15.11.2012   

MT

Il-Ġurnal Uffiċjali tal-Unjoni Ewropea

L 318/1

(1)

Ir-Regolament tal-Kunsill (UE) Nru 267/2012 (2) ipoġġi fis-seħħ il-miżuri previsti fid-Deċiżjoni 2010/413/PESK. Dan ir-Regolament jipprevedi, inter alia, l-iffriżar tal-fondi u r-riżorsi ekonomiċi kollha li jappartjenu, jew li huma proprjetà, miżmuma jew kkontrollati mill-persuni, l-entitajiet u l-korpi elenkati fl-Annessi VIII u IX tar-Regolament.

(2)

Id-Deċiżjoni tal-Kunsill 2012/635/PESK (3) tipprovdi għal eżenzjoni skont il-miżuri restrittivi sabiex jipproteġu s-sigurtà tal-enerġija tal-Unjoni.

(3)

Dik l-eżenzjoni taqa’ fil-kamp ta’ applikazzjoni tat-Trattat u, għalhekk, sabiex tiġi implimentata hemm bżonn ta’ azzjoni regolatorja fil-livell tal-Unjoni.

(4)

Ir-Regolament (UE) Nru 267/2012 għandu għalhekk jiġi emendat kif meħtieġ.

(5)

Sabiex jiġi żgurat li l-miżuri previsti f’dan ir-Regolament huma effettivi, dan għandu jidħol fis-seħħ fil-jum wara dak tal-pubblikazzjoni tiegħu,

15.11.2012   

MT

Il-Ġurnal Uffiċjali tal-Unjoni Ewropea

L 318/3

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni ta’ Spanja għar-reġistrazzjoni tad-denominazzjoni “Aceituna Aloreña de Málaga” ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

15.11.2012   

MT

Il-Ġurnal Uffiċjali tal-Unjoni Ewropea

L 318/5

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006, l-applikazzjoni tar-Renju Unit għar-reġistrazzjoni tad-denominazzjoni “Newmarket Sausage” ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 7 tar-Regolament (KE) Nru 510/2006, din id-denominazzjoni għandha tiġi rreġistrata,

15.11.2012   

MT

Il-Ġurnal Uffiċjali tal-Unjoni Ewropea

L 318/7

(1)

Il-Kapitolu I tat-Titolu 2 tar-Regolament tal-Kummissjoni (KE) Nru 2535/2001 tal-14 ta' Diċembru 2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa (2) japplika għall-kwota tal-importazzjoni Nru 09.4210 prevista fir-Regolament tal-Kunsill (KE) Nru 55/2008 (3) u allokata lir-Repubblika tal-Moldova sal-2012. Ir-Regolament (UE) Nru 581/2011 tal-Parlament Ewropew u tal-Kunsill (4) jestendi l-applikazzjoni tar-Regolament (KE) Nru 55/2008 sa tmiem l-2015. Għalhekk huwa xieraq li r-Regolament (KE) Nru 2535/2001 iqis l-estensjoni tal-perjodu ta' żmien tal-kwota Nru 09.4210.

(2)

Il-Kapitolu II tat-Titolu 2 tar-Regolament (KE) Nru 2535/2001 jipprevedi regoli dwar importazzjonijiet preferenzjali barra mill-kwota taħt ftehimiet u atti speċifiċi. Huwa xieraq, għall-finijiet ta' amministrazzjoni tajba tal-importazzjonijiet, li dawk ir-regoli japplikaw ukoll għall-importazzjonijiet preferenzjali barra mill-kwota l-oħrajn kollha li huma koperti mill-Artikolu 2 ta’ dak ir-Regolament. Barra minn hekk, huwa xieraq, għal finijiet ta’ ċarezza u trasparenza, li dawk ir-regoli jinkludu l-obbligu li jiġi speċifikat id-dazju tal-importazzjoni preferenzjali fil-kaxxa 24 tal-applikazzjonijiet għal-liċenzja u l-liċenzji.

(3)

Ir-Regolament (KE) Nru 2535/2001 għandu għalhekk jiġi emendat skont dan.

(4)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

Il-Kapitolu II tat-Titolu 2 jinbidel b'dan li ġej:

"KAPITOLU II

Importazzjonijiet barra mill-kwota abbażi tal-liċenzja tal-importazzjoni waħidha

Artikolu 20

1.   Dan il-Kapitolu japplika għal:

2.   Għall-importazzjonijiet imsemmija fil-punt (a) tal-paragrafu 1, il-prodotti kkonċernati u r-rati ta’ dazju applikabbli huma elenkati fl-Anness II ta’ dan ir-Regolament.

Artikolu 21

1.   L-applikazzjonijiet għal-liċenzja u l-liċenzji juru:

2.   Il-liċenzji juru. fil-kaxxa 24, ir-rata ta' dazju mnaqqsa applikabbli.

3.   Il-liċenzji jkollhom obbligu li jimportaw mill-pajjiż indikat fil-kaxxa 8.

Artikolu 22

Ir-rata ta' dazju mnaqqsa tiġi applikata biss mal-preżentazzjoni tal-liċenzja tal-importazzjoni u mal-aċċettazzjoni tad-dikjarazzjoni tar-rilaxx għaċ-ċirkolazzjoni libera akkumpanjata mill-prova tal-oriġini."

(2)

Fl-Anness I, il-Parti J tinbidel bit-test stabbilit fl-Anness ta' dan ir-Regolament.

15.11.2012   

MT

Il-Ġurnal Uffiċjali tal-Unjoni Ewropea

L 318/10

(1)

Fis-16 ta' Frar 2012, il-Kummissjoni Ewropea (“il-Kummissjoni”) ħabbret, permezz ta’ avviż ippubblikat f'Il-Ġurnal Uffiċjali tal-Unjoni Ewropea  (2) (“Notifika ta’ Bidu”), il-bidu ta’ proċedura antidumping fir-rigward tal-importazzjonijiet fl-Unjoni ta’ fittings fonduti ta’ tubi jew pajpijiet bil-kamin, ta’ ħadid fondut malleabbli, li joriġinaw fir-Repubblika Popolari taċ-Ċina (“ir-RPĊ”), it-Tajlandja u l-Indoneżja (“il-pajjiżi kkonċernati”).

(2)

Il-proċedura nbdiet b’riżultat ta’ lment imressaq fit-3 ta' Jannar 2012 mill-Kumitat tad-Difiża tal-Fittings ta’ Ħadid Fondut ta’ Tubi jew Pajpijiet, ta’ Ħadid Fondut Malleabbli tal-Unjoni Ewropea (“l-ilmentatur”) f’isem produtturi li jirrappreżentaw aktar minn 50 %, tal-produzzjoni totali tal-Unjoni ta’ fittings fonduti ta’ tubi jew pajpijiet bil-kamin ta’ ħadid fondut malleabbli (“fittings malleabbli bil-kamin”). L-ilment kien jinkludi evidenza prima facie ta’ dumping tal-prodott imsemmi u tad-dannu materjali li jirriżulta minnu, li kien ikkunsidrat biżżejjed biex jiġġustifika l-bidu ta’ investigazzjoni.

(3)

Il-Kummissjoni avżat uffiċjalment lill-ilmentatur, lill-produtturi tal-Unjoni, lill-produtturi esportaturi, lill-importaturi mhux relatati, lill-utenti u lir-rappreżentanti tal-pajjiżi esportaturi dwar il-bidu tal-investigazzjoni. Il-Kummissjoni avżat ukoll lill-produtturi fl-Arġentina billi din kienet prevista bħala pajjiż analogu possibbli. Il-partijiet interessati ngħataw l-opportunità li jesprimu l-fehmiet tagħhom bil-miktub u li jitolbu smigħ fil-limitu taż-żmien stabbilit fin-Notifika ta’ Bidu.

(4)

Il-partijiet interessati kollha, li talbu dan u li wrew li kien hemm raġunijiet partikolari għaliex għandhom jinstemgħu, ingħataw smigħ.

(5)

Minħabba n-numru kbir ta’ produtturi esportaturi fir-RPĊ, produtturi tal-Unjoni u importaturi mhux relatati, it-teħid ta’ kampjuni kien previst fin-Notifika ta’ Bidu skont l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk ikunx meħtieġ it-teħid ta’ kampjun u, jekk iva, tagħżel kampjun, il-produtturi esportaturi kollha fir-RPĊ, il-produtturi tal-Unjoni u importaturi mhux relatati ntalbu jippreżentaw irwieħhom quddiem il-Kummissjoni u jipprovdu, kif speċifikat fin-Notifika ta’ Bidu, informazzjoni bażika dwar l-attivitajiet tagħhom relatati mal-fittings malleabbli bil-kamin (kif definiti fit-Taqsima B hawn taħt) għall-perjodu mill-1.1.2011 sal-31.12.2011. Ma kien previst l-ebda teħid ta' kampjuni għall-produtturi esportaturi fiż-żewġ pajjiżi l-oħra kkonċernati.

(6)

Sabiex il-produtturi esportaturi fir-RPĊ ikunu jistgħu jippreżentaw talba għal trattament ta’ ekonomija tas-suq (“TES”) jew trattament individwali (“TI”), jekk xtaqu jagħmlu dan, il-Kummissjoni bagħtet formoli ta’ talba lill-produtturi esportaturi fir-RPĊ li kien magħruf li huma kkonċernati u lill-awtoritajiet Ċiniżi. Żewġ kumpaniji talbu TES skont l-Artikolu 2(7) tar-Regolament bażiku, u erba’ kumpaniji talbu TI skont l-Artikolu 9(5) tar-Regolament bażiku.

(7)

Il-Kummissjoni żvelat b’mod uffiċjali s-sejbiet tat-TES lill-produtturi esportaturi kkonċernati fir-RPĊ, lill-awtoritajiet Ċiniżi u lill-ilmentatur. Huma ngħataw ukoll l-opportunità li jesprimu l-fehmiet tagħhom bil-miktub.

(8)

Rigward il-produtturi tal-Unjoni u kif spjegat fil-premessa (29) hawn taħt, sitt produtturi tal-Unjoni pprovdew l-informazzjoni mitluba u qablu li jkunu inklużi f’kampjun. Fuq il-bażi tal-informazzjoni li waslet mingħand il-produtturi tal-Unjoni li kkooperaw, il-Kummissjoni għażlet kampjun ta’ tliet produtturi tal-Unjoni fuq il-bażi tal-volum tal-bejgħ tagħhom.

(9)

Kif spjegat fil-premessa (31) hawn taħt, 33 importatur mhux relatati pprovdew l-informazzjoni mitluba u qablu li jkunu inklużi fil-kampjun. Fuq il-bażi tal-informazzjoni li waslet mingħand dawn il-partijiet, il-Kummissjoni għażlet kampjun ta’ disa’ importaturi li kellhom l-akbar volum ta’ importazzjonijiet fl-Unjoni u l-pożizzjoni ġeografika tagħhom fl-Unjoni. Billi importatur minnhom ma ppreżentax tweġiba għall-kwestjonarju, il-kampjun finali kien jikkonsisti mit-tmien importaturi li kien fadal.

(10)

Kif spjegat fil-premessa (30) ta’ hawn taħt, 12-il produttur esportatur fir-RPĊ ipprovdew l-informazzjoni mitluba u qablu li jkunu inklużi fil-kampjun. Fuq il-bażi tal-informazzjoni li waslet mingħand dawn il-partijiet, il-Kummissjoni għażlet kampjun ta’ tliet produtturi esportaturi fir-RPĊ li kellhom l-akbar volum ta’ esportazzjonijiet lejn l-Unjoni.

(11)

Il-Kummissjoni bagħtet kwestjonarji lit-tliet produtturi tal-Unjoni inklużi fil-kampjun, lit-tliet produtturi esportaturi Ċiniżi inklużi fil-kampjun, lil tliet produtturi esportaturi Tajlandiżi, lil tliet produtturi esportaturi Indoneżjani, lil disa’ importaturi mhux relatati inklużi fil-kampjun u seba’ utenti.

(12)

Waslu tweġibiet għall-kwestjonarju mingħand tliet produtturi tal-Unjoni inklużi fil-kampjun, tliet produtturi esportaturi Ċiniżi, żewġ produtturi esportaturi Tajlandiżi, produttur esportatur Indoneżjan u tmien importaturi mhux relatati. Ħadd mill-utenti ma ppreżenta tweġiba għall-kwestjonarju.

(13)

Il-Kummissjoni fittxet u vverifikat l-informazzjoni kollha kkunsidrata neċessarja għall-istabbiliment provviżorju ta’ dumping, id-dannu li jirriżulta u l-interess tal-Unjoni. Saru żjarat ta’ verifika fil-bini tal-kumpaniji li ġejjin:

(14)

Minħabba l-ħtieġa li jiġi stabbilit valur normali għall-produtturi esportaturi fir-RPĊ f’każ li ma jingħatawx TES, saret verifika sabiex jiġi stabbilit il-valur normali fuq il-bażi ta’ dejta mill-Indja bħala pajjiż analogu, fil-bini ta’ din il-kumpanija:

(15)

L-investigazzjoni tad-dumping u d-dannu kopriet il-perjodu mill-1.1.2011 sal-31.12.2011 (“il-perjodu tal-investigazzjoni” jew “PI”). L-eżami tax-xejriet rilevanti għad-dannu kopra l-perjodu mill-2008 sa tmiem il-perjodu tal-investigazzjoni (“il-perjodu kkunsidrat”).

(16)

Il-prodott ikkonċernat kif deskritt fin-Notifika ta’ Bidu huwa fittings fonduti ta’ tubi jew pajpijiet bil-kamin, ta’ ħadid fondut malleabbli (“il-prodott ikkonċernat”), li attwalment jaqa’ taħt il-kodiċi NM ex 7307 19 10.

(17)

Il-materja prima prinċipali tad-dħul huma rottam tal-metalli, kokk/elettriku, ramel (għall-immudellar) u żingu (għall-galvanizzazzjoni). L-ewwel pass fil-proċess tal-manifattura huwa t-tidwib tar-rottam tal-metalli fi fran tat-tip cupola. Dan ikun segwit mill-proċess tal-immudellar u l-iffundar tad-diversi forom li mbagħad jiġu separati f’biċċiet waħdiena. Il-prodotti jridu jgħaddu minn proċess twil ta’ ttemprar sabiex jiġi żgurat li jkunu malleabbli biżżejjed biex jintużaw f’applikazzjonijiet fejn pereżempju tkun meħtieġa reżistenza għax-xokkijiet u l-vibrazzjoni u sabiex jifilħu għal bidliet malajr fit-temperatura. Sussegwentement, il-fittings jistgħu jiġu galvanizzati jekk ikun meħtieġ. Imbagħad issir l-mogħdija tal-kamini tal-prodotti.

(18)

Il-fittings malleabbli bil-kamin jintużaw għat-tqabbid flimkien ta' żewġ pajpijiet jew tubi jew aktar, għat-tqabbid ta’ pajp ma’ apparat, għall-bdil tad-direzzjoni tal-fluss ta’ fluwidu, jew għall-għeluq ta’ pajp. Il-fittings malleabbli bil-kamin jintużaw prinċipalment fis-sistemi tal-gass, tal-ilma u tat-tisħin ta’ bini residenzjali u mhux residenzjali. Huma jintużaw ukoll fis-sistemi tal-pajpijiet ta’ raffineriji taż-żejt. Il-fittings malleabbli huma disponibbli f’ħafna konfigurazzjonijiet, l-iżjed komuni jkunu l-elbows ta’ 90 grad, it-tees, il-couplings, il-crosses, u l-unions. Huma jiġu prodotti kemm f’forma sewda (mhux galvanizzata) kif ukoll f’forma galvanizzata.

(19)

Il-prodott ikkonċernat u l-prodott immanifatturat u mibjugħ fis-suq domestiku tar-PRĊ, it-Tajlandja u l-Indoneżja, u fis-suq domestiku tal-Indja, li serviet bħala pajjiż analogu, kif ukoll il-prodott immanifatturat u mibjugħ fl-Unjoni mill-industrija tal-Unjoni nstab li kellhom l-istess karatteristiċi fiżiċi u tekniċi. Għalhekk huma kkunsidrati provviżorjament bħala identiċi fis-sens tal-Artikolu 1(4) tar-Regolament bażiku (“il-prodott simili”).

(20)

Ġew ippreżentati diversi dikjarazzjonijiet fir-rigward tal-kamp ta’ applikazzjoni tal-prodott, l-aktar minn importaturi iżda wkoll mill-awtoritajiet ta’ Stat Membru. Id-dikjarazzjonijiet huma indirizzati individwalment hawn taħt.

(21)

Importatur sostna li l-"fittings elettrogalvanizzati" għandhom jiġu esklużi mid-definizzjoni tal-fittings malleabbli bil-kamin. Huwa argumentat li l-produzzjoni tal-fittings elettrogalvanizzati teħtieġ passi addizzjonali ta’ produzzjoni wara l-mogħdija tal-kamini, bħall-ħasil u galvanizzazzjoni elettrika addizzjonali. Dan possibbilment iwassal għal ċertu titjib u vantaġġi fil-kwalità meta mqabbel mal-fittings regolari. Madankollu, huwa ċar li l-fittings elettrogalvanizzati huma kompletament interkambjabbli mal-fittings regolari, u għalhekk għandhom l-istess karatteristiċi fiżiċi u tekniċi bażiċi. Għalhekk huma kkunsidrati bħala l-prodott ikkonċernat.

(22)

L-istess importatur jimporta korpi ta’ fittings ta’ kompressjoni, li huwa jgħaqqad ulterjorment flimkien ma’ partijiet oħra f’fittings ta’ kompressjoni lesti. Tqajmu mistoqsijiet dwar jekk il-korpi tal-fittings ta’ kompressjoni jaqgħux fid-definizzjoni tal-prodott ikkonċernat. Filwaqt li dawn il-korpi jidhru qishom fitting u għandhom il-kamin, huma ma jistgħux jintużaw direttament biex iqabbdu l-pajpijiet – iridu jitgħaqqdu flimkien qabel ma l-fitting assemblat iqabbad il-pajpijiet. Għalkemm huma iżjed għaljin, huma interkambjabbli ma’ fittings oħra bil-kamin, billi jintużaw ukoll biex iqabbdu pajpijiet u tubi, għalkemm aktar fit-tiswija milli f’installazzjonijiet ġodda. Għalhekk ġie provviżorjament konkluż li l-fittings ta’ kompressjoni u l-korpi tagħhom jaqgħu taħt id-definizzjoni tal-prodott ikkonċernat.

(23)

Xi partijiet sostnew li l-fittings malleabbli mmanifatturati u mibjugħa mill-produtturi tal-Unjoni ma jistgħux jitqiesu bħala komparabbli ma’ dawk immanifatturati u esportati lejn l-Unjoni mill-pajjiżi esportaturi kkonċernati minħabba li l-grad tal-materjal użat għal dawk prodotti fl-Unjoni huwa, ġeneralment, ħadid fondut tal-qalba bajda, filwaqt li l-grad tal-materjal għal dawk esportati huwa ħadid fondut tal-qalba sewda.

(24)

Kif diġà ġie konkluż fir-Regolament tal-Kunsill (KE) Nru 1784/2000 (3) dwar l-istess prodott, l-investigazzjoni provviżorjament uriet li ma hemm l-ebda differenza fil-perċezzjoni tas-suq li tiddistingwi bejn fittings tal-qalba bajda u fittings tal-qalba sewda billi f’kull aspett barra l-kontenut ta’ karbonju huma għandhom karatteristiċi li jixxiebhu ħafna, l-istess utenti finali u għalhekk huma interkambjabbli. Dan kien ikkonfermat mill-fatt li l-importaturi/negozjanti li jixtru kemm fittings malleabbli tal-qalba sewda mill-pajjiżi kkonċernati kif ukoll fittings malleabbli tal-qalba bajda mmanifatturati mill-industrija tal-Unjoni, ibigħuhom lill-utenti mingħajr ma jagħmlu distinzjoni bejn iż-żewġ gradi tal-materjal. Rigward l-utenti tal-prodott li qed jiġi kkunsidrat, l-investigazzjoni kkonfermat li dawn ma jiddistingwux b’xi mod sinifikanti bejn fittings tal-qalba bajda u fittings tal-qalba sewda.

(25)

Dan huwa ssuġġerit ukoll mill-fatt li kemm il-fittings tal-qalba bajda kif ukoll il-fittings tal-qalba sewda huma inklużi fl-Istandard Ewropew EN 10242 u fl-istandard internazzjonali ISO 49, li jispeċifikaw ir-rekwiżiti għad-disinn u l-prestazzjoni tal-fittings malleabbli. Fir-rigward, b’mod partikolari, tal-grad tal-materjal użat, huma permessi kemm il-qalba bajda kif ukoll il-qalba sewda.

(26)

Fid-dawl ta’ dan ta’ hawn fuq, huwa provviżorjament konkluż li l-fittings malleabbli tal-qalba bajda mmanifatturati u mibjugħa minn parti mill-produtturi tal-Unjoni għandhom jitqiesu bħala prodott simili għall-fittings malleabbli tal-qalba sewda mmanifatturati u esportati lejn l-Unjoni mill-pajjiżi esportaturi kkonċernati.

(27)

Importatur wieħed jimporta kwantitajiet limitati ta’ fittings mhux lesti mingħajr kamini. Il-mogħdija tal-kamini ssir wara mill-importatur. Billi l-prodotti impurtati ma għandhomx kamini, dawn mhumiex ikkunsidrati bħala prodott ikkonċernat.

(28)

L-awtoritajiet ta’ wieħed mill-Istati Membri aċċennaw għall-fatt li, skont in-noti ta’ spjega għan-Nomenklatura Magħquda (4), l-espressjoni "malleabli" tinkludi grafit ta’ ħadid fondut sferojdali (identiku għall-ħadid fondut duttili). Filwaqt li ma ġie rrapportat l-ebda bejgħ ta’ fittings bil-kamin magħmula minn ħadid fondut duttili minn xi parti interessata matul il-PI, hemm evidenza li dan huwa possibbli. Billi dawn il-fittings għandhom l-istess karatteristiċi fiżiċi bażiċi bħall-fittings malleabbli bil-kamin investigati, huwa kkunsidrat xieraq li jiġi kkjarifikat li l-prodotti tal-ħadid duttili jaqgħu fil-kamp ta’ applikazzjoni tal-proċediment u tal-miżuri.

(29)

Skont l-Artikolu 17 tar-Regolament bażiku, il-Kummissjoni għażlet kampjun ibbażat fuq l-akbar volum rappreżentattiv ta’ bejgħ ta’ fittings malleabbli bil-kamin lil klijenti mhux relatati fl-Unjoni, li jista’ raġonevolment jiġi investigat fiż-żmien disponibbli. Il-kampjun magħżul jikkonsisti minn tliet produtturi li jappartjenu għal żewġ gruppi ta’ kumpaniji, li jirrappreżentaw 81 % tal-bejgħ tal-fittings malleabbli bil-kamin lil klijenti mhux relatati fl-Unjoni minn sitt produtturi tal-Unjoni li huma magħrufa li jipproduċu l-prodott simili. B’mod konformi mal-Artikolu 17(2) tar-Regolament bażiku, ġew ikkonsultati l-produtturi kollha tal-Unjoni u l-ilmentatur, u l-partijiet kollha interessati kienu mistiedna jikkummentaw dwar il-kampjun propost. Ma sarux kummenti dwar l-għażla tal-kampjun.

(30)

Skont l-Artikolu 17 tar-Regolament bażiku, il-Kummissjoni għażlet kampjun ibbażat fuq l-akbar volum rappreżentattiv ta’ esportazzjonijiet li jista’ raġonevolment jiġi investigat fiż-żmien disponibbli. Tnax-il produttur esportatur li huma responsabbli għal 51 % tal-esportazzjonijiet Ċiniżi lejn l-Unjoni matul il-PI ppreżentaw l-informazzjoni dwar it-teħid ta' kampjuni mitlub fl-Anness A għan-Notifika ta’ Bidu. Il-kampjun magħżul jikkonsisti minn tliet kumpaniji, li jirrappreżentaw 88 % tal-volum ta’ esportazzjoni tal-partijiet li kkooperaw mir-RPĊ lejn l-Unjoni. B’mod konformi mal-Artikolu 17(2) tar-Regolament bażiku, ġew ikkonsultati l-produtturi esportaturi kollha kkonċernati u l-awtoritajiet Ċiniżi. Ma sarux kummenti dwar l-għażla tal-kampjun.

(31)

Skont l-Artikolu 17 tar-Regolament bażiku, il-Kummissjoni għażlet kampjun ibbażat fuq l-akbar volum rappreżentattiv ta’ importazzjonijiet fl-Unjoni kif ukoll il-pożizzjoni ġeografika tal-kumpaniji, li jista’ raġonevolment jiġi investigat fiż-żmien disponibbli. Total ta’ 33 importatur mhux relatat ippreżentaw l-informazzjoni dwar it-teħid ta' kampjuni mitlub fl-Anness B għan-Notifika ta’ Bidu. Il-kampjun inizjali magħżul jikkonsisti minn sitt importaturi f’ħames Stati Membri, li jirrappreżentaw 59 % tal-importazzjonijiet ta’ fittings malleabbli bil-kamin tal-importaturi li kkooperaw fl-Unjoni. B’mod konformi mal-Artikolu 17(2) tar-Regolament bażiku, ġew ikkonsultati l-importaturi kollha. Wara li ngħataw il-kummenti, ġew miżjuda tliet kumpaniji oħra mal-kampjun, li rriżulta f’kampjun finali ta’ disa’ importaturi f’sitt Stati Membri, li jirrappreżentaw 67 % tal-importazzjonijiet ta’ fittings malleabbli bil-kamin tal-importaturi li kkooperaw fl-Unjoni. Ma waslux aktar kummenti dwar il-kampjun imkabbar. Billi importatur wieħed ma ppreżentax tweġiba għall-kwestjonarju, il-kampjun finali kien jikkonsisti mit-tmien importaturi li kien fadal.

(32)

Skont l-Artikolu 2(7)(b) tar-Regolament bażiku, fl-investigazzjonijiet antidumping li jikkonċernaw importazzjonijiet li joriġinaw fir-RPĊ, il-valur normali għandu jiġi stabbilit skont l-Artikolu 2 minn (1) sa (6) għal dawk il-produtturi li nstabu li jissodisfaw il-kriterji stabbiliti fl-Artikolu 2(7)(c) tar-Regolament bażiku.

(33)

Fil-qosor, u għall-faċilità ta’ referenza biss, dawn il-kriterji huma ppreżentati hawn taħt:

(34)

Żewġ produtturi esportaturi talbu TES skont l-Artikolu 2(7)(b) tar-Regolament bażiku u wieġbu għall-formola ta’ talba għal TES sad-dati ta’ skadenza stipulati.

(35)

Il-Kummissjoni fittxet l-informazzjoni kollha kkunsidrata neċessarja u vverifikat l-informazzjoni kollha ppreżentata fit-talbiet għal TES fil-bini tal-kumpaniji inkwistjoni.

(36)

Il-verifika stabbilixxiet li ż-żewġ produtturi esportaturi li talbu TES ma kinux jissodisfaw ir-rekwiżiti tal-kriterji stipulati fl-Artikolu 2(7)(c) tar-Regolament bażiku.

(37)

Il-kontijiet awditjati taż-żewġ esportaturi ma kinux jikkonformaw mal-istandards internazzjonali tal-kontabilità, u l-kontijiet awditjati ta’ wieħed mill-esportaturi kienu saħansitra mhux kompleti, billi ma kinux jinkludu rapport tal-flussi tal-flus. Għalhekk huwa evidenti li ma jikkonformawx mal-kriterju 2.

(38)

Esportatur wieħed ma setax juri li l-kapital ikkontribwit matul il-privatizzazzjoni tiegħu ġie evalwat kif suppost, filwaqt li t-tieni esportatur irċieva benefiċċji mill-istat prinċipalment fil-forma ta’ rata preferenzjali tat-taxxa fuq l-introjtu. Għalhekk mhumiex konformi mal-kriterju 3.

(39)

Kumpanija waħda li talbet TES ikkummentat dwar id-divulgazzjoni. Hija ma kkontestat l-ebda wieħed mill-fatti preżenti fid-divulgazzjoni, iżda semmiet tliet kwistjonijiet prinċipali fil-kummenti tagħha.

(40)

L-ewwel nett, hija argumentat li l-istabbiliment ta’ TES huwa illegali, billi sar kważi xahrejn wara d-data ta’ skadenza statutorja. F’dan ir-rigward, irid jingħad li dan id-dewmien kien dovut prinċipalment għall-fatt li ma setgħet issir ebda verifika tat-TES aktar kmieni billi l-esportaturi Ċiniżi ma kinux disponibbli f’dak iż-żmien. Irid jiġi enfasizzat li t-twaqqif tal-istabbiliment ma kellu l-ebda impatt fuq ir-riżultat.

(41)

It-tieni, kien argumentat li n-nonkonformità mal-kontijiet awditjati hija bbażata esklussivament fuq raġunijiet formali. Barra minn hekk, kien argumentat li "prattika kontabilistika li ma tkunx formalment kompletament skont l-IAS ma tikkostitwixxix ksur tat-tieni kriterju tat-TES sakemm ma tkunx affettwat ir-riżultati finanzjarji tal-kumpanija". F’dan ir-rigward, ta’ min jinnota li l-kriterju 2 ma għandu l-ebda referenza għar-riżultati finanzjarji tal-kumpanija. It-talba għalhekk hija mingħajr bażi. Il-kriterju rilevanti, "rekords kontabilistiċi li jiġu awditjati b’mod indipendenti skont standards internazzjonali tal-kontabilità", huwa tabilħaqq rekwiżit formali. Madankollu tajjeb li jissemma li l-ksur kollu kien ta’ natura sinifikanti, jew minħabba d-daqs tal-ammonti involuti jew minħabba s-sinifikat tal-ksur (jiġifieri analiżi obbligatorja sempliċement ma twettqitx).

(42)

Fl-aħħar nett, kien sostnut li l-benefiċċji riċevuti fil-forma ta’ rata preferenzjali tat-taxxa fuq l-introjtu ma ntużawx fil-passat biex jiġi miċħud TES. F’dan ir-rigward, huwa nnotat li kull każ huwa ġġudikat fuq il-merti partikolari tiegħu. Taħt il-kriterju 3 għat-TES, jiġi vvalutat jekk l-esportaturi Ċiniżi humiex soġġetti għal distorsjonijiet sinifikanti li jkunu ntirtu mis-sistema preċedenti ta’ ekonomija mhux tas-suq. Dan huwa l-każ hawnhekk fir-rigward tal-benefiċċji mill-istat, li kienu prinċipalment fil-forma ta’ rata tat-taxxa preferenzjali. Għalhekk kummenti ġenerali bħal dawk imressqa mill-esportatur Ċiniż mhumiex issostanzjati b’mod suffiċjenti.

(43)

Bħala konklużjoni, ma ntweriex li l-kriterji 2 u 3 għat-TES ġew issodisfati minn xi wieħed mill-produtturi esportaturi. Għalhekk, ma jistax jingħata TES lil dawn il-kumpaniji.

(44)

Skont l-Artikolu 2(7)(a) tar-Regolament bażiku, dazju għall-pajjiż kollu, jekk applikabbli, jiġi stabbilit għall-pajjiżi li jaqgħu f'dik id-dispożizzjoni, ħlief f’dawk il-każijiet fejn il-kumpaniji jkunu kapaċi juru li huma jissodisfaw il-kriterji kollha stabbiliti fl-Artikolu 9(5) tar-Regolament bażiku.

(45)

Fil-qosor, u għall-faċilità ta’ referenza biss, dawn il-kriterji huma ppreżentati hawn taħt:

(46)

Il-produtturi esportaturi li ma ssodisfawx il-kriterji għat-TES kif ukoll it-tielet produttur inkluż fil-kampjun kollha talbu TI. Fuq il-bażi tal-informazzjoni disponibbli, ġie provviżorjament stabbilit li l-produtturi esportaturi kollha inklużi fil-kampjun issodisfaw ir-rekwiżiti previsti fl-Artikolu 9(5) tar-Regolament bażiku u, għalhekk, jistgħu jingħataw TI.

(47)

Skont l-Artikolu 2(7)(a) tar-Regolament bażiku, il-valur normali għall-produtturi esportaturi li ma ngħatawx TES għandu jiġi stabbilit fuq il-bażi tal-prezz jew il-valur maħdum f’pajjiż terz b’ekonomija tas-suq (“pajjiż analogu”).

(48)

Fin-Notifika ta’ Bidu, il-Kummissjoni indikat l-intenzjoni tagħha li tuża l-Arġentina bħala pajjiż analogu xieraq għall-iskop li tistabbilixxi l-valur normali għar-RPĊ u stiednet lill-partijiet interessati kollha sabiex jikkummentaw dwar dan.

(49)

Numru ta’ esportaturi u importaturi bagħtu kummenti dwar l-għażla tal-pajjiż analogu fejn argumentaw li l-Arġentina ma jkunx pajjiż analogu xieraq, l-aktar minħabba l-livell baxx ta’ kompetizzjoni domestika u l-livelli għoli konsegwenti tal-prezzijiet fis-suq domestiku Arġentin. Hemm indikazzjonijiet li s-suq Arġentin huwa maqsum prinċipalment bejn tliet produtturi domestiċi. Skont l-istatistika tal-Arġentina, l-importazzjonijiet fis-suq Arġentin huma negliġibbli, billi l-Brażil u ċ-Ċina li tradizzjonalment huma l-akbar fornituri barranin, huma soġġetti għal dazji antidumping għoljin.

(50)

L-istess esportaturi u importaturi pproponew lit-Tajlandja, lill-Indja u lill-Indoneżja bħala pajjiżi analogi iżjed xierqa. Wara li tqiesu l-kummenti mill-partijiet interessati, tfittxet il-kooperazzjoni minn produtturi Arġentini u Indjani, u finalment produttur Arġentin u produttur Indjan aċċettaw li jikkooperaw.

(51)

Analiżi ta’ dawn ir-risposti wriet li l-prezzijiet domestiċi rrapportati mill-uniku produttur Arġentin li kkoopera kienu għoljin ħafna, ferm ogħla mill-prezzijiet tal-bejgħ tal-produtturi tal-Unjoni inklużi fil-kampjun kif ukoll il-prezz tagħhom li ma jikkawżax dannu.

(52)

Min-naħa l-oħra, irriżulta li s-suq Indjan huwa kompetittiv ħafna b’numru stmat ta’ 300 produttur. Minħabba f’hekk, il-prezzijiet domestiċi rrapportati mill-esportatur Indjan li kkoopera jistgħu jitqiesu bħala raġonevoli.

(53)

It-Tajlandja u l-Indoneżja huma involuti fl-istess investigazzjoni, iżda numru limitat ħafna ta’ produtturi joperaw fiż-żewġ pajjiżi, li jirrendi s-swieq domestiċi tagħhom inqas kompetittivi meta mqabbla mal-Indja. Għalhekk ġie provviżorjament konkluż li l-Indja hija pajjiż analogu xieraq skont l-Artikolu 2(7)(a) tar-Regolament bażiku.

(54)

Billi l-ebda esportatur Ċiniż inkluż fil-kampjun ma ngħata TES, il-valur normali ġie stabbilit skont id-dispożizzjoni tal-Artikolu 2(7)(a) tar-Regolament bażiku, bl-użu tal-Indja bħala pajjiż terz b’ekonomija tas-suq.

(55)

Għal kull produttur esportatur ikkonċernat, l-ewwel ġie stabbilit jekk il-bejgħ domestiku totali ta’ fittings malleabbli bil-kamin tal-produttur tal-pajjiż analogu kinux rappreżentattivi, jiġifieri jekk il-volum totali ta’ dan il-bejgħ kienx jirrappreżenta mill-anqas 5 % tal-volum totali ta’ bejgħ għall-esportazzjoni ta’ kull produttur esportatur tal-prodott ikkonċernat lejn l-Unjoni matul il-PI. Dan kien il-każ għal tnejn mit-tliet produtturi esportaturi inklużi fil-kampjun.

(56)

Sussegwentement, kienu identifikati dawk it-tipi ta’ prodotti mibjugħin domestikament mill-kumpaniji fejn il-produttur mill-pajjiż analogu kellu b’mod globali bejgħ domestiku rappreżentattiv li kien identiku jew direttament komparabbli mat-tipi mibjugħa għall-esportazzjoni lejn l-Unjoni.

(57)

Għal kull tip mibjugħ mill-produttur tal-pajjiż analogu fis-suq domestiku tiegħu u misjub li kien direttament komparabbli mat-tip ta’ fittings malleabbli bil-kamin mibjugħa għall-esportazzjoni lejn l-Unjoni mill-produtturi esportaturi, ġie stabbilit jekk il-bejgħ domestiku kienx rappreżentattiv biżżejjed. Il-bejgħ domestiku ta’ tip ta’ prodott partikolari tqies bħala rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lil konsumaturi indipendenti matul il-PI kien jirrappreżenta mill-anqas 5 % tal-volum totali tat-tip ta’ prodott komparabbli mibjugħ għall-esportazzjoni lejn l-Unjoni mill-produttur esportatur.

(58)

Il-Kummissjoni sussegwentement eżaminat għall-produttur tal-pajjiż analogu jekk kull tip tal-prodott simili mibjugħ domestikament fi kwantitajiet rappreżentattivi setax jitqies li kien qiegħed jinbiegħ fl-andament normali tal-kummerċ. Dan sar billi għal kull tip ta’ prodott ġie stabbilit il-proporzjon ta’ bejgħ bi profitt lil konsumaturi indipendenti fis-suq domestiku matul il-PI.

(59)

Fejn il-volum tal-bejgħ ta’ tip ta’ prodott, mibjugħ bi prezz tal-bejgħ nett daqs jew ogħla mill-kost ikkalkulat tal-produzzjoni, kien jirrappreżenta iżjed minn 80 % tal-volum tal-bejgħ totali ta’ dak it-tip, u fejn il-prezz tal-bejgħ medju peżat ta’ dak it-tip kien daqs jew ogħla mill-kost tal-produzzjoni, il-valur normali kien ibbażat fuq il-prezz domestiku attwali. Dan il-prezz kien ikkalkulat bħala medja peżata tal-prezzijiet tal-bejgħ domestiku kollu ta’ dak it-tip li sar matul il-PI.

(60)

Fejn il-volum ta’ bejgħ bi profitt ta’ tip ta’ prodott kien jirrappreżenta 80 % jew anqas tal-volum totali tal-bejgħ ta’ dak it-tip, jew fejn il-prezz medju peżat ta’ dak it-tip kien aktar baxx mill-kost tal-produzzjoni, il-valur normali kien ibbażat fuq il-prezz domestiku attwali, ikkalkulat bħala medja peżata tal-bejgħ bi profitt ta’ dak it-tip biss.

(61)

Fejn it-tipi ta’ prodotti nbiegħu kollha b’telf, tqies li dawn ma nbigħux fl-andament normali tal-kummerċ.

(62)

Għall-bejgħ ta’ tipi ta’ prodotti li ma sarx fl-andament normali tal-kummerċ, kif ukoll għal tipi ta’ prodotti li ma nbigħux fi kwantitajiet rappreżentattivi fis-suq domestiku, intuża valur normali maħdum.

(63)

Sabiex jinħadem il-valur normali, l-ispejjeż medji peżati tal-bejgħ, ġenerali u amministrattivi (“SG&A”) imġarrba u l-profitt medju peżat magħmul mill-uniku produttur li kkoopera mill-pajjiż analogu fuq il-bejgħ domestiku tal-prodott simili, fl-andament normali tal-kummerċ matul il-perjodu tal-investigazzjoni, kienu miżjuda mal-kost medju tiegħu tal-produzzjoni matul il-perjodu tal-investigazzjoni. Għal kull tip ta’ prodott mibjugħ fi kwantitajiet mhux rappreżentattivi fis-suq domestiku, il-profitt medju peżat u l-ispejjeż tal-SG&A fl-andament normali tal-kummerċ ta’ dan il-bejgħ mhux rappreżentattiv intużaw sabiex jinħadem il-valur normali. Fejn meħtieġ, kienu aġġustati l-kostijiet tal-produzzjoni u l-ispejjeż tal-SG&A, qabel ma ntużaw fit-test tal-andament normali tal-kummerċ u sabiex jinħadmu l-valuri normali.

(64)

Billi l-produtturi inklużi fil-kampjun ingħataw TI u għamlu bejgħ għall-esportazzjoni tal-prodott ikkonċernat lejn l-Unjoni direttament lil konsumaturi indipendenti fl-Unjoni, il-prezz tal-esportazzjoni ġie stabbilit skont l-Artikolu 2(8) tar-Regolament bażiku, jiġifieri fuq il-bażi tal-prezzijiet tal-esportazzjoni attwalment imħallsa jew pagabbli.

(65)

It-tqabbil bejn il-valur normali u l-prezz tal-esportazzjoni sar fuq il-bażi tal-prezzijiet mill-fabbrika.

(66)

Sabiex jiġi żgurat tqabbil ġust bejn il-valur normali u l-prezz tal-esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolamet bażiku.

(67)

Saru aġġustamenti xierqa għall-karatteristiċi fiżiċi, it-taxxi indiretti, it-trasport, l-assigurazzjoni, l-ispejjeż tal-ġarr, tat-tagħbija u dawk anċillari, l-ippakkjar, il-kreditu, kummissjonijiet u ħlasijiet bankarji fejn dawn instab li kienu raġonevoli, preċiżi u appoġġati minn evidenza verifikata.

(68)

Għall-kumpaniji inklużi fil-kampjun, il-valur normali medju peżat ta’ kull tip ta’ prodott simili stabbilit għall-pajjiż analogu tqabbel mal-prezz tal-esportazzjoni medju peżat tat-tip korrispondenti tal-prodott ikkonċernat, kif previst fl-Artikoli 2(11) u 2(12) tar-Regolament bażiku.

(69)

Fuq din il-bażi, il-marġni medji peżati provviżorji ta’ dumping espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(70)

Il-marġni medju peżat ta’ dumping tal-produtturi esportaturi li kkooperaw li ma kinux inklużi fil-kampjun ġie kkalkulat skont id-dispożizzjonijiet tal-Artikolu 9(6) tar-Regolament bażiku. Dan il-marġni ġie stabbilit fuq il-bażi tal-marġni stabbiliti għall-produtturi esportaturi inklużi fil-kampjun.

(71)

Fuq din il-bażi, il-marġni ta’ dumping ikkalkulat għall-kumpaniji li kkooperaw li ma kinux inklużi fil-kampjun ġie provviżorjament stabbilit f’livell ta’ 42,3 %.

(72)

Fir-rigward tal-produtturi esportaturi l-oħra kollha fir-RPĊ, il-marġni ta’ dumping ġew stabbiliti fuq il-bażi tal-fatti disponibbli skont l-Artikolu 18 tar-Regolament bażiku. Għal dan il-għan, il-livell ta’ kooperazzjoni l-ewwel ġie stabbilit billi l-volum tal-esportazzjonijiet lejn l-Unjoni rrapportat mill-produtturi esportaturi li kkooperaw ġie pparagunat mal-istatistika ekwivalenti tal-Eurostat dwar l-importazzjonijiet.

(73)

Billi l-kooperazzjoni kienet tammonta għal aktar minn 50 % tal-esportazzjonijiet Ċiniżi totali lejn l-Unjoni u l-industrija tista’ titqies bħala frammentata minħabba n-numru kbir ta’ produtturi esportaturi fir-RPĊ, il-livell ta’ kooperazzjoni jista’ jitqies bħala wieħed għoli. Billi ma hemm l-ebda raġuni sabiex wieħed jemmen li xi produttur esportatur naqas apposta milli jikkoopera, il-marġni residwu ta’ dumping ġie stabbilit fil-livell tal-kumpanija inkluża fil-kampjun li kellha l-ogħla marġni ta’ dumping. Dan tqies bħala xieraq billi ma kien hemm l-ebda indikazzjoni li l-kumpaniji li ma kkooperawx kienu qegħdin jagħmlu dumping f’livell aktar baxx, u sabiex tkun żgurata l-effikaċja ta’ kwalunkwe miżura.

(74)

Fuq din il-bażi, il-marġni medji peżati provviżorji ta’ dumping espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(75)

Skont l-Artikolu 2(2) tar-Regolament bażiku, għal kull wieħed mill-produtturi esportaturi li kkooperaw, il-Kummissjoni l-ewwel stabbiliet jekk il-bejgħ domestiku totali tiegħu tal-prodott simili kienx rappreżentattiv, jiġifieri jekk il-volum totali ta’ dan il-bejgħ kienx jirrappreżenta mill-anqas 5 % tal-volum totali ta’ bejgħ għall-esportazzjoni tal-prodott ikkonċernat lejn l-Unjoni. L-investigazzjoni stabbiliet li l-bejgħ domestiku tal-prodott simili kien rappreżentattiv għall-produtturi esportaturi kollha li kkooperaw fit-Tajlandja u l-Indoneżja.

(76)

Il-Kummissjoni sussegwententement identifikat dawk it-tipi ta’ prodotti mibjugħin domestikament mill-kumpaniji li kellhom bejgħ domestiku globali rappreżentattiv, li kienu l-istess bħal jew jixbhu ħafna lit-tipi mibjugħa għall-esportazzjoni lejn l-Unjoni.

(77)

Għal kull tip tal-prodott simili mibjugħ mill-produtturi esportaturi fis-suq domestiku tagħhom u li nstab li kien komparabbli mat-tip tal-prodott ikkonċernat mibjugħ għall-esportazzjoni lejn l-Unjoni, ġie stabbilit jekk il-bejgħ domestiku kienx rappreżentattiv biżżejjed għall-finijiet tal-Artikolu 2(2) tar-Regolament bażiku. Il-bejgħ domestiku tqies bħala rappreżentattiv biżżejjed meta l-volum ta’ dak it-tip ta’ prodott mibjugħ fis-suq domestiku lil konsumaturi indipendenti matul il-PI kien jirrappreżenta mill-anqas 5 % tal-volum totali tat-tip ta’ prodott komparabbli mibjugħ għall-esportazzjoni lejn l-Unjoni.

(78)

Il-Kummissjoni sussegwentement eżaminat jekk kull tip tal-prodott simili mibjugħ domestikament fi kwantitajiet simili setax jitqies li kien qiegħed jinbiegħ fl-andament normali tal-kummerċ skont l-Artikolu 2(4) tar-Regolament bażiku. Dan sar billi għal kull tip ta’ prodott ġie stabbilit il-proporzjon ta’ bejgħ bi profitt lil konsumaturi indipendenti fis-suq domestiku matul il-perjodu ta’ investigazzjoni.

(79)

Fejn il-volum ta’ bejgħ ta’ tip ta’ prodott, mibjugħ bi prezz tal-bejgħ nett daqs jew ogħla mill-kost ikkalkulat tal-produzzjoni, kien jirrappreżenta aktar minn 80 % tal-volum totali tal-bejgħ ta’ dak it-tip, u fejn il-prezz medju peżat tal-bejgħ kien daqs jew ogħla mill-kost unitarju, il-valur normali, skont it-tip ta’ prodott, ġie kkalkulat bħala l-medja peżata tal-prezzijiet tal-bejgħ domestiku kollu tat-tip inkwistjoni.

(80)

Fejn il-volum ta’ bejgħ bi profitt ta’ tip ta’ prodott kien jirrappreżenta 80 % jew anqas tal-volum totali ta’ bejgħ ta’ dak it-tip ta’ prodott, jew fejn il-prezz medju peżat ta’ dak it-tip kien taħt il-kost unitarju, il-valur normali kien ibbażat fuq il-valur domestiku attwali, li ġie kkalkulat bħala l-prezz medju peżat tal-bejgħ domestiku profittabbli biss tat-tip inkwistjoni.

(81)

Meta t-tipi ta’ prodotti nbiegħu kollha b’telf, tqies li dawn ma nbigħux fl-andament normali tal-kummerċ.

(82)

Għall-bejgħ ta’ tipi ta’ prodotti li ma jkunx sar fl-andament normali tal-kummerċ, kif ukoll għal tipi ta’ prodotti li ma nbigħux fi kwantitajiet rappreżentattivi fis-suq domestiku, intuża valur normali maħdum.

(83)

Sabiex jinħadem il-valur normali, l-ispejjeż medji peżati tal-bejgħ, ġenerali u amministrattivi (“SG&A”) imġarrba u l-profitt medju peżat magħmul mill-produtturi esportaturi kkonċernati li kkooperaw fuq il-bejgħ domestiku tal-prodott simili, fl-andament normali tal-kummerċ matul il-perjodu tal-investigazzjoni, kienu miżjuda mal-kost medju tiegħu tal-produzzjoni matul il-perjodu tal-investigazzjoni. Għal kull tip ta’ prodott mibjugħ fi kwantitajiet mhux rappreżentattivi fis-suq domestiku, il-profitt medju peżat u l-ispejjeż tal-SG&A fl-andament normali tal-kummerċ ta’ dan il-bejgħ mhux rappreżentattiv intużaw sabiex jinħadem il-valur normali.

(84)

Billi l-esportazzjonijiet kollha tal-prodott ikkonċernat tal-esportaturi Tajlandiżi u Indoneżjani li kkooperaw saru lil konsumaturi indipendenti fl-Unjoni, il-prezz tal-esportazzjoni ġie stabbilit skont l-Artikolu 2(8) tar-Regolament bażiku, jiġifieri fuq il-bażi tal-prezzijiet tal-esportazzjoni attwalment imħallsa jew pagabbli.

(85)

It-tqabbil bejn il-valur normali u l-prezz tal-esportazzjoni sar fuq il-bażi tal-prezzijiet mill-fabbrika.

(86)

Sabiex jiġi żgurat tqabbil ġust bejn il-valur normali u l-prezz tal-esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku.

(87)

Saru aġġustamenti xierqa għal-livell ta’ kummerċ, għat-trasport, għall-assigurazzjoni, għall-ispejjeż tal-ġarr, tat-tagħbija u dawk anċillari, l-ippakkjar, il-kreditu, il-kummissjonijiet u l-ħlasijiet bankarji fejn dawn instab li kienu raġonevoli, preċiżi u appoġġjati minn evidenza verifikata.

(88)

Għaż-żewġ kumpaniji li kkooperaw fit-Tajlandja, il-valur normali medju peżat ta’ kull tip tal-prodott simili tqabbel mal-prezz tal-esportazzjoni medju peżat tat-tip korrispondenti tat-tip ikkonċernat, kif previst fl-Artikolu 2(11) u 2(12) tar-Regolament bażiku.

(89)

Minħabba li l-livell ta’ kooperazzjoni tqies li kien għoli (il-volum tal-esportazzjonijiet taż-żewġ kumpaniji Tajlandiżi li kkooperaw kien jirrappreżenta aktar minn 80 % tal-esportazzjonijiet Tajlandiżi totali lejn l-Unjoni matul il-PI), il-marġni ta’ dumping għall-produtturi esportaturi Tajlandiżi l-oħra kollha ġie ffissat fil-livell tal-ogħla marġni ta’ dumping taż-żewġ kumpaniji li kkooperaw.

(90)

Fuq din il-bażi, il-marġni medji peżati provviżorji ta’ dumping għall-kumpaniji Tajlandiżi espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(91)

Għall-unika kumpanija li kkooperat, il-valur normali medju peżat ta’ kull tip tal-prodott simili tqabbel mal-prezz tal-esportazzjoni medju peżat tal-prodott ikkonċernat, kif previst fl-Artikolu 2(11) u 2(12) tar-Regolament bażiku.

(92)

Minħabba li l-livell ta’ kooperazzjoni tqies li kien għoli (il-volum tal-esportazzjonijiet tal-unika kumpanija Indoneżjana li kkooperat kien jirrappreżenta aktar minn 80 % tal-esportazzjonijiet Indoneżjani totali lejn l-Unjoni matul il-PI), il-marġni ta’ dumping għall-produtturi esportaturi Indoneżjani l-oħra kollha ġie stabbilit fl-istess livell bħal tal-kumpanija li kkooperat.

(93)

Fuq din il-bażi, il-marġni medji peżati provviżorji ta’ dumping espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

(94)

Matul il-PI, il-prodott simili kien immanifatturat minn sitt produtturi fl-Unjoni. Kif indikat fil-premessa (29) hawn fuq, żewġ gruppi ta’ produtturi tal-Unjoni, magħmula minn tliet produtturi tal-Unjoni ntagħżlu fil-kampjun, u dan jirrappreżenta 81 % tal-produzzjoni totali tal-Unjoni tal-prodott simili.

(95)

Fis-sens tal-Artikolu 4(1) u l-Artikolu 5(4) tar-Regolament bażiku, is-sitt produtturi eżistenti kollha tal-Unjoni li kienu jimmanifatturaw il-prodott simili matul il-PI jikkostitwixxu l-industrija tal-Unjoni u għalhekk minn hawn ’il quddiem se ssir referenza għalihom bħala l-“industrija tal-Unjoni”.

(96)

Il-konsum tal-Unjoni ġie stabbilit fuq il-bażi tal-volum tal-bejgħ tal-industrija tal-Unjoni fis-suq tal-Unjoni, u l-volum tal-importazzjonijiet rrapportat mill-Eurostat, kif aġġustat mis-sejbiet tal-investigazzjoni.

(97)

Il-konsum tal-Unjoni naqas konsiderevolment b’21 % bejn l-2008 u l-2009, u wara żdied bi 12-il punt perċentwali għal livell li kien 9 % inqas mill-konsum fil-bidu tal-perjodu kkunsidrat.

(98)

Il-Kummissjoni eżaminat jekk l-importazzjonijiet ta’ fittings malleabbli bil-kamin li joriġinaw fil-pajjiżi kkonċernati għandhomx jiġu valutati b’mod kumulattiv skont l-Artikolu 3(4) tar-Regolament bażiku.

(99)

Il-marġni ta’ dumping stabbilit fir-rigward tal-importazzjonijiet minn kull wieħed mill-pajjiżi kkonċernati kien ogħla mil-limitu de minimis kif definit fl-Artikolu 9(3) tar-Regolament bażiku (ara l-premessi (74), (90) u (93) aktar ’il fuq).

(100)

Rigward il-volumi tal-importazzjonijiet soġġetti għal dumping mill-Indoneżja, instab li dawn kienu jikkostitwixxu biss madwar 2,5 % tal-importazzjonijiet kollha tal-prodott simili fl-Unjoni matul il-PI. Għalhekk, huma jistgħu jitqiesu li ma jikkostitwux kawża ta’ dannu materjali għall-industrija tal-Unjoni fis-sens tal-Artikolu 9(3) tar-Regolament bażiku jew id-dispożizzjonijiet tal-Ftehim Antidumping tad-WTO. (5)

(101)

Fl-istess ħin, l-investigazzjoni stabbilixxiet f’dan l-istadju provviżorju li l-biċċa l-kbira tal-importazzjonijiet mill-Indoneżja setgħu ġew iddikjarati ħażin taħt kodiċi NM differenti, jiġifieri 7307 99 10 minflok 7307 19 10 li normalment huwa rilevanti għall-fittings fonduti ta’ tubi jew pajpijiet bil-kamin, ta’ ħadid fondut malleabbli. Madankollu, dawn l-importazzjonijiet kollha li setgħu ġew iddikjarati ħażin jew tal-anqas parti kbira minnhom diġà huma inklużi fiċ-ċifra ta’ 2,5 % imsemmija fil-premessa preċedenti.

(102)

Fid-dawl ta’ dan li ntqal hawn fuq, ġie provviżorjament deċiż li dawk l-importazzjonijiet ma jiġux akkumulati mal-importazzjonijiet soġġetti għal dumping mit-Tajlandja u r-RPĊ.

(103)

Rigward il-volumi tal-importazzjonijiet soġġetti għal dumping mit-Tajlandja u r-RPĊ, dawn ma jistgħux jitqiesu bħala negliġibbli billi s-sehem mis-suq tagħhom kien ta’ 5,4 % u 47,3 %, rispettivament, fil-PI.

(104)

Il-valutazzjoni kumulattiva tqieset provviżorjament bħala xierqa minħabba l-kundizzjonijiet komparabbli tal-kompetizzjoni bejn l-importazzjonijiet minn dawn iż-żewġ pajjiżi u l-prodott simili tal-Unjoni, jiġifieri permezz tal-istess kanali tal-bejgħ u lill-istess kategoriji ta’ konsumaturi. F’numru ta’ każijiet intwera li l-prodotti impurtati mir-RPĊ u t-Tajlandja nbiegħu permezz tal-istess distributuri.

(105)

Fid-dawl ta’ dan ta’ hawn fuq, kien provviżorjament ikkunsidrat li l-kriterji kollha stabbiliti fl-Artikolu 3(4) tar-Regolament bażiku ġew issodisfati. L-importazzjonijiet mit-Tajlandja u r-RPĊ għalhekk ġew eżaminati b’mod kumulattiv. Hawnhekk issir referenza għalihom bħala “l-importazzjonijiet miż-żewġ pajjiżi kkonċernati”.

(106)

Il-volum ta’ importazzjonijiet tal-prodott ikkonċernat miż-żewġ pajjiżi kkonċernat fis-suq tal-Unjoni żdied bi 15 % tul il-perjodu kkonċernat. Filwaqt li l-importazzjonijiet fil-bidu naqsu b’16 % bejn l-2008 u l-2009 minħabba t-tnaqqis fil-konsum imsemmi fil-premessa (97) hawn fuq, wara żdiedu b’mod konsiderevoli b’31 punt perċentwali sal-PI.

(107)

Is-sehem mis-suq tal-importazzjonijiet soġġetti għal dumping miż-żewġ pajjiżi kkonċernati, żdied bi 11-il punt perċentwali minn 41,7 % għal 52,7 % matul il-perjodu kkunsidrat. Dan it-tkabbir fis-sehem mis-suq seħħ prinċipalment bejn l-2010 u l-PI, matul perjodu ta’ rkupru fid-domanda.

(108)

It-tabella ta’ hawn taħt turi l-prezz medju tal-importazzjonijiet soġġetti għal dumping miż-żewġ pajjiżi kkonċernati, bid-dazju fil-fruntiera tal-Unjoni mhux imħallas, kif irrapportat mill-Eurostat. Matul il-perjodu kkunsidrat, il-prezz medju tal-importazzjonijiet miż-żewġ pajjiżi kkonċernati żdied kontinwament b’total ta’ 14 %.

(109)

Sar tqabbil tal-prezzijiet ta’ tip b’tip bejn il-prezzijiet tal-bejgħ tal-produtturi esportaturi u l-prezzijiet tal-bejgħ tal-produtturi tal-Unjoni inklużi fil-kampjun, fl-Unjoni. Għal dan il-għan, il-prezzijiet tal-produtturi tal-Unjoni fil-kampjun, lil konsumaturi mhux relatati, tqabblu mal-prezzijiet tal-produtturi esportaturi fil-kampjun taż-żewġ pajjiżi kkonċernati. Fejn meħtieġ, ġew applikati aġġustamenti sabiex jitqiesu d-differenzi fil-livell tal-kummerċ (b’mod partikolari l-bejgħ OEM) u l-kostijiet ta’ wara l-importazzjoni.

(110)

It-tqabbil wera li, matul il-PI, l-importazzjonijiet tal-prodott ikkonċernat li joriġina fit-Tajlandja u r-RPĊ inbiegħu fl-Unjoni bi prezzijiet li waqqgħu l-prezzijiet tal-industrija tal-Unjoni, meta espressi bħala perċentwal ta’ dawn tal-aħħar, b’25 % sa 55 %.

(111)

Skont l-Artikolu 3(5) tar-Regolament bażiku, l-eżami tal-impatt tal-importazzjonijiet soġġetti għal dumping fuq l-industrija tal-Unjoni kien jinkludi evalwazzjoni tal-fatturi ekonomiċi kollha li influwenzaw l-istat tal-industrija tal-Unjoni matul il-perjodu kkonċernat. Id-dejta ppreżentata hawn taħt tirrigwarda l-produtturi kollha tal-Unjoni għall-produzzjoni, il-kapaċità tal-produzzjoni, l-użu tal-kapaċità, is-sehem tal-bejgħ u tas-suq, u lill-produtturi tal-Unjoni fil-kampjun għall-indikaturi l-oħra kollha li jifdal. Rigward l-indikaturi bbażati fuq il-produtturi fil-kampjun, minħabba li l-kampjun kien magħmul minn żewġ gruppi biss ta’ produtturi, għal raġunijiet ta’ kunfidenzjalità, id-dejta aggregata attwali ma setgħetx tiġi żvelata fit-tabelli relatati ta’ hawn taħt; minflok, huma ppreżentati biss l-indiċijiet sabiex tinwera x-xejra ta’ dawk l-indikaturi.

(112)

Il-volumi tal-produzzjoni tal-Unjoni naqsu f’daqqa b’39 % bejn l-2008 u l-2009, u suċċessivament naqsu daqsxejn mil-livell li diġà kien baxx, minkejja żieda ta’ 12-il punt perċentwali fil-konsum fis-snin ta’ wara, kif indikat fil-premessa (97) ta’ hawn fuq.

(113)

Il-kapaċità tal-produzzjoni tal-industrija tal-Unjoni naqset b’21 % matul il-perjodu kkunsidrat, l-aktar bejn l-2008 u l-2009. Ir-raġuni prinċipali għat-tnaqqis fil-kapaċità tal-produzzjoni kienet l-għeluq ta’ tliet produtturi tal-Unjoni matul il-perjodu kkunsidrat.

(114)

Minkejja t-tnaqqis fil-kapaċità tal-produzzjoni, l-użu tal-kapaċità tal-industrija tal-Unjoni naqas b’26 %, l-aktar bejn l-2008 u l-2009.

(115)

Il-volum tal-istokkijiet naqas bi 23 % matul il-perjodu kkunsidrat, bi qbil mat-tnaqqis fil-bejgħ u fil-volumi tal-produzzjoni tal-industrija tal-Unjoni.

(116)

Il-volum tal-bejgħ tal-produtturi kollha tal-Unjoni fis-suq tal-Unjoni naqas b’mod sinifikanti b’25 % bejn l-2008 u l-2009 minħabba tnaqqis fid-domanda. Wara l-2009, madankollu, id-domanda żdiedet b’mod sostanzjali fl-Unjoni, kif imsemmi fil-premessa (97) hawn fuq, iżda l-bejgħ tal-Unjoni baqa’ fil-livell baxx tal-2009 sat-tmiem tal-perjodu kkunsidrat.

(117)

Is-sehem mis-suq tal-industrija tal-Unjoni naqas kontinwament b’disa’ punti perċentwali jew 18 % matul il-perjodu kkunsidrat, filwaqt li l-importazzjonijiet soġġetti għal dumping kisbu 11-il punt perċentwali ta’ sehem mis-suq matul l-istess perjodu, kif indikat fil-premessa (107) hawn fuq.

(118)

Il-produtturi tal-Unjoni fil-kampjun kienu kapaċi biss iżidu moderatament il-prezzijiet tal-bejgħ tagħhom b’4 % matul il-perjodu kkunsidrat. Minħabba l-kwantitajiet dejjem jiżdiedu ta’ importazzjonijiet soġġetti għal dumping li daħlu fis-suq tal-Unjoni, din iż-żieda fil-prezzijiet kienet aktar baxxa miż-żieda fil-kostijiet.

(119)

Il-profittabilità tal-industrija tal-Unjoni kienet stabbilita billi l-profitt nett ta’ qabel it-taxxa tal-bejgħ tal-prodott simili fis-suq tal-Unjoni lil konsumaturi mhux relatati ġie espress bħala perċentwal tal-fatturat ta’ dan il-bejgħ. Filwaqt li l-profittabilità tal-industrija tal-Unjoni kienet sodisfaċenti fil-bidu tal-perjodu kkunsidrat, din kienet eliminata kważi għalkollox fl-2009. Għalkemm suċċessivament irkuprat xi ftit, hija baqgħet ferm taħt il-livell li ma jikkawżax dannu matul il-bqija tal-perjodu kkunsidrat.

(120)

Rigward ir-redditu fuq l-investimenti, espress bħala l-profitt f’perċentwali tal-valur nett skont il-kotba tal-investimenti, dan l-indikatur segwa l-istess xejra bħall-profittabilità.

(121)

Il-fluss tal-flus nett mill-attivitajiet operatorji naqas kontinwament b’total ta’ 64 % matul il-perjodu kkunsidrat, biex laħaq livell baxx ħafna matul il-PI.

(122)

Kif indikat fil-premessa (97) hawn fuq, il-konsum tal-Unjoni kien qiegħed jiżdied b’mod sinifikanti bejn l-2009 u l-PI bi 8 000 tunnellata, filwaqt li l-importazzjonijiet soġġetti għal dumping żdiedu b’9 000 tunnellata matul l-istess perjodu, kif indikat fil-premessa (106) hawn fuq. It-tkabbir sħiħ tas-suq tal-Unjoni bejn l-2009 u l-PI għalhekk ġie assorbit mill-importazzjonijiet soġġetti għal dumping, filwaqt li l-bejgħ fl-Unjoni tal-industrija tal-Unjoni, baqa’ fil-livell baxx ħafna tal-2009. Għalhekk intwera li l-industrija tal-Unjoni ma setgħetx tibbenefika mit-tkabbir reċenti fil-konsum tal-Unjoni minħabba ż-żieda fis-sehem mis-suq tal-importazzjonijiet soġġetti għal dumping miż-żewġ pajjiżi kkonċernati.

(123)

Matul il-perjodu kkunsidrat, l-investimenti tal-produtturi tal-Unjoni fil-kampjun żviluppaw kif ġej:

(124)

Kif turi t-tabella ta’ hawn fuq, il-produtturi tal-Unjoni naqqsu b’mod sostanzjali l-investimenti bejn l-2008 u l-2010. Din ix-xejra nqalbet matul il-PI, meta l-investimenti reġgħu żdiedu b’mod sinifikanti, iżda mingħajr ma laħqu l-livell li kien hemm fil-bidu tal-perjodu kkunsidrat.

(125)

Minħabba l-profittabilità insuffiċjenti deskritta fil-premessa (119) hawn fuq, xi wħud mill-produtturi tal-Unjoni sabu diffikultajiet biex jiġbru kapital għal investimenti futuri fiċ-ċirkustanzi attwali. Barra minn hekk, ir-redditu mhux sodisfaċenti fuq l-investiment iżid mal-problemi fiż-żieda fil-kapital.

(126)

L-impjieg f’ekwivalenti għall-full-time (“FTE”) segwa fil-biċċa l-kbira l-iżvilupp fil-volumi tal-produzzjoni (ara l-premessa (112) hawn fuq), li jindika li l-industrija tal-Unjoni ppruvat tirrazzjonalizza l-ispejjeż tal-manifattura meta kien hemm bżonn. L-industrija tal-Unjoni ppruvat taddatta l-forza tax-xogħol tagħha għas-sitwazzjoni tas-suq li kienet qiegħda teħżien, li wassal għal tnaqqis globalment stabbli ta’ 36 % fl-impjiegi matul il-perjodu kkunsidrat.

(127)

Minkejja t-tentattivi msemmija hawn fuq min-naħa tal-industrija tal-Unjoni sabiex tallinja l-impjiegi mas-sitwazzjoni tas-suq li kienet qiegħda teħżien, il-produzzjoni għal kull FTE tal-produtturi tal-Unjoni naqset b’mod konsiderevoli b’19 % bejn l-2008 u l-2009. Is-sitwazzjoni tjiebet kontinwament wara, iżda baqgħet 9 % aktar baxxa milli kienet fil-bidu tal-perjodu kkunsidrat.

(128)

Matul il-perjodu kkunsidrat, il-kostijiet lavorattivi medji tal-industrija tal-Unjoni żdiedu kontinwament b’total ta’ 12 %.

(129)

Il-marġni ta’ dumping għall-importazzjonijiet miż-żewġ pajjiżi kkonċernati, kif speċifikat fil-premessi (74) u (90), huma għoljin. Minħabba l-volum, is-sehem mis-suq u l-prezzijiet tal-importazzjonijiet soġġetti għal dumping, l-impatt tal-marġni ta’ dumping jista’ jitqies bħala wieħed sostanzjali.

(130)

Il-fittings malleabbli bil-kamin, li joriġinaw mill-Brażil, ir-Repubblika Ċeka, il-Ġappun, ir-RPĊ, ir-Repubblika tal-Korea u t-Tajlandja diġà kienu soġġetti għal miżuri (6) bejn is-sena 2000 u l-2005 (7) (“il-miżuri preċedenti”). Il-profittabilità sodisfaċenti tal-industrija tal-Unjoni fil-bidu tal-perjodu kkunsidrat (ara l-premessa (119) hawn fuq) tissuġġerixxi li dawn il-miżuri ġabu solljiev temporanju għall-industrija tal-Unjoni. Iż-żieda fil-volumi tal-importazzjonijiet soġġetti għal dumping, madankollu, ġabet fit-tmiem dan il-perjodu pjuttost pożittiv. Huwa nnotat ukoll li s-sehem mis-suq ikkombinat, tas-sitt pajjiżi kkonċernati mill-miżuri preċedenti, qatt ma kien ogħla minn 29 % (8), filwaqt li ż-żewġ pajjiżi kkonċernati mill-investigazzjoni preżenti kellhom sehem mis-suq ta’ 52,7 % matul il-PI, kif indikat fil-premessa (107) hawn fuq.

(131)

L-indikaturi tad-dannu żviluppaw b’mod negattiv matul il-perjodu kkunsidrat. Dan huwa partikolarment notevoli għall-indikaturi li jirrigwardaw il-profittabilità, il-volumi tal-produzzjoni, l-użu tal-kapaċità, il-volumi tal-bejgħ u s-sehem mis-suq li kollha wrew xejra ċara ta’ deterjorament.

(132)

Fl-istess ħin, l-importazzjonijiet ta’ fittings malleabbli bil-kamin miż-żewġ pajjiżi kkonċernati kienu qegħdin iwaqqgħu l-prezzijiet tal-industrija b’sa 55 % matul il-PI (ara l-premessa (110) hawn fuq), biex fl-istess ħin żiedu b’mod sostanzjali s-sehem tagħhom mis-suq (ara l-premessa (107) hawn fuq).

(133)

Fid-dawl ta’ dan ta’ hawn fuq, ġie provviżorjament konkluż li l-industrija tal-Unjoni sofriet dannu materjali fis-sens tal-Artikolu 3(5) tar-Regolament bażiku.

(134)

Skont l-Artikolu 3(6) u 3(7) tar-Regolament bażiku, ġie eżaminat jekk l-importazzjonijiet soġġetti għal dumping li joriġinaw mir-RPĊ u t-Tajlandja kkawżawx dannu lill-industrija tal-Unjoni f’livell li jista’ jitqies bħala materjali. Ġew eżaminati wkoll fatturi magħrufa għajr l-importazzjonijiet soġġetti għal dumping, sabiex ikun żgurat li d-dannu possibbli kkawżat minn dawn il-fatturi l-oħra ma kienx attribwit lill-importazzjonijiet soġġetti għal dumping.

(135)

Bejn l-2008 u l-PI, il-volum tal-importazzjonijiet soġġetti għal dumping miż-żewġ pajjiżi kkonċernati żdied bi 15 % f’termini ta’ volum f’suq li kien qiegħed jiċkien b’9 %, li rriżulta f’żieda fis-sehem mis-suq tal-Unjoni minn 41,7 % għal 52,7 %.

(136)

Iż-żieda fl-importazzjonijiet soġġetti għal dumping miż-żewġ pajjiżi kkonċernati matul il-perjodu kkunsidrat ħabtet ma’ xejra ’l isfel f’ħafna mill-indikaturi tad-dannu tal-industrija tal-Unjoni. L-industrija tal-Unjoni tilfet 8,7 punti perċentwali ta’ sehem mis-suq, u kellha tnaqqas il-produzzjoni tagħha b’41 %. It-twaqqigħ sinifikanti tal-prezz ma ppermettiex lill-industrija tal-Unjoni li tgħaddi l-ispejjeż miżjuda tal-produzzjoni fil-prezzijiet tal-bejgħ b’mod aċċettabbli, li wassal għal livelli baxxi ħafna ta’ profittabbilità matul il-parti l-kbira tal-perjodu kkunsidrat.

(137)

Fuq il-bażi ta’ dan ta’ hawn fuq, ġie provviżorjament konkluż li l-importazzjonijiet bi prezz baxx soġġetti għal dumping miż-żewġ pajjiżi kkonċernati, li daħlu fis-suq tal-Unjoni f’volumi kbar u li b’mod ġenerali qed jiżdiedu u li waqqgħu b’mod sinifikanti l-prezzijiet tal-industrija tal-Unjoni matul il-perjodu kkunsidrat, qed jikkawżaw dannu materjali lill-industrija tal-Unjoni.

(138)

Filwaqt li l-Eurostat jirrapporta importazzjonijiet sinifikanti mill-Indja bi prezzijiet baxxi ħafna matul il-perjodu sħiħ ikkunsidrat, hemm indikazzjonijiet li dawn l-importazzjonijiet mhumiex il-prodott ikkonċernat, iżda prodotti differenti rrapportati taħt l-istess kodiċi NM.

(139)

Għall-pajjiżi terzi l-oħra, kien hemm importazzjonijiet limitati matul il-perjodu sħiħ ikkonċernat. Is-sehem totali mis-suq, ta’ importazzjonijiet minn pajjiżi għajr iż-żewġ pajjiżi kkonċernati, naqas bi 2,1 punti perċentwali, minn 10,5 % għal 8,4 %.

(140)

L-akbar sorsi ta’ warajhom ta’ importazzjonijiet matul il-PI kienu l-Indoneżja, il-Brażil u t-Turkija, li kellhom ishma mis-suq ta’ bejn 1,3 % u 1,6 % rispettivament, u dawn il-pajjiżi kollha tilfu sehem mis-suq matul il-perjodu kkunsidrat.

(141)

Minħabba l-volumi limitati u x-xejriet ta’ tnaqqis, jista’ jiġi konkluż li l-importazzjonijiet minn pajjiż terzi għajr il-pajjiżi kkonċernati ma jidhrux li kkontribwew għad-dannu mġarrab mill-industrija tal-Unjoni matul il-PI.

(142)

Rigward l-iżvilupp tal-bejgħ għall-esportazzjoni tal-industrija tal-Unjoni, l-esportazzjonijiet naqsu kontinwament b’total ta’ 34 % matul il-perjodu kkunsidrat.

(143)

Madankollu, matul il-perjodu sħiħ ikkunsidrat, il-bejgħ għall-esportazzjoni kien jammonta biss għal 13 %-15 % tal-produzzjoni tal-industrija tal-Unjoni. Għalhekk ma jidhirx li kkontribwixxa b’mod sinifikanti għad-dannu mġarrab mill-industrija tal-Unjoni matul il-PI.

(144)

Kif indikat fil-premessa (97) hawn fuq, il-konsum tal-Unjoni naqas b’21 % bejn l-2008 u l-2009, li wassal għal tnaqqis ta’ 25 % fil-bejgħ tal-industrija tal-Unjoni fl-Unjoni matul l-istess perjodu. Wara l-2009, madankollu, il-konsum tal-Unjoni beda jiżdied b’mod sinifikanti, b’madwar 8 000 tunnellata, filwaqt li l-volum tal-importazzjonijiet soġġetti għal dumping żdied b’madwar 9 000 tunnellata matul l-istess perjodu, kif indikat fil-premessa (105) hawn fuq. It-tkabbir sħiħ tas-suq tal-Unjoni bejn l-2009 u l-PI għalhekk ġie assorbit mill-importazzjonijiet soġġetti għal dumping, filwaqt li l-bejgħ tal-Unjoni tal-industrija tal-Unjoni baqa’ fil-livell baxx ħafna tal-2009.

(145)

Il-partijiet interessati sostnew li kawża importanti tad-dannu kienet il-kriżi fis-suq Spanjol tal-bini, li allegatament taffettwa b’mod qawwi lil ATUSA, kumpanija Spanjola u waħda mill-ilmentaturi prinċipali. Madankollu, ATUSA tbigħ fil-biċċa l-kbira tal-Istati Membri tal-UE u l-impatt attwali tal-kriżijiet fil-kostruzzjoni Spanjola kien limitat għall-bejgħ Spanjol tagħhom, li qatt ma ammonta għall-maġġoranza tal-bejgħ tagħhom. Barra minn hekk, l-istampa tad-dannu hija ċara fir-rigward kemm tal-gruppi ta’ kumpaniji fil-kampjun, it-totalità tal-ilmentaturi kif ukoll tal-industrija totali tal-Unjoni. Fi kwalunkwe każ, l-analiżi tad-dannu ma kinitx limitata għall-prestazzjoni ta’ produttur wieħed tal-Unjoni jew ta’ suq nazzjonali wieħed, iżda kienet tirrigwarda l-industrija sħiħa tal-Unjoni.

(146)

Il-partijiet interessati sostnew ukoll li d-dannu kkawżat mill-iżvilupp negattiv tal-konsum tal-Unjoni ma kienx ikkawżat mill-importazzjonijiet soġġetti għal dumping, iżda mill-effetti ta’ sostituzzjoni. F’dan ir-rigward, huwa nnotat li l-iżvilupp negattiv tal-konsum tal-Unjoni seta’ kkaġuna dannu lill-produtturi tal-Unjoni. Dan id-dannu, madankollu, kien aggravat miż-żieda stabbli ta’ importazzjonijiet soġġetti għal dumping f’suq li kien qiegħed jiċkien. Kif indikat aktar ’il fuq, l-irkupru riċenti fil-konsum tal-Unjoni bbenefikaw biss minnu l-importazzjonijiet soġġetti għal dumping, filwaqt li l-produtturi tal-Unjoni ma kinux kapaċi jżidu l-volum tal-bejgħ tagħhom.

(147)

Il-partijiet interessati sostnew li l-fatt li Georg Fischer (“GF”) kompliet tkun profittabbli minkejja l-prezzijiet ogħla tagħha, filwaqt li produtturi oħra tal-Unjoni ma kellhomx prestazzjoni sodisfaċenti, jindika li d-dannu mġarrab mill-industrija tal-Unjoni kien ikkawżat minn problemi strutturali aktar milli mill-importazzjonijiet soġġetti għal dumping. Madankollu, anki GF ġiet affettwata b’mod negattiv, fejn tilfet xi sehem mis-suq u parti mill-marġni ta’ profitt tagħha. Kemm l-impjiegi tagħha naqsu u kemm il-produzzjoni tagħha. Għalhekk, l-argument li GF ma sofrietx dannu ma jistax jiġi aċċettat.

(148)

Barra minn hekk, il-produtturi kollha tal-Unjoni, inkluż GF, kienu soġġetti għall-pressjoni tal-prezzijiet eżerċitata mill-importazzjonijiet soġġetti għad-dumping.

(149)

Bl-istess mod, il-partijiet interessati sostnew li billi Berg Montana, is-sussidjarja Bulgara tal-grupp ATUSA, ukoll baqgħet profittabbli jindika li d-dannu kien ikkawżat minn raġunijiet oħra li ma kinux l-importazzjonijiet soġġetti għal dumping. Madankollu, anki Berg Montana kienet affettwata b’mod negattiv mill-importazzjonijiet Ċiniżi: il-produzzjoni u l-użu tal-kapaċità naqsu b’mod sinifikanti, l-istess bħalma għamlu l-impjiegi. Billi l-biċċa l-kbira tal-bejgħ ta’ Berg Montana jsir lil kumpaniji relatati tal-grupp ATUSA, ħarsa iżolata lejn il-profittabilità ta’ Berg Montana mingħajr ma wieħed iħares ukoll lejn ir-riżultat finanzjarju tal-grupp kollu mhijiex adatta, billi l-profittabilità ta’ Berg Montana hija influwenzata mill-ipprezzar tat-trasferimenti – u b’mod globali l-grupp ATUSA qiegħed jagħmel it-telf. Għalhekk, lanqas l-argument li Berg Montana ma sofrietx dannu ma jista jiġi aċċettat.

(150)

Wieħed jista’ jsostni li t-tnaqqis ta’ 9 % fil-produttività tax-xogħol bejn l-2008 u l-PI, kif indikat fil-premessa (127) hawn fuq huwa sinjal ta’ problema strutturali. Madankollu, dan it-tnaqqis seħħ f’perjodu li matulu l-industrija tal-Unjoni naqqset il-forza tax-xogħol globali tagħha b’36 % u l-produzzjoni tagħha b’41 %. Dan it-tnaqqis jindika li l-produtturi tal-Unjoni kienu kontinwament sfurzati jallinjaw l-operazzjonijiet tagħhom mal-pressjoni tas-suq li tirriżulta mill-importazzjonijiet soġġetti għal dumping u d-domanda temporanjament iżjed dgħajfa. Fid-dawl ta’ dan l-ambjent ekonomiku diffiċli, it-tnaqqis ta’ 9 % fil-produttività tax-xogħol jista’ jitqies bħala wieħed pjuttost moderat.

(151)

Bħala konklużjoni, l-analiżi ta’ hawn fuq uriet li l-importazzjonijiet miż-żewġ pajjiżi kkonċernati żdiedu f’termini ta’ kwantitajiet u kisbu sehem sostanzjali mis-suq matul il-perjodu kkonċernat. Barra minn hekk, dawn il-kwantitajiet miżjuda li daħlu fis-suq tal-Unjoni bi prezzijiet soġġetti għal dumping waqqgħu severament il-prezzijiet tal-industrija tal-Unjoni.

(152)

Ġew analizzati wkoll fatturi oħra li setgħu kkawżaw dannu lill-industrija tal-Unjoni. F’dan ir-rigward, instab li l-importazzjonijiet minn pajjiżi terzi oħra, l-andament tal-esportazzjoni tal-industrija tal-Unjoni u l-iżvilupp tal-konsum tal-Unjoni, ma jidhrux li kienu tali li jkissru r-rabta kawżali stabbilita bejn l-importazzjonijiet soġġetti għal dumping u d-dannu mġarrab mill-industrija tal-Unjoni matul il-PI.

(153)

Fuq il-bażi tal-analiżi ta’ hawn fuq, li ddistingwiet sewwa u sseparat l-effetti tal-fatturi magħrufa kollha fuq is-sitwazzjoni tal-industrija tal-Unjoni mill-effetti dannużi tal-importazzjonijiet soġġetti għal dumping, ġie provviżorjament konkluż li l-importazzjonijiet mir-RPĊ u t-Tajlandja kkawżaw dannu materjali lill-industrija tal-Unjoni fis-sens tal-Artikolu 3(6) tar-Regolament bażiku.

(154)

Skont l-Artikolu 21 tar-Regolament bażiku, ġie eżaminat jekk, minkejja l-konklużjoni provviżorja dwar id-dumping dannuż, kinux jeżistu raġunijiet konvinċenti sabiex jiġi konkluż li ma kienx fl-interess tal-Unjoni li jiġu adottati miżuri antidumping provviżorji f’dan il-każ partikolari. Għal dan il-għan, u skont l-Artikolu 21(1) tar-Regolament bażiku, ġew ikkunsidrati fuq il-bażi tal-evidenza kollha ppreżentata, l-impatt probabbli tal-miżuri possibbli fuq il-partijiet kollha involuti kif ukoll il-konsegwenzi jekk ma jittiħdux miżuri.

(155)

Il-produtturi magħrufa kollha tal-Unjoni jappoġġjaw l-impożizzjoni ta’ miżuri antidumping. Ta’ min ifakkar li l-biċċa l-kbira tal-indikaturi tad-dannu wrew xejra negattiva u li b’mod partikolari l-indikaturi tad-dannu relatati mal-produzzjoni u l-volumi tal-bejgħ u s-sehem mis-suq kif ukoll il-prestazzjoni finanzjarja tal-industrija tal-Unjoni bħal pereżempju l-profittabilità u r-redditu fuq l-investiment, kienu affettwati serjament.

(156)

Jekk jiġu imposti miżuri, huwa mistenni li t-tnaqqis fil-prezzijiet u t-telf tas-sehem mis-suq jittaffew u li l-prezzijiet tal-bejgħ tal-industrija tal-Unjoni jibdew jirkupraw u dan iwassal għal titjib sinifikanti tas-sitwazzjoni finanzjarja tal-industrija tal-Unjoni.

(157)

Min-naħa l-oħra, jekk ma jiġux imposti miżuri antidumping, ikun probabbli li d-deterjorament tas-suq tal-industrija u tas-sitwazzjoni finanzjarja tal-Unjoni jkompli. F’xenarju bħal dan, l-industrija tal-Unjoni tkompli titlef aktar sehem mis-suq, billi mhijiex kapaċi ssegwi l-prezzijiet tas-suq stabbiliti mill-importazzjonijiet soġġetti għal dumping miż-żewġ pajjiżi kkonċernati. L-effetti probabbli jinvolvu aktar tnaqqis fil-manifattura u l-għeluq tal-faċilitajiet tal-produzzjoni fl-Unjoni, li jirriżultaw f’telf sostanzjali ta’ impjiegi.

(158)

Fid-dawl tal-fatturi kollha msemmija hawn fuq, huwa provviżorjament konkluż li l-impożizzjoni ta’ miżuri antidumping tkun fl-interess tal-industrija tal-Unjoni.

(159)

Kif indikat fil-premessa (31) hawn fuq, 32 importatur mhux relatat ikkooperaw fl-investigazzjoni, u l-importazzjonijiet tagħhom kien jammontaw għal madwar 45 % tal-importazzjonijiet totali miż-żewġ pajjiżi kkonċernati. B’mod ġenerali, l-importaturi huma kontra l-impożizzjoni ta’ miżuri antidumping. Madankollu, fil-biċċa l-kbira tal-każijiet, l-impatt tal-miżuri jidher li huwa limitat. F’ħafna każijiet, il-prodott ikkonċernat jammonta għal parti żgħira tan-negozju totali tal-importaturi. Barra minn hekk, xi importaturi diġà jixtru fittings malleabbli bil-kamin minn sorsi oħra, u l-importaturi li fil-preżent jixtru biss miż-żewġ pajjiżi kkonċernati jistgħu jibdlu wkoll għal sorsi oħra, inkluża l-industrija tal-Unjoni. Fuq dik il-bażi, huwa provviżorjament konkluż li l-impożizzjoni ta’ miżuri provviżorji mhux se jkollha effetti negattivi sostanzjali fuq l-interess tal-importaturi.

(160)

Kif indikat fil-premessa (18) hawn fuq, il-fittings malleabbli bil-kamin jintużaw prinċipalment fis-sistemi tal-gass, tal-ilma u tat-tisħin ta’ bini residenzjali u mhux residenzjali. Ġeneralment, l-utenti tal-fittings malleabbli bil-kamin huma l-plamers. L-ebda utent jew assoċjazzjoni tal-konsumaturi ma kkooperaw fl-investigazzjoni. Barra minn hekk, il-valur tal-fittings malleabbli bil-kamin jammonta biss għal parti żgħira mill-kost totali ta’ installazzjoni tal-gass, tal-ilma jew tat-tisħin. Fuq dik il-bażi, huwa provviżorjament konkluż li l-impożizzjoni ta’ miżuri provviżorji mhux se jkollha effetti negattivi sostanzjali fuq l-interess tal-utenti.

(161)

Kollox ma’ kollox, meta wieħed iqis l-impatt globali tal-miżuri antidumping, l-effetti pożittivi fuq l-industrija tal-Unjoni jidhru li jegħlbu b’mod ċar l-impatti negattivi potenzjali fuq il-gruppi ta’ interess l-oħrajn. Għalhekk, huwa provviżorjament konkluż li d-dazji antidumping ma jmorrux kontra l-interess tal-Unjoni.

(162)

Il-partijiet interessati argumentaw li f’każ li jiġu introdotti miżuri antidumping, jista’ jiżviluppa duopolju fis-suq tal-Unjoni li jkun iddominat miż-żewġ ilmentaturi prinċipali ATUSA u GF. F’dan ir-rigward, l-ewwel għandu jiġi nnotat li s-sehem mis-suq preżenti ta’ dawn iż-żewġ gruppi huwa relattivament baxx, li jagħti lill-allegat "duopolju" sehem mis-suq pjuttost moderat ta’ madwar 30 %. Dan għandu jiġi mqabbel mas-sehem mis-suq taż-żewġ pajjiżi kkonċernati li jammonta għal 52,7 %, filwaqt li l-importazzjonijiet minn pajjiżi terzi oħra jirrappreżentaw ukoll sehem mis-suq ta’ 8,4 %. Il-produtturi l-oħra tal-Unjoni wkoll għandhom sehem mis-suq ta’ 7,5 %.

(163)

Barra minn hekk, l-għan tad-dazji antidumping mhuwiex li jipprojbixxu l-importazzjonijiet kollha, iżda li jerġgħu jintroduċu kundizzjonijiet ekwivalenti ta’ kompetizzjoni. Tajjeb li wieħed jinnota li l-miżuri preċedenti li kien hemm fis-seħħ bejn l-2000 u l-2005 ma waqqfux l-importazzjonijiet. Bil-kuntrarju, ir-RPĊ esportat kwantitajiet akbar fl-2002, l-2003 u l-2004 milli qabel l-impożizzjoni ta’ miżuri tad-dazju antidumping ta’ 49,4 %. Kollox ma’ kollox, il-preżenza ta’ numru sostanzjali bħal dan ta’ atturi fis-suq tal-Unjoni jindika li r-riskju ta’ duopolju antikompetittiv li jiddomina s-suq tal-Unjoni huwa baxx.

(164)

Fid-dawl ta’ dan ta’ hawn fuq, ġie provviżorjament konkluż li b’mod ġenerali, fuq il-bażi tal-informazzjoni disponibbli rigward l-interess tal-Unjoni, ma jeżistux raġunijiet konvinċenti kontra l-impożizzjoni ta’ miżuri provviżorji fuq l-importazzjonijiet ta’ fittings malleabbli bil-kamin li joriġinaw fir-RPĊ u t-Tajlandja.

(165)

Fid-dawl tal-konklużjonijiet milħuqa fir-rigward tad-dumping, id-dannu, il-kawżalità u l-interess tal-Unjoni, għandhom jiġu imposti miżuri provviżorji sabiex jiġi evitat li jsir aktar dannu lill-industrija tal-Unjoni mill-importazzjonijiet soġġetti għal dumping miż-żewġ pajjiżi kkonċernati.

(166)

Sabiex jiġi stabbilit il-livell ta’ dawn il-miżuri, ġew ikkunsidrati l-marġni ta’ dumping misjuba u l-ammont ta’ dazju neċessarju sabiex jiġi eliminat id-dannu mġarrab mill-produtturi tal-Unjoni.

(167)

Fil-kalkolazzjoni tal-ammont ta’ dazju neċessarju sabiex jitneħħew l-effetti tad-dumping dannuż, ġie kkunsidrat li kwalunkwe miżura għandha tippermetti lill-produtturi tal-Unjoni li jkopru l-ispejjeż tagħhom tal-produzzjoni u li jiksbu profitt qabel it-taxxa li jista’ raġonevolment jinkiseb minn produttur ta’ dan it-tip fis-settur taħt kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet soġġetti għal dumping, fuq il-bejgħ tal-prodott simli fl-Unjoni.

(168)

Fl-investigazzjoni preċedenti fir-rigward tal-istess prodott, dan il-profitt raġonevoli ġie stabbilit fil-livell ta’ 7 % (9). Billi l-produtturi tal-Unjoni fil-kampjun setgħu jiksbu profitt simili fil-bidu tal-perjodu kkunsidrat, m’hemm l-ebda indikazzjoni li dan il-marġini ta’ profitt m’għadux raġonevoli.

(169)

Fuq din il-bażi, ġie kkalkulat prezz mhux dannuż għall-produtturi tal-Unjoni tal-prodott simili. Il-prezz mhux dannuż inkiseb billi mal-prezz tal-produzzjoni ġie miżjud il-marġini ta’ profitt imsemmi hawn fuq ta’ 7 %.

(170)

Imbagħad, iż-żieda meħtieġa fil-prezz ġiet stabbilita fuq il-bażi ta’ tqabbil tal-prezz medju peżat tal-importazzjoni, mal-prezz medju peżat mhux dannuż tal-prodott simili mibjugħ mill-industrija tal-Unjoni fis-suq tal-Unjoni. Kwalunkwe differenza li tirriżulta minn dan it-tqabbil imbagħad ġiet espressa bħala perċentwal tal-valur CIP medju peżat tal-importazzjoni.

(171)

Fid-dawl ta’ dan li ntqal hawn fuq, u skont l-Artikolu 7(2) tar-Regolament bażiku, huwa meqjus li għandhom jiġu imposti miżuri provviżorji antidumping fuq l-importazzjonijiet li joriġinaw mir-RPĊ u t-Tajlandja fil-livell tal-marġni aktar baxx ta’ dumping u ta’ dannu li nstab, skont ir-regola ta’ inqas dazju.

(172)

Minħabba r-rata għolja ta’ kooperazzjoni tal-produtturi esportaturi Ċiniżi u Tajlandiżi, id-dazju tal-kumpaniji l-oħrajn kollha għaż-żewġ pajjiżi ġie stabbilit fil-livell tal-ogħla dazju li għandu jiġi impost fuq il-kumpaniji, rispettivament, inklużi fil-kampjun jew li kienu qegħdin jikkooperaw fl-investigazzjoni minn pajjiż partikolari. Id-dazju tal-kumpaniji l-oħrajn kollha għandu jiġi applikat għal dawk il-kumpaniji li ma kinux ikkooperaw fl-investigazzjoni.

(173)

Għall-kumpaniji li kkooperaw u li mhumiex inklużi fil-kampjun elenkati fl-Anness, ir-rata tad-dazju provviżorju hija stabbilita fil-medja peżata tar-rati tal-kumpaniji fil-kampjun.

(174)

Ir-rati proposti tad-dazji provviżorji antidumping huma kif ġej:

Ir-Repubblika Popolari taċ-Ċina

It-Tajlandja

(175)

Il-miżuri antidumping imsemmija hawn fuq huma provviżorjament stabbiliti f’forma ta’ dazji ad valorem.

(176)

Ir-rati tad-dazju antidumping tal-kumpaniji individwali speċifikati f’dan ir-Regolament ġew stabbiliti fuq il-bażi tas-sejbiet tal-investigazzjoni preżenti. Għalhekk, dawn jirriflettu s-sitwazzjoni li nstabet matul dik l-investigazzjoni fir-rigward ta’ dawn il-kumpaniji. Dawn ir-rati tad-dazju (b’kuntrast mad-dazju nazzjonali applikabbli għall-“kumpaniji l-oħrajn kollha”) huma għalhekk esklussivament applikabbli għall-importazzjonijiet tal-prodotti li joriġinaw mir-Repubblika Popolari taċ-Ċina u t-Tajlandja u mmanifatturati mill-kumpaniji u għalhekk mill-entitajiet legali speċifiċi msemmija. Il-prodotti impurtati mmanifatturati minn kwalunkwe kumpanija oħra mhux imsemmija speċifikament b’isimha fil-parti operattiva ta’ dan ir-Regolament, inklużi l-entitajiet relatati ma’ dawk imsemmija speċifikament, ma jistgħux jibbenefikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħrajn kollha”.

(177)

Kwalunkwe talba għall-applikazzjoni ta’ dawn ir-rati tad-dazju antidumping tal-kumpaniji individwali (eż. wara bidla fl-isem tal-entità jew wara l-istabbiliment ta’ entitajiet ġodda tal-produzzjoni jew tal-bejgħ) għandha tiġi indirizzata lill-Kummissjoni (10) mingħajr dewmien bl-informazzjoni kollha rilevanti, b’mod partikolari kwalunkwe modifika fl-attivitajiet tal-kumpanija marbuta mal-produzzjoni, il-bejgħ domestiku u għall-esportazzjoni assoċjat ma’, pereżempju, dik il-bidla fl-isem jew dik il-bidla fil-produzzjoni u fl-entitajiet tal-bejgħ. Jekk ikun xieraq, ir-Regolament se jiġi emendat kif meħtieġ billi tiġi aġġornata l-lista tal-kumpaniji li jibbenefikaw mir-rati tad-dazju individwali.

(178)

Sabiex jiġi żgurat infurzar xieraq tad-dazju antidumping, il-livell tad-dazju għall-kumpaniji l-oħrajn kollha għandu japplika mhux biss għall-produtturi esportaturi li ma kkooperawx, iżda wkoll għal dawk il-produtturi li ma kellhomx esportazzjonijiet lejn l-Unjoni matul il-PI.

(179)

Madankollu, fil-każ tat-Tajlandja, dawn il-kumpaniji tal-aħħar huma mistiedna, meta jissodisfaw ir-rekwiżiti tat-tieni paragrafu tal-Artikolu 11(4) tar-Regolament bażiku, sabiex jippreżentaw talba għal reviżjoni skont dak l-Artikolu sabiex is-sitwazzjoni tagħhom tiġi eżaminata individwalment.

(180)

Fl-interess ta’ amministrazzjoni tajba, għandu jiġi stabbilit perjodu li fih il-partijiet interessati li jkunu identifikaw ruħhom fil-limitu ta’ żmien speċifikat fir-Regolament jistgħu jesprimu l-fehmiet tagħhom bil-miktub u jitolbu smigħ. Barra minn hekk, għandu jiġi ddikjarat li s-sejbiet li jikkonċernaw l-impożizzjoni ta’ dazju magħmula għall-finijiet ta’ dan ir-Regolament huma provviżorji u jista’ jkun li jkollhom jiġu kkunsidrati mill-ġdid għall-iskop ta’ kwalunkwe dazju definittiv,

15.11.2012   

MT

Il-Ġurnal Uffiċjali tal-Unjoni Ewropea

L 318/28

(1)

Fis-16 ta’ Frar 2012, il-Kummissjoni Ewropea, permezz ta’ avviż ippubblikat f’Il-Ġurnal Uffiċjali tal-Unjoni Ewropea  (2) (“in-notifika ta’ bidu”), ħabbret il-bidu ta’ proċedura antidumping fir-rigward tal-importazzjonijiet fl-Unjoni ta’ oġġetti taċ-ċeramika ta’ fuq il-mejda u tal-kċina li joriġinaw mir-Repubblika Popolari taċ-Ċina (“il-pajjiż ikkonċernat”, “iċ-Ċina” jew “ir-RPĊ”).

(2)

Il-proċedura nbdiet wara ilment li ġie ppreżentat fit-3 ta’ Jannar 2012 f’isem il-produtturi tal-UE (“il-kwerelanti”), li jirrappreżentaw aktar minn 30 % tal-produzzjoni totali tal-Unjoni ta’ oġġetti taċ-ċeramika ta’ fuq il-mejda u tal-kċina. L-ilment kien jinkludi evidenza prima facie ta’ dumping tal-imsemmi prodott u ta’ ħsara materjali li rriżultat minnu, li kienet meqjusa bħala biżżejjed biex tiġġustifika l-ftuħ ta’ proċedura.

(3)

Il-Kummissjoni avżat uffiċjalment lill-kwerelanti, lil produtturi tal-Unjoni magħrufa oħrajn, lill-produtturi esportaturi magħrufa fir-RPĊ, lill-importaturi, lin-negozjanti, lill-utenti, lill-fornituri u lill-assoċjazzjonijiet magħrufa bħala li huma kkonċernati, kif ukoll lir-rappreżentanti tar-RPĊ dwar il-bidu tal-proċedura. Il-Kummissjoni avżat ukoll lill-produtturi fil-Federazzjoni Russa, li kienet proposta fin-notifika ta’ bidu bħala pajjiż analogu possibbli. Il-partijiet interessati ngħataw l-opportunità li jesprimu l-fehmiet tagħhom bil-miktub u li jitolbu smigħ fil-limitu taż-żmien stabbilit fin-notifika ta’ bidu. Il-partijiet interessati kollha li għamlu din it-talba u li wrew li kien hemm raġunijiet partikolari għaliex għandhom jinstemgħu, fil-fatt ingħataw id-dritt li jinstemgħu.

(4)

Minħabba dak li jidher bħala għadd kbir ta’ produtturi esportaturi u importaturi mhux relatati, in-notifika ta’ bidu talbet lill-produtturi esportaturi u lill-importaturi mhux relatati jippreżentaw lilhom infushom lill-Kummissjoni u jipprovdu tagħrif bażiku dwar l-attivitajiet tagħhom relatati mal-prodott ikkonċernat matul il-perjodu mill-1 ta’ Jannar 2011 sal-31 ta’ Diċembru 2011. Dan it-tagħrif għandu jagħti ċ-ċans lill-Kummissjoni, skont l-Artikolu 17 tar-Regolament bażiku, li tiddeċiedi dwar il-ħtieġa tat-teħid ta’ xi kampjuni u jekk ikun hemm il-ħtieġa, li tagħżel il-kampjuni.

(5)

Minħabba l-għadd kbir ta’ produtturi tal-Unjoni involuti f’din il-proċedura, in-notifika ta’ bidu ħabbret li l-Kummissjoni kienet għażlet kampjun provviżorju ta’ produtturi tal-Unjoni għad-determinazzjoni tal-ħsara skont l-Artikolu 17 tar-Regolament bażiku. Dik l-għażla minn qabel kienet saret bl-użu tal-informazzjoni disponibbli għall-Kummissjoni fl-istadju tal-bidu u kienet ibbażata fuq il-volum tal-bejgħ, id-daqs u l-lokazzjoni ġeografika tal-produtturi fl-Unjoni, kif ukoll fuq is-segment tal-prodott. Dan il-kampjun kien jinkludi sitt produtturi tal-Unjoni li jkopru t-tipi ta’ prodotti ewlenin kollha u li jinsabu f’ħames Stati Membri, li tnejn minnhom kienu intrapriżi żgħar u medji (SMEs). Dak il-kampjun preliminari kien jammonta għal aktar minn 15 % tal-produzzjoni totali tal-Unjoni stmata. Madankollu, wieħed mill-produtturi fil-kampjun preliminari ma xtaqx li jkun parti mill-kampjun u bosta partijiet interessati sostnew li kienet ġiet injorata l-għażla ta’ Stat Membru b’volumi kbar ta’ produzzjoni u li għalhekk għandu jkun hemm tali inklużjoni f’kampjun rappreżentattiv. Fid-dawl ta’ dan, il-Kummissjoni biddlet il-kampjun preliminari tagħha u l-kampjun finali li rriżulta issa kien jinkludi seba’ produtturi tal-Unjoni li jkopru t-tipi ta’ prodotti ewlenin kollha u li jinsabu f’sitt Stati Membri, li tnejn minnhom kienu SMEs. Dak il-kampjun kien jirrappreżenta aktar minn 20 % tal-produzzjoni totali tal-Unjoni stmata.

(6)

Madwar 400 produttur esportaturi jew gruppi ta’ produtturi esportaturi fir-RPĊ, li jammontaw għal aktar minn 60 % tal-esportazzjonijiet totali, ipprovdew l-informazzjoni mitluba u qablu li jiġu inklużi fil-kampjun. Abbażi tal-informazzjoni li rċeviet, il-Kummissjoni għażlet kampjun provviżorju ta’ ħames produtturi esportaturi bl-ogħla volum ta’ esportazzjoni lejn l-Unjoni u stiednet lill-produtturi esportaturi kollha magħrufa mal-Kummissjoni sabiex jagħmlu l-kummenti tagħhom dwar il-kampjun propost. Żewġ produtturi esportaturi fl-għażla preliminari biex jagħmlu parti mill-kampjun imbagħad ikkoreġew l-informazzjoni tagħhom għat-teħid tal-kampjun b’tali mod li l-volum tal-esportazzjoni tagħhom ma kienx suffiċjenti għalihom biex jiġu inklużi fil-kampjun. Il-Kummissjoni mbagħad għażlet il-kampjun finali bl-akbar ħames kumpaniji aġġornati f’termini ta’ volum tal-esportazzjoni. Il-kumpaniji fil-kampjun jammontaw għal kważi 20 % tal-esportazzjonijiet lejn l-Unjoni tal-produtturi esportaturi kollha li kkooperaw.

(7)

Il-kumpaniji jew il-gruppi ta’ kumpaniji finalment magħżula li għandhom jiġu inklużi fil-kampjun huma:

(8)

Kien hemm kumpanija waħda li kkontestat l-għażla tal-kumpaniji fil-kampjun u saħqet li hija għandha tiġi inkluża fil-kampjun. Hija sostniet li l-inklużjoni tagħha ma kinitx se tagħmel l-għadd ta’ kumpaniji fil-kampjun wieħed mhux xieraq u ma kienet se tikkawża ebda dewmien fl-investigazzjoni, speċjalment billi din hija kumpanija li tesporta relattivament żgħira. Hija sostniet ukoll li l-kumpanija hija proprjetà ta’ sidien barranin u li l-kampjun ma jkunx wieħed rappreżentattiv mingħajr l-inklużjoni tagħha.

(9)

Il-Kummissjoni tfakkar li l-għażla tal-kumpaniji fil-kampjun saret fuq il-bażi tal-akbar kwantitajiet ta’ volumi skont l-Artikolu 17(1) tar-Regolament bażiku billi tqies l-għadd ta’ produtturi li setgħu jiġu investigati b’mod raġonevoli fiż-żmien disponibbli. Meta wieħed iqis li l-kumpanija hija kumpanija li tesporta relattivament żgħira, l-inklużjoni tagħha ma kienet ser iżżid ebda valur mar-rappreżentanza tal-kampjun f’termini ta’ volum esportat. Barra minn hekk, ta’ min jinnota wkoll li l-kumpanija ppreżentat ruħha tard wisq – erba’ xhur wara li kienet ġiet ikkomunikata l-għażla finali lill-produtturi esportaturi kollha u wkoll wara li kienu diġà saru ż-żjarat ta’ verifika fil-bini tal-kumpaniji magħżula. Għalhekk, it-talba ta’ din il-kumpanija li tiġi inkluża fil-kampjun ġiet miċħuda.

(10)

Aktar minn sittin importatur mhux relatati wieġbu sad-data tal-għeluq għall-mistoqsijiet tat-teħid tal-kampjun u offrew il-kooperazzjoni tagħhom fil-proċedura. Ħamsa minn dawn il-kumpaniji ntgħażlu biex jifformaw il-kampjun. Dawn il-ħames importaturi mhux relatati ntgħażlu fuq il-bażi tal-volumi u l-valur tal-importazzjonijiet u l-bejgħ mill-ġdid fl-Unjoni, il-lokazzjoni ġeografika tagħhom, il-mudell tan-negozju tagħhom u s-segment tal-prodott tagħhom. Il-kumpaniji fil-kampjun kienu jikkorrispondu mal-akbar volumi rappreżentattivi u mal-valur tal-importazzjonijiet u l-bejgħ mill-ġdid fl-Unjoni, li setgħu jiġu investigati b’mod raġonevoli fiż-żmien disponibbli. Skont il-figuri rrapportati fl-istadju tat-teħid tal-kampjun, huma kienu jammontaw għal madwar 6 % tal-importazzjonijiet tal-prodott ikkonċernat matul il-PI.

(11)

Sabiex il-produtturi esportaturi fir-RPĊ ikunu jistgħu jissottomettu talba għal trattament ta’ ekonomija tas-suq (‘TES’) jew trattament individwali (‘TI’), jekk din kienet ix-xewqa tagħhom, il-Kummissjoni bagħtet formoli ta’ talba lill-produtturi esportaturi Ċiniżi li kienu talbuhom u lill-awtoritajiet Ċiniżi.

(12)

Ħdax-il produttur esportatur Ċiniżi jew gruppi ta’ produtturi esportaturi talbu TES skont l-Artikolu 2(7) tar-Regolament bażiku, jew TI f’każ li l-investigazzjoni tistabbilixxi li huma ma ssodisfawx il-kondizzjonijiet għal TES. Tlieta minn dawn il-pretendenti ġew inklużi fil-kampjun, filwaqt li t-tmienja l-oħra ma ġewx inklużi. Wieħed minn dawn il-produtturi esportaturi, mhux inkluż fil-kampjun, sussegwentement irtira t-talba tiegħu għal TES filwaqt li żamm it-talba tiegħu għal TI. Iż-żewġ produtturi esportaturi l-oħrajn fil-kampjun, flimkien ma’ erba’ kumpaniji oħrajn li ma ġewx inklużi fil-kampjun, talbu TI biss.

(13)

Il-Kummissjoni bagħtet kwestjonarji lill-ħames produtturi esportaturi fil-kampjun fir-RPĊ u lil kważi 300 produttur esportaturi oħrajn fir-RPĊ li talbu li jirċievu l-kwestjonarji. Barra minn hekk, intbagħtu kwestjonarji lis-seba’ produtturi tal-Unjoni magħżula fil-kampjun, lill-ħames importaturi magħżula fil-kampjun, lill-erba’ assoċjazzjonijiet ta’ bejjiegħa bl-imnut u distributuri, kif ukoll lil bejjiegħa bl-imnut u distributuri individwali li talbu li jirċievu l-kwestjonarji. Minbarra dan, il-kwestjonarji ntbagħtu wkoll lil produtturi esportaturi fl-Indja, fit-Turkija, fil-Brażil, fit-Tajlandja u fir-Russja, li kienu meqjusa bħala pajjiżi kandidati għall-għażla ta’ pajjiż analogu xieraq.

(14)

It-tweġibiet waslu minn tlettax-il produttur esportaturi jew gruppi ta’ produtturi esportaturi fir-RPĊ u minn tliet produtturi minn pajjiżi analogi possibbli (il-Brażil, it-Tajlandja u r-Russja). Barra minn hekk, il-Kummissjoni rċeviet il-kwestjonarji mwieġba mis-seba’ produtturi tal-Unjoni magħżula fil-kampjun u mill-ħames importaturi magħżula fil-kampjun. Il-kwestjonarji mwieġba waslu wkoll minn bejjiegħ wieħed bl-imnut, minn distributur wieħed u minn żewġ assoċjazzjonijiet ta’ bejjiegħa bl-imnut u distributuri.

(15)

Barra minn hekk, il-Kummissjoni rċeviet sottomissjonijiet minn aktar minn 20 importatur mhux relatati ma’ produttur esportatur, minn bosta bejjiegħa bl-imnut, minn fornitur ta’ programmi ta’ kummerċjalizzazzjoni u mill-Kamra Ċiniża ta’ Prodotti Industrijali Ħfief u ta’ Prodotti ta’ Artiġjanat (Chinese Chamber of Light Industrial Products and Arts-Crafts - CCCLA).

(16)

Il-Kummissjoni fittxet u vverifikat l-informazzjoni kollha meqjusa bħala neċessarja għad-determinazzjoni provviżorja tad-dumping, għall-ħsara li rriżultat u għall-interess tal-Unjoni. Iż-żjarat ta’ verifika saru fil-bini tal-kumpaniji li ġejjin:

(17)

Iż-żjarat ta’ verifika saru fil-bini tas-seba’ produtturi tal-Unjoni magħżula fil-kampjun.

(18)

Il-produtturi tal-Unjoni magħżula fil-kampjun kif ukoll produtturi tal-Unjoni oħrajn li kkooperaw talbu, fuq il-bażi tad-dispożizzjonijiet tal-Artikolu 19 tar-Regolament bażiku, li l-identitajiet tagħhom jinżammu kunfidenzjali. Huma sostnew li l-iżvelar tal-identità tagħhom jista’ jwassal għal riskju ta’ effetti negattivi sinjifikanti.

(19)

Ċerti produtturi tal-Unjoni kwerelanti jfornu lil klijenti fl-Unjoni li wkoll jakkwistaw il-prodotti tagħhom miċ-Ċina, biex b’hekk jibbenifikaw direttament minn dawn l-importazzjonijiet. Għalhekk, dawk il-kwerelanti kkunsidraw lilhom infushom bħala li kienu f’pożizzjoni sensittiva minħabba li wħud mill-klijenti tagħhom setgħu ma kienux sodisfatti bil-mod kif ġie sottomess jew appoġġjat l-ilment tagħhom kontra l-allegat dumping dannuż. Għal dawn ir-raġunijiet, huma kkunsidraw li kien hemm riskju ta’ ritaljazzjoni minn uħud mill-klijenti tagħhom. Barra minn hekk, ċerti produtturi tal-Unjoni kwerelanti qegħdin jesportaw ukoll lejn iċ-Ċina. Dawk il-kumpaniji kienu tal-fehma li s-sottomissjoni ta’ jew l-appoġġ għal ilment kontra l-allegat dumping dannuż jistgħu jirrappreżentaw theddida għan-negozju tagħhom fiċ-Ċina. It-talba ġiet milqugħa minħabba li kienet issostanzjata biżżejjed.

(20)

Ir-rappreżentanti ta’ ċerti produtturi esportaturi, is-CCCLA u xi importaturi mhux relatati sostnew li huma ma setgħux jeżerċitaw id-dritt tagħhom ta’ difiża kif suppost minħabba li l-identità tal-kwerelanti u ta’ dawk li appoġġjaw l-ilmenti ma kinitx żvelata. Huma sostnew li, f’dawk iċ-ċirkostanzi, il-partijiet ġew esklużi milli jikkummentaw dwar il-ħsara materjali li kienet teżisti, kemm jekk il-produtturi jistgħu jiġu esklużi mill-industrija tal-Unjoni skont l-Artikolu 4(1) (a) tar-Regolament bażiku u/jew mir-rappreżentanza tal-kampjun. Madankollu, ta’ min jinnota li l-Kummissjoni żgurat li dawn il-kwistjonijiet jistgħu jiġu vverifikati u indirizzati fil-fajls disponibbli għal spezzjoni mill-partijiet interessati, bħall-korrispondenza għall-partijiet interessati, permezz ta’ notes on standing u l-għażla tal-kampjun u permezz ta’ sottomissjonijiet iddokumentati tajjeb minn partijiet oħrajn. Għalhekk, it-talba ġiet miċħuda.

—

Hunan Hualian China Industry Co, Ltd, Hunan Hualian Ebillion Industry Co., Ltd, Hunan Liling Hongguanyao China Industry Co., Ltd u Hunan Hualian Yuxiang China Industry Co., Ltd (‘Hunan Hualian’)

—

Guangxi Sanhuan Enterprise Group Holding Co., Ltd u Guangxi Sanhuan Lucky Xinda Export & Import Co., Ltd (‘Guangxi Sanhuan’)

—

CHL International Ltd u CHL Porcelain Industries Ltd (‘CHL’)

—

Shandong Zibo Niceton-Marck Huaguang Ceramics Limited, Shandong Silver Phoenix Company Limited u negozjant relatat ibbażat f’Ħong Kong, Niceton International Limited (‘Niceton’)

—

Guangxi Province Beiliu City Laotian Ceramics Co., Ltd.

—

Fujian Dehua Hiap Huat Koyo Toki Co., Ltd

—

Shenzhen Baosanhe Ceramics Industrial Co., Ltd

—

Chaozhou Fairway Ceramics Manufacturing Co., Ltd

—

Chaozhou Mingyu Porcelain Industries Co., Ltd

—

Shenzhen Grand Collection Industrial Co., Ltd u Chaozhou Grand Collection Tableware Co., Ltd (‘Grand Collection’)

—

Tienshan (Handan) Tableware Co., Ltd

—

Zibo Kun Yang Ceramic Corporation Limited

—

Symbol srl, Treviso, l-Italja;

—

Metro AG, Dusseldorf, il-Ġermanja;

—

Ritzenhoff & Breker GmbH & Co. KG, Bad Driburg, il-Ġermanja;

—

Joseph Maeser GmbH, Dornbirn, l-Awstrija;

—

IKEA Supply AG, Pratteln, l-Isvizzera

(21)

Il-produttur Brażiljan li kkoopera talab biex l-identità tiegħu tibqa’ kunfidenzjali minħabba li l-iżvelar tagħha tista’ tirriżulta f’effetti negattivi sinjifikanti fuq in-negozju tiegħu. It-talba tiegħu tqieset bħala li kienet mistħoqqa u b’hekk ġiet aċċettata.

(22)

L-investigazzjoni tad-dumping u d-dannu kopriet il-perjodu mill-1 ta’ Jannar 2011 sal-31 ta’ Diċembru 2011 (“il-perjodu tal-investigazzjoni” jew ‘PI’). L-eżaminazzjoni tax-xejriet rilevanti għall-valutazzjoni tad-dannu kopriet il-perjodu mill-1 ta’ Jannar 2008 sal-aħħar tal-perjodu ta’ investigazzjoni (“il-perjodu kkunsidrat”).

(23)

Il-kwerelanti sostnew li l-perjodu għall-valutazzjoni tal-ħsara għandu jiġi estiż b’sena u jibda fl-2007, filwaqt li c-CCCLA sostniet li dan il-perjodu għandu jitqassar b’sena u jibda fl-2009. F’dak li għandu x’jaqsam mal-ewwel talba, din ma ngħatatx minħabba li ma kien hemm xejn fil-fajl li kien jissostanzja li perjodu kkunsidrat ta’ ħames snin ikun jirrifletti x-xejriet aħjar, kif issuġġerit mill-kwerelanti. Fir-rigward tat-tieni talba, is-CCCLA rreferiet f’termini ġenerali għall-każistika tad-WTO li setgħet tistabbilixxi li l-membri tad-WTO ma jistgħux jagħżlu bażi li tirriżulta f’sempliċi tqabbil minn punt ta’ tmiem għal punt ta’ tmiem u li jekk bidla fis-sena bażi tista’ twassal faċilment għal sejba ta’ ħsara, il-membru tad-WTO jista’ jkollu diffikultà biex jistabbilixxi l-eżistenza ta’ ħsara materjali. Madankollu, l-investigazzjoni wriet li t-tnaqqis tal-perjodu kkunsidrat f’dan il-każ jirriżulta f’perjodu ta’ analiżi qasir bla bżonn li, barra minn hekk, minħabba l-impatt tal-kriżi ekonomika fuq ċerti indikaturi, seta’ offra stampa ppreġudikata tax-xejriet tal-ħsara. B’hekk, iż-żewġ talbiet ġew miċħuda b’mod provviżorju.

(24)

Il-prodott ikkonċernat huwa oġġetti taċ-ċeramika ta’ fuq il-mejda u tal-kċina li bħalissa jaqgħu fl-ambitu tal-kodiċi CN 6911 10 00, ex 6912 00 10, ex 6912 00 30, ex 6912 00 50 u ex 6912 00 90 u li joriġinaw mir-Repubblika Popolari taċ-Ċina (“il-prodott ikkonċernat”). Dan il-prodott jista’ jkun tal-porċellana jew tal-kina, ta’ fuħħar komuni, tal-ġebel, taċ-ċaqquf jew ta’ fuħħar fin jew xi materjal ieħor. Il-materja prima ewlenija tinkludi minerali bħal kaolin, feldspar u quartz u l-kompożizzjoni tal-materja prima użata tiddetermina t-tip tal-prodott taċ-ċeramika finali prodott.

(25)

L-oġġetti taċ-ċeramika ta’ fuq il-mejda u tal-kċina jiġu kkummerċjalizzati f’varjetà kbira ta’ forom li komplew jevolvu tul iż-żmien. Huma jintużaw f’firxa wiesgħa ta’ postijiet, pereżempju; djar, lukandi, ristoranti jew stabbilimenti tal-kura tas-saħħa.

(26)

Matul l-investigazzjoni, ġew sottomessi u analizzati bosta talbiet għall-esklużjoni ta’ prodotti speċifiċi mill-ambitu tal-prodott. L-analiżi ta’ dawn it-talbiet hija miġbura fil-qosor fil-paġni li ġejjin.

(27)

Fir-rappreżentazzjonijiet tagħha, is-CCCLA sostniet li l-kina (fina) għandha tiġi eskluża mill-ambitu tal-prodott tal-investigazzjoni. Allegatament, il-kina (fina) hija differenti b’mod fundamentali minn tipi oħrajn ta’ oġġetti għal fuq il-mejda u tal-kċina minħabba differenzi fil-karatteristiċi fiżiċi, fil-proċessi tal-produzzjoni, fl-użu finali u fil-perċezzjoni tal-konsumaturi. Magħmula minn trab mill-għadam tal-barri, il-livelli għoljin tagħha ta’ bjuda u transluċidità huma notevoli. B’saħħa mekkanika qawwija ħafna u reżistenza kbira għat-tixlif, din il-kina tiġi manifatturata fi cross-sections ferm irqaq u permezz ta’ produzzjoni aktar sofistikata u għalja mhux tipikament użata mill-produtturi tal-Unjoni. Barra minn hekk, huma biss ftit produtturi tal-Unjoni li ser ikunu qegħdin jimmanifatturaw il-kina (fina).

(28)

Fir-rigward ta’ dawn it-talbiet, l-investigazzjoni żvelat l-ewwel nett li ma teżisti ebda definizzjoni aċċettata b’mod universali ta’ kina. Il-kina (fina) hija biss forma waħda ta’ porċellana magħmula minn għaġna ratba, b’sehem kbir tal-materja prima jkun l-istess bħal dik li tintuża għal oġġetti taċ-ċeramika. Fis-sottomissjonijiet tagħha, is-CCCLA kkontradixxiet lilha nnifisha fir-rigward tal-kombinazzjoni u s-sehem tal-ingredjenti differenti. It-tieni, l-investigazzjoni ma setgħetx tikkonferma li l-kina (fina) kienet teħtieġ proċess ta’ produzzjoni ħafna aktar sofistikat. It-tielet, l-użu tal-kina (fina) bħala oġġetti ta’ fuq il-mejda huwa identiku kullimkien, kemm jekk fiċ-Ċina jew inkella fl-Unjoni. Barra minn hekk, l-ebusija u r-robustezza mhumiex speċifiċi għall-kina (fina). Pereżempju, l-oġġetti taċ-ċeramika ta’ fuq il-mejda għar-ristoranti jew għall-catering ikunu partikolarment ebsin u robusti. Fl-aħħar iżda mhux l-inqas, il-kina (fina) tiġi manifatturata minn numru ta’ produtturi tal-Unjoni u hija f’kompetizzjoni ma’ importazzjonijiet ta’ kina (fina) li toriġina miċ-Ċina. Għalhekk, it-talbiet għall-esklużjoni tal-kina (fina) mill-ambitu tal-prodott tal-investigazzjoni huma miċħuda b’mod provviżorju.

(29)

Żewġ produtturi esportaturi, is-CCCLA u diversi importaturi sostnew li s-skieken taċ-ċeramika (għall-kċina) għandhom jiġu eslużi mill-ambitu tal-prodott. Din it-talba hija bbażata fuq l-allegazzjoni li, minħabba l-karatteristiċi speċifiċi tagħhom, dawn is-skieken u tipi oħrajn ta’ oġġetti taċ-ċeramika ta’ fuq il-mejda u tal-kċina ma jistgħux jitqiesu bħala li jifformaw prodott wieħed. Is-skieken taċ-ċeramika (għall-kċina) ġeneralment ikollhom materjal taċ-ċeramika magħmul minn ossidu taż-żirkonju għax-xafra li ma jintużax għal oġġetti “standard” ta’ fuq il-mejda bħal kikkri u platti. Il-grad ta’ interkambjalità tagħhom mal-kateogiriji ewlenin tal-prodott taħt investigazzjoni sejjer ikun limitat.

(30)

L-investigazzjoni żvelat li s-skieken taċ-ċeramika (għall-kċina) għandhom l-istess karatteristiċi fiżiċi (għamla u ebusija), disinn tal-industrija u użu finali (li jaqtgħu) bħas-skieken tal-metall (għall-kċina). Konsegwentement, huma differenti mill-prodotti l-oħrajn koperti mill-proċedura minħabba li dawn tal-aħħar huma primarjament oġġetti intiżi biex iżommu oġġetti tal-ikel minħabba d-disinn speċifiku u l-karatteristiċi fiżiċi tagħhom.

(31)

Barra minn hekk, ġie sostnut li t-teknoloġija li tipproduċi dawk is-skieken taċ-ċeramika (għall-kċina) mhux ser tibqa’ teżisti fl-Unjoni, għalhekk, it-tkomplija tal-investigazzjoni fir-rigward tas-skieken taċ-ċeramika (għall-kċina) tispiċċa tikser il-liġi tad-WTO u tal-Unjoni. Il-kwerelanti rrikonoxxew li, skont l-għarfien tagħhom, ma kienx hemm tali produzzjoni fl-Unjoni.

(32)

Ġie miżjud ukoll li s-skieken taċ-ċeramika (għall-kċina) jinbiegħu biss f’postijiet esklussivi, filwaqt li l-mezzi tad-distribuzzjoni (id-distributuri tal-oġġetti tal-kċina) u l-assoċjazzjoni rappreżentattiva (l-assoċjazzjoni tal-pożati) huma wkoll differenti minn xulxin. Madankollu, l-investigazzjoni ma setgħetx tikkonferma li dawn il-kwistjonijiet huma ekwivalenti għal perċezzjoni tal-konsumaturi differenti meta mqabbla ma’ tipi oħrajn ta’ oġġetti taċ-ċeramika ta’ fuq il-mejda u tal-kċina.

(33)

Ġie allegat ukoll li l-miżuri fuq is-skieken taċ-ċeramika mhumiex ser iroddu kundizzjonijiet ġusti fis-suq iżda pjuttost joħolqu dannu għall-konsumaturi finali (tas-skieken taċ-ċeramika (għall-kċina)). Ċerti partijiet iddikjaraw li, fir-rigward tas-skieken taċ-ċeramika (għall-kċina) mhux manifatturati fl-Unjoni, ma kienx possibbli li kien hemm ħsara materjali lill-industrija tal-Unjoni. Il-Kummissjoni ssubordinat l-analiżi ta’ dawn it-talbiet għal konklużjoni dwar jekk is-skieken taċ-ċeramika (għall-kċina) u tipi oħrajn ta’ oġġetti taċ-ċeramika ta’ fuq il-mejda u tal-kċina humiex meqjusa bħala li jifformaw prodott wieħed.

(34)

Fuq il-bażi tal-kunsiderazzjonijiet fil-premessa (30) hawn fuq, l-investigazzjoni kkonkludiet b’mod provviżorju li s-skieken taċ-ċeramika (għall-kċina) huma fundamentalment differenti minn tipi oħrajn ta’ oġġetti taċ-ċeramika ta’ fuq il-mejda u tal-kċina minħabba differenzi fil-karatteristiċi fiżiċi, fil-proċessi tal-produzzjoni u fl-użu finali. Għalhekk, it-talba sabiex dawn l-oġġetti jiġu esklużi mill-ambitu tal-prodott ta’ din l-investigazzjoni ġiet aċċettata b’mod provviżorju.

(35)

Żewġ importaturi sostnew li l-oġġetti Ċiniżi/b’dehra Orjentali ta’ fuq il-mejda u tal-kċina għandhom jiġu esklużi mill-ambitu tal-prodott. Ir-raġuni ewlenija li ġiet allegata kienet li dawn it-tipi ta’ oġġetti ma jiġux manifatturati fl-Unjoni, li d-domanda għal dawn l-oġġetti fl-Unjoni dejjem kienet fornuta minn importazzjonijiet u li l-importazzjonijiet ta’ dan it-tip mhux ser ikollhom impatt negattiv fuq kwalunkwe sehem mis-suq miżmum mill-industrija tal-Unjoni.

(36)

L-investigazzjoni sabet li la teżisti definizzjoni oġġettiva u aċċettata b’mod universali ta’ din il-kategorija u lanqas karatteristiċi speċifiċi li jidentifikawha. Barra minn hekk, il-produtturi tal-Unjoni jistgħu jimmanifatturaw dan l-istil ukoll. Barra minn hekk, l-oġġetti Ċiniżi/b’dehra Orjentali ta’ fuq il-mejda u tal-kċina ma għandhomx użu finali uniku jew differenti. Fl-aħħar iżda mhux l-inqas, l-investigazzjoni rrimarkat li f’ħafna ristoranti Ażjatiċi jintużaw oġġetti ta’ fuq il-mejda bi stil tal-punent u li l-prodotti inkwistjoni jistgħu jiġu sostitwiti faċilment. Għalhekk, it-talbiet għall-esklużjoni ta’ oġġetti Ċiniżi/b’dehra Orjentali mill-ambitu tal-prodott tal-investigazzjoni huma miċħuda b’mod provviżorju.

(37)

Minn naħa, ġie sostnut li l-porċellana durabbli għandha tiġi eskluża mill-ambitu tal-prodott minħabba l-karatteristiċi fiżiċi uniċi u l-proċess tal-produzzjoni tagħha. B’reżistenza u saħħa akbar, il-materja prima tal-porċellana durabbli tinkludi fiha bejn 6 u 10 % ta’ trab tal-alumina, filwaqt li l-proċess ta’ tħejjija tal-materja prima (kaolin) huwa wieħed uniku. Il-porċellana durabbli tirrikjedi ħaddiema tas-sengħa u tgawdi minn kwalità u prezz ogħla meta mqabbla ma’ oġġetti ta’ fuq il-mejda tradizzjonali. Barra minn hekk, ma hemmx produtturi mill-Unjoni li jimmanifatturawha.

(38)

Min-naħa l-oħra, importatur sostna li l-oġġetti ta’ fuq il-mejda durabbli, li jintużaw tipikament fil-lukandi, jammontaw għal sehem sostanzjali tal-produzzjoni globali taċ-ċeramika Ċiniża, għalhekk, jekk dawn jiġu injorati, jispiċċaw jiġu prodotti riżultati li ma jagħtux l-impressjoni korretta.

(39)

L-investigazzjoni sabet li la teżisti definizzjoni oġġettiva u aċċettata b’mod universali ta’ porċellana durabbli u lanqas karatteristiċi mhux ikkontestati li jidentifikawha. Barra minn hekk, il-produtturi tal-Unjoni jistgħu jimmanifatturaw dawn it-tip ta’ oġġetti ta’ fuq il-mejda wkoll u kemm il-prodotti Ċiniżi kif ukoll dawk magħmula fl-Unjoni jinsabu f’kompetizzjoni diretta. Barra minn hekk, il-porċellana durabbli ma għandhiex użu finali uniku jew differenti. Għalhekk, it-talbiet għall-esklużjoni ta’ porċellana durabbli mill-ambitu tal-prodott tal-investigazzjoni huma miċħuda b’mod provviżorju.

(40)

Assoċjazzjoni Svediża li tirrappreżenta importaturi Svediżi rilevanti għamlet rappreżentazzjonijiet favur l-esklużjoni ta’ porċellana maħduma bl-idejn mill-ambitu tal-prodott tal-investigazzjoni. Hija invokat l-istorja twila ta’ tali xogħol maħdum bl-idejn fiċ-Ċina, l-affordabilità tiegħu u l-perċezzjoni differenti tal-konsumaturi bejn oġġetti Ċiniżi maħduma bl-idejn kontra oġġetti mhux maħduma bl-idejn manifatturati fl-Unjoni.

(41)

Madankollu, l-investigazzjoni wriet li, minn naħa waħda, ma teżisti ebda definizzjoni oġġettiva/aċċettata b’mod universali ta’ din il-kategorija u li, min-naħa l-oħra, hemm bosta produtturi mill-Unjoni li jimmanifatturaw porċellana maħduma bl-idejn. L-investigazzjoni wriet li la kien hemm karatteristiċi fiżiċi fundamentalment differenti minn għamliet oħrajn ta’ oġġetti taċ-ċeramika ta’ fuq il-mejda u tal-kċina u lanqas perċezzjoni differenti tal-konsumaturi meta mqabbla ma’ porċellana maħduma bl-idejn manifatturata fl-Unjoni. Għalhekk, it-talba għall-esklużjoni tal-porċellana maħduma bl-idejn mill-ambitu tal-prodott tal-investigazzjoni hija miċħuda b’mod provviżorju.

(42)

Diversi importaturi għamlu rappreżentazzjonijiet għall-esklużjoni ta’ oġġetti ta’ fuq il-mejda mpinġija bl-idejn mill-ambitu tal-prodott tal-investigazzjoni. L-argumenti mressqa kienu jikkonċernaw il-fatt li l-oġġetti ta’ fuq il-mejda mpinġija bl-idejn huma mmirati għal ċertu tip ta’ konsumaturi, li jistgħu jintużaw għal għanijiet differenti minn oġġetti ta’ fuq il-mejda tradizzjonali (eż. bħala dekorazzjoni), li ma jiġux manifatturati fi kwantitajiet kummerċjali fl-Unjoni, li mhumiex direttament kompetittivi u lanqas interkambjabbli ma’ oġġetti oħrajn ta’ fuq il-mejda jew tal-kċina, il-perċezzjoni differenti mill-konsumaturi, il-lussu u n-natura aktar fraġli tagħhom, flimkien mal-proċess tal-produzzjoni speċifiku tagħhom, jinvolvu xogħol aktar intensiv u ħaddiema b’ħiliet kbar.

(43)

L-investigazzjoni wriet li l-prodott huwa assolutament identiku għal oġġetti ta’ fuq il-mejda mhux impinġija bl-idejn sakemm issir it-tpinġija bl-idejn. Hija ċċarat ukoll li l-fatt li l-proċess tal-manifattura jinvolvi aktar trattament manwali ma jrendix il-prodott f’wieħed differenti; fil-fatt, ħafna mill-utenti finali jsibuha diffiċli biex jagħmlu distinzjoni, jekk ikun hemm, bejn porċellana mpinġija bl-idejn u porċellana mhux impinġija bl-idejn. L-investigazzjoni wriet ukoll li l-oġġetti ta’ fuq il-mejda mpinġija bl-idejn normalment ikollhom l-istess użu finali bħal tipi oħrajn ta’ oġġetti taċ-ċeramika ta’ fuq il-mejda u mhux neċessarjament ikunu aktar fraġli. L-investigazzjoni sabet ukoll li bosta produtturi mill-Unjoni jimmanifatturaw porċellana mpinġija bl-idejn u li l-prodotti importati u dawk magħmula fl-Unjoni huma f’kompetizzjoni diretta. Għalhekk, it-talbiet għall-esklużjoni tal-oġġetti ta’ fuq il-mejda mpinġija bl-idejn mill-ambitu tal-prodott tal-investigazzjoni ġew miċħuda b’mod provviżorju.

(44)

Importatur għamel rappreżentazzjonijiet għall-esklużjoni ta’ oġġetti figurattivi ta’ fuq il-mejda mpinġija bl-idejn qabel jingħata l-verniċ mill-ambitu tal-prodott tal-investigazzjoni. L-argumenti mressqa kienu jikkonċernaw il-fatt li l-oġġetti figurattivi ta’ fuq il-mejda mpinġija bl-idejn qabel jingħata l-verniċ jinvolvu proċess ta’ produzzjoni differenti, użu differenti (billi jintużaw għall-ikel u x-xorb, filwaqt li, allegatament, il-prodotti mpinġija fuq il-verniċ normalment ma jistgħux jintużaw għal dan il-għan) u għandhom karatteristiċi fiżiċi u ta’ kwalità differenti, jiġifieri ma jagħmlux ħsara lill-ikel u assolutament ma ssir ebda ħsara lilhom mill-użu f’dishwasher jew f’microwave. Il-parti kkonċernata qalet ukoll li ma hemm ebda produttur mill-Unjoni li huwa kapaċi jew lest li jagħmel volumi kummerċjali ta’ oġġetti figurattivi ta’ fuq il-mejda mpinġija bl-idejn qabel jingħata l-verniċ u ssuġġeriet li ma jkun hemm ebda riskju ta’ ċirkomvenzjoni li kieku l-oġġetti figurattivi ta’ fuq il-mejda mpinġija bl-idejn qabel jingħata l-verniċ jiġu esklużi mill-ambitu tal-prodott tal-investigazzjoni. Hija sostniet ukoll li l-konsumaturi iħarsu lejn dan il-prodott b’mod differenti, minħabba li, aktar milli bħala parti minn ditta, il-prodott jitqies bħala collector/lifestyle item u ma jinbiegħx f’settijiet kompleti.

(45)

Madankollu, l-investigazzjoni wriet li, minn naħa waħda, ma teżisti ebda definizzjoni oġġettiva u aċċettata b’mod universali ta’ din il-kategorija u li, min-naħa l-oħra, hemm bosta produtturi mill-Unjoni li jistgħu jimmanifatturawha. Barra minn hekk, ġie innotat li l-prodotti importati u dawk magħmula fl-Unjoni huma f’kompetizzjoni diretta. L-investigazzjoni żvelat li, fiżikament, il-prodott huwa assolutament identiku għall-oġġetti ta’ fuq il-mejda mhux impinġija bl-idejn u li l-konsumatur medju ma jagħmel ebda differenza bejn l-oġġetti figurattivi ta’ fuq il-mejda mpinġija bl-idejn qabel jingħata l-verniċ u tipi oħrajn ta’ oġġetti dekorattivi ta’ fuq il-mejda. Hija għamlitha ċara wkoll li l-fatt li l-proċess tal-manifattura jinvolvi aktar ħaddiema tas-sengħa ma jrendix il-prodott f’wieħed differenti u li l-oġġetti ta’ fuq il-mejda mpinġija bl-idejn qabel jingħata l-verniċ bażikament għandhom l-istess użu finali bħal tipi oħrajn ta’ oġġetti taċ-ċeramika ta’ fuq il-mejda. Għalhekk, it-talbiet għall-esklużjoni tal-oġġetti ta’ fuq il-mejda mpinġija bl-idejn qabel jingħata l-verniċ mill-ambitu tal-prodott tal-investigazzjoni ġew miċħuda b’mod provviżorju.

(46)

Ir-rappreżentazzjonijiet ta’ ċerti importaturi jsostnu li l-investigazzjoni għandha tkun limitata għal dawk is-swieq li bħalissa qegħdin jiġu servuti mill-produtturi kwerelanti mill-Unjoni. Altrimenti, id-dazji jkunu ta’ dannu għal ċerti importaturi “speċjalizzati” fejn lanqas ikunu jistgħu jakkwistaw prodotti mingħand produtturi tal-Unjoni. Intqal ukoll li produtturi tal-Unjoni li jkollhom ditti ma jipproduċux prodotti għal kumpaniji oħrajn u li l-produtturi tal-Unjoni la jagħmlu ordnijiet żgħar u lanqas jaħdmu bil-forom għal ċerti għamliet. Barra minn hekk, il-produtturi tal-Unjoni mhumiex flessibbli u ma joffrux preżentazzjonijiet li jistgħu jingħataw bħala rigal.

(47)

Din it-talba ġiet miċħuda b’mod provviżorju minħabba li hija wisq estensiva u mhux definita u ma hemm ebda bażi oġġettiva għal din l-esklużjoni. Barra minn hekk, il-produtturi tal-Unjoni għandhom firxa wiesgħa ta’ prodotti u joffru prodotti ġodda regolarment, biex b’hekk il-kollezzjonijiet u l-firxiet ta’ prodotti jvarjaw kontinwament. It-tipi ta’ prodotti u kwalitajiet manifatturati mill-industrija tal-Unjoni jinstabu regolarment ukoll għand l-esportaturi. Barra minn hekk, l-investigazzjoni żvelat li hemm produtturi tal-Unjoni li jimmanifatturaw oġġetti taħt id-ditti ta’ partijiet oħrajn. Instab ukoll li l-prodotti manifatturati fl-Unjoni u dawk importati miċ-Ċina jinsabu f’kompetizzjoni diretta, jistgħu jiġu sostitwiti faċilment, għandhom l-istess użu finali, kif ukoll għandhom proċessi ta’ produzzjoni u perċezzjoni tal-klijenti simili. Il-kwistjoni tal-flessibbiltà hija indirizzata fit-taqsima dwar l-interess tal-Unjoni.

(48)

Importatur bi produzzjoni fiċ-Ċina sostna li l-importazzjonijiet ta’ prodotti tal-ġebel, li jikkonsistu primarjament minn oġġetti tal-kċina, għandhom jiġu esklużi mill-ambitu tal-prodott. Skont din il-parti, ser ikun hemm biss produzzjoni marġinali ta’ prodotti tal-ġebel fl-Unjoni u probabbiltà kbira li l-kwerelanti jinkludu prodotti tal-ġebel għal ċirkomvenzjoni antiċipata. L-importatur allega wkoll li l-prezzijiet mitluba għal prodotti importati kienu ferm ogħla minn dawk mitluba minn kwalunkwe produttur ieħor fl-Unjoni u li dawn l-importazzjonijiet ma kkawżaw ebda dannu jew tnaqqis fil-prezzijiet.

(49)

Madankollu, l-investigazzjoni wriet li l-produzzjoni ta’ oġġetti tal-ġebel fl-Unjoni hija sinjifikanti. Din l-investigazzjoni kkonkludiet ukoll li l-prodotti tal-ġebel manifatturati fl-Unjoni u dawk importati miċ-Ċina jinsabu f’kompetizzjoni diretta, jistgħu jiġu sostitwiti faċilment, għandhom l-istess użu finali, kif ukoll għandhom proċessi ta’ produzzjoni, perċezzjoni tal-klijenti u karatteristiċi fiżiċi simili. L-allegazzjonijiet relatati mal-prezzijiet huma indirizzati fil-premessa (240). Għalhekk, it-talba għall-esklużjoni tal-oġġetti tal-ġebel mill-ambitu tal-prodott tal-investigazzjoni ġiet miċħuda b’mod provviżorju.

(50)

B’mod alternattiv, il-parti sostniet li prodotti tal-ġebel mogħtija l-verniċ u/jew prodotti miksija bl-enemel jew prodotti tal-ġebel mogħtija l-verniċ u/jew prodotti miksija bl-enemel mhux bojod u/jew iggradati għandhom jiġu esklużi mill-ambitu tal-investigazzjoni. Madankollu, f’dan l-istadju tal-proċedura ma setgħet tintlaħaq ebda konklużjoni fuq dan il-punt.

(51)

Importatur sostna li l-ambitu tal-prodott tal-investigazzjoni kien wiesa’ wisq biex jippermetti li jsir tqabbil raġonevoli fost it-tipi ta’ prodotti. Importatur b’interessi ta’ produzzjoni fiċ-Ċina esprima opinjoni simili. F’dan ir-rigward, xi partijiet irreferew ukoll għal oġġetti purament dekorattivi.

(52)

F’dan ir-rigward, huwa innotat li l-kriterji rilevanti applikati sabiex jiġi stabbilit jekk il-prodott, soġġett għal investigazzjoni, jistax jitqies bħala prodott wieħed jew le, jiġifieri, il-karatteristiċi tekniċi u fiżiċi bażiċi tiegħu, huma stipulati fid-dettall hawn taħt. Għalhekk, oġġetti li huma purament dekorattivi mhumiex koperti. Barra minn hekk, anki jekk id-diversi tipi ta’ oġġetti taċ-ċeramika ta’ fuq il-mejda u tal-kċina jista’ fil-fatt ikollhom ċerti karatteristiċi speċifiċi differenti, l-investigazzjoni wriet li, bl-eċċezzjoni tas-skieken taċ-ċeramika, il-karatteristiċi bażiċi tagħhom jibqgħu identiċi. Barra minn hekk, il-fatt li l-prodott ikkonċernat jista’ jiġi manifatturat b’xi varjazzjonijiet fil-proċess tal-manifattura fih innifsu mhuwiex kriterju li jista’ jirriżulta f’sejba ta’ żewġ prodotti distinti jew aktar. Fl-aħħar nett, l-investigazzjoni żvelat ukoll li d-diversi tipi tal-prodott ikkonċernat ġeneralment inbiegħu permezz tal-istess mezzi ta’ bejgħ. Filwaqt li ċerti ħwienet speċjalizzati jistgħu jiffokaw fuq ċerti tipi speċifiċi, parti kbira mid-distributuri (bejjiegħa bl-imnut, kumplessi kummerċjali, supermarkets) ibiegħu diversi tipi ta’ oġġetti taċ-ċeramika ta’ fuq il-mejda u tal-kċina, sabiex joffru firxa wiesgħa ta’ għażliet lill-klijenti tagħhom. Għalhekk, il-pretensjonijiet li l-ambitu tal-prodott tal-investigazzjoni kien wiesa’ wisq ġew miċħuda b’mod provviżorju.

(53)

Parti interessata sostniet li ċerti oġġetti taċ-ċeramika li jitħnu l-ħwawar għandhom jiġu esklużi mill-ambitu tal-prodott. Madankollu, l-investigazzjoni ma setgħetx tasal għal konklużjoni dwar il-karatteristiċi speċifiċi tagħhom, biex b’hekk it-talba li saret ġiet miċħuda b’mod provviżorju.

(54)

L-investigazzjoni wriet li t-tipi kollha ta’ oġġetti taċ-ċeramika ta’ fuq il-mejda u tal-kċina, minkejja d-differenzi f’dak li għandu x’jaqsam mal-proprjetajiet u l-istil, għandhom l-istess karatteristiċi tekniċi u fiżiċi bażiċi, jiġifieri l-prodotti taċ-ċeramika kienu mmirati primarjament sabiex ikunu f’kuntatt mal-ikel, bażikament jintużaw għall-istess għanijiet u jistgħu jitqiesu bħala tipi differenti tal-istess prodott.

(55)

Minbarra l-fatt li għandhom l-istess karatteristiċi tekniċi u fiżiċi bażiċi, dawk id-diversi stili u tipi kollha huma f’kompetizzjoni diretta u huma fil-biċċa l-kbira tagħhom interkambjabbli. Dan jidher b’mod ċar mill-fatt li ma hemmx linji diviżorji ċari bejniethom, jiġifieri hemm ċerta sovrapożizzjoni u kompetizzjoni bejn it-tipi ta’ prodotti differenti, filwaqt li l-bejjiegħa standard mhux sikwit jagħmlu distinzjoni, pereżempju, bejn prodotti tal-porċellana u prodotti mhux magħmula mill-porċellana.

(56)

Madankollu, kif ġie spjegat fil-premessi (29)-(34) aktar ‘il fuq, kien meqjus ukoll bħala xieraq li tiġi limitata d-definizzjoni tal-ambitu tal-prodott li abbażi tagħha kienet inbdiet l-investigazzjoni attwali billi jiġu esklużi s-skieken taċ-ċeramika. Għalhekk, il-prodott ikkonċernat huwa definit b’mod provviżorju bħala oġġetti taċ-ċeramika ta’ fuq il-mejda u tal-kċina, minbarra skieken taċ-ċeramika, li joriġinaw mir-Repubblika Popolari taċ-Ċina u li bħalissa jaqgħu fl-ambitu tal-kodiċi CN ex 6911 10 00, ex 6912 00 10, ex 6912 00 30, ex 6912 00 50 u ex 6912 00 90.

(57)

Fl-aħħar nett, għall-finijiet ta’ din il-proċedura u skont il-prattika konsistenti tal-Unjoni, huwa għalhekk ikkunsidrat li t-tipi kollha tal-prodott imsemmija fuq, bl-eċċezzjoni tas-skieken taċ-ċeramika, għandhom jitqiesu bħala li jifformaw prodott wieħed.

(58)

L-investigazzjoni wriet li l-oġġetti taċ-ċeramika ta’ fuq il-mejda u tal-kċina manifatturati u mibjugħa mill-industrija tal-Unjoni fl-Unjoni, l-oġġetti taċ-ċeramika ta’ fuq il-mejda manifatturati u mibjugħa fis-suq domestiku tar-RPĊ u l-oġġetti taċ-ċeramika ta’ fuq il-mejda u tal-kċina importati fl-Unjoni mir-RPĊ, kif ukoll dawk manifatturati u mibjugħa fil-Brażil, li jservi bħala pajjiż analogu, għandhom l-istess karatteristiċi kimiċi u fiżiċi bażiċi u l-istess użu finali bażiku.

(59)

Matul l-investigazzjoni, ċerti partijiet interessati sostnew li l-oġġetti taċ-ċeramika ta’ fuq il-mejda u tal-kċina manifatturati mill-industrija tal-Unjoni u mibjugħa fis-suq tal-Unjoni ma kienux simili għall-prodott ikkonċernat. Huma sostnew li dan huwa muri b’mod partikolari minn differenzi bejn il-prodotti f’termini ta’ proprjetajiet, kwalità, perċezzjonijiet tal-konsumaturi, mezzi ta’ bejgħ u segmentazzjoni. Ġie sostnut ukoll li l-konsumaturi fl-Unjoni ġeneralment jipperċepixxu lill-prodott ikkonċernat bħala li huwa prodott irħas u li dawk il-prodotti ma jibbenifikaw minn ebda primjum ta’ ditta.

(60)

L-investigazzjoni żvelat dikjarazzjonijiet kontradittorji minn importaturi f’dak ir-rigward. Filwaqt li xi wħud sostnew li l-prodott ikkonċernat ġeneralment ikun ta’ kwalità inferjuri u jibqa’ f’kategorija ta’ prezz differenti meta mqabbel ma’ prodotti magħmula fl-Unjoni, oħrajn sostnew li l-oġġetti taċ-ċeramika tad-ditta ta’ fuq il-mejda u tal-kċina li jiġu manifatturati fil-pajjiż ikkonċernat jiġu importati bi prezzijiet ogħla miċ-Ċina.

(61)

Minn naħa waħda, importatur mhux inkluż fil-kampjun sostna li l-produtturi Ġermaniżi jagħmlu enfasi partikolari fuq il-profil tal-kwalità ‘magħmul fil-Ġermanja’. Din il-parti ddikjarat li l-kwalità tal-oġġetti ta’ fuq il-mejda fornuti minn ċerti ditti Ġermaniżi hija konsiderevolment aħjar minħabba l-metodu tal-manifattura, filwaqt li importaturi oħrajn iddikjaraw li huma akkwistaw il-prodotti miċ-Ċina minħabba l-kwalitajiet tajbin, il-kapaċitajiet tal-ikkastjar u l-ħaddiema tas-sengħa. L-investigazzjoni kkonfermat li fl-Unjoni, l-oġġetti taċ-ċeramika ta’ fuq il-mejda u tal-kċina ta’ kwalità baxxa u dawk ta’ kwalità għolja jiġu manifatturati u mibjugħa permezz tal-istess mezzi ta’ distribuzzjoni bħall-prodott ikkonċernat, jiġifieri permezz ta’ bejjiegħa bl-imnut indipendenti, supermarkets mhux speċjalizzati, kumplessi kummerċjali, eċċ. Għalhekk, huma qegħdin jikkompetu fl-istess suq.

(62)

Barra minn hekk, l-oġġetti taċ-ċeramika ta’ fuq il-mejda u tal-kċina mhux bilfors jindikaw il-pajjiż tal-oriġini tagħhom. Għalhekk, sikwit ikun diffiċli ħafna għall-konsumatur biex jagħmel id-distinzjoni bejn oġġetti taċ-ċeramika ta’ fuq il-mejda u tal-kċina manifatturati fil-pajjiż ikkonċernat u prodotti magħmula fl-Unjoni.

(63)

Għal dawk ir-raġunijiet, huwa konkluż li, filwaqt li jista’ jkun hemm xi differenzi żgħar, l-oġġetti taċ-ċeramika ta’ fuq il-mejda u tal-kċina manifatturati fil-pajjiż ikkonċernat u esportati minnu, l-oġġetti taċ-ċeramika ta’ fuq il-mejda u tal-kċina manifatturati u mibjugħa fis-suq Brażiljan u l-oġġetti taċ-ċeramika ta’ fuq il-mejda u tal-kċina manifatturati u mibjugħa fl-Unjoni għandhom l-istess karatteristiċi fiżiċi bażiċi u użu finali u għalhekk jitqiesu bħala simili skont it-tifsira tal-Artikolu 1(4) tar-Regolament bażiku.

(64)

Skont l-Artikolu 2(7)(b) tar-Regolament bażiku, fl-investigazzjonijiet ta’ antidumping li jikkonċernaw importazzjonijiet li joriġinaw mir-RPĊ, il-valur normali għandu jiġi ddeterminat skont il-paragrafi 1 sa 6 tal-Artikolu msemmi għal dawk il-produtturi li nstabu li ssodisfaw il-kriterji stabbiliti fl-Artikolu 2(7)(ċ) tar-Regolament bażiku. Fil-qosor, u gћall-finijiet ta’ referenza biss, dawn il-kriterji huma stipulati hawn taћt f’forma mqassra:

(65)

Kif stabbilit fil-premessa (12) aktar ‘il fuq, ħdax-il produttur esportaturi jew gruppi ta’ produtturi esportaturi mir-RPĊ talbu trattament ta’ ekonomija tas-suq (‘TES’) u mlew u bagħtu l-formola tat-talba għal TES sad-data tal-għeluq mogħtija. Madankollu, kien hemm produttur esportatur wieħed li sussegwentement irtira t-talba tiegħu għal TES.

(66)

Fis-sentenza tagħha fil-kawża C-249/10 P – Brosmann u oħrajn vs il-Kunsill, il-Qorti tal-Ġustizzja ddeċidiet li t-teknika tat-teħid tal-kampjuni preskritta fl-Artikolu 17 tar-Regolament bażiku ma tistax tiġi applikata għall-iskop li jiġu ddeterminati t-talbiet ta’ trattament ta’ ekonomija tas-suq individwali magħmula skont l-Artikolu 2(7)(ċ) ta’ dak ir-Regolament. Il-Qorti sabet li, skont l-Artikolu 2(7)(ċ) tar-Regolament bażiku, il-produtturi li kkooperaw, li mhumiex parti mill-kampjun, huma intitolati li jkollhom it-talbiet tagħhom għal trattament ta’ ekonomija tas-suq eżaminati, irrispettivament minn jekk kellux jiġi kkalkolat marġini ta’ dumping individwali għal dawk il-kumpaniji barra mill-kampjun. (3) Fid-dawl ta’ din is-sentenza, ġie deċiż li għandhom jiġu eżaminati mhux biss it-talbiet għal TES tat-tliet produtturi esportaturi jew gruppi ta’ produtturi esportaturi li huma inklużi fil-kampjun, iżda wkoll dawk tas-seba’ produtturi esportaturi jew gruppi ta’ produtturi esportaturi li ma kienux inklużi fil-kampjun. Il-Kummissjoni fittxet l-informazzjoni kollha li kienet meqjusa bħala neċessarja u vverifikat l-informazzjoni sottomessa fit-talba għal TES fil-bini tal-kumpaniji inkwistjoni.

(67)

Hija l-prattika stabbilita u konsistenti tal-Unjoni li teżamina jekk grupp ta’ kumpaniji relatati flimkien jissodisfawx b’mod ġenerali l-kondizzjonijiet għal TES. Għalhekk, f’każijiet fejn kumpanija sussidjarja jew kwalunkwe kumpanija oħra relatata mal-applikant fir-RPĊ tkun involuta, direttament jew indirettament, fil-produzzjoni jew il-bejgħ tal-prodott ikkonċernat, l-eżaminazzjoni tat-TES issir fir-rigward ta’ kull kumpanija b’mod individwali, kif ukoll fir-rigward tal-grupp ta’ kumpaniji b’mod ġenerali.

(68)

Għaldaqstant, ġew ivverifikati t-talbiet għal TES tal-għaxar produtturi esportaturi, komposti minn sittax-il entità legali.

(69)

Ħadd mill-għaxar produtturi esportaturi jew gruppi ta’ produtturi esportaturi li kkooperaw fir-RPĊ ma nstab li kien jissodisfa l-kriterji sabiex jingħata TES. L-investigazzjoni tat-TES żvelat, b’mod partikolari, li ħadd mill-produtturi esportaturi, la individwalment u lanqas bħala grupp, ma għandu sett ċar ta’ reġistri ta’ kontabilità bażika, li jiġu vverifikati b’mod indipendenti skont l-istandards tal-kontabilità internazzjonali. L-investigazzjoni sabet ukoll li seba’ kumpaniji, jew grupp ta’ kumpaniji, ma setgħux juru lill-Kummissjoni li ma kien hemm ebda distorsjoni sinjifikanti trasferita mis-sistema preċedenti tal-ekonomija mhux tas-suq. Barra minn hekk, tlieta mill-għaxar kumpaniji naqsu milli juru li d-deċiżjonijiet kummerċjali kienu ttieħdu b’reazzjoni għas-sinjali tas-suq, mingħajr interferenza mill-Istat, u li l-ispejjeż jirriflettu l-valuri tas-suq.

(70)

Barra minn hekk, matul iż-żjara ta’ verifika ta’ waħda mill-kumpaniji msemmija fuq, ġie stabbilit li hija kienet ipprovdiet informazzjoni qarrieqa u defiċjenti fil-formola tat-talba tagħha għal TES, b’mod partikolari fir-rigward ta’ kumpanija relatata. Il-kooperazzjoni globali tagħha kienet severament defiċjenti u l-kumpanija għalhekk ġiet informata li jista’ jiġi applikat l-Artikolu 18(1) tar-Regolament bażiku u ntalbet tissottometti l-kummenti tagħha. Il-kummenti li daħlu kkonfermaw li kien hemm nuqqas ta’ kooperazzjoni, partikolarment fir-rigward tal-kumpanija relatata. Għalhekk ġie deċiż b’mod provviżorju li tali kumpanija ma tistax tibqa’ titqies bħala produttur esportatur li jikkoopera u li kwalunkwe sejba provviżorja jew finali għandha ssir fuq il-fatti disponibbli skont l-Artikolu 18 tar-Regolament bażiku.

(71)

Il-Kummissjoni żvelat uffiċjalment ir-riżultati tas-sejbiet tat-TES lill-kumpaniji kkonċernati fir-RPĊ, lill-awtoritajiet tar-RPĊ u lill-kwerelant. Huma ngħataw opportunità li jesprimu l-fehmiet tagħhom bil-miktub u li jitolbu smigħ jekk ikun hemm raġunijiet partikolari biex jinstemgħu.

(72)

Bosta kumpaniji sostnew li l-Kummissjoni naqset milli twieġeb għat-talba tagħhom għal TES fi żmien tliet xhur, kif meħtieġ mill-Artikolu 2(7)(ċ) tar-Regolament bażiku. Għalhekk, l-investigazzjoni ser tkun imħassra minn żball proċedurali u l-Kummissjoni għandha, skont is-sentenza mogħtija fil-kawża ta’ Brosmann, (4) ittemm l-investigazzjoni.

(73)

Il-Kummissjoni tirrikonoxxi li minħabba n-numru kbir ta’ talbiet għal TES li ġew eżaminati u vverifikati fuq il-post fiċ-Ċina, f’dan il-każ partikolari, ma kienx possibbli li jiġu ddeterminati t-talbiet għal TES fi ħdan il-perjodu stipulat. Madankollu, huwa mfakkar li l-Qorti Ġenerali riċentament sabet li determinazzjoni ta’ TES magħmula barra l-iskadenza ta’ tliet xhur preskritta fl-Artikolu 2(7)(ċ) tar-Regolament bażiku fiha nnifisha mhijiex biżżejjed biex twassal għal annullament ta’ regolament li jimponi miżuri antidumping. (5) Għalhekk, it-talba ġiet miċħuda.

(74)

Barra minn hekk, sitt kumpaniji kkontestaw il-valutazzjoni tal-Kummissjoni li huma ma għandhomx sett ċar ta’ reġistri tal-kontabilità, li jiġu vverifikati b’mod indipendenti skont standards ta’ kontabilità internazzjonali. Il-Kummissjoni eżaminat dawn it-talbiet bir-reqqa u sabet li l-ispjegazzjonijiet ipprovduti ma kienux tali li jinvalidaw is-sejbiet ġenerali li saru wara l-verifiki fuq il-post. B’mod aktar partikolari, f’xi każijiet, l-informazzjoni ġdida li ġiet ipprovduta kienet tikkontradixxi l-informazzjoni mogħtija qabel, filwaqt li f’xi każijiet, il-kumpaniji ppreżentaw evidenza ta’ sostenn ġdida li kienet ġiet ipprovduta jew magħmula disponibbli matul il-verifiki fuq il-post.

(75)

Ħames kumpaniji kkontestaw ukoll is-sejbiet tal-Kummissjoni li huma naqsu milli juru li ma kien hemm ebda distorsjoni sinjifikanti trasferita mis-sistema preċedenti tal-ekonomija mhux tas-suq. Madankollu, il-kummenti li waslu mhumiex ta’ tali karattru li jistgħu jbiddlu s-sejbiet tal-Kummissjoni wara ż-żjarat ta’ verifika. B’mod partikolari, il-kumpaniji ma pprovdew ebda evidenza li setgħet twarrab is-sejbiet oriġinali tal-Kummissjoni li kienu ġew trasferiti distorsjonijiet mis-sistema tal-ekonomija mhux tas-suq fir-rigward ta’, pereżempju, l-assi u d-drittijiet tal-użu tal-art.

(76)

Fl-aħħar nett, żewġ kumpaniji kkontestaw is-sejbiet li huma naqsu milli juru li d-deċiżjonijiet kummerċjali kienu ttieħdu b’reazzjoni għas-sinjali tas-suq, mingħajr interferenza mill-Istat u li l-ispejjeż jirriflettu l-valuri tas-suq. B’mod partikolari, il-kummenti li waslu minn kumpanija waħda ma kienux tali li jinvalidaw is-sejba tal-Kummissjoni li l-Istat interferixxa fil-politika tar-reklutaġġ tagħha, filwaqt li l-kumpanija l-oħra pprovdiet informazzjoni ġdida u kontradittorja rigward ix-xiri ta’ materja prima.

(77)

Minn dak li ntqal qabel jirriżulta li l-ebda wieħed mill-argumenti mressqa ma kien tali li jista’ jbiddel is-sejbiet fir-rigward tad-determinazzjoni ta’ TES.

(78)

Fuq il-bażi ta’ dak li ntqal hawn fuq, l-ebda wieħed mill-għaxar produtturi esportaturi jew gruppi ta’ produtturi esportaturi li kkooperaw fir-RPĊ li kienu talbu għal TES ma seta’ juri li kien issodisfa l-kriterji stabbiliti fl-Artikolu 2(7)(ċ) tar-Regolament bażiku.

(79)

Skont l-Artikolu 2(7)(a) tar-Regolament bażiku, qiegħed jiġi stabbilit dazju għall-pajjiż kollu, jekk hemm, għal dawk il-pajjiżi li jaqgħu taħt dak l-Artikolu, għajr f’dawk il-każijiet fejn il-kumpaniji jkunu kapaċi juru li huma jissodisfaw il-kriterji kollha stipulati fl-Artikolu 9(5) tar-Regolament bażiku. Fil-qosor, u għall-finijiet ta’ referenza biss, dawn il-kriterji huma stabbiliti hawn taħt:

(80)

Tliet produtturi esportaturi li ġew inklużi fil-kampjun u seba’ produtturi esportaturi li ma ġewx inklużi fil-kampjun u li talbu TES, talbu wkoll TI f’każ li ma jingħatax TES. Barra minn hekk, żewġ produtturi esportaturi fil-kampjun u erba’ produtturi esportaturi mhux magħżula fil-kampjun talbu TI biss. Skont l-Artikolu 17(1) tar-Regolament bażiku, ġew eżaminati biss it-talbiet għal TI tal-kumpaniji inklużi fil-kampjun.

(81)

Minħabba l-fatt li t-talbiet kollha għal TES ġew miċħuda b’mod provviżorju u, fuq il-bażi tal-informazzjoni disponibbli, ġie stabbilit b’mod provviżorju li l-kumpaniji kollha inklużi fil-kampjun li kienu talbu għal TI fil-fatt issodisfaw il-kriterji biex jingħataw TI.

(82)

Ġew sottomessi talbiet għal eżami individwali skont l-Artikolu 17(3) tar-Regolament bażiku minn seba’ produtturi esportaturi li kkooperaw jew gruppi ta’ produtturi esportaturi mhux magħżula fil-kampjun.

(83)

F’dan l-istadju tal-proċeduri, il-Kummissjoni ma ħadet ebda deċiżjoni fir-rigward tat-talbiet għal eżami individwali, billi tali deċiżjonijiet għandhom jittieħdu fiż-żmien xieraq.

(84)

Skont l-Artikolu 2(7)(a) tar-Regolament bażiku, il-valur normali gћall-produtturi esportaturi li ma ngħatawx TES, gћandu jiġi stabbilit fuq il-bażi tal-prezzijiet domestiċi jew tal-valur normali kompost f’pajjiż analogu.

(85)

Fin-notifika ta’ bidu, il-Kummissjoni indikat l-intenzjoni tagћha li tuża lill-Federazzjoni Russa bћala pajjiż analogu xieraq bil-għan li tistabbilixxi l-valur normali, filwaqt li l-partijiet interessati ġew mistiedna sabiex jikkummentaw dwar dan.

(86)

Il-Kummissjoni rċeviet għadd numeruż ta’ sottomissjonijiet li kienu qegħdin jgħidu li r-Russja ma kinitx pajjiż analogu xieraq. B’mod partikolari, l-informazzjoni rċevuta indikat li r-Russja hija suq primjum tal-porċellana speċjalizzat f’porċellana ornamentali b’materjali għaljin, filwaqt li l-produzzjoni domestika tal-prodott ikkonċernat hija relattivament żgħira meta mqabbla mal-konsum domestiku. Barra minn hekk, is-suq Russu huwa protett minn ostakoli mhux tariffarji, eż. is-sistemi ta’ ċertifikazzjoni GHOST. Għalhekk, ir-Russja tqieset bħala li mhijiex pajjiż analogu xieraq.

(87)

Għaldaqstant, il-Kummissjoni eżaminat jekk kienx hemm pajjiżi oħrajn li setgħu jkunu għażla raġonevoli ta’ pajjiż analogu u bagħtet ittri lil produtturi magħrufa f’bosta pajjiżi, inklużi t-Tajlandja, l-Indja, il-Malażja, it-Turkija, il-Brażil, l-Ukraina, l-Indoneżja, l-Eġittu, il-Kolumbja, il-Korea ta’ Isfel, il-Bangladexx u l-Arġentina. Dan wassal biex produtturi mill-Indja, mit-Turkija, mill-Brażil u mir-Russja kkonfermaw ir-rieda tagħhom li jikkooperaw mal-Kummissjoni. Madankollu, kienu biss tliet produtturi mill-Brażil, mit-Tajlandja u mir-Russja rispettivament li bagħtu kwestjonarju mwieġeb. L-investigazzjoni wriet li l-Brażil għandha suq domestiku kompetittiv għall-oġġetti taċ-ċeramika għal fuq il-mejda u tal-kċina b’għadd numeruż ta’ produtturi u dazju doganali relattivament baxx. Barra minn hekk, id-dejta sottomessa mill-produttur Brażiljan li kkoopera ġiet analizzata u nstabet li kienet informazzjoni affidabbli li fuqha jista’ jiġi bbażat valur normali.

(88)

Fid-dawl ta’ dak li ntqal hawn fuq u meta wieħed iqis l-informazzjoni kollha disponibbli f’dan l-istadju tal-proċeduri, il-Brażil intgħażlet b’mod provviżorju bħala pajjiż analogu xieraq u raġonevoli skont l-Artikolu 2(7)(a) tar-Regolament bażiku.

(89)

Fid-dawl tal-fatt li t-talbiet kollha għal TES ġew miċħuda, il-valur normali għall-produtturi esportaturi Ċiniżi kollha ġie stabbilit fuq il-bażi tal-informazzjoni rċevuta mingħand il-produttur fil-pajjiż analogu, skont l-Artikolu 2(7)(a) tar-Regolament bażiku.

(90)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-bejgħ tal-prodott simili fil-Brażil lil klijenti indipendenti kienx rappreżentattiv. Il-bejgħ tal-prodott simili mill-produttur Brażiljan li kkoopera nstab li kien sar fi kwantitajiet rappreżentattivi fis-suq domestiku Brażiljan meta mqabbel mal-prodott ikkonċernat esportat lejn l-Unjoni mill-produtturi esportaturi inklużi fil-kampjun.

(91)

Sussegwentement, il-Kummissjoni eżaminat jekk dan il-bejgħ jistax jitqies bħala li sar fl-andament normali tal-kummerċ skont l-Artikolu 2(4) tar-Regolament bażiku. Dan sar billi ġie stabbilit il-proporzjon tal-bejgħ profittabbli lil klijenti indipendenti. It-tranżazzjonijiet tal-bejgħ tqiesu bħala profittabbli meta l-prezz unitarju kien daqs jew ogħla mill-ispiża tal-produzzjoni. B’hekk ġiet stabbilita l-ispiża tal-produzzjoni tal-produttur Brażiljan matul il-PI.

(92)

Għal dawk it-tipi ta’ prodott fejn aktar minn 80 % tal-volum tal-bejgħ fis-suq domestiku tat-tip inkwistjoni kienu ogħla mill-ispejjeż u l-prezz tal-bejgħ medju peżat ta’ dak it-tip kien daqs jew ogħla mill-ispiża unitarja tal-produzzjoni, il-valur normali, skont it-tip tal-prodott, kien ikkalkolat bħala l-medja peżata tal-prezzijiet domestiċi proprji tal-bejgħ kollu tat-tip tal-prodott inkwistjoni, irrispettivament minn jekk il-bejgħ kienx profittabbli jew le.

(93)

Meta l-volum ta’ bejgħ profittabbli ta’ tip ta’ prodott kien jirrappreżenta 80 % jew inqas tal-volum tal-bejgħ totali ta’ dak it-tip, jew meta l-prezz medju peżat ta’ dak it-tip kien inqas mill-ispiża unitarja tal-produzzjoni, il-valur normali kien ibbażat fuq il-prezz domestiku attwali, li ġie kkalkolat bħala prezz medju peżat tal-bejgħ domestiku profittabbli biss tat-tip magħmul matul il-PI.

(94)

Fir-rigward tat-tipi ta’ prodott li ma kinux profittabbli, il-valur normali ġie stabbilit bl-użu tal-ispiża tal-manifattura tal-produttur Brażiljan flimkien mal-ispejjeż tal-SG&A u l-profitt għat-tipi ta’ prodotti li huma profittabbli.

(95)

Billi l-produtturi esportaturi kollha li kkooperaw u li ngħataw TI għamlu bejgħ għall-esportazzjoni lejn l-Unjoni direttament lil klijenti indipendenti fl-Unjoni, il-prezzijiet tal-esportazzjoni kienu bbażati fuq il-prezzijiet li effettivament tħallsu jew li għandhom jitħallsu għall-prodott ikkonċernat, skont l-Artikolu 2(8) tar-Regolament bażiku.

(96)

Il-valur normali u l-prezzijiet tal-esportazzjoni tqabblu fuq bażi ta’ kif joħorġu mill-fabbrika. Il-marġini tad-dumping ġew stabbiliti permezz ta’ tqabbil tal-prezzijiet individwali kif joħorġu mill-fabbrika tal-esportaturi inklużi fil-kampjun mal-prezzijiet tal-bejgħ domestiċi tal-produttur analogu jew inkella mal-valur normali maħdum kif xieraq.

(97)

Bil-għan li jiġi żgurat tqabbil ġust bejn il-valur normali u l-prezz tal-esportazzjoni, sar provvediment xieraq fil-forma ta’ aġġustamenti għad-differenzi li jaffettwaw il-prezzijiet u l-komparabbiltà tal-prezzijiet skont l-Artikolu 2(10) tar-Regolament bażiku. L-aġġustamenti saru, fejn xieraq, fir-rigward tal-livell ta’ kummerċ, id-differenzi fil-karatteristiċi fiżiċi u għal fatturi oħrajn li jaffettwaw il-komparabbiltà tal-prezzijiet, b’mod partikolari l-immarkar (“branding”).

(98)

L-ewwel nett, ġie eżaminat jekk kienx mistħoqq livell ta’ aġġustament kummerċjali skont l-Artikolu 2(10)(d) tar-Regolament bażiku. F’dan ir-rigward, instab li l-esportazzjonijiet Ċiniżi essenzjalment saru fil-livell tal-bejgħ bl-ingrossa, filwaqt li l-bejgħ fil-pajjiż analogu sar fil-livell tal-bejgħ bl-imnut. L-investigazzjoni sabet ukoll li l-ktejjen tad-distribuzzjoni differenti fiż-żewġ swieq affettwaw il-livell tal-prezzijiet, biex b’hekk ġiet affettwata l-komparabbiltà tal-prezzijiet ġusti bejn il-prezz tal-esportazzjoni u l-valur normali. Barra minn hekk, l-investigazzjoni wriet ukoll li l-maġġoranza tat-tranżazzjonijiet ta’ bejgħ ta’ esportazzjonijiet Ċiniżi kienu saru fi kwantitajiet kbar, filwaqt li l-maġġoranza tat-tranżazzjonijiet ta’ bejgħ ta’ prodotti domestiċi fil-pajjiż analogu kienu saru fi kwantitajiet iżgħar, li rriżultaw f’differenzi fil-prezzijiet fuq l-istess livell ta’ kummerċ fiż-żewġ swieq rilevanti. Għaldaqstant, sabiex isir tqabbil ġust bejn il-prezz tal-esportazzjoni u l-valur normali, il-valur normali ġie aġġustat fuq il-bażi tad-differenzi fil-prezzijiet fi ħdan l-istess livell ta’ kummerċ fil-pajjiż analogu u, fejn hu l-każ, fuq il-bażi tad-differenzi fil-prezzijiet li nstabu fir-rigward tal-kwantitajiet mibjugħa f’kull livell tal-kummerċ.

(99)

It-tieni, ġie eżaminat jekk kienx mistħoqq aġġustament skont l-Artikolu 2(10)(a) tar-Regolament bażiku għad-differenzi fil-karatteristiċi fiżiċi. F’dan ir-rigward, l-investigazzjoni sabet li l-produtturi esportaturi Ċiniżi jikkwalifikaw il-prodotti tagħhom f’sa ħames gradi differenti li jvarjaw minn A sa E b’differenzi sinjifikanti fil-prezzijiet. Madankollu, il-maġġoranza vasta tal-esportazzjonijiet lejn l-Unjoni tikkonsisti minn grad A, grad B jew grad Ċ jew inkella taħlita tagħhom. Madankollu, din il-klassifikazzjoni mhijiex universali jew ibbażata fuq standards ġenerali tal-industrija kollha, iżda hija pjuttost speċifika għal xi kumpanija partikolari u tippermetti li jsir divrenzjar tal-prezzijiet. Min-naħa l-oħra, il-produttur tal-pajjiż analogu jbiegħ biss l-ekwivalenti tal-grad A fis-suq domestiku Brażiljan u għalhekk instab li l-komparabbiltà tal-prezzijiet ġiet affettwata. Għaldaqstant, il-prezz tal-esportazzjoni ġie aġġustat ‘il fuq għal-livell Ċiniż ta’ grad A sabiex ikun komparabbli mal-prodott mibjugħ mill-produttur analogu fis-suq Brażiljan.

(100)

It-tielet, l-investigazzjoni sabet li l-produttur Brażiljan ibiegħ biss prodotti tad-ditta fis-suq Brażiljan, filwaqt li l-produtturi esportaturi Ċiniżi ma jbiegħux prodotti tad-ditta, iżda minflok ibiegħu – l-hekk imsejħa – prodotti b’“tikketta privata” jew oġġetti taċ-ċeramika ġeneriċi ta’ fuq il-mejda u tal-kċina. Il-prodotti tad-ditta normalment ikunu perċepiti mill-klijenti bħala prodotti li juru ċertu prestiġju, kif ukoll kwalità u disinn garantiti, biex b’hekk jitolbu prezzijiet ogħla fis-suq, filwaqt li l-prodotti ġeneriċi (b’tikketta privata), minkejja li jkollhom l-istess karatteristiċi tekniċi u fiżiċi, ġeneralment jinbiegħu f’livelli ta’ prezzijiet konsiderevolment aktar baxxi. Filwaqt li l-valur addizzjonali ta’ prodott tad-ditta ġeneralment ma jkunx jista’ jiġi kkwantifikat b’mod preċiż minħabba li dan jiddependi fuq ħafna fatturi differenti, bħall-perċezzjoni tal-klijenti, ir-rikonoxximent tad-ditta u fatturi mhux kwantifikabbli oħrajn, f’dan il-każ partikolari, il-produttur Brażiljan ikkonferma li l-prodotti tad-ditta tiegħu magħmula miċ-ċeramika jistgħu jinbiegħu bi prezzijiet ogħla b’mod sinjifikanti fis-suq Brażiljan minn prodotti oħrajn mhux tad-ditta (ġeneriċi). Għaldaqstant, sar aġġustament ulterjuri fil-valur normali skont l-Artikolu 2(10)(k) tar-Regolament bażiku.

(101)

Saru aġġustamenti ulterjuri, fejn kien xieraq, fir-rigward tat-trasport, l-assigurazzjoni, l-ispejjeż tal-ġarr u l-ispejjeż anċillari, l-ippakkjar, il-kreditu, l-ispejjeż bankarji u l-kummissjonijiet fil-każijiet kollha fejn instab li kienu raġonevoli, preċiżi u appoġġjati minn evidenza.

(102)

Skont l-Artikoli 2(11) u 2(12) tar-Regolament bażiku, il-marġini tad-dumping għall-produtturi esportaturi mogħtija TI ġew stabbiliti fuq il-bażi ta’ tqabbil ta’ valur normali medju peżat stabbilit għall-pajjiż analogu, kif aġġustat mal-prezz medju peżat tal-esportazzjoni ta’ kull kumpanija, kif aġġustat, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas.

(103)

Ġiet ikkalkolata medja peżata tal-marġini tad-dumping tal-produtturi esportaturi inklużi fil-kampjun għal dawk il-produtturi esportaturi li kkooperaw mhux magħżula fil-kampjun. Fuq din il-bażi, il-marġini provviżorju tad-dumping għall-produtturi esportaturi mhux inklużi fil-kampjun, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, huwa ta’ 26.6 %.

(104)

Sabiex jiġi kkalkolat il-marġini tad-dumping mal-pajjiż kollu applikabbli għall-produtturi esportaturi mhux magħrufa jew li ma kkooperawx fir-RPĊ, il-livell tal-kooperazzjoni l-ewwel ġie stabbilit permezz ta’ tqabbil tal-volum tal-esportazzjonijiet lejn l-Unjoni rrapportati mill-produtturi esportaturi li kkooperaw mal-istatistika ekwivalenti tal-Eurostat.

(105)

F’din l-investigazzjoni, il-kooperazzjoni mir-RPĊ ġiet ikkunsidrata bħala għolja għal industrija frammentata billi l-produtturi esportaturi li ppreżentaw ruħhom jirrappreżentaw iktar minn 60 % tal-esportazzjonijiet totali fir-RPĊ lejn l-Unjoni tal-prodott ikkonċernat. Għalhekk, il-marġini mal-pajjiż kollu applikabbli għall-produtturi esportaturi l-oħrajn kollha ġie stabbilit bl-użu tal-medja peżata tal-ogħla marġini tad-dumping stabbiliti għat-tipi u l-volum tal-prodott rappreżentattiv tal-produtturi esportaturi magħżula fil-kampjun. Fuq din il-bażi, il-livell ta’ dumping mal-pajjiż kollu ġie stabbilit b’mod provviżorju f’perċentwal ta’ 58.8 % tal-prezz CIF fil-fruntiera tal-Unjoni, bid-dazju mhux imħallas.

(106)

Fuq din il-bażi, il-marġini provviżorji tad-dumping espressi bħala perċentwali tal-prezz CIF fil-fruntiera tal-Unjoni, bid-dazju mhux imħallas, huma:

(107)

L-informazzjoni kollha disponibbli dwar il-produtturi tal-Unjoni, inkluża d-dejta rrapportata fl-ilment u s-sottomissjonijiet sussegwenti fir-rigward tal-produtturi li ma ppreżentawx ruħhom f’din l-investigazzjoni, intużat biex tistabbilixxi l-produzzjoni totali tal-Unjoni. Il-produzzjoni totali tal-prodott simili mill-Unjoni ġiet ikkalkolata billi ġiet estrapolata d-dejta pprovduta mill-assoċjazzjonijiet nazzjonali u Ewropej, kontravverifikata mad-dejta pprovduta minn produtturi individwali kif ukoll ma’ sorsi ta’ statistika u riċerka.

(108)

Matul il-PI, il-prodott simili kien immanifatturat fl-Unjoni minn aktar minn 200 produttur tal-Unjoni. Fuq il-bażi msemmija fil-premessa preċedenti, il-produzzjoni totali tal-Unjoni ġiet stmata li kienet ta’ madwar 240 200 tunnellata matul il-PI. Il-produtturi tal-Unjoni, li huma responsabbli mill-produzzjoni totali tal-Unjoni, jikkostitwixxu l-industrija tal-Unjoni skont it-tifsira tal-Artikolu 4(1) tar-Regolament bażiku u minn hawn ‘il quddiem issir referenza għalihom bħala l-‘industrija tal-Unjoni’. L-industrija tal-Unjoni inqasmet f’żewġ segmenti: SMEs u kumpaniji akbar. L-SMEs kienu responsabbli għal madwar 42 % tal-produzzjoni totali tal-Unjoni f’dak il-perjodu. Fil-fatt, il-produzzjoni tal-Unjoni hija frammentata ħafna, għalkemm hija kkonċentrata fir-Repubblika Ċeka, fir-Repubblika Franċiża (Franza), fil-Ġermanja, fl-Italja, fir-Repubblika tal-Polonja (il-Polonja), fir-Repubblika Portugiża (il-Portugall), fir-Rumanija, fir-Renju ta’ Spanja (Spanja) u fir-Renju Unit tal-Gran Brittanja u l-Irlanda ta’ Fuq (ir-Renju Unit).

(109)

Il-konsum tal-Unjoni ġie stabbilit fuq il-bażi tal-istatistika dwar l-importazzjonijiet tal-Eurostat għall-prodott taħt investigazzjoni u s-sottomissjonijiet rigward il-bejgħ tal-industrija tal-Unjoni fis-suq tal-Unjoni.

(110)

Fuq din il-bażi, il-konsum tal-Unjoni żviluppa kif ġej:

Tabella 1

(111)

Il-konsum ta’ oġġetti taċ-ċeramika ta’ fuq il-mejda u tal-kċina fl-Unjoni naqas globalment bi 12 % matul il-perjodu kkunsidrat. It-tnaqqis prinċipali bi 17 % sar bejn l-2008 u l-2009.

(112)

Dan it-tnaqqis globali fil-konsum matul il-perjodu kkunsidrat għandu jidher f’konnessjoni ma’ sitwazzjoni ta’ rkupru wara l-kriżi ekonomika tal-2009. Illum il-ġurnata, hemm prospetti tajbin għas-suq tal-oġġetti taċ-ċeramika ta’ fuq il-mejda u tal-kċina. (6)

(113)

Fuq il-bażi tad-dejta tal-Eurostat, il-volum, is-sehem tas-suq u l-prezzijiet medji tal-importazzjonijiet tal-prodott ikkonċernat żviluppaw kif stabbilit fit-Tabella ta’ hawn taħt:

Tabella 2

(114)

Il-volum tal-importazzjonijiet totali miċ-Ċina naqas b’9 % matul il-perjodu kkunsidrat u kien jammonta għal 485 814 tunnellata matul il-PI. Madankollu, f’termini ta’ perċentwali, ta’ min jinnota li l-importazzjonijiet miċ-Ċina naqsu għal inqas mill-konsum globali tal-UE. Tabilħaqq, meta analizzat mill-perspettiva tal-perjodu kollu kkunsidrat, is-sehem tas-suq tal-importazzjonijiet Ċiniżi żdied minn 64.8 % fl-2008 għal 66.9 % fil-PI.

(115)

Il-prezz tal-importazzjoni żdied bi 17.7 % matul il-perjodu kkunsidrat, minn 1 274 EUR kull tunnellata għal 1 499 EUR kull tunnellata. Dan huwa l-prezz medju tal-importazzjoni għal kull tunnellata tal-importazzjonijiet kollha tal-prodott ikkonċernat u għalhekk, ix-xejra tista’ tiġi affettwata mill-bidliet fit-taħlita tal-prodott.

(116)

Għall-finijiet tat-twaqqigħ tal-prezzijiet, il-prezzijiet tal-bejgħ medji peżati tal-produtturi tal-Unjoni inklużi fil-kampjun lil klijenti mhux relatati fis-suq tal-Unjoni, aġġustati għal livell ex-works, jiġifieri esklużi l-ispejjeż tal-merkanzija fl-Unjoni u wara t-tnaqqis ta’ skontijiet u roħs, tqabblu mal-prezzijiet medji peżati korrispondenti tal-esportaturi li kkooperaw mir-RPĊ lill-ewwel klijent indipendenti fis-suq tal-Unjoni, jiġifieri l-iskontijiet imnaqqsin u aġġustati fejn meħtieġ għall-prezz CIF fuq il-fruntiera tal-Unjoni, kif ukoll debitament aġġustati għad-dazji doganali eżistenti, l-ispejjeż tar-rilaxx mid-dwana u l-ispejjeż ta’ wara l-importazzjoni. Il-prezzijiet ta’ prodotti ta’ gradi aktar baxxi ġew aġġustati għall-prezzijiet ta’ prodotti fil-livell ta’ grad A minħabba li, minn perspettiva tal-konsumaturi, il-prodotti ta’ grad aktar baxx instabu li kienu qegħdin jikkompetu mal-prodotti fil-livell ta’ grad A, kif ġie konkluż ukoll fil-premessa (61) aktar ‘il fuq. Il-prezzijiet tal-industrija tal-Unjoni ġew aġġustati wkoll għad-differenzi fil-livell tal-kummerċ u sabiex jiġi newtralizzat l-element tal-prezz relatat mal-immarkar (branding), jekk ikun applikabbli.

(117)

It-tqabbil wera li matul il-PI, il-prodotti li huma l-oġġett ta’ dumping ikkonċernati li joriġinaw mir-RPĊ u li jinbiegħu fl-Unjoni waqqgħu l-prezzijiet tal-bejgħ tal-industrija tal-Unjoni, meta espressi bħala perċentwal tal-aħħar, b’26.3 % għal 47.6 %.

(118)

Skont l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indiċijiet rilevanti kollha li kellhom impatt fuq l-istat tal-industrija tal-Unjoni.

(119)

L-indikaturi makro-ekonomiċi (il-produzzjoni, il-kapaċità tal-produzzjoni, l-utilizzazzjoni tal-kapaċità, il-volum tal-bejgħ, is-sehem mis-suq, l-impjiegi, il-produttività u d-daqs tal-marġini tad-dumping) ġew analizzati fil-livell tal-produzzjoni sħiħa tal-Unjoni. Il-valutazzjoni kienet ibbażata fuq l-informazzjoni pprovduta mill-assoċjazzjonijiet nazzjonali u Ewropej, iċċekkjata mad-dejta pprovduta mill-produtturi tal-Unjoni u mal-istatistika uffiċjali disponibbli.

(120)

L-analiżi tal-indikaturi mikro-ekonomiċi (il-ħażniet, il-prezzijiet tal-bejgħ, il-profittabbiltà, il-fluss tal-flus, l-investimenti, ir-redditu fuq l-investimenti, il-possibbiltà li jiżdied il-kapital, il-pagi u l-ispiża tal-produzzjoni) twettqet fil-livell tal-produtturi tal-Unjoni inklużi fil-kampjun. Il-valutazzjoni kienet ibbażata fuq l-informazzjoni tagħhom, ivverifikata kif xieraq.

(121)

Għal ċerti indikaturi mikro-ekonomiċi (il-prezzijiet tal-bejgħ, il-profittabbiltà, ir-redditu fuq l-investimenti u l-ispiża tal-produzzjoni) ir-riżultati tal-kumpaniji inklużi fil-kampjun fis-segment speċifiku ġew peżati skont is-sehem ta’ dak is-segment fil-produzzjoni totali tal-Unjoni (bl-użu tal-piż speċifiku f’termini tal-volumi tal-produzzjoni ta’ kull segment fis-settur totali tal-oġġetti taċ-ċeramika ta’ fuq il-mejda – 42 % għall-SMEs, 58 % għal intrapriżi mhux SMEs). Bħala konsegwenza, ġie żgurat li r-riżultati tal-kumpaniji kbar ma ħolqu ebda distorsjoni fl-analiżi tal-ħsara, iżda li s-sitwazzjoni tal-kumpaniji iżgħar, li b’mod kollettiv jammontaw għal sehem kbir tal-produzzjoni tal-Unjoni, ġiet riflessa sewwa fejn possibbli.

(122)

Matul il-perjodu kkunsidrat, il-produzzjoni, il-kapaċità tal-produzzjoni u l-utilizzazzjoni tal-kapaċità tal-industrija tal-Unjoni żviluppaw kif stabbilit hawn taħt.

Tabella 3

(123)

Il-produzzjoni tal-industrija tal-Unjoni naqset bi 15 % matul il-perjodu kkunsidrat. F’termini ġenerali, it-tnaqqis huwa aktar pronunzjat mit-tnaqqis fil-konsum tal-Unjoni matul l-istess perjodu. Il-produzzjoni ma rkupratx bl-istess mod kif għamel il-konsum fl-2010.

(124)

Il-kapaċità tal-produzzjoni tal-industrija tal-Unjoni naqset bi 13 % matul il-perjodu kkunsidrat. Minkejja dan, ir-rata tal-utilizzazzjoni tal-kapaċità tal-industrija kompliet tonqos matul il-perjodu kkunsidrat, globalment bi 2 % għal 74.1 %.

(125)

Il-bejgħ tal-industrija tal-Unjoni fis-suq tal-Unjoni lil klijenti mhux relatati naqas b’rata ogħla (8 % aktar) mit-tnaqqis fil-konsum matul il-perjodu kkunsidrat. Huwa innotat li bejn l-2009 u l-2010, il-volum tal-bejgħ kompla jonqos, filwaqt li l-konsum tal-Unjoni żdied bi 8 %.

Tabella 4

(126)

Is-sehem mis-suq tal-industrija tal-Unjoni naqas b’9 % matul il-perjodu kkunsidrat, jew b’2.1 punti perċentwali.

Tabella 5

(127)

Matul il-perjodu kkunsidrat, l-impjiegi naqsu b’21 %. Ix-xejra ssegwi l-istess mudell bħat-tnaqqis tal-volumi tal-bejgħ fis-suq tal-Unjoni lil klijenti mhux relatati.

Tabella 6

(128)

Il-produttività tal-forza tax-xogħol tal-industrija tal-Unjoni, imkejla bħala produzzjoni għal kull persuna impjegata kull sena, żdiedet bi 8 % matul il-perjodu kkunsidrat. Dan huwa parzjalment dovut għall-isforzi tal-industrija tal-Unjoni li twieġeb għall-pressjoni li rriżultat mill-importazzjonijiet li huma l-oġġett ta’ dumping miċ-Ċina.

Tabella 7

(129)

Il-marġini tad-dumping huma speċifikati hawn fuq fit-taqsima tad-dumping. Il-marġini kollha stabbiliti huma ogħla b’mod sinjifikanti mil-livell de minimis. Barra minn hekk, minħabba l-volumi u l-prezzijiet tal-importazzjonijiet li huma l-oġġett ta’ dumping, l-impatt tal-marġini proprju tad-dumping ma jistax jitqies bħala negliġibbli.

(130)

Il-livell tal-ħażniet tal-għeluq tal-industrija tal-Unjoni naqas f’termini assoluti b’14 % matul il-perjodu kkunsidrat. L-investigazzjoni żvelat li dan mhuwiex indikatur kruċjali għal dan it-tip ta’ industrija, li bażikament taħdem fuq l-ordnijiet.

Tabella 8

(131)

Il-prezzijiet tal-bejgħ tal-industrija tal-Unjoni fis-suq tal-Unjoni naqsu bi 12 % matul il-perjodu kkunsidrat.

Tabella 9

(132)

Matul il-perjodu kkunsidrat, il-profittabbiltà, il-fluss tal-flus, ir-redditu fuq l-investiment (ROI), il-possibbiltà li jiżdied il-kapital, l-investimenti u l-pagi tal-industrija tal-Unjoni żviluppaw kif ġej:

Tabella 10

(133)

Il-profittabbiltà tal-industrija tal-Unjoni naqset b’0.7 punti perċentwali matul il-perjodu kkunsidrat. Il-profittabbiltà kienet fl-aktar livell baxx tagħha fl-2010 meta d-daqs tat-tnaqqis laħaq 4.1 punti perċentwali bejn l-2008 u l-2010.

(134)

Għandu jiġi enfasizzat li l-industrija tal-Unjoni kienet diġà fi stat fraġli fil-bidu tal-perjodu kkunsidrat, minħabba l-volumi kbar ta’ importazzjonijiet bi prezz baxx miċ-Ċina fis-suq tal-Unjoni, li żdiedu ħafna bejn l-2002 u l-2004 u li kienu laħqu sehem mis-suq sinjifikanti ħafna wara t-tneħħija tal-kwota tal-importazzjoni għal tali importazzjonijiet mill-2005. Dan ikkawża ristrutturazzjoni kbira tas-settur, li kienet waslet fil-fażi tal-għeluq tagħha fil-bidu tal-perjodu kkunsidrat.

(135)

Għalhekk, fid-dawl ta’ dan l-iżvilupp qabel il-perjodu kkunsidrat, il-profitt miksub fil-bidu tal-perjodu kkunsidrat ma jistax jitqies bħala profitt normali. Fin-nuqqas ta’ sottomissjoni f’dan ir-rigward, huwa kkunsidrat li l-livell tal-profitt normali għal prodott tal-konsumatur ieħor importanti u użat b’mod wiesa’ li kien soġġett għal investigazzjoni ta’ antidumping, jiġifieri żraben tal-ġilda, jista’ minflok iservi b’mod provviżorju bħala referenza valida. Dak il-livell ta’ profitt huwa ta’ 6 %. (7) B’hekk, jidher ċar li, b’mod ġenerali, l-industrija tal-Unjoni, matul il-perjodu kkunsidrat, qatt ma setgħet tilħaq livell ta’ profitt li jista’ jitqies bħala aċċettabbli għal dan il-prodott.

(136)

B’mod ġenerali, il-fluss tal-flus tal-industrija tal-Unjoni żdied b’mod sinjifikanti matul il-perjodu kkunsidrat. Madankollu, dan għandu jiġi attribwit għal xi kumpaniji akbar u stabbiliti sewwa – dan ma kienx il-każ għall-SMEs. Il-livell ta’ investimenti netti naqas bi 33 %. Madankollu, għandu jiġi innotat li sal-aħħar tal-perjodu kkunsidrat għall-SMEs, il-livell ta’ investimenti kien sar kważi ineżistenti. Kienu biss żewġ intrapriżi mhux SMEs li felħu jagħmlu xi investimenti sinjifikanti matul il-perjodu kkunsidrat. It-tnaqqis tar-redditu fuq l-investiment kien ogħla mit-tnaqqis qawwi fil-profittabbiltà matul il-perjodu kollu kkunsidrat.

(137)

Bejn l-2008 u l-PI, il-paga medja għal kull impjegat żdiedet bi 2 %. Din iż-żieda fl-ispejjeż tax-xogħol hija inqas b’mod sinjifikanti mill-iżvilupp ġenerali fl-ispejjeż tax-xogħol fl-Unjoni matul il-perjodu kkunsidrat, li tissuġġerixxi li l-industrija tal-Unjoni għamlet sforzi biex iżżomm il-pagi tax-xogħol kemm jista’ jkun baxxi.

(138)

Matul il-perjodu kkunsidrat, l-ispejjeż tal-produzzjoni naqsu b’10 %.

Tabella 11

(139)

L-investigazzjoni wriet li l-indikaturi tal-ħsara, bħall-volum tal-produzzjoni, il-kapaċità, il-bejgħ lil klijenti mhux relatati u l-impjiegi, iddeterjoraw matul il-perjodu kkunsidrat.

(140)

Barra minn hekk, l-indikaturi tal-ħsara relatati mal-prestazzjoni finanzjarja tal-produtturi tal-Unjoni, bħall-profittabbiltà, l-investimenti u r-redditu fuq l-investimenti żviluppaw b’mod negattiv matul il-perjodu kkunsidrat.

(141)

B’mod ġenerali, il-profittabbiltà mhux biss qatt ma laħqet livell ta’ profitt sodisfaċenti għas-settur, iżda hija ddeterjorat matul il-perjodu kkunsidrat. It-tnaqqis kontinwu fil-prezzijiet tal-bejgħ mill-industrija tal-Unjoni wassal biex kien hemm punt meta l-industrija kważi ma setgħet tagħmel ebda profitt.

(142)

Għalkemm il-produttività tal-industrija tal-Unjoni żdiedet matul il-perjodu kkunsidrat, dan huwa primarjament dovut għall-isforzi sinjifikanti tagħha li tikkompeti kontra l-importazzjonijiet Ċiniżi li huma l-oġġett ta’ dumping bi preżenza għolja.

(143)

B’kunsiderazzjoni ta’ dak li ntqal hawn fuq, ġie konkluż b’mod provviżorju li l-industrija tal-Unjoni ġarrbet ħsara materjali skont it-tifsira tal-Artikolu 3(5) tar-Regolament bażiku.

(144)

Skont l-Artikolu 3(6) u 3(7) tar-Regolament bażiku, ġie eżaminat jekk l-importazzjonijiet li huma l-oġġett ta’ dumping miċ-Ċina kkawżawx ħsara lill-industrija tal-Unjoni sa tali grad li tista’ titqies bħala ħsara materjali. Barra minn hekk, il-fatturi magħrufa minbarra l-importazzjonijiet li huma l-oġġett ta’ dumping, li setgħu kkawżaw ħsara lill-industrija tal-Unjoni, ġew eżaminati sabiex jiġi żgurat li kwalunkwe ħsara kkawżata minn dawk il-fatturi ma kinitx attribwita lill-importazzjonijiet li huma l-oġġett ta’ dumping.

(145)

L-investigazzjoni wriet li l-konsum tal-Unjoni naqas bi 12 % matul il-perjodu kkunsidrat. Fl-istess ħin, filwaqt li l-volum tal-importazzjonijiet li huma l-oġġett ta’ dumping miċ-Ċina naqas b’madwar 9 %, is-sehem mis-suq tagħhom żdied. Barra minn hekk, il-volum tal-bejgħ tal-industrija tal-Unjoni naqas b’20 % u s-sehem mis-suq naqas minn 23 % fl-2008 għal 20.9 % matul il-PI.

(146)

Fil-perjodu mill-2009 sal-aħħar tal-PI, il-konsum tal-Unjoni żdied filwaqt li s-sehem mis-suq tal-industrija tal-Unjoni naqas, b’kuntrast ma’ żieda fl-importazzjonijiet li huma l-oġġett ta’ dumping miċ-Ċina, li s-sehem mis-suq tagħhom żdied b’mod sinjifikanti matul dak il-perjodu.

(147)

Il-prezzijiet tal-importazzjonijiet li huma l-oġġett ta’ dumping miċ-Ċina żdiedu matul il-perjodu kkunsidrat. Anki jekk fil-perjodu kkunsidrat il-prezz medju tal-importazzjoni miċ-Ċina żdied bi 18 %, dawn il-prezzijiet baqgħu konsistentement aktar baxxi b’mod sinjifikanti mill-prezzijiet tal-bejgħ tal-industrija tal-Unjoni u b’mod partikolari matul il-PI, sabiex b’hekk inżammet il-pressjoni fuq il-prezzijiet fis-suq tal-Unjoni. Konsegwentement, it-tnaqqis qawwi fil-prezzijiet tal-bejgħ tal-industrija tal-Unjoni fis-suq tal-Unjoni u l-profittabbiltà tagħha jistgħu jiġu attribwiti għat-tnaqqis fil-prezzijiet ikkawżat fis-suq tal-Unjoni mill-importazzjonijiet li huma l-oġġett ta’ dumping miċ-Ċina. It-tnaqqis fil-ispejjeż tal-produzzjoni u fil-livell tal-impjiegi tal-industrija tal-Unjoni juri l-isforzi li hija għamlet sabiex twieġeb għal dawn l-importazzjonijiet.

(148)

Fuq il-bażi ta’ dak li ntqal hawn fuq, nistgħu nikkonkludu li l-preżenza tal- importazzjonijiet Ċiniżi u ż-żieda fis-sehem mis-suq ta’ importazzjonijiet li huma l-oġġett ta’ dumping miċ-Ċina bi prezzijiet li jbaxxu b’mod kostanti l-prezzijiet tal-industrija tal-Unjoni kellhom rwol determinanti fil-ħsara materjali mġarrba mill-industrija tal-Unjoni, li hija riflessa b’mod partikolari fis-sitwazzjoni finanzjarja ħażina tagħha u fid-deterjorazzjoni ta’ ħafna mill-indikaturi tal-ħsara.

(149)

Il-fatturi l-oħrajn li ġew eżaminati fil-kuntest tal-kawżalità huma: l-iżvilupp tad-domanda fis-suq tal-Unjoni u s-segmentazzjoni tiegħu, il-prestazzjoni tal-esportazzjoni tal-industrija tal-Unjoni, l-importazzjonijiet minn pajjiżi oħrajn tal-prodott taħt investigazzjoni, prattiċi anti-kompetittivi fis-suq tal-Unjoni, id-differenzi fil-metodi tal-produzzjoni u s-suq ta’ prodotti użati. Barra minn hekk, ġew analizzati wkoll fatturi oħrajn.

(150)

Il-volum ta’ importazzjonijiet minn pajjiżi terzi oħrajn matul il-perjodu kkunsidrat jidher fit-Tabella ta’ hawn taħt. Ix-xejriet tal-kwantitajiet u tal-prezzijiet huma bbażati fuq id-dejta tal-Eurostat.

Tabella 12

(151)

L-importazzjonijiet minn pajjiżi terzi naqsu bi 12 % matul il-perjodu kkunsidrat, filwaqt li s-sehem mis-suq ta’ dawn l-importazzjonijiet baqa’ pjuttost stabbli.

(152)

Għandu jiġi innotat li l-prezzijiet medji tal-importazzjoni minn pajjiżi terzi oħrajn żdiedu b’6 % matul il-perjodu kkunsidrat, biex b’hekk baqgħu ogħla b’mod konsistenti mill-prezzijiet medji tal-bejgħ ta’ esportazzjonijiet Ċiniżi (bi 68 % matul il-PI).

(153)

Is-CCCLA osservat li l-importazzjonijiet mit-Turkija setgħu żdiedu bi 8 % bejn l-2010 u l-2011, bil-prezzijiet tal-importazzjoni mit-Turkija kienu allegatament madwar 20 % biss ogħla mill-prezzijiet tal-importazzjoni miċ-Ċina.

(154)

Fir-rigward ta’ din it-talba, huwa innotat li meta tqabblet is-sitwazzjoni fil-bidu u fl-aħħar tal-perjodu kkunsidrat, il-volumi tal-importazzjoni mit-Turkija żdiedu b’10 % jew 1.1 punt perċentwali, kif ukoll li l-prezzijiet medji tagħhom baqgħu konsistentement ferm ogħla (minn 37 % sa 60 %) mill-prezzijiet tal-importazzjonijiet Ċiniżi. Barra minn hekk, huma qatt ma rrappreżentaw aktar minn 5.6 % tas-sehem mis-suq. Għalhekk, huwa diffiċli li wieħed jikkonkludi li l-ħsara materjali mġarrba mill-industrija tal-Unjoni hija dovuta għall-importazzjonijiet mit-Turkija.

(155)

Għar-raġunijiet imsemmija fuq, huwa konkluż li l-importazzjonijiet minn pajjiżi terzi oħrajn ma affettwawx is-sitwazzjoni tal-industrija tal-Unjoni b’mod materjali.

(156)

Assoċjazzjoni ta’ importaturi bbażata fil-Ġermanja u wħud mill-membri tagħha sostnew li, fuq il-bażi tal-prezzijiet tal-klijenti finali, il-kwalitajiet tal-prodotti u l-mezzi tal-bejgħ, is-suq għall-prodotti taċ-ċeramika taħt investigazzjoni għandu jinqasam mill-inqas fit-tliet segmenti li ġejjin: primjum (kwalità għolja, prezzijiet għoljin), medju/baxx (kwalità medja/baxxa, prezzijiet medji/baxxi) u prodotti speċjali (bħal oġġetti dekorattivi, souvenirs, qsari u porċellana tal-lukandi). Allegatament, il-maġġoranza tal-produzzjoni tal-Unjoni tinbiegħ fis-suq primjum u/jew fis-suq tal-prodotti speċjali, filwaqt li l-importazzjonijiet miċ-Ċina jservu b’mod predominanti s-segment tas-suq tal-prodotti bi prezzijiet baxxi. L-industrija tal-Unjoni timmira l-aktar lejn ħwienet żgħar li jbiegħu prodotti tal-aħħar moda minflok postijiet minn fejn jagħmlu x-xiri tagħhom il-konsumaturi standard. Għalhekk, l-importazzjonijiet miċ-Ċina ma jikkompetux direttament mal-produzzjoni tal-Unjoni.

(157)

Madankollu, l-investigazzjoni ma kkonfermatx l-allegazzjonijiet. L-ewwel nett, ta’ min jinnota li l-prodott simili ma jkoprix ċerti oġġetti msemmija minn dawn il-partijiet, bħal oġġetti purament dekorattivi (ara l-premessi (51) u (52)). It-tieni, l-investigazzjoni wriet li bħalissal-produzzjoni tal-Unjoni qiegħda sservi s-swieq kollha, l-istess bħall-importazzjonijiet miċ-Ċina. Fil-fatt, parti rilevanti mill-importazzjonijiet Ċiniżi jaqgħu taħt l-hekk imsejħa segmenti primjum jew ta’ prodotti speċjali. Importatur Brittaniku ddikjara li huwa kien qiegħed jimporta prodotti primjum miċ-Ċina, filwaqt li grupp ta’ kumpaniji mill-UE b’interess ta’ produzzjoni fiċ-Ċina wkoll irreferew għall-prezzijiet għoljin ħafna li kienu qegħdin jintalbu fis-suq tal-Unjoni għal prodotti tal-ġebel li joriġinaw miċ-Ċina.

(158)

Fl-aħħar nett, issir referenza għat-taqsima B.1.2 ta’ hawn fuq fejn ġie konkluż li t-tipi kollha tal-prodott ikkonċernat u tal-prodott simili kienu meqjusa bħala li jifformaw prodott wieħed. B’hekk, l-analiżi għandha titwettaq fil-livell tal-prodott ikkonċernat u tal-prodott simili. Għalhekk, kwalunkwe talba rigward ċerti segmenti ma tistax tinżamm.

(159)

Assoċjazzjoni Ewropea tal-importaturi u l-bejjiegħa bl-imnut u s-CCCLA identifikaw tnaqqis fid-domanda fl-Unjoni. Importatur wieħed mhux inkluż fil-kampjun qal li d-domanda għall-porċellana, b’mod partikolari fil-livelli subordinati u anċillari u fis-settur privat, naqset bil-kbir u li d-domanda li jifdal hija estremament diversifikata. Bl-istess mod, bosta partijiet sostnew li minħabba l-modi dejjem jinbidlu, illum il-ġurnata, il-konsumaturi qegħdin ifittxu oġġetti taċ-ċeramika ta’ fuq il-mejda u tal-kċina affordabbli. Fil-fehma ta’ bejjiegħ bl-ingrossa, is-suq primjum fl-ogħla livell qiegħed jonqos u ser ikompli jonqos matul is-snin li ġejjin.

(160)

Skont l-assoċjazzjoni Ewropea tal-importaturi u l-bejjiegħa bl-imnut imsemmija hawn fuq, it-tnaqqis fid-domanda jispjega t-tnaqqis fil-bejgħ u fil-produzzjoni mill-produtturi tal-Unjoni matul il-perjodu kkunsidrat.

(161)

Is-CCCLA ddikjarat li l-ilment wera varjazzjoni sostanzjali fil-livell ta’ konsum fl-Unjoni matul il-perjodu kkunsidrat, skont kondizzjonijiet makro-ekonomiċi ġenerali. Skont is-CCCLA, matul il-perjodu kkunsidrat, il-fatturi tal-ħsara żviluppaw b’mod parallel mal-varjazzjonijiet fid-domanda fl-Unjoni u fi swieq oħrajn, filwaqt li kemm il-bejgħ mill-produtturi tal-Unjoni kif ukoll il-bejgħ tal-importazzjonijiet Ċiniżi segwew il-bidliet fid-domanda.

(162)

Assoċjazzjoni ta’ importaturi bbażata fil-Ġermanja u wħud mill-membri tagħha sostnew li l-figuri tal-importazzjonijiet miċ-Ċina wara t-tkabbir tal-Unjoni fl-2004 u t-tneħħija tal-kwoti tal-importazzjoni għal dan il-prodott mill-1 ta’ Jannar 2005 jindikaw domanda kbira ħafna għal oġġetti ta’ fuq il-mejda irħas fis-suq tal-Unjoni bejn l-2002 u l-2005, li kienet segwita minn tnaqqis bejn l-2005 u l-2010. Allegatament, il-produtturi tal-Unjoni ma kienux lesti u/jew kapaċi jissodisfaw din id-domanda.

(163)

Fir-rigward ta’ dawn it-talbiet, l-ewwel nett, issir referenza għat-taqsima B.1.2 ta’ hawn fuq fejn ġie konkluż li t-tipi kollha tal-prodott ikkonċernat u tal-prodott simili kienu meqjusa bħala li jifformaw prodott wieħed. Għalhekk, kwalunkwe talba rigward ċerti livelli mhijiex rilevanti u l-analiżi għandha titwettaq fil-livell tal-prodott ikkonċernat u tal-prodott simili.

(164)

It-tieni, l-allegazzjoni li l-fatturi tal-ħsara żviluppaw b’mod parallel mal-varjazzjonijiet fid-domanda fi swieq oħrajn tal-esportazzjoni hija kkontestata mill-fatt li l-eżekuzzjoni tal-esportazzjoni mill-produtturi tal-Unjoni inklużi fil-kampjun żviluppat b’mod pożittiv matul il-perjodu kkunsidrat.

(165)

It-tielet, kif ġie konkluż fit-taqsima D.2 ta’ hawn fuq, il-konsum naqas matul il-perjodu kkunsidrat. Ma kien hemm ebda evidenza li tikkonferma li l-produtturi tal-Unjoni ma ridux u/jew ma kinux kapaċi jissodisfaw domanda għolja għal oġġetti ta’ fuq il-mejda irħas fl-Unjoni. Għall-kuntrarju, l-investigazzjoni sabet li matul il-perjodu kkunsidrat, il-produtturi tal-Unjoni kienu qegħdin jilħqu d-domanda ta’ diversi tipi, inkluż għal oġġetti ta’ fuq il-mejda irħas. Anki li kieku kien hemm varjazzjonijiet fil-livell ta’ konsum fl-Unjoni matul il-perjodu kkunsidrat, li fi stadju jew ieħor kienu jikkontribwixxu għall-prestazzjoni ħażina tal-industrija tal-Unjoni, b’mod ġenerali, ma jistax jiġi kkunsidrat li dawn kellhom impatt b’tali mod li jkissru r-rabta kawżali bejn l-importazzjonijiet li huma l-oġġett ta’ dumping u s-sitwazzjoni dannuża ta’ dik l-industrija mġarrba matul il-PI.

(166)

Għalhekk, it-talbiet ġew miċħuda.

(167)

Skont id-dejta mill-Eurostat (il-volum tal-esportazzjoni) u mill-produtturi tal-Unjoni inklużi fil-kampjun (il-prezz medju tal-esportazzjoni), l-esportazzjonijiet mill-industrija tal-Unjoni żviluppaw kif ġej matul il-perjodu kkunsidrat:

Tabella 13