ISSN 1725-5104 doi:10.3000/17255104.L_2010.303.mlt |
||
Il-Ġurnal Uffiċjali tal-Unjoni Ewropea |
L 303 |
|
![]() |
||
Edizzjoni bil-Malti |
Leġiżlazzjoni |
Volum 53 |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġislattivi
REGOLAMENTI
19.11.2010 |
MT |
Il-Ġurnal Uffiċjali tal-Unjoni Ewropea |
L 303/1 |
REGOLAMENT TAL-KUMMISSJONI (UE) Nru 1053/2010
tat-18 ta’ Novembru 2010
li jemenda r-Regolament (KE) Nru 494/98 fir-rigward ta’ sanzjonijiet amministrattivi f’każijiet fejn ma tkunx tista’ tiġi ppruvata l-identifikazzjoni ta’ annimal
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1760/2000 tal-Parlament Ewropew u tal-Kunsill tas-17 ta’ Lulju 2000 li jistabbilixxi sistema għall-identifikazzjoni u r-reġistrazzjoni tal-bhejjem tal-fart u dwar it-tikkettjar tal-laħam taċ-ċanga u tal-prodotti tal-laħam taċ-ċanga u li jħassar ir-Regolament tal-Kunsill (KE) Nru 820/97 (1), u b’mod partikolari l-Artikolu 10 (e) tiegħu,
Billi:
(1) |
Ir-Regolament tal-Kummissjoni (KE) Nru 494/98 tas-27 ta’ Frar 1998 li jistipula regoli dettaljati għall-implementazzjoni ta’ Regolament tal-Kunsill (KE) Nru 820/97 għall-applikazzjoni ta’ sanzjonijiet amministrattivi minimi fl-istruttura tas-sistema għall-identifikazzjoni u reġistrazzjoni tal-bovini (2) kien ġie adottat abbażi tal-Artikolu 10(e) tar-Regolament (KE) Nru 820/97 tal-21 ta’ April 1997 li jistabbilixxi sistema għall-identifikazzjoni u r-reġistrazzjoni tal-bhejjem bovini u dwar it-tikkettjar tal-laħam taċ-ċanga u tal-prodotti tal-laħam taċ-ċanga (3). Dak ir-Regolament kien imħassar u sostitwit mir-Regolament (KE) Nru 1760/2000. |
(2) |
L-Artikolu 1(2) tar-Regolament (KE) Nru 494/98 jipprovdi li jekk il-persuna li żżomm l-annimal ma tkunx tista’ turi l-identifikazzjoni tal-annimal fi żmien jumejn tax-xogħol, l-annimal għandu jinqered mingħajr dewmien taħt is-superviżjoni tal-awtoritajiet veterinarji u mingħajr kumpens mill-awtorità kompetenti. |
(3) |
Ir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jippreskrivi regoli speċifiċi għall-organizzazzjoni ta’ kontrolli uffiċjali fuq prodotti li joriġinaw mill-annimali maħsuba għall-konsum uman (4) jistabbilixxi regoli speċifiċi għall-organizzazzjoni ta’ kontrolli uffiċjali fuq prodotti li joriġinaw mill-annimali. |
(4) |
Dak ir-Regolament jipprovdi li l-veterinarju uffiċjali għandu jivverifika li l-annimali ma jinqatlux sakemm l-operatur tal-biċċerija ma jkunx ġie provdut u ma jkunx ivverifika l-informazzjoni rilevanti tal-katina alimentari. |
(5) |
Barra minn hekk, ir-Regolament (KE) Nru 854/2004 jipprovdi li l-veterinarju uffiċjali jista’ jippermetti li annimali jinqatlu fil-biċċerija anki jekk l-informazzjoni rilevanti tal-katina alimentari ma tkunx disponibbli. F’dak il-każ, madankollu, l-informazzjoni kollha rilevanti tal-katina alimentari għandha tkun fornuta qabel mal-karkassa tkun approvata għall-konsum uman. Sakemm ikun hemm sentenza finali, dawn il-karkassi u l-interjuri tagħhom għandhom jinħażnu separatament minn laħam ieħor. |
(6) |
Ir-Regolament (KE) Nru 854/2004 jipprovdi wkoll li meta l-informazzjoni relevanti tal-katina alimentari ma tkunx disponibbli fi żmien 24 siegħa mill-wasla tal-annimal fil-biċċerija, il-laħam kollu mill-annimal għandu jiġi dikjarat bħala mhux tajjeb għal konsum uman. Jekk l-annimal ma jkunx għadu ġie maqtul, dan għandu jinqatel separatament minn annimali oħra. |
(7) |
Għaldaqstant, ir-riskji għas-saħħa umana maħluqa mill-annimali mhux identifikati jkunu mnaqqsa mid-dispożizzjonijiet stabbiliti fir-Regolament (KE) Nru 854/2004. Għalhekk, il-qerda tal-annimali fi ħdan il-qafas tar-Regolament (KE) Nru 494/98 issa għandha primarjament effett dissważiv, fil-promozzjoni tal-identifikazzjoni tal-annimali għal skopijiet oħra għajr is-sikurezza tal-ikel. |
(8) |
L-annimali ta’ oriġini mhux magħrufa jistgħu jaffettwaw l-istatus tas-saħħa tal-annimali taż-żoni fejn ikunu ġew miżmuma. |
(9) |
L-esperjenza miksuba fl-applikazzjoni tar-Regolament (KE) Nru 494/98 wriet li l-limitu ta’ żmien strett ta’ jumejn mhux biżżejjed biex tkun evalwata kif xieraq l-identità ta’ annimali mhux identifikati. L-Istati Membri għandhom ikollhom id-diskrezzjoni amministrattiva meħtieġa biex jevalwaw is-sitwazzjoni abbażi ta’ analiżi tar-riskju u biex japplikaw sanzjonijiet proporzjonati. |
(10) |
Ir-Regolament (KE) Nru 494/98 għalhekk għandu jiġi emendat skont dan. |
(11) |
Il-Kumitat dwar il-Fondi Agrikoli ma tax opinjoni fil-limitu ta’ żmien stipulat mill-President tiegħu, |
ADOTTAT DAN IR-REGOLAMENT:
Artikolu 1
Fl-Artikolu 1 tar-Regolament (KE) Nru 494/98, il-paragrafu 2 jinbidel b’dan li ġej:
“2. Jekk il-persuna li żżomm l-annimal ma tkunx tista’ turi l-identifikazzjoni u t-traċċabilità, l-awtorità kompetenti għandha, fejn xieraq, abbażi ta’ stima tas-saħħa tal-annimal u r-riskji tas-sikurezza tal-ikel, tordna li l-annimal jinqered mingħajr kumpens.”
Artikolu 2
Dan ir-Regolament għandu jidħol fis-seħħ fl-għoxrin jum wara dakinhar tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni
Il-President
José Manuel BARROSO
(1) ĠU L 204, 11.8.2000, p. 1.
(2) ĠU L 60, 28.2.1998, p. 78.
(4) ĠU L 139, 30.4.2004, p. 206.
19.11.2010 |
MT |
Il-Ġurnal Uffiċjali tal-Unjoni Ewropea |
L 303/3 |
REGOLAMENT TAL-KUMMISSJONI (UE) Nru 1054/2010
tat-18 ta’ Novembru 2010
li jemenda r-Regolament (KE) Nru 391/2007 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 861/2006 rigward in-nefqa mġarrba mill-Istati Membri għall-implimentazzjoni ta’ sistemi ta’ monitoraġġ u kontroll applikabbli għall-Politika Komuni tas-Sajd
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 861/2006 tat-22 ta’ Mejju 2006 li jistabbilixxi miżuri finanzjarji Komunitarji għall-implimentazzjoni tal-Politika Komuni tas-Sajd u fil-qasam tal-Liġi tal-Baħar (1), b’mod partikolari l-Artikolu 31 tiegħu,
Billi:
(1) |
L-Unjoni ilha tiffinanzja azzjonijiet tal-Istati Membri fil-qasam tal-kontroll u l-infurzar tas-sajd mill-1990 skont l-għanijiet tal-Politika Komuni tas-Sajd stabbiliti b’mod partikolari fir-Regolament tal-Kunsill (KE) Nru 2371/2002 (2). |
(2) |
Ir-Regolament (KE) Nru 861/2006 jistipula, fost azzjonijiet oħra, miżuri finanzjarji tal-Unjoni għan-nefqa li ssir fil-kontroll, l-ispezzjoni u s-sorveljanza tas-sajd għall-perjodu mill-2007 sal-2013. Ir-Regolament tal-Kummissjoni (KE) Nru 391/2007 (3) jistabbilixxi regoli dettaljati għall-implimentazzjoni ta’ dawn il-miżuri. |
(3) |
Fid-dawl tal-prinċipju ta’ ġestjoni finanzjarja soda, l-Istati Membri għandu jkollhom indikazzjonijiet ċari dwar ir-regoli li għandhom isegwu sabiex jibbenefikaw mill-għajnuna finanzjarja tal-Unjoni għall-infiq li jsir fil-qasam tal-kontroll u tal-infurzar tas-sajd. |
(4) |
Ir-regoli li japplikaw għall-kontribuzzjoni finanzjarja tal-Unjoni għall-programmi ta’ kontroll nazzjonali għandhom jiġu ssimplifikati u ċċarati. |
(5) |
Meta jiġu għal ċerti investimenti kbar, jista’ jagħti l-każ li l-Istati Membri jkunu jirrikjedu aktar żmien milli huwa permess lilhom fil-preżent biex jidħlu f’impenn legali u baġitajru u għalhekk, sabiex jitnaqqsu l-problemi futuri relatati mar-rimborż, għandha tingħata estensjoni tad-data tal-iskadenza li tkun tapplika mit-22 ta’ Ġunju 2010, id-data li fiha ġiet adottata l-ewwel deċiżjoni tal-Kummissjoni dwar il-finanzjament tal-2010. |
(6) |
Fejn l-użu tal-bastimenti u tal-inġenji tal-ajru ma jkunx 100 % għall-kontroll tas-sajd, ir-rimborż għandu jingħata b’rata li tirrifletti l-użu perċentwali tal-bastiment jew l-inġenju tal-ajru. |
(7) |
Kuntratt bejn l-amministrazzjoni rilevanti u l-fornitur għandu jkun inkluż f’talba għal prefinanzjament fil-każ biss li n-natura tal-proġett tagħmel tali kuntratt neċessarju. |
(8) |
Ir-Regolament (KE) Nru 391/2007 għalhekk għandu jiġi emendat skont dan. |
(9) |
Il-miżuri stipulati f’dan ir-Regolament huma skont l-opinjoni tal-Kumitat tas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 391/2007 għandu jiġi emendat kif ġej:
(1) |
L-Artikolu 4 għandu jinbidel b’dan li ġej: “Artikolu 4 L-impenn tan-nefqa 1. L-Istati Membri għandhom jidħlu f’impenji legali u baġitarji għal azzjonijiet li ġew ikkunsidrati eliġibbli għal kontribuzzjoni finanzjarja skont id-deċiżjoni stipulata fl-Artikolu 21 tar-Regolament(KE) Nru 861/2006 fi żmien 12-il xahar mill-aħħar tas-sena li fiha jkunu ġew innotifikati b’tali deċiżjoni. 2. Minkejja l-paragrafu 1, l-Istati Membri għandhom jidħlu f’impenji legali u baġitarji għal proġetti li jikkonċernaw ix-xiri jew l-immodernizzazzjoni ta’ bastimenti u inġenji tal-ajru fi żmien il-perjodu tal-24 xahar wara tmiem is-sena li fiha jkunu ġew innotifikati bid-deċiżjoni stipulata fl-Artikolu 21 tar-Regolament (KE) Nru 861/2006. 3. Il-paragrafu 2 għandu japplika mit-22 ta’ Ġunju 2010, id-data li fiha ġiet adottata l-ewwel deċiżjoni tal-Kummissjoni dwar il-finanzjament tal-2010.” |
(2) |
Fl-Artikolu 6, il-paragrafu 2 għandu jinbidel b’dan li ġej: “2. In-nefqa li tkun saret għax-xiri u l-immodernizzar ta’ inġenji tal-ajru u bastimenti għandha tkun eliġibbli sakemm tkun saret b’mod konformi mal-Anness III u li dawn ikunu qed jintużaw għall-attivitajiet ta’ monitoraġġ u kontroll tas-sajd, kif iddikjarat mill-Istati Membri konċernati, għal tal-anqas 25 % tal-ħin. F’każijiet fejn il-bastimenti jew l-inġenji tal-ajru jintużaw għal anqas minn 100 % tal-ħin għall-monitoraġġ u l-kontroll tal-attivitajiet tas-sajd, ir-rimborż għandu jsir b’rata li tirrifletti l-użu perċentwali.” |
(3) |
Fl-Artikolu 10, il-paragrafu 2 għandu jinbidel b’dan li ġej: “2. Fejn in-natura tal-proġett hija tali li tirrikjedi kuntratt bejn l-amministrazzjoni rilevanti u l-fornitur, it-talba mill-Istat Membru għandha tkun akkumpanjata minn kopja ċertifikata ta’ dak il-kuntratt.” |
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni
Il-President
José Manuel BARROSO
(2) ĠU L 358, 31.12.2002, p. 59.
(3) ĠU L 97, 12.4.2007, p. 30.
19.11.2010 |
MT |
Il-Ġurnal Uffiċjali tal-Unjoni Ewropea |
L 303/5 |
REGOLAMENT TAL-KUMMISSJONI (UE) Nru 1055/2010
tat-18 ta’ Novembru 2010
li jistabbilixxi projbizzjoni tas-sajd għall-petriċi fiż-żoni VIIIc, IX u X; l-ilmijiet tal-UE ta’ CECAF 34.1.1 min-naħa ta’ bastimenti li jtajru l-bandiera ta’ Franza
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), u b'mod partikolari l-Artikolu 36(2) tiegħu,
Billi:
(1) |
Ir-Regolament tal-Kunsill (UE) Nru 53/2010 tal-14 ta’ Jannar 2010 li jistabbilixxi għall-2010 l-opportunitajiet tas-sajd għal ċerti stokkijiet tal-ħut u gruppi ta’ stokkijiet tal-ħut, applikabbli fl-ilmijiet tal-UE u, għal bastimenti tal-UE, f’ilmijiet fejn huma meħtieġa limiti tal-qbid (2), jistipula l-kwoti għall-2010. |
(2) |
Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih eżawrew il-kwota allokata lilhom għall-2010. |
(3) |
Għalhekk jeħtieġ issir projbizzjoni tal-attivitajiet tas-sajd għal dak l-istokk, |
ADOTTAT DAN IR-REGOLAMENT:
Artikolu 1
Eżawriment tal-kwota
Il-kwota tas-sajd allokata lill-Istat Membru msemmi fl-Anness għal dan ir-Regolament għall-istokk imsemmi hemmhekk għall-2010 għandha titqies bħala eżawrita mid-data stipulata f’dak l-Anness.
Artikolu 2
Projbizzjonijiet
L-attivitajiet tas-sajd għall-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih għandhom jiġu pprojbiti mid-data stipulata f'dak l-Anness. B'mod partikulari, għandu jkun ipprojbit li jinżamm abbord, jiġi ttrażbordat, ittrasportat, jew jinħatt l-art, ħut minn dak l-istokk li jinqabad minn dawk il-bastimenti wara dik id-data.
Artikolu 3
Dħul fis-seħħ
Dan ir-Regolament għandu jidħol fis-seħħ l-għada ta' meta jiġi ppubblikat f’Il-Ġurnal Ufficjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni, f'isem il-President,
Fokion FOTIADIS
Direttur Ġenerali għall-Affarijiet Marittimi u s-Sajd
(1) ĠU L 343, 22.12.2009, p. 1.
ANNESS
Nru |
2/T&Q |
Stat Membru |
Franza |
Stokk |
ANF/8C3411 |
Speċi |
Petriċi (Lophiidae) |
Żona |
VIIIc, IX u X; l-ilmijiet tal-UE ta' CECAF 34.1.1 |
Data |
21.1.2010 |
19.11.2010 |
MT |
Il-Ġurnal Uffiċjali tal-Unjoni Ewropea |
L 303/7 |
REGOLAMENT TAL-KUMMISSJONI (UE) Nru 1056/2010
tat-18 ta’ Novembru 2010
li jistabbilixxi projbizzjoni tas-sajd għall-mazzola griża fl-ilmijiet tal-UE taż-żoni IIa u IV minn bastimenti li jtajru l-bandiera ta' Franza
Il-KUMMISSJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (1), u b'mod partikolari l-Artikolu 36(2) tiegħu,
Billi:
(1) |
Ir-Regolament tal-Kunsill (UE) Nru 53/2010 tal-14 ta' Jannar 2010 li jistabbilixxi għall-2010 l-opportunitajiet tas-sajd għal ċerti stokkijiet ta' ħut u gruppi ta’ stokkijiet ta' ħut, applikabbli fl-ilmijiet tal-UE, u għal bastimenti tal-UE, f’ilmijiet fejn huma meħtieġa limiti tal-qbid (2), jistabbilixxi kwoti għall-2010. |
(2) |
Mill-informazzjoni li waslet għand il-Kummissjoni, jirriżulta li l-qabdiet li saru mill-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih eżawrew il-kwota allokata lilhom għall-2010. |
(3) |
Għalhekk jeħtieġ issir projbizzjoni tal-attivitajiet tas-sajd għal dak l-istokk, |
ADOTTAT DAN IR-REGOLAMENT:
Artikolu 1
Eżawriment tal-kwota
Il-kwota tas-sajd għall-2010 allokata lill-Istat Membru msemmi fl-Anness għal dan ir-Regolament għall-istokk imsemmi hemmhekk għandha titqies bħala eżawrita mid-data stipulata f’dak l-Anness.
Artikolu 2
Projbizzjonijiet
L-attivitajiet tas-sajd għall-istokk imsemmi fl-Anness għal dan ir-Regolament minn bastimenti li jtajru l-bandiera tal-Istat Membru msemmi hemmhekk jew irreġistrati fih għandhom jiġu pprojbiti mid-data stipulata f’dak l-Anness. B’mod partikulari, għandu jkun ipprojbit li jinżamm abbord, jiġi ttrażbordat, ittrasportat, jew jinħatt l-art, ħut minn dak l-istokk li jinqabad minn dawk il-bastimenti wara dik id-data.
Artikolu 3
Dħul fis-seħħ
Dan ir-Regolament għandu jidħol fis-seħħ l-għada ta' meta jiġi ppubblikat f’Il-Ġurnal Ufficjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni, f'isem il-President,
Lowri EVANS
Direttur Ġenerali għall-Affarijiet Marittimi u s-Sajd
(1) ĠU L 343, 22.12.2009, p. 1.
ANNESS
Nru |
43/T&Q |
Stat Membru |
Franza |
Stokk |
DGS/2AC4-C |
Speċi |
Mazzola griża (Squalus acanthias) |
Żona |
L-ilmijiet tal-UE ta' IIa u IV |
Data |
30.9.2010 |
19.11.2010 |
MT |
Il-Ġurnal Uffiċjali tal-Unjoni Ewropea |
L 303/9 |
REGOLAMENT TAL-KUMMISSJONI (UE) Nru 1057/2010
tat-18 ta’ Novembru 2010
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fid-19 ta’ Novembru 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni, f'isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
AL |
54,4 |
IL |
95,1 |
|
MA |
72,1 |
|
MK |
63,0 |
|
ZZ |
71,2 |
|
0707 00 05 |
AL |
59,4 |
EG |
150,8 |
|
JO |
182,1 |
|
MK |
59,4 |
|
TR |
125,3 |
|
ZZ |
115,4 |
|
0709 90 70 |
MA |
73,3 |
TR |
144,9 |
|
ZZ |
109,1 |
|
0805 20 10 |
MA |
63,8 |
ZA |
141,4 |
|
ZZ |
102,6 |
|
0805 20 30 , 0805 20 50 , 0805 20 70 , 0805 20 90 |
HR |
62,8 |
IL |
76,8 |
|
MA |
61,9 |
|
TN |
78,6 |
|
TR |
62,4 |
|
UY |
58,6 |
|
ZZ |
66,9 |
|
0805 50 10 |
AR |
39,0 |
CL |
79,2 |
|
MA |
68,0 |
|
TR |
66,5 |
|
UY |
57,1 |
|
ZZ |
62,0 |
|
0806 10 10 |
BR |
259,1 |
TR |
134,3 |
|
US |
294,1 |
|
ZA |
79,2 |
|
ZZ |
191,7 |
|
0808 10 80 |
AR |
75,7 |
AU |
237,7 |
|
BR |
49,6 |
|
CL |
78,5 |
|
CN |
82,6 |
|
MK |
27,2 |
|
NZ |
96,7 |
|
US |
96,5 |
|
ZA |
105,1 |
|
ZZ |
94,4 |
|
0808 20 50 |
CL |
78,3 |
CN |
82,5 |
|
US |
160,9 |
|
ZZ |
107,2 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
19.11.2010 |
MT |
Il-Ġurnal Uffiċjali tal-Unjoni Ewropea |
L 303/11 |
REGOLAMENT TAL-KUMMISSJONI (UE) Nru 1058/2010
tat-18 ta’ Novembru 2010
li jiffissa l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd, u li jemenda r-Regolament (KE) Nru 1484/95
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS [dwar l-OKS Unika]) (1), u b'mod partikolari l-Artikolu 143 tiegħu,
Wara li kkunsidrat ir-Regolament tal-Kunsill (KE) Nru 614/2009 tas-7 ta’ Lulju 2009 fuq is-sistema komuni għall-kummerċ fl-ovalbumin u l-lactalbumin (2), u partikolarment l-Artikolu 3(4) tiegħu,
Billi:
(1) |
Ir-Regolament tal-Kummissjoni (KE) Nru 1484/95 (3) stipula r-regoli dettaljati għall-implimentazzjoni tas-sistema tad-dazji addizzjonali fuq l-importazzjoni u stipula l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd. |
(2) |
Minn kontrolli regolari tal-informazzjoni li tipprovdi l-bażi għad-determinazzjoni tal-prezzijiet rappreżentattivi għall-prodotti tas-setturi tal-laħam tat-tjur u tal-bajd kif ukoll għall-albumina tal-bajd, jirriżulta li l-prezzijiet rappreżentattivi għall-importazzjoni ta’ ċerti prodotti għandhom ikunu emendati biex jitqiesu l-varjazzjonijiet fil-prezzijiet skont l-oriġini. Jeħtieġ għalhekk li jiġu ppublikati prezzijiet rappreżentattivi. |
(3) |
Fid-dawl tas-sitwazzjoni tas-suq, jeħtieġ li din l-emenda tiġi applikata malajr kemm jista’ jkun. |
(4) |
Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Anness I għar-Regolament (KE) Nru 1484/95 għandu jinbidel bl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ dakinhar tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Novembru 2010.
Għall-Kummissjoni, f'isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 181, 14.7.2009, p. 8.
(3) ĠU L 145, 29.6.1995, p. 47.
ANNESS
għar-Regolament tal-Kummissjoni tat-18 ta’ Novembru 2010 li jiffissa l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd, u li jemenda r-Regolament (KE) Nru 1484/95
“ANNESS I
Kodiċi NM |
Deżinjazzjoni tal-merkanzija |
Prezz rappreżentattiv (f'EUR/100 kg) |
Garanzija msemmija fl-Artikolu 3(3) (f'EUR/100 kg) |
Oriġini (1) |
0207 12 10 |
Karkassi tat-tiġieġ preżentazzjoni 70 %, iffriżati |
118,0 |
0 |
AR |
0207 12 90 |
Karkassi tat-tiġieġ preżentazzjoni 65 %, iffriżati |
123,9 |
0 |
BR |
123,8 |
0 |
AR |
||
0207 14 10 |
Qatgħat dissussati ta’ sreidak jew ta' tiġieġ, iffriżati |
202,5 |
29 |
BR |
254,2 |
14 |
AR |
||
326,9 |
0 |
CL |
||
0207 14 50 |
Sdieri tat-tiġieġ, iffriżati |
180,5 |
9 |
BR |
0207 14 60 |
Koxox tat-tiġieġ, iffriżati |
103,9 |
12 |
BR |
0207 27 10 |
Qatgħat dissussati tad-dundjani, iffriżati |
258,2 |
12 |
BR |
401,4 |
0 |
CL |
||
0408 11 80 |
Isfra tal-bajd |
315,7 |
0 |
AR |
0408 91 80 |
Bajd imnixxef bla qoxra |
339,6 |
0 |
AR |
1602 32 11 |
Preparazzjonijiet nejjin ta’ sriedak u tiġieġ |
280,9 |
2 |
BR |
3502 11 90 |
Albumini mnixxfa tal-bajd |
543,9 |
0 |
AR |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi ‘ZZ’ jirrappreżenta ‘oriġini oħra’.”
DEĊIŻJONIJIET
19.11.2010 |
MT |
Il-Ġurnal Uffiċjali tal-Unjoni Ewropea |
L 303/13 |
DEĊIŻJONI TAL-KUNSILL 2010/694/PESK
tas-17 ta’ Novembru 2010
dwar l-ilqugħ temporanju ta’ ċerti Palestinjani minn Stati Membri tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Billi:
(1) |
Fis-27 ta’ Ottubru 2009, il-Kunsill adotta l-Pożizzjoni Komuni 2009/787/PESK dwar l-ilqugħ temporanju minn Stati Membri tal-Unjoni Ewropea ta’ ċerti Palestinjani (1), li pprevediet estensjoni tal-validità tal-permessi nazzjonali tagħhom għad-dħul u s-soġġorn fit-territorju tal-Istati Membri msemmijin fil-Pożizzjoni Komuni 2002/400/PESK tal-21 ta’ Mejju 2002 dwar l-ilqugħ temporanju minn Stati Membri tal-Unjoni Ewropea ta’ ċerti Palestinjani (2) għal perijodu ulterjuri ta’ 12-il xahar. |
(2) |
Fuq il-bażi ta’ evalwazzjoni tal-applikazzjoni tal-Pożizzjoni Komuni 2002/400/PESK, il-Kunsill iqis li jkun adatt li l-validità ta’ dawk il-permessi tiġi estiża għal perijodu ulterjuri ta’ 12-il xahar, |
ADOTTA DIN ID-DEĊIŻJONI:
Artikolu 1
L-Istati Membri msemmijin fl-Artikolu 2 tal-Pożizzjoni Komuni 2002/400/PESK għandhom jestendu l-validità tal-permessi nazzjonali għad-dħul u s-soġġorn mogħtija f’konformità mal-Artikolu 3 ta’ dik il-Pożizzjoni Komuni għal perijodu ulterjuri ta’ 12-il xahar.
Artikolu 2
Il-Kunsill għandu jevalwa l-applikazzjoni tal-Pożizzjoni Komuni 2002/400/PESK fi żmien sitt xhur mill-adozzjoni ta’ din id-Deċiżjoni.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, is-17 ta’ Novembru 2010.
Għall-Kunsill
Il-President
D. REYNDERS
(1) ĠU L 281, 28.10.2009, p. 6.
(2) ĠU L 138, 28.5.2002, p. 33.
19.11.2010 |
MT |
Il-Ġurnal Uffiċjali tal-Unjoni Ewropea |
L 303/14 |
DEĊIŻJONI TAL-KUMMISSJONI
tas-17 ta’ Novembru 2010
li temenda l-Annessi tad-Deċiżjoni 93/52/KEE fir-rigward tar-rikonoxximent li l-Estonja, il-Latvja u l-Komunità Awtonoma tal-Gżejjer Baleariċi fi Spanja huma uffiċjalment ħielsa mill-bruċellosi (B. melitensis) u li temenda l-Annessi I u II tad-Deċiżjoni 2003/467/KE fir-rigward tad-dikjarazzjoni li l-Estonja hija uffiċjalment ħielsa mit-tuberkolosi u uffiċjalment ħielsa mill-bruċellosi fir-rigward tal-merħliet tal-bovini
(notifikata bid-dokument numru C(2010) 7856)
(Test b’relevanza għaż-ŻEE)
(2010/695/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 64/432/KEE tas-26 ta’ Ġunju 1964 dwar il-problemi tas-saħħa tal-annimali li jaffettwaw il-kummerċ ta’ annimali bovini u suwini ġewwa l-Komunità (1), u partikolarment l-Anness A(I)(4) u l-Anness A(II)(7) tagħħa,
Wara li kkunsidrat id-Direttiva tal-Kunsill 91/68/KEE tat-28 ta’ Jannar 1991 dwar il-kondizzjonijiet tas-saħħa tal-annimali li jirregolaw il-kummerċ intra-Komunitarju tan-nagħaġ u tal-mogħoż (2), u b'mod partikolari t-Taqsima II tal-Kapitolu 1 tal-Anness A tagħha,
Billi:
(1) |
Id-Direttiva 91/68/KEE tiddefinixxi l-kundizzjonijiet tas-saħħa tal-annimali li jirregolaw il-kummerċ tal-annimali ovini u kaprini fl-Unjoni. Din tistabbilixxi l-kundizzjonijiet li fihom l-Istati Membri jew ir-reġjuni tagħhom għandhom jitqiesu li jkunu uffiċjalment ħielsa mill-bruċellosi. |
(2) |
Id-Deċiżjoni tal-Kummissjoni 93/52/KEE tal-21 ta’ Diċembru 1992 li tieħu nota tal-konformità ta’ ċerti Stati Membri jew reġjuni mal-kundizzjonijiet li jirrigwardaw il-bruċellosi (B. melitensis) u li tagħtihom l-istatus ta’ Stat Membru jew reġjun uffiċjalment ħieles mill-marda (3), telenka fl-Annessi tagħha, l-Istati Membri u r-reġjuni tagħhom li huma meqjusa bħala uffiċjalment ħielsa mill-bruċellosi (B. melitensis) skont id-Direttiva 91/68/KEE. |
(3) |
L-Estonja u l-Latvja ressqu quddiem il-Kummissjoni dokumentazzjoni b'xhieda tal-konformità mal-kundizzjoijiet stabbiliti fid-Direttiva 91/68/KEE biex jitqiesu bħala uffiċjalment ħielsa mill-bruċellosi (B. melitensis) fit-territorju kollu tal-Istat Membru rispettiv. |
(4) |
Wara evalwazzjoni tad-dokumentazzjoni mressqa mill-Estonja u l-Latvja, iż-żewġ Stati Membri għandhom jiġu rikonoxxuti bħala ħielsa uffiċjalment minn dik il-marda. L-Anness I tad-Deċiżjoni 93/52/KEE għandu għalhekk jiġi emendat skont dan. |
(5) |
Spanja ressqet quddiem il-Kummissjoni dokumentazzjoni b'xhieda tal-konformità tal-Komunità Awtonoma tal-Gżejjer Baleariċi mal-kundizzjonijiet xierqa stabbiliti fid-Direttiva 91/68/KEE sabiex dak ir-reġjun fi Spanja jitqies bħala uffiċjalment ħieles mill-bruċellosi (B. melitensis). |
(6) |
Wara evalwazzjoni tad-dokumentazzjoni mressqa minn Spanja, il-Komunità Awtonoma tal-Gżejjer Baleariċi għandha tiġi rikonoxxuta bħala ħielsa uffiċjalment minn dik il-marda. L-Anness II tad-Deċiżjoni 93/52/KE għandu, għalhekk, jiġi emendat skont dan. |
(7) |
Id-Direttiva 64/432/KEE tapplika għall-kummerċ fl-Unjoni tal-annimali bovini u l-majjali. Din tistipula l-kundizzjonijiet li fihom Stat Membru jista’ jiġi ddikjarat uffiċjalment ħieles mit-tuberkolosi u uffiċjalment ħieles mill-bruċellosi fir-rigward tal-merħliet tal-bovini. |
(8) |
L-Annessi I u II tad-Deċiżjoni tal-Kummissjoni 2003/467/KE tat-23 ta’ Ġunju 2003 li tistabbilixxi l-kwalifika ta’ uffiċjalment ħielsa mit-tuberkolosi, bruċellosi u lewkosi bovina enzootika ta’ xi Stati Membri u reġjuni fl-Istati Membri rigward annimali bovini (4) telenka l-Istati Membri li huma ddikjarati uffiċjalment ħielsa mit-tuberkolosi u l-bruċellosi rispettivament. |
(9) |
L-Estonja ressqet dokumentazzjoni lill-Kummissjoni li turi l-konformità mal-kundizzjonijiet għall-istatus ta’ uffiċjalment ħielsa mit-tuberkolosi u uffiċjalment ħielsa mill-bruċellosi stipulati fid-Direttiva 64/432/KEE għat-territorju sħiħ ta’ dak l-Istat Membru. |
(10) |
Wara evalwazzjoni tad-dokumentazzjoni mressqa mill-Estonja, dak l-Istat Membru għandu jiġi ddikjarat bħala uffiċjalment ħieles mit-tuberkolosi u uffiċjalment ħieles mill-bruċellosi. L-Annessi I u II tad-Deċiżjoni 2003/467/KE għandhom għalhekk jiġu emendati skont dan. |
(11) |
Id-Deċiżjonijiet 93/52/KEE u 2003/467/KE għandhom għalhekk jiġu emendati skont dan. |
(12) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Annessi tad-Deċiżjoni 93/52/KEE huma emendati skont l-Anness I ta’ din id-Deċiżjoni.
Artikolu 2
L-Annessi I u II tad-Deċiżjoni 2003/467/KE huma emendati skont l-Anness II ta’ din id-Deċiżjoni.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, is-17 ta’ Novembru 2010.
Għall-Kummissjoni
John DALLI
Membru tal-Kummissjoni
(1) ĠU 121, 29.7.1964, p. 1977/64.
(2) ĠU L 46, 19.2.1991, p. 19.
(3) ĠU L 13, 21.1.1993, p. 14.
(4) ĠU L 156, 25.6.2003, p. 74.
ANNESS I
L-Annessi tad-Deċiżjoni 93/52/KEE huma emendati kif ġej:
(1) |
L-Anness I jiġi sostitwit b’dan li ġej: “ANNESS I Stati Membri uffiċjalment ħielsa mill-bruċellosi (B. melitensis)
|
(2) |
L-Anness II huwa emendat kif ġej:
|
ANNESS II
L-Annessi I u II tad-Deċiżjoni 2003/467/KE huma emendati kif ġej:
(1) |
Fl-Anness I, il-Kapitolu 1 jinbidel b’dan li ġej: “KAPITOLU 1 Stati Membri uffiċjalment ħielsa mit-tuberkolosi
|
(2) |
Fl-Anness II, il-Kapitolu 1 jinbidel b’dan li ġej: “KAPITOLU 1 Stati Membri uffiċjalment ħielsa mill-bruċellosi
|