ANNESS

L-Anness tar-Regolament (UE) Nru 185/2010 huwa emendat kif ġej:

1.

Il-Kapitolu 1 huwa emendat kif ġej: (a) Il-punt 1.0.4 li ġej huwa miżjud: “1.0.4. “Oġġetti li jinġarru minn persuni li ma jkunux passiġġieri” huma oġġetti personali maħsuba għall-użu personali tal-persuna li ġġorrhom.” (b) Is-sentenza li ġejja tiżdied fl-aħħar tal-punt 1.2.1.1: “Żjarat gwidati tal-ajruport skortati minn persuni awtorizzati għandha titqies li tkun raġuni leġittima.” (c) Is-sentenza li ġejja tiżdied fl-aħħar tal-punt 1.2.2.1: “Żjarat gwidati tal-ajruport skortati minn persuni awtorizzati għandha titqies li tkun raġuni leġittima.” (d) Is-sentenza li ġejja tiżdied fl-aħħar tal-punt 1.2.7.2: “Persuna tista’ tiġi eżentata mir-rekwiżit li tiġi skortata jekk dik il-persuna turi awtorizzazzjoni u jkollha karta tal-identifikazzjoni tal-ajruport valida.” (e) Jiddaħħal il-punt 1.2.7.5 segwenti: “1.2.7.5. Kull meta passiġġier ma jivvjaġġax b’riżultat ta’ kuntratt ta’ trasport bl-ajru li jirriżulta fl-għoti ta’ karta tal-imbark jew l-ekwivalenti, membru tal-ekwipaġġ li jkun qed jeskorta dan il-passiġġier jista’ jiġi eżentat mir-rekwiżiti tal-punt 1.2.7.3(a).” (f) Il-punt 1.3.1.5 jinbidel b’dan li ġej: “1.3.1.5. Il-punti 4.1.2.4–4.1.2.7 u 4.1.2.11 għandhom japplikaw fir-rigward tal-iskrinjar tal-oġġetti li jinġarru minn persuni li ma jkunux passiġġieri.”

2.

Il-Kapitolu 3 huwa emendat kif ġej: (a) Il-punt 3.1.1.3 jinbidel b’dan li ġej: “3.1.1.3. Inġenju tal-ajru li jasal f’parti kritika minn pajjiż terz li mhux elenkat fid-Dokument Mehmuż 3-B għandu jkun soġġett għal tfittxija tas-sigurtà ta’ inġenju tal-ajru fi kwalunkwe ħin wara l-iżbarkar tal-passiġġieri miż-żona li trid tiġi mfittxija u/jew il-ħatt tal-istiva.” (b) Il-punt 3.1.3 hu emendat kif ġej: (i) It-tieni u r-raba’ inċiżi huma mħassra (ii) It-tielet inċiż jiġi sostitwit b’dan li ġej: “— l-oriġini tat-titjira preċedenti.” (c) Il-punt 3.2.1.1(b) hu sostitwit b’li ġej: “(b) jkollu l-bibien esterni tiegħu magħluqa. Meta l-inġenju tal-ajru jkun f’parti kritika, il-bibien esterni li ma jkunux aċċessibbli minn persuna mill-art għandhom jitqiesu magħluqa jekk l-għajnuniet għall-aċċess ikunu tneħħew u tqiegħdu ‘l bogħod biżżejjed mill-inġenju tal-ajru sabiex l-aċċess jiġi evitat b’mod raġonevoli minn persuna; jew” (d) It-tieni sentenza tal-punt 3.2.2.1 hija mibdula b’dan li ġej: “Il-punt (a) ma għandux japplika għal bieb li jkun aċċessibbli mill-art minn persuna.” (e) Il-punt 3.2.2.2 jinbidel b’dan li ġej: “3.2.2.2 Meta jitneħħew l-għajnuniet għall-aċċess għall-bibien li ma jkunux aċċessibbli minn persuna mill-art, dawn għandhom jitqiegħdu ‘l bogħod biżżejjed mill-inġenju tal-ajru sabiex l-aċċess jiġi evitat b’mod raġonevoli.”

3.

Id-dokument mehmuż 3-B jiġi sostitwit b’dan li ġej: “DOKUMENT MEHMUŻ 3-B SIGURTÀ TAL-INĠENJI TAL-AJRU PAJJIŻI TERZI, KIF UKOLL PAJJIŻI U TERRITORJI BARRANIN B’RELAZZJONIJIET SPEĊJALI MAL-UNJONI SKONT IT-TRATTAT DWAR IL-FUNZJONAMENT TAL-UNJONI EWROPEA U LI GĦALIHOM MA JAPPLIKAX IT-TITOLU DWAR IT-TRASPORT TA’ DAK IT-TRATTAT, RIKONOXXUTI BĦALA LI JAPPLIKAW STANDARDS TAS-SIGURTÀ EKWIVALENTI GĦALL-ISTANDARDS BAŻIĊI KOMUNI Fir-rigward tas-sigurtà tal-inġenji tal-ajru, il-pajjiżi terzi li ġejjin, kif ukoll pajjiżi u territorji barranin b’relazzjonijiet speċjali mal-Unjoni skont it-trattat dwar il-funzjonament tal-Unjoni Ewropea u li għalihom ma japplikax it-titolu dwar it-trasport ta’ dak it-trattat, rikonoxxuti bħala li japplikaw standards tas-sigurtà ekwivalenti għall-istandards bażiċi komuni: L-Istati Uniti tal-Amerika Il-Kummissjoni għandha, mingħajr dewmien, tinnotifika lill-awtoritajiet nazzjonali xierqa tal-Istati Membri responsabbli mis-sikurezza tal-avjazzjoni jekk ikollha xi tagħrif li jindika li l-istandards tas-sigurtà applikati mill-pajjiż terz li jkollhom impatt sinifikanti fuq il-livelli ġenerali tas-sigurtà tal-avjazzjoni fl-Unjoni mhumiex iktar rilevanti għall-istandards bażiċi komuni dwar is-sigurtà tal-avjazzjoni. L-awtoritajiet xierqa tal-Istati Membri għandhom, mingħajr dewmien, jiġu nnotifikati meta l-Kummissjoni jkollha tagħrif dwar azzjonijiet, inklużi miżuri ta’ kumpens, li jikkonferma li l-ekwivalenza tal-istandards rilevanti tas-sikurezza tal-avjazzjoni applikati mill-pajjiż terz hija stabbilita mill-ġdid.”

4.

Fil-Kapitolu 4, il-punt 4.1.2.11 għandu jiġi sostitwit b’dan li ġej: “4.1.2.11. Persuni li jwettqu l-iskrinjar tal-bagalji tal-kabina b’tagħmir tar-raġġi X jew tagħmir bl-EDS ma għandhomx normalment iqattgħu iżjed minn 20 minuta kontinwi janalizzaw l-immaġini. Wara kull wieħed minn dawn il-perjodi, il-persuna li tkun qiegħda twettaq l-iskrinjar m’għandhiex tirrevedi immaġini oħra għal mill-inqas 10 minuti. Din il-ħtieġa għandha tapplika biss meta jkun hemm fluss ta’ immaġini bla interruzzjoni li jrid jiġi analizzat. Għandu jkun hemm superviżur responsabbli għal dawk li jwettqu l-iskrinjar tal-bagalji tal-kabina sabiex ikun assigurat l-aħjar kompożizzjoni tat-tim, kwalità tax-xogħol, taħriġ, appoġġ u evalwazzjoni.”

5.

Id-dokument mehmuż 4-B jiġi sostitwit b’dan li ġej: “DOKUMENT MEHMUŻ 4-B PASSIĠĠIERI U BAGALJI TAL-KABINA PAJJIŻI TERZI, KIF UKOLL PAJJIŻI U TERRITORJI BARRANIN B’RELAZZJONIJIET SPEĊJALI MAL-UNJONI SKONT IT-TRATTAT DWAR IL-FUNZJONAMENT TAL-UNJONI EWROPEA U LI GĦALIHOM MA JAPPLIKAX IT-TITOLU DWAR IT-TRASPORT TA’ DAK IT-TRATTAT, RIKONOXXUTI BĦALA LI JAPPLIKAW STANDARDS TAS-SIGURTÀ EKWIVALENTI GĦALL-ISTANDARDS BAŻIĊI KOMUNI Fir-rigward tal-passiġġieri u l-bagalji tal-kabina, il-pajjiżi terzi li ġejjin, kif ukoll pajjiżi u territorji barranin b’relazzjonijiet speċjali mal-Unjoni skont it-trattat dwar il-funzjonament tal-Unjoni Ewropea u li għalihom ma japplikax it-titolu dwar it-trasport ta’ dak it-trattat, huma rikonoxxuti bħala li japplikaw standards tas-sigurtà ekwivalenti għall-istandards bażiċi komuni. L-Istati Uniti tal-Amerika Il-Kummissjoni għandha, mingħajr dewmien, tinnotifika lill-awtoritajiet nazzjonali xierqa tal-Istati Membri responsabbli mis-sikurezza tal-avjazzjoni jekk ikollha xi tagħrif li jindika li l-istandards tas-sigurtà applikati mill-pajjiż terz li jkollhom impatt sinifikanti fuq il-livelli ġenerali tas-sigurtà tal-avjazzjoni fl-Unjoni mhumiex iktar rilevanti għall-istandards bażiċi komuni dwar is-sigurtà tal-avjazzjoni. L-awtoritajiet xierqa tal-Istati Membri għandhom, mingħajr dewmien, jiġu nnotifikati meta l-Kummissjoni jkollha tagħrif dwar azzjonijiet, inklużi miżuri ta’ kumpens, li jikkonferma li l-ekwivalenza tal-istandards rilevanti tas-sikurezza tal-avjazzjoni applikati mill-pajjiż terz hija stabbilita mill-ġdid.”

6.

Fil-Kapitolu 5, jiddaħħal il-punt 5.1.7 li ġej; “5.1.7. Il-persuni li jwettqu l-iskrinjar tal-bagalji tal-istiva permezz ta’ tagħmir tar-raġġi X jew tagħmir bl-EDS ma għandhomx normalment iqattgħu iżjed minn 20 minuta kontinwament janalizzaw l-immaġini. Wara kull wieħed minn dawn il-perjodi, il-persuna li tkun qiegħda twettaq l-iskrinjar m’għandhiex tirrevedi immaġini oħra għal mill-inqas 10 minuti. Din il-ħtieġa għandha tapplika biss meta jkun hemm fluss ta’ immaġini bla interruzzjoni li jrid jiġi analizzat. Għandu jkun hemm superviżur responsabbli għal dawk li jwettqu l-iskrinjar tal-bagalji tal-istiva sabiex tkun assigurata l-aħjar kompożizzjoni tat-tim, il-kwalità tax-xogħol, it-taħriġ, l-appoġġ u l-evalwazzjoni.”

7.

Id-dokument mehmuż 5-A jiġi sostitwit b’dan li ġej: “DOKUMENT MEHMUŻ 5-A BAGALJI TAL-ISTIVA PAJJIŻI TERZI, KIF UKOLL PAJJIŻI U TERRITORJI BARRANIN B’RELAZZJONIJIET SPEĊJALI MAL-UNJONI SKONT IT-TRATTAT DWAR IL-FUNZJONAMENT TAL-UNJONI EWROPEA U LI GĦALIHOM MA JAPPLIKAX IT-TITOLU DWAR IT-TRASPORT TA’ DAK IT-TRATTAT, RIKONOXXUTI BĦALA LI JAPPLIKAW STANDARDS TAS-SIGURTÀ EKWIVALENTI GĦALL-ISTANDARDS BAŻIĊI KOMUNI Fir-rigward tal-bagalji tal-istiva, il-pajjiżi terzi li ġejjin, kif ukoll pajjiżi u territorji barranin b’relazzjonijiet speċjali mal-unjoni skont it-trattat dwar il-funzjonament tal-Unjoni Ewropea u li għalihom ma japplikax it-titolu dwar it-trasport ta’ dak it-trattat, rikonoxxuti bħala li japplikaw standards tas-sigurtà ekwivalenti għall-istandards bażiċi komuni. L-Istati Uniti tal-Amerika Il-Kummissjoni għandha, mingħajr dewmien, tinnotifika lill-awtoritajiet nazzjonali xierqa tal-Istati Membri responsabbli mis-sikurezza tal-avjazzjoni jekk ikollha xi tagħrif li jindika li l-istandards tas-sigurtà applikati mill-pajjiż terz li jkollhom impatt sinifikanti fuq il-livelli ġenerali tas-sigurtà tal-avjazzjoni fl-Unjoni mhumiex iktar rilevanti għall-istandards bażiċi komuni dwar is-sigurtà tal-avjazzjoni. L-awtoritajiet xierqa tal-Istati Membri għandhom, mingħajr dewmien, jiġu nnotifikati meta l-Kummissjoni jkollha tagħrif dwar azzjonijiet, inklużi miżuri ta’ kumpens, li jikkonferma li l-ekwivalenza tal-istandards rilevanti tas-sikurezza tal-avjazzjoni applikati mill-pajjiż terz hija stabbilita mill-ġdid.”

8.

Il-Kapitolu 6 huwa emendat kif ġej: (a) Fil-punti 6.3.1.2(c), 6.3.1.2(d), 6.3.1.5, 6.4.1.2(c), 6.4.1.2(e), 6.4.1.5, 6.8.1.4, 6.8.1.5, 6.8.4.1, 6.8.5.1.2, 6.8.5.1.3, 6.8.5.2, id-dokument mehmuż 6-A, id-dokument mehmuż 6-H1, 11.6.4.1 u 11.6.4.3, ir-referenza għal “bażi tad-dejta tal-KE tal-aġenti regolati u l-kunsinnaturi magħrufa” jew “bażi ta’ dejta tal-Unjoni ta’ aġenti regolati u kunsinnaturi magħrufa” tinbidel b’referenza għal “bażi ta’ dejta tal-Unjoni dwar is-sigurtà tal-katina tal-provvista”. (b) Jiddaħħal il-punt 6.2.1.4 segwenti: “6.2.1.4 Persuni li jisskrinjaw il-merkanzija b’tagħmir tar-raġġi X jew tagħmir bl-EDS m’għandhomx normalment iqattgħu iżjed minn 20 minuta ta’ analiżi kontinwa ta’ immaġini. Wara kull wieħed minn dawn il-perjodi, il-persuna li tkun qiegħda twettaq l-iskrinjar m’għandhiex tirrevedi immaġini oħra għal mill-inqas 10 minuti. Din il-ħtieġa għandha tapplika biss meta jkun hemm fluss ta’ immaġini bla interruzzjoni li jrid jiġi analizzat.” (c) Il-punt 6.3.2.4 jinbidel b’dan li ġej: “6.3.2.4. Wara li jkunu ġew applikati l-kontrolli kollha tas-sigurtà msemmija fil-punti 6.3.2.1 sa 6.3.2.3 ta’ dan ir-Regolament u l-punt 6.3 tad-Deċiżjoni tal-Kummissjoni 2010/774/UE jkunu ġew applikati, l-aġent regolat għandu jiżgura li: (a) L-aċċess mingħajr skorta għal dawn il-kunsinni jkun limitat għal persuni awtorizzati; u (b) Dawn il-kunsinni jkunu protetti minn interferenza mhux awtorizzata sakemm jgħaddu f’idejn aġent regolat jew trasportatur tal-ajru ieħor. Il-kunsinni tal-merkanzija u tal-posta li jkunu f’parti kritika ta’ żona ta’ sigurtà ristretta għandhom jitqiesu bħala protetti minn interferenza mhux awtorizzata. Il-kunsinni tal-merkanzija u tal-posta li jkunu f’partijiet għajr parti kritika ta’ żona ristretta ta’ sigurtà għandhom jinsabu fil-partijiet fejn l-aċċess huwa kkontrollat tal-bini tal-aġent regolat jew, kull meta jinsabu barra minn dawk il-partijiet, għandhom — ikunu protetti fiżikament sabiex jiġi evitat li jiddaħħlu xi oġġetti fihom, jew — ma jitħallewx waħedhom u l-aċċess ikun limitat għal persuni involuti fil-protezzjoni u l-ġestjoni tal-kunsinni tal-merkanzija.” (d) Is-sentenza li ġejja tiżdied fl-aħħar tal-punt 6.3.2.6: “Aġent regolat li joffri l-kunsinni lil aġent regolat jew trasportatur tal-ajru ieħor jista’ jiddeċiedi wkoll li jittrażmetti biss l-informazzjoni meħtieġa taħt il-punti (a) sa (e) u (g) u li jżomm l-informazzjoni meħtieġa taħt il-punt (f) għal kemm iddum it-titjira (titjiriet) jew għal 24 siegħa, skont liema minnhom ikun l-itwal.”; (e) Jiddaħħal il-punt 6.3.2.9 segwenti: “6.3.2.9 Aġent regolat għandu jiżgura illi l-membri kollha tal-persunal li jimplimenta l-kontrolli tas-sigurtà jiġu rreklutati u mħarrġa skont ir-rekwiżiti tal-kapitolu 11 u li l-membri kollha tal-persunal li jkollhom aċċess għal merkanzija bl-ajru identifikabbli jew posta bl-ajru identifikabbli li jkunu diġà sarulhom il-kontrolli tas-sigurtà jkunu ġew irreklutati u soġġetti għal taħriġ ta’ għarfien dwar is-sigurtà skont ir-rekwiżiti tal-kapitolu 11.”; (f) Il-Punt 6.4.2.1(b) hu sostitwit b’li ġej: “(b) il-membri kollha tal-persunal li jimplimentaw il-kontrolli tas-sigurtà jiġu rreklutati u mħarrġa skont ir-rekwiżiti tal-kapitolu 11 u l-membri kollha tal-persunal li jkollhom aċċess għal merkanzija bl-ajru identifikabbli jew posta bl-ajru identifikabbli li jkunu diġà sarulhom il-kontrolli tas-sigurtà jkunu ġew irreklutati u soġġetti għal taħriġ ta’ għarfien dwar is-sigurtà skont ir-rekwiżiti tal-kapitolu 11; u”; (g) It-titolu tal-punt 6.6.2. għandu jinbidel b’dan li ġej: “6.6.2.   Protezzjoni ta’ merkanzija u posta fl-ajruporti għat-tagħbija fuq inġenju tal-ajru”; (h) Il-punt 6.6.2.2 jinbidel b’dan li ġej: “6.6.2.2. Il-kunsinni tal-merkanzija u tal-posta f’parti għajr parti kritika ta’ żona ristretta ta’ sigurtà għandhom ikunu lokalizzati fil-partijiet tal-post tal-aġent regolat fejn l-aċċess huwa kkontrollat, jew kull meta l-bini jinsab barra dawk il-partijiet, għandu jitqies bħala protett minn interferenza mhux awtorizzata jekk: (a) ikunu protetti fiżikament sabiex jiġi evitat li jiddaħħlu xi oġġetti fihom; jew (b) ma jitħallewx waħedhom u l-aċċess ikun limitat għal persuni involuti fil-protezzjoni u t-tagħbien tal-kunsinni tal-merkanzija u tal-posta fuq l-inġenju tal-ajru.”; (i) Is-sentenza li ġejja tiżdied fl-aħħar tal-punt 6.8.2.2: “L-awtorità xierqa tista’ taċċetta r-rapport tal-validazzjoni tas-sigurtà tal-avjazzjoni tal-UE ta’ entità ta’ pajjiż terz għal nominazzjoni ACC3 f’każijiet fejn dik l-entità twettaq operazzjoni ta’ merkanzija sħiħa, inkluż it-tagħbien fl-istiva tal-inġenju tal-ajru, f’isem l-ACC3 u r-rapport tal-validazzjoni tas-sigurtà tal-avjazzjoni tal-UE ikopri dawn l-attivitajiet kollha.”; (j) Il-punt 6.8.3.2 jinbidel b’dan li ġej: “6.8.3.2. Sat-30 ta’ Ġunju 2014, ir-rekwiżiti tal-iskrinjar għandhom, bħala minimu, jilħqu l-istandards tal-ICAO. Minn hemm ‘il quddiem, il-merkanzija u l-posta li jinġarru lejn l-Unjoni għandhom jiġu skrinjati skont wieħed mill-mezzi jew metodi elenkati fil-punt 6.2.1 tad-Deċiżjoni 2010/774/UE għal standard li jkun biżżejjed biex jiżgura b’mod raġonevoli li dawn ma jkun fihom l-ebda oġġett ipprojbit.”;

9.

Id-dokument mehmuż 6-B jiġi sostitwit b’dan li ġej: “DOKUMENT MEHMUŻ 6-B GWIDA GĦALL-KUNSINNATURI MAGĦRUFA Din il-gwida għandha tgħinek tivvaluta l-arranġamenti eżistenti tas-sigurtà tiegħek skont il-kriterji meħtieġa għall-kunsinnaturi magħrufa kif deskritti fir-Regolament (KE) Nru 300/2008 tal-Parlament Ewropew u tal-Kunsill dwar regoli komuni fil-qasam tas-sigurtà tal-avjazzjoni ċivili u l-atti ta’ implimentazzjoni tiegħu. Dan għandu jippermettilek tiżgura li int tissodisfa r-rekwiżiti qabel ma torganizza żjara uffiċjali ta’ validazzjoni fuq il-post. Huwa importanti li l-validatur ikun jista’ jkellem lill-persuni xierqa waqt iż-żjara ta’ validazzjoni (eż. il-persuna responsabbli għas-sigurtà u l-persuna responsabbli għar-reklutaġġ tal-persunal). Lista ta’ verifika tal-UE se tintuża biex tirreġistra l-valutazzjonijiet tal-validatur. Ladarba timtela l-lista ta’ verifika tal-validazzjoni, it-tagħrif li jkun hemm fil-lista ta’ verifika se jiġi ttrattat bħala tagħrif ikklassifikat. Jekk jogħġbok kun af li l-mistoqsijiet fuq il-lista ta’ verifika tal-UE huma ta’ żewġ tipi: (1) dawk li f’każ ta’ reazzjoni negattiva awtomatikament ifissru li ma tistax tiġi aċċettat bħala kunsinnatur magħruf u (2) dawk li se jintużaw biex joħolqu stampa ġenerali tal-provvedimenti ta’ sigurtà tiegħek sabiex lill-validatur jippermettulu jilħaq konklużjoni ġenerali. Il-partijiet fejn ‘insuffiċjenza’ tiġi rreġistrata awtomatikament huma indikati bir-rekwiżiti indikati bit-tipa grassa hawn taħt. Jekk ikun hemm ‘insuffiċjenza’ għar-rekwiżiti indikati bit-tipa grassa, jingħatawlek ir-raġunijiet għal dan u wkoll parir dwar l-aġġustamenti meħtieġa sabiex tgħaddi. Daħla Il-merkanzija fuq il-post li se jiġi spezzjonat għandha tkun oriġinata mill-kumpanija tiegħek. Dan ikopri l-manifattura li ssir fuq il-post u operazzjonijiet ta’ ġbir u ppakkjar (pick and pack) fejn l-oġġetti ma jkunux identifikabbli bħala merkanzija bl-ajru sakemm ma jintgħażlux biex titlesta ordni partikolari. (Ara wkoll in-Nota) Jeħtieġ li inti tiddetermina meta kunsinna ta’ merkanzija/posta ssir identifikabbli bħala merkanzija bl-ajru/posta bl-ajru u turi li jeżistu l-miżuri rilevanti li jipproteġuha minn interferenza jew tbagħbis mhux awtorizzati. Dan għandu jinkludi dettalji dwar il-produzzjoni, l-ippakkjar, il-ħżin u/jew il-bgħit. L-organizzazzjoni u r-responsabbiltajiet Se tkun meħtieġ tipprovdi dettalji dwar l-organizzazzjoni tiegħek (l-isem, in-numru tal-VAT jew tal-Kamra tal-Kummerċ jew in-numru ta’ reġistrazzjoni tal-korporazzjoni jekk ikunu applikabbli), l-indirizz tas-sit li se jiġi vvalidat u l-indirizz ewlieni tal-organizzazzjoni (jekk dan ikun differenti minn dak tas-sit li se jiġi vvalidat). Id-data taż-żjara tal-validazzjoni preċedenti u l-aħħar identifikatur alfanumeriku uniku (jekk ikun applikabbli), kif ukoll in-natura tal-kummerċ, l-għadd approssimattiv tal-ħaddiema fuq il-post, l-isem u t-titlu tal-persuna responsabbli għas-sigurtà tal-merkanzija bl-ajru/posta bl-ajru u d-dettalji ta’ kuntatt. Proċedura ta’ reklutaġġ tal-persunal Se jkun meħtieġ li tipprovdi dettalji dwar il-proċeduri ta’ reklutaġġ għall-persunal kollu (permanenti, temporanju jew persunal ta’ aġenziji, xufiera) li jkollhom aċċess għall-merkanzija bl-ajru/posta bl-ajru identifikabbli. Il-proċedura ta’ reklutaġġ għandha tinkludi kontroll ta’ qabel l-impjieg jew kontroll tal-isfond skont il-punt 11.1 tal-Anness għar-Regolament (UE) Nru 185/2010. Iż-żjara tal-validazzjoni fuq il-post se tinvolvi intervista mal-persuna responsabbli għar-reklutaġġ tal-persunal. Ikun meħtieġ li huwa/hija jippreżenta/tippreżenta evidenza (eż. formoli vojta) biex tissostanzja l-proċeduri tal-kumpanija. Din il-proċedura ta’ reklutaġġ għandha tapplika għall-persunal irreklutat wara d-29 ta’ April 2010. Proċedura ta’ taħriġ tal-persunal dwar sigurtà Li jiġi żgurat li l-membri kollha tal-persunal (permanenti, temporanji, persunal tal-aġenziji, sewwieqa) li jkollhom aċċess għall-merkanzija bl-ajru/posta bl-ajru identifikabbli jkunu ġew soġġetti għal taħriġ xieraq dwar kwistjonijiet ta’ għarfien rigward is-sigurtà. Dan it-taħriġ għandu jsir skont il-punt 11.2.7 tal-Anness għar-Regolament (UE) Nru 185/2010. Għandhom jinżammu reġistri ta’ taħriġ individwali. Barra minn hekk, tkun meħtieġ turi li l-membri kollha tal-persunal rilevanti li jimplimentaw il-kontrolli tas-siġurtà jkunu rċevew taħriġ jew taħriġ rikorrenti skont il-Kapitolu 11 tal-Anness għar-Regolament (UE) Nru 185/2010. Is-sigurtà fiżika Se tintalab turi kif inhuwa protett is-sit tiegħek (eż. ċint fiżiku jew barriera) u li jeżistu l-proċeduri rilevanti ta’ kontroll fuq l-aċċess. Fejn applikabbli, se tintalab tipprovdi dettalji dwar kwalunkwe sistema ta’ allarm u/jew ta’ CCTV possibbli. Huwa essenzjali li l-aċċess għaż-żona fejn il-merkanzija bl-ajru/posta bl-ajru tiġi pproċessata jew maħżuna, ikun ikkontrollat. Jeħtieġ li l-bibien, it-twieqi u l-punti l-oħra ta’ aċċess għall-merkanzija bl-ajru/posta bl-ajru jkunu sikuri jew soġġetti għal kontroll fuq l-aċċess. Produzzjoni (fejn applikabbli) Jeħtieġ li turi li l-aċċess għaż-żona tal-produzzjoni hija kkontrollata u l-proċess tal-produzzjoni huwa taħt sorveljanza. Jekk il-prodott jista’ jiġi identifikat bħala merkanzija bl-ajru/posta bl-ajru tul il-proċess tal-produzzjoni jkun meħtieġ li turi li qegħdin jittieħdu miżuri sabiex il-merkanzija bl-ajru/posta bl-ajru tiġi protetta minn interferenza jew tbagħbis mhux awtorizzati f’dan l-istadju. Ippakkjar (fejn applikabbli) Jeħtieġ li turi li l-aċċess għaż-żona tal-ippakkjar hija kkontrollata u l-proċess tal-ippakkjar huwa taħt sorveljanza. Jekk il-prodott jista’ jiġi identifikat bħala merkanzija bl-ajru/posta bl-ajru tul il-proċess tal-ippakkjar jkun meħtieġ li turi li qegħdin jittieħdu miżuri sabiex il-merkanzija bl-ajru/posta bl-ajru tiġi protetta minn interferenza jew tbagħbis mhux awtorizzati f’dan l-istadju. Se tintalab tipprovdi dettalji dwar il-proċess tiegħek tal-ippakkjar u turi li l-oġġetti kollha lesti jiġu kkontrollati qabel l-ippakkjar. Jeħtieġ li tiddeskrivi l-imballaġġ ta’ barra meta jkun lest u turi li huwa b’saħħtu. Trid turi wkoll kif l-imballaġġ ta’ barra, lest minn kollox, ma jkunx jista’jiġi mbagħbas, pereżempju bl-użu ta’ siġilli nnumerati, tejp tas-sigurtà, timbri speċjali jew kaxxi tal-kartun magħluqa permezz tat-tejp. Teħtieġ turi wkoll li dawn jinżammu f’kundizzjonijiet ta’ sigurtà meta ma jkunux qegħdin jintużaw u li tikkontrolla l-produzzjoni tagħhom. Ħżin (fejn applikabbli) Jeħtieġ li turi li l-aċċess għaż-żona tal-ħżin huwa kkontrollat. Jekk il-prodott jista’ jiġi identifikat bħala merkanzija bl-ajru/posta bl-ajru waqt li jkun qiegħed jinħażen se jkollok turi li qegħdin jittieħdu miżuri sabiex il-merkanzija bl-ajru/posta bl-ajru tiġi protetta minn interferenza jew tbagħbis mhux awtorizzati f’dan l-istadju. Fl-aħħar nett, jeħtieġ li turi li l-merkanzija bl-ajru/posta bl-ajru lesta u ppakkjata tiġi ċċekkjata qabel il-bgħit. Bgħit (fejn applikabbli) Jeħtieġ li turi li l-aċċess għaż-żona tal-bgħit huwa kkontrollat. Jekk il-prodott jista’ jiġi identifikat bħala merkanzija bl-ajru/posta bl-ajru tul il-proċess tad-dispaċċ jkun meħtieġ li turi li qegħdin jittieħdu miżuri sabiex il-merkanzija bl-ajru/posta bl-ajru tiġi protetta minn interferenza jew tbagħbis mhux awtorizzati f’dan l-istadju. It-trasportazzjoni Jeħtieġ li tipprovdi dettalji dwar il-metodu tat-trasport tal-merkanzija/posta għal għand l-aġent regolat. Jekk tuża t-trasport tiegħek stess, jeħtieġ li turi li s-sewwieqa tiegħek ġew imħarrġa sal-livell meħtieġ. Jekk il-kumpanija tiegħek tuża kuntrattur, jeħtieġ li tiżgura li a) il-merkanzija bl-ajru/posta bl-ajru tkun ġiet issiġillata jew ippakkjata minnek sabiex tiżgura li kull tbagħbis ikun evidenti u b) id-dikjarazzjoni tat-trasportatur kif inhi fid-Dokument Mehmuż 6-E tal-Anness għar-Regolament (UE) Nru 185/2010 ġiet iffirmata mit-trasportatur. Jekk inti responsabbli għat-trasport tal-merkanzija bl-ajru/posta bl-ajru, se jkollok turi li l-mezzi tat-trasport jistgħu jiġu assigurati, jew bl-użu ta’ siġilli, jekk dan ikun prattikabbli, jew bi kwalunkwe mod ieħor. Meta jintużaw siġilli nnumerati, se jkollok turi li l-aċċess għas-siġilli huwa kkontrollat u n-numri huma rreġistrati; jekk jintużaw metodi oħra jeħtieġ li turi kif il-merkanzija/posta tkun tista’ turi li ma ġietx imbgħabsa u/jew kif tinżamm sikura. Barra minn hekk jeħtieġ li turi li jeżistu miżuri biex tkun ivverifikata l-identità tas-sewwieqa tal-vetturi li jiġbru l-merkanzija bl-ajru/posta bl-ajru tiegħek. Jeħtieġ ukoll li turi li inti tiżgura li l-merkanzija/posta tkun sikura meta tħalli l-bini. Jeħtieġ li turi li l-merkanzija bl-ajru/posta bl-ajru hija protetta minn interferenza mhux awtorizzata waqt it-trasport. Mhux se jkollok tipprovdi evidenza dwar it-taħriġ tas-sewwieq jew kopja tad-dikjarazzjoni tat-trasportatur meta aġent regolat ikun għamel l-arranġamenti tat-trasport għall-ġbir tal-merkanzija bl-ajru/posta bl-ajru mill-bini tiegħek. Responsabbiltajiet tal-kunsinnatur Jeħtieġ li tiddikjara li se taċċetta spezzjonijiet mingħajr avviż minn qabel mill-ispetturi tal-awtorità xierqa għall-fini ta’ monitoraġġ ta’ dawn l-istandards. Jeħtieġ ukoll li tiddikjara li tipprovdi [isem l-awtorità xierqa] bid-dettalji rilevanti minnufih iżda tal-anqas fi żmien għaxart (10) ijiem tax-xogħol jekk: (a) ir-responsabbiltà komprensiva għas-sigurtà tkun assenjata lil kwalunkwe persuna għajr dik imsemmija (b) ikun hemm kwalunkwe bidla oħra fil-bini jew fil-proċeduri li jista’ jkollha impatt sinifikanti fuq is-sigurtà (c) il-kumpanija tiegħek ma tibqax fin-negozju, ma tibqax tittratta merkanzija bl-ajru/posta bl-ajru jew ma tistax tibqa’ tissodisfa r-rekwiżiti tal-leġiżlazzjoni tal-UE rilevanti. Fl-aħħar nett jeħtieġ li tiddikjara li se żżomm l-istandards ta’ sigurtà saż-żjara u/jew l-ispezzjoni sussegwenti tal-validazzjoni fuq il-post. Imbagħad se tintalab taċċetta r-responsabbiltà sħiħa għad-dikjarazzjoni u tiffirma d-dokument tal-validazzjoni. NOTI Apparat esplożiv jew inċendjarju Apparat esplożiv u inċendjarju armat jista’ jinġarr f’kunsinni ta’ merkanzija jekk ir-rekwiżiti tar-regoli tas-sikurezza kollha jiġu ssodisfati kompletament. Il-kunsinni minn sorsi oħra Kunsinnatur magħruf jista’ jgħaddi kunsinni li ma jkunx oriġinahom huwa stess għal għand aġent regolat, bil-kundizzjoni li: (a) ikunu separati minn kunsinni li jkun oriġina huwa stess; u (b) l-oriġini tkun indikata b’mod ċar fuq il-kunsinna jew fuq id-dokumentazzjoni mehmuża. It-tali kunsinni kollha għandhom jiġu skrinjati qabel ma jitgħabbew fuq inġenju tal-ajru.”

10.

Id-dokument mehmuż 6-C jiġi sostitwit b’dan li ġej: “DOKUMENT MEHMUŻ 6-C VALIDAZZJONI TAL-LISTA TA’ VERIFIKA GĦAL KUNSINNATURI MAGĦRUFA Noti dwar il-mili: Meta tkun qiegħed timla din il-formola jekk jogħġbok innota li: — L-entrati mmarkati* huma dejta obbligatorja u JEĦTIEĠ li jimtlew, — Jekk it-tweġiba għal kwalunkwe mistoqsija b’tipa grassa hija LE, il-validazzjoni JEĦTIEĠ li tiġi vvalutata bħala INSUFFIĊJENTI. Dan ma japplikax meta l-mistoqsijiet ma jkunux applikabbli, — Il-valutazzjoni ġenerali tista’ tiġi vvalutata biss bħala SUFFIĊJENTI wara li l-kunsinnatur ikun iffirma d-dikjarazzjoni tal-impenji fl-aħħar paġna, — Id-dikjarazzjoni oriġinali tal-impenji jeħtieġ li tinżamm minn jew tkun disponibbli għall-awtorità xierqa sa ma tiskadi l-validazzjoni. Kopja tad-dikjarazzjoni għandha tingħata wkoll lill-kunsinnatur. IL-PARTI 1 L-organizzazzjoni u r-responsabbiltajiet 1.1.    Data tal-validazzjoni* Jekk jogħġbok uża l-format tad-data kif inhu eżatt, eż. 01.10.2010 jj/xx/ssss   1.2.    Data tal-validazzjoni ta’ qabel u l-Identifikatur Uniku fejn ikun applikabbli. jj/xx/ssss   UNI   1.3.    Isem l-organizzazzjoni li se tiġi vvalidata* Isem Numru tal-VAT/Numru tal-Kamra tal-Kummerċ/Numru ta’ reġistrazzjoni tal-korporazzjoni (jekk applikabbli) 1.4.    Isem is-sit li se jiġi vvalidat* Numru/Unità/Bini   Triq   Belt   Kodiċi postali   Pajjiż   1.5.    L-indirizz ewlieni tal-organizzazzjoni (jekk dan ikun differenti minn dak tas-sit li se jiġi vvalidat, sakemm ikun fl-istess pajjiż) Numru/Unità/Bini   Triq   Belt   Kodiċi postali   Pajjiż   1.6. Natura tal-Kummerċ — tipi ta’ merkanzija pproċessati 1.7.    L-applikant huwa responsabbli għal…? (a) Produzzjoni (b) Ippakkjar (c) Ħżin (d) Bgħit (e) Oħrajn, jekk jogħġbok speċifika:   1.8. Għadd approssimattiv tal-ħaddiema fuq il-post 1.9.    Isem u t-titlu tal-persuna responsabbli għas-sigurtà tal-merkanzija bl-ajru/posta bl-ajru Isem   Titlu tax-xogħol   1.10.    Numri ta’ kuntatt bit-telefown Numru tat-telefown   1.11.    E Indirizz elettroniku* Indirizz elettroniku   IL-PARTI 2 Il-merkanzija bl-ajru/posta bl-ajru identifikabbli (“Ħin/lok tal-identifikazzjoni”) Għan: Li jiġi stabbilit il-punt (jew: il-post) fejn il-merkanzija/posta ssir identifikabbli bħala merkanzija bl-ajru/posta. Il-ħin/il-lok tal-identifikazzjoni hija ddefinita bħala l-ħila li wieħed jivvaluta meta/fejn il-merkanzija/posta tkun identifikabbli bħala merkanzija bl-ajru/posta bl-ajru. 2.1. Permezz ta’ spezzjoni tal-produzzjoni, l-ippakkjar, il-ħżin, l-għażla, il-bgħit u kwalunkwe parti oħra rilevanti, żgura fejn u kif kunsinna tal-merkanzija bl-ajru/posta bl-ajru ssir identifikabbli bħala tali. Iddeskrivi: NB. N.B. Għandu jingħata tagħrif dettaljat dwar il-protezzjoni ta’ merkanzija bl-ajru/posta bl-ajru identifikabbli minn interferenza jew tbagħbis mhux awtorizzati fil-Partijiet 5 sa 8. IL-PARTI 3 Ir-reklutaġġ u t-taħriġ tal-membri tal-persunal Għan: Li jiġi żgurat li l-membri kollha tal-persunal (permanenti, temporanji, persunal tal-aġenziji, sewwieqa) li jkollhom aċċess għall-merkanzija bl-ajru/posta bl-ajru identifikabbli jkunu ġew soġġetti għal kontroll xieraq ta’ qabel l-impjieg u/jew kontroll tal-isfond kif ukoll jingħataw taħriġ skont il-punt 11.2.7 tar-Regolament (UE) Nru 185/2010. Barra min hekk, li jiġi żgurat li l-membri kollha tal-persunal li jimplimentaw l-kontrolli tas-sigurtà fir-rigward tal-provvisti jitħarġu skont il-Kapitolu 11 tal-Anness għar-Regolament (UE) Nru 185/2010. Jekk il-mistoqsijiet 3.1 u 3.2 ikunu jew ma jkunux bit-tipa grassa (u għalhekk meta t-tweġiba tkun LE l-valutazzjoni jeħtieġ li tkun insuffiċjenti) jiddependi mir-regoli nazzjonali applikabbli tal-Istat fejn jinsab is-sit. Madankollu, tal-anqas waħda minn dawn iż-żewġ mistoqsijiet jeħtieġ li tkun bit-tipa grassa, u permezz ta’ dan jista’ jkun permess li fejn ikun twettaq kontroll tal-isfond, kontroll ta’ qabel l-impjieg ma jkunx meħtieġ aktar. Jeħtieġ li l-persuna responsabbli għall-implimentazzjoni tal-kontrolli tas-sigurtà dejjem isirilha kontroll tal-isfond.) 3.1.    Hemm proċedura ta’ reklutaġġ għall-membri kollha tal-persunal li għandhom aċċess għall-merkanzija bl-ajru/posta bl-ajru identifikabbli li tinkludi kontroll ta’ qabel l-impjieg skont il-punt 11.1.4 tal-Anness tar-Regolament (UE) Nru 185/2010? Dan japplika għall-persunal irreklutat wara [id-data ta’ applikazzjoni tar-Regolament (KE) Nru 300/2008]. IVA jew LE   Jekk IVA, liema tip   3.2.   Din il-proċedura ta’ reklutaġġ tinkludi wkoll kontroll tal-isfond, inkluż kontroll tar-reġistri kriminali, skont il-punt 11.1.3 tal-Anness tar-Regolament 185/2010? IVA jew LE   Jekk IVA, liema tip   3.3.   Il-proċess tal-ħatra tal-persuna msemmija responsabbli għall-applikazzjoni u s-sorveljanza tal-implimentazzjoni tal-kontrolli tas-sigurtà fuq il-post jinkudi rekwiżit għall-kontroll tal-isfond, inkluż kontroll tar-reġistri kriminali skont il-punt 11.1.3 tal-Anness tar-Regolament (UE) Nru 185/2010? IVA jew LE   Jekk IVA, iddeskrivi   3.4.   Il-persuni b’aċċess għall-merkanzija tal-ajru indentifikabbli/posta tal-ajru identifikabbli jirċievu taħriġ ġenerali ta’ għarfien dwar is-sigurtà skont il-punt 11.2.7 tal-Anness għar-Regolament (UE) Nru 185/2010 qabel ma jingħataw aċċess għal dawn il-provvisti? Il-kontrolli tas-sigurtà ta’ implimentazzjoni tal-membri tal-persunal fir-rigward ta’ provvisti jirċievu t-taħriġ skont il-Kapitolu 11 tal-Anness għar-Regolament (UE) Nru 185/2010? IVA jew LE   Jekk IVA, iddeskrivi   3.5.   Il-membri tal-persunal (kif imsemmi hawn fuq) jirċievu taħriġ ta’ aġġornament skont il-frekwenza stabbilita għal dan it-taħriġ? IVA jew LE   3.6.   Valutazzjoni — il-miżuri huma biżżejjed sabiex jiżguraw li l-membri kollha tal-persunal li għandhom aċċess għall-merkanzija bl-ajru/posta bl-ajru identifikabbli u l-membri tal-persunal li jimplimentaw il-kontrolli tas-sigurtà jkunu ġew irreklutati u mħarrġa skont il-Kapitolu 11 tal-Anness għar-Regolament (UE) Nru 185/2010? IVA jew LE   Jekk LE, speċifika x’inhuma r-raġunijiet   IL-PARTI 4 Is-sigurtà fiżika Għan: Li jiġi stabbilit jekk hemmx livell ta’ sigurtà (fiżika) fis-sit jew fil-bini li huwa biżżejjed sabiex il-merkanzija bl-ajru/posta bl-ajru tkun protetta minn interferenza mhux awtorizzata. 4.1.    Is-sit huwa protett minn ċint fiżiku jew barriera? IVA jew LE   4.2.    Il-punti ta’ aċċess għas-sit kollha huma soġġetti għall-kontroll fuq l-aċċess? IVA jew LE   4.3.    Jekk IVA, il-punti ta’ aċċess huma…? Issorveljati mill-persunal:   Manwal   Awtomatiċi   Elettroniċi Oħrajn, speċifika 4.4.    Il-bini għandu kostruzzjoni solida? IVA jew LE   4.5.    Il-bini għandu sistema effikaċi tal-allarm? IVA jew LE   4.6.    Il-bini għandu sistema effikaċi tas-CCTV? IVA jew LE   4.7.    Jekk iva, l-immaġnijiet tas-CCTV jiġu rrekordjati? IVA jew LE   4.8.    Il-bibien, it-twieqi u l-punti l-oħra ta’ aċċess għall-merkanzija bl-ajru/posta bl-ajru identifikabbli sikuri jew soġġetti għall-kontroll fuq l-aċċess? IVA jew LE   4.9. Jekk le, speċifika r-raġunijiet 4.10.   Valutazzjoni: Il-miżuri li jittieħdu mill-organizzazzjoni huma biżżejjed sabiex jevitaw aċċess mhux awtorizzat għal dawk il-partijiet tas-sit u l-bini fejn tiġi pproċessata jew maħżuna l-merkanzija bl-ajru/posta bl-ajru identifikabbli? IVA jew LE   Jekk LE, speċifika x’inhuma r-raġunijiet   IL-PARTI 5 Il-produzzjoni Għan: Li l-merkanzija bl-ajru/posta bl-ajru identifikabbli tiġi protetta minn interferenza jew tbagħbis mhux awtorizzati. Wieġeb dawn il-mistoqsijiet meta l-prodott jista’ jiġi identifikat bħala merkanzija bl-ajru/posta bl-ajru tul il-proċess tal-produzzjoni. 5.1.    L-aċċess għaż-żona tal-produzzjoni huwa kkontrollat? IVA jew LE   5.2. Jekk IVA, kif? 5.3.    Il-proċess tal-produzzjoni huwa taħt sorveljanza? IVA jew LE   5.4. Jekk IVA, kif? 5.5.    Jeżistu kontrolli li jevitaw it-tbagħbis fl-istadju tal-produzzjoni? IVA jew LE   Jekk IVA, iddeskrivi 5.6.   Valutazzjoni: Il-miżuri li jittieħdu mill-organizzazzjoni huma biżżejjed sabiex jipproteġu l-merkanzija bl-ajru/posta bl-ajru identifikabbli minn interferenza jew tbagħbis mhux awtorizzati tul il-produzzjoni? IVA jew LE   Jekk LE, speċifika x’inhuma r-raġunijiet   IL-PARTI 6 L-ippakkjar Għan: Li l-merkanzija bl-ajru/posta bl-ajru identifikabbli tiġi protetta minn interferenza jew tbagħbis mhux awtorizzati. Wieġeb dawn il-mistoqsijiet meta l-prodott jista’ jiġi identifikat bħala merkanzija bl-ajru/posta bl-ajru tul il-proċess tal-ippakkjar. 6.1.    Il-proċess tal-ippakkjar huwa taħt sorveljanza? IVA jew LE   6.2. Jekk IVA, kif? 6.3.    Jekk jogħġbok iddeskrivi l-imballaġġ ta’ barra meta jkun lest: (a)    Meta jitlesta, l-imballaġġ ta’ barra huwa sod? IVA jew LE   Iddeskrivi:   (b)    Meta jitlesta, l-imballaġġ ta’ barra juri li ma jkunx ġie mbagħbas? IVA jew LE   Iddeskrivi:   6.4.(a)    Jintużaw siġilli nnumerati, tejp tas-sigurtà jew timbri speċjali sabiex jintwera li l-merkanzija bl-ajru/posta bl-ajru ma ġietx imbagħbsa? IVA jew LE   Jekk IVA:   6.4.(b)    Is-siġilli nnumerati, it-tejp tas-sigurtà jew it-timbri speċjali jinżammu f’kundizzjonijiet sikuri meta ma jkunux qegħdin jintużaw? IVA jew LE   Iddeskrivi:   6.4.(c)    Il-produzzjoni tas-siġilli nnumerati, it-tejp tas-sigurtà, u/jew it-timbri hija kkontrollata? IVA jew LE   Iddeskrivi:   6.5. Jekk it-tweġiba għal 6.4 (a) hija IVA, kif isir dan il-kontroll? 6.6   Valutazzjoni: Il-proċeduri tal-ippakkjar huma biżżejjed sabiex il-merkanzija bl-ajru/posta bl-ajru identifikabbli tiġi protetta minn interferenza u/jew tbagħbis mhux awtorizzati? IVA jew LE   Jekk LE, speċifika x’inhuma r-raġunijiet   IL-PARTI 7 Il-ħażna Għan: Li l-merkanzija bl-ajru/posta bl-ajru identifikabbli tiġi protetta minn interferenza jew tbagħbis mhux awtorizzati. Wieġeb dawn il-mistoqsijiet meta l-prodott jista’ jiġi identifikat bħala merkanzija bl-ajru/posta bl-ajru tul il-proċess tal-ħżin. 7.1.    Meta tkun lesta u ppakkjata, il-merkanzija bl-ajru/posta bl-ajru tinħażen b’mod sikur u jiġi ċċekkjat jekk kienx hemm tbagħbis? IVA jew LE   7.2.   Valutazzjoni: Il-proċeduri tal-ħżin huma biżżejjed sabiex il-merkanzija bl-ajru/posta bl-ajru identifikabbli tkun protetta minn interferenza u/jew tbagħbis mhux awtorizzati? IVA jew LE   Jekk LE, speċifika x’inhuma r-raġunijiet IL-PARTI 8 Il-bgħit Għan: Li l-merkanzija bl-ajru/posta bl-ajru identifikabbli tiġi protetta minn interferenza jew tbagħbis mhux awtorizzati. Wieġeb dawn il-mistoqsijiet meta l-prodott jista’ jiġi identifikat bħala merkanzija bl-ajru/posta bl-ajru tul il-proċess tal-bgħit. 8.1.    L-aċċess għaż-żona tal-bgħit huwa kkontrollat? IVA jew LE   8.2. Jekk IVA, kif? 8.3.    Min għandu aċċess għaż-żona tal-bgħit? L-impjegati? IVA jew LE   Is-sewwieqa? IVA jew LE   Il-viżitaturi? IVA jew LE   Il-kuntratturi IVA jew LE   8.4.   Valutazzjoni: Il-protezzjoni hija biżżejjed sabiex il-merkanzija bl-ajru/posta bl-ajru tkun protetta minn interferenza jew tbagħbis mhux awtorizzati fiż-żona tal-bgħit? IVA jew LE   Jekk LE, speċifika x’inhuma r-raġunijiet IL-PARTI 8A Il-kunsinni minn sorsi oħra Għan: li jiġu stabbiliti proċeduri sabiex ikunu ttrattati kunsinni mhux sikuri. Wieġeb dawn il-mistoqsijiet biss jekk il-kunsinni għat-trasport bl-ajru qegħdin jiġu aċċettati minn kumpaniji oħra. 8 A.1.   Il-kumpanija taċċetta kunsinni ta’ merkanzija maħsuba għat-trasport bl-ajru minn kwalunkwe kumpanija oħra? IVA JEW LE   8 A.2. Jekk IVA, dawn kif jinżammu separati mill-merkanzija tal-kumpanija stess u kif jiġu identifikati għall-aġent regolat/it-trasportatur? IL-PARTI 9 It-trasportazzjoni Għan: Li l-merkanzija bl-ajru/posta bl-ajru identifikabbli tiġi protetta minn interferenza jew tbagħbis mhux awtorizzati. 9.1.    Il-merkanzija bl-ajru/posta bl-ajru kif tiġi ttrasportata għal għand l-aġent regolat? (a)    Mill-aġent regolat, jew f’ismu? IVA jew LE   (b)    Bit-trasport tal-kunsinnatur stess? IVA jew LE   (c)    Minn kuntrattur li jintuża mill-kunsinnatur? IVA jew LE   9.2.   Meta kunsinnatur juża kuntrattur: IVA jew LE   Wieġeb il-mistoqsijiet li ġejjin biss meta 9.1(b) jew 9.1(c) japplikaw 9.3.    Il-kompartiment tal-merkanzija tal-vettura tat-trasport jista’ jiġi assigurat? IVA jew LE   Jekk IVA, speċifika kif… 9.4.(a)    Meta l-kompartiment tal-merkanzija tal-vettura tat-trasport jista’ jiġi assigurat, jintużaw siġilli nnumerati? IVA jew LE   9.4.(b)    Meta jintużaw is-siġilli nnumerati, l-aċċess għas-siġilli jkun ikkontrollat u n-numri jiġu rreġistrati malli jinħarġu? IVA jew LE   Jekk IVA, speċifika kif...   9.5.    Meta l-kompartiment tal-merkanzija tal-vettura tat-trasport ma jkunx jista’ jiġi assigurat, ikun jista’ jintwera li l-merkanzija/posta ma ġietx imbagħbsa? IVA jew LE 9.6. Jekk IVA, iddeskrivi x’tip ta’ evidenza tintuża biex jintwera li ma kienx hemm tbagħbis 9.7. Jekk LE, kif jinżamm sikur? 9.8.   Valutazzjoni: Il-miżuri huma biżżejjed sabiex il-merkanzija bl-ajru/posta bl-ajru tiġi protetta minn interferenza u/jew tbagħbis waqt it-trasport? IVA jew LE   Jekk LE, speċifika x’inhuma r-raġunijiet   Dikjarazzjoni tal-impenji Niddikjara li: — Se naċċetta spezzjonijiet mingħajr avviż minn qabel mill-ispetturi tal-awtorità xierqa għall-fini ta’ monitoraġġ ta’ dawn l-istandards. Jekk l-ispettur jiskopri kwalunkwe nuqqas serju fis-sigurtà, dan jista’ jwassal għall-irtirar tal-istat tiegħi bħala kunsinnatur magħruf. — Se nipprovdi [isem l-awtorità xierqa] bid-dettalji rilevanti minnufih iżda tal-anqas fi żmien għaxart (10) ijiem tax-xogħol jekk: — ir-responsabbiltà komprensiva għas-sigurtà tkun assenjata lil kwalunkwe persuna għajr dik imsemmija fil-punt 1.9, — ikun hemm kwalunkwe bidla oħra fil-bini jew fil-proċeduri li jista’ jkollha impatt sinifikanti fuq is-sigurtà, u — il-kumpanija ma tibqax fin-negozju, ma tibqax tittratta merkanzija bl-ajru/posta bl-ajru jew ma tistax tibqa’ tissodisfa r-rekwiżiti tal-leġiżlazzjoni tal-UE rilevanti. — Se nżomm l-istandards ta’ sigurtà saż-żjara u/jew l-ispezzjoni sussegwenti tal-validazzjoni fuq il-post, — Naċċetta responsabbiltà sħiħa għal din id-dikjarazzjoni. Iffirmat Pożizzjoni fil-kumpanija   Valutazzjoni (u notifika) Suffiċjenza/Insuffiċjenza   Meta l-valutazzjoni ġenerali hija insuffiċjenza, elenka hawn taħt il-partijiet fejn il-kunsinnatur jonqos milli jilħaq l-istandard ta’ sigurtà meħtieġ jew għandu vulnerabilità speċifika. Agħti parir ukoll dwar l-aġġustamenti meħtieġa sabiex jintlaħaq l-istandard meħtieġ u għalhekk sabiex ikollu suffiċjenza. Iffirmat (Isem il-validatur)”

11.

Id-Dokument mehmuż 6-C3 huwa emendat kif ġej: (a) Il-kliem “Referenza: Il-punt 6.8.3.1” fil-ħames paragrafu tal-Parti 4 jitħassar. (b) Is-seba’ paragrafu tal-Parti 5 jiġi sostitwit b’dan li ġej: “Referenza: Punt 6.8.3” (c) Il-ħames paragrafu tal-Parti 7 jiġi sostitwit b’dan li ġej: “Referenza: Il-punti 6.8.3.1, 6.8.3.2, 6.8.3.3 kif ukoll 6.2.1 u 6.7” (d) L-ewwel paragrafu tal-Parti 11 jiġi sostitwit b’dan li ġej: “Għan: Wara li jivvaluta l-għaxar partijiet preċedenti ta’ din il-lista ta’ kontroll, il-validatur tas-sigurtà tal-avjazzjoni tal-UE għandu jikkonkludi jekk il-verifika tiegħu fuq il-post tikkorrespondix mal-kontenut tal-parti tal-programm tas-sigurtà tat-trasportatur tal-ajru li tiddeskrivi l-miżuri għall-merkanzija bl-ajru/posta bl-ajru fil-limiti tal-UE/taż-ŻEE u jekk il-kontrolli tas-sigurtà jimplimentawx biżżejjed l-objettivi elenkati f’din il-lista ta’ kontroll.”

12.

Il-Punt 6-Fiii tad-Dokument Mehmuż 6-F jiġi sostitwit b’dan li ġej: “6-Fiii L-ATTIVITAJIET TA’ VALIDAZZJONI TA’ PAJJIŻI TERZI, KIF UKOLL TA’ PAJJIŻI U TERRITORJI BARRANIN B’RELAZZONIJIET SPEĊJALI MAL-UNJONI SKONT IT-TRATTAT DWAR IL-FUNZJONAMENT TAL-UNJONI EWROPEA U LI GĦALIHOM MA JAPPLIKAX IL-KAPITOLU DWAR IT-TRASPORT TA’ DAK IT-TRATTAT, RIKONOXXUTI BĦALA EKWIVALENTI GĦALL-VALIDAZZJONI TAS-SIGURTÀ TAL-AVJAZZJONI TAL-UE”;

13.

Fid-Dokument Mehmuż 8-B, fl-ewwel inċiż, il-punt (b) jinbidel b’li gej: “(b) tiżgura li l-persuni b’aċċess għall-provvisti għal matul it-titjira jirċievu taħriġ ġenerali ta’ għarfien dwar is-sigurtà skont il-punt 11.2.7 tal-Anness għar-Regolament (UE) Nru 185/2010 qabel ma jingħataw aċċess għal dawn il-provvisti. Barra minn hekk, tiżgura li persuni li jimplimentaw l-iskrinjar tal-provvisti għal matul it-titjira jirċievu taħriġ skont 11.2.3.3 tal-Anness għar-Regolament (UE) Nru 185/2010 u l-persuni li jimplimentaw kontrolli oħra ta’ sigurtà fir-rigward tal-provvisti għal matul it-titjira jirċievu taħriġ skont 11.2.3.10 tal-Anness għar-Regolament (UE) Nru 185/2010; u”;

14.

Il-Kapitolu 9 huwa emendat kif ġej: (a) Il-punt 9.0.2(a) jiġi sostitwit b’dan li ġej: “(a) ‘provvisti tal-ajruporti’ tfisser l-oġġetti kollha maħsuba biex jinbiegħu, jintużaw jew ikunu disponibbli għal kwalunkwe skop jew attività fiż-żona ta’ sigurtà ristretta tal-ajruporti, ħlief ‘oġġetti li jinġarru minn persuni li ma jkunux passiġġieri’;”; (b) Il-punt 9.1.1.1(b) hu sostitwit b’li ġej: “(b) il-kontrolli tas-sigurtà meħtieġa ma jkunux ġew applikati lill-provvisti minn fornitur magħruf u l-provvisti ma jkunux ġew protetti minn interferenza mhux awtorizzata mill-waqt li dawk il-kontrolli jkunu ġew applikati sat-twassil fiż-żona ta’ sigurtà ristretta.”;

15.

Fid-Dokument Mehmuż 9-A, fl-ewwel inċiż, il-punt (b) jinbidel b’li gej: “(b) tiżgura li l-persuni b’aċċess għall-provvisti għall-ajruport jirċievu taħriġ ġenerali ta’ għarfien dwar is-sigurtà skont il-punt 11.2.7 tal-Anness għar-Regolament (UE) Nru 185/2010 qabel ma jingħataw aċċess għal dawn il-provvisti; u Barra minn hekk, tiżgura li persuni li jimplimentaw l-iskrinjar tal-provvisti għal matul it-titjira jirċievu taħriġ skont il-punt 11.2.3.3 tal-Anness għar-Regolament (UE) Nru 185/2010 u l-persuni li jimplimentaw kontrolli oħra ta’ sigurtà fir-rigward tal-provvisti għall-ajruport jirċievu taħriġ skont 11.2.3.10 tal-Anness għar-Regolament (UE) Nru 185/2010; u”;

16.

Il-Kapitolu 11 huwa emendat kif ġej: (a) Il-punt 11.1.5 jiġi sostitwit b’dan li ġej: “11.1.5. Kontrolli tal-isfond jew ta’ qabel l-impjieg għandhom isiru qabel ma l-persuna tattendi kwalunkwe taħriġ tas-sigurtà li jinvolvi aċċess għat-tagħrif li ma jkunx disponibbli pubblikament. Il-kontrolli tal-isfond għandhom jiġu rripetuti f’intervalli regolari li ma jaqbżux il-ħames snin.”; (b) Il-Punt 11.2.3.7(b) hu sostitwit b’li ġej: “(b) għarfien dwar proċeduri għall-issiġillar tal-inġenju tal-ajru, jekk applikabbli għall-persuna li se titħarreġ.”; (c) L-ewwel sentenza tal-punt 11.2.3.9 hija mibdula b’dan li ġej: “It-taħriġ tal-persuni li jimplimentaw il-kontrolli ta’ sigurtà ta’ merkanzija u posta minbarra l-iskrinjar għandu jirriżulta fil-kompetenzi li ġejjin:” (d) Is-sentenza li ġejja tiżdied fl-aħħar tal-punt 11.2.6.1: “Għal raġunijiet oġġettivi, l-awtorità xierqa tista’ teżenta persuni minn dan ir-rekwiżit ta’ taħriġ jekk l-aċċess tagħhom hija limitata għaż-żoni fit-terminal aċċessibbli għall-passiġġieri.”; (e) Is-sentenza li ġejja tiżdied fl-aħħar tal-punt 11.3.1: “Persuni li jwettqu kompiti ta’ prestazzjoni kif elenkati fil-punt 11.2.3.3 jistgħu jiġu eżentati minn dawn ir-rekwiżiti jekk huma biss awtorizzati li jimplimentaw kontrolli viżwali u/jew tfittxijiet bl-idejn.”; (f) Il-punt 11.5.3(a) jiġi sostitwit b’dan li ġej: “(a) għandhom l-għarfien u l-kompetenzi speċifikati fil-punt 11.5.4; u”; (g) L-ewwel sentenza tal-punt 11.5.4 għandha tinbidel b’dan li ġej: “Sabiex wieħed jiġi ċċertifikat bħala persuna kwalifikata sabiex tagħti t-taħriġ iddefinit fil-punti 11.2.3.1 sa 11.2.3.5 u fil-punti 11.2.4 (sakemm ma jikkonċernax it-taħriġ ta’ superviżuri li jissorveljaw esklussivament persuni msemmija fil-punti 11.2.3.6 to 11.2.3.10) u 11.2.5, għandu jkollu għarfien dwar l-ambjent tax-xogħol fil-qasam rilevanti tas-sigurtà tal-avjazzjoni u l-kwalifiki u l-kompetenzi fl-oqsma li ġejjin:”;

17.

Il-Kapitolu 12 huwa emendat kif ġej: (a) Il-punt 12.1.2.2 jinbidel b’dan li ġej: “12.1.2.2. Il-WTMD kollha użati esklussivament għall-iskrinjar tal-persuni li ma jkunux passiġġieri għandhom jissodisfaw l-istandard 1.”; (b) It-taqsimiet 12.5.1.4 u 12.5.1.5 il-ġodda huma miżjuda: “12.5.1.4. Għandu jkun hemm amministratur tat-TIP responsabbli għall-ġestjoni tal-konfigurazzjoni tas-sistema TIP. 12.5.1.5. L-awtorità xierqa għandha tissorvelja regolarment l-implimentazzjoni korretta tas-sistemi TIP u tiżgura li s-sistemi jkunu kkonfigurati b’mod korrett, inkluż il-projezzjoni realistika u rilevanti ta’ oġġetti, li huma konformi mar-rekwiżiti u li għandhom libreriji tal-immaġnijiet aġġornati.”; (c) Il-punt 12.8.2 jiġi sostitwit b’dan li ġej: “12.8.2. Qabel l-introduzzjoni ppjanata tiegħu, l-Istat Membru kkonċernat għandu jgħarraf lill-Kummissjoni u lill-Istati Membri l-oħra bil-miktub dwar il-metodu ta’ skrinjar propost li jkun biħsiebu jippermetti, filwaqt li jinkludi valutazzjoni ta’ kif se jiggarantixxi li l-applikazzjoni tal-metodu l-ġdid se tissodisfa r-rekwiżit tal-punt 12.8.1(b). In-notifika għandu jkun fiha wkoll tagħrif dettaljat dwar il-post(ijiet) fejn huwa ppjanat li se jintuża l-metodu tal-iskrinjar u t-tul previst tal-perjodu ta’ evalwazzjoni.”; (d) Jiddaħħal il-punt 12.10 segwenti: “12.10.   TAGĦMIR GĦALL-INDIVIDWAZZJONI TAL-METALL (MDE) Id-dispożizzjonijiet dettaljati dwar l-użu tal-MDE huma stipulati f’Deċiżjoni separata li ħadet il-Kummissjoni.”.

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Il-kategorija 1.6.   Frott, ħxejjex u ċereali, friski jew ipproċessati

L-ITALJA

Arancia Rossa di Sicilia (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.4.   Prodotti oħra li ġejjin mill-annimali (bajd, għasel, diversi prodotti tal-ħalib minbarra l-butir, eċċ.)

FRANZA

Miel de Corse - Mele di Corsica (DPO)

ANNESS

Prodotti agrikoli maħsuba għall-konsum mill-bniedem elenkati fl-Anness I tat-Trattat:

Klassi 1.7.   Ħut frisk, molluski u krustaċji u l-prodotti dderivati minnhom

SPANJA

Melva de Andalucía (IĠP)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.8.   Prodotti oħrajn tal-Anness I għat-Trattat (ħwawar, eċċ.)

FRANZA

Piment d’Espelette/Piment d’Espelette – Ezpeletako Biperra (DPO)

ANNESS

Prodotti agrikoli maħsuba għall-konsum uman elenkati fl-Anness I tat-Trattat:

Klassi 1.1.   Laħam frisk (u l-ġewwieni)

FRANZA

Volaille de Bresse/Poulet de Bresse/Poularde de Bresse/Chapon de Bresse (DPO)

ANNESS I

L-emenda li ġejja fl-ispeċifikazzjoni tad-denominazzjoni protetta tal-oriġini “Κονσερβολιά Στυλίδας” (Konservolia Stylidas), hija approvata:

1.

Deskrizzjoni tal-prodott: Id-deskrizzjoni ġiet emendata biex tinkludi ż-żebbuġ sħiħ bl-għadma mneħħija fil-firxa tal-prodotti “Konservolia Stylidas”. Ir-rekwiżiti tas-suq u t-tibdil fid-drawwiet tal-konsumaturi wasslu għall-bżonn li jiġu ddiversifikati t-tipi kummerċjali disponibbli fis-suq. Il-karatteristiċi taż-żebbuġ bl-għadma mneħħija (togħma, kulur, riħa) huma identiċi għal dawk taż-żebbuġ sħiħ “Konservolia Stylidas”, peress li t-tneħħija tal-għadam issir hekk kif iż-żebbuġa tkun kisbet il-karatteristiċi organolettiċi finali tagħha, u għalhekk ir-rabta maż-żona ġeografika tal-prodott ma tinbidilx. Barra minn hekk, il-kompożizzjoni tas-salmura, li ġeneralment tista’ tbiddel it-togħma tal-prodott, hija eżattament l-istess kemm għaż-żebbuġ sħiħ kif ukoll għal dak bl-għadma mneħħija.

2.

Metodu ta’ Produzzjoni: Din it-taqsima ġiet emendata biex tinkludi t-tneħħija tal-għadma taż-żebbuġ. Iż-żebbuġ sħiħ u bla għadma huwa żebbuġ “Konservolia Stylidas”, li prinċipalment ikun aħdar, jiġi ffermentat b’tali mod li l-prodott ikun diġà kiseb il-karatteristiċi fiżiċi, kimiċi u organolettiċi finali tiegħu. L-għadma titneħħa bl-użu ta’ magni speċjali għat-tneħħija tal-għadma, dejjem għat-tul tal-frotta (mhuwiex possibbli li titneħħa għadma ta’ żebbuġa mill-wisa’). Iż-żebbuġ imbagħad jitqiegħed f’taħlita ta’ salmura ta’ 7-9 %, eżattament bħaż-żebbuġ sħiħ “Konservolia Stylidas”. Din il-proċedura ma tibdilx il-karatteristiċi fiżiċi, kimiċi jew organolettiċi tal-“Konservolia Stylidas”.

ANNESS II

Dokument ikkonsolidat uniku

Ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1)

“ΚΟΝΣΕΡΒΟΛΙΑ ΣΤΥΛΙΔΑΣ” (KONSERVOLIA STYLIDAS)

Nru tal-KE: EL-PDO-0117-0345-01.01.2012

IĠP ( ) DPO (X)

1.   Isem

“Κονσερβολιά Στυλίδας” (Konservolia Stylidas)

2.   Stat Membru jew Pajjiż Terz

Il-Ġreċja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6.

Frott, ħaxix u ċereali friski jew ipproċessati

3.2.   Deskrizzjoni tal-prodott li għalih japplika l-isem fil-punt (1)

Dan huwa żebbuġ tal-mejda miksub mill-varjetà “Konservolia”, li jkunu sħaħ jew sħaħ u mingħajr għadma. Il-prodott għandu togħma ta’ frott, b’laħma soda li faċilment titneħħielha l-għadma u tibqa’ tajba. Iż-żebbuġ iswed għandu kulur iswed li jkanġi għal lewn il-linka, filwaqt li ż-żebbuġ aħdar għandu kulur aħdar li jkanġi fl-isfar lewn it-tiben. Il-piż medju tal-frotta huwa ta’ 7 g. Il-proporzjon tal-għadma mal-frotta huwa ta’ 6 għal 1. Iż-żebbuġa ma tridx tkun mimsusa bid-dubbiena taż-żebbuġ u ma jridx ikollha brix jew impuritajiet. Iż-żebbuġ jiġi kklasifikati skont id-daqs tal-lista li ġejja, f’konformità mal-istandard internazzjonali:

Isem kummerċjali	Għadd ta’ żebbuġ għal kull kilogramm
Super super mamouth	70-90
Super mamouth	91-100
Mamouth	101-110
Super colossal	111-120
Colossal	121-140
Giants	141-160
Extra jumbo	161-180
Juμβο	181-200
Εχτra large	201-230
Large	231-260
Superior	261-290
Brilliants	291-320
Fiνε	321-350
Bullets	351-380

3.3.   Materja prima (għall-prodotti pproċessati biss)

—

3.4.   Għalf (għall-prodotti li ġejjin mill-annimali biss)

—

3.5.   Passi speċifiċi tal-produzzjoni li jridu jsiru fiż-żona ġeografika identifikata

Il-“Konservolia Stylidas” irid jitkabbar u jiġi pproċessat fiż-żona ġeografika identifikata.

3.6.   Regoli speċifiċi dwar it-tqattigħ, it-tħakkik, l-ippakkjar, eċċ.

—

3.7.   Regoli speċifiċi dwar it-tikkettar

—

4.   Definizzjoni fil-qosor taż-żona ġeografika

Iż-żona ta’ produzzjoni hija ż-żona li tinsab fil-konfini amministrattivi tal-Komunitajiet ta’ Glifa, Vathikilo, Pelasgia, Mili, Spartia, Achladi, Raches, Paleokerasia, Achinos, Karavomilos, Anidro, Neraida, Stylida, Avlaki, Agia Marina, Limogardi u Longitsi fil-Provinċja ta’ Fthiotida fil-Prefettura ta’ Fthiotida.

5.   Rabta maż-żona ġeografika

5.1.   Speċifiċità taż-żona ġeografika

Il-klima fil-Prefettura ta’ Fthiotida huwa dak moderat tal-Mediterran. Id-dejta metereoloġika għal dawn l-aħħar ħames snin hija din li ġejja:

Temperatura medja: 16,5 °C

Umdità relattiva: 65-70 %

Ammont ta’ nżul tax-xita: 589 millimetru fis-sena

Dawl tax-xemx: 210 siegħa fix-xahar

Il-ħamrija hija fil-biċċa l-kbira tafal ramli, f’żoni ċatti jew għan-niżla.

5.2.   Speċifiċità tal-prodott

Il-prodott għandu togħma ta’ frott u laħma soda li faċilment titneħħielha faċilment l-għadma u tibqa’ tajba. Iż-żebbuġ iswed għandu kulur iswed li jkanġi għal lewn il-linka, filwaqt li ż-żebbuġ aħdar għandu kulur aħdar li jkanġi fl-isfar lewn it-tiben. Permezz tal-karatteristiċi fiżiċi, kimiċi u organolettiċi eċċellenti tiegħu, iż-żebbuġ tal-mejda Stylida sar magħruf sew fis-suq Grieg u dak internazzjonali. Dan rebaħ diversi premji f’fieri Griegi u f’oħrajn internazzjonali.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DPO) jew il-kwalità speċifika, ir-reputazzjoni jew karatteristiċi oħrajn tal-prodott (għall-IĠP)

Il-varjetà ta’ żebbuġ prodotta f’din iż-żona ġeografika hija l-“Konservolia”, li tradizzjonalment ilha titkabbar f’din iż-żona sa mill-aktar żminijiet antiki u b’hekk huwa possibbli li ż-żebbuġ tal-mejda ikun magħruf għall-kwalitajiet fiżiċi, kimiċi u organolettiċi eċċellenti tiegħu. Iż-żebbuġ “Konservolia Stylidas” jitkabbar fiż-żoni tal-Prefattura ta’ Fthiotida li għandha xtiewi moderati u sjuf friski. Din il-varjetà speċifika ta’ żebbuġ addattat perfettament għall-ħamrija u l-klima li, flimkien mat-tkabbir tradizzjonali, il-ħsad u l-metodi ta’ pproċessar użati, jiffurmaw il-karatteristiċi distintivi tal-prodott finali.

Referenza għall-pubblikazzjoni tal-ispeċifikazzjoni

(L-Artikolu 5(7) tar-Regolament (KE) Nru 510/2006)

http://www.minagric.gr/images/stories/docs/agrotis/POP-PGE/prodiagrafes_konserbopolis_stilidas200313.pdf

---

(1)  ĠU L 93, 31.3.2006, p. 12. Mibdul permezz tar-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).

ANNESS

Il-kolonna “Dispożizzjonijiet speċifiċi” tar-ringiela 180, il-binefoks, tal-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 tinbidel b’dan li ġej:

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	AL	36,9
	MA	42,5
	MK	33,9
	ZZ	37,8
0707 00 05	AL	45,1
	EG	177,3
	MK	59,9
	TR	144,2
	ZZ	106,6
0709 93 10	AL	48,7
	MA	88,1
	TR	154,7
	ZZ	97,2
0805 20 10	AU	136,9
	MA	63,3
	ZA	148,2
	ZZ	116,1
0805 20 30 , 0805 20 50 , 0805 20 70 , 0805 20 90	PE	125,0
	SZ	56,1
	TR	80,2
	UY	92,8
	ZA	154,1
	ZZ	101,6
0805 50 10	TR	73,0
	ZA	74,0
	ZZ	73,5
0806 10 10	BR	247,5
	LB	239,8
	PE	271,8
	TR	165,1
	US	324,1
	ZZ	249,7
0808 10 80	BA	64,2
	CL	210,3
	NZ	138,3
	US	133,2
	ZA	174,4
	ZZ	144,1
0808 30 90	CN	65,8
	TR	113,5
	ZZ	89,7

---

(1)  In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.

ANNESS

IL-KRITERJI TAL-EKOTIKKETTA TAL-UE U R-REKWIŻITI TAL-VALUTAZZJONI

Il-kriterji biex tingħata l-Ekotikketta tal-UE għat-tagħmir tat-tojlits u l-awrinari bil-flaxing:

1.	L-effiċjenza fl-użu tal-ilma

2.	Il-prestazzjoni tal-prodott

3.	Is-sustanzi jew it-taħlitiet esklużi jew limitati

4.	L-injam bħala materja prima li jkun ġestit b’mod sostenibbli

5.	Kemm iservi l-prodott

6.	L-impatti mnaqqsa ta’ prodotti li m’għadhomx jintużaw

7.	L-istruzzjonijiet għall-installazzjoni u l-informazzjoni lill-utent

8.	L-informazzjoni li tidher fuq l-Ekotikketta tal-UE

It-Tabella 1 turi l-applikabbiltà tal-kriterji differenti għal kull kategorija tat-tagħmir tat-tojlits u l-awrinari bil-flaxing.

Ir-rekwiżiti speċifiċi tal-valutazzjoni u l-verifika huma indikati għal kull kriterju.

Meta l-applikant jeħtieġlu jipprovdi dikjarazzjonijiet, dokumentazzjoni, rapporti tal-analiżi tat-testijiet, jew evidenza oħra biex juri konformità mal-kriterji, dawn jistgħu joriġinaw mingħand l-applikant jew il-fornitur tiegħu jew mingħand it-tnejn li huma.

Meta jkun possibbli, it-testijiet għandhom jagħmluhom laboratorji li jilħqu r-rekwiżiti ġenerali tal-Istandard Ewropew EN ISO 17025 jew ekwivalenti.

Meta jkun xieraq, jistgħu jintużaw metodi tat-test oħra minbarra dawk indikati għal kull kriterju, f’każ li l-korp kompetenti li jivvaluta l-applikazzjoni jaċċetta l-ekwivalenza tagħhom.

Meta jkun xieraq, il-korpi kompetenti jistgħu jitolbu dokumentazzjoni ta’ appoġġ u jistgħu jagħmlu verifiki indipendenti.

L-applikant għandu jiddikjara l-konformità tal-prodott mar-rekwiżiti legali tal-pajjiż(i) li fih(om) hu maħsub li jitqiegħed fis-suq.

Fl-istandards tat-testijiet, is-settijiet tat-tojlit, ir-reċipjenti tat-tojlit, l-awrinari u s-sistemi tal-flaxing huma distinti skont il-klassi jew it-tip, jew it-tnejn. Il-klassi(jiet) jew it-tip(i) rilevanti tal-prodott għandhom jiġu ddikjarati lill-korp kompetenti li jivvaluta l-applikazzjoni u kull test li jrid isir għandu jsir għal kull klassi u/jew tip li jiddikjara l-applikant skont l-istandard rilevanti.

It-Tabella 1

L-applikabbiltà tal-kriterji differenti għal kull kategorija tat-tagħmir tat-tojlits u l-awrinari bil-flaxing

It-tagħmir tat-tojlits u l-awrinari bil-flaxing Kriterji	Settijiet tat-tojlit	Reċipjenti tat-tojlit	Sistemi tal-flaxing tat-tojlits	Settijiet tal-awrinar	Awrinari	Awrinari bla ilma	Sistemi tal-flaxing tal-awrinari
1(a) – Il-volum ta’ flaxxjatura sħiħa	x	x	x	x	x		x
1(b) – L-iffrankar tal-ilma	x	x	x	x	x		x
1(c) – Il-volum ta’ flaxxjatura mnaqqsa	x	x	x
1(d) – Aġġustament tal-volum ta’ flaxxjatura	x		x	x			x
2(a) – Ir-rekwiżiti tas-sistema tal-flaxing	x		x	x			x
2(b) – Il-prestazzjoni tal-flaxxjatura	x	x		x	x
2(c) – Ir-rekwiżiti tal-awrinari bla ilma						x
3(a) – Sustanzi u taħlitiet perikolużi	x	x	x	x	x	x	x
3(b) – Is-sustanzi elenkati skont l-Artikolu 59(1) tar-Regolament (KE) Nru 1907/2006 tal-Parlament Ewropew u tal-Kunsill (1)	x	x	x	x	x	x	x
4 – L-injam bħala materja prima li jkun ġestit b’mod sostenibbli	x	x	x	x	x	x	x
5(a) – Kemm jista’ jissewwa l-prodott u d-disponibbiltà tal-ispareparts	x	x	x	x	x	x	x
5(b) – Il-garanzija	x	x	x	x	x	x	x
6 – L-impatti mnaqqsa ta’ prodotti li m’għadhomx jintużaw	x	x	x	x	x	x	x
7 – L-istruzzjonijiet għall-installazzjoni u l-informazzjoni lill-utent	x	x	x	x	x	x	x
8 – L-informazzjoni li tidher fuq l-Ekotikketta tal-UE	x	x	x	x	x	x	x

Il-kriterju 1.   L-effiċjenza fl-użu tal-ilma

(a)   Il-volum ta’ flaxxjatura sħiħa

Il-volum ta’ flaxxjatura sħiħa indipendentement mill-pressjoni tal-ilma, ta’ tagħmir tat-tojlits u l-awrinari bil-flaxing, meta jitqiegħed fis-suq, m’għandux jaqbeż il-valur preżentat fit-Tabella 2.

It-Tabella 2

Il-limitu massimu tal-volum ta’ flaxxjatura sħiħa ta’ tagħmir tat-tojlits u l-awrinari bil-flaxing

Il-prodott	Il-volum ta’ flaxxjatura sħiħa [L/flaxxjatura]
Tagħmir tat-tojlits bil-flaxing	6,0
Tagħmir tal-awrinari bil-flaxing	1,0

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jispeċifika l-ammont massimu tal-volum ta’ flaxxjatura sħiħa (f’L/flaxxjatura) tal-prodott, flimkien mar-riżultati tat-testijiet li saru skont il-proċedura tat-testijiet li jindikaw l-istandards EN rispettivi għal dan it-tip ta’ prodott (ara t-Tabella 3). Għall-awrinari blokki, il-volum ta’ flaxxjatura sħiħa jirreferi għall-ilma fflaxxjat minn 60 cm wisa’ ta’ ħajt kontinwu.

It-Tabella 3

L-istandards EN li jkejlu l-volum ta’ flaxxjatura sħiħa ta’ tagħmir tat-tojlits u awrinari bil-flaxing

Il-prodott	L-istandard	It-titolu tal-istandard
Is-settijiet tat-tojlit u r-reċipjenti tat-tojlit	EN 997	Il-vaski tat-tojlit u s-settijiet tat-tojlit b’sifun integrali
Settijiet tal-awrinar u awrinari	EN 13407	L-awrinari ta’ mal-ħajt – Ir-rekwiżiti funzjonali u l-metodi tat-test
Sistemi tal-flaxing magħmulin minn ċisterni tal-flaxing	EN 14055	Ċisterni tal-flaxing tat-tojlits u l-awrinari
Sistemi tal-flaxing magħmulin minn valv manwali tal-ifflaxxjar bi pressjoni	EN 12541	Rubinetterija sanitarja – Valvi tal-ifflaxxjar bi pressjoni u valvi tal-awrinari li jagħlqu b’mod awtomatiku PN 10
Sistemi tal-flaxing magħmulin minn valv tal-ifflaxxjar bi pressjoni mingħajr kuntatt	EN 15091	Rubinetterija sanitarja – Rubinetterija sanitarja li tiftaħ u tagħlaq b’mod awtomatiku

(b)   L-iffrankar tal-ilma

Is-settijiet tat-tojlit li jagħtu volum ta’ flaxxjatura sħiħa ta’ aktar minn 4 litri u s-sistemi tal-flaxing tat-tojlit għandu jkollhom apparat li jiffranka l-ilma. Meta jitqiegħed fis-suq, il-volum ta’ flaxxjatura mnaqqsa, indipendentement mill-pressjoni tal-ilma, li joħroġ meta jintuża l-apparat li jiffranka l-ilma m’għandux jaqbeż it-3,0 L/flaxxjatura.

Ir-reċipjenti tat-tojlit għandhom iħallu lok li jintuża apparat li jiffranka l-ilma li l-volum ta’ flaxxjatura mnaqqsa tiegħu, indipendentement mill-pressjoni tal-ilma, li joħroġ meta jintuża l-apparat li jiffranka l-ilma ma jkunx jaqbeż it-3,0 L/flaxxjatura.

Is-settijiet tal-awrinar u s-sistemi tal-flaxing tal-awrinari għandu jkollhom kontroll waħdieni li jifflaxxja skont il-bżonn. L-awrinari blokki b’sistema tal-flaxing għandu jkollhom kontroll waħdieni li jifflaxxja skont il-bżonn għal mhux aktar minn 60 cm wisa’ ta’ wiċċ sħiħ.

L-awrinari għandhom iħallu lok li jintuża kontroll waħdieni li jifflaxxja skont il-bżonn. L-awrinari blokka mingħajr sistema tal-flaxing għandhom iħallu lok għall-kontrolli waħdenin li jifflaxxjaw skont il-bżonn biex jitqiegħdu mhux aktar minn 60 cm wisa’ ta’ wiċċ sħiħ.

Kull kontroll tal-ifflaxxjar b’senser għandu jippreveni milli jiġi attivat għalxejn u jiżgura li l-flaxxjatura toħroġ biss wara li l-prodott ikun tassew intuża.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti dokumentazzjoni li tiddeskrivi t-teknoloġija jew l-apparat applikat fil-prodott. Fejn jidħol it-tagħmir tat-tojlits bil-flaxing, l-applikant għandu jiddikjara l-volum ta’ flaxxjatura mnaqqsa (f’L/flaxxjatura) tal-prodott, kif ukoll ir-riżultati tat-testijiet li saru skont il-proċedura tat-testijiet indikata fl-istandards EN rispettivi għal dan it-tip ta’ prodott (ara t-Tabella 4). Fejn jidħlu l-prodotti li għandhom kontroll tal-ifflaxxjar b’senser, l-applikant għandu jiddeskrivi fil-qosor x’miżuri ttieħdu meta l-prodott kien qed jiġi ddisinjat biex jipprevjeni milli s-senser jiġi attivat għalxejn u biex jiżgura li l-flaxxjatura toħroġ biss wara li l-prodott ikun tassew intuża.

It-Tabella 4

L-istandards EN li jkejlu l-volum ta’ flaxxjatura mnaqqsa ta’ tagħmir tat-tojlits bil-flaxing

Il-prodott	L-istandard	It-titolu tal-istandard
Is-settijiet tat-tojlit u r-reċipjenti tat-tojlit	EN 997	Il-vaski tat-tojlit u s-settijiet tat-tojlit b’sifun integrali
Sistema tal-flaxing tat-tojlits magħmula minn ċisterna tal-flaxing	EN 14055	Ċisterni tal-flaxing tat-tojlits u l-awrinari

(c)   Il-volum medju tal-flaxing

Il-volum medju ta’ flaxxjatura ta’ tagħmir tat-tojlits bil-flaxing, meta jitqiegħed fis-suq, ikkalkulat bil-metodoloġija stabbilita fl-Appendiċi 1 m’għandux jaqbeż it-3,5 L/flaxxjatura. Is-settijiet tat-tojlit li joħorġu volum ta’ flaxxjatura sħiħa ta’ 4,0 litri jew inqas huma eżentati minn dar-rekwiżit.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jispeċifika l-volum medju ta’ flaxxjatura li ġie kkalkulat (f’L/flaxxjatura) tal-prodott, kif ukoll ir-riżultati tat-testijiet li saru skont il-metodoloġija stabbilita fl-Appendiċi 1.

(d)   Aġġustament fal-volum ta’ flaxxjatura

Is-sistemi tal-flaxing għandu jkollhom apparat ta’ aġġustament ħalli min jinstallahom ikun jista’ jaġġusta l-volumi ta’ flaxxjatura skont il-kundizzjonijiet lokali tas-sistema tad-drenaġġ. Il-volum ta’ flaxxjatura sħiħa, wara li jiġi aġġustat skont l-istruzzjonijiet tal-installazzjoni m’għandux jaqbeż is-6 L/flaxxjatura fejn jidħol it-tagħmir tal-flaxing tat-tojlits jew 4 L/flaxxjatura jekk is-sett tat-tojlit ma jkollux apparat li jiffranka l-ilma u 1 L/flaxxjatura fejn jidħol it-tagħmir tal-awrinari bil-flaxing. Il-volum ta’ flaxxjatura mnaqqsa wara li jiġi aġġustat skont l-istruzzjonijiet tal-installazzjoni m’għandux jaqbeż it-3 L/flaxxjatura fejn jidħol it-tagħmir tat-tojlits bil-flaxing.

Meta s-sistemi tal-flaxing ikunu magħmulin minn ċisterna tal-flaxing, il-massimu tal-volum ta’ flaxxjatura sħiħa wara li jkun ġie aġġustat għandu jiġi indikat fuq iċ-ċisterna tal-flaxing b’linja tal-ilma jew marka tal-ilma.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti dokumentazzjoni li tiddeskrivi t-teknoloġija jew l-apparat applikat fil-prodott.

Il-kriterju 2.   Il-prestazzjoni tal-prodott

(a)   Ir-rekwiżiti tas-sistemi tal-flaxing

Is-sistemi tal-flaxing għandhom ikunu konformi mar-rekwiżiti tal-istandards EN rispettivi mniżżlin fit-Tabella 5. It-taqsimiet tal-istandards EN rilevanti fit-Tabella 5 hawn taħt fejn jidħlu l-volumi sħaħ u mnaqqsa ta’ flaxxjatura, huma eżentati minn dal-kriterju.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti r-riżultati tat-testijiet li saru skont il-proċedura tat-testijiet indikata fl-istandards EN rispettivi għal dan it-tip ta’ prodott (ara t-Tabella 5).

It-Tabella 5

Konformità mal-istandard EN għas-sistema tal-flaxing

Is-sistema tal-flaxing	L-istandard	It-titolu tal-istandard
Ċisterni tal-flaxing tat-tojlits u l-awrinari	EN 14055	Ċisterni tal-flaxing tat-tojlits u l-awrinari
Valvi manwali tal-ifflaxxjar bi pressjoni għat-tojlits u l-awrinari	EN 12541	Rubinetterija sanitarja – Valvi tal-ifflaxxjar bi pressjoni u valvi tal-awrinari li jagħlqu b’mod awtomatiku PN 10
Valvi tal-ifflaxxjar bi pressjoni mingħajr kuntatt għat-tojlits u l-awrinari	EN 15091	Rubinetterija sanitarja – Rubinetterija sanitarja li tiftaħ u tagħlaq b’mod awtomatiku

(b)   Il-prestazzjoni tal-flaxxjatura

Il-prestazzjoni tal-flaxxjatura tas-settijiet tat-tojlit u l-awrinar, tar-reċipjenti tat-tojlit u tal-awrinari għandha tkun konformi mar-rekwiżiti tal-istandards EN rispettivi mniżżlin fit-Tabella 6

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti r-riżultati tat-testijiet li saru skont il-proċedura tat-testijiet indikata fl-istandards EN rispettivi għal dan it-tip ta’ prodott (ara t-Tabella 6). Is-settijiet tat-toljit u r-reċipjenti tat-tojlit li ma jkunux koperti minn xi standard EN għandhom juru livelli ta’ prestazzjoni tal-flaxxjatura li jkunu simili għal dawk tal-istess klassi u tip li jkopri l-istandard EN 997. F’dal-każ, l-applikant għandu jagħti r-riżultati tat-testijiet li saru skont il-proċedura tat-testijiet indikata fl-istandard EN 997 għal prodotti tal-istess klassi u tip. Is-settijiet tal-awrinar u l-awrinari li ma jkunux koperti minn xi standard EN għandhom juru livelli ta’ prestazzjoni tal-flaxxjatura li jkunu simili għal dawk tal-istess klassi u tip li jkopri l-istandard EN 13407. F’dal-każ, l-applikant għandu jagħti r-riżultati tat-testijiet li saru skont il-proċedura tat-testijiet indikata fl-istandard EN 13407 għal prodotti tal-istess klassi u tip.

It-Tabella 6

Konformità mal-istandard EN għall-prestazzjoni tal-flaxxjatura tal-prodott

Il-prodott	L-istandard	It-titolu tal-istandard
Is-settijiet tat-tojlit u r-reċipjenti tat-tojlit	EN 997	Il-vaski tat-tojlit u s-settijiet tat-tojlit b’sifun integrali
Is-settijiet tal-awrinar u l-awrinari	EN 13407	L-awrinari ta’ mal-ħajt – Ir-rekwiżiti funzjonali u l-metodi tat-test

(c)   Ir-rekwiżiti tal-awrinari bla ilma

L-awrinari bla ilma għandhom jissodisfaw ir-rekwiżiti stabbiliti fl-Appendiċi 2.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti r-riżultati tat-testijiet li saru skont il-proċedura tat-testijiet stabbilita fl-Appendiċi 2. Kull metodoloġija ekwivalenti li turi li ġew issodisfati r-rekwiżiti stabbiliti fl-Appendiċi 2, għandha tiġi aċċettata wkoll.

Il-kriterju 3.   Is-sustanzi jew it-taħlitiet esklużi jew limitati

(a)   Sustanzi u taħlitiet perikolużi

Skont l-Artikolu 6(6) tar-Regolament (KE) Nru 66/2010, l-Ekotikketta tal-UE ma tistax tingħata lil xi prodott, jew lil xi parti minnu kif jiddefinixxi l-Artikolu 3(3) tar-Regolament (KE) Nru 1907/2006 jew parti omoġenja minnu li jkun fih sustanzi li jissodisfaw il-kriterji għall-klassifikazzjoni fid-dikjarazzjonijiet tal-periklu jew fil-frażijiet tar-riskju kif tispeċifika t-Tabella 7 skont ir-Regolament (KE) Nru 1272/2008 tal-Parlament Ewropew u tal-Kunsill (2) jew id-Direttiva tal-Kunsill 67/548/KEE (3), jew is-sustanzi msemmija fl-Artikolu 57 tar-Regolament (KE) Nru 1907/2006. Meta l-limitu għall-klassifikazzjoni ta’ sustanza jew taħlita fi klassi tal-periklu jkun differenti minn dak tal-frażi tar-riskju, tal-ewwel jieħu prevalenza. Il-frażijiet tar-riskju fit-Tabella 7 ġeneralment jirreferu għal sustanzi. Madankollu, meta l-informazzjoni dwar is-sustanzi ma tkunx tista’ tinkiseb, japplikaw ir-regoli għall-klassifikazzjoni tat-taħlitiet. Is-sustanzi jew it-taħlitiet li bl-ipproċessar jibdlu l-proprjetajiet tagħhom u allura ma’ jibqgħux aktar bijodisponibbli, jew jinbidlu kimikament b’tali mod li jitneħħa l-periklu identifikat qabel, dawn ikunu eżentati mill-kriterju 3(a).

It-Tabella 7

Id-dikjarazzjonijiet tal-periklu u l-frażijiet tar-riskju

Dikjarazzjoni tal-Periklu	Frażi tar-Riskju
H300 Fatali jekk jinbela’	R28
H301 Tossiku jekk jinbela’	R25
H304 Jaf jkun fatali jekk jinbela’ u jmur fil-pajp tan-nifs	R65
H310 Fatali jekk imiss mal-ġilda	R27
H311 Tossiku jekk imiss mal-ġilda	R24
H330 Fatali jekk jinġibed man-nifs	R23/26
H331 Tossiku jekk jinġibed man-nifs	R23
H340 Jaf jikkawża difetti ġenetiċi	R46
H341 Suspettat li jikkawża difetti ġenetiċi	R68
H350 Jaf iġib il-kanċer	R45
H350i Jaf iġib il-kanċer jekk jinġibed man-nifs	R49
H351 Suspettat li jġib il-kanċer	R40
H360F Jaf jagħmel ħsara lill-fertilità	R60
H360D Jaf jagħmel ħsara lit-tarbija li għadha ma twelditx	R61
H360FD Jaf jagħmel ħsara lill-fertilità. Jaf jagħmel ħsara lit-tarbija li għadha ma twelditx	R60/61/60-61
H360Fd Jaf jagħmel ħsara lill-fertilità. Suspettat li jagħmel ħsara lit-tarbija li għadha ma twelditx	R60/63
H360Df Jaf jagħmel ħsara lit-tarbija li għadha ma twelditx. Suspettat li jagħmel ħsara lill-fertilità	R61/62
H361f Suspettat li jagħmel ħsara lill-fertilità	R62
H361d Suspettat li jagħmel ħsara lit-tarbija li għadha ma twelditx	R63
H361fd Suspettat li jagħmel ħsara lill-fertilità. Suspettat li jagħmel ħsara lit-tarbija li għadha ma twelditx	R62-63
H362 Jaf jagħmel ħsara lit-tfal imreddgħa	R64
H370 Jagħmel ħsara lill-organi	R39/23/24/25/26/27/28
H371 Jaf jagħmel ħsara lill-organi	R68/20/21/22
H372 Jagħmel ħsara lill-organi jekk jiġu esposti għalih fit-tul jew kemm-il darba	R48/25/24/23
H373 Jaf jagħmel ħsara lill-organi jekk jiġu esposti għalih fit-tul jew kemm-il darba	R48/20/21/22
H400 Tossiku ħafna għall-organiżmi akkwatiċi	R50
H410 Tossiku ħafna għall-organiżmi akkwatiċi u jħalli effetti fit-tul	R50-53
H411 Tossiku għall-organiżmi akkwatiċi u jħalli effetti fit-tul	R51-53
H412 Jagħmel ħsara lill-organiżmi akkwatiċi u jħalli effetti fit-tul	R52-53
H413 Jaf iħalli effetti fit-tul lill-organiżmi akkwatiċi	R53
EUH059 Perikoluż għas-saff tal-ożonu	R59
EUH029 Meta jmiss mal-ilma jerħi gass tossiku	R29
EUH031 Meta jmiss mal-aċidi jerħi gass tossiku	R31
EUH032 Meta jmiss mal-aċidi jerħi gass tossiku ħafna	R32
EUH070 Tossiku meta jmiss mal-għajnejn	R39-41

Il-limiti ta’ konċentrazzjoni għas-sustanzi jew it-taħlitiet li jistgħu jiġu assenjati jew li ġew assenjati d-dikjarazzjonijiet tal-periklu jew il-frażi tar-riskju mniżżlin fit-Tabella 7, u li jkunu jissodisfaw il-kriterji għall-klassifikazzjoni fil-klassijiet jew fil-kategoriji tal-periklu, u għas-sustanzi li jissodisfaw il-kriterji stabbiliti fl-Artikolu 57(a), (b) jew (c) tar-Regolament (KE) Nru 1907/2006, m’għandhomx jaqbżu l-limiti ta’ konċentrazzjoni ġeneriċi jew speċifiċi li ġew determinati skont l-Artikolu 10 tar-Regolament (KE) Nru 1272/2008. Meta jkunu ġew determinati limiti ta’ konċentrazzjoni speċifiċi, dawn għandhom jieħdu prevalenza fuq dawk ġeneriċi.

Il-limiti ta’ konċentrazzjoni għas-sustanzi li jissodisfaw il-kriterji stabbiliti fl-Artikolu 57(d), (e) jew (f) tar-Regolament (KE) Nru 1907/2006 m’għandhomx jaqbżu 0,1 % piż skont il-piż.

Il-prodott finali m’għandhiex issirlu tikketta b’dikjarazzjoni tal-periklu.

Fejn jidħlu t-tagħmir tat-tojlits bil-flaxing u t-tagħmir tal-awrinari, is-sustanzi/komponenti fit-Tabella 8 huma eżentati mill-obbligu fl-Artikolu 6(6) tar-Regolament (KE) Nru 66/2010 wara l-applikazzjoni tal-Artikolu 6(7) tal-istess Regolament:

It-Tabella 8

Sustanza/komponenti derogati

Sustanza/komponent	Id-dikjarazzjonijiet tal-periklu u l-frażijiet tar-riskju
Oġġetti li jiżnu anqas minn 25 g	Kull dikjarazzjoni tal-periklu u frażi tar-riskju
Partijiet omoġenji tal-oġġetti kumplessi li jiżnu anqas minn 25 g	Kull dikjarazzjoni tal-periklu u frażi tar-riskju
In-nikil fl-azzar inossidabbli ta’ kull tip	H351, H372 u R40/48/23
Il-komponenti elettroniċi tat-tagħmir tat-tojlits u l-awrinari bil-flaxing, li jissodisfaw ir-rekwiżiti stabbiliti fl-Artikolu 4 tad-Direttiva 2011/65/UE tal-Parlament Ewropew u tal-Kunsill (4)	Kull dikjarazzjoni tal-periklu u frażi tar-riskju

Valutazzjoni u verifika: għall-prodott jew xi oġġett jew parti omoġenja minnu, l-applikant għandu jiddikjara konformità mal-kriterju 3(a), kif ukoll jagħti dokumentazzjoni relatata, bħal dikjarazzjonijiet ta’ konformità li ffirmaw il-fornituri tagħhom, meta ma ssirx klassifikazzjoni tas-sustanzi jew il-materjali f’xi waħda mill-klassijiet tal-periklu assoċjati mad-dikjarazzjonijiet tal-periklu msemmija fit-Tabella 7 skont ir-Regolament (KE) Nru 1272/2008, safejn dan, għallinqas, ikun jista’ jiġi determinat mill-informazzjoni li tissodisfa r-rekwiżiti mniżżlin fl-Anness VII tar-Regolament (KE) Nru 1907/2006. Din id-dikjarazzjoni għandha tkun appoġġata b’informazzjoni miġbura fil-qosor dwar il-karatteristiċi relevanti li huma assoċjati mad-dikjarazzjonijiet tal-periklu msemmija fit-Tabella 7, b’ċertu dettall kif jispeċifikaw it-Taqsimiet 10, 11 u 12 tal-Anness II tar-Regolament (KE) Nru 1907/2006.

L-informazzjoni dwar il-proprjetajiet intrinsiċi tas-sustanzi tista’ toħroġ b’modi oħra minflok bit-testijiet, pereżempju b’metodi alternattivi bħall-metodi in vitro, b’mudelli ta’ attività bi struttura kwantitattiva, jew bil-gruppar jew ir-read-across, skont l-Anness XI tar-Regolament (KE) Nru 1907/2006. L-użu kondiviż tad-dejta rilevanti fil-katina tal-provvista hu mħeġġeġ bil-qawwa.

L-informazzjoni mogħtija għandu jkollha x’taqsam mal-forom jew il-qagħdiet fiżiċi tas-sustanza jew tat-taħlitiet kif jintużaw fil-prodott finali.

Għas-sustanzi elenkati fl-Annessi IV u V tar-Regolament (KE) Nru 1907/2006, li huma eżentati mill-obbligi tar-reġistrazzjoni skont l-Artikolu 2(7)(a) u (b) ta’ dak ir-Regolament, dikjarazzjoni mingħand l-applikant għandha tkun biżżejjed għall-konformità mal-kriterju 3(a).

(b)   Is-sustanzi mniżżlin skont l-Artikolu 59(1) tar-Regolament (KE) Nru 1907/2006

M’għandha tingħata l-ebda deroga għall-esklużjoni mill-Artikolu 6(6) tar-Regolament (KE) Nru 66/2010 fejn jidħlu s-sustanzi identifikati bħala sustanzi ta’ tħassib serju ħafna u mniżżlin fil-lista prevista fl-Artikolu 59(1) tar-Regolament (KE) Nru 1907/2006 (5), meta jkunu preżenti fit-taħlitiet, f’oġġett jew f’xi parti omoġenja ta’ oġġett kumpless f’konċentrazzjonijiet aktar minn 0,1 %. Il-limiti ta’ konċentrazzjoni speċifiċi determinati skont l-Artikolu 10 tar-Regolament (KE) Nru 1272/2008 għandhom japplikaw meta l-konċentrazzjoni tkun anqas minn 0,1 %.

Valutazzjoni u verifika: fid-data tal-applikazzjoni għandha ssir referenza għal-lista tas-sustanzi identifikati bħala sustanzi ta’ tħassib serju ħafna. L-applikant għandu jiddikjara konformità mal-kriterju 3(b), u jagħti d-dokumentazzjoni relatata, inklużi d-dikjarazzjonijiet ta’ konformità li ffirmaw il-fornituri tal-materjali u kopji tal-Iskedi tad-Dejta dwar is-Sikurezza għal sustanzi jew taħlitiet skont l-Anness II tar-Regolament (KE) Nru 1907/2006 għas-sustanzi jew it-taħlitiet. Il-limiti ta’ konċentrazzjoni għandhom jiġu speċifikati fl-Iskedi tad-Dejta dwar is-Sikurezza skont l-Artikolu 31 tar-Regolament (KE) Nru 1907/2006 għas-sustanzi u t-taħlitiet.

Il-kriterju 4.   L-injam ġestit b’mod sostenibbli

L-injam jew il-partijiet imsejsa fuq l-injam li jintużaw fit-tojlits u l-awrinari bil-flaxing jistgħu jkunu materjal riċiklat jew verġni.

L-injam verġni għandu jkun kopert b’ġestjoni sostenibbli valida tal-foresti u b’ċertifikati tal-katina tal-kustodja li toħroġhom skema taċ-ċertifikazzjoni ta’ parti terza indipendenti bħall-FSC, il-PEFC jew ekwivalenti.

Madanakollu, meta l-iskemi taċ-ċertifikazzjoni jippermettu taħlit ta’ materjal ċertifikat u materjal mhux ċertifikat fi prodott jew linja ta’ prodotti, il-proporzjon tal-materjal mhux ċertifikat m’għandux jaqbeż il-50 %. Dan il-materjal mhux ċertifikat għandu jkun kopert b’sistema ta’ verifika li tiżgura li dan ġej minn sorsi legali u jissodisfa kull rekwiżit ieħor tal-iskema taċ-ċertifikazzjoni fejn għandu x’jaqsam il-materjal mhux ċertifikat.

Il-korpi taċ-ċertifikazzjoni li joħorġu ċ-ċertifikati tal-foresti u/jew iċ-ċertifikati tal-katina tal-kustodja għandhom ikunu akkreditati/rikonoxxuti minn dik l-iskema taċ-ċertifikazzjoni.

Valutazzjoni u verifika: l-applikant għandu jagħti dokumentazzjoni xierqa li turi t-tipi, il-kwantitajiet u l-oriġini tal-injam użat jew tal-partijiet imsejsa fuq l-injam użati fit-tojlits u l-awrinari bil-flaxing.

Meta jintuża injam verġni, il-prodott għandu jkun kopert b’ċertifikati validi tal-ġestjoni tal-foresti u tal-katina tal-kustodja li toħroġhom skema taċ-ċertifikazzjoni ta’ parti terza indipendenti, bħall-FSC, il-PEFC jew ekwivalenti. Jekk il-prodott jew il-linja ta’ prodotti jkun fiha materjal mhux ċertifikat, trid tingħata prova li dan il-materjal mhux ċertifikat hu inqas minn 50 % u hu kopert b’sistema ta’ verifika li tiżgura li dan ġej minn sorsi legali u jissodisfa kull rekwiżit ieħor tal-iskema taċ-ċertifikazzjoni fejn għandu x’jaqsam il-materjal mhux ċertifikat.

Il-kriterju 5.   Kemm iservi l-prodott

(a)   Kemm jista’ jissewwa l-prodott u d-disponibbiltà tal-ispareparts

Il-prodott għandu jiġi ddisinjat b’tali mod li l-komponenti skambjabbli tiegħu jkunu jistgħu jinbidlu faċilment mill-utent finali jew minn inġinier professjonali tas-servizz, kif jixraq. L-informazzjoni dwar liema elementi jistgħu jinbidlu għandha tiġi indikata b’mod ċar fil-folja tal-informazzjoni stampata mal-prodott jew f’format elettroniku, jew it-tnejn. L-applikant għandu jagħti wkoll istruzzjonijiet ċari biex l-utent finali jew l-esperti mħarrġa jkunu jistgħu jagħmlu tiswijiet bażiċi, kif jixraq.

Barra minn hekk, l-applikant għandu jiżgura li l-ispareparts jew ekwivalenti tagħhom għallinqas ikunu disponibbli għal għaxar snin mid-data tax-xiri.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti kampjun jew kampjuni tal-folja tal-informazzjoni dwar il-prodott stampati mal-prodott jew f’format elettroniku, jew it-tnejn.

(b)   Il-garanzija

Il-prodott għandu jkollu garanzija ta’ mill-anqas ħames snin biex jissewwa jew jinbidel.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti kampjun tat-termini tal-garanzija.

Il-kriterju 6.   L-impatti mnaqqsa ta’ prodotti li m’għadhomx jintużaw

Il-partijiet tal-plastik li jiżnu 25 g jew aktar għandhom jiġu mmarkati skont ir-rekwiżiti tal-Istandard EN ISO 11469 ħalli l-materjali jkunu jistgħu jiġu identifikati għar-riċiklaġġ, l-irkupru jew ir-rimi meta ma jibqgħux jintużaw.

L-awrinari bla ilma għandhom jużaw fluwidu faċilment bijodegradabbli jew jaħdmu għalkollox mingħajr fluwidu.

Valutazzjoni u verifika: l-applikant għandu jiddikjara li l-prodott hu konformi ma’ dawn il-kriterji. Barra minn hekk, għall-awrinari bla ilma, l-applikant għandu jagħti dokumentazzjoni li tiddeskrivi t-teknoloġija użata u, meta jintuża fluwidu, għandu jagħti rapport tat-test li juri li l-fluwidu hu faċilment bijodegradabbli, filwaqt li jsegwi d-definizzjoni u l-metodi tat-test mogħtija fil-“Gwida għall-Applikazzjoni tal-Kriterji CLP” (6) skont ir-Regolament (KE) Nru 1272/2008.

Il-kriterju 7.   L-istruzzjonijiet għall-installazzjoni u l-informazzjoni lill-utent

Il-prodott għandu jġorr miegħu informazzjoni rilevanti għall-utent u dwar l-installazzjoni, li tagħti d-dettalji tekniċi kollha meħtieġa biex jiġi installat sew u pariri dwar kif il-prodott jintuża b’mod xieraq u li ma jagħmilx ħsara lill-ambjent, kif ukoll dwar il-manutenzjoni tiegħu. Għallinqas, l-istruzzjonijiet tal-installazzjoni u l-informazzjoni għall-utenti għandhom jinkludu istruzzjoni u informazzjoni dwar il-punti li ġejjin fuq l-imballaġġ jew fid-dokumentazzjoni li jkun hemm mal-prodott, stampata jew f’format elettroniku:

(a)

istruzzjonijiet għal installazzjoni kif suppost, inklużi: — ir-reċipjenti tat-tojlit, l-awrinari u s-sistemi tal-flaxing li tqiegħdu fis-suq indipendentement, għandhom jinkludu informazzjoni dwar ma’ liema prodotti għandhom jingħaqdu biex tinħoloq unità funzjonali sħiħa li tkun effiċjenti fl-użu tal-ilma; — informazzjoni dwar liema klassi(jiet) jew tip(i), jew it-tnejn, il-prodott ġie ttestjat għalihom; — informazzjoni dwar il-pressjonijiet speċifiċi tal-operazzjoni li l-prodott hu adattat għalihom; — informazzjoni dwar liema tipi ta’ sistemi tad-drenaġġ skont l-Istandard EN 12056, il-prodott jista’ jaħdem magħhom; — informazzjoni li tiddeskrivi kif jistgħu jiġu aġġustati l-volumi ta’ flaxxjatura kif ukoll il-konsegwenzi fejn jidħlu l-livell tal-ilma mormi u l-livell tal-mili; — nota li ssemmi l-ħtieġa li jiġu kkonsultati r-regolamenti nazzjonali u lokali rilevanti qabel il-prodotti jiġu installati;

(b)	informazzjoni li tgħarraf li l-impatt ambjentali ewlieni hu marbut mal-konsum tal-ilma, u pariri dwar kif l-użu razzjonali jista’ jnaqqas l-impatt ambjentali, b’mod partikolari informazzjoni dwar l-użu kif suppost tal-prodott biex jonqos il-konsum tal-ilma;

(c)	informazzjoni li tgħarraf li l-prodott ingħata l-Ekotikketta tal-UE u spjegazzjoni qasira iżda speċifika dwar din xi tfisser, kif ukoll l-informazzjoni ġenerali mogħtija ħdejn is-simbolu tal-Ekotikketta tal-UE,

(d)	il-volum ta’ flaxxjatura sħiħa f’L/flaxxjatura (ittestjat kif juri l-Kriterju 1(a));

(e)	it-tagħmir tat-tojlits bil-flaxing li jkollu jew iħalli lok li jintuża apparat li jiffranka l-ilma, għandu jinkludi l-volumi mnaqqsa u medji ta’ flaxxjatura f’L/flaxxjatura (ittestjati kif juri l-Kriterju 1(b) u 1(c), rispettivament);

(f)

ir-reċipjenti tat-tojlit u l-awrinari li tqiegħdu fis-suq indipendentement, għandhom jinkludu informazzjoni li tgħarraf li l-prodott irid jingħaqad ma’ sistemi tal-flaxing xierqa, li jkollhom l-Ekotikketta, ħalli jsiru unità funzjonali sħiħa li tkun effiċjenti fl-użu tal-ilma, b’mod partikolari għandhom jiġu indikati l-volum ta’ flaxxjatura sħiħa u, jekk rilevanti, il-volumi mnaqqsa u medji ta’ flaxxjatura tas-sistema tal-flaxing li l-prodott irid jingħaqad magħha;

(g)

is-sistemi tal-flaxing li tqiegħdu fis-suq indipendentement, għandhom jinkludu informazzjoni li tgħarraf li l-prodott irid jingħaqad ma’ reċipjent tat-tojlit u/jew awrinar li jkun xieraq u li jkollu l-Ekotikketta, ħalli jsiru unità funzjonali sħiħa li tkun effiċjenti fl-użu tal-ilma, b’mod partikolari għandhom jiġu indikati l-volum ta’ flaxxjatura sħiħa u, jekk rilevanti, il-volumi mnaqqsa u medji ta’ flaxxjatura tar-reċipjent tat-tojlit u/jew tal-awrinar li l-prodott irid jingħaqad miegħu;

(h)

rakkomandazzjonijiet dwar l-użu kif suppost u l-manutenzjoni tal-prodott, li jsemmu l-istruzzjonijiet rilevanti kollha, b’mod partikolari: — pariri dwar il-manutenzjoni u l-użu tal-prodotti; — informazzjoni dwar liema spareparts jistgħu jinbidlu; — istruzzjonijiet dwar it-tibdil tal-woxers u bċejjeċ oħrajn jekk il-prodott inixxi; — pariri dwar it-tindif tal-prodott bl-għodod u l-aġenti tat-tindif xierqa ħalli ma ssirx ħsara lill-wiċċ tal-prodott;

(i)	l-awrinari bla ilma, għandhom jinkludu istruzzjonijiet dwar ir-reġim tal-manutenzjoni li, jekk rilevanti, ikun fih informazzjoni dwar kif għandu jiġi priservat u jinżamm l-iskartoċċ sostitwibbli, dwar kif dan jista’ jinbidel u meta, u lista ta’ fornituri tas-servizz għal manutenzjoni regolari.

(j)	l-awrinari bla ilma għandhom jinkludu rakkomandazzjonijiet xierqa dwar ir-rimi tal-iskrataċ sostitwibbli, b’mod partikolari li jagħtu dettalji dwar xi skema/i ta’ teħid lura li jkun hemm fis-seħħ;

(k)	rakkomandazzjonijiet dwar ir-rimi kif suppost tal-prodott meta dan ma jibqax jintuża.

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti kampjun jew kampjuni tal-informazzjoni għall-utent jew link għall-websajt tal-manifattur li jkun fiha din l-informazzjoni, jew it-tnejn.

Il-kriterju 8.   L-informazzjoni li tidher fuq l-Ekotikketta tal-UE

It-tikketta mhux obbligatorja bil-messaġġ għandu jkun fiha dan il-kliem:

—	effiċjenti ħafna fl-użu tal-ilma u b’inqas ħela tal-ilma;

—	b’dan il-prodott iċċertifikat, int tiffranka l-ilma u l-flus;

—	inqas impatti ta’ prodotti li m’għadhomx jintużaw.

Il-linji gwida għall-użu tat-tikketta mhux obbligatorja bil-messaġġ jistgħu jinstabu fil-“Guidelines for the use of the EU Ecolabel logo” fis-sit elettroniku:

http://ec.europa.eu/environment/ecolabel/documents/logo_guidelines.pdf

Valutazzjoni u verifika: l-applikant għandu jiddikjara li l-prodott hu konformi ma’ dawn ir-rekwiżiti u jagħti kampjun tat-tikketta.

---

(1)  ĠU L 396, 30.12.2006, p. 1.

(2)  ĠU L 353, 31.12.2008, p. 1.

(3)  ĠU 196, 16.8.1967, p. 1.

(4)  ĠU L 174, 1.7.2011, p. 88.

(5)  http://echa.europa.eu/chem_data/authorisation_process/candidate_list_table_en.asp

(6)  http://echa.europa.eu/documents/10162/13562/clp_en.pdf