ISSN 1725-5104 doi:10.3000/17255104.L_2011.204.mlt |
||
Il-Ġurnal Uffiċjali tal-Unjoni Ewropea |
L 204 |
|
Edizzjoni bil-Malti |
Leġiżlazzjoni |
Volum 54 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
||
|
* |
||
|
* |
||
|
* |
||
|
|
||
|
|
DEĊIŻJONIJIET |
|
|
|
2011/494/UE |
|
|
* |
Deċiżjoni ta’ ImplimentazzjonI tal-Kummissjoni tal-5 ta’ Awwissu 2011 li tawtorizza t-tqegħid fis-suq ta’ lamtu tal-qamħirrum iffosfatat bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2011) 5550) ( 1 ) |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
9.8.2011 |
MT |
Il-Ġurnal Uffiċjali tal-Unjoni Ewropea |
L 204/1 |
REGOLAMENT TA' IMPLIMENTAZZJONI TAL-KUNSILL (UE) Nru 791/2011
tat-3 ta’ Awwissu 2011
li jimponi dazju anti-dumping definittiv u li jiġbor b'mod definittiv id-dazju provviżorju impost fuq l-importazzjonijiet ta’ ċerti drappijiet b'malja miftuħa tal-fibri tal-ħġieġ li joriġinaw mir-Repubblika Popolari taċ-Ċina
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b'mod partikolari l-Artikolu 9(4) tiegħu,
Wara li kkunsidra l-proposta mressqa mill-Kummissjoni Ewropea (“il-Kummissjoni”) wara li kkonsulta mal-Kumitat Konsultattiv,
Billi:
A. PROĊEDURA
1. Miżuri provviżorji
(1) |
Bir-Regolament (UE) Nru 138/2011 (2) (“ir-Regolament provviżorju”), il-Kummissjoni imponiet dazju anti-dumping provviżorju fuq l-importazzjonijiet ta’ ċerti drappijiet b'malja miftuħa tal-fibri tal-ħġieġ li joriġinaw mir-Repubblika Popolari taċ-Ċina (RPĊ). |
(2) |
Il-proċediment inbeda wara li tressaq ilment fis-6 ta’ April 2010 minn Saint-Gobain Vertex s.r.o., Tolnatext Fonalfeldolgozó és Müszakiszövetgyártó, “Valmieras stikla šķiedra” AS u Vitrulan Technical Textiles GmbH (“l-ilmentaturi”), li jirrapreżentaw proporzjon ewlieni, f'dan il-każ ta’ aktar minn 25 %, tal-produzzjoni totali tal-Unjoni ta’ ċerti drappijiet b’malja miftuħa tal-fibri tal-ħġieġ. |
(3) |
Kif stabbilit fil-premessa (13) tar-Regolament provviżorju, l-investigazzjoni tad-dumping u l-ħsara kopriet il-perjodu mill-1 ta’ April 2009 sal-31 ta’ Marzu 2010 (“il-perjodu tal-investigazzjoni” jew “PI”). L-eżami tax-xejriet rilevanti għall-valutazzjoni tad-dannu kopra l-perjodu mill-1 ta’ Jannar 2006 sa tmiem il-perjodu ta’ investigazzjoni (il-“perjodu kkunsidrat”). |
2. Proċedura sussegwenti
(4) |
Wara li ġew żvelati l-fatti u l-kunsiderazzjonijiet essenzjali, li abbazi tagħhom ġie deċiż li jkunu imposti miżuri provviżorji tal-anti-dumping (“żvelar provviżorju”), għadd ta’ partijiet interessati ressqu sottomissjonijiet bil-miktub li bihom urew il-fehmiet tagħhom dwar is-sejbiet provviżorji. Il-partijiet li talbu dan ingħataw l-opportunità li jinstemgħu. |
(5) |
Il-Kummissjoni kompliet tfittex u tivverifika l-informazzjoni kollha li dehrilha li kienet meħtieġa għas-sejbiet definittivi tagħha. Flimkien mal-verifiki msemmija fil-premessa (11) tar-Regolament provviżorju, twettqu aktar żjarat ta’ verifika fil-bini tal-kumpaniji li ġejjin:
|
(6) |
Il-partijiet kollha kienu infurmati bil-fatti u l-konsiderazzjonijiet essenzjali li fuq il-bażi tagħhom huwa maħsub li tkun rakkomandata l-impożizzjoni ta’ dazju definittiv ta’ anti-dumping fuq importazzjonijiet ta’ drappijiet b'malja miftuħa tal-fibri tal-ħġieġ li joriġinaw mir-RPĊ u l-ġbir definittiv tal-ammonti miksuba permezz tad-dazju provviżorju (“żvelar finali”). Il-partijiet kollha ngħataw perjodu ta’ żmien li fih setgħu jagħmlu rappreżentazzjonijiet wara dan l-iżvelar finali. |
(7) |
Il-kummenti orali u bil-miktub sottomessi mill-partijiet interessati ġew ikkunsidrati u tqiesu fejn kien xieraq. |
B. PRODOTT IKKONĊERNAT U PRODOTT SIMILI
1. Il-prodott ikkonċernat
(8) |
Il-prodott ikkonċernat huwa, kif stipulat fil-premessa (14) tar-Regolament provviżorju, drappijiet b'malja miftuħa tal-fibri tal-ħġieġ, ta’ daqs ta’ ċellola ta’ aktar minn 1,8 mm kemm fit-tul kif ukoll fil-wisgħa u li tiżen aktar minn 35 g/m2 li jorġina mir-RPĊ (“il-prodott ikkonċernat”) li bħalissa jaqa' fil-kodiċi NM ex 7019 40 00, ex 7019 51 00, ex 7019 59 00, ex 7019 90 91 u ex 7019 90 99. |
(9) |
Wara l-impożizzjoni ta’ miżuri provviżorji, analiżi ulterjuri wriet li l-prodott ikkonċernat ma jistax jiġi kklassifikat taħt tlieta mill-ħames kodiċijiet tan-NM msemmija fil-premessa (8). Għalhekk il-kodiċijiet tan-NM ex 7019 90 91, ex 7019 90 99 u ex 7019 40 00 għandhom jitneħħew mid-deskriżżjoni tal-prodott ikkonċernat. |
(10) |
Qed tinġibed l-attenzjoni wkoll lejn il-fatt li, kif spjegat fil-premessa (16) tar-Regolament provviżorju, produttur esportatur Ċiniż wieħed talab kjarifika dwar jekk diski tal-fibreglass humiex inklużi fid-definizzjoni tal-prodott. L-industrija tal-Unjoni kienet tal-fehma li d-diski tal-fibreglass huma prodott fl-istadju aħħari tiegħu (downstream product) b'karatteristiċi differenti minn dawk tal-prodott ikkonċernat. Madankollu, ġie deċiż li jinġabar aktar tagħrif mill-partijiet interessati qabel tittieħed konklużjoni definittiva dwar din il-kwistjoni. |
(11) |
Barra l-iżvelar provviżorju, tressqet evidenza mill-industrija tal-Unjoni u mill-Federazzjoni tal-Produtturi Ewropej tal-Abrażivi (sustanzi li joborxu) (“FEPA”) li tirrappreżenta l-utenti tad-diski tal-fibreglass li turi li hemm għadd ta’ stadji fil-proċess ta’ produzzjoni li jridu jitwettqu biex id-drapp b'malja miftuħa tal-fibri tal-ħġieġ jitbiddel f'diski tal-fibreglass. Il-forma fiżika tad-diska hija wkoll differenti mill-prodott ikkonċernat li huwa normalment fornut f'rollijiet (dojoq jew wiesa') u huwa normalment maħsub għal użu aħħari differenti (ir-rinfurzar tar-roti tat-titħin). Dawn l-argumenti kienu kondiviżi mill-produttur esportatur Ċiniż. |
(12) |
Ġie nnutat ukoll li d-diski tal-fibreglass ma kienu prodotti jew mibjugħa minn l-ebda wieħed mill-produtturi esportaturi fil-kampjun fir-RPĊ jew mill-produtturi tal-Unjoni. |
(13) |
Produttur wieħed tal-Unjoni tad-diski tal-fibreglass li tfaċċa wara l-impożizzjoni tal-miżuri provviżorji sostna li d-diski tal-fibreglass ma għandhomx ikunu esklużi mill-ambitu tal-prodotti. Huwa stqarr li d-diski tal-fibreglass mhumiex prodott fl-istadju aħħari u wkoll li għandha ssir distinzjoni ċara bejn il-prodott ikkonċernat u prodott fl-istadju aħħari, fl-istadju ta’ kisi tar-rollijiet b'malja miftuħa. Skont il-kumpanija, il-kisi tar-rollijiet b'malja miftuħa li jintużaw fis-settur tal-kostruzzjoni huwa differenti minn dak ta’ rollijiet b'malja miftuħa li aktar tard jintużaw għall-produzzjoni tad-diski tal-fibreglass. F'dan l-aħħar każ ir-rollijiet huma miksija bir-reżina tal-fenol. Fi kliem ieħor, il-karatteristiċi kimiċi tar-rollijiet b'malja miftuħa maħsuba għall-produzzjoni tad-diski tal-fibreglass huma allegatament identiċi ma’ dawk tad-diski tal-fibreglass. Skont il-kumpanija dawn it-tipi ta’ rollijiet b'malja miftuħa ma jistgħux jintużaw fir-rinfurzar tal-kostruzzjoni, li hija l-applikazzjoni ewlenija tal-prodott ikkonċernat. Għalhekk il-kumpanija sostniet li jekk id-diski tal-fibreglass kellhom jiġu esklużi mill-ambitu tal-prodotti, ir-rollijiet b'malja miftuħa miksija bir-reżina tal-fenol għandhom ukoll ikunu esklużi. |
(14) |
Kif spjegat fil-premessa (13) il-kumpanija tfaċċat biss wara l-impożizzjoni tal-miżuri provviżorji u għalhekk ma provvdietx dejta verifikabbli li tiġġustifika l-pretensjonijiet tagħha. Billi ma kien hemm l-ebda dejta disponibbli mill-investigazzjoni fir-rigward tat-tipi differenti ta’ kisi użat, il-pretensjoni tal-kumpanija ma setgħetx tiġi evalwata fid-dawl tad-dejta miksuba mill-investigazzjoni. Barra min hekk, irrespettivament mill-kisi, tipi differenti ta’ rollijiet b'malja miftuħa għandhom l-istess karatteristiċi fiżiċi ta’ bażi u għalhekk ir-rollijiet b'malja miftuħa miksija bir-reżina tal-fenol ma għandhomx ikunu esklużi. Din il-pretensjoni għalhekk ma ntlaqgħetx. |
(15) |
Imsejsa fuq id-dejta miġbura matul l-investigazzjoni u l-evidenza mressqa mill-produttur esportatur imsemmi fil-premessa (10), mill-industrija tal-Unjoni u mill-FEPA fil-kummenti tagħhom dwar l-iżvelar provviżorju, il-pretensjoni biex id-diski tal-fibreglass jiġu esklużi mill-ambitu tal-prodotti hija b'dan aċettata. Qed jiġi għalhekk konkluż li d-diski tal-fibreglass bħala prodott fl-istadju aħħari ma jgawdux l-istess karatteristiċi fiżiċi u għandhom użi differenti meta mqabbla mad-drappijiet b'malja miftuħa u għalhekk għandhom jiġu esklużi mid-definizzjoni tal-prodott ikkonċernat kif definit fir-Regolament provviżorju. Id-diski tal-fibreglass huma għalhekk esklużi definittivament mill-proċediment. |
2. Il-prodott simili
(16) |
Billi ma kien hemm l-ebda kumment ieħor rigward il-prodott simili, il-premessa (17) tar-Regolament provviżorju hija b'dan ikkonfermata. |
C. DUMPING
1. Trattament tal-Ekonomija tas-Suq (TES)
(17) |
Kif stipulat fil-premessi (18) sa (32) tar-Regolament provviżorju, ġie propost inizjalment li jingħata TES lil żewġ kumpaniji iżda fi stadju aktar tard tal-proċediment billi ġie deċiż li din il-proposta titreġġa' lura wara allegazzjonijiet ta’ investigazzjoni li waslu dwar l-istatus ta’ TES tal-kumpaniji kkonċernati li nstabu li kienu korretti. |
(18) |
Produttur esportatur wieħed, li għalih ġie applikat l-Artikolu 18 tar-Regolament bażiku, irrepeta l-argumenti li tressqu diġà meta ġie mgħarraf li l-Kummissjoni kienet beħsiebha tirrifjuta t-TES. Huwa reġa' sostna li l-Artikoli ta’ Assoċjazzjoni u l-Kuntratt Konġunt tal-Proġett li waslu għand il-Kummissjoni kienu verżjoni antika li qatt ma kienu daħlu fis-seħħ u li għalhekk ma kellhom l-ebda impatt fuq is-sejbiet tal-evalwazzjoni tat-TES tal-kumpanija. |
(19) |
Kif stipulat fil-premessa (28) tar-Regolament provviżorju, dawn l-argumenti ma setgħux ineħħu d-dubji dwar l-awtentiċità tad-dokumenti inizjali u t-tagħrif ipprovdut mill-produttur esportatur meta ressaq il-formola ta’ Talba għal TES. |
(20) |
Rigward l-argument li l-applikazzjoni tal-Artikolu 18(1) tar-Regolament bażiku huwa sproporzjonat f'dan il-każ, il-Kummissjoni tapplika d-dispożizzjonijiet ta’ dan l-Artikolu fuq bażi ta’ każ b'każ skont il-meriti ta’ kull każ. Fil-proċediment preżenti, l-użu ta’ dan l-Artikolu kien qed jitqies bħala xieraq kif diġà indikat fil-premessi (26), (27) u (31) tar-Regolament provviżorju, billi l-forniment tad-dokumenti ffalsifikati titfa' dubji fuq id-dokumenti kollha pprovduti mill-kumpanija. |
(21) |
It-tieni produttur esportatur li ġie rrifjutat it-TES iżda li ġie mogħti Trattament Individwali (TI) minflok, ma qabilx mar-raġunijiet għalfejn il-Kummissjoni reġġgħet lura d-deċiżjoni tagħha. Huma qiesu li ma kien hemm l-ebda evidenza konvinċenti ġdida li kienet se tnaqqas b'mod sinifikanti s-sejbiet oriġinali biex tiġġustifika t-tħassir tad-deċiżjoni inizjali għall-għoti tat-TES. Sostnew li l-ineżattezzi u l-inkompletezza li nstabu fir-rendikonti finanzjarji tagħhom u li ma kinux rappurtati mill-awditur ma kellhom l-ebda impatt materjali fuq il-kredibbiltà ta’ dawn il-kontijiet. |
(22) |
Kif stipulat fil-premessa (30) tar-Regolament provviżorju, dawn l-argumenti ma setgħux ineħħu d-dubbji dwar l-eżattezza u l-kompletezza taċ-ċifri preżenti fir-rendikonti finanzjarji. |
(23) |
Huma jqisu wkoll li l-eżitu tal-investigazzjoni u r-rata ta’ dazju individwali tagħhom hija inġusta u sproporzjonata billi l-kumpanija kkooperat matul il-proċediment u hija soġġetta għall-ogħla rata ta’ dazju bħall-kumpaniji li ma kooperawx u l-kumpanija soġġetta għall-Artikolu 18 tar-Regolament bażiku. F'dan ir-rigward qed jiġi nnotat li l-kumpanija hija soġġetta għal dazju li huwa r-riżultat tal-metodoloġija tas-soltu applikata għall-kumpaniji mogħtija t-TI. |
(24) |
Billi ma kien hemm l-ebda kumment ieħor dwar it-TES, il-premessi (18) sa (32) tar-Regolament provviżorju huma b'dan ikkonfermati. |
2. L-eżami individwali (EI)
(25) |
Kif stipulat fil-premessa (37) tar-Regolament provviżorju, grupp ta’ kumpaniji relatati li mhuwiex fil-kampjun talab eżami individwali skont l-Artikolu 17(3) tar-Regolament bażiku u wieġeb għall-formola ta’ talba għal TES fil-limitu ta’ żmien stipulat. |
(26) |
Kif imsemmi fil-premessa (5), twettqet żjara ta’ verifika fil-bini tal-grupp ta’ kumpaniji relatati u nstab li l-kumpaniji ma ssodisfawx il-kriterji 1, 2, u 3 tal-Artikolu 2(7)(c) tar-Regolament bażiku. |
(27) |
Rigward l-ewwel kriterju, iż-żewġ kumpaniji relatati naqsu milli jipprovdu biżżejjed evidenza li tikkonċerna l-kontribuzzjoni tas-sidien tal-ishma għall-kapital tal-kumpaniji. Is-sidien tal-ishma ħadu f'idejhom il-kumpaniji inizjalment stabbiliti b'fondi tal-Istat mingħajr ma ħallsu l-ebda kontribuzzjoni huma stess. Flimkien ma’ dan, kuntrarju għar-rekwiżiti tal-Artikoli ta’ Assoċjazzjoni, ma saru l-ebda laqgħat għas-sidien tal-ishma, ma ġew ipprovduti l-ebda minuti ta’ dawn il-laqgħat li jnisslu dubji dwar jekk ittieħdux deċiżjonijiet kummerċjali mis-sidien tal-ishma mingħajr indħil mill-Istat. Fid-dawl ta’ dan li ntqal hawn fuq, qed jitqies li l-kumpaniji ma setgħux juru li d-deċiżjonijiet kummerċjali tagħhom ma sarux mingħajr indħil sinifikanti mill-Istat. |
(28) |
Fir-rigward tat-tieni kriterju, l-investigazzjoni wriet li l-kotba tal-kontijiet taż-żewġ kumpaniji relatati ma ġewx verifikati skont l-istandards internazzjonali tal-kontijiet, billi kien fihom għadd ta’ nuqqasijiet u żbalji ta’ kontabilità bħal taxxi bbukkjati/mħallsa; żbalji kontinwi fuq kontijiet ta’ interessi li jridu jitħallsu; instab deprezzament nieqes li ma ssemmiex fir-rapporti ta’ verifika. |
(29) |
Rigward it-tielet kriterju, kumpanija waħda relatata naqqset milli tipprovdi l-Ftehim dwar id-Dritt għall-Użu tal-Art, ma nstab l-ebda buking fil-kontijiet tagħhom u ma ġiet ipprovduta l-ebda evidenza ta’ ħlas. It-tieni kumpanija kisbet dritt tal-użu tal-art mill-kumpanija relatata tagħha mingħajr ħlas, li ma kienx jidher fir-rekords tagħha u għalhekk ma kienx imnaqqas. |
(30) |
Fid-dawl ta’ dan li ntqal hawn fuq, ġie propost li t-TES jiġi rrifjutat lill-grupp ta’ kumpaniji li talbu eżami individwali. |
(31) |
Il-Kummissjoni żvelat uffiċjalment ir-riżultati tas-sejbiet tat-TES lill-grupp ta’ kumpaniji relatati ikkonċernati fir-RPĊ u lill-ilmentaturi. Huma kienu mogħtija opportunità wkoll biex iressqu fehmiethom bil-miktub u biex jitolbu seduta jekk kien hemm raġunijiet partikolari għalfejn kellhom jinstemgħu. Ma waslu l-ebda kumenti wara l-iżvelar tas-sejbiet tat-TES. |
3. Trattament Individwali (TI)
(32) |
Ġie stabbilit b'mod provviżorju li wieħed mill-grupp ta’ produtturi esportaturi ta’ kumpaniji fil-kampjun fir-RPĊ li ma ngħatawx it-TES, kienu jissodisfa r-rekwiżiti kollha għal TI. |
(33) |
Barra dan, kif stipulat fil-premessa (35) tar-Regolament provviżorju, il-produttur esportatur li lilu treġġgħelu lura t-TES, kien jissodisfa l-kundizzjonijiet tal-Artikolu 9(5) tar-Regolament bażiku biex minflok, jingħata TI. |
(34) |
L-industrija tal-Unjoni ikkontestat id-deċiżjoni li jingħata TI lill-kumpanija li lilha treġġgħelha lura t-TES, waqt li stqarret li l-kontijiet mhux kompluti u d-diskrepanzi jiddiskreditaw id-dejtaset kollu tal-kumpanija. Madankollu, sar magħruf li l-irregolaritajiet li nstabu fil-kontijiet ma kellhom l-ebda impatt fuq il-kredibbiltà tal-prezzijiet ta’ esportazzjoni tal-kumpanija. Il-pretensjoni tal-industrija tal-Unjoni għalhekk ma ntlaqgħetx. |
(35) |
Fid-dawl ta’ dan li ntqal hawn fuq, il-konklużjoni inizjali li tnejn mit-tliet produtturi esportaturi fil-kampjun jissodisfaw ir-rekwiżiti kollha għal TI hija għalhekk ikkonfermata. Il-premessi (33) sa (36) tar-Regolament provviżorju riward it-TI huma b'dan ikkonfermati. |
(36) |
Flimkien ma’ dan, il-grupp taż-żewġ kumpaniji relatati li talbu eżami individwali, talbu wkoll TI, fil-każ li l-investigazzjoni tistabbilixxi li ma kinux jissodisfaw il-kundizzjonijiet għal TES. Instab li dawn kienu jissodisfaw il-kundizzjonijiet tal-Artikolu 9(5) tar-Regolament bażiku biex jingħataw TI. |
(37) |
L-industrija tal-Unjoni qajmet dubju dwar id-deċiżjoni li jingħata TI lill-grupp taż-żewġ kumpaniji relatati waqt li stqarret li billi d-dejta tal-kumpaniji nstabet li ma kinetx kredibbli għall-evalwazzjoni tat-TES, din id-dejta ma setgħetx titqies biżżejjed għall-għoti ta’ TI. Il-pretensjoi tal-industrija tal-Unjoni ma ntlaqgħetx billi nstab li dawn l-irregolaritajiet identifikati fir-rigward tal-evalwazzjoni tat-TES ma kellhom l-ebda impatt fuq l-eliġibbiltà għal rata' ta’ dazju individwali u għalhekk seta' jingħata TI. |
4. Valur normali
(a) L-għażla tal-pajjiż analogu
(38) |
Ma waslu l-ebda kummenti dwar l-għażla tal-pajjiż analogu. Għalhekk, huwa kkonfermat li l-Kanada huwa pajjiż analogu xieraq u raġonevoli skont l-Artikolu 2(7) tar-Regolament bażiku. Il-premessi (39) sa (45) tar-Regolament provviżorju huma b'dan ikkonfermati. |
(b) Id-determinazzjoni tal-valur normali
(39) |
Qed jitfakkar li kien jitqies aktar xieraq li jinbena valur normali biex jiġu kkunsidrati d-differenzi fil-kwalità bejn il-prodott simili prodott u mibjugħ fil-Kanada u l-prodott mir-RPĊ kkonċernat. Għalhekk inbena valur normali bl-użu tal-kost tal-manifattura tal-produttur Kanadiż flimkien ma’ ammont raġonevoli għall-ispejjeż ta’ bejgħ, l-ispejjeż ġenerali u amministrattivi (“BĠ&A”) u għall-profitt fis-suq domestiku. |
(40) |
Il-kumpaniji li ngħataw TI ma qablux mal-kalkolu tal-valur normali kostruwit (“VN”), u waħda minnhom qajmet dubju partikolarment dwar jekk dan kienx kostruwit skont it-tip ta’ prodott. Ġie kkonfermat li l-VN kien kostruwit skont it-tip ta’ prodott fuq il-bażi tad-dejta miksuba mill-produttur uniku tal-prodott ikkonċernat fil-pajjiż analogu. Minħabba l-ħtieġa ta’ kunfidenzjalità, il-VN ġie żvelat fil-forma ta’ firxa ta’ prezzijiet. |
(41) |
Tliet partijiet sostnew li l-VN żvelat ma kienx jipprovdi fehma raġjonevoli tal-fatti u l-kunsiderazzjonijiet li fuq il-bażi tagħhom tfassal il-marġni ta’ dumping. Il-kumpaniji kollha talbu aktar dettalji dwar il-kostruzzjoni tal-VN inkluż l-ammont tal-aġġustamenti varji li saru lill-VN biex jitqiesu d-differenzi fil-kwalità. Madankollu, wara li ġie kkunsidrat l-obbligu li tiġi rrispettata l-kunfidenzjalità tad-dejta, tqies li l-kumpaniji ġew ipprovduti bit-tagħrif kollu li seta' jiġi żvelat. |
(42) |
Għalhekk din il-pretensjoni ma ntlaqgħetx. Il-premessi (46) sa (49) tar-Regolament provviżorju rigward id-determinazzjoni tal-valur normali huma b'dan ikkonfermati. |
(c) Il-prezzijiet tal-esportazzjoni għall-produtturi esportaturi li ngħataw it-TI
(43) |
Waħda mill-kumpaniji li ngħatat it-TI fl-istadju provviżorju, talbet spjega dwar il-kalkolu tal-ipejjeż ta’ ppakkjar billi dawn qiesu li d-dejta żvelata dwar l-ippakkjar ma kinetx turi korrelazzjoni konsistenti la mal-volum u lanqas mal-valur tat-trażazzjonijiet. Billi din il-kumpanija ma kinetx talbet għall-ispejjeż ta’ ppakkjar fit-tweġiba tagħha għall-kwestjonarju dwar l-anti-dumping, il-kost tal-ippakkjar ġie għalhekk ikkalkolat fuq il-bażi tat-tagħrif miksub miż-żewġ produtturi esportaturi l-oħra fil-kampjun. |
(44) |
Billi ma kien hemm l-ebda kumment ieħor fir-rigward tad-determinazzjoni tal-prezz tal-esportazzjoni, il-premessa (50) tar-Regolament proviżorju hija b'dan ikkonfermata. |
(45) |
Wara żvelar tas-sejbiet definittivi, il-grupp ta’ kumpaniji relatati li għandu jingħata TI stqarr li l-ispejjeż ta’ kummissjoni ma kellhomx jitqiesu waqt li ġew ikkalkulati l-bosta benefiċċji mnaqqsa mill-prezz tal-esportazzjoni. Il-pretensjoni ġiet aċċettata u l-prezz ta’ esportazzjoni aġġustat kif xieraq filwaqt li l-marġni ta’ dumping tal-grupp ġie revedut b'riżultat ta’ dan. |
(d) Tqabbil
(46) |
Billi ma kien hemm l-ebda kumment ieħor fir-rigward tat-tqabbil tal-valur normali u l-prezzijiet tal-esportazzjoni fuq il-livell tal-prezz tal-fabbrika, il-premessi (51) u (52) tar-Regolament provviżorju huma b'dan ikkonfermati. |
5. Marġnijiet ta’ dumping
(a) Gћall-produtturi esportaturi li kkooperaw u li ngћataw it-TI
(47) |
Importatur wieħed tal-prodott ikkonċernat fl-Unjoni laqa' tajjeb l-impożizzjoni tal-miżuri provviżorji billi dawn kellhom jirrestawraw il-prezz ta’ importazzjoni għal livelli mhux dannużi. Madankollu, huwa qies li differenza ta’ aktar minn 10 % bejn id-dazji varji imposti setgħet tfixkel is-suq. Għalhekk, huwa talab li l-miżuri jiġu rreveduti biex il-kumpanija li ngħatat TI soġġett għar-rata ta’ dazju individwali aktar baxxa ma tkunx tista' tibbenefika minnu. L-importatur stqarr li r-riskju ta’ evażjoni mill-produttur esportatur bir-rata ta’ dazju individwali aktar baxxa kien żdied. Madankollu, l-ebda tagħrif ieħor addizzjonali jew evidenza ma ngħataw biex jiġġustifikaw din il-pretensjoni, u għalhekk ma tqisitx. |
(48) |
Fuq din il-bażi, il-marġnijiet tad-dumping definittivi, espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma:
|
(b) Gћall-produtturi esportaturi l-oћra kollha
(49) |
Billi ma kien hemm l-ebda kumment ieħor fir-rigward tal-marġni tad-dumping, il-premessi (53) sa (57) tar-Regolament provviżorju huma b'dan ikkonfermati. |
(50) |
Fuq din il-bażi, il-livell ta’ dumping mal-pajjiż kollu qed jiġi stabbilit definittivament għal 62,9 % tal-prezz CIF fuq il-fruntiera tal-Unjoni, dazju mhux imħallas, u l-premessa (58) tar-Regolament provviżorju hija b'dan ikkonfermata. |
D. ĦSARA
1. Il-produzzjoni tal-Unjoni
(51) |
Qed jiġi ċċarat li fil-premessa (59) tar-Regolament provviżorju, it-terminu “industrija tal-Unjoni” jirreferi għall-produtturi kollha tal-Unjoni. Billi ma kien hemm l-ebda kumment ieħor li jikkonferma l-produzzjoni tal-Unjoni, il-premessa (60) tar-Regolament provviżorju hija b'dan ikkonfermata. |
2. Il-konsum tal-Unjoni
(52) |
Kif spjegat fil-premessa (9), il-kodiċijiet tan-NM ex 7019 90 91, ex 7019 90 99 u ex 7019 40 00 għandhom jitneħħew mid-deskriżżjoni tal-prodott ikkonċernat. L-esklużjoni ta’ dawn il-kodiċijiet ma biddlitx is-sejbiet fir-rigward tal-konsum tal-Unjoni, inklużi l-importazzjonijiet, li kienu msejsa fuq ċifri li jinsabu fl-ilment, supplementati b'ċifri verifikati miksuba minn kumpaniji li kkooperaw u miċ-ċifri tal-Eurostat. |
(53) |
Billi ma kien hemm l-ebda kumment ieħor dwar il-konsum tal-Unjoni, il-premessi (61) sa (63) tar-Regolament provviżorju huma b'dan ikkonfermati. |
3. Importazzjonijiet mill-pajjiż ikkonċernat
(54) |
Billi ma kien hemm l-ebda kumment ieħor dwar il-volum, il-prezz u s-sehem tas-suq tal-importazzjonijiet li humma l-oġġett ta’ dumping mill-pajjiż ikkonċernat, is-sejbiet imniżżla fil-premessi (64) sa (66) tar-Regolament provviżorju huma b'dan ikkonfermati. |
(55) |
Billi ma kien hemm l-ebda kumment ieħor li jikkonċerna t-twaqqigħ tal-prezzijiet, il-metodoloġija deskritta fil-premessi (67) u (68) tar-Regolament provviżorju biex jiġi stabbilit it-twaqqigħ tal-prezzijiet, inkluż il-kwalità, hija kkonfermata. Madankollu, wara l-eżami individwali mogħti wara l-impożizzjoni ta’ miżuri provviżorji lil grupp wieħed ta’ produtturi esportaturi fir-RPĊ, it-tqabbil tal-prezz ta’ tipi ta’ prodotti simili reġa' gie evalwat. Din ir-rivalutazzjoni kkonfermat li l-importazzjonijiet li huma l-oġġett ta’ dumping mir-RPĊ kienu qegħdin iwaqqgħu l-prezzijiet tal-industrija tal-Unjoni bi 30-35 % matul il-PI. |
4. Il-qagħda tal-industrija tal-Unjoni
(56) |
Billi ma kien hemm l-ebda kumment ieħor rigward il-qagħda tal-industrija tal-Unjoni, il-premessi (69) sa (84) tar-Regolament provviżorju huma b'dan ikkonfermati. |
5. Il-konklużjoni dwar il-ħsara
(57) |
Billi ma kien hemm l-ebda kumment ieħor rigward il-konklużjoni dwar il-ħsara, il-premessi (85) sa (87) tar-Regolament provviżorju huma b'dan ikkonfermati. |
E. KAWŻALITÀ
1. Effetti tal-importazzjonijiet li huma l-oġġett ta’ dumping
(58) |
Billi ma kien hemm l-ebda kumment ieħor rigward l-effetti tal-importazzjonijiet li huma l-oġġett ta’ dumping, il-premessi (89) sa (91) tar-Regolament provviżorju huma b'dan ikkonfermati. |
2. Effetti ta’ fatturi oħra
(59) |
Billi ma kien hemm l-ebda kumment ieħor dwar l-effetti ta’ fatturi oħra, il-premessi (92) sa (96) tar-Regolament provviżorju huma b'dan ikkonfermati. |
3. Il-konklużjoni dwar il-kawżalità
(60) |
Billi ma kien hemm l-ebda kumment ieħor rigward il-konklużjoni dwar il-kawżalità, il-premessi (97) sa (99) tar-Regolament provviżorju huma b'dan ikkonfermati. |
F. L-INTERESS TAL-UNJONI
1. L-interess tal-industrija tal-Unjoni
(61) |
Billi ma kien hemm l-ebda kumment ieħor fir-rigward tal-interess tal-industrija tal-Unjoni, il-premessi (101) sa (103) tar-Regolament provviżorju huma b'dan ikkonfermati. |
2. L-interess tal-importaturi
(62) |
Billi ma kienx hemm kummenti dwar l-interess tal-importaturi, ġie konkluż li l-impożizzjoni ta’ miżuri definittivi fuq l-importazzjonijiet tal-prodott ikkonċernat ma tmurx kontra l-interess tal-importaturi. |
3. L-interess tal-utenti u tal-konsumaturi
(63) |
Qed jitfakkar li fl-istadju provviżorju tal-investigazzjoni ma waslet l-ebda kooperazzjoni tal-utenti jew tal-organizzazzjonijiet tal-konsumaturi. Wara l-pubblikazzjoni tar-Regolament provviżorju, assoċjazzjoni waħda tal-utenti ressqet xi kummenti. Madankollu, il-kummenti kienu jindirizzaw biss l-impatt negattiv potenzjali tal-impożizzjoni tal-miżuri fuq id-diski tal-fibreglass, kemm-il darba dawn ma jiġux esklużi mill-ambitu tal-prodotti. Kif deskritt fil-premessa (15) qed jitqies li d-diski tal-fibreglass għandhom jiġu esklużi mill-ambitu tal-prodotti. Għalhekk, l-impożizzjoni ta’ miżuri anti-dumping definittivi mhux se jkollha impatt negattiv fuq l-utenti tad-diski tal-fibreglass. |
(64) |
Billi ma kien hemm l-ebda kumment ieħor dwar l-interess tal-utenti u tal-konsumaturi, ġie konkluż li l-impożizzjoni ta’ miżuri definittivi fuq l-importazzjonijiet tal-prodott ikkonċernat ma tmurx kontra l-interess tagħhom. |
4. Il-konklużjoni dwar l-interess tal-Unjoni
(65) |
Fuq il-bażi ta’ dan ta’ hawn fuq, ġie konkluż li ma hemm l-ebda raġuni valida kontra l-impożizzjoni ta’ dazji anti-dumping definittivi fuq l-importazzjonijiet ta’ drappijiet b'malja miftuħa tal-fibri tal-ħġieġ li joriġinaw mir-RPĊ. |
G. MIŻURI ANTI-DUMPING DEFINITTIVI
1. Il-livell ta’ eliminazzjoni tal-ħsara
(66) |
Barra l-iżvelar provviżorju, produttur esportatur Ċiniż wieħed stqarr li ma kienx ipprovdut b'dejta dettaljata biżżejjed dwar il-kalkoli ta’ marġni ta’ ħsara tiegħu billi d-dejta dwar il-volumi, il-valuri u l-prezzijiet tal-industrija tal-Unjoni għal kull tip ta’ prodott ma kinetx żvelata. Il-kumpanija stqarret li billi l-kampjun kien jikkonsisti minn erba' produtturi tal-Unjoni dan it-tagħrif ma setax jitqies bħala kunfidenzjali. Madankollu, għandu jiġi nnotat li xi tipi ta’ prodotti nbigħu fil-PI minn għadd limitat ħafna ta’ produtturi tal-Unjoni. Għalhekk kien qed jitqies prudenti li ma jigux żvelati prezzijiet, volumi u valuri ta’ dawn it-tranżazzjonijiet. Barra minn hekk, l-iżvelar taċ-ċifri ddettaljati għall kull tip ta’ prodott mhuwiex meqjus meħtieġ biex il-partijiet ikunu jistgħu jifhmu biżżejjed il-metodoloġija ta’ kalkolu u r-riżultat tal-kalkolu. |
(67) |
L-istess produttur esportatur Ċiniż kellu dubji dwar il-profitt fil-mira użat fil-kalkolu tal-marġni ta’ ħsara, b'mod partikolari l-fatt li l-profitt fil-mira kien identiku għall-marġni ta’ profitt medju ppeżat tal-industrija tal-Unjoni matul il-PI. Huwa kellu dubji wkoll dwar l-użu tad-dejta mill-produtturi tal-Unjoni fil-kampjun fl-istabbiliment tal-profitt fil-mira kuntrarju għal dejta li tirreferi għall-industrija tal-Unjoni b'mod ġenerali. Fl-aħħar, huwa wera dubbji dwar il-livell tal-profitt fil-mira użat meta mqabbel ma’ dak użat f'investigazzjoni oħra reċenti li tikkonċerna settur ta’ prodott relatat mill-qrib. |
(68) |
Kif spjegat fil-premessa (112) tar-Regolament provviżorju il-profitt fil-mira jirrifletti l-profitt medju miksub mill-industrija tal-Unjoni fis-snin 2006-2007 waqt li l-profitt medju ppeżat fil-PI ġie kkalkolat fuq id-dejta tal-erba' kumpaniji fil-kampjun. Barra dan, kif spjegat fil-premessa (79) tar-Regolament provviżorju dan il-profitt ma kkunsidrax l-ispejjeż straordinarji ta’ ristruzzjoni li ġew irrappurtati minn xi wħud mill-produtturi fil-kampjun. Huwa għalhekk b'kumbinazzjoni li dawn iż-żewġ ċifri ta’ profitt huma identiċi. |
(69) |
Rigward il-kwistjoni ta’ liema dejta għandha tintuża biex jiġi ddeterminat il-profitt fil-mira, wieħed għandu jinnota li meta jittieħdu l-kampjuni, il-livell ta’ profitt huwa wieħed mill-indikaturi mikro tal-analiżi tal-ħsara. Konsegwentement, iċ-ċifra stabbilita għall-kampjun titqies bħala rappreżentattiva għall-industrija tal-Unjoni b'mod ġenerali. F'investigazzjoni fejn jittieħdu l-kampjuni, il-profitt fil-mira użat għall-kalkolu tal-marġni ta’ ħsara huwa dejjem imsejjes fuq dejta miġbura minn kumpaniji fil-kampjun. |
(70) |
Fl-aħħar, rigward ir-referenza li saret għall-profitt ta’ mira użat f'investigazzjoni oħra ta’ anti-dumping, għandu jkun enfasizzat li s-sejbiet u l-konklużjonijiet ta’ kull investigazzjoni huma msejsa fuq id-dejta miġbura mill-kumpaniji ta’ kull investigazzjoni li jkunu kkooperaw, għal deskrizzjoni speċifika ta’ prodott u għal perjodu ta’ żmien. Għalhekk huwa impossibbli li wieħed jorbot b'mod dirett is-sejbiet ta’ dawn iż-żewġ investigazzjonijiet separati ma’ żewġ PI differenti. |
(71) |
Rigward il-livell ta’ eliminazzjoni ta’ ħsara, minħabba fil-korrezzjoni ta’ żball tal-pinna fil-kalkolu tal-marġni ta’ ħsara provviżorju li jikkonċerna produttur esportatur wieħed, il-marġni tiegħu ġie aġġustat aktar 'il fuq. Dan il-fatt madankollu ma jaffettwax il-livell ta’ dazju anti-dumping ta’ din il-kumpanija billi d-dazju huwa msejjes fuq il-marġni ta’ dumping. |
(72) |
Għandha wkoll tinġibed l-attenzjoni lejn il-fatt li minħabba li ngħata TI lil grupp ieħor ta’ produtturi esportaturi Ċiniżi kif spjegat fil-premessa (32), ġie kkalkolat marġni ta’ ħsara individwali għalihom. |
(73) |
B'konsegwenza tar-reviżjonijiet imsemmija fil-premessa (71) ġie rrevedut il-marġni ta’ ħsara medju ppeżat għall-produtturi esportaturi li kkooperaw u li mhumiex inklużi fil-kampjun kif ukoll il-marġni residwali ta’ ħsara għall-produtturi li ma kkooperawx. |
(74) |
Fuq din il-bażi, il-marġnijiet ta’ ħsara definittiva espressi bћala perċentwali tal-prezz CIF fuq il-fruntiera tal-Unjoni, bid-dazju mhux imħallas, huma:
|
2. Miżuri definittivi
(75) |
Fid-dawl ta’ dan ta’ hawn fuq, qed jitqies li, skont l-Artikolu 9(4) tar-Regolament bażiku, għandhom jiġu imposti miżuri ta’ anti-dumping definittivi fir-rigward tal-importazzjonijiet tal-prodott ikkonċernat fil-livell aktar baxx tal-marġnijiet ta’ dumping u ta’ ħsara, skont ir-regola dwar id-dazju iżjed baxx. B'konformità ma’ dan, ir-rati kollha tad-dazju għandhom jiġu stabbiliti fil-livell tal-marġnijiet ta’ dumping li nstabu. |
(76) |
Id-dazji tal-anti-dumping proposti huma dawn li ġejjin:
|
(77) |
Ir-rati tad-dazju anti-dumping ta’ kumpanija individwali speċifikati f'dan ir-Regolament ġew stabbiliti abbażi tas-sejbiet ta’ din l-investigazzjoni. Għalhekk, dawn jirriflettu kif kienet il-qagħda matul din l-investigazzjoni fir-rigward ta’ dawn il-kumpaniji. Dawn ir-rati tad-dazju (għall-kuntrarju tad-dazju għall-pajjiż kollu applikabbli għall-“kumpaniji l-oħrajn kollha”) huma għalhekk applikabbli esklużivament għall-importazzjonijiet ta’ prodotti li joriġinaw fir-Repubblika Popolari taċ-Ċina u li jiġu prodotti mill-kumpaniji u għalhekk mill-entitajiet legali speċifiċi msemmija. Il-prodotti impurtati prodotti minn kwalunkwe kumpanija oħra mhux imsemmija b'mod speċifiku fil-parti operattiva ta’ dan ir-Regolament b'isimha u l-indirizz tagħha, inklużi l-entitajiet relatati ma’ dawk imsemmija b'mod speċifiku, ma jistgħux jibbenefikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħrajn kollha”. |
(78) |
Kwalunkwe talba għall-applikazzjoni ta’ rata ta’ dazju ta’ anti-dumping għal kumpanija individwali (eż. wara bidla fl-isem tal-entità jew wara l-istabbiliment ta’ entitajiet ġodda ta’ produzzjoni jew ta’ bejgħ) għandha tiġi indirizzata lill-Kummissjoni (3) minnufih flimkien mat-tagħrif rilevanti kollu, b'mod partikolari kwalunkwe modifika fl-attivitajiet tal-kumpanija marbuta mal-produzzjoni, il-bejgħ domestiku u b'esportazzjoni assoċjat ma', pereżempju, dik il-bidla fl-isem jew dik il-bidla fl-entitajiet ta’ produzzjoni u ta’ bejgħ. Jekk ikun xieraq, ir-Regolament jiġi mbagħad emendat skont dan billi tiġi aġġornata l-lista ta’ kumpaniji li jgawdu minn rati ta’ dazju individwali. |
(79) |
Il-partijiet kollha ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom kien maħsub li tiġi rrakkomandata l-impożizzjoni ta’ dazji anti-dumping definittivi. Huma ngħataw ukoll perjodu li fih setgħu jagħmlu rappreżentazzjonijiet wara l-iżvelar finali. Il-kummenti sottomessi mill-partijiet kienu kkunsidrati sew, u, fejn kien xieraq, is-sejbiet kienu modifikati skont dan. |
(80) |
Il-grupp taż-żewġ kumpaniji relatati li talbu eżami individwali u li ngħata TI esprima l-intenzjoni tiegħu li joffri garanzija. Madankollu, il-grupp ma bagħat l-ebda offerta għal garanzija fil-limitu ta’ żmien stipulat fl-Artikolu 8(2) tar-Regolament bażiku u għalhekk ma setax jiġi kkunsidrat. |
(81) |
Sabiex jiġi żgurat l-istess trattament bejn kwalunkwe esportatur ġdid u l-kumpaniji li jikkooperaw mhux inklużi fil-kampjun, imsemmija fl-Anness ta’ dan ir-Regolament, id-dazju medju ppeżat impost fuq dawn il-kumpaniji tal-aħħar għandu jiġi previst sabiex jiġi applikat għal kwalunkwe esportatur ġdid li nkella jkollu dritt għal reviżjoni skont l-Artikolu 11(4) tar-Regolament bażiku billi dak l-Artikolu ma japplikax fejn ikun sar it-teħid tal-kampjuni. |
3. Il-ġbir definittiv ta’ dazji provviżorji
(82) |
Fid-dawl tal-kobor tal-marġnijiet tad-dumping misjuba u fid-dawl tal-livell tal-ħsara kkawżata lill-industrija tal-Unjoni, huwa kkunsidrat neċessarju li l-ammonti garantiti permezz tad-dazju provviżorju tal-anti-dumping, imposti bir-Regolament provviżorju, jinġabru b'mod definittiv sakemm jintlaħaq l-ammont tad-dazji definittivi imposti. Peress li d-diski tal-fibreglass issa huma esklużi mill-ambitu tal-prodott (ara l-premessa (15)), l-ammonti garantitit b'mod provviżorju fuq importazzjonijiet tal-fibreglass għandhom jiġu rilaxxati. Fejn id-dazji definittivi jkunu aktar baxxi mid-dazji provviżorji, l-ammonti garantiti b'mod provviżorju li jkunu ogħla mir-rata definittiva ta’ dazji anti-dumping għandhom jiġu rilaxxati. |
ADOTTA DAN IR-REGOLAMENT:
Artikolu 1
1. B'dan, qed jiġi impost dazju ta’ anti-dumping definittiv fuq l-importazzjonijiet tad-drappijiet b'malja miftuħa tal-fibra tal-ħġieġ, ta’ daqs ta’ ċellola ta’ aktar minn 1,8 mm kemm fit-tul kif ukoll fil-wisgħa u li tiżen aktar minn 35 g/m2, esklużi d-diski tal-fibreglass, li bħalissa jinsabu fil-kodiċijiet tan-NM ex 7019 51 00 u ex 7019 59 00 (il-kodiċijiet tat-TARIC 7019510010 u 7019590010) u li joriġinaw mir-Repubblika Popolari taċ-Ċina.
2. Ir-rata tad-dazju ta’ anti-dumping definittiv applikabbli għall-prezz nett, ħieles fil-fruntiera tal-Unjoni, qabel id-dazju, tal-prodott deskritt fil-paragrafu 1 u prodott mill-kumpaniji ta’ hawn taħt għandha tkun kif ġej:
Kumpanija |
Dazju (%) |
Kodiċi addizzjonali TARIC |
Yuyao Mingda Fiberglass Co., Ltd |
62,9 |
B006 |
Grand Composite Co., Ltd u l-kumpanija relatata tagħha Ningbo Grand Fiberglass Co., Ltd |
48,4 |
B007 |
Yuyao Feitian Fiberglass Co., Ltd |
60,7 |
B122 |
Kumpaniji elenkati fl-Anness I |
57,7 |
B008 |
Il-kumpaniji l-oħrajn kollha |
62,9 |
B999 |
3. L-applikazzjoni tar-rati individwali tad-dazju speċifikati gћall-kumpaniji msemmija fil-paragrafu 2 gћandha sseћћ bil-kundizzjoni li tkun ippreżentata lill-awtoritajiet doganali tal-Istati Membri fattura kummerċjali valida, li għandha tkun konformi mar-rekwiżiti stabbiliti fl-Anness II. Jekk l-ebda tali fattura ma tiġi ppreżentata, japplika d-dazju applikabbli għall-kumpaniji l-oħrajn kollha.
4. Sakemm ma jkunx speċifikat mod ieħor, id-dispożizzjonijiet fis-seħħ dwar id-dazji doganali għandhom japplikaw.
Artikolu 2
1. L-ammonti garantiti bħala dazju ta’ anti-dumping provviżorju skont ir-Regolament tal-Kummissjoni (UE) Nru 138/2011 fuq l-importazzjoni ta’ diski tal-fibreglass li joriġinaw mir-Repubblika Popolari taċ-Ċina għandhom jiġu rilaxxati fuq talba.
2. L-ammonti garantiti bħala dazju ta’ anti-dumping provviżorju skont ir-Regolament tal-Kummissjoni (UE) Nru 138/2011 fuq l-importazzjoni ta’ ċerti drappijiet b'malja miftuħa tal-fibra tal-ħġieġ li joriġinaw mir-Repubblika Popolari taċ-Ċina għandhom jinġabru definittivament sakemm dan jikkonċerna prodotti li attwalment jinsabu fil-kodiċijiet NM ex 7019 51 00 u ex 7019 59 00. L-ammonti garantiti b'eċċess tar-rati ta’ dazju anti-dumping definittivi għandhom jiġu rilaxxati, inklużi l-ammonti li kienu jkunu garantiti għal prodotti li attwalment jinsabu fil-kodiċijiet NM ex 7019 40 00, ex 7019 90 91 u ex 7019 90 99.
Artikolu 3
Fejn kwalunkwe produttur esportatur ġdid fir-Repubblika Popolari taċ-Ċina jipprovdi evidenza biżżejjed lill-Kummissjoni li:
— |
ma jkunx esporta lejn l-Unjoni l-prodott deskritt fl-Artikolu 1(1) matul il-perjodu ta’ investigazzjoni (mill-1 ta’ April 2009 sat-30 ta’ Marzu 2010), |
— |
ma jkun relatat mal-ebda wieħed mill-esportaturi jew produtturi fir-Repubblika Popolari taċ-Ċina li huma soġġetti għall-miżuri imposti minn dan ir-Regolament, |
— |
li effettivament esporta lejn l-Unjoni l-prodott ikkonċernat wara l-perjodu tal-investigazzjoni li fuqu huma bbażati l-miżuri, jew li jkun daħal f'obbligu kuntrattwali irrevokabbli sabiex jesporta kwantità sinifikanti lejn l-Unjoni, |
il-Kunsill, waqt li jaġixxi b'maġġoranza sempliċi dwar proposta mressqa mill-Kummissjoni wara li jkun ikkonsulta l-Kumitat Konsultattiv, jista' jemenda l-Artikolu 1(2) billi jżid il-produttur esportatur il-ġdid mal-kumpaniji li jikkooperaw mhux inklużi fil-kampjun u għalhekk soġġetti għar-rata tad-dazju medja ppeżata ta’ 57,7 %.
Artikolu 4
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Awwissu 2011.
Għall-Kunsill
Il-President
M. DOWGIELEWICZ
(1) ĠU L 343, 22.12.2009, p. 51.
(3) European Commission, Directorate-General for Trade, Directorate H, Office N105 04/090, 1049 Brussels, Belgium.
ANNESS I
PRODUTTURI ESPORTATURI ĊINIŻI LI KKOOPERAW, MHUX INKLUŻI FIL-KAMPJUN (IL-KODIĊI ADDIZZJONALI TARIC B008)
|
Jiangxi Dahua Fiberglass Group Co., Ltd |
|
Lanxi Jialu Fiberglass Net Industry Co., Ltd |
|
Cixi Oulong Fiberglass Co., Ltd |
|
Jiangsu Tianyu Fibre Co., Ltd |
|
Jia Xin Jinwei Fiber Glass Products Co., Ltd |
|
Jiangsu Jiuding New Material Co., Ltd |
|
Changshu Jiangnan Glass Fiber Co., Ltd. |
|
Shandong Shenghao Fiber Glass Co., Ltd |
|
Yuyao Yuanda Fiberglass Mesh Co., Ltd |
|
Ningbo Kingsun Imp & Exp Co., Ltd |
|
Ningbo Integrated Plasticizing Co., Ltd |
|
Nankang Luobian Glass Fibre Co., Ltd |
|
Changshu Dongyu Insulated Compound Materials Co., Ltd |
ANNESS II
Fuq il-fattura kummerċjali valida msemmija fl-Artikolu 1(3), għandu jkun hemm dikjarazzjoni ffirmata minn uffiċjal tal-entità li toħroġ il-fattura kummerċjali, fil-format li ġej:
1. |
L-isem u l-kariga tal-uffiċjal tal-entità li qed joħroġ il-fattura kummerċjali. |
2. |
Id-dikjarazzjoni li ġejja: “Jiena, hawn taћt iffirmat, niċċertifika li (l-volum) ta’ drappijiet b'malja miftuħa tal-fibra tal-ħġieġ li nbiegћ gћall-esportazzjoni fl-Unjoni Ewropea u li huwa kopert b'din il-fattura ġie manifatturat minn (l-isem u s-sede reġistrata tal-kumpanija) (il-kodiċi addizzjonali TARIC) fir-Repubblika Popolari taċ-Ċina. Niddikjara li t-tagħrif mogħti f'din il-fattura huwa sħiħ u korrett. Data u firma” |
9.8.2011 |
MT |
Il-Ġurnal Uffiċjali tal-Unjoni Ewropea |
L 204/11 |
REGOLAMENT TA’ IMPLIMENTAZZJONI TAL-KUNSILL (UE) Nru 792/2011
tal-5 ta’ Awwissu 2011
li jimponi dazju anti-dumping definittiv u jiġbor b’mod definittiv id-dazju provviżorju impost fuq l-importazzjonijiet ta’ ċerti mekkaniżmi tal-illegar bl-anelli li joriġinaw mit-Tajlandja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b’mod partikolari l-Artikolu 9 (4) tiegħu,
Wara li kkunsidra l-proposta mressqa mill-Kummissjoni Ewropea (“il-Kummissjoni”) wara konsultazzjoni mal-Kumitat Konsultattiv,
Billi:
1. IL-MIŻURI PROVVIŻORJI
(1) |
Il-Kummissjoni, bir-Regolament (UE) Nru 118/2011 tal-10 ta’ Frar 2011 (2) (“ir-Regolament provviżorju”) imponiet dazju provviżorju ta’ anti-dumping fuq l-importazzjonijiet ta’ ċerti mekkaniżmi tal-illegar bl-anelli li joriġinaw mit-Tajlandja. |
(2) |
Il-proċediment inbeda bħala riżultat ta’ ilment li ġie sottomess fis-6 ta’ April 2010 minn Ring Alliance Ringbuchtechnik GmbH (“il-kwerelant”) f’isem produtturi li jirrappreżentaw proporzjon kbir, f’dan il-każ ta’ aktar minn 50 %, tal-produzzjoni totali tal-Unjoni ta’ ċerti mekkaniżmi tal-illegar bl-anelli (“RBM”). L-ilment kien jinkludi evidenza prima facie ta’ dumping tal-prodott imsemmi u ta’ ħsara materjali li tirriżulta minnu, li kienet meqjusa bħala biżżejjed biex tiġġustifika l-bidu ta’ proċediment. |
(3) |
Huwa mfakkar li, kif stipulat fil-premessa (7) tar-Regolament provviżorju, l-investigazzjoni ta’ dumping u ħsara kopriet il-perjodu mill-1 ta’ April 2009 sal-31 ta’ Marzu 2010 (“il-perjodu ta’ investigazzjoni” jew “il-PI”). L-eżami tat-tendenzi rilevanti għall-valutazzjoni tal-ħsara kopra l-perjodu mill-1 ta’ Jannar 2006 sal-aħħar tal-perjodu tal-investigazzjoni (“il-perjodu ta’ investigazzjoni tal-ħsara”). |
2. IL-PROĊEDURA SUSSEGWENTI
(4) |
Wara l-iżvelar tal-fatti u l-kunsiderazzjonijiet essenzjali, li fuq il-bażi tagħhom kien deċiż li jiġu imposti miżuri provviżorji anti-dumping (“l-iżvelar provviżorju”), għadd ta’ partijiet interessati ressqu sottomissjonijiet bil-miktub biex jesprimu l-fehmiet tagħhom dwar is-sejbiet provviżorji. Il-partijiet li talbu biex jinstemgħu, b’mod partikolari żewġ importaturi u l-produttur mit-Tajlandja, ingħataw l-opportunità li jagħmlu dan. |
(5) |
Il-Kummissjoni kompliet tfittex u tivverifika l-informazzjoni kollha li hija qieset bħala meħtieġa għas-sejbiet definittivi tagħha fir-rigward tad-dumping, il-ħsara, il-kawżalità u l-interess tal-Unjoni. Minbarra l-verifiki msemmija fil-premessa (6) tar-Regolament provviżorju, twettqet verifika oħra fil-bini ta’ Rima Benelux Holding BV, l-uniku utent li kkoopera fl-investigazzjoni billi wieġeb għal kwestjonarju tal-utenti. |
(6) |
Il-partijiet kollha kienu infurmati bil-fatti u l-kunsiderazzjonijiet essenzjali, li fuq il-bażi tagħhom kien maħsub li tiġi rrakkomandata l-impożizzjoni ta’ dazju definittiv ta’ anti-dumping fuq importazzjonijiet ta’ ċerti mekkaniżmi tal-illegar bl-anelli li joriġinaw mit-Tajlandja u l-ġbir definittiv tal-ammonti assigurati permezz tad-dazju provviżorju. Huma ngħataw ukoll perjodu ta’ żmien li matulu setgħu jagħmlu rappreżentazzjonijiet wara li dan ġie żvelat. |
(7) |
Il-kummenti orali u bil-miktub sottomessi mill-partijiet interessati kienu kkunsidrati u meqjusa fejn xieraq. |
3. IL-PRODOTT IKKONĊERNAT U L-PRODOTT SIMILI
(8) |
Fin-nuqqas ta’ kummenti dwar il-prodott ikkonċernat u l-prodott simili, il-premessi (8) sa (11) tar-Regolament provviżorju huma b’dan ikkonfermati. |
4. DUMPING
4.1. Valur Normali
(9) |
Huwa mfakkar li, kif spjegat fil-premessa (14) tar-Regolament provviżorju, fl-investigazzjoni kkoopera biss produttur esportatur wieħed mit-Tajlandja u li l-esportazzjonijiet tiegħu lejn l-Unjoni matul il-PI kienu jammontaw għall-esportazzjonijiet kollha mit-Tajlandja lejn l-Unjoni. Il-produttur esportatur u importatur wieħed mhux relatat li kkoopera sostnew li l-espert estern indipendenti li għen lill-Kummissjoni matul iż-żjara fuq il-post lill-produttur esportatur għamel xi żbalji ta’ kalkolu fir-rapport tiegħu. Wieħed mill-kompiti tal-espert kien li jeżamina l-proċess tal-kisi bin-nikil u l-ammont ta’ materja prima kkonsmata mill-produttur esportatur fil-fażijiet differenti tal-produzzjoni. Kif imsemmi fil-premessa (15) tar-Regolament provviżorju, l-investigazzjoni żvelat li l-produttur esportatur ipprovda informazzjoni inkompleta u żbaljata fir-rigward tal-elementi sinifikanti tal-ispiża tal-produzzjoni tiegħu u materja prima oħra. L-allegazzjonijiet magħmula mill-produttur esportatur u minn importatur rigward l-iżbalji ta’ kalkolu fir-rapport tal-espert kienu eżaminati mill-Kummissjoni u ġie konkluż li dawn ma kinux fondati. Għalhekk, is-sejbiet kif stabbiliti fil-premessa (15) tar-Regolament provviżorju huma kkonfermati. |
(10) |
Il-produttur esportatur u importatur ikkontestaw ukoll is-sejbiet provviżorji kif stabbiliti fil-premessi (19) sa (20) tar-Regolament provviżorju. B’mod partikolari, huma sostnew li l-metodoloġija użata għad-determinazzjoni provviżorja tal-valur normali għal tipi oħrajn għajr dawk li għalihom kien stabbilit valur normali speċifiku kienet esaġerata, minħabba li hija kienet ibbażata inġustament fuq medja aritmetika tal-valuri normali. Il-Kummissjoni aċċettat it-talba, aġġustat il-metodoloġija u rrevediet il-kalkolu tal-valuri normali għal dawn it-tipi l-oħrajn billi kkunsidrat it-taħlita ta’ prodotti tal-produttur Tajlandiż, li b’mod aktar preċiż tirrifletti s-sitwazzjoni tiegħu. |
(11) |
Il-produttur esportatur kompla jsostni li r-rati użati għall-ispejjeż tal-bejgħ, l-ispejjeż ġenerali u l-ispejjeż amministrattivi (SGA) u l-marġni ta’ profitt ta’ 16 % u 8 % rispettivament kienu għoljin wisq. Il-produttur esportatur sostna li r-rata SGA ma għandhiex taqbeż it-12,59 %, li tirrifletti l-SGA tiegħu minbarra l-ispejjeż tal-merkanzija interni. |
(12) |
Huwa mfakkar li, kif deskritt fil-premessi (15) sa (17) tar-Regolament provviżorju, il-produttur esportatur ma kkooperax fl-investigazzjoni u konsegwentement ma pprovda l-ebda dejta dwar l-ispejjeż SGA totali tiegħu. Taħt dawn iċ-ċirkostanzi u minħabba l-fatt li ma ġietx ipprovduta aktar informazzjoni dwar l-ispejjeż SGA totali tal-kumpanija, ġie deċiż li hija għandha tkompli tiddependi fuq l-informazzjoni disponibbli fl-ilment. Barra minn hekk, fid-dawl tal-informazzjoni disponibbli u sakemm din tkun tista’ tiġi vverifikata, rata SGA ta’ 16 % kienet meqjusa bħala waħda raġonevoli. Għalhekk, it-talba ġiet irrifjutata. |
(13) |
Il-produttur esportatur sostna li l-livell ta’ profitt ta’ 8 % użat fil-kalkolu provviżorju kien għoli wisq u minflok, kellu jintuża livell ta’ profitt ta’ 5 %. L-argumenti mressqa kienu, l-ewwel nett, li ntuża livell ta’ profitt ta’ 5 % għall-profitt fil-mira fl-analiżi tal-ħsara u, it-tieni, livell ta’ profitt ta’ 5 % ikun konformi mal-investigazzjonijiet preċedenti dwar l-istess prodott. Fir-rigward tal-ewwel argument, il-Kummissjoni innotat li d-determinazzjoni ta’ profitt fil-mira għall-industrija tal-Unjoni u l-livell ta’ profitt użat għad-determinazzjoni ta’ valur normali ma jsegwux l-istess loġika u għalhekk, ma għandhomx għalfejn ikunu l-istess. Fir-rigward tat-tieni argument, il-Kummissjoni qablet li kien hemm xi raġunijiet validi għall-użu tal-istess livell ta’ profitt bħal fl-investigazzjonijiet preċedenti dwar l-istess prodott u ddeċidiet li taċċetta din it-talba u li tbiddel il-livell ta’ profitt użat fil-kalkolu tal-valuri normali, kif xieraq. |
(14) |
Wara l-iżvelar finali, l-industrija tal-Unjoni u l-produttur esportatur ippreżentaw xi kummenti. L-industrija tal-Unjoni ma qablitx mal-korrezzjoni li saret fir-rigward tal-marġni tal-profitt, filwaqt li sostniet li rata ta’ profitt ta’ 5 % ma tkunx biżżejjed sabiex jiġu koperti r-rekwiżiti tal-profittabbiltà tat-tliet kumpaniji relatati involuti fil-produzzjoni u l-bejgħ tal-prodott ikkonċernat, iżda mingħajr ma pprovdiet argumenti sostanzjali oħrajn. Għalhekk, it-talba ġiet irrifjutata. |
(15) |
Il-produttur esportatur sostna li l-ispiża għad-deprezzament, il-bini u l-assigurazzjoni użata fil-kalkolu tal-valur normali ta’ tip wieħed ma kinitx l-istess bħal dik li ntużat għat-tipi l-oħrajn u li l-istess ċifra għandha tapplika għat-tipi kollha. Il-Kummissjoni vverifikat l-allegazzjoni u tabilħaqq sabet żball fil-kalkolu. Madankollu, għall-kuntrarju tal-allegazzjoni tal-produttur esportatur, instab li l-iżball kien sar fil-kalkolu tal-valur normali tat-tipi l-oħrajn. Għaldaqstant, saret korrezzjoni fil-valur normali għat-tipi l-oħrajn, kif xieraq. |
(16) |
Il-produttur esportatur sostna wkoll li l-valuri normali għal tipi oħrajn għajr dawk li għalihom ġie stabbilit valur normali speċifiku ma kkunsidrawx kompletament it-taħlita ta’ prodotti attwali tal-produttur esportatur. F’dan ir-rigward, il-produttur esportatur tenna t-talba tiegħu li għandha tintuża medja peżata tal-valuri normali għat-tipi l-oħrajn, sabiex tkun riflessa t-taħlita ta’ prodotti attwali tal-produttur esportatur. Kif imsemmi fil-premessa (10) aktar ’il fuq, il-Kummissjoni qablet li tirrevedi l-kalkolu tal-valuri normali għal dawn it-tipi l-oħrajn sabiex tikkunsidra t-taħlita ta’ prodotti attwali tal-produttur Tajlandiż u, irrispettivament mill-volumi tal-bejgħ attwali għal kull tip, ġie kkalkolat valur normali għal RBM żgħar, medji u kbar. Madankollu, il-Kummissjoni rrifjutat l-argument li, minbarra dan, għandu jiġi kkunsidrat fattur importanti bbażat fuq il-bejgħ tal-esportatur lejn l-Unjoni fin-nuqqas ta’ raġunijiet issostanzjati. |
(17) |
Barra minn hekk, il-produttur esportatur sostna li l-metodu tal-Kummissjoni għall-kalkolu tal-NV fuq il-bażi tat-tul tal-mekkaniżmi tal-illegar bl-anelli kien impreċiż u inkomplet u ppropona metodu ġdid għall-kalkolu tal-medji, li jikkunsidra t-tulijiet varji tagħhom b’mod aktar preċiż. Kif spjegat fil-premessa (16) hawn fuq, il-Kummissjoni kkalkolat valur normali għal tipi oħrajn għajr dawk li għalihom kien stabbilit valur normali speċifiku u kkalkolat valuri normali li jirriflettu RBM żgħar, medji u kbar. Il-kalkolu tal-esportatur instab li kellu xi nuqqasijiet u orjentat lejn ir-riżultati. Għalhekk, it-talba ġiet miċħuda. |
(18) |
Minbarra l-bidliet imsemmija hawn fuq u fin-nuqqas ta’ kummenti oħrajn, il-kontenut tal-premessi (15) sa (20) tar-Regolament provviżorju dwar l-istabbiliment tal-valur normali huwa b’hekk ikkonfermat definittivament. |
4.2. Il-prezz tal-esportazzjoni u t-tqabbil
(19) |
Il-produttur esportatur sostna li l-munita użata għall-komputazzjoni tal-ispejjeż tat-trasport fil-kalkolu tad-dumping ma kinitx dik korretta. Il-Kummissjoni aċċettat din it-talba. |
(20) |
Fin-nuqqas ta’ kummenti oħrajn, il-kontenut tal-premessi (21) sa (24) tar-Regolament provviżorju dwar l-istabbiliment tal-prezzijiet tal-esportazzjoni u t-tqabbil tal-prezzijiet tal-esportazzjoni mal-valur normali rispettiv huwa b’dan ikkonfermat definittivament. |
4.3. Il-marġni tad-dumping
(21) |
Il-produttur esportatur sostna li l-kalkolu tal-marġni tad-dumping ma kkunsidrax il-valur normali speċifiku għaż-żewġ tipi. Din it-talba kienet aċċettata u emendata kif xieraq. |
(22) |
Fid-dawl tal-bidliet imsemmija fuq fil-kalkolu tal-valur normali u t-tqabbil, u wara korrezzjoni tal-iżball fil-kalkolu rigward il-prezz tal-esportazzjoni msemmi fuq, l-ammont tad-dumping li finalment ġie stabbilit, espress bħala perċentwal tal-prezz CIF fil-fruntiera tal-Unjoni, dazju mhux imħallas, huwa kif ġej:
|
(23) |
Billi l-produttur esportatur li kkoopera kien responsabbli għall-esportazzjonijiet kollha tal-prodott ikkonċernat mit-Tajlandja lejn l-Unjoni, kien ikkunsidrat li l-marġni residwali tad-dumping għandu jiġi stabbilit fil-livell tal-marġni tad-dumping misjub għal dan il-produttur esportatur li kkoopera, jiġifieri 16,3 %. |
5. ID-DEFINIZZJONI TAL-INDUSTRIJA TAL-UNJONI
(24) |
Fin-nuqqas ta’ kummenti dwar id-definizzjoni tal-industrija tal-Unjoni, is-sejbiet stabbiliti fil-premessi (28) sa (32) tar-Regolament provviżorju huma b’dan ikkonfermati. |
6. IL-ĦSARA
6.1. Il-konsum fl-Unjoni u l-importazzjonijiet mit-Tajlandja
(25) |
Il-produttur mit-Tajlandja u bosta importaturi kellhom dubji dwar it-tendenzi fil-konsum tal-Unjoni stabbiliti fir-Regolament provviżorju. B’mod partikolari, huma sostnew li l-konsum naqas b’rata ogħla milli kien stabbilit b’mod provviżorju (b’madwar 30 %). Huma talbu wkoll għal kjarifiki dwar il-metodoloġija segwita mill-Kummissjoni sabiex tistabbilixxi l-konsum, minħabba li l-RBM hija inkluża f’intestatura ta’ tariffa doganali li tinkludi prodotti oħrajn. |
(26) |
Ta’ min isemmi li għalkemm dawn il-partijiet interessati kkontestaw is-sejbiet relatati mal-konsum, huma ma pprovdew l-ebda evidenza jew ċifra ta’ sostenn sabiex jissostanzjaw l-argumenti tagħhom. Huma naqsu wkoll milli juru xi nuqqas metodoloġiku. |
(27) |
Fir-rigward tal-metodoloġija, għandu jiġi mfakkar li, kif imsemmi fil-premessa (33) tar-Regolament provviżorju, il-konsum kien stabbilit fuq il-bażi taċ-ċifri tal-bejgħ ivverifikati pprovduti fit-tweġiba tal-kwestjonarju tal-partijiet li kkooperaw (iż-żewġ produtturi tal-Unjoni u l-esportatur Tajlandiż għall-perjodi PI-2008) u fuq il-bażi taċ-ċifri tal-Eurostat għall-bqija tal-importazzjonijiet. Minħabba li l-RBM minn sorsi oħrajn huma soġġetti għal miżuri anti-dumping, l-importazzjonijiet (mis-sorsi kollha) huma rreġistrati taħt il-kodiċi tas-subintestaturi fil-bażi ta’ dejta tat-tariffi doganali (TARIC) li fil-biċċa l-kbira tagħhom huma speċifiċi għall-prodott li jkun qed jiġi investigat. Dawn is-subintestaturi ntużaw sabiex jiżguraw li ġew ikkunsidrati biss l-importazzjonijiet tal-prodott ikkonċernat, minkejja aġġornament minuri tad-definizzjoni tal-prodott f’din l-investigazzjoni. |
(28) |
Barra minn hekk, minħabba li ċ-ċifri tal-Eurostat huma espressi f’kilogrammi, filwaqt li l-konsum kien ikkalkolat f’biċċiet, kien hemm importatur wieħed li talab kjarifiki rigward il-metodoloġija użata sabiex il-kilogrammi jinqalbu f’biċċiet. Għalhekk, għandu jiġi ċċarat li ntuża fattur ta’ konverżjoni ta’ 50 gramma għal kull biċċa, li huwa konformi mal-investigazzjonijiet preċedenti u li nstab li huwa raġonevoli, meta mqabbel mal-informazzjoni pprovduta mill-produttur esportatur Tajlandiż. Għandu jingħad ukoll li kieku l-Kummissjoni użat eżattament il-piż medju għal kull biċċa li jirriżulta mill-informazzjoni pprovduta mill-produttur esportatur Tajlandiż, l-importazzjonijiet mit-Tajlandja kienu juru, matul il-perjodu globali tal-investigazzjoni tal-ħsara, żieda aktar f’daqqa f’termini kemm tal-volum assolut (b’25 %, meta mqabbel maż-żieda ta’ 19 % stabbilit fir-Regolament provviżorju) kif ukoll tal-ishma mis-suq (minn 11,8 % għal 15,5 %, meta mqabbel ma’ 12,0 % għal 15,0 % stabbilit fir-Regolament provviżorju). |
(29) |
Importatur wieħed sostna wkoll li l-importazzjonijiet mit-Tajlandja fil-fatt naqsu b’40 % matul il-perjodu ta’ investigazzjoni tal-ħsara, iżda dan kien ibbażat fuq il-valur tal-importazzjoni – u mhux fuq il-volum – għat-totalità tal-kodiċi doganali, biex b’hekk jiġu inklużi prodotti oħrajn għajr dawk taħt investigazzjoni. Din l-allegazzjoni kellha tiġi miċħuda. |
(30) |
Fid-dawl ta’ dak li ntqal hawn fuq, is-sejbiet fil-premessi (33) sa (40) tar-Regolament provviżorju dwar il-konsum tal-Unjoni (li naqas b’aktar minn 15 % bejn l-2008 u l-PI) u l-importazzjonijiet mit-Tajlandja, huma b’dan ikkonfermati. |
6.2. Is-sitwazzjoni ekonomika tal-industrija tal-Unjoni
(31) |
Importatur wieħed sostna li l-analiżi tal-ħsara ma kinitx imparzjali minħabba li s-sitwazzjoni finanzjarja ħażina tal-industrija tal-Unjoni għandha titqies flimkien mas-sitwazzjoni ta’ waħda mill-kumpaniji relatati magħha, li allegatament tkun qiegħda tagħmel profitti fin-negozju tal-RBM. F’dan ir-rigward, huwa innotat li l-analiżi tal-ħsara għandha tiffoka biss fuq il-bejgħ tal-industrija tal-Unjoni fis-suq tal-Unjoni tal-prodott ikkonċernat manifatturat fl-Unjoni. Minħabba li, kif imsemmi fil-premessa (69) tar-Regolament provviżorju, il-kumpanija relatata inkwistjoni mhijiex produttur fl-Unjoni u primarjament tinnegozja prodotti li ma joriġinawx mill-Unjoni, hija ma għandhiex tiġi kkunsidrata għall-iskop ta’ analiżi tal-ħsara. |
(32) |
Mingħajr ħsara għal dak li ntqal hawn fuq, huwa madankollu enfasizzat li l-importatur ma pprovda l-ebda informazzjoni li turi li l-kumpanija relatata msemmija hawn fuq ser tkun f’sitwazzjoni finanzjarja tajba. Għall-kuntrarju, iċ-ċifri miksuba matul l-investigazzjoni juru li anki din il-kumpanija naqqset b’mod sinifikanti l-volum tal-bejgħ tagħha ta’ RBM matul il-perjodu ta’ investigazzjoni. |
(33) |
Fid-dawl ta’ dak li ntqal hawn fuq u fin-nuqqas ta’ kummenti oħrajn fir-rigward tal-analiżi tal-ħsara, il-premessi (41) sa (57) tar-Regolament provviżorju huma b’dan ikkonfermati, u huwa konkluż li l-industrija tal-Unjoni sofriet ħsara materjali skont it-tifsira tal-Artikolu 3 (5) tar-Regolament bażiku. |
7. KAWŻALITÀ
7.1. L-effetti tal-importazzjonijiet li huma l-oġġett ta’ dumping
(34) |
Minkejja li xi partijiet interessati kkontestaw is-sejbiet provviżorji fir-rigward tal-effett ta’ fatturi oħrajn (ara hawn taħt), ħadd minnhom ma kkontesta l-konklużjoni provviżorja li l-importazzjonijiet li huma l-oġġett ta’ dumping mit-Tajlandja kkawżaw ħsara lill-industrija tal-Unjoni. Il-premessi (58) sa (64) tar-Regolament provviżorju huma għalhekk b’dan ikkonfermati. |
7.2. L-effetti ta’ fatturi oħrajn
(35) |
Xi partijiet interessati kkontestaw is-sejbiet provviżorji li jikkonċernaw l-effett ta’ fatturi oħrajn, u sostnew li alternattivament, it-tnaqqis fid-domanda, il-kompetizzjoni bejn il-produtturi mill-Unjoni, l-importazzjonijiet mill-Indja u l-ħsara li wieħed jikkawża lilu nnifsu jkunu l-kawża prinċipali tal-ħsara. |
(36) |
Fir-rigward tat-tnaqqis fid-domanda, issir referenza għall-premessi (25) sa (30) imsemmija hawn fuq, li jikkonfermaw it-tendenza tal-konsum stabbilit fir-Regolament provviżorju. Għalhekk, l-allegazzjonijiet li l-effetti tat-tnaqqis fid-domanda ġew sottovalutati għandhom jiġu miċħuda. Madankollu, ta’ min ifakkar li l-premessa (67) tar-Regolament provviżorju kkonkludiet li t-tnaqqis fil-konsum tabilħaqq seta’ kkontribwixxa għall-ħsara materjali mġarrba mill-industrija tal-Unjoni, għalkemm dan l-effett issaħħaħ b’mod konsiderevoli mill-effett ikkawżat mill-importazzjonijiet li huma l-oġġett ta’ dumping. Madankollu, l-effett tat-tnaqqis fil-konsum ma kienx wieħed li jikser ir-rabta kawżali bejn l-importazzjonijiet li huma l-oġġett ta’ dumping u l-ħsara li nstabet. |
(37) |
Kien sostnut ukoll mill-esportatur Tajlandiż li l-ħsara mġarrba mill-industrija tal-Unjoni kienet ikkawżata wkoll mill-kompetizzjoni bejn il-produtturi tal-Unjoni. Dan huwa primarjament minħabba li t-telf tas-sehem mis-suq tal-industrija tal-Unjoni kkoinċida maż-żieda fis-sehem mis-suq tal-produttur l-ieħor tal-Unjoni. |
(38) |
F’dan ir-rigward, anki jekk il-kalkoli ppreżentati mill-esportatur Tajlandiż mhumiex korretti għal kollox, huwa minnu li b’mod ġenerali, is-sehem mis-suq tat-tieni produttur żdied ukoll matul il-perjodu ta’ investigazzjoni tal-ħsara. Madankollu, għandu jiġi mfakkar li, kif imsemmi fil-premessa (30) tar-Regolament provviżorju, dan il-produttur qiegħed jimporta kwantità sinifikanti ta’ RBM mit-Tajlandja. Huwa interessanti li, matul is-sena meta dan il-produttur irnexxielu jżid il-bejgħ tiegħu ta’ prodotti magħmula fl-UE u s-sehem mis-suq, huwa żied ukoll b’mod sinifikanti l-bejgħ tiegħu ta’ RBM mit-Tajlandja. Fil-fatt, huwa saħansitra sar importatur sinifikanti ta’ RBM mit-Tajlandja, billi xtara parti kbira mill-esportazzjonijiet Tajlandiżi matul dik is-sena. Għalhekk, anki jekk tabilħaqq it-tieni produttur tal-UE rnexxielu jieħu sehem mis-suq mill-industrija tal-UE, huwa diffiċli li ma tikkonkludix li din il-kumpanija rnexxielha tagħmel dan minħabba li hija bbenifikat ukoll mill-importazzjonijiet ta’ RBM mit-Tajlandja li huma l-oġġett ta’ dumping. Huwa mfakkar li dan il-produttur kien eskluż mid-definizzjoni tal-industrija tal-Unjoni minħabba l-attivitajiet importanti tiegħu ta’ importazzjoni meta mqabbla mal-produzzjoni tiegħu stess. |
(39) |
Barra minn hekk, l-allegazzjoni diġà indirizzata fil-premessa (69) tar-Regolament provviżorju li l-importazzjonijiet Indjani wkoll ikkawżaw ħsara lill-industrija tal-Unjoni kienet imtennija mill-partijiet interessati. Din kienet ibbażata fuq il-fatt li l-Indja għandha sehem ta’ madwar 50 % mis-suq tal-Unjoni, jiġifieri tliet darbiet aktar mit-Tajlandja, u li l-prezzijiet medji korrispondenti naqsu bi 3 % bejn l-2009 u l-PI, filwaqt li baxxiet il-prezzijiet tal-UE b’24 %. Kien enfasizzat ukoll li porzjon sinifikanti tal-importazzjonijiet mill-Indja nxtara minn kumpanija relatata mal-industrija tal-Unjoni. |
(40) |
Madankollu, ma tressaq l-ebda argument ġdid f’dan ir-rigward u dawn l-allegazzjonijiet kienu diġà indirizzati fir-Regolament provviżorju. Anki jekk il-livell assolut ta’ importazzjonijiet mill-Indja kien fil-fatt b’mod ġenerali ogħla minn dak tat-Tajlandja, fir-Regolament provviżorju ntwera li dawn l-importazzjonijiet żviluppaw b’mod differenti: filwaqt li l-importazzjonijiet mit-Tajlandja żdiedu b’mod ġenerali matul il-perjodu ta’ investigazzjoni tal-ħsara, kemm f’termini assoluti kif ukoll relattivi, l-importazzjonijiet mill-Indja naqsu (kważi b’10 %) u s-sehem mis-suq naqas ukoll bi ftit. Minbarra dan, il-livell tal-prezz medju fl-Indja kien ukoll ogħla mill-prezz tal-importazzjoni fit-Tajlandja. Barra minn hekk, anki jekk kumpanija relatata mal-industrija tal-Unjoni qiegħda timporta RBM mill-Indja, l-investigazzjoni stabbiliet li l-livell ta’ dawn l-importazzjonijiet naqas b’mod sinifikanti matul is-snin, kif imsemmi aktar ’il fuq fil-premessa (32). |
(41) |
Fl-aħħar nett, bosta partijiet interessati sostnew ukoll li l-kwerelant tilef il-klijenti tiegħu minħabba li sar attiv fis-suq downstream permezz tal-kumpanija prinċipali tiegħu, Ring International Holding (RIH), u li l-bejgħ tal-RBM lil kumpaniji relatati għandu jiġi kkunsidrat bir-reqqa minħabba li ma jsirx mill-bogħod. Madankollu, dawn l-allegazzjonijiet ġew irrifjutati minħabba li ma kinux issostanzjati u l-investigazzjoni wriet li l-bejgħ lil kumpaniji relatati kienu negliġibbli meta mqabbla mal-bejgħ totali. |
7.3. Konklużjoni dwar il-kawżalità
(42) |
Fuq il-bażi ta’ dak li ntqal hawn fuq, il-konklużjonijiet provviżorji stipulati fil-premessi (65) sa (76) tar-Regolament provviżorju huma b’dan ikkonfermati. Anki jekk fatturi oħrajn għajr l-importazzjonijiet kellhom ukoll xi impatt fuq is-sitwazzjoni tal-industrija tal-Unjoni, huwa konkluż li l-importazzjonijiet li huma l-oġġett ta’ dumping mit-Tajlandja kkawżaw ħsara materjali lill-industrija tal-Unjoni, skont it-tifsira tal-Artikolu 3(6) tar-Regolament Bażiku, fuq il-bażi ta’ analiżi li ddistingwiet u sseparat b’mod xieraq l-effetti tal-fatturi kollha magħrufa mill-effetti dannużi tal-importazzjonijiet li huma l-oġġett ta’ dumping. |
8. L-INTERESS TAL-UNJONI
(43) |
Tnejn mill-ħames importaturi li kkooperaw matul l-investigazzjoni rreaġixxew għall-iżvelar tas-sejbiet provviżorji u ssottomettew kummenti bil-miktub. Wieħed minn dawn l-importaturi, kif ukoll importatur ieħor, talbu li jinstemgħu. Il-Kummissjoni ddeċidiet ukoll li tagħmel żjara fil-bini tal-uniku utent li pparteċipa fl-investigazzjoni. |
(44) |
Ma saru l-ebda kummenti fir-rigward tal-premessi (79) sa (90) tar-Regolament provviżorju li jikkonċerna d-deskrizzjoni tas-suq u t-taqsima relatata mal-interess tal-industrija tal-Unjoni. |
8.1. L-importaturi u l-operaturi tas-suq
(45) |
Huwa l-ewwel nett imfakkar li fir-Regolament provviżorju kien konkluż li l-impożizzjoni tal-miżuri jista’ jkollha biss impatt negattiv sinifikanti fuq is-sitwazzjoni ta’ importatur wieħed, li jipproduċi wkoll l-RBM fl-Unjoni. Dan l-importatur ma rreaġixxiex għall-impożizzjoni tal-miżuri provviżorji. |
(46) |
Importatur ieħor, li talab ukoll li ssir seduta ta’ smigħ ippreseduta mill-Uffiċjal tas-Seduta, staqsa primarjament dwar il-kalkolu tal-marġni tad-dumping, l-analiżi tal-ħsara u l-kalkolu tal-konsum fl-Unjoni. Madankollu, huwa ma qajjem l-ebda kumment ġdid rigward l-analiżi tal-interess tal-Unjoni. |
(47) |
It-tielet importatur, li jirrappreżenta 20 % tal-importazzjonijiet globali mit-Tajlandja, talab li ssir seduta li matulha ġie spjegat li, kuntrarju għall-informazzjoni ppreżentata qabel matul l-investigazzjoni, huwa ma waqqafx l-attivitajiet kollha tiegħu relatati mal-RBM – kif imsemmi fil-premessa (92) tar-Regolament provviżorju – iżda ttrasferihom għal uffiċċju ieħor. Waqt is-seduta ta’ smigħ, dan l-importatur spjega li n-negozju tal-RBM tiegħu huwa kumplimentari biss għan-negozju prinċipali tiegħu li jkopri prodotti oħrajn u ma eskludiex l-importazzjoni tal-RBM mit-Tajlandja, anki jekk jiġu imposti l-miżuri. Madankollu, minħabba l-ispejjeż ġenerali tan-netwerk ta’ distribuzzjoni kbir tiegħu, dan ser jiddependi fuq il-livell tad-dazji anti-dumping u fuq il-possibbiltà li jiżdied il-prezz għall-klijenti. Alternattivament, dan l-importatur ma jsofrix konsegwenzi negattivi sinifikanti mill-waqfien tan-negozju tal-RBM minħabba l-importanza minuri ta’ din l-attività meta mqabbla man-negozju globali tiegħu. |
8.2. L-utenti
(48) |
Kif imsemmi fil-premessa (5) ta’ hawn fuq, it-tweġiba għall-kwestjonarju tal-uniku utent li kkoopera kienet ivverifikata waqt iż-żjara fil-bini tiegħu wara l-impożizzjoni tal-miżuri provviżorji. Dan l-utent qiegħed jixtri minn varjetà ta’ sorsi, inkluż mill-Unjoni, mill-Indja u mit-Tajlandja. Huwa kien jimporta wkoll miċ-Ċina, iżda biddel is-sors tal-provvista tiegħu minn mindu ġew imposti d-dazji anti-dumping. |
(49) |
L-importazzjonijiet mit-Tajlandja jirrappreżentaw madwar 10 % tax-xiri totali tagħha ta’ RBM, u l-kumpanija ddeċidiet li ma timportax prodotti Tajlandiżi minn mindu ġew imposti l-miżuri provviżorji. Anki jekk sa issa ma jidhirx li l-miżuri affettwaw is-sitwazzjoni ekonomika tagħha b’mod sinifikanti, madankollu, il-kumpanija lmentat dwar il-limitazzjoni tas-sorsi ta’ provvista tagħha, u speċjalment dwar il-fatt li issa hija ma tistax tiddependi dejjem fuq il-kunsinna tal-RBM għal perjodu ta’ żmien qasir. |
(50) |
Il-partijiet interessati tennew it-talba tagħhom, diġà indirizzata fir-Regolament provviżorju, li l-impożizzjoni tal-miżuri ser twassal għal sorsi limitati ta’ provvista fis-suq tal-Unjoni. Għalhekk, ta’ min jerġa’ jenfasizza li tabilħaqq l-investigazzjoni wriet li s-suq tal-Unjoni huwa kkaratterizzat minn numru limitat ta’ parteċipanti: hemm produttur wieħed fl-Indja, wieħed fit-Tajlandja, tnejn fl-Unjoni u xi wħud fiċ-Ċina. L-għan tal-miżuri anti-dumping huwa li jerġa’ jkun hemm kompetizzjoni ġusta fis-suq tal-UE u mhux li jipprevjenu l-importazzjonijiet. Dan jista’ tabilħaqq jirriżulta fi tnaqqis tal-livell tal-importazzjonijiet, filwaqt li l-miżuri jikkumpensaw in-natura ta’ tagħwiġ tal-kummerċ ta’ dawn l-importazzjonijiet. Madankollu, minnha nnifisha, din mhijiex raġuni suffiċjenti sabiex tiġi ddubitata l-impożizzjoni tal-miżuri kontra l-importazzjonijiet li huma l-oġġett ta’ dumping. Jista’ jiġi sostnut ukoll li l-kompetizzjoni ġusta għandha tkun iggarantita fis-suq tal-Unjoni sabiex jiġi żgurat li s-sorsi kollha ta’ provvista jibqgħu jeżistu fit-tul. |
(51) |
Huwa mistenni li b’livell ta’ dazju definittiv, li huwa aktar baxx minn dak provviżorju, l-importazzjonijiet mit-Tajlandja xorta waħda jistgħu jidħlu fis-suq tal-Unjoni, filwaqt li l-investigazzjoni wriet li hemm ukoll sorsi oħrajn ta’ provvista, anki jekk f’għadd limitat. |
8.3. Konklużjoni dwar l-interess tal-Unjoni
(52) |
Fid-dawl ta’ dak li ntqal hawn fuq, u fin-nuqqas ta’ kummenti oħrajn, il-premessi (77) sa (110) tar-Regolament provviżorju huma b’dan ikkonfermati u huwa konkluż li b’mod ġenerali, fuq il-bażi tal-informazzjoni disponibbli dwar l-Interess tal-Unjoni, ma hemm l-ebda raġuni konvinċenti kontra l-impożizzjoni ta’ miżuri definittivi kontra l-importazzjonijiet tal-RBM li joriġinaw mit-Tajlandja. |
9. IL-MIŻURI DEFINITTIVI ANTI-DUMPING
9.1. Il-livell ta’ eliminazzjoni tal-ħsara
(53) |
Fin-nuqqas ta’ kummenti dwar il-livell ta’ eliminazzjoni tal-ħsara, il-premessi (111) sa (114) tar-Regolament provviżorju huma b’dan ikkonfermati. |
9.2. Miżuri definittivi
(54) |
Fir-rigward tal-ammont ta’ dazju meħtieġ sabiex jitneħħew l-effetti tad-dumping ta’ ħsara, ġie kkummentat li d-dazju anti-dumping għandu jitnaqqas għal 6 %, billi l-importazzjonijiet allegatament Indjani mhumiex l-oġġett ta’ dumping u huma 6 % ogħla mill-importazzjonijiet mit-Tajlandja. F’dan ir-rigward, huwa innotat li l-iskop tad-dazji anti-dumping mhuwiex li jallinjaw il-prezzijiet ma’ dawk ta’ sorsi oħrajn, iżda li jeliminaw l-effetti ta’ tagħwiġ ta’ dumping li jikkawża ħsara. |
(55) |
Fid-dawl tal-konklużjonijiet milħuqa fir-rigward tad-dumping, il-ħsara, il-kawżalità u l-interess tal-Unjoni, u b’konformità mal-Artikolu 9(4) tar-Regolament bażiku, għandu jiġi impost dazju definittiv anti-dumping fl-inqas livell tal-marġni tad-dumping u tal-ħsara misjub, skont ir-regola tal-inqas dazju. F’dan il-każ, ir-rata tad-dazju għandha għaldaqstant tkun stabbilita fil-livell tad-dumping misjub. Din ġiet ikkalkolata li hi 16,3 % wara li naqset b’mod sinjifikanti mill-istadju provviżorju. |
(56) |
Fuq il-bażi ta’ dak li ntqal hawn fuq, ir-rata tad-dazju definittiv anti-dumping għall-esportatur li kkoopera hija ta’ 16,3 %. |
10. IL-ĠBIR DEFINITTIV TAD-DAZJU PROVVIŻORJU
(57) |
Minħabba d-daqs tal-marġni ta’ dumping misjub u minħabba l-livell tal-ħsara kkawżata lill-industrija tal-Unjoni, jitqies li huwa meħtieġ li l-ammonti assigurati permezz tad-dazju provviżorju anti-dumping impost mir-Regolament provviżorju għandhom jinġabru definittivament sal-ammont tad-dazju impost definittivament minn dan ir-Regolament. Minħabba li d-dazju definittiv huwa aktar baxx mid-dazju provviżorju, l-ammonti assigurati lil hin mir-rata tad-dazju definittiv għandhom jiġu rilaxxati, |
ADOTTA DAN IR-REGOLAMENT:
Artikolu 1
1. Dazju definittiv anti-dumping huwa b’dan impost fuq ċerti mekkaniżmi tal-illegar bl-anelli, li bħalissa huma kklassifikati bil-kodiċi NM ex 8305 10 00 (il-kodiċi TARIC 8305100011, 8305100013, 8305100019, 8305100021, 8305100023, 8305100029, 8305100034, 8305100035 u 8305100036) li joriġinaw mit-Tajlandja. Għall-fini ta’ dan ir-Regolament, il-mekkaniżmi tal-illegar bl-anelli għandhom jikkonsistu minn mill-inqas żewġ folji jew wajers tal-azzar b’mill-inqas erba’ nofs ċrieki magħmula minn wajer tal-azzar imwaħħlin magħhom u li huma miżmumin ma’ xulxin permezz ta’ kopertura tal-azzar. Dawn jistgħu jinfetħu billi jinġibdu n-nofs ċrieki jew billi jintuża mekkaniżmu żgħir tal-azzar li huwa mwaħħal mal-mekkaniżmu tal-illegar bl-anelli.
2. Ir-rata tad-dazju definittiv anti-dumping għall-prezz nett, ħieles fil-fruntiera tal-Unjoni, qabel id-dazju, għall-prodotti deskritti fil-paragrafu 1 għandha tkun ta’ 16,3 %.
3. Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ li jikkonċernaw id-dazji tad-dwana.
Artikolu 2
L-ammonti assigurati mid-dazji provviżorji anti-dumping skont ir-Regolament (UE) Nru 118/2011 għandhom jinġabru definittivament bir-rata tad-dazju definittiv impost skont l-Artikolu 1 ta’ dan ir-Regolament. L-ammonti assigurati lil hinn mir-rata tad-dazju definittiv anti-dumping għandhom jiġu rilaxxati.
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Awwissu 2011.
Għall-Kunsill
Il-President
M. DOWGIELEWICZ
(1) ĠU L 343, 22.12.2009, p. 51.
9.8.2011 |
MT |
Il-Ġurnal Uffiċjali tal-Unjoni Ewropea |
L 204/18 |
REGOLAMENT TAL-KUMMISSJONI (UE) Nru 793/2011
tal-5 ta’ Awwissu 2011
li jistabbilixxi projbizzjoni għas-sajd minn “bastimenti tat-tkarkir bil-friża għas-sajd pelaġiku” tal-kategorija 9 fiż-Żona Ekonomika tal-Mawritanja minn bastimenti li jtajru l-bandiera ta’ Stat Membru tal-Unjoni Ewropea
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), u b'mod partikolari l-Artikolu 36(2) tiegħu,
Billi:
(1) |
Ir-Regolament tal-Kunsill (KE) Nru 704/2008 tal-15 ta' Lulju 2008 dwar il-konklużjoni tal-Protokoll li jistabbilixxi l-opportunitajiet ta’ sajd u l-kontribuzzjoni finanzjarja provduti fil-Ftehim ta’ Sħubija fil-qasam tas-Sajd bejn il-Komunità Ewropea u r-Repubblika Iżlamika tal-Mawritanja għall-perjodu mill-1 ta' Awwissu 2008 sal-31 ta' Lulju 2012 (2) irristrinġa l-opportunitajiet tas-sajd għal kategorija 9 (bastimenti tat-tkarkir bil-friża għas-sajd pelaġiku) għal tunnellaġġ ta' referenza ta' 250 000 tunnellata. |
(2) |
B'kunsiderazzjoni li abbażi tal-Artikolu 2(3) ta' dan ir-Regolament hawn fuq imsemmi, ġiet allokata kwota supplimentari ta' 50 000 tunnellata għall-perjodu mill-1 ta' Awwissu 2010 sal-31 ta' Lulju 2011, biex b'hekk it-tunnellaġġ ta' referenza totali tela' għal 300 000 tunnellata. |
(3) |
Skont l-informazzjoni li rċeviet il-Kummissjoni, qabdiet irrapportati f'din il-kategorija ta' sajd minn bastimenti li jtajru l-bandiera tal-Istati Membri kkonċernati jew li ġew irreġistrati fihom, eżawrew il-kwota għall-perjodu ta' referenza msemmi hawn fuq. |
(4) |
Għalhekk, jeħtieġ li l-attivitajiet tas-sajd għal din il-kategorija ta' sajd jiġu pprojbit. |
ADOTTAT DAN IR-REGOLAMENT:
Artikolu 1
Eżawriment tal-kwota
Il-kwota tas-sajd allokata lill-Istati Membri konċernati għandha titqies bħala eżawrita mid-19 ta' Lulju 2011.
Artikolu 2
Projbizzjonijiet
L-attivitajiet tas-sajd fil-kategorija 9 minn bastimenti li jtajru l-bandiera tal-Istati Membri kkonċernati jew li ġew irreġistrati fihom għandhom jiġu pprojbiti mid-19 ta' Lulju 2011 sal-31 ta' Lulju 2011. B'mod partikolari, għandu jkun ipprojbit li jinżamm abbord, jiġi ttrażbordat, ittrasportat, jew jinħatt l-art ħut li jinqabad minn dawk il-bastimenti matul dan il-perjodu.
Artikolu 3
Dħul fis-seħħ
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Awwissu 2011.
Għall-Kummissjoni, f'isem il-President,
Lowri EVANS
Direttur Ġenerali għall-Affarijiet Marittimi u s-Sajd
(1) ĠU L 343, 22.12.2009, p. 1.
(2) ĠU L 203, 31.7.2008, p. 1.
9.8.2011 |
MT |
Il-Ġurnal Uffiċjali tal-Unjoni Ewropea |
L 204/19 |
REGOLAMENT TAL-KUMMISSJONI (UE) Nru 794/2011
tat-8 ta’ Awwissu 2011
li japprova emendi fl-ispeċifikazzjonijiet inizjali ta’ denominazzjoni elenkata fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti [Parmigiano Reggiano (DPO)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u l-oġġetti tal-ikel (1), u b’mod partikolari l-Artikolu 9(2) tiegħu,
Billi:
(1) |
Skont l-Artikolu 6(2), tar-Regolament (KE) Nru 510/2006, it-talba mressqa mill-Italja għall-approvazzjoni tal-emendi fl-ispeċifikazzjonijiet inizjali tad-denominazzjoni “Parmigiano Reggiano” kienet ippubblikata f’Il-Ġurnal Uffiċjali tal-Unjoni Ewropea (2). |
(2) |
Il-Belġju, id-Danimarka, u l-“Assoċjazzjoni tal-Importaturi tal-ġobon”, li għandha l-uffiċċju ċentrali tagħha f’Basel (l-Isvizzera), iddikkjaraw oġġezzjoni għar-reġistrazzjoni skont l-Artikolu 7(1) tar-Regolament (KE) Nru 510/2006. L-oġġezzjonijiet tal-Belġju u tad-Danimarka tqiesu eliġibbli abbażi tal-punti (a), u (c) tal-ewwel subparagrafu tal-Artikolu 7(3), ta’ dak ir-Regolament. Id-dikjarazzjoni ta’ oġġezzjoni tal-“Assoċjazzjoni tal-Importaturi tal-ġobon” tqieset ineliġibbli, għax intbagħtet wara l-iskadenza stipulata. |
(3) |
Bl-ittri tat-30 ta' Ottubru 2009, il-Kummissjoni stiednet lill-partijiet ikkonċernati biex jibdew il-konsultazzjoni xierqa. |
(4) |
Id-dikjarazzjoni ta’ oġġezzjoni tad-Danimarka kienet dwar l-assenza ta’ ġustifikazzjoni relatata mal-obbligu tat-tqattigħ, it-tħakkik u l-kundizzjonament tal-ġobon tad-denominazzjoni “Parmigiano Reggiano” fi ħdan iż-żona ġeografika delimitata. Permezz tal-kjarifikazzjonijiet mibgħuta mill-Italja skont dawn il-konsultazzjonijiet, id-Danimarka rtirat l-oġġezzjoni tagħha. |
(5) |
Id-dikjarazzjoni ta’ oġġezzjoni tal-Belġju kienet ukoll dwar l-assenza ta’ ġustifikazzjoni relatata mal-obbligu tat-tqattigħ, t-tħakkik u l-kundizzjonament tal-ġobon tad-denominazzjoni “Parmigiano Reggiano” fi ħdan iż-żona ġeografika delimitata. |
(6) |
Peress li l-ebda qbil ma ntlaħaq bejn il-Belġju u l-Italja fi żmien sitt xhur, il-Kummissjoni jkollha tadotta deċiżjoni skont il-proċedura stipulata fit-tielet subparagrafu tal-Artikolu 7(5) u fl-Artikolu 15(2) tar-Regolament (KE) Nru 510/2006. |
(7) |
Fil-punt 3.6 tad-dokument uniku, l-Italja enfasizzat illi “dan l-obbligu jiġi spjegat permezz tal-isparizzjoni jew l-inviżibbiltà, fuq il-ġobon maħkuk, jew mqatta’ f’biċċiet, tal-marka tal-identifikazzjoni tal-ġobon “Parmigiano Reggiano” li tinsab fuq il-ġobna sħiħa, u minħabba l-ħtieġa li jiġi garantit l-oriġini tal-prodott qabel ma jiġi ppakkjat. Hekk ukoll ġej mill-ħtieġa li jiġi ggarantit li l-operazzjoni ta’ kundizzjonament f’biċċiet isseħħ malajr kemm jista’ jkun wara li l-ġobna titqatta’, permezz ta’ metodi li jippermettu li ma jkunx hemm riskji ta’ deidrazzjoni jew ossidazzjoni, u għalhekk, tat-telf tal-karaterristiċi organolettiċi oriġinali tal-“Parmigiano Reggiano”. B’mod partikulari, il-qsim tal-ġobna oriġinali jneħħi l-protezzjoni li tagħti l-qoxra, imnixxfa sew, u b’hekk tiżolaha kompletament mill-effetti ambjentali.” |
(8) |
Il-Kummissjoni tqis din il-ġustifikazzjoni hija tali li tiggarantixxi l-oriġini tal-prodott ikkunsidrat, filwaqt li tiżgura kontroll ottimali u tippreserva l-kwalità fiżika u organolettika, u ma turi ebda nuqqas ta’ valutazzjoni mil-parti tal-partijiet kompetenti Taljani. |
(9) |
Il-Belġju, barra minn hekk, fid-dikjarazzjoni tagħha ta’ oġġezzjoni invokat il-punt (c) tal-Artikolu 7(3) tar-Regolament (KE) Nru 510/2006. Skont dan l-Artikolu, jiġu aċċettati d-dikjarazzjonijiet ta’ oġġezzjoni “(…) [li] juru li r-reġistrazzjoni tal-isem propost jikkawża periklu […] għall-eżistenza ta’ prodotti li kienu jinsabu fuq is-suq b’mod legali għal tal-anqas ħames snin mid-data tal-pubblikazzjoni prevista fl-Artikolu 6(2)”. |
(10) |
Il-Belġju ma bagħatx fatturi konkreti dwar il-periklu potenzjali li l-intrapriżi Belġjani setgħu jsofru wara d-dħul fis-seħħ tal-emendi tal-ispeċifikazzjonijiet inizjali. |
(11) |
Madankollu huwa magħruf sew li effettivament jeżistu entitajiet ’il barra miż-żona ġeografika delimitata li huma kkonċernati mit-tqattigħ u/jew il-kundizzjonament tal-ġobon li jġib id-denominazzjoni “Parmigiano Reggiano”. L-Artikolu 13(3) tar-Regolament (KE) Nru 510/2006 jawtorizza f’dan ir-rigward dispożizzjoni għal perjodu tranżizzjonali ta’ mhux aktar minn ħames snin, meta dikjarazzjoni ta’ oġġezzjoni tkun ġiet iddikjarata ammissibbli għar-raġuni li r-reġistrazzjoni tal-isem propost jipperikola l-eżistenza ta’ prodotti li ilhom fis-suq b’mod legali għal mill-inqas ħames snin qabel id-data tal-pubblikazzjoni prevista fl-Artikolu 6(2) tar-Regolament imsemmi. Meta jitqiesu, notevolment, l-obbligi kuntrattwali matul l-implimentazzjoni u l-adattament progressiv meħtieġ tas-suq wara emendi fid-denominazzjoni inizjali “Parmigiano Reggiano”, jidher li jkun xieraq, f’dan il-każ, li jiġi previst perjodu tranżizzjonali ta’ sena għal vantaġġ ta’ operaturi mhux stabbiliti fiż-żona ġeografika delimitata fir-rigward ta’ speċifikazzjonijiet tad-denominazzjoni “Parmigiano Reggiano”, sakemm jipproċedu legalment l-operazzjonijiet tat-tqattigħ u l-kundizzjonament tal-ġobon “Parmigiano Reggiano” barra miż-żona ġeografika delimitata matul tal-anqas ħames snin qabel id-data tas-16 ta' April 2009. It-tul ta’ dan il-perjodu tranżizzjonali huwa l-istess bħal dak mogħti lill-Italja għal vantaġġ tal-operaturi li jagħmlu t-tqattigħ u l-ippakkjar fit-territorju tagħhom, iżda barra miż-żona ġeografika delimitata. |
(12) |
Fid-dawl ta’ dan kollu, l-emendi għandhom jiġu approvati u jiġi introdott perjodu tranżizzjonali ta’ sena. |
(13) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar l-Indikazzjonijiet Ġeografiċi Protetti u d-Denominazzjonijiet Protetti tal-Oriġini, |
ADOTTAT DAN IR-REGOLAMENT:
Artikolu 1
L-emendi fl-ispeċifikazzjoni inizjali, ippublikati f’Il-Ġurnal Uffiċjali tal-Unjoni Ewropea tas-16 ta' April 2009 dwar id-denominazzjoni li tidher fl-Anness 1 għal dan ir-Regolament huma approvati.
Artikolu 2
Perjodu tranżizzjonali ta’ sena qed jingħata lill-operaturi li mhumiex stabbiliti fi ħdan iż-żona ġeografika delimitata fir-rigward tal-ispecikazzjonijiet tad-denominazzjoni “Parmigiano Reggiano”, u li pproċedew legalment fit-tqattigħ u l-kundizzjonament tal-ġobon li jġib id-denominazzjoni “Parmegiano Reggiano” barra miż-żona ġeografika delimitata msemmija matul tal-anqas ħames snin qabel id-data tas-16 ta' April 2009.
Artikolu 3
Dan ir-Regolament ser jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Awwissu 2011.
Għall-Kummissjoni
Il-President
José Manuel BARROSO
(1) ĠU L 93, 31.3.2006, p. 12.
(2) ĠU C 87, 16.4.2009, p. 14.
ANNESS
Prodotti tal-Anness I tat-Trattat maħsubin għall-ikel mill-bniedem:
Klassi 1.3 Ġobnijiet
L-ITALJA
Parmigiano Reggiano (DPO)
9.8.2011 |
MT |
Il-Ġurnal Uffiċjali tal-Unjoni Ewropea |
L 204/21 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 795/2011
tat-8 ta’ Awwissu 2011
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2), u b’mod partikolari l-Artikolu 136(1) tiegħu,
Billi:
Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu,
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-9 ta’ Awwissu 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Awwissu 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0707 00 05 |
TR |
105,8 |
ZZ |
105,8 |
|
0709 90 70 |
TR |
124,2 |
ZZ |
124,2 |
|
0805 50 10 |
AR |
73,4 |
CL |
76,3 |
|
TR |
57,0 |
|
UY |
53,9 |
|
ZA |
87,4 |
|
ZZ |
69,6 |
|
0806 10 10 |
EG |
168,5 |
MA |
187,2 |
|
TR |
160,8 |
|
ZZ |
172,2 |
|
0808 10 80 |
AR |
104,7 |
BR |
68,8 |
|
CL |
105,2 |
|
CN |
56,0 |
|
NZ |
100,6 |
|
US |
100,4 |
|
ZA |
84,6 |
|
ZZ |
88,6 |
|
0808 20 50 |
AR |
81,9 |
CL |
81,6 |
|
CN |
49,3 |
|
NZ |
108,0 |
|
ZA |
102,2 |
|
ZZ |
84,6 |
|
0809 20 95 |
CA |
870,0 |
TR |
337,4 |
|
US |
510,8 |
|
ZZ |
572,7 |
|
0809 30 |
TR |
129,2 |
ZZ |
129,2 |
|
0809 40 05 |
BA |
50,1 |
IL |
149,1 |
|
XS |
57,7 |
|
ZZ |
85,6 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
DEĊIŻJONIJIET
9.8.2011 |
MT |
Il-Ġurnal Uffiċjali tal-Unjoni Ewropea |
L 204/23 |
DEĊIŻJONI TA’ IMPLIMENTAZZJONI TAL-KUMMISSJONI
tal-5 ta’ Awwissu 2011
li tawtorizza t-tqegħid fis-suq ta’ lamtu tal-qamħirrum iffosfatat bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument numru C(2011) 5550)
(Test b’relevanza għaż-ŻEE)
(2011/494/UE)
IL-KUMMISSJONI EWROPEA,
Wara li kkunsidrat it Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar ikel ġdid u l-ingredjenti tal-ikel il-ġdid (1), u partikolarment l-Artikolu 7 tiegħu,
Billi:
(1) |
Fit-23 ta’ Awwissu 2005 il-kumpanija National Starch Food Innovation għamlet talba lill-awtoritajiet kompetenti tar-Renju Unit biex tqiegħed il-fosfat tad-diamid iffosfatat (lamtu tal-qamħirrum iffosfatat) fis-suq bħala ingredjent ġdid tal-ikel. |
(2) |
Fis-27 ta’ April 2009, l-entità kompetenti għall-evalwazzjoni tal-ikel tar-Renju Unit ħarġet l-ewwel rapport ta’ valutazzjoni tagħha. F’dan ir-rapport hi waslet għall-konklużjoni li l-fosfat tad-diamid iffosfatat huwa aċċettabbli bħala ingredjent ġdid tal-ikel. |
(3) |
Il-Kummissjoni bagħtet l-ewwel rapport ta’ valutazzjoni lill-Istati Membri kollha fl-4 ta’ Mejju 2009. |
(4) |
Fi żmien il-perjodu ta’ 60 jum stipulat fl-Artikolu 6(4) tar-Regolament (KE) Nru 258/97, tressqu oġġezzjonijiet motivati għat-tqegħid fis-suq tal-prodott skont dik id-dispożizzjoni. |
(5) |
Għalhekk, l-Awtorità Ewropea dwar is-Sikurezza Alimentari (l-EFSA) ġiet ikkonsultata fl-10 ta’ Frar 2010. |
(6) |
Fl-10 ta’ Settembru 2010, fid-dokument “Scientific opinion on the safety of ‘phosphated distarch phosphate’ as a novel food ingredient” (2) (“L-opinjoni xjentifika dwar is-sikurezza tal-‘fosfat tad-diamid iffosfatat’ bħala ingredjent ġdid tal-ikel”) l-EFSA waslet għall-konklużjoni li l-fosfat tad-diamid iffosfatat jista’ jittiekel b’sikurezza skont il-kondizzjonijiet tal-użu proposti u l-livelli ta’ inġestjoni proposti. |
(7) |
Abbażi tal-valutazzjoni xjentifika, ġie stabbilit li l-fosfat tad-diamid iffosfatat jikkonforma mal-kriterji stabbiliti fl-Artikolu 3(1) tar-Regolament (KE) Nru 258/97. |
(8) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-fosfat tad-diamid iffosfatat, kif speċifikat fl-Anness, jista’ jitqiegħed fis-suq tal-Unjoni bħala ingredjent ġdid tal-ikel biex jintuża fi prodotti tal-forn moħmija, fl-għaġin, fiċ-ċereali u fil-bars taċ-ċereali b’kontenut massimu ta’ 15 %.
Artikolu 2
L-ispeċifikazzjoni tal-fosfat tad-diamid iffosfatat awtorizzata b’din id-Deċiżjoni u li trid tidher fuq it-tikketta tal-oġġetti tal-ikel li jkun fihom dan l-ingredjent għandha tkun “lamtu tal-qamħirrum iffosfatat”.
Artikolu 3
Din id-Deċiżjoni hija indirizzata lil National Starch Food Innovation, Corn Products UK Ltd., Prestbury Court, Greencourts Business Park, 333 Styal Road, Manchester M22 5LW, l-Ingilterra.
Magħmul fi Brussell, il-5 ta’ Awwissu 2011.
Għall-Kummissjoni
John DALLI
Membru tal-Kummissjoni
(2) EFSA Journal 2010; 8(9): 1772.
ANNESS
SPEĊIFIKAZZJONIJIET TAL-LAMTU TAL-QAMĦIRRUM IFFOSFATAT
Deskrizzjoni: L-ingredjent ġdid tal-ikel huwa trab abjad jew kważi abjad.
Il-lamtu tal-qamħirrum iffosfatat (fosfat tad-diamid iffosfatat) huwa lamtu reżistenti modifikat kimikament miksub minn lamtu b’kontenut għoli ta’ amilosi billi jitħalltu t-trattamenti kimiċi biex joħolqu l-ħoloq inkroċjati tal-fosfati bejn ir-residwi tal-karboidrati u l-gruppi tal-idrossili esterifikati.
Nru tas-CAS: 11120-02-8
Formula Kimika: (C6H10O5)n [(C6H9O5)2PO2H]x [(C6H9O5)PO3H2]y
n = numru ta’ unitajiet ta’ glukożju; x, y = gradi ta’ sostituzzjoni