It-testi oriġinali UN/ECE biss għandhom effett legali skont il-liġi pubblika internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu vverifikati fl-aħħar verżjoni tad-dokument tal-istatus UN/ECE TRANS/WP.29/343, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html

Tinkorpora t-test validu kollu sa:

serje 02 ta' emendi — Data tad-dħul fis-seħħ: 8 ta' Settembru 2001

WERREJ

IR-REGOLAMENT

Kamp ta' applikazzjoni

1.

Definizzjonijiet

2.

Applikazzjoni għall-approvazzjoni

3.

Marki

4.

Approvazzjoni

5.

Speċifikazzjonijiet ġenerali

6.

Illuminazzjoni

7.

Il-kejl ta' skumdità

8.

Fanal ta' quddiem standard

9.

Konformità tal-produzzjoni

10.

Sanzjonijiet għal nuqqas ta’ konformità tal-produzzjoni

11.

Modifika u estensjoni tal-approvazzjoni ta' tip ta' fanal ta' quddiem

12.

Produzzjoni mwaqqfa għal kollox

13.

L-ismijiet u l-indirizzi tas-servizzi tekniċi responsabbli mit-twettiq tat-testijiet tal-approvazzjoni u tad-dipartimenti amministrattivi

14.

Id-dispożizzjonijiet tranżizzjonali

ANNESSI

Anness 1 —

Komunikazzjoni dwar l-approvazzjoni jew l-estensjoni jew ir-rifjut jew l-irtirar ta' approvazzjoni jew produzzjoni li twaqqfet għal kollox ta' tip ta' fanal ta' quddiem skont ir-Regolament Nru 1

Anness 2 —

Fanali ta' quddiem speċjali għal tratturi użati għall-agrikoltura jew għall-forestrija u vetturi oħra li jimxu bil-mod

Anness 3 —

Ir-rekwiżiti minimi għall-konformità tal-proċeduri ta' kontroll tal-produzzjoni

Anness 4 —

Testijiet għall-istabilità tal-prestazzjoni fotometrika tal-fanali ta' quddiem waqt li jkunu qegħdin jintużaw

Anness 5 —

Eżempji ta’ arranġamenti ta’ marki tal-approvazzjoni

Anness 6 —

Skrinijiet ta' kejl

Anness 7 —

Rekwiżiti għal bozoz li jinkorporaw lentijiet magħmula minn materjal tal-plastik — l-ittestjar ta' lentijiet jew kampjuni tal-materjal u ta' fanali kompleti

Anness 8 —

Ir-rekwiżiti minimi għat-teħid ta' kampjuni minn spettur

KAMP TAL-APPLIKAZZJONI (1)

Dan ir-Regolament japplika għall-fanali ta' quddiem ta' vetturi bil-mutur li jistgħu jinkorporaw lentijiet magħmula minn materjal tal-ħġieġ jew tal-plastik.

1.   DEFINIZZJONIJIET

Għall-iskop ta' dan ir-Regolament:

1.1.    “Lenti” tfisser il-komponent li qiegħed l-aktar lejn in-naħa ta’ barra tal-fanal ta’ quddiem (unità) li jittrażmetti d-dawl minn ġos-superfiċje tal-illuminazzjoni;

1.2.    “Kisja” tfisser kwalunkwe prodott jew prodotti applikati fi strat wieħed jew aktar mal-wiċċ ta’ barra ta' lenti;

Il-fanali ta’ quddiem ta’ “tipi” differenti huma fanali ta’ quddiem li jvarjaw f’aspetti essenzjali bħal:

1.3.1.   L-isem jew il-marka tal-fabbrika;

1.3.2.   Il-karatteristiċi tas-sistema ottika;

1.3.3.   L-inklużjoni ta' komponenti addizzjonali li kapaċi jbiddlu l-effetti ottiċi permezz ta' riflessjoni, rifrazzjoni jew assorbiment; u/jew deformazzjoni matul l-operazzjoni;

1.3.4.   Kemm huma adattati għat-traffiku li ġej min-naħa tal-lemin jew min-naħa tax-xellug jew għaż-żewġ sistemi ta’ traffiku;

1.3.5.   Il-kapaċità li jipproduċu raġġ tad-dawl il-baxx jew raġġ tas-sewqan jew it-tnejn;

1.3.6.   Il-materjali li jikkostitwixxu l-lentijiet u l-kisja, jekk hemm.

1.3.7.   Il-ħowlder maħsub biex jakkomoda l-bozza (jew bozoz) bil-filament ta' waħda mill-kategoriji li ġejjin: R2 u/jew HS1; (2)

2.   APPLIKAZZJONI GĦALL-APPROVAZZJONI

2.1.   L-applikazzjoni għall-approvazzjoni għandha titressaq mill-propjetarju tal-isem kummerċjali jew tat-trejdmark jew mir-rappreżentant akkreditat b’mod xieraq tiegħu. Għandha tispeċifika: Jekk il-fanal ta’ quddiem huwiex maħsub li jipprovdi kemm raġġ tad-dawl il-baxx u kemm raġġ tad-dawl ts-sewqan jew wieħed biss minn dawn ir-raġġi;

Jekk, ladarba l-fanal ta’ quddiem huwiex maħsub biex jipprovdi raġġ tad-dawl il-baxx, huwa ddisinjat kemm għat-traffiku li ġej min-naħa tax-xellug u kemm dak li ġej min-naħa tal-lemin jew biss għal traffiku li ġej min-naħa tax-xellug jew għal dak biss li ġej min-naħa tal-lemin.

Jekk il-fanal ta’ quddiem huwa mgħammar b’riflettur li jista’ jiġi aġġustat, il-pożizzjoni(jiet) tal-immontar tal-fanal ta’ quddiem fir-rigward tal-art u tal-pjan medjan lonġitudinali tal-vettura.

L-applikazzjoni għandha tkun akkumpanjata, fir-rigward ta' kull tip ta' fanal ta' quddiem, minn:

2.2.1.   Tliet kopji tad-disinni f’dettall suffiċjenti biex jippermettu l-identifikazzjoni tat-tip u li jirrappreżentaw kif jidher il-fanal ta’ quddiem minn quddiem, b’dettalji tal-istrixxi ta’ appoġġ (ribbing) tal-lenti jekk hemm, u tal-wiċċ tiegħu magħmul mill-qtugħ tiegħu, f’angolu rett; id-disinni għandhom jindikaw l-ispazju rriservat għall-marka tal-approvazzjoni;

Jekk il-fanal ta’ quddiem huwa mgħammar b’riflettur li jista’ jiġi aġġustat, indikazzjoni tal-pożizzjoni(jiet) tal-immontar tal-bozza ta’ quddiem fir-rigward tal-art u tal-pjan medjan lonġitudinali tal-vettura, jekk il-fanal ta’ quddiem se jintuża f’dik (dawk) il-pożizzjoni(jiet) biss;

2.2.2.   Speċifikazzjoni teknika fil-qosor;

2.2.3.   Żewġ kampjuni tat-tip tal-fanal ta’ quddiem;

Għat-test tal-materjal tal-plastik li minnu huma magħmula l-lentijiet;

tlettax-il lenti;

2.2.4.1.1.   sitta minn dawn il-lentijiet jistgħu jiġu ssostitwiti b’sitt kampjuni ta’ materjal b’daqs mill-inqas ta’ 60 × 80 mm, li għandhom is-superfiċje ta’ barra ċatta jew konvessa u b’erja sostanzjalment ċatta (bir-radju tal-kurvatura ta’ mhux inqas minn 300 mm) fin-nofs ta’ b’daqs ta’ mill-inqas 15 × 15 mm;

2.2.4.1.2.   kull lenti jew kampjun ta’ materjal ta’ dan it-tip għandha tkun prodotta bil-metodu li se jintuża fil-produzzjoni fi kwantità kbira;

2.2.4.2.   riflettur li miegħu jistgħu jitwaħħlu l-lentijiet b'konformità mal-istruzzjonijiet tal-manifattur.

2.3.   Il-materjali li minnhom huma magħmula l-lentijiet u l-kisjiet, jekk hemm, għandhom ikollhom magħhom ir-rapport tat-test tal-karatteristiċi ta’ dawn il-materjali u l-kisjiet jekk diġà ġew ittestjati.

2.4.   L-awtorità kompetenti għandha tivverifika l-eżistenza ta’ arranġamenti sodisfaċenti sabiex jiġu żgurati kontrolli effettivi fuq il-konformità tal-produzzjoni qabel ma tingħata l-approvazzjoni tat-tip.

3.   L-IMMARKAR (3)

3.1.   Il-fanali ta’ quddiem imressqa għall-approvazzjoni għandhom juru l-isem kummerċjali jew it-trejdmark ta’ min qed japplika.

3.2.   Għandhom jinkludu, fuq il-lenti u fuq il-parti prinċipali, (4) spazji ta’ daqs suffiċjenti għall-marka tal-approvazzjoni u s-simboli addizzjonali li jissemmew fil-paragrafu 4; dawn l-ispazji għandhom ikunu indikati fuq id-disinni li jissemmew fil-paragrafu 2.2.1. hawn fuq.

3.3.   Fil-każ ta' fanali ta' quddiem iddisinjati biex jissodisfaw ir-rekwiżiti ta' kemm pajjiżi bi traffiku li ġej min-naħa tal-lemin u ta' pajjiżi bi traffiku li ġej min-naħa tax-xellug, iż-żewġ montaturi tal-unità ottika fuq il-vettura jew tal-bozza bil-filament fuq ir-riflettur għandhom ikunu mmarkati b'ittri kbar R u D, u L u G, rispettivament.

4.   APPROVAZZJONI

4.1.   Ġenerali

4.1.1.   Għandha tingħata l-approvazzjoni jekk il-kampjuni kollha ta’ tip ta’ fanal ta’ quddiem imressqa skont il-paragrafu 2 hawn fuq jissodisfaw id-dispożizzjonijiet ta’ dan ir-Regolament.

4.1.2.   Fejn bozoz raggruppati, ikkombinati jew inkorporati reċiprokament jissodisfaw il-kundizzjonijiet meħtieġa ta’ aktar minn Regolament wieħed, tista’ titwaħħal marka tal-approvazzjoni internazzjonali waħda sakemm kull waħda mill-bozoz raggruppati, magħquda jew inkorporati reċiprokament tissodisfa d-dispożizzjonijiet li japplikaw għaliha. Dan ir-rekwiżit ma għandux japplika għal fanali ta' quddiem li huma mmuntati b'bozza b'żewġ filamenti fejn huwa approvat raġġ wieħed.

4.1.3.   Għandu jingħata numru tal-approvazzjoni lil kull tip approvat. L-istess Parti Kontraenti ma għandhiex tagħti l-istess numru lil tip ieħor ta’ fanal ta' quddiem kopert minn dan ir-Regolament ħlief fil-każ ta' estensjoni tal-approvazzjoni għal tagħmir li jvarja biss fil-kulur tad-dawl mitfugħ.

4.1.4.   L-avviż tal-approvazzjoni jew tal-estensjoni jew tar-rifjut jew tal-irtirar tal-approvazzoni jew tal-produzzjoni mwaqqfa għal kollox ta' tip ta' fanal ta' quddiem b'konformità ma' dan ir-Regolament għandu jiġi kkomunikat lill-Partijiet għall-Ftehim tal-1958 li japplikaw dan ir-Regolament, permezz ta' formola konformi mal-mudell muri fl-Anness 1 għal dan ir-Regolament, bl-indikazzjonijiet skont il-paragrafu 2.2.1 u jekk il-fanal ta' quddiem ikun mgħammar b'riflettur li jista' jiġi aġġustat u jekk il-fanal ta' quddiem se jintuża biss għal pożizzjonijiet tal-immontar skont l-indikazzjonijiet fil-paragrafu 2.2.1, l-applikant se jkun obbligat permezz tal-approvazzjoni biex jinforma lill-utent b'mod xieraq dwar il-pożizzjoni(jiet) tal-immontar korretta (korretti).

4.1.5.   Minbarra l-marka preskritta fil-paragrafu 3.1., għandha titwaħħal marka tal-approvazzjoni kif deskritta fil-paragrafi 4.2. u 4.3. hawn taħt, fl-ispazji li jissemmew fil-paragrafu 3.2. hawn fuq għal kull fanal ta’ quddiem li kkonforma ma’ tip approvat skont dan ir-Regolament.

4.2.   Il-kompożizzjoni tal-marka tal-approvazzjoni

Il-marka tal-approvazzjoni għandha tkun komposta minn:

marka tal-approvazzjoni internazzjonali li tinkludi:

4.2.1.1.   ċirku madwar l-ittra “E” segwit min-numru li jiddistingwi l-pajjiż li ta l-approvazzjoni; (5)

4.2.1.2.   in-numru tal-approvazzjoni preskritt fil-paragrafu 4.1.3.

is-simbolu (jew simboli) addizzjonali li ġejjin:

4.2.2.1.   fuq fanali ta' quddiem li jissodisfaw ir-rekwiżiti ta' traffiku li ġej min-naħa tax-xellug biss, vleġġa orizzontali, li tipponta lejn il-lemin ta' osservatur li qiegħed faċċata tal-fanal ta' quddiem, jiġifieri mal-ġenb tat-triq li fiha jgħaddi t-traffiku;

4.2.2.2.   fuq fanali ta’ quddiem iddisinjati biex jissodisfaw ir-rekwiżiti taż-żewġ sistemi tat-traffiku permezz ta’ aġġustament xieraq tal-mod kif tkun irregolata l-unità ottika jew il-bozza bil-filament, vleġġa orizzontali b’ponta fuq kull naħa, bil-ponot jippuntaw rispettivament lejn ix-xellug u lejn il-lemin;

4.2.2.3.   fuq fanali ta' quddiem li jissodisfaw ir-rekwiżiti ta' dan ir-Regolament fir-rigward tar-raġġ tad-dawl il-baxx biss, l-ittra “C”;

4.2.2.4.   fuq fanali ta' quddiem li jissodisfaw ir-rekwiżiti ta' dan ir-Regolament fir-rigward tar-raġġ tad-dawl tas-sewqan biss, l-ittra “R”;

4.2.2.5.   fuq fanali ta' quddiem li jissodisfaw ir-rekwiżiti ta' dan ir-Regolament fir-rigward ta' kemm ir-raġġ tad-dawl il-baxx u r-raġġ tad-dawl tas-sewqan, l-ittri “CR”;

4.2.2.6.   fuq fanali ta’ quddiem li jinkorporaw lenti magħmula minn materjal tal-plastik, il-grupp tal-ittri “PL” irid jitwaħħal ħdejn is-simboli preskritti fil-paragrafi 4.2.2.3. sa 4.2.2.5. hawn fuq.

4.2.2.7.   F’kull każ il-mod operattiv rilevanti użat matul il-proċedura tat-test skont il-paragrafu 1.1.1.1 tal-Anness 4 u l-vultaġġ(i) permess(i) skont il-paragrafu 1.1.1.2 tal-Anness 4 għandhom jiġu stipulati fuq iċ-ċertifikat tal-approvazzjoni u fuq il-formola tal-komunikazzjoni trażmessi lill-pajjiżi li huma l-Partijiet Kontraenti għall-Ftehim u li japplikaw dan ir-Regolament.

Fil-każijiet li jikkorrispondu, it-tagħmir għandu jiġi mmarkat kif ġej:

Fuq fanali ta’ quddiem li jissodisfaw ir-rekwiżiti ta’ dan ir-Regolament li huma ddisinjati b’tali mod li l-filament tar-raġġ tad-dawl il-baxx ma jkunx jista' jinxtegħel fl-istess ħin ma’ kwalunkwe funzjoni oħra li ddawwal li magħha jista’ jkun inkorporat reċiprokament: linja mmejla (/) għandha titqiegħed wara s-simbolu tal-bozza tar-raġġ il-baxx fil-marka tal-approvazzjoni.

Fuq fanali ta’ quddiem li jissodisfaw ir-rekwiżiti tal-Anness 4 għal dan ir-Regolament biss meta jkunu fornuti b’vultaġġ ta’ 6 V jew 12 V, simbolu li jikkonsisti min-numru 24 maqtugħ b’salib immejjel (X), għandu jitqiegħed ħdejn il-ħowlder tal-bozza bil-filament.

4.2.2.8.   Iż-żewġ ċifri tan-numru ta' approvazzjoni li jindikaw is-serje ta' emendi fis-seħħ fiż-żmien tal-ħruġ tal-approvazzjoni u, jekk meħtieġ, il-vleġġa meħtieġa jistgħu jiġu mmarkati qrib is-simboli addizzjonali ta’ hawn fuq;

4.2.2.9.   Il-marki u s-simboli msemmija fil-paragrafi 4.2.1 u 4.2.2 hawn fuq għandhom jinqraw faċilment u ma jitħassrux anke meta l-apparat ikun imwaħħal fil-vettura.

4.3.   L-arranġament tal-marka tal-approvazzjoni

4.3.1.   Bozoz indipendenti

L-Anness 5, id-dijagrammi 1 sa 9 għal dan ir-Regolament jagħti eżempji tal-arranġamenti tal-marki tal-approvazzjoni bis-simboli addizzjonali msemmija hawn fuq.

4.3.2.   Bozoz raggruppati, ikkombinati jew inkorporati reċiprokament

Fejn il-bozoz raggruppati, ikkombinati jew inkorporati reċiprokament jinstabu li jikkonformaw mar-rekwiżiti ta’ diversi Regolamenti, tista’ titwaħħal marka tal-approvazzjoni internazzjonali waħda, li tikkonsisti f’ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u numru tal-approvazzjoni. Din il-marka tal-approvazzjoni tista’ titqiegħed fi kwalunkwe post tal-bozoz raggruppati, ikkombinati jew inkorporati reċiprokament, sakemm:

4.3.2.1.1.   tkun viżibbli wara l-installazzjoni tagħhom;

4.3.2.1.2.   l-ebda parti mill-bozoz raggruppati, ikkombinati jew inkorporati reċiprokament li tittrażmetti d-dawl ma tista’ titneħħa mingħajr ma, fl-istess ħin, titneħħa l-marka tal-approvazzjoni.

Is-simbolu tal-identifikazzjoni għal kull bozza, xieraq għal kull Regolament li taħtu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali li saru l-aktar reċenti fir-Regolament fiż-żmien li nħarġet l-approvazzjoni u, jekk ikun neċessarju, il-vleġġa meħtieġa għandha tkun immarkata:

4.3.2.2.1.   jew fuq is-superfiċje x-xierqa li titfa’ d-dawl,

4.3.2.2.2.   jew fi grupp, b’tali mod li kull waħda mil-bozoz raggruppati, ikkombinati jew inkorporati reċiprokament tista’ tkun identifikata b’mod ċar (ara l-erba’ eżempji possibbli fl-Anness 5).

4.3.2.3.   Id-daqs tal-komponenti ta’ marka waħda tal-approvazzjoni ma għandux ikun inqas mid-daqs minimu meħtieġ għall-iċken fost il-marki individwali permezz tar-Regolament li taħtu ngħatat l-approvazzjoni.

4.3.2.4.   Għandu jingħata numru tal-approvazzjoni lil kull tip approvat. L-istess Parti Kontraenti ma tistax tassenja l-istess numru lil tip ieħor ta’ bozoz raggruppati, ikkombinati jew inkorporati reċiprokament skont dan ir-Regolament.

4.3.2.5.   L-Anness 5, id-dijagramm 10, għal dan ir-Regolament jagħti eżempji tal-arranġamenti tal-marki tal-approvazzjoni għall-bozoz raggruppati, ikkombinati jew inkorporati reċiprokament mas-simboli addizzjonali kollha msemmija hawn fuq.

Il-bozoz, li l-lenti tagħhom hi użata għal tipi differenti ta' fanali ta' quddiem u li jistgħu jiġu reċiprokament inkorporati jew raggruppati ma' bozoz oħra

Id-dispożizzjonijiet stabbiliti fil-paragrafu 4.3.2 hawn fuq huma applikabbli.

4.3.3.1.   Barra dan, fejn tintuża l-istess lenti, din tal-aħħar jista’ jkollha fuqha marki tal-approvazzjoni differenti relatati mat-tipi differenti ta’ fanali ta’ quddiem jew ta’ unitajiet ta’ fanali, sakemm il-parti prinċipali tal-fanali ta’ quddiem, anki jekk ma tistax tiġi sseparata mil-lenti, tinkludi wkoll l-ispazju deskritt fil-paragrafu 3.2 hawn fuq u jkollha l-marki ta’ approvazzjoni tal-funzjonijiet proprji. Jekk tipi differenti ta’ fanali ta’ quddiem jinkludu l-istess parti prinċipali, din tal-aħħar tista’ tingħata marki tal-approvazzjoni differenti.

4.3.3.2.   L-Anness 5, id-dijagramm 11, għal dan ir-Regolament jagħti eżempji tal-arranġamenti tal-marki tal-approvazzjoni relatati mal-każ imsemmi hawn fuq.

5.   L-ISPEĊIFIKAZZJONIJIET ĠENERALI

5.1.   Kull kampjun għandu jikkonforma mal-ispeċifikazzjonijiet imsemmiija fil-paragrafi 6 u 7 hawn taħt.

5.2.   Il-fanali ta’ quddiem għandhom ikunu magħmula b’mod li jżommu l-karatteristiċi fotometriċi preskritti tagħhom u li jibqgħu jaħdmu tajjeb meta jkunu użati b’mod normali, minkejja l-vibrazzjonijiet li jistgħu jkunu soġġetti għalihom.

5.3.   Il-fanali ta' quddiem għandhom ikunu mgħammra bi strument li bih jistgħu jkunu aġġustati fuq il-vetturi sabiex jikkonformaw mar-regoli applikabbli għalihom. Strument bħal dan m’għandux għalfejn jitwaħħal fuq komponenti li fihom ir-riflettur u l-lenti tat-tixrid ma jistgħux jiġu sseparati, sakemm l-użu ta’ unitajiet bħal dawn isir biss f’vetturi li fuqhom il-mod kif jistgħu jiġu rregolati l-fanali ta’ quddiem jista’ jiġi aġġustat b’xi mezzi oħra. Fejn fanal ta’ quddiem li jipprovdi raġġ tad-dawl tas-sewqan u fanal ta’ quddiem li jipprovdi raġġ tad-dawl il-baxx, kull wieħed mgħammar bil-bozza bil-filament tiegħu, jiġu mmontati biex jifformaw unità komposta, it-tagħmir li jaġġusta għandu jippermetti li kull sistema ottika tkun tista’ tiġi aġġustata b’mod individwali kif ikun hemm bżonn.

Madankollu, dawn id-dispożizzjonijiet m’għandhomx japplikaw għall-immontar ta' fanali ta’ quddiem li r-rifletturi tagħhom ma jistgħux jiġu diviżi. Għal dan it-tip ta’ mmontar, japplikaw ir-rekwiżiti tal-paragrafu 6 hawn taħt.

5.4.   Il-komponenti li permezz tagħhom bozza bil-filament titwaħħal mar-riflettur għandhom ikunu magħmula b'tali mod li, anke fid-dlam, il-bozza bil-filament ma tkun tista' titwaħħal f'ebda pożizzjoni ħlief f'dik it-tajba. Il-ħowlder tal-bozza bil-filament għandu jikkonforma mal-karatteristiċi dimensjonali kif spjegat fid-dokumenti ta' dejta li ġejjin tal-Pubblikazzjoni tal-IEC 61-2:

Bozza bil-filament	Ħowlder	Id-dokument ta' dejta
R2	P45t-41	7005-95-1
H51	PX43t	7005-34-1

5.5.   Il-fanali ta' quddiem ddisinjati biex jissodisfaw ir-rekwiżiti kemm ta' pajjiżi fejn it-traffiku jimxi fuq in-naħa tal-lemin u ta' dawk fejn jimxi fuq in-naħa tax-xellug jistgħu jiġu adattati għal traffiku fuq naħa speċifika tat-triq jew permezz ta' aġġustament xieraq inizjali meta l-vettura tkun kompletata jew permezz ta' ppustjar selettiv mis-sewwieq. Dan l-aġġustment inizjali jew l-ippustjar selettiv għandu jikkonsisti, pereżempju, fit-twaħħil jew tal-unità ottika f'angolu speċifikat fuq il-vettura jew tal-bozza bil-filament f'angolu speċifikat fir-rigward tal-unità ottika. Fil-każijiet kollha, għandhom ikunu possibbli biss żewġ pożizzjonijiet ta' ppustjar preċiżament differenzjati, waħda għat-traffiku li ġej min-naħa tal-lemin u waħda għat-traffiku li ġej min-naħa tax-xellug, u d-disinn għandu jipprekludi ċaqliq involontarju tal-fanal ta' quddiem minn pożizzjoni waħda għall-oħra jew it-tqegħid tiegħu f'pożizzjoni intermedja. Fejn huma pprovduti żewġ modi differenti ta’ kif tkun irregolata l-bozza bil-filament, il-komponenti għat-twaħħil tal-bozza bil-filament mar-riflettur iridu jiġu ddisinjati u mmanifatturati b’tali mod li, f’kull waħda miż-żewġ modi ta’ ppustjar, il-bozza bil-filament tinżamm fil-pożizzjoni bil-preċiżjoni meħtieġa għall-fanali ta’ quddiem maħsuba għat-traffiku li ġej min-naħa waħda biss tat-triq.

5.6.   Għandhom jitwettqu testijiet komplementari skont ir-rekwiżiti tal-Anness 4 sabiex ikun żgurat li waqt l-użu ma jkun hemm l-ebda bidla eċċessiva fil-prestazzjoni fotometrika.

5.7.   Il-konformità mar-rekwiżiti tal-paragrafi 5.2 sa 5.5 għandha tiġi vverifikata viżwalment u, fejn neċessarju, permezz tal-immuntar bi prova.

5.8.   Jekk il-lenti tal-fanal ta’ quddiem tkun magħmula minn materjal tal-plastik, it-testijiet għandhom jitwettqu skont ir-rekwiżiti tal-Anness 7.

6.   L-ILLUMINAZZJONI

6.1.1.   Il-fanali ta' quddiem għandhom ikunu magħmula b'tali mod li flimkien ma' bozza(bozoz) tal-filament R2 u/jew HS1 xierqa jagħtu illuminazzjoni adegwata mingħajr ma jgħammxu fil-każ ta' raġġ tad-dawl il-baxx u illuminazzjoni tajba fil-każ tar-raġġ tad-dawl tas-sewqan.

6.1.2.   L-illuminazzjoni mitfugħa mill-fanal ta' quddiem għandha tiġi vverifikata fuq skrin vertikali mqiegħed f'distanza ta' 25 m quddiem il-fanal ta' quddiem u f'angoli dritti mal-assi tiegħu (ara l-Anness 6).

6.1.3.   Il-fanal ta' quddiem għandu jkun ivverifikat permezz ta' (a) bozza (bozoz) standard bil-filament (etalon) iddisinjati għal vultaġġ stmat ta' 12 V, kwalunkwe filtri sofor selettivi (6)li qed jinbidlu b'filtri bla kulur li huma ġeometrikament identiċi b'fattur ta' trażmissjoni ta' minn tal-inqas 80 fil-mija. Matul il-verifika tal-fanal ta' quddiem il-vultaġġ fit-terminali tal-bozza bil-filament għandu jkun irregolat b'tali mod li jinkisbu l-karatteristiċi li ġejjin:

Bozza bil-filament il-kategorija	Bejn wieħed u ieħor vultaġġ fornut (V) għal kejl	Fluss tad-dawl (f'lumens)
		ir-raġġ tad-dawl tas-sewqan: filament	ir-raġġ tad-dawl il-baxx: filament
R2	12	700	450
H51	12	700	450

6.1.4.   Id-dimensjonijiet li jiddeterminaw il-pożizzjoni tal-filament(i) u l-ilqugħ ġewwa l-bozza bil-filament standard huma murija fuq id-dokument ta' dejta rilevanti tar-Regolament Nru 37.

6.1.5.   Il-bozza bil-filament standard li tinstab fil-fanal għandha tkun ta' forma u kwalità b'tali mod li ma tikkawżax kwalunkwe riflessjoni jew rifrazzjoni li jaffetwaw b'mod negattiv id-distribuzzjoni tad-dawl. Konformità ma' dan ir-rekwiżit għandha tkun ivverifikata billi titkejjel id-distribuzzjoni tad-dawl miksuba meta fanal ta' quddiem standard ikun mgħammar b'bozza bil-filament standard (etalon).

Ir-raġġ tad-dawl il-baxx irid jipproduċi “punt ta’ waqfien” definit biżżejjed li permezz tiegħu jippermetti aġġustament sodisfaċenti. Il-“punt ta’ waqfien” irid ikun linja dritta orizzontali fuq in-naħa opposta għad-direzzjoni tat-traffiku li għalih huwa maħsub il-fanal ta’ quddiem; fuq in-naħa l-oħra għandha tkun orizzontali jew fi ħdan angolu ta' 15° 'il fuq mil-linja orizzontali.

Il-fanal ta' quddiem għandu jiġi aġġustat b'tali mod li:

6.2.1.   fil-każ tal-fanali ta’ quddiem iddisinjati biex jissodisfaw ir-rekwiżiti tat-traffiku li ġej min-naħa tal-lemin, il-“punt ta’ waqfien” fuq in-nofs xellugi tal-iskrin (7) ikun orizzontali u, fil-każ tal-fanali ta’ quddiem iddisinjati biex jissodisfaw ir-rekwiżiti ta’ traffiku li ġej min-naħa tax-xellug, il-“punt ta’ waqfien” fuq in-nofs lemini tal-iskrin ikun orizzontali;

6.2.2.   din il-parti orizzontali tal-“punt ta' waqfien” tinstab fuq l-iskrin 25 cm l-isfel mil-linja ta' barra tal-pjanċa orizzontali li tgħaddi mill-fokus tal-fanal ta' quddiem (ara l-Anness 6 ma' dan ir-Regolament);

6.2.3.   l-iskrin huwa fil-pożizzjoni indikata fl-Anness 6. (8)

Meta aġġustat b'dan il-mod, il-fanal ta' quddiem għandu, jekk huwa maħsub li jipprovdi raġġ tad-dawl il-baxx u raġġ tad-dawl tas-sewqan, jikkonforma mar-rekwiżiti msemmija fil-paragrafi 6.3. u 6.5. hawn taħt. Jekk huwa maħsub primarjament biex jipprovdi raġġ tad-dawl il-baxx, għandu jikkonforma biss mar-rekwiżiti msemmija fil-paragrafu 6.3. (9)

Meta fanal ta' quddiem aġġustat f'dan il-mod ma jissodisfax ir-rekwiżiti msemmija fil-paragrafi 6.3 u 6.5., l-aġġustament tiegħu jista' jinbidel, sakemm l-assi tar-raġġ jew il-punt tal-intersezzjoni HV speċifikat fl-Anness 6 ma' dan ir-Regolament ma jkunx spustjat b'mod laterali b'iktar minn 1 (=44 cm) lejn il-lemin jew ix-xellug. (10) Biex jiġi ffaċilitat l-aġġustament permezz tal-“punt ta' waqfien”, il-fanal ta' quddiem jista' jiġi parzjalment okkultat sabiex il-“punt ta' waqfien” ikun aktar definit.

Jekk il-fanal ta' quddiem ikun iddisinjat biss biex jipprovdi raġġ tad-dawl tas-sewqan, għandu jiġi aġġustat b'tali mod li l-erja ta' illuminazzjoni massima tkun iċċentrata fuq il-punt ta' intersezzjoni tal-linji hh u vv. Fanal ta' quddiem bħal dan għandu jissodisfa biss ir-rekwiżiti msemmija fil-paragrafu 6.5.

6.3.   L-illuminazzjoni mitfugħa mir-raġġ tad-dawl il-baxx fuq l-iskrin għandha tissodisfa r-rekwiżiti tat-tabella li ġejja: (11)

Il-punt fuq l-iskrin tal-kejl		L-illuminazzjoni neċessarja f’lux
Il-fanali ta’ quddiem għat-traffiku li ġej min-naħa tal-lemin	Il-fanali ta’ quddiem għat-traffiku li ġej min-naħa tax-xellug
Punt R 50 L	Punt H 50 R	≤ 0-4
Punt 75 R	Punt 75 L	≥ 6
Punt 50 R	Punt 50 L	≥ 6
Punt 25 L	Punt 25 R	≥ 1,5
Punt 25 R	Punt 25 L	≥ 1,5
Kwalunkwe punt fiż-żona III		≤ 0,7
Kwalunkwe punt fiż-żona IV		≥ 2
Kwalunkwe punt fiż-żona I		≤ 20

Huwa mifhum li, fejn il-fluss tal-bozza bil-filament standard użat għall-kejl huwa differenti minn 450 lumens, il-miżuri kif meħuda għandhom jiġu kkoreġuti b'mod proporzjonali għar-rati tal-flussi. Ma għandu jkun hemm l-ebda varjazzjonijiet laterali detrimentali għall-viżibilità tajba fi kwalunkwe waħda miż-żoni I, II, III u IV.

Il-fanali ta' quddiem iddisinjati biex jissodisfaw ir-rekwiżiti ta' kemm it-traffiku li ġej min-naħa tal-lemin u dak li ġej min-naħa tax-xellug għandhom, f'kull waħda miż-żewġ pożizzjonijiet tal-unità ottika jew tal-bozza bil-filament, jissodisfaw ir-rekwiżiti msemmija hawn fuq għas-sistema tat-traffiku li tikkorrispondi.

6.4.   Il-valuri tal-illuminazzjoni fiż-żoni “A” u “B” kif murija fid-dijagramm P1C fl-Anness 6 għandhom jiġu vverifikati mill-kejl tal-valuri fotometriċi tal-punti 1 sa 8 fuq dan id-dijagramm; dawn il-valuri għandhom ikunu fil-limiti li ġejjin:

1 + 2 + 3 ≥ 0,3 lux, u

4 + 5 + 6 ≥ 0,6 lux, u

0,7 lux ≥ 7 ≥ 0,1 lux u

0,7 lux ≥ 8 ≥ 0,2 lux

Dawn il-valuri l-ġodda ma għandhomx ikunu meħtieġa għall-fanali ta' quddiem li ġew approvati qabel id-data tal-applikazzjoni tas-Suppliment 3 għas-sere 01 ta' emendi għal dan ir-Regolament (2 ta' Diċembru 1992) u lanqas għall-estensjonijiet għal approvazzjonijiet bħal dawn.

Fil-każ tal-fanali ta’ quddiem b’riflettur li jista’ jiġi aġġustat huma applikabbli r-rekwiżiti msemmija fil-paragrafi 6.2 sa 6.4 għal kull pożizzjoni tal-immontar kif indikat skont il-paragrafu 2.1 Għandha tintuża l-proċedura li ġejja għall-verifika:

6.5.1.   kull pożizzjoni applikata hija rrealizzata fuq il-gonjometru tat-test fir-rigward ta’ linja li tgħaqqad iċ-ċentru tas-sors tad-dawl u l-punt HV fuq l-iskrin ta' mira. Ir-riflettur li jista’ jiġi aġġustat imbagħad jiġi mċaqlaq f’pożizzjoni b'tali mod li d-disinn tad-dawl fuq l-iskrin jikkorrispondi mal-preskrizzjonijiet tal-mira msemmia fil-paragrafi 6.1, 6.2 u/jew 6.4;

6.5.2.   bir-riflettur inizjalment imwaħħal skont il-paragrafu 6.5.1., il-fanal ta’ quddiem irid jissodisfa r-rekwiżiti fotometriċi rilevanti msemmija fil-paragrafi 6.2, 6.3 u 6.4;

6.5.3.   it-testijiet addizzjonali jitwettqu wara li r-riflettur ikun tressaq vertikalment ± 2 jew tal-inqas fil-pożizzjoni massima, jekk inqas minn 2, mill-pożizzjoni inizjali tiegħu permezz tat-tagħmir li jaġġusta l-fanali ta' quddiem. Wara li l-fanal ta’ quddiem ikun ġie mmirat kollha kemm hu (permezz tal-gonjometru pereżempju) fid-direzzjoni opposta li tikkorrispondi, id-dawl mitfugħ fid-direzzjonijiet li ġejjin għandu jkun ikkontrollat u jibqa’ fil-limiti meħtieġa: ir-raġġ tad-dawl il-baxx: punti HV u 75R (75L rispettivament); ir-raġġ tad-dawl tas-sewqan: punt HV (perċentwali ta' Emax).

6.5.4.   jekk l-applikant ikun indika aktar minn pożizzjoni waħda tal-immontar, il-proċedura msemmija fil-paragrafi 6.5.1 sa 6.5.3 għandha tkun irripetuta għall-pożizzjonijiet l-oħra kollha;

6.5.5.   jekk l-applikant ma jkunx talab għal pożizzjonijiet speċjali tal-immontar, il-fanal ta’ quddiem għandu jkun immirat għall-kejl imsemmi fil-paragrafi 6.2 sa 6.4 bit-tagħmir li jaġġusta l-fanali ta’ quddiem fil-pożizzjoni intermedja tiegħu. It-testijiet addizzjonali tal-paragrafu 6.5.3 għandhom isiru bir-riflettur imċaqlaq lejn il-pożizzjonijiet estremi tiegħu (minflok ± 2) permezz tat-tagħmir li jaġġusta l-fanali ta’ quddiem.

6.6.   Il-kejl tal-illuminazzjoni mitfugħa fuq l-iskrin mir-raġġ tad-dawl tas-sewqan għandhom jittieħdu mal-istess aġġustament tal-fanal ta' quddiem kif isir għall-miżuri skont 6.3 hawn fuq, jew, fil-każ ta' fanal ta' quddiem li jipprovdi raġġ tad-dawl tas-sewqan biss, skont il-paragrafu finali ta' 6.2.3 Fejn jintuża aktar minn sors ta’ dawl wieħed biex jipprovdi r-raġġ ewlieni, il-funzjonijiet għandhom jintużaw flimkien biex ikun iddeterminat il-valur massimu tal-illuminazzjoni (Emax).

L-illuminazzjoni mitfugħa fuq l-iskrin mir-raġġ tad-dawl tas-sewqan għandha tissodisfa r-rekwiżiti li ġejjin:

Il-punt ta’ l-intersezzjoni (HV) tal-linji hh u vv għandu jinstab fl-isolux b'90 % tal-illuminazzjoni massima.

Il-valur massimu m'għandux ikun inqas minn 32 lux.

Mill-punt tal-intersezzjoni HV, orizzontalment għal-lemin u għax-xellug, l-illuminazzjoni ma għandhiex tkun inqas minn 16 lux sa distanza ta' 1,125 m u mhux inqas minn 4 lux sa distanza ta' 2,25 m. (Fejn il-fluss tal-bozza bil-filament standard użata għall-kejl ma jkunx 700 lumens, il-kejl kif meħud għandu jiġi kkoreġut proporzjonalment mal-proporzjon tal-flussi.)

6.7.   Il-valuri tal-illuminazzjoni fuq l-iskrin imsemmija fil-paragrafi 6.3 u 6.5 hawn fuq għandhom jitkejlu permezz ta' ċellula fotoelettrika, li l-parti utli tagħha għandha tkun ristretta fi kwadrat ta' 65 mm kull naħa.

7.   IL-KEJL TAL-ISKONFORT

Għandu jitkejjel l-iskonfort ikkawżat mir-raġġ tad-dawl il-baxx tal-fanali ta’ quddiem. (12)

8.   FANAL TA' QUDDIEM STANDARD

Fanal ta’ quddiem għandu jitqies bħala fanal ta’ quddiem standard jekk:

8.1.   Jissodisfa ir-rekwiżiti msemmija hawn fuq għall-approvazzjoni;

8.2.   Ikollu dijametru effettiv ta' mhux inqas min 160 mm;

Jipprovdi b'bozza bil-filament standard, fil-punti varji u fl-erji msemmija fil-paragrafu 6.3 hawn fuq, illuminazzjoni ugwali għal:

8.3.1.   mhux iktar minn 90 % tal-limiti massimi, u

8.3.2.   mhux inqas minn 120 % tal-limiti minimi preskritti fit-tabella fil-paragrafu 6.3.

9.   KONFORMITÀ TAL-PRODUZZJONI

9.1.   Il-fanali ta’ quddiem approvati skont dan ir-Regolament għandhom ikunu mmanifatturati b’mod li jikkonformaw mat-tip approvat billi jissodisfaw ir-rekwiżiti elenkati fil-paragrafu 6.

9.2.   Sabiex jiġi vverifikat li r-rekwiżiti tal-paragrafu 9.1 ikunu sodisfatti, għandhom isiru kontrolli xierqa tal-produzzjoni.

Id-detentur tal-approvazzjoni għandu, b’mod partikolari:

9.3.1.   jassigura l-eżistenza ta’ proċeduri għal kontroll effettiv tal-kwalità tal-prodotti;

9.3.2.   ikollu aċċess għat-tagħmir ta’ kontroll meħtieġ għall-verifika tal-konformità ma’ kull tip approvat;

9.3.3.   jassigura li r-riżultati tat-testijiet tad-dejta huma rreġistrati u li d-dokumenti relatati għandhom jibqgħu disponibbli għal perjodu li għandu jiġi ddeterminat bi ftehim mas-servizz amministrattiv;

9.3.4.   janalizza r-riżultati ta' kull tip ta' test, sabiex jivverfika u jassigura l-istabbiltà tal-karatteristiċi tal-prodott, filwaqt li jagħmel konċessjoni għal varjazzjoni fil-produzzjoni industrijali;

9.3.5.   jassigura li għal kull tip ta' prodott jitwettqu minn tal-inqas it-testijiet preskritti fl-Anness 3 ma’ dan ir-Regolament;

9.3.6.   jassigura li kull ġbir ta’ kampjuni li jagħtu evidenza ta’ nuqqas ta’ konformità mat-tip tat-test ikkunsidrat għandu jagħti lok għal teħid ta' kampjun ieħor u test ieħor. Il-passi kollha meħtieġa għandhom jittieħdu sabiex terġa’ tiġi stabbilita l-konformità tal-produzzjoni korrispondenti.

L-awtorità kompetenti li tat l-approvazzjoni għat-tip tista’ meta fi kwalunkwe ħin tivverifika l-metodi ta' kontroll dwar il-konformità applikabbli għal kull unità ta' produzzjoni.

9.4.1.   F’kull spezzjoni, il-kotba tat-test u r-rekords tal-produzzjoni għandhom jiġu ppreżentati lill-ispettur li jkun qed iżur.

9.4.2.   L-ispettur jista’ jagħżel b'mod każwali kampjuni biex jiġu ttestjati fil-laboratorju tal-manifattur. In-numru minimu ta’ kampjuni jista’ jiġi determinat fid-dawl tar-riżultati tal-verifiki tal-manifattur stess.

9.4.3.   Meta l-livell tal-kwalità ma jidhirx sodisfaċenti jew jidher li hemm bżonn li tiġi vverifikata l-validità tat-testijiet li jkunu saru bl-applikazzjoni tal-paragrafu 9.4.2 hawn fuq, l-ispettur għandu jagħżel il-kampjuni li għandhom jintbagħtu lis-servizz tekniku li jkun wettaq il-provi tal-approvazzjoni tat-tip bl-użu tal-kriterja tal-Anness 8.

9.4.4.   L-awtorità kompetenti tista' twettaq kwalunkwe test preskritt f'dan ir-Regolament. Dawn it-testijiet se jsiru fuq kampjuni magħżula b'mod każwali mingħajr ma jikkawżaw distorzjoni tal-impenni ta' kunsinna tal-manifattur u b'konformità mal-kriterja tal-Anness 8.

9.4.5.   L-aworità kompetenti għandha tagħmel ħilitha biex tikseb frekwenza ta' spezzjoni ta' darba kull sentejn, Madankollu, dan huwa fid-diskrezzjoni tal-awtorità kompetenti u l-fiduċja tagħhom fl-arranġamenti biex ikun assigurat kontroll effettiv tal-konformità ta' produzzjoni. Fil-każ fejn jiġu rreġistrati riżultati negattivi, l-awtorità kompetenti għandha tassigura li jittieħdu l-passi kollha neċessarji sabiex tkun stabbilita mill-ġdid il-konformità tal-produzzjoni mill-aktar fis possibbli.

9.5.   Il-fanali ta’ quddiem b’difetti evidenti jitwarrbu.

9.6.   Il-marka ta’ referenza ma titqiesx.

10.   SANZJONIJIET GĦAL NUQQAS TA’ KONFORMITÀ TAL-PRODUZZJONI

10.1.   L-approvazzjoni mogħtija fir-rigward ta’ tip fanal ta’ quddiem skont dan ir-Regolament tista’ tiġi rtirata jekk ma jkunux hemm konformità mar-rekwiżiti speċifikati hawn fuq jew jekk fanal ta’ quddiem li għandu l-marka tal-approvazzjoni ma jikkonformax mat-tip approvat.

10.2.   Jekk Parti Kontraenti għall-Ftehim li qed tapplika dan ir-Regolament tirtira l-approvazzjoni li kienet tat qabel, għandha minnufih tavża b'dan lill-Partijiet Kontraenti l-oħra li qed japplikaw dan ir-Regolament, permezz ta' formola ta' komunikazzjoni konformi mal-mudell fl-Anness 1 ma' dan ir-Regolament.

11.   MODIFIKA U ESTENSJONI TA' APPROVAZZJONI TA' TIP TAL-FANAL TA' QUDDIEM

Kull modifika fit-tip tal-fanal ta’ quddiem għandha tiġi mgħarrfa lid-dipartiment amminstrattiv li approva t-tip tal-fanal ta’ quddiem. Id-dipartiment jista’ mbagħad jew:

11.1.1.   Jikkunsidra li mhux probabbli li l-modifiki li saru se jkollhom effett negattiv notevoli u li fi kwalunkwe każ il-fanal ta' quddiem xorta huwa konformi mar-rekwiżiti; jew

11.1.2.   Jitlob rapport ta’ test ulterjuri mis-servizz tekniku responsabbli għat-twettiq tat-testijiet.

11.2.   Konferma jew rifjut ta’ approvazzjoni, li tispeċifika l-alterazzjonijiet, għandha tkun ikkomunikata bil-proċedura speċifikata fil-paragrafu 4.1.4 hawn fuq lill-Partijiet għall-Ftehim li japplikaw dan ir-Regolament.

11.3.   L-awtorità kompetenti li toħroġ l-estensjoni ta’ approvazzjoni għandha tagħti numru ta’ serje għal estensjoni bħal din u tgħarraf b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formula ta’ komunikazzjoni li tikkonforma mal-mudell fl-Anness 1 ma’ dan ir-Regolament.

11.4.   Approvazzjonijiet li ngħataw qabel it-18 ta' Marzu 1986 jibqgħu validi.

12.   PRODUZZJONI MWAQQFA GĦAL KOLLOX

Jekk id-detentur tal-approvazzjoni jieqaf għal kollox milli jimmanifattura fanal ta' quddiem approvat skont dan ir-Regolament, għandu jinforma lill-awtorità li tat l-approvazzjoni. Malli tirċievi l-komunikazzjoni rilevanti din l-awtorità għandha tinforma b’dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formula ta’ komunikazzjoni li tikkonforma mal-mudell fl-Anness 1 ma’ dan ir-Regolament.

13.   ISMIJIET U INDIRIZZI TA’ SERVIZZI TEKNIĊI RESPONSABBLI MIT-TWETTIQ TA’ TESTIJIET TAL-APPROVAZZJONI U TAD-DIPARTIMENTI AMMINISTRATTIVI

Il-Partijiet għall-Ftehim tal-1958 li qed japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet tal-approvazzjoni u tad-dipartimenti amministrattivi li jagħtu l-approvazzjoni u fejn għandhom jintbagħtu l-formuli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni, jew tal-produzzjoni li twaqqfet għal kollox, maħruġa f’pajjiżi oħra.

14.   DISPOŻIZZJONIJIET TRANŻITORJI

14.1.   Sa minn sitt xhur wara d-data uffiċjali tad-dħul fis-seħħ tar-Regolament Nru 112, il-Partijiet Kontraenti li japplikaw dan ir-Regolament għandhom jieqfu milli jagħtu approvazzjonijiet ECE skont dan ir-Regolament.

14.2.   Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet ta’ approvazzjoni għal din is-serje u kwalunkwe serje preċedenti ta’ emendi għal dan ir-Regolament.

14.3.   Approvazzjonijiet mogħtija skont dan ir-Regolament qabel id-data tad-dħul fis-seħħ tar-Regolament Nru 112 u l-estensjonijiet kollha ta’ approvazzjonijiet, inklużi dawk għal serje preċedenti ta’ emendi għal dan ir-Regolament approvati sussegwentement, għandhom jibqgħu validi indefinittivament.

14.4.   Il-Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal fanali ta' quddiem abbażi ta’ dan u ta' kwalunkwe serje ta’ emendi preċedenti għal dan ir-Regolament, sakemm il-fanali ta' quddiem ikunu maħsuba bħala sostituti biex jitwaħħlu fuq vetturi fl-użu.

14.5.   Sa mid-data uffiċjali tad-dħul fis-seħħ tar-Regolament Nru 112, l-ebda Parti Kontraenti li tapplika dan ir-Regolament ma għandha tiċħad it-twaħħil ta’ fanal ta' quddiem approvat skont ir-Regolament Nru 112 fuq tip ta' vettura ġdida.

14.6.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil ta' fanal ta' quddiem approvat skont dan ir-Regolament fuq tip ta' vettura jew vettura.

14.7.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil ta' fanal ta' quddiem approvat skont dan ir-Regolament kif emendat bi kwalunkwe serje preċedenti ta' emendi fuq vettura fl-użu sakemm il-fanal ta' quddiem ikun maħsub bħala sostitut.

---

(1)  Xejn f’dan ir-Regolament m’għandu jwaqqaf lil Parti Kontraenti li qed tapplika dan ir-Regolament milli tipprojbixxi li fanal ta’ quddiem li jinkorpora lenti magħmula minn materjal tal-plastik approvat skont dan ir-Regolament jingħaqad ma’ tagħmir mekkaniku għat-tindif tal-fanal ta’ quddiem (bil-wajpers).

(2)  Applikazzjoni għall-approvazzoni ta' bozza tal-filament: ara r-Regolament Nru. 37. “Tip ta” bozza tal-filament ma għandhiex tiġi mfixkla ma' “kategorija tal-bozza tal-filament”. Dan ir-Regolament huwa dwar il-fanali ta' quddiem li jużaw bozoz tal-filament ta' kategoriji R2 u/jew HS1. Dawn il-kategoriji ta' bozoz tal-filament huma differenti essenzjalment fid-disinn tagħhom u, b'mod aktar partikolari, fil-kappa. Huma għandhom ikunu tali li ma jistgħux jinbidlu, imma fi ħdan kategorija ta' lampa tal-filament normalment ikun hemm diversi tipi.

(3)  Fil-każ ta' fanali ta' quddiem iddisinjati biex jissodisfaw ir-rekwiżiti tat-traffiku li jimxi fuq naħa waħda tat-triq biss (jew il-lemin jew ix-xellug), huwa wkoll irrakkomandat li l-erja li tista' tiġi okkultata biex tipprevjeni nuqqas ta' kumdità għal dawk li jużawh f'pajjiż fejn it-traffiku jimxi fuq in-naħa opposta tat-triq għandha tiġi mmarkata mingħajr ma titħassar fuq il-lenti ta' quddiem. Madanakollu, dan l-immarkar mhux neċessarju fejn l-erja tidher b’mod ċar mid-disinn.

(4)  Jekk il-lenti ma tistax tinqala' mill-unità ewlenija tal-fanal ta' quddiem, spazju fuq il-lenti għandu jkun suffiċjenti.

(5)  1 għall-Ġermanja, 2 għal Franza, 3 għall-Italja, 4 għall-Pajjiżi l-Baxxi, 5 għall-Isvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għall-Jugoslavja, 11 għar-Renju Unit, 12 għall-Awstrija, 13 għal-Lussemburgu, 14 għall-Isvizzera, 15 (vojt), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 (vojt), 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30-36 (vojt) u 37 għat-Turkija. In-numri sussegwenti għandhom jingħataw lil pajjiżi oħra fl-ordni kronoloġika li fiha jirratifikaw jew jidħlu għall-Ftehim li jikkonċerna l-Adozzjoni tal-Kundizzjonijiet Uniformi tal-Approvazzjoni u r-Rikonoxximent Reċiproku tal-Approvazzjoni għal Tagħmir u Partijiet ta' Vettura Mmotorizzata, u n-numri hekk mogħtija għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(6)  Dawn il-filtri għandhom jikkonsistu fil-komponenti kollha, inkluż il-lenti, li huma maħsuba biex jagħtu kulur lid-dawl.

(7)  L-iskrin tal-aġġustament għandu jkun wiesa’ biżżejjed li jippermetti li jiġi eżaminat il-“punt ta’ waqfien” fuq firxa ta’ mill-anqas 5 fuq kull naħa tal-linja vv.

(8)  Jekk, fil-każ ta' fanal ta' quddiem iddisinjat biex jissodisfa r-rekwiżiti ta' dan ir-Regolament fir-rigward tar-raġġ tad-dawl il-baxx biss, l-assi fokali tiddifferixxi sostanzjalment mid-direzzjoni ġenerali tar-raġġ, għandu jsir aġġustament laterali fl-aħjar mod li jissodisfa r-rekwiżiti għall-illuminazzjoni fil-punti 75 u 50.

(9)  Fanal ta' quddiem b “Raġġ tad-dawl il-baxx” ta' dan it-tip jista' jinkorpora raġġ tad-dawl tas-sewqan għal liema l-ebda speċifikazzjoni mhijiex stabbilita.

(10)  Il-limitu tan-nuqqas ta' aġġustament ta' 1 fuq in-naħa tax-xellug mhuwiex inkompatibbli man-nuqqas ta' aġġustament vertikali. Dan tal-aħħar huwa llimitat biss mir-rekwiżiti tal-paragrafu 6.5.

(11)  Ara Anness 2 dwar is-suġġett tal-fanali ta' quddiem speċjali għall-tratturi tal-agrikoltura jew tratturi għall-forestrija u vetturi oħra li jimxu bil-mod.

(12)  Dan ir-rekwiżit se jkun soġġett għal rakkomandazzjoni għall-benefiċċju tal-amministrazzjonijiet.

It-testi oriġinali UN/ECE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus UN/ECE TRANS/WP.29/343, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html

Tinkorpora t-test validu kollu sa:

Suppliment 18 għas-sensiela 01 tal-emendi — Data tad-dħul fis-seħħ: 24 ta’ Ottubru 2009

Corriġendum 1 għas-Suppliment 18 — Data ta' dħul fis-seħħ: 11 ta' Novembru 2009

Suppliment 19 għas-serje ta' emendi 01 — Id-data tad-dħul fis-seħħ: 19 ta' Awwissu 2010

WERREJ

REGOLAMENT

0.

Ambitu

1.

Definizzjonijiet

2.

Applikazzjoni għall-approvazzjoni

3.

Sinjali

4.

Approvazzjoni

5.

L-ispeċifikazzjonijiet ġenerali

6.

Intensità tad-dawl mitfugħ

7.

Proċedura tat-test

8.

Kulur id-dawl mitfugħ

9.

Modifikazzjonijiet ta’ tip ta’ indikatur tad-direzzjoni għall-vetturi bil-mutur u t-trejlers tagħhom u estensjoni tal-approvazzjoni

10.

Konformità tal-produzzjoni

11.

Sanzjonijiet għal nuqqas ta’ konformità tal-produzzjoni

12.

Produzzjoni mwaqqfa għal kollox

13.

Ismijiet u indirizzi ta’ Servizzi Tekniċi responsabbli mit-tmexxija ta’ testijiet ta’ approvazzjoni u tad-Dipartimenti Amministrattivi

14.

Dispożizzjonijiet tranżitorji

ANNESSI

Anness 1 —

Kategoriji ta’ indikaturi tad-direzzjoni: Angoli minimi meħtieġa għal distribuzzjoni ta' dawl fl-ispazju ta' dawn il-kategoriji ta' indikaturi tad-direzzjoni

Anness 2 —

Komunikazzjoni dwar l-approvazzjoni jew l-estensjoni jew ir-rifjut jew l-irtirar ta' approvazzjoni jew produzzjoni li twaqqfet għal kollox ta' tip ta' indikatur tad-direzzjoni skont ir-Regolament Nru 6

Anness 3 —

L-arranġament tal-marka tal-approvazzjoni

Anness 4 —

Kejl fotometriku

Anness 5 —

Kulur tad-dwal ta' lewn safrani - Koordinati trikromatiċi

Anness 6 —

Rekwiżiti minimi għall-konformità ta’ proċeduri ta' kontroll ta’ produzzjoni

Anness 7 —

Rekwiżiti minimi meħtieġa għat-teħid ta' kampjuni minn spettur

0.   AMBITU

Dan ir-Regolament japplika għal indikaturi tad-direzzjoni għal vetturi tal-kategoriji L, M, N, O u T (1).

1.   DEFINIZZJONIJIET

Għall-għanijiet ta' dan ir-Regolament:

1.1.    “Indikatur tad-direzzjoni” jfisser apparat immuntat fuq vettura ta’ mutur jew trejler li, meta jitħaddem minn sewwieq, juri l-intenzjoni ta’ dan tal-aħħar biex jibdel id-direzzjoni fejn tkun sejra l-vettura. Dan ir-Regolament japplika biss għal apparat b’dawl li jteptep ta’ pożizzjoni fissa li t-teptip tiegħu huwa miksub minn provvista intermittenti ta’ kurrent ta’ elettriku lill-bozza.

1.2.   Id-definizzjonijiet mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw f’dan ir-Regolament.

1.3.    “L-indikaturi tad-direzzjoni ta’ tipi differenti” tfisser fanali li jvarjaw f’aspetti essenzjali bħal:

(a)	l-isem jew il-marka kummerċjali;

(b)	il-karatteristiċi tas-sistema ottika, (livelli ta’ intensità, angoli ta’ distribuzzjoni tad-dawl, kategorija tal-bozza tal-filament, modulu tas-sors ta’ dawl, eċċ.);

(c)	il-kategorija tal-fanali tal-indikaturi tad-direzzjoni;

(d)	il-kontroll ta’ intensità varjabbli, jekk dan jeżisti.

Tibdil fil-kulur tal-bozza tal-filament jew il-kulur ta’ kwalunkwe filtru ma jikkostitwixxix bidla tat-tip.

1.4.   Ir-referenzi li saru f'dan ir-Regolament għal bozza(bozoz) tal-filament standard (étalon) u għar-Regolament Nru 37 għandhom jirreferu għar-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip.

2.   APPLIKAZZJONI GĦALL-APPROVAZZJONI

2.1.   L-applikazzjoni għall-approvazzjoni ta’ tip ta’ indikatur tad-direzzjoni għandha titressaq mid-detentur tal-isem kummerċjali jew marka jew mir-rappreżentant tiegħu li ġie akkreditat b’mod xieraq. Għandha tispeċifika għal-liema kategorija jew fl-liema mill-kategoriji 1, 1a, 1b, 2a, 2b, 5 jew 6 skont l-Anness 1, jidħol l-indikatur tad-direzzjoni u, jekk għandu jidħol fil-kategorija 2, kemm għandu intensità ta’ luminosità kostanti (kategorija 2a) jekk kemm għandu intensità ta’ luminosità varjabbli (kategorija 2b) u jekk l-indikatur tad-direzzjoni jista’ jintuża wkoll fl-assemblaġġ ta’ żewġ fanali tal-istess kategorija. Skont l-għażla tal-applikant, din se tispeċifika li l-apparat jista’ jkun installat mal-vettura b’inklinazzjonijiet differenti tal-assi ta’ referenza fir-rigward tal-uċuħ ta’ referenza tal-vettura u tal-art jew idur mal-assi ta’ referenza tiegħu; dawn il-kundizzjonijiet differenti ta’ installazzjoni għandhom ikunu indikati fuq il-formola ta’ komunikazzjoni.

Għal kull tip ta' indikatur tad-direzzjoni, l-applikazzjoni għandu jkollha magħha li ġej:

2.2.1.   Disinji, fi triplikat, ddettaljati suffiċjentement biex jippermettu l-identifikazzjoni tat-tip u l-kategorija u li juru ġeometrikament f'liema pożizzjoni(jiet) l-indikatur tad-direzzjoni jista' jitwaħħal fuq il-vettura; l-assi ta’ osservazzjoni li għandu jitqies bħala l-assi ta’ referenza fit-testijiet (angolu orizzjontali H = 0o, angolu vertikali V = 0°); u l-punt li għandu jitqies bħala ċ-ċentru ta’ referenza fit-testijiet imsemmija. Id-disinji jridu juru l-pożizzjoni maħsuba għan-numru tal-approvazzjoni u għas-simboli addizzjonali f’relazzjoni għaċ-ċirku tal-marka tal-approvazzjoni;

2.2.2.   deskrizzjoni teknika qasira li tindika b'mod partikolari, bl-eċċezzjoni ta' fanali li jkollhom sorsi ta' dawl li ma jistax jinbidel:

(a)	il-kategorija jew kategoriji ta’ bozza(bozoz) tal-filament preskritta; din il-kategorija ta’ bozza tal-filament għandha tkun waħda minn dawk li hemm fir-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip; u/jew

(b)	il-kodiċi speċifiku ta’ identifikazzjoni tal-modulu tas-sors ta’ dawl.

2.2.3.   Għal indikatur tad-direzzjoni tal-kategorija 2b, deskrizzjoni konċiża ta’ kontroll varjabbli ta’ intensità, dijagramma ta’ arranġament u speċifikazzjoni tal-karatteristiċi tas-sistema li tiżgura ż-żewġ livelli ta' intensità;

2.2.4.   għal fanal tal-indikatur tad-direzzjoni tal-kategoriji 1, 1a, 1b, 2a u 2b, informazzjoni fir-rigward tas-sinjal skont il-paragrafu 6.2.2 hawn taħt.

2.2.5.   Żewġ kampjuni; jekk l-approvazzjoni tiġi applikata għal apparat li mhuwiex identiku iżda simmetriku u adegwat biex jitwaħħal wieħed fuq ix-xellug u l-ieħor fuq il-lemin tal-vettura, iż-żewġ kampjuni sottomessi jistgħu jkunu identiċi u adegwati għall-immuntar biss fuq il-lemin jew biss fuq ix-xellug tal-vettura.

Għal indikatur tad-direzzjoni tal-kategorija 2b, l-applikazzjoni għandu jkollha magħha wkoll il-kontroll ta’ intensità varjabbli jew ġeneratur li jipprovdi l-istess sinjal(i).

3.   IS-SINJALI

Apparat sottomess għall-approvazzjoni għandu:

3.1.   juru l-isem kummerċjali jew il-marka tal-applikant; dawn il-marki jridu jkunu jinqraw b’mod ċar u ma jitħassrux;

3.2.   bl-eċċezzjoni tal-fanali li jkollhom sorsi tad-dawl li ma jistgħux jinbidlu, juru marka li tista’ tinqara b'mod ċar u li ma titħassarx, fejn tindika:

(a)	il-kategorija jew kategoriji ta’ bozza(bozoz) tal-filament preskritta(i); u/jew

(b)	il-kodiċi speċifiku ta’ identifikazzjoni tal-modulu tas-sors ta’ dawl.

3.3.   ikollhom spażju ta’ daqs suffiċjenti għall-marka ta’ approvazzjoni u s-simboli addizzjonali preskritti fil-paragrafu 4.2 hawn taħt; dan l-ispazju għandu jidher fid-disinni imsemmija fil-paragrafu 2.2.1 hawn fuq;

3.4.   fil-każ ta’ fanali b’apparat elettroniku ta’ kontroll tas-sors ta’ dawl jew b’kontroll ta’ intensità varjabbli u/jew sorsi ta’ dawl li ma jistgħux jinbidlu u/jew apparat(i) tas-sors ta’ dawl, juru l-marka tal-vultaġġ nominali jew il-medda ta’ vultaġġ u potenza massima nominali.

fil-każ tal-fanali li jkollhom apparat(i) tas-sors ta’ dawl, l-apparat(i) tas-sors ta’ dawl għandu jkollhom:

3.5.1.   l-isem kummerċjali jew il-marka kummerċjali tal-applikant; dawn il-marki jridu jkunu jinqraw b’mod ċar u ma jitħassrux;

3.5.2.   il-kodiċi speċifiku ta’ identifikazzjoni tal-modulu; dawn il-marki jridu jkunu jinqraw b’mod ċar u ma jitħassrux. Il-kodiċi speċifiku ta’ identifikazzjoni għandu jinkludi fil-bidu l-ittri “MD” għal “MODULU” segwiti mill-marka ta’ approvazzjoni mingħajr iċ-ċirku kif preskritt fil-paragrafu 4.2.1.1 hawn taħt u, f’każ li jintużaw diversi apparati ta’ sors ta’ dawl mhux identiċi, segwiti minn simboli jew sinjali addizzjonali; dan il-kodiċi speċifiku ta’ identifikazzjoni għandu jidher fid-disinji msemmija fil-paragrafu 2.2.1 hawn fuq.

Il-marka ta’ approvazzjoni ma għandhiex għalfejn tkun l-istess bħal dik ta’ fuq il-bozza li fiha jintuża l-modulu, iżda ż-żewġ indikazzjonijiet għandhom ikunu mill-istess applikant.

3.5.3.   il-marki tal-vultaġġ nominali u l-medda ta’ vultaġġ u wattage massimu nominali.

3.6.   L-apparat elettroniku ta’ kontroll tas-sors ta’ dawl jew il-kontroll ta’ intensità varjabbli li jkun parti mill-fanal iżda ma jkunx inkluż fil-qafas tal-fanal, għandu jkollu l-isem tal-manifattur u n-numru ta’ identifikazzjoni tiegħu.

4.   APPROVAZZJONI

4.1.   Ġenerali

4.1.1.   Jekk iż-żewġ apparati sottomessi għall-approvazzjoni skont il-paragrafu 2.2.4 hawn fuq jilħqu r-rekwiżiti ta’ dan ir-Regolament, l-approvazzjoni għandha tingħata.

4.1.2.   Meta iġġruppati, ikkombinati jew inkorporati reċiprokament il-fanali nstabu li jikkonformaw mar-rekwiżiti ta’ diversi Regolamenti annessi mal-Ftehim tal-1958, marka waħda ta’ approvazzjoni internazzjonali tista’ tiġi applikata sakemm fanali bħal dawn ma jiġux miġbura, kkombinati jew reċiprokament inkorporati b’fanal jew fanali li ma jissodisfaw l-ebda waħda minn dawn ir-Regolamenti.

4.1.3.   Għandu jingħata numru ta’ approvazzjoni lil kull tip approvat. L-ewwel żewġ ċifri (fil-preżent 01, li jikkorrispondu għas-serje ta' emendi 01 li daħlet fis-seħħ fis-27 ta' Ġunju 1987) għandhom jindikaw is-serje ta' emendi li jinkorporaw l-aktar emendi tekniċi ewlenija reċenti li saru għar-Regolament fiż-żmien tal-ħruġ tal-approvazzjoni. L-istess Parti Kontraenti ma tistax tagħti l-istess numru lil tip ieħor ta’ apparat kopert minn dan ir-Regolament. Indikaturi tad-direzzjoni ta’ kategoriji differenti jistgħu jiġu mmarkati b'numru wieħed ta' approvazzjoni meta jiffurmaw assemblaġġ wieħed.

4.1.4.   L-avviż tal-approvazzjoni jew tal-estensjoni jew tar-rifjut jew tal-irtirar tal-approvazzjoni jew ta’ produzzjoni mwaqqfa għal kollox ta’ tip ta’ apparat skont dan ir-Regolament għandu jiġi kkomunikat lill-Partijiet għall-Ftehim tal-1958 li qed japplikaw dan ir-Regolament, permezz ta’ formola konformi mal-mudell fl-Anness 2 għal dan ir-Regolament.

4.1.5.   Kull apparat konformi mat-tip approvat skont dan ir-Regolament se jkollu fl-ispazju msemmi fil-paragrafu 3.3 hawn fuq, u barra minn hekk għall-marki preskritti fil-paragrafi 3.1 u 3.2 jew 3.4 rispettivament, marka ta’ approvazzjoni kif deskritt fil-paragrafi 4.2 u 4.3 hawn taħt.

4.2.   Il-kompożizzjoni tal-marka ta’ approvazzjoni

Il-marka ta’ approvazzjoni għandha tikkonsisti minn:

markar ta’ approvazzjoni internazzjonali, li jinkludi:

4.2.1.1.   Ċirku madwar l-ittra “E” segwit min-numru li jiddistingwi l-pajjiż li ta l-approvazzjoni; (2)

4.2.1.2.   In-numru tal-approvazzjoni preskritt fil-paragrafu 4.1.3 aktar ’il fuq;

Is-simbolu (jew simboli) addizzjonali li ġejjin:

4.2.2.1.   Wieħed jew iktar min-numri: 1, 1a, 1b, 2a, 2b, 5 jew 6, skont jekk l-apparat huwiex f’kategorija waħda jew iktar 1, 1a, 1b, 2a, 2b, 5 jew 6 li għalihom titfittex l-approvazzjoni skont il-paragrafu 2.1;

4.2.2.2.   Fuq apparat li ma jistgħax jiġi mmuntat fuq ebda naħa tal-vettura b'mod mhux diskriminatorju, vleġġa orizzontali li turi f'liema pożizzjoni l-apparat għandu jiġi mmuntat (il-vleġġa għandha tkun diretta 'l barra mill-vettura fil-każ ta' apparat tal-kategoriji 1, 1a, 1b, 2a u 2b u lejn 'il quddiem tal-vettura fil-każ ta' apparat tal-kategoriji 3, 4, 5 u 6). Barra minn hekk, għal apparat tal-kategorija 6 indikazzjoni “R” jew “L” għandha f'dan il-każ tintwera fuq l-apparat, li turi n-naħa tal-lemin jew tax-xellug tal-vettura.

4.2.2.3.   Fuq apparat li jista’ jintuża bħala parti minn assemblaġġ ta' żewġ fanali, l-ittra addizzjonali “D” fuq in-naħa tal-lemin tas-simbolu msemmi fil-paragrafu 4.2.2.1;

4.2.2.4.   Fuq apparat li jarmi dawl imnaqqas b’konformità mal-paragrafu 2.1.3 tal-Anness 4 ta’ dan ir-Regolament vleġġa wieqfa li titlaq minn segment mimdud u li tipponta ’l isfel.

4.2.2.5.   Iż-żewġ ċifri tan-numru ta' approvazzjoni li jindikaw is-serje ta' emendi fis-seħħ fiż-żmien tal-ħruġ tal-approvazzjoni u, jekk meħtieġ, il-vleġġa meħtieġa jistgħu jiġu mmarkati qrib is-simboli addizzjonali ta’ hawn fuq;

4.2.2.6.   Il-marki u s-simboli msemmija fil-paragrafi 4.2.1 u 4.2.2 hawn fuq għandhom ikunu jinqraw faċilment u ma jitħassrux anke meta l-apparat ikun imwaħħal fil-vettura.

4.3.   L-arranġament tal-marka ta’ approvazzjoni

4.3.1.   Fanali indipendenti

L-Anness 3, Figura 1, għal dan ir-Regolament jagħti eżempji tal-arranġamenti tal-marka ta’ approvazzjoni bis-simboli addizzjonali msemmija aktar ’il fuq.

Jekk tipi differenti ta’ fanali li jikkonformaw mar-rekwiżiti ta’ diversi Regolamenti, jużaw l-istess lenti esterna li jkollha l-istess kulur jew kulur differenti, tista’ titwaħħal marka tal-approvazzjoni internazzjonali waħda, li tikkonsisti f’ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u n-numru ta’ approvazzjoni. Din il-marka ta’ approvazzjoni tista’ titqiegħed f’kull post fuq il-fanal, sakemm:

4.3.1.1.   Din tkun viżibbli wara l-installazzjoni tagħhom.

4.3.1.2.   Is-simbolu ta’ identifikazzjoni għal kull fanal, xieraq għal kull Regolament li skontu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali l-aktar riċenti għar-Regolament fiż-żmien tal-ħruġ tal-approvazzjoni, u jekk ikun neċessarju, il-vleġġa meħtieġa għandha tkun immarkata.

4.3.1.3.   Id-daqs tal-komponenti ta’ marka tal-approvazzjoni waħda ma għandux ikun inqas mid-daqs minimu meħtieġ għall-iċken fost il-marki individwali mir-regolament li skontu ngħatat l-approvazzjoni.

4.3.1.4.   Il-qafas ewlieni tal-fanal għandu jinkludi l-ispazju deskritt fil-paragrafu 3.3 hawn fuq u għandu jkollu l-marka ta’ approvazzjoni tal-funzjoni(jiet) attwali.

4.3.1.5.   Il-Figura 4 fl-Anness 3 għal dan ir-Regolament jagħti eżempji ta’ marka ta’ approvazzjoni permezz tas-simboli addizzjonali msemmija hawn fuq.

4.3.2.   Fanali iggruppati, ikkombinati jew reċiprokament inkorporati

Fejn fanali iggruppati, magħquda jew inkorporati reċiprokament instabu li kienu konformi mal-kundizzjonijiet meħtieġa ta’ diversi Regolamenti, tista’ titwaħħal marka tal-approvazzjoni internazzjonali waħda, li tikkonsisti minn ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u numru ta’ approvazzjoni. Din il-marka ta’ approvazzjoni tista’ titqiegħed fi kwalunkwe post fuq il-fanali ggruppati, magħquda jew inkorporati reċiprokament, sakemm:

4.3.2.1.1.   din tkun viżibbli wara li jitwaħħlu l-fanali;

4.3.2.1.2.   l-ebda parti mill-fanali ggruppati, kombinati jew inkorporati reċiprokament li tittrażmetti d-dawl ma tista’ titneħħa mingħajr ma, fl-istess ħin, titneħħa l-marka ta’ approvazzjoni.

is-simbolu ta’ identifikazzjoni għal kull fanal, xieraq għal kull Regolament li skontu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali l-aktar riċenti għar-Regolament fiż-żmien tal-ħruġ ta’ approvazzjoni, u jekk ikun neċessarju, il-vleġġa meħtieġa għandha tkun immarkata:

4.3.2.2.1.   jew fuq il-wiċċ adattat li jittrażmetti d-dawl;

4.3.2.2.2.   jew f’xi ragruppament, b’tali mod li kull waħda mill-fanali iggruppati, ikkombinati jew inkorporati reċiprokament jistgħu jkunu identifikati b’mod ċar.

4.3.2.3.   Id-daqs tal-komponenti ta’ marka tal-approvazzjoni waħda m’għandux ikun inqas mid-daqs minimu meħtieġ għall-iċken fost il-marki individwali permezz tar-Regolament li taħtu ngħatat l-approvazzjoni.

4.3.2.4.   Għandu jingħata numru tal-approvazzjoni lil kull tip approvat. L-istess Parti Kontraenti ma tistax talloka l-istess numru lil tipi differenti ta' fanali iggruppati, ikkombinati jew reċiprokament inkorporati li jkunu koperti minn dan ir-Regolament.

4.3.2.5.   L-Anness 3, il-Figura 2, għal dan ir-Regolament jagħti eżempji tal-arranġament tal-marki ta’ approvazzjoni għall-fanali iggruppati, magħquda jew inkorporati reċiprokament bis-simboli addizzjonali kollha msemmija aktar ’il fuq.

4.3.3.   Fanali reċiprokament inkorporati ma’ fanali oħrajn, li l-lenti tagħhom tista’ wkoll tintuża għal tipi oħrajn ta' fanali ta’ quddiem:

Id-dispożizzjonijiet stabbiliti fil-paragrafu 4.3.2 aktar ’il fuq huma applikabbli.

4.3.3.1.   Barra dan, fejn tintuża l-istess lenti, din tal-aħħar jista’ jkollha fuqha marki ta’ approvazzjoni differenti relatati mat-tipi differenti ta’ fanali ta’ quddiem jew ta’ unitajiet ta’ fanali, sakemm il-parti prinċipali tal-fanali ta’ quddiem, anki jekk ma tistax tiġi sseparata mil-lenti, tinkludi wkoll l-ispazju deskritt fil-paragrafu 3.3 aktar ’il fuq u jkollha l-marki ta’ approvazzjoni tal-funzjonijiet proprji.

Jekk tipi differenti ta’ fanali ta’ quddiem jinkludu l-istess parti prinċipali, din tal-aħħar tista’ tingħata marki ta’ approvazzjoni differenti.

4.3.3.2.   L-Anness 3, Figura 3, għal dan ir-Regolament jagħti eżempji ta’ marki ta’ approvazzjoni għal fanali reċiprokament inkorporati b'fanal ta' quddiem.

4.4.   Il-marka ta’ approvazzjoni għandha tkun tista’ tinqara b’mod ċar u li ma jitħassarx. Din tista’ titqiegħed fuq il-parti ta’ ġewwa jew ta’ barra (trasparenti jew le) tal-apparat li ma tistax tinfired mill-parti t-trasparenti tal-apparat li jitfa’ d-dawl. Ikun xi jkun il-każ, il-marki għandhom ikunu viżibbli meta l-apparat jitwaħħal fuq il-vettura jew meta tinfetaħ xi parti li tiċċaqlaq bħall-bonit jew il-bieba ta’ wara jew bieba oħra.

5.   L-ISPEĊIFIKAZZJONIJIET ĠENERALI

5.1.   Kull apparat għandu jikkonforma mal-ispeċifikazzjonijiet imsemmija fil-paragrafi 6 sa 8 aktar ’l isfel.

5.2.   L-apparati għandhom ikunu ddisinjati u mibnija b'mod li fil-kundizzjonijiet normali tal-użu, minkejja kull vibrazzjoni li għalih jista' jkun soġġett f'dan l-użu, l-operazzjoni sodisfaċenti tiegħu tibqa' assigurata u żżomm il-karatteristiċi preskritti minn dan ir-Regolament.

Fil-każ ta’ moduli tas-sors tad-dawl, għandu jiġi ċċekkjat li:

5.3.1.   Id-disinn tal-modulu(i) tas-sors tad-dawl għandu jkun tali:

(a)	li kull modulu tas-sors tad-dawl jista’ jeħel biss fil-post maħsub għalih u mkien aktar u fil-post tiegħu kif suppost u ma jistax jitneħħa jekk mhux permezz tal-għodda;

(b)	Jekk jintuża aktar minn modulu wieħed ta’ sors ta’ dawl fis-sistemazzjoni għal apparat, moduli ta’ sors ta’’dawl li jkollhom karatteristiċi differenti ma jistgħux jiġu mibdula ma’ xulxin fl-istess sistemazzjoni tal-fanali.

5.3.2.   Il-modulu(i) tas-sors tad-dawl għandu jkun tali mod li ma jistax jiġi mittiefes.

5.4.   F’każ ta’ ħsara fil-kontroll ta’ intensità varjabbli ta’ indikatur ta’ direzzjoni ta’ kategorija 2b li jittrażmetti aktar mill-valur massimu ta’ kategorija 2a, ir-rekwiżiti tal-intensità tal-luminosità stabbli ta’ kategorija 2a għandhom jiġu sodisfatti awtomatikament.

Fil-każ ta’ bozza(bozoz) tal-filament li jinbidel/jinbiddlu:

5.5.1.   Kull kategorija jew kategoriji ta’ bozza(bozoz) tal-filament approvat/i skont it-Regolament Nru 37 tista’/jistgħu tintuża/jintużaw, sakemm ma jkun hemm ebda restrizzjoni dwar l-użu fir-Regolament Nru 37 u fis-serje ta’ emendi tiegħu fis-seħħ fiż-żmien tal-applikazzjoni għal-approvazzjoni tat-tip.

5.5.2.   Id-disinn tal-apparat għandu jkun tali li l-bozza tal-filament ma tista’ titwaħħal fl-ebda pożizzjoni ħlief f’dik it-tajba.

5.5.3.   Il-ħowlder tal-bozza tal-filament għandu jikkonforma mal-karatteristiċi mogħtija fil-Pubblikazzjoni tal-IEC 60061. Id-dejta li tapplika hija dik tal-folja bid-dejta dwar il-ħowlder rilevanti għall-kategorija ta’ bozza tal-filament użata, tapplika.

6.   INTENSITÀ TAD-DAWL MITFUGĦ

Id-dawl mitfugħ minn dawn iż-żewġ apparati provduti jistgħu jkunu fil-każ tal-indikaturi tad-direzzjoni tal-kategoriji 1, 1a, 1b, 2a jew 2b, fl-assi ta’ referenza, fil-każ ta’ indikaturi tad-direzzjoni ta’ kategoriji 5 jew 6 fid-direzzjoni A skont l-Anness 1 ta’ mhux inqas minn intensità minima u mhux iktar minn intensità minima speċifikata hawn taħt:

Il-kategorija tal-indikatur tad-direzzjoni	Intensità minima ta’ luminożità fis-cd	Intensità minima ta’ luminożità fis-cd meta jintuża bħala
		Bozza waħda	Bozza (waħda) mmarkata “D” (ara l-paragrafu 4.2.2.3)
1	175	1 000	500
1a	250	1 200	600
1b	400	1 200	600
2a (stabbli)	50	500	250
2b (varjabbli)	50	1 000	500
5	0,6	280	140
6	50	280	140

6.1.1.   Għall-assemblaġġ ta' żewġ fanali jew iktar tal-indikatur tad-direzzjoni l-intensità totali ma għandhiex taqbeż il-valur massimu.

6.1.2.   Meta l-assemblaġġ ta’ fanal jew iktar li għandhom l-istess funzjoni huwa meqjus bħala fanal wieħed għandu jikkonforma mar-rekwiżiti għal:

(a)	Intensità massima il-fanali huma mixgħula kollha flimkien (l-aħħar kolonna tat-tabella);

(b)	Intensità minima jekk l-ewwel bozza tkun inqatgħet.

Fil-każ li tinqata’ bozza waħda tal-kategoriji 1, 1a, 1b, 2a u 2b, li fihom iktar minn sors wieħed ta' dawl id-dispożizzjonijiet li ġejjin għandhom japplikaw:

6.2.1.   Grupp ta’ sorsi ta’ dawl, magħmula sabiex il-qtugħ ta’ kwalunkwe wieħed minnhom jikkawża lil dawn kollha biex jieqfu jittrażmettu d-dawl, se jitqies bħala sors ta' dawl wieħed.

6.2.2.   Sinjal għall-attivazzjoni tat-tell-tale preskritt fil-paragrafu 6.5.8 tar-Regolament Nru 48 għandu jiġi prodott jekk:

(a)	kwalunkwe sors wieħed ta’ dawl jinqata', jew

(b)	fil-każ ta’ bozza ddeżinjata għal żewġ sorsi ta’ bozoz tal-filament, l-intensità fl-assi tar-referenza hija inqas minn 50 fil-mija tal-intensità minima, jew

(c)

bħala konsegwenza tal-qtugħ ta’ wieħed jew iktar sorsi tad-dawl, l-intensità f’waħda mid-direzzjonijiet kif indikati fl-Anness 4 għal dan ir-Regolament huwa inqas mill-intensità minima meħtieġa: (i) H = 0°, V = 0° (ii) H = 20° għal barra l-vettura, V = + 5° (iii) H = 10° għal ġewwa l-vettura, V = 0°

6.3.   Meta s-sorsi kollha tad-dawl ikunu mixgħula l-intensità massima speċifikata għal bozza waħda tista’ tinqabeż jekk il-bozza waħda mhijiex immarkata “D” u l-intensità massima speċifikata għal assemblaġġ ta’ żewġ bozoz jew iktar ma tinqabiżx.

Barra mill-assi ta’ referenza u fil-meded tal-angoli definiti fid-dijagrammi fl-Anness 1 għal dan ir-Regolament, l-intensità tad-dawl mitfugħ minn kull wieħed miż-żewġ apparati għandha tkun:

F’kull direzzjoni li tikkorrispondi mal-punti fit-tabella tad-distribuzzjoni tad-dawl riprodotta fl-Anness 4 għal dan ir-Regolament, ma tkunx anqas mill-minimu speċifikat fil-paragrafu 6.1 hawn fuq multiplikat minn perċentwali speċifikat fit-tabella imsemmija għad-direzzjoni imsemmija;

6.4.1.1.   B’diverġenza mill-paragrafi 6.4 u 6.4.1, għal kategorija 5 tal-indikaturi tad-direzzjoni, għall-wara, valur minimu ta’ 0,6 cd huwa meħtieġ tul l-oqsma speċifikati fl-Anness 1;

6.4.2.   F’ebda direzzjoni ġewwa l-ispazju li minnu il-fanal tal-indikazzjoni huwa viżibbli, ma għandha teċċedi l-massimu speċifikat fil-paragrafu 6.1 hawn fuq;

Barra minn hekk,

6.4.3.1.   Matul l-oqsma ddefiniti fil-dijagrammi fl-Anness 1, l-intensità tad-dawl mitfugħ m’għandhiex tkun inqas minn 0,7 cd għall-apparat ta’ kategoriji 1b, mhux inqas minn 0,3 cd għal apparat tal-kategoriji 1, 1a, 2a, 2b, u għal dawk ta’ kategorija 2b bi nhar; m’għandhiex tkun inqas minn 0,07 cd għall-apparat ta’ kategoriji 2b bil-lejl;

6.4.3.2.   Id-disposizzjonijiet tal-paragrafu 2.2 tal-Anness 4 għal dan ir-Regolament fuq varjazzjonijiet lokali ta’ intensità għandhom jiġu osservati.

6.5.   B’mod ġenerali, l-intensitajiet għandhom jitkejlu bis-sors(i) tad-dawl mixgħulin kontinwament.

Madankollu, skont il-kostruzzjoni tal-apparat, per eżempju, l-użu ta’ diodes li jitfgħu d-dawl (LED), jew il-ħtieġa li jittieħdu prekawzjonijiet biex tiġi evitata s-sħana żejda, huwa permess li jitkejlu l-bozoz meta jkunu qed iteptpu.

Dan jista’ jintlaħaq billi jinxtegħlu bi frekwenza ta’ f = 1,5 ±0,5 Hz bil-wisgħa tal- impuls ikbar minn 0,3 s, mkejla b' 95 fil-mija intensità ta’ dawl massimu.

Fil-każ ta’ bozoz tal-filament li jistgħu jinbiddlu, il-bozoz tal-filament se jiġu operati fi fluss luminuż ta’ referenza waqt li jkunu mixgħula. Fil-każijiet l-oħra kollha, il-vultaġġ kif meħtieġ fil-paragrafu 7.1.1 għandhu jinxtegħe b’ħin ta’ tlugħ u ta’ nżul ta’ inqas minn 0,01 s; Mhux permess l-ebda overshoot.

Fil-każ ta’ kejl meħuda waqt it-teptip l-intensità ta’ luminuża rraportata se tkun rappreżentata bl-intensità massima.

6.6.   Fil-każ ta’ apparat tal-kategorija 2b, il-ħin li jgħaddi minn meta jiġi enerġizzat is-sors(i) tad-dawl u l-output tad-dawl imkejjel fuq l-assi ta’ referenza biex jilħaq id-90 fil-mija tal-valur imkejjel skont il-paragrafu 6.3 hawn fuq għandu jitkejjel għal-livelli estremi ta’ intensità luminuża prodotta mill-indikatur tad-direzzjoni. Il-ħin imkejjel biex tinkiseb l-inqas intensità luminuża ma għandhiex taqbeż il-ħin mitkejjel biex tinkiseb l-ogħla intensità luminuża.

Il-kontroll tal-intensità varjabbli ma għandux jiġġenera sinjali li jikkawżaw intensitajiet tad-dawl:

6.7.1.   barra mill-firxa speċifikata fil-paragrafu 6.1 hawn fuq, kif ukoll

6.7.2.   li jaqbżu l-kategorija 2a massima speċifikata fil-paragrafu 6.1:

(a)	għal sistemi li jiddependu biss fuq kundizzjonijiet ta’ matul il-jum u matul il-lejl: skont kundizzjonijiet ta’ matul il-lejl

(b)	għal sistemi oħra: taħt kundizzjonijiet ta’ referenza kif murija mill-manifattur (3)

6.8.   l-Anness 4, imsemmi fil-paragrafu 6.2.1, jagħti dettalji tal-metodi ta' kejl li għandhom jiġu użati.

7.   PROĊEDURA TAT-TEST

Il-kejl kollu, fotometriku u kolorimetriku, għandu jsir:

7.1.1.   Fil-każ ta’ fanal b’sors ta’ dawl li jista’ jinbidel, jekk mhux fornut permezz ta’ apparat elettroniku ta’ kontroll tas-sors ta’ dawl jew ta’ kontroll ta’ intensità varjabbli, b’bozza tal-filament standard bla kulur jew bil-kulur tal-kategorija preskritta għall-apparat, fornut bil-vultaġġ neċessarju biex jiġi prodott fluss tad-dawl ta’ referenza meħtieġ għal dik il-kategorija ta’ bozza tal-filament,

7.1.2.   Fil-każ ta’ fanal mgħammar b’sorsi ta’ dawl li ma jistgħux jinbidlu (bozoz tal-filament u oħrajn), f’6,75 V, 13,5 V jew 28,0 V rispettivament.

7.1.3.   Fil-każ ta’ sistema li tuża apparat elettroniku ta’ kontroll tas-sors ta’ dawl jew kontroll ta’ intensità varjabbli, li jkun parti mill-fanal (4) li japplika fit-terminali ta’ dħul tal-bozza l-vultaġġ iddikjarat mill-manifattur jew, jekk mhux indikat, 6,75 V, 13,5 V jew 28,0 V rispettivament.

7.1.4.   Fil-każ ta’ sistema li tuża apparat elettroniku ta’ kontroll tas-sors ta’ dawl jew kontroll ta’ intensità varjabbli, li ma jkunx parti mill-fanal, il-vultaġġ iddikjarat mill-manifattur għandu jiġi applikat fit-terminali tad-dħul tal-fanal.

7.2.   Madankollu fil-każ ta' indikatur tad-direzzjoni ta’ kategorija 2b li jitħaddem permezz ta’ kontroll ta’ intensità varjabbli biex tinkiseb intensità tad-dawl varjabbli, il-kejl fotometriku għandu jsir skont id-deskrizzjoni tal-applikant.

7.3.   Il-laboratorju tat-testijiet għandu jirrikjedi mill-manifattur l-apparat ta’ kontroll tas-sors ta’ dawl jew il-kontroll ta’ intensità varjabbli meħtieġ biex jiġu fornuti s-sors ta’ dawl u l-funzjonijiet applikabbli.

7.4.   Il-vultaġġ li jrid jiġi applikat lill-fanal għandu jiġi nnotat fil-komunikazzjoni fl-Anness 2 għal dan ir-Regolament.

7.5.   Il-limiti tal-wiċċ apparenti fid-direzzjoni tal-assi ta’ referenza ta’ indikatur tad-direzzjoni, għandhom jiġu stabbiliti. Madankollu, fil-każ tal-indikaturi tad-direzzjoni tal-kategoriji 5 u 6, il-limiti tal-wiċċ li jitfa’ d-dawl għandhom jiġu stabbiliti.

8.   KULUR ID-DAWL MITFUGĦ

Il-kulur tad-dawl mitfugħ fil-kamp tas-sistema tad-distribuzzjoni tad-dawl definita fil-paragrafu 2 tal-Anness 4, għandu jkun ta' lewn safrani. Għall-ittestjar ara l-Anness 5 għal dan ir-Regolament. Barra minn dan il-kamp ma għandha tiġi osservata l-ebda varjazzjoni f’daqqa fil-kulur. Dawn ir-rekwiżiti għandhom japplikaw ukoll fil-medda ta’ intensità tad-dawl varjabbli prodotta mill-indikaturi tad-direzzjoni tal-kategorija 2b.

9.   MODIFIKAZZJONI TA’ TIP TA’ INDIKATUR TAD-DIREZZJONI GĦAL VETTURI BIL-MUTUR U T-TREJLERS TAGĦHOM U L-ESTENSJONI TAL-APPROVAZZJONI

Kull modifikazzjoni ta’ tip ta’ indikatur tad-direzzjoni għandha tkun mgħarrfa lid-dipartiment amministrattiv li ta l-approvazzjoni tat-tip. Id-dipartiment jista’ mbagħad jew:

9.1.1.   Iqis li mhux probabbli li l-modifikazzjonijiet li saru se jkollhom effett negattiv apprezzabbli u li fi kwalunkwe każ l-apparat xorta huwa konformi mar-rekwiżiti; jew

9.1.2.   Jitlob rapport ta’ test ulterjuri mis-servizz tekniku responsabbli għat-twettiq tat-testijiet.

9.2.   Konferma jew rifjut ta’ approvazzjoni, li tispeċifika l-alterazzjonijiet għandha tkun ikkomunikata bil-proċedura speċifikata fil-paragrafu 4.1.4 ta’ hawn fuq lill-Partijiet għall-Ftehim li japplikaw dan ir-Regolament.

9.3.   L-Awtorità Kompetenti li toħroġ l-estensjoni tal-approvazzjoni għandha tassenja numru ta’ serje għal estensjoni ta’ din ix-xorta u għandha tinforma b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 2 għal dan ir-Regolament.

10.   KONFORMITÀ TA’ PRODUZZJONI

Il-proċeduri tal-konformità tal-produzzjoni għandhom jikkonformaw ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:

10.1.   L-indikaturi tad-direzzjoni approvati skont dan ir-Regolament għandhom ikunu mmanifatturati b’tali mod li jikkonformaw mat-tip approvat billi jintlaħqu r-rekwiżiti stabbiliti fil-paragrafi 6. u 8. hawn fuq.

10.2.   Għandu jkun hemm konformità mar-rekwiżiti minimi għall-konformità tal-proċeduri tal-kontroll tal-produzzjoni stabbiliti fl-Anness 6 għal dan ir-Regolament.

10.3.   Għandu jkun hemm konformità mar-rekwiżiti minimi stabbiliti fl-Anness 7 għal dan ir-Regolament, għat-teħid ta' kampjuni minn spettur.

10.4.   L-awtorità li tkun tat l-approvazzjoni tat-tip tista' fi kwalunkwe ħin tivverifika l-metodi tal-kontroll tal-konformità applikati f'kull stabbiliment ta' produzzjoni. Il-frekwenza normali ta' dawn il-verifiki għandha tkun ta' darba kull sentejn.

11.   IL-PENALI GĦAN-NUQQAS TA' KONFORMITÀ TAL-PRODUZZJONI

11.1.   L-approvazzjoni mogħtija fir-rigward tal-apparat skont dan ir-Regolament tista' tiġi rtirata jekk ma jintlaħqux ir-rekwiżiti stipulati hawn fuq.

11.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, hi għandha minnufih tgħarraf b’dan lill-Partijiet l-oħra Kontraenti li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 2 għal dan ir-Regolament.

12.   PRODUZZJONI LI TWAQFET GĦAL KOLLOX

Jekk id-detentur tal-approvazzjoni jieqaf għal kollox milli jimmanifattura apparat approvat skont dan ir-Regolament, għandu jinforma lill-awtorità li tat l-approvazzjoni. Malli tirċievi l-komunikazzjoni rilevanti, dik l-awtorità għandha tavża b’dan lill-Partijiet fil-Ftehim tal-1958 li japplikaw dan ir-Regolament permezz ta’ formola ta’ komunikazzjoni li tkun konformi mal-mudell fl-Anness 2 għal dan ir-Regolament.

13.   L-ISMIJIET U L-INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet tal-Ftehim tal-1958 li japplikaw dan ir-Regolament għandhom jibagħtu lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli biex jagħmlu t-testijiet tal-approvazzjoni u tad-Dipartimenti Amministrattivi li jagħtu l-approvazzjoni u li lilhom għandhom jintbagħtu formoli li jiċċertifikaw l-approvazzjoni jew l-estensjoni jew ir-rifjut jew l-irtirar ta’ approvazzjoni, maħruġa f’pajjiżi oħra.

14.   DISPOŻIZZJONIJIET TRANŻITORJI

14.1.   Mid-data uffiċjali tad-dħul fis-seħħ tas-Suppliment 8 tas-serje ta' emendi 01, l-ebda Parti Kontraenti li qed tapplika dan ir-Regolament m'għandha tirrifjuta li tagħti l-approvazzjoni tal-ECE taħt dan ir-Regolament kif emendat mis-Suppliment 8 tas-serje ta' emendi 01.

14.2.   Sa minn 24 xahar wara d-dħul fis-seħħ, il-Partijiet Kontraenti li japplikaw dan ir-Regolament għandhom jagħtu approvazzjonijiet ECE biss jekk it-tip ta’ indikatur tad-direzzjoni li se jkun approvat jissodisfa r-rekwiżiti ta’ dan ir-Regolament kif emendat bis-Suppliment 8 għas-serje ta’ emendi 01.

14.3.   Il-Partijiet Kontraenti li japplikaw dan ir-Regolament m’għandhomx jirrifjutaw li jagħtu estensjonijiet ta’ approvazzjoni skont is-serje preċedenti ta’ emendi għal dan ir-Regolament.

14.4.   Il-Partijiet Kontraenti li japplikaw dan ir-Regolament għandhom ikomplu jagħtu approvazzjonijiet lil dawk it-tipi ta’ vetturi li jikkonformaw mar-rekwiżiti ta’ dan ir-Regolament kif emendat mis-serje preċedenti ta’ emendi matul il-perjodu ta’ 12-il xahar li jsegwi d-data tad-dħul fis-seħħ tas-Suppliment 8 tas-serje ta’ emendi 01.

14.5.   Approvazzjonijiet ECE mogħtija skont dan ir-Regolament qabel it-12-il xahar wara d-data tad-dħul fis-seħħ u l-estensjonijiet kollha ta’ approvazzjonijiet, inklużi dawk għal serje preċedenti ta’ emendi għal dan ir-Regolament approvati sussegwentement, għandhom jibqgħu validi indefinitivament. Meta t-tip ta’ indikatur tad-direzzjoni approvat għas-serje ta’ emendi preċedenti jissodisfa r-rekwiżiti ta’ dan ir-Regolament kif emendat mis-Suppliment 8 għas-serje ta’ emendi 01, il-Parti Kontraenti li tat l-approvazzjoni għandha tavża lill-Partijiet Kontraenti li japplikaw dan ir-Regolament b’dan.

14.6.   L-ebda Parti Kontraenti li tapplika dan ir-Regolament ma għandha tirrifjuta l-approvazzjoni tat-tip ta’ indikatur tad- direzzjoni għas-Suppliment 8 għas-serje ta’ emendi 01 għal dan ir-Regolament.

14.7.   Sa 36-il xahar wara d-dħul fis-seħħ tas-Suppliment 8 tas-serje ta’ emendi 01 għal dan ir-Regolament, l-ebda Parti Kontraenti li tapplika dan ir-Regolament m’għandha tirrifjuta tip ta’ indikatur tad-direzzjoni approvat fis-serje preċedenti ta’ emendi għal dan ir-Regolament.

14.8.   Minn 36 xahar wara d-dħul fis-seħħ tas-Suppliment 8 għas-serje ta’ emendi 01 għal dan ir-Regolament, il-Partijiet Kontraenti li japplikaw dan ir-Regolament jistgħu jirrifjutaw il-bejgħ ta’ tip ta’ indikatur tad-direzzjoni li ma jissodisfax ir-rekwiżiti tas-Suppliment 8 għas-serje ta’ emendi 01 għal dan ir-Regolament sakemm l-indikatur tad-direzzjoni ma jkunx maħsub bħala sostitut biex jitwaħħal fuq vetturi fl-użu.

14.9.   Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal indikaturi tad-direzzjoni fuq il-bażi ta’ kwalunkwe serje ta’ emendi preċedenti sakemm l-indikaturi tad-direzzjoni huma maħsuba bħala sostituti biex jitwaħħlu fuq vetturi fl-użu.

14.10.   Mid-data uffiċjali tad-dħul fis-seħħ tas-Suppliment 8 tas-serje ta' emendi 01, l-ebda Parti Kontraenti li qed tapplika dan ir-Regolament m'għandha tipprojbixxi t-twaħħil fuq vettura ta’ indikatur ta’ direzzjoni taħt dan ir-Regolament kif emendat mis-Suppliment 8 tas-serje ta' emendi 01.

14.11.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil fuq vetturi ta' indikaturi tad-direzzjoni approvati għal dan ir-Regolament kif ġie emendat mis-serje ta' emendi preċedenti waqt il-perjodu ta' 48 xahar ta' wara d-data tad-dħul fis-seħħ is-Suppliment 8 għas-serje ta’ emendi 01.

14.12.   Meta jiskadi l-perjodu ta’ 48 xahar wara d-data tad-dħul fis-seħħ tas-Suppliment 8 tas-serje ta’ emendi 01, il-Partijiet Kontraenti li japplikaw dan ir-Regolament jistgħu jipprojbixxu t-twaħħil tal-indikatur tad-direzzjoni li ma jissodisfax ir-rekwiżiti ta’ dan ir-Regolament kif ġie emendat bis-Suppliment 8 tas-serje ta’ emendi 01 fuq vettura ġdida li tkun ingħatat approvazzjoni għat-tip nazzjonali jew approvazzjoni individwali aktar minn 24 xahar wara d-data tad-dħul fis-seħħ tas-Suppliment 8 tas-serje ta’ emendi 01 għal dan ir-Regolament.

14.13.   Meta jiskadi perjodu ta’ 60 xahar wara d-data tad-dħul fis-seħħ, Partijiet Kontraenti li japplikaw dan ir-Regolament jistgħu jipprojbixxu t-twaħħil ta’ indikatur tad-direzzjoni li ma jissodisfax ir-rekwiżiti ta’ dan ir-Regolament kif ġie emendat bis-Suppliment 8 tas-serje ta’ emendi 01 fuq vettura ġdida li tkun irreġistrata għall-ewwel darba aktar minn 60 xahar wara d-data tad-dħul fis-seħħ tas-Suppliment 8 tas-serje ta’ emendi 01 ta’ dan ir-Regolament.

14.14.   Approvazzjonijiet eżistenti għal indikaturi tad-direzzjoni tal-kategoriji 3 u 4 approvati skont dan ir-Regolament qabel l-introduzzjoni għas-Suppliment 16 għas-serje ta' emendi 01, għandhom jibqgħu validi b'mod indefinit.

---

(1)  Kif definit fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (id-dokument TRANS/WP.29/78/Rev.1/Amend.2 kif emendat l-aħħar mill-Emenda 4).

(2)  1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għall-ex-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għal New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta), 56 għall-Montenegro, 57 (vojta) u 58 għat-Tuniżija. In-numri segwenti għandhom jingħataw lil pajjiżi oħra fl-ordni kronoloġika li fiha jirratifikaw jew jaċċedu għall-Ftehim Dwar l-Adozzjoni tad-Dispożizzjonijiet Tekniċi Uniformi għall-Vetturi bir-Roti, għall-Apparat u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(3)  Viżibilità tajba (firxa ottika meteoroloġika MOR > 2 000 m definita skont id-WMO, Gwida għall-Istrumenti Meteoroloġiċi u l-Metodi ta’ Osservazzjoni, is-Sitt Edizzjoni, ISBN: 92-63-16008-2, pp 1.9.1/1.9.11, Geneva 1996) u lenti nadifa.

(4)  Għall-fini ta’ dan ir-Regolament “li jkun parti mill-fanal” tfisser li jkun fiżikament inkluż fil-qafas tal-bozza jew li jkun estern, separat jew le, mill-qafas tal-fanal iżda fornut mill-manifattur tal-fanal bħala parti mis-sistema tal-fanal.

It-testi oriġinali UN/ECE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu vverifikati fl-aħħar verżjoni tad-dokument tal-istatus UN/ECE TRANS/WP.29/343, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html

Tinkorpora t-test validu kollu sa:

05 serje ta' emendi – Data tad-dħul fis-seħħ: 8 ta' Settembru 2001

Corrigendum 1 għar-Reviżjoni 4 tar-Regolament - Data ta' dħul fis-seħħ: it-12 ta' Marzu 2003

WERREJ

IR-REGOLAMENT

A.   DISPOŻIZZJONIJIET AMMINISTRATTIVI

0.

Kamp tal-applikazzjoni

1.

Definizzjonijiet

2.

Applikazzjoni għall-approvazzoni ta' fanal ta’ quddiem

3.

Marki

4.

Approvazzjoni

B.   IL-KUNDIZZJONIJIET TEKNIĊI MEĦTIEĠA GĦALL-FANALI TA’ QUDDIEM

5.

Speċifikazzjonijiet ġenerali

6.

Illuminazzjoni

7.

Kundizzjonijiet rigward il-lentijiet u l-filtri kkuluriti

8.

Il-kejl tal-iskumdità

9.

Fanal ta' quddiem standard

10.

Osservazzjoni dwar il-kulur

C.   DISPOŻIZZJONIJIET AMMINISTRATTIVI OĦRA

11.

Modifikazzjonijiet u estensjoni tal-approvazzjoni ta' tip ta' fanal ta' quddiem

12.

Konformità fil-produzzjoni

13.

Sanzjonijiet għan-nuqqas ta’ konformità tal-produzzjoni

14.

Produzzjoni mwaqqfa għal kollox

15.

L-ismijiet u l-indirizzi tas-servizzi tekniċi responsabbli għat-twettiq tat-testijiet tal-approvazzjoni u tad-dipartimenti amministrattivi

16.

Id-dispożizzjonijiet tranżizzjonali

ANNESSI

Anness 1 —

Komunikazzjoni

Anness 2 —

Verifika tal-konformità fil-produzzjoni ta’ fanali ta’ quddiem mgħammra b’bozoz bil-filament tat-tipi H1, H2, H3, HB3, HB4, H7, H8, H9, HIR1, HIR2 u/jew H11

Anness 3 —

Eżempji ta’ arranġamenti ta’ marki ta’ approvazzjoni

Anness 4 —

Skrinijiet tal-kejl

Anness 5 —

Testijiet għall-istabbilità tal-prestazzjoni fotometrika tal-fanali ta’ quddiem waqt li jkunu mixgħulin.

Anness 6 —

Rekwiżiti għall-bozoz li fihom lenti magħmula minn materjal tal-plastik – l-ittestjar ta' lenti jew kampjuni tal-materjal u ta' bozoz kompluti

Anness 7 —

Ir-rekwiżiti minimi għat-teħid ta' kampjuni minn spettur

A.   DISPOŻIZZJONIJIET AMMINISTRATTIVI

0.   KAMP TAL-APPLIKAZZJONI (1)

Dan ir-Regolament japplika għall-fanali ta' quddiem ta' vetturi bil-mutur li jistgħu jinkorporaw lentijiet magħmula minn materjal tal-ħġieġ jew tal-plastik.

1.   DEFINIZZJONIJIET

Għall-iskop ta' dan ir-Regolament,

1.1.    “Lenti” tfisser il-komponent li qiegħed l-aktar lejn in-naħa ta’ barra tal-fanal ta’ quddiem (unità) li jittrażmetti d-dawl minn ġol-wiċċ li jdawwal;

1.2.    “Kisja” tfisser kwalunkwe prodott jew prodotti applikati fi strat wieħed jew aktar mal-wiċċ ta’ barra ta' lenti;

“Il-fanali ta’ quddiem ta’ tipi differenti” huma fanali ta’ quddiem li jvarjaw f’aspetti essenzjali bħal:

1.3.1.   l-isem jew il-marka kummerċjali;

1.3.2.   il-karatteristiċi tas-sistema ottika;

1.3.3.   l-inklużjoni jew it-tneħħija tal-komponenti li jistgħu jbiddlu l-effetti ottiċi permezz ta’ riflessjoni, rifrazzjoni, assorbiment u/jew deformazzjoni waqt l-użu. Iżda t-tqegħid jew it-tneħħija ta’ filtri li huma maħsuba biex ibiddlu biss il-kulur tar-raġġ tad-dawl u mhux il-mod li jiġi ddistribwit id-dawl ma jikkostitwixxux bidla tat-tip;

1.3.4.   kemm huma adattati għat-traffiku li ġej min-naħa tal-lemin jew min-naħa tax-xellug jew għaż-żewġ sistemi ta’ traffiku;

1.3.5.   it-tip ta’ raġġ prodott (raġġ għaddieni, raġġ għas-sewqan jew it-tnejn);

1.3.6.   il-ħolder maħsub biex iżomm il-bozza (jew il-bozoz) ta’ wieħed mit-tipi H1, H2, H3, HB3, HB4, H7, H8, H9, HIR1, HIR2 u/jew H11 (2)  (3);

1.3.7.   il-materjali li jikkostitwixxu l-lentijiet u l-kisja, fejn japplika.

2.   L-APPLIKAZZJONI GĦALL-APPROVAZZJONI TA’ FANAL TA’ QUDDIEM (4)

L-applikazzjoni għall-approvazzjoni ta’ fanal ta’ quddiem għandha titressaq mill-proprjetarju tal-isem kummerċjali jew tat-trejdmark jew mir-rappreżentant akkreditat tiegħu. Din għandha tispeċifika:

2.1.1.   jekk il-fanal ta’ quddiem huwiex maħsub biex jipprovdi kemm raġġ għaddieni kif ukoll raġġ għas-sewqan jew wieħed biss minn dawn ir-raġġi;

jekk, ladarba l-fanal ta’ quddiem huwa maħsub biex jipprovdi raġġ għaddieni, huwiex maħsub kemm għas-sewqan fuq in-naħa tax-xellug kif ukoll fuq in-naħa tal-lemin, jew biss għas-sewqan fuq naħa waħda, jew ix-xellug jew il-lemin;

2.1.2.1.   jekk il-fanal ta’ quddiem huwa mgħammar b’riflettur li jista’ jiġi aġġustat, il-pożizzjoni(jiet) tal-immontar tal-fanal relatat mal-art u mal-pjan medjan lonġitudinali tal-vettura;

2.1.3.   il-kulur tar-raġġ li joħroġ mil-fanal;

Kull applikazzjjoni għandha tkun akkumpanjata minn:

tliet kopji tad-disinji ddettaljati biżżejjed li jippermettu l-identifikazzjoni tat-tip u li jirrappreżentaw id-dehra tal-fanal ta' quddiem, bid-dettalji tal-istrixxi (ribbing) ta’ fuq il-lenti jekk ikun hemm minn dawn, u l-angolu rett; id-disinji għandhom jindikaw l-ispazju rriservat għall-marka tal-approvazzjoni;

2.2.1.1.   jekk il-fanal ta’ quddiem ikun mgħammar b’riflettur li jista’ jiġi aġġustat, indikazzjoni tal-pożizzjoni(jiet) tal-immontar tal-fanal relatat mal-art u mal-pjan medjan lonġitudinali tal-vettura, jekk il-fanal se jintuża f’dik (dawk) il-pożizzjoni(jiet) biss;

2.2.2.   speċifikazzjoni teknika fil-qosor;

2.2.3.   żewġ kampjuni tat-tip tal-fanal ta’ quddiem;

għat-test tal-materjal tal-plastik li minnu huma magħmula l-lentijiet:

tlettax-il lenti;

2.2.4.1.1.   sitta minn dawn il-lentijiet jistgħu jiġu ssostitwiti b’sitt kampjuni ta’ materjal b’daqs mill-inqas ta’ 60 × 80 mm, li għandhom il-wiċċ ta’ barra ċatt jew konvess u b’erja sostanzjalment ċatta (bir-radju tal-kurvatura ta’ mhux inqas minn 300 mm) fin-nofs ta’ b’daqs ta’ mill-inqas 15 × 15 mm;

2.2.4.1.2.   kull lenti jew kampjun ta’ materjal ta’ dan it-tip għandha tkun prodotta bil-metodu li se jintuża fil-produzzjoni fi kwantità kbira;

2.2.4.2.   riflettur li miegħu jistgħu jitwaħħlu l-lentijiet b'konformità mal-istruzzjonijiet tal-manifattur.

2.3.   Il-materjali li minnhom huma magħmula l-lentijiet u l-kisjiet, jekk hemm, għandhom ikollhom magħhom ir-rapport tat-test tal-karatteristiċi ta’ dawn il-materjali u l-kisjiet jekk diġà ġew ittestjati.

2.4.   L-awtorità kompetenti għandha tivverifika l-eżistenza ta’ arranġamenti sodisfaċenti biex jiġu żgurati kontrolli effettivi fuq il-konformità tal-produzzjoni qabel ma tingħata l-approvazzjoni tat-tip.

3.   L-IMMARKAR (5)

3.1.   Il-fanali ta’ quddiem imressqa għall-approvazzjoni għandhom juru l-isem kummerċjali jew it-trejdmark ta’ min qed japplika.

3.2.   Għandhom jinkludu, fuq il-lenti u fuq il-parti prinċipali (6), spazji ta’ daqs suffiċjenti għall-marka tal-approvazzjoni u s-simboli addizzjonali li jissemmew fil-paragrafu 4; dawn l-ispazji għandhom ikunu indikati fid-disinji li jissemmew fil-paragrafu 2.2.1 aktar ’il fuq.

3.3.   Il-fanali ta’ quddiem maħsuba biex jissodisfaw il-kundizzjonijiet meħtieġa kemm tat-traffiku li ġej min-naħa tal-lemin u kemm ta’ dak li ġej min-naħa tax-xellug għandu jkollhom il-marki li jindikaw iż-żewġ modi għar-regolament tal-unità ottika ta’ fuq il-vettura jew tal-bozza tal-filament fuq ir-riflettur; dawn il-marki għandhom jikkonsistu fl-ittri “R/D” għall-pożizzjoni tat-traffiku li ġej min-naħa tal-lemin u fl-ittri “L/G” għall-pożizzjoni tat-traffiku li ġej min-naħa tax-xellug.

4.   L-APPROVAZZJONI

4.1.   Ġenerali

4.1.1.   Għandha tingħata l-approvazzjoni jekk il-kampjuni kollha ta’ tip ta’ fanal ta’ quddiem imressqa skont il-paragrafu 2 aktar ’il fuq jissodisfaw il-kundizzjonijiet ta’ dan ir-Regolament.

4.1.2.   Fejn il-bozoz raggruppati, magħquda jew inkorporati reċiprokament jissodisfaw il-kundizzjonijiet meħtieġa ta’ aktar minn Regolament wieħed, marka tal-approvazzjoni internazzjonali waħda tista’ titwaħħal sakemm kull waħda mill-fanali raggruppati, magħquda jew inkorporati reċiprokament tissodisfa d-dispożizzjonijiet li japplikaw għaliha.

Dan ir-rekwiżit ma għandux japplika għal fanali ta' quddiem li huma mmuntati b'bozza b'żewġ filamenti fejn huwa approvat raġġ wieħed.

4.1.3.   Għandu jingħata numru tal-approvazzjoni lil kull tip approvat. L-ewwel żewġ numri ta’ dan (fil-preżent 04) għandhom jindikaw is-serje ta’ emendi li jinkorporaw l-aktar emendi tekniċi prinċipali reċenti li saru fir-Regolament fiż-żmien li nħarġet l-approvazzjoni. L-istess Parti Kontraenti ma għandhiex tassenja l-istess numru lil tip ieħor ta’ fanal li jaqa’ taħt dan ir-Regolament, ħlief f'każ li l-approvazzjoni tkun estiża għal apparat li jvarja biss mill-apparat li diġà huwa approvat fil-kulur tad-dawl li jitfa’.

4.1.4.   L-avviż tal-approvazzjoni jew tal-estensjoni jew tar-rifjut jew tal-irtirar tal-approvazzjoni jew ta’ produzzjoni mwaqqfa għal kollox ta’ tip ta’ fanal ta’ quddiem skont dan ir-Regolament għandu jiġi kkomunikat lill-Partijiet għall-Ftehim tal-1958 li qed japplikaw dan ir-Regolament, permezz ta’ formola konformi mal-mudell fl-Anness 1 għal dan ir-Regolament, bl-indikazzjonijiet skont il-paragrafu 2.2.1.1.

4.1.5.   Minbarra l-marka preskritta fil-paragrafu 3.1, għandha titwaħħal marka tal-approvazzjoni, kif deskritta fil-paragrafi 4.2 u 4.3 aktar ’l isfel, fl-ispazji li jissemmew fil-paragrafu 3.2 aktar ’il fuq, għal kull fanal ta’ quddiem li jikkonforma ma’ tip approvat skont dan ir-Regolament.

4.2.   Il-kompożizzjoni tal-marka tal-approvazzjoni

Il-marka tal-approvazzjoni għandha tkun komposta minn:

marka tal-approvazzjoni internazzjonali li tinkludi:

4.2.1.1.   ċirku madwar l-ittra “E” segwit min-numru li jiddistingwi l-pajjiż li ta l-approvazzjoni; (7)

4.2.1.2.   in-numru tal-approvazzjoni preskritt fil-paragrafu 4.1.3 aktar ’il fuq.

Is-simbolu (jew simboli) addizzjonali li ġejjin:

4.2.2.1.   fuq fanali ta' quddiem li jissodisfaw ir-rekwiżiti ta' traffiku li ġej min-naħa tax-xellug biss, vleġġa orizzontali, li tipponta lejn il-lemin ta' osservatur li qiegħed faċċata tal-fanal ta' quddiem, jiġifieri mal-ġenb tat-triq li fiha jgħaddi t-traffiku;

4.2.2.2.   fuq il-fanali ta’ quddiem maħsuba biex jissodisfaw il-kundizzjonijiet meħtieġa taż-żewġ sistemi tat-traffiku permezz ta’ aġġustament xieraq tal-mod kif tkun irregolata l-unità ottika jew il-bozza tal-filament, vleġġa orizzontali b’ponta fuq kull naħa, bil-ponot jippuntaw rispettivament lejn ix-xellug u lejn il-lemin;

4.2.2.3.   fuq fanali ta' quddiem li jissodisfaw ir-rekwiżiti ta' dan ir-Regolament fir-rigward tar-raġġ għaddieni biss, l-ittri “HC”;

4.2.2.4.   fuq fanali ta' quddiem li jissodisfaw ir-rekwiżiti ta' dan ir-Regolament fir-rigward tar-raġġ għaddieni biss, l-ittri “HR”;

4.2.2.5.   fuq fanali ta' quddiem li jissodisfaw ir-rekwiżiti ta' dan ir-Regolament fejn għandhom x'jaqsmu kemm ir-raġġ għaddieni u r-raġġ tas-sewqan, l-ittri “HCR”;

4.2.2.6.   fuq il-fanali ta’ quddiem li jinkorporaw lenti ta’ materjal tal-plastik, il-grupp tal-ittri “PL” irid jitwaħħal ħdejn is-simboli preskritti fil-paragrafi 4.2.2.3 sa 4.2.2.5 ta’ hawn fuq;

4.2.2.7.   fuq il-fanali ta’ quddiem li jissodisfaw il-kundizzjonijiet meħtieġa ta’ dan ir-Regolament fir-rigward tar-raġġ tas-sewqan, indikazzjoni tal-intensità massima mdawla murija b’marka ta’ referenza, kif iddefinit fil-paragrafu 6.3.2.1.2 aktar ’l isfel, imqiegħda ħdejn iċ-ċirku li jdawwar l-ittra “E”; fil-każ ta’ fanali ta’ quddiem raggruppati jew inkorporati reċiprokament, indikazzjoni tal-intensità massima mdawla tar-raġġi tas-sewqan bħala unità sħiħa għandha tintwera kif inhu spjegat aktar ’il fuq.

F’kull każ il-mod operattiv rilevanti użat matul il-proċedura tat-test skont il-paragrafu 1.1.1.1 tal-Anness 5 u l-vultaġġ(i) permess(i) skont il-paragrafu 1.1.1.2 tal-Anness 5 għandhom jiġu stipulati fuq iċ-ċertifikat tal-approvazzjoni u fuq il-formola tal-komunikazzjoni trażmessi lill-pajjiżi li huma l-Partijiet Kontraenti għall-Ftehim u li japplikaw dan ir-Regolament. Fil-każijiet li jikkorrispondu, it-tagħmir għandu jiġi mmarkat kif ġej:

4.2.3.1.   fuq unitajiet li jissodisfaw ir-rekwiżiti ta' dan ir-Regolament li huma ddisinjati b'tali mod li l-filament tar-raġġ għaddieni ma jixgħelx flimkien ma’ ebda dawl ieħor li miegħu jista’ jkun reċiprokament inkorporat, għandha titqiegħed linja djagonali (/) wara s-simbolu tar-raġġ għaddieni fil-marka tal-approvazzjoni.

4.2.3.2.   fuq il-fanali ta’ quddiem li jissodisfaw ir-rekwiżiti meħtieġa tal-Anness 5 għal dan ir-Regolament biss meta jkollhom vultaġġ ta’ 6 V jew 12 V, simbolu li jikkonsisti min-numru 24 maqtugħ b’salib immejjel (×), għandu jitqiegħed ħdejn l-apparat li jżomm il-bozza tal-filament.

4.2.4.   Iż-żewġ figuri tan-numru tal-approvazzjoni (fil-preżent 04) li jindikaw is-serje tal-emendi li tinkorpora l-emendi tekniċi prinċipali l-aktar reċenti li saru lir-Regolament fiż-żmien li nħarġet l-approvazzjoni u, jekk hemm bżonn il-vleġġa meħtieġa, jistgħu jiġu mmarkati viċin is-simboli addizzjonali msemmija hawn fuq.

4.2.5.   Il-marki u s-simboli msemmija fil-paragrafi 4.2.1 u 4.2.2 iridu jkunu jinqraw b’mod ċar u ma jitħassrux anki meta l-fanal ikun imwaħħal fuq il-vettura.

4.3.   L-arranġament tal-marka tal-approvazzjoni

4.3.1.   Fanali indipendenti

Id-dijagrammi minn 1 - 9 fl-Anness 3, juru eżempji tal-arranġamenti tal-marki tal-approvazzjoni bis-simboli addizzjonali msemmija hawn fuq.

Il-fanali raggruppati, ikkombinati jew reċiprokament inkorporati

Fejn il-fanali raggruppati, ikkombinati jew inkorporati reċiprokament jinstabu li jikkonformaw mar-rekwiżiti ta’ diversi Regolamenti, tista’ titwaħħal marka tal-approvazzjoni internazzjonali waħda, li tikkonsisti f’ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u numru tal-approvazzjoni. Din il-marka tal-approvazzjoni tista’ titqiegħed fuq kwalunkwe parti tal-bozoz raggruppati, ikkombinati jew inkorporati reċiprokament, sakemm:

4.3.2.1.1.   tkun viżibbli wara li jiġu installati,

4.3.2.1.2.   l-ebda parti mill-fanali raggruppati, ikkombinati jew inkorporati reċiprokament li tittrażmetti d-dawl ma tista’ titneħħa mingħajr, fl-istess ħin, ma titneħħa l-marka tal-approvazzjoni.

Is-simbolu ta’ identifikazzjoni għal kull fanal allokat għal kull Regolament li skontu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali l-aktar riċenti għar-Regolament fiż-żmien tal-ħruġ tal-approvazzjoni, u jekk hemm bżonn, il-vleġġa meħtieġa għandhom ikunu mmarkati:

jew:

4.3.2.2.1.   fuq il-wiċċ relevanti li jagħti d-dawl,

jew

4.3.2.2.2.   fi grupp, b’mod li kull wieħed mill-fanali raggruppati, magħquda jew inkorporati reċiprokament jista’ jkun identifikat b’mod ċar (ara l-erba’ eżempji fl-Anness 3).

4.3.2.3.   Id-daqs tal-komponenti ta’ marka waħda tal-approvazzjoni ma għandux ikun inqas mid-daqs minimu meħtieġ għall-iċken fost il-marki individwali permezz tar-Regolament li taħtu ngħatat l-approvazzjoni.

4.3.2.4.   Għandu jingħata numru tal-approvazzjoni lil kull tip approvat. L-istess Parti Kontraenti ma tistax tagħti dan l-istess numru lil tip ieħor ta’ fanali raggruppati, magħquda jew inkorporati reċiprokament, skont ir-Regolament preżenti.

4.3.2.5.   Id-dijagramma 10 tal-Anness 3 għal dan ir-Regolament tagħti l-eżempji tal-arranġamenti tal-marki tal-approvazzjoni għall-fanali raggruppati, magħquda jew inkorporati reċiprokament bis-simboli addizzjonali kollha msemmija hawn fuq.

Il-fanali, li l-lenti tagħhom hi użata għal tipi differenti ta' fanali u li jistgħu jiġu reċiprokament inkorporati jew raggruppati ma' fanali oħrajn

Id-dispożizzjonijiet stabbiliti fil-paragrafu 4.3.2 hawn fuq huma applikabbli.

4.3.3.1.   Barra dan, fejn tintuża l-istess lenti, din tal-aħħar jista’ jkollha fuqha marki ta’ approvazzjoni differenti marbutin mat-tipi differenti ta’ fanali ta’ quddiem jew ta’ unitajiet ta’ fanali, sakemm il-parti prinċipali tal-fanali ta’ quddiem, anki jekk ma tistax tiġi sseparata mil-lenti, tinkludi wkoll l-ispazju deskritt fil-paragrafu 3.2 ta’ hawn fuq u jkollha l-marki ta’ approvazzjoni tal-funzjonijiet proprji.

Jekk tipi differenti ta’ fanali ta’ quddiem jinkludu l-istess parti prinċipali, din tal-aħħar tista’ tingħata marki tal-approvazzjoni differenti.

4.3.3.2.   Id-dijagramma 11 tal-Anness 3 għal dan ir-Regolament tagħti eżempji tal-arranġamenti tal-marki tal-approvazzjoni marbutin mal-każ imsemmi hawn fuq.

B.   IL-KUNDIZZJONIJIET TEKNIĊI MEĦTIEĠA GĦALL-FANALI TA’ QUDDIEM (8)

5.   L-ISPEĊIFIKAZZJONIJIET ĠENERALI

5.1.   Kull kampjun għandu jikkonforma mal-ispeċifikazzjonijiet imsemmija fil-paragrafi minn 6 sa 8 aktar ’l isfel.

Il-fanali ta’ quddiem għandhom ikunu magħmula b’mod li jżommu l-karatteristiċi fotometriċi preskritti tagħhom u li jibqgħu jaħdmu tajjeb meta jkunu użati b’mod normali, minkejja l-vibrazzjonijiet li jistgħu jiġu suġġetti għalihom.

5.2.1.   Il-fanali ta' quddiem għandhom ikunu mgħammra bi strument li bih jistgħu jkunu aġġustati fuq il-vetturi sabiex jikkonformaw mar-regoli applikabbli għalihom. Strument bħal dan ma għandux għalfejn jitwaħħal fuq komponenti li fihom ir-riflettur u l-lenti tat-tixrid ma jistgħux jiġu sseparati, sakemm l-użu ta’ unitajiet bħal dawn isir biss f’vetturi li fuqhom il-mod kif jistgħu jiġu rregolati l-fanali ta’ quddiem jista’ jiġi aġġustat b’xi mezzi oħra. Fejn fanal ta’ quddiem li jipprovdi raġġ għas-sewqan u fanal ta’ quddiem li jipprovdi raġġ għaddieni, kull wieħed minnhom mgħammar bil-bozza tal-filament tiegħu, jkunu mmuntati biex jifformaw unità komposta, l-istrument li jaġġusta għandu jippermetti li kull sistema ottika tista’ tiġi aġġustata b’mod individwali kif ikun hemm bżonn. Madankollu, dawn id-dispożizzjonijiet ma għandhomx japplikaw għall-unitajiet ta' fanali ta’ quddiem li r-rifletturi tagħhom mhumiex separabbli minn ma’ xulxin. Għal dan it-tip ta’ unità japplikaw ir-rekwiżiti tal-paragrafu 6 ta' hawn taħt.

5.3.   Il-komponenti li permezz tagħhom il-bozza/bozoz bil-filament titwaħħal/jitwaħħlu mar-riflettur għandhom ikunu mfassla b'tali mod li, anki fid-dlam, il-bozza bil-filament ma tkun tista' titwaħħal f'ebda pożizzjoni ħlief f'dik it-tajba (9).

Il-ħowlder tal-bozza bil-filament għandu jikkonforma mal-karatteristiċi dimensjonali kif spjegat fil-folji ta' dejta li ġejjin tal-Pubblikazzjoni tal-IEC 61-2:

Bozoz tal-filament	Ħowlder	Il-folji tad-dejta
H1	P 14,5s	7005-46-3
H2	X 5111	7005-99-2
H3	PK 22s	7005-47-1
HB3	P 20d	7005-31-1
HB4	P 22d	7005-32-1
H7	PX 26d	7005-5-1
H8	PG 17	7005-110-1
HIR1	PX 20d	7005-…-1
HIR2	PX 22d	7005-…-.
H9	PGJ 19-5	7005-110-1
H11	PGJ 19-2	7005-110-1

5.4.   Il-fanali ta’ quddiem iddisinjati biex jissodisfaw il-kundizzjonijiet meħtieġa kemm tat-traffiku li ġej min-naħa tal-lemin u kemm ta’ dak li ġej min-naħa tax-xellug jistgħu jiġu adattati għat-traffiku li ġej minn naħa speċifika tat-triq jew permezz ta’ ssettjar inizjali xieraq meta jkunu qegħdin jitwaħħlu mal-vettura, jew permezz ta’ ssettjar magħżul mill-utent. Din l-issettjar inizjali jew magħżul wara jista’ jikkonsisti, pereżempju, mit-twaħħil jew tal-unità ottika mal-vettura b’angolu speċifikat jew tal-bozza tal-filament b’angolu speċifikat f’relazzjoni għall-unità ottika. Fil-każijiet kollha, għandhom ikunu possibbli biss żewġ pożizzjonijiet preċiżi ta' ssettjar, waħda għat-traffiku li ġej min-naħa tal-lemin u waħda għat-traffiku li ġej min-naħa tax-xellug, u d-disinn għandu jipprekludi ċ-ċaqliq involontarju tal-fanal ta' quddiem minn pożizzjoni waħda għall-oħra jew it-tqegħid tiegħu f'pożizzjoni intermedja. Fejn huma pprovduti żewġ modi differenti ta’ kif tkun issettjata l-bozza bil-filament, il-komponenti għat-twaħħil tal-bozza bil-filament mar-riflettur iridu jiġu ddisinjati u mmanifatturati b’tali mod li, f’kull waħda miż-żewġ modi ta’ ppustjar, il-bozza bil-filament tinżamm fil-pożizzjoni bil-preċiżjoni meħtieġa għall-fanali ta’ quddiem maħsuba għat-traffiku li ġej min-naħa waħda biss tat-triq. Il-konformità mar-rekwiżiti ta' dan il-paragrafu għandha tiġi vverifikata viżwalment u, fejn meħtieġ, b'immuntar bi prova.

Fuq il-bozoz ta’ quddiem maħsuba biex jipprovdu alternattivament raġġ għas-sewqan u raġġ għaddieni, kwalunkwe strument mekkaniku, elettromekkaniku jew ta’ xi tip ieħor inkorporat fil-bozza ta’ quddiem sabiex isir bdil minn raġġ għall-ieħor (10) irid jkun mibni b’mod li:

5.5.1.   l-istrument ikun b’saħħtu biżżejjed biex jitħaddem għal 50 000 darba mingħajr ma jsofri ħsara minkejja l-vibrazzjoni li għaliha jista’ jiġi soġġett waqt l-użu normali;

5.5.2.   fil-każ li ma jibqax jaħdem huwa possibbli li jikseb tar-raġġ għaddieni awtomatikament;

5.5.3.   jew ir-raġġ għaddieni jew ir-raġġ għas-sewqan jistgħu dejjem jinkisbu mingħajr kwalunkwe possibbiltà li l-mekkaniżmu jieqaf bejn iż-żewġ pożizzjonijiet;

5.5.4.   l-utent ma jistax, permezz ta’ għodod ordinarji, ibiddel il-forma jew il-pożizzjoni tal-partijiet li jiċċaqalqu.

5.6.   Għandhom jitwettqu testijiet komplementari skont il-kundizzjonijiet meħtieġa tal-Anness 5 sabiex ikun żgurat li waqt l-użu ma jkun hemm l-ebda bidla eċċessiva fit-turija fotometrika.

5.7.   Jekk il-lenti tal-bozza ta’ quddiem hija magħmula minn materjal tal-plastik, it-testijiet għandhom jitwettqu skont il-kundizzjonijiet meħtieġa tal-Anness 6.

6.   L-ILLUMINAZZJONI

6.1.   Dispożizzjonijiet Ġenerali

6.1.1.   Il-bozoz ta' quddiem għandhom ikunu magħmula b'tali mod li bil-bozoz tal-filament xierqa H1, H2, H3, HB3, HB4, H7, H8, H9, HIR1, HIR2 u/jew H11 jipprovdu illuminazzjoni adegwata mingħajr ma tgħammex l-għajnejn fil-każ ta' raġġ għaddieni u illuminazzjoni tajba fil-każ tar-raġġ tas-sewqan.

6.1.2.   L-illuminazzjoni li tiġi mill-fanal ta' quddiem għandha tkun iċċekkjata fuq skrin vertikali mqiegħed 25 m ’il quddiem mill-bozza ta’ quddiem u f’angolu rett mal-assi tagħha (Ara l-Anness 4).

6.1.3.   Il-fanali ta' quddiem għandhom ikunu vverifikati permezz ta' (a) bozza (bozoz) tal-filament (referenza) standard mfassla għal vultaġġ imkejjel ta' 12 V, xi filtri selettivi-sofor (11) li għandhom jinbidlu b'filtri ġeometrikament identiċi mhux ikkuluriti b'fattur tat-trasmissjoni ta' mill-anqas 80 fil-mija. Matul il-verifika tal-fanal ta' quddiem il-vultaġġ fit-terminali tal-bozza bil-filament għandu jkun irregolat b'tali mod li jinkisbu l-karatteristiċi li ġejjin:

Bozoz tal-filament	Il-provvista approssimattiva tal-vultaġġ (f'V) għall-qisien	Il-fluss tad-dawl (f'lumens)
H1	12	1 150
H2	12	1 300
H3	12	1 100
HB3	12	1 300
HB4	12	825
H7	12	1 100
H8	12	600
HIR1	12	1 840
HIR2	12	1 355
H9	12	1 500
H11	12	1 000

Il-fanal ta' quddiem għandha titqies sodisfaċenti jekk ir-rekwiżiti fotometriċi huma ssodisfati b'minn tal-inqas lampa tal-filament standard (referenza) waħda ta' 12-volt li għandha tingħata mal-fanal ta' quddiem.

6.1.4.   Id-dimensjonijiet li jiddeterminaw il-pożizzjoni tal-filamenti ġewwa l-bozza bil-filament standard huma murija fid-dokumenti tad-dejta relevanti ta' dan id-dokument Nru 37.

6.1.5.   Il-bozza tal-bozza tal-filament standard għandha tkun ta' forma u kwalità ottika tali li ma tikkawżax kwalunkwe riflessjoni jew refrazzjoni li taffettwa d-distribuzzjoni tad-dawl. Il-konformità ma' dan ir-rekwiżit għandha tkun iċċekkjata bil-kejl tad-distribuzzjoni tad-dawl miksuba meta fanal ta' quddiem (referenza) standard jiġi mgħammar b'bozza tal-filament (referenza) standard.

6.2.   Id-dispożizzjonijiet dwar ir-raġġ għaddieni

6.2.1.   Ir-raġġ għaddieni irid jipproduċi “punt ta’ waqfien” definit biżżejjed li jippermetti aġġustament sodisfaċenti bl-għajnuna tiegħu. Il-“punt ta’ waqfien” irid ikun linja dritta orizzontali fuq in-naħa opposta għad-direzzjoni tat-traffiku li għalih huwa intenzjonat il-fanal ta’ quddiem; fuq in-naħa l-oħra ma tridx testendi lil hinn la mil-linja miksura HV H1 H4 ifformata minn linja dritta HV H1 f’angolu ta’ 45 mal-linja orizzontali u l-linja dritta H1 H4, 25 ċm ’il fuq mil-linja dritta hh, u lanqas lil hinn mil-linja dritta HV H3, inklinata b’angolu ta’ 15° ’il fuq mill-orizzontali (ara l-Anness 4). Punt ta’ waqfien li jestendi lil hinn kemm mil-linja HV H2 u kemm mil-linja H2 H4 u li jirriżulta mill-għaqda taż-żewġ possibbiltajiet ta’ aktar ’il fuq ma għandu jkun permess fl-ebda ċirkostanza.

Il-bozza ta’ quddiem għandha tkun immirata b’mod li:

6.2.2.1.   fil-każ tal-fanali ta’ quddiem iddisinjati biex jissodisfaw il-kundizzjonijiet meħtieġa tat-traffiku li ġej min-naħa tal-lemin, il-“punt ta’ waqfien” fuq in-nofs xellugi tal-iskrin (12) huwa orizzontali u, fil-każ tal-fanali ta’ quddiem iddisinjati li jissodisfaw il-kundizzjonijiet meħtieġa ta’ traffiku li ġej min-naħa tax-xellug, il-“punt ta’ waqfien” fuq in-nofs lemini tal-iskrin huwa orizzontali;

6.2.2.2.   din il-parti orizzontali tal-“punt ta’ waqfien” tinsab fuq l-iskrin 25 ċm ’l isfel mil-linja hh (ara l-Anness 4);

6.2.2.3.   il-“minkeb” tal-“punt ta’ waqfien” jinsab fuq il-linja vv (13).

6.2.3.   Meta tkun immirata b’dan il-mod, il-fanal ta’ quddiem jeħtieġ, jekk l-approvazzjoni tiegħu hija mfittxa biss biex tipprovdi raġġ għaddieni (14), tikkonforma biss mar-rekwiżiti msemmija fil-paragrafi minn 6.2.5 sa 6.2.7 aktar ’l isfel; jekk hija intenzjonata biex tipprovdi kemm raġġ għaddieni u kemm raġġ għas-sewqan, din għandha tikkonforma mer-rekwiżiti msemmija fil-paragrafi minn 6.2.5 sa 6.2.7 u 6.3.

6.2.4.   Fejn il-fanal ta’ quddiem immirat b’dan il-mod ma jissodisfax ir-rekwiżiti msemmija fil-paragrafi minn 6.2.5 sa 6.2.7 u 6.3, jista’ jitbiddel l-allinjament tiegħu, sakemm l-assi tar-raġġ mhuwiex imċaqlaq lateralment b’aktar minn 1° (= 44 ċm) lejn il-lemin jew lejn ix-xellug (15). Biex jiġi ffaċilitat l-allinjament permezz tal-“punt ta’ waqfien”, il-fanal ta’ quddiem jista’ jiġi parzjalment mgħotti sabiex il-“punt ta’ waqfien” isir aktar definit.

6.2.5.   L-illuminazzjoni li tiġi mir-raġġ għaddieni fuq l-iskrin għandha tissodisfa r-rekwiżiti li ġejjin:

Il-punt fuq l-iskrin tal-kejl				L-illuminazzjoni neċessarja f’lux
Fanali ta' quddiem għal traffiku tan-naħa tal-lemin		Fanali ta' quddiem għal traffiku tan-naħa tax-xellug
Punt B	50 L	Punt B	50 R	≤ 0.4
Punt 75	R	Punt 75	L	≥ 12
Punt 75	L	Punt 75	R	≤ 12
Punt 50	L	Punt 50	R	≤ 15
Punt 50	R	Punt 50	L	≥ 12
Punt 50	V	Punt 50	V	≥ 6
Punt 25	L	Punt 25	R	≥ 2
Punt 25	R	Punt 25	L	≥ 2
Kwalunkwe punt fiż-żona III				≤ 0.7
Kwalunkwe punt fiż-żona IV				≥ 3
Kwalunkwe punt fiż-żona I ≤ 2 x (E50R or E50L) (*1)

6.2.6.   Ma għandu jkun hemm l-ebda varjazzjoni laterali li tnaqqas mill-viżibilità tajba fi kwalunkwe waħda miż-żoni I, II, III u IV.

6.2.7.   Il-valuri tal-illuminazzjoni fiż-żoni “A” u “B” kif murija fid-Dijagramma C fl-Anness 4 għandhom jiġu kkontrollati mill-kejl tal-valuri fotometriċi tal-punti minn 1 sa 8 fuq din id-dijagramma; dawn il-valuri għandhom jaqgħu fil-limiti li ġejjin:

1 + 2 + 3 ≥ 0,3 lux, u

4 + 5 + 6 ≥ 0,6 lux, u

0,7 lux ≥ 7 ≥ 0,1 lux u

0,7 lux ≥ 8 ≥ 0,2 lux

Dawn il-valuri l-ġodda mhumiex meħtieġa għall-fanali ta' quddiem li kienu approvati qabel id-data tal-applikazzjoni tas-Suppliment 4 tas-serje 04 tal-emendi ta' dan ir-Regolament (it-13 ta' Jannar 1993) lanqas għall-estensjonijiet ta' dawn l-approvazzjonijiet (16).

6.2.8.   Il-fanali ta’ quddiem maħsuba biex jissodisfaw ir-rekwiżiti kemm tat-traffiku li ġej min-naħa tal-lemin u kemm ta’ dak li min-naħa tax-xellug iridu f’kull waħda miż-żewġ pożizzjonijiet kif tkun irregolata l-unità ottika jew il-bozza tal-filament, jissodisfaw ir-rekwiżiti stabbiliti aktar ’il fuq għad-direzzjoni tat-traffiku li tikkorrispondi.

6.3.   Id-dispożizzjonijiet rigward ir-raġġi tas-sewqan

6.3.1.   Fil-każ ta’ fanal ta’ quddiem maħsub biex jipprovdi raġġ tas-sewqan u raġġ għaddieni, għandhom jittieħdu l-qisien tal-illuminazzjoni li tiġi fuq l-iskrin mir-raġġ tas-sewqan bl-istess allinjament tal-bozza ta’ quddiem kif sar għall-qisien taħt il-paragrafi minn 6.2.5 sa 6.2.7 aktar ’il fuq; fil-każ ta’ fanal ta’ quddiem li jipprovdi biss raġġ tas-sewqan, għandu jkun aġġustat b’mod li l-erja tal-illuminazzjoni massima hija ċċentrata fuq il-punt tal-intersezzjoni tal-linji hh u vv; fanal ta’ quddiem bħal dan hemm bżonn li jissodisfa r-rekwiżiti li jissemmew fil-paragrafu 6.3 biss.

L-illuminazzjoni li tiġi fuq l-iskrin mir-raġġ tas-sewqan għandha tissodisfa r-rekwiżiti li ġejjin:

il-punt tal-intersezzjoni (HV) tal-linji hh u vv għandu jinsab fl-isolux bi 80 perċentwal tal-illuminazzjoni massima. Dan il-valur massimu (EM) ma għandux ikun inqas minn 48 lux; Il-valur massimu ma għandu fl-ebda każ jaqbeż il-240 lux; barra minn dan, fil-każ ta’ fanal ta’ quddiem li huwa kemm (tad-dawl) il-baxx u kemm tas-sewqan, dan il-valur massimu ma għandux ikun ta’ aktar minn 16-il darba l-illuminazzjoni mkejla għar-raġġ għaddieni fil-punt 75 R (jew 75 L).

6.3.2.1.1.   l-intensità massima (IM) tar-raġġ tas-sewqan espressa f’eluf ta’ kandelas għandha tiġi kkalkulata permezz tal-formula:

6.3.2.1.2.   il-marka ta’ referenza (I'M) li tindika din l-intensità massima u li tissemma fil-paragrafu 4.2.2.7. aktar ’il fuq, għandha tinkiseb permezz tal-formula:

dan il-valur għandu jitqarreb għal kwalunkwe wieħed li l-aktar viċin ta' dawn li ġejjin: 7,5, 10, 12,5, 17,5, 20, 25, 27,5, 30, 37,5, 40, 45, 50.

6.3.2.2.   Jibda mill-punt HV, orizzontalment lejn il-lemin u x-xellug l-illuminazzjoni ma għandhiex tkun inqas minn 24-il lux sa distanza ta' 1,125 m u mhux inqas minn sitta lux sa distanza ta' 2,25 m.

Fil-każ tal-fanali ta’ quddiem b’riflettur li jista’ jiġi aġġustat huma applikabbli r-rekwiżiti tal-paragrafi 6.2 u 6.3 għal kull pożizzjoni tal-immontar kif indikata skont il-paragrafu 2.1.3. Għandha tintuża l-proċedura li ġejja għall-verifika:

6.4.1.   kull pożizzjoni applikata hija rrealizzata fuq il-gonjometru tat-test fir-rigward ta’ linja li tgħaqqad iċ-ċentru tas-sors tad-dawl mal-punt HV fuq skrin għall-mira. Ir-riflettur li jista’ jiġi aġġustat imbagħad jiġi mċaqlaq f’pożizzjoni tali li d-disinn tad-dawl fuq l-iskrin jikkorrispondi mal-preskrizzjonijiet tal-mira tal-paragrafi minn 6.2.1 sa 6.2.2.3 u/jew 6.3.1;

6.4.2.   bir-riflettur inizjalment imwaħħal skont il-paragrafu 6.4.1, il-fanal ta’ quddiem irid jissodisfa r-rekwiżiti fotometriċi rilevanti tal-paragrafi 6.2 u 6.3;

6.4.3.   it-testijiet addizzjonali jitwettqu wara li r-riflettur jitressaq vertikalment ± -2 gradi jew tal-inqas fil-pożizzjoni massima, jekk inqas minn 2°, mill-pożizzjoni inizjali tiegħu permezz tal-istrument li jaġġusta l-fanal ta’ quddiem. Wara li terġa’ tiġi mmirata l-bozza ta’ quddiem kollha kemm hi (permezz tal-gonjometru pereżempju) fid-direzzjoni opposta li tikkorrispondi tal-prodott tad-dawl fid-direzzjonijiet li ġejjin, għandha tiġi kkontrollata u tibqa’ fil-limiti neċessarji: ir-raġġ għaddieni:

il-punti HV u 75 R (75 L rispettivament);

ir-raġġ tas-sewqan: IM u l-punt HV (perċentwali ta’ IM).

6.4.4.   jekk min qed japplika indika aktar minn pożizzjoni waħda għall-immontar, il-proċedura tal-paragrafi minn 6.4.1 sa 6.4.3 għandha tkun irripetuta għall-pożizzjonijiet l-oħra kollha;

6.4.5.   jekk min qed japplika ma talabx għal pożizzjonijiet speċjali għall-immontar, il-fanal ta’ quddiem għandu jiġi mmirat għall-kejl tal-paragrafi 6.2 u 6.3 bl-istrument li bih jistgħu jiġu aġġustati l-fanali ta’ quddiem fil-pożizzjoni intermedja tiegħu. It-testijiet addizzjonali tal-paragrafu 6.4.3 għandhom isiru bir-riflettur imċaqlaq lejn il-pożizzjonijiet estremi tiegħu (minflok +/-2°) permezz tal-istrument li bih jistgħu jiġu aġġustati l-fanali ta’ quddiem.

6.5.   Il-valuri tal-illuminazzjoni tal-iskrin imsemmija fil-paragrafi minn 6.2.5 sa 6.2.7 u 6.3 hawn fuq għandhom jitkejlu permezz ta’ fotoreċettur, li l-erja effettiva tiegħu għandha tinżamm fi kwadru bi ġnub ta’ 65 mm.

7.   REKWIŻITI LI JIKKONĊERNAW LENTIJIET TAL-KULUR U FILTRI

7.1.   Approvazzjoni tista' tinkiseb għall-fanali ta' quddiem li jitfgħu dwal bojod jew isfar selettiv ma' bozza tal-filament.

Espressi f'koordinati trikromatiċi CIE, il-karatteristiċi tal-kuluri kolorimetriċi huma kif ġej:

Filtru selettiv isfar (skrin jew lenti)

Limitu lejn l-aħmar	y ≥ 0,138 + 0,580 x
Limitu lejn l-aħdar	y ≤ 1,29 x – 0,100
Limitu lejn l-abjad	y ≥ – x + 0,966
Limitu lejn valur spettrali	y ≤ – x + 0,992

li jista' jiġi espress kif ġej:

mewġiet elettromanjetiċi dominanti:	575–585 nm
fattur ta' purità:	0,90–0,98

Il-fattir tat-trażmissjoni għandu jkun ≥ 0,78 meta jkun iddeterminat permezz ta' sors b'temperatura ta' kulur ta' 2 856K (17)

7.2.   Il-filtru għandu jkun parti mill-fanal ta' quddiem, u għandu jingħaqad magħha b'tali mod li l-utent ma jistax ineħħih jew bi żball jew, b'għodod ordinarji, intenzjonalment.

8.   IL-KEJL TAL-ISKONFORT

Għandu jitkejjel l-iskonfort ikkawżat mir-raġġ għaddieni tal-fanali ta’ quddiem (18).

9.   IL-FANAL TA' QUDDIEM STANDARD (19)

Fanal ta’ quddiem jitqies bħala fanal ta’ quddiem (referenza) standard jekk:

9.1.   jissodisfa r-rekwiżiti msemmija hawn fuq għall-approvazzjoni;

9.2.   għandu djametru effettiv ta' mhux inqas minn 160 mm;

jipprovdi b'bozza bil-filament standard, fil-punti varji u fl-ispazji varji msemmija fil-paragrafu 6.2.5, illuminazzjoni ugwali għal:

9.3.1.   mhux iktar minn 90 fil-mija tal-limiti massimi u

9.3.2.   mhux inqas minn 120 fil-mija tal-limiti massimi preskritti fit-tabella fil-paragrafu 6.2.5.

10.   OSSERVAZZJONI LI TIKKONĊERNA L-KULUR

Minħabba li tingħata kull approvazzjoni skont dan ir-Regolament, skont il-paragrafu 7.1 hawn fuq, għal tip ta' fanal ta' quddiem li jitfa' jew raġġ ta' dawl abjad jew dawl isfar selettiv, l-Artikolu 3 tal-Ftehim li miegħu huwa anness ir-Regolament ma għandux jimpedixxi l-Partijiet Kontraenti milli jipprojbixxu fanali ta' quddiem li jitfgħu raġġ ta' dawl abjad jew isfar selettiv fuq vetturi reġistrati minnhom.

C.   DISPOŻIZZJONIJIET AMMINISTRATTIVI OĦRA

11.   IL-MODIFIKAZZJONI U L-ESTENSJONI TAL-APPROVAZZJONI TAT-TIP TA’ FANAL

Kull modifika fit-tip tal-fanal ta’ quddiem għandha tiġi mgħarrfa lid-dipartiment amministrattiv li approva t-tip ta' fanal ta’ quddiem. Id-dipartiment jista’ mbagħad jew:

11.1.1.   iqis li mhux probabbli li l-modifiki li saru se jkollhom effett avvers apprezzabbli u li fi kwalunkwe każ il-fanal xorta huwa konformi mar-rekwiżiti; jew

11.1.2.   jitlob lis-servizz tekniku responsabbli li jagħmel it-test biex dan jagħmel rapport ieħor dwar it-testijiet.

11.2.   Konferma jew rifjut ta’ approvazzjoni, li tispeċifika l-alterazzjonijiet, għandha tkun ikkomunikata bil-proċedura speċifikata fil-paragrafu 4.1.4 ta’ hawn fuq lill-Partijiet għall-Ftehim li japplikaw dan ir-Regolament.

11.3.   L-awtorità kompetenti li toħroġ l-estensjoni ta’ approvazzjoni għandha tagħti numru ta’ serje għal estensjoni bħal din u tgħarraf dan lill-Partijiet l-oħra għall-Ftehim tal-1958 li japplikaw dan ir-Regolament permezz ta’ formula ta’ komunikazzjoni li taqbel mal-mudell fl-Anness 1 ta’ dan ir-Regolament.

12.   KONFORMITÀ TAL-PRODUZZJONI

12.1.   Il-fanali ta’ quddiem approvati taħt dan ir-Regolament għandhom jiġu mmanifatturati b’mod li jikkonformaw mat-tip approvat billi jissodisfaw ir-rekwiżiti stabbiliti fil-paragrafi 6 u 7.

12.2.   Sabiex jiġi vverifikat li r-rekwiżiti tal-paragrafu 12.1 ġew ssodisfati, għandhom isiru kontrolli adegwati tal-produzzjoni.

Il-pussessur tal-approvazzjoni għandu, b’mod partikolari:

12.3.1.   jassigura l-eżistenza ta’ proċeduri għal kontroll effettiv tal-kwalità tal-prodotti;

12.3.2.   ikollu aċċess għat-tagħmir ta’ kontroll meħtieġ għall-verifika tal-konformità ma’ kull tip approvat;

12.3.3.   jiżgura li d-dettalji tar-riżultati tat-testijiet huma rreġistrati u li d-dokumenti relatati għandhom jibqgħu disponibbli għal perjodu li għandu jiġi ddeterminat f'konformità mas-servizz amministrattiv;

12.3.4.   janalizza r-riżultati ta' kull tip ta' test, sabiex jikkontrolla u jiżgura l-istabbiltà tal-karatteristiċi tal-prodott filwaqt li jagħmel konċessjoni għal varjazzjoni fil-fabbrikazzjoni industrijali;

12.3.5.   jiżgura illi, għal kull tip ta' prodott jitwettqu mill-inqas it-testijiet preskritti fl-Anness 2 ma’ dan ir-Regolament,

12.3.6.   Jiżgura li kull ġbir ta’ kampjuni li jagħti evidenza ta’ nuqqas ta’ konformità mat-tip tat-test ikkunsidrat għandu jagħti lok għal kampjunar ieħor u test ieħor. Il-passi kollha meħtieġa għandhom jittieħdu sabiex terġa’ tiġi stabbilita l-konformità tal-produzzjoni korrispondenti.

L-awtorità kompetenti li tat l-approvazzjoni tat-tip tista’ meta jidhrilha tivverifika l-metodi ta' kontroll dwar il-konformità applikabbli għal kull unità ta' produzzjoni.

12.4.1.   F’kull spezzjoni, il-kotba tat-test u r-rekords tal-produzzjoni għandhom jiġu ppreżentati lill-ispettur li jkun qed iżur.

12.4.2.   L-ispettur jista’ jagħżel b'mod każwali kampjuni li jridu jiġu ttestjati fil-laboratorju tal-manifattur. In-numru minimu ta’ kampjuni jista’ jiġi determinat fid-dawl tar-riżultati tal-kontrolli tal-manifattur stess.

12.4.3.   Meta l-livell tal-kwalità ma jidhirx sodisfaċenti jew jidher li hemm bżonn li tiġi ppruvata l-validità tat-testijiet li jkunu saru bl-applikazzjoni tal-paragrafu 12.4.2 hawn fuq, l-ispettur għandu jagħżel il-kampjuni, li għandhom jintbagħtu lis-servizz tekniku li jkun wettaq il-provi tal-approvazzjoni tat-tip billi jintużaw il-kriterji tal-Anness 7.

12.4.4.   L-awtorità kompetenti tista' twettaq kwalunkwe test stabbilit f'dan ir-Regolament. Dawn it-testijiet se jsiru fuq kampjuni magħżula b'mod każwali mingħajr ma jikkawżaw distorzjoni tal-impenni ta' kunsinna tal-manifattur u b'konformità mal-kriterji tal-Anness 7.

12.4.5.   L-aworità kompetenti għandha tagħmel ħilitha biex tikseb frekwenza ta' spezzjoni ta' darba kull sentejn. Madankollu, dan huwa fid-diskrezzjoni tal-awtorità kompetenti u l-fiduċja tagħhom fl-arranġamenti biex ikun assigurat kontroll effettiv tal-konformità ta' produzzjoni. Fil-każ fejn jiġu rreġistrati riżultati negattivi, l-awtorità kompetenti għandha tiżgura li jittieħdu l-passi kollha meħtieġa sabiex tkun stabbilita mill-ġdid il-konformità tal-produzzjoni mill-aktar fis possibbli.

12.5.   Il-fanali ta’ quddiem b’difetti evidenti jitwarrbu.

12.6.   Il-marka ta’ referenza ma titqiesx.

13.   SANZJONIJIET GĦAL NUQQAS TA’ KONFORMITÀ TAL-PRODUZZJONI

13.1.   L-approvazzjoni mogħtija fir-rigward ta’ tip ta’ fanal ta’ quddiem skont dan ir-Regolament tista’ tiġi rtirata jekk ma hemmx konformità mar-rekwiżiti jew jekk fanal ta’ quddiem li għandu l-marka tal-approvazzjoni ma jikkonformax mat-tip approvat.

13.2.   Jekk Parti Kontraenti għall-Ftehim li qed tapplika dan ir-Regolament tirtira l-approvazzjoni li kienet tat qabel, għandha minnufih tavża b'dan lill-Partijiet Kontraenti l-oħra li qed japplikaw dan ir-Regolament permezz ta' formola ta' komunikazzjoni konformi mal-mudell fl-Anness 1 ta' dan ir-Regolament.

14.   PRODUZZJONI MWAQQFA GĦAL KOLLOX

Jekk id-detentur tal-approvazzjoni jieqaf kompletament milli jimmanifattura tip ta’ fanal ta’ quddiem approvat skont dan ir-Regolament, għandu jinforma b’dan lill-awtorità li tat l-approvazzjoni. Meta tirċievi l-komunikazzjoni rilevanti, dik l-awtorità għandha tinforma b’dan lill-Partijiet l-oħra għall-Ftehim tal-1958 li qed japplikaw dan ir-Regolament permezz ta’ formola tal-komunikazzjoni konformi mal-mudell fl-Anness 1 għal dan ir-Regolament.

15.   ISMIJIET U INDIRIZZI TA’ SERVIZZI TEKNIĊI RESPONSABBLI MIT-TMEXXIJA TA’ TESTIJIET TA’ APPROVAZZJONI U TAD-DIPARTIMENTI AMMINISTRATTIVI

Il-Partijiet għall-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet tal-approvazzjoni, u tad-dipartimenti amminstrattivi li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni maħruġa f’pajjiżi oħra.

16.   DISPOŻIZZJONIJIET TRANŻITORJI

16.1.   Wara sitt xhur wara d-data uffiċjali tad-dħul fis-seħħ tar-Regolament Nru 112, il-Patijiet Kontraenti li qed japplikaw dan ir-Regolament għandhom jieqfu jagħtu approvazzjonijiet ECE skont dan ir-Regolament.

16.2.   Il-Partijiet Kontraenti li japplikaw dan ir-Regolament ma għandhomx jirrifjutaw li jagħtu estensjonijiet ta’ approvazzjoni lil dan u kwalunkwe serje preċedenti ta’ emendi ta' dan ir-Regolament.

16.3.   Approvazzjonijiet ECE mogħtija skont dan ir-Regolament qabel id-data tad-dħul fis-seħħ tar-Regolament Nru 112 u l-estensjonijiet kollha ta’ approvazzjonijiet, inklużi dawk għal serje preċedenti ta’ emendi għal dan ir-Regolament mogħtija sussegwentement, għandhom jibqgħu validi indefinitivament.

16.4.   Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal fanali ta' quddiem fuq il-bażi ta’ kwalunkwe serje ta’ emendi għal dan ir-Regolament sakemm il-fanali ta' quddiem huma maħsuba bħala sostituti biex jitwaħħlu fuq vetturi fl-użu.

16.5.   Sa mid-data uffiċjali tad-dħul fis-seħħ tar-Regolament Nru 112, l-ebda Parti Kontraenti li tapplika dan ir-Regolament ma għandha tiċħad it-twaħħil ta' fanal ta' quddiem fuq tip ta' vettura ġdida approvat skont dan ir-Regolament Nru 112.

16.6.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil fuq tip ta' vettura jew vettura ta' fanal ta' quddiem approvat skont dan ir-Regolament.

16.7.   Il-Partijiet Kontraenti li japplikaw dan ir-Regolament għandhom ikomplu jippermettu t-twaħħil jew l-użu fuq vettura li qed tintuża ta' fanal ta' quddiem approvat skont dan ir-Regolament kif emendat bi kwalunkwe serje preċedenti ta' emendi, sakemm il-fanal ta' quddiem huwa intiż għas-sostituzzjoni.

---

(1)  Xejn f’dan ir-Regolament ma għandu jwaqqaf lil Parti Kontraenti li qed tapplika dan ir-Regolament milli tipprojbixxi li fanal ta’ quddiem li jinkorpora lenti magħmula minn materjal tal-plastik approvat skont dan ir-Regolament jingħaqad ma’ tagħmir mekkaniku għat-tindif tal-fanal ta’ quddiem (bil-wajpers).

(2)   “Tip tal-bozza” (“lamp type”) ma għandux jiġi mfixkel ma' “kategorija tal-bozza” (“lamp category”). Dan ir-Regolament jikkonċerna l-fanali ta’ quddiem li jużaw bozoz bil-filament tal-aloġenu tal-kategoriji H1, H2, H3, HB3, HB4, H7, H8, H9, HIR1, HIR 2 u/jew H1. Dawn il-kategoriji ta' bozoz tal-filament huma essenzjalment differenti fid-disinn tagħhom u, b'mod aktar partikolari, fil-kappa. Ma jistgħux jitpartu waħda mal-oħra, iżda fi ħdan kategorija waħda ta' lampi tal-filament normalment jista’ jkun hemm diversi tipi.

(3)  Il-bozoz tal-filament HIR 1 u/jew H 9 għandhom ikunu permessi biss biex jipproduċu raġġ għaddieni jekk ikun hemm installat l-istrument(i) għat-tindif tal-bozza ta’ quddiem b’konformità mar-Regolament Nru 45. Barra minn dan, f’rigward l-inklinazzjoni vertikali, id-dispożizzjoni tal-paragrafu 6.2.6.2.2. tas-serje ta’ emendi 01, tar-regolament Nru 48, ma għandhomx jiġu applikati meta jkunu installati dawn il-fanali. Din ir-restrizzjoni għandha tapplika sakemm ma jkunx hemm ftehim ġenerali dwar l-użu ta’ strumenti tal-invellar u tad-tindif tal-fanali fir-rigward tal-livell ta' prestazzjoni tal-fanal.

(4)  Applikazzjoni għall-approvazzoni ta' lampa tal-filament: ara r-Regolament Nru 37.

(5)  Fil-każ ta’ fanali ta’ quddiem maħsuba biex jissodisfaw il-kundizzjonijiet meħtieġa ta’ traffiku li jgħaddi fuq naħa waħda biss tat-triq (jew il-lemin jew ix-xellug), huwa rrikkmandat ukoll li l-kontorni tal-erja li tista’ titgħatta, sabiex ma jkunx hemm skumdità għall-utenti f’pajjiż fejn it-traffiku jgħaddi fuq in-naħa tat-triq opposta għal dik tal-pajjiż li għalih kien maħsub il-fanal ta’ quddiem, għandhom ikunu mmarkati b’mod indelibbli fuq il-lenti ta’ quddiem. Madanakollu, dan l-immarkar mhux neċessarju fejn l-erja tidher b’mod ċar mid-disinn.

(6)  Jekk il-lenti ma tistax tinqala' mill-unità ewlenija tal-fanal ta' quddiem ta' kontra ċ-ċpar, spazju fuq il-lenti għandu jkun suffiċjenti.

(7)  1 għall-Ġermanja, 2 għal Franza, 3 għall-Italja, 4 għall-Pajjiżi Baxxi, 5 għall-Isvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għall-Jugoslavja, 11 għar-Renju Unit, 12 għall-Awstrija, 13 għal-Lussemburgu, 14 għall-Isvizzera, 15 (vojt), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojt), 31 għall-Bosnja u Ħerzegovina, 32 għal-Latvja, 33 (vojt), 34 għall-Bulgarija, 35 (vojt), 36 għal-Litwanja, 37 għat-Turkija, 38 (vojt), 39 għall-Azerbajġan, 40 għall-Maċedonja, 41 (vojt), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu tal-ECE rispettiv tagħhom), 43 għall-Ġappun, 44 (vojt), 45 għall-Awstralja, 46 għall-Ukrajna, 47 għall-Afrika t’Isfel u 48 għan-New Zealand. In-numri segwenti għandhom jingħataw lil pajjiżi oħra fl-ordni kronoloġika li fiha jirratifikaw jew jiffirmaw il-Ftehim li Jikkonċerna l-Adozzjoni tad-Dispożizzjonijiet Tekniċi Uniformi għall-Vetturi bir-Roti, għat-Tagħmir u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(8)  Il-kundizzjonijiet tekniċi meħtieġa għall-bozoz tal-filament: ara r-Regolament Nru 37.

(9)  Fanal ta’ quddiem jitqies li jissodisfa r-rekwiżiti ta’ dan il-paragrafu jekk il-bozza tal-filament tista’ titwaħħal faċilment fil-fanal ta’ quddiem u l-mankijiet li jqiegħduha fil-pożizzjoni tagħha jistgħu jitwaħħlu b’mod korrett fix-xquq tagħhom anki fid-dlam.

(10)  Dawn id-dispożizzjonijiet ma għandhomx japplikaw għall-iswiċċ tal-kontroll.

(11)  Dawn il-filtri għandhom jikkonsistu fil-komponenti kollha, inkluż il-lenti, li huma maħsuba biex jagħtu kulur lid-dawl.

(12)  L-iskrin tat-test irid ikun wiesa’ biżżejjed li jippermetti li jiġi eżaminat il-“punt ta’ waqfien” fuq firxa ta’ mill-anqas 5 fuq kull naħa tal-linja vv.

(13)  Jekk, fil-każ ta' fanal ta' quddiem iddisinjat biex jissodisfa r-rekwiżiti ta' dan ir-Regolament fir-rigward tar-raġġ għaddieni biss, l-assi fokali tiddifferixxi sostanzjalment mid-direzzjoni ġenerali tar-raġġ, jew inkella, ikun x'ikun it-tip tal-fanal ta' quddiem (ir-raġġ għaddieni biss jew ir-raġġ għaddieni u s-sewqan flimkien), ir-raġġ ma għandux punt ta’ waqfien b' “minkeb” ċar għandu jsir aġġustament laterali fl-aħjar mod li jissodisfa r-rekwiżiti għall-illuminazzjoni fil-punti 75 u 50.

(14)  Il-fanal ta' quddiem iddisinjat biex jitfa' raġġ għaddieni jista' jinkorpora raġġ tas-sewqan li ma jikkonformax ma' din l-ispeċifikazzjoni.

(15)  Il-limitu tal-allinjament mill-ġdid ta’ 1° lejn il-lemin jew lejn ix-xellug mhuwiex inkompatibbli mal-allinjament mill-ġdid vertikali ’l fuq jew ’l isfel. Dan tal-aħħar huwa llimitat biss mir-rekwiżiti tal-paragrafu 6.3; madankollu, il-parti orizzontali tal-“waqfa f'daqqa” ma għandux jestendi lil hinn mil-linja hh (id-dispożizzjonijiet tal-paragrafu 6.3 mhumiex applikabbli għall-fanali ta' quddiem maħsuba biex jissodisfaw ir-rekwiżiti ta' dan ir-Regolament għar-raġġ għaddieni biss).

(*1)  E50R u E50L huma l-illuminazzjonijiet imkejla attwalment.

(16)  Il-valuri tal-illuminazzjoni fi kwalunkwe punt taż-żoni A u B, li jaqgħu wkoll fiż-żona III, ma għandhomx jeċċedu 0,7 lux.

(17)  Korrispondenti għall-illuminanti A tal-Kummissjoni internazzjonali dwar l-illuminazzjoni (CIE).

(18)  Dan ir-rekwiżiti se jkunu soġġetti għal rakkomandazzjoni għall-benefiċċju tal-amministrazzjonijiet.

(19)  Il-valuri differenti jistgħu jiġu aċċettati b'mod provviżorju. Fin-nuqqas tal-ispeċifikazzjonijiet finali, l-użu ta' fanal ta' quddiem approvat huwa rrakkomandat.

It-testi oriġinali UN/ECE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus UN/ECE, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html

Tinkorpora t-test validu kollu sa:

Suppliment 2 għas-serje ta' emendi 03 – Data tad-dħul fis-seħħ: id-19 ta’ Awwissu 2010

WERREJ

REGOLAMENT

Daħla

0.

Ambitu

1.

Definizzjonijiet

2.

Applikazzjoni għall-approvazzjoni

3.

Marki

4.

Approvazzjoni

5.

Speċifikazzjonijiet ġenerali

6.

Illuminazzjoni

7.

Kulur

8.

Determinazzjoni ta' skumdità (dija)

9.

Modifikazzjonijiet tat-tip ta’ fanal ta' quddiem ta' kontra ċ-ċpar u estensjoni tal-approvazzjoni

10.

Konformità tal-produzzjoni

11.

Sanzjonijiet għal nuqqas ta’ konformità tal-produzzjoni

12.

Produzzjoni mwaqqfa għal kollox

13.

L-ismijiet u l-indirizzi tas-Servizzi Tekniċi responsabbli mit-twettiq tat-testijiet ta’ approvazzjoni, u tad-Dipartimenti Amministrattivi

14.

Dispożizzjonijiet transizzjonali

ANNESSI

Anness 1 —

Forma ta' komunikazzjoni

Anness 2 —

Ir-rekwiżiti ta' tolleranza meħtieġa għall-konformità tal-proċedura ta' kontroll tal-produzzjoni

Anness 3 —

Eżempji ta' arranġamenti tal-marki tal-approvazzjoni għall-fanali ta' quddiem ta' kontra ċ-ċpar tal-klassi B u tal-klassi F3

Anness 4 —

Ġeometrija tal-kejl tal-iskrin u grid tal-kejl

Anness 5 —

Testijiet għall-istabbiltà tal-prestazzjoni fotometrika tal-fanali ta' quddiem ta' kontra ċ-ċpar waqt li jkunu qed jitħaddmu

Anness 6 —

Rekwiżiti għall-fanali ta' quddiem ta' kontra ċ-ċpar li jinkorporaw lentijiet magħmula minn materjal tal-plastik

Anness 7 —

Rekwiżiti minimi meħtieġa għall-konformità tal-proċedura ta' kontroll tal-produzzjoni

Anness 8 —

Ir-rekwiżiti minimi meħtieġa għat-teħid ta' kampjuni minn spettur

Anness 9 —

Definizzjoni u akutezza tal-linja ta' qtugħ għall-fanali ta'quddiem ta' kontra ċ-ċpar u proċedura ta' mira permezz ta' din il-linja ta' qtugħ

Anness 10 —

Ħarsa ġenerali tal-perjodi ta' tħaddim li jikkonċernaw testijiet għall-istabbiltà ta' prestazzjoni fotometrika

Anness 11 —

Ċentru ta' referenza

Anness 12 —

Rekwiżiti fil-każ tal-użu tal-modulu(moduli) tal-LED jew ġeneraturi tad-dawl

INTRODUZZJONI

Dan ir-Regolament (1) japplika għall-fanali ta' quddiem ta' kontra ċ-ċpar, li jistgħu jinkorporaw lentijiet magħmula minn materjal tal-ħġieġ jew tal-plastik. Dan jinkorpora żewġ klassijiet distinti.

Il-fanal oriġinali ta' quddiem ta' kontra ċ-ċpar, li mill-bidu nett kien fi klassi “B”, ġie aġġornat biex jinkorpora s-sistema ta' koordinati angulari b'emendar tal-valuri fit-tabella fotometrika rilevanti. Ma' din il-klassi, huma permessi biss is-sorsi tad-dawl kif speċifikati fir-Regolament Nru 37.

Il-klassi “F3” hija mfassla biex iżżid il-prestazzjoni fotometrika. B'mod partikolari, il-wisa' tar-raġġ u l-intensitajiet minimi tal-luminożità taħt il-linja H-H (paragrafu 6.4.3) żdiedu filwaqt li qed jiġu introdotti kontrolli fuq l-intensità massima fil-primavista. Il-fuq mil-linja H-H, l-intensità tad-dawl li jgħammex [veiling light] jitnaqqas biex tittejjeb il-viżibbiltà. Barra minn hekk, din il-klassi tista' tipprovdi mudelli ta' raġġi adattivi fejn il-prestazzjoni hi varjata skont il-kundizzjonijiet tal-viżibbiltà.

L-introduzzjoni tal-klassi “F3” tistipula r-rekwiżiti li huma emendati sabiex ikunu simili għal dawk tal-fanal ta' quddiem kif ġej:

(a)	Il-valuri fotometriċi huma speċifikati bħala intensitajiet tal-luminożità li jużaw is-sistema ta' koordinati angulari.

(b)

Is-sorsi tad-dawl jistgħu jkunu magħżula skont id-dispożizzjonijiet tar-Regolament Nru 37 (Sorsi tad-dawl bil-filament inkandexxenti) u r-Regolament Nru 99 (sorsi tad-dawl li jaħdmu bl-emissjoni tal-gass). Moduli tad-dajowd li jarmu d-dawl (LED) u sistemi distribwiti ta' dawl jistgħu jintużaw ukoll.

(c)	Id-definizzjonijiet tal-qtugħ u tal-gradjent.

(d)	Ir-rekwiżiti fotometriċi jippermettu l-użu ta' distribuzzjonijiet ta' raġġi asimetriċi.

0.   AMBITU

Dan ir-Regolament japplika għal fanali ta' quddiem ta' kontra ċ-ċpar ta' vetturi tal-kategoriji L3, L4, L5, L7, M, N, u T. (2)

1.   DEFINIZZJONIJIET

Għall-iskop ta' dan ir-Regolament:

1.1.   Id-definizzjonijiet mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw f’dan ir-Regolament.

1.2.    “Lenti” tfisser il-komponent li qiegħed l-aktar lejn in-naħa ta’ barra tal-fanal ta’ quddiem ta' kontra ċ-ċpar (unità), li jittrażmetti d-dawl minn ġol-wiċċ illuminanti;

1.3.    “Kisja” tfisser kwalunkwe prodott jew prodotti applikati fi strat wieħed jew aktar mal-wiċċ ta’ barra tal-lenti;

“Fanali ta' quddiem ta' kontra ċ-ċpar ta’ tipi differenti” huma fanali ta' quddiem ta' kontra ċ-ċpar li jvarjaw f’aspetti essenzjali bħal:

1.4.1.   l-isem jew il-marka kummerċjali;

1.4.2.    “klassijiet” differenti (B jew F3) identifikati minn dispożizzjonijiet fotometriċi partikolari:

1.4.3.   il-karatteristiċi tas-sistema ottika; (disinn ottiku bażiku, tip / kategorija tas-sors tad-dawl, modulu LED, DLS eċċ.),

1.4.4.   l-inklużjoni ta’ komponenti li jistgħu jimmodifikaw l-effetti ottiċi permezz ta’ riflessjoni, rifrazzjoni, assorbiment u/jew deformazzjoni matul it-tħaddim u l-kontroll tal-intensità varjabbli, jekk hemm:

1.4.5.   il-kategorija tal-bozza (fanali) tal-filament użata(użati), kif elenkat fir-Regolament Nru 37, ir-Regolament Nru 99 u/jew il-modulu LED jew il-kodiċi ta' identifikazzjoni speċifiku tal-ġeneratur tad-dawl (jekk applikabbli).

1.4.6.   il-materjali li jikkostitwixxu l-lentijiet u l-kisja, jekk hemm.

1.4.7.   Madankollu, tagħmir li hu maħsub għall-installazzjoni fuq in-naħa tax-xellug tal-vettura u t-tagħmir li jikkorrispondi miegħu maħsub għall-installazzjoni fuq in-naħa tal-lemin tal-vettura għandhom jiġu kkunsidrati li huma tal-istess tip.

1.5.    “Il-kulur tad-dawl mitfugħ mit-tagħmir.” Id-definizzjonijiet tal-kulur tad-dawl mitfugħ, mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw f’dan ir-Regolament.

1.6.   Ir-referenzi li saru f'dan ir-Regolament għas-sorsi ta' dawl standard (étalon) u għar-Regolamenti Nru 37 u 99 għandhom jirreferu għar-Regolamenti Nru 37 u 99 u s-serje ta' emendi tagħhom li daħlu fis-seħħ fiż-żmien tal-applikazzjoni għall-approvazzjoni tat-tip.

2.   APPLIKAZZJONI GĦALL-APPROVAZZJONI

2.1.   L-applikazzjoni għall-approvazzjoni għandha titressaq mid-detentur tal-isem jew tal-marka kummerċjali jew mir-rappreżentant tiegħu akkreditat kif xieraq.

L-applikazzjoni relatata ma' kull tip ta' fanal ta' quddiem ta' kontra ċ-ċpar għandha jkollha magħha dan li ġej:

tliet kopji tad-disinni f’dettall suffiċjenti biex jippermettu l-identifikazzjoni tat-tip u li jirrappreżentaw stampa ta’ kif jidher minn quddiem il-fanal ta' quddiem ta' kontra ċ-ċpar, bid-dettalji rilevanti tal-komponimenti ottiċi, jekk hemm, u s-sezzjoni trażversali; id-disinni għandhom jindikaw l-ispazju rriservat għall-marka tal-approvazzjoni.

2.2.1.1.   jekk il-fanal ta' quddiem ta' kontra ċ-ċpar ikun mgħammar b’riflettur li jista’ jiġi aġġustat, indikazzjoni tal-pożizzjoni(jiet) ta’ muntaġġ tal-fanal ta' quddiem ta' kontra ċ-ċpar fir-rigward tal-art u l-pjan lonġitudinali medjan tal-vettura, jekk il-fanal ta' quddiem ta' kontra ċ-ċpar ikun se jintuża f’dik(dawk) il-pożizzjoni(jiet) biss;

għat-test tal-materjal tal-plastik li minnhom huma magħmula l-lentijiet:

tlettax-il lenti;

2.2.2.1.1.   sitta minn dawn il-lentijiet jistgħu jiġu ssostitwiti b’sitt kampjuni ta’ materjal b’daqs minn tal-inqas ta’ 60 × 80 mm, li għandhom il-wiċċ ta’ barra ċatt jew konvess u b’erja sostanzjalment ċatta (bir-radju tal-kurvatura ta’ mhux inqas minn 300 mm) fin-nofs b’daqs ta’ minn tal-inqas 15 × 15 mm;

2.2.2.1.2.   kull lenti jew kampjun ta’ materjal ta’ dan it-tip għandha tkun prodotta bil-metodu li se jintuża fil-produzzjoni fi kwantità kbira;

2.2.2.1.3.   riflettur li miegħu jistgħu jitwaħħlu l-lentijiet b'konformità mal-istruzzjonijiet tal-manifattur.

2.2.3.   Il-materjali li minnhom huma magħmula l-lentijiet u l-kisjiet, jekk hemm, għandhom ikollhom magħhom ir-rapport tat-test tal-karatteristiċi ta’ dawn il-materjali u l-kisjiet jekk diġà ġew ittestjati.

Fil-każ ta' fanali ta' quddiem ta' kontra ċ-ċpar ta' Klassi B:

2.3.1.   speċifikazzjoni teknika u qasira li tinkludi l-kategorija tal-bozza tal-filament użata kif elenkata fir-Regolament Nru 37 u s-serje ta' emendi fis-seħħ fiż-żmien tal-applikazzjoni għall-approvazzjoni tat-tip, anki jekk il-lampa tal-filament ma tistax tinbidel;

2.3.2.   Żewġ kampjuni ta' kull tip ta' bozza għaċ-ċpar fuq quddiem, kampjun maħsub għall-installazzjoni fuq in-naħa tax-xellug tal-vettura u kampjun maħsub għall-installazzjoni fuq in-naħa ta' lemin tal-vettura.

Fil-każ ta' fanali ta' quddiem ta' kontra ċ-ċpar ta' Klassi F3:

2.4.1.   speċifikazzjoni teknika fil-qosor li tinkludi l-kategorija tas-sors(i) tad-dawl użat(i); din (dawn) il-kategorija(i) tas-sors tad-dawl għandha/għandhom jiġu elenkati fir-regolament nru 37 jew ir-regolament nru 99 u s-serje ta' emendi tagħhom fis-seħħ fiż-żmien tal-applikazzjoni għall-approvazzjoni tat-tip, anki jekk is-sors tad-dawl ma jkunx jista' jiġi sostitwit;

2.4.2.   fil-każ ta' tagħmir(i) tal-LED jew ġeneratur tax-xogħol, il-kodiċi ta' identifikazzjoni speċifika tal-tagħmir għandha titniżżel. It-tpinġija għandha tinkludi dettalji suffiċjenti biex jidentifikawh u l-pożizzjoni maħsuba għall-kodiċi ta' identifikazzjoni speċifiku u l-marka tal-applikant.

l-għamla u t-tipi ta' saborra(i) u/jew il-ger ta’ kontroll ta’ sors tad-dawl, fejn applikabbli, għanhom ikunu speċifikati:

2.4.3.1.   fil-każ tal-fanal ta' quddiem ta' kontra ċ-ċpar adattiv, deskrizzjoni konċiża tal-kontroll varjabbli tal-intensità.

2.4.3.2.   fil-każ tal-użu tal-ger ta' kontroll tas-sors tad-dawl li ma jkunx parti mit-tagħmir, il-vultaġġ(i) mat-tolleranzi jew medda ta' vultaġġ total fit-terminali għal dak il-ger ta' kontroll tas-sors tad-dawl.

2.4.4.   Jekk jitwaħħal(jitwaħħlu) modulu(moduli) LED jew sistema distribwita ta' dawl mal-fanal ta' quddiem ta' kontra ċ-ċpar, għandha tiġi pprovduta speċifikazzjoni teknika qasira. Din l-informazzjoni se tinkludi n-numru tal-parti assenjat mill-manifattur tas-sors tad-dawl, disinn b'dimensjonijiet u l-valuri elettriċi u fotometriċi bażiċi, indikazzjoni jekk is-sors tad-dawl jikkonformax mar-rekwiżiti tar-radjazzjoni UV ta' paragrafu 4.6 tal-Anness 12 għal dan ir-Regolament, rapport ta' test uffiċjali relatat ma' paragrafu 5.9 ta' dan ir-Regolament u l-fluss illuminanti oġġettiv.

2.4.5.   Fil-każ, li tkun użata sistema distribwita ta' dawl, liema parti(jiet) hija(huma) maħsuba biex jipprovdu raġġ ta' dawl mill-fanal ta' quddiem ta' kontra ċ-ċpar permezz ta' din is-sistema. B'żieda ma'dan, speċifikazzjoni teknika fil-qasir li tinkludi lista tal-gwida(gwidi) tad-dawl u komponenti ottiċċi relatati u informazzjoni li tiddeskrivi l-ġeneratur(i) tad-dawl b'mod suffiċjenti biex tippermetti l-identifikazzjoni. Din l-informazzjoni għandha tinkludi n-numru tal-parti assenjat mill-manifattur tal-ġenerattur tad-dawl, disinn b'dimensjonijiet u valuri elettriċi u fotometriċi bażiċi u rapport ta' test uffiċjali relatat mal-paragrafu 5.9 ta' dan ir-Regolament.

Fil-każ fejn sors tad-dawl li jaħdem bl-emissjoni tal-gass hu użat:

2.4.6.1.   Saborra waħda, li tista' tkun kollha jew parzjalment integrata fil-fanal ta' quddiem ta' kontra ċ-ċpar.

2.4.6.2.   Għall-approvazzjoni ta' sistema distribwita ta' dawl li tuża sors tad-dawl li jaħdem bl-emissjoni tal-gass mhux sostitwibbli li mhux approvat mir-Regolament Nru 99, żewġ kampjuni tas-sistema inkluż il-ġenerattur tad-dawl u saborra waħda ta' kull tip li għandu jintuża, fejn applikabbli.

2.4.7.   Fil-każ ta' modulu(moduli) LED jew sistema distribwita ta' dawl u jekk l-ebda dispożizzjoni ma tittieħed biex tkun ta' lqugħ għall-fanal ta' quddiem ta' kontra ċ-ċpar rilevanti jew komponenti ta' sistema distribwita ta' dawl li hi magħmula minn materjal tal-plastik kontra radjazzjoni UV ta' (emissjoni ta' gass) sorsi tad-dawl, eż. minn filtri tal-ħġieġ li jżommu fihom il-UV.

Kampjun wieħed minn kull wieħed mill-materjali rilevanti. Dan se jkollu ġeometrija simili għal dak tal-fanal ta' quddiem ta' kontra ċ-ċpar jew tas-sistema distribwita ta' dawl li jkunu qed jiġu ttestjati. Kull kampjun tal-materjal se jkollu l-istess dehra u jrid ikunu għadda mill-istess trattament tal-wiċċ, jekk hu l-każ, daqs li kieku kien maħsub biex jiġi użat fil-fanal ta' quddiem ta' kontra ċ-ċpar li għandu jiġi approvat.

2.4.8.   Fil-każ ta' approvazzjoni għal fanal ta' quddiem ta' kontra ċ-ċpar skont il-paragrafu 2.4.8 u/jew skont il-paragrafu 5.9 li fih lentijiet tal-plastik u/jew li għandu partijiet ottiċi fuq in-naħa ta' ġewwa magħmula mill-plastik, li diġa' ġew ittestjati:

Il-materjali li bihom huma magħmula l-lentijiet, il-kisjiet jew partijiet ottiċi fuq in-naħa ta' ġewwa, jekk hu l-każ, għandhom ikollhom magħhom rapport(i) ta' test dwar l-ittestjar ta' materjal kontra r-radjazzjoni UV.

2.4.9.   Żewġ kampjuni ta' kull tip ta' fanal ta' quddiem ta' kontra ċ-ċpar, kampjun wieħed maħsub għall-installazzjoni fuq in-naħa tax-xellug tal-vettura u kampjun wieħed maħsub għall-installazzjoni fuq in-naħa tal-lemin tal-vettura; jew par li jaqbel ta' fanali ta' quddiem ta' kontra ċ-ċpar.

2.4.10.   Ger ta' kontroll ta' sors tad-dawl, jekk applikabbli.

2.4.11.   Kontroll ta' intensità b'varjabbli jew ġeneratur li jipprovdi l-istess sinjali, jekk applikabbli.

2.5.   L-Awtorità Kompetenti għandha tivverifika l-eżistenza ta' arranġamenti sodisfaċenti biex jiġu żgurati kontrolli effettivi dwar il-konformità tal-produzzjoni qabel ma tingħata approvazzjoni tat-tip.

3.   IL-MARKI

3.1.   Il-kampjuni tat-tip ta' fanal ta' quddiem ta' kontra ċ-ċpar jew ta' sistema distribwita ta' dawl li huma pprovduti għal approvazzjoni għandhom ikollhom b'mod ċar, b'mod li jinqara u b'mod li ma jitħassarx:

(a)	l-isem jew il-marka kummerċjali tal-applikant,

(b)	marka li tindika l-klassi tal-fanal ta' quddiem ta' kontra ċ-ċpar,

u fil-każ ta' fanali ta' quddiem ta' kontra ċ-ċpar ta' Klassi F3:

(a)	il-modulu LED jew il-kodiċi ta' identifikazzjoni speċifiku tal-ġeneratur tad-dawl, jekk hemm.

3.2.   Għandhom jinkludu, fuq il-lenti u fuq il-parti prinċipali (3), spazji ta’ daqs suffiċjenti għall-marka tal-approvazzjoni u s-simboli addizzjonali li jissemmew fil-paragrafu 3; dawn l-ispazji għandhom jiġu indikati fuq id-disinni msemmija fil-paragrafu 2.2.1.

3.3.   Il-marka tal-approvazzjoni għandha titqiegħed fuq il-parti ta' ġewwa jew il-parti ta' barra (trasparenti jew le) tat-tagħmir li ma jistax ikun separat mill-parti trasparenti tat-tagħmir li jagħti d-dawl; fil-każ ta' sistema distribwita ta' dawl b'lenti fuq in-naħa ta' barra mibnija fuq ġewwa tal-gwida tad-dawl, din il-kundizzjoni hija meqjusa sodisfatta jekk il-marka tal-approvazzjoni titqiegħed minn tal-inqas fuq il-ġeneratur tad-dawl u fuq il-gwida tad-dawl jew fuq l-ilqugħ protettiv. Fi kwalunkwe każ il-marki għandhom ikunu viżibbli meta t-tagħmir jitwaħħal fuq il-vettura, tal-inqas meta tinfetaħ xi parti li tiċċaqlaq bħall-bonit jew il-bieba ta’ wara jew bieba oħra.

Fil-każ ta' fanali ta' quddiem ta' kontra ċ-ċpar ta' Klassi F3:

3.4.1.   Fil-każ ta' sistema distribwita tad-dawl, il-ġeneratur(i) tad-dawl għandu(għandhom) jkollu(jkollhom) il-marka tal-vultaġġ u qawwa stmati u fil-każ li l-ger elettroniku ta' kontroll mhuwiex parti mit-tagħmir, il-ġeneratur(i) tad-dawl għandu(għandhom) jkollu(ikollhom) l-isem jew il-marka kummerċjali tal-manifattur u n-numru tal-parti.

3.4.2.   Fil-każ tal-fanali b'modul(i) LED il-fanal għandu jkollu l-marka tal-vultaġġ stmat, il-qawwa stmata u l-kodiċi ta' identifikazzjoni speċifiku tal-modulu tas-sors tad-dawl.

Il-modulu(moduli) LED pprovdut(i) flimkien mal-applikazzjoni għall-approvazzjoni tal-fanal:

3.5.1.   għandu(għandhom) juri(juru) l-isem jew il-marka kummerċjali tal-applikant; din il-marka trid tkun tinqara b’mod ċar u li ma titħassarx;

3.5.2.   għandu(għandhom) juri(juru) l-kodiċi ta' identifikazzjoni speċifiku tal-modulu; din il-marka trid tkun tinqara b’mod ċar u li ma titħassarx.

Il-kodiċi ta' identifikazzjoni speċifiku għandu jinkludi l-ittri li jibda bihom “MD” għal “Modulu” segwiti mill-marka tal-approvazzjoni mingħajr iċ-ċirku kif deskritt fil-paragrafu 4.2.1; dan il-kodiċi ta' identifikazzjoni speċifiku għandu jkun muri fid-disinni msemmija fil-paragrafu 2.2.1 u fil-każ fejn huma użati diversi moduli LED mhux identiċi, segwit minn simboli jew karattri addizzjonali. Il-marka tal-approvazzjoni m'għandhiex għalfejn tkun l-istess bħal dik ta' fuq il-fanal li fih l-tagħmir qed jintuża, iżda ż-żewġ marki għandhom ikunu tal-istess applikant.

3.6.   Jekk ger ta' kontroll ta' sors tad-dawl hu użat, li mhuwiex parti mill-modulu LED għandu jkun immarkat bil-kodiċi ta' identifikazzjoni speċifiku tiegħu, il-vultaġġ u l-qawwa ta' input stmati.

4.   APPROVAZZJONI

4.1.   Ġenerali

4.1.1.   Jekk il-kampjuni kollha ta’ tip ta’ fanal ta’ quddiem ta' kontra ċ-ċpar imressqa skont il-paragrafu 2 jissodisfaw id-dispożizzjonijiet ta’ dan ir-Regolament, għandha tingħata approvazzjoni.

4.1.2.   Fejn fanali raggruppati, magħquda jew inkorporati reċiprokament instabu li jikkonformaw mar-rekwiżiti ta' diversi Regolamenti, marka tal-approvazzjoni internazzjonali waħda tista’ tingħata sakemm kull waħda mill-fanali raggruppati, magħquda jew inkorporati reċiprokament tissodisfa d-dispożizzjonijiet li japplikaw għaliha.

4.1.3.   Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (bħalissa 03) għandhom jindikaw is-serje ta’ emendi li tinkorpora l-aktar emendi tekniċi ewlenin li saru l-aktar riċenti fir-Regolament fiż-żmien meta nħarġet l-approvazzjoni. L-istess Parti Kontraenti ma għandhiex tagħti l-istess numru lil tip ieħor ta’ fanal ta' quddiem ta' kontra ċ-ċpar kopert minn dan ir-Regolament ħlief fil-każ ta' estensjoni tal-approvazzjoni għal tagħmir li jvarja biss fil-kulur tad-dawl mitfugħ.

4.1.4.   In-nota tal-approvazzjoni jew tal-estensjoni jew ir-rifjut jew l-irtirar tal-approvazzjoni jew il-waqfien definittiv tal-produzzjoni ta’ tip ta’ fanal ta' quddiem ta' kontra ċ-ċpar skont dan ir-Regolament iridu jiġu kkomunikati lill-Partijiet għall-Ftehim tal-1958 li japplikaw dan ir-Regolament, permezz ta’ formola li tikkonforma mal-mudell fl-Anness 1 għal dan ir-Regolament, bl-indikazzjonijiet skont il-paragrafu 2.2 ta' dan ir-Regolament.

4.1.5.   Minbarra l-marka preskritta fil-paragrafu 3.1 għandha titwaħħal marka tal-approvazzjoni kif deskritta fil-paragrafi 4.2 u 4.3 fl-ispazji msemmija fil-paragrafu 3.2 fuq kull fanal ta’ quddiem ta' kontra ċ-ċpar li jikkonforma ma’ tip approvat skont dan ir-Regolament.

4.2.   Il-kompożizzjoni tal-marka tal-approvazzjoni

Il-marka tal-approvazzjoni għandha tkun komposta minn:

marka tal-approvazzjoni internazzjonali, li tinkludi:

4.2.1.1.   ċirku madwar l-ittra “E” segwit min-numru li jiddistingwi l-pajjiż li ta l-approvazzjoni (4) u;

4.2.1.2.   in-numru tal-approvazzjoni preskritt fil-paragrafu 4.1.3.

is-simbolu (jew simboli) addizzjonali li ġejjin:

4.2.2.1.   fuq il-fanali ta' quddiem ta' kontra ċ-ċpar li jissodisfaw ir-rekwiżiti ta' dan ir-Regolament, fil-każ ta':

(a)	Klassi B; l-ittra “B”

(b)	Klassi F3; is-simbolu “F3”

4.2.2.2.   fuq il-fanali ta' quddiem ta' kontra ċ-ċpar li jinkorporaw lenti ta' materjal tal-plastik il-grupp tal-ittri “PL” għandhom jiġu mwaħħla ħdejn is-simboli preskritti fil-paragrafu 4.2.2.1;

F’kull każ il-mod operattiv rilevanti użat matul il-proċedura tat-test skont il-paragrafu 1.1.1 tal-Anness 5 u l-vultaġġi permessi skont il-paragrafu 1.1.2 tal-Anness 5 għandhom jiġu stipulati fuq il-formoli tal-approvazzjoni u fuq il-formoli tal-komunikazzjoni trażmessi lill-pajjiżi li huma l-Partijiet Kontraenti għall-Ftehim u li japplikaw dan ir-Regolament.

Fil-każi li jikkorrispondu t-tagħmir għandu jiġi mmarkat kif ġej:

4.2.2.3.1.   fuq unitajiet li jissodisfaw il-ħtiġijiet ta' dan ir-Regolament li huma ddeżinjati b'tali mod li l-filament(i) ta' funzjoni waħda ma għandux(għandhomx) jinxtegħel(u) flimkien ma’ dawk ta' kwalunkwe funzjoni li miegħu jista’ jkun reċiprokament inkorporat, għandha titqiegħed daqqa djagonali (/) wara s-simbolu fil-marka tal-approvazzjoni ta' din il-funzjoni.

4.2.2.3.2.   Madanakollu, jekk il-fanal ta' quddiem ta' kontra ċ-ċpar u l-fanal passanti biss ma jinxtegħlux flimkien, id-daqqa djagonali għandha titqiegħed wara s-simbolu tal-fanal ta' kontra ċ-ċpar, bis-simbolu jitqiegħed jew separatament jew fl-aħħar ta' kombinazzjoni ta' simboli.

4.2.2.3.3.   Fuq unitajiet li jissodisfaw il-ħtiġijiet ta' Anness 5 għal dan ir-Regolament għandu jitqiegħed simbolu li jikkonsisti fin-numru 24 maqtugħ b'salib djagonali (×) ħdejn l-apparat li jżomm il-bozza tal-filament biss meta forniti b'vultaġġ ta' 6 V jew 12 V.

4.2.2.4.   L-inkorporazzjoni reċiproka tal-bozza tal-fanal bir-raġġ passanti u l-fanal ta' quddiem ta' kontra ċ-ċpar huwa possibbli jekk hu konformi mar-Regolament Nru 48;

4.2.2.5.   Fanali ta' quddiem ta' kontra ċ-ċpar ta' Klassi F3 li għandhom distribuzzjoni ta' dawl asimettrika u li m'għandhomx ikunu mmuntati mingħajr distinzjoni fuq kull naħa tal-vettura, għandu jkollhom vleġġa li tipponta lejn in-naħa ta' barra tal-vettura.

4.2.2.6.   Iż-żewġ ċifri tan-numru tal-approvazzjoni (fil-preżent 03) li jindikaw is-serje ta’ emendi li tinkorpora l-emendi tekniċi ewlenin li saru riċentament fir-Regolament fiż-żmien li nħarġet l-approvazzjoni jistgħu jiġu mmarkati viċin is-simboli addizzjonali ta’ hawn fuq;

4.2.2.7.   Il-marki u s-simboli msemmija fil-paragrafi 4.2.1 u 4.2.2 iridu jkunu jinqraw b’mod ċar u li ma jitħassrux anki meta l-fanal ta' quddiem ta' kontra ċ-ċpar jitwaħħal ġol-vettura.

4.3.   L-arranġament tal-marka tal-approvazzjoni

4.3.1.   Fanali indipendenti

L-Anness 3, għal dan ir-Regolament jagħti eżempji tal-arranġamenti tal-marka tal-approvazzjoni mas-simboli addizzjonali msemmija hawn fuq.

4.3.2.   Fanali raggruppati, magħquda jew inkorporati reċiprokament

Fejn fanali raggruppati, magħquda jew inkorporati reċiprokament instabu li kienu konformi mal-kundizzjonijiet meħtieġa ta’ diversi Regolamenti, tista’ titwaħħal marka tal-approvazzjoni internazzjonali waħda, li tikkonsisti minn ċirku madwar l-ittra “E” segwit min-numru li jiddistingwi l-pajjiż li ta l-approvazzjoni, u numru tal-approvazzjoni. Din il-marka tal-approvazzjoni tista’ titqiegħed fi kwalunkwe post tal-fanali raggruppati, magħquda jew inkorporati reċiprokament, b’kundizzjoni li:

4.3.2.1.1.   tkun viżibbli wara l-installazzjoni tagħhom;

4.3.2.1.2.   l-ebda parti mill-fanali raggruppati, magħquda jew inkorporati reċiprokament li tittrażmetti d-dawl ma tista’ titneħħa mingħajr ma, fl-istess ħin, titneħħa l-marka tal-approvazzjoni.

Is-simbolu tal-identifikazzjoni għal kull fanal, xieraq għal kull Regolament li taħtu ngħatat l-approvazzjoni, flimkien mas-serje korrispondenti ta’ emendi li jinkorporaw l-emendi tekniċi prinċipali li saru l-aktar reċenti fir-Regolament fiż-żmien li nħarġet l-approvazzjoni u, jekk ikun neċessarju, il-vleġġa meħtieġa għandha tkun immarkata:

4.3.2.2.1.   jew fuq il-wiċċ xieraq li jarmi d-dawl;

4.3.2.2.2.   jew fi grupp, b’mod li kull wieħed mill-fanali raggruppati, magħquda jew inkorporati reċiprokament jista’ jkun identifikat b’mod ċar.

4.3.2.3.   Id-daqs tal-komponenti ta’ marka waħda tal-approvazzjoni waħda m’għandux ikun inqas mid-daqs minimu meħtieġ għall-iċken fost il-marki individwali permezz tar-Regolament li taħtu ngħatat l-approvazzjoni.

4.3.2.4.   Għandu jingħata numru tal-approvazzjoni lil kull tip approvat. L-istess parti kontraenti ma tistax tagħti dan l-istess numru lil tip ieħor ta’ fanali raggruppati, magħquda jew inkorporati reċiprokament, skont ir-Regolament preżenti.

4.3.2.5.   Id-Dijagramm 3, fl-Anness 3 għal dan ir-Regolament jagħti eżempji tal-arranġamenti tal-marki tal-approvazzjoni għall-fanali raggruppati, magħquda jew inkorporati reċiprokament bis-simboli addizzjonali kollha msemmija aktar ’il fuq.

Fil-każ ta' fanali, li l-lentijiet tagħhom huma użati għal tipi differenti ta' fanali ta' quddiem ta' kontra ċ-ċpar u li jistgħu jiġu inkorporati jew raggruppati reċiprokament ma' fanali oħrajn, id-dispożizzjonijiet fil-paragrafu 4.3.2 japplikaw.

4.3.3.1.   Barra dan, fejn tintuża l-istess lenti għal tipi differenti ta' fanali, jista’ jkollha fuqha marki tal-approvazzjoni differenti relatati mat-tipi differenti ta’ fanali ta’ quddiem ta' kontra ċ-ċpar jew ta’ unitajiet ta’ fanali, sakemm il-qafas prinċipali tal-fanal ta’ quddiem ta' kontra ċ-ċpar, tinkludi wkoll l-ispazju deskritt fil-paragrafu 3.2 u jkollha l-marki tal-approvazzjoni tal-funzjonijiet attwali.

Jekk tipi differenti ta’ fanali ta' quddiem ta' kontra ċ-ċpar jinkludu l-istess qafas prinċipali, dan tal-aħħar jista’ jingħata marki tal-approvazzjoni differenti.

4.3.3.2.   Id-Dijagramm 4, fl-Anness 3 għal dan ir-Regolament jagħti eżempji tal-arranġamenti tal-marki tal-approvazzjoni relatati mal-każ imsemmi aktar ’il fuq.

5.   L-ISPEĊIFIKAZZJONIJIET ĠENERALI

5.1.   Kull kampjun ta' fanal ta' quddiem ta' kontra ċ-ċpar ipprovdut f'konformità mal-paragrafu 2.2 għandu jissodisfa l-ispeċifikazzjonijiet imsemmija fil-paragrafi 6 u 7 ta' dan ir-Regolament.

Il-fanali ta' quddiem ta' kontra ċ-ċpar għandhom ikunu mfassla u mibnija b’mod li waqt l-użu normali, minkejja d-dvenvin li jkunu soġġetti għalih, jibqa’ jiġi żgurat it-tħaddim sodisfaċenti tagħhom u ma jitilfux il-karatteristiċi stipulati b’dan ir-Regolament. Il-pożizzjoni korretta tal-lenti għandha tkun immarkata b'mod ċar, u l-lenti u r-riflettur għandhom jitwaħħlu b'mod li ma jitħallewx iduru waqt l-użu. Il-konformità mal-ħtiġijiet ta' dan il-paragrafu għandha tiġi vverifikata bi spezzjoni viżwali, u fejn meħtieġ, b'immuntar bi prova.

5.2.1.   Il-fanali ta' quddiem ta' kontra ċ-ċpar għandhom ikunu mgħammra b'tagħmir li jippermettulhom ikunu aġġustati fuq il-vetturi sabiex jikkonformaw mar-regoli applikabbli għalihom. Dan it-tagħmir m’għandux għalfejn jitwaħħal fuq unitajiet li fihom ir-riflettur u l-lenti ma jistgħux jiġu sseparati, sakemm l-użu ta’ unitajiet bħal dawn isir biss f’vetturi li fuqhom il-mod kif ikunu rregolati l-fanali ta' quddiem ta' kontra ċ-ċpar jista’ jiġi aġġustat b’xi mezzi oħra. Fejn fanal ta' quddiem ta' kontra ċ-ċpar u fanal ta' quddiem ieħor, kull wieħed minnhom mgħammra bis-sors tad-dawl tiegħu nnifsu, huma mmontati biex jifformaw unità komposta, it-tagħmir li jaġġusta għandu jippermetti li kull sistema ottika tiġi aġġustata b'mod individwali.

5.2.2.   Dawn id-dispożizzjonijiet m’għandhomx japplikaw għall-immontar tal-fanali ta’ quddiem ta' kontra ċ-ċpar li r-rifletturi tagħhom ma jistgħux jiġu diviżi. Għal dan it-tip ta’ mmontar ir-rekwiżiti tal-paragrafu 6.3.4 jew 6.4.3 (kif xieraq) għandhom japplikaw.

5.3.   Għandhom isiru testijiet komplementari f’konformità mar-rekwiżiti tal-Anness 5 biex jiġi żgurat li l-karatteristiċi fotometriċi ma jġarrbux varjazzjonijiet eċċessivi waqt l-użu.

5.4.   Jekk il-lenti tal-fanal ta' quddiem ta' kontra ċ-ċpar huwa ta' materjal tal-plastic, għandhom isiru testijiet skont ir-rekwiżiti tal-Anness 6.

5.5.   Fil-kaz tal-użu ta' sorsi tad-dawl mhux sostitwibbli:

(a)	l-apparat li jżomm is-sors tad-dawl għandu jikkonforma mal-karatteristiċi mogħtija fil-Pubblikazzjoni tal-IEC Nru 60061. Tapplika l-folja tad-dejta ta’ dan l-tagħmir għall-kategorija ta' sorsi tad-dawl;

(b)	is-sors tad-dawl għandu jidħol faċilment fil-fanal ta' quddiem ta' kontra ċ-ċpar;

(c)	id-disinn tat-tagħmir għandu jkun tali li s-sors(i) tad-dawl ma jista’(jistgħux) jitwaħħal(jitwaħħlu) fl-ebda pożizzjoni ħlief f’dik it-tajba.

Fil-każ tal-Klassi B, il-fanal ta' quddiem ta' kontra ċ-ċpar għandu jkun mgħammar b'bozza waħda tal-filament approvata skont ir-Regolament Nru 37 anki jekk il-bozza tal-filament ma tistax tiġi sostitwita. Kwalunkwe bozza tal-filament tar-Regolament Nru 37 tista' tintuża, sakemm l-ebda restrizzjoni dwar l-użu ma saret fir-Regolament Nru 37 u s-serje ta' emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip.

5.6.1.   Anki jekk dan il-lampa tal-filament ma tkunx tista' tiġi sostitwita, għandha tikkonforma mar-rekwiżiti fil-paragrafu 5.6.

Fil-każ ta' Klassi F3, is-sorsi tad-dawl għandhom ikunu:

5.7.1.   sors tad-dawl sostitwibbli wieħed jew aktar minn wieħed skont ir-Regolament Nru 37 jew ir-Regolament Nru 99 u s-serje ta' emendi assoċjati tagħhom fis-seħħ fiż-żmien tal-applikazzjoni għall-approvazzjoni tat-tip.

5.7.2.   u/jew, modulu LED wieħed jew aktar minn wieħed fejn ir-rekwiżiti tal-Anness 12 ma' dan ir-Regolament għandhom japplikaw. Il-konformità mar-rekwiżiti għandha tiġi ttestjata.

5.7.3.   u/jew ġeneraturi tad-dawl fejn ir-rekwiżiti tal-Anness 12 ma' dan ir-Regolament għandhom japplikaw. Il-konformità mar-rekwiżiti għandha tiġi ttestjata.

5.8.   Anki jekk dawn is-sorsi tad-dawl ma jistgħux jiġu sostitwiti għandhom jikkonformaw mar-rekwiżiti fil-paragrafu 5.7.

Fil-każ ta' modulu LED jew ġeneratur tad-dawl, għandu jiġi ċċekkjat, li:

5.9.1.   id-disinn tal-modulu(moduli) LED jew tal-ġeneratur(i) tad-dawl għandhom ikunu tali li jistgħu jiġu mmuntati fl-ebda pożizzjoni oħra għajr dik it-tajba.

5.9.2.   moduli tas-sorsi tad-dawl li mhumiex identiċi, jekk hemm, għandhom ikunu tali li ma jistgħux jinbidlu fl-istess qafas tal-fanal.

5.9.3.   il-modulu(moduli) LED jew il-ġeneratur(i) tad-dawl għandhom ikunu b’tali mod li ma jistgħux jiġu mittiefsa.

5.10.   F'każ ta' fanali ta' quddiem ta' kontra ċ-ċpar b'sors(i) ta' dawl li għandhom fluss illuminanti kompletament oġġettiv li jeċċedi l-2 000 lumen, għandha ssir referenza fil-paragrafu 10. tal-formola ta' komunikazzjoni fl-Anness 1.

Jekk il-lenti tal-fanal ta' quddiem ta' kontra ċ-ċpar huwa magħmul minn materjal tal-plastic, għandhom isiru testijiet skont ir-rekwiżiti tal-Anness 6.

5.11.1.   Ir-reżistenza għall-UV tal-komponenti li jitrażmettu d-dawl li jinsabu ġewwa l-fanal ta' quddiem ta' kontra ċ-ċpar u magħmula minn materjal tal-plastik għandhom ikunu ttestjati skont l-Anness 6, il-paragrafu 2.7.

5.11.2.   It-test fil-paragrafu 5.11.1 m'huwiex neċessarju jekk sorsi tad-dawl tat-tip UV baxx kif speċifikat fir-Regolament Nru 99 jew fl-Anness 12 ta' dan ir-Regolament huma użati, jew jekk id-dispożizzjonijiet huma meħuda, biex jipproteġu l-komponenti tal-fanal rilevanti minn radjazzjoni tal-UV, eż. b'filtri tal-ħġieġ.

5.12.   Il-fanal ta' quddiem ta' kontra ċ-ċpar u s-sistema ta' saborra tiegħu jew il-ger ta' kontroll tas-sors tad-dawl m'għandux jiġġenera disturbanzi ta' radjazzjoni jew ta' poteri tal-linja, li jikkawżaw malfunzjoni ta' sistemi elettriċi/elettroniċi tal-vettura. (5)

5.13.   Fanali ta' quddiem ta' kontra ċ-ċpar, mfassla biex joperaw b'mod permanenti ma' sistema addizzjonali biex jikkontrollaw l-intensità tad-dawl mitfugħ, jew li huma inkorporati reċiprokament ma' funzjoni oħra, li jużaw sors tad-dawl komuni, u mfassla biex joperaw b'mod permanenti ma' sistema addizzjonali biex jikkontrollaw l-intensità tad-dawl mitfugħ, huma permessi.

5.14.   Fil-każ ta' Klassi F3 l-akutezza u l-linearità tal-qtugħ għandhom ikunu ttestjati skont ir-rekwiżiti tal-Anness 9.

6.   L-ILLUMINAZZJONI

6.1.   Il-fanali ta' quddiem ta' kontra ċ-ċpar għandhom ikunu ddeżinjati b'tali mod li jipprovdu illuminazzjoni b'dija limitata.

6.2.   L-intensità luminuża prodotta mill-fanal ta' quddiem ta' kontra ċ-ċpar għandha titkejjel b'distanza ta' 25 m permezz ta' ċellola fotoelettrika li għandha tinkludi fiha erja meħtieġa fi ħdan kaxxa b'ġenb ta' 65 mm.

Il-punt HV huwa l-punt taċ-ċentru tas-sistema ta' koordinament b'assi polari vertikali. Il-linja h hija orizzontali permezz ta' HV (ara l-Anness 4 għal dan ir-Regolament).

Fil-każ ta' fanali ta' quddiem ta' kontra ċ-ċpar ta' Klassi B:

Għandha tintuża bozza standard tal-filament bla kulur (etalon) kif speċifikat fir-Regolament Nru 37, tal-kategorija speċifikata mill-manifattur, li tista' tkun ipprovduta mill-manifattur jew mill-applikant.

6.3.1.1.   Waqt li tiġi ttestjata l-provvista elettrika tal-fanal ta’ quddiem ta' kontra ċ-ċpar ta' din il-bozza tal-filament għandha tiġi rregolata sabiex jinkiseb il-fluss imdawwal ta’ referenza kif indikat fil-folja tad-dejta rilevanti tar-Regolament Nru 37.

6.3.1.2.   Matul l-ittestjar tal-fanal ta' quddiem ta' kontra ċ-ċpar fejn il-bozza ta' filament ma tistax tinbidel, il-vultaġġ fit-terminali tal-fanal ta' quddiem ta' kontra ċ-ċpar għandu jiġi rregolat fuq 12,0 V.

6.3.2.   Il-fanal ta' quddiem ta' kontra ċ-ċpar għandu jitqies sodisfaċenti jekk ir-rekwiżiti fotometriċi huma milqugħa minn tal-inqas lampa tal-filament standard waħda.

L-iskrin tal-mira għall-aġġustament viżwali (ara l-Anness 4 għal dan ir-Regolament) għandu jitpoġġa jew f'distanza ta' 10 m jew f'distanza ta' 25 metri quddiem il-fanal ta' quddiem ta' kontra ċ-ċpar.

6.3.3.1.   Ir-raġġ għandu jipproduċi fuq dan l-iskrin ta' mira, fuq wisa' ta' mhux inqas minn 5,0° fuq kull naħa tal-linja v, qtugħ simettriku u sostanzjalment orizzontali biex jippermetti l-aġġustament vertikali viżwali.

6.3.3.2.   Il-fanal ta' quddiem ta' kontra ċ-ċpar għandu jkun aġġustat b'tali mod li l-qtugħ fuq l-iskrin ta' mira jkun 1,15° taħt il-linja h.

6.3.4.   Meta jkun aġġustat b'dan il-mod, il-fanal ta' quddiem ta' kontra ċ-ċpar għandu jissodisfa r-rekwiżiti msemmija f'paragrafu 6.3.5.

6.3.5.   L-illuminazzjoni (ara Anness 4, paragrafu 2.1) għandha tissodisfa r-rekwiżiti li ġejjin:

Linji jew żoni indikati	Pożizzjoni vertikali (*1)	Pożizzjoni orizzontali (*1)	Intensitàn luminuża	Biex jikkonformaw
Linja 1	15° U għal 60°U	0°	100 cd massimu	Il-linja kollha
Żona A	0° sa 1,75°U	5° L sa 5°R	62 cd minimu	Iż-żona kollha
Żona B	0° sa 3,5°U	26°L sa 26°R	400 cd massimu	Iż-żona kollha
Żona C	3,5°U sa 15°U	26°L sa 26°R	250 cd massimu	Iż-żona kollha
Żona D	1,75°D sa 3,5°D	12°L sa 12°R	1 250  cd minimu 8 000  cd massimu	Minn tal-inqas punt wieħed fuq kull linja vertikali
Żona E	1,75°D sa 3,5°D	12°L sa 22°R u 12°R sa 22°R	600 cd minimu 8 000  cd massimu	Minn tal-inqas punt wieħed fuq kull linja vertikali

L-illuminazzjoni għandha titkejjel jew b'dawl abjad jew b'dawl isfar selettiv kif preskritt mill-manifattur għall-użu tal-fanal ta' quddiem ta' kontra ċ-ċpar fit-tħaddim normali.

Mhumiex permessi varjazzjonijiet detrimentali għall-viżibbiltà sodisfaċenti kemm f'Żoni B kif ukoll f'Żoni C.

6.3.6.   Fid-distribuzzjoni tad-dawl kif speċifikat fit-tabella fil-paragrafu 6.3.5, tikek jew strixxi irqaq waħdenin ġewwa l-erja 'il fuq minn 15 b'mhux aktar minn 160 cd huma permessi, jekk mhumiex estiżi 'lil hinn minn angolu koniku ta' apertura ta' 2° jew wisgħa ta' 1°. Jekk it-tikek jew l-istrixxi multipli jkunu preżenti għandhom ikunu separati minn angolu minimu ta' 10°.

6.4.   Fil-każ ta' fanali ta' quddiem ta' kontra ċ-ċpar ta' Klassi F3

Il-kundizzjonijiet li ġejjin għandhom japplikaw skont is-sors tad-dawl.

Fil-każ tas-sorsi tad-dawl tal-filament sostitwibbli:

6.4.1.1.1.   Il-fanal ta' quddiem ta' kontra ċ-ċpar għandu jikkonforma mar-rekwiżiti tal-paragrafu 6.4.3 ta' dan ir-Regolament b'minn tal-inqas sett komplet ta' fanali standard (etalon) xierqa, li jistgħu jkunu pprovduti mill-manifattur jew l-applikant.

Fil-każ ta’ bozoz tal-filament li jaħdmu direttament skont il-kundizzjonijiet tas-sistema' tal-vultaġġ tal-vettura:

Il-fanal ta' quddiem ta' kontra ċ-ċpar għandu jiġi ċċekkjat permezz ta' bozoz tal-filament standard (etalon) mingħajr kulur kif speċifikat fir-Regolament Nru 37.

Waqt li jiġi ttestjat il-fanal ta' quddiem ta' kontra ċ-ċpar, il-provvista elettrika għall-bozza(bozoz) tal-filament għandha tiġi rregolata sabiex jinkiseb il-fluss imdawwal ta’ referenza kif indikat fil-folja tad-dejta rilevanti tar-Regolament Nru 37.

6.4.1.1.2.   Fil-każ ta' sistema li tuża ger ta' kontroll tas-sors tad-dawl li huwa parti mill-fanal, il-vultaġġ iddikjarat mill-applikant għandu jkun applikat fit-terminali ta' input ta' dak il-fanal. Il-valur fotometriċi mkejjel irid jiġi multiplikat b’fattur ta’ 0,7 qabel ma ssir il-verifika tal-konformità.

6.4.1.1.3.   Fil-każ ta' sistema li tuża ger ta' kontroll tas-sors tad-dawl li mhuwiex parti mill-fanal il-vultaġġ iddikjarat mill-applikant għandu jkun applikat fit-terminali ta' input ta' dak it-tgħammir ta' kontroll tas-sors tad-dawl. Il-laboratorju tat-testijiet għandu jirrikjedi mill-applikant il-ger ta’ kontroll speċjali tas-sors ta’ dawl meħtieġ biex jiġu fornuti s-sors ta’ dawl u l-funzjonijiet applikabbli. L-identifikazzjoni ta' dak il-ger ta' kontroll tas-sors tad-dawl jekk applikabbli u/jew il-vultaġġ applikat inkluż it-tolleranzi għandhom jiġu nnutati fil-formola ta' komunikazzjoni fl-Anness 1 ta' dan ir-Regolament. Il-valur fotometriċi mkejjel irid jiġi multiplikat b’fattur ta’ 0,7 qabel ma ssir il-verifika tal-konformità.

6.4.1.2.   Fil-każ ta’ sors tad-dawl li jaħdem bl-emissjoni ta’gass:

Sors tad-dawl standard għandu jintuża kif speċifikat fir-Regolament Nru 99, li qdiem matul minn tal-inqas 15-il ċiklu, skont l-Anness 4, paragrafu 4. tar-Regolament Nru 99.

Matul l-ittestjar tal-fanal ta' quddiem ta' kontra ċ-ċpar il-vultaġġ fit-terminali tas-saborra għandu jiġi rregolat biex iżomm 13,5 V għal sistema ta' 12 V, jew fil-vultaġġ tal-vettura kif speċifikat mill-applikant, b'tolleranza ta' ±0,1 V.

Il-valuri tal-intensità luminuża jridu jiġu multiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

Il-fluss illuminanti oġġettiv ta’ dan is-sors tad-dawl li jaħdem bl-emissjoni tal-gass jista’ jkun differenti minn dak speċifikat fir-Regolament Nru 99. F'dan il-każ, il-valuri tal-intensità luminuża jridu jiġu rranġati bħala riżultat ta’ dan.

6.4.1.3.   Fil-każ tas-sorsi tad-dawl tal-filament mhux sostitwibbli:

Il-qisien kollha tal-fanali ta' quddiem ta' kontra ċ-ċpar li huma mgħammra b'sorsi ta' dawl mhux sostitwibbli għandhom ikunu magħmula f' 6,3 V, 13,2 V jew 28,0 V jew fi kwalunkwe vultaġġ ieħor tal-vettura kif speċifikat mill-applikant. Il-laboratorju inkarigat mit-testijiet jista’ jitlob lill-applikant biex jipprovdilu t-tagħmir speċjali ta’ provvista elettrika meħtieġ għall-provvista ta’ kurrent lis-sorsi tad-dawl. Il-vultaġġi ta' test għandhom jiġu applikati lit-terminali ta' input tal-fanal. Il-valuri tal-intensità luminuża jridu jiġu multiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

6.4.1.4.   Fil-każ ta’ moduli LED:

Il-miżuri kollha fuq il-fanali ta' quddiem ta' kontra ċ-ċpar mgħammra b'modulu(moduli) LED għandhom ikunu ta' 6,3 V, 13,2 V jew 28,0 V rispettivament, jekk mhux speċifikat mod ieħor fi ħdan dan ir-Regolament. Moduli LED imħaddma minn ger ta' kontroll elettroniku ta' sors tad-dawl għandhom jitkejlu kif speċifikat mill-applikant.

Il-valuri tal-intensità luminuża jridu jiġu mmultiplikati b’fattur ta’ 0,7 qabel il-verifika tal-konformità mal-esiġenzi ta’ konformità.

6.4.1.5.   Konformità mar-rekwiżit imsemmi fil-paragrafu 5.9.1 għandha tkun ivverifikati minn tal-inqas fir-rigward tal-valuri tal-linja 3 u 4 tat-tabella fil-paragrafu 6.4.3.

Aġġustament fotometriku u kundizzjonijiet tal-kejl:

6.4.2.1.   L-iskrin tal-mira għall-aġġustament viżwali (ara Anness 4 paragrafu 2.2) għandha titpoġġa jew f'distanza ta' 10 m jew f'distanza ta' 25 metri quddiem il-fanal ta' quddiem ta' kontra ċ-ċpar.

6.4.2.2.   Ir-raġġ għandu jipproduċi fuq din l-iskrin ta' mira, fuq wisa' ta' mhux inqas minn 5,0° fuq kull naħa tal-linja v, qtugħ simettriku u sostanzjalment orizzontali biex jippermetti l-aġġustament vertikali viżwali. Fil-każ li l-mira viżwali twassal għal problemi jew pożizzjonijiet ambigwi, il-metodu instrumentali kif speċifikat fil-paragrafu 5. tal-Anness 9 għandu japplika wara konferma mill-kwalità tal-qtugħ kif deskritt fil-paragrafu 6.4.2.3.

6.4.2.3.   L-akutezza tal-qtugħ għandha tiġi ttestjata skont ir-rekwiżiti fil-paragrafu 4.1.2 tal-Anness 9. Il-valur ta' G m'għandux ikun inqas minn 0,08.

Il-linearità tal-qtugħ għandha tkun ittestjata skont ir-rekwiżiti msemmija fil-paragrafu 4.1.3 tal-Anness 9 u l-parti tal-linja ta' qtugħ li sservi għall-aġġustament vertikali għandha tkun orizzontali minn 3° min-naħa tax-xellug sa 3° fuq in-naħa tal-lemin tal-linja v-v. Il-linearità hija kkunsidrata li tkun sodisfaċenti jekk il-pożizzjonijiet vertikali tal-punti ta' inflezzjoni ddeterminati skont il-metodu deskritt fil-paragrafu 3.2 tal-Anness 9 fuq 3° xellug u lemin tal-linja v-v ma jiddevjawx b'aktar minn ± 0,20°.

6.4.2.4.   Il-fanal ta' quddiem ta' kontra ċ-ċpar għandu jkun aġġustat sabiex il-qtugħ fuq l-iskrin ikun 1 taħt il-linja h skont ir-rekwiżiti msemmija fil-paragrafu 2 tal-Anness 9.

6.4.3.   Rekwiżiti fotometriċi

Meta aġġustat b'dan il-mod, il-fanal ta' quddiem ta' kontra ċ-ċpar għandu jiltaqa' mar-rekwiżiti fotometriċi fit-tabella ta' hawn taħt (irreferi wkoll għall-Anness 4, il-paragrafu 2.2 ta' dan ir-Regolament):

Linji jew żoni indikati	Pożizzjoni vertikali (*2) 'il fuq minn h + taħt h –	Pożizzjoni orizzontali (*2) xellug ta' v: – lemin ta' v: +	Intensità luminuża (f'cd)	Biex jikkonformaw
Punt 1, 2 (*3)	+60 °	±45 °	60 massimu	Il-punti kollha
Punt 3, 4 (*3)	+40 °	±30 °
Punt 5, 6 (*3)	+30 °	±60 °
Punt 7, 10 (*3)	+20 °	±40 °
Punt 8, 9 (*3)	+20 °	±15 °
Linja 1 (*3)	+8 °	–26 ° sa +26 °	90 massimu	Il-linja kollha
Linja 2 (*3)	+4 °	–26 ° sa +26 °	105 massimu	Il-linja kollha
Linja 3	+2 °	–26 ° sa +26 °	170 massimu	Il-linja kollha
Linja 4	+1 °	–26 ° sa +26 °	250 massimu	Il-linja kollha
Linja 5	0°	–10 ° sa +10 °	340 massimu	Il-linja kollha
Linja 6 (*4)	–2,5 °	- minn 5 'l ġewwa sa 10° 'l barra	2 000 minimu	Il-linja kollha
Linja 7 (*4)	–6,0 °	- minn 5 'l ġewwa sa 10° 'l barra	< 50 perċentwali ta' massimu fuq linja 6	Il-linja kollha
Linja 8L u R (*4)	–1,5 ° sa –3,5 °	–22 ° u +22 °	800 minimu	Punt wieħed jew aktar
Linja 9L u R (*4)	–1,5 ° sa –4,5 °	–35 ° u +35 °	320 minimu	Punt wieħed jew aktar
Żona D	–1,5 ° sa –3,5 °	–10 ° sa +10 °	8 400 massimu	Iż-żona kollha

6.4.3.1.   L-illuminazzjoni għandha titkejjel jew ma' dawl abjad jew ma' dawl ikkulurit kif preskritt mill-applikant għall-użu tal-fanal ta' quddiem ta' kontra ċ-ċpar fis-servizz normali. M'humiex permessi varjazzjonijiet fl-omoġenità detrimentali għall-viżibilità sodisfaċenti fiż-żona 'il fuq mil-linja 5 minn 10 gradi fuq in-naħa tax-xellug sa 10 gradi fuq in-naħa tal-lemin.

6.4.3.2.   Fuq it-talba tal-applikant, żewġ fanali ta' quddiem ta' kontra ċ-ċpar li jikkostitwixxu par li jaqbel li jikkorrispondi għal paragrafu 4.2.2.5 jistgħu jkunu ttestjati separatament. F'dan il-każ ir-rekwiżiti speċifikati għal-linji 6, 7, 8, 9 u ż-Żona D fit-tabella fil-paragrafu 6.4.3. japplikaw għal nofs is-somma tal-qari tan-naħa tal-lemin u n-naħa tax-xellug tal-fanal ta' quddiem ta' kontra ċ-ċpar. Madankollu kull fanal ta' quddiem ta' kontra ċ-ċpar għandu jissodisfa minn tal-inqas 50 fil-mija tal-valur minimu meħtieġ għal-linja 6.

6.4.3.3.   Bejn il-linji 1 u 5 fid-Dijagramm 3 tal-Anness 4, il-mudell tar-raġġ għandu jkun uniformi sostanzjalment. Skontinwitajiet fl-intensitajiet detrimentali għall-viżibilità sodisfaċenti bejn il-linji 6, 7, 8 u 9 m'humiex permessi.

6.4.3.4.   Fid-distribuzzjoni tad-dawl kif speċifikat fit-tabella fil-paragrafu 6.4.3, marki irqaq waħdenin jew strixxi ġewwa l-erja inkluż il-punti ta' kejl 1 sa 10 u linja 1 jew ġewwa l-erja tal-linja 1 u linja 2 b'mhux aktar minn 120 cd huma permessi, jekk m'humiex estiżi 'lil hinn minn angolu koniku ta' apertura ta' 2° jew wisa' ta' 1°. Jekk il-marki jew l-istrixxi multipli jkunu preżenti għandhom ikunu seperati minn angolu minimu ta' 10°.

6.4.3.5.   Jekk ir-rekwiżiti ta' luminożità speċifikata ma jiġux sodisfatti, hija permessa mira mill-ġdid tal-pożizzjoni ta' qtugħ bejn ± 0,5° vertikali u/jew ± 2° orizzontali. Fil-pożizzjoni ta' mira ġdida r-rekwiżiti fotometriċi għandhom jinkisbu.

Rekwiżiti fotometriċi oħra

6.4.4.1.   Fil-każ ta' fanali ta' quddiem ta' kontra ċ-ċpar mgħammra b'sorsi tad-dawl li jaħdmu bl-emissoni tal-gass l-intensità luminuża għandha teċċedi 800 cd fil-punt ta' kejl ta' 0° orizzontali u 2° D vertikali, erba' sekondi wara attivazzjoni tal-fanal ta' quddiem ta' kontra ċ-ċpar li ma tħaddimx għal 30 minuta jew aktar.

Biex tadatta ċpar qawwi jew kundizzjonijiet simili ta' viżibilità mnaqqsa, huwa permess li l-intensitajiet luminużi jvarjaw awtomatikament sakemm:

(a)	ger elettroniku attiv ta' kontroll tas-sors tad-dawl hu inkorporat fis-sistema ta' funzjoni tal-fanal ta' quddiem ta' kontra ċ-ċpar.

(b)	l-intensitajiet kollha huma varjati proporzjonalment.

Is-sistema, meta ċċekkjata għal konformità skont id-dispożizzjonijiet ta' paragrafu 6.4.1.1.2, hija kkunsidrata aċċettabbli jekk l-intensitajiet luminużi jibqgħu bejn 60 fil-mija u 100 fil-mija tal-valuri speċifikati fit-tabella fil-paragrafu 6.4.3.

6.4.4.2.1.   Għandha tiddaħħal indikazzjoni fil-formola ta' komunikazzjoni (l-Anness 1, il-paragrafu 10.).

6.4.4.2.2.   Is-Servizz Tekniku responsabbli għall-approvazzjoni tat-tip għandu jivverifika li s-sistema tipprovdi modifiki awtomatiċi b’mod li jinkiseb dawl tajjeb fuq it-triq mingħajr ebda inkonvenjent, la għas-sewwieq u lanqas għall-oħrajn li qegħdin jużawha.

6.4.4.2.3.   Miżuri fotometriċi għandhom isiru f’konformità mad-deskrizzjoni tal-applikant.

7.   IL-KULUR

Il-kulur tad-dawl mitfugħ mill-fanal ta' quddiem ta' kontra ċ-ċpar se jkun jew abjad jew isfar selettiv skont l-għażla tal-applikant. Il-kulur isfar selettiv, jekk hemm, tar-raġġ jista' jinkiseb jew permezz tal-kulur tas-sors tad-dawl jew permezz tal-lenti tal-fanal ta' quddiem ta' kontra ċ-ċpar jew bi kwalunkwe mezz xieraq ieħor.

7.1.   Il-karatteristiċi kulurimetriċi tal-fanal ta' quddiem ta' kontra ċ-ċpar għandhom jitkejlu b'vultaġġi kif definit fil-paragrafi 6.3 u 6.4.

8.   DETERMINAZZJONI TA' SKUMDITÀ (INKONVENJENT)

Għandu jiġi ddeterminat l-inkonvenjent ta' skumdità kkawżat mill-fanal ta' quddiem ta kontra ċ-ċpar. (6)

9.   MODIFIKAZZJONIJIET TAT-TIP TA’ FANAL TA' QUDDIEM TA' KONTRA Ċ-ĊPAR U ESTENSJONI TAL-APPROVAZZJONI

Kull modifika tat-tip ta’ fanal ta' quddiem ta' kontra ċ-ċpar għandha tkun innotifikata lid-dipartiment amministrattiv li approva t-tip ta’ fanal ta' quddiem ta' kontra ċ-ċpar. Id-dipartiment jista’ mbagħad jew:

9.1.1.   jikkunsidra li l-modifikazzjonijiet magħmula x’aktarx ma jkollhomx effett negattiv sinifikanti u li f'kull każ il-fanal ta' quddiem ta' kontra ċ-ċpar xorta huwa konformi mar-rekwiżiti;

jew

9.1.2.   jitlob lis-servizz tekniku responsabbli li jagħmel it-testijiet biex dan jagħmel rapport ieħor dwar it-test.

9.2.   Il-konferma jew iċ-ċaħda tal-approvazzjoni, bl-ispeċifikazzjoni tal-modifikazzjonijiet, għandha tiġi kkomunikata permezz tal-proċedura speċifikata f'paragrafu 4.1.4 hawn fuq lill-Partijiet għall-Ftehim li japplikaw dan ir-Regolament.

9.3.   L-awtorità kompetenti li toħroġ l-estensjoni tal-approvazzjoni għandha tassenja numru tas-serje għal estensjoni bħal din u tgħarraf b'dan lill-Partijiet l-oħra għall-Ftehim tal-1958 li japplikaw dan ir-Regolament permezz ta' formola ta' komunikazzjoni li tikkonforma mal-mudell fl-Anness 1 ta' dan ir-Regolament.

10.   IL-KONFORMITÀ TA’ PRODUZZJONI

10.1.   Il-fanali ta' quddiem ta' kontra ċ-ċpar approvati skont dan ir-Regolament għandhom ikunu mmanifatturati b’tali mod li jikkonformaw mat-tip approvat billi jintlaħqu r-rekwiżiti stabbiliti fil-paragrafi 6 u 7 ta' dan ir-Regolament u fl-Anness 7.

10.2.   Sabiex jiġi vverifikat li r-rekwiżiti tal-paragrafu 10.1 ġew sodisfatti, għandhom isiru kontrolli adegwati tal-produzzjoni.

Id-detentur tal-approvazzjoni għandu, b’mod partikolari:

10.3.1.   jassigura l-eżistenza ta’ proċeduri għal kontroll effettiv tal-kwalità tal-prodotti;

10.3.2.   ikollu aċċess għat-tagħmir ta’ kontroll meħtieġ għall-verifika tal-konformità ma’ kull tip approvat;

10.3.3.   jiżgura li d-dettalji tar-riżultati tat-testijiet huma rreġistrati u li d-dokumenti relatati għandhom jibqgħu disponibbli għal perjodu li għandu jiġi ddeterminat bi ftehim mas-Servizz Amministrattiv;

10.3.4.   janalizza r-riżultati ta' kull tip ta' test, sabiex jikkontrolla u jiżgura l-istabbiltà tal-karatteristiċi tal-prodott, filwaqt li jagħmel konċessjoni għal varjazzjoni fil-fabbrikazzjoni industrijali;

10.3.5.   jassigura li għal kull tip ta' prodott minn tal-inqas it-testijiet preskritti fl-Anness 6 ma' dan ir-Regolament flimkien mat-tolleranzi kif preskritt fl-Anness 2 ta' dan ir-Regolament jitwettqu;

10.3.6.   jiżgura li kull ġbir ta’ kampjuni kampjunar li jagħti evidenza ta’ nuqqas ta’ konformità mat-tip tat-test ikkunsidrat għandu jagħti lok għal kampjunar ieħor u test ieħor. Il-passi kollha meħtieġa għandhom jittieħdu sabiex terġa’ tiġi stabbilita l-konformità tal-produzzjoni korrispondenti.

L-awtorità kompetenti li tat l-approvazzjoni tat-tip tista’ meta jidhrilha tivverifika l-metodi ta' kontroll dwar il-konformità applikabbli għal kull unità ta' produzzjoni.

10.4.1.   F’kull spezzjoni, il-kotba tat-test u r-rekords tal-produzzjoni għandhom jiġu ppreżentati lill-ispettur li jkun qed iżur.

10.4.2.   L-ispettur jista’ jagħżel b'mod każwali kampjuni li jridu jiġu ttestjati fil-laboratorju tal-manifattur. In-numru minimu ta’ kampjuni jista’ jiġi determinat fid-dawl tar-riżultati tal-kontrolli tal-manifattur stess.

10.4.3.   Fejn il-livell tal-kwalità jidher insodisfaċenti jew meta jidher neċessarju li tiġi vverifikata l-validità tat-testijiet imwettqa fl-applikazzjoni tal-paragrafu 10.4.2, l-ispettur għandu jagħżel kampjuni, biex jintbagħtu lis-servizz tekniku li kkonduċa t-testijiet ta' approvazzjoni tat-tip, billi tintuża l-kriterja tal-Anness 7 ta' dan ir-Regolament bit-tolleranzi preskritti fl-Anness 2 ta' dan ir-Regolament.

10.4.4.   L-Awtorità Kompetenti tista' twettaq kwalunkwe test provdut f'dan ir-Regolament. Dawn it-testijiet se jsiru fuq kampjuni magħżula b'mod każwali mingħajr ma jikkawżaw distorzjoni tal-impenni ta' kunsinna tal-manifattur u b'konformità mal-kriterja tal-Anness 7 għal dan ir-Regolament flimkien mat-tolleranzi kif preskritt fl-Anness 2 għal dan ir-Regolament.

10.4.5.   L-Awtorità Kompetenti għandha tagħmel ħilitha biex tikseb frekwenza ta’ spezzjoni ta’ darba kull sentejn. Madanakollu, dan huwa fid-diskrezzjoni tal-awtorità kompetenti u l-fiduċja tagħhom fl-arranġamenti biex ikun żgurat kontroll effettiv tal-konformità ta’ produzzjoni. Fil-każ fejn jiġu rreġistrati riżultati negattivi, l-awtorità kompetenti għandha tiżgura ruħha li jittieħdu l-passi kollha meħtieġa sabiex tkun stabbilita mill-ġdid il-konformità tal-produzzjoni mill-aktar fis possibbli.

10.5.   Fanali ta' quddiem ta' kontra ċ-ċpar li jkollhom xi difetti jidhru ma jitqisux.

11.   IS-SANZJONIJIET GĦAN-NUQQAS TA’ KONFORMITÀ TAL-PRODUZZJONI

11.1.   L-approvazzjoni mogħtija fir-rigward ta’ tip ta’ fanal ta' quddiem ta' kontra ċ-ċpar skont dan ir-Regolament tista’ tiġi revokata jekk ma jkunx hemm konformità mar-rekwiżiti msemmija hawn fuq jew jekk fanal ta' quddiem ta' kontra ċ-ċpar li għandu l-marka tal-approvazzjoni ma jikkonformax mat-tip approvat.

11.2.   Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, minnufih għandha tinnotifika b’dan lill-Partijiet Kontraenti l-oħra li japplikaw dan ir-Regolament, permezz ta’ formola ta’ komunikazzjoni li tkun konformi mal-mudell fl-Anness 1 għal dan ir-Regolament.

12.   PRODUZZJONI LI TWAQQFET GĦAL KOLLOX

Jekk id-detentur tal-approvazzjoni jwaqqaf għal kollox il-manifattura ta' fanal ta' quddiem ta' kontra ċ-ċpar approvat skont dan ir-Regolament, hu għandu jgħarraf b'dan lill-awtorità li tat l-approvazzjoni. Malli tirċievi l-komunikazzjoni rilevanti dik l-awtorità għandha tavża b'dan lill-Partijiet l-oħra tal-Ftehim tal-1958 li japplikaw dan ir-Regolament, permezz ta' formola ta' komunikazzjoni li tkun konformi mal-mudell fl-Anness 1 għal dan ir-Regolament.

13.   L-ISMIJIET U L-INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI, U TAD-DIPARTIMENTI AMMINISTRATTIVI

Il-Partijiet għall-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli mit-twettiq tat-testijiet tal-approvazzjoni, u tad-dipartimenti amminstrattivi li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni maħruġa f’pajjiżi oħra.

14.   DISPOŻIZZJONIJIET TRANŻITORJI

Fil-każ ta' fanali ta' quddiem ta' kontra ċ-ċpar ta' Klassi B:

14.1.1.   Mid-data uffiċjali tad-dħul fis-seħħ tas-serje ta’ emendi 03 f'dan ir-Regolament l-ebda Parti Kontraenti li tapplika dan ir-Regolament m’għandha tirrifjuta li tagħti approvazzjonijiet skont dan ir-Regolament kif emendat mis-serje ta’ emendi 03.

14.1.2.   Minn 24 xahar wara d-data tad-dħul fis-seħħ tas-serje ta’ emendi 03, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk il-fanali ta' quddiem ta' kontra ċ-ċpar ta' Klassi B jissodisfaw ir-rekwiżiti ta’ dan ir-Regolament kif emendat mis-serje ta’ emendi 03.

14.1.3.   Minn 36 xahar wara d-data tad-dħul fis-seħħ tas-serje ta’ emendi 03, il-Partijiet Kontraenti li japplikaw dan ir-Regolament għandhom jagħtu approvazzjonijiet biss jekk il-fanali ta' quddiem ta' kontra ċ-ċpar jissodisfaw ir-rekwiżiti ta’ Klassi F3 ta' dan ir-Regolament kif emendat mis-serje ta’ emendi 03.

14.1.4.   Approvazzjonijiet eżistenti għal fanali ta' quddiem ta' kontra ċ-ċpar li diġa' ġew mogħtija skont dan ir-Regolament qabel id-data tad-dħul fis-seħħ tas-serje ta' emendi 03 għandhom jibqgħu validi. Madankollu, wara d-data tad-dħul fis-seħħ tas-serje ta' emendi 03, il-Partijiet Kontraenti li japplikaw dan il-Regolament jistgħu jipprojbixxu t-twaħħil ta' fanali ta' quddiem ta' kontra ċ-ċpar mgħammra b'bozoz tal-filament sakemm dawn ma jissodisfawx ir-rekwiżiti tar-Regolament Nru 37.

Il-Partijiet Kontraenti li japplikaw dan ir-Regolament jistgħu jipprojbixxu t-twaħħil ta' tagħmir, li ma jissodisfawx ir-rekwiżiti ta' dan ir-Regolament:

14.1.5.1.   fuq vetturi li għalihom tingħata approvazzjoni skont it-tip jew approvazzjoni individwali aktar minn 24 xahar wara d-data tad-dħul fis-seħħ imsemmija fil-paragrafu 14.1.1.

14.1.5.2.   fuq vetturi li kienu rreġistrati għall-ewwel darba aktar minn 60 xahar wara d-data tad-dħul fis-seħħ imsemmija fil-paragrafu 14.1.1.

Minn 60 xahar wara d-data tad-dħul fis-seħħ tas-serje ta’ emendi 03, il-Partijiet Kontraenti li japplikaw dan ir-Regolament għandhom jirrifjutaw li jagħtu kwalunkwe estensjoni ta' approvazzjonijiet jekk il-fanali ta' quddiem ta' kontra ċ-ċpar ma jissodisfawx ir-rekwiżiti tal-Klassi F3 ta' dan ir-Regolament kif emendat bis-serje ta' emendi 03.

14.1.6.1.   Il-Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal fanali ta' quddiem ta' kontra ċ-ċpar fuq il-bażi tas-serje ta' emendi 03 u 02 f'dan ir-Regolament, sakemm il-fanali ta' quddiem ta' kontra ċ-ċpar huma maħsuba bħala sostitut biex jitwaħħlu fuq vetturi waqt it-tħaddim.

Fil-każ ta' fanali ta' quddiem ta' kontra ċ-ċpar ta' Klassi F3:

14.2.1.   Xejn.

---

(1)  Xejn f'dan ir-Regolament m'għandu jwaqqaf lil Parti għall-Ftehim li tapplika dan ir-Regolament milli tipprojbixxi li fanal ta' quddiem ta' kontra ċ-ċpar li għandu lenti magħmula minn materjal tal-plastik, approvat skont dan ir-Regolament, li jingħaqad ma' tagħmir mekkaniku għat-tindif tal-fanal ta' quddiem (b'wajpers).

(2)  Kif imfisser fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3) (dokument TRANS/WP.29/78/Rev.1/Amend.2, kif emendat l-aħħar bl-Emenda 4).

(3)  Jekk il-lenti ma tistax tinqala' mill-qafas prinċipali tal-fanal ta' quddiem ta' kontra ċ-ċpar, spazju fuq il-lenti jew il-qafas għandu jkun biżżejjed.

(4)  1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għal dik li kienet ir-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għal New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta), 56 għall-Montenegro, 57 (vojta) u 58 għat-Tuniżija. In-numri segwenti għandhom jingħataw lil pajjiżi oħra fl-ordni kronoloġika li fiha jirratifikaw jew jiffirmaw il-Ftehim li Jikkonċerna l-Adozzjoni tad-Dispożizzjonijiet Tekniċi Uniformi għall-Vetturi bir-Roti, għat-Tagħmir u għall-Partijiet li jistgħu Jitwaħħlu u/jew Jintużaw fuq il-Vetturi bir-Roti u l-Kundizzjonijiet għall-Għarfien Reċiproku tal-Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.

(5)  Konformità mar-rekwiżiti għal kompatibbiltà elettromanjetika hija rilevanti għat-tip tal-vettura.

(*1)  Il-koordinati huma speċifikati fi gradi għal web angulari b'assi polari vertikali.

(*2)  Il-koordinati huma speċifikati fi gradi għal web angulari b'assi polari vertikali.

(*3)  Ara l-paragrafu 6.4.3.4.

(*4)  Ara l-paragrafu 6.4.3.2.

(6)  Din id-determinazzjoni se tkun is-suġġett ta' rakkomandazzjoni lill-Amministratturi.