ISSN 1725-5104 doi:10.3000/17255104.L_2011.169.mlt |
||
Il-Ġurnal Uffiċjali tal-Unjoni Ewropea |
L 169 |
|
Edizzjoni bil-Malti |
Leġiżlazzjoni |
Volum 54 |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
29.6.2011 |
MT |
Il-Ġurnal Uffiċjali tal-Unjoni Ewropea |
L 169/1 |
REGOLAMENT TAL-KUMMISSJONI (UE) Nru 627/2011
tas-27 ta’ Ġunju 2011
li jimponi dazju provviżorju antidumping fuq l-importazzjonijiet ta’ ċerti pajpijiet u tubi mingħajr saldaturi tal-azzar li ma jissaddadx li joriġinaw mir-Repubblika Popolari taċ-Ċina
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b’mod partikolari l-Artikolu 7 tiegħu,
Wara li kkonsultat lill-Kumitat Konsultattiv,
Billi:
A. PROĊEDURA
1. Bidu
(1) |
Fit-30 ta’ Settembru 2010, il-Kummissjoni Ewropea (“il-Kummissjoni”) ħabbret, permezz ta’ avviż ippubblikat f’Il-Ġurnal Uffiċjali tal-Unjoni Ewropea (2), il-bidu ta’ proċedura antidumping fir-rigward tal-importazzjonijiet ta’ ċerti pajpijiet u tubi mingħajr saldaturi tal-azzar li ma jissaddadx li joriġinaw mir-Repubblika Popolari taċ-Ċina (“RPĊ” jew il-“pajjiż ikkonċernat”). |
(2) |
Il-proċedura nbdiet bħala riżultat ta’ lment li tressaq fis-16 ta’ Awwissu 2010 mill-Kumitat tad-Difiża tal-Industrija tat-Tubi Mingħajr Saldaturi tal-Azzar li ma Jissaddadx tal-Unjoni Ewropea (“il-Kumitat tad-Difiża”) f’isem żewġ gruppi ta’ produtturi tal-Unjoni (“l-ilmentaturi”) li jirrappreżentaw proporzjon kbir ħafna, f’dan il-każ ta’ aktar minn 50 %, tal-produzzjoni kollha ta’ pajpijiet u tubi mingħajr saldaturi tal-azzar li ma jissaddadx fl-Unjoni. L-ilment inkluda evidenza prima facie ta’ dumping tal-prodott ikkonċernat u ta’ ħsara materjali li tirriżulta minnu, li kienet meqjusa bħala ġustifikazzjoni xierqa għat-tnedija ta’ proċedura. |
2. Il-partijiet ikkonċernati mill-proċedura
(3) |
Il-Kummissjoni avżat uffiċjalment bit-tnedija tal-proċedura lill-kwerelant, lil produtturi oħrajn magħrufa fl-Unjoni, lill-produtturi esportaturi magħrufa u lir-rappreżentanti tar-RPĊ, lill-importaturi, il-fornituri u l-utenti magħrufa, kif ukoll lill-assoċjazzjonijiet tagħhom. Il-Kummissjoni avżat ukoll lill-produtturi fl-Istati Uniti minħabba li dan kien previst bħala pajjiż analogu possibbli. Il-partijiet interessati ngħataw l-opportunità li jippreżentaw il-fehmiet tagħhom bil-miktub u li jitolbu smigħ fil-limitu ta’ żmien stabbilit fin-notifikazzjoni tal-inizjazzjoni. |
(4) |
Il-partijiet interessati kollha li talbu dan u li wrew li kien hemm raġunijiet partikolari għaliex għandhom jinstemgħu, ingħataw seduta. |
(5) |
Fid-dawl tan-numru apparentement għoli ta’ produtturi esportaturi, importaturi mhux relatati u produtturi tal-Unjoni, it-teħid tal-kampjuni kien previst fin-notifikazzjoni tal-inizjazzjoni għad-determinazzjoni tad-dumping u l-ħsara, skont l-Artikolu 17 tar-Regolament bażiku. Sabiex il-Kummissjoni tkun tista’ tiddeċiedi jekk it-teħid tal-kampjuni huwiex neċessarju u, jekk iva, biex tagħżel kampjun, il-produtturi esportaturi, l-importaturi u l-produtturi tal-Unjoni kollha ntalbu jagħmlu lilhom infushom magħrufa lill-Kummissjoni u jipprovdu, kif speċifikat fin-notifikazzjoni tal-inizjazzjoni, informazzjoni bażika dwar l-attivitajiet tagħhom relatati mal-prodott taħt investigazzjoni matul il-perjodu ta’ investigazzjoni mill-1 ta’ Lulju 2009 sat-30 ta’ Ġunju 2010. L-awtoritajiet tar-RPĊ ġew ikkonsultati wkoll. |
(a)
(6) |
Minn fost il-31 produttur esportatur jew gruppi ta’ produtturi esportaturi Ċiniżi li ppreżentaw ruħhom, il-Kummissjoni għażlet, skont l-Artikolu 17 tar-Regolament bażiku, kampjun ibbażat fuq l-akbar volum rappreżentattiv ta’ esportazzjonijiet li jistgħu jiġu investigati b’mod raġonevoli fiż-żmien disponibbli. Il-kampjun magħżul kien jikkonsisti minn tliet (gruppi ta’) kumpaniji, li jirrappreżentaw 25 % tal-importazzjonijiet totali rreġistrati fl-Eurostat matul il-PI u aktar minn 38 % tal-volum totali tal-esportaturi li kkooperaw fil-PI. Skont l-Artikolu 17(2) tar-Regolament bażiku, il-partijiet ikkonċernati u l-awtoritajiet Ċiniżi ġew ikkonsultati iżda ma qajmu ebda oġġezzjoni għall-kampjun propost. |
(b)
(7) |
Minn fost il-21 produttur tal-Unjoni li kkuntattjat il-Kummissjoni, ħdax ipprovdew l-informazzjoni mitluba u qablu li jiġu inklużi fil-kampjun. Fuq il-bażi tal-informazzjoni rċevuta mingħand dawn il-produtturi tal-Unjoni li kkooperaw, il-Kummissjoni għażlet kampjun ta’ żewġ gruppi li jirrappreżentaw ħames produtturi tal-Unjoni. Il-kampjun intgħażel fuq il-bażi tal-volumi tal-bejgħ u tal-produzzjoni. Il-produtturi tal-Unjoni magħżula fil-kampjun kienu jirrappreżentaw 48 % tal-bejgħ totali fl-UE tal-produtturi kollha tal-Unjoni, u 80 % tal-produtturi li ppreżentaw ruħhom. |
(8) |
Mit-62 importatur mhux relatat li kkuntattjat il-Kummissjoni, kienu biss ħames kumpaniji li wieġbu għall-mistoqsijiet tal-kampjun sad-data tal-għeluq. Għalhekk, kien ikkunsidrat li ma kien meħtieġ l-ebda teħid ta’ kampjuni, u l-kwestjonarji ntbagħtu lil dawn il-kumpaniji kollha. Eventwalment, kienu biss żewġ importaturi li wieġbu għall-kwestjonarju u li kkooperaw bis-sħiħ fl-investigazzjoni. |
(ċ)
(9) |
Sabiex il-produtturi esportaturi fir-RPĊ magħżula fil-kampjun jitħallew iressqu talba għal trattament tal-ekonomija tas-suq (“TES”) jew trattament individwali (“TI”), jekk din tkun ix-xewqa tagħhom, il-Kummissjoni bagħtet formoli b’talbiet lill-produtturi esportaturi magħżula fil-kampjun. Il-gruppi kollha ta’ produtturi esportaturi talbu t-TES skont l-Artikolu 2(7) tar-regolament bażiku jew TI f’każ li l-investigazzjoni tistabbilixxi li ma ssodisfawx il-kundizzjonijiet għal TES. |
(10) |
Tliet (gruppi ta’) kumpaniji talbu eżaminazzjoni individwali. L-eżaminazzjoni ta’ dawn it-talbiet fl-istadju provviżorju ma kinitx fattibbli fi ħdan il-qafas ta’ żmien. Deċiżjoni dwar jekk l-eżaminazzjoni individwali hijiex se tingħata lil kwalunkwe waħda minn dawn il-kumpaniji mistennija tittieħed fl-istadju definittiv. |
(11) |
Il-Kummissjoni uffiċjalment żvelat ir-riżultati tas-sejbiet tat-TES lill-produtturi esportaturi magħżula fil-kampjun ikkonċernati fir-RPĊ, kif ukoll lill-produtturi tal-Unjoni magħżula fil-kampjun. |
(12) |
It-tweġibiet għall-kwestjonarju waslu mingħand il-produtturi esportaturi magħżula fil-kampjun fir-RPĊ, mingħand il-produtturi kollha tal-Unjoni magħżula fil-kampjun, żewġ importaturi tal-Unjoni mhux relatati u utent wieħed. |
(13) |
Il-Kummissjoni fittxet u vverifikat l-informazzjoni kollha li hija qieset bħala meħtieġa għall-iskop tal-analiżi tat-TES jew it-TI u għal determinazzjoni provviżorja tad-dumping, il-ħsara li tirriżulta minnu u l-interess tal-Unjoni. Saru żjarat ta’ verifika fil-bini tal-kumpaniji li ġejjin. |
Produtturi esportaturi fir-RPĊ
— |
Changshu Walsin Specialty Steel Co., Ltd., Haiyu Town, Changshu City u l-kumpaniji relatati magħha: Shanghai Baihe Walsin Lihwa Specialty Steel Products Co., Ltd., Baihe Town, Qingpu District, Shanghai; Yantai Jin Cheng Precision Wire Rod Co., Ltd., ETDZ Yantai City, Shandong Province; Yantai Dazhong Recycling Resource Co., Ltd., ETDZ Yantai City, Shandong Province; |
— |
Shanghai Jinchang Stainless Steel Tube Manufacturing Co., Ltd., Situan Town, Fengxian District, Shanghai u l-kumpaniji relatati magħha: Shanghai Jinchang International Trade Co., Ltd., Situan Town, Fengxian District, Shanghai; Shanghai Jinchang international trading Chongqing Co., Ltd., Jieshi Town, Banan District, Chongqing; |
— |
Wenzhou Jiangnan Steel Pipe Manufacturing Co., Ltd.,Yongzhong, Longwan district, Wenzhou. |
Produtturi tal-Unjoni
— |
Il-Kwartieri Ġenerali ta’ Salzgitter Mannesmann Stainless Tubes; Mülheim an der Ruhr, il-Ġermanja; |
— |
Salzgitter Mannesmann Stainless Tubes Deutschland; Remscheid, il-Ġermanja; |
— |
Tubacex Tubos Inoxidables, S.A., Llodio, Spanja. |
Produtturi fil-pajjiż analogu
— |
PEXCO, Scranton, Pennsylvania; |
— |
Salem Tube, Greenville, Pennsylvania; |
— |
Salzgitter Mannesmann Stainless Tubes USA, Houston, Texas; |
— |
Sandvik Materials Technology, Scranton, Pennsylvania. |
3. Il-perjodu ta’ investigazzjoni
(14) |
L-investigazzjoni tad-dumping u l-ħsara kopriet il-perjodu mill-1 ta’ Lulju 2009 sat-30 ta’ Ġunju 2010 (“il-perjodu ta’ investigazzjoni” jew “PI”). L-eżami tat-tendenzi rilevanti għall-valutazzjoni tal-ħsara kopra l-perjodu mill-2006 sa tmiem il-perjodu ta’ investigazzjoni (“il-perjodu kkunsidrat”). |
B. IL-PRODOTT IKKONĊERNAT U PRODOTT SIMILI
1. Il-prodott ikkonċernat
(15) |
Il-prodott ikkonċernat kif deskritt fin-Notifikazzjoni tal-Inizjazzjoni huwa ċerti pajpijiet u tubi mingħajr saldaturi tal-azzar li ma jissaddadx, għajr dawk b’fittings imwaħħlin magħhom maħsuba biex iwasslu gassijiet jew likwidi għall-użu fl-ajruplani ċivili, li bħalissa jaqgħu taħt il-kodiċi NM 7304 11 00, 7304 22 00, 7304 24 00, ex 7304 41 00, 7304 49 10, ex 7304 49 93, ex 7304 49 95, ex 7304 49 99 u ex 7304 90 00 (“il-prodott ikkonċernat”). Dan jinkludi “hollows” mhux irfinuti, prodotti rfinuti bis-sħana u prodotti rfinuti bil-kesħa. |
(16) |
Il-proċess tal-produzzjoni normalment juża ċilindri (“billetti”) tal-azzar li ma jissaddadx bħala materja prima. Fl-ewwel pass tal-produzzjoni, “hollow” mhux irfinuta tiġi manifatturata jew billi tintuża pressa tal-estrużjoni jew permezz ta’ proċess ta’ titqib bis-sħana. Sussegwentement, il-“hollow” tista’ l-ewwel tiġi pproċessata permezz ta’ proċess ta’ rfinar bis-sħana li jirriżulta f’pajp irfinut bis-sħana u li jkompli jiġi pproċessat permezz ta’ proċess ta’ rfinar bil-kesħa (proċess tat-tip cold pilger) jew permezz ta’ proċess ta’ ġbid bil-kiesaħ, li jirriżulta f’pajp irfinut bil-kesħa. It-tipi ta’ prodotti kollha (hollows, pajpijiet irfinuti bis-sħana u pajpijiet irfinuti bil-kesħa) għandhom l-istess karatteristiċi fiżiċi, kimiċi u tekniċi bażiċi u l-istess użijiet bażiċi. |
(17) |
Il-pajpijiet u t-tubi mingħajr saldaturi tal-azzar li ma jissaddadx jintużaw l-aktar fl-industriji li ġejjin: l-industriji tal-kimika u tal-petrokimika, il-produzzjoni tal-fertilizzanti, il-ġenerazzjoni tal-enerġija, l-inġinerija ċivili u l-kostruzzjoni, il-farmakoloġija u t-teknoloġiji mediċi, il-bijoteknoloġija, it-trattament tal-ilma u l-inċinerazzjoni tal-iskart, l-esplorazzjoni u l-produzzjoni taż-żejt u tal-gass, l-ipproċessar tal-faħam u tal-gass, l-ipproċessar tal-ikel. |
(18) |
Produttur wieħed tal-Unjoni, li jkompli jipproċessa tubi tal-azzar li ma jissaddadx, sostna li f’każ li jkollhom jiġu imposti xi miżuri, il-kodiċi NM 7304 49 10 għandu jiġi eskluż mill-ambitu tagħhom għaliex huwa kien ikopri hollows mhux irfinuti li jintużaw biss għal ipproċessar ulterjuri. Madankollu, l-investigazzjoni wriet li kemm il-fornituri tal-Unjoni kif ukoll dawk Ċiniżi ta’ dak il-produttur tal-Unjoni ddikjaraw l-oġġetti mibjugħa lil dan il-produttur bħala oġġetti rfinuti bis-sħana jew irfinuti bil-kesħa. |
(19) |
Tabilħaqq, id-dikjarazzjoni ta’ dawk il-prodotti bħala “hollows mhux maħduma għal użu biss fil-manifattura ta’ tubi u pajpijiet b’taqsimiet trasversali oħrajn u l-ħxuna tal-ġnub” tikkonċerna oġġetti li mhux neċessarjament għandhom karatteristiċi fiżiċi differenti, iżda sempliċiment għandhom użu differenti. Ġie konkluż provviżorjament li ma kien hemm ebda raġuni biex il-“hollows mhux maħduma” jiġu esklużi mid-definizzjoni tal-prodott. |
2. Il-prodott simili
(20) |
Il-prodott ikkonċernat u ċerti pajpijiet u tubi mingħajr saldaturi tal-azzar li ma jissaddadx mibjugħa fis-suq domestiku fir-RPĊ, kif ukoll ċerti pajpijiet u tubi mingħajr saldaturi tal-azzar li ma jissaddadx mibjugħa fl-Unjoni mill-industrija tal-Unjoni nstabu li għandhom l-istess karatteristiċi fiżiċi, kimiċi u tekniċi bażiċi u l-istess użijiet bażiċi. Għalhekk, ġie konkluż provviżorjament li dawn il-prodotti huma simili skont it-tifsira tal-Artikolu 1(4) tar-Regolament bażiku. |
C. DUMPING
1. Trattament tal-ekonomija tas-suq
(21) |
Skont l-Artikolu 2(7)(b) tar-Regolament bażiku, f’investigazzjonijiet ta’ antidumping li jikkonċernaw l-importazzjonijiet li joriġinaw mir-RPĊ, il-valur normali għandu jiġi ddeterminat skont il-paragrafi 1 sa 6 tal-Artikolu msemmi għal dawk il-produtturi li nstabu li ssodisfaw il-kriterji kollha stipulati fl-Artikolu 2(7)(c) tar-Regolament bażiku. |
(22) |
Fil-qosor, u għall-faċilità ta’ referenza biss, dawn il-kriterji ġew stabbiliti fil-forma mqassra hawn taħt:
|
(23) |
Fl-investigazzjoni preżenti, it-tliet (gruppi ta’) produtturi esportaturi kollha magħżula fil-kampjun talbu trattament tal-ekonomija tas-suq (“TES”) skont l-Artikolu 2(7)(b) tar-Regolament bażiku u wieġbu għall-formola b’talba tat-TES sal-iskadenzi mogħtija. |
(24) |
L-investigazzjoni stabbiliet li l-ebda wieħed mill-(gruppi ta’) produtturi esportaturi fil-kampjun fir-RPĊ ma ssodisfa r-rekwiżiti tal-kriterji stabbiliti fl-Artikolu 2(7)(c) tar-Regolament bażiku, għalhekk ma jistgħux jingħataw it-TES. |
(25) |
L-ebda waħda mill-kumpaniji ma tissodisfa r-rekwiżiti tal-Kriterju 1 minħabba l-interferenza tal-Istat f’deċiżjonijiet li jikkonċernaw l-akkwist tal-materja prima ewlenija (partikolarment billetti, ingotti u staneg tondi tal-azzar li ma jissaddadx). Din il-materja prima tirrappreżenta ’l fuq sew minn 50 % tal-ispiża tal-produzzjoni tal-prodott ikkonċernat (pajpijiet u tubi mingħajr saldaturi tal-azzar li ma jissaddadx). Konsegwentement, din il-materja prima hija bil-bosta l-input prinċipali fil-produzzjoni tal-prodott ikkonċernat. |
(26) |
L-Istat Ċiniż għandu rwol primarju fl-iffissar tal-prezzijiet tal-materja prima għall-pajpijiet u t-tubi mingħajr saldaturi tal-azzar li ma jissaddadx u jinterferixxi fis-suq kontinwament bl-għodod li ġejjin: it-taxxa tal-esportazzjoni u l-ebda rifużjoni tal-VAT. L-ewwel nett, il-materja prima ewlenija għall-manifattura tal-pajpijiet u t-tubi mingħajr saldaturi tal-azzar li ma jissaddadx, huma soġġetti għal taxxa ta’ esportazzjoni ta’ 15 % mill-1 ta’ Jannar 2008. It-tieni, l-Istat ma jagħti l-ebda rifużjoni tal-VAT fuq l-esportazzjonijiet ta’ din il-materja prima. |
(27) |
Il-kumpaniji fil-kampjun jakkwistaw il-materja prima ewlenija li tintuża għall-produzzjoni tal-pajpijiet u t-tubi mingħajr saldaturi tal-azzar li ma jissaddadx fis-suq domestiku Ċiniż. L-investigazzjoni stabbiliet li bħala medja u jiddependi mill-grad tal-azzar, il-prezzijiet Ċiniżi tal-materja prima huma madwar 30 % inqas minn dawk fis-swieq dinjija (l-Istati Uniti jew l-UE). |
(28) |
Minħabba li r-RPĊ trid timporta l-maġġoranza tal-minerali tal-ħadid tagħha bil-prezzijiet tas-suq internazzjonali, huwa ċar li hija ma tibbenifika minn ebda vantaġġ komparattiv naturali, li jispjega l-prezzijiet baxxi tal-materja prima ewlenija fis-suq domestiku Ċiniż. Fl-istess waqt u għal bosta snin, diversi studji jindikaw li hemm interferenza sinifikanti mill-Istat f’dan is-settur. (3) Dawk ir-rapporti jindikaw li l-gvern Ċiniż identifika 14-il industrija “prinċipali” u seba’ industriji “pilastri”. Il-konsumaturi downstream primarji tal-azzar speċjali huma fost is-seba’ industriji “pilastri” appoġġjati mill-gvern Ċiniż permezz tal-politiki industrijali tiegħu. (4) L-impatt negattiv tat-taxxi tal-esportazzjoni u r-rifużjonijiet parzjali tal-VAT ġie enfasizzat ukoll fir-Reviżjonijiet tal-Politika Kummerċjali tad-WTO tal-politiki u l-prattiċi kummerċjali tar-RPĊ. (5) |
(29) |
Kif intqal fir-Reviżjonijiet tal-Politika Kummerċjali tad-WTO, it-taxxi tal-esportazzjoni u r-rifużjonijiet tal-VAT huma għodod tal-politika li l-użu tagħhom inaqqas il-volumi tal-esportazzjoni tal-materja prima inkwistjoni, jiddevja l-provvisti għas-suq domestiku u jwassal għal pressjoni ’l isfel fuq il-prezzijiet domestiċi ta’ dawk il-prodotti. (6) Tabilħaqq, l-investigazzjoni attwali stabbiliet diskrepanza sinifikanti fil-prezz bejn il-prezzijiet domestiċi u l-prezzijiet dinjija. Tali diskrepanza tikkostitwixxi għajnuna impliċita lill-industriji downstream domestiċi u, għalhekk, tipprovdilhom vantaġġ kompetittiv. Dan l-argument huwa msaħħaħ aktar mill-fatt li ma hemm ebda taxxa ta’ esportazzjoni imposta fuq l-esportazzjonijiet tal-prodott ikkonċernat (pajpijiet u tubi mingħajr saldaturi tal-azzar li ma jissaddadx), li jibbenefika wkoll minn rifużjoni tal-VAT. |
(30) |
L-investigazzjoni attwali, billi tistabbilixxi l-użu differenti tat-taxxi tal-esportazzjoni u r-rifużjonijiet tal-VAT fuq l-industriji upstream u downstream, turi interferenza mill-Istat, li tista’ tiġi konkluża mid-differenza sinifikanti fil-prezz għall-materja prima tal-azzar li ma jissaddadx (partikolarment billetti, ingotti, staneg tondi tal-azzar li ma jissaddadx) fis-swieq Ċiniżi u dinjija. |
(31) |
Minħabba d-differenza fil-prezz bejn is-suq domestiku Ċiniż u s-swieq dinjija, fin-nuqqas tal-interferenza mill-Istat, il-produtturi domestiċi tal-materja prima msemmija hawn fuq ikunu inklinati li jesportaw il-prodotti tagħhom lejn swieq bi prezzijiet ogħla fejn ikunu jistgħu jiksbu profitti ogħla. Tabilħaqq, l-istatistika doganali taċ-Ċina tikkonferma li virtwalment ma hemm l-ebda esportazzjoni ta’ billetti tal-azzar li ma jissaddadx mir-RPĊ lejn il-bqija tad-dinja. Fl-2009, l-esportazzjonijiet tal-ingotti tal-azzar li ma jissaddadx u forom primarji oħrajn tal-azzar li ma jissaddadx kienu jammontaw għal inqas minn żewġ tunnellati, filwaqt li fl-2010 kienu jammontaw għal inqas minn ħames tunnellati. Dan huwa argument ieħor li juri l-interferenza mill-Istat fis-suq tal-materja prima. |
(32) |
Dawn il-prattiċi Ċiniżi għandhom jitqiesu bħala fattur sottostanti tal-interferenza mill-Istat fid-deċiżjonijiet tal-impriżi rigward il-materja prima. Tabilħaqq, is-sistema Ċiniża attwali tad-dazji għoljin fuq l-esportazzjonijiet u n-nuqqas ta’ rifużjoni tal-VAT għall-esportazzjoni ta’ materja prima essenzjalment wasslet għal sitwazzjoni fejn il-prezzijiet Ċiniżi tal-materja prima jkomplu jkunu r-riżultat ta’ intervent mill-Istat u, wisq probabbli, fil-ġejjieni għandha tkompli tipprovdi appoġġ lill-produtturi Ċiniżi tal-pajpijiet u t-tubi mingħajr saldaturi tal-azzar li ma jissaddadx. |
(33) |
Barra minn hekk, fir-rigward tal-kriterju 1, waħda mill-kumpaniji naqset li tinkludi żewġ fornituri relatati ta’ materja prima fl-informazzjoni tat-teħid tal-kampjuni tagħha u fit-talba għat-TES. Il-kumpanija sostniet li dawk il-fornituri jfornu kwantitajiet żgħar u, għalhekk, il-fatt li dawn ma kinux irrapportati ma setax u ma jista’ jkollu ebda impatt sostanzjali fuq l-eżitu tal-investigazzjoni. Huwa nnotat li l-ewwel nett il-Kummissjoni għandha tikseb stampa sħiħa tal-kumpaniji kollha fi grupp involut fil-produzzjoni jew il-bejgħ tal-prodott ikkonċernat, irrispettivament mid-daqs ta’ dawk il-kumpaniji jew mid-daqs tal-bejgħ tagħhom. Huwa nnotat ukoll li l-provvisti tal-materja prima huma pjuttost frammentati, imxerrda fost bosta fornituri żgħar. Ġie konkluż li l-kumpanija, minbarra d-distorsjoni tal-inputs ewlenin deskritti hawn fuq, naqset li turi li d-deċiżjonijiet kummerċjali tagħha ttieħdu b’reazzjoni għas-sinjali tas-suq, mingħajr interferenza sinifikanti mill-Istat, u l-ispejjeż kienu jirriflettu l-valuri tas-suq. |
(34) |
Minbarra l-kriterju 1, ċerti kumpaniji naqsu wkoll milli juru li huma ssodisfaw il-kriterji 2 u 3. Żewġ kumpaniji ma setgħux juru li kellhom sett ċar ta’ rekords kontabilistiċi li kienu vverifikati b’mod indipendenti u skont l-istandards tal-kontabilità internazzjonali. Għal kumpanija waħda, id-diskrepanzi fir-rekords finanzjarji ma kinux riflessi fir-rapport tal-awditur. Kumpanija oħra ma setgħetx tippreżenta r-rapporti finanzjarji għal xi snin tal-operat tagħha. |
(35) |
Fl-aħħar nett, kumpanija waħda rċeviet self minn banek tal-Istat b’rati preferenzjali, ferm aktar baxxi mir-rati tas-suq. Dan juri li l-ispejjeż tal-produzzjoni u s-sitwazzjoni finanzjarja huma soġġetti għal distorsjonijiet sinifikanti trasferiti mis-sistema ekonomika mhux tas-suq. |
(36) |
Wara l-iżvelar tas-sejbiet tat-TES, waslu kummenti mill-industrija tal-Unjoni u tliet (gruppi ta’) produtturi esportaturi fil-kampjun ikkonċernati. |
(37) |
Kumpanija waħda sostniet li d-deċiżjoni tal-Kummissjoni li tirrifjuta t-TES kienet influwenzata u għalhekk ippreġudikata mill-kalkolu tal-marġini ta’ dumping. F’dan ir-rigward, għandu jiġi nnotat li d-determinazzjoni tat-TES issir qabel kwalunkwe kalkolu tad-dumping u kull verifika li seħħet hija relatata biss mad-dejta relatata mad-determinazzjoni tat-TES. Għalhekk, it-talba mhijiex fondata. |
(38) |
Kumpanija waħda sostniet li ma kienx meħtieġ li jiġu sottomessi talbiet għal TES għall-fornituri relatati tal-materja prima. Dan l-argument għandu jiġi rrifjutat. In-notifikazzjoni tal-inizjazzjoni ddikjarat b’mod ċar li l-ismijiet u l-attivitajiet preċiżi tal-kumpaniji relatati kollha involuti fil-produzzjoni u/jew fil-bejgħ (għall-esportazzjoni u/jew fis-suq domestiku) tal-prodott taħt investigazzjoni għandhom jiġu pprovduti lill-Kummissjoni. |
(39) |
Barra minn hekk, dik il-kumpanija sostniet li d-distorsjonijiet fis-suq tal-materja prima ma kinux sinifikanti minħabba li 17,5 % tal-materja prima tiġi importata minn fornituri internazzjonali mhux relatati u l-bqija tinxtara primarjament mingħand kumpaniji relatati. L-informazzjoni għad-dispożizzjoni tal-Kummissjoni turi li madwar 30 % tal-materja prima tinxtara lokalment u l-bqija tiġi importata primarjament mingħand fornituri relatati. F’dan il-kuntest, għandu jiġi nnotat li l-prezzijiet tat-trasferiment minn fornituri relatati normalment ma jitqisux bħala informazzjoni affidabbli. Barra minn hekk, b’mod ġenerali, il-prezzijiet tax-xiri tal-materja prima tal-kumpanija mingħand fornituri indipendenti huma sostanzjalment aktar baxxi mill-prezzijiet fl-UE jew fl-Istati Uniti, simili għall-produtturi esportaturi l-oħrajn investigati. Għalhekk, it-talba ma ġietx milqugħa. |
(40) |
Kumpanija waħda kkontestat il-kalkolu mill-Kummissjoni tad-differenza fil-prezz bejn il-prezzijiet tal-materja prima fis-suq Ċiniż u dawk fis-swieq dinjija. Wara l-verifika, il-Kummissjoni tikkonferma dan il-kalkolu. B’mod partikolari, il-kumpanija ma ħaditx f’kunsiderazzjoni l-ħlasijiet addizzjonali għal-liga applikati mill-fornituri tal-Istati Uniti u tal-UE. Għalhekk, it-talba għandha tiġi rrifjutata. |
(41) |
Kumpanija waħda sostniet ukoll li d-diskrepanzi bejn id-dikjarazzjoni tat-taxxa fuq id-dħul u d-dikjarazzjoni finanzjarja kienu normali, mhux sinifikanti u għalhekk ma kien hemm ebda obbligu għal spjegazzjonijiet fin-noti għad-dikjarazzjoni finanzjarja. Konsegwentement, dan għalhekk ma għandu jkollu ebda impatt fuq id-determinazzjoni tal-Kummissjoni. Huwa nnotat li d-diskrepanzi fir-rigward tal-qligħ annwali huma qrib it-30 miljun RMB u għalhekk kellhom jitqiesu bħala importanti u jiġu spjegati fin-noti għad-dikjarazzjoni finanzjarja. |
(42) |
Talba oħra kienet relatata ma’ allegat ksur tal-Ftehim tad-WTO dwar is-Sussidji u l-Miżuri Kumpensatorji u tar-Regolament bażiku tal-UE Kontra s-Sussidji. (7) Il-kumpanija ddikjarat li r-rifjut tat-talba għat-TES fuq il-bażi li l-kumpaniji jistgħu jkunu qegħdin jirċievu sussidji għandu l-effett li jippenalizza lill-esportatur għal sussidji li huma meqjusa illegali mingħajr ebda prova. Dan l-argument għandu jiġi rrifjutat. It-talbiet għat-TES ma ġewx irrifjutati fuq il-bażi ta’ sussidji possibbli, iżda għal raġunijiet speċifiċi stabbiliti fil-premessi ta’ hawn fuq, kif ukoll fid-dokumenti dettaljati dwar l-iżvelar tat-TES mibgħuta lill-partijiet. Ir-raġuni ewlenija għar-rifjut tat-TES kienet id-distorsjonijiet stabbiliti fis-suq tal-materja prima. Barra minn hekk, għandu jiġi enfasizzat li, pereżempju, il-kumpaniji kisbu self minn banek tal-Istat b’rati preferenzjali ferm aktar baxxi mir-rati tas-suq, li turi b’mod ċar it-trasferiment mill-ekonomija preċedenti mhux tas-suq. |
(43) |
Bħala konklużjoni, l-ebda wieħed mill-kummenti li waslu ma kien tali li jbiddel is-sejbiet fir-rigward tad-determinazzjoni tat-TES. |
2. Trattament individwali
(44) |
Skont l-Artikolu 2(7)(a) tar-Regolament bażiku, qiegħed jiġi stabbilit dazju mal-pajjiż kollu, jekk hemm, għal dawk il-pajjiżi li jaqgħu taħt dak l-Artikolu, għajr f’dawk il-każijiet fejn il-kumpaniji jkunu kapaċi juru li huma jissodisfaw il-kriterji kollha stipulati fl-Artikolu 9(5) tar-Regolament bażiku. Fil-qosor, u għall-faċilità ta’ referenza biss, dawn il-kriterji huma stabbiliti hawn taħt:
|
(45) |
It-tliet (gruppi ta’) kumpaniji fil-kampjun imsemmija qabel, li ġew imċaħħda t-TES, talbu wkoll li jingħataw trattament individwali (“TI”). Instab provviżorjament li dawn it-tliet (gruppi ta’) kumpaniji kollha fil-kampjun issodisfaw il-kundizzjonijiet tal-Artikolu 9(5) tar-Regolament bażiku u għalhekk setgħu jingħataw it-TI. |
3. Valur normali
(a)
(46) |
Skont l-Artikolu 2(7) tar-Regolament bażiku, il-valur normali għall-produtturi esportaturi li ma ngħatawx it-TES għandu jiġi stabbilit fuq il-bażi tal-prezzijiet domestiċi jew tal-valur normali maħdum f’pajjiż analogu. |
(47) |
Fin-notifikazzjoni tal-inizjazzjoni, il-Kummissjoni indikat li hija pprevediet li tuża l-Istati Uniti bħala pajjiż analogu bl-iskop li tistabbilixxi l-valur normali għar-RPĊ. Parti waħda sostniet li l-Indja kienet suq analogu aħjar minħabba l-livell simili ta’ żvilupp lejn ir-RPĊ. Il-Kummissjoni ma kisbet l-ebda kooperazzjoni mill-produtturi Indjani. L-Istati Uniti dehru inizjalment addattati minħabba l-ftuħ tagħhom għall-kompetizzjoni tal-importazzjonijiet (tariffi doganali ta’ 0 % kontra l-10 % fl-Indja) u livell pjuttost tajjeb ta’ kompetizzjoni fis-suq domestiku bi 15 sa 20 produttur tal-Istati Uniti. |
(48) |
Madankollu, it-tweġibiet għall-kwestjonarju u ż-żjara ta’ verifika żvelaw li l-Istati Uniti mhumiex suq ta’ pajjiż analogu xieraq. Il-produtturi kollha tal-Istati Uniti li kkooperaw jiddependu fuq l-importazzjonijiet ta’ materja prima bażika u prodotti finali mill-kumpaniji prinċipali tagħhom tal-UE u għandhom attività ta’ produzzjoni limitata fl-Istati Uniti, primarjament biex iwieġbu għall-ordnijiet personalizzati jew urġenti. Fil-fatt, il-volum tal-produzzjoni tal-produtturi tal-Istati Uniti li kkooperaw huwa frazzjoni tal-produtturi prinċipali Ewropej tagħhom. Madankollu, l-aktar importanti huwa li l-produtturi tal-Istati Uniti li kkooperaw għandhom spejjeż tal-ipproċessar għoljin li jirriflettu ċ-ċirkostanzi partikolari tagħhom fil-manifattura. Dawk l-ispejjeż jissarrfu fi prezzijiet domestiċi għoljin fis-suq tal-Istati Uniti. |
(b)
(49) |
Skont l-Artikolu 2(7)(a) tar-Regolament bażiku, il-valur normali għandu jiġi stabbilit fuq il-bażi tal-prezz jew tal-valur normali maħdum f’pajjiż terz b’ekonomija tas-suq jew il-prezzijiet tal-esportazzjoni minn tali pajjiż għal pajjiżi oħrajn, inkluża l-UE. Billi l-valur normali ma setax jiġi stabbilit fuq il-bażi tal-prezzijiet jew tal-valuri maħduma fl-Istati Uniti għar-raġunijiet stabbiliti fil-premessa preċedenti, ġie esplorat it-tieni metodu. Madankollu, għar-raġunijiet mogħtija hawn taħt, lanqas dan il-metodu ma huwa xieraq għall-każ preżenti. L-istess bħall-prezzijiet tal-bejgħ domestiku tal-Istati Uniti, il-prezzijiet tal-esportazzjoni tal-Istati Uniti se jkunu wkoll influwenzati mill-ispejjeż għoljin tal-produzzjoni u mill-fatt li l-volumi tal-esportazzjoni jkunu limitati, jiġifieri inqas minn 2 % tal-esportazzjonijiet Ċiniżi lejn l-UE). Jidher ukoll li wħud minn dawk l-esportazzjonijiet isiru lil kumpaniji relatati u għalhekk mhumiex affidabbli għall-finijiet tad-determinazzjoni tal-valur normali. |
(50) |
Bħala alternattiva għaż-żewġ metodi msemmija fuq, l-Artikolu 2(7)(a) tar-Regolament bażiku jistipula li l-valur normali jista’ jiġi stabbilit fuq kwalunkwe bażi raġonevoli oħra, inkluż il-prezz fil-fatt imħallas jew pagabbli fl-Unjoni għall-prodott simili, debitament aġġustat, jekk ikun meħtieġ, sabiex jinkludi qligħ raġonevoli. Dan il-metodu ntuża b’mod provviżorju fil-każ preżenti minħabba li f’dan l-istadju l-investigazzjoni stabbiliet li l-Istati Uniti mhumiex pajjiż analogu xieraq. |
(51) |
Għat-tipi ta’ prodotti esportati mill-(gruppi ta’) produtturi esportaturi Ċiniżi fil-kampjun li għalihom ma sar l-ebda bejgħ mill-produtturi tal-Unjoni fil-kampjun, il-Kummissjoni użat provviżorjament il-prezzijiet fil-fatt imħallsin jew pagabbli fl-Unjoni għall-prodott simili, debitament aġġustati, jekk meħtieġ, sabiex jinkludu qligħ raġonevoli, tal-aktar tipi ta’ prodotti li jixxiebħu u li għandhom l-istess dijametru, grad ta’ azzar u tip ta’ prodott (pereżempju rfinuti bil-kesħa jew bis-sħana). |
4. Prezz tal-esportazzjoni
(52) |
Fil-każijiet kollha, il-prodott ikkonċernat kien esportat lil klijenti indipendenti fl-Unjoni, u għalhekk, il-prezz tal-esportazzjoni ġie stabbilit skont l-Artikolu 2(8) tar-Regolament bażiku, jiġifieri fuq il-bażi tal-prezzijiet tal-esportazzjoni attwalment imħallsa jew pagabbli. |
5. Paragun
(53) |
Il-marġini ta’ dumping ġew stabbiliti permezz ta’ paragun tal-prezzijiet tal-esportazzjoni kif joħorġu mill-fabbrika tal-esportaturi fil-kampjun meqjusa individwalment mal-prezzijiet tal-bejgħ domestiċi tal-produtturi tal-Unjoni fil-kampjun stabbiliti kif stipulat fil-premessa (50) hawn fuq. |
(54) |
Bil-għan li jiġi żgurat paragun ġust bejn il-valur normali u l-prezz tal-esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabbiltà tal-prezzijiet skont l-Artikolu 2(10) tar-Regolament bażiku. Ingħataw aġġustamenti xierqa fil-każijiet kollha fejn dawn instabu li kienu raġonevoli, preċiżi u appoġġjati minn evidenza vverifikata. B’mod partikolari, ingħata aġġustament għat-taxxi indiretti, il-merkanzija u l-assigurazzjoni marittima, il-merkanzija fil-pajjiż esportatur, l-ispejjeż tal-garanziji, il-kummissjonijiet, l-ispejjeż tal-krediti, l-ispejjeż bankarji, il-livell tal-kummerċ u kif elaborat fil-premessa (70) aktar ’l isfel, il-perċezzjoni tal-kwalità. |
6. Marġini ta’ dumping
(55) |
Il-marġini ta’ dumping provviżorju ġew espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas. |
(a)
(56) |
Skont l-Artikolu 2(11) u (12) tar-Regolament bażiku, il-marġini ta’ dumping għall-produtturi esportaturi fil-kampjun li kkooperaw mogħtija TI ġew stabbiliti fuq il-bażi ta’ paragun tal-valur normali medju peżat stabbilit fuq il-bażi tal-prezzijiet attwalment imħallsa jew pagabbli fl-Unjoni għall-prodott simili, debitament aġġustati sabiex jinkludu profitt raġonevoli kif spjegat fid-dettall fil-premessi (50) u (51) hawn fuq mal-prezz medju peżat tal-esportazzjoni ta’ kull kumpanija tal-prodott ikkonċernat lill-Unjoni, kif stabbilit hawn fuq. |
(57) |
Abbażi ta’ dan, il-marġini ta’ dumping provviżorju espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma:
|
(b)
(58) |
Il-marġini ta’ dumping għall-produtturi esportaturi l-oħrajn kollha li kkooperaw fir-RPĊ, mhux inklużi fil-kampjun, ġie kkalkulat bħala medja peżata tal-marġini ta’ dumping tal-produtturi esportaturi fil-kampjun, skont l-Artikolu 9(6) tar-Regolament bażiku. |
(59) |
Abbażi ta’ dan, il-marġini ta’ dumping provviżorju espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huwa ta’ 71,1 %. |
(ċ)
(60) |
Minħabba l-livell għoli ta’ kooperazzjoni fl-investigazzjoni (il-kumpaniji li kkooperaw jirrappreżentaw madwar 64 % tal-importazzjonijiet totali rreġistrati fl-Eurostat matul il-PI) il-marġini uniku għall-pajjiż kollu applikabbli għall-produtturi esportaturi li ma kkooperawx ġie stabbilit bl-użu tal-ogħla mill-marġini li nstabu għall-(gruppi ta’) kumpaniji fil-kampjun. |
(61) |
Abbażi ta’ dan, il-livell ta’ dumping provviżorju uniku għall-pajjiż kollu bħala perċentwal tal-prezz CIF fil-fruntiera tal-Unjoni, bid-dazju mhux imħallas, huwa ta’ 83,2 %. |
D. ĦSARA
1. Il-produzzjoni tal-Unjoni u l-industrija tal-Unjoni
(62) |
Matul il-PI, il-prodott simili kien manifatturat minn 21 produttur fl-Unjoni. Skont it-tifsira tal-Artikolu 4(1) u l-Artikolu 5(4) tar-Regolament bażiku, il-21 produttur tal-Unjoni eżistenti kollha jikkostitwixxu l-industrija tal-Unjoni u, għalhekk, minn hawn ’il quddiem, se ssir referenza għalihom bħala l-“industrija tal-Unjoni”. |
(63) |
Kif indikat taħt il-premessa (7) aktar ’il fuq, fil-kampjun intgħażlu żewġ gruppi ta’ produtturi tal-Unjoni, komposti minn ħames produtturi tal-Unjoni, li jirrappreżentaw aktar minn 50 % tal-produzzjoni totali tal-Unjoni tal-prodott simili. Mill-bqija tal-produtturi tal-Unjoni li kkooperaw, il-kumpanija li talbet għal limitazzjoni tal-ambitu tal-prodott (ara l-premessi (16) u (17) aktar ’il fuq) – ma qablitx mal-għażla tal-kampjun. Notevolment, il-produttur ikkritika l-fatt li l-kampjun jinkludi biss kumpaniji li huma preżenti kemm fis-“suq tal-prodotti finali” kif ukoll dak tal-“prematerjal”, kif ukoll il-fatt li l-kampjun huwa magħmul minn kumpaniji li lmentaw biss. Ġie mtenni li l-kumpanija inkwistjoni tixtri l-prematerjal kemm mir-RPĊ kif ukoll mill-industrija tal-Unjoni. Madankollu, il-produttur naqas milli juri bil-provi li tabilħaqq kienu jeżistu dawn iż-żewġ swieq separati. Barra minn hekk, il-produttur kien jirrappreżenta inqas minn 2 % tal-produzzjoni totali tal-Unjoni matul il-PI, filwaqt li ż-żewġ gruppi ta’ kumpaniji ntgħażlu fuq il-bażi tal-kriterji oġġettivi kif deskritti fil-premessi (7) u (8) aktar ’il fuq. |
2. Il-konsum tal-Unjoni
(64) |
Il-konsum tal-Unjoni ġie stabbilit fuq il-bażi tal-volumi tal-bejgħ tal-industrija tal-Unjoni fis-suq tal-Unjoni abbażi tal-informazzjoni miksuba mill-kumitat tad-difiża li jirrappreżenta lill-kwerelanti (ara l-premessa (2) aktar ’il fuq) u d-dejta dwar il-volumi tal-importazzjoni għas-suq tal-Unjoni miksuba mill-Eurostat. Din id-dejta tal-aħħar kellha tiġi aġġustata bi ftit fir-rigward tal-importazzjonijiet mill-Afrika ta’ Isfel u l-Ġappun għal ċerti perjodi minħabba li dik id-dejta kienet tinkludi xi distorsjonijiet li jirriżultaw minn rappurtar żbaljat tal-informazzjoni. |
(65) |
Il-konsum tal-Unjoni naqas drastikament b’35 % bejn l-2006 u l-PI. Madankollu, il-konsum żdied bi ftit bejn l-2006 u l-2007, laħaq il-quċċata fl-2007 u mbagħad kompla jonqos kontinwament sena wara sena sal-PI. Tabella 1
|
(66) |
Tabilħaqq, il-perjodu kkunsidrat ikopri varjazzjonijiet konsiderevoli fis-suq, primarjament minħabba volatilitajiet kbar ħafna fid-domanda għat-tubi tal-azzar li ma jissaddadx. Is-sena 2007 kif ukoll l-ewwel tliet kwarti tal-2008 jistgħu jiġu kkaratterizzati bħala suq robust li qiegħed jikber u jissaħħaħ. Eventwalment, il-kriżi ekonomika kellha impatt kbir fuq id-domanda. Dan l-impatt beda jsir evidenti fl-aħħar kwart tal-2008, sar aktar gravi matul l-2009 u saħansitra ssokta fl-ewwel nofs tal-2010, biex b’hekk affettwa wkoll il-PI kollu kemm hu. Dan kollu huwa rifless sew fix-xejra tal-konsum tal-Unjoni li kien fl-aqwa tiegħu fl-2007 u li mbagħad beda jonqos sena wara sena. |
3. L-importazzjonijiet mill-pajjiż ikkonċernat
3.1. Il-volum tal-importazzjonijiet li huma l-oġġett ta’ dumping
(67) |
Il-volum tal-importazzjonijiet tal-prodott ikkonċernat mir-RPĊ fis-suq tal-Unjoni żdied matul il-perjodu kkunsidrat. B’mod ġenerali, matul il-perjodu kkunsidrat, l-importazzjonijiet mir-RPĊ żdiedu b’14 %. Fil-fatt, bejn l-2006 u l-2007, l-importazzjonijiet mir-RPĊ żdiedu kważi bid-doppju, filwaqt li bdew jonqsu sena wara sena bejn l-2007 u l-PI, l-aktar minħabba t-tnaqqis fil-konsum (billi s-sehem mis-suq baqa’ stabbli bejn l-2008 u l-PI – ara l-premessa (68) hawn taħt). Tabella 2
|
3.2. Is-sehem mis-suq tal-importazzjonijiet li huma l-oġġett ta’ dumping
(68) |
Is-sehem mis-suq tal-importazzjonijiet li huma l-oġġett ta’ dumping mir-RPĊ żdied kważi bid-doppju matul il-perjodu kkunsidrat, billi żdied b’76 % jew b’7,9 punti perċentwali. Dan it-tkabbir fis-sehem tas-swieq ġie rreġistrat primarjament bejn l-2006 u l-2007, fejn sussegwentement żamm il-livell għoli tiegħu. Tabella 3
|
3.3. Il-prezzijiet
(a)
(69) |
It-tabella ta’ hawn taħt turi l-prezz medju tal-importazzjonijiet li huma l-oġġett ta’ dumping mir-RPĊ, bid-dazju mhux imħallas fil-fruntiera Ewropea, kif irrapportat mill-Eurostat. Matul il-perjodu kkunsidrat, il-prezz medju tal-importazzjonijiet mir-RPĊ żdied sal-2008 u mbagħad naqas bejn l-2008 u l-PI. Tabella 4
|
(b)
(70) |
Sar paragun tal-prezzijiet ta’ tip għal tip bejn il-prezzijiet tal-bejgħ tal-produtturi esportaturi Ċiniżi u l-prezzijiet tal-bejgħ tal-produtturi tal-Unjoni fil-kampjun fl-Unjoni. Għal dan il-għan, il-prezzijiet tal-produtturi tal-Unjoni fil-kampjun lill-klijenti mhux relatati ġew imqabbla mal-prezzijiet tal-produtturi esportaturi fil-kampjun tal-pajjiż ikkonċernat. Fejn meħtieġ, ġew applikati aġġustamenti sabiex jittieħed kont tad-differenzi fil-perċezzjoni tas-suq tal-kwalità tal-prodott, il-livell tal-kummerċ u l-ispejjeż ta’ wara l-importazzjoni. |
(71) |
Il-paragun wera li, matul il-PI, l-importazzjonijiet tal-prodott ikkonċernat li joriġina mir-RPĊ inbiegħu fl-Unjoni bi prezzijiet li waqqgħu dawk tal-industrija tal-Unjoni, meta espressi bħala perċentwal ta’ din tal-aħħar, li kien ivarja minn 21 % sa 32 %. |
4. Is-sitwazzjoni ekonomika tal-industrija tal-Unjoni
4.1. Rimarki preliminari
(72) |
Skont l-Artikolu 3(5) tar-Regolament bażiku, il-Kummissjoni eżaminat il-fatturi ekonomiċi u l-indikaturi kollha rilevanti li jinfluwenzaw l-istat tal-industrija tal-Unjoni. Id-dejta ppreżentata hawn taħt hija relatata mal-produtturi kollha tal-Unjoni għall-ishma tal-bejgħ u tas-suq, u mal-produtturi tal-Unjoni fil-kampjun għall-indikaturi kollha li jifdal. F’dak li għandu x’jaqsam mal-indikaturi bbażati fuq il-produtturi fil-kampjun, billi l-kampjun kien kompost minn żewġ gruppi biss ta’ produtturi, għal raġunijiet ta’ kunfidenzjalità, id-dejta aggregata attwali ma tistax tiġi żvelata fit-tabelli relatati ta’ hawn taħt; minflok, qegħdin jiġu ppreżentati biss l-indiċijiet sabiex juru x-xejra ta’ dawk l-indikaturi. |
4.2. Il-produzzjoni
(73) |
Il-volumi tal-produzzjoni tal-Unjoni żdiedu bejn l-2006 u l-2008, iżda mbagħad naqsu drastikament bejn l-2008 u l-PI. Dan it-tnaqqis sostanzjali fil-produzzjoni kien ikkawżat kemm mit-tnaqqis fid-daqs tas-suq kif ukoll mill-pressjoni dejjem tiżdied tal-importazzjonijiet li huma l-oġġett ta’ dumping. Tabella 5
|
4.3. Il-kapaċità tal-produzzjoni u l-użu tal-kapaċità
(74) |
Il-kapaċità tal-produzzjoni tal-industrija tal-Unjoni baqgħet relattivament stabbli matul il-perjodu kkunsidrat: Madankollu, ir-rata tal-użu tal-kapaċità naqset b’35 % bejn l-2006 u l-PI. Matul il-PI, il-livell tal-użu tal-kapaċità naqas għal ftit aktar minn nofs il-livell milħuq fl-2008. Tabella 6
|
4.4. Stokkijiet
(75) |
It-tabella ta’ hawn taħt turi li l-istokkijiet tal-għeluq għall-ewwel żdiedu sal-2008, meta l-produzzjoni tal-Unjoni kienet fl-aqwa tagħha, iżda mbagħad bdew jonqsu minħabba l-livelli mnaqqsa ta’ attività tal-manifattura. Tabella 7
|
4.5. Il-volumi tal-bejgħ tal-Unjoni (l-industrija totali tal-Unjoni)
(76) |
Il-volum tal-bejgħ tal-produtturi kollha tal-Unjoni fis-suq tal-UE naqas globalment b’39 %, filwaqt li, fl-istess ħin, l-esportazzjonijiet miċ-Ċina żdiedu b’14 %, kif iddikjarat fil-premessa (68) hawn fuq. Il-volumi tal-bejgħ tal-Unjoni fl-industrija tal-Unjoni żviluppaw kif ġej: Tabella 8
|
4.6. Is-sehem mis-suq (l-industrija totali tal-Unjoni)
(77) |
Is-sehem mis-suq tal-industrija tal-Unjoni naqas bi 3,4 punti perċentwali bejn l-2006 u l-2007 u baqa’ relattivament stabbli matul il-bqija tal-perjodu kkunsidrat, b’żieda temporanja żgħira fl-2009. B’mod ġenerali, l-industrija tal-Unjoni tilfet 3,6 punti perċentwali tas-sehem mis-suq, filwaqt li, kif muri fit-Tabella 3 hawn fuq, is-sehem mis-suq tal-importazzjonijiet li huma l-oġġett ta’ dumping mir-RPĊ żdied kważi bid-doppju matul il-perjodu kkunsidrat. Tabella 9
|
4.7. Il-prezzijiet tal-bejgħ
(78) |
F’dak li għandu x’jaqsam mal-prezzijiet medji tal-bejgħ, it-tabella ta’ hawn taħt turi li fl-2007 l-industrija tal-Unjoni żiedet il-prezzijiet tal-bejgħ tagħha u mbagħad naqqsithom gradwalment sena wara sena sal-PI, sakemm laħqet il-livelli tal-prezzijiet li huma aktar baxxi minn dawk tal-2006. L-evoluzzjoni u l-volatilità għolja tal-prezzijiet tal-bejgħ tagħhom kienu parzjalment dovuti għall-varjazzjonijiet serji fl-ispejjeż tal-materja prima. Tabella 10
|
4.8. Impjieg
(79) |
Il-livell tal-impjieg segwa l-aktar l-iżvilupp tal-volumi tal-produzzjoni (ara t-Tabella 5 hawn fuq), li jindika li l-industrija tal-Unjoni ppruvat tirrazzjonalizza l-ispejjeż tal-manifattura meta kien meħtieġ. L-industrija tal-Unjoni ppruvat tadatta l-forza tax-xogħol tagħha għaċ-ċirkostanzi dejjem imorru għall-agħar tas-suq billi naqqset is-sigħat tax-xogħol minflok naqqset l-għadd ta’ ħaddiema. Għalhekk, it-tabella ta’ hawn taħt turi l-livell ta’ impjieg f’ekwivalenti għall-full-time (“FTE”). L-impjieg FTE tal-produtturi tal-Unjoni żdied bi 11-il punt perċentwali bejn l-2006 u l-2008, segwit bi tnaqqis ta’ 19-il punt perċentwali mill-2008 sal-PI. B’mod ġenerali, l-għadd ta’ FTE's naqas bi 8 % matul il-perjodu kkunsidrat. Tabella 11
|
4.9. Produttività
(80) |
Minkejja t-tentattivi msemmija qabel tal-industrija tal-Unjoni, l-output għal kull FTE tal-produtturi tal-Unjoni naqas b’mod konsiderevoli, globalment b’29 %. L-impatti serji tal-importazzjonijiet li huma l-oġġett ta’ dumping mir-RPĊ fil-perjodu ta’ domanda tas-suq li qiegħda tonqos ħafna ma ħallewx lill-industrija tal-Unjoni żżomm il-livelli tal-produttività tagħha. Tabella 12
|
4.10. L-Ispejjeż tax-Xogħol
(81) |
Matul il-perjodu kkunsidrat, l-industrija tal-Unjoni rnexxielha tikkontrolla l-iżvilupp tal-ispejjeż tax-xogħol. Tabilħaqq, it-tabella ta’ hawn taħt turi li l-ispiża tax-xogħol annwali medja żdiedet bi ftit fl-2007 u fl-2008, iżda naqset fl-2009 u fil-PI. Matul il-perjodu kollu, l-ispejjeż tax-xogħol naqsu bi 2 %. Dan it-tnaqqis kien ikun aktar notevoli li kieku l-ammonti tal-ħlasijiet għall-waqfien mill-impjieg kienu esklużi mix-xejra ta’ hawn fuq. Tabella 13
|
4.11. Profittabilità u redditu fuq l-investimenti (ROI)
(82) |
Il-profittabilità tal-industrija tal-Unjoni ġiet stabbilita billi l-qligħ nett qabel it-taxxa mill-bejgħ tal-prodott simili fis-suq tal-UE lil klijenti mhux relatati ġie espress bħala perċentwali tal-fatturat ta’ dan il-bejgħ. B’riżultat ta’ dan, il-marġini tal-profittabilità tal-industrija tal-Unjoni żviluppaw kif ġej matul il-perjodu kkunsidrat: Tabella 14
|
(83) |
Kif turi t-tabella ta’ hawn fuq, il-profittabilità tal-industrija tal-Unjoni laħqet il-quċċata tagħha fl-2007 minħabba l-kundizzjonijiet straordinarji tas-suq, li minnhom jistgħu jibbenifikaw il-parteċipanti kollha tas-suq. Il-profittabilità medja bdiet tiddeterjora b’mod sinifikanti mill-2007 u l-profitti nbidlu f’telf sinifikanti matul l-2009 u l-PI. |
(84) |
F’dak li għandu x’jaqsam mar-redditu fuq l-investimenti (“ROI”), espress bħala l-qligħ f’perċentwali tal-valur nett skont il-kotba tal-investimenti, dan l-indikatur jidher li segwa x-xejra tal-profittabilità. |
4.12. Il-fluss tal-flus u l-abbiltà li jiżdied il-kapital
(85) |
Il-fluss nett tal-flus mill-attivitajiet operattivi żviluppa kif ġej (meta wieħed iqis l-ammont negattiv fl-2006, b’mod eċċezzjonali għal din it-tabella, is-sena 2007 kienet meqjusa bħala s-sena ta’ referenza sabiex jiġi indikat l-iżvilupp tal-fluss tal-flus): Tabella 15
|
(86) |
It-tabella ta’ hawn fuq turi li l-fluss tal-flus tal-industrija tal-Unjoni laħaq il-quċċata tiegħu fl-2008 u li sussegwentement naqas sal-aħħar tal-perjodu kkunsidrat, sakemm laħaq livell pjuttost baxx fil-PI. |
4.13. Investimenti
(87) |
Matul il-perjodu kkunsidrat, l-investimenti tal-produtturi tal-Unjoni fil-kampjun żviluppaw kif ġej: Tabella 16
|
(88) |
Kif turi t-tabella ta’ hawn fuq, il-produtturi tal-Unjoni ddeċidew li jkomplu jinvestu minkejja l-qagħda finanzjarja fraġli tagħhom fl-2009 u fil-PI. Ir-raġunijiet għal dan huma li (i) dan it-tip ta’ industrija normalment ikun jirrikjedi ċerti investimenti multiannwali li jkollhom jiġu kkompletati irrispettivament mis-sitwazzjoni tas-suq, u li (ii) f’dan is-settur, it-titjib frekwenti fit-tagħmir huwa prerekwiżit sabiex tkun tista’ ssir il-produzzjoni ta’ kwantitajiet akbar ta’ prodotti ta’ livell ogħla (bħala sforz sabiex tinżamm il-kompetittività vis-à-vis manifatturi oħrajn). |
4.14. Il-kobor tal-marġini ta’ dumping attwali
(89) |
Il-marġini ta’ dumping għall-importazzjonijiet mir-RPĊ, kif speċifikat aktar ’il fuq fil-premessa (57) hawn fuq, huma għoljin ħafna. Minħabba l-volum, is-sehem mis-suq u l-prezzijiet tal-importazzjonijiet li huma l-oġġett ta’ dumping, l-impatt tal-marġini tad-dumping jista’ jitqies bħala wieħed sostanzjali. |
5. Konklużjoni dwar il-ħsara
(90) |
L-indikaturi tal-ħsara żviluppaw b’mod negattiv matul il-perjodu kkunsidrat. Dan huwa partikolarment notevoli għall-indikaturi li jikkonċernaw il-profittabilità, il-volumi tal-produzzjoni, l-użu tal-kapaċità, il-volumi tal-bejgħ u s-sehem mis-suq, li kollha wrew xejra ta’ deterjorament b’mod ċar. |
(91) |
Fl-istess waqt, l-importazzjonijiet tat-tubi tal-azzar li ma jissaddadx mir-RPĊ kienu qegħdin iwaqqgħu il-prezzijiet tal-industrija tal-Unjoni b’sa 32 % matul il-PI (ara l-premessa (71) aktar ’il fuq). |
(92) |
Fid-dawl tal-kunsiderazzjonijiet preċedenti, huwa provviżorjament konkluż li l-industrija tal-Unjoni sofriet ħsara materjali skont it-tifsira tal-Artikolu 3(5) tar-Regolament bażiku. |
E. KAWŻALITÀ
1. Introduzzjoni
(93) |
Skont l-Artikolu 3(6) u l-Artikolu 3(7) tar-Regolament bażiku, il-Kummissjoni eżaminat jekk l-importazzjonijiet li huma l-oġġett ta’ dumping ikkawżawx ħsara lill-industrija tal-Unjoni sa livell li jippermettilha tiġi kklassifikata bħala materjali. Barra minn hekk, il-fatturi magħrufa minbarra l-importazzjonijiet li huma l-oġġett ta’ dumping, li setgħu fl-istess waqt ikkawżaw il-ħsara lill-industrija tal-Unjoni, ġew eżaminati biex jiġi żgurat li kwalunkwe ħsara kkawżata minn dawn il-fatturi l-oħrajn ma tiġix attribwita lill-importazzjonijiet li huma l-oġġett ta’ dumping. |
2. L-effett tal-importazzjonijiet li huma l-oġġett ta’ dumping
(94) |
Bejn l-2006 u l-PI, il-volum tal-importazzjonijiet li huma l-oġġett ta’ dumping tal-prodott ikkonċernat żdied f’termini ta’ volum b’14 % f’suq li kien qiegħed jiċkien b’35 %, li wassal għal żieda fis-sehem mis-suq tal-Unjoni b’76 %, minn 10,5 % għal 18,4 %. |
(95) |
Iż-żieda fl-importazzjonijiet li huma l-oġġett ta’ dumping tal-prodott ikkonċernat mir-RPĊ matul il-perjodu kkunsidrat ikkoinċidiet ma’ xejra ’l isfel f’ħafna mill-indikaturi ta’ ħsara tal-industrija tal-Unjoni. L-industrija tal-Unjoni tilfet 3,6 punti perċentwali tas-sehem mis-suq u l-prezzijiet tal-bejgħ tagħha naqsu bi 8 % minħabba l-pressjoni tal-prezzijiet eżerċitata mill-importazzjonijiet li huma l-oġġett ta’ dumping bi prezz baxx fis-suq tal-Unjoni. Il-qtugħ sinifikanti tal-prezzijiet impedixxa lill-industrija tal-Unjoni milli tgħaddi l-ispejjeż miżjudin tal-produzzjoni fil-prezzijiet tal-bejgħ sa ammont aċċettabbli, u dan irriżulta f’livelli ta’ profittabilità negattivi matul il-PI. |
(96) |
Abbażi ta’ dak li ntqal hawn fuq, huwa provviżorjament konkluż li l-importazzjonijiet li huma l-oġġett ta’ dumping bi prezz baxx mir-RPĊ, li daħlu fis-suq tal-Unjoni f’volumi kbar u li b’mod ġenerali qegħdin jiżdiedu u li waqqgħu b’mod sinifikanti l-prezzijiet tal-industrija tal-Unjoni matul il-perjodu kkunsidrat, qegħdin jikkawżaw ħsara materjali lill-industrija tal-Unjoni. |
3. L-effett ta’ fatturi oħrajn
3.1. Importazzjonijiet minn pajjiżi terzi oħrajn
(97) |
Matul il-perjodu kkunsidrat, kien hemm importazzjonijiet limitati minn pajjiżi terzi oħrajn. Is-sehem totali tas-suq ta’ importazzjonijiet minn pajjiżi oħrajn għajr ir-RPĊ naqas b’4,3 punti perċentwali, minn 26,8 % għal 22,5 %. |
(98) |
L-akbar sorsi li jmiss ta’ importazzjonijiet matul il-PI kienu l-Ġappun u l-Ukraina. Huma t-tnejn kellhom sehem mis-suq ta’ 5,2 % kull wieħed. L-Indja kellha sehem mis-suq ta’ 3,0 %, filwaqt li l-importazzjonijiet mill-Istati Uniti kellhom sehem mis-suq ta’ 2,7 % matul il-PI. It-tabella li ġejja turi l-iżvilupp tal-volumi tal-importazzjoni, il-prezzijiet u l-ishma mis-suq tal-akbar erba’ pajjiżi tas-sors ta’ importazzjoni wara r-RPĊ u dawk tal-importazzjonijiet tal-pajjiżi terzi l-oħrajn li jifdal, ilkoll ibbażati fuq id-dejta tal-Eurostat. Kif issemma diġà fil-premessa (64) aktar ’il fuq, id-dejta tal-Eurostat għall-importazzjonijiet mill-Ġappun kienet teħtieġ aġġustamenti żgħar sabiex jiġu esklużi d-distorsjonijiet li jirriżultaw minn rappurtar żbaljat tat-tranżazzjonijiet. Tabella 17
|
(99) |
Kif indikat fit-tabella ta’ hawn fuq, matul il-perjodu kkunsidrat il-Ġappun żied b’mod moderat is-sehem mis-suq tiegħu b’0,8 punti perċentwali minn 4,4 % għal 5,2 %. Madankollu, il-prezzijiet tal-importazzjonijiet mill-Ġappun jidhru li huma ferm aktar komparabbli mal-prezzijiet tal-Unjoni mill-prezzijiet tal-importazzjonijiet mir-RPĊ. L-aktar importanti, fil-PI, il-prezzijiet tal-importazzjonijiet mill-Ġappun kienu ogħla b’mod sinifikanti minn dawk tal-industrija tal-Unjoni. |
(100) |
L-importazzjonijiet mill-Istati Uniti saru bi prezzijiet konsiderevolment ogħla minn dawk tal-industrija tal-Unjoni matul il-perjodu kkunsidrat (għajr għas-sena tal-2007). F’dak li għandu x’jaqsam mal-importazzjonijiet mill-Ukraina u mill-Indja, għalkemm il-prezzijiet medji minn dawn il-pajjiżi kienu ġeneralment aktar baxxi mill-prezzijiet tal-Unjoni, it-tnejn żammew sehem mis-suq relattivament stabbli fis-suq tal-Unjoni: is-sehem mis-suq tal-Ukraina naqas minn 5,9 % għal 5,2 %, filwaqt li dak tal-Indja żdied minn 2,8 % għal 3,0 % matul il-perjodu kkunsidrat. |
(101) |
Bħala konklużjoni, is-sehem mis-suq tal-importazzjonijiet mill-pajjiżi terzi kollha għajr ir-RPĊ naqas b’4,3 punti perċentwali (minn 26,8 % għal 22,5 %) matul il-perjodu kkunsidrat. B’mod ġenerali, il-prezz medju tal-importazzjoni mill-pajjiżi terzi kollha għajr ir-RPĊ żdied b’34 % matul il-perjodu kkunsidrat (minn EUR 5 586 għal EUR 7 484 għal kull tunnellata) li huwa f’kuntrast qawwi mat-tnaqqis ta’ 9 % fil-prezzijiet tal-importazzjoni diġà baxxi ħafna taċ-Ċina u mat-tnaqqis ta’ 8 % fil-prezzijiet medji tal-bejgħ tal-Unjoni. |
(102) |
Fuq il-bażi ta’ dak li ntqal hawn fuq, jista’ jiġi konkluż li l-importazzjonijiet minn pajjiżi terzi għajr ir-RPĊ ma jidhrux li kkontribwixxew għall-ħsara mġarrba mill-industrija tal-Unjoni matul il-PI. |
3.2. L-impatti tal-varjazzjonijiet tas-suq u l-kriżi ekonomika
(103) |
Filwaqt li l-2007 u l-ewwel tliet kwarti tal-2008 jistgħu jiġu kkaratterizzati bħala suq robust li qiegħed jikber u jissaħħaħ għat-tubi tal-azzar li ma jissaddadx, eventwalment, il-kriżi finanzjarja u ekonomika kellha wkoll impatt kbir fuq dan is-settur. It-tnaqqis fir-ritmu ekonomiku beda fl-aħħar kwart tal-2008, kompla matul l-2009 u affettwa saħansitra l-ewwel nofs tal-2010, jiġifieri l-PI kollu kemm hu. Dan kollu huwa rifless fix-xejriet tal-konsum tal-Unjoni, li kien fl-aqwa tiegħu fl-2007 u li mbagħad beda jonqos sena wara sena (ara t-Tabella 1 hawn fuq). |
(104) |
Mingħajr dubju, it-tnaqqis fil-konsum imsemmi hawn fuq li jirriżulta mit-tnaqqis fir-ritmu ekonomiku kellu wkoll impatt fuq is-sitwazzjoni tal-industrija tal-Unjoni. Madankollu, għandu jiġi nnotat li dan l-effett negattiv kien aggravat serjament mill-importazzjonijiet li huma l-oġġett ta’ dumping mir-RPĊ, li waqqgħu b’mod sinifikanti l-prezzijiet tal-industrija tal-Unjoni. Għalhekk, anki li kieku t-tnaqqis fir-ritmu ekonomiku kellu jitqies bħala fattur li jikkontribwixxi għall-ħsara matul il-PI, dan bl-ebda mod ma jista’ jnaqqas l-effetti dannużi tal-importazzjonijiet li huma l-oġġett ta’ dumping bi prezz baxx mir-RPĊ fis-suq tal-Unjoni. Fin-nuqqas ta’ tali kompetizzjoni inġusta mir-RPĊ u l-pressjoni tal-volum u l-prezzijiet li eżerċitat fuq il-produtturi tal-Unjoni, kien ikun possibbli għal din tal-aħħar li żżomm il-livell tal-prezzijiet tal-bejgħ u tal-profittabilità tagħhom f’livelli relattivament aċċettabbli anki f’sitwazzjoni ta’ domanda li tonqos. |
(105) |
Fil-fatt, l-impatt tal-importazzjonijiet li huma l-oġġett ta’ dumping mir-RPĊ li waqqgħu ħafna l-prezzijiet tal-bejgħ tal-Unjoni matul il-PI jista’ jitqies bħala saħansitra aktar dannuż f’perjodu ta’ kriżi ekonomika meta l-volumi u l-prezzijiet tal-bejgħ ikunu, f’kull każ, diġà taħt pressjoni mill-konsum aktar baxx. |
(106) |
Meta wieħed iqis iċ-ċirkostanzi msemmija hawn fuq, it-tnaqqis fir-ritmu ekonomiku ma jistax jitqies bħala fattur possibbli li jkisser ir-rabta kawżali bejn il-ħsara mġarrba mill-industrija tal-Unjoni u l-importazzjonijiet li huma l-oġġett ta’ dumping mir-RPĊ. |
3.3. Il-prestazzjoni tal-esportazzjoni tal-industrija tal-Unjoni
(107) |
F’dak li għandu x’jaqsam mal-iżvilupp tal-bejgħ mill-esportazzjoni tal-industrija tal-Unjoni, l-esportazzjonijiet naqsu inqas mill-bejgħ domestiku, irrispettivament minn jekk humiex eżaminati l-produtturi kollha tal-Unjoni jew il-produtturi fil-kampjun biss. F’dak li għandu x’jaqsam mal-volumi tal-bejgħ mill-esportazzjoni, tista’ tiġi stabbilita x-xejra li ġejja għall-industrija tal-Unjoni matul il-perjodu kkunsidrat: Tabella 18
|
(108) |
Ta’ min jirrimarka li l-bejgħ mill-esportazzjoni tal-industrija tal-Unjoni naqas b’ritmu aktar bil-mod mill-bejgħ fis-suq tal-Unjoni. Dan jista’ jimplika li l-pressjoni tal-importazzjonijiet li huma l-oġġett ta’ dumping mir-RPĊ hija partikolarment qawwija fis-suq tal-Unjoni. Minħabba din l-indikazzjoni, kif ukoll is-sehem sostanzjali ta’ esportazzjonijiet fil-bejgħ totali magħmul mill-industrija tal-Unjoni (b’mod kostanti bejn 39 % u 45 % matul il-perjodu kkonċernat), kwalunkwe nuqqas ta’ kompetittività tal-produtturi tal-Unjoni fis-suq dinji jista’ ċertament jiġi eskluż. |
3.4. Il-kompetittività tal-importazzjonijiet li huma l-oġġett ta’ dumping mir-RPĊ u l-ispiża tal-produzzjoni tal-industrija tal-Unjoni
(109) |
Il-volatilità għolja tal-prezzijiet tal-ligi, kif ukoll l-iżviluppi ġenerali fid-domanda tas-suq, irriżultaw f’varjazzjonijiet konsiderevoli fl-ispejjeż tal-materja prima ewlenija għall-manifattura tal-prodott taħt investigazzjoni. Matul il-perjodu kkunsidrat, l-ispiża unitarja medja tal-produzzjoni tal-industrija tal-Unjoni żviluppat kif ġej: Tabella 19
|
(110) |
Kif issemma diġà fil-premessa (78) aktar ’il fuq, is-suq tar-RPĊ għall-materja prima ewlenija huwa mfixkel ħafna. Minħabba din id-distorsjoni, il-produtturi esportaturi fir-RPĊ jidhru li għandhom il-possibbiltà li jagħmlu l-bejgħ mill-esportazzjoni tal-prodott ikkonċernat lis-suq tal-Unjoni bi prezz li x’aktarx ikun inqas elastiku għall-prezzijiet tal-materja prima u li jirriżulta fi prezzijiet li fil-biċċa l-kbira tagħhom iwaqqgħu l-prezzijiet fis-suq tal-Unjoni. Fi kliem ieħor, minħabba d-distorsjoni fis-suq Ċiniż tal-materja prima, il-manifatturi tat-tubi tal-azzar li ma jissaddadx fir-RPĊ għandhom vantaġġ kompetittiv inġust meta mqabbel mal-industrija tal-Unjoni. Dawn id-distorsjonijiet setgħu kkontribwixxew biex jippermettu lill-produtturi Ċiniżi jżommu l-livell tal-prezz baxx tal-importazzjonijiet li huma l-oġġett ta’ dumping mir-RPĊ. |
4. Konklużjoni dwar il-kawżalità
(111) |
Bħala konklużjoni, l-analiżi ta’ hawn fuq uriet li l-importazzjonijiet mir-RPĊ żdiedu f’termini ta’ kwantitajiet u kisbu sehem sostanzjali tas-suq matul il-perjodu kkunsidrat. Barra minn hekk, dawn il-kwantitajiet miżjuda li daħlu fis-suq tal-Unjoni bi prezzijiet li huma l-oġġett ta’ dumping waqqgħu drastikament il-prezzijiet tal-industrija tal-Unjoni. Għalkemm għal ċertu perjodu l-industrija tal-Unjoni kienet kapaċi tikkumpensa għall-effetti negattivi ta’ din il-pressjoni bis-saħħa tal-kundizzjonijiet eċċezzjonalment pożittivi tas-suq fis-snin tal-2007 u l-2008, dan ma kienx aktar possibbli meta l-kriżi ekonomika naqqset il-livell tad-domanda b’mod sostanzjali. |
(112) |
Minbarra dan, ġew analizzati wkoll fatturi oħrajn li setgħu kkawżaw ħsara lill-industrija tal-Unjoni. F’dan ir-rigward, instab li l-importazzjonijiet minn pajjiżi terzi oħrajn, l-impatt tal-kriżi ekonomika, il-prestazzjoni tal-esportazzjoni tal-industrija tal-Unjoni u fatturi oħrajn li jinkludu dawk relatati mad-distorsjonijiet fis-suq tal-materja prima tar-RPĊ, ma jidhrux li huma tali li jistgħu jkissru r-rabta kawżali stabbilita bejn l-importazzjonijiet li huma l-oġġett ta’ dumping u l-ħsara mġarrba mill-industrija tal-Unjoni matul il-PI. |
(113) |
Abbażi tal-analiżi ta’ hawn fuq, li ddistingwiet u sseparat b’mod xieraq l-effetti tal-fatturi magħrufa kollha li għandhom effett fuq is-sitwazzjoni tal-industrija tal-Unjoni mill-effett dannuż tal-importazzjonijiet li huma l-oġġett ta’ dumping, huwa provviżorjament konkluż li l-importazzjonijiet mir-RPĊ ikkawżaw ħsara materjali lill-industrija tal-Unjoni skont it-tifsira tal-Artikolu 3(6) tar-Regolament bażiku. |
F. L-INTERESS TAL-UNJONI
(114) |
Skont l-Artikolu 21 tar-Regolament bażiku, il-Kummissjoni eżaminat jekk, minkejja l-konklużjonijiet dwar id-dumping, il-ħsara u l-kawżalità, kienx hemm raġunijiet li jwasslu sabiex il-Kummissjoni tikkonkludi b’mod ċar li mhuwiex fl-interess tal-Unjoni li tadotta miżuri f’dan il-każ partikolari. Għal dan il-għan u skont l-Artikolu 21(1) tar-Regolament bażiku, il-Kummissjoni kkunsidrat l-impatt probabbli tal-miżuri possibbli fuq il-partijiet kollha involuti, kif ukoll il-konsegwenzi li x’aktarx iġib miegħu n-nuqqas ta’ teħid ta’ miżuri. |
(115) |
Il-Kummissjoni bagħtet kwestjonarji lil importaturi u utenti indipendenti. Eventwalment, kien hemm żewġ importaturi u utent wieħed li bagħtu t-tweġibiet għall-kwestjonarju fi ħdan il-limiti ta’ żmien stabbiliti. |
1. L-interess tal-industrija tal-Unjoni
(116) |
Produttur wieħed tal-Unjoni oppona l-impożizzjoni ta’ miżuri antidumping, minħabba li l-kumpanija tforni parzjalment hollows mhux maħduma tal-azzar li ma jissaddadx mir-RPĊ sabiex tkompli tipproċessahom f’tubi lesti. Madankollu, il-produttur jirrappreżenta inqas minn 2 % tal-produzzjoni totali tal-Unjoni. |
(117) |
Huwa mfakkar li l-indikaturi tal-ħsara wrew xejra negattiva ġenerali u li, b’mod partikolari, l-indikaturi tal-ħsara relatati mal-volumi tal-produzzjoni u tal-bejgħ u mas-sehem mis-suq, kif ukoll il-prestazzjoni finanzjarja tal-industrija tal-Unjoni bħall-profittabilità u r-redditu fuq l-investiment, kienu affettwati serjament. |
(118) |
Jekk jiġu imposti miżuri, huwa mistenni li t-tnaqqis fil-prezzijiet u t-telf tas-sehem mis-suq jittaffew u li l-prezzijiet tal-bejgħ tal-industrija tal-Unjoni jibdew jirkupraw, li għandhom iwasslu għal titjib sinifikanti tas-sitwazzjoni finanzjarja tal-industrija tal-Unjoni. |
(119) |
Min-naħa l-oħra, jekk ma jiġux imposti miżuri antidumping, x’aktarx li d-deterjorazzjoni tas-sitwazzjoni finanzjarja u tas-suq tal-industrija tal-Unjoni tkompli. F’xenarju bħal dan, l-industrija tal-Unjoni tkompli titlef aktar sehem mis-suq, billi mhijiex kapaċi ssegwi l-prezzijiet tas-suq stabbiliti mill-importazzjonijiet li huma l-oġġett ta’ dumping mir-RPĊ. L-effetti probabbli jinvolvu aktar tnaqqis fil-manifattura u l-għeluq tal-faċilitajiet tal-produzzjoni fl-Unjoni, li jirriżultaw f’telf sostanzjali ta’ impjiegi. |
(120) |
Meta wieħed iqis il-fatturi kollha msemmija hawn fuq, huwa provviżorjament konkluż li l-impożizzjoni ta’ miżuri antidumping tkun fl-interess tal-industrija tal-Unjoni. |
2. L-interess ta’ importaturi mhux relatati fl-Unjoni
(121) |
Kif ġie indikat hawn fuq, it-teħid tal-kampjuni ma ġiex applikat għal importaturi mhux relatati, minħabba li kien hemm biss żewġ importaturi mhux relatati li kkooperaw b’mod sħiħ f’din l-investigazzjoni billi ssottomettew tweġiba għall-kwestjonarju. Parti żgħira biss tal-fatturat ta’ dawn iż-żewġ importaturi kienet relatata mal-bejgħ mill-ġdid tal-prodott ikkonċernat mir-RPĊ. |
(122) |
Madankollu, l-importazzjonijiet iddikjarati minn dawn iż-żewġ importaturi kienu jirrappreżentaw proporzjon relattivament żgħir tal-importazzjonijiet kollha mir-RPĊ fil-PI (ferm inqas minn 10 %). Meta wieħed iqis il-marġini għoljin miksuba mill-importaturi fuq il-bejgħ mill-ġdid tal-prodott ikkonċernat fil-PI, wieħed jista’ jassumi li l-impożizzjoni tad-dazji antidumping tista’ tirriżulta f’livelli aktar baxxi ta’ profittabilità għalihom. Madankollu, l-ebda wieħed mill-importaturi ma ressaq argumenti li jgħidu li l-impożizzjoni tad-dazji antidumping tmur kontra l-interess tagħhom. Barra minn hekk, minħabba li t-tnejn ibigħu mill-ġdid tubi tal-azzar li ma jissaddadx ta’ oriġini mhux Ċiniża (inklużi tubi ta’ oriġini mill-Unjoni), huma jistgħu jiddeċiedu wkoll li jbiddlu x-xiri għal fornituri mhux Ċiniżi, li mhumiex affettwati mid-dazji. |
(123) |
L-ebda importatur ieħor ma kkoopera billi ssottometta tweġiba għall-kwestjonarju jew kummenti sostanzjati. Abbażi ta’ dan, huwa konkluż provviżorjament li l-impożizzjoni tal-miżuri provviżorji mhux se jkollha effetti sostanzjalment negattivi fuq l-interess tal-importaturi tal-Unjoni. |
3. L-interess tal-utenti
(124) |
Il-pajpijiet u t-tubi mingħajr saldaturi tal-azzar li ma jissaddadx li huma soġġetti għal din il-proċedura jintużaw għal numru kbir ta’ applikazzjonijiet (ara l-premessa (17) aktar ’il fuq). Minkejja dan, il-kooperazzjoni nkisbet minn utent wieħed biss li juża t-tubi tal-azzar li ma jissaddadx għall-manifattura tal-air fin coolers u l-kondensaturi tal-arja mkessħa, li jammontaw għal inqas minn 1 % tal-importazzjonijiet totali miċ-Ċina matul il-PI. Madankollu, jista’ jiġi konkluż provviżorjament li l-kooperazzjoni limitata ħafna tal-utenti tidher li tindika li, b’mod ġenerali, l-impatt fuq il-profittabilità tal-industrija tal-utenti u s-sitwazzjoni ekonomika se jkun pjuttost limitat. |
(125) |
Mit-tweġiba għall-kwestjonarju ta’ dan l-utent jidher li l-kumpanija mhux se tiġi affettwata serjament mill-miżuri antidumping, lanqas fir-rigward tad-diviżjoni tagħha li tuża t-tubi tal-azzar li ma jissaddadx. Meta l-valur tal-importazzjonijiet tal-prodott ikkonċernat jitqabbel mal-fatturat tad-diviżjoni li tuża l-oġġetti importati, l-effett jista’ jitqies bħala insinifikanti. |
(126) |
Madankollu, fid-dawl tad-dejta ta’ dan l-utent, ma jistax jiġi eskluż li ċerti kumpaniji utenti li jużaw kwantitajiet aktar sostanzjali ta’ tubi tal-azzar li ma jissaddadx importati mir-RPĊ jistgħu jiġu affettwati b’mod negattiv mill-miżuri antidumping. |
(127) |
Mill-informazzjoni sottomessa mill-uniku utent li kkoopera, huwa impossibbli li jiġi stmat l-impjieg totali tal-industrija utenti kollha fi ħdan l-Unjoni, minħabba r-rappreżentattività limitata tagħha u l-varjetà wiesgħa tal-applikazzjonijiet. |
(128) |
Għandu jiġi nnotat ukoll li mhuwiex probabbli li l-livell tal-miżuri jipprevjeni l-importazzjonijiet Ċiniżi milli jkomplu jfornu s-suq tal-Unjoni, għalkemm bi prezzijiet mhux dannużi miżjuda. Barra minn hekk, il-kapaċità tal-produzzjoni mhux użata tal-industrija tal-Unjoni, kif ukoll is-sorsi alternattivi tal-importazzjonijiet minn diversi pajjiżi terzi oħrajn jindikaw li ma hemm ebda riskju ta’ sigurtà tal-provvista għat-tubi tal-azzar li ma jissaddadx fis-suq tal-Unjoni. |
(129) |
Barra minn hekk, minkejja d-diffikultajiet riċenti tal-industrija tal-Unjoni, hija tkompli tkun l-akbar fornitur tal-industrija utenti fl-Unjoni. Mingħajr l-impożizzjoni tal-miżuri, f’każ tad-deterjorazzjoni ulterjuri tas-sitwazzjoni finanzjarja tal-industrija tal-Unjoni, l-eżistenza tal-industrija tal-Unjoni tiġi pperikolata, li tikkawża riskju ta’ provvista anki għall-utenti fi ħdan l-Unjoni. |
(130) |
Kollox ma’ kollox, meta wieħed iqis l-impatt globali tal-miżuri antidumping, l-effetti pożittivi fuq l-industrija tal-Unjoni jidhru li jegħlbu b’mod ċar l-impatti negattivi potenzjali fuq il-gruppi ta’ interess l-oħrajn. Għalhekk, huwa konkluż provviżorjament li d-dazji antidumping ma jmorrux kontra l-interess tal-Unjoni. |
4. Konklużjoni dwar l-interess tal-Unjoni
(131) |
Jista’ jiġi konkluż li l-impożizzjoni tal-miżuri fuq l-importazzjonijiet li huma l-oġġett ta’ dumping tal-prodott ikkonċernat mir-RPĊ mistennija li tipprovdi opportunità għall-industrija tal-Unjoni sabiex ittejjeb is-sitwazzjoni tagħha permezz ta’ żieda fil-volumi tal-bejgħ, fil-prezzijiet tal-bejgħ u fis-sehem mis-suq. Filwaqt li jistgħu jiżviluppaw xi effetti negattivi fil-forma taż-żidiet tal-ispejjeż għal ċerti utenti, dawn x’aktarx li jkunu inqas mill-benefiċċji mistennija għall-produtturi u l-fornituri tagħhom. |
(132) |
Fid-dawl ta’ dak imsemmi hawn fuq, ġie konkluż provviżorjament li b’mod ġenerali ma hemmx raġunijiet konvinċenti kontra l-impożizzjoni ta’ miżuri provviżorji fuq l-importazzjonijiet tal-prodott ikkonċernat li joriġina mir-RPĊ. |
G. MIŻURI PROVVIŻORJI ANTIDUMPING
(133) |
Fid-dawl tal-konklużjonijiet milħuqa fir-rigward tad-dumping, il-ħsara li tirriżulta, il-kawżalità u l-interess tal-Unjoni, għandhom jiġu imposti miżuri provviżorji fuq l-importazzjonijiet tal-prodott ikkonċernat li joriġina mir-Repubblika Popolari taċ-Ċina sabiex tiġi evitata aktar ħsara lill-industrija tal-Unjoni mill-importazzjonijiet li huma l-oġġett ta’ dumping. |
1. Livell ta’ eliminazzjoni tal-ħsara
(134) |
Il-miżuri provviżorji fuq l-importazzjonijiet li joriġinaw mir-RPĊ għandhom jiġu imposti f’livell suffiċjenti sabiex jeliminaw id-dumping, mingħajr ma jaqbeż il-ħsara kkawżata lill-industrija tal-Unjoni mill-importazzjonijiet li huma l-oġġett ta’ dumping. Meta jiġi kkalkolat l-ammont ta’ dazju meħtieġ sabiex jitneħħew l-effetti tad-dumping dannuż, huwa kkunsidrat li kwalunkwe miżura għandha tippermetti lill-industrija tal-Unjoni li tkopri l-ispejjeż tal-produzzjoni tagħha u tikseb globalment profitt qabel it-taxxa li jista’ jinkiseb b’mod raġonevoli taħt kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet li huma l-oġġett ta’ dumping. |
(135) |
L-industrija tal-Unjoni sostniet li għad-determinazzjoni tal-livell ta’ eliminazzjoni tal-ħsara għandu jintuża profitt fil-mira ta’ 12 %. Madankollu, l-evidenza pprovduta sa issa ma wrietx li din il-profittabilità tista’ tinkiseb f’sitwazzjoni tas-suq normali. L-industrija tal-Unjoni saħansitra lanqas fis-sena eċċezzjonali tal-2007 ma setgħet tikseb livell daqstant għoli ta’ profittabilità. Abbażi tad-dejta miġbura matul l-investigazzjoni, ġie kkunsidrat provviżorjament li profitt ta’ 5 % huwa xieraq sabiex jiġi stabbilit il-livell ta’ eliminazzjoni tal-ħsara. |
(136) |
Abbażi ta’ dan, ġie kkalkolat prezz mhux dannuż għall-industrija tal-Unjoni tal-prodott simili. Il-prezz mhux dannuż ġie stabbilit billi tnaqqas il-marġini ta’ profitt attwali mill-prezz kif joħroġ mill-fabbrika u billi l-marġini ta’ profitt fil-mira msemmi hawn fuq ġie miżjud mal-prezz tal-fidi kkalkolat. |
(137) |
B’riżultat ta’ dan, ġew stabbiliti provviżorjament il-livelli ta’ eliminazzjoni tal-ħsara li ġejjin:
|
2. Miżuri provviżorji
(138) |
Fid-dawl ta’ dak li ntqal hawn fuq u skont l-Artikolu 7(2) tar-Regolament bażiku, huwa kkunsidrat li għandu jiġi impost dazju provviżorju antidumping fuq l-importazzjonijiet tal-prodott ikkonċernat li joriġina mir-RPĊ fil-livell tal-marġini l-aktar baxx ta’ dumping u ta’ eliminazzjoni tal-ħsara li nstab, skont ir-regola tal-inqas dazju, li fil-każijiet kollha huwa l-marġini tal-ħsara. |
(139) |
Minħabba r-rata għolja ta’ kooperazzjoni tal-produtturi esportaturi Ċiniżi, ir-rata tal-kumpaniji l-oħrajn kollha hija stabbilita fir-rata tal-kumpanija li kkooperat fil-kampjun bl-ogħla rata. Għall-kumpaniji li kkooperaw u li mhumiex inklużi fil-kampjun elenkati fl-Anness, ir-rata tad-dazju provviżorju hija stabbilita fil-medja peżata tar-rati tal-kumpaniji fil-kampjun. Abbażi ta’ dak li ntqal hawn fuq, ir-rati tad-dazju proposti huma:
|
(140) |
Ir-rati tad-dazju antidumping individwali tal-kumpaniji speċifikati f’dan ir-Regolament ġew stabbiliti fuq il-bażi tas-sejbiet tal-investigazzjoni preżenti. Għalhekk, dawn jirriflettu s-sitwazzjoni li nstabet matul dik l-investigazzjoni fir-rigward ta’ dawn il-kumpaniji. Dawn ir-rati tad-dazju (b’kuntrast mad-dazju nazzjonali applikabbli għall-‘kumpaniji l-oħrajn kollha’) huma għalhekk esklussivament applikabbli għall-importazzjonijiet tal-prodotti li joriġinaw mill-pajjiż ikkonċernat u manifatturati mill-kumpaniji u għalhekk mill-entitajiet legali speċifiċi msemmija. Il-prodotti importati manifatturati minn kwalunkwe kumpanija oħra mhux imsemmija speċifikament fil-parti operattiva ta’ dan ir-Regolament, bl-isem u l-indirizz tagħha, inklużi l-entitajiet relatati ma’ dawk imsemmija speċifikament, ma jistgħux jibbenifikaw minn dawn ir-rati u għandhom ikunu soġġetti għar-rata tad-dazju applikabbli għall-“kumpaniji l-oħrajn kollha”. |
(141) |
Kwalunkwe talba għall-applikazzjoni ta’ dawn ir-rati tad-dazju antidumping tal-kumpaniji individwali (pereżempju wara bidla fl-isem tal-entità jew wara l-istabbiliment ta’ entitajiet ġodda tal-produzzjoni jew tal-bejgħ) għandha tiġi indirizzata lill-Kummissjoni (8) minnufih bit-tagħrif kollu rilevanti, b’mod partikolari kwalunkwe modifika fl-attivitajiet tal-kumpanija marbuta mal-produzzjoni, mal-bejgħ domestiku u tal-esportazzjoni assoċjati ma’, pereżempju, dik il-bidla fl-isem jew dik il-bidla fl-entitajiet tal-produzzjoni u tal-bejgħ. Jekk ikun addattat, ir-Regolament għandu jiġi emendat kif xieraq billi tiġi aġġornata l-lista ta’ kumpaniji li jibbenifikaw mir-rati tad-dazju individwali. |
(142) |
Sabiex jiġi żgurat infurzar xieraq tad-dazju antidumping, il-livell tad-dazju għall-kumpaniji l-oħrajn kollha mhux biss għandu japplika għall-produtturi esportaturi li ma kkooperawx, iżda wkoll għal dawk il-produtturi li ma kellhomx esportazzjonijiet lejn l-Unjoni matul il-PI. |
H. DISPOŻIZZJONI FINALI
(143) |
Fl-interess ta’ amministrazzjoni tajba, għandu jiġi ffissat perjodu li matulu l-partijiet interessati li għamlu lilhom infushom magħrufa fiż-żmien speċifikat fin-notifikazzjoni tal-inizjazzjoni jistgħu jippreżentaw il-fehmiet tagħhom bil-miktub u jitolbu seduta. Barra minn hekk, għandu jiġi ddikjarat li s-sejbiet li jikkonċernaw l-impożizzjoni ta’ dazji magħmula għall-finijiet ta’ dan ir-Regolament huma provviżorji u jista’ jkun li jkollhom jiġu kkunsidrati mill-ġdid għall-fini ta’ kwalunkwe miżura definittiva, |
ADOTTAT DAN IR-REGOLAMENT:
Artikolu 1
1. Għaldaqstant, qiegħed jiġi impost dazju provviżorju antidumping fuq l-importazzjonijiet ta’ ċerti pajpijiet u tubi mingħajr saldaturi tal-azzar li ma jissaddadx, għajr dawk b’fittings imwaħħlin magħhom addattati biex iwasslu gassijiet jew likwidi għall-użu fl-ajruplani ċivili, li bħalissa jaqgħu taħt il-kodiċi NM 7304 11 00, 7304 22 00, 7304 24 00, ex 7304 41 00, 7304 49 10, ex 7304 49 93, ex 7304 49 95, ex 7304 49 99 u ex 7304 90 00 (il-kodiċi TARIC 7304410090, 7304499390, 7304499590, 7304499990 u 7304900091), u li joriġinaw mir-Repubblika Popolari taċ-Ċina.
2. Ir-rata tad-dazju provviżorju antidumping applikabbli għall-prezz nett ħieles fil-fruntiera tal-Unjoni, qabel id-dazju, tal-prodotti deskritti fil-paragrafu 1 u manifatturati mill-kumpaniji elenkati hawn taħt, għandha tkun kif ġej:
Kumpanija/kumpaniji |
Dazju provviżorju |
Kodiċi addizzjonali TARIC |
Changshu Walsin Specialty Steel, Co. Ltd., Haiyu |
71,5 % |
B120 |
Shanghai Jinchang Stainless Steel Tube Manufacturing, Co. Ltd., Situan |
48,2 % |
B118 |
Wenzhou Jiangnan Steel Pipe Manufacturing, Co. Ltd., Yongzhong |
48,0 % |
B119 |
Il-kumpaniji elenkati fl-Anness I |
56,6 % |
B121 |
Il-kumpaniji l-oħrajn kollha |
71,5 % |
B999 |
3. L-applikazzjoni tar-rati tad-dazju individwali speċifikati għall-kumpaniji msemmija fil-paragrafu 2 għandha tkun soġġetta għall-preżentazzjoni lill-awtoritajiet doganali tal-Istati Membri ta’ fattura kummerċjali valida, li għandha tikkonforma mar-rekwiżiti stabbiliti fl-Anness II. Jekk ma tiġi ppreżentata ebda fattura bħal din, għandu japplika d-dazju applikabbli għall-kumpaniji l-oħrajn kollha.
4. Ir-rilaxx għaċ-ċirkolazzjoni ħielsa fl-Unjoni tal-prodott imsemmi fil-paragrafu 1 għandu jkun soġġett għall-provvista ta’ titolu ekwivalenti għall-ammont tad-dazju provviżorju.
5. Sakemm ma jiġix speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.
Artikolu 2
Mingħajr ħsara għall-Artikolu 20 tar-Regolament tal-Kunsill (KE) Nru 1225/2009, il-partijiet interessati jistgħu jitolbu l-iżvelar tad-dettalji wara l-fatti u l-kunsiderazzjonijiet essenzjali li abbażi tagħhom ġie adottat dan ir-Regolament, jippreżentaw il-fehmiet tagħhom bil-miktub u japplikaw għal smigħ mill-Kummissjoni fi żmien xahar mid-data tad-dħul fis-seħħ ta’ dan ir-Regolament.
Skont l-Artikolu 21(4) tar-Regolament (KE) Nru 1225/2009, il-partijiet ikkonċernati jistgħu jikkummentaw fuq l-applikazzjoni ta’ dan ir-Regolament fi żmien xahar mid-data tad-dħul fis-seħħ tiegħu.
Artikolu 3
Dan ir-Regolament għandu jidħol fis-seħħ fil-jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
L-Artikolu 1 ta’ dan ir-Regolament għandu japplika għal perjodu ta’ sitt xhur.
Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.
Magħmul fi Brussell, is-27 ta’ Ġunju 2011.
Għall-Kummissjoni
Il-President
José Manuel BARROSO
(1) ĠU L 343, 22.12.2009, p. 51.
(2) ĠU C 265, 30.9.2010, p. 10.
(3) Recent trends in steel trade and trade-related policy measures, rapport tal-OECD, 2010, DSTI/SU/SC(2010)15, p. 14; China’s Specialty Steel Subsidies: Massive, Pervasive, and Illegal, 2008, rapport mill-iSpeciality Steel Industry of North America, disponibbli fuq http://www.ssina.com/news/releases/pdf_releases/20081014_report.pdf; Chinese government subsidies to the stainless steel industry, 2007, rapport mill-iSpeciality steel industry of North America, disponibbli fuq http://www.ssina.com/news/releases/pdf_releases/chinese_govt_subsidies0407.pdf; kif ukoll The Reform Myth, How China is using state power to create the world's dominant steel industry, The American Iron & Steel Institute, The Steel Manufacturers Association, 2010; http://www.ustr.gov/webfm_send/2694.
(4) Rapporti ta’ hawn fuq mill-iSpeciality Steel Industry of North America b’referenza għall-Għaxar Pjan fuq 5 snin tal-Aġġustament tal-Istruttura Industrijali.
(5) It-tielet Reviżjoni tad-WTO tal-politiki u l-prattiċi kummerċjali taċ-Ċina u l-impatt tagħhom fuq il-funzjonament tas-sistema tan-negozjati kummerċjali multilaterali, WT/TPR/S/230, disponibbli fuq http://www.wto.org/english/tratop_e/tpr_e/tp330_e.htm; kif ukoll It-tieni Reviżjoni tad-WTO tal-politiki u l-prattiċi kummerċjali taċ-Ċina u l-impatt tagħhom fuq il-funzjonament tas-sistema tan-negozjati kummerċjali multilaterali, WT/TPR/S/199, disponibbli fuq: http://www.wto.org/english/tratop_e/tpr_e/tp299_e.htm.
(6) Ara, b’mod partikolari, WT/TPR/S/230, p. 44.
(7) ĠU L 188, 18.7.2009, p. 93.
Il-Kummissjoni Ewropea |
Direttorat Ġenerali għall-Kummerċ |
Direzzjoni H |
Office Nerv 105 |
B-1049 Brussell. |
ANNESS I
(1) |
Baofeng Steel Group Co.Ltd., Lishui, |
(2) |
Changzhou City Lianyi Special Stainless Steel Tube Co.Ltd., Changzhou, |
(3) |
Huadi Steel Group Co.Ltd., Wenzhou, |
(4) |
Huzhou Fengtai Stainless Steel Pipes Co.Ltd, Huzhou, |
(5) |
Huzhou Gaolin Stainless Steel Tube Manufacture Co.Ltd., Huzhou, |
(6) |
Huzhou Zhongli Stainless Steel Pipe Co.Ltd., Huzhou, |
(7) |
Jiangsu Wujin Stainless Steel Pipe Group Co.Ltd., Beijing, |
(8) |
Jiangyin Huachang Stainless Steel Pipe Co.Ltd., Jiangyin |
(9) |
Lixue Group Co.Ltd., Ruian, |
(10) |
Shanghai Crystal Palace Pipe Co.Ltd., Shanghai, |
(11) |
Shanghai Baoluo Stainless Steel Tube Co., Ltd., Shanghai, |
(12) |
Shanghai Shangshang Stainless Steel Pipe Co.Ltd., Shanghai, |
(13) |
Shanghai Tianbao Stainless Steel Co.Ltd., Shanghai, |
(14) |
Shanghai Tianyang Steel Tube Co.Ltd, Shanghai, |
(15) |
Wen zZhou Xindeda Stainless Steel Material Co.Ltd., Wenzhou, |
(16) |
Wenzhou Baorui Steel Co.Ltd., Wenzhou, |
(17) |
Zhejiang Conform Stainless Steel Tube Co.Ltd., Jixing, |
(18) |
Zhejiang Easter Steel Pipe Co.Ltd., Jiaxing, |
(19) |
Zhejiang Five - Star Steel Tube Manufacturing Co.Ltd., Wenzhou, |
(20) |
Zhejiang Guobang Steel Co.Ltd., Lishui, |
(21) |
Zhejiang Hengyuan Steel Co.Ltd., Lishui, |
(22) |
Zhejiang Jiashang Stainless Steel Co.Ltd., Jiaxing City, |
(23) |
Zhejiang Jinxin Stainless Steel Manufacture Co.Ltd., Xiping Town, |
(24) |
Zhejiang Jiuli Hi-Tech Metals Co.Ltd., Huzhou, |
(25) |
Zhejiang Kanglong Steel Co.Ltd., Lishui, |
(26) |
Zhejiang Qiangli Stainless Steel Manufacture Co.Ltd., Xiping Town, |
(27) |
Zhejiang Tianbao Industrial Co.Ltd., Wenzhou, |
(28) |
Zhejiang Tsingshan Steel Pipe Co.Ltd., Lishui, |
(29) |
Zhejiang Yida Special Steel Co.Ltd., Xiping Town. |
ANNESS II
Dikjarazzjoni ffirmata minn uffiċjal tal-entità li toħroġ il-fattura kummerċjali, fil-format li ġej, għandha tidher fuq il-fattura kummerċjali valida msemmija fl-Artikolu 1(3):
(1) |
l-isem u l-funzjoni tal-uffiċjal tal-entità li toħroġ il-fattura kummerċjali; |
(2) |
id-dikjarazzjoni li ġejja: “Jiena, is-sottoskritt, niċċertifika li (l-volum) tal-pajpijiet u t-tubi mingħajr saldaturi tal-azzar li ma jissaddadx mibjugħ għall-esportazzjoni lill-Unjoni Ewropea kopert minn din il-fattura ġie manifatturat minn (l-isem tal-kumpanija u l-uffiċċju rreġistrat) (kodiċi addizzjonali TARIC) fi (il-pajjiż ikkonċernat). Jiena niddikjara li t-tagħrif mogħti f’din il-fattura huwa komplut u korrett.” |
29.6.2011 |
MT |
Il-Ġurnal Uffiċjali tal-Unjoni Ewropea |
L 169/23 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 628/2011
tat-28 ta’ Ġunju 2011
li jistabbilixxi l-valuri standard tal-importazzjoni għad-determinazzjoni tal-prezz ta' dħul ta' ċertu frott u ħxejjex
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jippreskrivi regoli dettaljati dwar l-applikazzjoni tar-Regolament tal-Kunsill (KE) Nru 1234/2007 fir-rigward tas-setturi tal-frott u l-ħxejjex u tal-frott u l-ħxejjex ipproċessati (2), u b’mod partikolari l-Artikolu 136(1) tiegħu,
Billi:
Ir-Regolament ta’ Implimentazzjoni (UE) Nru 543/2011 jistipula, skont ir-riżultat tan-negozjati kummerċjali multilaterali taċ-ċiklu tal-Urugwaj, il-kriterji li bihom il-Kummissjoni tiffissa l-valuri standard għall-importazzjonijiet minn pajjiżi terzi, għall-prodotti u għall-perjodi stipulati fl-Anness XVI, il-Parti A tiegħu,
ADOTTAT DAN IR-REGOLAMENT:
Artikolu 1
Il-valuri standard tal-importazzjoni msemmija fl-Artikolu 136 tar-Regolament ta’ Implimentazzjoni (UE) Nru 543/2011 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-29 ta’ Ġunju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Ġunju 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
AR |
23,1 |
EC |
23,1 |
|
MK |
48,7 |
|
TR |
40,0 |
|
ZZ |
33,7 |
|
0707 00 05 |
TR |
116,6 |
ZZ |
116,6 |
|
0709 90 70 |
EC |
28,8 |
TR |
113,1 |
|
ZZ |
71,0 |
|
0805 50 10 |
AR |
59,8 |
BR |
40,6 |
|
TR |
68,6 |
|
UY |
70,8 |
|
ZA |
107,6 |
|
ZZ |
69,5 |
|
0808 10 80 |
AR |
133,5 |
BR |
77,6 |
|
CA |
105,9 |
|
CL |
96,2 |
|
CN |
76,7 |
|
NZ |
114,3 |
|
US |
168,4 |
|
UY |
64,1 |
|
ZA |
94,8 |
|
ZZ |
103,5 |
|
0809 10 00 |
AR |
89,7 |
TR |
293,0 |
|
XS |
152,4 |
|
ZZ |
178,4 |
|
0809 20 95 |
TR |
337,3 |
ZZ |
337,3 |
|
0809 30 |
EC |
116,4 |
TR |
179,1 |
|
XS |
55,8 |
|
ZZ |
117,1 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
29.6.2011 |
MT |
Il-Ġurnal Uffiċjali tal-Unjoni Ewropea |
L 169/25 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 629/2011
tat-28 ta’ Ġunju 2011
li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (UE) Nru 867/2010 għas-sena tas-suq 2010/11
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,
Billi:
(1) |
L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2010/11 ġew stabbiliti mir-Regolament ta' Implimentazzjoni tal-Kummissjoni (UE) Nru 867/2010 (3). Dawn il-prezzijiet u dazji ġew emendati l-aħħar mir-Regolament ta' Implimentazzjoni tal-Kummissjoni (UE) Nru 625/2011 (4). |
(2) |
L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (UE) Nru 867/2010 għas-sena tas-suq 2010/11, huma b'dan mmodifikati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fid-29 ta’ Ġunju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta’ Ġunju 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
(3) ĠU L 259, 1.10.2010, p. 3.
(4) ĠU L 168, 28.6.2011, p. 5.
ANNESS
L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti bil-kodiċi NM 1702 90 95 , applikabbli mid-29 ta’ Ġunju 2011
(EUR) |
||
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
1701 11 10 (1) |
49,75 |
0,00 |
1701 11 90 (1) |
49,75 |
0,00 |
1701 12 10 (1) |
49,75 |
0,00 |
1701 12 90 (1) |
49,75 |
0,00 |
1701 91 00 (2) |
51,93 |
1,89 |
1701 99 10 (2) |
51,93 |
0,00 |
1701 99 90 (2) |
51,93 |
0,00 |
1702 90 95 (3) |
0,52 |
0,21 |
(1) Stabbilit għall-kwalità standard kif iddefinita fl-Anness IV, il-punt III, tar-Regolament (KE) Nru 1234/2007.
(2) Stabbilit għall-kwalità standard kif iddefinita fl-Anness IV, il-punt II, tar-Regolament (KE) Nru 1234/2007.
(3) Stabbilit bħala 1 % tal-kontenut f'sukrożju.
DEĊIŻJONIJIET
29.6.2011 |
MT |
Il-Ġurnal Uffiċjali tal-Unjoni Ewropea |
L 169/27 |
DEĊIŻJONI TAL-KUNSILL 2011/380/PESK
tat-28 ta’ Ġunju 2011
li temenda d-Deċiżjoni 2010/330/PESK dwar il-Missjoni Integrata tal-Unjoni Ewropea tal-Istat tad-Dritt għall-Iraq, EUJUST LEX-IRAQ
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28 u 43(2) tiegħu,
Billi:
(1) |
Fl-14 ta’ Ġunju 2010, il-Kunsill adotta d-Deċiżjoni 2010/330/PESK (1) li estendiet il-Missjoni Integrata tal-Unjoni Ewropea tal-Istat tad-Dritt għall-Iraq, EUJUST LEX-IRAQ (“il-Missjoni”) għal 24 xahar aktar sat-30 ta’ Ġunju 2012. L-ammont ta’ referenza finanzjarja għall-perijodu mill-1 ta’ Lulju 2011 sat-30 ta’ Ġunju 2012 għandu jiġi deċiż mill-Kunsill. |
(2) |
Il-mandat tal-Missjoni qed jitwettaq fil-kuntest ta’ sitwazzjoni li tista’ tiddeterjora u li tista’ xxekkel il-kisba tal-objettivi tal-azzjoni esterna tal-Unjoni kif imniżżel fl-Artikolu 21 tat-Trattat. |
(3) |
Id-Deċiżjoni 2010/330/PESK għandha għalhekk tiġi emendata, |
ADOTTA DIN ID-DEĊIŻJONI:
Artikolu 1
Id-Deċiżjoni 2010/330/PESK hija b’dan emendata kif ġej:
1. |
L-Artikolu 2(4), huwa sostitwit b’dan li ġej: “4. L-attivitajiet ta’ taħriġ għandhom isiru fl-Iraq u fir-reġjun kif ukoll fl-Unjoni. L-EUJUST LEX-IRAQ għandha jkollha uffiċċji fi Brussell, f’Bagdad, inkluża antenna f’Basra bi tħejjija għall-ftuħ possibbli ta’ uffiċċju soġġett għal deċiżjoni adatta għal dan l-għan. L-EUJUST LEX-IRAQ għandha jkollha uffiċċju wkoll f’Erbil (Reġjun tal-Kurdistan).”. |
2. |
Fl-Artikolu 11, il-paragrafu 2 huwa sostitwit b’dan li ġej: “2. L-ammont finanzjarju ta’ referenza maħsub sabiex ikopri n-nefqa relatata mal-Missjoni bejn l-1 ta’ Lulju 2011 u t-30 ta’ Ġunju 2012 għandu jkun ta’ EUR 27 250 000.”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-28 ta’ Ġunju 2011.
Għall-Kunsill
Il-President
FAZEKAS S.
(1) ĠU L 149, 15.6.2010, p. 12.
29.6.2011 |
MT |
Il-Ġurnal Uffiċjali tal-Unjoni Ewropea |
L 169/28 |
DEĊIŻJONI TAL-KUMMISSJONI
tal-24 ta’ Ġunju 2011
dwar l-istabbiliment tal-kriterji ekoloġiċi għall-għoti tal-Ekotikketta tal-UE għal-lubrikanti
(notifikata bid-dokument numru C(2011) 4447)
(Test b’relevanza għaż-ŻEE)
(2011/381/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b'mod partikolari l-Artikolu 8(2) tiegħu,
Wara li ġie kkonsultat il-Bord tal-Ekotikkettar tal-Unjoni Ewropea,
Billi:
(1) |
Skont ir-Regolament (KE) Nru 66/2010, l-Ekotikketta tal-UE tista' tingħata lil dawk il-prodotti b'impatt ambjentali mnaqqas tul iċ-ċiklu kollu ta’ ħajjithom. |
(2) |
Ir-Regolament (KE) Nru 66/2010 jipprovdi li kriterji speċifiċi tal-Ekotikketta tal-UE għandhom jiġu stabbiliti skont il-gruppi tal-prodotti. |
(3) |
Id-Deċiżjoni tal-Kummissjoni 2005/360/KE (2) stabbilixxiet il-kriterji ekoloġiċi u r-rekwiżiti relatati tal-valutazzjoni u l-verifika għal-lubrikanti li huma validi sat-30 ta’ Ġunju 2011. |
(4) |
Dawk il-kriterji ġew analizzati aktar fil-fond fid-dawl tal-iżviluppi teknoloġiċi. Il-kriterji l-ġodda, kif ukoll ir-rekwiżiti relatati tal-valutazzjoni u l-verifika, għandhom ikunu validi għal erba’ snin mid-data tal-adozzjoni ta’ din id-Deċiżjoni. |
(5) |
Id-Deċiżjoni 2005/360/KE għandha tiġi ssostitwita għal raġunijiet ta’ ċarezza. |
(6) |
Għandu jingħata perjodu ta’ tranżizzjoni għall-produtturi li l-prodotti tagħhom ingħataw l-Ekotikketta tal-UE għal-lubrikanti abbażi tal-kriterji stabbiliti fid-Deċiżjoni 2005/360/KE, sabiex ikollhom żmien suffiċjenti biex jadattaw il-prodotti tagħhom biex isiru konformi mal-kriterji u r-rekwiżiti riveduti. Il-produtturi għandhom ukoll ikunu jistgħu jissotomettu l-applikazzjonijiet abbażi tal-kriterji stabbiliti fid-Deċiżjoni 2005/360/KE jew skont il-kriterji stabbiliti f'din id-Deċiżjoni sakemm tiskadi l-validità ta’ dik id-Deċiżjoni. |
(7) |
Il-miżuri pprovduti f'din id-Deċiżjoni huma skont l-opinjoni tal-Kumitat stabbilit permezz tal-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
Il-grupp ta’ prodotti “lubrikanti” għandu jinkludi l-kategoriji li ġejjin:
Kategorija 1 |
: |
fluwidi idrawliċi u żjut tat-trażmissjoni tat-tratturi |
Kategorija 2 |
: |
griżijiet u griżijiet tat-tubu tal-istern |
Kategorija 3 |
: |
żjut tas-serrieq mekkaniku tal-katina, aġenti tar-rilaxx tal-konkrit, lubrikanti tal-ħbula tal-wajer, żjut tat-tubu tal-istern u lubrikanti oħrajn ta’ telf totali |
Kategorija 4 |
: |
żjut two-stroke |
Kategorija 5 |
: |
żjut industrijali u tat-tagħmir tal-baħar. |
Artikolu 2
Għall-fini ta’ din id-Deċiżjoni, għandhom japplikaw id-definizzjonijiet li ġejjin:
(1) |
“lubrikant” tfisser preparazzjoni magħmula minn fluwidi bażiċi u addittivi; |
(2) |
“fluwidu bażiku” tfisser fluwidu lubrikanti li l-proprjetajiet tiegħu tal-fluss, kemm jibqa’ tajjeb matul iż-żmien, il-lubriċità u r-reżistenza għall-kedd, kif ukoll il-proprjetajiet tiegħu fir-rigward tas-sospensjoni tal-kontaminanti ma ġewx imtejba permezz tal-inklużjoni ta’ addittiv(i); |
(3) |
“sustanza” tfisser element kimiku u l-komposti tiegħu fl-istat naturali jew miksuba bi kwalunkwe proċess tal-produzzjoni, inkluż kwalunkwe addittiv meħtieġ biex jippreżerva l-istabbiltà tal-prodotti u kwalunkwe impurità li tirriżulta mill-proċess użat, iżda li jeskludi kwalunkwe solvent li jista' jiġi sseparat mingħajr ma jeffettwa l-istabbiltà tas-sustanza jew jibdel il-kompożizzjoni tagħha; |
(4) |
“sustanza li tgħaqqad” tfisser sustanza waħda jew aktar fil-fluwidu bażiku użata biex tgħaqqad jew timmodifika r-rejoliġija ta’ fluwidu jew griż lubrikanti; |
(5) |
“komponent ewlieni” tfisser kwalunkwe sustanza li ssarraf għal aktar minn 5 % tal-piż tal-lubrikant; |
(6) |
“addittiv” tfisser sustanza jew taħlita li l-funzjonijiet ewlenin tagħha huma t-titjib tal-proprjetajiet tal-fluss, kemm jibqa’ tajjeb matul iż-żmien, il-lubriċità u r-reżistenza għall-kedd jew is-sospensjoni tal-kontaminanti; |
(7) |
“griż” tfisser taħlita solida għal semisolida li tikkonsisti f'sustanza li tgħaqqad u tista' tinkludi ingredjenti oħrajn li jagħtu proprjetajiet speċjali f'lubrikant likwidu. |
Artikolu 3
Sabiex prodott jingħata l-Ekotikketta tal-UE skont ir-Regolament (KE) Nru 66/2010, għandu jaqa’ fil-grupp tal-prodotti “lubrikanti” kif definit fl-Artikolu 1 ta’ din id-Deċiżjoni u għandu jkun konformi mal-kriterji kif ukoll mar-rekwiżiti tal-valutazzjoni u l-verifika relatati stabbiliti fl-Anness għal din id-Deċiżjoni.
Artikolu 4
Il-kriterji ekoloġiċi għall-grupp ta’ prodotti “lubrikanti”, kif ukoll ir-rekwiżiti tal-valutazzjoni u l-verifika relatati, għandhom ikunu validi għal erba’ snin mid-data tal-adozzjoni ta’ din id-Deċiżjoni.
Artikolu 5
Għall-finijiet amministrattivi, in-numru tal-kodiċi assenjat lill-grupp tal-prodotti “lubrikanti” għandu jkun “027”.
Artikolu 6
Id-Deċiżjoni 2005/360/KE hija rrevokata.
Artikolu 7
1. B’deroga mill-Artikolu 6, l-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “lubrikanti” sottomessi qabel id-data tal-adozzjoni ta’ din id-Deċiżjoni għandhom jiġu evalwati skont il-kundizzjonijiet stabbiliti fid-Deċiżjoni 2005/360/KE.
2. L-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “lubrikanti” sottomessi mid-data tal-adozzjoni ta’ din id-Deċiżjoni iżda sat-30 ta’ Ġunju 2011 l-aktar tard jistgħu jkunu bbażati fuq il-kriterji stipulati fid-Deċiżjoni 2005/360/KE jew fil-kriterji stipulati f'din id-Deċiżjoni. Dawk l-applikazzjonijiet għandhom jiġu evalwati skont il-kriterji li fuqhom huma bbażati.
3. Fejn l-Ekotikketta tal-UE tingħata abbażi ta’ applikazzjoni evalwata skont il-kriterji stabbiliti fid-Deċiżjoni 2005/360/KE, dik l-Ekotikketta tal-UE tista' tintuża għal 12-il xahar mid-data tal-adozzjoni ta’ din id-Deċiżjoni.
Artikolu 8
Din id-Deċiżjoni hija indirizzata lill-Istati Membri.
Magħmul fi Brussell, l-24 ta’ Ġunju 2011.
Għall-Kummissjoni
Janez POTOČNIK
Membru tal-Kummissjoni
(2) ĠU L 118, 5.5.2005, p. 26.
ANNESS
QAFAS
Għanijiet tal-kriterji
Dawn il-kriterji jimmiraw b’mod partikolari lejn il-promozzjoni ta’ prodotti li għandhom impatt imnaqqas fuq l-ilma u l-ħamrija matul l-użu tagħhom u fihom frazzjoni kbira ta’ materjal b’bażi bijoloġika.
KRITERJI
1. |
Sustanzi u taħlitiet esklużi jew limitati |
2. |
Esklużjoni ta’ sustanzi speċifiċi |
3. |
Rekwiżiti addizzjonali għat-tossiċità akkwatika |
4. |
Bijodegradabbiltà u potenzjal bijoakkumulattiv |
5. |
Materja prima rinnovabbli |
6. |
Prestazzjoni teknika minima |
7. |
Informazzjoni li tidher fuq l-Ekotikketta tal-UE |
Rekwiżiti tal-valutazzjoni u l-verifika
(a) Rekwiżiti
Ir-rekwiżiti speċifiċi tal-valutazzjoni u l-verifika huma indikati f’kull kriterju.
Meta l-applikant ikun meħtieġ jipprovdi dikjarazzjonijiet, dokumentazzjoni, analiżi, rapporti tat-testijiet jew evidenza oħra biex juri l-konformità mal-kriterji lill-korp kompetenti, huwa mifhum li dawn jistgħu joriġinaw mill-applikant u/jew mill-fornitur(i) tiegħu u/jew il-fornitur(i) tagħhom, eċċ., kif jixraq.
Il-fornitur tal-addittiv, is-sustanza li tgħaqqad jew il-fluwidu bażiku jista’ jipprovdi l-informazzjoni rilevanti direttament lill-korp kompetenti.
Fejn possibbli, it-testijiet għandhom jitwettqu minn laboratorji li jissodisfaw ir-rekwiżiti ġenerali tal-EN ISO 17025 jew ekwivalenti.
Fejn jixraq, jistgħu jintużaw metodi tal-ittestjar differenti minn dawk indikati għal kull kriterju jekk il-korp kompetenti li qed jivvaluta l-applikazzjoni jaċċetta l-ekwivalenza tagħhom.
Fejn jixraq, il-korpi kompetenti jistgħu jitolbu dokumentazzjoni ta’ appoġġ u jistgħu jwettqu verifiki indipendenti.
L-iskema ġenerali għall-valutazzjoni ta’ kwalunkwe sustanza konstitwenti fi prodott lubrikant qed tingħata fit-Tabella 1.
(b) Limiti tal-kejl
Is-sustanzi konstitwenti kollha li huma preżenti b’aktar minn 0 010 % (w/w) u li huma miżjuda intenzjonalment u/jew iffurmati intenzjonalment wara xi reazzjoni kimika fil-lubrikant applikat, għandhom jiġu imsemmija b’mod ċar b’isimhom u l-konċentrazzjonijiet tal-massa li fihom huma preżenti u fejn applikabbli, in-numri tagħhom tar-Reġistru tal-CAS u tar-Reġistru tal-KE.
Il-kriterji għandhom japplikaw kif ġej:
— |
għal-lubrikant applikat għal kriterji 1a, 6 u 7, |
— |
għal kull sustanza imsemmija miżjuda jew ffurmata intenzjonalment b’aktar minn 0 010 % (w/w) għall-kriterji 1b u 2, |
— |
għal kull sustanza imsemmija miżjuda jew ffurmata intenzjonalment b’aktar minn 0.10 % (w/w) għall-kriterji 3, 4 u 5. |
Barra minn hekk, il-frazzjoni totali tas-sustanzi msemmija fejn ma japplikawx il-kriterji fformulati 3 u 4 għandha tibqa’ anqas minn 0,5 % (w/w).
KRITERJI TAL-EKOTIKKETTA TAL-UE
Kriterju 1 – Sustanzi jew taħlitiet esklużi jew limitati
(a) Sustanzi u taħlitiet perikolużi
Skont l-Artikolu 6(6) tar-Regolament (KE) Nru 66/2010, dwar l-Ekotikketta tal-UE, il-prodott jew kwalunkwe parti minnu ma għandux ikollu sustanzi (fi kwalunkwe forma, inkluż forma nano) li jissodisfaw il-kriterji għal klassifikazzjoni bid-dikjarazzjonijiet ta’ periklu jew il-frażijiet ta’ riskju speċifikati hawn taħt skont ir-Regolament (KE) Nru 1272/2008 tal-Parlament Ewropew u tal-Kunsill (1), jew id-Direttiva tal-Kunsill 67/548/KEE (2) u l-anqas ma għandu jkun fih is-sustanzi msemmija fl-Artikolu 57 tar-Regolament (KE) Nru 1907/2006 tal-Parlament Ewropew u tal-Kunsill (3). Il-frażijiet tar-riskju hawn taħt ġeneralment jirreferu għal sustanzi. Il-forom nano miżjuda mal-prodott intenzjonalment iridu jagħtu prova tal-konformità ma’ dan il-kriterju għal kwalunkwe konċentrazzjoni.
Lista ta’ dikjarazzjonijiet ta’ periklu u frażijiet ta’ riskju:
Dikjarazzjoni ta’ Periklu (4) |
Frażi ta’ Riskju (5) |
H300 Fatali jekk jinbela’ |
R28 |
H301 Tossiku jekk jinbela’ |
R25 |
H304 Jista’ jkun fatali jekk jinbela’ u jidħol fil-pajpijiet tan-nifs |
R65 |
H310 Fatali jekk jiġi f’kuntatt mal-ġilda |
R27 |
H311 Tossiku jekk jiġi f’kuntatt mal-ġilda |
R24 |
H330 Fatali jekk jinġibed man-nifs |
R26 |
H331 Tossiku jekk jinġibed man-nifs |
R23 |
H340 Jista’ jikkawża difetti ġenetiċi |
R46 |
H341 Suspettat li jikkawża difetti ġenetiċi |
R68 |
H350 Jista’ jikkawża l-kanċer |
R45 |
H350i Jista’ jikkawża l-kanċer meta jinġibed man-nifs |
R49 |
H351 Suspettat li jikkawża l-kanċer |
R40 |
H360F Jista’ jagħmel ħsara lill-fertilità |
R60 |
H360D Jista’ jagħmel ħsara lit-tarbija li għadha fil-ġuf. |
R61 |
H360FD Jista’ jagħmel ħsara lill-fertilità Jista’ jagħmel ħsara lit-tarbija li għadha fil-ġuf. |
R60; R61; R60-61 |
H360Fd Jista’ jagħmel ħsara lill-fertilità Suspettat li jagħmel ħsara lit-tarbija li għadha fil-ġuf. |
R60-R63 |
H360Df Jista’ jagħmel ħsara lit-tarbija li għadha fil-ġuf. Suspettat li jagħmel ħsara lill-fertilità |
R61-R62 |
H361f Suspettat li jagħmel ħsara lill-fertilità |
R62 |
H361d Suspettat li jagħmel ħsara lit-tarbija li għadha fil-ġuf. |
R63 |
H361fd Suspettat li jagħmel ħsara lill-fertilità. Suspettat li jagħmel ħsara lit-tarbija li għadha fil-ġuf. |
R62-63 |
H362 Jista’ jikkawża ħsara lit-tfal imreddgħa |
R64 |
H370 Jikkawża ħsara lill-organi |
R39/23; R39/24; R39/25; R39/26; R39/27; R39/28 |
H371 Jista’ jikkawża ħsara lill-organi |
R68/20; R68/21; R68/22 |
H372 Jikkawża ħsara lill-organi wara espożizzjoni għal żmien twil jew ripetuta |
R48/25; R48/24; R48/23 |
H373 Jista’ jikkawża ħsara lill-organi wara espożizzjoni għal żmien twil jew ripetuta |
R48/20; R48/21; R48/22 |
H400 Tossiku ħafna għall-ħajja akkwatika |
R50 |
H410 Tossiku ħafna għall-ħajja akkwatika b’effetti għall-żmien twil |
R50-53 |
H411 Tossiku għall-ħajja akkwatika b’effetti għall-żmien twil |
R51-53 |
H412 Jagħmel ħsara lill-ħajja akkwatika b’effetti għall-żmien twil |
R52-53 |
H413 Jista’ jikkawża effetti ta’ ħsara għall-żmien twil lill-ħajja akkwatika |
R53 |
EUH059 Perikoluż għas-saff tal-ożonu |
R59 |
EUH029 Meta jmiss mal-ilma jarmi gass tossiku |
R29 |
EUH031 Meta jmiss mal-aċidi jarmi gass tossiku |
R31 |
EUH032 Meta jmiss mal-aċidi jarmi gass tossiku ħafna |
R32 |
EUH070 Tossiku meta jmiss mal-għajnejn |
R39-41 |
Dan il-kriterju għandu japplika wkoll għad-dikjarazzjonijet ta’ periklu u l-frażijiet tar-riskju li ġejjin:
Dikjarazzjoni ta’ Periklu (6) |
Frażi tar-Riskju (7) |
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jinġibed man-nifs |
R42 |
H317: Jista’ jikkawża reazzjoni allerġika tal-ġilda |
R43 |
H314 Jikkawża ħruq kbir fil-ġilda u ħsara fl-għajnejn |
R34; R35 |
H319 Jikkawża irritazzjoni serja fl-għajnejn |
R36 |
H315 Jikkawża irritazzjoni fil-ġilda |
R38 |
EUH066 Espożizzjoni ripetuta tista’ twassal għal tnixxif jew qsim fil-ġilda |
R66 |
H336 Jista’ jikkawża n-ngħas u sturdament |
R67 |
Sustanzi jew taħlitiet li mal-ipproċessar jibdlu l-proprjetajiet tagħhom (eż. ma jibqgħux aktar bijodisponibbli, jgħaddu minn modifika kimika) b’mod li l-periklu identifikat ma japplikax aktar, huma eżentati mir-rekwiżit ta’ hawn fuq.
Il-limiti ta’ konċentrazzjoni għal sustanzi li jissodisfaw il-kriterji tal-Artikolu 57(a), (b) jew (c) tar-Regolament (KE) Nru 1907/2006 ma għandhomx jaqbżu l-0 010 % (w/w). Jekk jiġu imsemmija limiti speċifiċi ta’ konċentrazjoni għal sustanzi li jissodisfaw il-kriterji tal-Artikolu 57 (a), (b) jew (c), dawn għandhom jibqgħu anqas minn wieħed f’għaxra (1/10) tal-valur l-iżjed baxx tal-konċentrazzjoni speċifika indikata sakemm dan il-valur ma jaqax taħt il-0,010 % (w/w).
Derogi mill-Kriterju 1a huma elenkati fit-Tabella 1.
Valutazzjoni u verifika tal-kriterju: l-applikant għandu jipprovdi l-formulazzjoni eżatta tal-prodott lill-korp kompetenti. L-applikant għandu juri l-konformità ma’ dan il-kriterju għal sustanzi fil-prodott abbażi ta’ informazzjoni li tikkonsisti minimalment għal dak speċifikat fl-Anness VII għar-Regolament (KE) Nru 1907/2006. Tali informazzjoni għandha tkun speċifika għal forma partikolari tas-sustanza, inkluż il-forom nano, użati fil-prodott. Għalhekk, l-applikant għandu jipprovdi stqarrija tal-konformità ma’ dan il-kriterju, flimkien ma’ lista tal-ingredjenti u l-Iskedi tad-Dejta tas-Sikurezza relatati skont l-Anness II għar-Regolament (KE) Nru 1907/2006 għal prodott kif ukoll għas-sustanzi kollha elenkati fil-formulazzjoni(jiet). Il-limiti ta’ konċentrazzjoni għandhom jiġu speċifikati fl-Iskedi tad-Dejta tas-Sikurezza skont l-Artikolu 31 tar-Regolament (KE) Nru 1907/2006.
Għandu jkun hemm biżżejjed dejta disponibbli li tippermetti l-evalwazzjoni tal-perikli ambjentali (indikati permezz tad-dikjarazzjonijiet tal-periklu H400 – H413 jew il-frażijiet tar-riskju: R 50, R 50/53, R 51/53, R 52, R 52/53, R 53), tal-prodott skont ir-Regolament (KE) Nru 1272/2008 jew id-Direttiva 67/548/KEE u d-Direttiva 1999/45/KE tal-Parlament Ewropew u tal-Kunsill (8).
L-evalwazzjoni ta’ prodott għall-perikli għall-ambjent għandha ssir permezz ta’ metodu konvenzjonali kif indikat fl-Anness III għad-Direttiva 1999/45/KE jew permezz tal-metodu ta’ addizzjoni fit-taqsima 4.1.3.5.2 tar-Regolament (KE) Nru 1272/2008. Madankollu, kif imfisser fil-parti C tal-Anness III għad-Direttiva 1999/45KE jew permezz tat-taqsima 4.1.3.3 tar-Regolament (KE) Nru 1272/2008, ir-riżultati tal-ittestjar tal-preparazzjoni (il-preparazzjoni tal-prodott jew il-pakkett ta’ addittivi) bħala tali jistgħu jintużaw biex jimmodifikaw il-klassifika fir-rigward tat-tossiċità akkwatika li kienet tinkiseb kieku ntuża l-metodu konvenzjonali jew tal-addizzjoni.
(b) Sustanzi elenkati skont l-Artikolu 59(1) tar-Regolament (KE) Nru 1907/2006
Ma għandha tingħata l-ebda deroga mill-esklużjoni fl-Artikolu 6(6) tar-Regolament (KE) Nru 66/2010 fir-rigward ta’ sustanzi identifikati bħala sustanzi ta’ tħassib serju ħafna u inklużi fil-lista prevista fl-Artikolu 59 tar-Regolament (KE) Nru 1907/2006, meta preżenti f’taħlitiet, f’konċentrazzjonijiet ogħla minn 0,010 % (w/w).
Valutazzjoni u verifika: il-lista ta’ sustanzi identifikati bħala sustanzi ta’ tħassib serju ħafna u inklużi fil-lista tal-kandidati skont l-Artikolu 59 tar-Regolament (KE) Nru 1907/2006 tinsab hawn:
http://echa.europa.eu/chem_data/authorisation_process/candidate_list_table_en.asp
Fid-data tal-applikazzjoni għandha ssir referenza għal-lista.
Il-limiti ta’ konċentrazzjoni għandhom ikunu speċifikati fl-Iskedi tad-Dejta tas-Sikurezza skont l-Anness II, il-paragrafu 3.2.1(c) għar-Regolament tal-Kummissjoni (UE) Nru 453/2010 (9).
Kriterju 2 – Esklużjoni ta’ sustanzi speċifiċi
Is-sustanzi msemmija li ġejjin ma jistgħux ikunu fi kwantitajiet li jaqbżu l-0 010 % (w/w) tal-prodott finali:
— |
Sustanzi li jidhru fil-Lista tal-Unjoni tas-sustanzi ta’ prijorità fil-qasam tal-politika tal-ilma fl-Anness X għad-Direttiva 2000/60/KE tal-Parlament Ewropew u tal-Kunsill (10) kif emendata permezz tad-Deċiżjoni 2455/2001/KE (11) u l-Lista OSPAR tal-Kimiċi għall-Azzjoni Prijoritarja (http://www.ospar.org/content/content.asp?menu = 00950304450000_000000_000000) |
— |
Komposti tal-aloġenu organiku u komposti tan-nitrit |
— |
Metalli jew komposti metalliċi bl-eċċezzjoni tas-sodju, il-potassju, il-magneżju u l-kalċju. Fil-każ tas-sustanzi li jgħaqqdu, jistgħu jintużaw ukoll komposti tal-litju u/jew tal-aluminju sa livelli ta’ konċentrazzjoni limitati mill-kriterji l-oħrajn inklużi fl-Anness għal din id-Deċiżjoni. |
Valutazzjoni u verifika: il-konformità ma’ dawn ir-rekwiżiti għandha tiġi msemmija bil-miktub u ffirmata mill-applikant.
Kriterju 3 – Rekwiżiti addizzjonali dwar it-tossiċità akkwatika
L-applikant għandu juri l-konformità billi jissodisfa r-rekwiżiti tal-kriterju 3.1 jew tal-kriterju 3.2.
Kriterju 3.1. – Rekwiżiti għal-lubrikant u l-komponenti ewlenin tiegħu
Għandha tiġi pprovduta dejta dwar it-tossiċità akkwatika akuta tal-komponenti ewlenin u t-taħlita.
Għandha tiġi imsemmija dejta dwar it-tossiċità akkwatika akuta għal kull komponent ewlieni dwar kull wieħed miż-żewġ livelli trofiċi li ġejjin: alka u dafnja (12). Il-konċentrazzjoni kritika għat-tossiċità akkwatika akuta għal kull komponent ewlieni għandha tkun mill-inqas 100 mg/L.
Għandha tiġi msemmija dejta dwar it-tossiċità akkwatika akuta għal-lubrikant applikat fuq kull wieħed mit-tliet livelli trofiċi li ġejjin: alka, dafnja u ħut. Il-konċentrazzjoni kritika għat-tossiċità akkwatika akuta għal lubrikant fil-Kategorija 1 u 5 għandha tkun mill-inqas 100 mg/l u għal lubrikant fil-Kategorija 2, 3 u 4 mill-inqas 1 000 mg/l.
It-Tabella 2 fiha sommarju tar-rekwiżiti għall-kategoriji differenti ta’ lubrikant skont il-Kriterju 3.1.
Valutazzjoni u verifika: huma aċċettati kemm dejta tat-tossiċità tal-baħar kif ukoll tal-ilma ħelu. It-testijiet isiru skont, u bl-użu ta’ speċijiet rilevanti għat-test, imsemmija fil-linji gwida li ġejjin: ISO/DIS 10253 jew OECD 201 jew Parti C.3. tal-Anness għar-Regolament tal-Kunsill (KE) Nru 440/2008 (13) għall-alka, ISO TC 147/SC5/WG2 jew OECD 202 jew Parti C.2. tal-Anness għar-Regolament (KE) Nru 440/2008 għad-dafnja u OECD 203 jew Parti C.1 tal-Anness għar-Regolament (KE) Nru 440/2008 għall-ħut. Huma permessi wkoll metodi tal-ittestjar ekwivalenti kif maqbula ma’ korp kompetenti. Huma aċċettati biss (72 siegħa) ErC50 għall-alka, (48 siegħa) EC50 għad-dafnja u (96 siegħa) LC50 għall-ħut.
Kriterju 3.2. – Rekwiżiti għal kull sustanza msemmija preżenti b’aktar minn 0,10 % (w/w)
Għal kull wieħed miż-żewġ livelli trofiċi akkwatiċi li ġejjin għandha tissemma dejta dwar ir-riżultati tat-test tat-tossiċità kronika fil-forma ta’ Konċentrazzjoni ta’ Effett Mhux Osservat (NOEC - No Observed Effect Concentration): dafnja u ħut.
Jekk ir-riżultati tat-testijiet tat-tossiċità kronika jkunu neqsin, għandhom jiġu pprovduti r-riżultati tat-testijiet tat-tossiċità akkwatika akuta għal kull wieħed miż-żewġ livelli trofiċi li ġejjin; alka u dafnja. Sustanza waħda jew aktar li juru ċertu grad ta’ tossiċità akkwatika huma permessi f’kull waħda mill-ħames kategoriji ta’ lubrikanti għal konċentrazzjoni kumulattiva tal-massa kif indikat fit-Tabella 1.
Valutazzjoni u verifika: Dejta dwar Konċentrazzjoni ta’ Effett Mhux Osservat (NOEC) għaż-żewġ livelli trofiċi, dafnja u ħut, huma stabbiliti permezz tal-metodi tal-ittestjar li ġejjin: Parti C.20 u Parti C.14 tal-Anness għar-Regolament (KE) Nru 440/2008 għal dafnja u ħut rispettivament, jew metodi tal-ittestjar ekwivalenti kif maqbul mal-korp kompetenti.
Kemm dejta dwar it-tossiċità akuta tal-baħar jew tal-ilma ħelu huma aċċettati dwar l-alka u d-dafnja. It-testijiet fl-ilma baħar isiru skont, u bl-użu ta’, speċijiet rilevanti għat-test, imsemmija fil-linji gwida li ġejjin: ISO/DIS 10253 jew OECD 201 jew Parti C.3. tal-Anness għar-Regolament (KE) Nru 440/2008 għall-alka, ISO TC 147/SC5/WG2 jew OECD 202 jew Parti C.2 tal-Anness għar-Regolament (KE) Nru 440/2008 għad-dafnja u OECD 203 jew Parti C.1 tal-Anness għar-Regolament (KE) Nru 440/2008 għall-ħut. Huma permessi wkoll metodi ekwivalenti tat-test kif maqbul mal-korp kompetenti. Jiġu aċċettati biss (72 siegħa)ErC50 għall-alka u (48 siegħa)EC50 għad-dafnja.
Valutazzjoni u verifika għall-Kriterji 3.1 u 3.2: għandhom jiġu sottomessi lill-korp kompetenti rapporti ta’ testijiet ta’ kwalità għolja jew dejta mill-letteratura (ittestjar skont protokolli aċċettabbli u l-GLP) inkluż ir-referenzi, u li juru konformità mar-rekwiżiti stabbiliti għat-tossiċità akkwatika fit-Tabella 1.
Fil-każ ta’ sustanzi jew preparazzjonijiet li jinħallu ftit (< 10 mg/l) jista’ jintuża l-metodu tal-Frazzjoni Akkomodata mill-Ilma (WAF — water-accommodated fraction) għad-determinazzjoni tat-tossiċità akkwatika. Il-livell ta’ tagħbija stabbilit, xi drabi magħruf bħala LL50 u marbut mat-tagħbija letali, jista’ jintuża direttament fil-kriterji tal-klassifikazzjoni. Il-preparazzjoni ta’ Frazzjoni Akkomodata mill-Ilma għandha ssegwi r-rakkomandazzjonijiet stabbiliti skont waħda mil-linji gwida li ġejjin; ECETOC Rapport Tekniku Nru 20 (1986), l-Anness III għall-OECD 1992 301 jew id-Dokument ta’ Gwida ISO 10634, jew l-ASTM D6081-98 (Prattika standard għall-Ittestjar tat-Tossiċità Akkwatika għal-Lubrikanti: (Standard practice for Aquatic Toxicity Testing for Lubricants:) Preparament tal-Kampjun u Interpretazzjoni tar-Riżultati jew metodi ekwivalenti (Sample Preparation and Results Interpretation or equivalent methods)). Barra minn hekk, id-demostrazzjoni tan-nuqqas ta’ tossiċità għal sustanza fil-limiti tagħha ta’ kemm tinħall fl-ilma għandha titqies li ssodisfat ir-rekwiżiti ta’ dan il-kriterju.
Studju tat-tossiċità akkwatika mhux meħtieġ li jsir meta:
— |
il-klassifika tas-sustanza, fluwidu bażiku jew addittiv diġà tissemma fil-lista tal-Klassifikazzjoni tas-Sustanza tal-Lubrikant jew |
— |
tista’ tiġi sottomessa ittra valida ta’ konformità minn korp kompetenti jew |
— |
mhux probabbli li s-sustanza taqsam membrani bijoliġiċi MM > 800 g/mol jew dijametru molekulari > 1,5 nm (> 15 Å) jew, |
— |
is-sustanza hija polimeru u l-frazzjoni tal-piż molekulari anqas minn 1 000 g/mol tkun inqas minn 1 % jew |
— |
is-sustanza ftit li xejn tinħall fl-ilma (solubbiltà fl-ilma < 10 μg/l), |
għaliex tali sustanzi mhumiex meqjusa tossiċi għall-alka u d-dafnja fis-sistema akkwatika.
Is-solubbiltà tas-sustanzi fl-ilma għandha tiġi determinata, fejn jixraq skont l-OECD 105 jew metodi ta’ testijiet ekwivalenti.
Il-frazzjoni tal-piż molekulari inqas minn 1 000 g/mol ta’ polimeru għandha tiġi determinata skont il-Parti A.19 tal-Anness għar-Regolament (KE) Nru 440/2008 jew metodi ta’ testijiet ekwivalenti.
Kriterju 4 – Bijodegradibbiltà u potenzjal bijoakkumulattiv
Ir-rekwiżiti għall-potenzjal tal-bijodegradabbiltà u l-bijoakkumulattività għandhom jiġu sodisfatti għal kull sustanza imsemmija preżenti ‘l fuq minn 0,10 % (w/w).
Il-lubrikant ma għandux ikun fih sustanzi li huma kemm: mhux bijodegradabbli u (potenzjalment) bijoakkumulattivi.
Madankollu, il-lubrikant jista’ jkun fih sustanza waħda jew aktar b’ċertu grad ta’ degradibbiltà jew bijoakkumulazzjoni potenzjali jew attwali sa konċentrazzjoni kumulattiva tal-massa kif indikat fit-Tabella 1.
Valutazzjoni u verifika: il-konformità għandha tintwera billi tiġi pprovduta l-informazzjoni li ġejja:
Rapporti ta’ testijiet ta’ kwalità għolja jew dejta mill-letteratura (ittestjar skont protokolli aċċettabbli u l-GLP) inkluż ir-referenzi dwar il-bijodegradabbiltà u meta meħtieġ dwar il-bijoakkumulazzjoni (potenzjali) ta’ kull sustanza konstitwenti.
4.1. Bijodegradazzjoni
Sustanza titqies li hija finalment bijodegradabbli (aerobika) jekk:
1. |
Fi studju tal-bijodegradabbiltà ta’ 28 jum skont il-Parti C.4 tal-Anness għar-Regolament (KE) Nru 440/2008, OECD 306, OECD 310 jinkisbu l-livelli li ġejjin tal-bijodegradazzjoni:
F’dawn it-testijiet tal-bijodegradabbiltà finali l-prinċipju ta’ apertura ta’ għaxart ijiem (10) mhux neċessarjament japplika. Jekk is-sustanza tilħaq il-livell rikjest ta’ bijodegradazzjoni fi żmien 28 jum iżda mhux fl-apertura ta’ għaxart ijiem (10), tiġi assunta rata ta’ bijodegradazzjoni aktar bil-mod. |
2. |
Il-BOD5/ThOD jew il-proporzjon BOD5/COD ≥ 0,5. Il-proporzjon BOD5/(ThOD jew COD) jista’ jintuża biss jekk l-ebda dejta abbażi tal-Parti C.4 tal-Anness għar-Regolament (KE) Nru 440/2008, OECD 306 jew OECD 310 jew kwalunkwe metodu ieħor ta’ test ekwivalenti ma jkunu disponibbli. Il-BOD5 għandu jiġi vvalutat skont il-Parti C.5. tal-Anness għar-Regolament (KE) Nru 440/2008 jew metodi ekwivalenti filwaqt li l-COD għandu jiġi vvalutat skont il-Parti C.6. tal-Anness għar-Regolament (KE) Nru 440/2008 jew metodi ekwivalenti. |
Sustanza titqies li hija bijodegradabbli b’mod inerenti jekk turi:
— |
bijodegradazzjoni > 70 % fil-Parti C.9. tal-Anness għar-Regolament (KE) Nru 440/2008 jew test tal-OECD 302 C għall-bijodegradazzjoni b’mod interenti jew metodi ekwivalenti, jew |
— |
bijodegradazzjoni > 20 % imma < 60 % wara 28 jum fil-Parti C.4. tal-Anness għar-Regolament (KE) Nru 440/2008, testijiet tal-OECD 306, l-OECD 310 ibbażati fuq it-tnaqqis tal-ossiġnu jew il-ġenerazzjoni tad-dijossidu tal-karbonju jew metodi ekwivalenti. |
It-test tal-bijodegradazzjoni ma hemmx għalfejn isir meta:
— |
il-klassifikazzjoni tas-sustanza, fluwidu bażiku jew addittiv tissemma diġà fil-lista tal-Klassifikazzjoni tas-Sustanzi Lubrikanti jew tista’ tiġi sottomessa ittra valida ta’ konformita minn korp kompetenti |
— |
Sustanza mhix bijodegradabbli jekk ma tissodisfax il-kriterji tal-bijodegradabbiltà finali jew b’mod inerenti. |
L-applikant jista’ juża wkoll dejta read-across biex jistima l-bijodegradabbiltà ta’ sustanza. “Read-across” għall-valutazzjoni tal-bijodegradabbiltà ta’ sustanza għandha tkun aċċettabbli jekk is-sustanza ta’ referenza tkun differenti bi grupp funzjonali wieħed biss jew framment mis-sustanza applikata fil-prodott. Jekk is-sustanza ta’ referenza tkun bijodegradabbli diġà jew b’mod inerenti u l-grupp funzjonali jkollu effett pożittiv fuq il-bijodegradabbiltà aerobika, allura s-sustanża applikata tista’ wkoll tiġi kkunsidrata li hija faċilment bijodegradabbli jew b’mod inerenti. Gruppi funzjonali jew frammenti b’effett pożittiv fuq il-bijodegradazzjoni huma: l-alkoħol alifatiku u aromatiku [-OH], l-aċidu alifatiku u aromatiku [-C(= O)-OH], l-aldeid [-CHO], l-ester [-C(= O)-O-C], l-amidu [-C(= O)-N jew –C(= S)-N]. Għandha tiġi pprovduta dokumentazzjoni adegwata u affidabbli dwar l-istudju fuq is-sustanza ta’ referenza. Fil-każ ta’ tqabbil ma’ framment mhux inkluż hawn fuq, għandha tiġi pprovduta dokumentazzjoni adegwata u affidabbli dwar l-istudji fuq l-effetti pożittivi tal-grupp funzjonali fuq il-bijodegradazzjoni ta’ sustanzi strutturalment simili.
4.2. Bijoakkumulazzjoni
Il-bijoakkumulazzjoni (potenzjali) ma hemmx għalfejn tkun stabbilita meta s-sustanza:
— |
għandha MM > 800 g/mol, jew |
— |
għandha dijametru molekulari > 1,5 nm (> 15 Å), jew |
— |
għandha koeffiċjent tal-parti oktanol-ilma, log Kow, valur ta’ < 3 jew > 7, jew |
— |
għandha BCF imkejjel ta’ 100 L/kg, jew |
— |
hija polimeru u l-frazzjoni tal-piż molekulari anqas minn 1 000 g/mol tkun inqas minn 1 %. |
Billi l-biċċa l-kbira tas-sustanzi użati fil-lubrikanti huma idrofobiċi b’mod sinifikanti, il-valur BCF għandu jkun ibbażat fuq il-kontentut tal-piż lipidu u għandha tingħata attenzjoni biex ikun hemm żmien ta’ espożizzjoni suffiċjenti.
Il-fattur tal-bijokonċentrazzjoni (BCF) għandu jiġi vvalutat skont il-Parti C.13 tal-Anness għar-Regolament (KE) Nru 440/2008 jew metodi tal-ittestjar ekwivalenti.
Il-koeffiċjent tal-parti oktanol-ilma (log Kow) għandu jiġi vvalutat skont il-Parti A.8 tal-Anness għar-Regolament (KE) Nru 440/2008 jew OECD 123 jew metodi tal-ittestjar ekwivalenti. Fil-każ ta’ sustanza organika differenti minn aġent tensjoattiv fejn mhuwiex disponibbli valur esperminentali, jista’ jintuża metodu ta’ kalkulazzjoni. Huma permessi il-metodi tal-kalkulazzjoni li ġejjin: CLOGP, LOGKOW, (KOWWIN) u SPARC. Valuri log Kow stmati minn kwalunkwe minn dawn il-metodi ta’ kalkulazzjoni < 3 or > 7 jindikaw li s-sustanza mhijiex mistennija li tagħmel bijoakkumulazzjoni.
Il-valuri Log Kow huma applikabbli biss għal kimiċi organiċi. Sabiex jiġi vvalutat il-potenżjal ta’ bijoakkumulazzjoni ta’ komposti mhux organiċi, aġenti tensjoattivi u xi komposti organometalliċi, għandu jsir kejl BCF.
Kriterju 5 – Materji primi rinnovabbli
Il-prodott formulat għandu jkun fih kontenut tal-karbonju miksub minn materji primi rinnovabbli li għandhom ikunu:
— |
≥ 50 % (m/m) għall-Kategorija 1, |
— |
≥ 45 % (m/m) għall-Kategorija 2, |
— |
≥ 70 % (m/m) għall-Kategorija 3, |
— |
≥ 50 % (m/m) għall-Kategorija 4, |
— |
≥ 50 % (m/m) għall-Kategorija 5. |
Kontenut tal-karbonju miksub minn materji primi rinnovabbli jfisser il-persentaġġ tal-massa tal-komponent A × [għadd ta’ atomi-C fil-komponent A, li huma miksuba minn żjut (veġetali) jew xaħmijiet (mill-annimali) diviż bl-għadd totali ta’ atomi-C fil-komponernt A] flimkien mal-persentaġġ tal-massa tal-komponent B × [għadd ta’ atomi-C fil-komponent B, li huma miksuba minn żjut (veġetali) jew xaħmijiet (mill-annimali) diviż bl-għadd totali ta’ atomi-C fil-komponernt B] flimkien mal-persentaġġ tal-massa tal-komponent C × [għadd ta’ atomi-C fil-komponent C, li huma miksuba minn żjut (veġetali) jew xaħmijiet (mill-annimali) diviż bl-għadd totali ta’ atomi-C fil-komponernt C] u jkompli hekk.
L-applikant għandu jindika fuq l-applikazzjoni it-tip(i), is-sors(i) u l-oriġini tal-materjal(i) rinnovabbli tal-komponenti ewlenin.
Valutazzjoni u verifika: l-applikant għandu jipprovdi lill-korp kompetenti dikjarazzjoni ta’ konformità ma’ dan il-kriterju.
Kriterju 6 – Prestazzjoni teknika minima
(a) |
Għal Fluwidi idrawliċi: tal-inqas il-kriterji tal-prestazzjoni teknika kif stabbilit fl-ISO 15380 attwali, it-Tabelli 2 sa 5. Il-fornitur għandu jelenka liema 2 elastomers ġew ittestjati fuq l-iskeda tal-informazzjoni tal-prodott tiegħu. |
(b) |
Għal Żjut industrijali u tat-tagħmir tal-baħar: tal-inqas ir-rekwiżiti tal-prestazzjoni teknika kif stabbilit f’DIN 51517. Il-fornitur għandu jelenka liema taqsima intgħażlet (I, II jew III) fuq l-iskeda tal-informazzjoni tal-prodott tiegħu. |
(c) |
Għal żjut tas-serrieq mekkaniku tal-katina: tal-inqas il-kriterji tekniċi tal-prestazzjoni kif stabbiliti fil-RAL UZ 48 tal-Blue Angel. |
(d) |
Għaż-żjut two-stroke għall-applikazzjonijiet tal-baħar: tal-inqas il-kriterji tekniċi tal-prestazzjoni stabbiliti fin-“NMMA Certification for Two-Stroke Cycle Gasoline Engine Lubricants” tal-NMMA TC-W3. |
(e) |
Għaż-żjut two-stroke għall-applikazzjonijiet terrestri: tal-inqas jissodisfaw il-livell EGD tal-kriterji tekniċi tal-prestazzjoni stabbiliti f’ISO 13738:2000. |
(f) |
Għal lubrikanti l-oħrajn kollha: tajbin biżżejjed għall-iskop tagħhom. |
Valutazzjoni u verifika: l-applikant għandu jipprovdi lill-korp kompetenti dikjarazzjoni ta’ konformità ma’ dan il-kriterju, flimkien mad-dokumentazzjoni relatata.
Kriterju 7 – Informazzjoni li tidher fuq l-Ekotikketta
It-tikketta fakultattiva b’kaxxa tat-test għandha tinkludi t-test li ġej:
“— |
Inqas ħsara għall-ilma u l-ħamrija waqt l-użu |
— |
Fih frazzjoni kbira ta’ materjal b’bażi bijoloġika”. |
Il-linji gwida għall-użu tat-tikketta fakultattiva bil-kaxxa tat-test jinsabu fil-“Guidelines for the use of the EU Ecolabel logo (Linji gwida għall-użu tal-logo tal-Ekotikketta tal-UE)” fuq is-sit tal-Internet: http://ec.europa.eu/environment/ecolabel/promo/logos_en.htm
Valutazzjoni u verifika: l-applikant għandu jipprovdi lill-korp kompetenti kampjun tal-imballaġġ tal-prodott li juri t-tikketta, flimkien ma’ dikjarazzjoni ta’ konformità ma’ dan il-kriterju.
Tabella 1
Kriterji għal-lubrikant u għal kull sustanza msemmija
|
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
|
Kategorija Kriterji |
Fluwidi idrawliċi u żjut tat-trażmissjoni tat-tratturi |
Griżijiet u griżijiet tat-tutbu tal-istern |
Żjut tas-serrieq mekkaniku tal-katina, aġenti tar-rilaxx tal-konkrit, lubrikanti tal-ħbula tal-wajer u lubrikanti oħrjan ta’ telf totali |
Żjut terrestri u tal-baħar two-stroke |
Żjut industrijali u tat-tagħmir tal-baħar |
|
Dikjarazzjonijiet ta’ periklu Ambjentali jew għas-Saħħa jew Frażi tar-Riskju tal-lubrikant fi żmien l-applikazzjoni (Deroga għall-Kriterju 1a) |
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
|
Dikjarazzjoni ta’ periklu Ambjentali jew għas-Saħħa jew Frażi tar-Riskju tal-lubrikant fi żmien l-applikazzjoni |
Xejn (L-iżjed limitu baxx tal-klassifikazzjoni fir-Regolament (KE) Nru 1272/2008 jew id-Direttiva 1999/45/KE) |
Xejn (L-iżjed limitu baxx tal-klassifikazzjoni fir-Regolament (KE) Nru 1272/2008 jew id-Direttiva 1999/45/KE) |
Xejn (L-iżjed limitu baxx tal-klassifikazzjoni fir-Regolament (KE) Nru 1272/2008 jew id-Direttiva 1999/45/KE) |
Xejn (L-iżjed limitu baxx tal-klassifikazzjoni fir-Regolament (KE) Nru 1272/2008 jew id-Direttiva 1999/45/KE) |
Xejn (L-iżjed limitu baxx tal-klassifikazzjoni fir-Regolament (KE) Nru 1272/2008 jew id-Direttiva 1999/45/KE) |
|
Esklużjoni ta’ sustanzi speċifiċi (Kriterju 1b u 2) |
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
|
Elenkati fl-OSPAR, il-lista tal-Unjoni tas-sustanzi ta’ prijorità fil-qasam tal-politika tal-ilma; aloġeni organiċi; nitriti; metalli u komposti metalliċi bl-eċezzjoni ta’ Na, K, Mg, Ca au għas-sustanzi li jgħaqqdu Li, Al; CMR cat 1,2 (R45, R46, R49, R60 jew R61); il-lista tal-kandidati għall-Anness XIV għar-Regolament (KE) Nru 1907/2006 |
< 0,010 % |
< 0,010 % |
< 0,010 % |
< 0,010 % |
< 0,010 % |
|
Tossiċità akkwatika (Criterion 3.2 only) |
Perċentwali kumulattivi tal-massa (% w/w) tas-sustanzi preżenti fi |
|||||
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
||
Mhux tossiku (D) |
Tossiċità akuta > 100 mg/L jew NOEC > 10 mg/L |
Mhux limitat |
||||
Jagħmel il-ħsara (E) |
10 mg/L < Tossiċità akuta ≤ 100 mg/L jew 1 mg/L < NOEC ≤ 10 mg/L |
≤ 20 |
≤ 25 |
≤ 5 |
≤ 25 |
≤ 20 |
Tossiku (F) |
1 mg/L < Tossiċità akuta ≤ 10 mg/L jew 0.1 mg/L < NOEC ≤ 1 mg/L |
≤ 5 |
≤ 1 |
≤ 0.5 |
≤ 1 |
≤ 5 |
Tossiku ħafna (G) |
Tossiċità akuta ≤ 1 mg/L jew NOEC ≤ 0,1 mg/L |
≤ 0,1/M (*) |
≤ 0,1/M (*) |
≤ 0,1/M (*) |
≤ 0,1/M (*) |
≤ 1/M (*) |
Bijodegredazzjoni u Bijoakkumulazzjoni (Kriterju 4) |
Perċentwali kumulattivi tal-massa (% w/w) tas-sustanzi preżenti fi |
|||||
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
||
Finalment bijodegradabbli aerobikament (A) |
> 90 |
> 75 |
> 90 |
> 75 |
> 90 |
|
Bijodegradabbli aerobikament b’mod interenti (B) |
≤ 5 |
≤ 25 |
≤ 5 |
≤ 20 |
≤ 5 |
|
Mhux bijodegradabbli U mhux bijoakkumulattiv (C) |
≤ 5 |
≤ 5 |
≤ 10 |
≤ 5 |
||
Mhux bijodegradabbli U bijoakkumulattiv (X) |
≤ 0,1 |
≤ 0,1 |
≤ 0,1 |
≤ 0,1 |
≤ 0,1 |
|
Frazzjoni mhux ivvalutata għat-tossiċità akkwatika (Kriterju 3.2) jew bijodegredazzjoni/bijoakkumulazzjoni (Kriterju 4) |
Perċentwali kumulattivi tal-massa (% w/w) tas-sustanzi preżenti fi |
|||||
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
||
|
< 0,5 |
< 0,5 |
< 0,5 |
< 0,5 |
< 0,5 |
|
Rennovabbiltà (Kriterju 5) |
Perċentwali kumulattivi tal-massa (% w/w) tas-sustanzi preżenti fi |
|||||
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
||
Ibbażat fuq il-karbonju |
≥ 50 % |
≥ 45 % |
≥ 70 % |
≥ 50 % |
≥ 50 % |
|
|
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
|
Prestazzjoni teknika minima (Kriterju 6) |
Fluwidi idrawliċi: ISO 15380 Tabelli 2 sa 5 Żjut tat-tra’missjoni tat-tratturi tajbin biżżejjed għall-iskop tagħhom. |
Tajbin biżżejjed għall-iskop tagħhom. |
Żjut tas-serrieq mekkaniku tal-katina: Bħal RAL UZ 48. Oħrajn: tajbin biżżejjed għall-iskop tagħhom. |
Żjut-2T tal-baħar: Bħal f’NMMA TC-W3. Żjut-2T terrestri: bħal-livell EGD f’ISO 13738:2000 |
Żjut industrijali u tat-tagħmir tal-baħar DIN 51517 |
fattur tal-multiplikazzjoni (M) |
Valur LC50 jew EC50 (“L(E)C50”) ta’ sustanza |
1 |
0,1 < L(E)C50 ≤ 1 |
10 |
0,01 < L(E)C50 ≤ 0.1 |
100 |
0,001 < L(E)C50 ≤ 0.01 |
1 000 |
0,0001 < L(E)C50 ≤ 0 001 |
Għal sustanzi li għandhom valur LC50 jew EC50 iktar baxx minn 0,0001 mg/l, il-limiti ta’ konċentrazzjoni korrispondenti huma kkalkulati kif xieraq (f’intervalli ta’ fattur ta’ 10). |
Tabella 2
Rekwiċiti tat-tossiċità akkwatika għall-kategoriji differenti tal-lubrikanti – Rekwiżiti tad-dejta u l-komponenti ewlenin tiegħu
Kriterju 3.1 |
Kategorija 1 |
Kategorija 2 |
Kategorija 3 |
Kategorija 4 |
Kategorija 5 |
Tossiċità akkwatika akuta għal-lubrikant ippreparat frisk fuq tliet livell trofiċi, alka dafnja u ħut |
> 100 mg/L |
> 1 000 mg/L |
> 1 000 mg/L |
> 1 000 mg/L |
> 100 mg/L |
Tossiċità akkwatika akuta għal kull komponent ewlieni fuq iż-żewġ livelli trofiċi alka u dafnja |
> 100 mg/L |
> 100 mg/L |
> 100 mg/L |
> 100 mg/L |
> 100 mg/L |
(1) ĠU L 353, 31.12.2008, p. 1.
(3) ĠU L 396, 30.12.2006, p. 1.
(4) Kif ipprovdut fir-Regolament (KE) Nru 1272/2008.
(5) Kif ipprovdut fid-Direttiva 67/548/KEE.
(6) Kif ipprovdut fir-Regolament (KE) Nru 1272/2008.
(7) Kif ipprovdut fid-Direttiva 67/548/KEE.
(8) ĠU L 200, 30.7.1999, p. 1.
(9) ĠU L 133, 31.5.2010, p. 1.
(10) ĠU L 327, 22.12.2000, p. 1.
(11) ĠU L 331, 15.12.2001, p. 1.
(12) Krustaċju jista’ jissostitwixxi dafnja f’din id-Deċiżjoni meta tiġi sottomessa dejta dwar il-baħar
(13) ĠU L 142, 31.5.2008, p. 1.
(*) M huwa l-fattur tal-multiplikazzjoni ta’ 10 għal sustanzi li huma tossiċi ħafna għall-ambjent akkwatiku bħal fit-Tabella 1b fid-Direttiva 2006/8/KE (ĠU L 19, 24.1.2006, p. 12).
29.6.2011 |
MT |
Il-Ġurnal Uffiċjali tal-Unjoni Ewropea |
L 169/40 |
DEĊIŻJONI TAL-KUMMISSJONI
tal-24 ta’ Ġunju 2011
dwar l-istabbiliment ta’ kriterji ekoloġiċi għall-għoti tal-Ekotikketta tal-UE lil deterġenti għall-ħasil tal-platti bl-idejn
(notifikata bid-dokument numru C(2011) 4448)
(Test b’relevanza għaż-ŻEE)
(2011/382/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar l-Ekotikketta tal-UE (1), u b’mod partikolari l-Artikolu 8(2) tiegħu,
Wara li kkonsultat lill-Bord tal-Ekotikkettar tal-Unjoni Ewropea,
Billi:
(1) |
Skont ir-Regolament (KE) Nru 66/2010, l-Ekotikketta tal-UE tista’ tingħata lil dawk il-prodotti b’impatt ambjentali mnaqqas tul iċ-ċiklu kollu ta’ ħajjithom. |
(2) |
Ir-Regolament (KE) Nru 66/2010 jipprovdi li kriterji speċifiċi tal-Ekotikketta tal-UE għandhom ikunu stabbiliti skont il-gruppi tal-prodotti. |
(3) |
Id-Deċiżjoni tal-Kummissjoni 2005/342/KE (2) stabbilixxiet il-kriterji ekoloġiċi u r-rekwiżiti ta’ valutazzjoni u verifika relatati magħhom għal deterġenti għall-ħasil tal-platti bl-idejn li huma validi sat-30 ta’ Ġunju 2011. |
(4) |
Dawk il-kriterji ġew analizzati aktar fid-dawl tal-iżviluppi teknoloġiċi. Il-kriterji l-ġodda, kif ukoll ir-rekwiżiti ta’ valutazzjoni u verifika relatati magħhom, għandhom ikunu validi għal erba’ snin mid-data tal-adozzjoni ta’ din id-Deċiżjoni. |
(5) |
Id-Deċiżjoni 2005/342/KE għandha tiġi ssostitwita għal raġunijiet ta’ ċarezza. |
(6) |
Għandu jkun hemm perjodu tranżizzjonali għall-produtturi li l-prodotti tagħhom ingħataw l-Ekotikketta għad-deterġenti għall-ħasil tal-platti bl-idejn abbażi tal-kriterji stabbiliti fid-Deċiżjoni 2005/342/KE, sabiex ikollhom żmien suffiċjenti u b’hekk jadattaw il-prodotti tagħhom biex jikkonformaw mal-kriterji u r-rekwiżiti riveduti. Il-produtturi għandhom ukoll jitħallew jippreżentaw applikazzjonijiet abbażi tal-kriterji stabbiliti fid-Deċiżjoni 2005/342/KE jew tal-kriterji stabbiliti f’din id-Deċiżjoni sakemm tiskadi l-validità ta’ dik id-Deċiżjoni. |
(7) |
Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
Il-grupp tal-prodotti “deterġenti għall-ħasil tal-platti bl-idejn” għandu jinkludi d-deterġenti kollha maħsuba biex jintużaw għall-ħasil bl-idejn ta’ platti, reċipjenti taċ-ċaqquf, pożati, borom, taġnijiet, utensili tal-kċina eċċ.
Il-grupp tal-prodotti għandu jkopri l-prodotti kemm għall-użu privat kemm għall-użu professjonali. Il-prodotti għandhom ikunu taħlitiet ta’ sustanzi kimiċi u jeħtieġ li ma jkunx fihom mikroorganiżmi li deliberatament ikunu ġew miżjuda mill-manifattur.
Artikolu 2
Għall-fini ta’ din id-Deċiżjoni, għandhom japplikaw id-definizzjonijiet li ġejjin:
1. |
“sustanza” tfisser element kimiku u l-komposti tiegħu fl-istat naturali jew miksub bi kwalunkwe proċess tal-produzzjoni, inkluż kwalunkwe addittiv meħtieġ biex jippreserva l-istabbiltà tal-prodotti u kwalunkwe impurità li tirriżulta mill-proċess użat iżda li jeskludi kwalunkwe solvent li jista’ jiġi sseparat mingħajr ma tkun affettwata l-istabbiltà tas-sustanza jew tinbidel il-kompożizzjoni tagħha. |
2. |
“prodott” (jew “taħlita”) tfisser taħlita jew soluzzjoni ta’ żewġ sustanzi jew aktar, li ma jirreaġixxux. |
Artikolu 3
Sabiex jingħata l-Ekotikketta tal-UE skont ir-Regolament (KE) Nru 66/2010, oġġett li huwa deterġent għall-ħasil tal-platti bl-idejn għandu jaqa’ fil-grupp tal-prodotti “deterġent għall-ħasil tal-platti bl-idejn” kif iddefinit fl-Artikolu 1 ta’ din id-Deċiżjoni u għandu jikkonforma mal-kriterji ekoloġiċi kif ukoll mar-rekwiżiti ta’ valutazzjoni u verifika relatati magħhom stabbiliti fl-Anness għal din id-Deċiżjoni.
Artikolu 4
Il-kriterji għall-grupp tal-prodotti “deterġent għall-ħasil tal-platti bl-idejn”, kif ukoll ir-rekwiżiti ta’ valutazzjoni u verifika relatati magħhom, għandhom ikunu validi għal erba’ snin mid-data tal-adozzjoni ta’ din id-Deċiżjoni.
Artikolu 5
Għal finijiet amministrattivi n-numru tal-kodiċi assenjat lill-grupp tal-prodotti “deterġenti għall-ħasil tal-platti bl-idejn” għandu jkun “019”.
Artikolu 6
Id-Deċiżjoni 2005/342/KE hija rrevokata.
Artikolu 7
1. B’deroga mill-Artikolu 6, l-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “deterġenti għall-ħasil tal-platti bl-idejn” ippreżentati qabel id-data tal-adozzjoni ta’ din id-Deċiżjoni għandhom ikunu evalwati skont il-kundizzjonjiiet stipulati fid-Deċiżjoni 2005/342/KE.
2. L-applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “deterġenti għall-ħasil tal-platti bl-idejn” ippreżentati qabel id-data tal-adozzjoni ta’ din id-Deċiżjoni iżda mhux aktar tard mit-30 ta’ Ġunju 2011 jistgħu jkunu bbażati jew fuq il-kriterji stabbiliti fid-Deċiżjoni 2005/342/KE inkella fuq il-kriterji stabbiliti f’din id-Deċiżjoni. Dawk l-applikazzjonijiet għandhom jiġu evalwati skont il-kriterji li huma bbażati fuqhom.
3. Fejn l-Ekotikketta tal-UE tingħata abbażi ta’ applikazzjoni evalwata skont il-kriterji stabbiliti fid-Deċiżjoni 2005/342/KE, dik l-Ekotikketta tista’ tintuża għal 12-il xahar mid-data tal-adozzjoni ta’ din id-Deċiżjoni.
Artikolu 8
Din id-Deċiżjoni hija indirizzata lill-Istati Membri.
Magħmul fi Brussell, l-24 ta’ Ġunju 2011.
Għall-Kummissjoni
Janez POTOČNIK
Membru tal-Kummissjoni
ANNESS
QAFAS
L-għanijiet tal-kriterji
Dawn il-kriterji għandhom l-għan, b’mod partikolari, li jippromwovu prodotti li għandhom tnixxija mnaqqsa ta’ sustanzi tossiċi jew li jniġġsu b’xi mod ieħor fl-ambjent akkwatiku, inaqqsu jew jipprevjenu r-riskji għas-saħħa jew għall-ambjent relatati mal-użu ta’ sustanzi perikolużi, inaqqsu l-iskart tal-imballaġġ, jipprovdu informazzjoni li tippermetti lill-konsumatur juża l-prodott b’mod li huwa effiċjenti u jnaqqsu l-impatt ambjentali.
KRITERJI
1. |
Tossiċità għall-organiżmi akkwatiċi |
2. |
Bijodegradabilità tal-aġenti tensjoattivi |
3. |
Sustanzi u taħlitiet esklużi jew limitati |
4. |
Fwejjaħ |
5. |
Proprjetajiet korrużivi |
6. |
Rekwiżiti ta’ imballaġġ |
7. |
Adegwatezza għall-użu |
8. |
Struzzjonijiet għall-utent |
9. |
Informazzjoni li tidher fuq l-Ekotikketta tal-UE |
Rekwiżiti ta’ valutazzjoni u verifika
(a) Rekwiżiti
Ir-rekwiżiti speċifiċi ta’ valutazzjoni u verifika huma indikati f’kull kriterju.
Meta l-applikant ikun meħtieġ jipprovdi dikjarazzjonijiet, dokumentazzjoni, rapporti tat-testijiet tal-analiżi, jew evidenza oħra biex juri l-konformità mal-kriterji, hu mifhum li dawn jistgħu joriġinaw mill-applikant u/jew il-fornitur(i) tiegħu u/jew il-fornitur(i) tagħhom, eċċ., skont kif ikun xieraq.
Fejn possibbli, l-ittestjar għandu jitwettaq minn laboratorji li jissodisfaw ir-rekwiżiti ġenerali ta’ EN ISO 17025 jew l-ekwivalenti.
Fejn ikun xieraq, jistgħu jintużaw metodi ta’ ttestjar oħra minbarra dawk indikati għall kull kriterju jekk il-korp kompetenti li jivvaluta l-applikazzjoni jaċċetta l-ekwivalenza tagħhom.
L-Appendiċi I tirreferi għal-lista tal-Bażi tad-Dejta tal-Ingredjenti tad-Deterġenti (DID) li tinkludi l-ingredjenti l-aktar użati fil-formulazzjonijiet tad-deterġenti. Din għandha tintuża biex tiġi dderivata d-dejta għall-kalkoli tal-Volum Kritiku tad-Dilwizzjoni (CDV) u għall-valutazzjoni tal-bijodegradabilità tal-ingredjenti. Għas-sustanzi mhux preżenti fil-lista DID, tingħata gwida dwar kif għandha tiġi kkalkolata jew estrapolata d-dejta rilevanti. L-aħħar verżjoni tal-lista DID hi disponibbli mis-sit elettroniku tal-Ekotikketta tal-UE jew permezz tas-siti elettroniċi tal-korpi kompetenti individwali.
Fejn xieraq, il-korpi kompetenti jistgħu jitolbu dokumentazzjoni ta’ appoġġ u jistgħu jwettqu verifiki indipendenti.
(b) Limiti tal-kejl
Is-sustanzi kollha fil-prodott, inklużi l-addittivi (eż. preservattivi jew stabbilizzaturi) fl-ingredjenti, li l-konċentrazzjoni tagħhom taqbeż 0,010 % skont il-piż tal-formulazzjoni finali għandhom ikunu konformi mal-kriterji tal-Ekotikketta tal-UE għajr il-Kriterju 1, fejn kull sustanza miżjuda b’mod intenzjonat għandha tiġi inkluża, irrispettivament mill-piż tagħha. L-impuritajiet li jirriżultaw mill-produzzjoni tal-ingredjenti li jkunu preżenti f’konċentrazzjonijiet > 0,010 % skont il-piż tal-formulazzjoni finali għandhom ukoll ikunu konformi mal-kriterji.
(c) Dożaġġ ta’ referenza
Għad-deterġenti għall-ħasil tal-platti bl-idejn, id-dożaġġ fi grammi tal-prodott irrakkomandat mill-manifattur għall-preparazzjoni ta’ litru ta’ ilma għall-ħasil tal-platti għat-tindif ta’ platti li jkollhom ammont normali ta’ ħmieġ jittieħed bħala d-dożaġġ ta’ referenza għall-kalkoli li għandhom l-għan li jiddokumentaw il-konformità mal-kriterji tal-Ekotikketta tal-UE u għall-ittestjar tal-ħila li jnaddaf.
KRITERJI TAL-EKOTIKKETTA TAL-UE
Kriterju 1 — Tossiċità għall-organiżmi akkwatiċi:
Il-volum ta’ dilwizzjoni kritika (CDVkroniku) huwa kkalkolat għal kull sustanza (i) bl-użu tal-ekwazzjoni li ġejja:
fejn il-piż(i) huwa l-piż tas-sustanza (fi grammi) li tinsab fid-dożaġġ irrakkomandat mill-manifattur għal litru ta’ ilma għall-ħasil tal-platti. DF(i) huwa l-fattur ta’ degradazzjoni u TFkroniku(i) huwa l-fattur ta’ tossiċità tas-sustanza (f’milligrammi/litru).
Il-valuri tad-DF u tat-TF kroniku għandhom ikunu bħal dawk elenkati fil-Parti A tal-lista tal-bażi tad-dejta tal-ingredjenti tad-deterġenti (il-lista DID – il-Parti A) (l-Appendiċi I). Jekk is-sustanza inkwistjoni ma tkunx inkluża fil-lista DID-il-parti A, l-applikant għandu jistma l-valuri billi jsegwi l-approċċ deskritt fil-lista DID-il-parti B (l-Appendiċi I). Is-CDVkroniku jingħadd għal kull sustanza, u jagħti s-CDVkroniku għall-prodott.
Is-CDVkroniku għandu jiġi kkalkulat abbażi tad-dożaġġ fi grammi tal-prodott irrakkomandat mill-manifattur għall-preparazzjoni ta’ litru ta’ ilma għall-ħasil tal-platti għat-tindif ta’ platti b’ammont normali ta’ ħmieġ. Ic-CDVkroniku tad-doża rrakkomandata espress għal litru ta’ ilma għall-ħasil tal-platti ma għandux jaqbeż 3 800 litru.
Valutazzjoni u verifika: il-formulazzjoni eżatta tal-prodott għandha tiġi pprovduta lill-korp kompetenti, flimkien mad-dettalji tal-kalkoli tas-CDVkroniku li juru konformità ma’ dan il-kriterju.
Kriterju 2 — Bijodegradabilità ta’ aġenti tensjoattivi
(a) Bijodegradabilità faċli (aerobika)
Kull aġent tensjoattiv użat fil-prodott għandu jkun faċilment bijodegradabbli.
Valutazzjoni u verifika: il-formulazzjoni eżatta tal-prodott, kif ukoll deskrizzjoni tal-funzjoni ta’ kull sustanza għandhom jiġu pprovduti lill-Korp Kompetenti. Il-Parti A tal-lista DID (l-Appendiċi I) tindika jekk aġent tensjoattiv speċifiku huwiex aerobikament bijodegradabbli jew le (l-aġenti tensjoattivi li huma mmarkati bl-ittra “R” fil-kolonna dwar il-bijodegradibilità aerobika huma faċilment bijodegradabbli). Għall-aġenti tensjoattivi li mhumiex inklużi fil-Parti A tal-lista DID, għandha tiġi pprovduta l-informazzjoni rilevanti mil-letteratura jew minn sorsi oħra, jew mir-riżultati ta’ testijiet xierqa, li juru li dawk l-aġenti tensjoattivi huma aerobikament bijodegradabbli. It-testijiet għall-bijodegradibilità faċli għandhom ikunu dawk imsemmija fir-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti (1). L-aġenti tensjoattivi għandhom jitqiesu bħala faċilment bijodegradabbli jekk il-livell ta’ bijodegradibilità (mineralizzazzjoni) imkejjel skont wieħed minn dawn il-ħames testijiet ikun tal-anqas 60 % fi żmien 28 jum: it-test tal-ispazju liberu tad-CO2 (CO2 headspace test) (OECD 310), it-test ta’ Sturm Immodifikat tal-Evoluzzjoni tad-diossidu tal-karbonju (CO2) (carbon dioxide (CO2) Evolution Modified Sturm test) (OECD 301B; ir-Regolament tal-Kunsill (KE) Nru 440/2008 (2) l-metodu C.4-C), it-test tal-Flixkun Magħluq (Closed Bottle test) (OECD 301D; ir-Regolament (KE) Nru 440/2008 l-metodu C.4-E), Respirometrija Manometrika (Manometric Respirometry) (OECD 301F; ir-Regolament (KE) Nru 440/2008 l-metodu C.4-D), jew it-test MITI (I) (OECD 301C; ir-Regolament (KE) Nru 440/2008 l-metodu C.4-F, jew it-testijiet ISO ekwivalenti għalihom. Jista’ jintuża xi wieħed minn dawn it-testijiet, skont il-karatteristiċi fiżiċi tal-aġent tensjoattiv, biex jikkonferma l-bijodegradibilità faċli, jekk il-livell ta’ bijodegradibilità jkun tal-anqas 70 % fi żmien 28 jum: l-Isparizzjoni tal-Karbonju Organiku Maħlul (Dissolved Organic Carbon DOC Die-Away) (OECD 301 A; ir-Regolament (KE) Nru 440/2008 l-metodu C.4-A), jew l-Iskrinjar tal-OECD Immodifikat tal-Isparizzjoni tad-DOC (Modified OECD Screening DOC Die-Away) (OECD 301E; ir-Regolament (KE) Nru 440/2008 l-metodu C.4-B), jew it-testijiet ISO ekwivalenti għalihom. L-applikabilità tal-metodi ta’ ttestjar abbażi tal-kejl tal-karbonju organiku maħlul jeħtieġ li tiġi ġġustifikata b’mod xieraq peress li dawn il-metodi jistgħu jagħtu riżultati mat-tneħħija u mhux mal-bijodegradabilità. Il-preadattazzjoni ma għandhiex tintuża f’testijiet għall-bijodegradabilità faċli aerobika. Il-prinċipju ta’ perjodu ta’ żmien ta’ għaxart ijiem ma għandux japplika.
(b) Bijodegradabilità anaerobika
L-aġenti tensjoattivi li mhumiex bijodegradabbli taħt kundizzjonijiet anaerobiċi jistgħu jintużaw fil-prodott sakemm l-aġenti tensjoattivi ma jkunux ikklassifikati H400/R50 (Tossiku ħafna għall-organiżmi akkwatiċi) u fi ħdan il-limitu speċifikat hawn taħt.
Il-piż totali ta’ tali aġenti tensjoattivi mhux bijodegradabbli ma għandux jaqbeż 0,20 gramma tad-doża rrakkomandata espressa għal litru ta’ ilma għall-ħasil tal-platti.
Valutazzjoni u verifika: il-formulazzjoni eżatta tal-prodott kif ukoll deskrizzjoni tal-funzjoni ta’ kull sustanza għandhom jiġu pprovduti lill-korp kompetenti. Il-Parti A tal-lista DID (l-Appendiċi I) tindika jekk aġent tensjoattiv speċifiku huwiex anaerobikament bijodegradabbli (l-aġenti tensjoattivi mmarkati bl-ittra “Y” fil-kolonna dwar il-bijodegradibilità anaerobika huma bijodegradabbli taħt kundizzjonijiet anaerobiċi). Għall-aġenti tensjoattivi li mhumiex inklużi fil-lista DID (ĠU L 115, 4.5.2005, p. 18 il-parti A), għandha tiġi pprovduta l-informazzjoni rilevanti mil-letteratura jew minn sorsi oħra, jew mir-riżultati ta’ testijiet xierqa, li juru li dawk l-aġenti tensjoattivi huma aerobikament bijodegradabbli. It-test ta’ referenza għall-bijodegradibilità anaerobika għandu jkun OECD 311, ISO 11734, ECETOC Nru 28 (Ġunju 1988) jew metodu ta’ ttestjar ekwivalenti, bir-rekwiżit ta’ minimu ta’ 60 % bijodegradibilità aħħarija taħt kundizzjonijiet anaerobiċi. Metodi ta’ ttestjar li jissimulaw il-kundizzjonijiet f’ambjent anaerobiku rilevanti jistgħu wkoll jintużaw biex jiddokumentaw il-fatt li 60 % tad-degradabilità aħħarija tkun inkisbet taħt kundizzjonijiet anaerobiċi (ara l-Appendiċi II).
Kriterju 3 — Sustanzi u taħlitiet esklużi jew limitati
Ir-rekwiżiti msemmija f’(a), (b) u (c) hawn taħt għandhom japplikaw għal kull sustanza jew taħlita inklużi l-bijoċidi, il-koloranti u l-fwejjaħ, li jaqbżu 0 010 % skont il-piż tal-prodott finali. Dan jinkludi wkoll kull sustanza ta’ kwalunkwe taħlita użata fil-formulazzjoni li taqbeż 0,010 % skont il-piż tal-prodott finali. Nanoforom li jiġu miżjuda mal-prodott b’mod intenzjonali għandhom jagħtu prova tal-konformità mal-kriterju 3(c) għal kwalunkwe konċentrazzjoni.
(a) Sustanzi esklużi speċifikati
Is-sustanzi li ġejjin ma għandhomx jiġu inklużi fil-prodott, kemm bħala parti mill-formulazzjoni kemm bħala parti minn xi taħlita inkluża fil-formulazzjoni:
— |
L-alkilfenoletossilati (APEO) u d-derivattivi tagħhom, |
— |
L-EDTA (aċidu etilen-diammina-tetra-aċetiku) u l-imlieħ tiegħu |
— |
5-Bromo-5-nitro-1,3-diossan |
— |
2-Bromo-2-nitropropan-1,3-diol |
— |
Diażolinidilurea |
— |
Formaldeid |
— |
Idrossimetilgliċinat tas-sodju |
— |
Nitromiski u miski poliċikliċi, inklużi pereżempju:
|
Valutazzjoni u verifika: l-applikant għandu jipprovdi dikjarazzjoni appoġġata minn dikjarazzjonijiet mill-manifatturi, kif ikun xieraq, li jikkonfermaw li s-sustanzi elenkati ma ġewx inklużi fil-prodott.
(b) Imlieħ tal-ammonju kwaternarju li mhumiex faċilment bijodegradabbli ma għandhomx jintużaw, kemm bħala parti mill-formulazzjoni kemm bħala parti minn kwalunkwe taħlita inkluża fil-formulazzjoni.
Valutazzjoni u verifika: l-applikant għandu jipprovdi dokumentazzjoni li turi l-bijodegradabilità ta’ kwalunkwe melħ tal-ammonju kwaternarju użat.
(c) Sustanzi u taħlitiet perikolużi
Skont l-Artikolu 6(6) tar-Regolament (KE) Nru 66/2010 dwar l-Ekotikketta tal-UE, il-prodott jew kwalunkwe parti minnu ma għandux/ma għandhiex jinkludi/tinkludi sustanzi (fi kwalunkwe forma inklużi nanoforom) li jissodisfaw il-kriterji għall-klassifikazzjoni fid-dikjarazzjonijiet ta’ periklu jew frażijiet ta’ riskju speċifikati hawn taħt skont ir-Regolament (KE) Nru 1272/2008 tal-Parlament Ewropew u tal-Kunsill (3) jew id-Direttiva tal-Kunsill 67/548/KEE (4), u lanqas ma għandu/ma għandha jinkludi/tinkludi sustanzi msemmija fl-Artikolu 57 tar-Regolament (KE) Nru 1907/2006 tal-Parlament Ewropew u tal-Kunsill (5). Il-frażijiet ta’ riskju ta’ hawn taħt ġeneralment jirreferu għas-sustanzi. Madankollu, għal taħlitiet ta’ enżimi u fwejjaħ, fejn l-informazzjoni dwar is-sustanzi ma tkunx tista’ tinkiseb, għandhom jiġu applikati r-regoli ta’ klassifikazzjoni għat-taħlitiet.
Lista ta’ dikjarazzjonijiet ta’ periklu u frażijiet ta’ riskju:
Dikjarazzjoni ta’ Periklu (6) |
Frażi ta’ Riskju (7) |
H300 Fatali jekk jinbela’ |
R28 |
H301 Tossiku jekk jinbela’ |
R25 |
H304 Jista’ jkun fatali jekk jinbela’ u jidħol fil-pajpijiet tan-nifs |
R65 |
H310 Fatali jekk jiġi f’kuntatt mal-ġilda |
R27 |
H311 Tossiku jekk jiġi f’kuntatt mal-ġilda |
R24 |
H330 Fatali jekk jiġi inalat |
R23;R26 |
H331 Tossiku jekk jiġi inalat |
R23 |
H340 Jista’ jikkawża difetti ġenetiċi |
R46 |
H341 Suspettat li jikkawża difetti ġenetiċi |
R68 |
H350 Jista’ jikkawża l-kanċer |
R45 |
H350i Jista’ jikkawża l-kanċer meta jiġi inalat |
R49 |
H351 Suspettat li jikkawża l-kanċer |
R40 |
H360F Jista’ jagħmel ħsara lill-fertilità |
R60 |
H360D Jista’ jagħmel ħsara lit-tarbija li għadha ma twelditx |
R61 |
H360FD Jista’ jagħmel ħsara lill-fertilità. Jista’ jagħmel ħsara lit-tarbija li għadha ma twelditx |
R60-61 |
H360Fd Jista’ jagħmel ħsara lill-fertilità. Suspettat li jagħmel ħsara lit-tarbija li għadha ma twelditx |
R60-63 |
H360Df Jista’ jagħmel ħsara lit-tarbija li għadha ma twelditx. Suspettat li jagħmel ħsara lill-fertilità |
R61-62 |
H361f Suspettat li jagħmel ħsara lill-fertilità |
R62 |
H361d Suspettat li jagħmel ħsara lit-tarbija li għadha ma twelditx |
R63 |
H361fd Suspettat li jagħmel ħsara lill-fertilità. Suspettat li jagħmel ħsara lit-tarbija li għadha ma twelditx |
R62-63 |
H362 Jista’ jikkawża ħsara lil tfal imreddgħa |
R64 |
H370 Jikkawża ħsara lill-organi |
R39/23; R39/24; R39/25; R39/26; R39/27; R39/28 |
H371 Jista’ jikkawża ħsara lill-organi |
R68/20; R68/21; R68/22 |
H372 Jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/25; R48/24; R48/23 |
H373 Jista’ jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/20; R48/21; R48/22 |
H400 Tossiku ħafna għall-organiżmi akkwatiċi |
R50 |
H410 Tossiku ħafna għall-organiżmi akkwatiċi b’mod li jħalli effetti għat-tul |
R50-53 |
H411 Tossiku għall-organiżmi akkwatiċi b’mod li jħalli effetti għat-tul |
R51-53 |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
H413 Jista’ jikkawża effetti ta’ ħsara għat-tul lill-organiżmi akkwatiċi |
R53 |
EUH059 Perikoluż għas-saff tal-ożonu |
R59 |
EUH029 Meta jiġi f’kuntatt mal-ilma jillibera gass tossiku |
R29 |
EUH031 Meta jiġi f’kuntatt ma’ aċidi jillibera gass tossiku |
R31 |
EUH032 Meta jiġi f’kuntatt ma’ aċidi jillibera gass tossiku ħafna |
R32 |
EUH070 Tossiku meta jiġi f’kuntatt mal-għajnejn |
R39-41 |
Sustanzi sensitizzanti |
|
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
H317: Jista’ jikkawża reazzjoni allerġika tal-ġilda |
R43 |
Sustanzi jew taħlitiet li mal-ipproċessar jibdlu l-karatteristiċi tagħhom (eż. ma jibqgħux aktar bijodisponibbli, jgħaddu minn modifika kimika) b’mod li l-periklu identifikat ma japplikax aktar, huma eżentati mir-rekwiżit ta’ hawn fuq.
Derogi: is-sustanzi jew it-taħlitiet li ġejjin huma speċifikament eżentati minn dan ir-rekwiżit:
Aġenti tensjoattivi F’konċentrazzjonijiet ta’ < 25 % fil-prodott (*) |
H400 Tossiku ħafna għall-organiżmi akkwatiċi |
R 50 |
Fwejjaħ |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
Enżimi (**) |
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
Enżimi (**) |
H317: Jista’ jikkawża reazzjoni allerġika tal-ġilda |
R43 |
NTA bħala impurità f’MGDA u GLDA (***) |
H351 Suspettat li jikkawża l-kanċer |
R40 |
Valutazzjoni u verifika: l-applikant għandu jipprovdi l-formulazzjoni eżatta tal-prodott lill-korp kompetenti. L-applikant għandu juri konformità ma’ dan il-kriterju għal sustanzi fil-prodott abbażi ta’ informazzjoni li tkun tikkonsisti bħala minimu f’dak li hemm speċifikat fl-Anness VII tar-Regolament (KE) Nru 1907/2006. Tali informazzjoni għandha tkun speċifika għall-forma partikolari tas-sustanza, inklużi n-nanoforom, użati fil-prodott. Għal dak il-għan l-applikant għandu jipprovdi dikjarazzjoni ta’ konformità ma’ dan il-kriterju, flimkien ma’ lista ta’ ingredjenti u l-Iskedi tad-Dejta dwar is-Sikurezza skont l-Anness II għar-Regolament (KE) Nru 1907/2006 għall-prodott kif ukoll għas-sustanzi kollha elenkati fil-formulazzjoni(jiet). Il-limiti tal-konċentrazzjoni għandhom jiġu speċifikati fl-Iskedi tad-Dejta dwar is-Sikurezza skont l-Artikolu 31 tar-Regolament (KE) Nru 1907/2006.
(d) Sustanzi elenkati skont l-Artikolu 59(1) tar-Regolament (KE) Nru 1907/2006
Ma tista’ tingħata l-ebda deroga mill-esklużjoni fl-Artikolu 6(6) tar-Regolament (KE) Nru 66/2010 rigward sustanzi identifikati bħala sustanzi ta’ tħassib serju u inklużi fil-lista prevista fl-Artikolu 59 tar-Regolament KE Nru 1907/2006 preżenti f’taħlitiet f’konċentrazzjonijiet ogħla minn 0,010 %.
Valutazzjoni u verifika: il-lista ta’ sustanzi identifikati bħala sustanzi ta’ tħassib serju ħafna u inklużi fil-lista tal-kandidati skont l-Artikolu 59 tar-Regolament (KE) Nru 1907/2006 tista’ tinstab fuq is-sit elettroniku:
http://echa.europa.eu/chem_data/authorisation_process/candidate_list_table_en.asp
Fid-data tal-applikazzjoni għandha ssir referenza għal-lista.
Il-limiti tal-konċentrazzjoni għandhom jiġu speċifikati fl-iskedi tad-dejta dwar is-sikurezza skont l-Artikolu 31 tar-Regolament (KE) Nru 1907/2006.
(e) Bijoċidi
(i) |
Il-prodott jista’ jinkludi biss bijoċidi sabiex jippreservaw il-prodott, u fid-dożaġġ xieraq għal dan l-iskop biss. Dan ma jirreferix għall-aġenti tensjoattivi, li jista’ wkoll ikollhom karatteristiċi bijoċidali. Valutazzjoni u verifika: l-applikant għandu jipprovdi kopji tal-iskedi tad-dejta dwar is-sikurezza tal-materjal ta’ kwalunkwe preservattiv miżjud, flimkien ma’ informazzjoni dwar il-konċentrazzjoni eżatta fil-prodott. Il-manifattur jew il-fornitur tal-preservattivi għandu jipprovdi informazzjoni dwar id-dożaġġ meħtieġa għall-preservazzjoni tal-prodott. |
(ii) |
Hu pprojbit li jkun iddikjarat jew issuġġerit fuq l-imballaġġ jew bi kwalunkwe komunikazzjoni oħra li l-prodott jaġixxi kontra l-mikrobi. Valutazzjoni u verifika: l-applikant għandu jipprovdi t-testi u l-preżentazzjonijiet użati fuq kull tip ta’ imballaġġ u/jew eżempju ta’ kull tip differenti ta’ imballaġġ lill-korp kompetenti. |
(iii) |
Bijoċidi, kemm bħala parti mill-formulazzjoni kemm bħala parti minn taħlita inkluża fil-formulazzjoni, li jintużaw biex jippreservaw il-prodott u li huma kklassifikati H410/R50-53 jew H411/R51-53 skont id-Direttiva 67/548/KEE, id-Direttiva 1999/45/KE tal-Parlament Ewropew i tal-Kunsill (8) jew ir-Regolament (KE) Nru 1272/2008, huma permessi iżda biss jekk il-potenzjali ta’ bijoakkumulazzjoni tagħhom huma kkaratterizzati minn log Pow (log ottanol/koeffiċjent tal-partizzjoni tal-ilma) < 3,0 jew fattur ta’ bijokonċentrazzjoni (BCF) iddeterminat b’mod sperimentali ≤ 100. Valutazzjoni u verifika: l-applikant għandu jipprovdi kopji tal-iskedi tad-dejta dwar is-sikurezza tal-materjali għall-bijoċidi kollha, flimkien mad-dokumentazzjoni tal-konċentrazzjonijiet tal-bijoċidi fil-prodott finali. |
Kriterju 4 — Fwejjaħ
(a) |
Il-prodott ma għandux ikollu fwejjaħ li jkun fihom in-nitromiski jew miski poliċikliċi (kif speċifikat fil-kriterju 3a). |
(b) |
Kwalunkwe sustanza miżjuda mal-prodott bħala fwieħa għandha tkun ġiet immanifatturata, ittrattata u/jew immaniġġata f’konformità mal-kodiċi ta’ prattika tal-Assoċjazzjoni Internazzjonali tal-Fwejjaħ. Il-kodiċi jista’ jinstab fuq is-sit elettroniku tal-IFRA: http://www.ifraorg.org. |
(c) |
Is-sustanzi ta’ fwieħa soġġetti għar-rekwiżit ta’ dikjarazzjoni pprovdut fir-Regolament (KE) Nru 648/2004 dwar id-deterġenti (l-Anness VII) u li mhumiex diġà esklużi mill-kriterju 3c u sustanzi ta’ fwieħa (oħrajn) ikklassifikati bħala H317/R43 (Jista’ jikkawża reazzjoni allerġika tal-ġilda) u/jew H334/R42 (Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat) ma għandhomx ikunu preżenti fi kwantitajiet ≥ 0,010 % (≥ 100 ppm) għal kull sustanza. |
(d) |
Fid-deterġenti għall-ħasil tal-platti bl-idejn għal użu professjonali ma għandhomx jintużaw fwejjaħ. |
Valutazzjoni u verifika: dikjarazzjoni ta’ konformità ma’ kull parti tal-kriterju (a) u (b) u (d). Għall-kriterju (c), l-applikant għandu jipprovdi dikjarazzjoni ta’ konformità ffirmata li tindika l-ammont ta’ fwejjaħ fil-prodott. L-applikant għandu jipprovdi wkoll dikjarazzjoni mill-manifattur tal-fwieħa li tispeċifika l-kontenut ta’ kull waħda mis-sustanzi fil-fwejjaħ li huma elenkati fl-Anness III, il-Parti I tad-Direttiva tal-Kunsill 76/768/KEE (9) kif ukoll il-kontenut ta’ sustanzi (oħra) li kienu assenjati l-frażijiet ta’ riskju R43/H317 u/jew R42/H334.
Kriterju 5 — Proprjetajiet korrużivi
Il-prodott ma għandux ikun ikklassifikat bħala taħlita “Korrużiva” (C) bil-marki R34 jew R35 skont id-Direttiva 1999/45/KE, jew bħala taħlita “Kategorija tal-Ġilda 1” skont ir-Regolament (KE) Nru 1272/2008.
Valutazzjoni u verifika: l-applikant għandu jipprovdi l-konċentrazzjonijiet eżatti tas-sustanzi kollha użati fil-prodott, jew bħala parti mill-formulazzjoni jew bħala parti minn kwalunkwe taħlita inkluża fil-formulazzjoni, li huma kklassifikati bħala “Korrużivi” (C) bil-marki R34 jew R35 skont id-Direttiva 1999/45/KE, jew bħala taħlita “Kategorija tal-Ġilda 1” skont ir-Regolament (KE) Nru 1272/2008 lill-Korp Kompetenti, flimkien mal-kopji tal-iskedi tad-dejta dwar is-sikurezza.
Kriterju 6 — Rekwiżiti ta’ imballaġġ
(a) |
Plastiks li jintużaw bħala r-reċipjent ewlieni għandhom jiġu mmarkati skont id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (10), jew DIN 6120 il-Partijiet 1 u 2 b’konnessjoni ma’ DIN 7728 il-parti 1. |
(b) |
Jekk l-imballaġġ primarju jkun magħmul minn materjal irriċiklat, kwalunkwe indikazzjoni ta’ dan fuq l-imballaġġ għandha tkun f’konformità mal-istandard ISO 14021 “Tikketti u dikjarazzjonijiet ambjentali - Dikjarazzjonijiet volontarji (tikettar ambjentali tat-tip II)”. |
(c) |
Jistgħu jintużaw biss fl-imballaġġ tal-plastik dawk il-ftalati li fiż-żmien tal-applikazzjoni jkunu ġew ivvalutati għar-riskji u li ma jkunux ġew ikklassifikati skont il-kriterju 3c. |
(d) |
Il-proporzjon piż/utilità (WUR) tal-imballaġġ primarju ma għandux jaqbeż il-valuri li ġejjin:
Id-WUR jiġi kkalkulat biss għall-imballaġġ primarju (inklużi kuperċijiet, tappijiet u pompi tal-idejn/apparati li jisprejjaw) bl-użu tal-formula ta’ hawn taħt: , fejn
|
Valutazzjoni u verifika: l-applikant għandu jipprovdi lill-awtorità kompetenti b’kalkolu tad-WUR tal-prodott flimkien ma’ dikjarazzjoni ta’ konformità ma’ kull parti ta’ dan il-kriterju. Għall-kriterju (c) l-applikant għandu jipprovdi dikjarazzjoni tal-konformità kompluta u ffirmata.
Kriterju 7 — Adegwatezza għall-użu
Il-prodott għandu jkun adegwat għall-użu, u jkun jissodisfa l-ħtiġijiet tal-konsumaturi.
Il-ħila li jnaddaf u l-kapaċità li jnaddaf għandhom ikunu ekwivalenti għal jew aħjar minn dawk ta’ deterġent ta’ referenza ġeneriku speċifikat hawn taħt.
Valutazzjoni u verifika: il-ħila li jnaddaf u l-kapaċità li jnaddaf għandhom jiġu ttestjati permezz ta’ test tal-prestazzjoni fil-laboratorju li jkun ġustifikabbli u adegwat imwettaq u rrapportat fi ħdan parametri speċifikati kif iddikjarat fil-parti “Framework for testing the performance of hand dishwashing detergents” (qafas għall-ittestjar tal-prestazzjoni ta’ deterġenti għall-ħasil tal-platti bl-idejn) li tista’ tinstab hawn:
http://ec.europa.eu/environment/ecolabel/ecolabelled_products/categories/hand_dishwashing_detergents_en.htm.
Id-deterġent ta’ referenza ġeneriku għandu jkun dak preskritt fit-test tal-prestazzjoni tal-IKW “Recommendation for the quality assessment of the cleaning performance of hand dishwashing detergents” (rakkomandazzjoni għall-valutazzjoni tal-kwalità tal-prestazzjoni tat-tindif tad-deterġenti għall-ħasil tal-platti bl-idejn) (Ġurnal-SÖFW, 128, 5, p. 11-15, 2002) bl-adattament li d-dożaġġ applikat fit-test tal-prestazzjoni jiġi ffissat għal 2.5 millilitri tad-deterġent ta’ referenza għal kull 5 litri ta’ ilma.
Il-metodu ta’ ttestjar tal-prestazzjoni tal-IKW “Rakkomandazzjoni għall-valutazzjoni tal-kwalità tal-prestazzjoni tat-tindif tad-deterġenti għall-ħasil tal-platti bl-idejn” (Ġurnal-SÖFW, 128, 5, p. 11-15, 2002) jista’ jiġi applikat bl-adattament imsemmi u jista’ jitniżżel minn fuq dan is-sit: http://www.ikw.org/pdf/broschueren/EQ_Handgeschirr_e.pdf.
Kriterju 8 — Struzzjonijiet għall-utent
Il-prodott għandu jkollu din l-informazzjoni li ġejja tidher fuq l-imballaġġ:
(a) |
“Tużax ilma ġieri iżda għaddas il-platti taħt l-ilma, u uża d-doża rrakkomandata” (jew test ekwivalenti); |
(b) |
L-informazzjoni dwar id-dożaġġ irrakkomandat għandha tidher fuq l-imballaġġ f’daqs raġonevoli u fuq sfond viżibbli. L-informazzjoni għandha tiġi pprovduta f’millilitri (u kuċċarini) ta’ prodott għal ħames (5) litri ta’ ilma għall-ħasil tal-platti xieraq għal platti “maħmuġin” u “inqas maħmuġin”; |
(c) |
indikazzjoni ta’ għadd approssimattiv ta’ ħasliet li l-konsumatur jista’ jagħmel bi flixkun wieħed huwa rrakkomandat iżda fakultattiv. |
Dan jiġi kkalkulat billi l-volum tal-prodott jiġi diviż bid-dożaġġ meħtieġ għal ħames (5) litri ta’ ilma għall-ħasil tal-platti għal platti maħmuġin.
Valutazzjoni u verifika: l-applikant għandu jipprovdi lill-korp kompetenti b’kampjun tal-imballaġġ tal-prodott, inkluż it-tikketta, flimkien ma’ dikjarazzjoni ta’ konformità ma’ kull parti ta’ dan il-kriterju.
Kriterju 9 — L-informazzjoni li tidher fuq l-Ekotikketta tal-UE
It-tikketta fakultattiva b’kaxxa tat-test għandha tinkludi t-test li ġej:
“— |
impatt imnaqqas fuq il-ħajja akkwatika, |
— |
użu mnaqqas ta’ sustanzi perikolużi, |
— |
skart tal-imballaġġ imnaqqas, |
— |
struzzjonijiet ċari għall-utent.” |
Il-linji gwida għall-użu tat-tikketta fakultattiva bil-kaxxa tat-test jistgħu jinstabu fil-“Linji gwida għall-użu tal-logo tal-Ekotikketta tal-UE” fuq is-sit elettroniku: http://ec.europa.eu/environment/ecolabel/promo/logos_en.htm
Valutazzjoni u verifika: l-applikant għandu jipprovdi kampjun tat-tikketta, flimkien ma’ dikjarazzjoni ta’ konformità ma’ dan il-kriterju.
(2) ĠU L 142, 31.5.2008, p. 1.
(3) ĠU L 353, 31.12.2008, p. 1.
(5) ĠU L 396, 30.12.2006, p. 1.
(6) Kif ipprovdut fir-Regolament (KE) Nru 1272/2008.
(7) Kif ipprovdut fid-Direttiva 67/548/KEE.
(*) Il-perċentwal irid jiġi diviż bil-fattur M stabbilit skont ir-Regolament (KE) Nru 1272/2008.
(**) Inklużi l-istabbilizzaturi u kull sustanza awżiljarja oħra fil-preparazzjonijiet.
(***) F’konċentrazzjonijiet aktar baxxi minn 1,0 % fil-materja prima sakemm il-konċentrazzjoni totali fil-prodott finali tkun aktar baxxa minn 0,10 %.
(8) ĠU L 200, 30.7.1999, p. 1.
(9) ĠU L 262, 27.9.1976, p. 169.
(10) ĠU L 365, 31.12.1994, p. 10.
Appendiċi I
Bażi tad-dejta tal-Ingredjenti tad-Deterġenti (lista DID)
Il-lista DID (il-parti A) hi lista li tinkludi informazzjoni dwar it-tossiċità akkwatika u l-bijodegradabilità tal-ingredjenti tipikament użati fil-formulazzjonijiet tad-deterġenti. Il-lista tinkludi informazzjoni dwar it-tossiċità u l-bijodegradabilità ta’ firxa ta’ sustanzi użati fil-prodotti għall-ħasil u t-tindif. Il-lista mhijiex komprensiva, iżda fil-parti B tal-lista DID tingħata gwida rigward kif jiġu ddeterminati l-parametri rilevanti tal-kalkolu għal sustanzi mhux preżenti fil-lista DID (eż. il-Fattur ta’ Tossiċità (TF) u l-fattur ta’ degradazzjoni (DF), li jintużaw fil-kalkolu tal-volum kritiku tad-dilwizzjoni). Il-lista hi sors ġeneriku ta’ informazzjoni u s-sustanzi preżenti fuq il-lista DID mhumiex approvati awtomatikament għall-użu fil-prodotti bl-Ekotikketta tal-UE. Il-lista DID (il-partijiet A u B) tista’ tinstab fuq is-sit elettroniku tal-Ekotikketta tal-UE: http://ec.europa.eu/environment/ecolabel/ecolabelled_products/categories/did_list_en.htm.
Għas-sustanzi mingħajr dejta rigward it-tossiċità u d-degradabilità akkwatika, biex ikunu vvalutati t-TF u d-DF jistgħu jintużaw analoġiji strutturali ma’ sustanzi simili. Analoġiji strutturali bħal dawn għandhom ikunu approvati mill-korp kompetenti li jagħti l-liċenzja tal-Ekotikketta tal-UE. Alternattivament, jista’ jkun applikat approċċ li jiffoka fuq l-agħar każ possibbli, bl-użu tal-parametri ta’ hawn isfel:
Approċċ li jiffoka fuq l-agħar każ possibbli:
|
Tossiċità akuta |
Tossiċità kronika |
Degradazzjoni |
||||||
Ingredjent |
LC50/EC50 |
SF(akut) |
TF(akut) |
NOEC (*) |
SF(kroniku) (*) |
TF(kroniku) |
DF |
Aerobiku |
Anaerobiku |
“Isem” |
1 mg/l |
10 000 |
0,0001 |
|
|
0,0001 |
1 |
P |
N |
Dokumentazzjoni ta’ bijodegradabilità faċli
Għandhom jintużaw il-metodi ta’ ttestjar li ġejjin għall-bijodegradabilità faċli:
(1) |
Sal-1 ta’ Diċembru 2010 u matul il-perjodu ta’ tranżizzjoni mill-1 ta Diċembru 2010 sal-1 ta Diċembru 2015: Il-metodi ta’ ttestjar għall-bijodegradabilità faċli pprovduti fid-Direttiva 67/548/KEE, b’mod partikolari l-metodi dettaljati fl-Anness V.C4 għal dik id-Direttiva jew il-metodi ta’ ttestjar tal-OECD 301 A-F ekwivalenti għalihom, jew it-testijiet tal-ISO ekwivalenti għalihom. Il-prinċipju tal-perjodu ta’ għaxart ijiem ma għandux japplika għall-aġenti tensjoattivi. Il-livelli biex jgħaddu għandhom ikunu ta’ 70 % għat-testijiet imsemmija fir-Regolament (KE) Nru 440/2008 l-metodu C.4-A l-Anness C.4-B (u t-testijiet ekwivalenti għalihom OECD 301 A u E u t-testijiet tal-ISO ekwivalenti għalihom), u għandhom ikunu ta’ 60 % għall-metodi C4-C, D, E u F (u t-testijiet ekwivalenti għalihom OCED 301 B, C, D u F u t-testijiet tal-ISO ekwivalenti għalihom). |
(2) |
Wara l-1 ta’ Diċembru 2015 u matul il-perjodu ta’ tranżizzjoni mill-1 ta’ Diċembru 2010 sal-1 ta’ Diċembru 2015: Il-metodi ta’ ttestjar ipprovduti fir-Regolament (KE) Nru 1272/2008. |
Dokumentazzjoni ta’ bijodegradabilità anaerobika
It-test ta’ referenza għad-degradabilità anaerobika għandu jkun EN ISO 11734, ECETOC Nru 28 (Ġunju 1988), OECD 311 jew metodu ta’ ttestjar ekwivalenti, bir-rekwiżit ta’ 60 % ta’ degradabilità finali taħt kundizzjonijiet anaerobiċi. Il-metodi ta’ ttestjar li jissimulaw il-kundizzjonijiet f’ambjent anaerobiku rilevanti jistgħu jintużaw biex ikun iddokumentat li taħt kundizzjonijiet anaerobiċi ntlaħqet 60 % ta’ degradabilità finali.
Estrapolazzjoni għal sustanzi mhux elenkati fil-lista DID
Meta l-ingredjenti ma jkunux elenkati fil-lista DID, jista’ jintuża l-approċċ li ġej biex tkun ipprovduta d-dokumentazzjoni meħtieġa ta’ degradabilità anaerobika:
(1) |
Applika estrapolazzjoni raġonevoli. Uża r-riżultati tat-test miksuba għal materja prima waħda biex testrapola d-degradabilità anaerobika finali ta’ aġenti tensjoattivi li huma relatati strutturalment. Meta l-bijodegradabilità anaerobika tkun ikkonfermata għal aġent tensjoattiv (jew għal grupp ta’ omologi) skont il-lista DID, jista’ jitqies li tip simili ta’ aġent tensjoattiv hu wkoll bijodegradabbli anaerobikament (eż. is-sulfat C12-15 A 1-3 EO [DID Nru 8] hu bijodegradabbli anaerobikament, u jista’ jitqies ukoll li teżisti bijodegradabilità anaerobika simili għas-sulfat C12-15 A 6 EO). Meta l-bijodegradabilità anaerobika tkun ikkonfermata għal aġent tensjoattiv bl-użu ta’ metodu ta’ ttestjar xieraq, jista’ jitqies li tip simili ta’ aġent tensjoattiv hu wkoll bijodegradabbli anaerobikament (eż. dejta mil-letteratura li tikkonferma l-bijodegradabilità anaerobika ta’ aġenti tensjoattivi li jappartjenu għall-grupp ta’ mlieħ tal-ammonju ta’ esteri alkili tista’ tintuża bħala dokumentazzjoni għal bijodegradabilità anaerobika simili ta’ mlieħ kwaternarji tal-ammonju li fihom sensil ta’ esteri fil-katina/ktajjen alkila/alkili). |
(2) |
Wettaq test ta’ skrinjar għad-degradabilità anaerobika. Jekk hu meħtieġ ittestjar ġdid, wettaq test tal-iskrinjar bl-użu ta’ EN ISO 11734, ECETOC Nru 28 (Ġunju 1988), OECD 311 jew metodu ekwivalenti. |
(3) |
Wettaq test ta’ degradabilità b’dożaġġ baxx. Jekk ikun meħtieġ ittestjar ġdid, u fil-każ ta’ problemi sperimentali fit-test tal-iskrinjar (eż. inibizzjoni minħabba t-tossiċità tas-sustanza għat-test), irrepeti l-ittestjar bl-użu ta’ dożaġġ baxx ta’ aġent tensjoattiv u mmonitorja d-degradazzjoni b’kejl ta’ jew b’analiżi kimika. L-ittestjar b’dożaġġi baxxi jista’ jitwettaq bl-użu tal-metodu OECD 308 (Awwissu 2000) jew metodu ekwivalenti. |
(*) Jekk ma tinstab l-ebda dejta aċċettabbli dwar it-tossiċità kronika dawn il-kolonni jitħallew vojta. F’dak il-każ it-TF(kroniku) jiġi ddefinit bħala ugwali għat-TF(akut)
29.6.2011 |
MT |
Il-Ġurnal Uffiċjali tal-Unjoni Ewropea |
L 169/52 |
DEĊIŻJONI TAL-KUMMISSJONI
tat-28 ta’ Ġunju 2011
dwar l-istabbiliment ta’ kriterji ekoloġiċi għall-għoti tal-Ekotikketta tal-UE lil deterġenti tat-tindif b’użi multipli u deterġenti tat-tindif sanitarji
(notifikata bid-dokument numru C(2011) 4442)
(Test b’relevanza għaż-ŻEE)
(2011/383/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b’mod partikolari l-Artikolu 8(2) tiegħu,
Wara li kkonsultat lill-Bord tal-Ekotikkettar tal-Unjoni Ewropea,
Billi:
(1) |
Skont ir-Regolament (KE) Nru 66/2010, l-Ekotikketta tal-UE tista’ tingħata lil dawk il-prodotti b’impatt ambjentali mnaqqas tul iċ-ċiklu kollu ta’ ħajjithom. |
(2) |
Ir-Regolament (KE) Nru 66/2010 jipprovdi li kriterji speċifiċi tal-Ekotikketta tal-UE għandhom ikunu stabbiliti skont il-gruppi tal-prodotti. |
(3) |
Id-Deċiżjoni tal-Kummissjoni 2005/344/KE (2) stabbilixxiet il-kriterji ekoloġiċi u r-rekwiżiti ta’ valutazzjoni u verifika relatati magħhom għal deterġenti tat-tindif b’użi multipli u deterġenti tat-tindif sanitarji għal faċilitajiet sanitarji li huma validi sat-30 ta’ Ġunju 2011. |
(4) |
Dawk il-kriterji ġew analizzati aktar fid-dawl tal-iżviluppi teknoloġiċi. Il-kriterji l-ġodda, kif ukoll ir-rekwiżiti ta’ valutazzjoni u verifika relatati magħhom, għandhom ikunu validi għal erba’ snin mid-data tal-adozzjoni ta’ din id-Deċiżjoni. |
(5) |
Id-Deċiżjoni 2005/344/KE għandha tiġi ssostitwita għal raġunijiet ta’ ċarezza. |
(6) |
Għandu jitħalla perjodu tranżizzjonali għall-produtturi li l-prodotti tagħhom ikunu ngħataw l-Ekotikketta għal deterġenti tat-tindif b’użi multipli u deterġenti tat-tindif sanitarji abbażi tal-kriterji stabbiliti fid-Deċiżjoni 2005/344/KE, biex ikollhom żmien suffiċjenti sabiex jadattaw il-prodotti tagħhom u b’hekk jikkonformaw mal-kriterji u r-rekwiżiti riveduti. Il-produtturi għandhom ukoll jitħallew jippreżentaw applikazzjonijiet abbażi tal-kriterji stabbiliti fid-Deċiżjoni 2005/344/KE jew tal-kriterji stabbiliti f’din id-Deċiżjoni sakemm tiskadi l-validità ta’ dik id-Deċiżjoni. |
(7) |
Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
Il-grupp tal-prodotti “Deterġenti tat-tindif b’użi multipli u deterġenti tat-tindif sanitarji” għandu jinkludi: deterġenti tat-tindif b’użi multipli, deterġenti tat-tindif tat-twieqi, u deterġenti tat-tindif sanitarji.
(a) |
deterġenti tat-tindif b’użi multipli inklużi prodotti deterġenti maħsuba għat-tindif regolari tal-art, ħitan, soqfa, twieqi u wċuħ oħra fissi, li jew jiġu ddilwiti fl-ilma qabel l-użu inkella jintużaw mingħajr dilwizzjoni. Deterġenti tat-tindif b’użi multipli għandha tfisser prodotti maħsuba għall-użu fuq ġewwa ta’ bini inklużi faċilitajiet domestiċi, kummerċjali u industrijali. |
(b) |
deterġenti tat-tindif tat-twieqi inklużi deterġenti tat-tindif speċifiċi maħsuba għat-tindif regolari tat-twieqi u li jintużaw mingħajr dilwizzjoni. |
(c) |
deterġenti tat-tindif sanitarji inklużi prodotti deterġenti maħsuba għat-tneħħija regolari, inkluż bl-għarik, ta’ ħmieġ u/jew depożiti f’faċilitajiet sanitarji, bħal kmamar tal-ħasil, tojlits, kmamar tal-banju, doċoċ u kċejjen. Dan is-sottogrupp għalhekk jinkudi d-deterġenti tat-tindif tal-kmamar tal-banju u tal-kċejjen. |
Il-grupp tal-prodotti għandu jkopri l-prodotti kemm għall-użu privat kemm għall-użu professjonali. Il-prodotti għandhom ikunu taħlitiet ta’ sustanzi kimiċi u jeħtieġ li ma jkunx fihom mikroorganiżmi li deliberatament ikunu ġew miżjuda mill-manifattur.
Artikolu 2
Għall-fini ta’ din id-Deċiżjoni, għandhom japplikaw id-definizzjonijiet li ġejjin:
(1) |
sustanza tfisser element kimiku u l-komposti tiegħu fl-istat naturali jew miksub bi kwalunkwe proċess tal-produzzjoni, inkluż kwalunkwe addittiv meħtieġ biex jippreserva l-istabbiltà tal-prodotti u kwalunkwe impurità li tirriżulta mill-proċess użat iżda li jeskludi kwalunkwe solvent li jista’ jiġi sseparat mingħajr ma tkun affettwata l-istabbiltà tas-sustanza jew tinbidel il-kompożizzjoni tagħha. |
(2) |
prodott (jew taħlita) tfisser taħlita jew soluzzjoni ta’ żewġ sustanzi jew aktar, li ma jirreaġixxux. |
Artikolu 3
Sabiex jingħata l-Ekotikketta tal-UE fl-ambitu tar-Regolament (KE) Nru 66/2010, oġġett ta’ deterġent tat-tindif b’użi multipli, deterġent tat-tindif tat-twieqi jew deterġent tat-tindif sanitarju għandu jaqa’ taħt il-grupp tal-prodotti “deterġenti tat-tindif b’użi multipli u deterġenti tat-tindif sanitarji” kif iddefinit fl-Artikolu 1 ta’ din id-Deċiżjoni u għandu jkun konformi mal-kriterji kif ukoll mar-rekwiżiti ta’ valutazzjoni u verifika relatati magħhom stabbiliti fl-Anness għal din id-Deċiżjoni.
Artikolu 4
Il-kriterji għall-grupp tal-prodotti “deterġenti tat-tindif b’użi multipli u deterġenti tat-tindif sanitarji”, kif ukoll ir-rekwiżiti relatati ta’ valutazzjoni u verifika, għandhom ikunu validi għal erba’ snin mid-data tal-adozzjoni ta’ din id-Deċiżjoni.
Artikolu 5
Għal raġunijiet amministrattivi, in-numru tal-kodiċi assenjat lill-grupp tal-prodotti “deterġenti tat-tindif b’użi multipli u deterġenti tat-tindif sanitarji” għandu jkun “020”.
Artikolu 6
Id-Deċiżjoni 2005/344/KE hija rrevokata.
Artikolu 7
1. B’deroga mill-Artikolu 6, applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “deterġenti tat-tindif b’użi multipli u deterġenti tat-tindif sanitarji” ppreżentati qabel id-data tal-adozzjoni ta’ din id-Deċiżjoni għandhom jiġu evalwati skont il-kundizzjonijiet stipulati fid-Deċiżjoni 2005/344/KE.
2. Applikazzjonijiet għall-Ekotikketta tal-UE għal prodotti li jaqgħu taħt il-grupp tal-prodotti “deterġenti tat-tindif b’użi multipli u deterġenti tat-tindif sanitarji” ppreżentati qabel id-data tal-adozzjoni ta’ din id-Deċiżjoni iżda mhux aktar tard mit-30 ta’ Ġunju 2011 jistgħu jkunu bbażati jew fuq il-kriterji stabbiliti fid-Deċiżjoni 2005/344/KE jew fuq il-kriterji stabbiliti f’din id-Deċiżjoni.
Dawk l-applikazzjonijiet għandhom jiġu evalwati skont il-kriterji li huma bbażati fuqhom.
3. Fejn l-Ekotikketta tal-UE tingħata abbażi ta’ applikazzjoni evalwata skont il-kriterji stabbiliti fid-Deċiżjoni 2005/344/KE, dik l-Ekotikketta tista’ tintuża għal 12-il xahar mid-data tal-adozzjoni ta’ din id-Deċiżjoni.
Artikolu 8
Din id-Deċiżjoni hija indirizzata lill-Istati Membri.
Magħmul fi Brussell, it-28 ta’ Ġunju 2011.
Għall-Kummissjoni
Janez POTOČNIK
Membru tal-Kummissjoni
(2) ĠU L 115, 4.5.2005, p. 42.
ANNESS
QAFAS
L-għanijiet tal-kriterji
Il-kriterji għandhom l-għan, b’mod partikolari, li jippromwovu prodotti li għandhom impatt ambjentali mnaqqas billi jillimitaw il-kwantità ta’ sustanzi perikolużi, billi jnaqqsu l-kwantità ta’ deterġent użat u billi jnaqqsu l-iskart mill-imballaġġ. Barra minn hekk il-kriterji għandhom l-għan li jnaqqsu jew jipprevjenu r-riskji għall-ambjent u għas-saħħa tal-bniedem relatati mal-użu ta’ sustanzi perikolużi, inaqqsu l-iskart mill-imballaġġ, jipprovdu informazzjoni li tippermetti lill-konsumatur juża l-prodott b’mod li huwa effiċjenti u jnaqqsu l-impatt ambjentali.
KRITERJI
1. |
Tossiċità għall-organiżmi akkwatiċi |
2. |
Bijodegradabilità tal-aġenti tensjoattivi |
3. |
Sustanzi u taħlitiet esklużi jew limitati |
4. |
Fwejjaħ |
5. |
Komposti organiċi volatili |
6. |
Fosforu |
7. |
Rekwiżiti ta’ imballaġġ |
8. |
Adegwatezza għall-użu |
9. |
Struzzjonijiet għall-utent |
10. |
Informazzjoni li tidher fuq l-Ekotikketta tal-UE |
11. |
Taħriġ professjonali |
Rekwiżiti ta’ valutazzjoni u verifika
(a) Rekwiżiti
Ir-rekwiżiti speċifiċi ta’ valutazzjoni u verifika huma indikati f’kull kriterju.
Meta l-applikant ikun meħtieġ jipprovdi dikjarazzjonijiet, dokumentazzjoni, rapporti tat-testijiet tal-analiżi, jew evidenza oħra biex juri l-konformità mal-kriterji, hu mifhum li dawn jistgħu joriġinaw mill-applikant u/jew il-fornitur(i) tiegħu u/jew il-fornitur(i) tagħhom, eċċ., skont kif ikun xieraq.
Fejn possibbli, l-ittestjar għandu jitwettaq minn laboratorji li jissodisfaw ir-rekwiżiti ġenerali ta’ EN ISO 17025 jew l-ekwivalenti.
Fejn ikun xieraq, jistgħu jintużaw metodi ta’ ttestjar oħra minbarra dawk indikati għal kull kriterju jekk il-korp kompetenti li jivvaluta l-applikazzjoni jaċċetta l-ekwivalenza tagħhom.
L-Appendiċi I tirreferi għal-lista tal-Bażi tad-Dejta tal-Ingredjenti tad-Deterġenti (DID) li tinkludi l-ingredjenti l-aktar użati fil-formulazzjonijiet tad-deterġenti. Din għandha tintuża biex tiġi dderivata d-dejta għall-kalkoli tal-Volum Kritiku tad-Dilwizzjoni (CDV) u għall-valutazzjoni tal-bijodegradabilità tal-ingredjenti. Għas-sustanzi mhux preżenti fil-lista DID, tingħata gwida dwar kif għandha tiġi kkalkolata jew estrapolata d-dejta rilevanti. L-aħħar verżjoni tal-lista DID hi disponibbli mis-sit elettroniku tal-Ekotikketta tal-UE jew permezz tas-siti elettroniċi tal-korpi kompetenti individwali.
Fejn xieraq, il-korpi kompetenti jistgħu jitolbu dokumentazzjoni ta’ appoġġ u jistgħu jwettqu verifiki indipendenti.
(b) Livelli limitu tal-kejl
Is-sustanzi kollha fil-prodott, inklużi l-addittivi (eż. preservattivi jew stabbilizzaturi) fl-ingredjenti, li l-konċentrazzjoni tagħhom taqbeż 0,010 % skont il-piż tal-formulazzjoni finali għandhom ikunu konformi mal-kriterji tal-Ekotikketta tal-UE, għajr il-Kriterju 1, fejn kull sustanza li tiżdied b’mod intenzjonat għandha tiġi inkluża, irrispettivament mill-piż tagħha. L-impuritajiet li jirriżultaw mill-produzzjoni tal-ingredjenti li jkunu preżenti f’konċentrazzjonijiet > 0,010 % skont il-piż tal-formulazzjoni finali għandhom ukoll ikunu konformi mal-kriterji.
(c) Dożaġġ ta’ referenza
Għad-deterġenti tat-tindif b’użi multipli li jiġu ddilwiti fl-ilma qabel l-użu, id-dożaġġ fi grammi tal-prodott irrakkomandat mill-manifattur għall-preparazzjoni ta’ litru ta’ ilma għall-ħasil għat-tindif ta’ wċuħ b’ammont normali ta’ ħmieġ jittieħed bħala d-dożaġġ ta’ referenza għall-kalkoli li għandhom l-għan li jiddokumentaw il-konformità mal-kriterji tal-Ekotikketta tal-UE u għall-ittestjar tal-ħila li jnaddaf.
KRITERJI TAL-EKOTIKKETTA TAL-UE
Kriterju 1 – Tossiċità għall-organiżmi akkwatiċi:
Il-volum ta’ dilwizzjoni kritika (CDVkroniku) huwa kkalkolat għal kull sustanza (i) bl-użu tal-ekwazzjoni li ġejja:
fejn il-piż (i) huwa l-piż tas-sustanza (fi grammi) li tinsab fid-dożaġġ irrakkomandat mill-manifattur għal litru ta’ ilma għall-ħasil (għal deterġenti tat-tindif b’użi multipli li jiġu ddilwiti bl-ilma qabel l-użu) jew għal kull 100 gramma ta’ prodott (deterġenti tat-tindif b’użi multipli, deterġenti tat-tindif tat-twieqi u deterġenti tat-tindif sanitarji li jintużaw mingħajr dilwizzjoni). DF (i) huwa l-fattur ta’ degradazzjoni u TF kroniku (i) huwa l-fattur ta’ tossiċità tas-sustanza (f’milligrammi/litru).
Il-valuri tad-DF u tat-TF kroniku għandhom ikunu bħal dawk elenkati fil-Parti A tal-lista tal-bażi tad-dejta tal-ingredjenti tad-deterġenti (il-lista DID – il-Parti A) (l-Appendiċi I). Jekk is-sustanza inkwistjoni ma tkunx inkluża fil-lista DID-il-parti A, l-applikant għandu jistma l-valuri billi jsegwi l-approċċ deskritt fil-lista DID-il-parti B (l-Appendiċi I). Is-CDVkroniku jingħadd għal kull sustanza, u jagħti s-CDVkroniku għall-prodott.
Għal deterġenti tat-tindif b’użi multipli li jiġu ddilwiti fl-ilma qabel l-użu, is-CDVkroniku għandu jiġi kkalkolat abbażi tad-dożaġġ fi grammi tal-prodott irrakkomandat mill-manifattur għall-preparazzjoni ta’ litru ta’ ilma għall-ħasil għat-tindif ta’ wċuħ b’ammont normali ta’ ħmieġ. Ic-CDVkroniku tad-doża rrakkomandata espress għal litru ta’ ilma għall-ħasil ma għandux jaqbeż 18 000 litru.
Għal deterġenti tat-tindif b’użi multipli li jintużaw mingħajr dilwizzjoni, is-CDVkroniku għal kull 100 gm ta’ prodott ma għandux jaqbeż 52 000 litru.
Għad-deterġenti tat-tindif tat-twieqi, is-CDVkroniku għal kull 100 gm tal-prodott ma għandux jaqbeż 4 800 litru.
Għad-deterġenti tat-tindif sanitarji, is-CDVkroniku għal kull 100 gm tal-prodott ma għandux jaqbeż 80 000 litru.
Valutazzjoni u verifika: il-formulazzjoni eżatta tal-prodott għandha tiġi pprovduta lill-korp kompetenti, flimkien mad-dettalji tal-kalkoli tas-CDVkroniku li juru konformità ma’ dan il-kriterju.
Kriterju 2 – Bijodegradabilità ta’ aġenti tensjoattivi
(a) Bijodegradabilità faċli (aerobika)
Kull aġent tensjoattiv użat fil-prodott għandu jkun faċilment bijodegradabbli.
Valutazzjoni u verifika: il-formulazzjoni eżatta tal-prodott, kif ukoll deskrizzjoni tal-funzjoni ta’ kull sustanza għandhom jiġu pprovduti lill-Korp Kompetenti. Il-Parti A tal-lista DID (l-Appendiċi I) tindika jekk aġent tensjoattiv speċifiku huwiex aerobikament bijodegradabbli jew le (l-aġenti tensjoattivi li huma mmarkati bl-ittra “R” fil-kolonna dwar il-bijodegradibilità aerobika huma faċilment bijodegradabbli). Għall-aġenti tensjoattivi li mhumiex inklużi fil-Parti A tal-lista DID, għandha tiġi pprovduta l-informazzjoni rilevanti mil-letteratura jew minn sorsi oħra, jew mir-riżultati ta’ testijiet xierqa, li juru li dawk l-aġenti tensjoattivi huma aerobikament bijodegradabbli. It-testijiet għall-bijodegradibilità faċli għandhom ikunu dawk imsemmija fir-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti (1). L-aġenti tensjoattivi għandhom jitqiesu bħala faċilment bijodegradabbli jekk il-livell ta’ bijodegradibilità (mineralizzazzjoni) imkejjel skont wieħed minn dawn il-ħames testijiet ikun tal-anqas 60 % fi żmien 28 jum: it-test tal-ispazju liberu tad-CO2 (CO2 headspace test, OECD 310), it-test ta’ Sturm Immodifikat tal-Evoluzzjoni tad-diossidu tal-karbonju (CO2) (carbon dioxide (CO2) Evolution Modified Sturm test (OECD 301B; ir-Regolament tal-Kunsill (KE) Nru 440/2008 (2) il-metodu C.4-C), it-test tal-Flixkun Magħluq (Closed Bottle test) (OECD 301D; ir-Regolament (KE) Nru 440/2008 l-metodu C.4-E), Respirometrija Manometrika (Manometric Respirometry) (OECD 301F; ir-Regolament (KE) Nru 440/2008 l-metodu C.4-D), jew it-test MITI (I) (OECD 301C; ir-Regolament (KE) Nru 440/2008 l-metodu C.4-F, jew it-testijiet ISO ekwivalenti għalihom. Jista’ jintuża xi wieħed minn dawn it-testijiet, skont il-karatteristiċi fiżiċi tal-aġent tensjoattiv, biex jikkonferma l-bijodegradibilità faċli, jekk il-livell ta’ bijodegradibilità jkun tal-anqas 70 % fi żmien 28 jum: l-Isparizzjoni tal-Karbonju Organiku Maħlul (Dissolved Organic Carbon DOC Die-Away) (OECD 301 A; ir-Regolament (KE) Nru 440/2008 l-metodu C.4-A), jew l-Iskrinjar tal-OECD Immodifikat tal-Isparizzjoni tad-DOC (Modified OECD Screening DOC Die-Away) (OECD 301E; ir-Regolament (KE) Nru 440/2008 l-metodu C.4-B), jew it-testijiet ISO ekwivalenti għalihom. L-applikabilità tal-metodi ta’ ttestjar abbażi tal-kejl tal-karbonju organiku maħlul jeħtieġ li tiġi ġġustifikata b’mod xieraq peress li dawn il-metodi jistgħu jagħtu riżultati mat-tneħħija u mhux mal-bijodegradabilità. Il-preadattazzjoni ma għandhiex tintuża f’testijiet għall-bijodegradabilità faċli aerobika. Il-prinċipju ta’ perjodu ta’ żmien ta’ għaxart ijiem ma għandux japplika.
(b) Bijodegradabilità anaerobika
L-aġenti tensjoattivi li mhumiex bijodegradabbli taħt kundizzjonijiet anaerobiċi jistgħu jintużaw fil-prodott fi ħdan limitazzjonijiet speċifiċi sakemm l-aġenti tensjoattivi ma jkunux ikklassifikati H400/R50 (Tossiku ħafna għall-organiżmi akkwatiċi) fi ħdan il-limitu speċifikat hawn taħt.
Għad-deterġenti tat-tindif b’użi multipli li jridu jiġu ddilwiti bl-ilma qabel l-użu, il-piż totali ta’ aġenti tensjoattivi mhux bijodegradabbli anaerobikament ma għandux jaqbeż 0,40 gm tad-doża rrakkomandata espressa għal litru ta’ ilma għall-ħasil.
Għad-deterġenti tat-tindif b’użi multipli li jintużaw mingħajr dilwizzjoni, il-piż totali ta’ aġenti tensjoattivi mhux bijodegradabbli ma għandux jaqbeż 4,0 gm għal kull 100 gm ta’ prodott.
Għad-deterġenti tat-tindif sanitarji, il-piż totali ta’ aġenti tensjoattivi mhux bijodegradabbli anaerobikament ma għandux jaqbeż 2,0 gm għal kull 100 gm ta’ prodott.
Għad-deterġenti tat-tindif tat-twieqi, il-piż totali ta’ aġenti tensjoattivi mhux bijodegradabbli anaerobikament ma għandux jaqbeż 2,0 gm għal kull 100 gm ta’ prodott.
Valutazzjoni u verifika: il-formulazzjoni eżatta tal-prodott, kif ukoll deskrizzjoni tal-funzjoni ta’ kull sustanza għandhom jiġu pprovduti lill-korp kompetenti. Il-Parti A tal-lista DID (l-Appendiċi I) tindika jekk aġent tensjoattiv speċifiku huwiex anaerobikament bijodegradabbli (l-aġenti tensjoattivi mmarkati bl-ittra “Y” fil-kolonna dwar il-bijodegradibilità anaerobika huma bijodegradabbli taħt kundizzjonijiet anaerobiċi). Għall-aġenti tensjoattivi li mhumiex inklużi fil-Parti A tal-lista DID, għandha tiġi pprovduta l-informazzjoni rilevanti mil-letteratura jew minn sorsi oħra, jew mir-riżultati ta’ testijiet xierqa, li juru li dawk l-aġenti tensjoattivi huma aerobikament bijodegradabbli. It-test ta’ referenza għall-bijodegradibilità anaerobika għandu jkun OECD 311, ISO 11734, ECETOC Nru 28 (Ġunju 1988) jew metodu ta’ ttestjar ekwivalenti, bir-rekwiżit ta’ minimu ta’ 60 % bijodegradibilità aħħarija taħt kundizzjonijiet anaerobiċi. Metodi ta’ ttestjar li jissimulaw il-kundizzjonijiet f’ambjent anaerobiku rilevanti jistgħu wkoll jintużaw biex jiddokumentaw il-fatt li 60 % tad-degradabilità aħħarija tkun inkisbet taħt kundizzjonijiet anaerobiċi.
Kriterju 3 – Sustanzi u taħlitiet esklużi jew limitati
Ir-rekwiżiti msemmija f’ (a), (b) u (c) hawn taħt għandhom japplikaw għal kull sustanza, inklużi l-bijoċidi, il-koloranti u l-fwejjaħ, li jaqbżu 0,010 % skont il-piż tal-prodott finali. Dan jinkludi wkoll kull sustanza ta’ kwalunkwe taħlita użata fil-formulazzjoni li taqbeż 0,010 % skont il-piż tal-prodott finali. Nanoforom li jiġu miżjuda mal-prodott b’mod intenzjonali għandhom jagħtu prova tal-konformità mal-kriterju 3(c) għal kwalunkwe konċentrazzjoni.
(a) Sustanzi esklużi speċifikati
Is-sustanzi li ġejjin ma għandhomx jiġu inklużi fil-prodott, kemm bħala parti mill-formulazzjoni kemm bħala parti minn xi taħlita inkluża fil-formulazzjoni:
— |
L-alkilfenoletossilati (APEO) u d-derivattivi tagħhom, |
— |
L-EDTA (etilen-diammina-tetra-aċidu-aċetiku) u l-imlieħ tiegħu |
— |
5-Bromo-5-nitro-1,3-diossan |
— |
2-Bromo-2-nitropropan-1,3-diol |
— |
Diażolinidilurea |
— |
Formaldeid |
— |
Idrossimetilgliċinat tas-sodju |
— |
Nitromiski u miski poliċikliċi, inklużi pereżempju:
|
Valutazzjoni u verifika: l-applikant għandu jipprovdi dikjarazzjoni appoġġata minn dikjarazzjonijiet mill-manifatturi tas-sustanzi, kif ikun xieraq, li jikkonfermaw li s-sustanzi elenkati ma ġewx inklużi fil-prodott.
(b) Imlieħ tal-ammonju kwaternarju
li mhumiex faċilment bijodegradabbli ma għandhomx jintużaw, kemm bħala parti mill-formulazzjoni kemm bħala parti minn kwalunkwe taħlita inkluża fil-formulazzjoni.
Valutazzjoni u verifika: l-applikant għandu jipprovdi dokumentazzjoni li turi l-bijodegradabilità ta’ kwalunkwe melħ tal-ammonju kwaternarju użat.
(c) Sustanzi u taħlitiet perikolużi
Skont l-Artikolu 6(6) tar-Regolament (KE) Nru 66/2010, il-prodott jew kwalunkwe parti minnu ma għandux/ma għandhiex jinkludi/tinkludi sustanzi (fi kwalunkwe forma inklużi nanoforom) li jissodisfaw il-kriterji għall-klassifikazzjoni fid-dikjarazzjonijiet ta’ periklu jew frażijiet ta’ riskju speċifikati hawn taħt skont ir-Regolament (KE) Nru 1272/2008 tal-Parlament Ewropew u tal-Kunsill (3) jew id-Direttiva tal-Kunsill 67/548/KEE (4) u lanqas ma għandu/ma għandha jinkludi/tinkludi sustanzi msemmija fl-Artikolu 57 tar-Regolament (KE) Nru 1907/2006 tal-Parlament Ewropew u tal-Kunsill (5). Il-frażijiet ta’ riskju ta’ hawn taħt ġeneralment jirreferu għas-sustanzi. Madankollu, għal taħlitiet ta’ enżimi u fwejjaħ, fejn l-informazzjoni dwar is-sustanzi ma tkunx tista’ tinkiseb, għandhom jiġu applikati r-regoli ta’ klassifikazzjoni għat-taħlitiet.
Lista ta’ dikjarazzjonijiet ta’ periklu u frażijiet ta’ riskju:
Dikjarazzjoni ta’ Periklu (6) |
Frażi ta’ Riskju (7) |
H300 Fatali jekk jinbela’ |
R28 |
H301 Tossiku jekk jinbela’ |
R25 |
H304 Jista’ jkun fatali jekk jinbela’ u jidħol fil-pajpijiet tan-nifs |
R65 |
H310 Fatali jekk jiġi f’kuntatt mal-ġilda |
R27 |
H311 Tossiku jekk jiġi f’kuntatt mal-ġilda |
R24 |
H330 Fatali jekk jiġi inalat |
R23;R26 |
H331 Tossiku jekk jiġi inalat |
R23 |
H340 Jista’ jikkawża difetti ġenetiċi |
R46 |
H341 Suspettat li jikkawża difetti ġenetiċi |
R68 |
H350 Jista’ jikkawża l-kanċer |
R45 |
H350i Jista’ jikkawża l-kanċer meta jiġi inalat |
R49 |
H351 Suspettat li jikkawża l-kanċer |
R40 |
H360F Jista’ jagħmel ħsara lill-fertilità |
R60 |
H360D Jista’ jagħmel ħsara lit-tarbija li għadha ma twelditx |
R61 |
H360FD Jista’ jagħmel ħsara lill-fertilità. Jista’ jagħmel ħsara lit-tarbija li għadha ma twelditx |
R60-61 |
H360Fd Jista’ jagħmel ħsara lill-fertilità. Suspettat li jagħmel ħsara lit-tarbija li għadha ma twelditx |
R60-63 |
H360Df Jista’ jagħmel ħsara lit-tarbija li għadha ma twelditx. Suspettat li jagħmel ħsara lill-fertilità |
R61-62 |
H361f Suspettat li jagħmel ħsara lill-fertilità |
R62 |
H361d Suspettat li jagħmel ħsara lit-tarbija li għadha ma twelditx |
R63 |
H361fd Suspettat li jagħmel ħsara lill-fertilità. Suspettat li jagħmel ħsara lit-tarbija li għadha ma twelditx. |
R62-63 |
H362 Jista’ jikkawża ħsara lil tfal imreddgħa |
R64 |
H370 Jikkawża ħsara lill-organi |
R39/23; R39/24; R39/25; R39/26; R39/27; R39/28 |
H371 Jista’ jikkawża ħsara lill-organi |
R68/20; R68/21; R68/22 |
H372 Jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/25; R48/24; R48/23 |
H373 Jista’ jikkawża ħsara lill-organi f’każ ta’ esponiment ripetut jew fuq perjodu twil ta’ żmien |
R48/20; R48/21; R48/22 |
H400 Tossiku ħafna għall-organiżmi akkwatiċi |
R50 |
H410 Tossiku ħafna għall-organiżmi akkwatiċi b’mod li jħalli effetti għat-tul |
R50-53 |
H411 Tossiku għall-organiżmi akkwatiċi b’mod li jħalli effetti għat-tul |
R51-53 |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
H413 Jista’ jikkawża effetti ta’ ħsara għat-tul lill-organiżmi akkwatiċi |
R53 |
EUH059 Perikoluż għas-saff tal-ożonu |
R59 |
EUH029 Meta jiġi f’kuntatt mal-ilma jillibera gass tossiku |
R29 |
EUH031 Meta jiġi f’kuntatt ma’ aċidi jillibera gass tossiku |
R31 |
EUH032 Meta jiġi f’kuntatt ma’ aċidi jillibera gass tossiku ħafna |
R32 |
EUH070 Tossiku meta jiġi f’kuntatt mal-għajnejn |
R39-41 |
Sustanzi sensitizzanti |
|
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
H317: Jista’ jikkawża reazzjoni allerġika tal-ġilda |
R43 |
Sustanzi jew taħlitiet li mal-ipproċessar jibdlu l-karatteristiċi tagħhom (eż. ma jibqgħux aktar bijodisponibbli, jgħaddu minn modifika kimika) b’mod li l-periklu identifikat ma japplikax aktar, huma eżentati mir-rekwiżit ta’ hawn fuq.
Derogi: is-sustanzi jew it-taħlitiet li ġejjin huma speċifikament eżentati minn dan ir-rekwiżit:
Aġenti tensjoattivi F’konċentrazzjonijiet ta’ < 25 % fil-prodott (*) |
H400 Tossiku ħafna għall-organiżmi akkwatiċi |
R 50 |
Fwejjaħ |
H412 Jagħmel ħsara lill-organiżmi akkwatiċi b’mod li jħalli effetti għat-tul |
R52-53 |
Enżimi (**) |
H334: Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat |
R42 |
Enżimi (**) |
H317: Jista’ jikkawża reazzjoni allerġika tal-ġilda |
R43 |
NTA bħala impurità f’MGDA u GLDA (***) |
H351 Suspettat li jikkawża l-kanċer |
R40 |
Valutazzjoni u verifika: l-applikant għandu jipprovdi l-formulazzjoni eżatta tal-prodott lill-korp kompetenti. L-applikant għandu juri konformità ma’ dan il-kriterju għal sustanzi fil-prodott abbażi ta’ informazzjoni li tkun tikkonsisti bħala minimu f’dak li hemm speċifikat fl-Anness VII tar-Regolament (KE) Nru 1907/2006. Tali informazzjoni għandha tkun speċifika għall-forma partikolari tas-sustanza, inklużi n-nanoforom, użati fil-prodott. Għal dak il-għan l-applikant għandu jipprovdi dikjarazzjoni ta’ konformità ma’ dan il-kriterju, flimkien ma’ lista ta’ ingredjenti u l-Iskedi tad-Dejta dwar is-Sikurezza skont l-Anness II għar-Regolament (KE) Nru 1907/2006 għall-prodott kif ukoll għas-sustanzi kollha elenkati fil-formulazzjoni(jiet). Il-limiti tal-konċentrazzjoni għandhom jiġu speċifikati fl-Iskedi tad-Dejta dwar is-Sikurezza skont l-Artikolu 31 tar-Regolament (KE) Nru 1907/2006.
(d) Sustanzi elenkati skont l-Artikolu 59(1) tar-Regolament (KE) Nru 1907/2006
Ma tista’ tingħata l-ebda deroga mill-esklużjoni fl-Artikolu 6(6) tar-Regolament (KE) Nru 66/2010 rigward sustanzi identifikati bħala sustanzi ta’ tħassib serju u inklużi fil-lista prevista fl-Artikolu 59 tar-Regolament KE Nru 1907/2006 preżenti f’taħlitiet f’konċentrazzjonijiet ogħla minn 0,010 %.
Valutazzjoni u verifika: il-lista ta’ sustanzi identifikati bħala sustanzi ta’ tħassib serju ħafna u inklużi fil-lista tal-kandidati skont l-Artikolu 59 tar-Regolament (KE) Nru 1907/2006 tista’ tinstab fuq is-sit elettroniku:
http://echa.europa.eu/chem_data/authorisation_process/candidate_list_table_en.asp
Fid-data tal-applikazzjoni għandha ssir referenza għal-lista.
Il-limiti tal-konċentrazzjoni għandhom jiġu speċifikati fl-iskedi tad-dejta dwar is-sikurezza skont l-Artikolu 31 tar-Regolament (KE) Nru 1907/2006.
(e) Bijoċidi
(i) |
Il-prodott jista’ jinkludi biss bijoċidi sabiex jippreservaw il-prodott, u fid-dożaġġ xieraq għal dan l-iskop biss. Dan ma jirreferix għall-aġenti tensjoattivi, li jista’ wkoll ikollhom karatteristiċi bijoċidali. Valutazzjoni u verifika: l-applikant għandu jipprovdi kopji tal-iskedi tad-dejta dwar is-sikurezza tal-materjal ta’ kwalunkwe preservattiv miżjud, flimkien ma’ informazzjoni dwar il-konċentrazzjoni eżatta fil-prodott. Il-manifattur jew il-fornitur tal-preservattivi għandu jipprovdi informazzjoni dwar id-dożaġġ meħtieġ għall-preservazzjoni tal-prodott. |
(ii) |
Hu pprojbit li jkun iddikjarat jew issuġġerit fuq l-imballaġġ jew bi kwalunkwe komunikazzjoni oħra li l-prodott jaġixxi kontra l-mikrobi. Valutazzjoni u verifika: l-applikant għandu jipprovdi t-testi u l-preżentazzjonijiet użati fuq kull tip ta’ imballaġġ u/jew eżempju ta’ kull tip differenti ta’ imballaġġ lill-korp kompetenti. |
(iii) |
Bijoċidi, kemm bħala parti mill-formulazzjoni kemm bħala parti minn taħlita inkluża fil-formulazzjoni, li jintużaw biex jippreservaw il-prodott u li huma kklassifikati H410/R50-53 jew H411/R51-53 skont id-Direttiva 67/548/KEE, id-Direttiva 1999/45/KE tal-Parlament Ewropew u tal-Kunsill (8) jew ir-Regolament (KE) Nru 1272/2008, huma permessi iżda biss jekk il-potenzjali ta’ bijoakkumulazzjoni tagħhom huma kkaratterizzati minn log Pow (log ottanol/koeffiċjent tal-partizzjoni tal-ilma) < 3,0 jew fattur ta’ bijokonċentrazzjoni (BCF) iddeterminat b’mod sperimentali ≤ 100. Valutazzjoni u verifika: l-applikant għandu jipprovdi kopji tal-iskedi tad-dejta dwar is-sikurezza tal-materjali għall-bijoċidi kollha, flimkien mad-dokumentazzjoni tal-konċentrazzjonijiet tal-bijoċidi fil-prodott finali. |
Kriterju 4 – Fwejjaħ
(a) |
Il-prodott ma għandux ikollu fwejjaħ li jkun fihom in-nitromiski jew miski poliċikliċi (kif speċifikat fil-kriterju 3a). |
(b) |
Kwalunkwe sustanza miżjuda mal-prodott bħala fwieħa għandha tkun ġiet immanifatturata, ittrattata u/jew immaniġġata f’konformità mal-kodiċi ta’ prattika tal-Assoċjazzjoni Internazzjonali tal-Fwejjaħ. Il-kodiċi jista’ jinstab fuq is-sit elettroniku tal-IFRA: http://www.ifraorg.org. |
(c) |
Is-sustanzi ta’ fwieħa soġġetti għar-rekwiżit ta’ dikjarazzjoni pprovdut fir-Regolament (KE) Nru 648/2004 dwar id-deterġenti (l-Anness VII) u li mhumiex diġà esklużi mill-kriterju 3c u sustanzi ta’ fwieħa (oħrajn) ikklassifikati bħala H317/R43 (Jista’ jikkawża reazzjoni allerġika tal-ġilda) u/jew H334/R42 (Jista’ jikkawża sintomi ta’ allerġija jew ta’ ażma jew diffikultajiet biex jittieħed in-nifs jekk jiġi inalat) ma għandhomx ikunu preżenti fi kwantitajiet ≥ 0,010 % (≥ 100 ppm) għal kull sustanza. |
Valutazzjoni u verifika: l-applikant għandu jipprovdi dikjarazzjoni ta’ konformità ma’ kull parti tal-kriterju (a) u (b). Għall-kriterju (c), l-applikant għandu jipprovdi dikjarazzjoni ta’ konformità ffirmata li tindika l-ammont ta’ fwejjaħ fil-prodott. L-applikant għandu jipprovdi wkoll dikjarazzjoni mill-manifattur tal-fwieħa li tispeċifika l-kontenut ta’ kull waħda mis-sustanzi fil-fwejjaħ li huma elenkati fl-Anness III, il-Parti I tad-Direttiva tal-Kunsill 76/768/KEE (9) kif ukoll il-kontenut ta’ sustanzi (oħra) li kienu assenjati l-frażijiet ta’ riskju R43/H317 u/jew R42/H334.
Kriterju 5 – Komposti organiċi volatili
Il-prodotti finali ta’ deterġenti tat-tindif b’użi multipli u deterġenti tat-tindif sanitarji (kif mibjugħin) ma għandux ikun fihom aktar minn 6 % (skont il-piż) ta’ komposti organiċi volatli b’punt tat-togħlija iktar baxx minn 150 °C. Alternattivament, għal prodotti konċentrati li għandhom jiġu ddilwiti fl-ilma qabel l-użu, il-konċentrazzjoni totali ta’ komposti organiċi volatili b’punt tat-togħlija aktar baxx minn 150 °C ma għandux jaqbeż 0,2 % (skont il-piż) fl-ilma tal-ħasil.
Il-prodotti finali ta’ deterġenti tat-tindif tat-twieqi (kif mibjugħin) ma għandux ikun fihom aktar minn 10 % (skont il-piż) ta’ komposti organiċi volatili b’punt tat-togħlija iktar baxx minn 150 °C.
Valutazzjoni u verifika: l-applikant għandu jipprovdi kopji tal-iskedi tad-dejta dwar is-sikurezza ta’ kull solvent organiku bid-dettalji tal-kalkoli tal-konċentrazzjoni totali ta’ komposti organiċi volatili b’punt tat-togħlija aktar baxx minn 150 °C.
Kriterju 6 – Fosforu
Il-kwantità totali ta’ fosforu elementali fil-prodott għandha tiġi kkalkulata abbażi tad-dożaġġ irrakkomandat mill-manifattur għall-preparazzjoni ta’ litru ta’ ilma għall-ħasil għat-tindif ta’ wċuħ b’ammont normali ta’ ħmieġ (għall-prodotti ddilwiti fl-ilma qabel l-użu) jew għal kull 100 gm ta’ prodott (għall-prodotti użati mingħajr dilwizzjoni) filwaqt li jitqiesu s-sustanzi kollha li jkun fihom il-fosforu (eż. fosfati u fosfonati).
Għal deterġenti tat-tindif b’użi multipli, li jiġu ddilwiti fl-ilma qabel l-użu, il-kontenut totali ta’ fosforu (P) ma għandux jaqbeż 0,02 gm tad-dożaġġ tal-prodott irrakkomandat mill-manifattur għal litru ta’ ilma għall-ħasil.
Għal deterġenti tat-tindif b’użi multipli, li jintużaw mingħajr dilwizzjoni, il-kontenut totali ta’ fosforu (P) ma għandux jaqbeż 0,2 gm għal kull 100 gm ta’ prodott.
Għal prodotti tat-tindif sanitarji, il-kontenut totali ta’ fosforu (P) ma għandux jaqbeż 1,0 gm għal kull 100 gm ta’ prodott.
Sustanzi użati fid-deterġenti tat-tindif tat-twieqi ma għandux ikun fihom fosforu.
Valutazzjoni u verifika: l-applikant għandu jipprovdi l-formulazzjoni eżatta tal-prodott lill-korp kompetenti, flimkien mad-dettalji tal-kalkoli li juru konformità ma’ dan il-kriterju.
Kriterju 7 – Rekwiżiti ta’ imballaġġ
(a) |
Sprejijiet li jkun fihom il-propellenti ma għandhomx jintużaw. |
(b) |
Materjali tal-plastik li jintużaw bħala r-reċipjent ewlieni għandhom jiġu mmarkati skont id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (10), jew DIN 6120 il-Partijiet 1 u 2 b’konnessjoni ma’ DIN 7728 il-parti 1. |
(c) |
Jekk l-imballaġġ primarju jkun magħmul minn materjal irriċiklat, kwalunkwe indikazzjoni ta’ dan fuq l-imballaġġ għandha tkun f’konformità mal-istandard ISO 14021 “Tikketti u dikjarazzjonijiet ambjentali - Dikjarazzjonijiet volontarji (tikettar ambjentali tat-tip II)”. |
(d) |
Prodotti ppakkjati fi sprejijiet bil-grillu għandhom jinbiegħu bħala parti minn sistema ta’ mili mill-ġdid. |
(e) |
Jistgħu jintużaw biss fl-imballaġġ tal-plastik dawk il-ftalati li fiż-żmien tal-applikazzjoni jkunu ġew ivvalutati għar-riskji u li ma jkunux ġew ikklassifikati skont il-kriterju 3(c). |
(f) |
Il-proporzjon piż/utilità (WUR) tal-imballaġġ primarju ma għandux jaqbeż il-valuri li ġejjin:
Id-WUR jiġi kkalkulat biss għall-imballaġġ primarju (inklużi kuperċijiet, tappijiet u pompi tal-idejn/apparati li jisprejjaw) bl-użu tal-formula ta’ hawn taħt: , fejn
|
Valutazzjoni u verifika: l-applikant għandu jipprovdi lill-awtorità kompetenti b’kalkolu tad-WUR tal-prodott flimkien ma’ dikjarazzjoni ta’ konformità ma’ kull parti ta’ dan il-kriterju. Għall-kriterju (e) l-applikant għandu jipprovdi dikjarazzjoni tal-konformità kompluta u ffirmata.
Kriterju 8 – Adegwatezza għall-użu
Il-prodott għandu jkun adegwat għall-użu, u jkun jissodisfa l-ħtiġijiet tal-konsumaturi.
(a) Deterġenti tat-tindif b’użi multipli u deterġenti tat-tindif tat-twieqi
Għal deterġenti tat-tindif b’użi multipli jistgħu jiġu ddokumentati biss effetti ta’ tneħħija tax-xaħam. Għad-deterġenti tat-tindif tat-twieqi, għandu jiġi ddokumentat tnixxif li ma jħallix traċċi.
Il-ħila li jnaddaf għandha tkun ekwivalenti għal jew aħjar minn dik ta’ prodott li jkun fost l-aqwa fis-suq jew prodott ta’ referenza ġeneriku, approvat minn korp kompetenti.
Valutazzjoni u verifika: il-prestazzjoni tal-prodott għandha tiġi ttestjata jew:
— |
b’test tal-laboratorju adegwat u ġustifikabbli, inkella |
— |
b’test tal-konsumaturi adegwat u ġustifikabbli. |
Iż-żewġ testijiet għandhom jitwettqu u jiġu rrapportati fi ħdan parametri speċifikati kif iddikjarat fil-parti “Framework for testing the performance of all-purpose cleaners, window cleaners and sanitary cleaners” (qafas għall-ittestjar tal-prestazzjoni ta’ deterġenti tat-tindif b’użi multipli, deterġenti tat-tindif tat-twieqi u deterġenti tat-tindif sanitarji) li tista’ tinstab hawnhekk:
http://ec.europa.eu/environment/ecolabel/ecolabelled_products/categories/purpose_cleaners_en.htm
(b) Deterġenti tat-tindif sanitarji
Deterġenti tat-tindif sanitarji inklużi deterġenti tat-tindif tal-kmamar tal-banju, tat-tojlits u tal-kċejjen. Għad-deterġenti tat-tindif tal-kmamar tal-banju, għandhom jiġu ddokumentati kemm it-tneħħija tat-tartru kemm tal-ġebla. Għal deterġenti tat-tindif tat-tojlits aċidiċi, għandha tiġi ddokumentata biss it-tneħħija tal-ġebla. Għal deterġenti tat-tindif tal-kċejjen għandhom jiġu ddokumentati l-effetti ta’ tneħħija tax-xaħam.
Il-ħila li jnaddaf għandha tkun ekwivalenti għal jew aħjar minn dik ta’ deterġent ta’ referenza ġeneriku speċifikat hawn taħt.
Valutazzjoni u verifika: il-prestazzjoni tal-prodott għandha tiġi ttestjata jew:
— |
b’test tal-laboratorju adegwat u ġustifikabbli, inkella |
— |
b’test tal-konsumaturi adegwat u ġustifikabbli. |
Iż-żewġ testijiet għandhom jitwettqu u jiġu rrapportati fi ħdan parametri speċifikati kif iddikjarat fil-qafas deskritt fil-“Qafas għall-ittestjar tal-prestazzjoni ta’ deterġenti tat-tindif b’użi multipli, deterġenti tat-tindif tat-twieqi u deterġenti tat-tindif sanitarji”. Id-deterġent ġeneriku ta’ referenza għandu jkun dak preskritt fit-test tal-prestazzjoni tal-IKW “Rakkomandazzjoni għall-valutazzjoni tal-kwalità ta’ deterġenti tat-tindif tat-tojlits” (Ġurnal-SÖFW, 126, 11, p. 50-56, 2000). Id-deterġent ta’ referenza huwa applikabbli għad-deterġenti tat-tindif tat-tojlits u tal-kmamar tal-banju; madankollu l-pH għandu jitnaqqas għal 3.5 għall-ittestjar tad-deterġenti tat-tindif tal-kmamar tal-banju.
It-test tal-prestazzjoni tal-IKW “‘Recommendation for the quality assessment of acidic toilet cleaners’ (rakkomandazzjoni għall-valutazzjoni tal-kwalità ta’ deterġenti tat-tindif tat-tojlits)(Ġurnal-SÖFW, 126, 11, p. 50-56, 2000) jista” jitniżżel mis-sit
http://www.ikw.org/pdf/broschueren/EQ_WC_Reiniger_Englisch.pdf
Kriterju 9 – Struzzjonijiet għall-utent
(a) Struzzjonijiet rigward id-dożaġġ
L-informazzjoni dwar id-dożaġġ irrakkomandat għad-deterġenti tat-tindif b’użi multipli u deterġenti tat-tindif sanitarji għandha tidher fuq l-imballaġġ f’daqs raġonevoli u fuq sfond viżibbli. Fil-każ ta’ prodott konċentrat, fuq l-imballaġġ għandu jkun indikat b’mod ċar li kwantità żgħira biss tal-prodott hija meħtieġa meta mqabbel ma’ prodotti normali (i.e. iddilwiti).
It-test li ġej (jew test ekwivalenti) għandu jidher fuq l-imballaġġ:
“Dożaġġ xieraq jiffranka l-flus u jimminimizza l-impatti ambjentali”.
It-test li ġej (jew test ekwivalenti) għandu jidher fuq l-imballaġġ tad-deterġenti tat-tindif b’użi multipli lesti għall-użu: “Il-prodott mhuwiex maħsub għal tindif fuq skala kbira”.
(b) Pariri dwar is-sikurezza
Il-pariri dwar is-sikurezza li ġejjin (jew l-ekwivalenti) għandhom jidhru fuq il-prodott bħala test jew bħala pittogramma:
— |
“Żomm ‘il bogħod mit-tfal” |
— |
“Tħallatx flimkien deterġenti tat-tindif differenti” |
— |
“Evita l-inalazzjoni tal-prodott sprejjat” (għall-prodotti li huma fil-forma ta’ sprej biss). |
Valutazzjoni u verifika: l-applikant għandu jipprovdi lill-korp kompetenti b’kampjun tal-imballaġġ tal-prodott, inkluż it-tikketta, flimkien ma’ dikjarazzjoni ta’ konformità ma’ kull parti ta’ dan il-kriterju.
Kriterju 10 – Informazzjoni li tidher fuq l-Ekotikketta tal-UE
It-tikketta fakultattiva b’kaxxa tat-test għandha tinkludi t-test li ġej:
“— |
impatt imnaqqas fuq il-ħajja akkwatika, |
— |
użu mnaqqas ta’ sustanzi perikolużi, |
— |
skart tal-imballaġġ imnaqqas, |
— |
struzzjonijiet ċari għall-utent” |
Il-linji gwida għall-użu tat-tikketta fakultattiva bil-kaxxa tat-test jistgħu jinstabu fil-“Linji gwida għall-użu tal-logo tal-Ekotikketta tal-UE” fuq is-sit elettroniku:
http://ec.europa.eu/environment/ecolabel/promo/logos_en.htm
Valutazzjoni u verifika: l-applikant għandu jipprovdi kampjun tat-tikketta, flimkien ma’ dikjarazzjoni ta’ konformità ma’ dan il-kriterju.
Kriterju 11 – Taħriġ professjonali
Għal deterġenti, li jintużaw minn utenti professjonali, il-produttur, id-distributur tiegħu jew parti terza għandu/għandha joffri/toffri taħriġ jew materjal ta’ taħriġ lill-persunal tat-tindif. Dawn għandhom jinkludu struzzjonijiet pass pass għal dilwizzjoni, użu, rimi u użu ta’ tagħmir xierqa.
Valutazzjoni u verifika: kampjun ta’ materjal ta’ taħriġ li jkun fih struzzjonijiet pass pass għal dilwizzjoni, użu, rimi u l-użu ta’ tagħmir xierqa u deskrizzjoni tal-korsijiet ta’ taħriġ għandu jiġi pprovdut lill-korp kompetenti.
(2) ĠU L 142, 31.5.2008, p. 1.
(3) ĠU L 353, 31.12.2008, p. 1.
(5) ĠU L 396, 30.12.2006, p. 1.
(6) Kif ipprovdut fir-Regolament (KE) Nru 1272/2008.
(7) Kif ipprovdut fid-Direttiva 67/548/KEE
(*) Il-perċentwal irid jiġi diviż bil-fattur M stabbilit skont ir-Regolament (KE) Nru 1272/2008.
(**) Inklużi l-istabbilizzaturi u kull sustanza awżiljarja oħra fil-preparazzjonijiet.
(***) F’konċentrazzjonijiet aktar baxxi minn 1,0 % fil-materja prima sakemm il-konċentrazzjoni totali fil-prodott finali tkun aktar baxxa minn 0,10 %
(8) ĠU L 200, 30.7.1999, p. 1.
(9) ĠU L 262, 27.9.1976, p. 169.
(10) ĠU L 365, 31.12.1994, p. 10.
Appendiċi I
Bażi tad-dejta tal-Ingredjenti tad-Deterġenti (lista DID)
Il-lista DID (il-parti A) hi lista li tinkludi informazzjoni dwar it-tossiċità akkwatika u l-bijodegradabilità tal-ingredjenti tipikament użati fil-formulazzjonijiet tad-deterġenti. Il-lista tinkludi informazzjoni dwar it-tossiċità u l-bijodegradabilità ta’ firxa ta’ sustanzi użati fil-prodotti għall-ħasil u t-tindif. Il-lista mhijiex komprensiva, iżda fil-parti B tal-lista DID tingħata gwida rigward kif jiġu ddeterminati l-parametri rilevanti tal-kalkolu għal sustanzi mhux preżenti fil-lista DID (eż. il-Fattur ta’ Tossiċità (TF) u l-fattur ta’ degradazzjoni (DF), li jintużaw fil-kalkolu tal-volum kritiku tad-dilwizzjoni). Il-lista hi sors ġeneriku ta’ informazzjoni u s-sustanzi preżenti fuq il-lista DID mhumiex approvati awtomatikament għall-użu fil-prodotti bl-Ekotikketta tal-UE. Il-lista DID (il-partijiet A u B) tista' tinstab fuq is-sit elettroniku tal-Ekotikketta tal-UE: http://ec.europa.eu/environment/ecolabel/ecolabelled_products/categories/did_list_en.htm.
Għas-sustanzi mingħajr dejta rigward it-tossiċità u d-degradabilità akkwatika, biex ikunu vvalutati t-TF u d-DF jistgħu jintużaw analoġiji strutturali ma’ sustanzi simili. Analoġiji strutturali bħal dawn għandhom ikunu approvati mill-korp kompetenti li jagħti l-liċenzja tal-Ekotikketta tal-UE. Alternattivament, jista' jkun applikat approċċ li jiffoka fuq l-agħar każ possibbli, bl-użu tal-parametri ta’ hawn isfel:
Approċċ li jiffoka fuq l-agħar każ possibbli:
|
Tossiċità akuta |
Tossiċità kronika |
Degradazzjoni |
||||||
Ingredjent |
LC50/EC50 |
SF(akut) |
TF(akut) |
NOEC (*) |
SF(kroniku) (*) |
TF(kroniku) |
DF |
Aerobiku |
Anaerobiku |
“Isem” |
1 mg/l |
10 000 |
0,0001 |
|
|
0,0001 |
1 |
P |
N |
Dokumentazzjoni ta’ bijodegradabilità faċli
Għandhom jintużaw il-metodi ta’ ttestjar li ġejjin għall-bijodegradabilità faċli:
(1) |
Sal-1 ta’ Diċembru 2010 u matul il-perjodu ta’ tranżizzjoni mill-1 ta’ Diċembru 2010 sal-1 ta’ Diċembru 2015:
|
(2) |
Wara l-1 ta’ Diċembru 2015 u matul il-perjodu ta’ tranżizzjoni mill-1 ta’ Diċembru 2010 sal-1 ta’ Diċembru 2015: Il-metodi ta’ ttestjar ipprovduti fir-Regolament (KE) Nru 1272/2008. |
Dokumentazzjoni ta’ bijodegradabilità anaerobika
It-test ta’ referenza għad-degradabilità anaerobika għandu jkun EN ISO 11734, ECETOC Nru 28 (Ġunju 1988), OECD 311 jew metodu ta’ ttestjar ekwivalenti, bir-rekwiżit ta’ 60 % ta’ degradabilità finali taħt kundizzjonijiet anaerobiċi. Il-metodi ta’ ttestjar li jissimulaw il-kundizzjonijiet f'ambjent anaerobiku rilevanti jistgħu jintużaw biex ikun iddokumentat li taħt kundizzjonijiet anaerobiċi ntlaħqet 60 % ta’ degradabilità finali.
Estrapolazzjoni għal sustanzi mhux elenkati fil-lista DID
Meta l-ingredjenti ma jkunux elenkati fil-lista DID, jista' jintuża l-approċċ li ġej biex tkun ipprovduta d-dokumentazzjoni meħtieġa ta’ degradabilità anaerobika:
1. |
Applika estrapolazzjoni raġonevoli. Uża r-riżultati tat-test miksuba għal materja prima waħda biex testrapola d-degradabilità anaerobika finali ta’ aġenti tensjoattivi li huma relatati strutturalment. Meta l-bijodegradabilità anaerobika tkun ikkonfermata għal aġent tensjoattiv (jew għal grupp ta’ omologi) skont il-lista DID, jista' jitqies li tip simili ta’ aġent tensjoattiv hu wkoll bijodegradabbli anaerobikament (eż. is-sulfat C12-15 A 1-3 EO [DID Nru 8] hu bijodegradabbli anaerobikament, u jista' jitqies ukoll li teżisti bijodegradabilità anaerobika simili għas-sulfat C12-15 A 6 EO). Meta l-bijodegradabilità anaerobika tkun ikkonfermata għal aġent tensjoattiv bl-użu ta’ metodu ta’ ttestjar xieraq, jista' jitqies li tip simili ta’ aġent tensjoattiv hu wkoll bijodegradabbli anaerobikament (eż. dejta mil-letteratura li tikkonferma l-bijodegradabilità anaerobika ta’ aġenti tensjoattivi li jappartjenu għall-grupp ta’ mlieħ tal-ammonju ta’ esteri alkili tista' tintuża bħala dokumentazzjoni għal bijodegradabilità anaerobika simili ta’ mlieħ kwaternarji tal-ammonju oħra li fihom sensil ta’ esteri fil-katina/ktajjen alkila/alkili). |
2. |
Wettaq test ta’ skrinjar għad-degradabilità anaerobika. Jekk hu meħtieġ ittestjar ġdid, wettaq test tal-iskrinjar bl-użu ta’ EN ISO 11734, ECETOC Nru 28 (Ġunju 1988), OECD 311 jew metodu ekwivalenti. |
3. |
Wettaq test ta’ degradabilità b'dożaġġ baxx. Jekk ikun meħtieġ ittestjar ġdid, u fil-każ ta’ problemi sperimentali fit-test tal-iskrinjar (eż. inibizzjoni minħabba t-tossiċità tas-sustanza għat-test), irrepeti l-ittestjar bl-użu ta’ dożaġġ baxx ta’ aġent tensjoattiv u mmonitorja d-degradazzjoni b'kejl ta’ 14C jew b'analiżi kimika. L-ittestjar b'dożaġġi baxxi jista' jitwettaq bl-użu tal-metodu OECD 308 (Awwissu 2000) jew metodu ekwivalenti. |
(*) Jekk ma tinstab l-ebda dejta aċċettabbli dwar it-tossiċità kronika dawn il-kolonni jitħallew vojta. F'dak il-każ it-TF(kroniku) jiġi ddefinit bħala ugwali għat-TF(akut).