(1)

Id-Direttiva 2002/32/KE tistipula li l-użu ta’ prodotti maħsuba għall-għalf tal-annimali li fihom livelli ta’ sustanzi mhux mixtieqa li jaqbżu l-livelli massimi stipulati fl-Anness I ta’ dik id-Direttiva huwa pprojbit.

(2)

Ġie pprovdut tagħrif li l-melamina tintuża fil-kisi ta’ laned li fihom ikel għall-annimali domestiċi u li tista’ titħallat ma’ dan l-ikel għall-annimali domestiċi. Il-bottijiet bl-istess kisi jintużaw għal ikel fil-laned u skont opinjoni xjentifika dwar il-melamina fl-ikel u l-għalf tal-Awtorità Ewropea dwar is-Sigurtà fl-Ikel (EFSA) (2), limitu ta’ migrazzjoni speċifika (LMS) ta’ 2,5 mg/kg għal ikel fil-laned bħala tali ġie stabbilit bir-Regolament tal-Kummissjoni (UE) Nru 10/2011 tal-14 ta’ Jannar 2011 dwar materjali u oġġetti tal-plastik maħsuba sabiex jiġu f’kuntatt mal-ikel (3) kif emendat bir-Regolament (UE) Nru 1282/2011 (4).

(3)

Il-Kummissjoni tal-Codex Alimentarius stabbiliet il-livelli massimi għall-melamina fl-għalf u l-ikel (5) li għandhom japplikaw għall-għalf kif jinbiegħ, filwaqt li l-livelli massimi stabbiliti fid-Direttiva 2002/32/KE jikkonċernaw għalf b’kontenut ta’ umdità ta’ 12 %.

(4)

Informazzjoni pprovduta dan l-aħħar uriet li l-melamina tista’ temigra fl-ikel niedi għall-annimali domestiċi mill-kisi tal-landa f’livell ogħla minn 2,5 mg/kg relattivament ma’ għalf b’kontenut ta’ umdità ta’ 12 % iżda taħt l-LMS ta’ 2,5 mg/kg fl-ikel niedi għall-annimali domestiċi. Fid-dawl ta’ dan l-iżvilupp fl-għarfien xjentifiku u tekniku, huwa xieraq li jiġi stabbilit il-livell massimu ta’ 2,5 mg/kg għall-melamina għall-ikel niedi fil-laned għall-annimali domestiċi fuq bażi ta’ kif jinbiegħ u dan skont dak li hu previst għal ikel fil-laned.

(5)

Għalhekk, id-Direttiva 2002/32/KE għandha tiġi emendata skont dan.

(6)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponewhom,

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

Fit-22 ta’ Diċembru 2009 u fit-18 ta’ Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2010 sal-25 ta’ Jannar 2015.

(2)

Konsegwentement għat-tmiem tal-mandat tas-Sur Martin MERRILD, sar vakanti siġġu ta’ membru supplenti fil-Kumitat tar-Reġjuni,

—

Is-Sur Erik FLYVHOLM, Borgmester i Lemvig Kommune.

(1)

L-Artikolu 6(1b) tar-Regolament (KE) Nru 999/2001 jistipula li l-programmi annwali ta’ monitoraġġ għall-Istati Membri li jkunu wrew li sar titjib fil-qagħda epidemjoloġika tagħhom, skont ċerti kriterji, jistgħu jiġu riveduti.

(2)

L-Anness tad-Deċiżjoni tal-Kummissjoni 2009/719/KE tat-28 ta’ Settembru 2009 li tawtorizza ċerti Stati Membri jirrevedu l-programmi ta’ monitoraġġ annwali tagħhom tal-BSE (2), kif emendat bid-Deċiżjoni ta’ Implimentazzjoni 2011/358/UE (3) jelenka 25 Stat Membru awtorizzati jirrevedu l-programm ta’ monitoraġġ annwali tagħhom skont l-Artikolu 6(1b) tar-Regolament (KE) Nru 999/2001 (minn hawn ‘il quddiem imsejħa l-UE-25).

(3)

Rigward il-monitoraġġ ta’ annimali bovini soġġetti għal qatla normali għall-konsum mill-bniedem, l-Artikolu 2(1)(a) tad-Deċiżjoni 2009/719/KE jipprevedi li għall-BSE, l-UE-25 għandhom jittestjaw l-annimali bovini kollha b’aktar minn 72 xahar, billi l-Artikolu 2(3) jipprovdi li mill-1 ta’ Jannar 2013 l-UE-25 jistgħu jiddeċiedu li jittestjaw biss kampjun annwali minimu ta’ bhejjem b’saħħithom maqtula li għandhom aktar minn 72 xahar.

(4)

Fit-8 ta’ Ottubru 2012 l-Awtorità Ewropea dwar is-Sigurtà fl-Ikel (l-EFSA) approvat rapport ta’ assistenza xjentifika u teknika dwar id-daqs minimu tal-kampjun li jrid jiġi ttestjat jekk tkun awtorizzata sistema annwali għall-ittestjar statistiku tal-BSE tal-bhejjem b’saħħithom maqtula (4).

(5)

L-EFSA, fir-rapport tagħha kkonkludiet li, skont l-estimi minn mudell żviluppat biex iwieġeb għall-mandat tal-Kummissjoni (il-mudell C-TSEMM), l-ebda annimal b’saħħtu maqtul ma għandu bżonn jiġi ttestjat sabiex is-sistema attwali ta’ sorveljanza tas-sottopopolazzjonijiet f’riskju (bhejjem mejta, qtil aċċidentali u suspetti kliniċi) tilħaq, fil-grupp tal-UE-25 meqjus b’mod sħiħ, prevalenza prevista ta’ każ wieħed traċċabbli f’100 000 bhima adulta b’livell ta’ kunfidenza ta’ 95 %, l-istandard internazzjonali stabbilit mill-Organizzazzjoni Dinjija għas-Saħħa tal-Annimali (OIE) dwar il-prestazzjoni tas-sistemi ta’ sorveljanza tal-BSE. Jekk ma jkun ġie ttestjat l-ebda annimal b’saħħtu maqtul fl-2011, is-sistema ta’ sorveljanza xorta tkun żgurat prevalenza prevista ta’ każ wieħed għal kull 5 355 627 fil-popolazzjoni adulta tal-UE-25 b’livell ta’ kunfidenza ta’ 95 %.

(6)

Jekk titqies ix-xejra ta’ tnaqqis tal-BSE fl-Unjoni Ewropea, l-EFSA tistma li fl-UE-25, is-sistema ta’ sorveljanza bbażata biss fuq l-ittestjar ta’ sottopopolazzjonijiet f’riskju faċilment tilħaq l-istandard internazzjonali dwar ir-rendiment tas-sistemi ta’ sorveljanza tal-BSE, u jekk jitqies il-fatt li mhu meħtieġ l-ebda ttestjar ta’ annimali b’saħħtu maqtula biex jintlaħaq l-istandard internazzjonali stabbilit mill-OIE għall-monitoraġġ tal-BSE, diment li jiġu ttestjati annimali mit-tliet sottopopolazzjonijiet f’riskju, l-ittestjar ta’ bhejjem b’saħħithom maqtula jista’ jitwaqqaf fl-UE-25. Id-dispożizzjonijiet għal sistema ta’ sorveljanza ta’ bhejjem b’saħħithom maqtula fl-UE-25 għandha għalhekk tiġi emendata skont dan.

(7)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,