(1)

Ir-Regolament tal-Kunsill (KE) Nru 1085/2006 tas-17 ta Lulju 2006 li jistabbilixxi Strument għall-Assistenza ta' Qabel l-Adeżjoni (IPA) (2) jipprovdi għal għajnuna lill-pajjiżi kandidati u l-pajjiżi kandidati potenzjali fl-allinjament progressiv tagħhom mal-istandards u l-politika tal-Unjoni, inkluż fejn xieraq, l-acquis, bil-ħsieb li dawn ikunu jistgħu jaslu għas-sħubija.

(2)

Ir-Regolament (KE) Nru 1085/2006 jagħmel distinzjoni ċara bejn pajjiżi kandidati u pajjiżi potenzjalment kandidati.

(3)

Il-Kunsill Ewropew tas-17 ta’ Ġunju 2010 laqa’ l-opinjoni tal-Kummissjoni dwar l-applikazzjoni tal-Islanda għas-sħubija fl-Unjoni, innota li l-Islanda laħqet il-kriterji politiċi stabbiliti fil-Kunsill Ewropew ta’ Kopenħagen fl-1993 u ddeċieda li n-negozjati ta’ adeżjoni mal-Islanda għandhom jinfetħu. Għalhekk l-Islanda hi pajjiż kandidat.

(4)

Il-Kunsill Ewropew tas-17 ta’ Diċembru 2010 approva l-konklużjonijiet tal-Kunsill tal-14 ta’ Diċembru 2010 dwar it-tkabbir u qabel li jagħti lill-Montenegro l-istatus ta’ pajjiż kandidat.

(5)

Il-Kunsill stieden lill-Kummissjoni biex tipproponi emenda fl-Artikolu 19 tar-Regolament (KE) Nru 1085/2006 bil-għan li jiġu ċċarati r-regoli rigward il-parteċipazzjoni fl-għoti ta' kuntratti ta’ għotjiet iffinanzjati skont il-Komponent ta’ Kooperazzjoni Transkonfinali tal-IPA u tkun żġurata l-koerenza ma’ strumenti oħra ta’ għajnuna esterna, b’mod partikolari l-Istrument Ewropew ta' Viċinat u Sħubija.

(6)

Ir-Regolament tal-Kunsill (KE) Nru 389/2006 tas-27 ta' Frar 2006 li jistabbilixxi strument ta’ sostenn finanzjarju għall-inkoraġġiment tal-iżvilupp ekonomiku tal-komunità Turko-Ċiprijotta (3) jaħtar il-kumitat kif provdut fir-Regolament tal-Kunsill (KEE) Nru 3906/89 tat-18 ta’ Diċembru 1989 dwar il-għajnuna ekonomika lil ċerti pajjiżi Ewropej Ċentrali u tal-Lvant (4) (il-“kumitat Phare”) biex jassisti lill-Kummissjoni fil-ġestjoni tal-assistenza għall-komunità Turko-Ċiprijotta. Skont l-Artikolu 25 tar-Regolament (KE) Nru 1085/2006, ir-Regolament (KEE) Nru 3906/89 ġie mħassar; madankollu, xorta jibqa’ japplika għal atti legali u impenji li jimplimentaw is-snin tal-baġit ta' qabel l-2007. Peress li r-Regolament (KE) Nru 389/2006 jibqa’ l-att bażiku għas-sostenn finanzjarju għall-komunità Turko-Ċiprijotta wara dawk is-snin tal-baġit, il-kumitat Phare għandu jitkompla wkoll għal dak il-għan.

(7)

Għalhekk ir-Regolament (KE) Nru 1085/2006 għandu jiġi emendat kif meħtieġ,

(1)

fl-Artikolu 19, għandu jiżdied il-paragrafu li ġej:

(2)

fl-Artikolu 25(1), it-tieni subparagrafu jinbidel b’dan li ġej:

“Dawk ir-Regolamenti, kif ukoll ir-Regolament (KE) Nru 2666/2000, għandhom ikomplu japplikaw għal atti legali u impenji li jimplimentaw is-snin tal-baġit ta' qabel l-2007, u għall-implimentazzjoni tal-Artikolu 31 tal-Att dwar il-kondizzjonijiet ta' adeżjoni tar-Repubblika tal-Bulgarija u r-Rumanija u l-aġġustamenti għat-Trattati li fuqhom hi bbażata l-Unjoni Ewropea (*1) u għall-implimentazzjoni tal-Artikolu 3 tar-Regolament tal-Kunsill (KE) Nru 389/2006 tas-27 ta' Frar 2006 li jistabbilixxi strument ta’ sostenn finanzjarju għall-inkoraġġiment tal-iżvilupp ekonomiku tal-komunità Turko-Ċiprijotta (*2).

(*1)   ĠU L 157, 21.6.2005, p. 203."

(*2)   ĠU L 65, 7.3.2006, p. 5.”;"

(3)

fl-Anness I, l-iskrizzjonijiet li ġejjin għandhom jiddaħħlu wara l-iskrizzjoni dwar il-Kroazja:

(4)

fl-Anness II, l-iskrizzjonijiet li ġejjin huma mħassra:

(1)

Huwa meħtieġ li jiġu ċċarati r-regoli dwar it-tranżitu miż-żoni internazzjonali tal-ajruporti sabiex jiġu żgurati ċ-ċertezza legali u t-trasparenza.

(2)

Dawk iċ-ċittadini ta’ pajjiżi terzi li huma soġġetti għar-rekwiżit ta’ viża għal tranżitu fl-ajruport skont l-Artikolu 3(1) u (2) tar-Regolament (KE) Nru 810/2009 tal-Parlament Ewropew u tal-Kunsill tat-13 ta’ Lulju 2009 li jistabbilixxi Kodiċi Komunitarju dwar il-Viżi (Kodiċi dwar il-Viżi) (2), li jkunu fil-pussess ta’ viża valida maħruġa minn Stat Membru, il-Kanada, il-Ġappun jew l-Istati Uniti tal-Amerika jew li jkollhom permess ta’ residenza validu maħruġ minn Stat Membru, l-Andorra, il-Kanada, il-Ġappun, San Marino jew l-Istati Uniti tal-Amerika, huma eżentati mir-rekwiżit ta’ viża għal tranżitu fl-ajruport. Għandu jiġi ċċarat li din l-eżenzjoni tapplika wkoll għal detenturi ta’ viżi validi jew permessi ta’ residenza maħruġa minn Stati Membri li ma ħadux sehem fl-adozzjoni tar-Regolament (KE) Nru 810/2009 u mill-Istati Membri li għadhom mhux qed japplikaw id-dispożizzjonijiet tal-acquis ta’ Schengen b’mod sħiħ.

(3)

Fir-rigward ta’ ċittadini ta’ pajjiżi terzi fil-pusses ta’ viża valida, l-eżenzjoni għandha tapplika meta jivjaġġaw lejn il-pajjiż li jkun ħareġ il-viża jew lejn kwalunkwe pajjiż terz ieħor u meta jirritornaw mill-pajjiż li jkun ħareġ il-viża wara li jkunu użaw il-viża.

(4)

Billi l-għan ta’dan ir-Regolament, b’mod partikolari li jiġu ċċarati r-regoli dwar it-tranżitu fiż-żoni internazzjonali ta’ ajruporti, ma jistax jintlaħaq b’mod suffiċjenti mill-Istati Membri, u jista’ għalhekk jintlaħaq aħjar fil-livell tal-Unjoni, l-Unjoni tista’ tadotta miżuri, f’ konformita’ ma-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’ konformita mall-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak il-għan.

(5)

Fir-rigward tal-Islanda u n-Norveġja, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fit-tifsira tal-Ftehim konkluż mill-Kunsill tal-Unjoni Ewropea u r-Repubblika tal-Islanda u r-Renju tan-Norveġja fir-rigward tal-assoċjazzjoni ta’ dawn tal-aħħar mal-implementazzjoni, l-applikazzjoni u l-iżvilupp tal-acquis ta’ Schengen (3) li jaqgħu fiż-żona msemmija fl-Artikolu 1, il-punt B tad-Deċiżjoni tal-Kunsill 1999/437/KE tas-17 ta’ Mejju 1999 dwar ċerti arranġamenti għall-applikazzjoni ta’ dak il-Ftehim (4).

(6)

Fir-rigward tal-Isvizzera, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fit-tifsira tal-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera mal-implimentazzjoni, l-applikazzjoni u l-iżvilupp tal-acquis ta’ Schengen (5) li jaqa’ fl-ambitu msemmi fl-Artikolu 1, il-punt B tad-Deċiżjoni 1999/437/KE li jinqara flimkien mal-Artikolu 3 tad-Deċiżjoni tal-Kunsill 2008/146/KE (6).

(7)

Fir-rigward tal-Liechtenstein, dan ir-Regolament jikkostitwixxi żvilupp tad-dispożizzjonijiet tal-acquis ta’ Schengen fit-tifsira tal-Protokoll bejn l-Unjoni Ewropea, il-Komunità Ewropea, il-Konfederazzjoni Svizzera u l-Prinċipat tal-Liechtenstein dwar l-adeżjoni tal-Prinċipat tal-Liechtenstein għall-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera fl-implimentazzjoni, l-applikazzjoni u l-iżvilupp tal-acquis ta’ Schengen (7), li jaqgħu fiż-żona msemmja fl-Artikolu 1, il-punt B tad-Deċiżjoni 1999/437/KE li jinqara flimkien mal-Artikolu 3 tad-Deċiżjoni tal-Kunsill 2011/350/UE (8).

(8)

F’konformità mal-Artikoli 1 u 2 tal-Protokoll (Nru 22) dwar il-pożizzjoni tad-Danimarka, anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, id-Danimarka mhijiex tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu. Peress li dan ir-Regolament jibni fuq l-acquis ta’ Schengen, id-Danimarka għandha, b’konformità mal-Artikolu 4 ta’ dak il-Protokoll, tiddeċiedi f’perjodu ta’ sitt xhur wara li l-Kunsill ikun iddeċieda dwar dan ir-Regolament jekk hix ser timplimentah fil-liġi nazzjonali tagħha.

(9)

Dan ir-Regolament huwa żvilupp tad-dispożizzjonijiet dwar l-acquis ta’ Schengen li fih ir-Renju Unit ma jiħux sehem, skont id-Deċiżjoni tal-Kunsill 2000/365/KE tad-29 ta’ Mejju 2000 dwar it-talba tar-Renju Unit tal-Gran Brittanja u l-Irlanda ta’ Fuq biex jieħdu parti f’xi dispożizzjonijiet tal-acquis ta’ Schengen (9); għalhekk ir-Renju Unit mhuwiex qed jieħu sehem fl-adozzjoni tiegħu u mhuwiex marbut bih jew suġġett għall-applikazzjoni tiegħu.

(10)

Dan ir-Regolament huwa żvilupp tad-dispożizzjonijiet tal-acquis ta’ Schengen li fih l-Irlanda ma tiħux sehem, skont id-Deċiżjoni tal-Kunsill 2002/192/KE tat-28 ta’ Frar 2002 dwar it-talba tal-Irlanda biex tieħu sehem f’xi dispożizzjonijiet tal-acquis ta’ Schengen (10). Għalhekk l-Irlanda mhijiex qiegħda tieħu sehem fl-adozzjoni tiegħu u mhijiex marbuta bih u lanqas hija soġġetta għall-applikazzjoni tiegħu.

(11)

Fir-rigward ta’ Ċipru, dan ir-Regolament jikkostitwixxi att li jibni fuq jew inkella huwa relatat mal-acquis ta’ Schengen skont it-tifsira tal-Artikolu 3(1) tal-Att tal-Adeżjoni tal-2003.

(12)

Fir-rigward tal-Belġju u r-Rumanija dan ir-Regolament jikkostitwixxi att li jibni fuq jew inkella huwa relatat mal-acquis ta’ Schengen skont it-tifsira tal-Artikolu 4(1) tal-Att tal-Adeżjoni tal-2005,

“(b)

ċittadini ta’ pajjiżi terzi fil-pusses ta’ permess ta’ residenza validu maħruġ minn Stat Membru li ma jiħux sehem fl-adozzjoni ta’ dan ir-Regolament jew minn Stat Membru li għadu mhux qed japplika d-dispożizzjonijiet tal-acquis ta’ Schengen b’mod sħiħ, jew ċittadini ta’ pajjiżi terzi li jkunu fil-pusses ta’ wieħed mill-permessi ta’ residenza validi elenkati fl-Anness V maħruġa mill-Andorra, il-Kanada, il-Ġappun, San Marino jew l-Istati Uniti tal-Amerika li jiggarantixxu r-riammissjoni mhux kondizzjonata tad-detentur;

(c)

ċittadini ta’ pajjiżi terzi fil-pusses ta’ viża valida għal Stat Membru li ma jiħux sehem fl-adozzjoni ta’ dan ir-Regolament, jew għal Stat Membru li għadu mhux qed japplika d-dispożizzjonijiet tal-acquis ta’ Schengen b’mod sħiħ, jew għall Kanada, il-Ġappun jew l-Istati Uniti tal-Amerika, meta jivvjaġġaw lejn il-pajjiż li jkun ħareġ il-viża jew lejn kwalunkwe pajjiż terz ieħor, jew meta, wara li jkunu għamlu użu mill-viża, jirritornaw mill-pajjiż li jkun ħareġ il-viża;”.