14.3.2013

Il-Ġurnal Uffiċjali tal-Unjoni Ewropea

L 70/1

REGOLAMENT TAL-KUMMISSJONI (UE) Nru 220/2013

tat-13 ta’ Marzu 2013

li jemenda r-Regolament tal-Kunsill (KE) Nru 297/95 rigward l-aġġustament tal-miżati tal-Aġenzija Ewropea għall-Mediċini għar-rata tal-inflazzjoni

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 297/95 tal-10 ta’ Frar 1995 dwar il-miżati li għandhom jitħallsu lill-Aġenzija Ewropea għall-Evalwazzjoni tal-Prodotti Mediċinali (1), u b’mod partikolari l-Artikolu 12(5) tiegħu,

Billi:

(1)

Skont l-Artikolu 67(3) tar-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (2), id-dħul tal-Aġenzija Ewropea għall-Mediċini (minn hawn ’il quddiem “l-Aġenzija”) għandu jikkonsisti f’kontribuzzjoni mill-Unjoni u fil-miżati mħallsa minn intrapriżi lill-Aġenzija. Ir-Regolament (KE) Nru 297/95 jistabbilixxi l-kategoriji u l-livelli ta’ dawn il-miżati.

(2)	Dawn il-miżati għandhom jiġu aġġornati b’referenza għar-rata tal-inflazzjoni tal-2012. Ir-rata tal-inflazzjoni fl-Unjoni, kif ippubblikata mill-Uffiċċju tal-Istatistika tal-Unjoni Ewropea (Eurostat), kienet 2,6 % fl-2012.

(3)	Għal raġunijiet ta’ sempliċità, il-livelli aġġustati tal-miżati għandhom jiġu aġġustati lejn l-eqreb EUR 100.

(4)	Ir-Regolament (KE) Nru 297/95 għandu għalhekk jiġi emendat skont dan.

(5)	Għal raġunijiet ta’ ċertezza legali dan ir-Regolament ma għandux japplika għal applikazzjonijiet validi li jkunu pendenti fl-1 ta’ April 2013.

(6)	Skont l-Artikolu 12 tar-Regolament (KE) Nru 297/95 l-aġġornament għandu jsir b’effett mill-1 ta’ April 2013. Għalhekk hu xieraq li dan ir-Regolament jidħol fis-seħħ bħala kwistjoni urġenti u japplika minn din id-data,

ADOTTAT DAN IR-REGOLAMENT:

Artikolu 1

Ir-Regolament (KE) Nru 297/95 huwa b’dan emendat kif ġej:

(1)

L-Artikolu 3 huwa emendat kif ġej:

(a)

il-paragrafu 1 huwa emendat kif ġej:

(i)

il-punt (a) huwa emendat kif ġej:

—	fl-ewwel subparagrafu, “EUR 267 400” hija mibdula għal “EUR 274 400”,

—	fit-tieni subparagrafu, “EUR 26 800” hija mibdula għal “EUR 27 500”,

—	fit-tielet subparagrafu, “EUR 6 700” hija mibdula għal “EUR 6 900”.

(ii)

il-punt (b) huwa emendat kif ġej:

—	fl-ewwel subparagrafu, “EUR 103 800” hija mibdula għal “EUR 106 500”,

—	fit-tieni subparagrafu, “EUR 172 800” hija mibdula għal “EUR 177 300”,

—	fit-tielet subparagrafu, “EUR 10 300” hija mibdula għal “EUR 10 600”,

—	fir-raba’ subparagrafu, “EUR 6 700” hija mibdula għal “EUR 6 900”.

(iii)

il-punt (c) huwa emendat kif ġej:

—	fl-ewwel subparagrafu, “EUR 80 300” hija mibdula għal “EUR 82 400”,

—	fit-tieni subparagrafu, “EUR 20 100 sa EUR 60 200” hija mibdula għal “EUR 20 600 sa EUR 61 800”,

—	fit-tielet subparagrafu, “EUR 6 700” hija mibdula għal “EUR 6 900”.

(b)

il-paragrafu 2 huwa emendat kif ġej:

(i)

l-ewwel subparagrafu tal-punt (a) huwa emendat kif ġej:

—	“EUR 2 900” hija mibdula għal “EUR 3 000”,

—	“EUR 6 700” hija mibdula għal “EUR 6 900”.

(ii)

il-punt (b) huwa emendat kif ġej:

—	fl-ewwel subparagrafu, “EUR 80 300” hija mibdula għal “EUR 82 400”,

—	fit-tieni subparagrafu, “EUR 20 100 sa EUR 60 200” hija mibdula għal “EUR 20 600 sa EUR 61 800”.

(c)	fil-paragrafu 3, “EUR 13 300” hija mibdula għal “EUR 13 600”.

(d)	fil-paragrafu 4, “EUR 20 100” hija mibdula għal “EUR 20 600”.

(e)	fil-paragrafu 5, “EUR 6 700” hija mibdula għal “EUR 6 900”.

(f)

il-paragrafu 6 huwa emendat kif ġej:

(i)	fl-ewwel subparagrafu, “EUR 95 900” hija mibdula għal “EUR 98 400”,

(ii)	fit-tieni subparagrafu, “EUR 23 900 sa EUR 71 900” hija mibdula għal “EUR 24 500 sa EUR 73 800”.

(2)	Fl-Artikolu 4, “EUR 66 700” hija mibdula għal “EUR 68 400”.

(3)

L-Artikolu 5 huwa emendat kif ġej:

(a)

il-paragrafu 1 huwa emendat kif ġej:

(i)

il-punt (a) huwa emendat kif ġej:

—	fl-ewwel subparagrafu, “EUR 133 800” hija mibdula għal “EUR 137 300”,

—	fit-tieni subparagrafu, “EUR 13 300” hija mibdula għal “EUR 13 600”,

—	fit-tielet subparagrafu, “EUR 6 700” hija mibdula għal “EUR 6 900”,

—

ir-raba’ subparagrafu huwa emendat kif ġej:

—	“EUR 66 700” hija mibdula għal “EUR 68 400”,

—	“EUR 6 700” hija mibdula għal “EUR 6 900”.

(ii)

il-punt (b) huwa emendat kif ġej:

—	fl-ewwel subparagrafu, “EUR 66 700” hija mibdula għal “EUR 68 400”,

—	fit-tieni subparagrafu, “EUR 113 100” hija mibdula għal “EUR 116 000”,

—	fit-tielet subparagrafu, “EUR 13 300” hija mibdula għal “EUR 13 600”,

—	fir-raba’ subparagrafu, “EUR 6 700” hija mibdula għal “EUR 6 900”,

—

il-ħames subparagrafu huwa emendat kif ġej:

—	“EUR 33 400” hija mibdula għal “EUR 34 300”,

—	“EUR 6 700” hija mibdula għal “EUR 6 900”.

(iii)

il-punt (c) huwa emendat kif ġej:

—	fl-ewwel subparagrafu, “EUR 33 400” hija mibdula għal “EUR 34 300”,

—	fit-tieni subparagrafu, “EUR 8 400 sa EUR 25 000” hija mibdula għal “EUR 8 600 sa EUR 25 700”,

—	fit-tielet subparagrafu, “EUR 6 700” hija mibdula għal “EUR 6 900”.

(b)

il-paragrafu 2 huwa emendat kif ġej:

(i)

il-punt (a) huwa emendat kif ġej:

—	“EUR 2 900” hija mibdula għal “EUR 3 000”,

—	“EUR 6 700” hija mibdula għal “EUR 6 900”.

(ii)

il-punt (b) huwa emendat kif ġej:

—	fl-ewwel subparagrafu, “EUR 40 100” hija mibdula għal “EUR 41 100”,

—	fit-tieni subparagrafu, “EUR 10 000 sa EUR 30 100” hija mibdula għal “EUR 10 300 sa EUR 30 900”,

—	fit-tielet subparagrafu, “EUR 6 700” hija mibdula għal “EUR 6 900”.

(c)	fil-paragrafu 3, “EUR 6 700” hija mibdula għal “EUR 6 900”.

(d)	fil-paragrafu 4, “EUR 20 100” hija mibdula għal “EUR 20 600”.

(e)	fil-paragrafu 5, “EUR 6 700” hija mibdula għal “EUR 6 900”.

(f)

il-paragrafu 6 huwa emendat kif ġej:

(i)	fl-ewwel subparagrafu, “EUR 32 000” hija mibdula għal “EUR 32 800”,

(ii)	fit-tieni subparagrafu, “EUR 8 000 sa EUR 23 900” hija mibdula għal “EUR 8 200 sa EUR 24 500”.

(4)	Fl-Artikolu 6, “EUR 40 100” hija mibdula għal “EUR 41 100”.

(5)

L-Artikolu 7 huwa emendat kif ġej:

(a)	fl-ewwel paragrafu, “EUR 66 700” hija mibdula għal “EUR 68 400”;

(b)	fit-tieni paragrafu, “EUR 20 100” hija mibdula għal “EUR 20 600”.

(6)

L-Artikolu 8 huwa emendat kif ġej:

(a)

il-paragrafu 1 huwa emendat kif ġej:

(i)	fit-tieni subparagrafu, “EUR 80 300” hija mibdula għal “EUR 82 400”,

(ii)	fit-tielet subparagrafu, “EUR 40 100” hija mibdula għal “EUR 41 100”,

(iii)

fir-raba’ subparagrafu, “EUR 20 100 sa EUR 60 200” hija mibdula għal “EUR 20 600 sa EUR 61 800”,

(iv)	fil-ħames subparagrafu, “EUR 10 000 sa EUR 30 100” hija mibdula għal “EUR 10 300 sa EUR 30 900”.

(b)

il-paragrafu 2 huwa emendat kif ġej:

(i)	fit-tieni subparagrafu, “EUR 267 400” hija mibdula għal “EUR 274 400”,

(ii)	fit-tielet subparagrafu, “EUR 133 800” hija mibdula għal “EUR 137 300”,

(iii)

fil-ħames subparagrafu, “EUR 2 900 sa EUR 230 500” hija mibdula għal “EUR 3 000 sa EUR 236 500”,

(iv)	fis-sitt subparagrafu, “EUR 2 900 sa EUR 115 400” hija mibdula għal “EUR 3 000 sa EUR 118 400”.

(c)	fil-paragrafu 3, “EUR 6 700” hija mibdula għal “EUR 6 900”.

Artikolu 2

Dan ir-Regolament ma għandux japplika għal applikazzjonijiet validi li huma pendenti fl-1 ta’ April 2013.

Artikolu 3

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ April 2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Marzu 2013.

Għall-Kummissjoni

Il-President

José Manuel BARROSO

(1) ĠU L 35, 15.2.1995, p. 1.

(2) ĠU L 136, 30.4.2004, p. 1.

14.3.2013

Il-Ġurnal Uffiċjali tal-Unjoni Ewropea

L 70/4

REGOLAMENT TA’ IMPLIMENTAZZJONI TAL-KUMMISSJONI (UE) Nru 221/2013

tat-13 ta’ Marzu 2013

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,

Billi:

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-13 ta’ Marzu 2013.

Għall-Kummissjoni, F'isem il-President,

José Manuel SILVA RODRÍGUEZ

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 157, 15.6.2011, p. 1.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	IL	107,2
	MA	70,6
	TN	85,6
	TR	118,6
	ZZ	95,5
0707 00 05	MA	167,3
	TR	169,8
	ZZ	168,6
0709 93 10	MA	47,8
	TR	116,4
	ZZ	82,1
0805 10 20	EG	57,9
	IL	59,6
	MA	51,3
	TN	64,7
	TR	62,8
	ZZ	59,3
0805 50 10	TR	81,8
0805 50 10	ZZ	81,8
0808 10 80	AR	116,3
	BR	84,8
	CL	139,6
	CN	76,3
	MK	31,3
	US	176,8
	ZZ	104,2
0808 30 90	AR	122,4
	BR	113,7
	CL	166,7
	TR	170,3
	US	191,0
	ZA	112,5
	ZZ	146,1

(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.

14.3.2013

Il-Ġurnal Uffiċjali tal-Unjoni Ewropea

L 70/7

DEĊIŻJONI TA’ IMPLIMENTAZZJONI TAL-KUMMISSJONI

tat-13 ta’ Marzu 2013

dwar l-approvazzjoni tal-użu ta’ dijodi li jemettu d-dawl f’ċerti funzjonijiet tad-dawl ta’ vetturi M1 bħala teknoloġija innovattiva biex jonqsu l-emissjonijiet tas-CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill

(Test b’relevanza għaż-ŻEE)

(2013/128/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta’ April 2009 li jistabbilixxi standards ta’ rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta’ CO2 minn vetturi ħfief (1), u b’mod partikolari l-Artikolu 12(4) tiegħu,

Billi:

(1)

Il-manifattur AUDI AG (“l-Applikant”) ressaq applikazzjoni għall-approvazzjoni ta’ teknoloġija innovattiva fid-29 ta’ Awwissu 2012. Ġie vvalutat li l-applikazzjoni hija sħiħa skont l-Artikolu 4 tar-Regolament ta’ Implimentazzjoni tal-Kummissjoni (UE) Nru 725/2011 tal-25 ta’ Lulju 2011 li jistabbilixxi proċedura għall-approvazzjoni u ċ-ċertifikazzjoni ta’ teknoloġiji innovattivi għat-tnaqqis tal-emissjonijiet ta’ CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (2). Il-Kummissjoni identifikat ċerta informazzjoni rilevanti li tħalliet barra fl-applikazzjoni oriġinali u talbet lill-Applikant biex jagħtiha. L-Applikant ta l-informazzjoni mitluba fil-25 ta’ Ottubru 2012. Instab li l-applikazzjoni kienet sħiħa u l-perjodu biex il-Kummissjoni tagħmel valutazzjoni tal-applikazzjoni beda l-għada ta’ meta waslet uffiċjalment l-informazzjoni sħiħa, jiġifieri s-26 ta’ Ottubru 2012.

(2)	L-applikazzjoni ġiet ivvalutata skont l-Artikolu 12 tar-Regolament (KE) Nru 443/2009, ir-Regolament ta’ Implimentazzjoni (UE) Nru 725/2011 u l-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009 (3).

(3)	L-applikazzjoni tirreferi għall-użu tad-dijodi li jemettu d-dawl (l-LEDs) fil-fanal ta’ quddiem tar-raġġi baxxi, fil-fanal ta’ quddiem tar-raġġi għoljin, u fil-fanal tal-pjanċa tal-liċenzja ta’ vetturi M1.

(4)	Il-Kummissjoni tagħraf li l-informazzjoni mogħtija fl-applikazzjoni turi li ntlaħqu l-kundizzjonijiet u l-kriterji msemmija fl-Artikolu 12 tar-Regolament (KE) Nru 443/2009 u fl-Artikoli 2 u 4 tar-Regolament ta’ Implimentazzjoni (UE) Nru 725/2011.

(5)

L-Applikant wera li l-użu tal-LEDs fil-fanal ta’ quddiem tar-raġġi baxxi, fil-fanal ta’ quddiem tar-raġġi għoljin, u fil-fanal tal-pjanċa tal-liċenzja ma jaqbiżx it-3 % tal-karozzi l-ġodda tal-passiġġieri li kienu rreġistrati fis-sena ta’ referenza 2009. Biex jappoġġa dan, l-Applikant ta dejta dwar il-persentaġġ ta’ LEDs installati f’funzjonijiet tad-dawl differenti fil-mudell AUDI A6, f’vetturi M1 immanifatturi mill-Volkswagen AG u dejta tal-produzzjoni mill-Assoċjazzjoni Ewropea tal-Fornituri ta’ Komponenti tal-Karozzi (CLEPA). Fuq din il-bażi, il-Kummissjoni tqis li l-użu tal-LEDs fil-fanal ta’ quddiem tar-raġġi baxxi, fil-fanal ta’ quddiem tar-raġġi għoljin, u fil-fanal tal-pjanċa tal-liċenzja għandu jitqiesu eliġibbli għall-approvazzjoni bħala teknoloġija innovattiva skont it-tifsira tal-Artikolu 12 tar-Regolament (KE) Nru 443/2009.

(6)

Id-definizzjoni tat-teknoloġija bażi hija essenzjali biex jinstab l-iffrankar tas-CO2 bit-teknoloġija innovattiva. Għalhekk din id-definizzjoni għandha tkun ġustifikata u msejsa fuq dejta rilevanti. L-Applikant ta dejta biex jappoġġa d-dawl aloġenu bħala t-teknoloġija li ppenetrat l-aktar fis-suq fl-2009. Il-Kummissjoni tinnota li għalkemm hemm teknoloġiji tad-dawl oħra li huma effiċjenti aktar fl-użu tal-enerġija u li ntużaw f’segment limitat tal-flotta tal-karozzi, huwa rikonoxxut li kien id-dawl aloġenu li ppenetra l-aktar is-suq għall-flotta kollha kemm hi. Minħabba f’hekk, u bl-iskop li jkun żgurat li l-metodoloġija għall-ittestjar tista’ tkun rilevanti u rappreżentattiva għall-flotta tal-vetturi kollha kemm hi, ikun xieraq li d-dawl aloġenu jitqies bħala t-teknoloġija bażi.

(7)	L-Applikant ta metodoloġija biex jiġi ttestjat it-tnaqqis tas-CO2 bl-użu tal-LEDs fil-funzjonijiet tad-dawl konċernati. Il-Kummissjoni tqis li l-metodoloġija tagħti riżultati preċiżi u affidabbli u tista’ terġa’ tintuża minn parti terza.

(8)	Il-Kummissjoni tqis li l-Applikant wera b’mod sodisfaċenti li, għall-vetturi li fuqhom ġiet ittestjata t-teknoloġija innovattiva permezz tal-metodoloġija deskritta, it-tnaqqis fl-emissjonijiet miksub bit-teknoloġija innovattiva huwa mill-anqas 1 g CO2/km.

(9)

Billi l-attivazzjoni tad-dawl fil-fanal ta’ quddiem tar-raġġi baxxi, fil-fanal ta’ quddiem tar-raġġi għoljin, u fil-fanal tal-pjanċa tal-liċenzja, ma hemmx bżonnha għat-test tal-approvazzjoni tat-tip tal-emissjonijiet tas-CO2 imsemmi fir-Regolament (KE) Nru 715/2007 tal-Parlament Ewropew u tal-Kunsill (4) u r-Regolament tal-Kummissjoni (KE) Nru 692/2008 (5), il-Kummissjoni hija sodisfatta li l-funzjonijiet tad-dawl inkwistjoni mhumiex koperti biċ-ċiklu tat-test standard.

(10)

L-attivazzjoni tal-funzjonijiet tad-dawl konċernati hija obbligatorja sabiex ikun żgurat li l-karozza titħaddem b’mod sikur u minħabba f’hekk ma tkunx dipendenti fuq l-għażla tas-sewwieq. Fuq din il-bażi l-Kummissjoni tqis li l-manifattur għandu jitqies responsabbli għat-tnaqqis fl-emissjonijiet tas-CO2 minħabba l-użu tal-LEDs.

(11)	Ir-rapport ta’ verifika ħejjieh korp indipendenti u ċċertifikat u dan jappoġġa s-sejbiet u t-testijiet li saru.

(12)	F’dan il-kuntest, il-Kummissjoni tqis li ma għandhom isiru l-ebda oġġezzjonijiet fejn tidħol l-approvazzjoni tat-teknoloġija innovattiva inkwistjoni.

(13)

Kull manifattur li jkun jixtieq igawdi minn tnaqqis fl-emissjonijiet speċifiċi medji tas-CO2 tiegħu bl-iskop li jilħaq il-mira tiegħu tal-emissjonijiet speċifiċi billi jiffranka s-CO2 bl-użu tal-LEDs fil-funzjonijiet tad-dawl konċernati, dan, skont l-Artikolu 11(1) tar-Regolament ta’ Implimentazzjoni (UE) Nru 725/2011, għandu jirreferu għal din id-Deċiżjoni fl-applikazzjoni tiegħu għal ċertifikat tal-KE tal-approvazzjoni tat-tip għall-vetturi konċernati,

ADOTTAT DIN ID-DEĊIŻJONI:

Artikolu 1

1. L-użu tal-LEDs fil-fanal ta’ quddiem tar-raġġi baxxi, fil-fanal ta’ quddiem tar-raġġi għoljin, u fil-fanal tal-pjanċa tal-liċenzja huwa approvat bħala teknoloġija innovattiva skont it-tifsira tal-Artikolu 12 tar-Regolament (KE) Nru 443/2009.

2. It-tnaqqis tas-CO2 bl-użu tal-LEDs fil-funzjonijiet tad-dawl imsemmija fil-paragrafu 1 għandu jinstab bil-metodoloġija stabbilita fl-Anness. It-tnaqqis tas-CO2 għandu jinstab bħala t-tnaqqis totali tat-taħlita tal-użu tal-LEDs fit-tliet funzjonijiet tad-dawl speċifikati.

Artikolu 2

Din id-Deċiżjoni għandha tidħol fis-seħħ fl-20 jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fi Brussell, it-13 ta’ Marzu 2013.

Għall-Kummissjoni

Il-President

José Manuel BARROSO

(1) ĠU L 140, 5.6.2009, p. 1.

(2) ĠU L 194, 26.7.2011, p. 19.

(3) http://ec.europa.eu/clima/policies/transport/vehicles/cars/docs/guidelines_en.pdf (il-verżjoni ta’ Lulju 2011)

(4) ĠU L 171, 29.6.2007, p. 1.

(5) ĠU L 199, 28.7.2008, p. 1.

ANNESS

Metodoloġija biex jinstab it-tnaqqis fl-emissjonijiet tas-CO2 bl-użu tad-dawl LEDs fil-fanali ta’ quddiem tar-raġġi baxxi, fil-fanali ta’ quddiem tar-raġġi għoljin, u fil-fanali tal-pjanċa tal-liċenzja

1. INTRODUZZJONI

Sabiex jinstab it-tnaqqis tas-CO2 li jista’ jkun attribwit għall-użu tal-LEDs fil-fanali ta’ quddiem tar-raġġi baxxi, fil-fanali ta’ quddiem tar-raġġi għoljin, u fil-fanali tal-pjanċa tal-liċenzja mgħammra f’vetturi M1, iridu jkunu stabbiliti dawn li ġejjin:

(a)	Il-konsum tal-qawwa elettrika tad-dwal LED li jintużaw fil-funzjonijiet tad-dawl inkwistjoni;

(b)	L-iffrankar fil-konsum tal-qawwa elettrika meta mqabbel mat-teknoloġija bażi, jiġifieri mad-dwal aloġeni;

(c)	It-tnaqqis fl-emissjonijiet tas-CO2 minħabba li jkun iffrankat il-konsum tal-qawwa elettrika.

2. JINSTAB IL-KONSUM TAL-QAWWA ELETTRIKA TAL-LEDs

Il-konsum tal-qawwa elettrika tal-LEDs għal kull funzjoni tad-dawl konċernata jrid jinstab bħala l-multiplikazzjoni tal-vultaġġ tal-batterija u l-kurrent elettriku ta’ kull unità tad-dawl bin-numru ta’ dwal ta’ kull unità tad-dawl, skont il-formula:

Formula ;

PLED	:	il-konsum tal-qawwa elettrika ta’ funzjoni tad-dawl bl-LEDs (W);
U	:	il-vultaġġ tal-batterija (V). Dan l-ammont jista’ jitkejjel bil-multimetru;
I	:	il-kurrent elettriku (A). Dan l-ammont jista’ jitkejjel bil-multimetru;
n	:	in-numru ta’ dwal f’funzjoni.

Il-kejl tal-konsum tal-qawwa tal-LEDs jista’ jsir b’mod separat mit-test sħun tal-NEDC (ara l-punt 4 ta’ dan l-Anness).

3. JINSTAB KEMM ĠIE FFRANKAT KONSUM TAL-QAWWA ELETTRIKA BL-UŻU TAL-LEDs

L-iffrankar fil-konsum tal-qawwa elettrika minħabba l-LEDs irid jinstab billi jitqabbel il-konsum tal-qawwa elettrika tat-teknoloġija bażi mal-konsum tal-qawwa elettrika tal-LEDs għal kull funzjoni tad-dawl rilevanti.

L-iffrankar totali li joħroġ mit-tqabbil irid jiġi mmultiplikat b’fattur tal-użu li jkun jirrappreżenta l-ħin li matulu l-LEDs ikunu attivati għalkollox.

Iċ-ċifri speċifikati fit-tabella jridu jiġu applikati għall-konsum tal-qawwa elettrika tat-teknoloġija bażi u għall-fatturi tal-użu.

Funzjoni tad-dawl	Il-konsum totali tal-qawwa elettika tat-teknoloġija bażi (id-dwal aloġeni) (W) (1)	Il-fattur tal-użu (%) (2)
Il-fanal ta’ quddiem tar-raġġi baxxi	137	33
Il-fanal ta’ quddiem tar-raġġi għoljin	150	3
Il-fanal tal-pjanċa tal-liċenzja	12	36

4. JINSTAB IT-TNAQQIS FL-EMISSJONIJIET TAS-CO2 MINĦABBA LI JKUN IFFRANKAT IL-KONSUM TAL-QAWWA ELETTRIKA

Sabiex jikkwantifikaw l-impatt tal-konsum tal-qawwa elettrika fuq l-emissjonijiet tas-CO2, il-vettura trid tiġi ttestjata fuq dinamometru tax-xażi billi jsir test ta’ startjar sħun tal-NEDC kif inhu speċifikat fl-Anness 4a tar-Regolament Nru 83 tal-Kummissjoni Ekonomika għall-Ewropa tan-Nazzjonijiet Uniti (UN/ECE) – Dispożizzjonijiet uniformi dwar l-approvazzjoni tal-vetturi fir-rigward tal-emissjoni ta’ sustanzi li jniġġsu skont ir-rekwiżiti tal-fjuwil tal-magni (3).

Sabiex ikun żgurat li l-kejl jista’ jiġi ripetut, il-qawwa tat-tagħbija elettrika żejda trid tkun ogħla b’mod sinifikanti mill-iffrankar potenzjali fil-qawwa elettrika tal-LEDs (l-iffrankar huwa inqas minn 40 W). Għalhekk trid tingħażel tagħbija żejda li biha l-alternejter ikun jista’ jipproduċi qawwa elettrika żejda ta’ ~750 W.

B’kollox iridu jsiru għaxar testijiet ta’ startjar sħun tal-NEDC, li ħamsa minnhom iridu jsiru bit-tagħbija żejda ta’ ~750 W u l-ħamsal-oħra mingħajrha. Sabiex tiġi minimizzata l-varjabbiltà tar-riżultati tat-testijiet, it-temperatura taż-żejt, it-temperatura ambjentali, u l-ħin bejn esperiment u ieħor iridu jiġu mmonitorjati u jinżammu kostanti fil-bidu tat-test.

Għal dawn il-varjabbli u għall-issettjar tat-tagħbija fit-triq, iridu jiġu segwiti dawn l-ispeċifikazzjonijiet li ġejjin:

—	L-issettjar tat-tagħbija fit-triq tad-dinamometru tax-xażi jrid jinstab skont il-proċedura għall-kalibrar tad-dinamometru kif inhi definita fl-Anness 7 tar-Regolament Nru 83 (UN/ECE).

—	Il-magna trid tissaħħan fil-bidu tat-test, jiġifieri t-temperatura taż-żejt trid tkun 92 °C < T < 96 °C;

—	It-temperatura ambjentali trid tkun 22,0 °C < T < 23,8 °C;

—	Il-ħin bejn it-testijiet ma jridx jaqbeż il-45 minuta.

Iridu jitkejlu dawn li ġejjin:

—	L-output elettriku tal-alternejter mkejjel bit-tagħbija elettrika żejda ta’ ~750 W (5 testijiet) (potenzjometru) u mingħajr it-tagħbija żejda (5 testijiet);

—	L-emissjonijiet tas-CO2.

5. JINSTAB IT-TNAQQIS FL-EMISSJONIJIET TAS-CO2 U TINSTAB IS-SINIFIKANZA STATISTIKA

Id-differenza bejn l-emissjonijiet medji tas-CO2 li joħorġu mill-għaxar testijiet imwettqa skont il-punt 4 trid tiġi mmultiplikata bl-iffrankar medju fil-qawwa elettrika ddeterminat skont il-punt 3 diviż bid-differenza bejn il-konsum medju tal-qawwa elettrika li toħroġ miż-żewġ testijiet imwettqa bit-tagħbija elettrika żejda u mingħajrha, jiġifieri:

Formula

CiCO2	:	l-iffrankar tas-CO2 tad-dwal LED (g/km)
MiC	:	l-emissjonijiet massa tas-CO2 bit-tagħbija elettrika żejda (g/km)
MiNC	:	l-emissjonijiet massa tas-CO2 mingħajr it-tagħbija elettrika żejda (g/km)
ΔΡM	:	l-iffrankar medju fil-qawwa elettrika bl-użu tal-LEDs (W)
PiC	:	il-konsum medju tal-qawwa elettrika b’konsumatur żejjed (W)
PiNC	:	il-konsum medju tal-qawwa elettrika mingħajr konsumatur żejjed (W)

Is-sinifikanza statistika tal-effetti mkejla trid tinstab billi tiġi kkalkulata d-devjazzjoni standard tal-ammonti mkejla ta’ CO2 (bit-tagħbija żejda u mingħajrha) u billi titqabbel id-differenza tal-ammonti mkejla ta’ CO2 (bit-tagħbija żejda u mingħajrha) mad-devjazzjoni standard. Id-differenza tal-ammonti mkejla ta’ CO2 trid tkun aktar minn tliet darbiet tad-devjazzjoni standard.

(1) Il-konsum tal-qawwa elettrika kif inhu ddeterminat fil-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009, “il-Linji Gwida Tekniċi”.

(2) Il-fatturi tal-użu kif inhuma ddeterminati fil-Linji Gwida Tekniċi.

(3) ĠU L 42, 15.2.2012, p. 1.

14.3.2013

Il-Ġurnal Uffiċjali tal-Unjoni Ewropea

L 70/11

Rettifika għad-Deċiżjoni tal-Kummissjoni 2010/18/KE tas-26 ta' Novembru 2009 li tistabbilixxi l-kriterji ekoloġiċi għall-għoti tal-Ekotikketta Komunitarja għal kisi tal-injam tal-art

( Il-Ġurnal Uffiċjali tal-Unjoni Ewropea L 8 tat-13 ta’ Jannar 2010 )

F’paġna 38, is-Subkriterju 2.2:

minflok:

“Formaldehyde

Emissjonijiet ta’ formaldehyde minn sustanzi u preparazjonijiet għal trattament tal-wiċċ li jilliberaw formaldehyde għandhom ikunu anqas minn 0,05ppm.

Valutazzjoni u verifika: l-applikant u/jew il-fornitur tiegħu għandu jipprovdi Dokument ta’ Informazzjoni dwar is-Sikurezza tal-Materjal jew dikjarazzjoni ekwivalenti għall-konformità ma’ dan ir-rekwiżit, flimkien ma’ informazzjoni dwar il-formulazzjoni tat-trattament tal-wiċċ.”;

aqra:

“Formaldeid

Emissjonijiet ta’ formaldeid minn sustanzi u preparazjonijiet għat-trattament tal-wiċċ li jilliberaw il-formaldeid għandhom ikunu anqas minn 0,062 mg/m3 ta’ arja.

Evalwazzjoni u verifika: l-applikant u/jew il-fornitur tiegħu għandu jippreżenta dikjarazzjoni li turi li r-rekwiżit ta’ hawn fuq ġie ssodisfat, flimkien ma’ jew l-informazzjoni dwar il-formolazzjoni tat-trattament tal-wiċċ (pereżempju Dokumenti ta’ Informazzjoni dwar is-Sikurezza) jew ir-riżultati ta’ testijiet li juru evidenza li l-valur massimu tal-emissjoni tal-formaldeid ma jissuperax il-limitu ddikjarat (ibbażat fuq l-istandard EN 717-1).”.

F’paġna 39, is-Subkriterju 4.1:

minflok:

“4.1. Ħruġ ta’ sustanzi perikolużi

Il-ħruġ ta’ formaldehyde mill-pannelli tas-sufra, bambù jew fibri tal-injam li jikkostitwixxu l-kisi ma għandux jaqbeż iż-0,05 mg/m3.

Valutazzjoni u verifika: l-applikant għandu jipprovdi dokumentazzjoni xierqa bbażata fuq test skont il-metodu ta’ chamber test skont il-metodu EN 717-1.”;

aqra:

“4.1. Ħruġ ta’ sustanzi perikolużi

Materjali b’bażi ta’ injam huma permessi biss f’kisi tal-injam għall-art jekk jikkonformaw mar-rekwiżiti li ġejjin dwar l-emissjonijiet tal-formaldeid:

(a)	Particleboard: l-emissjoni ta’ formaldeid mill-particleboards fl-istat naturali tagħhom, jiġifieri qabel ma jinħadmu bil-magni jew jinksew, ma għandhiex taqbeż il-50 % tal-valur massimu li jippermettilha tiġi kklassifikata bħala E1 skont l-istandard EN 312.

(b)

Fibreboard: L-emissjoni ta’ formaldehyde mill-fibreboard(s) fl-istat naturali tiegħu, jiġifieri qabel ma jinħadem bil-magni jew jinkesa, ma għandhiex taqbeż il-50 % tal-valur massimu li jippermettilha tiġi kklassifikata ta’ kwalità E1 skont l-istandard EN 622-1. Madanakollu, il-fibreboard(s) klassifikat bħala E1 se jiġi aċċettat jekk ma jirrappreżentax aktar minn 50 % tat-total tal-injam u tal-materjali abbażi ta’ injam użati fil-prodott.

(c)	Sufra u bambù: Ir-rilaxx ta’ formaldeid ma għandux jaqbeż iż-0,062 mg/m3 ta’ arja.

Valutazzjoni u verifika: l-applikant u/jew il-fornitur tiegħu għandu jagħti evidenza li l-materjali abbażi ta’ injam jirrilaxxaw anqas minn 4 mg/100 g ta’ injam imnixxef fil-forn skont EN 120 (il-metodu ta’ perforazzjoni) jew anqas minn 0,062 mg/m3 ta’ arja skont EN 717-1 (il-metodu chamber). Barra minn hekk, għandha tiġi ppreżentata dikjarazzjoni li ġiet stabbilita sistema ta’ kontroll tal-produzzjoni tal-fabbrika skont EN 312 jew EN 622-1.”

		ISSN 1977-074X doi:10.3000/1977074X.L_2013.070.mlt
Il-Ġurnal Uffiċjali tal-Unjoni Ewropea		L 70

Edizzjoni bil-Malti	Leġiżlazzjoni	Volum 56 14 ta' Marzu 2013

Werrej		II Atti mhux leġiżlattivi	Paġna
		REGOLAMENTI
	*	Regolament tal-Kummissjoni (UE) Nru 220/2013 tat-13 ta’ Marzu 2013 li jemenda r-Regolament tal-Kunsill (KE) Nru 297/95 rigward l-aġġustament tal-miżati tal-Aġenzija Ewropea għall-Mediċini għar-rata tal-inflazzjoni ( 1 )	1
		Regolament ta’ Implimentazzjoni tal-Kummissjoni (UE) Nru 221/2013 tat-13 ta’ Marzu 2013 li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex	4
		DEĊIŻJONIJIET
		2013/127/UE
	*	Deċiżjoni tal-Kunsill tal-11 ta’ Marzu 2013 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Bank Ċentrali ta’ Ċipru	6
		2013/128/UE
	*	Deċiżjoni ta’ Implimentazzjoni tal-Kummissjoni tat-13 ta’ Marzu 2013 dwar l-approvazzjoni tal-użu ta’ dijodi li jemettu d-dawl f’ċerti funzjonijiet tad-dawl ta’ vetturi M1 bħala teknoloġija innovattiva biex jonqsu l-emissjonijiet tas-CO2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill ( 1 )	7

		Rettifika
	*	Rettifika għad-Deċiżjoni tal-Kummissjoni 2010/18/KE tas-26 ta' Novembru 2009 li tistabbilixxi l-kriterji ekoloġiċi għall-għoti tal-Ekotikketta Komunitarja għal kisi tal-injam tal-art ( ĠU L 8, 13.1.2010 )	11


	(1) Test b’relevanza għaż-ŻEE