ISSN 1725-5104 doi:10.3000/17255104.L_2011.001.mlt |
||
Il-Ġurnal Uffiċjali tal-Unjoni Ewropea |
L 1 |
|
Edizzjoni bil-Malti |
Leġiżlazzjoni |
Volum 54 |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
4.1.2011 |
MT |
Il-Ġurnal Uffiċjali tal-Unjoni Ewropea |
L 1/1 |
REGOLAMENT TAL-KUMMISSJONI (UE) Nru 1/2011
tat-3 ta’ Jannar 2011
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-4 ta’ Jannar 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Jannar 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
AL |
106,0 |
MA |
34,9 |
|
TR |
103,3 |
|
ZZ |
81,4 |
|
0707 00 05 |
EG |
155,1 |
TR |
93,4 |
|
ZZ |
124,3 |
|
0709 90 70 |
MA |
63,6 |
TR |
100,5 |
|
ZZ |
82,1 |
|
0805 10 20 |
AR |
43,0 |
BR |
41,5 |
|
EC |
48,7 |
|
IL |
67,1 |
|
MA |
55,7 |
|
TR |
67,9 |
|
UY |
53,0 |
|
ZA |
43,9 |
|
ZZ |
52,6 |
|
0805 20 10 |
MA |
70,7 |
TR |
82,1 |
|
ZZ |
76,4 |
|
0805 20 30 , 0805 20 50 , 0805 20 70 , 0805 20 90 |
HR |
55,2 |
IL |
71,4 |
|
TR |
70,3 |
|
ZZ |
65,6 |
|
0805 50 10 |
AR |
49,2 |
TR |
54,5 |
|
UY |
49,2 |
|
ZZ |
51,0 |
|
0808 10 80 |
AR |
74,9 |
CA |
98,2 |
|
CL |
83,5 |
|
CN |
75,3 |
|
MK |
29,3 |
|
NZ |
74,9 |
|
US |
128,4 |
|
ZZ |
80,6 |
|
0808 20 50 |
CN |
68,8 |
US |
122,0 |
|
ZZ |
95,4 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
4.1.2011 |
MT |
Il-Ġurnal Uffiċjali tal-Unjoni Ewropea |
L 1/3 |
REGOLAMENT TAL-KUMMISSJONI (UE) Nru 2/2011
tat-3 ta’ Jannar 2011
li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (UE) Nru 867/2010 għas-sena tas-suq 2010/11
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,
Billi:
(1) |
L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2010/11 ġew stabbiliti bir-Regolament tal-Kummissjoni (UE) Nru 867/2010 (3). Dawn il-prezzijiet u dazji ġew emendati l-aħħar mir-Regolament tal- Kummissjoni (UE) Nru 1253/2010 (4). |
(2) |
L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (UE) Nru 867/2010 għas-sena tas-suq 2010/11, huma b'dan mmodifikati skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-4 ta’ Jannar 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Jannar 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 178, 1.7.2006, p. 24.
(3) ĠU L 259, 1.10.2010, p. 3.
(4) ĠU L 341, 23.12.2010, p. 21.
ANNESS
L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti bil-kodiċi NM 1702 90 95 , applikabbli mill-4 ta’ Jannar 2011
(EUR) |
||
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
1701 11 10 (1) |
61,51 |
0,00 |
1701 11 90 (1) |
61,51 |
0,00 |
1701 12 10 (1) |
61,51 |
0,00 |
1701 12 90 (1) |
61,51 |
0,00 |
1701 91 00 (2) |
58,29 |
0,00 |
1701 99 10 (2) |
58,29 |
0,00 |
1701 99 90 (2) |
58,29 |
0,00 |
1702 90 95 (3) |
0,58 |
0,18 |
(1) Stabbilit għall-kwalità standard kif iddefinita fl-Anness IV, il-punt III, tar-Regolament (KE) Nru 1234/2007.
(2) Stabbilit għall-kwalità standard kif iddefinita fl-Anness IV, il-punt II, tar-Regolament (KE) Nru 1234/2007.
(3) Stabbilit bħala 1 % tal-kontenut f'sukrożju.
DIRETTIVI
4.1.2011 |
MT |
Il-Ġurnal Uffiċjali tal-Unjoni Ewropea |
L 1/5 |
DIRETTIVA TAL-KUMMISSJONI 2011/1/UE
tat-3 ta' Jannar 2011
li temenda d-Direttiva tal-Kunsill 91/414/KEE biex tinkludi s-6-benżiladenina bħala sustanza attiva u li temenda d-Deċiżjoni 2008/941/KE
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (1), u b'mod partikolari l-Artikolu 6(1) tagħha,
Billi:
(1) |
Ir-Regolamenti tal-Kummissjoni (KE) Nru 1112/2002 (2) u (KE) Nru 2229/2004 (3) jistipulaw ir-regoli dettaljati għall-implimentazzjoni tar-raba' stadju tal-programm ta' ħidma msemmi fl-Artikolu 8(2) tad-Direttiva 91/414/KEE u jistabbilixxu lista ta' sustanzi attivi li għandhom jiġu evalwati, bl-għan li jiġu possibbilment inklużi fl-Anness I tad-Direttiva 91/414/KEE. Din il-lista kienet tinkludi s-6-benżiladenina. |
(2) |
Skont l-Artikolu 24e tar-Regolament (KE) Nru 2229/2004 l-applikant irtira l-appoġġ tiegħu għall-inklużjoni ta' dik is-sustanza attiva fl-Anness I tad-Direttiva 91/414/KEE fi żmien xahrejn mill-wasla tal-abbozz tar-rapport ta' stima. Konsegwentement, id-Deċiżjoni tal-Kummissjoni 2008/941/KE tat-8 ta' Diċembru 2008 dwar in-noninklużjoni ta' ċerti sustanzi attivi fl-Anness I tad-Direttiva tal-Kunsill 91/414/KEE u l-irtirar ta' awtorizzazzjonijiet għal prodotti għall-ħarsien tal-pjanti li fihom dawn is-sustanzi (4) kienet addottata għan-noninklużjoni tas-6-benżiladenina. |
(3) |
Skont l-Artikolu 6(2) tad-Direttiva 91/414/KEE n-notifikant oriġinali (minn hawn 'il quddiem l-applikant) ressaq applikazzjoni ġdida li titlob l-applikazzjoni tal-proċedura aċċellerata msemmija fl-Artikoli minn 14 sa 19 tar-Regolament tal-Kummissjoni (KE) Nru 33/2008 tas-17 ta' Jannar 2008 li jistipula regoli dettaljati għall-applikazzjoni tad-Direttiva tal-Kunsill 91/414/KEE fir-rigward ta' proċedura regolari u aċċellerata għall-valutazzjoni ta' sustanzi attivi li kienu jagħmlu parti mill-programm ta' ħidma msemmi fl-Artikolu 8(2) ta' dik id-Direttiva iżda li ma ġewx inklużi fl-Anness I tagħha (5). |
(4) |
L-applikazzjoni tressqet lir-Renju Unit, li kien maħtur bħala l-Istat Membru relatur bir-Regolament (KE) Nru 2229/2004. Il-perjodu ta' żmien għall-proċedura aċċellerata ġie rispettat. L-ispeċifikazzjoni tas-sustanza attiva u l-użi sostnuti huma l-istess kif kien is-suġġett tad-Deċiżjoni 2008/941/KE. L-applikazzjoni tikkonforma wkoll mar-rekwiżiti proċedurali u sostantivi li fadal tal-Artikolu 15 tar-Regolament (KE) Nru 33/2008. |
(5) |
Ir-Renju Unit ivvaluta d-dejta addizzjonali sottomessa mill-applikant u ħejja rapport addizzjonali. Huwa kkomunika dak ir-rapport lill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”) u lill-Kummissjoni fis-27 ta' Novembru 2009. L-Awtorità kkomunikat ir-rapport ta' valutazzjoni lill-applikant u lill-Istati Membri l-oħra għall-kummenti u bagħtet il-kummenti li kienu waslulha lill-Kummissjoni. Skont l-Artikolu 20(1) tar-Regolament (KE) Nru 33/2008 u fuq talba tal-Kummissjoni, l-Awtorità ppreżentat il-konklużjoni tagħha dwar is-6-benżiladenina lill-Kummissjoni fis-27 ta' Awwissu 2010 (6). L-abbozz tar-rapport ta' valutazzjoni, ir-rapport addizzjonali u l-konklużjoni tal-Awtorità ġew irreveduti mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ffinalizzati fit-23 ta' Novembru 2010 fil-format tar-rapport ta' reviżjoni tal-Kummissjoni għas-6-benżiladenina. |
(6) |
Ħareġ ċar minn diversi eżamijiet li saru li l-prodotti għall-ħarsien tal-pjanti li fihom is-6-benżiladenina jistgħu jkunu mistennija li jissodisfaw, b'mod ġenerali, ir-rekwiżiti stipulati fl-Artikolu 5(1)(a) u (b) tad-Direttiva 91/414/KEE, b'mod partikolari dwar l-użi li ġew eżaminati u mniżżla fid-dettall fir-rapport ta' reviżjoni tal-Kummissjoni. Għaldaqstant, huwa xieraq li s-6-benżiladenina tiġi inkluża fl-Anness I biex jiġi assigurat li, fl-Istati Membri kollha, ikunu jistgħu jingħataw l-awtorizzazzjonijiet tal-prodotti għall-ħarsien tal-pjanti li fihom din is-sustanza attiva skont id-dispożizzjonijiet ta' din id-Direttiva. |
(7) |
Għandu jitħalla jgħaddi perjodu raġonevoli qabel ma tiġi inkluża sustanza attiva fl-Anness I biex l-Istati Membri u l-partijiet interessati jingħataw ċans jippreparaw irwieħhom biex jissodisfaw ir-rekwiżiti l-ġodda li jirriżultaw mill-inklużjoni. |
(8) |
Bla ħsara għall-obbligazzjonijiet stipulati fid-Direttiva 91/414/KEE b'konsegwenza tal-inklużjoni ta' sustanza attiva fl-Anness I, l-Istati Membri għandhom jingħataw perjodu ta' sitt xhur wara l-inklużjoni biex jirrevedu l-awtorizzazzjonijiet eżistenti ta' prodotti għall-ħarsien tal-pjanti li fihom is-6-benżiladenina sabiex jaċċertaw li r-rekwiżiti stipulati fid-Direttiva 91/414/KEE, b'mod partikolari fl-Artikolu 13 tagħha u l-kundizzjonijiet rilevanti stipulati fl-Anness I, jiġu sodisfatti. L-Istati Membri għandhom ivarjaw, ibiddlu jew jirtiraw, kif ikun meħtieġ, l-awtorizzazzjonijiet eżistenti, skont id-dispożizzjonijiet tad-Direttiva 91/414/KEE. B'deroga mill-iskadenza msemmija hawn fuq, għandu jiġi pprovdut perjodu itwal għas-sottomissjoni u l-valutazzjoni tal-fajl sħiħ tal-Anness III ta' kull prodott għall-protezzjoni tal-pjanti għal kull użu maħsub skont il-prinċipji uniformi stabbiliti fid-Direttiva 91/414/KEE. |
(9) |
L-esperjenza miksuba minn inklużjonijiet preċedenti fl-Anness I tad-Direttiva 91/414/KEE ta' sustanzi attivi vvalutati fil-qafas tar-Regolament tal-Kummissjoni (KEE) Nru 3600/92 tal-11 ta' Diċembru 1992 li jistabbilixxi r-regoli dettaljati għall-implimentazzjoni tal-ewwel stadju tal-programm ta' xogħol imsemmi fl-Artikolu 8(2) tad-Direttiva tal-Kunsill 91/414/KEE li jittratta dwar it-tqegħid fis-suq ta' prodotti għall-protezzjoni tal-pjanti (7) wriet li jistgħu jinħolqu diffikultajiet fl-interpretazzjoni tad-dmirjiet tad-detenturi tal-awtorizzazzjonijiet eżistenti b'rabta mal-aċċess għad-dejta. Għalhekk, sabiex jiġu evitati iktar diffikultajiet, jidher li huwa meħtieġ li d-dmirijiet tal-Istati Membri jiġu ċċarati, speċjalment id-dmir li jivverifikaw li d-detentur ta' awtorizzazzjoni jkollu x'juri li għandu aċċess għal fajl li jissodisfa r-rekwiżiti tal-Anness II ta' din id-Direttiva. Madankollu, din il-kjarifika ma timponix xi obbligi ġodda fuq l-Istati Membri jew id-detenturi ta' awtorizzazzjonijiet, meta mqabbla mad-Direttivi li jemendaw l-Anness I li ġew adottati sa issa. |
(10) |
Għaldaqstant, huwa xieraq li d-Direttiva 91/414/KEE tiġi emendata skont dan. |
(11) |
Id-Deċiżjoni 2008/941/KE tistipula li s-6-benżiladenina ma għandhiex tkun inkluża u li l-awtorizzazzjonijiet għall-prodotti għall-ħarsien tal-pjanti li fihom din is-sustanza jkunu rtirati sal-31 ta' Diċembru 2011. Jeħtieġ li tiġi mħassra l-linja dwar is-6-benżiladenina fl-Anness għal din id-Deċiżjoni. |
(12) |
Huwa għalhekk meħtieġ li tiġi emendata d-Deċiżjoni 2008/941/KE skont dan. |
(13) |
Il-miżuri stipulati f'din id-Direttiva huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DIRETTIVA:
Artikolu 1
L-Anness I għad-Direttiva 91/414/KEE huwa emendat kif stipulat fl-Anness għal din id-Direttiva.
Artikolu 2
Il-linja li tikkonċerna s-6-benżiladenina fl-Anness tad-Deċiżjoni 2008/941/KE titħassar.
Artikolu 3
Sa mhux aktar tard mit-30 ta' Novembru 2011 l-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Huma għandhom jikkomunikaw minnufih lill-Kummissjoni t-test ta' dawk id-dispożizzjonijiet, kif ukoll tabella ta' korrelazzjoni bejn dawk id-dispożizzjonijiet u din id-Direttiva.
Huma għandhom japplikaw dawn id-dispożizzjonijiet mill-1 ta' Diċembru 2011.
Meta l-Istati Membri jadottaw dawn id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati b'referenza bħal din fil-ħin tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.
Artikolu 4
1. L-Istati Membri għandhom, b'konformità mad-Direttiva 91/414/KEE, fejn hu meħtieġ, jemendaw jew jirtiraw awtorizzazzjonijiet eżistenti għall-prodotti għall-ħarsien tal-pjanti li fihom is-6-benżiladenina bħala sustanza attiva sat-30 ta' Novembru 2011.
Sa dik id-data huma għandhom b'mod partikolari jivverifikaw li l-kundizzjonijiet fl-Anness I tad-Direttiva li jikkonċernaw is-6-benżiladenina qed jiġu ssodisfati, bl-eċċezzjoni ta' dawk identifikati fil-parti B tal-annotazzjoni li tikkonċerna dik is-sustanza attiva, u li d-detentur tal-awtorizzazzjoni jkollu f'idejh, jew li jkollu aċċess għal, fajl li jissodisfa r-rekwiżiti tal-Anness II ta' dik id-Direttiva skont il-kundizzjonijiet tal-Artikolu 13 ta' dik id-Direttiva.
2. B'deroga mill-paragrafu 1, għal kull prodott awtorizzat għall-ħarsien tal-pjanti li fih is-6-benżiladenina jew bħala l-unika sustanza attiva jew inkella bħala waħda minn bosta sustanzi attivi li għandhom ikunu kollha elenkati fl-Anness I tad-Direttiva 91/414/KEE sa mhux aktar tard mill-31 ta' Mejju 2011, l-Istati Membri għandhom jerġgħu jivvalutaw il-prodott skont il-prinċipji uniformi stipulati fl-Anness VI tad-Direttiva 91/414/KEE, fuq il-bażi ta' fajl li jissodisfa r-rekwiżiti tal-Anness III ta' din id-Direttiva u billi titqies il-parti B tal-annotazzjoni fl-Anness I ta' din id-Direttiva li tikkonċerna s-6-benżiladenina. Fuq il-bażi ta' din il-valutazzjoni, huma għandhom jistabbilixxu jekk il-prodott jissodisfax il-kundizzjonijiet stabbiliti fl-Artikolu 4(1)(b), (c), (d) u (e) tad-Direttiva 91/414/KEE.
Wara li dan jiġi ddeterminat, l-Istati Membri għandhom:
(a) |
fil-każ ta' prodott li jkun fih is-6-benżiladenina bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sa mhux aktar tard mill-31 ta' Mejju 2015; jew |
(b) |
fil-każ ta' prodott li jkun fih is-6-benżiladenina bħala waħda minn bosta sustanzi attivi, jemendaw jew jirtiraw l-awtorizzazzjoni, fejn meħtieġ, sal-31 ta' Mejju 2015 jew sad-data ffissata għal tali emenda jew irtirar fid-Direttiva jew id-Direttivi rispettivi li żiedu s-sustanza jew is-sustanzi rilevanti fl-Anness I mad-Direttiva 91/414/KEE, liema minnhom tkun tal-aħħar. |
Artikolu 5
Din id-Direttiva għandha tidħol fis-seħħ fl-1 ta' Ġunju 2011.
Artikolu 6
Din id-Direttiva hija indirizzata lill-Istati Membri.
Magħmul fi Brussell, it-3 ta’ Jannar 2011.
Għall-Kummissjoni
Il-President
José Manuel BARROSO
(1) ĠU L 230, 19.8.1991, p. 1.
(2) ĠU L 168, 27.6.2002, p. 14.
(3) ĠU L 379, 24.12.2004, p. 13.
(4) ĠU L 335, 13.12.2008, p. 91.
(6) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance 6-benzyladenine. (Konklużjoni dwar ir-reviżjoni inter pares tal-valutazzjoni dwar ir-riskju marbut mal-pestiċidi tas-sustanza attiva 6-benżiladenina). Ġurnal tal-EFSA 2010; 8(10):1716. [49 pp.]. doi:10.2903/j.efsa.2010.1716. Disponibbli onlajn: www.efsa.europa.eu.
(7) ĠU L 366, 15.12.1992, p. 10.
ANNESS
L-annotazzjoni li ġejja għandha tiġi miżjuda fl-aħħar tat-tabella fl-Anness I għad-Direttiva 91/414/KEE:
Nru |
Isem Komuni, Numri ta’ Identifikazzjoni |
Isem tal-IUPAC |
Purità (1) |
Dħul fis-seħħ |
Skadenza tal-inklużjoni |
Dispożizzjonijiet speċifiċi |
“322 |
6-benżiladenina Nru CAS: 1214-39-7 Nru CIPAC: 829 |
N6-benżiladenina |
≥ 973 g/kg |
L-1 ta’ Ġunju 2011 |
Il-31 ta’ Mejju 2021 |
PARTI A Huma biss użi bħala regolatur tal-iżvilupp tal-pjanti li jistgħu jiġu awtorizzati. PARTI B Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta’ reviżjoni dwar is-6-benżiladenina, u b’mod partikolari l-Appendiċijiet I u II tiegħu, kif iffinalizzati mill-Kumitat Permanenti dwar il-Katina Alimentari u s-Saħħa tal-Annimali fit-23 ta’ Novembru 2010. F’din il-valutazzjoni ġenerali l-Istati Membri jridu jagħtu attenzjoni partikolari għall-ħarsien ta’organiżmi akkwatiċi. Għandhom jiġu applikati miżuri li jnaqqsu r-riskju bħaż-żoni ta’ protezzjoni, fejn xieraq.” |
(1) Jinsabu aktar dettalji dwar l-identità u l-ispeċifikazzjoni tas-sustanza attiva fir-rapport ta’ reviżjoni.
DEĊIŻJONIJIET
4.1.2011 |
MT |
Il-Ġurnal Uffiċjali tal-Unjoni Ewropea |
L 1/9 |
DEĊIŻJONI TAL-KUMMISSJONI
tal-20 ta’ Lulju 2010
dwar l-iskema ta’ għajnuna mill-Istat C 38/09 (ex NN 58/09) li Spanja qiegħda tippjana li timplimenta għall-Corporación de Radio y Televisión Española (RTVE)
(notifikata bid-dokument numru C(2010) 4925)
(It-test Spanjol biss huwa awtentiku)
(Test b’relevanza għaż-ŻEE)
(2011/1/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b’mod partikolari l-Artikolu 62(1)(a) tiegħu,
Wara li kkunsidrat il-Protokoll Nru 29 dwar is-sistema tax-xandir pubbliku fl-Istati Membri annessa mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea (1),
Wara li stiednet lill-partijiet interessati sabiex jissottomettu l-kummenti tagħhom skont id-dispożizzjonijiet ikkwotati hawn fuq (2) u wara li kkunsidrat il-kummenti tagħhom,
Billi:
I. IL-PROĊEDURA
(1) |
Fit-22 ta’ Ġunju 2009, il-Kummissjoni rċeviet ilment li jiġbed l-attenzjoni lejn il-pjanijiet tal-gvern Spanjol li jemenda s-sistema ta’ finanzjament tal-Corporación de Radio y Televisión Española (RTVE), ix-xandar nazzjonali tar-radju u t-televiżjoni. Fil-5 ta’ Awwissu 2009, il-Kummissjoni talbet informazzjoni mingħand Spanja rigward din l-emenda, b’mod partikolari rigward ir-relazzjoni bejn l-imposti l-ġodda u l-finanzjament ta’ RTVE. Fl-1 ta’ Settembru 2009, daħlet fis-seħħ il-Liġi l-ġdida 8/2009 tat-28 ta’ Awwissu 2009 dwar il-finanzjament tal-Corporación de Radio y Televisión Española (3), li temenda l-Liġi 17/2006 tal-5 ta’ Ġunju 2006 dwar ir-radju u t-televiżjoni tal-Istat (4). Fil-21 ta’ Settembru, fit-22 u fis-26 ta’ Ottubru 2009, Spanja ssottomettiet l-informazzjoni mitluba dwar l-iskema lill-Kummissjoni. |
(2) |
Permezz ta’ ittra li ġġib id-data tat-2 ta’ Diċembru 2009, il-Kummissjoni informat lil Spanja li kienet iddeċidiet li tibda l-proċedura stabbilita fl-Artikolu 108(2) tat-Trattat dwar il-Funzjonament tal-Unjoni Ewropea (TFUE) rigward il-miżura. Id-deċiżjoni tal-Kummissjoni li tibda l-proċedura ġiet ippubblikata f’Il-Ġurnal Uffiċjali tal-Unjoni Ewropea (5). Il-Kummissjoni stiednet lill-partijiet interessati biex jissottomettu l-kummenti tagħhom dwar il-miżura ta’ għajnuna. |
(3) |
Spanja wieġbet għad-deċiżjoni tal-ftuħ tal-proċedura b’ittra tal-21 ta’ Diċembru 2009. Il-Kummissjoni rċeviet kummenti minn partijiet interessati. Hija bagħtithom lil Spanja, li ngħatat l-opportunità li tirreaġixxi; il-kummenti tagħha waslu permezz ta’ ittra li ġġib id-data tat-23 ta’ Marzu 2010. |
(4) |
Il-Kummissjoni staqsiet mistoqsijiet addizzjonali permezz tal-ittri tad-19 ta’ Frar u tad-19 ta’ Mejju 2010, li l-awtoritajiet Spanjoli wieġbu għalihom permezz tal-ittri tat-22 ta’ Marzu u tal-31 ta’ Mejju 2010. |
(5) |
Fit-18 ta’ Marzu 2010, permezz ta’ ittra ta’ avviż formali skont l-Artikolu 258 tat-TFUE, il-Kummissjoni fetħet proċeduri ta’ ksur fuq il-bażi li t-taxxa dwar il-komunikazzjonijiet elettroniċi tmur kontra l-Artikolu 12 tad-Direttiva 2002/20/KE tal-Parlament Ewropew u tal-Kunsill tas-7 ta’ Marzu 2002 dwar l-awtorizzazzjoni ta’ netwerks u servizzi ta’ komunikazzjonijiet elettroniċi (Direttiva ta’ Awtorizzazzjoni) (6), li tistabbilixxi regoli preċiżi rigward l-imposti amministrattivi li l-Istati Membri jistgħu jimponu fuq il-kumpaniji li jipprovdu servizz jew netwerk tat-telekomunikazzjonijiet. L-investigazzjoni rigward l-għajnuna mill-Istat hija mingħajr preġudizzju għall-proċedura ta’ ksur. |
II. DESKRIZZJONI DETTALJATA TAL-MIŻURA
Is-sistema attwali tal-finanzjament tax-xandir pubbliku fi Spanja
(6) |
Is-sistema attwali tal-finanzjament tax-xandir pubbliku fi Spanja minn RTVE, kif stabbilita mil-Liġi 17/2006, kienet approvata mill-Kummissjoni b’deċiżjonijiet fl-2005 u fl-2007. (7) Il-Liġi 17/2006 tinkariga lil RTVE b’missjoni ta’ servizz pubbliku. It-Taqsima I ta’ dik il-liġi (b’mod partikolari l-Artikoli 2 u 3) tiddefinixxi l-missjoni ta’ servizz pubbliku ta’ RTVE u tispeċifika li l-missjoni għas-servizzi tat-televiżjoni u tar-radju rispettivament sejrin jitwettqu mill-kumpaniji RTVE (Radio Televisión Española) u RNE (Radio Nacional de España). It-Taqsima II, Kapitolu IV, tirregola l-kundizzjonijiet tal-qafas finanzjarju u ekonomiku skont liema RTVE sejra twettaq il-kompiti tagħha ta’ servizz pubbliku. B’mod partikolari, l-Artikolu 33 jistipula li RTVE sejra tirċievi pagamenti baġitarji kull sena bħala kumpens għat-twettiq tal-kompiti tagħha ta’ servizz pubbliku. Dan il-kumpens m’għandux jaqbeż l-ispiża netta tas-servizz pubbliku pprovdut minn RTVE u RNE rispettivament. It-Taqsima II, Kapitolu VI, tirregola l-kontroll estern mill-Parlament, l-awtorità awdjoviżiva u l-Qorti tal-Awdituri. |
(7) |
L-ispejjeż annwali ibbaġitjati għat-tmexxija ta’ RTVE kienu EUR 1 177 miljun fl-2007, EUR 1 222 miljun fl-2008 u EUR 1 146 miljun fl-2009. Matul dawn l-aħħar snin, RTVE rċeviet kumpens ta’ servizz pubbliku ta’ madwar EUR 500 miljun kull sena (2006: EUR 575 miljun; 2007: EUR 433 miljun; 2008: EUR 500 miljun; 2009, madankollu, bi dħul diġà mnaqqas mir-reklamar: EUR 726 miljun). |
Ir-riforma tal-finanzjament ta’ RTVE
(8) |
Il-Liġi 8/2009 temenda l-Liġi 17/2006 fir-rigward tad-definizzjoni tal-missjoni ta’ servizz pubbliku u l-attivitajiet kummerċjali potenzjali ta’ RTVE. Hija żżid aktar elementi fil-missjoni ta’ servizz pubbliku li kienu approvati mill-Kummissjoni fl-2005. B’mod partikolari, hija tillimita l-akkwist tad-drittijiet tax-xandir ta’ avvenimenti sportivi ta’ interess ġenerali jew ta’ interess kbir għas-soċjetà, ħlief għall-Olimpijadi u għall-Paralimpijadi, għal 10 % tal-baġit totali ta’ kull sena għall-fornimenti, xiri u servizzi esterni (l-Artikolu 9(1)(i)). Hija tiddikjara l-obbligi fir-rigward tal-programmi tat-tfal (l-Artikolu 9(1)(d)) u tillimita x-xandir tal-films prodotti mill-produtturi internazzjonali ewlenin għall-ewwel ħruġ fil-ħin tal-ogħla domanda għal 52 film kull sena (l-Artikolu 9(1)(m)). |
(9) |
Il-liġi l-ġdida tistipula b’mod partikolari li l-użu tas-servizzi tar-reklamar, it-telebejgħ, l-isponsorships u l-pay-per-view bħala sorsi ta’ dħul sejjer jintemm sa tmiem l-2009. Dan id-dħul kummerċjali sejjer jiġi sostitwit bil-fondi ġġenerati mill-ħlasijiet eżistenti jew ġodda fuq ix-xandara kummerċjali u l-operaturi tat-telekomunikazzjonijiet. Spanja tistenna li l-miżura sejra tnaqqas il-pressjoni minn fuq l-operaturi kummerċjali, iżżid id-dħul tagħhom mir-reklamar u telimina sors potenzjali ta’ tgħawwiġ tas-suq. Bħala sorsi ta’ dħul kummerċjali, RTVE sejra żżomm l-għoti ta’ servizzi lil partijiet terzi u l-bejgħ tal-produzzjonijiet tagħha stess (b’kollox madwar EUR 25 miljun). |
(10) |
S’issa, id-dħul annwali mir-reklamar kien ta’ madwar EUR 600 miljun (2007: EUR 667 miljun; 2008: EUR 565 miljun). Bl-għajbien ta’ dan id-dħul kummerċjali, l-ispejjeż netti tal-missjoni tax-xandir ta’ servizz pubbliku ta’ RTVE sejrin ikunu kważi identiċi għall-ispejjeż ibbaġitjati kull sena għat-tħaddim tax-xandar. Għaldaqstant, Spanja biħsiebha tagħti kumpens għat-tneħħija ta’ dan id-dħul billi żżid il-kontribuzzjoni tagħha mill-fondi pubbliċi sal-livell tal-ispejjeż ibbaġitjati kull sena għat-tħaddim ta’ RTVE, imnaqqsa biss bid-dħul kummerċjali żgħir li baqa’ ta’ EUR 25 miljun imsemmi fil-paragrafu preċedenti. |
(11) |
Bħala d-dħul annwali ġenerali ta’ RTVE, l-Artikolu 3(2) tal-liġi l-ġdida jipprevedi, għas-snin 2010 u 2011, ammont massimu ta’ EUR 1 200 miljun, għas-snin 2012-2014 żieda massima ta’ 1 % f’dan l-ammont u għas-snin sussegwenti żieda bbażata fuq l-indiċi annwali tal-prezzijiet għall-konsumatur. Meta kienet qiegħda tiddetermina dawn l-ammonti, Spanja stmat, meta mqabbel mal-ispejjeż ibbaġitjati kull sena ta’ RTVE fis-snin preċedenti, spiża annwali addizzjonali ta’ EUR 104 miljun biex jimtela l-ħin tax-xandir li qabel kien irriżervat għar-reklamar bi produzzjonijiet awdjoviżivi oħrajn. |
Miżuri fiskali marbuta mar-riforma
(12) |
Skont l-ippjanar baġitarju ta’ Spanja, dan l-ammont ġenerali ta’ dħul annwali sejjer ikun magħmul minn allokazzjonijiet mill-baġit ġenerali tal-Istat, skont l-iskema prevista fil-Liġi 17/2006, ta’ madwar EUR 500 miljun, li huma konformi mal-ammont ikkontribwit fis-snin preċedenti, u permezz ta’ dħul ġdid iġġenerat minn tliet miżuri fiskali introdotti jew immodifikati mill-Artikoli 4, 5 u 6 tal-liġi l-ġdida:
|
(13) |
L-Artikoli 5 u 6 tal-Liġi 17/2006 jiddikjaraw espressament li t-taxxi fuq l-operaturi tat-televiżjoni u tat-telekomunikazzjonijiet kummerċjali jinġabru “bil-għan li jikkontribwixxu għall-finanzjament ta’ RTVE”. Barra minn hekk, il-preambolu jistabbilixxi espressament din ir-rabta bejn it-taxxi l-ġodda u l-kumpens finanzjarju għall-irtirar ta’ RTVE mis-suq tar-reklamar. |
(14) |
Jekk id-dħul minn dawn it-tliet sorsi ta’ taxxi ma jkunx biżżejjed biex ikopri d-differenza ta’ EUR 700 miljun bejn il-kumpens tradizzjonali ta’ servizz pubbliku (EUR 500 miljun) u l-ispejjeż ġenerali tat-tmexxija ta’ RTVE, li sa issa kienu koperti mid-dħul kummerċjali, l-Artikolu 2(2) tal-Liġi 8/2009 jistabbilixxi li l-fondi nieqsa għandhom jiġu kkontribwiti mill-baġit ġenerali tal-Istat, skont l-Artikolu 33 tal-Liġi 17/2006 li jobbliga lill-gvern sabiex ikopri l-ispejjeż netti tal-obbligi ta’ servizz pubbliku ta’ RTVE. Dan ifisser li l-finanzjament tal-ispejjeż netti pubbliċi pprovduti minn RTVE, sa ammont massimu ta’ EUR 1 200 miljun, sejjer ikun żgurat, indipendentament mid-dħul iġġenerat mit-taxxi. |
(15) |
Spanja kkonfermat li l-kontribuzzjoni mit-taxxi fuq ix-xandara tat-televiżjoni u l-operaturi tat-telekomunikazzjonijiet m’għandhiex neċessarjament tintuża biss għall-finanzjament ta’ RTVE. Spanja stabbilixxiet l-ammonti massimi li jistgħu jiġu kkontribwiti mit-taxxi. Kwalunkwe dħul li jibqa’ sejjer ikun attribwit għall-baġit ġenerali tal-Istat u jista’ b’hekk jintuża biex ikunu koperti spejjeż oħrajn. Barra minn hekk, sa dawn l-ammonti massimi, Spanja tista’ tiddeċiedi liema ammont mit-taxxa attwalment għandha l-ħsieb li talloka għal RTVE. L-ippjanar baġitarju għall-2010, pereżempju, jipprevedi inqas minn nofs il-kontribuzzjoni massima possibbli biex tkun allokata għal RTVE. |
Dispożizzjonijiet finanzjarji ġodda oħrajn
(16) |
Sabiex ikun evitat kumpens żejjed, l-Artikolu 8 tal-liġi l-ġdida jipprevedi fond ta’ riżerva li fih titħallas parti mid-dħul allokat mill-gvern li jaqbeż l-ispejjeż netti attwali tal-obbligu ta’ servizz pubbliku. Din ir-riżerva hija limitata għal 10 % tal-ispejjeż ibbaġitajati ta’ kull sena ta’ RTVE. Kwalunkwe dħul li jaqbeż dawn l-10 % imur lura għand it-Teżor. Ir-riżerva sejra tintuża biex ikun kopert telf potenzjali magħmul fis-snin preċedenti. Jekk ma tintefaqx fi żmien 4 snin, din tiġi rkuprata billi jitnaqqas kif jixraq il-kumpens ta’ servizz pubbliku għas-sena ta’ wara. |
(17) |
Barra minn hekk, skont l-Artikoli 37 u 39 sa 41 tal-Liġi 17/2006, il-kontroll estern mill-awdituri, l-Uffiċċju tal-Verifika tal-Gvern, il-Parlament, l-awtorità awdjoviżiva u l-Qorti tal-Awdituri sejrin jiżguraw li RTVE ma tirċevix kumpens li jaqbeż l-ispejjeż netti attwali flimkien mar-riżerva ta’ 10 %. Kwalunkwe dħul mill-ftit attivitajiet kummerċjali li jibqa’ sejjer inaqqas il-kumpens ta’ servizz pubbliku (l-Artikolu 7(1) tal-Liġi 8/2009). |
Il-bażi għall-bidu tal-proċedura
(18) |
Il-kwistjonijiet analizzati f’din id-deċiżjoni huma dawk l-elementi tal-bidliet għas-sistema eżistenti tal-finanzjamant ta’ RTVE li dwarhom il-Kummissjoni esprimiet dubji fid-deċiżjoni biex tinfetaħ il-proċedura ta’ investigazzjoni formali. |
(19) |
Kif iddikjarat il-Kummissjoni, l-element ewlieni tal-bidliet fil-finanzjament ta’ RTVE u l-waqfien kważi totali tal-attivitajiet kummerċjali ta’ RTVE huwa li dik il-parti tad-dħul ta’ RTVE li sa issa kienet iġġenerata minn dawn l-attivitajiet kummerċjali sejra tinbidel bi dħul li joriġina minn taxxi introdotti jew emendati b’mod speċifiku preċiżament għal dak il-għan. Ir-referenzi ċari fil-Liġi 8/2009 jindikaw li l-ammont tat-taxxi ġie stabbilit bil-għan li jikkontribwixxi ċerta parti ddeterminata minn qabel għall-finanzjament ta’ RTVE. Din il-konnessjoni bejn il-finanzjament u d-dħul mit-taxxi ġodda tissuġġerixxi li t-taxxi huma ipotekati għall-għajnuna mogħtija lil RTVE, fis-sens li d-dħul mit-taxxi huwa neċessarjament allokat għall-finanzjament ta’ din l-għajnuna lil RTVE u għandu impatt dirett fuq l-ammont tal-għajnuna. |
(20) |
Il-Qorti ripetutament iddikjarat li fejn il-metodu tal-finanzjament jifforma parti integrali mill-miżura, il-Kummissjoni trid bilfors tqis ukoll lil dak il-metodu fil-kunsiderazzjonijiet tagħha rigward il-miżura tal-għajnuna (8). Meta ħlas speċifikament intenzjonat biex jiffinanzja għajnuna jirriżulta kuntrarju għal dispożizzjonijiet oħra tat-Trattat, il-Kummissjoni ma tistax tiddikjara l-iskema ta’ għajnuna li l-imposta tagħmel parti minnha bħala kompatibbli mas-suq intern. Għaldaqstant, il-metodu li bih tiġi ffinanzjata miżura ta’ għajnuna jista’ jagħmel lill-iskema ta’ għajnuna kollha inkompatibbli mas-suq intern. |
(21) |
Għaldaqstant, il-Kummissjoni esprimiet dubji rigward jekk it-taxxi l-ġodda jiffurmawx parti integrali mill-miżura. Jekk dan hu minnu, il-kompatibilità tagħhom mat-Trattat tkun trid tiġi evalwata mill-Kummissjoni u din ikollha impatt fuq il-legalità b’mod ġenerali tal-iskema ta’ għajnuna. Dan it-tħassib deher iġġustifikat, b’mod partikolari minħabba l-fatt li l-Kummissjoni għandha dubji rigward il-kompatibilità tat-taxxi l-ġodda imposti fuq intrapriżi li jipprovdu servizzi ta’ telefonija fissa, telefonija mobbli u aċċess għall-Internet mad-Direttiva 2002/20/KE (9). |
(22) |
Kwistjoni oħra li dwarha l-Kummissjoni kellha dubji kienet rigward jekk, wara r-riforma tas-sistema ta’ finanzjament, Spanja kinitx stabbiliet salvagwardji biżżejjed kontra l-possibilità ta’ kumpens żejjed. It-tneħħija tar-reklamar jista’ jkollu impatt fuq l-ispejjeż tax-xandar billi jagħmel il-programmi tiegħu inqas dipendenti fuq kunsiderazzjonijiet kummerċjali. |
(23) |
Barra minn hekk, is-sistema tal-finanzjament ta’ RTVE għandha tipprevedi proċedura adegwata għal stima minn qabel rigward jekk is-servizzi l-ġodda ta’ RTVE, ix-xandar pubbliku, jikkonformawx mal-kundizzjonijiet materjali tal-Protokoll ta’ Amsterdam (10). L-informazzjoni sottomessa minn Spanja ma ppermettietx lill-Kummissjoni li teżamina jekk Spanja kellhiex diġà tali mekkaniżmu. |
III. KUMMENTI MILL-PARTIJIET INTERESSATI
(24) |
Waslu kummenti minn 15-il parti interessata. Dawn ġew minn xandara kummerċjali (TFI u ACT – Assoċjazzjoni tat-Televiżjoni Kummerċjali fl-Ewropa), operaturi tal-pay TV (DTS, Canal Satélite), fornituri ta’ servizzi tat-telefonija u l-Internet (redtel, ONO, AETIC) operaturi tal-kejbil (Cable Europe) u entitajiet tar-reklamar. Uħud minnhom talbu li l-identità tagħhom tinżamm kunfidenzjali. |
(25) |
Il-maġġoranza tal-kwerelanti kienu qegħdin jargumentaw kontra l-legalità tat-taxxi l-ġodda, li fil-fehma tagħhom sejrin ixekklu l-kompetizzjoni bejn it-televiżjoni pubblika u dik privata, bejn it-televiżjoni bla ħlas u t-televiżjoni bil-ħlas, jew bejn l-operaturi li joffru biss servizzi ta’ telekomunikazzjoni u operaturi oħrajn ta’ servizzi ta’ telekomunikazzjoni li joffru wkoll servizzi awdjoviżivi. Huma ressqu wkoll dubji rigward il-kompatibilità tat-taxxa fuq il-komunikazzjonijiet elettroniċi mal-Artikolu 12 tad-Direttiva ta’ Awtorizzazzjoni 2002/20/KE (11). |
(26) |
Ix-xandara u l-fornituri tas-servizz tal-Internet ikkontestaw ukoll il-kompatibilità tad-definizzjoni tal-mandat ta’ servizz pubbliku ta’ RTVE. Din mhux sejra tkun preċiża biżżejjed u sejra tkun ġeneruża wisq rigward l-akkwist tad-drittijiet tax-xandir ta’ avvenimenti sportivi speċjali jew films prodotti mill-produtturi internazzjonali ewlenin. It-TFI, argumentat b’mod partikolari, li l-ebda test ex ante ma kien fis-seħħ għall-introduzzjoni ta’ servizzi pubbliċi sinifikanti ġodda ta’ RTVE. |
(27) |
Rigward l-allokazzjoni potenzjali tat-taxxa għall-għajnuna, ix-xandara tat-televiżjoni u l-fornituri tas-servizz tal-Internet argumentaw li d-dħul mit-taxxi l-ġodda se jkollu impatt dirett fuq l-għajnuna. Huma kienu partikolarment imħassba li ż-żieda tad-dħul mit-taxxi jista’ jwassal għal kumpens lil RTVE li jkun akbar mil-livell tal-ispejjeż netti tal-forniment ta’ servizz pubbliku. |
(28) |
Rigward il-proporzjonalità tal-għajnuna, diversi operaturi tat-televiżjoni u l-Internet raw riskju ta’ kumpens żejjed. L-ippjanar baġitarju għal RTVE ta’ EUR 1 200 miljun, kif stabbilit mil-Liġi 8/2009, mhux sejjer ikun ibbażat fuq kalkolazzjoni xierqa tal-ispejjeż netti ta’ servizz pubbliku. L-ispejjeż attwali bbaġitjati kull sena ta’ RTVE jkunu bażi arbitrarja. Mhux sejra ssir differenzazzjoni bejn l-attivitajiet kummerċjali u dawk tas-servizz pubbliku. B’mod partikolari, l-ippjanar mhux sejjer iqis it-tfaddil fl-ispejjeż li jinkiseb bit-tneħħija tar-reklamar, minħabba li l-programmi ma jkollhomx aktar bżonn li jiġbdu udjenzi kbar. Il-produzzjoni, bħal fil-każ tal-programmi artistiċi, pereżempju, b’hekk tiġi tiswa inqas. Madankollu, oħrajn esprimew il-biża’ li RTVE tonfoq aktar fuq programmi ta’ valur għoli. |
(29) |
Il-possibilità ta’ kumpens żejjed kienet osservata wkoll fil-fatt li t-telf ta’ RTVE mid-dħul mir-reklamar sejjer ikun kopert b’mod sħiħ mill-fondi tal-Istat. Dan il-kumpens jiġi kkalkulat fuq il-bażi tas-snin preċedenti meta l-kriżi ekonomika kienet wasslet għal dħul kummerċjali aktar baxx fl-2010 u b’hekk għal dħul ġenerali inqas għal RTVE. Ma jkunx ġust jekk, bit-tneħħija tal-finanzjament doppju, RTVE kellha tikseb dħul iggarantit, indipendenti mid-dħul kummerċjali li jvarja. |
(30) |
Ix-xandara kkontestaw ukoll l-eżistenza ta’ sistema ta’ kontroll baġitarju effikaċi li tiżgura li l-ispejjeż netti biss tal-provvediment ta’ servizz pubbliku jkunu koperti minn fondi pubbliċi. |
IV. KUMMENTI MINN SPANJA
(31) |
Bħala punt preliminari, Spanja tikkontesta l-fatt li fil-proċedura attwali, il-Kummissjoni tevalwa l-kwistjonijiet ta’ proporzjonalità u tat-test ex ante għal servizzi sinifikanti ġodda. Huma jkunu parti mill-iskema eżistenti ta’ finanzjament ta’ RTVE kif approvata mill-Kummissjoni fl-2005 u fl-2007. Madankollu, id-deċiżjoni tal-ftuħ fil-proċedura attwali hija bbażata fuq id-definizzjoni tar-riforma tas-sistema ta’ finanzjament bħala għajnuna ġdida fis-sens tal-Artikolu 1(c) tar-Regolament tal-Kunsill (KE) Nru 659/1999 tat-22 ta’ Marzu 1999 li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE (12). L-element ta’ “għajnuna ġdida” sejjer ikun limitat għar-riforma tal-finanzjament bl-introduzzjoni ta’ taxxi ġodda u ma jbiddilx u ma jaffettwax l-elementi l-oħrajn tal-iskema eżistenti. Għaldaqstant, dawn l-elementi l-oħra xorta jkunu għajnuna eżistenti u m’għandhomx jiġu evalwati mill-Kummissjoni f’din il-proċedura. |
(32) |
Rigward il-kwistjoni tal-ipotekazzjoni tat-taxxa, Spanja targumenta li t-taxxi l-ġodda mhumiex sejrin jiffurmaw parti integrali mill-għajnuna u mhumiex sejrin ikollhom impatt dirett fuq l-ammont tal-għajnuna. Spanja enfasizzat li skont l-Artikolu 2(2) tal-Liġi 8/2009, meta jinqara flimkien mal-Artikolu 33 tal-Liġi 17/2006, l-uniku fattur għad-determinazzjoni tal-ammont ta’ finanzjament pubbliku ta’ RTVE huma l-ispejjeż netti tas-servizz pubbliku, ikun x’ikun id-dħul iġġenerat mit-taxxi. L-ispejjeż ippjanati tas-servizz pubbliku ma jqisux id-dħul iġġenerat mit-taxxi, iżda huma bbażati fuq l-ispejjeż ta’ dan is-servizz fis-snin preċedenti. |
(33) |
Spanja kkonfermat li l-kontribuzzjoni mit-taxxi fuq ix-xandara tat-televiżjoni u l-operaturi tat-telekomunikazzjonijiet mhijiex allokata sempliċiment għal RTVE. Minflok, id-dħul mit-taxxi sejjer jiġi ttrasferit fil-baġit ġenerali tal-Istat (it-Teżor tal-Istat), minn fejn sejrin isiru l-ħlasijiet kollha lil RTVE. Spanja stabbilixxiet ammonti massimi għall-kontribuzzjoni mit-taxxi. Kwalunkwe dħul li jibqa’ sejjer jiġi attribwit lill-baġit ġenerali tal-Istat u b’hekk jista’ jintuża għal skopijiet oħrajn. Barra minn hekk, taħt dawn l-ammonti massimi, Spanja tista’ tiddeċiedi liema perċentwal mit-taxxa attwalment għandha l-ħsieb li talloka għal RTVE. L-ippjanar baġitarju għall-2010, pereżempju, jipprevedi li inqas minn nofs il-kontribuzzjoni massima potenzjali sejra tkun allokata għal RTVE. |
(34) |
Spanja tinsisti li dħul ogħla jew inqas minn dak mistenni mit-taxxi l-ġodda ma jwassalx għal bidliet fl-ammonti ppjanati għall-kumpens tas-servizz pubbliku. Jekk id-dħul minn dawn is-sorsi ta’ taxxi ġodda ma jkunx biżżejjed biex ikopri n-nuqqas fil-finanzjament ikkawżat mit-tneħħija tar-reklamar, il-fondi nieqsa sejrin jiġu kkontribwiti mill-baġit ġenerali tal-Istat, skont l-Artikolu 33 tal-Liġi 17/2006. Kwalunkwe dħul li jibqa’ sejjer ikun attribwit għall-baġit ġenerali. Finalment, kwalunkwe dħul li jibqa’ ’l fuq mil-livell massimu ta’ EUR 1 200 miljun stabbilit mill-Artikolu 3(2) tal-Liġi 8/2009 sejjer jiġi ittrasferit lit-Teżor Pubbliku. Għaldaqstant, il-finanzjament ġenerali ppjanat tal-missjoni ta’ servizz pubbliku ta’ RTVE ma jiddependix fuq l-ammont tad-dħul speċifiku mit-taxxi iżda fi kwalunkwe każ ikun żgurat mill-baġit ġenerali tal-Istat. |
(35) |
Fir-rigward tal-proporzjonalità tal-għajnuna, Spanja argumentat li l-prinċipju tal-kopertura tal-ispejjeż netti għandha tkun żgurata. Skont l-Artikolu 33(1) tal-Liġi 17/2006, kif emendata mil-Liġi 8/2009, l-ispejjeż netti huma l-uniku parametru għad-determinazzjoni tal-ammont effettiv tal-għajnuna. Skont l-Artikoli 2(2) u 8(2) tal-Liġi 8/2009, il-baġit ġenerali tal-Istat jikkumpensa kwalunkwe dħul mit-taxxi li ma jkunx biżżejjed u kwalunkwe dħul li jibqa’ huwa allokat lilha, ħlief għal kumpens żejjed potenzjali ta’ 10 % tal-ispejjeż ibbaġitajti kull sena previsti mill-Artikolu 8(1) u (2). |
(36) |
Fir-rigward tal-adegwatezza tal-ippjanar baġitarju ta’ kull sena ta’ EUR 1 200 miljun għas-snin li ġejjin, Spanja ma tqisx li aġixxiet b’mod arbitrarju. Dan l-ammont huwa bbażat fuq l-ispejjeż ibbaġitjati kull sena magħmula minn RTVE fit-twettiq tal-obbligi tagħha ta’ servizz pubbliku. Dawn l-obbligi ma nbidlux b’mod li jista’ jwassal sabiex wieħed jistenna inqas spejjeż; għall-kuntrarju, l-ilmenti jinsew il-fatt li RTVE kellha tinvesti EUR 104 miljun fi produzzjonijiet addizzjonali biex timla l-ħin tax-xandir li sar vojt minħabba t-tneħħija tar-reklami. |
(37) |
Barra minn hekk, ma jkunx sewwa li wieħed jassumi li, wara t-tneħħija tar-reklamar, RTVE mhux sejjer ikollha l-ħtieġa tiġbed udjenzi kbar u għaldaqstant tista’ tnaqqas l-ispejjeż tal-produzzjoni u toffri trażmissjonijiet inqas attraenti. Skont il-missjoni tagħha ta’ servizz pubbliku, RTVE sejra tkun obbligata li tilħaq udjenza u żżomm preżenza distinta u sostanzjali fost il-kanali tat-televiżjoni, sabiex twettaq il-missjoni tagħha b’mod effettiv. |
(38) |
Finalment, skont l-Artikolu 37 tal-Liġi 17/2006, kontroll baġitarju ex post effettiv sejjer ikun assigurat permezz ta’ verifika interna, analiżi mill-Uffiċċju tal-Verifika tal-Gvern u verifika esterna minn ditta privata tal-verifika (KPMG). Barra minn hekk, skont l-Artikoli 39 u 40 ta’ din il-liġi, il-Parlament u l-awtorità awdjoviżiva jikkontrollaw it-twettiq tal-missjoni ta’ servizz pubbliku minn RTVE u l-kontijiet annwali tagħha. Finalment, RTVE hija soġġetta għal analiżi mill-Qorti tal-Awdituri. |
(39) |
Fir-rigward tal-eżistenza ta’ kontroll ex ante għall-introduzzjoni ta’ servizzi sinifikanti ġodda, Spanja enfasizzat li l-Artikolu 41(3) tal-Liġi Ġenerali 7/2010 tal-31 ta’ Marzu 2010 dwar il-Komunikazzjonijiet Awdjoviżivi (13) stabbilixxa tali proċedura. L-awtorità superviżorja u regolatorja indipendenti Spanjola għax-xandir pubbliku, Consejo Estatal de Medios Audiovisuales, ġiet inkarigata b’dan il-kontroll ex ante, li jikkonsisti f’konsultazzjoni pubblika mal-partijiet interessati, il-pubblikazzjoni tar-riżultati tal-konsultazzjoni, u l-evalwazzjoni tal-impatt ġenerali ta’ kull servizz ġdid fuq is-suq. Barra minn hekk, Spanja indikat li sal-1 ta’ Novembru 2010 għandha l-ħsieb li tiffirma kuntratt dwar il-programmi (contrato-programa) ma’ RTVE li sejjer jiddefinixxi x’jikkostitwixxi servizz ġdid. Skont l-abbozz ta’ dan il-kuntratt dwar il-programmi, servizz sinifikanti ġdid se jkun ifisser offerta ta’ servizz ġdid iddifferenzjat b’mod ċar mis-servizzi diġà fis-seħħ, li jistgħu jkunu kklassifikati bħala s-suq tal-prodotti ta’ referenza, bil-kapaċità li jkollu effett fuq is-suq, b’mod partikolari rigward l-impatt fuq id-domanda. |
V. VALUTAZZJONI TAL-MIŻURA TA’ GĦAJNUNA
Il-preżenza tal-għajnuna skont it-tifsira tal-Artikolu 107(1) tat-TFUE
(40) |
Skont l-Artikolu 107(1) tat-TFUE, li jikkonċerna l-għajnuna mogħtija mill-Istati Membri, kwalunkwe għajnuna mogħtija minn Stat Membru jew permezz ta’ riżorsi tal-Istat fi kwalunkwe forma li tista’ xxekkel jew thedded li xxekkel il-kompetizzjoni billi tiffavorixxi ċerti intrapriżi jew il-produzzjoni ta’ ċerti oġġetti, sa fejn taffettwa l-kummerċ bejn l-Istati Membri, hija inkompatibbli mas-suq intern. |
(41) |
Ir-riżorsi finanzjarji inklużi fis-sistema Spanjola ta’ finanzjament ta’ RTVE immoru ġol-baġit ġenerali tal-Istat, u sussegwentement jinħarġu minnu. Huma jikkostitwixxu trasferiment dirett ta’ riżorsi tal-Istat għal intrapriża speċifika li mhumiex disponibbli għall-kompetituri tagħha. RTVE b’hekk tgawdi vantaġġ selettiv. |
(42) |
Madankollu, fil-kummenti tagħha sottomessi qabel il-ftuħ tal-proċedura, Spanja indikat li r-riforma ma kinitx taffettwa l-kummerċ bejn l-Istati Membri, minħabba li RTVE ma toperax barra minn Spanja. Iżda meta l-għajnuna finanzjarja tal-Istat issaħħaħ il-pożizzjoni ta’ intrapriża meta mqabbla ma’ intrapriżi oħrajn li jikkompetu f’kummerċ intra-Komunitarju, dan il-kummerċ għandu jitqies bħala affettwat minn dik l-għajnuna, anki jekk l-intrapriża benefiċjarja nnifisha ma tkunx involuta fl-esportazzjoni (14). Bl-istess mod, meta Stat Membru jagħti għajnuna lill-intrapriżi li joperaw fl-industriji tas-servizzi u d-distribuzzjoni, mhuwiex meħtieġ li l-intrapriżi riċevituri nfushom iwettqu n-negozju tagħhom barra mill-Istat Membru biex l-għajnuna jkollha effett fuq il-kummerċ fl-Unjoni (15). |
(43) |
Fid-dawl ta’ dan il-prinċipju, il-Komunikazzjonijiet tal-Kummissjoni dwar l-applikazzjoni tar-regoli tal-għajnuna mill-Istat lix-xandara tas-servizz pubbliku tal-2001 u l-2009 jispjegaw li “il-finanzjament tal-Istat għax-xandara ta’ servizz pubbliku jista” wkoll ġeneralment jitqies li jaffettwa l-kummerċ bejn l-Istati Membri … Din, hija b’mod ċar il-pożizzjoni fir-rigward tal-akkwist u l-bejgħ tad-drittijiet tal-programmi, li ta’ spiss iseħħu f’livell internazzjonali … Barra minn hekk, l-istruttura tas-sjieda tax-xandara kummerċjali tista’ testendi għal aktar minn Stat Membru wieħed’ (16). |
(44) |
RTVE nnifisha hija attiva fis-swieq internazzjonali (bejgħ ta’ programmi u akkwist tad-drittijiet tax-xandir). Permezz tal-Unjoni Ewropea tax-Xandir hija tiskambja l-programmi tat-televiżjoni u tipparteċipa fis-sistema tal-Eurovision (17). Barra minn hekk, meta takkwista u tbigħ id-drittijiet tax-xandir, RTVE tkun f’kompetizzjoni diretta ma’ xandara kummerċjali li huma attivi fis-suq tax-xandir nazzjonali u internazzjonali u li għandhom struttura ta’ sjieda internazzjoanli. Għaldaqstant anki mingħajr l-attivitajiet kummerċjali li RTVE wettqet sa Awwissu 2009, il-kompetizzjoni fis-suq Spanjol tirriskja li tkun imxekkla mill-għajnuna mogħtija lil RTVE b’mod li tista’ taffettwa l-kummerċ bejn l-Istati Membri. Il-Kummissjoni diġà ddikjarat dan fid-Deċiżjonijiet E 8/2005 u NN 8/07. |
(45) |
Il-Kummissjoni qieset ukoll il-possibilità li l-miżuri ta’ finanzjament jistgħu sempliċiment jitqiesu bħala kumpens għall-obbligi ta’ servizz pubbliku li ma jagħtux vantaġġ finanzjarju lil RTVE, skont it-tifsira tas-sentenza Altmark tal-Qorti tal-Ġustizzja. (18) RTVE hija intrapriża inkarigata bil-provvediment ta’ servizz ta’ interess ekonomiku ġenerali (SGEI - service of general economic interest), ix-xandir fis-servizz pubbliku. Il-miżuri tal-Istat li jikkumpensaw l-ispejjeż addizzjonali netti tal-SGEI ma jikkwalifikawx bħala għajnuna mill-Istat jekk il-kundizzjonijiet kollha stipulati f’dik is-sentenza jiġu ssodisfati. L-ewwel nett, l-intrapriża benefiċjarja trid tkun effettivament inkarigata sabiex twettaq obbligi ta’ servizz pubbliku, u tali obbliġi jridu jiġu ddefiniti b’mod ċar; it-tieni nett, il-parametri li fuqhom huwa kkalkolat il-kumpens iridu jkunu stabbiliti minn qabel b’mod oġġettiv u trasparenti; it-tielet nett, il-kumpens ma jistax ikun iktar minn dak li huwa meħtieġ sabiex ikunu koperti l-ispejjeż kollha jew parti minnhom, li jirriżultaw mit-twettiq ta’ obbligi ta’ servizz pubbliku, filwaqt li jkun ikkunsidrat id-dħul rilevanti kollu kif ukoll il-profitt raġonevoli għat-twettiq ta’ tali obbligi; ir-raba’ nett, meta l-impriża li għandha twettaq l-obbligi ta’ servizz pubbliku ma tintgħażilx permezz ta’ proċedura ta’ offerta pubblika li tippermetti li tintgħażel l-offerta li kapaċi tipprovdi tali servizzi bl-inqas spiża għall-komunità, il-livell tal-kumpens għandu jkun stabbilit abbażi ta’ analiżi tal-ispejjeż li intrapriża tipika, immexxija tajjeb u adegwatament mogħnija bil-mezzi meħtieġa sabiex tkun tista’ tissodisfa r-rekwiżiti ta’ servizz pubbliku, kienet tagħmel sabiex twettaq obbligi bħal dawn. |
(46) |
Meta s-sussidji pubbliċi mogħtija lil intrapriżi espressament meħtieġa li jwettqu l-obbligi ta’ servizz pubbliku sabiex jikkumpensaw għall-ispejjeż li jsiru fit-twettiq ta’ dawn l-obbligi ma jkunux konformi ma’ dawn il-kundizzjonijiet kollha, sussidji bħal dawn jaqgħu taħt l-Artikolu 107(1) tat-TFUE u jridu jitqiesu bħala għajnuna mill-Istat skont it-tifsira ta’ dik id-dispożizzjoni (19). |
(47) |
Entità pubblika, RTVE, kienet inkarigata bil-forniment tax-xandir fis-servizz pubbliku kif iddefinit mil-Liġijiet 17/2006 u 8/2009. Madankollu, kienet maħtura bħala x-xandar tas-servizz pubbliku bil-liġi u mhux permezz ta’ sejħa għall-offerti. Barra minn hekk, l-awtoritajiet Spanjoli ma ddeterminawx il-livell tal-kumpens meħtieġ fuq il-bażi ta’ analiżi tal-ispejjeż, li intrapriża tipika, immexxija u mgħammra tajjeb, kienet tagħmel sabiex tissodisfa obbligi bħal dawn. Il-livell jiġi stabbilit kull sena fuq il-bażi tal-ispejjeż netti attwali, mingħajr l-użu ta’ intrapriża mmexxija tajjeb bħala punt ta’ referenza. Il-parametri li fuqhom sejjer jiġi kkalkulat il-kumpens ma kinux stabbiliti minn qabel b’mod oġġettiv u trasparenti. Għaldaqstant mhux il-kundizzjonijiet kollha stipulati mill-Qorti ġew issodisfati u l-miżuri li qegħdin jiġu evalwati jikkwalifikaw bħala għajnuna mill-Istat skont it-tifsira tal-Artikolu 107(1) tat-TFUE (20). |
Valutazzjoni tan-natura ta’ għajnuna eżistenti tal-miżuri
(48) |
Spanja ma nnotifikatx il-miżura ta’ għajnuna ġdida. Hija ssostni li l-miżura ma tikkostitwixxix bidla sostantiva tal-iskema ta’ għajnuna eżistenti kif emendata skont id-Deċiżjoni tal-Kummissjoni fil-Każ E8/2005 skont it-tifsira tal-Artikolu 108(3) tat-TFUE u għaldaqstant ma tikkostitwixxix għajnuna ġdida li teħtieġ notifika. |
(49) |
Skont l-Artikolu 1(c) tar-Regolament (KE) Nru 659/1999, “għajnuna ġdida” titqies li tfisser kull għajnuna li ma tkunx għajnuna eżistenti, inklużi bidliet għall-għajnuna eżistenti. Skont l-Artikolu 4 tar-Regolament Implimentattiv (KE) Nru 794/2004, la modifiki ta’ għajnuna eżistenti ta’ natura purament formali jew amministrattiva li ma jistgħux jaffettwaw l-evalwazzjoni tal-kompatibilità tal-miżura ta’ għajnuna mas-suq intern u lanqas żieda sa 20 % fil-baġit oriġinali ta’ skema ta’ għajnuna eżistenti m’għandhom jitqiesu bħala bidla fl-għajnuna eżistenti. |
(50) |
Sabiex bidla fi skema eżistenti tikkwalifika bħala “għajnuna ġdida”, il-bidla fis-sistema trid tkun sostantiva, jiġifieri, l-elementi bażiċi tas-sistema jridu jinbidlu bħalma jiġri fil-każ meta, pereżempju, ikun hemm bidliet fl-iskop segwit, fil-bażi li fuqha tkun saret l-imposta, fil-persuni u l-korpi affettwati jew, b’mod ġenerali, fis-sors tal-finanzi tagħha (21). F’dan il-każ, is-sorsi tal-finanzi ta’ RTVE nbidlu b’mod sostanzjali. Is-sorsi l-ġodda ta’ finanzjament ifissru wkoll li l-finanzjament marbut mar-reklamar (li ma kienx għajnuna) issa qiegħed jingħata mill-Istat (u huwa għajnuna). Din iż-żieda qawwija fl-ammont tal-għajnuna u l-bidla minn finanzjament doppju għal sistema ta’ finanzjament uniku jagħtu indikazzjoni ċara li hemm għajnuna ġdida. |
(51) |
Barra minn hekk, jekk l-Artikolu 1(c) tar-regolament proċedurali jiddikjara li bidliet fl-għajnuna eżistenti għandhom jitqiesu bħala għajnuna ġdida, din id-dispożizzjoni tfisser li “mhux l-għajnuna eżistenti mibdula li għandha titqies bħala għajnuna ġdida, iżda hija biss il-bidla bħala tali li tista’ tkun ikklassifikata bħala għajnuna ġdida”, kif enfasizzat il-Qorti tal-Prim’Istanza fil-każ ta’ Ġibiltà (22). Hija kompliet li “huwa biss fejn il-bidla taffettwa s-sustanza attwali tal-iskema oriġinali li din tal-aħħar hija ttrasformata fi skema ta’ għajnuna ġdida. Ma jistax ikun hemm dubju rigward bidla sostantiva bħal din meta l-element il-ġdid jista’ b’mod ċar jinqata’ mill-iskema inizjali” (23). |
(52) |
Isegwi minn din il-każistika u minn din il-leġiżlazzjoni li aġġustamenti li ma jaffettwawx l-evalwazzjoni tal-kompatibilità tal-miżura ta’ għajnuna lanqas jistgħu jaffettwaw is-sustanza tal-għajnuna, u għaldaqstant ma jibdlux il-klassifikazzjoni tal-miżura bħala għajnuna eżistenti. Min-naħa l-oħra, jekk bidla taffettwa s-sustanza ta’ skema, iżda mhux sal-punt li tirrikjedi evalwazzjoni ġdida tal-elementi l-oħrajn tagħha, din il-bidla tista’ tkun evalwata fuq bażi indipendenti, mingħajr referenza għall-elementi l-oħrajn tal-iskema. F’dan il-każ tkun biss il-bidla li hija soġġetta għall-obbligu ta’ notifika u analiżi mill-Kummissjoni. |
(53) |
It-tliet miżuri fiskali li huma introdotti jew emendati mill-Artikoli 4, 5 u 6 tal-Liġi 8/2009 huma diviżibbli mill-iskema eżistenti għall-finanzjament ta’ RTVE. Għalkemm is-sorsi ġodda ta’ finanzjament jistgħu jaffettwaw il-legalità tal-iskema bħala tali, huma ma jaffettwawx l-evalwazzjoni tal-elementi l-oħrajn tal-għajnuna għal RTVE jew l-effett li l-għajnuna jista’ jkollha fuq is-suq. |
(54) |
L-elementi l-ġodda tal-għajnuna, jiġifieri t-taxxi l-ġodda, jistgħu joħolqu għajnuna ġdida minħabba li ma jaqgħux fi ħdan xi waħda mis-sitwazzjonijiet imsemmija fl-Artikolu 1(b) tar-Regolament Nru 659/1999. Fil-fatt huma ġew stabbiliti minn liġijiet approvati wara d-dħul fis-seħħ tat-Trattat, mhumiex miżura ta’ għajnuna individwali mogħtija fil-kuntest ta’ skema ta’ għajnuna awtorizzata, mhumiex awtorizzati fuq il-bażi tal-Artikolu 4(6) tar-Regolament 659/1999, ma ngħatawx għaxar snin qabel l-ewwel azzjoni tal-Kummissjoni, u finalment, huma japplikaw għal setturi li kienu miftuħin għall-kompetizzjoni meta daħlu fis-seħħ. It-tieni nett, anki jekk naċċettaw, bħala ipoteżi, l-argument ta’ Spanja li għandhom jitqiesu bħala modifika għal skema ta’ għajnuna eżistenti, jidher li l-mod kif il-finanzjament addizzjonali ta’ RTVE huwa ffinanzjat jikkostitwixxi tibdil sostanzjali fl-iskema ta’ finanzjament eżistenti fir-rigward tas-sors tal-finanzi tagħha. L-iskema eżistenti ma kienx fiha l-imposti speċifiċi li jridu jinġabru għall-benefiċċju ta’ RTVE, li l-legalità ta’ dan jista’ jkollha impatt fuq il-kompatibilità tal-għajnuna kollha. |
(55) |
Kif ġie stabbilit fid-deċiżjoni tal-ftuħ, it-tibdiliet fil-finanzjament ta’ RTVE qajmu dubji min-naħa tal-Kummissjoni rigward l-effett tagħhom fuq il-kompatibilità ġenerali tal-finanzjament ta’ RTVE mat-Trattat u kienu jirrikjedu evalwazzjoni addizzjonali mill-Kummissjoni. Għaldaqstant, dawn it-tibdiliet kienu jeħtieġu li jiġu nnotifikati formalment lill-Kummissjoni. Kif kien stabbilit hawn fuq, il-klassifikazzjoni bħala għajnuna ġdida tapplika biss għall-bidla bħala tali. Għaldaqstant, il-proċedura nfetħet mill-Kummissjoni sabiex tevalwa biss il-kwalità ta’ dawn il-bidliet u tal-konsegwenzi tagħhom fuq il-kompatibilità tal-għajnuna. |
Il-kompatibilità tal-għajnuna
Definizzjoni tal-mandat u l-inkarigu ta’ servizz pubbliku ta’ RTVE
(56) |
Il-Kummissjoni tevalwa l-għajnuna lix-xandara pubbliċi f’forma ta’ kumpens għat-twettiq ta’ mandat ta’ servizz pubbliku skont l-Artikolu 106(2) tat-TFUE, fuq il-bażi tal-kriterji stabbiliti fil-Komunikazzjoni tal-2001 rigward l-applikazzjoni tar-regoli tal-għajnuna mill-Istat għax-xandir fis-servizz pubbliku (il-Komunikazzjoni dwar ix-Xandir tal-2001). (24) Skont l-avviż tal-Kummissjoni dwar id-determinazzjoni tar-regoli applikabbli għall-evalwazzjoni ta’ għajnuna illegali mill-Istat u mal-paragrafu 100 tal-Komunikazzjoni dwar ix-Xandir tal-2009, din tal-aħħar tapplika fil-każ ta’ għajnuna ġdida mhux innotifikata biss jekk l-għajnuna ġdida tkun ingħatat wara l-pubblikazzjoni tagħha fis-27 ta’ Ottubru 2009. Madankollu, f’dan il-każ, is-sistema ta’ għajnuna ġdida ġiet introdotta mad-dħul fis-seħħ tal-liġi fl-1 ta’ Settembru 2009. B’hekk, l-iskema ta’ finanzjament ġdida sejra tiġi evalwata fuq il-bażi tal-Komunikazzjoni tal-2001 u tal-każistika sussegwenti tal-Kummissjoni. (25) |
(57) |
Sabiex miżura tibbenefika mid-deroga tal-Artikolu 106(2), huwa meħtieġ li jiġu ssodisfati l-kundizzjonijiet kollha li ġejjin:
|
(58) |
Fil-każ speċifiku tax-xandir pubbliku, il-mudell ta’ hawn fuq ikollu jiġi addattat fid-dawl tad-dispożizzjonijiet interpretattivi tal-Protokoll ta’ Amsterdam, li jirreferi għall-“mandat ta’ servizz pubbliku kif mogħti, iddefinit u organizzat minn kull Stat Membru” (definizzjoni u mandat) u jipprovdi għal deroga mir-regoli tat-Trattat fil-każ tal-finanzjament tax-xandir fis-servizz pubbliku “sakemm tali finanzjament jingħata lil organizzazzjonijiet tax-xandir għat-twettiq tal-mandat tas-servizz pubbliku … u … ma jaffettwax il-kundizzjonijiet tal-kummerċ u l-kompetizzjoni fl-Unjoni sal-punt li jkun kuntrarju għall-interess komuni, waqt li għandu jitqies it-twettiq tal-mandat ta’ dak is-servizz pubbliku” (proporzjonalità) (27). |
(59) |
Id-definizzjoni tal-mandat ta’ servizz pubbliku mil-Liġi 17/2006 tqieset li hija kompatibbli mal-Artikolu 106(2) tat-TFUE mill-Kummissjoni fid-deċiżjoni tagħha rigward il-finanzjament ta’ RTVE fil-każijiet E 8/2005 u NN 8/07. L-Artikolu 9 tal-Liġi 8/2009 jaffettwa lil din id-definizzjoni minħabba li jżid aktar obbligi u restrizzjonijiet fuq il-kontenut tax-xandir minn RTVE. Għaldaqstant il-kriterju ta’ definizzjoni xierqa tal-mandat ta’ servizz pubbliku xorta għadu ssodisfatt. Barra minn hekk, l-irtirar ta’ RTVE mis-suq tar-reklamar tat-televiżjoni jista’ jikkontribwixxi għat-tisħiħ tal-missjoni ta’ servizz pubbliku billi jagħmel il-programmi inqas dipendenti fuq kunsiderazzjonijiet kummerċjali u fuq il-varjazzjonijiet tad-dħul kummerċjali. |
(60) |
Għal din ir-raġuni, il-Kummissjoni ma esprimietx dubji fid-deċiżjoni tal-ftuħ fir-rigward ta’ dawn l-aspetti tal-finanzjament ta’ RTVE. |
L-għażla tal-finanzjament ta’ RTVE
(61) |
Element ċentrali tat-tibdiliet fil-finanzjament ta’ RTVE huwa l-waqfien kważi totali tal-attivitajiet kummerċjali tagħha, il-bidla minn sistema ta’ “finanzjament doppju”, il-kombinazzjoni ta’ appoġġ minn fondi pubbliċi u dħul minn attivitajiet kummerċjali, għal “finanzjament uniku”, fejn ix-xandir huwa ffinanzjat esklussivament, jew kważi esklussivament, permezz ta’ fondi pubbliċi, f’konformità mad-distinzjoni magħmula fil-paragrafu 45 tal-Komunikazzjoni dwar ix-Xandir tal-2001. L-Istati Membri huma ħielsa li jagħżlu jekk jikkombinawx, u kif jikkombinaw, sorsi differenti ta’ finanzjament. Madankollu, il-parti tad-dħul ta’ RTVE li sa issa oriġinat minn attivitajiet kummerċjali mhux sejra tiġi sostitwita sempliċiment minn finanzjament mill-baġit ġenerali tal-Istat ta’ Spanja, f’konformità mal-Artikolu 33 tal-Liġi 17/2006. Din is-sostituzzjoni sejra tkun akkumpanjata wkoll mill-introduzzjoni jew mill-emendar ta’ ċerti taxxi għall-iskop preċiż li jiġġeneraw id-dħul meħtieġ. |
(62) |
Ir-rabta stabbilita bejn il-finanzjament u d-dħul minn taxxi ġodda tissuġġerixxi li d-dħul mit-taxxi jidher li huwa allokat għall-finanzjament tal-għajnuna għal RTVE u li għandu impatt dirett fuq l-ammont tal-għajnuna. Meta ħlas speċifikament intenzjonat biex jiffinanzja għajnuna jirriżulta kuntrarju għal dispożizzjonijiet oħrajn tat-Trattat, il-Kummissjoni ma tistax tiddikjara li l-iskema ta’ għajnuna li minnha l-ħlas jifforma parti hija kompatibbli mas-suq intern. Għaldaqstant, il-metodu li bih miżura ta’ għajnuna hija ffinanzjata jista’ jirrendi l-iskema ta’ għajnuna kollha inkompatibbli mas-suq intern. Għaldaqstant, kif stabbilit fil-paragrafi 21, 22 u 23 ta’ hawn fuq, irid ikun evalwat jekk is-sistema ta’ finanzjament hijiex, fil-fatt, qiegħda tipoteka l-għajnuna għat-taxxi u jekk il-Kummissjoni għandhiex għaldaqstant tinkludi l-effetti tat-taxxi l-ġodda fl-analiżi tal-għajnuna mill-Istat. |
(63) |
Madankollu, biex taxxa titqies li tifforma parti integrali minn miżura ta’ għajnuna, hija trid tkun ipotekata għall-finanzjament tal-għajnuna, fis-sens li d-dħul mit-taxxa huwa neċessarjament allokat għall-finanzjament tal-għajnuna u għandu impatt dirett fuq l-ammont tal-għajnuna. (28) |
(64) |
Dawn il-kundizzjonijiet mhumiex issodisfati fil-każ imsemmi. Kif ikkonfermat minn Spanja, l-ammont ta’ għajnuna għal RTVE huwa stabbilit billi jitqiesu biss il-ħtiġijiet ta’ finanzjament ta’ RTVE u l-ispejjeż netti stmati tal-għoti tas-servizz ta’ xandir pubbliku. Il-finanzjament li tirċievi RTVE huwa, fil-fatt u skont il-liġi, indipendenti mid-dħul iġġenerat mit-taxxi, minħabba li tali finanzjament jiddependi biss fuq l-ispejjeż netti tal-obbligu tas-servizz pubbliku. Min-naħa l-oħra, id-dħul iġġenerat mit-taxxi li sejjer ikun allokat għall-finanzjament ta’ RTVE ma jistax jaqbeż l-ispejjeż netti tal-obbligu tas-servizz pubbliku (kwalunkwe ammont li jaqbeż l-ispiża netta tas-servizz pubbliku sejjer jitħallas lura lill-baġit ġenerali tal-Istat). Min-naħa l-oħra, meta l-ispejjeż netti tal-obbligu tas-servizz pubbliku jaqbeż id-dħul iġġenerat mit-taxxi msemmija, id-differenza timtela minn kontribuzzjonijiet mill-baġit ġenerali tal-istat. Dħul ogħla jew anqas minn dak mistenni mit-taxxi l-ġodda ma jwassalx għal bidliet fl-ammonti ppjanati. Jekk id-dħul mis-sorsi ta’ taxxi ġodda ma jkunx biżżejjed biex ikopri d-differenza fil-finanzjament ikkawżata mit-tneħħija tar-reklamar, il-fondi nieqsa se jkunu kkontribwiti mill-baġit ġenerali tal-Istat, skont l-Artikolu 33 tal-Liġi 17/2006. Kwalunkwe dħul li jibqa’ sejjer jiġi attribwit lill-baġit ġenerali tal-Istat. Għaldaqstant, il-finanzjament ġenerali ppjanat tal-missjoni ta’ servizz pubbliku ta’ RTVE mhuwiex sejjer jiddependi fuq l-ammont tad-dħul mit-taxxi speċifiċi iżda fi kwalunkwe każ sejjer ikun żgurat mill-baġit ġenerali tal-Istat. |
(65) |
Il-fatt li r-rabta bejn it-taxxi u l-iskop li għalih kienu introdotti hija msemmija fil-memorandum ta’ spjegazzjoni u fil-liġi nnifisha, ma jibiddilx din il-konklużjoni. Il-formolazzjoni tal-kliem fil-liġi (“bil-għan li jikkontribwixxi għall-finanzjament ta’ RTVE”) ma tiddefinixxix il-kwalità tar-rabta bejn it-taxxi u l-għajnuna. |
(66) |
Għaldaqstant, il-Kummissjoni tikkonkludi li t-tliet miżuri ta’ taxxi deskritti fil-paragrafu 14 mhumiex parti integrali mill-għajnuna. Il-legalità tagħhom m’għandhiex influwenza fuq il-kompatibilità tal-għajnuna għal RTVE. L-osservazzjazzjonijiet magħmula mill-partijiet interessati rigward il-legalità tagħhom mhumiex ta’ rilevanza għall-valutazzjoni tal-għajnuna mill-Istat. Għaldaqstant il-proċedura ta’ ksur attwalment miftuħa fir-rigward tat-taxxa dwar il-komunikazzjonijiet elettroniċi għal ksur allegat tal-Artikolu 12 tad-Direttiva ta’ Awtorizzazzjoni 2002/20/KE ma taffettwax din id-deċiżjoni. |
Il-proporzonalità tal-miżura
(67) |
Fir-rigward tal-proporzjonalità tal-kumpens sabiex ikopri mhux aktar mill-ispejjeż netti tat-twettiq tal-obbligi ta’ servizz pubbliku ta’ RTVE, il-liġi l-ġdida tipprevedi li kwalunkwe dħul ta’ RTVE li jkun aktar mill-ispejjeż netti tas-servizz pubbliku flimkien ma’ riżerva addizzjonali ta’ 10 % sejjer imur lura fil-baġit ġenerali tal-Istat. 10 % tad-dħul li jibqa’ jista’ jinżamm f’fond ta’ riżerva, sabiex ikopri kumpens inqas li jista’ jkun hemm minn snin preċedenti jew spejjeż eċċezzjonali, sa 4 snin. Dan il-mekkaniżmu, biex ikun evitat kumpens żejjed mhux dovut, huwa konformi mal-każistika tal-Kummissjoni. (29) |
(68) |
Biex jiżguraw li l-għajnuna tkun proporzjonata, l-Istati Membri jridu jinstallaw ukoll mekkeniżmu xieraq li jiżgura kontroll regolari u effettiv fuq l-użu tal-finanzjament pubbliku għall-mandat tas-servizz pubbliku (30) u garanzija li l-finanzjament annwali mill-Istat ikun limitat għall-ispiża netta tal-obbligu ta’ servizz pubbliku. (31) Spanja żżomm fis-seħħ is-sistema ta’ kontroll estern tagħha introdotta mil-Liġi 17/2006, kif deskritta hawn fuq u kif approvata mill-Kummissjoni fid-Deċiżjoni E 8/2005, li tippermetti li jiġu stabbiliti l-ispejjeż netti tax-xandir fis-servizz pubbliku. |
(69) |
Madankollu, minħabba li t-tneħħija tar-reklamar jista’ jkollha impatt fuq l-ispejjeż tax-xandar minħabba li l-progammi tiegħu jsiru inqas dipendenti fuq kunsiderazzjonijiet kummerċjali, sabiex tkun evitata l-possibilità ta’ kumpens żejjed il-Kummissjoni, fid-deċiżjoni tal-ftuħ, stiednet lil Spanja u lil partijiet interessati oħrajn biex jikkummentaw fuq il-mekkaniżmu tal-finanzjament. |
(70) |
Il-partijiet interessati esprimew tħassib li probabbilment iseħħ kumpens żejjed ta’ RTVE. L-ippjanar baġitarju għal RTVE ta’ EUR 1 200 miljun fis-sena ma jkunx ibbażat fuq kalkolazzjoni xierqa tal-ispejjeż netti tas-servizz pubbliku. Dan ma jiddifferenzjax bejn attivitajiet kummerċjali u dawk ta’ servizz pubbliku u ma jqisx it-tfaddil mill-ispejjeż bit-tneħħija tar-reklamar minħabba li l-programmi ma jkunux aktar jeħtieġu li jiġbdu udjenza kbira u jistgħu jkunu prodotti bi spejjeż aktar baxxi. Barra minn hekk, il-kumpens sħiħ għat-telf tad-dħul mir-reklamar sejjer jiġi ikkalkulat fuq il-bażi tas-snin preċedenti meta l-kriżi ekonomika wasslet għal dħul kummerċjali aktar baxx fl-2010 u b’hekk għal dħul ġenerali inqas għal RTVE. Ma jkunx ġust jekk, bit-tneħħija tal-finanzjament doppju, RTVE kellha tikseb dħul iggarantit, indipendenti mid-dħul kummerċjali li jvarja. Huma esprimew ukoll tħassib rigward il-kontroll baġitarju. |
(71) |
Madankollu, Spanja uriet li l-ippjanar baġitarju jibqa’ konformi mal-ispejjeż ibbaġitjati kull sena ta’ RTVE fis-snin preċedenti u li mhemmx raġuni biex wieħed jassumi li issa, jew fil-ġejjieni qrib, jista’ jsir xi tfaddil konsiderevoli mill-ispejjeż sempliċiment minħabba t-tneħħija tar-reklamar. RTVE sejra tkompli tkun meħtieġa tattira udjenza kbira, u t-tneħħija tar-reklami sejra toħloq il-ħtieġa ta’ produzzjonijiet addizzjonali li jridu jiġu ffinanzjati. Imqabbla maċ-ċifri tas-snin preċedenti (EUR 1 177 miljun fl-2007, EUR 1 222 miljun fl-2008 u EUR 1 146 miljun fl-2009) u meta titqies l-ispiża addizzjonali tal-produzzjonijiet (EUR 104 miljun) meħtieġa għas-sostituzzjoni għall-ħin għall-wiri tar-reklami, id-dħul kummerċjali li jibqa’ (stmat li huwa EUR 25 miljun biss), il-limitu ta’ EUR 1 200 miljun għall-ippjanar tal-ispejjeż baġitarji jidher ammont kawt u raġonevoli għall-ispejjeż annwali bbaġitjati tal-kumpens ta’ servizz pubbliku. Barra minn hekk, il-prinċipju ta’ kumpens għall-ispejjeż netti effettivi ta’ xandar pubbliku jeħtieġ bilfors li dan ikun protett mill-varjazzjonijiet fid-dħul mis-suq tar-reklamar. |
(72) |
Fir-rigward tal-kontroll baġitarju, Spanja enfasizzat il-mekkaniżmi ta’ kontroll eżistenti diġà stabbilit bil-Liġi 17/2006, kif deskritt fil-paragrafu 38 ta’ hawn fuq. Biex ikun żgurat li l-għajnuna mill-Istat ma taqbiżx l-ispejjeż netti tal-missjoni ta’ servizz pubbliku, kontroll baġitarju ex post effettiv huwa żgurat, skont l-Artikolu 37 tal-Liġi 17/2006, permezz ta’ verifika interna, analiżi pubblika mill-Uffiċċju tal-Verifika tal-Gvern u verifika esterna minn ditta privata tal-verifika. Barra minn hekk, skont l-Artikoli 39 u 40 ta’ din il-Liġi, il-Parlament u l-awtorità awdjoviżiva jikkontrollaw it-twettiq tal-missjoni ta’ servizz pubbliku minn RTVE u l-kontijiet annwali tagħha. Finalment, RTVE hija soġġetta għal analiżi mill-Qorti tal-Awdituri. Il-kummenti li waslu mingħand il-partijiet interessati ma jagħtu l-ebda raġuni biex wieħed jistenna li din is-sistema mhux qiegħda tkun applikata kif jixraq. |
(73) |
Il-Kummissjoni tqis li m’hemmx indikazzjoni li l-kumpens annwali stmat għall-obbligu ta’ servizz pubbliku ta’ RTVE sejjer jaqbeż dak li raġonevolment jista’ jkun mistenni li jkunu l-ispejjeż ta’ dan is-servizz jew li l-kumpens eventwalment ikun iżjed mill-ispejjeż netti tas-servizz pubbliku. |
Diversifikazzjoni tas-servizzi awdjoviżivi
(74) |
Barra minn hekk, fid-deċiżjoni tal-ftuħ, il-Kummissjoni staqsiet lil Spanja jekk kellhiex qafas proċedurali adegwat għal valutazzjoni ex ante rigward jekk is-servizzi awdjoviżivi ġodda ta’ RTVE, ix-xandar pubbliku, kinux konformi mal-kundizzjonijiet materjali tal-Protokoll ta’ Amsterdam (’l hekk imsejjaħ kontroll ex ante). (32) L-informazzjoni sottomessa minn Spanja sa issa ma ppermettietx lill-Kummissjoni li teżamina jekk Spanja kellhiex tali mekkaniżmu. Il-Kummissjoni taqbel mal-asserzjoni ta’ Spanja li fil-prinċipju dan l-element tal-finanzjament ta’ RTVE kien is-suġġett tad-deċiżjonijiet tal-2005 u l-2007, li kienu jikkonċernaw is-sistema kollha tal-finanzjament ta’ RTVE. Barra minn hekk, il-Kummissjoni taqbel li s-sistema ma ġietx affettwata mill-introduzzjoni ta’ taxxi ġodda li kkaġunaw il-proċedura preżenti. |
(75) |
Madankollu, skont l-informazzjoni sottomessa minn Spanja, l-Artikolu 41(3) tal-Liġi 7/2010 (33) stabbilixxa tali proċedura u nkariga lill-awtorità superviżorja u regolatorja indipendenti Spanjola għax-xandir pubbliku, il-Consejo Estatal de Medios Audiovisuales, bit-twettiq ta’ dan il-kontroll, li jikkonsisti f’konsultazzjoni pubblika mal-partijiet interessati, il-pubblikazzjoni tar-riżulatati tal-konsultazzjoni, u l-evalwazzjoni tal-impatt ġenerali ta’ kull servizz ġdid fuq is-suq. Madankollu, din il-liġi ma fihiex definizzjoni ta’ x’jikkostitwixxi servizz ġdid. L-Istati Membri għandhom jistabbilixxu l-kriterji rilevanti. (34) Iżda Spanja indikat li sa mhux aktar tard mill-1 ta’ Novembru 2010 biħsiebha tiffirma kuntratt dwar il-programmi (contrato-programa) ma’ RTVE li jkun fih tali definizzjoni. Skont l-abbozz ta’ dan il-kuntratt dwar il-programmi, servizz sinifikanti ġdid sejjer jitqies li jfisser offerta ta’ servizz ġdid iddifferenzjat b’mod ċar mis-servizzi diġà fis-seħħ, li jistgħu jkunu kklassifikati bħala s-suq tal-prodotti rilevanti, bil-kapaċità li jkollu effett fuq is-suq, b’mod partikolari rigward l-impatt fuq id-domanda. |
(76) |
Għaldaqstant, Spanja ssodisfat l-obbligu tagħha li tintroduċi kontroll ex ante, u l-Kummissjoni tieħu nota li sa Novembru 2010 hija għandha wkoll il-ħsieb li tintroduċi definizzjoni vinkolanti rigward dak li jikkostitwixxi servizz sinifikanti ġdid. Il-Kummissjoni tinnota wkoll li dan il-mekkaniżmu ma kienx ġie stabbilit qabel l-2010. |
VI. KONKLUŻJONI
(77) |
Il-Kummissjoni ssib li Spanja implimentat illegalment ir-riforma tal-finanzjament ta’ RTVE, ix-xandar pubbliku, bi ksur tal-Artikolu 108(3) tat-Trattat dwar il-Funzjonament tal-Unjoni Ewropea. Madankollu, il-Kummissjoni tikkonkludi li t-taxxi miġbura mhumiex ipotekati għall-finanzjament tal-għajnuna għal RTVE u m’għandhomx impatt fuq il-kompatibilità tal-għajnuna mat-Trattat. Barra minn hekk, Spanja għandha fis-seħħ salvagwardji biex ikun evitat kumpens żejjed lil RTVE. Finalment, il-Kummissjoni tinnota li Spanja introduċiet proċedura għal kontroll ex ante għall-introduzzjoni ta’ servizzi sinifikanti ġodda fi ħdan il-mandat tas-servizz pubbliku. Għaldaqstant l-għajnuna lil RTVE, ix-xandar fis-servizz pubbliku, tibqa’ kompatibbli mat-Trattat, |
ADOTTAT DIN ID-DEĊIŻJONI:
Artikolu 1
Il-finanzjament ta’ Corporación de Radio y Televisión Española (RVTE), ix-xandar fis-servizz pubbliku, immodifikat minn Spanja bil-Liġi 8/2009 dwar il-finanzjament ta’ RTVE, huwa kompatibbli mas-suq intern skont it-tifsira tal-Artikolu 106(2) tat-Trattat dwar il-Funzjonament tal-Unjoni Ewropea.
Artikolu 2
Din id-Deċiżjoni hija indirizzata lir-Renju ta’ Spanja.
Magħmul fi Brussell, l-20 ta’ Lulju 2010.
Għall-Kummissjoni
Joaquín ALMUNIA
Viċi-President
(1) ĠU C 115, 9.5.2008, p. 312.
(3) Il-Gazzetta Uffiċjali tal-Istat [Boletín Oficial del Estado – (BOE)] 210, 31.8.2009, p. 74003.
(4) Il-Gazzetta Uffiċjali tal-Istat 134, 6.6.2006, p. 21207.
(5) Ara n-nota ta’qiegħ il-paġna 2.
(6) ĠU L 108, 24.4.2002, p. 21; rigward il-proċedura ta’ ksur ara l-Istqarrija għall-Istampa tal-Kummissjoni IP/10/322.
(7) Il-Każijiet E 8/2005, għajnuna mill-Istat favur RTVE, ix-xandar nazzjonali Spanjol, u NN8/07, l-iffinanzjar tal-miżuri għat-tnaqqis tal-ħaddiema ta’ RTVE.
(8) Il-Każijiet Konġunti C-261/01 u C-262/01, Belgische Staat vs Eugene van Calster, Felix Cleeren u Openbaar Slachthuis, paragrafi 48 u 49; il-Każ C-174/02 Streekgewest Westelijk Noord-Brabant, paragrafu 26; il-Każ C-333/07, Régie Networks, paragrafi 93 sa 112.
(9) Ara l-paragrafu 5 ta’ hawn fuq.
(10) Ara d-Deċiżjonijiet tal-Kummissjoni E 3/2005 tal-24 ta’ April 2007, paragrafi 370 u 372, E 8/2006 tas-27 ta’ Frar 2008, il-paragrafu 230, u E 4/2005 tas-27 ta’ Frar 2008, paragrafu 121. Din il-każistika ġiet adottata fuq il-bażi tal-Komunikazzjoni mill-Kummissjoni rigward l-applikazzjoni tar-regoli tal-għajnuna mill-Istat għax-xandir ta’ servizz pubbliku (ĠU C 320, 15.11.2001) (il-Komunikazzjoni dwar ix-Xandir tal-2001) u ċċarata u kkonsolidata aktar fil-paragrafu 88 tal-Komunikazzjoni mill-Kummissjoni rigward l-applikazzjoni tar-regoli tal-għajnuna mill-Istat għax-xandir ta’ servizz pubbliku (ĠU C 257, 27.10.2009, p. 1).
(11) Ara l-paragrafu 6 ta’ hawn fuq.
(12) ĠU L 83, tas-27.3.1999, p. 1.
(13) Il-Gazzetta Uffiċjali tal-Istat 79, 1.4.2010, p. 30157.
(14) QEĠ, sentenza tas-17 ta’ Ġunju 1999, Kawża C-75/97 Maribel bis/ter [1999] ECR I-3671, paragrafu 47.
(15) QEĠ, sentenza tas-7 ta’ Marzu 2002, Kawża C-310/99 L-Italja vs il-Kummissjoni, [2002] ECR I-2289.
(16) ĠU C 320, 15.11.2001, p. 5, paragrafu 18; ĠU C 257, 27.10.2009, p. 1, paragrafu 22.
(17) QEĠ, sentenza tat-8 ta’ Ottubru 2002 fil-kawżi konġunti T-185/00, T-216/00, T-299/00 u T-300/00 M6 u oħrajn vs il-Kummissjoni, [2002] ECR II-3805.
(18) Is-sentenza tal-24 ta’ Lulju 2003, il-Kawża C-280/00 Altmark Trans [2003] ECR I-7747.
(19) Ara n-nota ta’qiegħ il-paġna 18, paragrafu 94.
(20) Ara l-istess konklużjoni fil-Kawża E 8/2005, nota ta’ qiegħ il-paġna 7, paragrafu 46.
(21) L-opinjoni tal-Avukat Ġenerali Trabucchi mogħtija fit-23 ta’ Jannar 1975, fil-Kawża C51/74 HULST [1975] ECR p. 79. Edizzjoni Spanjola speċjali, p. 27.
(22) Is-sentenza tat-30 ta’ April 2002 fil-Kawżi konġunti T-195/01 u T-207/01, Il-Gvern ta’ Gibiltà vs il-Kummissjoni [2002] ECR II-2309, paragrafu 109.
(23) Ara n-nota ta’ qiegħ il-paġna 22, paragrafu 111.
(24) ĠU C 320, 15.11.2001, p. 5.
(25) Din il-każistika ġiet ikkonsolidata fil-Komunikazzjoni dwar ix-Xandir tal-2009. Fil-prattika, meta tikkonforma mal-Komunikazzjoni dwar ix-Xandir tal-2009, Spanja tkun qiegħda tikkonforma wkoll mal-Komunikazzjoni dwar ix-Xandir tal-2001 tal-Kummissjoni u l-każistika żviluppata abbażi ta’ din il-Komunikazzjoni.
(26) Ara l-paragrafu 29 tal-Komunikazzjoni dwar ix-Xandir tal-2001.
(27) Ara l-paragrafu 31 tal-Komunikazzjoni dwar ix-Xandir tal-2001.
(28) Sentenza tat-22 ta’ Diċembru 2008 fil-Kawża C-333/07 Regie Networks, paragrafu 99.
(29) Ara pereżempju l-paragrafu 281 tad-Deċiżjoni E 3/2005 (“marġni ta’ 10 %”) u l-paragrafu 147 tad-Deċiżjoni tal-Kummissjoni C 2/04 tat-22 ta’ Ġunju 2006 (“10 % tal-baġit totali”). Din il-każistika kienet ikkonsolidata u kkjarifikata fil-paragrafi 73 u 74 tal-Komunikazzjoni dwar ix-Xandir tal-2009.
(30) Il-Komunikazzjoni dwar ix-Xandir tal-2001, paragrafu 41.
(31) Ara d-Deċiżjonijiet E 3/2005, paragrafu 282, u E 4/2005, paragrafu 112.
(32) Ara d-Deċiżjonijiet E 3/2005, paragrafi 370 u 372; E 8/2006, paragrafu 230, u E 4/2005, paragrafu 121. Din il-każistika kienet adottata fuq il-bażi tal-Komunikazzjoni mill-Kummissjoni tal-2001 u ċċarata u kkonsolidata aktar fil-paragrafi 84-89 tal-Komunikazzjoni mill-Kummissjoni tal-2009.
(33) Ara n-nota ta’ qiegħ il-paġna 13 ta’ hawn fuq.
(34) Stabbiliti fil-paragrafu 85 tal-Komunikazzjoni dwar ix-Xandir tal-2009.