26.1.2011   

MT

Il-Ġurnal Uffiċjali tal-Unjoni Ewropea

L 22/1

(1)

Il-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tas-Serba, min-naħa l-oħra (minn hawn ’il quddiem imsejjaħ “il-Ftehim ta’ Stabbilizzazzjoni u Assoċjazzjoni”), iffirmat fid-29 ta’ April 2008, jinsab fil-proċess ta’ ratifika.

(2)

Il-Ftehim Interim dwar il-kummerċ u materji relatati mal-kummerċ bejn il-Komunità Ewropea, minn naħa waħda, u r Repubblika tas-Serbja min-naħa l-oħra (2) (minn hawn ’il quddiem imsejjaħ il-“Ftehim Interim”), approvat bid-Deċiżjoni tal-Kunsill 2010/36/KE (3) tad-29 ta’ April 2008, jistipula l-implimentazzjoni bikrija tad-dispożizzjonijiet tal-Ftehim ta’ Stabbilizzazzjoni u Assoċjazzjoni dwar il-kummerċ u l-materji relatati mal-kummerċ.

(3)

Il-Ftehim Interim u l-Ftehim ta’ Stabbilizzazzjoni u Assoċjazzjoni jistipulaw li l-inbejjed li joriġinaw fis-Serbja jistgħu jiġu importati fl-Unjoni Ewropea, fil-limiti tal-kwoti tariffarji tal-Unjoni, u bil-kondizzjoni li l-ebda sussidji fuq l-esportazzjoni ma għandhom jitħallsu għall-esportazzjonijiet ta’ dawn il-kwantitajiet mis-Serbja, b’rata ta’ dazju żero.

(4)

Il-Kummissjoni għandha tadotta miżuri ta’ implimentazzjoni għall-ftuħ u l-amministrazzjoni ta’ dawk il-kwoti tariffarji tal-Unjoni.

(5)

Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi il-Kodiċi Doganali Komunitarju (4), stabbilixxa r-regoli amministrattivi għall-kwoti tariffarji mfassla biex jintużaw skont l-ordni kronoloġika tad-dati tal-approvazzjoni tad-dikjarazzjonijiet doganali.

(6)

Għandha tingħata attenzjoni partikolari biex ikun żgurat li l-importaturi kollha tal-Unjoni jkollhom aċċess ugwali u kontinwu għall-kwoti tariffarji u li jkun applikat bla waqfien id-dazju b’rata żero għall-importazzjonijiet kollha tal-prodotti konċernati fl-Istati Membri sakemm il-kwoti huma eżawriti. Sabiex tkun żgurata l-effiċjenza ta’ amministrazzjoni komuni għal dawk il-kwoti, ma għandhiex tkun ostakolata l-awtorizzazzjoni lill-Istati Membri biex dawn jiġbdu l-kwantitajiet neċessarji mill-volumi tal-kwoti u li jikkorispondu għall-importazzjonijiet attwali. Il-Komunikazzjoni bejn l-Istati Membri u l-Kummissjoni, safejn ikun possibbli għandha ssir permezz tat-trażmissjoni elettronika.

(7)

Dan ir-Regolament għandu japplika mill-1 ta’ Frar 2010, id-data tad-dħul fis-seħħ tal-Ftehim Interim u għandu jkompli japplika wara d-data tad-dħul fis-seħħ tal-Ftehim ta’ Stabbilizzazzjoni u Assoċjazzjoni.

(8)

Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni għas-Swieq Agrikoli,

(a)

L-inbejjed importati għandhom ikunu akkumpanjati minn prova tal-oriġini kif stipulat fil-Protokoll 2 tal-Ftehim Interim u tal-Ftehim ta’ Stabbilizzazzjoni u Assoċjazzjoni;

(b)

l-inbejjed importati ma għandhomx jibbenefikaw minn sussidji fuq l-esportazzjoni

26.1.2011   

MT

Il-Ġurnal Uffiċjali tal-Unjoni Ewropea

L 22/4

26.1.2011   

MT

Il-Ġurnal Uffiċjali tal-Unjoni Ewropea

L 22/6

(1)

L-Artikolu 7(1) tad-Direttiva 89/686/KEE dwar l-approssimazzjoni tal-liġijiet tal-Istati Membri rigward l-apparat personali protettiv (APP) jistipula li fejn Stat Membru jiżgura li apparat personali protettiv bil-marka CE u li hu użat skont l-iskop maħsub tiegħu jista’ jikkomprometti s-sikurezza tal-persuni, tal-annimali domestiċi jew tal-proprjetà, huwa għandu jieħu l-miżuri kollha meħtieġa biex ineħħi mis-suq dan l-apparat personali protettiv, u jipprojbixxi t-tqegħid tiegħu fis-suq jew il-moviment liberu tiegħu.

(2)

Skont l-Artikolu 7(2) tad-Direttiva, il-Kummissjoni, wara li tikkonsulta mal-partijiet ikkonċernati, hija mistennija li tiddikjara jekk issibx din il-miżura ġġustifikata jew le. Jekk il-miżura tinstab li hija ġġustifikata, il-Kummissjoni għandha tinforma lill-Istati Membri biex dawn ikunu jistgħu jieħdu l-miżuri xierqa kollha fir-rigward tal-apparat ikkonċernat, b’konformità mal-obbligi tagħhom skont l-Artikolu 2(1).

(3)

Fil-25 ta’ Awwissu 2008, l-awtoritajiet tar-Renju Unit innotifikaw lill-Kummissjoni Ewropea b’miżura li tipprojbixxi t-tqegħid fis-suq tal-ħwejjeġ protettivi ta’ dawk imħarrġa fl-isport tal-iżgirma, ġakketta u qalziet qasir li jasal u jintrabat taħt l-irkoppa (breeches) tat-tip Jiang 350N, manifatturati minn Wuxi Husheng Sports Goods Plant, Donghu Industrial District, Donghutang, WuXi 214196, iċ-Ċina u importati minn Liam Patterson Associates LLP t/a Jiang-UK, 9 Spencer Road, Buxton, Derbyshire, ir-Renju Unit.

(4)

Skont id-dokumenti ppreżentati lill-Kummissjoni Ewropea, dawn il-ħwejjeġ protettivi għall-isport tal-iżgirma kienu soġġetti għal “Ċertifikat ta’ Konformità” bid-data Ottubru 2005, ċertifikat Nru C0508M29HS11 maħruġ minn Ente Certificazione Macchine (Numru tal-Korp Innotifikat 1282).

(5)

L-awtoritajiet tar-Renju Unit indikaw li d-deċiżjoni tagħhom kienet imsejsa fuq il-fatt li l-prodotti kkonċernati naqsu milli jkunu konformi mal-ħtiġiet bażiċi ta’ saħħa u sikurezza (BHSR) li hemm imsemmija fl-Artikolu 3 tad-Direttiva 89/686/KEE minħabba applikazzjoni żbaljata tal-istandards imsemmija fl-Artikolu 5 tad-Direttiva. B’mod partikolari, l-awtoritajiet tar-Renju Unit indikaw li l-ħwejjeġ protettivi għal nies imħarrġa fl-isport tal-iżgirma ma kellhomx il-livell ta’ reżistenza għall-penetrazzjoni meħtieġ mill-istandard EN 13567:2002 – Ħwejjeġ protettivi – protetturi tal-idejn, tad-dirgħajn, tal-addome, tas-saqajn, tal-ġenitali u tal-wiċċ għal nies imħarrġa fl-isport tal-iżgirma – Ħtiġijiet u metodi tat-testijiet. Id-deċiżjoni tar-Renju Unit kienet appoġġjata minn rapport ta’ test.

(6)

Fis-17 ta’ Lulju 2009, il-Kummissjoni kitbet lill-impurtatur u stednitu biex jikkomunika l-osservazzjonijiet tiegħu dwar il-miżura meħuda mill-awtoritajiet tar-Renju Unit. Sa issa, ma waslet l-ebda risposta.

(7)

Fis-17 ta’ Lulju 2009, il-Kummissjoni kitbet ukoll lil Ente Certificazione Macchine u stiednet lil dan il-Korp biex jikkomunika l-osservazzjonijiet tiegħu dwar il-miżura meħuda mill-awtoritajiet tar-Renju Unit u, b’mod partikolari, biex jiċċara jekk ħariġx iċ-ċertifikat Nru C0508M29HS11 għall-prodotti inkwistjoni. Sa issa, ma waslet l-ebda risposta.

(8)

Il-Kummissjoni tfakkar li l-ħwejjeġ protettivi għal nies imħarrġa fl-isport tal-iżgirma għandhom ikunu konformi mal-BHSR stabbiliti fit-Taqsima 3.1.1 tal-Anness II tad-Direttiva 89/686/KEE dwar il-protezzjoni kontra l-oġġetti penetranti. Dan ir-rekwiżit huwa appoġġjat mill-ispeċifikazzjonijiet tal-klawsoli minn 4.6 sa 4.8 tal-istandard armonizzat relevanti EN 13567 u mill-ispeċifikazzjonijiet għat-testijiet tal-penetrazzjoni stabbiliti fil-klawsola 5.10 tal-istandard.

Il-Kummissjoni tfakkar ukoll li l-ħwejjeġ protettivi għal nies imħarrġa fl-isport tal-iżgirma huma soġġetti għall-proċedura tal-istima tal-konformità stabbilita fl-Artikolu 10 tad-Direttiva 89/686/KEE (eżami tat-tip KE minn Korp Innotifikat). Il-Kummissjoni tinnota li Ente Certificazione Macchine huwa Korp Innotifikat (numru ta’ identifikazzjoni 1282) għad-Direttiva 2006/42/KE tal-Parlament Ewropew u tal-Kunsill tas-17 ta’ Mejju 2006 dwar il-makkinarju (2) u mhux għad-Direttiva tal-APP. Konsegwentement, dak il-Korp ma għandux id-dritt biex jesegwixxi l-proċedura tal-eżami tat-tip KE għall-APP. Ir-referenza minn Ente Certificazione Macchine għan-numru ta’ identifikazzjoni attribwit mill-Kummissjoni fuq “ċertifikat ta’ konformità” għall-APP hija għalhekk qarrieqa.

(9)

Fit-8 ta’ April 2010, il-Kummissjoni kkuntattjat lill-Awtoritajiet Taljani sabiex tiċċara għalfejn Ente Certificazione Macchine ħareġ iċ-ċertifikat inkwistjoni u talbet lill-Awtoritajiet Taljani biex jieħdu l-miżuri neċessarji biex jintemm l-użu ħażin tan-numru ta’ identifikazzjoni attribwit lil Ente Certificazione Macchine mill-Kummissjoni.

(10)

Fir-risposta tagħhom tat-23 ta’ Ġunju 2010, l-Awtoritajiet Taljani kkonfermaw li Ente Certificazione Macchine uża ħażin in-numru ta’ identifikazzjoni tiegħu u infurmaw lill-Kummissjoni li l-Korp ġie mitlub jieqaf milli jkompli joħroġ ċertifikati bħal dawn u biex jinforma lill-awtorità dwar xi ċertifikati simili li nħarġu.

(11)

Fid-dawl tad-dokumentazzjoni disponibbli, u tal-kummenti tal-partijiet ikkonċernati l-Kummissjoni tikkonsidra li l-Awtoritajiet tar-Renju Unit urew li l-ħwejjeġ protettivi għal nies imħarrġa fl-isport tal-iżgirma, ġakketta u qalziet qasir li jasal u jintrabat taħt l-irkoppa (breeches) tat-tip Jiang 350N, jonqsu milli jkunu konformi mal-BHSR applikabbli tad-Direttiva 89/686/KEE u li dan in-nuqqas ta’ konformità jagħti lok għal riskju serju għall-utenti.

26.1.2011   

MT

Il-Ġurnal Uffiċjali tal-Unjoni Ewropea

L 22/8