6.12.2011

MT

Il-Ġurnal Uffiċjali tal-Unjoni Ewropea

L 323/1

---

It-testi oriġinali NU/KEE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu vverifikati fl-aħħar verżjoni tad-dokument tal-istatus NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Ir-Regolament Nru 3 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi li jikkonċernaw l-approvazzjoni tat-tagħmir retro-riflettiv għall-vetturi li jaħdmu bil-magni, u t-trejlers tagħhom

Tinkorpora t-test validu kollu sa:

Suppliment 12 għas-sensiela 02 tal-emendi – Data tad-dħul fis-seħħ: it-23 ta’ Ġunju 2011

WERREJ

REGOLAMENT

1.

Kamp ta' Applikazzjoni

2.

Definizzjonijiet

3.

Applikazzjoni għall-approvazzjoni

4.

Sinjali

5.

Approvazzjoni

6.

Speċifikazzjonijiet ġenerali

7.

Speċifikazzjonijiet speċjali (testijiet)

8.

Il-konformità tal-produzzjoni

9.

Il-penali għan-nuqqas ta’ konformità tal-produzzjoni

10.

Produzzjoni mwaqqfa għal kollox

11.

L-ismijiet u l-indirizzi tas-servizzi tekniċi risponsabbli għat-twettiq tat-testijiet tal-approvazzjoni, u tad-dipartimenti amministrattivi

12.

Id-dispożizzjonijiet transizzjonali

ANNESSI

Anness 1 -

Tagħmir retro-riflettiv, simboli, unitajiet

Anness 2 -

Komunikazzjoni dwar l-approvazzjoni (jew ir-rifjut jew l-irtir tal-approvazzjoni jew il-produzzjoni mwaqqfa għal kollox) ta' tip ta' tagħmir retro-riflettiv skont ir-Regolament Nru 3

Anness 3 -

Arranġamenti tal-marki tal-approvazzjoni

Anness 4 -

Il-proċedura tat-test – Klassi IA u Klassi IIIA

Anness 5 -

Speċifikazzjonijiet tal-forma u tal-qisien

Appendiċi –

Tagħmir retro-riflettiv għat-trejlers – Klassijiet IIIA u IIIB

Anness 6 -

Speċifikazzjonijiet kolorimetriċi

Anness 7 -

Speċifikazzjonijiet fotometriċi

Anness 8 -

Ir-reżistenza għall-aġenti esterni

Anness 9 -

L-istabbilità tul iż-żmien tal-proprjetajiet ottiċi tat-tagħmir retro-riflettiv

Anness 10 -

Reżistenza għas-sħana

Anness 11 -

Il-permanenza tal-kuluri

Anness 12 -

Ordni kronoloġika tat-testijiet

Anness 13 -

Reżistenza għall-impatt – Klassi IVA

Anness 14 -

Il-proċedura tat-testijiet – Klassi IVA

Anness 15 -

L-ordni kronoloġika tat-testijiet għall-Klassi IVA

Anness 16 -

Il-proċedura tat-testijiet għat-tagħmir tal-Klassijiet IB u IIIB

Anness 17 -

Il-kundizzjonijiet minimi meħtieġa għall-konformità mal-proċeduri tal-kontroll tal-produzzjoni

Anness 18 -

Il-kundizzjonijiet minimi meħtieġa għall-prova tal-kontrollur

1.   AMBITU

Dan ir-Regolament japplika għat-tagħmir retro-riflettiv (1) għall-vetturi tal-kategoriji L, M, N, O u T (2).

2.   DEFINIZZJONIJIET (3)

Għall-għan ta' dan ir-Regolament:

2.1.	Id-definizzjonijiet fir-Regolament Nru 48 u l-emendi suċċessivi tiegħu li jkunu fis-seħħ meta ssir l-applikazzjoni għall-approvazzjoni tat-tip japplikaw għal dan ir-Regolament.

2.2.	"Retro-riflessjoni" tfisser riflessjoni li fiha d-dawl huwa rifless f'direzzjonijiet viċini għad-direzzjoni minn fejn ġie. Din il-proprjetà tinżamm fuq angoli tal-illuminazzjoni li jvarjaw ħafna.

2.3.	"Unità ottika retro-riflettiva " tfisser il-kumbinazzjoni ta' komponenti ottiċi li jipproduċu r-retro-riflessjoni.

2.4.	"Tagħmir retro-riflettiv" (1) tfisser muntatura lesta għall-użu magħmula minn unità ottika waħda, jew iżjed minn waħda, retro-riflettiva/i.

2.5.	"Angolu tad-diverġenza" tfisser l-angolu bejn il-linji dritti li jgħaqqdu ċ-ċentru ta' riferenza maċ-ċentru tar-riċevitur u ċ-ċentru tas-sors tal-illuminazzjoni.

2.6.	"Angolu tal-illuminazzjoni" tfisser l-angolu bejn l-assi tar-riferenza u l-linja dritta li tgħaqqad iċ-ċentru tar-riferenza maċ-ċentru tas-sors tal-illuminazzjoni.

2.7.	"Angolu tar-rotazzjoni" tfisser l-angolu li minnu t-tagħmir retro-riflettiv jibda jdur, minn pożizzjoni speċifikata, fuq l-assi tar-riferenza tiegħu.

2.8.	"Dijametru angolari tat-tagħmir retro-riflettiv" tfisser l-angolu li hu faċċata tal-akbar medda tal-wiċċ viżibbli li jitfa' d-dawl, jew fiċ-ċentru tas-sors tal-illuminazzjoni jew fiċ-ċentru tar-riċevitur.

2.9.	"Illuminazzjoni tat-tagħmir retro-riflettiv" hija l-frażi mqassra li normalment tintuża biex tfisser l-illuminazzjoni mkejla fuq pjan li huwa perpendikolari għar-raġġi li jaqgħu fuqu u li jgħaddu miċ-ċentru tar-riferenza.

2.10.

"Koeffiċjent tal-intensità luminuża (KIL)" tfisser il-kwozjent tal-intensità luminuża riflessa f'direzzjoni speċifikata, diviż mill-illuminazzjoni tat-tagħmir retro-riflettiv ta' angoli speċifikati tal-illuminazzjoni, tad-diverġenza u tar-rotazzjoni.

2.11.

Is-simboli u l-unitajiet użati f'dan ir-Regolament huma mogħtija fl-Anness 1 ta' dan ir-Regolament.

2.12.

Tip ta' "tagħmir retro-riflettiv" huwa definit mill-mudelli u l-letteratura deskrittiva sottomessa mal-applikazzjoni għall-approvazzjoni. Tipi diversi ta' tagħmir retro-riflettiv jistgħu jkunu kkunsidrati tal-istess tip jekk ikun fihom "unità ottika waħda, jew iżjed, retro-riflettivi" li jixbħu eżatt lil dawk tal-mudell standard, jew, jekk ma jkunux l-istess eżatt, ikunu simettriċi u addattati biex ikunu mmuntati wieħed għall-lemin u l-ieħor għax-xellug tal-vettura, u jekk il-partijiet l-oħra tagħhom ivarjaw biss minn dawk tal-mudell standard b'modi li ma jaffettwawx il-proprjetajiet li għalihom japplika dan ir-Regolament.

2.13.

It-tipi ta' tagħmir retro-riflettiv huma maqsumin fi tliet klassijiet skont il-karatteristiċi fotometriċi tagħhom: Il-Klassi IA jew IB, il-Klassi IIIA jew IIIB u l-Klassi IVA.

2.14.

It-tagħmir retro-riflettiv tal-Klassijiet IB u IIIB hu magħmul minn apparat li jkun ikkombinat ma' fanali oħra tas-sinjali u jiffurmaw ħaġa waħda mal-bodi tal-vettura u li mhumiex imqalfta skont l-Anness 8, paragrafu 1.1.

2.15.

"Il-kulur tad-dawl rifless mit-tagħmir" Id-definizzjonijiet tal-kulur tad-dawl li hu rifless jidhru fil-paragrafu 2.30 tar-Regolament Nru 48.

3.   APPLIKAZZJONI GĦALL-APPROVAZZJONI

3.1.

L-applikazzjoni għall-approvazzjoni għandha titressaq mill-proprjetarju tal-isem jew tal-marka kummerċjali, jew mir-rappreżentant awtorizzat tiegħu. Skont l-għażla tal-applikant tispeċifika li t-tagħmir jista' jkun mwaħħal mal-vettura b'inklinazzjonijiet diversi tal-assi ta' referenza fir-rigward tal-uċuħ ta' referenza tal-vettura u tal-art jew, fil-każ tar-retro-rifletturi tal-Klassijiet IA, IB u IVA, idur mal-assi ta' referenza tiegħu. dawn il-kundizzjonijiet diversi tal-istallazzjoni jkunu indikati fuq il-formola tal-komunikazzjoni. Din għandha tkun akkumpanjata minn: 3.1.1. tliet kopji tad-disinn iddettaljat tat-tagħmir li jippermetti l-identifikazzjoni tat-tip tiegħu u juri l-pożizzjoni(jiet) ġeometrika /ġeometriċi ta' kif se jkun imwaħħal it-tagħmir retro-riflettiv mal-vettura, u fil-każ tar-retro-rifletturi tal-klassijiet IB jew IIIB, id-dettalji tal-istallazzjoni. id-disinji jridu juru l-pożizzjoni maħsuba għan-numru tal-approvazzjoni u l-marka li tindika l-klassi tat-tagħmir f’relazzjoni għaċ-ċirku tal-marka tal-approvazzjoni. 3.1.2. deskrizzjoni fil-qosor tal-ispeċifikazzjonijiet tekniċi tal-materjali li minnhom hija magħmula l-unità ottika retro-riflettiva; 3.1.3. kampjuni tat-tagħmir retro-riflettiv ta' kulur speċifikat mill-manufattur u, fejn hu applikabbli, il-mezz li bih se jitwaħħal mal-vettura; In-numru ta' kampjuni li għandu jiġi sottomess huwa indikat fl-Anness 4 ta' dan ir-Regolament; 3.1.4. jekk hemm bżonn, żewġ kampjuni oħra ta' kuluri differenti għall-estensjoni simultanja jew sussegwenti tal-approvazzjoni għal retro-rifletturi ta' kuluri differenti; 3.1.5. Fil-każ tat-tagħmir tal-Klassi IVA: kampjuni tat-tagħmir retro-riflettiv u, fejn applikabbli, il-mezz li bih ikun jitwaħħal; in-numru tal-kampjuni li għandhom jiġu sottomessi huwa indikat fl-Anness 14 ta' dan ir-Regolament;

4.   IS-SINJALI

4.1.

Kull tagħmir retro-riflettiv li jitressaq għall-approvazzjoni għandu juri: 4.1.1. l-isem kummerċjali jew il-marka kummerċjali tal-applikant; 4.1.2. Il-kelma "TOP" imnaqqxa orizzontalment fuq l-ogħla parti tal-wiċċ li jitfa' d-dawl, jekk din hemm bżonnha biex ikun ċar liema hu(ma) l-angolu jew l-angoli tar-rotazzjoni preskritt(i) mill-manifattur.

4.2.

Fuq kull tagħmir irid ikun hemm spazju biżżejjed fejn jitpoġġa s-sinjal tal-approvazzjoni. Dan l-ispazju għandu jkun jidher fid-disinji msemmijin fil paragrafu 3.1.1 ta' hawn fuq

4.3.

Is-sinjali għandhom jitpoġġew fuq il-wiċċ li jitfa' d-dawl, jew fuq wieħed mill-uċuħ li jitfgħu d-dawl tat-tagħmir retro-riflettiv u jridu jkunu jidhru minn-naħa ta' barra meta t-tagħmir ikun imwaħħal mal-vettura.

4.4.

Dawn il-marki jridu jkunu li ma jitħassrux u miktubin b’mod ċar li jistgħu jinqraw faċilment.

5.   APPROVAZZJONI

5.1.

Tingħata l-approvazzjoni jekk il-kampjuni kollha li jitressqu jissodisfaw il-kundizzjonijiet ta' dan ir-Regolament.

5.2.

Jekk l-approvazzjoni mogħtija għal xi tagħmir retro-riflettiv tkun estiża għal tagħmir ieħor bħalu eżatt ħlief fil-kulur, iż-żewġ kampjuni ta' kwalunkwe kulur differenti, li jkunu tressqu b'konformità mal-paragrafu 3.1.4 ta' dan ir-Regolament, jeħtieġ biss li jissodisfaw l-ispeċifkazzjonijiet kolorimetriċi, u ma jkunx hemm bżonn tat-testijiet l-oħra. Il-paragrafu 5.2 mhuwiex applikabbli għat-tagħmir tal-Klassi IVA.

5.3.

Jingħata numru tal-approvazzjoni għal kull tip approvat. L-ewwel żewġ numri (fil-preżent 02, li jikkorrispondu għas-serje ta’ emendi 02 li daħlet fis-seħħ fl-1 ta’ Lulju 1985) għandhom jindikaw is-serje ta’ emendi li jinkorporaw l-aktar emendi tekniċi ewlenija reċenti li saru għar-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lil xi tip ieħor ta' tagħmir retro-riflettiv li hu kopert f'dan ir-Regolament ħlief fil-każ ta' estenzjoni tal-approvazzjoni għal tagħmir li jvarja biss fil-kulur.

5.4.

In-notifika dwar l-approvazzjoni jew l-estensjoni jew iċ-ċaħda tal-approvazzjoni ta’ xi tip ta’ tagħmir retro-riflettiv skont dan ir-Regolament għandha tintbagħat lill-Partijiet tal-Ftehim li japplikaw dan ir-Regolament, permezz ta’ formola li tikkonforma mal-mudell fl-Anness 2 ta’ dan ir-Regolament.

5.5.

Ma' kull tagħmir retro-riflettiv li hu konformi ma' tip approvat skont dan ir-regolament, fl-ispazju msemmi fil-paragrafu 4.2 ta' hawn fuq, għandha tkun imwaħħla, barra mis-sinjali preskritti fil-paragrafu 4.1: 5.5.1. marka tal-approvazzjoni internazzjonali li tikkonsisti minn: 5.5.1.1. ċirku madwar l-ittra "E" segwit min-numru li jiddistingwi lill-pajjiż li ta l-approvazzjoni; (4) 5.5.1.2. numru tal-approvazzjoni; 5.5.1.3. grupp ta' marki IA, IB, IIIA, IIIB jew IVA li juru l-klassi tat-tagħmir retro-riflettiv approvat.

5.6.

Fil-każ ta' unitajiet tad-dawl magħmulin minn żewġ fanali jew iżjed raggruppati, kkombinati jew reċiprokament inkorporati (inkluż jekk hemm fosthom retro-riflettur), l-approvazzjoni tkun mogħtija biss jekk kull wieħed minn dawn il-fanali jissodisfa r-rekwiżiti ta' dan ir-Regolament jew xi Regolament ieħor. Fanali li ma jissodisfawx xi wieħed minn dawk ir-Regolamenti ma jistgħux jagħmlu parti minn ebda unità ta' komponenti li jittrasmettu d-dawl tal-fanali raggruppati, kkombinati jew reċiprokament inkorporati. 5.6.1. Fil-każ ta' komponenti li jittrasmettu d-dawl tal-fanali raggruppati, ikkombinati jew reċiprokament inkorporati u li ssodisfaw ir-rekwiżiti ta' numru ta' Regolamenti, jistgħu jkunu mmarkati b'sinjal wieħed tal-approvazzjoni, dan jieħu forma ta' ċirku bl-ittra "E" fin-nofs tiegħu u n-numru distintiv tal-pajjiż li ta l-approvazzjoni, in-numru tal-approvazzjoni u, fejn japplika, il-vleġġa obbligatorja. Din il-marka tal-approvazzjoni tista' titpoġġa jkun fejn ikun fuq il-grupp jew il-kombinazzjoni jew l-inkorporazzjoni reċiproka ta' fanali bil-kundizzjoni li: 5.6.1.1. Tkun għadha tidher anki wara li jkunu mmuntati fuq il-vettura; 5.6.1.2. l-ebda komponenti li jittrasmettu d-dawl tal-fanali raggruppati, ikkombinati jew reċiprokament inkorporati ma jistgħu jitneħħew mingħajr ma titneħħa simultanjament il-marka tal-approvazzjoni. 5.6.2. Kull fanal ikun immarkat bis-sinjal ta' identifikazzjoni allokat għal kull Regolament, u bis sinjal(i) tas-serje ta' emendi li jinkorporaw l-iżjed emendi tekniċi tiegħu ġodda, li huma prinċipali fid-data ta' meta tkun mogħtija l-approvazzjoni; 5.6.2.1. Jew fuq il-wiċċ proprju li jittrasmetti d-dawl; 5.6.2.2. Jew fi grupp, b’tali mod li kull wieħed mill-fanali raggruppati, kkombinati jew reċiprokament inkorporati jkunu jistgħu jiġu identifikati faċilment (ara l-possibiltajiet fl-eżempji fl-Anness 3). 5.6.3. Id-daqs tal-komponenti ta' sinjal waħdani ma jkunux iżgħar mid-daqs minimu għall-iżgħar sinjal waħdani obbligatorju skont ir-Regolament li taħtu saret l-approvazzjoni. 5.6.4. Jingħata numru tal-approvazzjoni għal kull tip approvat. L-istess Parti Kontraenti ma tistax talloka l-istess numru lil tipi differenti ta' fanali raggruppati, ikkombinati jew reċiprokament inkorporati li jkunu koperti minn dan ir-Regolament.

5.7.

Il-marka tal-approvazzjoni trid tkun miktuba b'mod li tintgħaraf faċilment u li ma tistax titħassar.

5.8.

L-Anness 3 ta' dan ir-Regolament jagħti eżempji tal-arranġamenti tal-marki tal-approvazzjoni għal fanal waħdani (figura 1) u għall-fanali raggruppati, ikkombinati jew reċiprokament inkorporati (figura 2) bis-sinjali addizzjonali kollha msemmijin hawn fuq.

6.   SPEĊIFIKAZZJONIJIET ĠENERALI

6.1.

It-tagħmir retro-riflettiv irid ikun magħmul b'tali mod li jaħdem tajjeb u jibqa' jaħdem tajjeb fl-użu ta' kuljum. B'żieda għal dan, ma għandu jkollu l-ebda difett fid-disinn jew fil-manifattura li huwa ta' detriment kemm għall-operazzjoni effiċjenti tiegħu kif ukoll għall-possibiltà li jinżamm f'kundizzjoni tajba.

6.2.

Il-komponenti tar-retro-rifletturi ma għandhomx jiżżarmaw faċilment.

6.3.

L-unitajiet ottiċi retro-riflettivi ma jistgħux jinbidlu.

6.4.

Il-wiċċ ta' barra tat-tagħmir retro-riflettiv irid jkun faċli biex tnaddfu. Għalhekk, il-wiċċ irid ikun lixx; jekk ikun fih xi partijiet imqabbżin 'il barra, dawn ma għandhomx ikunu ta' xkiel għat-tindif.

6.5.

It-tagħmir tal-Klassi IVA, irid jitwaħħal mal-vettura b'tali mod li jkun sod u jiflaħ għall-istrapazz.

6.6.

Fl-użu normali ta' kuljum ma għandux ikun hemm aċċess għall-wiċċ ta' ġewwa tar-retro-rifletturi.

7.   SPEĊIFIKAZZJONIJIET SPEĊJALI (TESTIJIET)

7.1.

It-tagħmir retro-riflettiv għandu jissodisfa wkoll ir-rekwiżiti dwar id-dimensjoni u l-forma, u dawk kollha kolorimetriċi, fotometriċi, fiżiċi u mekkaniċi msemmijja fl-Annessi 5 sa 11 u 13 ta' dan ir-Regolament. Il-proċeduri tat-testijiet huma deskritti fl-Anness 4 (Klassijiet IA u IIIA), fl-Anness 14 (Klassi IVA) u fl-Anness 16 (Klassijiet IB u IIIB).

7.2.

Skont in-natura tal-materjali li minnhom hu magħmul it-tagħmir retro-riflettiv u, b'mod partikolari, l-unitajiet ottiċi tiegħu, l-awtoritajiet kompetenti jistgħu jawtorizzaw lil-laboratorji sabiex ma jagħmlux ċerti testijiet li m'humiex meħtieġa, suġġett għar-riserva espressa li din l-omissjoni għandha tissemma taħt "Rimarki" fuq il-formola li tinnotifika l-approvazzjoni.

8.   KONFORMITA’ TAL-PRODUZZJONI

Il-proċeduri tal-konformità tal-produzzjoni għandhom jikkonformaw ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:

8.1.	Ir-retro-rifletturi approvati skont dan ir-Regolament għandhom ikunu manifatturati b'tali mod li jkunu konformi mat-tip approvat billi jintlaħqu r-rekwiżiti stabbiliti fil-paragrafi 6 u 7 ta' hawn fuq.

8.2.	Għandu jkun hemm konformità mar-rekwiżiti minimi għall-konformità tal-proċeduri tal-kontroll tal-produzzjoni stabbiliti fl-Anness 17 ta' dan ir-Regolament.

8.3.	Għandu jkun hemm konformità mar-rekwiżiti minimi stabbiliti fl-Anness 18 ta' dan ir-Regolament, għall-prova tal-kontrollur.

8.4.	L-awtorità li tkun tat l-approvazzjoni tat-tip tista' fi kwalunkwe ħin tivverifika l-metodi tal-kontroll tal-konformità applikati f'kull stabbiliment ta' produzzjoni. Il-frekwenza normali ta' dawn il-verifiki għandha tkun ta' darba kull sentejn.

9.   IL-PENALI GĦAN-NUQQAS TA' KONFORMITÀ TAL-PRODUZZJONI

9.1.

L-approvazzjoni mogħtija għal ċertu tip ta' tagħmir retro-riflettiv tista' tiġi rtirata jekk ma jkunx hemm konformità mar-rekwiżiti jew jekk it-tagħmir li jkun fih il-marka tal-approvazzjoni ma jikkonformax mat-tip li jkun approvat.

9.2.

Jekk Parti Kontraenti għall-Ftehim li qed tapplika dan ir-Regolament tirtira l-approvazzjoni li kienet tat qabel, għandha minnufih tavża b'dan lill-Partijiet Kontraenti l-oħra li qed japplikaw dan ir-Regolament permezz ta' formola ta' komunikazzjoni konformi mal-mudell fl-Anness 2 ta' dan ir-Regolament.

10.   IL-PRODUZZJONI MWAQQFA GĦAL KOLLOX

Jekk id-detentur tal-approvazzjoni jwaqqaf għal kollox il-fabbrikazzjoni ta’ tip ta’ tagħmir retro-riflettiv approvat skont dan ir-Regolament, għandu jgħarraf b’dan lill-awtorità li tat l-approvazzjoni. Malli tirċievi l-komunikazzjoni rilevanti, dik l-awtorità għandha tavża b’dan lill-Partijiet l-oħra tal-Ftehim tal-1958 li japplikaw dan ir-Regolament, permezz ta' formola ta’ komunikazzjoni li tkun konformi mal-mudell fl-Anness 2 ta’ dan ir-Regolament.

11.   L-ISMIJIET U L-INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet Kontraenti għall-Ftehim li japplikaw dan ir-Regolament għandhom jgħaddu lis-segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet tal-approvazzjoni, u tad-dipartimenti amminstrattivi li jagħtu l-approvazzjoni, u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni, maħruġa f’pajjiżi oħra.

12.   DISPOŻIZZJONIJIET TRANSIZZJONALI

Il-Partijiet Kontraenti li japplikaw dan ir-Regolament:

12.1.

Jibqgħu jirrikonoxxu l-approvazzjonijiet maħruġin għall-Klassijiet I, II u III ta' qabel fejn jikkonċerna l-montaġġ ta' tagħmir retro-riflettiv li hu intenzjonat biex jitwaħħal flok ieħor fuq vetturi li qegħdin diġà jintużaw.

12.2.

Jistgħu joħorġu l-approvazzjonijiet għall-Klassijiet I u II abbażi tar-Regolament oriġinali (id-dokument E/ECE/324-E/ECE/TRANS/505/Add.2 tat-23 ta' Settembru 1964) bil-kundizzjoni li t-tagħmir ikun intenzjonat biex jitwaħħal fuq vetturi li qegħdin jintużaw diġà u mhuwiex teknikament possibbli li dan it-tagħmir jissodisfa r-rekwiżiti fotometriċi għall-Klassi IA.

12.3.

Jistgħu jipprojbixxu l-muntaġġ ta' tagħmir retro-riflettiv li ma jissodisfax ir-rekwiżiti ta' dan ir-Regolament: 12.3.1. fuq vetturi li ġew approvati, jew bħala tip jew individwalment fl-20 ta' Marzu 1984 jew wara. 12.3.2. fuq vetturi li bdew jintużaw fl-20 ta' Marzu 1985 jew wara.

---

(1)  Magħrufin ukoll bħala "retro-rifletturi".

(2)  Kif definit fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (dokument TRANS/WP.29/78/Rev.1/Amend.2 kif emendat l-aħħar mill-Emenda 4).

(3)  Id-definizzjonijiet tat-termini tekniċi (minbarra dawk fir-Regolament Nru 48) huma dawk addottati mill-Kummissjoni Internazzjonali dwar l-Illuminazzjoni (KII).

(4)  1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15(vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għall-ex-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonaijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għan-New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta) u 56 għall-Montenegro. Numri sussegwenti għandhom jingħataw lill-pajjiżi oħra fl-ordni kronoloġika li biha jirratifikaw jew jissieħbu fil-Ftehim li Jikkonċerna l-Adozzjoni tal-Preskrizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi Bir-Roti u l-Kundizzjonijiet għall-Għarfien Reċiproku ta’ Approvazzjonijiet Mogħtija Abbażi ta’ dawn il-Preskrizzjonijiet, u n-numri hekk mogħtija għandhom ikunu ikkomunikati mis-Segretarju Ġenerali tan-Nazzjonijiet Uniti lill-Partijiet Kontraenti fil-Ftehim.

---

---

---

---

---

---

---

---

---

---

---

---

---

---

---

---

---

---

---

6.12.2011

MT

Il-Ġurnal Uffiċjali tal-Unjoni Ewropea

L 323/33

---

It-testi oriġinali tan-NU/KEE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus UN/ECE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Ir-Regolament Nru 28 tal-Kummissjoni Ekonomika għall-Ewropa tan-Nazzjonijiet Uniti (NU/KEE) — Dispożizzjonijiet uniformi dwar l-approvazzjoni ta’ apparati li jagħtu twissija li tinstema’ u l-approvazzjoni ta’ vetturi bil-magna fir-rigward tas-sinjali tagħhom li jinstemgħu

Tinkorpora t-test validu kollu sa:

Is-suppliment 3 għall-verżjoni oriġinali tar-Regolament – Id-data tad-dħul fis-seħħ: it-28 ta' Diċembru 2000

WERREJ

REGOLAMENT

1.

Il-Kamp ta’ applikazzjoni

I.   APPARATI TA’ TWISSIJA LI TINSTEMA’

2.

Id-Definizzjonijiet

3.

L-applikazzjoni għall-approvazzjoni

4.

Il-marki

5.

L-approvazzjoni

6.

L-ispeċifikazzjonijiet

7.

Modifika tat-tip tal-apparat ta’ twissija li tinstema’ u estenzjoni tal-approvazzjoni

8.

Il-konformità tal-produzzjoni

9.

Pieni għan-nuqqas ta’ konformità tal-produzzjoni

10.

Il-produzzjoni mwaqqfa

II.   SINJALI LI JINSTEMGĦU TA’ VETTURI BIL-MAGNA

11.

Id-Definizzjonijiet

12.

L-applikazzjoni għall-approvazzjoni

13.

L-approvazzjoni

14.

L-ispeċifikazzjonijiet

15.

Il-modifiki tat-tip tal-vettura u l-estenzjoni għall-approvazzjoni

16.

Il-konformità tal-produzzjoni

17.

Pieni għan-nuqqas ta’ konformità tal-produzzjoni

18.

L-ismijiet u l-indirizzi tas-servizzi tekniċi li jwettqu t-testijiet tal-approvazzjoni, u tad-dipartimenti amministrattivi

ANNESSI

Anness 1 -

Komunikazzjoni dwar l-approvazzjoni (jew iċ-ċaħda jew l-irtirar ta’ approvazzjoni jew il-waqfien definittiv tal-produzzjoni jew l-estensjoni tal-approvazzjoni) ta’ tip ta’ apparat ta’ twissija li tinstema’ għal vetturi bil-magna skont ir-Regolament Nru 28

Anness 2 -

Komunikazzjoni dwar l-approvazzjoni (jew iċ-ċaħda jew l-irtirar ta’ approvazzjoni jew il-waqfien definittiv tal-produzzjoni jew l-estensjoni tal-approvazzjoni) ta’ tip ta’ vettura fir-rigward tas-sinjali tagħha li jinstemgħu skont ir-Regolament Nru 28.

Anness 3 -

I. Il-format tal-marka ta’ approvazzjoni tal-apparat ta’ twissija li tinstema’ II. Il-format tal-marka ta’ approvazzjoni ta’ vettura fir-rigward tas-sinjali tagħha li jinstemgħu

1.   IL-KAMP TA' APPLIKAZZJONI

Dan ir-Regolament japplika għal:

1.1.	apparati ta’ twissija li tinstema’(AWD) (1)/, fornuti b’kurrent dirett jew kurrent li jalterna jew arja kompressata, li huma maħsubin biex ikunu mmuntati fuq vetturi bil-magna tal-kategoriji L3 sa 5, M u N, esklużi l-mopeds (kategoriji L1 u L2) (2)/

1.2.	is-sinjali tal-vetturi bil-magna li jinstemgħu (3) li qegħdin elenkati f' 1.1.

I.   APPARATI TA’ TWISSIJA LI TINSTEMA’

2.   DEFINIZZJONIJIET

Għall-finijiet ta’ dan ir-Regolament, apparati ta’ twissija li tinstema’(AWD) ta’ "tipi" differenti għandhom jinftiehmu li jffissru apparati li jkunu essenzjalment differenti wieħed mill-ieħor fejn għandhom x’jaqsmu aspetti bħal:

2.1.	l-isem jew il-marka kummerċjali;

2.2.	il-prinċipji tat-tħaddim;

2.3	it-tip tal-provvista tal-elettriku (kurrent dirett jew li jalterna);

2.4.	il-forma ta’ barra tal-qafas;

2.5.	l-għamla u d-dimensjonijiet tad-dijaframma/i;

2.6.	l-għamla jew it-tip ta’ apparati li joħorġu l-ħoss;

2.7.	stima tal-frekwenza jew frekwenzi tal-ħoss;

2.8.	stima tal-forniment ta’ vultaġġ;

2.9.	għal apparati fornuti direttament minn sors estern ta’ arja kompressata, stima tal-pressjoni tat-tħaddim.

2.10.

L-AWD huwa maħsub l-aktar għal: 2.10.1. motoċikletti ta’ potenza anqas minn jew daqs 7 kW (klassi I). 2.10.2. vetturi tal-kategoriji M u N u motoċikletti ta’ potenza akbar minn 7 kW (klassi II).

3.   L-APPLIKAZZJONI GĦAL APPROVAZZJONI

3.1.   L-applikazzjoni għall-approvazzjoni ta’ tip ta’ apparat ta’ twissija li tinstema’ għandha tiġi mressqa mill-propjetarju tal-isem jew tal-marka kummerċjali jew mir-rappreżentant awtorizzat tiegħu.

3.2.   Din għandu jkollha magħha tliet kopji tad-dokumenti li ġejjin li jagħtu d-dettalji li ġejjin:

3.2.1.

deskrizzjoni tat-tip ta’ apparat ta’ twissija li tinstema’, b’attenzjoni partikulari għall-punti msemmija fil-paragrafu 2;

3.2.2.

disinn li juri, inter alia, il-wiċċ maqtugħ fuq angolu rett tal-apparat ta’ twissija;

3.2.3.

lista tal-komponenti li jkunu ntużaw fil-manifattura, li jkunu identifikati, kif xieraq, b’indikazzjoni tal-materjal li jkun intuża;

3.2.4.

disinni dettaljati tal-komponenti kollha wżati fil-manifattura. Id-disinni għandhom juru l-post ipprovdut għan-numru tal-approvazzjoni b’relazzjoni għaċ-ċirku tal-marka tal-approvazzjoni.

3.3.   Barra minn hekk, l-applikazzjoni għall-approvazzjoni għandha tkun akkumpanjata b’żewġ kampjuni tat-tip tal-apparat ta’ twissija.

3.4.   L-awtorità kompetenti għandha tivverifika l-eżistenza ta’ arranġamenti sodisfaċenti li jiżguraw il-kontroll effettiv tal-konformità tal-produzzjoni qabel ma tingħata l-approvazzjoni għat-tip.

4.   IL-MARKI

4.1.   Il-kampjuni tal-apparati ta’ twissija li tinstema’ li jiġu mressqa għall-approvazzjoni, għandu jkollhom fuqhom l-isem jew il-marka kummerċjali tal-manifattur; din il-marka trid tkun tista’ tinqara b’mod ċar u tkun magħmula b'mod li ma titħassarx.

4.2.   Kull kampjun għandu jkollu spazju ta’ daqs kbir biżżejjed biex titpoġġa l-marka tal-approvazzjoni; dan l-ispazju jrid ikun indikat fid-disinn imsemmi fil-paragrafu 3.2.2.

5.   L-APPROVAZZJONI

5.1.   Jekk il-kampjuni mressqa għall-approvazzjoni jkunu skont id-dispożizzjonijiet tal-paragrafi 6. u 7. ta’ hawn taħt, għandha tingħata l-approvazzjoni għal dan it-tip ta’ apparat ta’ twissija.

5.2.   Għandu jingħata numru tal-approvazzjoni lil kull tip approvat. L-ewwel żewġ figuri tiegħu (bħalissa 00 għar-Regolament fil-forma oriġinali tiegħu) għandhom jindikaw is-serje ta’ emendi li jinkludu l-aktar emendi tekniċi reċenti magħmulin lir-Regolament fil-mument tal-ħruġ tal-approvazzjoni. L-istess Parti Kontraenti ma tistax tassenja dan in-numru lil tip ieħor ta’ apparat ta’ twissija li tinstema’.

5.3.   L-istess numru ta’ approvazzjoni jista’ jiġi assenjat lil tipi ta’ apparat ta’ twissija li jvarjaw biss fir-rigward tal-vultaġġ u l-frekwenza jew frekwenzi stmati, jew, għall-apparati msemmija fil-paragrafu 2.8 ta’ hawn fuq, fir-rigward tal-istima tal-pressjoni waqt it-tħaddim.

5.4.   Avviż dwar l-approvazzjoni jew iċ-ċaħda jew l-estensjoni jew l-irtirar ta’ approvazzjoni jew il-waqfien definittiv tal-produzzjoni ta’ tip ta’ apparat ta’ twissija li tinstema’ skont dan ir-Regolament għandu jiġi kkomunikat lill-Partijiet tal-Ftehim li japplikaw dan ir-Regolament permezz ta’ formola li taqbel mal-mudell li jidher fl-Anness 1 ta’ dan ir-Regolament, u permezz ta’ disinni tal-apparat ta’ twissija li tinstema’ (fornuti mill-applikant għall-approvazzjoni) b’format massimu ta’ A.4 (210 x 297 mm) jew inkella bil-karta mitwija biex ikollha dan il-format, bil-proporzjon ta’ 1:1.

5.5.   Fuq kull apparat ta’ twissija li tinstema’ li jkun konformi ma’ tip li jkun approvat taħt dan ir-Regolament, għandha titwaħħal b’mod evidenti, f’post prominenti u aċċessibbli kif indikat fuq il-formola tal-approvazzjoni, marka ta’ approvazzjoni internazzjonali li tkun tinkludi:

5.5.1.

ċirku li jkun fih l-ittra "E" segwita bin-numru li jiddistingwi l-pajjiż li jkun qed jagħti l-approvazzjoni; (4)

5.5.2.

numru ta' approvazzjoni.

5.5.3.

simbolu addizzjonali f’forma ta’ figura b’numri Rumani, li juri għal liema klassi jappartjieni l-AWD.

5.6.   Il-marka ta’ approvazzjoni u s-simbolu addizzjonali jridu jkunu jidhru ċari u magħmulin b'mod li ma jkunux jistgħu jitħassru.

5.7.   L-Anness 3, Taqsima 1 ta’ dan ir-Regolament jagħti eżempju tal-format tal-marka tal-approvazzjoni.

6.   L-ISPEĊIFIKAZZJONIJIET

6.1.   L-ispeċifikazzjonijiet ġenerali

6.1.1.

L-apparat ta’ twissija li tinstema’ għandu jagħmel ħoss kontinwu u kostanti; l-ispettru akustiku tiegħu m’għandux ivarja ħafna waqt li jkun qed jiġi mħaddem. Fir-rigward tal-apparati ta’ twissija fornuti b’kurrent li jalterna, dan ir-rekwiżit għandu japplika biss għall-veloċità kostanti tal-ġeneratur, fil-medda speċifikata fil-paragrafu 6.2.3.2.

6.1.2.

L-apparat ta’ twissija għandu jkollu karatteristiċi akustiċi (tqassim spettrali tal-enerġija akustika, livell tal-pressjoni tal-ħoss) u karatteristiċi mekkaniċi biex jgħaddi mit-testijiet li ġejjin, fl-ordni indikata.

6.2   Kejl tal-karatteristiċi tal-ħoss

6.2.1.

Jekk jista’ jkun, l-apparat ta’ twissija għandu jiġi eżaminat f’ambjent li ma jidwix. Alternattivament, jista’ jiġi eżaminat f’kamra li tkun kważi mingħajr ebda eku jew fl-apert (5)/. F’dan il-każ, għandhom jittieħdu l-prekawzjonijiet biex jiġu evitati r-riflessi mill-art fiż-żona fejn ikun qed isir il-kejl (ngħidu aħna billi jittellgħu numru ta’ lqugħ li jassorbu). Għandha tiġi vverifikata l-konformità mad-diverġenza sferika sa limitu ta’ 1 dB f’emisfera ta’ raġġ ta’ mhux inqas minn 5 m, sa l-ogħla frekwenza li tkun ser tiġi mkejla, b’mod speċjali fid-direzzjoni tal-kejl u mit-tul tal-apparat u l-mikrofonu. Il-livell tal-ħoss ambjentali għandu jkun mill-inqas ta’ 10 dB taħt il-livell tal-pressjoni tal-ħoss li jkun irid jiġi mkejjel. L-apparat li jrid jiġi eżaminat u l-mikrofonu għandhom jitqegħdu fl-istess għoli. Dan l-għoli għandu jkun ta' bejn il-1.15 u l-1.25 m. Il-linja tas-sensittività massima tal-mikrofonu għandha tikkoinċidi mad-direzzjoni li fiha l-livell tal-ħoss tal-apparat ikun fl-ogħla livell tiegħu. Il-mikrofonu għandu jitqiegħed b'mod li d-dijaframma tiegħu tkun f’distanza ta’ 2 ± 0.01 mill-pjan tal-iżbokk għall-ħoss tal-apparat. F’każ ta’ apparati li jkollhom għadd ta' żbokki għall-ħoss, id-distanza għandha tiġi stabbilita b’relazzjoni mal-pjan tal-iżbokk li jkun l-eqreb lejn il-mikrofonu.

6.2.2.

Il-kejl tal-livelli tal-pressjoni tal-ħoss irid jittieħed permezz ta’ arloġġ tal-kejl li fil-livell ta’ ħoss ikollu preċiżjoni tal-ewwel klassi u li jkun jissodisfa r-rekwiżiti tal-Pubblikazzjoni IEC Nru 651, l-ewwel edizzjoni (1979). Il-kejl kollu għandu jsir bl-użu tal-ħin kostanti “F”. Il-kejl tal-livell totali tal-pressjoni tal-ħoss irid jittieħed bl-użu tal-kurva differenzjata A. L-ispettru tal-ħoss li joħroġ irid jitkejjel skont il Fourier transform tas-sinjal akustiku. Alternattivament, jistgħu jintużaw filtri tat-tielet ottava li jissodisfaw ir-rekwiżiti stabbiliti fil-Pubblikazzjoni IEC Nru 225, l-ewwel edizzjoni (1996): f’dan il-każ, il-livell tal-pressjoni tal-ħoss fil-frekwenza tal-medda ċentrali ta’ 2 500 Hz għandu jkun stabbilit billi jiżdiedu l-intermedjarji kwadratiċi tal-pressjonijiet tal-ħoss fil-meded tat-tielet ottava ta’ frekwenzi ċentrali ta’ 2 000, 2 500 u 3 150 Hz. Fil-każijiet kollha, il-metodu Fourier transform biss jista’ jkun ikkunsidrat li hu l-metodu ta’ referenza.

6.2.3.

L-AWD għandu jkun fornut, kif xieraq, bil-kurrent ta’ wieħed mill-vultaġġi ta’ prova: 6.2.3.1. fil-każ tal-AWDs fornuti b’kurrent dirett, b’vultaġġ li jiġi mkejjel fil-punt terminali tas-sors tal-enerġija elettrika ta’ 13/12 tal-vultaġġ stmat. 6.2.3.2. fil-każ ta’ AWDs fornuti b’kurrent li jalterna, il-kurrent għandu jkun fornut permezz ta’ ġeneratur tal-elettriku tat-tip ġeneralment użat ma’ dan it-tip ta’ AWD. Il-karatteristiċi akustiċi tal-AWD għandhom jiġu rreġistrati f’veloċitajiet ta’ ġeneratur elettriku li jikkorrispondu għal 50 %, 75 % u 100 % tal-veloċità massima mogħtija mill-manifattur tal-ġeneratur għall-operazzjoni kontinwa. Il-ġeneratur elettriku m’għandux ikun mgħobbi b'ebda piż (load) elettriku ieħor matul it-test. It-test tar-reżistenza deskritt fil-paragrafu 6.3 għandu jsir b’veloċità li tkun indikata mill-manifattur tat-tagħmir u magħżula mis-sensiela msemmija hawn fuq.

6.2.4.

Jekk sors kurrenti rrettifikat jintuża għat-test ta’ AWD fornit b’kurrrent dirett, il-komponent tal-vultaġġ li jalterna mkejjel fil-punti terminali tiegħu, meta l-apparati ta’ twissija jkunu qed jitħaddmu, m’għandux ikun iktar minn 0.1 volts, imkejjel minn punt tal-ogħla intensità għall-ieħor.

6.2.5.

Għall-AWDs fornuti b’kurrent dirett, ir-reżistenza tal-kondutturi ta’ konnessjoni, imfissra f’ohms, inklużi r-reżistenzi tat-terminali u l-kuntatti, għandha tkun qrib kemm jista’ jkun għal (0,10/12) x il-vultaġġ stmat f’volts.

6.2.6.

L-apparat ta' twissija għandu jkun immuntat b'mod sod, permezz ta' apparat indikat mill-manifattur, fuq rifda li l-massa tagħha tkun mill-inqas ta' għaxar darbiet dik tal-apparat ta' twissija li qed jiġi ttestjat u ta' mhux inqas minn 30 kg. Barra minn hekk, għandu jkun żgurat li jekk ikun hemm xi riflessjonijiet mil-ġnub tar-rifda, u xi vibrazzjonijiet, dawn ma jkollhomx effett apprezzabbli fuq ir-riżultati tal-kejl.

6.2.7.

Skont il-kundizzjonijiet stipulati hawn fuq, il-pressjoni tal-ħoss mgħobbija skont il-kurva A m'għandhomx ikunu iżjed mill-valuri li jidhru hawn taħt: (a) 115 dB(A) għall-AWDs maħsubin prinċipalment għall-motoċikletti li jtellgħu potenza ta’ inqas jew daqs 7 kW; (b) 118 dB(A) għall-AWDs maħsubin prinċipalment għall-vetturi tal-kategoriji M u N, u għall-motoċikletti b'saħħa ta' iżjed minn 7 kW.

6.2.7.1

Barra minn hekk, il-livell tal-pressjoni tal-ħoss fil-medda ta’ frekwenza ta’ 1 800 sa 3 550 Hz għandha tkun akbar minn dik ta’ kull komponent ta’ frekwenza ’l fuq minn 3 550 Hz u fi kwalunkwe każ daqs jew akbar minn: (a) 95 dB(A) għall-AWDs maħsubin prinċipalment għall-motoċikletti li jtellgħu potenza ta’ inqas jew daqs 7 kW; (b) 105 dB(A) għall-AWDs li huma prinċipalment maħsubin għall-vetturi ta’ kategoriji M u N, u motoċikletti li jtellgħu potenza ta’ aktar minn 7 kW.

6.2.7.2

Dawk l-AWDs li jissodisfaw il-karatteristiċi tal-ħoss imsemmija f’(b) jistgħu jintużaw fuq il-vetturi msemmija f’(a).

6.2.8.

L-ispeċifikazzjonijiet indikati hawn fuq għandhom ukoll jiġu ssodisfatti permezz ta’ apparat li jkun suġġett għat-test ta’ reżistenza msemmi fil-paragrafu 6.3 ta’ hawn taħt, bil-vultaġġ tal-provvista li jkun ivarja bejn il-115 % u l-95 % tal-istima tal-vultaġġ tiegħu għall-AWDs forniti b’kurrent dirett, jew, għall-AWDs forniti b’kurrent li jalterna, bejn il-50 % u l-100 % tal-veloċità massima tal-ġeneratur indikat mill-manifattur għal tħaddim kontinwu.

6.2.9.

L-intervall bejn il-mument meta l-apparat jitqabbad u l-mument meta l-ħoss jilħaq il-valur minimu stipulat fil-paragrafu 6.2.7. ta’ hawn fuq, m’għandux jaqbeż iż-0,2 ta’ sekonda mkejla f’temperatura ambjentali ta’ 20 + 5 C. Din id-dispożizzjoni hija applikabbli, inter alia, għall-apparati ta' twissija pnewmatiċi jew elettropnewmatiċi.

6.2.10.

L-apparati ta’ twissija pnewmatiċi jew elettropnewmatiċi għandhom, meta jitħaddmu taħt il-kundizzjonijet tal-forniment ta’ enerġija stabbiliti għalihom mill-manifatturi, jissodisfaw l-istess rekwiżiti akustiċi li huma stipulati għall-apparati ta’ twissija li tinstema’ li jitħaddmu bl-elettriku.

6.2.11.

Fil-każ ta’ mezzi b’multipliċità ta’ toni li fihom kull unità li toħroġ il-ħoss hija kapaċi li tiffunzjona indipendentement, il-valuri speċifikati hawn fuq għandhom jinkisbu meta kull wieħed mill-unitajiet kostitwenti jiġi operat separatament. Il-valur massimu tal-livell kollu tal-ħoss m’għandux jinqabeż meta l-unitajiet kostitwenti jiġu operati flimkien.

6.3.   Test tar-reżistenza

6.3.1.

L-AWD għandu jkun fornut bil-kurrent fil-vultaġġ stmat u bir-reżistenzi tal-kondutturi ta’ konnessjoni speċifikati fil-paragrafi 6.2.3. sa 6.2.5. ta’ hawn fuq, u mħaddmin rispettivament: — 10 000 darba għall-AWDs maħsubin prinċipalment għal motoċikletti b'potenza ta’ inqas minn jew daqs 7 kW — 50 000 darba għall-AWDs maħsubin prinċipalment għall-vetturi tal-kategoriji M u N u għall-motoċikletti li jtellgħu potenza ta’ iktar minn 7 kW, għal tul ta’ sekonda kull darba u segwita b’intervall ta’ erba’ sekondi. Matul it-test, l-AWD għandu jkun espost għal kurrent tal-arja li jkollu veloċità ta’ madwar 10 m/sek.

6.3.2.

Jekk it-test isir f’kamra ta’ mingħajr eku, il-kamra għandha tkun kbira biżżejjed li tiżgura t-tixrid normali tas-sħana li toħroġ mill-apparat ta’ twissija waqt it-test.

6.3.3.

It-temperatura ambjentali fil-kamra fejn isir it-test għandha tkun bejn + 15 u + 30 °Ċ.

6.3.4.

Jekk, wara li l-AWD ikun tħaddem għal nofs in-numru tad-drabi stipulati, il-karatterisitċi tal-livell tal-ħoss ma jkunux l-istess bħal dawk ta’ qabel it-test, l-AWD jista’ jiġi aġġustat. Wara li jkun tħaddem għan-numru ta’ drabi stipulati, u, jekk ikun hemm bżonn, wara li jkunu sarulu aktar aġġustamenti, l-AWD irid jgħaddi mit-test deskritt fil-paragrafu 6.2. ta’ hawn fuq.

6.3.5.

Għall-apparati ta’ twissija tat-tip elettro-pnewmatiċi, l-apparat jista’ jiġi llubrikat biż-żejt irrikkmandat mill-manifattur wara kull 10 000 darba li jitħaddem.

7.   MODIFIKA TAT-TIP TA’ APPARAT TA’ TWISSIJA LI TINSTEMA’ U L-ESTENSJONI TAL-APPROVAZZJONI

7.1.   Kull modifika għal tip ta’ apparat ta’ twissija li tinstema’ għandha tiġi nnotifikata lid-dipartiment amministrattiv li jkun ta l-approvazzjoni tat-tip ta’ apparat ta’ twissija li tinstema’. Dan id-dipartiment imbagħad jista’:

7.1.1.

jew ikun tal-fehma li l-modifiki magħmulin x’aktarx li mhux se jħallu effett negattiv apprezzabbli;

7.1.2.

inkella jitlob rapport ġdid mingħand is-servizz tekniku responsabbli mit-testijiet.

7.2.   In-notifika tal-konferma tal-approvazzjoni, bid-dettalji tal-modifiki, jew taċ-ċaħda tal-approvazzjoni għandhom jiġu kkomunikati lill-Partijiet tal-Ftehim li japplikaw dan ir-Regolament, skont il-proċedura indikata fil-paragrafu 5.4. ta’ hawn fuq.

7.3.   L-awtorità kompetenti li toħroġ l-estensjoni tal-approvazzjoni għandha tassenja numru tas-serje lil kull formola ta’ komunikazzjoni magħmula għal din l-estensjoni.

8.   KONFORMITÀ TA’ PRODUZZJONI

Il-proċeduri tal-konformità tal-produzzjoni għandhom jikkonformaw ma’ dawk stipulati fil-Ftehim, fl-Appendiċi 2 (E/ECE/324-E/ECE/TRANS/505/Rev.2) bir-rekwiżiti li ġejjin:

8.1	AWD approvat skont dan ir-Regolament għandu jkun maħdum b’tali mod li jikkonforma mat-tip approvat billi jissodisfa r-rekwiżiti stipulati fil-paragrafu 6 ta’ hawn fuq.

8.2.	L-awtorità li tkun tat l-approvazzjoni tat-tip tista’ f’kull ħin tivverifika l-metodi tal-kontroll għall-konformità li jkunu ntużaw f’kull faċilità ta’ produzzjoni. Il-frekwenza normali ta' dawn il-verifiki għandha tkun ta' darba kull sentejn.

9.   SANZJONIJIET GĦAL NUQQAS TA’ KONFORMITÀ TAL-PRODUZZJONI

9.1.   L-approvazzjoni mogħtija lil tip ta’ apparat ta’ twissija li tinstema’ skont dan ir-Regolament tista’ tiġi rtirata jekk il-kundizzjonijiet stipulati fil-paragrafu 8.1 ma jitħarsux jew jekk l-apparat ta’ twissija li tinstema’ ma jgħaddix mill-verifiki msemmija fil-paragrafu 8.2 hawn fuq.

9.2.   Jekk xi Parti involuta fil-Ftehim li tapplika dan ir-Regolament tirtira l-approvazzjoni li tkun tat qabel, hija għandha tavża minnufih lil Partijiet Kontraenti l-oħrajn li jkunu qed japplikaw dan ir-Regolament permezz ta’ kopja tal-formola tal-approvazzjoni li fl-aħħar tagħha jkun hemm id-dikjarazzjoni, iffirmata u ddatata, miktuba bi kliem kbar: “APPROVAZZJONI RTIRATA”.

10.   PRODUZZJONI MWAQQFA

Jekk id-dententur ta’ approvazzjoni mogħtija skont dan ir-Regolament iwaqqaf il-produzzjoni tat-tip ta’ apparat ta’ twissija li tinstema’ li jkun approvat, huwa għandu javża lill-awtorità li tkun tat l-approvazzjoni. Meta tirċievi l-komunikazzjoni, din l-awtorità għandha tinforma lill-Partijiet l-oħrajn involuti fil-Ftehim li jkunu qed japplikaw dan ir-Regolament permezz ta’ kopja tal-formola ta’ approvazzjoni li fl-aħħar tagħha jkun hemm id-dikjarazzjoni, iffirmata u ddatata, miktuba bi kliem kbar: “PRODUZZJONI MWAQQFA”

II.   SINJALI LI JINSTEMGĦU TA’ VETTURI BIL-MAGNA

11.   DEFINIZZJONIJIET

Għall-finijiet ta’ dan ir-Regolament,

11.1.

“L-approvazzjoni tal-vettura bil-magna” għandha tinftiehem li tfisser approvazzjoni ta’ tip ta’ vettura fir-rigward tas-sinjal tagħha li jinstema’;

11.2.

“Tip ta’ vettura” għandha tinftiehem li tfisser vettura li mhix essenzjalment differenti minn oħra fejn għandhom x’jaqsmu oqsma bħal: 11.2.1. in-numru u tip(i) ta’ apparati ta’ twissija mmuntati fuq il-vettura; 11.2.2. il-muntatura użata biex jitwaħħal l-apparat ta’ twissija mal-vettura; 11.2.3. il-pożizzjoni tal-apparat ta’ twissija fuq il-vettura; 11.2.4. ir-riġidità tal-partijiet tal-istruttura li fuqhom jiġi/u mmuntat/i l-apparat/i ta’ twissija; 11.2.5. l-għamla u l-materjal tal-parti ta’ quddiem tal-bodì tal-vettura li jista’ jaffettwa l-livell tal-ħoss li joħroġ mill-apparat/i ta’ twissija u jkollu l-effett li jmewwet il-ħoss.

12.   L-APPLIKAZZJONI GĦAL APPROVAZZJONI

12.1.   L-applikazzjoni għall-approvazzjoni ta’ tip ta’ vettura fir-rigward tas-sinjali tagħha li jinstemgħu għandha titressaq mill-manifattur tal-vettura jew mir-rappreżentant awtorizzat tiegħu;

12.2.   Din għandu jkollha magħha tliet kopji tad-dokumenti li ġejjin li jagħtu d-dettalji li ġejjin:

12.2.1.

deskrizzjoni tat-tip tal-vettura fejn għandhom x’jaqsmu l-oqsma msemmija fil-paragrafu 11.2 ta’ hawn fuq;

12.2.2.

lista tal-komponenti li huma meħtieġa biex ikun identifikat l-apparat/i ta’ twissija li jista’/jistgħu jiġi/u mmuntat/i fuq il-vettura;

12.2.3.

Disinni li juru l-pożizzjoni fuq il-vettura tal-apparat(i) ta’ twissija u tal-muntaturi tiegħu/tagħhom.

12.3.   Vettura li tirrappreżenta t-tip ta’ vettura li għandu jiġi approvat għandha titressaq quddiem is-servizz tekniku responsabbli mit-twettiq tat-testijiet tal-approvazzjoni.

13.   L-APPROVAZZJONI

13.1.   Jekk it-tip ta’ vettura mressqa għall-approvazzjoni skont dan ir-Regolament tissodisfa l-kundizzjonijiet tal-paragrafi 14 u 15 ta’ hawn taħt, l-approvazzjoni għal dan it-tip ta’ vettura għandha tkun mogħtija.

13.2.   Għandu jingħata numru tal-approvazzjoni lil kull tip approvat. L-ewwel żewġ figuri tiegħu (bħalissa 00 għar-Regolament fil-forma oriġinali tiegħu) għandhom jindikaw is-serje ta’ emendi li jinkludu l-aktar emendi tekniċi reċenti magħmulin lir-Regolament fil-mument tal-ħruġ tal-approvazzjoni. L-istess Parti Kontraenti ma tistax tassenja dan in-numru lil tip ieħor ta’ vettura.

13.3.   Avviż ta' approvazzjoni jew ta' ċaħda tal-approvazzjoni jew l-estensjoni jew l-irtirar ta’ approvazzjoni jew il-waqfien definittiv tal-produzzjoni ta’ tip ta’ vettura, skont dan ir-Regolament, għandu jiġi kkomunikat lill-Partijiet involuti f’dan il-Ftehim li japplikaw dan ir-Regolament permezz ta’ formola li taqbel mal-mudell li jidher fl-Anness 2 ta’ dan ir-Regolament, u permezz ta’ disinni (pprovduti mill-applikant għall-approvazzjoni) b’format massimu ta’ A.4 (210 x 297 mm), jew inkella b'karta mitwija biex ikollha dan il-format, bi proporzjon xieraq.

13.4.   Fuq kull vettura li tkun konformi ma’ tip ta’ vettura li tkun approvata taħt dan ir-Regolament, għandha titwaħħal b’mod evidenti, f’post prominenti u aċċessibbli li jkun indikat fuq il-formola tal-approvazzjoni, marka ta’ approvazzjoni internazzjonali li tkun tinkludi:

13.4.1.

ċirku li jkun fih l-ittra "E" segwita bin-numru li jiddistingwi l-pajjiż li jkun qed jagħti l-approvazzjoni;

13.4.2.

in-numru ta’ dan ir-Regolament imqiegħed fuq in-naħa tal-lemin taċ-ċirku msemmi fil-paragrafu 13.4.1.

13.5.   Jekk il-vettura tikkonforma ma' tip approvat, skont Regolament(i) ieħor/oħrajn anness(i) mal-Ftehim, fl-istess pajjiż bħal dak li jkun ta l-approvazzjoni taħt dan ir-Regolament, is-simbolu msemmi fil-paragrafu 13.4. m’hemmx għalfejn jerġa’ jkun ripetut; f’dan il-każ, in-numri u s-simboli addizzjonali tar-Regolamenti kollha li skonthom tkun ingħatat l-approvazzjoni fil-pajjiż li jkun ta l-approvazzjoni taħt dan ir-Regolament, għandhom jidhru f’kolonni vertikali fuq in-naħa tal-lemin tas-simbolu msemmi fil-paragrafu 13.4.

13.6.   Il-marka tal-approvazzjoni trid tkun miktuba b'mod li tintgħaraf faċilment u li ma tistax titħassar.

13.7.   Il-marka ta’ approvazzjoni trid titqiegħed ħdejn il-pjanċa li fuqha jkollha l-karatteristiċi tal-vettura u tista’ wkoll tiġi mwaħħla ma’ din il-pjanċa.

13.8.   L-Anness 3, Taqsima II ta’ dan ir-Regolament jagħti eżempju tal-format tal-marka tal-approvazzjoni.

13.9.   L-awtorità kompetenti għandha tivverifika l-eżistenza ta’ arranġamenti sodisfaċenti li jiżguraw il-kontroll effettiv tal-konformità tal-produzzjoni qabel ma tingħata l-approvazzjoni għat-tip.

14.   L-ISPEĊIFIKAZZJONIJIET

Il-vettura trid tikkonforma mal-ispeċifikazzjonijiet li ġejjin:

14.1.

L-apparat(i) (jew is-sistema) ta’ twissija li tinstema’/jinstemgħu immuntat/i fuq il-vettura għandu/għandhom ikun/u tat-tip approvat/i skont dan ir-Regolament; Apparati ta’ twissija li tinstema’ li jkunu tal-Klassi II u li jkunu approvati skont dan ir-Regolament fil-forma oriġinali tiegħu, u li għalhekk ma jkollhomx is-simbolu II fil-marka ta’ approvazzjoni tagħhom, jistgħu jibqgħu jiġu mmuntati fuq tipi ta’ vetturi mressqin għall-approvazzjoni skont dan ir-Regolament.

14.2.

Il-vultaġġ tat-test għandu jkun kif speċifikat fil-paragrafu 6.2.3 tar-Regolament;

14.3.

Il-kejl tal-pressjoni tal-ħoss għandu jsir fil-kundizzjonijiet speċifikati fil-paragrafu 6.2.2. ta’ dan ir-Regolament;

14.4.

Il-livell tal-ħoss A-weighted li joħroġ mill-apparat mqiegħed fuq il-vettura għandu jitkejjel minn distanza ta’ 7 m quddiem il-vettura, b’din tal-aħħar titqiegħed f’sit miftuħ, fuq art kemm jista’ jkun bla ħotob u, fil-każ ta’ apparati fornuti b’kurrent dirett, bil-magna tagħha mitfija;

14.5.

Il-mikrofonu tal-apparat tal-kejl għandu jitqiegħed bejn wieħed u ieħor fil-pjan medjan lonġitudinali tal-vettura;

14.6.

Il-livell tal-pressjoni tal-ħoss tal-isfond u tal-ħoss tar-riħ għandhom ikunu ta’ mill-inqas 10 dB (A) inqas mill-ħoss li jkun se jitkejjel;

14.7.

Il-livell massimu tal-pressjoni tal-ħoss għandu jkun imfittex f’medda ta' bejn 0.5 u 1,5 m ’il fuq mil-livell tal-art;

14.8.

Meta jitkejjel fil-kundizzjonijiet speċifikati fil-paragrafi 14.2 sa 14.7, il-valur massimu tal-pressjoni tal-ħoss (14.7) tas-sinjal li jinstema’ li jkun qed jiġi ttestjat għandu jkun ta’ mill-inqas: (a) daqs 83 dB(A) u mhux aktar minn 112 dB(A) għas-sinjali tal-motoċikletti li jtellgħu potenza ta’ inqas minn jew daqs 7 kW; (b) daqs 93 dB(A) u mhux aktar minn 112 dB(A) għas-sinjali tal-vetturi tal-kategoriji M u N u għall-motoċikletti li jtellgħu potenza ta’ iktar minn 7 kW.

15.   MODIFIKI TAT-TIP TA’ VETTURA U L-ESTENSJONI TAL-APPROVAZZJONI

15.1.   Kull modifika tat-tip ta’ vettura għandha tiġi nnotifikata lid-dipartiment amministrattiv li jkun ta l-approvazzjoni għat-tip ta’ vettura. Dan id-dipartiment imbagħad jista’:

15.1.1.

jew ikun tal-fehma li l-modifiki magħmulin x’aktarx li mhux se jħallu effett negattiv apprezzabbli; u li, fi kwalunkwe każ, il-vettura xorta tissodisfa r-rekwiżiti; jew

15.1.2.

jitlob rapport ġdid mingħand is-servizz tekniku responsabbli mit-testijiet.

15.2.   Notifika tal-konferma tal-approvazzjoni bid-dettalji tal-modifiki, jew taċ-ċaħda tal-approvazzjoni, għandha tiġi kkomunikata lill-Partijiet involuti fil-Ftehim li japplikaw dan ir-Regolament, skont il-proċedura indikata fil-paragrafu 13.3 ta’ hawn fuq.

15.3.   L-awtorità kompetenti li toħroġ l-estensjoni tal-approvazzjoni għandha tassenja numru tas-serje lil kull formola ta’ komunikazzjoni magħmula għal din l-estensjoni.

16.   KONFORMITÀ TA’ PRODUZZJONI

Il-proċeduri tal-konformità tal-produzzjoni għandhom jikkonformaw ma’ dawk stipulati fil-Ftehim, fl-Appendiċi 2 (E/ECE/324-E/ECE/TRANS/505/Rev.2) bir-rekwiżiti li ġejjin:

16.1.

Vettura approvata skont dan ir-Regolament għandha tkun maħduma b’tali mod li tkun skont it-tip approvat billi tissodisfa r-rekwiżiti stipulati fil-paragrafu 14 ta’ hawn fuq.

16.2.

L-awtorità li tkun tat l-approvazzjoni tat-tip tista’ f’kull ħin tivverifika l-metodi tal-kontroll għall-konformità li jkunu ntużaw f’kull faċilità ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn.

17.   SANZJONIJIET GĦAL NUQQAS TA’ KONFORMITÀ TAL-PRODUZZJONI

17.1.   L-approvazzjoni mogħtija lil tip ta’ vettura skont dan ir-Regolament tista’ tiġi rtirata jekk il-kundizzjonijiet stipulati fil-paragrafu 16.1 ta’ hawn fuq ma jiġux imħarsa, jew jekk il-vettura ma tgħaddix mill-kontrolli msemmija fil-paragrafu 16.2 ta’ hawn fuq.

17.2.   Jekk xi Parti involuta fil-Ftehim li tapplika dan ir-Regolament tirtira l-approvazzjoni li tkun tat qabel, hija għandha tavża minnufih lil Partijiet Kontraenti l-oħrajn li jkunu qed japplikaw dan ir-Regolament permezz ta’ kopja tal-formola tal-approvazzjoni li fl-aħħar tagħha jkun hemm id-dikjarazzjoni, iffirmata u ddatata, miktuba bi kliem kbar: “APPROVAZZJONI RTIRATA”.

18.   L-ISMIJIET U L-INDIRIZZI TAS-SERVIZZI TEKNIĊI LI JWETTQU T-TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet involuti f’dan il-Ftehim li japplikaw dan ir-Regolament għandhom jikkommunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-testijiet ta’ approvazzjoni u l-ismijiet u l-indirizzi tad-dipartimenti amministrattivi li jagħtu l-approvazzjoni u li lilhom għandhom jintbagħtu l-formoli li jiċċertifikaw l-approvazzjoni jew iċ-ċaħda jew l-irtirar tal-approvazzjoni, li jinħarġu f’pajjiżi oħrajn.

---

(1)  AWD li jikkonsisti f’diversi apparati minn fejn joħroġ il-ħoss li jkun attivat minn unità waħda ta’ enerġija għandu jitqies bħala AWD.

(2)  Hekk kif definiti fir-Riżoluzzjoni Konsolidata (R.E.3).

(3)  AWD li jikkonsisti f’diversi unitajiet, li kull wieħed minnhom joħroġ sinjal ta’ ħoss u jkun imħaddem fl-istess ħin bl-attwazzjoni ta’ kontroll uniku għandu jitqies bħala sistema ta’ twissija li tinstema’.

(4)  1 għall-Ġermanja, 2 għal Franza, 3 għall-Italja, 4 għall-Pajjiżi l-Baxxi, 5 għall-Isvezja, 6 għall-Belġju, 7 għall-Ungarija, 8 għar-Repubblika Ċeka, 9 għal Spanja, 10 għall-Jugoslavja, 11 għar-Renju Unit, 12 għall-Awstrija, 13 għal-Lussemburgu, 14 għall-Isvizzera, 15 (vojt), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojt), 31 għall-Bożnija u Ħerżegovina, 32 għal-Latvija, 33 (vojt), 34 għall-Bulgarija, 35-36 (vojt), 37 għat-Turkija, 38-39 (vojt), 40 għal-Ex-Repubblika Jugoslava tal-Maċedonja, 41 (vojt), 42 għall-Komunita' Ewropea (L-Approvazzjonijiet jingħataw mill-Istati Membri bis-simbolu tal-KEE rispettiv tagħhom), 43 għall-Ġappun, 44 (vojt), 45 għall-Awstralja, 46 għall-Ukraina u 47 għar-Repubblika tal-Afrika t’Isfel. In-numri sussegwenti għandhom jingħataw lil pajjiżi oħra fl-ordni kronoloġika li fiha jirratifikaw jew jiffirmaw il-Ftehim li Jikkonċerna l-Adozzjoni tad-Dispożizzjonijiet Tekniċi Uniformi għall-Vetturi bir-Roti, għat-Tagħmir u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(5)  Is-sit jista’ jieħu l-għamla, ngħidu aħna, ta’ spazju miftuħ li jkollu raġġ ta’ 50 metru, li l-parti ċentrali tiegħu trid tkun prattikament orizzontali fuq raġġ ta’ mill-inqas 20 metru, fejn il-wiċċ ikun magħmul mill-konkrit, asfalt jew materjal simili, u ma jridx ikun mgħotti b’silġ mhux magħqud u niexef, b’ħaxix ħażin twil, jew b’ħamrija sparpaljata jew bi ġmamar. Il-kejl għandu jittieħed meta tkun ġurnata sabiħa. Ħadd ħlief l-osservatur li jkun qed jaqra l-istrument m’għandu jibqa’ ħdejn l-apparat ta’ twissija li tinstema’ jew il-mikrofonu, peress illi l-preżenza ta’ spettaturi tista’ taffettwa l-qari tal-istrument b’mod konsiderevoli, jekk dawn ikunu viċin l-apparat ta’ twissija li tinstema’ jew viċin il-mikrofonu. Kull punt tal-ogħla intensità li jkun jidher li mhux marbut mal-livell ġenerali tal-ħoss, m’għandux jingħata każ tiegħu.

---

---

---

---

6.12.2011

MT

Il-Ġurnal Uffiċjali tal-Unjoni Ewropea

L 323/46

---

It-testijiet oriġinali tan-NU/KEE biss għandhom effett legali skont il-liġi pubblika internazzjonali. L-istatus u d-data ta' dħul fis-seħħ ta' dan ir-Regolament għandhom jiġu ċċekkjati fl-aħħar verżjoni tad-dokument ta' status tan-NU/KEE TRANS/WP.29/343, li jinsab fuq:

http://www.unece.org/trans/main/wp29/wp29wgs/wp29gen/wp29fdocstts.html

Regolament Nru 48 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi dwar l-approvazzjoni ta' vetturi fir-rigward tal-installazzjoni ta' dwal u tagħmir ta' sinjalar bid-dawl

Li jinkorpora t-test validu kollha sa:

Is-Suppliment 6 tas-serje 04 ta’ emendi – Id-data tad-dħul fis-seħħ: it-30 ta' Jannar 2011

Is-Serje 05 ta’ emendi – Id-data tad-dħul fis-seħħ: it-30 ta' Jannar 2011

WERREJ

REGOLAMENT

1.

L-ambitu

2.

Id-definizzjonijiet

3.

L-applikazzjoni għall-approvazzjoni

4.

L-approvazzjoni

5.

L-ispeċifikazzjonijiet ġenerali

6.

L-ispeċifikazzjonijiet individwali

7.

Il-modifiki għal u l-estensjoni tal-approvazzjoni tat-tip tal-vettura jew tal-installazzjoni tad-dwal u tat-tagħmir tas-sinjalar bid-dawl tiegħu

8.

Il-konformità tal-produzzjoni

9.

Il-pieni għal nuqqas ta’ konformità tal-produzzjoni

10.

Produzzjoni mwaqqfa għal kollox

11.

Ismijiet u indirizzi tas-servizzi tekniċi responsabbli għat-twettiq tat-testijiet tal-approvazzjoni, u tad-dipartimenti amministrattivi

12.

Id-dispożizzjonijiet tranżizzjonali

ANNESSI

Anness 1 –

Komunikazzjoni li tikkonċerna l-approvazzjoni jew ir-rifjut jew l-estensjoni jew l-irtirar ta’ approvazzjoni jew produzzjoni mwaqqfa għal kollox ta’ tip ta’ vettura fir-rigward tal-installazzjoni ta’ dwal u tagħmir għas-sinjalar bid-dawl, skont ir-Regolament Nru 48

Anness 2 –

L-arranġamenti tal-marki ta’ approvazzjoni

Anness 3 –

Eżempji tas-superfiċji tal-fanali, l-assi u ċ-ċentri ta’ referenza, u l-angoli tal-viżibilità ġeometrika

Anness 4 –

Il-viżibilità ta’ fanal aħmar fuq quddiem u l-viżibilità ta’ fanal abjad fuq wara

Anness 5 –

L-istati tat-tagħbija li għandhom jitqiesu biex ikunu ddeterminati l-varjazzjonijiet fl-orjentazzjoni vertikali tal-fanal b’raġġ baxx

Anness 6 –

Il-kejl tal-varjazzjoni tal-inklinazzjoni tar-raġġ baxx bħala funzjoni tat-tagħbija

Anness 7 –

Indikazzjoni tal-inklinazzjoni ’l isfel tal-punt ta' waqfien tal-fanali bir-raġġ baxx imsemmija fil-paragrafu 6.2.6.1.1 u l-inklinazzjoni 'l isfel tal-punt ta' waqfien tal-fanali taċ-ċpar ta' quddiem imsemmija fil-paragrafu 6.3.6.1.2 ta' dan ir-Regolament

Anness 8 –

Il-kontrolli tal-apparati għall-invellar tal-fanali li jissemmew fil-paragrafu 6.2.6.2.2 ta’ dan ir-Regolament

Anness 9 –

Il-kontroll tal-konformità tal-produzzjoni

Anness 10 –

Eżempji ta’ alternattivi għas-sorsi tad-dawl

Anness 11 –

Il-viżibilità tal-immarkar biex jolqot l-għajn fuq wara, fuq quddiem u fil-ġenb ta' vettura

Anness 12

1.   L-AMBITU

Dan ir-Regolament japplika għall-vetturi tal-kategoriji M, N u għat-trejlers tagħhom (il-kategorija O) (1) fir-rigward tal-installazzjoni ta’ dwal u ta’ tagħmir tas-sinjalar bid-dawl.

2.   ID-DEFINIZZJONIJIET

Għall-fini ta’ dan ir-Regolament:

2.1.   “Approvazzjoni ta’ vettura” tfisser l-approvazzjoni ta’ tip ta’ vettura fir-rigward tan-numru u l-mod tal-installazzjoni tad-dwal u tat-tagħmir tas-sinjalar bid-dawl;

2.2.   “It-tip ta’ vettura fir-rigward tal-installazzjoni tad-dwal u tat-tagħmir tas-sinjalar bid-dawl” tfisser vetturi li ma jvarjawx fl-aspetti essenzjali msemmija fil-paragrafi 2.2.1 sa 2.2.4.

Dawn li ġejjin ukoll jitqiesu li mhumiex “vetturi ta’ tip differenti”: vetturi li huma differenti skont it-tifsira tal-paragrafi 2.2.1 sa 2.2.4, imma mhux b’tali mod li jinvolvi bidla fit-tip, fin-numru, fl-ippożizzjonar u fil-viżibilità ġeometrika tal-fanali u fl-inklinazzjoni tar-raġġ baxx preskritti għat-tip ta’ vettura kkonċernat, u vetturi li fuqhom jitwaħħlu, jew huma nieqsa, fanali fakultattivi:

2.2.1.

Id-dimensjoni u s-sura esterna tal-vettura;

2.2.2.

In-numru u l-ippożizzjonar tat-tagħmir;

2.2.3.

Is-sistema tal-invellar tal-fanali;

2.2.4.

Is-sistema tas-suspension.

2.3.   “Pjan trasversali” tfisser pjan vertikali perpendikulari għall-pjan medjan lonġitudinali tal-vettura;

2.4.   “Vettura mhux mgħobbija” tfisser vettura mingħajr sewwieq, ekwipaġġ, passiġġieri u tagħbija, imma bi provvista sħiħa ta’ fjuwil, bi stepni u bl-għodod li jinġarru s-soltu;

2.5.   “Vettura mgħobbija” tfisser vettura mgħobbija sal-massa massima teknikament permissibbli tagħha, kif iddikjarata mill-manifattur, li għandu wkoll jiffissa d-distribuzzjoni ta’ din il-massa bejn il-fusien skont il-metodu deskritt fl-Anness 5;

2.6.   “Apparat” tfisser element jew assemblaġġ ta’ elementi li jintuża biex titwettaq funzjoni waħda jew aktar;

2.6.1.   “Funzjoni tad-dawl” tfisser id-dawl li jarmi apparat sabiex iddawwal it-triq u l-oġġetti fid-direzzjoni tal-moviment tal-vettura;

2.6.2.   “Funzjoni tas-sinjalar bid-dawl” tfisser id-dawl mormi jew rifless minn apparat sabiex jagħti lill-utenti l-oħra tat-triq informazzjoni viżiva dwar il-preżenza, l-identifikazzjoni u/jew il-bdil fil-moviment tal-vettura;

2.7.   “Fanal” tfisser apparat maħsub biex idawwal t-triq jew biex jitfa’ sinjal bid-dawl lil utenti oħra tat-triq. Il-fanali tal-pjanċa tar-reġistrazzjoni ta’ wara u r-retrorifletturi bl-istess mod għandhom jitqiesu bħala fanali. Għall-fini ta’ dan ir-Regolament, il-pjanċi tar-reġistrazzjoni ta’ wara li jitfgħu d-dawl u s-sistema tad-dawl tal-bieba tas-servizz skont id-dispożizzjonjiet tar-Regolament Nru 107 dwar il-vetturi tal-kategoriji M2 u M3 ma jitqisux bħala fanali;

2.7.1.   Is-sors tad-dawl (2)

2.7.1.1.

“Sors tad-dawl” tfisser element wieħed jew aktar għal radjazzjoni viżibbli, li jista’ jiġi assemblat b’kisi trasparenti wieħed jew aktar u b’bażi għal konnessjoni mekkanika u elettrika. Sors tad-dawl jista’ jkun magħmul ukoll mill-iżbokk estrem ta’ gwida għad-dawl, bħala parti minn sistema distribwita ta’ dawl jew ta’ sinjalar bid-dawl li ma jkollhiex lenti esterna inkorporata; 2.7.1.1.1. “Sors sostitwibbli tad-dawl” tfisser sors tad-dawl li huwa maħsub biex jiddaħħal fi u jitneħħa mill-kontenitur tal-apparat tiegħu mingħajr għodda; 2.7.1.1.2. “Sors mhux sostitwibbli tad-dawl” tfisser sors tad-dawl li jista’ jiġi sostitwit biss billi jiġi sostitwit l-apparat li miegħu huwa mwaħħal dan is-sors tad-dawl; (a) F’każ ta’ modulu ta’ sors tad-dawl: sors tad-dawl li jista’ jiġi sostitwit biss billi jiġi sostitwit il-modulu tas-sors tad-dawl li miegħu jkun imwaħħal dan is-sors tad-dawl; (b) F’każ ta’ sistemi adattivi tad-dawl ta’ quddiem (AFS – adaptive front-lighting systems): sors tad-dawl li jista’ jiġi sostitwit biss bis-sostituzzjoni tal-unità tad-dawl li magħha jkun imwaħħal dan is-sors tad-dawl. 2.7.1.1.3. “Modulu tas-sors tad-dawl” tfisser il-parti ottika ta’ apparat li tkun speċifika għal dak l-apparat, li jkun fiha sors mhux sostitwibbli tad-dawl wieħed jew aktar, u li tkun tista’ titneħħa minn mal-apparat tagħha biss bl-użu ta’ għodda (għodod). Modulu ta’ sors tad-dawl ikun iddisinjat b’tali mod li, irrispettivament mill-użu tal-għodda, ma jista jiġi skambjat mekkanikament mal-ebda sors sostitwibbli tad-dawl approvat; 2.7.1.1.4. “Sors tad-dawl tal-filament” (bozza tal-filament) tfisser sors tad-dawl fejn l-element għar-radjazzjoni viżibbli jkun filament imsaħħan wieħed jew aktar li jipproduċi radjazzjoni termali; 2.7.1.1.5. “Sors tad-dawl b’disċarġ tal-gass” tfisser sors tad-dawl fejn l-element għar-radjazzjoni viżibbli jkun ark ta’ disċarġ li jipproduċi elettroluminixxenza/fluworexxenza; 2.7.1.1.6. “Sors tad-dawl LED (dajowd li jarmi d-dawl)” tfisser sors tad-dawl fejn l-element għar-radjazzjoni viżibbli jkun twaħħila waħda jew aktar li jipproduċi luminexxenza/fluworexxenza ta’ injezzjoni; 2.7.1.1.7. “Modulu tal-LED” tfisser modulu ta’ sors tad-dawl li bħala sorsi tad-dawl fih biss LEDs;

2.7.1.2.

“Apparat elettroniku li jikkontrolla s-sors tad-dawl” tfisser komponent wieħed jew aktar bejn il-provvista u s-sors tad-dawl biex ikunu kkontrollati l-vultaġġ u/jew il-kurrent elettriku tas-sors tad-dawl; 2.7.1.2.1. “Ballast” tfisser ger elettroniku li jikkontrolla s-sors tad-dawl bejn il-provvista u s-sors tad-dawl biex ikun stabbilizzat il-kurrent elettriku ta’ sors tad-dawl b’disċarġ tal-gass; 2.7.1.2.2. “Apparat li jqabbad (ignitor)” tfisser ger elettroniku li jikkontrolla s-sors tad-dawl biex jistartja l-ark ta’ sors tad-dawl b’disċarġ tal-gass.

2.7.1.3.

“Kontroll ta’ intensitajiet varjabbli” tfisser l-apparat li awtomatikament jikkontrolla t-tagħmir tas-sinjalar bid-dawl fuq wara li jipproduċu intensitajiet ta’ luminożità varjabbli sabiex tkun żgurata l-perċezzjoni invarjabbli tas-sinjali tagħhom. Il-kontroll ta’ intensitajiet varjabbli huwa parti mill-fanal, jew parti mill-vettura, jew maqsum bejn l-imsemmi fanal u l-vettura.

2.7.2.   “Fanali ekwivalenti” tfisser fanali li jkollhom l-istess funzjoni u li jkunu awtorizzati fil-pajjiż fejn tkun irreġistrata l-vettura; fanali ta’ din ix-xorta jista’ jkollhom karatteristiċi differenti minn dawk li ġew installati fuq il-vettura meta tkun approvata bil-kundizzjoni li jissodisfaw ir-rekwiżiti ta’ dan ir-Regolament;

2.7.3.   “Fanali indipendenti” tfisser apparati li jkollhom superfiċji apparenti separati fid-direzzjoni tal-assi ta’ referenza, (3) sorsi tad-dawl separati u bodis tal-fanali separati;

2.7.4.   “Fanali iggruppati” tfisser apparati li jkollhom superfiċji apparenti separati fid-direzzjoni tal-assi ta' referenza (3) u sorsi tad-dawl separati, imma li jkollhom bodi tal-fanal komuni;

2.7.5.   “Fanali ikkombinati” tfisser apparati li jkollhom superfiċji apparenti separati fid-direzzjoni tal-assi ta' referenza, (3) imma sors tad-dawl komuni u bodi tal-fanal komuni;

2.7.6.   “Fanali reċiprokament inkorporati” tfisser apparati li jkollhom sorsi tad-dawl separati jew sors tad-dawl wieħed li jaħdmu f’kundizzjonijiet differenti (pereżempju, differenzi ottiċi, mekkaniċi, elettriċi), superfiċji apparenti totalment jew parzjalment komuni fid-direzzjoni tal-assi ta' referenza (3) u bodi tal-fanal komuni (4);

2.7.7.   “Fanal b’funzjoni waħda” tfisser parti minn apparat li twettaq funzjoni waħda li ddawwal jew li tagħmel sinjali bid-dawl;

2.7.8.   “Fanal li jista’ jinħeba” tfisser fanal li jista’ jinħeba parzjalment jew kompletament meta ma jkunx qed tintuża. Dan ir-riżultat jista’ jinkiseb permezz ta’ għata li titneħħa, bl-ispostament tal-fanal jew bi kwalunkwe mezz xieraq ieħor. It-terminu “jinġibed ’il ġewwa (retractable)” jintuża b’mod aktar partikolari biex ikun deskritt fanal li jista’ jinħeba li l-ispostament tagħha jippermetti li din tiddaħħal fi ħdan il-qafas;

2.7.9.   “Fanal tal-bright (raġġ ewlieni)” tfisser il-fanal li jintuża biex idawwal it-triq tul distanza twila quddiem il-vettura;

2.7.10.   “Fanal b’raġġ li ma jtellifx is-sewwieq minn faċċata (raġġ baxx)” tfisser il-fanal li jintuża biex idawwal it-triq quddiem il-vettura mingħajr ma jgħammex l-għajnejn jew tikkawża skumdità lis-sewwieqa li jkunu ġejjin minn faċċata u lill-utenti l-oħra tat-triq;

2.7.10.1.

“Raġġ li ma jtellifx is-sewwieq minn faċċata ewlieni (raġġ baxx ewlieni)” tfisser ir-raġġ baxx prodott mingħajr il-kontribut tal-apparat li jarmi r-raġġi infraħomor (IR) u/jew sorsi addizzjonali tad-dawl għal dawl għal-liwi.

2.7.11.   “Fanal li tindika d-direzzjoni” tfisser fanal li jintuża biex jindika lill-utenti l-oħra tat-triq li s-sewwieq biħsiebu jbiddel id-direzzjoni lejn il-lemin jew lejn ix-xellug;

Fanal jew fanali li tindika(jindikaw) id-direzzjoni jistgħu jintużaw ukoll skont id-dispożizzjonijiet tar-Regolament Nru 97;

2.7.12.   “Fanal tal-waqfien” tfisser fanal li jintuża biex ikun indikat lill-utenti l-oħra tat-triq li jinsabu wara l-vettura li l-moviment lonġitudinali tal-vettura qed ikun bilmod apposta;

2.7.13.   “Apparat li jdawwal il-pjanċa tar-reġistrazzjoni ta’ wara” tfisser apparat li jintuża biex idawwal l-ispazju maħsub għall-pjanċa tar-reġistrazzjoni ta’ wara; apparat ta’ din ix-xorta jista’ jikkonsisti minn diversi komponenti ottiċi;

2.7.14.   “Fanal ta’ pożizzjonament ta’ quddiem” tfisser il-fanal li jintuża jintuża biex jindika l-preżenza u l-wisa’ tal-vettura meta wieħed jaraha minn quddiem;

2.7.15.   “Fanal ta’ pożizzjonament ta’ wara” tfisser il-fanal li jintuża jintuża biex jindika l-preżenza u l-wisa’ tal-vettura meta wieħed jaraha minn wara;

2.7.16.   “Retroriflettur” tfisser apparat li jintuża biex jindika l-preżenza ta’ vettura permezz tar-rifless tad-dawl li ġej minn sors tad-dawl li mhux konness mal-vettura, meta l-osservatur ikun jinsab qrib is-sors.

Għall-finijiet ta’ dan ir-Regolament, dawn li ġejjin ma jitqisux bħala retrorifletturi:

2.7.16.1.

Pjanċi tan-numri retroriflettenti;

2.7.16.2.

Is-sinjali retroriflettenti li jissemmew fl-ADR (il-Ftehim Ewropew dwar it-Trasport Internazzjonali bit-Triq ta’ Merkanzija Perikoluża);

2.7.16.3.

Pjanċi u sinjali retroriflettenti oħra li jridu jintużaw biex ikun hemm konformità mar-rekwiżiti nazzjonali għall-użu rigward ċerti kategoriji ta’ vetturi jew ċerti metodi ta’ tħaddim;

2.7.16.4.

Materjali retroriflettenti li ġew approvati bħala tal-Klassi D jew E skont ir-Regolament Nru 104 u li jintużaw għal finijiet oħra skont ir-rekwiżiti nazzjonali, eż. reklamar.

2.7.17.   “Immarkar biex jolqot l-għajn” tfisser apparat maħsub biex iżid kemm il-vettura tolqot l-għajn, meta wieħed jaraha mill-ġenb jew minn wara (jew, fil-każ tat-trejlers, ukoll minn quddiem), permezz tar-rifless tad-dawl li jkun ġej minn sors tad-dawl li mhux konness mal-vettura, meta l-osservatur ikun jinsab qrib is-sors;

2.7.17.1.

“Immarkar tad-dawra” tfisser immarkar għal kemm tolqot l-għajn maħsub biex jindika d-dimensjonijiet orizzontali u vertikali (it-tul, il-wisa’ u l-għoli) ta’ vettura; 2.7.17.1.1. “Immarkar sħiħ tad-dawra” tfisser immarkar tad-dawra li jindika l-kontorn tal-vettura permezz ta’ linja kontinwa; 2.7.17.1.2. “Immarkar parzjali tad-dawra” tfisser immarkar tad-dawra li jindika d-dimensjoni orizzontali tal-vettura permezz ta’ linja kontinwa, u d-dimensjoni vertikali billi jiġu mmarkati l-kantunieri ta’ fuq.

2.7.17.2.

“Immarkar b’linja” tfisser immarkar biex jolqot l-għajn maħsub biex jindika d-dimensjonijiet orizzontali (it-tul u l-wisa’) ta’ vettura permezz ta’ linja kontinwa.

2.7.18.   “Sinjal ta’ twissija f’każ ta’periklu” tfisser it-tħaddim fl-istess ħin tal-fanali kollha ta’ vettura li jindikaw id-direzzjoni biex juru li l-vettura temporanjament hija ta’ periklu partikolari għall-utenti l-oħra tat-triq;

2.7.19.   “Fanal ta’ quddiem għaċ-ċpar” tfisser fanal li jintuża biex itejjeb l-illuminazzjoni tat-triq quddiem il-vettura f’każ ta’ ċpar jew kwalunkwe kundizzjoni simili ta’ viżibilità mnaqqsa;

2.7.20.   “Fanal ta’ wara għaċ-ċpar” tfisser fanal li jintuża biex il-vettura ssir aktar viżibbli minn wara meta ċ-ċpar ikun sfiq;

2.7.21.   “Fanal tar-rivers” tfisser il-fanal li jintuża biex idawwal it-triq wara l-vettura u biex tavża lill-utenti l-oħra tat-triq li l-vettura qed tirriversja jew dalwaqt se tirriversja;

2.7.22.   “Fanal tal-ipparkjar” tfisser fanal li jintuża biex jiġbed l-attenzjoni għall-preżenza ta’ vettura wieqfa f’żona bil-bini. F’ċirkostanzi ta’ din ix-xorta, tissostitwixxi l-fanali ta’ pożizzjonament ta’ quddiem u ta’ wara;

2.7.23.   “Fanal li jimmarka l-kontorn tat-tarf” tfisser il-fanal imwaħħal qrib it-tarf estrem ta’ barra u mill-aktar qrib possibli tal-parti ta’ fuq tal-vettura u maħsuba biex tindika b’mod ċar il-wisa’ totali tal-vettura. Għal ċerti vetturi u trejlers, dan il-fanal huwa maħsub biex jikkomplimenta l-fanali ta’ pożizzjonament ta’ quddiem u ta’ wara billi tiġbed attenzjoni partikolari għall-kobor tal-vettura;

2.7.24.   “Fanal li jimmarka l-ġnub” tfisser fanal li jintuża biex jindika l-preżenza tal-vettura meta wieħed jaraha mill-ġenb;

2.7.25.   “Fanal tas-sewqan binhar” tfisser fanal li jiffaċċja f’direzzjoni ’l quddiem u li jintuża biex jagħmel il-vettura viżibbli b’mod aktar faċli waqt is-sewqan binhar;

2.7.26.   “Fanal għall-kantunieri” tfisser fanal li jintuża biex tkun provduta illuminazzjoni supplementari tal-parti tat-triq li tinsab qrib ir-rokna ta’ quddiem tal-vettura fuq il-ġenb li ’l hemm se ddur il-vettura;

2.7.27.   “Fluss luminuż oġġettiv” tfisser valur tad-disinn tal-fluss ta’ luminożità ta’ sors sostitwibbli tad-dawl jew ta’ modulu ta’ sors tad-dawl sostitwibbli. Għandu jinkiseb, fi ħdan it-tolleranzi speċifikati, meta s-sors sostitwibbli tad-dawl jew il-modulu tas-sors tad-dawl sostitwibbli jingħata l-enerġija permezz tal-provvista ta’ enerġija bil-vultaġġ tat-test speċifikat, kif ġie indikat fil-folja tad-data tas-sors tad-dawl jew fl-ispeċifikazzjoni teknika kif ġiet ippreżentata mal-modulu tas-sors tad-dawl;

2.7.28.   “Sistema adattiva tad-dawl ta’ quddiem” (jew “AFS”) tfisser apparat tad-dawl approvat għat-tip skont ir-Regolament Nru 123 li jipprovdi raġġi b’karatteristiċi differenti biex ikun hemm adattament awtomatiku għal kundizzjonijiet li jvarjaw tal-użu tar-raġġ baxx (raġġ li ma jtellifx is-sewwieq minn faċċata) u, jekk ikun applikabbli, tar-raġġ ewlieni (ir-raġġ tas-sewqan);

2.7.28.1.

“Unità tad-dawl” tfisser komponent li jarmi d-dawl iddisinjat biex jipprovdi jew jikkontribwixxi għal funzjoni tad-dawl ta’ quddiem waħda jew aktar ipprovduta mill-AFS;

2.7.28.2.

“Unità ta’ installazzjoni” tfisser kisi (bodi tal-fanal) li fih unità waħda jew aktar tad-dawl;

2.7.28.3.

“Modalità tad-dawl” jew “modalità” tfisser l-istat ta’ funzjoni tad-dawl ta’ quddiem ipprovdut mill-AFS, kif ġie speċifikat mill-manifattur u maħsub biex jiġi adattat għall-kundizzjonijiet speċifiċi ta’ vettura u tal-ambjent;

2.7.28.4.

“Kontroll tas-sistema” tfisser dik il-parti jew dawk il-partijiet tal-AFS li tirċievi/jirċievu s-sinjali ta’ kontroll tal-AFS mill-vettura u li tikkontrolla t-tħaddim tal-unitajiet tad-dawl b’mod awtomatiku;

2.7.28.5.

“Sinjal ta’ kontroll tal-AFS” (V, E, W, T) tfisser l-input lill-AFS skont il-paragrafu 6.22.7.4 ta’ dan ir-Regolament;

2.7.28.6.

“Stat newtrali” tfisser l-istat tal-AFS meta tiġi prodotta modalità ddefinita tar-raġġ li ma jtellifx is-sewwieq minn faċċata tal-klassi C (“raġġ li ma jtellifx is-sewwieq minn faċċata bażiku”) jew tar-raġġ ewlieni, jekk ikun hemm, u ma japplika l-ebda sinjal ta’ kontroll tal-AFS;

2.7.29.   “Fanal tal-Korteżija ta' Barra” tfisser fanal li jintuża biex jipprovdi dawl supplimentari bħala għajnuna fid-dħul u l-ħruġ tas-sewwieq u l-passiġġier mill-vettura jew biex titgħabba l-vettura;

2.7.30.   “Sistema ta' fanali interdipendenti” tfisser assemblaġġ ta' żewġ jew tliet fanali interdipendenti li jaqdu l-istess funzjoni.

2.7.30.1.

“Fanal interdipendenti” tfisser apparat li jaħdem bħala parti mis-sistema interdipendenti ta' fanali. Il-fanali interdipendenti jaħdmu flimkien meta jiġu attivati, ikollhom superfiċji apparenti fid-direzzjoni tal-assi ta' referenza u l-fanali ikunu separati, u jistgħu jkollhom sors(i) ta' dawl differenti.

2.8.   “Superfiċje li titfa’ d-dawl” ta’ “apparat tad-dawl”, “apparat tas-sinjalar bid-dawl” jew retroriflettur tfisser is-superfiċje kif iddikjarata fit-talba għall-approvazzjoni mill-manifattur tal-apparat fid-disinn, ara l-Anness 3 (Ara eż. il-Partijiet 1 u 4);

Din għandha tiġi ddikjarata skont waħda mill-kundizzjonijiet li ġejjin:

(a)	Fil-każ fejn il-lenti ta' barra tkun textured, is-superfiċje li titfa' d-dawl iddikjarata għandha tkun kompletament jew parzjalment is-superfiċje esterna tal-lenti ta' barra;

(b)	Fil-każ fejn il-lenti ta' barra ma tkunx textured, il-lenti ta' barra tista' ma tiġix meqjusa u s-superfiċje li titfa' d-dawl għandha tiġi ddikjarata fid-disinn, l-Anness 3. (Ara eż. il-Parti 5);

2.8.1.   “Lenti ta' barra textured” jew “Żona tal-lenti ta' barra textured” tfisser il-lenti ta' barra kollha jew parti minnha, iddisinjata biex timmodifika jew tinfluwenza l-propagazzjoni tad-dawl mis-sors(i) tad-dawl, b'tali mod li r-raġġi tad-dawl jiġu mċaqilqa sew mid-direzzjoni oriġinali tagħhom.

2.9.   “Superfiċje li ddawwal” (ara l-Anness 3);

2.9.1.   “Superfiċje li ddawwal ta’ apparat tad-dawl” (il-paragrafi 2.7.9, 2.7.10, 2.7.19, 2.7.21 u 2.7.26) tfisser il-projezzjoni ortogonali tal-fetħa kollha tar-riflettur, jew fil-każ tal-fanali b’riflettur ellissojdali tal-“lenti ta’ projezzjoni”, fuq pjan trasversali. Jekk l-apparat tad-dawl ma għandu l-ebda riflettur, għandha tiġi applikata d-definizzjoni tal-paragrafu 2.9.2. Jekk is-superfiċje li titfa’ d-dawl tal-fanal testendi fuq parti biss mill-fetħa kollha tar-riflettur, titqies biss il-projezzjoni ta’ dik il-parti.

Fil-każ ta’ fanal b’raġġ baxx, is-superfiċje li ddawwal tkun limitata bit-traċċa apparenti tal-punt ta’ waqfien għal fuq il-lenti. Jekk ir-riflettur u l-lenti jkunu aġġustabbli b’mod relattiv għal xulxin, għandu jintuża l-aġġustament intermedju;

Fil-każ li jiġi installat AFS: fejn funzjoni tad-dawl tiġi prodotta minn żewġ unitajiet tad-dawl jew aktar li jitħaddmu fl-istess ħin fuq naħa partikolari tal-vettura, is-superfiċji individwali li jdawlu, meħuda flimkien, jikkostititwixxu s-superfiċje li ddawwal li għandha titqies (pereżempu, fil-figura tal-paragrafu 6.22.4 ta’ hawn taħt, is-superfiċji individwali li jdawlu tal-unitajiet tad-dawl 8, 9 u 11, meqjusa flimkien u billi jitqies il-post rispett tagħhom, jikkostitwixxu s-superfiċje li ddawwal li għandha titqies għan-naħa leminija tal-vettura).

2.9.2.   “Superfiċje li ddawwal ta’ apparat tas-sinjalar bid-dawl li mhux retroriflettur” (il-paragrafi 2.7.11 sa 2.7.15, 2.7.18, 2.7.20 u 2.7.22 sa 2.7.25) tfisser il-projezzjoni ortogonali tal-fanal fi pjan perpendikulari għall-assi ta’ referenza tiegħu u f’kuntatt mas-superfiċje li titfa’ d-dawl ta’ barra tal-fanal, b’din il-projezzjoni tkun limitata mit-truf tal-iskrins li jinsabu f’dan il-pjan, b’kull wieħed jippermetti biss 98 fil-mija tal-intensità luminuża totali tad-dawl li tippersisti fid-direzzjoni tal-assi ta’ referenza.

Biex ikunu ddeterminati l-limiti t’isfel, ta’ fuq u dawk laterali tas-superfiċje li ddawwal, skrins bi truf orizzontali jew vertikali biss għandhom jintużaw biex tkun verifikata d-distanza sat-truf estremi tal-vettura u l-għoli ’l fuq mill-art.

Għal applikazzjonijiet oħra tas-superfiċje li ddawwal, eż. id-distanza bejn żewġ fanali jew funzjonijiet, għandha tintuża s-sura tal-periferija ta’ din is-superfiċje li ddawwal. L-iskrins għandhom jibqgħu paralleli, imma jistgħu jintużaw orjentazzjonijiet oħra.

Fil-każ ta’ apparat tas-sinjalar bid-dawl, li s-superfiċje li ddawwal tiegħu tagħlaq totalment jew parzjalment is-superfiċje li ddawwal ta’ funzjoni oħra jew tagħlaq superfiċje mhux imdawla, is-superfiċje li ddawwal tista’ titqies bħala superfiċje li titfa’ d-dawl hija stess. (Ara eż. l-Anness 3, il-Partijiet 2, 3, 5 u 6).

2.9.3.   “Superfiċje li ddawwal ta’ retroriflettur” (il-paragrafu 2.7.16) tfisser, kif ġie ddikjarat mill-applikant waqt il-proċedura ta’ approvazzjoni tal-komponenti għar-retrorifletturi, il-projezzjoni ortogonali ta’ retroriflettur fi pjan perpendikulari għall-assi ta’ referenza tiegħu u limitat mill-pjani ta’ biswit il-partijiet iddikjarati l-aktar ’il barra tas-sistema ottika tar-retrorifletturi u parallela ma’ dak l-assi. Għall-finijiet tad-determinazzjoni tat-truf t’isfel, ta’ fuq u dawk laterali tal-apparat, għandhom jitqiesu biss il-pjani orizzontali u vertikali.

2.10.   Is-“superfiċje apparenti” għal direzzjoni definita ta’ osservazzjoni tfisser, fuq it-talba tal-manifattur jew tar-rappreżentant tiegħu li jkun ġie akkreditat b’mod xieraq, il-projezzjoni ortogonali ta’:

jew il-limitu tas-superfiċje li ddawwal ipprojettata fuq is-superfiċje ta’ barra tal-lenti;

jew is-superfiċje li titfa’ d-dawl;

fi pjan perpendikulari għad-direzzjoni ta’ osservazzjoni u tanġenzjali għall-aktar punt estern tal-lenti. Eżempji differenti tal-applikazzjoni tas-superfiċje apparenti jistgħu jinstabu fl-Anness 3 ta' dan ir-Regolament.

Fil-każ ta’ apparat tas-sinjalar bid-dawl li jipproduċi intensitajiet ta’ luminożità varjabbli biss, għandha titqies is-superfiċje apparenti tiegħu li tista’ tkun varjabbli kif ġie speċifikat fil-paragrafu 2.7.1.3, fil-kundizzjonijiet kollha permessi mill-kontroll ta’ intensitajiet varjabbli, jekk ikun applikabbli.

2.11.   “Assi ta’ referenza” tfisser l-assi karatteristiku tal-fanal li ġie ddeterminat mill-manifattur (tal-fanal) biex jintuża bħala d-direzzjoni ta’ referenza (H = 0°, V = 0°) għal angoli ta’ kamp għal kejl fotometriku u biex ikun installat il-fanal fuq il-vettura;

2.12.   “Ċentru ta’ referenza” tfisser l-intersezzjoni tal-assi ta’ referenza mas-superfiċje esterna li titfa’ d-dawl; jiġi speċifikat mill-manifattur tal-fanal;

2.13.   “Angoli ta’ viżibilità ġeometrika” tfisser l-angoli li jiddeterminaw il-kamp tal-angolu solidu minimu fejn is-superfiċje apparenti tal-fanal tkun viżibbli. Dak il-kamp tal-angolu solidu jiġi ddeterminat mis-segmenti tal-isfera li ċ-ċentru tagħha jikkoinċidi maċ-ċentru ta’ referenza tal-fanal u l-ekwatur ikun parallel mal-art. Dawn is-segmenti jiġu ddeterminati b’relazzjoni għall-assi ta’ referenza. L-angoli orizzontali β jikkorrispondu għal-lonġitudini u l-angoli vertikali α għal-latitudni.

Jekk il-kejl jittieħed eqreb tal-fanal, id-direzzjoni ta’ osservazzjoni trid tiġi mċaqilqa b’mod parallel sabiex tinkiseb l-istess preċiżjoni.

Fuq ġewwa tal-angoli ta’ viżibilità ġeometrika, l-ostakli ma jitqisux, jekk kienu diġà ppreżentati meta l-fanal kien approvat għat-tip.

Jekk, meta l-fanal ikun installat, kwalunkwe parti mis-superfiċje apparenti tal-fanal tkun moħbija minn kwalunkwe parti oħra tal-vettura, għandhom jiġu ppreżentati provi li l-parti tal-fanal li mhix moħbija mill-ostakli għadha tikkonforma mal-valuri fotometriċi preskritti għall-approvazzjoni tal-apparati bħala unità ottika (ara l-Anness 3 għal dan ir-Regolament). Minkejja dan, meta l-angolu vertikali ta’ viżibilità ġeometrika taħt l-orizzontali jista’ jitnaqqas għal 5° (fanal f’għoli ta’ inqas minn 750 mm ’il fuq mill-art), il-kamp fotometriku tal-kejl tal-unità ottika installata jista’ jitnaqqas għal 5° taħt l-orizzontali.

2.14.   “Tarf estrem ta’ barra” fuq kull naħa tal-vettura, tfisser il-pjan parallel għall-pjan medjan lonġitudinali tal-vettura u li jmiss it-tarf laterali ta’ barra tagħha, mingħajr ma titqies il-projezzjoni:

2.14.1.

Tat-tajers qrib il-punt ta’ kuntatt tagħhom mal-art, u tal-konnessjonjiet għall-apparat ta’ kejl tal-pressjoni tat-tajers;

2.14.2.

Ta’ kwalunkwe apparat kontra ż-żliq immuntat fuq ir-roti;

2.14.3.

Ta’ apparati għall-viżjoni indiretta;

2.14.4.

Tal-fanali li jindikaw id-direzzjoni tal-ġnub, tal-fanali li jimmarkaw il-kontorn tat-tarf, tal-fanali ta’ pożizzjonament ta’ quddiem u ta’ wara, tal-fanali tal-ipparkjar, tar-retrorifletturi u tal-fanali li jimmarkaw il-ġnub.

2.14.5.

Ta’ siġilli tad-dwana mwaħħla mal-vettura, u tal-apparati biex ikunu żgurati u protetti siġilli ta’ din ix-xorta.

2.14.6.

Ta’ sistemi tad-dawl għall-bieba tas-servizz fuq il-vetturi tal-kategoriji M2 u M3 kif ġie speċifikat fil-paragrafu2.7.

2.15.   “Id-dimensjonijiet totali” tfisser id-distanza bejn iż-żewġ pjani vertikali li ġew iddefiniti fil-paragrafu 2.14 t’aktar ’il fuq;

2.15.1.   “Il-wisa’ totali” tfisser id-distanza bejn iż-żewġ pjani vertikali li ġew iddefiniti fil-paragrafu 2.14 t’aktar ’il fuq;

2.15.2.   “Tul totali” tfisser id-distanza bejn iż-żewġ pjani vertikali perpendikolari mal-pjan medjan lonġitudinali tal-vettura u tmiss it-tarf ta' barra tagħha fuq quddiem u wara, irrispettivament mill-projezzjoni:

(a)	Ta’ apparati għall-viżjoni indiretta;

(b)	Ta’ fanali li jimmarkaw il-kontorn tat-tarf;

(c)	Tal-apparati tal-igganċjar, fil-każ ta' vetturi motorizzati.

Għal trejlers fit-“tul totali” u fi kwalunkwe kejl fit-tul, id-drawbar għandha tiġi inkluża, ħlief meta tkun speċifikament eskluża.

2.16.   “Fanal singolu u multipli”

2.16.1.   “Fanal singolu” tfisser:

(a)	Apparat jew parti minn apparat li jkollu funzjoni ta’ dawl jew ta’ sinjalar bid-dawl, sors tad-dawl wieħed jew aktar u superfiċje apparenti waħda fid-direzzjoni tal-assi ta’ referenza, li tista’ tkun superfiċje kontinwa jew magħmula minn żewġ partijiet distinti jew aktar; jew

(b)

Kwalunkwe assemblaġġ ta’ żewġ fanali indipendenti, kemm jekk ikunu identiċi u kemm jekk le, li jkollhom l-istess funzjoni, bit-tnejn ikunu approvati bħala fanal tat-tip “D” u installati sabiex: (i) Il-projezzjoni tas-superfiċji apparenti tagħhom fid-direzzjoni tal-assi ta’ referenza tokkupa inqas minn 60 fil-mija tal-iżgħar figura kwadrilaterali li tiċċirkoskrivi l-projezzjonijiet tas-superfiċji apparenti msemmija fid-direzzjoni tal-assi ta’ referenza; jew (ii) Id-distanza bejn żewġ partijiet distinti biswit xulxin/tanġenzjali ma teċċedix 15 mm meta mkejla b’mod perpendikulari għall-assi ta’ referenza; jew

(c)

Kwalunkwe assemblaġġ ta’ żewġ retrorifletturi indipendenti, kemm jekk ikunu identiċi u kemm jekk le, li ġie approvat separatament u ġie installat b’tali mod li: (i) Il-projezzjoni tas-superfiċji apparenti tagħhom fid-direzzjoni tal-assi ta’ referenza tokkupa inqas minn 60 fil-mija tal-iżgħar figura kwadrilaterali li tiċċirkoskrivi l-projezzjonijiet tas-superfiċji apparenti msemmija fid-direzzjoni tal-assi ta’ referenza; jew (ii) Id-distanza bejn żewġ partijiet distinti biswit xulxin/tanġenzjali ma teċċedix 15 mm meta mkejla b’mod perpendikulari għall-assi ta’ referenza. jew

(d)

Kull sistema ta' fanali interdipendenti magħmula minn żewġ jew tliet fanali interdipendenti li jipprovdu l-istess funzjoni, approvati flimkien bħala t-tip “Y” u installati sabiex id-distanza bejn is-superfiċji apparenti biswit xulxin fid-direzzjoni tal-assi ta' referenza ma tkunx ikbar minn 75 mm meta mkejla perpendikolarment mal-assi ta' referenza.

2.16.2.   “Żewġ fanali” jew “numru biż-żewġ ta’ fanali”, tfisser superfiċje waħda li titfa’ d-dawl fis-sura ta’ ċinga jew ta’ strixxa jekk ċinga jew strixxa ta’ din ix-xorta titqiegħed b’mod simmetriku b’relazzjoni għall-pjan medjan lonġitudinali tal-vettura, testendi fuq iż-żewġ naħat fi ħdan mill-inqas 0,4 m mit-tarf estrem ta’ barra tal-vettura, u mhix twila inqas minn 0,8 m; l-illuminazzjoni ta’ superfiċje ta’ din ix-xorta għandha tkun provduta minn mhux inqas minn żewġ sorsi tad-dawl li jitqiegħdu mill-aktar qrib possibbli tat-truf tagħha; is-superfiċje li titfa’ d-dawl tista’ tkun magħmula minn numru ta’ elementi ħdejn xulxin sakemm il-projezzjonijiet tad-diversi superfiċji individwali li jitfgħu d-dawl fuq pjan trasversali jokkupaw mhux inqas minn 60 fil-mija tal-erja tal-iċken rettangolu li jiċċirkoskrivi l-projezzjonijiet tas-superfiċji individwali li jitfgħu d-dawl imsemmija;

2.17.   “Distanza bejn żewġ fanali” li jiffaċċjaw fl-istess direzzjoni tfisser l-iqsar distanza bejn iż-żewġ superfiċji apparenti fid-direzzjoni tal-assi ta’ referenza. Fejn id-distanza bejn il-fanali b’mod ċar tissodisfa r-rekwiżiti tar-Regolament, m’hemmx għalfejn jiġu ddeterminati t-truf eżatti tas-superfiċji apparenti;

2.18.   “Tell-tale operattiv” tfisser sinjal viżiv jew akustiku (jew kwalunkwe sinjal ekwivalenti) li jindika li apparat inxtegħel u qed jaħdem sew jew le;

2.19.   “Tell-tale b’ċirkwit magħluq” tfisser sinjal viżiv (jew kwalunkwe sinjal ekwivalenti) li jindika li apparat inxtegħel, imma li ma jindikax jekk hux qed jaħdem sew jew le;

2.20.   “Fanali fakultattiv” tfisser fanal, li l-installazzjoni tiegħu titħalla għad-diskrezzjoni tal-manifattur;

2.21.   “Art” tfisser is-superfiċje li fuqha tinsab wieqfa l-vettura li għandha tkun sostanzjalment orizzontali;

2.22.   “Komponenti li jiċċaqilqu” tal-vettura tfisser dawk il-panils tal-bodi jew partijiet oħra tal-vettura li l-pożizzjoni(jiet) tagħhom tista’(jistgħu) titbiddel(jitbiddlu) billi jiġu inklinati, jiddawru jew jiġu mżerżqa mingħajr ma jintużaw għodod. Ma jinkludux kabini tas-sewwieqa tat-trakkijiet li jistgħu jiġu inklinati;

2.23.   “Pożizzjoni normali ta’ użu ta’ komponent li jiċċaqlaq” tfisser il-pożizzjoni(jiet) ta’ komponent li jiċċaqlaq li ġiet(ġew) speċifikata(i) mill-manifattur tal-vettura għall-kundizzjoni normali tal-użu u għall-kundizzjoni tal-ipparkjar tal-vettura;

2.24.   “Kundizzjoni normali tal-użu ta’ vettura” tfisser:

2.24.1.

Għal vettura bil-mutur, meta l-vettura tkun lesta biex tiċċaqlaq bil-magna ta’ propulsjoni tagħha qed taħdem u bil-komponenti li jiċċaqilqu tagħha fil-pożizzjoni(jiet) normali kif ġie ddefinit fil-paragrafu 2.23;

2.24.2.

U għal trejler, meta t-trejler ikun konness ma’ vettura motorizzata li tiġbed fil-kundizzjonijiet kif provdut fil-paragrafu 2.24.1 u bil-komponenti li jiċċaqilqu tiegħu jkunu f’pożizzjoni(jiet) normali kif ġie ddefinit fil-paragrafu 2.23.

2.25.   “Il-kundizzjoni tal-ipparkjar ta’ vettura” tfisser:

2.25.1

Għal vettura motorizzata, meta l-vettura tkun wieqfa u l-magna ta’ propulsjoni tagħha ma tkunx qed taħdem u l-komponenti li jiċċaqilqu tagħha jkunu fil-pożizzjoni(jiet) normali kif ġie ddefinit fil-paragrafu 2.23;

2.25.2.

U għal trejler, meta t-trejler ikun konness ma’ vettura motorizzata li tiġbed fil-kundizzjonijiet kif provdut fil-paragrafu 2.25.1 u l-komponenti li jiċċaqilqu tiegħu jkunu fil-pożizzjoni(jiet) normali kif ġie ddefinit fil-paragrafu 2.23.

2.26.   “Dawl għal-liwi” tfisser funzjoni ta’ dawl biex tkun provduta illuminazzjoni mtejba fil-liwi.

2.27.   “Par” tfisser is-sett ta’ fanali tal-istess funzjoni fuq in-naħa xellugija u fuq in-naħa leminija tal-vettura.

2.27.1.   “Par imqabbel” tfisser is-sett ta’ fanali bl-istess funzjoni fuq in-naħa xellugija u fuq in-naħa leminija tal-vettura, li, bħala par, jikkonforma mar-rekwiżiti fotometriċi.

2.28.   “Sinjal ta’ waqfien ta’ emerġenza” tfisser sinjal li jindika lill-utenti l-oħra tat-triq fuq wara tal-vettura li ġiet applikata forza b’saħħitha ta’ dewmien lill-vettura b’mod relattiv għall-kundizzjonijiet prevalenti fit-triq.

2.29.   Il-kulur tad-dawl li jarmi apparat

2.29.1.   “Abjad” tfisser il-koordinati tal-kromatiċìtà (x, y) (5) tad-dawl mormi li jaqgħu fiż-żona ta’ kromatiċìtà definita mil-limiti:

W12	limitu aħdar:	y = 0,150 + 0,640 x
W23	limitu ta' aħdar safrani:	y = 0,440
W34	limitu isfar:	x = 0,500
W45	limitu vjola fl-aħmar:	y = 0,382
W56	limitu vjola:	y = 0,050 + 0,750 x
W61	limitu blu:	x = 0,310

Bil-punti tal-intersezzjoni:

	x	y
W1	0,310	0,348
W2	0,453	0,440
W3	0,500	0,440
W4	0,500	0,382
W5	0,443	0,382
W6	0,310	0,283

2.29.2.   “Isfar selettiv” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

SY12	limitu aħdar:	y = 1,290 x – 0,100
SY23	il-lokus spettrali
SY34	limitu aħmar:	y = 0,138 + 0,580 x
SY45	limitu abjad fl-isfar:	y = 0,440
SY51	limitu abjad:	y = 0,940 – x

Bil-punti tal-intersezzjoni:

	x	y
SY1	0,454	0,486
SY2	0,480	0,519
SY3	0,545	0,454
SY4	0,521	0,440
SY5	0,500	0,440

2.29.3.   “Ambra” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

A12	limitu aħdar:	y = x – 0,120
A23	il-lokus spettrali
A34	limitu aħmar:	y = 0,390
A41	limitu abjad:	y = 0,790 – 0,670 x

Bil-punti tal-intersezzjoni:

	x	y
A1	0,545	0,425
A2	0,560	0,440
A3	0,609	0,390
A4	0,597	0,390

2.29.4.   “Aħmar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

R12	limitu isfar:	y = 0,335
R23	il-lokus spettrali
R34	il-linja vjola:	(l-estensjoni lineari tagħha fil-firxa vjola ta' kuluri bejn l-estremitajiet ħomor u blu tal-lokus spettrali)
R41	limitu vjola:	y = 0,980 – x

Bil-punti tal-intersezzjoni:

	x	y
R1	0,645	0,335
R2	0,665	0,335
R3	0,735	0,265
R4	0,721	0,259

2.30.   Il-Kulur Bil-Lejl tad-dawl retrorifless minn apparat eskluż it-tajers retroriflessivi skont ir-Regolament Nru 88

2.30.1.   “Abjad” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

W12	limitu blu:	y = 0,843 – 1,182 x
W23	limitu vjola:	y = 0,489 x + 0,146
W34	limitu isfar:	y = 0,968 – 1,010 x
W41	limitu aħdar:	y = 1,442 x – 0,136

Bil-punti tal-intersezzjoni:

	x	y
W1	0,373	0,402
W2	0,417	0,350
W3	0,548	0,414
W4	0,450	0,513

2.30.2.   “Isfar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limitu:

Y12	limitu aħdar:	y = x – 0,040
Y23	il-lokus spettrali
Y34	limitu aħmar:	y = 0,200 x + 0,268
Y41	limitu abjad:	y = 0,970 – x

Bil-punti tal-intersezzjoni:

	x	y
Y1	0,505	0,465
Y2	0,520	0,480
Y3	0,610	0,390
Y4	0,585	0,385

2.30.3.   “Ambra” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

A12	limitu aħdar:	y = 1,417 x – 0,347
A23	il-lokus spettrali
A34	limitu aħmar:	y = 0,390
A41	limitu abjad:	y = 0,790 – 0,670 x

Bil-punti tal-intersezzjoni:

	x	y
A1	0,545	0,425
A2	0,557	0,442
A3	0,609	0,390
A4	0,597	0,390

2.30.4.   “Aħmar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

R12	limitu isfar:	y = 0,335
R23	il-lokus spettrali
R34	il-linja vjola:
R41	limitu vjola:	y = 0,978 – x

Bil-punti tal-intersezzjoni:

	x	y
R1	0,643	0,335
R2	0,665	0,335
R3	0,735	0,265
R4	0,720	0,258

2.31.   Il-Kulur ta' Binhar tad-dawl rifless minn apparat

2.31.1.   “Abjad” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limitu:

W12	limitu vjola	y = x – 0,030
W23	limitu isfar	y = 0,740 – x
W34	limitu aħdar	y = x + 0,050
W41	limitu blu	y = 0,570 – x

Bil-punti tal-intersezzjoni:

	x	y
W1	0,300	0,270
W2	0,385	0,355
W3	0,345	0,395
W4	0,260	0,310

2.31.2.   “Isfar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limitu:

Y12	limitu aħmar	y = 0,534 x + 0,163
Y23	limitu abjad	y = 0,910 – x
Y34	limitu aħdar	y = 1,342 x – 0,090
Y41	il-lokus spettrali

Bil-punti tal-intersezzjoni:

	x	y
Y1	0,545	0,454
Y2	0,487	0,423
Y3	0,427	0,483
Y4	0,465	0,534

2.31.3.   “Aħmar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

R12	limitu aħmar	y = 0,346 – 0,053 x
R23	limitu vjola	y = 0,910 – x
R34	limitu isfar	y = 0,350
R41	il-lokus spettrali

Bil-punti tal-intersezzjoni:

	x	y
R1	0,690	0,310
R2	0,595	0,315
R3	0,560	0,350
R4	0,650	0,350

2.32.   Il-Kulur ta' Bin-Nhar tal-apparat fluworexxenti

2.32.1.   “Aħmar” tfisser il-koordinati tal-kromatiċità (x, y) (5) tad-dawl mormi li jkun ġewwa ż-żoni tal-kromatiċità definiti mil-limiti:

FR12	limitu aħmar	y = 0,346 – 0,053 x
FR23	limitu vjola	y = 0,910 – x
FR34	limitu isfar	y = 0,315 + 0,047 x
FR41	il-lokus spettrali

Bil-punti tal-intersezzjoni:

	x	y
FR1	0,690	0,310
FR2	0,595	0,315
FR3	0,569	0,341
FR4	0,655	0,345

2.33.   “Sinjal tat-twissija għal ħabta fuq wara (RECAS)” tfisser sinjal awtomatiku mogħti mill-vettura ta' quddiem lill-vettura ta' warajha. Din twissi lill-vettura ta' warajha li jeħtieġ tieħu azzjoni b'urġenza biex ma jkunx hemm ħabta.

3.   L-APPLIKAZZJONI GĦALL-APPROVAZZJONI

3.1.

L-applikazzjoni għall-approvazzjoni ta’ tip ta’ vettura rigward l-installzzjoni tad-dwal u tat-tagħmir tas-sinjalar bid-dawl għandha titressaq mill-manifattur jew mir-rappreżentant tiegħu li jkun ġie akkreditat b’mod xieraq.

3.2.

Għandha tkun akkumpanjata mid-dokumenti u mill-partikolaritajiet li ġejjin fi tliet kopji: 3.2.1. Deskrizzjoni tat-tip ta’ vettura rigward il-punti msemmija fil-paragrafi 2.2.1 sa 2.2.4 t’aktar ’il fuq, flimkien mar-restrizzjonjiet dwar it-tagħbija, b’mod partikolari t-tagħbija massima permissibbli fil-but; 3.2.2. Lista tal-apparati presritti mill-manifattur għall-assemblaġġ tad-dawl u tas-sinjalar bid-dawl. Il-lista tista’ tinkludi diversi tipi ta’ apparat għal kull operazzjoni. Kull tip irid ikun identifikat b’mod xieraq (komponent, marka ta’ approvazzjoni tat-tip, isem il-manifattur, eċċ.), minbarra dan rigward kull funzjoni, il-lista tista’ tinkludi l-annotazzjoni addizzjonali “jew apparati ekwivalenti”; 3.2.3. Disinn ta’ kif inhu mqassam l-apparat tad-dawl u tas-sinjalar bid-dawl kollu, fejn tintwera l-pożizzjoni tad-diversi apparati fuq il-vettura; 3.2.4. Jekk ikun meħtieġ, sabiex tkun verifikata l-konformità tal-preskrizzjonijiet tar-Regolament preżenti, disinn(disinji) ta’ kif inhu mqassam kull fanal individwali fejn tintwera s-superfiċje li ddawwal kif ġiet iddefinita fil-paragrafu 2.9, is-superfiċje li titfa’ d-dawl kif ġiet iddefinita fil-pargrafu 2.8, l-assi ta’ referenza kif ġie ddefinit fil-paragrafu 2.11 u ċ-ċentru ta’ rerferenza kif ġie ddefinit fil-paragrafu 2.12. Din l-informazzjoni mhix meħtieġa fil-każ tal-fanal tal-pjanċa ta’ reġistrazzjoni ta’ wara (il-paragrafu 2.7.13); 3.2.5. L-applikazzjoni għandha tinkludi dikjarazzjoni tal-metodu li ntuża għad-definizzjoni tas-superfiċje apparenti (ara l-paragrafu 2.10). 3.2.6. Fejn titwaħħal AFS fuq il-vettura, l-applikant għandu jippreżenta deskrizzjoni dettaljata li tipprovdi l-informazzjoni li ġejja: 3.2.6.1. Il-funzjonijiet u l-modalitajiet tad-dawl li għalihom ġiet approvata l-AFS; 3.2.6.2. Is-sinjali ta’ kontroll tal-AFS relatati u l-karatteristiċi tekniċi tagħhom kif ġew iddefiniti skont l-Anness 10 għar-Regolament Nru 123; 3.2.6.3. Id-dispożizzjonijiet li qed jiġu applikati biex il-funzjonijiet u l-modalitajiet tad-dawl ta’ quddiem jiġu adattati b’mod awtomatiku skont il-paragrafu 6.22.7.4 ta’ dan ir-Regolament; 3.2.6.4. Struzzjonijiet speċjali, jekk ikun hemm, għall-ispezzjoni tas-sorsi tad-dawl u għall-osservazzjoni viżiva tar-raġġ; 3.2.6.5. Id-dokumenti skont il-paragrafu 6.22.9.2 ta’ dan ir-Regolament; 3.2.6.6. Il-fanali li ġew iggruppati jew ikkombinati ma’ jew reċiprokament inkorporati fl-AFS; 3.2.6.7. L-unitajiet tad-dawl li huma ddisinjati sabiex ikunu konformi mar-rekwiżiti tal-paragrafu 6.22.5 ta’ dan ir-Regolament. 3.2.7. Għal vetturi tal-kategoriji M u N deskrizzjoni tal-kundizzjonijiet tal-provvista tal-elettriku għall-apparati indikati fil-paragrafi 2.7.9, 2.7.10, 2.7.12, 2.7.14 u 2.7.15 ta' hawn fuq, inkluż, jekk ikun il-każ, informazzjoni dwar provvista speċjali tal-elettriku/apparat elettroniku tal-kontroll tad-dawl jew kontroll ta’ intensitajiet varjabbli.

3.3.

Vettura mhux mgħobbija mgħammra b’sett komplut ta’ apparat tad-dawl u tas-sinjalar bid-dawl, kif provdut fil-paragrafu 3.2.2 t’aktar ’il fuq, u rappreżentattiva tat-tip ta’ vettura li għandu jkun approvat għandha titressaq quddiem is-Servizz Tekniku responsabbli mit-twettiq tat-testijiet ta’ approvazzjoni.

3.4.

Id-dokument provdut fl-Anness 1 għal dan ir-Regolament għandu jkun mehmuż mad-dokumentazzjoni tal-approvazzjoni tat-tip.

4.   L-APPROVAZZJONI

4.1.

Jekk it-tip ta’ vettura mressaq għall-approvazzjoni skont dan ir-Regolament jissodisfa r-rekwiżiti tar-Regolament fir-rigward tal-apparati kollha li ġew speċifikati fil-lista, għandha tingħata l-approvazzjoni għal dak it-tip ta’ vettura.

4.2.

Għandu jiġi assenjat numru ta’ approvazzjoni lil kull tip approvat. L-ewwel żewġ numri tiegħu (bħalissa 05, li jikkorrispondu għas-serje 05 ta’ emendi) għandhom jindikaw is-serje ta’ emendi li jinkorporaw l-aktar emendi tekniċi ewlenija reċenti li saru lir-Regolament fi żmien il-ħruġ tal-approvazzjoni. L-istess Parti Kontraenti ma għandhiex tassenja dan in-numru lil tip ieħor ta’ vettura jew lill-istess tip ta’ vettura mressaq b’apparat li mhux speċifikat fil-lista li tissemma fil-paragrafu 3.2.2 t’aktar ’il fuq, bla ħsara għad-dispożizzjonijiet tal-paragrafu 7 ta’ dan ir-Regolament.

4.3.

L-avviż ta’ approvazzjoni jew ta’ estensjoni jew ta’ rifjut ta’ approvazzjoni jew ta’ produzzjoni mwaqqfa għal kollox ta’ tip/parti ta’ vettura skont dan ir-Regolament għandu jkun ikkomunikat lill-Partijiet għall-Ftehim tal-1958 li japplikaw dan ir-Regolament, permezz ta’ formola li tikkonforma mal-mudell fl-Anness 1 għal dan ir-Regolament.

4.4.

Ma’ kull vettura li tikkonforma mat-tip ta’ vettura approvat skont dan ir-Regolament, b’mod li jolqot l-għajn u f’post faċilment aċċessibbli li ġie speċifikat fuq il-formola tal-approvazzjoni, għandha titwaħħal marka ta’ approvazzjoni internazzjonali li tikkonsisti fi: 4.4.1. Ċirku madwar l-ittra “E” segwit min-numru li jiddistingwi l-pajjiż li ta l-approvazzjoni (6); 4.4.2. In-numru ta’ dan ir-Regolament, segwit mill-ittra “R”, sing u n-numru ta’ approvazzjoni fuq il-lemin taċ-ċirku provdut fil-paragrafu 4.4.1.

4.5.

Jekk il-vettura tikkonforma ma’ tip ta’ vettura approvat, skont wieħed jew aktar mir-Regolamenti annessi għall-Ftehim, fil-pajjiż li jkun ta l-approvazzjoni skont dan ir-Regolament, mhemmx għalfejn jiġi ripetut is-simbolu provdut fil-paragrafu 4.4.1, f’każ ta’ din ix-xorta, in-numri tar-Regolament u tal-approvazzjoni u s-simboli addizzjonali tar-Regolamenti kollha li skont tagħhom ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandhom jitqiegħdu f’kolonni vertikali fuq il-lemin tas-simbolu provdut fil-paragrafu 4.4.1.

4.6.

Il-marka ta’ approvazzjoni għandha tkun tista’ tinqara b’mod ċar u għandha tkun indelibbli.

4.7.

Il-marka ta’ approvazzjoni għandha titqiegħed qrib ta’ jew fuq il-pjanċa tad-data tal-vettura mwaħħla mill-manifattur.

4.8.

L-Anness 2 għal dan ir-Regolament jagħti eżempji ta’ arranġamenti ta’ marki ta’ approvazzjoni.

5.   L-ISPEĊIFIKAZZJONIJIET ĠENERALI

5.1.   L-apparat tad-dawl u tas-sinjalar bid-dawl għandhom ikunu mwaħħla b’tali mod li f’kundizzjonijiet normali ta’ użu, kif iddefiniti fil-paragrafi 2.24, 2.24.1 u 2.24.2, u minkejja kwalunkwe vibrazzjoni li għaliha jistgħu jkunu soġġetti, iżommu l-karatteristiċi provduti f’dan ir-Regolament u jippermettu li l-vettura tikkonforma mar-rekwiżiti ta’ dan ir-Regolament. B’mod partikolari, ma għandux ikun possibbli li l-fanali jkunu aġġustati ħażin b’mod involontarju.

5.2.   Il-fanali li jdawlu, li ġew deskritti fil-paragrafi 2.7.9, 2.7.10 u 2.7.19, għandhom ikunu installati b’tali mod li l-aġġustament korrett tal-orjentazzjoni tagħhom jista’ jitwettaq faċilment.

5.2.1.

Fil-każ ta' fanali mgħammra b'miżuri kontra l-iskumdità ta' utenti oħra tat-triq f'pajjiż fejn it-traffiku jinsab fuq in-naħa tat-triq opposta għal dak tal-pajjiż li għalih ġie ddisinjat il-fanal, dawn il-miżuri għandhom jinkisbu awtomatikament jew mill-utent tal-vettura bil-vettura pparkjata mingħajr il-bżonn ta' għodod speċjali (minbarra dawk ipprovduti mal-vettura (7)). Għandhom jingħataw struzzjonijiet dettaljati mill-manifattur tal-vettura mal-vettura.

5.3.   Għall-apparati kollha tas-sinjalar bid-dawl, inklużi dawk immuntati fuq il-panils tal-ġenb, l-assi ta’ referenza tal-fanal meta mwaħħal fuq il-vettura jrid ikun parallel għall-pjan tal-ġarr tal-vettura fit-triq; barra minn hekk, irid ikun perpendikulari għall-pjan medjan lonġitudinali tal-vettura fil-każ tar-retrorifletturi tal-ġenb u tal-fanali li jimmarkaw il-ġnub u parallel għal dak il-pjan fil-każ tal-apparati tas-sinjali l-oħra kollha. F’kull direzzjoni, għandha titħalla tolleranza ta’ ± 3°. Barra minn hekk, irid ikun hemm konformità ma’ kwalunkwe struzzjoni speċifika rigward it-twaħħil li ġiet stabbilita mill-manifattur.

5.4.   Fin-nuqqas ta’ struzzjonijiet speċifiċi, l-għoli u l-orjentazzjoni tal-fanali għandhom ikunu verifikati meta l-vettura ma tkunx mgħobbija u meta tkun fuq superfiċje ċatta u orizzontali fil-kundizzjoni ddefinita fil-paragrafi 2.24, 2.24.1 u 2.24.2 u, fil-każ fejn tiġi installata AFS, bis-sistema fl-istat newtrali tagħha.

5.5.   Fin-nuqqas ta’ struzzjonijiet speċifiċi, il-fanali li jikkostitwixxu par għandhom:

5.5.1.

Jitwaħħlu fuq il-vettura b’mod simmetriku b’relazzjoni għall-pjan medjan lonġitudinali (din l-istima għandha tkun ibbażata fuq il-forma ġeometrika esterna tal-fanal u mhux fuq it-tarf tas-superfiċje li ddawwal li tissemma fil-paragrafu 2.9);

5.5.2.

Ikunu simmetriċi waħda għall-oħra b’relazzjoni għall-pjan medjan lonġitudinali; dan ir-rekwiżit ma jkunx validu rigward l-istruttura interna tal-fanal;

5.5.3.

Jissodisfaw l-istess rekwiżiti kolorimetriċi; u jkollhom sostanzjalment karatteristiċi fotometriċi identiċi. Dan ma għandux japplika għal par imqabbel ta’ fanali għaċ-ċpar fuq quddiem tal-Klassi F3.

5.5.4.

Ikollhom sostanzjalment karatteristiċi fotometriċi identiċi.

5.6.   Fuq vetturi li s-sura esterna tagħhom tkun asimmetrika, ir-rekwiżiti t’aktar ’il fuq għandhom ikunu sodisfatti kemm jista’ jkun.

5.7   Fanali iggruppati, ikkombinati jew reċiprokament inkorporati

5.7.1.

Il-fanali jistgħu jkunu ggruppati, ikkombinati jew reċiprokament inkorporati waħda mal-oħra sakemm ir-rekwiżiti kollha rigward il-kulur, il-pożizzjoni, l-orjentazzjoni, il-viżibilità ġeometrika, il-konnessjonijiet elettriċi u r-rekwiżiti l-oħra, jekk ikun hemm, jiġu sodisfatti. 5.7.1.1. Ir-rekwiżiti fotometriċi u kolorimetriċi ta' fanal għandhom jiġu sodisfatti meta l-funzjonijiet l-oħra kollha li magħhom dan il-fanal ikun iggruppat, ikkombinat jew inkorporat reċiprokament, ikunu MITFIJA. Madankollu, meta fanal tal-pożizzjonament ta’ quddiem jew ta' wara jkun inkorporat reċiprokament ma' funzjoni waħda jew iktar li jistgħu jiġu attivati flimkien magħha, ir-rekwiżiti dwar il-kulur ta' kull waħda minn dawn il-funzjonijiet l-oħra għandhom jiġu sodisfatti meta l-funzjonijiet inkorporati u l-fanali ta’ pożizzjonament ta’ quddiem jew ta' wara jkunu MIXGĦULA. 5.7.1.2. Il-fanali tal-waqfien u l-fanali li jindikaw id-direzzjoni ma jistgħux ikunu inkorporati reċiprokament. 5.7.1.3. Meta fanali tal-waqfien u fanali li jindikaw id-direzzjoni jiġu ggruppati, għandhom jiġu sodisfatti l-kundizzjonijiet li ġejjin: 5.7.1.3.1. Kwalunkwe linja dritta orizzontali jew vertikali li tgħaddi mill-projezzjonjiet tas-superfiċji apparenti ta’ dawn il-funzjonijiet fuq pjan perpendikulari għall-assi ta’ referenza, ma għandux jaqsam aktar minn żewġ linji ta’ demarkazzjoni li jisseparaw żoni biswit xulxin ta’ kulur differenti; 5.7.1.3.2. Ma għandux ikun hemm trikkib tas-superfiċji apparenti tagħhom fid-direzzjoni tal-assi ta' referenza, abbażi taż-żoni mdawra mill-burduri tas-superfiċji tagħhom li jarmu d-dawl.

5.7.2.

Fejn is-superfiċje apparenti ta’ fanal singolu hija magħmula minn żewġ partijiet distinti jew aktar, għandha tissodisfa r-rekwiżiti li ġejjin: 5.7.2.1. Jew l-erja totali tal-projezzjoni tal-partijiet distinti fuq pjan tanġenzjali għas-superfiċje esterna tas-superfiċje esterna tal-lenti ta' barra u perpendikulari għall-assi ta’ referenza għandha tokkupa mhux inqas minn 60 fil-mija tal-iżgħar figura kwadrilaterali li tiċċirkoskrivi l-projezzjoni msemmija, jew id-distanza bejn żewġ partijiet distinti biswit xulxin/tanġenzjali ma għandhiex teċċedi 15 mm meta mkejla b’mod perpendikulari għall-assi ta’ referenza. Dan ir-rekwiżit ma għandux japplika għal retroriflettur. 5.7.2.2. Jew, fil-każ ta' fanali interdipendenti, id-distanza bejn is-superfiċji apparenti ma' ġenb xulxin fid-direzzjoni tal-assi ta' referenza ma tkunx iktar minn 75 mm meta mkejla perpendikolarment mal-assi ta' referenza.

5.8.   L-għoli massimu ’l fuq mill-art għandu jitkejjel mill-ogħla punt u l-għoli minimu mill-aktar punt baxx tas-superfiċje apparenti fid-direzzjoni tal-assi ta’ referenza.

Fil-każ ta’ fanal b’raġġ baxx, l-għoli minimu b’relazzjoni għall-art jitkejjel mill-aktar punt baxx tal-iżbokk effettiv tas-sistema ottika (eż. riflettur, lenti, lenti ta’ projezzjoni) indipendenti mill-użu tagħha.

Fejn l-għoli (massimu u minimu) ’il fuq mill-art b’mod ċar jissodisfa r-rekwiżiti tar-Regolament, mhemmx għalfejn jiġu ddeterminati t-truf eżatti ta’ kwalunkwe superfiċje.

5.8.1.

Il-pożizzjoni, rigward il-wisa’, se tkun iddeterminata minn dak it-tarf tas-superfiċje apparenti fid-direzzjoni tal-assi ta’ referenza li hija l-aktar ’il bogħod mill-pjan medjan lonġitudinali tal-vettura b’referenza għall-wisa’ totali, u mit-truf ta’ ġewwa tas-superfiċje apparenti fid-direzzjoni tal-assi ta’ referenza b’referenza għad-distanza bejn il-fanali. Fejn il-pożizzjoni, rigward il-wisa’, b’mod ċar tissodisfa r-rekwiżiti tar-Regolament, m’hemmx għalfejn jiġu ddeterminati t-truf eżatti ta’ kwalunkwe superfiċje.

5.9.   Fin-nuqqas ta’ struzzjonijiet speċifiċi, matul il-perjodu ta’ attivazzjoni tal-fanal, il-karatteristiċi fotometriċi (eż. l-intensità, il-kulur, is-superfiċje apparenti, eċċ.) ta’ fanal ma għandhomx ikunu varjati apposta.

5.9.1.

Il-fanali li jindikaw id-direzzjoni, il-fanali tas-sinjal ta’ twissija f’każ ta’ periklu mill-vettura, il-fanali ambra li jimmarkaw il-ġnub li jikkonformaw mal-paragrafu 6.18.7 t’aktar ’l isfel, u s-sinjal ta’ waqfien ta’ emerġenza għandhom ikunu fanali li jixegħlu u jitfu malajr.

5.9.2.

Il-karatteristiċi fotometriċi ta’ kwalunkwe fanal jistgħu jvarjaw: (a) B’relazzjoni għad-dawl ambjentali; (b) B’konsegwenza tal-attivazzjoni ta’ fanali oħrajn; jew (c) Meta l-fanali jkunu qed jintużaw biex jipprovdu funzjoni oħra ta’ dawl; sakemm kwalunkwe varjazzjoni fil-karatteristiċi fotometriċi tkun konformi mad-dispożizzjonijiet tekniċi għall-fanal ikkonċernat.

5.10.   Fanal ma għandu jitfa l-ebda dawl aħmar li jista’ jagħti lok għal konfużjoni, kif ġie ddefinit fil-paragrafu 2.7, f’direzzjoni ’l quddiem u fanal ma għandu jitfa l-ebda dawl abjad li jista’ jagħti lok għal konfużjoni, kif ġie ddefinit fil-paragrafu 2.7 f’direzzjoni lura. L-apparati tad-dawl imwaħħla għad-dawl intern tal-vettura ma għandhomx jitqiesu. F’każ ta’ dubju, dan ir-rekwiżit għandu jkun ivverifikat kif ġej:

5.10.1.

Għall-viżibilità tad-dawl aħmar lejn il-parti ta’ quddiem ta’ vettura, bl-eċċezzjoni ta’ fanal aħmar li jimmarka l-ġnub fuq waranett, ma jrid ikun hemm l-ebda viżibilità diretta tas-superfiċje apparenti ta’ fanal aħmar jekk qed jarah osservatur li qed jiċċaqlaq fiż-Żona 1 kif ġie speċifikat fl-Anness 4.

5.10.2.

Għall-viżibilità ta’ dawl abjad lejn il-parti ta’ wara tal-vettura, ħlief għall-fanali tar-rivers u mmarkar abjad biex jolqot l-għajn imwaħħal fuq il-vettura, ma jrid ikun hemm l-ebda viżibilità diretta tas-superfiċje apparenti ta’ fanal abjad jekk qed jarah osservatur li qed jiċċaqlaq fiż-Żona 2 fi pjan trasversali li jinsab 25 m wara l-vettura (ara l-Anness 4);

5.10.3.

Fil-pjani rispettivi tagħhom, iż-żoni 1 u 2 esplorati minn għajn l-osservatur huma limitati: 5.10.3.1. Fl-għoli, minn żewġ pjani orizzontali rispettivament 1 m u 2,2 m’il fuq mill-art; 5.10.3.2. Fil-wisa’, minn żewġ pjani vertikali li, ’il quddiem u lura rispettivament jiffurmaw angolu ta’ 15° ’il barra mill-pjan medjan lonġitudinali tal-vettura, jgħaddu mill-punt jew mill-punti ta’ kuntatt ta’ pjani vertikali paralleli għall-pjan medjan lonġitudinali tal-vettura li jillimita l-wisa’ totali tal-vettura; jekk hemm diversi punti ta’ kuntatt, dak li qiegħed quddiemnett għandu jikkorrispondi għall-pjan ’il quddiem u dawk li qiegħed fuq waranett għall-pjan lura.

5.11.   Il-konnessjonjiet elettriċi jridu jkunu tali li l-fanali ta’ pożizzjonament ta’ quddiem u ta’ wara, il-fanali li jimmarkaw il-kontorn tat-tarf, jekk hemm, il-fanali li jimmarkaw il-ġnub, jekk hemm, u l-fanal tal-pjanċa ta’ reġistrazzjoni ta’ wara jistgħu JINXTEGĦLU u JINTFEW fl-istess ħin biss.

5.11.1.

Din il-kundizzjoni ma tapplikax: 5.11.1.1. meta l-fanali tal-pożizzjonament ta' quddiem u ta' wara jkunu MIXGĦULA, kif ukoll il-fanali li jimmarkaw il-ġnub meta kombinati jew inkorporati reċiprokament mal-fanali imsemmija, bħall-fanali tal-parking; jew; 5.11.1.2. meta l-fanali li jimmarkaw il-ġnub jixgħelu u jitfu fl-istess ħin bħall-indikaturi tad-direzzjoni; jew; 5.11.1.3. meta s-sistema tas-sinjalar bid-dawl tkun topera skont 6.2.7.6.2; jew;

5.11.2.

għall-fanali tal-pożizzjonament ta' quddiem meta l-funzjoni tagħhom tkun sostitwita skont id-dispożizzjonijiet tal-paragrafu 5.12.1 hawn taħt.

5.11.3.

Fil-każ ta' sistema ta' fanali interdipendenti, is-sorsi kollha tad-dawl għandhom JIXGĦELU u JINTFEW fl-istess ħin.

5.12.   Il-konnessjonijiet elettriċi jridu jkunu tali li l-fanali b’raġġ ewlieni u b’raġġ baxx u l-fanali għaċ-ċpar fuq quddiem ma jistgħux jinxtegħlu ħlief jekk il-fanali li jissemmew fil-paragrafu 5.11 ma jinxtegħlux ukoll. Dan ir-rekwiżit ma għandux japplika, madanakollu, għall-fanali b’raġġ ewlieni jew b’raġġ baxx meta t-twissijiet ta’ luminożità tagħhom jikkonsistu fid-dawl intermittenti f’intervalli qosra tal-fanal b’raġġ ewlieni jew fid-dawl intermittenti f’intervalli qosra tal-fanali b’raġġ baxx jew fid-dawl alternat f’intervalli qosra tal-fanali b’raġġ ewlieni u b’raġġ baxx.

5.12.1.

Il-fanali bir-raġġ baxx u/jew il-fanali tar-raġġ ewlieni u/jew il-fanali taċ-ċpar ta' quddiem jistgħu jissostitwixxu l-funzjoni tal-fanali tal-pożizzjonament ta' quddiem, sakemm: 5.12.1.1. Il-konnessjonijiet elettriċi tagħhom ikunu tali li f'każ ta' falliment ta' kwalunkwe wieħed minn dawn l-apparati tad-dawl, il-fanali tal-pożizzjoni ta' quddiem jiġu riattivati awtomatikament; u 5.12.1.2. Il-fanal/funzjoni ta' sostituzzjoni tkun tissodisfa, għall-fanal tal-pożizzjonament rispettiv, ir-rekwiżiti dwar: (a) Il-viżibilità ġeometrika preskritta għall-fanali tal-pożizzjonament ta' quddiem fil-paragrafu 6.9.5; u (b) Il-valuri fotometriċi minimi skont l-angoli tad-distribuzzjoni tad-dawl; u 5.12.1.3. Evidenza xierqa li turi l-konformità mar-rekwiżiti indikati fil-paragrafu 5.12.1.2 hawn fuq tingħata fir-rapporti tat-test tal-fanal ta' sostituzzjoni.

5.13.   It-tell-tale

Fejn dan ir-Regolament jipprovdi għal tell-tale b’ċirkwit magħluq, dan jista’ jkun sostitwit minn tell-tale “operattiv”.

5.14.   Fanali li jistgħu jinħbew

5.14.1.

Il-ħabi tal-fanali għandu jkun ipprojbit, ħlief għall-fanali b’raġġ ewlieni, għall-fanali b’raġġ baxx u għall-fanali għaċ-ċpar fuq quddiem, li jistgħu jinħbew meta ma jkunux qed jintużaw.

5.14.2.

Fil-każ ta’ kwalunkwe ħsara li taffettwa l-ħidma tal-apparat(i) moħbi(ja), il-fanali għandhom jibqgħu fil-pożizzjoni tal-użu, jekk diġà qed jintużaw, jew għandhom ikunu jistgħu jiġu mċaqilqa fil-pożizzjoni tal-użu mingħajr l-għajnuna ta’ għodda.

5.14.3.

Irid ikun possibbli li l-fanali jiġu mċaqilqa fil-pożizzjoni tal-użu u li jinxtegħlu permezz ta’ kontroll wieħed, mingħajr ma tkun eskluża l-possibbiltà li jiġu mċaqilqa fil-pożizzjoni tal-użu mingħajr ma jinxtegħlu. Madanakollu, fil-każ ta’ fanali b’raġġ ewlieni u b’raġġ baxx iggruppati, il-kontroll li jissemma hawn fuq huwa meħtieġ biss li jattiva l-fanali b’raġġ baxx.

5.14.4.

Ma jridx ikun possibbli, li b’mod deliberat, mis-sit tas-sewwieq, jitwaqqaf il-moviment tal-fanali mixgħula qabel ma jilħqu l-pożizzjoni tal-użu. Jekk ikun hemm periklu li l-moviment tal-fanali jgħammex għajnejn l-utenti l-oħra tat-triq, jistgħu jixegħlu biss meta jilħqu l-pożizzjoni tal-użu tagħhom.

5.14.5.

Meta l-apparat ta’ ħabi jkollu temperatura ta’ – 30 °C sa + 50 °C, il-fanali iridu jkunu jistgħu jilħqu l-pożizzjoni tal-użu fi tliet sekondi mit-tħaddim inizjali tal-kontroll.

5.15.   Il-kuluri tad-dawl li jitfgħu l-fanali (8) huma dawn li ġejjin:

Il-fanal b’raġġ ewlieni:	Abjad
Fanal b’raġġ baxx:	Abjad
Fanal ta’ quddiem għaċ-ċpar:	Abjad jew isfar selettiv
Il-fanal tar-rivers:	Abjad
Fanal li jindika d-direzzjoni:	Ambra
Is-sinjal ta’ twissija f’każ ta’ periklu:	Ambra
Fanal tal-waqfien:	Aħmar
Is-sinjal ta’ waqfien ta’ emerġenza:	Ambra jew aħmar
Sinjal ta' twissija ta' ħabta fuq wara:	Ambra
Fanal tal-pjanċa ta’ reġistrazzjoni ta’ wara:	Abjad
Fanal ta’ pożizzjonament ta’ quddiem:	Abjad
Fanal ta’ pożizzjonament ta’ wara:	Aħmar
Fanal għaċ-ċpar fuq quddiem:	Abjad jew isfar selettiv
Fanal għaċ-ċpar ta’ wara:	Aħmar
Fanali tal-ipparkjar:	Abjad fuq quddiem, aħmar fuq wara, ambra jekk inkorporata reċiprokament fil-fanali li jindikaw id-direzzjoni tal-ġenb jew fil-fanali li jimmarkaw il-ġnub.
Fanal li jimmarka l-ġnub:	Ambra; madanakollu l-fanal li jimmarka l-ġnub fuq waranett jista’ jkun aħmar jekk ikun iggruppat jew ikkombinat jew reċiprokament inkorporat mal-fanal ta’ pożizzjonament ta’ wara, mal-fanal li jimmarka l-kontorn tat-tarf ta’ wara, mal-fanal għaċ-ċpar ta’ wara, mal-fanal tal-waqfien jew ikun iggruppat jew ikollu parti mis-superfiċje li jitfa’ d-dawl komuni mar-retroriflettur ta’ wara.
Fanal li jimmarka l-kontorn tat-tarf:	Abjad fuq quddiem, aħmar fuq wara
Fanal tas-sewqan binhar:	Abjad
retroriflettur ta’ wara, mhux triangolari:	Aħmar
Retroriflettur ta’ wara, triangolari:	aħmar
Retroriflettur ta’ quddiem, mhux triangolari:	Identiku għad-dawl inċidentali (9)
Retroriflettur tal-ġenb, mhux triangolari:	Ambra; madanakollu ir-retro-rifletur tal-ġenb ta’ waranett jista’ jkun aħmar jekk ikun iggruppat jew ikollu parti mis-superfiċje li titfa’ d-dawl komuni mal-fanal ta’ pożizzjonament ta’ wara, għall-fanal li jimmarka l-kontorn tat-tarf ta’ wara, għall-fanal għaċ-ċpar fuq wara, għall-fanal ta’ waqfien, għall-fanal aħmar li jimmarka l-ġnub fuq waranett jew ir-retroriflettur ta’ wara, mhux triangolari.
Il-fanali għall-kantunieri:	Abjad
Immarkar biex jolqot l-għajn:	Abjad fuq quddiem
	Abjad jew isfar fuq il-ġenb;
	aħmar jew isfar fuq wara. (10)
Sistemi adattativi tad-dawl ta’ quddiem (AFS):	Abjad
Fanal tal-korteżija esterna:	Abjad

5.16.   In-numru ta’ fanali

5.16.1.

In-numru ta’ fanali immuntati fuq il-vettura għandu jkun daqs in-numru indikat fl-ispeċifikazzjonijiet individwali ta’ dan ir-Regolament.

5.17.   Fuq komponenti li jiċċaqilqu jista’ jiġi installata kwalunkwe fanal sakemm il-kundizzjonijiet speċifikati fil-paragrafi 5.18, 5.19 u 5.20 jiġu sodisfatti.

5.18.   Il-fanali ta’ pożizzjonament ta’ wara, l-indikaturi tad-direzzjoni ta’ wara u r-retrorifletturi ta’ wara, triangolari kif ukoll mhux triangolari, jistgħu jiġu installati fuq komponenti li jiċċaqilqu biss:

5.18.1.

Jekk fil-pożizzjonijiet fissi kollha tal-komponenti li jiċċaqilqu, il-fanali fuq il-komponenti li jiċċaqilqu jissodisfaw ir-rekwiżiti ta’ pożizzjoni, ta’ viżibilità ġeometrika u fotometriċi kollha għal dawk il-fanali.

5.18.2.

Fil-każ fejn il-funzjonijiet imsemmija fil-paragrafu 5.1.8 jinkisbu biss b'assemblaġġ ta' żewġ fanali immarkati “D” (ara l-paragrafu 2.16.1), jeħtieġ li waħda mill-fanali biss tkun tissodisfa r-rekwiżiti tal-pożizzjoni, tal-viżibilità ġeometrika u tal-fotometrija għal dawk il-fanali fil-pożizzjonijiet fissi kollha tal-komponenti li jiċċaqilqu. jew

5.18.3.

Fejn jitwaħħlu u jiġu attivati fanali addizzjonali għall-funzjonijiet li ssemmew aktar ’il fuq, meta l-komponent li jiċċaqlaq ikun fi kwalunkwe pożizzjoni fissa miftuħa, sakemm dawn il-fanali addizzjonali jissodisfaw ir-rekwiżiti ta’ pożizzjoni, ta’ viżibilità ġeometrika u fotometriċi kollha applikabbli għall-fanali installati fuq il-komponent li jiċċaqlaq.

5.18.4.

Fil-każ fejn il-funzjonijiet imsemmija fil-paragrafu 5.18 jinkisbu b'sistema ta' fanali interdipendenti, tapplika kwalunkwe waħda mill-kundizzjonijiet li ġejjin: (a) Jekk is-sistema sħiħa ta' fanali interdipendenti tiġi mgħammra fuq il-komponent(i) li jiċċaqlaq/jiċċaqilqu, għandhom jiġu sodisfatti r-rekwiżiti tal-paragrafu 5.18.1 Madankollu, jistgħu jiġu attivati fanali addizzjonali għall-funzjonijiet li ssemmew aktar ’il fuq, meta l-komponent li jiċċaqlaq ikun fi kwalunkwe pożizzjoni fissa miftuħa, sakemm dawn il-fanali addizzjonali jissodisfaw ir-rekwiżiti ta’ pożizzjoni, ta’ viżibilità ġeometrika u fotometriċi kollha applikabbli għall-fanali installati fuq il-komponent li jiċċaqlaq. jew (b) Jekk is-sistema ta' fanali interdipendenti tiġi mgħammra parzjalment fuq il-komponent fiss u parzjalment fuq komponent li jiċċaqlaq, il-fanali interdipendenti speċifikati mill-Applikant matul il-proċedura tal-approvazzjoni tal-apparat għandha/għandhom jissodisfaw ir-rekwiżiti kollha tal-pożizzjoni, tal-viżibilità ġeometrika 'l barra u tal-fotometrija għal dawk il-fanali, fil-pożizzjonijiet fissi kollha tal-komponenti li jiċċaqilqu. Ir-rekwiżit(i) tal-viżibilità ġeometrika 'l ġewwa għandu/għandhom jitqies(u) li hu(ma) sodisfatt(i) jekk din(dawn) il-fanali interdipendenti tkun(jkunu) għadha(għadhom) tikkonforma(jikkonformaw) mal-valuri preskritti fil-kamp tad-distribuzzjoni tad-dawl għall-approvazzjoni tal-apparat, fil-pożizzjonijiet fissi kollha tal-komponent(i) li jiċċaqlaq(jiċċaqilqu).

5.19.   Meta l-komponenti li jiċċaqilqu jkunu f’pożizzjoni li mhix “pożizzjoni normali ta’ użu”, l-apparati installati fuqhom ma għandhomx jikkawżaw skumdità mhux xieraq lill-utenti tat-triq.

5.20.   Meta fuq komponent li jiċċaqlaq jiġi installat fanal u l-komponent li jiċċaqlaq ikun fil-“pożizzjoni(jiet) normali tal-użu”, il-fanal irid dejjem jirritorna għall-pożizzjoni(jiet) speċifikati mill-manifattur skont dan ir-Regolament. Fil-każ ta’ fanali b’raġġ baxx u fanali għaċ-ċpar fuq quddiem, dan ir-rekwiżit għandu jitqies li kien sodisfatt jekk, meta l-komponenti li jiċċaqilqu jiġu mċaqilqa u rritornati għall-pożizzjoni normali għal 10 darbiet, l-ebda valur tal-inklinazzjoni angolari ta’ dawn il-fanali, relattiv għall-appoġġ tiegħu, imkejjel wara kull operazzjoni tal-komponent li jiċċaqlaq, ma jvarja b’aktar minn 0,15 fil-mija mill-medja tal-10 valuri mkejla. Jekk dan il-valur jinqabeż, kull limitu speċifikat fil-paragrafu 6.2.6.1.1 imbagħad għandu jkun immodifikat minn dan l-eċċess sabiex titnaqqas il-firxa permessa tal-inklinazzjonijiet meta tkun ikkontrollata l-vettura skont l-Anness 6.

5.21.   Is-superfiċje apparenti fid-direzzjoni tal-assi ta’ referenza tal-fanali ta’ pożizzjonament ta’ quddiem u ta’ wara, tal-fanali li jindikaw id-direzzjoni ta’ quddiem u ta’ wara u tar-retrorifletturi ma għandhiex tkun moħbija għal aktar minn 50 fil-mija minn kwalunkwe komponent li jiċċaqlaq, b’apparat tas-sinjalar bid-dawl installat fuqu jew mingħajr ma jkun installat, fi kwalunkwe pożizzjoni ffissata differenti mill-“pożizzjoni normali tal-użu”.

Jekk ir-rekwiżit t’hawn fuq mhux prattikabbli:

5.21.1.

Fanali addizzjonali li jissodisfaw ir-rekwiżiti ta’ pożizzjoni, ta’ viżibilità ġeometrika u fotometriċi kollha għall-fanali li ġew indikati aktar ’il fuq għandhom ikunu attivati meta s-superfiċje apparenti fid-direzzjoni tal-assi ta’ referenza ta’ dawn il-fanali tkun aktar minn 50 fil-mija moħbija mill-komponent li jiċċaqlaq; jew

5.21.2.

Rimarka fil-formola ta’ komunikazzjoni (il-punt 10.1 tal-Anness 1) għandha tinforma lill-Amministrazzjonijiet l-oħra li aktar minn 50 fil-mija tas-superfiċje apparenti fid-direzzjoni tal-assi ta’ referenza jista’ jkun moħbi mill-komponenti li jiċċaqilqu; u Avviż fil-vettura għandu jinforma lill-utent li f’ċerta(i) pożizzjoni(jiet) tal-komponenti li jiċċaqilqu, utenti oħra tat-triq għandhom ikunu mwissija bil-preżenza tal-vettura fit-triq; pereżempju, permezz ta’ triangolu ta’ twissija jew apparati oħra skont ir-rekwiżiti nazzjonali għall-użu fit-triq.

5.21.3.

Il-paragrafu 5.21.2 ma japplikax għar-retrorifletturi.

5.22.   Bl-eċċezzjoni tar-retrorifletturi, fanal anki jekk ikollu fuqu marka ta’ approvazzjoni jitqies li ma jkunx preżenti meta ma jkunx jista’ jitħaddem bl-installazzjoni biss ta’ sors tad-dawl u/jew fjus.

5.23.   Il-fanali għandhom jitwaħħlu fuq vettura b’tali mod li s-sors tad-dawl jista’ jiġi sostitwit b’mod korrett mingħajr bżonn ta' għajnuna esperta u mingħajr ma jintużaw għodod speċjali, ħlief dawk provduti mal-vettura mill-manifattur. Il-manifattur tal-vettura għandu jipprovdi mal-vettura deskrizzjoni dettaljata tal-proċedura għas-sostituzzjoni. Dan il-paragrafu ma japplikax għal:

(a)	Apparati approvati b’sors mhux sostiwibbli tad-dawl;

(b)	Apparati approvati b’sorsi tad-dawl skont ir-Regolament Nru 99.

5.24.   Tkun permessa kwalunkwe sostituzzjoni temporanja ta’ sikurezza tal-funzjoni tas-sinjali bid-dawl ta’ fanal ta’ pożizzjonament ta’ wara, sakemm il-funzjoni sostitutiva f’każ ta’ ħsara tkun simili fil-kulur, fl-intensità ewlenija u fil-pożizzjoni għall-funzjoni li waqfet taħdem u sakemm l-apparat sostitutiv jibqa’ operattiv fil-funzjoni ta’ sikurezza oriġinali tiegħu. Waqt is-sostituzzjoni, tell-tale fuq id-daxxbord (il-paragrafu 2.18 ta’ dan ir-Regolament) għandu jindika li kien hemm sostituzzjoni temporanja u li hemm ħtieġa għal tiswija.

5.25.   Fejn titwaħħal AFS, għandha titqies bħala ekwivalenti għal par fanali b’raġġ baxx u, jekk tipprovdi funzjoni(jiet) ta’ raġġ ewlieni, għandha titqies bħala ekwivalenti għal par fanali b’raġġ ewlieni.

5.26.   Huma permessi fanali li jindikaw id-direzzjoni fuq wara, fanali ta’ pożizzjonament ta’ wara, fanali ta’ waqfien (ħlief il-fanali ta’ waqfien tal-kategorija S4) u fanali għaċ-ċpar fuq wara b’kontroll ta’ intensitajiet ta’ luminożità varjabbli, li jirreaġixxu fl-istess ħin għal mill-inqas waħda mill-influwenzi esterni li ġejjin: dawl ambjentali, ċpar, silġ, ilma, sprej, sħab ta’ trab, kontaminzzjoni tas-superfiċje li tarmi d-dawl, sakemm ir-relazzjoni tal-intensitajiet preskritta tagħhom tinżamm matul it-tranżizzjonijiet ta’ varjazzjoni kollha. Matul tranżizzjoni ma għandha tkun osservata l-ebda varjazzjoni f’daqqa tal-intensità. Il-fanali ta’ waqfien tal-kategorija S4 jistgħu jipproduċu intensità ta’ luminożità varjabbli indipendenti mill-fanali l-oħra. Jista’ jkun possibbli li s-sewwieq jissettja l-funzjonijiet t’hawn fuq għal intensitajiet ta’ luminożità li jikkorrispondu għall-kategorija stabbli tagħhom u jirritornahom għall-kategorija varjabbli awtomatika tagħhom.

5.27.   Għal vetturi tal-kategoriji M u N, l-applikant għandu juri lis-Servizz Tekniku responsabbli għall-ittestjar tal-approvazzjoni tat-tip li l-kundizzjonijiet tal-provvista tal-elettriku għall-apparati indikati fil-punti 2.7.9, 2.7.10, 2.7.12, 2.7.14 u 2.7.15 hawn fuq, jikkonformaw, meta s-sistema elettrika tal-vettura tkun f'kundizzjoni ta' tħaddim b'vultaġġ kostanti, rappreżentattiv għall-kategorija relevanti ta' vettura motorizzata kif speċifikat mill-applikant, bid-dispożizzjonijiet li ġejjin:

5.27.1.

Il-vultaġġ ipprovdut mit-terminali tal-apparati li, skont id-dokumentazzjoni tal-approvazzjoni tat-tip tagħhom, ikunu ġew ittestjati bl-applikazzjoni ta' provvista speċjali tal-elettriku/ger elettroniku tal-kontroll tas-sors tad-dawl, jew f'mod sekondarju tat-tħaddim jew f'vultaġġ mitlub mill-applikant għall-apparati jew il-funzjonijiet skont kif ġew approvati.

5.27.2.

Fil-każijiet kollha tal-provvista tal-elettriku, il-kundizzjonijiet mhux koperti mill-paragrafu 5.27.1, il-vultaġġ fit-terminali tal-apparat(i) jew il-funzjoni(jiet) ma għandux ikun iktar minn 6,75 V (6 Volt-Systems), 13,5 V (12 Volt-Systems) jew 28,V (24 Volt-Systems) b'iktar minn 3 fil-mija.

5.27.3.

Id-dispożizzjonijiet tal-paragrafi 5.27.1 u 5.27.2 ma għandhomx japplikaw għal apparat li jinkludi ger elettroniku tal-kontroll tas-sors tad-dawl jew kontroll tal-intensità varjabbli li jkun parti mill-apparat.

5.27.4.

Mad-dokumentazzjoni tal-approvazzjoni għandu jkun mehmuż rapport li jiddeskrivi l-metodi użati biex tintwera l-konformità u r-riżultati miksuba.

5.28.   Dispożizzjonijiet ġenerali marbuta mal-Viżibilità Ġeometrika

5.28.1.

Ma jrid ikun hemm l-ebda ostaklu fuq ġewwa tal-angoli ta’ viżibilità ġeometrika għall-propagazzjoni tad-dawl minn kwalunkwe parti tas-superfiċje apparenti tal-fanal osservat mill-infinità. Madankollu, l-ostakli ma jitiqisux, jekk ikunu diġà ppreżentati meta l-fanal saritlu l-approvazzjoni tat-tip.

5.28.2.

Jekk il-kejl jittieħed eqreb tal-fanal, id-direzzjoni ta’ osservazzjoni trid tiġi mċaqilqa b’mod parallel sabiex tinkiseb l-istess preċiżjoni.

5.28.3.

Jekk, meta l-fanal jkun installat, kwalunkwe parti mis-superfiċje apparenti tal-fanal tkun moħbija minn kwalunkwe parti oħra tal-vettura, għandhom jiġu ppreżentati provi li l-parti tal-fanal li mhix moħbija mill-ostakli għadha tikkonforma mal-valuri fotometriċi provduti għall-approvazzjoni tal-apparati.

5.28.4.

Meta l-angolu vertikali ta’ viżibilità ġeometrika taħt l-orizzontali jista’ jitnaqqas għal 5° (fanal f’għoli ta’ inqas minn 750 mm ’il fuq mill-art), il-kamp fotometriku tal-kejl tal-unità ottika installata jista’ jitnaqqas għal 5° taħt l-orizzontali.

5.28.5.

Fil-każ ta' sistema ta' fanali interdipendenti, ir-rekwiżiti tal-viżibilità ġeometrika għandhom jiġu sodisfatti meta l-fanali interdipendenti jitħaddmu flimkien.

6.   SPEĊIFIKAZZJONIJIET INDIVIDWALI

6.1.   Il-fanal b’raġġ ewlieni (Ir-Regolamenti Nri 98 u 112)

6.1.1.   Preżenza

Mandatorja fuq il-vetturi motorizzati. Ipprojbita fuq it-trejlers.

6.1.2.   Għadd

Tnejn jew erbgħa, it-tip approvat skont ir-Regolamenti Nri 31, 98 jew 112, ħlief il-fanal tal-Klassi A.

Għall-vetturi tal-kategorija N3: Jistgħu jiġu installati żewġ fanali b’raġġ ewlieni żejda.

Fejn vettura tkun mgħammra b’erba’ fanali li jistgħu jinħbew, l-installazzjoni ta’ żewġ fanali addizzjonali għandha tkun awtorizzata biss għall-fini ta’ sinjalar bid-dawl, li jikkonsistu f’illuminazzjoni intermittenti, f’intervalli qosra (ara l-paragrafu 5.12) binhar.

6.1.3.   L-arranġament

L-ebda speċifikazzjoni individwali.

6.1.4.   Il-pożizzjoni

6.1.4.1.   Fil-wisa’: L-ebda speċifikazzjoni individwali.

6.1.4.2.   Fl-għoli: L-ebda speċifikazzjoni individwali.

6.1.4.3.   Fit-tul: Fuq quddiem tal-vettura. Dan ir-rekwiżit għandu jitqies li jkun sodisfatt jekk id-dawl mitfugħ ma jikkawżax skumdità lis-sewwieq jew direttament jew indirettament permezz tal-apparati għall-viżjoni indiretta u/jew superfiċji riflettenti oħra tal-vettura.

6.1.5.   Il-viżibilità ġeometrika

Il-viżibilità tas-superfiċje li ddawwal, inkluża l-viżibilità tagħha f’żoni li ma jidhirx li jkunu mdawla fid-direzzjoni tal-osservazzjoni meqjusa, trid tkun żgurata fi ħdan spazju diverġenti iddefinit minn linji li jiġġeneraw ibbażati fuq il-perimetru tas-superfiċje li ddawwal u li jiffurmaw angolu ta’ mhux inqas minn 5° mal-assi ta’ referenza tal-fanal. L-oriġini tal-angoli ta’ viżibilità ġeometrika hija l-perimetru tal-projezzjoni tas-superfiċje li ddawwal fuq pjan trasversali tanġenzjali għall-parti ta’ quddiemnett tal-lenti tal-fanal.

6.1.6.   L-orjentazzjoni

’Il quddiem.

Mhux iktar minn fanal b’raġġ ewlieni wieħed fuq kull ġenb tal-vettura jista’ jdur biex jipproduċi dawl għal-liwi.

6.1.7.   Il-konnessjonijiet elettriċi

6.1.7.1.   Ħlief meta jintużaw biex jagħtu twissijiet intermittenti bid-dawl f'intervalli qosra, il-fanali tar-raġġ ewlieni jistgħu jkunu MIXGĦULA, biss meta s-swiċċ ewlieni tad-dwal ikun fil-pożizzjoni MIXGĦULA jew f'pożizzjoni AWTOMATIKA u jkunu jeżistu l-kundizzjonijiet għall-attivazzjoni awtomatika tar-raġġ baxx. Fil-każ tal-aħħar, il-fanali tar-raġġ ewlieni għandhom jintfew awtomatikament meta l-kundizzjonijiet għall-attivazzjoni awtomatika tar-raġġ baxx ma jibqgħux jeżistu.

6.1.7.2.   Il-fanali b’raġġ ewlieni jistgħu jinxtegħlu jew fl-istess ħin jew f’pari. F’każ li jkunu installati ż-żewġ fanali b’raġġ ewlieni żejda, kif inhu permess skont il-paragrafu 6.1.2 għall-vetturi tal-kategorija N3 biss, mhux aktar minn żewġ pari jistgħu jinxtegħlu fl-istess ħin. Għall-bidla mir-raġġ baxx għar-raġġ ewlieni, mill-inqas par wieħed ta’ fanali b’raġġ ewlieni għandhom ikunu mixgħula. Għall-bidla mir-raġġ ewlieni għar-raġġ baxx, il-fanali b’raġġ ewlieni kollha għandhom jintfew fl-istess ħin.

6.1.7.3.   Ir-raġġi baxxi jistgħu jibqgħu mixgħula fl-istess ħin bħar-raġġi ewlenija.

6.1.7.4.   Fejn jitwaħħlu erba’ fanali li jistgħu jinħbew, il-pożizzjoni mgħollija tagħhom trid tipprevjeni t-tħaddim fl-istess ħin ta’ kwalunkwe fanal addizzjonali mwaħħal, jekk din tkun maħsuba biex ikunu provduti sinjali bid-dawl li jikkonsistu minn illuminazzjoni intermittenti f’intervalli qosra (il-paragrafu 5.12) binhar.

6.1.8.   It-tell-tale

Tell-tale b’ċirkwit magħluq huwa mandatorju

6.1.9.   Rekwiżiti oħra

6.1.9.1.   L-intensità aggregata massima tal-fanali b’raġġ ewlieni li jistgħu jinxtegħlu fl-istess ħin ma għandhiex teċċedi 430 000 cd, li jikkorrispondi għal valur ta’ referenza ta’ 100.

6.1.9.2.   Din l-intensità massima għandha tinkiseb billi jingħaddu flimkien il-marki ta’ referenza individwali li huma indikati fuq diversi fanali. Il-marka ta’ referenza “10” għandha tingħata lil kull wieħed mill-fanali mmarkat “R” jew “CR”.

6.2.   Il-fanal b’raġġ baxx (Ir-Regolamenti Nri. 98 u 112)

6.2.1.   Preżenza

Mandatorja fuq il-vetturi motorizzati. Ipprojbita fuq it-trejlers

6.2.2.   Għadd

Tnejn, bit-tip approvat skont ir-Regolamenti Nri 31, 98 jew 112, ħlief il-fanal tal-Klassi A.

6.2.3.   L-arranġament

L-ebda rekwiżit speċjali.

6.2.4.   Il-pożizzjoni

6.2.4.1.   Fil-wisa’: dak it-tarf tas-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura.

It-truf ta’ ġewwa tas-superfiċji apparenti fid-direzzjoni tal-assi ta’ referenza għandhom ikunu mhux inqas minn 600 mm ’il bogħod minn xulxin. Dan ma japplikax, madankollu, għall-vetturi tal-kateogriji M1 u N1; għall-kategoriji ta’ vetturi l-oħra kollha bil-mutur, fejn il-wisa’ totali tal-vettura tkun inqas minn 1 300 mm, din id-distanza tista’ titnaqqas għal 400 mm.

6.2.4.2.   Fl-għoli: mhux inqas minn 500 mm u mhux iktar minn 1 200 mm ’il fuq mill-art. Għall-vetturi (fuq art imħarbta) tal-kategorija N3G (11) l-għoli massimu jista’ jiżdied għal 1 500 mm.

6.2.4.3.   Fit-tul: fuq quddiem tal-vettura. Dan ir-rekwiżit għandu jitqies li jkun sodisfatt jekk id-dawl mitfugħ ma jikkawżax skumdità lis-sewwieq jew direttament jew indirettament permezz tal-mirja biex tara wara u/jew superfiċji riflettenti oħra tal-vettura.

6.2.5.   Il-viżibilità ġeometrika

Iddefinita mill-angoli α u β kif ġie speċifikat fil-paragrafu 2.13:

α	=	15° ’il fuq u 10° ’l isfel,
β	=	45° ’il barra u 10° ’il ġewwa.

Ladarba l-valuri fotometriċi meħtieġa għall-fanali b’raġġ baxx ma jkoprux il-kamp viżiv ġeometriku kollu, valur minimu ta’ 1 cd fl-ispazju li jibqa’ huwa meħtieġ għall-finijiet ta’ approvazzjoni tat-tip. Il-preżenza ta’ taqsimiet jew apparat ieħor qrib il-fanal ma għandhiex tagħti lok għal effetti sekondarji li jikkawżaw skumdità lill-utenti l-oħra tat-triq.

6.2.6.   L-orjentazzjoni

’Il quddiem

6.2.6.1.   L-orjentazzjoni vertikali

6.2.6.1.1.   L-inklinazzjoni inizjali ’l isfel tal-punt ta’ waqfien tar-raġġ baxx li għandha tkun iffissat fl-istat mhux mgħobbi tal-vettura b’persuna waħda fis-sit tas-sewwieq għandha tkun speċfikata bi preċiżjoni ta’ 0,1 fil-mija mill-manifattur u għandha tkun indikata b’mod li jista’ jinqara b’mod ċar u li jkun indelibbli fuq kull vettura qrib jew tal-fanal jew tal-pjanċa tal-manifattur mis-simbolu muri fl-Anness 7.

Il-valur ta’ din l-inklinazzjoni ’l isfel indikata għandha tkun iddefinita skont il-paragrafu 6.2.6.1.2.

6.2.6.1.2.   Jiddependi mill-għoli tal-immuntar f’metri (h) tat-tarf t’isfel tas-superfiċje apparenti fid-direzzjoni tal-assi ta’ referenza tal-fanal b’raġġ baxx, imkejjel fuq il-vetturi mhux mgħobbija, l-inklinazzjoni vertikali tal-punt ta’ waqfien tar-raġġ baxx, fil-kundizzjonijiet statiċi kollha tal-Anness 5, għandha tibqa’ bejn il-limiti li ġejjin u l-mira inizjali għandu jkollha l-valuri li ġejjin:

h < 0,8 limiti : bejn – 0,5 fil-mija u – 2,5 fil-mija mira inizjali : bejn – 1 fil-mija u – 1,5 fil-mija

0,8 ≤ h ≤ 1 limiti : bejn – 0,5 fil-mija u – 2,5 fil-mija mira inizjali : bejn – 1 fil-mija u – 1,5 fil-mija Jew, fid-diskrezzjoni tal-manifattur, limiti : bejn – 1 fil-mija u – 3 fil-mija mira inizjali : bejn – 1,5 fil-mija u – 2 fil-mija L-applikazzjoni għall-approvazzjoni tat-tip ta’ vettura, f’dan il-każ, għandha tinkludi informazzjoni dwar liema miż-żewġ altarnattivi se tintuża.

h > 1 limiti : bejn – 1 fil-mija u – 3 fil-mija mira inizjali : bejn – 1,5 fil-mija u – 2 fil-mija

Il-valuri tal-limiti u tal-mira inizjali t’hawn fuq inġabru fil-qosor fid-dijagramma t’aktar ’l isfel.

Għall-vetturi (fuq art imħarbta) tal-kategorija N3G fejn il-fanali jeċċedu għoli ta’ 1 200 mm, il-limiti għall-inklinazzjoni vertikali tal-punt ta’ waqfien għandhom ikunu bejn: – 1,5 fil-mija u – 3,5 fil-mija.

Il-mira inizjali g]andha tkun stipulata bejn: – 2 fil-mija u – 2,5 fil-mija.

6.2.6.2.   L-apparat għall-invellar tal-fanali

6.2.6.2.1.   Fil-każ fejn ikun meħtieġ apparat għall-invellar tal-fanali biex ikunu sodisfatti r-rekwiżiti tal-paragrafi 6.2.6.1.1 u 6.2.6.1.2, l-apparat għandu jkun awtomatiku.

6.2.6.2.2.   Madanakollu, apparati li jiġu aġġustati manwalment, jew b’mod kontinwu jew b’mod mhux kontinwu, għandhom ikunu permessi, sakemm ikollhom pożizzjoni ta’ waqfien fejn il-fanali ikunu jistgħu jiġu rritornati għall-inklinazzjoni inizjali ddefinita fil-paragrafu 6.2.6.1.1 permezz tal-viti ta’ aġġustament tas-soltu jew mezzi simili.

Dawn l-apparati li jkunu manwalment aġġustabbli jridu jkunu jistgħu jitħaddmu mis-sit tas-sewwieq.

L-apparati li jkunu kontinwament aġġustabbli jrid ikollhom marki ta’ referenza li jindikaw il-kundizzjonijiet tat-tagħbija li jeħtieġu aġġustament tar-raġġ baxx.

In-numru ta’ pożizzjonijiet fuq apparati li mhumiex kontinwament aġġustabbli jrid ikun tali li jiżgura konformità mal-firxa ta’ valuri provduti fil-paragrafu 6.2.6.1.2 fil-kundizzjonijiet kollha tat-tagħbija li ġew iddefiniti fl-Anness 5.

Għal dawn l-apparati wkoll, il-kundizzjonijiet tat-tagħbija tal-Anness 5 li jeħtieġu aġġustament tar-raġġ baxx għandhom ikunu mmarkati b’mod ċar qrib il-kontroll tal-apparat (l-Anness 8).

6.2.6.2.3.   Fil-każ ta’ ħsara tal-apparati deskritti fil-paragrafi 6.2.6.2.1 u 6.2.6.2.2, ir-raġġ baxx ma għandux jassumi pożizzjoni fejn l-inklinazzjoni tkun inqas minn kemm kienet meta seħħet il-ħsara tal-apparat.

6.2.6.3.   Il-proċedura tal-kejl

6.2.6.3.1.   Wara aġġustament tal-inklinazzjoni inizjali, l-inklinazzjoni vertikali tar-raġġ baxx, espressa f’perċentwal, għandha titkejjel f’kundizzjonijiet statiċi skont il-kundizzjonijiet kollha tat-tagħbija li ġew iddefiniti fl-Anness 5.

6.2.6.3.2.   Il-kejl tal-varjazzjoni tal-inklinazzjoni tar-raġġ baxx bħala funzjoni tat-tagħbija jrid jitwettaq skont il-proċedura tat-test stabbilita fl-Anness 6.

6.2.6.4.   L-orjentazzjoni orizzontali

L-orjentazzjoni orizzontali ta’ fanal b’raġġ baxx jew taż-żewġ fanali b’raġġ baxx tista’ tkun varjata biex tipproduċi dawl għal-liwi, sakemm ir-raġġ sħiħ jiġi mċaqlaq jew il-barma tal-minkeb tal-punt ta’ waqfien tiġi mċaqilqa, il-barma tal-minkeb tal-punt ta’ waqfien ma għandhiex taqsam il-linja tat-trajettorja taċ-ċentru ta’ gravità tal-vettura f’distanzi mill-parti ta’ quddiem tal-vettura li huma akbar minn 100 darba l-għoli tal-immuntar tal-fanali b’raġġ baxx rispettivi.

6.2.7.   Il-konnessjonijiet elettriċi

6.2.7.1.   Il-kontroll għall-bidla għal raġġ baxx irid jitfi l-fanali b’raġġ ewlieni kollha fl-istess ħin.

6.2.7.2.   Ir-raġġ baxx jista’ jibqa’ mixgħul fl-istess ħin bħar-raġġi ewlenija.

6.2.7.3.   Fil-każ ta’ fanali b’raġġ baxx skont ir-Regolament Nru 98, is-sorsi tad-dawl b’disċarġ tal-gass għandhom jibqgħu mixgħula waqt it-tħaddim tar-raġġ ewlieni.

6.2.7.4.   Sors wieħed tad-dawl addizzjonali jew modulu tal-LED wieħed jew aktar, li jinsab ġewwa l-fanali b’raġġ baxx jew f’fanal (ħlief il-fanal b’raġġ ewlieni) iggruppat jew reċiprokament inkorporat mal-fanali ta’quddiem b’raġġ baxx rispettivi, jista’ jkun attivat biex jipproduċi dawl għal-liwi, sakemm ir-radju orizzontali tal-kurvatura tat-trajettorja taċ-ċentru ta’ gravità tal-vettura huwa 500 m jew inqas. Dan jista’ jintwera mill-manifattur permezz ta’ kalkolu jew b’mezzi oħra li jkunu aċċettati mill-awtorità responsabbli għall-approvazzjoni tat-tip.

6.2.7.5.   Il-fanali b’raġġ baxx jistgħu JINXTEGĦLU jew JINTFEW awtomatikament. Madanakollu, għandu dejjem ikun possibbli li dawn il-fanali b’raġġ baxx JINXTEGĦLU u JINTFEW manwalment.

6.2.7.6.   Jekk il-fanali tas-sewqan binhar ikunu preżenti u joperaw skont il-paragrafu 6.19, jew

6.2.7.6.1.

Il-fanali bir-raġġ baxx għandhom JIXGĦELU u JINTFEW awtomatikament skont il-kundizzjonijiet tad-dawl ta' barra (eż. JINXTEGĦLU f'kundizzjonijiet ta' sewqan bil-lejl, mini, eċċ.) skont ir-rekwiżiti tal-Anness 12; jew

6.2.7.6.2.

Il-fanali tas-sewqan binhar jaħdmu flimkien mal-fanali elenkati fil-paragrafu 5.11, fejn, bħala rekwiżit minimu, mill-inqas il-fanali tal-pożizzjonament ta' wara għandhom ikunu attivati; jew

6.2.7.6.3.

Jingħataw mezzi distintivi biex jinfurmaw lis-sewwieq li l-fanali, il-fanali tal-pożizzjonament u, jekk ikun il-każ, il-fanali li jimmarkaw il-kontorn tat-tarf u l-fanali li jimmarkaw il-ġnub mhumiex illuminati. Dawn il-mezzi huma: 6.2.7.6.3.1. Żewġ livelli differenti b'mod distint ta' intensità fl-illuminazzjoni tal-panil tal-istrumenti huma pprovduti bil-lejl u binhar, biex jindikaw lis-sewwieq li l-fanali tar-raġġ baxx għandhom JINXTEGĦLU; jew 6.2.7.6.3.2. Indikaturi mhux illuminati u identifikazzjoni tal-kontrolli manwali li huma meħtieġa mir-Regolament Nru 121 għandhom ikunu illuminati meta jiġu attivati l-fanali; jew 6.2.7.6.3.3. Tell-tale viżiv, akustiku jew it-tnejn, għandu jiġi attivat biss f'kundizzjonijiet ta' dawl imnaqqas kif definit fl-Anness 12 biex jinforma lis-sewwieq li l-fanali tar-raġġ baxx għandhom JINXTEGĦLU. Ladarba t-tell-tale jiġi attivat, għandu jintefa biss meta l-fanali tar-raġġ baxx ikunu ġew mixgħula jew l-apparat li jixgħel u/jew jitfi l-magna (is-sistema tal-propulsjoni) ikun f'pożizzjoni li jagħmilha impossibbli għall-magna (is-sistema tal-propulsjoni) biex topera..

6.2.7.7.   Bla ħsara għall-paragrafu 6.2.7.6.1, il-fanali bir-raġġ baxx jistgħu JINXTEGĦLU u JINTFEW awtomatikament skont fatturi oħra bħall-ħin u l-kundizzjonijiet ambjentali (eż, il-ħin tal-ġurnata, fejn tkun tinsab il-vettura, ix-xita, iċ-ċpar, eċċ).

6.2.8.   It-tell-tale

6.2.8.1.   It-tell-tale huwa fakultattiv.

6.2.8.2.   Tell-tale viżiv, kemm jekk jixgħel u jitfi malajr jew le, huwa mandatorju:

(a)	Fil-każ fejn ir-raġġ sħiħ jiġi mċaqlaq jew il-barma fil-minkeb tal-punt ta’ waqfien tiġi mċaqilqa biex ikun prodott dawl għal-liwi; jew

(b)	Jekk jintuża modulu tal-LED wieħed jew aktar biex ikun prodott ir-raġġ baxx ewlieni.

Għandu jkun attivat:

(a)	Fil-każ li l-ispostament tal-barma tal-minkeb tal-punt ta’ waqfien ma jaħdimx sew; jew

(b)	Fil-każ li kwalunkwe wieħed mill-moduli tal-LED li jipproduċi ir-raġġ baxx ewlieni ma jaħdimx.

Għandu jibqa’ attivat filwaqt li jkun hemm il-ħsara. Jista’ jitħassar temporanjament, imma għandu jkun ripetut kull meta l-apparat li jistartja u jwaqqaf il-magna, jinxtegħel u jintefa.

6.2.9.   Rekwiżiti oħra

Ir-rekwiżiti tal-paragrafu 5.5.2 ma għandhomx japplikaw għall-fanali b’raġġ baxx.

Il-fanali b’raġġ baxx b’sors tad-dawl jew b’modulu(i) tal-LED li jipproduċi(u) r-raġġ baxx ewlieni u li jkollu fluss ta’ luminożità oġġettiv totali li jeċċedi l-2 000 lumen għandhom jiġu installati biss flimkien mal-installazzjoni ta’ apparat(i) għat-tindif tal-fanali skont ir-Regolament Nru 45. (12)

Rigward l-inklinazzjoni vertikali, għall-fanali b’raġġ baxx ma għandhomx ikunu applikati d-dispożizzjonijiet tal-paragrafu 6.2.6.2.2 t’aktar ’il fuq:

(a)	B’modulu(i) tal-LED li jipproduċi(u) r-raġġ baxx ewlieni; jew

(b)	B’sors tad-dawl li jipproduċi r-raġġ baxx prinċipali u li jkollu fluss ta’ luminożità oġġettiv li jeċċedi l-2 000 lumen.

Il-fanali b’faxx baxx biss skont ir-Regolamenti Nri 98 jew 112 jistgħu jintużaw biex ikun prodott dawl għal-liwi.

Jekk id-dawl għal-liwi jiġi prodott b’moviment orizzontali tar-raġġ sħiħ jew tal-barma fil-minkeb tal-punt ta’ waqfien, għandu jiġi attivat biss jekk il-vettura tkun miexja ’l quddiem; dan ma għandux japplika jekk id-dawl għal-liwi jkun prodott għal tidwira fuq il-lemin fi traffiku fuq il-lemin (tidwira fuq ix-xellug fi traffiku fuq ix-xellug).

6.3.   Il-fanal taċ-ċpar ta’ quddiem (Ir-Regolament Nru 19)

6.3.1.   Preżenza

Fakultattiva fuq il-vetturi motorizzati. Ipprojbita fuq it-trejlers

6.3.2.   Għadd

Tnejn

6.3.3.   L-arranġament

L-ebda rekwiżit speċjali

6.3.4.   Il-pożizzjoni

6.3.4.1.   Fil-wisa’: dak il-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura.

6.3.4.2.   Fl-għoli:

Minimu	:	Mhux inqas minn 250 mm ’il fuq mill-art.
Massimu	:	Għall-vetturi tal-kategoriji M1 u N1: mhux aktar minn 800 mm ’il fuq mill-art. Għall-kategoriji l-oħra kollha, ħlief għall-vetturi N3G (off-road) (13): mhux iktar minn 1 200 mm ’il fuq mill-art. Għall-vetturi tal-kategorija N3G: l-għoli massimu jista’ jiġi miżjud sa 1 500 mm.

L-ebda punt fuq is-superfiċje apparenti fid-direzzjoni tal-assi ta’ referenza ma jrid ikun ogħla mill-ogħla punt fuq is-superfiċje apparenti fid-direzzjoni tal-assi ta’ referenza tal-fanal b’raġġ baxx.

6.3.4.3.   Fit-tul: fuq quddiem tal-vettura. Dan ir-rekwiżit għandu jitqies li jkun sodisfatt jekk id-dawl mitfugħ ma jikkawżax skumdità lis-sewwieq jew direttament jew indirettament permezz tal-apparati għall-viżjoni indiretta u/jew superfiċji riflettenti oħra tal-vettura.

6.3.5.   Il-viżibilità ġeometrika

Iddefinita mill-angoli α u β kif ġie speċifikat fil-paragrafu 2.13,

α	=	5° ’il fuq u ’l isfel,
β	=	45° ’il barra u 10° ’il ġewwa.

Peress li l-valuri fotometriċi meħtieġa għall-fanali għaċ-ċpar fuq quddiem ma jkoprux il-kamp viżiv ġeometriku kollu, għal finijiet ta’ approvazzjoni tat-tip huwa meħtieġ valur minimu ta’ 1 cd fl-ispazju li jifdal. Il-preżenza ta’ partizzjonijiet jew ta’ oġġetti oħra ta’ tagħmir qrib il-fanal għaċ-ċpar fuq quddiem ma għandux jagħti lok għal effetti sekondarji li jikkawżaw skumdità lill-utenti l-oħra tat-triq. (14)

6.3.6.   L-orjentazzjoni

’Il quddiem

6.3.6.1.   L-orjentazzjoni vertikali

6.3.6.1.1.   Fil-każ tal-fanali għaċ-ċpar fuq quddiem tal-klassi “B”, l-inklinazzjoni vertikali tal-punt ta’ waqfien li għandha tiġi ssettjata meta l-vettura ma tkunx mgħobbija b’persuna waħda fis-sit tas-sewwieq għandha tkun ta’ - 1,5 fil-mija jew inqas (14).

6.3.6.1.2.   Fil-każ tal-fanali għaċ-ċpar fuq quddiem tal-klassi “F3”:

6.3.6.1.2.1.

L-inklinazzjoni inizjali ’l isfel tal-punt ta’ waqfien li għandha tiġi ssettjata meta l-vettura ma tkunx mgħobbija b’persuna waħda fis-sit tas-sewwieq għandha tkun speċifikata mill-manifattur bi preċiżjoni ta’ post deċimali wieħed u għandha tkun indikata b’mod li jista’ jinqara b’mod ċar u li jkun indelibbli fuq kull vettura, qrib jew tal-fanal għaċ-ċpar fuq quddiem jew tal-pjanċa tal-manifattur jew b’kombinazzjoni mal-indikazzjoni li tissemma fil-paragrafu 6.2.6.1.1 bis-simbolu muri fl-Anness 7 għal dan ir-Regolament. Il-valur ta’ din l-inklinazzjoni’l isfel indikata għandu jkun iddefinit skont il-paragrafu 6.3.6.1.2.2.

6.3.6.1.2.2.

Skont l-għoli tal-immuntar f’metri (h) tat-tarf t’isfel tas-superfiċje apparenti fid-direzzjoni tal-assi ta’ referenza tal-fanal għaċ-ċpar fuq quddiem, imkejjel fuq il-vetturi mhux mgħobbija, l-inklinazzjoni vertikali tal-punt ta’ waqfien li għandha tiġi ssettjata meta l-vettura ma tkunx mgħobbija b’persuna waħda fis-sit tas-sewwieq għandu jkollha l-valur(i) li ġejjin:   h ≤ 0,8 Limiti : bejn – 1 fil-mija u – 3 fil-mija Mira inizjali : bejn – 1,5 fil-mija u – 2 fil-mija   h > 0,8 Limiti : bejn – 1,5 fil-mija u – 3,5 fil-mija Mira inizjali : bejn – 2 fil-mija u – 2,5 fil-mija

6.3.6.2.   L-apparat ta’ invellar tal-fanali għaċ-ċpar fuq quddiem

6.3.6.2.1.   Fil-każ ta’ fanal għaċ-ċpar fuq quddiem b’sors(i) tad-dawl li jkollu fluss ta’ luminożità oġġettiv li jeċċedi l-2 000 lumen, ir-rekwiżiti tal-paragrafu 6.3.6.1.2.2 għandhom jiġu awtomatikament sodisfatti fil-kundizzjonijiet kollha tat-tagħbija tal-Anness 5 għal dan ir-Regolament.

6.3.6.2.2.   Fejn għal fanal għaċ-ċpar fuq quddiem jitwaħħallu apparat ta’ invellar, indipendenti jew iggruppat ma’ funzjonijiet oħra tad-dawl u tas-sinjali bid-dawl fuq quddiem, għandu jkun tali li l-inklinazzjoni vertikali, fil-kundizzjonijiet kollha tat-tagħbija statika tal-Anness 5 għal dan ir-Regolament għandha tibqa’ bejn il-limiti preskritti fil-paragrafu 6.3.6.1.2.2.

6.3.6.2.3.   Fil-każ fejn il-fanal għaċ-ċpar fuq quddiem tal-kategorija “F3” jkun parti mill-fanal b’raġġ baxx jew tkun parti minn sistema tal-AFS, waqt li jintuża r-raġġ għaċ-ċpar fuq quddiem bħala parti mir-raġġ baxx għandhom jiġu applikati r-rekwiżiti tal-paragrafu 6.2.6.

F’dan il-każ, il-limiti tal-invellar iddefiniti fil-paragrafu 6.2.6 jistgħu jiġu applikati anki meta dan il-fanal għaċ-ċpar fuq quddiem jintuża bħala tali.

6.3.6.2.4.   L-apparat ta’ invellar jista’ jintuża wkoll biex jadatta awtomatikament l-inklinazzjoni tar-raġġ għaċ-ċpar fuq quddiem b’relazzjoni għall-kundizzjonijiet ambjentali prevalenti, sakemm ma jinqabżux il-limiti għall-inklinazzjoni ’l isfel li ġiet speċifikata fil-paragrafu 6.3.6.1.2.2.

6.3.6.2.5.   Fil-każ ta’ ħsara fl-apparat ta’ invellar, ir-raġġ għaċ-ċpar fuq quddiem ma għandux jassumi pożizzjoni fejn il-punt ta’ waqfien ikun inqas inklinat milli kien fil-ħin meta saret il-ħsara fl-apparat.

6.3.7.   Il-konnessjonijiet elettriċi

Irid ikun possibbli li l-fanali għaċ-ċpar fuq quddiem JINXTEGĦLU u JINTFEW indipendentement mill-fanali b’raġġ ewlieni, mill-fanali b’raġġ baxx jew minn kwalunkwe kombinazzjoni ta’ fanali b’raġġ ewlieni u b’raġġ baxx, sakemm il-fanali għaċ-ċpar fuq quddiem ma jintużawx bħala parti minn funzjoni oħra ta’ dawl f’AFS; madankollu, li TINXTEGĦEL il-funzjoni tal-fanali għaċ-ċpar fuq quddiem għandu jkollha l-prijorità fuq il-funzjoni li għaliha l-fanali għaċ-ċpar fuq quddiem qed jintużaw bħala parti.

6.3.8.   It-tell-tale

Tell-tale b’ċirkwit magħluq huwa mandatorju. Dawl ta’ twissija indipendenti li ma jitfix u jixgħel malajr.

6.3.9.   Rekwiżiti oħra

Fil-każ fejn fil-formola ta’ komunikazzjoni fil-punt 10.9 tal-Anness 1 għar-Regolament Nru 19 ikun hemm indikazzjoni pożittiva, l-allinjament u l-intensitajiet ta’ luminożità tar-raġġ għaċ-ċpar fuq quddiem tal-klassi “F3” jistgħu jiġu adattati awtomatikament b’relazzjoni għall-kundizzjonijiet ambjentali prevalenti. Kwalunkwe varjazzjoni fl-intensitajiet ta’ luminożità jew fl-allinjament għandha titwettaq b’mod awtomatiku, u b’tali mod li ma jkun ikkawżat l-ebda skumdità, la lis-sewwieq u lanqas lill-utenti l-oħra tat-triq.

6.4.   Il-fanal tar-rivers (Ir-Regolament Nru 23)

6.4.1.   Preżenza

Mandatorja fuq il-vetturi motorizzati u fuq it-trejlers tal-kategoriji O2, O3 u O4. Fakultattiva fuq it-trejlers tal-kategorija O1.

6.4.2.   In-numru

6.4.2.1.   Fuq il-vetturi motorizzati tal-kategorija M1 u fuq il-vetturi l-oħra kollha b’tul li ma jeċċedix is-6 000 mm, apparat wieħed huwa mandatorju u t-tieni apparat huwa fakultattiv.

6.4.2.2.   Żewġ apparati mandatorji u żewġ apparati fakultattivi fuq il-vetturi kollha b’tul li jeċċedi s-6 000 mm, ħlief għall-vetturi tal-kategorija M1.

6.4.3.   L-arranġament

L-ebda rekwiżit speċjali

6.4.4.   Il-pożizzjoni

6.4.4.1.   Fil-wisa’: l-ebda rekwiżit speċjali.

6.4.4.2.   Fl-għoli: mhux inqas minn 250 mm u mhux iktar minn 1 200 mm ’il fuq mill-art.

6.4.4.3.   Fit-tul: fuq wara tal-vettura

Madankollu, jekk jiġu installati, iż-żewġ apparati fakultattivi li jissemmew fil-paragrafu 6.4.2.2 għandhom jitwaħħlu fuq il-ġenb jew fuq wara tal-vettura, skont ir-rekwiżiti tal-paragrafi 6.4.5 u 6.4.6.

6.4.5.   Il-viżibilità ġeometrika

Iddefinita mill-angoli α u β, kif ġie speċifikat fil-paragrafu 2.13:

α	=	15° ’il fuq u 5° ’l isfel,
β	=	45° fuq il-lemin u fuq ix-xellug jekk ikun hemm apparat wieħed biss, 45° ’il barra u 30° ’il ġewwa jekk ikun hemm tnejn.

L-assi ta’ referenza taż-żewġ apparati fakultattivi li jissemmew fil-paragrafu 6.4.2.2, jekk jitwaħħlu fuq il-ġenb tal-vettura għandha tkun orjentata orizzontalment lejn il-ġenb b’inklinazzjoni ta’ 10° ± 5° b’relazzjoni għall-pjan medjan lonġitudinali tal-vettura.

6.4.6.   L-orjentazzjoni

Lura.

Fil-każ taż-żewġ apparati fakultattivi li jissemmew fil-paragrafu 6.4.2.2, jekk jitwaħħlu fuq il-ġenb tal-vettura, ma għandhomx jiġu applikati r-rekwiżiti tal-paragrafu 6.4.5 li ssemmew aktar ’il fuq. Madankollu, l-assi ta’ referenza ta’ dawn l-apparati għandu jkun orjentat ’il barra mhux aktar minn 15° orizzontalment lejn il-parti ta’ wara b’relazzjoni għall-pjan medjan lonġitudinali tal-vettura.

6.4.7.   Il-konnessjonijiet elettriċi

6.4.7.1.

Għandhom ikunu tali li l-fanal jista’ jixgħel biss jekk il-ger tar-rivers ikun imdaħħal u jekk l-apparat li jikkontrolla meta tistartja u tintefa l-magna jkun f’tali pożizzjoni li l-magna tkun tista’ titħaddem. Ma għandhiex tinxtegħel jew tibqa’ mixgħula jekk kwalunkwe waħda mill-kondizzjonijiet t’hawn fuq ma tiġix sodisfatta.

6.4.7.2.

Barra minn hekk, il-konnessjonijiet elettriċi taż-żewġ apparati fakultattivi li jissemmew fil-paragrafu 6.4.2.2 għandhom ikunu tali li dawn l-apparati ma jistgħux idawlu ħlief meta l-fanali li jissemmew fil-paragrafu 5.11 ikunu mixgħula. L-apparati li jitwaħħlu fuq il-ġenb tal-vettura, jistgħu jinxtegħlu għal manuvri bilmod waqt li l-karozza tkun miexja ’l quddiem sa veloċità massima ta’ 10 km/h, sakemm jiġu sodisfatti l-kundizzjonijiet li ġejjin: (a) L-apparati għandhom ikunu attivati u deattivati manwalment permezz ta’ swiċċ separat; (b) Jekk jiġu attivati b’dan il-mod, jistgħu jibqgħu mdawla wara li l-ger tar-rivers ma jibqax ingaġġjat; (c) Għandhom jintfew awtomatikament jekk il-veloċità ’l quddiem tal-vettura teċċedi l-10 km/h, irrispettivament mill-pożizzjoni tas-swiċċ separat; f’dan il-każ, għandhom jibqgħu mitfija sakemm jerġgħu jinxtegħlu b’mod deliberat.

6.4.8.   It-tell-tale

It-tell-tale huwa fakultattiv

6.4.9.   Rekwiżiti oħra

Xejn

6.5.   Il-fanal li jindika d-direzzjoni (Ir-Regolament Nru 6)

6.5.1.   Il-preżenza (ara l-figura t’aktar ’l isfel)

Mandatorja. It-tipi ta’ fanali li jindikaw id-direzzjoni jaqgħu fil-kategoriji (1, 1a, 1b, 2a, 2b, 5 and 6) li l-assemblaġġ tagħhom fuq vettura waħda jikkostitwixxi arranġament (“A” u “B”).

L-arranġament “A” għandu japplika għall-vetturi motorizzati kollha.

L-arranġament “B” għandu japplika għat-trejlers biss.

6.5.2.   In-numru

Skont l-arranġament

6.5.3.   L-arranġamenti (ara l-figura t’aktar ’l isfel)

A: żewġ fanali li jindikaw id-direzzjoni fuq quddiem tal-kategoriji li ġejjin:

1 jew 1a jew 1b, Jekk id-distanza bejn it-tarf tas-superfiċje apparenti fid-direzzjoni tal-assi ta’ referenza ta’ dan il-fanal u dik tas-superfiċje apparenti fid-direzzjoni tal-assi ta’ referenza tal-fanal b’raġġ baxx u/jew tal-fanal għaċ-ċpar fuq quddiem, jekk ikun hemm waħda, tkun ta’ mill-inqas 40 mm;

1a jew 1b, Jekk id-distanza bejn it-tarf tas-superfiċje apparenti fid-direzzjoni tal-assi ta’ referenza ta’ dan il-fanal u dik tas-superfiċje apparenti fid-direzzjoni tal-assi ta’ referenza tal-fanal b’raġġ baxx u/jew tal-fanal għaċ-ċpar fuq quddiem, jekk ikun hemm waħda, tkun akbar minn 20 mm u iżgħar minn 40 mm;

1b, Jekk id-distanza bejn it-tarf tas-superfiċje apparenti fid-direzzjoni tal-assi ta’ referenza ta’ dan il-fanal u dik tas-superfiċje apparenti fid-direzzjoni tal-assi ta’ referenza tal-fanal b’raġġ baxx u/jew tal-fanal għaċ-ċpar fuq quddiem, jekk ikun hemm waħda, tkun iżgħar minn jew daqs 20 mm;

Żewġ fanali li jindikaw id-direzzjoni fuq wara (il-kategorija 2a jew 2b);

Żewġ fanali fakultattivi (il-kategorija 2a jew 2b) fuq il-vetturi kollha fil-kategoriji M2, M3, N2, N3.

Żewġ fanali li jindikaw id-direzzjoni tal-ġenb tal-kategorija 5 jew 6 (rekwiżiti minimi):

5 għall-vetturi kollha tal-kategorija M1; għall-vetturi tal-kategoriji N1, M2 u M3 li ma jeċċedux tul ta’ 6 metri.

6 għall-vetturi kollha tal-kategoriji N2 u N3; għall-vetturi tal-kategoriji N1, M2 u M3 li jeċċedu tul ta’ 6 metri.

Huwa permess li fil-każijiet kollha jiġu sostitwiti l-fanali li jindikaw id-direzzjoni tal-ġenb tal-Kategorija 5 b’fanali li jindikaw id-direzzjoni tal-ġenb tal-Kategorija 6.

Massimu ta' tliet apparati fakultattivi tal-Kategorija 5 jew apparat wieħed fakultattiv tal-Kategorija 6 kull naħa fuq vetturi tat-tip M2, M3, N2 u N3 itwal minn 9 m

Fejn jitwaħħlu fanali li jikkombinaw il-funzjonijiet ta’ fanali li jindikaw id-direzzjoni fuq quddiem (il-kategoriji 1, 1a, 1b) u fanali li jindikaw id-direzzjoni tal-ġenb (il-kategorija 5 jew 6), jistgħu jitwaħħlu żewġ fanali li jindikaw id-direzzjoni tal-ġenb addizzjonali (il-kategorija 5 jew 6) biex ikunu sodisfatti r-rekwiżiti tal-viżibilità tal-paragrafu 6.5.5.

B: żewġ fanali li jindikaw id-direzzjoni fuq wara (il-Kategorija 2a jew 2b);

żewġ fanali fakultattivi (il-Kategorija 2a jew 2b) fuq il-vetturi kollha fil-Kategoriji O2, O3 u O4.

Massimu ta' tliet apparati fakultattivi tal-Kategorija 5 jew apparat wieħed fakultattiv tal-Kategorija 6 kull naħa fuq vetturi tat-tip O2, O3 u O4 itwal minn 9 m

Fejn titwaħħal AFS, id-distanza li għandha titqies għall-għażla tal-kategorija hija d-distanza bejn il-fanal li jindika d-direzzjoni fuq quddiem u l-eqreb unità tad-dawl fl-eqreb pożizzjoni tagħha li tikkontribwixxi għal jew twettaq modalità ta’ raġġ li ma jtellifx is-sewwieq minn faċċata.

6.5.4.   Il-pożizzjoni

6.5.4.1.   Fil-wisa’: it-tarf tas-superfiċje apparenti fid-direzzjoni tal-assi ta’ referenza l-aktar ’il bogħod mill-pjan medjan lonġitudinali tal-vettura ma jridx ikun aktar minn 400 mm mit-tarf estrem ta’ barra tal-vettura. Din il-kundizzjoni ma għandhiex tapplika għall-fanali fakultattivi ta’ wara.

Id-distanza bejn it-truf ta’ ġewwa taż-żewġ superfiċji apparenti fid-direzzjoni tal-assi ta’ referenza ma għandhiex tkun iżgħar minn 600 mm.

Din id-distanza tista’ titnaqqas għal 400 mm fejn il-wisa’ totali tal-vettura tkun inqas minn 1 300 mm.

6.5.4.2.   Fl-għoli: ’il fuq mill-art.

6.5.4.2.1.   L-għoli tas-superfiċje li titfa’ d-dawl tal-fanali li jindikaw id-direzzjoni tal-ġenb tal-kategorija 5 jew 6 ma jridx ikun:

Inqas minn	:	350 mm għall-kategoriji M1 u N1 tal-vetturi, u 500 mm għall- kategoriji l-oħra kollha tal-vetturi, it-tnejn imkejla mill-iktar punt baxx; u
Akbar minn	:	1 500 mm, imkejjel mill-ogħla punt.

6.5.4.2.2.   L-għoli tal-fanali li jindikaw id-direzzjoni tal-kategoriji 1, 1a, 1b, 2a u 2b, imkejjel skont il-paragrafu 5.8, ma għandux ikun inqas minn 350 mm jew akbar minn 1 500 mm.

6.5.4.2.3.   Jekk l-istruttura tal-vettura ma tippermettix dawn il-limiti ta’ fuq, li tkejlu kif ġie speċifikat aktar ’il fuq, jiġu rispettati, u jekk il-fanali fakultattivi ta' wara ma jiġux installati, jistgħu jiġu miżjuda għal 2 300 mm għall-fanali li jindikaw id-direzzjoni tal-ġenb tal-kategoriji 5 u 6, u għal 2 100 mm għall-fanali li jindikaw id-direzzjoni tal-kategoriji 1, 1a, 1b, 2a u 2b.

6.5.4.2.4.   Jekk jiġu installati fanali fakultattivi ta' wara, għandhom jitqiegħdu f’għoli li jkun kompatibbli mar-rekwiżiti applikabbli tal-paragrafu 6.5.4.1, mas-simmetrija tal-fanali, u f’distanza vertikali kbira daqskemm tagħmilha possibbli s-sura tal-qafas, imma mhux inqas minn 600 mm ’il fuq mill-fanali mandatorji.

6.5.4.3.   Fit-tul (ara l-figura t’aktar ’l isfel)

Id-distanza bejn is-superfiċje li titfa’ d-dawl tal-fanal li jindika d-direzzjoni tal-ġenb (il-kategoriji 5 u 6) u l-pjan trasversali li jimmarka l-limitu ta’ quddiem tat-tul totali tal-vettura, ma għandhiex teċċedi l-1 800 mm.

Madanakollu, din id-distanza ma għandhiex teċċedi l-2 500 mm:

(a)	Għal vetturi tal-kategoriji M1 u N1;

(b)	Għall-kategoriji ta’ vetturi l-oħra kollha, jekk l-istruttura tal-vettura tagħmilha impossibbli li jkun hemm konformità mal-angoli minimi tal-viżibilità.

Il-fanali tal-ġenb li jindikaw id-direzzjoni fakultattivi tal-Kategorija 5 għandhom jitwaħħlu, bi spazji uniformi bejniethom, mat-tul tal-vettura.

Il-fanal li jindika d-direzzjoni fakultattiv tal-Kategorija 6 għandu jitwaħħal fl-ispazju bejn l-ewwel u l-aħħar kwartil tat-tul tat-trejler.

6.5.5.   Il-viżibilità ġeometrika

6.5.5.1.   Angoli orizzontali (ara l-figura hawn taħt)

L-angoli vertikali: 15° ’il fuq minn u taħt l-orizzontali għall-fanali li jindikaw id-direzzjoni tal-kategoriji 1, 1a, 1b, 2a, 2b u 5. L-angolu vertikali taħt l-orizzontali jista’ jitnaqqas għal 5° jekk il-fanali ikunu inqas minn 750 mm ’il fuq mill-art; 30° ’il fuq minn u 5° taħt l-orizzontali għall-fanali li jindikaw id-direzzjoni tal-kategorija 6. L-angolu vertikali ’l fuq mill-orizzontali jista’ jitnaqqas għal 5° jekk il-fanali fakultattivi ta' wara mhumiex inqas minn 2 100 mm ’il fuq mill-art.

Figura

(ara l-paragrafu 6.5)

Test ta 'immaġni

Għal vetturi tal-kategoriji M1 u N1, il-valur ta' 45° 'il ġewwa għall-fanali li jindikaw id-direzzjoni tal-kategoriji 1, 1a jew 1b, li t-tarf ta' taħt tas-superfiċje apparenti jkun inqas minn 750 mm 'il fuq mill-art, jista' jitnaqqas għal 20° taħt il-pjan orizzontali li fih l-assi ta' referenza ta' dan il-fanal.

Test ta 'immaġni

6.5.5.2.   Jew, għad-diskrezzjoni tal-manifattur, għall-vetturi tal-kategoriji M1 u N1  (15):

Il-fanali li jindikaw id-direzzjoni fuq quddiem u fuq wara, kif ukoll il-fanali li jimmarkaw il-ġnub

Angoli orizzontali, ara l-figura hawn taħt:

Il-valur ta' 45° 'il ġewwa għall-fanali li jindikaw id-direzzjoni tal-kategoriji 1, 1a jew 1b, li t-tarf ta' taħt tas-superfiċje apparenti jkun inqas minn 750 mm 'il fuq mill-art, jista' jitnaqqas għal 20° taħt il-pjan orizzontali li fih l-assi ta' referenza ta' dan il-fanal.

L-angoli vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° jekk il-fanali ikunu inqas minn 750 mm ’il fuq mill-art.

Biex jitqies viżibbli, il-fanal għandu jipprovdi veduta mingħajr ostakli tas-superfiċje apparenti ta’ mill-inqas 12,5 ċentimetru kwadru, ħlief għall-indikaturi tad-direzzjoni tal-ġenb tal-kategoriji 5 u 6. L-erja tas-superfiċje li ddawwal ta’ kwalunkwe retroriflettur li ma jittrażmettix id-dawl, għandha tkun eskluża.

6.5.6.   L-orjentazzjoni

Skont l-ispeċifikazzjonijiet għall-installazzjoni mill-manifattur, jekk ikun hemm

6.5.7.   Il-konnessjonijiet elettriċi

Il-fanali li jindikaw id-direzzjoni għandhom jixegħlu b’mod indipendenti mill-fanali l-oħra. Il-fanali kollha li jindikaw id-direzzjoni fuq ġenb wieħed tal-vettura għandhom jinxtegħlu u jintfew permezz ta’ kontroll wieħed u għandhom jixegħlu u jitfu malajr b’mod sinkronizzat.

Fuq il-vetturi tal-kategoriji M1 u N1 b’tul t’inqas minn 6 m, b’arranġament li jikkonforma mal-paragrafu 6.5.5.2 t’aktar ’il fuq, il-fanali ambra li jimmarkaw il-ġnub, meta mmuntati, għandhom ukoll jixegħlu u jitfu malajr bl-istess frekwenza (b’mod sinkronizzat) mal-fanali li jindikaw id-direzzjoni.

6.5.8.   It-tell-tale

It-tell-tale operattiv huwa mandatorju għall-fanali li jindikaw id-direzzjoni tal-kategoriji 1, 1a, 1b, 2a u 2b. Jista’ jkun viżiv jew akustiku jew it-tnejn. Jekk ikun viżiv għandu jkun dawk li jixgħel u jitfi malajr li, għall-inqas fil-każ ta’ ħsara ta’ kwalunkwe waħda minn dawn il-fanali li jindikaw id-direzzjoni, jew jintefa, jew jibqa’ mixgħul mingħajr ma jixgħel u jitfi malajr, jew juri bidla kbira fil-frekwenza. Jekk ikun għal kollox tas-smigħ għandu jinstema’ b’mod ċar u għandu juri bidla kbira fil-frekwenza, mill-inqas fil-każ tal-ħsara ta’ kwalunkwe waħda minn dawn il-fanali wara li jindikaw id-direzzjoni.

Għandu jkun attivat bis-sinjal prodott skont il-paragrafu 6.4.2 tar-Regolament Nru 6 jew b’mod xieraq ieħor. (16)

Jekk vettura bil-mutur tkun mgħammra biex tiġbed trejler, trid tkun mgħammra b’tell-tale operattiv viżiv speċjali għall-fanali li jindikaw id-direzzjoni fuq it-trejler ħlief jekk it-tell-tale tal-vettura li tiġbed jippermetti li tkun skoperta l-ħsara ta’ kwalunkwe waħda mill-fanali li jindikaw id-direzzjoni fuq il-kombinazzjoni tal-vetturi li ġiet ifformata b’dan il-mod.

Għall-fanali li jindikaw id-direzzjoni fakultattivi fuq il-vetturi motorizzati u t-trejlers, it-tell-tale operattiv ma għandux ikun mandatorju.

6.5.9.   Rekwiżiti oħra

Id-dawl għandu jkun wieħed li jixgħel u jitfi malajr u għandu jagħmel dan b’rata ta’ 90 ± 30 darba fil-minuta.

It-tħaddim tal-kontroll tas-sinjali bid-dawl għandu jkun segwit f’mhux aktar minn sekonda mill-emissjoni tad-dawl u f’mhux aktar minn sekonda u minn sekonda u nofs minn meta ntefa l-ewwel darba. Jekk il-vettura bil-mutur hija mgħammra biex tiġbed trejler, il-kontroll tal-fanali li jindikaw id-direzzjoni fuq il-vettura li tiġbed għandu wkoll iħaddem il-fanali li jindikaw id-direzzjoni fuq it-trejler. Fil-każ ta’ ħsara ta’ fanal li jindika d-direzzjoni waħda, għajr għal xort, l-oħrajn jridu jkomplu jixgħelu u jitfu malajr, imma l-frekwenza f’din il-kundizzjoni tista’ tkun differenti minn dik provduta.

6.6.   Is-sinjal ta’ twissija f’każ ta’ periklu

6.6.1.   Preżenza

Mandatorja

Is-sinjal għandu jingħata minn tħaddim fl-istess ħin tal-fanali li jindikaw id-direzzjoni skont ir-rekwiżiti tal-paragrafu 6.5 t’aktar ’il fuq.

6.6.2.   In-numru

Kif ġie speċifikat fil-paragrafu 6.5.2.

6.6.3.   L-arranġament

Kif ġie speċifikat fil-paragrafu 6.5.3.

6.6.4.   Il-pożizzjoni

6.6.4.1.   Il-wisa’: Kif ġie speċifikat fil-paragrafu 6.5.4.1.

6.6.4.2.   L-għoli: Kif ġie speċifikat fil-paragrafu 6.5.4.2.

6.6.4.3.   It-tul: Kif ġie speċifikat fil-paragrafu 6.5.4.3.

6.6.5.   Il-viżibilità ġeometrika

Kif ġie speċifikat fil-paragrafu 6.5.5.

6.6.6.   L-orjentazzjoni

Kif ġie speċifikat fil-paragrafu 6.5.6.

6.6.7.   Il-konnessjonijiet elettriċi

6.6.7.1.   Is-sinjal għandu jitħaddem permezz ta’ kontroll manwali separat li jippermetti li l-fanali li jindikaw id-direzzjoni kollha jixgħelu u jitfu malajr b’mod sinkronizzat.

6.6.7.2.   Is-sinjal ta’ twissija f’każ ta’ periklu jista’ jiġi attivat b’mod awtomatiku fil-każ li vettura tkun involuta f’ħabta jew wara d-deattivazzjoni tas-sinjal ta’ waqfien ta’ emerġenza, kif ġie speċifikat fil-paragrafu 6.22. F’każi ta’ din ix-xorta, jista’ jintefa manwalment.

6.6.7.3.   Fuq il-vetturi tal-kategoriji M1 u N1 b’tul t’inqas minn 6 m, b’arranġament li jikkonforma mal-paragrafu 6.5.5.2 t’aktar ’il fuq, il-fanali ambra li jimmarkaw il-ġnub, meta mmuntati, għandhom ukoll jixegħlu u jitfu malajr bl-istess frekwenza (b’mod sinkronizzat) mal-fanali li jindikaw id-direzzjoni.

6.6.8.   It-tell-tale

Tell-tale b’ċirkwit magħluq huwa mandatorju. Id-dawl ta’ twissija li jixgħel u jitfi malajr, li jista’ jaħdem flimkien mat-tell-tales(s) li ġie(ġew) speċifikat(i) fil-paragrafu 6.5.8.

6.6.9.   Rekwiżiti oħra

Kif ġie speċifikat fil-paragrafu 6.5.9. Jekk vettura motorizzata hija mgħammra biex tiġbed trejler, il-kontroll tas-sinjal ta’ twissija f’każ ta’ periklu għandu wkoll ikun jista’ jattiva l-fanali li jindikaw id-direzzjoni fuq it-trejler. Is-sinjal ta’ twissija f’każ ta’ periklu għandu jkun jista’ jaħdem anki jekk l-apparat li jistartja jew jitfi l-magna jkun f’pożizzjoni li jagħmilha impossibbli li l-magna tistartja.

6.7.   Il-fanal ta’ waqfien (Ir-Regolament Nru 7)

6.7.1.   Preżenza

L-apparati tal-kategorija S1 jew S2	:	mandatorji fuq il-kategoriji ta’ vetturi kollha.
L-apparati tal-kategorija S3 jew S4	:	mandatorji fuq il-vetturi tal-kategoriji M1 u N1, ħlief għall-karozzi tax-xażi (chassis-cabs) u dawk il-vetturi tal-kategorija N1 bi spazju miftuħ għat-tagħbija; fakultattivi fuq kategoriji ta’ vetturi oħra.

6.7.2.   In-numru

Żewġ apparati tal-kategorija S1 jew S2 u apparat wieħed tal-kategorija S3 jew S4 fuq il-kategoriji ta’ vetturi kollha

6.7.2.1.   Ħlief fil-każ fejn jiġi installat apparat tal-kategorija S3 jew S4, fuq vetturi fil-kategoriji M2, M3, N2, N3, O2, O3, u O4 jistgħu jiġu installati żewġ apparati fakultattivi tal-kategorija S1 jew S2.

6.7.2.2.   Biss, meta l-pjan medjan lonġitudinali tal-vettura ma jinstabx fuq panil fiss tal-bodi, imma jissepara parti waħda li tiċċaqlaq jew żewġ partijiet li jiċċaqilqu tal-vettura (eż. bibien), u mhemmx biżżejjed spazju biex jiġi installat apparat wieħed tal-kategorija S3 jew S4 fuq il-pjan medjan lonġitudinali ’l fuq minn partijiet li jiċċaqilqu ta’ din ix-xorta, jew:

jistgħu jiġu installati żewġ apparati tal-kategorija S3 jew S4 tat-tip “D”; jew

jista’ jiġi installat apparat wieħed tal-kategorija S3 jew S4 spostat fuq ix-xellug jew fuq il-lemin tal-pjan medjan lonġitudinali, jew

jista' tiġi installata sistema ta' fanali interdipendenti tal-kategorija S3 jew S4.

6.7.3.   L-arranġament

L-ebda rekwiżit speċjali.

6.7.4.   Il-pożizzjoni

6.7.4.1.   Fil-wisa’:

Għall-vetturi tal-kategoriji M1 u N1:   Għall-kategoriji S1 jew S2 l-apparati li jippuntaw fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura;   Għad-distanza bejn it-truf ta’ ġewwa tas-superfiċji apparenti fid-direzzjoni tal-assi ta’ referenza mhemm l-ebda rekwiżit speċjali.

Għall-kategoriji ta’ vetturi l-oħra kollha:   Għall-apparati tal-kategorija S1 jew S2 id-distanza bejn it-truf ta’ ġewwa tas-superfiċji apparenti fid-direzzjoni tal-assi ta’ referenza għandha tkun mhux inqas minn 600 mm. Din id-distanza tista’ titnaqqas għal 400 mm jekk il-wisa’ totali tal-vettura hija inqas minn 1 300 mm.   Għall-apparati tal-kategorija S3 jew S4: iċ-ċentru ta’ referenza għandu jinstab fuq il-pjan medjan lonġitudinali tal-vettura. Madanakollu, fil-każ fejn jiġu installati ż-żewġ apparati tal-kategorija S3 jew S4, skont il-paragrafu 6.7.2, għandhom jiġu ppożizzjonati mill-aktar qrib possibbli tal-pjan medjan lonġitudinali, wieħed fuq kull naħa ta’ dan il-pjan.   Fil-każ fejn, skont il-paragrafu 6.7.2, ikun permess fanal wieħed tal-kategorija S3 jew S4 mqiegħda lil hinn mil-linja ewlenija tal-pjan medjan lonġitudinali, din il-pożizzjoni lilhinn mil-linja ewlenija ma għandhiex teċċedi l-150 mm mill-pjan medjan lonġitudinali għaċ-ċentru ta’ referenza tal-fanal.

6.7.4.2.   Fl-għoli:

6.7.4.2.1.

Għall-apparati tal-kategorija S1 jew S2:   ’Il fuq mill-art, mhux inqas minn 350 mm u mhux aktar minn 1 500 mm (2 100 mm jekk is-sura tal-qafas jagħmilha impossibbli li wieħed iżomm fi ħdan l-1 500 mm u jekk il-fanali fakultattivi ma jiġux installati).   Jekk il-fanali fakultattivi jiġu installati, għandhom jiġu ppożizzjonati f’għoli li jkun kompatibbli mar-rekwiżiti tal-wisa’ u tas-simmetrija tal-fanali u f’distanza vertikali kbira daqskemm is-sura tal-qafas tagħmilha possibbli, imma mhux inqas minn 600 mm ’il fuq mill-fanali mandatorji.

6.7.4.2.2.

Għall-apparati tal-kategorija S3 jew S4:   Il-pjan orizzontali tanġenzjali mat-tarf ta' taħt tas-superfiċje apparenti għandu: jew ma jkunx aktar minn 150 mm taħt il-pjan orizzontali tanġenzjali għat-tarf t’isfel tas-superfiċje esposta tal-ħġieġ jew tal-igglejżjar tat-tieqa ta’ wara, jew ma jkunx inqas minn 850 mm ’il fuq mill-art.   Madanakollu, il-pjan orizzontali tanġenzjali għat-tarf t’isfel tas-superfiċje apparenti tal-apparat tal-kategorija S3 jew S4 għandu jkun ’il fuq mill-pjan orizzontali tanġenzjali għat-tarf ta’ fuq tas-superfiċje apparenti tal-apparati tal-kategorija S1 jew S2.

6.7.4.3.   Fit-tul:

6.7.4.4.   Għall-apparati tal-kategorija S1 jew S2: fuq wara tal-vettura.

6.7.4.5.   Għall-apparati tal-kategorija S3 jew S4: l-ebda rekwiżit speċjali.

6.7.5.   Il-viżibilità ġeometrika

L-angolu orizzontali:

Għall-apparati tal-kategorija S1 jew S2: 45° fuq ix-xellug u fuq il-lemin tal-assi lonġitudinali tal-vettura;

Għall-apparati tal-kategorija S3 jew S4: 10° fuq ix-xellug u fuq il-lemin tal-assi lonġitudinali tal-vettura.

L-angolu vertikali:

Għall-apparati tal-kategorija S1 jew S2: 15° ’il fuq minn u taħt l-orizzontali. Madanakollu, l-angolu vertikali taħt l-orizzontali jista’ jitnaqqas għal 5° jekk l-għoli tal-fanal jkun inqas minn 750 mm. L-angolu vertikali ’l fuq mill-orizzontali jista’ jitnaqqas għal 5° fil-każ ta’ fanali fakultattivi mhux inqas minn 2 100 mm ’il fuq mill-art;

Għall-apparati tal-kategorija S3 jew S4: 10° ’il fuq minn u 5° taħt l-orizzontali.

6.7.6.   L-orjentazzjoni

Lejn wara tal-vettura

6.7.7.   Il-konnessjonijiet elettriċi

6.7.7.1.   Il-fanali tal-waqfien għandhom jixgħelu simultanjament meta s-sistema tal-brejkijiet tipprovdi s-sinjal relevanti definit fir-Regolamenti Nri 13 u 13-H.

6.7.7.2.   Il-fanali ta’ waqfien m’hemmx għalfejn jaħdmu jekk l-apparat, li jistartja u/jew jitfi l-magna, ikun f’pożizzjoni li jagħmilha impossibbli li l-magna taħdem.

6.7.8.   It-tell-tale

It-tell-tale huwa fakultattiv; fejn jitwaħħal, dan it-tell-tale irid ikun tell-tale operattiv li jikkonsisti minn dawl ta’ twissija li ma jixgħelx u jitfi malajr li jixgħel fil-każ ta’ ħsara tal-fanali ta’ waqfien.

6.7.9.   Rekwiżiti oħra

6.7.9.1.   L-apparat tal-kategorija S3 jew S4 jista’ ma jkunx reċiprokament inkorporat mal-ebda fanal ieħor.

6.7.9.2.   L-apparat tal-kategorija S3 jew S4 jista’ jkun installat fuq barra jew fuq ġewwa tal-vettura.

6.7.9.2.1.   Fil-każ fejn jiġi installat ġewwa l-vettura:

Id-dawl mitfugħ ma għandux jikkawża skumdità lis-sewwieq permezz tal-apparati għall-viżjoni indiretta biex tara wara u/jew superfiċji oħra tal-vettura (jiġifieri it-tieqa ta’ wara).

6.8.   Il-fanal tal-pjanċa ta’ reġistrazzjoni ta’ wara (Ir-Regolament Nru 4)

6.8.1.   Preżenza

Mandatorja

6.8.2.   In-numru

Tali li l-apparat idawwal fejn tinsab il-pjanċa ta’ reġistrazzjoni

6.8.3.   L-arranġament

Tali li l-apparat idawwal fejn tinsab il-pjanċa ta’ reġistrazzjoni

6.8.4.   Il-pożizzjoni

6.8.4.1.   Fil-wisa’: tali li l-apparat idawwal fejn tinsab il-pjanċa ta’ reġistrazzjoni.

6.8.4.2.   Fl-għoli: tali li l-apparat idawwal fejn tinsab il-pjanċa ta’ reġistrazzjoni.

6.8.4.3.   Fit-tul: tali li l-apparat idawwal fejn tinsab il-pjanċa ta’ reġistrazzjoni.

6.8.5.   Il-viżibilità ġeometrika

Tali li l-apparat idawwal fejn tinsab il-pjanċa ta’ reġistrazzjoni

6.8.6.   L-orjentazzjoni

Tali li l-apparat idawwal fejn tinsab il-pjanċa ta’ reġistrazzjoni

6.8.7.   Il-konnessjonijiet elettriċi

Skont il-paragrafu 5.11

6.8.8.   It-tell-tale

It-tell-tale huwa fakultattiv. Jekk ikun hemm wieħed, il-funzjoni tiegħu għandha titwettaq mit-tell-tale meħtieġ għall-fanali ta’ pożizzjonament ta’ quddiem u ta’ wara.

6.8.9.   Rekwiżiti oħra

Meta l-fanal tal-pjanċa ta’ reġistrazzjoni ta’ wara jkun ikkombinat mal-fanal ta’ pożizzjonament ta’ wara, reċiprokament inkorporat fil-fanal ta’ waqfien jew fil-fanal għaċ-ċpar fuq wara, il-karatteristiċi fotometriċi tal-fanal tal-pjanċa ta’ reġistrazzjoni ta’ wara jistgħu jkunu modifikati waqt l-illuminazzjoni tal-fanal ta’ waqfien jew tal-fanal għaċ-ċpar fuq wara.

6.9.   Il-fanal ta’ pożizzjonament fuq quddiem (Ir-Regolament Nru 7)

6.9.1.   Preżenza

Mandatorja fuq il-vetturi motorizzati kollha

Mandatorja fuq it-trejlers wiesa’ aktar minn 1 600 mm

Fakultattiva fuq it-trejlers li mhumiex wiesa’ aktar minn 1 600 mm

6.9.2.   In-numru

Tnejn

6.9.3.   L-arranġament

L-ebda rekwiżit speċjali.

6.9.4.   Il-pożizzjoni

6.9.4.1.   Fil-wisa’: dak il-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura.

Fil-każ ta’ trejler, dak il-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali ma għandux ikun aktar minn 150 mm mit-tarf estrem ta’ barra tal-vettura.

Id-distanza bejn it-truf ta’ ġewwa taż-żewġ superfiċji apparenti fid-direzzjoni tal-assi ta’ referenza:

Għall-vetturi tal-kategoriji M1 u N1: L-ebda rekwiżit speċjali;

Għall-kategoriji ta’ vetturi l-oħra kollha: Għandha tkun mhux inqas minn 600 mm. Din id-distanza tista’ titnaqqas għal 400 mm fejn il-wisa’ totali tal-vettura hija inqas minn 1 300 mm.

6.9.4.2.   Fl-għoli: ’il fuq mill-art, mhux inqas minn 350 mm u mhux iktar minn 1 500 mm (2 100 mm għall-vetturi tal-kategoriji O1 u O2, jew jekk għal kwalunkwe kategorija ta’ vetturi oħra, is-sura tal-qafas jagħmilha impossibbli li wieħed iżomm fi ħdan l-1 500 mm).

6.9.4.3.   Fit-tul: l-ebda speċifikazzjoni individwali.

6.9.4.4.   Fejn il-fanali ta’ pożizzjonament ta’ quddiem u fanal ieħor jkunu reċiprokament inkorporati, trid tintuża s-superfiċje apparenti fid-direzzjoni tal-assi ta’ referenza tal-fanal l-ieħor biex tkun ivverifikata l-konformità mar-rekwiżiti tal-ippożizzjonar (il-paragrafi 6.9.4.1 sa 6.9.4.3).

6.9.5.   Il-viżibilità ġeometrika

6.9.5.1.   L-angolu orizzontali għaż-żewġ fanali ta’ pożizzjoni:

45° ’il ġewwa u 80° ’il barra

Għal vetturi tal-kategoriji M1 u N1 li t-tarf ta' taħt tas-superfiċje apparenti tal-fanali jkun inqas minn 750 mm 'il fuq mill-art, il-valur ta' 45° 'il ġewwa jista' jitnaqqas għal 20° taħt il-pjan orizzontali li fih l-assi ta' referenza ta' dan il-fanal.

Fil-każ tat-trejlers, l-angolu ’l ġewwa jista’ jitnaqqas għal 5°.

L-angolu vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ fanali li jkunu inqas minn 750 mm ’il fuq mill-art.

6.9.5.2.   Għall-vetturi tal-kategoriji M1 u N1, bħala alternattiva għall-paragrafu 6.9.5.1, fid-diskrezzjoni tal-manifattur jew tar-rappreżentat tiegħu li ġie akkreditat b’mod xieraq, u biss jekk tiġi installata fanal li jimmarka l-ġnub fuq quddiem tal-vettura.

L-angolu orizzontali: 45° ’il barra sa 45° ’il ġewwa.

Fejn it-tarf ta' taħt tas-superfiċje apparenti tal-fanali jkun inqas minn 750 mm 'il fuq mill-art, il-valur ta' 45° 'il ġewwa jista' jitnaqqas għal 20° taħt il-pjan orizzontali li fih l-assi ta' referenza ta' dan il-fanal.

L-angolu vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° jekk il-fanali ikunu inqas minn 750 mm ’il fuq mill-art.

Biex titqies li hija viżibbli, il-fanal għandu jipprovdi veduta mingħajr ostakli tas-superfiċje apparenti ta’ mill-inqas 12,5 ċentimetru kwadru. L-erja tas-superfiċje li ddawwal ta’ kwalunkwe retroriflettur li ma jittrażmettix id-dawl, għandha tkun eskluża.

6.9.6.   L-orjentazzjoni

’Il quddiem

6.9.7.   Il-konnessjonijiet elettriċi

Skont il-paragrafu 5.11

Madankollu, jekk fanal tal-pożizzjoni ta' quddiem ikun inkorporat reċiprokament b'indikatur tad-direzzjoni, il-konnessjoni elettrika tal-fanal tal-pożizzjoni ta' quddiem fuq in-naħa relevanti tal-vettura jew il-parti inkorporata reċiprokament tagħha tista' tkun tali li tintefa waqt il-perjodu kollu (iċ-ċiklu ON u OFF) tal-attivazzjoni tad-fanal li jindika d-direzzjoni.

6.9.8.   It-tell-tale

Tell-tale b’ċirkwit magħluq huwa mandatorju. Dan it-tell-tale ma għandux jixgħel u jitfi malajr u ma għandux ikun meħtieġ jekk id-dawl tal-panil tal-istrumenti jista’ jinxtegħel fl-istess ħin mal-fanali ta’ pożizzjoni fuq quddiem.

6.9.9.   Rekwiżiti oħra

6.9.9.1.   Jekk ġeneratur wieħed jew iktar tar-radjazzjoni infrared ikunu installati ġewwa l-fanal tal-pożizzjoni ta' quddiem, dawn jitħallew jiġu attivati biss meta l-fanal tal-istess naħa tal-vettura jkun mixgħul u l-vettura tkun qed timxi 'l quddiem. Fil-każ li l-fanal tal-pożizzjoni ta' quddiem jew il-fanal tal-istess naħa ma jaħdmux, il-ġeneratur tar-radjazzjoni infrared għandu jintefa awtomatikament.

6.9.9.2.   F’każ li tiġi installata AFS li tipprovdi modalità għal-liwi, il-fanal ta’ pożizzjonament fuq quddiem jista’ jdur fuqu nnifsu flimkien ma’ unità tad-dawl li tkun reċiprokament inkorporata miegħu.

6.10.   Il-fanal tal-pożizzjoni ta' wara (Ir-Regolament Nru 7)

6.10.1.   Preżenza

L-apparati tal-kategorija R jew R1 jew R2: Mandatorja.

6.10.2.   In-numru

Tnejn

6.10.2.1.   Ħlief fil-każ fejn jiġu installati fanali li jimmarkaw il-kontorn tat-tarf, fuq il-vetturi kollha fil-kategoriji M2, M3, N2, N3, O2, O3, u O4 jistgħu jiġu installati żewġ fanali ta’ pożizzjoni fakultattivi.

6.10.3.   L-arranġament

L-ebda rekwiżit speċjali

6.10.4.   Il-pożizzjoni

6.10.4.1.   Fil-wisa’: dak il-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura. Din il-kundizzjoni ma għandhiex tapplika għall-fanali fakultattivi ta’ wara.

Id-distanza bejn it-truf ta’ ġewwa taż-żewġ superfiċji apparenti fid-direzzjoni tal-assi ta’ referenza:

Għall-vetturi tal-kategoriji M1 u N1: ma hemm l-ebda rekwiżit speċjali;

Għall-kategoriji ta’ vetturi l-oħra kollha: għandha tkun mhux inqas minn 600 mm. Din id-distanza tista’ titnaqqas għal 400 mm fejn il-wisa’ totali tal-vettura hija inqas minn 1 300 mm.

6.10.4.2.   Fl-għoli: ’il fuq mill-art, mhux inqas minn 350 mm u mhux aktar minn 1 500 mm (2 100 mm jekk is-sura tal-qafas jagħmilha impossibbli li wieħed iżomm fi ħdan l-1 500 mm u jekk il-fanali fakultattivi ma jiġux installati). Jekk il-fanali fakultattivi jiġu installati, għandhom jitqiegħdu f’għoli kompatibbli mar-rekwiżiti applikabbli tal-paragrafu 6.10.4.1, mas-simmetrija tal-fanali u f’distanza vertikali kbira daqskemm tagħmilha possibbli s-sura tal-qafas, imma mhux inqas minn 600 mm ’il fuq mill-fanali mandatorji.

6.10.4.3.   Fit-tul: Wara tal-vettura.

6.10.5.   Il-viżibilità ġeometrika

6.10.5.1.   L-angolu orizzontali: 45° ’il ġewwa u 80° ’il barra.

L-angolu vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ fanali li jkunu inqas minn 750 mm ’il fuq mill-art. L-angolu vertikali ’l fuq mill-orizzontali jista’ jitnaqqas għal 5° fil-każ ta’ fanali fakultattivi mhux inqas minn 2 100 mm ’il fuq mill-art.

6.10.5.2.   Għall-vetturi tal-kategoriji M1 u N1, bħala alternattiva għall-paragrafu 6.10.5.1, fid-diskrezzjoni tal-manifattur jew tar-rappreżentat tiegħu li ġie akkreditat b’mod xieraq, u biss jekk fuq il-vettura tiġi installat fanal li jimmarka l-ġnub fuq wara.

L-angolu orizzontali: 45° ’il barra sa 45° ’il ġewwa.

L-angolu vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° jekk il-fanali ikunu inqas minn 750 mm ’il fuq mill-art.

Biex jitqies li huwa viżibbli, il-fanal għandu jipprovdi veduta mingħajr ostakli tas-superfiċje apparenti ta’ mill-inqas 12,5 ċentimetru kwadru. L-erja tas-superfiċje li ddawwal ta’ kwalunkwe retroriflettur li ma jittrażmettix id-dawl, għandha tkun eskluża.

6.10.6.   L-orjentazzjoni

Lura

6.10.7.   Il-konnessjonijiet elettriċi

Skont il-paragrafu 5.11

Madankollu, jekk fanal tal-pożizzjoni ta' wara ikun inkorporat reċiprokament b'indikatur tad-direzzjoni, il-konnessjoni elettrika tal-fanal tal-pożizzjoni ta’ wara fuq in-naħa relevanti tal-vettura jew il-parti inkorporata reċiprokament tagħha tista' tkun tali li TINTEFA waqt il-perjodu kollu (iċ-ċiklu ON u OFF) tal-attivazzjoni tal-fanal li jindika d-direzzjoni.

6.10.8.   It-tell-tale

Tell-tale b’ċirkwit magħluq huwa mandatorju. Irid ikun ikkombinat ma’ dak tal-fanali ta’ pożizzjoni fuq quddiem.

6.10.9.   Rekwiżiti oħra

Xejn

6.11.   Il-fanal taċ-ċpar fuq wara (Ir-Regolament Nru 38)

6.11.1.   Preżenza

L-apparati tal-kategorija F jew F1 jew F2: Mandatorja

6.11.2.   In-numru

Waħda jew tnejn

6.11.3.   L-arranġament

L-ebda rekwiżit speċjali

6.11.4.   Il-pożizzjoni

6.11.4.1.   Fil-wisa’: jekk ikun hemm biss fanal wieħed għaċ-ċpar fuq wara, għandu jkun fuq in-naħa opposta tal-pjan medjan lonġitudinali tal-vettura għad-direzzjoni tat-traffiku provduta fil-pajjiż ta’ reġistrazzjoni, biċ-ċentru ta’ referenza wkoll jista’ jkun qiegħed fuq il-pjan medjan lonġitudinali tal-vettura.

6.11.4.2.   Fl-għoli: mhux inqas minn 250 mm u mhux iktar minn 1 000 mm ’il fuq mill-art. Għall-vetturi (fuq art imħarbta) tal-kategorija N3G, l-għoli massimu jista’ jiġi miżjud għal 1 200 mm.

6.11.4.3.   Fit-tul: fuq wara tal-vettura.

6.11.5.   Il-viżibilità ġeometrika

Iddefinita mill-angoli α u β kif ġie speċifikat fil-paragrafu 2.13:

α	=	5° ’il fuq u 5° ’l isfel;
β	=	25° fuq il-lemin u fuq ix-xellug.

6.11.6.   L-orjentazzjoni

Lura.

6.11.7.   Il-konnessjonijiet elettriċi

Dawn iridu jkunu tali li:

6.11.7.1.

Il-fanal(i) għaċ-ċpar fuq wara ma jistax(jistgħux) jinxtegħel(jinxtegħlu) ħlief meta jinxtegħlu r-raġġi ewlenija, ir-raġġi baxxi jew il-fanali għaċ-ċpar fuq quddiem;

6.11.7.2.

Il-fanal(i) għaċ-ċpar fuq wara jista’(jistgħu) jintefa’(jintfew) b’mod indipendenti minn kwalunkwe fanal ieħor;

6.11.7.3.

Japplika kwalunkwe wieħed minn dawn li ġejjin: 6.11.7.3.1. Il-fanal (fanali) għaċ-ċpar fuq wara jista’(jistgħu) jkompli(jkomplu) jaħdem(jaħdmu) sakemm il-fanali ta’ pożizzjoni jinftew, u l-fanal (fanali) għaċ-ċpar fuq wara mbagħad għandu(għandhom) jibqa’(jibqgħu) mitfi sakemm terġa’(jerġgħu) jinxtegħel(jinxtegħlu) b’mod deliberat; 6.11.7.3.2. Għandha tingħata twissija, għall-inqas li tinstema’, addizzjonali għat-tell-tale mandatorju (il-paragrafu 6.11.8) jekk l-ignition tintefa’ jew jekk iċ-ċavetta li tistartja l-magna tkun irtirata u l-bieba tas-sewwieq tinfetaħ, kemm jekk il-fanali ta’ ġewwa (il-paragrafu 6.11.7.1) jkunux mixgħula jew mitfija, filwaqt li s-swiċċ tal-fanal għaċ-ċpar fuq wara jkun qiegħed fil-pożizzjoni biex jixgħel il-fanal.

6.11.7.4.

Ħlief kif provdut fil-paragrafi 6.11.7.1, 6.11.7.3 u 6.11.7.5, it-tħaddim tal-fanal(i) għaċ-ċpar fuq wara ma għandux ikun affetwat minn jekk kwalunkwe fanal ieħor jinxtgħelx jew jintefiex.

6.11.7.5.

Il-fanal (fanali) għaċ-ċpar fuq wara ta’ vettura bil-mutur li tirmonka jista’(jistgħu) jintefa(jintfew) waqt li t-trejler ikun konness u l-fanal (fanali) għaċ-ċpar fuq wara tat-trejler jiġi(jiġu) attivata(i).

6.11.8.   It-tell-tale

Tell-tale b’ċirkwit magħluq huwa mandatorju. Dawl ta’ twissija indipendenti li ma jitfix u jixgħel malajr.

6.11.9.   Rekwiżiti oħra

Fil-każijiet kollha, id-distanza bejn il-fanal għaċ-ċpar fuq wara u bejn kull fanal ta’ waqfien trid tkun ikbar minn 100 mm.

6.12.   Il-fanal tal-ipparkjar (Ir-Regolament Nru 77 jew 7)

6.12.1.   Preżenza

Fuq il-vetturi motorizzati li ma jeċċedux tul ta’ 6 m u li ma jeċċedux wisa’ ta’ 2 m hija fakultattiva.

Fuq il-vetturi l-oħra kollha hija pprojbita

6.12.2.   In-numru

Skont l-arranġament

6.12.3.   L-arranġament

Jew żewġ fanali fuq quddiem u żewġ fanali fuq wara, jew fanal fuq kull naħa

6.12.4.   Il-pożizzjoni

6.12.4.1.   Fil-wisa’: dak il-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma għandux ikun aktar minn 400 mm mit-tarf estrem ta’ barra tal-vettura.

Barra minn hekk, jekk ikun hemm żewġ fanali, dawn għandhom ikunu fuq il-ġnub tal-vettura.

6.12.4.2.   Fl-għoli:

Għall-vetturi tal-kategoriji M1 u N1: l-ebda rekwiżit speċjali;

Għall-kategoriji ta’ vetturi l-oħra kollha: ’il fuq mill-art, mhux inqas minn 350 mm u mhux iktar minn 1 500 mm (2 100 mm jekk is-sura tal-qafas tagħmilha impossibbli li wieħed iżomm fi ħdan l-1 500 mm).

6.12.4.3.   Fit-tul: l-ebda rekwiżit speċjali.

6.12.5.   Il-viżibilità ġeometrika

L-angolu orizzontali: 45° ’il barra, ’il quddiem u lura.

L-angolu vertikali: 15° ’il fuq minn u taħt l-orizzontali. Madanakollu, l-angolu vertikali taħt l-orizzontali jista’ jitnaqqas għal 5° jekk l-għoli tal-fanal jkun inqas minn 750 mm.

6.12.6.   L-orjentazzjoni

Tali li l-fanali jissodisfaw ir-rekwiżiti għall-viżibilità ’l quddiem u lura

6.12.7.   Il-konnessjonijiet elettriċi

Il-konnessjoni trid tippermetti li l-fanal (fanali) tal-ipparkjar fuq l-istess ġenb tal-vettura jinxtegħlu b’mod indipendenti minn kwalunkwe fanal ieħor.

Il-fanal (fanali) tal-ipparkjar u, jekk ikun applikabbli, il-fanali ta’ pożizzjonament ta’ quddiem u ta’ wara skont il-paragrafu 6.12.9 t’iktar ’l isfel, iridu jkunu jistgħu jitħaddmu anki jekk l-apparat li jistartja l-magna jkun f’pożizzjoni li jagħmilha impossibbli li l-magna taħdem. Huwa pprojbit apparat li jitfi b’mod awtomatiku dawn il-fanali bħala funzjoni tal-ħin.

6.12.8.   It-tell-tale

Tell-tale b’ċirkwit magħluq huwa fakultattiv. Jekk ikun hemm wieħed, ma jridx ikun possibbli li jkun konfuż mat-tell-tale għall-fanali ta’ pożizzjonament ta’ quddiem u ta’ wara.

6.12.9.   Rekwiżiti oħra

Il-funzjonament ta’ dan il-fanal jista’ wkoll isir billi fl-istess ħin jinxtegħlu l-fanali ta’ pożizzjonament ta’ quddiem u ta’ wara fuq l-istess ġenb tal-vettura. F’dan il-każ, il-fanali li jissodisfaw ir-rekwiżiti tal-fanali ta’ pożizzjonament ta’ quddiem jew fuq wara jitqies li jissodisfaw ir-rekwiżiti tal-fanali tal-ipparkjar.

6.13.   Il-fanal li jimmarka l-kontorn tat-tarf (Ir-Regolament Nru 7)

6.13.1.   Preżenza

Apparati tal-kategoriji A jew AM (viżibbli minn quddiem) u apparati tal-Kategoriji R, R1, R2, RM1 jew RM2 (viżibbli minn wara):

Mandatorji fuq vetturi usa' minn 2,10 m. Fakultattiva fuq vetturi wiesgħa bejn 1,80 u 2,10 m. Fuq karozzi tax-xażi il-fanali li jimmarkaw il-kontorn tat-tarf huma fakultattivi.

6.13.2.   In-numru

Tnejn viżibbli minn quddiem u tnejn viżibbli minn wara.

Fakultattivi: jistgħu jitwaħħlu fanali addizzjonali kif ġej:

(a)	Tnejn viżibbli minn quddiem;

(b)	Tnejn viżibbli minn wara.

6.13.3.   L-arranġament

L-ebda rekwiżit speċjali

6.13.4   Il-pożizzjoni

6.13.4.1   Fil-wisa’:

Quddiem u wara: l-aktar qrib possibbli tat-tarf estrem ta’ barra tal-vettura. Din il-kundizzjoni titqies li ġiet sodisfatta meta l-punt fuq is-superfiċje apparenti fid-direzzjoni tal-assi ta’ referenza li huwa l-aktar ’il bogħod mill-pjan medjan lonġitudinali tal-vettura ma jkunx iktar minn 400 mm mit-tarf estrem ta’ barra tal-vettura.

6.13.4.2.   Fl-għoli:

Quddiem: Il-vetturi motorizzati – il-pjan orizzontali tanġenzjali għat-tarf ta’ fuq tas-superfiċje apparenti fid-direzzjoni tal-assi ta’ referenza tal-apparat ma jridx ikun aktar baxx mill-pjan orizzontali tanġenzjali għat-tarf ta’ fuq taż-żona trasparenti tal-windskrin. It-trejlers u s-semi-trejlers – fl-għoli massimu kompatibbli mar-rekwiżiti li huma relatati mal-wisa’, mad-disinn u mar-rekwiżiti operattivi tal-vettura u mas-simmetrija tal-fanali.

Wara: Fl-għoli massimu kompatibbli mar-rekwiżiti li huma relatati mal-wisa’, mad-disinn u mar-rekwiżiti operattivi tal-vettura u mas-simmetrija tal-fanali.

Kemm il-fanali fakultattivi kif ukoll dawk mandatorji (kif ikun applikabbli) għandhom jitwaħħlu kemm jista’ jkun isseparati minn xulxin fl-għoli kemm ikun prattiku u kompatibbli mar-rekwiżiti tad-disinn/operattivi tal-vettura u tas-simmetrija tal-fanali.

6.13.4.3.   Fit-tul, l-ebda rekwiżit speċjali.

Il-fanali addizzjonali viżibbli minn quddiem, kif ġie speċifikat fil-paragrafu 6.13.4.2, mill-aktar qrib skont kemm ikun prattiku fuq wara. Madankollu, id-distanza bejn il-fanali addizzjonali u l-parti ta’ wara tal-vettura ma għandhiex teċċedi l-400 mm.

6.13.5.   Il-viżibilità ġeometrika

L-angolu orizzontali: 80° ’il barra.

L-angolu vertikali: 5° ’il fuq minn u 20° taħt l-orizzontali L-orjentazzjoni

6.13.6.   L-orjentazzjoni

Tali li l-fanali jissodisfaw ir-rekwiżiti għall-viżibilità ’l quddiem u lura

6.13.7.   Il-konnessjonijiet elettriċi

Skont il-paragrafu 5.11

6.13.8.   It-tell-tale

It-tell-tale huwa fakultattiv. Jekk ikun hemm wieħed, il-funzjoni tiegħu għandha titwettaq mit-tell-tale meħtieġ għall-fanali ta’ pożizzjonament ta’ quddiem u ta’ wara.

6.13.9.   Rekwiżiti oħra

Sakemm jiġu sodisfatti r-rekwiżiti l-oħra kollha, il-fanali mandatorji jew fakultattivi li jkunu viżibbli minn quddiem u l-fanali mandatorji jew fakultattivi li jkunu viżibbli minn wara fuq l-istess ġenb tal-vettura jistgħu jiġu kkombinati f’apparat wieħed.

Tnejn mill-fanali li jkunu viżibbli minn wara jistgħu jiġu ggruppati, ikkombinati jew reċiprokament inkorporati skont il-paragrafu 5.7.

Il-pożizzjoni ta’ fanal li jimmarka l-kontorn tat-tarf b’relazzjoni għall-fanal ta’ pożizzjonament korrispondenti għandha tkun tali li d-distanza bejn il-projezzjonijiet ta’ pjan trasversali vertikali tal-punti l-eqreb ta’ xulxin fuq is-superfiċji apparenti fid-direzzjoni tal-assi ta’ referenza rispettivi taż-żewġ fanali meqjusa ma tkunx inqas minn 200 mm.

6.14.   Ir-retroriflettur ta’ wara, mhux triangolari (Ir-Regolament Nru 3)

6.14.1.   Preżenza

Mandatorja fuq il-vetturi motorizzati

Fuq it-trejlers jkunu fakultattivi, sakemm ikunu ggruppati flimkien mal-apparti l-oħra tas-sinjali bid-dawl ta’ wara

6.14.2.   In-numru

Tnejn, li r-rendimenti tagħhom għandhom jikkonformaw mar-rekwiżiti fir-Regolament Nru 3 li jikkonċernaw ir-retrorifletturi tal-Klassi IA jew IB. Jiġu permessi apparati u materjali retroriflettenti addizzjonali (inklużi żewġ retrorifletturi li ma jikkonformawx mal-paragrafu 6.14.4 t’aktar ’l isfel), sakemm ma jfixklux l-effikaċja tal-apparati mandatorji tad-dawl u tas-sinjali bid-dawl.

6.14.3   L-arranġament

L-ebda rekwiżit speċjali

6.14.4.   Il-pożizzjoni

6.14.4.1.   Fil-wisa’: dak il-punt fuq is-superfiċje li ddawwal li huwa l-aktar ’il bogħod mill-pjan medjan lonġitudinali ma għandux ikun aktar minn 400 mm mit-tarf estrem ta’ barra tal-vettura.

Id-distanza bejn it-truf ta’ ġewwa taż-żewġ superfiċji apparenti fid-direzzjoni tal-assi ta’ referenza:

Għall-vetturi tal-kategoriji M1 u N1: ma hemm l-ebda rekwiżit speċjali;

Għall-kategoriji ta’ vetturi l-oħra kollha: għandha tkun mhux inqas minn 600 mm. Din id-distanza tista’ titnaqqas għal 400 mm fejn il-wisa’ totali tal-vettura hija inqas minn 1 300 mm.

6.14.4.2.   Fl-għoli: 'Il fuq mill-art, mhux inqas minn 250 mm u lanqas iktar minn 900 mm (mhux iktar minn 1 200 mm jekk raggruppati ma' xi fanal (fanali) ta' wara, 1 500 mm jekk il-forma tal-karrozzerija ma jippermettix li tinżamm f'90 mm jew 1 200 mm rispettivament).

6.14.4.3.   Fit-tul: fuq wara tal-vettura.

6.14.5.   Il-viżibilità ġeometrika

L-angolu orizzontali: 30° ’il ġewwa u ’l barra.

L-angolu vertikali: 10° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ retroriflettur li jkun inqas minn 750 mm ’il fuq mill-art.

6.14.6.   L-orjentazzjoni

Lura

6.14.7.   Rekwiżiti oħra

Is-superfiċje li ddawwal tar-retroriflettur jista’ jkollha partijiet komuni mas-superfiċje apparenti ta’ kwalunkwe fanal ieħor li jinsab fuq wara.

6.15.   Ir-retroriflettur ta’ wara, triangolari (Ir-Regolament Nru 3)

6.15.1   Preżenza

Mandatorju fuq it-trejlers

Ipprojbit fuq il-vetturi motorizzati

6.15.2.   In-numru

Tnejn, li r-rendimenti tagħhom għandhom jikkonformaw mar-rekwiżiti fir-Regolament Nru 3 li li jikkonċernaw ir-retrorifletturi tal-Klassi IIIA jew tal-Klassi IIIB. Jiġu permessi apparati u materjali retroriflettenti addizzjonali (inklużi żewġ retrorifletturi li ma jikkonformawx mal-paragrafu 6.15.4 t’aktar ’l isfel), sakemm ma jfixklux l-effikaċja tal-apparati mandatorji tad-dawl u tas-sinjali bid-dawl.

6.15.3.   L-arranġament

Il-quċċata tat-triangolu għandha tkun diretta ’l fuq.

6.15.4.   Il-pożizzjoni

6.15.4.1.   Fil-wisa’: dak il-punt fuq is-superfiċje li ddawwal li huwa l-aktar ’il bogħod mill-pjan medjan lonġitudinali ma għandux ikun aktar minn 400 mm mit-tarf estrem ta’ barra tal-vettura.

Ma għandux ikun hemm aktar minn 600 mm bejn it-truf ta’ ġewwa tar-retrorifletturi. Din id-distanza tista’ titnaqqas għal 400 mm jekk il-wisa’ totali tal-vettura tkun inqas minn 1 300 mm.

6.15.4.2.   Fl-għoli: 'Il fuq mill-art, mhux inqas minn 250 mm u lanqas iktar minn 900 mm (mhux iktar minn 1 200 mm jekk raggruppati ma' xi fanal(i) ta' wara, 1 500 mm jekk il-forma tal-karrozzerija ma jippermettix li tinżamm f'90 mm jew 1 200 mm rispettivament).

6.15.4.3.   Fit-tul: fuq wara tal-vettura.

6.15.5.   Il-viżibilità ġeometrika

L-angolu orizzontali: 30° ’il ġewwa u ’l barra.

L-angolu vertikali: 15° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ retroriflettur li jkun inqas minn 750 mm ’il fuq mill-art.

6.15.6.   L-orjentazzjoni

Lura

6.15.7.   Rekwiżiti oħra

Is-superfiċje li ddawwal tar-retroriflettur jista’ jkollha partijiet komuni mas-superfiċje apparenti ta’ kwalunkwe fanal ieħor li jinsab fuq wara.

6.16.   Ir-retroriflettur ta’ quddiem, mhux triangolari (Ir-Regolament Nru 3)

6.16.1.   Preżenza

Mandatorju fuq it-trejlers.

Mandatorju fuq il-vetturi motorizzati li jkollhom il-fanali li jifaċċjaw ’il quddiem kollha b’rifletturi li jistgħu jinħbew

Fakultattiv fuq vetturi motorizzati oħra

6.16.2.   In-numru

Tnejn, li r-rendimenti tagħhom għandhom jikkonformaw mar-rekwiżiti fir-Regolament Nru 3 li jikkonċernaw ir-retrorifletturi tal-Klassi IA jew IB. Jiġu permessi apparati u materjali retroriflettenti addizzjonali (inklużi żewġ retrorifletturi li ma jikkonformawx mal-paragrafu 6.14.4 t’aktar ’l isfel), sakemm ma jfixklux l-effikaċja tal-apparati mandatorji tad-dawl u tas-sinjali bid-dawl.

6.16.3.   L-arranġament

L-ebda rekwiżit speċjali

6.16.4.   Il-pożizzjoni

6.16.4.1.   Fil-wisa’: dak il-punt fuq is-superfiċje li ddawwal li huwa l-aktar ’il bogħod mill-pjan medjan lonġitudinali ma għandux ikun aktar minn 400 mm mit-tarf estrem ta’ barra tal-vettura.

Fil-każ ta’ trejler, il-punt tas-superfiċje li ddawwal li huwa l-aktar ’il bogħod mill-pjan medjan lonġitudinali tal-vettura ma għandux ikun aktar ’il bogħod minn 150 mm mit-tarf estrem ta’ barra tal-vettura.

Id-distanza bejn it-truf ta’ ġewwa taż-żewġ superfiċji apparenti fid-direzzjoni tal-assi ta’ referenza:

Għall-vetturi tal-kategoriji M1 u N1: ma hemm l-ebda rekwiżit speċjali;

Għall-kategoriji ta’ vetturi l-oħra kollha: għandha tkun mhux inqas minn 600 mm. Din id-distanza tista’ titnaqqas għal 400 mm fejn il-wisa’ totali tal-vettura hija inqas minn 1 300 mm.

6.16.4.2.   Fl-għoli: ’il fuq mill-art, mhux inqas minn 250 mm u mhux iktar minn 900 mm (1 500 mm jekk is-sura tal-qafas tagħmilha impossibbli li wieħed iżomm fi ħdan id-900 mm).

6.16.4.3.   Fit-tul: fuq quddiem tal-vettura.

6.16.5.   Il-viżibilità ġeometrika

Angolu orizzontali, 30° ’il ġewwa u ’l barra. Fil-każ tat-trejlers, l-angolu ’l ġewwa jista’ jitnaqqas għal 10°. Jekk minħabba l-binja tat-trejlers dan l-angolu ma jistax jiġi sodisfatt mir-retrorifletturi mandatorji, mela għandhom jitwaħħlu retrorifletturi addizzjonali (supplementari), mingħajr il-limitazzjoni tal-wisa’ (il-paragrafu 6.16.4.1.), li flimkien mar-retro-rifleturi mandatorji, għandhom jagħtu l-angolu ta’ viżibilità meħtieġ.

L-angolu vertikali: 10° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ retroriflettur li jkun inqas minn 750 mm ’il fuq mill-art.

6.16.6.   L-orjentazzjoni

’Il quddiem

6.16.7.   Rekwiżiti oħra

Is-superfiċje li ddawwal tar-retroriflettur jista’ jkollha partijiet komuni mas-superfiċje apparenti mas-superfiċje apparenti ta’ kwalunkwe fanal ieħor li jinsab fuq quddiem.

6.17.   Ir-retroriflettur tal-ġenb, mhux triangolari (Ir-Regolament Nru 3)

6.17.1.   Preżenza

Mandatorju	:	Fuq il-vetturi motorizzati kollha b’tul li jeċċedi s-6 m. Fuq it-trejlers kollha.
(a)	:	Fuq il-vetturi motorizzati li t-tul tagħhom ma jeċċedix is-6 m.

6.17.2.   In-numru

Tali li jkun hemm konformità mar-rekwiżiti għall-ippożizzjonar lonġitudinali. Ir-rendimenti ta’ dawn l-apparati għandhom jikkonformaw mar-rekwiżiti fir-Regolament Nru 3 li jikkonċernaw ir-retrorifletturi tal-Klassi IA jew tal-Klassi IB. Jiġu permessi apparati u materjali retroriflettenti addizzjonali (inklużi żewġ retrorifletturi li ma jikkonformawx mal-paragrafu 6.14.4 t’aktar ’l isfel), sakemm ma jfixklux l-effikaċja tal-apparati mandatorji tad-dawl u tas-sinjali bid-dawl.

6.17.3.   L-arranġament

L-ebda rekwiżit speċjali

6.17.4.   Il-pożizzjoni

6.17.4.1.   Fil-wisa’: l-ebda rekwiżit speċjali

6.17.4.2.   Fl-għoli: 'Il fuq mill-art, mhux inqas minn 250 mm u lanqas iktar minn 900 mm (mhux iktar minn 1 200 mm jekk raggruppati ma' xi fanal(i), 1 500 mm jekk il-forma tal-karrozzerija ma tippermettix li tinżamm f'90 mm jew 1 200 mm rispettivament jew jekk il-preżenza tal-apparat ma jkunx mandatorju skont il-paragrafu 6.17.1).

6.17.4.3.   Fit-tul: mill-inqas retroriflettur tal-ġenb wieħed irid jitwaħħal mat-terz nofsani tal-vetturi, bir-retroriflettur tal-ġenb ta’ quddiemnett irid ikun mhux aktar minn 3m mill-parti ta’ quddiem tal-vettura;

Id-distanza bejn ir-retrorifletturi tal-ġenb ta’ biswit xulxin ma għandhiex teċċedi t-3 m. Madanakollu, dan ma japplikax għall-vetturi tal-kategoriji M1 u N1.

Jekk l-istruttura, id-disinn jew l-użu operazzjonali tal-vettura ma jippermettux il-konformità ma' dan ir-rekwiżit, id-distanza tista' tiżdied għal 4 m. Id-distanza bejn ir-retroriflettur tal-ġnub ta’ waranett u l-parti ta’ wara tal-vettura ma għandhiex teċċedi l-1 m.

Madanakollu, għall-vetturi motorizzati li t-tul tagħhom ma jeċċedix is-6 m, huwa biżżejjed li jkun hemm retroriflettur fil-ġnub wieħed imwaħħal fi ħdan l-ewwel terz u/jew fi ħdan l-aħħar terz tat-tul tal-vettura. Għall-vetturi M1 li t-tul tagħhom jeċċedi s-6m iżda ma jeċċedix is-7 m, huwa biżżejjed li jkun hemm retroriflettur fil-ġnub wieħed imwaħħal mhux iktar minn 3 m minn quddiem u wieħed fl-aħħar terz tat-tul tal-vettura.

6.17.5.   Il-viżibilità ġeometrika

L-angolu orizzontali	:	45° għall-parti ta’ quddiem u għall-parti ta’ wara.
L-angolu vertikali	:	10° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ retroriflettur li jkun inqas minn 750 mm ’il fuq mill-art.

6.17.6.   L-orjentazzjoni

Lejn il-ġenb

6.17.7.   Rekwiżiti oħra

Is-superfiċje li ddawwal tar-retroriflettur tal-ġenb jista’ jkollha partijiet komuni mas-superfiċje apparenti ta’ kwalunkwe fanal ieħor tal-ġenb.

6.18.   Il-fanali li jimmarkaw il-ġnub (Ir-Regolament Nru 91)

6.18.1.   Preżenza

Mandatorju: Fuq il-vetturi kollha li t-tul tagħhom jeċċedi s-6 m, ħlief għall-karozzi tax-xażi.

Fuq il-vetturi tal-kategoriji kollha għandu jintuża l-fanal li jimmarka l-ġnub tat-tip SM1; madanakollu l-fanali li jimmarkaw il-ġnub tat-tip SM2 jistgħu jintużaw fuq il-vetturi tal-kategorija M1.

Minbarra dan, fuq il-vetturi tal-kategoriji M1 u N1 b’tul ta’ inqas minn 6 m, għandhom jintużaw fanali li jimmarkaw il-ġnub, jekk jissupplimentaw ir-rekwiżiti mnaqqsa tal-viżibilità ġeometrika tal-fanali ta’ pożizzjonament ta’ quddiem li jikkonformaw mal-paragrafu 6.9.5.2. u tal-fanali ta’ pożizzjonament ta’ wara li jikkonformaw mal-paragrafu 6.10.5.2.

Fakultattiv: Fuq il-vetturi l-oħra kollha.

Jistgħu jintużaw il-fanali li jimmarkaw il-ġnub tat-tip SM1 jew SM2.

6.18.2.   In-numru minimu fuq kull ġenb

Tali li jkun hemm konformità mar-regoli għall-ippożizzjonar lonġitudinali.

6.18.3.   L-arranġament

L-ebda speċifikazzjoni individwali.

6.18.4.   Il-pożizzjoni

6.18.4.1.   Fil-wisa’: l-ebda speċifikazzjoni individwali.

6.18.4.2.   Fl-għoli: ’Il fuq mill-art, mhux inqas minn 250 mm u mhux iktar minn 1 500 mm (2 100 mm jekk is-sura tal-qafas tagħmilha impossibbli li wieħed iżomm fi ħdan l-1 500 mm).

6.18.4.3.   Fit-tul: mill-inqas fanal li jimmarka l-ġnub wieħed għandu jitwaħħal fuq it-terz nofsani tal-vetturi, bil-fanal li jimmarka l-ġnub ta’ quddiemnett ma jkunx aktar minn 3 m ’il bogħod mill-parti ta’ quddiem. Id-distanza bejn iż-żewġ fanali li jimmarkaw il-ġnub biswit ta’ xulxin ma għandhiex teċċedi t-3 m. Jekk l-istruttura, id-disinn jew l-użu operazzjonali tal-vettura jagħmluha impossibbli li jkun hemm konformità ma’ rekwiżit ta’ din ix-xorta, din id-distanza tista’ titkabbar għal 4 m.

Id-distanza bejn il-fanal li jimmarka l-ġnub ta’ waranett u l-parti ta’ wara tal-vettura ma għandhiex teċċedi l-1 m.

Madanakollu, għall-vetturi li t-tul tagħhom ma jeċċedix is-6 m u għall-karozzi tax-xażi, huwa biżżejjed li jkun hemm fanal li jimmarka l-ġnub wieħed imwaħħal fl-ewwel terz u/jew fl-aħħar terz tat-tul tal-vettura. Għall-vetturi M1 li t-tul tagħhom jeċċedi s-6 m iżda ma jeċċedix is-7 m, huwa biżżejjed li jkun hemm retroriflettur fil-ġnub wieħed imwaħħal mhux iktar minn 3 m minn quddiem u wieħed fl-aħħar terz tat-tul tal-vettura.

6.18.5.   Il-viżibilità ġeometrika

L-angolu orizzontali: 45° għall-parti ta’ quddiem u għall-parti ta’ wara; madanakollu, għall-vetturi li fuqhom l-installazzjoni tal-fanali li jimmarkaw il-ġnub hija fakultattiva dan il-valur jista’ jitnaqqas għal 30°.

Jekk il-vettura hija mgħammra b’fanali li jimmarkaw il-ġnub li jintużaw biex tkun issupplimentata l-viżibilità ġeometrika mnaqqsa tal-fanali li jindikaw id-direzzjoni fuq quddiem u fuq wara skont il-paragrafu 6.5.5.2 u/jew ta’ fanali ta’ pożizzjoni skont il-paragrafi 6.9.5.2 u 6.10.5.2, l-angoli huma 45° lejn it-truf ta’ quddiem u ta’ wara tal-vettura u 30° lejn iċ-ċentru tal-vettura (ara l-figura fil-paragrafu 6.5.5.2 t’aktar ’il fuq).

L-angolu vertikali: 10° ’il fuq minn u taħt l-orizzontali. L-angolu vertikali taħt l-orizzontali jista’ jitnaqqas għal 5° fil-każ ta’ fanal li jimmarka l-ġnub li jkun inqas minn 750 mm ’il fuq mill-art.

6.18.6.   L-orjentazzjoni

Lejn il-ġenb

6.18.7.   Il-konnessjonijiet elettriċi

Fuq il-vetturi tal-kategoriji M1 u N1 b’tul ta’ inqas minn 6 m, jistgħu jiġu konnessi fanali ambra li jimmarkaw il-ġnub biex jixgħelu u jitfu malajr, sakemm jixgħelu u jitfu malajr b’mod sinkronizzat u bl-istess frekwenza tal-fanali li jindikaw id-direzzjoni fuq l-istess ġenb tal-vettura.

Għall-kategoriji ta’ vetturi l-oħra kollha: l-ebda speċifikazzjoni individwali.

6.18.8.   It-tell-tale

It-tell-tale huwa fakultattiv. Jekk ikun hemm wieħed, il-funzjoni tiegħu għandha titwettaq mit-tell-tale meħtieġ għall-fanali ta’ pożizzjonament ta’ quddiem u ta’ wara.

6.18.9.   Rekwiżiti oħra

Meta l-fanal li jimmarka l-ġnub ta’ waranett jkun ikkombinat mal-fanal ta’ pożizzjonament ta’ wara li jkun reċiprokament inkorporat mal-fanal għaċ-ċpar fuq wara jew mal-fanal ta’ waqfien ta’ wara, il-karatteristiċi fotometriċi tal-fanal li jimmarka l-ġnub jistgħu jiġu modifikati waqt l-illuminazzjoni tal-fanal għaċ-ċpar fuq wara jew tal-fanal ta’ waqfien ta’ wara.

Il-fanali li jimmarkaw il-ġnub fuq wara jridu jkunu ambra jekk jixgħelu u jitfu malajr mal-fanal li jindika d-direzzjoni fuq wara.

6.19.   Il-fanal tas-sewqan binhar (Ir-Regolament Nru 87) (17)

6.19.1.   Preżenza

Mandatorja fuq il-vetturi motorizzati. Ipprojbita fuq it-trejlers.

6.19.2.   In-numru

Tnejn

6.19.3.   L-arranġament

L-ebda rekwiżit speċjali

6.19.4.   Il-pożizzjoni

6.19.4.1.   Fil-wisa’: id-distanza bejn it-truf ta’ ġewwai tas-superfiċji apparenti fid-direzzjoni tal-assi ta’ referenza ma għandhiex tkun inqas minn 600 mm.

Din id-distanza tista’ titnaqqas għal 400 mm fejn il-wisa’ totali tal-vettura tkun inqas minn 1 300 mm.

6.19.4.2.   Fl-għoli: ’il fuq mill-art mhux inqas minn 250 mm u mhux iktar minn 1 500 mm.

6.19.4.3.   Fit-tul: fuq quddiem tal-vettura. Dan ir-rekwiżit għandu jitqies li jkun sodisfatt jekk id-dawl mitfugħ ma jikkawżax skumdità lis-sewwieq jew direttament jew indirettament permezz tal-mirja biex tara wara u/jew superfiċji riflettenti oħra tal-vettura.

6.19.5.   Il-viżibilità ġeometrika

Orizzontali	:	20° ’il barra u 20° ’il ġewwa.
Vertikali	:	10° ’il fuq u 10° ’l isfel.

6.19.6.   L-orjentazzjoni

’Il quddiem

6.19.7.   Il-konnessjonijiet elettriċi

6.19.7.1.   Il-fanali tas-sewqan binhar għandhom JINXTEGĦLU awtomatikament meta l-apparat li jistartja u/jew jitfi l-magna (is-sistema tal-propulsjoni) jkun f’pożizzjoni li jagħmilha possibbli li l-magna (is-sistema tal-propulsjoni) taħdem. Madankollu, il-fanali għas-sewqan binhar jistgħu jibqgħu MITFIJA f'dawn il-kundizzjonijiet.

6.19.7.1.1.   Il-kontroll tat-trażmissjoni awtomatika tkun fil-pożizzjoni tal-parking; jew

6.19.7.1.2.   Il-brejk tal-parking ikun fil-pożizzjoni applikata; jew

6.19.7.1.3.   Qabel mal-vettura tinstaq għall-ewwel darba wara kull attivazzjoni manwali tas-sistema tal-propulsjoni.

6.19.7.2.   Il-fanali tas-sewqan binhar jistgħu jkunu MITFIJA manwalment meta l-veloċità tal-vettura ma tkunx iktar minn 10 km/h sakemm ma JIXGĦELUX awtomatikament meta l-veloċità tal-vettura tkun iktar minn 10 km/h jew meta l-vettura tkun instaqet iktar minn 100 m u jibqgħu MIXGĦULA sakemm ma jerġgħux jiġu mitfija apposta.

6.19.7.3.   Il-fanal għas-sewqan binhar għandu JINTEFA awtomatikament meta l-apparat li jistartja u/jew jitfi l-magna (is-sistema tal-propulsjoni) ikun f'pożizzjoni li ma jippermettix li l-magna (is-sistema tal-propulsjoni) taħdem jew il-fanali taċ-ċpar ta' quddiem jew il-fanali jkunu MIXGĦULA, ħlief meta dawn tal-aħħar jintużaw biex jagħtu twissijiet intermittenti bid-dawl f'intervalli qosra. (18)

6.19.7.4.   Il-fanali imsemmija fil-paragrafu 5.11 ma JINXTEGĦLUX meta l-fanali għas-sewqan binhar ikunu MIXGĦULA, ħlief jekk il-fanali għas-sewqan binhar ikunu qed joperaw skont il-paragrafu 6.2.7.6.2.

6.19.7.5.   Jekk id-distanza bejn il-fanal li jindika d-direzzjoni ta' quddiem u l-fanal għas-sewqan binhar tkun daqs jew inqas minn 40 mm, il-konnessjonijiet elettriċi tal-fanal għas-sewqan binhar fuq in-naħa relevanti tal-vettura jistgħu jkunu tali li jew:

(a)	Ikun MITFI; jew

(b)	L-intensità luminuża tiegħu titnaqqas matul il-perjodu sħiħ (fiċ-ċiklu ON u OFF) tal-attivazzjoni tal-fanal tal-indikazzjoni tad-direzzjoni ta' quddiem.

6.19.7.6.   Jekk fanal li jindika d-direzzjoni jkun inkorporat reċiprokament ma’ fanal għas-sewqan binhar, il-konnessjonijiet elettriċi tal-fanal għas-sewqan binhar fuq in-naħa relevanti tal-vettura għandhom ikunu tali li l-fanal għas-sewqan binhar ikun MITFI il-ħin kollu (fiċ-ċiklu ON u OFF) tal-attivazzjoni tal-fanal li jindika d-direzzjoni.

6.19.8.   It-tell-tale

It-tell-tale b’ċirkwit magħluq huwa fakultattiv

6.19.9.   Preskrizzjonijiet oħra

Ebda preskrizzjoni

6.20.   Il-fanal tal-kantunieri (Ir-Regolament Nru 119)

6.20.1.   Preżenza

Fakultattiva fuq il-vetturi motorizzati

6.20.2.   In-numru

Tnejn

6.20.3.   L-arranġament

L-ebda rekwiżit speċjali

6.20.4.   Il-pożizzjoni

6.20.4.1.   Fil-wisa’: għandu jkun hemm fanal tal-kantunieri fuq kull naħa tal-pjan lonġitudinali medjan tal-vettura.

6.20.4.2.   In length: mhux aktar ’il bogħod minn 1 000 mm mill-parti ta’ quddiem

Fl-għoli

:

minimu : Mhux inqas minn 250 mm ’il fuq mill-art; massimu : Mhux iktar minn 900 mm ’il fuq mill-art.

Madanakollu, l-ebda punt fuq is-superfiċje apparenti fid-direzzjoni tal-assi ta’ referenza ma għandu jkun ogħla mill-ogħla punt fuq is-superfiċje apparenti fid-direzzjoni tal-assi ta’ referena tal-fanal b’raġġ baxx.

6.20.5.   Il-viżibilità ġeometrika

Iddefinita mill-angoli α u β kif ġie speċifikat fil-paragrafu 2.13:

α	=	10° ’il fuq u ’l isfel,
β	=	30° sa 60° ’il barra.

6.20.6.   L-orjentazzjoni

Tali li l-fanali jissodisfaw ir-rekwiżiti għall-viżibilità ġeometrika

6.20.7.   Il-konnessjonijiet elettriċi

Il-fanali għall-kantunieri iridu jkunu konnessi b’tali mod li ma jistgħux jiġux attivati ħlief meta fl-istess ħin JINXTEGĦLU l-fanali b’raġġ ewlieni jew il-fanali b’raġġ baxx.

6.20.7.1.   Il-fanal għall-kantunieri fuq ġenb wieħed tal-vettura jista’ JINXTEGĦEL awtomatikament biss meta JINXTEGĦLU l-indikaturi tad-direzzjoni fuq l-istess ġenb tal-vettura u/jew meta l-angolu tal-istering jinbidel minn pożizzjoni dritt ’il quddiem għall-istess naħa tal-vettura.

Il-fanal għall-kantunieri għandu JINTEFA awtomatikament meta JINTEFA l-indikatur tad-direzzjoni u/jew l-angolu tal-istering jkun irritorna għall-pożizzjoni dritt ’il quddiem.

6.20.7.2.   Meta JINXTEGĦEL il-fanal tar-rivers, iż-żewġ fanali għall-kantunieri jistgħu jinxtegħlu fl-istess ħin, indipendentement mir-rota tal-istering jew mill-pożizzjoni tal-indikatur tad-direzzjoni. F’dan il-każ, il-fanali għall-kantunieri għandhom JINTFEW meta JINTEFA l-fanal tar-rivers.

6.20.8.   It-tell-tale

Xejn

6.20.9.   Rekwiżiti oħra

Il-fanali għall-kantunieri ma għandhomx ikunu attivati f’veloċitajiet tal-vettura ta’ aktar minn 40 km/h.

6.21.   L-immarkar biex jolqot l-għajn (Ir-Regolament Nru 104)

6.21.1.   Preżenza

6.21.1.1.   Ipprojbit: fuq il-vetturi tal-kategoriji M1 u O1.

6.21.1.2.   Mandatorju:

6.21.1.2.1.

Fuq wara: Immarkar sħiħ tad-dawra fuq vetturi li jeċċedu wisa’ ta’ 2 100 mm tal-kategoriji li ġejjin: (a) N2 b’massa massima li teċċedi s-7,5 tunnellati metriċi u N3 (bl-eċċezzjoni tal-karozzi tax-xażi, tal-vetturi mhux kompluti u tat-tratturi għas-semi-trejlers) (b) O3 u O4 (bl-eċċezzjoni ta' vetturi mhux lesti).

6.21.1.2.2.

Għall-ġenb: 6.21.1.2.2.1. Immarkar parzjali tad-dawra fuq vetturi li jeċċedu tul ta’ 6 000 mm (inkluż il-ganċ għat-trejlers) tal-kategoriji li ġejjin: (a) N2 b’massa massima li teċċedi s-7,5 tunnellati metriċi u N3 (bl-eċċezzjoni tal-karozzi tax-xażi, tal-vetturi mhux kompluti u tat-tratturi għas-semi-trejlers); (b) O3 u O4 (bl-eċċezzjoni ta' vetturi mhux lesti).

6.21.1.2.3.

L-immarkar b'linja jista' jiġi installat minflok l-immarkar tal-kontorn mandatorju jekk ir-rekwiżiti tal-forma, l-istruttura, id-disinn jew tat-tħaddim tal-vettura ma jippermettux li jiġi installat l-immarkar tal-kontorn mandatorju.

6.21.1.2.4.

Jekk is-superfiċji tal-estern tal-karrozzerija jkunu magħmula parzjalment minn materjal flessibbli, dan l-immarkar b'linja għandu jiġi installat fuq (a) il-part(ijiet) riġidi tal-vettura. Il-parti li jibqa' tal-immarkar li jolqot l-għajn jista' jitwaħħal fuq il-materjal flessibbli. Madankollu, jekk is-superfiċji esterni tal-karrozzerija jkunu magħmula kompletament minn materjal flessibbli, għandhom jiġu sodisfatti r-rekwiżiti tal-paragrafu 6.21.

6.21.1.2.5.

F'każijiet fejn il-manifattur, wara verifika mis-Servizz Tekniku, jista' jipprova għas-sodisfazzjoni tal-awtorità responsabbli mill-approvazzjoni tat-tip li mhuwiex possibbli, minħabba r-rekwiżiti operazzjonjali li jistgħu jirrikjedu forma, struttura jew disinn speċjali tal-vettura, li jikkonforma mar-rekwiżiti fil-paragrafi 6.21.2 sa 6.21.7.5, allura jkun aċċettabbli li jissodisfa xi wħud minn dawn ir-rekwiżiti. Dan jiddependi mis-sodisfazzjoni ta' parti mir-rekwiżiti fejn ikun possibbli, u l-applikazzjoni tal-immarkar li jolqot l-għajn li jissodisfa parzjalment ir-rekwiżiti mmassimizzat fuq l-istruttura tal-vettura. Dan jista' jinkludi t-twaħħil ta' brackets jew pjanċi addizzjonali li jkun fihom materjal konformi mar-Regolament Nru 104 fejn l-istruttura tkun disponibbli biex ikun żgurat sinjalar ċar u uniformi kompatibbli mal-għan li jolqtu l-għajn. Fejn is-sodisfazzjoni parzjali jitqies aċċettabbli, l-apparati retroriflettivi bħar-retrorifletturi tal-Klassi IV tar-Regolament Nru 3 jew brackets li fihom materjal retroriflettiv konformi mar-rekwiżiti fotometriċi tal-Klassi C tar-Regolament Nru 104 jistgħu jissostitwixxu parti mill-immarkar li jolqot l-għajn meħtieġ. F'dan il-każ, mill-inqas wieħed minn dawn l-apparati li jolqtu l-għajn għandu jiġi installat kull 1 500 mm. L-informazzjoni meħtieġa għandha tiġi indikata fil-formola tal-komunikazzjoni.

6.21.1.3.   Optional:

6.21.1.3.1.

Wara u fil-ġenb:   Fuq il-kategoriji ta’ vetturi l-oħra kollha, fejn ma ġiex speċifikat mod ieħor fil-paragrafi 6.21.1.1 u 6.21.1.2 t’aktar ’il fuq, inkluża l-kabina tal-unitajiet tat-tratturi għas-semi-trejlers u l-kabina tal-karozzi tax-xażi.   Jista’ jiġi applikat immarkar parjzali jew sħiħ tad-dawra minflok l-immarkar b’linja mandatorju, u jista’ jiġi applikat immarkar sħiħ tad-dawra minflok immarkar parzjali tad-dawra li jkun mandatorju.

6.21.1.3.2.

Fuq quddiem:   Immarkar b’linja fuq vetturi tal-kategoriji O2, O3 u O4   L-immarkar parzjali jew sħiħ ma jistax jiġi applikat fuq quddiem.

6.21.2.   In-numru

Skont il-preżenza

6.21.3.   L-arranġament

L-immarkar biex jolqot l-għajn għandu jkun qrib kemm ikun prattikabbli għall-orrizzontali u għall-vertikali, kompatibbli mar-rekwiżiti tas-sura, tal-istruttura, tad-disinn u mar-rekwiżiti operattivi tal-vettura; jekk dan ma jkunx possibbli, l-immarkar sħiħ jew parzjali, meta mwaħħal, għandu jsegwi kemm jista' jkun il-kontorn tal-forma esterna tal-vettura.

Barra minn hekk, l-immarkar li jolqot l-għajn għandu jitqiegħed b'mod kemm jista' jkun uniformi fuq id-dimensjonijiet orizzontali tal-vettura b'tali mod li t-tul totali u/jew il-wisa' tal-vettura jista' jiġi identifikat.

6.21.4.   Il-pożizzjoni

6.21.4.1.   Il-wisa’

6.21.4.1.1.   L-immarkar biex jolqot l-għan għandu jkun qrib kemm ikun prattikabbli għat-tarf tal-vettura.

6.21.4.1.2.   It-tul orizzontali kumulattiv tal-elementi tal-immarkar biex jolqot l-għan, kif immuntat fuq il-vettura, għandu jkun daqs mill-inqas 80 fil-mija tal-wisa’ totali tal-vettura, ħlief għal kwalunkwe trikkib orizzontali tal-elementi individwali.

6.21.4.1.3.   Madanakollu, jekk il-manifattur jista’ jipprova għas-sodisfazzjoni tal-awtorità responsabbli mill-approvazzjoni tat-tip li huwa impossibbli li jinkiseb il-valur li jissemma fil-paragrafu 6.21.4.1.2 t’aktar ’il fuq, it-tul kumulattiv jista’ jitnaqqas għal 60 fil-mija, jew, jekk dan ma jkunx possibbli fil-każ ta' disinji u applikazzjonijiet tal-vetturi partikolarment diffiċli, għal mill-inqas 40 fil-mija u għandu jkun indikat fid-dokument ta’ komunikazzjoni u fir-rapport tat-test. (19)

6.21.4.2.   It-tul

6.21.4.2.1.   L-immarkar biex jolqot l-għan għandu jkun qrib kemm ikun prattikkabli għat-truf tal-vettura u għandu jilħaq sa fi ħdan 600 mm ta’ kull tarf tal-vettura (jew kabina fil-każ tal-unitajiet tat-tratturi għas-semi-trejlers).

6.21.4.2.1.1.

Għall-vetturi motorizzati, kull tarf tal-vettura, jew fil-każ tat-tratturi għas-semi-trejlers, kull tarf tal-kabina;

6.21.4.2.1.2.

Għat-trejlers, kull tarf tal-vettura (ħlief il-ganċ).

6.21.4.2.2.   It-tul orizzontali kumulattiv tal-elementi tal-immarkar biex jolqot l-għajn, kif immuntat fuq il-vettura, ħlief għal kwalunke trikkib orizzontali tal-elementi individwali, għandu jkun daqs mill-inqas 80 fil-mija ta’:

6.21.4.2.2.1.

Għall-vetturi motorizzati, it-tul tal-vettura ħlief għall-kabina, jew fil-każ tat-tratturi għas-semi-trejlers, jekk imwaħħla, it-tul tal-kabina;

6.21.4.2.2.2.

Għat-trejlers, it-tul tal-vettura (ħlief il-ganċ).

6.21.4.2.3.   Madanakollu, jekk il-manifattur jista’ jipprova għas-sodisfazzjoni tal-awtorità responsabbli mill-approvazzjoni tat-tip li huwa impossibbli li jinkiseb il-valur li jissemma fil-paragrafu 6.21.4.2.2 t’aktar ’il fuq, it-tul kumulattiv jista’ jitnaqqas għal 60 fil-mija jew, jekk dan ma jkunx possibbli fil-każ ta' disinji u applikazzjonijiet tal-vetturi partikolarment diffiċli, għal mill-inqas 40 fil-mija u għandu jkun indikat fid-dokument ta’ komunikazzjoni u fir-rapport tat-test (19).

6.21.4.3.   L-għoli

6.21.4.3.1.   L-element(i) t’isfel tal-immarkar b’linja u tal-immarkar tad-dawra

Baxx kemm ikun prattikabbli fi ħdan il-firxa:

Minimu	:	mhux inqas minn 250 mm ’il fuq mill-art.
Massimu	:	mhux aktar minn 1 500 mm ’il fuq mill-art.

Madanakollu, jista’ jiġi aċċettat għoli massimu tal-immuntar ta’ 2 500 mm fejn il-forma, l-istruttura, id-disinn jew il-kundizzjonijiet operazzjonali jipprevjenu l-konformità mal-valur massimu ta’ 1 500 mm jew, jekk ikun meħtieġ, biex ikunu sodisfatti r-rekwiżiti tal-paragrafi 6.21.4.1.2, 6.21.4.1.3, 6.21.4.2.2 u 6.21.4.2.3, jew l-ippożizzjonar orizzontali tal-immarkar b’linja jew l-element(i) t’isfel tal-immarkar tad-dawra.

Il-ġustifikazzjoni neċessarja għall-installazzjoni tal-materjal li jagħti fl-għajn ogħla minn 1 500 mm għandu jkun indikat fil-forma tal-komunikazzjoni.

6.21.4.3.2.   L-element(i) ta’ fuq tal-immarkar tad-dawra:

Għoli kemm ikun prattikabbli, imma fi ħdan 400 mm mill-estremità ta’ fuq tal-vettura.

6.21.5.   Il-viżibilità

L-immarkar biex jolqot l-għajn għandu jitqies li jkun viżibbli, jekk mill-inqas 80 fil-mija tas-superfiċje li ddawwal tal-immarkar installat tkun viżibbli meta osservatur jaraha meta jkun ippożizzjonat fi kwalunkwe punt fi ħdan il-pjani ta’ osservazzjoni li ġew iddefiniti hawn taħt:

6.21.5.1.

għal immarkar biex jolqot l-għan ta’ wara u ta' quddiem (ara l-Figuri 1a u 1b tal-Anness 11), il-pjan ta’ osservazzjoni huwa perpendikulari għall-assi lonġitudinali tal-vettura li tinsab 25 m mit-tarf estrem tal-vettura u limitat: 6.21.5.1.1. Fl-għoli, minn żewġ pjani orizzontali rispettivament 1 m u 3,0 m ’il fuq mill-art; 6.21.5.1.2. Fil-wisa’, minn żewġ pjani vertikali li jiffurmaw angolu ta’ 4° ’il barra mill-pjan medjan lonġitudinali tal-vettura u li jgħaddu mill-intersezzjoni tal-pjani vertikali paralleli għall-pjan medjan lonġitudinali tal-vettura fejn ikun limitat il-wisa’ totali tal-vettura, u l-pjan perpendikulari għall-assi lonġitudinali tal-vettura li jillimita t-tarf tal-vettura.

6.21.5.2.

Għall-immarkar biex jolqot l-għajn tal-ġenb (ara l-figura 2 tal-Anness 11) il-pjan ta’ osservazzjoni huwa parallel għall-pjan lonġitudinali medjan tal-vetturi li jinsab 25 m mit-tarf estrem ta’ barra tal-vettura u li huwa limitat: 6.21.5.2.1. Fl-għoli, minn żewġ pjani orizzontali rispettivament 1,0 m u 1,5 m ’il fuq mill-art, 6.21.5.2.2. Fil-wisa’, minn żewġ pjani vertikali li jiffurmaw angolu ta’ 4° ’il barra mill-pjan perpendikolari mal-assi lonġitudinali tal-vettura u li jgħaddu mill-intersezzjoni tal-pjani vertikali perpendikolari għall-assi lonġitudinali tal-vettura fejn ikun limitat it-tul totali tal-vettura u t-tarf estern estrem tal-vettura.

6.21.6.   Orjentazzjoni

6.21.6.1.   Għall-ġenb:

Viċin kemm jista' jkun għall-parallel mal-pjan lonġitudinali medjan tal-vetura, kompatibbli mar-rekwiżiti tal-forma, l-istruttura, id-disinn u t-tħaddim tal-vettura; jekk dan ma jkunx possibbli, għandu jsegwi kemm jista' jkun il-profil tal-forma esterna tal-vettura.

6.21.6.2.   Għall-wara u quddiem:

Kemm jista' jkun parallel mal-pjan trasversal tal-vettura, kompatibbli mar-rekwiżiti tal-forma, l-istruttura, id-disinn u t-tħaddim tal-vettura, jekk dan ma jkunx possibbli, għandu jsegwi kemm jista' jkun il-profil tal-forma esterna tal-vettura.

6.21.7.   Rekwiżiti oħra

6.21.7.1.   L-immarkar biex jolqot l-għan għandu jitqies li jkun kontinwu jekk id-distanza bejn elementi biswit xulxin tkun żgħira kemm jista’ jkun possibbli u ma teċċedix 50 fil-mija tal-iqsar tul tal-elementi biswit xulxin. Madankollu, jekk il-manifattur jista' jipprova għas-sodisfazzjon tal-awtorità responsabbli għall-approvazzjoni tat-tip li mhuwiex possibbli li jiġi rispettat il-valur ta' 50 fil-mija, id-distanza bejn l-elementi ħdejn xulxin ma għandhiex tkun ikbar minn 50 fil-mija tal-iqsar element ma ġenbhom u għandha tkun żgħira kemm jista' jkun u mhux iktar minn 1 000 mm.

6.21.7.2.   Fil-każ ta’ immarkar parzjali tad-dawra, kull rokna ta’ fuq għandha tkun deskritta minn żewġ linji f’angolu ta’ 90° għal xulxin u b’kull linja tkun twila mill-inqas 250 mm; jekk dan ma jkunx possibbli, l-immarkar għnadu jsegwi kemm jista' jkun il-profil tal-forma esterna tal-vettura.

6.21.7.3.   Id-distanza bejn l-immarkar biex jolqot l-għajn imwaħħal fuq wara ta’ vettura u kull fanal ta’ waqfien mandatorju għandha tkun ikbar minn 200 mm.

6.21.7.4.   Fejn jiġu installati pjanċi tal-immarkar ta’ wara li jikkonformaw mas-serje 01 ta’ emendi għar-Regolament Nru 70, sabiex jiġu kkalkulati t-tul tal-immarkar biex jolqot l-għajn u kemm huwa qrib tal-ġenb tal-vettura, dawn jistgħu jitqiesu, fid-diskrezzjoni tal-manifattur, bħala parti mill-immarkar biex jolqot l-għajn.

6.21.7.5.   Il-postijiet fuq il-vettura magħżula għall-immarkar biex jolqot l-għajn għandhom iħallu spazju għall-installazzjoni ta’ mmarkar wiesa’ mill-inqas 60 mm.

6.22.   Is-sistema adattiva tad-dawl ta’ quddiem (AFS) (Ir-Regolament Nru 123)

Fejn ma jkunx speċifikat mod ieħor aktar ’l isfel, għall-parti rilevanti tal-AFS japplikaw ir-rekwiżiti għall-fanali b’raġġ ewlieni (il-paragrafu 6.1) u għall-fanali b’raġġ baxx (il-paragrafu 6.2.) ta’ dan ir-Regolament.

6.22.1.   Preżenza

Fakultattiva fuq il-vetturi motorizzati. Ipprojbita fuq it-trejlers

6.22.2.   In-numru

Waħda

6.22.3.   L-arranġament

L-ebda rekwiżit speċjali

6.22.4.   Il-pożizzjoni

Qabel il-proċeduri sussegwenti tat-test, l-AFS għandha tkun issettjata għall-istat newtrali;

6.22.4.1.   Fil-wisa’ u fl-għoli:

Għal funzjoni jew modalità tad-dawl partikolari, ir-rekwiżiti indikati fil-paragrafi 6.22.4.1.1 sa 6.22.4.1.4 t’aktar ’l isfel għandhom jiġu sodisfatti minn dawk l-unitajiet tad-dawl li jingħataw l-enerġija fl-istess ħin għal dik il-funzjoni jew modalità tad-dawl ta’ funzjoni, skont id-deskrizzjoni tal-applikant.

Id-dimensjonijiet kollha jirreferu għall-eqreb tarf tas-superfiċje(i) apparenti, osservata(i) fid-direzzjoni tal-assi ta’ referenza, tal-unità(ajiet) tad-dawl.

6.22.4.1.1.   Żewġ unitajiet tad-dawl imqiegħda b’mod simmetriku għandhom jiġu pożizzjonati f’għoli skont ir-rekwiżiti tal-paragrafi rilevanti 6.1.4 u 6.2.4, fejn “Żewġ unitajiet tad-dawl imqiegħda b’mod simmetriku” għandha tinftiehem bħala żewġ unitajiet tad-dawl, waħda fuq kull naħa tal-vettura, ippożizzjonati b’tali mod li ċ-ċentri (ġeometriċi) tal-gravità tas-superfiċji apparenti tagħhom jkunu fl-istess għoli u fl-istess distanza mill-pjan medjan lonġitudinali tal-vettura fi ħdan tolleranza ta’ 50 mm, kull waħda; madankollu, is-superfiċji li jarmu d-dawl, is-superfiċji li jdawwlu, u l-outputs tad-dawl tagħhom jistgħu jkunu differenti.

6.22.4.1.2.   L-unitajiet tad-dawl addizzjonali, jekk ikun hemm, fuq kwalunkwe naħa tal-vettura għandhom jiġu ppożizzjonati f’distanza li ma teċċedix l-140mm 3/ f’direzzjoni orizzontali (E fil-figura) u l-400 mm (20) f’distanza vertikali ’l fuq jew taħt (D fil-figura) mill-eqreb unità tad-dawl;

6.22.4.1.3.   L-ebda waħda mill-unitajiet tad-dawl addizzjonali li ġiet deskritta fil-paragrafu 6.22.4.1.2 t’aktar ’il fuq ma għandha tkun ippożizzjonata aktar baxxa minn 250 mm (F fil-figura) u lanqas ogħla minn kif ġie indikat fil-paragrafu 6.2.4.2 ta’dan ir-Regolament (G fil-figura) ’il fuq mill-art;

6.22.4.1.4.   Barra minn hekk, fil-wisa’:

Għal kull modalità tad-dawl b’raġġ li ma jtellifx is-sewwieq minn faċċata:

It-tarf ta’ barra tas-supefiċje apparenti ta’ mill-inqas unità waħda tad-dawl fuq kull naħa tal-vettura ma għandhiex tkun ta’ aktar minn 400mm mit-tarf estrem ta’ barra tal-vettura (A fil-figura); u

It-truf ta’ ġewwa tas-superfiċji apparenti fid-direzzjoni tal-assi ta’ referenza għandhom ikunu mhux inqas minn 600 mm ’il bogħod minn xulxin. Dan ma japplikax, madankollu, għall-vetturi tal-kateogriji M1 u N1; għall-kategoriji ta’ vetturi l-oħra kollha motorizzati, fejn il-wisa’ totali tal-vettura tkun inqas minn 1 300 mm, din id-distanza tista’ titnaqqas għal 400 mm.

Figura

Superfiċji apparenti ta' unitajiet tad-dawl 1 sa 11 ta' AFS (eżempju)

6.22.4.2.   Fit-tul:

L-unitajiet tad-dawl kollha ta’ AFS għandhom jiġu mmuntati fuq quddiem. Dan ir-rekwiżit jitiqes li jkun sodisfatt jekk id-dawl mormi ma jikkawżax skumdità lis-sewwieq jew direttament, jew indirettament, permezz tal-mirja biex tara wara u/jew superfiċji riflettenti oħra tal-vettura.

6.22.5.   Il-viżibilità ġeometrika

Fuq kull naħa tal-vettura, għal kull funzjoni u modalità tad-dawl ipprovduta:

L-angoli tal-viżibilità ġeometrika preskritti għall-funzjonijiet rispettivi tad-dawl skont il-paragrafi 6.1.5 u 6.2.5 ta’ dan ir-Regolament, għandhom jiġu sodisfatti għallinqas minn waħda mill-unitajiet tad-dawl li jingħataw l-enerġija fl-istess ħin biex iwettqu l-imsemmija funzjoni u modalità(ajiet), skont id-deskrizzjoni tal-applikant. L-unitajiet individwali tad-dawl jistgħu jintużaw biex ikun hemm konformità mar-rekwiżiti għall-angoli differenti.

6.22.6.   L-orjentazzjoni

’Il quddiem

Qabel il-proċeduri sussegwenti tat-test, l-AFS għandha tkun issettjata għall-istat newtrali, fejn tarmi r-raġġ li ma jtellifx is-sewwieq minn faċċata bażiku.

6.22.6.1.   L-orjentazzjoni vertikali:

6.22.6.1.1.

L-inklinazzjoni inizjali ’l isfel tal-punt ta’ waqfien tar-raġġ li ma jtellifx is-sewwieq minn faċċata bażiku li għandha tiġi ssettjata meta l-vettura ma tkunx mgħobbija, b’persuna waħda fis-sit tas-sewwieq, għandha tkun speċifikata mill-manifattur bi preċiżjoni ta’ 0,1 fil-mija u għandha tkun indikata b’mod li jista’ jinqara b’mod ċar u li jkun indelibbli fuq kull vettura, qrib jew is-sistema tad-dawl ta’ quddiem jew il-pjanċa tal-manifattur, bis-simbolu muri fl-Anness 7. Fejn l-inklinazzjonijiet inizjali ’l isfel differenti jiġu speċifikati mill-manifattur għal unitajiet tad-dawl differenti li jipprovdu jew jikkontribwixxu għall-punt ta’ waqfien tar-raġġ li ma jtellifx is-sewwieq minn faċċata bażiku, dawn il-valuri tal-inklinazzjoni ’l isfel għandhom ikunu speċifikati mill-manifattur bi preċiżjoni ta’ 0,1 fil-mija u għandhom jiġu indikati b’mod li jista’ jinqara b’mod ċar u li jkun indelibbli fuq kull vettura, qrib jew tal-unitajiet tad-dawl rilevanti jew fuq il-pjanċa tal-manifattur, b’tali mod li l-unitajiet tad-dawl ikkonċernati jistgħu jiġu identifikati mingħajr ambigwità.

6.22.6.1.2.

L-inklinazzjoni ’l isfel tal-parti orizzontali tal-“punt ta’ waqfien” tar-raġġ li ma jtellifx is-sewwieq minn faċċata bażiku għandha tibqa’ bejn il-limiti indikati fil-paragrafu 6.2.6.1.2 ta’ dan ir-Regolament fil-kundizzjonijiet kollha ta’ tagħbija statika tal-vettura tal-Anness 5 għal dan ir-Regolament; u l-mira inizjali għandha tkun fi ħdan il-valuri speċifikati. 6.22.6.1.2.1. F’każ li r-raġġ li ma jtellifx is-sewwieq minn faċċata jiġi ġġenerat minn diversi raġġi minn unitajiet tad-dawl differenti, id-dispożizzjonijiet skont il-paragrafu 6.22.6.1.2 t’aktar ’il fuq japplikaw għal kull “punt ta’ waqfien” (jekk ikun hemm) ta’ kull raġġ imsemmi, li huwa ddisinjat sabiex jipprojetta fiż-żona angolari, kif ġie indikat fil-punt 9.4 tal-formola ta’ komunikazzjoni li hija konformi mal-mudell fl-Anness 1 għar-Regolament Nru 123.

6.22.6.2.   L-apparat għall-invellar tal-fanali

6.22.6.2.1.   Fil-każ fejn ikun meħtieġ apparat ta’ invellar tal-fanali sabiex ikunu sodisfatti r-rekwiżiti tal-paragrafu 6.22.6.1.2, l-apparat għandu jkun awtomatiku.

6.22.6.2.2.   Fil-każ ta’ ħsara f’dan l-apparat, ir-raġġ li ma jtellifx is-sewwieq minn faċċata ma għandux jassumi pożizzjoni fejn l-inklinazzjoni tkun inqas milli kienet fil-ħin meta seħħet il-ħsara fl-apparat.

6.22.6.3.   L-orjentazzjoni orizzontali:

Għal kull unità tad-dawl, il-barma tal-minkeb tal-linja tal-punt ta’ waqfien, jekk ikun hemm, meta tiġi pprojettata fuq l-iskrin, għandha tikkoinċidi mal-linja vertikali mill-assi ta’ referenza tal-imsemmija unità tad-dawl. Għandha titħalla tolleranza ta’ 0,5 gradi lejn dik in-naħa li tkun in-naħa tad-direzzjoni tat-traffiku. Unitajiet oħra tad-dawl għandhom jiġu aġġustati skont l-ispeċifikazzjoni tal-applikant, kif ġie ddefinit skont l-Anness 10 għar-Regolament Nru 123.

6.22.6.4.   Il-proċedura tal-kejl:

Wara aġġustament tas-setting inizjali tal-orjentazzjoni tar-raġġ, l-inklinazzjoni vertikali tar-raġġ li ma jtellifx is-sewwieq minn faċċata, jew meta jkun applikabbli, l-inklinazzjonijiet vertikali tal-unitajiet tad-dawl differenti kollha li jipprovdu jew jikkontribwixxu għall-punt(i) ta’ waqfien tar-raġġ li ma jtellifx is-sewwieq minn faċċata bażiku, skont il-paragrafu 6.22.6.1.2.1 t’aktar ’il fuq, għandhom ikunu vverifikati għall-kundizzjonijiet tat-tagħbija kollha tal-vettura skont l-ispeċifikazzjonijiet fil-paragrafi 6.2.6.3.1 u 6.2.6.3.2 ta’ dan ir-Regolament.

6.22.7.   Il-konnessjonijiet elettriċi

6.22.7.1.   Id-dawl tar-raġġ ewlieni (jekk ikun ipprovdut mill-AFS):

(a)

L-unitajiet tad-dawl għar-raġġ ewlieni jistgħu jiġu attivitati jew fl-istess ħin jew f’pari. Għall-bidla mir-raġġ baxx għar-raġġ ewlieni għandhom jiġu attivati mill-inqas par wieħed ta’ unitajiet tad-dawl għar-raġġ ewlieni. Għall-bidla mir-raġġ ewlieni għar-raġġ baxx, għandhom jiġu deattivati fl-istess ħin l-unitajiet kollha tad-dawl għar-raġġ ewlieni.

(b)	Ir-raġġi baxxi jistgħu jibqgħu mixgħulin fl-istess ħin bħar-raġġi ewlenin;

(c)

Fejn jitwaħħlu erba’ unitajiet tad-dawl li jistgħu jinħbew, il-pożizzjoni mgħollija tagħhom trid tipprevjeni t-tħaddim fl-istess ħin ta’ kwalunkwe fanal addizzjonali mwaħħla, jekk dawn ikunu maħsuba biex jipprovdu sinjali bid-dawl li jikkonsistu minn illuminazzjoni intermittenti f’intervalli qosra (ara l-paragrafu 5.12) fid-dawl ta’ binhar.

6.22.7.2.   Id-dawl tar-raġġi li ma jtellfux lis-sewwieq ta’ faċċata:

(a)	Il-kontroll għall-bidla għar-raġġ baxx irid jitfi l-fanali fuq quddiem b’raġġ ewlieni kollha jew jiddeattiva l-unitajiet tad-dawl kollha tal-AFS għar-raġġ ewlieni fl-istess ħin.

(b)	Ir-raġġ baxx jista’ jibqa’ mixgħul fl-istess ħin bħar-raġġi ewlenin.

(c)	Fil-każ li l-unitajiet tad-dawl għar-raġġ baxx ikunu mgħammra b’sorsi tad-dawl b’disċarġ tal-gass, is-sorsi tad-dawl b’disċarġ tal-gass għandhom jibqgħu mixgħulin waqt ħidmet ir-raġġ ewlieni.

6.22.7.3.   Ir-raġġ li ma jtellifx is-sewwieq minn faċċata jista’ JINXTEGĦEL u JINTEFA b’mod awtomatiku, madankollu, dan irid ikun bla ħsara għar-rekwiżiti ta’ “Il-konnessjoni elettronika” fil-paragrafu 5.12 ta’dan ir-Regolament.

6.22.7.4.   Il-ħidma awtomatiku tal-AFS

Il-bidliet fi ħdan u bejn il-klassijiet ipprovduti u l-modalitajiet tagħhom tal-funzjonijiet tad-dawl tal-AFS, kif ġie speċifikat aktar ’l isfel, għandhom isiru b’mod awtomatiku u b’tali mod li ma jkun ikkawżat l-ebda skumdità, la lis-sewwieq u lanqas lill-utenti l-oħra tat-triq.

Il-kundizzjonijiet li ġejjin japplikaw għall-attivazzjoni tal-klassijiet u tal-modalitajiet tagħhom tar-raġġ li ma jtellifx is-sewwieq minn faċċata u, fejn ikun applikabbli, tar-raġġ ewlieni.

6.22.7.4.1.   Il-modalità(ajiet) tal-klassi C tar-raġġ li ma jtellifx is-sewwieq minn faċċata għandhom jiġu attivati jekk ma tiġi attivata l-ebda modalità ta’ klassi oħra ta’ raġġ li ma jtellifx is-sewwieq minn faċċata.

6.22.7.4.2.   Il-modalità(ajiet) tal-klassi V tar-raġġ li ma jtellifx is-sewwieq minn faċċata ma għandhomx jaħdmu sakemm kundizzjonijiet waħda jew aktar minn dawn li ġejjin ma tiġix/jiġux skoperta(i) b’mod awtomatiku (japplika s-sinjal V):

(a)	Toroq f’żoni b’ħafna bini u l-veloċità tal-vettura ma tkunx teċċedi s-60 km/h;

(b)	Toroq mgħammra b’illuminazzjoni tat-triq fissa, u l-veloċità tal-vettura ma tkunx teċċedi s-60 km/h;

(c)	Tidwil tas-superfiċje tat-triq ta’ 1 cd/m2 u/jew illuminazzjoni orizzontali tat-triq ta’ 10 lx li tinqabeż kontinwament;

(d)	Il-veloċità tal-vettura ma taqbiżx il-50 km/h.

6.22.7.4.3.   Il-modalità(ajiet) tal-klassi E tar-raġġ li ma jtellifx is-sewwieq minn faċċata ma għandhiex(homx) taħdem(jaħdmu) sakemm il-veloċità tal-vettura ma teċċedix is-70 km/h u kundizzjoni waħda jew aktar minn dawn li ġejjin ma tiġix/jiġux skoperta(i) b’mod awtomatiku.

(a)	Il-karatteristiċi tat-triq jikkorrispondu għall-kundizzjonijiet ta’ awtostrada (21) u/jew il-veloċità tal-vettura teċċedi l-110 km/h (japplika s-sinjal E).

(b)

Fil-każ ta’ modalità tal-klassi E tar-raġġ li ma jtellifx is-sewwieq minn faċċata, li, skont id-dokumenti ta’ approvazzjoni/il-folja ta’ komunikazzjoni tas-sistema, hija konformi biss mas-“sett ta’ data” tat-Tabella 6 tal-Anness 3 għar-Regolament Nru 123.   Is-sett tad-data E1: il-veloċità tal-vettura teċċedi l-110 km/h (japplika s-sinjal E1);   Is-sett tad-data E2: il-veloċità tal-vettura teċċedi d-90 km/h (japplika s-sinjal E2);   Is-sett tad-data E3: il-veloċità tal-vettura teċċedi t-80 km/h (japplika s-sinjal E3).

6.22.7.4.4.   Il-modalità(ajiet) tal-klassi W tar-raġġ li ma jtellifx is-sewwieq minn faċċata ma għandhiex(homx) taħdem(jaħdmu) sakemm il-fanali għaċ-ċpar fuq quddiem, jekk ikun hemm, ma JINTFEWX u kundizzjoni waħda jew aktar minn dawn li ġejjin ma tiġix/jiġi skoperta(i) awtomatikament (japplika s-sinjal W):

(a)	Li l-art tkun imxarrba jkun ġie skopert b’mod awtomatiku;

(b)	JINXTEGĦEL il-wajper tal-windxîld u l-ħidma kontinwa jew awtomatikament ikkontrollata tiegħu damet għal perjodu ta’ mill-inqas żewġ minuti.

6.22.7.4.5.   Modalità ta’ raġġ li ma jtellifx is-sewwieq minn faċċata tal-klassi C, V, E jew W ma għandhiex tkun immodifikata biex issir modalità għal-liwi tal-isemmija klassi (japplika s-sinjal T flimkien mas-sinjal tal-imsemmija klassi tar-raġġ li ma jtellifx is-sewwieq minn faċċata skont il-paragrafi 6.22.7.4.1 sa 6.22.7.4.4 t’aktar ’il fuq) sakemm ma tiġix evalwata mill-inqas waħda miill-karatteristiċi li ġejjin (jew indikazzjonijiet ekwivalenti):

(a)	L-angolu tas-sokra tal-istering;

(b)	It-trajettorja taċ-ċentru tal-gravità tal-vettura.

Minbarra dan, japplikaw id-dispożizzjonijiet li ġejjin:

(i)

Moviment orizzontali tal-punt ta’ waqfien asimettriku lejn il-ġenb mill-assi lonġitudinali tal-vettura, jekk ikun hemm, jitħalla biss meta l-vettura tkun miexja ’l quddiem (22) u għandu jkun tali li l-pjan vertikali lonġitudinali mill-barma tal-minkeb tal-punt ta’ waqfien ma jaqsamx il-linja tat-trajettorja taċ-ċentru tal-gravità tal-vettura f’distanzi mill-parti ta’ quddiem tal-vettura li jkunu akbar minn 100 darba l-għoli tal-immuntar tal-unità tad-dawl rispettiva;

(ii)	Unità tad-dawl waħda jew aktar jistgħu jingħataw enerġija addizzjonali biss meta r-radju orizzontali tal-kurvatura tat-trajettorja taċ-ċentru tal-gravità tal-vettura ikun ta’ 500 m jew inqas.

6.22.7.6.   Għandu dejjem ikun possibbli li s-sewwieq jissettja l-AFS għall-istat newtrali u li jirritornaha għall-ħidma awtomatika tagħha.

6.22.8.   It-tell-tale:

6.22.8.1.   Għall-partijiet rispettivi ta’ AFS japplikaw id-dispożizzjonijiet tal-paragrafi 6.1.8 (għall-fanal tar-raġġ ewlieni) u 6.2.8 (għall-fanal bir-raġġ baxx) ta' dan ir-Regolament.

6.22.8.2.   Tell-tale għal ħsara viżiva huwa mandatorju. Dan ma għandux jixgħel u jitfi malajr. Għandu jkun attivat kull meta tkun skoperta ħsara rigward is-sinjali ta’ kontroll tal-AFS jew meta jiġi riċevut sinjal ta’ ħsara skont il-paragrafu 5.9 tar-Regolament Nru 123. Għandu jibqa’ attivat filwaqt li jkun hemm il-ħsara. Jista’ jitħassar temporanjament, imma għandu jiġi ripetut kull meta l-apparat li jistartja u jwaqqaf il-magna jinxtegħel u jintefa.

6.22.8.3.   Tell-tale biex jindika li s-sewwieq issettja s-sistema fi stat skont il-paragrafu 5.8 tar-Regolament Nru 123 huwa fakultattiv.

6.22.9.   Rekwiżiti oħra

6.22.9.1.   AFS għandu jkun permess biss flimkien mal-installazzjoni ta’ apparat(i) għat-tindif tal-fanali skont ir-Regolament Nru 45 (23) mill-inqas għal dawk l-unitajiet tad-dawl li ġew indikati fil-punt 9.3 tal-formola ta’ komunikazzjoni li tikkonforma mal-mudell fl-Anness 1 għar-Regolament Nru 123, jekk il-fluss ta’ luminożità oġġettiv totali tas-sorsi tad-dawl ta’ dawn l-unitajiet jeċċedi l-2 000 lm għal kull naħa, u li jikkontribiwxxu għar-raġġ li ma jtellifx is-sewwieq minn faċċata (bażiku) tal-klassi C.

6.22.9.2.   Il-verifika tal-konformità mar-rekwiżiti għall-ħidma awtomatika tal-AFS

6.22.9.2.1.   Permezz ta’ deskrizzjoni konċiża jew b’mezz ieħor aċċettabbli għall-Awtorità responsabbli mill-approvazzjoni tat-tip, l-applikant għandu juri:

(a)	Il-korrispondenza tas-sinjali ta’ kontroll tal-AFS i) Mad-deskrizzjoni meħtieġa fil-paragrafu 3.2.6 ta’ dan ir-Regolament, u ii) Mas-sinjali ta’ kontroll tal-AFS rispettivi li ġew speċifikati fid-dokumenti tal-approvazzjoni tat-tip tal-AFS, u

(b)	Konformità mar-rekwiżiti tal-ħidma awtomatika skont il-paragrafi 6.22.7.4.1 sa 6.22.7.4.5 t’aktar ’il fuq.

6.22.9.2.2.   Biex ikun ivverifikat, jekk, skont il-paragrafu 6.22.7.4, il-ħidma awtomatika tal-AFS tikkawżax xi skumdità, is-Servizz Tekniku għandu jwettaq dawra ta’ test li tinkludi kwalunkwe sitwazzjoni rilevanti għall-kontroll tas-sistema fuq il-bażi tad-deskrizzjoni tal-applikant; is-servizz tekniku għandu jkun innotifikat jekk il-modalitajiet kollha jiġux attivati, humiex qed jaħdmu u jiġux deattivati skont id-deskrizzjoni tal-applikant; ħsara ovvja, jekk ikun hemm, għandha tiġi kkontestata (eż. moviment jew ċaqliqa angolari eċċessiva).

6.22.9.3.   L-intensità massima aggregata tal-unitajiet tad-dawl li jistgħu jingħataw l-enerġija fl-istess ħin sabiex jipprovdu d-dawl tar-raġġi għaddenija jew il-modalitajiet tiegħu, jekk ikun hemm, ma għandhiex teċċedi l-430 000 cd, li jikkorrispondu għal valur ta’ referenza ta’ 100.

Din l-intensità massima għandha tinkiseb billi jingħaddew flimkien il-marki ta’ referenza individwali indikati fuq id-diversi unitajiet ta’ installazzjoni li jintużaw fl-istess ħin sabiex jipprovdu r-raġġ ewlieni.

6.22.9.4.   Skont id-dispożizzjonijiet tal-paragrafu 5.8 tar-Regolament Nru 123, il-mezzi li jippermettu li l-vettura tintuża temporanjament f’territorju bid-direzzjoni opposta tas-sewqan minn dik li għaliha qed tiġi mfittxija l-approvazzjoni, għandhom jiġu spjegati fid-dettall fil-manwal tas-sid.

6.23.   Is-sinjal ta’ waqfien ta’ emerġenza

6.23.1.   Preżenza

Fakultattiva

Is-sinjal ta’ waqfien ta’ emerġenza għandu jingħata bil-ħidma fl-istess ħin tal-fanali ta’ waqfien jew tal-fanali li jindikaw id-direzzjoni kollha mwaħħla, kif ġie deskritt fil-paragrafu 6.22.7.

6.23.2.   In-numru

Kif ġie speċifikat fil-paragrafu 6.5.2 jew 6.7.2.

6.23.3.   L-arranġament

Kif ġie speċifikat fil-paragrafu 6.5.3 jew 6.7.3.

6.23.4.   Il-pożizzjoni

Kif ġie speċifikat fil-paragrafu 6.5.4 jew 6.7.4.

6.23.5.   Il-viżibilità ġeometrika

Kif ġie speċifikat fil-paragrafu 6.5.5 jew 6.7.5.

6.23.6.   L-orjentazzjoni

Kif ġie speċifikat fil-paragrafu 6.5.6 jew 6.7.6.

6.23.7.   Il-konnessjonijiet elettriċi

6.23.7.1.   Il-fanali kollha tas-sinjal ta’ waqfien ta’ emerġenza għandhom jixgħelu u jitfu malajr b’mod sinkronizzat bi frekwenza ta’ 4,0 ± 1,0 Hz.

6.23.7.1.1.   Madankollu, jekk kwalunkwe waħda mill-fanali tas-sinjal ta’ waqfien ta’ emerġenza fuq in-naħa ta’ wara tal-vettura tuża sorsi tad-dawl tal-filament, il-frekwenza għandha tkun ta’ 4,0 + 0,0/– 1,0 Hz.

6.23.7.2.   Is-sinjal ta’ waqfien ta’ emerġenza għandu jaħdem indipendentement mill-fanali l-oħra.

6.23.7.3.   Is-sinjal ta’ waqfien ta’ emerġenza għandu jkun attivat u deattivat b’mod awtomatiku.

6.23.7.3.1.   Is-sinjal ta’ waqfien ta’ emerġenza għandu jkun attivat biss meta l-veloċità tal-vettura tkun akbar minn 50 km/h u meta s-sistema tal-brejikjiet tkun qed tipprovdi s-sinjal tal-loġika tal-ibbrejkjar ta’ emerġenza iddefinit fir-Regolament Nri 13 u 13-H.

6.23.7.3.2.   Is-sinjal ta’ waqfien ta’ emerġenza għandu jiġi deattivat awtomatikament jekk is-sinjal tal-loġika tal-ibbrejkjar ta’ emerġenza, kif ġie ddefinit fir-Regolamenti Nri 13 u 13-H, ma jkunx ipprovdut aktar jew jekk jiġi attivat is-sinjal ta’ twissija f’każ ta’ periklu.

6.23.8.   It-tell-tale

Fakultattiva

6.23.9.   Rekwiżiti oħra

6.23.9.1.   Ħlief kif inhu pprovdut fil-paragrafu 6.23.9.2 t’aktar ’l isfel, jekk vettura bil-mutur tkun mgħammra biex tirmonka trejler, il-kontroll tas-sinjal ta’ waqfien ta’ emerġenza fuq il-vettura bil-mutur għandha wkoll ikun kapaċi jħaddem is-sinjal ta’ waqfien ta’ emerġenza fuq it-trejler.

Meta l-vettura bil-mutur tkun elettrikament konnessa ma’ trejler, il-frekwenza operattiva tas-sinjal ta’ waqfien ta’ emerġenza għall-kombinazzjoni għandha tkun limitata għall-frekwenza speċifikata fil-paragrafu 6.23.7.1.1. Madankollu, jekk il-vettura bil-mutur tista’ tiskopri li, fuq it-trejler, għas-sinjal ta’ waqfien ta’ emerġenza s-sorsi tad-dawl tal-filament mhumiex qed jintużaw, il-frekwenza tista’ tkun dik speċifikata fil-paragrafu 6.23.7.1.

6.23.9.2.   Jekk vettura bil-mutur tkun mgħammra biex tirmonka trejler mogħni b’sistema ta’ bbrejkjar ta’ servizz ta’ tip jew kontinwu jew semi-kontinwu, kif ġie ddefinit fir-Regolament Nru 13, għandu jkun żgurat li tkun ipprovduta provvista kostanti ta’ enerġija permezz tal-konnettur elettriku għall-fanali ta’ waqfien ma’ trejlers ta’ din ix-xorta filwaqt li jiġi applikat il-brejk ta’ servizz.

Is-sinjal ta’ waqfien ta’ emerġenza fuq kwalunkwe trejler ta’ din ix-xorta jista’ jaħdem indipendentement mill-vettura tal-irmonk u mhux meħtieġ li jaħdem jew bl-istess frekwenza bħal jew, b’mod sinkronizzat ma’ dak tal-vettura tal-irmonk.

6.24.   Il-fanal tal-korteżija esterna

6.24.1.   Preżenza

Fakultattiva fuq il-vetturi motorizzati

6.24.2.   In-numru

L-ebda rekwiżit speċjali

6.24.3.   L-arranġament

L-ebda rekwiżit speċjali

6.24.4.   Il-pożizzjoni

L-ebda rekwiżit speċjali

6.24.5.   Il-viżibilità ġeometrika

L-ebda rekwiżit speċjali

6.24.6.   L-orjentazzjoni

L-ebda rekwiżit speċjali

6.24.7.   Il-konnessjonijiet elettriċi

L-ebda rekwiżit speċjali

6.24.8.   It-tell-tale

L-ebda rekwiżit speċjali

6.24.9.   Rekwiżiti oħra

Il-fanal tal-korteżija esterna ma għandux jiġi attivat sakemm il-vettura ma tkunx wieqfa u waħda jew iktar minn dawn il-kundizzjonijiet ikunu sodisfatti:

(a)	Il-magna tkun mitfija; jew

(b)	Bieb tas-sewwieq jew tal-passiġġier ikun miftuħ; jew

(c)	Bieb tal-kompartiment tat-tagħbija jkun miftuħ.

Id-dispożizzjonijiet tal-paragrafu 5.10 għandhom jiġu sodisfatti fil-pożizzjonijiet fissi tal-użu kollha.

6.25.   Sinjal ta' twissija ta' ħabta fuq wara

6.25.1.   Preżenza

Fakultattiva

Is-sinjal ta’ twissija ta' ħabta fuq wara għandu jingħata bil-ħidma fl-istess ħin tal-fanali li jindikaw id-direzzjoni kollha, imwaħħla, kif ġie deskritt fil-paragrafu 6.25.7.

6.25.2.   In-numru

Kif ġie speċifikat fil-paragrafu 6.5.2.

6.25.3.   L-arranġament

Kif ġie speċifikat fil-paragrafu 6.5.3.

6.25.4.   Il-pożizzjoni

Kif ġie speċifikat fil-paragrafu 6.5.4.

6.25.5.   Il-viżibilità ġeometrika

Kif ġie speċifikat fil-paragrafu 6.5.5.

6.25.6.   L-orjentazzjoni

Kif ġie speċifikat fil-paragrafu 6.5.6.

6.25.7.   Il-konnessjonijiet elettriċi.

Għandha tintwera l-konformità ma' dawn ir-rekwiżiti mill-applikant, b'simulazzjoni jew mezzi oħra ta' verifika aċċettati mis-Servizz Tekniku responsabbli għall-approvazzjoni tat-tip.

6.25.7.1.   Il-fanali kollha tas-sinjal ta’ twissija ta' ħabta fuq wara għandhom jixgħelu u jitfu malajr b’mod sinkronizzat bi frekwenza ta’ 4,0 +/– 1 Hz.

6.25.7.1.1.   Madankollu, jekk kwalunkwe waħda mill-fanali tas-sinjal ta’ twissija ta' ħabta fuq wara fuq in-naħa ta’ wara tal-vettura tuża sorsi tad-dawl tal-filament, il-frekwenza għandha tkun ta’ 4 + 0/– 1,0 Hz.

6.25.7.2.   Is-sinjal ta’ twissija ta' ħabta fuq wara għandu jaħdem indipendentement mill-fanali l-oħra.

6.25.7.3.   Is-sinjal ta’ twissija ta' ħabta fuq wara għandu jkun attivat u deattivat b’mod awtomatiku.

6.25.7.4.   Is-sinjal ta' twissija ta' ħabta fuq wara ma għandux jiġi attivat jekk il-fanali tal-indikazzjoni tad-direzzjoni, is-sinjal tat-twissija ta' periklu jew is-sinjal ta' waqfien ta' emerġenza jkunu attivati.

6.25.7.5.   Is-sinjal ta' twissija ta' ħabta fuq wara jista' jiġi attivat biss fil-kundizzjonijiet li ġejjin:

Vr	attivazzjoni
Vr > 30 km/h	TTC ≤ 1,4
Vr ≤ 30 km/h	TTC ≤ 1,4 / 30 × Vr

“Vr (Veloċità Relattiva)”: tfisser id-differenza fil-veloċità bejn vettura b'sinjal ta' twissija ta' ħabta fuq wara u vettura li tkun qiegħda warajha fl-istess karreġġata.

“TTC (Ħin qabel il-ħabta)”: tfisser il-ħin stmat qabel jaħbtu vettura b'sinjal ta' twissija ta' ħabta fuq wara u vettura li tkun warajha jekk wieħed jassumi li l-veloċità fil-waqt tal-istima tibqa' kostanti.

6.25.7.6.   Il-perjodu tal-attivazzjoni tas-sinjal ta' twissija ta' ħabta fuq wara ma għandux ikun ikun iktar minn 3 sekondi.

6.25.8.   Tell-tale

Fakultattiv

7.   IL-MODIFIKI GĦAL U L-ESTENSJONIJIET TAL-APPROVAZZJONI TAT-TIP TAL-VETTURA JEW TAL-INSTALLAZZJONI TAD-DWAL U TAT-TAGĦMIR TAS-SINJALAR BID-DAWL TAGĦHA

7.1.

Kull modifika għat-tip ta’ vettura jew għall-installazzjoni tal-apparati tad-dawl jew tas-sinjali bid-dawl, jew għal-lista li tissemma fil-paragrafu 3.2.2 t’aktar ’il fuq, għandha tkun innotifikata lid-dipartiment amministrattiv li approva dak it-tip ta’ vettura. Id-dipartiment imbagħad jista’ jew: 7.1.1. Iqis li l-modifiki li saru mhux probabbli li se jkollhom affett avvers apprezzabbli u li jkun xi jkun il-każ, il-vettura xorta għadha tissodisfa r-rekwiżiti; jew 7.1.2. Jeħtieġ rapport tat-test ieħor mingħand is-servizzi tekniċi responsabbli mit-twettiq tat-testijiet.

7.2.

Konferma tal-estensjoni jew rifjut ta’ approvazzjoni, fejn tiġi speċifikata l-bidla, għandha tkun ikkomunikata permezz tal-proċedura li ġiet speċifikata fil-paragrafu 4.3 t’aktar ’il fuq lill-Partijiet għall-Ftehim li japplikaw dan ir-Regolament.

7.3.

L-awtorità kompetenti li toħroġ l-estensjoni tal-approvazzjoni għandha tassenja numru ta’ serje għal estensjoni ta’ din ix-xorta u għandha tinforma b’dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.

8.   IL-KONFORMITÀ TAL-PRODUZZJONI

Il-proċeduri ta’ konformità tal-produzzjoni għandhom jikkonformaw ma’dawk li ġew stabbiliti fl-Appendiċi 2 għall-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:

8.1.	Kwalunkwe vettura li ġiet approvata skont dan ir-Regolament għandha tkun immanifatturata b’tali mod li tikkonforma mat-tip approvat billi tissodisfa r-rekwiżiti li ġew stabbiliti fil-paragrafi 5 u 6 t’aktar ’il fuq.

8.2.

B’mod partikolari, id-detentur tal-approvazzjoni għandu: 8.2.1. Jiżgura ruħu mill-eżistenza ta’ proċeduri għall-kontroll effettiv tal-kwalità tal-vettura rigward l-aspetti kollha rilevanti għall-konformità mar-rekwiżiti li ġew stabbiliti fil-paragrafi 5 u 6 t’aktar ’il fuq; 8.2.2. Jiżgura ruħu li għal kull tip ta’ vettura jitwettqu mill-inqas it-testijiet provduti fl-Anness 9 għal dan ir-Regolament jew il-kontrolli fiżiċi li minnhom tista’ tkun derivata data ekwivalenti;

8.3.	L-awtorità kompetenti tista’ twettaq kwalunkwe test preskritt f’dan ir-Regolament. Dawn it-testijiet ikunu fuq kampjuni magħżula bl-addoċċ mingħajr distorsjoni tal-impenji tal-provvista tal-manifatturi.

8.4.

L-awtorità kompetenti għandha tipprova tikseb frekwenza ta’ spezzjoni waħda fis-sena. Madanakollu, dan huwa fid-diskrezzjoni tal-awtorità kompetenti u l-kunfidenza tagħhom fl-arranġamenti biex ikun żgurat kontroll effettiv tal-konformità ta’ produzzjoni. Fil-każ, fejn jiġu rreġistrati riżultati negattivi, l-awtorità kompetenti għandha tiżgura ruħha li jittieħdu l-passi kollha meħtieġa sabiex mill-aktar fis possibbli tkun stabbilita mill-ġdid il-konformità tal-produzzjoni.

9.   IL-PIENI GĦAN-NUQQAS TA’ KONFORMITÀ TAL-PRODUZZJONI

9.1.

L-approvazzjoni mogħtija rigward tip ta’ vettura skont dan ir-Regolament tista’ tiġi rtirata jekk ma jkunx hemm konformità mar-rekwiżiti jew jekk vettura li jkollha fuqha l-marka ta’ approvazzjoni ma tikkonformax mat-tip approvat.

9.2.

Jekk Parti għall-Ftehim li tapplika dan ir-Regolament tirtira approvazzjoni li tkun tat preċedentement, minnufih għandha tinnotifika b’dan lill-Partijiet Kontraenti l-oħra li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.

10.   PRODUZZJONI MWAQQFA GĦAL KOLLOX

Jekk id-detentur tal-approvazzjoni jieqaf kompletament li jimmanifattura tip ta’ vettura approvat skont dan ir-Regolament, għandu jinforma lill-awtorità li tat l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet l-oħra għall-Ftehim li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 għal dan ir-Regolament.

11.   L-ISMIJIET U L-INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TA’ APPROVAZZJONI U TAD-DIPARTIMENTI AMMINISTRATTIVI

Il-Partijiet għall-Ftehim tal-1958 li japplikaw dan il-Ftehim għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet ta’ approvazzjoni u tad-dipartimenti amministrattivi li jagħtu l-approvazzjoni u lilhom għandhom jintbagħtu l-formoli li jiċċertifikaw approvazzjoni jew estensjoni jew rifjut jew irtirar ta’ approvazzjoni, maħruġa f’pajjiżi oħra.

12.   ID-DISPOŻIZZJONIJIET TRANŻIZZJONALI

12.1.

Minkejja d-dispożizzjonijiet tranżizzjonali li ġejjin, il-Partijiet Kontraenti li l-applikazzjoni tagħhom ta’ dan ir-Regolament tidħol fis-seħħ wara d-data tad-dħul fis-seħħ tas-serje l-aktar reċenti ta’ emendi mhumiex obbligati li jaċċettaw approvazzjonijiet li ngħataw skont kwalunkwe serje preċedenti ta’ emendi għal dan ir-Regolament.

12.2.

Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet lill-approvazzjonijiet skont is-serje preċedenti ta’ emendi għal dan ir-Regolament.

12.3.

Sakemm is-Segretarju Ġenerali tan-Nazzjonijiet Uniti jkun innotifikat mod ieħor, il-Ġappun jiddikjara li, fejn għandu x’jaqsmu vetturi tal-kategoriji M1 u N1, b’relazzjoni għall-installazzjoni ta’ apparati tad-dawl u tas-sinjali bid-dawl, il-Ġappun se jkun marbut biss mill-obbligi tal-Ftehim li miegħu huwa Anness dan ir-Regolament..

12.4.

Mid-data uffiċjali tad-dħul fis-seħħ tas-serje 03 ta’ emendi, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjoni skont dan ir-Regolament kif emendat mis-serje 03 ta’ emendi.

12.5.

Minn 12-il xahar wara d-data tad-dħul fis-seħħ tas-serje 03 ta’ emendi, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ vettura li għandu jkun approvat jissodisfa r-rekwiżiti ta’ dan ir-Regolament kif emendat mis-serje 03 ta’ emendi.

12.6.

Sa 36 xahar wara d-data tad-dħul fis-seħħ tas-serje 03 ta’ emendi għal dan ir-Regolament, l-ebda Parti Kontraenti li tapplika dan ir-Regolament ma għandha tirrifjuta approvazzjoni nazzjonali jew reġjonali tat-tip ta’ tip ta’ vettura approvat skont is-serje preċedenti ta’ emendi għal dan ir-Regolament.

12.7.

Minn 36 xahar wara d-dħul fis-seħħ tas-serje 03 ta’ emendi għal dan ir-Regolament, il-Partijiet Kontraenti li japplikaw dan ir-Regolament jistgħu jirrifjutaw l-ewwel reġistrazzjoni nazzjonali jew reġjonali (l-ewwel dħul fis-servizz) ta’ vettura li ma tissodisfax ir-rekwiżiti tas-serje 03 ta’ emendi għal dan ir-Regolament.

12.8.

Minn 60 xahar wara d-data tad-dħul fis-seħħ tas-serje 03 ta’ emendi għal dan ir-Regolament, l-approvazzjonijiet skont dan ir-Regolament għandhom jieqfu jkunu validi, ħlief fil-każ ta’ tipi ta’ vettura li jikkonformaw mar-rekwiżiti ta’ dan ir-Regolament kif emendat mis-sejre 03 ta’ emendi.

12.9.

Minkejja d-dispożizzjonijiet tal-paragrafu 12.7 jew 12.8 hawn fuq, approvazzjonijiet tat-tipi ta’ vettura skont is-serje preċedenti ta’ emendi għal dan ir-Regolament li mhumiex affetwati mis-serje 03 ta’ emendi għandhom jibqgħu validi u l-Partijiet Kontraenti li japplikaw dan ir-Regolament għandhom ikomplu jaċċettawhom.

12.10.

Minn 36 xahar mid-dħul fis-seħħ tas-Suppliment 3 għas-serje 03 ta’ emendi, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ vettura li għandu jiġi approvat jissodisfa r-rekwiżiti ta’ dan ir-Regolament kif emendat mis-Suppliment 3 għas-serje 03 ta’ emendi.

12.11.

Sa mid-data uffiċjali tad-dħul fis-seħħ tas-serje 04 ta’ emendi, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjoni skont dan ir-Regolament kif emendat mis-serje 04 ta’ emendi.

12.12.

Sa minn 30 xahar għall-vetturi tal-kategoriji M1 u N1 u 48 xahar għall-vetturi tal-kategoriji l-oħra wara d-data uffiċjali tad-dħul fis-seħħ tas-serje 04 ta’ emendi, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ vettura li għandu jkun approvat jissodisfa r-rekwiżiti ta’ dan ir-Regolament kif emendat mis-serje 04 ta’ emendi.

12.13.

Sa 30 xahar għall-vetturi tal-kategoriji M1 u N1 u 48 xahar għall-vetturi tal-kategoriji l-oħra wara d-data uffiċjali tad-dħul fis-seħħ tas-serje 04 ta’ emendi, il-Partijiet Kontraenti li japplikaw dan ir-Regolament għandhom ikomplu jagħtu approvazzjonijiet għal dawk it-tipi ta’ vetturi li jkunu konformi mar-rekwiżiti ta’ dan ir-Regolament skont is-serje preċedenti ta’ emendi.

12.14.

L-approvazzjonijiet mogħtija skont dan ir-Regolament qabel 30 xahar għall-vetturi tal-kategoriji M1 u N1 u 48 xahar għall-vetturi tal-kategoriji l-oħra wara d-data uffiċjali tad-dħul fis-seħħ tas-serje 04 ta’ emendi u l-estensjonijiet ta’ approvazzjonijiet ta’ din ix-xorta kollha, inklużi dawk lil serje preċedenti ta’ emendi għal dan ir-Regolament li ngħataw sussegwentement, għandhom jibqgħu validi b’mod indefinit. Meta t-tip ta’ vettura approvat skont is-serje preċedenti ta’ emendi jissodisfa r-rekwiżiti ta’ dan ir-Regolament kif emendat mis-serje 04 ta’ emendi, il-Parti Kontraenti li tat l-approvazzjoni għandha tinnotifika b’dan lill-Partijiet Kontraenti l-oħra li japplikaw dan ir-Regolament.

12.15.

L-ebda Parti Kontraenti li tapplika dan ir-Regolament ma għandha tirrifjuta approvazzjoni tat-tip nazzjonali jew reġjonali ta’ tip ta’ vettura approvat skont is-serje 04 ta’ emendi għal dan ir-Regolament.

12.16.

Minkejja d-dispożizzjonijiet tranżizzjonali hawn fuq, Partijiet Kontraenti li l-applikazzjoni tagħhom tar-Regolament Nru 112 tiġi fis-seħħ wara d-data ta' dħul fis-seħħ tas-serje 04 ta' emendi għal dan ir-Regolament mhumiex obbligati li jaċċettaw approvazzjonijiet jekk dan it-tip ta' vettura li għandu jiġi approvat ma jilħaqx ir-rekwiżiti tal-paragrafi 6.1.2 u 6.2.2 kif emendati bis-serje 04 ta' emendi għal dan ir-Regolament fir-rigward tar-Regolament Nru 112.

12.17.

Il-paragrafu 6.19.7.3 jidħol fis-seħħ 30 xahar għat-tipi ġodda tal-vetturi tal-kategoriji M1 u N1 u 48 xahar għat-tipi ġodda ta' vetturi ta' kategoriji oħra wara d-data tad-dħul fis-seħħ tas-serje 04 ta' emendi.

12.18.

Il-Partijiet Kontraenti li japplikaw dan ir-Regolament għandhom ikomplu jibagħtu l-approvazzjonijiet lit-tipi ta' vetturi li ma jissodisfawx ir-rekwiżiti tal-paragrafu 5.2.1 tas-Suppliment 2 tas-serje 04 ta' emendi, jekk ikunu mgħammra b'fanali approvati skont ir-Regolament Nru 98 (qabel is-Suppliment 9) jew ir-Regolament Nru 112 (qabel is-Suppliment 8).

12.19.

Minn 36 xahar mid-dħul fis-seħħ tas-Suppliment 3 għas-serje 04 ta’ emendi, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ vettura li għandu jiġi approvat jissodisfa r-rekwiżiti tal-paragrafi 3.2.7 u 5.27 ta' dan ir-Regolament kif emendat mis-Suppliment 3 għas-serje 04 ta’ emendi.

12.20.

Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet lill-approvazzjonijiet skont il-verżjonijiet preċedenti kollha ta' dan ir-Regolament li għadhom validi.

12.21.

Mid-data uffiċjali tad-dħul fis-seħħ tas-serje 05 ta’ emendi, l-ebda Parti Kontraenti li tapplika dan ir-Regolament ma għandha tirrifjuta li tagħti approvazzjoni skont dan ir-Regolament kif emendat mis-serje 05 ta’ emendi.

12.22.

Minn 48 xahar mid-data uffiċjali tad-dħul fis-seħħ tas-serje 05 ta’ emendi, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ta’ vettura li għandu jkun approvat jissodisfa r-rekwiżiti ta’ dan ir-Regolament kif emendat mis-serje 05 ta’ emendi.

12.23.

Il-Partijiet Kontraenti li japplikaw dan ir-Regolament għandhom ikomplu jagħtu approvazzjonijiet lil dawk it-tipi ta' vetturi li jikkonformaw mar-rekwiżiti ta' dan ir-Regolament kif emendat mis-serje preċedenti ta' emendi matul il-perjodu ta' 48 xahar li jsegwi d-data tad-dħul fis-seħħ tas-serje 05 ta' emendi.

12.24.

Ebda Parti Kontraenti li tapplika dan ir-Regolament ma għandha tirrifjuta approvazzjoni tat-tip nazzjonali jew reġjonali ta' tip ta' vettura approvat skont is-serje 05 ta' emendi ta' dan ir-Regolament.

12.25.

Sa 48 xahar wara d-data tad-dħul fis-seħħ tas-serje 05 ta’ emendi għal dan ir-Regolament, l-ebda Parti Kontraenti li tapplika dan ir-Regolament ma għandha tirrifjuta approvazzjoni nazzjonali jew reġjonali tat-tip ta’ tip ta’ vettura approvat skont is-serje preċedenti ta’ emendi għal dan ir-Regolament.

12.26.

L-approvazzjonijiet eżistenti skont dan ir-Regolament qabel id-data tad-dħul fis-seħħ tas-serje 05 ta' emendi ta' dan ir-Regolament għandhom jibqgħu validi indefinittivament.

12.27.

Minn 66 xahar għal tipi ġodda ta' vetturi tal-kategoriji M1 u N1 u 84 xahar għal tipi ġodda ta' vetturi tal-kategoriji l-oħra wara d-data uffiċjali tad-dħul fis-seħħ tas-serje 05 ta’ emendi lil dan ir-Regolament, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tip ġdid ta’ vettura li għandu jiġi approvat ikun jissodisfa r-rekwiżiti ta’ dan ir-Regolament kif emendat mis-serje 05 ta’ emendi eskluż il-paragrafi 6.2.7.6.2 u 6.2.7.6.3. L-approvazzjonijiet eżistenti skont dan ir-Regolament qabel dawn id-dati jibqgħu validi indefinittavment u l-estensjoni tal-approvazzjonijiet għandha tingħata wara.

---

(1)  Kif iddefinit fl-Anness 7 għar-Riżoluzzjoni Konsolidata dwar il-Kostruzzjoni tal-Vetturi(R.E.3), (dokument TRANS/WP.29/78/Rev.1/Emend.2 kif emendat l-aħħar bl-Emenda 4).

(2)  Għal kjarifika ara l-Anness 10.

(3)  Fil-każ tad-dawl għall-pjanċa tar-reġistrazzjoni ta' wara u l-indikaturi tad-direzzjoni tal-kategoriji 5 u 6, għandha tintuża “superfiċje li titfa' d-dawl”.

(4)  Fl-Anness 3, il-Parti 7, wieħed jista' jsib eżempji biex jippermettu deċiżjoni dwar l-inkorporazzjoni reċiproka tal-fanali.

(5)  CIE Publication 15.2, 1986, Colorimetry, the CIE 1931 standard colorimetric observer.

(6)  1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (battal), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (battal), 31 għall-Bożnija u Ħerżegovina, 32 għal-Latvja, 33 (battal), 34 għall-Bulgarija, 35 (battal), 36 għal-Litwanja, 37 għat-Turkija, 38 (battal), 39 għall-Ażerbajġan, 40 għall-ex-Repubblika Jugoslava tal-Maċedonja, 41 (battal), 42 għall-Unjoni Ewropea (L-approvazzjonijiet jingħataw mill-Istati Membri tagħha billi jużaw is-simbolu ECE rispettiv tagħhom), 43 għall-Ġappun, 44 (battal), 45 għall-Awstralja, 46 għall-Ukrajna, 47 għall-Afrika t’Isfel, 48 għan-New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja u 53 għat-Tajlandja, 54 u 55 (battala) u 56 għall-Montenegro, 57 (battal) u 58 għat-Tuneżija. In-numri sussegwenti għandhom jiġu assenjati lil pajjiżi oħra fl-ordni kronoloġiku li bih jirratifikaw jew jaderixxu għall-Ftehim li Jikkonċerna l-Adozzjoni ta' Preskrizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta' dawn il-Preskrizzjonijiet, u n-numri assenjati b'dan il-mod għandhom jiġu kkomunikati mis-Segretarju-Ġenerali tan-Nazzjonijiet Uniti lill-Partijiet Kontraenti għal dan il-Ftehim.

(7)  Dan ma japplikax għal oġġetti apposta li jistgħu jiġu miżjuda mal-estern tal-fanal.

(8)  Il-kejl tal-koordinati tal-kromatiċità tad-dawl li joħroġ mill-fanali mhuwiex parti minn dan ir-regolament.

(9)  Magħruf ukoll bħala retroriflettur abjad jew bla kulur.

(10)  Xejn f’dan ir-Regolament ma għandu jipprekludi lill-Partijiet Kontraenti li japplikaw dan ir-Regolament milli jippermettu l-użu ta’ mmarkar abjad biex jolqot l-għajn fuq wara tal-vettura fit-territorji tagħhom.

(11)  Kif ġew iddefiniti fl-Anness 7 għar-Riżoluzzjoni Konsolidata dwar il-Kostruzzjoni tal-Vetturi(R.E.3), (dokument TRANS/WP.29/78/Rev.1/Emend.2 kif emendat l-aħħar bl-Emenda 4).

(12)  Il-Partijiet Kontraenti għar-regolamenti rispettivi xorta jistgħu jipprojbixxu l-użu ta’ sistemi ta’ tindif mekkaniċi meta jiġu installati fanali b’lentijiet tal-plastik, immarkati “PL”.

(13)  Kif ġew iddefiniti fl-Anness 7 għar-Riżoluzzjoni Konsolidata dwar il-Kostruzzjoni tal-Vetturi(R.E.3), (dokument TRANS/WP.29/78/Rev.1/Emend.2 kif emendat l-aħħar bl-Emenda4).

(14)  It-tipi ġodda ta’ vetturi li ma jkunux konformi ma’ din id-dispożizzjoni jistgħu jkunu approvati sa 18-il xahar wara d-dħul fis-seħħ tas-Suppliment 4 għas-Serje 03 ta’ Emendi.

(15)  Il-valur ta’ 5° mogħti għall-angolu ta’ viżibilità li ma jistax jintlemaħ (dead angle of visibility) fuq wara tal-indikatur tad-direzzjoni tal-ġenb huwa limitu ta’ fuq. d ≤ 2,50 m

(16)  Ara n-nota ta' qiegħ il-paġna 14.

(17)  Il-Partijiet Kontraenti li ma japplikawx ir-Regolament Nru 87 jistgħu jipprojbixxu l-preżenza tad-DRL (kif ġie speċifikat fil-paragrafu 5.22) fuq il-bażi tar-regolamenti nazzjonali.

(18)  It-tipi ta’ vetturi li ma jkunux konformi ma’ din id-dispożizzjoni jistgħu jkunu approvati sa 18-il xahar wara d-dħul fis-seħħ tas-Suppliment 4 għas-Serje 03 ta’ Emendi.

(19)  Din id-dispożizzjoni ma tapplikax sa 5 snin wara d-data uffiċjali tad-dħul fis-seħħ tas-serje 03 ta’ emendi għal dan ir-Regolament.

(20)  Fil-każ ta’ “żewġ unitajiet tad-dawl imqiegħda b’mod simmetriku” addizzjonali, id-distanza orizzontali tista’ tkun ta’ 200 mm (C fil-figura).

(21)  Id-direzzjonijiet tat-traffiku li jiġu separati permezz tal-kostruzzjoni tat-triq, jew, tiġi identifikata distanza laterali korrispondenti tat-traffiku oppost. Dan jimplika tnaqqis fil-leħħa eċċessiva mill-fanali tal-vetturi fit-traffiku oppost.

(22)  Din id-dispożizzjoni ma tapplikax għad-dawl b’raġġ li ma jtellifx is-sewwieq minn faċċata meta jiġi prodott dawl għal-liwi għal dawra fuq lemin fi traffiku fuq il-lemin (dawra fuq ix-xellug għal traffiku fuq ix-xellug).

(23)  Il-Partijiet Kontraenti għar-Regolamenti rispettivi xorta jistgħu jipprojbixxu l-użu ta’ sistemi ta’ tindif mekkaniċi meta jiġu installati fanali b’lentijiet tal-plastik, immarkati “PL”.

---

---

---

---

---

---

---

---

---

---

---

---

---