IL-MINISTRU GĦALL-AFFARIJIET EKONOMIĊI, L-AGRIKOLTURA U L-INNOVAZZJONI,

Filwaqt li jaġixxi bi qbil mal-Ministru għall-Infrastruttura u l-Ambjent u l-Ministru għad-Difiża;

Wara li kkunsidra l-Artikolu 20(1) u (2) tal-Att tal-Konservazzjoni tan-Natura tal-1998 (Natuurbeschermingswet 1998), qed jiġi ristrett l-aċċess għaż-żoni speċifikament imsemmija li ġejjin, billi din hija miżura neċessarja sabiex jiġi mħares il-valur ambjentali taż-żoni rilevanti.

Introduzzjoni

L-Artikolu 20(1) tal-Att tal-Konservazzjoni tan-Natura tal-1998 jipprovdi li l-Eżekuttivi Provinċjali jistgħu jillimitaw l-aċċess għal xi partijiet jew il-partijiet kollha ta’ sit ta’ Natura 2000 fejn dan ikun meħtieġ għall-protezzjoni tal-valur ambjentali.

L-Artikolu 20(2) tal-Att tal-Konservazzjoni tan-Natura tal-1998 jipprovdi li jekk is-sit kif imsemmi fil-paragrafu (1) ikun ġestit b’mod sħiħ jew parzjali minn jew f’isem il-Ministru Tagħna jew xi ieħor mill-Ministri Tagħna, l-awtorità msemmija fil-paragrafu (1) għandha tiġi eżerċitata mill-Ministru għall-Affarijiet Ekonomiċi, l-Agrikoltura u l-Innovazzjoni, bi qbil mal-Ministru Tagħna l-ieħor. F’dan il-każ “il-Ministru Tagħna l-ieħor” tirreferi għall-Ministru għall-Infrastruttura u l-Ambjent u l-Ministru għad-Difiża.

Id-digriet li ġej kien adottat bi qbil ma’ dawn iż-żewġ Ministri.

Skont l-Artikolu 20(3) tal-Att tal-Konservazzjoni tan-Natura tal-1998, mhix permessa preżenza umana f’sit Natura 2000, jew f’partijiet tiegħu, meta din tiġi f’kunflitt mar-restrizzjonijiet imposti fil-paragrafi (1) u (2).

L-Artikolu 20(4) tal-Att tal-Konservazzjoni tan-Natura tal-1998 jipprovdi li l-projbizzjoni msemmija fil-paragrafu (3) ma tapplikax għas-sidien ta’ siti Natura 2000.

Huwa neċessarju li jiġi limitat l-aċċess għal għadd ta’ sottożoni fi ħdan is-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan. L-aċċess qed jiġi ristrett sabiex jintlaħqu l-miri ta’ Natura 2000 li jirriżultaw mid-Direttivi (KEE) Nru 79/409 u Nru 92/43, u sabiex jiġi implimentat il-ftehim dwar il-miżuri tas-sajd f’żoni protetti tal-Baħar tat-Tramuntana (akkoord Visserijmaatregelen Beschermde Gebieden Noordzee; minn hawn ‘il quddiem: VIBEG). In-noti ta’ spjegazzjoni għal dan id-digriet jipprovdu aktar dettalji.

Dan id-digriet ġie nnotifikat lill-Kummissjoni Ewropea minħabba li sejjer japplika wkoll għall-bastimenti tas-sajd barranin. Notifika bħal din hija meħtieġa minn perspettiva legali sabiex dawn ir-regoli jkunu jistgħu jiġu applikati għall-bastimenti tas-sajd barranin skont il-Politika Komuni tas-Sajd Ewropea. L-istrument tal-liċenzja kien innotifikat ukoll b’dan il-mod sabiex ikun jista’ jiġi applikat fil-ġejjieni fir-rigward ta’ tipi oħra ta’ sajd differenti mit-tkarkir bit-travu.

JIDDIGRIETA DAN LI ĠEJ:

Artikolu 1

Għall-finijiet ta’ dan id-digriet għandhom japplikaw id-definizzjonijiet li ġejjin:

Pjan ta’ ġestjoni: Pjan ta’ ġestjoni kif imsemmi fl-Artikolu 19b tal-Att tal-Konservazzjoni tan-Natura tal-1998.

L-aħjar tekniki u prattiċi tas-sajd disponibbli: Metodi tas-sajd u sistemi ta’ ġestjoni tas-sajd ippruvati u ttestjati li jkunu aċċettati mill-awtorità kompetenti f’dak il-mument bħala l-aħjar tekniki, meta jitqiesu kwistjonijiet bħall-ekoloġija, l-ambjent (konsum ta’ fjuwil), is-sikurezza u/jew il-benesseri tal-annimali.

Awtorità kompetenti: Il-Ministeru tal-Affarijiet Ekonomiċi, l-Agrikoltura u l-Innovazzjoni jew is-suċċessur legali tiegħu.

Sajd ta’ qiegħ il-baħar: Kull forma ta’ sajd li jiddisturba l-qiegħ tal-baħar, inkluż fi kwalunkwe każ is-sajd tat-tkarkir bil-ktajjen tickler, is-sajd għall-gambli u s-sajd għall-frott tal-baħar bil-qoxra.

Sajd bil-qasba tal-idejn: Sajd rikreattiv jew kummerċjali bl-użu ta’ qasab, irkiekel, xlief u lixka.

Installazzjoni għall-qbid taż-żerriegħa tal-maskli (MZI): Tagħmir tas-sajd, li jżomm fil-wiċċ jew mod ieħor, iddisinjat għall-ħsad perjodiku ta’ żerriegħa tal-maskli, u huwa ankrat jew imqabbad mal-qiegħ tal-baħar, li jikkonsisti minn xbieki jew materjal ieħor sabiex jakkomoda substrat li miegħu jistgħu jqabbdu ruħhom il-larvi tal-maskli.

Żoni ta’ riċerka: Żoni li fihom qed titwettaq jew se titwettaq riċerka approvata mill-gvern dwar l-impatt tas-sajd fil-qiegħ tal-baħar u l-flora u l-fawna tiegħu, u dwar metodi ta’ sajd alternattivi. Bħala regola ġenerali, din ir-riċerka sejra titwettaq minn bastimenti Olandiżi.

Sajd bit-tkarkir: Sajd li juża xibka tat-tkarkir, irrispettivament minn kif tkun mgħammra, (pereżempju bi ktajjen tickler, irkiekel jew tkarkir pulse).

Bastimenti: Il-bastimenti kollha, inklużi bastimenti li ma jiċċaqilqux u l-idroplani, li jintużaw bħala, jew li huma adatti għall-użu bħala mezz tat-trasport għal persuni u/jew merkanzija, fuq l-ilma.

Kuritur varjabbli: Rotta navigabbli b’wisa’ u pożizzjoni varjabbli.

Tagħmir fiss tas-sajd: Xbieki tat-tip Fyke, kaxxi tas-sallur, għeżul, xbieki gganċjati, swing nets, tartaruni jew kwalunkwe tagħmir fiss ieħor mhux maħsub għall-qbid tal-frott tal-baħar bil-qoxra.

Liċenzja: Liċenzja meħtieġa għat-twettiq ta’ attività speċifika skont il-leġislazzjoni domestika. Persuna fiżika jew ġuridika nazzjonali jew barranija li trid twettaq attività bħal din tista’ tiġi identifikata bħala detentur ta’ liċenzja mill-awtoritajiet kompetenti, direttament jew permezz ta’ organizzazzjoni tal-kummerċ jekk l-awtoritajiet kompetenti, taħt ċerti kundizzjonijiet, jikkwalifikaw dik l-attività bħala ammissibbli taħt il-leġislazzjoni applikabbli.

Ftehim VIBEG: Il-ftehim VIBEG ippreżentat lill-Parlament f’ittra tal-15 ta’ Diċembru 2011 (Tweede Kamer, vergaderjaar 2011-2012, 29675, Nru. 140).

Sajd: It-tqegħid ta’ tagħmir tas-sajd fl-ilma, li wieħed ikollu it-tagħmir tas-sajd fl-ilma, ir-refa’ jew il-ġbid tat-tagħmir tas-sajd, jew kwalunkwe attentat li jinħareġ mill-ilma:

—	ħut jew partijiet tiegħu, bajd tal-ħut jew ferrgħet;

—	frott tal-baħar bil-qoxra jew partijiet tiegħu, larvi jew bajd u frieħ ċkejknin tal-frott tal-baħar bil-qoxra;

—	stilel tal-baħar jew korallin,

Bastimenti tas-sajd: Bastimenti ta’ kull nazzjonalità li jistgħu jintużaw direttament jew indirettament għas-sajd.

Tagħmir tas-sajd: It-tagħmir kollu adatt għas-sajd.

Żoni: Iż-żoni distinti, żoni I, II u III fi ħdan is-sit Natura 2000 taż-Żona Kostali tal-Baħar tat-Tramuntana, kif indikati permezz tal-koordinati fl-anness għal dan id-digriet.

Artikolu 2

L-aċċess għall-erji taż-żona I fi ħdan is-sit Natura 2000 taż-Żona Kostali tal-Baħar tat-Tramuntana għandu jkun ristrett fis-sens li għandu jkun ipprojbit matul is-sena kollha li titwettaq xi tip ta’ attività ġewwa jew fuq dawn iż-żoni, bl-eċċezzjoni tal-attivitajiet elenkati hawn taħt:

(a)	fir-rigward tas-sajd: — sajd bit-tkarkir li jkun meħtieġ għar-riċerka fiż-żoni ta’ riċerka;

(b)	fir-rigward tal-estrazzjoni tal-frott tal-baħar bil-qoxra: — il-frott tal-baħar bil-qoxra jista’ jiġi estratt sal-1 ta’ Jannar 2014, iżda biss bejn l-1 ta’ April u l-1 ta’ Novembru u biss skont iż-żoni ta’ konċessjoni applikabbli sa dik id-data;

(c)

fir-rigward tat-tqegħid u l-manutenzjoni ta’ kejbils u pajpijiet: — it-tqegħid ta’ kejbils u pajpijiet u l-manutenzjoni tagħhom, jekk awtorizzati skont l-Att tal-Konservazzjoni tan-Natura; — mill-1 ta’ Novembru sal-1 ta’ April, il-manutenzjoni tal-kejbils u l-pajpijiet sejra tkun permessa biss f’emerġenzi jew f’każijiet oħra ta’ ħtieġa urġenti, li għandhom ikunu deċiżi bil-quddiem mill-awtorità kompetenti, u f’konformità ma’ kwalunkwe dispożizzjoni speċifika;

(d)

fir-rigward tal-bastimenti: — mingħajr preġudizzju għall-punt a), sakemm jiġi stabbilit il-pjan ta’ ġestjoni, iż-Żona Kostali tal-Baħar tat-Tramuntana għandha tkun aċċessibbli għall-bastimenti kollha matul is-sena kollha, iżda mhux għas-sajd, bil-kundizzjoni li t-tagħmir tas-sajd ikun stivat b’tali mod jew kundizzjoni li ma jkunx jista’ jintuża faċilment; — l-erji taż-żona I, ħlief l-erja taż-żona I qrib Petten, għandhom ikunu aċċessibbli biss bejn l-1 ta’ April u l-1 ta’ Novembru għall-bastimenti kollha, iżda mhux għas-sajd bil-kundizzjoni li t-tagħmir tas-sajd ikun stivat b’tali mod jew kundizzjoni li ma jkunx jista’ jintuża faċilment. Il-projbizzjoni fuq it-transitu bejn l-1 ta’ Novembru u l-1 ta’ April għandha tidħol fis-seħħ fid-data li fiha jiġi adottat il-pjan ta’ ġestjoni; — huwa biss fl-erja taż-żona I ‘il barra minn Petten li l-bastimenti kollha se jkollhom id-dritt li jgħaddu qrib il-kosta matul is-sena kollha, iżda mhux għas-sajd, bil-kundizzjoni li t-tagħmir tas-sajd ikun stivat b’tali mod jew kundizzjoni li ma jkunx jista’ jintuża faċilment; — mill-adozzjoni tal-pjan ta’ ġestjoni, se jkun permess l-aċċess mill-1 ta’ Novembru sal-1 ta’ April għall-bastimenti tal-mili mill-ġdid bir-ramel permezz ta’ kuritur varjabbli, li l-pożizzjoni eżatta tiegħu sejra tiddependi mill-post tas-sit tal-estrazzjoni tar-ramel, is-sit tal-mili mill-ġdid li jrid jintlaħaq u l-preżenza ta’ konċentrazzjonijiet ta’ borok suwed. Il-pożizzjoni tal-kuritur varjabbli għandha tiġi stabbilita f’konsultazzjoni mal-awtorità kompetenti, fuq il-prinċipju li d-distanza tat-tbaħħir bejn is-sit tal-estrazzjoni tar-ramel u s-sit tal-mili mill-ġdid għandha tkun l-iqsar possibbli, bil-kundizzjoni li tiġi osservata distanza ta’ 1 500 metru fir-rigward tal-konċentrazzjonijiet ta’ borok suwed; — tbaħħir (transitu) fil-parti li tisporġi fuq rotot immarkati b’bagi (jew rotot tal-baħar li għad iridu jiġu mmarkati b’bagi) u fir-rigward tal-erja taż-żona I fuq Rottum, safejn dik il-parti tisporġi fuq l-erja tat-trattat ta’ Eems-Dollard.

(e)	fir-rigward tat-traffiku tal-ajru: — Traffiku tal-ajru ċivili f’għoli ta’ aktar minn 300 metru skont il-“Gedragscode verantwoord vliegen” (Kodiċi ta’ Kondotta dwar Titjir Responsabbli), u ‘l fuq minn 450 metru malli dan isir rekwiżit legali.

Artikolu 3

L-aċċess għall-erji taż-żona II fi ħdan is-sit Natura 2000 taż-Żona Kostali tal-Baħar tat-Tramuntana għandu jkun ristrett fis-sens li s-sajd ta’ qiegħ il-baħar u attivitajiet oħra li jiddisturbaw il-qiegħ tal-baħar se jkunu pprojbiti matul is-sena kollha, għajr għall-attivitajiet elenkati hawn taħt:

(a)

fir-rigward tas-sajd: — fl-erja taż-żona II ‘il barra minn Petten: it-tkarkir pulse sal-1 ta’ Jannar 2016; — sajd għall-gambli: sal-1 ta’ Jannar 2014 abbażi tal-liċenzja applikabbli skont l-Att tal-Konservazzjoni tan-Natura fiż-żmien tal-adozzjoni ta’ dan id-digriet; — sajd għall-gambli: mill-1 ta’ Jannar 2015, jekk permess mil-liċenzja skont l-Att tal-Konservazzjoni tan-Natura; — sajd pelaġiku li juża tagħmir tas-sajd li ma jistax jintuża wkoll għas-sajd ta’ qiegħ il-baħar; — sajd bil-qasba tal-idejn; — sajd b’tagħmir fiss; — installazzjonijiet għall-qbid taż-żerriegħa tal-maskli.

(b)

fir-rigward tal-estrazzjoni tal-frott tal-baħar bil-qoxra: — il-frott tal-baħar bil-qoxra jista’ jiġi estratt sal-1 ta’ Jannar 2014 abbażi tal-liċenzja applikabbli skont l-Att tal-Konservazzjoni tan-Natura fiż-żmien tal-adozzjoni ta’ dan id-digriet, iżda biss skont l-erji ta’ konċessjoni applikabbli sa dik id-data; — l-estrazzjoni ta’ frott tal-baħar bil-qoxra fl-erji taż-żona II ta’ Stortemelk u Razende Bol wara l-1 ta’ Jannar 2014, bil-kundizzjoni li tkun illiċenzjata skont l-Att tal-Konservazzjoni tan-Natura.

(c)

fir-rigward tat-tqegħid u l-manutenzjoni ta’ kejbils u pajpijiet: — it-tqegħid ta’ kejbils u pajpijiet u l-manutenzjoni tagħhom, jekk liċenzjati skont l-Att tal-Konservazzjoni tan-Natura; — mill-1 ta’ Novembru sal-1 ta’ April, il-manutenzjoni tal-kejbils u l-pajpijiet sejra tkun permessa biss f’emerġenzi jew f’każijiet oħra ta’ ħtieġa urġenti, li għandhom ikunu deċiżi bil-quddiem mill-awtorità kompetenti, u f’konformità ma’ kwalunkwe dispożizzjoni speċifika;

(d)	fir-rigward tal-bastimenti: — transitu u ankraġġ tal-bastimenti.

Artikolu 4

L-aċċess għall-erji taż-żona III fi ħdan is-sit Natura 2000 taż-Żona Kostali tal-Baħar tat-Tramuntana għandu jkun ristrett fis-sens li s-sajd ta’ qiegħ il-baħar u attivitajiet oħra li jiddisturbaw il-qiegħ tal-baħar se jkunu pprojbiti matul is-sena kollha, għajr għall-attivitajiet elenkati hawn taħt:

(a)

fir-rigward tas-sajd: — sajd skont l-aħjar tekniki u prattiċi tas-sajd disponibbli; — sajd għall-gambli sal-1 ta’ Jannar 2014 abbażi tal-liċenzja applikabbli skont l-Att tal-Konservazzjoni tan-Natura fiż-żmien tal-adozzjoni ta’ dan id-digriet; — sajd tat-tkarkir bi ktajjen tickler sal-1 ta’ Jannar 2014 fl-erji taż-żona III qrib Petten u Eierlandsegat; — sajd għall-frott tal-baħar bil-qoxra, ħlief is-sajd għall-ispisula fl-erja taż-żona III fuq Ameland, bil-kundizzjoni li jkun irregolat b’liċenzja skont l-Att tal-Konservazzjoni tan-Natura jew irregolat mill-pjan ta’ ġestjoni; — sajd pelaġiku li juża tagħmir tas-sajd li ma jistax jintuża wkoll għas-sajd ta’ qiegħ il-baħar; — sajd bil-qasba tal-idejn; — sajd b’tagħmir fiss; — installazzjonijiet għall-qbid taż-żerriegħa tal-maskli.

(b)

fir-rigward tal-estrazzjoni tal-frott tal-baħar bil-qoxra: — jista’ jiġi estratt frott tal-baħar bil-qoxra sal-1 ta’ Jannar 2014 abbażi tal-liċenzja applikabbli skont l-Att tal-Konservazzjoni tan-Natura fiż-żmien tal-adozzjoni ta’ dan id-digriet, iżda biss skont l-erji ta’ konċessjoni applikabbli sa dik id-data; — estrazzjoni ta’ frott tal-baħar bil-qoxra fl-erja taż-żona III fit-Tramuntana ta’ Schiermonnikoog wara l-1 ta’ Jannar 2014 jekk liċenzjata skont l-Att tal-Konservazzjoni tan-Natura.

(c)

fir-rigward tat-tqegħid u l-manutenzjoni ta’ kejbils u pajpijiet: — it-tqegħid ta’ kejbils u pajpijiet u l-manutenzjoni tagħhom, jekk liċenzjati skont l-Att tal-Konservazzjoni tan-Natura; — mill-1 ta’ Novembru sal-1 ta’ April, il-manutenzjoni tal-kejbils u l-pajpijiet se tkun permessa biss f’emerġenzi jew f’każijiet oħra ta’ ħtieġa urġenti, li għandhom ikunu deċiżi bil-quddiem mill-awtorità kompetenti, u f’konformità ma’ kwalunkwe dispożizzjoni speċifika.

(d)	fir-rigward tal-bastimenti: — transitu u ankraġġ tal-bastimenti.

Artikolu 5

Għandu jkun permess aċċess matul is-sena kollha għal partijiet mis-sit Natura 2000 taż-Żona Kostali tal-Baħar tat-Tramuntana barra l-erji taż-żona I, II u III, kif imsemmija fl-Artikoli 2, 3 u 4, għas-sajd kollu, bil-kundizzjoni li tkun ingħatat liċenzja skont l-Att tal-Konservazzjoni tan-Natura jew it-tip ta’ sajd rilevanti jkun inkluż fi pjan ta’ ġestjoni bil-qbil li s-sajd tat-tkarkir bi ktajjen tickler għandu jkun permess biss sa mhux aktar tard mill-1 ta’ Jannar 2016.

Artikolu 6

L-aċċess għas-sit Natura 2000 ta’ Vlakte van de Raan għandu jkun permess mingħajr restrizzjonijiet, ħlief fil-każ tal-attivitajiet elenkati hawn taħt, li l-aċċess għalihom huwa permess mill-1 ta’ Jannar 2013 taħt ċerti restrizzjonijiet, kif ġej:

—	sajd bit-tkarkir fi ħdan iż-żoni ta’ riċerka biss fejn dan ikun meħtieġ għat-twettiq tar-riċerka;

—	sajd tat-tkarkir bi ktajjen tickler biss b’liċenzja skont l-Att tal-Konservazzjoni tan-Natura sa mhux aktar tard mill-1 ta’ Jannar 2016;

—	sajd għall-frott tal-baħar bil-qoxra, sajd b’tagħmir fiss u installazzjonijiet għall-qbid taż-żerriegħa tal-maskli, meta regolati b’liċenzja skont l-Att tal-Konservazzjoni tan-Natura jew regolati mill-pjan ta’ ġestjoni;

—	forom oħra ta’ sajd kummerċjali abbażi ta’ liċenzja skont l-Att tal-Konservazzjoni tan-Natura jew regolati mill-pjan ta’ ġestjoni rilevanti.

Artikolu 7

Jekk ir-riċerka fiż-żoni ta’ riċerka titlesta qabel l-1 ta’ Jannar 2016, minflok ir-restrizzjonijiet fuq iż-żoni ta’ riċerka, ir-restrizzjonijiet tal-aċċess għaż-żona I, II jew III rilevanti għandhom jerġgħu japplikaw mid-data aktar bikrija.

Artikolu 8

Il-bastimenti tas-sajd kummerċjali b’tul ta’ 12-il metru jew aktar li jkunu preżenti fis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan għandhom, fejn applikabbli, ikollhom strument operattiv attivat ta’ lokalizzazzjoni li għandu jissodisfa tal-anqas ir-rekwiżiti Ewropej.

Artikolu 9

Skont l-Artikolu 20(4) tal-Att tal-Konservazzjoni tan-Natura tal-1998, ir-restrizzjonijiet tal-aċċess matul is-sena kollha taħt dan id-digriet m’għandhomx japplikaw għall-aċċess sabiex jitwettqu kompiti governattivi, assistiti jew le minn bastimenti tal-gvern jew kummissjonati mill-gvern, fejn ikun meħtieġ għal ġestjoni u manutenzjoni, immarkar, sorveljanza, salvataġġ, spezzjoni, superviżjoni, investigazzjoni jew difiża.

Artikolu 10

Dan id-digriet għandu jidħol fis-seħħ l-għada tal-pubblikazzjoni tiegħu fil-Gazzetta tal-Gvern u għandu jibqa’ fis-seħħ sal-1 ta’ Jannar 2016.

Artikolu 11

Fil-każijiet fejn tkun meħtieġa liċenzja u l-attivitajiet ikkonċernati jkunu diġà ġew ivvalutati fil-proċedura tal-għoti ta’ liċenzja għad-detenturi ta’ liċenzja Olandiżi, dan ir-rekwiżit ta’ liċenzja jista’ jiġi ssodisfat mis-sajjieda barranin permezz ta’ proċedura ta’ notifika.

Oġġezzjonijiet

Skont l-Att dwar il-Liġi Amministrattiva Ġenerali (Algemene wet bestuursrecht), il-partijiet interessati jistgħu jissottomettu oġġezzjoni bil-miktub għal dan id-digriet. Tali oġġezzjonijiet għandhom jiġu ppreżentati fi żmien sitt ġimgħat mill-pubblikazzjoni ta’ dan id-digriet fil-Gazzetta tal-Gvern lil:

De Staatssecretaris van EL&I

Dienst Regelingen

Afdeling Recht & Rechtsbescherming

Postbus 20401

2500 EK ‘s Gravenhage

L-oġġezzjoni għandha tkun iffirmata u tinkludi mill-anqas:

a.	l-isem u l-indirizz tal-persuna li toġġezzjona;

b.

id-data;

c.	deskrizzjoni tad-digriet li għalih issir l-oġġezzjoni, u

d.	ir-raġunijiet għall-oġġezzjoni.

Pubblikazzjoni u spezzjoni pubblika

Dan id-digriet għandu jiġi ppubblikat fil-Gazzetta tal-Gvern u fuq is-sit elettroniku tal-Ministeru tal-Affarijiet Ekonomiċi, l-Agrikoltura u l-Innovazzjoni (EL&I). Kopji ta’ dan id-digriet, inklużi l-annessi, jistgħu jiġu mitluba wkoll bit-telefon mid-Dipartiment għall-Politika Ekonomika Reġjonali u Spazjali tal-Ministeru tal-Affarijiet Ekonomiċi, l-Agrikoltura u l-Innovazzjoni (EL&I) (Attn. Ms A. de Noord, A.deNoord@mineleni.nl)

Firma/firem

Skont id-digriet ta’ mandat ‘Besluit mandaat, volmacht en machtiging voor het directoraat-generaal voor Natuur en Regio van het Ministerie van Economische Zaken, Landbouw en Innovatie 2012’ id-direttur tad-Dipartiment għall-Politika Ekonomika Reġjonali u Spazjali għandu s-setgħa li jiffirma dokumenti li jirrigwardaw deċiżjonijiet f’isem il-Ministru għall-Affarijiet Ekonomiċi, l-Agrikoltura u l-Innovazzjoni, kif imsemmi fl-Artikolu 20(2) tal-Att tal-Konservazzjoni tan-Natura tal-1998. Dan id-digriet inħoloq abbażi ta’ hawn fuq.

Il-Ministru għall-Affarijiet Ekonomiċi, l-Agrikoltura u l-Innovazzjoni

Noti ta’ spjegazzjoni

Siti Natura 2000

Il-protezzjoni tar-riservi naturali u tal-ispeċijiet li jgħixu fihom hija legalment regolata bl-Att tal-Konservazzjoni tan-Natura tal-1998. Iż-Żona Kostali tal-Baħar tat-Tramuntana u ż-żoni ta’ Vlakte van de Raan jippreżentaw valuri ambjentali speċjali u għalhekk huma ddeżinjati bħala siti Natura 2000 taħt it-taqsima 10a tal-Att tal-Konservazzjoni tan-Natura tal-1998. Id-digriet dwar il-klassifikazzjoni fih miri ta’ konservazzjoni għall-ħabitats u l-ispeċijiet li għandhom jiġu protetti taħt id-Direttivi Ewropej dwar l-Għasafar u l-Ħabitats.

Deżinjazzjoni taż-Żona Kostali tal-Baħar tat-Tramuntana bħala sit Natura 2000

Permezz tad-digriet tal-25 ta’ Frar 2009, ref. DRZO/2008-007 (il-Gazzetta tal-Gvern 2009, 38), il-Ministru preċedenti għall-Agrikoltura, in-Natura u l-Kwalità tal-Ikel (LNV), iddeżenja ż-“Żona Kostali tal-Baħar tat-Tramuntana” bħala żona ta’ protezzjoni speċjali kemm taħt id-Direttiva dwar l-Għasafar kif ukoll taħt id-Direttiva dwar il-Ħabitats.

Permezz tad-digriet tal-14 ta’ Marzu (il-Gazzetta tal-Gvern 2011, 4458), il-Ministru tal-Agrikoltura u l-Kummerċ Estern emenda d-digreit preċendeti tal-25 ta’ Frar 2009. Id-digriet tal-14 ta’ Marzu 2011 emenda d-deżinjazzjonijiet preċedenti tal-erja taż-Żona Kostali tal-Baħar ta-Tramuntana bħala żoni ta’ protezzjoni speċjali taħt id-Direttivi dwar l-Għasafar u l-Ħabitats. Dan id-digriet jemenda l-konfini tal-erja u jaġġusta l-miri ta’ konservazzjoni.

L-għanijiet ta’ konservazzjoni li ġejjin huma partikolarment sinifikanti għal dan id-digriet:

H1110_B   Sikek tar-ramel permanentament mgħarrqa fl-ilma tal-baħar baxx

Għan: Li tinżamm l-erja u tittejjeb il-kwalità tat-tip ta’ ħabitat H1110, iż-Żona Kostali tal-Baħar tat-Tramuntana (sottotip B).

Iż-Żona Kostali tal-Baħar tat-Tramuntana hija l-aktar erja sinifikanti fil-Pajjiżi l-Baxxi għat-tip tal-ħabitat H1110_B: aktar minn nofs l-erja indikata ta’ dan is-sottotip tinsab fi ħdan is-sit taż-Żona Kostali tal-Baħar tat-Tramuntana.

L-importanza relattiva ta’ dan it-tip ta’ ħabitat għall-Ewropa hija kklassifikata bħala għolja ħafna.

Is-sottotip tas-sikek tar-ramel mgħarrqa permanentament, (sottotip B) iseħħ fid-delti ta’ barra qrib id-daħla. L-istat ta’ konservazzjoni ta’ dan is-sottotip fuq livell nazzjonali huwa moderatament sfavorevoli.

A001   Bugħaddas tal-Maltemp

Għan: Li tinżamm l-erja u l-kwalità tal-ħabitat sabiex tinżamm il-popolazzjoni.

Il-popolazzjonijiet tal-bugħaddasa tal-maltemp huma ta’ importanza internazzjonali u nazzjonali kbira. Is-sit iservi bħala żona ta’ tiftix għall-ikel għal dan l-ispeċi. Il-bugħaddas tal-maltemp fil-Pajjiżi l-Baxxi jinsabu l-aktar fiż-żoni kostali tal-Baħar tat-Tramuntana. Fiż-Żona Kostali tal-Baħar tat-Tramuntana ddeżinjata, l-għasafar sikwit jidhru f’densitajiet kbar fid-delti ta’ barra bejn il-gżejjer Wadden, fejn is-sajd iseħħ fil-punt tat-tlaqqigħ bejn id-diversi korpi tal-ilma. Dan l-ispeċi huwa rappreżentat b’mod fqir fl-għedud regolari, iżda dan l-aħħar kien hemm żieda fl-għadd madwar il-pajjiż. Billi huwa biżżejjed li tinżamm is-sitwazzjoni preżenti, ma ġiet stabbilita l-ebda mira ta’ restrawrazzjoni fuq livell nazzjonali.

A002   Black-throated diver

Għan: Li tinżamm l-erja u l-kwalità tal-ħabitat sabiex tinżamm il-popolazzjoni.

Il-black-throated divers huma ta’ importanza nazzjonali kbira. Is-sit iservi bħala żona ta’ tiftix għall-ikel għal din l-ispeċi. Id-distribuzzjoni tal-black-throated diver fil-Pajjiżi l-Baxxi hija kkonċentrata fl-erji kostali tal-baħar tat-Tramuntana. In-numri assoluti u t-tendenza (u għaldaqstant ukoll l-istat ta’ konservazzjoni) mhumiex magħrufa, minħabba kombinazzjoni ta’ għedud baxxi u konfużjoni mal-bugħaddas tal-maltemp ferm aktar komuni. Billi huwa biżżejjed li tinżamm is-sitwazzjoni preżenti, ma ġiet stabbilita l-ebda mira ta’ restrawrazzjoni fuq livell nazzjonali.

A062   Brajmla rasha sewda (Aythya marila)

Għan: Li tinżamm l-erja u l-kwalità tal-ħabitat sabiex tinżamm il-popolazzjoni.

Is-sit iservi bħala żona ta’ tiftix għall-ikel għal din l-ispeċi. F’nofs id-disgħinijiet kienu magħduda ammonti relattivament kbar fiż-Żona Kostali tal-Baħar tat-Tramuntana, li xi ftit jew wisq jirriflettu t-tnaqqis f’IJsselmeer u l-Baħar Wadden. Paragun mas-sitwazzjoni tal-edredun jissuġġerixxi li ż-Żona Kostali tal-Baħar tat-Tramuntana sservi bħala santwarju meta l-ikel ikun skars fiż-żewġ żoni msemmija qabel, iżda d-dejta miż-Żona Kostali tal-Baħar tat-Tramuntana hija limitata. Huwa suffiċjenti li tinżamm is-sitwazzjoni preżenti, il-kawża probabbli tal-istat ta’ konservazzjoni estremament ħażin fuq livell nazzjonali mhix se tinstab f’din iż-żona.

A063   Edredun

Għan: Li tinżamm l-erja u l-kwalità tal-ħabitat b’kapaċità ekoloġika għal popolazzjoni medja ta’ 26,200 għasfur (numri ta’ nofs ix-xitwa).

L-edreduni għandhom importanza internazzjonali u nazzjonali kbira. Is-sit iservi bħala żona ta’ tiftix għall-ikel għal din l-ispeċi. B’mod partikolari meta snin ta’ skarsezza tal-ikel fir-Reġjun ta’ Wadden jaħbtu ma’ snin tajba għal frott tal-baħar bil-qoxra alternattiv, bħal Spisula, fiż-Żona Kostali tal-Baħar tat-Tramuntana, ammonti relattivament kbar ta’ edreduni jfittxu għall-ikel fiż-Żona Kostali tal-Baħar tat-Tramuntana. It-tnaqqis riċenti fl-ammonti ta’ edreduni fiż-Żona Kostali tal-Baħar tat-Tramuntana jista’ jkun sinjal ta’ rkupru fis-sitwazzjoni tal-ikel fir-Reġjun ta’ Wadden, iżda x-xejra fil-popolazzjoni għadha ma turix tali rkupru. Minħabba li l-preżenza tal-edreduni fiż-Żona Kostali tal-Baħar tat-Tramuntana hija probabbilment marbuta ma’ kundizzjonijiet ħżiena fil-Baħar Wadden, il-mira ta’ restrawrazzjoni ġiet stabbilita għal dik iż-żona, filwaqt li huwa biżżejjed li tinżamm il-kapaċità tas-santwarju fiż-Żona Kostali tal-Baħar tat-Tramuntana. Huwa suffiċjenti li tinżamm is-sitwazzjoni preżenti, il-kawża probabbli tal-istat ta’ konservazzjoni estremament ħażin fuq livell nazzjonali mhix se tinstab f’din iż-żona.

A065   Borka sewda

Għan: Li tinżamm l-erja u l-kwalità tal-ħabitat b’kapaċità li jżomm popolazzjoni medja ta’ 51,900 għasfur (numri ta’ nofs ix-xitwa).

Il-borok suwed huma ta’ importanza internazzjonali u nazzjonali kbira. Is-sit iservi bħala żona ta’ tiftix għall-ikel għal din l-ispeċi. Din iż-żona bla dubju ta’ xejn tipprovdi l-akbar kontribut għan-numru ta’ borok suwed fil-Pajjiżi l-Baxxi. L-ispeċi hija viżitatur tax-xitwa. Hemm varjazzjonijiet kbar mingħajr tendenza ċara, sa ċertu punt minħabba li l-uniċi għedud disponibbli huma minn Jannar. In-numri jistgħu fil-fatt ivarjaw minn sena għall-oħra minħabba d-disponibbiltà mhux dejjem l-istess tal-frott tal-baħar bil-qoxra (inkluż Spisula). L-istat ta’ konservazzjoni tal-ispeċijiet fuq livell nazzjonali huwa moderatament sfavorevoli.

Klassifikazzjoni ta’ Vlakte van de Raan bħala sit Natura 2000

Il-Ministru għall-Affarijiet Ekonomiċi, l-Agrikoltura u l-Innovazzjoni kklassifika ż-żona ta’ Vlakte van de Raan bħala żona ta’ protezzjoni speċjali fis-sens tad-Direttiva dwar il-Ħabitats bid-digriet tal-14 ta’ Marzu 2011 (Gazzetta tal-Gvern 2011, 4458).

L-għanijiet ta’ konservazzjoni li ġejjin huma partikolarment sinifikanti għal dan id-digriet:

H1110_B   Sikek tar-ramel mgħarrqa permanentament fl-ilma tal-baħar baxx

Għan: Li tinżamm l-erja tal-wiċċ u tinżamm il-kwalità tat-tip ta’ ħabitat H1110,

Vlakte van de Raan (sottotip B).

L-importanza relattiva ta’ dan it-tip ta’ ħabitat għall-Ewropa hija kklassifikata bħala għolja ħafna.

Is-sottotip tas-sikek tar-ramel mgħarrqa permanentament, (sottotip B) iseħħ fid-delti ta’ barra qrib id-daħla. L-istat ta’ konservazzjoni ta’ dan is-sottotip fuq livell nazzjonali huwa moderatament sfavorevoli.

Għal aktar informazzjoni dwar il-miri ta’ konservazzjoni, jekk jogħġbok irreferi għad-digrieti ppubblikati li jiddeżinjaw iż-Żona Kostali tal-Baħar tat-Tramuntana u ta’ Vlakte van de Raan bħala siti Natura 2000. (www.synbiosys.alterra.nl/natura2000/gebiedendatabase)

Ftehimiet dwar il-miżuri tas-sajd fl-erji protetti fil-Baħar tat-Tramuntana (VIBEG)

Il-ftehim volontarju dwar is-sajd sostenibbli fil-Baħar tat-Tramuntana (“Maatschappelijk Convenant Noordzeevisserij: Duurzaam Vissen”) ġie ffirmat fil-5 ta’ Ġunju 2008 minn partijiet li jirrapreżentaw l-industrija tas-sajd, l-organizzazzjonijiet tan-natura u l-gvern ċentrali. L-għan kien li jinkiseb sajd sostenibbli u soċjalment aċċettabbli fil-Baħar tat-Tramuntana. Wieħed mis-suġġetti inklużi fil-ftehim jirrigwarda “approċċ komuni għaż-żoni tal-baħar protetti fil-Baħar tat-Tramuntana”. Kellu jiġi organizzat proċess konġunt sabiex jiġu adottati miri u miżuri għaż-żoni protetti fil-Baħar tat-Tramuntana, bil-qbil li, jekk il-partijiet jonqsu milli jaslu għal kunsens, il-gvern ikollu finalment jiddeċiedi dwar dawn il-miri u miżuri.

Fl-2009 il-Ministru waqqaf il-kumitat ta’ koordinazzjoni tal-VIBEG sabiex jippromwovi l-iskambju reċiproku ta’ informazzjoni u appoġġ fl-iżvilupp ta’ politiki nazzjonali u internazzjonali. Il-membri tiegħu ġejjin mill-Fond Dinji għan-Natura, il-Fondazzjoni tal-Baħar tat-Tramuntana (Stichting de Noordzee), il-Bord għall-Kummerċjalizzazzjoni tal-Ħut, il-Federazzjoni tal-Assoċjazzjonijiet tas-Sajjieda, IMARES Wageningen u diversi dipartimenti tal-Ministeri tal-Affarijiet Ekonomiċi, l-Agrikoltura u l-Innovazzjoni (EL&I) u tal-Infrastruttura u l-Ambjent (I&M). Sabiex jgħin il-proċess taż-żona kostali, il-kumitat ħadem fuq ftehim dwar miżuri tas-sajd f’żoni protetti tal-Baħar tat-Tramuntana (magħruf bħala l-ftehim VIBEG).

Bħala parti mill-ftehim VIBEG kienu stabbiliti żoni fi ħdan is-sit Natura 2000 taż-Żona Kostali tal-Baħar tat-Tramuntana li l-aċċess għalihom ikun ristrett, sew jekk għal perjodu speċifikat jew għal metodu ta’ sajd speċifikat, skont l-Artikolu 20 tal-Att tal-Konservazzjoni tan-Natura.

Il-ftehim VIBEG, flimkien ma’ viżjoni futura għas-sajd tal-gambli (Perspectief garnalenvisserij), ġie ffirmat u ppreżentat lill-Parlament f’ittra tal-15 ta’ Diċembru 2011 (Tweede Kamer, vergaderjaar 2011-2012, 29675, Nru 140). Id-digriet preżenti jservi, fost affarijiet oħra, sabiex jimplimenta l-ftehimiet dwar l-għeluq sħiħ jew parzjali ta’ partijiet mis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan skont l-Artikolu 20 tal-Att tal-Konservazzjoni tan-Natura tal-1998. Il-ftehim VIBEG jikkonċerna s-sajd biss. Id-digriet preżenti għandu kamp ta’ applikazzjoni aktar mifrux: huwa jirregola wkoll ir-restrizzjonijiet tal-aċċess għal attivitajiet oħra minbarra s-sajd.

Disturb ta’ qiegħ il-baħar

Is-sajd iżid dinamiċi addizzjonali għal partijiet ta’ tip ta’ ħabitat li fin-natura tagħhom huma ta’ dinamika baxxa H1110_B. Qed jiġi assunt li dawn id-dinamiċi addizjonali huma responsabbli għal bidliet fil-bijodiversità għad-detriment ta’ speċijiet li relattivament jgħixu fit-tul, li jieħdu aktar żmien biex jirkupraw mid-diffikultajiet minn speċijiet li relattivament ma tantx jgħixu fit-tul. Il-miżuri meħuda huma parzjalment meħtieġa sabiex jillimitaw dawn id-dinamiċi addizzjonali kkawżati mis-sajd fil-qiegħ tal-baħar. Il-miżuri jservu wkoll sabiex itaffu l-effetti li d-diversi tipi ta’ sajd bix-xibka tat-tkarkir jista’ jkollhom f’dawn iż-żoni. Id-digriet preżenti għalhekk jifforma parti mill-kondizzjonijiet tal-liċenzji rilevanti skont l-Att tal-Konservazzjoni tan-Natura fir-rigward ta’ dawn id-diversi tipi ta’ sajd bit-tkarkir.

Disturb lill-għasafar

Għasafar sensittivi ħafna, bħall-borok suwed, il-bugħaddasa tal-maltemp u l-black-throated divers, li huma preżenti f’għedud kbar fiż-Żona Kostali tal-Baħar tat-Tramuntana, b’mod partikolari fix-xitwa, jistgħu jiġu disturbati minn ċerti attivitajiet. Ir-restrizzjoni tal-aċċess għall-erji taż-żona I mill-1 ta’ Novembru sal-1 ta’ April hija mmirata għall-attivitajiet kollha f’dak il-perjodu li jista’ jkollhom impatt negattiv fuq il-popolazzjonijiet ta’ dawn l-ispeċijiet ta’ għasafar.

Riċerka u monitoraġġ

Sabiex jiġi rreġistrat il-progress antiċipat fiż-żamma u fl-iżvilupp tal-miri ta’ konservazzjoni rilevanti, sejrin jitwettqu riċerka u monitoraġġ fiż-żoni ta’ riċerka. Dawn l-attivitajiet huma eżenti mill-projbizzjoni fuq id-disturb ta’ qiegħ il-baħar, meta u sakemm ikunu meħtieġa għat-twettiq tar-riċerka u l-monitoraġġ.

Effetti esterni

Meta jingħataw liċenzji għal proġetti proposti (ikkunsidrati bħala soġġetti għal liċenzja), li jkunu se jitwettqu b’mod sħiħ jew parzjali qrib is-siti rilevanti skont l-Artikolu 20, din id-deżinjazzjoni ta’ Natura 2000 se tiġi kkunsidrata u tista’ twassal biex jiġu applikati kundizzjonijiet addizzjonjali għal-liċenzja jew biex jiġi rifjutat il-ħruġ tal-liċenzja.

Infurzar

Parzjalment sabiex jiġi megħjun l-infurzar, il-bastimenti tas-sajd kummerċjali (skont it-tul tal-vapur) iridu jkunu mgħammra b’apparat operattiv attivat ta’ lokalizzazzjoni AIS jew VMS jew kaxxi suwed. Il-bastimenti għall-estrazzjoni tal-frott tal-baħar bil-qoxra u l-bastimenti għas-sajd tal-maskli jrid ikollhom kaxxa sewda. Is-sistema tal-kaxxa is-sewda tirreġistra fejn jinsab il-bastiment f’intervalli regolari, il-pattern ta’ dawn ir-reġistrazzjonijiet se turi jekk il-bastiment intużax għas-sajd jew għal skopijiet ta’ rilej. Bastimenti iqsar minn 12-il metru m’għandhomx bżonn ikunu mgħammra b’dan it-tip ta’ apparat.

Pożizzjonijiet eżatti taż-żoni għas-sajd kummerċjali u taż-żoni ta’ riċerka

Ladarba jiġu stabbiliti skont l-Att tal-Konservazzjoni tan-Natura tal-1998, il-pożizzjonijiet eżatti taż-żoni għas-sajd kummerċjali u ż-żoni ta’ riċerka fis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan – sakemm ma jkunux diġà inklużi fl-anness għal dan id-digriet – se jiġu stabbiliti f’digriet supplimentari skont l-Att dwar is-Sajd jew inklużi fil-pjan ta’ ġestjoni rilevanti.

L-erji ta’ riċerka fis-sit Natura 2000 taż-Żona Kostali tal-Baħar tat-Tramuntana ġew ddeżinjati u jinsabu lkoll fl-erji taż-żona 1. L-erji tar-riċerka fis-sit Natura 2000 ta’ Vlakte van de Raan ġew iddeżinjati parzjalment. Iż-żoni ta’ riċerka magħżula (inklużi l-koordinati) huma annessi ma’ dan id-digriet u huma parti minn dan id-digriet.

Għadhom ma ġew stabbiliti l-ebda żoni għas-sajd kummerċjali fis-sit Natura 2000 ta’ Vlakte van de Raan. Malli t-tqassim taż-żoni u l-għażla taż-żoni kollha ta’ riċerka fi ħdan Vlakte van de Raan ikunu lesti, dawn se jiġu stabbiliti f’digriet supplimentari u inklużi fil-pjan ta’ ġestjoni rilevanti.

Projbizzjoni fuq is-sajd bl-elettriku

Jekk titneħħa l-projbizzjoni Ewropea fuq is-sajd bl-elettriku, is-sajd tat-tkarkir bi ktajjen tickler fis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan se jiġi pprojbit għal kollox sa mhux aktar tard minn sena mid-data li fiha titneħħa l-projbizzjoni Ewropea.

Fil-preżent, is-sajd bl-elettriku għadu pprojbit fl-UE. It-tkarkir pulse esperimentali huwa fil-preżent eżentat minn din il-projbizzjoni fil-Pajjiżi l-Baxxi. Meta l-projbizzjoni fuq is-sajd bl-elettriku titneħħa, din se tippermetti l-estensjoni tat-tkarkir pulse u t-tmiem f’fażijiet tas-sajd tat-tkarkir bi ktajjen tickler. Se jkun hemm perjodu ta’ tranżizzjoni ta’ mhux aktar minn sena wara li titneħħa l-projbizzjoni qabel mat-tkarkir bi ktajjen tickler jiġi pprojbit għal kollox fis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan.

Din il-projbizzjoni se tiġi ppubblikata fuq is-sit elettroniku tal-ministeru, fil-Gazzetta Uffiċjali u permezz ta’ kanali tal-organizzazzjonijiet tas-sajd fil-pajjiż u barra mill-pajjiż għall-benefiċċju kemm tas-sajjieda kif ukoll ta’ partijiet interessati oħra.

Notifika tal-miżuri dwar is-sajd

Il-miżuri fid-digriet preżenti jinvolvu restrizzjonijiet għas-settur tas-sajd, inklużi sajjieda minn Stati Membri oħra tal-UE. Is-sajjieda barranin huma ugwalment marbuta li josservaw ir-restrizzjonijiet tal-aċċess fid-digriet preżenti, billi dawn japplikaw għat-territorju Olandiż. Għalhekk dawn il-miżuri se jiġu nnotifikati wkoll skont l-Artikolu 9 (1) tar-Regolament (KE) Nru 2371/2002 dwar il-konservazzjoni u l-isfruttar sostenibbli ta’ riżorsi tas-sajd skont il-Politika Komuni dwar is-Sajd. Is-sajjieda minn Stati Membri oħra se jkollhom l-opportunità li jwieġbu għall-miżuri li jridu jittieħdu skont dan id-digriet dwar l-aċċess limitat.

Noti ta’ spjegazzjoni

It-tqassim f’żoni jaffettwa prinċipalment is-sajd, iżda wkoll il-bastimenti u attivitajiet minbarra s-sajd. Il-ħarsa ġenerali ta’ hawn taħt tindika għal kull tip ta’ sajd u bastiment, fejn, kif u meta l-attività kkonċernata hija permessa fis-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan.

It-tkarkir bi ktajjen tickler huwa permess:

—	fis-sit Natura 2000 taż-Żona Kostali tal-Baħar tat-Tramuntana: sal-1 ta’ Jannar 2014 barra ż-żoni ta’ riċerka fl-erji taż-żona III qrib Petten u Eierlandsegat;

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I, II u III sal-1 ta’ Jannar 2016 barra ż-żoni ta’ riċerka b’liċenzja maħruġa skont l-Att tal-Konservazzjoni tan-Natura;

—	fis-sit Natura 2000 ta’ Vlakte van de Raan sal-1 ta’ Jannar 2016 barra ż-żoni ta’ riċerka b’liċenzja maħruġa skont l-Att tal-Konservazzjoni tan-Natura.

Is-sajd għall-gambli huwa permess:

—	f’żoni ta’ riċerka fi ħdan is-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan, fejn ikun neċessarju biss għal skopijiet ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: sal-1 ta’ Jannar 2014 fiż-żoni II u III barra ż-żoni ta’ riċerka u suċċessivament fiż-żona III b’liċenzja maħruġa skont l-Att tal-Konservazzjoni tan-Natura (ara wkoll l-Artikolu 4, il-parti a);

—

fis-sit Natura 2000 taż-Żona Kostali tal-Baħar tat-Tramuntana: mill-2015 f’erji taż-żona II b’liċenzja maħruġa skont l-Att tal-Konservazzjoni tan-Natura jekk ir-riċerka tipprova b’mod konklussiv li s-sajd għall-gambli bl-irkiekel m’għandux effetti ħżiena dimostrabbli fuq qiegħ il-baħar u l-fawna tiegħu;

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I, II u III;

—	fis-sit Natura 2000 ta’ Vlakte van de Raan barra ż-żoni ta’ riċerka b’liċenzja maħruġa skont l-Att tal-Konservazzjoni tan-Natura.

Is-sajd bix-xbieki tat-tkarkir bl-użu tal-“aħjar tekniki u prattiċi tas-sajd disponibbli” huwa permess:

—	f’żoni ta’ riċerka fi ħdan is-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan, fejn ikun neċessarju biss għal skopijiet ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: fl-erja taż-żona II ħdejn Petten (erja b’salib aħdar immaljat fuq il-mappa fl-anness: iż-żona II**) it-tkarkir pulse sal-1 ta’ Jannar 2016;

—	fis-sit Natura 2000 taż-Żona Kostali tal-Baħar tat-Tramuntana: kemm ġewwa kif ukoll barra l-erji taż-żona III, barra ż-żoni ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I u II, barra ż-żoni ta’ riċerka;

—	fis-sit Natura 2000 ta’ Vlakte van de Raan barra ż-żoni ta’ riċerka b’liċenzja maħruġa skont l-Att tal-Konservazzjoni tan-Natura.

Is-sajd pelaġiku bix-xbieki tat-tkarkir huwa permess:

—	f’żoni ta’ riċerka fi ħdan is-siti Natura 2000 taż-Żona Kostali tal-Baħar tat-Tramuntana u ta’ Vlakte van de Raan, fejn ikun neċessarju biss għal skopijiet ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I, II u III;

—	fis-sit Natura 2000 taż-Żona Kostali tal-Baħar tat-Tramuntana: f’erji taż-żona II u III ħlief għas-sajd pelaġiku li juża tagħmir li jkun tajjeb ukoll għas-sajd fil-qiegħ tal-baħar;

—	fis-sit Natura 2000 ta’ Vlakte van de Raan, barra ż-żoni ta’ riċerka.

Is-sajd għall-frott tal-baħar bil-qoxra huwa permess:

—

fis-sit Natura 2000 taż-Żona Kostali tal-Baħar tat-Tramuntana: f’erji taż-żona III barra ż-żoni ta’ riċerka u meta biss ikun irregolat jew b’liċenzja mogħtija skont l-Att tal-Konservazzjoni tan-Natura jew mill-pjan ta’ ġestjoni, bl-eċċezzjoni tas-sajd għal Spisula fl-erja taż-żona III ‘il fuq minn Ameland;

—	fis-sit Natura 2000 taż-Żona Kostali tal-Baħar tat-Tramuntana: barra erji taż-żoni I, II u III u meta biss ikun irregolat jew b’liċenzja mogħtija skont l-Att tal-Konservazzjoni tan-Natura jew mill-pjan ta’ ġestjoni;

—	fis-sit Natura 2000 ta’ Vlakte van de Raan barra ż-żoni ta’ riċerka, meta rregolat jew b’liċenzja mogħtija skont l-Att tal-Konservazzjoni tan-Natura jew mill-pjan ta’ ġestjoni;

L-estrazzjoni tal-frott tal-baħar bil-qoxra hija permessa:

—	fis-sit Natura 2000 taż-Żona Kostali tal-Baħar tat-Tramuntana: sal-1 ta’ Jannar 2014 mill-1 ta’ April sal-1 ta’ Novembru fiż-żona I iżda skont it-termini tal-konċessjoni biss;

—	fis-sit Natura 2000 taż-Żona Kostali tal-Baħar tat-Tramuntana: sal-1 ta’ Jannar 2014 fiż-żoni II u III iżda skont it-termini tal-konċessjoni biss;

—	Mill-1 ta’ Jannar 2014 fiż-żoni II u III iżda skont it-termini tal-konċessjoni biss u bil-kundizzjoni li tkun illiċenzjata skont l-Att tal-Konservazzjoni tan-Natura.

—	Fis-sit N2000 ta’ Vlakte van de Raan, barra ż-żoni ta’ riċerka, b’liċenzja skont l-Att tal-Konservazzjoni tan-Natura jew kif irregolata mill-pjan ta’ ġestjoni.

Tagħmir fiss tas-sajd, lil hinn miż-żoni ta’ riċerka, huwa permess:

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I;

—	fis-sit Natura 2000 taż-Żona Kostali tal-Baħar tat-Tramuntana: fiż-żoni II u III;

—	fis-sit Natura 2000 ta’ Vlakte van de Raan b’liċenzja maħruġa skont l-Att tal-Konservazzjoni tan-Natura.

Is-sajd bil-qasba tal-idejn huwa permess:

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I biss;

—	fis-sit Natura 2000 taż-Żona Kostali tal-Baħar tat-Tramuntana: ġewwa u barra l-erji taż-żona II u III;

—	fis-sit Natura 2000 ta’ Vlakte van de Raan.

L-installazzjonijiet għall-qbid taż-żerriegħa tal-maskli huma permessi:

—	fis-sit Natura 2000 taż-Żona Kostali tal-Baħar tat-Tramuntana: fiż-żoni II u III, barra ż-żoni ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: barra l-erji taż-żona I, II u III u barra ż-żoni ta’ riċerka;

—	fis-sit Natura 2000 ta’ Vlakte van de Raan, barra ż-żoni ta’ riċerka, b’liċenzja maħruġa skont l-Att tal-Konservazzjoni tan-Natura.

Huma permessi bastimenti għall-mili mill-ġdid bir-ramel:

—	Minbarra l-għażliet disponibbli għall-bastimenti kollha, il-bastimenti għall-mili mill-ġdid bir-ramel għandhom ukoll l-għażla li jivvjaġġaw minn kuritur varjabbli mill-1 ta’ April sal-1 ta’ Novembru.

Il-bastimenti kollha huma permessi:

—

fis-sit Natura 2000 taż-Żona Kostali tal-Baħar tat-Tramuntana: sal-adozzjoni tal-pjan ta’ ġestjoni għaż-Żona Kostali tal-Baħar tat-Tramuntana, it-transitu matul is-sena kollha minn erja għall-oħra għall-bastimenti kollha huwa possibbli biss permezz tal-erja taż-żona I ‘il barra minn Petten qrib il-kosta, mingħajr sajd u bit-tagħmir tas-sajd stivat b’tali mod u kondizzjoni li ma jkunx jista’ jintuża faċilment;

—	fis-sit Natura 2000 taż-Żona Kostali tal-Baħar tat-Tramuntana: mill-adozzjoni tal-pjan ta’ ġestjoni għas-sit, l-erji taż-żona I ħlief dawk ‘il barra minn Petten mhux se jkunu aċċessibbli għall-bastimenti ħlief mill-1 ta’ April sal-1 ta’ Novembru;

—	fis-sit Natura 2000 taż-Żona Kostali tal-Baħar tat-Tramuntana: transitu u ankraġġ fiż-żoni II u III barra ż-żoni ta’ riċerka;

—	fis-sit Natura 2000 taż-Żona Kostali tal-Baħar tat-Tramuntana: navigazzjoni u ankraġġ barra l-erji taż-żoni I, II u III u barra ż-żoni ta’ riċerka.

—	Fi Vlakte van de Raan, skont l-Artikolu 6.

Informazzjoni ġenerali dwar il-proċeduri għall-għoti ta’ liċenzja skont l-Att tal-Konservazzjoni tan-Natura tal-1998

Diversi Artikoli f’dan id-Digriet dwar ir-Restrizzjoni tal-Aċċess jirreferu għall-kondizzjoni li ċerti attivitajiet huma permessi biss jekk ikunu liċenzjati skont l-Att tal-Konservazzjoni tan-Natura. It-test li ġej jipprovdi aktar dettalji dwar il-proċessi u r-rekwiżiti involuti f’tali proċedura għall-għoti ta’ liċenzja u l-valutazzjonijiet li għandhom isiru mill-awtoritajiet kompetenti.

Informazzjoni ġenerali dwar il-proċeduri għall-għoti ta’ liċenzja skont l-Att tal-Konservazzjoni tan-Natura u l-informazzjoni dwar żoni speċifiċi fir-rigward taż-żoni Natura 2000 hija disponibbli fuq l-Internet:

www.noordzeenatura2000.nl

http://www.synbiosys.alterra.nl/natura2000/default.aspx?main=gebieden

L-Artikolu 6.3 tad-Direttiva dwar il-Ħabitats jipprovdi li għal kwalunkwe pjan jew proġett li ma jkunx direttament konness ma’ jew meħtieġ għall-ġestjoni tas-sit iżda li probabbilment jkollu impatt sinifikanti fuqu, jew individwalment jew f’kombinazzjoni ma’ pjanijiet jew proġetti oħra, għandha ssir valutazzjoni xierqa tal-implikazzjonijiet tiegħu għas-sit, filwaqt li jiġu kkunsidrati l-miri ta’ konservazzjoni tas-sit.

Fid-dawl tal-konklużjonijiet tal-valutazzjoni tal-impatt fuq is-sit u soġġett għall-paragrafu 4, l-awtoritajiet nazzjonali kompetenti ma jridux jawtorizzaw il-pjan jew il-proġett sakemm l-ewwel ma jkunux aċċertaw li l-karatteristiċi naturali tas-sit ikkonċernat ma jkunux ser jiġu affettwati b’mod negattiv.

Ir-rekwiżit ta’ hawn fuq għall-kunsens bil-quddiem huwa implimentat fl-Artikolu 19d tal-Att Olandiż tal-1998 dwar il-Konservazzjoni tan-Natura fil-forma ta’ strument tal-liċenzja. L-Artikolu 19f ta’ dan l-att jipprovdi li hija r-responsabbiltà tal-applikant li jissottometti valutazzjoni xierqa mal-applikazzjoni għal-liċenzja.

Id-Digriet Ministerjali dwar il-Ħruġ ta’ Liċenzji skont l-Att tal-Konservazzjoni tan-Natura tal-1998 jistabbilixxi d-distribuzzjoni tal-kompetenzi fir-rigward tal-ħruġ tal-liċenzji bejn il-Ministeru tal-Affarijiet Ekonomiċi, l-Agrikoltura u l-Innovazzjoni fuq naħa u l-provinċji rilevanti fuq in-naħa l-oħra. Dan id-digriet jelenka diversi kategoriji ta’ attivitajiet u postijiet li għalihom il-gvern ċentrali huwa l-awtorità kompetenti, il-kwistjonijiet l-oħrajn kollha huma l-kompetenza tal-provinċja kkonċernata. Eżempju rilevanti f’dan ir-rigward huwa li l-Ministeru huwa esklussivament kompetenti għall-attivitajiet kollha f’dawk il-partijiet tas-sit Natura 2000 Olandiż taż-Żona Kostali tal-Baħar tat-Tramuntana li ma ġewx assenjati lill-provinċji.

L-inizjatur ta’ proġett jew attività jrid qabel xejn jistaqsi lill-awtorità kompetenti jekk fil-fatt tkunx meħtieġa liċenzja. Dan jista’ jsir b’mod formali permezz ta’ talba għal valutazzjoni tar-rekwiżit għal liċenzja, jew b’mod informali permezz tat-telefown jew posta elettronika jew f’laqgħa wiċċ imb’wiċċ ma’ rappreżentanti tal-awtorità kompetenti. L-awtorità kompetenti sejra twieġeb għal din it-talba, jekk ikun mixtieq, bil-miktub. Jekk l-istess attività titwettaq minn diversi individwi fl-istess sit ta’ Natura 2000, bħal fil-każ tas-sajjieda, li jużaw organizzazzjoni tal-kummerċ biex jippromwovu l-interessi tagħhom, din l-organizzazzjoni se tkun il-punt ta’ kuntatt regolari għall-awtorità kompetenti. Fil-biċċa l-kbira tal-każijiet, dawn l-organizzazzjonijiet jistgħu jkunu wkoll l-applikant awtorizzat għal-liċenzja, għalkemm hija l-impriża jew il-persuna individwali li hija d-detentriċi unika tal-liċenzja.

Jekk l-awtorità kompetenti tikkonkludi li l-attività jew il-proġett jeħtieġu liċenzja, l-applikant ikollu jagħmel u jissottometti valutazzjoni xierqa tal-attività. L-applikanti ħafna drabi jqabbdu konsulenza ambjentali sabiex tipprepara tali valutazzjoni ambjentali. L-ispejjeż ta’ dan id-dokument jinġarru esklussivament mill-applikant. Sabiex jiffaċilita t-tfassil ta’ tali valutazzjoni tal-impatt, il-Ministeru ppubblika ‘indikatur tal-impatti’ fuq l-Internet: http://www.synbiosys.alterra.nl/natura2000/effectenindicator.aspx?subj=effectenmatrix

Barra minn hekk, il-grupp ta’ koordinazzjoni Olandiż għal Natura 2000 (Regiegroep Natura 2000) żviluppa u ppubblika diversi għodod sabiex jipprovdi gwida dwar kunċetti bħalma huwa dak tas-sinifikat.

http://www.natura2000.nl/pages/gereedschap.aspx

L-ebda wieħed minn dawn is-sorsi ta’ informazzjoni ma huwa disponibbli bl-Ingliż. L-użu tagħhom għalhekk jeħtieġ traduzzjoni.

Fil-maġġoranza tal-każijiet, abbozz tal-valutazzjoni xierqa jiġi diskuss f’laqgħa ta’ konsultazzjoni waħda jew aktar mal-awtorità kompetenti qabel ma tiġi sottomessa formalment applikazzjoni bil-miktub. Valutazzjoni xierqa tittratta l-effetti kollha (possibbli) tal-attività fuq il-miri ta’ konservazzjoni applikabbli tas-sit jew is-siti Natura 2000 inkwistjoni. Din tittratta wkoll iċ-ċirkustanzi jew il-miżuri ta’ mitigazzjoni, jekk meħtieġa u f’każijiet speċifiċi, eż. jekk ikunu konklużi effetti sinifikanti, b’evalwazzjoni ta’ postijiet alternattivi, l-interessi nazzjonali u l-kumpens tan-natura (‘kriterji ADC’).

Wara s-sottomissjoni formali tal-applikazzjoni u l-annessi tagħha, l-awtorità kompetenti se tiċċekkja l-kompletezza u l-korrettezza tal-informazzjoni pprovduta. Din imbagħad tibgħat kopji lil diversi partijiet interessati sabiex titlob l-opinjoni tagħhom dwar l-applikazzjoni. L-organizzazzjonijiet għall-konservazzjoni tan-natura u partijiet oħra interessati se jkollhom 6 ġimgħat biex jagħtu l-opinjonijiet tagħhom, filwaqt li l-provinċji u l-muniċipalitajiet rilevanti se jkollhom 8 ġimgħat.

Fil-biċċa l-kbira tal-każijiet, l-awtorità kompetenti se tieħu deċiżjoni fi żmien 13-il ġimgħa minn meta tirċievi l-applikazzjoni. Dan il-perjodu ta’ 13-il ġimgħa jista’ jiġi estiż bi 13-il ġimgħa oħra.

Wara li tinħareġ deċiżjoni formali dwar l-applikazzjoni, parti interessata tista’ tippreżenta oġġezzjoni (bezwaar) fi żmien 6 ġimgħat. Wara d-deċiżjoni dwar l-oġġezzjoni, l-imsemmija parti tista’ tressaq appell quddiem it-Taqsima tal-Appelli Amministrattivi tal-Kunsill tal-Istat, għal darba oħra fi żmien 6 ġimgħat.

Id-deċiżjoni primarja dwar l-applikazzjoni tinkludi sett ta’ klawsoli u anness li jispeċifikaw il-konsiderazzjonijiet tal-awtorità kompetenti li jimmotivaw id-deċiżjoni. Dawn il-klawsoli jistgħu jinkludu r-rekwiżit li jkun hemm kopja tal-liċenzja abbord waqt it-twettiq tal-attività, ir-rekwiżit li jkun hemm reġistrazzjoni operattiva tal-qabda jew sistema ta’ navigazzjoni ta’ ċertu tip, ir-rekwiżit li tiġi rrappurtata ċerta informazzjoni dwar sajd li jiddevja mil-liċenzja, l-obbligu li s-sajd isir f’ċerti żoni jew il-projbizzjoni li dan isir f’ċerti żoni, l-obbligu li jiġu osservati distanzi ta’ disturb għal żoni fejn ikun hemm preżenti għasafar u/jew foki, l-obbligu li s-sajd isir b’ċertu tagħmir, l-obbligu li tiġi rrispettata l-kwota f’ċerti perjodi jew f’ċerti żoni u klawsoli dwar il-validità tal-liċenzja fi ġranet speċifiċi, partijiet tal-ġurnata jew f’perjodi speċifiċi.

Il-pjanijiet ta’ ġestjoni se jiġu ppubblikati fuq is-sit elettroniku tal-Ministeru. Il-mistoqsija dwar jekk attività taqax taħt ir-rekwiżit ta’ liċenzja jew tal-pjan ta’ ġestjoni għadha trid issir lill-awtoritajiet kompetenti. Ladarba jiġi adottat il-pjan ta’ ġestjoni rilevanti, id-dettalji jkunu jistgħu jinstabu fil-pjan innifsu.

Sistema ta’ notifika għall-bastimenti tas-sajd barranin

Il-proċedura ta’ hawn fuq għall-applikazzjoni għal liċenzja skont l-Att tal-Konservazzjoni tan-Natura tal-1998 tapplika għall-bastimenti kollha bi drittijiet tas-sajd (ara r-Reg. Bażiku 2371/2002, Anness I). L-organizzazzjonijiet kummerċjali tas-sajd Olandiżi jistgħu japplikaw għal liċenzja f’isem bastimenti tas-sajd barranin għal ċerti tipi ta’ sajd. F’dak il-każ, dawn is-sajjieda jew jiġu miżjuda immedjatament mal-lista ta’ persuni liċenzjati li tkun mehmuża mal-liċenzja (jekk id-dejta tagħhom tkun ġiet ipprovduta lill-awtoritajiet kompetenti mill-organizzazzjoni tal-kummerċ Olandiża rilevanti fiż-żmien tal-għoti tal-liċenzja) jew jiġu inklużi – bil-karatteristiċi tagħhom – f’dik il-lista wara n-notifika tagħhom permezz tal-posta elettronika (access_natura2000_neth@mineleni.nl) lill-awtoritajiet kompetenti. Il-bastimenti tas-sajd barranin huma soġġetti għall-istess regoli fir-rigward tal-għoti tal-liċenzji.

Arranġament dwar l-informazzjoni fir-rigward ta’ tibdil fir-restrizzjonijiet tal-aċċess

Fir-rigward tar-restrizzjonijiet futuri fuq l-aċċess, diversi artikoli tad-digriet preżenti jirreferu għal sitwazzjonijiet futuri (eż. l-adozzjoni ta’ pjan ta’ ġestjoni) li għalihom għadu ma jistax jiġi stabbilit żmien speċifiku. It-tibdil fir-restrizzjonijiet tal-aċċess li għalih ma kien stabbilit l-ebda żmien speċifiku se jiġi ppubblikat fuq is-sit elettroniku https://circabc.europa.eu/faces/jsp/extension/wai/navigation/container.jsp, fil-Gazzetta tal-Gvern Olandiża (Staatscourant) u permezz tal-kanali ta’ komunikazzjoni tal-organizzazzjonijiet kummerċjali tas-sajd Olandiżi u barranin għall-benefiċċju kemm tas-sajjieda Olandiżi u barranin kif ukoll ta’ partijiet interessati oħra.

Noti dwar l-artikoli:

Artikolu 1

Dan l-artikolu jipprovdi d-definizzjonijiet ta’ għadd ta’ termini ewlenin użati fid-digriet.

Artikolu 2

Dan l-artikolu jirregola r-restrizzjonijiet tal-aċċess għall-erji taż-żona I. L-erja kombinata tal-erji kollha taż-żona I hija madwar 145 km2 jew 10 % tal-erja totali tas-sit Natura 2000 taż-Żona Kostali tal-Baħar tat-Tramuntana.

L-erji magħluqa taż-żona I huma magħluqin għas-sajd kollu, għajr għall-parti li hija meħtieġa għar-riċerka dwar is-sajd. Fil-ftehim VIBEG ġie espressament maqbul li m’għandux isir sajd b’tagħmir fiss u bil-konz f’dawn iż-żoni.

L-għan huwa li dawn iż-żoni jitħallew jiżviluppaw bl-inqas disturb possibbli sabiex titjieb il-kwalità tat-tip ta’ ħabitat H1110_B kif ukoll għall-benefiċċju ta’ gruppi ta’ għasafar li huma vulnerabbli għad-disturb, bħall-bugħaddasa tal-maltemp u l-black-throated divers, il-brajmla ta’ rasha sewda, l-edreduni u l-borok suwed, f’rabta diretta jew le ma’ kwalunkwe okkorrenza potenzjali ta’ frott tal-baħar bil-qoxra. L-użu għal skopijiet oħra għajr is-sajd se jiġi ristrett minħabba l-miri ta’ konservazzjoni u żvilupp imsemmija hawn fuq u se jkun inkluż ukoll fil-pjan ta’ ġestjoni rilevanti jew regolat b’liċenzja skont l-Att tal-Konservazzjoni tan-Natura.

Sabiex ikun żgurat dan l-iżvilupp bl-inqas disturb possibbli, huma pprojbiti wkoll attivitajiet f’altitudni baxxa fuq iż-żona, li jistgħu jiddisturbaw b’mod sostanzjali l-borok suwed. Dawn iż-żoni għalhekk huma magħluqin ukoll għall-inġenji tal-ajru ċivili sakemm ma jkunux qegħdin itiru f’għoli ta’ iżjed minn 300 metru, skont il-“gedragscode verantwoord vliegen” (kodiċi ta’ kondotta dwar titjir responsabbli). L-intenzjoni hija li dan il-limitu jinġieb konformi mal-livell limitu ta’ 450 metru li japplika fuq iż-żona ta’ teħid tad-deċiżjonijiet dwar ippjanar ewlenin tal-Baħar Wadden (PKB-gebied). Ladarba l-Att dwar l-Avjazzjoni jiġi emendat f’dan ir-rigward, il-livell limitu ta’ 450 metru se japplika wkoll għaż-Żona Kostali tal-Baħar tat-Tramuntana. L-inġenji tal-ajru militari huma permessi għal skopijiet ta’ operazzjoni permezz tal-Artikolu 11. L-eżerċizzji bl-inġenji tal-ajru militari (inkluż r-riċerka u s-salvataġġ) jridu jseħħu barra mill-erji taż-żona I.

Japplikaw eżenzjonijiet mir-restrizzjonijiet fuq l-aċċess għar-riċerka dwar is-sajd.

Il-frott tal-baħar bil-qoxra jista’ jiġi estratt biss sal-1 ta’ Jannar 2014 f’erja ta’ madwar 20 ettaru ‘l fuq minn Schiermonnikoog, fejn il-konċessjoni (ara ċ-ċart 18 PKB Derde Nota Waddenzee (it-Tielet Dokument ta’ Politika dwar il-Baħar Wadden)) tkompli sa dik id-data u tisporġi fuq l-erja taż-żona I inkwistjoni. Iż-żoni ta’ konċessjoni rilevanti huma stabbiliti fid-dokument ta’ politika nazzjonali dwar l-estrazzjoni tal-frott tal-baħar bil-qoxra. Dan id-dokument jidentifika ż-żoni kkonċernati u l-kwantitajiet li jistgħu jiġu estratti kull sena. Dan jistabbilixxi wkoll il-kundizzjonijiet prinċipali li se jkunu applikati għal-liċenzji. Minħabba d-disturb possibbli tal-papri tal-baħar (li jogħdsu), l-isfruttar tal-frott tal-baħar bil-qoxra huwa permess biss f’din iż-żona mill-1 ta’ April sal-1 ta’ Novembru.

It-tqegħid u l-manutenzjoni ta’ pajpijiet għadu permess, soġġett għal liċenzja skont l-Att tal-Konservazzjoni tan-Natura. Dan jirreferi għal proġetti ta’ natura temporanja li jikkawżaw disturb lokali fil-qiegħ tal-baħar u li huma regolati mir-regolament dwar il-koordinazzjoni nazzjonali, jiġifieri proġetti ta’ importanza nazzjonali.

L-aċċess u t-transitu tal-bastimenti huma permessi wkoll mill-1 ta’ April sal-1 ta’ Novembru, meta ftit ikun hemm periklu ta’ disturb fuq għasafar vulnerabbli bħall-borok suwed u l-bugħaddasa tal-maltemp u l-black-throated divers, billi dawn l-għasafar fil-biċċa l-kbira jkunu assenti matul dak il-perjodu.

Hemm eżenzjoni mill-projbizzjoni fuq it-transitu mill-1 ta’ Novembru sal-1 ta’ April għall-erja taż-żona I biss ‘il barra minn Petten, li tippermetti t-transitu matul is-sena kollha għal żoni oħra. Din tapplika għall-bastimenti kollha, inklużi l-bastimenti tas-sajd. Madankollu, dawn ma jridux jistadu matul it-transitu, u t-tagħmir tas-sajd tagħhom irid ikun merfugħ jew stivat b’mod li ma jkunx jista’ jintuża faċilment. Din l-eżenzjoni tapplika ‘l barra minn Petten minħabba li r-rotot ta’ navigazzjoni alternattivi huma twal wisq.

Projbizzjoni fuq it-transitu għall-vapuri tmur kontra l-Konvenzjoni Internazzjonali dwar il-Liġi tal-Baħar, li tiggarantixxi d-dritt ta’ passaġġ liberu. Madankollu, l-Istati huma awtorizzati li joperaw restrizzjonijiet fuq it-tbaħħir fi ħdan iż-żona uffiċjali ta’ 12-il mil ‘il barra mill-kosta. L-erji kollha taż-żona I jaqgħu sewwa f’din iż-żona ta’ 12-il mil. L-Organizzazzjoni Marittima Internazzjonali (IMO) se tiġi kkonsultata dwar dawn ir-restrizzjonijiet fuq it-transitu.

Il-mili mill-ġdid bir-ramel huwa neċessarju għas-sikurezza tal-kosta u għalhekk huwa ta’ importanza nazzjonali. Barra minn hekk, b’differenza mis-sajd kummerċjali pereżempju, mhuwiex attività kontinwa. Bħala medja, il-mili mill-ġdid bir-ramel jitwettaq fuq kull sit darba kull erba’ snin, u jieħu bejn ftit ġimgħat u diversi xhur. L-analiżi tal-impatt (NEA) għall-pjan ta’ ġestjoni Natura 2000 għaż-Żona Kostali tal-Baħar tat-Tramuntana turi li l-ispeċijiet ta’ għasafar li huma l-aktar sensittivi għad-disturb, li jinsabu fl-erji taż-żona I, ma jibqgħux disturbati mill-bastimenti f’distanza ta’ 1 500 metru. Għalhekk, dawn id-distanzi minimi minn konċentrazzjonijiet (ta’ borok suwed) iridu jiġu kkunsidrati meta jiġi pożizzjonat il-kuritur varjabbli, sabiex jiġi evitat id-disturb. Huwa wkoll l-għan tal-gvern ċentrali li dawn il-kurituri jintużaw l-inqas possibbli matul il-perjodu sensittiv tax-xitwa.

Artikolu 3

Dan l-artikolu jirregola r-restrizzjonijiet tal-aċċess għall-erji taż-żona II. L-erja kombinata tal-erji kollha taż-żona II hija madwar 216 km2 jew 15 % tal-erja totali tas-sit Natura 2000 taż-Żona Kostali tal-Baħar tat-Tramuntana.

L-erji magħluqa taż-żona II huma kompletament esklużi mis-sajd fil-qiegħ tal-baħar u attivitajiet oħra li jiddisturbaw il-qiegħ tal-baħar.

Il-mira hija li dawn l-erji jkunu jistgħu jiżviluppaw bl-inqas disturb possibbli bil-ħsieb li jitjieb it-tip tal-kwalità tal-ħabitat H1110_B. Użijiet oħrajn se jinġiebu konformi kemm jista’ jkun ma’ din il-mira; dawn jinsabu speċifikati f’dan l-Artikolu inklużi fil-pjan ta’ ġestjoni rilevanti.

Fl-erja taż-żona II ħdejn Petten (erja b’salib aħdar immaljat fuq il-mappa fl-anness: iż-żona II**) it-tkarkir pulse huwa permess sal-1 ta’ Jannar 2016. L-erja totali ta’ din l-erja taż-żona II hija madwar 49 km2 jew 3 % tal-erja totali tas-sit Natura 2000 taż-Żona Kostali tal-Baħar tat-Tramuntana. Din l-eżenzjoni saret biex tikkumpensa għad-deżinjazzjoni tal-erja ta’ madwar bħala ż-żona III. Ir-riżultat huwa erja akbar magħluqa għas-sajd bit-tkarkir bl-użu tal-ktajjen tickler.

Is-sajd pelaġiku bl-użu ta’ xbieki tat-tkarkir huwa permess biss fiż-żona II jekk jitwettaq b’tagħmir tas-sajd li ma jistax jintuża wkoll għas-sajd fil-qiegħ tal-baħar. Jekk jintuża tagħmir għas-sajd pelaġiku f’erja taż-żona II li jista’ jintuża wkoll għas-sajd fil-qiegħ tal-baħar (pereżempju, meta jkun mgħammar bi xbieki bl-irkiekel), mhux dejjem huwa possibbli li jinstab jekk ikunx qiegħed isir jew sar sajd fil-qiegħ tal-baħar fiż-żona II. Dan jagħmel l-infurzar aktar diffiċli.

Is-sajd normali għall-gambli jista’ jkompli biss f’dawn iż-żoni sal-1 ta’ Jannar 2014, meta tiskadi l-liċenzja skont l-Att tal-Konservazzjoni tan-Natura (li tinħareġ lil sajjieda tal-gambli Olandiżi biss). Mill-2015, is-sajd għall-gambli se jerġa’ jkun permess f’erji taż-żona II b’liċenzja skont l-Att tal-Konservazzjoni tan-Natura jekk ir-riċerka tipprova b’mod konklussiv li s-sajd għall-gambli eżistenti bl-irkiekel m’għandu l-ebda effett ħażin dimostrabbli fuq il-qiegħ tal-baħar u l-fawna tiegħu. Ir-riċerka trid tinbeda, titwettaq u tiġi ffinanzjata mis-settur tal-gambli (Olandiż jew barrani) nnifsu. Il-kwistjoni dwar jekk din ir-riċerka tissodisfax r-responsabbiltà tal-prova hija affari għall-awtoritajiet kompetenti biex jiddeċiedu meta jivvalutaw l-applikazzjonijiet tal-liċenzja tal-Att tal-Konservazzjoni tan-Natura għas-sajd tal-gambli fl-erji rilevanti wara l-1 ta’ Jannar 2014. B’antiċipazzjoni tar-riżultati tar-riċerka hawn fuq u fid-dawl tal-għanijiet ta’ konservazzjoni f’dawn l-erji, il-liċenzji huma, skont id-definizzjoni, importanti għaliex is-sajd għall-gambli jista’ jkollu effett ta’ deterjorazzjoni fuq il-ħabitats naturali u fuq il-ħabitats tal-ispeċijiet jew jista’ jirriżulta f’disturb sinifikanti tal-ispeċijiet li għalihom ġew iddeżinjati dawn l-erji. Il-liċenzji maħruġa għall-użu wara l-1 ta’ Jannar 2014 jistgħu jinkludu miżuri ta’ mitigazzjoni.

Il-kunsens għall-estrazzjoni tal-frott tal-baħar bil-qoxra (ara ċ-ċart 18 PKB Derde Nota Waddenzee) se jkompli sal-1 ta’ Jannar 2014. L-estrazzjoni tal-frott tal-baħar bil-qoxra tista’ tkompli fl-erji ta’ kunsens wara dik id-data, sakemm tkun liċenzjata taħt l-Att tal-Konservazzjoni tan-Natura. Iż-żoni ta’ konċessjoni rilevanti huma stabbiliti fid-dokument ta’ politika nazzjonali dwar l-estrazzjoni tal-frott tal-baħar bil-qoxra. Dan id-dokument jidentifika ż-żoni kkonċernati u l-kwantitajiet li jistgħu jiġu estratti kull sena. Huwa jiddeskrivi wkoll il-kundizzjonijiet prinċipali stipulati fil-liċenzji.

It-tqegħid u l-manutenzjoni tal-pajpijiet se jibqa’ permess soġġett għal liċenzja skont l-Att tal-Konservazzjoni tan-Natura. Dan jirreferi għal proġetti ta’ natura temporanja li jikkawżaw disturb lokali fil-qiegħ tal-baħar u li huma rregolati mir-regolament dwar il-koordinazzjoni nazzjonali, jiġifieri proġetti ta’ importanza nazzjonali.

Apparti minn hekk, l-aċċess u t-transitu huma miftuħa għall-bastimenti kollha, inklużi l-bastimenti tas-sajd.

Is-sajd b’tagħmir fiss, l-installazzjonijiet għall-qbid taż-żerriegħa tal-maskli u l-ankraġġ tal-bastimenti jibqgħu permessi billi dawn jikkawżaw biss penetrazzjoni infrekwenti ħafna u mxerrda ta’ qiegħ il-baħar.

Artikolu 4

Dan l-artikolu jirregola r-restrizzjonijiet tal-aċċess fir-rigward tal-erji taż-żona III. L-erja kombinata tal-erji kollha taż-żona III hija madwar 407 km2 jew 28 % tal-erja totali tas-sit Natura 2000 taż-Żona Kostali tal-Baħar tat-Tramuntana.

L-erji magħluqa fiż-żona III huma magħżula sabiex jiġu promossi żviluppi innovattivi, sabiex ikun żgurat li fis-sajd jintużaw biss l-aħjar tekniki u prattiċi tas-sajd disponibbli. L-awtorità kompetenti, f’dan il-każ il-Ministeru tal-Affarijiet Ekonomiċi, l-Agrikoltura u l-Innovazzjoni (EL&I), se tidentifika l-aħjar tekniki u prattiċi tas-sajd disponibbli fi kwalunkwe żmien partikolari. Il-mument tal-evalwazzjoni huwa matul il-proċedura għall-ħruġ ta’ liċenzja skont l-Att tal-Konservazzjoni tan-Natura għal xi wieħed mit-tipi individwali speċifiċi ta’ sajd f’din iż-żona. Is-sajjieda li jridu japplikaw għal kwalifika tat-tagħmir tagħhom bħala ‘l-aħjar teknika jew prattika tas-sajd disponibbli’ jridu japplikaw għal konferma bil-miktub mill-awtorità kompetenti mal-Ministeru tal-Affarijiet Ekonomiċi, l-Agrikoltura, u Innovazzjoni, Kaxxa Postali 20401 EA, Den Haag, il-Pajjiżi l-Baxxi. Tali applikazzjoni trid tinkludi rapport ta’ riċerka li jikkonferma li t-tagħmir inkwistjoni jista’ jkollu saħansitra inqas effetti negattivi fuq il-miri ta’ konservazzjoni rilevanti tas-siti Natura 2000 meta mqabbel mat-tagħmir li jkun qiegħed jintuża fiż-żmien tal-għoti tal-liċenzja.

Hija permessa kull forma ta’ sajd li ma jiddisturbax il-qiegħ tal-baħar.

It-tkarkir bi ktajjen tickler huwa permess biss sal-1 ta’ Jannar 2014 fl-erji taż-żona III ta’ Petten u Eierlandsegat – mhux fl-erji l-oħra taż-żona III.

Is-sajd pelaġiku bl-użu tax-xbieki tat-tkarkir huwa permess biss fiż-żona III jekk jitwettaq b’tagħmir tas-sajd li ma jistax jintuża wkoll għas-sajd ta’ qiegħ il-baħar. Jekk jintuża tagħmir għas-sajd pelaġiku f’erja taż-żona III li jista’ jintuża wkoll għas-sajd ta’ qiegħ il-baħar (pereżempju, meta jkun mgħammar bi xbieki bl-irkiekel), mhux dejjem huwa possibbli li jinstab jekk ikunx qiegħed jiġi pprattikat jew ġiex ipprattikat sajd ta’ qiegħ il-baħar fiż-żona II. Dan jagħmel l-infurzar aktar diffiċli. Il-kontrolli rilevanti se jitwettqu minn superviżuri maħtura għaż-żona.

Il-kunsens għall-estrazzjoni tal-frott tal-baħar bil-qoxra (ara ċ-ċart 18 PKB Derde Nota Waddenzee) se jkompli sal-1 ta’ Jannar 2014. L-estrazzjoni tal-frott tal-baħar bil-qoxra tista’ tkompli fl-erji ta’ kunsens wara dik id-data, sakemm tkun liċenzjata taħt l-Att ta’ Konservazzjoni tan-Natura. Iż-żoni ta’ konċessjoni rilevanti huma stabbiliti fid-dokument ta’ politika nazzjonali dwar l-estrazzjoni tal-frott tal-baħar bil-qoxra. Dan id-dokument jidentifika ż-żoni kkonċernati u l-kwantitajiet li jistgħu jiġu estratti kull sena. Dan jiddeskrivi wkoll il-kundizzjonijiet prinċipali stipulati fil-liċenzji.

Is-sajd għall-gambli huwa permess sal-1 ta’ Jannar 2014 u jista’ jkompli wara dik id-data soġġett għal liċenzja skont l-Att tal-Konservazzjoni tan-Natura. Il-bastimenti barranin għas-sajd tal-gambli jistgħu jiksbu aktar informazzjoni mill-Produktschap Vis (Bord tal-Komoditajiet għall-Ħut u l-Prodotti tal-ħut) u/jew mingħand in-Nederlandse Vissersbond (il-Federazzjoni tas-Sajjieda Olandiżi) jew ifittxu li jissieħbu mal-proċeduri għall-għoti ta’ liċenzja skont l-Att tal-Konservazzjoni tan-Natura li huma jkunu bdew u kkoordinaw. L-awtoritajiet kompetenti jistgħu jipprovdu wkoll aktar dettalji. Iżjed informazzjoni hija pprovduta taħt in-noti ta’ spjegazzjoni aktar ġenerali f’dan id-dokument.

It-tqegħid u l-manutenzjoni tal-pajpijiet se jibqa’ permess soġġett għal liċenzja skont l-Att tal-Konservazzjoni tan-Natura. Dan jirreferi għal proġetti ta’ natura temporanja li jikkawżaw disturb lokali fil-qiegħ tal-baħar u li huma rregolati mir-regolament dwar il-koordinazzjoni nazzjonali, jiġifieri proġetti ta’ importanza nazzjonali.

Apparti minn hekk, l-aċċess u t-transitu huma miftuħa għall-bastimenti kollha, inklużi l-bastimenti tas-sajd.

Is-sajd għall-frott tal-baħar bil-qoxra huwa permess, ħlief is-sajd għal Spisula fl-erja taż-żona III fuq Ameland u biss fejn ikun irregolat b’liċenzja skont l-Att tal-Konservazzjoni tan-Natura jew mill-pjan ta’ ġestjoni. L-erja fuq Ameland hija eskluża mis-sajd għal Spisula minħabba l-preżenza frekwenti ta’ gruppi ta’ borok suwed.

Is-sajd b’tagħmir fiss, l-installazzjonijiet għall-qbid taż-żerriegħa tal-maskli u l-ankraġġ tal-bastimenti jibqgħu permessi billi dawn jikkawżaw biss penetrazzjoni infrekwenti ħafna u mxerrda ta’ qiegħ il-baħar.

Artikolu 5

L-erja globali tas-sit Natura 2000 kollu taż-Żona Kostali tal-Baħar tat-Tramuntana hija ta’ madwar 1 440 km2. Dan l-Artikolu jirregola s-sajd fl-erja li jifdal fis-sit taż-Żona Kostali tal-Baħar tat-Tramuntana wara li jitnaqqsu l-erji taż-żona I, II u III. Id-daqs globali ta’ din l-erja li tifdal huwa 672 km2 jew 47 % tas-sit Natura 2000 globali taż-Żona Kostali tal-Baħar tat-Tramuntana.

Hija permessa kull forma ta’ sajd f’din iż-żona bil-kundizzjoni li tkun ingħatat liċenzja skont l-Att tal-Konservazzjoni tan-Natura jekk is-sajd ikun soġġett għal liċenzja, jew li t-tip ta’ sajd ikkonċernat ikun inkluż fi pjan ta’ ġestjoni. Bil-ħtieġa ta’ liċenzja jew inklużjoni fil-pjan ta’ ġestjoni, huwa possibbli li jiġi evitat aktar tkabbir fl-attività tas-sajd, b’mod partikolari fi ħdan is-sit Natura 2000 taż-Żona Kostali tal-Baħar tat-Tramuntana, u b’hekk tkun iggarantita l-kisba tal-miri ta’ konservazzjoni għal dan is-sit.

Is-sajd tat-tkarkir bi ktajjen tickler se jkun permess barra ż-żoni I, II u III u barra kwalunkwe żona ta’ riċerka ‘l barra minn dawn iż-żoni sa mhux aktar tard mill-1 ta’ Jannar 2016.

Artikolu 6

Id-deżinjazzjoni taż-żoni ta’ riċerka u t-tqassim taż-żoni fir-rigward tas-sajd kummerċjali fis-sit ta’ Vlakte van de Raan se jitwettqu matul is-sena 2012, ħlief għal parti żgħira li hija ddeżinjata permezz ta’ dan id-digriet. Konsegwentement, l-aċċess għas-sit Natura 2000 ta’ Vlakte van de Raan se jkun ristrett mill-1 ta’ Jannar 2013.

Is-sajd tat-tkarkir bl-użu ta’ ktajjen tickler huwa permess barra ż-żoni ta’ riċerka fi Vlakte van de Raan sa mhux aktar tard mill-1 ta’ Jannar 2016, soġġett għal liċenzja skont l-Att tal-Konservazzjoni tan-Natura.

Is-sajd għall-frott tal-baħar bil-qoxra, is-sajd b’tagħmir fiss u l-installazzjonijiet għall-qbid taż-żerriegħa tal-maskli huma permessi barra ż-żoni ta’ riċerka bil-kundizzjoni li jkunu rregolati b’liċenzja skont l-Att tal-Konservazzjoni tan-Natura jew mill-pjan ta’ ġestjoni.

Forom oħra ta’ sajd kummerċjali huma permessi biss jekk ikunu regolati b’liċenzja skont l-Att tal-Konservazzjoni tan-Natura. Bil-ħtieġa ta’ liċenzja, huwa possibbli li jiġi evitat aktar tkabbir fl-attività tas-sajd kummerċjali, b’mod partikolari fi ħdan is-sit Natura 2000 ta’ Vlakte van de Raan, u b’hekk tkun iggarantita l-kisba tal-miri ta’ konservazzjoni għal dan is-sit. Altrimenti m’hemmx restrizzjonijiet tal-aċċess għal Vlakte van de Raan.

Artikolu 7

Dan l-Artikolu jipprovdi li – jekk ir-riċerka fiż-żoni ta’ riċerka titlesta qabel l-1 ta’ Jannar 2016 – iż-żona rilevanti tkun irregolata mir-reġim applikabbli għaż-żoni ta’ madwarha malli r-riċerka f’dawk iż-żoni tkun lesta.

Dan se jkun disponibbli pubblikament fuq is-sit elettroniku tal-Ministeru, is-sit elettroniku CIRCACB, fil-Gazzetta Uffiċjali u permezz tal-kanali ta’ komunikazzjoni tal-organizzazzjonijiet kummerċjali tas-sajd fil-pajjiż stess u barra l-pajjiż għall-benefiċċju tas-sajjieda kemm Olandiżi kif ukoll barranin kif ukoll ta’ partijiet interessati oħra.

Artikolu 8

Skont il-leġislazzjoni Ewropea, il-bastimenti tas-sajd kummerċjali jridu jkunu mgħammra b’apparat ta’ lokalizzazzjoni operattiv li juża s-sistema ta’ monitoraġġ tal-bastimenti (VMS) jew, jiddependi mit-tip ta’ bastiment, is-sistema AIS. Dan japplika biss għall-bastimenti tas-sajd li huma meħtieġa li jkollhom sistema ta’ lokalizzazzjoni bil-liġi, għalhekk iż-żieda tal-frażi “fejn applikabbli”. Dan se jiffaċilita l-infurzar tad-digriet preżenti fir-rigward tal-bastimenti tas-sajd.

L-infurzar huwa marbut mal-korp sħiħ tal-liġi applikabbli fil-qasam tal-konservazzjoni tan-natura u regolamenti oħra dwar is-sajd taħt il-Politika Komuni Ewropea dwar is-Sajd.

Artikolu 9

Skont l-Artikolu 20(4) tal-Att tal-Konservazzjoni tan-Natura, hija pprovduta eżenzjoni mir-restrizzjonijiet tal-aċċess għall-Istat bħala l-proprjetarju tas-sit. L-iskop huwa sabiex il-gvern ċentrali jkun jista’ jwettaq jew jikkummissjona xogħlijiet fejn dawn ikunu strettament neċessarji għall-finijiet ta’ ġestjoni u manutenzjoni, immarkar, monitoraġġ, salvataġġ, spezzjoni, superviżjoni, sejbien u difiża.

Artikolu 10

Għal raġunijiet ta’ ċertezza legali u minħabba r-riċerka li trid titwettaq, il-Gvern għażel li jestendi l-perjodu ta’ validità ta’ dan id-digriet. Id-digriet se jibqa’ fis-seħħ sal-1 ta’ Jannar 2016, jiġifieri meta tkun fis-seħħ projbizzjoni ġenerali fuq it-tkarkir bi ktajjen tickler, jew qabel jekk dan jintemm f’fażijiet skont l-Artikolu 8.

Artikolu 11

Għall-aċċess minn bastimenti tas-sajd barranin ġiet żviluppata sistema ta’ notifika sabiex dawn il-bastimenti jinġiebu taħt il-kamp ta’ applikazzjoni tal-proċedura għall-għoti ta’ liċenzja. Wara n-notifika, id-dejta relatata mal-bastiment sejra tiġi miżjuda mal-lista ta’ bastimenti mehmuża mal-liċenzja bħala anness. Dan jippermetti lil dawn il-bastimenti li jistadu skont il-kundizzjonijiet tal-liċenzja. Ir-rekwiżit ta’ liċenzja huwa applikabbli għas-siti Natura 2000 kollha fiż-żona kostali Olandiża, jiġifieri ż-Żona Kostali tal-Baħar tat-Tramuntana, Voordelta u Vlakte van de Raan.

Anness għad-digriet ref; …PM…

Ħarsa ġenerali lejn il-mappa taż-żoni

Tqassim f’żoni VIBEG taż-Żona Kostali tal-Baħar tat-Tramuntana

Verżjoni tal-21 ta’ Awwissu 2011 (b’aġġustament tal-Pettenmerpolder)

Tifsira

Sit ta’ Natura 2000 (erja ta’ 1 440 km2) demarkat bl-aħmar

Żoni:

Erja immarkata b’salib iswed immaljat Żona I

Erja immarkata b’linji dijagonali blu Żona II

Erja immarkata b’linji dijagonali ħodor Żona II (*1)

Erja immarkata b’salib aħdar immaljat Żona II (*2)

Erja immarkata b’linji dijagonali oranġjo Żona III

1. Petten

2. Razende Bol

3. Eierlandsegat

4. Stortemelk

5. Terschelling – Ameland

6. Schiermonnikoog – Rottum

VIBEG – Zonering Noordzeekustzone

versie 21 aug. 2011 (met aanpassing Pettenmerpolder)

Legenda

Natura-2000 gebied

(oppervlak 1440 km2)

Rood omlijnd

Zones:

Zwart dubbel gearceerd

Zone I

Blauw gearceerd

Zone II

Groen gearceerd

Zone II *

Groen dubbel gearceerd

Zone II **

Oranje gearceerd

Zone III

* Open voor garnalenvisserij zolang er in de Zuiddostlauwers (W'zee) nog op garnalen mag worden gevist

** Pulsvisserij toegestaan, in ruil waarvoor het omringende gebied tot zone III is verklaard

Mapep separati taż-żoni

zone I

zone II

zone III

zone IV

Iż-żoni indikati fuq il-mapep ta’ hawn fuq għandhom il-koordinati li ġejjin, li jimmarkaw il-konfini tagħhom:

a.

L-erji ta’ żona I jinsabu fi ħdan il-vertiċi li ġejjin: Ismijiet kif imsemmija fuq il-mappa: 1.   Petten Pożizzjoni Latitudni tat-Tramuntana Lonġitudni tal-Lvant 1 4° 36.07 52° 39.04 2 4° 31.37 52° 39.10 3 4° 32.12 52° 40.11 4 4° 32.87 52° 41.28 5 4° 33.17 52° 42.02 6 4° 33.41 52° 43.14 7 4° 36.87 52° 42.91 2.   Terschelling Pożizzjoni Latitudni tat-Tramuntana Lonġitudni tal-Lvant 1 5° 11.38 53° 26.44 2 5° 12.01 53° 26.61 3 5° 13.26 53° 27.00 4 5° 14.48 53° 27.48 5 5° 14.98 53° 27.68 6 5° 15.04 53° 27.70 7 5° 15.04 53° 27.70 8 5° 15.66 53° 27.94 9 5° 16.70 53° 28.34 10 5° 17.58 53° 28.81 11 5° 18.21 53° 29.09 12 5° 19.38 53° 29.46 13 5° 20.35 53° 29.71 14 5° 21.97 53° 30.05 15 5° 22.12 53° 30.08 16 5° 22.97 53° 28.84 17 5° 14.67 53° 26.63 3.   Ameland Pożizzjoni Latitudni tat-Tramuntana Lonġitudni tal-Lvant 1 5° 49.33 53° 31.82 2 5° 49.21 53° 30.62 3 5° 39.90 53° 30.85 4 5° 36.13 53° 31.04 5 5° 32.77 53° 30.91 6 5° 32.65 53° 31.77 7 5° 34.62 53° 31.92 8 5° 36.07 53° 31.94 9 5° 40.94 53° 32.00 10 5° 43.81 53° 31.93 11 5° 46.80 53° 31.84 12 5° 46.80 53° 31.84 13 5° 48.06 53° 31.81 4.   Schiermonnikoog Pożizzjoni Latitudni tat-Tramuntana Lonġitudni tal-Lvant 1 6° 14.91 53° 34.37 2 6° 13.33 53° 33.77 3 6° 02.86 53° 32.69 4 6° 01.85 53° 33.06 5 6° 03.10 53° 33.21 6 6° 04.78 53° 33.65 7 6° 05.44 53° 33.89 8 6° 06.47 53° 34.24 9 6° 06.81 53° 34.39 10 6° 13.28 53° 34.37 5.   Rottum Pożizzjoni Latitudni tat-Tramuntana Lonġitudni tal-Lvant 1 6° 25.18 53° 32.59 2 6° 21.94 53° 32.87 3 6° 18.74 53° 32.73 4 6° 18.77 53° 33.13 5 6° 25.67 53° 34.20 6 6° 25.80 53° 34.18 7 6° 26.02 53° 34.15 8 6° 26.40 53° 34.10 9 6° 26.78 53° 34.04 10 6° 27.32 53° 33.94 11 6° 27.59 53° 33.91 12 6° 27.89 53° 33.93 13 6° 28.27 53° 33.92 14 6° 28.54 53° 33.89 15 6° 28.92 53° 33.86 16 6° 29.26 53° 33.88 17 6° 29.91 53° 33.86 18 6° 30.60 53° 33.89 19 6° 31.40 53° 33.95 20 6° 31.55 53° 33.96 21 6° 32.23 53° 34.02 22 6° 32.80 53° 34.05 23 6° 33.18 53° 34.06 24 6° 33.77 53° 34.04 25 6° 34.06 53° 34.02 26 6° 34.40 53° 33.97 27 6° 34.82 53° 33.92 28 6° 35.21 53° 33.84 29 6° 35.60 53° 33.77 30 6° 35.63 53° 33.76 31 6° 35.74 53° 33.75 32 6° 36.06 53° 33.69 33 6° 36.23 53° 33.66 34 6° 36.25 53° 33.66 35 6° 35.79 53° 33.43 36 6° 35.70 53° 33.38 37 6° 34.78 53° 32.93 38 6° 34.70 53° 32.89 39 6° 33.32 53° 32.82 40 6° 33.17 53° 32.81 41 6° 31.76 53° 32.73 42 6° 31.27 53° 32.70 43 6° 31.15 53° 32.69 44 6° 30.24 53° 32.64 45 6° 29.79 53° 32.71 46 6° 29.39 53° 32.78 47 6° 29.22 53° 32.81 48 6° 29.14 53° 32.82 49 6° 28.81 53° 32.87 50 6° 28.42 53° 32.93 51 6° 27.31 53° 33.11 52 6° 27.20 53° 33.13 53 6° 27.09 53° 33.14 54 6° 26.64 53° 33.21

b.

L-erji ta’ żona II jinsabu fi ħdan il-vertiċi li ġejjin: Ismijiet kif imsemmija fuq il-mappa: 1.   Petten Pożizzjoni Latitudni tat-Tramuntana Lonġitudni tal-Lvant 1 4° 36.87 52° 42.91 2 4° 33.41 52° 43.14 3 4° 33.41 52° 43.16 4 4° 33.52 52° 44.27 5 4° 33.35 52° 45.14 6 4° 33.31 52° 45.29 7 4° 34.96 52° 49.73 8 4° 38.96 52° 49.24 9 4° 37.62 52° 46.48 2.   Razende Bol Pożizzjoni Latitudni tat-Tramuntana Lonġitudni tal-Lvant 1 4° 42.07 52° 59.38 2 4° 43.12 52° 58.57 3 4° 41.36 52° 57.60 4 4° 37.97 52° 53.87 5 4° 37.04 52° 53.91 6 4° 36.59 52° 55.39 7 4° 36.99 52° 58.20 8 4° 38.22 52° 59.07 9 4° 40.43 52° 59.68 10 4° 40.72 53° 00.79 11 4° 41.20 53° 00.82 12 4° 39.32 52° 57.76 13 4° 39.75 52° 57.62 14 4° 40.17 52° 57.62 15 4° 40.68 52° 57.67 16 4° 41.21 52° 57.94 17 4° 41.90 52° 58.33 18 4° 42.39 52° 58.57 19 4° 42.43 52° 58.84 20 4° 42.39 52° 58.90 21 4° 42.23 52° 58.97 22 4° 41.98 52° 58.97 23 4° 40.70 52° 59.08 24 4° 40.03 52° 59.09 25 4° 39.65 52° 59.03 26 4° 39.44 52° 58.97 27 4° 39.18 52° 58.86 28 4° 39.05 52° 58.79 29 4° 38.96 52° 58.68 30 4° 38.92 52° 58.36 31 4° 38.95 52° 58.02 3.   Eierlandsegat Pożizzjoni Latitudni tat-Tramuntana Lonġitudni tal-Lvant 1 4° 52.11 53° 13.69 2 4° 51.48 53° 13.60 3 4° 50.94 53° 13.23 4 4° 50.94 53° 12.84 5 4° 49.99 53° 12.48 6 4° 49.97 53° 12.46 7 4° 49.94 53° 12.45 8 4° 49.99 53° 12.39 9 4° 50.93 53° 11.33 10 4° 51.13 53° 11.15 11 4° 51.26 53° 11.03 12 4° 51.22 53° 11.00 13 4° 51.19 53° 10.98 14 4° 51.17 53° 10.95 15 4° 51.17 53° 10.95 16 4° 51.17 53° 10.95 17 4° 51.17 53° 10.94 18 4° 51.17 53° 10.94 19 4° 51.17 53° 10.94 20 4° 51.16 53° 10.93 21 4° 51.16 53° 10.93 22 4° 51.14 53° 10.92 23 4° 51.10 53° 10.90 24 4° 51.10 53° 10.90 25 4° 51.08 53° 10.91 26 4° 51.06 53° 10.90 27 4° 50.93 53° 10.83 28 4° 50.88 53° 10.81 29 4° 50.82 53° 10.79 30 4° 50.78 53° 10.77 31 4° 50.72 53° 10.75 32 4° 50.66 53° 10.73 33 4° 50.62 53° 10.71 34 4° 50.58 53° 10.70 35 4° 50.52 53° 10.67 36 4° 50.48 53° 10.65 37 4° 50.44 53° 10.63 38 4° 50.38 53° 10.60 39 4° 50.34 53° 10.57 40 4° 50.29 53° 10.54 41 4° 50.21 53° 10.50 42 4° 50.17 53° 10.48 43 4° 50.08 53° 10.43 44 4° 49.98 53° 10.37 45 4° 49.96 53° 10.35 46 4° 49.85 53° 10.28 47 4° 49.85 53° 10.28 48 4° 49.73 53° 10.20 49 4° 49.70 53° 10.18 50 4° 49.64 53° 10.14 51 4° 49.62 53° 10.12 52 4° 49.57 53° 10.07 53 4° 49.52 53° 10.03 54 4° 49.46 53° 09.97 55 4° 49.43 53° 09.94 56 4° 49.38 53° 09.89 57 4° 49.34 53° 09.86 58 4° 49.32 53° 09.85 59 4° 47.90 53° 11.80 60 4° 47.90 53° 12.52 61 4° 48.34 53° 12.97 62 4° 48.59 53° 13.14 63 4° 51.83 53° 13.90 4.   Stortemelk Pożizzjoni Latitudni tat-Tramuntana Lonġitudni tal-Lvant 1 5° 08.41 53° 21.04 2 5° 07.46 53° 20.53 3 5° 07.42 53° 20.52 4 5° 07.38 53° 20.49 5 5° 07.19 53° 20.39 6 5° 07.19 53° 20.39 7 5° 06.55 53° 20.05 8 5° 04.54 53° 20.04 9 5° 02.38 53° 18.81 10 5° 00.63 53° 18.89 11 4° 59.07 53° 19.34 12 4° 59.13 53° 21.07 13 5° 01.99 53° 22.17 14 5° 08.18 53° 23.19 15 5° 08.83 53° 23.07 16 5° 09.42 53° 22.63 17 5° 08.36 53° 21.99 5.   Terschelling Pożizzjoni Latitudni tat-Tramuntana Lonġitudni tal-Lvant 1 5° 22.97 53° 28.84 2 5° 22.12 53° 30.08 3 5° 24.96 53° 30.67 4 5° 25.85 53° 30.84 5 5° 28.26 53° 31.24 6 5° 29.07 53° 31.37 7 5° 30.11 53° 31.50 8 5° 31.79 53° 31.70 9 5° 32.65 53° 31.77 10 5° 32.77 53° 30.91 11 5° 29.87 53° 30.48 6.   Rottum Pożizzjoni Latitudni tat-Tramuntana Lonġitudni tal-Lvant 1 6° 25.18 53° 32.59 2 6° 25.04 53° 32.52 3 6° 23.88 53° 32.03 4 6° 23.85 53° 32.01 5 6° 23.81 53° 31.99 6 6° 23.54 53° 31.87 7 6° 22.06 53° 31.24 8 6° 21.72 53° 31.09 9 6° 21.64 53° 31.05 10 6° 21.57 53° 31.03 11 6° 21.51 53° 31.00 12 6° 21.40 53° 30.95 13 6° 21.24 53° 30.88 14 6° 21.15 53° 30.84 15 6° 20.96 53° 30.76 16 6° 20.38 53° 30.51 17 6° 18.57 53° 30.38 18 6° 18.74 53° 32.73 19 6° 21.94 53° 32.87

c.

L-erji ta’ żona III jinsabu fi ħdan il-vertiċi li ġejjin: Ismijiet kif imsemmija fuq il-mappa: 1.   Petten Pożizzjoni Latitudni tat-Tramuntana Lonġitudni tal-Lvant 1 4° 42.38 52° 52.59 2 4° 42.38 52° 52.57 3 4° 41.36 52° 50.31 4 4° 40.54 52° 48.39 5 4° 39.24 52° 46.17 6 4° 38.56 52° 44.48 7 4° 38.12 52° 42.05 8 4° 37.85 52° 40.72 9 4° 34.08 52° 54.35 2.   Eierlandsegat Pożizzjoni Latitudni tat-Tramuntana Lonġitudni tal-Lvant 1 4° 55.87 53° 15.31 2 4° 54.62 53° 14.77 3 4° 53.30 53° 14.19 4 4° 52.54 53° 13.97 5 4° 52.11 53° 13.69 6 4° 51.83 53° 13.90 7 4° 48.59 53° 13.14 8 4° 48.34 53° 12.97 9 4° 47.90 53° 12.52 10 4° 47.90 53° 11.80 11 4° 49.32 53° 09.85 12 4° 49.27 53° 09.82 13 4° 49.24 53° 09.79 14 4° 49.20 53° 09.76 15 4° 49.13 53° 09.70 16 4° 49.10 53° 09.67 17 4° 49.04 53° 09.61 18 4° 49.01 53° 09.58 19 4° 48.91 53° 09.49 20 4° 48.91 53° 09.49 21 4° 48.81 53° 09.40 22 4° 48.71 53° 09.31 23 4° 48.62 53° 09.22 24 4° 48.52 53° 09.13 25 4° 48.48 53° 09.09 26 4° 48.47 53° 09.08 27 4° 48.43 53° 09.04 28 4° 48.33 53° 08.94 29 4° 48.24 53° 08.85 30 4° 48.21 53° 08.82 31 4° 48.18 53° 08.79 32 4° 48.16 53° 08.76 33 4° 48.16 53° 08.75 34 4° 48.15 53° 08.73 35 4° 48.14 53° 08.70 36 4° 48.14 53° 08.70 37 4° 48.13 53° 08.69 38 4° 48.13 53° 08.69 39 4° 48.13 53° 08.68 40 4° 48.12 53° 08.66 41 4° 48.12 53° 08.64 42 4° 48.13 53° 08.63 43 4° 47.88 53° 08.34 44 4° 47.85 53° 08.34 45 4° 47.83 53° 08.33 46 4° 47.79 53° 08.32 47 4° 47.74 53° 08.29 48 4° 47.72 53° 08.28 49 4° 47.61 53° 08.19 50 4° 47.50 53° 08.11 51 4° 47.46 53° 08.08 52 4° 47.38 53° 08.03 53 4° 47.27 53° 07.94 54 4° 47.20 53° 07.89 55 4° 47.16 53° 07.85 56 4° 47.11 53° 07.81 57 4° 47.05 53° 07.77 58 4° 46.95 53° 07.68 59 4° 40.88 53° 10.07 60 4° 41.42 53° 10.61 61 4° 42.15 53° 11.30 62 4° 42.90 53° 11.99 63 4° 43.40 53° 12.44 64 4° 43.66 53° 12.67 65 4° 44.45 53° 13.35 66 4° 45.26 53° 14.01 67 4° 46.09 53° 14.66 68 4° 46.94 53° 15.31 69 4° 47.80 53° 15.95 70 4° 48.69 53° 16.58 71 4° 49.32 53° 16.97 72 4° 50.18 53° 17.50 73 4° 51.04 53° 18.05 3.   Ameland Pożizzjoni Latitudni tat-Tramuntana Lonġitudni tal-Lvant 1 5° 32.77 53° 30.91 2 5° 36.13 53° 31.04 3 5° 39.90 53° 30.85 4 5° 49.21 53° 30.62 5 5° 49.33 53° 31.82 6 5° 51.60 53° 31.86 7 5° 54.65 53° 32.20 8 5° 54.68 53° 29.29 9 5° 38.34 53° 28.85 4.   Schiermonnikoog Pożizzjoni Latitudni tat-Tramuntana Lonġitudni tal-Lvant 1 6° 25.67 53° 34.20 2 6° 18.77 53° 33.13 3 6° 18.57 53° 30.38 4 6° 09.66 53° 30.20 5 6° 02.86 53° 32.69 6 6° 13.33 53° 33.77 7 6° 14.91 53° 34.37 8 6° 17.50 53° 34.35 9 6° 17.60 53° 34.35 10 6° 17.60 53° 34.36 11 6° 17.60 53° 34.36 12 6° 21.37 53° 34.35 13 6° 24.11 53° 34.35 14 6° 24.49 53° 34.34 15 6° 24.91 53° 34.31 16 6° 25.52 53° 34.23

d.	L-erji rilevanti se jiġu indikati bħala tali fuq il-Hydrografische Zeekaarten (Ċarts Nawtiċi Idrografiċi), fl-edizzjoni tal-2013 u f’edizzjonijiet sussegwenti.

Mapep tal-erji ta’ riċerka fejn sejra ssir riċerka fuq l-effetti tas-sajd tal-gambli

Il-Kosta tal-Olanda

3 kompartimenti BACI ta’ 15-il ettaru

Terschelling-Ameland-Schiermonnikoog

3 x 2 = 6 kompartimenti BACI ta’ 15-il ettaru, b’2 erji li ma jsirx sajd fihom qrib 2 siti ta’ tħaffir f’Ameland

Il-Baħar ta’ Wadden

Kompartiment fil-“Molenrak” dwar l-effiċjenza tas-sajd (75 ettaru)

3 kompartimenti BACI ta’ 15-il ettaru qrib l-“afsluitdijk”

Vlakte van de Raan

3 kompartimenti BACI ta’ 25 ettaru, fejn nofshom isir sajd fihom fuq bażi sperimentali

Mapep li joffru ħarsa ġenerali biex juru l-postijiet tar-riċerka fuq il-gambli

Żona Kostali tal-Baħar tat-Tramuntana u l-Baħar ta’ Wadden

Il-lok ta’ 12-il kompartiment BACI (Nru 1 sa 12) u l-kompartiment tar-riċerka dwar l-intensità tas-sajd (A). Żona 1 NSCZ: immarkata b’linji dijagonali ħomor. Iż-żoni f’ċirku f’Ameland huma żoni li fihom ma jsirx sajd qrib 2 siti ta’ tħaffir (torrijiet).

Vlakte van de Raan

3 kompartamenti BACI (nru 13 sa 15). Is-sitt linji blu fil-parti tat-Tramuntana tal-Voordelta jindikaw il-lok tar-riċerka fuq l-effett bħalma diġà qed issir fil-preżent fil-Voordelta.

Il-postijiet fejn qiegħda ssir ir-riċerka dwar l-effetti tas-sajd tal-gambli jinsabu fi ħdan il-vertiċi li ġejjin:

1.   Schiermonnikoog

Nru	Latitudni tat-Tramuntana	Lonġitudni tal-Lvant
1	53° 34.03	06° 07.49
	53° 34.08	06° 07.99
	53° 33.91	06° 07.99
	53° 33.87	06° 07.54
2	53° 33.23	06° 04.69
	53° 33.28	06° 05.14
	53° 33.12	06° 05.19
	53° 33.07	06° 04.74

2.   Ameland

Nru	Latitudni tat-Tramuntana	Lonġitudni tal-Lvant
3	53° 31.21	05° 42.05
	53° 31.21	05° 42.51
	53° 31.04	05° 42.51
	53° 31.04	05° 42.05
4	53° 31.67	05° 37.24
	53° 31.67	05°.37.70
	53° 31.50	05° 37.70
	53° 31.50	05° 37.24

3.   Terschelling

Nru	Latitudni tat-Tramuntana	Lonġitudni tal-Lvant
5	53° 28.77	05° 21.48
	53° 28.87	05° 21.90
	53° 28.72	05° 21.99
	53° 28.62	05° 21.57
6	53° 28.70	05° 18.06
	53° 28.80	05° 18.48
	53° 28.65	05° 18.57
	53° 28.55	05° 18.15

4.   Petten

Nru	Latitudni tat-Tramuntana	Lonġitudni tal-Lvant
7	52° 42.16	04° 35.87
	52° 42.14	04° 36.14
	52° 41.87	04° 36.08
	52° 41.89	04° 35.81
8	52° 41.73	04° 33.65
	52° 41.71	04° 33.91
	52° 41.44	04° 33.86
	52° 41.46	04° 33.59
9	52° 40.11	04° 34.05
	52° 40.09	04° 34.31
	52° 39.82	04° 34.26
	52° 39.84	04° 33.99

5.   Il-Baħar ta’ Wadden: Afsluitdijk

Nru	Latitudni tat-Tramuntana	Lonġitudni tal-Lvant
10	53° 01.19	05° 05.84
	53° 01.06	05° 06.23
	53° 00.92	05° 06.10
	53° 01.05	05° 05.71
11	53° 00.77	05° 09.08
	53° 00.81	05° 09.52
	53° 00.62	05° 09.57
	53° 00.61	05° 09.12
12	53° 01.19	05° 10.85
	53° 01.36	05° 11.21
	53° 01.23	05° 11.38
	53° 01.06	05° 11.03

6.   Il-Baħar ta’ Wadden: Molenrak

Nru	Latitudni tat-Tramuntana	Lonġitudni tal-Lvant
A	53° 10.30	05° 19.06
	53° 10.30	05° 20.41
	53° 10.03	05° 20.41
	53° 10.03	05° 19.06

7.   Vlakte van de Raan

Nru	Latitudni tat-Tramuntana	Lonġitudni tal-Lvant
13	51° 31.06	03° 21.61
	51° 30.90	03° 21.97
	51° 30.68	03° 21.71
	51° 30.84	03° 21.35
14	51° 33.00	03° 16.86
	51° 32.81	03° 17.16
	51° 32.62	03° 16.84
	51° 32.82	03° 16.54
15	51° 30.82	03° 16.48
	51° 30.68	03° 16.86
	51° 30.45	03° 16.64
	51° 30.58	03° 16.26

L-Anness imsemmi fl-Artikolu I, il-parti D

Anness 3b. L-indikazzjonijiet taż-żoni fi Vlakte van de Raan, bħala parti mill-Artikolu 35(1).

I.   Vlakte van de Raan, Nru. 13

Iż-żona definita mil-linja li tgħaddi mill-koordinati li ġejjin:

Latitudni tat-tramuntana		Lonġitudni tal-lvant
51	31 062	3	21 612
51	30 902	3	21 966
51	30 682	3	21 706
51	30 842	3	21 352

II.   Vlakte van de Raan, Nru. 14

Iż-żona definita mil-linja li tgħaddi mill-koordinati li ġejjin:

Latitudni tat-tramuntana		Lonġitudni tal-lvant
51	33 004	3	16 858
51	32 806	3	17 157
51	32 618	3	16 839
51	32 818	3	16 537

III.   Vlakte van de Raan, Nru. 15

Iż-żona definita mil-linja li tgħaddi mill-koordinati li ġejjin:

Latitudni tat-tramuntana		Lonġitudni tal-lvant
51	30 815	3	16 479
51	30 682	3	16 861
51	30 445	3	16 644
51	30 578	3	16 263

Nota ta’ spjegazzjoni

1.   Sommarju tar-Regolament

Dan ir-Regolament jemenda l-Uitvoeringsregeling visserij (minn hawn ‘il quddiem magħruf bħala: ir-Regolament). Din l-emenda tipprovdi għall-għeluq ta’ tliet erji fi Vlakte van de Raan għal sajd li jiddisturba l-qiegħ tal-baħar sabiex jiġu studjati l-effetti tas-sajd għall-gambli.

2.   Sfond

Fl-2012, sejjer jitnieda studju dwar l-effetti tas-sajd għall-gambli fuq il-ħajja tal-fawna u l-flora ta’ qiegħ il-baħar fil-Voordelta, fiż-Żona Kostali tal-Baħar tat-Tramuntana u fil-Baħar ta’ Wadden. L-istudju għandu l-għan li jiġbor informazzjoni sabiex tkun tista’ ssir valutazzjoni xierqa bħala tħejjija għall-ħruġ tal-permessi tas-sajd għall-gambli mill-2014.

Il-programm ta’ dan l-istudju jirrikjedi li jingħalqu xi erji għall-forom kollha ta’ sajd li jiddisturba l-qiegħ tal-baħar. Dawn jinkludu tliet erji b’daqs ta’ 500 × 500 m (25 ettaru) fi Vlakte van de Raan fl-estwarju ta’ Westerscheldt. L-għeluq jippermetti t-twettiq ta’ riċerka dwar speċijiet vulnerabbli u b’ħajja twila ta’ flora u fawna ta’ qiegħ il-baħar, l-effetti tas-sajd għall-gambli fuq l-ekosistema ta’ qiegħ il-baħar u l-ambitu u l-kompożizzjoni tal-qabda inċidentali.

3.   Notifika

F’dawn it-tliet erji ma għandhomx isiru attivitajiet ta’ sajd li jiddisturba l-qiegħ tal-baħar. Dan għandu jaffettwa kemm lil bastimenti Olandiżi kif ukoll lil dawk barranin, billi tnejn miż-żoni kkonċernati (Numri 14 u 15) jinsabu fiż-żona ta’ bejn tlieta u sitt mili. Skont id-direttivi tal-UE, il-bastimenti Belġjani u Ġermaniżi huma permessi li jagħmlu sajd għall-gambli fiż-żona msemmija fuq. Sabiex jiġi żgurat li dawn iż-żoni tar-riċerka huma ħielsa minn attivitajiet tas-sajd, il-Kummissjoni Ewropea ġiet innotifikata dwar ir-Regolament ta’ Emenda fi …

4.   Sommarju tar-Regolament

Dan ir-Regolament jipprovdi għall-għeluq ta’ tliet erji fl-estwarju ta’ Westerscheldt għas-sajd għall-gambli u għas-sajd li jiddisturba l-qiegħ tal-baħar sabiex ikun jista’ jsir l-istudju meħtieġ dwar l-effetti tas-sajd għall-gambli.

5.   Piż regolatorju

Dan ir-Regolament ma jbiddilx il-piż amministrattiv u lanqas l-ispejjeż tal-konformità.

It-tliet erji magħluqa għar-riċerka jkopru daqs totali ta’ 75 ettaru, li jagħmlu madwar 0.4 % tas-sit ta’ Natura 2000, Vlakte van de Raan. Is-settur tal-gambli jeħtieġ ir-riżultat ta’ dan l-istudju sabiex japplika għal liċenzja ġdida skont l-Att tal-Konservazzjoni tan-Natura mill-1 ta’ Jannar 2014. Mhux qed jiġu influwenzati la l-piż amministrattiv u lanqas l-ispejjeż tal-konformità. Sabiex l-effetti fuq il-bejgħ tan-negozji jinżammu kemm jista’ jkun baxxi, it-tliet erji ntgħażlu wara konsultazzjoni mas-settur tal-gambli u ġew ikkoordinati ma’ organizzazzjonijiet ambjentali. Għalhekk, wieħed jista’ jassumi li l-għażla magħżula hija dik bl-inqas piżijiet. Dan ir-Regolament jaffettwa massimu ta’ 215-il sajjied tal-gambli.

6.   Dati fissi għall-bidliet

Wara d-deċiżjoni tal-Gvern li jintroduċi dati fissi għall-bidliet fil-liġijiet u fir-regolamenti, issa hemm erba’ dati possibbli fis-sena għad-dħul fis-seħħ ta’ regolamenti ministerjali, filwaqt li r-regolamenti jridu jiġu ppubblikati mill-inqas xahrejn bil-quddiem. Billi s-settur tal-gambli għandu jibbenefika ħafna minn dħul fis-seħħ bikri tar-regolament, ġie deċiż li tiġi applikata deroga minn dawn id-dati.

Iż-żoni għandhom jingħalqu malajr bil-għan li jkun jista’ jsir l-istudju dwar l-effetti tas-sajd għall-gambli. L-istudju għandu jibda fis-sajf tal-2012 minħabba li r-riżultati tal-ewwel sena tal-istudju huma meqjusin neċessarji għall-applikazzjoni għal-liċenzja mill-2014.

7.   Noti għall-artikoli