ISSN 1725-5104 doi:10.3000/17255104.L_2010.317.mlt |
||
Il-Ġurnal Uffiċjali tal-Unjoni Ewropea |
L 317 |
|
![]() |
||
Edizzjoni bil-Malti |
Leġiżlazzjoni |
Volum 53 |
|
|
Rettifika |
|
|
* |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
3.12.2010 |
MT |
Il-Ġurnal Uffiċjali tal-Unjoni Ewropea |
L 317/1 |
REGOLAMENT TAL-KUMMISJONI (UE) Nru 1116/2010
tat-2 ta’ Diċembru 2010
li jistabbilixxi l-koeffiċjenti applikabbli għaċ-ċereali esportati fil-forma ta’ Irish whiskey għall-perjodu 2010/2011
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1670/2006 tal-10 ta’ Novembru 2006 li jistabbilixxi ċerti regoli dettaljati għall-applikazzjoni tar-Regolament tal-Kunsill (KE) Nru 1784/2003 dwar l-iffissar u l-għoti ta’ rifużjonijiet aġġustati fir-rigward ta’ ċereali esportati fil-forma ta’ ċertu xorb spirituż (alkoħoliku) (2), u b’mod partikolari l-Artikolu 5 tiegħu,
Billi:
(1) |
L-Artikolu 4(1) tar-Regolament (KE) Nru 1670/2006 jipprovdi li l-kwantitajiet taċ-ċereali eliġibbli għar-rifużjoni għandhom ikunu l-kwantitajiet ta’ ċereali mqiegħda taħt il-kontroll u ddistillati, piżati b’koeffiċjent li jiġi ffissat kull sena għal kull wieħed mill-Istati Membri kkonċernati. Dan il-koeffiċjent jesprimi r-relazzjoni bejn il-kwantitajiet totali esportati u l-kwantitajiet totali mqiegħda fis-suq tax-xorb alkoħoliku kkonċernat, abbażi tax-xejra osservata f’dawn il-kwantitajiet matul l-għadd ta’ snin li jikkorrispondi għall-perjodu medju taż-żmien tal-maturazzjoni ta’ dan ix-xorb alkoħoliku. |
(2) |
Abbażi tat-tagħrif fornut mill-Irlanda u li jirrigwarda l-perjodu mill-1 ta’ Jannar sal-31 ta’ Diċembru 2009, dan il-perjodu medju tal-maturazzjoni fl-2009 kien ta’ ħames snin għall-Irish whiskey. |
(3) |
Għaldaqstant, jeħtieġ li jiġu ffissati l-koeffiċjenti għall-perjodu mill-1 ta’ Ottubru 2010 sat-30 ta’ Settembru 2011. |
(4) |
L-Artikolu 10 tal-Protokoll 3 tal-Ftehim dwar iż-Żona Ekonomika Ewropea jeskludi l-għoti ta’ rifużjonijiet fuq l-esportazzjoni lejn Liechtenstein, l-Islanda u n-Norveġja. Barra minn hekk, l-Unjoni kkonkludiet ftehimiet ma’ ċerti pajjiżi terzi li jabolixxu r-rifużjonijiet fuq l-esportazzjoni. Għalhekk jeħtieġ li, b’applikazzjoni tal-Artikolu 7(2) tar-Regolament (KE) Nru 1670/2006, dan jitqies fil-kalkolu tal-koeffiċjenti għall-perjodu 2010/2011. |
(5) |
L-effetti tar-Regolament tal-Kummissjoni (UE) Nru 81/2010 tat-28 ta’ Jannar 2010 li jistabbilixxi l-koeffiċjenti applikabbli għaċ-ċereali esportati fil-forma ta’ Irish whiskey għall-perjodu 2009/2010 (3) ġew eżawriti minħabba li dan ir-Regolament jirrigwarda l-koeffiċjenti applikabbli għas-sena 2009/2010. Għal raġunijiet ta’ ċarezza u ċertezza legali, dan ir-Regolament għandu jiġi rrevokat, |
ADOTTAT DAN IR-REGOLAMENT:
Artikolu 1
Għall-perjodu mill-1 ta’ Ottubru 2010 sat-30 ta’ Settembru 2011, il-koeffiċjenti pprovduti fl-Artikolu 4 tar-Regolament (KE) Nru 1670/2006, applikabbli għaċ-ċereali użati fl-Irlanda fil-produzzjoni tal-Irish whiskey, huma stipulati fl-Anness għal dan ir-Regolament.
Artikolu 2
Ir-Regolament (UE) Nru 81/2010 għandu jiġi rrevokat.
Artikolu 3
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Ottubru 2010 sat-30 ta’ Settembru 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 312, 11.11.2006, p. 33.
(3) ĠU L 25, 29.1.2010, p. 10.
ANNESS
Il-koeffiċjenti applikabbli fl-Irlanda |
||
Perjodu ta' applikazzjoni |
Koeffiċjent applikabbli |
|
għax-xgħir utilizzat fil-produzzjoni tal-Irish whiskey, kategorija B (1) |
għaċ-ċereali utilizzati fil-produzzjoni tal-Irish whiskey, kategorija A |
|
Mill-1 ta' Ottubru 2010 sat-30 ta' Settembru 2011 |
0,030 |
0,102 |
(1) Inkluż ix-xgħir ipproċessat f'malt.
3.12.2010 |
MT |
Il-Ġurnal Uffiċjali tal-Unjoni Ewropea |
L 317/3 |
REGOLAMENT TAL-KUMMISSJONI (UE) Nru 1117/2010
tat-2 ta' Diċembru 2010
li jikkonċerna l-awtorizzazzjoni ta' preparazzjoni tal-aċidu ċitriku, l-aċidu sorbiku, t-timol u l-vanillina bħala addittiv tal-għalf għall-majjalini miftuma (detentur tal-awtorizzazzjoni Vetagro SpA)
(Test b’relevanza għaż-ŻEE)
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprovdi għall-awtorizzazzjoni tal-addittivi għall-użu fin-nutrizzjoni tal-annimali u għar-raġunijiet u l-proċeduri biex tingħata tali awtorizzazzjoni. |
(2) |
F'konformità mal-Artikolu 7 tar-Regolament (KE) Nru 1831/2003, ġiet ippreżentata applikazzjoni għall-awtorizzazzjoni tal-preparazzjoni stabbilita fl-Anness ta' dan ir-Regolament. L-applikazzjoni kienet akkumpanjata bil-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni ta' preparazzjoni tal-aċidu ċitriku, l-aċidu sorbiku, t-timol u l-vanillina bħala addittiv tal-għalf għall-majjalini miftuma, biex ikunu kklassifikati fil-kategorija tal-addittivi “additives żootekniċi”. |
(4) |
L-Awtorità Ewropea dwar is-Sigurtà tal-Ikel (“l-Awtorità”) ikkonkludiet fl-opinjoni tagħha tal-25 ta' Mejju 2010 (2) li l-preparazzjoni sabbilita fl-Anness, skont il-kondizzjonijiet tal-użu proposti, m'għandhiex effett fuq is-saħħa tal-annimali, is-saħħa umana jew l-ambjent, u li dan l-addittiv għandu potenzjal fiż-żieda fir-rata tat-tkabbir u jtejjeb l-għalf biex jikseb il-proporzjon tal-speċi fil-mira. L-Awtorità ma tqisx li hemm bżonn għal ħtiġijiet speċifiċi ta' sorveljanża ta' wara t-tqegħid fis-suq. Hija vverifikat ukoll ir-rapport fuq il-metodu tal-analiżi tal-addittiv tal-għalf fl-ikel ippreżentat mil-Laboratorju Komunitarju ta' Referenza stabbilit bir-Regolament (KE) Nru 1831/2003. |
(5) |
Il-valutazzjoni tal-preparazzjoni turi li l-kondizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Bl-istess mod, l-użu ta' din il-preparazzjoni għandu jkun awtorizzat kif speċifikat fl-Anness ta' dan ir-Regolament. |
(6) |
Il-miżuri previsti f'dan ir-Regolament huma f’konformità mal-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tappartjeni għall-kategorija tal-addittivi “addittivi żootekniċi” u l-grupp funzjonali “addittivi żootekniċi oħra”, hija awtorizzata bħala addittiv fin-nutriżżjoni tal-annimali soġġetta għall-kondizzjonijiet stabbiliti f'dak l-Anness.
Artikolu 2
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) EFSA Journal (2010); 8(6):1633.
ANNESS
Numru tal-identifikazzjoni tal-addittiv |
Isem tad-detentur tal-awtorizzazzjoni |
Addittiv |
Kompożizzjoni, l-formula kimika, deskrizzjoni, l-metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem tal-perjodu tal-awtorizzazzjoni |
||||||||||||||||||||||||||
mg/kg tal-għalf komplet b'kontenut niedi ta' 12 % |
|||||||||||||||||||||||||||||||||||
Il-kategorija tal-additivi żootekniċi. Grupp funzjonarju: Addittivi żootekniċi oħra (titjib tal-parametri żootekniċi) |
|||||||||||||||||||||||||||||||||||
4d 3 |
Vetagro S.p.A. |
Preparazzjoni tal-aċidu ċitriku, l-aċidu sorbiku, t-timol u l-vanillina |
|
Majjalini (miftuma) |
— |
1 000 |
— |
|
It-23 ta’ Diċembru 2020 |
(1) Dettalji tal-metodi analitiċi huma disponibbli fl-indirizz li ġej tal-Laboratorju Komunitarju ta' Referenza: www.irmm.jrc.be/crl-feed-additives
3.12.2010 |
MT |
Il-Ġurnal Uffiċjali tal-Unjoni Ewropea |
L 317/5 |
REGOLAMENT TAL-KUMMISSJONI (UE) Nru 1118/2010
tat-2 ta' Diċembru 2010
li jikkonċerna l-awtorizzazzjoni ta' diklażuril bħala addittiv tal-għalf għat-tiġieġ għat-tismin (detentur tal-awtorizzazzjoni Janssen Pharmaceutica N.V.) u jemenda r-Regolament (KE) Nru 2430/1999
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fin-nutriment tal-annimali (1), u partikolarment l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprovdi għall-awtorizzazzjoni ta' addittivi għall-użu fin-nutriment tal-annimali u għar-raġunijiet u l-proċeduri sabiex jingħata dan it-tip ta' awtorizzazzjoni. L-Artikolu 10 ta' dan ir-Regolament jipprovdi għar-rievalwazzjoni ta' addittivi awtorizzati skont id-Direttiva tal-Kunsill 70/524/KEE (2). |
(2) |
Id-diklażuril, numru CAS 101831-37-2, kien awtorizzat għal għaxar snin skont id-Direttiva 70/524/KEE bħala addittiv fl-għalf għall-użu fuq it-tiġieġ għat-tismin, it-tiġieġ imrobbija għall-bajd sa 16-il ġimgħa u d-dundjani sa 12-il ġimgħa permezz tar-tar-Regolament tal-Kummissjoni (KE) Nru 2430/1999 (3). Dan l-addittiv wara ddaħħal fir-Reġistru Komunitarju tal-addittivi fl-għalf bħala prodott eżistenti, skont l-Artikolu 10(1) tar-Regolament (KE) Nru 1831/2003. |
(3) |
Skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 ta' dak ir-Regolament, ġiet ippreżentata applikazzjoni għar-rievalwazzjoni tad-diklażuril bħala addittiv fl-għalf għat-tiġieġ għat-tismin, bit-talba li l-addittiv jiġi kklassifikat fil-kategorija tal-addittivi “koċċidjostatiċi u istomonostatiċi”. L-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(4) |
L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tat-23 ta' Ġunju 2010 li, skont il-kondizzjonijiet proposti ta' użu, id-diklażuril ma għandux effett negattiv fuq is-saħħa tal-annimali, is-saħħa tal-konsumatur jew l-ambjent, u li l-addittiv huwa effettiv biex jikkontrolla l-koċċidijosi fit-tiġieġ għat-tismin (4). Ikkonkludiet li l-ebda ħsibijiet dwar is-sigurtà ma għandhom jinqalgħu sakemm jittieħdu miżuri xierqa ta' protezzjoni. Ivverifikat ukoll ir-rapport dwar il-metodu ta' analiżi tal-addittiv tal-għalf fl-għalf ippreżentat mil-Laboratorju ta' Referenza tal-Komunità mwaqqaf permezz tar-Regolament (KE) Nru 1831/2003. |
(5) |
Il-valutazzjoni ta' diklażuril turi li l-kondizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma sodisfatti. Għalhekk, l-użu ta' dik il-preparazzjoni għandu jiġi awtorizzat kif speċifikat fl-Anness ma' dan ir-Regolament. |
(6) |
B'konsegwenza tal-għoti ta' awtorizzazzjoni ġdida skont ir-Regolament (KE) 1831/2003, id-dispożizzjonijiet dwar id-diklażuril għat-tiġieġ għat-tismin fir-Regolament (KE) Nru 2430/1999 għandhom jitħassru. |
(7) |
Peress li l-modifikazzjonijiet dwar il-kondizzjonijiet tal-awtorizzazzjoni mhumiex relatati ma' raġunijiet ta' sigurtà, huwa xieraq li jitħalla perjodu tranżizzjonali għar-rimi ta' ħażniet eżistenti tat-taħlit minn qabel u tal-għalf kompost. |
(8) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tifforma parti mill-kategorija ta' addittivi “koċċidijostatiċi u istomonostatiċi” hija awtorizzata bħala addittiv fin-nutriment tal-annimali soġġetta għall-kondizzjonijiet stipulati f'dak l-Anness.
Artikolu 2
Fl-Anness I tar-Regolament (KE) Nru 2430/1999, titħassar l-entrata fin-numru ta' reġistrazzjoni tal-addittiv E 771, dwar id-diklażuril għat-tiġieġ għat-tismin.
Artikolu 3
Taħlit minn qabel u għalf kompost li fihom id-diklażuril ittikkettjati skont id-Direttiva 70/524/KEE jista' jibqa' jitqiegħed fis-suq u użat sakemm il-ħażniet jiġu eżawriti.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) ĠU L 270, 14.12.1970, p. 1.
(3) ĠU L 296, 17.11.1999, p. 3.
(4) Ġurnal tal-EFSA 2010 8(7):1663.
ANNESS
Numru ta' identifikazzjoni tal-addittiv |
Isem tad-detentur tal-awtorizzazzjoni |
Addittiv (Isem kummerċjali) |
Kompożizzjoni, formola kimika, deskrizzjoni, metodu analitiku |
Speċi jew kategorija ta' annimali |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
Limiti Massimi ta' Residwu (LMRs) fl-għalf rilevanti li joriġinaw mill-annimali |
||||||||
mg ta' sustanza attiva/kg ta' għalf sħiħ b’kontenut ta' umdità ta' 12 % |
||||||||||||||||||
Koċċidjostatiċi u istomonostatiċi |
||||||||||||||||||
5 1 771 |
Janssen Pharmaceutica nv |
Diklażuril 0,5 g/100 g (Clinacox 0,5 %) |
Kompożizzjoni tal-addittiv Diklażuril: 0,50 g/100 g. Smida magħmula minn estratt tas-soja nieqsa mill-proteini: 99,25 g/100 g Polividon K 30: 0,20 g/100 g Idrossidu tas-sodju: 0,05 g/100 g Karatterizzazzjoni tas-sustanza attiva Diklażuril, C17H9Cl3N4O2, (±)-4-klorofenil[2,6-dikloro4- (2,3,4,5-tetraidro-3,5-diosso-1,2,4-triażin-2-il)fenil]aċetonitril, Numru CAS: 101831-37-2 Impuritajiet relatati: Kompost ta' degradazzjoni (R064318): ≤ 0,1 % Impuritajiet relatati oħra (T001434, R066891, R068610, R070156, R070016): ≤ 0,5 % individwalment Impuritajiet totali: ≤ 1,5 % Metodu analitiku (1) Għad-determinazzjoni ta' diklażuril fl-għalf: kromatografija b'fażi likwida ta' rendiment għoli f'fażi inversa (HPLC) b'użu ta' Detezzjoni ultravjola ta' 280nm(ir-Regolament (KE) Nru 152/2009) Għad-determinazzjoni ta' diklażuril fit-tessuti tat-tiġieġ: L-HPLC akkoppjat ma' spettrometru ta' massa (MS/MS) bi kwadrupol triplu b'użu ta' jone prekursur wieħed u żewġ joni prodott. |
Tiġieġ għat-tismin |
— |
1 |
1 |
|
It-23 ta' Diċembru 2020 |
1 500 oμg ta' diklażuril/kg ta' fwied imxarrab 1 000 oμg ta' diklażuril/kg ta' kilwa mxarrba 500oμg ta' diklażuril/kg ta' muskolu mxarrab 500oμg ta' diklażuril/kg ta' ġilda mxarrba jew xaħam imxarrab |
(1) Id-dettalji dwar il-metodi analitiċi huma disponibbli fuq is-sit li ġej tal-Laboratorju ta' Referenza tal-Komunità: www.irmm.jrc.be/crl-feed-additives
3.12.2010 |
MT |
Il-Ġurnal Uffiċjali tal-Unjoni Ewropea |
L 317/9 |
REGOLAMENT TAL-KUMMISSJONI (UE) Nru 1119/2010
tat-2 ta' Diċembru 2010
li jikkonċerna l-awtorizzazzjoni ta' Saccharomyces cerevisiae MUCL 39885 bħala addittiv għall-għalf għall-baqar u għaż-żwiemel u li jemenda r-Regolament (KE) Nru 1520/2007 (id-detentur tal-awtorizzazzjoni Prosol SpA)
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din it-tip ta' awtorizzazzjoni. L-Artikolu 10 ta' dan ir-Regolament jipprevedi l-valutazzjoni mill-ġdid ta' addittivi awtorizzati skont id-Direttiva tal-Kunsill 70/524/KEE (2). |
(2) |
Il-preparazzjoni ta' Saccharomyces cerevisiae MUCL 39885 ġiet awtorizzata bħala addittiv għall-għalf għal għaxar snin għall-użu fuq il-ħnieżer bir-Regolament tal-Kummissjoni (KE) 896/2009 (3). Skont id-Direttiva 70/524/KEE, l-addittiv kien awtorizzat mingħajr limitu ta' żmien għall-użu fuq il-ħnienes miftuma bir-Regolament tal-Kummissjoni (KE) Nru 1200/2005 (4), fuq l-ifrat għas-simna bir-Regolament tal-Kummissjoni (KE) Nru 492/2006 (5) u fuq il-baqar tal-ħalib bir-Regolament tal-Kummissjoni (KE) Nru 1520/2007 (6). Dan l-addittiv wara ddaħħal fir-Reġistru Komunitarju tal-addittivi fl-għalf bħala prodott eżistenti, skont l-Artikolu 10(1)(b) tar-Regolament (KE) Nru 1831/2003. |
(3) |
Skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 ta' dan ir-Regolament, ġiet ippreżentata applikazzjoni għall-valutazzjoni mill-ġdid ta' Saccharomyces cerevisiae MUCL 39885 bħala addittiv fl-għalf għall-baqar tal-ħalib u, skont l-Artikolu 7 ta' dan ir-Regolament, għal użu ġdid fuq iż-żwiemel, bit-talba li l-addittiv jiġi kklassifikat fil-kategorija tal-addittivi “addittivi żootekniċi”. L-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(4) |
L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tat-22 ta' Ġunju 2010 (7), rigward l-użu ta' addittiv fl-għalf għall-baqar tal-ħalib li, skont il-kondizzjonijiet proposti ta' użu, is-Saccharomyces cerevisiae MUCL 39885 ma għandux effett negattiv fuq is-saħħa tal-annimali, fuq is-saħħa tal-konsumatur jew fuq l-ambjent, u li l-addittiv għandu potenzjal li jżid il-produzzjoni tal-ħalib fil-baqar tal-ħalib. L-Awtorità tikkunsidra li ma hemmx bżonn għal rekwiżiti speċifiċi ta' monitoraġġ wara t-tqegħid fis-suq. Hija vverifikat ukoll ir-rapport dwar il-metodu ta' analiżi tal-addittiv tal-għalf fl-għalf imressaq mil-Laboratorju ta' Referenza tal-Komunità stabbilit permezz tar-Regolament (KE) Nru 1831/2003. |
(5) |
L-Awtorità kkonkludiet fl-opinjoni tagħha tat-22 ta' Ġunju 2010 (8) rigward l-użu bħala addittiv fl-għalf għaż-żwiemel li l-użu ta' din il-preparazzjoni tista' ttejjeb id-diġestibbiltà evidenti tal-fibra tal-ispeċi fil-mira. |
(6) |
L-evalwazzjoni tas-Saccharomyces cerevisiae MUCL 39885 turi li l-kondizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta' din il-preparazzjoni għandu jiġi awtorizzat kif speċifikat fl-Anness ma' dan ir-Regolament. |
(7) |
Bħala konsegwenza tal-għoti ta' awtorizzazzjoni ġdida skont ir-Regolament (KE) 1831/2003, id-dispożizzjonijiet dwar is-Saccharomyces cerevisiae MUCL 39885 fir-Regolament (KE) Nru 1520/2007 għandhom jitħassru. |
(8) |
Billi l-modifiki dwar il-kundizzjonijiet tal-awtorizzazzjoni mhumiex relatati mar-raġunijiet ta' sigurtà, huwa xieraq li jiġi stabbilit perjodu transitorju għar-rimi ta' ħażniet eżistenti tat-taħlit minn qabel u tal-għalf kompost. |
(9) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li taqa' taħt il-kategorija “addittivi żootekniċi” u mal-grupp funzjonali “stabbilizzanti għall-batterja li tinsab fil-musrana”, hija awtorizzata bħala addittiv fl-għalf tal-annimali suġġetta għall-kondizzjonijiet stipulati f'dak l-Anness.
Artikolu 2
Fir-Regolament (KE) Nru 1520/2007, l-Artikolu 1 u l-Anness I jitħassru.
Artikolu 3
Taħlit minn qabel u għalf kompost li fihom is-Saccharomyces cerevisiae MUCL 39885 ittikkettjati skont id-Direttiva 70/524/KEE jistgħu jibqgħu jitqiegħdu fis-suq u użati sakemm il-ħażniet jiġu eżawriti.
Artikolu 4
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) ĠU L 270, 14.12.1970, p. 1.
(3) ĠU L 256, 29.9.2009, p. 6.
(4) ĠU L 195, 27.7.2005, p. 6.
(6) ĠU L 335, 20.12.2007, p. 17.
(7) Ġurnal tal-EFSA 2010; 8(7):1662.
(8) Ġurnal tal-EFSA 2010; 8(7):1659.
ANNESS
Numru ta' identifikazzjoni tal-addittiv |
Isem tad-detentur tal-awtorizzazzjoni |
Addittiv |
Kompożizzjoni, formola kimika, deskrizzjoni, metodu analitiku |
Speċi jew kategorija ta' annimali |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||
CFU/kg ta' prodott tal-għalf komplet b'kontenut ta' umdità ta' 12 % |
|||||||||||||
Kategorija ta' addittivi żootekniċi. Grupp funzjonali: stabbilizzanti għall-batterja li tinsab fil-musrana |
|||||||||||||
4b1710 |
Prosol S.p.A. |
Saccharomyces cerevisiae MUCL 39885 |
Kompożizzjoni tal-addittiv: Preparazzjoni ta' Saccharomyces cerevisiae MUCL Sc 39885 li fiha minimu ta' 1 × 109 CFU/g Karatterizzazzjoni tas-sustanza attiva: Ċelloli vijabbli ta' Saccharomyces cerevisiae MUCL 39885 Metodi analitiċi (1) Enumerazzjoni: il-metodu pour plate bl-użu ta' agar magħmul minn glukożju, estratt tal-ħmira u kloramfenikol Identifikazzjoni: metodu tar-reazzjoni katina tal-polimerasi (PCR) |
Baqar tal-ħalib |
— |
2 × 109 |
— |
|
It-23 ta' Diċembru 2020 |
||||
Żwiemel |
3 × 109 |
(1) Id-dettalji dwar il-metodi analitiċi huma disponibbli fuq is-sit ta' hawn taħt tal-Laboratorju ta' Referenza tal-Komunità: www.irmm.jrc.be/crl-feed-additives
3.12.2010 |
MT |
Il-Ġurnal Uffiċjali tal-Unjoni Ewropea |
L 317/12 |
REGOLAMENT TAL-KUMMISSJONI (UE) Nru 1120/2010
tat-2 ta’ Diċembru 2010
dwar l-awtorizzazzjoni ta’ Pediococcus acidilactici CNCM MA 18/5M bħala addittiv tal-għalf għal ħnienes miftuma (detentur tal-awtorizzazzjoni Lallemand SAS)
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u partikolarment l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din it-tip ta’ awtorizzazzjoni. |
(2) |
Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni stipulata fl-Anness ta’ dan ir-Regolament. Dik l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni ta’ Pediococcus acidilactici CNCM MA 18/5M bħala addittiv tal-għalf għall-ħnienes miftuma, biex jiġi kklassifikat fil-kategorija tal-addittivi ‘addittivi żootekniċi’. |
(4) |
L-użu tal-Pediococcus acidilactici CNCM MA 18/5M ġie awtorizzat mingħajr limitu ta’ żmien għat-tiġieġ għat-tismin bir-Regolament tal-Kummissjoni (KE) Nru 1200/2005 (2), u għall-ħnieżer għat-tismin bir-Regolament tal-Kummissjoni (KE) Nru 2036/2005 (3), u għas-salmonidi u l-gambli bir-Regolament tal-Kummissjoni (KE) Nru 911/2009 (4) għal għaxar snin. |
(5) |
Tressqet dejta ġdida bħala sostenn tal-applikazzjoni għall-awtorizzazzjoni tal-preparazzjoni għall-ħnienes miftuma. L-Awtorità Ewropea dwar is-Sigurtà fl-Ikel (‘l-Awtorità’) ikkonkludiet fl-opinjoni tagħha tat-23 ta’ Ġunju 2010 (5) li l-Pediococcus acidilactici CNCM MA 18/5M, fil-kondizzjoniiet proposti tal-użu, ma għandhiex effett negattiv fuq saħħet l-annimali, saħħet il-bniedem jew fuq l-ambjent, u li l-użu tagħha jtejjeb iż-żieda fil-piż tal-ispeċi mmirata. L-Awtorità tikkunsidra li ma hemmx bżonn għal rekwiżiti speċifiċi ta’ monitoraġġ wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju ta’ Referenza tal-Komunità stabbilit permezz tar-Regolament (KE) Nru 1831/2003. |
(6) |
Il-valutazzjoni tal-Pediococcus acidilactici CNCM MA 18/5M turi li l-kondizzjonijiet għall-awtorizzazzjoni, kif stipulat fl-Artikolu 5 tar-Regolament (KE) Nru 1831/2003, huma ssodisfatti. Konsegwentement, l-użu ta’ din il-preparazzjoni għandu jiġi awtorizzat kif speċifikat fl-Anness ma' dan ir-Regolament. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li taqa' taħt il-kategorija ‘addittivi żootekniċi’ u mal-grupp funzjonali ‘stabbilizzanti għall-batterja li tinsab fil-musrana’, hija awtorizzata bħala addittiv fl-għalf tal-annimali suġġetta għall-kondizzjonijiet stipulati f'dak l-Anness.
Artikolu 2
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) ĠU L 195, 27.7.2005, p. 6.
(3) ĠU L 328, 15.12.2005, p. 13.
(4) ĠU L 257, 30.9.2009, p. 10.
(5) Ġurnal tal-EFSA 2010; 8(7):1660.
ANNESS
Numru ta’ identifikazzjoni tal-addittiv |
L-isem tad-detentur tal-awtorizzazzjoni |
Addittiv |
Kompożizzjoni, formola kimika, deskrizzjoni, metodu analitiku |
Speċi jew kategorija ta’ annimali |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||||||||||||||
CFU /kg ta’ prodott tal-għalf komplet b'kontenut ta’ umdità ta’ 12 % |
|||||||||||||||||||||||||
Kategorija ta’ addittivi żootekniċi. Grupp funzjonali: stabbilizzanti għall-batterja li tinsab fil-musrana. |
|||||||||||||||||||||||||
4d1712 |
Lallemand SAS |
Pediococcus acidilactici CNCM MA 18/5M |
|
Ħnienes (miftuma) |
— |
1 × 109 |
— |
|
It-23 ta’ Diċembru 2020 |
(1) Id-dettalji tal-metodi analitiċi huma disponibbli fl-indirizz tal-Laboratorju Komunitarju ta’ Referenza li ġej: www.irmm.jrc.be/crl-feed-additives
3.12.2010 |
MT |
Il-Ġurnal Uffiċjali tal-Unjoni Ewropea |
L 317/14 |
REGOLAMENT TAL-KUMMISSJONI (UE) Nru 1121/2010
tat-2 ta' Diċembru 2010
li jdaħħal denominazzjoni fir-reġistru tad-denominazzjonijiet protetti tal-oriġini u l-indikazzjonijiet ġeografiċi protetti [Edam Holland (IĠP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1), u partikolarment it-tielet subparagrafu tal-Artikolu 7(5) tiegħu,
Billi:
(1) |
F'konformità mal-ewwel paragrafu tal-Artikolu 6(2) tar-Regolament (KE) Nru 510/2006 u b’applikazzjoni tal-Artikolu 17(2) tal-istess Regolament, it-talba tal-Pajjiżi l-Baxxi biex id-denominazzjoni “Edam Holland” tiddaħħal fir-reġistru ta' denominazzjonijiet protetti tal-oriġini u indikazzjonijiet ġeografiċi protetti ġiet ippubblikata f’Il-Ġurnal Uffiċjali tal-Unjoni Ewropea (2). |
(2) |
Ir-Repubblika Ċeka, il-Ġermanja, il-Finlandja, l-Awstrija, is-Slovakkja, il-gvernijiet tal-Awstralja, in-New Zealand u l-Istati Uniti tal-Amerika, kif ukoll id-Dairy Australia, id-Dairy Companies Association of New Zealand u n-National Milk Producers Federation, flimkien mal-US Dairy Export Council ressqu oġġezzjonijiet kontra r-reġistrazzjoni skont l-Artikolu 7(1) tar-Regolament (KE) Nru 510/2006. Dawn l-oġġezzjonijiet tqiesu bħala ammissibbli skont l-Artikolu 7(3) ta' dak ir-Regolament, għajr l-oġġezzjonijiet tal-Awstralja u tad-Dairy Australia, li tqiesu inammissibbli minħabba li waslu tard. |
(3) |
Id-dikjarazzjonijiet ta' oġġezzjoni kienu jikkonċernaw in-nuqqas ta' konformità mal-kundizzjonijiet stipulati fl-Artikolu 2 tar-Regolament (KE) Nru 510/2006, partikolarment id-denominazzjoni u l-użu tagħha, l-ispeċifiċità u r-reputazzjoni tal-prodott, id-delimitazzjoni taż-żona ġeografika, kif ukoll ir-restrizzjonijiet fuq l-oriġini tal-materja prima. L-oġġezzjonijiet kienu jiddikjaraw ukoll li r-reġistrazzjoni tad-denominazzjoni kienet tmur kontra l-Artikolu 3(3) tar-Regolament (KE) Nru 510/2006 u tista' tipperikola l-eżistenza ta' denominazzjonijiet, marki kummerċjali jew prodotti li jkunu ilhom legalment fis-suq mill-inqas ħames snin qabel id-data tal-pubblikazzjoni pprovuduta fl-Artikolu 6(2), u li d-denominazzjoni proposta għar-reġistrazzjoni hija ġenerika. |
(4) |
Bl-ittri tal-21 ta' Ottubru 2008, il-Kummissjoni stiednet lill-Pajjiżi l-Baxxi u dawk li oġġezzjonaw biex jilħqu qbil bejniethom skont il-proċeduri interni tagħhom. |
(5) |
Peress li ma ntlaħaq ebda qbil bejn dawk li oġġezzjonaw fiż-żmien stipulat, il-Kummissjoni għandha tadotta deċiżjoni skont il-proċedura msemmija fl-Artikolu 15(2) tar-Regolament (KE) Nru 510/2006. |
(6) |
Rigward in-nuqqas ta' konformità allegat mal-Artikolu 2 tar-Regolament (KE) Nru 510/2006 dwar id-denominazzjoni, iż-żona ġeografika, l-ispeċifiċità tal-prodott, ir-rabta bejn il-karatteristiċi tal-prodott u ż-żona ġeografika, ir-reputazzjoni u r-restrizzjonijiet li jikkonċernaw l-oriġini tal-materja prima, l-awtoritajiet nazzjonali responsabbli pprovdew konferma li dawn l-elementi kienu jeżistu u barra minn hekk ma nstab ebda żball manifest ieħor. ta' min isemmi li “Holland” mhux l-isem tal-Istat Membru konċernat u li l-“Edam Holland” jitqies bħala isem ġeografiku tradizzjonali kopert kompletament bl-Artikolu 2(2) tar-Regolament (KE) Nru 510/2006. Ir-rekwiżiti tal-Artikolu 2(1) il-punt b) tar-Regolament imsemmi huma f'dan is-sens issodisfati billi ż-żona ġeografika relatata hija delimitata skont ir-rabta u l-elementi ewlenin tal-ispeċifiċità tal-prodott. L-ispeċifità tal-Edam Holland ġejja minn taħlita ta' fatturi marbutin maż-żona ġeografika: bħal pereżempju l-kwalità tal-ħalib (livell għoli ta' kontenut ta' xaħam u proteini), aminoaċidi li joriġinaw minn β-CN u peptid tal-γ-glutamil, il-prevelanza tar-rigħi fil-mergħat, l-użu tat-tames tal-għoġol, il-maturazzjoni naturali, kif ukoll il-ħiliet tal-bdiewa u tal-produtturi tal-ġobon. |
(7) |
Fir-rigward ta' oġġezzjonijiet ibbażati fuq in-nuqqas ta' konformità mal-Artikolu 3(3) tar-Regolament (KE) Nru 510/2006, il-Pajjiżi l-Baxxi ssottomettew informazzjoni dwar id-distinzjoni bejn il-prodott li jġib id-denominazzjoni reġistrata “Noord-Hollandse Edammer” u dak li għalih tapplika d-denominazzjoni “Edam Holland”. Ma kien hemm ebda evidenza fid-dikjarazzjoni ta' oġġezzjonijiet li turi li l-konsumaturi jistgħu jiġu mqarrqin jew li l-produtturi kienu se jiġu trattati b'mod inġust. |
(8) |
Jidher li dawk li oġġezzjonaw ma rreferewx għall-isem sħiħ “Edam Holland” meta ddikjaraw li r-reġistrazzjoni kienet se tipperikola l-eżistenza ta' denominazzjonijiet, marki kummerċjali jew prodotti, u li d-denominazzjoni proposta għar-reġistrazzjoni hija ġenerika, iżda għal element wieħed biss tagħha, jiġifieri “Edam”. Madankollu, se tingħata protezzjoni għat-terminu “Edam Holland” kollu kemm hu. Skont it-tieni subparagrafu tal-Artikolu 13(1) tar-Regolament (KE) Nru 510/2006, it-terminu “Edam” jista' jkompli jintuża sakemm il-prinċipji u r-regoli applikabbli fl-ordni legali tal-Unjoni jitħarsu. Għal raġunijiet ta' kjarifikazzjoni, l-ispeċifikazzjoni u s-sommarju ġew modifikati skont dan. |
(9) |
Fid-dawl ta' dan kollu, id-denominazzjoni “Edam Holland” għandha tiddaħħal fir-“Reġistru tad-denominazzjonijiet protetti tal-oriġini u tal-indikazzjonijiet ġeografiċi protetti”. |
(10) |
Il-miżuri pprovduti f'dan ir-Regolament huma skont l-opinjoni tal-Kumitat Permanenti għall-Indikazzjonijiet Ġeografiċi Protetti u d-Denominazzjonijiet Protetti tal-Oriġini, |
ADOTTAT DAN IR-REGOLAMENT:
Artikolu 1
Id-denominazzjoni li tinsab fl-Anness I għal dan ir-Regolament hija b'dan imdaħħla fir-Reġistru.
Minkejja l-ewwel paragrafu, l-isem “Edam” jista' jkompli jintuża fi ħdan it-territorju tal-Unjoni, sakemm il-prinċipji u r-regoli applikabbli fl-ordni legali tagħha jitħarsu.
Artikolu 2
Il-verżjoni konsolidata tas-sommarju li fih il-punti prinċipali tal-ispeċifikazzjoni hija stipulata fl-Anness II għal dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 93, 31.3.2006, p. 12.
ANNESS I
Prodotti agrikoli maħsubin għall-konsum mill-bniedem elenkati fl-Anness I għat-Trattat:
Klassi 1.3. Ġobnijiet
IL-PAJJIŻI L-BAXXI
Edam Holland (IĠP)
ANNESS II
SOMMARJU
Ir-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet protetti tal-oriġini għal prodotti agrikoli u l-oġġetti tal-ikel
“EDAM HOLLAND”
Nru KE: NL-PGI-0005-0329-27.11.2003
DPO ( ) IĠP (X)
Dan is-sommarju jistabbilixxi l-elementi ewlenin tal-ispeċifikazzjoni tal-prodott għal skopijiet informattivi.
1. Dipartiment responsabbli fl-istat membru
Isem |
: |
Hoofdproductschap Akkerbouw |
Indirizz |
: |
Postbus 29739 - 2502 LS 's-Gravenhage |
Tel. |
: |
+31-70-3708708 |
Feks |
: |
+31-70-3708444 |
Posta elettronika |
: |
plw@hpa.agro.nl |
2. Grupp
Isem |
: |
Nederlandse Zuivel Organisatie (NZO) |
Indirizz |
: |
Postbus 165 - 2700 AD Zoetermeer |
Tel. |
: |
+ 31-79-3430300 |
Feks |
: |
+31-79-3430320 |
Posta elettronika |
: |
info@nzo.nl |
Kompożizzjoni |
: |
Produtturi/proċessaturi (X) Oħrajn ( ) |
3. Tip ta' prodott
Klassi 1.3. |
Ġobnijiet |
4. Speċifikazzjoni
(sommarju tar-rekwiżiti skont l-Artikolu 4(2) tar-Regolament (KE) Nru 510/2006)
4.1. Isem
“Edam Holland”
4.2. Deskrizzjoni
L-Edam Holland huwa ġobon kemxejn iebes immaturat b'mod naturali. Jiġi prodott fil-Pajjiżi l-Baxxi mill-ħalib tal-baqar tal-azjendi tal-prodotti tal-ħalib Olandiżi u jiġi mmaturat għal prodott lest għal konsumatur fi kmamar għal maturazzjoni Olandiżi.
Kompożizzjoni
L-Edam Holland huwa prodott minn element wieħed jew iżjed tal-materja prima li ġejja:
— |
ħalib, krema u ħalib xkumat jew nofsu xkumat tal-baqar (eskussivament ħalib tal-baqar) minn azjendi tal-prodotti tal-ħalib Olandiżi. |
Elementi karatteristiċi
Il-ġobon għandu forma ta' ballun, imċaftar in-naħa ta' fuq u t'isfel, jew jista' jkollu forma ta' kexxun tal-ħobż jew blokka. L-ispeċifikazzjonijiet jingħataw fit-tabella li ġejja.
Tip |
Piż |
Xaħam f'materja niexfa |
Kontenut ta' ndewwa (massimu) |
Melħ f'materja niexfa (massimu) |
Baby Edam Holland |
max. 1,5 kg |
40,0 – 44,0 % |
46,5 % |
5,4 % |
Edam Holland (ballun) |
1,5 – 2,5 kg |
40,0 – 44,0 % |
45,5 % |
5,0 % |
Edam Holland Bros (iebes) |
1,5 – 2,5 kg |
40,0 – 44,0 % |
47,5 % |
5,3 % |
Edam Holland Stip (imtektek) |
1,5 – 2,5 kg |
40,0 – 44,0 % |
45,5 % |
6,0 % |
Edam Holland (forma ta' blokka) |
max. 20 kg |
40,0 – 44,0 % |
46,0 % |
4,6 % |
Edam Holland (forma ta' kexxun tal-ħobż) |
4 – 5 kg |
40,0 – 44,0 % |
46,0 % |
4,6 % |
Edam Holland (forma ta' ħobża żgħira) |
2 – 3 kg |
40,0 – 44,0 % |
47,0 % |
4,8 % |
Il-kontenut tan-ndewwa japplika 12-il ġurnata mill-ewwel jum ta' preparazzjoni, bl-eċċezzjoni tal-Baby Edam Holland, li japplika 5 ġranet wara l-ewwel jum ta' preparazzjoni.
L-elementi karatteristiċi l-oħra huma kif ġej:
— |
It-togħma: ħafifa għal pikkanti, skont iż-żmien tal-maturazzjoni u t-tip. |
— |
Sezzjoni trasversali: għandu jkun uniformi bħala kulur bi ftit toqob tondi żgħar. Il-Bros Edam Holland għandu għadd kbir ta' toqob żgħar. Il-lewn tal-ġobon ivarja minn kulur l-ivorju għal isfar. |
— |
Il-qoxra: il-qoxra hija soda, lixxa, niexfa, nadifa u mingħajr ebda flora tal-fungu. Din tifforma billi tinxef waqt l-istadju tal-maturazzjoni. |
— |
Konsistenza: L-Edam Holland ta' maturazzjoni qasira għandu jkun sod biżżejjed u tajjeb għat-tqattigħ. Hekk kif il-ġobon ikompli jimmatura, isir iżjed sod u magħqud fil-konsistenza. Il-Bros Edam Holland għandu jkun sod u iebes biżżejjed. |
— |
Perjodu ta' maturazzjoni: minimu ta' 28 ġurnata (minimu ta' 21 ġurnata għall-Baby Edam Holland). |
— |
L-Edam Holland huwa ġobon immaturat b'mod naturali. Għall-Edam Holland mhijiex permessa il-maturazzjoni bil-fojl. |
— |
Temperatura ta' maturazzjoni: minimu ta' 12 °C. |
— |
Żmien: it-tul tal-iskadenza jvarja minn minimu ta' 28 jum wara l-produzzjoni (Baby Edam Holland) għal aktar minn sena. |
— |
Meta jaslu u jinħażnu għand il-produttur tal-ġobon, jista' jkun li l-ħalib, il-krema jew il-ħalib nofsu xkumat jew ma jkunu ħadu ebda trattament tas-sħana jew ikunu ħadu trattament tas-sħana li ma jippastorizzax. |
— |
Il-krema u l-ħalib xkumat jew nofsu xkumat għandhom jiġu ppastorizzati immedjatament qabel ma jsiru Edam Holland biex jiġu ssodisfati l-kriterji li ġejjin:
|
— |
Eżatt qabel ma tintuża għall-Edam Holland, il-materja prima kollha trid tiġi ppastorizzata b'tali mod li l-kontenut żnaturat ta' proteina tax-xorrox ma jvarjax jew ivarja verament ftit minn dak ta' materja prima mhix pastorizzata ta' tip u kwalità simili. |
— |
Jistgħu jiżdiedu biss kulturi mhux modifikati ġenetikament ta' mikro organiżmi li jipproduċu l-aċidu tal-ħalib jew li jipproduċu l-aroma fil-produzzjoni tal-Edam Holland. Dawn il-kulturi jikkonsistu f'kulturi starter meżofiliċi adattati għall-Edam Holland: Lactococcus u Leuconostoc L jew LD, possibbilment flimkien ma' Lactobacillus termofiliku u/jew kulturi ta' Lactococcus. Il-kulturi starter preżenti għandhom rwol importanti ħafna fil-proċess tal-maturazzjoni u l-formazzjoni tat-togħma u l-aroma tipiċi. |
— |
Tames: jintuża biss tames tal-għoġol fil-produzzjoni tal-Edam Holland. Huwa biss f'ċirkustanzi speċjali, pereżempju jekk meħtieġ minħabba mard epiżotiku, li jista' jkun meħtieġ li minflok jintużaw tipi oħra ta' tames. F'dak il-każ, it-tames użat irid ikun konformi mar-rekwiżiti ta' Warenwetbesluit Zuivel [id-Digriet tad-Dairy Products (Commodities Act)]. |
— |
Il-kontenut tan-nitrit tal-Edam Holland, f'termini ta' joni tan-nitrit, mhux ogħla minn 2 mg għal kull kg ta' ġobon. |
4.3. Żona ġeografika
Iż-żona ġeografika koperta mill-applikazzjoni hija l-Olanda, jiġifieri l-parti Ewropea tar-Renju tal-Pajjiżi l-Baxxi.
4.4. Prova tal-oriġini
Kull ġobna ta' Edam Holland tiġi mmarkata bil-kaseina qabel ma l-baqta tiġi ppressata (ara l-istampa). Il-marka fiha d-denominazzjoni “Edam Holland” flimkien ma' taħlita ta' numri u ittri li huma uniċi għal kull ġobna (f'ordni alfabetika u numerika li tiżdied).
Il-COKZ (l-istitut Olandiż ta' spezzjoni tal-prodotti tal-ħalib) iżomm reġistru ta' dawn iċ-ċifri uniċi, magħhom tiddaħħal ukoll id-dejta tal-eżamijiet kollha (inklużi l-ħin u l-post). Din l-indikazzjoni tingħaraf faċilment mill-konsumaturi u tista' tiġi vverifikata minn awtorità ta' approvazzjoni abbażi tal-marka bil-kaseina u r-reġistru tal-COKZ.
4.5. Metodu ta' produzzjoni
Il-ġobon Edam Holland jiġi prodott minn ħalib tal-ażjendi tal-prodotti tal-ħalib fil-Pajjiżi l-Baxxi. Il-ħalib jitkessaħ fl-ażjenda għal massimu ta' 6 °C u jinħażen f'tank ta' tkessiħ fl-azjenda stess. Wara jinġarr għall-fabbrika tal-ġobon mhux iktar tard minn 72 siegħa wara. Meta jasal fil-fabbrika tal-ġobon, jew jiġi pproċessat immedjatament jew inkella termizzat (trattament tas-sħana ħafifa li ma jippastorizzax) u jitpoġġa f'ħażna tat-tkessiħ għal perjodu qasir qabel ma jinbidel f'ħalib tal-ġobon.
Il-kontenut tax-xaħam tal-ħalib huwa standardizzat b'tali mod li l-proporzjon ta' xaħam/proteina huwa dak li eventwalment jipproduċi ġobon b'kontenut tax-xaħam ta' bejn 40 % u 44 % xaħam f'materja niexfa. Il-ħalib tal-ġobon jiġi ppastorizzat f'temperatura tal-anqas ta' 72 °C għal 15-il sekonda. Isir f'baqta f'temperatura ta' madwar 30 °C. Is-separazzjoni u l-koagulazzjoni tal-proteini tal-ħalib li jseħħu matul dan il-proċess hija tipika tal-Edam Holland.
Il-baqta prodotta mill-koagulazzjoni tiġi sseparata mix-xorrox u pproċessata u maħsula biex jiġi żgurat li l-kontenut tan-ndewwa u l-pH jilħqu l-livelli meħtieġa.
Il-baqta tiġi ppressata fil-forma korretta u fil-piż meħtieġ f'kontenituri. Il-“ġobon” prodott b'dan il-mod imbagħad jingħaddas ġos-salmura.
L-Edam Holland jiġi biss immaturat dejjem b'mod naturali, jiġifieri jitħalla mikxuf għall-arja biex jimmatura u jinqaleb u jiġi kkontrollat regolarment. Hekk kif il-ġobon jimmatura, tifforma qoxra niexfa. Iż-żmien u t-temperatura għandhom rwol importanti biex jiżguraw li l-proċessi enżimatiċi u dawk tal-maturazzjoni jingħataw opportunità biżżejjed sabiex il-ġobon jiżviluppa l-kwalità fiżika u organolettika li hija karatteristika tal-Edam Holland. L-Edam Holland jista' jieħu iżjed minn sena biex jimmatura, jiddependi fuq it-tip ta' togħma mixtieqa.
L-Edam Holland jista' jitqatta' u jiġi ppakkjat kemm fil-Pajjiżi l-Baxxi kif ukoll f'pajjiż ieħor, sakemm dak li jippakkja għandu sistema amministrattiva ta' monitoraġġ komprensiva li tiżgura li l-Edam Holland imqatta' jista' jiġi identifikat permezz tat-taħlita unika ta' numri u ittri fuq il-marka u li l-konsumatur ikun ċert mill-oriġini tiegħu.
4.6. Rabta
Il-parti ġeografika tad-denominazzjoni ta' dan il-prodott hija “Holland”. Bħalma jaf kulħadd, “Holland” hija sinonima mal-isem aktar uffiċjali, “il-Pajjiżi l-Baxxi”. Matul il-perjodu tar-Repubblika tal-Pajjiżi l-Baxxi Uniti (mis-17 sad-19-il seklu), l-Olanda kienet il-provinċja l-iktar influenti mis-seba' provinċji.
L-Edam Holland huwa simbolu tat-tradizzjoni Olandiża tal-produzzjoni tal-ġobon, li tmur lura sal-Medju Evu, u li laħqet l-aqwa tagħha saħansitra diġà fis-seklu 17 (l-Epoka tad-Deheb).
Hija l-iktar minħabba l-pożizzjoni ġeografika tal-Pajjiżi l-Baxxi (kważi kollha taħt il-livell tal-baħar), il-klima tagħhom (klima marittima) u t-taħlita tal-ħaxix li jikber hemm (kważi kollu fuq ħamrija ramlija u taflija) li jwasslu għall-ħalib daqshekk adattat għall-produzzjoni ta' ġobon ta' kwalità għolja mimli togħma.
Is-sistemi tal-assigurazzjoni ta' kwalità stabbiliti fl-azjendi tal-prodotti tal-ħalib u s-sistema intensiva ta' valutazzjoni ta' kwalità (kull konsenja ħalib tiġi eżaminata u vvalutata skont parametri varji ta' kwalità) kollha flimkien jiggarantixxu l-kwalità tal-ħalib. Barra minn hekk, sal-mument li l-ħalib jiġi pproċessat hemm katina ta' tkessiħ bla waqfien, bil-ħalib jitpoġġa f'ħażna tat-tkessiħ fl-azjenda (massimu 6 °C) u jinġarr għall-fabbrika f'tankijiet b'tagħmir tat-tkessiħ. Id-distanzi relattivament qosra involuti jgħinu wkoll biex tinżamm il-kwalità tal-ħalib.
Mill-bidu tiegħu bil-produzzjoni bbażata fl-azjendi, l-Edam Holland żviluppa, permezz ta' produzzjoni f'fabbriki lokali, biex sar prodott nazzjonali magħruf mad-dinja kollha u huwa fattur importanti u stabbli biex il-valur tal-ħalib tal-azjendi jintuża bl-aħjar mod. Fil-bidu tas-seklu 20, ġew introdotti liġijiet nazzjonali għall-ġobon Edam, u l-isem Edam Holland ġie stabbilit fil-Landbouwkwaliteitsbeschikking kaasproducten [Id-Deċiżjoni tal-Kwalità Agrikola (Prodotti tal-Ġobon)].
Stħarriġ fuq skala kbira li twettaq f'sitt pajjiżi Ewropej wera li l-konsumaturi Ewropej iqisu l-Pajjiżi l-Baxxi bħala l-iktar produttur importanti tal-Edam (u l-Gouda).
L-Edam Holland (u l-Gouda Holland) huma simboli tal-wirt kulturali Olandiż. Il-konsumaturi Ewropej iqisu l-ġobnijiet tal-Edam Holland (u tal-Gouda Holland) bħala marka kummerċjali. L-Edam Holland (u l-Gouda Holland) huma sinonimi ma' kwalità Olandiża. Ir-riċerka tas-suq (imwettqa fuq kampjun rappreżentattiv ta' 1 250 parteċipant għal kull Stat Membru, b'affidabbiltà ta' 97,5 %) fis-sitt Stati Membri fejn hemm l-ogħla konsum tal-Edam (u l-Gouda) turi li:
— |
hemm assoċjazzjoni qawwija bejn l-Edam u l-Pajjiżi l-Baxxi; |
— |
l-Edam Holland huwa aktar popolari mill-Edam li mhux prodott fil-Pajjiżi l-Baxxi; |
— |
kważi nofs il-konsumaturi fl-Istati Membri tal-istħarriġ jaħsbu li l-Edam kollu jiġi prodott fil-Pajjiżi l-Baxxi; |
— |
l-Edam mill-Olanda jieħu punteġġi sinifikattivament ogħla fuq il-valuri varjabbli “kwalità eċċellenti”, “prodott b'mod tradizzjonali”, u “l-prodott oriġinali”. |
Matul għadd ta' sekli, miżuri u liġijiet differenti ġew introdotti, kemm mill-Gvern Olandiż u mill-industrija, biex jiżguraw li l-kwalità tal-Edam Holland (u l-Gouda Holland) tinżamm f'livell għoli ħafna. Barra minn hekk, l-industrija Olandiża tal-prodotti tal-ħalib investiet ammont sostanzjali biex jintlaħqu dawn l-istandards għoljin ta' kwalità, u biex jinfetħu swieq ġodda li ġew ikkultivati u miżmuma. Sa mill-1950, aktar minn NLG 1,4 biljun (EUR 635 miljun) kienu investiti f'riklamar, tkabbir ta' għarfien u promozzjoni fl-Ewropa (eskluż investiment fil-Pajjiżi l-Baxxi).
4.7. Korp ta' spezzjoni
Isem |
: |
Stichting Centraal Orgaan voor Kwaliteitsaangelegenheden in de Zuivel (COKZ) |
Indirizz |
: |
Kastanjelaan 7, 3833 AN LEUSDEN |
Tel. |
: |
+31-33-4965696 |
Feks |
: |
+31-33-4965666 |
Posta elettronika |
: |
productcontrole@cokz.nl |
4.8. Tikkettar
L-“Edam Holland” huwa Indikazzjoni Ġeografika Protetta (IĠP) tal-Unjoni Ewropea.
Din l-indikazzjoni trid tintwera f'pożizzjoni prominenti fuq il-ġobniet sħaħ kollha, fuq it-tikketta mwaħħla fuq in-naħa ċatta tal-ġobna u/jew fuq il-faxxa ta' madwar il-ġobna. Dan mhux obbligatorju jekk il-ġobna tinbiegħ f'forma mqatta' u ppakkjata minn qabel kif deskritt fit-taqsima 4.5. F'dak il-każ, l-“Edam Holland” trid tidher fuq l-imballaġġ.
Għandha tintwera marka ċara biex tiddistingwi fuq l-imballaġġ biex il-konsumaturi jidentifikaw l-Edam Holland fil-ħwienet. Bl-użu tad-denominazzjoni, l-użu ta' identità separata (qed tiġi żviluppata logo), u billi jintwera s-simbolu IĠP tal-UE, wieħed għandu jiċċara mal-konsumaturi li l-Edam Holland huwa prodott differenti mill-ġobnijiet “Edam” l-oħrajn.
3.12.2010 |
MT |
Il-Ġurnal Uffiċjali tal-Unjoni Ewropea |
L 317/22 |
REGOLAMENT TAL-KUMMISSJONI (UE) Nru 1122/2010
tat-2 ta' Diċembru 2010
li jdaħħal denominazzjoni fir-reġistru tad-denominazzjonijiet protetti tal-oriġini u l-indikazzjonijiet ġeografiċi protetti [Gouda Holland (IĠP)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (1), u partikolarment it-tielet subparagrafu tal-Artikolu 7(5) tiegħu,
Billi:
(1) |
F’konformità mal-ewwel subparagrafu tal-Artikolu 6(2) tar-Regolament (KE) Nru 510/2006 u b’applikazzjoni tal-Artikolu 17(2) tal-istess Regolament, it-talba tal-Pajjiżi l-Baxxi biex id-denominazzjoni “Gouda Holland” tiddaħħal fir-reġistru ta' denominazzjonijiet protetti tal-oriġini u indikazzjonijiet ġeografiċi protetti ġiet ippubblikata f’Il-Ġurnal Uffiċjali tal-Unjoni Ewropea (2). |
(2) |
Ir-Repubblika Ċeka, il-Ġermanja, Franza, l-Awstrija, il-gvernijiet tal-Awstralja, in-New Zealand u l-Istati Uniti tal-Amerika, kif ukoll id-Dairy Australia, id-Dairy Companies Association of New Zealand u n-National Milk Producers Federation, flimkien mal-US Dairy Export Council bagħtu oġġezzjonijiet għar-reġistrazzjoni skont l-Artikolu 7(1) tar-Regolament (KE) Nru 510/2006. Dawn l-oġġezzjonijiet tqiesu bħala ammissibbli skont l-Artikolu 7(3) ta' dak ir-Regolament. |
(3) |
Id-dikjarazzjonijiet ta' oġġezzjoni kienu jikkonċernaw in-nuqqas ta' konformità mal-kundizzjonijiet stipulati fl-Artikolu 2 tar-Regolament (KE) Nru 510/2006, partikolarment id-denominazzjoni u l-użu tagħha, l-ispeċifiċità u r-reputazzjoni tal-prodott, id-delimitazzjoni taż-żona ġeografika, kif ukoll ir-restrizzjonijiet fuq l-oriġini tal-materja prima. L-oġġezzjonijiet kienu jiddikjaraw ukoll li r-reġistrazzjoni tad-denominazzjoni kienet tmur kontra l-Artikolu 3(3) tar-Regolament (KE) Nru 510/2006 u tista' tipperikola l-eżistenza ta' denominazzjonijiet, marki kummerċjali jew prodotti li jkunu ilhom legalment fis-suq mill-inqas ħames snin qabel id-data tal-pubblikazzjoni pprovuduta fl-Artikolu 6(2), u li d-denominazzjoni proposta għar-reġistrazzjoni kienet ġenerika. |
(4) |
Bl-ittri tal-4 ta' Novembru 2008, il-Kummissjoni stiednet lill-Pajjiżi l-Baxxi u dawk li oġġezzjonaw biex jilħqu ftehim bejniethom skont il-proċeduri interni tagħhom. |
(5) |
Peress li ma ntlaħaq ebda ftehim bejn dawk li oġġezzjonaw fiż-żmien stipulat, bl-eċċezzjoni ta' ftehim milħuq bejn il-Pajjiżi l-Baxxi u Franza, il-Kummissjoni għandha tadotta deċiżjoni skont il-proċedura msemmija fl-Artikolu 15(2) tar-Regolament (KE) Nru 510/2006. |
(6) |
Rigward in-nuqqas ta' konformità allegat mal-Artikolu 2 tar-Regolament (KE) Nru 510/2006 dwar id-denominazzjoni, iż-żona ġeografika, l-ispeċifiċità tal-prodott, ir-rabta bejn il-karatteristiċi tal-prodott u ż-żona ġeografika, ir-reputazzjoni u r-restrizzjonijiet li jikkonċernaw l-oriġini tal-materja prima, l-awtoritajiet nazzjonali responsabbli pprovdew konferma li dawn l-elementi kienu jeżistu u barra minn hekk ma nstab ebda żball manifest ieħor. Ta' min isemmi li “Holland” mhux l-isem tal-Istat Membru konċernat u li l-“Gouda Holland” jitqies bħala isem ġeografiku tradizzjonali kopert kompletament bl-Artikolu 2(2) tar-Regolament (KE) Nru 510/2006. Ir-rekwiżiti tal-Artikolu 2(1) il-punt b) tar-Regolament imsemmi huma f'dan is-sens issodisfati billi ż-żona ġeografika relatata hija delimitata skont ir-rabta u l-elementi ewlenin tal-ispeċifiċità tal-prodott. L-ispeċifiċità tal-Gouda Holland ġejja minn taħlita ta' fatturi marbutin maż-żona ġeografika bħal pereżempju l-kwalità tal-ħalib (livell għoli ta' kontenut ta' xaħam u proteini), l-aminoaċidi li joriġinaw minn peptidi β-CN u γ-glutamil, il-prevelanza tar-rigħi fil-mergħat, l-użu tat-tames tal-għoġol, il-maturazzjoni naturali, kif ukoll il-ħiliet tal-bdiewa u tal-produtturi tal-ġobon. |
(7) |
Fir-rigward ta' oġġezzjonijiet ibbażati fuq in-nuqqas ta' konformità mal-Artikolu 3(3) tar-Regolament (KE) Nru 510/2006, il-Pajjiżi l-Baxxi ssottomettew informazzjoni dwar id-distinzjoni bejn il-prodott li jġib id-denominazzjoni reġistrata “Noord-Hollandse Gouda” u dak li għalih tapplika d-denominazzjoni “Gouda Holland”. Ma kien hemm ebda evidenza fid-dikjarazzjoni ta' oġġezzjonijiet li turi li l-konsumaturi jistgħu jiġu mqarrqin jew li l-produtturi kienu se jiġu trattati b'mod inġust. |
(8) |
Jidher li dawk li oġġezzjonaw ma rreferewx għall-isem sħiħ “Gouda Holland” meta ddikjaraw li r-reġistrazzjoni kienet se tipperikola l-eżistenza ta' denominazzjonijiet, marki kummerċjali jew prodotti, u li d-denominazzjoni proposta għar-reġistrazzjoni hija ġenerika, iżda għal element wieħed biss tagħha, jiġifieri “Gouda”. Madankollu, se tingħata protezzjoni għat-terminu “Gouda Holland” kollu kemm hu. Skont it-tieni subparagrafu tal-Artikolu 13(1) tar-Regolament (KE) Nru 510/2006, it-terminu “Gouda” jista' jkompli jintuża sakemm il-prinċipji u r-regoli applikabbli fl-ordni legali tal-Unjoni jitħarsu. Għal raġunijiet ta' kjarifikazzjoni, l-ispeċifikazzjoni u s-sommarju ġew modifikati skont dan. |
(9) |
Fid-dawl ta' dan kollu, id-denominazzjoni “Gouda Holland” għandha tiddaħħal fir-“Reġistru tad-denominazzjonijiet protetti tal-oriġini u tal-indikazzjonijiet ġeografiċi protetti”. |
(10) |
Il-miżuri pprovduti f'dan ir-Regolament huma skont l-opinjoni tal-Kumitat Permanenti għall-Indikazzjonijiet Ġeografiċi Protetti u d-Denominazzjonijiet Protetti tal-Oriġini, |
ADOTTAT DAN IR-REGOLAMENT:
Artikolu 1
Id-denominazzjoni li tinsab fl-Anness I għal dan ir-Regolament hija b'dan imdaħħla fir-Reġistru.
Minkejja l-ewwel paragrafu, l-isem “Gouda” jista' jkompli jintuża fi ħdan it-territorju tal-Unjoni, sakemm il-prinċipji u r-regoli applikabbli fl-ordni legali tagħha jitħarsu.
Artikolu 2
Il-verżjoni konsolidata tas-sommarju li fih il-punti prinċipali tal-ispeċifikazzjoni hija stipulata fl-Anness II għal dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 93, 31.3.2006, p. 12.
ANNESS I
Prodotti agrikoli maħsubin għall-konsum mill-bniedem elenkati fl-Anness I għat-Trattat:
Klassi 1.3. Ġobnijiet
IL-PAJJIŻI L-BAXXI
Gouda Holland (IĠP)
ANNESS II
SOMMARJU
IR-REGOLAMENT TAL-KUNSILL (KE) Nru 510/2006
dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel
“GOUDA HOLLAND”
Nru KE: NL-PGI-0005-0328-27.11.2003
DPO ( ) IĠP (X)
Dan is-sommarju jistabbilixxi l-elementi ewlenin tal-ispeċifikazzjoni tal-prodott għal skopijiet informattivi.
1. Dipartiment responsabbli fl-istat Membru
Isem |
: |
Hoofdproductschap Akkerbouw |
Indirizz |
: |
Postbus 29739 - 2502 LS 's-Gravenhage |
Tel. |
: |
+31-70-3708708 |
Feks |
: |
+31-70-3708444 |
Posta elettronika |
: |
plw@hpa.agro.nl |
2. Grupp
Isem |
: |
Nederlandse Zuivel Organisatie (NZO) |
Indirizz |
: |
Postbus 165 - 2700 AD Zoetermeer |
Tel. |
: |
+ 31-79-3430300 |
Feks |
: |
+31-79-3430320 |
Posta elettronika |
: |
info@nzo.nl |
Kompożizzjoni |
: |
Produtturi/proċessaturi (X) Oħrajn ( ) |
3. Tip ta' prodott
Klassi 1.3. |
Ġobnijiet |
4. Speċifikazzjoni
(sommarju tar-rekwiżiti skont l-Artikolu 4(2) tar-Regolament (KE) Nru 510/2006)
4.1. Isem
“Gouda Holland”
4.2. Deskrizzjoni
Il-Gouda Holland huwa ġobon kemxejn iebes immaturat b'mod naturali b'kontenut kollu ta' xaħam (48 % +).
Jiġi prodott fil-Pajjiżi l-Baxxi mill-ħalib tal-baqar tal-azjendi tal-prodotti tal-ħalib Olandiżi u jiġi mmaturat għal prodott lest għal konsumatur fi kmamar għal maturazzjoni Olandiżi.
Il-Gouda Holland huwa prodott minn element wieħed jew iżjed tal-materja prima li ġejja:
— |
ħalib, krema u ħalib xkumat jew nofsu xkumat tal-baqar (eskussivament ħalib tal-baqar) minn azjendi tal-prodotti tal-ħalib Olandiżi. |
Il-ġobon għandu forma bħal dik ta' ċilindru mċaftar, blokka jew kexxun tal-ħobż u jiżen bejn 2,5 kg sa 20 kg. Forma ċilindrika mċaftra hija forma bil-ġnub għat-tond li fit-trufijiet tiġi għal xejn għal xejn għaċ-ċatt. L-għoli huwa ta' kwart jew terz tad-dijametru.
Il-kontenut tax-xaħam huwa mill-inqas ta' 48,0 % u mhux iżjed minn 52,0 % f'materja niexfa. Il-kontenut ta' ndewwa (massimu) 12-il ġurnata mill-ewwel jum tal-produzzjoni huwa 42,5 % u l-kontenut ta' melħ f'materja niexfa huwa massimu ta' 4,0 %. L-elementi karatteristiċi l-oħra huma kif ġej:
— |
It-togħma: aromatika, pjaċevoli, u minn qawwija għal ħafifa, skont iż-żmien tal-maturazzjoni. Jista' jiżdied il-kemmun. |
— |
Sezzjoni trasversali: wara li l-ġobon jitqatta' f'biċċiet irqaq, tista' tara xi toqob li ma jkunux mxerrdin b'mod ekwu. Il-lewn tal-ġobon ivarja minn kulur l-ivorju għal isfar. |
— |
Il-qoxra: il-qoxra hija soda, lixxa, niexfa, nadifa u mingħajr ebda flora tal-fungu. Din tifforma billi tinxef waqt l-istadju tal-maturazzjoni. |
— |
Konsistenza: il-ġobon huwa kemxejn artab u flessibbli wara maturazzjoni ta' erba' ġimgħat. Hekk kif il-ġobon ikompli jimmatura, isir iżjed iebes u magħqud fil-konsistenza. Il-ġobon jinqata' faċilment. |
— |
Perjodu ta' maturazzjoni: tal-anqas 28 jum. Il-Gouda Holland huwa ġobon immaturat b'mod naturali. Għall-Gouda Holland mhijiex permessa il-maturazzjoni bil-fojl. |
— |
Temperatura ta' maturazzjoni: minimu ta' 12 °C. |
— |
Żmien: it-tul tal-iskadenza jvarja minn minimu ta' 28 jum wara l-produzzjoni għal aktar minn sena. |
— |
Meta jaslu u jinħażnu għand il-produttur tal-ġobon, jista' jkun li l-ħalib, il-krema jew il-ħalib nofsu xkumat jew ma jkunu ħadu ebda trattament tas-sħana jew ikunu ħadu trattament tas-sħana li ma jippastorizzax. |
— |
Il-krema u l-ħalib xkumat jew nofsu xkumat għandhom jiġu ppastorizzati immedjatament qabel ma jsiru Gouda Holland biex jiġu ssodisfati l-kriterji li ġejjin:
|
— |
Eżatt qabel ma tintuża għall-Gouda Holland, il-materja prima kollha trid tiġi ppastorizzata b'tali mod li l-kontenut żnaturat ta' proteina tax-xorrox ma jvarjax jew ivarja verament ftit minn dak ta' materja prima mhix pastorizzata ta' tip u kwalità simili. Jistgħu jiżdiedu biss kulturi mhux modifikati ġenetikament ta' mikro organiżmi li jipproduċu l-aċidu tal-ħalib jew li jipproduċu l-aroma fil-produzzjoni tal-Gouda Holland. Dawn il-kulturi jikkonsistu f'kulturi starter meżofiliċi adattati għall-Gouda Holland: Lactococcus u Leuconostoc L jew LD, possibbilment flimkien ma' Lactobacillus termofiliku u/jew kulturi ta' Lactococcus. Il-kulturi preżenti huma protetti. L-użu tagħhom huwa obbligatorju fil-produzzjoni tal-Gouda Holland. |
— |
Tames: jintuża biss tames tal-għoġol fil-produzzjoni tal-Gouda Holland. Huwa biss f'ċirkustanzi speċjali, pereżempju jekk meħtieġ minħabba mard epiżotiku, li jista' jkun meħtieġ li minflok jintużaw tipi oħra ta' tames. F'dak il-każ, it-tames użat irid ikun konformi mar-rekwiżiti ta' Warenwetbesluit Zuivel [id-Digriet tad-Dairy Products (Commodities Act)]. |
— |
Il-kontenut tan-nitrit tal-Gouda Holland, f'termini ta' joni tan-nitrit, mhux ogħla minn 2 mg għal kull kg ta' ġobon. |
4.3. Żona ġeografika
Iż-żona ġeografika koperta mill-applikazzjoni hija l-Olanda, jiġifieri l-parti Ewropea tar-Renju tal-Pajjiżi l-Baxxi.
4.4. Prova tal-oriġini
Kull ġobna ta' Gouda Holland tiġi mmarkata bil-kaseina qabel ma l-baqta tiġi ppressata (ara l-istampa). Il-marka fiha d-denominazzjoni “Gouda Holland” flimkien ma' taħlita ta' numri u ittri li huma uniċi għal kull ġobna (f'ordni alfabetika u numerika li tiżdied).
Il-COKZ (l-istitut Olandiż ta' spezzjoni tal-prodotti tal-ħalib) iżomm reġistru ta' dawn iċ-ċifri uniċi, magħhom tiddaħħal ukoll id-dejta tal-eżamijiet kollha (inklużi l-ħin u l-post). Din l-indikazzjoni tingħaraf faċilment mill-konsumaturi u tista' tiġi vverifikata minn awtorità ta' approvazzjoni abbażi tal-marka bil-kaseina u r-reġistru tal-COKZ.
4.5. Metodu ta' produzzjoni
Il-ġobon Gouda Holland jiġi prodott minn ħalib tal-azjendi tal-prodotti tal-ħalib fil-Pajjiżi l-Baxxi. Il-ħalib jitkessaħ fl-azjenda għal massimu ta' 6 °C u jinħażen f'tank ta' tkessiħ fl-azjenda stess. Wara jinġarr għall-fabbrika tal-ġobon mhux iktar tard minn 72 siegħa wara. Meta jasal fil-fabbrika tal-ġobon, jew jiġi pproċessat immedjatament jew inkella termizzat (trattament tas-sħana ħafifa li ma jippastorizzax) u jitpoġġa f'ħażna tat-tkessiħ għal perjodu qasir qabel ma jinbidel f'ħalib tal-ġobon.
Il-kontenut tax-xaħam tal-ħalib huwa standardizzat b'tali mod li l-proporzjon ta' xaħam/proteina huwa dak li eventwalment jipproduċi ġobon b'kontenut tax-xaħam ta' bejn 48 % u 52 % xaħam f'materja niexfa. Il-ħalib tal-ġobon jiġi ppastorizzat f'temperatura tal-anqas ta' 72 °C għal 15-il sekonda. Isir f'baqta f'temperatura ta' madwar 30 °C. Is-separazzjoni u l-koagulazzjoni tal-proteini tal-ħalib li jseħħu matul dan il-proċess hija tipika tal-Gouda Holland.
Il-baqta prodotta mill-koagulazzjoni tiġi sseparata mix-xorrox u pproċessata u maħsula biex jiġi żgurat li l-kontenut tan-ndewwa u l-pH jilħqu l-livelli meħtieġa.
Il-baqta tiġi ppressata fil-forma korretta u fil-piż meħtieġ f'kontenituri. Il-“ġobon” prodott b'dan il-mod imbagħad jingħaddas ġos-salmura.
Il-Gouda Holland jiġi biss immaturat dejjem b'mod naturali, jiġifieri jitħalla mikxuf għall-arja biex jimmatura u jinqaleb u jiġi kkontrollat regolarment. Hekk kif il-ġobon jimmatura, tifforma qoxra niexfa. Iż-żmien u t-temperatura għandhom rwol importanti biex jiżguraw li l-proċessi enżimatiċi u dawk tal-maturazzjoni jingħataw opportunità biżżejjed sabiex il-ġobon jiżviluppa l-kwalità fiżika u organolettika li hija karatteristika tal-Gouda Holland.
Il-Gouda Holland jista' jieħu iżjed minn sena biex jimmatura, jiddependi fuq it-tip ta' togħma mixtieqa.
Il-Gouda Holland jista' jitqatta' u jiġi ppakkjat kemm fil-Pajjiżi l-Baxxi kif ukoll f'pajjiż ieħor, sakemm dak li jippakkja għandu sistema amministrattiva ta' monitoraġġ komprensiva li tiżgura li l-Gouda Holland imqatta' jista' jiġi identifikat permezz tat-taħlita unika ta' numri u ittri fuq il-marka u li l-konsumatur ikun ċert mill-oriġini tiegħu.
4.6. Rabta
Il-parti ġeografika tad-denominazzjoni ta' dan il-prodott hija “Holland”. Bħalma jaf kulħadd, “Holland” hija sinonima mal-isem aktar uffiċjali, “il-Pajjiżi l-Baxxi”. Matul il-perjodu tar-Repubblika tal-Pajjiżi l-Baxxi Uniti (mis-17 sad-19-il seklu), l-Olanda kienet il-provinċja l-iktar influenti mis-seba' provinċji.
Hija l-iktar minħabba l-pożizzjoni ġeografika tal-Pajjiżi l-Baxxi (kważi kollha taħt il-livell tal-baħar), il-klima tagħhom (klima marittima) u t-taħlita tal-ħaxix li jikber hemm (kważi kollu fuq ħamrija ramlija u taflija) li jwasslu għall-ħalib daqshekk adattat għall-produzzjoni ta' ġobon ta' kwalità għolja mimli togħma. Is-sistemi tal-assigurazzjoni ta' kwalità stabbiliti fl-azjendi tal-prodotti tal-ħalib u s-sistema intensiva ta' valutazzjoni ta' kwalità (kull konsenja ħalib tiġi eżaminata u vvalutata skont parametri varji ta' kwalità) kollha flimkien jiggarantixxu l-kwalità tal-ħalib. Barra minn hekk, sal-mument li l-ħalib jiġi pproċessat hemm katina ta' tkessiħ bla waqfien, bil-ħalib jitpoġġa f'ħażna tat-tkessiħ fl-azjenda (massimu 6 °C) u jinġarr għall-fabbrika f'tankijiet b'tagħmir tat-tkessiħ. Id-distanzi relattivament qosra involuti jgħinu wkoll biex tinżamm il-kwalità tal-ħalib.
Il-Gouda Holland huwa simbolu tat-tradizzjoni Olandiża tal-produzzjoni tal-ġobon, li tmur lura sal-Medju Evu, u li laħqet l-aqwa tagħha saħansitra diġà fis-seklu 17 (l-Epoka tad-Deheb).
Mis-seklu 18 'il quddiem, il-ġobon mibjugħ f'Gouda kien magħruf bħala ġobon Gouda. Aktar tard, l-isem Gouda kien assoċjat mal-ġobnijiet kollha b'kontenut kollu ta' xaħam prodott fl-Olanda, u b'forma ta' ċilindru mċaftar.
Mill-bidu tiegħu bil-produzzjoni bbażata fl-azjendi, il-Gouda Holland żviluppa, permezz ta' produzzjoni f'fabbriki lokali, biex sar prodott nazzjonali magħruf mad-dinja kollha u huwa fattur importanti u stabbli biex il-valur tal-ħalib tal-azjendi jintuża bl-aħjar mod. Fil-bidu tas-seklu 20, ġew introdotti liġijiet nazzjonali għall-ġobon Gouda, u l-isem Gouda Holland ġie stabbilit fil-Landbouwkwaliteitsbeschikking kaasproducten [Id-Deċiżjoni tal-Kwalità Agrikola (Prodotti tal-Ġobon)].
Stħarriġ fuq skala kbira li twettaq f'sitt pajjiżi Ewropej wera li l-konsumaturi Ewropej iqisu l-Pajjiżi l-Baxxi bħala l-iktar produttur importanti tal-Gouda u l-Edam. Il-Gouda Holland (u l-Edam Holland) huma simboli tal-wirt kulturali Olandiż. Il-konsumaturi Ewropej iqisu l-ġobnijiet tal-Gouda Holland (u l-Edam Holland) bħala marka kummerċjali. Ir-riċerka tas-suq (imwettqa fuq kampjun rappreżentattiv ta' 1 250 parteċipant għal kull Stat Membru, b'affidabbiltà ta' 97,5 %) fis-sitt Stati Membri fejn hemm l-ogħla konsum tal-Gouda (u l-Edam) turi li:
— |
hemm assoċjazzjoni qawwija bejn il-Gouda u l-Pajjiżi l-Baxxi; |
— |
il-Gouda Holland huwa aktar popolari mill-Gouda li mhux prodott fil-Pajjiżi l-Baxxi; |
— |
kważi nofs il-konsumaturi fl-Istati Membri tal-istħarriġ jaħsbu li l-Gouda kollu jiġi prodott fil-Pajjiżi l-Baxxi; |
— |
il-Gouda mill-Olanda jieħu punteġġi sinifikattivament ogħla fuq il-valuri varjabbli “kwalità eċċellenti”, “prodott b'mod tradizzjonali”, u “l-prodott oriġinali”. |
Il-Gouda Holland (u l-Edam Holland) huma sinonimi ma' kwalità Olandiża. Matul għadd ta' sekli, miżuri u liġijiet differenti ġew introdotti, kemm mill-Gvern Olandiż u mill-industrija, biex jiżguraw li l-kwalità tal-Gouda Holland (u l-Edam Holland) tinżamm f'livell għoli ħafna. Barra minn hekk, l-industrija Olandiża tal-prodotti tal-ħalib investiet ammont sostanzjali biex jintlaħqu dawn l-istandards għoljin ta' kwalità, u biex jinfetħu swieq ġodda li ġew ikkultivati u miżmuma. Sa mill-1950, aktar minn NLG 1,4 biljun (EUR 635 miljun) kienu investiti f'riklamar, tkabbir ta' għarfien u promozzjoni fl-Ewropa (eskluż investiment fil-Pajjiżi l-Baxxi).
4.7. Korp ta' spezzjoni
Isem |
: |
Stichting Centraal Orgaan voor Kwaliteitsaangelegenheden in de Zuivel (COKZ) |
Indirizz |
: |
Kastanjelaan 7, 3833 AN LEUSDEN |
Tel. |
: |
+31-33-4965696 |
Feks |
: |
+31-33-4965666 |
Posta elettronika |
: |
productcontrole@cokz.nl |
4.8. Tikkettar
Il-“Gouda Holland” huwa Indikazzjoni Ġeografika Protetta (IĠP) tal-Unjoni Ewropea.
Din l-indikazzjoni trid tintwera f'pożizzjoni prominenti fuq il-ġobniet sħaħ kollha, fuq it-tikketta mwaħħla fuq in-naħa ċatta tal-ġobna u/jew fuq il-faxxa ta' madwar il-ġobna.
Dan mhux obbligatorju jekk il-ġobna tinbiegħ f'forma mqatta' u ppakkjata minn qabel kif deskritt fit-taqsima 4.5. F'dak il-każ, il-“Gouda Holland” trid tidher fuq l-imballaġġ.
Għandha tintwera marka ċara biex tiddistingwi fuq l-imballaġġ biex il-konsumaturi jidentifikaw il-Gouda Holland fil-ħwienet. Bl-użu tad-denominazzjoni “Gouda Holland”, bl-iżvilupp ta' identità separata, u billi jintwera s-simbolu IĠP tal-UE, wieħed għandu jiċċara mal-konsumaturi li l-Gouda Holland huwa prodott differenti mill-ġobnijiet “Gouda” l-oħrajn.
3.12.2010 |
MT |
Il-Ġurnal Uffiċjali tal-Unjoni Ewropea |
L 317/30 |
REGOLAMENT TAL-KUMMISSJONI (UE) Nru 1123/2010
tat-2 ta’ Diċembru 2010
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-3 ta’ Diċembru 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Diċembru 2010.
Għall-Kummissjoni, f'isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
AL |
64,0 |
MA |
96,2 |
|
MK |
68,6 |
|
TR |
131,8 |
|
ZZ |
90,2 |
|
0707 00 05 |
EG |
145,5 |
JO |
182,1 |
|
TR |
76,2 |
|
ZZ |
134,6 |
|
0709 90 70 |
MA |
86,7 |
TR |
146,6 |
|
ZZ |
116,7 |
|
0805 10 20 |
BR |
57,8 |
MA |
56,2 |
|
TR |
54,8 |
|
ZA |
52,0 |
|
ZW |
43,6 |
|
ZZ |
52,9 |
|
0805 20 10 |
MA |
73,7 |
ZZ |
73,7 |
|
0805 20 30 , 0805 20 50 , 0805 20 70 , 0805 20 90 |
HR |
60,9 |
IL |
72,8 |
|
TR |
66,6 |
|
ZZ |
66,8 |
|
0805 50 10 |
AR |
45,9 |
TR |
57,2 |
|
UY |
57,1 |
|
ZZ |
53,4 |
|
0808 10 80 |
AR |
74,9 |
AU |
164,5 |
|
BR |
50,3 |
|
CA |
65,9 |
|
CL |
84,2 |
|
CN |
86,4 |
|
CO |
50,3 |
|
MK |
26,7 |
|
NZ |
99,4 |
|
US |
113,6 |
|
ZA |
125,5 |
|
ZZ |
85,6 |
|
0808 20 50 |
CN |
105,3 |
US |
112,9 |
|
ZZ |
109,1 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
DIRETTIVI
3.12.2010 |
MT |
Il-Ġurnal Uffiċjali tal-Unjoni Ewropea |
L 317/32 |
DIRETTIVA TAL-KUMMISSJONI 2010/85/UE
tat-2 ta' Diċembru 2010
li temenda d-Direttiva tal-Kunsill 91/414/KEE biex tinkludi l-fosfid taż-żingu bħala sustanza attiva u li temenda d-Deċiżjoni 2008/941/KE
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (1), u b’mod partikolari l-Artikolu 6(1) tagħha,
Billi:
(1) |
Ir-Regolamenti tal-Kummissjoni (KE) Nru 1112/2002 (2) u (KE) Nru 2229/2004 (3) jistipulaw ir-regoli dettaljati għall-implimentazzjoni tar-raba' stadju tal-programm ta' ħidma msemmi fl-Artikolu 8(2) tad-Direttiva 91/414/KEE u jistabbilixxu lista ta' sustanzi attivi li għandhom jiġu evalwati, bl-għan li jiġu possibbilment inklużi fl-Anness I tad-Direttiva 91/414/KEE. Dik il-lista tinkludi l-fosfid taż-żingu. |
(2) |
F'konformità mal-Artikolu 24e tar-Regolament (KE) Nru 2229/2004 l-applikant irtira l-appoġġ tiegħu għall-inklużjoni ta' dik is-sustanza attiva fl-Anness I tad-Direttiva 91/414/KEE fi żmien xahrejn mill-wasla tal-abbozz tar-rapport ta' stima. Konsegwentement, id-Deċiżjoni tal-Kummissjoni 2008/941/KE tat-8 ta' Diċembru 2008 dwar in-noninklużjoni ta' ċerti sustanzi attivi fl-Anness I tad-Direttiva tal-Kunsill 91/414/KEE u l-irtirar ta' awtorizzazzjonijiet għal prodotti għall-ħarsien tal-pjanti li fihom dawn is-sustanzi (4) kienet addottata għan-noninklużjoni tal-fosfid taż-żingu. |
(3) |
Skont l-Artikolu 6(2) tad-Direttiva 91/414/KEE n-notifikant oriġinali (minn hawn 'il quddiem l-applikant) ressaq applikazzjoni ġdida li titlob l-applikazzjoni tal-proċedura aċċellerata prevista fl-Artikoli minn 14 sa 19 tar-Regolament tal-Kummissjoni (KE) Nru 33/2008 tas-17 ta' Jannar 2008 li jistipula regoli dettaljati għall-applikazzjoni tad-Direttiva tal-Kunsill 91/414/KEE fir-rigward ta' proċedura regolari u aċċellerata għall-valutazzjoni ta' sustanzi attivi li kienu jagħmlu parti mill-programm ta' ħidma msemmi fl-Artikolu 8(2) ta' dik id-Direttiva iżda li ma ġewx inklużi fl-Anness I tagħha (5). |
(4) |
L-applikazzjoni tressqet lill-Ġermanja, li kienet inħatret bħala l-Istat Membru relatur permezz tar-Regolament (KE) Nru 2229/2004. Il-perjodu ta' żmien għall-proċedura aċċellerata ġie rispettat. L-ispeċifikazzjoni tas-sustanza attiva u l-utenti sostnuti huma l-istess kif kien is-suġġett tad-Deċiżjoni 2008/941/KE. L-applikazzjoni tikkonforma wkoll mar-rekwiżiti proċedurali u sostantivi li fadal tal-Artikolu 15 tar-Regolament (KE) Nru 33/2008. |
(5) |
Il-Ġermanja vvalutat id-dejta addizzjonali mressqa mill-applikant u ppreparat rapport addizzjonali. Din ikkomunikat dak ir-rapport lill-Awtorità Ewropea dwar is-Sigurtà fl-Ikel (minn hawn 'il quddiem “l-Awtorità”) u lill-Kummissjoni fl-20 ta' Lulju 2009. L-Awtorità kkomunikat ir-rapport addizzjonali lill-Istati Membri l-oħra u lill-applikant għall-kummenti u bagħtet il-kummenti li waslulha lill-Kummissjoni. Skont l-Artikolu 20(1) tar-Regolament (KE) Nru 33/2008 u fuq talba tal-Kummissjoni, l-Awtorità ppreżentat il-konklużjonijiet tagħha dwar il-fosfid taż-żingu lill-Kummissjoni fit-2 ta' Lulju 2010 (6). L-abbozz tar-rapport ta' valutazzjoni, ir-rapport addizzjonali u l-konklużjoni tal-Awtorità ġew irriveduti mill-Istati Membri u l-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u ffinalizzati fit-28 ta' Ottubru 2010 fil-format tar-rapport ta' reviżjoni tal-Kummissjoni għall-fosfid taż-żingu. |
(6) |
Ħareġ ċar minn diversi eżamijiet li saru li l-prodotti għall-ħarsien tal-pjanti li fihom il-fosfid taż-żingu jistgħu jkunu mistennija jissodisfaw, b’mod ġenerali, ir-rekwiżiti stipulati fl-Artikolu 5(1) (a) u (b) tad-Direttiva 91/414/KEE, b’mod partikolari dwar l-użi tagħhom li ġew eżaminati u mniżżla fid-dettall fir-rapport ta' reviżjoni tal-Kummissjoni. Għaldaqstant, huwa xieraq li l-fosfid taż-żingu jiġi inkluż fl-Anness I biex jiġi assigurat li, fl-Istati Membri kollha, ikunu jistgħu jingħataw l-awtorizzazzjonijiet tal-prodotti għall-ħarsien tal-pjanti li fihom din is-sustanza attiva skont id-dispożizzjonijiet ta' dik id-Direttiva. |
(7) |
Għandu jitħalla jgħaddi perjodu raġonevoli qabel ma sustanza attiva tiġi inkluża fl-Anness I sabiex l-Istati Membri u l-partijiet interessanti jingħataw ċans jippreparaw irwieħhom sabiex jissodisfaw ir-rekwiżiti ġodda li jirriżultaw mill-inklużjoni. |
(8) |
Mingħajr ħsara għall-obbligazzjonijiet stipulati fid-Direttiva 91/414/KEE konsegwenza tal-inklużjoni tas-sustanzi attivi fl-Anness I, l-Istati Membri għandhom jingħataw perjodu ta' sitt xhur wara l-inklużjoni biex jirrevedu l-awtorizzazzjonijiet eżistenti ta' prodotti għall-ħarsien tal-pjanti li fihom il-fosfid taż-żingu sabiex jaċċertaw li r-rekwiżiti stipulati fid-Direttiva 91/414/KEE, b’mod partikolari fl-Artikolu 13 tagħha u l-kondizzjonijiet relevanti stipulati fl-Anness I, jiġu sodisfatti. L-Istati Membri għandhom ivarjaw, ibiddlu jew jirtiraw, skont kif ikun meħtieġ, l-awtorizzazzjonijiet eżistenti, skont id-dispożizzjonijiet tad-Direttiva 91/414/KEE. B'deroga mill-iskadenza msemmija hawn fuq, għandu jiġi pprovdut perjodu itwal għas-sottomissjoni u l-valutazzjoni tal-fajl sħiħ tal-Anness III ta' kull prodott għall-protezzjoni tal-pjanti għal kull użu maħsub skont il-prinċipji uniformi stabbiliti fid-Direttiva 91/414/KEE. |
(9) |
L-esperjenza miksuba minn inklużjonijiet preċedenti fl-Anness I tad-Direttiva 91/414/KEE ta' sustanzi attivi vvalutati fil-qafas tar-Regolament tal-Kummissjoni (KEE) Nru 3600/92 tal-11 ta' Diċembru 1992 li jistabbilixxi r-regoli dettaljati għall-implimentazzjoni tal-ewwel stadju tal-programm ta' xogħol imsemmi fl-Artikolu 8(2) tad-Direttiva tal-Kunsill 91/414/KEE li jittratta dwar it-tqegħid fis-suq ta' prodotti għall-protezzjoni tal-pjanti (7) uriet li jistgħu jinħolqu diffikultajiet fl-interpretar tal-obbligi ta' dawk li għandhom f’idhom awtorizzazzjonijiet eżistenti b’rabta mal-aċċess għad-dejta. Għalhekk, sabiex jiġu evitati iktar diffikultajiet, jidher li huwa meħtieġ li d-dmirijiet tal-Istati Membri jiġu ċċarati, speċjalment id-dmir li jivverifikaw li d-detentur ta' awtorizzazzjoni jkollu x'juri li għandu aċċess għal fajl li jissodisfa r-rekwiżiti tal-Anness II ta' dik id-Direttiva. Madankollu, din il-kjarifika ma timponix xi obbligi ġodda fuq l-Istati Membri jew dawk li għandhom l-awtorizzazzjonijiet, meta mqabbla mad-direttivi li ġew adottati sal-ġurnata preżenti li jemendaw l-Anness I. |
(10) |
Għaldaqstant, huwa xieraq li d-Direttiva 91/414/KEE tiġi emendata skont dan. |
(11) |
Id-Deċiżjoni 2008/941/KE dwar in-noninklużjoni ta' ċerti sustanzi attivi fl-Anness I tad-Direttiva 91/414/KEE u l-irtirar ta' awtorizzazzjonijiet għal prodotti għall-ħarsien tal-pjanti li fihom dawn is-sustanzi tipprovdi għan-noninklużjoni tal-fosfid taż-żingu u l-irtirar ta' awtorizzazzjoni għal prodotti għall-ħarsien tal-pjanti li fihom dik is-sustanza sal-31 ta' Diċembru 2011. Hemm bżonn li titħassar il-linja li tikkonċerna l-fosfid taż-żingu fl-Anness ta' dik id-Deċiżjoni. |
(12) |
Huwa għalhekk meħtieġ li tiġi emendata d-Deċiżjoni 2008/941/KE skont dan. |
(13) |
Il-miżuri pprovduti f’din id-Direttiva huma skont l-opinjoni tal-Kumitat Permanenti fuq il-Katina Alimentari u s-Saħħa tal-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat kif stipulat fl-Anness ta' din id-Direttiva.
Artikolu 2
Il-linja li tikkonċerna l-fosfid taż-żingu fl-Anness tad-Deċiżjoni 2008/941/KE titħassar.
Artikolu 3
L-Istati Membri għandhom jadottaw u jippubblikaw sa mhux aktar tard mill-31 ta' Ottubru 2011, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Huma għandhom minnufih jikkomunikaw lill-Kummissjoni t-test ta' dawk id-dispożizzjonijiet, kif ukoll tabella ta' korrelazzjoni bejn dawk id-dispożizzjonijiet u din id-Direttiva.
Huma għandhom japplikaw dawn id-dispożizzjonijiet mill-1 ta' Novembru 2011.
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.
Artikolu 4
1. L-Istati Membri għandhom, b’konformità mad-Direttiva 91/414/KEE u fejn hu meħtieġ, jemendaw jew jirtiraw awtorizzazzjonijiet eżistenti għall-prodotti għall-ħarsien tal-pjanti li fihom il-fosfid taż-żingu bħala sustanza attiva sal-1 ta' Novembru 2011.
Sa dik id-data huma għandhom b’mod partikolari jivverifikaw li l-kundizzjonijiet fl-Anness I tad-Direttiva li jikkonċernaw il-fosfid taż-żingu, bl-eċċezzjoni ta' dawk identifikati fil-parti B tar-referenza li tikkonċerna dik is-sustanza attiva, u li d-detentur tal-awtorizzazzjoni jkollu f’idejh, jew li jkollu aċċess għal, dossier li jissodisfa r-rekwiżiti tal-Anness II ta' dik id-Direttiva skont il-kundizzjonijiet tal-Artikolu 13 ta' dik id-Direttiva.
2. B’deroga mill-paragrafu 1, għal kull prodott awtorizzat għall-ħarsien tal-pjanti li fih il-fosfid taż-żingu bħala l-unika sustanza attiva jew inkella bħala waħda minn diversi sustanzi attivi li jkunu lkoll elenkati fl-Anness I tad-Direttiva 91/414/KEE sa mhux aktar tard mit-30 ta' April 2011, l-Istati Membri għandhom jerġgħu jivvalutaw il-prodott skont il-prinċipji uniformi stipulati fl-Anness VI tad-Direttiva 91/414/KEE, fuq il-bażi ta' dossier li jissodisfa r-rekwiżiti tal-Anness III ta' dik id-Direttiva u billi titqies il-parti B tal-annotazzjoni fl-Anness I ta' dik id-Direttiva li tikkonċerna l-fosfid taż-żingu. Fuq il-bażi ta' din il-valutazzjoni, huma għandhom jistabbilixxu jekk il-prodott jissodisfax il-kundizzjonijiet stabbiliti fl-Artikolu 4(1)(b), (c), (d) u (e) tad-Direttiva 91/414/KEE.
Wara li jiġi stabbilit dan, l-Istati Membri għandhom:
(a) |
fil-każ ta' prodott li jkun fih il-fosfid taż-żingu bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sa mhux aktar tard mit-30 ta' April 2015; jew |
(b) |
fil-każ ta' prodott li jkun fih il-fosfid taż-żingu bħala wieħed minn numru ta' sustanzi attivi, meta meħtieġ, jemendaw jew jirtiraw l-awtorizzazzjoni, sat-30 ta' April 2015 jew sad-data ffissata għal din l-emenda jew dan l-irtirar fid-Direttiva jew id-Direttivi rispettivi li jkunu żiedu s-sustanza jew is-sustanzi relevanti fl-Anness I tad-Direttiva 91/414/KEE, liema minnhom tkun l-aħħar. |
Artikolu 5
Din id-Direttiva għandha tidħol fis-seħħ fl-1 ta' Mejju 2011.
Artikolu 6
Din id-Direttiva hija indirizzata lill-Istati Membri.
Magħmul fi Brussell, it-2 ta’ Diċembru 2010.
Għall-Kummissjoni
Il-President
José Manuel BARROSO
(1) ĠU L 230, 19.8.1991, p. 1.
(2) ĠU L 168, 27.6.2002, p. 14.
(3) ĠU L 379, 24.12.2004, p. 13.
(4) ĠU L 335, 13.12.2008, p. 91.
(6) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance azimsulfuron. Il-Ġurnal tal-EFSA 2010; 8(7):1671. [48pp].doi:10.2903/j.efsa.2010.1671. Disponibbli onlajn fuq: www.efsa.europa.eu
(7) ĠU L 366, 15.12.1992, p. 10.
ANNESS
L-annotazzjoni li ġejja għandha tiġi miżjuda fl-aħħar tat-tabella fl-Anness I tad-Direttiva 91/414/KE:
Nru |
Isem Komuni, Numri ta’ Identifikazzjoni |
Isem skont l-IUPAC |
Purità (*) |
Dħul fis-seħħ |
Skadenza tal-inklużjoni |
Dispożizzjonijiet speċifiċi |
||
“319 |
Fosfid taż-żingu Nru CAS: 1314-84-7 Nru CIPAC: 69 |
Difosfid tat-triżingu |
≥ 800 g/kg |
L-1 ta’ Mejju 2011 |
It-30 ta’ April 2021 |
PARTI A Jistgħu jkunu awtorizzati l-użi biss bħala bħala rodentiċidju fil-forma ta’ lixki lesti fi stazzjonijiet tal-lixki jew lokazzjonijiet fil-mira. PARTI B Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta’ reviżjoni dwar il-fosfid taż-żingu, u b'mod partikolari l-Appendiċi I u II tiegħu, kif iffinalizzati mill-Kumitat Permanenti dwar il-Katina Alimentari u s-Saħħa tal-Annimali fit-28 ta’ Ottubru 2010. F’din il-valutazzjoni ġenerali l-Istati Membri jridu joqogħdu partikolarment attenti għal dan li ġej:
|
(*) Aktar dettalji dwar l-identità u l-ispeċifikazzjoni tas-sustanza attiva huma provduti fir-rapport tar-reviżjoni.
3.12.2010 |
MT |
Il-Ġurnal Uffiċjali tal-Unjoni Ewropea |
L 317/36 |
DIRETTIVA TAL-KUMMISSJONI 2010/86/UE
tat-2 ta' Diċembru 2010
li temenda d-Direttiva tal-Kunsill 91/414/KEE biex tkun inkluża l-haloxyfop-P bħala sustanza attiva
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (1), u partikolarment l-Artikolu 6(1) tagħha,
Billi:
(1) |
Ir-Regolamenti tal-Kummissjoni (KE) Nru 451/2000 (2) u (KE) Nru 703/2001 (3) jistipulaw ir-regoli dettaljati għall-implimentazzjoni tat-tieni stadju tal-programm ta' ħidma msemmi fl-Artikolu 8(2) tad-Direttiva tal-Kunsill 91/414/KEE u jistabbilixxu lista ta' sustanzi attivi li għandhom jiġu vvalutati bil-għan tal-inklużjoni possibbli tagħhom fl-Anness I tad-Direttiva 91/414/KEE. Dik il-lista kienet tinkludi l-haloxyfop-R. Permezz tad-Deċiżjoni tal-Kummissjoni 2007/437/KE (4) ġie deċiż li l-haloxyfop-R ma tkunx inkluża fl-Anness I tad-Direttiva 91/414/KEE. |
(2) |
Skont l-Artikolu 6(2) tad-Direttiva 91/414/KEE n-notifikatur oriġinali, minn issa 'l quddiem “l-applikant”, ressaq applikazzjoni ġdida li titlob l-applikazzjoni tal-proċedura aċċelerata, kif jipprovdu l-Artikoli 14 sa 19 tar-Regolament tal-Kummissjoni (KE) Nru 33/2008 tas-17 ta' Jannar 2008 li jistipula regoli dettaljati għall-applikazzjoni tad-Direttiva tal-Kunsill 91/414/KEE fir-rigward ta' proċedura regolari u aċċellerata għall-valutazzjoni ta' sustanzi attivi li kienu jagħmlu parti mill-programm ta' ħidma msemmi fl-Artikolu 8(2) ta' dik id-Direttiva iżda li ma ġewx inklużi fl-Anness I tagħha (5). |
(3) |
L-applikazzjoni tressqet lid-Danimarka, l-Istat Membru li kien inħatar relatur permezz tar-Regolament (KE) Nru 451/2000. Il-perjodu ta' żmien għall-proċedura aċċelerata kien osservat. L-ispeċifikazzjoni tas-sustanza attiva u l-użi sostnuti huma l-istess bħal dawk li kienu s-suġġett tad-Deċiżjoni 2007/437/KE. Dik l-applikazzjoni tikkonforma wkoll mal-bqija tar-rekwiżiti sostantivi u proċedurali tal-Artikolu 15 tar-Regolament (KE) Nru 33/2008. F'dik l-applikazzjon, għas-sustanza attiva jintuża l-isem tal-ISO “haloxyfop-P”, u mhux it-terminu użat qabel, jiġifieri “haloxyfop-R”. |
(4) |
Id-Danimarka analizzat l-informazzjoni l-ġdida u d-dejta mressqa mill-applikant u ħejjiet rapport addizzjonali. Din ikkomunikat dak ir-rapport lill-Awtorità Ewropea dwar is-Sigurtà fl-Ikel (minn issa 'l quddiem “l-Awtorità”) u lill-Kummissjoni fit-3 ta' April 2009. L-Awtorità kkomunikat ir-rapport addizzjonali lill-istati membri l-oħra u lill-applikant għall-kummenti u għaddiet il-kummenti li waslulha lill-Kummissjoni. Skont l-Artikolu 20(1) tar-Regoalment (KE) Nru 33/2008 u fuq talba tal-Kummissjoni, fid-9 ta' Ottubru 2009 l-Awtorità ressqet il-konklużjoni dwar il-haloxyfop-P lill-Kummissjoni (6). L-abbozz tar-rapport ta' valutazzjoni, ir-rapport addizzjonali u l-konklużjoni tal-Awtorità għaddew minn reviżjoni mill-Istati Membri u mill-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u ġew finalizzati fit-28 ta' Ottubru 2010 fil-format tar-rapport ta' reviżjoni tal-Kummissjoni għall-haloxyfop-P. |
(5) |
Ir-rapport addizzjonali mill-Istat Membru relatur u l-konklużjoni l-ġdida mill-EFSA jikkonċentraw fuq it-tħassib li jwassal għan-noninklużjoni. Dak it-tħassib kien partikolarment dwar il-potenzjal t' kontaminazzjoni tal-ilma ta' taħt l-art – u possibbilment anki tal-ilma tax-xorb – minn għadd ta' metaboliti u r-riskju lill-mammali. |
(6) |
Id-dejta l-ġdida mressqa mill-applikant turi dan li ġej. Il-metaboliti kkonċernati ma huma la ta' relevanza tossikoloġika u lanqas ta' dik bijoloġika, u jippreżentaw riskju baxx minn perspettiva ekotossikoloġika. |
(7) |
Konsegwentement, id-dejta u l-informazzjoni addizzjonali pprovduti mill-applikant jippermettu li jiġu eliminati l-punti speċifiċi ta' tħassib li wasslu għan-noninklużjoni. Ma tqajmet l-ebda mistoqsija xjentifika miftuħa oħra. |
(8) |
Deher mill-bosta eżamijiet li saru li l-prodotti għall-protezzjoni tal-pjanti li fihom il-haloxyfop-P jistgħu jkunu mistennija li jissodisfaw, b'mod ġenerali, ir-rekwiżiti stabbiliti fl-Artikolu 5(1)(a) u (b) tad-Direttiva 91/414/KEE, b'mod partikolari fir-rigward tal-użi li ġew eżaminati u rrappurtati fid-detall fir-rapport ta' evalwazzjoni tal-Kummissjoni. Għaldaqstant, huwa xieraq li l-haloxyfop-P tiġi inkluża fl-Anness I, biex jiġi assigurat li fl-Istati Membri kollha jkunu jistgħu jingħataw l-awtorizzazzjonijiet tal-prodotti għall-protezzjoni tal-pjanti li fihom din is-sustanza skont id-dispożizzjonijiet ta' dik id-Direttiva. |
(9) |
Bla ħsara għal dik il-konklużjoni, hu xieraq li tinkiseb iktar informazzjoni dwar ċerti punti speċifiċi. L-Artikolu 6(1) tad-Direttiva 91/414/KE jistipula li l-inklużjoni ta' sustanza fl-Anness I tista' tkun suġġetta għall-kundizzjonijiet. Għaldaqstant, huwa f'loku li l-applikant jintalab iressaq informazjoni li tikkonferma l-valutazzjoni tal-esponiment tal-ilma ta' taħt l-art fir-rigward tas-sustanza attiva u l-metaboliti tal-ħamrija tagħha DE-535 fenol, DE-535 piridinol u DE-535 piridinon. |
(10) |
Għalhekk jixraq li tiġi emendata d-Direttiva 91/414/KEE skont dan. |
(11) |
Il-miżuri previsti f'din id-Direttiva huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat kif stipulat fl-Anness ta' din id-Direttiva.
Artikolu 2
L-Istati Membri għandhom idaħħlu fis-seħħ il-liġijiet, regolamenti u dispożizzjonijiet amministrattivi neċessarji biex jikkonformaw ma' din id-Direttiva sa mhux aktar tard mit-30 ta' Ġunju 2011. Huma għandhom minnufih jikkomunikaw lill-Kummissjoni t-test ta' dawk id-dispożizzjonijiet, kif ukoll tabella ta' korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati b'referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.
Artikolu 3
Din id-Direttiva għandha tidħol fis-seħħ fl-1 ta' Jannar 2011.
Artikolu 4
Din id-Direttiva hija indirizzata lill-Istati Membri.
Magħmul fi Brussell, it-2 ta’ Diċembru 2010
Għall-Kummissjoni
Il-President
José Manuel BARROSO
(1) ĠU L 230, 19.8.1991, p. 1.
(2) ĠU L 55, 29.2.2000, p. 25.
(4) ĠU L 163, 23.6.2007, p. 22.
(6) L-Awtorità Ewropea dwar is-Sigurtà fl-Ikel: Conclusion on the peer review of the pesticide risk assessment of the active substance haloxyfop-P (haloxyfop-R) EFSA Journal 2009; 7(11): 1348. [102 pp.]. doi:10.2903/j.efsa.2009.1348. Disponibbli online: www.efsa.europa.eu
ANNESS
L-annotazzjoni li ġejja għandha tiġi miżjuda fl-aħħar tat-tabella fl-Anness I tad-Direttiva 91/414/KEE:
Nru |
Isem komuni, Numri ta’ identifikazzjoni |
Isem skont l-IUPAC |
Purità (*) |
Dħul fis-seħħ |
Skadenza tal-inklużjoni |
Dispożizzjonijiet speċifiċi |
||||||
“314 |
Haloxyfop-P Nru CAS: Aċidu: 95977-29-0 Ester: 72619-32-0 Nru CIPAC: Aċidu: 526 Ester: 526.201 |
Aċidu: (R)-2-[4-(3-kloro-5-trifluworometil-2- piridilossi)fenossi]propjoniku Ester: Metil (R)-2-{4-[3-kloro-5-(trifluworometil)-2- piridilossi]fenossi}aċidu propjoniku |
≥ 940 g/kg (Haloxyfop-P-metil ester) |
1 ta’ Jannar 2011 |
31 ta’ Diċembru 2020 |
PARTI A L-użu bħala erbiċida biss jista' jiġi awtorizzat. PARTI B Għall-implimentazzjoni tal-prinċipji uniformi tal-Anness VI, għandhom jitqiesu l-konklużjonijiet tar-rapport ta’ reviżjoni dwar il-haloxyfop-P, u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-28 ta’ Ottubru 2010. F’din il-valutazzjoni ġenerali l-Istati Membri jridu joqogħdu partikolarment attenti għal dan li ġej:
L-Istati Membri kkonċernati għandhom jiżguraw li l-applikant iressaq lill-Kummissjoni, mhux iktar tard mill-31 ta’ Diċembru 2012, informazzjoni li tikkonferma l-valutazzjoni tal-esponiment tal-ilma ta’ taħt l-art fir-rigward tas-sustanza attiva u l-metaboliti tal-ħamrija tagħha DE-535 fenol, DE-535 piridinol u DE-535 piridinon.” |
(*) Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport ta’ reviżjoni.
DEĊIŻJONIJIET
3.12.2010 |
MT |
Il-Ġurnal Uffiċjali tal-Unjoni Ewropea |
L 317/39 |
DEĊIŻJONI TAL-KUMMISSJONI
tat-2 ta’ Diċembru 2010
li tistabbilixxi l-klassijiet tal-kapaċità ta’ reazzjoni għan-nar għal ċerti prodotti tal-kostruzzjoni fir-rigward tal-pjanċi tal-azzar bil-kisi tal-polijester u bil-kisi tal-plastisol
(notifikata bid-dokument numru C(2010) 389)
(Test b’relevanza għaż-ŻEE)
(2010/737/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988 dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 20(2)(a) tagħha,
Wara li kkonsultat il-Kumitat Permanenti dwar il-Kostruzzjoni,
Billi:
(1) |
Id-Direttiva 89/106/KEE tipprevedi li biex jiġu kkunsidrati livelli differenti ta’ ħarsien għal xogħlijiet ta’ kostruzzjoni fuq livell nazzjonali, reġjonali jew lokali, jista’ jkun meħtieġ li fid-dokumenti interpretattivi jiġu stabbiliti klassijiet li jikkorrispondu mar-reżistenza tal-prodotti fir-rigward ta’ kull rekwiżit essenzjali. Dawn id-dokumenti ġew ippubblikati bħala l-“Komunikazzjoni tal-Kummissjoni fir-rigward tad-dokumenti interpretattivi tad-Direttiva 89/106/KEE” (2). |
(2) |
Fir-rigward tar-rekwiżit essenzjali għas-sikurezza f’każ ta’ nar, id-dokument interpretattiv Nru 2 jelenka għadd ta’ miżuri interrelatati li flimkien jagħtu definizzjoni tal-istrateġija tas-sikurezza kontra l-ħruq li se tiġi żviluppata b’modi differenti fl-Istati Membri. |
(3) |
Id-dokument interpretattiv Nru 2 jidentifika waħda minn dawk il-miżuri bħala l-limitazzjoni tal-bidu u tal-firxa tan-nar u d-duħħan f’żona partikolari billi jiġi limitat il-potenzjal tal-prodotti tal-kostruzzjoni li jikkontribwixxu għall-iżvilupp sħiħ tan-nirien. |
(4) |
Il-livell ta’ din il-limitazzjoni jista’ jiġi espress biss f’termini tal-livelli differenti ta’ kapaċità ta’ reazzjoni għan-nar tal-prodotti fl-applikazzjoni aħħarija tagħhom. |
(5) |
Bħala soluzzjoni armonizzata, ġiet adottata sistema ta’ klassijiet fid-Deċiżjoni tal-Kummissjoni 2000/147/KE tat-8 ta’ Frar 2000 li timplementa d-Direttiva tal-Kunsill 89/106/KEE rigward il-klassifikazzjoni tal-kapaċità ta’ reazzjoni għan-nar tal-prodotti tal-kostruzzjoni (3). |
(6) |
Fil-każ ta’ ċerti pjanċi tal-azzar bil-kisi tal-polijester u bil-kisi tal-plastisol, jinħtieġ tintuża l-klassifikazzjoni stabbilita fid-Deċiżjoni 2000/147/KE. |
(7) |
Il-kapaċità ta’ reazzjoni għan-nar ta’ ħafna mill-prodotti u/jew materjali tal-kostruzzjoni, skont il-klassifikazzjoni prevista fid-Deċiżjoni 2000/147/KE, hija stabbilita sewwa u magħrufa biżżejjed mir-regolaturi tan-nirien fl-Istati Membri tant li ma jeħtieġu l-ebda testijiet għal din il-karatteristika partikolari ta’ reżistenza, |
ADOTTAT DIN ID-DEĊIŻJONI:
Artikolu 1
Il-prodotti u/jew il-materjali għall-kostruzzjoni li jissodisfaw ir-rekwiżiti kollha tal-karatteristika tal-kapaċità ta’ “reazzjoni għan-nar” mingħajr ħtieġa ta’ aktar testijiet huma elenkati fl-Anness.
Artikolu 2
Il-klassijiet speċifiċi li għandhom jiġu applikati għal prodotti u/jew materjali differenti tal-kostruzzjoni, skont il-klassifikazzjoni tar-reazzjonijiet għan-nar adottata fid-Deċiżjoni 2000/147/KE, huma stipulati fl-Anness ta’ din id-Deċiżjoni.
Artikolu 3
Il-prodotti għandhom jiġu kkunsidrati f’rabta mal-applikazzjoni tal-użu aħħari tagħhom, fejn rilevanti.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, it-2 ta’ Diċembru 2010.
Għall-Kummissjoni
Antonio TAJANI
Viċi-President
(1) ĠU L 40, 11.2.1989, p. 12.
(3) ĠU L 50, 23.2.2000, p. 14.
ANNESS
It-tabelli stabbiliti f’dan l-Anness jelenkaw prodotti u/jew materjali għall-kostruzzjoni li jissodisfaw ir-rekwiżiti kollha tal-karatteristika tal-kapaċità ta’ reazzjoni għan-nar mingħajr ħtieġa ta’ testijiet.
Tabella 1
Klassijiet tal-kapaċità ta’ reazzjoni għan-nar għal pjanċi tal-azzar bil-kisi tal-polijester użati bħala qoxra waħda (mingħajr insulazzjoni fuq wara)
Prodott |
Ħxuna nominali “t” ta’ pjanċa tal-azzar miksija bil-metall (mm) |
Profil |
Klassi (1) |
Pjanċa tal-azzar miksija bil-metall, bil-profil jew ċatta, ta’ ħxuna nominali t (mm) u miksija fuq il-wiċċ espost għan-nar b’kisja tal-polijester ta’ ħxuna nominali massima ta’ 25 μm, skont il-parti rilevanti ta’ EN 14782 u EN 10169, jekk il-kisja jkollha massa ta’ mhux iktar minn 70 g/m2 u PCS ta’ mhux iktar minn 1,0 MJ/m2. Il-wiċċ tal-pjanċa tal-azzar mhux espost għan-nar jista’ jkollu kisja organika kemm-il darba din il-kisja jkollha ħxuna ta’ mhux iktar minn 15 μm u PCS ta’ mhux iktar minn 0,7 MJ/m2. |
0,40 ≤ t ≤ 1,50 |
Ċatta jew bil-profil (2) |
A1 |
Tabella 2
Klassijiet tal-kapaċità ta’ reazzjoni għan-nar ta’ pjanċi tal-azzar miksija bil-plastisol
Prodott (3) |
Ħxuna nominali “t” ta’ pjanċa tal-azzar miksija bil-metall (mm) |
Dettalji tal-assemblaġġ |
Klassi (4) |
Pjanċa tal-azzar miksija bil-metall, bil-profil jew ċatta, ta’ ħxuna nominali t (mm) u miksija fuq il-wiċċ espost għan-nar b’kisja tal-plastisol li jkollha ħxuna nominali massima ta’ 200 μm, u massa ta’ kisja ta’ ≤ 300 g/m2 u PCS ta’ ≤ 7,0 MJ/m2. Il-wiċċ tal-pjanċa tal-azzar mhux espost għan-nar jista’ jkollu kisja organika kemm-il darba din il-kisja jkollha ħxuna ta’ ≤ 15 μm u PCS ta’ ≤ 0,7 MJ/m2. |
0,55 ≤ t ≤ 1,00 |
Prodott bil-profil jew ċatt użat bħala qoxra waħda (mingħajr insulazzjoni fuq wara) jew inkella b’suf minerali fuq wara bħala parti minn assemblaġġ mibni (li jista’ jkun qoxra doppja). Jekk il-prodott ikollu profil, l-erja tal-wiċċ bil-profil (ikkorrugat) ma għandhiex tkun iktar mid-doppju tal-erja globali (ta’ kopertura) tal-prodott. Is-suf minerali għandu jkun tal-inqas tal-klassi A2-s1,d0. Is-suf minerali għandu jkollu ħxuna ta’ tal-inqas 100 mm kemm-il darba l-materjal li jkun hemm eżatt warajh (jekk ikun il-każ) - inkluża kull protezzjoni mill-fwar – ikun tal-inqas tal-klassi A2-s1,d0. L-istruttura ta’ appoġġ għandha tkun tal-inqas tal-klassi A2-s1,d0. |
C-s3,d0 |
(1) Il-Klassi kif prevista fit-Tabella 1 tal-Anness tad-Deċiżjoni 2000/147/KE.
(2) L-erja tal-wiċċ bil-profil (ikkorrugat) ma għandhiex tkun iktar mid-doppju tal-erja globali (ta’ kopertura) tal-prodott.
Is-simbolu li ntuża: PCS = potenzjal kalorifiku gross.
(3) It-tolleranzi għall-ħxuna nominali għandhom jikkonformaw mal-istandards rilevanti kif imsemmi f’EN 14782 u EN 14783.
(4) Il-Klassi kif prevista fit-Tabella 1 tal-Anness tad-Deċiżjoni 2000/147/KE.
Is-simbolu li ntuża: PCS = potenzjal kalorifiku gross.
3.12.2010 |
MT |
Il-Ġurnal Uffiċjali tal-Unjoni Ewropea |
L 317/42 |
DEĊIŻJONI TAL-KUMMISSJONI
tat-2 ta’ Diċembru 2010
li tistabbilixxi l-klassijiet tal-kapaċità ta’ reazzjoni għan-nar ta’ ċerti prodotti għall-bini fir-rigward ta’ forom tal-ġibs mill-ġibsum fibruż
(notifikata bid-dokument numru C(2010) 392)
(Test b’relevanza għaż-ŻEE)
(2010/738/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament dwar l-Unjoni Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1988, dwar l-approssimazzjoni ta’ liġijiet, regolamenti u dispożizzjonijiet amministrattivi tal-Istati Membri dwar il-prodotti għall-bini (1), u b’mod partikolari l-Artikolu 20(2)(a) tagħha,
Wara li kkonsultat il-Kumitat Permanenti dwar il-Kostruzzjoni,
Billi:
(1) |
Id-Direttiva 89/106/KEE tipprevedi li biex jiġu kkunsidrati livelli differenti ta’ ħarsien għax-xogħlijiet ta’ bini fuq livell nazzjonali, reġjonali jew lokali, jista’ jkun meħtieġ li jiġu stabbiliti fid-dokumenti interpretattivi, klassijiet li jikkorrispondu mar-reżistenza tal-prodotti fir-rigward ta’ kull rekwiżit essenzjali. Dawn id-dokumenti ġew ippubblikati bħala l-“Komunikazzjoni tal-Kummissjoni fir-rigward tad-dokumenti interpretattivi tad-Direttiva 89/106/KEE” (2). |
(2) |
Fir-rigward tar-rekwiżit essenzjali ta’ sigurtà f’każ ta’ nar, id-dokument interpretattiv Nru 2 jelenka numru ta’ miżuri interrelatati li flimkien jagħtu definizzjoni tal-istrateġija ta’ sigurtà kontra n-nar li ser tiġi żviluppata b’modi differenti fl-Istati Membri. |
(3) |
Id-dokument interpretattiv Nru 2 jidentifika waħda minn dawk il-miżuri bħala l-limitazzjoni tal-bidu u tal-firxa tan-nar u d-duħħan f’żona partikolari billi jiġi limitat il-potenzjal tal-prodotti tal-bini li jikkontribwixxu għall-iżvilupp sħiħ tan-nirien. |
(4) |
Il-livell ta’ din il-limitazzjoni jista’ jiġi espress biss f’termini tal-livelli differenti ta’ reazzjoni għan-nar tal-prodotti fl-applikazzjoni aħħarija tagħhom. |
(5) |
Għal soluzzjoni armonizzata, ġiet adottata sistema ta’ klassijiet bid-Deċiżjoni tal-Kummissjoni 2000/147/KE tat-8 ta’ Frar 2000 li timplementa d-Direttiva tal-Kunsill 89/106/KEE fir-rigward tal-klassifikazzjoni tar-reazzjoni għan-nar tal-prodotti tal-bini (3). |
(6) |
Fil-każ tal-forom tal-ġibs mill-ġibsum fibruż jeħtieġ li tintuża l-klassifikazzjoni stabbilita fid-Deċiżjoni 2000/147/KE. |
(7) |
Il-prestazzjoni tar-reazzjoni għan-nirien ta’ ħafna mill-prodotti u/jew materjali għall-bini, skont il-klassifikazzjoni stipulata fid-Deċiżjoni 2000/147/KE, hija stabbilita sewwa u magħrufa biżżejjed mir-regolaturi tan-nirien fl-Istati Membri, tant li ma jeħtieġu l-ebda testijiet għal din il-karatteristika partikolari ta’ prestazzjoni, |
ADOTTAT DIN ID-DEĊIŻJONI:
Artikolu 1
Il-prodotti u/jew il-materjali għall-kostruzzjoni li jissodisfaw ir-rekwiżiti kollha tal-karatteristika tal-kapaċità “reazzjoni għan-nar” mingħajr ħtieġa ta’ aktar testijiet huma elenkati fl-Anness.
Artikolu 2
Il-klassijiet speċifiċi li għandhom jiġu applikati għal prodotti u/jew materjali differenti għall-bini, skont il-klassifikazzjoni tar-reazzjonijiet għan-nirien adottata fid-Deċiżjoni 2000/147/KE, huma stipulati fl-Anness ma’ din id-Deċiżjoni.
Artikolu 3
Il-prodotti għandhom jiġu kkunsidrati f’rabta mal-applikazzjoni tal-użu aħħari tagħhom, fejn rilevanti.
Artikolu 4
Din id-Deċiżjoni hija indirizzata lill-Istati Membri.
Magħmul fi Brussell, it-2 ta’ Diċembru 2010.
Għall-Kummissjoni
Antonio TAJANI
Viċi-President
(1) ĠU L 40, 11.2.1989, p. 12.
(3) ĠU L 50, 23.2.2000, p. 14.
ANNESS
It-tabella stabbilita f’dan l-Anness telenka prodotti u/jew materjali għall-kostruzzjoni li jissodisfaw ir-rekwiżiti kollha tal-karatteristika ta’ kapaċità ta’ reazzjoni għan-nar mingħajr ħtieġa ta’ testijiet.
Tabella
Klassijiet ta’ kapaċità ta’ reazzjoni għan-nar għall-forom tal-ġibs mill-ġibsum fibruż imsaħħaħ b’fibri tas-sisal jew tal-ġuta
Prodott |
Dettalji tal-prodott |
Densità minima (Kg/m3) |
Klassi (1) |
Forom tal-ġibs mill-ġipsum fibruż |
Prodott skont EN 13815, magħmul mill-fużjoni tal-ġibs imħallat mal-ilma u msaħħaħ b’fibri tas-sisal jew tal-ġuta mxerrdin b’mod uniformi b’rata ta’ mhux aktar minn 2,5 % bil-massa. |
1 000 |
A1 |
(1) Il-Klassi kif prevista fit-Tabella 1 tal-Anness tad-Deċiżjoni 2000/147/KE.
Rettifika
3.12.2010 |
MT |
Il-Ġurnal Uffiċjali tal-Unjoni Ewropea |
L 317/44 |
Rettifika għall-Ftehim bejn l-Unjoni Ewropea u l-Montenegro dwar il-proċeduri ta’ sigurtà għall-iskambju u l-protezzjoni ta’ informazzjoni klassifikata
( Il-Ġurnal Uffiċjali tal-Unjoni Ewropea L 260, tat-2 ta’ Ottubru 2010 )
F’Paġna 5, fil-formula tal-għeluq, il-firem għandhom jinqraw kif ġej:
minflok:
“Għall-Montenegro
Il-Ministru tal-Affarijiet Barranin
Għall-Unjoni Ewropea
Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà”
aqra:
“Għall-Unjoni Ewropea
Għall-Montenegro”