ANNESS

il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

(EUR/100 kg)
Kodiċi NM	Kodiċi tal-pajjiż terz (1)	Valur fiss tal-importazzjoni
0702 00 00	MK	27,7
	TR	41,0
	ZZ	34,4
0707 00 05	TR	72,9
	ZZ	72,9
0709 90 70	TR	96,4
	ZZ	96,4
0805 50 10	AR	103,9
	UY	71,5
	ZA	96,7
	ZZ	90,7
0806 10 10	CL	129,8
	EG	141,2
	IL	126,4
	MA	158,1
	TR	144,5
	ZA	98,7
	ZZ	133,1
0808 10 80	AR	84,5
	BR	68,2
	CL	96,3
	CN	72,4
	NZ	94,1
	US	87,0
	UY	112,9
	ZA	90,7
	ZZ	88,3
0808 20 50	AR	68,6
	CL	183,9
	CN	93,7
	ZA	97,5
	ZZ	110,9
0809 20 95	TR	240,1
	ZZ	240,1
0809 30	TR	170,8
	ZZ	170,8
0809 40 05	BA	62,1
	IL	168,2
	XS	70,3
	ZZ	100,2

---

(1)  In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.

ANNESS

L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti bil-kodiċi NM 1702 90 95 , applikabbli mill-4 ta’ Awwissu 2010

(EUR)
Kodiċi NM	Ammont tal-prezz rappreżentattiv għal kull 100 kg nett tal-prodott ikkonċernat	Ammont tad-dazju addizzjonali għal kull 100 kg nett tal-prodott ikkonċernat
1701 11 10  (1)	44,37	0,00
1701 11 90  (1)	44,37	1,59
1701 12 10  (1)	44,37	0,00
1701 12 90  (1)	44,37	1,30
1701 91 00  (2)	43,75	4,34
1701 99 10  (2)	43,75	1,21
1701 99 90  (2)	43,75	1,21
1702 90 95  (3)	0,44	0,25

---

(1)  Stabbilit għall-kwalità standard kif iddefinita fl-Anness IV, il-punt III, tar-Regolament (KE) Nru 1234/2007.

(2)  Stabbilit għall-kwalità standard kif iddefinita fl-Anness IV, il-punt II, tar-Regolament (KE) Nru 1234/2007.

(3)  Stabbilit bħala 1 % tal-kontenut f'sukrożju.

ANNESS

IN-NETWERK EWROPEW TA’ GRUPPI TA’ RIFLESSJONI INDIPENDENTI GĦAN-NONPROLIFERAZZJONI B’APPOĠĠ GĦALL-IMPLIMENTAZZJONI TAL-ISTRATEĠIJA TAL-UE KONTRA L-PROLIFERAZZJONI TAL-ARMI TA’ QERDA MASSIVA (STRATEĠIJA TAL-UE DWAR L-AQM)

1.   Objettivi

L-objettiv ta’ din id-Deċiżjoni huwa li tiġi implimentata r-rakkomandazzjoni ta’ politika, stabbilita mill-Kunsill fit-8 ta’ Diċembru 2008 fid-dokument “Linji ta’ azzjoni ġodda mill-Unjoni Ewropea fil-ġlieda kontra l-Proliferazzjoni tal-Armi ta’ Qerda Massiva u s-sistemi ta’ kunsinna tagħhom”. Skont dan id-dokument, l-azzjoni tal-Unjoni biex tiġġieled il-proliferazzjoni tista’ tibbenefika mill-appoġġ ipprovdut min-netwerk għan-nonproliferazzjoni li mhux governattiv, li jlaqqa’ flimkien lill-istituzzjonijiet ta’ politika estera u ċ-ċentri ta’ riċerka li jispeċjalizzaw fl-oqsma strateġiċi tal-Unjoni waqt li jibni fuq netwerks utli li diġà jeżistu. Tali netwerk jista’ jiġi estiż għal istituzzjonijiet f’pajjiżi terzi li magħhom l-Unjoni qed twettaq djalogi speċifiċi b’rabta man-nonproliferazzjoni.

Dan in-netwerk ta’ gruppi ta’ riflessjoni indipendenti dwar in-nonproliferazzjoni jkun jimmira li jinkoraġixxi d-djalogu politiku u d-djalogu relatat mas-sigurtà u d-diskussjoni fuq perijodu fit-tul dwar miżuri li jistgħu jittieħdu fil-ġlieda kontra l-proliferazzjoni tal-armi ta’ qerda massiva (AQM) u s-sistemi tal-kunsinna tagħhom fis-soċjetajiet ċivili, u b’mod aktar partikolari fost l-esperti, ir-riċerkaturi u l-akkademiċi. Huwa ser jikkostitwixxi pass ’il quddiem siewi fl-azzjoni għan-nonproliferazzjoni mill-Unjoni u mill-komunità internazzjonali.

Il-ħidma tan-netwerk għandha tiġi estiża għal kwistjonijiet relatati mal-armi konvenzjonali, inklużi armi ħfief u ta’ kalibru żgħir (SALW), inklużi miżuri li jiżguraw l-implimentazzjoni kontinwa tal-Istrateġija tal-UE għall-ġlieda kontra l-akkumulazzjoni illeċita u t-traffikar tas-SALW u l-munizzjon tagħhom (l-Istrateġija tal-UE dwar is-SALW). In-netwerk ser jgħin biex jiġu żviluppati aspetti ġodda tal-azzjoni tal-Unjoni li jkopru kemm id-dimensjonijiet preventivi kif ukoll dawk reattivi tal-kwistjonijiet ta’ sigurtà relatati ma’ armi konvenzjonali, inkluż il-kummerċ illeċitu u l-akkumulazzjoni eċċessiva tas-SALW u l-munizzjon tagħhom, kif previst mill-Istrateġija tal-UE dwar is-SALW. Il-prevenzjoni tal-kummerċ illegali u mhux regolat ta’ armi konvenzjonali, inklużi s-SALW, ġiet ukoll rikonoxxuta bħala prijorità tal-Unjoni fil-qafas tal-proċess tat-Trattat dwar il-Kummerċ tal-Armi.

In-netwerk jista’ jikkontribwixxi għal aktar sensibilizzazzjoni ta’ pajjiżi terzi dwar l-isfidi tal-proliferazzjoni u l-armi konvenzjonali, inkluż il-kummerċ illeċitu u l-akkumulazzjoni eċċessiva tas-SALW u l-munizzjon tagħhom, u dwar il-ħtieġa li jaħdmu f’kooperazzjoni mal-Unjoni u fil-kuntest ta’ fora multilaterali, b’mod partikolari n-Nazzjonijiet Uniti, sabiex jiġu evitati, skoraġġuti, imwaqqfa u fejn possibbli eliminati programmi ta’ proliferazzjoni li jikkonċernaw id-dinja kollha u l-kummerċ illeċitu u l-akkumulazzjoni eċċessiva tal-SALW u l-munizzjon tagħhom.

L-Unjoni tixtieq tappoġġa dan in-netwerk kif ġej:

—	permezz tal-organizzazzjoni ta’ laqgħa ta’ tnedija u konferenza annwali bil-ħsieb tal-preżentazzjoni ta’ rapport u/jew rakkomandazzjonijiet lir-rappreżentant tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà.

—	permezz tal-ħolqien ta’ pjattaforma fuq l-Internet li tiffaċilita l-kuntatti u trawwem djalogu ta’ riċerka fost in-netwerk tal-gruppi ta’ riflessjoni dwar in-nonproliferazzjoni.

2.   Organizzazzjoni tan-netwerk

In-netwerk ser ikun miftuħ għall-istituti ta’ riċerka u l-gruppi ta’ riflessjoni rilevanti kollha mill-Unjoni u jkun jirrispetta b’mod sħiħ id-diversità tal-opinjoni fl-Unjoni.

In-netwerk ser jiffaċilita l-kuntatti bejn esperti nongovernattivi, rappreżentanti tal-Istati Membri u l-istituzzjonijiet tal-Unjoni. In-netwerk ser ikun lest li jimpenja ruħu ma’ atturi nongovernattivi minn pajjiżi terzi f’konformità mal-Istrateġiji tal-UE dwar l-AQM u s-SALW, li huma bbażati fuq il-kunċetti ta’ multilateriżmu u kooperazzjoni internazzjonali. Il-mandat tan-netwerk ser ikopri n-nonproliferazzjoni tal-AQM, is-sistemi tal-kunsinna tagħhom, u kwistjonijiet relatati ma’ armi konvenzjonali, inklużi s-SALW.

In-netwerk ser ikun ippresedut mir-rappreżentant tar-RGħ, f’konformità mal-linji gwida definiti fil-qafas taċ-Ċentru għall-Monitoraġġ tal-AQM fir-rigward tal-miżuri ta’ nonproliferazzjoni. Il-parteċipanti fil-korpi preparatorji relevanti tal-Kunsill (CODUN/CONOP/COARM eċċ) ser ikunu jistgħu jikkonsultaw in-netwerk dwar kwistjonijiet relatati man-nonproliferazzjoni u l-armi konvenzjonali, inklużi s-SALW, u r-rappreżentanti tagħhom ser ikunu jistgħu jattendu l-laqgħat tan-netwerk. Dawn il-laqgħat jistgħu jkunu organizzati waħda wara l-oħra mal-laqgħat tal-gruppi ta’ ħidma, jekk dan ikun fattibbli.

Il-Konsorzju tal-UE għan-Nonproliferazzjoni ibbażat fuq FRS, HSFK/PRIF, IISS u SIPRI ser jiġi fdat bil-ġestjoni tal-proġett, f’kooperazzjoni mill-qrib mar-rappreżentant tar-RGħ.

Il-Konsorzju tal-UE għan-Nonproliferazzjoni, f’konsultazzjoni mar-rappreżentant tar-RGħ u l-Istati Membri, ser jistieden parteċipanti, speċjalizzati fi kwistjonijiet tan-nonproliferazzjoni u l-armi konvenzjonali, għal-laqgħa ta’ tnedija u konferenza annwali. Il-parteċipanti iridu juru l-għarfien tekniku tagħhom permezz ta’ serje ta’ pubblikazzjonijiet jew attivitajiet ta’ riċerka oħra fil-qasam tal-kwistjonijiet tan-nonproliferazzjoni tal-AQM u l-armi konvenzjonali.

3.   Deskrizzjoni tal-proġetti

3.1.   Proġett 1: Organizzazzjoni ta’ laqgħa ta’ tnedija u konferenza annwali b’rapport u/jew rakkomandazzjonijiet

3.1.1.   Għan tal-proġett

L-għan tal-laqgħa ta’ tnedija huwa li tistabbilixxi netwerk Ewropew ta’ gruppi ta’ riflessjoni indipendenti għan-nonproliferazzjoni li huma bbażati fl-Unjoni. Il-laqgħa ta’ tnedija, ppreseduta mir-rappreżentant tar-RGħ, ser torganizza l-attivitajiet tan-netwerk u tħejji konferenza annwali bil-ħsieb tal-preżentazzjoni ta’ rapport u/jew rakkomandazzjonijiet lir-rappreżentant tar-RGħ.

Il-konferenza annwali dwar in-nonproliferazzjoni tat-tip Carnegie, bil-parteċipazzjoni ta’ esperti governattivi u gruppi ta’ riflessjoni indipendenti mill-Unjoni u pajjiżi terzi, jiddiskutu u jidentifikaw miżuri ulterjuri fil-ġlieda kontra l-proliferazzjoni tal-AQM u s-sistemi ta’ kunsinna tagħhom u l-indirizzar tal-isfidi marbuta mal-armi konvenzjonali, inkluża l-ġlieda kontra l-kummerċ illeċitu u l-akkumulazzjoni eċċessiva tas-SALW u l-munizzjon tagħhom. Il-konferenza annwali tista’ tkun imqassma fi blokki tematiċi u sessjoni plenarja ta’ konklużjoni, ppreseduta mir-rappreżentant tar-RGħ.

Abbażi tal-konferenza annwali, ser jiġi prodott rapport orjentat lejn il-politika flimkien ma’ sett ta’ rakkomandazzjonijiet orjentati lejn l-azzjoni għar-rappreżentant tar-RGħ. Ir-rapport ikun disseminat fl-Istituzzjonijiet tal-Unjoni rilevanti u l-Istati Membri u jkun disponibbli online.

3.1.2.   Riżultati tal-proġett

—	stabbiliment ta’ modus operandi għan-netwerk Ewropew ta’ gruppi ta’ riflessjoni indipendenti għan-nonproliferazzjoni;

—

stabbiliment ta’ konferenza prinċipali Ewropea dwar in-nonproliferazzjoni li ssir il-post ewlieni għall-promozzjoni ta’ diskussjoni strateġika dwar miżuri fil-ġlieda kontra l-proliferazzjoni tal-AQM u s-sistemi ta’ kunsinna tagħhom u biex tindirizza l-isfidi relatati mal-armi konvenzjonali, inkluża l-ġlieda kontra l-kummerċ illeċitu u l-akkumulazzjoni eċċessiva tas-SALW u l-munizzjon tagħhom;

—

preżentazzjoni ta’ rapport orjentat lejn il-politika u/jew rakkomandazzjonijiet orjentati lejn l-azzjoni li jtejbu l-implimentazzjoni tal-Istrateġiji tal-UE dwar l-AQM u s-SALW u jiffurmaw pass ’il quddiem utli għan-nonproliferazzjoni u l-azzjoni relatata mal-armi konvenzjonali mill-Unjoni u l-komunità internazzjonali;

—	żieda fis-sensibilizzazzjoni u l-għarfien tal-Istituzzjonijiet tal-Unjoni, tal-Istati Membri, is-soċjetà ċivili u l-pajjiżi terzi dwar it-theddid relatat mal-AQM u l-mezzi tal-kunsinna tagħhom, li jippermettulhom jantiċipaw aħjar.

3.1.3.   Deskrizzjoni tal-proġett

Il-proġett jipprevedi l-organizzazzjoni ta’ żewġ laqgħat ta’ tnedija, żewġ laqgħat annwali u t-tħejjija ta’ żewġ rapporti u/jew rakkomandazzjonijiet:

—	laqgħa ta’ tnedija bil-parteċipazzjoni ta’ mhux aktar minn 50 grupp ta’ riflessjoni indipendenti mill-Unjoni, speċjalizzati fin-nonproliferazzjoni u l-kwistjonijiet tal-armi konvenzjonali, inklużi s-SALW;

—	konferenza annwali bil-parteċipazzjoni ta’ esperi governattivi u mhux aktar minn 200 grupp ta’ riflessjoni indipendenti mill-Unjoni u pajjiżi terzi, speċjalizzati fin-nonproliferazzjoni u l-kwistjonijiet tal-armi konvenzjonali, inklużi s-SALW;

—	rapport orjentat lejn il-politika u/jew rakkomandazzjonijiet orjentati lejn l-azzjoni li jinkoraġġixxu l-implimentazzjoni tal-Istrateġiji tal-UE dwar l-AQM u s-SALW.

3.2.   Proġett 2: Ħolqien ta’ pjattaforma fuq l-Internet

3.2.1.   Għan tal-proġett

L-istabbiliment ta’ sit elettroniku fuq l-Internet jiffaċilita l-kuntatti intersessjonali bejn il-laqgħat tan-netwerk u jrawwem djalogu ta’ riċerka fost il-gruppi ta’ riflessjoni dwar in-nonproliferazzjoni. L-Istituzzjonijiet tal-Unjoni u l-Istati Membri jistgħu jibbenefikaw ukoll minn sit elettroniku ddedikat fejn il-parteċipanti tan-netwerk ikunu liberi jiskambjaw l-informazzjoni, jikkondividu l-ideat tagħhom u jippubblikaw l-istudji tagħhom dwar in-nonproliferazzjoni tal-AQM u l-mezzi tal-provvista tagħhom u l-kwistjonijiet dwar l-armi konvenzjonali, inklużi s-SALW. Is-sit elettroniku jista’ jkun akkumpanjat minn ittra elettronika.

Il-proġett ser jipprovdi segwitu online għall-avvenimenti u tieqa għar-riċerka Ewropea. Huwa ser jikkontribwixxi għal disseminazzjoni effiċjenti tar-riżultati tar-riċerka fost il-komunità ta’ gruppi ta’ riflessjoni u ċ-ċrieki governattivi. Dan ser iwassal għal antiċipazzjoni aħjar u għarfien tat-theddid marbut mal-proliferazzjoni tal-AQM u l-mezzi tal-kunsinna tagħhom, u l-armi konvenzjonali, inkluż il-kummerċ illeċitu u l-akkumulazzjoni eċċessiva tas-SALW u l-munizzjon tagħhom.

3.2.2.   Riżultati tal-proġett

—	stabbiliment ta’ pjattaforma fejn il-gruppi ta’ riflessjoni dwar in-nonproliferazzjoni jistgħu jikkondividu l-fehmiet u l-analiżi dwar il-proliferazzjoni tal-AQM u l-kwistjonijiet tal-armi konvenzjonali, inklużi s-SALW;

—	promozzjoni ta’ ftehim aħjar tal-Istrateġiji tal-UE dwar l-AQM u s-SALW fis-soċjetà ċivili u jservi bħala interfaċċja bejn l-Unjoni u n-netwerk tal-gruppi ta’ riflessjoni;

—	permess sabiex jitniżżlu mill-Internet bla ħlas dokumenti mil-laqgħat tan-netwerk u mill-gruppi ta’ riflessjoni indipendenti li jkunu jixtiequ jikkondividu r-riżultati tar-riċerka tagħhom mingħajr kumpens finanzjarju;

—	żieda fis-sensibilizzazzjoni u l-għarfien tal-istituzzjonijiet tal-Unjoni, l-Istati Membri, is-soċjetà ċivili u l-pajjiżi terzi dwar it-theddid relatat mal-armi konvenzjonali, l-AQM u l-mezzi tal-kunsinna tagħhom, li jippermettulhom jantiċipaw aħjar.

3.2.3.   Deskrizzjoni tal-proġett

L-użu tat-teknoloġija tat-tip ta’ servizz ta’ netwerk soċjali, meta fattibbli u adatta, jista’ tiġi esplorat sabiex jiġu ffrankati l-ispejjeż u jkunu possibbli l-komunikazzjoni u l-iskambju ta’ informazzoni online bejn il-parteċipanti tan-netwerk f’ambjent familjari. Il-Konsorzju tal-UE għan-Nonproliferazzjoni, iddelegat bil-proġett ikun responsabbli għall-web-hosting, web-design u l-manutenzjoni teknika tas-sit elettroniku. Il-konsorzju jista’ jipprovdi taħriġ bażiku lir-rappreżentant tar-RGħ u l-gruppi ta’ ħidma rilevanti tal-Kunsill dwar is-sit elettroniku.

4.   Tul ta’ żmien

It-tul ta’ żmien totali stmat għall-implimentazzjoni tal-proġetti hu ta’ 36 xahar.

5.   Benefiċjarji

5.1.   Benefiċjarji diretti

Il-proliferazzjoni tal-AQM kemm mill-istati kif ukoll mit-terroristi ġiet identifikata fl-Istrateġija Ewropea ta’ Sigurtà u fl-Istrateġija tal-UE dwar l-AQM potenzjalment bħala l-akbar theddida għas-sigurtà tal-Unjoni. B’mod simili l-Istrateġija tal-UE dwar is-SALW irrikonoxxiet li l-kummerċ illeċitu u l-akkumulazzjoni eċċessiva tas-SALW u l-munizzjon tagħhom jippreżentaw theddida serja għall-paċi u s-sigurtà internazzjonali. Il-proġetti suġġeriti jissodisfaw l-għanijiet tal-Politika Estera u ta’ Sigurtà Komuni u jikkontribwixxu għall-kisba tal-objettivi strateġiċi stabbiliti fl-Istrateġija Ewropea ta’ Sigurtà.

5.2.   Benefiċjarji indiretti

Il-benefiċjarji indiretti tal-proġetti huma:

(a)	gruppi ta’ riflessjoni indipendenti speċjalizzati fil-kwistjonijiet tan-nonproliferazzjoni u l-armi konvenzjonali, inklużi s-SALW, mill-Unjoni u pajjiżi terzi;

(b)	istituzzjonijiet tal-Unjoni;

(ċ)	stati Membri tal-Unjoni;

(d)	pajjiżi terzi.

6.   Parteċipanti minn partijiet terzi

Il-proġetti ser jiġu ffinanzjati fl-intier tagħhom b’din id-Deċiżjoni. L-esperti min-netwerk jistgħu jiġu kkunsidrati bħala parteċipanti minn partijiet terzi. Huma ser jaħdmu f’konformità mar-regoli standard tagħhom.

7.   Aspetti ta’ proċedura, koordinazzjoni u l-Kumitat ta’ Tmexxija

Il-Kumitat ta’ Tmexxija ser ikun kompost minn rappreżentant tar-RGħ u tal-entità implimentattiva msemmija fil-paragrafu 8. Il-Kumitat ta’ Tmexxija ser jirrevedi l-implimentazzjoni tad-Deċiżjoni tal-Kunsill regolarment, tal-anqas darba kull sitt xhur, inkluż permezz tal-użu ta’ mezzi elettroniċi ta’ komunikazzjoni.

8.   Entità implimentattiva

L-implimentazzjoni teknika ta’ din id-Deċiżjoni tal-Kunsill ser tiġi fdata lill-Konsorzju tal-UE għan-Nonproliferazzjoni, li ser iwettaq il-kompitu taħt il-kontroll tar-RGħ. Fit-twettiq tal-attivitajiet tiegħu, il-konsorzju ser jikkoopera mar-RGħ, u mal-Istati Membri u Stati Parti u organizzazzjonijiet internazzjonali oħrajn, kif adatt.

ANNESS

(a)   L-Applikanti u d-Detenturi tal-awtorizzazzjoni:

Isem	:	Dow AgroSciences Europe
Indirizz	:	European Development Centre, 3 Milton Park, Abingdon, Oxon OX14 4RN, ir-Renju Unit

F’isem Mycogen Seeds c/o Dow AgroSciences LLC, 9330 Zionsville Road, Indianapolis, IN 46268-1054, l-Istati Uniti;

u wkoll

Isem	:	Pioneer Overseas Corporation
Indirizz	:	Avenue des Arts 44, B-1040 Brussell, il-Belġju

F’isem Pioneer Hi-Bred International, Inc., 7100 NW 62nd Avenue, P. O. Box 1014, Johnston, IA 50131-1014, l-Istati Uniti tal-Amerika.

(b)   Id-desinjazzjoni u l-ispeċifikazzjoni tal-prodotti:

1.	ikel u ingredjenti tal-ikel li fihom, li jikkonsistu minn, jew prodotti minn qamħirrum DAS-Ø15Ø7-1xDAS-59122-7;

2.	għalf li fih, li jikkonsisti minn, jew prodott minn qamħirrum DAS-Ø15Ø7-1xDAS-59122-7;

3.	prodotti għajr ikel u għalf li fihom jew li jikkonsistu minn qamħirrum DAS-Ø15Ø7-1xDAS-59122-7 għall-istess użi bħal kwalunkwe qamħirrum ieħor bl-eċċezzjoni tal-kultivazzjoni.

Il-qamħirrum modifikat ġenetikament DAS-Ø15Ø7-1xDAS-59122-7, kif deskritt fl-applikazzjoni, huwa prodott minn taħlit bejn il-qamħirrum li fih DAS-Ø15Ø7 u okkorrenzi ta’ DAS-59122-7 u jesprimi l-proteina Cry1F li tipproteġi kontra ċerti parassiti lepidopteran, il-proteini Cry34Ab1 u Cry35Ab1 li jipproteġu kontra ċerti parassiti coleopteran u l-proteina PAT, li tintuża bħala indikatur li jista’ jintgħażel, li jagħti tolleranza lill-erbiċida ammonju tal-glufosinat.

(c)   Tikkettjar:

1.	Għall-finijiet tar-rekwiżiti speċifiċi tal-ittikkettjar stipulati fl-Artikolu 13(1) u l-Artikolu 25(2) tar-Regolament (KE) Nru 1829/2003 u fl-Artikolu 4(6) tar-Regolament (KE) Nru 1830/2003, l-“isem tal-organiżmu” għandu jkun “qamħirrum”.

2.	Il-kelmiet “mhux għall-kultivazzjoni” għandhom jidhru fuq it-tikketta ta’ u fid-dokumenti li jakkumpanjaw il-prodotti li fihom jew li jikkonsistu mill-qamħirrum DAS-Ø15Ø7-1xDAS-59122-7 li jissemma fl-Artikolu 2(b) u (c) ta’ din id-Deċiżjoni.

(d)   Metodu għad-ditezzjoni:

—	Metodi kwantitattivi fil-ħin reali relatati mal-avveniment li jissejsu fuq il-metodi PCR għall-qamħirrum modifikat ġenetikament DAS-Ø15Ø7 u l-qamħirrum DAS-59122-7 validat fuq il-qamħirrum DAS-Ø15Ø7-1xDAS-59122-7;

—	Ivvalidat mil-laboratorju referenzjarju Komunitarju stabbilit skont ir-Regolament (KE) Nru 1829/2003, ippubblikat f’ http://gmo-crl.jrc.ec.europa.eu/statusofdoss.htm

—	Il-Materjal ta’ Referenza: ERM®-BF418 (għal DAS-Ø15Ø7) u ERM®-BF424 (għal DAS-59122-7) aċċessibbli permezz taċ-Ċentru Konġunt tar-Riċerka (JRC) tal-Kummissjoni Ewropea, l-Istitut għall-Materjali u l-Kejl ta’ Referenza (IRMM) f’https://irmm.jrc.ec.europa.eu/rmcatalogue

(e)   L-identifikatur uniku:

DAS-Ø15Ø7-1xDAS-59122-7.

(f)   Tagħrif meħtieġ skont l-Anness II tal-Protokoll ta’ Cartagena dwar il-Bijosigurtà għall-Konvenzjoni dwar id-Diversità Bijoloġika:

Clearing House tal-Bijosigurtà, Rekord ID: ara [għandha timetla meta jiġi avżat]

(g)   Kundizzjonijiet jew restrizzjonijiet rigward it-tqegħid fis-suq, l-użu jew l-immaniġġjar tal-prodotti:

Mhux meħtieġa.

(h)   Il-pjan ta’ monitoraġġ

Il-pjan ta’ monitoraġġ għall-effetti ambjentali konformi mal-Anness VII tad-Direttiva 2001/18/KE.

[Link: plan published on the Internet]

(i)   Ir-rekwiżiti tal-monitoraġġ wara t-tqegħid fis-suq għall-użu tal-ikel għall-konsum mill-bniedem

Mhux meħtieġa.

Nota : il-links għal dokumenti rilevanti jista’ jkollhom bżonn jiġu emendati minn żmien għall-ieħor. Dawk il-modifiki jkunu disponibbli għall-pubbliku permezz tal-aġġornament tar-reġistru Komunitarju tal-ikel u l-għalf modifikati ġenetikament.

“Ara paġna 5 ta’ dan il-Ġurnal Uffiċjali”.

“Ara paġna 1 ta’ dan il-Ġurnal Uffiċjali”.