30.7.2010

Il-Ġurnal Uffiċjali tal-Unjoni Ewropea

L 198/1

REGOLAMENT TAL-KUNSILL (UE) Nru 679/2010

tas-26 ta’ Lulju 2010

li jemenda r-Regolament (KE) Nru 479/2009 dwar il-kwalità tad-data tal-istatistika fil-kuntest ta’ proċedura ta’ żbilanċ eċċessiv

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari t-tielet subparagrafu tal-Artikolu 126(14) tiegħu,

Wara li kkunsidra l-proposta mill-Kummissjoni Ewropea,

Wara li kkunsidra l-opinjoni tal-Parlament Ewropew,

Wara li kkunsidra l-opinjoni tal-Bank Ċentrali Ewropew (1),

Billi:

(1)

Il-kredibbiltà tas-sorveljanza baġitarja tiddependi b’mod kruċjali fuq statistiċi baġitarji affidabbli. Huwa ta’ importanza kbira li d-data rrappurtata mill-Istati Membri skont ir-Regolament tal-Kunsill (KE) Nru 479/2009 tal-25 ta’ Mejju 2009 dwar l-applikazzjoni tal-Protokoll dwar il-proċedura ta’ żbilanċ eċċessiv annessa għat-Trattat li jistabbilixxi l-Komunità Ewropea (2) tkun ta’ kwalità u ta’ affidabbiltà għolja.

(2)	Il-qafas ta’ governanza tal-Unjoni Ewropea għall-istatistika fiskali ġie żviluppat aktar u l-istruttura istituzzjonali ġiet aġġornata matul l-aħħar snin, notevolment bil-ħsieb li jitjieb il-monitoraġġ tal-kontijiet tal-gvern mill-Kummissjoni (Eurostat).

(3)

Il-qafas ta’ governanza rivedut għall-istatistika fiskali ġeneralment iffunzjona sew u, b’mod ġenerali, kellu riżultat sodisfaċenti f’termini ta’ rappurtar ta’ data fiskali rilevanti dwar id-dejn u l-iżbilanċ tal-gvern. B’mod partikolari, l-Istati Membri wrew b’mod predominanti rekord b’saħħtu ta’ kooperazzjoni in buona fede u kapaċità operattiva biex jirrappurtaw data fiskali ta’ kwalità għolja.

(4)	Madankollu, żviluppi riċenti wrew ukoll b’mod ċar li l-qafas ta’ governanza attwali għall-istatistika fiskali xorta ma jnaqqasx, sal-punt meħtieġ, ir-riskju ta’ data mhux korretta jew ineżatta li tiġi nnotifikata lill-Kummissjoni.

(5)

B’konnessjoni ma’ dan, u f’ċerti każijiet eċċezzjonali (żjarat metodoloġiċi), il-Kummissjoni (Eurostat) għandu jkollha drittijiet addizzjonali ta’ aċċess għal ambitu mwessa’ ta’ informazzjoni għall-ħtiġijiet ta’ valutazzjoni tal-kwalità tad-data f’konformità sħiħa mar-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea (3) fir-rigward tal-indipendenza professjonali.

(6)

Għalhekk, meta twettaq żjarat metodoloġiċi fi Stat Membru li l-informazzjoni dwar l-istatistika tiegħu tkun taħt skrutinju, il-Kummissjoni (Eurostat) għandha tkun intitolata li jkollha aċċess għall-kontijiet tal-entitajiet tal-gvern f’livelli ċentrali, tal-istat, lokali u tas-sigurtà soċjali, inkluż l-għoti tal-informazzjoni sottostanti ta’ kontabbiltà dettaljata, stħarriġ statistiku rilevanti u kwestjonarji u informazzjoni ulterjuri relatata, li tirrispetta l-leġislazzjoni dwar il-protezzjoni ta’ data kif ukoll kunfidenzjalità statistika.

(7)

Il-kontijiet pubbliċi ta’ unitajiet individwali tal-amministrazzjoni pubblika, kif ukoll unitajiet pubbliċi ikklassifikati barra s-settur tal-amministrazzjoni pubblika, għandhom ikunu l-oġġett ewlieni tal-kontrolli, u l-kontijiet pubbliċi għandhom ikunu vvalutati f’termini tal-użu statistiku tagħhom.

(8)	L-Istati Membri għandhom jiżguraw li l-istituzzjonijiet u l-uffiċjali responsabbli għar-rappurtar tad-data attwali lill-Kummissjoni (Eurostat), u tal-kontijiet sottostanti tal-gvern, jirrespettaw b’mod sħiħ l-obbligi relatati mal-prinċipji tal-istatistika.

(9)	Għaldaqstant, ir-Regolament (KE) Nru 479/2009 għandu jiġi emendat kif meħtieġ,

ADOTTA DAN IR-REGOLAMENT:

Artikolu 1

Emendi għar-Regolament (KE) Nru 479/2009

Ir-Regolament (KE) Nru 479/2009 huwa b’dan emendat kif ġej:

(1)	Għandu jiddaħħal l-Artikolu li ġej: “Artikolu 2a ‘Aċċess’ ifisser li d-dokumenti rilevanti u informazzjoni oħra għandhom jiġu pprovduti meta jintalbu, jew immedjatament jew fil-pront kemm jista’ jkun kif inhu konsistenti maż-żmien meħtieġ biex tinġabar l-informazzjoni mitluba.”

(2)

L-Artikolu 8 huwa sostitwit b’li ġej:

“2. L-Istati Membri għandhom jipprovdu lill-Kummissjoni (Eurostat), fil-pront kemm jista’ jkun, l-informazzjoni dwar l-istatistika rilevanti mitluba għall-ħtiġijiet tal-valutazzjoni tal-kwalità tad-data, mingħajr preġudizzju għad-dispożizzjonijiet tar-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea (*1) fir-rigward tal-kunfidenzjalità statistika.

L-informazzjoni dwar l-istatistika imsemmija fl-ewwel subparagrafu għandha tkun limitata għall-informazzjoni strettament meħtieġa biex tiġi kontrollata l-konformità mar-regoli tal-Awtorità Superviżorja Ewropea (ESA). B’mod partikolari, ‘informazzjoni dwar l-istatistika’ tfisser:

(a)	data minn kontijiet nazzjonali;

(b)	inventarji;

(c)	tabelli ta’ notifika tal-PŻE (proċedura ta’ żbilanċ eċċessiv);

(d)	kwestjonarji u kjarifiki addizzjonali relatati man-notifiki.

Il-format tal-kwestjonarji għandu jiġi ddefinit mill-Kummissjoni (Eurostat) wara konsultazzjoni tal-Kumitat tal-Istatistika Monetarja, Finanzjarja u tal-Bilanċ tal-Ħlasijiet (minn hawn ‘il quddiem imsejjaħ is-CMFB).

(*1) ĠU L 87, 31.3.2009, p. 164.” "

(3)

L-Artikolu 11 huwa sostitwit b’li ġej:

“Artikolu 11

1. Il-Kummissjoni (Eurostat) għandha tiżgura djalogu permanenti mal-awtoritajiet tal-istatistika tal-Istati Membri. Għal dan il-għan, il-Kummissjoni (Eurostat) għandha twettaq fl-Istati Membri kollha żjarat regolari ta’ djalogu, kif ukoll żjarat metodoloġiċi possibbli.

2. Meta torganizza żjarat ta’ djalogu u dawk metodoloġiċi, il-Kummissjoni (Eurostat) għandha tittrasmetti l-konklużjonijiet proviżorji tagħha lill-Istati Membri konċernati għall-kummenti tagħhom.”

(4)

Għandhom jiddaħħlu l-Artikoli li ġejjin:

“Artikolu 11a

Iż-żjarat ta’ djalogu huma intiżi biex jirrevedu d-data attwali rappurtata konformement mal-Artikolu 8, biex jiġu eżaminati kwistjonijiet metodoloġiċi, biex jiġu diskussi proċessi ta’ statistika u sorsi deskritti fl-inventarji, u biex tiġi valutata l-konformità mar-regoli tal-kontabbiltà. Iż-żjarat ta’ djalogu għandhom jintużaw sabiex jiġu identifikati riskji jew problemi potenzjali fir-rigward tal-kwalità tad-data rappurtata.

Artikolu 11b

1. Iż-żjarat metodoloġiċi huma maħsuba sabiex jiġu sorveljati l-proċessi u vverifikati l-kontijiet li jiġġustifikaw id-data rrappurtata u sabiex jitfasslu konklużjonijiet dettaljati dwar il-kwalità tad-data rrappurtata, kif deskritt fl-Artikolu 8(1).

2. Iż-żjarat metodoloġiċi għandhom isiru biss f’każijiet eċċezzjonali fejn riskji jew problemi sinifikanti fir-rigward tal-kwalità tad-data ikunu ġew identifikati b’mod ċar.

3. Għall-finijiet ta’ dan ir-Regolament, jista’ jitqies li hemm riskji sinifikanti jew problemi bil-kwalità tad-data notifikata minn Stat Membru f’każijiet bħal:

(a)	ikun hemm reviżjonijiet frekwenti u mdaqqsa tal-iżbilanċ jew id-dejn li mhumiex spjegati b’mod ċar jew adatt;

(b)

l-Istat Membru kkonċernat ma jkunx qed jibgħat lill-Kummissjoni (Eurostat) l-informazzjoni dwar l-istatistika kollha mitluba fil-kuntest taċ-ċikli għal kjarifiki tan-Notifika dwar l-EDP jew bħala konsegwenza ta’ żjara ta’ djalogu, fil-perijodu maqbul bejniethom u ma jkunx spjega b’mod ċar jew adatt ir-raġuni għad-dewmien jew in-nuqqas ta’ rispons;

(c)	l-Istat Membru kkonċernat jibdel, unilateralment u mingħajr spjegazzjoni ċara, is-sorsi u l-metodi għall-istima tal-iżbilanċ u d-djun tal-amministrazzjoni pubblika stabbilit fl-Inventarju b’effett materjali fuq l-estimi;

(d)

ikun hemm kwistjonijiet metodoloġiċi pendenti li x’aktarx ikollhom effett materjali fuq l-istatistika tad-dejn jew tal-iżbilanċ li ma jkunux issolvew bejn l-Istati Membri u l-Kummissjoni (Eurostat) li jirriżultaw miċ-ċikli għal kjarifiki jew iż-żjarat ta’ djalogu preċedenti, li jwasslu għal riżervi mill-Kummissjoni (Eurostat) f’żewġ notifiki sussegwenti dwar l-EDP;

(e)	ikun hemm aġġustamenti għall-fluss tal-istokk persistenti u eċċezzjonalment għoljin li ma jkunux spjegati b’mod ċar.

4. Waqt li tieħu kont prinċipalment tal-kriterji msemmijin fil-paragrafu 3, il-Kummissjoni (Eurostat), wara li tinforma lis-CMFB, għandha tiddeċiedi twettaq żjara metodoloġika.

5. Il-Kummissjoni għandha tipprovdi lill-Kumitat Ekonomiku u Finanzjarju bl-informazzjoni sħiħa dwar ir-raġunijiet li wasslu għaż-żjarat metodoloġiċi.”

(5)

L-Artikolu 12(1) u (2) huma sostitwiti b’li ġej:

“1. L-Istati Membri huma mistennija jipprovdu, fuq it-talba tal-Kummissjoni (Eurostat), u fuq bażi volontarja, l-assistenza ta’ esperti fil-kontabbiltà nazzjonali, inkluż għat-tħejjija u t-twettiq taż-żjarat metodoloġiċi. Fl-eżerċizzju tal-kompiti tagħhom, dawn l-esperti għandhom jipprovdu għarfien espert indipendenti. Għandha tkun kostitwita lista ta’ dawn l-esperti tal-kontabbiltà nazzjonali abbażi ta’ proposti mibgħuta lill-Kummissjoni (Eurostat) mill-awtoritajiet nazzjonali responsabbli għar-rappurtar tal-iżbilanċ eċċessiv.

Il-Kummissjoni għandha tistabbilixxi r-regoli u l-proċeduri relatati mal-għażla tal-esperti, b’kont meħud ta’ distribuzzjoni adegwata ta’ esperti fl-Istati Membri kollha u rotazzjoni adegwata ta’ esperti bejn l-Istati Membri, l-arranġamenti ta’ ħidma tagħhom u d-dettalji finanzjarji. Il-Kummissjoni għandha tikkondividi mal-Istati Membri l-ispiża sħiħa li saret mill-Istati Membri għall-assistenza tal-esperti nazzjonali tagħhom.

2. Fil-qafas taż-żjarat metodoloġiċi, il-Kummissjoni (Eurostat) għandu jkollha d-dritt ta’ aċċess għall-kontijiet tal-entitajiet kollha tal-gvern f’livelli ċentrali, tal-istat, lokali u tas-sigurtà soċjali, inkluż l-għoti ta’ informazzjoni sottostanti dettaljata eżistenti ta’ kontabbiltà u dik baġitarja.

F’dan il-kuntest, informazzjoni ta’ kontabbiltà u dik baġitarja tinkludi:

—	transazzjonijiet u karti tal-bilanċ

—	stħarriġ statistiku rilevanti u kwestjonarji tal-amministrazzjoni pubblika u informazzjoni ulterjuri relatata, bħal dokumenti analitiċi

—	informazzjoni mill-awtoritajiet rilevanti nazzjonali, reġjonali u lokali dwar l-eżekuzzjoni tal-baġit tas-sottosetturi kollha tal-amministrazzjoni pubblika

—	il-kontijiet ta’ korpi extra-baġitarji, korporazzjonijiet u istituzzjonijiet mhux ta’ profitt u korpi simili oħrajn li huma parti mis-settur tal-amministrazzjoni pubblika fil-kontijiet nazzjonali

—	il-kontijiet tal-fondi tas-sigurtà soċjali.

L-Istati Membri għandhom jieħdu l-miżuri kollha meħtieġa sabiex jiffaċilitaw iż-żjarat metodoloġiċi. Dawn iż-żjarat jistgħu jitwettqu fl-awtoritajiet nazzjonali involuti fir-rappurtar ta’ proċedura ta’ żbilanċ eċċessiv, kif ukoll fis-servizzi kollha involuti direttament jew indirettament fil-produzzjoni tal-kontijiet u d-dejn tal-gvern. Fiż-żewġ każijiet, l-Istituti Nazzjonali tal-Istatistika bħala koordinaturi nazzjonali f’konformità mal-Artikolu 5(1) tar-Regolament (KE) Nru 223/2009, għandhom jappoġġaw lill-Kummissjoni (Eurostat) fl-organizzazzjoni u l-koordinazzjoni taż-żjarat. L-Istati Membri għandhom jiżguraw li dawk is-servizzi u l-awtoritajiet nazzjonali, u fejn meħtieġ, l-awtoritajiet nazzjonali tagħhom li jkollhom responsabbiltà funzjonali għall-kontroll tal-kontijiet pubbliċi, jipprovdu lil uffiċjali tal-Kummissjoni jew lil esperti oħra msemmija fil-paragrafu 1 bl-assistenza meħtieġa sabiex iwettqu dmirijiethom, inkluż billi jagħmlu disponibbli d-dokumenti sabiex tiġi ġustifikata d-data attwali rrappurtata dwar l-iżbilanċ u d-dejn u l-kontijiet tal-gvern sottostanti. Ir-rekords kunfidenzjali tas-sistema statistika nazzjonali kif ukoll data kunfidenzjali oħra għandhom jiġu pprovduti lill-Kummissjoni (Eurostat) għall-fini ta’ valutazzjoni tal-kwalità tagħhom biss. L-esperti tal-kontabbiltà nazzjonali li jassistu lill-Kummissjoni (Eurostat) fil-qafas taż-żjarat metodoloġiċi għandhom jiffirmaw impenn biex jirrispettaw il-kunfidenzjalità qabel ma jsir aċċess għal dawk ir-rekords jew data kunfidenzjali.”.

(6)

L-Artikolu 16 huwa sostitwit b’li ġej:

“Artikolu 16

1. L-Istati Membri għandhom jiżguraw li d-data attwali rappurtata lill-Kummissjoni (Eurostat) tkun ipprovduta f’konformità mal-prinċipji stabbiliti bl-Artikolu 2 tar-Regolament (KE) Nru 223/2009. F’dan ir-rigward, ir-responsabbiltà tal-awtoritajiet tal-istatistika nazzjonali tkun li jiżguraw il-konformità tad-data rappurtata mal-Artikolu 1 ta’ dan ir-Regolament u mar-regoli sottostanti ta’ kontabbiltà tal-ESA 95. L-Istati Membri għandhom jiżguraw li l-awtoritajiet tal-istatistika nazzjonali jkunu pprovduti b’aċċess għall-informazzjoni rilevanti kollha meħtieġa għat-twettiq ta’ dawn il-kompiti.

2. L-Istati Membri għandhom jieħdu l-miżuri adatti sabiex jiżguraw li l-Istituzzjonijiet u l-uffiċjali responsabbli għar-rappurtar tad-data attwali lill-Kummissjoni (Eurostat) u għar-rappurtar tal-kontijiet sottostanti tal-gvern, ikunu affidabbli u jaġixxu f’konformità mal-prinċipji stabbiliti fl-Artikolu 2 tar-Regolament (KE) Nru 223/2009.”.

Artikolu 2

Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-26 ta’ Lulju 2010.

Għall-Kunsill

Il-President

S. VANACKERE

(1) ĠU C 103, 22.4.2010, p. 1.

(2) ĠU L 145, 10.6.2009, p. 1.

(3) ĠU L 87, 31.3.2009, p. 164.

30.7.2010

Il-Ġurnal Uffiċjali tal-Unjoni Ewropea

L 198/5

REGOLAMENT TAL-KUMMISSJONI (UE) Nru 680/2010

tad-29 ta’ Lulju 2010

li jemenda r-Regolament (KE) Nru 1580/2007, fir-rigward tal-limiti li fihom jiġu attivati d-dazji addizzjonali għat-tuffieħ

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament “waħdieni dwar l-OKS”) (1), u b’mod partikulari l-Artikolu 143(b) tiegħu, flimkien mal-Artikolu 4 tiegħu,

Billi:

(1)

Ir-Regolament tal-Kummissjoni (KE) Nru 1580/2007 tal-21 ta’ Diċembru 2007 li jistabbilixxi regoli ta’ implimentazzjoni għar-Regolamenti tal-Kunsill (KE) Nru 2200/96, (KE) Nru 2201/96 u (KE) Nru 1182/2007 fis-settur tal-frott u ħxejjex (2) jistipula s-sorveljanza tal-importazzjoni tal-prodotti elenkati fl-Anness XVII tiegħu. Din is-sorveljanza għandha titwettaq skont ir-regoli dettaljati stabbiliti fl-Artikolu 308d tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarja (3).

(2)

Għall-finijiet tal-applikazzjoni tal-Artikolu 5(4) tal-Ftehim dwar l-Agrikoltura (4) konkluż matul in-negozjati kummerċjali multilaterali taċ-ċiklu tal-Urugwaj, u abbażi tal-aħħar informazzjoni disponibbli għall-2007, l-2008 u l-2009, jeħtieġ li jiġu adattati l-limiti li fihom jiġu attivati d-dazji addizzjonali għat- tuffieħ.

(3)	B’riżultat ta’ dan, ir-Regolament (KE) Nru 1580/2007 għandu jiġi emendat.

(4)	Il-miżuri pprovduti b’dan ir-Regolament huma skont l-opinjoni tal-kumitat ta’ ġestjoni tal-organizzazzjoni komuni tas-swieq agrikoli,

ADOTTAT DAN IR-REGOLAMENT:

Artikolu 1

L-Anness XVII tar-Regolament (KE) Nru 1580/2007 għandu jinbidel bit-test muri fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-1 ta’ Settembru 2010.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Lulju 2010.

Għall-Kummissjoni

Il-President

José Manuel BARROSO

(1) ĠU L 299, 16.11.2007, p. 1.

(2) ĠU L 350, 31.12.2007, p. 1.

(3) ĠU L 253, 11.10.1993, p. 1.

(4) ĠU L 336, 23.12.1994, p. 22.

ANNESS

“ANNESS XVII

DAZJI ADDIZZJONALI TAL-IMPORTAZZJONI: TITOLU IV, KAPITOLU II, TAQSIMA 2

Bla ħsara għar-regoli dwar l-interpretazzjoni tan-nomenklatura magħquda, id-deskrizzjoni tal-prodotti għandha titqies indikattiva biss. Għall-finijiet ta’ dan l-Anness, l-ambitu tad-dazji addizzjonali huwa determinat minn dak tal-kodiċijiet tan-NM kif kienu fi żmien l-adozzjoni ta’ dan ir-Regolament.

Numru tas-serje	Kodiċi tan-NM	Deskrizzjoni tal-prodotti	Perjodu tal-applikazzjoni	Limiti tal-attivazzjoni (f’tunnellati)
78.0015	0702 00 00	Tadam	Mill-1 ta’ Ottubru sal-31 ta’ Mejju	1 215 526
78.0020	0702 00 00	Tadam	Mill-1 ta’ Ġunju sat-30 ta’ Settembru	966 429
78.0065	0707 00 05	Ħjar	Mill-1 ta’ Mejju sal-31 ta’ Ottubru	11 879
78.0075	0707 00 05	Ħjar	Mill-1 ta’ Novembru sat-30 ta’ April	18 611
78.0085	0709 90 80	Qaqoċċ	Mill-1 ta’ Novembru sat-30 ta’ Ġunju	8 866
78.0100	0709 90 70	Zukkini	Mill-1 ta’ Jannar sal-31 ta’ Diċembru	55 369
78.0110	0805 10 20	Larinġ	Mill-1 ta’ Diċembru sal-31 ta’ Mejju	355 386
78.0120	0805 20 10	Klementini	Mill-1 ta’ Novembru sal-aħħar ta’ Frar	529 006
78.0130	0805 20 30 0805 20 50 0805 20 70 0805 20 90	Mandolin (inkluż it-tanġerini u s-satsumi); il-wilkings u ibridi simili taċ-ċitru	Mill-1 ta’ Novembru sal-aħħar ta’ Frar	96 377
78.0155	0805 50 10	Lumi	Mill-1 ta’ Ġunju sal-31 ta’ Diċembru	329 903
78.0160	0805 50 10	Lumi	Mill-1 ta’ Jannar sal-31 ta’ Mejju	92 638
78.0170	0806 10 10	Għeneb tal-mejda	Mill-21 ta’ Lulju sal-20 ta’ Novembru	146 510
78.0175	0808 10 80	Tuffieħ	Mill-1 ta’ Jannar sal-31 ta’ Awwissu	1 262 435
78.0180	0808 10 80	Tuffieħ	Mill-1 ta’ Settembru sal-31 ta’ Diċembru	95 357
78.0220	0808 20 50	Lanġas	Mill-1 ta’ Jannar sat-30 ta’ April	280 764
78.0235	0808 20 50	Lanġas	Mill-1 ta’ Lulju sal-31 ta’ Diċembru	83 435
78.0250	0809 10 00	Berquq	Mill-1 ta’ Ġunju sal-31 ta’ Lulju	49 314
78.0265	0809 20 95	Ċirasa, għajr għaċ-ċirasa qarsa	Mill-21 ta’ Mejju sal-10 ta’ Awwissu	90 511
78.0270	0809 30	Ħawħ, inkluż in-nuċiprisk	Mill-11 ta’ Ġunju sat-30 ta’ Settembru	6 867
78.0280	0809 40 05	Għanbaqar	Mill-11 ta’ Ġunju sat-30 ta’ Settembru	57 764 ”

30.7.2010

Il-Ġurnal Uffiċjali tal-Unjoni Ewropea

L 198/7

REGOLAMENT TAL-KUMMISSJONI (KE) Nru 681/2010

tad-29 ta’ Lulju 2010

li jemenda għall-132 darba r-Regolament tal-Kunsill (KE) Nru 881/2002 jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-network ta’ Al-Qaida u t-Taliban

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 881/2002 tas-27 ta' Mejju 2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-network ta’ Al-Qaida u t-Taliban, u li jħassar ir-Regolament tal-Kunsill (KE) Nru 467/2001 li jipprojbixxi l-esportazzjoni ta’ ċerti merkanzija u servizzi lejn l-Afganistan, waqt li jsaħħaħ il-projbizzjoni ta’ titjiriet u jestendi l-friża fuq fondi u riżorsi finanzjarji oħra rigward it-Taliban tal-Afganistan, (1) u partikolarment l-Artikoli 7(1)(a) u 7a(1) (2) tiegħu,

Billi:

(1)	L-Anness I tar-Regolament (KE) Nru 881/2002 jelenka l-persuni, il-gruppi u l-entitajiet koperti mill-iffriżar ta' fondi u riżorsi ekonomiċi skont dak ir-Regolament.

(2)	Fid-19 ta' Lulju 2010, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti ddeċieda li jżid erba' persuni fiżiċi mal-lista tiegħu ta' persuni, gruppi u entitajiet li għalihom japplika l-iffriżar ta’ fondi u riżorsi ekonomiċi.

(3)	L-Anness I tar-Regolament (KE) Nru 881/2002 għandu għalhekk jiġi emendat skont dan.

(4)	Biex jiġi żgurat li l-miżuri previsti f'dan ir-Regolament ikunu effettivi, dan ir-Regolament għandu jidħol fis-seħħ minnufih,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 881/2002 hu b’dan emendat kif stabbilit fl-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha.

Magħmul fi Brussell, id-29 ta’ Lulju 2010.

Għall-Kummissjoni

Għall-President

Karel KOVANDA

Aġent Direttur Ġenerali għar-Relazzjonijiet Esterni

(1) ĠU L 139, 29.5.2002, p. 9.

(2) L-Artikolu 7a ddaħħal mir-Regolament (UE) Nru 1286/2009 (ĠU L 346, 23.12.2009, p. 42).

ANNESS

L-Anness I tar-Regolament (KE) Nru 881/2002 huwa emendat kif ġej:

L-annotazzjonijiet li ġejjin għandhom jiddaħħlu taħt l-intestatura “Persuni fiżiċi”:

(1)	“Amir Abdullah (alias Amir Abdullah Sahib). Indirizz: Karachi, il-Pakistan Data tat-twelid: Bejn wieħed u ieħor l-1972. Post tat-twelid: il-Provinċja ta' Paktika, l-Afganistan. Nazzjonalità: Afgana. Data tan-nomina msemmija fl-Artikolu 2a (4)(b): 20.7.2010.”

(2)

“Anwar Nasser Abdulla Al-Aulaqi (alias (a) Anwar al-Aulaqi, (b) Anwar al-Awlaki, (c) Anwar al-Awlaqi, (d) Anwar Nasser Aulaqi, (e) Anwar Nasser Abdullah Aulaqi, (f) Anwar Nasser Abdulla Aulaqi). Data tat-twelid: (a) 21.4.1971, (b) 22.4.1971. Post tat-twelid: Las Cruces, New Mexico, l-Istati Uniti tal-Amerika. Nazzjonalità: (a) Amerikan mill-Istati Uniti, (b) Jemenita. Tagħrif ieħor: Ilu jistaħba fil-Jemen minn Diċembru 2007. Data tan-nomina msemmija fl-Artikolu 2a (4)(b): 20.7.2010.”

(3)

“Nasiruddin Haqqani (alias (a) Naseer Haqqani, (b) Dr. Naseer Haqqani, (c) Nassir Haqqani, (d) Nashir Haqqani, (e) Naseruddin, (f) Dr. Alim Ghair). Indirizz: Il-Pakistan. Data tat-twelid: Bejn wieħed u ieħor l-1970-1973. Post tat-twelid: L-Afganistan. Nazzjonalità: Afgana. Tagħrif ieħor: Assoċjat mal-Haqqani Network, li jopera 'l barra mill-Waziristan tat-Tramuntana fiż-Żoni Tribali tal-Pakistan Amministrati b'mod Federali. Data tan-nomina msemmija fl-Artikolu 2a (4)(b): 20.7.2010.”

(4)

“Gul Agha Ishakzai (alias (a) Mullah Gul Agha, (b) Mullah Gul Agha Akhund, (c) Hidayatullah, (d) Haji Hidayatullah, (e) Hayadatullah). Indirizz: Il-Pakistan. Data tat-twelid: Bejn wieħed u ieħor l-1957. Post tat-twelid: Band-e-Timor, Kandahar, l-Afghanistan. Tagħrif ieħor: Huwa parti mill kunsill tat-Taliban li nħalaq dan l-aħħar li jikkoordina l-ġabra taz-zakat (taxxa Musulmana) mill-Provinċja ta' Baluchistan, il-Pakistan. Data tan-nomina msemmija fl-Artikolu 2a (4)(b): 20.7.2010.”

30.7.2010

Il-Ġurnal Uffiċjali tal-Unjoni Ewropea

L 198/9

REGOLAMENT TAL-KUMMISSJONI (UE) Nru 682/2010

tad-29 ta’ Lulju 2010

li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fit-30 ta’ Lulju 2010.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Lulju 2010.

Għall-Kummissjoni, f'isem il-President,

Jean-Luc DEMARTY

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 350, 31.12.2007, p. 1.

ANNESS

il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

(EUR/100 kg)
Kodiċi NM	Kodiċi tal-pajjiż terz (1)	Valur fiss tal-importazzjoni
0702 00 00	MK	36,4
	TR	105,8
	ZZ	71,1
0707 00 05	TR	105,8
0707 00 05	ZZ	105,8
0709 90 70	TR	117,1
0709 90 70	ZZ	117,1
0805 50 10	AR	97,9
	UY	81,1
	ZA	110,2
	ZZ	96,4
0806 10 10	AR	137,6
	CL	96,0
	EG	142,7
	IL	126,4
	MA	162,9
	TR	137,7
	ZA	90,0
	ZZ	127,6
0808 10 80	AR	82,5
	BR	79,6
	CA	98,9
	CL	96,5
	CN	81,6
	MA	54,2
	NZ	111,5
	US	105,5
	UY	111,6
	ZA	103,8
	ZZ	92,6
0808 20 50	AR	72,9
	CL	129,6
	ZA	107,0
	ZZ	103,2
0809 10 00	TR	187,6
0809 10 00	ZZ	187,6
0809 20 95	TR	250,6
0809 20 95	ZZ	250,6
0809 30	TR	171,9
0809 30	ZZ	171,9
0809 40 05	BA	64,1
	IL	161,4
	TR	126,3
	XS	74,4
	ZZ	106,6

(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ ZZ ” jirrappreżenta “oriġini oħra”.

30.7.2010

Il-Ġurnal Uffiċjali tal-Unjoni Ewropea

L 198/11

REGOLAMENT TAL-KUMMISSJONI (UE) Nru 683/2010

tad-29 ta’ Lulju 2010

li jistabbilixxi t-tnaqqis massimu fid-dazju għall-importazzjoni tal-qamħirrum fil-kuntest tas-sejħa għall-offerti msemmija fir-Regolament (UE) Nru 462/2010

IL-KUMMISSJONI EWROPEA,

Wara li kkunsidrat it-Trattat dwar il-funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b'mod partikolari l-Artikolu 144 tiegħu, b'rabta mal-Artikolu 4 tiegħu,

Billi:

(1)	Ir-Regolament tal-Kummissjoni (UE) Nru 462/2010 (2) fetaħ sejħa għall-offerti għat-tnaqqis massimu fid-dazju tal-importazzjoni fi Spanja tal-qamħirrum minn pajjiżi terzi.

(2)

Skont l-Artikolu 8 tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3), il-Kummissjoni tista', skont il-proċedura prevista fl-Artikolu 195(2) tar-Regolament (KE) Nru 1234/2007, tiddeċiedi li tistabbilixxi tnaqqis massimu fid-dazju tal-importazzjoni. Biex din il-kwantità tiġi stabbilita, għandhom jitqiesu l-kriterji mniżżla fl-Artikoli 7 u 8 tar-Regolament (KE) Nru 1296/2008.

(3)	Il-konċessjoni tingħata lil kull min tefa' offerta li ma taqbiżx l-ammont tat-tnaqqis massimu fid-dazju tal-importazzjoni.

(4)	Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni tiegħu fil-limitu tażżmien stabbilit mill-president tiegħu,

ADOTTAT DAN IR-REGOLAMENT:

Artikolu 1

Għall-offerti kkomunikati mis-16 ta’ Lulju sad-29 ta’ Lulju 2010, fil-kuntest tas-sejħa għall-offerti msemmija fir-Regolament (UE) Nru 462/2010, it-tnaqqis massimu fid-dazju tal-importazzjoni tal-qamħirrum huwa stabbilit għal EUR 5,50 kull tunnellata għal kwantità massima totali ta' 49 000 tunnellata.

Artikolu 2

Dan ir-Regolament għandu jidħol fis-seħħ fit-30 ta’ Lulju 2010.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Lulju 2010.

Għall-Kummissjoni, f'isem il-President,

Jean-Luc DEMARTY

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 129, 28.5.2010, p. 58.

(3) ĠU L 340, 19.12.2008, p. 57.

30.7.2010

Il-Ġurnal Uffiċjali tal-Unjoni Ewropea

L 198/12

REGOLAMENT TAL-KUMMISSJONI (UE) Nru 684/2010

tad-29 ta’ Lulju 2010

li jistabbilixxi t-tnaqqis massimu fid-dazju għall-importazzjoni tal-qamħirrum fil-kuntest tas-sejħa għall-offerti msemmija fir-Regolament (UE) Nru 463/2010

IL-KUMMISSJONI EWROPEA,

Wara li kkunsidrat it-Trattat dwar il-funzjonament tal-Unjoni Ewropea,

Billi:

(1)	Ir-Regolament tal-Kummissjoni (UE) Nru 463/2010 (2) fetaħ sejħa għall-offerti għat-tnaqqis massimu fid-dazju tal-importazzjoni fil-Portugall tal-qamħirrum minn pajjiżi terzi.

(2)

(3)	Il-konċessjoni tingħata lil kull min tefa' offerta li ma taqbiżx l-ammont tat-tnaqqis massimu fid-dazju tal-importazzjoni.

(4)	Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni tiegħu fil-limitu tażżmien stabbilit mill-president tiegħu,

ADOTTAT DAN IR-REGOLAMENT:

Artikolu 1

Għall-offerti kkomunikati mis-16 ta’ Lulju sad-29 ta’ Lulju 2010, fil-kuntest tas-sejħa għall-offerti msemmija fir-Regolament (UE) Nru 463/2010, it-tnaqqis massimu fid-dazju tal-importazzjoni tal-qamħirrum huwa stabbilit għal EUR 6,25 kull tunnellata għal kwantità massima totali ta' 63 000 tunnellata.

Artikolu 2

Dan ir-Regolament għandu jidħol fis-seħħ fit-30 ta’ Lulju 2010.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-29 ta’ Lulju 2010.

Għall-Kummissjoni, f'isem il-President,

Jean-Luc DEMARTY

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 129, 28.5.2010, p. 60.

(3) ĠU L 340, 19.12.2008, p. 57.

		ISSN 1725-5104 doi:10.3000/17255104.L_2010.198.mlt
Il-Ġurnal Uffiċjali tal-Unjoni Ewropea		L 198

Edizzjoni bil-Malti	Leġiżlazzjoni	Volum 53 30 ta' Lulju 2010

Werrej		II Atti mhux leġislattivi	Paġna
		REGOLAMENTI
	*	Regolament tal-Kunsill (UE) Nru 679/2010 tas-26 ta’ Lulju 2010 li jemenda r-Regolament (KE) Nru 479/2009 dwar il-kwalità tad-data tal-istatistika fil-kuntest ta’ proċedura ta’ żbilanċ eċċessiv	1
	*	Regolament tal-Kummissjoni (UE) Nru 680/2010 tad-29 ta’ Lulju 2010 li jemenda r-Regolament (KE) Nru 1580/2007, fir-rigward tal-limiti li fihom jiġu attivati d-dazji addizzjonali għat-tuffieħ	5
	*	Regolament tal-Kummissjoni (KE) Nru 681/2010 tad-29 ta’ Lulju 2010 li jemenda għall-132 darba r-Regolament tal-Kunsill (KE) Nru 881/2002 jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-network ta’ Al-Qaida u t-Taliban	7
		Regolament tal-Kummissjoni (UE) Nru 682/2010 tad-29 ta’ Lulju 2010 li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix	9
		Regolament tal-Kummissjoni (UE) Nru 683/2010 tad-29 ta’ Lulju 2010 li jistabbilixxi t-tnaqqis massimu fid-dazju għall-importazzjoni tal-qamħirrum fil-kuntest tas-sejħa għall-offerti msemmija fir-Regolament (UE) Nru 462/2010	11
		Regolament tal-Kummissjoni (UE) Nru 684/2010 tad-29 ta’ Lulju 2010 li jistabbilixxi t-tnaqqis massimu fid-dazju għall-importazzjoni tal-qamħirrum fil-kuntest tas-sejħa għall-offerti msemmija fir-Regolament (UE) Nru 463/2010	12