ISSN 1977-074X doi:10.3000/1977074X.L_2012.109.mlt |
||
Il-Ġurnal Uffiċjali tal-Unjoni Ewropea |
L 109 |
|
Edizzjoni bil-Malti |
Leġiżlazzjoni |
Volum 55 |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
21.4.2012 |
MT |
Il-Ġurnal Uffiċjali tal-Unjoni Ewropea |
L 109/1 |
REGOLAMENT TAL-KUMMISSJONI (UE) Nru 347/2012
tas-16 ta’ April 2012
li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar ir-rekwiżiti għall-approvazzjoni tat-tip għal ċerti kategoriji ta’ vetturi bil-mutur fir-rigward ta’ sistemi avvanzati għal ibbrejkjar f’emerġenza
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 661/2009 tal-Parlament Ewropew u tal-Kunsill tat-13 ta’ Lulju 2009 dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (1), u partikolarment l-Artikolu 14(1)(a) u l-Artikolu 14(3)(a) tiegħu,
Billi:
(1) |
Ir-Regolament (KE) Nru 661/2009 huwa Regolament separat għall-iskopijiet tal-proċedura tal-approvazzjoni tat-tip prevista bid-Direttiva 2007/46/KE tal-Parlament Ewropew u tal-Kunsill tal-5 ta’ Settembru 2007 li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għal tali vetturi (Direttiva Kwadru) (2) |
(2) |
Ir-Regolament (KE) Nru 661/2009 jistabbilixxi r-rekwiiti bażiċi għall-approvazzjoni tat-tipi ta’ vetturi bil-mutur tal-kategoriji M2, M3, N2 u N3 fir-rigward tal-installazzjoni ta’ sistemi avvanzati għal ibbrejkjar f’emerġenza (AEBS). Huwa neċessarju li wieħed jistabbilixxi l-proċeduri, it-testijiet u r-rekwiżiti speċifiċi għal din l-approvazzjoni tat-tip. |
(3) |
Ir-Regolament (KE) Nru 661/2009 jistabbilixxi obbligu ġenerali għal vetturi tal-kategoriji M2, M3, N2 u N3 li jkunu mgħammra b’AEBS. |
(4) |
Ir-Regolament (KE) Nru 661/2009 jistipula li l-Kummissjoni tista’ tadotta miżuri li jeżentaw lil ċerti vetturi jew klassijiet ta’ vetturi tal-kategoriji M2, M3, N2 u N3 mill-obbligu li jinstallaw AEBS taħt ċerti kundizzjonijiet. |
(5) |
Analiżi tal-ispiża/benefiċċji u tal-aspetti tekniċi u ta’ sikurezza wriet li ser ikun meħtieġ aktar żmien qabel ma jiġu applikati rekwiżiti ta’ firxa wiesgħa għal AEBS għat-tipi kollha ta’ vetturi tal-kategoriji M2, M3, N2 u N3 . Partikolarment, għandha tingħata attenzjoni għat-teknoloġija tal-ibbrejkjar u s-sistema ta’ sospensjoni tal-fus ta’ wara użati fuq dawk il-vetturi meta jiġu speċifikati regoli dettaljati li jikkonċernaw ir-rekwiżiti speċifiċi tal-ittestjar u tekniċi għall-approvazzjoni tat-tip ta’ dawk il-vetturi fir-rigward tal-AEBS tagħhom. Għaldaqstant huwa xieraq li wieħed jimplimenta dawk ir-rekwiżiti f’żewġ stadji, li jibdew b’approvazzjoni ta’ livell 1, li jkun jinkludi rekwiżiti adattati għal twissija ta’ ħabta u bbrejkjar ta’ emerġenza għal tipi ta’ vetturi tal-kategoriji M3 u N3 kif ukoll tipi ta’ vetturi tal-kategorija N2 b’massa massima li taqbeż it-8 tunellati, sakemm dawn it-tipi ta’ vetturi jkunu mgħammra b’sistemi ta' bbrejkjar pnewmatiċi jew air-over-hydraulic u b’sistemi ta’ sospensjoni tal-fus ta’ wara pnewmatiċi. Dawk ir-rekwiżiti għandhom jiġu estiżi wkoll u kkumplimentati f’tieni stadju, permezz ta’ approvazzjoni ta’ livell 2, biex japplikaw ukoll għal tipi ta’ vetturi b’sistemi ta’ bbrejkjar idrawliċi u sistemi ta’ sospensjoni tal-fus ta’ wara mhux pnewmatiċi u biex jinkludu tipi ta’ vetturi tal-kategorija M2 u tal-kategorija N2 b’massa massima li ma taqbiżx it-8 tunellati. Il-perjodu għall-implimentazzjoni tal-approvazzjoni ta’ livell 2 għandu jagħti żmien biżżejjed għall-kisba ta’ aktar esperjenza b'dawk is-sistemi u biex jippermetti aktar żviluppi tekniċi f’dan il-qasam, kif ukoll għall-Kummissjoni Ekonomika tan-Nazzjonijiet Uniti għall-Ewropa (UNECE) biex tadotta rekwiżiti internazzjonali armonizzati ta’ prestazzjoni u tal-ittestjar għat-tipi ta’ vetturi tal-kategoriji kkonċernati. Għalhekk, mhux aktar tard minn sentejn qabel id-data tal-implimentazzjoni tal-approvazzjoni ta’ livell 2, il-Kummissjoni għandha tadotta l-kriterji tal-ittestjar tat-twissija u l-attivazzjoni tal-ibbrejkjar għal tipi ta’ vetturi tal-kategorija M2 u tal-kategorija N2 b’massa massima li ma taqbiżx it-8 tunnellati, b’kunsiderazzjoni għal aktar żviluppi fil-livell tal-UNECE dwar din il-kwistjoni. |
(6) |
L-analiżi tal-ispiża/benefiċċju wriet ukoll li l-applikazzjoni obbligatorja tal-AEBS tiġġenera aktar spejjeż milli benefiċċji u għalhekk tidher li mhix adattata għall-klassijiet ta’ vetturi li ġejjin: il-kategorija N2 vetturi semitrejler tal-irmonk b’massa massima li taqbeż it-3,5 tunnellati iżda li ma taqbiżx it-8 tunnellati, il-vetturi tal-kategoriji M2 u M3 tal-Klassi A, Klassi I u Klassi II, u karozzi tal-linja artikulati tal-kategorija M3 tal-Klassi A, Klassi I u Klassi II. Barra minn dan, restrizzjonijiet tekniċi u fiżiċi jagħmluha impossibbli li jiġi installat it-tagħmir ta’ detezzjoni ta’ ħabta b’tali mod li jiżgura l-funzjonament affidabbli ta’ dan fuq ċerti vetturi għal skop speċjali, vetturi off-road u vetturi b’aktar minn tliet fusien. Vetturi ta’ dawk il-kategoriji għalhekk għandhom ikunu eżentati mill-obbligu li jinstallaw AEBS. |
(7) |
Il-miżuri stabbiliti f’dan ir-Regolament huma skont l-opinjoni tal-Kumitat Tekniku — Vetturi bil-mutur, |
ADOTTAT DAN IR-REGOLAMENT:
Artikolu 1
Ambitu
Dan ir-Regolament japplika għal vetturi bil-mutur tal-kategoriji M2, M3, N2 u N3 , kif definit fl-Anness II mad-Direttiva 2007/46/KE, bl-eċċezjoni ta’ dawn li ġejjin:
(1) |
vetturi semitrejler tal-irmonk tal-kategoriji N2 b’massa massima li taqbeż it-3,5 tunnellati iżda li ma taqbiżx it-8 tunellati; |
(2) |
il-vetturi tal-kategoriji M2 u M3 tal-Klassi A, Klassi I u Klassi II; |
(3) |
il-karozzi tal-linja artikulati tal-kategorija M3 tal-Klassi A, Klassi I u Klassi II; |
(4) |
veturi off-road tal-kategoriji M2, M3, N2 u N3 kif hemm referenza għalihom fil-punti 4.2 u 4.3 tal-Parti A tal-Anness II mad-Direttiva 2007/46/KE; |
(5) |
vetturi għal skop speċjali tal-kategoriji M2, M3, N2 u N3 kif hemm referenza għalihom fil-punt 5 tal-Parti A tal-Anness II mad-Direttiva 2007/46/KE; |
(6) |
vetturi tal-kategoriji M2, M3, N2 u N3 b’aktar minn tliet fusien |
Artikolu 2
Definizzjonijiet
Għall-iskopijiet ta’ dan ir-Regolament, id-definizzjonjiet stabbiliti fid-Direttiva 2007/46/KE u fir-Regolament (KE) Nru 661/2009 għandhom japplikaw.
Barra minn dan, għandhom japplikaw id-definizzjonijiet li ġejjin:
(1) |
“tip ta’ vettura fir-rigward tas-sistema avvanzata ta’ bbrejkjar ta’ emerġenza” (AEBS) tfisser kategorija ta’ vetturi li ma jvarjawx f’aspetti essenzjali, inkluż għal:
|
(2) |
“vettura inkwistjoni” tfisser il-vettura li qed tiġi testjata’ |
(3) |
“mira” tfisser karozza tal-passiġġieri bi produzzjoni ta’ serje ta’ volum għoli tal-kategorija M1 AA saloon kif definit fil-punt 1 tat-Taqsima C tal-Anness II mad-Direttiva 2007/46/KE jew, fil-każ ta’ mira dgħajfa, oġġett li huwa rappreżentattiv ta’ vettura bħal din f’termini tal-karatteristiċi tad-detezzjoni tagħha applikabbli għas-sistema tas-sensur tal-AEBS li qed ikun ittestjat; |
(4) |
“soft target” tfisser mira li ser ikollha dannu minimu u tikkawża dannu minimu lill-vettura inkwistjoni fil-każ ta’ ħabta’ |
(5) |
“mira li tiċċaqlaq” tfisser mira li tivvjaġġa b’veloċità kostanti fl-istess direzzjoni u fiċ-ċentru tal-istess karreġġata li fiha tkun qed tivvjaġġa l-vettura inkwistjoni; |
(6) |
“mira stazzjonarja” tfisser mira wieqfa li tħares fl-istess direzzjoni u li tinsab fiċ-ċentru tal-istess karreġġata tal-ivvjaġġar tat-test bħall-vettura inkwistjoni; |
(7) |
“fażi ta’ twissija ta’ ħabta” tfisser il-fażi li tippreċedi direttament il-fażi ta’ bbrejkjar ta’ emerġenza, li matulha l-AEBS tavża lis-sewwieq dwar ħabta minn quddiem potenzjali; |
(8) |
“fażi ta’ bbrejkjar ta’ emerġenza” tfisser il-fażi li tibda meta l-AEBS tagħti talba għal ibbrejkjar mill-anqas deċellerazzjoni ta’ 4 m/s2 lis-sistema ta’ bbrejkjar tas-servizz tal-vettura; |
(9) |
“spazju komuni” jfisser żona fejn żewġ funzjonijiet ta’ informazzjoni jew aktar jistgħu jintwerew, imma mhux b’mod simultanju; |
(10) |
“awtokontroll” ifisser funzjoni integrata li tikkontrolla għal xi ħsara fis-sistema fuq bażi semikontinwa mill-anqas sakemm is-sistema tkun attiva; |
(11) |
“ħin sal-ħabta (TTC - time to collision)” ifisser il-valur tal-ħin miksub billi tinqasam id-distanza bejn il-vettura inkwistjoni u l-mira bil-veloċità relattiva tal-vettura inkwistjoni u l-mira, f’mument wieħed fil-ħin. |
Artikolu 3
Obbligi tal-Istati Membri
1. B’effett mill-1 ta’ Novembru 2013, awtoritajiet nazzjonali għandhom jirrifjutaw, fuq bażijiet relatati mal-AEBS, milli jagħtu approvazzjoni tat-tip KE jew approvazzjoni tat-tip nazzjonali fir-rigward ta’ tipi ġodda ta’ vetturi li ma jikkonformawx mar-rekwiżiti stabbiliti fl-Annessi II u III, bl-eċċezzjoni tar-rekwiżiti tal-approvazzjoni ta’ livell 2 fl-Anness II u l-kriterji ta’ suċċess/falliment stabbiliti fl-Appendiċi 2 ma’ dak l-Anness u bl-eċċezzjoni tal-vetturi mhux mgħammra b’sospensjoni pnewmatika tal-fus ta’ wara.
2. B’effett mill-1 ta’ Novembru 2015, awtoritajiet nazzjonali għandhom, fuq bażijiet relatati mal-AEBS, jikkunsidraw li ċertifikati ta’ konformità fir-rigward ta’ vetturi ġodda m’għadhomx aktar validi għall-iskopijiet tal-Artikolu 26 tad-Direttiva 2007/46/KE, u jipprojbixxu r-reġistrazzjoni, il-bejgħ u d-dħul fis-servizz ta’ dawn il-vetturi, fejn dawn il-vetturi ma jikkonformawx mar-rekwiżiti stabbiliti fl-Annessi II u III, bl-eċċezzjoni tar-rekwiżiti tal-approvazzjoni ta’ livell 2 fl-Anness II u l-kriterji suċċess/falliment stabbiliti fl-Appendiċi 2 ma’ dak l-Anness u bl-eċċezzjoni ta’ vetturi mhux mgħammra b’sospensjoni pnewmatika tal-fus ta’ wara.
3. B’effett mill-1 ta’ Novembru 2016 awtoritajiet nazzjonali għandhom jirrifjutaw, fuq bażijiet relatati mal-AEBS, milli tingħata l-approvazzjoni tat-tip KE jew approvazzjoni tat-tip nazzjonali fir-rigward ta’ tipi ġodda ta’ vetturi li ma jikkonformawx mar-rekwiżiti stabbiliti fl-Annessi II u III, inkluż ir-rekwiżiti tal-approvazzjoni ta’ livell 2 fl-Anness II u l-kriterji suċċess/falliment stabbiliti fl-Appendiċi 2 ma’ dak l-Anness.
4. B’effett mill-1 ta’ Novembru 2018, awtoritajiet nazzjonali għandhom, fuq bażijiet relatati mal-AEBS, jikkunsidraw li ċertifikati ta’ konformità fir-rigward ta’ vetturi ġodda ma jibqgħux validi għall-iskopijiet tal-Artikolu 26 tad-Direttiva 2007/46/KE, u jipprojbixxu r-reġistrazzjoni, il-bejgħ u d-dħul fis-servizz ta’ dawn il-vetturi, meta dawn il-vetturi ma jikkonformawx mar-rekwiżiti stabbiliti fl-Annessi II u III, inkluż ir-rekwiżiti tal-approvazzjoni ta’ livell 2 fl-Anness II u l-kriterji suċċess/falliment stabbiliti fl-Appendiċi 2 ma’ dak l-Anness.
5. Mingħajr preġudizzju għall-paragrafi 1 sa 4, l-awtoritajiet nazzjonali ma jistgħux, fuq bażijiet relatati mal-AEBS:
(a) |
jirrifjutaw milli jagħtu approvazzjoni tat-tip KE jew approvazzjoni tat-tip nazzjonali għal tip ġdid ta’ vettura fejn dik il-vettura tikkonforma mar-Regolament (KE) Nru 661/2009 u ma’ dan ir-Regolament; |
(b) |
jipprojbixxu r-reġistrazzjoni, il-bejgħ jew id-dħul fis-servizz ta’ vettura ġdida fejn dik il-vettura tikkonforma mar-Regolament (KE) Nru 661/2009 u ma’ dan ir-Regolament. |
(c) |
jagħtu approvazzjoni tat-tip KE jew approvazzjoni tat-tip nazzjonali skont l-approvazzjoni ta’ livell 2 għal tip ġdid ta’ vettura tal-kategorija M2 u tal-kategorija N2 b’massa massima li ma taqbiżx it-8 tunnellati, sakemm il-valuri ta’ suċċess/falliment għar-rekwiżiti tat-test ta’ twissija u ta’ attivazzjoni jkunu ġew speċifikati skont l-Artikolu 5. |
Artikolu 4
Approvazzjoni tat-tip KE ta’ tip ta’ vettura fir-rigward ta’ AEBS
1. Il-manifattur jew ir-rappreżentant tal-manifattur għandhom jissottomettu lill-awtorità tal-approvazzjoni l-applikazzjoni tal-approvazzjoni tat-tip KE ta’ tip ta’ vettura fir-rigward tal-AEBS.
2. L-applikazzjoni għandha tkun ippreparata skont il-mudell tad-dokument tal-informazzjoni stabbilit fil-Parti 1 tal-Anness I.
3. Jekk ir-rekwiżiti rilevanti stabbiliti fl-Anness II ma’ dan ir-Regolament huma sodisfatti, l-awtorità tal-approvazzjoni għandha tagħti approvazzjoni tat-tip KE u toħroġ numru tal-approvazzjoi tat-tip skont is-sistema ta’ numerazzjoni stabbilita fl-Anness VII mad-Direttiva 2007/46/KE.
Awtorità tal-approvazzjoni ma tistax tagħti l-istess numru lil tip ieħor ta’ vettura.
4. Għall-iskopijiet tal-paragrafu 3, l-awtorità tal-approvazzjoni għandha tagħti ċertifikat tal-approvazzjoni tat-tip KE stabbilit skont il-mudell stabbilit fil-Parti 2 mal-Anness I.
Artikolu 5
Emenda għall-Appendiċi 2 tal-Anness II
Sal-31 ta’ Diċembru 2014 il-Kummissjoni għandha temenda l-Appendiċi 2 tal-Anness II sabiex din tinkludi l-valuri ta’ suċċess/falliment għar-rekwiżiti tat-twissija u tal-attivazzjoni li ser ikollhom jikkonformaw magħhom tipi ta' vetturi tal-kategorija M2 u tal-kategorija N2 b’massa massima li ma taqbiżx it-8 tunellati sabiex dawn jingħataw l-approvazzjoni ta’ livell 2.
Artikolu 6
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ April 2012.
Għall-Kummissjoni
Il-President
José Manuel BARROSO
(1) ĠU L 200, 31.7.2009, p. 1.
(2) ĠU L 263, 9.10.2007, p. 1.
ANNESS I
Dokument ta' informazzjoni standard u ċertifikat tal-approvazzjoni tat-tip KE għall-approvazzjoni tat-tipi ta’ vetturi bil-mutur fir-rigward ta’ AEBS
PARTI 1
Dokument ta’ informazzjoni
MUDELL
Dokument ta’ informazzjoni Nru … li jirrelata mal-approvazzjoni tat-tip KE ta' vettura fir-rigward ta' sistemi avvanzati għal ibbrejkjar f’emerġenza (AEBS).
L-informazzjoni li ġejja għandha tiġi pprovduta fi tliet kopji u tinkludi lista tal-kontenut. Kwalunkwe disinn irid jiġi provdut fi skala xierqa u b'dettall suffiċjenti fuq karta ta' daqs A4 jew folder ta' format A4. Jekk ikun hemm xi ritratti għandu jkun fihom dettalji suffiċjenti
Jekk is-sistemi, il-komponenti jew unitajiet tekniċi oħra msemmija fl-Anness I mar-Regolament (UE) Nru 347/2012 ikollhom kontrolli elettroniċi, għandha tiġi pprovduta informazzjoni dwar il-prestazzjoni tagħhom.
0. ĠENERALI
0.1. Il-marka (marka tal-fabbrika tal-manifattur): …
0.2. Tip: …
0.2.0.1. Chassis: …
0.2.0.2. Karozzerija/vettura kompluta: …
0.2.1. Isem(ismijiet) kummerċjali (jekk disponibbli): …
0.3. Mezzi ta' identifikazzjoni tat-tip, jekk indikat fuq il-vettura (b): …
0.3.0.1. Chassis: …
0.3.0.2. Karozzerija/vettura kompluta: …
0.3.1. Fejn tinsab din il-marka: …
0.3.1.1. Chassis: …
0.3.1.2. Karozzerija/vettura kompluta: …
0.4. Kategorija ta' vettura (c): …
0.5. L-isem u l-indirizz tal-manifattur: …
0.6. Fejn jitqiegħdu l-pjanċi statutorji u l-metodu ta' twaħħil tagħhom u fejn jitqiegħed in-numru ta' identifikazzjoni tal-vettura: …
0.6.1. Fuq ix-chassis: …
0.6.2. Fuq il-karozzerija: …
0.8. L-isem(ismijiet) u l-indirizz(i) tal-impjant(i) tal-immuntar:
0.9. L-isem u l-indirizz tar-rappreżentant tal-manifattur (jekk jeżisti): …
1. KARATTERISTIĊI ĠENERALI TAL-KOSTRUZZJONI TAL-VETTURA
1.1. Ritratti u/jew disinji ta' eżempju rappreżentattiv tal-vettura: …
1.2. Disinn dimensjonali tal-vettura sħiħa: …
1.3. L-għadd tal-fusien u roti: …
1.3.1. L-għadd u l-pożizzjoni tal-fusien b'roti doppji: …
1.3.2. L-għadd u l-pożizzjoni tal-fusien bi steering: …
1.3.3. Fusien powered (għadd, pożizzjoni, interkonnessjoni): …
2. MASES U DIMENSJONIJIET (f) (g)
(f'kg u mm) (Irreferi għad-disinn fejn applikabbli)
2.1. Tul(ijiet) ta' bejn ir-roti (b'tagħbija sħiħa) (1)
2.1.1. Vetturi b'żewġ fusien: …
2.1.1.1. Vetturi bi tliet fusien jew aktar
2.3. Tul(ijiet) u wisa'(wisgħat) tal-fus
2.3.1. Tul ta' kull fus li huwa steered (2): …
2.3.2. Tul tal-fusien l-oħra kollha (2): …
2.3.4. Il-wisa' tal-fus ta' quddiem nett (imkejla fuq it-tarf ta' barra tat-tajers għajr għall-bużżieqa mbuzzata 'l barra tat-tajers qrib l-art): …
2.4. Il-medda tad-dimensjonijiet tal-vettura (b'kollox)
2.4.1. Għal chassis mingħajr karozzerija
2.4.1.1. Tul (3): …
2.4.1.1.1. Tul massimu permissibbli: …
2.4.1.1.2. Tul minimu permissibbli: …
2.4.1.2. Wisa’ (4): …
2.4.1.2.1. Wisa’ massima permissibbli: …
2.4.1.2.2. Wisa’ minima permissibbli: …
2.4.2. Għal chassis bil-karozzerija
2.4.2.1. Tul (3): …
2.4.2.1.1. Tul tal-parti tat-tagħbija: …
2.4.2.2. Wisa’ (4): …
2.4.3. Għal karozzerija approvata mingħajr chassis (vetturi M2 u M3)
2.4.3.1. Tul (3): …
2.4.3.2. Wisa’ (4): …
2.6. Massa f'kundizzjoni ta' sewqan
Massa tal-vettura bil-karozzerija u, fil-każ ta' vettura tal-irmonk ta' kategorija għajr għal M1, b'tagħmir ta' gganċjar, jekk imqiegħed mill-manifattur, f'kundizzjoni ta' sewqan, jew massa tax-chassis jew chassis bil-kabina, mingħajr karozzerija u/jew tagħmir ta' gganċjar jekk il-manifattur ma jqigħedx il-karozzerija u/jew it-tagħmir ta' gganċjar (inklużi likwidi, għodda, rota żejda, jekk tkun imqiegħda, u s-sewwieq u, għal karozzi tal-linja u kowċis, kunduttur jekk ikun hemm sit għall-kunduttur fil-vettura) (h) (massimu u minimu għal kull varjant): …
4.7. Veloċità ddisinjata massima tal-vettura (f'km/s) (q): …
8. BREJKIJIET
(Għandhom jingħataw id-dettalji li ġejjin, inkluż il-mezz ta’ identifikazzjoni, fejn japplika)
8.1. It-tip u l-karatteristiċi tal-brejkijiet kif definit fil-punt 1.6 tal-Anness I mad-Direttiva tal-Kunsill 71/320/KEE (1) inklużi dettalji u disinji tal-għamla tat-tnabar, diski u pajpijiet u t-tip ta’ muntaturi tan-nagħla/pedd u/jew firrodu, il-partijiet effettivi tal-ibbrejkjar, ir-raġġ tat-tnabar, nagħal jew diski, il-massa tat-tnabar, tagħmir ta' aġġustament, partijiet rilevanti tal-fus(ien) u s-sospensjoni: …
8.2. Dijagramma tat-tħaddim, deskrizzjoni u/jew disinn tas-sistema tal-ibbrejkjar deskritta fil-punt 1.2 tal-Anness I mad-Direttiva 71/320/KEE inklużi dettalji u disinji tat-trażmissjoni u l-kontrolli: …
8.2.1. Sistema tal-ibbrejkjar tas-servizz: …
8.2.2. Sistema sekondarja tal-ibbrejkjar: …
8.2.4. Kull sistema oħra addizzjonali ta' bbrejkjar: …
8.3. Kontroll u trażmissjoni tas-sistemi ta’ bbrejkjar ta’ karrijiet f’vetturi mfassla biex jirmunkaw karru: ……
8.4. Il-vettura hija mgħammra biex tirmonka karru bi brejkijiet ta’ servizz elettriċi/pnewmatiċi/idrawliċi (*) service brakes: yes/no (*)
8.5. Sistema tal-ibbrejkjar anti-lock
8.5.1. Deskrizzjoni tal-operazzjoni tas-sistema (inklużi kwalunkwe partijiet elettroniċi), dijagramma tal-blokka elettrika, pjan taċ-ċirkwit idrawliku jew pnewmatiku: …
8.6. Kalkolu u kurvi skont l-Appendiċi għall-punt 1.1.4.2 tal-Appendiċi mal-Anness II għad-Direttiva 71/320/KEE jew l-Appendiċi għall-Anness XI ta’ dan, jekk applikabbli: …
8.7. Deskrizzjoni u/jew tpinġija tal-provvista ta’ enerġija, li trid tiġi speċifikata wkoll għal sistemi ta’ bbrejkjar assistiti bl-enerġija: …
8.7.1. Fil-każ ta’ sistemi ta’ bbrejkjar bl-arja kumpressata, pressjoni ta’ ħidma p2 fir-riżerva(i) tal-pressjoni: ……
8.7.2. Fil-każ ta’ sistemi ta’ bbrejkjar ta’ vakum, il-livell ta’ enerġija inizjali fir-riżerva(i): …
13. DISPOŻIZZJONIJIET SPEĊJALI GĦAL KAROZZI TAL-LINJA U KOWĊIS
13.1. Klassi tal-vettura: Klassi III/Klassi B (*)
Noti ta’ spjegazzjoni
PARTI 2
MUDELL
(format massimu: A4 (210 × 297 mm))
ĊERTIFIKAT TAL-APPROVAZZJONI TAT-TIP KE
Komunikazzjoni li tikkonċerna:
— |
Approvazzjoni tat-tip KE (2) |
— |
Estensjoni tal-approvazzjoni tat-tip KE (2) |
— |
Rifjut tal-approvazzjoni tat-tip KE (2) |
— |
Irtirar tal-approvazzjoni tat-tip KE (2) |
ta’ tip ta’ vettura fir-rigward ta’ sistemi avvanzati ta’ bbrejkjar tal-emerġenza (AEBS)
fir-rigward tar-Regolament tal-Kunsill (UE) Nru 347/2012 kif emendat u li tikkonforma mal-approvazzjoni ta’ livell 1 (2) / approvazzjoni ta’ livell 2 (2)
Numru tal-approvazzjoni tat-tip KE _
Raġuni għall-estensjoni:
TAQSIMA I
0.1. Il-marka (marka tal-fabbrika tal-manifattur):
0.2. Tip:
0.2.1. Isem(ismijiet) kummerċjali (jekk dan huwa disponibbli)
0.3. Mezz ta’ identifikazzjoni tat-tip jekk dan huwa mmarkat fuq il-vettura (3)
0.3.1. Fejn tinsab din il-marka:
0.4. Il-kategorija tal-vettura (4):
0.5. Isem u indirizz tal-manifattur:
0.8. L-ismijiet u l-indirizz(i) tal-impjant(i) tal-immuntar:
0.9. Ir-rappreżentant tal-manifattur
TAQSIMA II
1. Informazzjoni addizzjonali (fejn tapplika): Ara l-Addendum
2. Is-servizz tekniku responsabbli mit-twettiq tat-testijiet:
3. Id-data tar-rapport tat-test:
4. In-numru tar-rapport tat-test:
5. Rimarki (jekk hemm): Ara l-Addendum
6. Post:
7. Data:
8. Firma:
Dokumenti mehmużin |
: |
Pakkett ta’ tagħrif: Rapport tat-test. |
(b) Jekk il-mezz ta' identifikazzjoni tat-tip fih karattri mhux rilevanti biex jiddeskrivu t-tip tal-vettura, komponenti jew unità teknika separata koperti minn dan id-dokument ta' informazzjoni, dawn il-karattri għandhom jiġu rrappreżentati fid-dokumentazzjoni bis-simbolu "?" (pereżempju ABC??123??).
(c) Ikklassifikati skont id-definizzjonijiet stabbiliti fil-Parti A tal-Anness II mad-Direttiva 2007/46/KE tal-Parlament Ewropew u tal-Kunsill (ĠU L 263, 9.10.2007, p. 1).
(f) Meta hemm verżjoni waħda b'kabina normali u oħra b'kabina tal-irqad, iż-żewġ gruppi ta' mases u dimensjonijiet għandhom jiġu ddikjarati
(g) Standard ISO 612: 1978 – Vetturi tat-triq – Dimensjonijiet tal-vetturi bil-mutur u vetturi rmunkati – kundizzjonijiet u definizzjonijiet
(g1) |
Vetturi bil-mutur u trejler bi drawbar: terminu Nru 6.4.1. Semitrejler u trejler ta’ fus ċentrali: terminu Nru 6.4.2. Nota: Fil-każ ta’ trejler ta’ fus ċentrali, il-fus tal-kapling għandu jitqies bħala l-fus ta' quddiem nett. |
(g4) |
Terminu Nru 6.5. |
(g5) |
Terminu Nru 6.1 u għal vetturi oħra apparti dawk tal-kategorija M1: il-Punt 2.4.1. tal-Anness I mad-Direttiva 97/27/KE tal-Parlament Ewropew u tal-Kunsill (ĠU L 233, 25.8.1997, p.1). Fil-każ ta’ trejlers, it-tulijiet għandhom ikunu speċifikati kif imsemmi fit-terminu Nru 6.1.2. tal-Istandard ISO 612: 1978. |
(g7) |
It-terminu Nru 6.2 u għal vetturi apparti dawk tal-kategorija M1: il-punt 2.4.2. tal-Anness I mad-Direttiva 97/27/KE. |
(h) Il-massa tas-sewwieq u, jekk applikabbli, tal-membru tal-ekwipaġġ hija valutata 75 kg (sottodiviża f’68 kg massa tal-okkupanti u 7 kg massa tal-bagalji skont l-Istandard ISO 2416 – 1992), it-tank tal-karburant ikun mimli sa 90 % u s-sistemi l-oħra li jkun fihom likwidu (ħlief dawk għal ilma użat) ikunu mimlija sa 100 % tal-kapaċità speċifikata mill-manifattur.
(q) Fir-rigward ta’ trejlers, il-veloċità massima permessa mill-manifattur.
(1) ĠU L 202, 6.9.1971, p. 37.
(*) Ħassar fejn mhux applikabbli (jeżistu każijiet fejn xejn ma jkun jeħtieġ jitħassar fejn tkun applikabbli aktar minn annotazzjoni waħda)
(2) Ħassar fejn ma japplikax
(3) Jekk il-mezz ta' identifikazzjoni tat-tip fih karattri mhux rilevanti biex jiddeskrivu t-tip tal-vettura, komponenti jew unità teknika separata koperti minn dan id-dokument ta' informazzjoni, dawn il-karattri għandhom jiġu rrappreżentati fid-dokumentazzjoni bis-simbolu "?" (pereżempju ABC??123??)
(4) Kif definit fit-Taqsima A tal-Anness II mad-Direttiva 2007/46/KE.
Addendum
għaċ-ċertifikat tal-approvazzjoni tat-tip KE Nru …
1. Informazzjoni addizzjonali
1.1. Deskrizzjoni qasira tas-sistema avvanzata ta’ bbrejkjar ta’ emerġenza (AEBS) mwaħħla mal-vettura:
4. Ir-riżultati tat-test skont l-Anness II mar-Regolament (UE) Nru 347/2012.
4.1. Dettalji li jippermettu l-identifikazzjoni u r-riproduzzjoni tal-miri użati għall-ittestjar
4.2. Lista ta’ azzjonijiet pożittivi li jirriżultaw fl-interruzzjoni tal-fażi ta' twissija ta' ħabta
4.3. Lista ta’ azzjonijiet pożittivi li jirriżultaw fl-interruzzjoni tal-fażi ta' bbrejkjar ta’ emerġenza
4.4. Deskrizzjoni tal-indikazzjoni tat-twissija u s-sekwenza li fiha jiġu ppreżentati s-sinjali ta’ twissija ta’ ħabta lis-sewwieq.
4.5. Massa u kundizzjoni tat-tagħbija tal-vettura matul it-test
4.6. Dettalji li jippermettu li jkunu identifikati speċifikament il-miri tat-test
4.7. Riżultat tat-twissija u t-test tal-attivazzjoni b’mira stazzjonarja
4.8. Riżultati tat-twissija u t-test tal-attivazzjoni b’mira li tiċċaqlaq
4.9. Riżultati tat-test tad-detezzjoni ta’ ħsara
4.10. Ir-riżultati tat-test tad-diżattivazzjoni (isir biss jekk il-vettura hija mgħammra b’mezzi ta’ diżattivazzjoni tas-sistema ta’ bbrejkjar ta’ emerġenza)
4.11. Riżultati tat-test ta’ reazzjoni falsa
4.12. It-tip ta’ vettura bis-sistema avvanzata ta’ bbrejkjar ta’ emerġenza (AEBS) tagħha tikkonforma mar-rekwiżiti tal-approvazzjoni ta' livell 1 stabbiliti fl-Appendiċi 1 mal-Anness II mar-Regolament (UE) Nru 347/2012: iva/le (1)
4.13. It-tip ta’ vettura bis-sistema avvanzata ta’ bbrejkjar ta’ emerġenza (AEBS) tagħha tikkonforma mar-rekwiżiti tal-approvazzjoni ta' livell 2 stabbiliti fl-Appendiċi 2 mal-Anness II mar-Regolament (UE) Nru 347/2012: iva/le (1)
5. Rimarki (jekk hemm):
(1) Ħasar fejn ma japplikax.
ANNESS II
Rekwiżiti u testijiet għall-approvazzjoni tat-tipi ta’ vetturi bil-mutur fir-rigward ta’ AEBS
1. Rekwiżiti
1.1. Rekwiżiti ġenerali
1.1.1. Kull vettura koperta bl-ambitu ta’ dan ir-Regolament għandu, fir-rigward tal-AEBS imwaħħla, tissodisfa r-rekwiżiti tal-prestazzjoni stabbiliti fil-punti 1.1. sa 1.6.2. ta’ dan l-Anness u għandha tkun mgħammra b’funzjoni ta’ bbrejkjar anti-lock skont ir-rekwiżiti tal-prestazzjoni tal-Anness 13 tar-Regolament UNECE Nru 13 (1).
1.1.2. L-effikaċja tal-AEBS m’għandhiex tkun affettwata b’mod negattiv minn kampijiet manjetiċi jew tal-elettriku. Dan għandu jintwera mill-konformità mar-Regolament UNECE Nru 10, serje ta’ emendi 03.
1.1.3. Konformità mal-aspetti ta’ sikurezza ta’ sistemi kunplessi ta’ kontroll elettroniku għandha tintwera billi jiġu sodisfatti r-rekwiżiti tal-Anness III.
1.2. Rekwiżiti tal-prestazzjoni
1.2.1. Is-sistema għandha tipprovdi lis-sewwieq bi twissijiet xierqa kif deskritt fil-punti 1.2.1.1 sa 1.2.1.3:
1.2.1.1. |
Twissija ta’ ħabta meta l-AEBS tkun innutat possibbiltà ta’ ħabta ma’ vettura li tkun qiegħda quddiem tal-kategorija M, N jew O fl-istess karreġġata li tkun qed tivjaġġa b’veloċità aktar bil-mod, tkun waqfet kompletament jew tkun stazzjonarja li ma tkunx ġiet identifikata li qed tiċċaqlaq. It-twissija għandha tkun kif speċifikat fil-punt 1.5.1. |
1.2.1.2. |
Twissija ta’ ħsara meta jkun hemm ħsara fl-AEBS li tipprevjeni li jiġu sodisfatti r-rekwiżiti ta’ dan l-Anness. It-twissija għandha tkun kif speċifikat fil-punt 1.5.4.
|
1.2.1.3. |
Għandha tingħata twissija ta’ diżattivazzjoni, jekk il-vettura hija mgħammra b’mezzi sabiex l-AEBS tkun diżattivata b’mod manwali, meta s-sistema tkun diżattivata. Dan ser ikun speċifikat fil-punt 1.4.2. |
1.2.2. Wara t-twissija(twissijiet) li hemm referenza għalihom fil-punt 1.2.1.1., u skont id-dispożizzjonijiet tal-punti 1.3.1., 1.3.2 u 1.3.3., għandu jkun hemm fażi ta’ bbrejkjar ta’ emerġenza bl-iskop li titnaqqas b’mod sinjifikanti l-veloċità tal-vettura inkwistjoni. Dan għandu jkun ittestjat skont il-punti 2.4. u 2.5.
1.2.3. L-AEBS għandha tkun attiva mill-anqas fil-firxa tal-veloċità tal-vettura ta’ 15 km/s sal-veloċità massima tad-disinn tal-vettura, u għal kull tagħbija tal-vettura, sakemm din ma tkunx diżattivata manwalment skont il-punt 1.4.
1.2.4. L-AEBS għandha tkun iddisinjata biex timminimizza l-ħolqien ta' sinjali ta’ twissija ta’ ħabta u biex jevita bbrejkjar awtonomu f’sitwazzjonijiet fejn is-sewwieq ma jagħrafx ħabta bil-quddiem imminenti. Dan għandu jintwera skont il-punt 2.8.
1.3. Interruzzjoni mis-sewwieq
1.3.1. L-AEBS tista’ tipprovdi l-mezzi lis-sewwieq biex jinterrompi l-fażi tat-twissija ta’ ħabta. Madankollu, meta tintuża sistema ta’ bbrejkjar tal-vettura sabiex tingħata twissija tattili, is-sistema għandha tipprovdi lis-sewwieq b’mezz biex ikun jista’ jinterrompi t-twissija tal-ibbrejkjar.
1.3.2. L-AEBS għandha tipprovdi l-mezz għas-sewwieq biex jinterrompi l-fażi ta’ bbrejkjar ta’ emerġenza.
1.3.3. Fil-każijiet li hemm referenza għalihom fil-punti 1.3.1 u 1.3.2., l-interruzzjoni tista’ tinbeda minn kull azzjoni pożittiva (pereżempju kick-down, bl-operazzjoni tal-kontroll tal-indikatur tad-direzzjoni) li tindika li s-sewwieq huwa konxju mis-sitwazzjoni ta’ emerġenza. Il-manifattur tal-vettura għandu jipprovdi lista ta' dawn l-azzjonijiet pożittivi lis-servizz tekniku fi kwalunkwe ħin tal-approvazzjoni tat-tip u din għandha tinhemeż mar-rapport tat-test li hemm referenza għalih fit-Taqsima II tal-Parti 2 tal-Anness I.
1.4. Meta vettura hija mgħammra b’mezz biex tkun diżattivata l-funzjoni tal-AEBS, għandhom japplikaw il-kundizzjonijiet li ġejjin kif suppost:
1.4.1. |
Il-funzjoni AEBS għandha terġa’ tkun installata awtomatikament mal-bidu ta’ kull ċiklu ta’ ignixin ġdid. |
1.4.2. |
Sinjal ottiku kostanti ta’ twissija għandu jinforma lis-sewwieq li l-funzjoni AEBS tkun ġiet diżattivata. Is-sinjal ta’ twissija isfar speċifikat fil-punt 1.5.4 jista’ jintuża għal dan l-għan. |
1.5. Indikazzjoni ta’ twissija
1.5.1. It-twissija ta’ ħabta li hemm referenza għaliha fil-punt 1.2.1.1 għandha tingħata b’mill-anqas żewġ modalitajiet magħżula bejn dik akustika, tattili jew ottika.
Il-ħin tas-sinjali ta’ twissija għandu jkun tali li dawn għandhom jipprovdu l-possibbiltà lis-sewwieq biex jirreaġixxi għar-riskju ta’ ħabta u jieħu kontroll tas-sitwazzjoni, u għandu jevita wkoll li jkun ta’ xkiel għas-sewwieq minħabba twissijiet li jingħataw kmieni ż-żejjed jew spiss wisq. Dan għandu jkun ittestjat skont il-punti 2.4.2 u 2.5.2.
1.5.2. Deskrizzjoni tal-indikazzjoni tat-twissija u s-sekwenza li fiha jiġu ppreżentati s-sinjali tat-twissija tal-ħabta lis-sewwieq għandhom jingħataw mill-manifattur tal-vettura fil-ħin tal-approvazzjoni tat-tip u jiġu rreġistrati fir-rapport tat-test.
1.5.3. Fejn jintuża mezz ottiku bħala parti mit-twissija tal-ħabta, is-sinjal ottiku jista' jkun it-teptip tas-sinjal ta' twissija ta' ħsara kif speċifikat fil-punt 1.2.1.2.
1.5.4. It-twissija ta’ ħsara li hemm referenza għaliha fil-punt 1.2.1.2 għandha tkun sinjal ta' twissija ottiku isfar kostanti.
1.5.5. Kull sinjal ta’ twissija ottiku tal-AEBS għandha tkun attivata jew meta jinxtegħel is-swiċċ tal-ignixin (start) għall-pożizzjoni 'on' (ħidma) jew meta s-swiċċ tal-ignixin (start) ikun f’pożizzjoni bejn 'on' (ħidma) u 'start' li hija deżinjata mill-manifattur bħala pożizzjoni ta’ kontroll (sistema inizjali (power-on)). Dan ir-rekwiżit ma japplikax għal sinjali ta’ twissija li jintwerew fi spazju komuni.
1.5.6. Is-sinjali ottiċi ta’ twissija għandhom ikunu viżibbli anke matul il-jum, il-kundizzjoni sodisfaċenti tas-sinjali għandha tkun tista' tiġi verifikata b'mod faċli mis-sewwieq minn fuq is-sit tas-sewwieq.
1.5.7. Meta s-sewwieq jingħata sinjal ottiku ta’ twissija li jindika li l-AEBS temporanjament mhijiex disponibbli, pereżempju minħabba kundizzjonijiet ħżiena tat-temp, is-sinjal għandu jkun kostanti u ta' kulur isfar. Is-sinjal ta’ twissija ta’ ħsara speċifikat fil-punt 1.5.4. jista’ jintuża għal dan.
1.6. Dispożizzjonijiet għall-ispezzjoni teknika perjodika
1.6.1. Waqt spezzjoni teknika perjodika għandu jkun possibbli li wieħed jikkonferma l-istatus ta’ tħaddim korrett tal-AEBS permezz ta’ osservazzjoni viżiva tal-istatus tas-sinjal ta’ twissija ta’ ħsara, wara 'power-ON' u kwalunkwe kontroll tal-bozza.
Fil-każ li s-sinjal tat-twissija ta' ħsara jkun fi spazju komuni, dan l-ispzju komuni għandu jkun osservat li jkun funzjonali qabel ma jsir il-kontroll tal-istatus tas-sinjal tat-twissija ta’ ħsara.
1.6.2. Fil-ħin tal-approvazzjoni tat-tip, għandu jkun muri b’mod kunfidenzjali l-mezz ta’ protezzjoni kontra modifika sempliċi mhux awtorizzata tat-tħaddim tas-sinjal ta’ twissija ta’ ħsara magħżul mill-manifattur.
Min-naħa l-oħra, dan ir-rekwiżit ta' protezzjoni huwa sodisfatt meta jkun disponibbli mezz sekondarju għall-kontroll tal-istatus ta' tħaddim korrett tal-AEBS.
2. Il-proġeduri tat-test
2.1. Il-kundizzjonijiet tat-test
2.1.1. It-test għandu jitwettaq fuq superfiċje lixxa u xotta tal-asfalt jew tal-konkrit li tagħti adeżjoni tajba.
2.1.2. It-temperatura tal-ambjent għandha tkun bejn 0 °C u 45 °C.
2.1.3. Il-firxa ta’ viżibbiltà orizzontali għandha tippermetti li l-mira tkun osservata matul it-test kollu.
2.1.4. It-testijiet għandhom jitwettqu meta ma jkunx hemm riħ li jista’ jaffettwa r-riżultati.
2.2. Il-kundizzjonijiet tal-vettura
2.2.1. Il-piż tat-test
Il-vettura għandha tkun ittestjata f’kundizzjoni ta' tagħbija kif miftiehem bejn il-manifattur u s-Servizz Tekniku. M’għandha ssir l-ebda alterazzjoni ladarba tkun inbdiet il-proċedura tat-test.
2.3. Il-miri tat-test
2.3.1. Il-mira użata għat-testijiet għandha tkun karozza tal-passiġġieri regolari ta’ produzzjoni ta’ serje ta’ volum għoli tal-kategorija M1 AA saloon, jew inkella rappreżentazzjoni 'soft target' ta’ din il-vettura f’termini tal-karatteristiċi tal-identifikazzjoni tagħha applikabbli għas-sistema tas-sensur tal-AEBS li qed jiġi ttestjat (2).
2.3.2. Dettalji li jippermettu li l-mira(miri) jkunu identifikati u riprodotti speċifikament għandhom ikunu rreġistrati fid-dokumentazzjoni tal-approvazzjoni tat-tip tal-vettura, kif hemm referenza għalihom fil-punt 4.6 tal-Addendum mat-Taqsima II tal-Parti 2 tal-Anness I.
2.4. Test tat-twissija u attivazzjoni b’mira stazzjonarja
2.4.1. Il-vettura inkwistjoni għandha tersaq lejn il-mira stazzjonarja f’linja dritta għal mill-anqas żewġ sekondi qabel il-parti funzjonali tat-test, b’vettura inkwistjoni li jkollha mira ’l barra mil-linja ċentrali ta’ mhux aktar minn 0,5 m.
Il-parti funzjonali tat-test għandha tibda meta l-vettura inkwistjoni tkun qed tivjaġġa b’veloċità ta’ 80 ± 2 km/s u tkun mill-anqas f’distanza ta’ 120 m mill-mira.
Mill-bidu tal-parti funzjonali sal-punt tal-ħabta m’għandu jkun hemm l-ebda aġġustament lil kwalunkwe kontroll tal-vettura inkwistjoni mis-sewwieq minbarra aġġustamenti żgħar fil-kontroll tal-istering bħala kontroll kontra xi ċaqliq.
2.4.2. Il-ħin għall modalitajiet tat-twissija ta’ ħabta li hemm referenza għalihom fil-punt 1.5.1. għandhom jikkonformaw ma’ dan li ġej:
2.4.2.1. |
Mill-anqas modulu wieħed ta’ twissija tattili jew akustiku għandu jingħata mhux aktar tard mill-valuri speċifikati fi:
Dawn il-valuri għandhom jintlaħqu qabel il-bidu tal-fażi tal-ibbrejkjar ta’ emerġenza. |
2.4.2.2. |
Mill-anqas żewġ modalitajiet ta’ twissija għandhom jingħataw mhux aktar tard mill-valuri speċifikati fi:
Dawn il-valuri għandhom jintlaħqu qabel il-bidu tal-fażi tal-ibbrejkjar ta’ emerġenza. |
2.4.2.3. |
Kull tnaqqis fil-veloċità matul il-fażi ta’ twissija m’għandux jeċċedi jew il-15-il km/s jew 30 % tat-tnaqqis totali fil-veloċità tal-vettura inkwistjoni, skont dak li huwa l-ogħla. |
2.4.3. Il-fażi ta’ twissija ta’ ħabta għandha tkun segwita mill-fażi tal-ibbrejkjar ta’ emerġenza.
2.4.4. Il-fażi ta’ bbrejkjar ta’ emerġenza m’għandhiex tibda qabel TTC ugwali għal jew anqas minn 3,0 sekondi.
Il-konformità għandha tkun verifikata jew permezz tal-kejl attwali matul it-test jew bl-użu ta’ dokumentazzjoni pprovduta mill-manifattur tal-vettura, kif miftiehem bejn is-Servizz Tekniku u l-manifattur tal-vettura.
2.4.5. It-tnaqqis totali fil-veloċità tal-vettura inkwistjoni fil-ħin tal-impatt mal-mira stazzjonarja għandha tkun mhux anqas mill-valur speċifikat fi:
|
Għall-approvazzjoni ta’ livell 1 Il-kolonna D tat-Tabella fl-Appendiċi 1 |
|
Għall-approvazzjoni ta’ livell 2: Il-kolonna D tat-Tabella fl-Appendiċi 2 |
2.5. Test ta’ twissija u attivazzjoni b’mira li tiċċaqlaq
2.5.1. Il-vettura inkwistjoni u l-mira li tiċċaqlaq għandhom jivjaġġaw f’linja dritta, fl-istess direzzjoni, għal mill-anqas żewġ sekondi qabel il-parti funzjonali tat-test, b’vettura inkwistjoni li jkollha mira ’l barra mil-linja ċentrali ta’ mhux aktar minn 0,5 m.
Il-parti funzjonali tat-test għandha tibda meta l-vettura inkwistjoni tkun qed tivjaġġa b’veloċità ta’ 80 ± 2 km/s u l-mira li tiċċaqlaq b’veloċità tal-valur speċifikat fi:
|
Għall-approvazzjoni ta’ livell 1: Il-kolonna H tat-Tabella fl-Appendiċi 1 |
|
Għall-approvazzjoni ta’ livell 2: Il-kolonna H tat-Tabella fl-Appendiċi 2 |
Id-distanza ta’ separazzjoni bejn il-vettura inkwistjoni u l-mira li tiċċaqlaq għandha tkun mill-anqas ta’ 120 m.
Mill-bidu tal-parti funzjonali tat-test sakemm il-vettura inkwistjoni tilħaq veloċità uġwali għal dik tal-mira m’għandu jkun hemm l-ebda aġġustament lil kwalunkwe kontroll tal-vettura inkwistjoni mis-sewwieq minbarra aġġustamenti żgħar fil-kontroll tal-istering bħala kontroll kontra xi ċaqliq
2.5.2. Il-ħin għall-modalitajiet tat-twissija tal-ħabta li hemm referenza għalih fil-punt 1.5.1 għandu jikkonforma ma’ dan li ġej:
2.5.2.1. |
Mill-anqas modalità waħda ta’ twissija tattili jew akustika għandha tingħata mhux aktar tard mill-valur speċifikat fi:
Dawn il-valuri għandhom jintlaħqu qabel ma tibda l-fażi tal-ibbrejkjar ta’ emerġenza. |
2.5.2.2. |
Mill-anqas żewġ modalitajiet ta’ twissija għandhom jingħataw mhux aktar tard mill-valuri speċifikati fi:
Dawn il-valuri għandhom jintlaħqu qabel ma tibda l-fażi tal-ibbrejkjar ta’ emerġenza. |
2.5.2.3. |
Kull tnaqqis fil-veloċità matul il-fażi ta’ twissija m’għandux jeċċedi jew il-15-il km/s jew 30 % tat-tnaqqis totali fil-veloċità tal-vettura inkwistjoni, skont dak li huwa l-ogħla. |
2.5.3. Il-fażi ta’ twissija ta’ ħabta għandha tkun segwita mill-fażi tal-ibbrejkjar ta’ emerġenza, u r-riżultat ta' dan għandu jkun li l-vettura inkwistjoni ma tolqotx mal-mira li tiċċaqlaq.
2.5.4. Il-fażi ta’ bbrejkjar ta’ emerġenza m’għandhiex tibda qabel TTC ugwali għal jew anqas minn 3,0 sekondi.
Il-konformità għandha tkun verifikata jew permezz tal-kejl attwali matul it-test jew bl-użu ta’ dokumentazzjoni pprovduta mill-manifattur tal-vettura, kif miftiehem bejn is-Servizz Tekniku u l-manifattur tal-vettura.
2.6. It-test ta’ detezzjoni tal-ħsara
2.6.1. Agħmel simulazzjoni tal-ħsara elettrika, pereżempju billi tneħħi s-sors tal-enerġija lil kull komponent tal-AEBS jew billi tneħħi kull konnessjoni elettrika bejn il-komponenti tal-AEBS. Meta ssir simulazzjoni ta’ ħsara tal-AEBS, la l-konnessjonijiet elettriċi għas-sinjal ta’ twissija tas-sewwieq li hemm referenza għalihom fil-punt 1.5.4 u lanqas il-kontroll ta’ diżattivazzjoni manwali fakultattiv tal-AEBS li hemm referenza għalih fil-punt 1.4. m’għandhom ikunu skonnettjati.
2.6.2. Is-sinjal ta’ twissija ta’ ħsara li hemm referenza għalih fil-punt 1.5.4. għandu jkun attivat u jibqa’ attivat mhux aktar tard minn 10 sekondi wara li l-vettura tkun instaqet f’veloċità akbar minn 15 km/s u jerġa’ jiġi attivat mill-ġdid immedjatament wara ċiklu ta’ ignition 'off' ignition 'on' bil-vettura stazzjonarja sakemm tibqa’ teżisti l-ħsara simulata.
2.7. It-test tad-diżattivazzjoni
2.7.1. Għal vetturi mgħammra b’mezzi ta’ diżattivazzjoni tal-AEBS, dawwar is-swiċċ tal-ignixin (start) lejn il-pożizzjoni ’on’ (ħidma) u ddiżattiva l-AEBS. Is-sinjal ta’ twissija li hemm referenza għalih fil-punt 1.4.2. għandu jkun attivat. Dawwar is-swiċċ tal-ignixin (start) lejn il-pożizzjoni ’off’. Għal darb’oħra, dawwar is-swiċċ tal-ignixin (start) lejn il-pożizzjoni ’on’ (ħidma) u vverifika li s-sinjal ta’ twissija li kien attivat qabel mhux attivat mill-ġdid, li jindika li l-AEBS jkun rega’ ġie installat kif speċifikat fil-punt 1.4.1. Jekk is-sistema tal-ignixin hija attivata permezz ta’ ‘ċavetta’, dak ir-rekwiżit għandu jkun sodisfatt mingħajr ma titneħħa ċ-ċavetta.
2.8. It-test ta’ reazzjoni falza
2.8.1. Żewġ vetturi stazzjonarji, tal-kategorija M1 AA saloon, għandhom jitpoġġew:
(a) |
b’tali mod li jħarsu fl-istess direzzjoni ta’ vjaġġar bħall-vettura inkwistjoni, |
(b) |
b’distanza ta’ 4,5 m bejniethom (3), |
(c) |
bil-parti ta’ wara ta’ kull vettura allinjata mal-oħra. |
2.8.2. Il-vettura inkwistjoni għandha tivjaġġa għal distanza ta’ mill-anqas 60 m, b’veoċità kostanti ta’ 50 ± 2 km/s biex tgħaddi ċentralment bejn iż-żewġ vetturi stazzjonarji.
Matul it-test m’għandu jkun hemm l-ebda aġġustament ta xi kontroll tal-vettura inkwistjoni, ħlief xi aġġustamenti żgħar tal-istering bħala azzjoni kontra ċ-ċaqliq
2.8.3. L-AEBS m’għandhiex tipprovdi twissija ta’ ħabta u m’għandhiex tibda l-fażi tal-ibbrejkjar ta’ emerġenza..
(1) L-Unjoni aderixxiet ma’ dak ir-Regolament UNECE permezz tad-Deċiżjoni tal-Kunsill 97/836/KE (ĠU L 346, 17.12.1997, p. 78).
(2) Il-karatteristiċi tal-identifikazzjoni tas-soft target għandhom ikunu maqbula bejn is-Servizz Tekniku u l-manifattur tal-vettura bħala ekwivalenti għal karozza tal-passiġġieri tal-kategorija M1 AA saloon
(3) Il-punt ta’ referenza ta’ kull vettura stazzjonarja biex tkun stabbilita d-distanza bejn żewġ vetturi stazzjonarji, għandu jkun determinat skont ISO 612-1978.
Appendiċi 1
Approvazzjoni ta’ livell 1: rekwiżiti għat-test tat-twissija u tal-attivazzjoni - valuri suċċess/falliment
A |
B |
C |
D |
E |
F |
G |
H |
Kategorija tal-vettura |
Mira stazzjonarja |
Mira li tiċċaqlaq |
|||||
Il-ħin tal-modalitajiet ta’ twissija |
Tnaqqis fil-veloċità tal-vettura inkwistjoni |
Il-ħin tal-modalitajiet ta’ twissija |
Tnaqqis fil-veloċità tal-vettura inkwistjoni |
Veloċità tal-mira |
|||
Mill-anqas 1 tattili jew akustiku |
Mill-anqas 2 |
Mill-anqas 1 tattili jew akustiku |
Mill-anqas 2 |
||||
(punt ta’ referenza 2.4.2.1) |
(punt ta’ referenza 2.4.2.2) |
(punt ta’ referenza 2.4.5) |
(punt ta’ referenza 2.5.2.1) |
(punt ta’ referenza 2.5.2.2) |
(punt ta’ referenza 2.5.3) |
(punt ta’ referenza 2.5.1) |
|
M3, N3 u N2 > 8 t (mgħammra b‘sistemi ta’ bbrejkjar pnewmatiċi jew air over hydraulic u b’sistemi ta’ sospensjoni tal-fus ta’ wara pnewmatiċi) |
Mhux aktar tard minn 1,4 s qabel ma tibda l-fażi tal-ibbrejkjar ta’ emerġenza |
Mhux aktar tard minn 0,8 s qabel ma tibda l-fażi tal-ibbrejkjar ta’ emerġenza |
Mhux anqas minn 10 km/s |
Mhux aktar tard minn 1,4 s qabel ma tibda l-fażi tal-ibbrejkjar ta’ emerġenza |
Mhux aktar tard minn 0,8 s qabel ma tibda l-fażi tal-ibbrejkjar ta’ emerġenza |
Il-vettura inkwistjoni m’għandhiex ikollha impatt mal-mira li tiċċaqlaq |
32 ± 2 km/s |
Appendiċi 2
Approvazzjoni ta’ livell 2: rekwiżiti għat-test tat-twissija u tal-attivazzjoni - valuri suċċess/falliment
A |
B |
C |
D |
E |
F |
G |
H |
Kategorija tal-vettura |
Mira stazzjonarja |
Mira li tiċċaqlaq |
|||||
Il-ħin tal-modalitajiet ta’ twissija |
Tnaqqis fil-veloċità tal-vettura inkwistjoni |
Il-ħin tal-modalitajiet ta’ twissija |
Tnaqqis fil-veloċità tal-vettura inkwistjoni |
Il-veloċità tal-mira |
|||
Mill-anqas wieħed tattili jew akustiku |
Mill-anqas 2 |
Mill-anqas wieħed tattili jew akustiku |
Mill-anqas 2 |
||||
(punt ta’ referenza 2.4.2.1) |
(punt ta’ referenza 2.4.2.2) |
(punt ta’ referenza 2.4.5) |
(punt ta’ referenza 2.5.2.1) |
(punt ta’ referenza 2.5.2.2) |
(punt ta’ referenza 2.5.3) |
(punt ta' referenza 2.5.1) |
|
M3, N3 u N2 > 8 t (1) |
Mhux anqas minn 1,4 s qabel il-bidu tal-fażi tal-ibbrejkjar ta’ emerġenza |
Mhux aktar tard minn 0,8 s qabel il-bidu tal-fażi tal-ibbrejkjar ta’ emerġenza |
Mhux anqas minn 20 km/s |
Mhux aktar tard minn 1,4 s qabel il-bidu tal-fażi tal-ibbrejkjar ta’ emerġenza |
Mhux aktar tard minn 0,8 s qabel il-bidu tal-fażi tal-ibbrejkjar ta’ emerġenza |
Il-vettua suġġett m’għandhiex ikollha impatt mal-mira li tiċċaqlaq |
12 ± 2 km/s |
N2 ≤ 8 t u M2 (2) |
(1) Vetturi tal-kategorija M3 b’sistema ta’ bbrejkjar idrawlika huma suġġetti għar-rekwiżiti tat-tieni ringiela.
(2) Vetturi b’sistema ta’ bbrejkjar pnewmatika huma suġġetti għar-rekwiżiti tal-ewwel ringiela.
(3) Il-valuri għandhom ikunu speċifikati skont l-Artikolu 5.
ANNESS III
Rekwiżiti speċjali li għandhom ikunu applikati għall-aspetti ta’ sikurezza ta’ sistemi kumplessi ta’ kontroll elettroniku tal-vettura
1. Ġenerali
Dan l-Anness jiddefinixxi r-rekwiżiti speċjali għad-dokumentazzjoni, l-istrateġija f'każ ta' ħsara u l-verifika fir-rigward tal-aspetti ta' sikurezza ta' sistemi kumplessi ta’ kontroll elettroniku tal-vettura għall-iskopijiet ta’ dan ir-Regolament.
Dan l-Anness jista’ jkun applikat ukoll għal funzjonijiet relatati ma’ sikurezza li huma kkontrolati permezz ta’ sistema(sistemi) elettronika(eletroniċi).
Dan l-Anness ma jispeċifikax il-kriterji tal-prestazzjoni għal sistemi kumplessi elettroniċi għall-kontroll ta' vetturi imma jkopri l-metodoloġija applikata għall-proċess tad-disinn u l-informazzjoni li għandha tingħata lis-servizz tekniku għal skopijiet ta' approvazzjoni tat-tip.
Dik l-informazzjoni għandha turi li sistema kumplessa elettronika għall-kontroll ta' vetturi tirrispetta, taħt kundizzjonijiet normali u ta’ ħsara, ir-rekwiżiti ta’ prestazzjoni kollha xierqa stabbiliti f’dan ir-Regolament.
2. Definizzjonijiet
Għall-iskopijiet ta’ dan l-Anness, għandhom japplikaw dawn id-definizzjonijiet:
2.1. |
“Kunċett tas-sikurezza” huwa deskrizzjoni tal-miżuri mfasslin fis-sistema, pereżempju fl-unitajiet elettroniċi, sabiex tiġi indirizzata l-integrità tas-sistema u b’hekk ikun żgurat tħaddim sikur anki fil-każ ta’ ħsara elettrika. Il-possibbiltà li l-vettura taqa’ għal ħidma parzjali jew saħansitra għal sistema ta’ appoġġ għall-funzjonijiet vitali tal-vettura tista’ tkun parti mill-kunċett tas-sikurezza. |
2.2. |
“Sistema ta’ kontroll elettroniku” tfisser kombinazzjoni ta’ unitajiet, iddisinjati biex jikkooperaw fil-produzzjoni tal-funzjoni ddikjarata tal-kontroll tal-vettura permezz tal-ipproċessar elettroniku tad-dejta. Sistemi bħal dawn, ta’ spiss ikkontrollati minn softwer, jinbnew minn komponenti funzjonali distinti bħal sensuri, unitajiet ta’ kontroll elettroniku u attwaturi u jkunu mqabbdin b’konnessjonijiet tat-trażmissjoni. Jistgħu jinkludu elementi mekkaniċi, elettropnewmatiċi jew elettroidrawliċi. |
2.3. |
“Sistemi kumplessi ta’ kontroll elettroniku tal-vettura” huma dawk is-sistemi ta’ kontroll elettroniku li huma suġġetti għal ġerarkija ta’ kontroll li fihom, funzjoni kkontrollata tista’ tinqabeż minn sistema/funzjoni ta’ livell ogħla ta’ kontroll elettroniku. |
2.4. |
“Sistemi/funzjonijiet ta’ kontroll ta’ livell ogħla” huma dawk is-sistemi/funzjonijiet li jużaw dispożizzjonijiet addizzjonali ta’ pproċessar u/jew ta’ sensing biex jimmodifikaw l-imġiba tal-vettura billi jeħtieġu varjazzjonijiet fil-funzjoni(jiet) normali tas-sistema ta’ kontroll tal-vettura. Dan jippermetti li s-sistemi kumplessi awtomatikament ibiddlu l-għanijiet tagħhom bi prijorità li tiddependi fuq iċ-ċirkostanzi pperċeputi. |
2.5. |
“Unitajiet” huma l-iżgħar diviżjonijiet tal-komponenti ta’ sistema koperti f’dan l-Anness: dawk il-kombinazzjonijiet ta’ komponenti ser jiġu ttrattati bħala entitajiet singoli għal skopijiet ta’ identifikazzjoni, analiżi jew sostituzzjoni. |
2.6. |
“Konnessjonijiet ta’ trażmissjoni” huma l-mezzi li jintużaw biex jiġu interkonnessi l-unitajiet distribwiti sabiex jitwasslu sinjali, dejta operattiva jew provvista tal-enerġija. Ġeneralment, dan it-tagħmir ikun tal-elettriku iżda, f’xi parti minnu, jista’ jkun mekkaniku, pnewmatiku, idrawliku jew ottiku. |
2.7. |
“Firxa ta’ kontroll” tirreferi għall-varjabbli tal-output li jikkorrispondi għall-medda li fuqha s-sistema x’aktarx li teżerċita kontroll. |
2.8. |
“Konfini ta’ ħidma funzjonali” tirreferi għall-konfini tal-limiti fiżiċi esterni li fihom is-sistema tista’ żżomm kontroll. |
3. Dokumentazzjoni
3.1. Rekwiżiti
Il-manifattur għandu jipprovdi pakkett ta’ dokumentazzjoni li jagħti aċċess għad-disinn bażiku tas-sistema kumplessa ta’ kontroll elettroniku tal-vettura li għaliha qed issir l-applikazzjoni għall-approvazzjoni tat-tip (minn hawn ’il quddiem “is-Sistema”) u l-mezzi li bihom hija mqabbda ma’ sistemi oħrajn tal-vettura jew li permezz tagħhom tikkontrolla direttament lill-varjabbli tal-output.
Għandhom jiġu spjegati l-funzjoni(jiet) tas-"Sistema" u l-kunċett tas-sikurezza, kif stabbiliti mill-manifattur.
Id-dokumentazzjoni għandha tkun qasira, iżda għandha tipprovdi evidenza li d-disinn u l-iżvilupp kellhom il-benefiċċju ta’ kompetenza mill-oqsma kollha tas-sistema li huma involuti.
Għal spezzjonijiet tekniċi perjodiċi, id-dokumentazzjoni għandha tiddeskrivi kif l-istatus operattiv kurrenti tas-"Sistema" jista’ jiġi kkontrollat.
3.1.1. Id-dokumentazzjoni għandha tkun disponibbli f’żewġ partijiet:
(a) |
Il-pakkett tad-dokumentazzjoni formali għall-approvazzjoni, li fih il-materjal elenkat fit-Taqsima 3 (ħlief dak tal-punt 3.4.4) li għandu jiġi pprovdut lis-servizz tekniku fil-ħin tas-sottomissjoni tal-applikazzjoni għall-approvazzjoni tat-tip. Dan se jitqies bħala r-referenza bażika għall-proċess ta’ verifika stabbilit fil-punt 4. |
(b) |
Materjal addizzjonali u dejta ta’ analiżi li hemm referenza għalihom fil-punt 3.4.4, li għandhom jinżammu mill-manifattur, iżda għandhom ikunu disponibbli għal spezzjoni fi żmien l-approvazzjoni tat-tip. |
3.2. Deskrizzjoni tal-funzjonijiet tas-“Sistema”
Għandha tiġi pprovduta deskrizzjoni li tagħti spjegazzjoni sempliċi tal-funzjonijiet kollha ta’ kontroll tas-"Sistema" u tal-metodi li ntużaw sabiex jintlaħqu l-għanijiet, inkluża dikjarazzjoni tal-mekkaniżmu(i) li permezz tiegħu(tagħhom) jiġi eżerċitat il-kontroll.
3.2.1. Għandha tkun ipprovduta lista tal-varjabbli tal-input u dawk ipperċepiti kollha u għandha tiġi ddefinita l-firxa ta’ ħidma tagħhom.
3.2.2. Għandha tkun ipprovduta lista tal-varjabbli tal-output kollha li jiġu kkontrollati mis-"Sistema" u, f’kull każ, għandha tingħata indikazzjoni ta’ jekk il-kontroll huwiex dirett jew permezz ta’ sistema oħra tal-vettura. Għandha tiġi definita l-firxa ta’ kontroll eżerċitata fuq kull varjabbli bħal dawn.
3.2.3. Fejn ikun xieraq għall-prestazzjoni tas-sistema, għandhom jiġu ddikjarati l-limiti li jiddefinixxu l-konfini tal-ħidma funzjonali.
3.3. L-arranġament u l-iskematika tas-sistema
3.3.1. Inventarju tal-komponenti
Għandha tkun ipprovduta lista li tiġbor flimkien l-unitajiet kollha tas-"Sistema" u li ssemmi s-sistemi l-oħrajn tal-vettura li huma meħtieġa sabiex tintlaħaq il-funzjoni ta’ kontroll in kwistjoni.
Għandha tkun ipprovduta dijagramma skematika ġenerali li turi dawn l-unitajiet f’kombinazzjoni fejn kemm id-distribuzzjoni tat-tagħmir kif ukoll l-interkonnessjonijiet jiġu ċċarati.
3.3.2. Il-funzjonijiet tal-unitajiet
Il-funzjoni ta’ kull unità tas-"Sistema" għandha tkun deskritta fil-qosor u għandhom jintwerew is-sinjali li jikkonnettjawha ma’ unitajiet oħrajn jew ma’ sistemi oħrajn tal-vettura. Dan jista’ jkun ipprovdut permezz ta’ dijagramma blokka dettaljata jew dijagramma skematika oħra, jew b’deskrizzjoni megħjuna minn dijagramma bħal din.
3.3.3. L-interkonnessjonijiet
L-interkonnessjonijiet fis-"Sistema" għandhom jintwerew permezz ta’ dijagramma taċ-ċirkwiti għall-konnessjonijiet tat-trażmissjoni tal-elettriku, permezz ta’ dijagramma tal-optical-fibre għal konnessjonijiet ottiċi, permezz ta’ dijagramma tal-pajpijiet għal apparat tat-trażmissjoni pnewmatika jew idrawlika u permezz ta’ arranġament dijagrammatiku ssimplifikat għall-konnessjonijiet mekkaniċi.
3.3.4. Il-fluss tas-sinjali u l-prijoritajiet
Għandu jkun hemm korrispondenza ċara bejn dawn il-konnessjonijiet tat-trażmissjoni u s-sinjali ttrasportati bejn l-unitajiet.
Il-prijoritajiet tas-sinjali fuq mogħdijiet tad-dejta multiplexed għandhom jiġu ddikjarati kulfejn il-prijorità tista’ tkun kwistjoni li taffettwa l-prestazzjoni jew is-sikurezza għall-finijiet ta’ dan ir-Regolament.
3.3.5. L-identifikazzjoni tal-unitajiet
Kull unità għandha tkun identifikabbli b’mod ċar u b’mod mhux ambigwu (eż. bi mmarkar għall-ħardwer u bi mmarkar jew b’output tas-softwer għall-kontenut tas-softwer) biex tkun ipprovduta assoċjazzjoni korrispondenti tal-ħardwer u tad-dokumentazzjoni.
Fejn il-funzjonijiet jiġu kkombinati f’unità waħda jew f’kompjuter wieħed, iżda jintwerew fi blokki multipli fid-dijagramma blokka għal skopijiet ta’ ċarezza u ta’ faċilità ta’ spjegazzjoni, għandha tintuża biss marka waħda għall-identifikazzjoni tal-ħardwer.
Bl-użu ta’ din l-identifikazzjoni, il-manifattur għandu jafferma li t-tagħmir ipprovdut huwa konformi mad-dokument korrispondenti.
3.3.5.1. |
L-identifikazzjoni tiddefinixxi l-verżjoni tal-ħardwer u tas-softwer u, fejn tal-aħħar jinbidel b’tali mod li jbiddel il-funzjoni tal-unità għall-finijiet ta’ dan ir-Regolament, din l-identifikazzjoni għandha titbiddel ukoll. |
3.4. Il-kunċett tas-sikurezza tal-manifattur
3.4.1. Il-manifattur għandu jipprovdi dikjarazzjoni li tafferma li l-istrateġija magħżula biex jintlaħqu l-għanijiet tas-"Sistema", f’kundizzjonijiet mhux ta’ ħsara, mhux se tippreġudika l-ħidma sikura tas-sistemi li huma suġġetti għad-dispożizzjonijiet ta’ dan ir-Regolament.
3.4.2. Fir-rigward tas-softwer użat fis-"Sistema", għandha tiġi spjegata l-arkittettura ġenerali u għandhom jiġu identifikati l-metodi u l-għodod tad-disinn li ntużaw. Il-manifattur għandu jkun ippreparat, jekk ikun meħtieġ, li juri xi evidenza tal-mezzi li bihom tkun ġiet iddetermina r-realizzazzjoni tal-loġika tas-sistema matul il-proċess tad-disinn u tal-iżvilupp.
3.4.3. Il-manifattur għandu jipprovdi lill-awtoritajiet tekniċi bi spjegazzjoni tad-dispożizzjonijiet tad-disinn mibnija fis-"Sistema" sabiex tiġi ġġenerata ħidma sikura f’kundizzjonijiet ta’ ħsara. Dispożizzjonijiet possibbli tad-disinn għal ħsara fis-"Sistema" pereżempju huma:
(a) |
il-vettura taqleb għal ħidma fejn tintuża sistema parzjali; |
(b) |
bidla għal sistema separata ta’ appoġġ; |
(c) |
it-tneħħija tal-funzjoni ta’ livell għoli. |
Fil-każ ta’ ħsara, is-sewwieq għandu jiġi mwissi, pereżempju b’sinjal ta’ twissija jew b’wirja ta’ messaġġ. Meta s-sistema ma tkunx diżattivata mis-sewwieq, eż. billi jdawwar l-iswiċċ tal-ignixin (ħidma) għal "mitfi", jew billi tintefa dik il-funzjoni partikolari jekk ikun ipprovdut swiċċ speċjali għal dak l-iskop, it-twissija għandha tkun preżenti sakemm tippersisti l-kundizzjoni ta’ ħsara.
3.4.3.1. |
Jekk, f’ċerti kundizzjonijiet ta’ ħsara, il-provvista magħżula tagħżel modalità ta’ rendiment parzjali, allura dawn il-kundizzjonijiet għandhom jiġu ddikjarati u l-limiti tal-effikaċja li jirriżultaw għandhom jiġu ddefiniti. |
3.4.3.2. |
Jekk il-provvista magħżula tagħżel mezz sekondarju (ta’ appoġġ) biex twettaq l-għan tas-sistema ta’ kontroll tal-vettura, il-prinċipji tal-mekkaniżmu tal-bidla, il-loġika u l-livell tat-tagħmir addizzjonali li jaħdem f’każ ta’ ħsara u kwalunkwe karatteristika ta’ kontroll interna ta’ appoġġ għandhom jiġu spjegati u l-limiti tal-effikaċja ta’ appoġġ li jirriżultaw għandhom jiġu ddefiniti. |
3.4.3.3. |
Jekk il-provvista magħżula tagħżel it-tneħħija tal-funzjoni ta’ livell ogħla, is-sinjali ta’ kontroll tal-output korrispondenti assoċjati ma’ din il-funzjoni għandhom jiġu inibiti, u b’tali mod li jiġi limitat l-ixkiel ta’ tranżizzjoni. |
3.4.4. Id-dokumentazzjoni għandha tkun appoġġjata minn analiżi li turi, f’termini ġenerali, kif se ġġib ruħha s-sistema meta sseħħ kwalunkwe waħda mill-ħsarat speċifikati li se jkollha effett fuq ir-rendiment jew fuq is-sikurezza tal-kontroll tal-vettura.
Dan jista’ jkun ibbażat fuq Analiżi tal-Modalità u tal-Effett tal-Ħsara (FMEA - Failure Mode and Effect Analysis), Analiżi tal-Oriġini tal-Ħsara (FTA - Fault Tree Analysis) jew kwalunkwe proċess simili adattat għal konsiderazzjonijiet tas-sikurezza tas-sistema.
Il-metodu(i) analitiku(ċi) magħżul(a) għandu(hom) jiġi(u) stabbilit(i) u miżmum(a) mill-manifattur u għandu(hom) jkun(u) disponibbli għal spezzjoni mis-servizz tekniku fi żmien l-approvazzjoni tat-tip.
3.4.4.1. |
Din id-dokumentazzjoni għandha telenka l-parametri li qegħdin jiġu mmonitorjati u għandha tistabbilixxi, għal kull kundizzjoni ta’ ħsara tat-tip imsemmi fil-punt 3.4.4, is-sinjal ta’ twissija li għandu jingħata lis-sewwieq u/jew lill-persunal tas-servizz/tal-ispezzjoni teknika. |
4. Verifika u Test
4.1. Il-ħidma funzjonali tas-"Sistema", kif ġiet stabbilita fid-dokumenti meħtieġa fil-punt 3, għandha tiġi ttestjata kif ġej:
4.1.1. Il-verifika tal-funzjoni tas-“Sistema”
Bħala l-mezz biex ikunu stabbiliti l-livelli operattivi normali, il-verifika tar-rendiment tas-sistema tal-vettura f’kundizzjonijiet mhux ta’ ħsara għandha titwettaq skont l-ispeċifikazzjoni tal-livell ta’ referenza bażiku tal-manifattur sakemm dan ma jkunx suġġett għal test ta’ rendiment speċifikat bħala parti mill-proċedura tal-approvazzjoni stabbilita f’dan ir-Regolament.
4.1.2. Il-verifika tal-kunċett tas-sikurezza li hemm referenza għalih fil-punt 3.4
Ir-reazzjoni tas-"Sistema" għandha, fid-diskrezzjoni tal-awtorità tal-approvazzjoni tat-tip, tiġi kkontrollata taħt l-influwenza ta’ ħsara fi kwalunkwe unità individwali bl-applikazzjoni ta’ sinjali ta’ output korrispondenti għal unitajiet tal-elettriku jew għal elementi mekkaniċi sabiex jiġu simulati l-effetti ta’ ħsarat interni fl-unità.
Ir-riżultati tal-verifika għandhom jikkorrispondu mas-sommarju ddokumentat tal-analiżi tal-ħsarat, sa livell ta’ effett globali b’mod li jiġi kkonfermat li l-kunċett u l-eżekuzzjoni tas-sikurezza jkunu adegwati.
21.4.2012 |
MT |
Il-Ġurnal Uffiċjali tal-Unjoni Ewropea |
L 109/18 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 348/2012
tal-20 ta’ April 2012
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament ta’ Implimentazzjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2) u b’mod partikolari l-Artikolu 136(1) tiegħu,
Billi:
(1) |
Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu. |
(2) |
Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea. |
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ April 2012.
Għall-Kummissjoni, F'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
Il-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
(EUR/100 kg) |
||
Kodiċi tan-NM |
Kodiċi tal-pajjiż terz (1) |
Valur standard tal-importazzjoni |
0702 00 00 |
MA |
47,3 |
TN |
124,7 |
|
TR |
108,1 |
|
ZZ |
93,4 |
|
0707 00 05 |
TR |
139,2 |
ZZ |
139,2 |
|
0709 93 10 |
MA |
91,2 |
TR |
108,3 |
|
ZZ |
99,8 |
|
0805 10 20 |
EG |
47,8 |
IL |
72,9 |
|
MA |
41,2 |
|
TN |
54,8 |
|
TR |
50,5 |
|
ZZ |
53,4 |
|
0805 50 10 |
TR |
58,3 |
ZZ |
58,3 |
|
0808 10 80 |
AR |
88,4 |
BR |
83,6 |
|
CA |
152,1 |
|
CL |
99,1 |
|
CN |
117,9 |
|
MK |
29,3 |
|
NZ |
122,4 |
|
US |
164,3 |
|
UY |
72,9 |
|
ZA |
85,3 |
|
ZZ |
101,5 |
|
0808 30 90 |
AR |
109,5 |
CL |
133,3 |
|
CN |
65,6 |
|
US |
107,0 |
|
ZA |
125,0 |
|
ZZ |
108,1 |
(1) In-nomenklatura tal-pajjiżi stabbilita bir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “ta’ oriġini oħra”.
DEĊIŻJONIJIET
21.4.2012 |
MT |
Il-Ġurnal Uffiċjali tal-Unjoni Ewropea |
L 109/20 |
DEĊIŻJONI TA’ IMPLIMENTAZZJONI TAL-KUMMISSJONI
tas-26 ta’ Marzu 2012
li temenda d-Deċiżjoni 98/213/KE dwar il-proċedura għall-attestazzjoni ta’ konformità ta’ prodotti għall-bini skont l-Artikolu 20(2) tad-Direttiva tal-Kunsill 89/106/KEE dwar kittijiet ta’ diviżjoni interna
(notifikata bid-dokument numru C(2012) 1866)
(Test b’relevanza għaż-ŻEE)
(2012/201/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 13(4) tiegħu,
Wara konsultazzjoni mal-Kumitat Permanenti għall-Bini,
Billi:
(1) |
Id-Deċiżjoni tal-Kummissjoni 98/213/KE (2) ssemmi biss prodotti kif definiti fl-approvazzjonijiet tekniċi Ewropej, filwaqt li xi wħud minn dawk il-prodotti jafu jkunu koperti wkoll mill-istandards armonizzati Ewropej. |
(2) |
Billi l-Kumitat Ewropew għall-Istandardizzazzjoni (CEN) qiegħed jiżviluppa bħalissal-istandards armonizzati Ewropej għal xi wħud mill-prodotti msemmija fid-Deċiżjoni 98/213/KE. |
(3) |
id-Deċiżjoni 98/213/KE għandha tiġi emendata skont dan, |
ADOTTAT DIN ID-DEĊIŻJONI:
Artikolu 1
Id-Deċiżjoni 98/213/KE hija emendata kif ġej:
1. |
Għandu jiddaħħal l-Artikolu 3a li ġej: “Artikolu 3a Il-proċedura għall-attestazzjoni ta’ konformità kif stabbilita fl-Anness IV għandha tkun indikata fil-mandati għall-istandards armonizzati Ewropej.” |
2. |
Ġie miżjud Anness IV ġdid, it-test ta’ liema Anness huwa stabbilit fl-Anness ma’ din id-Deċiżjoni. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-26 ta’ Marzu 2012.
Għall-Kummissjoni
Antonio TAJANI
Viċi President
(1) ĠU L 40, 11.2.1989, p. 12.
(2) ĠU L 80, 18.3.1998, p. 41.
ANNESS
“ANNESS IV
FAMILJA TAL-PRODOTT
KITTIJIET TAD-DIVIŻJONI TAL-BORD TAL-ĠIBSUM (1/2)
Sistemi ta’ attestazzjoni ta’ konformità
Għall-prodott jew prodotti u l-użu jew l-użi intenzjonati msemmija hawn taħt, il-Kumitat Ewropew għall-Istandardizzazzjoni (CEN) hija mitluba li tispeċifika s-sistema ta’ attestazzjoni ta’ konformità li ġejja fl-istandards armonizzati relevanti Ewropej:
Prodott(i) |
Użu/i intenzjonat(i) |
Livell(i) jew klassi(jiet) |
Attestazzjoni tas-sistema/i ta’ konformità |
||
Kittijiet/sistemi ta’ diviżjoni interna |
Għall-użi kollha mhux suġġetti għar-reazzjoni għar-rekwiżiti dwar in-nar |
kwalunkwe |
3 |
||
|
L-ispeċifikazzjoni għas-sistema għandha tkun tali li tkun tista’ tiġi implimentata anke meta l-prestazzjoni ma jkollhiex għalfejn tkun determinata għal ċerta karatteristika, għaliex tal-anqas Stat Membru wieħed ma jkollu l-ebda rekwiżit legali għal din it-tip ta’ karatteristika (ara l-Artikolu 2(1) tad-Direttiva 89/106/KEE u, fejn applikabbli, il-punt 1.2.3 tad-Dokumenti Interpretattivi). F’dawk il-każijiet il-verifika ta’ karatteristika bħal din ma għandhiex tkun imposta fuq il-manifattur jekk hu ma jkunx jixtieq li jiddikjara l-prestazzjoni tal-prodott f’dak ir-rigward.
FAMILJA TAL-PRODOTT
KITTIJIET TAD-DIVIŻJONI TAL-BORD TAL-ĠIBSUM (2/2)
Sistemi ta’ attestazzjoni ta’ konformità
Għall-prodott jew prodotti u l-użu jew l-użi intenzjonati msemmija hawn taħt, is-CEN hija mitluba li tispeċifika s-sistema/sistemi ta’ attestazzjoni ta’ konformità li ġejja/ġejjin fl-istandards armonizzati relevanti:
Prodott(i) |
Użu/i intenzjonat(i) |
Livell(i) jew klassi(jiet) (reazzjoni għan-nar) |
Attestazzjoni tas-sistema/i ta’ konformità |
||||||
Kittijiet/sistemi ta’ diviżjoni interna |
użi suġġetti għar-reazzjonji għar-rekwiżiti dwar in-nar |
1 |
|||||||
3 |
|||||||||
(A1 sa E) (***), F |
4 |
||||||||
|
L-ispeċifikazzjoni għas-sistema għandha tkun tali li tkun tista’ tiġi implimentata anke meta l-prestazzjoni ma jkollhiex għalfejn tkun determinata għal ċerta karatteristika, għaliex tal-anqas Stat Membru wieħed ma jkollu l-ebda rekwiżit legali għal din it-tip ta’ karatteristika (ara l-Artikolu 2(1) tad-Direttiva 89/106/KEE u, fejn applikabbli, il-punt 1.2.3 tad-Dokumenti Interpretattivi). F’dawk il-każijiet, il-verifika ta’ din it-tip ta’ karatteristika m’għandhiex tkun imposta fuq il-manifattur jekk ma jixtieqx jiddikjara l-prestazzjoni tal-prodott f’dak ir-rigward.”
(*) Prodotti/materjali li għalihom stadju li huwa identifikabbli biċ-ċar fil-proċess tal-produzzjoni jirriżulta f’titjib tal-klassifika tar-reazzjoni għan-nar (eż. żieda ta’ prodotti ta’ trażżin tan-nar jew limitu tal-materjal organiku).
(**) Prodotti/materjali mhux koperti bin-nota f’qiegħ il-paġna (*).
(***) Prodotti/materjali li mhux neċessarju li jsirilhom test għar-reazzjoni għan-nar (eż. prodotti/materjali tal-klassijiet A1 skont id-Deċiżjoni tal-Kummissjoni 96/603/KE (ĠU L 267, 19.10.1996, p. 23)).
21.4.2012 |
MT |
Il-Ġurnal Uffiċjali tal-Unjoni Ewropea |
L 109/22 |
DEĊIŻJONI TA’ IMPLIMENTAZZJONI TAL-KUMMISSJONI
tad-29 ta’ Marzu 2012
li temenda d-Deċiżjoni 1999/94/KE dwar il-proċedura biex tafferma l-konformità tal-prodotti għall-bini skont l-Artikolu 20(2) tad-Direttiva tal-Kunsill 89/106/KEE rigward prodotti tal-konkrit mogħtija l-forma minn qabel normali/ħfief/maqsuma minnhom infushom u mogħtija l-arja
(notifikata bid-dokument numru C(2012) 1977)
(Test b’relevanza għaż-ŻEE)
(2012/202/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 13(4)(a) tagħha,
Wara konsultazzjoni mal-Kumitat Permanenti għall-Bini,
Billi:
(1) |
Fil-25 ta’ Jannar 1999, il-Kummissjoni adottat id-Deċiżjoni 1999/94/KE dwar il proċedura biex tafferma l-konformità tal-prodotti għall-bini skont l-Artikolu 20(2) tad-Direttiva tal-Kunsill 89/106/KEE rigward prodotti tal-konkrit mogħtija l-forma minn qabel normali/ħfief/maqsuma minnhom infushom u mogħtija l-arja (2). |
(2) |
L-Anness III tad-Deċiżjoni 1999/94/KE għandu jiġi emendat, biex jadatta s-sistemi ta’ attestazzjoni tal-konformità għal travi/unitajiet ta’ sulari fi blokok u elementi li jinkorporaw materjal organiku fi progress tekniku biex jitqiesu l-użi suġġetti għar-regolamenti dwar reazzjoni għan-nar peress li għandu jiġi żgurat livell differenti ta’ intervent ta’ parti terza skont il-proċessi u l-materjali użati fil-produzzjoni. |
(3) |
Id-Deċiżjoni 1999/94/KE għandha għalhekk tiġi emendata skont dan, |
ADOTTAT DIN ID-DEĊIŻJONI:
Artikolu 1
L-Anness III tad-Deċiżjoni 1999/94/KE hu emendat skont l-Anness ta’ din id-Deċiżjoni.
Artikolu 2
Din id-Deċizjoni hija indirizzata lill-Istati Membri.
Magħmul fi Brussell, id-29 ta’ Marzu 2012.
Għall-Kummissjoni
Antonio TAJANI
Viċi President
(1) ĠU L 40, 11.2.1989, p. 12.
ANNESS
Fl-Annes III tad-Deċiżjoni 1999/94/KE, it-test li ġej huwa miżjud:
“GRUPP TA’ PRODOTTI
TRAVI/UNITAJIET TA’ SULARI FI BLOKOK U ELEMENTI LI JINKORPORAW MATERJAL ORGANIKU
Sistemi ta’ attestazzjoni ta’ konformità
Għall-prodott jew prodotti u l-użu jew l-użi intenzjonati msemmija hawn taħt, il-Kumitat Ewropew għall-Istandardizzazzjoni (CEN) hija mitluba li tispeċifika s-sistema ta’ attestazzjoni ta’ konformità li ġejja fl-istandards armonizzati relevanti Ewropej.
Prodott(i) |
Użu/i intenzjonat(i) |
Livell(i) jew klassi(jiet) (Reazzjoni għan-nar) |
L-attestazzjoni ta’ sistema/i ta’ konformità |
||||||
Travi/unitajiet ta’ sulari fi blokok u elementi li jinkorporaw materjali organiċi |
Għall-użi soġġetti għar-regolamentazzjonijiet tar-reazzjoni man-nar |
(A1, A2, B, C) (*) |
1 |
||||||
(A1, A2, B, C) (**), D, E |
3 |
||||||||
(A1 sa E) (***), F |
4 |
||||||||
|
L-ispeċifikazzjoni għas-sistema għandha tkun tali li tkun tista’ tiġi implimentata saħansitra meta ma jinħtieġx it-twettiq tax-xogħol biex tiġi stabbilitat ċerta karatteristika, minħabba li mill-inqas Stat Membru wieħed ma jkollu l-ebda ħtieġa legali għal din il-karatteristika (ara l-Artikolu 2(1) tad-Direttiva 89/106/KEE u, jekk meħtieġ, il-punt 1.2.3 tad-Dokumenti Interpretattivi). F’dawk il-każijiet, il-verifika ta’ din it-tip ta’ karatteristika m’għandhiex tkun imposta fuq il manifattur jekk ma jixtieqx jiddikjara l-prestazzjoni tal-prodott f’dak ir-rigward.”
(*) Prodotti/materjali li għalihom huwa identifikabbli biċ-ċar stadju fil-proċess tal-produzzjoni jirriżulta f’titjib tal-klassifika tar-reazzjoni għan-nar (eż. żieda ta’ prodotti ta’ trażżin tan-nar jew limitu tal-materjal organiku).
(**) Prodotti jew materjali mhux koperti min-nota f’qiegħ il-paġna (*).
(***) Prodotti jew materjali li ma jeħtiġux ittestjar għar-reazzjoni għan-nar, per eżempju prodotti jew materjali tal-Klassi A1 skont id-Deċiżjoni 96/603/KE (ĠU L 267, 19.10.1996, p. 23).
21.4.2012 |
MT |
Il-Ġurnal Uffiċjali tal-Unjoni Ewropea |
L 109/24 |
DEĊIŻJONI TA’ IMPLIMENTAZZJONI TAL-KUMMISSJONI
tad-19 ta’ April 2012
li temenda l-Anness I għad-Deċiżjoni 2006/766/KE rigward l-annotazzjoni dwar iċ-Ċilì fil-lista ta’ pajjiżi terzi li minnhom huma permessi l-importazzjonijiet ta’ molluski bivalvi, ekinodermi, tunikati u gasteropodi marini ħajjin, imkessħin, iffriżati jew ipproċessati għall-konsum mill-bniedem
(notifikata bid-dokument numru C(2012) 2446)
(Test b’relevanza għaż-ŻEE)
(2012/203/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jippreskrivi regoli speċifiċi għall-organizzazzjoni ta’ kontrolli uffiċjali fuq prodotti li joriġinaw mill-annimali maħsuba għall-konsum uman (1), u b’mod partikolari l-Artikolu 11(1) tiegħu,
Billi:
(1) |
Ir-Regolament (KE) Nru 854/2004 jistipula li prodotti li joriġinaw mill-annimali jistgħu jiġu importati biss minn pajjiż terz jew parti minn pajjiż terz li jidher jew tidher f’lista mfassla skont dan ir-Regolament. |
(2) |
Ir-Regolament (KE) Nru 854/2004 jistipula li, fit-tfassil u l-aġġornamenti ta’ dan it-tip ta’ listi, għandhom jitqiesu l-verifiki min-naħa tal-Unjoni f’pajjiżi terzi u l-garanziji min-naħa tal-awtoritajiet kompetenti ta’ pajjiżi terzi rigward il-konformità jew l-ekwivalenza mal-liġi tal-Unjoni dwar l-għalf u l-ikel u regoli dwar saħħet l-annimali kif speċifikat fir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar kontrolli uffiċjali mwettqa biex jaċċertaw li tkun ġiet ivverifikata l-konformità mal-liġi dwar l-għalf u l-ikel, u mar-regoli dwar saħħet l-annimali u l-benessri tal-annimali (2). |
(3) |
Id-Deċiżjoni tal-Kummissjoni 2006/766/KE tas-6 ta’ Novembru 2006 li tistabbilixxi l-listi ta’ pajjiżi terzi u territorji li minnhom l-importazzjonijiet ta’ molluski bivalvi, ekinodermi, tunikati, gastropodi tal-ibħra u prodotti tas-sajd huma permessi (3), telenka dawk il-pajjiżi terzi li jissodisfaw il-kriterji msemmija fir-Regolament (KE) Nru 854/2004 u li għaldaqstant huma f’pożizzjoni li jiggarantixxu li l-esportazzjonijiet ta’ dawn il-prodotti lejn l-Unjoni jissodisfaw il-kundizzjonijiet sanitarji stipulati fil-leġiżlazzjoni tal-Unjoni biex titħares saħħet il-konsumaturi. B’mod partikolari, l-Anness I ta’ din id-Deċiżjoni jistabbilixxi lista ta’ pajjiżi terzi li minnhom huma permessi l-importazzjonijiet ta’ molluski bivalvi, ekinodermi, tunikati u gastropodi marini ħajjin, imkessħin, iffriżati jew ipproċessati għall-konsum mill-bniedem. Din il-lista tindika wkoll ir-restrizzjonijiet fuq dawn l-importazzjonijiet minn ċerti pajjiżi terzi. |
(4) |
Iċ-Ċilì bħalissa huwa inkluż fil-lista fl-Anness I tad-Deċiżjoni 2006/766/KE bħala pajjiż terz li minnu huma permessi l-importazzjonijiet ta’ molluski bivalvi, ekinodermi, tunikati u gastropodi marini maħsuba għall-konsum mill-bniedem, iżda dawn l-importazzjonijiet huma ristretti għal molluski bivalvi, ekinodermi, tunikati u gastropodi marini ffriżati jew ipproċessati u għal ċerti Pectinidae mkessħin u mnaddfin mill-imsaren. |
(5) |
Twettqet spezzjoni mill-Kummissjoni fiċ-Ċilì bejn is-26 ta’ April u s-6 ta’ Mejju 2010, biex tivvaluta s-sistema ta’ kontrolli li jirregolaw il-produzzjoni tal-molluski bivalvi maħsubin għall-esportazzjoni lejn l-Unjoni. Ir-riżultat ta’ dik l-ispezzjoni, flimkien mal-garanziji mogħtija mill-awtorità kompetenti taċ-Ċilì, jindikaw li l-kundizzjonijiet f’dak il-pajjiż terz applikabbli għall-molluski bivalvi, l-ekinodermi, it-tunikati u l-gastropodi marini ħajjin maħsubin għall-esportazzjoni lejn l-Unjoni huma ekwivalenti għal dawk stabbiliti fil-leġiżlazzjoni rilevanti tal-Unjoni. Għaldaqstant, ir-restrizzjonijiet fuq l-importazzjonijiet fl-Unjoni ta’ molluski bivalvi, ekinodermi, tunikati u gastropodi marini miċ-Ċilì ma għandhomx jibqgħu japplikaw. |
(6) |
Għalhekk id-Deċiżjoni 2006/766/KE għandha tiġi emendata skont dan. |
(7) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Fl-Anness I għad-Deċiżjoni 2006/766/KE, l-annotazzjoni għaċ-Ċilì tinbidel b’dan li ġej:
“CL |
IĊ-ĊILÌ” |
|
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-19 ta’ April 2012.
Għall-Kummissjoni
John DALLI
Membru tal-Kummissjoni
(1) ĠU L 139, 30.4.2004, p. 206.
(2) ĠU L 165, 30.4.2004, p. 1.
(3) ĠU L 320, 18.11.2006, p. 53.
21.4.2012 |
MT |
Il-Ġurnal Uffiċjali tal-Unjoni Ewropea |
L 109/26 |
DEĊIŻJONI TA’ IMPLIMENTAZZJONI TAL-KUMMISSJONI
tad-19 ta’ April 2012
li temenda l-Annessi tad-Deċiżjoni 2003/467/KE fir-rigward tad-dikjarazzjoni tal-Latvja bħala Stat Membru uffiċjalment ħieles mill-bruċellożi u ta’ ċerti reġjuni tal-Italja, il-Polonja u l-Portugall bħala reġjuni uffiċjalment ħielsa mit-tuberkolożi, ħielsa mill-bruċellożi u ħielsa mil-lewkożi enżootika bovina
(notifikata bid-dokument numru C(2012) 2451)
(Test b’relevanza għaż-ŻEE)
(2012/204/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u b’mod partikolari l-Anness A(I)(4), l-Anness A(II)(7) u l-Anness D(I)(E) tagħha,
Billi:
(1) |
Id-Direttiva 64/432/KEE tapplika għall-kummerċ tal-annimali bovini u suwini fl-Unjoni. Din tistabbilixxi l-kundizzjonijiet li permezz tagħhom Stat Membru jew reġjun ta’ Stat Membru jista’ jiġi ddikjarat uffiċjalment ħieles mit-tuberkolożi, uffiċjalment ħieles mill-bruċellożi u uffiċjalment ħieles mill-lewkożi enżootika bovina fir-rigward tal-merħliet bovini. |
(2) |
L-Annessi tad-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-kwalifika ta’ uffiċjalment ħielsa mit-tuberkolosi, bruċellosi u lewkożi bovina enżootika ta’ xi Stati Membri u reġjuni fl-Istati Membri rigward annimali bovini (2), jelenkaw l-Istati Membri u r-reġjuni tagħhom li huma ddikjarati, rispettivament, bħala uffiċjalment ħielsa mit-tuberkolożi, uffiċjalment ħielsa mill-bruċellożi, u uffiċjalment ħielsa mill-lewkożi enżootika bovina. |
(3) |
L-Italja ressqet dokumentazzjoni lill-Kummissjoni li tixhed il-konformità tal-provinċji ta’ Asti u Biella fir-reġjun tal-Piemonte fl-Italja mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mit-tuberkolożi. |
(4) |
Barra minn hekk, il-provinċja ta’ Ascoli Piceno hija diġà elenkata fil-Kapitolu 2 tal-Anness I tad-Deċiżjoni 2003/467/KE bħala reġjun fl-Italja li huwa uffiċjalment ħieles mit-tuberkolożi. Madankollu, id-diviżjoni amministrattiva tal-Italja taqsam il-provinċja ta’ Ascoli Piceno fir-reġjun ta’ Marche f’żewġ provinċji distinti: il-provinċja ta’ Ascoli Piceno u l-provinċja ta’ Fermo. L-intestaturi għall-Italja fil-lista stipulata fil-Kapitolu 2 tal-Anness I tad-Deċiżjoni 2003/467/KE għandhom għaldaqstant jiġu emendati skont dan. |
(5) |
Il-Portugall ressaq dokumentazzjoni lill-Kummissjoni li tixhed il-konformità tar-reġjuni amministrattivi kollha (distritos) fl-unità amministrattiva superjuri (região) tal-Algarve fil-Portugall mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mit-tuberkolożi. |
(6) |
Wara evalwazzjoni tad-dokumentazzjoni li tressqet mill-Italja u mill-Portugall, il-provinċji ta’ Asti u Biella fir-reġjun tal-Piemonte fl-Italja u r-reġjuni amministrattivi kollha (distritos) fl-unità amministrattiva superjuri (região) tal-Algarve fil-Portugall għandhom jiġu ddikjarati bħala reġjuni fl-Italja u fil-Portugall, rispettivament, li huma uffiċjalment ħielsa mit-tuberkolożi. |
(7) |
L-Italja ressqet ukoll dokumentazzjoni lill-Kummissjoni li tixhed il-konformità tal-provinċji kollha fir-reġjun ta’ Valle d’Aosta fl-Italja mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mill-bruċellożi. |
(8) |
Il-Latvja ressqet ukoll dokumentazzjoni lill-Kummissjoni li tixhed il-konformità tat-territorju kollu tagħha mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mill-bruċellożi. |
(9) |
Il-Portugall ressaq ukoll dokumentazzjoni lill-Kummissjoni li tixhed il-konformità tar-reġjuni amministrattivi kollha (distritos) fl-unità amministrattiva superjuri (região) tal-Algarve fil-Portugall mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mill-bruċellożi. |
(10) |
Wara evalwazzjoni tad-dokumentazzjoni li tressqet mill-Italja, mil-Latvja u mill-Portugall, il-Latvja għandha tiġi ddikjarata bħala Stat Membru li huwa uffiċjalment ħieles mill-bruċellożi, il-provinċji kollha fir-Reġjun tal-Valle d’Aosta fl-Italja u r-reġjuni amministrattivi kollha fl-unità amministrattiva superjuri (região) tal-Algarve għandhom jiġu ddikjarati bħala reġjuni fl-Italja u l-Portugall, rispettivament, li huma uffiċjalment ħielsa mill-bruċellożi. |
(11) |
L-Italja, il-Polonja u l-Portugall ressqu dokumentazzjoni lill-Kummissjoni li tixhed il-konformità tal-provinċji ta’ Catania, Enna, Palermo u Ragusa fir-reġjun ta’ Sqallija fl-Italja, ta’ dsatax-il reġjun amministrattiv (powiaty) fl-unitajiet amministrattivi superjuri (voivodships) ta’ Kujawsko-Pomorskie, Pomorskie, Warmińsko-Mazurskie u Wielkopolskie fil-Polonja u tar-reġjuni amministrattivi kollha (distritos) fl-unitajiet amministrattivi superjuri (regiões) ta’ Centro u Lisboa e Vale do Tejo u erba’ reġjuni amministrattivi (distritos) fl-unità amministrattiva superjuri (região) ta’ Norte fil-Portugall mal-kundizzjonijiet stipulati fid-Direttiva 64/432/KEE għall-istatus bħala uffiċjalment ħielsa mil-lewkożi enżootika bovina. |
(12) |
Wara evalwazzjoni tad-dokumentazzjoni li tressqet mill-Italja, il-Polonja u l-Portugall, il-provinċji ta’ Catania, Enna, Palermo u Ragusa fir-reġjun ta’ Sqallija fl-Italja, id-dsatax-il reġjun amministrattiv (powiaty) fl-unitajiet amministrattivi superjuri (voivodships) ta’ Kujawsko-Pomorskie, Pomorskie, Warmińsko-Mazurskie u Wielkopolskie fil-Polonja u r-reġjuni amministrattivi kollha (distritos) fl-unitajiet amministrattivi superjuri (regiões) ta’ Centro u Lisboa e Vale do Tejo u erba’ reġjuni amministrattivi (distritos) fl-unità amministrattiva superjuri (região) ta’ Norte għandhom jiġu ddikjarati bħala reġjuni fl-Italja, il-Polonja u l-Portugall, rispettivament, li huma uffiċjalment ħielsa mil-lewkożi enżootika bovina. |
(13) |
L-Annessi mad-Deċiżjoni 2003/467/KE għandhom għalhekk jiġu emendati skont dan. |
(14) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Annessi tad-Deċiżjoni 2003/467/KE huma emendati skont l-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-19 ta’ April 2012.
Għall-Kummissjoni
John DALLI
Membru tal-Kummissjoni
(1) ĠU 121, 29.7.1964, p. 1977/64.
(2) ĠU L 156, 25.6.2003, p. 74.
ANNESS
L-Annessi tad-Deċiżjoni 2003/467/KE huma emendati kif ġej:
(1) |
fl-Anness I, il-Kapitolu 2 jinbidel b’dan li ġej: “KAPITOLU 2 Reġjuni ta’ Stati Membri uffiċjalment ħielsa mit-tuberkolosi
|
(2) |
l-Anness II jinbidel b’dan li ġej: “ANNESS II KAPITOLU 1 L-Istati Membri uffiċjalment ħielsa mill-bruċellosi
KAPITOLU 2 Ir-reġjuni tal-Istati Membri uffiċjalment ħielsa mill-bruċellożi
|
(3) |
fl-Anness III, il-Kapitolu 2 jinbidel b’dan li ġej: “KAPITOLU 2 Reġjuni ta’ Stati Membri uffiċjalment ħielsa mil-lewkosi bovina enzootika
|