27.1.2012   

MT

Il-Ġurnal Uffiċjali tal-Unjoni Ewropea

L 24/1

(1)

Il-Protokoll 10 ta’ mal-Ftehim ġie emendat bid-Deċiżjoni tal-Kumitat Konġunt taż-ŻEE Nru 76/2009 tat-30 ta’ Ġunju tal-2009 (2), bil-għan li jiddaħħal Kapitolu IIa ġdid dwar miżuri ta’ sigurtà doganali.

(2)

L-Artikolu 9b tal-Protokoll 10 jipprovdi li, f’kummerċ bilaterali bejn il-Partijiet Kontraenti, titneħħa l-applikazzjoni ta’ miżuri ta’ sigurtà doganali, sakemm ikun hemm livell ekwivalenti ta’ sigurtà doganali fit-territorji rispettivi tagħhom.

(3)

L-Artikolu 9f tal-Protokoll 10 jipprovdi wkoll li l-Kumitat Konġunt taż-ŻEE jiddefinixxi r-regoli li jippermettu lill-Partijiet Kontraenti li jiggarantixxu l-monitoraġġ tal-implimentazzjoni tal-Kapitolu IIa ta’ dak il-Protokoll u li jivverifikaw li d-dispożizzjonjiet tal-Kapitolu IIa u tal-Annessi I u II għal dak il-Protokoll jiġu segwiti,

27.1.2012   

MT

Il-Ġurnal Uffiċjali tal-Unjoni Ewropea

L 24/5

(1)

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-Ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu.

(2)

Il-valur standard tal-importazzjoni huwa kkalkulat kull ġurnata tax-xogħol skont l-Artikolu 136(1) tar-Regolament ta' Implimentazzjoni (UE) Nru 543/2011, billi jqis id-dejta varjabbli ta' kuljum. Għalhekk dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

27.1.2012   

MT

Il-Ġurnal Uffiċjali tal-Unjoni Ewropea

L 24/7

(1)

Ir-Regolament ta' Implimentazzjoni (UE) Nru 1273/2011 fetaħ u pprovda għall-amministrazzjoni ta’ ċerti kwoti tariffarji għall-importazzjoni ta’ ross u ross miksur, li jitkisser mill-pajjiż tal-oriġini u li jinqasam f'diversi subperjodi skont l-Anness I għal dak ir-Regolament ta' Implimentazzjoni.

(2)

Jannar huwa l-ewwel subperjodu għall-kwoti pprovduti fl-Artikolu 1(1)(a), (b), (c) u (d) tar-Regolament ta' Implimentazzjoni (UE) Nru 1273/2011.

(3)

In-notifiki mibgħuta skont l-Artikolu 8(a) tar-Regolament ta' Implimentazzjoni (UE) Nru 1273/2011 juru li, għall-kwoti bin-numru tal-ordni 09.4154 – 09.4112 – 09.4116 – 09.4117 – 09.4118 – 09.4119 – 09.4166, l-applikazzjonijiet imressqa fl-ewwel għaxart (10) ijiem ta' xogħol ta' Jannar 2012, skont l-Artikolu 4(1) ta' dak ir-Regolament ta' Implimentazzjoni, ikopru kwantità li taqbeż dik disponibbli. Għalhekk, jeħtieġ li jiġi ddeterminat sa liema punt jistgħu jinħarġu l-liċenzji għall-importazzjoni, billi jiġi stabbilit il-koeffiċjent tal-allokazzjoni li għandu jiġi applikat għall-kwantitajiet mitluba taħt il-kwoti kkonċernati.

(4)

Dawk in-notifiki juru wkoll li, għall-kwoti bin-numri tal-ordni 09.4127 – 09.4128 – 09.4148 – 09.4149 – 09.4150 – 09.4152 – 09.4153, l-applikazzjonijiet imressqa fl-ewwel għaxart (10) ijiem ta' xogħol ta' Jannar 2012, skont l-Artikolu 4(1) tar-Regolament ta' Implimentazzjonu (UE) Nru 1273/2011, ikopru kwantità li hija inqas minn dik disponibbli.

(5)

Jeħtieġ ukoll li, għall-kwoti bin-numru tal-ordni 09.4127 – 09.4128 – 09.4148 – 09.4149 – 09.4150 – 09.4152 – 09.4153 – 09.4154 – 09.4112 – 09.4116 – 09.4117 – 09.4118 – 09.4119 – 09.4166, tiġi ffissata l-kwantità totali disponibbli għas-subperjodu ta' wara, skont l-ewwel subparagrafu tal-Artikolu 5 tar-Regolament ta' Implimentazzjoni (UE) Nru 1273/2011.

(6)

Sabiex tkun żgurata ġestjoni effettiva tal-proċedura tal-ħruġ tal-liċenzji għall-importazzjoni, dan ir-Regolament għandu jidħol fis-seħħ immedjatament wara l-pubblikazzjoni tiegħu,

27.1.2012   

MT

Il-Ġurnal Uffiċjali tal-Unjoni Ewropea

L 24/11

(1)

Fis-16 ta’ Marzu 2009, il-Kunsill adotta d-Deċiżjoni 2009/249/KE (2) sabiex jaħtar lis-Sur Johnny ÅKERHOLM bħala l-President tal-Bord Konsultattiv Ewropew għall-Governanza tal-Istatistika għal perijodu ta’ tliet snin mit-23 ta’ Marzu 2009.

(2)

Huwa għalhekk meħtieġ li jinħatar President ġdid sabiex jassumi l-funzjoni meta jiskadi l-mandat li beda fit-23 ta’ Marzu 2009.

(3)

Taħt l-Artikolu 3(3) tad-Deċiżjoni Nru 235/2008/KE, il-President m’għandux ikun membru attwali ta’ uffiċċju nazzjonali tal-istatistika jew tal-Kummissjoni,

27.1.2012   

MT

Il-Ġurnal Uffiċjali tal-Unjoni Ewropea

L 24/12

(1)

F'April 2011, id-Danimarka temmet l-applikazzjoni tagħha, imnedija f'Diċembru 2006, għal deroga skont l-Artikolu 17(1) tar-Regolament (KE) Nru 1781/2006 għat-trasferimenti ta’ fondi bejn id-Danimarka u l-Groenlandja u bejn id-Danimarka u l-Gżejjer Faeroe.

(2)

Skont l-Artikolu 17(2) tar-Regolament (KE) Nru 1781/2006, it-trasferimenti ta’ fondi bejn id-Danimarka u l-Groenlandja u bejn id-Danimarka u l-Gżejjer Faeroe ġew provviżorjament ittrattati bħala trasferimenti ta’ fondi fid-Danimarka minn Diċembru 2006.

(3)

Fis-27 ta’ April 2011, l-Istati Membri ġew informati li l-Kummissjoni qieset li kienet irċeviet l-informazzjoni meħtieġa biex tivvaluta t-talbiet li għamlet id-Danimarka.

(4)

La l-Groenlandja u lanqas il-Gżejjer Faeroe ma jiffurmaw parti mit-territorju tal-Unjoni Ewropea kif iddeterminat skont l-Artikolu 52 tat-Trattat dwar l-Unjoni Ewropea (TUE) u l-Artikolu 355 tat-Trattat dwar il-Funzjonament tal-Unjoni Ewropea (TFUE) iżda jiffurmaw parti miż-żona monetarja tad-Danimarka. Għalhekk il-Groenlandja u l-Gżejjer Faeroe jikkonformaw mal-kriterju stabbilit fl-Artikolu 17(1)(a) tar-Regolament (KE) Nru 1781/2006.

(5)

Il-fornituri tas-servizzi tal-ħlasijiet fil-Groenlandja u l-Gżejjer Faeroe jipparteċipaw direttament f'sistemi ta’ ħlasijiet u saldu fid-Danimarka, jiġifieri jew Kronos inkella Sumclearing. Għaldaqstant huma jikkonformaw mal-kriterju stabbilit fl-Artikolu 17(1)(b) tar-Regolament (KE) Nru 1781/2006.

(6)

Kemm il-Groenlandja kif ukoll il-Gżejjer Faeroe inkorporaw fl-ordnijiet ġuridiċi tagħhom dispożizzjonijiet li jikkorrispondu għal dawk fir-Regolament (KE) Nru 1781/2006, b'mod partikolari, għall-Groenlandja permezz tal-Att nru 399 tal-21 ta’ April 2010 dwar l-informazzjoni dwar il-pagatur li takkumpanja t-trasferimenti ta’ fondi u l-Att nru 6 tad-19 ta’ Mejju 2010 dwar l-informazzjoni dwar il-pagatur li takkumpanja t-trasferimenti ta’ fondi, u għall-Gżejjer Faeroe permezz tal-Att nru 467 tas-17 ta’ Ġunju 2008 dwar l-informazzjoni dwar il-pagatur li takkumpanja t-trasferimenti ta’ fondi, b'emendi għall-Att nru 579 tal-1 ta’ Ġunju 2010.

(7)

Il-Groenlandja u l-Gżejjer Faeroe ħarġu leġiżlazzjoni li tikkontribwixxi għall-bini ta’ sistema soda kontra l-ħasil tal-flus. Fil-Groenlandja, din il-leġiżlazzjoni tikkonsisti b'mod partikolari mid-Digriet Irjali nru 1034 tat-30 ta’ Awwissu 2010 dwar Miżuri għall-Prevenzjoni tal-Ħasil tal-Flus u tal-Iffinanzjar tat-Terroriżmu u l-Att nru 5 tad-19 ta’ Mejju 2010 dwar Miżuri għall-Prevenzjoni tal-Ħasil tal-Flus u tal-Iffinanzjar tat-Terroriżmu. Fil-Gżejjer Faeroe, il-leġiżlazzjoni kontra l-ħasil tal-flus tinkludi b'mod partikolari d-Digriet Irjali nru 79 tad-29 ta’ Jannar 2010 dwar Miżuri għall-Prevenzjoni tal-Ħasil tal-Flus u tal-Iffinanzjar tat-Terroriżmu u l-Att dwar Miżuri għall-Prevenzjoni tal-Ħasil tal-Flus u tal-Iffinanzjar tat-Terroriżmu, l-Att nru 56 tad-9 ta’ Ġunju 2008 bl-emendi tas-26 ta’ Mejju 2010.

(8)

Il-Groenlandja u l-Gżejjer Faeroe għandhom implimentata leġiżlazzjoni xierqa biex jimponu sanzjonijiet finanzjarji vis-à-vis entitajiet jew persuni elenkati min-Nazzjonijiet Uniti jew l-Unjoni Ewropea.

(9)

Għalhekk, kemm il-Groenlandja kif ukoll il-Gżejjer Faeroe adottaw l-istess regoli bħal dawk stabbiliti skont ir-Regolament (KE) Nru 1781/2006 u jesiġu li l-fornituri tas-servizzi ta’ ħlasijiet rispettivi tagħhom japplikawhom u b'hekk jissodisfaw il-kriterju stabbilit fl-Artikolu 17(1)(c) ta’ dak ir-Regolament.

(10)

Għalhekk huwa xieraq li d-Danimarka tingħata d-deroga mitluba.

(11)

Il-ftehimiet li se jiġu konklużi bejn id-Danimarka u l-Groenlandja għandhom jipprovdu biex jiżguraw il-konformità mad-Direttiva 95/46/KE tal-Parlament Ewrope u tal-Kunsill tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ data [dejta] personali u dwar il-moviment liberu ta’ dik id-data [dejta] (2) u b'mod partikolari l-Artikoli 25 u 26.

(12)

Il-miżuri pprovduti f'din id-Deċiżjoni huma skont l-opinjoni tal-Kumitat dwar il-Prevenzjoni tal-Ħasil tal-Flus u l-Iffinanzjar tat-Terroriżmu,

27.1.2012   

MT

Il-Ġurnal Uffiċjali tal-Unjoni Ewropea

L 24/14

(1)

Id-Direttivi 91/496/KEE u 97/78/KE jispjegaw fid-dettall ir-rekwiżiti speċifiċi għall-kontrolli veterinarji fuq kull konsenja ta’ annimali ħajjin u ta’ prodotti li joriġinaw mill-annimali li ġejja minn pajjiż terz u li hija maħsuba għall-Unjoni f’post ta’ spezzjoni fuq il-fruntiera (BIP) approvat tal-Unjoni.

(2)

L-Artikolu 13 tad-Direttiva 91/496/KEE jippermetti regoli speċjali għall-kontrolli li jridu jitwettqu fuq annimali ħajjin importati għat-tbiċċir u maħsuba għall-konsum lokali u tal-annimali tat-tgħammir jew tal-produzzjoni, għall-użu f’partijiet remoti tal-Istati Membri. Dawn ir-regoli jirrikjedu li l-pjanijiet li jiddeskrivu n-natura tal-kontrolli li jridu jitwettqu jiġu ppreżentati lill-Kummissjoni. Dawn il-pjanijiet għandhom jispeċifikaw il-kontrolli mwettqa sabiex annimali introdotti fir-reġjuni remoti kkonċernati jew prodotti derivati minn dawn l-annimali jinżammu milli jintbagħtu f’kull ċirkostanza lejn partijiet oħra tat-territorju tal-Unjoni.

(3)

L-Artikolu 18 tad-Direttiva 97/78/KE jippermetti regoli speċjali għall-kontrolli li jridu jitwettqu fuq prodotti li joriġinaw mill-annimali importati għall-użu f’partijiet remoti, fost l-oħrajn, tar-Repubblika Franċiża. Dawn ir-regoli jirrikjedu li l-pjanijiet li jiddeskrivu n-natura tal-kontrolli li jridu jitwettqu jiġu ppreżentati lill-Kummissjoni. Dawn il-pjanijiet għandhom jispeċifikaw il-kontrolli mwettqa sabiex il-prodotti li joriġinaw mill-annimali introdotti fir-reġjuni remoti kkonċernati jinżammu milli jintbagħu, f’kull ċirkostanza, lejn partijiet oħra tat-territorju tal-Unjoni.

(4)

Ir-Regolament tal-Kummissjoni (KE) Nru 136/2004 tat-22 ta’ Jannar 2004 li jistabbilixxi proċeduri għal kontrolli veterinarji f’postijiet ta’ spezzjoni fuq il-fruntieri tal-Komunità fuq prodotti importati minn pajjiżi terzi (3) u r-Regolament tal-Kummissjoni (KE) Nru 282/2004 tat-18 ta’ Frar 2004 li jintroduċi dokument għad-dikjarazzjoni, u kontroll veterinarju, fuq annimali minn pajjiżi terzi li deħlin fil-Komunità (4), qed jispjegaw fid-dettall il-proċeduri għan-notifika u l-kontrolli veterninarji ta’ prodotti li joriġinaw mill-annimali u annimali ħajjin u d-Dokumenti Veterinarji Komuni għad-Dħul (CVEDs), li jridu jintużaw biex jiġu ġġustifikati r-riżultati tal-kontrolli veterinarji fuq konsenji bħal dawn.

(5)

L-awtoritajiet Franċiżi ppreżentaw pjanijiet rispettivi lill-Kummissjoni għal ċerti punti tad-dħul li jinsabu fid-Dipartimenti Franċiżi extra-Ewropej tal-Gwadelup, Martinique u l-Gujana Franċiża.

(6)

Il-pjanijiet Franċiżi juru li l-konsenji kollha ta’ annimali ħajjin jew prodotti li joriġinaw mill-annimali jeħtieġ li jiġu ppreżentati għall-importazzjoni f’punti tad-dħul nominati fid-dipartimenti, fejn ikunu suġġetti għal kontrolli veterinarji. Il-pjanijiet juru li meta jiġu implimentati, il-bgħit ta’ konsenji lejn partijiet oħra tat-territorju tal-Unjoni, li ma jikkonformawx mar-rekwiżiti tal-leġiżlazzjoni rilevanti tal-Unjoni, huwa effettivament ipprojbit. Sabiex dan jinkiseb, is-CVEDs ta’ annimali ħajjin jew prodotti li joriġinaw mill-annmali approvati għall-importazzjoni fid-dipartimenti, ikollhom timbru li jiddikjara l-użu limitat esklużivament għat-territorju tad-dipartimenti rilevanti. L-importaturi huma mgħarrfa li mhuwiex possibbli li dawn l-annimali ħajjin, il-prodotti li joriġinaw minnhom, jew il-prodotti li joriġinaw mill-annimali jintbagħtu lejn partijiet oħra tat-territorju tal-Unjoni u d-Dipartimenti Franċiżi extra-Ewropej jimmonitorjaw dan ir-rekwiżit meta japprovaw iċ-ċertifikati tal-kummerċ intra-Komunitarju.

(7)

Il-pjanijiet Franċiżi jispjegaw fid-dettall ukoll l-infrastruttura tal-faċilitajiet li għandhom bini kbir biżżejjed li jippermetti t-teħid ta’ kampjuni iġjeniku u t-tagħmir neċessarju biex jitwettqu l-kontrolli veterinarji meħtieġa sabiex jiġi verifikat li qegħdin jiġu sodisfatti r-rekwiżiti tal-Unjoni għas-saħħa pubblika u tal-annimali għall-annimali ħajjin u l-prodotti li joriġinaw mill-annimali. Barra minn hekk, hemm bini u mħażen imkessħa għall-ħżin ta’ konsenji magħżula fil-kampjun, miżmuma jew spezzjonati fuq il-post, kif ukoll faċilitajiet xierqa maħsuba għaż-żamma ta’ annimali ħajjin sakemm jitlestew ir-riżultati ta’ kull kontoll li jkun twettaq.

(8)

Il-pjanijiet Franċiżi jispjegaw fid-dettall li hemm disponibbli għadd suffiċjenti ta’ persunal veterinarju u tekniku biex iwettaq il-kontrolli veterinarji kif stipulat bl-Artikoli 4 tad-Direttivi 91/496/KEE u 97/78/KE u b’konformità mad-dispożizzjonijiet stabbiliti fl-Anness 1 mar-Regolament (KE) Nru 136/2004 u fir-Regolament (KE) Nru 282/2004.

(9)

Filwaqt li ġeneralment il-kontrolli veterinarji jridu jitwettqu fuq il-konsenji kollha tal-prodotti li joriġinaw mill-annimali, l-Artikolu 10 tad-Direttiva 97/78/KE jippermetti t-tnaqqis tal-frekwenza tal-kontrolli fiżiċi fuq ċerti prodotti li joriġinaw mill-annimali, li huma elenkati flimkien mal-frekwenza rilevanti għall-kontrolli fiżiċi fl-Anness I u II mad-Deċiżjoni tal-Kummissjoni 94/360/KE tal-20 ta’ Mejju 1994 dwar il-frekwenza mnaqqsa ta’ kontrolli fiżiċi ta’ kunsinni ta’ ċerti prodotti li jridu jiġu implimentati minn pajjiżi terzi, skont id-Direttiva tal-Kunsill 90/675/KEE (5). Sabiex ikunu konsistenti mal-kontrolli veterinarji fuq il-fruntieri tal-Unjoni, dawn il-frekwenzi mnaqqsa jistgħu jiġu applikati għall-konsenji veterinarji maħsuba għat-tliet Dipartimenti Franċiżi extra-Ewropej.

(10)

Is-Sistema Esperta u ta’ Kontroll tal-Kummerċ (Traces) tal-Unjoni mwaqqfa bid-Deċiżjoni tal-Kummissjoni 2004/292/KE tat-30 ta’ Marzu 2004 dwar l-introduzzjoni tas-sistema Traces (6) tistipula li l-Istati Membri għandhom jintroduċu u jibdew jużaw Traces b’mod partikolari għall-konsenji ta’ annimali ħajjin u l-prodotti li joriġinaw mill-annimali li ġejjin minn pajjiżi barra mill-Unjoni.

(11)

L-użu tas-sistema Traces għall-importazzjonijiet ta’ annimali ħajjin u prodotti li joriġinaw mill-annimali, jirrikjedi l-ħruġ ta’ CVED għal kull konsenja ppreżentata għall-introduzzjoni. Dawn id-dokumenti għandhom jintużaw biex jiżguraw li dawn il-konsenji importati ta’ annimali ħajjin, jew prodotti li joriġinaw mill-animali, ma jintbagħtux lejn partijiet oħra tat-territorju tal-Unjoni u jkunu biss għal użu lokali.

(12)

Għaldaqstant, il-punti tad-dħul fid-Dipartimenti Franċiżi extra-Ewropej ta’ Gwadelup, Martinique u l-Gujana Franċiża għandhom jiġu identifikati u r-rekwiżiti għat-tħaddim tagħhom għandhom jiġu speċifikati f’din id-Deċiżjoni.

(13)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

1.

jinnotifika lill-awtorità kompetenti responsabbli għall-punt tad-dħul qabel il-wasla fiżika tal-konsenja tal-prodotti permezz tal-ewwel parti tas-CVED skont l-Artikolu 2 tar-Regolament (KE) Nru 136/2004 u permezz tas-sistema Traces skont l-Artikolu 3 tad-Deċiżjoni 2004/292/KE;

2.

jagħti avviż ta’ jum tax-xogħol lill-awtorità kompetenti fejn għandhom jiġu ppreżentati l-annimali ħajjin billi jispeċifika n-numru, in-natura u l-ħin previst tal-wasla permezz tal-ewwel parti tas-CVED skont l-Artikolu 1 tar-Regolament (KE) Nru 282/2004 u permezz tas-sistema Traces skont l-Artikolu 3 tad-Deċiżjoni 2004/292/KE;

3.

iżomm reġistru approvat mill-awtorità kompetenti li juri l-kwantitajiet ta’ prodotti jew annimali importati u l-isem u l-indirizz tax-xerrej(ja);

4.

jgħarraf lix-xerrej(ja) li l-prodotti derivati mill-annimali jew il-prodotti li joriġinaw mill-annimali importati huma maħsuba għall-konsum lokali biss u li l-annimali tat-tgħammir u tal-produzzjoni ma għandhom fl-ebda ċirkostanza jintbagħtu lejn territorji oħra tal-Unjoni;

5.

jgħarraf lix-xerrej(ja) li, fil-każ ta’ bejgħ mill-ġdid, għandhom jgħarrfu lix-xerrej(ja) ġodda, fejn dawn tal-aħħar ikunu operaturi kummerċjali, li l-prodotti huma maħsuba għall-konsum lokali biss u li l-annimali tat-tgħammir u tal-produzzjoni ma għandhom fl-ebda ċirkostanza jintbagħtu lejn territorji oħra tal-Unjoni.