ANNESS I

L-Annessi I u IX tad-Direttiva 2007/46/KE huma emendati kif ġej:

(1)

L-Anness I huwa emendat kif ġej: (a) Jiddaħħlu dawn l-entrati 3.5.6, 3.5.6.1, 3.5.6.2 u 3.5.6.3: 3.5.6.   Vettura mgħammra b’innovazzjoni ekoloġika fis-sens tal-Artikolu 12 tar-Regolament (KE) Nru 443/2009 tal-Parlament Ewropew u tal-Kunsill (*1) u tar-Regolament ta’ Implimentazzjoni tal-Kummissjoni (UE) Nru 725/2011 (*2): iva/le (1) 3.5.6.1.   Tip/Varjant/Verżjoni ta’ vettura ta’ referenza kif imsemmi fl-Artikolu 5 tar-Regolament ta’ Implimentazzjoni (UE) Nru 725/2011 (jekk applikabbli): … 3.5.6.2.   Eżistenza ta’ interazzjonijiet bejn innovazzjonijiet ekoloġiċi differenti: iva/le (1) 3.5.6.3.   Dejta dwar l-emissjonijiet relatata mal-użu tal-innovazzjonijiet ekoloġiċi (irrepeti t-tabella għal kull fjuwil ta’ referenza ttestjat) (w1) Id-deċiżjoni li tapprova l-innovazzjoni ekoloġika (w2) Il-kodiċi tal-innovazzjoni ekoloġika (w3) 1. Emissjonijiet tas-CO2 tal-vettura ta’ referenza (g/km) 2. L-emissjonijiet tas-CO2 tal-vettura tal-innovazzjoni ekoloġika (g/km) 3. L-missjonijiet tas-CO2 tal-vettura ta’ referenza fiċ-ċiklu ta’ ttestjar tat-Tip 1 (w4) 4. L-emissjonijiet tas-CO2 tal-vettura tal-innovazzjoni ekoloġika fiċ-ċiklu tal-ittestjar tat-Tip 1 (= 3.5.1.3) 5. Il-fattur tal-użu (UF), i.e. sehem temporali tal-użu teknoloġiku f’kundizzjonijiet operattivi normali L-iffrankar tal-emissjonijiet tas-CO2 xxxx/201x                                               L-iffrankar totali ta’ emissjonijiet tas-CO2 (g/km)(w5)   (*1)   ĠU L 140, 5.6.2009, p. 1.’;" (*2)   ĠU L 194, 26.7.2011, p. 19.”;" (b) Jiżdiedu dawn in-noti ta’ spjegazzjoni li ġejjin: “(w) Innovazzjonijiet ekoloġiċi. (w1) Espandi t-tabella jekk hu meħtieġ, billi tuża ringiela żejda għal kull innovazzjoni ekoloġiċi (w2) In-numru tad-Deċiżjoni tal-Kummissjoni li tapprova l-innovazzjoni ekoloġika (w3) Assenjat fid-Deċiżjoni tal-Kummissjoni li tapprova l-innovazzjoni ekoloġika (w4) Skont il-ftehim tal-awtorità tal-approvazzjoni tat-tip, jekk metodoloġija tal-immudellar hi applikata flok iċ-ċiklu tal-ittestjar ta’ tip 1, dan il-valur għandu jkun dak mogħti mill-metodoloġija tal-immudellar. (w5) Is-somma tal-iffrankar tal-emissjonijiet tas-CO2 ta’ kull innovazzjoni ekoloġika individwali.”;

(2)

L-Anness IX huwa emendat kif ġej: (a) Jiddaħħlu l-entrati 3, 3.1 u 3.2 li ġejjin fl-entrata 49 tal-Parti I, in-Naħa 2 – il-Kategorija ta’ vetturi M1 (vetturi kompluti u kkompletati) tal-mudell taċ-ċertifikat ta’ konformità tal-KE: 3.   Vettura mgħammra b’innovazzjoni(jiet) ekoloġika(ekoloġiċi): iva/le (1) 3.1.   Kodiċi ġenerali tal-innovazzjoni(jiet) ekoloġika(ekoloġiċi) (p1): … 3.2.   L-iffrankar totali tal-emissjonijiet tas-CO2 permezz tal-innovazzjoni(jiet) ekoloġika(ekoloġiċi) (p2) (irrepeti għal kull fjuwil ta’ referenza ttestjat): … ”; (b) Jiżdiedu n-noti ta’ spjegazzjoni li ġejjin fin-“Noti ta’ Spjegazzjoni li għandhom x’jaqsmu mal-Anness IX”: “(p) Innovazzjonijiet ekoloġiċi. (p1) Il-kodiċi ġenerali tal-innovazzjoni(jiet) ekoloġika(ekoloġiċi) għandha tikkonsisti minn dawn l-elementi li ġejjin, kull wieħed separat bi spazju vojt: — Il-kodiċi tal-awtorità li tagħti l-approvazzjoni, kif stabbilit fl-Anness VII; — Il-kodiċi individwali ta’ kull innovazzjoni ekoloġika li biha tkun mgħammra l-vettura, b’indikazzjoni fl-ordni kronoloġika tad-deċiżjonijiet ta’ approvazzjoni tal-Kummissjoni. (Pereżempju, il-kodiċi ġenerali ta’ tliet innovazzjonijiet ekoloġiċi approvati kronoloġikament bħala 10, 15 u 16 u li bihom tkun mgħammra vettura ċċertifikata mill-awtorità Ġermaniża tal-approvazzjoni tat-tip għandha tkun: ‘e1 10 15 16’.) (p2) Is-somma tal-iffrankar tal-emissjonijiet tas-CO2 ta’ kull innovazzjoni ekoloġika individwali.”.

---

(*1)   ĠU L 140, 5.6.2009, p. 1.’;

(*2)   ĠU L 194, 26.7.2011, p. 19.”;”

ANNESS II

---

(1)  Meta restrizzjonijiet għall-fjuwil ikunu applikabbli, indika dawn ir-restrizzjonijiet (eż: għall-gass naturali indika jekk hux il-firxa L jew il-firxa H).

(2)  Għall-vetturi ta’ bifjuwils, it-tabella għandha tkun ripetuta għaż-żewġ fjuwils li huma.

(3)  Għal vetturi ta’ fjuwil flessibbli, meta t-test ikun se jsir fuq iż-żewġ fjuwils, skont il-Figura I.2.4 tal-Anness I tar-Regolament (KE) Nru 692/2008, u għall-vetturi li jużaw l-LPG jew l-NG/Bijometan, il-bifjuwil jew il-monofjuwil, it-tabella għandha tkun ripetuta għall-gassijiet differenti ta’ referenza użati fit-test, u tabella addizzjonali għandha turi l-agħar riżultati miksuba. Meta applikabbli, skont it-taqsimiet 1.1.2.4 u 1.1.2.5 tal-Anness I tar-Regolament (KE) Nru 692/2008, din trid tintwera jekk ir-riżultati jitkejlu jew jiġu kkalkolati.

(1)  Ħassar fejn ma japplikax.

(2)  Jekk applikabbli.

(4)  Għall-Euro VI, ESC irid jinftiehem bħala WHSC u ETC bħala WHTC.

(5)  Għall-Euro VI, jekk il-magni li joperaw bis-CNG u l-LPG jiġu ttestjati bi fjuwils ta’ referenza differenti, it-tabella għandha ssir mill-ġdid għal kull fjuwil ta’ referenza ttestjat.

(6)  Irrepeti t-tabella għal kull fjuwil ta’ referenza ttestjat.

(7)  L-unità “l/100 km” tinbidel bi “m3/100 km” għal vetturi li joperaw bl-NG u l-H2NG, u bi “kg/100 km” għal vetturi li joperaw bl-idroġenu.

(1)  

(h1)	Irrepeti t-tabella għal kull varjant/verżjoni.

(2)  

(h2)	Irrepeti t-tabella għal kull fjuwil ta’ referenza ttestjat.

(3)  

(h3)	Espandi t-tabella jekk hu meħtieġ, billi tuża ringiela żejda għal kull innovazzjoni ekoloġika.

(4)  

(h4)	In-numru tad-Deċiżjoni tal-Kummissjoni li tapprova l-innovazzjoni ekoloġika.

(5)  

(h5)	Assenjat fid-Deċiżjoni tal-Kummissjoni li tapprova l-innovazzjoni ekoloġika.

(6)  

(h6)	Jekk tiġi applikata metodoloġija tal-immudellar flok iċ-ċiklu ta’ ttestjar ta’ tip 1, dan il-valur għandu jkun dak mogħti mill-metodoloġija tal-immudellar.

(7)  

(h7)	Is-somma tal-iffrankar tal-emissjonijiet tas-CO2 ta’ kull innovazzjoni ekoloġika individwali.

(8)  

(h8)

Il-kodiċi ġenerali tal-innovazzjoni(jiet) ekoloġika(ekoloġiċi) għandha tikkonsisti minn dawn l-elementi li ġejjin, kull wieħed separat bi spazju vojt: — Il-kodiċi tal-awtorità li tagħti l-approvazzjoni, kif stipulat fl-Anness VII; — Il-kodiċi individwali ta’ kull innovazzjoni ekoloġika li biha tkun mgħammra l-vettura, b’indikazzjoni fl-ordni kronoloġika tad-deċiżjonijiet ta’ approvazzjoni tal-Kummissjoni. (Pereżempju, il-kodiċi ġenerali ta’ tliet innovazzjonijiet ekoloġiċi approvati kronoloġikament bħala 10, 15 u 16 u li bihom tkun mgħammra vettura ċċertifikata mill-awtorità Ġermaniża tal-approvazzjoni tat-tip għandu jkun: ‘e1 10 15 16’.)”.

ANNESS III

L-Annessi I u XII tar-Regolament (KE) Nru 692/2008 huma emendati kif ġej:

(1)

L-Anness I huwa emendat kif ġej: (a) Jiddaħħlu l-punti li ġejjin 4.3.5, 4.3.5.1 u 4.3.5.2: “4.3.5.   Vettura mgħammra b’innovazzjonijiet ekoloġiċi 4.3.5.1.   Fil-każ ta’ tip ta’ vettura li hi mgħammra b’innovazzjoni ekoloġika waħda jew aktar, fis-sens tal-Artikolu 12 tar-Regolament (KE) Nru 443/2009 tal-Parlament Ewropew u tal-Kunsill (*1) u tar-Regolament ta’ Implimentazzjoni (UE) Nru 725/2011 (*2), il-konformità tal-produzzjoni għandha tintwera skont l-innovazzjonijiet ekoloġiċi, billi jsiru t-testijiet stipulati fid-Deċiżjoni(jiet) tal-Kummissjoni li japprovaw l-innovazzjoni(jiet) ekoloġika(ekoloġiċi) inkwistjoni. 4.3.5.2.   Il-punti 4.3.1, 4.3.2 u 4.3.4 għandhom japplikaw. (*1)   ĠU L 140, 5.6.2009, p. 1." (*2)   ĠU L 194, 26.7.2011, p. 19.”;" (b) Fl-Appendiċi 3, jiddaħħlu l-punti li ġejjin 3.5.6, 3.5.6.1, 3.5.6.2 u 3.5.6.3: 3.5.6.   Vettura mgħammra b’innovazzjoni ekoloġika fis-sens tal-Artikolu 12 tar-Regolament (KE) Nru 443/2009 u tar-Regolament ta’ Implimentazzjoni (UE) Nru 725/2011: iva/le (*3) 3.5.6.1.   Tip/Varjant/Verżjoni tal-vettura ta’ referenza kif definit fl-Artikolu 5 tar-Regolament ta’ Implimentazzjoni (UE) Nru 725/2011 (*4): … 3.5.6.2.   Interazzjonijiet li jeżistu bejn innovazzjonijiet ekoloġiċi differenti: iva/le (*3) 3.5.6.3.   Dejta dwar l-emissjonijiet relatati mal-użu ta’ innovazzjonijiet ekoloġiċi (*5)  (*6) Id-deċiżjoni li tapprova l-innovazzjoni ekoloġika (1) Il-kodiċi tal-innovazzjoni ekoloġika (2) 1. L-emissjonijiet tas-CO2 tal-vettura ta’ referenza (g/km) 2. L-emissjonijiet tas-CO2 tal-vettura tal-innovazzjoni ekoloġika (g/km) 3. L-emissjonijiet tas-CO2 tal-vettura ta’ referenza fiċ-ċiklu ta’ ttestjar tat-tip 1 (3) 4. L-emissjonijiet tas-CO2 tal-vettura mgħammra b’innovazzjoni ekoloġika fiċ-ċiklu ta’ ttestjar tat-tip 1 (= 3.5.1.3) 5. Il-fattur tal-użu (UF), i.e. sehem temporali tal-użu teknoloġiku f’kundizzjonijiet operattivi normali L-iffrankar tal-emissjonijiet tas-CO2 xxxx/201x (1)                                               L-iffrankar totali ta’ emissjonijiet tas-CO2 (g/km) (4)   (*3)  Ħassar fejn ma japplikax" (*4)  Jekk applikabbli." (*3)  Ħassar fejn ma japplikax" (*5)  Irrepeti t-tabella għal kull fjuwil ta’ referenza ttestjat." (*6)  Espandi t-tabella jekk hu meħtieġ, billi tuża ringiela żejda għal kull innovazzjoni ekoloġika.” " (c) L-Addendum għall-Appendiċi 4 hu emendat kif ġej: (i) Fil-punt 2.1, it-tabella li tikkorrispondi għat-test tat-tip 6 hi mibdula b’dan li ġej: “It-Tip 6 Is-CO (g/km) It-THC (g/km) Valur imkejjel”;     (ii) Il-Punt 2.1.1 hu mibdul b’dan li ġej: 2.1.1.   Għall-vetturi ta’ bifjuwils, it-tabella tat-test tat-tip 1 għandha tkun ripetuta għaż-żewġ fjuwils. Għall-vetturi ta’ fjuwil flessibbli, meta t-test tat-tip 1 irid isir fuq iż-żewġ fjuwils, skont il-Figura I.2.4 tal-Anness I għar-Regolament (KE) Nru 692/2008, u għal vetturi li jużaw l-LPG jew l-NG/Bijometan, il-monofjuwil jew il-bifjuwil, it-tabella għandha tkun ripetuta għall-gassijiet differenti ta’ referenza użati fit-test, u tabella addizzjonali trid turi l-agħar riżultati miksuba. Meta applikabbli, skont it-taqsimiet 1.1.2.4 u 1.1.2.5 tal-Anness I tar-Regolament (KE) Nru 692/2008, din għandha tintwera jekk ir-riżultati jitkejlu jew jiġu kkalkolati.”; (iii) Jiddaħħlu l-punti li ġejjin 2.6 u 2.6.1: “2.6.   Ir-riżultati tat-test tal-innovazzjonijiet ekoloġiċi (*7)  (*8) Id-deċiżjoni li tapprova l-innovazzjoni ekoloġika (5) Il-kodiċi tal-innovazzjoni ekoloġika (6) 1. L-emissjonijiet tas-CO2 tal-vettura ta’ referenza (g/km) 2. L-emissjonijiet tas-CO2 tal-vettura mgħammra b’innovazzjoni ekoloġika (g/km) 3. L-emissjonijiet tas-CO2 tal-vettura ta’ referenza fiċ-ċiklu ta’ ttestjar tat-tip 1 (7) 4. L-emissjonijiet tas-CO2 tal-vettura mgħammra b’innovazzjoni ekoloġika fiċ-ċiklu ta’ ttestjar tat-tip 1 (= 3.5.1.3) 5. Il-fattur tal-użu (UF), i.e. sehem temporali tal-użu teknoloġiku f’kundizzjonijiet operattivi normali L-iffrankar tal-emissjonijiet tas-CO2 xxxx/201x                                               L-iffrankar totali tal-emissjonijiet tas-CO2 (g/km) (8)   2.6.1.   Il-kodiċi ġenerali tal-innovazzjoni(jiet) ekoloġika(ekoloġiċi) (*9): … (*7)  Irrepeti t-tabella għal kull fjuwil ta’ referenza ttestjat." (*8)  Espandi t-tabella jekk hu meħtieġ, billi tuża ringiela żejda għal kull innovazzjoni ekoloġika." (*9)   Il-kodiċi ġenerali tal-innovazzjoni(jiet) ekoloġika(ekoloġiċi) għandha tikkonsisti minn dawn l-elementi li ġejjin, kull wieħed separat bi spazju vojt: — l-kodiċi tal-awtorità tal-approvazzjoni tat-tip kif definit fl-Anness VII tad-Direttiva 2007/46/KE; — Il-kodiċi individwali ta’ kull innovazzjoni ekoloġika li biha tkun mgħammra l-vettura, b’indikazzjoni fl-ordni kronoloġika tad-deċiżjonijiet ta’ approvazzjoni tal-Kummissjoni. (Pereżempju, il-kodiċi ġenerali ta’ tliet innovazzjonijiet ekoloġiċi approvati kronoloġikament bħala 10, 15 u 16 u li bihom tkun mgħammra vettura ċċertifikata mill-awtorità Ġermaniża tal-approvazzjoni tat-tip għandha tkun: “e1 10 15 16”.)”; "

(2)

Fl-Anness XII jiddaħħlu l-punti li ġejjin 4, 4.1, 4.2, 4.3 u 4.4: “4.   APPROVAZZJONI TAT-TIP TA’ VETTURI MGĦAMMRA B’INNOVAZZJONIJIET EKOLOĠIĊI 4.1.   Skont l-Artikolu 11(1) tar-Regolament ta’ Implimentazzjoni (UE) Nru 725/2011, manifattur li jixtieq jibbenefika minn tnaqqis tal-emissjonijiet medji speċifiċi tas-CO2 tiegħu permezz ta’ ffrankar minn innovazzjoni ekoloġika waħda jew iżjed li biha tkun mgħammra vettura, għandu japplika għand awtorità tal-approvazzjoni għal ċertifikat tal-approvazzjoni tat-tip KE tal-vettura mgħammra bl-innovazzjoni ekoloġika. 4.2.   L-iffrankar tal-emissjonijiet tas-CO2 mill-vettura mgħammra b’innovazzjoni ekoloġika għandu, għal finijiet tal-approvazzjoni tat-tip, ikun determinat bil-proċedura u l-metodoloġija tal-ittestjar speċifikata fid-Deċiżjoni tal-Kummissjoni li tapprova l-innovazzjoni ekoloġika, skont l-Artikolu 10 tar-Regolament ta’ Implimentazzjoni (UE) Nru 725/2011. 4.3.   Il-prestazzjoni tat-testijiet meħtieġa biex ikun determinat l-iffrankar tal-emissjonijiet tas-CO2 miksub bl-innovazzjonijiet ekoloġiċi għandha tiġi kkunsidrata bla ħsara għad-dimostrazzjoni ta’ konformità tal-innovazzjonijiet ekoloġiċi mal-preskrizzjonijiet tekniċi stabbiliti fid-Direttiva 2007/46/KE, jekk applikabbli. 4.4.   L-approvazzjoni tat-tip ma għandhiex tingħata jekk il-vettura mgħammra bl-innovazzjoni ekoloġika ma turix minimu ta’ 1 gCO2/km ta’ tnaqqis fl-emissjonijiet fir-rigward tal-vettura ta’ referenza, kif stipulat fl-Artikolu 5 tar-Regolament ta’ Implimentazzjoni (UE) Nru 725/2011.”.

---

(*1)   ĠU L 140, 5.6.2009, p. 1.

(*2)   ĠU L 194, 26.7.2011, p. 19.”;

(*3)  Ħassar fejn ma japplikax

(*4)  Jekk applikabbli.

(*5)  Irrepeti t-tabella għal kull fjuwil ta’ referenza ttestjat.

(*6)  Espandi t-tabella jekk hu meħtieġ, billi tuża ringiela żejda għal kull innovazzjoni ekoloġika.”

(*7)  Irrepeti t-tabella għal kull fjuwil ta’ referenza ttestjat.

(*8)  Espandi t-tabella jekk hu meħtieġ, billi tuża ringiela żejda għal kull innovazzjoni ekoloġika.

(*9)  Il-kodiċi ġenerali tal-innovazzjoni(jiet) ekoloġika(ekoloġiċi) għandha tikkonsisti minn dawn l-elementi li ġejjin, kull wieħed separat bi spazju vojt:”

—	l-kodiċi tal-awtorità tal-approvazzjoni tat-tip kif definit fl-Anness VII tad-Direttiva 2007/46/KE;

—

Il-kodiċi individwali ta’ kull innovazzjoni ekoloġika li biha tkun mgħammra l-vettura, b’indikazzjoni fl-ordni kronoloġika tad-deċiżjonijiet ta’ approvazzjoni tal-Kummissjoni. (Pereżempju, il-kodiċi ġenerali ta’ tliet innovazzjonijiet ekoloġiċi approvati kronoloġikament bħala 10, 15 u 16 u li bihom tkun mgħammra vettura ċċertifikata mill-awtorità Ġermaniża tal-approvazzjoni tat-tip għandha tkun: “e1 10 15 16”.)”;

---

(1)  In-numru tad-Deċiżjoni tal-Kummissjoni li tapprova l-innovazzjoni ekoloġika.

(2)  Assenjat fid-Deċiżjoni tal-Kummissjoni li tapprova l-innovazzjoni ekoloġika.

(3)  Skont il-ftehim tal-awtorità tal-approvazzjoni tat-tip, jekk jiġi applikat l-immudellar flok iċ-ċiklu tat-test tat-tip 1, dan il-valur għandu jkun dak mogħtija fil-metodoloġija.

(4)  Is-somma tal-iffrankar tal-emissjonijiet ta’ kull innovazzjoni ekoloġika individwali;

(5)  In-numru tad-Deċiżjoni tal-Kummissjoni li tapprova l-innovazzjoni ekoloġika.

(6)  Assenjat fid-Deċiżjoni tal-Kummissjoni li tapprova l-innovazzjoni ekoloġika.

(7)  Jekk jiġi applikat l-immudellar flok iċ-ċiklu tat-test tat-tip 1, dan il-valur għandu jkun dak mogħti fil-metodoloġija tal-immudellar.

(8)  Is-somma tal-iffrankar tal-emissjonijiet ta’ kull innovazzjoni ekoloġika individwali.

ANNESS

L-Anness I tar-Regolament ta' Implimentazzjoni (UE) Nru 80/2012 huwa emendat kif ġej:

(1)	Ir-ringiela li ġejja tiddaħħal wara r-ringiela li fiha il-kodiċi NM ex 2845 90 90 għall-Ilma (l-Ossiġnu-18):   “ex 2849 90 90 It-trab tal-karbur tas-siliċju tat-titanju ta’ purità bil-piż ta’ 99 % jew aktar”.

(2)	Ir-ringiela li ġejja tiddaħħal wara r-ringiela li fiha il-kodiċi NM ex 2926 90 95 għat-2-Naftonitril:   “ex 2934 99 90 Oligomeri tal-fosforodijamidat tal-morfolin (oligonukleotidi tal-morfolin)”.

(3)	Ir-ringiela li ġejja titħassar: “0014364-6 ex 2923 90 00 Bromid tad-dekametonju (INN)”.

ANNESS

1.	Is-simbolu iswed imsemmi fl-Artikolu 23(4) tar-Regolament (KE) Nru 726/2004 għandu jikkonforma mal-mudell li ġej:

2.	Is-simbolu iswed irid ikun proporzjonali għad-daqs tat-tipa tat-test standardizzat li jiġi warajh, u kull naħa tat-trijangolu għandu jkollha tul minimu ta’ 5 mm.

ANNESS

Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

(EUR/100 kg)
Kodiċi tan-NM	Kodiċi tal-pajjiż terz (1)	Valur standard tal-importazzjoni
0702 00 00	IL	82,8
	MA	59,1
	TN	68,1
	TR	103,8
	ZZ	78,5
0707 00 05	EG	191,6
	MA	170,1
	TR	151,3
	ZZ	171,0
0709 91 00	EG	82,2
	ZZ	82,2
0709 93 10	MA	47,9
	TR	122,6
	ZZ	85,3
0805 10 20	EG	49,9
	IL	71,4
	MA	50,1
	TN	63,1
	TR	62,2
	ZZ	59,3
0805 50 10	TR	86,7
	ZZ	86,7
0808 10 80	AR	116,3
	BR	91,4
	CL	115,2
	CN	77,3
	MK	28,7
	US	168,2
	ZZ	99,5
0808 30 90	AR	112,8
	CL	115,4
	TR	171,6
	US	191,0
	ZA	101,2
	ZZ	138,4

---

(1)  In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ ZZ ” jirrappreżenta “ta’ oriġini oħra”.

ANNESS

REKWIŻITI DWAR IS- SIKUREZZA ĠENERALI

Meta jintużaw bl-iskop maħsuba għalih jew b’mod ippjanat u li fih wieħed iżomm f’moħħu l-imġiba normali tat-tfal, il-prodotti ma għandhomx jipperikolaw is-sikurezza jew is-saħħa tat-tfal jew ta’ min jieħu ħsiebhom.

Jekk tip wieħed ta’ siġġu jkun jista’ jinbidel f’tip ieħor ta’ siġġu (pereżempju, siġġu għoli li jinbidel f’siġġu tat-tfal), dan irid jikkonforma mar-rekwiżiti tas-sikurezza għaż-żewġ tipi ta’ siġġu.

It-tikketti fuq il-prodotti jew fuq l-ippakkjar tagħhom u l-istruzzjonijiet għall-użu għandhom jiġbdu l-attenzjoni tal-konsumaturi għar-riskji u l-perikli inerenti ta’ korrimenti involuti fl-użu tal-prodotti u għall-modi kif jevitawhom. Madankollu, il-prodotti għandhom kemm jista’ jkun ikunu sikuri mill-konċepiment tagħhom, u għalhekk it-tikketti u t-twissijiet ma għandhomx jieħdu post is-sikurezza mill-konċepiment.

Rekwiżiti kimiċi

Il-prodotti kollha msemmija fl-Artikolu 1 għandhom jikkonformaw mal-leġiżlazzjoni tal-UE.

Proprjetajiet fjammabbli

Il-prodotti msemmija fl-Artikolu 1 ma għandhomx jikkostitwixxu elementi fjammabbli istantanjament li jkun ta’ periklu fejn ikun hemm it-tfal. Għalhekk għandhom ikunu magħmula minn materjali li ma jipproduċux effett ta’ flash jekk ikunu esposti direttament għal fjamma jew għal spark. Għal din ir-raġuni, għandha titqies l-aħħar verżjoni ta’ EN 71-2.

L-użu ta’ sustanzi kimiċi biex irażżnu l-fjamma għandu jkun wieħed minimu. Jekk jintużaw sustanzi kimiċi li jrażżnu l-fjamma, it-tossiċità tagħhom waqt l-użu u waqt id-disponiment tagħhom meta jispiċċaw ma għandhiex tipperikola s-saħħa tal-utenti, ta’ dawk li jieħdu ħsieb it-tfal jew l-ambjent.

L-ippakkjar

Il-boroż magħmulin minn plastik flessibbli li jintużaw għall-ippakkjar, u li jkollhom perimetru għall-ftuħ li jkun akbar miċ-ċirkonferenza ta’ ras ta’ tifel, ma għandhomx joħolqu r-riskju li t-tifel jifga fihom. L-użu ta’ qfieli jew ħbula li jorbtu dan l-ippakkjar, jew li jorbtu l-ippakkjar li jeħel minnu nnifsu (pereżempju l-ippakkjar bil-cling-film) huwa pprojbit.

L-ippakkjar li jkollu l-prodotti fih ma għandux joħloq ir-riskju li jimblokka l-passaġġi tan-nifs tal-imnieħer u l-ħalq, hekk li t-tfal jifgaw fih. Għal dan il-għan, meta ma jostakolax l-esklużjoni tal-umdità, l-ippakkjar tal-plastik għandu jittaqqab.

Il-boroż għandu jkollhom immarkat b’mod li jidher sew it-twissija li ġejja inkella waħda ekwivalenti: “TWISSIJA! L-ippakkjar żommu ‘l bogħod mit-tfal għax jistgħu jifgaw fih”. Fuq il-boroż irid ikun hemm indikat ukoll simbolu kbir u ċar, jew dijagramma, li jindikaw li jeżisti periklu potenzjali.

L-identifikazzjoni tal-manifattur u tal-importatur

Il-manifatturi (1) għandhom jindikaw isimhom, l-isem kummerċjali reġistrat jew il-marka kummerċjali reġistrata tagħhom u l-indirizz fejn ikunu jistgħu jiġu kkuntattjati dwar il-prodott jew, jekk dan ma jkunx possibbli, fuq l-ippakkjar tiegħu jew f’dokument li jakkumpanja l-prodott. L-indirizz għandu jindika punt uniku fejn jista’ jiġi kkuntattjat il-manifattur (2).

L-importaturi (3) għandhom jindikaw isimhom, l-isem kummerċjali reġistrat jew il-marka kummerċjali reġistrata tagħhom u l-indirizz fejn ikunu jistgħu jiġu kkuntattjati dwar il-prodott jew, jekk dan ma jkunx possibbli, fuq l-ippakkjar tiegħu jew f’dokument li jakkumpanja l-prodott (4).

REKWIŻITI SPEĊIFIĊI TA’ SIKUREZZA

1.   SITS TA’ SOSTENN GĦAT-TFAL

1.1.   Kamp ta’ applikazzjoni

Dawn ir-rekwiżiti tas-sikurezza japplikaw għas-sits ta’ sostenn għat-tfal maħsuba għal tfal sal-età ta’ 36 xahar u li ma jiżnux iktar minn 15-il kg. Ma japplikawx għall-kuxxini, il-kuttunar u kwalunkwe prodott ieħor intiż biex iżomm lit-tifel fis-siġġu mingħajr ma jgħollilu l-pożizzjoni tiegħu bilqiegħda.

1.2.   Ir-rekwiżiti tas-sikurezza

Il-perikli li t-tifel jintrass fi spazji dojoq u f’fetħiet

Is-sits ta’ sostenn għat-tfal għandhom jitfasslu u jiġu manifatturati biex jipprevjenu li xi parti minn ġisem it-tfal tinqabad jew tintrass.

Il-perikli assoċjati mal-aġġustament tal-għoli tas-sit ta’ sostenn għat-tfal

Is-sits ta’ sostenn għat-tfal li jkollhom il-biċċa fejn ipoġġi t-tifel aġġustabbli skont l-għoli li jkun hemm bżonn, għandu jkollhom mekkaniżmi li jistabbilizzaw is-sit ta’ sostenn fil-pożizzjoni tiegħu ta’ użu normali. Ma għandux ikun possibbli li l-mekkaniżmi ta’ sikurezza jinħallu b’mod mhux intenzjonat.

Il-perikli assoċjati ma’ partijiet li jiċċaqilqu

Ladarba s-sit ta’ sostenn għat-tfal jintrama għall-użu normali, ma għandu jkun hemm ebda kompressjoni inkella punti li jagħfsu fuq xulxin aċċessibbli minħabba li s-sit ta’ sostenn jew xi parti minnu jitmexxew; minħabba li t-tifel jiċċaqlaq u allura l-piż ta’ ġismu jimxi f’lok ieħor fis-siġġu; jew minħabba l-applikazzjoni ta’ forza esterna (jew minn xi tifel ieħor jew, b’nuqqas ta’ ħsieb, minn min jindukrah, jew minn mekkaniżmu mħaddem).

Is-sits ta’ sostenn mfassla biex jingħalqu għandu jkollhom mekkaniżmu biex jingħalqu li ma jkunx jista’ jitħaddem mit-tfal u li min jindukrahom ma jkunx jista’ jħaddmu jekk mhux b’intenzjoni. Ma għandux ikun possibbli li sits ta’ sostenn għat-tfal jintramaw għall-użu normali mingħajr ma jiġi attivat il-mekkaniżmu ta’ sikurezza.

Il-periklu ta’ waqgħa

Meta s-sit ta’ sostenn jintrama għall-użu normali, irid ikun żgurat li t-tifel ma jkunx jista’ joħroġ minnu u li dan ma jkunx jista’ jinqaleb meta t-tifel jinklina f’xi naħa jew oħra. Biex ikunu evitati korrimenti kkawżati meta t-tfal iqumu bilwieqfa u jaqgħu, jew meta jiżżerżqu mis-siġġu u jaqgħu, dan għandu jitfassal b’tali mod li s-sistema ta’ rbit biex iżżomm lit-tifel maqful fih, lit-tifel ma tippermettilux jaqa’ jew jiżżerżaq minnu.

Sit ta’ sostenn għat-tfal irid ikun mgħammar b’sistema ta’ rbit li tkun tista’ tiġi aġġustata skont id-daqs tat-tfal u trid tkun tikkonsisti tal-inqas fi rbit mal-qadd u bejn il-koxox. Ma għandux ikun possibbli li tintuża s-sistema ta’ rbit mingħajr ma tinqafel il-qafla ta’ bejn il-koxox.

Is-sistema tal-irbit, iċ-ċineg, il-punti tal-irbit u s-sistema tal-irbit ma tista’ tiġrilhom ebda ħsara permanenti li tista’ tfixkel is-sigurtà tagħhom u l-funzjoni normali meta sottoposti għal stress mekkaniku statiku u dinamiku waqt l-użu intenzjonat tas-sit ta’ sostenn.

Meta armati biex jintużaw, l-għoli tal-biċċa fejn jistrieħ id-dahar tas-sit ta’ sostenn għandu jkun għoli skont il-każ. Irid ikollu wkoll il-poġġamani fil-ġenb li jkunu għolja biżżejjed biex jiżguraw li t-tfal jibqgħu fis-sit meta jinklinaw f’xi naħa.

Il-periklu ta’ tħabbil fl-irbit

Il-ħbula, iż-żigarelli u partijiet simili, apparti s-sistema tat-trażżin għat-tfal u s-sistema tat-twaħħil tas-siġġu, li huma aċċessibbli min-naħa ta’ ġewwa tas-sit ta’ sostenn, irid ikollhom tul ħieles massimu li jimpedixxi l-formazzjoni ta’ qafla perikoluża li kapaċi tispiċċa madwar għonq it-tifel.

Ma għandux jintuża l-ħajt monofilament għall-ħbula, iż-żigarelli u partijiet simili, għall-qfieli u għall-ħajt tal-ħjata.

Il-periklu li t-tifel jifga

Biex jiġu evitati l-perikli ta’ soffokament, is-siġġijiet ta’ sostenn ma għandux ikun fihom partijiet żgħar, sew jekk huma maħsuba li jitneħħew bl-għodda u sew mingħajrhom, li jistgħu jinqalgħu minn forzi li t-tfal jistgħu japplikaw u li huma żgħar biżżejjed biex jidħlu kompletament f’ħalq it-tfal.

Materjali tal-mili li jikkostitwixxu riskju ta’ soffokament ma għandux ikun possibbli li jaċċessawhom it-tfal meta jagħfsu fihom. Dawn ma għandhomx ikunu ta’ periklu addizzjonali ta’ soffokament minħabba d-daqs tal-elementi li jkun fihom jew minħabba li dawn l-elementi isiru biżżejjed żgħar jew aċċessibbli meta t-tfal joqogħdu jagħfsu fihom.

Il-periklu ta’ inġestjoni

Biex jiġi evitat il-periklu ta’ inġestjoni, is-siġġijiet ta’ sostenn ma għandux ikollhom biċċiet separati jew żgħar li jkunu jinqalgħu meta t-tfal joqogħdu jagħfsu fihom u li jkunu jistgħu jgħaddu mill-esofagu tat-tfal. F’kull każ, ma għandhomx jintużaw materjali tossiċi jew kisi tossiku.

Il-periklu ta’ soffokazzjoni

Is-siġġijiet ta’ sostenn ma għandux ikollhom xi decals tal-plastik li jistgħu jiġu f’idejn it-tfal u jinqalgħu minn posthom meta t-tfal joqogħdu jagħfsu fihom. Ma għandu jkollu l-ebda kisi impermeabbli li jista’ jgħatti kemm il-ħalq kif ukoll l-imnieħer tat-tfal u għalhekk jikkostitwixxu perikli ta’soffokazzjoni.

Trufijiet, kantunieri u partijiet li jisporġu’l barra li huma perikolużi

It-trufijiet, il-kantunieri u l-partijiet sporġuti kollha li huma aċċessibbli jridu jkunu għat-tond u ma jridx ikun fihom golji jew xfarijiet għall-ponta.

L-uċuħ

L-uċuħ kollha għandhom, sal-limitu kompatibbli mal-funzjonijiet tas-siġġu ta’ sostenn, ikunu lixxi biżżejjed biex jipprevjenu barxiet, qtugħ, grif, ħruq jew korrimenti oħra li jistgħu jkunu kkawżati inċidentalment meta s-siġġu ta’ sostenn jkun qed jintuża jew għax jagħmlu xi ħaġa t-tfal.

L-integrità strutturali

Is-sit ta’ sostenn ma għandux jikkollassa jew juri xi sinjal ta’ ħsara jew deformazzjoni permanenti li jistgħu jfixklu l-funzjoni normali u s-sikurezza tiegħu. Ebda mekkaniżmu biex jaġġusta l-għoli tas-sit ta’ sostenn ma għandu jippermetti li l-għoli tal-pożizzjoni magħżul jinbidel minħabba stress mekkaniku li jkun ġie suġġett għalih is-sit ta’ sostenn waqt l-użu intenzjonat tiegħu.

Sistema għat-tqabbid tas-siġġu

Is-sistema għat-tqabbid tas-siġġu għandha tkun imfassla biex torbot is-sit ta’ sostenn kemm mad-dahar u kemm mal-wiċċ tas-sit tas-siġġu.

Is-sistema għat-tqabbid tas-siġġu, iċ-ċineg, il-punti tal-irbit u s-sistema tal-irbit ma jridux jinkisru, jinħallu jew jinqatgħu mir-rabta tagħhom kawża ta’ stress mekkaniku li huma suġġetti għalih waqt l-użu intenzjonat.

Il-perikli assoċjati ma’ daqs inadegwat

L-informazzjoni dwar il-prodott għandha tispeċifika d-dimensjonijiet adegwati tas-sit u tad-dahar li l-prodott hu maħsub għalihom.

1.3.   L-informazzjoni dwar is-sikurezza, il-manwal għall-utenti u l-immarkar

L-informazzjoni dwar is-sikurezza trid tkun immarkata fuq il-prodott u tkun inkluża fl-istruzzjonijiet għall-utent.

L-informazzjoni dwar is-sikurezza għandha tingħata bil-miktub fil-lingwa jew lingwi tal-pajjiż li fih jitqiegħed għall-bejgħ bl-imnut is-sit ta’ sostenn u fi stampi li jinftiehmu weħidhom. L-immarkar kollu jrid jibqa’ leġġibbli u t-tikketti użati fl-immarkar ma għandhomx ikunu jinqalgħu faċilment.

L-informazzjoni dwar is-sikurezza

Trid tiġi provduta informazzjoni essenzjali dwar is-sikurezza, spjegata b’mod ċar u fejn jidher sew. Għandha tkun murija sewwa u tibqa’ viżibbli wara li s-sit ta’ sostenn jitwaħħal mas-siġġu tal-adulti u qabel ma t-tifel jitpoġġa fis-sit ta’ sostenn. L-informazzjoni għandha tkun immarkata bil-kelma “TWISSIJA!” u tal-anqas għandu jkollha l-messaġġi li ġejjin jew l-ekwivalenti tagħhom:

—	“Qatt tħalli t-tfal weħidhom.”

—	“Dejjem uża s-sistema ta’ rbit għat-tfal u dik tat-twaħħil tas-siġġu.”

—	“Dejjem iċċekkja s-sikurezza u l-istabbiltà tas-sit ta’ sostenn qabel tużah.”

—	“Dan il-prodott huwa maħsub għal tfal sa 36 xahar, li ma jiżnux iktar minn 15-il kg, li kapaċi joqogħdu bilqiegħda weħidhom.”

L-informazzjoni dwar ix-xiri tal-prodott

Il-konsumatur għandu jkun jista’ jara b’mod ċar l-informazzjoni dwar ix-xiri tal-prodott fil-ħanut. L-informazzjoni tal-inqas trid tinkludi dan li ġej, kemm bil-miktub kif ukoll fi stampa li tinftiehem weħidha:

—	din id-dikjarazzjoni jew dikjarazzjoni ekwivalenti: “Dan il-prodott huwa maħsub għal tfal sa 36 xahar, li ma jiżnux iktar minn 15-il kg, li kapaċi joqogħdu bilqiegħda weħidhom.”;

—	id-dimensjonijiet adegwati tas-siġġu tal-adulti, tas-sit u ta’ dahar is-siġġu.

Il-manwal għall-utent

Sit ta’ sostenn għat-tfal irid ikollu miegħu manwal għall-utenti. Il-manwal għall-utenti jrid jinkludi:

—	l-istqarrija li ġejja jew dikjarazzjoni ekwivalenti: “IMPORTANTI! DAN ŻOMMU GĦAL REFERENZA FIL-FUTUR.”;

—	istruzzjonijiet għal immuntar u użu korrett u sikur tas-sit ta’ sostenn;

—	informazzjoni dwar it-tipi ta’ siġġu tal-adulti li miegħu jista’ jitwaħħal sit ta’ sostenn u t-tipi li magħhom dan ma jistax isir.

It-twissijiet fil-manwal għall-utent għandhom ikunu mmarkati bil-kelma “TWISSIJA!” u għandhom mill-anqas iwasslu dawn il-messaġġi li ġejjin jew l-ekwivalenti tagħhom:

—	“Qatt tħalli t-tfal weħidhom.”

—	“Dejjem uża s-sistema ta’ rbit għat-tfal u dik tat-twaħħil tas-siġġu.”

—	“Kun ċert li s-sistema tat-twaħħil tas-siġġu hija mwaħħla u aġġustata sew qabel ma tintuża.”

—	“Dejjem iċċekkja s-sikurezza u l-istabbiltà tas-sit ta’ sostenn għat-tfal qabel tużah.”

Il-manwal għall-utenti għandu jipprovdi wkoll l-informazzjoni li ġejja:

—	l-istqarrija li ġejja jew dikjarazzjoni ekwivalenti: “Dan il-prodott huwa maħsub għal tfal sa 36 xahar, li ma jiżnux iktar minn 15-il kg, li kapaċi joqogħdu bilqiegħda weħidhom.”;

—	id-dimensjonijiet adegwati tas-siġġu tal-adulti, tas-sit u ta’ dahar is-siġġu;

—	dikjarazzjoni li s-sit ta’ sostenn ma għandux jintuża jekk fih xi parti miksura, imqattgħa jew nieqsa;

—	dikjarazzjoni li ma għandhomx jintużaw aċċessorji jew parts ġodda għajr dawk approvati mill-manifattur;

—	rakkomandazzjonijiet għat-tindif u l-manutenzjoni.

2.   SIĠĠIJIET TAT-TFAL

2.1.   Kamp ta’ applikazzjoni

Dawn ir-rekwiżiti dwar is-sikurezza japplikaw għal siġġijiet tat-tfal maħsuba għat-tfal li kapaċi joqogħdu bilqiegħda weħidhom. Dawn jinkludu banketti, siġġijiet (il-parts tal-immuntar jinkludu: saqajn, il-qiegħ tas-sit, dahar tas-siġġu) u pultruni (il-parts tal-immuntar jinkudu: il-qiegħ tas-sit, dahar tas-siġġu u poġġamani) għall-użu fuq ġewwa u fuq barra. Siġġijiet li jitbandlu u siġġijiet li jingħalqu huma inklużi wkoll. Ir-rekwiżiti japplikaw ukoll għal prodotti multifunzjonali li jistgħu jiġu konvertiti f’siġġijiet tat-tfal. Dawn japplikaw ukoll għal siġġijiet tat-tfal mgħammra bir-roti. Prodotti li jikkombinaw il-funzjoni ta’ siġġu tat-tfal ma’ funzjoni oħra (pereżempju, post għall-ħżin) iridu jikkonformaw mar-rekwiżiti wkoll.

2.2.   Ir-rekwiżiti tas-sikurezza

Il-perikli li t-tifel jintrass fi spazji dojoq u f’fetħiet

Is-siġġijiet tat-tfal għandhom jitfasslu u jiġu manifatturati b’mod li jipprevjenu l-qbid tar-riġlejn, is-saqajn u l-idejn u kemm jista’ jkun anki l-qbid tas-swaba’ fi spazji u f’fetħiet.

Siġġijiet tat-tfal li jingħalqu għandhom jitfasslu u jiġu manifatturati b’mod li jipprevjenu l-qbid tas-swaba’.

Is-siġġijiet tat-tfal ma għandhomx ikunu daqshekk tqal li r-ras tat-tifel jew tifla tkun tista’ tinqabad taħthom.

Il-perikli assoċjati ma’ partijiet li jiċċaqilqu

Ladarba s-siġġu tat-tfal jintrama għall-użu normali skont l-istruzzjonijiet tal-manifattur, ma għandu jkun hemm ebda partijiet li jiċċaqilqu li jkunu ta’ periklu.

Roti u roti tas-saqajn

Is-siġġijiet tat-tfal li huma mgħammra b’roti jew b’roti tas-saqajn għandhom jitfasslu b’mod li ma jdgħajjifx l-istabbilità tagħhom.

Il-perikli ta’ waqgħa

Is-siġġijiet tat-tfal għandhom ikunu stabbli biżżejjed b’mod li jipprevjenu l-qlib f’xi direzzjoni waqt li t-tfal ikunu fihom.

Stabbiltà

Is-siġġijiet tat-tfal għandhom ikunu stabbli.

Il-perikli ta’ soffokament

Biex jiġi evitat il-periklu ta’ soffokament, is-siġġijiet ma jridx ikun fihom partijiet żgħar li jinqalgħu meta t-tfal joqogħdu jagħfsu fihom u li jidħlu kompletament f’ħalq it-tfal. Materjali tal-mili li jikkostitwixxu riskju ta’ soffokament ma għandux ikun possibbli li jaċċessawhom it-tfal meta joqogħdu jagħfsu fihom. Dawn ma għandhomx ikunu ta’ periklu addizzjonali ta’ fgar minħabba d-daqs tal-elementi li jkun fihom jew minħabba li dawn l-elementi isiru biżżejjed żgħar jew aċċessibbli meta t-tfal joqogħdu jagħfsu fihom.

Il-periklu ta’ soffokazzjoni

Is-siġġijiet tat-tfal ma għandux ikollhom decals tal-plastik li jinqalgħu meta t-tfal joqogħdu jagħfsu fihom. Ma jistax ikollhom xi kisi impermeabbli li jgħatti kemm il-ħalq kif ukoll l-imnieħer hekk li jikkostitwixxi periklu ta’ soffokazzjoni.

Il-perikli ta’ inġestjoni

Biex jiġi evitat il-periklu ta’ inġestjoni, is-siġġijiet ma għandux ikollhom biċċiet separati jew żgħar li jkunu jinqalgħu meta t-tfal joqogħdu jagħfsu fihom u li jkunu jistgħu jgħaddu mill-esofagu tat-tfal. F’kull każ, ma għandhomx jintużaw materjali tossiċi jew kisi tossiku.

L-uċuħ

L-uċuħ kollha, sal-limitu kompatibbli mal-funzjonijiet tas-siġġu, għandhom ikunu lixxi biżżejjed biex jipprevjenu barxiet, qtugħ, grif, ħruq jew korrimenti oħra li jistgħu jkunu kkawżati inċidentalment meta s-siġġu jkun qed jintuża jew għax jagħmlu xi ħaġa t-tfal.

It-truf perikolużi

Is-siġġijiet tat-tfal ma għandux ikollhom truf jew ponot li jaqtgħu. It-truf jew kantunieri aċċessibbli għandhom jinġiebu għat-tond jew ikunu ċċanfrinati. Ma għandu jkollhom ebda wiċċ sporġut bil-ponta jew li jikkostitwixxi periklu ta’ titqib.

L-integrità strutturali

Is-siġġijiet tat-tfal u l-komponenti tagħhom, bħall-qiegħ tas-sit, id-dahar, u s-saqajn, għandhom ikunu kapaċi jifilħu għall-pressjoni mekkanika li jkunu suġġetti għaliha waqt l-użu intenzjonat.

2.3.   L-informazzjoni dwar is-sikurezza

It-twissijiet u l-istruzzjonijiet tal-użu għandhom jindikaw lill-ġenituri jew lil min ikun qed jindokra t-tfal li s-siġġijiet tat-tfal li jkunu taħt tieqa, it-tifel kapaċi jużahom bħala tarġa bil-konsegwenza li t-tifel jista’ jaqa’ mit-tieqa.

L-informazzjoni dwar is-sikurezza għandha tingħata bil-miktub fil-lingwa jew lingwi tal-pajjiż li fih jitqiegħed għall-bejgħ bl-imnut is-siġġu tat-tfal u fi stampi li jinftiehmu weħidhom. L-immarkar kollu jrid jibqa’ leġġibbli u t-tikketti użati fl-immarkar ma għandhomx ikunu wħud li jinqalgħu faċilment.

3.   SIĠĠIJIET GĦOLJA TAT-TFAL

3.1.   Kamp ta’ applikazzjoni

Dawn ir-rekwiżiti tas-sikurezza japplikaw għas-siġġijiet għoljin intiżi għal tfal li jistgħu joqogħdu bilqiegħda weħidhom, li għandhom minn madwar sitt xhur sa 36 xahar, li jiżnu mhux iktar minn 15-il kg. Jekk is-siġġijiet għolja tat-tfal ikunu mfassla b’mod li jiġu konvertiti f’siġġijiet tat-tfal, dawn iridu jissodisfaw ukoll ir-rekwiżiti li japplikaw għas-siġġijiet tat-tfal.

Jekk ikun hemm xi partijiet mis-siġġu għoli li jkunu maħsuba biex jinqalgħu minn posthom (eż. gabarrè jew biċċa fejn tistrieħ is-sieq), dawn ir-rekwiżiti tas-sikurezza japplikaw għas-siġġu għoli kemm b’dawn il-partijiet u kemm mingħajrhom.

Il-prodotti b’valur ta’ logħob sinifikanti ukoll iridu jikkonformaw mar-rekwiżiti tad-Direttiva 2009/48/KE tal-Parlament Ewropew u tal-Kunsill (5) dwar is-sikurezza tal-ġugarelli (pereżempju, siġġu għoli li jista’ jiġi kkonvertit f’żiemel li jitbandal).

3.2.   Ir-rekwiżiti tas-sikurezza

Ġenerali

Ma għandhomx jintużaw viti ta’ konnessjoni għall-qfil dirett (eż. viti “self-tapping”) għall-assemblaġġ ta’ xi komponent li jkun irid jitneħħa jew jinħall meta s-siġġu għoli jiżżarma biex jinġarr jew biex jinħażen.

It-trufijiet esposti u l-partijiet li jisporġu għandhom jinġiebu għat-tond jew jiġu ċċanfrinati u ma għandux ikollhom golji jew xfarijiet għall-ponta.

Il-perikli ta’ waqgħa

Biex ikunu evitati korrimenti kkawżati meta t-tfal iqumu bilwieqfa u jaqgħu, jew meta jiżżerżqu mis-siġġu għoli u jaqgħu, dan għandu jitfassal b’tali mod li s-sistema ta’ rbit biex iżżomm lit-tifel maqful fih, lit-tifel ma tippermettilux jaqa’ jew jiżżerżaq minnu.

Is-siġġu għoli għandu jkun mgħammar b’sistema ta’ rbit li tkun tista’ tiġi aġġustata skont id-daqs tat-tfal u trid tkun tikkonsisti tal-inqas fi rbit mal-qadd u bejn il-koxox. Ma għandux ikun possibbli li tintuża s-sistema ta’ rbit mingħajr ma tinqafel il-qafla ta’ bejn il-koxox.

Is-sistema għat-tqabbid tas-siġġu, iċ-ċineg, il-punti tal-irbit u s-sistema tal-irbit ma jridux jinkisru, jinħallu jew jinqatgħu mill-irbit tagħhom minħabba forzi interni u esterni li t-tfal jistgħu japplikaw.

Id-disinn tas-sistema tat-trażżin irid iqis il-movimenti potenzjali kollha tat-tfal f’siġġu għoli.

L-għoli ta’ dahar is-siġġu għoli għandu jkun wieħed adegwat. Irid ikollu wkoll il-poġġamani fil-ġenb li jkunu għolja biżżejjed biex jiżguraw li t-tfal jibqgħu fis-siġġu meta jinklinaw f’xi naħa.

Biex ikunu evitati korrimenti minħabba l-imbuttar u/jew l-imbuttar bis-saqajn tat-tfal mal-mejda tal-ikel hekk li s-siġġu jinqeleb lura, is-siġġu għoli jrid jitfassal b’tali mod li jkun stabbli biżżejjed biex jipprekludi l-periklu ta’ waqgħa.

Tħabbil perikoluż

Fis-siġġu għoli ma għandu jkun hemm ebda ċintorini, żigarelli jew partijiet simili (bl-eċċezzjoni tas-sistema tal-irbit) li jikkostitwixxu tħabbil perikoluż.

Il-perikli li t-tifel jintrass fi spazji dojoq u f’fetħiet

Is-siġġijiet għolja tat-tfal għandhom jitfasslu u jiġu manifatturati b’mod li jipprevjenu li xi parti minn ġisem it-tfal tinqabad jew tintrass.

Il-perikli assoċjati ma’ partijiet li jiċċaqilqu

Biex ikun evitat ir-riskju ta’ għafis u tgħaffiġ, għandhom jiġu evitati l-punti ta’ kompressjoni inkella li jagħfsu fuq xulxin. Jekk, għal raġunijiet funzjonali, ma jkunux jistgħu jiġu evitati l-punti ta’ kompressjoni inkella li jagħfsu fuq xulxin, għandhom jittieħdu miżuri xierqa biex jiġi żgurat li dawn ikunu sikuri.

Kwalunkwe parti mis-siġġu għoli li tista’ tintewa jew tinqala’ trid tiġi llokkjata hekk li t-tfal li jkunu qed jużaw il-prodott, jew tfal oħra, ma jkunux jistgħu jħolluhom, u lanqas ma jkun jista’ jħollhom adult sakemm mhux b’mod intenzjonat.

Il-mekkaniżmi ta’ llokkjar għal siġġijiet għolja li jingħalqu

Il-mekkaniżmi tal-illokkjar huma meħtieġa sabiex jiġi evitat li s-siġġu għoli jingħalaq meta jkun fih it-tifel u anki waqt li t-tifel ikun qiegħed jitpoġġa fih jew jinħareġ minnu.

Biex jiġu evitati perikli li jirriżultaw mill-użu ħażin tas-siġġu għoli, jew irid jiġri li l-piż tat-tifel li jkun fis-siġġu għoli jżommu milli jingħalaq, inkella li jkun hemm tal-inqas mekkaniżmu wieħed ta’ llokkjar li jaħdem b’mod awtomatiku meta jkun qed jintuża s-siġġu għoli.

It-tfal ma jridux ikunu jistgħu, involontarjament, iħollu jew joperaw il-mekkaniżmi ta’ llokkjar.

Kull mekkaniżmi ta’ llokkjar irid ikompli jaħdem kif suppost meta jkun suġġett għal stress mekkaniku statiku u dinamiku matul l-użu intenzjonat tas-siġġu għoli.

Il-perikli ta’ soffokament

L-ebda parti li tista’ tinqala’ meta t-tfal joqogħdu jagħfsu fiha ma għandha tkun daqshekk żgħira li tidħol kompletament f’ħalq it-tifel jew tifla. Il-komponenti li jistgħu jinqalgħu mingħajr għodda ma jistgħux ikunu żgħar tant li jidħlu kompletament f’ħalq it-tifel jew tifla. Materjali tal-mili li jikkostitwixxu riskju ta’ soffokament ma għandux ikun possibbli li jaċċessawhom it-tfal meta jagħfsu fihom. Barra minn hekk, dawn ma għandhomx ikunu ta’ periklu addizzjonali ta’ soffokament minħabba d-daqs tal-elementi li jkun fihom jew minħabba li dawn l-elementi isiru biżżejjed żgħar jew aċċessibbli meta t-tfal joqogħdu jagħfsu fihom.

Is-sistema ta’ rbit

Is-siġġu għoli għandu jitfassal b’mod hekk li t-tfal jinqaflu fil-pożizzjoni bilqiegħda u li ma jkunx possibbli li jaqgħu kemm-il darba dawn iqumu bilwieqfa u jitilfu l-bilanċ; u dan isir jew permezz ta’ sistema ta’ rbit li tkun tinkludi l-irbit minn bejn il-koxox flimkien ma’ komponent orizzontali jew permezz ta’ rbit integrali. Jekk is-siġġu għoli jkun mgħammar b’dahar li jinżel u jitla’, ikun irid ikollu rbit integrali.

L-istress mekkaniku statiku u dinamiku waqt l-użu intenzjonat tas-siġġu għoli ma għandux jikkawża xi dannu permanenti - li jista’ jtellef mis-sikurezza u mill-funzjoni normali tiegħu - fl-irbit ta’ bejn il-koxox, fiċ-ċintorini tal-qadd u fiċ-ċineg tal-irbit integrali.

Meta s-siġġu għoli jkun mgħammar b’punti li jingħaqdu mal-irbit ewlieni jew maċ-ċinturin, l-istress mekkaniku statiku u dinamiku waqt l-użu intenzjonat tas-siġġu għoli ma għandux jikkawżalhom xi dannu permanenti li jista’ jtellef mis-sikurezza u mill-funzjoni normali tagħhom.

Jekk hemm ukoll irbit integrali jew inkella ċinturin, dan irid ikun wieħed aġġustabbli u l-istress mekkaniku statiku u dinamiku waqt l-użu intenzjonat tas-siġġu għoli ma għandux jikkawżalu xi dannu permanenti li jista’ jtellef mis-sikurezza u mill-funzjoni normali tiegħu.

Protezzjoni laterali

Is-siġġu għoli jrid ikun mgħammar b’poġġamani jew b’mezzi oħra ta’ protezzjoni laterali.

Id-dahar tas-siġġu

Is-siġġu għoli għandu jkollu armat miegħu dahar li jkun għoli biżżejjed biex jiżgura li t-tifel jibqa’ fis-siġġu meta t-tifel jinklina ruħu lejn naħa jew oħra.

Dahar li jitla’ u jinżel

Il-mekkaniżmu li jippermetti li d-dahar jiġi aġġustat ma jridx ikun wieħed li jimxi waħdu minn pożizzjoni għal oħra meta jkun suġġett għal stress mekkaniku statiku u dinamiku waqt l-użu intenzjonat tas-siġġu għoli.

Roti u roti tas-saqajn

Is-siġġijiet għoljin li huma mgħammra b’roti jew b’roti tas-saqajn għandhom jitfasslu b’mod li dawn ma jdgħajfux l-istabbilità tagħhom.

L-integrità strutturali

Il-funzjonijiet tas-siġġu għoli ma għandhomx jiġu kompromessi meta jkunu suġġetti għal stress mekkaniku statiku u dinamiku waqt l-użu intenzjonat tas-siġġu għoli.

Is-siġġu għoli ma għandux jaqa’ u l-mekkaniżmu tal-illokkjar irid jibqa’ attiv meta jkun suġġett għal stress mekkaniku statiku u dinamiku waqt l-użu intenzjonat tas-siġġu għoli.

L-istabbiltà

Jekk ikun hemm xi partijiet mis-siġġu għoli li jkunu maħsuba biex jinqalgħu minn posthom (eż. gabarrè jew biċċa fejn tistrieħ is-sieq), ir-rekwiżiti tal-istabbiltà japplika għas-siġġu għoli kemm b’dawn il-partijiet u kemm mingħajrhom.

Meta s-siġġu għoli jkun suġġett għal stress mekkaniku statiku u dinamiku waqt l-użu intenzjonat tas-siġġu għoli, dan ma għandux jinqaleb fuq xi ġenb, fuq quddiem jew fuq wara.

3.3.   L-informazzjoni dwar is-sikurezza, il-manwal għall-utenti u l-immarkar

Ġenerali

L-informazzjoni dwar is-sikurezza għandha tingħata bil-miktub fil-lingwa jew lingwi tal-pajjiż li fih jitqiegħed għall-bejgħ bl-imnut is-siġġu għoli u fi stampi li jinftiehmu weħidhom. L-immarkar kollu jrid jibqa’ leġġibbli u kull tikketta użata fl-immarkar ma tridx tkun waħda li tinqala’ faċilment matul l-użu intenzjonat tal-prodott.

L-informazzjoni dwar is-sikurezza

Trid tingħata informazzjoni dwar is-sikurezza, b’mod ċar u fejn jidher sew. L-informazzjoni għandha tkun immarkata bil-kelma “TWISSIJA!” u tal-anqas għandu jkollha l-messaġġi li ġejjin jew l-ekwivalenti tagħhom:

—	“Qatt tħalli t-tfal weħidhom.”

—	“Dejjem uża s-sistema tal-irbit.”

—	“Dejjem iċċekkja s-sikurezza u l-istabbiltà tas-siġġu għoli qabel tużah.”

L-informazzjoni dwar ix-xiri tal-prodott

Il-konsumatur għandu jkun jista’ jara b’mod ċar l-informazzjoni dwar ix-xiri tal-prodott fil-ħanut. L-informazzjoni jrid ikun fiha mill-inqas id-dikjarazzjoni li ġejja jew waħda ekwivalenti, kemm bil-miktub u kemm fi stampa ta’ spjegazzjoni: “Dan il-prodott huwa maħsub għal tfal sa 36 xahar, li ma jiżnux iktar minn 15-il kg, li kapaċi joqogħdu bilqiegħda weħidhom.” Jekk il-prodott ikunu jistgħu jsirulu xi modifiki, sew biex jintuża għal-logħob, sew biex jinbidel f’siġġu tat-tfal, kif ukoll biex jiġi aġġustat biex jakkomoda t-tifel fil-fażijiet differenti tal-iżvilupp (il-karatteristika “kabbar skont kemm kiber it-tifel”), trid tingħata informazzjoni addizzjonali.

L-immarkar

Is-siġġijiet għoljin għandhom ikunu mmarkati b’mod permanenti bit-twissija li ġejja jew l-ekwivalenti tagħha: “TWISSIJA! QATT TĦALLI T-TFAL WEĦIDHOM.” Mat-twissija għandu jkun hemm ukoll stampa li tmur magħha.

Il-manwal għall-utent

Fil-manwal għall-utent, iridu jingħataw istruzzjonijiet għall-użu u dawn għandhom ikunu mmarkati bil-kelma “IMPORTANTI! ŻOMM GĦAL REFERENZA FUTURA” jew dikjarazzjoni ekwivalenti.

L-istruzzjonijiet għandhom jinkludu t-twissijiet li ġejjin jew l-ekwivalenti tagħhom bit-tikketta “TWISSIJA!”:

—	“Qatt tħalli t-tfal weħidhom.”

—	“Tużax is-siġġu għoli jekk il-komponenti kollha ma jkunux armati u aġġustati sew.”

Il-manwal tal-utent irid jinkludi wkoll it-twissijiet li ġejjin:

—	kun ċert li l-irbit kollu jkun mwaħħal sew;

—	kun konxju mir-riskju ta’ xi fjamma esposta jew sorsi oħra ta’ sħana qawwija, ngħidu aħna s-sħana tal-ħiters elettriċi, nirien mill-gass, eċċ. qrib tas-siġġu għoli.

Fil-manwal għall-utenti trid tingħata l-informazzjoni dwar is-sikurezza li ġejja:

—	tpinġija li tispjega l-assemblaġġ, lista u/jew deskrizzjoni tal-partijiet kollha u l-għodod meħtieġa biex jintrama s-siġġu u dijagramma tal-boltijiet u mekkaniżmi oħra tal-illokkjar;

—	dikjarazzjoni li s-siġġu għoli ma għandux jintuża qabel ma t-tifel ikun kapaċi joqgħod bilqiegħda waħdu;

—	dikjarazzjoni li s-siġġu għoli ma għandux jintuża jekk fih xi parti miksura, imqattgħa jew nieqsa;

—	rakkomandazzjonijiet għat-tindif u l-manutenzjoni.

4.   SIĠĠIJIET LI JEĦLU MAL-MEJDA

4.1.   Kamp ta’ applikazzjoni

Dawn ir-rekwiżiti tas-sikurezza japplikaw għal siġġijiet li jeħlu mal-mejda, maħsuba għal tfal li kapaċi joqogħdu bilqiegħda weħidhom (minn 6 xhur) u li ma jiżnux iktar minn 15-il kg.

4.2.   Ir-rekwiżiti tas-sikurezza

Ġenerali

Is-siġġu li jeħel mal-mejda, meta jintrama biex jintuża, irid jintrama b’tali mod li ma jkunx possibbli li t-tifel jew min jindukrah jispiċċa jinqaras, jaqta’ xi mkien jew jindarab.

Il-perikli li t-tifel jintrass fi spazji dojoq u f’fetħiet

Biex it-tifel ma jinqabadx jew jintrass, is-siġġijiet li jeħlu mal-mejda ma għandhomx jinkorporaw tubi miftuħa, inkella jkollhom spazji jew fetħiet li jafu jwasslu biex it-tifel iweġġa’.

Iridu jkunu mfassla hekk li ma jippermettux li tifel jaqa’ minn xi spazju jew fetħa li jkun hemm fihom.

Trufijiet, kantunieri u partijiet li jisporġu ‘l barra li huma perikolużi

It-trufijiet, il-kantunieri u l-partijiet sporġuti kollha tas-siġġu li jeħel mal-mejda li huma aċċessibbli jridu jkunu għat-tond jew iċċanfrinati u ma jridx ikun fihom golji jew xfarijiet għall-ponta.

Il-perikli ta’ soffokament

Biex jiġu evitati l-perikli ta’ soffokament, is-siġġijiet ma għandux ikun fihom partijiet żgħar, la jekk ikunu maħsuba li jitneħħew bl-għodda u lanqas jekk jitneħħew mingħajr għodda, li jistgħu jinqalgħu minn forzi li t-tfal jistgħu japplikaw u li huma żgħar biżżejjed biex jidħlu kompletament f’ħalq it-tfal.

Materjali tal-mili li jikkostitwixxu riskju ta’ soffokament ma għandux ikun possibbli li jaċċessawhom it-tfal meta jagħfsu fihom. Barra minn hekk, dawn ma għandhomx ikunu ta’ periklu addizzjonali ta’ soffokament minħabba d-daqs tal-elementi li jkun fihom jew minħabba li dawn l-elementi jsiru biżżejjed żgħar jew aċċessibbli meta t-tfal joqogħdu jagħfsu fihom.

Il-perikli ta’ inġestjoni

Biex jiġi evitat il-periklu ta’ inġestjoni minn użu skorrett tas-siġġu li jeħel mal-mejda, dan ma għandux ikollu biċċiet separati jew żgħar li jkunu jinqalgħu meta t-tfal joqogħdu jagħfsu fihom u li jistgħu jgħaddu mill-esofagu.

Il-periklu ta’ soffokazzjoni

Is-siġġijiet ma għandux ikollhom xi decals tal-plastik li jistgħu jiġu f’idejn it-tfal u jinqalgħu minn posthom meta t-tfal joqogħdu jagħfsu fihom. Ma għandu jkollu l-ebda kisi impermeabbli li jista’ jgħatti kemm il-ħalq kif ukoll l-imnieħer tat-tfal u għalhekk jikkostitwixxu perikli ta’ soffokazzjoni.

Viti bil-kamin

Ma għandhomx jintużaw viti tal-irbit (eż. bil-kamin) biex jintrabat xi komponent li jrid jitneħħa jew jinħall meta s-siġġu li jeħel mal-mejda jiżżarma biex jinġarr jew jinħażen.

Il-perikli assoċjati ma’ partijiet li jiċċaqilqu

Ladarba s-siġġu li jeħel mal-mejda jintrama għall-użu normali skont l-istruzzjonijiet tal-manifattur, ma għandu jkun hemm ebda partijiet li jiċċaqilqu li jkunu ta’ periklu.

Il-perikli ta’ waqgħa

Biex ikunu evitati korrimenti kkawżati meta t-tfal iqumu bilwieqfa u jaqgħu, jew meta jiżżerżqu mis-siġġu li jeħel mal-mejda u jaqgħu, dan għandu jitfassal b’tali mod li s-sistema ta’ rbit biex iżżomm lit-tifel maqful fih, lit-tifel ma tippermettilux jaqa’ jew jiżżerżaq minnu.

Is-siġġu li jeħel mal-mejda għandu jkun mgħammar b’sistema ta’ rbit li tkun tista’ tiġi aġġustata skont id-daqs tat-tfal u li trid tkun tikkonsisti tal-inqas fi rbit mal-qadd u bejn il-koxox. Ma għandux ikun possibbli li tintuża s-sistema ta’ rbit mingħajr ma tinqafel il-qafla ta’ bejn il-koxox.

Is-sistema għat-tqabbid tas-siġġu, iċ-ċineg, il-punti tal-irbit u s-sistema tal-irbit ma jridux jinkisru, jinħallu jew jinqatgħu mill-irbit tagħhom minħabba forzi interni u esterni li t-tfal jistgħu japplikaw.

Id-disinn tas-sistema tat-trażżin trid tqis il-movimenti potenzjali kollha tat-tfal f’siġġu li jeħel mal-mejda.

Meta jintrama biex jintuża, l-għoli tad-dahar tas-siġġu li jeħel mal-mejda għandu jkun għoli kif xieraq. Irid ikollu wkoll il-poġġamani fil-ġenb li jkunu għolja biżżejjed biex jiżguraw li t-tfal jibqgħu fis-siġġu meta jinklinaw ruħhom lejn naħa jew oħra.

Biċċiet biex jistrieħu s-saqajn fuqhom

Ma għandhomx jingħataw biċċiet biex jistrieħu s-saqajn fuqhom.

Sits li jistgħu jitneħħew

Jekk is-sit jista’ jitneħħa mill-qafas, il-mezzi ta’ rbit biex jorbtu s-sit mal-qafas iridu jitfasslu b’mod li jipprevjenu li s-sit jinqala’ b’mod mhux intenzjonat mill-qafas.

Is-sit irid jibqa’ mwaħħal mal-qafas meta jkun suġġett għal stress mekkaniku matul l-użu intenzjonat tas-siġġu li jeħel mal-mejda.

L-integrità strutturali

L-istress statiku u dinamiku waqt l-użu intenzjonat tas-siġġu li jeħel mal-mejda ma għandux jikkawża dannu permanenti lis-siġġu li jeħel mal-mejda, li jista’ jtellef mill-funzjoni normali u tas-sikurezza tiegħu.

Appoġġ għall-irbit fil-post

L-appoġġ għall-irbit fil-post għandu jiżgura li meta jitwaħħal mal-wiċċ ta’ appoġġ, is-siġġu li jeħel mal-mejda ma jiċċaqlaqx matul l-użu intenzjonat. L-irbit fil-post ma għandux jippermetti li b’xi mod is-siġġu jogħla mill-art u jerġa’ jinżel.

L-istabbiltà

Is-siġġijiet li jeħlu mal-mejda ma jridux jingħalqu jew iduru meta jkun applikat stress mekkaninku statiku jew dinamiku waqt l-użu intenzjonat.

4.3.   L-informazzjoni dwar is-sikurezza, il-manwal għall-utenti u l-immarkar

Ġenerali

L-informazzjoni dwar is-sikurezza trid tkun immarkata fuq il-prodott u tkun inkluża fl-istruzzjonijiet għall-utent.

L-informazzjoni dwar is-sikurezza għandha tingħata bil-miktub fil-lingwa jew lingwi tal-pajjiż li fih jitqiegħed għall-bejgħ bl-imnut is-siġġu li jeħel mal-mejda u fi stampi li jinftiehmu weħidhom. L-immarkar kollu jrid jibqa’ leġġibbli u t-tikketti użati fl-immarkar ma għandhomx ikunu wħud li jinqalgħu faċilment.

L-informazzjoni dwar ix-xiri tal-prodott

Il-konsumatur għandu jkun jista’ jara b’mod ċar l-informazzjoni dwar ix-xiri tal-prodott fil-ħanut. L-informazzjoni tal-inqas trid tinkludi dan li ġej, kemm bil-miktub kif ukoll fi stampa li tinftiehem weħidha:

—	din id-dikjarazzjoni jew dikjarazzjoni ekwivalenti: “Dan il-prodott huwa maħsub għal tfal li ma jiżnux iktar minn 15-il kg u li jistgħu joqogħdu bilqiegħda weħidhom.”;

—	id-dimensjonijiet adegwati tal-wiċċ ta’ appoġġ li jrid jitwaħħal miegħu s-siġġu li jeħel mal-mejda.

Għandha tingħata wkoll l-informazzjoni li ġejja:

—	“Dan is-siġġu li jeħel mal-mejda mhux adatt biex jintuża mal-imwejjed kollha. “Tużax imwejjed bil-wiċċ tal-ħġieġ, imwejjed bi wċuħ mhux marbutin mal-mejda, imwejjed li joqogħdu fuq sieq waħda, imwejjed tal-logħob tal-karti jew imwejjed tal-ikkampjar.”

Immarkar

Is-siġġu li jeħel mal-mejda għandu jkun immarkat b’mod viżibbli u permanenti kif ġej:

—	it-twissija “TWISSIJA! Qatt tħalli t-tfal weħidhom” trid tkun viżibbli meta jkun qed jintuża s-siġġu li jeħel mal-mejda;

—	it-twissija “TWISSIJA! “Dejjem uża s-sistema ta’ rbit għat-tfal u dik tat-twaħħil mal-mejda.”;

—	it-twissija “TWISSIJA! “Dejjem iċċekkja s-sikurezza u l-istabbiltà tas-siġġu li jeħel mal-mejda qabel tużah.”;

—	id-dikjarazzjoni “Piż massimu: 15-il kg.”

Il-manwal għall-utenti

L-istruzzjonijiet dwar l-assemblaġġ korrett u sikur u l-użu tas-siġġu li jeħel mal-mejda jridu jingħataw fil-manwal għall-utent. Dawn l-istruzzjonijiet għandhom ikunu preċiżi u mhux ambigwi u għandhom jinkludu mill-inqas dawn id-dikjarazzjonijiet jew dikjarazzjonijiet ekwivalenti:

—	“Aqra l-istruzzjonijiet sewwa qabel ma tuża l-prodott u żommhom għal referenza fil-futur Uliedek jistgħu jweġġgħu jekk ma ssegwix dawn l-istruzzjonijiet.”

—	“Dan is-siġġu li jeħel mal-mejda mhux adattat għal tfal li ma jistgħux joqogħdu bilqiegħda weħidhom.”

—	“TWISSIJA! Qatt tħalli t-tfal weħidhom.”

—	“Dejjem uża s-sistema ta’ rbit għat-tfal u dik tat-twaħħil tas-siġġu.”

—	“Dejjem iċċekkja s-sikurezza u l-istabbiltà tas-siġġu li jeħel mal-mejda qabel tużah.”

—	“Dan is-siġġu li jeħel mal-mejda mhux adatt biex jintuża mal-imwejjed kollha. “Tużax imwejjed bil-wiċċ tal-ħġieġ, imwejjed bi wċuħ mhux marbutin mal-mejda, imwejjed li joqogħdu fuq sieq waħda, imwejjed tal-logħob tal-karti jew imwejjed tal-ikkampjar.”

—	“Iċċekkja li l-mejda mhix waħda li tinqaleb jekk ikun qed jintuża siġġu li jeħel mal-mejda li jkun twaħħal magħha.”

—	“Tużax tvalji jew oġġetti oħra fuq il-wiċċ li jistgħu jtellfu l-funzjonament xieraq tal-elementi tal-irbit. L-istruttura tal-mejda u l-wiċċ żommhom nodfa u nexfin.”

—	“Dan is-siġġu li jeħel mal-mejda ma jistax jintuża minn tfal li jiżnu aktar minn 15-il kg.”

—	“Iċċekkja spiss il-viti u ssikkahom skont il-bżonn.”

—	“TWISSIJA! Tużax siġġu li jeħel mal-mejda jekk hemm xi komponenti miksura jew neqsin.”

—	“Tużax partijiet li jkunu jridu jinbdilu jekk mhux dawk approvati mill-manifattur jew id-distributur.”

—	“Torbotx siġġu li jeħel mal-mejda fejn it-tfal jistgħu jużaw saqajhom biex jimbuttaw mejda, siġġu ieħor jew xi struttura oħra, minħabba li dan jista’ jwassal biex is-siġġu li jeħel mal-mejda jinqala’ minn mal-mejda.”

Id-dimensjonijiet adegwati tal-wiċċ ta’ appoġġ iridu jkunu speċifikati.

---

(1)  Kif definit fl-Artikolu R1 tal-Kapitolu R1 tal-Anness I tad-Deċiżjoni Nru 768/2008/KE tal-Parlament Ewropew u tal-Kunsill (ĠU L 218, 13.8.2008, p. 82).

(2)  Kif speċifikat fl-Artikolu R2 tal-Kapitolu R2 tal-Anness I tad-Deċiżjoni Nru 768/2008/KE.

(3)  Kif definit fl-Artikolu R1 tal-Kapitolu R1 tal-Anness I tad-Deċiżjoni Nru 768/2008/KE.

(4)  Kif speċifikat fl-Artikolu R4 tal-Kapitolu R2 tal-Anness I tad-Deċiżjoni Nru 768/2008/KE.

(5)   ĠU L 170, 30.6.2009, p. 1.