19.9.2012   

MT

Il-Ġurnal Uffiċjali tal-Unjoni Ewropea

L 252/1

(1)

Ir-Regolament tal-Kummissjoni (UE) Nru 494/2011 tal-20 ta’ Mejju 2011 li jemenda r-Regolament (KE) Nru 1907/2006 tal-Parlament Ewropew u tal-Kunsill dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH) fir-rigward tal-Anness XVII (Kadmju) (2) immodifika l-kamp ta’ applikazzjoni tar-restrizzjoni dwar il-kadmju u l-komposti tal-kadmju, filwaqt li daħħal dispożizzjonijiet applikabbli għall-bsaten tal-ibbrejżjar u ġojjelli skont l-istrateġiji tal-evalwazzjoni tar-riskju u tat-tnaqqis tar-riskju għall-kadmju u l-ossidu tal-kadmju (3).

(2)

Ir-Regolament (UE) Nru 494/2011 barra minn hekk estenda r-restrizzjoni attwali dwar l-użu tal-kadmju u l-komposti tal-kadmju fil-polimeri organiċi sintetiċi (materjal tal-plastika) għall-materjali kollha tal-plastika, filwaqt li pprovda eżenzjoni għall-użu tal-PVC irkuprat li fih il-kadmju fil-manifattura ta’ ċerti prodotti tal-kostruzzjoni. Din id-deroga ngħatat billi ġew ikkunsidrati d-diskussjonijiet f’laqgħa ta’ esperti ad hoc dwar l-attivitajiet ta’ ġestjoni tar-riskju skont ir-Regolament (KE) Nru 1907/2006 u r-riżultati tal-istudju dwar l-Impatt Soċjo-Ekonomiku ta’ Aġġornament Potenzjali tar-Restrizzjonijiet fuq il-Kummerċjalizzazzjoni u l-Użu tal-Kadmju fil-ġojjelli, ligi tal-ibbrejżjar u PVC, ippubblikati f’Jannar 2010 (4). L-elementi kollha tar-restrizzjoni ġew soġġetti għal konsultazzjoni mal-awtoritajiet kompetenti tal-Istati Membri responsabbli mill-implimentazzjoni tar-Regolament (KE) Nru 1907/2006 u mal-partijiet interessati.

(3)

Wara l-adozzjoni tar-Regolament (UE) Nru 494/2011, il-Kummissjoni ġiet infurmata dwar l-użi tal-pigmenti tal-kadmju f’ċerti tipi ta’ materjali tal-plastik, ristretti għall-ewwel darba bir-Regolament (UE) Nru 494/2011, fejn alternattivi xierqa għall-użu tal-komposti tal-kadmju ma jidhrux li huma disponibbli u li għalihom, minħabba ċ-ċirkostanzi eċċezzjonali ta’ konsultazzjoni limitata, jixraq li issa jkun hemm stima ulterjuri.

(4)

Ir-Riżoluzzjoni tal-Kunsill tal-25 ta’ Jannar 1988 tagħmel sejħa għal strateġija ġenerali biex tikkumbatti t-tniġġis tal-ambjent mill-kadmju, inklużi miżuri speċifiċi biex jiġi ristrett l-użu tal-kadmju u stimulat l-iżvilupp ta’ alternattivi ulterjuri għall-użu tal-kadmju fil-pigmenti, l-istabbilizzaturi u l-ibbanjar, filwaqt li titlob biex l-użi tal-kadmju jiġu limitati għal każijiet fejn ma jeżistux alternattivi xierqa.

(5)

Il-Kummissjoni se titlob lill-Aġenzija Ewropea għas-Sustanzi Kimiċi, skont l-Artikolu 69 tar-REACH, biex tħejji dossier konformi mar-rekwiżiti tal-Anness XV fir-rigward tal-użu tal-kadmju u l-komposti tal-kadmju f’dawk it-tipi ta’ materjal tal-plastik li ġew ristretti għall-ewwel darba bir-Regolament (UE) Nru 494/2011, filwaqt li kkunsidrat bis-sħiħ ir-Riżoluzzjoni tal-Kunsill tal-25 ta’ Jannar 1988.

(6)

Sakemm il-proċedura ta’ restrizzjoni tkun finalizzata, ir-restrizzjoni dwar l-użu tal-kadmju u l-komposti tiegħu għandha tkun limitata għat-tipi ta’ materjal tal-plastik elenkati fl-annotazzjoni 23 tal-Anness XVII qabel l-adozzjoni tar-Regolament (UE) Nru 494/2011.

(7)

Għal raġunijiet ta’ ċertezza legali, dan ir-Regolament għandu japplika mill-10 ta’ Diċembru 2011.

(8)

Il-miżuri stipulati f’dan ir-Regolament huma konformi mal-opinjoni tal-Kumitat stabbilit skont l-Artikolu 133 tar-Regolament (KE) Nru 1907/2006,

19.9.2012   

MT

Il-Ġurnal Uffiċjali tal-Unjoni Ewropea

L 252/4

(1)

Skont ir-Regolament (KE) Nru 1907/2006, jekk Stat Membru jqis li l-manifattura, it-tqegħid fis-suq jew l-użu ta’ sustanza waħedha, f’taħlita jew f’oġġett, jistgħu jkunu ta’ periklu mhux ikkontrollat għas-saħħa tal-bniedem jew għall-ambjent u jeħtieġ li dan jiġi indirizzat, l-Istat Membru għandu jħejji dossier wara li jinforma lill-Aġenzija Ewropea għas-Sustanzi Kimiċi (minn hawn ’il quddiem “l-Aġenzija”) bl-intenzjoni tiegħu.

(2)

Fil-15 ta’ April 2010 Franza ppreżentat dossier lill-Aġenzija skont l-Artikolu 69(4) tar-Regolament (KE) Nru 1907/2006, sabiex jinbeda proċess ta’ restrizzjoni skont l-Artikoli minn 69 sa 73 ta’ dak ir-Regolament. F’dak id-dossier, intwera li minħabba li t-tfal idaħħlu l-affarijiet f’ħalqhom, speċjalment dawk taħt is-36 xahar, jistgħu jiġu esposti repetittivament għaċ-ċomb rilaxxat mill-oġġetti ta’ ġojjellerija. Esponiment repetittiv bħal dan jista’ jirriżulta f’effetti severi u irreversibbli newrofunzjonali u fl-iżvilupp newroloġiku, li t-tfal huma partikolarment sensittivi għalihom peress li s-sistema nervuża ċentrali tagħhom tkun għadha qed tiżviluppa. Id-dossier juri li hija meħtieġa azzjoni fuq livell tal-Unjoni, lil hinn minn kwalunkwe miżura diġà fis-seħħ, sabiex jiġi evitat kemm jista’ jkun l-esponiment għaċ-ċomb u l-komposti tiegħu f’oġġetti ta’ ġojjellerija. Għaldaqstant, id-dossier jipproponi l-projbizzjoni tat-tqegħid fis-suq u l-użu taċ-ċomb u l-komposti tiegħu f’oġġetti ta’ ġojjellerija jekk ir-rata tal-migrazzjoni taċ-ċomb tkun akbar minn 0,09 μg/cm2/h.

(3)

Fl-opinjoni tiegħu tal-10 ta’ Marzu 2011, il-Kumitat għall-Istima tar-Riskji (minn hawn ’il quddiem “RAC”) iqis li l-aktar miżura adattata fuq livell tal-Unjoni biex jiġu indirizzati r-riskji identifikati f’termini ta’ effettività fit-tnaqqis tar-riskji hija l-projbizzjoni tat-tqegħid fis-suq u l-użu taċ-ċomb u l-komposti tiegħu fil-partijiet metalliċi u mhux metalliċi f’oġġetti ta’ ġojjellerija, jekk il-konċentrazzjoni taċ-ċomb tkun 0,05 % jew aktar bil-piż tal-parti, sakemm ma jintweriex li r-rata tar-rilaxx taċ-ċomb ma taqbiżx iż-0,05 μg/cm2/h (0,05 μg/g/h).

(4)

Fl-opinjoni tiegħu tal-15 ta’ Settembru 2011, il-Kumitat għall-Analiżi Soċjoekonomika (minn hawn ’il quddiem “SEAC”) jikkunsidra l-projbizzjoni tat-tqegħid fis-suq u l-użu taċ-ċomb u l-komponenti tiegħu f’oġġetti ta’ ġojjellerija, jekk il-konċentrazzjoni taċ-ċomb tkun 0,05 % jew aktar bil-piż ta’ kwalunkwe parti individwali tagħhom. Din il-miżura kienet ikkunsidrata bħala l-aktar xierqa fuq livell tal-Unjoni sabiex jiġu indirizzati r-riskji identifikati f’termini tal-proporzjonalità tal-benefiċċji soċjoekonomiċi tagħha mal-ispejjeż soċjoekonomiċi. Fid-dawl tan-nuqqas attwali ta’ metodu ta’ ttestjar tal-migrazzjoni li jimita l-kundizzjonijiet meta tfal jitfgħu oġġetti f’ħalqhom, l-SEAC qies li r-restrizzjoni għandha tkun ibbażata fuq il-kontenut taċ-ċomb fi kwalunkwe parti individwali ta’ oġġetti ta’ ġojjellerija, u mhux fuq ir-rata tal-migrazzjoni taċ-ċomb rilaxxat minn dawn l-oġġetti. Barra minn hekk, l-SEAC irrakkomanda li għandhom jingħataw eżenzjonijiet għall-ħġieġ tal-kristall, enamel li għandu mill-ħġieġ, komponenti interni tal-arloġġi tal-idejn kif ukoll ħaġar prezzjuż u semiprezzjuż mhux sintetiku jew rikostitwit.

(5)

Fit-23 ta’ Settembru 2011 l-Aġenzija ppreżentat l-opinjonijiet tal-RAC u tal-SEAC lill-Kummissjoni.

(6)

Minħabba n-nuqqas ta’ tagħrif dwar ir-rilaxx taċ-ċomb f’kundizzjonijiet meta t-tfal jitfgħu oġġetti f’ħalqhom u minħabba n-nuqqas ta’ alternattivi xierqa għall-użi kollha ta’ ħġieġ tal-kristall u enamel li għandu mill-ħġieġ, dan tal-aħħar għandu jkun eżentat mill-miżura attwali. Barra minn hekk l-SEAC irrakkomanda l-eżenzjoni tal-kategoriji 1 u 2 biss tal-ħġieġ tal-kristall (“Kristall taċ-Ċomb Sħiħ” u “Kristall taċ-Ċomb” rispettivament) kif definit fl-Anness I tad-Direttiva tal-Kunsill 69/493/KEE tal-15 ta’ Diċembru 1969 dwar l-approssimazzjoni tal-liġijiet tal-Istati Membri li jirrelataw mal-ħġieġ tal-kristall (2). Madankollu l-kategoriji 3 u 4 tal-ħġieġ tal-kristall (“ħġieġ tal-kristall, kristallin”) kif iddefiniti f’dik id-Direttiva għandhom jiġu eżentati mir-restrizzjoni wkoll, sabiex tkun żgurata l-konsistenza mal-eżenzjoni stabbilita fl-Anness tad-Direttiva 2002/95/KE tal-Parlament Ewropew u tal-Kunsill tas-27 ta’ Jannar 2003 dwar ir-restrizzjoni tal-użu ta’ ċerti sustanzi ta’ riskju fit-tagħmir elettriku u elettroniku (3), kif emendata bid-Deċiżjoni tal-Kummissjoni 2010/571/UE (4), u minħabba li għandhom kontenut inqas ta’ ċomb meta kkumparati mal-kategoriji 1 u 2.

(7)

Għall-istess raġunijiet applikabbli fuq ħġieġ tal-kristall u enamel li għandu mill-ħġieġ, ħaġar prezzjuż u semiprezzjuż mhux sintetiku jew rikostitwit li fih iċ-ċomb bħala kostitwent naturali għandu jkun eżentat.

(8)

Komponenti interni tal-arloġġi tal-idejn li mhumiex aċċessibbli għall-konsumaturi għandhom jiġi eżentati mir-restrizzjoni, billi l-esponiment għaċ-ċomb minn dawk il-komponenti jista’ jiġi eskluż.

(9)

Restrizzjoni fuq it-tqegħid fis-suq ta’ ġojjellerija second-hand jew antika jkollha impatt soċjoekonomiku sinifikanti, peress li dawn l-oġġetti jitilfu l-valur fis-suq tal-Unjoni, u l-infurzar ta’ din ir-restizzjoni jkun diffiċli. Għalhekk, oġġetti ta’ ġojjellerija mqiegħda fis-suq għall-ewwel darba sa 12-il xahar wara d-dħul fis-seħħ tar-restrizzjoni kif ukoll oġġetti ta’ ġojjellerija antiki għandhom ikunu eżentati mir-restrizzjoni.

(10)

Il-Kummissjoni għandha twettaq reviżjoni tal-eżenzjoni tal-kristall, enamel li għandu mill-ħġieġ u ħaġar prezzjuż u semiprezzjuż fid-dawl ta’ tagħrif xjentifiku ġdid disponibbli, inkluż il-migrazzjoni taċ-ċomb minn dawk l-użi eżentati, id-disponibbiltà ta’ alternattivi addattati kif ukoll l-iżvilupp ta’ metodi ta’ ttestjar tal-migrazzjoni.

(11)

Il-miżuri stabbiliti f’dan ir-Regolament jikkonformaw mal-opinjoni tal-Kumitat stabbilit bl-Artikolu 133 tar-Regolament (KE) Nru 1907/2006,

19.9.2012   

MT

Il-Ġurnal Uffiċjali tal-Unjoni Ewropea

L 252/7

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ din it-tip ta’ awtorizzazzjoni.

(2)

B’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ 6-fitażi (nru tal-KE 3.1.3.26) prodotta mill-Aspergillus oryzae (DSM 22594). Din l-applikazzjoni kienet akkumpanjata mid-dokumenti u d-dettalji meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni ta’ 6-fitażi (nru tal-KE 3.1.3.26) prodotta mill-Aspergillus oryzae (DSM 22594) bħala addittiv fl-għalf tat-tjur, tal-ħnienes miftuma, tal-ħnieżer għat-tismin u tal-ħnieżer nisa, li għandu jiġi kklassifikat fil-kategorija tal-addittivi “addittivi żootekniċi”.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tal-14 ta’ Diċembru 2011 (2), li s-6-fitażi (KE 3.1.3.26), prodotta mill-Aspergillus oryzae (DSM 22594), skont il-kundizzjonijiet proposti tal-użu, ma għandhiex effett negattiv fuq saħħet l-annimali, saħħet il-bniedem jew fuq l-ambjent, u li l-użu tagħha jista’ jtejjeb l-utilizzazzjoni tal-fosfru fl-ispeċijiet kollha fil-mira. L-Awtorità hija tal-fehma li wara t-tqegħid fis-suq ma hemmx bżonn ta’ rekwiżiti speċifiċi ta’ monitoraġġ. Hija vverifikat ukoll ir-rapport dwar il-metodu ta’ analiżi tal-addittiv għall-għalf fl-għalf imressaq mil-Laboratorju ta’ Referenza stabbilit mir-Regolament (KE) Nru 1831/2003.

(5)

Il-valutazzjoni tas-6-fitażi (EC 3.1.3.26) prodott mill-Aspergillus oryzae (DSM 22594) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ din il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(6)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/9

(1)

Ir-Regolament (KE) Nru 1831/2003 jistabbilixxi l-awtorizzazzjoni ta’ addittivi għall-użu fl-għalf għan-nutriment tal-annimali u r-raġunijiet u l-proċeduri għall-għoti ta’ din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-Lactobacillus brevis (DSMZ 21982). Din l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-Lactobacillus brevis (DSMZ 21982) bħala addittiv fl-għalf għall-ispeċi kollha tal-annimali, li għandu jiġi klassifikat fil-kategorija tal-addittivi “addittivi teknoloġiċi”.

(4)

L-Awtorità Ewropea dwar is-Sigurtà fl-Ikel (“l-Awtorità”), fl-opinjoni tagħha tas-6 ta’ Marzu 2012 (2), ikkonkludiet li, bil-kundizzjonijiet tal-użu proposti, il-preparazzjoni tal-Lactobacillus brevis (DSMZ 21982) ma għandhiex effett ta’ ħsara fuq is-saħħa tal-annimali, fuq is-saħħa tal-bniedem jew fuq l-ambjent, u li l-użu tal-preparazzjoni għandu l-potenzjal li jtejjeb il-produzzjoni tas-silage billi jżid il-produzzjoni tal-aċidu aċetiku u b’hekk tiżdied l-istabbiltà aerobika tas-silage ittrattat. L-Awtorità mhix tal-fehma li hemm ħtieġa għal rekwiżiti speċifiċi ta’ monitoraġġ wara t-tqegħid fis-suq. Din ivverifikat ukoll ir-rapport dwar il-metodu ta’ analiżi tal-addittiv fl-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

(5)

Il-valutazzjoni tal-Lactobacillus brevis (DSMZ 21982) turi li l-kundizzjonijiet għall-awtorizzazzjoni, kif stabbiliti fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ din il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(6)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/11

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din l-awtorizzazzjoni. L-Artikolu 10 ta’ dak ir-Regolament jipprevedi l-evalwazzjoni mill-ġdid ta’ prodotti awtorizzati skont id-Direttiva tal-Kunsill 82/471/KEE tat-30 ta’ Ġunju 1982 dwar ċerti prodotti użati fin-nutrizzjoni tal-annimali (2).

(2)

L-urea ġiet awtorizzata mingħajr limitu ta’ żmien permezz tad-Direttiva 82/471/KEE. Dan il-prodott imbagħad iddaħħal fir-Reġistru Komunitarju tal-addittivi fl-għalf bħala prodott eżistenti, skont l-Artikolu 10(1) tar-Regolament (KE) Nru 1831/2003.

(3)

B’konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 ta’ dak ir-Regolament, kienet ippreżentata applikazzjoni għal evalwazzjoni mill-ġdid tal-urea bħala addittiv fl-għalf għar-ruminanti, bit-talba li dak l-addittiv jiġi kklassifikat fil-kategorija tal-addittivi “addittivi nutrizzjonali”. Dik l-applikazzjoni kienet akkumpanjata mill-partikolaritajiet u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tas-7 ta’ Marzu 2012 (3) li skont il-kundizzjonijiet tal-użu proposti, l-urea ma għandhiex effett negattiv fuq saħħet l-annimali, saħħet il-bniedem jew l-ambjent, u li din tipprovdi nitroġenu mhux proteiku għas-sintesi proteika mikrobjali fil-kirxa. L-Awtorità tqis li ma hemmx bżonn ta’ rekwiżiti speċifiċi ta’ monitoraġġ għal wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf ippreżentat mil-Laboratorju Komunitarju ta’ Referenza stabbilit permezz tar-Regolament (KE) Nru 1831/2003.

(5)

Il-valutazzjoni tal-urea turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta’ din is-sustanza għandu jiġi awtorizzat kif speċifikat fl-Anness ta’ dan ir-Regolament.

(6)

Minħabba li saru xi modifiki fil-kundizzjonijiet tal-awtorizzazzjoni tal-urea u billi mhemm l-ebda effetti immedjati diretti fir-rigward tas-sikurezza, qabel l-awtorizzazzjoni, għandu jitħalla jgħaddi perjodu raġonevoli sabiex il-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. Huwa wkoll xieraq li jingħata perjodu tranżitorju għar-rimi tal-ħażniet eżistenti tal-urea, kif awtorizzati bid-Direttiva 82/471/KEE, u tal-għalf li fih l-urea.

(7)

Huwa ferm kumpless għall-operaturi li jadattaw ripetutament u minn jum għall-ieħor għat-tikketti tal-għalf li fih l-addittivi differenti li jkunu ġew awtorizzati suċċessivament skont il-proċedura stabbilita fl-Artikolu 10(2) tar-Regolament (KE) Nru 1831/2003 u li għalihom iridu jitħarsu regoli ġodda dwar it-tikkettar. Għalhekk huwa xieraq li jitnaqqas il-piż amministrattiv fuq l-operaturi billi jiġi pprovdut perjodu ta’ żmien li jippermetti konverżjoni bla xkiel tat-tikkettar.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/14

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ awtorizzazzjoni bħal din.

(2)

B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233). L-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tas-6-fitażi (KE 3.1.3.26) prodotta mis-Schizosaccharomyces pombe (ATCC 5233) bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd, biex tiġi kklassifikata fil-kategorija tal-addittivi “addittivi żootekniċi”.

(4)

L-użu ta’ preparazzjonijiet tas-6-fitażi EC 3.1.3.26 kien awtorizzat għal għaxar snin għat-tiġieġ għat-tismin, id-dundjani għat-tismin, it-tiġieġ tal-bajd, il-ħnienes (miftuma), il-papri għat-tismin, il-ħnieżer għat-tismin u l-ħnieżer nisa mir-Regolament tal-Kummissjoni (KE) Nru 785/2007 (2) u mir-Regolament tal-Kummissjoni (KE) Nru 379/2009 (3).

(5)

Tressqet dejta ġdida li ssostni l-applikazzjoni għall-awtorizzazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233) għall-użu bħala addittiv fl-għalf għall-ispeċi tat-tjur kollha għat-tismin għajr it-tiġieġ għat-tismin, id-dundjani għat-tismin u l-papri għat-tismin u l-ispeċi tat-tjur kollha tal-bajd għajr it-tiġieġ tal-bajd. Fl-opinjoni tagħha tas-7 ta’ Marzu 2012 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet ta’ użu proposti, il-6-fitażi (EC 3.1.3.26), prodotta mis-Schizosaccharomyces pombe (ATCC 5233), ma għandhiex effett ta’ ħsara fuq is-saħħa tal-annimali, is-saħħa tal-bniedem jew l-ambjent, u li l-użu tagħha jista’ jtejjeb l-utilizzazzjoni tal-fosforu fl-ispeċijiet kollha fil-mira. L-Awtorità tqis li wara t-tqegħid fis-suq ma hemmx bżonn ta’ rekwiżiti speċifiċi ta’ monitoraġġ. Din ivverifikat ukoll ir-rapport dwar il-metodu ta’ analiżi tal-addittiv fl-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

(6)

Il-valutazzjoni tas-6-fitażi (EC 3.1.3.26) prodotta mis-Schizosaccharomyces pombe (ATCC 5233) turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta’ din il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/17

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din l-awtorizzazzjoni. L-Artikolu 10(7) tar-Regolament (KE) Nru 1831/2003 flimkien mal-Artikolu 10, minn (1) sa (4), tiegħu jistipula dispożizzjonijiet speċifiċi għall-evalwazzjoni tal-prodotti użati fl-Unjoni bħala addittivi tal-furrajna minn dakinhar li daħal fis-seħħ ir-Regolament.

(2)

Skont l-Artikolu 10(1)(b) u l-Artikolu 7 tar-Regolament (KE) Nru 1831/2003, il-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) iddaħħlu fir-Reġistru Komunitarju tal-Addittivi fl-Għalf bħala prodotti eżistenti li jagħmlu parti mill-grupp funzjonali tal-addittivi tal-furrajna, għall-ispeċijiet kollha tal-annimali.

(3)

Skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, ġew ippreżentati applikazzjonijiet għall-awtorizzazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali, bit-talba li dawk l-addittivi jiġu kklassifikati fil-kategorija “additivi teknoloġiċi” u fil-grupp funzjonali “addittivi tal-furrajna”. Dawk l-applikazzjonijiet kienu akkumpanjati bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

L-applikazzjonijiet jikkonċernaw l-awtorizzazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali, li għandhom jiġu kklassifikati fil-kategorija tal-addittivi “addittivi teknoloġiċi”.

(5)

Fl-opinjoni tagħha tat-13 ta’ Diċembru 2011 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) ma għandhomx effetti negattivi fuq saħħet l-annimali, saħħet il-bniedem jew l-ambjent, u li dawn il-mikroorganiżmi għandhom il-potenzjal li jtejbu l-produzzjoni tal-furrajna minn kull magħlef billi jżidu l-preservazzjoni ta’ materja xotta u jnaqqsu t-telf ta’ proteini. L-Awtorità vverifikat ukoll ir-rapport dwar il-metodu ta’ analiżi tal-addittivi fl-għalf, f’għalf ippreżentat mil-Laboratorju Komunitarju ta’ Referenza li twaqqaf permezz tar-Regolament (KE) Nru 1831/2003.

(6)

Il-valutazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta’ dawk il-mikroorganiżmi għandu jiġi awtorizzat kif speċifikat fl-Anness ta’ dan ir-Regolament.

(7)

Minħabba li saru xi modifiki fil-kundizzjonijiet tal-awtorizzazzjoni tal-mikroorganiżmu Lactobacillus plantarum (NCIMB 41028) u Lactobacillus plantarum (NCIMB 30148) u billi ma hemm l-ebda effetti immedjati diretti fir-rigward tas-sigurtà, qabel l-awtorizzazzjoni, għandu jitħalla jgħaddi perjodu raġonevoli sabiex il-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. Huwa wkoll xieraq li jingħata perjodu tranżitorju għar-rimi tal-ħażniet eżistenti ta’ dawk il-mikroorganiżmi u l-għalf li fih dawn il-mikroorganiżmi.

(8)

Huwa ferm kumpless għall-operaturi li jadattaw ripetutament u minn jum għall-ieħor għat-tikketti tal-għalf li fih addittivi differenti li jkunu ġew awtorizzati suċċessivament skont il-proċedura stabbilita fl-Artikolu 10(2) tar-Regolament (KE) Nru 1831/2003 u li għalihom iridu jitħarsu regoli ġodda dwar it-tikkettar. Għalhekk huwa xieraq li jitnaqqas il-piż amministrattiv fuq l-operaturi billi jiġi pprovdut perjodu ta’ żmien li jippermetti konverżjoni bla xkiel tat-tikkettar.

(9)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/21

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ din l-awtorizzazzjoni.

(2)

Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni tal-karbonat tal-lantanju ottaidrat bin-numru CAS 6487-39-4. Dik l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-preparazzjoni tal-karbonat tal-lantanju ottaidrat bin-numru CAS 6487-39-4 bħala addittiv fl-għalf għall-klieb, biex tiġi kklassifikata fil-kategorija tal-addittivi “addittivi żootekniċi”.

(4)

L-użu ta’ dik il-preparazzjoni kienet awtorizzata għal għaxar snin għall-qtates mir-Regolament tal-Kummissjoni (KE) Nru 163/2008 (2).

(5)

Tressqet dejta ġdida b’appoġġ tal-applikazzjoni għall-awtorizzazzjoni tal-karbonat tal-lantanju ottaidrat, bin-numru CAS 6487-39-4, għall-klieb. L-Awtorità Ewropea dwar is-Sigurtà fl-Ikel (“l-Awtorità”) fl-opinjoni tagħha tas-6 ta’ Marzu 2012 ikkonkludiet li, fil-kundizzjonijiet tal-użu proposti, il-karbonat tal-lantanju ottaidrat ma jkollux effetti negattivi fuq l-ispeċi fil-mira (3). Ikkonkludiet ukoll li l-karbonat tal-lantanju ottaidrat għandu l-potenzjal li jnaqqas il-biodisponibbiltà tal-fosfru fil-klieb adulti. Madankollu, ma setgħetx tikkummenta fuq l-effetti fit-tul. Hija vverifikat ukoll ir-rapport dwar il-metodu ta’ analiżi tal-addittiv fl-għalf f’kampjun ta’ għalf imressaq mil-Laboratorju ta’ Referenza stabbilit mir-Regolament (KE) Nru 1831/2003.

(6)

L-evalwazzjoni tal-karbonat tal-lantanju ottaidrat, bin-numru CAS 6487-39-4, turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, ġew sodisfati. Għaldaqstant, l-użu ta’ din il-preparazzjoni għandu jiġi awtorizzat, kif speċifikat fl-Anness ta’ dan ir-Regolament. Jixraq li jsiru provvedimenti għal monitoraġġ wara t-tqegħid fis-suq fir-rigward tal-effetti negattivi fit-tul.

(7)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/23

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din l-awtorizzazzjoni.

(2)

Tressqet applikazzjoni, skont l-Artikolu 7 tar-Regolament (KE) Nru 1831/2003, għall-awtorizzazzjoni tal-endo-1,4-beta-ksilanażi (EC 3.2.1.8) prodott mill-Aspergillus niger (CBS 109.713). Din l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni tal-endo-1,4-beta-ksilanażi (EC 3.2.1.8) prodott mill-Aspergillus niger (CBS 109.713) bħala addittiv tal-għalf għat-tiġieġ imrobbija għall-bajd, għad-dundjani mrobbija għat-tgħammir, għall-ispeċijiet minuri tat-tjur għas-simna u mrobbija għall-bajd jew għat-tgħammir u għall-għasafar għat-tiżjin, li għandu jiġi kklassifikat fil-kategorija tal-addittivi “addittivi żootekniċi”.

(4)

L-użu ta’ din il-preparazzjoni kien awtorizzat għal 10 snin għat-tiġieġ għas-simna u għall-papri permezz tar-Regolament tal-Kummissjoni (KE) Nru 1096/2009 (2) u għad-dundjani għas-simna permezz tar-Regolament tal-Kummissjoni (KE) Nru 1380/2007 (3).

(5)

Tressqet dejta ġdida bħala appoġġ għall-applikazzjoni għall-awtorizzazzjoni tal-endo-1,4-beta-ksilanażi (EC 3.2.1.8) prodott mill-Aspergillus niger (CBS 109.713) għat-tiġieġ imrobbija għall-bajd, għad-dundjani mrobbija għat-tgħammir, għall-ispeċijiet minuri tat-tjur għas-simna u mrobbija għall-bajd jew għat-tgħammir u għall-għasafar għat-tiżjin. L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tat-2 ta’ Frar 2012 (4) li, skont il-kundizzjonijiet proposti tal-użu, l-endo-1,4-beta-ksilanażi (EC 3.2.1.8) prodott mill-Aspergillus niger (CBS 109.713) ma għandux effetti mhux mixtieqa fuq saħħet l-annimali, saħħet il-bniedem jew fuq l-ambjent, u li l-użu tiegħu jista’ jtejjeb il-proporzjon tal-għalf maż-żieda fil-piż fl-ispeċijiet fil-mira. L-Awtorità tqis li ma hemmx bżonn ta’ rekwiżiti speċifiċi ta’ monitoraġġ wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju ta’ Referenza Komunitarju stabbilit permezz tar-Regolament (KE) Nru 1831/2003.

(6)

Il-valutazzjoni tal-endo-1,4-beta-ksilanażi (EC 3.2.1.8) prodott mill-Aspergillus niger (CBS 109.713) turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għalhekk, l-użu ta’ dik il-preparazzjoni għandu jiġi awtorizzat kif speċifikat fl-Anness ta’ dan ir-Regolament.

(7)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

19.9.2012   

MT

Il-Ġurnal Uffiċjali tal-Unjoni Ewropea

L 252/26

(1)

Ir-Regolament (KE) Nru 1107/2009 jipprevedi li, l-approvazzjoni ta’ sustanza attiva tista’ tiġġedded meta tiskadi.

(2)

Huwa xieraq li jiġu stabbiliti d-dispożizzjonijiet meħtieġa għall-implimentazzjoni tal-proċedura ta’ tiġdid.

(3)

B’mod partikolari, għandhom jiġu stabbiliti perjodi għall-istadji differenti tal-proċedura ta’ tiġdid sabiex jiġi żgurat li taħdem sew.

(4)

Għandhom jiġu stabbiliti regoli fir-rigward tal-kunfidenzjalità u tal-pubblikazzjoni tal-applikazzjoni għat-tiġdid, tal-fajls addizzjonali u tal-aġġornamenti tagħhom.

(5)

Għandhom jiġu stabbiliti regoli wkoll għat-tressiq tal-applikazzjoni għat-tiġdid u għall-kontenut u l-format tagħha. L-applikanti għandu jkollhom l-obbligu li jiġġustifikaw it-tressiq ta’ informazzjoni ġdida u jelenkaw b’mod separat l-istudji li jkollhom il-ħsieb iressqu dwar l-annimali vertebrati.

(6)

Għandhom jiġu stabbiliti regoli fir-rigward tal-verifika tal-applikazzjoni mill-Istat Membru relatur.

(7)

Sabiex jiġi żgurat il-funzjonament tajjeb tal-proċedura ta’ tiġdid, l-Istat Membru relatur għandu, fuq talba tal-applikant u qabel jitressaq il-fajl addizzjonali, jorganizza laqgħa biex tiġi diskussal-applikazzjoni.

(8)

Il-fajls addizzjonali mressqa għat-tiġdid għandhom b’mod partikolari jinkludu dejta ġdida neċessarja u valutazzjonijiet tar-riskju ġodda u juru għaliex dik id-dejta u l-valutazzjonijiet tar-riskju huma neċessarji.

(9)

Għandhom jiġu stabbiliti regoli rigward l-istabbiliment tal-ammissibilità tal-applikazzjoni mill-Istat Membru relatur.

(10)

Meta l-applikazzjonijiet kollha mressqa jkunu inammissibbli, il-Kummissjoni għandha tadotta Regolament dwar in-nuqqas ta’ tiġdid tas-sustanza attiva kkonċernata.

(11)

Għandhom jiġu stabbiliti regoli sabiex tiġi żgurata valutazzjoni indipendenti, oġġettiva u trasparenti tas-sustanza attiva.

(12)

L-applikant, l-Istati Membri, għajr l-Istat Membru relatur, u l-pubbliku għandu jkollhom l-opportunità li jressqu kummenti dwar l-abbozz tar-rapport dwar il-valutazzjoni tat-tiġdid.

(13)

L-Awtorità Ewropea dwar is-Sigurtà fl-Ikel għandha tipprovdi konklużjonijiet u torganizza konsultazzjonijiet tal-esperti ħlief fejn il-Kummissjoni tgħarrafha li mhijiex meħtieġa konklużjoni.

(14)

Għandhom jiġu stabbiliti regoli fir-rigward tar-rapport tat-tiġdid u l-adozzjoni ta’ Regolament dwar it-tiġdid tal-approvazzjoni tas-sustanza attiva.

(15)

Ir-Regolament tal-Kummissjoni (UE) Nru 1141/2010 tas-7 ta’ Diċembru 2010 li jistabbilixxi l-proċedura għat-tiġdid tal-inklużjoni tat-tieni grupp ta’ sustanzi attivi fl-Anness I għad-Direttiva tal-Kunsill 91/414/KEE u li jistabbilixxi l-lista ta’ dawk is-sustanzi (2) għandu jkompli japplika fir-rigward tat-tiġdid tal-approvazzjoni tas-sustanzi attivi elenkati fl-Anness I tiegħu.

(16)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

kopja tal-applikazzjoni;

(b)

meta applikant ieħor, jew applikanti oħrajn, jidħlu mal-applikant oriġinali jew jissostitwixxuh, l-isem u l-indirizz ta’ dak l-applikant l-ieħor jew ta’ dawk l-applikanti l-oħrajn u, jekk japplika, l-isem tal-assoċjazzjoni tal-produtturi prevista fl-Artikolu 1(3);

(c)

informazzjoni rigward użu rappreżentattiv wieħed jew aktar fuq wiċċ tar-raba’ li jitkabbar ħafna f’kull żona ta’ mill-inqas prodott wieħed għall-protezzjoni tal-pjanti li fih is-sustanza attiva, li turi li l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009 ġew issodisfati; meta l-informazzjoni mressqa ma tkunx tkopri ż-żoni kollha jew ma tkunx tikkonċerna wiċċ tar-raba’ li jitkabbar ħafna, għandha tiġi ppreżentata ġustifikazzjoni;

(d)

valutazzjonijiet tad-dejta u tar-riskju li ma kinux parti mill-fajl tal-approvazzjoni jew mill-fajls tat-tiġdid sussegwenti u li huma meħtieġa:

(e)

għal kull punt tar-rekwiżiti tad-dejta għas-sustanza attiva, kif stipulat f’Regolament li jistabbilixxi r-rekwiżiti tad-dejta għas-sustanzi attivi skont ir-Regolament (KE) Nru 1107/2009, li għalih hija meħtieġa dejta ġdida skont il-punt (d), is-sommarji u r-riżultati ta’ testijiet u studji, l-isem ta’ sidhom u tal-persuna jew tal-istitut li wettaqhom u r-raġuni għaliex kull test jew studju huwa neċessarju;

(f)

għal kull punt tar-rekwiżiti tad-dejta għall-prodott għall-protezzjoni tal-pjanti, kif stipulat f’Regolament li jistabbilixxi r-rekwiżiti tad-dejta għas-sustanzi attivi skont ir-Regolament (KE) Nru 1107/2009 dwar it-tqegħid fis-suq ta’ prodotti għall-protezzjoni tal-pjanti, li għalih hija meħtieġa dejta ġdida skont il-punt (d), is-sommarji u r-riżultati ta’ testijiet u studji, l-isem ta’ sidhom u tal-persuna jew tal-istitut li wettaq it-testijiet u l-istudji fir-rigward ta’ prodott wieħed jew aktar għall-protezzjoni tal-pjanti li huma rappreżentattivi tal-użi appoġġati, u r-raġuni għaliex kull test jew studju huwa neċessarju;

(g)

fejn rilevanti, evidenza dokumentata kif imsemmi fl-Artikolu 4(7) tar-Regolament (KE) Nru 1107/2009;

(h)

għal kull test jew studju li jinvolvi annimali vertebrati, deskrizzjoni tal-passi meħuda biex jiġi evitat l-ittestjar fuq l-annimali vertebrati;

(i)

fejn rilevanti, kopja ta’ applikazzjoni għal-livelli ta’ residwu massimi kif imsemmi fl-Artikolu 7 tar-Regolament (KE) Nru 396/2005 tal-Parlament Ewropew u tal-Kunsill (4);

(j)

fejn rilevanti, kopja tal-proposta għall-klassifikazzjoni meta jkun meqjus li s-sustanza teħtieġ li tiġi klassifikata jew klassifikata mill-ġdid skont ir-Regolament (KE) Nru 1272/2008 tal-Parlament Ewropew u tal-Kunsill (5);

(k)

valutazzjoni tal-informazzjoni kollha mressqa;

(l)

lista ta’ verifika li turi li l-fajl addizzjonali previst fil-paragrafu 3 huwa komplut fid-dawl tal-użi li għalihom tkun saret l-applikazzjoni, u li tindika liema dejta hija ġdida;

(m)

is-sommarji u r-riżultati ta’ informazzjoni xjentifika pubblika riveduta minn esperti fl-istess qasam, kif imsemmi fl-Artikolu 8(5) tar-Regolament (KE) Nru 1107/2009.

(a)

rakkomandazzjoni fir-rigward tat-tiġdid tal-approvazzjoni;

(b)

rakkomandazzjoni dwar jekk is-sustanza għandhiex titqies bħala sustanza b’“riskju baxx”;

(c)

rakkomandazzjoni dwar jekk is-sustanza għandhiex titqies bħala kandidata għas-sostituzzjoni;

(d)

fejn rilevanti, proposta biex jiġu stabbiliti livelli ta’ residwu massimi;

(e)

fejn rilevanti, suġġeriment għall-klassifikazzjoni jew għall-klassifikazzjoni mill-ġdid tas-sustanza attiva skont ir-Regolament (KE) Nru 1272/2008;

(f)

konklużjoni dwar liema mill-istudji l-ġodda inklużi fil-fajls addizzjonali huma rilevanti għall-valutazzjoni;

(g)

rakkomandazzjoni fir-rigward tal-partijiet tar-rapport li dwarhom għandha tiġi organizzata konsultazzjoni ta’ esperti skont l-Artikolu 13(1);

(h)

il-punti li dwarhom l-Istat Membru korelatur ma qabilx mal-valutazzjoni mill-Istat Membru relatur, fejn rilevanti.

19.9.2012   

MT

Il-Ġurnal Uffiċjali tal-Unjoni Ewropea

L 252/33

(1)

Fil-21 ta' Diċembru 2011, il-Kummissjoni ħabbret, permezz ta’ notifika li ġiet ippubblikata f'Il-Ġurnal Uffiċjali tal-Unjoni Ewropea  (2) ("notifika ta' bidu"), il-bidu ta’ proċediment anti-dumping fir-rigward tal-importazzjonijiet fl-Unjoni ta’ ċerti prodotti tal-azzar miksija b'materjal organiku li joriġinaw fir-Repubblika Popolari taċ-Ċina ("il-pajjiż ikkonċernat" jew "ir-RPĊ").

(2)

Il-proċediment inbeda wara lment imressaq fis-7 ta' Novembru 2011 minn Eurofer ("l-ilmentatur"), li jirrappreżenta proporzjon kbir, f’dan il-każ aktar minn 70 %, tal-produzzjoni totali tal-Unjoni ta' ċerti prodotti tal-azzar miksija b'materjal organiku. L-ilment kien jinkludi evidenza prima facie ta’ dumping tal-prodott imsemmi u ta’ ħsara materjali li tirriżulta minnu, li kienet meqjusa bħala biżżejjed biex tiġġustifika l-ftuħ ta’ proċediment.

(3)

Il-Kummissjoni uffiċjalment għarrfet lill-ilmentaturi, lill-produtturi oħra magħrufa tal-Unjoni, lill-produtturi esportaturi magħrufa fir-RPĊ, lill-importaturi, lill-kummerċjanti, lill-utenti, lill-fornituri u lill-assoċjazzjonijiet magħrufa li huma kkonċernati u lir-rappreżentanti tar-RPĊ bil-bidu tal-proċediment. Il-Kummissjoni għarrfet ukoll lill-produtturi fil-Kanada u fir-Repubblika tal-Afrika t'Isfel ("l-Afrika t'Isfel") li kienu previsti fin-notifika ta' bidu bħala pajjiżi possibilment analogi. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu seduta ta’ smigħ fil-limitu taż-żmien stipulat fin-notifika ta’ bidu.

(4)

Fid-dawl tal-ammont, li deher għoli, ta’ produtturi esportaturi, produtturi tal-Unjoni u importaturi mhux relatati, ġie kkunsidrat it-teħid tal-kampjuni fin-notifika ta' bidu skont l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk it-teħid ta’ kampjuni hux se jkun meħtieġ, u jekk iva, biex tagħżel il-kampjuni, il-produtturi esportaturi u l-importaturi mhux relatati magħrufa kollha ntalbu jippreżentaw irwieħhom mal-Kummissjoni u jipprovdu, kif speċifikat fin-notifika ta' bidu, informazzjoni bażika dwar l-attivitajiet tagħhom relatati mal-prodott ikkonċernat matul il-perjodu mill-1 ta’ Ottubru 2010 sat-30 ta’ Settembru 2011.

(5)

Fir-rigward tal-produtturi tal-Unjoni, il-Kummissjoni, fin-notifika ta' bidu ħabbret li hi kienet provviżorjament għażlet kampjun ta' produtturi mill-Unjoni. Dan il-kampjun kien jikkonsisti minn sitt produtturi tal-Unjoni li kienu magħrufa mill-Kummissjoni li jipproduċu prodott simili magħżul fuq il-bażi tal-bejgħ, il-volum tal-produzzjoni, id-daqs u l-lokalità ġeografika fl-Unjoni. Il-produtturi tal-Unjoni fil-kampjun kienu responsabbli għal 46 % tal-produzzjoni tal-Unjoni u 38 % tal-bejgħ tal-Unjoni. Fin-notifika ta' bidu l-partijiet interessati ġew mistiedna wkoll iressqu l-fehmiet tagħhom dwar il-kampjun provviżorju. Wieħed mill-produtturi tal-Unjoni iddikjara li ma xtaqx jiġi inkluż fil-kampjun u kien sostitwit fil-kampjun minn l-akbar produttur li kien imiss.

(6)

Kien hemm 26 produttur esportatur jew gruppi ta' produtturi esportaturi fir-RPĊ li ppreżentaw l-informazzjoni mitluba u qablu li jkunu inklużi fil-kampjun. Abbażi tal-informazzjoni li taw il-produtturi esportaturi, il-Kummissjoni għall-bidu għażlet kampjun ta' tliet produtturi esportaturi bl-ikbar volum ta' esportazzjonijiet lejn l-Unjoni. Madankollu, wieħed mill-produtturi esportaturi ma tax dejta preċiża dwar l-esportazzjoni u ġie eskluż mill-kampjun. Żewġ produtturi esportaturi oħra li sussegwentement ġew inklużi fil-kampjun, irtiraw il-kooperazzjoni tagħhom. Għalhekk, fl-aħħar il-Kummissjoni ddeċidiet li tillimita l-kampjun għaż-żewġ produtturi esportaturi oriġinarjament magħżula biex jagħmlu parti mill-kampjun u li kellhom l-ogħla volum ta’ esportazzjoni lejn l-Unjoni. Il-volum tal-esportazzjoni tagħhom jammonta għal aktar minn 30 % tat-total tal-esportazzjonijiet tal-produtturi esportaturi Ċiniżi kollha li kkooperaw.

(7)

Sabiex il-produtturi esportaturi fir-RPĊ jkunu jistgħu jitolbu trattament tal-ekonomija tas-suq ("MET") jew trattament individwali ("TI"), jekk jixtiequ jagħmlu dan, il-Kummissjoni bagħtet formoli xierqa lill-produtturi esportaturi Ċiniżi magħrufa li huma kkonċernati, lill-awtoritajiet Ċiniżi u lil produtturi esportaturi Ċiniżi oħra li ppreżentaw ruħhom qabel l-iskadenzi stipulati fin-notifika ta' bidu. Tliet produtturi esportaturi Ċiniżi, inkluż wieħed li kien inkluż fil-kampjun, talbu MET skont l-Artikolu 2(7) tar-Regolament bażiku, jew TI f'każ li l-investigazzjoni tistabbilixxi li ma ssodisfawx il-kundizzjonijiet għal MET. Wieħed minn dawn il-produtturi esportaturi, li ma kienx inkluż fil-kampjun, sussegwentament irtira t-talba tiegħu. Il-produttur esportatur l-ieħor fil-kampjun talab TI biss.

(8)

Tmien importaturi mhux relatati ppreżentaw l-informazzjoni mitluba u qablu li jiġu inklużi fil-kampjun. Għalhekk, minħabba l-għadd limitat ta’ importaturi li kkoperaw, it-teħid ta’ kampjuni tqies li ma għadux aktar neċessarju.

(9)

Il-Kummissjoni bagħtet kwestjonarji liż-żewġ produtturi esportaturi fil-kampjun fir-RPĊ, lil 14-il produttur esportatur ieħor fir-RPĊ li talbu dan, lil erba’produtturi fil-Kanada, lil tliet produtturi fl-Afrika t'Isfel, lil ħames produtturi fir-Repubblika tal-Korea ("il-Korea t'Isfel"), lil ħames produtturi fir-Repubblika Federattiva tal-Brażil ("il-Brażil") – lil pajjiżi kandidati tal-għażla tal-pajjiż analogu, lis-sitt produtturi tal-Unjoni inklużi fil-kampjun, lil ħames importaturi fl-Unjoni li kkooperaw u lill-utenti magħrufa.

(10)

Waslu tweġibiet minn disa' produtturi esportaturi u kumpaniji relatati fir-RPĊ, produttur wieħed fil-Kanada u produttur wieħed f'pajjiż possibilment analogu ieħor, fil-Korea t'Isfel. Barra minn hekk, is-sitt produtturi tal-Unjoni magħżula għall-kampjun, żewġ importaturi mhux relatati u għaxar utenti wieġbu l-kwestjonarju.

(11)

Il-Kummissjoni fittxet u vverifikat l-informazzjoni kollha li hija qieset meħtieġa għal determinazzjoni provviżorja ta’ dumping, id-dannu li jirriżulta u l-interess tal-Unjoni. Saru żjarat ta’ verifika fl-istabbilimenti tal-kumpaniji li ġejjin:

(12)

L-investigazzjoni tad-dumping u l-ħsara kopriet il-perjodu mill-1 ta' Ottubru 2010 sal-30 ta' Settembru 2011 (“perjodu ta' investigazzjoni” jew “PI”). L-eżami tax-xejriet rilevanti għall-valutazzjoni tad-danni kopra l-perjodu mill-1 ta’ Jannar 2008 sa tmiem il-perjodu ta’ investigazzjoni ("il-perjodu kkunsidrat").

(13)

Il-prodott ikkonċernat huwa ċerti prodotti tal-azzar miksija b'materjal organiku ("OCS"), jiġifieri prodotti ċatti rrumblati tal-azzar liga jew mhux liga (ma jinkludix stainless steel) li huma miżbugħa, mogħtija l-verniċ jew miksija bi plastiks fuq mill-anqas naħa waħda, esklużi dawk l-hekk imsejħa "pannelli sandwich" tat-tip użati għall-applikazzjonijiet tal-bini u li jikkonsistu f'żewġ folji tal-metall fuq barra b'qalba ta' stabbilizzazzjoni ta' materjal għall-insulazzjoni marsus bejniethom, u esklużi dawk il-prodotti b’kisi finali trab taż-żingu (żebgħa rikka fiż-żingu, li fiha bil-piż 70 % żingu jew aktar) li attwalment jaqgħu taħt il-kodiċi NM ex 7210 70 80, ex 7212 40 80, ex 7225 99 00, ex 7226 99 70, u li joriġinaw mir-Repubblika Popolari taċ-Ċina ("il-prodott ikkonċernat").

(14)

L-applikazzjoni ewlenija tal-OCS huwa fl-industrija tal-kostruzzjoni, kif ukoll għal proċessar ieħor f’diversi prodotti użati fil-kostruzzjoni (bħal pannelli sandwich, bjut, kisi, eċċ.). Applikazzjonijiet oħra jinkludu l-produzzjoni ta’ tagħmir domestiku (white goods u brown goods) jew tagħmir għall-kostruzzjoni (bibien, radjaturi, dwal, eċċ.).

(15)

L-investigazzjoni wriet li l-OCS prodott u mibjugħ mill-industrija tal-Unjoni fl-Unjoni, l-OCS prodott u mibjugħ fis-suq domestiku tar-RPĊ u l-OCS importat fl-Unjoni mir-RPĊ, kif ukoll dak prodott u mibjugħ fil-Kanada, li hija meqjusa pajjiż analogu, għandhom l-istess karatteristiċi fiżiċi u kimiċi bażiċi u l-istess użi bażiċi aħħarija. Għalhekk, dawn il-prodotti provviżorjament qed jitqiesu li huma simili skont it-tifsira tal-Artikolu 1(4) tar-Regolament bażiku.

(16)

Xi partijiet interessati argumentaw li l-prodotti mir-RPĊ ma kinux komparabbli ma' dawk mibjugħa mill-industrija tal-Unjoni minħabba li tal-ewwel kienu mibjugħa f’suq u segment tal-prezzijiet differenti u għal użu aħħari differenti bħall-użu għall-kostruzzjoni fuq barra, filwaqt li parti sostanzjali tal-prodotti tal-industrija tal-Unjoni huma prodotti ta' kwalità għolja użati biss fis-settur żgħir tal-apparat domestiku.

(17)

L-investigazzjoni fil-fatt uriet li filwaqt li l-produtturi tal-Unjoni biegħu parti mill-produzzjoni tagħhom lil dawn is-segmenti tas-suq bħat-tagħmir domestiku, l-istess prodotti nbiegħu wkoll lill-industrija tal-materjal tal-kostruzzjoni, li allegatament hija s-segment ewlieni tas-suq tal-esportazzjoni Ċiniża. Barra minn hekk, il-livelli tal-prezzijiet bejn dawk is-setturi nstabu li huma ġeneralment komparabbli għall-istess tipi ta' prodott mibjugħ lil utenti differenti.

(18)

Ta' min jinnota li, peress li l-prodott ikkonċernat huwa fil-biċċa l-kbira standardizzat, għandu l-istess karatteristiċi fiżiċi u kimiċi bażiċi bħall-prodott simili irrispettivament mill-użi aħħarija. Għaldaqstant, dan l-argument qed jiġi provviżorjament miċħud.

(19)

Waslu bosta talbiet minn utenti, esportaturi Ċiniżi u produtturi tal-Unjoni għall-esklużjoni ta’ ċerti tipi ta’ prodotti. It-tipi ta' prodotti li qed jintalbu li jiġu esklużi jikkonċernaw eż. azzar miksi bil-kromju jew bil-landa, pjanċi tal-azzar miżbugħa bi primer tas-silikat taż-żingu inorganiku jew miżbugħa b’materjali oħra li mhumiex organiċi.

(20)

Madankollu, s'issa ma ntlaħqu l-ebda konklużjonijiet, peress li xi wħud minn dawk it-talbiet mhumiex dokumentati biżżejjed biex tittieħed deċiżjoni infurmata. Għalhekk, ġie deċiż li ssir aktar investigazzjoni dwar dawn il-klejms.

(21)

Skont l-Artikolu 2(7)(b) tar-Regolament bażiku, fl-investigazzjonijiet anti-dumping li jikkonċernaw importazzjonijiet li joriġinaw fir-RPĊ, il-valur normali għandu jiġi ddeterminat skont il-paragrafi minn 1 sa 6 tal-Artikolu msemmi għal dawk il-produtturi li nstabu li jissodisfaw il-kriterji stabbiliti fl-Artikolu 2(7)(c) tar-Regolament bażiku. Fil-qosor u għall-faċilità ta’ referenza biss, dawn il-kriterji ġew stabbiliti fil-forma mqassra hawn taħt:

(22)

Kif stabbilit fil-premessa (8) hawn fuq, tliet produtturi esportaturi mir-RPĊ talbu trattament ta' ekonomija tas-suq ("TES") u wieġbu għall-formola tat-talba tat-TES fl-iskadenza taż-żmien mogħtija, li minnhom produttur esportatur wieħed sussegwentement irtira t-talba tiegħu.

(23)

Fir-rigward tal-kumplament taż-żewġ produtturi esportaturi fir-RPĊ li kkooperaw u li talbu t-TES, wara s-sentenza tal-Qorti tal-Ġustizzja tat-2 ta’ Frar 2012 (3) ġie deċiż li għandhom jiġu eżaminati t-talbiet tal-produttur esportatur li kien inkluż fil-kampjun (Zhangjiagang Panhua Steel Strip Co. Ltd u l-kumpaniji relatati tiegħu) kif ukoll tal-produttur esportatur li ma kienx inkluż fil-kampjun (Union Steel China u l-kumpanija relatata tiegħu). Il-Kummissjoni fittxet l-informazzjoni kollha li qieset li kienet meħtieġa u vverifikat l-informazzjoni li tressqet fit-talba għat-TES fl-istabbilimenti tal-kumpaniji kkonċernati.

(24)

L-ebda wieħed miż-żewġ gruppi ta' produtturi esportaturi fir-RPĊ li kkoperaw ma nstab li jissodisfa l-kriterji biex jingħata TES, minħabba li l-kost tal-materja prima prinċipali, kojls tal-azzar illaminati bis-sħana, ma jirriflettix il-verità minħabba ndħil mill-Istat fis-suq tal-azzar fir-RPĊ u għalhekk ma jirriflettix sostanzjalment il-valuri tas-suq, kif mitlub mill-ewwel inċiż tal-Artikolu 2(7)(c) tar-Regolament bażiku.

(25)

L-interferenza mill-Istat Ċiniż fis-settur tal-azzar tidher mill-fatt li l-maġġoranza l-kbira tal-produtturi l-kbar tal-azzar Ċiniżi huma proprjetà tal-Istat u l-kapaċità installata u l-produzzjoni tal-azzar huma influwenzati mid-diversi Pjanijiet Industrijali ta' ħames snin, partikolarment dak attwali li huwa t-12-il Pjan ta' Ħames Snin (2011-2015) għas-settur tal-ħadid u l-azzar.

(26)

L-Istat jeżerċita wkoll kontroll sinifikanti fuq is-suq tal-materja prima. Il-kokk (flimkien mal-minerali tal-ħadid li huwa l-materja prima prinċipali fil-produzzjoni tal-azzar) huwa soġġett għal restrizzjonijiet kwantitattivi fuq l-esportazzjonijiet u għal dazju tal-esportazzjoni ta' 40 %. Għalhekk jista' jiġi konkluż li s-suq tal-azzar Ċiniż huwa mxekkel minn interferenza sinifikanti mill-Istat.

(27)

Dan ix-xkiel huwa rifless fil-prezz imħallas mill-kumpaniji investigati għall-kojls tal-azzar illaminati bis-sħana fil-PI. Huma nstabu li kienu sinifikament irħas mill-prezzijiet internazzjonali. Wieħed jista' għalhekk jikkonkludi li l-produzzjoni tal-OCS tibbenefika minn prezzijiet mhux normali tal-kojls tal-azzar illaminati bis-sħana minħabba interferenza mill-gvern li toħloq distorsjoni fil-prezz tal-OCS fir-RPĊ. Din id-distorsjoni toffri vantaġġ kbir fil-kost għall-produtturi esportaturi Ċiniżi peress li l-kost jew il-materja prima prinċipali, kojls tal-azzar illaminati bis-sħana, jammontaw għal madwar 80 % tal-ispiża tal-produzzjoni. Għaldaqstant, il-kriterju 1 ma jistax jitqies li ġie ssodisfat.

(28)

Barra mis-sitwazzjoni ġenerali deskritta hawn fuq, wieħed mill-produtturi esportaturi ma ssodisfax il-kriterju 2 minħabba nuqqasijiet sinifikanti tas-sistemi kontabilistiċi ta’ tlieta mill-gruppi ta’ kumpaniji relatati tiegħu.

(29)

Il-Kummissjoni żvelat uffiċjalment ir-riżultati tas-sejbiet tat-TES lill-kumpaniji kkonċernati fir-RPĊ, lill-awtoritajiet fir-RPĊ u lill-ilmentatur. Huma ngħataw ukoll l-opportunità biex iressqu l-opinjonijiet tagħhom bil-miktub u biex jitolbu seduta ta' smigħ jekk kien hemm raġunijiet partikolari sabiex jinstemgħu.

(30)

Tressqu sottomissjonijiet bil-miktub mill-ilmentatur, minn produttur esportatur Ċiniż u mill-awtoritajiet tar-RPĊ. L-ilmentatur qabel mar-riżultati tas-sejbiet tat-TES. L-esportatur produttur Ċiniż prinċipalment staqsa jekk il-prezzijiet imħallsa mill-kumpaniji investigati għal kojls tal-azzar illaminati bis-sħana humiex sinifikament irħas mill-prezzijiet internazzjonali iżda ma ta l-ebda informazzjoni biex isosstni l-argument tiegħu. Madankollu id-dejta tal-Eurostat, ikkonfermata minn dejta statistika oħra disponibbli (4), turi biċ-ċar li dawn il-prezzijiet kienu sinifikament inqas mill-prezzijiet internazzjonali meta mqabbla ma' prezzijiet korrispondenti fl-Ewropa, fl-Amerika ta' Fuq, fl-Amerika t'Isfel u fil-Ġappun. Għaldaqstant dan l-argument huwa miċħud.

(31)

L-awtoritajiet tar-RPĊ saħqu li l-eżistenza ta' distorsjonijiet eventwali tal-prezzijiet tal-industrija f'livell wiesa' tal-materja prima kojls tal-azzar illaminati bis-sħana m'humiex awtomatikament preklużi mal-kriterja 1 li titlob determinazzjoni fil-livell ta' kumpanija. Madankollu, kif imsemmi fil-premessa (27), id-distorsjoni tal-prezz tal-materja prima prinċipali hija riflessa fil-prezz imħallas mill-kumpaniji kollha investigati. L-ewwel nett, l-ebda parti ma argumentat dwar dan il-fatt u t-tieni nett, l-eżami tat-TES sar fuq livell ta' kumpanija u s-sejbiet mhumiex limitati għal kwistjonijiet ġenerali orizzontali. Għaldaqstant dan l-argument ġie miċħud.

(32)

Barra minn hekk l-awtoritajiet tar-RPĊ ressqu li l-pjanijiet għal ħames snin huma linji gwida li ma jorbtux bla ebda forza legali fir-RPĊ. Madankollu, kif stipulat fil-premessa (25), irrispettivament għall-istatus legali eżatt ta' dawn il-pjanijiet, wieħed ma jistax jiċħad li permezz ta' dawn il-pjanijiet, l-intervenzjoni tal-gvern tar-RPĊ għandha impatt sinifikanti fuq il-kapaċità u l-produzzjoni installati mill-azzar. Għaldaqstant dan l-argument ġie miċħud.

(33)

Ġie afferamat ukoll li l-immaniġjar mill-Kummissjoni tal-klejms tal-MET kien inkompatibbli mas-sentenza tal-Qorti tal-Ġustizzja tat-2 ta' Frar 2012 (5) (’is-sentenza ta' Brosmann’) u tad-19 ta' Lulju 2012 (6) (’is-sentenza ta' Zhejiang Xinan Chemical’). Fir-rigward ta' dan l-argument, wieħed għandu jinnota li l-proċediment sar skont is-sentenza ta' Brosmann, kif rikonoxxut mill-awtoritajiet tar-RPĊ innifishom fis-sottomissjoni tagħhom. Barra minn hekk, il-kwistjoni fis-sentenza ta' Zhejiang kienet l-interferenza tal-Istat fid-deċiżjonijiet tal-kumpanija. Barra minn hekk, f'dan il-proċediment, ir-raġuni prinċipali li għaliha ġie miċħud it-TES kienet li l-prezz tal-materja prima prinċipali ma tirriflettix il-valuri tas-suq. Għaldaqstant dan l-argument qed jiġi provviżorjament miċħud.

(34)

Ġie affermat ukoll li peress li l-proċediment parallel kontra s-sussidju dwar il-prodott ikkonċernat eżamina wkoll il-kwistjoni tad-distorsjoni fid-dħul, il-Kummissjoni kellha tikkunsidra x-xhieda miġbura dwar din il-kwistjoni fil-proċediment parallel imsemmi. Fir-rigward ta' dan l-argument wieħed għandu jinnota li, fil-qafas tal-proċediment kurrenti tal-anti-dumping waqt l-investigazzjoni tat-TES, ġie eżaminat jekk il-kosti tal-materja prima prinċipali jirriflettux il-valuri tas-suq. Il-konklużjoni li l-produzzjoni tal-OCS fir-RPĊ tibbenefika mill-prezzijiet mhux normali tal-kojls tal-azzar illaminati bis-sħana, kif stipulat fil-premessa (27), hija perfettament valida f'dan ir-rispett u ma tippreġudika bl-ebda mod is-sejbiet possibbli tal-proċediment kontra s-sussidju jew vice versa. Kwalunkwe sejba possibbli fil-proċediment kontra s-sussidju hija distinta mid-determinazzjoni tat-TES Għaldaqstant dan l-argument qed jiġi provviżorjament miċħud.

(35)

L-awtoritajiet tar-RPĊ affermaw ukoll li l-Kummissjoni ma svelatx is-sejbiet tat-TES lill-awtoritajiet Ċiniżi. Madankollu, dan mhux korrett peress li s-servizzi tal-Kummissjoni ppreżentaw dokument ta' żvelar tat-TES, permezz ta' Nota Verbali lill-Missjoni Ċiniża tal-UE fit-12 ta' Lulju 2012,

(36)

Finalment, intqal li l-Kummissjoni qed tuża dejta mhux verifikata mill-pajjiż produttur analogu biex timponi d-dazji provviżorji. Madankollu, dan mhux korrett, peress li l-Kummissjoni użat dejta li analiżżat hi u sabet li kienet affidabbli, kif intqal b'mod ċar fil-premessa (48). Il-Kummissjoni kellha ddur għall-produttur Kanadiż analogu għall-koperazzjoni, peress li l-produttur Korean analogu irtira l-koperazzjoni tiegħu eżatt qabel ma saret iż-żjara ta' verifika ppjanata u miftehma kif spjegat fil-premessa (45). L-investigazzjoni fuq il-post tal-produttur għalhekk se ssir wara l-istadju provviżorju tal-proċediment. Intqal ukoll li l-kumpnija Koreana tal-pajjiż analogu irtirat il-koperazzjoni tagħha minħabba d-deċiżjoni tat-TES. Madankollu, dan mhuwiex il-każ, peress li l-irtirar ġie fit-3 ta' Lulju filwaqt li l-iżvelar tas-sejbiet tat-TES sar fit-12 ta' Lulju 2012.

(37)

L-ebda wieħed minn dawn l-argumenti li nġiebu ma kien tali li jbiddel is-sejbiet fir-rigward tad-determinazzjoni tat-TES.

(38)

Abbażi ta’ dak li ngħad aktar 'il fuq, l-ebda wieħed miż-żewġ gruppi ta' produtturi esportaturi fir-RPĊ li kkooperaw u li talbu TES ma seta' juri li jissodisfa l-kriterji kollha stabbiliti fl-Artikolu 2(7)(c) tar-Regolament Bażiku.

(39)

Skont l-Artikolu 2(7)(a) tar-Regolament bażiku, dazju nazzjonali, jekk hemm, huwa stabbilit għall-pajjiżi li jaqgħu taħt dak l-Artikolu, minbarra f’dawk il-każijiet fejn il-kumpaniji jistgħu juru li jissodisfaw il-kriterji stabbiliti fl-Artikolu 9(5) tar-Regolament bażiku. Fil-qosor, u għall-faċilità ta’ referenza biss, dawn il-kriterji huma stabbiliti hawn taħt:

(40)

Il-produttur esportatur, li kien inkluż fil-kampjun u li talab it-TES, talab ukoll TI f'każ li ma jingħatax TES. Il-produttur esportatur l-ieħor li kien inkluż fil-kampjun, talab TI biss. Abbażi tal-informazzjoni disponibbli, kien stabbilit provviżjorjament li dawn iż-żewġ produtturi esportaturi fir-RPĊ ma ssodisfawx il-kriterji biex jingħata TI.

(41)

Tressqu talbiet għal eżami individwali minn sitt produtturi esportaturi li kkooperaw skont l-Artikolu 17(3) tar-Regolament bażiku, li minnhom wieħed biss talab TES. Ġie deċiż provviżorjament li jsir EI għall-produttur esportatur li talab TES, Union Steel China, peress li ma kienx diffiċli li jsir hekk minħabba li l-produttur esportatur kien diġà eżaminat fil-qafas tal-eżami tat-talba għat-TES.

(42)

Dan il-produttur esportatur talab TES, imma talab TI ukoll f'każ li ma jingħatax TES. Wara eżami ta' din it-talba, ġie stabbilit provvisorjament li jingħata TI lil Union Steel China peress li ssodisfa l-kriterji biex jingħata TI.

(43)

Skont l-Artikolu 2(7)(a) tar-Regolament bażiku, il-valur normali għall-produtturi esportaturi li ma ngħatawx TES irid jiġi stabbilit fuq il-bażi tal-prezzijiet domestiċi jew tal-valur normali f’pajjiż analogu.

(44)

Fin-notifika ta’ bidu, il-Kummissjoni uriet l-intenzjoni tagћha li tuża jew lill-Kanada jew lill-Afrika t'Isfel bћala pajjiż analogu xieraq bil-għan li tistabbilixxi l-valur normali, u l-partijiet interessati ġew mistiedna sabiex jikkummentaw dwar dan.

(45)

Il-Kummissjoni eżaminat jekk pajjiżi oħrajn setgħux ikunu għażla raġonevoli bħala pajjiż analogu u ntbagħtu kwestjonarji lill-produtturi tal-OCS fil-Kanada u fl-Afrika t'Isfel, iżda wkoll lil produtturi fil-Brażil u fil-Korea t'Isfel. Żewġ produtturi tal-OCS, wieħed fil-Kanada u wieħed fil-Korea t'Isfel, wieġbu l-kwestjonarji. Iż-żewġ pajjiżi dehru li huma swieq miftuħa mingħajr ebda dazji ta' importazzjoni u b’importazzjonijiet sinifikanti minn diversi pajjiżi terzi. Barra minn hekk, kien hemm tal-anqas erba’ produtturi domestiċi oħra tal-prodott ikkonċernat fil-Korea t'Isfel, ħaġa li tippermetti livell tajjeb ta’ kompetizzjoni fis-suq domestiku. Madankollu, fi stadju avvanzat ħafna tal-proċedura, fit-3 ta' Lulju 2012 u eżatt qabel iż-żjara ta' verifika mis-servizzi tal-Kummissjoni, il-produttur tal-Korea t'Isfel irtira l-kooperazzjoni tiegħu mingħajr spjegazzjoni.

(46)

Fid-dawl ta' dan ta' hawn fuq, il-Kanada intgħażlet bħala l-pajjiż analogu. Hemm tal-anqas erba’ produtturi domestiċi oħra tal-prodott ikkonċernat fil-Kanada, li jippermetti livell tajjeb ta’ kompetizzjoni fis-suq domestiku. L-investigazzjoni ma wriet ebda raġuni biex wieħed iqis li l-Kanada ma kinitx adegwata biex jiġi stabbilit il-valur normali.

(47)

Bosta partijiet interessati argumentaw li l-istruttura tal-kost ta’ produttur Kanadiż ma tistax titqabbel mal-istruttura tal-kost ta’ produttur esportatur Ċiniż. Madankollu, ma nstabu l-ebda differenzi sinifikanti fl-istruttura tal-kosti u għaldaqstant, dan l-argument ġie miċħud.

(48)

Id-dejta ppreżentata fit-tweġiba tal-produttur Kanadiż li kkoopera kienet analizzata u nstabet li kienet tagħrif affidabbli li fuqu seta' jiġi bbażat il-valur normali.

(49)

Għalhekk huwa provviżorjament konkluż li l-Kanada huwa pajjiż analogu xieraq u raġonevoli skont l-Artikolu 2(7)(a) tar-Regolament bażiku.

(50)

Peress li l-kumpanija waħda magħżula biex tagħmel parti mill-kampjun u l-kumpanija li t-talba tagħha għall-eżami individwali ġiet aċċettata, ma setgħux juru li jissodisfaw il-kriterji tat-TES, u l-kumpanija l-oħra li ntagħżlet biex tkun parti mill-kampjun ma kinitx talbet TES, il-valur normali għal produtturi esportaturi Ċiniżi kollha ġie stabbilit abbażi tal-informazzjoni li waslet mingħand il-produttur fil-pajjiż analogu.

(51)

Skont l-Artikolu 2(2) tar-Regolament bażiku, il-Kummissjoni l-ewwel eżaminat jekk il-bejgħ tal-prodott simili fil-Kanada lill-klijenti indipendenti kienx rappreżentattiv. Il-bejgħ tal-prodott simili tal-produttur Kanadiż li kkoopera nstab li nbigħ fi kwantitajiet rappreżentattivi fis-suq domestiku Kanadiż meta mqabbel mal-prodott ikkonċernat esportat lejn l-Unjoni mill-produtturi esportaturi inklużi fil-kampjun u l-produttur esportatur li t-talba tiegħu għal eżami individwali kienet aċċettata.

(52)

Sussegwentement, il-Kummissjoni vvalutat jekk dan il-bejgħ setax jitqies li sar fl-andament normali tal-kummerċ skont l-Artikolu 2(4) tar-Regolament bażiku. Dan sar billi ġie stabbilit il-proporzjon ta’ bejgħ bi profitt lil klijenti indipendenti. It-tranżazzjonijiet tal-bejgħ tqiesu bħala profittabbli fejn il-prezz tal-unità kien ugwali għall-kost tal-produzzjoni jew ogħla minnu. B'hekk ġie ddeterminat il-kost tal-produzzjoni tal-produttur Kanadiż matul il-PI.

(53)

Għal dawk it-tipi ta’ prodotti fejn aktar minn 80 % bħala volum ta’ bejgħ fis-suq domestiku tat-tip inkwistjoni kien ogħla mill-kost u l-prezz tal-bejgħ medju peżat ta’ dak it-tip kien daqs jew aktar mill-prezz tal-unità ta’ produzzjoni, il-valur normali, skont it-tip ta’ prodott, ġie kkalkulat bħala l-medja peżata tal-prezzijiet domestiċi reali tal-bejgħ kollu tat-tip inkwistjoni, irrispettivament minn jekk dak il-bejgħ sarx bi profitt jew le.

(54)

Meta l-ammont ta’ bejgħ bi qligħ ta’ tip ta’ prodott kien jirrappreżenta 80 % jew inqas tal-volum ta’ bejgħ totali ta’ dak it-tip, jew meta l-prezz medju peżat ta’ dak it-tip kien inqas mill-kost ta’ unità ta’ produzzjoni, il-valur normali kien ibbażat fuq il-prezz domestiku attwali, li ġie kkalkulat bħala prezz medju peżat tal-bejgħ domestiku bi qligħ biss ta’ dak it-tip magħmul matul il-PI.

(55)

Fir-rigward tat-tipi ta’ prodott li ma kinux profittabbli, il-valur normali ġie ffurmat bl-użu tal-kosti tal-manifattura tal-produttur Kanadiż flimkien mal-ispejjeż tal-SG&A u l-marġni ta’ profitt għat-tipi ta' prodott li huma profittabbli.

(56)

Billi l-produtturi esportaturi li kkooperaw u li ngħataw TI għamlu bejgħ għall-esportazzjoni lejn l-Unjoni direttament lil klijenti indipendenti fl-Unjoni, il-prezzijiet ġew ibbażati fuq il-prezzijiet li effettivament tħallsu jew li għandhom jitħallsu għall-prodott ikkonċernat, skont l-Artikolu 2(8) tar-Regolament bażiku.

(57)

Il-valur normali u l-prezz tal-esportazzjoni tqabblu fuq bażi ex-works. Biex jiġi żgurat tqabbil ġust bejn il-valur normali u l-prezz tal-esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabbiltà tal-prezzijiet skont l-Artikolu 2(10) tar-Regolament bażiku. Saru aġġustamenti, fejn kien xieraq, għat-trasport, l-assigurazzjoni, l-ispejjeż tat-tqandil u l-ispejjeż anċillari, l-ippakkjar, il-kreditu, u l-ispejjeż bankarji u l-kummissjonijiet fil-każijiet kollha fejn instab li kienu raġonevoli, eżatti u sostnuti b’evidenza.

(58)

Skont l-Artikolu 2(11) u (12) tar-Regolament bażiku, il-marġnijiet tad-dumping għall-produtturi esportaturi li ngħataw TI ġew stabbiliti fuq il-bażi ta’ tqabbil tal-valur normali medju peżat stabbilit għall-pajjiż analogu mal-prezz tal-esportazzjoni medju peżat ta' kull kumpanija espress bħala perċentwal tal-prezz CIF fil-fruntiera tal-Unjoni, bid-dazju mhux imħallas.

(59)

Ġiet ikkalkulata l-medja peżata tal-marġni tad-dumping tal-produtturi esportaturi fil-kampjun għall-produtturi esportaturi li kkoperaw imma li ma ntgħażlux fil-kampjun. Abbażi ta' dan, il-marġnijiet tad-dumping provviżorju għall-produtturi esportaturi mhux fil-kampjun, espress bħala perċentwal tal-prezz CIF fil-fruntiera tal-Unjoni, bid-dazju mhux imħallas, huwa ta' 61,1 %.

(60)

Sabiex jiġi kkalkulat il-marġni tad-dumping għall-pajjiż kollu applikabbli għall-produtturi esportaturi li ma kkooperawx jew li mhumiex magħrufa fir-RPĊ, il-livell ta' kooperazzjoni ġie stabbilit l-ewwel billi tqabblu l-volumi tal-esportazzjonijiet lejn l-Unjoni rrappurtati mill-produtturi esportaturi li kkooperaw mal-istatistika ekwivalenti tal-Eurostat.

(61)

Meta wieħed iqis li l-koperazzjoni mir-RPĊ kienet madwar 70 %, il-marġni tad-dumping għall-pajjiż kollu applikabbli għall-esportaturi l-oħra kollha fir-RPĊ ġie stabbilit bl-użu tal-ogħla marġni tad-dumping stabbilit għal tipi ta' prodotti rappreżentattivi ta’ produtturi esportaturi. Abbażi ta' dan, il-livell ta’ dumping mal-pajjiż kollu ġie stabbilit b’mod provviżorju gћal 77,9 % tal-prezz CIF fil-fruntiera tal-Unjoni, bid-dazju mhux imħallas.

(62)

Abbażi ta' dan, il-marġnijiet tad-dumping provviżorji, espressi bћala perċentwali tal-prezz CIF fil-fruntiera tal-Unjoni, bid-dazju mhux imħallas, huma:

(63)

L-informazzjoni kollha disponibbli rigward il-produtturi tal-Unjoni, inkluża l-informazzjoni pprovduta fl-ilment, id-dejta miġbura mill-produtturi tal-Unjoni qabel u wara l-bidu tal-investigazzjoni, u t-tweġibiet għall-kwestjonarju vverifikati tal-produtturi tal-Unjoni inklużi fil-kampjun, intużat sabiex tiġi stabbilita l-produzzjoni totali tal-Unjoni għall-perjodu kkunsidrat.

(64)

Matul il-PI, l-OCS kien immanifatturat minn 22 produttur fl-Unjoni. Abbażi ta' dak imsemmi fil-premessa ta' qabel, il-produzzjoni totali tal-Unjoni kienet stmata li hi madwar 3 645 298 tunnellata matul il-PI. Il-produtturi tal-Unjoni li jagħmlu tajjeb għall-produzzjoni totali tal-Unjoni jikkostitwixxu l-industrija tal-Unjoni skont it-tifsira tal-Artikoli 4(1) u 5(4) tar-Regolament bażiku u minn hawn 'il quddiem huma msejħa "l-industrija tal-Unjoni".

(65)

Waqt l-investigazzjoni nstab li parti sostanzjali tal-produzzjoni tal-produtturi tal-Unjoni fil-kampjun kienet destinata għall-użu ristrett, jiġifieri spiss ittrasferita (mingħajr fattura) u/jew imwassla bil-prezzijiet tat-trasferiment fl-istess kumpanija jew grupp ta' kumpaniji għal aktar ipproċessar downstream.

(66)

Sabiex jiġi stabbilit jekk l-industrija tal-Unjoni sofrietx dannu jew le u sabiex jiġi determinat il-konsum u l-indikaturi ekonomiċi diversi relatati mas-sitwazzjoni tal-industrija tal-Unjoni, ġie eżaminat jekk l-użu sussegwenti tal-produzzjoni tal-industrija tal-Unjoni tal-prodott simili kienx ikkunsidrat fl-analiżi u jekk iva sa liema punt.

(67)

Sabiex tingħata stampa sħiħa kemm jista' jkun tas-sitwazzjoni tal-industrija tal-Unjoni, ittieħdet u ġiet analizzata dejta għall-attività kollha tal-OCS u wara ġie determinat jekk il-produzzjoni kinetx destinata għall-użu ristrett jew għas-suq ħieles.

(68)

Għall-indikaturi ekonomiċi li ġejjin u li huma relatati mal-industrija tal-Unjoni, instab li analiżi valida u evalwazzjoni kellhom jiffukaw fuq is-sitwazzjoni probabbli tas-suq ħieles: il-volum tal-bejgħ u l-prezzijiet tal-bejgħ fis-suq tal-Unjoni, is-sehem mis-suq, it-tkabbir, il-volum tal-esportazzjoni u l-prezzijiet u għalhekk l-indikaturi tad-dannu ġew ikkoreġuti għall-użu u l-bejgħ ristrett magħruf fl-industrija tal-Unjoni, u l-użu u l-bejgħ ristrett ġew analizzati separatament.

(69)

Fir-rigward ta' indikaturi ekonomiċi oħra, madankollu, abbażi tal-investigazzjoni instab, li setgħu jiġu eżaminati b'mod raġjonevoli billi ssir referenza għall-attività sħiħa biss. Fil-fatt, il-kapaċità tal-produzzjoni (kemm għas-suq ristrett kif ukoll għas-suq ħieles), l-utilizzazzjoni tal-kapaċità, l-investimenti, l-istokk, l-impjiegi, il-produttività, is-salarji, l-abbiltà li jiżdied il-kapital jiddependu fuq l-attività kollha, kemm jekk il-produzzjoni hija ristretta jew mibjugħa fis-suq ħieles.

(70)

Il-prodott simili jinbiegħ mill-industrija tal-Unjoni lil konsumaturi mhux relatati kif ukoll jinbiegħ/jiġi trasferit lil kumpaniji relatati għal aktar ipproċessar downstream, eż. f'ċentri ta' servizzi tal-azzar.

(71)

Fil-kalkolu tal-konsum apparenti tal-Unjoni għall-OCS, il-Kummissjoni żiedet il-volum tal-importazzjonijiet totali tal-OCS fl-Unjoni kif irrappurtat mill-Eurostat u l-volum ta’ bejgħ u użu ristrett tal-prodott simili fl-Unjoni manifatturat mill-industrija tal-Unjoni kif irrapportat fl-ilment u vverifikat matul iż-żjarat ta' verifika għall-produtturi tal-Unjoni inklużi fil-kampjun,

(72)

Dwar id-dejta tal-Eurostat dwar l-importazzjonijiet għandu jissemma li d-deskrizzjonijiet tal-kodiċi NM rilevanti (ara l-premessa (13) hawn fuq) mhumiex limitati għad-deskrizzjoni tal-prodott li qed jiġi investigat u għalhekk l-importazzjoni rrapportati mill-Eurostat b'dawk il-kodiċijiet jistgħu jinkludu prodotti oħrajn. Madankollu, fl-assenza ta' informazzjoni rigward il-kwantitajiet eventwalment affettwati ta’ tali importazzjonijiet oħra, jew ta' evidenza li dawn il-kwantitajiet jistgħu jkunu importanti, kien deċiż provviżorjament li tintuża d-dejta sħiħa dwar l-importazzjonijiet bil-kodiċi NM rilevanti kif irrappurtati mill-Eurostat.

(73)

Abbażi ta' dan, il-konsum totali tal-Unjoni żviluppa kif ġej:

(74)

Il-konsum totali fis-suq tal-UE naqas b'9 % matul il-perjodu kkunsidrat. Bejn l-2008 u l-2009 kien hemm tnaqqis ta' madwar 24 % bħala riżultat tal-effetti negattivi globali tal-kriżi ekonomika, speċjalment fuq l-industrija tal-kostruzzjoni. Wara dan il-konsum beda jirkupra u żdied fit-total b'20 % bejn l-2009 u l-PI iżda xorta kien għadu taħt il-livell inizjali tal-2008.

(75)

L-importazzjonijiet lejn l-Unjoni mir-RPĊ żviluppaw kif ġej matul il-perjodu kkunsidrat:

(76)

Minkejja l-evoluzzjoni tal-konsum, il-volum tal-importazzjonijiet mir-RPĊ żdied b’mod sinifikanti b’49 % matul il-perjodu kkunsidrat. Minħabba l-effetti negattivi tal-kriżi ekonomika, anke l-volum tal-importazzjonijiet mir-RPĊ naqas drastikament fl-2009. Madankollu, l-importazzjonijiet mir-RPĊ bdew jirkupraw b'pass mgħaġġel ħafna, biex kien hemm żieda impressjonanti ta' 367 % bejn l-2009 u l-PI.

(77)

Bl-istess mod, is-sehem fis-suq miżmum minn dawk l-importazzjonijiet żdied bi 63 % matul il-perjodu kkunsidrat. Għalkemm dan naqas b’iktar minn nofs bejn l-2008 sal-2009, wera tendenza ta’ żieda impressjonanti bejn l-2009 u l-PI u żdied b'290 %.

(78)

Il-prezz medju tal-importazzjoni mir-RPĊ naqas b’9 % matul il-perjodu kkunsidrat. Bejn l-2008 u l-2009, naqas b’mod sinifikanti bi 17 %, imbagħad żdied b'ħames punti perċentwali bejn l-2009 u l-2010 u bi tliet punti perċentwali oħra fil-PI.

(79)

Il-prezzijiet tal-importazzjoni mir-RPĊ baqgħu konsistentement taħt il-prezzijiet tal-bejgħ tal-industrija tal-Unjoni matul il-perjodu kollu meqjus. Kif muri fit-tabella hawn fuq, filwaqt li fl-2009 fl-aqwa tal-kriżi ekonomika, anke it-twaqqigħ fil-prezz ta' 17 % ma setax jgħin l-importazzjonijiet Ċiniżi biex iżommu s-sehem tas-suq f'sitwazzjoni ta' konsum li naqas f'daqqa waħda u t-tnaqqis sinifikanti fis-suq, it-twaqqigħ kontinwu fis-snin sussegwenti jispjega ż-żieda stabbli impressjonanti fis-sehem mis-suq miżmuma mill-importazzjoni mir-RPĊ bejn l-2009 u l-PI.

(80)

Sabiex jiġi ddeterminat it-twaqqigħ tal-prezz matul il-PI, il-prezzijiet tal-bejgħ b'medja peżata għal kull tip ta’ prodott tal-produtturi tal-Unjoni inklużi fil-kampjun mitluba lill-klijenti mhux relatati fis-suq tal-Unjoni, u aġġustati għal livell ex-works, tqabblu mal-prezzijiet b'medja peżata korrispondenti tal-importazzjonijiet mill-produtturi Ċiniżi li kkooperaw lejn l-ewwel klijent indipendenti fis-suq tal-Unjoni, stabbiliti fuq bażi CIF, b'aġġustamenti adegwati għal-kosti ta’ wara l-importazzjoni.

(81)

Dan it-tqabbil tal-prezzijiet sar skont it-tip għat-tranżazzjonijiet fl-istess livell ta’ kummerċ, aġġustati kif dovut fejn meħtieġ, u wara t-tnaqqis tar-rifużjonijiet u l-iskontijiet. Ir-riżultat tat-tqabbil, meta espress bħala perċentwal tal-fatturat tal-produtturi tal-Unjoni inklużi fil-kampjun matul il-PI, wera marġni ta' twaqqigħ b'medja peżata ta' 25,9 % mill-produtturi esportaturi Ċiniżi li kkooperaw.

(82)

Skont l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indiċi rilevanti kollha li jaffettwaw l-istat tal-industrija tal-Unjoni.

(83)

Kif imsemmi fil-premessa (5) hawn fuq, it-teħid ta' kampjuni intuża għall-eżami tad-dannu possibbilment imġarrab mill-industrija tal-Unjoni.

(84)

Id-dejta ppreżentata u vverifikata mis-sitt produtturi tal-UE inklużi fil-kampjun intużat sabiex tistabbilixxi indikaturi mikroekonomiċi, bħalma huma l-prezz tal-unità, il-kost tal-unità, il-profittabilità, il-fluss tal-flus, l-investimenti, ir-redditu fuq l-investimenti, l-abbiltà ta' finanzjament tal-kapital u tal-istokks.

(85)

Id-dejta ppreżentata mill-ilmentatur għall-produtturi kollha tal-OCS fl-Unjoni, iċċekkjata ma' sorsi oħra disponibbli u ma' dejta verifikata ta' produtturi tal-Unjoni fil-kampjun, intużat biex jiġu stabbiliti indikaturi makroekonomiċi, bħall-produzzjoni tal-industrija tal-Unjoni, il-kapaċità tal-produzzjoni, l-utilizzazzjoni tal-kapaċità, il-volum tal-bejgħ, is-sehem fis-suq, l-impjiegi u l-produttività.

(86)

L-informazzjoni kollha disponibbli rigward l-industrija tal-Unjoni, inkluża l-informazzjoni ppreżentata fl-ilment, id-dejta miġbura mill-produtturi tal-Unjoni qabel u wara l-bidu tal-investigazzjoni, u t-tweġibiet vverifikati tal-kwestjonarju tal-produtturi tal-Unjoni inklużi fil-kampjun, intużat sabiex tiġi stabbilita l-produzzjoni totali tal-Unjoni għall-perjodu kkunsidrat.

(87)

It-tabella ta' hawn fuq turi li l-produzzjoni naqset b'14 % matul il-perjodu kkunsidrat. B'konformità mat-tnaqqis fid-domanda, il-produzzjoni naqset drastikament fl-2009, u wara dan irkuprat parzjalment fl-2010 qabel ma waqgħet lura ftit fil-PI minkejja żieda fil-konsum.

(88)

Il-kapaċità tal-produzzjoni naqset b’4 % matul il-perjodu kkunsidrat. L-utilizzazzjoni tal-kapaċità segwiet ix-xejra tal-produzzjoni u naqset b'10 % matul il-perjodu kkunsidrat.

(89)

Fl-2009 il-volum tal-bejgħ tal-industrija tal-Unjoni lil klijenti mhux relatati naqas drastikament b'19 %. Fl-2010, il-volum tal-bejgħ żdied b'disa' punti perċentwali, iżda mbagħad naqas bi tliet punti perċentwali fil-PI.

(90)

Is-sehem mis-suq tal-industrija tal-Unjoni naqas b’4 % matul il-perjodu kkunsidrat. Wara żieda fis-sehem mis-suq fl-2009, l-industrija tal-Unjoni rat is-sehem tagħha jonqos fl-2010 u fil-PI bir-riżultat li s-sehem tagħha mis-suq kien 6 % anqas matul il-PI milli fl-2009; dan seħħ fl-isfond ta' żieda ta' aktar minn 20 % fil-konsum fl-istess perjodu. Għaldaqstant, l-industrija ma setgħetx tibbenefika miż-żieda fil-konsum u ma setgħetx tikseb mill-ġdid il-volum tal-bejgħ li kienet tilfet qabel.

(91)

Filwaqt li l-konsum tal-Unjoni naqas b'9 % matul il-perjodu kkunsidrat u l-volum tal-bejgħ tal-industrija tal-Unjoni lil partijiet mhux relatati naqas bi 13 %, is-sehem mis-suq tal-industrija tal-Unjoni naqas bi 2,3 punti perċentwali minn 59 % fl-2008 għal 56,7 % fil-PI.

(92)

L-impjiegi fl-industrija tal-Unjoni segwew xejra progressivament 'l isfel. Għalhekk, in-numru totali ta' impjegati, imkejjel f'ekwivalenti ta' full time (FTE), fl-industrija naqas b'20 % fuq il-perjodu kkunsidrat u laħaq l-anqas livell tiegħu fil-PI. Madankollu, il-produttività żdiedet bi 8 % matul il-perjodu kkunsidrat, li juri li l-industrija ukoll kienet qed tipprova tirrazzjonalizza l-kosti tal-produzzjoni.

(93)

Il-prezzijiet medji tal-bejgħ tal-produtturi tal-Unjoni fil-kampjun lil klijenti mhux relatati fl-UE naqas bi 3 % matul il-perjodu kkunsidrat. Matul il-perjodu mill-2009 sal-PI, b'konformità maż-żieda fil-konsum u fil-volumi tal-bejgħ, il-prezzijiet irkupraw bi 23 % imma ma laħqux il-livell tal-2008.

(94)

B’mod parallel, il-kosti medji għall-produzzjoni u l-bejgħ tal-prodott simili żdiedu b’6 % matul il-perjodu kkunsidrat minħabba żieda fil-kost tal-manifattura għal kull unità, billi l-kost tal-SG&A għal kull unità naqas b'34 %.

(95)

Wara l-waqgħa fil-prezz tal-unità lil klijenti mhux relatati b'21 % fl-2009 u t-telf li jmur ma' dan, il-prezz tal-unità beda jirkupra. Fl-2010 u matul il-PI, l-industrija tal-Unjoni esperjenzat żieda fil-kosti u setgħet iżżid il-prezzijiet moderatament kemm tkopri dawn iż-żidiet, biżżejjed kemm iżżommhom profittabbli fuq l-istess livell għall-2010 u l-PI. Madankollu, dan irriżulta f'aktar telf fis-sehem mis-suq peress li l-prezzijiet Ċiniżi tal-importazzjoni kienu dejjem irħas mill-prezzijiet tal-industrija tal-Unjoni.

(96)

Il-profitabilità tal-industrija tal-Unjoni ġiet stabbilita billi l-profitt nett qabel it-taxxa mill-bejgħ tal-prodott simili lil klijenti mhux relatati ġie espress bħala perċentwal tal-fatturat ta’ dan il-bejgħ. Fis-sena tal-kriżi ekonomika, 2009 il-profittabilità tal-industrija tal-Unjoni naqset b’mod drammatiku u rriżultat f'telf ta' 13,9 %. Mill-2010, din bdiet tirkupra, iżda ż-żieda fil-kosti tal-produzzjoni ma ħallewhiex tilħaq il-livell ikkunsidrat b’saħħtu u sostenibbli għall-industrija (6,7 % - ara l-premessa (156)). Matul il-perjodu kollu kkunsidrat, il-profittabilità naqset b'61 %.

(97)

It-tendenza fil-likwidità fil-parti l-kbira segwiet it-tendenza negattiva fil-profittabilità. L-anqas livell inkiseb fl-2010. Bl-istess mod, ir-redditu fuq l-investiment naqas b'56 % minn 13,8 % fl-2008 għal 6 % fil-PI.

(98)

L-evoluzzjoni tal-profittabilità, il-fluss tal-flus u r-redditu fuq l-investiment matul il-perjodu kkunsidrat illimitaw l-abbiltà tal-industrija tal-Unjoni li tinvesti fl-attivitajiet tagħha u dgħajfu l-iżvilupp tagħha. L-industrija tal-Unjoni rnexxielha tagħmel investiment sostanzjali fil-bidu tal-perjodu kkunsidrat, madankollu, minn hemm 'il quddiem l-investimenti niżlu drastikament fl-2009 u b'mod ġenerali naqsu bi 73 % matul il-perjodu kkunsidrat.

(99)

Kif intqal hawn fuq, il-prestazzjonijiet finanzjarji tal-industrija tal-Unjoni ddeterjoraw, iżda ma żvelawx li l-kapaċità tagħha li tgħolli l-kapital kienet affettwata serjament matul il-perjodu kkunsidrat.

(100)

Għas-sitt produtturi tal-Unjoni fil-kampjun, l-istokks kienu jirrappreżentaw 8 % tal-volum tal-produzzjoni fil-PI. Il-livell tal-istokk tal-għeluq żdied bi 12 % matul il-perjodu ikkunsidrat. Għalkemm, għandu jiġi nnotat li l-istokks mhumiex indikatur importanti għall-industrija peress li l-produzzjoni prinċipalment isseħħ skont l-ordni, iż-żieda ewlenija fl-istokks seħħet bejn l-2009 u l-PI u ħabtet maż-żieda fl-importazzjonijiet li huma l-oġġett ta’ dumping mir-RPĊ.

(101)

L-ispejjeż medji tax-xogħol tal-produtturi tal-Unjoni fil-kampjun żdiedu bi 2 % biss matul il-perjodu kkunsidrat li huwa aktar baxx mir-rata tal-inflazzjoni. L-investigazzjoni wriet li l-produtturi fil-kampjun għamlu tnaqqis sinifikanti, speċjalment fl-ispejjeż ġenerali u amministrattivi, u wettqu kontroll strett fuq l-effiċjenza.

(102)

Kif indikat fil-premessa (65), hemm suq sinifikanti għall-OCS fl-UE li huwa ffurmat mill-użu downstream tal-OCS mill-industrija tal-Unjoni. Biex jiġi analizzat dan is-suq, ġew ikkunsidrati l-volumi kollha tal-użu u l-bejgħ ristrett lil partijiet relatati (il-bejgħ ristrett) mill-produtturi tal-Unjoni fil-kampjun u l-produtturi l-oħra tal-Unjoni.

(103)

Instab li l-użu ristrett u l-bejgħ ristrett kienu ddestinati għal aktar trasformazzjoni mill-kumpaniji nfushom jew mill-kumpaniji relatati tagħhom fi ħdan il-gruppi tal-produtturi tal-Unjoni inklużi fil-kampjun li jittrattaw prinċipalment fin-negozju tal-materjal tal-kostruzzjoni, jiġifieri huma l-utenti finali tal-OCS.

(104)

Abbażi ta' dak identifikat hawn fuq, ġie stabbilit li l-użu ristrett u l-bejgħ ristrett tal-produtturi tal-Unjoni jammonta għal 27 % tal-volum totali tal-produzzjoni fil-PI. Matul il-perjodu kkunsidrat, l-użu ristrett u l-volumi relatati tal-bejgħ naqsu b'19 % u s-sehem mis-suq niżel bi 11 %.

(105)

Il-valur tal-użu ristrett u l-bejgħ ristrett kien analizzat abbażi tar-risposti għall-kwestjonarju ppreżentati u vverifikati matul iż-żjarat ta' verifika lill-produtturi fil-kampjun. L-investigazzjoni sabet li ma kienx hemm differenza materjali bejn l-użu ristrett u l-bejgħ ristrett f 'termini tal-użu aħħari tal-prodott. L-użu ristrett kien irrappurtat mill-kumpaniji fejn il-produzzjoni downstream kienet qed isseħħ bl-istess entità legali, madankollu, il-bejgħ ristrett kien il-bejgħ lil entitajiet legali oħra relatati ma' fattura. Barra minn hekk, il-metodu tal-ipprezzar kemm fl-użu kif ukoll fil-bejgħ ristrett lil partijiet relatati kien simili, jiġifieri intalab valur ġust (il-metodu "kost b'addenda") tal-prodott kemm lill-kumpaniji relatati kif ukoll l-unitajiet ta' produzzjoni downstream ristretta tal-kumpaniji fil-kampjun.

(106)

Għalhekk, il-valur medju għal kull tunnellata żdied b’1 % matul il-perjodu kkunsidrat u għalhekk kien 2 % inqas mill-prezz tal-bejgħ lil klijenti mhux relatati fil-PI tal-produtturi tal-Unjoni fil-kampjun.

(107)

Meta jitqies li l-biċċa l-kbira tal-bejgħ ristrett u l-użu ristrett ġew destinati għan-negozju downstream tal-materjal tal-kostruzzjoni tal-produtturi tal-Unjoni, dak il-bejgħ u l-użu ristrett ġie indirettament espost ukoll għall-kompetizzjoni minn atturi oħra fis-suq, inkluż l-importazzjonijiet li huma l-oġġett ta' dumping mir-RPĊ. It-talba interna tal-produzzjoni downstream se tiddependi fuq l-opportunità li jinbigħu prodotti downstream fis-suq ħieles li mhux affettwat mill-importazzjonijiet li huma l-oġġett ta' dumping. Għalhekk, jista’ jiġi konkluż li t-tnaqqis fil-volumi u fis-sehem mis-suq matul il-perjodu kkunsidrat kien minħabba l-kompetizzjoni minn importazzjonijiet li kienu l-oġġett ta' dumping mir-RPĊ.

(108)

Billi dan huwa l-ewwel proċediment anti-dumping rigward il-prodott ikkonċernat, ma hemm l-ebda dejta disponibbli biex tevalwa l-effetti possibbli ta’ dumping fil-passat jew ta’ xi sussidji.

(109)

Il-marġnijiet kollha stabbiliti u speċifikati hawn fuq fit-taqsima tad-dumping huma sinifikament ogħla mil-livell de minimis. Barra minn hekk, meta wieħed iqis il-volum u l-prezzijiet tal-importazzjonijiet li huma l-oġġett ta’ dumping mir-RPĊ, l-impatt fuq is-suq tal-UE tal-marġni attwali tad-dumping ma jistax jiġi kkunsidrat bħala negliġibbli.

(110)

L-investigazzjoni wriet li ħafna mill-indikaturi tad-dannu relatati mas-sitwazzjoni ekonomika tal-industrija tal-Unjoni marru għall-agħar jew ma żviluppawx b'konformità mal-konsum matul il-perjodu kkunsidrat.

(111)

Matul il-perjodu kkunsidrat, fil-kuntest tal-konsum li qed jonqos, il-volum tal-importazzjonijiet mir-RPĊ żdied b'rata stabbli u b'mod sinifikanti. Fl-istess ħin, il-volum tal-bejgħ tal-industrija tal-Unjoni b'mod ġenerali naqas bi 13 % u s-sehem tiegħu mis-suq niżel minn 59 % fl-2008 għal 56,7 % fil-PI. Għalkemm il-konsum irkupra b'20 %, mill-2009 sal-PI, wara s-sena tal-kriżi ekonomika li affettwat id-domanda, is-sehem mis-suq tal-industrija tal-Unjoni kien qed jonqos. L-industrija tal-Unjoni ma rnexxilhiex tirkupra s-sehem mis-suq li kienet tilfet fid-dawl tat-tkabbir sinifikanti tal-importazzjonijiet li huma l-oġġett ta' dumping mir-RPĊ fis-suq tal-UE. L-importazzjonijiet li huma l-oġġett ta' dumping bi prezzijiet baxxi żdiedu b'rata stabbli matul il-perjodu kkunsidrat, waqt li waqqgħu b'mod kostanti l-prezzijiet tal-industrija tal-Unjoni.

(112)

Barra minn hekk, l-indikaturi tad-dannu relatati mal-prestazzjoni finanzjarja tal-industrija tal-Unjoni, bħalma huma l-fluss tal-flus u l-profittabilità kienu affettwati serjament. Dan ifisser li l-abbiltà tal-industrija tal-Unjoni biex tgħolli l-kapital u biex tinvesti naqset ukoll.

(113)

Fid-dawl ta’ dak li ntqal aktar ’il fuq, ġie konkluż li l-industrija tal-Unjoni sofriet dannu materjali fil-kuntest tal-Artikolu 3(5) tar-Regolament bażiku.

(114)

Skont l-Artikolu 3(6) u l-Artikolu 3(7) tar-Regolament bażiku, ġie eżaminat jekk l-importazzjonijiet li huma l-oġġett ta' dumping li joriġinaw mir-RPĊ kkawżawx dannu lill-industrija tal-Unjoni sa tali grad li jista' jiġi kklassifikat bħala materjali. Il-fatturi magħrufa minbarra l-importazzjonijiet li huma l-oġġett ta’ dumping, li setgħu fl-istess waqt ikkawżaw il-ħsara lill-industrija tal-Unjoni, ġew eżaminati biex jiġi żgurat li kwalunkwe dannu kkawżat minn dawk il-fatturi l-oħrajn ma jiġix attribwit lill-importazzjonijiet li huma l-oġġett ta’ dumping.

(115)

L-investigazzjoni wriet li l-konsum tal-Unjoni naqas b'9 % matul il-perjodu kkunsidrat, filwaqt li l-volum tal-importazzjonijiet li huma l-oġġett ta' dumping mir-RPĊ żdied b'mod drammatiku b'madwar 49 %, is-sehem mis-suq tagħhom ukoll żdied bi 63 % minn 8,3 % fl-2008 għal 13,6 % fil-PI. Fl-istess ħin, il-volum tal-bejgħ tal-industrija tal-Unjoni naqas bi 13% u s-sehem mis-suq niżel b'4% minn 59 % fl-2008 għal 56,7 % fil-PI.

(116)

Barra minn hekk, filwaqt li l-importazzjonijiet mir-RPĊ kienu wkoll affettwati mill-kriżi ekonomika u waqgħu bi 68 % mill-2008 sal-2009, huma rkupraw b'ritmu mgħaġġel ħafna bejn l-2009 u l-PI b'żieda ta’ 367 % sal-aħħar tal-PI, għalkemm il-konsum tal-Unjoni żdied biss b’20 % matul dan il-perjodu. Permezz tat-tnaqqis ta' 9 % tal-prezz unitarju meta mqabbel mal-2008 u t-twaqqigħ tal-prezzijiet tal-industrija tal-Unjoni b'25,9 % matul il-PI, l-importazzjonijiet Ċiniżi żiedu s-sehem tagħhom mis-suq bi 63 % sa 13,6 % mill-2008 sal-PI.

(117)

Fl-istess ħin, mill-2008 sal-PI il-volumi tal-bejgħ tal-produtturi tal-Unjoni lil partijiet mhux relatati b'mod ġenerali naqas bi 13 %. Fiż-żmien tal-irkupru tas-suq, bejn l-2009 u l-PI, l-industrija tal-Unjoni setgħet iżżid il-volumi tal-bejgħ tagħha lil partijiet mhux relatati bi 8 % biss iżda tilfet 9 % mis-sehem mis-suq biex b'hekk ibbenefikat b'mod limitat miż-żieda fil-konsum. Fil-fatt kienu l-importazzjonijiet Ċiniżi dawk li bbenefikaw l-aktar mill-irkupru tal-konsum biex ħallew parteċipanti oħra fis-suq lura ħafna.

(118)

Il-prezzijiet ta’ importazzjoni medji mir-RPĊ naqsu b'9 % matul il-perjodu kkunsidrat. Għalkemm hemm tendenza li qed jiżdiedu wara l-waqgħa drastika fl-2009, bejn l-2009 u l-PI, baqgħu kostantament taħt il-livelli mitluba mill-industrija tal-Unjoni. Il-prezz tal-unità lil klijenti mhux relatati fl-UE naqas bi 3 % biss, ħaġa li turi xi reżistenza għall-pressjoni tal-prezz eżerċitata mill-importazzjonijiet Ċiniżi. Madankollu, dawn il-prezzijiet kienu ovvjament sostnuti akkost ta' volumi tal-bejgħ anqas u tnaqqis fil-profitti fuq dak il-bejgħ peress li dawn niżlu b’61 % minn 6,7 % fl-2008 għal 2,6 % fil-PI, hekk kif l-ispejjeż tal-manifattura kienu qegħdin jiżdiedu.

(119)

Abbażi ta’ dan ta' hawn fuq, huwa konkluż li l-mewġa ta’ importazzjonijiet li huma l-oġġett ta’ dumping mir-RPĊ li waqqgħet il-prezzijiet tal-industrija tal-Unjoni, kellha rwol deċiżiv fid-dannu materjali mġarrab mill-industrija tal-Unjoni, li żamm lill-industrija tal-Unjoni milli tibbenefika bis-sħiħ mill-irkupru fil-konsum tal-Unjoni.

(120)

Filwaqt li l-importazzjonijiet mir-RPĊ kienu jikkostitwixxu 56 % tal-importazzjonijiet kollha fl-UE matul il-PI, sorsi importanti oħra tal-importazzjonijiet kienu mir-Repubblika tal-Indja ("l-Indja") (11 %) u l-Korea t'Isfel (19 %). Għall-kuntrarju tal-importazzjonijiet mir-RPĊ, l-importazzjonijiet mill-Indja, għalkemm il-prezz medju tagħhom naqas b’mod drastiku bi 12 %, b'mod ġenerali naqsu bi 12 % matul il-perjodu kkunsidrat u tilef 3 % tas-sehem tas-suq. L-importazzjonijiet mill-Korea t'Isfel żdiedu b’4 % biss bil-prezz medju jibqa' fuq l-istess livell bħal dak tal-2008. Is-sehem mis-suq tal-importazzjonijiet mill-Indja kien 2,7 % fil-PI, filwaqt li l-importazzjonijiet mill-Korea t’Isfel kellhom sehem ta' 4,6 %.

(121)

Importazzjonijiet oħra li jirrappreżentaw 14 % tal-importazzjonijiet totali, naqsu bi 33 % u l-prezz medju tagħhom baqa' fl-istess livell bħal dak tal-2008.

(122)

Għalkemm il-prezz medju tal-importazzjoni l-oħra kollha kien taħt il-livell tal-prezz tal-industrija tal-Unjoni, l-effett ta' dawn l-importazzjonijiet, jekk kien hemm, jista' possibbilment ikun biss marġinali. L-ewwelnett, ma hemm l-ebda evidenza li l-importazzjonijiet minn sorsi oħra kienu kkummerċjalizzati inġustament. It-tieni, b'kuntrast mal-importazzjonijiet Ċiniżi, il-livell ġenerali tal-prezz ta' sorsi ewlenin ta' importazzjonijiet oħra baqgħu pjuttost stabbli matul il-perjodu kkunsidrat kollu, u għalhekk juri li l-industrija tal-Unjoni tista' tikkompeti b'suċċess ma' dawk l-importazzjonijiet fis-segmenti tas-suq. It-tielet nett, l-importazzjonijiet minn pajjiżi oħra naqsu matul il-perjodu kkunsidrat u għadhom f’livell baxx, kemm b'mod ġenerali kif ukoll għal pajjiżi esportaturi ewlenin individwalment. Barra minn hekk, it-tnaqqis tas-sehem mis-suq ta’ importazzjonijiet oħra jikkonferma li dawk l-importazzjonijiet ma setgħux ikkawżaw dannu lill-industrija tal-Unjoni.

(123)

It-total tal-esportazzjonijiet tal-OCS mill-industrija tal-Unjoni lil pajjiżi terzi skont l-Eurostat naqas b’10 % matul il-perjodu kkunsidrat. Madankollu, il-prezz medju kien relattivament għoli u żdied bi 2 % matul il-perjodu kkunsidrat. L-esportazzjonijiet kienu jirrappreżentaw 17 % tal-produzzjoni totali tal-UE u għalhekk għenu lill-industrija tal-Unjoni biex tikseb ekonomiji ta' skali u tnaqqas l-ispejjeż globali tal-produzzjoni. Għaldaqstant, jista’ jiġi konkluż li l-attività tal-esportazzjoni tal-industrija tal-Unjoni ma setgħetx tkun il-kawża potenzjali ta' dannu materjali.

(124)

Din l-istampa ġenerali hija riflessa mis-sitwazzjoni fl-esportazzjonijiet mill-produtturi tal-Unjoni inklużi fil-kampjun lejn klijenti mhux relatati f'pajjiżi terzi. Dawn naqsu b’14 % matul il-perjodu kkunsidrat, madankollu, hawnhekk ukoll il-prezz tal-esportazzjoni għal kull unità kien kontinwament ogħla (b'medja ta' bejn 2 % u 12 % jiddependi mis-sena) mill-prezz tal-UE. Peress li l-volum tal-esportazzjoni kien biss 3 % tal-produzzjoni totali, huma ma setgħux ikkontribwixxew għad-dannu li ġarrabis-suq tal-UE.

(125)

Matul l-investigazzjoni, ġie affermat li l-ilmentaturi (permezz tal-kumpaniji relatati tagħhom) kienu involuti huma nfushom fl-importazzjoni tal-prodott ikkonċernat mir-RPĊ u li dawk l-importazzjonijiet kienu jikkostitwixxu bejn 20 % u 40 % tat-total tal-importazzjonijiet mir-RPĊ. Madankollu, ma ngħatat l-ebda evidenza biex issostni din l-allegazzjoni. Wara investigazzjoni ta' dawn l-allegazzjonijiet, instab li madwar 10 000 tunnellata biss kienu importati matul il-PI mill-produtturi tal-Unjoni, li kien fil-parti l-kbira skont id-dejta ppreżentata fil-bidu mill-ilmentatur. Madwar volum simili nstab li ġie importat minn kumpaniji relatati tal-produtturi tal-Unjoni, iżda mhux żvelat skont l-Artikolu 19 tar-Regolament bażiku. Dawn l-importazzjonijiet flimkien ammontaw għal madwar 2-3 % tat-total tal-importazzjonijiet mir-RPĊ. B'riżultat ta' dan, ma jistax jiġi konkluż li l-industrija tal-Unjoni kienet qed timporta kwantitajiet bħal dawn u b'dan il-mod mir-RPĊ sabiex (1) tqajjem xi dubju dwar l-istatus tagħhom bħala produtturi tal-Unjoni skont l-Artikolu 4 (1)(a) tar-Regolament bażiku, jew (2) biex jagħmlu d-dannu għalihom infushom. Għaldaqstant, dan l-argument qed jiġi provviżorjament miċħud.

(126)

Ġie allegat minn ċerti partijiet interessati li d-dannu lill-industrija tal-Unjoni kien ikkawżat mill-ingaġġ tagħha stess fin-negozju downstream tal-produzzjoni ta' materjali tal-kostruzzjoni (eż. pannelli sandwich, folji trapezojdi eċċ.) jew direttament jew permezz tal-kumpaniji relatati fi ħdan il-gruppi. Kien allegat speċifikament li l-industrija tal-Unjoni għamlet l-OCS disponibbli għan-negozji downstream tagħha stess bi prezzijiet orħos minn dawk għal kumpaniji mhux relatati, b'hekk kienet qed "tissussidjahom" fi ħdan il-grupp u tippermettilhom li jwaqqgħu l-prezzijiet għad-deterrent tal-kompetituri tagħhom fis-segment downstream.

(127)

Kif jidher fil-premessi minn (102) sa (107) hawn fuq, il-valur medju ta' użu ristrett u bejgħ ristrett għal kull tunnellata kien ta' 2 % biss anqas mill-prezz tal-bejgħ lil klijenti mhux relatati fil-PI. Barra minn hekk, l-investigazzjoni uriet li l-użu ristrett u l-bejgħ ristrett probabbilment kienu affettwati indirettament minn kompetizzjoni inġusta minħabba importazzjonijiet li kienu l-oġġett ta' dumping. Fil-fatt, jekk kien hemm xi vantaġġ min-negozju downstream tal-produtturi tal-Unjoni kif allegat, dan kellu jidher fl-iżvilupp ta' dan l-indikatur tad-danni. Għaldaqstant dan l-argument qed jiġi provviżorjament miċħud.

(128)

Il-kriżi ekonomika u l-effett tagħha fuq in-negozju tal-kostruzzjoni tal-anqas tispjega parzjalment it-tnaqqis fid-domanda u l-pressjoni tal-prezzijiet matul il-perjodu kkunsidrat. Kif imsemmi hawn fuq, fl-2009 il-konsum naqas b’24 %. Madankollu, mill-2010 'l quddiem, is-suq beda jirkupra u, sal-aħħar tal-PI, il-konsum żdied b'20 %.

(129)

Madankollu, l-analiżi tad-danni u l-kawżalità sseparat l-analiżi tas-suq tal-2009 minn mal-irkupru ta' wara mill-2009 sal-PI. Fl-analiżi tad-danni u l-kawżalità intwera b'mod ċar li l-importazzjonijiet mir-RPĊ ħadu vantaġġ kbir mill-konsum li kien qed jirkupra u barra minn hekk waqqa' l-prezzijiet tal-industrija tal-Unjoni, biex b'hekk dawru l-possibilità ta' opportunitajiet ugwali biex l-atturi kollha jirkupraw mill-waqgħa f'battalja kontinwa għall-għajxien.

(130)

Ġie ddikjarat minn ċerti partijiet interessati li l-kawża tad-dannu għall-industrija tal-Unjoni, li ħafna drabi hija produtturi tal-azzar integrati vertikalment, ma kinitx l-importazzjonijiet mir-RPĊ iżda li kien minħabba problemi strutturali fl-industrija tal-azzar tal-UE bħal pereżempju il-kapaċità żejda. Kien hemm ukoll l-argument li l-konsolidazzjoni tal-industrija tal-azzar li saret qabel il-perjodu kkunsidrat kienet wasslet għal kapaċità żejda u li kull dannu mġarrab kien konsegwenza ta’ wisq faċilitajiet ta’ produzzjoni.

(131)

Fil-fatt, il-produzzjoni tal-OCS hija bbażata fuq il-kapital u l-industrija għandha spejjeż fissi relattivament għoljin. Madankollu, ma jistax jiġi konkluż li l-konsolidazzjoni tal-industrija tal-azzar li saret qabel il-perjodu kkunsidrat kienet wasslet għal kapaċità żejda. Ir-riżultati juru li wara żieda żgħira fil-kapaċità installata fl-2009, l-industrija naqqset il-kapaċità tagħha fl-2010 u reġgħet għamlet dan fil-PI. Il-livell ta' kapaċità waqt il-PI kien f'livell aktar baxx mill-konsum reali fl-2008, is-sena qabel ma bdew jinħassu bis-sħiħ l-effetti tal-kriżi ekonomika. Il-konsum fl-UE s'issa għadu ma rritornax għall-livell tal-2008.

(132)

Barra minn hekk, ir-riżultati tal-investigazzjoni juru li l-effett negattiv tal-kapaċità żejda jista' jiġi attribwit minimament lill-produtturi tal-UE tal-OCS. L-ewwel nett, l-investigazzjoni wriet li l-industrija tal-Unjoni ovvjament kienet qed tieħu passi biex issostni effiċjenza – SG&A tnaqqas b'mod sinifikanti b'34 %, u l-produttività żdiedet bi 8 % għall-industrija kollha u b'6 % għall-kumpaniji fil-kampjun. It-tieni, l-investiment kontinwu fil-linji ta' produzzjoni u l-flessibbiltà fl-użu tagħhom għall-produzzjoni ta’ prodotti oħra għenu biex tinkiseb ekonomija ta' skali u jitnaqqsu l-ispejjeż fissi aħħarin. Għalhekk, flimkien mal-utilizzazzjoni tal-kapaċità tal-kumpaniji fil-kampjun li naqset bi 18 % matul il-perjodu kkunsidrat, il-medja tal-kosti tal-manifattura żdiedet b’9 % biss, u dan jinkludi l-kosti tal-materja prima. Għalhekk, ma jistax jiġi konkluż li l-kapaċità żejda tista' tikser ir-rabta kawżali. Dan l-argument għalhekk qed jiġi provviżorjament miċħud.

(133)

Intwera li kien hemm żieda sostanzjali fil-volum u fis-sehem mis-suq tal-importazzjonijiet li huma l-oġġett ta' dumping li joriġinaw mir-RPĊ fil-perjodu kkunsidrat, speċjalment mill-2009 sal-PI. Instab ukoll li dawn l-importazzjonijiet, b'mod kostanti, kienu qed iwaqqgħu l-prezzijiet mitluba mill-industrija tal-Unjoni fis-suq tal-Unjoni u b'mod partikolari matul il-PI.

(134)

Din iż-żieda fil-volum u fis-sehem mis-suq tal-importazzjonijiet bi prezzijiet baxxi mir-RPĊ li huma l-oġġett ta' dumping, seħħet fl-istess żmien meta kien hemm żvilupp negattiv fis-sitwazzjoni ekonomika tal-industrija tal-Unjoni. Din is-sitwazzjoni marret għall-agħar fil-PI, meta, minkejja l-irkupru tal-konsum, l-industrija tal-Unjoni ma setgħetx terġa’ tikseb is-sehem tagħha fis-suq li kienet tilfet u l-profittabilità u l-indikaturi finanzjarji l-oħra bħall-fluss tal-flus u l-qligħ fuq l-investiment staġna fil-livell tal-2010, u l-impjiegi laħqu l-aktar livell baxx tagħhom.

(135)

L-eżami tal-fatturi l-oħra magħrufa li setgħu kkawżaw dannu lill-industrija tal-Unjoni żvela li dawn il-fatturi mhumiex tali li jkissru r-rabta kawżali stabbilita bejn l-importazzjonijiet li huma l-oġġett ta’ dumping mir-RPĊ u d-dannu li ġarrbet l-industrija tal-Unjoni.

(136)

Abbażi tal-analiżi msemmija hawn fuq, li għamlet distinzjoni xierqa u firdet l-effetti tal-fatturi magħrufa kollha dwar il-qagħda tal-industrija tal-Unjoni mill-effetti ta’ dannu tal-esportazzjonijiet li huma l-oġġett ta' dumping, ġie konkluż provviżorjament li l-importazzjonijiet li huma l-oġġett ta' dumping mir-RPĊ kkawżaw dannu materjali lill-industrija tal-Unjoni skont it-tifsira tal-Artikolu 3(6) tar-Regolament bażiku.

(137)

B'konformità mal-Artikolu 21 tar-Regolament bażiku, il-Kummissjoni eżaminat jekk, minkejja l-konklużjoni provviżorja dwar id-dumping dannuż, kienx hemm raġunijiet konvinċenti biex jiġi konkluż li mhux fl-interess tal-Unjoni li jiġu adottati miżuri provviżorji f'dan il-każ partikolari. L-analiżi tal-interess tal-Unjoni kienet ibbażata fuq evalwazzjoni tad-diversi interessi involuti kollha, inklużi dawk tal-industrija tal-Unjoni, l-importaturi u l-utenti tal-prodott ikkonċernat.

(138)

L-industrija tal-Unjoni bħala entità sħiħa hija magħmula minn 22 produttur magħruf li jirrappreżentaw il-produzzjoni kollha tal-OCS fl-Unjoni skont l-Eurofer. Il-produtturi jinsabu fi Stati Membri differenti tal-Unjoni, u jimpjegaw direttament ’il fuq minn 5,400 persuna b’rabta mal-prodott ikkonċernat.

(139)

Ħadd mill-produtturi ma oppona l-bidu tal-investigazzjoni. Kif deher aktar 'il fuq mill-indikaturi makroekonomiċi, l-industrija kollha tal-UE esperjenzat deterjorament tas-sitwazzjoni tagħhom u ntlaqtet negattivament mill-importazzjonijiet li huma l-oġġett ta’ dumping.

(140)

L-industrija tal-Unjoni sofriet dannu materjali kkawżat mill-importazzjonijiet li huma oġġett ta’ dumping mir-RPĊ. Wieħed ifakkar li l-indikaturi kollha tad-dannu wrew tendenza negattiva matul il-perjodu kkunsidrat. B’mod partikolari, l-indikaturi tad-dannu relatati mal-prestazzjoni finanzjarja tal-produtturi tal-Unjoni li kkoperaw, bħall-profittabilità u r-ritorn fuq l-investimenti, kienu affettwati serjament. Fin-nuqqas ta’ miżuri, hemm possibbiltà kbira li l-qagħda ekonomika tal-industrija tal-Unjoni se tkompli tmur għall-agħar.

(141)

Huwa mistenni li l-impożizzjoni ta’ dazji ta’ anti-dumping provviżorji se terġa’ tistabbilixxi kundizzjonijiet ta’ kummerċ ġusti fis-suq tal-Unjoni, li jippermettu lill-industrija tal-Unjoni tistabbilixxi l-prezzijiet tal-OCS b'mod li jirriflettu l-kosti tad-diversi komponenti u kundizzjonijiet tas-suq. Jista' jkun mistenni wkoll li l-impożizzjoni ta’ miżuri provviżorji jippermettu lill-industrija tal-Unjoni tirkupra tal-anqas parti mis-sehem mis-suq mitluf matul il-perjodu kkunsidrat, b'impatt pożittiv fuq il-profittabilità tagħha u l-qagħda finanzjarja tagħha b'mod ġenerali.

(142)

Jekk il-miżuri ma jiġux imposti, huwa mistenni aktar telf fis-sehem mis-suq u l-profittabilità tal-industrija tal-Unjoni tibqa' sejra lura. Dan ma jkunx sostenibbli fuq medda medja sa medda twila ta’ żmien. Huwa probabbli wkoll li xi produtturi individwali jkollhom jagħlqu l-faċilitajiet tal-produzzjoni tagħhom, peress li ilhom jagħmlu telf kbir tul il-perjodu kkunsidrat. Minħabba t-telf imġarrab u l-livell għoli ta’ investiment fil-produzzjoni fil-bidu tal-perjodu kkunsidrat, għandu jkun mistenni li l-parti l-kbira tal-produtturi tal-Unjoni mhux se jirnexxielhom jirkupraw l-investimenti tagħhom, jekk ma jiġux imposti l-miżuri.

(143)

Għaldaqstant, ġie konkluż b’mod provviżorju li l-impożizzjoni ta’ dazji anti-dumping tkun fl-interess tal-industrija tal-Unjoni.

(144)

Kif imsemmi hawn fuq fil-premessa (10), ħames importaturi ppreżentaw ruħhom iżda tnejn biss wieġbu għall-kwestjonarju. Minn madwar 100 utent elenkati fl-ilment, 19 ippreżentaw ruħhom u esprimew interess fil-proċediment. Sussegwentement, għaxar kumpaniji ppreżentaw tweġibiet għall-kwestjonarju.

(145)

L-aktar utenti u importaturi attivi għamlu sottomissjonijiet bil-miktub konġunti u saru diversi seduti fil-kors tal-investigazzjoni. L-argumenti ewlenin tagħhom rigward l-impożizzjoni ta' miżuri huma analizzati hawn taħt.

(146)

Ġie sottomess li s-suq tal-UE tal-OCS ma kienx kompetittiv biżżejjed u li l-importazzjonijiet mir-RPĊ kienu neċessarji biex jagħtu aktar poter ta’ negozjar lil kumpaniji li jimportaw u li jużaw l-OCS. Barra minn hekk, ġie ssuġġerit li l-industrija tal-Unjoni kienet involuta f’arranġamenti oligopolistiċi biex tikkontrolla s-suq. L-investigazzjoni fl-istadju provviżorju ma kkonfermatx dawn l-allegazzjonijiet. Barra minn hekk, instab li l-produtturi tal-Unjoni kienu qed jikkompetu fl-istess swieq u spiss kienu qed ibigħu lill-istess konsumaturi, jew lill-kumpaniji tal-kostruzzjoni ta' xulxin. Wara li kkunsidraw li ma ġiet ippreżentata l-ebda evidenza aneddotali lil hinn mill-ilmenti dwar id-diffikultajiet waqt in-negozjar tal-prezz u li minbarra ħames gruppi ta' produtturi tal-Unjoni li lmentaw, 11-il produttur ieħor tal-OCS joperaw fl-UE, li xi wħud minnhom huma kbar ħafna, u l-varjetà ta’ sorsi ta’ importazzjonijiet oħra, din it-talba tidher li mhix sostanzjata u hija provviżorjament miċħuda.

(147)

Ġie allegat ukoll li l-impożizzjoni ta’ miżuri fuq l-importazzjonijiet Ċiniżi kien se joħloq nuqqas ta’ OCS fis-suq tal-UE. Madankollu, fid-dawl tal-varjetà wiesgħa ta' sorsi ta' provvista deskritti hawn fuq, kif ukoll il-kapaċità ta’ produzzjoni libera fl-industrija tal-Unjoni, mhuwiex meqjus probabbli li tali nuqqas jista' jseħħ. Għaldaqstant, dan l-argument qed jiġi provviżorjament miċħud.

(148)

L-għaxar utenti li kkoperaw irrappreżentaw 7 % tat-total tal-importazzjonijiet miċ-Ċina matul il-PI. L-investigazzjoni turi li l-utenti kollha għandhom sorsi differenti ta' provvista. Fuq medja, ix-xiri miċ-Ċina kkostitwixxa madwar 15 % tax-xiri totali tagħhom ta' prodotti tal-OCS; barra minn hekk, l-akbar volumi kienu misjuba li oriġinaw minn produtturi tal-UE (73 %) u 12 % ġew importati minn pajjiżi terzi oħra. Fil-fatt, peress li l-prodott ikkonċernat huwa standardizzat ħafna, l-importanza tar-rabta tal-konsumatur hija pjuttost relattiva, u kemm l-utenti kif ukoll l-importaturi jistgħu pjuttost faċilment ibidlu s-sorsi tal-provvista fejn hija kkonċernata l-kwalità tal-prodott.

(149)

L-investigazzjoni wriet li l-utenti li kkooperaw kollha minbarra wieħed, għamlu l-qligħ fis-settur li juża l-prodott ikkonċernat u l-profittabilità tagħhom matul il-PI kienet tvarja bejn 1 % u 13 %, skont il-kumpanija. Barra minn hekk, il-profittabilità ta’ dawk il-kumpaniji ma kinitx tiddependi b’mod sinifikanti fuq l-importazzjonijiet tal-prodott ikkonċernat mir-RPĊ.

(150)

Abbażi tar-risposti għall-kwestjonarju tal-utenti, saret stima tal-effett probabbli tal-miżuri proposti. Għalhekk, anke jekk wieħed jassumi l-iktar sitwazzjoni ħażina possibbli għall-utenti li kkooperaw, jiġifieri li ma tista' tgħaddi l-ebda żieda fil-prezz u li jkunu marbuta biex jimportaw miċ-Ċina bl-istess volumi preċedenti, l-impatt tal-livell tad-dazju fuq il-kost tagħhom tal-produzzjoni ikun ta’ żieda bejn 1 % sa 5 % u fuq il-profittabilità tista' tfisser tnaqqis ta' bejn 1 sa 2,8 punti perċentwali għall-maġġoranza tal-importazzjonijiet u ta' madwar 4 punti perċentwali għall-importazzjoni b'dazju residwu. Madankollu, is-sitwazzjoni l-aktar probabbli hija impatt sinifikament anqas minn dan, peress l-importazzjonijiet miċ-Ċina jirrapreżentaw parti żgħira min-negozju tal-utenti, wieħed jista' jistenna li jkun relattivament faċli li ż-żieda fil-kost minħabba l-miżuri anti-dumping tgħaddi minn wieħed għall-ieħor. Barra minn hekk, minħabba li flimkien mal-ħafna produtturi tal-UE hemm disponibbli sorsi ta' importazzjonijiet alternattivi sinifikanti, li mhumiex soġġetti għal miżuri, eż. l-Indja u l-Korea t'Isfel, huwa mistenni li l-prezzijiet fis-suq, wara l-imponiment tal-miżuri se jieħdu inkonsiderazzjoni dawn il-fatturi wkoll.

(151)

Iż-żewġ importaturi li kkooperaw irrappreżentaw madwar 6 % tat-total tal-importazzjonijiet miċ-Ċina matul il-PI, l-ammont eżatt mhux żvelat skont l-Artikolu 19 tar-Regolament bażiku. Bl-istess mod bħalma huwa għall-utenti, l-importaturi ukoll żammu sorsi differenti ta’ forniment barra mir-RPĊ. Barra minn hekk, kien stabbilit li hemm ċans li l-profittabilità tal-importaturi tkun aktar affettwata mill-miżuri minn dik tal-utenti, li kieku kellhom iżommu l-mudell ta' importazzjoni pprattikat matul il-PI. Madankollu, fil-prattika l-importaturi bħala negozjanti għandhom it-tendenza li jkunu aktar flessibbli mill-utenti, u probabbilment ikunu minn tal-ewwel li jduru għal sorsi alternattiva ta' forniment.

(152)

F'dan il-kuntest għandu jiġi kkunsidrat ukoll li parti mill-benefiċċju tal-importazzjonijiet Ċiniżi fuq in-naħa tal-utent u tal-importatur effettivament toħroġ u hija possibbli minħabba d-diskriminazzjoni inġusta fil-prezz ipprattikata mill-esportaturi Ċiniżi, u mhux minn vantaġġ kompetittiv naturali. Għalhekk, ir-ristabbiliment tal-kundizzjonijiet indaqs fis-suq tal-UE permezz tal-korrezzjoni tad-distorzjoni kummerċjali riżultat tal-importazzjonijiet li huma l-oġġett ta' dumping, fil-fatt se jippermetti lis-suq tal-OCS jerġa’ jsir suq f'saħħtu, b'dinamika mmexxija mill-ekonomija tas-suq u l-iżvilupp fil-prezz, billi atturi oħra (utenti, produtturi, klijenti finali), li ma jistgħux jibbenefikaw immedjatament minn importazzjonijiet li huma l-oġġett ta’ dumping, ma jitpoġġewx fi żvantaġġ.

(153)

Fid-dawl ta’ dak ta' hawn fuq, ġie provviżorjament konkluż li abbażi tal-informazzjoni disponibbli li tikkonċerna l-interess tal-Unjoni, ma hemm l-ebda raġuni sinifikanti kontra l-impożizzjoni ta’ miżuri provviżorji fuq l-importazzjonijiet tal-prodott ikkonċernat li joriġina mir-RPĊ.

(154)

Fid-dawl tal-konklużjonijiet li ntlaħqu fir-rigward tad-dumping, id-dannu, il-kawżalità u l-interess tal-Unjoni, għandhom jiġu imposti miżuri anti-dumping provviżorji sabiex ma jiġix ikkawżat aktar dannu lill-industrija tal-Unjoni mill-importazzjonijiet li huma l-oġġett ta’ dumping.

(155)

Sabiex jiġi determinat il-livell ta' dawn il-miżuri, għandha tingħata kunsiderazzjoni lill-marġnijiet tad-dumping li nstabu u l-ammont ta' dazju neċessarju sabiex jiġi eliminat id-dannu sofrut mill-industrija tal-Unjoni.

(156)

Meta kien qed jiġi kkalkulat l-ammont ta’ dazju meħtieġ biex jitneħħew l-effetti tad-dumping ta’ dannu, tqies li kwalunkwe miżura li tittieħed għandha tippermetti lill-industrija tal-Unjoni tkopri l-ispejjeż tal-produzzjoni tagħha u tikseb profitt qabel it-taxxa li jista’ jinkiseb b’mod raġonevoli minn industrija ta’ dan it-tip fis-settur f’kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet li huma oġġett ta’ dumping, fuq il-bejgħ tal-prodott simili fl-Unjoni. Huwa meqjus li l-qligħ li jista’ jinkiseb fin-nuqqas ta’ importazzjonijiet li huma l-oġġett ta’ dumping għandu jkun ibbażat fuq is-sena 2008 meta l-importazzjonijiet Ċiniżi kienu inqas preżenti fis-suq tal-Unjoni. Huwa għalhekk ikkunsidrat li marġni ta’ qligħ ta’ 6,7 % ta’ dħul mill-bejgħ jista’ jkun ikkunsidrat bħala minimu xieraq li l-industrija tal-Unjoni setgħat stenniet li takkwista fin-nuqqas ta’ dumping ta’ dannu.

(157)

Fuq din il-bażi, ġie kkalkulat prezz li ma jikkawża l-ebda dannu għall-prodott simili gћall-industrija tal-Unjoni. Il-prezz mhux dannuż inkiseb permezz taż-żieda tal-marġni ta’ profitt ta’ 6,7 % imsemmi fuq mal-ispiża tal-produzzjoni.

(158)

Iż-żieda neċessarja fil-prezz ġiet imbagħad maħduma fuq il-bażi ta’ tqabbil tal-medja peżata tal-prezz tal-importazzjoni tal-produtturi esportaturi li kkooperaw fir-RPĊ, aġġustata b'mod xieraq għall-ispejjeż tal-importazzjoni u d-dazji tad-dwana mal-prezz mhux ta' ħsara tal-industrija tal-Unjoni fis-suq tal-Unjoni matul il-PI. Kwalunkwe differenza li rriżultat minn dan it-tqabbil imbagħad ġiet espressa bħala perċentwal tal-valur medju tal-importazzjoni CIF tat-tipi mqabbla.

(159)

Skont dak li ntqal, huwa kkunsidrat li, f’konformità mal-Artikolu 7(2) tar-Regolament bażiku, miżuri anti-dumping provviżorji għandhom ikunu imposti fir-rigward ta’ importazzjonijiet li joriġinaw mir-RPĊ fil-livell tal-marġni aktar baxxi tad-dumping u tad-dannu, skont ir-regola ta' dazju anqas.

(160)

Ir-rati tad-dazju anti-dumping ta' kumpaniji individwali speċifikati f'dan ir-Regolament ġew stabbiliti abbażi tas-sejbiet tal-investigazzoni preżenti. Għalhekk, dawn jirriflettu s-sitwazzjoni misjuba matul dik l-investigazzjoni fir-rigward ta’ dawn il-kumpaniji. Dawn ir-rati ta’ dazju (bil-maqlub tad-dazju komuni għall-pajjiż kollu applikabbli għall-"kumpaniji l-oħra kollha") huma għalhekk esklużivament applikabbli għall-importazzjonijiet ta’ prodotti li joriġinaw mir-RPĊ u li jiġu prodotti mill-kumpaniji u għalhekk mill-entitajiet legali speċifiċi msemmija. Il-prodotti importati magħmulin minn xi kumpanija oħra mhux speċifikament imsemmija fil-parti operattiva ta’ dan ir-Regolament, inklużi l-entitajiet relatati ma’ dawk imsemmija b’mod speċifiku, ma jistgħux jibbenefikaw minn dawn ir-rati u għandhom jiġu soġġetti għar-rata tad-dazju applikabbli għall-"kumpaniji l-oħra kollha".

(161)

Kwalunkwe talba għall-applikazzjoni ta’ dawn ir-rati tad-dazju anti-dumping gћal kumpaniji individwali (eż. wara bdil fl-isem tal-entità jew wara li jiġu stabbiliti entitajiet ġodda tal-produzzjoni jew tal-bejgћ) gћandha tiġi minnufih indirizzata lill-Kummissjoni (7) bl-informazzjoni kollha rilevanti, b’mod partikolari fir-rigward ta’ kwalunkwe modifika fl-attivitajiet tal-kumpanija marbuta mal-produzzjoni, mal-bejgћ domestiku u tal-esportazzjoni u li jkunu assoċjati, pereżempju, ma’ dik il-bidla fl-isem jew ma’ dik il-bidla fl-entitajiet tal-produzzjoni u tal-bejgћ. Jekk ikun xieraq, ir-Regolament se jiġi emendat skont il-każ billi tiġi aġġornata l-lista ta’ kumpaniji li jgawdu mir-rati tad-dazju individwali.

(162)

Sabiex jiġi żgurat infurzar xieraq tad-dazju antidumping, il-livell ta’ dazju residwali mhux biss għandu japplika għall-produtturi esportaturi li ma kkoperawx iżda wkoll għal dawk il-produtturi li ma kellhomx esportazzjonijiet lejn l-Unjoni matul il-PI.

(163)

Abbażi ta’ dan ta’ hawn fuq, il-marġni tad-dumping u tad-dannu stabbiliti u r-rati provviżorji tad-dazju huma kif ġej:

(164)

Fl-interess ta’ amministrazzjoni tajba, għandu jiġi ffissat perjodu li fih il-partijiet interessati li identifikaw ruħhom fil-limitu ta’ żmien speċifikat fin-notifika ta' bidu jistgħu jagħtu l-fehmiet tagħhom bil-miktub u jitolbu smigħ. Barra minn hekk, wieħed għandu jgħid li s-sejbiet li jikkonċernaw l-impożizzjoni ta’ dazji magħmula għall-finijiet ta’ dan ir-Regolament huma provviżorji u jistgħu jerġgħu jitqiesu għall-finijiet ta’ kull miżura definittiva.