14.7.2011   

MT

Il-Ġurnal Uffiċjali tal-Unjoni Ewropea

L 184/1

(1)

L-Artikolu 6 tar-Regolament tal-Kummissjoni (KE) Nru 968/2006 (2) jipprovdi li l-perjodu għall-ħatt l-faċilitajiet ta’ produzzjoni u għall-konformità mal-impenji soċjali u ambjentali msemmija fl-Artikoli 3(3) (c) u 3(4) (c) tar-Regolament (KE) Nru 320/2006 jista’ jiġi estiż sa mhux aktar tard mit-30 ta’ Settembru 2011.

(2)

Ċerti produtturi taz-zokkor mhux ser ikunu jistgħu jħottu għalkollox il-faċilitajiet ta’ produzzjoni fil-ħin, sakemm dik l-iskadenza ma tkunx estiża għall-perjodu itwal. Madanakollu, l-estensjoni ma għandhiex tiżdied aktar milli jkun assolutament meħtieġ biex jintemmu x-xogħlijiet tal-ħatt. Abbażi tal-informazzjoni disponibbli lill-Kummissjoni, l-iskadenza għandha b’hekk tiġi estiża sa mhux aktar tard mill-31 ta’ Marzu 2012.

(3)

Ir-Regolament (KE) Nru 968/2006 għaldaqstant għandu jiġi emendat kif xieraq.

(4)

Il-miżuri pprovduti f’dan ir-Regolament huma skont l-opinjoni tal-Kumitat għall-Fondi Agrikoli,

14.7.2011   

MT

Il-Ġurnal Uffiċjali tal-Unjoni Ewropea

L 184/2

14.7.2011   

MT

Il-Ġurnal Uffiċjali tal-Unjoni Ewropea

L 184/4

(1)

Skont l-Artikolu 61, l-ewwel subparagrafu, il-punt (d), tar-Regolament (KE) Nru 1234/2007, iz-zokkor prodott matul is-sena tas-suq u li jaqbeż il-kwota msemmija fl-Artikolu 56 ta’ dak ir-Regolament jista’ jiġi esportat biss fil-limitu kwantitattiv stipulat mill-Kummisjoni.

(2)

Ir-Regolament tal-Kummissjoni (UE) Nru 397/2010 tas-7 ta' Mejju 2010 li jistipula l-limitu kwantitattiv tal-esportazzjoni taz-zokkor u l-isoglukożju ’l barra mill-kwota sa tmiem is-sena tas-suq 2010/2011 (3) jistipula l-limiti msemmija hawn fuq.

(3)

Il-kwantitajiet ta' zokkor koperti minn applikazzjonijiet għal liċenzji tal-esportazzjoni jaqbżu l-limitu kwantitattiv iffissat bir-Regolament (UE) Nru 397/2010. Għaldaqstant għandu jiġi stabbilit perċentwal ta' aċċettazzjoni għall-kwantitajiet li għalihom tressqu applikazzjonijiet fl-4, fil-5, fis-6, fis-7 u fit-8 ta' Lulju 2011. Kull applikazzjoni għal liċenzja tal-esportazzjoni għaz-zokkor imressqa wara t-8 ta' Lulju 2011 għaldaqstant ma għandhiex tintlaqa', u t-tressiq tal-applikazzjonijiet għal-liċenzji tal-esportazzjoni għandu jkun sospiż,

14.7.2011   

MT

Il-Ġurnal Uffiċjali tal-Unjoni Ewropea

L 184/5

(1)

Ir-Regolament tal-Kummissjoni (KE) Nru 1067/2008 (3) fetaħ kwota tariffarja annwali globali għall-importazzjoni ta' 2 989 240 tunnellata qamħ komuni ta' kwalità għajr dik superjuri. Din il-kwota tinqasam fi tliet subkwoti.

(2)

L-Artikolu 3(3) tar-Regolament (KE) Nru 1067/2008 jaqsam is-subkwota III (numru tas-serje 09.4125) f'erba' subperjodi trimestrali u ffissa l-kwantità ta' 594 597 tunnellata għas-subperjodu nru 3, għall-perjodu mill-1 ta' Lulju sat-30 ta' Settembru 2011.

(3)

Ir-Regolament ta’ Implimentazzjoni tal-Kummissjoni(UE) Nru 632/2011 (4) jidderoga mill-Artikolu 3(3), tar-Regolament (KE) Nru 1067/2008 għas-sena 2011, u jgħaqqad is-subperjodi 3 u 4 tas-subkwota III (numru tal-ordni 09.4125) u jiffissa l-kwantità għal 1 189 193 tunnellata għas-subperjodu 3 mill-1 ta Lulju sal-31 ta’ Diċembru 2011.

(4)

Min-notifika skont l-Artikolu 4(3) tar-Regolament (KE) Nru 1067/2008, jirriżulta li l-applikazzjonijiet imressqa mill-1 ta’ Lulju 2011, mis-13:00 sat-8 ta’ Lulju 2011 fis-13:00, ħin ta’ Brussell, skont l-Artikolu 4(1), it-tieni inċiż, tar-Regolament imsemmi, jirrigwardaw kwantitajiet akbar minn dawk disponibbli. Għaldaqstant, jeħtieġ li jiġi determinat sa liema punt jistgħu jinħarġu l-liċenzji tal-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba.

(5)

Jeħtieġ ukoll li ma jinħarġux aktar liċenzji tal-importazzjoni skont is-subkwota III msemmija fir-Regolament (KE) Nru 1067/2008 għall-perjodu attwali tal-kwota.

(6)

Sabiex tkun żgurata ġestjoni effettiva tal-proċedura tal-ħruġ taċ-ċertifikati tal-importazzjoni, dan ir-Regolament għandu jidħol fis-seħħ immedjatament wara l-pubblikazzjoni tiegħu,

14.7.2011   

MT

Il-Ġurnal Uffiċjali tal-Unjoni Ewropea

L 184/7

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2010/11 ġew stabbiliti mir-Regolament ta' Implimentazzjoni tal-Kummissjoni (UE) Nru 867/2010 (3). Dawn il-prezzijiet u dazji ġew emendati l-aħħar mir-Regolament ta' Implimentazzjoni tal-Kummissjoni (UE) Nru 663/2011 (4).

(2)

L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

14.7.2011   

MT

Il-Ġurnal Uffiċjali tal-Unjoni Ewropea

L 184/9

(1)

Fil-5 ta’ Novembru 2007, il-Kummissjoni rċeviet notifika mill-Greċja għal miżura ta’ għajnuna għas-salvataġġ favur Varvaressos S.A. (“Varvaressos”). Wara skambju ta’ informazzjoni, fis-16 ta’ Lulju 2008 il-Kummissjoni adottat deċiżjoni “mingħajr ebda oġġezzjoni” rigward il-miżura nnotifikata.

(2)

Fil-15 ta’ Jannar 2009, il-Kummissjoni rċeviet notifika mill-Greċja għal miżura ta’ għajnuna għas-salvataġġ favur Varvaressos S.A. (“Varvaressos”).

(3)

Wara skambji ta’ informazzjoni, fid-9 ta’ Marzu 2010 l-Kummissjoni fetħet il-proċedura ta’ investigazzjoni formali dwar l-għajnuna għar-ristrutturar li l-Greċja kienet innotifikat fil-15 ta’ Jannar 2009 u dwar garanzija mill-Istat mogħtija lil Varvaressos b’mod illegali mill-Greċja fl-2007. Fir-rigward ta’ din tal-aħħar, il-Kummissjoni ddikjarat il-possibbiltà li tirrevoka d-deċiżjoni tagħha tas-16 ta’ Lulju 2008 li biha tapprova l-għajnuna għas-salvataġġ lil Varvaressos li ġiet notifikata.

(4)

Id-deċiżjoni tal-ftuħ ġiet ippubblikata f’Il-Ġurnal Uffiċjali tal-Unjoni Ewropea fl-10 ta’ Marzu 2009 (3). Wara l-ftuħ tal-proċedura, il-Greċja ppreżentat kummenti u informazzjoni fit-28 ta’ Lulju 2010. Barra minn hekk, Varvaressos ippreżentat kummenti u informazzjoni fit-18 ta’ Ġunju 2010. Fl-aħħar nett, partijiet terzi oħrajn bagħtu l-kummenti tagħhom fl-4 ta’ Ġunju 2010, fl-14 ta’ Ġunju 2010 u fis-17 ta’ Ġunju 2010 (4).

(5)

Il-Kummissjoni talbet aktar informazzjoni dwar il-miżuri tal-Istat imsemmija hawn fuq, b’ittra tad-9 ta’ Lulju 2010. L-awtoritajiet Griegi wieġbu b’ittra tal-14 ta’ Settembru 2010.

(6)

Fuq talba tal-benefiċjarju, saret laqgħa fl-14 ta’ Lulju 2010. Waqt dik l-okkażjoni, ġie diskuss il-pjan ta’ ristrutturar modifikat.

(7)

Varvaressos ġiet stabbilita fl-1975, u hija attiva fis-suq tat-tessuti bħala kumpanija tal-għażil (produzzjoni ta’ u kummerċ fil-ħjut). Hija tesporta l-ħjut lejn 20 pajjiż, inklużi l-Ġermanja, Franza, l-Awstrija, l-Italja, Spanja, ir-Renju Unit u s-Slovenja. Fl-2009, il-kumpanija għamlet 52 % tal-bejgħ tagħha fil-pajjiżi tal-UE, barra l-Greċja (57 % fl-2008, 67 % fl-2007), 42 % fil-Greċja (40 % fl-2008, 32 % fl-2007) u 6 % f’pajjiżi li mhumiex parti mill-UE (2 % fl-2008, 1 % fl-2007).

(8)

Fl-2009, il-kumpanija kellha medja ta’ 205 impjegati (tnaqqis minn 212 fl-2008) u dħul ta’ EUR 19-il miljun. Fuq il-bażi tad-dejta tal-2007, hija kienet fl-10 post fis-suq Grieg tat-tessuti. Fl-2008, is-sehem tagħha fis-suq tal-ħjut kien ta’ […] %.

(9)

Matul il-perjodu 2004-2009, il-fatturat annwali tal-kumpanija niżel minn EUR 28,4 miljun għal EUR 19,2 miljun (tnaqqis ta’ 32 %). Matul il-perjodu 2006-2009, il-kumpanija kellha telf akkumulat, li żdied minn EUR 2 miljun fl-2006 għal EUR 17,2 miljun fl-2009. Id-dejta finanzjarja ewlenija tal-kumpanija għas-snin 2004-2009 tidher fit-Tabella 1 hawn taħt.

Tabella 1

Id-dejta finanzjarja ewlenija ta’ Varvaressos għall-perjodu 2004-2009

(10)

Fil-perjodu 2007-2008, Varvaressos ngħatat żewġ miżuri mill-Istat, garanzija mill-Istat mhux innotifikata għall-ippjanar mill-ġdid ta’ self eżistenti f’Mejju 2007 (miżura 1) u garanzija mill-Istat innotifikata għal self ġdid ta’ salvataġġ li kienet approvata mill-Kummissjoni f’Lulju 2008 (miżura 2). F’Jannar 2009, il-Greċja nnotifikat miżura ta’ għajnuna għar-ristrutturar fil-forma ta’ għotja diretta (miżura 3).

(11)

Sabiex tirċievi l-għajnuna msemmija hawn fuq, f’Diċembru 2006 Varvaressos ippreżentat pjan ta’ rkupru bl-isem ta’ “Pjan strateġiku u tan-negozju 2006-2011” lill-awtoritajiet Griegi. Dan jiddeskrivi l-għan strateġiku u l-azzjonijiet meħtieġa tal-kumpanija, kif ukoll il-pożizzjoni finanzjarja mbassra tal-kumpanija għall-perjodu 2006-2011. Il-pjan jipprovdi għal: (a) żieda fil-proporzjon ta’ fibri speċjali fil-produzzjoni ġenerali, minn […] % fl-2007 għal […] % fl-2011, sabiex jiżdied il-marġni tal-profitt tal-kumpanija; (b) tnaqqis fil-kapaċità totali tal-produzzjoni, minn […] elf tunnellata fl-2007 għal […] elf tunnellata fl 2008-2011; u (c) tnaqqis fin-numru tal-persunal tal-kumpanija minn 237 fl-2007 għal 217 fl-2011.

(12)

Is-selfa fit-tul ta’ EUR 15,6 miljun tal-kumpanija hija mistennija li titħallas lura qabel tmiem l-2010. Barra minn hekk, fil-perjodu 2006-2009 huma mistennija spejjeż ta’ EUR [1-2] miljun, għal investimenti fl-organizzazzjoni mill-ġdid tal-ġestjoni tal-kumpanija u l-qlib tal-produzzjoni tal-kumpanija lejn prodotti li jiġġeneraw aktar qligħ. L-għajnuna mill-Istat meħtieġa għall 2007-2011 tammonta għal EUR 13.5 miljun, sabiex tagħmel tajjeb għal investimenti li marru ħażin fil-perjodu 2000-2005 u li ħolqu d-diffikultajiet li tinsab fihom il-kumpanija. Il-kumpanija mistennija tilħaq il-vijabbiltà fl-2010, b’EBT ta’ EUR 1 miljun u marġni ta’ profitt ta’ 3,5 % (EBT pożittiv ta’ EUR 0,8 miljun u marġni ta’ profitt ta’ 2,6 % fl-2011). Il-bejgħ huwa mistenni li jiżdied minn EUR 26,2 miljun fl-2006 għal EUR 29,3 miljun fl-2011 (żieda ta’ 12 %).

(13)

Fit-30 ta’ Mejju 2007, il-Greċja ħarġet deċiżjoni ministerjali li pprovdiet lil Varvaressos b’garanzija mill-Istat bħala garanzija għall-ippjanar mill-ġdid tas-self eżistenti tal-kumpanija, li jammonta għal EUR 22,7 miljun. Il-garanzija kellha tkopri 80 % tas-self, jiġifieri EUR 18,2 miljun; madankollu, din qabżet l-ammont totali tas-self sottostanti (ara l-premessa 16 hawn taħt).

(14)

Qabel l-ippjanar mill-ġdid tal-2007, parti biss mill-assi ta’ proprjetà immobbli tal-kumpanija kienu ipotekati biex ikopru s-self tagħha. Fil-kuntest tal-ippjanar mill-ġdid tal-2007, il-bqija tal-assi ta’ proprjetà immobbli tal-kumpanija kienu ipotekati addizzjonalment. Din l-ipoteka ġiet stabbilita favur il-banek li kienu qed jipprovdu s-self lill-kumpanija, u mhux favur l-Istat. Madankollu, skont il-liġi Griega (5), qabel ma jħallas is-sejħa ta’ garanzija, l-Istat għandu l-ewwel jirċievi l-garanziji għal-self garantit.

(15)

Din il-miżura qatt ma ġiet notifikata lill-Kummissjoni; minflok, fin-notifika tal-għajnuna ta’ salvataġġ tal-5 ta’ Novembru 2007, il-Greċja speċifikat li l-kumpanija qatt ma kienet irċeviet għajnuna għal salvataġġ jew ristrutturar qabel.

(16)

Din il-miżura kienet ibbażata fuq skema ta’ garanzija mhux notifikata, approvata mill-Ministeru tal-Finanzi Grieg fis-26 ta’ Jannar 2007. L-iskema tat garanziji mill-Istat għall-ippjanar mill-ġdid ta’ self pendenti fil-31 ta’ Diċembru 2006, kemm jekk imħallas kif ukoll jekk le, f’self ġdid. Is-self rilevanti kien ingħata lil kumpaniji industrijali, tal-minjieri, ta’ trobbija tal-bhejjem u tal-lukandi stabbiliti u li joperaw fid-distrett ta’ Imathia, fit-Tramuntana tal-Greċja, għal investimenti f’assi fissi u f’kapital ċirkolanti. L-iskema ma kinitx tipprovdi għal primjum għall-garanzija mill-Istat. Fuq il-bażi ta’ waħda mid-dispożizzjonijiet tagħha, il-garanzija eventwalment kopriet ammont massimu ta’ EUR 30 miljun, imgħax mhux inkluż, li huwa ammont ogħla minn dak tas-self sottostanti (EUR 22,7 miljun) (6).

(17)

Fis-16 ta’ Lulju 2008, il-Kummissjoni approvat għajnuna għas-salvataġġ notifikata għal Varvaressos, fil-forma ta’ garanzija mill-Istat għal self ta’ EUR 2,4 miljun (7). Id-deċiżjoni ġiet adottata fuq il-bażi tal-informazzjoni li tistabbilixxi li l-kumpanija ma kinitx ingħatat għajnuna għal salvataġġ jew ristrutturar qabel (8), u li għalhekk kienet eliġibbli għal għajnuna ta’ salvataġġ.

(18)

Il-garanzija ngħatat mingħajr primjum għall-garanti (l-Istat) u kopriet l-ammont kollu tas-self, jiġifieri EUR 2,4 miljun.

(19)

Skont in-notifika tal-miżura mill-awtoritajiet Griegi tal-5 ta’ Novembru 2007, mill-ammont totali tal-għajnuna, EUR [1-2] miljun kellhom jintużaw biex jiġu ffinanzjati l-investimenti li ġejjin: (a) l-organizzazzjoni mill-ġdid u l-immodernizzar tal-ġestjoni tal-kumpanija (EUR […] miljun), li twettqu tul il-perjodu 2006-2009, u (b) il-qlib tal-produzzjoni tal-kumpanija lejn prodotti li jiġġeneraw aktar qligħ (EUR […] miljun), li twettaq tul il-perjodu 2007-2009. Dawn l-investimenti kienu wkoll parti mill-pjan ta’ ristrutturar li ġie ppreżentat fil-15 ta’ Jannar 2009, u kellhom jitwettqu tul l-istess perjodu ta’ żmien allokat għall-pjan (ara l-premessi 22-23 u 42-43 hawn taħt).

(20)

Fil-15 ta’ Jannar 2009, il-Greċja notifikat għotja diretta ta’ EUR 14-il miljun għall-iffinanzjar tal-pjan ta’ ristrutturar tal-kumpanija.

(21)

Skont il-pjan ta’ ristrutturar li ġie ppreżentat, id-diffikultajiet tal-kumpanija ġew ikkawżati mill-ispiża finanzjarja għolja ta’ programm ta’ investiment imwettaq fil-perjodu 2000-2005, kif ukoll minn spejjeż operattivi għoljin u nuqqasijiet amministrattivi.

(22)

Il-pjan ikopri l-perjodu 2006-2011. Dan ġie aġġornat u aġġustat b’mod regolari tul il-proċedura ta’ investigazzjoni formali. L-idea prinċipali tal-proċess ta’ ristrutturar tipprevedi ħlas sħiħ tal-biċċa l-kbira tas-self tal-kumpanija mill-banek (inkluż is-self li għalih kienet approvata l-għajnuna ta’ salvataġġ f’Lulju 2008), tnaqqis fil-produzzjoni u fl-impjiegi (9), il-qlib tal-produzzjoni tal-kumpanija lejn prodotti li jiġġeneraw aktar qligħ (il-proporzjon tal-produzzjoni tal-ħjut speċjali bħala parti mill-produzzjoni totali għandha tiżdied għal […] % mill-2012) u l-organizzazzjoni mill-ġdid u l-immodernizzar tal-ġestjoni tal-kumpanija.

(23)

Skont it-tliet xenarji tal-pjan ta’ ristrutturar (xenarju intermedju, l-aħjar xenarju u l-agħar xenarju), il-kumpanija sejra terġa’ tikseb il-vijabbiltà tagħha fit-tul qabel tmiem l-2011.

(24)

Taħt it-tliet xenarji, il-bejgħ tal-kumpanija huwa mistenni li jiżdied, waqt li l-ispejjeż (mingħajr deprezzament) huma mistennija li jonqsu. Bħala riżultat, l-EBT + D (10) tal-kumpanija huma mistennija li jkunu negattivi fl-2010 u pożittivi fl-2011, fl-aħħar tal-perjodu ta’ ristrutturar. Fl-istess ħin, fl-2011 l-ROE (11) tal-kumpanija se jkun ogħla mill-ammont tal-ispejjeż tagħha relatati ma’ self (12) (fl-isfond tax-xenarju intermedju u tal-aħjar xenarju) jew ugwali għal dan l-ammont (fl-isfond tal-agħar xenarju).

(25)

Fid-deċiżjoni tagħha biex tagħti bidu għall-proċedura, il-Kummissjoni indikat li l-kompatibbiltà tal-miżuri ta’ għajnuna kienet sejra tiġi evalwata fuq il-bażi tal-Linji Gwida tal-Komunità dwar għajnuna mill-Istat għas-salvataġġ u l-istrutturar mill-ġdid ta’ impriżi li jinsabu f’diffikultà (“Il-Linji Gwida R&R”) (13). Il-Kummissjoni għalhekk għamlet valutazzjoni inizjali tal-miżuri ta’ għajnuna fuq il-bażi tal-kriterji stabbiliti fil-Linji Gwida R&R.

(26)

L-ewwelnett, il-Kummissjoni nnutat li l-Greċja ma kinitx għarrfitha dwar garanzija mill-Istat li kienet diġà ngħatat lil Varvaressos f’Mejju 2007. Il-Kummissjoni nnutat ukoll li l-Greċja kienet għarrfitha, fin-notifika tagħha tal-għajnuna għas-salvataġġ f’Novembru 2007, li Varvaressos ma kinitx ingħatat għajnuna għal salvataġġ jew għal strutturar mill-ġdid qabel. Sussegwentement, il-Kummissjoni ddubitat jekk kinitx tikkunsidra lill-kumpanija bħala li hija eliġibbli għal għajnuna ta’ salvataġġ fid-deċiżjoni tagħha ta’ Lulju 2008, li kieku l-Greċja ma ppreżentatx informazzjoni żbaljata rigward il-garanzija tal-2007.

(27)

It-tieni nett, fid-dawl tal-garanzija tal-2007, il-Kummissjoni qajmet ukoll dubji dwar jekk il-kumpanija kinitx eliġibbli għall-għajnuna għall-istrutturar notifikata, jiġifieri jekk ġiex osservat il-prinċipju ta’ “darba waħda, l-aħħar darba”.

(28)

Fir-rigward tal-istatus tal-benefiċjarju bħala ditta li tinsab f’diffikultà, il-Kummissjoni nnotat li Varvaressos, minħabba t-telf u t-tnaqqis fil-bejgħ li laqtuha fis-snin ta’ qabel, tista’ tikkwalifika bħala ditta li tinsab f’diffikultà. Madankollu, il-Kummissjoni esprimiet dubji dwar il-fatt li Varvaressos kienet tabilħaqq tinsab f’diffikultà meta ngħatat il-garanzija tal-2007, għaliex il-kumpanija setgħet allegatament tikseb l-ippjanar mill-ġdid tas-self eżistenti tagħha mingħand l-istess banek mingħajr l-intervent pubbliku.

(29)

Rigward il-ksib mill-ġdid tal-vijabbiltà, il-Kummissjoni esprimiet dubji dwar l-iskeda ta’ żmien tal-pjan, li pprevediet treġġigħ lura għall-vijabbiltà fit-tul qabel tmiem l-2009. Minħabba li s-sena 2009 kienet waslet fi tmiemha u l-parti prinċipali tal-istrutturar mill-ġdid kienet għadha ma ġietx implimentata, il-Kummissjoni kkunsidrat li l-perjodu ta’ żmien li ġie stabbilit għall-ksib mill-ġdid tal-vijabbiltà ma setax jibqa’ jiġi kkunsidrat bħala wieħed realistiku.

(30)

Barra minn hekk, il-Kummissjoni esprimiet dubji rigward l-istħarriġiet dwar is-suq tal-għażil li ġew ippreżentati, u li jmorru lura sal-2007. Minħabba li kienu diġà għaddew sentejn u minħabba li minn dakinhar kien seħħ tibdil sinifikanti fl-ekonomija globali, kien possibbli li dawn l-istħarriġiet kienu saru obsoleti. Għalhekk il-Kummissjoni kellha bżonn sett ġdid ta’ dejta u tbassiriet, kif ukoll ta’ stħarriġiet aktar riċenti dwar is-suq.

(31)

Rigward l-evitar ta’ tfixkil mhux meħtieġ tal-kompetizzjoni, il-Kummissjoni esprimiet dubji dwar iż-żewġ miżuri ta’ kumpens li ġew proposti. Dawn kienu: (a) l-għeluq ta’ wieħed mit-tliet impjanti tal-kumpanija, dak f’Naoussa; u (b) il-bejgħ tal-ishma miżmuma fil-kumpanija sussidjarja “Thiva Ginning Mills SA”. Iż-żewġ miżuri kienu qabel kollox ikkunsidrati bħala li huma meħtieġa biex tintlaħaq il-vijabbiltà fit-tul tal-benefiċjarju, u b’hekk ma kkumpensawx lill-kompetituri tal-kumpanija għat-tfixkil tal-kompetizzjoni.

(32)

Fl-aħħarnett, rigward il-limitazzjoni tal-għajnuna għall-ammont minimu neċessarju, il-Kummissjoni, għall-finijiet tal-valutazzjoni, ikkunsidrat lil Varvaressos bħala li hija kumpanija kbira (fl-2006 kellha fatturat annwali ta’ EUR 28 miljun) u indikat li kienet tinsab f’żona eliġibbli għall-għajnuna skont l-Artikolu 107(3)(a) tat-TFUE. Fuq il-bażi ta’ kif ġie stipulat hawn fuq, il-Kummissjoni stabbiliet il-kontribuzzjoni proprja tal-kumpanija biex fil-prinċipju din tkun ta’ mill-inqas 40 % tal-ispiża totali tal-pjan.

(33)

L-informazzjoni li ġiet ippreżentata mill-awtoritajiet Griegi rigward l-allegati miżuri ta’ għajnuna mill-Istat jistgħu jiġu mqassra kif ġej:

(34)

Il-Greċja tirrikonoxxi li tat il-garanzija mill-Istat ta’ Mejju 2007. Madankollu, il-Greċja ssostni li din ma kinitx tikkostitwixxi għajnuna mill-Istat. B’mod partikolari, il-Greċja ssostni li: (a) banek tas-self kienu jaqblu mal-ippjanar mill-ġdid, anki mingħajr il-garanzija mill-Istat, (b) ma kien hemm l-ebda bżonn ta’ garanzija mill-Istat, minħabba li s-self kien kopert b’mod xieraq fl-ippjanar mill-ġdid minn assi ta’ valur ogħla minn dak tal-ammont pendenti u (c) il-garanzija mill-Istat tal-2007 ma tejbitx il-kapaċità tal-kumpanija biex tiġbor fondi fis-suq kapitali, minħabba li Varvaressos kienet għadha kapaċi tiġbor il-fondi weħidha.

(35)

Il-Greċja ssostni li Varvaressos kienet tabilħaqq tinsab f’diffikultà fl-2007 u li kien biss grazzi għal assi ta’ valur konsiderevoli mingħajr piżijiet li seta’ jkollha aċċess għas-suq finanzjarju mingħajr garanzija mill-Istat.

(36)

Il-Greċja ssostni wkoll li l-ippjanar mill-ġdid tas-self tal-2007 ma kienx biżżejjed biex il-kumpanija tiffinanzja r-ristrutturar tagħha. Dan intuża biss biex id-dejn sostanzjali eżistenti jiġi organizzat mill-ġdid. Kien għad hemm bżonn ta’ ffinanzjar ġdid, u dan ma ġiex permezz tal-ippjanar mill-ġdid tal-2007. Għalhekk, il-kumpanija ma kinitx kapaċi li terġa’ tikseb il-vijabbiltà tagħha weħidha, u l-intervent pubbliku kien regolari. Għalhekk, Varvaressos tissodisfa l-kriterju tal-punt 9 tal-Linji Gwida tal-R&R.

(37)

F’dan l-isfond, il-Greċja ssostni li jekk il-miżura 2007 titqies bħala li hija għajnuna mill-Istat, il-kumpanija kienet eliġibbli biex tirċievi għajnuna ta’ salvataġġ u ta’ ristrutturar.

(38)

Skont il-Greċja, it-tliet miżuri li qegħdin jiġu eżaminati (il-garanzija mill-Istat tal-2007, il-garanzija mill-Istat tal-2008 u l-għotja diretta notifikata), ingħataw sabiex tiġi ffaċilitata l-implimentazzjoni ta’ pjan ta’ ristrutturar wieħed.

(39)

F’Diċembru 2006, Varvaressos applikat għal għajnuna għas-salvataġġ u għar-ristrutturar u ppreżentat l-istess pjan li ġie notifikat lill-Kummissjoni aktar tard f’Jannar 2009. Id-differenza bejn iż-żmien meta ġiet ippreżentata l-applikazzjoni għall-għajnuna għas-salvataġġ u r-ristrutturar lill-awtoritajiet Griegi (Diċembru 2006) u n-notifika tal-għotja diretta tal-2009 lill-Kummissjoni (Jannar 2009) kienet ġiet ikkawżata biss minn kwistjonijiet amministrattivi u mhux minn diffikultajiet kontinwi u minn ħtieġa ripetittiva għal intervent mill-Istat.

(40)

Barra minn hekk, il-garanzija tal-2007 (miżura 1) kienet maħsuba biex tindirizza l-problemi finanzjarji tal-kumpanija fiż-żmien qasir, billi tagħtiha spazju biex tirkupra n-nifs permezz tal-iffriżar ta’ pagamenti tas-self għal sentejn. Il-miżuri l-oħrajn kienu maħsuba biex jeliminaw il-problemi finanzjarji tal-kumpanija fit-tul. Fl-istess ħin, it-tliet miżuri kienu ta’ natura komuni, minħabba li kollha indirizzaw il-problema tas-self tal-kumpanija mill-banek.

(41)

Il-Greċja finalment issostni li t-tliet miżuri huma partijiet tal-istess proċess ta’ ristrutturar, u għalhekk ma sarx ksur tal-prinċipju ta’ “darba waħda, l-aħħar darba”.

(42)

L-ispejjeż għar-ristrutturar jikkonsistu fir-ristrutturar ta’ self fit-tul mill-banek (EUR 23 miljun), fir-ristrutturar tal-impjiegi (EUR 1 miljun), f’investimenti (EUR 3 miljuni) u fir-ristrutturar ta’ assi (EUR 1 miljun). Dawn l-ispejjeż jammontaw għal EUR 28 miljun (14).

(43)

Il-Greċja ssostni li l-ispejjeż totali tar-ristrutturar sejrin jiġu ffinanzjati permezz ta’ EUR 14-il miljun f’għajnuna mill-Istat u EUR 14-il miljun ta’ kontribuzzjoni proprja. Il-kontribuzzjoni proprja tinkludi dħul ta’ […] u EUR 1 miljun mill-bejgħ ta’ ishma miżmuma f’kumpanija sussidjarja fl-2007.

(44)

Rigward il-miżuri ta’ kumpens, fil-pjan ġie inizjalment propost (qabel il-ftuħ tal-proċedura ta’ investigazzjoni formali): (a) il-waqfien tal-operazzjonijiet f’waħda mit-tliet impjanti tal-kumpanija, li beda fl-2007 u li ġie konkluż fl-2008; u (b) il-bejgħ ta’ ishma miżmuma f’kumpanija sussidjarja, li seħħ fl-2007. Il-kumpanija ddikjarat li din is-sussidjarja kienet qed iġġarrab telf fis-snin 2005 u 2006.

(45)

Wara l-ftuħ tal-proċedura ta’ investigazzjoni formali, il-Greċja pproponiet il-miżuri alternattivi ta’ kumpens li ġejjin:

(46)

Il-Greċja ssostni li hemm raġunijiet li jiġġustifikaw miżuri ta’ kumpens inqas stretti u li jnaqqsu l-kontribuzzjoni proprja fil-każ ta’ Varvaressos.

(47)

B’mod partikolari, il-Greċja ssostni li Varvaressos tinsab fiż-żona ta’ Imathia, żona megħjuna b’għajnuna reġjonali. Ir-rata tal-qgħad f’Imathia hija d-doppju tal-medja nazzjonali, u l-PDG tagħha huwa ta’ 70 % tal-medja nazzjonali. Fl-istess ħin, in-numru ta’ kumpaniji tal-ħwejjeġ/tat-tessuti f’Imathia naqas minn 296 għal 181 fl-2008 (tnaqqis ta’ 39 %). Fl-aħħar nett, intilfu 56 % tal-impjiegi fil-kumpaniji b’aktar minn għaxar impjegati tul dawn l-aħħar ftit snin.

(48)

Il-Greċja ssostni wkoll li d-daqs ta’ Varvaressos naqas b’mod sinifikanti mill-2006, minħabba li wieħed mit-tliet impjanti tagħha għalaq, u minħabba l-bejgħ tas-sussidjarja tagħha. L-għeluq tal-impjant ikkawża tnaqqis fil-forza tax-xogħol b’[…] sigħat ta’ xogħol, u tnaqqis fil-kapaċità ta’ produzzjoni ta’ 30 %, li barra minn hekk ma jistax jerġa’ jitreġġa’ lura (minħabba rimi jew bejgħ ta’ tagħmir). Il-bejgħ tal-kumpanija sussidjarja kkawża tnaqqis ta’ EUR 6,7 miljun fil-fatturat annwali. B’mod ġenerali, is-sehem tas-suq tal-kumpanija tnaqqas b’27 % fil-kuntest tal-valur tal-bejgħ u bi 30 % fil-kuntest tal-volum tal-bejgħ. Barra minn hekk, il-kumpanija waqqfet l-operazzjonijiet kollha tagħha fl-Estonja, l-Ungerija u r-Rumanija, u parti mill-operazzjonijiet tagħha fl-Awstrija, il-Ġermanja, Franza, ir-Renju Unit, il-Bulgarija, ir-Repubblika Ċeka, l-Italja u l-Polonja (medda ta’ rtirar ta’ bejn […] % u […] %).

(49)

Il-Kummissjoni rċeviet kummenti mingħand Varvaressos. L-argumenti tagħha qablu kważi bis-sħiħ ma’ dawk li tressqu mill-awtoritajiet Griegi.

(50)

Il-Kummissjoni rċeviet ukoll kummenti minn partijiet terzi oħra, li jew kienu relatati mal-operazzjonijiet ta’ Varvaressos jew kienu affettwati minnhom. Il-kummenti kollha faħħru l-istatus tal-benefiċjarju, kemm bħala kontributur għall-ekonomija lokali kif ukoll bħala kumpanija stabbilita b’mod sod. Ġie ddikjarat ukoll li l-waqfien tal-operazzjonijiet tal-kumpanija kienu se jnaqqsu b’mod sinifikanti l-impjiegi u l-kapaċità ta’ produzzjoni fil-Greċja, u b’mod partikolari f’Imathia. Barra minn hekk, ġie ddikjarat li l-għajnuna lil Varvaressos ma toħloq l-ebda tgħawwiġ għall-kompetizzjoni, minħabba s-sehem minimu tas-suq li għandha l-kumpanija.

(51)

L-Artikolu 107(1) tat-TFUE jiddikjara bħala inkompatibbli mas-suq intern kwalunkwe għajnuna mogħtija minn Stat Membru jew permezz ta’ riżorsi tal-Istat fi kwalunkwe forma li tgħawweġ jew li thedded li tgħawweġ il-kompetizzjoni billi tiffavorixxi ċertu impriżi jew il-produzzjoni ta’ ċertu oġġetti, u li taffettwa l-kummerċ bejn l-Istati Membri. Għalhekk, sabiex tiġi kkunsidrata bħala għajnuna mill-Istat, miżura għandha tissodisfa dawn l-erba’ kriterji li ġejjin.

(52)

L-ewwel nett, miżura għandha tingħata minn Stat Membru jew mir-riżorsi tal-Istat. Garanziji mill-Istat iqiegħdu r-riżorsi tal-Istat f’riskju, minħabba li s-sejħa tagħhom titħallas mill-baġit tal-Istat. Barra minn hekk, kull garanzija li mhijiex remunerata b’mod xieraq tinvolvi telf ta’ riżorsi finanzjarji għall-Istat. Barra minn hekk, garanziji mill-Istat jingħataw permezz ta’ deċiżjonijiet tal-Ministeri kompetenti. F’dan il-każ, kien permezz ta’ deċiżjoni tal-Ministeru tal-Finanzi Grieg li l-garanziji tal-2007 u tal-2008 ngħataw lil Varvaressos. Għalhekk, il-kriterju ta’ riżorsi mill-Istat jitqies bħala li ġie sodisfatt.

(53)

It-tieni nett, miżura għandha tagħti vantaġġ lill-benefiċjarju. Il-Kummissjoni tqis li ż-żewġ garanziji in kwistjoni taw vantaġġ mhux dovut lil Varvaressos. Tabilħaqq, għar-raġunijiet stabbiliti fl-Avviż tal-Kummissjoni dwar l-applikazzjoni tal-Artikoli 87 u 88 tat-Trattat tal-KE għal għajnuna mill-Istat fil-forma ta’ garanziji (“l-Avviż dwar il-Garanziji”) (15), taqsimiet 2.2 u 3.2, meta min jissellef ma jħallasx prezz orjentat lejn is-suq għall-garanzija, dan ikun kiseb vantaġġ. F’ċertu każijiet, min jissellef, bħala ditta li tinsab f’diffikultajiet finanzjarji, ma jsibx istituzzjoni finanzjarja lesta li ssellef, taħt kwalunkwe termini, mingħajr garanzija mill-Istat.

(54)

Fil-punt 3.2 tal-Avviż dwar il-Garanziji, il-Kummissjoni stipulat tliet kundizzjonijiet kumulattivi li hija tqis bħala biżżejjed sabiex tiġi eskluża l-preżenza ta’ għajnuna mill-Istat (jiġifieri vantaġġ) fil-forma ta’ garanzija. Dawn huma:

(55)

Meta dawn il-kriterji jiġu applikati għal dan il-każ, il-Kummissjoni ssib li:

(56)

Fuq il-bażi ta’ kif issemma’ hawn fuq, il-Kummissjoni tikkonkludi li l-kumpanija ma kinitx tikseb il-garanziji tal-2007 u tal-2008 taħt l-istess kundizzjonijiet fis-suq, u b’hekk dawn il-miżuri jikkostitwixxu vantaġġ.

(57)

It-tielet nett, biex titqies bħala għajnuna skont l-Artikolu 107(1) tat-TFUE, miżura għandha tkun waħda selettiva. Il-garanzija tal-2007 kienet ibbażata fuq skema settorjali u l-garanzija tal-2008 kienet miżura ad hoc għal Varvaressos. Għalhekk, il-kriterju ta’ selettività jitqies bħala li ġie sodisfatt.

(58)

Fl-aħħar nett, miżura għandha tfixkel il-kompetizzjoni u taffettwa l-kummerċ bejn Stati Membri. Varvaressos hija attiva f’settur li l-prodotti tiegħu huma kkummerċjalizzati ħafna bejn l-Istati Membri, liema settur huwa soġġett għal kompetizzjoni intensa. Fiż-żmien li ngħataw il-miżuri ta’ għajnuna, il-biċċa l-kbira tal-bejgħ ta’ Varvaressos kien sar ma’ Stati Membri oħra (ara l-premessa 7 hawn fuq). Barra minn hekk, il-miżuri ta’ għajnuna in kwistjoni taw vantaġġ lil Varvaressos fuq il-kompetituri tagħha (ara l-premessi 53-56 hawn fuq). Meta għajnuna mill-Istat issaħħaħ il-pożizzjoni ta’ impriża meta mqabbla ma’ impriżi oħra li jikkompetu fil-qasam tal-kummerċ bejn Stati Membri, l-impriżi l-oħra għandhom jitqiesu bħala li huma affettwati minn dik l-għajnuna. Għalhekk, il-kriterju tat-tgħawwiġ tal-kompetizzjoni u l-effett fuq il-kummerċ bejn Stati Membri jitqies bħala li ġie tabilħaqq sodisfatt.

(59)

Fuq il-bażi ta’ dak li ntqal hawn fuq, ġie konkluż li l-garanziji tal-Istat tal-2007 u tal-2008 (il-miżuri 1 u 2) jikkostitwixxu għajnuna mill-Istat favur Varvaressos skont it-tifsira tal-Artikolu 107(1) tat-TFUE.

(60)

Fir-rigward tal-kriterju ta’ riżorsi tal-Istat u l-imputabbiltà, din l-għotja diretta mill-Istat qiegħda tingħata mill-baġit tal-Istat, u hija approvata mill-ministeru responsabbli. Għalhekk, il-kriterju jitqies bħala li ġie sodisfatt.

(61)

Fir-rigward tal-kriterju rigward il-vantaġġ, l-għotja diretta ġiet deċiża favur kumpanija li tinsab f’diffikultajiet finanzjarji. L-Istat Grieg ma jirċievi l-ebda ħlas korrispettiv għall-għotja. Għalhekk, l-għotja tagħti vantaġġ lil Varvaressos.

(62)

Għalhekk, il-Kummissjoni tqis li l-għotja diretta notifikata tal-2009 sejra tagħti vantaġġ lill-kumpanija skont it-tifsira tal-Artikolu 107(1) tat-TFUE.

(63)

Fir-rigward tal-kriterju rigward is-selettività, l-għotja diretta ġiet deċiża fuq il-bażi ta’ deċiżjoni ad hoc għall-kumpanija. Għalhekk, il-kriterju jitqies bħala li ġie sodisfatt.

(64)

Fl-aħħar nett, il-kriterju ta’ tgħawwiġ tal-kompetizzjoni u l-effett fuq il-kummerċ bejn Stati Membri jitqies bħala li ġie sodisfatt bl-istess mod kif imsemmi fil-premessa 58 hawn fuq.

(65)

Fuq il-bażi tal-kunsiderazzjonijiet preċedenti, il-Kummissjoni tikkonkludi li l-għotja diretta notifikata tal-2009 tikkostitwixxi għajnuna mill-Istat favur Varvaressos skont it-tifsira tal-Artikolu 107(1) tat-TFUE.

(66)

Skont l-Artikolu 1(f) tar-Regolament tal-Kunsill (KE) Nru 659/1999 tat-22 ta’ Marzu 1999 li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE (17), għajnuna ġdida li tkun iddaħħlet fis-seħħ bi ksur tal-Artikolu 108(3) tat-TFUE għandha tiġi kkunsidrata bħala li hija għajnuna illegali.

(67)

F’dan il-każ, il-garanzija mill-Istat tal-2007 favur Varvaressos tpoġġiet fis-seħħ mill-Greċja mingħajr ma ġiet innotifikata lill-Kummissjoni u mingħajr ma ħadd ma’ stenna d-deċiżjoni finali jew il-kummenti ta’ din tal-aħħar rigward il-kompatibbiltà tal-miżura mas-suq intern.

(68)

Għalhekk, f’dan l-istadju, il-Kummissjoni tqis li l-garanzija mill-Istat tal-2007 hija illegali.

(69)

Kif stipulat fil-punt 4.1 tal-Avviż dwar il-Garanziji, fejn garanzija individwali jew skema ta’ garanzija ma tkunx konformi mal-prinċipju tal-investitur tal-ekonomija tas-suq, din titqies bħala li tinvolvi għajnuna mill-Istat. Għalhekk, l-element ta’ għajnuna mill-Istat għandu jiġi kkwantifikat sabiex jiġi mistħarreġ jekk l-għajnuna tistax tinstab bħal li hi kompatibbli skont eżenzjoni speċifika ta’ għajnuna mill-Istat. Għalhekk, qabel tevalwa l-kompatibbiltà tal-għajnuna, il-Kummissjoni għandha tikkwantifika l-element ta’ għajnuna.

(70)

Il-garanziji tal-2007 u tal-2008: il-Kummissjoni stabbiliet il-prinċipji ġenerali biex jiġi kkalkulat l-element ta’ għajnuna f’garanziji fl-Avviż dwar il-Garanziji.

(71)

Il-Kummissjoni tqis li, fil-prinċipju, garanzija mill-Istat tista’ titqies bħala għajnuna sal-ammont totali tas-self sottostanti jekk il-benefiċjarju ma jkunx kapaċi li jaċċedi għas-swieq finanzjarji permezz tal-mezzi tiegħu stess (ara l-punti 2.2 u 4.1(a) tal-Avviż dwar il-Garanziji).

(72)

L-Avviż dwar il-Garanziji, fil-punti 4.1 (regoli ġenerali), 4.2 (l-element ta’ għajnuna fil-garanziji individwali) u 4.4 (element ta’ għajnuna fi skemi ta’ garanzija), jistabbilixxi r-regoli li japplikaw għall-kalkolu tal-element ta’ għajnuna fil-garanziji. Fil-premessi li ġejjin, il-Kummissjoni sejra tapplika dawn ir-regoli għall-miżuri 1 u 2.

(73)

F’dan il-każ, il-Greċja wriet li Varvaressos kienet għadha tista’ taċċedi għas-swieq finanzjarji (ara l-premessa 35 hawn fuq) meta ngħatat il-garanzija tal-2007. Għalhekk il-Kummissjoni tikkunsidra li l-kumpanija għad seta’ jkollha aċċess għas-swieq finanzjarji mingħajr il-garanziji mill-Istat tal-2007.

(74)

It-tielet nett, rigward il-garanzija tal-2007, il-Kummissjoni tinnota li l-Greċja nnotifikat il-garanzija tal-2008 qabel tmiem l-istess sena (Novembru 2007) li fiha tat il-garanzija tal-2007 (Mejju 2007). Għalhekk, il-Kummissjoni tqis li anki meta ngħatat il-garanzija tal-2008, il-kumpanija kienet għadha xi ftit jew wisq kapaċi li tħallas lura l-kreditu li ngħatat, u kellha wkoll aċċess għas-suq finanzjarju (18).

(75)

Madankollu, minħabba d-diffikultajiet finanzjarji tagħha fiż-żmien tal-għoti tal-miżuri, il-banek kummerċjali kieku kienu japplikaw rata ta’ imgħax proporzjonalment ogħla minn dik miksuba b’garanzija mill-Istat, minħabba li din tal-aħħar hija sigurtà addizzjonali għall-banek. Għalhekk, il-Kummissjoni tqis li l-benefiċċju ta’ Varvaressos permezz tal-garanziji tal-2007 u tal-2008 ma kienx is-self totali, li setgħet waslet biex tikseb anki mingħajr il-garanziji mill-Istat, iżda r-rata aktar baxxa ta’ imgħax, li hija rċeviet grazzi għall-garanziji.

(76)

Skont il-punt 4.2 tal-Avviż dwar il-Garanziji, fin-nuqqas ta’ primjum tas-suq li miegħu jista’ jsir tqabbil, l-ispejjeż totali tal-iffinanzjar tas-self fis-suq bi u mingħajr garanzija (jiġifieri r-rata tal-imgħax għal self simili mingħajr garanzija għandha tiġi mqabbla mar-rata ta’ interess + primjum ta’ garanzija għas-self mal-garanzija mill-Istat) għandhom jitqabblu.

(77)

F’ħafna każijiet, rata ta’ imgħax tas-suq ta’ dan it-tip ma tkunx disponibbli. Għalhekk, fl-Avviż tagħha tal-2008 dwar il-metodu li jistabbilixxi r-referenza u r-rati ta’ skont (19) (“il-Komunikazzjoni tal-2008 dwar ir-Rata ta’ Referenza”), il-Kummissjoni żviluppat metodoloġija finanzjarja li, għar-raġunijiet stabbiliti fil-punt 4.2 tal-Avviż dwar il-Garanziji, tista’ tintuża bħala prokura għar-rata ta’ imgħax tas-suq.

(78)

F’dan il-każ, ma hemm l-ebda indikazzjoni ta’ x’kienet tħallas Varvaressos għal self mhux garantit komparabbli. Barra minn hekk, l-għoti taż-żewġ garanziji seħħ qabel il-kriżi ekonomika u finanzjarja. Barra minn hekk, il-Kummissjoni hija tal-fehma li minħabba ż-żmien li għadda mill-għoti tal-miżuri, li tiġi kkalkulata rata tas-suq “reali” għal kumpanija tat-tessuti Griega huwa eżerċizzju diffiċli. Għalhekk, il-Kummissjoni sejra tuża r-rata ta’ referenza rilevanti bħala prokura għar-rata tas-suq.

(79)

Fir-rigward tal-garanzija mill-Istat tal-2007, fiż-żmien meta din ingħatat, il-garanziji fuq is-self ta’ Varvaressos jistgħu jitqiesu bħala li huma għoljin għall-finijiet tal-Komunikazzjoni tar-Rata ta’ Referenza tal-2008 (20). Għalhekk, l-element ta’ għajnuna tal-garanzija mill-Istat 2007 għandu jiġi kkalkulat b’marġni ta’ 400 punt bażi, applikabbli għal self titolizzat f’livell għoli għal impriżi li jinsabu f’diffikultà.

(80)

Fuq il-bażi ta’ dan ġie kkalkulat li b’kollox, l-ammont tal-imgħax tas-suq li kellu jitħallas għas-self kopert mill-garanzija tal-2007 fin-nuqqas tal-garanzija mill-Istat kien ta’ EUR 7,3 miljun. L-imgħax li tħallas għas-self (ma kien hemm l-ebda dritt ta’ garanzija) jammonta għal total ta’ EUR 4,9 miljun għall-perjodu minn Jannar 2007 sa Diċembru 2010. Għalhekk id-differenza bejn ir-rata speċifika ta’ imgħax tas-suq li kien ikollha tħallas din il-kumpanija mingħajr il-garanzija u r-rata ta’ imgħax miksuba permezz tal-garanzija mill-Istat wara l-ħlas ta’ primjums imħallsa hija ugwali għal element ta’ għajnuna ta’ EUR 2,4 miljun, li għandhom jiżdiedu mal-ammont ta’ għajnuna tal-pjan ta’ ristrutturar (21).

(81)

Fir-rigward tal-garanzija mill-Istat tal-2008, is-self sottostanti ta’ EUR 2,4 miljun tħallas lill-kumpanija fl-10 ta’ Frar 2009. Dan kellu rata ta’ imgħax ta’ 6 xhur Euribor b’żieda ta’ 3,6 %, u tul ta’ 6 xhur (jew sa tmiem il-valutazzjoni tal-pjan ta’ ristrutturar). Dan għadu ma tħallasx lura (għadu mal-kapital inizjali).

(82)

Il-kumpanija kienet għadha tinsab f’diffikultajiet u ma kellha l-ebda assi liberi x’toffri bħala garanzija (22). Fin-nuqqas ta’ garanzija, il-Kummissjoni għalhekk tapplika riforniment ta’ 1 000 punt bażi fuq ir-rata bażi Griega, li rriżulta fl-ammont ta’ EUR 550 000 f’imgħax tas-suq li kellu jitħallas għall-finanzjament tal-2008. L-imgħax li ġie impost għas-self tal-2008 jammonta (ma kien hemm l-ebda miżata ta’ garanzija) għal total ta’ EUR 0,25 miljun għall-perjodu minn Frar 2009 (meta tħallas is-self sottostanti) sa Diċembru 2010. Għalhekk id-differenza bejn ir-rata speċifika ta’ imgħax tas-suq li kien ikollha tħallas din il-kumpanija mingħajr il-garanzija u r-rata ta’ imgħax miksuba permezz tal-garanzija mill-Istat wara l-ħlas ta’ primjums imħallsa hija ugwali għal element ta’ għajnuna ta’ EUR 0,3 miljun, li għandhom jiżdiedu mal-ammont ta’ għajnuna tal-pjan ta’ ristrutturar.

(83)

Fir-rigward tal-miżura 3, minħabba li hija għotja diretta, l-ammont kollu ta’ EUR 14-il miljun jirrappreżenta l-element ta’ għajnuna.

(84)

Fuq il-bażi ta’ kif ġie stabbilit hawn fuq, l-element ta’ għajnuna totali fil-miżuri 1, 2 u 3 jammonta għal EUR 16,7 miljun.

(85)

Safejn il-miżuri jikkostitwixxu għajnuna skont it-tifsira tal-Artikolu 107(1) tat-TFUE, il-kompatibbiltà tagħhom għandha tiġi evalwata fid-dawl tal-eċċezzjonijiet stipulati fil-paragrafi 2 u 3 ta’ dak l-Artikolu.

(86)

Jidher b’mod ċar li l-eċċezzjonijiet stabbiliti fl-Artikolu 107(2) u l-Artikolu 107(3), punti (d) u (e) mhumiex applikabbli u ma ġewx invokati mill-awtoritajiet Griegi.

(87)

Varvaressos kienet ditta li kienet tinsab f’diffikultà fiż-żmien meta ngħataw il-miżuri (ara l-premessa 9 hawn fuq u l-premessi 89-90 hawn taħt), għalhekk, il-kompatibbiltà tal-miżuri ta’ għajnuna tista’ tiġi evalwata biss fid-dawl tal-Linji Gwida tal-R&R, jiġifieri skont l-Artikolu 107(3)(c) tat-TFUE.

(88)

Fir-rigward tal-punt 10(a) tal-Linji Gwida tal-R&R, il-Kummissjoni tinnota li għalkemm Varvaressos tilfet ammont sostanzjali ta’ ekwità proprja fil-perjodu 2004-2009, hija ma tilfitx aktar minn nofs il-kapital reġistrat tagħha fil-perjodu li qiegħed jiġi analizzat (2007-2009). Rigward il-punt 10(c), Varvaressos ma ssodisfatx il-kriterji taħt il-liġi domestika tagħha biex tkun is-suġġett ta’ proċedimenti ta’ falliment kollettivi.

(89)

Min-naħa l-oħra, kif deskritt fil-premessa 9 hawn fuq, il-prestazzjoni finanzjarja tal-kumpanija ddeterjorat b’mod sinifikanti fil-perjodu 2006-2009. Għalhekk ġie konkluż li fl-2006, Varvaressos kienet diġà ditta li tinsab f’diffikultà, skont it-tifsira tal-punt 11 tal-Linji Gwida tal-R&R, minħabba li kellha telf dejjem qed jiżdied u dħul dejjem qed jonqos.

(90)

Rigward il-punt 9 tal-Linji Gwida tal-R&R, jidher li fl-2007, apparti s-self li diġà ngħatalha, il-kumpanija kellha tabilħaqq bżonn ta’ aktar fondi sabiex tikseb il-vijabbiltà. Dan jidher mill-fatt li fl-2006 applikat għall-għajnuna għar-ristrutturar. Għalhekk, l-ippjanar mill-ġdid tal-2007 ma kienx biżżejjed għall-ksib mill-ġdid tal-vijabbiltà, għaliex serva biss biex iħallas is-self eżistenti, u mhux biex jikseb aktar self. Għalhekk, il-Kummissjoni taċċetta li fl-2007, il-kumpanija ma setgħetx terġa’ tikseb il-vijabbiltà mill-ġdid mingħajr għajnuna pubblika, u li kellha diffikultajiet finanzjarji anki fuq il-bażi tal-punt 9 tal-Linji Gwida tal-R&R.

(91)

Il-Kummissjoni tikkunsidra l-garanziji mill-Istat tal-2007 u tal-2008 bħala għajnuna ta’ salvataġġ. Tabilħaqq, din tal-ewwel kienet maħsuba biex tindirizza l-problemi finanzjarji tal-kumpanija fiż-żmien qasir, billi tagħtiha spazju biex tirkupra n-nifs permezz tal-iffriżar ta’ pagamenti fuq self għal sentejn. Din tal-aħħar kellha l-għan li żżomm il-kumpanija għaddejja sakemm jiġi ppreżentat pjan ta’ ristrutturar.

(92)

Minkejja l-fatt li l-garanzija tal-2007 fil-fatt kienet miżura ta’ għajnuna għas-salvataġġ, din ma waslitx fi tmiemha fi żmien 6 xhur mid-data meta ngħatat (it-30 ta’ Mejju 2007), jiġifieri sat-30 ta’ Novembru 2007. Fil-prinċipju, dan jikkostitwixxi abbuż ta’ għajnuna (illegali) u ksur tal-prinċipju ta’ “darba waħda, l-aħħar darba”.

(93)

Madankollu, il-Kummissjoni għandha wkoll tevalwa l-kompatibbiltà tal-miżura ta’ għajnuna fuq kull bażi oħra possibbli. Il-punt 20 tal-Linji Gwida tal-R&R jillimita l-bażijiet għal dawk stipulati taħt il-linji gwida għas-salvataġġ u r-ristrutturar. Dan xorta għandu jħalli l-possibbiltà li l-għajnuna għas-salvataġġ tikkwalifika bħala għajnuna għar-ristrutturar, jiġifieri bħala parti minn serje kontinwa ta’ ristrutturar (ara wkoll il-Kawża C11/2007, Ottana Energia  (23).

(94)

F’dan il-kuntest u fir-rigward tal-kwistjoni dwar jekk it-tliet miżuri li qed jiġu eżaminati jiffurmawx serje kontinwa ta’ ristrutturar jew le, il-Kummissjoni tikkunsidra li iva. Din il-konsiderazzjoni tirriżulta minn dan li ġej:

(95)

L-ewwel nett, it-tliet miżuri kienu diretti lejn l-istess għan, jiġifieri biex tiġi indirizzata l-problema li nħolqot mill-obbligi għoljin fir-rigward tas-self li l-kumpanija kellha fil-passat.

(96)

Barra minn hekk, il-garanziji tal-2007 u tal-2008 ma kinux biżżejjed biex jipprovdu lill-kumpanija bir-riżorsi finanzjarji meħtieġa għar-ristrutturar tagħha (ugwali għal mill-inqas is-self totali tagħha, jiġifieri EUR 25,4 miljun fl-aħħar tal-2006), minħabba li dan tal-aħħar seta’ jinkiseb biss permezz tat-tgħaqqid flimkien tat-tliet miżuri, bħala t-tliet porzjonijiet ta’ proċess wieħed ta’ ristrutturar.

(97)

Barra minn hekk, l-akbar parti tas-self li kien kopert mill-garanzija tal-2008 (EUR 1,8 miljun minn total ta’ EUR 2,4 miljun) kienet immirata lejn l-iffinanzjar tal-istess investimenti tal-għotja ta’ ristrutturar tal-2009. Fl-istess ħin, dawk l-investimenti kellhom jitwettqu tul l-istess perjodu ta’ żmien tal-pjan ta’ ristrutturar tal-2009 (ara l-premessa 19 hawn fuq).

(98)

Barra minn hekk, il-pjan ta’ ristrutturar tal-2009 huwa l-istess bħall-pjan ta’ rkupru li diġà ġie ppreżentat mill-kumpanija lill-awtoritajiet Griegi fl-2006 (ara l-premessi 11-12 hawn fuq), b’xi emendi fil-kuntest tal-valutazzjoni tiegħu.

(99)

Fl-aħħar nett, ir-ristrutturar inbeda tabilħaqq fl-2006. B’mod partikolari, il-pjan kien jinkludi erba’ miżuri ta’ ristrutturar li ġew applikati jew li bdew jiġu applikati qabel l-għoti tal-garanzija tal-2007 (Mejju 2007), jiġifieri t-tnaqqis fil-produzzjoni (2006), it-tnaqqis fil-forza tax-xogħol (2006), il-bejgħ tal-kumpanija sussidjarja Thiva (Jannar 2007) u l-organizzazzjoni mill-ġdid u l-immodernizzar tal-ġestjoni tal-kumpanija (2006).

(100)

Għalhekk, il-Kummissjoni tikkonkludi li l-miżuri ta’ għajnuna li qed jiġu eżaminati huma partijiet tal-istess ristrutturar, mogħtija sabiex tiġi faċilitata l-implimentazzjoni ta’ pjan wieħed ta’ ristrutturar. Għalhekk, ma sarx ksur tal-prinċipju ta’ “darba waħda, l-aħħar darba”.

(101)

Fuq il-bażi ta’ kif imsemmi hawn fuq, il-Kummissjoni sejra tivvaluta l-kompatibbiltà tat-tliet miżuri ta’ għajnuna bħala serje kontinwa ta’ ristrutturar.

(102)

Il-Kummissjoni hija tal-fehma li l-miżuri previsti fil-pjan ta’ ristrutturar qegħdin tabilħaqq jindirizzaw l-għejun preċiżi tad-diffikultajiet tal-kumpanija. B’mod partikolari, fil-fehma tal-Kumissjoni l-pjan ġustament jidentifika l-fatturi (esterni u interni) bħala l-għejun tad-diffikultajiet ta’ Varvaressos:

(103)

Il-miżuri ta’ ristrutturar li ġew proposti għandhom l-għan li jsolvu dawn il-problemi. L-ewwel nett, il-pjan jipproponi r-ristrutturar finanzjarju tal-kumpanija; it-tieni nett, jipproponi miżuri konkreti għat-titjib tal-marġni ta’ profitt tal-kumpanija billi jbiddel it-tipi differenti ta’ qligħ u jnaqqas l-ispejjeż operattivi; u t-tielet nett, jipproponi l-immodernizzar tal-ġestjoni. Il-miżuri ta’ ristrutturar huma mqassma f’14-il “azzjoni”, bi spejjeż attribwiti lil kull waħda minn dawn l-azzjonijiet. Il-Kummissjoni tikkonkludi li l-azzjonijiet li ġew proposti fil-fatt jidhru li qegħdin jindirizzaw il-problemi fundamentali tal-kumpanija.

(104)

Fir-rigward tal-impatt finanzjarju tal-pjan ta’ ristrutturar, il-projezzjonijiet finanzjarji jsegwu l-implimentazzjoni tal-pakkett tar-ristrutturar b’mod realistiku. Kemm iż-żieda fil-fatturat (madwar 5 % kull sena) kif ukoll iż-żieda fid-dħul operattiv (madwar 10 % kull sena) huma raġonevoli wara l-implimentazzjoni tal-miżuri ta’ ristrutturar (jiġifieri l-għoti ta’ direzzjoni ġdida lill-firxa tal-prodotti u l-miżuri ta’ razzjonalizzazzjoni tal-ispejjeż).

(105)

Fuq din il-bażi, il-Kummissjoni taċċetta li r-ristrutturar sejjer jippermetti li l-kumpanija terġa’ tikseb il-vijabbiltà fl-2011 u li l-azzjonisti tagħha se jkollhom redditu fuq il-kapital li investew li se jkun ogħla minn jew (fl-agħar każ) ugwali għall-ispiża tagħhom għas-self, u għaldaqstant, ta’ livell sodisfaċenti. Il-Kummissjoni tinnota li dawn ir-riżultati sejrin jinkisbu fi żmien raġonevoli u li r-riżultati mistennija huma bbażati fuq suppożizzjonijiet raġonevoli.

(106)

Għalhekk, il-Kummissjoni tqis li l-pjan jissodisfa l-kriterji tal-punti 35-37 tal-Linji Gwida tal-R&R.

(107)

Fir-rigward tal-miżuri ta’ kumpens li ġew proposti, il-pjan ta’ ristrutturar jipproponi: (a) l-irtirar tal-kumpanija mis-suq Grieg b’mill-inqas 10 % meta mqabbel mal-bejgħ fl-2009 fil-Greċja, għall-perjodu sa tmiem l-2013, jiġifieri sentejn wara t-tmiem tar-ristrutturar (b) il-projbizzjoni ta’ kwalunkwe tip ta’ għajnuna mill-Istat lill-kumpanija għall-perjodu sa tmiem l-2013, jiġifieri sentejn wara t-tmiem tar-ristrutturar.

(108)

Il-Kummissjoni tqis li l-irtirar propost b’10 % mill-Greċja sejjer jippermetti li l-kompetituri jidħlu fi jew iżidu l-bejgħ tagħhom f’suq li fih il-kumpanija għad għandha preżenza msaħħa. Tabilħaqq, il-preżenza tal-kumpanija fil-Greċja żdiedet b’mod konsiderevoli tul dawn l-aħħar snin, minn 32 % għal 42 %, b’differenza għall-bejgħ tagħha fl-UE, li naqas minn 67 % għal 52 % (ara l-premessa 7 hawn fuq). Fl-aħħar nett, il-kumpanija hija kklassifikata bħala l-għaxar waħda fis-suq Grieg tat-tessuti (skont id-dejta tal-2007, ara l-premessa 8 hawn fuq). Fl-istess ħin, żdiedet ukoll il-preżenza tal-kumpanija fil-pajjiżi li mhumiex parti mill-UE f’dawn l-aħħar snin (minn 1 % sa 6 %), li juri li l-vijabbiltà tal-kumpanija ma tiddependix fuq li tiżdied il-preżenza tagħha fis-suq tal-UE.

(109)

Fl-istess ħin, l-irtirar mis-suq Grieg se jfisser li Varvaressos se ċċedi, b’mod parzjali jew bis-sħiħ, ir-relazzjonijiet kummerċjali li stabbiliet f’pajjiżha, u li se tipprova tibdilhom b’oħrajn ġodda, fi Stati Membri oħra tal-UE jew f’pajjiżi terzi. Dan sejjer ikun test reali tal-kompetittività tal-kumpanija.

(110)

Il-Kummissjoni tinnota wkoll li huwa mistenni li l-bejgħ tal-kumpanija sejjer jiżdied fit-tliet xenarji ta’ vijabbiltà (ara l-premessa 24 hawn fuq). Madankollu, it-tnaqqis tal-bejgħ fil-Greċja ma joħloqx kontraddizzjoni maż-żieda fil-fatturat: dan tal-ewwel jista’ jseħħ għall-benefiċċju tal-kompetituri tal-kumpanija billi jagħtihom aktar spazju għall-kapaċità; dan tal-aħħar se jippermetti l-vijabbiltà tal-benefiċjarju.

(111)

Madankollu, jista’ jingħad li s-sena l-aktar xierqa biex tintuża bħala l-punt ta’ referenza għall-irtirar ta’ 10 % mis-suq Grieg għandha tkun l-2006 minflok l-2009. Dan minħabba li skont il-punt 40 tal-Linji Gwida tal-R&R, “It-tnaqqis għandu jkun parti integrali tar-ristrutturar skont kif stabbilit fil-pjan ta’ ristrutturar”. Tabilħaqq, ir-ristrutturar tal-kumpanija beda fl-2006 u kellu jdum ħames snin (sal-2011). Għalhekk, skont din il-linja ta’ ħsieb, il-miżura ta’ kumpens għandu jkollha impatt li jieħu in kunsiderazzjoni u li jikkorrispondi għal kemm idum ir-ristrutturar, u mhux biss għal parti minnu.

(112)

Min-naħa l-oħra, il-Kummissjoni tinnota li l-impatt ta’ miżuri ta’ kumpens għandu jkun l-aktar sinifikanti possibbli. F’dan il-każ, il-bejgħ tal-kumpanija għall-2009 fil-Greċja kien ogħla mill-bejgħ għall-2006 (EUR 8,1 miljun u EUR 7,1 miljun, rispettivament). Għalhekk, il-Kummissjoni tqis li l-miżura għandha tiġi kkalkulata bi tqabbil mal-bejgħ għall-2009, minħabba li hekk ikollha impatt ogħla.

(113)

Fir-rigward tal-projbizzjoni ta’ kwalunkwe tip ta’ għajnuna mill-Istat, il-Kummissjoni tqis li din hija żieda għall-irtirar mis-suq Grieg, li diġà hija ta’ livell sodisfaċenti (10 %). Tabilħaqq, Varvaressos tinsab fiż-żona ta’ Imathia, żona megħjuna għal skopijiet ta’ għajnuna reġjonali skont id-deroga fl-Artikolu 107(3)(a) tat-TFUE (ara l-premessa 47 hawn fuq), li jfisser li l-kumpanija setgħet tkun eliġibbli għal għajnuna għall-investimenti b’intensità ta’ għajnuna ta’ 40 %. Projbizzjonijiet ta’ għajnuniet futuri diġà ġew approvati qabel, bħala miżuri ta’ kumpens addizzjonali, fil-kawżi Alstom  (24) u Constructions Mécaniques de Normandie  (25).

(114)

Barra minn hekk, il-Kummissjoni tqis li d-daqs tal-kumpanija tant naqas li kwalunkwe tnaqqis ulterjuri jista’ biss ikun fatali għall-vijabbiltà tagħha (ara l-premessa 48 hawn fuq).

(115)

Fl-istess ħin, il-Kummissjoni tinnota mill-ġdid li l-impatt ta’ miżuri ta’ kumpens għandu jkun l-aktar sinifikanti possibbli. B’hekk, f’dan il-każ, il-Kummissjoni tqis li t-tul tal-projbizzjoni futura ta’ għajnuna mill-Istat għandu jiġi estiż għal aktar minn sentejn. Dan mhux se jkun ta’ ħsara lill-vijabbiltà tal-kumpanija, iżda se jagħmel tajjeb għat-tfixkil mhux meħtieġ tal-kompetizzjoni. Bħala konklużjoni, il-Kummissjoni tqis li projbizzjoni ta’ erba’ snin hija aktar xierqa.

(116)

Fuq il-bażi ta’ kif issemma’ hawn fuq, il-Kummissjoni tqis li l-miżuri ta’ kumpens deskritti hawn fuq jissodisfaw ir-rekwiżiti tal-Linji Gwida R&R. B’mod partikolari: (a) huma ta’ benefiċċju għall-kompetituri ta’ Varvaressos, skont it-tifsira tal-paragrafu 31; (b) jingħataw forma prevista fil-paragrafi 39 u 46(c); u (c) sejrin iseħħu fis-suq li fih Varvaressos sejra jkollha pożizzjoni sinifikanti fis-suq wara r-ristrutturar, skont it-tifsira tal-paragrafu 40.

(117)

Barra minn hekk, skont il-punt 40 tal-Linji Gwida tal-R&R, il-miżuri ta’ kumpens huma proporzjonali mal-effetti ta’ tfixkil tal-għajnuna in kwistjoni, u b’mod partikolari mad-daqs u l-importanza relattiva tal-kumpanija fis-suq. Fl-2008, Varvaressos kellha sehem żgħir fis-suq ta’ […] % fil-produzzjoni tal-UE tal-ħjut (ara l-premessa 8 hawn fuq).

(118)

Fl-istess ħin, il-paragrafu 56 tal-Linji Gwida jipprevedi li l-kundizzjonijiet għall-awtorizzazzjoni tal-għajnuna jistgħu jkunu inqas stretti f’żona megħjuna. Varvaressos tinsab fiż-żona ta’ Imathia, żona megħjuna għal skopijiet ta’ għajnuna reġjonali skont id-deroga fl-Artikolu 107(3)(a) tat-TFUE (ara l-premessa 47 hawn fuq).

(119)

Fuq il-bażi ta’ kif issemma’ hawn fuq, il-miżuri ta’ kumpens li ġew proposti mill-Greċja ma jidhrux li huma biżżejjed. Min-naħa l-oħra, il-Kummissjoni hija tal-fehma li l-miżuri, flimkien mal-projbizzjoni ta’ għajnuna fil-futur estiża sal-2015, tabilħaqq jissodisfaw il-kriterji tal-miżuri ta’ kumpens tal-Linji Gwida tal-R&R.

(120)

Il-Greċja ssostni li sa mill-2009, il-kumpanija kienet ta’ daqs medju, skont il-kriterji stabbiliti fir-Rakkomandazzjoni tal-Kummissjoni tas-6 ta’ Mejju 2003 dwar id-definizzjoni ta’ intrapriżi mikro, żgħar u ta’ daqs medju (26). Madankollu, meta jitqies il-fatt li l-kumpanija rċeviet għajnuna mill-Istat għall-ewwel darba fl-2007, għandha titqies bħala li hi kumpanija kbira għall-finijiet ta’ din il-valutazzjoni (fl-2006 kellha fatturat annwali ta’ EUR 28 miljun). Għalhekk, fil-prinċipju, il-kontribuzzjoni tal-kumpanija għall-pjan ta’ ristrutturar għandha tkun ta’ mill-inqas 50 % tal-ispiża totali tal-pjan, skont il-punt 44 tal-Linji Gwida R&R.

(121)

Madankollu, il-Kummissjoni tinnota li l-kumpanija tinsab f’żona megħjuna għal skopijiet ta’ għajnuna reġjonali skont id-deroga fl-Artikolu 107(3)(a) tat-TFUE (ara l-premessa 47 hawn fuq). Skont il-punt 56 tal-Linji Gwida tal-R&R, f’żoni megħjuna u sakemm ma jkunx ġie stipulat mod ieħor fir-regoli dwar għajnuna mill-Istat f’qasam partikolari, il-kundizzjonijiet għall-awtorizzazzjoni ta’ għajnuna jistgħu jkunu inqas stretti fir-rigward tad-daqs tal-kontribuzzjoni tal-benefiċjarju.

(122)

Fid-dawl taċ-ċirkostanzi li ġew spjegati hawn fuq u b’konformità mal-prattika tagħha, il-Kummissjoni tqis li f’dan il-każ il-perċentwal ta’ 40 % jikkwalifika bħala kontribuzzjoni proprja xierqa skont il-Linji Gwida tal-R&R.

(123)

Fid-dawl ta’ dak li ssemma’ hawn fuq u fid-dawl tal-kalkolu tal-miżuri ta’ għajnuna fil-premessi 70 sa 84 hawn fuq, ir-ristrutturar ġenerali ta’ EUR 30,7 miljun huwa ffinanzjat kif ġej:

(124)

Għalhekk, il-kontribuzzjoni proprja tal-kumpanija hija ta’ 46 % tal-ispiża finanzjarja totali tar-ristrutturar, jiġifieri aktar mill-minimu ta’ kontribuzzjoni proprja ta’ 40 % kif stabbilit fil-premessa 122 hawn fuq, u b’hekk f’limiti xierqa skont il-Linji Gwida tal-R&R.

(125)

Il-garanzija mill-Istat tal-2007 turi li d-deċiżjoni tal-Kummissjoni ta’ Lulju 2008 dwar għajnuna għas-salvataġġ (ara l-premessa 1 hawn fuq) kienet ibbażata fuq informazzjoni żbaljata li ġiet ipprovduta mill-awtoritajiet Griegi. B’mod partikolari, fin-notifika tal-għajnuna għas-salvataġġ (Novembru 2007), l-awtoritajiet Griegi ddikjaraw li Varvaressos ma kinitx irċeviet għajnuna għas-salvataġġ jew għar-ristrutturar, għalkemm kienet ingħatat garanzija mill-Istat f’Mejju 2007.

(126)

Skont l-Artikolu 9 tar-Regolament Proċedurali, il-Kummissjoni tista’ tirrevoka deċiżjoni li tkun ittieħdet skont l-Artikolu 4(3), wara li tkun tat l-opportunità lill-Istat Membru kkonċernat li jressaq il-kummenti tiegħu, f’każ li d-deċiżjoni kienet ibbażata fuq informazzjoni żbaljata pprovduta waqt il-proċedura, li kienet fattur determinanti għad-deċiżjoni.

(127)

F’dan il-każ, il-Kummissjoni ma kinitx konxja mill-fatt li Varvaressos kienet diġà ngħatat għajnuna qabel, waqt li diġà kienet tinsab f’diffikultà. Għalhekk, il-prinċipju ta’ “darba waħda, l-aħħar darba” ma ġiex eżaminat u l-għajnuna li ngħatat diġà ma ġietx ikkunsidrata fil-kalkolu tal-għajnuna għas-salvataġġ.

(128)

Bid-deċiżjoni tagħha tal-ftuħ tad-9 ta’ Marzu 2010, il-Kummissjoni tat l-opportunità lill-Greċja biex tippreżenta l-kummenti tagħha dwar il-fatt li d-deċiżjoni tal-Kummissjoni ta’ Lulju 2008 dwar għajnuna għas-salvataġġ kienet ibbażata fuq l-informazzjoni żbaljata pprovduta mill-awtoritajiet Griegi li Varvaressos ma kinitx irċeviet għajnuna għas-salvataġġ jew għar-ristrutturar qabel. Fil-kummenti tagħha, il-Greċja ammettiet li kienet tat il-garanzija tal-Istat ta’ Mejju 2007. Madankollu, il-Greċja sostniet li l-garanzija tal-2007 ma kinitx tikkostitwixxi għajnuna mill-Istat (ara l-premessa 34 hawn fuq). Il-Kummissjoni ma tistax taċċetta l-argumenti tal-Greċja, minħabba li jew huma bbażati fuq dikjarazzjonijiet ipotetiċi u fuq kriterji rigward għajnuna li mhijiex mill-Istat, jew minħabba li jgħawwġu s-sens korrett tal-klassifikazzjoni tal-kreditu.

(129)

Fuq il-bażi ta’ kif ġie stabbilit hawn fuq, id-deċiżjoni tal-Kummissjoni ta’ Lulju 2008 dwar għajnuna għas-salvataġġ għandha tiġi revokata.

(130)

Il-Kummissjoni tikkonkludi li l-miżuri ta’ għajnuna li qegħdin jiġu eżaminati huma kompatibbli mas-suq intern, jekk jiġu rispettati ċerti kundizzjonijiet,