(1)

L-alon 1301, l-alon 1211 u l-alon 2402 (minn hawn ‘il quddiem “l-aloni”) huma sustanzi li jnaqqsu l-ożonu elenkati bħala sustanzi kontrollati fil-Grupp III tal-Anness I għar-Regolament (KE) Nru 1005/2009. Il-produzzjoni tagħhom fl-Istati Membri ilha ipprojbita mill-1994, f’konformità mar-rekwiżiti tal-Protokol ta’ Montreal. Madankollu, l-użu tagħhom għadu permess għal ċerti użi kritiċi kif stabbilit fl-Anness VI għar-Regolament (KE) Nru 1005/2009.

(2)

Il-Kummissjoni rrevediet l-Anness VIII għar-Regolament (KE) Nru 2037/2000 tal-Parlament Ewropew u tal-Kunsill tad-29 ta’ Ġunju 2000 dwar sustanzi li jnaqqsu s-saff tal-ożonu (2), kif meħtieġ mill-Artikolu 4(4)(iv) ta’ dak ir-Regolament. Għal dan il-għan, ġew evalwati l-użi attwali tal-aloni u d-disponibbiltà u l-implimentazzjoni ta’ alternattivi teknikament u ekonomikament fattibbli jew teknoloġiji li huma aċċettabbli mill-perspettiva tal-ambjent u s-saħħa (minn hawn ‘il quddiem “l-alternattivi”). Sadanittant, ir-Regolament (KE) Nru 2037/2000 inbidel bir-Regolament (KE) Nru 1005/2009, b’tali mod li l-Anness VII għar-Regolament (KE) Nru 2037/2000 sar l-Anness VI għar-Regolament (KE) Nru 1005/2009, mingħajr l-ebda tibdil.

(3)

Ir-reviżjoni wriet xi diskrepanzi bejn l-Istati Membri fl-interpretazzjoni ta’ liema użi ta’ aloni jikkostitwixxu użi kritiċi kif deskritt fl-Anness VI għar-Regolament (KE) Nru 1005/2009. Kull applikazzjoni bl-alon għandha għalhekk tiġi deskritta f’aktar dettall, billi tiġi speċifikata l-kategorija tat-tagħmir jew il-faċilità, l-iskop tal-applikazzjoni, it-tip ta’ estintur bl-alon u t-tip ta’ alon.

(4)

Ir-reviżjoni wriet ukoll li, ħlief għal xi eċċezzjonijiet, ma għadhomx meħtieġa aloni biex ikunu ssodisfati l-ħtiġijiet ta’ protezzjoni min-nar fid-diżinni ta’ tagħmir u faċilitajiet ġodda u li issal-installazzjoni ta’ alternattivi saret rutina. Madankollu, l-estinturi u s-sistemi tal-protezzjoni min-nar bl-alon għadhom meħtieġa f’xi tagħmir li huwa, jew li ser ikun prodott għad-diżinni eżistenti.

(5)

Ir-reviżjoni wriet ukoll li l-aloni qed jiġu ssostitwiti jew jistgħu maż-żmien jiġu ssostitwiti b’alternattivi u bi spiża raġonevoli għall-maġġoranza tal-applikazzjonijiet tal-protezzjoni min-nar, kemm jekk inkorporati f’tagħmir u faċilitajiet eżistenti jew f’tagħmir li qed jiġi prodott għad-diżinni eżistenti.

(6)

Għalhekk, fid-dawl tad-disponibbiltà u l-implimentazzjoni akbar tal-alternattivi, huwa xieraq li tiġi stabbilita data ta’ skadenza għal kull applikazzjoni li warajha l-użu tal-aloni għal tagħmir ġdid u faċilitajiet ġodda ma jibqax jitqies bħala użu kritiku u l-installazzjoni ta’ estintur jew sistema tal-protezzjoni min-nar bl-alon ma tibqax permessa. Fid-definizzjoni ta’ “tagħmir ġdid” u “faċilitajiet ġodda”, għandha titqies kif xieraq il-fażi fiċ-ċiklu tal-ħajja tat-tagħmir u l-faċilitajiet meta d-diżinn tal-ispazju li jkun jeħtieġ protezzjoni min-nar ikun effettivament stabbilit.

(7)

Huwa wkoll xieraq li tiġi stabbilita data ta’ limitu għal kull applikazzjoni li warajha l-użu tal-aloni fl-estinturi tan-nar jew fis-sistemi tal-protezzjoni min-nar fit-tagħmir u l-faċilitajiet kollha, kemm jekk f’tagħmir u faċilitajiet eżistenti jew f’tagħmir li huwa, jew li ser ikun prodott għal diżinni eżistenti, ma jibqax jitqies bħala użu kritiku. B’hekk l-użu tal-aloni ma jkunx permess u l-estinturi tan-nar u s-sistemi tal-protezzjoni min-nar bl-alon ikollhom jinbidlu, jiġu kkonvertiti jew jitneħħew sa tmiem dik id-data, skont l-Artikolu 13(3) tar-Regolament (KE) Nru 1005/2009.

(8)

Id-dati ta’ skadenza għandhom iqisu d-disponibbiltà tal-alternattivi għat-tagħmir jew il-faċilitajiet ġodda u l-ostakoli għall-implimentazzjoni tagħhom. Għandhom ukoll jagħtu biżżejjed żmien għall-iżvilupp tal-alternattivi fejn ikun meħtieġ, filwaqt li jipprovdu inċentiv biex isir dan l-iżvilupp. Fir-rigward tal-inġenji tal-ajru, peress li l-avjazzjoni ċivili hija rregolata f’livell internazzjonali, għandhom jitqiesu kif xieraq l-inizjattivi meħuda mill-Organizzazzjoni għall-Avjazzjoni Ċivili Internazzjonali (ICAO) fir-rigward tal-installazzjoni u l-użu tal-aloni għall-estinturi tan-nar fl-inġenji tal-ajru.

(9)

Barra minn dan id-dati ta’ limitu għandhom iħallu biżżejjed żmien biex is-sostituzzjoni tal-aloni jew l-attivitajiet ta’ konverżjoni jsiru bħala parti mill-manutenzjoni ta’ rutina jew ippjanata tat-tagħmir jew tal-faċilità jew mill-programmi ta’ aġġornament, mingħajr ma jaffettwaw bla bżonn l-operat tat-tagħmir jew tal-faċilitajiet konċernati u mingħajr ma jwasslu għal spejjeż kbar. Għandhom iqisu wkoll iż-żmien meħtieġ għall-ksib ta’ kwalunkwe ċertifikazzjoni, awtorizzazzjoni jew approvazzjoni meħtieġa għall-installazzjoni tal-alternattivi fit-tagħmir jew il-faċilitajiet konċernati.

(10)

Għall-parti l-kbira tal-applikazzjonijiet għal tagħmir jew faċilitajiet ġodda, fejn l-estinturi u s-sistemi tal-protezzjoni min-nar bl-alon ma għadhomx meħtieġa jew ma għadhomx jiġi installati, huwa xieraq li l-2010 tiġi stabbilita bħala d-data ta’ skadenza. Mandakollu, huwa xieraq li l-2011 tiġi stabbilita bħala d-data ta’ skadenza għal xi applikazzjonijiet għal vetturi u inġenji tal-ajru militari li għalihom issa qed jitqies li huma disponibbli alternattivi iżda li ma kinux implimentati matul il-programmi ta’ żvilupp li issa wasslu biex jitlestew u li għalihom jista’ jkun li modifiki ma għadhomx teknikament u ekonomikament fattibbli. Huwa xieraq li l-2014 tiġi stabbilita bħala data ta’ skadenza għall-applikazzjonijiet fil-kisi tal-magni tal-inġenji tal-ajru u fl-estinturi portabbli fil-kabini, liema data tkun tikkorrispondi mal-qafas ta’ żmien għall-implimentazzjoni mistennija ta’ restrizzjoni ekwivalenti mill-ICAO. Huwa xieraq li l-2018 tiġi stabbilita bħala d-data ta’ skadenza għall-kompartimenti tat-tagħbija tal-inġenji tal-ajru fejn alternattivi għadhom ma ġewx identifikati iżda li għalihom jista’ b’mod raġonevoli jkun mistenni li, wara aktar riċerka u żvilupp, ser ikun hemm alternattivi disponibbli sad-data tal-installazzjoni f’inġenji tal-ajru ġodda li jitressqu għaċ-ċertifikazzjoni tat-tip.

(11)

Għal ħafna applikazzjonijiet, huwa xieraq li d-dati ta’ limitu jiġu stabbiliti bejn l-2013 u l-2025, skont il-livell ta’ diffikultà teknika u ekonomika li tirrappreżenta s-sostituzzjoni jew il-konverżjoni tal-alon. Dawn id-dati ta’ limitu għandhom jippermettu biżżejjed żmien għas-sostituzzjoni matul il-programmi ta’ manutenzjoni ta’ rutina għall-biċċa l-kbira tat-tagħmir u l-faċilitajiet fejn issa huma disponibbli alternattivi. Huwa xieraq li l-2030 jew l-2035 tiġi stabbilita bħala d-data ta’ limitu għal ċerti applikazzjonijiet għal vetturi tal-art u bastimenti militari li għalihom is-sostituzzjoni tal-alon x’aktarx li hija teknikament u ekonomikament fattibbli biss bħala parti mill-programmi ppjanati ta’ manutenzjoni jew ta’ aġġornament tat-tagħmir, u li għal liema, f’xi Stati Membri tista’ tkun meħtieġa aktar riċerka u żvilupp biex tiġi vverifikata l-adegwatezza tal-alternattivi.

(12)

Għadhom ma ġewx identifikati alternattivi għal xi applikazzjonijiet f’vetturi militari eżistenti, fuq bastimenti militari tal-wiċċ eżistenti, fuq sottomarini militari eżistenti, f’inġenji tal-ajru militari eżistenti u għal dawk li huma jew li ser jiġu prodotti għad-diżinni eżistenti. Madankollu, wieħed jista’ jistenna b’mod raġonevoli li sal-2040 parti kbira mit-tagħmir ikkonċernat tkun waslet fi tmiem tal-ħajja utli tagħha jew li b’riżultat ta’ aktar riċerka u żvilupp sa dak inhar ikunu disponibbli alternattivi. Huwa għalhekk xieraq li l-2040 tkun stipulata bħala data ta’ limitu raġonevoli għal dawk l-applikazzjonijiet.

(13)

Għadhom ukoll ma ġewx identifikati alternattivi għas-sistemi tal-protezzjoni min-nar fil-kompartimenti tat-tagħbija, fil-kisi tal-magni u fl-apparat awżiljarju tal-enerġija, fl-inġenji tal-ajru ċivili eżistenti jew f’dawk li qed jiġu prodotti skont xi tip ta’ ċertifikazzjoni eżistenti. Barra minn dan, għadd sinifikanti ta’ inġenji tal-ajru ċivili ser ikomplu jiġu prodotti bi u jkun jiddipendu fuq l-aloni għal dawk l-applikazzjonijiet għall-ġejjieni prevedibbli. Filwaqt li huwa aċċettabbli li hemm diffikultajiet tekniċi, ekonomiċi u regolatorji sinifikanti li jaffettwa s-sostituzzjoni tal-aloni f’dawn l-applikazzjonijiet, huwa wkoll xieraq, fid-dawl tal-inċertezza marbuta mad-disponibbiltà fuq perjodu twil ta’ żmien tal-aloni riċiklati u l-bżonn għal riċerka addizzjonali biex jiġu identifikati u żviluppati alternattivi adegwati, li l-2040 tiġi stipulata bħala data ta’ limitu.

(14)

L-Anness VI, li jinkludi oqfsa ta’ żmien għat-tneħħija gradwali tal-użi kritiċi, ser jibqa’ jiġi rrevedut sabiex jitqiesu r-riċerka u l-iżvilupp kontinwi tal-alternattivi kif ukoll l-informazzjoni ġdida dwar id-disponibbiltà tagħhom. Barra minn dan, jistgħu jingħataw derogi mid-dati ta’ limitu u d-dati ta’ skadenza f’każijiet speċifiċi fejn jintwera li mhi disponibbli l-ebda alternattiva.

(15)

Ir-Regolament (KE) Nru 1005/2009 għandu, għalhekk, jiġi emendat skont dan.

(16)

Il-miżuri pprovduti f’dan ir-Regolament huma skont l-opinjoni tal-Kumitat stabbilit bl-Artikolu 25(1) tar-Regolament (KE) Nru 1005/2009,

(1)

Għall-Istati Membri li fl-2010 qed jimplimentaw l-iskema ta’ pagament uniku prevista fit-Titolu III tar-Regolament (KE) Nru 73/2009, għandhom jiġu stabbiliti l-limiti massimi baġitarji għall-2010 għal kull pagament imsemmi fl-Artikoli 52, 53 u 54 ta’ dak ir-Regolament.

(2)

Għall-Istati Membri li fl-2010 qed jużaw l-alternattiva prevista fl-Artikolu 87 tar-Regolament (KE) Nru 73/2009, għandhom jiġu ffissati l-limiti massimi baġitarji għall-2010 applikabbli għall-pagamenti diretti esklużi mill-iskema ta’ pagament uniku.

(3)

Għall-Istati Membri li fl-2010 qed jużaw l-alternattivi previsti fl-Artikoli 69(1) jew 131(1) tar-Regolament (KE) Nru 73/2009, għandhom jiġu stabbiliti l-limiti massimi baġitarji għall-2010 għall-għajnuna speċifika msemmija fil-Kapitolu 5 tat-Titolu III tar-Regolament (KE) Nru 73/2009.

(4)

L-Artikolu 69(4) tar-Regolament (KE) Nru 73/2009 jillimita r-risorżi li jistgħu jintużaw għal kwalunkwe miżura akkoppjata prevista fil-punti (i), (ii), (iii) u (iv) tal-Artikolu 68(1)(a) u fl-Artikolu 68(1)(b) u (e) għal 3,5 % tal-limitu massimu nazzjonali msemmi fl-Artikolu 40 tal-istess Regolament. Għal raġunijiet ta’ ċarezza, il-Kummissjoni għandha tippubblika l-limiti massimi li jirriżultaw mill-ammonti nnotifikati mill-Istati Membri għall-miżuri konċernati.

(5)

Skont l-Artikolu 69(6)(a) tar-Regolament (KE) Nru 73/2009, l-ammonti kkalkolati skont l-Artikolu 69(7) ta’ dak ir-Regolament ġew stabbiliti fl-Anness III għar-Regolament tal-Kummissjoni (KE) Nru 1120/2009 tad-29 ta’ Ottubru 2009 li jippreskrivi regoli dettaljati għall-implimentazzjoni tal-iskema ta’ pagament uniku li hemm provvediment dwarha fit-Titolu III tar-Regolament tal-Kunsill (KE) Nru 73/2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa (2). Għal raġunijiet ta’ ċarezza, il-Kummissjoni għandha tippubblika l-ammonti notifikati mill-Istati Membri u li bi ħsiebhom jużaw skont l-Artikolu 69(6)(a) tar-Regolament (KE) Nru 73/2009.

(6)

Għal raġunijiet ta’ ċarezza, għandhom jiġu ppubblikati l-limiti massimi baġitarji għall-iskema ta’ pagament uniku tal-2010, wara li jitnaqqsu l-limiti massimi stabbiliti għall-pagamenti msemmija fl-Artikoli 52, 53, 54, 68 u 87 tar-Regolament (KE) Nru 73/2009 mil-limiti stipulati fl-Anness VIII għall-istess Regolament. L-ammont li għandu jitnaqqas mill-imsemmi Anness VIII sabiex jiffinanzja l-għajnuna speċifika prevista fl-Artikolu 68 tar-Regolament (KE) Nru 73/2009 jikkorrispondi għad-differenza bejn l-ammont totali għall-għajnuna speċifika nnotifikata mill-Istat Membru u l-ammonti nnotifikati għall-finanzjament tal-għajnuna speċifika skont l-Artikolu 69(6)(a) tal-istess Regolament. Fejn Stat Membru li qed jimplimenta l-iskema ta’ pagament uniku jiddeċiedi li jagħti l-għajnuna msemmija fil-punt (c) tal-Artikolu 68(1), l-ammont innotifikat lill-Kummissjoni għandu jiġi inkluż fil-limitu massimu tal-iskema ta’ pagament uniku, peress li din l-għajnuna tieħu l-forma ta’ żieda fil-valur tal-unità u/jew l-għadd ta’ intitolamenti għal pagamenti tal-bidwi.

(7)

Għandhom jiġu stabbiliti pakketti finanzjarji annwali skont l-Artikolu 123(1) tar-Regolament (KE) Nru 73/2009 għall-Istati Membri li fl-2010 qed jimplimentaw l-iskema ta’ pagament uniku skont l-erja previst fil-Kapitolu 2 tat-Titolu V ta’ dak ir-Regolament.

(8)

Għal raġunijiet ta’ ċarezza, għandhom jiġu ppubblikati l-ammonti massimi tal-fondi għad-dispożizzjoni tal-Istati Membri li japplikaw l-iskema ta’ pagament uniku skont l-erja għall-għotja ta’ pagamenti separati għaz-zokkor fl-2010 skont l-Artikolu 126 tar-Regolament (KE) Nru 73/2009, stabbiliti abbażi tan-notifika tagħhom.

(9)

Għal raġunijiet ta’ ċarezza, għandhom jiġu ppubblikati l-ammonti massimi tal-fondi għad-dispożizzjoni tal-Istati Membri li japplikaw l-iskema ta’ pagament uniku skont l-erja għall-għotja ta’ pagamenti separati għall-frott u l-ħxejjex fl-2010 skont l-Artikolu 127 tar-Regolament (KE) Nru 73/2009, stabbiliti abbażi tan-notifika tagħhom.

(10)

Għandhom jiġu ppubblikati, għall-Istati Membri li japplikaw l-iskema ta’ pagament uniku skont l-erja u abbażi tan-notifika tagħhom, il-limiti massimi baġitarji tal-2010 applikabbli għall-pagamenti tranżizzjonali għall-frott u l-ħxejjex fl-2010 skont l-Artikolu 128(1) u (2) tar-Regolament (KE) Nru 73/2009.

(11)

Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Pagamenti Diretti,

(1)

Ir-Regolament tal-Kummissjoni (KE) Nru 620/2009 tal-Kummissjoni tat-13 ta’ Lulju 2009 li jipprovdi għall-amministrazzjoni ta’ kwota tariffarja tal-importazzjoni għaċ-ċanga ta' kwalità għolja (3) jistipula regoli dettaljati għat-tressiq u l-ħruġ tal-liċenzji tal-importazzjoni.

(2)

L-Artikolu 7(2) tar-Regolament (KE) Nru 1301/2006 jipprovdi li, f'każijiet fejn il-kwantitajiet koperti mill-applikazzjonijiet għal-liċenzji jaqbżu l-kwantitajiet disponibbli għall-perjodu tal-kwota, il-koeffiċjenti tal-allokazzjoni għandhom ikunu ffissati għall-kwantitajiet koperti minn kull applikazzjoni għal-liċenzja. L-applikazzjonijiet għal-liċenzji tal-importazzjoni li tressqu skont l-Artikolu 3 tar-Regolament (KE) Nru 620/2009 bejn l-1 u s-7 ta’ Awwissu 2010 jaqbżu l-kwantitajiet disponibbli. Għalhekk, għandhom ikunu deċiżi l-estent li bih jistgħu jinħarġu l-liċenzji tal-importazzjoni u l-koeffiċjent tal-allokazzjoni,

(1)

Skont ir-Regolament tal-Kummissjoni (KE) Nru 687/2008 tat-18 ta’ Lulju 2008 li jistabbilixxi l-proċeduri għall-pussess ta’ ċereali mill-aġenziji li jħallsu jew l-aġenziji tal-intervent u li jippreskrivi l-metodi tal-analiżi sabiex jistabbilixxu l-kwalità fiċ-ċereali (2), jekk ikun hemm xi offerta ammissabbli, l-operaturi għandhom ikunu mgħarrfa dwar l-iskeda tal-kunsinna mill-iktar fis possibbli. Għalhekk, l-ewwel subparagrafu tal-Artikolu 2(4) tal-imsemmi Regolament jistipula li, għaċ-ċereali ħlief għal qamħirrum, l-aħħar kunsinna taċ-ċentru tal-intervent li għaliha tkun saret offerta għandha ssir sa mhux iktar tard mill-aħħar tar-raba’ xahar wara x-xahar li matulu tkun intlaqgħet l-offerta, madankollu din id-data ma tistax tkun wara l-31 ta’ Lulju fil-każ tal-Finlandja.

(2)

L-Artikolu 6(6) tar-Regolament (KE) Nru 687/2008 jistipula li l-aħħar teħid, fil-każ taċ-ċereali ħlief għall-qamħirrum, għandu jsir mhux iktar tard mill-aħħar tat-tieni xahar minn meta tkun saret l-aħħar kunsinna msemmija fl-ewwel subparagrafu tal-Artikolu 2(4), u fi kwalunkwe każ mhux wara l-31 ta’ Awwissu fil-każ tal-Finlandja.

(3)

L-Artikolu 7(1) tar-Regolament (KE) Nru 687/2008 jistipula li l-karatteristiċi fiżiċi u tekniċi tal-kampjuni li jkunu ttieħdu għandhom jiġu analizzati fi żmien 20 jum ta’ ħidma minn meta jkun sar il-kampjun rappreżentattiv.

(4)

Il-ħsad taċ-ċereali fil-Finlandja għas-sena kummerċjali 2009/2010 laħaq rekord ta’ 4,3 miljun tunnellata, inkluż 2,2 miljun tunnellata ta’ xgħir. Fid-dawl tas-sitwazzjoni tas-suq taċ-ċereali fil-Finlandja, ikkaratterizzata minn prezzijiet relattivament baxxi tal-produtturi, irħas mill-prezzijiet ta’ intervent, ġew offruti kwantitajiet sostanzjali għall-intervent fil-Finlandja matul is-sena kummerċjali 2009/2010: xi 823 000 tunnellata, minnhom kien hemm 796 000 tunnellata xgħir u 27 000 tunnellata qamħ komuni. Minn meta beda l-perjodu ta’ intervent, l-aħħar statistika disponibbli, stabbilita fl-1 ta’ Lulju 2010, turi li b’kollox kien hemm madwar 573 000 tunnellata ta’ ċereali li ttieħdu għall-intervent, minnhom kien hemm 566 000 tunnellata xgħir u 7 000 tunnellata qamħ komuni. Għalhekk għad hemm kwantità sostanzjali ta’ offerti għall-intervent li għadhom ma ġewx ikkunsinnati u analizzati fid-dawl tal-ammont li jittieħed fl-intervent.

(5)

Fl-24 ta’ Ġunju 2010 il-Finlandja għarrfet lill-Kummissjoni li qed tieħu ħafna ħin biex issib kapaċità addizzjonali ta’ ħżin li tittratta l-offerti abbundanti ta’ ċereali għall-intervent tant li waqgħet lura fix-xogħol. L-awtoritajiet Finlandiżi għalhekk talbu, għas-sena kummerċjali 2009/2010, li d-data ta’ skadenza għall-kunsinna taċ-ċereali għandha tiġi estiża sat-30 ta’ Settembru 2010, id-data ta’ skadenza sabiex jittieħdu għandha tiġi estiża sal-31 ta’ Ottubru 2010 u d-data ta’ skadenza għall-analiżi tal-kwalità għandha tiġi estiża wkoll.

(6)

Fid-dawl taċ-ċirkostanzi u sabiex iċ-ċereali offruti jkunu jistgħu jittieħdu kif xieraq għas-sena kummerċjali 2009/2010, it-talba tal-Finlandja għandha tintlaqa’ billi jsir qbil, permezz ta’ deroga mir-Regolament (KE) Nru 687/2008, dwar l-estensjoni tal-perjodu tal-kunsinna, tal-perjodu li fih għandha ssir analiżi kwalitattiva u tal-perjodu tat-teħid għall-prodotti offruti għall-intervent fid-dawl tas-sena kummerċjali inkwistjoni.

(7)

Għall-offerti li jintlaqgħu fil-Finlandja fir-rigward tas-sena kummerċjali 2009/2010, għandu jkun stabbilit li l-miżuri pprovduti għal dan il-għan f’din id-Deċiżjoni għandhom japplikaw.

(8)

Il-miżuri pprovduti f’din id-Deċiżjoni huma skont l-opinjoni tal-Kumitat ta’ Ġestjoni għall-Organizzazzjoni Komuni ta’ Swieq Agrikoli,

(1)

Skont l-Artikolu 6(2) tad-Direttiva 91/414/KEE, f’Lulju 2006 ir-Renju Unit irċieva applikazzjoni mingħand Bionext sprl għall-inklużjoni tas-sustanza attiva Candida oleophila tip O fl-Anness I tad-Direttiva 91/414/KEE. Id-Deċiżjoni tal-Kummissjoni 2007/380/KE (2) ikkonfermat li l-fajl kien komplut u li seta’ jitqies li kien jissodisfa, fil-prinċipju, ir-rekwiżiti ta’ dejta u ta’ informazzjoni tal-Anness II u l-Anness III ta’ dik id-Direttiva.

(2)

Skont l-Artikolu 6(2) tad-Direttiva 91/414/KEE, f’Settembru 2004 l-Pajjiżi l-Baxxi rċevew applikazzjoni mingħand Koppert Beheer BV għall-inklużjoni tas-sustanza attiva jodur tal-potassju fl-Anness I tad-Direttiva 91/414/KEE. Id-Deċiżjoni tal-Kummissjoni 2005/751/KE (3) ikkonfermat li l-fajl kien komplut u li seta’ jitqies li kien jissodisfa, fil-prinċipju, ir-rekwiżiti ta’ dejta u ta’ informazzjoni tal-Anness II u l-Anness III ta’ dik id-Direttiva.

(3)

Skont l-Artikolu 6(2) tad-Direttiva 91/414/KEE, f’Settembru 2004, il-Pajjiżi l-Baxxi rċevew applikazzjoni mingħand Koppert Beheer BV għall-inklużjoni tas-sustanza attiva tijoċjanat tal-potassju fl-Anness I tad-Direttiva 91/414/KEE. Id-Deċiżjoni 2005/751/KE kkonfermat li l-fajl kien komplut u li seta’ jitqies li kien jissodisfa, fil-prinċipju, ir-rekwiżiti ta’ dejta u ta’ informazzjoni tal-Anness II u l-Anness III ta’ dik id-Direttiva.

(4)

Il-konferma tal-kompletezza tal-fajls kienet meħtieġa sabiex dawn setgħu jiġu eżaminati fid-dettall u sabiex l-Istati Membri seta’ jkollhom il-possibbiltà li jagħtu awtorizzazzjonijiet provviżorji, għal perjodi sa tliet snin, għall-prodotti għall-protezzjoni tal-pjanti li fihom is-sustanzi attivi kkonċernati, filwaqt li jikkonformaw mal-kundizzjonijiet stipulati fl-Artikolu 8(1) tad-Direttiva 91/414/KEE u, b’mod partikolari, il-kundizzjoni relatata mal-valutazzjoni dettaljata tas-sustanzi attivi u tal-prodotti għall-protezzjoni tal-pjanti fid-dawl tar-rekwiżiti stipulati minn dik id-Direttiva.

(5)

Għal dawn is-sustanzi attivi, l-effetti fuq is-saħħa tal-bniedem u l-ambjent ġew ivvalutati, skont id-dispożizzjonijiet tal-Artikolu 6(2) u (4) tad-Direttiva 91/414/KEE, għall-użi proposti mill-applikanti. L-Istat Membru relatur ressaq l-abbozzi tar-rapporti ta’ evalwazzjoni rispettivi lill-Kummissjoni fil-5 ta’ Frar 2008 (Candida oleophila tip O) u fis-27 ta’ Lulju 2007 (jodur tal-potassju u tijoċjanat tal-potassju).

(6)

Wara li tressqu l-abbozzi tar-rapporti ta’ evalwazzjoni mill-Istati Membri relaturi, instab li kien hemm il-ħtieġa li tintalab iktar informazzjoni mill-applikanti u li l-Istati Membri relaturi jeżaminaw dik l-informazzjoni u jressqu l-evalwazzjoni tagħhom. Għalhekk, l-eżami tal-fajls għadha għaddejja u mhux se jkun possibbli li l-evalwazzjoni titlesta fiż-żmien stipulat fid-Direttiva 91/414/KEE.

(7)

Minħabba li sa issa l-evalwazzjoni għadha ma identifikat l-ebda raġuni għal tħassib immedjat, l-Istati Membri għandhom jingħataw il-possibbiltà li jtawlu l-awtorizzazzjonijiet provviżorji mogħtija għall-prodotti ta’ protezzjoni tal-pjanti li fihom is-sustanzi attivi kkonċernati għal perjodu ta’ 24 xahar skont id-dispożizzjonijiet tal-Artikolu 8 tad-Direttiva 91/414/KEE, sabiex ikun jista’ jitkompla l-eżami tal-fajls. Huwa mistenni li l-evalwazzjoni u l-proċess tat-teħid tad-deċiżjonijiet fir-rigward ta’ deċiżjoni dwar il-possibbiltà ta’ inklużjoni fl-Anness I ta’ dik id-Direttiva tal-Candida oleophila tip O, il-jodur tal-potassju u t-tijoċjanat tal-potassju, ikunu tlestew fi żmien 24 xahar.

(8)

Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

Ir-Regolament (KE) Nru 669/2009 jistabbilixxi r-regoli rigward iż-żieda fil-livell ta’ kontrolli fuq l-importazzjoni ta’ ċertu ikel u għalf ta’ oriġini mhux mill-annimali, inklużi l-kontrolli fiżiċi li għandhom jitwettqu f’punti magħżulin tad-dħul fl-Unjoni Ewropea. Dan jistabbilixxi wkoll ir-rekwiżiti minimi għal dawn il-punti tad-dħul u jistipula li l-Istati Membri għandhom ipoġġu għad-disponibbiltà tal-pubbliku lista ta’ dawn il-punti tad-dħul, fuq l-Internet.

(2)

L-Artikolu 9(1) tar-Regolament (KE) Nru 669/2009 jistipula li l-Kummissjoni, fuq talba ta’ Stat Membru, tista’ tawtorizza lill-awtoritajiet kompetenti ta’ ċerti punti magħżula tad-dħul, li joperaw taħt limitazzjonijiet ġeografiċi speċifiċi, biex iwettqu l-kontrolli fiżiċi fl-istabbilimenti tal-operaturi tan-negozju tal-għalf u tal-ikel, soġġetti għal ċerti kundizzjonijiet.

(3)

Permezz ta’ ittra bid-data tat-18 ta’ Diċembru 2009, Malta rreferiet għas-sitwazzjoni ġeografika speċifika tal-punt tad-dħul magħżul fil-Port tal-Furjana, għall-ammont relattivament żgħir ta’ importazzjonijiet minn pajjiżi terzi ta’ prodotti ta’ oriġini mhux mill-annimali, kif ukoll għaċ-ċokon u l-viċinanza tal-gżejjer li jiffurmaw it-territorju tagħha, u talbet lill-Kummissjoni biex tawtorizza lill-awtoritajiet kompetenti ta’ dak il-punt tad-dħul li jwettqu l-kontrolli fiżiċi meħtieġa fil-postijiet ta’ ċerti operaturi tan-negozju tal-għalf u tal-ikel.

(4)

Permezz ta’ ittra bid-data tat-28 ta’ Frar 2010 u f’korrispondenza sussegwenti, Malta assigurat lill-Kummissjoni li: se jkunu approvati biss, għat-twettiq tal-kontrolli fiżiċi, l-istabbilimenti tal-operaturi tan-negozju tal-għalf u tal-ikel li jissodisfaw ir-rekwiżiti minimi għall-punti magħżula tad-dħul stabbiliti fir-Regolament (KE) Nru 669/2009; il-livell ta’ riżorsi allokati lill-awtoritajiet kompetenti tal-Port tal-Furjana jkun tali li l-attivitajiet ta’ kontroll imwettqa f’dak il-punt magħżul tad-dħul ma jiġux imxekkla jew milquta ħażin mill-possibbiltà li l-kontrolli fiżiċi jitwettqu f’post ieħor; u l-kunsinni magħżula għall-kontrolli fiżiċi fl-istabbilimenti tal-operaturi tan-negozju tal-għalf jew tal-ikel se jibqgħu taħt il-kontroll kontinwu tal-awtoritajiet kompetenti tal-Port tal-Furjana sa mill-wasla tagħhom f’dan il-punt tad-dħul u b’tali mod li ma jkunu jistgħu jiġu mbagħbsa bl-ebda mod tul il-kontrolli kollha.

(5)

Għaldaqstant, meta jitqiesu l-limitazzjonijiet ġeografiċi speċifiċi tal-punt magħżul tad-dħul tal-Port tal-Furjana u l-konferma mingħand Malta li l-kundizzjonijiet stabbiliti fl-Artikolu 9(1) tar-Regolament (KE) Nru 669/2009 ġew sodisfatti, huwa xieraq li jiġi awtorizzat li l-kontrolli fiżiċi jistgħu jitwettqu fl-istabbilimenti ta’ ċerti operaturi tan-negozju tal-għalf u tal-ikel approvati minn Malta għal dan it-tip ta’ kontrolli.

(6)

Biex tiġi żgurata biżżejjed pubbliċità għall-awtorizzazzjoni stipulata f’din id-Deċiżjoni, hu xieraq li fuq l-Internet issir disponibbli għall-pubbliku lista tal-istabbilimenti tal-operaturi tan-negozju tal-għalf u tal-ikel, approvati għal kontrolli fiżiċi skont ir-Regolament (KE) Nru 669/2009, permezz tal-link nazzjonali stabbilit fl-Artikolu 5 ta’ dak ir-Regolament,