsolidata emendata tal-Istatuti lill-Kummissjoni Ewropea.

(1) ĠU L 347, 11.12.2006, p. 1.

(2) ĠU L 77, 23.3.2011, p. 1.

(3) ĠU L 281, 23.11.1995, p. 31.

ANNESS II

LISTA TA’ MEMBRI U OSSERVATURI

F’dan l-Anness hemm lista tal-Membri u l-Osservaturi u l-entitajiet li jirrappreżentawhom.

Membri

Isem il-Membru	Isem ir-Rappreżentant Nazzjonali
Ir-Repubblika tal-Awstrija	Ministeru Federali għax-Xjenza u r-Riċerka
Ir-Renju tal-Belġju	Servizz Pubbliku tal-Ippjanar tal-Politika Xjentifika Belġjani
Ir-Repubblika Ċeka	Ministeru tal-Edukazzjoni, iż-Żgħażagħ u l-Isports (MEYS)
Ir-Repubblika tal-Estonja	Ministeru tal-Affarijiet Soċjali
Ir-Repubblika Federali tal-Ġermanja	Ministeru tal-Edukazzjoni u r-Riċerka (Bundesministerium für Bildung und Forschung)
L-Irlanda	Kunsill tar-Riċerka tal-Irlanda (HEA)
Ir-Repubblika tal-Litwanja	Ministeru tal-Edukazzjoni u x-Xjenza
Ir-Renju tal-Pajjiżi l-Baxxi	Organizzazzjoni tal-Pajjiżi l-Baxxi għar-Riċerka Xjentifika (NWO)
Ir-Repubblika tal-Polonja	Ministeru tax-Xjenza u l-Edukazzjoni Ogħla
Ir-Repubblika Portugiża	Fondazzjoni għax-Xjenza u t-Teknoloġija
Ir-Repubblika tas-Slovenja	Ministeru tal-Edukazzjoni, ix-Xjenza u l-Isport
Ir-Renju tal-Isvezja	Ministeru tal-Edukazzjoni, irrappreżentat mill-Kunsill Svediż għar-Riċerka
Ir-Renju Unit tal-Gran Brittanja u l-Irlanda ta’ Fuq	Il-Kunsill għar-Riċerka Ekonomiku u Soċjali

Osservaturi

Isem l-Osservatur	Isem ir-Rappreżentant Osservatur
Ir-Renju tan-Norveġja	Il-Kunsill Norveġiż għar-Riċerka
Il-Konfederazzjoni Svizzera	FORS (Fondazzjoni Svizzera għar-Riċerka fix-Xjenzi Soċjali)

ANNESS III

DEFINIZZJONIJIET U INTERPRETAZZJONI

F’dawn l-Istatuti, kemm-il darba l-kuntest ma jitlobx mod ieħor, “ESS ERIC” tfisser il-konsorzju għall-infrastruttura Ewropea tar-riċerka stabbilit skont ir-Regolament (KE) Nru 723/2009 (ir-“Regolament”) u rregolat minn dawn l-Istatuti kif jistgħu jiġu emendati jew imtennija meta dan ikun meħtieġ f’konformità mar-Regolament (“l-Istatuti”);

“ESS” jew “Stħarriġ Soċjali Ewropew” tfisser l-Istħarriġ Soċjali Ewropew li beda fl-2001, huwa stħarriġ awtorevoli fit-tul imwettaq minn stħarriġiet nazzjonali simultanji fil-pajjiżi Ewropej. Hu jiġbor, jinterpreta u jxerred dejta rigoruża dwar l-attitudnijiet u l-valuri soċjali li qed jinbidlu madwar l-Ewropa;

Il-“PDG” tfisser il-valur monetarju totali tal-oġġetti u s-servizzi prodotti fil-pajjiż minn pajjiż kif jiġi ddeterminat mill-figuri maħruġa mill-Bank Dinji għall-2009 jew għal xi sena sussegwenti kif tista’ tiġi approvata mill-Assemblea Ġenerali;

“Membru” tfisser kwalunkwe persuna (li taġixxi permezz tar-Rappreżentant Nazzjonali) li ġiet ammessa fi sħubija tal-ESS ERIC meta jkun meħtieġ skont dawn l-Istatuti u r-Regolament;

“Stat Membru” tfisser pajjiż membru tal-Unjoni Ewropea;

“Ordnijiet Permanenti” tfisser ordnijiet permanenti tal-ESS ERIC kif approvati mill-Assemblea Ġenerali meta jkun meħtieġ.

Kemm-il darba ma jiġix stabbilit mod ieħor f’dawn l-Istatuti, it-termini definiti fir-Regolamenti għandhom l-istess tifsira hawnhekk;

Ir-referenzi għall-Artikoli huma għall-Artikoli ta’ dawn l-Istatuti;

L-intestaturi kollha huma biss biex ir-referenza tkun eħfef u ma għandhomx jaffettwaw il-kostruzzjoni jew l-interpretazzjoni tal-Istatuti, kemm-il darba l-kuntest ma jeħtieġx xort’oħra;

Ir-referenzi għas-singular jinkludu l-plural u viċe versa, kif ukoll referenzi għal xi sess jinkludu kull sess;

Ir-referenzi għal xi trattat, regolament, direttiva, statut jew disposizzjoni statutorja għandhom jinkludu kull leġiżlazzjoni subordinata magħmula taħtu/taħtha u għandhom ikunu interpretati bħala referenzi għal dan/din it-trattat, regolament, direttiva, statut, dispożizzjoni statutorja u/jew leġiżlazzjoni subordinata kif modifikati, emendati, estiżi, konsolidati, implimentati u/jew sostitwiti u fis-seħħ fid-data tal-Istatuti;

Kwalunkwe kelma li tiġi wara l-kliem “jinkludi/u”, “tinkludi”, “inkluż”, “b’mod partikolari” jew xi kelmiet jew espressjonijiet simili għandhom jinftiehmu mingħajr limitazzjoni u għaldaqstant ma għandhomx jillimitaw it-tifsira tal-kliem ta’ qabilhom;

Ir-referenzi għal “bil-miktub” jew “miktub/a” huma għall-komunikazzjoni effettwata bil-posta u faks u email jew kwalunkwe mezz ieħor ta’ riproduzzjoni mhux tranżitorja tal-kliem b’mod li jinqara;

Kull referenza għal kull terminu legali Ingliż għal kull azzjoni, rimedju, metodu ta’ proċediment ġudizzjarju, dokument legali, stat legali, qorti, uffiċjali, jew kull kunċett jew ħaġa legali għandha fir-rigward ta’ kull ġurisdizzjoni għajr dik tal-Ingilterra u Wales, titqies li tinkludi referenza għal dak li kważi l-iktar joqrob lejn it-terminu legali Ingliż f’dik il-ġuriżdizzjoni.

ANNESS IV

KONTRIBUZZJONIJIET NAZZJONALI

KONTRIBUZZJONIJIET NAZZJONALI GĦALL-ESS ERIC (EUR)

Sena Finanzjarja ESS ERIC

SENA

2013-2014

2014-2015

2015-2016

2016-2017

1.	Ir-Renju Unit (Pajjiż Ospitanti)

1 000 000

742 630

764 909

2.	L-Awstrija

46 943

49 337

60 259

62 067

Il-Belġju

53 410

56 235

69 631

71 720

4.	Il-Bulgarija

20 000

20 600

21 218

21 855

Ċipru

20 000

20 600

21 218

21 855

6.	Ir-Repubblika Ċeka

33 845

35 367

41 280

42 518

L-Estonja

20 000

20 600

21 218

21 855

8.	Il-Finlandja

36 913

38 640

45 726

47 098

Franza

204 877

217 787

289 111

297 785

10.	Il-Ġermanja

252 792

268 893

358 542

369 298

11.

L-Irlanda

35 745

37 393

44 033

45 354

12.	Il-Litwanja

20 000

20 600

21 218

21 855

13.	In-Norveġja

46 448

48 809

59 541

61 328

14.	Il-Pajjiżi l-Baxxi

75 994

80 323

102 355

105 426

15.	Il-Polonja

50 408

53 033

65 280

67 239

16.	Il-Portugall

36 520

38 220

45 156

46 510

17.	Is-Slovenja

20 000

20 600

21 218

21 855

18.

Spanja

122 728

130 168

170 074

175 176

19.

L-Isvezja

48 637

51 144

62 714

64 595

20.	L-Isvizzera

54 740

57 653

71 558

73 704

Total

2 200 000

2 266 000

2 333 980

2 403 999

Nota ta’ spjegazzjoni dwar il-baġit u l-kontribuzzjonijiet annwali għas-snin finanzjarji ESS ERIC 2013 sal-2017

1.	Is-sena finanzjarja ESS ERIC għandha tibda fl-1 ta’ Ġunju u tispiċċa fil-31 ta’ Mejju.

Il-baġit ippreżentat ġie stabbilit għall-ewwel erba’ snin tal-operat l-ESS ERIC. Il-Kumitat ta’ Tmexxija tal-ESS ERIC kellu u għandu l-għan li jipprovdi baġit ta’ EUR 2,3 miljun fis-sena għal Attivitajiet Xjentifiċi Ewlenin. Baġit iżgħar se tkun disponibbli jekk, sadanittant, mhux il-pajjiżi kollha li esprimew interess qawwi jistgħu jissieħbu fl-ERIC fil-ħin għall-bidu tal-operazzjonijiet f’Ġunju 2013. Żidiet annwali se jikkumpensaw għal inflazzjoni ta’ 3 % kull sena fuq il-baġit totali.

Abbażi tan-numru mistenni ta’ firmatarji, huwa previst baġit ta’ EUR 2,2 miljuni fl-ewwel sena (li jitnaqqas jekk mhux il-pajjiżi kollha fil-lista jipprovdu l-firma meħtieġa biex jingħaqdu fl-ERIC). Jekk aktar pajjiżi jissieħbu, il-baġit se jiżdied sa EUR 2,3 miljuni bil-kontribuzzjonijiet tal-Membri eżistenti jibqgħu fissi (dawk li jissieħbu ġodda se jkollhom il-kontribuzzjoni kkalkulata flimkien ma’ dawk tal-Membri attwali, pajjiż wara pajjiż, biex tkun determinata l-kontribuzzjoni meħtieġa. L-ammont meħtieġ mill-Membri fundaturi se jibqa’ fiss). Ladarba tintlaħaq il-mira, ma kull pajjiżi addizjonali li jingħaqad se jonqsu l-kontribuzzjonijiet għall-Membri kollha u l-Osservaturi se jħallsu aktar mill-parteċipazzjoni bażika (sakemm ma jiġix miftiehem mod ieħor mill-Assemblea Ġenerali).

Il-kontribuzzjonijiet annwali ġew ikkalkulati skont il-proċedura msemmija fl-Artikolu 17 ta’ dawn l-Istatuti, bl-ispeċifikazzjonijiet li ġejjin:

(a)	Id-dritt ta’ parteċipazzjoni bażika ġie stabbilit għal EUR 20 000 fis-sena ta’ bidu u se jiġi aġġornat b’rata ta’ inflazzjoni ta’ 3 % għat-tliet snin sussegwenti;

(b)	Bħala l-pajjiż ospitanti, ir-Renju Unit se jħallas kontribuzzjoni msaħħa, li skont il-ftehim se tkun ta’ EUR 1 000 000 għall-ewwel sentejn, imbagħad terġa’ lura għall-impenn oriġinali ta’ EUR 700 000 fis-sena aġġustati għall-inflazzjoni;

(c)	Kontribuzzjoni mill-Membri tal-bilanċ meħtieġ kkalkulat skont il-PGD relattiv tagħhom, abbażi tad-dejta tal-Bank Dinji dwar il-PGD 2009. Dan japplika biss għal Membri li jkollhom jagħmlu kontribuzzjoni ta’ EUR 20 000 jew iktar (aġġustati lejn l-eqreb EUR 100);

(d)	Rata ta’ inflazzjoni ta’ 3 % kull sena (komposta) tapplika mit-tieni sena, ħlief għall-kontribuzzjonijiet imsaħħa tar-Renju Unit għall-ewwel sentejn (li jfisser li ż-żidiet għal pajjiżi oħra minbarra r-Renju Unit huma ftit iktar minn 3 %);

(e)	F’dan l-istadju, il-liġi Svizzera u dik Norveġiża ma jippermettulhomx li jingħaqdu fl-ERIC bi status ta’ Membri. Dawn iż-żewġ pajjiżi se jipparteċipaw bħala Osservaturi u se jikkonformaw mal-kontribuzzjoni annwali meħtieġa kif indikat f’din in-nota.

30.11.2013

Il-Ġurnal Uffiċjali tal-Unjoni Ewropea

L 320/63

DEĊIŻJONI TA’ IMPLIMENTAZZJONI TAL-KUMMISSJONI

tat-22 ta’ Novembru 2013

dwar it-twaqqif ta’ Konsorzju għal Infrastruttura ta’ Riċerka fil-Bijobanek u fir-Riżorsi Bijomolekulari (BBMRI-ERIC) bħala Konsorzju għal Infrastruttura Ewropea ta’ Riċerka

(2013/701/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Billi:

(1)

Ir-Renju tal-Belġju, ir-Repubblika Ċeka, ir-Repubblika Federali tal-Ġermanja, ir-Repubblika tal-Estonja, ir-Repubblika Ellenika, ir-Repubblika Franċiża, ir-Repubblika Taljana, ir-Repubblika ta’ Malta, ir-Renju tal-Pajjiżi l-Baxxi, ir-Repubblika tal-Awstrija, ir-Repubblika tal-Finlandja u r-Renju tal-Isvezja, talbu lill-Kummissjoni tistabbilixxi BBMRI bħala Konsorzju għal Infrastruttura Ewropea ta’ Riċerka (BBMRI-ERIC). Ir-Renju tan-Norveġja, ir-Repubblika tal-Polonja, il-Konfederazzjoni Svizzera, u r-Repubblika tat-Turkija se jieħdu sehem fil-BBMRI-ERIC bħala osservaturi.

(2)

Ir-Repubblika tal-Awstrija ntgħażlet mir-Renju tal-Belġju, ir-Repubblika Ċeka, ir-Repubblika Federali tal-Ġermanja, ir-Repubblika tal-Estonja, ir-Repubblika Ellenika, ir-Repubblika Franċiża, ir-Repubblika Taljana, ir-Repubblika ta’ Malta, ir-Renju tal-Pajjiżi l-Baxxi, ir-Repubblika tal-Finlandja u r-Renju tal-Isvezja bħala l-Istat Membru Ospitanti tal-BBMRI-ERIC.

(3)	Il-miżuri stabbiliti f’din id-Deċiżjoni huma skont l-opinjoni tal-Kumitat stabbilit bl-Artikolu 20 tar-Regolament (KE) Nru 723/2009,

ADOTTAT DIN ID-DEĊIŻJONI:

Artikolu 1

1. Konsorzju għal Infrastruttura Ewropea ta’ Riċerka fil-Bijobanek u fir-Riżorsi Bijomolekulari bl-isem ta’ BBMRI-ERIC huwa b’dan stabbilit.

2. L-istatuti tal-BBMRI-ERIC huma stipulati fl-Anness. Dawn l-Istatuti għandhom jinżammu aġġornati u jsiru disponibbli għall-pubbliku fis-sit elettroniku tal-BBMRI-ERIC u fis-sede statutorja tiegħu.

3. L-elementi essenzjali tal-Istatuti tal-BBMRI-ERIC li emendi fihom ikunu jeħtieġu l-approvazzjoni tal-Kummissjoni skont l-Artikolu 11(1) tar-Regolament (KE) Nru 723/2009, huma previsti fl-Artikoli 2, 3, 6, 7, 16, 17, 18, 19 u 24.

Artikolu 2

Din id-Deċiżjoni għandha tidħol fis-seħħ fit-tielet jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-22 ta’ Novembru 2013.

Għall-Kummissjoni

Il-President

José Manuel BARROSO

(1) ĠU L 206, 8.8.2009, p. 1.

ANNESS I

L-ISTATUTI TAL-KONSORZJU GĦALL-INFRASTRUTTURA EWROPEA TA’ RIĊERKA DWAR L-INFRASTRUTTURI TA’ RIĊERKA DWAR IL-BIJOBANEK U R-RIŻORSI BIJOMOLEKULARI (“BBMRI-ERIC”)

IR-RENJU TAL-BELĠJU,

IR-REPUBBLIKA ĊEKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

IR-REPUBBLIKA ELLENIKA,

IR-REPUBBLIKA FRANĊIŻA,

IR-REPUBBLIKA TALJANA,

IR-REPUBBLIKA TA’ MALTA,

IR-RENJU TAL-PAJJIŻI L-BAXXI,

IR-REPUBBLIKA TAL-AWSTRIJA,

IR-REPUBBLIKA TAL-FINLANDJA,

IR-RENJU TAL-ISVEZJA,

MINN HAWN ’Il QUDDIEM IMSEJĦIN “IL-MEMBRI”;

IR-RENJU TAN-NORVEĠJA,

IR-REPUBBLIKA TAL-POLONJA,

IL-KONFEDERAZZJONI SVIZZERA,

IR-REPUBBLIKA TAT-TURKIJA,

MINN HAWN ’Il QUDDIEM IMSEJĦIN “L-OSSERVATURI”.

BILLI l-Membri huma konvinti li kampjuni bijoloġiċi mill-bniedem, inkluża d-dejta medika assoċjata u l-għodod tar-riċerka bijomolekulari huma riżorsi prinċipali biex tinftiehem ir-relazzjoni bejn il-fatturi ġenetiċi u dawk ambjentali li jikkawżaw il-mard fil-bniedem u l-impatt fuq ir-riżultat tagħhom, l-identifikazzjoni ta’ bijomarkaturi ġodda u miri għat-terapija kif ukoll il-kontribut tagħhom biex titnaqqas l-attrizzjoni fl-iskoperta u l-iżvilupp tal-mediċini.

BILLI r-riżorsi bijomolekulari jinkludu kollezzjonijiet ta’ binders ta’ antikorpi u ta’ affinità, linji taċ-ċelloli, kollezzjonijiet ta’ kloni, libreriji ta’ siRNA u għodod oħra ta’ riċerka meħtieġa għall-analiżi ta’ kampjuni fil-bijobanek. Barra minn hekk, ir-repożitorji tal-organiżmi mudell huma kkunsidrati bħala riżorsi bijomolekulari meta dawn ikunu relevanti għall-mard tal-bniedem..

BILLI l-Infrastruttura pan-Ewropea ta’ Riċerka dwar il-Bijobanek u r-Riżorsi Bijomolekulari (BBMRI) ser tissejjes fuq kollezzjonijiet ta’ kampjuni, teknoloġiji u għarfien eżistenti, li ser ikunu kkumplementati b’mod speċifiku b’komponenti innovattivi u mdaħħlin kif xieraq f’oqfsa Ewropej xjentifiċi, etiċi, legali u soċjetali.

META WIEĦED IQIS li l-Membri jfittxu li jżidu l-eċċellenza xjentifika u l-effikaċja tar-riċerka Ewropea fix-xjenzi bijomediċi kif ukoll li jespandu u jassiguraw il-kompetittività tar-riċerka u l-industrija Ewropea f’kuntest globali u jattiraw investimenti f’faċilitajiet ta’ riċerka bijomedika u farmaċewtika, billi jistabbilixxu l-Infrastruttura tar-Riċerka Biomolekulari u dwar il-Bijobanek — Il-Konsorzju Ewropew għal Infrastruttura ta’ Riċerka — minn hawn ’il quddiem imsemmija bħala “BBMRI-ERIC”.

B’ENFASI FUQ l-impenn tal-Membri lejn il-Karta dwar id-Drittijiet Fundamentali tal-Unjoni Ewropea kif ġiet ipproklamata mill-Kunsill u mill-Kummissjoni Ewropea f’Nizza f’Diċembru 2000 u b’mod partikolari mill-leġiżlazzjoni Ewropea u nazzjonali dwar il-protezzjoni tad-dejta.

BILLI l-Membri jitolbu lill-Kummissjoni Ewropea tistabbilixxi l-BBMRI skont ir-Regolament tal-ERIC bħala entità legali tal-Konsorzju Ewropew dwar l-Infrastruttura ta’ Riċerka (ERIC).

QABLU DWAR DAN LI ĠEJ:

KAPITOLU I

DISPOŻIZZJONIJIET ĠENERALI

Artikolu 1

Definizzjonijiet

Għall-finijiet ta’ dawn l-Istatuti:

(1)

“Bijobanek (u Ċentri ta’ Riżorsi Bijomolekulari)” tfisser kollezzjonijiet, repożitorji u ċentri ta’ distribuzzjoni tal-kampjuni bijoloġiċi kollha li joriġinaw mill-bniedem, bħal demm, tessuti, ċelloli jew DNA u/jew dejta relatata bħal dejta klinika u ta’ riċerka assoċjata, kif ukoll riżorsi bijomolekulari, inklużi organiżmi mudelli u organiżmi mikro li jistgħu jikkontribwixxu għall-fehim tal-fiżjoloġija u l-mard tal-bniedem;

(2)	“Membru’ tfisser entità skont l-Artikolu 4(1);

(3)	“Osservatur’ tfisser entità skont l-Artikolu 4(7);

(4)

“Membru Inadempjenti’ tfisser Membru, li

(a)	ma jkunx ħallas il-kontribuzzjoni annwali tiegħu, jekk l-ammont pendenti jkun daqs jew jaqbeż l-ammont tal-kontribuzzjonijiet li kellhom jitħallsu għas-sena finanzjarja preċedenti;

(b)	ma jissodisfax l-obbligi tiegħu serjament; jew

(c)	jikkawża jew jhedded li jikkawża disturb serju fl-operat tal-BBMRI-ERIC;

(5)	“Servizz Komuni” tfisser faċilità tal-BBMRI-ERIC skont l-Artikolu 15(1);

(6)	“Nodu Nazzjonali” tfisser entità, li mhux neċessarjament ikollha kapaċità legali, maħtura minn Stat Membru, li tikkoordina il-Bijobanek nazzjonali u r-Riżorsi Bijomolekulari u torbot l-attivitajiet tagħha mal-attivitajiet pan-Ewropej tal-BBMRI-ERIC;

(7)	“Koordinatur Nazzjonali” tfisser id-direttur ta’ Nodu Nazzjonali, maħtur minn awtorità kompetenti ta’ Stat Membru;

(8)	“Nodu Organizzazzjonali” tfisser entità, li mhux neċessarjament ikollha kapaċità legali, maħtura minn organizzazzjoni intergovernattiva li tikkoordina l-Bijobank(banek) u r-Riżorsi Bijomolekulari, u torbot l-attivitajiet tagħha ma’ dawk tal-infrastruttura pan-Ewropea, il-BBMRI- ERIC;

(9)	“Koordinatur Organizzazzjonali’ tfisser id-direttur ta’ Nodu Organizzazzjonali, maħtur minn organizzazzjoni intergovernattiva;

(10)	“Bijobanek Sħab” tfisser Bijobanek li jikkollaboraw mal-BBMRI-ERIC li jikkonformaw mal-Karta tas-Sħab tal-BBMRI-ERIC (1);

(11)	“Programm ta’ Ħidma” tfisser id-deskrizzjoni tal-istrateġija, l-attivitajiet ippjanati, il-persunal u l-finanzjament tal-BBMRI-ERIC;

(12)	“Kontribuzzjonijiet obbligatorji” tfisser kontribuzzjonijiet mill-Membri/l-Osservaturi u l-kontribuzzjonijiet mill-pajjiżi ospitanti għall-Uffiċċju tal-Maniġment Eżekuttiv Ċentrali, kif ukoll għas-servizzi Komuni li huma stipulati fit-taqsima tal-baġit tal-Programm ta’ Ħidma annwali tal-BBMRI-ERIC.

Artikolu 2

Twaqqif, Tul ta’ Żmien u Sede Statutorja

1. Jiġi stabbilit Konsorzju Ewropew ta’ Infrastruttura ta’ Riċerka fil-Bijobanek u l-Infrastruttura ta’ Riċerka Bijomolekulari (BBMRI-ERIC). Dan għandu jiġi stabbilit għal perjodu mhux limitat ta’ żmien mid-data minn meta tidħol fis-seħħ id-deċiżjoni tal-Kummissjoni Ewropea li tistabbilixxi l-infrastruttura.

2. Is-sede statutorja tal-BBMRI-ERIC għandha tkun fil-belt ta’ Graz fit-territorju tar-Repubblika tal-Awstrija, minn hawn ’il quddiem imsejħa l-“Istat Membru Ospitanti”.

3. L-Istat Membru Ospitanti għandu jipprovdi l-post, il-faċilitajiet u s-servizzi għall-Uffiċċju tal-Maniġment Eżekuttiv Ċentrali tal-BBMRI-ERIC kif inhu deskritt f’dikjarazzjoni bil-miktub fl-applikazzjoni għal status tal-ERIC.

Artikolu 3

Kompiti u Attivitajiet

1. Il-BBMRI-ERIC għandu jistabbilixxi, jopera u jiżviluppa infrastruttura ta’ riċerka pan-Ewropea mifruxa tal-Bijobanek u r-Riżorsi Bijomolekulari sabiex jiġi ffaċilitat l-aċċess għar-riżorsi kif ukoll għall-faċilitajiet u biex tiġi appoġġjata riċerka ta’ kwalità għolja bijomolekulari u medika. Il-BBMRI-ERIC għandu jimplimenta l-Programm ta’ Ħidma tiegħu, kif jiġi adottat mill-Assemblea tal-Membri.

2. Il-BBMRI-ERIC għandu jopera l-infrastruttura fuq bażi nonekonomika. Il-BBMRI-ERIC jista’ jwettaq attivitajiet ekonomiċi limitati, sakemm dawn:

(a)	ikunu relatati mill-qrib mal-kompiti prinċipali tiegħu;

(b)	ma jxekklux it-twettiq tagħhom.

3. Biex iwettaq il-kompiti tiegħu, il-BBMRI-ERIC għandu b’mod partikolari:

(a)	jagħti aċċess effettiv għar-riżorsi u s-servizzi tiegħu skont ir-regoli definiti f’dawn l-Istatuti lill-komunità Ewropea ta’ riċerka, magħmula mir-riċerkaturi minn fost il-Membri;

(b)	itejjeb l-interoperabbiltà bejn il-Bijobanek u ċ-Ċentri ta’ Riżorsi Bijoloġiċi tal-Membri;

(c)	jimplimenta ġestjoni ta’ kwalità inklużi proċeduri standardizzati, l-aħjar prattiki u l-għodod xierqa biex tiżdied il-kwalità tar-riżorsi miġburin u d-dejta assoċjata magħhom;

(d)

jippromwovi l-arrikkament kontinwu tar-riżorsi fil-Bijobanek u d-dejta assoċjata sabiex tinżamm provvista xierqa ta’ kampjuni biex tlaħħaq mad-domanda tal-komunità xjentifika, kif ukoll biex tiżgura li l-arrikkament kontinwu tal-informazzjoni assoċjata mal-analiżi tal-kampjuni fil-bijobanek u ġġenerata minn din l-analiżi. Din għandha tikkontribwixxi għall-użu u t-tixrid miżjudin tal-għarfien, kif ukoll għall-ottimizzazzjoni tar-riżultati tal-attivitajiet ta’ riċerka bbażati fil-bijobanek madwar l-Ewropa;

(e)	jistabbilixxi u jippromwovi Servizzi Komuni għall-komunità Ewropea tal-bijobanek;

(f)	iwettaq servizzi ta’ riċerka għall-istituzzjonijiet pubbliċi u privati;

(g)	jistabbilixxi u jimplimenta żviluppi teknoloġiċi relatati mar-riżorsi u s-servizzi;

(h)	jipprovdi t-taħriġ u jiffaċilita l-mobbiltà tar-riċerkaturi bħala appoġġ għall-istabbiliment ta’ Bijobanek u Ċentri ta’ Riżorsi Molekulari Ġodda biex tissaħħaħ u tiġi strutturata ż-Żona Ewropea ta’ Riċerka;

(i)	jistabbilixxi relazzjonijiet internazzjonali u jniedi attivitajiet konġunti ma’ organizzazzjonijiet Ewropej u mhux Ewropej oħra kkonċernati mill-attivitajiet tiegħu u minn oqsma relatati, u meta jkun xieraq isir membru ta’ organizzazzjonijiet bħal dawn;

(j)	iwettaq kull attività oħra meħtieġa biex iwettaq il-kompiti tiegħu.

4. L-attivitajiet tal-BBMRI-ERIC għandhom ikunu politikament newtrali u ggwidati minn dawn il-valuri: l-ambitu pan-Ewropew, flimkien ma’ eċċellenza xjentifika, trasparenza, onestà, risponsività, għarfien etiku, konformità legali u valuri umani.

Artikolu 4

Membri u Osservaturi

1. Skont l-Artikolu 9(1) tar-Regolament (KE) Nru 723/2009, l-Istati Membri, il-pajjiżi assoċjati, il-pajjiżi terzi, li mhumiex pajjiżi assoċjati, u l-organizzazzjonijiet intergovernattivi li jkunu qablu ma’ dawn l-Istatuti huma Membri tal-BBMRI-ERIC. Il-membri fundaturi huma elenkati fl-Anness II.

2. L-Istati Membri, il-pajjiżi terzi kif ukoll l-organizzazzjonijiet intergovernattivi jistgħu jsiru membri tal-BBMRI-ERIC fi kwalunkwe ħin, suġġetti għal approvazzjoni mill-Assemblea tal-Membri skont il-prinċipji stipulati fl-Artikolu 11(8)(b). Ir-rekwiżiti addizzjonali li jikkonċernaw il-Membri li jissieħbu mal-BBMRI-ERIC wara l-ewwel tliet snin għandhom jiġu deċiżi mill-Assemblea tal-Membri.

3. Kull Membru għandu:

(a)

jipprovdi aċċess, fi ħdan il-qafas legali u etiku applikabbli, għall-Bijobanek Sħab tal-BBMRI-ERIC, għal riżorsi bijoloġiċi u bijomolekulari u/jew dejta assoċjata skont sett komuni ta’ standards u kundizzjonijiet, kif inhu speċifikat fil-Karta dwar is-Sħab tal-BBMRI-ERIC u approvat mill-Assemblea tal-Membri;

(b)	jistabbilixxi Nodu Nazzjonali/Organizzazzjonali u jaħtar Koordinatur Nazzjonali/Organizzazzjonali;

(c)	jiżgura l-koordinazzjoni tal-Bijobanek Sħab pernezz tan-Nodi Nazzjonali/Organizzazzjonali li jiffaċilitaw l-aċċess għar-riżorsi bijoloġiċi u bijomolekulari u d-dejta assoċjata;

(d)	fejn ikun xieraq, jagħmel investimenti fl-infrastruttura b’appoġġ għall-BBMRI-ERIC;

(e)	jikkontribwixxi għall-iżvilupp tal-kapaċità fil-qasam tal-bijobanek;

(f)	jappoġġja l-iskop primarju tal-BBMRI-ERIC u l-implimentazzjoni tal-Programm ta’ Ħidma tal-BBMRI-ERIC.

4. Kull Membru jista’, wara l-ħames snin inizjali mill-adeżjoni tiegħu mal-BBMRI-ERIC, jirtira mill-BBMRI-ERIC permezz ta’ avviż bil-miktub lill-President tal-Assemblea tal-Membri u lid-Direttur Ġenerali, tal-anqas tliet xhur qabel l-approvazzjoni tal-baġit tas-sena ta’ wara.

5. Id-Direttur Ġenerali jista’ jipproponi lill-Assemblea tal-Membri li Membru inadempjenti jiġi eskluż.

6. Il-lista inizjali ta’ Membri hija inkluża fl-Anness II u għandha tinżamm aġġornata onlajn mill-Uffiċċju tal-Maniġment Eżekuttiv Ċentrali.

7. L-Osservaturi tal-BBMRI-ERIC huma Stati Membri, pajjiżi assoċjati u pajjiżi terzi kif inhu definit fl-Artikolu 9(1) tar-Regolament tal-ERIC u l-organizzazzjonijiet intergovernattivi li jkunu applikaw biex isiru Osservaturi.

8. L-istatus ta’ Osservatur jingħata għal perjodu massimu ta’ tliet snin suġġett għall-approvazzjoni mill-Assemblea tal-Membri, kif inhu stipulat fl-Artikolu 11(8)(c). Wara l-perjodu ta’ tliet snin, l-Osservaturi għandhom japplikaw għas-sħubija jew jirtiraw mill- BBMRI-ERIC, sakemm l-Assemblea tal-Membri ma tiddeċidix mod ieħor.

9. L-Osservaturi huma intitolati li:

(a)	jipparteċipaw — mingħajr drittijiet tal-vot — fid-dibattiti tal-Assemblea tal-Membri;

(b)	jipparteċipaw f’ċerti attivitajiet tal-BBMRI-ERIC identifikati mill-Assemblea tal-Membri.

10. Il-lista inizjali ta’ Osservaturi hija elenkata fl-Anness II u għandha tinżamm aġġornata onlajn mill-Uffiċċju tal-Maniġment Eżekuttiv Ċentrali.

KAPITOLU II

DISPOŻIZZJONIJIET FINANZJARJI

Artikolu 5

Riżorsi tal-BBMRI-ERIC

1. Il-baġit tal-BBMRI-ERIC għandu jiffinanzja l-operat komuni tal-BBMRI-ERIC inklużi l-kostijiet tad-Direttur Ġenerali, l-Uffiċċju tal-Maniġment Eżekuttiv Ċentrali u s-Servizzi Komuni. Dan għandu jiġi approvat mill-Assemblea tal-Membri permezz ta’ adozzjoni tal-Programm ta’ Ħidma.

2. Il-baġit tal-BBMRI-ERIC għandu jikkonsisti minn:

(a)	kontribuzzjonijiet finanzjarji tal-Membri u l-Osservaturi;

(b)	kontribuzzjonijiet mill-Istat Membru Ospitanti u l-pajjiżi ospitanti tas-Servizzi Komuni;

(c)	dħul ieħor.

3. Kull dħul iġġenerat waqt l-attivitajiet tal-BBMRI-ERIC li jakkumula mal-baġit tiegħu għandu jintuża biex il-Programm ta’ Ħidma jiġi avvanzat skont id-deċiżjoni tal-Assemblea tal-Membri.

4. Il-Membri u l-Osservaturi għandhom iġarrbu l-kostijiet tagħhom għall-parteċipazzjoni fil-laqgħat tal-BBMRI-ERIC.

5. Kull Membru u kull Osservatur tal-BBMRI-ERIC għandu jikkontribwixxi għall-baġit tal-BBMRI-ERIC. Sakemm ma jintlaħaqx ftehim mod ieħor mill-Assemblea tal-Membri, il-kontribuzzjonijiet għandhom isiru fi flus kontanti.

6. Il-kontribuzzjoni ta’ kull Membru għandha tkun skont it-tabella tal-kontribuzzjonijiet tas-sħubija li hija stipulata fl-Anness III.

7. Il-kontribuzzjoni ta’ kull Osservatur għandha tkun 30 % tal-kontribuzzjoni tas-sħubija sħiħa, kif inhu determinat skont it-tabella tal-kontribuzzjonijiet tas-sħubija li hija stipulata fl-Anness III.

8. L-iskala tal-kontribuzzjonijiet ibbażata fuq it-tabella tal-kontribuzzjonijiet tas-sħubija stipulata fl-Anness III tista’ tiġi mmodifikata fil-każ tal-adeżjoni ta’ Membru jew Osservatur ġdid jew fil-każ tal-irtirar jew l-esklużjoni ta’ Membru jew Osservatur. L-iskala l-ġdida għandha tidħol fis-seħħ mill-1 ta’ Jannar tas-sena finanzjarja ta’ wara.

9. L-Assemblea tal-Membri tista’ tiddeċiedi li tikkunsidra kull ċirkostanza speċjali ta’ Membru jew Osservatur u taġġusta l-kontribuzzjoni tiegħu kif ikun meħtieġ.

10. Meta jkun skont il-Programm ta’ Ħidma u r-regoli relevanti kif inhuma approvati mill-Assemblea tal-Membri, il-Membri jistgħu jagħtu kontribuzzjoni parzjali in natura għall-baġit komuni tal-BBMRI-ERIC.

11. Il-BBMRI-ERIC huwa intitolat li jaċċetta għotjiet, kontribuzzjonijiet speċjali u pagamenti minn kwalunkwe individwu, korp privat jew pubbliku għall-finijiet stipulati f’dawn l-Istatuti. Dawn huma suġġetti għal approvazzjoni mill-Assemblea tal-Membri.

12. L-assi akkwistati għall-kont u bi spiża tal-BBMRI-ERIC għandhom ikunu l-proprjetà tiegħu. Fil-każ ta’ kontribuzzjonijiet in natura, il-kwistjonijiet ta’ proprjetà għandhom jiġu solvuti fi ftehim speċifiku li għandu jiġi konkluż bejn il-Membru jew l-Osservatur ikkonċernat u l-BBMRI-ERIC skont deċiżjoni li tittieħed mill-Assemblea tal-Membri.

Artikolu 6

Akkwist u Eżenzjoni mit-Taxxa

1. Il-BBMRI ERIC għandu jittratta l-kandidati tal-akkwisti u lill-offerenti b’mod ugwali u mingħajr diskiminazzjoni, irrelevanti minn jekk ikunux ibbażati fl-Unjoni Ewropea jew le. Il-politika tal-akkwist tal-BBMRI-ERIC għandha tirrispetta l-prinċipji tat-trasparenza, in-nondiskriminazzjoni u l-kompetizzjoni. Ir-regoli interni dwar il-proċeduri tal-akkwist u l-kriterji għandhom jiġu adottati mill-Assemblea tal-Membri.

2. Il-ħelsien mit-tassazzjoni skont l-Artikolu 143(1)(g) u 151(1)(b) tad-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni tat-taxxa fuq il-valur miżjud (2) u skont l-Artikoli 50 u 51 tar-Regolament ta’ Implimentazzjoni tal-Kunsill (UE) Nru 282/2011 tal-15 ta’ Marzu 2011 li jistabbilixxi miżuri ta’ implimentazzjoni għad-Direttiva 2006/112/KE dwar is-sistema komuni ta’ taxxa fuq il-valur miżjud (3) għal prodotti u servizzi ta’ riċerka u żvilupp li huma:

(a)	marbutin b’mod dirett mal-maniġment u s-servizzi tal-BBMRI-ERIC;

(b)	relatati mill-qrib mal-miri u l-attivitajiet stipulati fl-Artikolu 3;

(c)	jipprovdu benefiċċju lill-komunità xjentifika kollha kemm hi;

(d)	jaqbżu l-valur ta’ EUR 250;

(e)	jiġu rimunerati u akkwistati mill-BBMRI-ERIC.

3. L-akkwist minn membri individwali ma għandux jibbenfika mill-eżenzjoni mit-taxxa. Ma għandhomx japplikaw aktar limiti.

Artikolu 7

Responsabbiltà

1. Ir-responsabbiltà finanzjarja tal-Membri għandha tkun limitata għall-kontribuzzjonijiet rispettivi tagħhom kif inhu stipulat fl-Anness III.

2. Il-BBMRI-ERIC għandu jieħu l-assigurazzjonijiet xierqa biex ikopri r-riskji speċifiċi għall-konstruzzjoni u l-operat tiegħu u li mhumiex koperti skont il-paragrafu 1.

Artikolu 8

Prinċipji baġitarji, Kontijiet u Awditi

1. Il-punti tad-dħul u tan-nefqa kollha tal-BBMRI-ERIC għandhom jiġu inklużi fi stimi li għandhom jinħadmu għal kull sena finanzjarja u li għandhom jintwerew fit-taqsima tal-baġit tal-Programm ta’ Ħidma. Id-dħul u n-nefqa murija fil-baġit għandhom ikunu bbilanċjati.

2. Il-Membri għandhom jiżguraw li l-approprjazzjonijiet jintużaw skont il-prinċipji tal- ġestjoni finanzjarja soda.

3. Il-baġit għandu jiġi stabbilit u implimentat u l-kontijiet għandhom jiġu ppreżentati skont il-prinċipju tat-trasparenza.

4. Il-BBMRI-ERIC għandu jżomm kont tal-introjtu u l-ispejjeż kollha. Il-kontijiet għandhom ikunu akkumpanjati minn rapport dwar il-ġestjoni baġitarja u finanzjarja għas-sena finanzjarja.

5. Il-BBMRI-ERIC għandu jkun suġġett għall-istandards tal-kontabbiltà kif inhuma stipulati fil-liġi applikabbli fl-Istat Membru Ospitanti.

6. Is-sena finanzjarja tal-BBMRI-ERIC hija sena kalendarja.

7. L-Assemblea tal-Membri għandha taħtar awdituri esterni biex jeżaminaw il-kontijiet. Il-ħatra tal-awdituri esterni għandha tkun imġedda perjodikament skont id-dispożizzjoni speċifika stipulata fir-Regoli Finanzjarji kif ġew approvati mill-Assemblea tal-Membri.

8. L-awdituri esterni għandhom jippreżentaw rapport dwar il-kontijiet annwali permezz tal-Kumitat tal-Finanzi lill-Assemblea tal-Membri. Id-Direttur Ġenerali għandu jipprovdi lill-awdituri bl-informazzjoni neċessarja għat-twettiq tal-kompiti tagħhom.

KAPITOLU III

GOVERNANZA U ĠESTJONI

Artikolu 9

L-Istruttura tal-Governanza

L-istruttura tal-governanza tal-BBMRI ERIC għandha tinkludi l-korpi li ġejjin:

(a)	l-Assemblea tal-Membri;

(b)	il-Kumitat tal-Finanzi;

(c)	id-Direttur Ġenerali appoġġjat mill-Kumitat ta’ Ġestjoni;

(d)	il-Bord ta’ Konsulenza Xjentifika u Etika.

Artikolu 10

L-Assemblea tal-Membri

1. L-Assemblea tal-Membri għandha tkun il-korp li bih il-Membri jieħdu deċiżjonijiet kollettivi dwar kwistjonijiet relatati mal-BBMRI-ERIC. Dawk id-deċiżjonijiet għandhom imbagħad jiġu implimentati mid-Direttur Ġenerali, flimkien mal-persunal tal-Uffiċċju tal-Maniġment Eżekuttiv Ċentrali u l-Kumitat ta’ Ġestjoni.

2. L-Assemblea tal-Membri għandha, wara l-ewwel laqgħa, tkun magħmula mill-Membri wara li l-BBMRI jiġi stabbilit bħala ERIC.

3. L-Assemblea tal-Membri għandha tkun magħmula mill-Membri kollha tal-BBMRI-ERIC. Kull Membru għandu jkun rappreżentat minn sa żewġ delegati li jinħatru uffiċjalment mill-awtorità kompetenti. Dawn jistgħu jkunu akkumpanjati minn massimu ta’ tliet konsulenti li jistgħu jkunu supplenti għad-delegati. Il-Membri għandhom jiddikjaraw fl-ittra tal-ħatra l-isem tad-delegat bid-drittijiet tal-vot u l-ordni tar-rappreżentazzjoni.

4. Sa żewġ rappreżentanti, li jiġu appoġġjati uffiċjalment minn kull Osservatur, jistgħu jattendu l-laqgħat tal-Assemblea tal-Membri f’kapaċità ta’ osservaturi.

5. Osservaturi oħra jistgħu jattendu l-laqgħat tal-Assemblea tal-Membri skont ir-Regoli ta’ Proċedura adottati mill-Assemblea tal-Membri.

6. L-Assemblea tal-Membri għandha:

(a)	tadotta l-Programm ta’ Ħidma annwali u l-baġit, flimkien ma’ Programm ta’ Ħidma preliminari u baġit għas-sentejn ta’ wara;

(b)	tadotta r-Regoli ta’ Proċedura, ir-Regoli Finanzjarji u r-Regoli Interni skont l-Artikolu 11(8)(a);

(c)	tadotta r-regoli, ir-regolamenti u l-politiki kollha neċessarji għall-ġestjoni soda tal-Programm ta’ Ħidma, partikolarment il-proċedura ta’ aċċess għar-riżorsi bijoloġiċi, id-dejta fil-Bijobanek u s-servizzi żviluppati mill-BBMRI;

(d)	tiddefinixxi l-kompiti tal-Kumitat tal-Finanzi;

(e)	teleġġi u tkeċċi lill-President u l-Viċi President;

(f)	teleġġi u tkeċċi lill-President u l-Viċi President tal-Kumitat tal-Finanzi;

(g)	taħtar u tkeċċi lid-Direttur Ġenerali;

(h)	tapprova l-ħatra u t-tkeċċija ta’ persunal ieħor ta’ livell għoli skont ir-Regoli Interni;

(i)	tistabbilixxi l-Bord ta’ Konsulenza Xjentifika u Etika u kwalunkwe kumitat, bord jew korp ieħor bħall-Forum tal-Partijiet Interessati u tiddefinixxi l-kompiti u d-deċiżjonijiet tagħhom;

(j)	tipprovdi gwida u direzzjoni lid-Direttur Ġenerali;

(k)	tapprova r-rapport annwali, il-kontijiet annwali u r-rapporti ta’ kwalunkwe kumitat konsultattiv tal-BBMRI-ERIC;

(l)	tikkunsidra kull kwistjoni relatata mal-BBMRI-ERIC jew l-operat tiegħu, ippreżentati minn kwalunkwe Membru;

(m)	taċċetta l-membri u tittermina s-sħubija ta’ kwalunkwe Membru skont l-Artikolu 11(8)(b);

(n)	taċċetta l-Osservaturi u tittermina s-sħubija ta’ kwalunkwe Osservatur skont l-Artikolu 11(8)(c);

(o)	taġġusta l-iskali tal-kontribuzzjonijiet finanzjarji skont l-Artikolu 5(8);

(p)	tiddeċiedi dwar l-emendi fl-Istatuti skont l-Artikolu 11(7); kif ukoll

(q)	twettaq kull funzjoni oħra mogħtija lilha mill-Istatuti, inkluż minn kwalunkwe Anness jew modifikazzjoni fih.

Artikolu 11

It-teħid ta’ Deċiżjonijiet mill-Assemblea tal-Membri

1. Għall-finijiet ta’ dan l-Artikolu, “preżenti” għandha tfisser wiċċ imb’wiċċ, bit-telefown, b’konferenza bil-vidjow jew b’mezzi prattiċi oħra kif inhu determinat fir-Regoli ta’ Proċedura.

2. Kworum għandu jkun iffurmat meta jiġu ssodisfati l-kundizzjonijiet li ġejjin:

(a)	maġġoranza tal-Membri jkunu preżenti, u dawn jirrappreżentaw 75 % tal-kontribuzzjonijiet obbligatorji annwali tal-Membri;

(b)	għad-deċiżjonijiet meħudin skont il-paragrafu 8, 75 % tal-Membri jkunu preżenti, u dawn jirrappreżentaw 75 % tal-kontribuzzjonijiet obbligatorji annwali tal-Membri;

(c)	mill-Membri preżenti, l-Istati Membri tal-Unjoni Ewropea għandu jkollhom il-maġġoranza tal-voti (4).

3. Kull Membru għandu jkollu vot wieħed. Il-Membri inadempjenti ma għandux ikollhom vot.

4. Fid-deċiżjonijiet kollha l-Assemblea tal-Membri għandha tagħmel l-isforzi kollha tagħha biex tilħaq kunsens.

5. Jekk ma jintlaħaqx kunsens, maġġoranza sempliċi ta’ dawk il-Membri preżenti u li jivvutaw għandha tkun biżżejjed biex tgħaddi deċiżjoni sakemm ma jkunx stipulat mod ieħor b’mod espliċitu f’dawn l-Istatuti jew fir-Regoli ta’ Proċedura.

6. F’każ li l-voti jkunu ndaqs, il-maġġoranza tal-kontribuzzjonijiet obbligatorji għandu jkollha l-vot deċiżiv.

7. Deċiżjonijiet biex tiġi ppreżentata proposta lill-Kummissjoni biex jiġu emendati l-Istatuti għandu jkollhom approvazzjoni unanima.

8. Id-deċiżjonijiet li ġejjin għandu jkollhom qbil ta’ mill-anqas 75 % tal-Membri kollha li jirrappreżentaw tal-anqas 75 % tal-kontribuzzjonijiet annwali obbligatorji tal-Membri:

(a)	l-adozzjoni tar-Regoli ta’ Proċedura u tar-Regoli Finanzjarji u Interni u bidliet fihom;

(b)	l-aċċettazzjoni ta’ Membri ġodda;

(c)	l-aċċettazzjoni ta’ Osservaturi ġodda;

(d)	il-voti dwar il-Membri Inadempjenti, inklużi iżda mhux limitati għall-esklużjoni tal-Membri (il-Membri kkonċernati jiġu esklużi mill-votazzjoni);

(e)	id-deċiżjoni dwar it-terminazzjoni tal-BBMRI-ERIC.

9. Id-deċiżjonijiet li ġejjin għandu jkollhom qbil ta’ mill-anqas 75 % tal-Membri preżenti u li jivvutaw u li jirrappreżentaw tal-anqas 75 % tal-kontribuzzjonijiet annwali obbligatorji tal-Membri:

(a)	id-deċiżjonijiet dwar il-Programm ta’ Ħidma u l-baġit;

(b)	l-approvazzjoni tar-rapport annwali u tal-kontijiet annwali;

(c)	l-aġġustament tal-iskala tal-kontribuzzjonijiet finanzjarji skont l-Artikolu 5(8);

(d)	il-ħatra jew it-tkeċċija tad-Direttur Ġenerali;

(e)	id-deċiżjonijiet dwar l-istralċ tal-BBMRI-ERIC f’każ tat-terminazzjoni tal-infrastruttura.

10. Il-President u l-Viċi President tal-Assemblea tal-Membri u tal-Kumitat tal-Finanzi għandhom jittellgħu minn fost id-delegati tal-Membri b’tal-anqas 75 % tal-Membri preżenti u li jivvutaw għal terminu ta’ sena bil-possibbiltà li jerġgħu jittellgħu darbtejn. Il-Viċi President għandu, fin-nuqqas jew l-inkapaċità tal-President, jirrappreżenta lill-President.

11. L-Assemblea tal-Membri għandha tiltaqa’ tal-anqas darba f’sena. Din tista’ tiltaqa’ wkoll f’sessjoni straordinarja fuq talba tal-President jew fuq talba ta’ kwart tal-Membri tagħha.

Artikolu 12

Kumitat tal-Finanzi

1. Il-Kumitat tal-Finanzi għandu jkun kumitat konsultattiv u preparatorju tal-Assemblea tal-Membri sabiex:

(a)	jagħti pariri lill-Assemblea tal-Membri u lid-Direttur Ġenerali dwar kwistjonijiet relatati mal-ġestjoni u t-tħejjija tal-baġit tal-BBMRI-ERIC, in-nefqa u l-kontijiet tiegħu, u l-ippjanar futur finanzjarju;

(b)	jipprovdi lill-Assemblea tal-Membri u lid-Direttur Ġenerali b’pariri dwar l-implikazzjonijiet finanzjarji tar-rakkomandazzjonijiet tal-korpi l-oħra tal-BBMRI-ERIC;

(c)	fuq talba, jipprovdi avviż dwar kwistjonijiet finanzjarji oħra relatati mal-ġestjoni u l-amministrazzjoni tal-BBMRI-ERIC;

(d)	jippreżenta proposta li tikkonċerna l-ħatra ta’ awdituri esterni lill-Assemblea tal-Membri.

2. L-awdituri esterni għandhom jirrapportaw direttament u personalment lill-Kumitat tal-Finanzi wara li jkunu indirizzaw ir-rapporti tagħhom lid-Direttur Ġenerali.

3. Il-Kumitat tal-Finanzi għandu jopera skont ir-Regoli ta’ Proċedura u r-Regoli Finanzjarji adottati mill-Assemblea tal-Membri.

Artikolu 13

Id-Direttur Ġenerali

1. Id-Direttur Ġenerali għandu jinħatar mill-Assemblea tal-Membri għal terminu ta’ tal-anqas tliet snin, bil-possibbiltà li jerġa jinħatar. Id-Direttur Ġenerali jista’ jitkeċċa bl-istess proċedura. Id-Direttur Ġenerali għandu jkun impjegat mill-BBMRI-ERIC. Id-Direttur Ġenerali għandu jkun assistit fit-twettiq tal-funzjonijiet maniġerjali mill-persunal tal-Uffiċċju tal-Maniġment Eżekuttiv Ċentrali u s-Servizzi Komuni.

2. Id-Direttur Ġenerali għandu jkun responsabbli lejn l–Assemblea tal-Membri għal:

(a)	l-amministrazzjoni effiċjenti tal-BBMRI-ERIC;

(b)	il-finanzi u l-ġestjoni tal-persunal tal-BBMRI-ERIC;

(c)	l-iżgurar tal-eżekuzzjoni tad-deċiżjonijiet tal-Assemblea tal-Membri.

3. Id-Direttur Ġenerali għandu:

(a)	ikun inkarigat mill-eżekuzzjoni tal-Programm ta’ Ħidma, inkluż it-twaqqif tas-Servizzi Komuni u n-nefqa tal-baġit;

(b)	jipprepara l-aġenda tal-laqgħat tal-Assemblea tal-Membri u jipprepara d-deliberazzjonijiet tal-Assemblea tal-Membri;

(c)

jipprepara u jippreżenta lill-Assemblea tal-Membri, mhux aktar tard minn tliet xhur qabel il-bidu ta’ kull sena finanzjarja, abbozz annwali tal-Programm ta’ Ħidma, inkluż abbozz tal-baġit u pjan tal-persunal, flimkien ma’ abbozz preliminari tal-Programm ta’ Ħidma u abbozz tal-baġit għas-sentejn ta’ wara;

(d)	jipprovdi lill-Assemblea tal-Membri b’rapport annwali teknikament sostantiv dwar il-Programm ta’ Ħidma, inklużi l-kontijiet finanzjarji, il-kompiti mwettqin, il-kompiti mhux imwettqin u kull spjegazzjoni xierqa;

(e)	jipprepara u jippreżenta, wara approvazzjoni mill-Assemblea tal-Membri, kull dokumentazzjoni mitluba mill-Kummissjoni Ewropea;

(f)	jikkoordina l-iskambju tal-informazzjoni u l-attivitajiet tan-Nodi Nazzjonali/Organizzazzjonali tal-BBMRI-ERIC u s-Servizzi Komuni permezz tal-Kumitat ta’ Ġestjoni u bit-twaqqif ta’ kumitati li jkunu meqjusa meħtieġa għall-amministrazzjoni tal-BBMRI- ERIC;

(g)	jorganizza l-proċedura ta’ għażla għat-twaqqif tas-Servizzi Komuni u kull kwistjoni li tirrikjedi proċedura bħal din skont l-Anness IV;

(h)	jaħtar lid-diretturi tas-Servizzi Komuni wara konsultazzjoni mad-delegati nazzjonali tal-Istat Membru fejn jinsabu s-Servizzi Komuni;

(i)	jorganizza l-Bord ta’ Konsulenza Xjentifika u Etika għall-evalwazzjoni tal-proposti ta’ riċerka li jaslu għand l-Uffiċċju tal-Maniġment Eżekuttiv Ċentrali;

(j)	jipproponi l-ammissjoni u l-esklużjoni tal-Membri u l-Osservaturi lill-Assemblea tal-Membri;

4. Id-Direttur Ġenerali għandu jkun l-Uffiċjal Eżekuttiv Prinċipali u r-rappreżentant legali tal-BBMRI-ERIC u għandu jirrappreżenta lill-BBMRI-ERIC f’kull litigazzjoni. Id-Direttur Ġenerali jista’ jiddelega s-setgħat fi kwalunkwe tilwim. Id-Direttur Ġenerali jista’ jiddelega s-setgħat, skont il-gwida u d-direzzjonijiet provduti mill-Assemblea tal-Membri, lill-persunal tal-BBMRI-ERIC.

Artikolu 14

Il-Kumitat ta’ Ġestjoni

1. Il-Kumitat ta’ Ġestjoni għandu jkun stabbilit mid-Direttur Ġenerali u għandu jinkludi l-Koordinaturi tan-Nodi Nazzjonali/Organizzazzjonali u s-Servizzi Komuni.

2. Il-Kumitat ta’ Ġestjoni għandu jkun ippresedut mid-Direttur Ġenerali. Il-Kumitat ta’ Ġestjoni jista’ jeleġġi minn fost il-membri tiegħu Viċi President biex jappoġġja lid-Direttur Ġenerali fit-twettiq tal-kompiti maniġerjali tiegħu.

3. Il-Kumitat ta’ Ġestjoni għandu jkun responsabbli mill-:

(a)	kontribut u l-appoġġ lid-Direttur Ġenerali fl-iżvilupp ta’ abbozz ta’ Programm ta’ Ħidma annwali u abbozz tal-baġit, flimkien ma’ abbozz preliminari tal-Programm ta’ Ħidma u abbozz tal-baġit għas-sentejn ta’ wara;

(b)	għoti ta’ appoġġ lid-Direttur Ġenerali fl-eżekuzzjoni tal-Programm ta’ Ħidma u biex jippermetti l-interazzjoni effiċjenti bejn il-BBMRI-ERIC u l-Bijobanek Sħab tal-Membri.

Artikolu 15

Servizzi Komuni

1. Is-Servizzi Komuni għandhom jikkonsistu mill-faċilitajiet tal-BBMRI-ERIC li jipprovdu għarfien espert, servizzi u għodod biex jitwettqu l-kompiti u l-attivitajiet tal-BBMRI-ERIC, elenkati fil-Programm ta’ Ħidma.

2. Is-Servizzi Komuni għandhom jiġu stabbiliti mill-BBMRI-ERIC u taħt ir-responsabbiltà tad-Direttur Ġenerali.

3. Is-Servizzi Komuni għandhom ikunu ospitati f’pajjiżi li huma Membri tal-BBMRI-ERIC. Il-proċedura tal-għażla biex jiġu ospitati s-Servizzi Komuni għandha ssegwi l-prinċipji stipulati fl-Anness IV.

4. Kull wieħed mis-Servizzi Komuni għandu jkun ġestit minn direttur, maħtur mid-Direttur Ġenerali wara konsultazzjoni mad-delegati nazzjonali tal-Istat Membru ospitanti.

Artikolu 16

Il-Bord ta’ Konsulenza Xjentifika u Etika

1. L-attivitajiet tal-BBMRI-ERIC għandhom jiġu evalwati perjodikament minn Bord ta’ Konsulenza Xjentifika u Etika (Scientific and Ethical Advisory Board — SEAB). Is-SEAB għandu jagħti pariri wkoll lill-Assemblea tal-Membri fir-rigward tal-proposti lid-Direttur Ġenerali dwar l-implimentazzjoni tal-Programm ta’ Ħidma.

2. Is-SEAB għandu jkun magħmul minn xjentisti jew esperti distinti maħturin fuq mertu tagħhom stess, mhux bħala rappreżentanti tal-organizzazzjonijiet ta’ sfond tagħhom jew tal-Membri.

3. L-Assemblea tal-Membri għandha taħtar lill-membri tas-SEAB u tiddeċiedi dwar ir-rotazzjoni tagħhom u t-termini ta’ referenza tas-SEAB.

Artikolu 17

Persunal

1. Il-BBMRI-ERIC jista’ jimpjega persunal li għandu jinħatar u jitkeċċa mid-Direttur Ġenerali. Il-ħatra u t-tkeċċija ta’ persunal ta’ livell għoli, kif inhu definit fir-regoli interni, għandhom jiksbu approvazzjoni mill-Assemblea tal-Membri.

2. L-Assemblea tal-Membri għandha tapprova l-pjan ta’ stabbiliment tal-persunal imħejji mid-Direttur Ġenerali filwaqt li tapprova l-Programm ta’ Ħidma.

3. Il-proċeduri tal-għażla tal-applikanti għall-pożizzjonijiet ta’ persunal tal-BBMRI-ERIC għandhom ikunu trasparenti, nondiskriminatorji u jirrispettaw l-opportunitajiet indaqs.

Artikolu 18

Aċċess

1. Il-BBMRI-ERIC għandu jagħmel il-kampjuni u d-dejta fil-bażijiet ta’ dejta affiljati ma’ jew żviluppati mill-Bijobanek Sħab tal-BBMRI- ERIC disponibbli għar-riċerkaturi u l-istituzzjonijiet ta’ riċerka skont il-proċedura ta’ aċċess u l-kriterji kif approvati mill-Assemblea tal-Membri. L-aċċess għandu jirrispetta l-kondizzjonijiet stipulati mill-fornituri tal-kampjuni u d-dejta li jaffiljaw il-bażijiet ta’ dejta tagħhom mal-BBMRI- ERIC. L-ebda dispożizzjoni f’dawn l-Istatuti ma għandha tiftiehem li qed tirrestrinġi d-drittijiet tas-sidien tal-Bijobanek jew tar-Riżorsi Bijomolekulari affiljati mal-BBMRI-ERIC biex jiddeċiedu fuq l-għoti ta’ aċċess għal kwalunkwe kampjun u dejta.

2. Il-BBMRI-ERIC għandu jipprovdi aċċess għall-kampjuni u d-dejta klinika relatata bbażata fuq l-eċċellenza xjentifika tal-proġett propost kif jiġi determinat minn reviżjoni tal-pari indipendenti u wara reviżjoni etika tal-proposta tal-proġett ta’ riċerka.

3. Il-BBMRI-ERIC għandu jfittex li jiżgura li s-sorsi tal-kampjuni u tad-dejta jkunu rikonoxxuti kif xieraq u għandu jitlob li attribuzzjoni bħal din tinżamm fl-użu sussegwenti tal-kampjuni u d-dejta.

Artikolu 19

Drittijiet tal-Proprjetà Intellettwali

1. L-ebda dispożizzjoni f’dawn l-Istatuti ma għandha tinftiehem li qed tfittex li tibdel il-kamp ta’ applikazzjoni u l-applikazzjoni tad-Drittijiet tal-Proprjetà Intellettwali u l-Ftehimiet dwar il-Kondiviżjoni tal-Benefiċċji kif inhu determinat fil-liġijiet u r-regolamenti relevanti tal-Membri u l-ftehimiet internazzjonali li għalihom ikunu Parti.

2. Il-BBMRI-ERIC jista’ jiddikjara Drittijiet tal-Proprjetà Intellettwali xierqa disponibbli fil-ġurisdizzjonijiet nazzjonali u internazzjonali applikabbli b’rabta mal-għodda, id-dejta, il-prodotti jew kwalunkwe riżultat ieħor żviluppat jew iġġenerat mill-BBMRI-ERIC waqt li jwettaq il-Programm ta’ Ħidma.

Artikolu 20

Rappurtar u Kontroll

Il-BBMRI-ERIC għandu joħroġ rapport annwali, li jinkludi b’mod partikolari l-aspetti xjentifiċi, operattivi u finanzjarji tal-attivitajiet tiegħu. Dan għandu jiġi approvat mill-Assemblea tal-Membri u mibgħut lill-Kummissjoni Ewropea u lill-awtoritajiet pubbliċi relevanti fi żmien sitt xhur wara li tispiċċa s-sena finanzjarja korrispondenti. Dan ir-rapport għandu jkun disponibbli għall-pubbliku.

KAPITOLU IV

DISPOŻIZZJONIJIET FINALI

Artikolu 21

Ir-Reġim Lingwistiku u l-Lingwa ta’ Ħidma

1. Il-verżjonijiet kollha ta’ dawn l-Istatuti fil-lingwi uffiċjali tal-Unjoni Ewropea għandhom jitqiesu awtentiċi. L-ebda verżjoni lingwistika ma għandha tieħu preċedenza fuq verżjonijiet oħra.

2. Meta l-verżjonijiet tal-lingwi ma jiġux koperti mill-Ġurnal Uffiċjali tal-Unjoni Ewropea fil-każ ta’ emendi f’dawn l-Istatuti li ma jirrikjedux Deċiżjoni tal-Kummissjoni, il-BBMRI-ERIC għandu jipprovdi traduzzjonijiet fil-lingwi uffiċjali tal-Membri tiegħu tal-UE.

3. Il-lingwa ta’ ħidma tal-BBMRI-ERIC għandha tkun l-Ingliż.

Artikolu 22

Regoli ta’ Proċedura

Fl-ewwel laqgħa tagħha l-Assemblea tal-Membri għandha tadotta r-Regoli ta’ Proċedura għall-BBMRI- ERIC skont il-proċedura tal-votazzjoni stipulata fl-Artikolu 11(8)(a). Ir-Regoli ta’ Proċedura jistgħu jiġu mmodifikati skont l-istess proċedura.

Artikolu 23

Verżjoni kkonsolidata tal-Istatuti

1. L-istatuti għandhom jinżammu aġġornati u għandhom ikunu disponibbli għall-pubbliku fuq is-sit elettroniku tal-ERIC u fis-sede statutorja tiegħu.

2. Kull emenda fl-Istatuti għandha tkun indikata b’mod ċar b’nota li tispeċifika jekk l-emenda tikkonċernax element essenzjali jew mhux essenzjali tal-Istatuti skont l-Artikolu 11 tar-Regolament (KE) Nru 723/2009 u l-proċedura segwita għall-adozzjoni tiegħu.

Artikolu 24

L-Istralċ tal-BBMRI-ERIC

1. L-Assemblea tal-Membri tista’ tiddeċiedi li tittermina lill-BBMRI-ERIC, suġġett għal votazzjoni skont l-Artikolu 11(8)(e).

2. Suġġett għal kwalunkwe ftehim li jista’ jintlaħaq bejn il-Membri fil-ħin tad-dissoluzzjoni, l-Istat Membru Ospitanti għandu jkun responsabbli mil-likwidazzjoni.

3. Il-Membri għandhom jiddeċiedu li jittrasferixxu l-akkreditar tal-introjtu u l-propertajiet tal-BBMRI-ERIC għand entità pubblika waħda jew aktar jew entitajiet legali oħra li ma jagħmlux profitt, abbażi ta’ votazzjoni skont l-Artikolu 11(9)(e).

Artikolu 25

Il-Liġi Applikabbli — Ir-Riżoluzzjoni tat-Tilwim

1. It-twaqqif u l-funzjonament intern tal-BBMRI-ERIC għandhom ikunu amministrati skont:

(a)	il-Liġi tal-Unjoni Ewropea, partikolarment ir-Regolament tal-ERIC u d-deċiżjonijiet imsemmija fl-Artikolu 6(1) u 12(1) tar-Regolament li ssemma qabel;

(b)	il-liġi tal-Istat Membru Ospitanti fil-każ ta’ kwistjonijiet mhux irregolati, jew mhux irregolati parzjalment, minn atti msemmija fil-punt (a);

(c)	l-Istatuti u r-regoli ta’ implimentazzjoni (regoli ta’ proċedura, regoli finanzjarji u interni).

2. Il-Membri għandhom jagħmlu minn kollox biex jirrisolvu kull tilwima li tista’ tirriżulta mill-interpretazzjoni jew l-applikazzjoni ta’ dawn l-Istatuti b’mod amikevoli.

3. Il-Qorti tal-Ġustizzja tal-Unjoni Ewropej għandu jkollha l-ġurisdizzjoni fuq il-litigazzjoni fost il-Membri b’rabta mal-BBMRI-ERIC, bejn il-Membri u l-BBMRI-ERIC u fuq kull litigazzjoni li għaliha l-Unjoni Ewropea tkun parti.

4. Il-leġiżlazzjoni tal-Unjoni Ewropea dwar il-ġurisdizzjoni għandha tapplika għat-tilwim bejn il-BBMRI-ERIC u partijiet terzi. F’każijiet li ma jkunux koperti mil-leġiżlazzjoni tal-Unjoni Ewropea, il-liġi tal-Istat Membru Ospitanti għandha tiddetermina l-ġurisdizzjoni kompetenti għar-riżoluzzjoni ta’ tilwim bħal dan.

(1) 1. Għandha tiġi adottata mill-Assemblea tal-Membri.

(2) ĠU L 347, 11.12.2006, p. 1.

(3) ĠU L 77, 23.3.2011, p. 1.

(4) F’każ ta’ adozzjoni mill-Kunsill tal-emenda tar-Regolament (KE) Nru 723/2009, l-Artikolu 9(3), fir-rigward tal-abilitazzjoni tal-parteċipazzjoni tal-pajjiżi assoċjati fl-ERIC fl-istess livell tal-Istati Membri tal-UE, mill-jum minn meta l-emenda tidħol fis-seħħ (c) għandu jinqara “Mill-Membri preżenti, l-Istati Membri tal-Unjoni Ewropea u l-pajjiżi assoċjati għandu jkollhom il-maġġoranza tal-voti”.

ANNESS II

LISTA TA’ MEMBRI U OSSERVATURI U L-ENTITAJIET LI JIRRAPPREŻENTAWHOM

Membri	Entità rappreżentanti (pereżempju ministeru, kunsill ta’ riċerka)
Ir-Renju tal-Belġju	Il-Politika tax-Xjenza tas-Servizzi tal-Ippjanar Pubbliku Federali (BELSPO)
Ir-Repubblika Ċeka	Il-Ministeru tal-Edukazzjoni (MŠMT)
Ir-Repubblika Federali tal-Ġermanja:	Il-Ministeru Federali tal-Ġermanja għall-Edukazzjoni u r-Riċerka (BMBF)
Ir-Repubblika tal-Estonja	Il-Ministeru tal-Edukazzjoni u r-Riċerka tar-Repubblika tal-Estonja (MER EE)
Ir-Repubblika Ellenika	Il-Fondazzjoni tar-Riċerka Bijomedika tal-Akkademja ta’ Ateni (BRFAA)
Ir-Repubblika Franċiża	L-Istitut għas-Saħħa u r-Riċerka Medika (INSERM)
Ir-Repubblika Taljana	L-Istitut Nazzjonali tas-Saħħa (ISS)
Ir-Repubblika ta’ Malta	L-Università ta’ Malta (UoM)
Ir-Renju tal-Pajjiżi l-Baxxi	L-Organizzazzjoni tal-Pajjiżi l-Baxxi għar-Riċerka u l-Iżvilupp tas-Saħħa (ZonMW)
Ir-Repubblika tal-Awstrija	Il-Ministeru Federali tal-Awstrija għax-Xjenza u r-Riċerka (BMWF)
Ir-Repubblika tal-Finlandja	Il-Ministeru tal-Edukazzjoni u l-Kultura tar-Repubblika tal-Finlandja (OKM)
Ir-Renju tal-Isvezja	Il-Kunsill Svediż għar-Riċerka (SRC)

Osservaturi	Entità rappreżentanti (pereżempju ministeru, kunsill ta’ riċerka)
In-Norveġja	Il-Kunsill għar-Riċerka tan-Norveġja
Ir-Repubblika tal-Polonja	Il-Ministeru tax-Xjenza u l-Edukazzjoni Għolja tar-Repubblika tal-Polonja (MNiSW)
L-Isvizzera	Il-Fondazzjoni Nazzjonali Svizzera tax-Xjenza (SNSF)
It-Turkija	L-Università Dokuz Eylul ta’ Izmir

ANNESS III

IT-TABELLA TA’ KONTRIBUZZJONIJIET TAS-SĦUBIJA

(1)

Dan l-anness jistipula l-mekkaniżmu għall-kalkolu tal-kontribuzzjonijiet tal-Membri/Osservaturi. L-ammont totali tal-kontribuzzjonijiet tal-Membri/Osservaturi għandu jiġi ddefinit fil-Programm ta’ Ħidma annwali u fil-Baġit.

(2)

Il-kontribuzzjoni tas-sħubija għandha tkun magħmula minn kontribuzzjoni fissa u minn sehem li jvarja.

(3)

Fir-rigward tal-kontribuzzjoni fissa għandu jkun hemm żewġ kategoriji

(a)	Membri b’inqas minn 3 miljun abitant jew li huma organizzazzjonijiet internazzjonali għandhom iħallsu kontribuzzjoni fissa skont il-kategorija aktar baxxa; u

(b)	Membri bi 3 miljun abitant jew aktar għandhom iħallsu kontribuzzjoni fissa skont il-kategorija ogħla.

(4)

Fiż-żmien meta dawn l-Istatuti jidħlu fis-seħħ il-kontribuzzjoni fissa għandha tkun:

(a)	EUR 20 000 għall-Membri tal-kategorija aktar baxxa; u

(b)	EUR 25 000 għall-Membri tal-kategorija ogħla.

(5)

Il-kontribuzzjoni fissa għall-Osservaturi għandha tkun 30 % tal-kategorija rispettiva.

(6)

L-organizzazzjonijiet internazzjonali għandhom iħallsu sehem li jvarja li jiġi deċiż mill-Assemblea tal-Membri abbażi ta’ każ b’każ.

(7)

L-ammont totali tal-proporzjon tas-sehem varjabbli tal-Istati Membri/Osservaturi huwa ddeterminat billi jitnaqqas l-ammont totali tal-kontribuzzjonijiet fissi tal-Membri/Osservaturi u s-sehem varjabbli tal-organizzazzjonijiet internazzjonali mill-ammont totali tal-kontribuzzjonijiet tal-Membri/Osservaturi.

(8)

L-ammont totali tas-sehem varjabbli jinqasam bejn l-Istati Membri abbażi tal-persentaġġ tagħhom tal-PDG tal-Istati Membri kollha.

(9)

Il-kalkolu tas-sehem varjabbli tal-Istati Osservaturi jiġi bbażat fuq 30 % tal-PDG rispettiv tagħhom.

(10)

L-ebda wieħed mill-Membri ma għandu jħallas aktar minn 25 % tal-ammont totali tal-kontribuzzjonijiet mill-Membri/Osservaturi. F’każ li skont il-mudell tal-kontribuzzjonijiet tas-sħubija msemmi hawn fuq, il-kontribuzzjoni ta’ Membru taqbeż dan il-livell, id-differenza mbagħad tinqasam bejn l-Istati Membri/Osservaturi skont il-livelli ta’ persentaġġi tagħhom ta’ PDG.

ANNESS IV

PROĊEDURA TAL-GĦAŻLA GĦALL-OSPITAR TAS-SERVIZZI KOMUNI

Il-proċedura ta’ għażla li ġejja għandha tiġi applikata għas-Servizzi Komuni kollha fejn il-benefiċċji jakkumulaw għall-komunità xjentifika kollha u jiġu rimunerati mill-BBMRI-ERIC:

(1)

L-ospiti tas-Servizzi Komuni għandhom jintgħażlu permezz ta’ proċedura ta’ sejħa miftuħa. Deskrizzjoni tas-servizz li jkun ser jintgħażel għandha titħejja mid-Direttur Ġenerali u tiġi approvata mill-Assemblea tal-Membri. Din għandha tkun disponibbli pubblikament meta titnieda s-sejħa miftuħa għal Servizz Komuni. L-applikanti tal-Membri tal-BBMRI-ERIC biss huma eliġibbli li jirrispondu s-sejħa.

(2)	L-Assemblea tal-Membri għandha tiddefinixxi l-kompożizzjoni ta’ kumitat ad hoc biex jevalwa l-applikazzjonijiet, kif ukoll biex jistabbilixxi sett ta’ objettivi u kriterji ta’ evalwazzjoni nondiskriminatorji li l-kumitat ad hoc għandu japplika.

(3)	L-Assemblea tal-Membri għandha tiddeċiedi dwar l-għażla ta’ Servizz Komuni bbażat fuq ir-riżultati tal-kumitat ad hoc u wara rakkomandazzjoni pożittiva mill-Kumitat tal-Finanzi.

30.11.2013

Il-Ġurnal Uffiċjali tal-Unjoni Ewropea

L 320/81

DEĊIŻJONI TAL-KUNSILL MINISTERJALI TAL-KOMUNITÀ TAL-ENERĠIJA

D/2013/03/MC-EnC

dwar l-estensjoni tat-tul ta’ żmien tat-Trattat dwar il-Komunità tal-Enerġija

IL-KUNSILL MINISTERJALI TAL-KOMUNITÀ TAL-ENERĠIJA,

Wara li kkunsidra t-Trattat li jistabbilixxi l-Komunità tal-Enerġija (“it-Trattat”), u b’mod partikolari l-Artikolu 97 tiegħu,

Billi:

(1)	It-Trattat ġie ffirmat fil-25 ta’ Ottubru 2005 u daħal fis-seħħ fl-1 ta’ Lulju 2006.

(2)	Skont l-Artikolu 97 tiegħu, it-Trattat hu konkluż għal perijodu ta’ 10 snin mid-data tad-dħul fis-seħħ u jeħtieġ deċiżjoni mill-Kunsill Ministerjali għall-estensjoni tiegħu.

(3)	Il-Komunità tal-Enerġija tirriżulta li hija qafas effikaċi għall-kooperazzjoni reġjonali fil-qasam tal-enerġija.

(4)	Il-Komunità tal-Enerġija qed issegwi mill-qrib l-iżviluppi fil-politika tal-enerġija tal-Unjoni Ewropea u daħlet f’impenji li jmorru lil hinn mill-2016.

(5)	L-estensjoni tat-Trattat kienet appoġġata bil-miftuħ mill-istituzzjonijiet tal-Unjoni Ewropea (1), kif ukoll mill-Grupp Permanenti ta’ Livell Għoli fil-laqgħat tiegħu tad-19 ta’ Ġunju u t-23 ta’ Ottubru 2013.

ADOTTA DIN ID-DEĊIŻJONI:

Artikolu 1

Estensjoni tat-tul ta’ żmien tat-Trattat dwar il-Komunità tal-Enerġija

It-tul ta’ żmien tat-Trattat hu estiż għal perijodu ta’ 10 snin.

Artikolu 2

Dħul fis-seħħ

Din id-deċiżjoni tidħol fis-seħħ mal-adozzjoni tagħha.

Magħmul f’Belgrad, l-24 ta’ Ottubru 2013.

Għall-Kunsill Ministerjali

Z. MIHAJLOVIĆ

(1) Rapport mill-Kummissjoni lill-Parlament Ewropew u lill-Kunsill skont l-Artikolu 7 tad-Deċiżjoni 2006/500/KE, 10.3.2011, COM(2011) 105 final; Komunikazzjoni mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni dwar is-sigurtà tal-provvista tal-enerġija u l-kooperazzjoni internazzjonali — Il-Politika tal-Enerġija tal-UE: Kooperazzjoni ma’ pajjiżi lil hinn mill-fruntieri tagħna, 7.9.2011, COM(2011) 539 final; Konklużjonijiet tal-laqgħa tal-24 ta’ Novembru 2011 tal-Kunsill tal-Unjoni Ewropea dwar it-tisħiħ tad-dimensjoni esterna tal-politika tal-enerġija tal-UE.

		ISSN 1977-074X doi:10.3000/1977074X.L_2013.320.mlt
Il-Ġurnal Uffiċjali tal-Unjoni Ewropea		L 320

Edizzjoni bil-Malti	Leġiżlazzjoni	Volum 56 30 ta' Novembru 2013

Werrej		II Atti mhux leġiżlattivi	Paġna
		FTEHIMIET INTERNAZZJONALI
		2013/694/UE
	*	Ftehim Interistituzzjonali bejn il-Parlament Ewropew u l-Bank Ċentrali Ewropew dwar il-modalitajiet prattiċi tal-eżerċizzju tar-responsabbiltà demokratika u tas-superviżjoni tal-eżerċizzju tal-kompiti mogħtija lill-BĊE fil-qafas tal-Mekkaniżmu Superviżorju Uniku	1
		2013/695/UE
	*	Deċiżjoni tal-Kunsill tal-25 ta’ Novembru 2013 dwar l-iffirmar, f’isem l-Unjoni Ewropea, tal-Ftehim bejn l-Unjoni Ewropea u r-Repubblika tal-Azerbajġan dwar il-faċilitazzjoni tal-ħruġ ta’ viżi	7
		REGOLAMENTI
	*	Regolament tal-Kummissjoni (UE) Nru 1218/2013 tas-27 ta’ Novembru 2013 li jistabbilixxi projbizzjoni tas-sajd għall-aringa fiż-żoni IV, VIId u fl-ilmijiet tal-UE taż-żona IIa minn bastimenti li jtajru l-bandiera tal-Pajjiżi l-Baxxi	8
	*	Regolament tal-Kummissjoni (UE) Nru 1219/2013 tas-27 ta’ Novembru 2013 li jistabbilixxi projbizzjoni tas-sajd għall-aringa fl-ilmijiet tal-UE u l-ilmijiet Norveġiżi taż-żona IV fit-Tramuntana ta’ 53° 30′ N minn bastimenti li jtajru l-bandiera ta' Franza	10
	*	Regolament tal-Kummissjoni (UE) Nru 1220/2013 tas-27 ta’ Novembru 2013 li li jistabbilixxi projbizzjoni tas-sajd għall-bakkaljaw fiż-żona 3M tan-NAFO minn bastimenti li jtajru l-bandiera ta' Stat Membru tal-Unjoni Ewropea	12
	*	Regolament ta’ Implimentazzjoni tal-Kummissjoni (UE) Nru 1221/2013 tad-29 ta’ Novembru 2013 li jemenda r-Regolament ta’ Implimentazzjoni tal-Kummissjoni (UE) Nru 476/2013 li jiffissal-limitu kwantitattiv għall-esportazzjonijiet taz-zokkor barra mill-kwota sa tmiem is-sena tas-suq 2013/2014 u li jirrevoka r-Regolament ta’ Implimentazzjoni (UE) Nru 968/2013	14
	*	Regolament ta’ Implimentazzjoni tal-Kummissjoni (UE) Nru 1222/2013 tad-29 ta’ Novembru 2013 dwar l-awtorizzazzjoni tal-aċidu propjoniku, il-propjonat tas-sodju u l-propjonat tal-ammonju bħala addittivi tal-għalf għar-ruminanti, il-majjali u t-tjur ( 1 )	16
	*	Regolament tal-Kummissjoni (UE) Nru 1223/2013 tad-29 ta’ Novembru 2013 li jipprovdi għal tnaqqis mill-kwota tas-sajd għas-salamun allokata lill-Polonja fl-2013 u fis-snin sussegwenti fis-subdiviżjonijiet 22-31 tal-ICES minħabba sajd eċċessiv fl-2012	20
	*	Regolament tal-Kummissjoni (UE) Nru 1224/2013 tad-29 ta’ Novembru 2013 li jemenda r-Regolament (KE) Nru 800/2008 rigward il-perjodu tal-applikazzjoni tiegħu	22
		Regolament ta’ Implimentazzjoni tal-Kummissjoni (UE) Nru 1225/2013 tad-29 ta’ Novembru 2013 li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex	24
		Regolament ta’ Implimentazzjoni tal-Kummissjoni (UE) Nru 1226/2013 tad-29 ta’ Novembru 2013 li jistabbilixxi d-dazji għall-importazzjoni fis-settur taċ-ċereali applikabbli mill-1 ta’ Diċembru 2013	26
		Regolament ta’ Implimentazzjoni tal-Kummissjoni (UE) Nru 1227/2013 tad-29 ta’ Novembru 2013 li jistabbilixxi l-koeffiċjenti ta’ allokazzjoni għal-liċenzji tal-esportazzjoni għal ċerti prodotti tal-ħalib li għandhom jiġu esportati lejn ir-Repubblika Dominikana skont il-kwota msemmija fir-Regolament (KE) Nru 1187/2009	29
		DEĊIŻJONIJIET
		2013/696/PESK
	*	Deċiżjoni tal-Kumitat Politiku u ta' Sigurtà EUTM Mali/2/2013 tat-12 ta’ Novembru 2013 dwar l-istabbiliment tal-Kumitat ta' Kontributuri għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati tal-Mali (EUTM Mali)	31
		2013/697/PESK
	*	Deċiżjoni tal-Kumitat Politiku u ta’ Sigurtà EUTM Mali/3/2013 tat-12 ta’ Novembru 2013 dwar l-aċċettazzjoni tal-kontributi ta' Stati terzi għall-missjoni militari tal-Unjoni Ewropea biex tikkontribwixxi għat-taħriġ tal-Forzi Armati ta' Mali (EUTM Mali)	33
	*	Deċiżjoni tal-Kunsill 2013/698/PESK tal-25 ta’ Novembru 2013 b'appoġġ għal mekkaniżmu ta' globali rappurtar dwar armi ħfief u ta' kalibru żgħir illeċtiti u armi konvenzjonali oħrajn u munizzjoni illeċiti biex jitnaqqas ir-riskju tal-kummerċ illeċitu tagħhom	34
		2013/699/UE
	*	Deċiżjoni tal-Kunsill tal-25 ta’ Novembru 2013 li taħtar membru Latvjan u żewġ membri supplenti Latvjani fil-Kumitat tar-Reġjuni	43
		2013/700/UE
	*	Deċiżjoni ta’ Implimentazzjoni tal-Kummissjoni tat-22 ta’ Novembru 2013 dwar it-twaqqif ta’ Stħarriġ Soċjali Ewropew bħala Konsorzju Ewropew għal Infrastruttura ta’ Riċerka (ESS ERIC)	44
		2013/701/UE
	*	Deċiżjoni ta’ Implimentazzjoni tal-Kummissjoni tat-22 ta’ Novembru 2013 dwar it-twaqqif ta’ Konsorzju għal Infrastruttura ta’ Riċerka fil-Bijobanek u fir-Riżorsi Bijomolekulari (BBMRI-ERIC) bħala Konsorzju għal Infrastruttura Ewropea ta’ Riċerka	63
		ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
	*	Deċiżjoni tal-Kunsill Ministerjali tal-Komunità tal-Enerġija D/2013/03/MC-EnC dwar l-estensjoni tat-tul ta’ żmien tat-Trattat dwar il-Komunità tal-Enerġija	81


	(1) Test b’relevanza għaż-ŻEE