(1)

Il-limitu massimu ta’ residwi għas-sustanzi farmakoloġikament attivi maħsuba għall-użu fl-Unjoni fil-prodotti mediċinali veterinarji għall-annimali li jipproduċu l-ikel, jew fil-prodotti bijoċidali użati fit-trobbija tal-annimali, għandhom ikunu stabbiliti skont ir-Regolament (KE) Nru 470/2009.

(2)

Is-sustanzi farmakoloġikament attivi u l-klassifikazzjoni tagħhom rigward il-limiti massimi ta’ residwi fl-oġġetti tal-ikel li joriġinaw mill-annimali huma stipulati fl-Anness għar-Regolament tal-Kummissjoni (UE) Nru 37/2010 tat-22 ta’ Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwi fl-oġġetti tal-ikel li ġejjin mill-annimali (2).

(3)

Bħalissal-fenossimetilpeniċillina hi inkluża fit-Tabella 1 tal-Anness għar-Regolament tal-Kummissjoni (UE) Nru 37/2010 bħala sustanza approvata, għall-speċi tal-porċini, applikabbli għall-muskoli, il-fwied u l-kliewi u għall-ispeċi tat-tjur tal-irziezet, applikabbli għall-muskoli, il-ġilda u x-xaħam, il-fwied u l-kliewi, ħlief l-annimali li minnhom jiġi prodott bajd għall-konsum mill-bniedem.

(4)

Tressqet applikazzjoni lill-Aġenzija Ewropea għall-Mediċini għall-estensjoni tal-annotazzjoni eżistenti għall-fenossimetilpeniċillina biex tinkludi l-bajd fl-ispeċi tat-tjur tal-irziezet.

(5)

Il-Kumitat għall-Prodotti Mediċinali għall-Użu Veterinarju rrakkomanda li jiġi stabbilit limitu massimu ta’ residwi (minn hawn ’il quddiem “MRL”) għall-fenossimetilpeniċillina għall-speċi tal-porċini, applikabbli għall-muskoli, il-fwied u l-kliewi u għall-ispeċi tat-tjur tal-irziezet, applikabbli għall-muskoli, il-ġilda u x-xaħam, il-fwied, il-kliewi u l-bajd.

(6)

L-annotazzjoni għall-fenossimetilpeniċillina fit-Tabella 1 tal-Anness għar-Regolament (UE) Nru 37/2010 għaldaqstant għandha tiġi emendata biex tinkludi l-MRL għall-bajd tal-ispeċi tat-tjur tal-irziezet.

(7)

Huwa xieraq li jingħata perjodu ta’ żmien raġonevoli għall-partijiet interessati kkonċernati biex jieħdu l-miżuri li jistgħu jkunu meħtieġa għall-konformità mal-MRL il-ġdid stabbilit.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

(1)

Il-limitu massimu ta’ residwi għas-sustanzi farmakoloġikament attivi maħsuba għall-użu fl-Unjoni fil-prodotti mediċinali veterinarji għall-annimali li jipproduċu l-ikel, jew fil-prodotti bijoċidali użati fit-trobbija tal-annimali, għandhom ikunu stabbiliti skont ir-Regolament (KE) Nru 470/2009.

(2)

Is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fil-prodotti tal-ikel li joriġinaw mill-annimali huma stabbiliti fl-Anness tar-Regolament tal-Kummissjoni (UE) Nru 37/2010 tat-22 ta’ Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fl-oġġetti tal-ikel li ġejjin mill-annimali (2).

(3)

Fil-preżent, is-sustanza altrenogest hija inkluża fit-Tabella 1 tal-Anness tar-Regolament (UE) Nru 37/2010 bħala sustanza awtorizzata. għall-ispeċi porċini, applikabbli għall-ġilda, ix-xaħam, u l-fwied, u għall-ispeċi ekwini, applikabbli għax-xaħam u l-fwied.

(4)

Tressqet applikazzjoni lill-Aġenzija Ewropea għall-Mediċini għall-modifikazzjoni tal-annotazzjoni eżistenti għall-altrenogest.

(5)

Ġiet ipprovduta u vvalutata dejta addizzjonali li wasslet biex il-Kumitat għall-Prodotti Mediċinali għall-Użu Veterinarju jirrakomanda l-modifika tal-LMR attwali għall-altrenogest.

(6)

L-annotazzjoni għall-altrenogest fit-Tabella 1 tal-Anness għar-Regolament (UE) Nru 37/2010 għandha għalhekk tiġi emendata skont dan.

(7)

Huwa xieraq li jingħata perjodu ta’ żmien raġonevoli għall-partijiet interessati kkonċernati biex jieħdu l-miżuri li jistgħu jkunu meħtieġa għall-konformità mal-LRM ġodda stabbiliti.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

(1)

Il-limitu massimu ta’ residwi (“MRL”) għas-sustanzi farmakoloġikament attivi maħsuba għall-użu fl-Unjoni fil-prodotti mediċinali veterinarji għall-annimali li jipproduċu l-ikel, jew fil-prodotti bijoċidali użati fit-trobbija tal-annimali, għandu jkun stabbilit skont ir-Regolament (KE) Nru 470/2009.

(2)

Is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwi fl-oġġetti tal-ikel li joriġinaw mill-annimali huma stabbiliti fl-Anness għar-Regolament tal-Kummissjoni (UE) Nru 37/2010 tat-22 ta’ Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwi fl-oġġetti tal-ikel li ġejjin mill-annimali (2).

(3)

Bħalissa l-lasaloċidu hu inkluż fit-Tabella 1 tal-Anness tar-Regolament (UE) Nru 37/2010 bħal sustanza approvata għall-speċi tat-tjur, applikabbli għall-muskoli, il-ġilda u x-xaħam, il-fwied, il-kliewi u l-bajd.

(4)

Tressqet applikazzjoni lill-Aġenzija Ewropea għall-Mediċini għall-estensjoni tal-annotazzjoni eżistenti biex tinkludi l-ispeċi tal-bovini.

(5)

Il-Kumitat għall-Prodotti Mediċinali għall-Użu Veterinarju rrakkomanda l-estensjoni ta' dik l-annotazzjoni biex tkopri l-ispeċi tal-bovini, applikabbli għall-muskoli, ix-xaħam, il-fwied u l-kliewi, ħlief l-annimali li jipproduċu l-ħalib għall-konsum mill-bniedem.

(6)

L-annotazzjoni għal-lasaloċidu fit-Tabella 1 tal-Anness għar-Regolament (UE) Nru 37/2010 għandha għalhekk tiġi emendata biex tinkludi l-ispeċi tal-bovini.

(7)

Huwa xieraq li jingħata perjodu ta’ żmien raġonevoli għall-partijiet interessati kkonċernati biex jieħdu l-miżuri li jistgħu jkunu meħtieġa għall-konformità mal-MRL il-ġdid stabbilit.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

(1)

Permezz tad-Direttiva tal-Kummissjoni 2011/21/UE (2) il-kletodim kien inkluż bħala sustanza attiva fl-Anness I tad-Direttiva 91/414/KEE għall-użijiet bħala erbiċida fuq il-pitravi taz-zokkor. Mis-sostituzzjoni tad-Direttiva 91/414/KEE bir-Regolament (KE) Nru 1107/2009, din is-sustanza titqies bħala approvata skont dak ir-Regolament u hija elenkata fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (3).

(2)

Fl-14 ta’ Frar 2011 Arysta LifeScience, li fuq talba tagħha l-kletodim kienet inkluża fl-Anness I tad-Direttiva 91/414/KEE, ippreżentat applikazzjoni għal emenda fil-kondizzjonijiet tal-inklużjoni tal-kletodim biex ikun permess l-użu tagħha bħala erbiċida fuq ħxejjex oħra barra il-pitravi taz-zokkor. Dik l-applikazzjoni kienet akkumpanjata minn informazzjoni addizzjonali. L-applikazzjoni tressqet lill-Pajjiżi Baxxi, li kienu nħatru bħala l-Istat Membru relatur permezz tar-Regolament (KE) Nru 1490/2002 (4).

(3)

Il-Pajjiżi l-Baxxi vvalutaw l-informazzjoni addizzjonali mressqa mill-applikant u ppreparaw addendum għall-abbozz ta’ rapport ta’ valutazzjoni. Dawn ippreżentaw dan l-addendum lill-Kummissjoni fit-28 ta’ Marzu 2011. Il-Pajjiżi l-Baxxi kkomunikaw l-addendum lill-Istati Membri l-oħra u lill-Awtorità Ewropea għas-Sigurtà fl-Ikel (minn hawn ’il quddiem “l-Awtorità”) għall-kummenti u għaddew il-kummenti li kienu waslulhom lill-Kummissjoni.

(4)

L-Awtorità organizzat konsultazzjoni tal-esperti dwar l-addendum għall-abbozz tar-rapport ta’ valutazzjoni. Fil-15 ta’ Ottubru 2011 l-Awtorità kkomunikat il-konklużjoni tagħha lill-applikant, l-Istati Membri u l-Kummissjoni u għamlitha disponibbli għall-pubbliku. Wara li tqiesu l-kummenti li waslulha mill-applikant, l-Awtorità mmodifikat il-konklużjoni tagħha. Hi ppreżentat il-konklużjoni modifikata tagħha lill-applikant, l-Istati Membri u l-Kummissjoni u għamlitha disponibbli għall-pubbliku fit-18 ta’ Novembru 2011 (5).

(5)

Skont l-Artikolu 13(1) tar-Regolament (KE) Nru 1107/2009, il-Kummissjoni stiednet lill-applikant biex iressaq il-kummenti tiegħu dwar l-abbozz tar-rapport tal-analiżi għall-kletodim. In-notifikant ressaq il-kummenti tiegħu, li ġew eżaminati bir-reqqa.

(6)

L-addendum għall-abbozz tar-rapport ta' valutazzjoni u l-konklużjoni tal-Awtorità ġew analizzati mill-Istati Membri u mill-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u ffinalizzati fid-9 ta' Diċembru 2011 fil-format tar-rapport ta' analiżi tal-Kummissjoni għall-kletodim.

(7)

Deher mill-eżamijiet varji mwettqa li r-restrizzjoni għall-pitravi taz-zokkor tal-użu tal-prodotti tal-ħarsien tal-pjanti li jikkonsistu minn jew fihom kletodim tista’ titneħħa.

(8)

L-Anness tar-Regolament ta' Implimentazzjoni (UE) Nru 540/2011 għandu għalhekk jiġi emendat skont dan.

(9)

Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

L-Anness IV għar-Regolament (KE) Nru 1210/2003 jelenka l-persuni fiżiċi u ġuridiċi, korpi jew entitajiet pubbliċi assoċjati mar-reġim tal-ex President Saddam Hussein koperti mill-iffriżar ta' fondi u riżorsi ekonomiċi taħt dak ir-Regolament.

(2)

Fit-2 ta' Ġunju 2011, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jneħħi żewġ persuni fiżiċi mil-lista ta’ persuni jew entitajiet li għalihom japplikaw l-iffriżar tal-fondi u r-riżorsi ekonomiċi, b’referenza għall-paragrafu 23(b) tar-Riżoluzzjoni 1483(2003) tal-Kunsill tas-Sigurtà tan-Nazzjonijiet Uniti. Barra minn hekk, fis-6 ta’ Diċembru 2011, il-Kumitat tas-Sanzjonijiet iddeċieda li jneħħi persuna fiżika waħda mil-lista.

(3)

L-Anness V tar-Regolament (KE) Nru 1210/2003 jelenka l-awtoritajiet kompetenti li għalihom hemm attribwiti funzjonijiet speċifiċi relatati mal-implimentazzjoni ta' dak ir-Regolament. Din il-lista għandha tiġi aġġornata fuq il-bażi tal-informazzjoni li waslet mill-Greċja u l-Ungerija.

(4)

L-Annessi IV u V tar-Regolament (KE) Nru 1210/2003 għandhom għalhekk jiġu emendati kif jixraq.

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(1)

F’konformità mal-Protokoll dwar id-Dispożizzjonijiet Transitorji anness għat-Trattat dwar l-Unjoni Ewropea, għat-Trattat dwar il-Funzjonament tal-Unjoni Ewropea u għat-Trattat li jistabbilixxi l-Komunità Ewropea tal-Enerġija Atomika, l-effetti ġuridiċi tal-atti tal-istituzzjonijiet, il-korpi, l-uffiċċji u l-aġenziji tal-Unjoni adottati qabel id-dħul fis-seħħ tat-Trattat ta’ Lisbona huma ppreservati sakemm dawk l-atti jiġu revokati, annullati jew emendati fl-implimentazzjoni tat-Trattati.

(2)

U kif meħtieġ, l-Artikolu 25 tad-Deċiżjoni 2008/615/ĠAI huwa applikabbli u l-Kunsill irrid jiddeċiedi unanimament jekk l-Istati Membri implimentawx id-dispożizzjonijiet tal-Kapitolu 6 ta’ dik id-Deċiżjoni.

(3)

L-Artikolu 20 tad-Deċiżjoni 2008/616/ĠAI jipprovdi li d-deċiżjonijiet imsemmija fl-Artikolu 25(2) tad-Deċiżjoni 2008/615/ĠAI għandhom jittieħdu abbażi ta’ rapport ta’ evalwazzjoni bbażat fuq kwestjonarju. Fir-rigward tal-iskambju awtomatizzat ta’ data f’konformità mal-Kapitolu 2 tad-Deċiżjoni 2008/615/ĠAI, ir-rapport ta’ evalwazzjoni għandu jiġi bbażat fuq żjara ta’ evalwazzjoni u eżerċizzju pilota.

(4)

Ir-Repubblika Ċeka infurmat lis-Segretarjat Ġenerali tal-Kunsill dwar il-fajls nazzjonali tal-analiżi tad-DNA li għalihom japplikaw l-Artikolu 2 sa 6 tad-Deċiżjoni 2008/615/ĠAI u l-kondizzjonijiet għall-konsultazzjoni awtomatizzata kif imsemmi fl-Artikolu 3(1) ta’ dik id-Deċiżjoni f’konformità mal-Artikolu 36(2) ta’ dik id-Deċiżjoni.

(5)

F’konformità mal-Kapitolu 4, punt 1.1, tal-Anness għad-Deċiżjoni 2008/616/ĠAI, il-kwestjonarju mfassal mill-Grupp ta’ Ħidma rilevanti tal-Kunsill jikkonċerna kull wieħed mill-iskambji awtomatizzati ta’ data u għandu jintwieġeb minn Stat Membru hekk kif huwa jemmen li huwa jissodisfa l-prerekwiżiti għall-kondiviżjoni tad-data fil-kategorija rilevanti ta’ data.

(6)

Ir-Repubblika Ċeka lestiet il-kwestjonarju dwar il-protezzjoni tad-data u l-kwestjonarju dwar l-iskambju tad-data dwar id-DNA.

(7)

Ir-Repubblika Ċeka wettqet b’suċċess eżerċizzju pilota mas-Slovakkja.

(8)

Saret żjara ta’ evalwazzjoni fir-Repubblika Ċeka u ġie prodott rapport dwar iż-żjara ta’ evalwazzjoni mill-iskwadra ta’ evalwazzjoni Slovakka u ntbagħat lill-Grupp ta’ Ħidma rilevanti tal-Kunsill.

(9)

Ġie ppreżentat lill-Kunsill rapport ta’ evalwazzjoni ġenerali, li jagħti sintesi tar-riżultati tal-kwestjonarju, taż-żjara ta’ evalwazzjoni u tal-eżerċizzju pilota fir-rigward tal-iskambju tad-data dwar id-DNA,

(1)

Fis-16 ta’ Marzu 2009, il-Kunsill adotta d-Deċiżjoni 2009/250/KE (2) sabiex jaħtar tliet membri tal-Bord Konsultattiv Ewropew għall-Governanza tal-Istatistika (“il-Bord”) għal perijodu ta’ tliet snin mit-23 ta’ Marzu 2009.

(2)

Huwa għalhekk meħtieġ li jinħatru tliet membri ġodda sabiex jassumu l-funzjonijiet tagħhom meta jiskadu l-mandati li bdew fit-23 ta’ Marzu 2009.

(3)

Taħt l-Artikolu 3(2) tad-Deċiżjoni Nru 235/2008/KE, il-membri tal-Bord għandhom jintgħażlu minn fost esperti li għandhom kompetenza eċċellenti fil-qasam tal-istatistika,

Mr Günter KOPSCH.

Ms Pilar MARTÍN-GUZMÁN.

Mr Edvard OUTRATA.

(1)

Il-mandati tas-Sur Olavi ALA-NISSILÄ, is-Sur Vítor Manuel de SILVA CALDEIRA, is-Sur Morten LEVYSOHN, is-Sur Eoin O’SHEA, is-Sur Karel PINXTEN, is-Sur Massimo VARI, u s-Sur H.G. WESSBERG jiskadu fid-29 ta’ Frar 2012.

(2)

Għaldaqstant għandhom isiru ħatriet ġodda,

—

Is-Sur Kevin CARDIFF

—

Is-Sur Vítor Manuel da SILVA CALDEIRA,

—

Is-Sur Ville ITÄLÄ,

—

Is-Sur Henrik OTBO,

—

Is-Sur Karel PINXTEN,

—

Is-Sur Pietro RUSSO,

—

Is-Sur H.G. WESSBERG.

(1)

Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom ikunu awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea.

(2)

Il-mandat tal-awdituri esterni attwali tad-De Nederlandsche Bank intemm wara l-verifka kontabbli għas-sena finanzjarja tal-2011. Għalhekk jeħtieġ li jinħatru awdituri esterni mis-sena finanzjarja 2012.

(3)

Id-De Nederlandsche Bank għażel lil Deloitte Accountants B.V. bħala l-awdituri estern tiegħu għas-snin finanzjarji mill-2012 sal-2018.

(4)

Il-Kunsill Governattiv tal-BĊE rrakkomanda li Deloitte Accountants B.V. jinħatru bħala l-awdituri esterni tad-De Nederlandsche Bank għas-snin finanzjarji 2012 sal-2018.

(5)

Huwa xieraq li tiġi segwita r-rakkomandazzjoni tal-Kunsill Governattiv tal-BĊE u tiġi emendata d-Deċiżjoni tal-Kunsill 1999/70/KE (2) kif meħtieġ,

(1)

Fit-22 ta’ Diċembru 2009 u fit-18 ta’ Jannar 2010, il-Kunsill adotta d-Deċiżjonijiet 2009/1014/UE (1) u 2010/29/UE (2) li jaħtru l-membri u l-membri supplenti fil-Kumitat tar-Reġjuni għall-perijodu mis-26 ta’ Jannar 2010 sal-25 ta’ Jannar 2015.

(2)

Konsegwentement għat-tmiem tal-mandat tas-Sur Jordi BAYONA LLOPIS sar vakanti siġġu ta’ membru supplenti,

—

Is-Sur Esteban MAS PORTELL, Delegado del Gobierno de las Illes Balears en Bruselas.