ANNESS 1

IS-SISTEMA TAL-KOORDINATI CIE

Figura 1

Figura 2

ANNESS 2

KOMUNIKAZZJONI

(Format massimu: A4 (210 × 297 mm))

ANNESS 3

L-ARRANĠAMENT TAL-MARKA TAL-APPROVAZZJONI

Nota: In-numru tal-approvazzjoni u s-simbolu addizzjonali jridu jitqiegħed qrib iċ-ċirku u jew ‘il fuq jew ‘l isfel mill-ittra “E” jew fuq ix-xellug jew fuq il-lemin ta’ dik l-ittra. In-numri tan-numru tal-approvazzjoni jridu jkunu fuq l-istess naħa tal-ittra “E” u jridu jiffaċċjaw l-istess direzzjoni. In-numru tal-approvazzjoni u s-simbolu addizzjonali jridu jitqiegħdu dijametrikament faċċata ta’ xulxin. L-użu tan-numri Rumani bħala numri tal-approvazzjoni għandu jiġi evitat sabiex tkun ipprevenuta kwalunkwe konfużjoni ma’simboli oħra.

ANNESS 4

IL-PROĊEDURA TAT-TEST

IL-KAMPJUNI TAT-TEST

ANNESS 5

L-ISPEĊIFIKAZZJONIJIET TAL-FORMA U TAD-DIMENSJONIJIET

IL-FORMA U D-DIMENSJONIJIET TAL-PJANĊI TAL-IMMARKAR FUQ WARA TAL-SMVs RETRO-RIFLETTIVI/FLUWOREXXENTI (IL-KLASSI 1) JEW RETRO-RIFLETTIVI BISS (IL-KLASSI 2)

1.   Il-forma

Il-pjanċi għandhom ikunu fil-forma ta’ trijangolu ekwilaterali b’irkejjen bla ponta, għall-immontar b’quċċata ‘l fuq fuq wara tal-vetturi li jimxu bil-mod.

2.   Id-disinn

Il-pjanċi tal-immarkar fuq wara tal-SMVs għandu jkollhom ċentru fluworexxenti aħmar u borduri retro-riflettivi ħomor magħmula jew minn folji retro-riflettivi jew minn kisi retro-riflettiv jew minn rifletturi tal-plastik bl-irkejjen f’forma ta’ kubu (il-klassi 1). Il-pjanċi tal-immarkar fuq wara tal-SMVs tal-klassi 2 għandu jkollhom ċentru retro-riflettiv.

3.   Id-dimensjonijiet

It-tul tal-bażi tat-trijangolu magħluq fluworexxenti (il-klassi 1) jew tat-trijangolu magħluq retro-riflettiv (il-klassi 2) għandu jkun: minimu ta’ 350 mm u massimu ta’ 365 mm. Il-wisa’ minima tas-superfiċje li titfa’ d-dawl tal-bordura ħamra retro-riflettiva għandha tkun ta’ 45 mm, b’wisa’ massima ta’ 48 mm. Dawn il-karatteristiċi jintwerew fl-eżempju tal-Anness 12.

ANNESS 6

L-ISPEĊIFIKAZZJONIJIET KOLORIMETRIĊI

1.   Il-pjanċi tal-immarkar fuq wara tal-SMVs għall-vetturi li jimxu bil-mod u għat-trejlers tagħhom għandhom ikunu magħmula jew minn materjali jew apparati retro-riflettivi ħomor u fluworexxenti ħomor (il-klassi 1) jew minn materjali jew apparati retro-riflettivi ħomor biss (il-klassi 2).

2.   Il-materjali jew l-apparati retro-riflettivi ħomor

2.1.   Meta mkejjel bi spettrofotometru skont id-dispożizzjonijiet tad-dokument CIE Nru 15 (1971) u mdawwal b’Mezz ta’ illuminazzjoni Standard CIE D65 b’angolu ta’ 45° għall-perpendikulari u li wieħed jarah tul il-perpendikulari (ġeometrija 45/0), il-kulur tal-materjal ġdid għandu jkun jinsab fi ħdan il-limiti skont il-paragrafu 2.3.1 tar-Regolament Nru 48.

Tabella 1

2.2.   Meta mdawwal mill-Mezz ta’ Illuminazzjoni Standard CIE A f’angolu ta’ dħul ta’ β1 = β2 = 0° jew, jekk dan jipproduċi rifless ta’ fuq superfiċje bla kulur, angolu ta’ β1 = ± 5°, β2 = 0°, u mkejjel f’angolu ta’ osservazzjoni ta’ 20’, il-kulur tal-materjal ġdid għandu jkun jinsab fi ħdan il-limiti skont il-paragrafu 2.30 tar-Regolament Nru 48.

Tabella 2

Nota: Il-kwistjoni tal-kuluri bil-lejl tal-materjali retro-riflettivi bħalissa qed tiġi studjata mis-CIE TC 1.6; il-limiti ta’ aktar ‘il fuq għalhekk huma biss provviżorji u se jiġu riveduti aktar tard wara li s-CIE TC 1.6 jkun lesta xogħlu.

3.   Il-materjal fluworexxenti aħmar

3.1.   Meta mkejjel bi spettrofotometru skont id-dispożizzjonijiet tad-dokument CIE Nru 15 (1971) u mdawwal polikromatikament bil-Mezz ta’ Illuminazzjoni Standard CIE D65 b’angolu ta’ 45° għall-perpendikulari u meta wieħed jarah tul il-perpendikulari (ġeometrija 45/0), il-kulur tal-materjal ġdid għandu jkun jinsab fi ħdan il-limiti skont il-paragrafu 2.32 tar-Regolament Nru 48.

Tabella 3

4.   Il-konformità mal-ispeċifikazzjonijiet kolorimetriċi għandha tiġi vverifikata b’test ta’ paragun viżiv.

Jekk jibqa’ kwalunkwe dubju wara dan it-test, il-koformità mal-ispeċifikazzjoni kolorimetrika għandha tiġi vverifikata billi jiġu ddeterminati l-koordinati trikromatiċi tal-kampjun l-aktar dubjuż.

ANNESS 7

L-ISPEĊIFIKAZZJONIJIET FOTMETRIĊI

IL-PROPRJETAJIET FOTOMETRIĊI

ANNESS 8

IR-REŻISTENZA GĦALL-AĠENTI ESTERNI

1.   IR-REŻISTENZA GĦALL-AZZJONI TAT-TEMP

1.1.   Il-proċedura – Għal kull test, jittieħdu żewġ kampjuni ta’ unità ta’ kampjun (ara l-paragrafu 2.1.2 ta’ dan ir-Regolament). Kampjun wieħed għandu jinżamm f’kontenitur skur u xott biex jintuża aktar tard bħala “kampjun mhux espost ta’ referenza”.

It-tieni kampjun għandu kun soġġett għal sors ta’ illuminazzjoni skont it-Taqsima 4.3.1 tal-Istandard ISO 105-B02-1978; il-materjal retro-riflettiv għandu jkun espost sakemm l-istandard blù Nru 7 jkun intefa għal Nru 4 fuq l-iskala griża u l-materjal fluworexxenti għandu jkun espost sakemm l-istandard blù Nru 5 jkun intefa’ għal Nru 4 fuq l-iskala griża.

Wara t-test, il-kampjun għandu jinħasel f’soluzzjoni deterġenti dilwita u newtrali, jitnixxef u jiġi eżaminat għal konformità mar-rekwiżiti speċifikati fil-paragrafi 1.2 sa 1.4.

1.2.   Id-dehra viżiva – L-ebda erja tal-kampjun espost ma għandha turi kwalunkwe evidenza ta’ xquq, issiġillar, ħofor, bżieżaq, delamination, tgħawwiġ, ġibs, tbajja’ jew korrużjoni.

Ma għandu jkun hemm l-ebda taqsir bix-xrib ta’ aktar minn 0,5 fil-mija fi kwalunkwe direzzjoni lineari u l-ebda evidenza ta’ nuqqas ta’ adeżjoni bħat-tlugħ tat-truf mis-sottostrat.

1.3.   Kemm jintefa’ l-kulur – Il-kuluri tal-kampjun espost għandhom xorta jissodisfaw ir-rekwiżiti speċifikati fl-Anness 6.

1.4.   L-effett tal-koeffiċjent tal-intensità mudwala tal-materjal retro-riflettiv.

2.   IR-REŻISTENZA GĦALL-KORRUŻJONI (l-Istandard ISO 3768)

2.1.   Kampjun tal-unità ta’ kampjun għandu jkun soġġett għall-azzjoni ta’ raxx likwidu mielaħ irqiq għal 48 siegħa li tinkludi żewġ perjodi ta’ espożizzjoni ta’ 24 siegħa kull wieħed, isseparati b’intervall ta’ sagħtejn li matulu l-kampjun jitħalla jinxef.

Ir-raxx likwidu mielaħ irqiq għandu jiġi prodott permezz ta’ atomizzazzjoni f’temperatura ta’ 35 + 2 °C minn soluzzjoni mielħa miksuba billi jinħallu ħames partijiet skont il-piż ta’ klorur tas-sodju f’95 parti ta’ ilma distillat li fih mhux aktar minn 0,02 fil-mija ta’ impuritajiet.

2.2.   Immedjatament wara li jiġi kkompletat it-test, il-kampjun ma għandu juri l-ebda sinjal ta’ korrużjoni li tista’ tfixkel l-effiċjenza tal-apparat.

3.   IR-REŻISTENZA GĦALL-FJUWILS

Taqsima minn unità ta’ kampjun b’tul ta’ mhux inqas minn 300 mm għandha tiġi mgħaddsa f’taħlita ta’ n-heptane u ta’ toluol, ta’ 70 fil-mija u 30 fil-mija skont il-volum, għal minuta.

Wara t-tneħħija, is-superfiċje għandha tiġi xxutata b’biċċa ratba u ma għandha turi l-ebda bidla viżibbli li għandha tnaqqas ir-rendiment effettiv tagħha.

4.   IS-SAĦĦA TAL-IRBIT (fil-każ tal-materjali adeżivi)

4.1.   L-aderenza tal-materjali retro-riflettivi għandha tiġi ddeterminata wara 24 siegħa ta’ stennija bl-użu ta’ tqaxxira ta’ 90 grad fuq magna li tittestja s-saħħa ta’ tiġbid.

4.2.   Għandha tiġi ddeterminata l-adeżjoni tal-materjali retro-riflettivi u fluworexxenti laminati jew miksija.

4.3.   Il-materjali miksija, ta’ liema tip huma, ma għandhomx ikunu jistgħu jitneħħew mingħajr għodod jew mingħajr ma ssir ħsara lill-materjal.

4.4.   Il-materjali laminati (plastik adeżiv) għandhom jeħtieġu forza ta’ mill-inqas 10 N għal kull wisa’ ta’ 25 mm b’veloċità ta’ 300 mm fil-minuta, biex jitneħħew mis-sottostrat.

5.   IR-REŻISTENZA GĦALL-ILMA

Taqsima ta’ unità ta’ kampjun twila mhux inqas minn 300 mm għandha tkun mgħaddsa fl-ilma distillat f’temperatura ta’ 23 + 5 °C għal perjodu ta’ 18-il siegħa; imbagħad għandha titħalla tinxef għal 24 siegħa f’kundizzjonijiet normali tal-laboratorju.

It-taqsima għandha tiġi eżaminata, wara li t-test ikun tlesta. L-ebda parti fi ħdan 10 mm mit-tarf maqtugħ ma għandha turi evidenza tad-deterjorament li għandu jnaqqas l-effikaċja tal-pjanċa.

6.   IR-REŻISTENZA GĦALL-IMPATT (ħlief għar-rifletturi tal-plastik b’irkejjen f’forma ta’ kubu)

Meta ballun solidu tal-azzar b’dijametru ta’ 25 mm jitwaqqa’ minn għoli ta’ 2 m għal fuq is-superfiċji retro-riflettivi u għal fuq is-superfiċji fluworexxenti ta’ pjanċa appoġġjata, f’temperatura tal-ambjent ta’ 23 ± 2 °C, il-materjali ma għandhom juru l-ebda xaqq jew separazzjoni mis-sottostrat f’distanza ta’ aktar minn 5 mm mill-erja tal-impatt.

7.   REŻISTENZA GĦAT-TINDIF

7.1.   Tindif bl-idejn

7.2.   Ħasil bil-pressa

ANNESS 9

IR-REŻISTENZA GĦAS-SĦANA

ANNESS 10

IR-RIĠIDITÀ TAL-PJANĊI

Il-pjanċa trijangolari għandha tinżamm sew fuq wieħed mill-ġnub twal tagħha, bil-klamps tal-apparat li jżomm li ma jidħolx fi spazju ta’ aktar minn 20 mm. Għandha tiġi applikata forza ta’ 10 N perpendikulari għall-pjanċa lill-quċċata opposta.

Il-quċċata mbagħad ma għandhiex tiċċaqlaq fid-direzzjoni tal-forza b’aktar minn 40 mm.

Wara li titneħħa l-forza, il-pjanċa għandha tirritorna b’mod viżibbli għall-pożizzjoni inizjali tagħha. Il-liwja residwali ma għandhiex tkun ta’ aktar minn 5 mm.

ANNESS 11

L-istabbiltà maż-żmien tal-proprjetajiet ottiċi  (1) tal-pjanċi tal-immarkar fuq wara

(1)  Minkejja l-importanza tat-testijiet biex tkun ikkontrollata l-istabbiltà maż-żmien tal-proprjetajiet ottiċi tal-pjanċi tal-immarkar fuq wara, fl-istat attwali tas-sitwazzjoni għadu mhux possibbli li tiġi vvalutata din l-istabbilità permezz ta’ testijiet tal-laboratorju ta’ tul ta’ żmien limitat.

ANNESS 12

Il-pjanċi tal-immarkar fuq wara għall-vetturi li jimxu bil-mod u għat-trejlers tagħhom

Eżempju

Id-dimensjonijiet kollha huma f’mm

ANNESS 13

Ir-rekwiżiti minimi għall-proċeduri ta’ kontroll tal-konformità tal-produzzjoni

1.   ĠENERALI

1.1.   Għandu jitqies li r-rekwiżiti ta’ konformità ġew sodisfatti minn lat mekkaniku u ġeometriku, jekk id-differenzi ma jaqbżux id-devjazzjonijiet inevitabbli tal-manifattura fi ħdan ir-rekwiżiti ta’ dan ir-Regolament.

1.2.   Rigward ir-rendimenti fotometriċi, il-konformità tal-pjanċi tal-immarkar fuq wara prodotti bil-massa ma għandhiex tkun ikkontestata jekk, meta jiġu ttestjati r-rendimenti fotometriċi ta’ kwalunkwe pjanċa tal-immarkar fuq wara magħżula bl-addoċċ, l-ebda valur imkejjel ma jiddevja b’mod sfavorevoli b’aktar minn 20 fil-mija mill-valuri provduti f’dan ir-Regolament.

1.3.   Għandu jkun hemm konformità mal-koordinati tal-kromatiċità.

2.   IR-REKWIŻITI MINIMI GĦALL-VERIFIKA TAL-KONFORMITÀ MILL- MANIFATTUR

Għal kull tip ta’ pjanċa tal-immarkar fuq wara, id-detentur tal-marka tal-approvazzjoni għandu jwettaq għall-inqas it-testijiet li ġejjin, f’intervalli xierqa. It-testijiet għandhom jitwettqu skont id-dispożizzjonijiet ta’ dan ir-Regolament.

Jekk kwalunkwe teħid ta’ kampjuni juri nuqqas ta’ konformità rigward it-tip ta’ test ikkonċernat, għandhom jittieħdu u għandhom jiġu ttestjati aktar kampjuni. Il-manifattur għandu jieħu passi biex jiżgura ruħu mill-konformità tal-produzzjoni konċernata.

2.1.   In-natura tat-testijiet

It-testijiet ta’ konformità f’dan ir-Regolament għandhom ikopru l-karatteristiċi fotometriċi u kolorimetriċi u t-test għar-reżistenza tat-temp ta’ dawn il-karatteristiċi.

2.2.   Il-metodi li jintużaw fit-testijiet

2.3.   In-natura tat-teħid ta’ kampjuni

Il-kampjuni tal-pjanċi tal-immarkar fuq wara għandhom jintgħażlu bl-addoċċ mill-produzzjoni ta’ grupp uniformi. Grupp uniformi tfisser sett ta’ pjanċi tal-immarkar fuq wara tal-istess tip, iddefinit skont il-metodi ta’ produzzjoni tal-manifattur.

B’mod ġenerali, il-valutazzjoni għandha tkopri produzzjoni f’serje minn fabbriki ndividwali. Madanakollu, manifattur jista’ jiggruppa flimkien reġistri li jikkonċernaw l-istess tip minn diversi fabbriki, sakemm dawn jaħdmu skont l-istess sistema ta’ kwalità u skont l-istess ġestjoni ta’ kwalità.

2.4.   Il-karatteristiċi fotometriċi mkejla u rreġistrati

Il-pjanċa tal-immarkar fuq wara għandha tkun soġġetta għal qisien fotometriċi għal valuri minimi fil-punti u fil-koordinati tal-kromatiċità provduti f’dan ir-Regolament.

2.5.   Il-kriterji li jirregolaw l-aċċettabilità

Il-manifattur huwa responsabbli mit-twettiq ta’ studju statistiku fuq ir-riżultati tat- testijiet u biex ikunu ddefiniti, fi ftehim mal-Awtorità Kompetenti, il-kriterji li jirregolaw l-aċċettabilità tal-prodotti tiegħu sabiex jiġu sodisfatti l-ispeċifikazzjonijiet stabbiliti għall-verifika tal-konformità tal-prodotti fil-paragrafu 9.1 ta’ dan ir-Regolament.

Il-kriterji li jirregolaw l-aċċettabilità għandhom ikunu tali li, b’livell ta’ fiduċja ta’ 95 fil-mija, il-probabbiltà minima li jgħaddu minn kontroll fil-post skont l-Anness 14 (l-ewwel teħid ta’ kampjuni) għandha tkun ta’ 0,95.

ANNESS 14

IR-REKWIŻITI MINIMI GĦAT-TEĦID TA’ KAMPJUNI MINN SPETTUR

1.   ĠENERALI

1.1.   Għandu jitqies li r-rekwiżiti ta’ konformità ġew sodisfatti minn lat mekkaniku u ġeometriku, skont ir-rekwiżiti ta’ dan ir-Regolament, jekk hemm, jekk id-differenzi ma jaqbżux id-devjazzjonijiet inevitabbli tal-manifattura

1.2.   Rigward ir-rendiment fotometriku, il-konformità tal-pjanċi tal-immarkar fuq wara prodotti bil-massa ma għandhiex tkun ikkontestata jekk, meta jiġu ttestjati r-rendimenti fotometriċi ta’ kwalunkwe pjanċa tal-immarkar fuq wara magħżula bl-addoċċ:

1.3.   Għandu jkun hemm konformità mal-koordinati tal-kromatiċità.

2.   L-EWWEL TEĦID TA’ KAMPJUNI

Fl-ewwel teħid ta’ kampjuni, l-erba’ pjanċi tal-immarkar fuq wara jintgħażlu bl-addoċċ. L-ewwel kampjun ta’ tnejn huwa mmarkat A, it-tieni kampjun ta’ tnejn huwa mmarkat B.

2.1.   Il-konformità mhix ikkontestata

2.2.   Il-konformità hija kkontestata

2.3.   Approvazzjoni revokata

Il-konformità tiġi kkontestata u l-paragrafu 10 jiġi applikat jekk, wara li tiġi applikata l-proċedura ta’ kkampjunar tal-Figura 1 ta’ dan l-anness, id-devjazzjonijiet tal-valuri mkejla tal-pjanċi tal-immarkar fuq wara huma:

3.   TEĦID TA’ KAMPJUNI RIPETUT

Fil-każijiet ta’ A3, B2, B3 huwa meħtieġ teħid ta’ kampjuni ripetut, it-tielet kampjun C ta’ żewġ pjanċi tal-immarkar fuq wara u r-raba’ kampjun D ta’ żewġ pjanċi tal-immarkar fuq wara, magħżula minn stokk immanifatturat wara li jsir l-allinjament, fi żmien xahrejn wara n-notifika.

3.1.   Il-konformità mhix ikkontestata

3.2.   Il-konformità hija kkuntestata

3.3.   Approvazzjoni revokata

Il-konformità tiġi kkontestata u l-paragrafu 10 jiġi applikat jekk, wara l-proċedura ta’ teħid ta’ kampjuni skont il-Figura 1 ta’ dan l-anness, id-devjazzjonijiet tal-valuri mkejla tal-pjanċi ta’ immarkar fuq wara huma:

4.   IT-TESTIJIET TA’ REŻISTENZA

Il-kampjuni ta’ waħda mill-pjanċi tal-immarkar fuq wara tal-kampjun A, wara l- proċedura ta’ teħid ta’ kampjuni fil-Figura 1 ta’ dan l-anness, għandhom jiġu ttestjati skont il-proċeduri deskritti fl-Annessi 8 u 9 għal dan ir-Regolament.

Il-pjanċa tal-immarkar fuq wara għandha titqies aċċettabbli jekk għaddiet it-testijiet. Madankollu, jekk it-testijiet fuq il-kampjuni tal-kampjun A ma għaddewx mit-testijiet, iż-żewġ pjanċi tal-immarkar fuq wara tal-kampjun B għandhom jiġu soġġetti għall-istess proċedura u t-tnejn għandhom jgħaddu mit-test.

Figura 1

ANNESS 15

Il-linji gwida għall-installazzjoni tal-pjanċi tal-immarkar fuq wara fuq vetturi li jimxu bil-mod (minħabba l-kostruzzjoni tagħhom) u fuq it-trejlers tagħhom

1.   Huwa rakkomandat li fuq il-vetturi li jimxu bil-mod li, minħabba l-kostruzzjoni tagħhom, ma jistgħux jivvjaġġaw b’veloċità akbar minn 30 km/siegħa, il-Gvernijiet jeħtieġu “Pjanċi tal-immarkar fuq wara għal vetturi li jimxu bil-mod u għat-trejlers tagħhom” li jikkonformaw ma’ dan ir-Regolament u r-rekwiżiti speċifiċi li jirrelataw mal-ambitu tiegħu skont il-linji gwida mogħtija f’dan l-anness.

2.   L-ambitu

Il-fini ewlieni ta’ dawn il-linji gwida huwa li jiġu stabbiliti rekwiżiti għall- installazzjoni, għall-arranġament, għall-pożizzjoni u għall-viżibilità ġeometrika ta’ pjanċi tal-immarkar fuq wara fuq vetturi li jimxu bil-mod u fuq it-trejlers tagħhom li, minħabba l-kostruzzjoni tagħhom, ma jistgħux jivvjaġġaw b’veloċità akbar minn 30 km/siegħa. Iżid il-viżibilità u jippermetti identifikazzjoni faċli ta’ dawn il-vetturi.

3.   In-numru

Għall-inqas waħda.

4.   L-arranġament

Il-pjanċa(i) tal-immarkar fuq wara għandha(hom) tkun(ikunu) approvata(i) għat-tip u tissodisfa(jissodisfaw) ir-rekwiżiti ta’ dan ir-Regolament.

Il-quċċata ta’ pjanċa tal-immarkar fuq wara għandha tkun diretta ‘l fuq.

Kull parti ta’ pjanċa tal-immarkar fuq wara għandha tkun fi ħdan 5° minn pjan vertikali trasversali f’angolu ta’ 90° għall-assi lonġitudinali tal-vettura u għandha tiffaċċja lura.

5.   Il-pożizzjoni

6.   Il-viżibilità ġeometrika

ANNESS 1

ANNESS 2

ARRANĠAMENTI TAL-MARKI TAL-APPROVAZZJONI

MUDELL A

(ara l-paragrafu 4.4 ta’ dan ir-Regolament)

MUDELL B

(ara l-paragrafu 4.5. ta’ dan ir-Regolament)

(1)  In-numru tal-aħħar qed jingħata biss bħala eżempju.

ANNESS 1

KOMMUNIKAZZJONI

(Format massimu: A4 (210 × 297 mm))

ANNESS 2

ARRANĠAMENTI TAL-MARKI TAL-APPROVAZZJONI

(ara l-paragrafi 4.4. sa 4.4.2 ta' dan ir-Regolament)

ANNESS 3

Il-proċedura biex jiġi ddeterminat il-punt “H” u l-angolu reali tat-torso f'pożizzjonijiet bilqiegħda fil-vetturi bil-mutur

1.   L-GĦAN

1.1.   Il-proċedura deskritta f'dan l-anness tintuża biex ikun stabbilit fejn jinsab il-punt “H” u l-angolu reali tat-torso għal pożżizjoni waħda, jew aktar pożizzjonijiet, ta' bilqiegħda f'vettura bil-mutur u biex tkun ivverifikata r-relazzjoni tad-dejta mkejla għall-ispeċifikazzjonijiet tad-disinn mogħtija mill-manifattur tal-vettura (1).

2.   DEFINIZZJONIJIET

Għall-għanijiet ta’ dan l-anness.

2.1.    “Id-dejta ta’ referenza” tfisser karatteristika waħda jew diversi karatteristiċi minn dawn li ġejjin ta’ pożizzjoni bil-qiegħda:

2.2.    “Il-magna tridimensjonali tal-punt ‘H’ ” (magna 3-D “H”) tfisser l-apparat użat għad-determinazzjoni tal-punti “H” u tal-angoli reali tat-torso. Dan l-apparat huwa deskritt fl-Appendiċi 1 għal dan l-anness.

2.3.   Il-punt “H” tfisser iċ-ċentru tal-pern tat-torso u tal-koxxa tal-magna 3-D H installata fis-sit tal-vettura skont il-paragrafu 4 ta’ hawn taħt. Il-punt “H” jinstab fiċ-ċentru tal-linja ċentrali tal-apparat li hi bejn il-buttuni tal-viżjoni tal-punt “H” fuq kull naħa tal-magna 3-D H. Il-punt “H” jikkorrispondi teoretikament għall-punt “R” (għat-tolleranzi, ara l-paragrafu 3.2.2 isfel). Ladarba jkun iddeterminat skont il-proċedura deskritta fil-paragrafu 4, il-punt “H” jitqies bħala fiss f’relazzjoni mal-istruttura tal-kuxxin tas-sit u li jiċċaqlaq magħha meta s-sit ikun aġġustat;

2.4.    “Il-punt “R” ” jew “il-punt ta’ referenza ta’ bil-qiegħda” ifissru punt ta’ disinn iddefinit minn manifattur tal-vettura għal kull pożizzjoni bilqiegħda u stabbilit fir-rigward tas-sistema tridimensjonali ta’ referenza;

2.5.    “Il-linja tat-torso” tfisser il-linja ċentrali tas-sonda tal-magna 3-D H meta s-sonda tkun fil-pożizzjoni għalkollox lura;

2.6.    “L-angolu reali tat-torso” tfisser l-angolu mkejjel bejn linja vertikali mil-punt “H” u l-linja tat-torso bl-użu tal-angolu ta’ wara tal-kwadrant fil-magna 3-D H. L-angolu reali tat-torso jikkorrispondi teoretikament mal-angolu tat-torso ddisinjat (għat-tolleranzi ara l-paragrafu 3.2.2. hawn taħt).

2.7.    “L-angolu tat-torso skont id-disinn” tfisser il-qisien tal-angolu bejn linja vertikali li tgħaddi mill-punt “R” u l-linja tat-torso f'pożizzjoni li tikkorrispondi mal-pożizzjoni skont id-disinn tad-dahar tas-sit stabbilit mill-manifattur tal-vettura.

2.8.    “Il-pjan ċentrali tal-okkupant” (CPO) tfisser il-pjan medjan tal-magna 3-D H imqiegħed f'kull pożizzjoni ta' bilqiegħda indikata; huwa rrappreżentat mill-koordinat tal-punt“H” fuq l-assi Y. Għas-sits individwali, il-pjan ċentrali tas-sit jikkoinċida mal-pjan ċentrali tal-okkupant. Għas-sits l-oħra, il-pjan ċentrali tal-okkupant ikun speċifikat mill-manifattur.

2.9.    “Sistema ta' referenza tridimenzjonali” tfisser sistema kif inhi deskritta fl-Appendiċi 2 ta' dan l-anness.

2.10.    “Marki ta' riferiment” huma punti fiżiċi (toqob, uċuh, marki jew marki forma ta' sinniet) fuq il-bodi tal-vettura ddefiniti mill-manifattur.

2.11.    “Attitudni ta' qisien tal-vettura” tfisser il-pożizzjoni tal-vettura ddefinita mill-koordinati tal-marki ta' riferiment fis-sistema ta' referenza tridimensjonali.

3.   ĦTIĠIET

3.1.   It-tressiq tad-dejta

Għal kull pożizzjoni bilqiegħda fejn hija meħtieġa d-dejta ta' referenza biex turi konformità mad-dispożizzjonijiet ta' dan ir-Regolament, id-dejta kollha li ġejja, jew selezzjoni xierqa minnha għandha titressaq fil-formola indikata fl-Appendiċi 3 ta' dan l-anness:

3.2.   Ir-relazzjoni bejn id-dejta mkejla u l-ispeċifikazzjonijiet tad-disinn

3.2.1.   Il-koordinati tal-punt “H” u l-valur tal-angolu reali tat-torso miksub permezz tal-proċedura stipulata fil-paragrafu 4 hawn taħt għandhom jiġu mqabbla, rispettivament, mal-koordinati tal-punt “R” u l-valur tal-angolu tat-torso fid-disinn indikat mill-manifattur tal-vettura.

3.2.2.   Il-pożizzjonijiet relattivi tal-punt “R” u l-punt “H” u r-relazzjoni bejn l-angolu tat-torso ddiżenjat u l-angolu reali tat-torso jkunu meqjusa aċċettabbli għall-pożizzjoni bilqiegħda kkonċernata jekk il-punt “H”, kif definit mill-koordinati tiegħu, ikun fi kwadru li l-ġnub tiegħu jkunu twal 50 mm u d-djagunali tagħhom jissallbu fil-punt “R”, u jekk id-differenza bejn l-angolu reali tat-torso u l-angolu ddiżinjat tat-torso hija ta' bejn 5o u inqas.

3.2.3.   Jekk dawn il-kundizzjonijiet ikunu sodisfatti, il-punt “R” u l-angolu ddiżinjat tat-torso għandhom jintużaw biex juru l-konformità mad-dispożizzjonijiet ta' dan ir-Regolament;

3.2.4.   Jekk il-punt “H” jew l-angolu reali tat-torso ma jissodisfawx il-ħtiġiet tal-punt 3.2.2 ta' hawn fuq, il-punt “H” u l-angolu reali tat-torso għandhom jitkejlu darbtejn oħra (tliet darbiet b'kollox). Jekk ir-riżultati ta' tnejn minn dawn it-tliet operazzjonijiet jissodisfaw il-ħtiġijiet, japplikaw il-kundizzjonijiet stipulati fil-paragrafu 3.2.3 ta' hawn fuq;

3.2.5.   Jekk ir-riżultati ta' mill-inqas tnejn minn dawn it-tliet operazzjonijiet deskritti fil-paragrafu 3.2.4 ta' hawn fuq ma jissodisfawx il-ħtiġiet tal-paragrafu 3.2.2, jew jekk ma tistax issir verifika minħabba li l-manifattur tal-vettura ma tax informazzjoni dwar il-punt “R” jew dwar l-angolu ddiżenjat tat-torso, għandhom jintużaw l-punt tat-tislib tat-tliet punti mkejlin jew il-medja tat-tliet angoli mkejlin u jkunu meqjusa li huma applikabbli fil-każijiet kollha fejn jissemma l-punt “R” jew l-angolu ddiżenjat tat-torso f'dan ir-Regolament.

4.   IL-PROĊEDURA GĦAD-DETERMINAZZJONI TAL-PUNT “H” U L-ANGOLU REALI TAT-TORSO

4.1.   Il-vettura għandha tiġi prekondizzjonata, għad-diskrezzjoni tal-manifattur, f'temperatura ta' 20o C + 10o C biex ikun żgurat li l-materjal tas-sit jasal għat-temperatura ambjentali. Jekk ħadd qatt ma poġġa fis-sit li se jiġi kkontrollat, għandha tpoġġi persuna, jew jitpoġġa oġġett li jiżen bejn 70 u 80 kg, darbtejn għal minuta kull darba, biex jilwi l-kuxin u d-dahar. Fuq talba tal-manifattur, il-muntaturi kollha tas-sits għandhom jibqgħu vojta għal perjodu minimu ta' 30 minuta qabel l-installazzjoni tal-magna 3-D H.

4.2.   Il-vettura għandha tkun fil-pożizzjoni ta’ kejl iddefinita fil-paragrafu 2.11 ta’ hawn fuq.

4.3.   Is-sit, jekk ikun jista’ jiġi aġġustat, għandu l-ewwel ikun aġġustat għall-pożizzjoni l-iktar lura ta’ sewqan jew ta’ ġarr, kif indikat mill-manifattur tal-vettura, filwaqt li jitqies biss l-aġġustament lonġitudinali tas-sit, u jkun eskluż il-moviment tas-sit li jintuża għal finijiet oħra li ma jkunux dawk ta’ sewqan jew ta’ ġarr normali. Meta jkunu jeżistu modi oħra ta’ aġġustament tas-sit (vertikali, angolari, tad-dahar tas-sit, eċċ) dawn imbagħad se jkunu aġġustati għall-pożizzjoni speċifikata mill-manifattur tal-vettura. Għas-sits bis-sospensjoni, il-pożizzjoni vertikali għandha tkun iffissata b’mod riġidu b’mod li tikkorrispondi għal pożizzjoni normali ta’ sewqan skont kif ikun speċifikat mill-manifattur.

4.4.   Iż-żona tal-pożizzjoni ta’ bilqiegħda li tkun ħadet il-magna 3-D H għandha tkun miksija bi drapp tal-qoton tal-musulina, ta’ daqs biżżejjed u ta’ tessut adattat, deskritt bħala drapp tal-qoton sempliċi li jkollu 18.9 ħajt għal kull ċm2 u li jiżen 0,228 kg/m2 jew li jkun drapp innitjat jew li ma jkunx minsuġ li jkollu karatteristiċi ekwivalenti.

Jekk it-test isir fuq sit barra mill-vettura, l-art li fuqha jitpoġġa s-sit għandu jkollha l-istess karatteristiċi essenzjali (2) bħall-art tal-vettura li fiha jkun hemm il-ħsieb li jintuża s-sit.

4.5.   Qiegħed is-sit u l-immontar tad-dahar tal-magna 3-D H b’mod u manjiera li l-pjan ċentrali tal-okkupant (CPO) jikkoinċidi mal-pjan ċentrali tal-magna 3-D H. Fuq talba tal-manifattur, il-magna 3-D H tista’ tiġi mċaqilqa ’l ġewwa fejn għandu x’jaqsam s-CPO jekk il-magna 3-D H titqiegħed tant ’il barra li t-tarf tas-sit mhux se jħalli l-livellar tal-magna 3-D H..

4.6.   Waħħal l-immontar tas-sieq u tan-naħa t’isfel tar-riġel mal-immontar tal-qiegħ tas-sit, jew b’mod individwali jew billi tuża t-T-bar u l-immontar tan-naħa t’isfel tar-riġel. Il-linja li tgħaddi mill-buttuni tal-vista tal-punt “H” għandha tkun parallela mal-art u perpendikulari mal-pjan ċentrali lonġitudinali tas-sit.

4.7.   Aġġusta l-pożizzjonijiet tas-sieq u tar-riġel tal-magna 3-D H kif ġej:

4.7.1.   Il-pożizzjoni ta’ bilqiegħda ppjanata: is-sewwieq u passiġġier fuq quddiem u fin-naħa ta’ barra

4.7.2.   Designated seating position: outboard rear seat

Għas-sits ta’ wara jew dawk awżiljarji, is-saqajn jitqiegħdu kif inhu speċifikat mill-manifattur. Jekk is-saqajn imbagħad iserrħu fuq partijiet mill-art li jkunu fuq livelli differenti, l-ewwel sieq li tiġi f’kuntatt mas-sit ta’ quddiem għandha sservi bħala referenza u s-sieq l-oħra għandha tkun irranġata b’mod u manjiera li l-invell li jagħti l-orjentazzjoni trasversali tas-sit tal-apparat jindika l-orizzontali.

4.7.3.   Pożizzjonijiet ta’ bilqiegħda ppjanati oħrajn:

Il-proċedura ġenerali indikata fil-paragrafu 4.7.1 ta’ hawn fuq għandha tkun segwita minbarra dik li s-saqajn għandhom jitqiegħdu skont kif inhu speċifikat mill-manifattur tal-vettura.

4.8.   Applika l-piżijiet tan-naħa t’isfel tar-riġel u tal-koxxa u llivella l-magna 3-D H.

4.9.   Inklina l-qiegħ ta’ wara ’l quddiem mal-waqfa ta’ quddiem u iġbed il-magna 3-D H ’il bogħod mid-dahar tas-sit permezz tat-T-bar. Ippożizzjona mill-ġdid il-magna 3-D H fuq is-sit permezz ta’ wieħed mill-metodi li ġejjin:

4.10.   Applika piż ta’ 100 + 10 N fuq l-immontar tad-dahar u tal-qiegħ tal-magna 3-D H fl-intersezzjoni tal-kwadrant tal-angolu tal-ġenbejn u tal-kisi tat-T-bar. Id-direzzjoni tal-applikazzjoni tal-piż għandha tinżamm tul linja li tgħaddi mill-intersezzjoni li ssemmiet aktar ’il fuq għal punt li jkun eżatt ’il fuq mill-kisi tal-iżbarra tal-koxxa (ara l-figura 2 tal-Appendiċi 1 għal dan l-anness). Imbagħad bil-mod il-mod reġġa’ l-qiegħ ta’ wara għad-dahar tas-sit. Il-bqija tal-proċedura trid issir b’attenzjoni sabiex ikun evitat li l-magna 3-D H tiżżerżaq ’il quddiem..

4.11.   Installa l-piżijiet leminija u xellugin tal-warrani u mbagħad, b’mod alternat, it-tmien piżijiet tat-torso. Żomm il-livell tal-magna 3-D H.

4.12.   Inklina l-qiegħ ta’ wara ’l quddiem biex teħles it-tensjoni minn fuq id-dahar tas-sit. Ċaqlaq il-magna 3-D H minn naħa għall-oħra f’ark ta’ 10o (5o fuq kull naħa tal-pjan ċentrali vertikali) għal tliet ċikli sħaħ biex teħles kwalunkwe frizzjoni li tkun inġemgħet bejn il-magna 3-D H u s-sit.

Waqt l-azzjoni ta’ ċaqliq, it-T-bar tal-magna 3-D H jista’ jkollha t-tendenza li tiżvijja mill-allinjament orizzontali u vertikali speċifikat. Għalhekk it-T-bar trid titrażżan billi jiġi applikat piż laterali adattat waqt iċ-ċaqliq. It-T-bar trid tinżamm b’attenzjoni u l-istess attenzjoni trid tingħata waqt li tkun qed tiċċaqlaq il-magna 3-D H biex ikun żgurat li l-ebda piż esterjuri ma jkun applikat b’mod involontarju f’direzzjoni vertikali jew fuq quddiem u fuq wara.

Is-saqajn tal-magna 3-D H m’għandhomx jitrażżnu jew jinżammu waqt dan il-pass. Jekk is-saqajn ibiddlu l-pożizzjoni, għandhom jitħallew f’dik il-pożizzjoni għal dak il-waqt.

B’attenzjoni reġġa’ l-qiegħ ta’ wara lejn id-dahar tas-sit u kkontrolla li ż-żewġ invelli jkunu fil-pożizzjoni żero. Jekk ikun sar xi ċaqliq tas-saqajn waqt l-operazzjoni taċ-ċaqliq tal-magna 3-D H, iridu jkunu ppożizzjonati mill-ġdid kif ġej:

B’mod alternat, għolli kull sieq mill-art bl-ammont minimu neċessarju sakemm ma jkunx hemm l-ebda moviment addizzjonali tas-saqajn. Waqt li tkun qed tgħolli, is-saqajn għandhom ikunu ħielsa li jduru; m’għandu jiġi applikat l-ebda piż minn quddiem jew mill-ġenb. Meta kull sieq titpoġġa lura fil-pożizzjoni t’isfel, l-għarqub irid ikun f’kuntatt mal-istruttura maħsuba għal dan.

Ikkontrolla li l-invell laterali jkun fil-pożizzjoni żero; jekk ikun meħtieġ, applika piż laterali fil-quċċata tal-qiegħ ta’ wara li jkun biżżejjed biex jillivella l-qiegħ tas-sit tal-magna 3-D H fuq is-sit.

4.13.   Waqt li żżomm it-T-bar biex tevita li l-magna 3-D H tiżżerżaq ’il quddiem fuq il-kuxxin tas-sit, ipproċedi kif ġej:

4.14.   Ħu l-qisien kollha:

4.15.   Jekk tkun mixtieqa ripetizzjoni tal-installazzjoni tal-magna 3-D H, l-immontar tas-sit għandu jitħalla bla piż għal perjodu minimu ta’ 30 minuta qabel ir-repetizzjoni. Il-magna 3-D H m’għandhiex titħalla bil-piż fuq l-immontar tas-sit għal iktar mill-ħin meħtieġ biex jitwettaq it-test..

4.16.   Jekk is-sits fl-istess ringiela jistgħu jitqiesu bħala simili (sit f’forma ta’ bank, sits identiċi, eċċ) għandu jkun iddeterminat punt “H” wieħed biss u “angolu effettiv tat-torso” wieħed biss għal kull ringiela ta’ sits, bil-magna 3-D H, deskritta fl-Appendiċi 1 għal dan l-anness titqiegħed bilqiegħda f’post li jitqies bħala rappreżentattiv għar-ringiela.

Dan il-post għandu jkun:

(1)  Fi kwalunkwe pożizzjoni bilqiegħda ħlief dik tas-sits ta’ quddiem fejn il-punt “H” ma jistax ikun iddeterminat billi tintuża l-“magna tridimensjonali tal-punt H” jew proċeduri oħra, il-punt “R” indikat mill-manifattur jista’ jitqies bħala referenza skont id-diskrezzjoni tal-awtorità kompetenti.

(2)  L-angolu tal-inklinazzjoni, id-differenza fl-għoli bil-muntatura tas-sit, bit-tessuti tas-superfiċje, eċċ.

L-ANNESS 4

Il-metodu biex ikunu ddeterminati r-relazzjonijiet dimensjonali bejn il-marki primarji ta’ referenza tal-vettura u l-gradilja ta’ referenza tridimensjonali

1.   IR-RELAZZJONI BEJN IL-GRADILJA TA’ REFERENZA U L-MARKI PRIMARJI TA’ REFERENZA TAL-VETTURA

Sabiex jiġu vverifikati d-dimensjonijiet speċifiċi fuq jew fi ħdan vettura mressqa għall-approvazzjoni skont dan ir-Regolament, ir-relazzjoni bejn il-koordinati tal-gradilja ta’ referenza tridimensjonali, iddefinita fil-paragrafu 2.3, li kienet stabbilita fl-istadju inizjali tad-disinn tal-vettura, u l-pożizzjonijiet tal-marki primarji ta’ referenza, iddefiniti fil-paragrafu 2.4, iridu jiġu stabbiliti bl-eżatt sabiex il-punti speċifiċi fuq id-disinni tal-manifattur tal-vettura ikunu jistgħu jiġu identifikati fuq vettura reali prodotta minn dawk id-disinni.

2.   IL-METODU BIEX TKUN STABBILITA R-RELAZZJONI TAL-GRADILJA TA’ REFERENZA MAL-MARKI TA’ REFERENZA

Għal dan il-għan, għandu jinbena pjan mal-art ta’ referenza li jkun immarkat bil-kejl X-X u bil-kejl Y-Y. Il-metodu biex jinkiseb dan huwa stabbilit fil-figura 6 tal-appendiċi għal dan l-Anness, bil-pjan ta’ referenza ikun superfiċje iebsa, ċatta u livell li fuqha tinsab il-vettura, li għandu żewġ skali ta’ kejl li huma mqabbda sew mas-superfiċje tiegħu; dawn għandhom ikunu ggradwati f’millimetri, bl-iskala X-X tkun twila mhux inqas minn tmien metri u l-iskala Y-Y tkun twila mhux inqas minn erba’ metri. Iż-żewġ skali ta’ kejl jridu jitqiegħed f’angolu ta’ 900 għal xulxin kif jintwera fil-figura 6 tal-appendiċi għal dan l-Anness. L-intersezzjoni ta’ dawn l-skali ta’ kejl hija l-punt tat-tluq.

3.   L-EŻAMI TAL-PJAN TA’ REFERENZA

Sabiex ikunu provduti varjazzjonijiet minuri fil-livell tal-pjan ta’ referenza jew fl-erja tat-test, se jkun hemm il-ħtieġa li jitkejlu d-devjazzjonijiet mill-punt tat-tluq tul kemm l-iskala X kif ukoll l-iskala Y f’intervalli ta’ 250 mm u li jiġu rreġistrati l-valuri miksuba sabiex ikunu jistgħu jsiru l-korrezzjonijiet meta l-vettura tkun ikkontrollata.

4.   IL-POŻIZZJONI EFFETTIVA TAT-TEST

Sabiex ikun hemm provvediment għal bidliet minuri fl-għoli tas-sospensjoni, eċċ. se jkun hemm il-ħtieġa li jkun hemm disponibbli mezz sabiex il-marki ta’ referenza jinġiebu għall-pożizzjonijiet korretti tal-koordinati b’mod relattiv għall-pożizzjoni tad-disinn qabel ma jittieħdu aktar qjisien. Barra minn hekk, irid ikun possibbli li jsiru aġġustamenti minuri laterali u/jew lonġitudinali tal-pożizzjoni tal-vettura sabiex titqiegħed b’mod preċiż f’relazzjoni mal-gradilja ta’ referenza.

5.   IR-RIŻULTATI

Wara li l-vettura tkun tqiegħdet b’mod korrett relattivament għall-gradilja ta’ referenza u fil-pożizzjoni tad-disinn tagħha, jista’ jiġi ddeterminat aktar malajr fejn jinsabu l-punti li huma meħtieġa sabiex ikunu studjati r-rekwiżiti ta’ viżibilità ’l quddiem.

Il-metodi tat-test sabiex ikunu ddeteriminati dawn ir-rekwiżiti jistgħu jinkludu l-użu ta’ teodoliti, sorsi tad-dawl u tagħmir għad-dellijiet, jew kwalunkwe metodu ieħor, li jista’ jintwera li jagħti riżultati ekwivalenti.