21.7.2010   

MT

Il-Ġurnal Uffiċjali tal-Unjoni Ewropea

L 188/1

(1)

Fid-Deċiżjoni Ċ (2009) 5260 tat-30 ta’ Ġunju 2009 fil-Każ C 17/09 (3) (li minn hawn ‘il quddiem issir referenza għaliha bħala d-“deċiżjoni tal-ftuħ”) il-Kummissjoni approvat, għal perjodu limitat, injezzjoni ta’ kapital u miżura ta’ salvataġġ tal-assi mill-Istat ta’ Baden-Württemberg u entitajiet pubbliċi oħrajn għal-Landesbank Baden-Württemberg (li minn hawn ‘il quddiem issir referenza għalih bħala “LBBW” jew “il-bank”). Fl-istess ħin, il-Kummissjoni esprimiet dubji fid-Deċiżjoni msemmija hawn fuq dwar jekk il-miżura ta’ salvataġġ tal-assi hijiex kompatibbli mar-regoli tal-UE dwar l-Għajnuna mill-Istat fir-rigward tal-valutazzjoni u l-qsim tal-piżijiet u bdiet proċedura ta’ investigazzjoni formali.

(2)

Id-deċiżjoni tal-ftuħ ġiet ippubblikata f’Il-Ġurnal Uffiċjali tal-Unjoni Ewropea  (4). Il-Kummissjoni talbet lill-partijiet interessati kollha biex jissottomettu l-kummenti tagħhom. Il-Kummissjoni ma rċeviet ebda kumment mingħand il-partijiet ikkonċernati.

(3)

Dwar il-kwistjonijiet li jikkonċernaw il-metodu tal-evalwazzjoni tal-assi fi ħdan il-qafas tal-miżura ta’ salvataġġ tal-assi, il-Kummissjoni rċeviet appoġġ tekniku mingħand esperti tekniċi b’kuntratt magħha (Duff & Phelps, il-Professur Wim Schoutens) u mingħand esperti tekniċi fil-Bank Ċentrali Ewropew (BĊE).

(4)

Fid-9 ta’ Ottubru 2009, il-Ġermanja ppreżentat lill-Kummissjoni bi pjan ta’ ristrutturar għal LBBW, li f’diversi okkażjonijiet kien issupplimentat b’aktar dettalji. L-aħħar dettalji ntbagħtu fit-3 ta’ Diċembru 2009.

(5)

Saru għadd ta’ laqgħat, skambji ta’ e-mails u konferenzi bit-telefon bejn il-Kummissjoni u l-Ġermanja.

(6)

Fit-3 ta’ Diċembru 2009 il-Ġermanja tat numru ta’ impenji li jikkonċernaw l-implimentazzjoni tal-pjan ta’ ristrutturar.

(7)

LBBW huwa Landesbank Ġermaniż. L-azzjonisti tal-bank huma l-Istat ta’ Baden-Württemberg b’sehem ta’ madwar 35,5 %, l-assoċjazzjoni tal-banek tat-tfaddil ta’ Baden-Württemberg b’madwar 40,5 %, il-belt ta’ Stuttgart b’madwar 19 % u l-Landeskreditbank Baden-Württemberg bi kważi 5 %. L-azzjonisti kollha huma jew entitajiet pubbliċi jew f’sjieda statali.

(8)

LBBW huwa wieħed mill-ftit Landesbanks integrati vertikalment. Il-fokus tal-attività tal-LBBW u s-sussidjarji tiegħu huwa fuq negozjati ma’ intrapriżi Ġermaniżi (SMEs u intrapriżi akbar) u klijenti privati. LBBW joffri servizzi bankarji privati u funzjonijiet bħala bank tat-tfaddil tal-belt fi Stuttgart. Oqsma kummerċjali oħrajn ta’ LBBW huma l-finanzjament ta’ proprjetà immobbli u swieq finanzjarji. Il-bank joffri wkoll servizzi u prodotti għall-banek tat-tfaddil.

(9)

Fl-aħħar ta’ Ġunju 2009, il-karta tal-bilanċ ta’ LBBW kienet tammonta għal EUR 448 biljun. LBBW ma għandux sehem fis-suq ta’ aktar minn [> 4] (*) % f’ebda wieħed mis-swieq domestiċi fejn huwa attiv. Lokalment, jiġifieri fir-reġjuni ewlenin tiegħu, l-ishma fis-suq huma kemmxejn ogħla. Fis-settur tal-klijenti kummerċjali, dawn jilħqu [< 15] % f’Baden-Württemberg, [< 10] % fis-Sassonja u [< 5] % f’Rhineland Palatinate. Fis-settur tal-klijenti privati, l-ishma fis-suq huma [< 7] % f’Baden-Württemberg, [< 2] % fis-Sassonja u [< 1] % f’Rhineland Palatinate. Is-sehem ta’ LBBW fis-swieq finanzjarji huwa insinifikanti kemm fil-Ġermanja kif ukoll madwar l-Ewropa.

(10)

Il-Bank ingħata żewġ miżuri ta’ għajnuna: injezzjoni ta’ EUR 5 biljuni ta’ kapital fil-Livell 1 u miżura ta’ salvataġġ tal-assi indeboliti permezz tat-teħid ta’ garanziji ta’ aktar minn EUR 12,7 biljuni għal żewġ portafolli ta’ titoli strutturati li b’kollox jammontaw għal EUR 35 biljun. (5) L-azzjonisti kollha pparteċipaw fl-injezzjoni kapitali skont il-livelli tal-ishma rispettivi tagħhom u indirettament fil-miżura ta’ salvataġġ tal-assi indeboliti.

(11)

L-injezzjoni tal-kapital saret permezz ta’ żieda proporzjonali fil-kapital ta’ ishma, filwaqt li ngħatat prijorità għad-distribuzzjoni tal-kapital ta’ ishma l-ġdid fi proporzjon għall-kapital ta’ ishma eżistenti. Il-Bank qiegħed iħallas kumpens totali ta’ 10 % għall-kapital injettat. Huwa qiegħed jippjana li jħallas lura l-kapital f’ħames porzjonijiet kull sena mill-2013 ‘il quddiem.

(12)

Il-miżura ta’ salvataġġ tal-assi ngħatat fil-forma ta’ garanziji li jipproteġu lil LBBW kontra t-telf u jnaqqsu r-rekwiżit kapitali tal-ekwità preskritta legalment għal titoli strutturati. Il-garanziji jkopru żewġ portafolli differenti.

L-ewwel wieħed, li ssir referenza għalih bħala l-‘portafoll ABS’, jikkonsisti minn prodotti strutturati b’volum ta’ EUR 17,7 biljuni li jinżammu direttament mill-bank. LBBW jieħu r-riskju tal-ewwel grad (l-Ewwel Telf) għall-portafoll ABS li jammonta għal EUR 1,9 biljuni u Baden-Württemberg iggarantixxa r-riskju tat-tieni grad (it-Tieni Telf) sa ammont ta’ EUR 6,7 biljuni. Skont l-informazzjoni pprovduta mill-Ġermanja, il-valur ekonomiku reali tal-portafoll fil-31 ta’ Marzu 2009 kien ta’ EUR [15-16] biljun u l-valur fis-suq kien ta’ EUR 10,137 biljuni. (6) L-effett ta’ salvataġġ tal-kapital tal-garanzija kien ta’ EUR [1-2] biljun/i.

It-tieni wieħed, imsejjaħ il-‘portafoll Sealink’, jirrigwardja self ta’ EUR 8,75 biljun għal mezz bi skop speċjali ta’ prodotti strutturati. Fil-portafoll Sealink, l-Ewwel Telf jammonta għal EUR 2,75 biljun. Dan it-telf huwa kopert minn garanzija tal-Istat tas- Sassonja li ġiet innegozjata matul l-akkwiżizzjoni ta’ SachsenLB minn LBBW. (7) Baden-Württemberg ħa fuqu Tieni Telf ta’ EUR 6 biljuni bir-riżultat li ma kien hemm ebda riskju ieħor ta’ telf għal LBBW. Skont l-informazzjoni pprovduta mill-Ġermanja, fil-31 ta’ Marzu 2009 il-portafoll kellu valur ekonomiku reali ta’ EUR [12-13] biljuni u valur fis-suq ta’ EUR 8,006 biljuni. L-effett ta’ salvataġġ tal-kapital tal-garanzija kien ta’ EUR [2,5-3,5] biljuni.

(13)

Iż-żewġ portafolli flimkien għandhom valur fis-suq ta’ EUR 18,143 biljuni; il-valur ekonomiku reali tagħhom huwa ta’ madwar EUR [27-29] biljun.

(14)

Il-garanzija ġiet ipprovduta għal perjodu mhux limitat u tista’ tintemm minn LBBW. LBBW impenja ruħu li jħallas dritt inizjali ibbażat fuq effett ta’ salvataġġ tal-kapital ta’ EUR 4,4 biljuni, li fuqu tiġi applikata rata ta’ imgħax ta’ 7 % p.a.. Għall-ewwel sena, id-dritt jammonta għal EUR 308 miljuni; fis-snin sussegwenti, din se tonqos b’mod proporzjonali għall-ammont iggarantit u wara reviżjoni li ssir matul il-proċedura tar-ristrutturar.

(15)

Il-Ġermanja ddeċidiet li taġġusta l-kumpens tal-garanzija kif ġej. LBBW se jħallas EUR 336 miljun fis-sena retrospettivament. B’hekk, il-kumpens previst oriġinarjament għandu jiżdied b’EUR 28 miljun fl-ewwel sena. Dan il-kumpens huwa bbażat fuq żewġ rati ta’ imgħax differenti: 6,25 % fuq l-effett ta’ salvataġġ tal-kapital u 10 % fuq il-parti tal-valur iggarantit li jaqbeż il-valur ekonomiku reali taż-żewġ portafolli. L-effett ta’ salvataġġ tal-kapital ġie kkoreġut għal EUR 4,476 biljuni.

(16)

Ir-rikapitalizzazzjoni kienet meħtieġa sabiex tikkumpensa għat-telf kbir li sar fl-2008 u sabiex tkopri r-rekwiżit kapitali ogħla. Il-miżura ta’ salvataġġ tal-assi saret meħtieġa meta l-aġġustamenti tal-valur għal portafolli kbar ta’ titoli strutturati għollew ir-rekwiżit tal-kapital b’mod qawwi u r-rekwiżiti kapitali regolatorji ma setgħux ikomplu jiġu ssodisfati fit-tieni kwart tal-2009.

(17)

Il-pjan ta’ ristrutturar jipprevedi bidliet sostanzjali fil-mudell kummerċjali ta’ LBBW. Il-bażi għal dan huwa li ssir enfasi ċara fuq in-negozju reġjonali ewlieni ta’ LBBW u l-konċentrazzjoni fuq is-swieq u l-klijenti li għalihom mistenni li jkun hemm grad għoli ta’ penetrazzjoni u effetti konsiderevoli ta’ bejgħ trasversali. L-attivitajiet tas-suq kapitali u l-kummerċ għall-kont tiegħu stess se jitnaqqsu. Kollox ma’ kollox, LBBW għandu jinqeleb minn suq kapitali u grupp ta’ servizzi finanzjarji orjentati lejn il-klijenti li joffri firxa sħiħa ta’ servizzi u prodotti, f’bank kummerċjali b’fokus ċar fuq klijenti privati u klijenti kummerċjali ta’ SMEs Ġermaniżi, li joffri wkoll għadd ta’ servizzi finanzjarji korporattivi u prodotti bankarji ta’ investiment magħżula għall-klijenti kummerċjali u tal-banek tat-tfaddil tiegħu. Fir-rigward tal-preżenza ġeografika tiegħu, LBBW se jirtira minn barra l-pajjiż jew inaqqas il-preżenza barranija tiegħu u jikkonċentra fuq ftit reġjuni ewlenin fil-Ġermanja.

(18)

Ir-ristrutturar huwa mmirat lejn it-temi ċentrali li ġejjin:

(19)

L-LBBW ristrutturat se jikkonsisti minn ħames oqsma kummerċjali ewlenin: Intrapriżi I (klijenti kummerċjali ta’ SME’s Ġermaniżi), Intrapriżi II (klijenti kbar), Kummerċ bl-Imnut (klijenti privati), Banek tat-Tfaddil, Proprjetà ta’ Beni Immobbli (finanzjament ta’ beni immobbli) u Swieq Finanzjarji (swieq tal-kapital). Barra minn hekk, fil-ġejjieni, LBBW se joffri wkoll servizzi relatati man-negozju, b’mod partikolari tranżazzjonijiet bankarji, saldi tat-teżor u ta’ titoli u ċerti prodotti għal banek tat-tfaddil. L-attivitajiet barranin u l-preżenza barranija ta’ LBBW għandhom jitnaqqsu b’mod konsiderevoli u l-bank għandu jikkonċentra l-attività kummerċjali tiegħu fuq it-tliet swieq reġjonali ewlenin ta’ Baden-Württemberg, Rhineland-Palatinate u Sassonja, li fihom huwa attiv minħabba inkorporazzjonijiet preċedenti ma’ Landesbank.

(20)

Minkejja t-tkabbir moderat previst fil-pjan attwali, ir-ristrutturar se jkollu effetti sinifikanti fuq il-karta tal-bilanċ u l-kont tal-profitt u t-telf ta’ LBBW, mhux biss f’dak li għandu x’jaqsam mal-kompożizzjoni tiegħu, iżda wkoll fir-rigward tad-daqs totali tiegħu. Il-karta tal-bilanċ u l-assi indeboliti (assi mkejla skont ir-riskju) tal-Bank mistennija jonqsu b’[25-30] % jew b’[30-35] % sal-2013, meta mqabbla mal-2008, permezz tat-tnaqqis ta’ attivitajiet mhux strateġiċi u l-bejgħ tal-ishma. Meta mqabbla mal-figuri għall-aħħar tas-sena 2008, it-total tal-karta tal-bilanċ se jonqos b’total ta’ EUR 182 biljun jew b’madwar 41 %, filwaqt li l-assi indeboliti se jonqsu b’EUR [80-90] biljun jew [45-50] % wara t-tnaqqis sħiħ tal-oqsma kummerċjali msemmija. Madwar [35-45] % tat-tnaqqis fit-total tal-karta tal-bilanċ u aktar minn 50 % tat-tnaqqis fl-assi indeboliti huma dovuti għall-ħruġ min-negozju tas-sostituzzjoni ta’ krediti (li fil-biċċa l-kbira tagħhom kienu jaqgħu fi ħdan il-miżura ta’ salvataġġ tal-assi). It-tnaqqis fl-oqsma kummerċjali ewlenin li jifdal huwa ta’ bejn 25 % u 40 %.

(21)

Fid-dettall, LBBW se jżarma n-negozju tas-sostituzzjoni ta’ krediti, ibigħ l-ishma, jagħlaq parti konsiderevoli mill-uffiċċji barranin tiegħu ta’ sussidjarji u rappreżentanza, jabbanduna linji ta’ prodotti sħaħ tan-negozju kummerċjali attwali tiegħu, jagħlaq in-negozju tiegħu ta’ self b’ipoteka amortizzat, jabbanduna l-kummerċ strateġiku għall-kont proprju tiegħu u jevita attivitajiet aktar kumplessi fis-suq finanzjarju, jillimita l-finanzjament tal-proprjetà ta’ beni immobbli għal ftit reġjuni u għal tipi ta’ proprjetajiet magħżula, filwaqt li jikkonċentra n-negozju kbir tiegħu tal-klijenti fuq il-pajjiżi ġirien tal-Ġermanja. (8)

(22)

Il-parti l-kbira tal-attivitajiet tal-LBBW tinsab fin-negozju ewlieni tiegħu. Madwar [6-8] % biss tal-assi indeboliti tal-bank huma allokati għall-azjendi u l-kumpaniji sussidjarji b’mod ġenerali. LBBW qabel mat-tnaqqis konsiderevoli fil-portafoll ta’ azjendi tiegħu. Il-valur imniżżel fil-kotba tal-azjendi kollha li għandhom jinbiegħu matul ir-ristrutturar huwa ta’ madwar EUR 4.5 biljuni (kif kien fil-31 ta’ Diċembru 2008), li jikkorrespondi għal aktar minn 50 % tal-valur totali mniżżel fil-kotba tal-kumpaniji assoċjati u sussidjarji tal-bank.

(23)

Parti konsiderevoli mill-bejgħ ippjanat hija relatata man-negozju ewlieni tal-bank, b’mod partikolari ishma fil-kumpaniji li jagħmlu parti mill-grupp finanzjarju tal-banek tat-tfaddil (Sparkassen-Finanzgruppe): (9)

(24)

Matul ir-ristrutturar, LBBW se jnaqqas madwar 2 500 mill-10 000 ħaddiem attwali tal-bank ewlieni (ekwivalenti fuq bażi full-time f’kull każ). Huwa preżunt li r-ristrutturar mhuwiex se jnaqqas biss l-ispejjeż amministrattivi, iżda se jagħti wkoll stabbiltà lis-sitwazzjoni tal-profitti, hekk kif is-setturi kummerċjali l-aktar volatili se jiġu abbandunati.

(25)

L-għan tar-ristrutturar huwa li tinħoloq struttura kummerċjali aktar sempliċi u trasparenti fejn ikunu jistgħu jintużaw inqas riżorsi, b’mod ġenerali, għall-amministrazzjoni tal-LBBW. Il-ħtieġa għall-ġestjoni tar-riskji u l-kontroll finanzjarju għandha tonqos bil-kbir hekk kif LBBW se jabbanduna oqsma kummerċjali u linji ta’ prodotti sħaħ, inaqqas il-preżenza tiegħu barra l-pajjiż u jbigħ il-kumpaniji assoċjati u sussidjarji.

(26)

L-oqsma kummerċjali eżistenti tnaqqsu xi ftit u s-servizzi għall-banek tat-tfaddil għandhom jiġu sseparati b’mod aktar ċar minn oqsma kummerċjali oħrajn, biex b’hekk ir-riżultati jkunu jistgħu jiġu rreġistrati b’mod aktar trasparenti. L-assi min-negozju tas-sostituzzjoni ta’ krediti li għandu jiġi stralċjat se jiġu trasferiti lil taqsima ta’ ristrutturar intern u se jiġu amministrati separatament.

(27)

Bidliet importanti fl-istruttura eżistenti tal-governanza korporattiva tal-bank imorru flimkien mar-ristrutturar. L-ewwelnett, ir-referenza għas-servizz pubbliku fl-Att dwar il-Landesbank Baden-Württemberg (Gesetz über die Landesbank Baden-Württemberg) se tinbidel sabiex jiġi enfasizzat li LBBW se jwettaq in-negozju kollu skont il-kriterji tal-ġestjoni tan-negozju. Dan il-prinċipju se jkun inkorporat ukoll fl-artikoli ta’ assoċjazzjoni, il-politiki kummerċjali u l-proċeduri interni tal-LBBW. Sabiex tingħata espressjoni għall-fatt li LBBW se jitmexxa bħala negozju privat minkejja s-sidien pubbliċi tiegħu, LBBW se jinbidel minn kumpanija regolata mil-liġi pubblika għal kumpanija pubblika b’responsabbiltà limitata. Din il-bidla fil-forma legali se titwettaq b’tali mod li jiġi żgurat li l-konverżjoni għal kumpanija pubblika b’responsabbiltà limitata tiġi konkluża sa mhux aktar tard minn Diċembru 2013. Barra minn hekk, sal-aħħar tal-2010, se jiġu introdotti aspetti importanti tal-Kodiċi volontarju Ġermaniż tal-Governanza Korporattiva.

(28)

It-tieni, il-funzjonijiet tal-korpi bħal-laqgħa tal-azzjonisti, il-Bord ta’ Sorveljanza u l-Bord tad-Diretturi Maniġerjali se jiġu definiti mill-ġdid sabiex tinkiseb distribuzzjoni aktar ċara tar-responsabbiltajiet u aktar trasparenza. Il-poteri tal-laqgħa tal-azzjonisti se jkunu ristretti għall-kompiti li huma tipiċi ta’ laqgħa ġenerali annwali skont il-liġi tal-kumpaniji, b’mod partikolari [fir-rigward ta’] drittijiet relatati mal-informazzjoni u t-teħid ta’ deċiżjonijiet fuq l-użu tal-profitti. Se jiġu revokati poteri aktar estensivi, li għandhom jippermettu influwenza mhux xierqa fuq l-amministrazzjoni. B’differenza missitwazzjoni attwali, il-funzjonijiet ta’ sorveljanza u monitoraġġ tal-Bord tad-Diretturi Maniġerjali se jkunu inkorporati esklussivament fil-Bord ta’ Sorveljanza. L-influwenza tiegħu fuq id-deċiżjonijiet tal-ġestjoni se tkun limitata għal dawk il-każijiet li l-azzjoni fihom hija meħtieġa skont il-liġi Ġermaniża tal-kumpaniji jew l-Att Bankarju (Gesetz über das Kreditwesen). Ir-responsabbiltà għall-ġestjoni operattiva minn jum għal ieħor ċertament se tkun f’idejn il-Bord tad-Diretturi Maniġerjali, li jnaqqas il-possibbiltajiet ta’ influwenza mhux xierqa mill-proprjetarji jew mir-rappreżentanti tagħhom.

(29)

Miżuri ulterjuri jnaqqsu l-iskop għal [influwenza] (politika) u jiżguraw li l-bank jitmexxa esklussivament skont il-kriterji tal-ġestjoni tan-negozju. Skont il-Kodiċi tal-Governanza Korporattiva msemmi aktar ‘il fuq, nofs is-siġġijiet fil-bord ta’ sorveljanza allokati għall-azzjonisti ta’ LBBW, li bħalissa jikkonsisti biss minn rappreżentanti tal-proprjetarji u l-impjegati, se jiġu okkupati minn esperti indipendenti. Il-membri kollha tal-bord ta’ sorveljanza jkollhom joqogħdu għal test ta’ kapaċità (‘fit and proper’ test) li reċentament ġie preskritt mill-awtorità ta’ sorveljanza bankarja għal membri potenzjali tal-bordijiet ta’ sorveljanza. Matul il-fażi ta’ ristrutturar sal-aħħar tal-2013, il-presidenza tal-bord ta’ sorveljanza se tiġi okkupata minn wieħed mill-membri indipendenti. Il-Kumitati eżistenti tal-Bord ta’ Sorveljanza se jiġu kkonvertiti b’Kumitat għar-Riskji u b’Kumitat għall-Verifika skont l-aħjar prinċipji ta’ governanza għall-banek. It-talbiet għal kwalifiki speċjalizzati fuq il-membri ta’ dawn il-kumitati huma maħsubin biex jiżguraw li dawn il-kumitati jkunu jistgħu jissodisfaw il-kompiti tagħhom bl-aħjar mod.

(30)

LBBW ippreżenta pjan ta’ qligħ u telf, li jinkludi estimi tad-dħul fuq l-ekwità (RoE) u analiżi tas-sensittività fuq il-bażi ta’ xenarju realistiku u pessimistiku. Skont it-tbassir tal-qligħ u t-telf, LBBW se jsofri telf addizzjonali ta’ madwar EUR [2] biljuni fl-2009, jilħaq il-punt tal-fidi fl-2010 u l-2011 (b’[…]) u jagħmel profitt ta’ madwar EUR […] biljuni fl-2013. Il-qligħ fuq l-ekwità se jkun negattiv fl-2009, sakemm jibda jiżdied bil-mod mill-2010 sal-2012 u jilħaq figuri doppji ([10-12] %) għall-ewwel darba fl-2013. Il-proporzjon tal-kapital ewlieni huwa stmat għal madwar […] % għall-2009 u l-2010, u minħabba t-tnaqqis kbir fl-assi riskjużi, dan il-proporzjon se jiżdied gradwalment għal [9-10] %, biex b’hekk LBBW ikun jista’ jħallas lura l-għajnuna mill-Istat mill-2013 ‘il quddiem.

(31)

L-aktar figuri importanti fil-pjan ta’ ristrutturar huma indikati fit-tabella ta’ hawn taħt:

(32)

Skont ix-xenarju tal-linja bażi, is-sena 2009 se tkompli tkun waħda diffiċli u l-prodott domestiku gross (PDG) mistenni jiċkien minħabba l-kriżi finanzjarja li għadha għaddejja. Mill-2010 ‘il quddiem mistenni li jkun hemm irkupru gradwali, bir-riżultat li s-sitwazzjoni fis-swieq finanzjarji u fl-ekonomija għandha terġa’ lura kompletament għan-normal. LBBW jassumi li l-PDG Ġermaniż se jonqos b’6,2 % fl-2009 u mbagħad jiżdied b’1 % fl-2010; huwa mbagħad qiegħed jistenna żieda gradwali sa 2,5 % fit-tkabbir tal-PDG sal-2013. L-ogħla livell ta’ 9,8 % fil-qgħad huwa preżunt għall-2010, livell għoli li jkompli għall-2011 u mbagħad waqa’ sa 8,3 % fl-2013. LBBW qiegħed jistenna wkoll inflazzjoni baxxa li tiżdied bi ftit, li għandha tibqa’ ferm taħt il-miri tal-inflazzjoni tal-BĊE. Minkejja l-politika monetarja espansiva tal-banek ċentrali u l-espansjoni massiva fid-defiċits tal-baġit, huwa preżunt li l-inflazzjoni se tkun ferm inqas mill-potenzjal fid-dawl tat-tkabbir f’termini reali.

(33)

Fuq il-bażi ta’ dawn is-suppożizzjonijiet, LBBW qiegħed jistenna l-effetti li ġejjin fuq in-negozju prinċipali tiegħu. Is-sitwazzjoni tal-profitti fin-negozju tal-klijenti privati, li jitmexxa primarjament minn titoli, se tkompli turi li hija moderata. Id-dispożizzjonijiet għandhom jonqsu b’mod konsiderevoli u x’aktarx ma jerġgħux jiżdiedu daqshekk malajr, minħabba li l-klijenti privati mistennija jaqilbu għal forom aktar siguri ta’ investiment, fuq kollox id-depożiti. Ir-rekwiżiti legali ġodda u t-trasparenza għolja tal-prodotti għandhom, fil-probabbiltà kollha, iżidu l-pressjoni fuq il-marġini. Min-naħa l-oħra, mistennija kontribuzzjoni akbar għall-profitti min-negozju ta’ klijenti korporattivi, ogħla minn dik ta kull SME. Fid-dawl tal-irtirar parzjali tal-kompetituri nazzjonali u internazzjonali, LBBW jara wkoll opportunitajiet biex iwessa’ l-funzjoni tiegħu bħala bank għall-SMEs u qiegħed jistenna domanda akbar hawnhekk fl-2010. LBBW jassumi wkoll li s-sitwazzjoni ta’ profitt se titjieb permezz tal-bejgħ trasversali, b’mod partikolari permezz tal-bejgħ ta’ strumenti ta’ hedging għal rati ta’ imgħax, il-munita u riskji ta’ kommoditajiet.

(34)

Safejn jikkonċerna klijenti kbar, fuq perjodu ta’ żmien medju, LBBW qiegħed jistenna żieda fid-domanda għal krediti u wkoll żieda fid-domanda mhux biss għal kapital ta’ ekwità tradizzjonali u prodotti kapitali ta’ dejn, iżda wkoll għal miżuri ta’ ristrutturar fil-karta tal-bilanċ. Il-kummerċ tas-swieq finanzjarji ta’ LBBW bħalissa qiegħed japprofitta minn effetti ta’ darba u mill-kundizzjonijiet estremament favorevoli ta’ finanzjament li qegħdin jirriżultaw mid-disponibbiltà ta’ ammonti kbar ta’ flus fuq termini favorevoli mill-Bank Ċentrali Ewropew. Min-naħa l-oħra, fuq perjodu ta’ żmien medju, LBBW jassumi li l-volum tas-suq se jerġa’ jkun pożittiv meta l-volatilità fis-swieq finanzjarji u l-iżviluppi ekonomiċi jerġgħu lura għan-normal. B’mod speċifiku, il-bank qiegħed jistenna tkabbir moderat fil-prodotti strutturati tas-suq kapitali u użu akbar tas-suq kapitali.

(35)

Fid-dawl ta’ dawn l-aspettattivi, id-dipendenza ta’ LBBW fuq il-kummerċ opportunistiku se titnaqqas u għandu jkun hemm żieda fis-sehem ta’ sorsi aktar stabbli ta’ dħul. Ir-riskji tas-suq se jonqsu u l-qligħ mill-kummerċ għall-kont proprju tiegħu se jiġi sostitwit mid-dħul tal-kummissjoni. Il-konċentrazzjoni tar-riskju għall-kreditu relattivament għolja attwali diġà tnaqqset u se tkompli tonqos.

(36)

F’xenarju pessimistiku li fih l-assi indeboliti għall-2011, l-2012 u l-2013 huma stmati li jkunu aktar minn 10 % ogħla milli fix-xenarju tal-linja bażi, il-proporzjonijiet tal-kapital se jkunu ferm inqas milli fix-xenarju realistiku. Madankollu, il-bank xorta waħda jibqa’ jissodisfa r-rekwiżiti tal-kapital regolatorju, hekk kif ir-rata fil-livell 1 fl-ebda punt ma tinżel taħt is-7 % u l-proporzjon totali tal-kapital tal-ekwità se jkun mill-inqas 10 % kull sena. Il-bank wettaq testijiet addizzjonali ta’ stress biex jiddetermina t-telf imbassar min-negozju ta’ self korporattiv, billi dan il-qasam jista’ jiġi affettwat b’mod partikolari mill-kollass fil-kummerċ dinji minħabba l-fokus tal-esportazzjoni tal-klijenti fis-swieq prinċipali tiegħu. Għalkemm dan ikompli jiggrava r-relazzjonijiet kapitali, il-bank xorta waħda jkollu salvagwardja kapitali suffiċjenti.

(37)

LBBW għandu taħlita diversifikata ta’ finanzjament. Huwa primarjament jiffinanzja lilu nnifsu permezz ta’ (i) banek tat-tfaddil u istituzzjonijiet finanzjarji oħrajn, ii) bonds b’ipoteka u titoli oħrajn u (iii) obbligazzjonijiet tal-klijenti tiegħu. Skont il-pjan ta’ ristrutturar, il-bank mhuwiex se jidħol f’diffikultajiet ta’ finanzjament. B’mod partikolari, il-finanzjament minn bonds b’obbligazzjoni iggarantiti mill-Istat, li għandhom jingħataw sal-2015, mhuwiex se jikkawża nuqqas ta’ finanzjament skont il-pjan, hekk kif l-assi bażi se jitnaqqsu. Il-Bank għandu ġabra konsiderevoli ta’ assi eliġibbli li jista’ jirrikorri għalihom f’każ ta’ nuqqas ta’ likwidità. Barra minn hekk, l-analiżi addizzjonali li twettqu internament għall-iskop tal-ġestjoni tal-likwidità u t-testijiet ta’ stress urew li l-bank jista’ jegħleb id-degradazzjoni ulterjuri tal-klassifikazzjoni tiegħu anki taħt kundizzjonijiet avversi mingħajr ebda problema ta’ likwidità.

(38)

Il-Ġermanja impenjat ruħha li l-LBBW jimplimenta l-pjan ta’ ristrutturar u jgħaddi l-impenji li ġejjin (fir-rigward tat-tnaqqis fil-karta tal-bilanċ, assi indeboliti u bejgħ) u l-impenni fl-imġiba:

“Il-Gvern Federali Ġermaniż u LBBW b’hekk jimpenjaw ruħhom li jwettqu l-miżuri li ġejjin sabiex jirristrutturaw il-LBBW:

[…]

Il-Gvern Federali Ġermaniż u LBBW iwiegħdu li l-LBBW se josserva dawn l-impenni fl-imġiba:

Impenji li jikkonċernaw il-governanza korporattiva:

Impenji oħrajn:

(39)

Il-Ġermanja qiegħda tapplika għal approvazzjoni tal-pjan ta’ ristrutturar. Il-Ġermanja ma tikkontestax li l-miżuri huma għajnuna statali. Madankollu, il-Ġermanja tasserixxi li l-miżuri huma kompatibbli mas-suq intern bħala għajnuna mill-Istat għar-ristrutturar skont l-Artikolu 107(3)(b) TFUE wara l-aġġustament tal-kumpens għall-miżura ta’ salvataġġ tal-assi u s-sottomissjoni tal-intrapriżi.

(40)

Fid-deċiżjoni tal-ftuħ, il-Kummissjoni esprimiet dubji dwar il-kompatibbiltà tal-miżura oriġinali mal-Komunikazzjoni dwar it-trattament ta’ assi indeboliti fis-settur bankarju tal-Komunità (12) (li minn hawn ‘il quddiem issir referenza għaliha bħala l-‘Komunikazzjoni dwar l-Assi Indeboliti’), b’mod partikolari fir-rigward tal-valutazzjoni u l-qsim tal-piżijiet. Madankollu, fl-opinjoni tal-Kummissjoni, ir-rekwiżiti tal-Komunikazzjoni dwar l-Assi Indeboliti rigward l-eliġibbiltà tal-assi, l-għażla tal-arranġament ta’ ġestjoni għal assi indeboliti, it-trasparenza u l-iżvelar, u d-dritt tal-garanzija kienu lkoll issodisfati.

(41)

Id-dubji tal-Kummissjoni rigward il-valutazzjoni kienu jikkonċernaw il-metodu li ntuża u s-suppożizzjonijiet mill-esperti ta’ LBBW fil-kalkolazzjoni tal-valur ekonomiku reali tal-portafolli, li ma kinux jidhru prudenti biżżejjed għall-Kummissjoni. Fuq kollox, is-suppożizzjonijiet li jikkonċernaw il-probabbiltà tat-telf, ir-rati ta’ rkupru, l-iżviluppi fil-prezzijiet tal-proprjetà ta’ beni immobbli f’xi swieq u l-korrelazzjonijiet ma kinux konservattivi biżżejjed għall-Kummissjoni. Barra minn hekk, il-portafoll tal-ABS ma kienx protett għal kollox.

(42)

Konsegwentement, il-Kummissjoni esprimiet dubji dwar il-qsim tal-piżijiet (inkluż il-kumpens), minħabba li kull korrezzjoni fil-valur ekonomiku reali jkollha konsegwenzi immedjati għall-valutazzjoni tal-miżata tal-garanzija.

(43)

Skont l-Artikolu 107(1) TFUE, kwalunkwe għajnuna mogħtija minn Stat Membru jew permezz ta’ riżorsi tal-Istat, fi kwalunkwe forma tkun xi tkun, li tfixkel jew thedded li tfixkel il-kompetizzjoni billi tiffavorixxi ċerti impriżi, hija inkompatibbli mas-suq intern, minħabba li din taffettwa l-kummerċ bejn l-Istati Membri.

(44)

Fid-deċiżjoni tal-ftuħ tagħha, il-Kummissjoni diġà stabbilixxiet li r-rikapitalizzazzjoni ta’ LBBW u l-miżura ta’ salvataġġ tal-assi huma għajnuna mill-Istat. L-element ta’ għajnuna fl-injezzjoni ta’ kapital jammonta għal EUR 5 biljuni. Skont il-Komunikazzjoni dwar l-Assi Indeboliti, l-ammont tal-għajnuna fil-miżura ta’ salvataġġ tal-assi jikkorrespondi għad-differenza bejn il-valur tat-trasferiment tal-assi u l-prezz tas-suq. Il-valur tat-trasferiment jikkorrespondi għall-valur nominali tal-portafoll nieqes l-Ewwel Telf. Jekk wieħed jassumi valur fis-suq ta’ EUR 18,143 biljuni (EUR 10,137 biljuni u EUR 8,006 biljuni) u valur ekonomiku ta’ EUR 27,915 biljuni (EUR 15,635 biljuni u EUR 12,280 biljuni), jirriżulta ammont totali ta’ għajnuna ta’ EUR 9,772 biljuni għall-miżura ta’ salvataġġ tal-assi.

(45)

L-ammont tal-għajnuna għaż-żewġ miżuri flimkien huwa ta’ madwar EUR 14,8 biljuni; dan jikkorrespondi għal aktar minn 9 % tal-assi indeboliti ta’ LBBW.

(46)

Skont l-Artikolu 107(3)(b) tat-TFUE, il-Kummissjoni tista’ tiddeċiedi li l-għajnuna tkun kompatibbli mas-suq intern jekk hija sservi biex ‘tirrimedja tfixkil serju fl-ekonomija ta’ Stat Membru’. Il-Kummissjoni tenfasizza li għad hemm il-periklu ta’ tfixkil serju fl-ekonomija tal-Ġermanja u li l-miżuri li jappoġġjaw lill-banek huma xierqa biex jikkumbattu dan il-periklu. Għaldaqstant, l-għajnuna għandha tiġi investigata skont l-Artikolu 107(3)(b) tat-TFUE.

(47)

Iż-żewġ miżuri ġew approvati għal perjodu limitat fid-deċiżjoni tal-ftuħ fuq il-bażi tal-Artikolu 107(3)(b) tat-TFUE u l-Komunikazzjonijiet dettaljati tal-Kummissjoni (Komunikazzjoni dwar l-applikazzjoni ta’ regoli ta’ għajnuna mill-Istat għal miżuri meħudin fir-rigward ta’ istituzzjonijiet finanzjarji fil-kuntest tal-kriżi finanzjarja globali attwali (13) (‘Komunikazzjoni Bankarja’), Komunikazzjoni dwar ir-rikapitalizzazzjoni ta’ istituzzjonijiet finanzjarji fil-kriżi finanzjarja attwali: limitazzjoni tal-għajnuna għall-minimu neċessarju u salvagwardji kontra tfixkil bla bżonn tal-kompetizzjoni (14) (‘Komunikazzjoni dwar ir-Rikapitalizzazzjoni’), Komunikazzjoni dwar it-trattament ta’ assi indeboliti fis-settur bankarju tal-Komunità (15) (‘Komunikazzjoni dwar l-Assi Indeboliti’) u l-Komunikazzjoni dwar ir-ritorn għall-vijabbiltà u l-valutazzjoni tal-miżuri ta’ ristrutturar fis-settur finanzjarju fil-kriżi attwali skont ir-regoli ta’ għajnuna mill-Istat (16) (‘Komunikazzjoni dwar ir-Ristrutturar’)). Madankollu, il-Kummissjoni bdiet investigazzjoni minħabba li baqgħet tirċievi oġġezzjonijiet taħt il-liġi tal-kompetizzjoni rigward il-miżura ta’ salvataġġ tal-assi. Għal din ir-raġuni, fl-istadju attwali tal-investigazzjoni, il-Kummissjoni għandha teżamina l-ewwelnett jekk l-oġġezzjonijiet taħt il-liġi tal-kompetizzjoni rigward il-miżura ta’ salvataġġ tal-assi għadhomx jeżistu u, it-tieni, jekk l-estensjoni tal-għajnuna approvata għal perjodu limitat hijiex kompatibbli mas-suq intern bħala għajnuna għar-ristrutturar.

(48)

Il-Kummissjoni teżamina l-miżuri ta’ salvataġġ tal-assi skont l-Artikolu 107(3)(b) tat-TFUE u fuq il-bażi tal-Komunikazzjoni dwar l-Assi Indeboliti. (17) Skont il-Komunikazzjoni dwar l-Assi Indeboliti, dawk il-miżuri li jeħilsu lill-bank benefiċjarju minn (jew li jikkumpensaw għal) ħtieġa li jirreġistra telf jew riserva għal telf possibbli fuq l-assi indeboliti tiegħu u/jew il-kapital regolatorju ħieles għal użu ieħor huma miżuri ta’ salvataġġ tal-assi li jeħtieġ li jiġu investigati bl-użu ta’ kriterji speċifiċi bil-għan li jiġi vverifikat jekk humiex kompatibbli mas-suq intern. Din l-investigazzjoni titwettaq bl-użu tal-kriterji li ġejjin: i) l-eliġibbiltà tal-assi, ii) it-trasparenza u l-iżvelar, iii) il-ġestjoni tal-assi indeboliti, iv) l-adegwatezza u l-konsistenza tal-metodu ta’ valutazzjoni, v) l-adegwatezza tal-kumpens u l-qsim tal-piżijiet u vi) il-ħtieġa għall-evalwazzjoni tal-pjan ta’ ristrutturar mill-Kummissjoni.

(49)

Fid-deċiżjoni tal-ftuħ, il-Kummissjoni stabbilixxiet li l-miżura ta’ salvataġġ tal-assi adottata għal LBBW – apparti mill-kriterji li jikkonċernaw il-metodu ta’ valutazzjoni u l-qsim tal-piżijiet inkluż il-kumpens – tissodisfa l-kriterji kollha msemmija hawn fuq. Madankollu, essenzjalment, il-Ġermanja kienet kapaċi tneħħi dawn id-dubji permezz ta’ għadd ta’ proposti ta’ emendi.

(50)

Bħala parti mill-investigazzjoni, il-Kummissjoni vvalutat il-portafoll bl-appoġġ ta’ esperti interni tal-Kummissjoni u ta’ esperti esterni. Il-valur ekonomiku reali tal-portafoll ABS huwa ta’ EUR [14-15-il] biljun u konsegwentement huwa inqas mill-valur iddikjarat minn LBBW b’EUR [1-2] biljun/i. Min-naħa l-oħra, il-valur ekonomiku reali tal-portafoll Sealink kien korrett. Konsegwentament, ġew ikkonfermati d-dubji tal-Kummissjoni fir-rigward tal-valutazzjoni tal-assi eliġibbli.

(51)

Matul l-eżaminazzjoni ta’ diversi miżuri ta’ salvataġġ tal-assi, ġew proposti metodi varji lill-Kummissjoni, li l-banek ikkonċernati jużaw biex jikkalkolaw il-valur ekonomiku reali ta’ portafoll. Fil-każ ta’ prodotti ta’ kreditu strutturati, possibbiltà waħda (dik magħżula minn LBBW) tikkonsisti mis-suġġettar tas-suppożizzjonijiet rigward ir-riskju tal-kontropartijiet, il-korrelazzjonijiet u t-telf mis-self għall-assi sottostanti għal test ta’ stress.

(52)

Matul l-eżaminazzjoni tal-kwistjoni ta’ jekk is-suppożizzjonijiet kinux prudenti biżżejjed, il-Kummissjoni bbażat is-sejbiet tagħha fuq każijiet oħrajn, b’mod partikolari fuq il-portafoll Sealink ta’ LBBW u fuq studji li saru minn partijiet terzi. Fit-twettiq ta’ dan, intużaw suppożizzjonijiet differenti skont il-klassi tal-assi. Sabiex tistabbilixxi kif dawn is-suppożizzjonijiet jistgħu jaffettwaw il-portafoll ABS, il-Kummissjoni talbet lill-esperti ta’ LBBW biex jevalwaw kampjun każwali peżat skont id-daqs b’40 pożizzjoni u l-akbar ħames pożizzjonijiet għal darb’oħra fuq il-bażi ta’ dawn is-suppożizzjonijiet.

(53)

Minħabba l-istruttura kaskata tat-tranches ta’ kreditu strutturati, l-użu tas-suppożizzjonijiet tat-test ta’ stress ipproduċa effetti differenti ħafna. Fil-każ ta’ xi klassijiet ta’ assi, bħal self mhux konformi fir-Renju Unit, it-tranches tal-portafoll kienu partikolarment robusti. Il-valur ekonomiku reali tagħhom konsegwentement wasal qrib ħafna tar-rata tas-suq, anki fil-każ ta’ suppożizzjonijiet prudenti tar-rati tas-suq, għalkemm il-valur tagħhom fis-suq ġeneralment ikun aktar baxx mill-valur nominali. Is-sitwazzjoni kienet pjuttost differenti bil-porzjonijiet ta’ xi Titoli Kummerċjali Appoġġjati b’Ipoteka u Obbligi Kummerċjali b’Ipoteka. B’dawn il-klassijiet ta’ assi, l-akbar diskrepanzi ma kinux biss bejn iż-żewġ portafolli ta’ LBBW, iżda wkoll fir-rigward ta’ każijiet oħrajn. F’dan il-każ, l-evalwazzjoni tal-kampjun każwali fuq il-bażi ta’ dawn is-suppożizzjonijiet ġodda u prudenti pproduċiet differenza ta’ EUR 143 miljun għal kampjun każwali b’valur nominali totali ta’ EUR 1 559 miljun, meta mqabbel mal-prezz miksub mill-esperti ta’ LBBW li jużaw il-mudell tal-‘każ tal-linja bażi’ tagħhom.

(54)

Il-Kummissjoni stabbilixxiet l-effetti potenzjali fuq il-portafoll kollu permezz ta’ estrapolazzjoni. Meta għamlet dan, hija kkunsidrat numru ta’ aspetti kwalitattivi tal-kampjun każwali, bil-għan li tevita kwalunkwe tisħiħ sproporzjonat ta’ ċerti effetti. Skont il-kalkoli, it-telf mistenni se jkun bejn EUR 2.9 biljuni u EUR 4.3 biljuni skont il-metodu ta’ estrapolazzjoni u l-fattur ta’ korrezzjoni.

(55)

Meta ma tqisx ċerti karatteristiċi speċifiċi tal-portafoll li jistgħu jħallu effetti negattivi mhux iġġustifikati fil-livell tal-portafoll, il-Kummissjoni hija tal-opinjoni li bl-aktar valutazzjoni bbilanċjata, it-telf mistenni għall-portafoll kollu kien ta’ EUR [3-4] biljuni. Konsegwentement, il-valur ekonomiku reali huwa stmat għal EUR [14-15-il] biljun, jiġifieri EUR [1-2] biljun/i inqas milli stabbilit fin-notifika.

(56)

Skont il-Komunikazzjoni dwar l-Assi Indeboliti, il-banek għandhom kemm jista’ jkun possibbli jħallsu huma stess l-ispejjeż assoċjati mal-assi indeboliti. Għalhekk l-assi għandhom jiġu ttrasferiti bi prezz li jkun jikkorrespondi għall-valur ekonomiku reali jew li jkun taħtu. Għal dan il-għan, għandu l-ewwel isir tnaqqis fil-valur għall-valur ekonomiku reali jew, f’każ ta’ garanzija, għandha tiġi nkluża klawżola ta’ ‘L-Ewwel Telf’, li tistabbilixxi li l-ewwel telf li għandu jagħmel tajjeb għalih il-bank benefiċjarju jikkorrespondi għad-differenza li teżisti bejn il-valur imniżżel fil-kotba u l-valur ekonomiku reali.

(57)

Fil-każ attwali ta’ għajnuna mill-Istat, il-miżura ta’ salvataġġ tal-assi twettqet mingħajr tnaqqis fil-valur preċedenti għall-valur ekonomiku reali tal-portafoll ABS. Madankollu, bil-għan li jiżgura l-qsim tal-piżijiet mitlub, LBBW wiegħed li jagħmel l-Ewwel Telf li jkopri t-telf inizjali mill-portafoll tal-garanzija li jammonta għal total ta’ EUR 1.9 biljuni; sadanittant, dan l-ammont tniżżel b’mod sħiħ.

(58)

Bħala riżultat tal-korrezzjoni magħmula mill-Kummissjoni fil-valur ekonomiku reali tal-portafoll ABS, li naqqsitu għal EUR [1-2] biljun/i inqas milli kien fil-valutazzjoni oriġinali mill-bank, it-telf antiċipat fil-portafoll ABS ma għadux ikkumpensat bil-quddiem permezz ta’ tnaqqis fil-valur jew b’telf inizjali għoli biżżejjed. Għal din ir-raġuni, sabiex tiġi żgurata l-kompatibbiltà tal-miżuri mar-regoli dwar l-għajnuna mill-Istat skont il-Komunikazzjoni dwar l-Assi Indeboliti, għandu jsir tnaqqis addizzjonali fil-valur nominali li jqis il-waqgħa fil-valur ekonomiku reali jew, fil-każ ta’ garanzija għall-assi, għandha ssir korrezzjoni tal-‘valur tat-trasferiment’ (jiġifieri żieda fil-punt tar-rabta) fil-valur ekonomiku reali. Tali tnaqqis fil-valur ma jkunx possibbli f’dan il-każ għal raġunijiet ta’ kontabbiltà mingħajr ma tinbidel l-istruttura tat-tranżazzjoni, minħabba li t-titoli strutturati huma mħarsa minn telf potenzjali permezz tal-miżura ta’ salvataġġ tal-assi.

(59)

Konsegwentement, il-valur tat-trasferiment huwa ogħla mill-valur ekonomiku reali. Fil-każ ta’ suppożizzjoni ta’ riskju ogħla mill-valur ekonomiku reali, il-kriterju stabbilit fil-Komunikazzjoni dwar l-Assi Indeboliti tal-qsim sħiħ tal-piżijiet ex ante ma jkunx jista’ jiġi ssodisfat. Għaldaqstant, l-element ta’ għajnuna fil-miżura ta’ salvataġġ tal-assi huwa korrispondentement akbar u jista’ jiġi approvat biss jekk il-miżura tkun akkumpanjata mill-introduzzjoni ta’ kundizzjonijiet li jippermettu l-irkupru ta’ din l-għajnuna addizzjonali fi stadju aktar tard (pereżempju permezz ta’ mekkaniżmu msejjaħ ‘claw-back’) jew b’ristrutturar estensiv (cf. il-paragrafu 41 u s-sezzjoni 5.2 tal-Komunikazzjoni dwar l-Assi Indeboliti).

(60)

B’mekkaniżmu ‘claw-back’, il-bank benefiċjarju normalment iħallas mill-ġdid il-vantaġġ li jirriżulta mis-suppożizzjoni ogħla tar-riskju fi stadju aktar tard, jiġifieri jkollu jħallas mill-ġdid l-ammont sħiħ assigurat mill-garanzija li taqbeż il-valur ekonomiku reali. Jekk l-ebda rkupru sħiħ (claw-back) ma huwa possibbli, għandhom jiġu pprovduti miżuri ta’ kumpens estensivi.

(61)

Fil-każ ta’ garanzija, l-irkupru jista’ jinkiseb permezz ta’ kumpens xieraq għall-ammont li jaqbeż il-valur ekonomiku reali. Fil-każ attwali, kumpens ta’ 10 % p.a. jitħallas għall-garanzija ta’ EUR 1,5 biljuni. Dan il-kumpens ikopri kemm il-vantaġġ li jirriżulta mis-salvataġġ tal-kapital għall-ammont iggarantit ta’ EUR 1,5 biljuni (rata ta’ kumpens attwali ta’ 6,25 %) u ż-żieda bi 3,75 % (li tirriżulta f’ammont globali ta’ EUR 56,25 miljun p.a.). (18)

(62)

Mal-ewwel daqqa t’għajn din iż-żieda tista’ tidher baxxa. Madankollu, għandu jiġi mfakkar li – kif ġie rrimarkat diġà – f’każ ta’ telf fil-ġejjieni, il-garanzija mill-Istat issir effettiva biss jekk l-ewwel telf ta’ EUR 1.9 biljuni jkun ġie utilizzat għal kollox. Għaldaqstant, mhuwiex probabbli li l-garanzija tittieħed qabel ma l-Istat ta’ Baden-Württemberg bħala garanti tal-għajnuna mill-Istat ikun ifforma riservi sostanzjali għal tali pagamenti mill-miżati mħallsa minn LBBW. (19) Minħabba li mhuwiex ċar meta se jseħħ it-telf potenzjali stabbilit mill-Kummissjoni, jista’ jkun li l-ħlasijiet tad-drittijiet jkunu biżżejjed sabiex ikopru t-telf kollu li jista’ jirriżulta. Iż-żieda fil-kumpens konsegwentement tikkontribwixxi għat-tneħħija tad-dubji oriġinali tal-Kummissjoni rigward il-qsim tal-piżijiet. Barra minn hekk, l-iskala u l-firxa tar-ristrutturar li għandu jitwettaq mill-bank u l-miżuri ta’ kumpens għandhom jikkumpensaw biżżejjed għal kwalunkwe nuqqas fl-irkupru preskritt. Id-dubji tal-Kummissjoni rigward il-qsim xieraq tal-piżijiet jistgħu jitneħħew f’dan il-punt.

(63)

Minħabba li l-valur ekonomiku reali tal-portafoll Sealink kien ikkonfermat, ma hemm bżonn ta’ ebda aġġustament għal din il-parti tal-arranġament.

(64)

Fid-deċiżjoni tal-ftuħ tagħha, il-Kummissjoni stabbilixxiet li l-kumpens imħallas mill-bank benefiċjarju jqis ir-riskju tat-telf fil-ġejjieni li jaqbeż ir-riskju mfisser fil-valur ekonomiku reali skont il-Komunikazzjoni dwar l-Assi Indeboliti. Il-kumpens ġie kkalkulat fuq il-bażi ta’ rata tal-imgħax, li kienet tintuża bħala bażi għal rikapitalizzazzjoni korrispondenti, fejn l-effett ta’ salvataġġ tal-kapital ta’ ekwità ntuża bħala miżura skont il-Komunikazzjoni dwar l-Assi Indeboliti.

(65)

Madankollu, fid-dawl tal-effett ta’ salvataġġ tal-kapital ta’ ekwità, il-kumpens għandu jitnaqqas b’0,75 % għal 6,25 % p.a. Mill-inqas 50 % tal-kapital regolatorju ta’ ekwità għandu jikkonsisti minn kapital fil-livell 1. Skont id-dispożizzjonijiet legali attwali (20) il-kapital fil-livell 2 ma għandux jaqbeż il-100 % tal-kapital fil-livell 1. Dan ifisser li l-kapital ta’ ekwità jista’ jikkonsisti f’50 % tal-kapital fil-livell 1 u 50 % tal-kapital fil-livell 2 sabiex jiġu ssodisfati r-rekwiżiti regolatorji. Billi skont ir-Rakkomandazzjoni tal-Bank Ċentrali Ewropew tal-20 ta’ Novembru 2008 dwar il-miżuri ta’ rikapitalizzazzjoni, teżisti differenza ta’ 1,5 % bejn il-prezz tal-kapital fil-livell 1 u tal-kapital fil-livell 2, tnaqqis ta’ 150 punt bażi huwa xieraq. (21) Jekk skont il-Komunikazzjoni dwar ir-Rikapitalizzazzjoni, kumpens ta’ 7 % jista’ jitqies bħala wieħed xieraq għall-kapital fil-livell 1 mingħajr il-provvista ta’ likwidità, il-kapital fil-livell 2 għandu mbagħad jiġi kkumpensat b’rata ta’ 5,5 %. Il-medja taż-żewġ rati hija ta’ 6,25 %.

(66)

Fuq il-bażi tal-kunsiderazzjonijiet ta’ fuq, LBBW għandu jħallas effett ta’ salvataġġ ta’ kapital ta’ EUR 4 476 biljun b’rata ta’ 6,25 % p.a., li tikkorrespondi għal ammont ta’ EUR 279,75 miljun p.a. Flimkien mal-ammont ta’ rkupru ta’ EUR 56,24 miljun, dan jipproduċi ammont ta’ kumpens ta’ EUR 336 miljun p.a. li, fid-dawl tal-aspetti spjegati hawn fuq, huwa proporzjonat.

(67)

Il-Kummissjoni għandha teżamina l-kontinwazzjoni tal-miżuri attwali kollha ta’ salvataġġ bħala għajnuna għar-ristrutturar. L-eżaminazzjoni ta’ jekk l-għajnuna għar-ristrutturar hijiex kompatibbli mas-suq intern titwettaq fl-isfond tal-kriżi finanzjarja fuq il-bażi tal-Komunikazzjoni tal-Kummissjoni dwar ir-Ristrutturar. Għalkemm fid-deċiżjonijiet preċedenti saret referenza għal-Linji Gwida tal-Komunità dwar l-għajnuna mill-Istat għas-salvataġġ u r-ristrutturar ta’ impriżi f’diffikultà, (22) fil-paragrafu 49 tal-Komunikazzjoni dwar ir-Ristrutturar, il-Kummissjoni kkjarifikat li l-għajnuna kollha li tiġi nnotifikata lill-Kummissjoni fi jew qabel il-31 ta’ Diċembru 2010 se tiġi eżaminata bħala għajnuna għal ristrutturar għal banek fuq il-bażi tal-Komunikazzjoni dwar ir-Ristrutturar aktar milli l-Linji Gwida tal-Komunità dwar l-għajnuna mill-Istat għas-salvataġġ u r-ristrutturar ta’ impriżi f’diffikultà.

(68)

Fir-rigward tal-ħtieġa u l-firxa ta’ ristrutturar, mhuwiex stabbilit fil-Komunikazzjoni dwar ir-Ristrutturar taħt liema kundizzjonijiet bank jista’ jissottometti pjan ta’ ristrutturar, iżda ssir referenza għal komunikazzjonijiet preċedenti li jikkonċernaw dan. Il-Kummissjoni hija tal-fehma li LBBW jeħtieġ ristrutturar komprensiv minħabba li l-għajnuna ppreveniet l-għeluq tal-bank mill-awtorità ta’ sorveljanza bankarja u kollox ma’ kollox kienet tikkorrespondi għal aktar minn 2 % tal-assi indeboliti totali tal-bank. Din il-fehma hija konformi mal-paragrafu 4 tal-Komunikazzjoni dwar ir-Ristrutturar u mal-paragrafu 55 tal-Komunikazzjoni dwar l-Assi Indeboliti.

(69)

Skont il-Komunikazzjoni dwar ir-Ristrutturar, fil-pjan ta’ ristrutturar għandu l-ewwel jiġi spjegat li l-proċess tar-ristrutturar, li għalih huwa soġġett il-bank benefiċjarju, huwa addattat sabiex jiġi żgurat ir-ritorn għall-vijabbiltà fit-tul. It-tieni, l-ammont tal-għajnuna għandu jkun limitat għall-minimu assolutament neċessarju u kemm il-benefiċjarju kif ukoll l-azzjonisti tiegħu għandhom jipparteċipaw kemm jista’ jkun possibbli fir-ristrutturar bil-fondi tagħhom stess. Għandhom jittieħdu miżuri sabiex jillimitaw it-tfixkil tal-kompetizzjoni li jirriżulta bħala riżultat tal-fatt li l-poter tal-benefiċjarju fis-suq huwa appoġġjat artifiċjalment u wkoll sabiex tiġi żgurata l-manutenzjoni ta’ settur bankarju kompetittiv. Barra minn hekk, jeħtieġ li jiġu kkjarifikati l-mistoqsijiet relatati ma’ kwistjonijiet proċedurali u ta’ monitoraġġ.

(70)

F’evalwazzjoni ta’ pjan ta’ ristrutturar skont il-liġi tal-kompetizzjoni, il-Kummissjoni tiżgura li l-bank ikun f’pożizzjoni li jirrestawra l-vijabbiltà fit-tul tiegħu mingħajr ebda għajnuna mill-Istat (sezzjoni 2 tal-Komunikazzjoni dwar ir-Ristrutturar).

(71)

Skont il-Komunikazzjoni dwar ir-Ristrutturar, il-vijabbiltà fit-tul tiġi żgurata jekk il-bank ristrutturat ikun kapaċi jikkompeti fis-suq għall-kapital fuq il-merti tiegħu stess b’konformità mar-rekwiżiti regolatorji rilevanti. Dan jinvolvi li l-bank ikun kapaċi jkopri l-ispejjeż kollha tiegħu u jipprovdi redditu xieraq fuq l-ekwità, filwaqt li jiġi kkunsidrat il-profil tar-riskju tal-bank. Il-vijabbiltà fit-tul tirrikjedi wkoll li kwalunkwe għajnuna li tasal mingħand l-Istat għandha jew tiġi mifdija matul iż-żmien, kif antiċipat fiż-żmien meta tingħata l-għajnuna, jew inkella titħallas skont il-kundizzjonijiet normali tas-suq, biex b’hekk jiġi żgurat li titwaqqaf kwalunkwe forma ta’ għajnuna mill-Istat addizzjonali. Ir-restawr tal-vijabbiltà għandu fuq kollox jinkiseb permezz ta’ miżuri interni u fuq il-bażi ta’ pjan ta’ ristrutturar kredibbli. Barra minn hekk, il-pjan ta’ ristrutturar għandu jidentifika l-kawżi tad-diffikultajiet tal-bank u d-dgħjufijiet tal-bank stess, filwaqt li jiddeskrivi kif il-miżuri ta’ ristrutturar proposti jirrimedjaw il-problemi bażiċi tal-bank. Ir-ristrutturar jeħtieġ l-irtirar mill-attivitajiet li jibqgħu strutturalment jagħmlu t-telf fuq perjodu ta’ żmien medju.

(72)

L-ewwelnett, ir-ristrutturar mibdi minn LBBW fuq il-bażi tal-pjan ta’ ristrutturar ippreżentat mill-Ġermanja jidher li huwa xieraq sabiex tiġi rrestawrata l-vijabbiltà ta’ LBBW. Fil-pjan ta’ ristrutturar, huwa stmat li għas-sena 2013 ikun hemm relazzjoni kapitali fil-livell 1 ta’ [9-11] % u redditu fuq l-ekwità ta’ [10-12] %. Dawn il-figuri – anki taħt kundizzjonijiet ta’ stress estremi – se jkunu ferm ogħla mil-livell regolatorju u jikkorrespondu għall-aspettattivi tas-suq ta’ bank bil-profil ta’ riskju ta’ LBBW. Skont il-pjan ta’ ristrutturar, LBBW se jkun kapaċi jkopri l-ispejjeż kollha tiegħu u jibda jħallas lura l-għajnuna mill-Istat fl-2013. Barra minn hekk, ma hemm ebda indikazzjoni ta’ xi problemi potenzjali ta’ finanzjament. Il-likwidità ta’ LBBW uriet li kienet stabbli matul il-kriżi u l-bank għad għandu riservi ta’ likwidità suffiċjenti. Il-finanzjament futur u l-ispejjeż finanzjarji ġew eżaminati.

(73)

Anki bl-applikazzjoni tax-xenarju pessimistiku ta’ LBBW, il-bank ma jkun jeħtieġ ebda għajnuna oħra, il-proporzjon tal-kapital fil-livell 1 mhuwiex se jinżel taħt is-7,0 % matul ir-ristrutturar u l-proporzjon tal-kapital fil-livell 1 se jkun [9-10] % fl-2013, iżda l-qligħ fuq l-ekwità se jkun biss [6-7] %. Anki li kieku l-ispejjeż tar-riskju u l-assi indeboliti kellhom ikomplu jitilgħu, il-bank xorta waħda jkollu jissodisfa r-rekwiżiti regolatorji għal riżorsi kapitali.

(74)

Il-mudell kummerċjali rivedut ta’ LBBW huwa fattur deċiżiv sabiex jiġi żgurat li r-restawr tal-vijabbiltà ikun realistiku. LBBW għandu jinqeleb f’bank kummerċjali b’fokus ċar fuq l-SMEs Ġermaniżi u klijenti privati, li jagħmel numru ta’ prodotti finanzjarji korporattivi u prodotti bankarji ta’ investiment magħżula disponibbli għal uħud mill-klijenti tiegħu (klijenti korporattivi u banek tat-tfaddil). Huwa joffri prodotti tajbin li jintużaw minn firxa wiesgħa ta’ klijenti (dawn jinkludu relazzjonijiet bankarji ta’ ħafna snin). Dan għandu jifforma bażi tajba għal negozju bankarju kummerċjali b’saħħtu, filwaqt li t-tranżazzjonijiet opportunistiċi mmexxija mis-swieq kapitali għandhom b’dan il-mod jitnaqqsu.

(75)

Il-Kummissjoni eżaminat il-kredibbiltà tal-pjan ta’ ristrutturar fuq il-bażi tar-riżultati kummerċjali ta’ LBBW u r-rapporti aġġornati ta’ LBBW (inklużi riżultati fis-sistema ta’ informazzjoni tal-ġestjoni u rapporti dwar il-ġestjoni tar-riskji). Barra minn hekk, il-Kummissjoni bbażat id-deċiżjoni tagħha fuq il-valutazzjonijiet tar-riskju li twettqu mill-awtorità ta’ sorveljanza kompetenti b’konformità mad-direttivi Ewropej dettaljati u fuq rapporti minn aġenziji tal-klassifikazzjoni. L-ippjanar u s-suppożizzjonijiet bażi ġew investigati għall-kompatibbiltà tagħhom mal-previżjonijiet ekonomiċi l-aktar riċenti u ma’ xenarji li kienet irreferiet għalihom ukoll il-Kummissjoni f’każijiet oħrajn ta’ għajnuna.

(76)

Il-pjan ta’ ristrutturar jikkunsidra l-informazzjoni dettaljata li hija disponibbli bħalissa u jieħu f’kunsiderazzjoni l-fatt li l-previżjonijiet li jikkonċernaw l-iżvilupp fil-ġejjieni jistgħu jsiru biss sa ċertu punt limitat. Is-suppożizzjonijiet li jikkonċernaw l-iżvilupp ulterjuri tar-riskji, ir-riżultati u l-bażi tal-kapital jidhru li huma pessimistiċi biżżejjed. Ir-riskji li jirriżultaw mill-ktieb tas-self kbir u relattivament ikkonċentrat – jiġifieri l-akbar riskji wara r-riskju b’rabta mal-investiment f’titoli strutturati – kienu limitati mill-miżura ta’ salvataġġ tal-assi u konsegwentement ġew ittrattati b’mod xieraq. Għar-riskji li jifdal li jirriżultaw minn titoli oħrajn u r-riskji tal-ktieb tas-self, LBBW qiegħed ibassar żieda ċara fil-ġestjoni tar-riskji għall-2009, anki meta mqabbla mal-2008. Mill-2010 ‘il quddiem, l-ispejjeż tar-riskji se jonqsu u għandu jinkiseb livell normali sal-2013. Madankollu, huwa preżunt li anki taħt kundizzjonijiet standardizzati, l-ispejjeż tar-riskji ta’ LBBW se jibqgħu għoljin id-doppju tal-ġestjoni tar-riskji preċedenti u se jikkorrespondu għall-ispejjeż tar-riskji tal-pari tiegħu.

(77)

Barra minn hekk, il-pjan ta’ ristrutturar ma jassumi ebda rkupru rapidu, iżda pjuttost żieda konsiderevoli fir-riskji u telf mis-self. Il-pjan ta’ ristrutturar iqis dawn l-aspetti kemm permezz ta’ ġestjoni tar-riskji ogħla kif ukoll b’rekwiżiti ta’ kapital regolatorju ogħla minħabba l-migrazzjoni tar-riskji u telf ogħla fuq ir-riżultati. Dan huwa r-riżultat tal-kalkoli konġunti tal-uffiċċji ta’ LBBW għas-self u l-ġestjoni tar-riskji u konsegwentement huwa r-riżultat ta’ taħlita ta’ approċċ ibbażat fuq mudell u l-estimi tal-esperti. Filwaqt li jirriżulta rkupru aktar baxx mill-mudelli u, kuntrarju għall-estimi tal-esperti, hija preżunta probabbiltà akbar ta’ telf, l-esperti huma tal-fehma li t-telf huwa stmat li huwa baxx wisq fil-mudelli. Il-figuri taż-żewġ naħat kienu aġġustati bix-xieraq. Barra minn hekk, kemm il-paraguni storiċi kif ukoll il-paragun tal-parametri tal-pjan attwali juru grad għoli ta’ konsistenza mal-indikaturi ekonomiċi esterni u juru wkoll li l-effetti ta’ tnaqqis fl-attività ekonomika tqiesu fil-pjan.

(78)

Mill-pjan ta’ ristrutturar jista’ jidher ukoll li l-ispejjeż tar-riskji għal negozju ġdid u self se jkunu konsiderevolment aktar baxxi minn issa, minħabba li r-riskji jistgħu jitnaqqsu b’mod konsiderevoli permezz tar-ristrutturar, filwaqt li l-kwalità tal-kreditu fin-negozju prinċipali se tkun aħjar. Għalhekk, mhux se jsiru aktar investimenti fit-titoli strutturati. Il-portafolli li jkun fihom l-akbar riskju kienu s-suġġett ta’ miżuri ta’ salvataġġ tal-assi li jistgħu jitqiesu bħala suffiċjenti skont ir-riżultati tal-investigazzjoni tal-Kummissjoni. Għalhekk, mhuwiex mistenni li jiġi ġġenerat aktar telf f’dan ir-rigward. Madankollu, LBBW qiegħed jistenna żieda konsiderevoli fl-ispejjeż tar-riskji għall-fażi tar-ristrutturar, fejn huwa preżunt li dawn l-ispejjeż se jkunu ogħla mill-ġestjoni tar-riskji attwali. L-aspettattivi rigward l-iżvilupp tar-riskji ta’ krediti huma kawti.

(79)

Filwaqt li t-tbassir għat-telf huwa konservattiv, il-probabbiltà tat-telf – b’mod partikolari għal negozju korporattiv – hija stmata li tkun inqas minn kif evalwat mill-Kummissjoni. Madankollu, LBBW kien kapaċi juri li l-aspettattivi tat-telf huma ferm ogħla mill-informazzjoni storika (għall-aħħar riċessjoni fil-Ġermanja) u jikkorrespondu għal dawk ta’ banek oħrajn bl-istess grupp ta’ klijenti. Barra minn hekk, il-bank għamel enfasi fuq is-saħħa finanzjarja ta’ dawn il-klijenti korporattivi meta mqabbla ma’ kumpaniji oħrajn fl-Ewropa u għamel enfasi wkoll fuq il-vantaġġi dovuti għar-relazzjonijiet korporattivi b’saħħithom illi għandu. Barra minn hekk, huwa wera li l-aspettattivi tat-telf għal dan is-segment tas-suq partikolarment importanti għar-riskju ta’ kreditu globali ta’ LBBW jikkorrespondu għal dawk tal-pari tiegħu.

(80)

Teżisti xi inċertezza rigward l-iżvilupp tar-riskji fis-suq, għalkemm l-investiment fit-titoli strutturati ma għadux aktar ta’ importanza bħala wieħed mill-akbar xprunaturi tar-riskji. Barra minn hekk, in-negozju għalih innifsu jitnaqqas b’mod konsiderevoli u l-qasam tas-saldu tat-titoli se jiġi dirett lejn il-ġestjoni tal-assi u n-negozju ffokat fuq il-klijenti. Minbarra dan, il-firxa ta’ prodotti kkummerċjalizzati se titnaqqas u l-kumplessità tagħhom se tiġi ristretta. Għaldaqstant, fil-pjan ta’ ristrutturar, ir-riskji tas-suq jiġu kkunsidrati kif dovut.

(81)

Aspett ieħor importanti huwa l-iżviluppi fl-ispejjeż. Għalhekk, LBBW jassumi li huwa se jkun kapaċi jiffranka 25 % fl-ispejjeż amministrattivi tiegħu. Minħabba li l-pjan ta’ ristrutturar jipprevedi tnaqqis fl-impjiegi ta’ madwar 20 % u tnaqqis fl-istruttura, fl-oqsma kummerċjali u fil-prodotti kummerċjali, dawn il-proġezzjonijiet huma kredibbli.

(82)

Minkejja tnaqqis sinifikanti fl-assi u fl-attivitajiet kummerċjali, LBBW qiegħed jistenna biss tnaqqis żgħir fid-dħul meta mqabbel ma’ qabel. Filwaqt li l-assi indeboliti se jitnaqqsu b’madwar 30 %, huwa preżunt li fl-2009 jinkiseb 87 % tad-dħul. Il-kompożizzjoni tad-dħul se tinbidel minħabba li d-dħul min-negozju ma’ klijenti korporattivi għandu jżid fl-importanza. Filwaqt li huwa preżunt ukoll li l-qasam kummerċjali tas-swieq finanzjarji tal-bank se jkompli jipproduċi l-qligħ, għandu jkun hemm dħul mid-drittijiet minflok dħul min-negozju għalih innifsu. Kollox ma’ kollox, mistennija sitwazzjoni ta’ qligħ aktar stabbli li tkun inqas dipendenti fuq il-varjazzjoni tal-prezzijiet tas-suq.

(83)

It-tieni, sabiex ikun addattat biex jirrestawra l-profittabbiltà tal-bank skont il-Komunikazzjoni dwar ir-Ristrutturar, il-pjan ta’ ristrutturar għandu jidentifika l-kawżi tad-diffikultajiet tal-bank u d-dgħjufijiet proprji tal-bank u jiddeskrivi kif il-miżuri ta’ ristrutturar proposti jirrimedjaw il-problemi bażiċi tal-bank. Hija l-fehma tal-Kummissjoni li dan huwa l-każ minħabba li l-pjan ta’ ristrutturar jipprevedi l-ħruġ tal-bank min-negozju tas-sostituzzjoni ta’ krediti sproporzjonalment estensiv, u LBBW se jnaqqas l-attivitajiet tiegħu fis-suq tal-kapital kemm f’dak li għandu x’jaqsam mal-ambitu kif ukoll mal-kumplessità, u se jnaqqas in-negozju barrani tiegħu bil-għan li jikkonċentra fuq il-kompetenzi ewlenin tiegħu, li jinsabu primarjament fin-negozju tal-klijenti privati u f’negozju ma’ klijenti żgħar u ta’ daqs medju fis-swieq reġjonali.

(84)

Id-dgħjufijiet eżistenti u potenzjali fl-istruttura tal-governanza korporattiva għandhom ikunu wkoll is-suġġett tal-pjan ta’ ristrutturar. Il-Kummissjoni tinnota li l-pjan ta’ ristrutturar jipprevedi bidliet fundamentali fl-istatus legali u l-governanza korporattiva, bir-riżultat li LBBW se jkun inqas suġġett għal influwenza mhux xierqa mill-azzjonisti u, kollox ma’ kollox, se tiġi żgurata governanza korporattiva aħjar.

(85)

Il-miżuri li qegħdin jiġu implimentati se jiżguraw li LBBW ma jkunx differenti mill-kompetituri tiegħu la fl-artikoli ta’ assoċjazzjoni, fil-politika kummerċjali u fil-proċeduri interni tiegħu, u lanqas fir-rigward tal-irwol u l-kompożizzjoni tal-korpi korporattivi tiegħu. Hemm salvagwardji suffiċjenti biex jipprevjenu li d-deċiżjonijiet kummerċjali jiġu stabbiliti b’kunsiderazzjonijiet mhux kummerċjali. Barra minn hekk, il-kwalità tal-governanza korporattiva se titjieb b’mod konsiderevoli. Minbarra dan, l-irwoli tal-korpi varji (laqgħa tas-sidien, il-Bord ta’ Sorveljanza u l-Bord tad-Diretturi Maniġerjali) huma separati minn xulxin b’mod aktar ċar u b’mod aktar konsistenti; il-Bord ta’ Sorveljanza se jikseb il-professjonaliżmu permezz tal-inklużjoni ta’ esperti indipendenti f’bordijiet ta’ sorveljanza u bl-introduzzjoni ta’ testijiet tal-kapaċità għall-membri kollha.

(86)

Għalhekk, il-bank u l-azzjonisti tiegħu qablu fuq qafas ta’ governanza korporattiva li jikkorrespondi b’mod sħiħ għar-rekwiżiti mqiegħda fuq impriżi privati u li jipprevedi l-implimentazzjoni tal-Kodiċi Ġermaniż tal-Governanza Korporattiva (volontarju). Barra minn hekk, l-applikazzjoni stretta tal-prinċipji tal-ġestjoni tan-negozju se tiġi introdotta fl-Att tal-Landesbank Baden-Württemberg u fl-artikoli ta’ assoċjazzjoni ta’ LBBW.

(87)

Il-laqgħa tas-sidien attwali hija sors potenzjali ta’ influwenza mhux xierqa bil-poteri estensivi tagħha u bħalissa qiegħda tinqeleb f’laqgħa tas-sidien jew laqgħa ġenerali annwali mingħajr ambitu sabiex tiġi eżerċitata l-influwenza. Hija prevista separazzjoni aktar ċara bejn il-kompiti u r-responsabbiltajiet tal-ġestjoni korporattiva u l-Bord ta’ Sorveljanza. Skont il-Kodiċi Ġermaniż tal-Governanza Korporattiva, terz tal-Bord ta’ Sorveljanza għandu jkun magħmul minn membri indipendenti. Il-kriterji tal-adattabilità introdotti mill-Awtorità Federali Ġermaniża ta’ Sorveljanza Finanzjarja (Bundesanstalt für Finanzdienstleistungsaufsicht (BaFin)) li huma maħsuba biex jiżguraw li l-membri maħturin ġodda tal-bordijiet ta’ sorveljanza jkollhom minimu ta’ kompetenza, se japplikaw għall-membri kollha. Matul ir-ristrutturar, membru indipendenti se jassumi l-kompiti tal-president tal-Bord ta’ Sorveljanza. Il-Kumitat għall-Verifika u l-Kumitat għar-Riskju huma konformi mal-prinċipji tal-aħjar governanza għall-banek u jinkludu kriterji ta’ adattabilità aktar stretti. Sabiex jipprovdi xi finalità lil dawn il-bidliet fil-governanza korporattiva, LBBW se jinqeleb minn entità pubblika għal kumpanija pubblika b’responsabbiltà limitata.

(88)

Barra minn hekk, il-kunċetti u l-proċeduri tal-ġestjoni tar-riskji qegħdin jinbidlu u diġà bdew jinbidlu sabiex ikompli jitnaqqas in-numru ta’ deċiżjonijiet li jinvolvu suppożizzjoni ta’ riskju, li iżda mhumiex qegħdin jittieħdu skont prinċipji purament kummerċjali. Safejn ikun possibbli, dawn il-miżuri se jiżguraw li l-aspetti tal-governanza korporattiva ma jipperikolawx il-vijabbiltà futura tal-bank.

(89)

Barra minn hekk, ma hemm l-ebda evidenza li LBBW se jkompli s-segmenti tan-negozju li jibqgħu strutturalment fi żbilanċ fit-terminu medju jew li jesponu lill-bank għal riskji li ma jikkorrespondux għall-kwalità tal-ġestjoni tar-riskji tiegħu jew għar-riżorsi kapitali tiegħu. In-negozju tas-sostituzzjoni ta’ krediti ngħalaq kompletament, il-portafolli eżistenti qegħdin jiġu xolti, il-kummerċ akkont proprju tiegħu għandu jitnaqqas b’mod konsiderevoli, u r-riskju tal-krediti – b’mod partikolari r-riskju tal-konċentrazzjoni fis-segmenti ewlenin tan-negozju ta’ LBBW – se jkun soġġett għal reviżjoni aktar stretta u huwa wkoll għandu jitnaqqas b’mod konsiderevoli. Kollox ma’ kollox, il-profili tar-riskju u l-qligħ ta’ LBBW se jsiru aktar trasparenti u sempliċi.

(90)

LBBW tgħallem il-lezzjonijiet tiegħu mill-kriżi u għamel numru ta’ bidliet fl-istrateġija kummerċjali u l-ġestjoni tar-riskji tiegħu, li għandhom jagħmluh inqas suxxettibbli fil-ġejjieni. Dawn jinkludu l-iffokar fuq segmenti tan-negozju fejn għandu kompetenza partikolari u ħafna snin ta’ relazzjonijiet ta’ kreditu u t-tnaqqis tar-riskju ta’ konċentrazzjoni.

(91)

Meta jiġi kkunsidrat fit-totalità tiegħu, il-pjan ta’ ristrutturar ta’ LBBW għaldaqstant jitqies bħala xieraq għar-restawr tal-vijabbiltà fit-tul tal-bank.

(92)

Skont is-sezzjoni 3 tal-Komunikazzjoni dwar ir-Ristrutturar, l-għajnuna għandha tkun limitata għall-minimu neċessarju u għandha tiġi pprovduta kontribuzzjoni proprja xierqa għall-ispejjeż tar-ristrutturar. Mill-pjan ta’ ristrutturar, jista’ jidher li LBBW jipprevedi qsim xieraq tal-piżijiet skont il-Komunikazzjoni dwar ir-Ristrutturar, bir-riżultat li jiġi evitat kwalunkwe periklu morali.

(93)

Il-pjan ta’ ristrutturar ma jinkludi ebda element li jista’ jwassal għas-suppożizzjoni li l-għajnuna taqbeż il-kopertura tal-ispejjeż meħtieġa għar-restawr tal-vijabbiltà. L-għajnuna li ngħatat hija meħtieġa sabiex jiġi żgurat li fil-każ tal-linja bażi, LBBW għandu salvagwardji kapitali suffiċjenti u, f’xenarju mhux favorevoli, ikun kapaċi jissodisfa r-rekwiżiti kapitali regolatorji. LBBW ma rċeviex aktar kapital.

(94)

Barra minn hekk, minħabba l-iskarsezza tar-riżorsi u l-projbizzjoni fuq l-akkwisti mwiegħda mill-Ġermanja, huwa eskluż li r-riżorsi tal-Istat jintużaw għall-akkwist ta’ ishma tal-kumpaniji jew ta’ investiment ġdid.

(95)

Kif previst fil-paragrafu 24 tal-Komunikazzjoni dwar ir-Ristrutturar, LBBW jerfa’ parti mill-ispejjeż tar-ristrutturar tiegħu billi jħallas kumpens xieraq għall-injezzjoni tal-kapital u l-miżura ta’ salvataġġ tal-assi.

(96)

Barra minn hekk, LBBW qiegħed jagħmel kontribuzzjoni lejn ir-ristrutturar permezz ta’ bejgħ estensiv (inkluż il-bejgħ ta’ unitajiet li huma importanti għall-mudell kummerċjali tiegħu).

(97)

Billi l-azzjonisti injettaw kapital fil-bank bi pro rata għall-ishma rispettivi tagħhom, il-piżijiet huma għallinqas imqassmin b’mod aktar ġust fost il-gruppi ta’ azzjonisti.

(98)

Minħabba l-projbizzjoni fuq ir-riservi ta’ approprijazzjoni għall-għoti ta’ kupuni għall-istrumenti fil-livelli 1 u 2, is-sidien tal-kapital fi grad aktar baxx qegħdin jikkontribwixxu wkoll għar-ristrutturar ta’ LBBW. Skont il-paragrafu 26 tal-Komunikazzjoni dwar ir-Ristrutturar, bank ma għandux juża l-għajnuna mill-Istat biex iħallas il-kumpens għal riżorsi proprji jekk ma jkunx hemm biżżejjed qligħ. Il-Ġermanja impenjat ruħha li l-istrumenti finanzjarji jingħataw biss fit-tliet snin li ġejjin jekk ma tkun meħtieġa ebda approprijazzjoni ta’ riservi għal dan. Għaldaqstant, huwa żgurat li l-kumpens għar-riżorsi proprji se jsir biss f’każ ta’ qligħ suffiċjenti u li ma se tintuża ebda għajnuna mill-Istat għal ħlasijiet lill-azzjonisti.

(99)

Skont is-sezzjoni 4 tal-Komunikazzjoni dwar ir-Ristrutturar, il-miżuri biex jiġi evitat it-tfixkil tal-kompetizzjoni minħabba l-għajnuna mill-Istat għandhom rwol importanti, minħabba li huma meħtieġa għall-prevenzjoni ta’ kwalunkwe kontinwazzjoni ta’ tfixkil kompetittiv li kien ikkawżat minn teħid ta’ riskji eċċessivi u mudelli kummerċjali mhux sostenibbli. Miżuri bħal dawn għandhom jitfasslu għall-problemi speċifiċi tas-swieq li fihom ikun attiv il-bank benefiċjarju wara r-ristrutturar. It-tip u n-natura ta’ dawn il-miżuri huma ffokati fuq żewġ kriterji: l-ewwelnett, skont il-livell tal-għajnuna u l-kundizzjonijiet u ċ-ċirkostanzi skont liema tkun ingħatat l-għajnuna u, it-tieni, skont il-karatteristiċi tas-suq jew swieq fejn ikun attiv il-bank benefiċjarju.

(100)

Skont il-paragrafu 31 tal-Komunikazzjoni dwar ir-Ristrutturar, il-Kummissjoni tevalwa l-livell tal-għajnuna u t-tfixkil tal-kompetizzjoni li jirriżulta billi tqis l-ammont tal-għajnuna kemm b’mod assolut kif ukoll fir-rigward tal-assi indeboliti tal-bank. F’dan il-każ, l-għajnuna tammonta għal EUR 14,8 biljuni u tinkludi rikapitalizzazzjoni ta’ EUR 5 biljuni u EUR 9,8 biljuni ta’ għajnuna fil-forma ta’ salvataġġ ta’ kapital. L-ammont tal-għajnuna wara t-tlestija tal-miżuri jammonta għal aktar minn 9 % tal-assi indeboliti. L-ekwivalenti tal-kapital tal-miżuri jammonta għal [40-50] % tar-riżorsi proprji ta’ LBBW (skont is-sitwazzjoni fit-30 ta’ Ġunju 2009). Minħabba li l-bank benefiċjarju konsegwentement irċieva livell għoli ta’ għajnuna, hemm bżonn ta’ miżuri estensivi sabiex jillimitaw kwalunkwe tfixkil tal-kompetizzjoni minħabba l-għajnuna statali.

(101)

Barra minn hekk, fir-rigward tal-ambitu u l-firxa tal-miżuri biex jillimitaw it-tfixkil tal-kompetizzjoni minħabba l-għajnuna statali, għandhom jittieħdu f’kunsiderazzjoni l-iskala tal-kontribuzzjoni proprja tal-bank benefiċjarju u l-qsim tal-piżijiet. Fid-dawl tas-sejba msemmija fuq, li l-kontribuzzjoni proprja tiegħu u l-qsim tal-piżijiet kienu xierqa, ma hemmx bżonn ta’ miżuri estensivi addizzjonali. Sabiex tillimita kull tfixkil tal-kompetizzjoni, il-Ġermanja impenjat ruħha kemm li tieħu miżuri strutturali kif ukoll li tikkonforma ma’ numru ta’ obbligi fl-imġiba.

(102)

Bħala parti mill-miżuri strutturati, LBBW se jnaqqas il-karta tal-bilanċ tiegħu b’total ta’ 41 % meta mqabbla mal-karta tal-bilanċ kif kienet fil-31 ta’ Diċembru 2008 permezz tat-tnaqqis ta’ attivitajiet mhux strateġiċi u l-bejgħ tal-ishma. L-assi indeboliti eżistenti se jitnaqqsu b’[40-60] %.

(103)

Huwa previst li numru kbir ta’ kumpaniji sussidjarji fil-pajjiż u barra l-pajjiż jinbiegħu flimkien mal-bejgħ ta’ ishma f’kumpaniji bi sjieda kondiviża ma’ istituzzjonijiet pubbliċi li joffru krediti fil-Ġermanja u li huma importanti ħafna għall-koperazzjoni bejn l-istituzzjonijiet pubbliċi ta’ krediti. LBBW qabel mat-tnaqqis konsiderevoli fil-portafoll ta’ investimenti tiegħu. Il-bejgħ jinvolvi, inter alia, l-unika kumpanija ta’ LBBW li tista’ toħroġ […] fi […], unitajiet li jagħmlu parti min-negozju ewlieni ta’ LBBW (jiġifieri l-ishma fil-kumpaniji tal-grupp finanzjarju ‘S’) u s-sussidjarji Ewropej ta’ LBBW […] u LBBW tal-Lussemburgu, li jservi lill-klijenti Ġermaniżi ewlenin barra s-suq Ġermaniż. Il-Ġermanja impenjat ruħha li LBBW jiżgura li l-valur tal-unitajiet li jridu jinbiegħu ma jiġux affettwati mill-fatt li l-klijenti jew il-persunal jitħajru jitilqu minn dawn l-unitajiet. Il-ġestjoni xierqa tal-bejgħ se tiġi mmonitorjata b’mod sħiħ u ċċekkjata fid-dettall minn espert ikkwalifikat bix-xieraq (fiduċjarju). Il-bejgħ għandu jsir sa mhux aktar tard mill-aħħar tal-perjodu tar-ristrutturar. Inkella, ikollu jinħatar fiduċjarju ta’ ċessjoni li jkun responsabbli għall-ġestjoni tal-bejgħ […].

(104)

Parti konsiderevoli minn dan it-tnaqqis tirriżulta mill-abbandun tan-negozju tas-sostituzzjoni ta’ krediti.

(105)

Miżuri addizzjonali li jeliminaw kwalunkwe oġġezzjoni taħt il-liġi tal-kompetizzjoni rigward il-karatteristiċi tas-swieq li fihom se jkun attiv il-bank benefiċjarju wara r-ristrutturar (cf. paragrafu 32 tal-Komunikazzjoni dwar ir-Ristrutturar) mhumiex meħtieġa. Dan huwa ġġustifikat mill-preżenza baxxa fis-suq tal-bank ristrutturat. Fil-prinċipju, LBBW għandu preżenza b’saħħitha fis-suq fir-reġjun ewlieni tiegħu ta’ Baden-Württemberg biss. L-importanza sistemika tiegħu ma tinsabx fil-pożizzjoni b’saħħitha tiegħu bħala fornitur ta’ krediti domestiċi, iżda hija ġustifikata mill-interkonnessjoni tiegħu ma’ banek u investituri istituzzjonali oħrajn. Għal din ir-raġuni, ma hemm bżonn ta’ ebda miżura addizzjonali sabiex jiġi żgurat u rrestawrat suq kompetittiv. Madankollu, il-Kummissjoni tqis li huwa pożittiv li LBBW jipprevedi wkoll bejgħ fis-swieq ewlenin tiegħu. It-tnaqqis ippjanat fl-oqsma kummerċjali ewlenin għandu jiftaħ aktar opportunitajiet ta’ negozju għal kompetituri fir-reġjuni ewlenin u jista’ jitqies bħala element ulterjuri fir-ristrutturar komprensiv.

(106)

Minbarra dawn il-miżuri strutturali estensivi, LBBW wiegħed li jikkonforma ma’ numru ta’ obbligi fl-imġiba. Dawn l-impenji jmorru ‘l hinn mis-sempliċi obbligu li jitwarrab il-marketing aggressiv. Il-Ġermanja impenjat ruħha li fis-swieq ewlenin tagħha, jiġifieri fl-SMEs Ġermaniżi u fin-negozju tal-klijenti privati fil-Ġermanja, LBBW ma għandux joffri kundizzjonijiet aktar favorevoli mill-kundizzjonijiet l-aktar favorevoli tal-aktar għaxar kompetituri importanti tiegħu mis-sehem fis-suq għal tliet snin. Għalhekk, LBBW ma għandux ikun kapaċi joffri termini aħjar mill-kompetituri tiegħu li ma jkunu rċevew ebda għajnuna mill-Istat.

(107)

Barra minn hekk, LBBW qabel ma’ projbizzjoni fuq akkwisti skont liema l-bank ma jista’ jikseb ebda impriża kompetittiva. Dan jipprevjeni t-tkabbir inorganiku iffinanzjat minn għajnuna ta’ LBBW. Minbarra dan, l-impenn li jitfittex qligħ b’żewġ ċifri fuq l-ekwità u li se jintużaw rati ta’ imgħax ta’ referenza li ma jinvolvu ebda tfixkil tal-kompetizzjoni minħabba r-responsabbiltajiet tal-garanti għal negozju ġdid, ifisser li r-riskju u l-probabbiltà tal-kompetizzjoni, fuq il-prezz aktar milli fuq il-prestazzjoni, ma’ banek kompetittivi li ma rċevew ebda għajnuna statali, se jitnaqqsu.

(108)

Barra minn hekk, se tiġi żgurata trasparenza akbar permezz ta’ struttura korporattiva ġdida fejn is-segment tan-negozju li għandu jiġi stralċjat ikun separat b’mod ċar mill-oqsma kummerċjali ewlenin u permezz ta’ ridifferenzazzjoni u separazzjoni tad-diversi segmenti tan-negozju. Permezz ta’ tnaqqis konsiderevoli fin-negozju tas-suq kapitali, se jkun hemm inqas opportunitajiet ta’ ħabi ta’ kwalunkwe riżultat operattiv mhux sodisfaċenti fin-negozju ta’ krediti, bir-riżultat li titjieb id-dixxiplina tas-suq u jitnaqqas it-tfixkil potenzjali tal-kompetizzjoni.

(109)

Fid-dawl ta’ din il-ġabra ta’ miżuri, il-Kummissjoni waslet għall-konklużjoni li ttieħdu biżżejjed prekawzjonijiet sabiex jillimitaw kwalunkwe tfixkil tal-kompetizzjoni, minkejja l-livell għoli ta’ għajnuna għal LBBW.

(110)

Skont is-sezzjoni 5 tal-Komunikazzjoni dwar ir-Ristrutturar, il-Kummissjoni għandha tiġi ppreżentata b’mod regolari b’rapporti dettaljati sabiex tkun tista’ tinvestiga jekk il-pjan ta’ ristrutturar ikunx qiegħed jiġi implimentat kif suppost. L-ewwel rapport għandu jiġi ppreżentat lill-Kummissjoni mhux aktar tard minn sitt xhur wara l-approvazzjoni tal-pjan ta’ ristrutturar. Sabiex teżamina jekk il-pjan ta’ ristrutturar huwiex qiegħed jiġi implimentat kif suppost, il-Ġermanja se taħtar fiduċjarju responsabbli mill-monitoraġġ u tissottometti rapport ta’ progress kull sena. L-ewwel rapport għandu jiġi ppreżentat f’Mejju 2010. Għalhekk, il-Kummissjoni tikkonkludi li l-monitoraġġ xieraq tal-implimentazzjoni tal-pjan ta’ ristrutturar huwa żgurat.

(111)

Hija l-prattika tal-Kummissjoni li tagħti ċ-ċans lil Stat Membru sabiex jaġġusta l-impenji f’każ ta’ ċirkostanzi straordinarji. (23) Jekk ikun iġġustifikat oġġettivament, il-Kummissjoni għaldaqstant taqbel, fuq it-talba tal-Ġermanja, li jingħataw estensjonijiet fl-iskadenzi għall-implimentazzjoni jew l-annullament u/jew is-sostituzzjoni ta’ miżuri individwali jew tal-miżuri kollha li impenjat ruħha għalihom.

(112)

Fid-dawl tal-modifiki magħmula mill-Ġermanja fit-3 ta’ Diċembru 2009, il-Kummissjoni tikkonkludi li l-miżura ta’ salvataġġ tal-assi hija konformi mal-Komunikazzjoni dwar l-Assi Indeboliti u konsegwentement, skont l-Artikolu 107(3)(b) tat-TFUE, hija kompatibbli mas-suq intern. L-oġġezzjonijiet skont il-liġi tal-kompetizzjoni stabbiliti mill-Kummissjoni fid-deċiżjoni tal-ftuħ tat-30 ta’ Ġunju 2009 tneħħew b’din il-miżura modifikata.

(113)

It-tieninett, il-Kummissjoni tikkonkludi li l-miżuri ta’ ristrutturar huma xierqa sabiex tinkiseb lura l-vijabbiltà fit-tul ta’ LBBW, li jiżguraw qsim suffiċjenti tal-piżijiet u li huma xierqa u adegwati sabiex jagħmlu tajjeb għad-distorsjonijiet tal-kompetizzjoni minħabba l-miżuri ta’ għajnuna inkwistjoni. Il-pjan ta’ ristrutturar sottomess għal LBBW jissodisfa l-kriterji tal-Komunikazzjoni dwar ir-Ristrutturar, bir-riżultat li l-miżuri ta’ ristrutturar jistgħu jitqiesu li huma kompatibbli mas-suq intern skont l-Artikolu 107(3)(b) tat-TFUE. L-injezzjoni tal-kapital u l-garanziji, kif previst fil-pjan ta’ ristrutturar, jistgħu għalhekk jiġu approvati,

21.7.2010   

MT

Il-Ġurnal Uffiċjali tal-Unjoni Ewropea

L 188/24

(1)

B’Deċiżjoni tat-18 ta’ Diċembru 2008 (2) (minn hawn ‘il quddiem “id-Deċiżjoni tar-rikapitalizzazzjoni”), il-Kummissjoni kkonkludiet li r-rikapitalizzazzjoni ta’ EUR 3,5 biljun tal-KBC provduta mill-gvern Federali Belġjan (3) (minn hawn ‘il quddiem “l-ewwel rikapitalizzazzjoni”) kienet kompatibbli mas-suq komuni bħala għajnuna ta’ salvataġġ fuq il-bażi tal-Artikolu 87(3)(b) tat-Trattat għal perjodu ta’ sitt xhur. Il-Kummissjoni fid-Deċiżjoni tagħha talbet ukoll is-sottomissjoni ta’ pjan mill-awtoritajiet Belġjani fi żmien sitt xhur.

(2)

Fit-22 ta’ Jannar 2009, il-gvern Fjamming u KBC ħabbru iżjed tisħiħ tal-bażi tal-kapital ta’ KBC permezz ta’ rikapitalizzazzjoni ta’ EUR 2 biljun mill-gvern Fjamming. Il-gvern Fjamming (4) barra minn hekk obbliga ruħu li jipprovdi faċilità ta’ riżerva addizzjonali ta’ EUR 1,5 biljun (minn hawn ‘il quddiem imsejħa flimkien “it-tieni rikapitalizzazzjoni”).

(3)

Fl-14 ta’ Mejju 2009, il-gvern Federali Belġjan (5) u KBC ħabbru li laħqu ftehim dwar miżura ta’ salvataġġ tal-assi (minn hawn ‘il quddiem “il-miżura ta’ Protezzjoni mill-Istat”) biex tkopri r-riskju ta’ KBC għal Obbligi tad-Djun Garantit (minn hawn ‘il quddiem “CDOs”). Il-Kummissjoni rċeviet informazzjoni dwar it-tieni rikapitalizzazzjoni u l-miżura ta’ Protezzjoni mill-Istat fit-18 ta’ Mejju, it-8 ta’ Ġunju u t-12 ta’ Ġunju 2009.

(4)

L-awtoritajiet Belġjani ssottomettew pjan ta’ ristrutturar għal KBC fit-18 ta’ Ġunju 2009 fir-rigward tal-ewwel rikapitalizzazzjoni.

(5)

L-awtoritajiet Belġjani nnotifikaw it-tieni rikapitalizzazzjoni u l-miżura ta’ Protezzjoni mill-Istat fid-19 ta’ Ġunju 2009.

(6)

Fit-30 ta’ Ġunju 2009, il-Kummissjoni approvat it-tieni rikapitalizzazzjoni għal perjodu ta’ sitt xhur, soġġetta għas-sottomissjoni ta’ pjan ta’ ristrutturar, u temporanjament approvat il-miżura ta’ Protezzjoni mill-Istat. Fl-istess ħin, fetħet il-proċedura skont l-Artikolu 88(2) tat-Trattat fir-rigward tal-evalwazzjoni u aspetti oħra tal-miżura tal-Protezzjoni mill-Istat (minn hawn ‘il quddiem “id-Deċiżjoni tal-ftuħ” (6).

(7)

Id-Deċiżjoni tal-ftuħ ġiet ippubblikata f’Il-Ġurnal Uffiċjali tal-Unjoni Ewropea  (7) u l-partijiet interessati ġew mitluba li jissottomettu l-kummenti tagħhom dwar l-għajnuna. Fid-Deċiżjoni tal-ftuħ, il-Kummissjoni talbet lill-awtoritajiet Belġjani biex jissottomettu pjan ta’ ristrutturar emendat li jikkunsidra wkoll it-tieni rikapitalizzazzjoni u l-miżura ta’ Protezzjoni mill-Istat sat-30 ta’ Settembru 2009. Il-Kummissjoni ma rċeviet ebda kumment mill-partijiet interessati.

(8)

Fir-rigward tal-miżura ta’ Protezzjoni mill-Istat, l-awtoritajiet Belġjani ssottomettew informazzjoni oħra fit-3 ta’ Lulju, il-21 t’Awwissu, it-2, l-4, it-22, il-25 u t-30 ta’ Settembru u t-13, is-16 u l-20 ta’ Ottubru 2009.

(9)

Il-pjan ta’ ristrutturar ġie diskuss bejn l-awtoritajiet Belġjani u s-servizzi tal-Kummissjoni f’sensiela ta’ laqgħat fit-23 ta’ Lulju, is-6, it-18 u s-27 t’Awwissu, id-9, l-10, l-14, il-15 u t-23 ta’ Settembru 2009.

(10)

L-awtoritajiet Belġjani ssottomettew informazzjoni dwar il-pjan ta’ ristrutturar fit-2, l-4, l-10, il-11, is-16, is-17, it-22, l-24, il-25, it-28 u t-30 ta’ Settembru, l-1, is-16, id-19 u l-21 ta’ Ottubru u t-3, l-4 u s-6 ta’ Novembru 2009.

(11)

Fl-4 ta’ Novembru 2009, l-awtoritajiet Belġjani infurmaw lill-Kummissjoni li għal raġunijiet ta’ urġenza, huma kienu qiegħdin jaċċettaw b’mod eċċezzjonali li din id-Deċiżjoni tiġi adottata bil-lingwa Ingliża.

(12)

Il-Grupp KBC NV (minn hawn ‘il quddiem “KBC”) huwa l-kumpanija holding tal-KBC Bank NV, KBC Verzekeringen NV u l-KBL European Private Bankers (minn hawn ‘il quddiem “KBL EPB”). KBC hu grupp ta’ bankassigurazzjoni integrat, li jservi primarjament klijenti tal-imnut, intrapriżi żgħar u medji (minn hawn ‘il quddiem “SMEs”) u klijenti bankarji privati. KBC hu wieħed mill-istituzzjonijiet finanzjarji ewlenin fil-Belġju. Minbarra l-attivitajiet tiegħu fil-Belġju, l-Ewropa Ċentrali u tal-Lvant, KBC hu preżenti fir-Russja, ir-Rumanija, is-Serbja, diversi pajjiżi tal-Ewropa tal-Punent inkluża l-Irlanda u fuq skala iżgħar fl-Istati Uniti tal-Amerika u l-Asja tax-Xlokk.

(13)

Għall-2008, l-assi totali fuq il-karta tal-bilanċ ta’ KBC kienu jammontaw għal EUR 355,6 biljun u EUR 178,3 biljun f’termini ta’ assi mwieżna għar-riskju (minn hawn ‘il quddiem “RWA”) (8). Irreġistra telf ta’ EUR 2,5 biljun fl-2008. Il-valur fis-suq tal-KBC naqas b’mod sinifikanti, minn EUR 23 biljun fl-1 ta’ Awwissu 2008 għal EUR 11,8 biljun fit-23 ta’ Ottubru 2009. KBC iħaddem 56 716 persuna madwar id-dinja, li minnhom 19 196 huma fil-Belġju u 31 947 jinsabu fl-Ewropa Ċentrali u tal-Lvant u r-Russja. KBC għandu 8,2 miljun klijent fl-Ewropa Ċentrali u tal-Lvant u r-Russja (stimi tal-2007). Hemm iżjed informazzjoni dettaljata dwar KBC fit-taqsima 2.1 tad-Deċiżjoni tal-ftuħ.

(14)

Wara t-telf tat-tielet kwart tal-2008 ta’ EUR 906 miljun, li rriżultaw primarjament mill-espożizzjoni tal-bank għas-CDOs tiegħu, il-banek Islandiżi, Lehman Brothers u Washington Mutual, KBC kellu bżonn isaħħaħ il-bażi kapitali tiegħu. Dan wassal għall-ewwel rikapitalizzazzjoni ta’ EUR 3,5 biljun mill-awtoritajiet Belġjani f’Diċembru 2008, deskritt f’iżjed dettall fit-taqsima 3 tal-ewwel Deċiżjoni ta’ rikapitalizzazzjoni tat-18 ta’ Diċembru 2008 (9).

(15)

Fil-15 ta’ Jannar 2009, l-aġenzija ta’ klassifikazzjoni Moody’s ħabbret li kienet irrevediet ċerti preżunzjonijiet ewlenin fil-klassifikazzjoni tagħha ta’ CDOs sintetiċi korporattivi. B’konsegwenza, iddeċidiet li tnaqqas il-klassifikazzjoni ta’ diversi kategoriji ta’ CDOs, għalkemm ma speċifikatx liema CDOs ġew affetwati. Wara dik it-tħabbira, il-prezz tal-ishma ta’ KBC waqa’ taħt pressjoni ħarxa. Konsegwentement, KBC iddeċieda li jiddepprezza kompletament n-noti CDO non-super senior kollha (10) fil-portafoll tiegħu oriġinati minn KBC Financial Products, kumpanija sussidjarja sħiħa ta’ KBC (minn hawn ‘il quddiem “KBC FP”) u li jsaħħaħ il-bażi tal-kapital tiegħu permezz tat-tieni miżura tar-rikapitalizzazzjoni sottoskritta kompletament mill-awtoritajiet Belġjani. It-taqsima 2.2 tad-Deċiżjoni tal-ftuħ (11) tiddeskrivi ċ-ċirkostanzi li wasslu għar-rikapitalizzazzjoni mill-awtoritajiet Belġjani u t-taqsima 2.3.1 ta’ dik id-Deċiżjoni tiddeskrivi d-dettalji tal-ftehim f’iżjed dettall.

(16)

Ir-ristutturar tal-impriża tal-assigurazzjoni f’linja waħda, Municipal Bond Insurance Association, (minn hawn ‘il quddiem “MBIA”), l-impriża tar-riassigurazzjoni ta’ parti sinifikanti tal-portafoll tas-CDO ta’ KBC (EUR 14,4 biljun), f’Marzu 2009, żied ir-riskju tal-kontraparti ta’ KBC u l-esponiment għall-MBIA. Barra minn hekk, il-volatilità miżjuda tal-firxa tal-kreditu, li kellha impatt negattiv dirett fuq l-evalwazzjoni tal-marka għas-suq tas-CDOs, wasslet għal aġġustamenti negattivi tal-valur negattiv ta’ EUR 3,8 biljun fil-kontijiet ta’ KBC għall-ewwel kwart tal-2009. Sabiex jiġi evitat kwalunkwe impatt negattiv ieħor tal-portafoll tas-CDO fuq il-kont tal-qligħ u t-telf ta’ KBC fil-ġejjieni, KBC laħaq ftehim mal-awtoritajiet Belġjani fl-14 ta’ Mejju 2009 dwar miżura ta’ Protezzjoni mill-Istat għall-portafoll tas-CDO super-senior tiegħu. It-taqsima 2.2 tad-Deċiżjoni tal-ftuħ (12) tiddeskrivi ċ-ċirkostanzi li wasslu għall-ħolqien tal-miżura ta’ Protezzjoni mill-Istat mill-awtoritajiet Belġjani u t-taqsima 2.3.2 ta’ dik id-Deċiżjoni tiddeskrivi d-dettalji tal-ftehim bejn l-awtoritajiet Belġjani u KBC.

(17)

KBC ibbenefika minn tliet miżuri ta’ għajnuna mill-awtoritajiet Belġjani, żewġ rikapitalizzazzjonijiet u l-miżura tal-Protezzjoni mill-Istat.

(18)

L-ewwel rikapitalizzazzjoni ħadet il-forma ta’ injezzjoni ta’ EUR 3,5 biljun b’kollox ta’ kapital ewlieni Tier-1 permezz ta’ titoli bir-Rendiment Imtejjeb maħruġa minn KBC u kompletament sottoskritti mill-awtoritajiet Belġjani. Il-prezz tal-ħruġ hu EUR 29,50 għal kull titolu.

(19)

Dawk it-titoli perpetwi għandhom jipproduċu kupun pagabbli kull sena ekwivalenti għall-għola minn:

(20)

Il-kupun jitħallas biss jekk jitħallas dividend fuq l-ishma ordinarji, sakemm il-pożizzjoni ta’ adegwatezza tal-kapital ta’ KBC tkun u tibqa’ sodisfaċenti kemm qabel kif ukoll wara l-ħlas fl-opinjoni tal-Kummissjoni Belġjana Bankarja, tal-Finanzi u tal-Assigurazzjoni (minn hawn ‘il quddiem “CBFA”) (13). It-titoli huma subordinati ħafna, u f’pożizzjoni ta’ pari passu mal-ishma ordinarji.

(21)

Hemm żewġ xenarji ta’ tisrif, li t-tnejn isiru fuq inizjattiva ta’ KBC. Fl-ewwel xenarju, KBC ikollu d-dritt li jsarraf it-titoli kollha maħruġa jew uħud minnhom għall-prezz ta’ EUR 44,25 għal kull titolu (li huma 150 % tal-prezz tal-ħruġ), flimkien mal-ħlas ta’ kwalunkwe imgħax dovut, fi kwalunkwe żmien wara d-data tal-ħruġ. Fit-tieni xenarju, fi kwalunkwe żmien wara 3 snin, KBC jista’ jitlob lill-awtoritajiet Belġjani biex jaqleb il-parti tiegħu f’ishma ordinarji fuq bażi ta’ wieħed għal kull wieħed. Jekk KBC juża dik l-opzjoni tal-qlib, l-awtoritajiet Belġjani jkollhom l-għażla li jagħżlu t-tisrif alternattiv tat-titoli flimkien mal-ħlas tal-interess dovut. Aktar informazzjoni dwar l-ewwel rikapitalizzazzjoni tinsab fit-taqsima 3 tad-Deċiżjoni dwar ir-rikapitalizzazzjoni.

(22)

It-tieni rikapitalizzazzjoni ħadet il-forma ta’ injezzjoni tal-kapital ta’ kapital ewlieni Tier-1 mill-awtoritajiet Belġjani fil-forma ta’ titoli. It-termini tal-ftehim huma prattikament identiċi għall-ewwel rikapitalizzazzjoni ħlief li t-titoli mhumiex konvertibbli f’ishma ordinarji, u jistgħu jissarrfu biss għal 150 % tal-prezz tal-ħruġ (ara l-Artikolu 2.3.1 tad-Deċiżjoni tal-ftuħ).

(23)

L-awtoritajiet Belġjani taw protezzjoni kontra telf ta’ kreditu realizzat fuq il-portafoll tas-CDO ta’ KBC għal perjodu li jkorrispondi għall-maturità ta’ kull CDO (14). Il-portafoll totali għandu valur nominali ta’ EUR […] (*) biljun. Il-miżura ta’ Protezzjoni mill-Istat tkopri biss il-porzjon super-senior ta’ 15–il CDO speċifiku, li jammontaw għal EUR 20 biljun (15). Dak l-esponiment jikkonsisti f’EUR 14,4 biljun ta’ noti super-senior u tal-klassi A hedged ma’ (MBIA), u EUR 5,5 biljun ta’ noti super-senior, super-mezzanine u tal-klassi A miżmuma minn KBC (16).

(24)

Il-protezzjoni mill-Istat ma tkoprix il-porzjonijiet tal-ewkità, junior u l-maġġoranza tal-porzjonijiet mezzanine tas-CDOs. Il-porzjonijiet ‘il barra mill-ambitu tal-miżura tal-Protezzjoni mill-Istat jammontaw għal EUR 3,9 biljun. It-telf f’dawk il-porzjonijiet, li KBC ikollu jerfa’ r-responsabbiltà għalih kompletament, għandu jiġi realizzat qabel jiġu affetwati l-porzjonijiet garantiti iżjed senior u qabel tibda tapplika l-miżura ta’ Protezzjoni mill-Istat.

(25)

Barra minn hekk, KBC diġà għamel proviżjoni għal telf ta’ pprezzar skont il-valur fis-suq sinifikanti. Fil-kontijiet tal-ewwel kwart tal-2009, li ġew ippubblikati fl-istess żmien bħall-miżura tal-Protezzjoni mill-Istat, KBC kien iddeprezza l-valur tas-CDOs koperti mill-miżura tal-Protezzjoni mill-Istat minn EUR 23,9 biljun għal EUR 14,7 biljun (17). KBC wasal għal dak ir-riżultat billi ddeprezza kważi n-noti kollha tal-ishma, junior u mezzanine tas-CDOs għal żero kif ukoll billi wettaq xi aġġustamenti fil-valur tan-noti super-senior fil-portafoll tas-CDO. B’kollox, dan id-deprezzament kien jammonta għal madwar EUR […].

(26)

Il-miżura ta’ Protezzjoni mill-Istat fuq EUR 20 biljun tan-noti super-senior hi strutturata fi tliet porzjonijiet (ara c-Ċart 1 fil-premessa (31) għall-istruttura tal-miżura). L-ewwel porzjon hu magħmul minn telf tal-ewwel li jammonta għal EUR 3,2 biljun li hu kompletament merfugħ minn KBC. Dan it-telf ma jinkludix it-telf fuq l-ekwità, junior u mezzanine msemmija fil-premessa 24. Kieku dan it-telf kellu jiġi inkluż, l-ewwel telf kien ikun ta’ madwar EUR 7,1 biljun.

(27)

It-tieni porzjon tat-tranżazzjoni jibda b’EUR 16,8 biljun u jittratta ż-EUR 2 biljun l-oħra ta’ telf. F’każ ta’ telf f’din il-firxa (minn hawn ‘il quddiem “Firxa tal-Ekwità”), l-awtoritajiet Belġjani jobbligaw ruħhom li jipprovdu kapital lil KBC forma ta’ ishma ġodda ta’ KBC bil-valur tas-suq (18) jew titoli ibridi. Il-kapital provdut mill-awtoritajiet Belġjani għandu jkopri sa 90 % tat-telf fil-Firxa tal-Ekwità (EUR 1,8 biljun). Fi kliem ieħor, l-awtoritajiet Belġjani impenjaw ruħhom li jipprovdu faċilità ta’ ekwità ta’ riserva lil KBC li tista’ tingħata minħabba telfiet speċifiċi fil-portafoll tas-CDOs ta’ KBC. L-avvenimentopzjoni possibbiltà ta’ injezzjoni ta’ ekwità tapplika fuq bażi ta’ tranżazzjoni (19).

(28)

Il-punt tal-involviment (jiġifieri, il-punt tal-ftuħ) ta’ EUR 16,8 biljuni hu bbażat fuq parametri li jippermettu lil KBC Bank iżomm proporzjon ewlieni Tier-1 ta’ iżjed minn 8 % u KBC Insurance proporzjon ta’ solvenza ta’ iżjed minn 150 %. Għaldaqstant, il-parametri fil-bidu ma kinux ibbażati fuq evalwazzjoni tal-portafoll.

(29)

Il-Firxa tal-Ekwità hi soġġetta għal diversi kundizzjonijiet. L-ewwel nett, KBC iżomm l-opzjoni li ma jdurx għall-injezzjoni ta’ ekwità u għaldaqstant jagħżel li ma jkunx parti mill-ħruġ tal-ekwità lill-awtoritajiet Belġjani. It-tieni nett, jekk KBC jitlob lill-awtoritajiet Belġjani għall-kapital sabiex ikopri t-telfiet tiegħu fil-Firxa tal-Ekwità u b’konsegwenza ta’ dan, l-awtoritajiet Belġjani jiksbu iżjed minn 30 % tad-drittijiet tal-vot, li jkunu jistgħu jirrikjedu li huma jagħmlu offerta mandatorja biex jieħdu l-kontroll, l-awtoritajiet Belġjani jkollhom l-opzjoni li jissottoskrivu għal kapital ibridu minflok. Dak il-kapital ibridu jiġi rimunerat bejn wieħed u ieħor bl-istess mod bħat-titoli diġà maħruġa lill-awtoritajiet Belġjani u jkunu konvertibbli f’ishma ordinarji, skont kif jagħżlu għall-awtoritajiet Belġjani, bil-prezz tas-suq fiż-żmien li jkunu nħarġu (20). It-tielet nett, f’każ li l-awtoritajiet Belġjani jiddeċiedu li jbiegħu l-ishma tagħhom lil terza parti, KBC ikollu d-dritt tal-ewwel rifjut b’rabta ma’ dak il-bejgħ u jista’ jixtri dawk l-ishma bil-prezz tas-suq.

(30)

It-tielet porzjon jibda b’EUR 14,8 biljun (minn hawn ‘il quddiem “Firxa tal-Flus”). Il-Firxa tal-Flus hi effettivament garanzija mill-awtoritajiet Belġjani li tikkumpensa lil KBC bi flus għal parti mit-telf riżultanti f’dak il-porzjon. Għaldaqstant, kwalunkwe telf fil-portafoll tas-CDO li jaqbeż EUR 9,1 biljun (telf ta’ EUR 3,9 biljun fil-porzjonijiet tal-ekwità, junior u mezzanine, EUR 3,2 biljun l-ewwel telf u EUR 2 biljun fil-Firxa tal-Ekwità fil-porzjon super-senior) jinqasam bejn l-awtoritajiet Belġjani u KBC. L-awtoritajiet Belġjani f’dak il-każ jerfgħu r-responsabbiltà għal 90 % (EUR 13,3 biljun) tat-telf u KBC jerfa’ 10 % (EUR 1,5 biljun).

(31)

Bħal fl-opzjoni tal-injezzjoni tal-ekwità, il-garanzija tapplika fuq bażi ta’ tranżazzjoni. Peress li hemm strumenti koperti relatati ma’ 15-il CDO (kull waħda tranżazzjoni waħda), għaldaqstant effettivament hemm 15–il garanzija (21). B’konsegwenza ta’ dan, kull waħda mill-15-il CDO sintetika għandha punt ta’ involviment differenti u għaldaqstant telf mistenni differenti. B’konsegwenza, is-CDOs għandhom jiġu evalwati individwalment u l-garanzija provduta għandha tkun individwali għal kull CDO (jiġifieri, mhux se jkun hemm garanzija waħda fuq il-portafoll aggregat). Dik l-istruttura speċifika kienet meħtieġa biex jinkiseb tqabbil perfett bejn il-valur ta’ pprezzar skont il-valur fis-suq tal-portafoll garantit u l-valur ta ‘pprezzar skont il-valur fis-suq tal-garanzija bl-għan li titneħħa l-volatilità tal-qligħ u t-telf ikkawżata miċ-ċaqliq fil-valur tal-CDOs, l-għan aħħari tal-miżura.

Tabella 1

Struttura tal-Miżura ta’ Protezzjoni mill-Istat

(32)

Fir-rigward tal-Firxa tal-Ekwità, KBC iħallas għad-dritt għal injezzjoni ta’ ekwità (minn hawn ‘il quddiem “miżata tas-sottoskrizzjoni”). Il-miżata tas-sottoskrizzjoni hi bbażata fuq 650 punti ta’ bażi (minn hawn ‘il quddiem “bps”) fis-sena. Għaldaqstant, peress li l-Firxa tal-Ekwità tammonta għal EUR 1,8 biljun, il-miżata tiswa lil KBC madwar EUR 120 miljun għal kull sena li ma tiġix eżerċitata, jew total ta’ EUR 718 miljun.

(33)

Fir-rigward tal-Firxa tal-Ekwità, in-nefqa totali tal-garanzija bi flus għandha tammonta għal madwar EUR 1,33 biljun, li għandha titħallas fi tnax–il pagament parzjali semiannwali (minn hawn ‘il quddiem “miżata tal-garanzija”). Dik il-miżata tkun daqs it-telf mistenni tat-tielet porzjon (22), fil-każ li r-riżultat tal-portafoll jikkorrispondi mal-medja bejn ix-xenarju bażiku u x-xenarju tal-istress (23) u Aġġustament ta’ Valutzzjoni tal-Kreditu MBIA ta’ 67,5 %.

(34)

B’kollox, KBC għandu jħallas miżata ta’ madwar EUR 2,04 biljun lill-awtoritajiet Belġjani, li jirriżultaw mill-miżata tas-sottoskrizzjoni (EUR 718 miljun (24) u l-garanzija bi flus (EUR 1,33 biljun (25). Iż-żewġ tariffi huma pagabbli fi tnax-il pagament parzjali semiannwali ugwali, li jibdew f’Diċembru 2009 u li jispiċċaw f’Ġunju 2015.

(35)

Fit-18 ta’ Ġunju 2009, ġie sottomess pjan ta’ ristrutturar għal KBC mill-awtoritajiet Belġjani bħala segwitu għall-ewwel rikapitalizzazzjoni li ġiet approvata mill-Kummissjoni fit-18 ta’ Diċembru 2008 għal perjodu ta’ sitt xhur. Il-pjan kien fih analiżi preliminari tan-negozju ta’ KBC, l-istrateġija futura ta’ KBC, miżuri li jirristawraw il-vijabbiltà u l-ħlas lura tal-miżuri tal-Istat.

(36)

Il-pjan ta’ ristrutturar, madankollu, ma kienx jilħaq il-kriterji stabbiliti fil-Komunikazzjoni dwar ir-Ristrutturar (26) għax ma kienx jikkunsidra t-tieni rikapitalizzazzjoni u l-miżura ta’ Protezzjoni mill-Istat. Barra minn hekk, il-pjan ma pprovdiex pjan kummerċjali dettaljat u ma kienx jinkludi miżuri li jillimitaw it-tfixkil tal-kompetizzjoni.

(37)

Fit-30 ta’ Ġunju 2009, il-Kummissjoni approvat it-tieni rikapitalizzazzjoni għal perjodu ta’ sitt xhur u temporanjament approvat il-miżura ta’ Protezzjoni mill-Istat. Fl-istess ħin, il-Kummissjoni tat lill-awtoritajiet Belġjani tliet xhur (sat-30 ta’ Settembru 2009) biex jiżviluppaw pjan ta’ ristrutturar sostanzjat, li kellu jqis il-miżuri kollha tal-Istat favur KBC.

(38)

L-awtoritajiet Belġjani ssottomettew il-pjan ta’ ristrutturar finali fid-data dovuta. Il-pjan jindirizza l-kwistjonijiet sostantivi tal-vijabbiltà, il-qsim tal-piż u l-limitazzjoni tat-tfixkil tal-kompetizzjoni. Peress li KBC hu organizzat f’ħames unitajiet kummerċjali differenti, il-Belġjun (Imnut), l-Ewropa Ċentrali u tal-Lvant u r-Russja (minn hawn ‘il quddiem “CEE-R”), Servizzi Bankarji Kummerċjali, Servizzi Bankarji Privati Ewropa u Servizzi Maqsuma, il-pjan ta’ ristrutturar hu ddisinjat fuq dawn il-linji.

(39)

Skont il-pjan ta’ ristrutturar, KBC għandu jsir grupp iżgħar u iżjed iffukat, u joqgħod lura minn attivitajiet riskjużi u pajjiżi li fihom għandu preżenza tas-suq limitata. KBC se jżomm biss attivitajiet li jwasslu għal riżultati sostenibbli fuq bażi indipendenti. Għandu jżomm ukoll il-mudell ta’ bankassigurazzjoni tiegħu. Fi ħdan il-mudell ta’ bankassigurazzjoni, KBC għandu jiffoka fuq klijenti bl-imnut, privati, SMEs u mid-cap u għandu primarjament jikkonċentra fuq sitt pajjiżi (27). KBC se jibqa’ jiffoka fuq CEE-R. Se jnaqqas ukoll il-profil ta’ riskju globali, il-volatilità u l-ingranaġġ tiegħu.

(40)

Il-pjan ta’ ristrutturar sottomess mill-awtoritajiet Belġjani jipprovdi li l-karta tal-bilanċ ta’ KBC se tonqos fuq bażi pro forma (28) b’20 % f’termini tal-RWA u bi 17 % fuq bażi ta’ assi totali. Il-miżuri ta’ vijabbiltà, li huma t-tnaqqis progressiv tal-portafoll FP ta’ KBC, jammontaw għal […] % tal-karta tal-bilanċ totali filwaqt li ċ-ċessjoni tammonta għal […] % tat-total tal-karta tal-bilanċ.

(41)

Il-pjan ta’ ristrutturar jipprovdi li KBC għandu jċedi diversi entitajiet. Fil-pjan kummerċjali ta’ din iċ-ċessjoni, KBC għamel preżunzjoni li l-prezzijiet tal-bejgħ […]. Il-bejgħ kollu hu mistenni li jseħħ fi żmien […].

(42)

L-awtoritajiet Belġjani ssottomettew xenarju bażiku u ta’ stress bl-għan li juru l-kapaċità ta’ KBC biex tintlaħaq vijabbiltà fuq perjodu taż-żmien twil.

(43)

Fil-każ bażiku, hu peżunt li l-PDG jonqos fis-swieq ewlenin tiegħu fil-perjodu 2009-2010 segwit b’irkuprar relattivament veloċi fl-2011. Il-prezzijiet tal-ekwità huma mistennija li jirkupraw fl-2009 jew l-2010, skont il-kundizzjonijiet tas-suq lokali.

(44)

[…]

(45)

KBC jistenna li jilħaq l-miri tal-kapital interni tiegħu fil-każ bażiku matul il-perjodu ta’ projezzjoni (2009-2013), b’Tier 1 bir-rata ta’ 8,8 % fl-2009 u iżjed minn 10 % minn dak iż-żmien ‘il quddiem. Il-kompożizzjoni tal-kapital regolatorju ta’ KBC ikun dejjem iżjed dominat mill-fondi proprji b’konsegwenza tal-qligħ miċ-ċessjoni li għandu jtejjeb il-kwalità tal-kapital regolatorju ta’ KBC. Fil-każ bażiku, KBC għandu l-ewwel jiġġenera l-kapital żejjed (meta l-kapital attwali jaqbeż il-miri tal-kapital intern ta’ proporzjon Tier 1 ta’ 10 %) fl-2011. Għaldaqstant għandu jibda jħallas lura l-parti prinċipali tal-kapital tal-Istat mill-2012 ‘il quddiem.

(46)

L-awtoritajiet Belġjani ssottomettew ukoll xenarju ta’ stress. Simili għall-każ bażiku, il-PDG jonqos fil-perjodu 2009-2010, u jogħla wara dak iż-żmien. Madankollu, l-irkuprar ekonomiku sussegwenti se jkun dgħajjef ħafna. Pereżempju, dan ix-xenarju jipprevedi li l-PDG reali Belġjan se jsofri waqgħa kumulattiva ta’ […] % bejn l-2008 u l-2011, u mhux se jkun irkupra l-livell tal-2008 tiegħu sal-aħħar tal-2013.

(47)

[…]

(48)

Fix-xenarju ta’ stress, KBC jistenna li jkun kapaċi jilħaq il-miri tal-kapital intern tiegħu fil-każ ta’ stress matul il-perjodu tal-projezzjoni. Il-proporzjon ta’ Tier 1 tiegħu se jkun […] % fl-2009 u għandu jibqa’ l-fuq minn […] % mill-2010 ‘il quddiem. Din l-evoluzzjoni pjuttost mhux kiefra ta’ proporzjonijiet tal-kapital hi minħabba l-fatt li l-karta tal-bilanċ ta’ KBC hi mistennija li tonqos b’mod sinifikanti fix-xenarju ta’ stress, peress li l-attività ekonomika u għaldaqstant id-domanda għas-self se jkunu ferm imnaqqsa. Se tibda tiġġenera ammonti limitati ta’ kapital żejjed minn […], l-iżjed minħabba tnaqqis sostanzjali fl-RWA iżjed milli tkabbir tal-profitt, […].

(49)

Fil-pjan ta’ ristrutturar, l-awtoritajiet Belġjani ddeskrivew ukoll il-pożizzjoni tal-likwidità ta’ KBC. Mill-aħħar tal-2008, KBC kellu proporzjon ta’ self għad-depożitu ta’ 88 %. Fil-kriżi sa issa, ma sofriex minn problemi ta’ likwidità, u ma kellux idur għal kwalunkwe skema ta’ garanzija ta’ fondi mill-Istat. Għandu dipendenza relattivament limitata fuq fondi minn swieq tal-kapital. F’termini tal-istruttura tal-fondi tiegħu, 64 % tal-istrumenti tad-dejn tiegħu kienu jdumu iżjed minn sena. L-istruttura ta’ dawk il-fondi hi proġettata li tibqa’ relattivament stabbli fuq il-ftit snin li ġejjin, b’waqgħa moderata fid-dipendenza fuq il-fondi bl-ingrossa. Iċ-ċessjoni ta’ uħud mill-entitajiet […] għandha barra minn hekk issaħħaħ il-pożizzjoni ta’ likwidità tagħha.

(50)

KBC hu wieħed mill-aqwa tliet banek fil-Belġju, u normalment ikun it-tieni jew it-tielet f’termini tas-sehem tas-suq tiegħu tal-parti l-kbira mill-attivitajiet bankarji. Iżomm […] % tad-depożiti, jiġġenera […] % tas-self u l-kontijiet għal […] % tan-negozju tal-fondi tal-investiment, […] % tal-ħajja u […] % tal-assigurazzjoni mhux tal-ħajja.

(51)

L-awtoritajiet Belġjani jipproponu li KBC iżomm il-maġġoranza tal-attivitajiet tiegħu fil-Belġju u li jibqa’ fornitur integrat tal-bankassigurazzjoni. Skont l-awtoritajiet Belġjani, dawn l-attivitajiet huma integrati sew taħt id-ditta ta’ KBC u jifformaw parti mill-mudell kummerċjali ewlieni tiegħu.

(52)

Madankollu, il-pjan ta’ ristrutturar jipprovdi li KBC għandu jbiegħ lil Centea (servizzi bankarji bbażati fuq aġent) u Fidea (assigurazzjoni bbażata fuq aġent). Centea tirrapreżenta bejn […] % u […] % tas-suq Belġjan fil-biċċa l-kbira tas-segmenti tal-prodotti filwaqt li Fidea tirrapreżenta madwar 2 % tas-suq tal-assigurazzjoni Belġjan. Dan il-bejgħ għandu jnaqqas l-RWA tal-unità bankarja Belġjana b’16 % (EUR 3,8 biljun).

(53)

Skont il-pjan ta’ ristrutturar, KBC għandu jżomm il-preżenza tiegħu f’ħames (minn disgħa) pajjiżi fejn diġà hu stabbilit sew. Dawk il-pajjiżi huma, fl-ordni tas-sehem tagħhom fis-servizzi bankarji tradizzjonali (self u depożiti); Ir-Repubblika Ċeka (22 %), l-Ilovakkja (10 %), l-Ungerija (9 %), il-Polonja (4 %) u l-Bulgarija (3 %). KBC għandu wkoll operazzjonijiet ta’ assigurazzjoni f’kull wieħed minn dawn il-pajjiżi, skont il-mudell ta’ bankassigurazzjoni.

(54)

KBC se jwaqqaf l-attivitajiet tiegħu fis-Serbja (sehem tas-suq ta’ KBC 1 %), ir-Russja (1 %), ir-Rumanija ([…] %, servizzi ta’ assigurazzjoni u kiri biss) u l-Islovenja ([…] % - KBC għandu sehem ta’ minoranza fin-negozju kkonċernat). KBC se jbiegħ l-operazzjonijiet tiegħu f’pajjiżi oħra fejn is-sehem tas-suq tiegħu hu relattivament żgħir jew fejn l-attivitajiet tiegħu mhumiex konformi mal-mudell ta’ bankassigurazzjoni. Se jbiegħ ukoll kumpanija sussidjarja finanzjarja tal-konsum Pollakka (Zagiel), li ma kienetx integrata kompletament fl-attivitajiet Pollakki tiegħu. Dan il-bejgħ għandu jseħħ fuq […], minbarra l-attività Russa li mhijiex previdibbli sa […]. L-RWA tal-unità bankarja CEE-R se jonqos bi 11 % (EUR 4,4 biljun).

(55)

Barra minn hekk, KBC għandu l-ħsieb li jdaħħal fl-elenku 40 % tal-banek tiegħu fir-Repubblika Ċeka (ČSOB) u l-Ungerija (K & H), li fil-preżent huma sussidjarji 100 % ta’ KBC. Ser idaħħalhom fl-elenku tal-Boroż lokali.

(56)

Fir-rigward tas-servizzi bankarji kummerċjali, il-pjan ta’ ristrutturar jipprovdi li KBC se jċedi jew iwaqqaf partijiet sinifikanti tal-Unità Kummerċjali tas-Servizzi Bankarji tiegħu. B’konsegwenza, RWA se jonqos b’ […] % (EUR […] biljun) f’dik l-unità kummerċjali. KBC FP, l-entità li ġġenerat is-CDOs kollha, se tiġi progressivament imwaqqfa maż-żmien. KBC se jbiegħ l-attivitajiet tiegħu fir-Renju Unit, […], kif ukoll l-Antwerp Diamond Bank, il- […], […], […], […] tiegħu u l-KBC Private Equity.

(57)

KBC għandu jżomm l-attivitajiet li huma meħtieġa biex jipprovdu servizz għall-SMEs ewlenin tiegħu u l-klijenti korporattivi, l-iżjed dawk Belġjani. Dawn huma attivitajiet bħall-ġbir ta’ fondi u tranżazzjonijiet tal-valuta. KBC se jżomm in-negozju tas-servizzi bankarji korporattivi tiegħu, il-fergħat barranin li huma meħtieġa biex jipprovdu servizz għall-klijenti korporattivi lokali b’attivitajiet barra l-pajjiż, il-KBC Securities, Market and Assurisk (riassigurazzjoni).

(58)

Skont il-pjan ta’ ristrutturar, KBC se jbiegħ in-negozji kollha tiegħu fl-unità tas-Servizzi Bankarji Privati Ewropej tiegħu. KBC għandu l-ħsieb li jbiegħ dawn l-attivitajiet fil- […]. Dan għandu jnaqqas l-RWA b’EUR 5,7 biljun.

(59)

Meta wieħed iqis in-natura ta’ din l-unità kummerċjali, il-pjan ta’ ristrutturar jipprovdi li KBC se jżomm il-biċċa l-kbira mill-attivitajiet. KBC se jżomm attivitajiet fosthom il-ġestjoni tal-assi, il-finanzjament tal-kummerċ, il-kiri u l-finanzjament tal-konsumatur. KBC se jċedi diversi attivitajiet, fosthom […], fost oħrajn […]. B’konsegwenza taċ-ċessjoni, l-RWA se jonqos b’madwar EUR […] miljun.

(60)

Sabiex jitħallas l-Istat u fl-istess ħin jinżamm il-kapital ta’ 10 % Tier-1, il-pjan ta’ ristrutturar fih dawn il-miżuri ta’ ristrutturar finanzjarju:

Il-kapital totali ġġenerat permezz tal-miżuri msemmija qabel hu maħsub li jkun madwar EUR […] biljun, miksuba primarjament permezz ta’ […].

(61)

Fir-rigward tal-ħlas lura lill-awtoritajiet Belġjani, il-pjan ta’ ristrutturar jipprovdi li, KBC, fil-każ bażiku, se jibda jħallas kupuni mill-2011 ‘il quddiem, li jfisser li l-awtoritajiet Belġjani jirċievu EUR 600 miljun. Ir-rimborż tal-ammont prinċipali tar-rikapitalizzazzjonijiet għandu jibda ladarba KBC ikun saħħaħ il-pożizzjoni tal-kapital tiegħu permezz ta’ ċessjonijiet u r-ristrutturar finanzjarju (mill-2012 ‘il quddiem). Hekk kif il-ħlas lura tal-ammont nominali tar-rikapitalizzazzjoni jipprogressa, ir-rimunerazzjoni tal-awtoritajiet Belġjani permezz tal-ħlas tal-kupuni jonqos. KBC jippjana li jibda l-ħlas lura fl-2012 (EUR […] biljun) u jqis li l-injezzjonijiet tal-kapital se jitħallsu lura kompletament […] fil-każ bażiku.

(62)

L-awtoritajiet Belġjani jimpenjaw ruħhom, fil-limiti tal-kompetenzi rispettivi tagħhom, li jiżguraw il-konformità ta’ KBC mal-obbligi elenkati fil-premessi (63) sa (77) inklużivi.

(63)

Fir-rigward tad-dewmien ta’ dawn l-obbligi tal-aġir, l-awtoritajiet Belġjani jimpenjaw ruħhom li, bla preġudizzju għall-possibbiltà li l-Kummissjoni tagħti eżenzjoni, notevolment fuq il-bażi ta’ talba raġunata biżżejjed mill-awtoritajiet Belġjani, l-obbligi tal-aġir elenkati fil-premessi (63) sa (77) inklużivi japplikaw għal tul ta’ żmien ta’ […] snin mid-data tad-Deċiżjoni tal-Kummissjoni jew, sakemm l-ammonti nominali sottoskritti mill-awtoritajiet Belġjani, fid-19 ta’ Diċembru u l-20 ta’ Lulju rispettivament, ikunu ssarrfu, skont liema sseħħ l-ewwel (29).

(64)

L-awtoritajiet Belġjani jimpenjaw ruħhom li KBC għandu jagħmel l-almu tiegħu biex iżomm il-politika tas-self tiegħu mal-ekonomija reali fil-pajjiżi fejn għandu attivitajiet tal-imnut. Il-kreditu provdut minn KBC għandu jkun fuq termini kummerċjali.

(65)

Ikomplu jimpenjaw ruħhom li KBC iżomm il-proporzjon ta’ solvenza tiegħu tal-qalba ta’ Tier-1 mill-anqas sa […] % u l-fondi bażiċi tiegħu sa […] % (30).

(66)

Fir-rigward tal-projbizzjoni fuq l-akkwisti, l-awtoritajiet Belġjani jimpenjaw ruħhom li KBC se jżomm lura mill-akkwist tal-kontroll, kif definit mir-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll ta’ konċentrazzjonijiet bejn l-impriżi (ir-Regolament tal-KE dwar l-Għaqdiet) (31), tal-istituzzjonijiet finanzjarji. KBC barra minn hekk għandu jżomm milli jakkwista kontroll ta’ negozji oħra minbarra istituzzjonijiet finanzjarji jekk dan l-akkwist inaqqas il-pass tal-ħlas lura tal-ammont ta’ EUR 7 biljun ta’ titoli ewlenin Tier-1 bl-Imgħax Imtejjeb lil-awtoritajiet Belġjani kif ippjanat fil-pjan ta’ ristruttar li ġie notifikat lill-Kummissjoni fit-30 ta’ Settembru 2009 u approvat b’din id-Deċiżjoni. Minkejja din il-projbizzjoni, KBC jista’ jikseb negozji jekk ikollu l-approvazzjoni tal-Kummissjoni, b’mod partikolari jekk dan jitqies essenzjali biex iħares l-istabbiltà finanzjarja jew il-kompetizzjoni fis-swieq rilevanti.

(67)

L-awtoritajiet Belġjani jimpenjaw ruħhom li KBC għandu josserva din il-projbizzjoni ta’ tmexxija ta’ prezzijiet:

(68)

L-awtoritajiet Belġjani jimpenjaw ruħhom ukoll li KBC se jżomm minn marketing tal-massa li jinvoka l-miżuri bħala vantaġġ f’termini kompetittivi.

(69)

Fir-rigward tal-limitazzjoni tar-rimunerazzjoni eżekuttiva ta’ KBC, l-awtoritajiet Belġjani jimpenjaw ruħhom:

(70)

L-awtoritajiet Belġjani jimpenjaw ruħhom li KBC se jagħmel l-almu tiegħu biex jiżgura, għall-benefiċċju tal-awtoritajiet Belġjani, ritorn globali tat-titoli sottoskritti minnhom ta’ minimu ta’ 10 % p.a.

(71)

L-awtoritajiet Belġjani jimpenjaw ruħhom li jinnotifikaw mill-ġdid l-ewwel rikapitalizzazzjoni skont l-Artikolu 88(3) tat-Trattat jekk isseħħ waħda minn dawn iż-żewġ sitwazzjonijiet biex b’hekk ikun inqas possibbli li jinkiseb ir-ritorn globali ta’ ‘l fuq minn 10 % fis-sena,:

(72)

Bl-istess mod, l-awtoritajiet Belġjani jimpenjaw ruħhom li jinnotifikaw mill-ġdid it-tieni rikapitalizzazzjoni skont l-Artikolu 88(3) tat-Tratatt jekk tinqala’ din is-sitwazzjoni u b’hekk isir inqas probabbli li jinkiseb r-ritorn globali ta’ iżjed minn 10 % fis-sena,:

(73)

Sakemm f’waħda mix-xenarji deskritti fil-premessi 71 u 72 ma jintwerix li n-nuqqas ta’ ħlas tad-dividends ikun ikkawżat minn avvenimenti tas-suq normali jew li minkejja n-nuqqas ta’ ħlas tad-dividends, ir-ritorn globali se jkun xorta iżjed minn 10 % fis-sena, il-Kummissjoni, mingħajr ma tesprimi d-dubji dwar l-injezzjoni tal-kapital, li tkun ġiet dikjarata kompatibbli mas-suq komuni, tista’ fil-kuntest tan-notifika mill-ġdid, b’mod partikolari titlob iżjed restrizzjonijiet fuq l-aġir.

(74)

Fir-rigward tar-rimunerazzjoni tat-titoli alternattivi skont il-miżura tal-Protezzjoni mill-Istat, l-awtoritajiet Belġjani jimpenjaw ruħhom li l-kupun li jkun pagabbli fuq il-klassi alternattiva ta’ titoli tal-kapital ewlieni li għandhom jinħarġu minn KBC kieku l-awtoritajiet Belġjani kellhom jiksbu iżjed minn 30 % tad-drittijiet tal-voti skont il-Firxa tal-Ekwità tal-miżura ta’ Protezzjoni mill-Istat, għandu jkun ugwali għal […].

(75)

L-awtoritajiet Belġjani jimpenjaw ruħhom ukoll li KBC jew kwalunkwe mis-sussidjarji tiegħu m’għandhomx jinvolvu ruħhom fil-ħolqien ta’ Obbligi tad-Djun Kollateralizzat (“CDOs”) (32). Hu mifhum li t-tranżazzjonijiet tat-titoli li ma jaqgħux taħt din id-definizzjoni ta’ CDOs ma jaqgħux taħt l-ambitu ta’ dan l-obbligu. Dan hu pereżempju l-każ għal tranżazzjonijiet tas-siguratizzazzjoni għal finijiet ta’ ġestjoni ta’ kapital regolatorju jew riskju tal-kreditu jew għall-ġenerazzjoni tal-likwidità.

(76)

Fir-rigward tal-ħlas ta’ kupuni u sejħiet għall-opzjonijiet fuq il-kapital ibridu, sakemm il-Kummissjoni ma taqbilx mod ieħor ma’ eżenzjoni, l-awtoritajiet Belġjani jimpenjaw ruħhom li:

(77)

Finalment, l-awtoritajiet Belġjani impenjaw ruħhom li KBC jorganizza d-drittijiet tal-ġestjoni tal-awtoritajiet Belġjani fir-rigward tal-portafoll garantit skont il-miżura ta’ Protezzjoni mill-Istat, b’mod li l-interessi tal-awtoritajiet Belġjani bħala l-garanti jkunu garantiti kif dovut filwaqt li jinżamm livell xieraq ta’ flessibbiltà għal KBC sabiex jirreaġixxi malajr għal ċirkostanzi li jinbidlu fis-suq u biex isiru l-aġġustamenti u l-bidliet rilevanti kif xieraq. Id-dokumentazzjoni legali tal-portafoll garantit tipprovdi għal miżuri ta’ protezzjoni għal investituri terzi, kontrapartijiet super senior u għaldaqstant, b’estensjoni, l-awtoritajiet Belġjani kontra kunflitti ta’ interess possibbli fil-ġestjoni tal-portafoll garantit. Barra s-salvagwardji skont id-dokumentazzjoni legali oriġinali, il-ftehim mal-awtoritajiet Belġjani li jirregola l-miżura ta’ Protezzjoni mill-Istat għandu b’mod partikolari jipprovdi għad-dritt tal-awtoritajiet Belġjani li jissorveljaw il-ġestjoni tal-portafoll garantit. Fejn xieraq, l-awtoritajiet Belġjani għandhom jingħataw drittijiet ta’ kunsens biex aktar jipproteġu l-interessi tagħhom.

(78)

L-awtoritajiet Belġjani barra minn hekk impenjaw ruħhom, fil-limiti tal-kompetenzi rispettivi tagħhom, li jagħmlu l-almu tagħhom biex jiżguraw il-konformità ta’ KBC mal-obbligi mniżżla fil-premessi (79) sa (97) inklużivi.

(79)

KBC għandu jieħu l-passi meħtieġa għaċ-ċessjoni tal-entitajiet jew l-assi (minn hawn ‘il quddiem “Negozju(i) Ċedut(i)”) kif imniżżla fil-premessa (80) li għandha tiġi implimentata saż-żmien imsemmi. Din iċ-ċessjoni għandha titqies li ġiet implimentata meta KBC ikun daħal fi ftehim li jorbot għall-bejgħ […] fl-entità jew l-ass ikkonċernat. Ftehim li jorbot legalment hu ftehim li ma jistax jitħassar unilateralment minn KBC u li għandu l-intenzjoni li joħloq relazzjoni legali li fuqha tista’ toqgħod kull parti u li, fil-każ tat-terminazzjoni tal-ftehim minn KBC, twassal għal responsabbiltà ta’ KBC lejn il-parti l-oħra. Dak il-ftehim li jorbot legalment jista’ xorta jkun suġġett għal numru ta’ kundizzjonijiet abitwali preċedenti bħall-approvazzjoni mill-awtoritajiet rilevanti ta’ sorveljanza.

(80)

Fir-rigward tan-negozji ċeduti, l-awtoritajiet Belġjani jimpenjaw ruħhom li KBC se jċedi dawn l-entitajiet sa […]:

(i)

(ii)

(iii)

(iv)

(v)

(vi)

(vii)

(viii)

(81)

Fir-rigward tal-preżervazzjoni tal-valur tan-negozji ċeduti, l-awtoritajiet Belġjani jimpenjaw ruħhom li KBC għandu jiżgura li:

(82)

L-awtoritajiet Belġjani jimpenjaw ruħhom li KBC għandu jeżerċita l-aħjar sforzi tiegħu biex jappoġġja x-xerrejja tan-Negozji Ċeduti fil-migrazzjoni għall-infrastruttura adattata għall-operat kontinwu tan-Negozji Ċeduti. […].

(83)

Mid-data ta’ din id-Deċiżjoni sal-implimentazzjoni taċ-ċessjoni, l-awtoritajiet Belġjani jimpenjaw ruħhom li KBC għandu jippreżerva l-vijabbiltà ekonomika, l-adattezza għas-suq u l-kompetittività tan-Negozji Ċeduti skont il-prassi tajba tan-negozju u għandu jimminimizza kemm jista’ jkun possibbli kwalunkwe riskju ta’ telf tal-potenzjal kompetittiv tagħhom. KBC għandu jkompli jmexxi n-Negozji Ċeduti bħala negozju attiv fil-mod ordinarju u tas-soltu kif kien isir qabel id-data ta’ din id-Deċiżjoni.

(84)

L-awtoritajiet Belġjani jimpenjaw ruħhom li l-ebda atti li jista’ jkollhom impatt negattiv sinifikanti fuq in-Negozji Ċeduti ma jistgħu jitwettqu minn KBC. […].

(85)

Fir-rigward tax-xerrej(ja) prospettiv(i) ta’ Centea u Fidea, l-awtoritajiet Belġjani taw l-impenn li KBC għandu jiżgura li:

(86)

Barra minn hekk, l-awtoritajiet Belġjani jimpenjaw ruħhom li KBC għandu jagħmel l-arranġamenti meħtieġa biex jiżgura identifikazzjoni ċara tan-negozji Centea u Fidea u jibda jħejji s-separazzjoni tagħhom minn negozji li huma integrati f’KBC f’entitajiet distinti u li jistgħu jinbiegħu separatament minnufih wara d-Deċiżjoni tal-Kummissjoni. Bla preġudizzju għall-obbligi tal-preżervazzjoni tal-valur kif stabbiliti fil-premessi (81) sa (83), Centea and Fidea se jkunu mmexxija bħala entitajiet distinti u li jistgħu jinbiegħu mid-data tad-Deċiżjoni tal-Kummissjoni. Sabiex jiġi żgurat li d-deċiżjonijiet kollha tal-mexxejja bejn id-data ta’ din id-Deċiżjoni u l-implimentazzjoni taċ-ċessjoni ikunu fl-aħjar interessi ta’ Centea u Fidea bl-għan li jiġu żgurati l-vijabbiltà kontinwa ekonomika tagħhom, il-potenzjal tagħhom fis-suq u l-kompetittività tagħhom, KBC għandu jaħtar hold separate manager (34) separat għal kull wieħed minn dawn in-negozji għandu jiżgura li l-hold separate manager jaħdem b’mod indipendenti. Dak il-hold separate manager jista’ jkun is-CEO attwali ta’ dawk in-negozji. Il-hold separate manager għandu jmexxi dawn in-negozji ċeduti (Centea u Fidea) fl-aħjar interess tagħhom, b’konsultazzjoni komuni ma’ KBC, kif issorveljat mit-Trustee tas-Sorveljanza.

(87)

Għandu jinħatar trustee tas-sorveljanza li għandu jirrapporta fuq bażi ta’ kull sitt xhur lill-Kummissjoni dwar il-konformità mill-awtoritajiet Belġjani u minn KBC mal-obbligi mniżżla fil-premessi (78) sa (86). It-trustee ta’ sorveljanza għandu jkun indipendenti, ikollu l-kwalifiċi meħtieġa u m’għandux ikun soġġett għal kunflitt ta’ interessi matul it-twettiq tal-mandat tiegħu.

(88)

Mhux iżjed tard minn xahar wara l-adozzjoni ta’ din id-Deċiżjoni, l-awtoritajiet Belġjani għandhom jissottomettu lista ta’ persuna waħda jew iżjed, maqbul mal-KBC, li jipproponu li jaħtru bħala trustee(s) tas-sorveljanza lill-Kummissjoni għall-approvazzjoni. Il-Kummissjoni għandu jkollha d-diskrezzjoni li tapprova jew tirrifjuta t-trustee(s) proposti fuq il-bażi tal-kriterji deskritti fil-premessa 87. Jekk il-Kummissjoni tirrifjuta t-trustee(s) proposti kollha, KBC u l-awtoritajiet Belġjani għandhom, fi żmien xahar minn meta jiġu infurmati bir-rifjut, jipproponu kandidati ġodda li għal darb’oħra għandhom jiġu approvati jew irrifjutati mill-Kummissjoni. Jekk it-trustee(s) l-oħra kollha li jiġu proposti jiġu rrifjutati mill-Kummissjoni, il-Kummissjoni għanda tinnomina trustee, li KBC għandu jaħtar, jew jikkawża li jinħatar, skont mandat ta’ trustee approvat mill-Kummissjoni.

(89)

Fejn xieraq u fuq il-bażi ta’ talba raġunata biżżejjed mill-awtoritajiet Belġjani u KBC u wara li jitqiesu l-fehmiet tat-trustee tal-monitoraġġ, il-Kummissjoni tista’:

(90)

Kwalunkwe talbiet ta’ din ix-xorta għandhom jintbagħtu lill-Kummissjoni mhux iżjed tard minn xahrejn qabel id-data fil-mira.

(91)

Jekk iċ-ċessjonijiet ma jkunux intlaħqu sad-dati fil-mira rilevanti u mhux iżjed tard minn xahar wara l-aħħar data fil-mira li ma tistax tiġi estiża, u jekk l-ebda miżuri alternattivi ma jkunu ġew approvati mill-Kummissjoni, l-awtoritajiet Belġjani għandhom jissottomettu lista ta’ persuna waħda jew iżjed, kif maqbul ma’ KBC, li jipproponu biex jinħatru bħala trustee(s) taċ-ċessjoni lill-Kummissjoni għall-approvazzjoni. It-trustee taċ-ċessjoni għandu jkun indipendenti, ikollu l-kwalifiċi meħtieġa u ma jkunx suġġett għal kunflitt ta’ interessi matul it-twettiq tal-mandat tiegħu. Il-Kummissjoni jkollha d-diskrezzjoni li tapprova jew tirrifjuta t-trustee(s) taċ-ċessjoni proposti. Jekk il-Kummissjoni tirrifjuta t-trustee(s) tad-divestiment proposti, KBC u l-awtoritajiet Belġjani għandhom, fi żmien xahar minn meta jiġu infurmati bir-rifjut, jipproponu kandidati ġodda li għal darb’oħra għandhom bżonn jiġu approvati jew irrifjutati mill-Kummissjoni. Jekk it-trustee(s) l-oħra kollha proposti jiġu rrifjutati mill-Kummissjoni, il-Kummissjoni għandha tinnomina trustee, li KBC għandu jaħtar, jew jikkawża li jinħatar, skont il-mandat tat-trustee approvat mill-Kummissjoni.

(92)

L-awtoritajiet Belġjani jimpenjaw ruħhom li KBC għandu jagħti l-prokuri meħtieġa u raġonevoli lit-trustee taċ-ċessjoni:

(93)

Il-Kummissjoni għandha tawtorizza, wara li tkun ikkunsidrat l-alternattivi raġonevoli kif proposti skont l-arranġamenti tar-reviżjoni kif stabbiliti fil-premessa 89, lit-trustee taċ-ċessjoni li jbiegħ in-Negozji Ċeduti kkonċernati […]. It-trustee taċ-ċessjoni għandu jinkludi fil-ftehim(iet) tal-bejgħ u x-xiri dawk it-termini u l-kundizzjonijiet ordinarji u raġonevoli li huma xierqa għal bejgħ espedjenti. It-trustee taċ-ċessjoni għandu jorganizza l-proċess tal-bejgħ b’konsultazzjoni ma’ KBC sabiex jiżgura ċessjoni fl-aħjar kundizzjonijiet possibbli, suġġett għall-obbligi tiegħu taċ-ċessjoni […] fil-perjodu taċ-ċessjoni tat-trustee skont il-kundizzjonijiet stabbiliti fil-premessi 91 u 92.

(94)

Barra minn hekk, il-miżati u l-ispejjeż kollha tat-trustees tas-sorveljanza u ċ-ċessjoni għandhom jitħallsu minn KBC.

(95)

L-awtoritajiet Belġjani jimpenjaw ruħhom li KBC għandu jieħu l-passi meħtieġa għat-tnaqqis tal-portafolli kummerċjali tal-entitajiet imniżżla isfel li għandhom jitlestew sad-dati fil-mira kif stabbiliti għal kull waħda minn dawn l-entitajiet. Mid-data ta’ din id-Deċiżjoni sat-tlestija tat-tnaqqis, KBC għandu jirrispetta perjodu ta’ waqfa fir-rigward tal-ammont ta’ RWA (35) rappreżentat minn dawn il-portafolli kummerċjali. Rigward dan l-impenn, “waqfa” tfisser li KBC ma jidħolx fi kwalunkwe negozju ġdid f’dawn il-portafolli kummerċjali u li d-deċiżjonijiet tal-mexxejja ta’ KBC fir-rigward tal-portafolli kummerċjali jista’ biss ikollhom effett newtrali jew ta’ tnaqqis fuq l-ammont tal-RWA attribwit għal dawn il-portafolli kummerċjali fiż-żmien ta’ din id-Deċiżjoni. KBC mhux se jkun obbligat li jċedi jew b’xi mod ieħor ineħħi l-oġġetti tal-portafoll jew jittermina l-kuntratti eżistenti f’kundizzjonijiet li jirriżultaw f’telf jew obbligu għal KBC. KBC għaldaqstant se jnaqqas dawn il-portafolli kummerċjali:

(i)

(ii)

(iii)

(96)

L-awtoritajiet Belġjani jimpenjaw ruħhom li KBC se jwettaq il-tqegħid fil-Boroż tal-ishma ta’ ČSOB (Repubblika Ċeka) u K & H bank (Ungerija) […].

(97)

L-awtoritajiet Belġjani jimpenjaw ruħhom li KBC jipprovdi lill-Kummissjoni rapporti dettaljati fuq bażi ta’ kull sitt xhur permezz tal-awtoritajiet Belġjani. Ir-rapporti għandu jkun fihom informazzjoni dwar il-miżuri tar-rikapitalizzazzjoni (kif imsemmi fil-punt 40 tal-Komunikazzjoni dwar ir-Rikapitalizzazzjoni (36), it-tħaddim tal-miżura ta’ Protezzjoni mill-Istat (kif imsemmi fl-Anness IV tal-Komunikazzjoni dwar l-Assi Danneġġjati, minn hawn ‘il quddiem “IAC” (37), u l-pjan ta’ ristrutturar (kif imsemmi fil-punt 46 tal-Komunikazzjoni dwar ir-Ristrutturar (38). L-ewwel rapport, li jikkombina dik l-informazzjoni kollha, għandu jiġi sottomess lill-Kummissjoni mhux iżjed tard minn sitt xhur wara d-data ta’ din id-Deċiżjoni.

(98)

Il-Kummissjoni tfakkar li f’dan il-każ, fetħet il-proċedura ta’ investigazzjoni formali fuq il-miżura ta’ Protezzjoni mill-Istat dwar l-evalwazzjoni, ir-rimunerazzjoni, il-qsim tal-piż u l-arranġamenti tal-ġestjoni tal-assi fit-30 ta’ Ġunju 2009.

(99)

Fir-rigward tal-evalwazzjoni, il-Kummissjoni kienet esprimiet dubji dwar il-preżunzjonijiet sottostanti u l-metodoloġija użata mill-esperti. B’mod partikolari, il-Kummissjoni ħasset il-ħtieġa li tivverifika l-preżunzjonijiet ta’ korrelazzjoni mat-Titoli Ggarantiti minn Assi (minn hawn ‘il quddiem “ABS”) u tad-dejn korporattiv, it-traċċabbiltà tal-preżunzjonijiet tal-prezz tad-djar u l-livelli korporattivi tan-nuqqas tal-ħlas lura (premessa (83) tad-Deċiżjoni tal-ftuħ).

(100)

Peress li r-rimunerazzjoni mħallsa minn KBC hi dipendenti wkoll fuq l-evalwazzjoni tal-portafoll tas-CDO, il-Kummissjoni kkonkludiet fil-premessa (93) tad-Deċiżjoni tal-ftuħ li kienet meħtieġa evalwazzjoni addizzjonali tal-kwistjoni. Għall-istess raġunijiet, il-Kummissjoni esprimiet dubji dwar jekk il-miżura ta’ Protezzjoni mill-Istat kinetx tipprovdi għal qsim tal-piż suffiċjenti (premessa 88 tad-Deċiżjoni tal-ftuħ).

(101)

Fir-rigward tal-ġestjoni tal-assi, il-Kummissjoni kkonkludiet fil-premessa (80) tad-Deċiżjoni tal-ftuħ li ma kellhiex biżżejjed informazzjoni biex tikkonkludi jekk l-arranġamenti previsti mill-awtoritajiet Belġjani jissodisfawx ir-rekwiżiti stabbiliti fl-IAC.

(102)

Il-Kummissjoni osservat li ma waslu l-ebda kummenti minn terzi partijiet interessati fir-rigward tad-Deċiżjoni tal-ftuħ dwar il-miżura ta’ Protezzjoni mill-Istat.

(103)

L-awtoritajiet Belġjani jindikaw li rrivedew id-Deċiżjoni tal-Kummissjoni tat-30 ta’ Ġunju 2009 li fiha l-Kummissjoni ddeċidiet li tibda l-proċedura stabbilta fl-Artikolu 88(2) tat-Trattat sabiex tivverifika l-kundizzjonijiet tal-IAC dwar l-evalwazzjoni (inkluża l-metodoloġija tal-evalwazzjoni), il-qsim tal-piż, ir-rimunerazzjoni u l-arranġamenti tal-ġestjoni tal-assi tal-miżura.

(104)

L-Istat Belġjan jemmen li kull wieħed minn dawn l-elementi hu ndirizzat b’mod xieraq mill-pjan ta’ ristrutturar ta’ KBC kif imdaħħal fit-30 ta’ Settembru 2009 u mid-diversi obbligi li ġew offruti b’rabta ma’ dak il-pjan ta’ ristrutturar.

(105)

L-awtoritajiet Belġjani jissottomettu li l-pjan ta’ ristrutturar jikkonforma mal-kundizzjonijiet kollha stabbiliti fil-Komunikazzjoni tal-Kummissjoni tat-23 ta’ Lulju 2009 dwar ir-ritorn tal-vijabbiltà u l-evalwazzjoni tal-miżuri tar-ristrutturar fis-settur finanzjarju fil-kriżi attwali skont ir-regoli tal-għajnuna mill-Istat (39).

(106)

B’mod partikolari, l-awtoritajiet Belġjani huma tal-fehma li l-pjan ta’ ristrutturar jiżgura li l-vijabbiltà ta’ KBC fuq perjodu ta’ żmien twil tiġi restawrata, li KBC jipprovdi kontribut importanti proprju għall-ispejjeż tar-ristrutturar u li t-tfixkil tal-kompetizzjoni hu limitat minn miżuri strutturali u tal-aġir sostanzjali.

(107)

Il-Kummissjoni għandha tevalwa jekk il-miżuri kkonċernati jikkostitwux għajnuna mill-Istat. L-Artikolu 87(1) tat-Trattat jipprovdi li kwalunkwe għajnuna mogħtija minn Stat Membru jew permezz ta’ riżorsi tal-Istat fi kwalunkwe forma li tfixkel jew thedded li tfixkel il-kompetizzjoni billi tiffavorixxi ċerti impriżi hi, safejn tolqot il-kummerċ bejn l-Istati Membri, inkompatibbli mas-suq komuni.

(108)

Il-Kummissjoni tosserva li, fir-rigward tal-ewwel u t-tieni rikapitalizzazzjoni u l-miżura ta’ Protezzjoni mill-Istat, hi diġà kkonkludiet li dawk il-miżuri kienu jikkostitwixxu għajnuna mill-Istat. Għall-ewwel rikapitalizzazzjoni, dan ġie stabbilit fl-ewwel Deċiżjoni ta’ rikapitalizzazzjoni tal-Kummissjoni tat-18 ta’ Diċembru 2008 (premessi 39 sa 53 tad-Deċiżjoni ta’ rikapitalizzazzjoni). Għat-tieni rikapitalizzazzjoni u l-miżura ta’ Protezzjoni mill-Istat, dan ġie stabbilit fid-Deċiżjoni tal-ftuħ tal-Kummissjoni tat-30 ta’ Ġunju 2009 (taqsima 4.1 tad-Deċiżjoni tal-ftuħ). Il-Kummissjoni barra minn hekk tosserva li KBC ma għandu, fil-kuntest tal-pjan ta’ ristrutturar, jirċievi l-ebda miżuri addizzjonali u li l-miżuri tal-għajnuna ta’ salvataġġ għandhom jiġu konvertiti f’għajnuna ta’ ristrutturar.

(109)

Għaldaqstant il-Kummissjoni ma għandha l-ebda raġuni biex tibdel l-evalwazzjonijiet preċedenti tagħha. B’konsegwenza ta’ dan, il-Kummissjoni tikkonkludi li l-ewwel u t-tieni rikapitalizzazzjoni u l-miżura ta’ Protezzjoni mill-Istat miksuba minn KBC jikkostitwixxu għajnuna mill-Istat.

(110)

Fir-rigward tal-ammont tal-għajnuna, il-miżuri ta’ rikapitalizzazzjoni jikkostitwixxu għajnuna mill-Istat li jammonta għas-somma tal-kapital injettat, u għaldaqstant ammont ta’ EUR 7 biljun.

(111)

Fir-rigward tal-ammont tal-għajnuna tal-miżura ta’ Protezzjoni mill-Istat, il-Kummissjoni tqis li għandha ssir distinzjoni bejn il-Firxa tal-Ekwità u l-Firxa tal-Flus tal-miżura ta’ Protezzjoni mill-Istat.

(112)

Il-Firxa tal-Flus hi meqjusa mill-Kummissjoni li tikkorrispondi mal-miżura ta’ serħan tal-assi. Il-Komunikazzjoni dwar l-Assi Danneġġjati tgħid li l-ammont ta’ għajnuna f’miżura ta’ serħan tal-assi tikkorrispondi mad-differenza bejn il-valur tat-trasferiment tal-assi u l-prezz fis-suq. F’miżura ta’ garanzija tal-assi, il-Kummissjoni tqis li l-valur tat-trasferiment hu l-punt li fih l-Istat jikkumpensal-bank għal telf fil-forma ta’ flus. Għaldaqstant, f’dan il-każ, il-valur tat-trasferiment tal-assi hu ta’ EUR 14,8 biljun (40), għax il-portafoll se jsofri telf reali ta’ EUR 9,1 biljun (telf ta’ EUR 3,9 biljun fil-porzjonijiet mhux super senior, l-ewwel telf fil-porzjon super-senior ta’ EUR 3,2 biljun u l-firxa tal-ekwità ta’ EUR 2 biljun) li għandhom jitnaqqsu mill-valur nominali ta’ EUR […] biljun tal-portafoll tas-CDO. Il-valur tas-suq tal-portafoll tas-CDO fil-punt tat-tranżazzjoni kien ta’ EUR […] biljun (41). Id-differenza bejn il-valur tat-trasferiment u l-valur tas-suq hi ta’ EUR […] biljun, li minnha 10 % għandu jitnaqqas għax 10 % tat-telf jinżamm minn KBC. Dan jammonta għal EUR […] biljun.

(113)

Barra minn hekk, il-Kummissjoni tqis li l-miżata ta’ garanzija ta’ eċċess imħallsa minn KBC għall-Firxa tal-Flus għandha tiġi kkunsidrata. Il-miżata ta’ garanzija nominali totali hi ta’ EUR 1,33 biljun, li minnha, madankollu, madwar EUR 1 biljun (miżata ta’ garanzija ta’ eċċess stmata (42) hi iżjed mill-miżata minima li hi meħtieġa mill-Kummissjoni fl-IAC. L-ammont ta’ EUR 1 biljun għaldaqstant għandu jitnaqqas mill-ammont ikkalkulat fil-premessa 112. Dan iwassal għal ammont tal-għajnuna totali għall-miżura tas-serħan tal-assi ta’ madwar EUR 260 miljun.

(114)

Għaldaqstant, iż-żewġ injezzjonijiet tal-kapital u l-parti tas-serħan tal-assi tal-miżura ta’ Protezzjoni mill-Istat flimkien jirriżultaw f’element ta’ għajnuna ta’ madwar EUR 7,26 biljun, li jammonta għal 4,1 % ta’ RWA ta’ KBC.

(115)

Finalment, il-Firxa tal-Ekwità tal-miżura ta’ Protezzjoni mill-Istat tiġi evalwata wkoll. Il-Kummissjoni tosserva li din tista’ titqies bħala ekwivalenti għal injezzjoni tal-kapital, peress li CBFA taċċettaha bħala kapital regolatorju li jtejjeb il-pożizzjoni tal-kapital tal-bank. Għalkemm il-miżura ma tagħtix likwidità u għaldaqstant ma tistax titqies eżattament bħala injezzjoni diretta tal-kapital, il-Kummissjoni tqis li din xorta tista’ titqies bħala għajnuna addizzjonali, possibbilment sal-ammont nominali ta’ EUR 1,8 billion. Jekk titqies bħala 100 % għajnuna, l-element tal-għajnuna totali tal-miżuri kollha (iż-żewġ rikapitalizzazzjonijiet u l-miżura ta’ Protezzjoni mill-Istat) jammonta għal EUR 9,06 biljun, jew 5,1 % ta’ RWA ta’ KBC.

(116)

L-Artikolu 87(3)(b) tat-Trattat jawtorizza lill-Kummissjoni li tiddikjara li l-għajnuna hi kompatibbli mas-suq komuni jekk tkun intiża ‘li tirrimedja taħwid serju fl-ekonomija ta’ Stat Membru’. Meta wieħed iqis iċ-ċirkostanzi preżenti fis-swieq finanzjarji, il-Kummissjoni tqis li l-miżuri jistgħu jiġu eżaminati direttament skont ir-regoli tat-Trattat u b’mod partikolari skont l-Artikolu 87(3)(b) tat-Trattat.

(117)

Il-Kummissjoni rrikonoxxiet li l-kriżi finanzjarja globali tista’ toħloq taħwid serju fl-ekonomija ta’ Stat Membru u li l-miżuri li jappoġġjaw il-banek huma xierqa biex jirrimedjaw dan it-taħwid. Dan ġie ikkonfermat fil-Komunikazzjoni dwar is-Servizzi Bankarji tal-Kummissjoni (43), il-Komunikazzjoni dwar ir-Rikapitalizzazzjoni tagħha, l-IAC tagħha u l-Komunikazzjoni dwar ir-Ristrutturar. Fir-rigward tal-ekonomija Belġjana, dan ġie kkonfermat fid-diversi approvazzjonijiet tal-Kummissjoni tal-miżuri meħuda mill-awtoritajiet Belġjani biex jikkombattu l-kriżi finanzjarja (44) Għaldaqstant, kif indikat fid-Deċiżjoni ta’ rikapitalizzazzjoni u d-Deċiżjoni tal-ftuħ, il-bażi legali għall-evalwazzjoni tal-miżuri tal-għajnuna għandha tkun l-Artikolu 87(3)(b) tat-Trattat.

(118)

Kif imsemmi fit-taqsima 8.2, il-Kummissjoni tqis li, fir-rigward tal-miżura tal-Protezzjoni mill-Istat, għandha ssir distinzjoni bejn il-Firxa tal-Ekwità u l-Firxa tal-Flus tal-miżura.

(119)

Il-Kummissjoni tqis li l-impenn tal-injezzjoni tal-kapital, suġġett għall-avveniment li jwassal għal telf realizzat speċifiku fuq il-portafoll tas-CDO, assoċjat mal-Firxa tal-Ekwità, għandu jitqies ekwivalenti għal injezzjoni tal-kapital (45) Għaldaqstant, il-kompatibbiltà tiegħu għandu jiġi evalwat skont il-Komunikazzjoni dwar ir-Rikapitalizzazzjoni.

(120)

Il-Kummissjoni tqis li l-Firxa tal-Flus, fejn l-Istat hu impenjat li jikkumpensa lil KBC għal telf fi flus, għandu jitqies bħala miżura ta’ serħan tal-assi. Għaldaqstant il-kompatibbiltà tagħha tiġi evalwata skont l-IAC.

(121)

Il-kundizzjonijiet speċifiċi li japplikaw għall-miżuri tas-serħan tal-assi huma stabbiliti fl-IAC. B’konformità mat-taqsima 5.2 tal-IAC, miżura ta’ serħan tal-assi għandha tipprovdi għal trasparenza ex-ante sħiħa, qsim ta’ piż adegwat segwit mill-evalwazzjoni korretta tal-assi eliġibbli u għandha tiżgura r-rimunerazzjoni korretta tal-Istat għall-miżura tas-serħan tal-assi sabiex jiġu żgurati r-responsabbiltà u l-qsim tal-piż tal-azzjonisti.

(122)

Il-Kummissjoni diġà stabbiliet li l-miżura ta’ Protezzjoni mill-Istat favur KBC tikkonforma mal-IAC fir-rigward tat-trasparenza ex-ante sħiħa u l-iżvelar u l-eliġibbiltà tal-assi fid-Deċiżjoni tal-ftuħ. Il-Kummissjoni għaldaqstant tiffoka l-evalwazzjoni tagħha fuq kundizzjonijiet relatati mal-evalwazzjoni, ir-rimunerazzjoni u l-qsim tal-piż u l-arranġamenti tal-ġestjoni tal-assi, għax dawn kienu l-aspetti tal-miżura tal-Protezzjoni mill-Istat li fuqhom bdiet l-investigazzjoni.

(123)

Fir-rigward tal-evalwazzjoni, l-IAC tistabbilixxi fit-taqsima 5.5 li approċċ korrett u konsistenti għall-evalwazzjoni hu ta’ importanza ewlenija għall-prevenzjoni ta’ tfixkil mhux dovut tal-kompetizzjoni. Għaldaqstant, il-Kummissjoni eżaminat bir-reqqa l-evalwazzjoni u b’mod partikolari l-metodoloġija ġenerali sottostanti sabiex tiżgura approċċ konsistenti fil-livell tal-Komunità. Għal dak il-għan, il-Kummissjoni daret għall-assistenza teknika provduta minn bord ta’ esperti tal-evalwazzjoni. Fl-evalwazzjoni tal-miżura, il-Kummissjoni ħaddmet ukoll metodoloġiji għall-evalwazzjoni tal-assi li bbenefikaw mill-assistenza teknika provduta minn esperti tal-ECB.

(124)

B’konformità mal-paragrafi 40 u 41 tal-IAC, il-valur tat-trasferiment tal-assi danneġġjati għandu jkun konformi mal-valur ekonomiku reali tagħhom (minn hawn ‘il quddiem “REV”). F’miżura ta’ garanzija tal-assi, il-Kummissjoni tqis li l-valur tat-trasferiment hu l-punt li fih l-Istat jikkumpensal-bank għal telf fil-forma ta’ flus. F’dan il-każ, il-valur tat-trasferiment hu ta’ EUR 14,8 biljun, filwaqt li KBC jgħid li r-REV tal-portafoll hu EUR […] biljun. Isegwi li r-REV hu fil-fatt EUR […] biljun, għaldaqstant il-miżura tilħaq ir-rekwiżiti tal-IAC fir-rigward tal-evalwazzjoni, peress li l-valur tat-trasferiment ikun inqas mir-REV.

(125)

Fir-rigward tar-REV tal-portafoll tas-CDO, id-dubji tal-Kummissjoni ġew allevjati. Meta wieħed iqis il-preżunzjonijiet prudenti (fosthom il-korrelazzjoni, is-severitajiet tat-telf u l-apprezzament tal-prezz tad-djar, il-probabbiltajiet ta’ nuqqas ta’ ħlas lura tas-self), b’kombinazzjoni ma’ probabbiltajiet ta’ nuqqas ta’ ħlas lura tas-self stressjati raġonevolment, il-Kummissjoni tqis li EUR […] biljun ([…] % tal-valur spekulattiv) hu kalkolu prudenti tar-REV.

(126)

Barra minn hekk, l-istimi tar-REV tal-portafoll f’xenarju ta’ stress huma madwar EUR […] biljun ([…] % tal-valur spekulattiv), li għadu ogħla mill-valur tat-trasferiment. Il-Kummissjoni tqis, li din l-evalwazzjoni tar-REV f’xenarju ta’ stress tista’ titqies bħala aċċettabbli fuq il-bażi tal-preżunzjonijiet u l-metodoloġija użata.

(127)

Id-dubji tal-Kummissjoni dwar ir-rimunerazzjoni mħallsa minn KBC ġew allevjati. Il-Kummissjoni tosserva li l-miżura ta’ Protezzjoni mill-Istat għandha effett ta’ serħan ta’ kapital ta’ EUR 504 miljuni. Kif osservat fil-punt 21 tal-IAC u n-nota 11 f’qiegħ il-paġna mehmuża magħha, mekkaniżmu ta’ serħan tal-assi għandu jiġu rimunerat bl-istess mod bħal injezzjoni tal-kapital. F’ċirkostanzi normali din l-injezzjoni tal-kapital tkun tiswa madwar EUR 35 miljun fis-sena (46). Dan hu konsiderevolment inqas mill-miżata ta’ garanzija annwali ta’ EUR 221 miljun (total ta’ EUR 1,33 biljun fuq is-sitt snin li fihom iħallas KBC. Fil-fatt, KBC iħallas iżjed minn EUR 1 biljun iżjed mir-rimunerazzjoni minima meħtieġa skont l-IAC.

(128)

Dwar il-qsim tal-piż, l-IAC fit-taqsima 5.2 jistipula l-prinċipju ġenerali li l-banek għandhom jerfgħu t-telf assoċjat mal-assi danneġġjati sal-limitu massimu. Dan jimplika l-ewwel li l-bank għandu jerfa’ d-differenza bejn il-valur nominali u r-REV tal-assi danneġġjati. Dak il-kriterju jintlaħaq f’dan il-każ għax ir-REV tal-portafoll jikkorrispondi għal EUR […] biljun ([…] % tal-valur spekulattiv) u l-valur tat-trasferiment għal EUR 14,8 biljun (62 % tal-valur spekulattiv). Il-valur tat-trasferiment għaldaqstant ikun inqas mir-REV. Il-figura tar-REV ġiet ivverifikata u nstabet li hi raġonevoli mill-esperti tal-Kummissjoni. KBC isofri t-telf anke lil hinn mir-REV. Id-dubji tal-Kummissjoni fir-rigward tal-qsim tal-piż għaldaqstant ġew allevjati.

(129)

Fir-rigward tal-ġestjoni tal-assi, il-Kummissjoni tosserva li l-arranġamenti bejn l-awtoritajiet Belġjani u KBC jikkonformaw mar-rekwiżiti stabbiliti fl-IAC. L-awtoritajiet Belġjani kisbu d-drittijiet ordinarji u neċessarji biex iħarsu l-interessi tagħhom kif deskritt fil-premessa 62. Għaldaqstant, dawk id-drittijiet għandhom jipprovdu ħarsien għall-protezzjoni ta’ investituri terzi, kontrapartijiet super-senior u għaldaqstant, b’estensjoni, l-awtoritajiet Belġjani kontra kunflitti ta’ interess possibbli fil-ġestjoni tal-portafoll garantit. Barra minn hekk, l-awtoritajiet Belġjani għandhom id-dritt li jissorveljaw il-ġestjoni tal-portafoll garantit u jingħataw drittijiet xierqa biex ikomplu jipproteġu l-interessi tagħhom.

(130)

Fuq il-bażi ta’ dak imsemmi qabel, il-Kummissjoni tikkonkludi li d-dubji tagħha dwar il-miżura tas-serħan tal-assi ġew allevjati u li l-miżura hi konformi mal-IAC.

(131)

Il-Kummissjoni tfakkar li fil-każ ta’ telf fil-Firxa tal-Ekwità, l-awtoritajiet Belġjani impenjaw ruħhom li jipprovdu l-kapital jekk KBC jitlob hekk. Din ir-rakapitalizzazzjoni ta’ KBC fil-Firxa tal-Ekwità tista’ sseħħ permezz tal-ħruġ minn KBC ta’ ishma ordinarji lill-awtoritajiet Belġjani bil-prezz tas-suq. Jekk b’konsegwenza ta’ dan il-ħruġ, l-awtoritajiet Belġjani jiġi li jkollhom aktar minn 30 % tal-ishma, dawn għandhom jirċievu titoli ibridi. Għaldaqstant, biex il-miżura tkun kompatibbli, l-injezzjoni tal-kapital impenjata għandha tkun il-minimu meħtieġ u għandha tiġi rimunerata b’konformità mal-Komunikazzjoni dwar ir-Rikapitalizzazzjoni.

(132)

Fir-rigward tar-rimunerazzjoni għall-Firxa tal-Ekwità, il-kompatibbiltà tar-rimunerazzjoni għandha tiġi evalwata b’żewġ metodi. L-ewwelnett, l-Istat għandu jiġi rimunerat għall-provvista tal-garanzija tal-ekwità. It-tieni nett, fil-każ li dan verament jinjetta l-kapital, għandu jiġi rimunerat b’mod xieraq.

(133)

Fir-rigward tal-garanzija tal-ekwità, KBC għandu jħallas għad-dritt għal injezzjoni tal-ekwità bħala riżerva. Il-miżata tas-sottoskrizzjoni hi kkalkulata b’referenza għal-livelli tat-tariffi li l-banek tal-investiment iżommu għal sottoskrizzjonijiet tal-ekwità bħala riżerva. Il-miżata ordinarja għal dan it-tip ta’ impenn ta’ sottoskrizzjoni, skont l-awtoritajiet Belġjani, tvarja bejn 10 u 15 bps fil-ġimgħa. Il-punt tan-nofs ta’ din il-firxa (12,5 bps) ġie applikat għal KBC. Dan jammonta għal 650 bps fis-sena fuq l-ammont prinċipali ta’ EUR 1,8 biljun. Il-Kummissjoni tfakkar il-punt 26 tal-Komunikazzjoni dwar ir-Rikapitalizzazzjoni, li jgħid li l-prezz tar-rikapitalizzazzjonijiet għandu jkun konformi mar-Rakkomandazzjonijiet tal-Eurosystem tal-20 ta’ Novembru 2008. Dawn, imbagħad, jgħidu li r-rata ta’ imgħax meħtieġ fuq ishma ordinarji għandha tkun il-primjum tar-riskju tal-ekwità ta’ 500 bps fis-sena. (47) F’dan il-każ, il-primjum tas-sottoskrizzjoni tista’ titqies bħala l-primjum tar-riskju tal-ekwità deskritta fir-Rakkomandazzjonijiet tal-Eurosystem. Peress li l-miżata tas-sottoskrizzjoni hi iżjed minn dan il-limitu, ir-rimunerazzjoni titqies li hi biżżejjed.

(134)

Barra minn hekk, fil-każ li KBC jitlob lill-awtoritajiet Belġjani biex jipprovdu injezzjoni tal-ekwità, l-awtoritajiet Belġjani se jissottoskrivu għall-ekwità li tkun għadha kif inħarġet f’termini tas-suq. F’dan il-każ, l-awtoritajiet Belġjani jiksbu ishma ordinarji u jkunu rimunerati b’dan il-mod. Dan ikun konformi mal-Anness tal-Komunikazzjoni dwar ir-Rikapitalizzazzjoni. Fil-kuntest tal-kriżi attwali, il-Kummissjoni preċedentement aċċettat injezzjonijiet tal-ekwità fejn il-prezz tal-ħruġ kien ibbażat fuq evalwazzjoni orjentata fis-suq bħall-prezz tal-ishma (48).

(135)

Jekk l-awtoritajiet Belġjani, meta xtraw l-ishma ta’ KBC, kellhom jiksbu iżjed minn 30 % tad-drittijiet tal-voti, li jista’ jirrikjedi li jagħmlu offerta ta’ ksib tal-kontroll mandatorja, ikollhom l-opzjoni li jissottoskrivu għal kapital ibridu minflok. Il-kupun li KBC ikollu jħallas hu simili għal dak taż-żewġ miżuri tar-rikapitalizzazzjoni li diġà ġew approvati. Barra minn hekk, l-awtoritajiet Belġjani għandhom l-għażla li jikkonvertu dawn l-ibridi f’ishma ordinarji f’termini tas-suq, li hu konformi mat-termini tas-sottoskrizzjoni għall-ekwità li jkunu għadhom kemm ħarġu deskritti qabel. Għaldaqstant ir-rimunerazzjoni tat-titoli ibridi hi konformi mal-Komunikazzjoni dwar ir-Rikapitalizzazzjoni.

(136)

Fir-rigward tal-limitazzjoni tal-għajnuna sal-minimu meħtieġ, il-Kummissjoni tosserva li l-injezzjoni tal-kapital tintuża biss jekk il-portafoll tas-CDO rilevanti jsofri telf tal-kreditu realizzat li jaqbeż EUR 7,1 biljun. Jekk tinħoloq dik is-sitwazzjoni, KBC, għalkemm diġà għamel dispożizzjonijiet għal telf li jeċċedi dan l-ammont, aktarx li jiffaċċja diffikultajiet sinifikanti u inċertezzi fis-suq dwar il-pożizzjoni finanzjarja tiegħu. B’konformità mar-raġunar mogħti fir-rigward tal-ewwel u t-tieni rikapitalizzazzjonijiet, li stabbilixxew li injezzjoni tal-kapital rimunerata b’mod adegwat kienet mezz adegwat ta’ kif tiġi rrestawrata l-kunfidenza f’bank sistematikament importanti bħal KBC, il-Kummissjoni tqis li hu raġonevoli li jiġi konkluż li l-impenn li jiġi provdut il-kapital fil-każ ta’ telf sinifikanti fuq il-portafoll tas-CDO hu xieraq u sal-minimu meħtieġ.

(137)

Fuq din il-bażi, il-Kummissjoni tikkonkludi li l-kundizzjonijiet tal-Komunikazzjoni dwar ir-Rikapitalizzazzjoni twettqu.

(138)

Peress li t-termini tal-parti tas-serħan tal-assi tal-miżura tal-Protezzjoni mill-Istat huma f’konformità mal-IAC u t-termini tal-Firxa tal-Ekwità huma konformi mal-Komunikazzjoni dwar ir-Rikapitalizzazzjoni, il-Kummissjoni tqis li l-għajnuna mogħtija permezz tal-miżura tal-Protezzjoni mill-Istat hi kompatibbli mas-suq komuni.

(139)

Il-Kummissjoni tosserva li l-Komunikazzjoni dwar ir-Ristrutturar ma tistabbilixxix kriterji għall-kundizzjonijiet li fihom bank jista’ jippreżenta pjan ta’ ristrutturar, iżda tibni fuq il-kriterji stabbiliti fil-Komunikazzjoni dwar ir-Rikapitalizzazzjoni u l-IAC.

(140)

Il-Kummissjoni tosserva li KBC irċieva għajnuna mill-Istat li taqbeż it-2 % tal-RWA totali tal-bank. KBC għaldaqstant għandu, b’konformità mal-punt 4 tal-Komunikazzjoni dwar ir-Ristrutturar u mal-punt 55 tal-IAC, kif ukoll fl-impenji preċedenti msemmija fid-Deċiżjoni tal-ftuħ, jgħaddi minn ristrutturar qawwi.

(141)

Il-Komunikazzjoni dwar ir-Ristrutturar tistabbilixxi r-regoli għall-għajnuna mill-Istat applikabbli għar-ristrutturar ta’ istituzzjonijiet finanzjarji fil-kriżi attwali. Skont il-Komunikazzjoni dwar ir-Ristrutturar, sabiex ikunu kompatibbli mal-Artikolu 87(3)(b) tat-Tratatt; ir-ristrutturar ta’ istituzzjoni finanzjarja fil-kuntest tal-kriżi finanzjarja attwali għandu:

(142)

Il-Komunikazzjoni dwar ir-Ristrutturar tistabbilixxi fil-punti 9 sa 11 li l-Istat Membru għandu jipprovdi pjan ta’ ristrutturar komprensiv u dettaljat li jipprovdi informazzjoni kompluta dwar il-mudell kummerċjali. Il-pjan għandu jidentifika wkoll il-kawżi tad-diffikultajiet iffaċċjati minn istituzzjoni finanzjarja u alternattivi għall-pjan tar-ristrutturar propost. L-informazzjoni sottomessa mill-awtoritajiet Belġjani tilħaq dawn ir-rekwiżiti.

(143)

Fl-evalwazzjoni ta’ pjan ta’ ristrutturar, il-Kummissjoni għandha tevalwa jekk il-bank hux kapaċi li jirrestawra l-vijabbiltà fuq perjodu taż-żmien twil mingħajr għajnuna mill-Istat. Fir-rigward ta’ KBC, kwalunkwe pjan ta’ ristrutturar għandu juri li jkun ħa miżuri biex jaffronta s-sors tad-diffikultajiet tiegħu, li l-mudell kummerċjali tiegħu jkun vijabbli u li kapaċi jiflaħ għal xenarju ta’ stress realistiku. Għandu jindika wkoll, kif osservat fil-punt 14 tal-Komunikazzjoni dwar ir-Ristrutturar, kif l-għajnuna mill-Istat tissarraf jew li tiġi rimunerata skont il-kundizzjonijiet normali tas-suq.

(144)

Il-pjan ta’ ristrutturar jidentifika l-kawżi ewlenin tad-diffikultajiet għall-bank, li kienu primarjament attribwibbli għal tnaqqis fil-valur fuq il-portafoll tas-CDO sintetiku ta’ KBC. Dawk l-istrumenti għandhom ikunu pprezzati skont il-valur fis-suq bi kwalunkwe bidliet fil-valur tas-suq li jgħaddu minnufih mid-dikjarazzjoni tad-dħul. KBC talab żewġ injezzjonijiet tal-kapital u garanzija tal-assi sabiex jittratta dan it-telf u l-effett sussegwenti tiegħu fuq il-pożizzjoni tal-kapital.

(145)

Sabiex tevalwa jekk KBC jistax jitqies vijabbli, il-Kummissjoni għandha tevalwa jekk il-pjan jittrattax dawn il-kwistjonijiet fil-portafoll tas-CDO. F’dan ir-rigward, il-Kummissjoni tosserva li KBC m’għadux joħroġ strumenti CDO. Fir-rigward tal-portafoll tas-CDO residu tiegħu, l-esponiment ta’ KBC għal iżjed telf ġie limitat b’mod sinifikanti. Peress li EUR 14,8 biljun (bir-rata ta’ 90 %) tat-telf fuq il-portafoll ġie garantit mill-Istat, il-portafoll m’għadux irid jiġi evalwat fuq il-bażi ta’ pprezzar skont il-valur fis-suq, biex b’hekk titnaqqas il-volatilità fuq il-karta tal-bilanċ ta-KBC. L-uniku esponiment li fadal hu fuq il-parti ż-żgħira tal-portafoll tas-CDO li hi valutata ‘l fuq mill-valur tat-trasferiment tal-miżura ta’ Protezzjoni mill-Istat flimkien ma’ esponiment ta’ 10 % għal telf fil-porzjon tal-garanzija bi flus. Għaldaqstant, il-Kummissjoni tista’ tikkonkludi li KBC ikun ħa biżżejjed azzjoni biex jindirizza l-kawża tal-problemi tiegħu u li kwalunkwe żvilupp negattiv ieħor fil-portafoll tas-CDO tiegħu ma jkunx ta’ theddida għall-vijabbiltà tiegħu.

(146)

KBC għandu wkoll portafoll tal-ABS li mhuwiex kopert mill-protezzjoni miksuba mill-awtoritajiet Belġjani. Il-Kummissjoni tosserva li KBC provda informazzjoni dwar l-esponiment li jifdal ([…]). KBC għandu jassorbi kwalunkwe telf fuq dak il-portafoll (ikkalkulat f’EUR […] miljun fis-sena), li skont KBC mhuwiex ta’ theddida għall-vijabbiltà tiegħu minħabba l-profil ta’ riskju u maturità iżjed konservattiv tiegħu (49). It-telf fuq il-portafoll tal-ABS ġie kkunsidrat fil-projezzjonijiet finanzjarji għall-pjan ta’ ristrutturar.

(147)

Fir-rigward tal-mudell kummerċjali tiegħu, KBC għandu l-ħsieb li jkompli bl-istrateġija ta’ bankassigurazzjoni tiegħu, għalkemm fi grupp iżgħar u iżjed iffukat. Għandu jipprovdi firxa sħiħa ta’ prodotti bankarji u tal-assigurazzjoni lis-segmenti tal-klijenti ewlenin tiegħu, tal-imnut, SMEs privati u mid-cap. Għandu jiffoka fuq swieq, pereżempju fis-CEE-R, fejn diġà għandu franchises sodi, filwaqt li joħroġ minn swieq li jqis li huma ta’ riskju għoli jew fejn għandu franchise li mhix jew li ma tistax issir sostenibbli. KBC għandu pożizzjoni ta’ likwidità b’saħħitha. Jiddependi b’mod limitat fuq finanzjamenti bl-ingrossa, b’mod partikolari fuq medda taż-żmien qasir, u għandu proporzjon ta’ self għad-depożitu ta’ inqas minn […] %. Il-pożizzjoni tal-likwidità b’saħħitha hi sottolineata mill-fatt li anke matul l-iżjed tħarbit sinifikanti fis-swieq finanzjarji għal ħafna snin, ma kienx hemm bżonn tal-ebda għajnuna ta’ likwidità mill-Istat Belġjan.

(148)

Il-Kummissjoni tqis li l-istrateġija kummerċjali ta’ KBC, li tikkonsisti f’attivitajiet tal-imnut ikkombinati ma’ bejgħ inkroċjat ta’ prodotti tal-assigurazzjoni fis-swieq ewlenin ta’ KBC, hi mudell kummerċjali vijabbli. Il-Kummissjoni tqis li l-kontinwazzjoni tal-attivitajiet ta’ KBC fis-CEE-R, li jista’ titqies bħala suq li qed jiżviluppa, hi strateġija aċċettabbli, għax tippermetti lil KBC biex jingrana l-mudell kummerċjali b’suċċess tiegħu għal reġjun ta’ tkabbir kbir, biex b’hekk ikollha l-possibbiltà li tkompli tikber u tiġġenera l-profitti. Dan hu importanti wkoll għal tħassib dwar stabbiltà finanzjarja, għax KBC hu operatur importanti fis-swieq finanzjarji f’dan ir-reġjun u l-ħruġ tiegħu jista’ jkollu effetti ta’ destabalizzazzjoni. Din l-analiżi, fir-rigward tal-istabbiltà finanzjarja, tapplika wkoll għall-preżenza ta’ KBC fl-Irlanda.

(149)

Skont il-punti 9 u 12 sa 15 tal-Komunikazzjoni dwar ir-Ristrutturar, il-pjan ta’ ristrutturar għandu juri wkoll kif il-bank għandu jirrestawra l-vijabbiltà fuq perjodu taż-żmien twil mingħajr għajnuna mill-Istat mill-aktar fis possibbli. B’mod partikolari, il-bank għandu jkun kapaċi jiġġenera qligħ fuq l-ekwità, filwaqt li jkopri l-ispejjeż kollha tal-attivitajiet normali tiegħu u jikkonforma mar-rekwiżiti regolatorji rilevanti.

(150)

Il-Kummissjoni tqis ukoll li l-pjan ta’ ristrutturar sottomess minn KBC għandu jilħaq dawk ir-rekwiżiti għax KBC provda projezzjonijiet finanzjarji għall-perjodu 2008-2013, u b’hekk ta informazzjoni dwar id-dħul, l-ispejjeż, id-danni, il-profitti u l-pożizzjoni tal-kapital għal kull unità kummerċjali. Il-Kummissjoni tosserva li l-projezzjonijiet provduti huma bbażati fuq preżunzjonijiet makroekonomiċi sottostanti raġonevoli.

(151)

Fil-pjan ta’ ristrutturar, KBC jassumi li d-dħul u l-profitti għandhom jirritornaw għal madwar il-livelli ta’ qabel il-kriżi f’każ bażiku, bi dħul ta’ EUR […] biljun fl-2009, li jiżdied għal EUR […] biljun fl-2013 u profitt (telf) nett proġettat ta’ EUR -[…] biljun fl-2009 li jiżdied għal EUR […] biljun fl-2013. Ħafna mid-danni għandhom jittieħdu fl-2008 (EUR […] biljun) u l-2009 (EUR […] biljun). Il-proporzjon Tier-1 ta’ KBC għandu jiżdied minn […] % fl-2009 għal […] % fl-2013. Peress li n-negozju sottostanti ta’ KBC (minbarra t-telf iġġenerat mid-diviżjoni tal-Prodotti Finanzjarji ta’ KBC f’CDOs u ABS) baqgħu jiġġeneraw il-profitti matul l-2008 u l-2009 sal-llum, il-Kummissjoni tqis li l-projezzjonijiet huma fattibbli.

(152)

Fir-rigward tal-kapaċità ta’ KBC li tirreżisti għal xenarju ta’ stress, dan ġie deskritt fil-premessa (42) sa (49). Il-Kummissjoni tqis li x-xenarju ġġenerat hu raġonevoli. Peress li x-xenarju tal-istress juri li KBC se jeċċedi r-rekwiżiti tal-kapital regolatorju tiegħu, KBC jista’ jitqies li jilħaq ir-rekwiżiti tal-paragrafu 13 tal-Komunikazzjoni dwar ir-Ristrutturar.

(153)

Barra minn hekk, il-Kummissjoni tosserva b’mod pożittiv li l-profitti proġettati għandhom jippermettu lill-bank li jirrimunera l-kapital tal-Istat b’mod xieraq u li jifdih maż-żmien. Il-ħlas lura tal-kapital tal-Istat għandu jkun possibbli mingħajr ma jitnaqqas il-bażi tal-kapital tal-istituzzjoni, għax il-proporzjon tal-kapital Tier-1 ta’ KBC hu proġettat li jilħaq […] u jeċċedih wara taħt kull xenarju provdut fil-pjan ta’ ristrutturar.

(154)

Finalment, il-pjan jistabbilixxi wkoll strateġija konvinċenti għall-ħlas lura lill-awtoritajiet Belġjani. Għall-miżura ta’ Protezzjoni mill-Istat, il-miżata titħallas fi flus fi 12-il pagament semi-annwali. Fir-rigward tal-injezzjoni tal-kapital, KBC jibda jħallas il-kupuni mill-2011 u għandu jibda jħallas lura l-kapital hekk kif jibda jiġġenera kapital żejjed, li skont il-każ bażiku jkun mill-2012 ‘il quddiem. Meta wieħed iqis il-penali ta’ 50 %, KBC hu proġettat li jħallas lura madwar EUR 7 biljun fis-snin […], li hu ekwivalenti għall-ammont prinċipali ta’ kapital tal-Istat li jiġi rċevut. KBC għandu l-ħsieb li jħallas lura lill-Istat kompletament […]. Ir-rata interna proġettata tal-qligħ tal-Istat hi ta’ 13,9 % (50).

(155)

Konsegwentement, il-Kummissjoni tqis li l-pjan ta’ ristrutturar sottomess minn KBC jilħaq ir-rekwiżiti tal-Komunikazzjoni dwar ir-Ristrutturar fir-rigward tar-restawr tal-vijabbiltà fuq perjodu ta’ żmien twil.

(156)

Il-Komunikazzjoni dwar ir-Ristrutturar tindika li kontribuzzzjoni adegwata mill-benefiċjarju hi meħtieġa sabiex tiġi limitata l-għajnuna sal-minimu u biex tindirizza t-tfixkil tal-kompetizzjoni u l-periklu morali. Għal dan il-għan, l-ewwelnett, l-ispejjeż tar-ristrutturar għandhom ikunu limitati filwaqt li, it-tieni nett, l-ammont tal-għajnuna għandu jkun limitat u kontribuzzjoni proprja sinifikanti hi meħtieġa.

(157)

Fir-rigward tal-limitazzjoni tal-ispejjeż tar-ristrutturar, il-Komunikazzjoni dwar ir-Ristrutturar tindika fil-punt 23 li l-għajnuna tar-ristrutturar għandha tkun limitata biex tkopri l-ispejjeż li huma meħtieġa għar-restawr tal-vijabbiltà. Barra minn hekk, sabiex l-għajnuna tinżamm sal-minimu, il-banek għandhom l-ewwel jużaw ir-riżorsi tagħhom għall-finanzjament tar-ristrutturar. Għaldaqstant, l-ispejjeż assoċjati mar-ristrutturar għandhom mhux biss ikunu dovuti mill-Istat iżda wkoll minn dawk li investew fil-bank billi assorbu t-telf bil-kapital disponibbli u permezz tal-ħlas ta’ rimunerazzjoni adegwata għall-interventi mill-Istat.

(158)

Il-Kummissjoni tosserva li l-ispejjeż tar-ristrutturar huma limitati għall-ispejjeż li huma meħtieġa għar-restawr tal-vijabbiltà.

(159)

Il-Kummissjoni tosserva li l-ewwel u t-tieni rikapitalizzazzjonijiet intużaw minn KBC biex itejjeb il-proporzjon tal-kapital Tier-1 ewlieni tiegħu u biex iżid is-solvenza tan-negozju tal-assigurazzjoni tiegħu. Dawk il-miżuri, billi tejbu l-pożizzjoni tal-kapital ta’ KBC, żiedu l-kapaċità tiegħu li jassorbi t-telf. Il-miżura ta’ Protezzjoni mill-Istat intużat biex tipproteġi lil KBC minn iżjed depprazzament fil-portafoll tas-CDO tiegħu, kif ukoll biex iżżid fil-proporzjonijiet tal-kapital tiegħu. Dik il-miżura barra minn hekk neħħiet sors ta’ volatilità fil-karta tal-bilanċ tiegħu.

(160)

B’konsegwenza, dawn il-miżuri kkontribwew għar-restawr tal-vijabbiltà ta’ KBC għax ikkonfrontaw is-sors tad-diffikultajiet ta’ KBC, jiġifieri d-depprazzament sostanzjali fuq il-portafoll tas-CDO tiegħu u l-konsegwenzi ta’ dawn id-depprezzamenti fuq il-pożizzjoni tal-kapital ta’ KBC. Barra minn hekk, KBC mhux se jkun kapaċi li juża l-għajnuna li rċieva biex jespandi l-attivitajiet kummerċjali tiegħu permezz ta’ akkwisti għax hu limitat f’dan ir-rigward mill-impenji provduti mill-awtoritajiet Belġjani fir-rigward tal-projbizzjoni tal-akkwist (ara l-premessa 66).

(161)

Il-Kummissjoni tqis li l-ammont tal-għajnuna hu limitat sal-minimu. Il-Kummissjoni tfakkar li diġà stabbiliet fid-Deċiżjoni tar-rikapitalizzazzjoni (premessa (65)), u d-Deċiżjoni tal-ftuħ (premessa (71)) li l-għajnuna hi limitata sal-minimu biex tiġi żgurata l-vijabbiltà ta’ KBC.

(162)

F’dak il-kuntest, il-Kummissjoni tosserva li KBC se jħallas adegwatament lill-awtoritajiet Belġjani għall-miżuri tal-għajnuna li rċieva. Dan neċessarjament jillimita l-ammont ta’ għajnuna mogħtija lil KBC. Fir-rigward tar-rikapitalizzazzjonijiet, KBC għandu jħallas lill-Istat kupun ta’ 8,5 % għal kull titolu jekk jitħallas dividend. KBC ikollu jifdi t-titoli b’150 %. Kif stabbilit fid-Deċiżjoni ta’ rikapitalizzazzjoni u fid-Deċiżjoni tal-ftuħ, ir-rata interna tal-qligħ għall-Istat hi proġettata għal 13,9 %, ‘il fuq mil-livell mitlub mill-Kummissjoni fil-Komunikazzzjoni dwar ir-Rikapitalizzazzjoni (51). Fir-rigward tal-miżura ta’ Protezzjoni mill-Istat, il-Kummissjoni tosserva li KBC se jħallas miżata li hi madwar […] darba iżjed minn dak meħtieġ fl-IAC (ara l-premessa (127)).

(163)

Barra minn hekk il-Kummissjoni tqis li l-kontribuzzjoni proprja mill-KBC għar-ristrutturar tiegħu hi kunsiderevoli. KBC, bħala parti mir-ristrutturar finanzjarju tiegħu, għandu jdaħħal fl-elenku 40 % tal-kumpanija sussidjarja Ċeka ČSOB u 40 % tal-kumpanija Ungeriża K & H fuq il-Borża lokali. Dan għandu b’mod sinifikanti jnaqqas l-ekwità ta’ KBC għax preżentament hu s-sid ta’ 100 % ta’ dawk il-kumpaniji sussidjarji u jipprovdi għal kontribuzzjoni mill-KBC u l-investituri tiegħu. Il-qliegħ tad-dħul fl-elenku ta’ ČSOB u K & H għandu jżid il-fondi ta’ KBC u għandu jintuża biex iħallas lura lill-Istat.

(164)

Barra minn hekk, KBC jippjana li jbiegħ l-unità kummerċjali tas-Servizzi Bankarji Privati Ewropej inkluża Vitis (assigurazzjoni tal-ħajja), biex b’hekk iwaqqaf l-attivitajiet tiegħu f’dak is-settur tas-suq. Il-qligħ tal-bejgħ jintuża wkoll biex jakkumulaw il-fondi ta’ KBC sabiex iħallas lura lill-Istat.

(165)

Fir-rigward tal-qsim tal-piż, il-Kummissjoni tosserva li fil-kuntest tal-miżura ta’ Protezzjoni mill-Istat, KBC, fuq portafoll tas-CDO b’valur nominali ta’ EUR 23,9 biljun, se jieħu fuqu l-ewwel telf ta’ EUR 9,1 biljun. Barra minn dan, se jieħu fuqu sehem ta’ 10 % tat-telf fil-porzjon super-senior ta’ EUR 14,8 biljun assigurat mill-awtoritajiet Belġjani.

(166)

Finalment, il-Kummissjoni tosserva li l-awtoritajiet Belġjani obbligaw ruħhom li KBC mhux se jħallsu kupuni jew joħorġu strumenti tad-dejn subordinati, minbarra fejn hemm obbligu legali li jagħmel hekk. B’konsegwenza, id-detenturi tad-dejn subordinat għandhom jirċievu rimunerazzjoni limitata u għaldaqstant jikkontribwixxu għar-ristrutturar.

(167)

Il-Komunikazzjoni dwar ir-Ristrutturar tirrikjedi li l-pjan ta’ ristruttuar jipproponi miżuri li jillimitaw tfixkil tal-kompetizzjoni u jiżgura settur tas-servizzi bankarji kompetittiv. Barra minn hekk, għandhom jindirizzaw ukoll kwistjonijiet ta’ periklu morali u jiżguraw li l-għajnuna mill-Istat ma tintużax biex tipprovdi fondi għal imġiba anti-kompetittiva.

(168)

Fir-rigward tal-miżuri li jillimitaw it-tfixkil tal-kompetizzjoni, il-Komunikazzjoni dwar ir-Ristrutturar tindika li l-Kummissjoni kkunsidrat fil-evalwazzjoni tagħha l-ammont tal-għajnuna, il-livell ta’ qsim tal-piż u l-effetti li l-pożizzjoni tal-istituzzjoni finanzjarja għandu jkollha fuq is-suq wara r-ristrutturar. Fuq il-bażi ta’ dik l-analiżi, għandhom jintużaw miżuri ta’ kumpens xierqa.

(169)

Il-Kummissjoni tosserva li KBC irċieva ammont kunsiderevoli ta’ għajnuna, b’mod sinifikanti ‘l fuq mill-punt ta’ riferiment tal-RWA ta’ 2 % tal-Komunikazzjoni dwar ir-Rikapitalizzazzjoni u l-IAC (52). Fuq dan l-isfond, il-Kummissjoni tikkonkludi li l-għajnuna lil KBC ikkawżat tfixkil ta’ kompetizzjoni fis-swieq fejn għandu preżenza sinifikanti.

(170)

Min-naħa l-oħra, hemm diversi aspetti li għandhom jiġu kkunsidrati meta jiġi evalwat it-tfixkil tal-kompetizzjoni kkawżat mill-għajnuna mill-Istat mogħtija lil KBC. L-ewwelnett, il-fattur ewlieni wara l-problemi ta’ KBC kien l-esponiment tiegħu għal depprazzament ta’ pprezzar skont il-valur fis-suq fuq il-portafoll tas-CDO tiegħu, minflok teħid ta’ riskji eċċessivi u għaldaqstant telf fil-mudell kummerċjali ewlieni tiegħu. KBC waqqaf l-attivitajiet f’dan il-qasam. It-tieni, KBC iħallas rimunerazzjoni xierqa għall-għajnuna mill-Istat li rċieva. L-awtoritajiet Belġjani huma proġettati li jirċievu qligħ ta’ 13,9 % fuq l-injezzjonijiet tal-kapital tagħhom. Fir-rigward tal-miżura ta’ Protezzjoni mill-Istat, l-awtoritajiet Belġjani qed jiggarantixxu l-portafoll b’valur tat-trasferiment li hu sinifikament taħt ir-REV tiegħu filwaqt li r-rimunerazzjoni li jirċievi għas-serħan tal-kapital u l-provvista tal-garanzija tal-ekwità jkun ‘il fuq mil-linji gwida tal-Kummissjoni. It-tielet nett, it-tqegħid fil-Boroż tal-ishma ta’ ČSOB u K & H fis-swieq Ċeki u Ungeriżi jipprovdi għal qsim tal-piż konsiderevoli.

(171)

Minkejja dan, il-Kummissjoni għadha tqis li għandu jkun hemm miżuri adegwati biex jindirizzaw it-tfixkil tal-kompetizzjoni li jifdal.

(172)

KBC se jnaqqas il-karta tal-bilanċ tiegħu b’20 % f’termini tal-Grupp RWA fuq bażi pro forma (17 % f’termini tal-assi totali). It-tnaqqis jinkiseb primarjament permezz taċ-ċessjonijiet ([…]) u t-tnaqqis ta’ KBC FP ([…]). B’konsegwenza, KBC se jnaqqas il-preżenza tiegħu f’diversi swieq. F’dan ir-rigward, għandu jiġi osservat li għal raġunijiet ta’ stabbiltà finanzjarja, KBC mhux se jintalab iċedi attivitajiet f’ċerti pajjiżi, skont il-premessa (177). Dan essenzjalment jipproteġi madwar[…] tal-karta tal-bilanċ ta’ KBC minn ċessjoni jew tneħħija.

(173)

B’mod partikolari, KBC jipproponi li jbiegħ lil Centea u Fidea, li, għalkemm huma marki separati, huma partijiet importanti mill-istrateġija tiegħu fil-Belġju. Centea u Fidea huma negozji profitabbli b’marka kummerċjali rikonoxxibbli li huma relattivament faċli li jiġu separati mill-unità kummerċjali Belġjana ta’ KBC. Huma żewġ entitajiet vijabbli u indipendenti fuq is-suq Belġjan, li jiffinanzjaw lilhom infushom, għandhom firxa wiesgħa ta’ punti tal-kuntatt tal-klijenti u huma profitabbli. […] Hu preparat ukoll li jipprovdi servizzi ta’ back-office biex jiffaċilita t-trasferiment ta’ dawk l-entitajiet lil sid ġdid.

(174)

Fl-2008, Centea kellha sehem tas-suq f’termini tal-volum ta’ […] ta’ self b’ipoteka, […] ta’ kards tad-debitu (numru ta’ kards), […] ta’ kontijiet kurrenti u […] ta’ kontijiet ta’ depożiti/tat-tfaddil. Għandha s-sorsi proprji ta’ finanzjament u hija kontributur nett għall-finanzjament ta’ KBC. Centea għandha netwerk mifrux madwar il-pajjiż ta’ 712 punt tal-kuntatt tal-klijent u portafoll li jirrifletti firxa sħiħa ta’ prodotti bankarji. Centea għandha wkoll il-funzjoni tagħha ta’ front-office. Servizzi ta’ back-office (inklużi servizzi ta’ IT) huma provduti mill-Unità tas-Servizzi Maqsuma u l-Unità Kummerċjali Operattiva ta’ KBC. Fidea għandha […] tas-sehem tas-suq fl-assigurazzjoni tal-ħajja fil-Klassi 21, […] % fl-assigurazzjoni tal-ħajja fil-Klassi 23, […] f’assigurazzjoni mhux tal-ħajja u […] % fl-assigurazzjoni tas-saħħa. It-Tabella 2 tinkludi KBC, l-ishma tas-suq ta’ Centea u Fidea fil-Belġju kif ukoll l-effetti taċ-ċessjonijiet proposti fuq is-sehem tas-suq totali ta’ KBC.

(…)

(175)

Miżura strutturali sinifikanti, bħall-ħolqien ta’ kompetitur ġdid minn parteċipant eżistenti b’sehem tas-suq kbir, tista’ tgħin biex tinkoraġġixxi l-kompetizzjoni f’suq li qabel kien konċentrat. Dan japplika fis-suq Belġjan, fejn 4 parteċipanti kbar jammontaw għall-biċċa l-kbira tas-suq tal-imnut.

(176)

Il-Kummissjoni tikkunsidra dawn iċ-ċessjonijiet bħala mezzi adegwati għaż-żieda tal-kompetizzjoni fis-suq konċentrat tas-servizzi bankarji tal-imnut fil-Belġju. Bl-isem tad-ditta stabbilita tagħhom u n-netwerks tad-distribuzzjoni, Centea u Fidea jikkostitwixxu miri attraenti għal kompetituri li jixtiequ jidħlu fis-suq Belġjan jew jespandu l-preżenza tagħhom hemm. Filwaqt li s-sehem tas-suq ta’ dawn iċ-ċessjonijiet hu żgħir f’xi setturi tas-suq, il-Kummissjoni tqis li dan hu kontrabilanċjat bil-fatt li l-entitajiet huma relattivament awtosuffiċjenti u li KBC impenja ruħu biex iċ-ċessjonijiet iseħħu […].

(177)

Barra minn hekk, KBC għandu jillimita l-espansjoni tiegħu fis-CEE-R għal pajjiżi fejn diġà għandu preżenza sinifikanti li tirrapreżenta tnaqqis tal-pjanijiet tal-espansjoni preċedenti tiegħu. Dan jista’ jitqies li jillimita t-tfixkil tal-kompetizzjoni, għax KBC ma jkunx qed juża l-għajnuna mill-Istat sabiex jespandi fi swieq fejn fil-preżent mgħandux negozju vijabbli jew f’attivitajiet li mhumiex parti mill-mudell kummerċjali ffukat mill-ġdid tiegħu. Madankollu, il-Kummissjoni tqis li hu xieraq li KBC ma jintalabx li joħroġ mis-swieq kollha tiegħu fis-CEE-R, li jqis bħala ewlenin. Kif deskritt fil-premessi 12 u 13, KBC hu parteċipant sinifikanti fis-suq f’diversi minn dawn il-pajjiżi. Jista’ jkun ta’ ħsara għall-istabbiltà finanzjarja f’dawn il-pajjiżi u għall-ekonomija reali kieku KBC ġie mitlub li jnaqqas aktar il-preżenza tiegħu fir-reġjun. L-istess jgħodd ukoll għall-preżenza ta’ KBC fl-Irlanda.

(178)

Barra minn hekk, il-Kummissjoni tqis li l-pakkett ta’ miżuri jindirizza b’mod suffiċjenti l-kwistjoni tal-periklu morali. KBC ippropona bejgħ komprensiv ta’ negozji oħra ewlenin (servizzi bankarji privati, servizzi bankarji kummerċjali, CEE-R) u negozji mhux ewlenin kif deskritti fit-taqsima 4.2.2 ta’ din id-Deċiżjoni. […] Dan hu tnaqqis sinifikanti fl-attivitajiet kummerċjali ta’ KBC.

(179)

Il-Kummissjoni tosserva li l-awtoritajiet Belġjani provdew skeda taż-żmien dettaljata taċ-ċessjonijiet ippjanati, kif deskritti fil-premessa 62. Il-Kummissjoni tosserva wkoll il-ħatra ta’ hold separate managers għal Centea u Fidea, trustee tas-sorveljanza u trustees taċ-ċessjoni, fejn xieraq. Dawn l-impenji jiżguraw li l-biċċa l-kbira tat-tnaqqis ta’ KBC għandu jitwettaq f’ħin opportun. Filwaqt li hemm lok biex id-dati mira għaċ-ċessjonijiet jiġu estiżi, dan għandu jsir biss bl-approvazzjoni speċifika tal-Kummissjoni.

(180)

Il-Kummissjoni tosserva b’mod pożittiv l-impenji tal-aġir provduti minn KBC u l-awtoritajiet Belġjani, li ġew deskritti f’iżjed dettall fil-premessi 63 sa 77. Dawn l-impenji jinkludu impenn ta’ self għall-ekonomija reali, projbizzjoni ta’ tmexxija tal-prezzijiet u projbizzjoni fuq il-marketing tal-massa tal-appoġġ tal-Istat, biex b’hekk jiġi evitat li KBC juża l-għajnuna għall-finanzjament ta’ mġieba anti-kompetittiva fis-suq. Il-projbizzjoni tal-akkwist barra minn hekk tiżgura li l-għajnuna mill-Istat ma tintużax biex jinkiseb il-kontroll tal-kompetituri.

(181)

Fir-rigward tal-projbizzjoni tat-tmexxija tal-prezzijiet, il-Kummissjoni tqis li hi konformi mal-punt 44 tal-Komunikazzjoni dwar ir-Ristrutturar għax isservi biex tiżgura li l-għajnuna mill-Istat ma tistax tintuża biex jiġu offruti termini li ma jistgħux jitqabblu mill-kompetituri li ma jirċevux l-għajnuna mill-Istat. Il-Kummissjoni tqis li l-projbizzjoni hi xierqa fi swieq fejn KBC hu stabbilit sew b’sehem tas-suq ta’ mill-inqas [0-10] % u fejn ma jieħux miżuri strutturali pro-kompetittivi. F’dan il-każ, il-Kummissjoni tqis li hu xieraq li l-projbizzjoni tat-tmexxija tal-prezzijiet ma tapplikax għall-Belġju, għax iċ-ċessjoni ta’ Centea u Fidea hi miżura strutturali sinifikanti li għandha twassal għal kompetizzjoni mtejba fis-suq Belġjan.

(182)

Meta wieħed jikkunsidra l-limitu tal-qsim tal-piż u l-perjodu taż-żmien aktarx qasir għall-implimentazzjoni tagħhom, il-Kummissjoni tqis li l-iskala u n-natura tal-miżuri proposti minn KBC huma biżżejjed u adegwati biex jindirizzaw kwalunkwe tfixkil fil-kompetizzjoni.

(183)

Il-Kummissjoni tosserva li l-punt 46 tal-Komunikazzjoni dwar ir-Ristrutturar jindika li, sabiex jiġi vverifikat li l-pjan ta’ ristrutturar qed jiġi implimentat b’mod adegwat, jenħtieġu rapporti regolari dettaljati mill-Istat Membru. Għaldaqstant, l-awtoritajiet Belġjani għandhom jipprovdu lill-Kummissjoni dawk ir-rapporti kull sitt xhur, li jibdew mid-data ta’ din id-Deċiżjoni.

(184)

Il-Kummissjoni tqis li l-pjan ta’ ristrutturar stabbilit fil-kapitolu 4 ta’ din id-Deċiżjoni hu kompatibbli mal-Artikolu 87(3)(b) tat-Trattat.

(185)

Fuq il-bażi ta’ din l-evalwazzjoni tal-miżura ta’ Protezzjoni mill-Istat u l-pjan ta’ ristrutturar ta’ KBC, kif ukoll l-impenji provduti mill-awtoritajiet Belġjani u KBC, il-Kummissjoni ma ssib l-ebda oġġezzjoni għall-pjan ta’ ristrutturar u l-konverżjoni tal-miżuri ta’ salvataġġ f’għajnuna ta’ ristrutturar.