ISSN 1977-074X doi:10.3000/1977074X.L_2013.199.mlt |
||
Il-Ġurnal Uffiċjali tal-Unjoni Ewropea |
L 199 |
|
![]() |
||
Edizzjoni bil-Malti |
Leġiżlazzjoni |
Volum 56 |
|
|
Rettifika |
|
|
* |
|
|
||
|
* |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
24.7.2013 |
MT |
Il-Ġurnal Uffiċjali tal-Unjoni Ewropea |
L 199/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 701/2013
tal-11 ta’ Lulju 2013
li jdaħħal denominazzjoni fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [East Kent Goldings (DPO)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), u partikolarment l-Artikolu 52(2) tiegħu,
Billi:
(1) |
Ir-Regolament (UE) Nru 1151/2012 ħassar u ssostitwixxa r-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2). |
(2) |
Skont l-Artikolu 6(2) tar-Regolament (KE) Nru 510/2006, l-applikazzjoni mressqa mir-Renju Unit għar-reġistrazzjoni tad-denominazzjoni “East Kent Goldings” ġiet ippubblikata f’Il-Ġurnal Uffiċjali tal-Unjoni Ewropea (3). |
(3) |
Ladarba l-Kummissjoni ma rċeviet l-ebda stqarrija ta’ oġġezzjoni skont l-Artikolu 7 tar-Regolament (KE) Nru 510/2006, id-denominazzjoni “East Kent Goldings” għandha tiġi rreġistrata, |
ADOTTAT DAN IR-REGOLAMENT:
Artikolu 1
Id-denominazzjoni msemmija fl-Anness ta’ dan ir-Regolament hija b’dan irreġistrata.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Lulju 2013.
Għall-Kummissjoni, F'isem il-President,
Dacian CIOLOȘ
Membru tal-Kummissjoni
(1) ĠU L 343, 14.12.2012, p. 1.
(2) ĠU L 93, 31.3.2006, p. 12, ĠU L 335M, 13.12.2008, pp. 213-250.
(3) ĠU C 285, 21.9.2012, p. 14.
ANNESS
Prodotti agrikoli maħsuba għall-konsum uman elenkati fl-Anness I tat-Trattat:
Klassi 1.8. Prodotti oħrajn tal-Anness I għat-Trattat (ħwawar, eċċ.)
IR-RENJU UNIT
East Kent Goldings (DPO)
24.7.2013 |
MT |
Il-Ġurnal Uffiċjali tal-Unjoni Ewropea |
L 199/3 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 702/2013
tat-22 ta’ Lulju 2013
dwar miżuri tranżitorji għall-applikazzjoni tar-Regolament (KE) Nru 882/2004 tal-Parlament Ewropew u tal-Kunsill f’dak li għandu x’jaqsam mal-akkreditament tal-laboratorji uffiċjali li jwettqu t-testijiet uffiċjali għat-Trichinella u li jemenda r-Regolament tal-Kummissjoni (KE) Nru 1162/2009
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (1), u b’mod partikulari t-tieni subparagrafu tal-Artikolu 63(1) tiegħu,
Billi:
(1) |
Ir-Regolament (KE) Nru 882/2004 jipprevedi bidliet sinifikanti fir-regoli u l-proċeduri għall-kontrolli uffiċjali. Huwa japplika mill-1 ta’ Jannar 2006. Madankollu, l-applikazzjoni b’effett immedjat minn dik id-data ta’ għadd ta’ regoli u proċeduri minn dawn kienet se ġġib magħha diffikultajiet prattiċi f’ċerti każijiet. |
(2) |
Skont ir-Regolament (KE) Nru 882/2004, il-laboratorji li jwettqu analiżi tal-kampjuni li jittieħdu waqt il-kontrolli uffiċjali jridu jkunu akkreditati skont ċerti standards Ewropej imsemmijin f’dak ir-Regolament. Madankollu, ir-Regolament tal-Kummissjoni (KE) Nru 1162/2009 tat-30 ta’ Novembru 2009 li jistabbilixxi miżuri tranżitorji għall-implimentazzjoni tar-Regolamenti (KE) Nru 853/2004, (KE) Nru 854/2004 u (KE) Nru 882/2004 tal-Parlament Ewropew u tal-Kunsill (2) jistabbilixxi ċerti miżuri tranżitorji, fosthom deroga minn dak ir-rekwiżit għal-laboratorji, biex jippermetti tranżizzjoni mingħajr xkiel għall-implimentazzjoni s-sħiħa tar-regoli u tal-proċeduri l-ġodda. Ir-Regolament tal-Kummissjoni (KE) Nru 1162/2009 japplika sal-31 ta’ Diċembru 2013. |
(3) |
Ir-rapport tal-Kummissjoni lill-Kunsill u lill-Parlament Ewropew dwar l-esperjenza miksuba mill-applikazzjoni tar-Regolamenti dwar l-iġjene (KE) Nru 852/2004, (KE) Nru 853/2004 u (KE) Nru 854/2004 tal-Parlament Ewropew u tal-Kunsill tad-29 ta’ April 2004 (3), maħruġ fit-28 ta’ Lulju 2009 (minn hawn ‘il quddiem imsejjaħ “ir-Rapport”), “jimmira li jippreżenta l-esperjenza miksuba b’mod fattwali, inklużi d-diffikultajiet li l-partijiet interessati ltaqgħu magħhom fl-2006, fl-2007 u fl-2008 matul l-implimentazzjoni tal-pakkett [dwar l-iġjene]”. |
(4) |
Ir-rapport jinkludi l-esperjenzi miksuba b’rabta mal-miżuri tranżitorji, inklużi dawk previsti fir-Regolament (KE) Nru 882/2004. Ir-rapport jindika li għad hemm diffikultajiet b’rabta mal-akkreditament tal-laboratorji li jkunu jinsabu fil-biċċeriji. |
(5) |
Dawk id-diffikultajiet iridu jiġu indirizzati billi ssir analiżi tar-Regolament (KE) Nru 882/2004. Għalhekk, eżatt wara li r-rapport ġie ppublikat, tnediet valutazzjoni tal-impatt li takkumpanja t-tali analiżi. |
(6) |
Fis-6 ta’ Mejju 2013, il-Kummissjoni adottat proposta għal Regolament tal-Parlament Ewropew u tal-Kunsill dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, regoli dwar is-saħħa u l-benessri tal-annimali, dwar is-saħħa tal-pjanti, dwar il-materjal riproduttiv tal-pjanti, u dwar prodotti għall-ħarsien tal-pjanti (4). Dik il-proposta tipprevedi r-revoka tar-Regolament (KE) Nru 882/2004 u tipprevedi deroga possibbli mill-akkreditament għal-laboratorji uffiċjali li l-unika attività tagħhom hija li jiċċekkjaw hemmx Trichinella fil-laħam. |
(7) |
Barra minn hekk, l-esperjenza wriet li l-laboratorji li jwettqu t-testijiet uffiċjali għat-Trichinella u li jinsabu fil-biċċeriji jew fl-istabbilimenti li jittrattaw it-tjur jeħtieġu iżjed żmien biex jiksbu akkreditament sħiħ, minħabba li l-akkreditament huwa proċess kumpless u iebes. Għaldaqstant, dan ir-Regolament għandu jipprevedi miżuri tranżitorji oħrajn sakemm il-Parlament Ewropew u l-Kunsill jadottaw dak ir-Regolament il-ġdid. |
(8) |
Għalhekk għandha ssir dispożizzjoni għal perjodu tranżitorju ieħor li matulu għandhom ikomplu japplikaw il-miżuri tranżitorji li hemm stabbiliti dal-ħin fir-Regolament tal-Kummissjoni (KE) Nru 1162/2009. Fl-interess taċ-ċarezza, ir-Regolament tal-Kummissjoni (KE) Nru 1162/2009 għandu jitħassar kif xieraq. |
(9) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Dan ir-Regolament jistabbilixxi miżuri tranżitorji għall-applikazzjoni tar-Regolament (KE) Nru 882/2004 għal perjodu tranżitorju mill-1 ta’ Jannar 2014 sal-31 ta’ Diċembru 2016.
Artikolu 2
B’deroga mill-Artikolu 12(2) tar-Regolament (KE) Nru 882/2004, l-awtorità kompetenti tista’ taħtar laboratorju li jwettaq testijiet uffiċjali għat-Trichinella u li jkun jinsab f’biċċerija jew fi stabbiliment li jittratta t-tjur, dejjem jekk il-laboratorju, għalkemm ma jkunx akkreditat skont l-istandards Ewropej imsemmijin fil-punt (a) ta’ dak il-paragrafu:
(a) |
juri li beda l-proċeduri meħtieġa għall-akkreditament skont l-Artikolu 12(2)(a) tar-Regolament (KE) Nru 882/2004 u li qed isegwihom; u |
(b) |
jipprovdi lill-awtorità kompetenti garanziji sodisfaċenti li huwa għandu fis-seħħ skemi ta’ kontroll tal-kwalità għall-analiżi tal-kampjuni li jwettaq għall-finijiet tal-kontrolli uffiċjali. |
L-Istati Membri li japplikaw din il-miżura tranżitorja għandhom jgħarrfu lill-Kummissjoni dwar il-progress li jkun seħħ fil-proċess ta’ akkreditament ta’ kull laboratorju maħtur ta’ dan it-tip sal-31 ta’ Diċembru ta’ kull sena.
Artikolu 3
Il-Kapitolu IV tar-Regolament (KE) Nru 1162/2009 għandu jitħassar.
Artikolu 4
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mill-1 ta’ Jannar 2014 sal-31 ta’ Diċembru 2016.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta’ Lulju 2013.
Għall-Kummissjoni
Il-President
José Manuel BARROSO
(1) ĠU L 165, 30.4.2004, p. 1.
(2) ĠU L 314, 1.12.2009, p. 10.
(3) COM(2009) 403 final.
(4) COM(2013) 265 finali.
24.7.2013 |
MT |
Il-Ġurnal Uffiċjali tal-Unjoni Ewropea |
L 199/5 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 703/2013
tat-23 ta’ Lulju 2013
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament dwar l-OKS unika) (1),
Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,
Billi:
(1) |
Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Lulju 2013.
Għall-Kummissjoni, F'isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0707 00 05 |
TR |
116,3 |
ZZ |
116,3 |
|
0709 93 10 |
TR |
131,1 |
ZZ |
131,1 |
|
0805 50 10 |
AR |
87,6 |
TR |
70,0 |
|
UY |
86,4 |
|
ZA |
88,6 |
|
ZZ |
83,2 |
|
0806 10 10 |
CL |
51,4 |
EG |
168,7 |
|
TR |
169,6 |
|
ZZ |
129,9 |
|
0808 10 80 |
AR |
168,0 |
BR |
112,4 |
|
CL |
124,1 |
|
CN |
95,8 |
|
NZ |
134,2 |
|
US |
165,4 |
|
ZA |
158,0 |
|
ZZ |
136,8 |
|
0808 30 90 |
AR |
96,7 |
CL |
140,8 |
|
CN |
77,3 |
|
NZ |
162,9 |
|
TR |
174,5 |
|
ZA |
118,8 |
|
ZZ |
128,5 |
|
0809 10 00 |
TR |
192,1 |
ZZ |
192,1 |
|
0809 29 00 |
TR |
313,7 |
ZZ |
313,7 |
|
0809 30 |
TR |
178,6 |
ZZ |
178,6 |
|
0809 40 05 |
BA |
58,4 |
MK |
99,6 |
|
TR |
118,8 |
|
XS |
95,4 |
|
ZZ |
93,1 |
(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.
Rettifika
24.7.2013 |
MT |
Il-Ġurnal Uffiċjali tal-Unjoni Ewropea |
L 199/7 |
Rettifika għad-Deċiżjoni tal-Kummissjoni 2010/18/KE tas-26 ta’ Novembru 2009 li tistabbilixxi l-kriterji ekoloġiċi għall-għoti tal-Ekotikketta Komunitarja għal kisi tal-injam tal-art
( Il-Ġurnal Uffiċjali tal-Unjoni Ewropea L 8 tat-13 ta’ Jannar 2010 )
F’paġna 37, is-sub kriterju 2.2(b):
Flok:
“(b) |
Sustanzi kimiċi klassifikati bħala ta’ ħsara għall-ambjent mill-manifattur/fornitur kimiku skont is-sistema tal-klassifikazzjoni tal-UE (it-28 Emenda għad-Direttiva 67/548/KEE) għandhom jikkonformaw ma’ dawn iż-żewġ limiti li ġejjin:
: l-applikant għandu jippreżenta dikjarazzjoni ta’ konformità ma’ dan il-kriterju, flimkien ma’ dokumenti li jappoġġjaw din id-dikjarazzjoni, li jinkludu:
Il-gradi standard ta’ effettività li ġejjin huma użati sabiex jiġi kkalkulat il-konsum tal-prodott għat-trattament tal-wiċċ u tal-kwantità applikata: apparat li jisprejja mingħajr riċiklaġġ 50 %, apparat li jisprejja b’riċiklaġġ 70 %, sprejjar elettrostatiku 65 %, sprejjar, qanpiena/diska 80 %, kisi bir-romblu 95 %, kisi komplut 95 %, kisi bil-vakwu 95 %, tgħaddis 95 %, tlaħliħ 95 %.” |
aqra:
“(b) |
Sustanzi kimiċi klassifikati bħala ta’ ħsara għall-ambjent mill-manifattur/fornitur kimiku skont is-sistema tal-klassifikazzjoni tal-UE (it-28 Emenda għad-Direttiva 67/548/KEE) għandhom jikkonformaw ma’ dawn iż-żewġ limiti li ġejjin:
: l-applikant għandu jippreżenta dikjarazzjoni ta’ konformità ma’ dan il-kriterju, flimkien ma’ dokumenti li jappoġġjaw din id-dikjarazzjoni, li jinkludu:
Il-metodu tal-applikazzjoni: Il-gradi standard ta’ effettività li ġejjin huma użati sabiex jiġi kkalkulat il-konsum tal-prodott għat-trattament tal-wiċċ u tal-kwantità applikata: apparat li jisprejja mingħajr riċiklaġġ 50 %, apparat li jisprejja b’riċiklaġġ 70 %, sprejjar elettrostatiku 65 %, sprejjar, qanpiena/diska 80 %, kisi bir-romblu 95 %, kisi komplut 95 %, kisi bil-vakwu 95 %, tgħaddis 95 %, tlaħliħ 95 %.” |
24.7.2013 |
MT |
Il-Ġurnal Uffiċjali tal-Unjoni Ewropea |
L 199/s3 |
AVVIŻ LILL-QARREJJA
Regolament tal-Kunsill (UE) Nru 216/2013 tas-7 ta’ Marzu 2013 dwar il-pubblikazzjoni elettronika ta’ Il-Ġurnal Uffiċjali tal-Unjoni Ewropea
Skont ir-Regolament tal-Kunsill (UE) Nru 216/2013 tas-7 ta’ Marzu 2013 dwar il-pubblikazzjoni elettronika ta’ Il-Ġurnal Uffiċjali tal-Unjoni Ewropea (ĠU L 69, 13.3.2013, p. 1), mill-1 ta’ Lulju 2013, l-edizzjoni elettronika biss tal-Ġurnal Uffiċjali għandha tiġi meqjusa awtentika u għandu jkollha effett legali.
Fejn ma jkunx possibbli li tiġi ppubblikata l-edizzjoni elettronika tal-Ġurnal Uffiċjali minħabba ċirkostanzi eċċezzjonali u mhux previsti, l-edizzjoni stampata għandha tkun awtentika u għandu jkollha effett legali skont it-termini u l-kundizzjonijiet stipulati fl-Artikolu 3 tar-Regolament (UE) Nru 216/2013.