ISSN 1977-074X doi:10.3000/1977074X.L_2013.263.mlt |
||
Il-Ġurnal Uffiċjali tal-Unjoni Ewropea |
L 263 |
|
![]() |
||
Edizzjoni bil-Malti |
Leġiżlazzjoni |
Volum 56 |
Werrej |
|
II Atti mhux leġiżlattivi |
Paġna |
|
|
FTEHIMIET INTERNAZZJONALI |
|
|
|
2013/482/UE |
|
|
* |
||
|
|
REGOLAMENTI |
|
|
* |
||
|
* |
||
|
* |
Regolament ta’ Implimentazzjoni tal-Kummissjoni (UE) Nru 955/2013 tal-4 ta’ Ottubru 2013 li japprova l-propikonażol bħala sustanza attiva eżistenti għall-użu fil-prodotti bijoċidali għall-prodotti tat-tip 9 ( 1 ) |
|
|
* |
||
|
* |
||
|
|
||
|
|
DEĊIŻJONIJIET |
|
|
|
2013/483/UE |
|
|
* |
Deċiżjoni tal-Kunsill tat-30 ta' Settembru 2013 dwar l-applikazzjoni tar-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti dwar dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju ( 1 ) |
|
|
|
2013/484/UE |
|
|
* |
Deċiżjoni tal-Kunsill tat-30 ta’ Settembru 2013 li taħtar membru Spanjol fil-Kumitat tar-Reġjuni |
|
|
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI |
|
|
|
2013/485/UE |
|
|
* |
|
|
Rettifika |
|
|
* |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
FTEHIMIET INTERNAZZJONALI
5.10.2013 |
MT |
Il-Ġurnal Uffiċjali tal-Unjoni Ewropea |
L 263/1 |
DEĊIŻJONI TAL-KUNSILL
tat-30 ta’ Settembru 2013
dwar il-pożizzjoni li għandha tittieħed mill-Unjoni Ewropea fi ħdan il-Kumitat Konġunt stabbilit bl-Artikolu 11 tal-Ftehim bejn l-Unjoni Ewropea u r-Repubblika tal-Moldova dwar il-protezzjoni ta’ indikazzjonijiet ġeografiċi ta’ prodotti agrikoli u oġġetti tal-ikel, fir-rigward tal-adozzjoni tar-regoli ta’ proċedura tal-Kumitat Konġunt
(2013/482/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Il-Ftehim bejn l-Unjoni Ewropea u r-Repubblika tal-Moldova dwar il-protezzjoni ta’ indikazzzjonijiet ġeografiċi ta’ prodotti agrikoli u oġġetti tal-ikel (1) (“il-Ftehim”) daħal fis-seħħ fl-1 ta’ April 2013. |
(2) |
L-Artikolu 11 tal-Ftehim jistabbilixxi Kumitat Konġunt, li fost affarijiet oħra, għandu jiżgura li l-Ftehim jaħdem kif suppost. |
(3) |
Skont l-Artikolu 11(2) tal-Ftehim, il-Kumitat Konġunt jiddetermina r-regoli ta’ proċedura tiegħu stess. |
(4) |
Il-pożizzjoni tal-Unjoni fi ħdan il-Kumitat Konġunt, fir-rigward tal-adozzjoni tar-regoli ta’ proċedura ta’ dak il-Kumitat Konġunt, għandha tkun ibbażata fuq l-abbozz ta’ Deċiżjoni mehmuż, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata mill-Unjoni fi ħdan il-Kumitat Konġunt stabbilit bl-Artikolu 11 tal-Ftehim bejn l-Unjoni Ewropea u r-Repubblika tal-Moldova dwar il-protezzjoni ta’ indikazzjonijiet ġeografiċi ta’ prodotti agrikoli u oġġetti tal-ikel, fir-rigward tal-adozzjoni tar-regoli ta’ proċedura ta’ dak il-Kumitat Konġunt, għandha tkun ibbażata fuq l-abbozz ta’ Deċiżjoni tal-Kumitat Konġunt, mehmuż ma’ din id-Deċiżjoni.
Korrezzjonijiet tekniċi minuri għall-abbozz tad-Deċiżjoni jistgħu jiġu miftiehma mir-rappreżentanti tal-Unjoni fil-Kumitat Konġunt mingħajr deċiżjoni ulterjuri tal-Kunsill.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-30 ta’ Settembru 2013.
Għall-Kunsill
Il-President
L. LINKEVIČIUS
ABBOZZ
ID-DEĊIŻJONI TAL-KUMITAT KONĠUNT
ta’ …
dwar l-adozzjoni tar-Regoli ta’ Proċedura tiegħu
IL-KUMITAT KONĠUNT,
Wara li kkunsidra l-Ftehim bejn l-Unjoni Ewropea u r-Repubblika tal-Moldova dwar il-protezzjoni tal-indikazzjonijiet ġeografiċi tal-prodotti agrikoli u l-oġġetti tal-ikel, u b’mod partikolari l-Artikolu 11 tiegħu,
Billi dak il-Ftehim daħal fis-seħħ nhar l-1 ta’ April 2013,
ADOTTA DIN ID-DEĊIŻJONI:
Artikolu 1
Kapijiet tad-Delegazzjoni
1. L-Unjoni Ewropea u r-Repubblika tal-Moldova (“il-Partijiet”), għandhom jaħtru Kap ta’ Delegazzjoni kull wieħed, li għandu jkun il-persuna ta’ kuntatt rigward il-materji kollha marbutin mal-Kumitat.
2. Kull Kap tad-Delegazzjoni jista’ jiddelega l-funzjonijiet kollha tiegħu ta’ Kap tad-Delegazzjoni jew xi wħud minnhom lil deputat innominat, u f’dan il-każ kwalunkwe referenza li ssir wara għall-Kap tad-Delegazzjoni tkun tapplika bl-istess mod għad-deputat innominat.
Artikolu 2
Presidenza
1. Il-kariga tal-Presidenza tal-Kumitat għandha talterna minn idejn il-Kap tad-Delegazzjoni ta’ waħda mill-Partijiet għal idejn il-Kap tal-Parti l-oħra, għal perjodu ta’ sena kalendarja.
2. Il-Presidenza għandu jkollha r-responsabbiltà tal-karigi segretarjali tal-Kumitat.
Artikolu 3
Laqgħat
1. Il-Presidenza għandha tiffissa d-data u l-post jew, fil-każ li l-laqgħat isiru b’mezzi elettroniċi, l-arranġamenti tekniċi, tal-laqgħat bi qbil mal-Kap tad-Delegazzjoni l-ieħor. Il-President u l-Kap tad-Delegazzjoni l-ieħor, meta jiftiehmu dwar id-data u l-post tal-laqgħa, għandhom josservaw ir-rekwiżit li jorganizzaw laqgħa fi żmien 90 jum.
2. Fejn iż-żewġ partijiet jaqblu, il-laqgħat tal-Kumitat Konġunt jistgħu jattenduhom esperti li huma kapaċi jfornu informazzjoni speċifika mitluba.
3. Sakemm ma jkunx hemm qbil konġunt mod ieħor, il-laqgħat tal-Kumitat ma għandhomx ikunu pubbliċi.
Artikolu 4
Korrispondenza
1. Kull korrispondenza lill-Kumitat jew għalih għandha tiġi indirizzata lill-President tal-Kumitat. Dan tal-aħħar għandu jgħaddi kopja tal-korrispondenza kollha marbuta mal-Kumitat lill-Kap tad-Delegazzjoni l-ieħor, lill-Kap tal-Missjoni tal-Moldova fi Brussell u lill-Kap tad-Delegazzjoni tal-UE f’Chisinau.
2. Il-korrispondenza bejn il-President u l-Kap tad-Delegazzjoni l-ieħor tista’ ssir permezz ta’ kwalunkwe mezz bil-miktub, inkluża l-posta elettronika.
Artikolu 5
Aġendi għal-laqgħat
1. Il-Presidenza għandha tfassal l-abbozz tal-aġenda qabel kull laqgħa. L-abbozz tal-aġenda għandu jintbagħat lill-Kap tad-Delegazzjoni l-ieħor mhux aktar tard minn 20 jum tax-xogħol qabel il-bidu tal-laqgħa. L-abbozz tal-aġenda ċċirkolat mill-President għandu jinkludi kwalunkwe punt kopert mill-Artikolu 11(3) tal-Ftehim, magħżul mill-President.
2. Il-Kapjijiet tad-Delegazzjoni jistgħu jitolbu punti addizzjonali koperti mill-Artikolu 11(3) sa mhux inqas minn 10 ijiem tax-xogħol qabel il-bidu tal-laqgħa, u l-Presidenza għandha tinkludihom fl-abbozz tal-aġenda.
3. L-abbozz finali tal-aġenda għandu jiġi ċċirkolat lill-Kap ta’ Delegazzjoni l-ieħor mill-President mhux aktar tard minn ħamest ijiem tax-xogħol qabel il-bidu tal-laqgħa.
4. L-aġenda għandha tiġi adottata bi qbil konġunt mill-President u mill-Kap ta’ Delegazzjoni l-ieħor fil-bidu ta’ kull laqgħa. Punti oħra għajr dawk li jidhru fl-abbozz tal-aġenda jistgħu jiżdiedu fl-aġenda jekk jintlaħaq qbil dwar dan min-naħa tal-Presidenza u l-Kap tad-Delegazzjoni l-ieħor.
Artikolu 6
Adozzjoni ta’ strumenti
1. Id-deċiżjonijiet tal-Kumitat fi ħdan it-tifsira tal-Artikolu 11(2) tal-Ftehim għandhom jiġu indirizzati lill-Partijiet u għandhom jinkludu l-firem tal-Presidenza u tal-Kap tad-Delegazzjoni l-ieħor.
2. Kull waħda mill-Partijiet tista’ tiddeċiedi li tippubblika kwalunkwe deċiżjoni adottata mill-Kumitat.
Artikolu 7
Proċedura bil-miktub
1. Deċiżjoni mill-Kumitat tista’ tiġi adottata permezz ta’ proċedura bil-miktub meta l-Presidenza u l-Kap tad-Delegazzjoni l-ieħor jkunu qablu dwar dan.
2. Il-Kap tad-Delegazzjoni li jipproponi l-użu tal-proċedura bil-miktub għandu jissottometti l-abbozz ta’ deċiżjoni lill-Kap tad-Delegazzjoni l-ieħor. Il-Kap tad-Delegazzjoni l-ieħor għandu jwieġeb, filwaqt li jindika jekk jaċċettax jew le l-abbozz, jekk jipproponix xi emendi, jew jekk jitlobx aktar żmien ta’ riflessjoni. Jekk l-abbozz jiġi adottat, dan għandu jiġi ffinalizzat skont l-Artikolu 6(1).
Artikolu 8
Minuti
1. Il-Presidenza għandha tfassal l-abbozz tal-minuti ta’ kull laqgħa u tissottomettihom lill-Kap tad-Delegazzjoni l-ieħor fi żmien 20 jum tax-xogħol minn dakinhar tal-laqgħa. L-abbozz tal-minuti għandu jiddikjara r-rakkomandazzjonijiet magħmula u jista’ wkoll jinnota kwalunkwe konklużjoni oħra milħuqa. Il-Kap tad-Delegazzjoni l-ieħor għandu jaqbel mal-abbozz, jew jissottometti l-emendi li jipproponi. Malli jintlaħaq qbil dwar l-abbozz tal-minuti, għandhom jiġu ffirmati żewġ kopji oriġinali mill-Presidenza u mill-Kap tad-Delegazzjoni l-ieħor. Kopja oriġinali tal-minuti għandha tinżamm mill-Presidenza u l-oħra mill-Kap tad-Delegazzjoni l-ieħor.
2. Fil-każ li ma jintlaħaqx qbil dwar il-minuti qabel ma tiġi organizzata l-laqgħa li jkun imiss, il-minuti għandhom jiddokumentaw l-abbozz imfassal mill-Presidenza li miegħu għandhom jiġu annessi l-emendi proposti sottomessi mill-Kap tad-Delegazzjoni l-ieħor.
Artikolu 9
Spejjeż
Kull parti għandha tkun responsabbli għall-ispejjeż li ġġarrab biex tieħu sehem fil-laqgħat tal-Kumitat.
Artikolu 10
Kunfidenzjalità
Id-deliberazzjonijiet tal-Kumitat għandhom ikunu kunfidenzjali.
REGOLAMENTI
5.10.2013 |
MT |
Il-Ġurnal Uffiċjali tal-Unjoni Ewropea |
L 263/4 |
REGOLAMENT TAL-KUNSILL (UE) Nru 953/2013
tas-26 ta’ Settembru 2013
li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 31 tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Is-subintestatura HS 852851 fl-Anness I għar-Regolament tal-Kunsill (KEE) Nru 2658/87 (1) tinkludi monitors, għajr monitors b’tubu katodiku (CRT), ta’ tip li jintuża biss jew prinċipalment f’sistema awtomatika għal ipproċessar ta’ dejta tal-intestatura 8471. Monitors minbarra dawk tat-tip użati biss jew prinċipalment f’sistema awtomatika għall-ipproċessar ta’ dejta tal-intestatura 8471 huma kklassifikati taħt is-subintestatura HS 852859. |
(2) |
Skont il-każistika stabbilita tal-Qorti tal-Ġustizzja tal-Unjoni Ewropea (2), il-klassifikazzjoni ta’ monitors jew taħt HS subintestatura 852851 jew 852859 għandha tkun ibbażata fuq evalwazzjoni kumplessiva tal-karatteristiċi u l-proprjetajiet oġġettivi ta’ kull monitor partikolari. |
(3) |
Minħabba l-konverġenza tat-teknoloġiji diġitali, sar diffiċli ħafna biex jiġi determinat, b’referenza għal sempliċement karatteristiċi tekniċi, jekk monitor partikolari huwiex ta’ tip użat biss jew prinċipalment f’sistema awtomatika għal ipproċessar ta’ dejta tal-intestatura 8471. B’mod partikulari, l-iżgurar li l-klassifikazzjoni korretta u uniformi ta’ displays b’pannelli ċatti li jistgħu juru, b’livell aċċettabbli ta’ funzjonalità, sinjali kemm minn sistemi awtomatiċi għall-ipproċessar tad-dejta kif ukoll minn sorsi oħra sar teknikament impossibbli. |
(4) |
Sabiex jiġi żgurat l-iżvilupp razzjonali tal-produzzjoni u l-espansjoni tal-konsum fi ħdan it-territorju tal-Unjoni u jiġi promoss il-kummerċ bejn Stati Membri u pajjiżi terzi, huwa fl-interess kemm tal-konsumaturi tal-Unjoni kif ukoll tal-industrija tal-Unjoni li tingħata eżenzjoni mid-dazju għal monitors imsemmija hawn fuq. |
(5) |
L-Anness I għar-Regolament (KEE) Nru 2658/87 għandu għalhekk jiġi emendat skont dan, |
ADOTTAT DAN IR-REGOLAMENT:
Artikolu 1
1. L-Anness I għar-Regolament (KEE) Nru 2658/87 huwa emendat kif stabbilit fl-Anness ta’ dan ir-Regolament.
2. L-emendi għas-subintestaturi NM previsti f’dan ir-Regolament għandhom ikunu applikabbli bħala subintestaturi TARIC sal-31 ta’ Diċembru 2013.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Settembru 2013.
Għall-Kunsill
Il-President
E. GUSTAS
(1) Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (ĠU L 256, 7.9.1987, p. 1).
(2) Sentenza tal-Qorti tal-Ġustizzja tad-19 ta’ Frar 2009 fil-Każ C-376/07, Staatssecretaris van Financiën v Kamino International Logistics BV. ([2009] Ġabra I-1167).
ANNESS
Fit-Tieni Parti, Taqsima XVI, Kapitolu 85 tal-Anness I tar-Regolament (KEE) Nru 2658/87 ir-ringieli għall-kodiċi NM 8528 59, 8528 59 10, 8528 59 40 u 8528 59 80 huma sostitwiti b’dan li ġej:
“8528 59 |
– – Oħrajn: |
|
|
|
– – – Displays b’Pannelli Ċatti li jistgħu juru sinjali minn magni awtomatiċi għall-ipproċessar tad-dejta b’livell aċċettabbli ta’ funzjonalità: |
|
|
8528 59 20 (1) |
– – – – Monokrom |
14 (5) |
p/st |
|
– – – – Kulur: |
|
|
8528 59 31 (2) |
– – – – – Bi skrin b’teknoloġija tal-kristalli likwidi (LCD) |
14 (5) |
p/st |
8528 59 39 (3) |
– – – – – Oħrajn |
14 (5) |
p/st |
8528 59 70 (4) |
– – – Oħrajn |
14 |
p/st. |
(1) Kodiċi TARIC 8528591020
(2) Kodiċi TARIC 8528594091
(3) Kodiċi TARIC 8528598091
(4) Kodiċi TARIC 8528591090, 8528594099 u 8528598099
(5) Rata awtonoma ta’ dazju: B’xejn”
5.10.2013 |
MT |
Il-Ġurnal Uffiċjali tal-Unjoni Ewropea |
L 263/6 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 954/2013
tal-4 ta’ Ottubru 2013
li jikkoreġi l-verżjonijiet biċ-Ċek u bil-Pollakk tar-Regolament (KE) Nru 828/2009 li jistpula r-regoli ddettaljati ta’ applikazzjoni għas-snin tas-suq 2009/2010 sal-2014/2015 għall-importazzjoni u r-raffinar tal-prodotti taz-zokkor li jinsabu taħt l-intestatura tariffarja 1701 taħt ftehimiet preferenzjali
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u partikolarment l-Artikolu 156 tiegħu, flimkien mal-Artikolu 4 tiegħu,
Wara li kkunsidrat ir-Regolament tal-Kunsill (KE) Nru 1528/2007 tal-20 ta’ Diċembru 2007 li japplika l-arranġamenti għall-prodotti li joriġinaw f’ċerti stati li huma parti mill-Grupp ta’ Stati Afrikani, Karibej u Paċifiċi (AKP) previsti fi ftehim li jistabbilixxu, jew li jwasslu biex jiġu stabbiliti, Ftehim ta’ Sħubija Ekonomika (2), u partikolarment l-Artikolu 9(5) tiegħu,
Wara li kkunsidrat ir-Regolament (UE) Nru 978/2012 tal-Parlament Ewropew u tal-Kunsill tal-25 ta’ Ottubru 2012 li japplika skema ta’ preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008 (3), u partikolarment l-Artikolu 18(3) tiegħu,
Billi:
(1) |
Hemm żball fil-verżjonijiet biċ-Ċek u bil-Pollakk tar-Regolament tal-Kummissjoni (KE) Nru 828/2009 (4), u b’mod aktar preċiż fl-Artikolu 11(1) tiegħu. |
(2) |
Hemm żball ieħor fil-verżjoni bil-lingwa Pollakka ta’ dak ir-Regolament, b’mod iktar preċiż fil-Parti II tal-Anness I tiegħu. |
(3) |
Dawn l-iżbalji għandhom jiġu kkoreġuti b’effett mid-dħul fis-seħħ tar-Regolament (KE) Nru 828/2009. L-obbligu impost mill-Artikolu 11(1) tal-verżjonijiet ta’ dak ir-Regolament biċ-Ċek u bil-Pollakk fuq kull detentur ta’ liċenzja tal-importazzjoni għaz-zokkor għandu jiġi rtirat b’mod retroattiv minħabba li dan għandu jiġi limitat għad-detentur oriġinali tal-liċenzja biss. |
(4) |
Ir-Regolament (KE) Nru 828/2009 għandu għalhekk jiġi kkoreġut skont dan. |
(5) |
Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Dan jikkonċerna biss il-verżjonijiet biċ-Ċek u bil-Pollakk.
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika b’effett mill-14 ta’ Settembru 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ottubru 2013.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 348, 31.12.2007, p. 1.
(3) ĠU L 303, 31.10.2012, p. 1.
(4) Ir-Regolament tal-Kummissjoni (KE) Nru 828/2009 tal-10 ta’ Settembru 2009 li jistpula r-regoli ddettaljati ta’ applikazzjoni għas-snin tas-suq 2009/2010 sal-2014/2015 għall-importazzjoni u r-raffinar tal-prodotti taz-zokkor li jinsabu taħt l-intestatura tariffarja 1701 taħt ftehimiet preferenzjali (ĠU L 240, 11.9.2009, p. 14).
5.10.2013 |
MT |
Il-Ġurnal Uffiċjali tal-Unjoni Ewropea |
L 263/7 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 955/2013
tal-4 ta’ Ottubru 2013
li japprova l-propikonażol bħala sustanza attiva eżistenti għall-użu fil-prodotti bijoċidali għall-prodotti tat-tip 9
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u partikolarment it-tielet subparagrafu tal-Artikolu 89(1) tiegħu,
Billi:
(1) |
Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ 10 snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill rigward it-tqegħid fis-suq ta’ prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bil-għan li possibbilment jiġu inklużi fl-Anness I, IA jew IB għad-Direttiva 98/8/KE tal-Parlament Ewropew u tal-Kunsill (3). Din il-lista tinkludi l-propikonażol. |
(2) |
Skont ir-Regolament (KE) Nru 1451/2007, il-propikonażol ġie evalwat skont l-Artikolu 11(2) tad-Direttiva 98/8/KE għall-użu fi prodotti tat-tip 9, fibra, ġilda, gomma u materjali polimerizzati preservattivi, kif iddefiniti fl-Anness V għal dik id-Direttiva, li jikkorrispondi mal-prodotti tat-tip 9 kif definit fl-Anness V għar-Regolament (UE) Nru 528/2012. |
(3) |
Il-Finlandja nħatret bħala l-Istat Membru Referent u ressqet ir-rapport tal-awtorità kompetenti, flimkien ma’ rakkomandazzjoni, lill-Kummissjoni fil-11 ta’ Frar 2011 skont l-Artikolu 14(4) u (6) tar-Regolament (KE) Nru 1451/2007. |
(4) |
Ir-rapport tal-awtorità kompetenti ġie rrevedut mill-Istati Membri u mill-Kummissjoni. Skont l-Artikolu 15(4) tar-Regolament (KE) Nru 1451/2007, ir-riżultati tal-analiżi ġew inkorporati, fi ħdan il-Kumitat Permanenti dwar il-Prodotti Bijoċidali fit-12 ta’ Lulju 2013, f’rapport ta’ valutazzjoni. |
(5) |
Mir-rapport ta’ valutazzjoni jidher li l-prodotti bijoċidali użati għall-prodotti tat-tip 9 u li fihom il-propikonażol jistgħu jiġu preżunti li jissodisfaw ir-rekwiżiti stipulati fl-Artikolu 5 tad-Direttiva 98/8/KE. |
(6) |
Għaldaqstant huwa xieraq li jiġi approvat il-propakonażol għall-użu fil-prodotti bijoċidali għall-prodotti tat-tip 9. |
(7) |
Billi l-evalwazzjoni ma indirizzatx in-nanomaterjali, l-approvazzjoni m’għandhiex tkopri tali materjali skont l-Artikolu 4(4) tar-Regolament (UE) Nru 528/2012. |
(8) |
Perjodu ta’ żmien raġonevoli għandu jitħalla jgħaddi qabel sustanza attiva tkun approvata, sabiex l-Istati Membri, il-partijiet interessati, u l-Kummissjoni fejn xieraq, jippreparaw irwieħhom biex jissodisfaw ir-rekwiżiti l-ġodda li jirriżultaw. |
(9) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali, |
ADOTTAT DAN IR-REGOLAMENT:
Artikolu 1
Skont l-ispeċifikazzjonijiet u l-kundizzjonijiet stabbiliti fl-Anness għal dan ir-Regolament, il-propikonażol għandu jiġi approvat bħala sustanza attiva għall-użu fil-prodotti bijoċidali għall-prodotti tat-tip 9.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ottubru 2013.
Għall-Kummissjoni
Il-President
José Manuel BARROSO
(1) ĠU L 167, 27.6.2012, p. 1.
(2) ĠU L 325, 11.12.2007, p. 3.
(3) ĠU L 123, 24.4.1998, p. 1.
ANNESS
Isem Komuni |
Isem tal-IUPAC Numri ta’ Identifikazzjoni |
Grad minimu tal-purezza tas-sustanza attiva (1) |
Data tal-approvazzjoni |
Data ta’ Skadenza tal-approvazzjoni |
Tip ta’ prodotti |
Kundizzjonijiet speċifiċi (2) |
Propikonażol |
1-[[2-(2,4-dichlorophenyl)-4-propyl-1,3-dioxolan-2-yl]methyl]-1H-1,2,4-triazole Nru tal-KE: 262-104-4 Nru tal-CAS: 60207-90-1 |
930 gm/kg |
It-1 ta’ Ġunju 2015 |
Il-31 ta’ Mejju 2025 |
9 |
Il-valutazzjoni tal-prodott għandu jagħti attenzjoni partikolari fuq l-esponimenti, ir-riskji u l-effikaċja marbuta ma’ xi użu kopert minn applikazzjoni għall-awtorizzazzjoni, iżda mhux indirizzata fil-valutazzjoni tar-riskju fil-livell tal-Unjoni tas-sustanza attiva. L-awtorizzazzjonijiet huma soġġetti għal din il-kundizzjoniji: Għandhom jiġu stabbiliti proċeduri operattivi sikuri u miżuri organizzativi adegwati għall-utenti industrijali jew professjonali. Il-prodotti għandhom jiġu użati bit-tagħmir protettiv personali adegwat fejn l-esponiment ma jkunx jista’ jitnaqqas għal livell aċċettabbli b’mezzi oħrajn. Fejn l-oġġett ittrattat ikun ġie ttrattat bi, jew intenzjonalment jinkorpora l-propikonażol, u fejn dan ikun neċessarju minħabba l-possibbiltà ta’ kuntatt mal-ġilda kif ukoll tar-rilaxx ta’ propikonażol taħt il-kundizzjonijiet normali tal-użu, il-persuna responsabbli għat-tqegħid tal-oġġett ittrattat fis-suq għandha tiżgura li t-tikketta tipprovdi informazzjoni dwar ir-riskju ta’ sensitizzazzjoni tal-ġilda, kif ukoll l-informazzjoni msemmija fit-tieni subparagrafu tal-Artikolu 58(3) tar-Regolament (UE) Nru 528/2012. |
(1) Il-purezza indikata f’din il-kolonna kienet il-grad minimu ta’ purezza tas-sustanza attiva użata għall-evalwazzjoni li saret skont l-Artikolu 8 tar-Regolament (UE) Nru 528/2012. Is-sustanza attiva fil-prodott imqiegħed fis-suq tista’ tkun ta’ purezza ugwali jew differenti, jekk tkun ġiet ippruvata teknikament ekwivalenti għas-sustanza attiva evalwata.
(2) Għall-implimentazzjoni tal-prinċipji komuni tal-Anness VI tar-Regolament (UE) Nru 528/2012, il-kontenut u l-konklużjonijiet tar-rapporti ta’ valutazzjoni huma disponibbli fuq is-sit elettroniku tal-Kummissjoni: http://ec.europa.eu/comm/environment/biocides/index.htm
5.10.2013 |
MT |
Il-Ġurnal Uffiċjali tal-Unjoni Ewropea |
L 263/9 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 956/2013
tal-4 ta’ Ottubru 2013
li jemenda r-Regolament ta’ Īmplimentazzjoni (UE) Nru 543/2011 rigward il-pagament tal-għajnuna lill-organizzazzjonijiet tal-produtturi fis-settur tal-frott u l-ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikolu 103h, flimkien mal-Artikolu 4 tiegħu,
Billi:
(1) |
Ir-Regolament (KE) Nru 1234/2007 u r-Regolament ta’ Implimentazzjoni tal-Kummissjoni (UE) Nru 543/2011 (2) jipprevedu l-għajnuna finanzjarja mill-Unjoni għal organizzazzjonijiet ta’ produtturi ta’ frott u ħxejjex. |
(2) |
B’sentenza tat-30 ta’ Mejju 2013, fil-każi konġunti T-454/10 u T-482/11 (3) il-Qorti Ġenerali annullat it-tieni sottoparagrafu tal-Artikolu 52(2a) tar-Regolament tal-Kummissjoni (KE) Nru 1580/2007 (4) u l-Artikolu 50(3) ekwivalenti tar-Regolament ta’ Implimentazzjoni (UE) Nru 543/2011 rigward il-kalkolu tal-valur tal-produzzjoni ta’ frott u ħaxix ikkummerċjalizzati maħsubin għall-ipproċessar. Il-Qorti Ġenerali annullat ukoll l-Artikolu 60(7) tar-Regolament ta’ Implimentazzjoni (UE) Nru 543/2011 dwar l-eliġibbiltà ta’ azzjonijiet skont programmi ta’ tħaddim, rigward l-investimenti u l-azzjonijiet marbutin mat-trasformazzjoni ta’ frott u ħxejjex fi frott u ħxejjex ipproċessati. |
(3) |
Is-sentenza tal-Qorti Ġenerali żammet l-effetti tad-dispożizzjoni dwar il-kalkolu tal-valur tal-produzzjoni kummerċjalizzata biss safejn il-pagamenti rilevanti jkunu saru diġà sad-data tal-ħruġ tas-sentenza. B’konsegwenza ta’ dan, l-Isati Membri jista’ jkun li ssospendew jew ittardjaw il-pagamenti sal-adozzjoni ta’ regoli ġodda li jissostitwixxu dawk annullati, jew sakemm ikun hemm appell li jkollu effett ta’ sospensjoni. |
(4) |
Il-Kummissjoni ddeċidiet li tagħmel appell kontra s-sentenza tal-Qorti Ġenerali fil-każijiet imsemmijin hawn fuq. L-appell tressaq quddiem il-Qorti tal-Unjoni Ewropea fit-12 ta’ Awwissu 2013. Sakemm tinqata’ s-sentenza tal-Qorti dwar l-appell, u sakemm ma tistipulax mod ieħor il-Qorti, l-effetti tas-sentenza tal-Qorti Ġenerali huma sospiżi. |
(5) |
L-Artikolu 70 tar-Regolament ta’ Implimentazzjoni (UE) Nru 543/2011 jistipula li l-għajnuna lill-organizzazzjonijiet tal-produtturi trid titħallas sal-15 ta’ Ottubru tas-sena ta’ wara s-sena tal-implimentazzjoni tal-programm ta’ tħaddim. Jekk l-għajnuna titħallas wara din id-data, għandu japplika t-tnaqqis stipulat fl-Artikolu 9 tar-Regolament ta’ tal-Kummissjoni (KE) Nru 883/2006 (5). |
(6) |
Għalhekk jixraq li jiġi estiż il-limitu taż-żmien biex l-Istati Membri jħallsu l-għajnuna finanzjarja lill-Unjoni għall-programmi tat-tħaddim ikkonċernati rigward is-sena ta’ implimentazzjoni 2012, biex jitqies li sakemm għamlet it-talba tal-appell il-Kummissjoni, jista’ jkun li l-Istati Membri ssospendew l-ipproċessar tal-applikazzjonijiet għall-pagament matul dan il-perjodu. |
(7) |
Għalhekk jixraq li r-Regolament ta’ Implimentazzjoni (UE) Nru 543/2011 jiġi emendat skont dan. |
(8) |
Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Fl-Artikolu 70 tar-Regolament ta’ Implimentazzjoni (UE) Nru 543/2011, għandu jiddaħħal il-paragrafu li ġej:
“Iżda l-għajnuna għall-programmi implementati fis-sena 2012 rigward frott u ħxejjex maħsubin għall-ipproċessar ma jistgħux jitħallsu aktar tard mill-31 ta’ Diċembru 2013.”
Artikolu 2
Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ottubru 2013.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) Ir-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (ĠU L 157, 15.6.2011, p. 1).
(3) L-Associazione Nazionale degli Industriali delle Conserve Alimentari Vegetali (Anicav) (T-454/10) u l-Agrupación Española de Fabricantes de Conservas Vegetales (Agrucon) et al. (T482/11) vs Il-Kummissjoni Ewropea; (Għadu mhux ippubblikat fil-Ġabra).
(4) Ir-Regolament tal-Kummissjoni (KE) Nru 1580/2007 tal-21 ta’ Diċembru 2007 li jistabbilixxi regoli ta’ implimentazzjoni tar-Regolamenti tal-Kunsill (KE) Nru 2200/96, (KE) Nru 2201/96 u (KE) Nru 1182/2007 fis-settur tal-frott u ħxejjex (ĠU L 350, 31.12.2007, p. 1).
(5) Ir-Regolament tal-Kummissjoni (KE) Nru 883/2006 tal-21 ta’ Ġunju 2006 li jistipula l-modalitajiet ta’ implimentazzjoni tar-Regolament tal-Kunsill (KE) Nru 1290/2005, rigward iż-żamma tal-kotba tal-aġenziji tal-ħlas, id-dikjarazzjonijiet tal-ispejjeż u tad-dħul u l-kundizzjonijiet ta’ ħlas lura tal-ispejjeż fil-qafas tal-EAGF u tal-EAFRD (ĠU L 171, 23.6.2006, p. 1).
5.10.2013 |
MT |
Il-Ġurnal Uffiċjali tal-Unjoni Ewropea |
L 263/11 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 957/2013
tal-4 ta’ Ottubru 2013
għar-reġistrazzjoni ta' denominazzjoni fir-reġistru tad-denominazzjoni protetta tal-oriġini u tal-indikazzjonijiet ġeografiċi protetti [Bamberger Hörnla/Bamberger Hörnle/Bamberger Hörnchen (IĠP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), u partikolarment il-paragrafu 2 tal-Artikolu 52 tiegħu,
Billi:
(1) |
Ir-Regolament (UE) Nru 1151/2012 ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2). |
(2) |
Skont l-Artikolu 6, il-paragrafu 2 tar-Regolament (KE) Nru 510/2006, l-applikazzjoni tal-Ġermanja biex tiddaħħal fir-reġistru d-denominazzjoni «Bamberger Hörnla»/«Bamberger Hörnle»/«Bamberger Hörnchen», ġiet ippubblikata f’Il-Ġurnal Uffiċjali tal-Unjoni Ewropea (3). |
(3) |
L-Assoċjazzjoni «Arche Noah», li tinsab f'Schiltern fl-Awstrija, opponiet ir-reġistrazzjoni ta' din id-denominazzjoni. B'konformità mal-Artikolu 7, il-paragrafu 3, tar-Regolament (KE) nru 510/2006, il-Kummissjoni madankollu, qieset li din l-oppożizzjoni hija inammissibbli, minħabba li ġiet ippreżentata direttament lill-Kummissjoni, bi ksur għalhekk il-Paragrafu 2 tal-Artikolu 7, it-tieni subparagrafu tal-istess regolament, li jirrikjedi preżentazzjoni permezz tal-awtoritajiet nazzjonali kompetenti. |
(4) |
Id-denominazzjoni «Bamberger Hörnla»/«Bamberger Hörnle»/«Bamberger Hörnchen» għalhekk trid tiġi rreġistrata, |
ADOTTAT DAN IR-REGOLAMENT:
Artikolu 1
Id-denominazzjoni msemmija fl-Anness ta’ dan ir-Regolament hija b’dan irreġistrata.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ottubru 2013.
Għall-Kummissjoni
Il-President
José Manuel BARROSO
(1) ĠU L 343, 14.12.2012, p. 1.
(2) ĠU L 93, 31.3.2006, p. 12.
(3) ĠU C 283, 19.9.2012, p. 18.
ANNESS
Prodotti agrikoli maħsuba għall-konsum uman elenkati fl-Anness I tat-Trattat:
Il-kategorija 1.6. Frott, ħxejjex u ċereali, friski jew ipproċessati
IL-ĠERMANJA
Bamberger Hörnla/Bamberger Hörnle/Bamberger Hörnchen (IGP)
5.10.2013 |
MT |
Il-Ġurnal Uffiċjali tal-Unjoni Ewropea |
L 263/13 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 958/2013
tal-4 ta’ Ottubru 2013
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),
Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,
Billi:
(1) |
Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Ottubru 2013.
Għall-Kummissjoni, F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
MK |
55,8 |
ZZ |
55,8 |
|
0707 00 05 |
MK |
40,0 |
TR |
111,1 |
|
ZZ |
75,6 |
|
0709 93 10 |
TR |
128,2 |
ZZ |
128,2 |
|
0805 50 10 |
AR |
114,4 |
CL |
90,0 |
|
IL |
107,9 |
|
TR |
85,7 |
|
ZA |
124,4 |
|
ZZ |
104,5 |
|
0806 10 10 |
BR |
230,7 |
MK |
27,7 |
|
TR |
141,2 |
|
ZZ |
133,2 |
|
0808 10 80 |
AR |
101,5 |
BA |
90,5 |
|
BR |
98,4 |
|
CL |
112,6 |
|
NZ |
136,7 |
|
US |
119,2 |
|
ZA |
134,6 |
|
ZZ |
113,4 |
|
0808 30 90 |
AR |
201,1 |
CL |
199,9 |
|
CN |
86,3 |
|
TR |
131,0 |
|
ZA |
165,9 |
|
ZZ |
156,8 |
(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.
DEĊIŻJONIJIET
5.10.2013 |
MT |
Il-Ġurnal Uffiċjali tal-Unjoni Ewropea |
L 263/15 |
DEĊIŻJONI TAL-KUNSILL
tat-30 ta' Settembru 2013
dwar l-applikazzjoni tar-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti dwar dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju
(Test b’relevanza għaż-ŻEE)
(2013/483/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 114 u 207 tiegħu, flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Bid-Deċiżjoni tal-Kunsill 97/836/KE (1) l-Unjoni aderixxiet għall-Ftehim tal-Kummissjoni Ekonomika għall-Ewropa tan-Nazzjonijiet Uniti dwar l-adozzjoni ta' preskrizzjonijiet tekniċi uniformi għall-vetturi bir-roti, għat-tagħmir u l-partijiet li jistgħu jitwaħħlu u/jew jiġu użati fuq vetturi bir-roti u għall-kundizzjonijiet għar-rikonoxximent reċiproku tal-approvazzjonijiet mogħtija fuq il-bażi ta' dawn il-preskrizzjonijiet (2) (il-"Ftehim tal-1958 Rivedut"). |
(2) |
Ir-rekwiżiti armonizzati tar-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju (3) (ir-"Regolament tan-NU/KEE Nru 41") huma intenzjonati li jneħħu ostakli tekniċi fil-kummerċ tal-vetturi bil-mutur bejn il-Partijiet Kontraenti għall-Ftehim tal-1958 Rivedut u biex jiżguraw li vetturi bħal dawn joffru livell għoli ta' sikurezza u protezzjoni. |
(3) |
Id-Direttiva 2002/24/KE tal-Parlament Ewropew u tal-Kunsill (4) u d-Direttiva 97/24/KE tal-Parlament Ewropew u tal-Kunsill (5) u l-miżuri ta' implimentazzjoni tagħha, jagħtu mandat għall-adozzjoni ta' livelli permissibbli tal-ħoss, sistemi tal-exhaust u proċeduri għall-ittestjar ta' vetturi bil-mutur b'żewġ roti jew bi tlieta. |
(4) |
L-Anness III għall-Kapitolu 9 tad-Direttiva 97/24/KE fih rekwiżiti għall-approvazzjoni tat-tip ta' vetturi tal-kategorija L fir-rigward tal-livell permissibbli tal-ħoss u s-sistema tal-exhaust tagħhom. Vetturi tal-kategorija L huwa l-isem tal-familja ta' vetturi ħfief bħal roti motorizzati, mopeds b'żewġ jew tliet roti, muturi bi u mingħajr sidecar, triċikli u kwadriċikli. |
(5) |
Fid-data tal-adeżjoni tagħha għall-Ftehim tal-1958 Rivedut, l-UE aderixxiet għal numru limitat ta' Regolamenti tan-NU/KEE elenkati fl-Anness II tad-Deċiżjoni 97/836/KE; ir-Regolament Nru 41 tan-NU/KEE ma kienx inkluż f'dik il-lista. |
(6) |
Kif previst fl-Artikolu 3(3) tad-Deċiżjoni 97/836/KE, u skont l-Artikolu 1(7) tal-Ftehim tal-1958 Rivedut, l-Unjoni tista' tiddeċiedi li tapplika wieħed, xi wħud jew kull wieħed mir-Regolamenti tan-NU/KEE li ma kinitx għadha aderixxiet għalih fiż-żmien tal-adeżjoni tagħha għall-Ftehim tal-1958 Rivedut. |
(7) |
Issa huwa xieraq li l-Unjoni tapplika r-Regolament tan-NU/KEE Nru 41 biex ikun hemm rekwiżiti armonizzati komuni fuq livell internazzjonali, li ser jiffaċilita l-kummerċ internazzjonali u li ser jieħu post ir-rekwiżiti tal-approvazzjoni eżistenti stipulati fl-Anness III għall-Kapitolu 9 tad-Direttiva 97/24/KE. Dan ser jippermetti lill-kumpaniji Ewropej li jsegwu sett wieħed ta' rekwiżiti rikonoxxuti mad-dinja kollha, b'mod partikolari fil- Partijiet Kontraenti għall-Ftehim tal-1958 Rivedut, |
ADOTTA DIN ID-DEĊIŻJONI:
Artikolu 1
L-Unjoni Ewropea għandha tapplika r-Regolament Nru 41 tal-Kummissjoni Ekonomika għall-Ewropa tan-Nazzjonijiet Uniti dwar dispożizzjonijiet uniformi li jikkonċernaw l-approvazzjoni tal-muturi fir-rigward tal-istorbju.
Artikolu 2
Din id-Deċiżjoni għandha tidħol fis-seħħ fil-jum ta' wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tiġi notifikata mill-Kummissjoni lis-Segretarju Ġenerali tan-Nazzjonijiet Uniti.
Magħmul fi Brussell, it-30 ta’ Settembru 2013.
Għall-Kunsill
Il-President
L. LINKEVIČIUS
(1) Id-Deċiżjoni tal-Kunsill 97/836/KE tas-27 ta' Novembru 1997 bil-għan tal-adeżjoni tal-Komunità Ewropea mal-Ftehim tal-Kummissjoni Ekonomika tan-Nazzjonijiet Uniti għall-Ewropa li jikkonċerna l-adozzjoni tal-preskrizzjonijet tekniċi uniformi għall-vetturi bir-roti, tagħmir u partijiet liema jistgħu jkunu ffittjati u/jew ikunu użati ma' vetturi bir-roti u l-kondizzjonijiet għar-rikonoxximent reċiproku tal-approvazzjonijiet mogħtija fuq il-bażi ta' dawn il-preskrizzjonijiet (Ftehim Rivedut tal-1958) (ĠU L 346, 17.12.1997, p. 78, Edizzjoni Speċjali bil-Malti: Kap. 11, Vol. 27, p. 52).
(2) ĠU L 346, 17.12.1997, p. 81, Edizzjoni Speċjali bil-Malti: Kap.11, Vol. 27, p. 52.
(3) ĠU L 317, 14.11.2012, p. 1.
(4) Id-Direttiva 2002/24/KE tal-Parlament Ewropew u tal-Kunsill tat-18 ta' Marzu 2002 li għandha x'taqsam mal-approvazzjoni tat-tip ta' vetturi bil-mutur b'żewġ roti jew bi tlieta u li tħassar id-Direttiva tal-Kunsill 92/61/KEE (ĠU L 124, 9.5.2002, p. 1, Edizzjoni Speċjali bil-Malti: Kap. 13, Vol. 29, p. 399).
(5) Id-Direttiva 97/24/KE tal-Parlament Ewropew u tal-Kunsill tas-17 ta' Ġunju 1997 dwar ċerti komponenti u karatteristiċi ta' vetturi ta' żewġ jew tliet roti b'mutur (ĠU L 226, 18.8.1997, p. 1, Edizzjoni Speċjali bil-Malti: Kap. 07, Vol. 03, p. 34).
5.10.2013 |
MT |
Il-Ġurnal Uffiċjali tal-Unjoni Ewropea |
L 263/17 |
DEĊIŻJONI TAL-KUNSILL
tat-30 ta’ Settembru 2013
li taħtar membru Spanjol fil-Kumitat tar-Reġjuni
(2013/484/UE)
IL-KUNSILL TAL-UNJONI EWROPEA
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikulari l-Artikolu 305 tiegħu,
Wara li kkunsidra l-proposta mill-Gvern Spanjol,
Billi:
(1) |
Fit-22 ta’ Diċembru 2009 u fit-18 ta’ Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti tal-Kumitat tar-Reġjuni għall-perijodu mis-26 ta’ Jannar 2010 sal-25 ta’ Jannar 2015. |
(2) |
Wara t-tmiem tal-mandat tas-Sur Antonio GRIÑÁN MARTÍNEZ, sar vakanti siġġu ta’ membru fil-Kumitat tar-Reġjuni, |
ADOTTA DIN ID-DEĊIŻJONI:
Artikolu 1
Hija b’dan maħtura membru fil-Kumitat tar-Reġjuni għall-bqija tal-mandat attwali, jiġifieri sal-25 ta’ Jannar 2015:
— |
Is-Sinjura Susana DÍAZ PACHECO, Presidenta de la Junta de Andalucía. |
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, it-30 ta’ Settembru 2013.
Għall-Kunsill
Il-President
L. LINKEVIČIUS
(1) ĠU L 348, 29.12.2009, p. 22.
(2) ĠU L 12, 19.1.2010, p. 11.
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
5.10.2013 |
MT |
Il-Ġurnal Uffiċjali tal-Unjoni Ewropea |
L 263/18 |
DEĊIŻJONI Nru 3/2013 TAL-KUMITAT TAL-AMBAXXATURI AKP-UE
tat-30 ta’ Lulju 2013
li taħtar il-membri tal-Bord Eżekuttiv taċ-Ċentru għall-Iżvilupp tal-Intrapriża (ĊŻI)
(2013/485/UE)
Il-KUMITAT TAL-AMBAXXATURI AKP-UE,
Wara li kkunsidra l-Ftehim ta’ sħubija bejn il-membri tal-gruppi tal-Istati Afrikani, tal-Karibew u tal-Paċifiku, minn banda waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (1), kif emendat għall-ewwel darba fil-Lussemburgu fil-25 ta’ Ġunju 2005 (2) u t-tieni darba f’Ouagadougou fit-22 ta’ Ġunju 2010 (3), u partikolarment l-Artikolu 2(6) tal-Anness III tiegħu;
Wara li kkunsidra d-Deċiżjoni Nru 8/2005 tal-Kumitat tal-Ambaxxaturi AKP-UE tal-20 ta’ Lulju 2005 dwar l-Istatuti u r-regoli ta’ proċedura taċ-Ċentru għall-Iżvilupp tal-Intrapriżi (ĊŻI) (4), u b’mod partikolari l-Artikolu 9(1) tagħha;
Billi:
(1) |
L-Artikolu 9 tal-istatuti u r-regoli ta’ proċedura taċ-Ċentru għall-Iżvilupp tal-Intrapriżi (ĊŻI), adottat bid-Deċiżjoni Nru 8/2005 tal-Kumitat tal-Ambaxxaturi AKP-KE, jiddikjara li l-Kumitat tal-Ambaxxaturi huwa inkarigat mill-ħatra tal-membri tal-Bord tad-Diretturi għal perijodu massimu ta’ ħames snin; |
(2) |
Il-mandat tal-membri attwali tal-Bord tad-Diretturi taċ-Ċentru għall-Iżvilupp tal-Intrapriżi, kif emendat bid-Deċiżjoni Nru 1/2013 tal-Kumitat tal-Ambaxxaturi AKP-UE (5), jintemm fis-6 ta’ Settembru 2013; |
(3) |
Jeħtieġ li jiġu żgurati l-istabbiltà u l-kontinwità taċ-ĊŻI, b’kont meħud tal-fatt li l-ġestjoni tiegħu hija responsabbiltà ta’ direttur ad interim, |
IDDEĊIEDA KIF ĠEJ:
Artikolu 1
Mingħajr preġudizzju għad-deċiżjonijiet ulterjuri li l-Kumitat jista’ jintalab jieħu fil-qafas tal-prerogattivi tiegħu, il-mandat tat-tliet membri tal-UE tal-Bord tad-Diretturi taċ-Ċentru għall-Iżvilupp tal-Intrapriżi huwa estiż għal perijodu ta’ sitt xhur u huma maħtura tliet membri ġodda AKP għal perijodu ta’ ħames snin.
Il-Bord tad-Diretturi taċ-ĊŻI huwa għalhekk magħmul minn:
— |
Is-Sur Adebayo AKINDEINDE |
— |
Is-Sur Giovannangelo MONTECCHI PALAZZI |
— |
Is-Sinjura Vera VENCLIKOVA, |
li l-mandat tagħhom jiskadi fis-6 ta’ Marzu 2014, u minn:
— |
Is-Sur John Atkins ARUHURI |
— |
Is-Sinjura Maria MACHAILO-ELLIS |
— |
Is-Sur Félix MOUKO |
li l-mandat tagħhom jiskadi fis-6 ta’ Settembru 2018.
Artikolu 2
Din id-Deċiżjoni għandha tidħol fis-seħħ fis-7 ta’ Settembru 2013. Din tista’ tiġi riveduta f’kull ħin skont is-sitwazzjoni taċ-Ċentru.
Magħmul fi Brussell, it-30 ta’ Lulju 2013.
Għall-Kumitat tal-Ambaxxaturi AKP-UE
Il-President
S. O. OUTLULE
(1) ĠU L 317, 15.12.2000, p. 3.
(2) Ftehim li jemenda l-ftehim ta’ sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (ĠU L 209, 11.8.2005, p. 27).
(3) Ftehim li jemenda għat-tieni darba l-ftehim ta’ sħubija bejn il-Membri tal-grupp ta’ stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-istati Membri tagħha min-naħa l-oħra, iffirmat f’Cotonou fit-23 ta’ Ġunju 2000, kif emendat għall-ewwel darba fil-Lussemburgu fil-25 ta’ Ġunju 2005 (ĠU L 287, 4.11.2010, p. 3).
(5) ĠU L 84, 23.3.2013, p. 28.
Rettifika
5.10.2013 |
MT |
Il-Ġurnal Uffiċjali tal-Unjoni Ewropea |
L 263/20 |
Rettifika għar-Regolament ta’ Implimentazzjoni tal-Kummissjoni (UE) Nru 623/2013 tas-27 ta’ Ġunju 2013 li jemenda r-Regolament (KE) Nru 1238/95 rigward il-piżijiet pagabbli lill-Uffiċċju Komunitarju tal-Varjetajiet tal-Pjanti
( Il-Ġurnal Uffiċjali tal-Unjoni Ewropea L 177 tat-28 ta’ Ġunju 2013 )
F’paġna 20, fit-titolu:
minflok:
“il-piżijiet pagabbli”,
aqra:
“il-livell tal-piż annwali pagabbli”.
F’paġna 20, fil-premessa (1):
minflok:
“miżata”,
aqra:
“piż”.
F'paġna 20, fil-premessa (2):
minflok:
“l-miżata annwali għandha titnaqqas”,
aqra:
“l-piż annwali għandu jitnaqqas”.
F’paġna 20, fl-Artikolu 1:
minflok:
“1. L-Uffiċċju għandu jimponi miżata ta’ EUR 250 fuq detentur ta’ dritt Komunitarju għall-varjetà tal-pjanta (“id-detentur”) għal kull sena tal-perjodu taż-żmien tad-dritt Komunitarju għall-varjetà tal-pjanta (“miżata annwali”), kif imsemmi fl-Artikolu 113(2)(d) tar-Regolament Bażiku.”,
aqra:
“1. L-Uffiċċju għandu jimponi piż ta’ EUR 250 fuq detentur ta’ dritt Komunitarju għall-varjetà tal-pjanta (“id-detentur”) għal kull sena tal-perjodu taż-żmien tad-dritt Komunitarju għall-varjetà tal-pjanta (“piż annwali”), kif imsemmi fl-Artikolu 113(2)(d) tar-Regolament Bażiku.”.