1.7.2011

MT

Il-Ġurnal Uffiċjali tal-Unjoni Ewropea

L 173/1

---

REGOLAMENT TA’ IMPLIMENTAZZJONI TAL-KUMMISSJONI (UE) Nru 640/2011

tat-30 ta’ Ġunju 2011

li jemenda għall-152 darba r-Regolament tal-Kunsill (KE) Nru 881/2002 li jimponi ċerti miżuri restrittivi speċifiċi diretti kontra ċerti persuni u entitajiet assoċjati ma’ Usama bin Laden, man-network ta’ Al-Qaida u mat-Taliban

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 881/2002 tas-27 ta' Mejju 2002 li jimponi ċerti miżuri restrittivi speċifiċi diretti kontra ċerti persuni u entitajiet assoċjati ma’ Usama bin Laden, man-network ta’ Al-Qaida u mat-Taliban, u li jħassar ir-Regolament tal-Kunsill (KE) Nru 467/2001 li jipprojbixxi l-esportazzjoni ta’ ċerti merkanzija u servizzi lejn l-Afganistan, waqt li jsaħħaħ il-projbizzjoni ta’ titjiriet u jestendi l-iffriżar ta' fondi u riżorsi finanzjarji oħra fir-rigward tat-Taliban tal-Afganistan (1), u b’mod partikolari l-Artikoli 7(1)(a) u 7a(5) tiegħu,

Billi:

(1)	L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)	Fit-22 ta’ Ġunju 2011, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jneħħi ħames persuni naturali u tliet persuni ġuridiċi mil-lista ta' persuni, gruppi u entitajiet li għalihom japplika l-iffriżar ta’ fondi u riżorsi ekonomiċi.

(3)	Għaldaqstant l-Anness I tar-Regolament (KE) Nru 881/2002 għandu jiġi aġġornat biex jirrifletti dan.

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 881/2002 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 139, 29.5.2002, p. 9.

---

---

1.7.2011

MT

Il-Ġurnal Uffiċjali tal-Unjoni Ewropea

L 173/3

---

REGOLAMENT TA’ IMPLIMENTAZZJONI TAL-KUMMISSJONI (UE) Nru 641/2011

tat-30 ta’ Ġunju 2011

li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2), u b’mod partikolari l-Artikolu 136(1) tiegħu,

Billi:

Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu,

ADOTTAT DAN IR-REGOLAMENT:

Artikolu 1

Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fl-1 ta’ Lulju 2011.

---

(1)  ĠU L 299, 16.11.2007, p. 1.

(2)  ĠU L 157, 15.6.2011, p. 1.

---

---

1.7.2011

MT

Il-Ġurnal Uffiċjali tal-Unjoni Ewropea

L 173/5

---

REGOLAMENT TA’ IMPLIMENTAZZJONI TAL-KUMMISSJONI (UE) Nru 642/2011

tat-30 ta’ Ġunju 2011

li jiffissa d-dazji tal-importazzjoni fis-settur taċ-ċereali applikabbli mill-1 ta’ Lulju 2011

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (UE) Nru 642/2010 tal-20 ta' Lulju 2010 dwar regoli ta' applikazzjoni (dazju ta' importazzjoni fis-settur taċ-ċereali) għar-Regolament tal-Kunsill (KE) Nru 1234/2007 (2), u b'mod partikolari l-Artikolu 2(1) tiegħu,

Billi:

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet tan-NM 1001 10 00, 1001 90 91, ex 1001 90 99 (qamħ durum ta' kwalità għolja), 1002, ex 1005 minbarra ż-żrieragħ ibridi, u ex 1007 minbarra l-ibridu għaż-żrigħ, id-dazju tal-importazzjoni huwa daqs il-prezz tal-intervent li jgħodd għal dawn il-prodotti fil-waqt tal-importazzjoni, biż-żieda ta' 55 % u bit-tnaqqis tal-prezz tal-importazzjoni CIF applikabbli għall-kunsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)	L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju tal-importazzjoni msemmija fil-paragrafu 1 tal-Artikolu msemmi, għall-prodotti kkonċernati kull tant żmien jiġu stabbiliti prezzijiet rappreżentattivi CIF għall-importazzjoni.

(3)

Skont l-Artikolu 2(2) tar-Regolament (UE) Nru 642/2010, il-prezz li għandu jintuża għall-kalkolu tad-dazju tal-importazzjoni tal-prodotti li jaqgħu taħt il-kodiċijiet NM 1001 10 00, 1001 90 91, ex 1001 90 99 (qamħ durum ta' kwalità għolja), 1002 00, 1005 10 90, 1005 90 00 u 1007 00 90, huwa l-prezz rappreżentattiv tal-importazzjoni CIF tal-ġurnata stabbilit skont il-metodu pprovdut fl-Artikolu 5 tar-Regolament imsemmi.

(4)	Jeħtieġ li jiġu stabbiliti d-dazji tal-importazzjoni għall-perjodu mill-1 ta’ Lulju 2011, applikabbli sakemm jidħlu fis-seħħ dazji tal-importazzjoni ġodda,

ADOTTAT DAN IR-REGOLAMENT:

Artikolu 1

Mill-1 ta’ Lulju 2011, id-dazji tal-importazzjoni fis-settur taċ-ċereali msemmija fl-Artikolu 136(1) tar-Regolament (KE) Nru 1234/2007 huma stipulati fl-Anness I ta' dan ir-Regolament abbażi tal-fatturi msemmija fl-Anness II.

Artikolu 2

Dan ir-Regolament għandu jidħol fis-seħħ fl-1 ta’ Lulju 2011.

---

(1)  ĠU L 299, 16.11.2007, p. 1.

(2)  ĠU L 187, 21.7.2010, p. 5.

---

---

---

1.7.2011

MT

Il-Ġurnal Uffiċjali tal-Unjoni Ewropea

L 173/8

---

DEĊIŻJONI TAL-KUNSILL EWROPEW

tal-24 ta’ Ġunju 2011

li taħtar il-President tal-Bank Ċentrali Ewropew

(2011/386/UE)

IL-KUNSILL EWROPEW,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 283(2) tiegħu,

Wara li kkunsidra l-Protokoll dwar l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 11.2 tiegħu,

Wara li kkunsidra r-rakkomandazzjoni tal-Kunsill tal-Unjoni Ewropea (1),

Wara li kkunsidra l-opinjoni tal-Parlament Ewropew (2),

Wara li kkunsidra l-opinjoni tal-Kunsill Governattiv tal-Bank Ċentrali Ewropew (3),

Billi

(1)	Il-mandat tal-President tal-Bank Ċentrali Ewropew, is-Sur Jean-Claude TRICHET, maħtur bid-Deċiżjoni tas-16 ta’ Ottubru 2003 (4), jiskadi fil-31 Ottubru 2011 u għalhekk huwa meħtieġ li jinħatar President ġdid tal-Bank Ċentrali Ewropew.

(2)	Il-Kunsill Ewropew jixtieq jaħtar lis-Sur Mario DRAGHI li, fil-fehma tiegħu, jissodisfa r-rekwiżiti kollha stabbiliti fl-Artikolu 283(2) tat-Trattat,

ADOTTA DIN ID-DEĊIŻJONI:

Artikolu 1

Is-Sur Mario DRAGHI huwa b’dan maħtur President tal-Bank Ċentrali Ewropew għal mandat ta’ tmien snin mill-1 ta’ Novembru 2011.

Artikolu 2

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.

Artikolu 3

Din id-Deċiżjoni għandha tidħol fis-seħħ fid-data tal-adozzjoni tagħha.

---

(1)  ĠU L 150, 9.6.2011, p. 8.

(2)  Opinjoni mogħtija fit-23 ta’ Ġunju 2011 (għadha mhijiex ippubblikata fil-Ġurnal Uffiċjali).

(3)  ĠU C 182, 23.6.2011, p. 6.

(4)  Deċiżjoni meħuda bi qbil komuni, fil-livell ta’ Kapijiet ta’ Stat jew Gvern, mill-Gvernijiet tal-Istati Membri li għandhom l-euro bħala l-munita tagħhom tas-16 ta’ Ottubru 2003 li taħtar il-President tal-Bank Ċentrali Ewropew (ĠU L 277, 28.10.2003, p. 16).

---

1.7.2011

MT

Il-Ġurnal Uffiċjali tal-Unjoni Ewropea

L 173/9

---

DEĊIŻJONI TAL-KUNSILL

tat-28 ta’ Ġunju 2011

dwar it-tnedija ta’ skambju awtomatizzat ta’ data fir-rigward ta’ Data dwar ir-Reġistrazzjoni tal-Vetturi (VRD) fis-Slovenja

(2011/387/UE)

IL-KUNSILL TAL-UNJONI EWROPEA,

Wara li kkunsidra d-Deċiżjoni tal-Kunsill 2008/615/ĠAI tat-23 ta’ Ġunju 2008 dwar it-titjib tal-kooperazzjoni transkonfinali, b’mod partikolari fil-ġlieda kontra t-terroriżmu u l-kriminalità transkonfinali (1), u b’mod partikolari l-Artikolu 25 tagħha,

Wara li kkunsidra d-Deċiżjoni tal-Kunsill 2008/616/ĠAI tat-23 ta’ Ġunju 2008 dwar l-implimentazzjoni tad-Deċiżjoni 2008/615/ĠAI dwar it-titjib tal-koperazzjoni transkonfinali, b’mod partikolari fil-ġlieda kontra t-terroriżmu u l-kriminalità transkonfinali (2), b’mod partikolari l-Artikolu 20 u l-Kapitolu 4 tal-Anness tagħha,

Billi:

(1)

F’konformità mal-Protokoll dwar id-Dispożizzjonijiet Transitorji anness mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika, l-effetti ġuridiċi tal-atti tal-istituzzjonijiet, il-korpi, l-uffiċċji u l-aġenziji tal-Unjoni adottati qabel id-dħul fis-seħħ tat-Trattat ta’ Lisbona huma ppreservati sakemm dawk l-atti jiġu rmħassra, annullati jew emendati fl-implimentazzjoni tat-Trattati.

(2)	Konformement ma’ dan, l-Artikolu 25 tad-Deċiżjoni 2008/615/ĠAI huwa applikabbli u l-Kunsill għandu jiddeċiedi unanimament jekk l-Istati Membri implimentawx id-dispożizzjonijiet tal-Kapitolu 6 ta’ dik id-Deċiżjoni.

(3)

L-Artikolu 20 tad-Deċiżjoni 2008/616/ĠAI jipprevedi li d-deċiżjonijiet imsemmija fl-Artikolu 25(2) tad-Deċiżjoni 2008/615/ĠAI għandhom jittieħdu abbazi ta’ rapport ta’ evalwazzjoni bbażat fuq kwestjonarju. Fir-rigward tal-iskambju awtomatizzat ta’ data f’konformità mal-Kapitolu 2 tad-Deċiżjoni 2008/615/ĠAI, ir-rapport ta’ evalwazzjoni għandu jiġi bbażat fuq żjara ta’ evalwazzjoni u eżerċizzju pilota.

(4)

F’konformità mal-Kapitolu 4, il-punt 1.1, tal-Anness tad-Deċiżjoni 2008/616/ĠAI, il-kwestjonarju mfassal mill-Grupp ta’ Ħidma rilevanti tal-Kunsill jikkonċerna kull wieħed mill-iskambji awtomatizzati ta’ data u għandu jimtela minn Stat Membru hekk kif huwa jemmen li huwa jissodisfa l-prerekwiżiti għall-kondiviżjoni tad-data fil-kategorija rilevanti ta’ data.

(5)	Is-Slovenja kkompletat il-kwestjonarju dwar il-protezzjoni tad-data u l-kwestjonarju dwar id-Data dwar ir-Reġistrazzjoni tal-Vetturi (VRD).

(6)	Twettaq eżerċizzju pilota b’suċċess mis-Slovenja mal-Pajjiżi l-Baxxi, bil-ħsieb li jiġu evalwati r-riżultati tal-kwestjonarju dwar id-Data dwar il-VRD.

(7)	Saret żjara ta’ evalwazzjoni fis-Slovenja u tħejja rapport dwar iż-żjara ta’ evalwazzjoni mill-grupp ta’ evalwazzjoni Belġjan/Olandiż u ntbagħat lill-Grupp ta’ Ħidma rilevanti tal-Kunsill bil-ħsieb li jiġi evalwat il-kwestjonarju li jikkonċerna l-VRD.

(8)	Ġie ppreżentat lill-Kunsill rapport ta’ evalwazzjoni ġenerali, li jagħti sintesi tar-riżultati tal-kwestjonarju, taż-żjara ta’ evalwazzjoni u tal-eżerċizzju pilota l-VRD,

ADOTTA DIN ID-DEĊIŻJONI:

Artikolu 1

Għall-finijet ta’ tfittxija awtomatizzata ta’ data dwar ir-reġistrazzjoni tal-vetturi, is-Slovenja implimentat bis-sħiħ id-dispożizzjonijiet ġenerali dwar il-protezzjoni tad-data tal-Kapitolu 6 tad-Deċiżjoni 2008/615/ĠAI u hija intitolata li tirċievi u tipprovdi data personali f’konformità mal-Artikolu 12 ta’ dik id-Deċiżjoni mid-data tad-dħul fis-seħħ ta’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

---

(1)  ĠU L 210, 6.8.2008, p. 1.

(2)  ĠU L 210, 6.8.2008, p. 12.

---

1.7.2011

MT

Il-Ġurnal Uffiċjali tal-Unjoni Ewropea

L 173/10

---

DEĊIŻJONI TA’ IMPLIMENTAZZJONI TAL-KUMMISSJONI

tad-29 ta’ Ġunju 2011

li temenda d-Deċiżjoni 2011/44/UE dwar ċerti miżuri ta’ protezzjoni kontra l-marda tal-ilsien u d-dwiefer fil-Bulgarija

(notifikata bid-dokument numru C(2011) 4573)

(Test b’relevanza għaż-ŻEE)

(2011/388/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikulari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u żootekniku applikabbli għall-kummerċ intra-Kommunitarju ta’ ċertu annimali ħajjin u prodotti bil-ħsieb tat-tlestija tas-suq intern (2), u b’mod partikolari l-Artikolu 10(4) tagħha,

Billi:

(1)

F’Jannar 2011, fil-Bulgarija, ġie kkonfermat każ tal-marda tal-ilsien u d-dwiefer fil-ħnieżer selvaġġi u numru ta’ tifqigħat tal-istess marda fil-bhejjem. Għaldaqstant, il-Bulgarija ħadet miżuri fil-qafas tad-Direttiva tal-Kunsill 2003/85/KE tad-29 ta' Settembru 2003 dwar miżuri tal-Komunità fuq il-kontroll tal-marda tal-ilsien u d-dwiefer (3).

(2)

Barra minn hekk, ġiet adottata d-Deċiżjoni tal-Kummissjoni 2011/44/UE tad-19 ta’ Jannar 2011 dwar ċerti miżuri ta’ protezzjoni kontra l-marda tal-ilsien u d-dwiefer fil-Bulgarija (4), billi kien meħtieġ li l-miżuri ta’ kontroll meħuda mill-Bulgarija jissaħħu. Dik id-Deċiżjoni għandha tapplika sat-30 ta’ Ġunju 2011.

(3)

L-Anness I mad-Deċiżjoni 2011/44/UE jelenka ż-żoni fil-Bulgarija fejn ġew ikkonfermati każijiet tal-marda tal-ilsien u d-dwiefer. Iż-żoni madwar dawk iż-żoni huma elenkati fl-Anness II ma’ dik id-Deċiżjoni. Il-miżuri ta’ protezzjoni stipulati fid-Deċiżjoni 2011/44/UE jvarjaw skont jekk iż-żona hijiex elenkata fl-Anness I jew fl-Anness II ma’ dik id-Deċiżjoni.

(4)	L-Anness I mad-Deċiżjoni 2011/44/UE bħalissa jinkludi r-reġjun ta’ Burgas u l-Anness II ma’ dik id-Deċiżjoni jinkludi r-reġjuni ta’ Kardjali, Haskovo, Yambol, Sliven, Shumen u Varna.

(5)

Peress li mis-7 ta' April 2011 ma ġew irrappurtati l-ebda tifqigħat ġodda tal-marda tal-ilsien u d-dwiefer fil-Bulgarija, u peress li s-sorveljanza li twettqet fiż-żoni elenkati fl-Anness I u fl-Anness II ma rrivelat l-ebda infezzjoni tal-marda tal-ilsien u d-dwiefer fl-annimali domestiċi ta' speċi suxxettibbli li tiġi infettata bil-marda tal-ilsien u d-dwiefer, huwa xieraq li jitnaqqsu ż-żoni taħt restrizzjoni elenkati fl-Annessi I u II mad-Deċiżjoni 2011/44/UE, rispettivament.

(6)

Madankollu, is-sorveljanza b'konformità mal-punt 4(g) tal-Parti B tal-Anness XVIII mad-Direttiva 2003/85/KE biex teskludi l-infezzjoni tal-organiżmi slavaġ bil-vajrus tal-marda tal-ilsien u d-dwiefer ma tistax tkun kompluta sakemm għall-inqas l-antikorpi materni f'annimali slavaġ, suxxettibbli għall-marda tal-ilsien u d-dwiefer, li jgħixu f'dik iż-żona jkunu għebu wara li l-ewwel każ ta' dik il-marda ġie rrappurtat f'Jannar 2011.

(7)	Huwa għalhekk neċessarju li jiġu estiżi l-miżuri stipulati fid-Deċiżjoni 2011/44/UE, sat-30 ta' Settembru 2011.

(8)	Id-Deċiżjoni 2011/44/UE għandha għaldaqstant tiġi emendata skont dan.

(9)	Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

Id-Deċiżjoni 2011/44/UE hija emendata kif ġej:

(1)	fl-Artikolu 16, id-data “30 ta' Ġunju 2011” tinbidel bi “30 ta' Settembru 2011”;

(2)	l-Annessi I u II jinbidlu bit-test fl-Anness ma’ din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

---

(1)  ĠU L 395, 30.12.1989, p. 13.

(2)  ĠU L 224, 18.8.1990, p. 29.

(3)  ĠU L 306, 22.11.2003, p. 1.

(4)  ĠU L 19, 22.1.2011, p. 20.

---

---

1.7.2011

MT

Il-Ġurnal Uffiċjali tal-Unjoni Ewropea

L 173/13

---

DEĊIŻJONI TAL-KUMMISSJONI

tat-30 ta’ Ġunju 2011

dwar il-kwantità ta’ kwoti madwar l-Unjoni msemmija fl-Artikolu 3e(3) (a) sa (d) tad-Direttiva 2003/87/KE tal-Parlament Ewropew u tal-Kunsill li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità

(Test b’relevanza għaż-ŻEE)

(2011/389/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE (1), u b’mod partikolari l-Artikolu 3e(3)(a) sa (d) tagħha,

Billi:

(1)

L-Artikolu 3e(3)(a) sa (d) tad-Direttiva 2003/87/KE jipprovdi għal deċiżjoni mill-Kummissjoni, qabel il-bidu ta’ kull perjodu ta’ negozjar, tiġi ffissata l-kwantità totali ta’ kwoti li se jinħolqu, jiġu irkantati, jitpoġġew fir-riserva speċjali pprovduta fl-Artikolu 3f(1) tad-Direttiva 2003/87/KE, u jitqassmu b’xejn lill-operaturi tal-inġenji tal-ajru. Dawn il-kwantitajiet għandhom jiġu determinati aritmetikament miċ-ċifra dwar l-emissjonijiet storiċi mill-avjazzjoni li ġiet stabbilita bid-Deċiżjoni tal-Kummissjoni 2011/149/UE tas-7 ta’ Marzu 2011 dwar l-emissjonijiet storiċi mill-avjazzjoni skont l-Artikolu 3c(4) tad-Direttiva 2003/87/KE tal-Parlament Ewropew u tal-Kunsill li tistabbilixxi skema għall-iskambju [in-negozjar] ta’ kwoti ta’ emissjonijiet ta’ gassijiet serra ġewwa l-Komunità (2), b’219 476 343 tunnellata ta’ CO2.

(2)

Wara l-adattament għall-inkorporazzjoni fil-Ftehim taż-ŻEE bid-Deċiżjoni tal-Kumitat Konġunt taż-ŻEE Nru 6/2011 tal-1 ta’ April 2011 li temenda l-Anness XX (l-Ambjent) għall-Ftehim dwar iż-ŻEE (3), l-Artikolu 3e(3) tad-Direttiva 2003/87/KE jipprovdi wkoll għall-kalkoli ta’ kwantitajiet ta’ kwoti madwar iż-ŻEE mill-Kumitat Konġunt taż-ŻEE meta din id-Deċiżjoni tiġi inkorporata fil-Ftehim dwar iż-ŻEE.

(3)

Skont l-Artikolu 3e(3)(e) u t-tielet subparagrafu tal-Artikolu 3f (5) tad-Direttiva 2003/87/KE (imdaħħlin mal-inkorporazzjoni fil-Ftehim taż-ŻEE), il-Kummissjoni għandha tiddeċiedi dwar il-livell madwar iż-ŻEE, li jeħtieġ li jkun imsejjes fuq il-kwantitajiet ta’ kwoti stabbiliti madwar iż-ŻEE mill-Kumitat Konġunt taż-ŻEE. Skont dan, ma tistax tittieħed deċiżjoni dwar il-livell sakemm jiġu stabbiliti l-kwantitajiet madwar iż-ŻEE mill-Kumitat Kunġunt taż-ŻEE,

ADOTTAT DIN ID-DEĊIŻJONI:

Artikolu 1

1.   L-għadd totali ta’ kwoti madwar l-Unjoni msemmi fl-Artikolu 3c(1) tad-Direttiva 2003/87/KE relatat mal-perjodu mill-1 ta’ Jannar 2012 sal-31 ta’ Diċembru 2012 huwa 212 892 053.

2.   L-għadd totali ta’ kwoti madwar l-Unjoni msemmi fl-Artikolu 3c(2) tad-Direttiva 2003/87/KE relatat ma’ kull sena tal-perjodu li jibda mill-1 ta’ Jannar 2013 huwa 208 502 526.

Artikolu 2

1.   L-għadd totali ta’ kwoti madwar l-Unjoni msemmi fl-Artikolu 3d(1) tad-Direttiva 2003/87/KE relatat mal-perjodu mill-1 ta’ Jannar 2012 sal-31 ta’ Diċembru 2012 huwa 31 933 808.

2.   L-għadd totali ta’ kwoti madwar l-Unjoni msemmi fl-Artikolu 3d(2) tad-Direttiva 2003/87/KE relatat ma’ kull sena tal-perjodu li jibda mill-1 ta’ Jannar 2013 huwa 31 275 379.

Artikolu 3

L-għadd totali ta’ kwoti madwar l-Unjoni msemmi fl-Artikolu 3f(1) tad-Direttiva 2003/87/KE relatat mar-riserva speċjali huwa 50 040 608.

Artikolu 4

1.   L-għadd totali ta’ kwoti madwar l-Unjoni msemmi fl-Artikolu 3e(3)(d) tad-Direttiva 2003/87KE relatat mal-perjodu mill-1 ta’ Jannar 2012 sal-31 ta’ Diċembru 2012 huwa 180 958 245.

2.   L-għadd totali ta’ kwoti madwar l-Unjoni msemmi fl-Artikolu 3e(3)(d) tad-Direttiva 2003/87/KE relatat ma’ kull sena tal-perjodu li jibda mill-1 ta’ Jannar 2013 huwa 170 972 071.

Artikolu 5

Din id-Deċiżjoni għandha tidħol fis-seħħ fit-tielet jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

---

(1)  ĠU L 275, 25.10.2003, p. 32.

(2)  ĠU L 61, 8.3.2011, p. 42.

(3)  ĠU L 93, 7.4.2011, p. 35.

---