2.4.2011

Il-Ġurnal Uffiċjali tal-Unjoni Ewropea

L 87/9

DEĊIŻJONI TAL-KUMMISSJONI

tad-29 ta' Marzu 2011

li tistabbilixxi programm speċifiku ta' kontroll u spezzjoni marbut mal-irkupru tat-tonn fil-Lvant tal-Atlantiku u fil-Mediterran

(notifikata bid-dokument numru C(2011) 1984)

(2011/207/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta' kontroll għall-iżgurar tal-konformità mar-regoli tal-Politika Komuni tas-Sajd (1), u partikolarment l-Artikolu 95 tiegħu,

Billi:

(1)	Il-Kummissjoni Internazzjonali għall-Konservazzjoni tat-Tonn tal-Atlantiku (ICCAT) fl-2006 adottat pjan multiannwali ta' rkupru għat-tonn fil-Lvant tal-Atlantiku u fil-Mediterran. Dak il-Pjan ġie traspost f'leġiżlazzjoni tal-Unjoni bir-Regolament tal-Kunsill (KE) Nru 1559/2007 (2).

(2)	L-ICCAT emendat il-pjan ta' rkupru fl-24 ta' Novembru 2008 bir-Rakkomandazzjoni 08-05. Il-pjan kif emendat kien traspost fil-leġiżlazzjoni tal-Unjoni bir-Regolament tal-Kunsill (KE) Nru 302/2009 (3).

(3)	Sabiex tiġi żgurata l-implimentazzjoni b'suċċess u sħiħa tal-pjan multiannwali ta' irkupru emendat, id-Deċiżjoni tal-Kummissjoni 2009/296/KE (4) stabbiliet programm ta' kontroll u spezzjoni speċifiku li jkopri perjodu ta' sentejn, mill-15 ta' Marzu 2009 sal-15 ta' Marzu 2011.

(4)

Il-programm ta' kontroll u spezzjoni speċifiku marbut mal-irkupru tat-tonn fil-Lvant tal-Atlantiku u l-Mediterran, kif stabbilit bid-Deċiżjoni 2009/296/KE, ser jiskadi fil-15 ta' Marzu 2011. Għandha tiġi adottata Deċiżjoni tal-Kummissjoni ġdida bil-ħsieb li tkun żgurata l-kontinwità ta' dak il-programm u biex ikunu implimentati immedjatament ċerti dispożizzjonijiet tar-Rakkomandazzjoni 10-4 tal-ICCAT, l-aktar dawk dwar il-preżentazzjoni bikrija ta' ċerti pjanijiet meħtieġa għas-sajd u l-ispezzjoni.

(5)	Il-programm ta' kontroll u spezzjoni speċifiku ġdid għandu jkun stabbilit għall-perjodu mill-15 ta' Marzu 2011 sal-15 ta' Marzu 2014. Ir-riżultati akkwistati permezz tal-applikazzjoni tiegħu għandhom ikunu evalwati perjodikament f'kooperazzjoni mal-Istati Membri kkonċernati.

(6)

Sabiex il-kontroll u l-ispezzjoni tas-sajd għat-tonn fil-livell tal-Unjoni jkunu armonizzati, huwa xieraq li jitfasslu regoli komuni għall-attivitajiet ta' kontroll u spezzjoni li għandhom jtwettqu mill-awtoritajiet kompetenti tal-Istati Membri kkonċernati, u li l-Istati Membri jadottaw programm nazzjonali ta' azzjoni ta' kontroll sabiex jikkonformaw ma' regoli komuni bħal dawn. Għal dan il-għan, għandhom ikunu stabbiliti punti ta' referenza għall-intensità tal-attivitajiet ta' kontroll u spezzjoni, kif ukoll prijoritajiet u proċeduri għall-kontroll u l-ispezzjoni.

(7)	Sabiex ikunu żgurat is-segwitu tal-ksur, din id-Deċiżjoni għandha tistabbilixxi, fost oħrajn, il-proċeduri li taħthom l-awtoritajiet ikkonċernati jistgħu jwettqu skambju tal-informazzjoni rilevanti skont l-Artikolu 117 tar-Regolament (KE) Nru 1224/2009.

(8)	L-attivitajiet konġunti ta' spezzjoni u sorveljanza għandhom jitwettqu skont il-pjanijiet ta' użu konġunt stabbiliti mill-Aġenzija Komunitarja għall-Kontroll tas-Sajd (CFCA) stabbilita bir-Regolament tal-Kunsill (KE) Nru 768/2005 (5).

(9)	Il-miżuri stabbiliti f'din id-Deċiżjoni huma skont l-opinjoni tal-Kumitat għas-Sajd u l-Akkwakultura,

ADOTTAT DIN ID-DEĊIŻJONI:

KAPITOLU I

DISPOŻIZZJONIJIET ĠENERALI

Artikolu 1

Suġġett

Din id-Deċiżjoni tistabbilixxi programm ta' kontroll u spezzjoni speċifiku sabiex tkun żgurata l-implimentazzjoni armonizzata tal-pjan multiannwali ta' rkupru tat-tonn fil-Lvant tal-Atlantiku u l-Mediterran adottat mill-Kummissjoni Internazzjonali għall-Konservazzjoni tat-Tonn fl-Atlantiku (ICCAT) fl-2006 kif traspost bir-Regolament (KE) Nru 302/2009 kif emendat l-aħħar bir-Rakkomandazzjoni 10-04 tal-ICCAT tas-27 ta' Novembru 2010.

Artikolu 2

Ambitu temporali u territorjali

Il-programm ta' kontroll u spezzjoni speċifiku għandu japplika sal-15 ta' Marzu 2014 fiż-żona tal-Konvenzjoni tal-ICCAT.

Artikolu 3

Ambitu materjali

Il-programm ta' kontroll u spezzjoni speċifiku għandu jkopri dawn l-attivitajiet:

(1)	l-attivitajiet kollha tas-sajd, inklużi l-qabdiet inċidentali, minn bastimenti tas-sajd u nases, inklużi operazzjonijiet tas-sajd konġunti;

(2)	l-operazzjonijiet kollha tal-qbid, il-ħatt l-art, it-trasferimenti, it-trażbordi u t-tqegħid fil-gaġeġ;

(3)	l-attivitajiet kollha relatati mal-irziezet u l-operaturi involuti fit-tqegħid fil-gaġeġ, it-tismin, l-akkwakultura, il-ħsad jew l-ipproċessar tat-tonn u/jew tal-kummerċ fil-prodotti tat-tonn, inklużi l-kummerċ domestiku, l-importazzjoni, l-esportazzjoni u r-riesportazzjoni, it-trasport u l-ħżin;

(4)	is-sajd sportiv u rikreattiv.

KAPITOLU II

OBJETTIVI, PRIJORITAJIET, PUNTI TA' REFERENZA U PROĊEDURI

Artikolu 4

Objettivi

L-attivitajiet ta' kontroll u spezzjoni għandhom jimmiraw sabiex jiżguraw konformità mad-dispożizzjonijiet li ġejjin:

(1)	il-pjanijiet annwali tas-sajd, kif previst fl-Artikolu 4 tar-Regolament (KE) Nru 302/2009;

(2)	il-probizzjoni tal-użu ta' inġenji tal-arju u ħelikopters tat-tiftix, kif previst fl-Artikolu 8 tar-Regolament (KE) Nru 302/2009;

(3)	il-miżuri dwar il-kapaċitajiet tas-sajd u tal-produzzjoni fl-irziezet, kif previst fl-Artikoli 5 u 6 tar-Regolament (KE) Nru 302/2009;

(4)	l-implimentazzjoni ta' kwalunkwe programm tal-osservatur fl-Unjoni, inkluż il-programm tal-osservatur tal-Istati Membri, u l-Programm Reġjonali tal-Osservatur tal-ICCAT, kif previst fil-punti 90, 91, 92 u l-Anness 7 għar-Rakkomandazzjoni 10-04 tal-ICCAT;

(5)	ir-regoli dwar ir-reġistrazzjoni tal-bastimenti awtorizzati għall-qbid u bastimenti tas-sajd oħra, kif previst fl-Artikoli 14 u 15 tar-Regolament (KE) Nru 302/2009;

(6)	il-miżuri u l-kundizzjonijiet tekniċi speċifiċi għas-sajd tat-tonn kif previst fir-Rakkomandazzjoni 10-04 tal-ICCAT, b'mod partikolari r-regoli dwar id-daqs minimu u l-kundizzjonijiet assoċjati;

(7)	ir-restrizzjonijiet kwantitattivi dwar il-qabdiet u kwalunkwe kundizzjoni speċifika assoċjata magħhom, inkluż il-monitoraġġ tal-użu tal-kwota, kif previst fir-Rakkomandazzjoni 10-04 tal-ICCAT;

(8)	ir-regoli ta' dokumentazzjoni applikabbli għat-tonn, kif previst fir-Rakkomandazzjoni 10-04 tal-ICCAT.

Artikolu 5

Prijoritajiet

Il-kategoriji differenti tal-irkaptu għandhom ikunu suġġetti għal livelli differenti ta' prijoritizzazzjoni, skont il-pjan annwali tas-sajd. Għal din ir-raġuni, kull Stat Membru għandu jistabbilixxi prijoritajiet speċifiċi.

Artikolu 6

Punti ta' referenza

Il-punti ta' referenza għall-ispezzjoni huma stabbiliti fl-Anness I.

Artikolu 7

Proċeduri

L-attivitajiet ta' kontroll u spezzjoni għandhom jitwettqu skont id-dispożizzjonijiet proċedurali li ġejjin:

(1)	l-Iskema tal-ICCAT tal-Ispezzjoni Internazzjonali Konġunta, kif previst fil-punti 99, 100, 101 u l-Anness 8 għar-Rakkomandazzjoni 10-04 tal-ICCAT;

(2)	il-metodoloġija tal-ispezzjoni kif previst fir-Rakkomandazzjoni 10-04 tal-ICCAT, u b'mod partikolari l-Anness 8 tagħha;

(3)	il-proċeduri li għandhom ikunu segwiti mill-uffiċjali kif stabbilit fl-Anness II għal din id-Deċiżjoni;

(4)	il-proċeduri li għandhom ikunu segwiti mill-Istati Membri kif stabbilit fl-Artikoli 8 sa 13 ta' din id-Deċiżjoni.

Artikolu 8

Proċeduri konġunti

L-Istati Membri msemmija fl-Artikolu 12 għandhom jiżguraw li uffiċjali mill-Istati Membri l-oħra kkonċernati jkunu mistiedna biex jipparteċipaw f'attivitajiet konġunti ta' spezzjoni u sorveljanza u li jkunu stabbiliti proċeduri operattivi konġunti applikabbli għall-inġenji tas-sorveljanza tagħhom.

Artikolu 9

Notifika ta' attivitajiet ta' sorveljanza u spezzjoni

1. Stat Membru li jkun beħsiebu jwettaq sorveljanza u jispezzjona bastimenti tas-sajd fl-ilmijiet taħt il-ġuriżdizzjoni ta' Stat Membru ieħor fil-qafas ta' Pjan ta' Użu Konġunt, għandu jinnotifika l-intenzjonijiet tiegħu lill-punt ta' kuntatt tal-Istat Membru kostali kkonċernat, kif imsemmi fl-Artikolu 3 tar-Regolament tal-Kummissjoni (UE) Nru 1042/2006 (6), lis-CFCA.

2. In-notifika msemmija fil-paragrafu 1 għandha tinkludi l-informazzjoni li ġejja:

(a)	it-tip, l-isem u s-sinjal tas-sejħa tal-bastimenti tal-ispezzjoni u tal-inġenju tal-ajru tal-ispezzjoni abbażi tal-lista msemmija fl-Artikolu 6 tar-Regolament (KE) Nru 1042/2006;

(b)	iż-żoni fejn ser jitwettqu l-operazzjonijiet ta' sorveljanza u spezzjoni;

(c)	it-tul ta' żmien tal-attivitajiet ta' sorveljanza u spezzjoni.

Artikolu 10

Informazzjoni dwar ksur

Barra l-Artikoli 82 u 83 tar-Regolament (KE) Nru 1224/2009, l-Istati Membri li l-uffiċjali tagħhom isibu ksur waqt li jkunu qegħdin iwettqu spezzjoni tal-attivitajiet elenkati fl-Artikolu 3 għandhom jinfurmaw mingħajr dewmien lill-pajjiż terz u lill-Kummissjoni bid-data tal-ispezzjoni u d-dettalji tal-ksur.

Artikolu 11

Miżuri ta' infurzar immedjati f'każ ta' ksur serju

1. Jekk jinstab ksur serju abbord bastiment tas-sajd tal-Unjoni, l-Istat Membru tal-bandiera għandu jiżgura li, wara l-ispezzjoni, il-bastiment tas-sajd li qed itajjar il-bandiera tiegħu jieqaf mill-attivitajiet tas-sajd kollha tiegħu u għandu jinforma lill-Kummissjoni fil-waqt opportun.

2. Jekk il-bastiment tas-sajd tal-Unjoni ma jissejjaħx f'port, l-Istat Membru tal-bandiera għandu jipprovdi l-ġustifikazzjoni dovuta lill-Kummissjoni fi żmien 72 siegħa.

KAPITOLU III

IMPLIMENTAZZJONI

Artikolu 12

Programmi nazzjonali ta' azzjoni ta' kontroll

1. Il-programm ta' kontroll u spezzjoni speċifiku għandu jkun implimentat permezz ta' programmi nazzjonali ta' azzjoni ta' kontroll, kif imsemmi fl-Artikolu 46 tar-Regolament (KE) Nru 1224/2009, adottat mill-Greċja, Spanja, Franza, l-Italja, Ċipru, Malta u l-Portugall.

2. Il-programmi nazzjonali ta' azzjoni ta' kontroll għandhom ikunu stabbiliti skont l-objettivi, il-prijoritajiet, il-punti ta' referenza u l-proċeduri stabbiliti f'din id-Deċiżjoni u għandhom jinkludu d-dejta kollha elenkata fl-Anness III.

3. Il-programmi nazzjonali ta' azzjoni ta' kontroll għandhom ikunu akkumpanjati minn skedi ta' implimentazzjoni annwali li għandhom jinkludu d-dettalji rigward ir-riżorsi umani u materjali allokati u ż-żoni fejn ser ikunu użati dawk ir-riżorsi. L-iskedi tal-implimentazzjoni annwali għandhom iqisu l-punti ta' referenza stabbiliti fl-Anness.

4. Għall-istaġuni tas-sajd tal-2012 u l-2013, l-Istati Membri għandhom jippreżentaw il-programmi nazzjonali ta' azzjoni ta' kontroll u l-iskedi ta' implimentazzjoni annwali tagħhom, sal-15 ta' Settembru 2011 u 2012 rispettivament. Għandhom jagħmluhom disponibbli fuq il-parti sigura tal-websajt tagħhom sal-1 ta' Jannar 2012 u 2013.

Artikolu 13

Kooperazzjoni bejn l-Istati Membri

L-Istati Membri kollha għandhom jikkooperaw mal-Istati Membri msemmija fl-Artikolu 12(1) fl-implimentazzjoni tal-programm ta' kontroll u spezzjoni speċifiku.

Artikolu 14

Attivitajiet konġunti ta' spezzjoni u sorveljanza

Il-programmi nazzjonali ta' azzjoni ta' kontroll kollha msemmija fl-Artikolu 12 jew parti minnhom jistgħu jkunu implimentati permezz ta' pjan ta' użu konġunt adottat mill-Aġenzija Komunitarja għall-Kontroll tas-Sajd (CFCA) skont ir-Regolament (KE) Nru 768/2005.

Artikolu 15

Rapport dwar l-implimentazzjoni tal-programmi nazzjonali ta' azzjoni ta' kontroll

1. L-Istati Membri msemmija fl-Artikolu 12(1) għandhom jikkomunikaw lill-Kummissjoni u lis-CFCA rapport li jindika l-implimentazzjoni tal-programm nazzjonali ta' azzjoni ta' kontroll tagħhom imsemmi fl-Artikolu 12.

2. Għandhom ikunu kkomunikati rapporti interim fl-1 ta' Lulju u fil-15 ta' Settembru kull sena u rapport finali fil-15 ta' Diċembru tal-istess sena.

3. Dan ir-rapport għandu jinkludi l-informazzjoni li ġejja, skont it-tabella stabbilita fl-Anness II:

(a)	l-attivitajiet ta' spezzjoni u kontroll imwettqa fuq bażi ta' kull xahar;

(b)

il-ksur kollu li jinstab, u għal kull ksur għandha tkun inkluża l-identifikazzjoni ta':

(i)	il-bastiment tas-sajd (l-isem, il-bandiera u l-kodiċi ta' identifikazzjoni estern), in-nassa, ir-razzett jew l-impriża impenjata fl-ipproċessar u/jew il-kummerċ tal-prodotti tat-tonn ikkonċernati,

(ii)	id-data, il-ħin u l-lok tal-ispezzjoni,

(iii)

in-natura tal-ksur, inkluża informazzjoni dwar ksur serju jew vjolazzjonijiet imsemmija fl-Artikoli 10 u 11,

(iv)	il-qagħda preżenti rigward is-segwitu tal-ksur misjub (eż. każ pendenti, qed jiġi appellat, għadu qed jiġi investigat),

(v)	id-deskrizzjoni, f'termini speċifiċi, ta' kwalunkwe penali imposti (eż. il-livell tal-multi, il-valur tal-ħut u/jew l-irkaptu kkonfiskat, l-avviż bil-miktub mogħti), flimkien mad-dokumenti ta' sostenn,

(vi)	spjega jekk ma ttieħdet l-ebda azzjoni;

(c)	kull azzjoni rilevanti ta' koordinazzjoni u kooperazzjoni bejn l-Istati Membri.

4. Ksur għandu jkompli jkun elenkat f'kull rapport sussegwenti sakemm l-azzjoni tkun konkluża taħt il-liġi tal-Istat Membru kkonċernat.

Artikolu 16

Informazzjoni addizzjonali

L-Istat Membru għandu jipprovdi lill-Kummissjoni kull informazzjoni addizzjonali li tista' tintalab dwar l-implimentazzjoni ta' din id-Deċiżjoni.

Artikolu 17

Pjan u rapport ta' spezzjoni tal-Unjoni

1. Abbażi tad-Deċiżjoni kurrenti u tal-programmi nazzjonali ta' azzjoni ta' kontroll, u wara konsultazzjoni mal-Istati Membri, il-Kummissjoni għandha tippreżenta l-pjan ta' spezzjoni tal-Unjoni lill-Kummissjoni ICCAT xahar qabel il-laqgħa annwali tagħha skont il-punt 9 tar-Rakkomandazzjoni 10-04 tal-ICCAT.

2. Il-Kummissjoni għandha darba f'sena tlaqqa' l-Kumitat għas-Sajd u l-Akkwakultura biex jevalwa l-konformità mal-programm ta' kontroll u spezzjoni speċifiku u r-riżultati tiegħu bil-ħsieb li jitħejja r-rapport li l-Unjoni hi meħtieġa li tipprovdi lis-Segretarjat tal-ICCAT sal-15 ta' Ottubru ta' kull sena.

KAPITOLU IV

DISPOŻIZZJONIJIET FINALI

Artikolu 18

Destinatarji

Din id-Deċiżjoni hija indirizzata lill-Istati Membri.

Magħmul fi Brussell, id-29 ta’ Marzu 2011.

Għall-Kummissjoni

Maria DAMANAKI

Membru tal-Kummissjoni

(1) ĠU L 343, 22.12.2009, p. 1.

(2) ĠU L 340, 22.12.2007, p. 8.

(3) ĠU L 96, 15.4.2009, p. 1.

(4) ĠU L 80, 26.3.2009, p. 18.

(5) ĠU L 128, 21.5.2005, p. 1.

(6) ĠU L 187, 8.7.2006, p. 14.

ANNESS I

PUNTI TA' REFERENZA

Il-punti ta' referenza stabbiliti f'dan l-Anness għandhom ikunu implimentati sabiex b'mod partikolari jkun żgurat:

(a)	il-monitoraġġ sħiħ tal-operazzjonijiet tat-tqegħid fil-gaġeġ li jsir fl-ilmijiet Komunitarji;

(b)	il-monitoraġġ sħiħ tal-operazzjonijiet tat-trasferiment;

(c)	il-monitoraġġ sħiħ tal-operazzjonijiet konġunti tas-sajd;

(d)	il-kontroll tad-dokumenti kollha meħtieġa mil-leġiżlazzjoni applikabbli għat-tonn, b'mod partikolari li tkun verifikata l-affidabbiltà tal-informazzjoni rreġistrata;

Post tal-ispezzjoni	Punt ta' referenza
Attivitajiet tat-tqegħid fil-gaġeġ (inkluż il-ħsad)	Kull operazzjoni ta' tqegħid fil-gaġeġ ġewwa razzett għandha tkun awtorizzata mill-Istat Membru tal-bandiera tal-bastiment tal-qbid fi żmien 48 siegħa wara l-preżentazzjoni tal-informazzjoni meħtieġa għall-operazzjoni tat-tqegħid fil-gaġeġ; It-tqegħid kollu fil-gaġeġ għall-akkwakultura jew it-tismin tal-BFT (it-tonn) għandu jkun akkumpanjat minn dokumentazzjoni eżatta, kompluta u validata kif meħtieġ mill-ICCAT (kif previst fil-punt 84 tar-Rakkomandazzjoni 10-04 tal-ICCAT); Kull operazzjoni ta' tqegħid fil-gaġeġ u proċess ta' ħsad għandhom ikunu spezzjonati, inkluż mill-awtoritajiet rilevanti tal-port; Kull operazzjoni tat-tqegħid fil-gaġeġ għandha tiġi mmonitorjata b’vidjo kamera fl-ilma (kif ipprovdut fil-punt 86 tar-Rakkomandazzjoni 10-04 tal-ICCAT); Il-ħut għandu jitqiegħed fil-gaġeġ qabel il-31 ta' Lulju sakemm ma jkunx hemm raġuni valida skont ir-Rakkomandazzjoni 10-04 (kif previst fil-punt 83 tar-Rakkomandazzjoni 10-04 tal-ICCAT)
Spezzjoni fuq il-baħar	Punt ta' referenza, li għandu jiġi stabbilit wara analiżi dettaljata tal-attività tas-sajd f’kull żona; Il-punti ta' referenza fuq il-baħar għandhom jirreferu għall-għadd ta' jiem ta' għassa fuq il-baħar fiż-żona speċifika għall-irkupru tat-tonn u għandhom jirreferu wkoll għall-għadd ta' jiem ta' għassa b’indikazzjoni tal-istaġun tas-sajd u t-tip ta' attività tas-sajd fil-mira.
Operazzjoni ta' trasferiment	Kwalunkwe operazzjoni ta' trasferiment għandha tkun ġiet awtorizzata minn qabel mill-Istati Membri tal-bandiera abbażi ta' notifika minn qabel ta' trasferiment (previst fil-punt 75 tar-Rakkomandazzjoni 10-04 tal-ICCAT); Kull operazzjoni ta' trasferiment għandha tkun assenjata numru ta' awtorizzazzjoni (previst fil-punt 76 tar-Rakkomandazzjoni 10-04 tal-ICCAT); Trasferiment għandu jkun awtorizzat fi żmien 48 siegħa wara l-preżentazzjoni tan-notifika minn qabel ta' trasferiment (kif previst fil-punt 76 tar-Rakkomandazzjoni 10-04 tal-ICCAT); Dikjarazzjoni ta' trasferiment tal-ICCAT għandha tintbagħat lill-Istat Membru tal-bandiera fit-tmiem tal-operazzjoni ta' trasferiment (kif previst fil-punt 77 tar-Rakkomandazzjoni 10-04 tal-ICCAT); L-operazzjonijiet kollha ta' trasferiment għandhom jiġu rreġistrati fuq vidjo kamerja fl-ilma (kif previst fil-punt 79 tar-Rakkomandazzjoni 10-04 tal-ICCAT).
Trażbord	Il-bastimenti kollha għandhom ikunu spezzjonati mal-wasla qabel jibdew l-operazzjonijiet ta' trażbord, kif ukoll qabel it-tluq wara l-operazzjonijiet ta' trażbord. Għandhom isiru verifiki aleatorji f’portijiet mhux deżinjati; Dikjarazzjoni ta' trażbord għandha tintbagħat lill-Istati tal-Bandiera mhux aktar tard minn 48 siegħa wara d-data tat-trażbord fil-port (kif previst fil-punt 69 tar-Rakkomandazzjoni 10-04 tal-ICCAT).
Operazzjonijiet konġunti tas-sajd	L-operazzjonjiet konġunti kollha tas-sajd għandhom ikunu ġew awtorizzati minn qabel mill-Istati tal-bandiera; L-Istati Membri għandhom imbagħad jistabbilixxu u jżommu reġistrazzjoni tal-operazzjonijiet konġunti kollha tas-sajd awtorizzati minnhom.
Sorveljanza mill-ajru	Punt ta' referenza flessibbli, li għandu jiġi stabbilit wara analiżi dettaljata tal-attività tas-sajd imwettqa f’kull żona, filwaqt li jitqiesu r-riżorsi disponibbli għall-Istati Membri.
Ħatt l-art	Il-bastimenti kollha li jidħlu f’port speċifikat bil-għan li jħottu t-tonn l-art għandhom jiġu spezzjonati; Għandhom isiru verifiki aleatorji f’portijiet mhux deżinjati; L-awtorità rilevanti għandha tibgħat reġistrazzjoni tal-attivitajiet tal-ħatt l-art lill-awtorità tal-Istat tal-bandiera tal-bastiment tas-sajd, fi żmien 48 siegħa wara li jkun intemm il-ħatt l-art (kif previst fil-punt 68 tar-Rakkomandazzjoni 10-04 tal-ICCAT).
Kummerċjalizzazzjoni	Punt ta' referenza flessibbli, li għandu jiġi stabbilit wara analiżi dettaljata tal-attività ta' kummerċjalizzazzjoni li twettqet.
Sajd sportiv u rikreattiv	Punt ta' referenza flessibbli, li għandu jiġi stabbilit wara analiżi dettaljata tal-attivitajiet tas-sajd sportiv u rikreattiv li twettqu.
Nases	L-operazzjonijiet kollha bin-nases, inklużi t-trasferiment u l-ħsad, għandhom ikunu spezzjonati.

ANNESS II

PROĊEDURI LI GĦANDHOM IKUNU SEGWITI MILL-UFFIĊJALI

1. Kompiti ta' spezzjoni

1.1. Kompiti ġenerali ta' spezzjoni

Għandu jitħejja rapport ta' spezzjoni għal kull kontroll u spezzjoni, fil-format stabbilit fil-punt 2 ta' dan l-Anness. L-uffiċjali għandhom, fi kwalunkwe każ, jivverifikaw u jniżżlu l-informazzjoni li ġejja fir-rapport tagħhom:

(1)	id-dettalji tal-identità tal-persuni responsabbli, kif ukoll dawk tal-bastiment, il-persunal tar-razzett, eċċ. involuti fl-attivitajiet spezzjonati;

(2)	l-awtorizzazzjonijiet, il-liċenzji u l-awtorizzazzjoni tas-sajd;

(3)

id-dokumentazzjoni rilevanti dwar il-bastimenti, bħal ġurnali ta' abbord, dikjarazzjonijiet ta' trasferiment u ta' trażbord, dokumenti dwar il-qabda tat-tonn tal-ICCAT, ċertifikati tar-riesportazzjoni u dokumentazzjoni oħra eżaminati għall-finijiet ta’ kontroll u spezzjoni kif previst fir-Rakkomandazzjoni 10-04 tal-ICCAT;

(4)	osservazzjoni dettaljata tad-daqsijiet ta’ tonn maqbud, magħluq b’nases, ittrasferit, ittrażbordat, li jinħatt l-art, ittrasportat, imrobbi, ipproċessat jew ikkummerċjalizzat fil-kuntest tal-konformità mad-dispożizzjonijiet tal-pjan ta’ rkupru;

(5)	il-perċentwali tal-qabdiet inċidentali tat-tonn li jinżammu abbord il-bastimenti li ma jkunux qegħdin jistadu b’mod attiv għat-tonn.

L-informazzjoni dwar is-sejbiet rilevanti kollha mill-ispezzjoni fuq il-baħar, mis-sorveljanza mill-ajru, f’portijiet, f’nases, fi rziezet jew fi kwalunkwe impriza oħra kkonċernata għandha titniżżel fir-rapporti tal-ispezzjoni. Fil-każ ta’ spezzjoni fil-qafas tal-Iskema għal Spezzjoni Internazzjonali Konġunta tal-ICCAT, l-uffiċjal għandu jirreġistra l-ispezzjonijiet imwettqa u kwalunkwe ksur li jinduna bih fuq il-ġurnal ta’ abbord tal-bastiment.

Dawk is-sejbiet għandhom jitqabblu mal-informazzjoni li titpoġġa għad-dispożizzjoni tal-uffiċjali minn awtoritajiet kompetenti oħra, inkluża informazzjoni mis-Sistema tal-Monitoraġġ tal-Bastiment (VMS), il-listi tal-bastimenti awtorizzati, ir-rapporti tal-osservaturi, ir-reġistrazzjonijiet bil-vidjo u d-dokumenti kollha relatati mal-attivitajiet tas-sajd.

1.2. Kompiti ta’ spezzjoni għas-sorveljanza mill-ajru

L-uffiċjali għandhom jirrappurtaw dwar id-dejta tas-sorveljanza għal finijiet ta’ kontroverifika, u b’mod partikolari għandhom jivverifikaw osservazzjonijiet ta’ bastimenti tas-sajd mal-VMS u l-listi tal-bastimenti awtorizzati.

L-uffiċjali għandhom ifittxu u jirrappurtaw dwar l-attivitajiet ta’ sajd Illegali, mhux Rapportati u mhux Regolati (IUU) u dwar l-użu ta’ inġenji tal-ajru jew ħelikopters tat-tiftix.

Għandha tingħata attenzjoni partikolari għal żoni magħluqa, għall-perjodi tal-istaġuni tas-sajd u għall-attivitajiet tal-flotot li għalihom japplikaw xi derogi.

1.3. Kompiti ta’ spezzjoni fuq il-baħar

1.3.1. Kompiti ġenerali ta’ spezzjoni

Meta jittella’ ħut mejjet abbord il-bastiment tal-qbid, inkella jkun preżenti fuq bastiment tal-ipproċessar jew tat-trasport, l-uffiċjali għandhom dejjem jivverifikaw il-kwantitajiet ta’ ħut miżmuma abbord u jqabbluhom mal-kwantitajiet irreġistrati fid-dokumentazzjoni rilevanti miżmuma abbord.

Meta ħut ħaj ikun qed jiġi ttrasferit minn bastimenti tal-qbid, l-uffiċjali għandhom jaraw li jidentifikaw il-mezzi użati mill-partijiet involuti biex jistmaw il-kwantitajiet ta’ tonn ħaj trasferit. Meta tkun disponibbli reġistrazzjoni bil-vidjo, l-uffiċjali għandhom jingħataw aċċess għaliha u jivverifikaw il-kwantitajiet trasferiti, kif osservat fir-reġistrazzjoni bil-vidjo.

Se jsiru għadd ta’ spezzjonijiet ta’ fuq “il-post” minn spetturi bugħaddasa tal-UE / Stat Membru ġewwa l-gaġeġ tal-irmunkar biex jivverifikaw li l-għadd u l-piż stmat maqbud u ttrasferiet jikkorispondi ma’ dak fid-dikjarazzjoni ta’ trasferiment tal-ICCAT abbord il-bastimenti tal-irmonk.

L-uffiċjali għandhom jivverifikaw sistematikament:

(1)	li l-bastimenti tas-sajd huma awtorizzati joperaw (il-markar, l-identità, il-liċenzja, l-awtorizzazjoni tas-sajd u l-listi tal-ICCAT);

(2)	il-konformità mar-rekwiżiti tad-dokumentazzjoni tal-bastiment;

(3)	li l-bastimenti tas-sajd ikunu mgħammra b’Sistema tal-Monitoraġġ tal-Bastiment (VMS) li tkun operattiva u li jkunu rispettati r-rekwiżiti dwar il-komunikazzjoni VMS;

(4)	li l-bastimenti tas-sajd mhumiex joperaw f’żoni magħluqa u qed jirrispettaw l-għeluq tal-istaġun tas-sajd;

(5)	ir-rispett tal-limitazzjonijiet tal-kwoti u tal-qabdiet inċidentali;

(6)	il-kompożizzjoni tal-qabdiet f’termini tad-daqs tat-tonn abbord;

(7)	il-kwantitajiet fiżiċi ta’ tonn abbord u l-preżentazzjoni tagħhom;

(8)	l-irkaptu tas-sajd abbord;

(9)	il-preżenza ta’ osservatur fejn rilevanti.

L-uffiċjali għandhom ifittxu u jirrappurtaw dwar attivitajiet ta’ sajd IUU, u dwar l-użu ta’ inġenji tal-ajru jew ħelikopters ta’ tiftix.

1.3.2. Kompiti ta’ spezzjoni waqt operazzjonijiet ta’ trasferiment

L-uffiċjali għandhom jivverifikaw sistematikament:

(1)	il-konformità mar-rekwiżiti tan-notifika minn qabel ta’ trasferiment;

(2)	li l-Istat tal-bandiera jkun assenja u kkomunika lill-kaptan tal-bastiment tas-sajd, jew nassa jew razzett kif xieraq, numru ta’ awtorizzazzjoni għal kull operazzjoni ta’ trasferiment fi żmien 48 siegħa wara l-preżentazzjoni ta’ notifika minn qabel ta’ trasferiment;

(3)	konformità mar-rekwiżiti ta’ dikjarazzjoni ta’ trasferiment tal-ICCAT;

(4)	li d-dikjarazzjoni ta’ trasferiment kienet iffirmata mill-osservatur reġjonali tal-ICCAT abbord u mibgħuta lill-kaptan tal-bastiment tal-irmonk;

(5)	konformità mar-rekwiżiti ta’ reġistrazzjoni bil-vidjo.

1.3.3. Kompiti ta’ spezzjoni waqt operazzjonijiet konġunti tas-sajd

L-uffiċjali għandhom jivverifikaw sistematikament:

(1)	konformità mar-rekwiżiti għall-operazzjonijiet konġunti tas-sajd rigward l-informazzjoni li għandha tkun irrappurtata fil-ġurnal ta’ abbord tas-sajd;

(2)	li l-awtorizzazzjoni għal operazzjoni konġunta tas-sajd tkun twasslet lill-bastimenti tas-sajd mill-awtoritajiet tal-Istati tal-bandiera bl-użu tal-mudell stabbilit fl-Anness V għar-Regolament Nru 302/2009;

(3)	il-preżenza ta’ osservatur matul l-operazzjoni konġunta tas-sajd.

1.4. Kompiti ta’ spezzjoni mal-ħatt l-art

L-uffiċjali għandhom jivverifikaw sistematikament:

(1)	li l-bastimenti tas-sajd ikunu awtorizzati joperaw (il-markar, l-identità, il-liċenzja, l-awtorizzazzjoni tas-sajd u l-listi tal-ICCAT, jekk rilevanti);

(2)	li n-notifika minn qabel tal-wasla għall-ħatt l-art tkun intbagħtet mill-awtoritajiet kompetenti;

(3)	li l-awtorità rilevanti tkun bagħtet reġistrazzjoni tal-ħatt l-art lill-awtorità tal-Istat tal-bandiera tal-bastiment tas-sajd, fi żmien 48 siegħa wara li jkun intemm il-ħatt l-art;

(4)	li l-bastimenti tas-sajd ikunu mgħammra b’Sistema tal-Monitoraġġ tal-Bastiment (VMS) operattiva u li jkunu rispettati r-rekwiżiti dwar il-komunikazzjoni VMS;

(5)	konformità mar-rekwiżiti tad-dokumentazzjoni tal-bastiment;

(6)	il-kwantitajiet fiżiċi ta’ tonn abbord, u l-preżentazzjoni tagħhom;

(7)	il-kompożizzjoni totali tal-qabdiet tat-tonn abbord sabiex ikunu vverifikati r-regoli dwar il-qbid inċidentali;

(8)	il-kompożizzjoni tal-qabdiet f’termini ta’ daqs ta’ tonn abbord sabiex ikunu vverifikati r-regoli dwar id-daqs minimu;

(9)	l-irkaptu tas-sajd abbord;

(10)	fil-każ ta’ ħatt l-art ta’ prodotti pproċessati, l-użu tal-fatturi ta’ konverżjoni tal-ICCAT biex jiġi kkalkolat il-piż gross ekwivalenti tat-tonn ipproċessat;

(11)	li t-tonn offrut għall-bejgħ bl-imnut lill-konsumatur finali, mill-bastimenti tas-sajd fil-Lvant tal-Atlantiku u l-Mediterran, ikun immarkat jew ittikkettat b’mod korrett;

(12)	li t-tonn li jinħatt l-art mid-dgħajjes tas-sajd, bastimenti li jistadu bil-konz, dgħajjes bil-qasba jew għat-trejjix fil-Lvant tal-Atlantiku u l-Mediterran jkunu mmarkati b’mod korrett minn denbhom.

1.5. Kompiti ta’ spezzjoni matul it-trażbord

L-uffiċjali għandhom jivverifikaw sistematikament:

(1)	li l-bastimenti tas-sajd huma awtorizzati joperaw (il-markar, l-identità, il-liċenzja, l-awtorizzazzjoni tas-sajd u l-listi tal-ICCAT);

(2)	li n-notifika minn qabel tal-wasla fil-port tkun intbagħtet u kien fiha l-informazzjoni korretta dwar it-trażbord;

(3)	li l-bastimenti tas-sajd tat-trażbord li jixtiequ jittrażbordaw ikunu rċevew awtorizzazzjoni minn qabel mill-Istat tal-bandiera tagħhom;

(4)	li l-kwantitajiet notifikati minn qabel għat-trażbord huma vverifikati;

(5)	li ntbagħtet dikjarazzjoni tat-trażbord lill-Istati tal-bandiera sa mhux aktar tard minn 48 siegħa wara d-data tat-trażbord fil-port;

(6)	li d-dokumentazzjoni rilevanti tkun abbord u mimlija kif suppost, fosthom id-dikjarazzjoni tat-trażbord, id-dokumenti rilevanti tal-qbid tat-tonn tal-ICCAT u ċ-ċertifikat tar-riesportazzjoni;

(7)	fil-każ ta’ prodotti pproċessati, l-użu tal-fatturi ta’ konverżjoni tal-ICCAT biex jiġi kkalkolat il-piż gross ekwivalenti tat-tonn ipproċessat.

1.6. Kompiti ta’ spezzjoni fuq stallazzjonijiet tal-irziezet

L-uffiċjali għandhom jivverifikaw sistematikament:

(1)	li d-dokumentazzjoni hija preżenti u mimlija u rrapurtata kif suppost (id-dokumenti tal-qbid tat-tonn u ċ-ċertifikat tar-riesportazzjoni, id-dikjarazzjoni ta’ trasferiment, dikjarazzjoni ta’ trażbord);

(2)	li l-operazzjoni tat-tqegħid fil-gaġeġ kienet awtorizzata minn qabel mill-awtoritajiet tal-Istat tal-bandiera tal-bastiment tal-qbid;

(3)	li osservatur reġjonali tal-ICCAT kien preżenti matul it-trasferimenti u l-attivitajiet ta’ ħsad tat-tonn kollha, u vvalida d-dikjarazzjonijiet tat-tqegħid fil-gaġeġ;

(4)	li l-attivitajiet kollha tat-trasferimenti mill-gaġeġ għar-razzett ġew immonitorjati minn vidjo kamera fl-ilma;

(5)	li l-Istat tar-razzett mhux se jaċċetta t-tqegħid fil-gaġeġ tat-tonn fejn il-kwantità bil-għadd u/jew piż hija aktar minn dik awtoritzzata biex titqiegħed fil-gaġġa mill-Istat tal-bandiera.

Se jsiru għadd ta’ spezzjonijiet ta’ fuq “il-post” minn spetturi bugħaddasa tal-Istat Membru fil-gaġeġ tar-razzett biex jikkonfermaw il-kwantitajiet ta’ ħut fil-gaġeġ. Dan għandu jsir minn bugħaddasa li fi Stat Membru wieħed ikunu qed jagħmlu użu wkoll minn kamera sterjoskopika.

1.7. Kompiti ta’ spezzjoni marbuta mat-trasport u l-kummerċjalizzazzjoni

L-uffiċjali għandhom jivverifikaw sistematikament:

(1)	fir-rigward tat-trasport, b’mod partikolari d-dokumenti relatati rilevanti u jivverifikawhom mal-kwantitajiet fiżiċi ttrasportati;

(2)	fir-rigward tal-kummerċjalizzazzjoni, li d-dokumentazzjoni rilevanti tkun preżenti u mimlija kif suppost, inklużi d-dokumenti rilevanti tal-qbid tat-tonn u ċ-ċertifikati tar-riesportazzjoni.

2. Rapport tal-ispezzjoni

Għall-ispezzjonijiet imwettqa fil-qafas tal-Iskema għal Spezzjoni Internazzjonali Konġunta tal-ICCAT, l-uffiċjali għandhom jużaw il-mudell fl-Appendiċi 1 ta’ dan l-Anness.

Għall-ispezzjonijiet l-oħra, l-uffiċjali għandhom jużaw il-mudell tar-rapporti nazzjonali tagħhom sakemm jidħlu fis-seħħ ir-regoli li jimplimentaw l-Artikolu 76 tar-Regolament (KE) Nru 1224/2009.

Appendiċi 1

RAPPORT TA’ SPEZZJONI TAL-ICCAT Nru …

Test ta 'immaġni

Test ta 'immaġni

KSUR SERJU OSSERVAT

Test ta 'immaġni

Isem tal-bastiment: …

Bandiera tal-bastiment: …

Numru tal-ICCAT: …

sajd mingħajr liċenzja, permess jew awtorizzazzjoni maħruġa mill-bandiera CPC,

nuqqas li jinżammu reġistri suffiċjenti ta’ dejta tal-qbid jew relatata mal-qbid b’mod konformi mar-rekwiżiti ta’ rappurtar tal-Kummissjoni jew rappurtar żbaljat sinifikanti ta’ tali dejta tal-qbid u/jew relatata mal-qbid;

sajd f’żona magħluqa;

sajd matul staġun magħluq;

teħid jew żamma intenzjonali ta’ speċijiet bi ksur ta’ kwalunkwe miżura applikabbli ta’ konservazzjoni u ġestjoni adottata mill-ICCAT;

ksur sinifikanti ta’ limiti jew kwoti ta’ qbid fis-seħħ skont ir-regoli tal-ICCAT;

użu ta’ rkaptu tas-sajd ipprojbit;

falsifikazzjoni jew ħabi intenzjonali tal-marki, l-identità jew ir-reġistrazzjoni ta’ bastiment tas-sajd;

ħabi, tbagħbis jew rimi ta’ evidenza relatata ma’ investigazzjoni ta’ vjolazzjoni;

ksur multiplu li meta jittieħed flimkien jikkostitwixxi nuqqas serju ta’ osservanza ta’ miżuri fis-seħħ skont l-ICCAT;

kull vjolazzjoni oħra li tista’ tiġi stabbilita mill-ICCAT, ladarba dawn jiġu inklużi u ċċirkolati f’verżjoni rriveduta ta’ dawn il-proċeduri;

attakk, reżistenza, intimidazzjoni, fastidju sesswali, interferenza ma’, jew tfixil jew dewmien żejjed kontra spettur jew osservatur awtorizzat;

tbagħbis intenzjonali jew diżattivazzjoni tas-sistema ta’ monitoraġġ tal-bastiment;

sajd bl-assistenza ta’ ajruplani tat-tfittix;

interferenza mas-sistema ta’ monitoraġġ tas-satellita u/jew operat mingħajr sistema VMS;

attività ta’ trasferiment mingħajr dikjarazzjoni tat-trasferiment;

trażbord fuq il-baħar.

Firma tal-ispettur …

Firma tax-xhud …

Data …

ANNESS III

Kontenut tal-programmi nazzjonali ta’ azzjoni ta’ kontroll kif imsemmi fl-artikolu 12

Il-programmi nazzjonali ta'; azzjoni ta'; kontroll għandhom jispeċifikaw dan li ġej:

1. MEZZI TA’ KONTROLL

1. Mezzi umani

L-għadd ta'; uffiċjali ibbażati fuq l-art u dawk li jbaħħru u l-perjodi u ż-żoni fejn dawn huma disponibbli biex jiġu mħaddma.

2. Mezzi tekniċi

L-għadd ta'; bastimenti u inġenji tal-ajru tar-ronda, u l-perjodi u ż-żoni fejn dawn huma disponibbli biex jiġu mħaddma.

3. Mezzi finanzjarji

L-allokazzjoni baġitarja għall-użu tar-riżorsi umani u tal-bastimenti u l-inġenji tal-ajru tar-ronda.

2. NOMINA TA’ PORTIJIET

Il-lista tal-portijiet deżinjati u l-ħinijiet deżinjati meħtieġa taħt ir-Rakkomandazzjoni 10-04 tal-ICCAT.

3. PJANIJIET ANNWALI TAS-SAJD

Id-dettalji ta'; kwalunkwe sistema stabbilita għall-allokazzjoni tal-kwoti, il-monitoraġġ u l-kontroll tal-pjan tas-sajd.

4. PROTOKOLLI TA’ SPEZZJONI

Protokolli dettaljati li jispjegaw il-metodoloġija għall-attivitajiet kollha ta'; spezzjoni.

Il-protokolli għandhom iqisu r-rekwiżiti kif stipulati fl-Artikolu 12 ta'; din id-Deċiżjoni.

L-Istati Membri għandhom jiżguraw ukoll li l-punti li ġejjin ikunu inklużi fl-attivitajiet tagħhom ta'; spezzjoni:

1. Il-qabdiet:

(a)	Il-kwantità (l-istima tal-bijomassa) u l-għadd preċiż ta'; kampjuni, –

(b)	Il-verifika li l-kwantitajiet tal-qabda jirrispettaw l-allokazzjoni tal-kwoti,

(c)	Il-verifika tar-rekwiżiti tad-daqs minimu, b’tolleranza ta'; % fin-numri.

2. It-trasferiment:

(a)	L-awtorizzazzjoni minn qabel għal trasferimenti f’gaġġa tal-irmunkar u gaġeġ tal-irziezet,

(b)	Il-kwantità eżatta u l-għadd ta'; ħut trasferit f’gaġġa tal-irmunkar,

(c)	Il-mortalità waqt l-operazzjoni tal-irmunkar u d-destinazzjoni tal-ħut mejjet.

3. Ir-razzett:

(a)	Il-konferma tal-leġittimità tal-qabda kif ukoll awtorizzazzjoni minn qabel mill-Istat Membru tal-bandiera,

(b)	IL-kwantità eżatta u l-għadd ta'; ħut trasferit fil-gaġeġ għat-tismin,

(c)	Il-programm tat-teħid ta'; kampjuni/tat-tikkettar biex jiġi stmat l-akkwist fil-piż.

4. Il-ħsad u l-esportazzjoni:

(a)	Il-kwantità eżatta u l-għadd ta'; ħut li nħasad,

(b)	Il-kopertura mill-Programm għal Osservatur Reġjonali tal-ICCAT,

(c)	Il-kwantità eżatta skont it-tip tal-prodott (li tindika b’mod ċar il-fatturi ta'; konverżjoni).

5. LINJI GWIDA

Linji gwida ta'; spjega għall-uffiċjali, l-organizzazzjonijiet tal-produtturi u s-sajjieda.

6. PROTOKOLLI TA’ KOMUNIKAZZJONI

Protokolli ta'; komunikazzjoni mal-awtoritajiet kompetenti magħżula minn Stati Membri oħra bħala li huma responsabbli għall-programm ta'; kontroll u spezzjoni speċifiku għat-tonn.

ANNESS IV

Qagħda ta’ kull xahar tal-programm nazzjonali ta’ azzjoni ta’ Kontroll tat-Tonn

Rappurtar minn:
Stat Membru							Xahar		Sena

TAQSIMA A

Sommarju tal-ispezzjonijiet

		Bastimenti tas-sajd bil-purse seine	Bastimenti tas-sajd bil-konz	Dgħajjes bil-lixka	Bastimenti tas-sajd bit-tkarkir	Bastimenti tal-irmunkar	Bastimenti oħrajn	Nassa	Razzett	Operaturi oħrajn
Jannar	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Frar	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Marzu	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
April	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Mejju	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Ġunju	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Lulju	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Awwissu	Spezzjonijiet (total skont l-irkaptu)
	fuq il-baħar
	fuq l-art
	ksur (total għall-irkaptu)
Settembru	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Ottubru	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Novembru	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
Diċembru	Spezzjonijiet (total skont l-irkaptu)
	fuq il-baħar
	fuq l-art
	ksur (total skont l-irkaptu)
OSSERVAZZJONIJIET

TAQSIMA B

Deskrizzjoni tal-ksur

Data	Tip ta’ kontroll	Żona	Nru tar-rapport tal-ispezzjoni	Bandiera	Nru tal-ICCAT (jew CFR)	Isem	Rkaptu	PNC u SV	Deskrizzjoni	Azzjoni meħuda? IVA/LE	Deskrizzjoni tal-azzjoni	Stat preżenti	Tul mistenni tal-investigazzjoni	Ġustifikazzjoni għan-nuqqas ta’ teħid ta’ azzjoni	Kummenti
(1)	(2)	(3)	(4)	(5)	(6)	(7)	(8)	(9)	(10)	(11)	(12)	(13)	(14)	(15)	(16)

SPJEGAZZJONI (għat-Taqsima B)

Nru	qasam	deskrizzjoni
1	DATA	Data li fiha saret l-ispezzjoni
2	TIP TA’ KONTROLL	S-baħar P-port F-razzett T-nassa O-oħrajn
3	ŻONA	Għal “S” indika l-koordinati. Għal “P, F, T jew O” indika ż-żona jew l-isem tal-port.
4	NRU TAR-RAPPORT TAL-ISPEZZJONI	Numru tar-rapport tal-ispezzjoni tal-ICCAT (jew nazzjonali)
5	BANDIERA	Bandiera tal-bastiment/operatur spezzjonat
6	NRU tal-ICCAT (jew CFR)	Numru tal-ICCAT jew numru tar-Reġistrazzjoni tal-Flotta tal-Unjoni tal-bastiment/operatur spezzjonat
7	ISEM	L-isem tal-bastiment/operatur spezzjonat
8	RKAPTU	Rkaptu prinċipali użat mill-bastiment/operatur fil-mument tal-ispezzjoni
9	PNC u SV	Possibbiltà ta’ Nuqqas ta’ Konformità (PNC) u Ksur Serju (SV) indika r-referenza legali (il-leġiżlazzjoni tal-UE u/jew ir-Rakkomandazzjoni tal-ICCAT)
10	DESKRIZZJONI	Deskrizzjoni ta’ possibbiltà ta’ nuqqas ta’ konformità u/jew ta’ ksur serju
11	AZZJONI MEĦUDA? IVA/LE	Jekk IVA imla l-kaxxi 12-17, jekk LE, għaddi għan-numru 16
12	DESKRIZZJONI TAL-AZZJONI	(multa/penali/sekwestru/…)
13	STAT PREŻENTI	Pendenti/magħluq/qed jiġi investigat/eċċ
14	TUL MISTENNI TAL-INVESTIGAZZJONI	Tul mistenni tal-investigazzjoni u/jew tal-proċess
15	ĠUSTIFIKAZZJONI GĦAN-NUQQAS TA’ TEĦID TA’ AZZJONI	Ġustifikazzjoni sħiħa fil-każ li ma tkun ittieħdet l-ebda azzjoni
16	KUMMENTI	Kummenti ġenerali

		ISSN 1725-5104 doi:10.3000/17255104.L_2011.087.mlt
Il-Ġurnal Uffiċjali tal-Unjoni Ewropea		L 87

Edizzjoni bil-Malti	Leġiżlazzjoni	Volum 54 2 ta' April 2011

Werrej		II Atti mhux leġiżlattivi	Paġna
		REGOLAMENTI
	*	Regolament ta’ Implimentazzjoni tal-Kummissjoni (UE) Nru 321/2011 tal-1 ta’ April 2011 li jemenda r-Regolament (UE) Nru 10/2011 fir-rigward tar-restrizzjoni tal-użu ta’ Bisfenol A fil-fliexken tal-plastik għat-tisqija tat-trabi ( 1 )	1
	*	Regolament tal-Kummissjoni (UE) Nru 322/2011 tal-31 ta’ Marzu 2011 li jistabbilixxi projbizzjoni tas-sajd għall-petriċi fiż-żoni VIIIc, IX u X; l-ilmijiet tal-UE ta’ CECAF 34.1.1 minn bastimenti li jtajru l-bandiera ta’ Franza	3
	*	Regolament tal-Kummissjoni (UE) Nru 323/2011 tal-31 ta’ Marzu 2011 li jistabbilixxi projbizzjoni għas-sajd tal-klieb il-baħar tal-baħar fond fl-ilmijiet tal-UE u dawk internazzjonali taż-żoni V, VI, VII, VIII u IX minn bastimenti li jtajru l-bandiera ta’ Franza	5
		Regolament ta’ Implimentazzjoni tal-Kummissjoni (UE) Nru 324/2011 tal-1 ta’ April 2011 li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix	7
		DEĊIŻJONIJIET
		2011/207/UE
	*	Deċiżjoni tal-Kummissjoni tad-29 ta' Marzu 2011 li tistabbilixxi programm speċifiku ta' kontroll u spezzjoni marbut mal-irkupru tat-tonn fil-Lvant tal-Atlantiku u fil-Mediterran (notifikata bid-dokument numru C(2011) 1984)	9
		2011/208/UE
	*	Deċiżjoni ta' Implimentazzjoni tal-Kummissjoni tal-1 ta' April 2011 dwar kontribuzzjoni finanzjarja mill-Unjoni għal miżuri ta' emerġenza fil-ġlieda kontra l-marda ta' Newcastle fi Spanja fl-2009 (notifikata bid-dokument numru C(2011) 2062)	29

	Rettifika
*	Rettifika għad-Deċiżjoni tal-Kunsill 2011/137/PESK tat-28 ta' Frar 2011 dwar miżuri restrittivi fid-dawl tas-sitwazzjoni fil-Libja ( ĠU L 58, 3.3.2011 )	31
*	Rettifika għar-Regolament tal-Kunsill (UE) Nru 204/2010 tat-2 ta' Marzu 2011 dwar miżuri restrittivi fid-dawl tas-sitwazzjoni fil-Libja ( ĠU L 58, 3.3.2011 )	31

Nru	1/T&Q
Stat Membru	Franza
Stokk	ANF/8C3411
Speċi	Petriċa (Lophiidae)
Żona	Iż-żoni VIIIc, IX u X l-ilmijiet tal-UE ta’ CECAF 34.1.1
Data	it-13 ta' Jannar 2011

Nru	2/DSS
Stat Membru	Franza
Stokk	DWS/56789-
Speċi	Klieb il-baħar tal-baħar fond
Żona	L-ilmijiet tal-UE u dawk internazzjonali taż-żoni V, VI, VII, VIII u IX
Data	it-13 ta' Jannar 2011.

(EUR/100 kg)
Kodiċi NM	Kodiċi tal-pajjiż terz (1)	Valur fiss tal-importazzjoni
0702 00 00	IL	61,9
	JO	68,6
	MA	51,3
	TN	97,4
	TR	81,6
	ZZ	72,2
0707 00 05	EG	158,2
	TR	138,5
	ZZ	148,4
0709 90 70	MA	38,5
	TR	107,6
	ZA	28,9
	ZZ	58,3
0805 10 20	EG	60,0
	IL	79,6
	MA	53,3
	TN	54,3
	TR	74,8
	US	49,1
	ZZ	61,9
0805 50 10	TR	51,0
0805 50 10	ZZ	51,0
0808 10 80	AR	80,3
	BR	81,6
	CA	87,6
	CL	89,3
	CN	104,7
	MK	50,2
	US	122,6
	UY	70,6
	ZA	77,7
	ZZ	85,0
0808 20 50	AR	89,1
	CL	88,3
	CN	64,2
	ZA	99,1
	ZZ	85,2


	(1) Test b’relevanza għaż-ŻEE