ISSN 1725-5104 doi:10.3000/17255104.L_2010.130.mlt |
||
Il-Ġurnal Uffiċjali tal-Unjoni Ewropea |
L 130 |
|
![]() |
||
Edizzjoni bil-Malti |
Leġiżlazzjoni |
Volum 53 |
Werrej |
|
II Atti mhux leġislattivi |
Paġna |
|
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI |
|
|
* |
||
|
* |
||
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġislattivi
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
28.5.2010 |
MT |
Il-Ġurnal Uffiċjali tal-Unjoni Ewropea |
L 130/1 |
It-testi oriġinali NU/KEE biss għandhom effett legali skont il-liġi pubblika internazzjonali. L-istat u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus NU/KEE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 77 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi dwar l-approvazzjoni ta’ lampi tal-ipparkjar għal vetturi bil-mutur
Tinkorpora t-test validu kollu sa:
Is-suppliment 12 għall-verżjoni oriġinali tar-Regolament – Id-data tad-dħul fis-seħħ: 15 ta’ Ottubru 2008
WERREJ
REGOLAMENT
1. |
Ambitu |
2. |
Definizzjonijiet |
3. |
Applikazzjoni għall-approvazzjoni |
4. |
Indikazzjonijiet |
5. |
Approvazzjoni |
6. |
Speċifikazzjonijiet ġenerali |
7. |
Karetteristiċi fotometriċi |
8. |
Il-proċedura tat-test |
9. |
Kulur id-dawl mitfugħ |
10. |
Rimarki dwar il-kuluri |
11. |
Modifikazzjonijiet ta’ tip ta’ lampa tal-ipparkjar u estensjoni tal-approvazzjoni |
12. |
Konformità ta’ produzzjoni |
13. |
Penali għal nuqqas ta’ konformità ta’ produzzjoni |
14. |
Produzzjoni mwaqqfa għal kollox |
15. |
Ismijiet u indirizzi ta’ Servizzi Tekniċi responsabbli mit-tmexxija ta’ testijiet ta’ approvazzjoni u tad-Dipartimenti Amministrattivi |
16. |
Dispożizzjonijiet tranżitorji |
ANNESSI
Anness 1 – |
Komunikazzjoni dwar l-approvazzjoni jew l-estensjoni jew ir-rifjut jew l-irtirar ta’ approvazzjoni jew produzzjoni li twaqqfet għal kollox ta’ tip ta’ lampa tal-ipparkjar skont ir-Regolament Nru 77 |
Anness 2 – |
Kif tkun imqassma marka ta’ approvazzjoni |
Anness 3 – |
Angoli minimi meħtieġa għad-distribuzzjoni tad-dawl |
Anness 4 – |
Kejl fotometriku |
Anness 5 – |
Kulur tad-dawl mitfugħ - Koordinati trikromatiċi |
Anness 6 – |
Rekwiżiti minimi għall-konformità ta’ proċeduri ta’ kontroll ta’ produzzjoni |
Anness 7 – |
Rekwiżiti minimi meħtieġa għat-teħid ta’ kampjuni minn spettur |
1. AMBITU
Ir-regolament japplika għal lampi tal-ipparkjar għal vetturi ta’ kategoriji M, N u T (1)
2. DEFINIZZJONIJIET
Għall-għanijiet ta’ dan ir-Regolament:
2.1. |
“Lampa tal-ipparkjar” tfisser il-lampa użata biex wieħed jinduna bil-preżenza ta’ vettura wieqfa; |
2.2. |
Id-definizzjonijiet mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw għal dan ir-Regolament; |
2.3. |
“Lampi tal-ipparkjar ta’ tipi differenti” tfisser lampi li jvarjaw f’aspetti essenzjali bħal:
Tibdil fil-kulur tal-lampa tal-filament jew il-kulur ta’ kwalunkwe filtru ma jikkostitwix bidla tat-tip. |
2.4. |
Ir-referenzi li saru f’dan ir-Regolament għal lampa(i) tal-filament standard (étalon) u għar-Regolament Nru 37 għandhom jirreferu għar-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip. |
3. APPLIKAZZJONI GĦAL APPROVAZZJONI
3.1. |
L-applikazzjoni għall-approvazzjoni għandha titressaq mill-proprjetarju tal-isem jew marka kummerċjali jew mir-rappreżentant tiegħu akkreditat. Fuq għażla tal-applikant, hija tispeċifika li l-apparat jista’ jitwaħħal mal-vettura b’inklinazzjonijiet differenti tal-assi ta’ referenza fir-rigward tal-uċuħ ta’ referenza tal-vettura u tal-art jew idur mal-assi ta’ riferenza tiegħu; dawn il-kundizzjonijiet differenti ta’ installazzjoni għandhom ikunu indikati fuq il-formola ta’ komunikazzjoni. |
3.2. |
Għal kull tip ta’ lampa tal-ipparkjar l-applikazzjoni jrid ikollha magħha:
|
4. INDIKAZZJONIJIET
4.1. |
Il-lampi tal-ipparkjar li jintbagħtu għall-approvazzjoni għandu jkollhom fuqhom b’mod ċar li jinqara u ma jitħassarx:
|
4.2. |
Kull lampa għandu jkollha spazju ta’ dimensjonijiet xierqa għall-marka ta’ approvazzjoni u għas-simbolu addizzjonali stipulat fil-paragrafu 5.5 hawn taħt; dan l-ispazju għandu jintwera fid-disinji msemmija fil-paragrafu 3.2.2 aktar ‘il fuq. |
4.3. |
Fil-każ ta’ lampi li jkollhom modulu(i) tas-sors tad-dawl, il-modulu(i) tas-sors tad-dawl għandu jkollu:
|
5. APPROVAZZJONI
5.1. |
L-approvazzjoni għandha tingħata jekk iż-żewġ kampjuni ta’ tip ta’ lampa tal-ipparkjar mibgħuta skont il-paragrafu 3.2.3 hawn fuq jissodisfaw id-dispożizzjonijiet ta’ dan ir-Regolament. |
5.2. |
Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (bħalissa 00 għar-Regolament fil-forma oriġinali tiegħu) għandhom jindikaw is-serje ta’ emendi li jinkorporaw l-aktar emendi riċenti tekniċi ewlenin li saru lir-Regolament meta nħarġet l-approvazzjoni. L-istess Parti Kontraenti ma tistax tassenja l-istess kodiċi lil tip ieħor ta’ lampa tal-ipparkjar. |
5.3. |
Meta tintalab approvazzjoni għal tip ta’ apparat li jdawwal u li jagħti sinjal bid-dawl li jinkludi lampa tal-ipparkjar u lampi oħrajn tista’ tinħareġ marka waħda ta’ approvazzjoni sakemm il-lampa kkonċernata tkun konformi mar-rekwiżiti ta’ dan ir-Regolament u sakemm kull waħda mil-lampi l-oħra li jagħmlu parti mill-apparat li jdawwal u li jagħti sinjal bid-dawl li għalih tintalab approvazzjoni tkun konformi mar-Regolament speċifiku li japplika għalihom. |
5.4. |
Notifika ta’ approvazzjoni jew ċaħda jew estensjoni jew revoka ta’ approvazzjoni jew ta’ produzzjoni li twaqqfet għal kollox għandha tintbagħat lill-Partijiet fil-Ftehim li japplikaw dan ir-Regolament permezz ta’ formola li hija f’konformità mal-mudell fl-Anness 1 ta’ dan ir-Regolament. |
5.5. |
Kull bozza tal-ipparkjar li tikkonforma ma’ tip approvat skont dan ir-Regolament għandu jkollha fl-ispazji msemmija fil-paragrafu 4.2 hawn fuq, minbarra l-indikazzjonijiet meħtieġa fil-paragrafu 4.1, marka ta’ approvazzjoni internazzjonali li tikkonsisti fi:
|
5.6. |
L-indikazzjoni skont il-paragrafi 4.1.1 u 5.5 għandha tkun tista’ tinqara b’mod ċar u li ma jitħassarx saħansitra meta l-lampi tal-ipparkjar jitwaħħlu fuq il-vetturi. |
5.7. |
Il-marka ta’ approvazzjoni għandha tkun tista’ tinqara b’mod ċar u li ma jitħassarx. Din tista’ titqiegħed fuq il-parti ta’ ġewwa jew ta’ barra (trasparenti jew le) tal-apparat li ma tistax tinfired mill-parti t-trasparenti tal-apparat li jitfa’ d-dawl. Ikun xi jkun il-każ, il-marki għandhom ikunu viżibbli meta l-apparat jitwaħħal fuq il-vettura jew meta tinfetaħ xi parti li tiċċaqlaq bħall-bonit jew il-bieba ta’ wara jew bieba oħra. |
5.8. |
L-Anness 2 ta’ dan ir-Regolament jagħti eżempju ta’ kif tkun imqassma l-marka tal-approvazzjoni. |
6. SPEĊIFIKAZZJONIJIET ĠENERALI
6.1. |
Kull kampjun għandu jkun konformi mal-ispeċifikazzjonijiet tal-paragrafi 7 u 9 ta’ dan ir-Regolament. |
6.2. |
Il-lampi tal-ipparkjar għandhom ikunu ddisinjati u mibnija b’mod li waqt l-użu normali, minkejja d-dvenvin li jkunu soġġetti għalih, jibqa’ jiġi żgurat it-tħaddim tagħhom u ma jitilfux il-karatteristiċi stipulati b’dan ir-Regolament. |
6.3. |
Fil-każ ta’ moduli tas-sors tad-dawl, għandu jiġi ċċekkjat li:
|
6.4. |
Fil-każ ta’ lampa(i) tal-filament li tinbidel:
|
7. KARETTERISTIĊI FOTOMETRIĊI
7.1. |
Fl-assi ta’ referenza, d-dawl mitfugħ minn kull wieħed miż-żewġ kampjuni ma għandux ikun inqas mill-intensità minima u mhux aktar mill-intensità massima speċifikata hawn taħt:
|
7.2. |
Barra mill-assi ta’ referenza u fil-meded tal-angoli definiti fid-dijagrammi fl-Anness 3 ta’ dan ir-Regolament, l-intensità tad-dawl mitfugħ minn kull wieħed miż-żewġ kampjuni għandha tkun:
|
7.3. |
L-Anness 4 ta’ dan ir-Regolament imsemmi fil-paragrafu 7.2.1 jagħti dettalji tal-metodi ta’ kejl li għandhom jintużaw. |
8. PROĊEDURA TAT-TEST
Il-kejl kollu għandu jsir fuq lampi tal-filament standard mingħajr kulur tat-tipi rakkomandati għall-apparat, regolat b’mod biex jipproduċi l-flux normali ta’ dawl perskritt għal dawn it-tipi ta’ lampi.
8.1. |
Il-kejl kollu fuq lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn) għandu jsir fuq 6,75 V, 13,5 V jew 28,0 V rispettivament. Fil-każ ta’ sorsi ta’ dawl ipprovduti b’tagħmir speċjali ta’ provvista tal-kurrent, it-testijiet tal-vultaġġ imsemmija hawn fuq għandhom jiġu applikati fuq it-terminali ta’ dħul ta’ dan it-tagħmir ta’ provvista ta’ kurrent. Il-laboratorju inkarigat mit-testijiet jista’ jitlob lill-manifattur biex jipprovdilu t-tagħmir speċjali ta’ provvista ta’ kurrent meħtieġ għall-provvista ta’ kurrent lis-sorsi tad-dawl. |
8.2. |
Għandhom jiġu ddeterminati l-limiti tal-wiċċ apparenti fid-direzzjoni tal-assi ta’ referenza ta’ apparat li jagħti sinjal bid-dawl. |
9. KULUR ID-DAWL MITFUGĦ
Il-kuluri tad-dawl mitfugħ fi ħdan il-medda tax-xibka ta’ distribuzzjoni tad-dawl iddefinita fil-paragrafu 2 tal-Anness 4, imkejjel bl-użu ta’ sors ta’ dawl b’temperatura tal-kulur ta’ 2 856 K, li tikkorrispondi mal-illuminant A tal-Kummissjoni Internazzjonali dwar l-Illuminazzjoni (KII) għandhom ikunu aħmar, abjad jew ambra. Għall-ittestjar ara l-Anness 5 ta’ dan ir-Regolament. Barra minn din il-medda ebda varjazzjoni mmarkata ta’ kulur ma għandha tidher.
Iżda, għal lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn), il-karatteristiċi kolorimetriċi għandhom jiġu vverifikati mas-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.
10. RIMARKI DWAR IL-KULURI
Kull approvazzjoni skont dan ir-Regolament, bis-saħħa tal-paragrafu 5 hawn fuq, tingħata għal tip ta’ apparat li jitfa’ d-dawl ta’ kulur partikolari jew dawl mingħajr kulur; il-Partijiet Kontraenti fil-Ftehim li miegħu huwa anness dan ir-Regolament ma humiex għalhekk preklużi bl-artikolu 3 ta’ dan il-Ftehim milli jipprojbixxu, għal apparati mwaħħla fuq il-vetturi reġistrati minnhom, ċerti kuluri stipulati f’dan ir-Regolament.
11. MODIFIKAZZJONIJIET TA’ TIP TA’ LAMPA TAL-IPPARKJAR U ESTENSJONI TAL-APPROVAZZJONI
11.1. |
Kull modifika tat-tip ta’ lampa tal-ipparkjar għandha tkun innotifikata lid-dipartiment amministrattiv li approva t-tip ta’ lampa tal-ipparkjar. Id-dipartiment jista’ mbagħad jew:
|
11.2. |
Konferma jew ċaħda ta’ approvazzjoni li tispeċifika x’inhi l-modifika għandha tiġi kkomunikata bil-proċedura speċifikata fil-paragrafu 5.4 ta’ hawn fuq. |
11.3. |
L-Awtorità Kompetenti li toħroġ l-estensjoni tal-approvazzjoni għandha tagħti numru tas-serje lil kull formola ta’ komunikazzjoni li ssir għal estensjoni bħal din. |
12. KONFORMITÀ TA’ PRODUZZJONI
Il-proċeduri ta’ Konformità ta’ Produzzjoni għandhom jikkonformaw ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:
12.1. |
Il-lampi approvati taħt dan ir-Regolament għandhom jiġu mmanifatturati b’mod li jikkonformaw mat-tip approvat billi jissodisfaw ir-rekwiżiti stabbiliti fil-paragrafi 7 u 9 hawn fuq. |
12.2. |
Għandu jkun hemm konformità mar-rekwiżiti minimi għall-konformità tal-proċeduri tal-kontroll tal-produzzjoni stabbiliti fl-Anness 6 għal dan ir-Regolament. |
12.3. |
Għandu jkun hemm konfomità mar-rekwiżiti minimi meħtieġa għat-teħid ta’ kampjuni minn spettur kif stabbilit fl-Anness 7 ta’ dan ir-Regolament. |
12.4. |
L-awtorità li tkun tat l-approvazzjoni tat-tip tista’ fi kwalunkwe ħin tivverifika l-metodi tal-kontroll tal-konformità applikati f’kull stabbiliment ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn. |
13. PENALI GĦAL NUQQAS TA’ KONFORMITÀ TA’ PRODUZZJONI
13.1. |
L-approvazzjoni mogħtija fir-rigward ta’ tip ta’ lampa tal-ipparkjar skont dan ir-Regolament tista’ tiġi revokata jekk ma hemmx konformità mar-rekwiżiti jew jekk lampa tal-ipparkjar li għandha l-marka ta’ approvazzjoni ma tikkonformax mat-tip approvat. |
13.2. |
Jekk Parti fil-Ftehim li tapplika dan ir-Regolament tirtira approvazzjoni li tkun tat qabel, hi għandha minnufih tgħarraf b’dan lill-Partijiet l-oħra Kontraenti li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament. |
14. PRODUZZJONI MWAQQFA GĦAL KOLLOX
Jekk id-detentur tal-approvazzjoni jieqaf għal kollox milli jimmanifattura lampi tal-ipparkjar skont dan ir-Regolament, hu għandu jinforma minnufih lill-awtorità li tat l-approvazzjoni. Malli tirċievi l-komunikazzjoni rilevanti din l-awtorità għandha tavża b’dan il-Partijiet l-oħra fil-Ftehim li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament.
15. ISMIJIET U INDIRIZZI TA’ SERVIZZI TEKNIĊI RESPONSABBLI MIT-TMEXXIJA TA’ TESTIJIET TA’ APPROVAZZJONI U TA’ DIPARTIMENTI AMMINISTRATTIVI
Il-Partijiet Kontraenti fil-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet ta’ approvazzjoni u tad-Dipartimenti Amminstrattivi li jagħtu l-approvazzjoni fejn għandhom jintbagħtu l-formoli li jiċċertifikaw approvazzjoni jew estensjoni jew ċaħda jew revoka ta’ approvazzjoni maħruġa f’pajjiżi oħra.
16. DISPOŻIZZJONIJIET TRANŻITORJI
16.1. |
Sa mid-data uffiċjali tad-dħul fis-seħħ tas-Suppliment 5 tar-Regolament, l-ebda Parti Kontraenti li tapplika dan ir-Regolament ma għandha tiċħad li tagħti approvazzjonijiet ECE skont dan ir-Regolament kif ġie emendat bis-Suppliment 5. |
16.2. |
Sa minn 24 xahar wara d-dħul fis-seħħ, il-Partijiet Kontraenti li japplikaw dan ir-Regolament għandhom jagħtu approvazzjonijiet ECE biss jekk it-tip ta’ lampa tal-ipparkjar li se tkun approvata tissodisfa r-rekwiżiti ta’ dan ir-Regolament kif emendat bis-Suppliment 5. |
16.3. |
Partijiet Kontraenti li japplikaw dan ir-Regolament ma għandhomx jiċħdu estensjonijiet ta’ approvazzjoni ta’ dan ir-Regolament fil-forma oriġinali tiegħu u s-supplimenti sussegwenti. |
16.4. |
Partijiet Kontraenti li japplikaw dan ir-Regolament għandhom ikomplu jagħtu approvazzjonijiet għal dawk it-tipi ta’ lampi tal-ipparkjar li huma konformi mar-rekwiżiti ta’ dan ir-Regolament fil-forma oriġinali tiegħu u s-supplimenti sussegwenti tul il-perjodu ta’ 12-il xahar wara d-data tad-dħul fis-seħħ tas-Suppliment 5 tar-Regolament. |
16.5. |
Approvazzjonijiet ECE mogħtija skont dan ir-Regolament qabel it-12-il xahar wara d-data tad-dħul fis-seħħ u l-estensjonijiet kollha ta’ approvazzjonijiet, inklużi dawk ta’ dan ir-Regolament fil-forma oriġinali tiegħu u s-supplimenti sussegwenti għandhom jibqgħu validi indefinitivament. Meta t-tip ta’ lampa tal-ipparkjar approvata skont dan ir-Regolament fil-forma oriġinali tiegħu u s-supplimenti sussegwenti jkun konformi mar-rekwiżiti ta’ dan ir-Regolament kif emendat bis-Suppliment 5, il-Parti Kontraenti li tat l-approvazzjoni għandha tinnotifika minnufih lill-Partijiet Kontraenti l-oħra li japplikaw dan ir-Regolament. |
16.6. |
Ebda Parti Kontraenti li tapplika dan ir-Regolament ma għandha tirrifjuta tip ta’ lampa tal-ipparkjar approvata skont is-Suppliment 5 ta’ dan ir-Regolament. |
16.7. |
Sa 36 xahar wara d-dħul fis-seħħ tas-Suppliment 5 tar-Regolament ebda Parti Kontraenti li tapplika dan ir-Regolament ma għandha tirrifjuta xi tip ta’ lampa tal-ipparkjar approvata skont ir-Regolament fil-forma oriġinali tiegħu u s-supplimenti sussegwenti. |
16.8. |
Minn 36 xahar wara d-dħul fis-seħħ tas-Suppliment 5 tar-Regolament, il-Partijiet Kontraenti li japplikaw dan ir-Regolament jistgħu jirrifjutaw il-bejgħ ta’ tip ta’ lampa tal-ipparkjar li ma tissodisfax ir-rekwiżiti tas-Suppliment 5 ta’ dan ir-Regolament sakemm il-lampa tal-ipparkjar ma tkunx maħsuba bħala sper biex titwaħħal fuq vetturi fl-użu. |
16.9. |
Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal lampi tal-ipparkjar fuq il-bażi ta’ xi Supplimenti preċedenti tar-Regolament sakemm il-lampi tal-ipparkjar huma maħsuba bħala sper biex jitwaħħlu fuq vetturi fl-użu. |
16.10. |
Sa mid-data uffiċjali tad-dħul fis-seħħ tas-Suppliment 5 tar-Regolament, l-ebda Parti Kontraenti li tapplika dan ir-Regolament ma għandha tiċħad it-twaħħil ta’ lampa tal-ipparkjar fuq vettura approvata skont dan ir-Regolament kif ġie emendat bis-Suppliment 5. |
16.11. |
Partijiet Kontraenti li japplikaw dan ir-Regolament għandhom ikomplu jippermettu t-twaħħil ta’ tipi ta’ lampi tal-ipparkjar approvati skont dan ir-Regolament fil-forma oriġinali tiegħu u s-supplimenti sussegwenti tul il-perjodu ta’ 48 xahar wara d-data tad-dħul fis-seħħ tas-Suppliment 5 tar-Regolament. |
16.12. |
Meta jiskadi l-perjodu ta’ 48 xahar wara d-data tad-dħul fis-seħħ tas-Suppliment 5 tar-Regolament, Partijiet Kontraenti li japplikaw dan ir-Regolament jistgħu jipprojbixxu t-twaħħil ta’ lampi tal-ipparkjar li ma jissodisfawx ir-rekwiżiti ta’ dan ir-Regolament kif ġie emendat bis-Suppliment 5 fuq vettura ġdida li tkun ingħatat approvazzjoni għat-tip nazzjonali jew approvazzjoni individwali aktar minn 24 xahar wara d-dħul fis-seħħ tas-Suppliment 5 tar-Regolament. |
16.13. |
Meta jiskadi perjodu ta’ 60 xahar wara d-data tad-dħul fis-seħħ, Partijiet Kontraenti li japplikaw dan ir-Regolament jistgħu jipprojbixxu t-twaħħil ta’ lampi tal-ipparkjar li ma jissodisfawx ir-rekwiżiti ta’ dan ir-Regolament kif ġie emendat bis-Suppliment 5 fuq vettura ġdida li tkun irreġistrata għall-ewwel darba aktar minn 60 xahar wara d-data tad-dħul fis-seħħ tas-Suppliment 5 tar-Regolament. |
(1) Kif definit fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (id-dokument TRANS/WP.29/78/Rev.1/Amend.2 kif emendat l-aħħar mill-Emenda 4).
(2) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għal dik li kienet ir-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għal New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta), 56 għall-Montenegro, 57 (vojta) u 58 għat-Tuniżija. Numri sussegwenti għandhom jingħataw lil pajjiżi oħra fl-ordni kronoloġiku li fih jirratifikaw jew jiffirmaw il-Ftehim li Jikkonċerna l-Adozzjoni ta’ Dispożizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi bir-Roti u l-Kundizzjonijiet għal Għarfien Reċiproku ta’ Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti fil-Ftehim.
ANNESS 2
TQASSIM TAL-MARKA TA’ APPROVAZZJONI
Moduli ta’ sors ta’ dawl
MD E3 17325
Il-modulu ta’sors ta’ dawl bil-kodiċi ta’ identifikazzjoni li jdher hawn fuq ġie approvat flimkien ma’ lampa approvata fl-Italja (E3) taħt numru ta’ approvazzjoni 17325.
ANNESS 3
ANGOLI MINIMI MEĦTIEĠA GĦAD-DISTRIBUZZJONI TAD-DAWL (*)
Fil-każijiet kollha, l-angoli minimi weqfin ta’ distribuzzjoni tad-dawl huma 15° ‘il fuq u 15° ‘l isfel mil-linja l-mimduda għajr għal lampi li jitwaħħlu fuq għoli ta’ 750 mm jew anqas mill-art, li għalihom l-angoli huma ta’ 15° ‘il fuq u 5° ‘l isfel mil-linja l-mimduda.
(*) L-angoli murija f’dawn id-dijagrammi huma tajbin għal apparati li jiġu mmuntati fuq in-naħa tal-lemin tal-vettura. Il-vleġġeġ jippontaw lejn ‘il quddiem tal-vettura.
ANNESS 4
KEJL FOTOMETRIKU
1. METODI TA’ KEJL
1.1. Matul il-kejl fotometriku, riflessi li jimirħu għandhom jiġu evitati b’għata addattat.
1.2. Kemm-il darba r-riżultati tal-kejl jiġu kkontestati, il-kejl għandu jsir b’tali mod li jissodisfa r-rekwiżiti li ġejjin:
1.2.1. |
id-distanza tal-kejl għandha tkun tali li tkun applikabbli l-liġi tal-invers tal-kwadrat tad-distanza; |
1.2.2. |
it-tagħmir tal-kejl għandu jkun tali li l-fetħa angolari ta’ min jirċievi kif tidher miċ-ċentru ta’ referenza tad-dawl hi bejn 10’ u 1°; |
1.2.3. |
ir-rekwiżit ta’ intensità għal direzzjoni partikolari ta’ osservazzjoni għandu jkun ikkunsidrat bħala sodisfatt jekk dan il-rekwiżit jintlaħaq f’direzzjoni li tiddevja b’mhux aktar minn 15’ mid-direzzjoni ta’ osservazzjoni. |
1.3. Fil-każ fejn l-apparat jista’ jiġi installat fuq il-vettura f’aktar minn pożizzjoni waħda jew f’medda ta’ pożizzjonijiet differenti, il-kejl fotometriku għandu jiġu ripetut għal kull pożizzjoni jew għall-pożizzjonijiet estremi tal-medda tal-assi ta’ referenza speċifikata mill-manifattur.
2. SKEDA TA’ DISTRIBUZZJONI TAL-INTENSITÀ LUMINUŻA STANDARD
Xellug |
Lemin |
|
2.1. Id-direzzjoni H = 0° u V = 0° tikkorrispondi għal-assi ta’ referenza. (Fuq il-vettura dan huwa mimdud, parallel mal-wiċċ loġitudinali medjan tal-vettura u orjentat fid-direzzjoni meħtieġa ta’ viżibilità). Huwa jgħaddi miċ-ċentru ta’ referenza. Il-valuri li jidhru fl-iskeda jagħtu, fil-każ tad-direzzjonijiet varji ta’ kejl, l-intensitajiet minimi bħala perċentwali tal-minimu meħtieg fl-assi għal kull lampa (fid-direzzoni H = 0° u V = 0°).
2.2. Fi ħdan il-medda ta’ distribuzzjoni ta’ dawl tal-paragrafu 2, li tidher b’mod skematiku bħala grilja, id-disinn tad-dawl għandu jkun sostanzjalment uniformi fis-sens li l-intensità tad-dawl f’kull direzzjoni ta’ parti mill-medda ffurmata mil-linji tal-grilja tilħaq tal-anqas il-valur perċentwali minimu l-aktar baxx li jidher (disponibbli) fuq il-linji tal-grilja madwar id-direzzjoni inkwistjoni.
2.3. Iżda f’każ fejn l-apparat huwa maħsub biex jiġi installat f’għoli ta’ 750 mm jew anqas mill-art, l-intensità fotometrika tiġi vverifikata biss sa angolu ta’ 5° ‘l isfel.
3. KEJL FOTOMETRIKU TA’ LAMPI
L-effiċjenza fotometrika għandha tiġi ċċekkjata:
3.1. Għal sorsi ta’ dawl li mhumiex sostitwibbli (lampi tal-filament u oħrajn):
bis-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.
3.2. Għal lampi tal-filament li jistgħu jinbidlu:
meta mgħammra b’lampi tal-filament ta’ 6,75 V, 13,5 V jew 28,0 V, il-valuri ta’ intensità luminuża prodotti għandhom ikunu kkoreġuti. Il-fattur ta’ korrezzjoni huwa l-proporzjon bejn il-fluss luminuż ta’ referenza u l-valur medju tal-fluss luminuż li jinsab fil-vultaġġ applikat (6,75 V, 13,5 V jew 28,0 V). Il-flussi luminużi attwali ta’ kull lampa tal-filament użata ma għandhomx jiddevjaw aktar minn ± 5 fil-mija mill-valur medju. B’mod alternattiv, lampa tal-filament standard tista’ tintuża minflok, f’kull waħda mill-pożizzjonijiet individwali, operata bil-fluss ta’ referenza tagħha u bil-kejlijiet individwali f’kull pożizzjoni magħduda ma’ xulxin.
3.3. Għal kull lampa li tagħti sinjal bid-dawl għajr dawk mgħammra b’lampa(i) tal-filament, l-intensitajiet luminużi mkejla wara minuta u wara 30 minuta ta’ użu, għandhom ikunu konformi mar-rekwiżiti minimi u massimi. Id-distribuzzjoni tal-intensità luminuża wara minuta ta’ użu tista’ tiġi kkalkolata mid-distribuzzjoni ta’ intensità luminuża wara 30 minuta ta’ użu billi jiġi applikat ma’ kull punt tat-test il-proporzjon ta’ intensitajiet luminużi mkejla b’vultaġġ għoli (HV) wara minuta u wara 30 minuta ta’ użu.
ANNESS 5
KULUR ID-DAWL MITFUGĦ: KOORDINATI TA’ KROMATIĊITÀ
Biex jiġu ċċekkjati dawn il-karatteristiċi kolorimetriċi, għandu jintuża sors ta’ dawl b’temperatura ta’ kulur ta’ 2 854 K li jikkorrispondi mal-illuminant A tal-Kummissjoni Internazzjonali dwar l-Illuminazzjoni (CIE). Iżda, għal lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn), il-karatteristiċi kolorimetriċi għandhom jiġu vverifikati mas-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.
ANNESS 6
Rekwiżiti minimi għall-konformità ta’ proċeduri ta’ kontroll ta’ produzzjoni
1. ĠENERALI
1.1. Ir-rekwiżiti ta’ konformità jitqiesu sodisfatti mil-lat mekkaniku u ġeometriku jekk id-differenzi ma jeċċedux id-devjazzjonijiet inevitabbli tal-manifattura koperti fir-rekwiziti ta’ dan ir-Regolament.
1.2. Fir-rigward tal-effiċjenza fotometrika, il-konformità ta’ lampi prodotti bil-massa ma għandhiex tkun ikkontestata jekk, meta tiġi ttestjata l-effiċjenza fotometrika ta’ kwalunkwe lampa magħżula b’mod każwali u mgħammra b’lampa tal-filament standard, jew meta l-lampi huma mgħammra b’sorsi ta’ dawl mhux sostitwibbli (lampi tal-filament jew oħrajn), u meta l-kejl kollu jsir fuq 6,75 V, 13,5 V jew 28,0 V, rispettivament:
1.2.1. |
ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament. |
1.2.2. |
Jekk, fil-każ ta’ lampa mgħammra b’sors ta’ dawl sostitwibbli u jekk ir-riżultati tat-test deskritt hawn fuq ma jissodisfawx ir-rekwiżiti, it-testijiet fuq il-lampi għandhom jerġgħu jsiru permezz ta’ lampa oħra standard tal-filament. |
1.3. Ikun hemm konformità mal-koordinati tal-kromatiċità meta l-lampa tkun mgħammra b’lampa standard tal-filament, jew għal lampi mgħammra b’sorsi ta’ dawl mhux sostitwibbli (lampi tal-filament jew oħrajn) meta l-karatteristiċi kolorimetriċi jiġu vverifikati mas-sors ta’ dawl li jinsab fil-lampa.
2. REKWIŻITI MINIMI GĦALL-VERIFIKA TAL-KONFORMITÀ MILL-MANIFATTUR
Għal kull tip ta’ lampa, id-detentur tal-marka tal-approvazazjoni għandu jwettaq tal-inqas it-testijiet li ġejjin, f’intervalli xierqa. It-testijiet għandhom jitwettqu skont id-dispożizzjonijiet ta’ dan ir-Regolament.
Jekk minn xi kampjuni jirriżulta li ma hemmx konformità fir-rigward tat-tip ta’ test ikkonċernat, iridu jerġgħu jittieħdu kampjuni oħrajn u jiġu ttestjati Il-manifattur għandu jieħu passi biex jiżgura l-konformità tal-produzzjoni kkonċernata.
2.1. In-natura tat-testijiet
It-testijiet ta’ konformità f’dan ir-Regolament għandhom ikopru l-karatteristiċi fotometriċi u kolorimetriċi.
2.2. Metodi użati fit-testijiet
2.2.1. |
Ġeneralment, it-testijiet għandhom jitwettqu skont il-metodi stabbiliti f’dan ir-Regolament. |
2.2.2. |
Fi kwalunkwe test tal-konformità mwettaq mill-manifattur, jistgħu jintużaw metodi ekwivalenti bil-kunsens tal-Awtorità Kompetenti responsabbli għat-testijiet tal-approvazzjoni. Hija r-responsabbiltà tal-manifattur li jipprova li l-metodi li juża huma ekwivalenti għal dawk li hemm stipulati fir-Regolament. |
2.2.3. |
L-applikazzjoni tal-paragrafi 2.2.1 u 2.2.2 teħtieġ kalibrar regolari tal-apparat tat-test u l-korrelazzjoni tiegħu ma’ kejl magħmul minn Awtorità Kompetenti. |
2.2.4. |
Fil-każijiet kollha l-metodi ta’ referenza għandhom ikunu dawk ta’ dan ir-Regolament, b’mod partikolari għall-fini ta’ verifika amministrattiva u ta’ teħid ta’ kampjuni. |
2.3. Kif jittieħdu l-kampjuni
Il-kampjuni tal-lampi għandhom jintgħażlu b’mod każwali mill-produzzjoni ta’ grupp uniformi. Grupp uniformi jfisser sett ta’ lampi tal-istess tip, iddefinit skont il-metodi ta’ produzzjoni tal-manifattur.
Il-valutazzjoni għandha tkopri b’mod ġenerali produzzjoni f’serje minn fabbriki individwali. Madankollu, manifattur jista’ jiġbor flimkien dokumenti li jikkonċernaw l-istess tip minn bosta fabbriki, dment li dawn joperaw taħt l-istess sistema ta’ kwalità u ta’ ġestjoni ta’ kwalità.
2.4. Karatteristiċi fotometriċi mkejlin u nnotati
Il-lampa fil-kampjun għandu jsir kejl fotometriku fuqha għall-valuri minimi fil-punti elenkati fl-Anness 4 u l-koordinati ta’ kromatiċità meħtieġa.
2.5. Il-kriterji ta’ x’inhu aċċettabbli
Il-manifattur huwa responsabbli mit-twettiq ta’ studju statistiku tar-riżultati tat-test u biex jiddefinixxi, bi ftehim mal-Awtorità Kompetenti, il-kriterji li jirregolaw l-aċċettabilità tal-prodotti tiegħu sabiex ikunu sodisfatti l-ispeċifikazzjonijiet stabbiliti għall-verifika tal-konformità tal-prodotti fil-paragrafu 12.1 ta’ dan ir-Regolament.
Il-kriterji li jirregolaw l-aċċettabilità għandhom ikunu tali li, b’livell ta’ kunfidenza ta’ 95 fil-mija, il-probabbiltà minima ta’ suċċess f’kontroll għall-għarrieda skont l-Anness 7 (l-ewwel teħid tal-kampjuni) tkun ta’ 0,95.
ANNESS 7
REKWIŻITI MINIMI GĦAT-TEĦID TA’ KAMPJUNI MINN SPETTUR
1. ĠENERALI
1.1. Ir-rekwiżiti ta’ konformità għandhom jitqiesu sodisfatti mil-lat mekkaniku u ġeometriku, skont ir-rekwiżiti ta’ dan ir-Regolament, jekk ikun hemm, jekk id-differenzi ma jaqbżux id-devjazzjonijiet inevitabbli tal-manifattura.
1.2. Fir-rigward tal-effiċjenza fotometrika, il-konformità ta’ lampi prodotti bil-massa ma għandhiex tkun ikkontestata jekk, meta tiġi ttestjata l-effiċjenza fotometrika ta’ kwalunkwe lampa magħżula b’mod każwali u mgħammra b’lampa tal-filament standard, jew meta l-lampi huma mgħammra b’sorsi ta’ dawl mhux sostitwibbli (lampi tal-filament jew oħrajn), u meta l-kejl kollu jsir fuq 6,75 V, 13,5 V jew 28,0 V, rispettivament:
1.2.1. |
ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament. |
1.2.2. |
Jekk, fil-każ ta’ lampa mgħammra b’sors ta’ dawl sostitwibbli u jekk ir-riżultati tat-test deskritt hawn fuq ma jissodisfawx ir-rekwiżiti, it-testijiet fuq il-lampi għandhom jerġgħu jsiru permezz ta’ lampa oħra standard tal-filament. |
1.2.3. |
Lampi b’difetti evidenti jitwarrbu. |
1.3. Ikun hemm konformità mal-koordinati tal-kromatiċità meta l-lampa tkun mgħammra b’lampa standard tal-filament, jew għal lampi mgħammra b’sorsi ta’ dawl mhux sostitwibbli (lampi tal-filament jew oħrajn) meta l-karatteristiċi kolorimetriċi jiġu vverifikati mas-sors ta’ dawl li jinsab fil-lampa.
2. L-EWWEL TEĦID TA’ KAMPJUNI
Fl-ewwel teħid ta’ kampjuni jintgħażlu erba’ lampi b’mod kawżali. L-ewwel kampjun ta’ tnejn jiġi mmarkat A, it-tieni kampjun ta’ tnejn jiġi mmarkat B.
2.1. Il-konformità ma tkunx ikkontestata
2.1.1. |
Skont il-proċedura ta’ teħid ta’ kampjuni kif tidher fil-Figura 1 ta’ dan l-anness, il-konformità tal-lampi prodotti bil-massa ma għandhiex tiġi kkontestata jekk id-devjazzjoni tal-valuri mkejla tal-lampi fid-direzzjonijiet mhux favorevoli huma:
|
2.1.2. |
jew, jekk il-kundizzjonijiet tal-paragrafu 1.2.1. għall-kampjun A jiġu sodisfatti. |
2.2. Il-konformità tkun ikkontestata
2.2.1. |
Skont il-proċedura tat-teħid tal-kampjuni kif tidher fil-Figura 1 ta’ dan l-anness, il-konformità tal-lampi prodotti bil-massa għandha tiġi kkontestata u l-manifattur jintalab iġib il-produzzjoni tiegħu b’mod li tissodisfa r-rekwiżiti (allinjament) jekk id-devjazzjonijiet tal-valuri mkejla tal-lampi huma:
|
2.2.2. |
jew, jekk il-kundizzjonijiet tal-paragrafu 1.2.2. għall-kampjun A mhumiex sodisfatti. |
2.3. Approvazzjoni revokata
Il-konformità għandha tkun ikkontestata u jkun applikat il-paragrafu 13 jekk, skont il-proċedura ta’ teħid ta’ kampjuni fil-Figura 1 ta’ dan l-Anness, id-devjazzjonijiet tal-valuri mkejla tal-lampi huma:
2.3.1. |
kampjun A
|
2.3.2. |
kampjun B
|
2.3.3. |
jew, jekk il-kundizzjonijiet tal-paragrafu 1.2.2 għall-kampjun A u B mhumiex sodisfatti. |
3. TEĦID TA’ KAMPJUNI RIPETUT
Fil-każ ta’ A3, B2, B3 jeħtieġ teħid ripetut ta’ kampjuni, it-tielet kampjun C ta’ żewġ lampi u r-raba’ kampjun D ta’ żewġ lampi, magħżula mill-istokk immanifatturat wara l-allinjament fi żmien xahrejn wara n-notifika.
3.1. Il-konformità ma tkunx ikkontestata
3.1.1. |
Skont il-proċedura tat-teħid tal-kampjuni li tidher fil-Figura 1 ta’ dan l-anness, il-konformità tal-lampi prodotti bil-massa ma għandhiex tiġi kkontestata jekk id-devjazzjonijiet tal-valuri mkejla tal-lampi huma:
|
3.1.2. |
jew, jekk il-kundizzjonijiet tal-paragrafu 1.2.2. għall-kampjun C jiġu sodisfatti. |
3.2. Il-konformità tkun ikkontestata
3.2.1. |
Skont il-proċedura tat-teħid tal-kampjuni kif tidher fil-Figura 1 ta’ dan l-anness, il-konformità tal-lampi prodotti bil-massa għandha tiġi kkontestata u l-manifattur jintalab iġib il-produzzjoni tiegħu b’mod li tissodisfa r-rekwiżiti (allinjament) jekk id-devjazzjonijiet tal-valuri mkejla tal-lampi huma:
|
3.3. Approvazzjoni revokata
Il-konformità għandha tkun ikkontestata u jkun applikat il-paragrafu 13 jekk, skont il-proċedura ta’ teħid ta’ kampjuni fil-Figura 1 ta’ dan l-Anness, id-devjazzjonijiet tal-valuri mkejla tal-lampi huma:
3.3.1. |
kampjun C
|
3.3.2. |
kampjun D
|
3.3.3. |
jew, jekk il-kundizzjonijiet tal-paragrafu 1.2.2 għall-kampjuni C u D mhumiex sodisfatti. |
Figura 1
28.5.2010 |
MT |
Il-Ġurnal Uffiċjali tal-Unjoni Ewropea |
L 130/19 |
It-testi oriġinali NU/ECE biss għandhom effett legali skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament għandhom jiġu verifikati skont l-aħħar verżjoni tad-dokument tal-istatus tan-NU/ECE TRANS/WP.29/343, disponibbli fuq:
http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 90 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi li jikkonċernaw l-approvazzjoni ta’ tagħmir tal-kisjiet tat-tibdil tal-brejkijiet u l-kisjiet tal-brejkijiet tanbur għall-vetturi awtomottivi u t-trejlers tagħhom
Tinkorpora t-test validu kollu sa:
Is-suppliment 11 sas-serje ta’ emendi 01 – Data tad-dħul fis-seħħ: 24 ta’ Ottubru 2009
WERREJ
REGOLAMENT
1. |
Ambitu |
2. |
Definizzjonijiet |
3. |
Applikazzjoni għall-approvazzjoni |
4. |
Approvazzjoni |
5. |
Speċifikazzjonijiet u testijiet |
6. |
Imballaġġ u mmarkar |
7. |
Modifiki u estensjoni tal-approvazzjoni tat-tagħmir tal-kisi tat-tibdil tal-brejk jew il-kisi tat-tibdil tal-brejk tanbur |
8. |
Konformità tal-produzzjoni |
9. |
Multi għal nuqqas ta’ konformità tal-produzzjoni |
10. |
Produzzjoni mwaqqfa għal kollox |
11. |
Ismijiet u indirizzi ta’ Dipartimenti Tekniċi responsabbli għat-twettiq tat-testijiet tal-approvazzjoni, u ta’ Dipartimenti Amministrattivi |
12. |
Dispożizzjonijiet tranżitorji |
ANNESSI
Anness 1 – |
Komunikazzjoni li tikkonċerna l-approvazzjoni jew l-estensjoni jew iċ-ċaħda jew l-irtirar tal-approvazzjoni jew produzzjoni mwaqqfa għal kollox tat-tagħmir tal-kisi tat-tibdil tal-brejk jew il-kisi tat-tibdil tal-brejk tanbur skont ir-Regolament Nru 90 |
Anness 2 – |
Arranġamenti tal-marka tal-approvazzjoni u d-dejta tal-approvazzjoni |
Anness 3 – |
Rekwiżiti għal tagħmir tal-kisi tat-tibdil tal-brejkijiet għall-vetturi tal-kategoriji M1, M2 u N1 |
Anness 4 – |
Rekwiżiti għal tagħmir tal-kisi tat-tibdil tal-brejkijiet u kisi tal-brejkijiet tanbur għall-vetturi tal-kategoriji M3, N2 u N3 |
Anness 5 – |
Rekwiżiti għal tagħmir tal-kisi tat-tibdil tal-brejkijiet għall-vetturi tal-kategoriji O1 u O2 |
Anness 6 – |
Rekwiżiti għal tagħmir tal-kisi tat-tibdil tal-brejkijiet u kisi tal-brejkijiet tanbur għall-vetturi tal-kategoriji O3 u O4 |
Anness 7 – |
Rekwiżiti għal tagħmir tal-kisi tat-tibdil tal-brejkijiet għall-vetturi tal-kategorija L |
Anness 8 – |
Preskrizzjonijiet tekniċi għal tagħmir tal-kisi tat-tibdil tal-brejkijiet maħsub għall-użu f’sistemi tal-brejkijiet tal-parkeġġ separati li jkunu indipendenti mis-sistema tal-ibbrejkjar tas-servizz tal-vetturi |
Anness 9 – |
Determinazzjoni tal-aġir tal-frizzjoni permezz ta’ ttestjar tal-magni |
1. AMBITU
1.1. |
Dan ir-Regolament japplika għal:
|
1.2. |
Tagħmir tal-kisi tat-tibdil tal-brejkijiet jistgħu jiġu approvati sabiex jitwaħħlu u jintużaw fuq vetturi awtomottivi u t-trejlers tagħhom li jkollhom approvazzjoni tat-tip skont ir-Regolament Nru 13 jew ir-Regolament Nru 78. Kisjiet tat-tibdil tal-brejkijiet tanbur maħsuba biex jintrabtu ma’ brejkxu jistgħu jiġu approvati biex jitwaħħlu u jintużaw fuq vetturi awtomottivi u trejlers li jkollhom approvazzjoni tat-tip skont ir-Regolament Nru 13 u jiġu kklassifikati fil-kategoriji M3, N2, N3, O3 u O4. 1 (1). |
2. DEFINIZZJONIJIET
Għall-għanijiet ta’ dan ir-Regolament;
2.1. |
“Sistema tal-ibbrejkjar” għandha t-tifsira mogħtija fir-Regolament Nru 13, 2.3; |
2.2. |
“Brejk tal-frizzjoni” tfisser parti minn sistema tal-ibbrejkjar li fiha l-forzi li jopponu l-moviment ta’ vettura jiġu żviluppati permezz ta’ frizzjoni bejn kisi ta’ brejk u diska jew tanbur tar-rota li jimxu kontra xulxin; |
2.3. |
“Tagħmir tal-kisi tal-brejk” tfisser komponent ta’ brejk tal-frizzjoni li jingħafas kontra tanbur jew diska, rispettivament, biex jipproduċi l-forza tal-frizzjoni; |
2.3.1. |
“Tagħmir tax-xu” tfisser tagħmir tal-kisi tal-brejkijiet ta’ brejk tanbur; |
2.3.1.1. |
“Xu” tfisser komponent ta’ tagħmir tax-xu li jkollu l-kisi tal-brejk; |
2.3.2. |
“Tagħmir tal-ped” tfisser tagħmir tal-kisi tal-brejk ta’ brejk diska; |
2.3.2.1. |
“Plejt ta’ wara” tfisser komponent ta’ tagħmir tal-ped li jkollu l-kisi tal-brejk; |
2.3.3. |
“Kisi tal-brejk” tfisser il-komponent tal-materjal tal-frizzjoni bil-forma u d-dimensjoni finali li għandu jitwaħħal max-xu jew il-plejt ta’ wara; |
2.3.4. |
“Lining tal-brejk tanbur” tfisser kisi tal-brejk għal brejk tanbur; |
2.3.5. |
“Materjal ta’ frizzjoni” tfisser il-prodott ta’ taħlita speċifika ta’ materjali u proċeduri li flimkien jiddeterminaw il-karatteristiċi ta’ kisi tal-brejk; |
2.4. |
“Tip ta’ kisi tal-brejk” tfisser kategorija ta’ kisjiet tal-brejkijiet li ma jvarjawx fil-karatteristiċi tal-materjal tal-frizzjoni; |
2.5. |
“Tip ta’ tagħmir tal-kisi tal-brejk” tfisser settijiet ta’ roti tat-tagħmir tal-kisjiet tal-brejkijiet li ma jvarjawx fit-tip, id-dimensjoni jew il-karatteristiċi funzjonali tal-kisjiet tal-brejkijiet; |
2.6. |
“Tip ta’ kisi tal-brejk tanbur” tfisser settijiet ta’ roti ta’ komponenti tal-kisjiet tal-brejkiijiet li wara li jitwaħħlu max-xus ma jvarjawx fit-tip, id-dimensjoni jew il-karatteristiċi funzjonali tal-kisjiet tal-brejkijiet; |
2.7. |
“Kisi oriġinali tal-brejk” tfisser tip ta’ kisi tal-brejk imsemmi fid-dokumentazzjoni tal-approvazzjoni tat-tip tal-vetturi, Regolament Nru 13, Anness 2, Artikolu 8.1. 2 (2) jew ir-Regolament Nru 78, Anness 1, Artikolu 5.4; |
2.8. |
“Tagħmir oriġinali tal-kisi tal-brejk” tfisser tagħmir tal-kisi tal-brejk li jikkonforma mad-dejta mehmuża mad-dokumentazzjoni tal-approvazzjoni ta’ tip ta’ vetturi; |
2.9. |
“Tagħmir tat-tibdil tal-kisi tal-brejk” tfisser tagħmir tal-kisi tal-brejk ta’ tip approvat skont dan ir-Regolament bħala sostituzzjoni tas-servizz adattat għal tagħmir oriġinali tal-kisi tal-brejk; |
2.10. |
“Kisi oriġinali ta’ brejk tanbur” tfisser kisi ta’ brejk tanbur li jikkonforma mad-dejta mehmuża ma’ dokumentazzjoni tal-approvazzjoni ta’ tip ta’ vetturi; |
2.11. |
“Kisi tat-tibdil tal-brejk tanbur” tfisser kisi tal-brejk tanbur ta’ tip approvat skont dan ir-Regolament bħala sostituzzjoni tas-servizz adattat meta jitwaħħal ma’ xu għall-kisi oriġinali ta’ brejk tanbur; |
2.12. |
“Tagħmir tal-kisi tal-brejk tal-parkeġġ” tfisser tagħmir tal-ped jew tagħmir tax-xu li jappartjenu għal sistema tal-brejk tal-parkeġġ separata u indipendenti mis-sistema tal-brejk tas-servizz; |
2.13. |
“Manifattur” tfisser l-organizzazzjoni li tista’ tassumi responsabbiltà teknika għat-tagħmir tal-kisjiet tal-brejkijiet jew kisjiet tal-brejkijiet tanbur u tista’ turi li tippossjedi l-mezzi meħtieġa sabiex tikseb konformità tal-produzzjoni. |
3. APPLIKAZZJONI GĦALL-APPROVAZZJONI
3.1. |
Applikazzjoni għall-approvazzjoni ta’ tip ta’ tagħmir tal-kisi tat-tibdil ta’ brejk tanbur jew tip ta’ kisi tat-tibdil ta’ brejk tanbur għal tip(i) ta’ vetturi speċifiku/speċifiċi għandha tiġi sottomessa mill-manifattur tat-tagħmir tal-kisi tat-tibdil/tal-kisi tat-tibdil tal-brejk tanbur jew ir-rappreżentant debitament akkreditat tiegħu. |
3.2. |
Applikazzjoni tista’ tiġi sottomessa mid-detentur ta’ approvazzjoni(jiet) tat-tip ta’ vettura skont ir-Regolament Nru 13 jew ir-Regolament Nru 78 fir-rigward ta’ tagħmir tat-tibdil tal-kisi tal-brejkijiet jew kisjiet tat-tibdil ta’ brejkijiet tanbur li jikkonformaw mat-tip reġistrat fid-dokumentazzjoni tal-approvazzjoni(jiet) tat-tip tal-vetturi. |
3.3. |
Applikazzjoni għall-approvazzjoni għandha tkun akkumpanjata, fi tliet kopji, minn deskrizzjoni tat-tagħmir tat-tibdil tal-kisi tal-brejk jew tal-kisi tat-tibdil tal-brejk tanbur fir-rigward tal-punti speċifikati fl-Anness 1 ta’ dan ir-Regolament, u mid-dettalji li ġejjin:
|
3.4. |
Tagħmir tal-kisi tal-brejkijiet jew kisjiet tal-brejkijiet tanbur tat-tip li għalih tkun qed tintalab l-approvazzjoni għandhom ikunu disponibbli bi kwantità suffiċjenti biex jitwettqu t-testijiet tal-approvazzjoni. |
3.5. |
L-applikant għandu jaqbel ma’ u jagħmel disponibbli lid-dipartiment tekniku responsabbli għat-twettiq ta’ testijiet tal-approvazzjoni, il-vettura/i u/jew brejk(ijiet) rappreżentattivi adatti. |
3.6. |
L-Awtorità Kompetenti għandha tivverifika l-eżistenza ta’ arranġamenti sodisfaċenti sabiex jiġi żgurat il-kontroll effettiv tal-konformità tal-produzzjoni qabel ma tingħata l-approvazzjoni tat-tip. |
3.6.1. |
L-applikant għandu jissottometti valuri għall-aġir tal-frizzjoni skont l-Anness 9, Artikolu 2.4.1 jew 3.4.1 rispettivament ta’ dan ir-Regolament. |
4. APPROVAZZJONI
4.1. |
Jekk it-tagħmir tal-kisjiet tal-brejkijiet jew il-kisjiet tal-brejkijiet tanbur sottomessi għall-approvazzjoni skont dan ir-Regolament jissodisfaw ir-rekwiżiti tal-paragrafu 5. taħt, għandha tingħata l-approvazzjoni tat-tip ta’ tagħmir tat-tibdil tal-kisi tal-brejk jew tat-tip ta’ kisi tat-tibdil tal-brejk tanbur. |
4.1.1. |
Fil-każ ta’ tagħmir tat-tibdil tal-kisi tal-brejkijiet għall-vetturi tal-kategorija L b’sistema kkombinata ta’ bbrejkjar skont l-Artikolu 2.9 tar-Regolament Nru 78, l-approvazzjoni għandha tkun limitata għal taħlita/taħlit tat-tagħmir tal-kisi tal-brejk fuq il-fusijiet tal-vettura li tkun ġiet ittestjata skont l-Anness 7 ta’ dan ir-Regolament. |
4.2. |
Għal kull tip ta’ tagħmir tal-kisi tal-brejk jew tip ta’ kisi tal-brejk tanbur approvat għandu jiġi assenjat numru tal-approvazzjoni li jinkludi tliet gruppi ta’ figuri:
|
4.3. |
L-istess Parti Kontraenti ma tistax tassenja l-istess numru lil tip ieħor ta’ tagħmir tal-kisi tal-brejk jew lil tip ta’ kisi tal-brejk tanbur. L-istess numru tal-approvazzjoni tat-tip jista’ jkopri l-użu ta’ dak it-tip ta’ tagħmir tal-kisi tal-brejk jew tip ta’ kisi tal-brejk tanbur fuq numru ta’ tipi ta’ vetturi differenti. |
4.4. |
Notifika tal-approvazzjoni jew tal-estenzjoni jew ċaħda tal-approvazzjoni jew produzzjoni mwaqqfa għal kollox ta’ tip ta’ tagħmir tal-kisi tal-brejk jew tip ta’ kisi tal-brejk tanbur skont dan ir-Regolament għandu jiġi komunikat lill-Partijiet tal-Ftehim tal-1958 li japplikaw dan ir-Regolament permezz ta’ formola li tikkonforma mal-mudell fl-Anness 1 ta’ dan ir-Regolament. |
4.5. |
Għandha titwaħħal, b’mod li jidher u f’post faċilment aċċessibbli, ma’ kull tagħmir tal-kisi tal-brejk jew kisi tal-brejk tanbur ta’ tip approvat skont dan ir-Regolament, marka tal-approvazzjoni internazzjonali li tikkonsisti f’:
|
4.6. |
Il-marka tal-approvazzjoni msemmija fl-Artikolu 4.5 imsemmi fuq għandha tkun tinqara b’mod ċar u ma tkunx tista’ titħassar. |
4.7. |
L-Anness 2 ta’ dan ir-Regolament jagħti eżempji tal-arranġamenti tal-marka tal- approvazzjoni u d-dejta tal-approvazzjoni msemmija qabel u fil-paragrafu 6.5 taħt. |
5. SPEĊIFIKAZZJONIJIET U TESTIJIET
5.1. Ġenerali
Tagħmir tat-tibdil tal-kisi tal-brejk jew kisi tat-tibdil tal-brejk tanbur għandhom jiġu mfassla u mibnija b’tali mod li, meta jitqiegħdu flok it-tagħmir jew il-kisi imwaħħal oriġinarjament ġo vettura, l-effiċjenza tal-ibbrejkjar ta’ dik il-vettura tkun taqbel ma’ dik tat-tip approvat tal-vettura.
Speċifikament:
(a) |
vettura mgħammra b’tagħmir tat-tibdil tal-kisi tal-brejkijiet jew kisjiet tat-tibdil tal-brejkijiet tanbur għandha tissodisfa l-preskrizzjonijiet rilevanti tal-ibbrejkjar skont ir-Regolament Nru 13 inkluż is-serje 09 ta’ emendi jew ir-Regolament Nru 78 inkluż is-serje 01 ta’ emendi; |
(b) |
tagħmir tat-tibdil tal-kisi tal-brejk jew kisi tat-tibdil tal-brejk tanbur għandu juri karatteristiċi tal-prestazzjoni simili għal dawk tat-tagħmir tal-kisi tal-brejk oriġinali jew tal-kisi tal-brejk tanbur oriġinali li huwa maħsuba li jissostitwixxi; |
(c) |
tagħmir tat-tibdil tal-kisi jew kisi tat-tibdil tal-brejk tanbur għandu jkollu karatteristiċi mekkaniċi adegwati; |
(d) |
kisjiet tal-brejkijiet m’għandux ikun fihom asbestos. |
5.1.1. Tagħmir tat-tibdil tal-kisi tal-brejkijiet jew kisjiet tat-tibdil tal-brejkijiet tanbur li jikkonformaw mat-tip speċifikat fid-dokumentazzjoni tal-approvazzjoni tat-tip tal-vetturi skont ir-Regolament Nru 13 jew ir-Regolament Nru 78 jiġu kkunsidrati li jissodisfaw ir-rekwiżiti tal-Artikolu 5 ta’ dan ir-Regolament.
5.2. Rekwiżiti tal-prestazzjoni
5.2.1. Tagħmir tat-tibdil tal-kisi tal-brejkijiet għall-vetturi tal-kategoriji M1, M2 u N1
Mill-inqas sett wieħed ta’ tagħmir tat-tibdil tal-kisi tal-brejkijiet, li jirrappreżenta t-tip ta’ kisi li għandu jiġi approvat, għandu jiġi installat u ttestjat f’mill-inqas vettura waħda li tirrappreżenta t-tip ta’ vettura li tkun qed tintalab għaliha tkun qed tintalab l-approvazzjoni, skont il-preskrizzjonijiet tal-Anness 3 u għandu jissodisfa r-rekwiżiti speċifikati f’dan l-Anness. Il-vettura/i rappreżentattiva/i għandhom jintgħażlu mill-medda tal-applikazzjoni bl-użu ta’ analiżi tal-agħtar każ (4). Rigward sensittività tal-veloċità u ekwivalenza ta’ prestazzjoni kiesħa, għandu jintuża wieħed miż-żewġ metodi deskritti fl-Anness 3.
5.2.2. Tagħmir tat-tibdil tal-kisi tal-brejkijiet u kisjiet tat-tibdil tal-brejkijiet tanbur għall-vetturi tal-kategoriji M3, N2 u u N3
Mill-inqas sett wieħed ta’ tagħmir tat-tibdil tal-kisi tal-brejkijiet jew kisjiet tat-tibdil tal-brejkijiet tanbur, li jirrappreżenta t-tip ta’ kisi li għandu jkun approvat, għandu jkun installat u ttestjat f’mill-inqas vettura jew brejk wieħed li jirrappreżenta t-tip ta’ vettura li għaliha tkun qed tintalab l-approvazzjoni, skont il-preskrizzjonijiet tal-Anness 4, billi jintuża wieħed miż-żewġ metodi deskritti fil-paragrafu 1 (test tal-vettura) jew fil-paragrafu 2 (test tad-dinamometru tal-inerzja) u għandu jissodisfa r-rekwiżiti ddikjarati f’dan l-anness. Il-vettura/i jew brejk(ijiet) rappreżentati għandhom ikunu magħżula minn fost il-medda ta’ applikazzjoni permezz ta’ analiżi tal-iktar każ negattiv (4).
5.2.3. Tagħmir tat-tibdil tal-kisi tal-brejkijiet għall-vetturi tal-kategoriji O1 u O2
Tagħmir tat-tibdil tal-kisi tal-brejkijiet għandhom jiġu ttestjati skont il-preskrizzjonijiet tal-Anness 5 u għandhom jissodisfaw ir-rekwiżiti speċifikati f’dan l-Anness.
5.2.4. Tagħmir tat-tibdil tal-kisi tal-brejkijiet u kisjiet tat-tibdil ta’ brejkijiet tanbur għall-vetturi tal-kategoriji O3 u O4
Tagħmir tat-tibdil tal-kisi tal-brejkijiet u kisjiet tat-tibdil tal-brejkijiet tanbur għandhom jiġu ttestjati skont il-preskrizzjonijiet tal-Anness 6 u għandhom jissodisfaw ir-rekwiżiti speċifikati f’dan l-Anness. Għat-testijiet, għandu jintuża wieħed mit-tliet metodi deskritti fl-Artikolu 3 tal-Appendiċi 2 tal-Anness 11 tar-Regolament Nru 13.
5.2.5. Tagħmir tat-tibdil tal-kisi tal-brejkijiet għall-vetturi tal-kategorija L
Mill-inqas sett wieħed ta’ tagħmir tat-tibdil tal-kisi tal-brejkijiet, li jirrappreżenta t-tip ta’ kisi li għandu jiġi approvat, għandu jiġi installat u ttestjat f’mill-inqas vettura waħda li tirrappreżenta t-tip ta’ vetturi li għalih tkun qed tintalab l-approvazzjoni, skont il-preskrizzjonijiet tal-Anness 7 u għandu jissodisfa r-rekwiżiti speċifikati f’dan l-Anness. Il-vettura/i rappreżentattiva/i għandha/hom tingħażel/jintgħażlu minn fost il-medda tal-applikazzjoni permezz ta’ analiżi tal-agħar każ (5).
5.3. Karatteristiċi mekkaniċi
5.3.1. Tagħmir tat-tibdil tal-kisi tal-brejkijiet għall-vetturi tal-kategoriji M1, M2, N1, O1, O2, u L
5.3.1.1. Tagħmir tat-tibdil tal-kisi tal-brejkijiet tat-tip li għalih tkun qed tintalab l-approvazzjoni għandhom jiġu ttestjati għas-saħħa shear skont l-Istandard jew ISO 6312:1981 jew ISO 6312:2001.
Is-saħħa shear strength minima aċċettabbli hija 250 N/cm2 għat-tagħmir tal-peds u 100 N/cm2 għat-tagħmir tax-xu.
5.3.1.2. Tagħmir tat-tibdil tal-kisi tal-brejkijiet tat-tip li għalih tkun qed tintalab l-approvazzjoni għandhom jiġu ttestjati għall-kumpressibbiltà skont l-Istandards ISO 6310:1981 jew ISO 6310:2001.
Il-valuri tal-kumpressibbiltà m’għandhomx jaqbżu t-2 fil-mija f’temperatura ambjentali u l-5 fil-mija f’400 °C għat-tagħmir tal-peds u t-2 fil-mija f’temperatura ambjentali u l-4 fil- mija f’200 °C għat-tagħmir tax-xu. Dan ir-rekwiżit ma japplikax għal tagħmir ta’ kisjiet tal-brejkijiet tal-parkeġġ.
5.3.2. Tagħmir tat-tibdil tal-kisi tal-brekjijiet u kisjiet tat-tibdil tal-brejkijiet tanbur għall-vetturi tal-kategoriji M3, N2, N3, O3, u O4
5.3.2.1. Saħħa shear strength
Dan it-test japplika biss għal tagħmir tal-peds ta’ brejkijiet diska.
Tagħmir tat-tibdil tal-kisi ta’ brejkijiet tat-tip li għalih tkun qed tintalab l-approvazzjoni għandhom jiġu ttestjati għas-saħħa shear skont l-Istandard ISO 6312:1981 jew ISO 6312:2001. Tagħmir ta’ kisjiet tal-brejkijiet jistgħu jitqassmu f’żewġ jew tliet partijiet sabiex jaqblu mal-kapaċità tal-magna tat-test.
Il-saħħa shear minima aċċettabbli hija ta’ 250 N/cm2.
5.3.2.2. Kumpressibbiltà
Tagħmir tat-tibdil tal-kisi tal-brejkijiet u kisjiet tat-tibdil ta’ brejkijiet tanbur tat-tip li għalih tkun qed tintalab l-approvazzjoni għandhom jiġu ttestjati għall-kumpressibbiltà skont l-Istandard ISO 6310:1981 jew ISO 6310:2001. Kampjuni ċatti skont il-kampjun tat-tip I jistgħu jintużaw.
Il-valuri tal-kumpressibbiltà m’għandhomx jaqbżu t-2 fil-mija f’temperatura ambjentali u l-5 fil-mija f’400 °C għal tagħmir tal-ped u t-2 fil-mija f’temperatura ambjentali u l-4 fil-mija f’200 °C għal tagħmir tax-xu u kisjiet ta’ brejkijiet tanbur.
5.3.2.3. Ebusija tal-materjal (6)
Dan ir-rekwiżit japplika għal tagħmir ta’ kisjiet tal-brejkijiet tanbur u kisjiet tal-brejkijiet tanbur.
Tagħmir tat-tibdil tal-kisi tal-brejkijiet u kisjiet tat-tibdil tal-brejkijiet tanbur tat-tip li għalih tkun qed tintalab l-approvazzjoni għandhom jiġu ttestjati għall-ebusija skont l-Istandard ISO 2039-2:1987.
Iċ-ċifra tal-ebusija għall-materjal tal-frizzjoni fis-superfiċje fejn issir il-frizzjoni għandha tkun il-valur medju minn ħames kampjuni ta’ kisjiet minn lottijiet ta’ produzzjoni differenti (jekk disponibbli) billi jittieħed kejl ta’ ħames postijiet differenti f’kull kisi ta’ brejk.
6. IMBALLAĠĠ U MMARKAR
6.1. |
Tagħmir tat-tibdil tal-kisi tal-brejkijiet jew kisjiet tat-tibdil tal-brejkijiet tanbur li jikkonformaw ma’ tip approvat skont dan ir-Regolament għandhom jinbiegħu f’settijiet ta’ fusijiet. |
6.2. |
Kull sett ta’ fusijiet għandu jkun f’pakkett issiġillat magħmul biex juri ftuħ preċedenti. |
6.3. |
Kull pakkett għandu juri l-informazzjoni li ġejja:
|
6.4. |
Kull pakkett għandu jinkludi struzzjonijiet xierqa għat-twaħħil b’lingwa uffiċjali tal-KEE, supplimentat mit-test korrispondenti bil-lingwa tal-pajjiż li fih jinbiegħ:
|
6.5. |
Kull tagħmir tat-tibdil tal-kisi tal-brejk jew kisi tat-tibdil tal-brejk tanbur għandu juri permanentament sett wieħed ta’ dejta tal-approvazzjoni:
|
7. EMENDI U ESTENZJONI TAL-APPROVAZZJONI TAT-TAGĦMIR TAT-TIBDIL TAL-KISI TAL-BREJK JEW TAL-KISI TAT-TIBDIL TAL-BREJK TANBUR
7.1. |
Kull emenda tat-tip ta’ tagħmir tat-tibdil tal-kisi tal-brejk jew tip ta’ kisi tat-tibdil tal-brejk tanbur għandha tiġi notifikata lid-dipartiment amministrattiv li jkun ta l-approvazzjoni tat-tip. Id-dipartimenti jista’ mbagħad jew:
|
7.2. |
Konferma jew ċaħda tal-approvazzjoni, li tispeċifika t-tibdiliet, għandha tiġi notifikata bil-proċedura speċifikata fl-Artikolu 4.4 msemmi fuq lill-Partijiet tal-Ftehim tal-1958 li japplikaw dan ir-Regolament. |
7.3. |
L-Awtorità Kompetenti li toħroġ l-estenzjoni tal-approvazzjoni għandha tagħti numru tas-serje għal din l-estenzjoni u tinforma dwar dan lill-Partijiet l-oħra tal-Ftehim tal-1958 li japplikaw dan ir-Regolament permezz ta’ formola tal-komunikazzjoni li tikkonforma mal-mudell fl-Anness 1 ta’ dan ir-Regolament. |
8. KONFORMITÀ TAL-PRODUZZJONI
8.1. |
Tagħmir tat-tibdil tal-kisi tal-brejkijiet jew kisjiet tat-tibdil tal-brejkijiet tanbur approvati skont dan ir-Regolament għandhom jiġu manifatturati b’tali mod li jikkonformaw mat-tip approvat. |
8.2. |
Tagħmir ta’ kisjiet tal-brejkijiet oriġinali jew kisjiet tal-brejkijiet tanbur oriġinali li jkunu s-suġġett ta’ applikazzjoni skont l-Artikolu 3.2 jiġu kkunsidrati li jissodisfaw ir-rekwiżiti tal-Artikolu 8. |
8.3. |
Sabiex jiġi vverifikat li r-rekwiżiti tal-Artikolu 8.1 jintlaħqu, kontrolli adattati tal-produzzjoni għandhom jiġu applikati. Dawn għandhom jinkludu l-kontroll tal- materji primi u l-komponenti użati. |
8.4. |
Id-detentur ta’ approvazzjoni għandu b’mod partikolari:
|
8.5. |
L-Awtorità Kompetenti li tkun tat l-approvazzjoni tat-tip tista’ fi kwalunkwe ħin tivverifika l-metodi tal-kontroll tal-konformità applikabbli għal kull unità ta’ produzzjoni. |
8.5.1. |
F’kull spezzjoni, il-kotba tat-testijiet u r-reġistri tas-sorveljanza tal-produzzzjoni għandhom jiġu ppreżentati lill-ispettur li jkun qed iżur. |
8.5.2. |
L-ispettur jista’ jieħu kampjuni kif ġie ġie biex jiġu ttestjati fil-laboratorju tal-manifattur. In-numru minimu ta’ kampjuni jista’ jiġi determinat skont ir-riżultati tal-verifika tal-manifattur stess. |
8.5.3. |
Meta l-livell tal-kwalità jidher mhux sodisfaċenti jew meta jidher li jenħtieġ li tiġi verifikata l-validità tat-testijiet imwettqa b’applikazzjoni tal-Artikolu 8.5.2 l-ispettur għandu jagħżel kampjuni sabiex jintbagħtu lid-dipartiment tekniku li jkun wettaq it-testijiet tal-approvazzjoni tat-tip. |
8.5.4. |
L-Awtorità Kompetenti tista’ twettaq kwalunkwe testijiet preskritti f’dan ir-Regolament. |
8.5.5. |
Il-frekwenza normali ta’ spezzjonijiet awtorizzati mill-Awtorità Kompetenti għandha tkun darba fis-sena. Fil-każ fejn riżultati negattivi jiġu reġistrati matul waħda minn dawn iż-żjarat, l-Awtorità Kompetenti għandha tiżgura li jittieħdu l-passi meħtieġa kollha sabiex tiġi stabbilita mill-ġdid il-konformità tal-produzzjoni malajr kemm jista’ jkun. |
9. MULTI GĦAL NUQQAS TA’ KONFORMITÀ TAL-PRODUZZJONI
9.1. |
L-approvazzjoni mogħtija fir-rigward ta’ tip ta’ tagħmir tat-tibdil tal-kisi tal-brejk jew tip ta’ kisi tal-brejk tanbur skont dan ir-Regolament tista’ tiġi rtirata jekk ir-rekwiżiti stabbiliti fl-Artikolu 8.1 imsemmi fuq ma jiġux sodisfatti, |
9.2. |
Jekk Parti Kontraenti tal-Ftehim li tapplika dan ir-Regolament tirtira approvazzjoni li tkun tat preċedentement, għandha minnufih tinforma b’dan lill-Partijiet Kontraenti l-oħra li japplikaw dan ir-Regolament, permezz ta’ formola tal-komunikazzjoni li tikkonforma mal-mudell fl-Anness 1 ta’ dan ir-Regolament. |
10. PRODUZZJONI MWAQQFA GĦAL KOLLOX
Jekk id-detentur tal-approvazzjoni jieqaf kompletament milli jimmanifattura tip ta’ tagħmir tat-tibdil tal-kisi tal-brejk jew tip ta’ kisi tal-brejk tanbur approvat skont dan ir-Regolament, għandu jinforma b’dan lill-awtorità li tkun tat l-approvazzjoni. Meta tirċievi l-komunikazzjoni rilevanti dik l-awtorità għandha tinforma b’dan lill-Partijiet l-oħra tal-Ftehim tal-1958 li japplikaw dan ir-Regolament permezz ta’ formola tal-komunikazzjoni li tikkonforma mal-mudell fl-Anness 1 ta’ dan ir-Regolament.
11. ISMIJIET U INDIRIZZI TA’ DIPARTIMENTI TEKNIĊI RESPONSABBLI GĦAT-TWETTIQ TA’ TESTIJIET TAL-APPROVAZZJONI, U TA’ DIPARTIMENTI AMMINISTRATTIVI
Il-Partijiet Kontraenti tal-Ftehim tal-1958 li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tad-Dipartimenti Tekniċi responsabbli għat-twettiq ta’ testijiet tal-approvazzjoni u tad-Dipartimenti Amministrattivi li jagħtu l-approvazzjoni u li lilhom għandhom jintbagħtu formoli li jiċċertifikaw approvazzjoni jew estensjoni jew ċaħda jew irtirar tal-approvazzjoni, jew produzzjoni mwaqqfa għal kollox, maħruġa f’pajjiżi oħra.
12. DISPOŻIZZJONIJIET TRANŻITORJI
12.1. |
Ebda Parti Kontraenti ma għandha tirrifjuta li tagħti approvazzjonijiet skont dan ir-Regolament kif emendat mis-serje ta’ emendi 01. |
12.2. |
Mill-1 ta’ Jannar 1995, Partijiet Kontraenti li japplikaw dan ir-Regolament għandhom jagħtu approvazzjonijiet biss jekk it-tagħmir tat-tibdil tal-kisi tal-brejk jew il-kisi tat-tibdil tal-brejk tanbur approvat jissodisfa r-rekwiżiti ta’ dan ir-Regolament kif emendat mis-serje ta’ emendi 01. |
12.3. |
Partijiet Kontraenti li japplikaw dan ir-Regolament għandhom ikomplu jippermettu t-twaħħil jew l-użu ġo vettura li tintuża ta’ tagħmir tat-tibdil tal-kisi tal-brejk approvat skont dan ir-Regolament fil-forma oriġinali, mhux emendata tiegħu. |
(1) F’dan ir-Regolament, referenzi għar-Regolament Nru 13 għandhom jiġu kkunsidrati li jirreferu wkoll għal kwalunkwe regola internazzjonali oħra li tapplika l-istess rekwiżiti tekniċi bħar-Regolament Nru 13. Referenzi għal taqsimiet speċifiċi tar-Regolament għandhom jiġu interpretati skont dawn.
(2) Jekk dawn il-kisjiet tal-brejkijiet ma jkunux disponibbli fis-suq, alternattivament, jistgħu jintużaw il-kisjiet tal-brejkijiet imniżżla fl-Artikolu 8.2.
(3) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vakanti), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vakanti), 31 għall-Bożnja u Ħerzegovina, 32 għal-Latvja, 33 (vakanti), 34 għall-Bulgarija, 35 (vakanti), 36 għal-Litwanja, 37 għat-Turkija, 38 (vakanti), 39 għall-Ażerbajġan, 40 għall-ex-Repubblika Jugoslava tal-Maċedonja, 41 (vakanti), 42 għall-Komunità Ewropea (Jingħataw l-Approvazzjonijiet mill-Istati Membri tagħha billi jużaw is-simbolu KEE rispettiv tagħhom), 43 għall-Ġappun, 44 (vakanti), 45 għall-Awstralja, 46 għall-Ukrajna, 47 għall-Afrika t’Isfel, 48 għan-Nova Żelanda, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vakanti), 56 għall-Montenegro, 57 (vakanti) u 58 għat-Tuneżija. Numri sussegwenti għandhom jiġu assenjati lil pajjiżi oħra bl-ordni kronoloġika li fiha huma jirratifikaw jew jiffirmaw il-Ftehim dwar l-Adozzjoni tal-Preskrizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi bir-Roti u l-Kundizzjonijiet għar-Rikonoxximent Reċiproku ta’ Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri assenjati b’dan il-mod għandhom jiġu komunikati mis-Segretarju Ġenerali tan-Nazzjonijiet Uniti lill-Partijiet Kontraenti tal-Ftehim.
(4) Analiżi tal-agħar każ għandha tinkludi dawn il-karatteristiċi tekniċi (bħala minimu) ta’ kull tip ta’ vettura fil-medda tal-applikazzjoni:
(a) |
Dijametru tar-rotor |
(b) |
Ħxuna tar-rotor |
(c) |
Rotor ventilat jew solidu |
(d) |
Dijametru tal-pistun |
(e) |
Raġġ dinamiku tat-tajer |
(f) |
Massa tal-vettura |
(g) |
Massa tal-fus u persentaġġ ta’ sforz ta’ bbrejkjar tal-fus |
(h) |
Veloċità massima tal-vettura |
Il-kundizzjonijiet tal-ittestjar għandhom jiġu speċifikati fir-rapport tat-test.
(5) Ara n-nota 4.
(6) Dan it-test huwa inkluż għall-finijiet tal-konformità tal- produzzjoni. Għandu jintlaħaq qbil dwar il-valuri minimi u t-tolleranzi mad-Dipartiment Tekniku.
ANNESS 2
ARRANĠAMENTI TAL-MARKA TAL-APPROVAZZJONI U D-DEJTA TAL- APPROVAZZJONI
(Ara l-Artikolu 4.7. ta’ dan ir-Regolament)
a = 8 mm min.
Il-marka tal-approvazzjoni li tidher fuq turi li l-oġġett ikkonċernat ġie approvat fl-Olanda (E4) skont ir-Regolament Nru 90. F’dan l-eżempju l-ewwel żewġ figuri tan-numru tal-approvazzjoni jindikaw li r-Regolament Nru 90 diġà kien jinkludi s-serje ta’ emendi 01 meta ngħata n-numru tal-approvazzjoni; it-tliet figuri li jsegwu huma dawk allokati mill-awtorità tal-approvazzjoni lit-tip ta’ kisi tal-brejkijiet, u ċ-ċifri ta’ suffiss huma dawk allokati mill-awtorità tal-approvazzjoni lix-xu jew plejt ta’ wara. It-tmien ċifri kollha flimkien jinkludu n-numru tal-approvazzjoni għal dak it-tip ta’ tagħmir tat-tibdil tal-kisi tal-brejk.
Eżempju tal-immarkar tat-tagħmir tal-ped
Eżempju tal-immarkar tat-tagħmir tax-xu
Eżempju tal-immarkar ta’ kisi tal-brejk tanbur
Nota: Il-pożizzjonijiet tal-marki u l-pożizzjonijiet reċiproki tal-marki murija fl-eżempji mhumiex obbligatorji.
ANNESS 3
Rekwiżiti għal tagħmir tat-tibdil tal-kisi tal-brejkijiet għall-vetturi tal-kategoriji M1, M2 u N1
1. Konformità mar-Regolament Nru 13
Konformità mar-rekwiżiti tar-Regolament Nru 13 għandha tintwera f’test tal-vettura.
1.1. Tħejjija tal-vettura
1.1.1. Vettura tal-Ittestjar
Vettura li tirrappreżenta t-tip(i) li għalih(om) tkun meħtieġa l-approvazzjoni tat-tagħmir tat-tibdil tal-kisi tal-brejk għandha tiġi mgħammra b’tagħmir tat-tibdil tal-kisi tal-brejkijiet tat-tip li għalih tkun qed tintalab l-approvazzjoni u strumentata għall-ittestjar tal-brejkijiet kif meħtieġ skont ir-Regolamenti Nru 13 u 13-H.
Kisjiet tal-brejkijiet sottomessi għall-ittestjar għandhom jitwaħħlu mal-brejkijiet rilevanti u, sakemm tiġi stabbilita proċedura tal-lustrar fissa, għandhom jiġu lustrati skont l-istruzzjonijiet tal-manifattur bi qbil mad-dipartiment tekniku.
1.1.2. Proċedura tal-bedding (lustrar)
1.1.2.1. Kundizzjonijiet ġenerali
Tagħmir ta’ kisjiet tal-brejkijiet sottomessi għal test għandhom jitwaħħlu mal-brejkijiet rilevanti. Fil-każ ta’ tagħmir tat-tibdil tal-kisi tal-brejkijiet, għandhom jintużaw kisjiet tal-brejkijiet ġodda. Kisjiet tal-brejkijiet tanbur jistgħu jiġu manifatturati sabiex jiksbu l-aħjar kuntatt possibbli inizjali bejn il-kisjiet u t-tanbur/tnabar. Il-vettura tal-ittestjar għandha tkun mgħobbija kompletament.
Tagħmir ta’ kisjiet tal-brejkijiet oriġinali użati għal test ta’ paragun u diġà mwaħħla fil-vettura tal-ittestjar jistgħu jintużaw sakemm ikunu f’kundizzjoni tajba u ma kinux therrew b’iktar minn 20 fil-mija tal-ħxuna inizjali. M’għandux ikollhom ħsarat, xquq, korrużjoni eċċessiva jew sinjali ta’ sħana żejda. Dawn għandhom jiġu bedded skont il-proċedura deskritta taħt.
1.1.2.2. Proċedura
Agħmel distanza minima ta’ sewqan ta’ 50 km u mill-inqas 100 applikazzjonijiet tal-brejkijiet bi tnaqqis tal-veloċità li tvarja (mill-inqas bejn 1 m/s2 u 5 m/s2) bil-veloċitajiet inizjali bejn 50 km/h u 120 km/h. Medda ta’ temperatura bejn 250 °C u 500 °C għal tagħmir tal-ped jew bejn 150 °C u 250 °C għal tagħmir ta’ kisjiet tal-brejkijiet tanbur (imkejla fis-superfiċje tal-frizzjoni tad-diska jew it-tanbur) għandha tinlaħaq mill-inqas 3 darbiet matul il-proċedura ta’ bedding. It-temperaturi m’għandhomx jaqbżu l-500 °C għal tagħmir tal-ped u 250 °C għal tagħmir ta’ kisjiet tal-brejkijiet tanbur.
1.1.2.3. Verifika tal-prestazzjoni
Permezz ta’ bbrejkjar ta’ fus wieħed biss kull darba agħmel 5 applikazzjonijiet tal-brejkijiet minn 70 km/h sa 0 km/h (fus ta’ quddiem) u 45 km/h sa 0 km/h (fus ta’ wara) bil-pressa tal-linja ta’ 4 Mpa (1) u b’temperatura inizjali ta’ 100°C għal kull waqfa. Il-5 riżultati konsekuttivi mhux monotoniċi għandhom jibqgħu fit-tolleranza ta’ 0,6 m/s2 (fus ta’ quddiem) jew 0,4 m/s2 (fus ta’ wara) tat-tnaqqis ta’ veloċità medja żviluppata totalment tagħhom.
Jekk dan ir-rekwiżit ma jitwettaqx il-proċedura ta’ bedding skont l-Artikolu 1.1.2.2 għandha tiġi estiża u l-verifika tal-prestazzjoni skont l-Artikolu 1.1.2.3 għandha tiġi ripetuta.
1.2. Is-sistema tal-ibbrejkjar tal-vettura għandha tiġi ttestjata skont ir-rekwiżiti għall-kategorija tal-vettura inkwistjoni (M1, M2 jew N1) fir-Regolament Nru 13, Anness 4, Artikoli 1 u 2. Ir-rekwiżiti jew testijiet applikabbli huma:
1.2.1. Sistema tal-ibbrejkjar tas-servizz
1.2.1.1. Test tat-tip-0 bil-magna mhux imqabbda, vettura mgħobbija
1.2.1.2. Test tat-tip-0 bil-magna mqabbda, vettura mhux mgħobbija u mgħobbija, skont ir-Regolament Nru 13, Anness 4, Artikoli 1.4.3.1. (test ta’ stabbiltà) u 1.4.3.2. (it-test biss bil-veloċità inizjali v = 0,8 vmax)
1.2.1.3. Test tat-tip-I
1.2.2. Sistema sekondarja ta’ bbrejkjar
1.2.2.1. Test tat-tip-0 bil-magna mhux imqabbda, vettura mgħobbija (dan it-test jista’ ma jsirx f’każijiet fejn ikun ovvju li r-rekwiżiti ġew sodisfatti, eż. Sistema tal-ibbrejkjar b’qasma djagonali)
1.2.3. Sistema tal-ibbrejkjar għall-parkeġġ
(Applikabbli biss jekk il-brejkijiet li għalihom tkun qed tintalab l-approvazzjoni tal-kisi jintużaw għall-parkeġġ).
1.2.3.1. Test għan-niżla bi gradjent ta’ 18 fil-mija, vettura mgħobbija
1.3. Il-vettura għandha tissodisfa r-rekwiżiti rilevanti kollha speċifikati fir-Regolament Nru 13, Anness 4, Artikolu 2 għal dik il-kategorija ta’ vetturi.
2. Rekwiżiti addizzjonali
Il-konformità mar-rekwiżiti addizzjonali għandha tintwera bl-użu ta’ wieħed minn dawn iż-żewġ metodi:
2.1. Test tal-vettura (test ta’ fus maqsum)
Għal dan it-test il-vettura għandha tkun mgħobbija kollha u l-applikazzjonijiet tal-brejk magħmula kollha bil-magna mhux imqabbda, fuq triq livell.
Is-sistema tal-kontroll tal-brejk tas-servizz tal-vettura għandha tkun mgħammra b’mezz għall-iżolament tal-brejkijiet tal-fus ta’ quddiem u ta’ wara sabiex ikunu jistgħu jintużaw indipendentement minn xulxin.
Meta tkun meħtieġa l-approvazzjoni tat-tagħmir tal-kisi tal-brejk għall-brejkijiet tal-fus ta’ quddiem, il-brejkijiet tal-fus ta’ wara m’għandhomx jitħaddmu matul it-test.
Meta tkun meħtieġa l-approvazzjoni tat-tagħmir tal-kisi tal-brejk għall-brejkijiet tal-fus ta’ wara, il-brejkijiet tal-fus ta’ quddiem m’għandhomx jitħaddmu matul it-test.
2.1.1. Test tal-ekwivalenza tal-prestazzjoni kiesħa
Tqabbil tal-prestazzjoni kiesħa tat-tagħmir tat-tibdil tal-kisi tal-brejk u t-tagħmir tal-kisi oriġinali tal-brejk għandu jsir billi jitqabblu r-riżultati tat-testijiet bil-metodu li ġej.
2.1.1.1. Agħmel minimu ta’ sitt applikazzjonijiet tal-brejkijiet b’żidiet spazjati ta’ sforz fuq il-pedala jew il-pressa tal-linja sakemm jillokkjaw ir-roti jew, alternattivament, sa tnaqqis medju żviluppat totalment fil-veloċità ta’ 6 m/s2 jew sal-forza massima tal-pedala awtorizzata għall-kategorija tal-vettura inkwistjoni minn veloċità inizjali kif stabbilit fit-tabella taħt:
Kategorija tal-vettura |
Veloċità tat-test f’km/h |
|
fus ta’ quddiem |
fus ta’ wara |
|
M1 |
70 |
45 |
M2 |
50 |
40 |
N1 |
65 |
50 |
It-temperatura inizjali tal-brejk fil-bidu ta’ kull applikazzjoni għandha tkun ta’ ≤ 100 °C.
2.1.1.2. Innota u mmarka l-forza tal-pedala jew il-linja tal-pressa u t-tnaqqis medju żviluppat totalment fil-veloċità għal kull applikazzjoni, u ddetermina l-forza tal-pedala jew il-pressa tal-linja meħtieġa għall-ksib (jekk possibbli) ta’ tnaqqis medju żviluppat totalment fil-veloċità ta’ 5 m/s2 għall-brejkijiet tal-fus ta’ quddiem u 3 m/s2 għall-brejkijiet tal-fus ta’ wara. Jekk dawn il-valuri ma jistgħux jinkisbu bil-forza tal-pedala massima awtorizzata ddetermina alternattivament il-forza tal-pedala jew il-pressa tal-linja meħtieġa biex jinkiseb it-tnaqqis massimu fil-veloċità.
2.1.1.3. It-tagħmir tat-tibdil tal-kisi tal-brejk għandu jiġu kkunsidrat li juri karatteristiċi tal-prestazzjoni simili għat-tagħmir tal-kisi oriġinali tal-brejk jekk it-tnaqqis medju żviluppat totalment fil-veloċità miksub bl-istess forza ta’ kontroll jew pressa tal-linja fiż-żewġ terzi ta’ fuq tal-kurva ġġenerata jkun sa 15 fil-mija ta’ dik miksuba bit-tagħmir oriġinali tal-kisi tal-brejk.
2.1.2. Test ta’ sensittività tal-veloċità
2.1.2.1. Bl-użu tal-forza tal-pedala miksuba mill-Artikolu 2.1.1.2 ta’ dan l-Anness u b’temperatura tal-brejk inizjali ta’ ≤ 100 °C, agħmel tliet applikazzjonijiet tal-brejkijiet minn kull waħda mill-veloċitajiet li ġejjin:
(a) |
Fus ta’ quddiem 65, 100 km/h u addizzjonalment 135 km/h fejn vmax jaqbeż il-150 km/h. |
(b) |
Fus ta’ wara 45, 65 km/h u addizzjonalment 90 km/h fejn vmax jaqbeż il-150 km/h. |
2.1.2.2. Ħu medja tar-riżultati għal kull grupp ta’ tliet applikazzjonijiet u mmarka l-veloċità kontra t-tnaqqis medju żviluppat totalment fil-veloċità korrispondenti.
2.1.2.3. Tnaqqis medju żviluppat totalment fil-veloċità reġistrat għall-ogħla veloċitajiet għandu jkun sa 15 fil-mija ta’ dak reġistrat għall-inqas veloċità.
2.2. Test b’dinamometru tal-inerzja
2.2.1. Tagħmir tal-ittestjar
Għat-testijiet, għandu jitwaħħal dinamometru tal-inerzja mal-brejk tal-vettura inkwistjoni. Id-dinamometru għandu jkun strumentat għar-reġistrazzjoni kontinwa tal-veloċità rotazzjonali, tal-forza tal-ibbrejkjar, tal-pressa tal-linja tal-brejk, tan-numru ta’ rotazzjonijiet wara l-applikazzjoni tal-brejkijiet, tal-ħin tal-ibbrejkjar u tat-temperatura tar-rotor tal-brejk.
2.2.2. Kundizzjonijiet tat-test
2.2.2.1. Il-massa rotazzjonali tad-dinamometru għandha tikkorrispondi ma’ nofs is-sezzjoni tal-fus tal-massa massima tal-vettura kif imniżżel fit-tabella taħt u mar-raġġ idur tal-ikbar tajer li huwa awtorizzat għal dik/dawk it-tip(i) ta’ vettura/i.
Kategorija tal-vettura |
Sezzjoni tal-fus tal-massa massima tal-vettura |
|
quddiem |
wara |
|
M1 |
0,77 |
0,32 |
M2 |
0,69 |
0,44 |
N1 |
0,66 |
0,39 |
2.2.2.2. Il-veloċità inizjali rotazzjonali tad-dinamometru għandha tikkorrispondi mal-veloċità linjari tal-vettura kif speċifikat fl-Artikoli 2.2.3. u 2.2.4 ta’ dan l-Anness u għandha tiġi bbażata fuq ir-raġġ dinamiku jdur tat-tajer.
2.2.2.3. Kisjiet tal-brejkijiet sottomessi għat-test għandhom ikunu mwaħħla mal-brejkijiet rilevanti u bedded (lustrati) skont din il-proċedura:
|
Fażi ta’ Lustrar 1, 64 waqfiet minn 80 km/h sa 30 km/h bi pressa tal-linja li tvarja:
|
|
Fażi tal-Lustrar 2, 10 waqfiet minn 100 km/h sa 5 km/h bi tnaqqis fil-veloċità ta’ 0,4 g u żieda fit-temperaturi inizjali:
|
|
Irkuprar, 18-il waqfa minn 80 km/h sa 30 km/h bil-pressa tal-linja ta’ 3 000 kPa:
|
2.2.2.4. Agħmel 5 applikazzjonijiet tal-brejkijiet minn 80 km/h sa 0 km/h bil-pressa tal-linja ta’ 4 MPa u b’temperatura inizjali ta’ 100 °C għal kull waqfa. Il-5 riżultati konsekuttivi mhux monotoniċi għandhom jibqgħu fit-tolleranza ta’ 0,6 m/s2 tat-tnaqqis medju żviluppat totalment fil-veloċità tagħhom.
Jekk dan ir-rekwiżit ma jiġix sodisfatt, l-ewwel parti tal-proċedura bedding “Fażi tal-Lustrar 1” għandha tiġi ripetuta sakemm tinkiseb l-istabbiltà tal-prestazzjoni meħtieġa.
2.2.2.5. L-użu ta’ arja tat-tkessiħ huwa awtorizzat. Il-veloċità tal-fluss tal-arja matul l-applikazzjoni tal-brejk fil-brejk għandha tkun:
vair = 0,33 v
fejn:
v = veloċità tal-vettura ttestjata fil-bidu tal-ibbrejkjar.
2.2.3. Test tal-ekwivalenza tal-prestazzjoni kiesħa
Tqabbil tal-prestazzjoni kiesħa tat-tagħmir tat-tibdil tal-kisi tal-brejk u t-tagħmir oriġinali tal-kisi tal-brejk għandu jsir billi jitqabblu r-riżultati tat-testijiet bil-metodu li ġej.
2.2.3.1. Mill-veloċità inizjali ta’ 80 km/h għal M1 u N1 u 60 km/h għal M2 u b’temperatura tal-brejk ta’ ≤ 100 °C fil-bidu ta’ kull applikazzjoni agħmel minimu ta’ sitt applikazzjonijiet tal-brejkijiet f’intervalli spazjati tal-pressa tal-linja sa tnaqqis medju żviluppat totalment fil-veloċità ta’ 6 m/s2.
2.2.3.2. Innota u mmarka l-pressa tal-linja u t-tnaqqis medju żviluppat totalment fil-veloċità għal kull applikazzjoni, u ddetermina l-pressa tal-linja meħtieġa biex jinkiseb 5 m/s2.
2.2.3.3. It-tagħmir tat-tibdil tal-kisi tal-brejk għandu jiġi kkunsidrat li juri karatteristiċi ta’ prestazzjoni simili għat-tagħmir oriġinali tal-kisi tal-brejk jekk it-tnaqqis medju żviluppat totalment fil-veloċità miksub bl-istess forza tal-kontroll jew pressa tal-linja fiż-żewġ terzi ta’ fuq tal-kurva ġġenerata jkunu sa 15 fil-mija ta’ dawk miskuba bit-tagħmir oriġinali tal-kisi tal-brejk.
2.2.4. Test ta’ sensittività tal-veloċità
2.2.4.1. Bl-użu tal-pressa tal-linja miksuba fl-Artikolu 2.2.3.2 u f’temperatura ta’ brejk inizjali ta’ ≤ 100 °C agħmel tliet applikazzjonijiet tal-brejk minn veloċitajiet rotazzjonali li jikkorrispondu ma’ veloċitajiet linjari tal-vettura ta’:
(a) |
75, 120 km/h u addizzjonalment 160 km/h fejn vmax jaqbeż il-150 km/h. |
2.2.4.2. Ħu medja tar-riżultati għal kull grupp ta’ tliet applikazzjonijiet u mmarka l-veloċità kontra t-tnaqqis medju żviluppat totalment fil-veloċità korrispondenti.
2.2.4.3. Tnaqqis medju żviluppat totalment fil-veloċità reġistrat għall-ogħla veloċitajiet għandu jkun sa 15 fil-mija ta’ dik reġistrata għall-inqas veloċità.
(1) Għal sistemi tal-ibbrejkjar li mhux idrawliċi għandu jiddaħħal valur ekwivalenti.
ANNESS 4
Rekwiżiti għat-tagħmir tat-tibdil tal-kisi tal-brejkijiet u l-kisi tal-brejkijiet tanbur għall-vetturi tal-kategoriji M3, N2 u N3
1. Test tal-Vettura
1.1. Vettura tal-ittestjar
Vettura li tirrappreżenta t-tip(i) li għalihom tkun meħtieġa l-approvazzjoni tat-tagħmir tat-tibdil tal-kisi tal-brejk jew l-approvazzjoni tal-kisi tal-brejk tanbur għandha tkun mgħammra b’tagħmir tal-kisi tal-brejkijiet jew kisjiet tal-brejkijiet tanbur tat-tip li għalih tkun qed tintalab l-approvazzjoni u strumentat għal ittestjar tal-brejkijiet kif meħtieġ skont ir-Regolament Nru 13.
Kisjiet tal-brejkijiet sottomessi għall-ittestjar għandhom jitwaħħlu mal-brejkijiet rilevanti u, sakemm tiġi stabbilita proċedura fissa tal-lustrar, għandhom jiġu llustrati skont l-istruzzjonijiet tal-manifattur bi qbil mad-dipartiment tekniku.
1.2. Testijiet u rekwiżiti
1.2.1. Konformità mar-Regolament Nru 13
1.2.1.1. Is-sistema tal-ibbrejkjar tal-vettura għandha tiġi ttestjata skont ir-rekwiżiti għall-kategorija tal-vettura inkwistjoni (M3, N2 jew N3) fir-Regolament Nru 13, Anness 4, Artikoli 1. u 2. Ir-rekwiżiti jew testijiet applikabbli huma:
1.2.1.1.1. |
Sistema tal-ibbrejkjar tas-servizz
|
1.2.1.1.2. |
Sistema sekondarja tal-ibbrejkjar
|
1.2.1.1.3. |
Sistema tal-ibbrejkjar għall-parkeġġ (Applikabbli biss jekk il-brejkijiet li għalihom tkun qed tintalab l-approvazzjoni tal-kisi jintużaw għall-parkeġġ).
|
1.2.1.2. Il-vettura għandha tissodisfa r-rekwiżiti rilevanti kollha speċifikati fir-Regolament Nru 13, Anness 4, paragrafu 2 għal dik il-kategorija ta’ vettura.
1.2.2. Rekwiżiti addizzjonali (test bil-fus maqsum)
Għat-testijiet imsemmija taħt il-vettura għandha tkun mgħobbija totalment u l-applikazzjonijiet kollha tal-brejkijiet isiru bil-magna mhux imqabbda, fuq triq livell.
Is-sistema tal-kontroll tal-brejk tas-servizz tal-vettura għandha tkun mgħammra b’mezz għall-iżolament tal-brejkijiet ta’ quddiem u ta’ wara sabiex ikunu jistgħu jintużaw indipendentement minn xulxin.
Meta tkun tinħtieġ l-approvazzjoni tat-tagħmir tal-kisi tal-brejk jew l-approvazzjoni tal-kisi tal-brejk tanbur għall-brejkijiet tal-fus ta’ quddiem, il-brejkijiet tal-fus ta’ wara m’għandhomx jitħaddmu matul it-test.
Meta tkun tinħtieġ l-approvazzjoni tat-tagħmir tal-kisi tal-brejk jew l-approvazzjoni tal-kisi tal-brejk tanbur għall-brejkijiet tal-fus ta’ wara, il-brejkijiet tal-fus ta’ quddiem m’għandhomx jitħaddmu matul it-test.
1.2.2.1. Test tal-ekwivalenza tal-prestazzjoni kiesħa
Tqabbil tal-prestazzjoni kiesħa tat-tagħmir tat-tibdil tal-kisi tal-brejk jew tal-kisi tat-tibdil tal-brejk tanbur u t-tagħmir oriġinali tal-kisi tal-brejk jew il-kisi oriġinali tal-brejk tanbur għandu jitwettaq billi jitqabblu r-riżultati tat-testijiet bil-metodu li ġej.
1.2.2.1.1. |
Agħmel minimu ta’ sitt applikazzjonijiet tal-brejkijiet b’żidiet spazjati tal-forza tal-pedala jew il-pressa tal-linja sakemm tillokkja r-rota jew, alternattivament, sa tnaqqis medju żviluppat totalment fil-veloċità ta’ 3,5 m/s2 jew sal-forza massima awtorizzata tal-pedala jew sal-pressa tal-linja massima minn veloċità inizjali ta’ 45 km/h u b’temperatura tal-brejk ta’ ≤ 100 °C fil-bidu ta’ kull applikazzjoni. |
1.2.2.1.2. |
Innota u mmarka l-forza tal-pedala jew il-pressa tal-linja u t-tnaqqis medju żviluppat totalment fil-veloċità għal kull applikazzjoni, u ddetermina l-forza tal-pedala jew il-pressa tal-linja meħtieġa biex jinkiseb (jekk possibbli) tnaqqis medju żviluppat totalment fil-veloċità ta’ 3 m/s2. Jekk dan il-valur ma jistax jinkiseb iddetermina alternattivament il-forza tal-pedala jew il-pressa tal-linja meħtieġa sabiex jinkiseb tnaqqis massimu tal-veloċità. |
1.2.2.1.3. |
It-tagħmir tat-tibdil tal-kisi tal-brejk jew il-kisi tat-tibdil tal-brejk tanbur għandu jiġi kkunsidrat li juri karatteristiċi ta’ prestazzjoni simili għat-tagħmir oriġinali tal-brejk jew għall-kisi oriġinali tal-brejk tanbur jekk it-tnaqqis medju żviluppat totalment tal-veloċità miksub bl-istess forza tal-kontroll jew pressa tal-linja fiż-żewġ terzi ta’ fuq tal-kurva ġġenerata jkunu sa 15 fil-mija ta’ dawk miksuba bit-tagħmir oriġinali tal-kisi tal-brejk jew il-kisi oriġinali tal-brejk tanbur. |
1.2.2.2. Test ta’ sensittività tal-veloċità
1.2.2.2.1. |
Bl-użu tal-forza tal-pedala skont l-Artikolu 1.2.2.1.2 ta’ dan l-Anness u bit-temperatura tal-brejk inizjali ta’ ≤ 100 °C, agħmel tliet applikazzjonijiet tal-brejkijiet minn kull waħda minn dawn il-veloċitajiet:
|
1.2.2.2.2. |
Ħu medja tar-riżultati għal kull grupp ta’ tliet applikazzjonijiet u mmarka l-veloċità kontra t-tnaqqis medju żviluppat totalment fil-veloċità korrispondenti. |
1.2.2.2.3. |
Tnaqqis medju żviluppat totalment fil-veloċità reġistrat għall-ogħla veloċitajiet għandu jkun sa 25 fil-mija ta’ dak reġistrat għall-veloċità l-iktar baxxa. |
2. Test b’dinamometru tal-inerzja
2.1. Tagħmir tal-ittestjar
Għat-testijiet, dinamometru tal-inerzja għandu jitwaħħal mal-brejk tal-vettura inkwistjoni. Id-dinamometru għandu jkun strumentat għar-reġistrazzjoni kontinwa tal-veloċità rotazzjonali, tal-forza tal-brejk, tal-pressa fil-linja tal-brejk, tan-numru ta’ rotazzjonijiet wara l-applikazzjoni tal-brejk, tal-ħin tal-ibbrejkjar u t-temperatura tar-rotor tal-brejk.
2.1.1. Kundizzjonijiet tat-test
2.1.1.1. |
Il-massa rotazzjonali tad-dinamometru għandha tikkorrispondi għal nofs is-sezzjoni tal-fus ta’ 0,55 tal-massa massima tal-vettura u r-raġġ idur tal-ikbar tajer li jkun awtorizzat għal dak/dawk it-tip(i) ta’ vettura/i. |
2.1.1.2. |
Il-veloċità rotazzjonali tad-dinamometru inizjali għandha tikkorrispondi mal-veloċità linjari tal-vettura kif speċifikata fl-Artikoli taħt u għandha tiġi bbażat fuq il-medja tar-raġġi jduru tal-ikbar u l-iżgħar tajers awtorizzati għal dak/dawk it-tip(i) ta’ vettura/i. |
2.1.1.3. |
Tagħmir tal-kisi tal-brejkijiet jew kisjiet tal-brejkijiet tanbur sottomessi għat-test għandhom jitwaħħlu mal-brejk u, sakemm tiġi stabbilita proċedura fissa tal-lustrar, għandhom jiġu lustrati skont l-istruzzjonijiet tal-manifattur bi qbil mad-dipartiment tekniku. |
2.1.1.4. |
Jekk tintuża arja tkessaħ, il-veloċità tal-fluss tal-arja fil-brejk għandha tkun: vair = 0,33 v fejn: v = veloċità tat-test tal-vettura fl-inizjazzjoni tal-ibbrejkjar. |
2.1.1.5. |
Iċ-ċilindru tal-attivazzjoni mwaħħal mal-brejk għandu jkun tal-iżgħar daqs li jkun awtorizzat għal dak/dawk it-tip(i) ta’ vettura/i. |
2.2. Testijiet u rekwiżiti
2.2.1. Testijiet speċifikati fir-Regolament Nru 13
2.2.1.1. Test tat-tip-0
Mill-veloċità inizjali ta’ 60 km/h b’temperatura tal-brejk ta’ ≤ 100 °C fil-bidu ta’ kull applikazzjoni agħmel mill-inqas sitt applikazzjonijiet tal-brejkijiet f’intervalli spazjati tal-pressa tal-linja sal-pressa tal-linja li tkun garantita b’mod permanenti mis-sistema tal-ibbrejkjar tat-tip(i) ta’ vettura/i (ez. tnaqqis fil-pressa tal-kumpressur). Għandu jinkiseb tnaqqis medju żviluppat totalment tal-veloċità ta’ mill-inqas 5 m/s2.
2.2.1.2. Test tat-tip 0, prestazzjoni ta’ veloċità għolja
Agħmel tliet applikazzjonijiet tal-brejkijiet b’temperatura tal-brejk ta’ ≤ 100 °C fil-bidu ta’ kull applikazzjoni minn veloċità ta’ 100 km/h meta l-approvazzjoni tkun diretta lejn vettura tal-kategorija N2 u 90 km/h meta l-approvazzjoni tkun diretta lejn vetturi tal-kategoriji M3 u N3 bl-użu tal-pressa tal-linja garantita kif definit fl-Artikolu 2.2.1.1 Il-valur medju tat-tnaqqis medju żviluppat totalment fil-veloċità tat-tliet applikazzjonijiet għandu jkun ta’ mill-inqas 4 m/s2.
2.2.1.3. Test tat-tip-I
2.2.1.3.1. Proċedura tat-tisħin
Agħmel 20 applikazzjoni ta’ waqfiet konsekuttivi b’v1 = 60 km/h u v2 = 30 km/h b’ħin ta’ ċiklu ta’ 60 s li jibda b’temperatura tal-brejk ta’ ≤ 100 °C fl-ewwel applikazzjoni. Il-pressa tal-linja għandha tikkorrispondi ma’ tnaqqis fil-veloċità ta’ 3 m/s2 fl-ewwel applikazzjoni u għandha tibqa’ kostanti matul l-applikazzjonijiet sussegwenti.
2.2.1.3.2. Prestazzjoni sħuna
Meta tkun kompluta l-proċedura tat-tisħin il-prestazzjoni sħuna għandha titkejjel fil-kundizzjonijiet skont l-Artikolu 2.2.1.1 imsemmi fuq permezz tal-użu tal-pressa tal-linja garantita kif definit fl-Artikolu 2.2.1.1 (il-kundizzjonijiet tat-temperatura jistgħu jkunu differenti). It-tnaqqis medju żviluppat totalment fil-veloċità bil-brejk imsaħħan m’għandux ikun inqas minn 60 fil-mija tal-valur miksub bil-brejk kiesaħ jew 4 m/s2.
2.2.1.3.3. Irkuprar
Ibda 120 s wara l-applikazzjoni tal-prestazzjoni sħuna tal-brejk u agħmel 5 waqfiet totali bil-pressa tal-linja użata fl-Artikolu 2.2.1.3.1 imsemmi fuq u f’intervalli ta’ mill-inqas 2 minuti mill-veloċità inizjali ta’ 60 km/h. Fil-bidu tal-ħames applikazzjoni t-temperatura tal-brejk għandha tkun ta’ ≤ 100 °C u t-tnaqqis medju żviluppat totalment tal-veloċità għandu jkun sa 10 fil-mija ta’ dak ikkalkulat mir-relazzjoni pressa tal-linja/tnaqqis tal-veloċità tat-Test tat-tip-0 f’60 km/h.
2.2.1.4. Test tat-tip-II
2.2.1.4.1. Proċedura tat-tisħin
Il-brejkijiet għandhom jissaħħnu permezz ta’ forza kostanti fuq il-brejk li tikkorrispondi ma’ tnaqqis fil-veloċità ta’ 0,15 m/s2 b’veloċità kostanti ta’ 30 km/h matul perjodu ta’ 12-il minuta.
2.2.1.4.2. Prestazzjoni sħuna
Meta tkun kompluta l-proċedura tat-tisħin il-prestazzjoni sħuna għandha titkejjel fil-kundizzjonijiet tal-Artikolu 2.2.1.1 imsemmi fuq bl-użu tal-pressa tal-linja garantita kif definit fl-Artikolu 2.2.1.1 (il-kundizzjonijiet tat-temperatura jistgħu jkunu differenti). It-tnaqqis medju żviluppat totalment tal-veloċità bil-brejk imsaħħan għandu jkun ta’ mhux inqas minn 3,75 m/s2.
2.2.1.5. Test statiku għall-prestazzjoni tal-parkeġġ
2.2.1.5.1. |
Għall-medda totali ta’ applikazzjonijiet iddetermina l-agħar każ rigward il-forza tad-dħul fil-brejk, il-massa tal-vettura li għandha tiġi bbrejkjata b’fus wieħed, u r-raġġ tat-tajer. |
2.2.1.5.2. |
Applika l-brejk bil-forza tad-dħul kif stabbilit skont l-Artikolu 2.2.1.5.1 imsemmi fuq. |
2.2.1.5.3. |
Applika forza li żżid ftit ftit fuq ix-xaft tad-dajno sabiex iddawwar it-tanbur jew id-diska. Kejjel il-prestazzjoni tal-forza fil-brejk fil-mument li x-xaft tad-dajno jibda jiċċaqlaq u kkalkula l-forza tal-ibbrejkjar korrispondenti tal-fus permezz tal-użu tar-raġġ tat-tajer skont l-Artikolu 2.2.1.5.1. |
2.2.1.5.4. |
Il-forza tal-brejk imkejla skont l-Artikolu 2.2.1.5.3 diviża b’nofs il-massa tal-vettura kif stabbilit skont l-Artikolu 2.2.1.5.1 għandha tagħti mill-inqas kwozjent ta’ 0,18. |
2.2.2. Test tal-ekwivalenza tal-prestazzjoni kiesħa
Tqabbil tal-prestazzjoni kiesħa tat-tagħmir tat-tibdil tal-kisi tal-brejk jew il-kisi tat-tibdil tal-brejk tanbur u t-tagħmir oriġinali tal-kisi tal-brejk jew il-kisi oriġinali tal-brejk tanbur għandu jitwettaq billi jitqabblu r-riżultati tat-Test tat-tip-0 kif deskritt fl-Artikolu 2.2.1.1.
2.2.2.1. It-Test tat-tip-0 kif preskritt fl-Artikolu 2.2.1.1 għandu jitwettaq b’sett wieħed tat-tagħmir oriġinali tal-kisi tal-brejk jew il-kisi oriġinali tal-brejk tanbur.
2.2.2.2. It-tagħmir tat-tibdil tal-kisi tal-brejk jew il-kisi tat-tibdil tal-brejk tanbur għandu jiġi kkunsidrat li juri karatteristiċi ta’ prestazzjoni simili għat-tagħmir tal-kisi oriġinali tal-brejk jew il-kisi oriġinali tal-brejk tanbur jekk it-tnaqqis medju żviluppat totalment fil-veloċità bl-istess pressa tal-linja fiż-żewġ terzi ta’ fuq tal-kurva ġġenerata jkunu sa 15 fil-mija ta’ dawk miksuba bit-tagħmir oriġinali tal-kisi tal-brejk jew il-kisi oriġinali tal-brejk tanbur.
2.2.3. Test ta’ sensittività tal-veloċità
2.2.3.1. |
Bl-użu tal-pressa tal-linja garantita kif definit fl-Artikolu 2.2.1.1 u bit-temperatura tal-brejk inizjali ta’ ≤ 100 °C, agħmel tliet applikazzjonijiet tal-brejkijiet minn kull waħda ta’ dawn il-veloċitajiet:
|
2.2.3.2. |
Ħu medja tar-riżultati għal kull grupp ta’ tliet applikazzjonijiet u mmarka l-veloċità kontra t-tnaqqis medju żviluppat totalment fil-veloċita korrispondenti. |
2.2.3.3. |
Tnaqqis medju żviluppat totalment fil-veloċità reġistrat għall-ogħla veloċitajiet għandu jkun sa 25 fil-mija ta’ dak reġistrat għall-inqas veloċità. |
ANNESS 5
Rekwiżiti għal tagħmir tat-tibdil tal-kisi tal-brejkijiet għall-vetturi tal-kategoriji O1 u O2
1. Ġenerali
Il-metodu tat-test deskritt f’dan l-Anness huwa bbażat fuq test b’dinamometru tal-inerzja. Alternattivament it-testijiet jistgħu jitwettqu fuq vettura tal-ittestjar jew fuq bank tal-ittestjar tat-triq idur sakemm jinkisbu l-istess kundizzjonijiet tat-test u jitkejlu l-istess parametri bħat-test bid-dinamometru tal-inerzja.
2. Tagħmir tal-ittestjar
Għat-testijiet, dinamometru tal-inerzja għandu jitwaħħal mal-brejk tal-vettura inkwistjoni. Id-dinamometru għandu jkun strumentat għar-reġistrazzjoni kontinwa tal-veloċità rotazzjonali, tal-forza tal-brejk, tal-pressa fil-linja tal-brejk jew il-forza tal-attwazzjoni, in-numru ta’ rotazzjonijiet wara l-applikazzjoni tal-brejk, il-ħin tal-ibbrejkjar u t-temperatura tar-rotor tal-brejk.
2.1. Kundizzjonijiet tat-test
2.1.1. Il-massa rotazzjonali tad-dinamometru għandha tikkorrispondi għal nofs is-sezzjoni rilevanti tal-fus tal-massa massima tal-vettura u r-raġġ idur tal-ikbar tajer li jkun awtorizzat għal dak/dawk it-tip(i) ta’ vettura/i.
2.1.2. Il-veloċità inizjali rotazzjonali tad-dinamometru għandha tikkorrispondi mal-veloċità linjari tal-vettura kif speċifikata fl-Artikolu 3.1 ta’ dan l-Anness u għandha tiġi bbażata fuq ir-raġġ dinamiku jdur tal-iżgħar tajer li jkun awtorizzat għal dak/dawk it-tip(i) ta’ vettura/i.
2.1.3. Kisjiet tal-brejkijiet sottomessi għat-test għandhom jitwaħħlu mal-brejk rilevanti u, sakemm tiġi stabbilita proċedura fissa tal-lustrar, għandhom jiġu lustrati skont l-istruzzjonijiet tal-manifattur bi qbil mad-dipartiment tekniku.
2.1.4. Jekk tintuża arja tkessaħ, il-veloċità tal-fluss tal-arja fil-brejk għandha tkun:
vair= 0,33 v
fejn:
v = veloċità tat-test tal-vettura fl-inizjazzjoni tal-ibbrejkjar.
2.1.5. L-istrument tal-attivazzjoni mwaħħal mal-brejk għandu jikkorrispondi mal-installazzjoni tal-vettura.
3. Testijiet u rekwiżiti
3.1. Test tat-tip-0
Mill-veloċità inizjali ta’ 60 km/h b’temperatura tal-brejk ta’ ≤ 100 °C fil-bidu ta’ kull applikazzjoni agħmel minimu ta’ sitt applikazzjonijiet tal-brejkijiet konsekuttivi f’intervalli spazjati tal-pressa tal-linja jew forza tal-applikazzjoni tal-pedala sal-pressa tal-linja massima jew sa tnaqqis fil-veloċità ta’ 6 m/s2. Irrepeti l-aħħar applikazzjoni tal-brejk bl-użu ta’ veloċità inizjali ta’ 40 km/h.
3.2. Test tat-tip-I
3.2.1. Proċedura tat-tisħin
Il-brejk għandu jissaħħan permezz ta’ bbrejkjar kontinwu skont ir-rekwiżit tar-Regolament Nru 13, Anness 4, Artikolu 1.5.2 b’temperatura tal-bidu tar-rotor tal-brejk ta’ ≤ 100 °C.
3.2.2. Prestazzjoni sħuna
Meta tkun kompluta l-proċedura tat-tisħin il-prestazzjoni sħuna minn veloċità inizjali ta’ 40 km/h għandha titkejjel fil-kundizzjonijiet tal-Artikolu 3.2.1 imsemmi fuq permezz tal-użu tal-istess pressa tal-linja jew forza tal-applikazzjoni (il-kundizzjonijiet tat-temperatura jistgħu jkunu differenti). It-tnaqqis medju żviluppat totalment tal-veloċità bil-brejk imsaħħan m’għandux ikun inqas minn 60 fil-mija miksub bil-brejk kiesaħ jew 3,5 m/s2.
3.3. Test tal-ekwivalenza tal-prestazzjoni kiesħa
Tqabbil tal-prestazzjoni kiesħa tat-tagħmir tat-tibdil tal-kisi tal-brejk u t-tagħmir oriġinali tal-kisi tal-brejk għandu jsir billi jitqabblu r-riżultati tat-Test tat-tip-0 kif deskritt fl-Artikolu 3.1.
3.3.1. It-Test tat-tip-0 kif preskritt fl-Artikolu 3.1 għandu jitwettaq b’sett wieħed tat-tagħmir oriġinali tal-kisi tal-brejk.
3.3.2. It-tagħmir tat-tibdil tal-kisi tal-brejk għandu jiġi kkunsidrat li juri karatteristiċi ta’ prestazzjoni simili għat-tagħmir oriġinali tal-kisi tal-brejk jekk it-tnaqqis medju żviluppat totalment fil-veloċità miksub bl-istess pressa tal-linja jew forza tal-applikazzjoni fiż-żewġ terzi ta’ fuq tal-kurva ġġenerata jkunu sa 15 fil-mija ta’ dawk miksuba bit-tagħmir oriġinali tal-kisi tal-brejk.
ANNESS 6
Rekwiżiti għal tagħmir tat-tibdil tal-kisi tal-brejkijiet u kisjiet tal-brejkijiet tanbur għall-vetturi tal-kategoriji O3 u O4
1. Kundizzjonijiet tal-ittestjar
It-testijiet preskritti f’dan l-Anness jistgħu jitwettqu alternattivament fuq vettura tal-ittestjar jew fuq dinamometru tal-inerzja jew fuq bank tal-ittestjar tat-triq idur fl-istess kundizzjonijiet imsemmija fir-Regolament 13, Anness 11, Appendiċi 2, Artikoli 3.1 sa 3.4.
Kisjiet tal-brejkijiet sottomessi għat-test għandhom jitwaħħlu mal-brejkijiet rilevanti u, sakemm tiġi stabbilita proċedura fissa tal-lustrar, għandhom jiġu lustrati skont l-istruzzjonijiet tal-manifattur bi qbil mad-dipartiment tekniku.
2. Testijiet u rekwiżiti
2.1. Konformità mar-Regolament Nru 13, Anness 11
Il-brejkijiet għandhom jiġu ttestjati skont ir-rekwiżiti tar-Regolament Nru 13, Anness 11, Appendiċi 2, Artikolu 3.5.
2.1.1. |
Ir-riżultati għandhom jiġu rrappurtati f’formola skont ir-Regolament Nru 13, Anness 11, Appendiċi 3. |
2.1.2. |
Għandu jsir tqabbil bejn dawn ir-riżultati u dawk miksuba bit-tagħmir oriġinali tal-kisi tal-brejkijiet jew il-kisjiet oriġinali tal-brejkijiet tanbur fl-istess kundizzjonijiet. |
2.1.3. |
Il-prestazzjoni sħuna miksuba bl-istess dħul ta’ forza tat-tagħmir tat-tibdil tal-kisi tal-brejk jew il-kisi tat-tibdil tal-brejk tanbur fit-Test tat-tip-I jew fit-Test tat-tip-III (skont liema huwa applikabbli) għandha tkun:
Id-daqqa korrispondenti tal-attwatur m’għandhiex tkun ≥ 110 fil-mija tal-valur miksub bit-tagħmir oriġinali tal-kisi tal-brejk jew il-kisi oriġinali tal-brejk tanbur u m’għandhiex taqbeż il-valur sp kif definit fl-Anness 11, Appendiċi 2, Artikolu 2 tar-Regolament Nru 13. Fil-każ fejn it-tagħmir oriġinali tal-kisi tal-brejk jew il-kisi tal-brejk tanbur ikun ġie ttestjat skont ir-rekwiżit tat-test tat-Tip-II, ir-rekwiżiti minimi tar-Regolament Nru 13, Anness 4, Artikolu 1.7.2 (test tat-Tip-III) ikunu applikabbli għat-tagħmir tat-tibdil tal-kisi tal-brejk jew il-kisi tal-brejk tanbur. |
2.2. Test tal-ekwivalenza tal-prestazzjoni kiesħa (Tip-0)
2.2.1. |
Skont il-kundizzjonijiet tal-Artikolu 1 ta’ dan l-Anness u minn veloċita inizjali ta’ 60 km/h b’temperatura tal-brejk ta’ ≤ 100 °C agħmel 6 applikazzjonijiet tal-brejkijiet f’intervalli spazjati tal-forza tal-kontroll jew tal-pressa tal-linja sa 6,5 bar jew tnaqqis fil-veloċità miksub ta’ 6 m/s2. |
2.2.2. |
Innota u mmarka l-forza tal-kontroll jew il-pressa tal-linja u l-forza medja fuq il-brejk jew it-tnaqqis medju żviluppat totalment fil-veloċità għal kull applikazzjoni. |
2.2.3. |
Qabbel ir-riżultati ma’ dawk miksuba bit-tagħmir oriġinali tal-kisi tal-brejkijiet jew il-kisjiet oriġinali tal-brejkijiet tanbur fl-istess kundizzjonijiet tat-test. |
2.2.4. |
It-tagħmir tat-tibdil tal-kisi tal-brejk jew il-kisi tat-tibdil tal-brejk tanbur għandu jiġi kkunsidrat li juri karatteristiċi ta’ prestazzjoni simili għat-tagħmir oriġinali tal-kisi tal-brejk jew il-kisi oriġinali tal-brejk tanbur jekk it-tnaqqis medju żviluppat totalment fil-veloċità bl-istess forza ta’ dħul jew pressa tal-linja fiż-żewġ terzi ta’ fuq tal-kurva ġġenerata jkunu sa – 5 fil-mija u + 15 fil-mija ta’ dawk miksuba bit-tagħmir oriġinali tal-kisi tal-brejk jew il-kisi oriġinali tal-brejk tanbur. |
ANNESS 7
Rekwiżiti għat-tagħmir tat-tibdil tal-kisi tal-brejkijiet għall-vetturi tal-kategorija L
1. Kundizzjonijiet tal-ittestjar
1.1. Vettura li tirrappreżenta t-tip(i) li għalihom tkun meħtieġa l-approvazzjoni tat-tagħmir tat-tibdil tal-kisi tal-brejk għandha tkun mgħammra bit-tagħmir tal-kisi tal-brejk tat-tip li għalih tkun qed tintalab l-approvazzjoni u strumentata għall-ittestjar tal-brejk kif meħtieġ skont ir-Regolament Nru 78.
1.2. Tagħmir tal-kisi tal-brejk sottomess għat-test għandu jitwaħħal mal-brejkijiet rilevanti u, sakemm tiġi stabbilita proċedura fissa tal-lustrar, għandu jiġi lustrat skont l-istruzzjonijiet tal-manifattur bi qbil mad-dipartiment tekniku.
1.3. F’każ ta’ tagħmir tal-kisi tal-brejkijiet għall-vetturi b’sistema tal-ibbrejkjar ikkombinat skont l-Artikolu 2.9 tar-Regolament Nru 78, il-kombinazzjoni(jiet) ta’ tagħmir tal-kisi tal-brejkijiet għall-fus ta’ quddiem u ta’ wara li għalihom tkun diretta l-approvazzjoni għandhom jiġu ttestjati.
Il-kombinazzjoni tista’ tikkonsisti f’tagħmir tat-tibdil tal-kisi tal-brejkijiet għaż-żewġ fusijiet u/jew tagħmir tat-tibdil tal-kisi tal-brejk fuq fus wieħed u tagħmir oriġinali tal-kisi tal-brejk fuq il-fus l-ieħor.
2. Testijiet u rekwiżiti
2.1. Konformità mar-Regolament Nru 78
2.1.1. Is-sistema tal-ibbrejkjar tal-vettura għandha tiġi ttestjata skont ir-rekwiżiti għall-kategorija tal-vetturi inkwistjoni (L1, L2, L3, L4 jew L5) fir-Regolament Nru 78, Anness 3, Artikolu 1. Ir-rekwiżiti jew testijiet applikabbli huma:
2.1.1.1. Test tat-Tip-0 bil-magna mhux imqabbda
It-test għandu jitwettaq biss meta l-vettura tkun mgħobbija. Agħmel minimu ta’ sitt applikazzjonijiet tal-brejkijiet b’żidiet spazjati tal-forza tal-kontroll jew tal-pressa tal-linja sal-illokkjar tar-rota, jew sa tnaqqis fil-veloċità ta’ 6 m/s2 jew sal-forza tal-kontroll massima awtorizzata.
2.1.1.2. Test tat-Tip-0 bil-magna mqabbda
Applikabbli biss għall-vetturi tal-kategoriji L3, L4 u L5.
2.1.1.3. Test tat-Tip-0 bil-brejkijiet imxarrbin
Mhux applikabbli għall-vetturi tal-kategorija L5 jew fil-każijiet ta’ brejkijiet tanbur jew brejkijiet diska magħluqa kompletament mhux soġġetti għal dan it-test matul l-approvazzjoni skont ir-Regolament Nru 78.
2.1.1.4. Test tat-Tip-I
Applikabbli biss għall-vetturi tal-kategoriji L3, L4 u L5.
2.1.2. Il-vettura għandha tissodisfa r-rekwiżiti rilevanti kollha speċifikati fir-Regolament Nru 78, Anness 3, Artikolu 2 għal dik il-kategorija ta’ vetturi.
2.2. Rekwiżiti addizzjonali
2.2.1. Test tal-ekwivalenza tal-prestazzjoni kiesħa
Għandu jsir tqabbil tal-prestazzjoni kiesħa tat-tagħmir tat-tibdil tal-kisi tal-brejk u t-tagħmir oriġinali tal-kisi tal-brejk billi jitqabblu r-riżultati tat-test tat-Tip-0 kif deskritt fl-Artikolu 2.1.1.1.
2.2.1.1. It-test tat-Tip-0 kif preskritt fl-Artikolu 2.1.1.1 għandu jitwettaq b’sett wieħed tat-tagħmir oriġinali tal-kisi tal-brejk.
2.2.1.2. It-tagħmir tat-tibdil tal-kisi tal-brejk għandu jiġi kkunsidrat li juri karatteristiċi ta’ prestazzjoni simili għat-tagħmir oriġinali tal-kisi tal-brejk jekk it-tnaqqis medju żviluppat totalment fil-veloċità bl-istess pressa tal-linja fiż-żewġ terzi ta’ fuq tal-kurva ġġenerata jkunu sa 15 fil-mija ta’ dawk miksuba bit-tagħmir oriġinali tal-kisi tal-brejk.
2.2.2. Test tas-sensittività tal-veloċità
Dan it-test huwa applikabbli biss għall-vetturi tal-kategoriji L3, L4 u L5 u għandu jitwettaq bil-vettura mgħobbija fil-kundizzjonijiet tat-test tat-Tip-0 bil-magna mhux imqabbda. Madankollu, il-veloċitajiet tat-test huma differenti.
2.2.2.1. Mir-riżultati tat-test tat-Tip-0 kif deskritt fl-Artikolu 2.1.1.1 iddetermina l-forza tal-kontroll jew il-pressa tal-linja li tikkorrispondi għat-tnaqqis medju żviluppat totalment fil-veloċità minimu meħtieġ għal dik il-kategorija ta’ vettura.
2.2.2.2. Bl-użu tal-forza tal-kontroll jew il-pressa tal-linja determinata fl-Artikolu 2.2.2.1. u bit-temperatura tal-brejk inizjali ta’ ≤ 100 °C, agħmel tliet applikazzjonijiet tal-brejkijiet minn kull waħda mill-veloċitajiet li ġejjin:
40 km/h, 80 km/h u 120 km/h (jekk vmax ≥ 130 km/h)
2.2.2.3. Ħu medja tar-riżultati għal kull grupp ta’ tliet applikazzjonijiet u mmarka l-veloċità kontra t-tnaqqis medju żviluppat totalment fil-veloċità korrispondenti.
2.2.2.4. Tnaqqis medju żviluppat totalment fil-veloċità reġistrat għall-ogħla veloċitajiet għandu jkun sa 15 fil-mija ta’ dak reġistrat għall-inqas veloċità.
ANNESS 8
Preskrizzjonijiet tekniċi għal tagħmir tat-tibdil tal-kisi tal-brejkijiet maħsuba biex jintużaw f’sistemi tal-brejk tal-parkeġġ separati li huma indipendenti mis-sistema tal-brejk tas-servizz tal-vetturi
1. KONFORMITÀ MAR-REGOLAMENT Nru 13
Konformità mar-rekwiżiti tar-Regolament Nru 13 għandha tintwera f’test ta’ vettura.
1.1. Test tal-vettura
Vettura li tirrappreżenta t-tip(i) li għaliha/hom tkun meħtieġa l-approvazzjoni tat-tagħmir tat-tibdil tal-kisi tal-brejk għandha tkun mgħammra bit-tagħmir tat-tibdil tal-kisi tal-brejk tat-tip li għalih tkun qed tintalab l-approvazzjoni u strumentata għall-ittestjar tal-brejk skont ir-Regolament Nru 13. Il-vettura għandha tkun kompletament mgħobbija. Kisjiet tal-brejkijiet sottomessi għat-test għandhom jitwaħħlu mal-brejkijiet rilevanti u m’għandhomx ikunu llustrati.
1.2. Is-sistema tal-ibbrejkjar għall-parkeġġ tal-vettura għandha tiġi ttestjata skont ir-rekwiżiti rilevanti kollha fir-Regolament Nru 13, Anness 4, Artikolu 2.3.
ANNESS 9
DETERMINAZZJONI TAL-AĠIR TAL-FRIZZJONI PERMEZZ TA’ TTESTJAR B’MAGNA
1. INTRODUZZJONI
1.1. Kampjuni ta’ tip ta’ tagħmir tat-tibdil tal-kisi tal-brejk għandhom jiġu ttestjati fuq magna li kapaċi tiġġenera l-kondizzjonijiet tat-test u tapplika l-proċeduri tat-test deskritti f’dan l-Anness.
1.2. Ir-riżultati tat-test għandhom jiġu evalwati biex jiġi determinat kampjun tal-aġir tal-frizzjoni.
1.3. L-aġir tal-frizzjoni tal-kampjuni għandu jitqabbel sabiex tiġi evalwata l-konformità mal-istandard reġistrat għal tip ta’ tagħmir tat-tibdil tal-kisi tal-brejk.
2. TAGĦMIR TAT-TIBDIL TAL-KISI TAL-BREJK GĦALL-VETTURI TAL-KATEGORIJI M1, M2, N1, O1, O2, U L
2.1. Tagħmir
2.1.1. Il-magna għandha tkun imfassla sabiex taċċetta u topera brejk ta’ daqs sħiħ simili għal dawk imwaħħla mal-fus tal-vettura użat għall-ittestjar tal-approvazzjoni skont l-Artikolu 5 ta’ dan ir-Regolament.
2.1.2. Il-veloċità rotazzjonali tad-diska jew it-tanbur għandha tkun 660 ± 10 1/min (1) mingħajr tagħbija u m’għandhiex tinżel inqas minn 600 1/min b’tagħbija massima.
2.1.3. Iċ-ċikli tat-test u applikazzjonijiet tal-brejk matul iċ-ċikli għandhom ikunu aġġustabbli u awtomatiċi.
2.1.4. Il-forza tal-prestazzjoni jew il-pressa tal-brejk (metodu ta’ forza kostanti) u t-temperatura tas-superfiċje ta’ barra għandhom jiġu reġistrati.
2.1.5. Għandhom isiru dispożizzjonijiet sabiex arja tkessaħ tiġi diretta fil-brejk b’rata ta’ 600 ± 60 m3/h.
2.2. Proċedura tal-ittestjar
2.2.1. Tħejjija tal-kampjun
L-iskeda tal-lustrar tal-manifattur għandha tiżgura minimu ta’ 80 fil-mija superfiċje ta’ kuntatt għal tagħmir tal-ped mingħajr ma tinqabeż temperatura tas-superfiċje ta’ 300 °C u 70 fil-mija ta’ superfiċje ta’ kuntatt għat-tagħmir ewlieni tax-xu mingħajr ma tinqabeż temperatura tas-superfiċje ta’ 200 °C.
2.2.2. Skeda tat-test
L-iskeda tat-test tinkludi numru ta’ ċikli ta’ bbrejkjar konsekutttivi li kull wieħed jinkludi X intervalli ta’ bbrejkjar applikat għal 5 sekondi segwiti minn rilaxx tal-brejk ta’ 10 sekondi.
Alternattivament jistgħu jintużaw dawn iż-żewġ metodi:
2.2.2.1. Skeda ta’ test bi pressa kontinwa
2.2.2.1.1. Tagħmir tal-ped
Il-pressa idrawlika p taħt il-pistun(i) tal-kalliper għandha tkun kostanti skont il-formula:
Md |
= |
150 Nm għal Ak ≤ 18,1 cm2 |
Md |
= |
300 Nm għal Ak > 18,1 cm2 |
Ak |
= |
erja tal-pistun(i) tal-kalliper |
rw |
= |
raġġ effettiv tad-diska |
Nru taċ-ċiklu |
Numru ta’ applikazzjonijiet tal-brejk X |
Temperatura inizjali tar-rotor tal-brejk (°C) |
Temperatura massima tar-rotor tal-brejk (°C) |
Tkessiħ sfurzat |
1 |
1 × 10 |
≤ 60 |
miftuħ |
le |
2-6 |
5 × 10 |
100 |
miftuħ (350) (2) |
le |
7 |
1 × 10 |
100 |
miftuħ |
iva |
2.2.2.1.2. Tagħmir tax-xu
Il-pressa medja tal-kuntatt fis-superfiċje tal-kuntatt tal-kisi tal-brejk għandha tkun kostanti għal 22 ± 6 N/cm2 ikkalkulati għal brejk statiku mingħajr ma jenerġizza lilu nnifsu.
Nru taċ-ċiklu |
Numru ta’ applikazzjoni tal-brejk X |
Temperatura inizjali tar-rotor tal-brejk (°C) |
Temperatura massima tar-rotor tal-brejk (°C) |
Tkessiħ sfurzat |
1 |
1 × 10 |
≤ 60 |
200 |
iva |
2 |
1 × 10 |
100 |
miftuħ |
le |
3 |
1 × 10 |
100 |
200 |
iva |
4 |
1 × 10 |
100 |
miftuħ |
le |
2.2.2.2. Skeda tat-test b’forza kostanti
Dan il-metodu japplika biss għal tagħmir tal-peds. Il-forza tal-brejk għandha tkun kostanti b’tolleranza ta’ ± 5 fil-mija u aġġustata sabiex tiggarantixxi t-temperaturi massimi tar-rotor tal-brejk mogħtija fit-tabella taħt.
Nru taċ-ċiklu |
Numru ta’ applikazzjonijiet tal-brejk X |
Temperatura inizjali tar-rotor tal-brejk (°C) |
Temperatura mass. tar-rotor tal-brejk (°C) |
Tkessiħ sfurzat |
1 |
1 × 5 |
≤ 60 |
300-350 (200-250) (3) |
le |
2-4 |
3 × 5 |
100 |
300-350 (200-250) |
le |
5 |
1 × 10 |
100 |
500-600 (300-350) |
le |
6-9 |
4 × 5 |
100 |
300-350 (200-250) |
le |
10 |
1 × 10 |
100 |
500-600 (300-350) |
le |
11-13 |
3 × 5 |
100 |
300-350 (200-250) |
le |
14 |
1 × 5 |
≤ 60 |
300-350 (200-250) |
le |
2.3. Evalwazzjoni tar-riżultati tat-test
L-aġir tal-frizzjoni jiġi determinat mill-forza tal-brejk innotata f’punti magħżula fi skeda tat-test. Meta fattur tal-brejk ikun kostanti, eż. brejk diska, il-forza tal-brejk tista’ tiġi tradotta f’koeffiċjent tal-frizzjoni.
2.3.1. Tagħmir tal-ped
2.3.1.1. Il-koeffiċjent operattiv tal-frizzjoni (μop) hija l-medja tal-valuri reġistrati matul iċ-ċikli tnejn sa sebgħa (metodu ta’ pressa kostanti) jew matul iċ-ċikli 2-4, 6-9 u 11-13 (metodu ta’ forza kostanti); billi l-kejl isir sekonda wara li tinbeda l-ewwel applikazzjoni tal-brejk ta’ kull ċiklu.
2.3.1.2. Il-koeffiċjent massimu tal-frizzjoni (μmax) huwa l-ogħla valur reġistrat matul iċ-ċikli kollha.
2.3.1.3. Il-koeffiċjent minimu tal-frizzjoni (μmin) huwa l-inqas valur reġistrat matul iċ-ċikli kollha.
2.3.2. Tagħmir tax-xu
2.3.2.1. Il-forza medja (Mmean) hija l-medja tal-valuri massimi u minimi tal-forza tal-brejk reġistrata matul il-ħames applikazzjoni tal-brejkijiet ta’ ċikli wieħed u tlieta.
2.3.2.2. Il-forza sħuna (Mhot) hija l-forza minima tal-brejk żviluppata matul iċ-ċikli tnejn u erbgħa. Jekk it-temperatura taqbeż it-300 °C matul dawn iċ-ċikli l-valur ta’ 300 °C għandu jittieħed bħala Mhot.
2.4. Kriterji tal-aċċettazzjoni
2.4.1. Ma’ kull applikazzjoni għall-approvazzjoni tat-tip ta’ tagħmir tal-kisi tal-brejk għandhom jiġu sottomessi:
2.4.1.1. |
għat-tagħmir tal-ped, valuri għal μop, μmin, μmax. |
2.4.1.2. |
għat-tagħmir tax-xu, valuri għal Mmean u Mhot. |
2.4.2. Matul il-produzzjoni ta’ tip ta’ tagħmir tal-kisi tal-brejk approvat, kampjuni ta’ test għandhom juru konformità mal-valuri reġistrati skont l-Artikolu 2.4.1 ta’ dan l-Anness b’dawn it-tolleranzi:
2.4.2.1. |
għall-peds ta’ brejkijiet diska:
|
2.4.2.2. |
għal kisjiet tal-brejkijiet tanbur simplex:
|
3. TAGĦMIR TAL-KISI TAL-BREJKIJIET U KISJIET TAL-BREJKIJIET TANBUR GĦALL-VETTURI TAL-KATEGORIJI M3, N2, N3, O3, U O4
3.1. Tagħmir
3.1.1. Il-magna għandha tkun mgħammra bi brejk diska tat-tip ta’ kalliper fiss b’dijametru taċ-ċilindru ta’ 60 mm u diska solida (mhux ventilata) b’dijametru ta’ 278 ± 2 mm u ħxuna ta’ 12-il mm ± 0,5 mm. Biċċa rettangolari tal-materjal tal-frizzjoni b’erja ta’ 44 cm2 ± 0.5 cm2 u ħxuna ta’ mill-inqas 6 mm għandha tiġi mehmuża mal-plejt ta’ wara.
3.1.2. Il-veloċità rotazzjonali tad-diska għandha tkun ta’ 660 ± 10 1/min mingħajr tagħbija u m’għandhiex tkun inqas minn 600 1/min b’tagħbija totali.
3.1.3. Il-pressa medja tal-kuntatt fis-superfiċje tal-kisi tal-brejk għandha tkun kostanti ta’ 75 N/cm2 ± 10N/cm2.
3.1.4. Iċ-ċikli tat-test u l-applikazzjonijiet tal-brejk matul iċ-ċikli għandhom ikunu aġġustabbli u awtomatiċi.
3.1.5. Il-forza tal-prestazzjoni u t-temperatura tas-superfiċje mħaddma għandhom jiġu reġistrati.
3.1.6. Għandhom isiru dispożizzjonijiet sabiex arja tkessaħ tiġi diretta fil-brejk b’rata ta’ 600 ± 60 m3/h.
3.2. Proċedura tal-ittestjar
3.2.1. Tħejjija ta’ kampjun
Il-proċedura tal-lustrar tal-manifattur għandha tiżgura minimu ta’ 80 fil-mija superfiċje tal-kuntatt mingħajr ma tinqabeż temperatura tas-superfiċje ta’ 200 °C.
3.2.2. Skeda tal-ittestjar
Il-proċedura tat-test tinkludi numru ta’ ċikli konsekuttivi ta’ bbrejkjar li kull wieħed minnhom fih numru ta’ X intervalli ta’ bbrejkjar applikat għal 5 sekondi segwit minn 10 sekondi ta’ rilaxx tal-brejk.
Nru taċ-ċiklu |
Numru ta’ applikazzjonijiet tal-brejk X |
Temperatura inizjali tar-rotor tal-brejk (°C) |
Tkessiħ sfurzat |
1 |
5 |
100 |
iva |
2 |
5 |
iżżid sa ≤ 200 |
le |
3 |
5 |
200 |
le |
4 |
5 |
iżżid sa ≤ 300 |
le |
5 |
5 |
300 |
le |
6 |
3 |
250 |
iva |
7 |
3 |
200 |
iva |
8 |
3 |
150 |
iva |
9 |
10 |
100 |
iva |
10 |
5 |
iżżid sa ≤ 300 |
le |
11 |
5 |
300 |
le |
3.3. Evalwazzjoni tar-riżultati tat-test
L-aġir tal-frizzjoni jiġi determinat mill-forza tal-brejk osservat f’ċikli magħżula tal-iskeda tat-test. Il-forza tal-brejk għandu jiġi tradott f’koeffiċjent tal-frizzjoni μ.
Il-valur μ ta’ kull applikazzjoni tal-brejk għandu jiġi determinat bħala l-valur medju ta’ 5 sekondi tal-brejk applikat.
3.3.1. Il-koeffiċjent operattiv tal-frizzjoni μop1 huwa l-valur medju ta’ μ reġistrat għall-applikazzjonijiet tal-brejkijiet fiċ-ċikli 1 u μop2 huwa l-valur medju ta’ μ reġistrat għall-applikazzjonijiet tal-brejkijiet fiċ-ċiklu 9.
3.3.2. Il-koeffiċjent massimu tal-frizzjoni μmax huwa l-ogħla valur ta’ μ reġistrat f’applikazzjoni matul iċ-ċikli 1 sa 11 inklużi.
3.3.3. Il-koeffiċjent minimu ta’ μmin huwa l-inqas valur ta’ μ reġistrat f’applikazzjoni matul iċ-ċikli 1 sa 11 inklużi.
3.4. Kriterji tal-aċċettazzjoni
3.4.1. Ma’ kull applikazzjoni għall-approvazzjoni tat-tip ta’ tagħmir tat-tibdil tal-kisi ta’ brejk jew tip ta’ kisi tat-tibdil tal-brejk tanbur, għandhom jiġu sottomessi valuri għal μop1, μop2, μmin u μmax.
3.4.2. Matul il-produzzjoni ta’ tip approvat ta’ tagħmir tat-tibdil tal-kisi tal-brejk jew tip ta’ kisi tat-tibdil tal-brejk tanbur, kampjuni test għandhom juru konformità mal-valuri reġistrati skont l-Artikolu 3.4.1. ta’ dan l-Anness fit-tolleranzi li ġejjin:
|
μop1, μop2 ± 15fil-mija tal-valur reġistrat |
|
μmin ≥ valur reġistrat |
|
μmax ≤ valur reġistrat. |
(1) Fil-każ ta’ vetturi tal-kategorji L1 u L2, tista’ tintuża velocità tat-test iktar baxxa.
(2) Fil-każ ta’ vetturi tal-kategorija L, it-temperatura għandha tiġi limitata għal 350 °C. Jekk meħtieġ, in-numru ta’ applikazzjonijiet għal kull ċiklu għandu jitnaqqas b’dan il-mod. Madankollu, f’dan il-każ, in-numru ta’ ċikli għandu jiżdied sabiex in-numru totali ta’ applikazzjonijiet jinżamm kostanti.
(3) Valuri f’parenteżi għall-vetturi tal-kategorija L.
28.5.2010 |
MT EN |
Il-Ġurnal Uffiċjali tal-Unjoni Ewropea |
L 130/50 |
It-testi oriġinali tan-NU/KEE biss għandhom effett legali skont id-dritt pubbliku internazzjonali. L-istatus u d-data tad-dħul fis-seħħ ta’ dan ir-Regolament għandha tiġi vverifikata fl-aħħar verżjoni tad-dokument tal-istatus tan-NU/KEE TRANS/WP.29/343 disponibbli f’:
http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 94 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi li jikkonċernaw l-approvazzjoni tal-vetturi fir-rigward tal-ħarsien tal-okkupanti fil-każ ta' ħabta fuq quddiem
Li tinkorpora t-test validu kollu sa:
|
Is-suppliment 3 għas-serje 01 tal-emendi - Id-data tad-dħul fis-seħħ: it-2 ta’ Frar 2007 |
|
Il-Corrigendum 2 għas-serje 01 tal-emendi, is-suġġett tan-Notifika tad-Depożitarju C.N.1165.2007.TRATTATI-2 bid-data tat-18 ta’ Jannar 2008 |
|
Il-Corrigendum 1 għar-Reviżjoni 1 - Id-data tad-dħul fis-seħħ: l-24 ta’ Ġunju 2009 |
KONTENUT
REGOLAMENT
1. |
L-ambitu |
2. |
Id-definizzjonijiet |
3. |
L-applikazzjoni għall-approvazzjoni |
4. |
L-approvazzjoni |
5. |
L-ispeċifikazzjonijiet |
6. |
L-istruzzjonijiet għall-utenti ta’ vetturi mgħammra b’airbags. |
7. |
Il-Modifika u l-Estensjoni tal-approvazzjoni tat-tip ta’ vettura |
8. |
Il-konformità fil-produzzjoni |
9. |
Il-pieni għal nuqqas ta’ konformità fil-produzzjoni |
10. |
Produzzjoni li twaqqfet għal kollox |
11. |
Id-dispożizzjonijiet tranżitorji |
12. |
L-ismijiet u l-indirizzi tas-servizzi tekniċi responsabbli mit-twettiq ta’ testijiet ta’ approvazzjoni, u tad-dipartimenti amministrattivi |
ANNESSI
Anness 1 – |
Il-Komunikazzjoni li tikkonċerna l-approvazzjoni jew l-estensjoni jew ir-rifjut jew l-irtirar tal-approvazzjoni jew għall-produzzjoni li twaqqfet għal kollox ta’ tip ta’ vettura rigward il-protezzjoni ta’ dawk li jokkupawha fil-każ ta’ kolliżjoni frontali, skond ir-Regolament Nru 94 |
Anness 2 – |
L-arranġamenti tal-marka tal-approvazzjoni |
Anness 3 – |
Il-proċedura tat-test |
Anness 4 – |
Id-determinazzjoni tal-kriterji tar-rendiment |
Anness 5 – |
L-arranġament u l-installazzjoni ta’ manikini u l-aġġustament tas-sistemi ta’ trażżin |
Anness 6 – |
Il-proċedura għad-determinazzjoni tal-punt “H” u l-angolu reali tat-torso għall-pożizzjonijiet bilqiegħda f’vetturi bil-magna Appendiċi 1– Id-deskrizzjoni tal-magna tridimensjonali tal-punt “H” Appendiċi 2– Is-sistema ta’ referenza tridimensjonali Appendiċi 3– Id-data ta’ referenza dwar il-pożizzjonijiet bilqiegħda |
Anness 7 – |
Il-proċedura tat-test bit-tròli Appendiċi– Il-Kurva ta’ ekwivalenza – Il-Limitu tat-tolleranza għall- kurva ΔV = f(t) |
Anness 8 – |
It-teknika ta’ kejl f’testijiet ta’ kejl: l-istrumenti tal-kejl |
Anness 9 – |
Id-definizzjoni ta’ ostaklu li jista’ jiġi ddeformat |
Anness 10 – |
Il-proċedura ta’ ċertifikazzjoni għall-parti t’isfel tar-riġel u tas-sieq tal-manikin |
1. L-AMBITU
1.1. Dan ir-Regolament japplika għall-vetturi fil-kategorija M1 (1) ta’ massa totali permissibbli li ma taqbiżx it-2,5 tunnellati; vetturi oħra jistgħu jiġu approvati fuq talba tal-manifattur.
1.2. Dan għandu japplika fuq talba tal-manifattur għall-approvazzjoni ta’ tip ta’ vettura rigward il-protezzjoni ta’ dawk li jokkupawha fis-sìts ta’ quddiem lejn in-naħa ta’ barra fil-każ ta’ ħabta fuq quddiem.
2. ID-DEFINIZZJONIJIET
Għall-finijiet ta’ dan ir-Regolament:
2.1. |
“Sistema protettiva” tfisser tagħmir u strumenti ta’ fuq ġewwa maħsuba biex irażżnu lil dawk li jokkupaw il-vettura u jikkontribwixxu sabiex tkun assigurata konformità mal-kundizzjonijiet meħtieġa stabbiliti fil-paragrafu 5 ta’ hawn isfel; |
2.2. |
“Tip ta’ sistema protettiva” tfisser kategorija ta’ strumenti protettivi li ma jvarjawx f’aspetti essenzjali bħal:
|
2.3. |
“Il-wisa’ tal-vettura” tfisser id-distanza bejn żewġ pjani paralleli għall-pjan medjan lonġitudinali (tal-vettura) u li jmissu l-vettura fuq iż-żewġ naħat tal-imsemmi pjan imma li jeskludi l-mirja li juru x’ġej minn wara, id-dwal li jimmarkaw il-ġenb, l-indikaturi tal-pressjoni tat-tajer, id-dwal li jindikaw id-direzzjoni, id-dwal tal-pożizzjoni, mud-guards flessibbli u l-parti l-milwija tal-ħitan tal-ġenb tat-tajers eżatt fuq il-punt ta’ kuntatt mal-art; |
2.4. |
“Il-parti li tirkeb” tfisser il-persentaġġ mill-wisa’ tal-vettura li jinsab direttament bi dritt il-faċċata tal-ostaklu; |
2.5. |
“Faċċata ta’ ostaklu li jista’ jiġi ddeformat” tfisser sezzjoni li tista’ titfarrak immuntata fuq quddiem ta’ blokka riġida; |
2.6. |
“Tip ta’ vettura” tfisser kategorija ta’ vetturi li jaħdmu bl-enerġija li m’humiex differenti f’aspetti essenzjali bħal:
|
2.7. |
“Il-kompartiment tal-passiġġieri” ifisser l-ispazju għall-akkomodazzjoni ta’ dawk li jokkupawh, magħluq permezz tas-saqaf, l-art, il-ħitan tal-ġnub, il-bibien, it-twieqi ta’ barra u d-diviżjoni ta’ quddiem (front bulkhead) u l-pjan tad-diviżjoni tal-kompartiment ta’ wara jew il-pjan tal-appoġġ tad-dahar tas-sit ta’ wara; |
2.8. |
“Il-punt ‘R’” ifisser punt ta’ referenza ddefinit għal kull sit mill-manifattur f’relazzjoni mal-istruttura tal-vettura, kif indikat fl-Anness 6; |
2.9. |
“Il-punt ‘H’” ifisser punt ta’ referenza ddeterminat għal kull sit mis-servizz tal-ittestjar responsabbli mill-approvazzjoni, skond il-proċedura deskritta fl-Anness 6; |
2.10. |
“Il-massa mingħajr tagħbija u mingħajr ħadd ġo fiha” tfisser il-massa tal-vettura lesta , mhux okkupata u mhux mgħobbija imma mimlija bil-fjuwil, il-likwidu li jkessaħ, il-lubrikant, l-għodod u l-istepni (jekk dawn huma pprovduti bħala tagħmir standard mill-manifattur tal-vettura). |
2.11. |
“Airbag” ifisser strument installat biex iżid maċ-ċinturini ta’ sigurtà u s-sistemi ta’ trażżin f’vetturi li jaħdmu bl-enerġija, jiġifieri sistemi li, fil-każ ta’ impatt qawwi li jaffettwa lill-vettura, b’mod awtomatiku jattivaw struttura flessibbli intenzjonata sabiex tillimita, permezz tal-kompressjoni tal-gass ta’ ġewwa fiha, kemm ikunu gravi l-kuntatti ta’ parti mill-ġisem ta’ min jokkupa l-vettura jew aktar minn parti waħda, ma’ ġewwa tal-kompartiment tal-passiġġieri. |
2.12. |
“Airbag tal-passiġġier” ifisser airbag immuntat maħsub biex jipproteġi lil min jokkupa l-vettura f’sits oħra minbarra dak tas-sewwieq fil-każ ta’ kolliżjoni frontali. |
2.13. |
“Trażżin għat-tfal” ifisser arranġament ta’ komponenti li jistgħu jinkludu numru ta’ ċineg jew komponenti flessibbli b’bokkla ta’ sigurtà, strumenti għall-aġġustament, aċċessorji, u f’ċerti każi siġġu supplementari u/jew protezzjoni għall-impatt, li jistgħu jintrabtu ma’ vettura li taħdem bl-enerġija. Huwa ddisinjat b’tali mod li jnaqqas ir-riskju ta’ feriment għal min jilbishom, fil-każ ta’ kolliżjoni jew ta’ tnaqqis f’daqqa tal-veloċità tal-vettura billi jillimita l-mobilità tal-ġisem ta’ min jilbishom. |
2.14. |
“Iħarsu lejn in-naħa ta’ wara” ifisser li jħarsu fid-direzzjoni opposta għad-direzzjoni normali li fiha tivvjaġġa l-vettura. |
3. L-APPLIKAZZJONI GĦALL-APPROVAZZJONI
3.1. L-applikazzjoni għall-approvazzjoni ta’ tip ta’ vettura rigward il-protezzjoni ta’ min jokkupa s-sits ta’ quddiem fil-każ ta’ kolliżjoni frontali għandha titressaq mill-manifattur tal-vettura jew mir-rappreżentant akkreditat tiegħu.
3.2. Ma’ din għandhom ikunu mehmuża tliet kopji tad-dokumenti msemmija hawn taħt u d-dettalji li ġejjin:
3.2.1. |
Deskrizzjoni dettaljata tat-tip tal-vettura dwar l-istruttura, id-dimensjonijiet, il-linji u l-materjali kostitwenti; |
3.2.2. |
Ritratti, u/jew dijagrammi u disinni tal-vettura li juru t-tip tal-vettura b’elevazzjoni minn quddiem, mill-ġenb u minn wara u d-dettalji tad-disinn tal-parti ta’ quddiem tal-istruttura; |
3.2.3. |
Id-dettalji tal-massa mingħajr tagħbija u mingħajr nies ġo fiha tal-vettura; |
3.2.4. |
Il-linji u d-dimensjonijiet ta’ ġewwa tal-kompartiment tal-passiġġieri; |
3.2.5. |
Deskrizzjoni tat-tagħmir u tas-sistemi protettivi ta’ fuq ġewwa installati fil-vettura. |
3.3. Min qed japplika għall-approvazzjoni għandu jkun intitolat li jippreżenta kwalunkwe data u riżultat ta’ testijiet imwettqa biex ikun jista’ jiġi stabbilit li tista’ tintlaħaq konformità mal-kundizzjonijiet meħtieġa bi grad suffiċjenti ta’ sikurezza.
3.4. Vettura li tirrappreżenta t-tip li jrid ikun approvat għandha titressaq lis-servizz tekniku responsabbli għat-twettiq tat-testijiet ta’ approvazzjoni.
3.4.1. |
Vettura li ma tinkludix il-komponenti kollha xierqa għat-tip tista’ tkun aċċettata għat-test kemm-il darba jista’ jintwera li n-nuqqas tal-komponenti mhux inklużi m’għandu l-ebda effett ħażin fuq ir-riżultati tat-test sa fejn huma kkonċernati l-kundizzjonijiet meħtieġa ta’ dan ir-Regolament. |
3.4.2. |
Għandha tkun ir-responsabbiltà ta’ dak li japplika għall-approvazzjoni li juri li l-applikazzjoni tal-paragrafu 3.4.1 hija kompatibbli mal-konformità mal-kundizzjonijiet meħtieġa ta’ dan ir-Regolament. |
4. L-APPROVAZZJONI
4.1. Jekk it-tip ta’ vettura mressqa għall-approvazzjoni skond dan ir-Regolament tissodisfa l-kundizzjonijiet meħtieġa ta’ dan ir-Regolament, għandha tingħata l-approvazzjoni għal dak it-tip ta’ vettura.
4.1.1. |
Is-servizz tekniku maħtur skond il-paragrafu 10 aktar ’l isfel għandu jivverifika li l-kundizzjonijiet meħtieġa ġew issodisfati. |
4.1.2. |
F’każ ta’ dubju, għandha tkun ikkunsidrata, meta tkun ivverifikata l-konformità tal-vettura mal-kundizzjonijiet meħtieġa ta’ dan ir-Regolament, kwalunkwe data jew riżultat ta’ testijiet ipprovduta mill-manifattur li tista’ tkun ikkunsidrata fil-validazzjoni tat-test tal-approvazzjoni mwettaq mis-servizz tekniku. |
4.2. Għandu jingħata numru ta’ approvazzjoni għal kull tip approvat. L-ewwel żewġ numri ta’ dan (fil-preżent 01 li jikkorrispondi għas-serje ta’ emendi 01) għandhom jindikaw is-serje ta’ emendi li jinkorporaw l-emendi tekniċi l-aktar reċenti li saru lir-Regolament meta nħarġet l-approvazzjoni. L-istess Parti Kontraenti ma tistax tagħti l-istess numru ta’ approvazzjoni lil tip ieħor ta’ vettura.
4.3. L-avviż tal-approvazzjoni jew ir-rifjut tal-approvazzjoni għal tip ta’ vettura skond dan ir-Regolament għandu jkun ikkomunikat mill-Partijiet tal-Ftehim li japplikaw dan ir-Regolament permezz ta’ formola konformi mal-mudell fl-Anness 1 ta’ dan ir-Regolament u r-ritratti u/jew id-dijagrammi u d-disinni provduti minn min qed japplika għall-approvazzjoni, f’format li ma jeċċedix l-A4 (210 × 297 mm) jew mitwi f’dak il-format u fuq skala xierqa.
4.4. Għandha titwaħħal, b’mod li tidher u f’post faċilment aċċessibbli kif speċifikat fil-formola tal-approvazzjoni, ma’ kull vettura li tikkonforma ma’ tip ta’ vettura approvat taħt dan ir-Regolament, marka internazzjonali ta’ approvazzjoni li tikkonsisti f’:
4.4.1. |
Ċirku madwar l-ittra “E” segwit minn numru li jiddistingwi l-pajjiż li ta l-approvazzjoni (2) |
4.4.2. |
In-numru ta’ dan ir-Regolament, segwit mill-ittra “R”, daxx u n-numru tal-approvazzjoni, fuq il-lemin taċ-ċirku kif preskritt fil-paragrafu 4.4.1. |
4.5. Is-simbolu preskritt fil-paragrafu 4.4.1 m’għandux għalfejn jiġi ripetut jekk il-vettura tikkonforma mat-tip ta’ vettura approvat, taħt wieħed jew aktar mir-Regolamenti l-oħra annessi mal-Ftehim, fil-pajjiż li ta l-approvazzjoni taħt dan ir-Regolament; f’każ bħal dan in-numri tar-Regolament u tal-approvazzjoni flimkien mas-simboli addizzjonali tar-Regolamenti kollha li taħthom ingħatat l-approvazzjoni fil-pajjiż li ta l-approvazzjoni taħt dan ir-Regolament għandhom jitpoġġew f’kolonni vertikali fuq il-lemin tas-simbolu preskritt fil-paragrafu 4.4.1.
4.6. Il-marka tal-approvazzjoni għandha tkun tinqara b’mod ċar u indelibbli.
4.7. Il-marka tal-approvazzjoni għandha titpoġġa viċin ta’ jew fuq il-pjanċa tad-data tal-vettura mwaħħla mill-manifattur.
4.8. L-Anness 2 ta’ dan ir-Regolament jagħti eżempji ta’ marki ta’ approvazzjoni.
5. L-ISPEĊIFIKAZZJONIJIET
5.1. L-ispeċifikazzjonijiet ġenerali applikabbli għat-testijiet kollha
5.1.1. |
Il-punt “H” għal kull sit għandu jkun determinat skond il-proċedura deskritta fl-Anness 6. |
5.1.2. |
Meta s-sistema protettiva għall-postijiet fejn wieħed jogħod bilqiegħda fuq in-naħa ta’ quddiem tinkludi ċinturini, il-komponenti taċ-ċinturin għandhom jissodisfaw il-kundizzjonijiet meħtieġa tar-Regolament Nru 16. |
5.1.3. |
Il-pożizzjonijiet bilqiegħda, fejn huwa installat il-manikin u s-sistema protettiva li tinkludi ċ-ċinturini, għandhom ikunu provduti b’punti ta’ ankoraġġ konformi mar-Regolament Nru 14. |
5.2. L-ispeċifikazzjonijiet
It-test tal-vettura mwettaq skond il-metodu deskritt fl-Anness 3 għandu jitqies sodisfaċenti jekk il-kundizzjonijiet kollha ddikjarati fil-paragrafi 5.2.1 sa 5.2.6 aktar ’l isfel huma ssodisfati fl-istess ħin.
5.2.1. |
Il-kriterji tar-rendiment rreġistrati, skond l-Anness 8, fuq il-manikini fis-sits ta’ quddiem lejn in-naħa ta’ barra għandhom jissodisfaw il-kundizzjonijiet li ġejjin:
|
5.2.2. |
L-ispostament residwu tal-istêring, imkejjel miċ-ċentru tal-fulkru tal- istêring, m’għandux jeċċedi 80 mm fid-direzzjoni ’l fuq vertikali u 100 mm fid-direzzjoni orizzontali lejn in-naħa ta’ wara. |
5.2.3. |
Matul it-test m’għandha tinfetaħ l-ebda bieba; |
5.2.4. |
Matul it-test m’għandhomx jissakkru s-sistemi ta’ sokra tal-bibien ta’ quddiem; |
5.2.5. |
Wara l-impatt, għandu jkun possibbli, mingħajr l-użu ta’ għodod, minbarra dawk neċessarji biex isostnu l-piż tal-manikin:
|
5.2.6. |
Fil-każ ta’ vettura li taħdem bi fjuwil likwidu, m’għandux ikun hemm aktar minn telf minimu ta’ likwidu mit-tubu tal-fjuwil mal-kolliżjoni; |
5.2.7. |
Jekk hemm telf kontinwu ta’ likwidu mit-tubu tal-fjuwil wara l-kolliżjoni, ir-rata ta’ telf m’għandhiex teċċedi 30 g/min; jekk il-likwidu mis-sistema tat-tubi tal-fjuwil jitħallat ma’ likwidi mis-sistemi l-oħra u l-likwidi differenti ma jistgħux ikunu separati faċilment u identifikati, il-likwidi kollha miġbura għandhom ikunu kkunsidrati fil-valutazzjoni tat-telf kontinwu. |
6. L-ISTRUZZJONIJIET GĦALL-UTENTI TAL-VETTURI MGĦAMMRA BL-AIRBAGS
6.1. Il-vettura għandu jkollha informazzjoni relatata mal-fatt li hija mgħammra b’airbags għas-sits.
6.1.1. |
Għal vetturi li għandhom airbag immuntat maħsub għall-protezzjoni tas-sewwieq, din l-informazzjoni għandha tikkonsisti mill-iskrizzjoni “AIRBAG” fuq ġewwa taċ-ċirkonferenza tal-istering; din l-iskrizzjoni għandha titwaħħal b’mod li tinqalax u tkun viżibbli faċilment. |
6.1.2. |
Għal vettura li għandha airbag għall-passiġġier biex jipproteġi lil min jokkupa l-vettura li m’humx is-sewwieq, din l-informazzjoni għandha tikkonsisti mit-figura ta’ twissija deskritta fil-paragrafu 6.2 aktar ’l isfel. |
6.2. Vettura li għandha airbag wieħed jew aktar għall-protezzjoni frontali tal-passiġġier għandu jkollha informazzjoni dwar il-periklu estrem assoċjat ma’ l-użu ta’ trażżin għat-tfal li jħares lejn in-naħa ta’ wara fuq sits mgħammra b’immuntar ta’ airbag.
6.2.1. |
Mill-inqas, din l-informazzjoni għandha tikkonsisti minn figura li tinkludi simbolu bl-istampi u test ta’ twissija kif indikat aktar ’l isfel.
The overall dimensions shall be 120 × 60 mm or the equivalent area, as a minimum. The label shown above may be adapted in such a way that the layout differs from the example above; however, the text content shall meet the above prescriptions. |
6.2.2. |
Meta jiġi approvat it-tip, it-figura għandha tkun f’mill-inqas waħda mil-lingwi tal-Parti Kontraenti fejn titressaq l-applikazzjoni għall-approvazzjoni. Il-manifattur għandu jiddikjara r-responsabbiltà tiegħu li jassigura li t-twissija hija pprovduta f’mill-inqas waħda mil-lingwi tal-pajjiż li fih ser tinbiegħ il-vettura. |
6.2.3. |
Fil-każ ta’ airbag għall-protezzjoni frontali fuq is-sit ta’ quddiem tal-passiġġier, it-twissija għandha titwaħħal b’mod li sservi għal żmien twil ma’ kull faċċata tal-viżiera tax-xemx ta’ quddiem tal-passiġġier f’tali pożizzjoni li mill-inqas twissija waħda fuq il-viżiera tax-xemx tkun viżibbli f’kull ħin, irrispettivament mill-pożizzjoni tal-viżiera tax-xemx. Alternattivament, twissija waħda għandha tkun fuq il-faċċata viżibbli tal-viżiera tax-xemx stivata u twissija oħra għandha tkun fuq is-saqaf wara l-viżiera, ħalli, tal-inqas twissija waħda tkun viżibbli f’kull ħin. Id-daqs tat-test irid ikun tali li t-figura tkun tista’ tinqara faċilment minn utent b’vista normali bilqiegħda fuq is-sit konċernat. Fil-każ ta’ airbag għall-protezzjoni frontali għal sits oħra fil-vettura, it-twissija trid tkun eżattament bi dritt is-sit rilevanti, u viżibbli sew u f’kull ħin għal xi ħadd li qed jinstalla trażżin għat-tfal li jħares lejn in-naħa ta’ wara fuq dak is-sit. Id-daqs tat-test irid ikun tali li t-figura tkun tista’ tinqara faċilment minn utent b’vista normali bilqiegħda fuq is-sit konċernat. Din il-kundizzjoni ma tapplikax għal dawk is-sits mgħammra b’tagħmir li b’mod awtomatiku jneħħi l-funzjonabilità tal-immuntar tal-airbag għall-protezzjon frontali meta jkun installat kwalunkwe trażżin għat-tfal li jħares lejn in-naħa ta’ wara. |
6.2.4. |
Informazzjoni dettaljata, li tirreferi għat-twissija, għandha tkun miġbura fil-manwâl tal-propjetarju tal-vettura; mill-inqas, it-test li ġej, fil-lingwi uffiċjali tal-pajjiż fejn il-vettura ser tkun irreġistrata, irid jinkludi: “Tużax trażżin għat-tfal li jħares lejn in-naħa ta’ wara fuq sit protett b’airbag quddiemu” It-test għandu jkun akkumpanjat bi stampa tat-twissija li tinsab fil-vettura. |
7. IL-MODIFIKA U L-ESTENSJONI TAL-APPROVAZZJONI TAT-TIP TAL- VETTURA
7.1. Kwalunkwe modifika li taffettwa l-istruttura, in-numru ta’ sits, id-dekorazzjoni jew tagħmir ta’ fuq ġewwa, jew il-pożizzjoni tal-kontrolli jew tal-partijiet mekkaniċi tal-vettura li jistgħu jaffetwaw kemm tiflaħ tassorbi enerġija l-parti ta’ quddiem tal-vettura għandha tinġieb għall-attenzjoni tad-dipartiment amministrattiv li qed jagħti l-approvazzjoni. Id-Dipartiment imbagħad jista’ jew:
7.1.1. |
Jikkunsidra l-modifiki magħmula bħala li mhux probabbli li jkollhom effett ħażin li jista’ jkun innutat u li fi kwalunkwe każ il-vettura għadha konformi mal-kundizzjonijiet meħtieġa; jew |
7.1.2. |
Jeħtieġ li s-servizz tekniku responsabbli li jwettaq it-testijiet iwettaq test ieħor, fost dawk deskritti aktar ’l isfel, skond in-natura tal-modifiki;
|
7.2. Konferma jew rifjut tal-approvazzjoni, bl-alterazzjonijiet speċifikati, għandha tkun ikkomunikata, bil-proċedura speċifikata fil-paragrafu 4.3 t’hawn fuq, lill-Partijiet għall-Ftehim li japplikaw dan ir-Regolament.
7.3. L-awtorità kompetenti li toħroġ l-estensjoni tal-approvazzjoni għandha tagħti numru tas-serje għal estensjoni bħal din u tinforma b’dan lill-Partijiet l-oħra għall-Ftehim tal-1958 li qed japplikaw dan ir-Regolament permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament.
8. IL-KONFORMITÀ TAL-PRODUZZJONI
Il-konformità tal-proċeduri tal-produzzjoni għandhom ikunu skond dawk stabbiliti fil-Ftehim, fl-Appendiċi 2 (E/ECE/324-E/ECE/TRANS/505/Rev.2) bil-kundizzjonijiet meħtieġa li ġejjin:
8.1. |
Kull vettura approvata taħt dan ir-Regolament għandha tikkonforma mat-tip ta’ vettura approvat, rigward karatteristiċi li jikkontribwixxu għall-protezzjoni ta’ dawk li jokkupaw il-vettura fil-każ ta’ kolliżjoni frontali. |
8.2. |
Min għandu l-approvazzjoni għandu jassigura li tal-inqas jitwettqu t-testijiet li jikkonċernaw it-teħid ta’ kejl għal kull tip ta’ vettura. |
8.3. |
L-awtorità li tat l-approvazzjoni tat-tip tista’, fi kwalunkwe ħin, tivverifika l-metodi tal-kontroll tal-konformità applikati f’kull faċilità ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn. |
9. IL-PIENI GĦAN-NUQQAS TA’ KONFORMITÀ FIL-PRODUZZJONI
9.1. L-approvazzjoni mogħtija għal tip ta’ vettura skond dan ir-Regolament tista’ tkun irtirata jekk ma jkunx hemm konformità mal-kundizzjoni meħtieġa stabbilita fil-paragrafu 8.1 aktar ’il fuq jew jekk il-vettura jew il-vetturi magħżula ma għaddewx mill-kontrolli preskritti fil-paragrafu 8.2 aktar ’il fuq.
9.2. Jekk Parti Kontraenti għall-Ftehim li qed tapplika dan ir-Regolament tirtra l-approvazzjoni li tat qabel, għandha minnufih tavża b’dan lill-Partijiet Kontraenti l-oħra li qed japplikaw dan ir-Regolament, permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament.
10. PRODUZZJONI LI TWAQQFET GĦAL KOLLOX
Jekk min għandu l-approvazzjoni jieqaf għal kollox milli jimmanifattura t-tip ta’ vettura approvat skond ir-Regolament, huwa għandu jinforma b’dan lill-awtorità li tat l-approvazzjoni. Malli tirċievi l-komunikazzjoni rilevanti dik l-awtorità għandha tinforma b’dan lill-Partijiet l-oħra għall-Ftehim tal-1958 li qed japplikaw dan ir-Regolament permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament.
11. ID-DISPOŻIZZJONI TRANSITORJA
11.1. Mid-data uffiċjali tad-dħul fis-seħħ tas-Suppliment 1 tas-serje 01 ta’ emendi, l-ebda Parti Kontraenti li qed tapplika dan ir-Regolament m’għandha tirrifjuta li tagħti l-approvazzjoni tal-ECE taħt dan ir-Regolament kif emendat mis-Suppliment 1 tas-serje 01 ta’ emendi.
11.2. Mill-1 ta’ Ottubru 2002, il-Partijiet Kontraenti li japplikaw dan ir-Regolament għandhom jagħtu l-approvazzjonijiet tal-ECE biss għal dawk it-tipi ta’ vetturi li huma konformi mal-kundizzjonijiet meħtieġa ta’ dan ir-Regolament kif emendat mis-Suppliment 1 tas-serje 01 ta’ emendi.
11.3 Sakemm ma jkun ebda rekwiżit f’dan ir-Regolament fir-rigward tal-ħarsien tal-okkupanti permezz ta’ test sħiħ ta’ impatt fuq quddiem, il-Partijiet Kontraenti jistgħu jkomplu japplikaw ir-rekwiżiti li diġà hemm fis-seħħ għal dak l-għan meta japplikaw dan ir-Regolament.
12. L-ISMIJIET U L-INDIRIZZI TAS-SERVIZZI TEKNIĊI RESPONSABBLI MIT-TWETTIQ TAT-TESTIJIET TA’ APPROVAZZJONI, U TAD- DIPARTIMENTI AMMINISTRATTIVI
Il-Partijiet Kontraenti għall-Ftehim li qed japplikaw dan ir-Regolament għandhom jikkomunikaw lis-segretarjat tan-Nazzjonijiet Uniti l-ismijiet u l-indirizzi tas-servizzi tekniċi responsabbli li jwettqu t-testijiet ta’ approvazzjoni, ta’ manifatturi awtorizzati li jwettqu t-testijiet u tad-dipartimenti amminstrattivi li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew ir-rifjut jew l-irtirar tal-approvazzjoni, maħruġa f’pajjiżi oħra.
(1) Kif iddefinit fl-anness 7 tar-Riżoluzzjoni Kkonsolidata dwar il-Kostruzzjoni tal-Vetturi (R.E.3), (TRANS/WP.29/78/Rev.1/Emenda 2 kif emendata l-aħħar permezz tal-Emenda 4 tagħha).
(2) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Isvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għall-Jugoslavja, 11 għar-Renju Unit, 12 għall-Awstrija, 13 għal-Lussemburgu, 14 għall-Isvizzera, 15 (vojt), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakja, 28 għall-Belarus, 29 għall-Estonja, 30 (vojt), 31 għall-Bosnia u Ħerzegovina, 32 għal-Latvja, 33 (vojt), 34 għall-Bulgarija, 35 (vojt), 36 għal-Litwanja, 37 għat-Turkija, 38 (vojt), 39 għall-Azerbajġan, 40 għall-Maċedonja, 41 (vojt), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu tal-ECE rispettiv tagħhom), 43 għall-Ġappun, 44 (vojt), 45 għall-Awstralja, 46 għall-Ukraina, 47 għall-Afrika t’Isfel u 48 għan- New Zealand. Numri sussegwenti ser jingħataw lil pajjiżi oħra fl-ordni kronoloġika li fiha jirratifikaw il-Ftehim li jikkonċerna l-Adozzjoni tal-Kundizzjonijiet Uniformi tal-Approvazzjoni u l-Għarfien Reċiproku tal-Approvazzjoni għal Tagħmir u Partijiet ta’ Vetturi bil-magna, jew fl-ordni li fiha jissieħbu ma’ dak il-Ftehim, u n-numri hekk mogħtija għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti għall-Ftehim.
(3) Sal-1 ta’ Ottubru 1998, il-valuri miksuba għall-għonq m’għandhomx ikunu kriterji dwar suċċess/falliment għall-finijiet ta’ għotja tal-approvazzjoni. Ir-riżultati miksuba għandhom ikunu rreġistrati fir-rapport tat-test u jinħabru mill-awtorità approvata. Wara din id-data, il-valuri speċifikati f’dan il-paragrafu għandhom japplikaw bħala kriterji suċċess/falliment sakemm jew sa meta jiġu adottati valuri alternattivi.
ANNESS 2
L-ARRANĠAMENTI TAL-MARKA TAL-APPROVAZZJONI
MUDELL A
(Ara l-paragrafu 4.4. ta’ dan ir-Regolament)
MUDELL B
(Ara l-paragrafu 4.5 ta’ dan ir-Regolament)
(1) In-numru tal-aħħar hu mogħti biss bħala eżempju.
ANNESS 3
IL-PROĊEDURA TAT-TEST
1. L-INSTALLAZZJONI U L-PREPARAZZJONI TAL-VETTURA
1.1. Il-post fejn isir it-test
L-erja tat-test għandha tkun kbira biżżejjed biex ikun hemm spazju għall-mogħdija tar-rankatura, l-ostaklu u l-installazzjonijiet tekniċi neċessarji għat-test. L-aħħar parti tal-mogħdija, għal mill-inqas 5 m qabel l-ostaklu, għandha tkun orizzontali, ċatta u lixxa.
1.2. L-ostaklu
Il-faċċata ta’ quddiem tal-ostaklu tikkonsisti minn struttura li tista’ tkun iddeformata kif definit fl-Anness 9 ta’ dan ir-Regolament. Il-faċċata ta’ quddiem tal-istruttura li tista’ tiġi iddeformata hija perpendikulari b’varjazzjoni ta’ ± 1 ° għad-direzzjoni li fiha qed tivvjaġġa l-vettura tat-test. L-ostaklu huwa marbut ma’ massa ta’ mhux inqas minn 7 × 104 kg, li l-faċċata ta’ quddiem tagħha hija vertikali b’varjazzjoni ta’ ± 1°. Il-massa hija ankrata ma’ l-art jew impoġġija fuq l-art, jekk ikun neċessarju, bi strumenti addizzjonali li jwaqqfu sabiex jirrestrinġu l-moviment tagħha.
1.3. L-orjentament tal-ostaklu
L-orjentament tal-ostaklu huwa tali li l-ewwel kuntatt tal-vettura ma’ l-ostaklu jkun fuq in-naħa tal-kolonna tal-istêring. Fejn hemm għażla bejn li jsir it-test b’vettura li tinsaq fuq il-lemin jew vettura li tinsaq fuq ix-xellug, it-test għandu jsir bin-naħa tas-sewqan l-inqas favorevoli kif iddeterminat mis-servizz tekniku responsabbli għat-testijiet.
1.3.1. L-allinjament tal-vettura ma’ l-ostaklu
Il-vettura għandha tirkeb il-faċċata tal-ostaklu b’40 fil-mija ± 20 mm.
1.4. L-istat tal-vettura
1.4.1. L-ispeċifikazzjoni ġenerali
Il-vettura tat-test għandha tkun rappreżentattiva tal-produzzjoni f’serje, għandha tinkludi t-tagħmir kollhu li jkun installat is-soltu u għandha tkun qed taħdem lesta biex titħaddem bħas-soltu. Xi komponenti jistgħu jinbidlu b’mases ekwivalenti fejn jidher b’mod ċar li din is-sostituzzjoni m’għandha l-ebda effett evidenti fuq ir-riżultati mkejla taħt il-paragrafu 6.
1.4.2. Il-massa tal-vettura
1.4.2.1. Għat-test, il-massa tal-vettura mressqa għandha tkun il-massa mingħajr tagħbija u mingħajr nies ġo fiha;
1.4.2.2. It-tank tal-fjuwil għandu jkun mimli bl-ilma b’massa daqs 90 fil-mija tal-massa ta’ tank mimli kif speċifikat mill-manifattur b’tolleranza ta’ ± 1 fil-mija;
1.4.2.3. Is-sistemi l-oħra kollha (tal-brejk, tat-tkessiħ, eċċ.) jistgħu jkunu vojta f’dan il-każ, il-massa tal-likwidi għandha tkun ikkumpensata b’attenzjoni;
1.4.2.4. Jekk il-massa tal-apparat tal-kejl fil-vettura jeċċedi l-25 kg konċessi, din tista’ tkun ikkumpensata bi tnaqqis li m’għandux effett evidenti fuq ir-riżultati mkejla taħt il-paragrafu 6 aktar ’l isfel;
1.4.2.5. Il-massa tal-apparat tal-kejl m’għandhiex tbiddel kull tagħbija ta’ referenza tal-fus tar-rota b’aktar minn 5 %, b’kull varjazzjoni ma teċċedix l-20 kg;
1.4.2.6. Il-massa tal-vettura li tirriżulta mid-dispożizzjonijiet tal-paragrafu 1.4.2.1 t’hawn fuq għandha tkun indikata fir-rapport.
1.4.3. L-aġġustamenti fil-kompartiment tal-passiġġieri
1.4.3.1. Il-pożizzjoni tal-istêring
L-istêring, jekk ikun jista’ jiġi aġġustat, għandu jitqiegħed fil-pożizzjoni normali indikata mill-manifattur jew, jekk dan ma jsirx, fin-nofs bejn il-limiti tal-medda ta’ aġġustamenti. Fi tmiem vjaġġ bis-sewqan, l-istêring għandu jitħalla ħieles, bl-imagħżel tiegħu fil-pożizzjoni li skond il-manifattur tikkorrispondi mal-moviment tal-vettura dritt ’il quddiem.
1.4.3.2. It-twieqi
It-twieqi li jistgħu jiċċaqalqu għandhom ikunu magħluqa. Għal finijiet ta’ kejl għat-test u bi ftehim mal-manifattur, jistgħu jkunu mniżżla, sakemm il-pożizzjoni tal-manku li jħaddimhom tikkorrispondi ma’ pożizzjoni magħluqa.
1.4.3.3. Il-liver għat-tibdil tal-gerijiet
Il-liver għat-tibdil tal-gerijiet għandu jkun fil-pożizzjoni newtrali.
1.4.3.4. Il-pedali
Il-pedali għandhom ikunu fil-pożizzjoni normali tagħhom ta’ serħan. Jekk jistgħu jiġu aġġustati, għandhom jitqiegħdu fil-pożizzjoni tan-nofs sakemm l-ebda pożizzjoni oħra m’hija speċifikata mill-manifattur.
1.4.3.5. Il-bibien
Il-bibien għandhom ikunu magħluqa imma mhux imsakkra.
1.4.3.6. Is-saqaf li jinfetaħ
Jekk huwa installat saqaf li jinfetaħ jew li jista’ jitneħħa, dan għandu jkun f’postu u magħluq. Għal finijiet ta’ kejl tat-test u bi ftehim mal-manifattur, dan jista’ jitħalla miftuħ.
1.4.3.7. Il-viżiera tax-xemx
Il-viżieri tax-xemx għandhom ikunu stivati.
1.4.3.8. Il-mera li turi x’ġej minn wara
Il-mera ta’ fuq ġewwa li turi x’ġej minn wara għandha tkun fil-pożizzjoni normali tal-użu.
1.4.3.9. Id-dirgħajn tas-sits
Id-dirgħajn tas-sits fuq quddiem u fuq wara, jekk jiċċaqalqu, għandhom ikunu fil-pożizzjoni mniżżla, sakemm dan ma jistax isir minħabba l-pożizzjoni tal-manikini fil-vetturi.
1.4.3.10. It-trażżin għar-ras
It-trażżin għar-ras li jista’ jiġi aġġustat skond it-tul għandhom ikunu fil-pożizzjoni l-aktar għolja tagħhom.
1.4.3.11. Is-sits
1.4.3.11.1. Il-pożizzjoni tas-sits ta’ quddiem
Sits li jistgħu jiġu aġġustati b’mod lonġitudinali għandhom jitqiegħdu b’tali mod li l-punt “H” tagħhom, iddeterminat skond il-proċedura stabbilita fl-Anness 6, huwa fil-pożizzjoni tan-nofs ta’ kemm huwa possibli li jiċċaqalqu jew fl-eqreb pożizzjoni li tillokkja għal din, u fl-għoli ddefinit mill-manifattur (jekk jista’ jkun aġġustat b’mod indipendenti mill-għoli). Fil-każ ta’ sit ta’ wara f’vettura għal tnejn minn-nies jew aktar, ir-referenza ser tkun għall-punt “H” tal-post tas-sewwieq.
1.4.3.11.2. Il-pożizzjoni tad-dhura tas-sits ta’ quddiem
Jekk jistgħu jiġu aġġustati, id-dhura tas-sits għandhom ikunu aġġustati b’tali mod li l-inklinazzjoni li tirriżulta tat-torso tal-manikin tkun kemm jista’ jkun qrib dik irrikkmandata mill-manifattur għall-użu normali jew, fin-nuqqas ta’ xi rakkomandazzjoni partikolari mill-manifattur, f’25 ° lura mill-vertikal.
1.4.3.11.3. Is-sits ta’ wara
Jekk jistgħu jiġu aġġustati, is-sits ta’ wara jew is-sits sħaħ ta’ wara għandhom jitqiegħdu fil-pożizzjoni l-aktar lura tagħhom.
2. IL-MANIKINI
2.1. Is-sits ta’ quddiem
2.1.1. Manikin li jikkorrispondi għall-ispeċifikazzjonijiet ta’ HYBRID III (1) mogħni b’għaksa ta’ 45 ° u li jissodisfa l-ispeċifikazzjonijiet għall-aġġustament tiegħu għandu jkun installat f’kull wieħed mill-postijiet ta’ quddiem lejn in-naħa ta’ barra skond il-kundizzjonijiet speċifikati fl-Anness 5. L-għaksa tal-manikin għandha tiġi ċċertifikata skont il-proċeduri fl-Anness 10.
2.1.2. Il-karrozza ser tkun ittestjata b’sistemi ta’ trażżin, kif ipprovduti mill-manifattur.
3. IL-PROPULSJONI U R-ROTTA TAL-VETTURA
3.1. Il-vettura għandha tkun immexxija jew mill-istess magna tagħha jew minn kwalunkwe mezz ieħor li jimbuttaha.
3.2. Fil-mument tal-impatt il-vettura m’għandhiex tibqa’ suġġetta għall-azzjoni ta’ kwalunkwe mezz addizzjonali li jiddiriġieha jew jimbuttaha.
3.3. Ir-rotta tal-vettura għandha tkun tali li tissodisfa l-kundizzjonijiet meħtieġa tal-paragrafi 1.2 u 1.3.1.
4. IL-VELOĊITÀ WAQT IT-TEST
Il-veloċità tal-vettura fil-mument tal-impatt għandha tkun ta’ 56 – 0, + 1 km/s. Madankollu, jekk it-test twettaq b’veloċità ta’ impatt ogħla u l-vettura ssodisfat il-kundizzjonijiet meħtieġa, it-test għandu jitqies sodisfaċenti.
5. IL-QISIEN LI JRIDU JITTIEĦDU MILL-MANIKIN FIS-SITS TA’ QUDDIEM
5.1. Il-qisien kollha neċessarji għall-verifika tal-kriterji ta’ rendiment għandhom isiru b’sistemi ta’ kejl li jikkorrispondu ma’ l-ispeċifikazzjonijiet fl-Anness 8.
5.2. Il-parametri differenti għandhom ikunu rreġistrati permezz ta’ kanali indipendenti ta’ data tal-CFC (Klassi tal-Frekwenza tal-Kanal) li ġejja:
5.2.1. Il-qisien fir-ras tal-manikin
L-aċċellerazzjoni (a) li tirreferi għaċ-ċentru ta’ gravità hija kkalkulata mill-komponenti bi tliet assi tal-aċċellerazzjoni titkejjel b’CFC ta’ 1 000.
5.2.2. Il-qisien fl-għonq tal-manikin
5.2.2.1. Il-forza tat-tensjoni tal-assi u l-forza ta’ pressjoni fuq quddiem/wara fil-parti fejn jiltaqgħu l-għonq u r-ras jitkejlu b’CFC ta’ 1 000;
5.2.2.2. Il-mument ta’ meta tintlewa lura l-parti fejn jiltaqgħu l-għonq u r-ras fuq assi laterali jitkejjel b’CFC of 600.
5.2.3. Il-qisien fit-toraċi tal-manikin
Il-liwja tas-sider bejn l-isternu u s-sinsla tad-dar jitkejlu b’CFC ta’ 180.
5.2.4. Il-kejl fil-wirk u fil-qasba tas-sieq tal-manikin
5.2.4.1. Il-forza ta’ kompressjoni tal-assi u l-mumenti ta’ jintlewew lura jitkejlu b’CFC ta’ 600;
5.2.4.2. L-ispostament tal-qasba tas-sieq imqabbel mal-wirk jitkejjel fil-ġogi tal-irkoppa li jiċċaqalqu b’CFC ta’ 180.
6. IL-QISIEN LI JRIDU JITTIEĦDU MILL-VETTURA
6.1. Sabiex ikun jista’ jsir it-test semplifikat deskritt fl-Anness 7, ir-rekord ta’ ħin ta’ tnaqqis fil-veloċità tal-istruttura għandu jkun iddeterminat fuq il-bażi tal-valur tal-aċċelerometri lonġitudinali fil-qiegħ tal-pilastru “B” fuq in-naħa l-milquta tal-vettura b’CFC ta’ 180 permezz ta’ kanali tad-data li jikkorrispondu mal-kundizzjonijiet meħtieġa deskritti fl-Anness 8.
6.2. Ir-rekord ta’ ħin ta’ veloċità li ser jintuża fil-proċedura tat-test deskritta fl-Anness 7 għandu jinkiseb mill-aċċelerometru lonġitudinali, fil-pilastru “B”, fuq in-naħa l-milquta.
(1) L-ispeċifikazzjonijiet tekniċi u d-disinni dettaljati ta’ Hybrid III, li jikkorrispondu mad-dimensjonijiet prinċipali ta’ ħamsin fil-mija tal-irġiel fl-Istati Uniti tal-Amerika, u l-ispeċifikazzjonijiet għall-aġġustament ta’ dan għal dan it-test huma ddepożitati mas-Segretarju Ġenerali tan-Nazzjonijiet Uniti u jistgħu jkunu kkonsultati, meta jintalbu, fis-segretarjat tal-Kummissjoni Ekonomika għall-Ewropa, Palais des Nations, Ġinevra, L-Isvizzera.
ANNESS 4
ID-DETERMINAZZJONI TAL-KRITERJI TAR-RENDIMENT
1. IL-KRITERJU TAR-RENDIMENT TAR-RAS (HPC) U AĊĊELLERAZZJONI TAR-RAS TA’ 3 ms
1.1. |
Il-kriterju tar-rendiment tar-ras (HPC) jitqies sodisfatt meta, matul it-test, m’hemm l-ebda kuntatt bejn ir-ras u kwalunkwe komponent tal-vettura. |
1.2. |
Jekk, waqt it-test, ikun hemm kuntatt bejn ir-ras u kwalunkwe komponent tal-vettura, isir kalkolu tal-valur tal-HPC, ibbażat fuq l-aċċellerazzjoni (a), imkejla skond il-paragrafu 5.2.1 tal-Anness 3, espress kif ġej:
fejn:
|
1.3. |
Il-valur tal-aċċellerazzjoni tar-ras li tirriżulta matul l-impatt ’il quddiem li jinqabeż għal 3 ms b’mod kumulattiv huwa kkalkulat mill-aċċellerazzjoni tar-ras li tirriżulta, imkejla skond il-paragrafu 5.2.1 tal-Anness 3. |
2. IL-KRITERJU TAL-FERIMENT TAL-GĦONQ (NIC)
2.1. |
Dawn il-kriterji huma ddeterminati mill-forza kompressiva tal-assi, il-forza tat-tensjoni tal-assi u l-forzi ta’ pressjoni fuq quddiem/wara fil-parti fejn jiltaqgħu l-għonq u r-ras, irrapreżentati f’kN u mkejla skond il-paragrafu 5.2.2. tal-Anness 3 u skond kemm idumu dawn il-forzi rrapreżentati f’ms. |
2.2. |
Il-kriterju tal-mument ta’ meta jintlewa l-għonq huwa ddeterminat mill-mument tal-liwja, irrapreżentat f’Nm, madwar l-assi laterali fil-parti ta’ fejn jiltaqgħu l-għonq u r-ras u jitkejjel skond paragrafu 5.2.2 tal-Anness 3. |
2.3. |
Il-mument ta’ flessjoni ta’ meta jintlewa l-għonq, irrapreżentat f’Nm, għandu jkun irreġistrat. |
3. IL-KRITERJU TA’ KOMPRESSJONI TAT-TORAĊI (ThCC) U L-KRITERJU VISKUŻ (V * C)
3.1. |
Il-kriterju tal-kompressjoni tat-toraċi huwa ddeterminat mill-valur assolut tad-deformazzjoni tat-toraċi, irrapreżentat f’mm u jitkejjel skond il-paragrafu 5.2.3. tal-Anness 3. |
3.2. |
Il-kriterju viskuż (V * C) huwa kkalkulat bħala l-prodott istantanju tal-kompressjoni u r-rata tal-liwja tal-isternu, imkejjel skond il-paragrafu 6 u wkoll skond il-paragrafu 5.2.3 tal-Anness 3. |
4. IL-KRITERJU TAL-FORZA TAL-WIRK (FFC)
4.1. |
Dan il-kriterju huwa ddeterminat mill-piż tal-kompressjoni irrapreżentat f’kN, trasmess permezz tal-assi fuq kull wirk tal-manikin u mkejjel skond il-paragrafu 5.2.4 tal-Anness 3 u b’kemm idum il-piż kompressiv irrapreżentat f’ms. |
5. IL-KRITERJU TAL-FORZA TA’ KOMPRESSJONI TAL-QASBA TAS-SIEQ (TCFC) U L-INDIĊI TAL-QASBA TAS-SIEQ (TI)
5.1. |
Il-kriterju tal-forza kompressiva tal-qasba tas-sieq huwa ddeterminat mill-piż kompressiv (Fz) irrapreżentat f’kN, trasmess permezz tal-assi fuq kull qasba tas-sieq tal-manikin u mkejjel skond il-paragrafu 5.2.4 tal-Anness 3. |
5.2. |
L-indiċi tal-qasba tas-sieq huwa kkalkulat fuq il-bażi tal-mumenti tal-liwi (Mx u My) imkejla skond paragrafu 5.1 bl-espressjoni matematika li ġejja:
fejn:
L-indiċi tal-qasba tas-sieq huwa kkalkulat għall-quċċata u t’isfel ta’ kull qasba tas-sieq; madankollu, Fz jista’ jitkejjel jew f’naħa jew fl-oħra. Il-valur miksub huwa użat għall-kalkoli tat-TI ta’ fuq u t’isfel. Il-mumenti Mx u My huma t-tnejn imkejla b’mod separat fiż-żewġ naħat. |
6. IL-PROĊEDURA BIEX IKUNU KKALKULATI L-KRITERJI VISKUŻI (V * C) GĦALL-MANIKIN HYBRID III
6.1. |
Il-kriterju viskuż huwa kkalkulat bħala l-prodott istantanju tal-kompressjoni u r-rata ta’ liwi tal-isternu. It-tnejn li huma jinkisbu mill-kejl tal-liwja tal-isternu. |
6.2. |
Ir-reazzjoni tal-liwja tal-isternu hija ffiltrata darba b’CFC 180. Il-kompressjoni fil-ħin t hija kkalkulata minn dan is-sinjal iffiltrat bħala:
Il-veloċità ta’ liwi tal-isternu fil-ħin t hija kkalkulata mil-liwi ffiltrat bħala:
fejn D(t) hija l-liwja fil-ħin t f’metri u δt huwa l-intervall ta’ ħin f’sekondi bejn il-kejl tal-liwja. Il-valur massimu ta’ δt għandu jkun ta’ 1,25 × 10–4 sekondi. Din il-proċedura ta’ kalkolu tintwera fid-dijagramma t’hawn taħt:
|
ANNESS 5
L-arranġament u l-installazzjoni tal-manikini u l-aġġustament fis-sistemi ta’ trażżin
1. L-ARRANĠAMENT TAL-MANIKINI
1.1. Is-sits separati
Il-pjan ta’ simetrija tal-manikin għandu jikkoinċidi mal-pjan medjan vertikali tas-sit.
1.2. Is-sit ta’ quddiem sħiħ
1.2.1. Is-sewwieq
Il-pjan ta’ simetrija tal-manikin għandu jkun fil-pjan vertikali li jgħaddi miċ-ċentru tal-istêring u parallel għall-pjan medjan lonġitudinali tal-vettura. Jekk il-pożizzjoni bilqiegħda hija ddeterminata mill-forma tas-sit f’vettura għal tnejn minn-nies jew aktar, sit bħal dan għandu jitqies bħala sit separat.
1.2.2. Il-passiġġier li jkun bilqiegħda fuq in-naħa ta’ barra
Il-passiġġier li jkun bilqiegħda fuq in-naħa ta’ barra Il-pjan ta’ simetrija tal-manikin għandu jkun simetriku ma’ dak tas-sewwieq manikin relattiv għall-pjan medjan lonġitudinali tal-vettura. Jekk il-pożizzjoni bilqiegħda hija ddeterminata mill-forma tas-sit f’vettura għal tnejn minn-nies jew aktar, sit bħal dan għandu jitqies bħala sit separat.
1.3. Is-sit sħiħ għall-passiġġieri ta’ quddiem (is-sewwieq mhux inkluż)
Il-pjani ta’ simetrija tal-manikin għandhom jikkoinċidu mal-pjani medjani tal-pożizzjonijiet bilqiegħda ddefiniti mill-manifattur.
2. L-INSTALLAZZJONI TAL-MANIKINI
2.1. Ir-ras
Il-pjattaforma tal-istrumenti tal-kejl trasversali tar-ras għandha tkun orizzontali b’varjazzjoni ta’ 2.5° grad. Sabiex tkun illivellata r-ras tal-manikin tat-test f’vetturi b’sits dritti b’dahar li ma jistax jiġi aġġustat, iridu jkunu segwiti s-sekwenzi li ġejjin. L-ewwelnett aġġusta l-pożizzjoni tal-punt “H” fil-limiti stabbiliti fil-paragrafu 2.4.3.1 aktar 'l isfel sabiex tillivella l-pjattaforma tal-istrumenti tal-kejl trasversali tar-ras tal-manikin tat-test. Jekk il-pjattaforma tal-istrumenti tal-kejl trasversali tar-ras għadha mhix ta’ livell, allura aġġusta l-angolu pelviku tal-manikin tat-test sal-limiti provduti fil-paragrafu 2.4.3.2 aktar 'l isfel. Jekk il- pjattaforma tal-istrumenti tal-kejl trasversali tar-ras għadha mhix livell, allura aġġusta l-qafla tal-għonq tal-manikin tat-test dak l-ammont minimu neċessarju sabiex tassigurali l-pjattaforma tal-istrumenti tal-kejl trasversali tar-ras hija orizzontali b’varjazzjoni ta’ 2,5°.
2.2. Id-dirgħajn
2.2.1. Il-parti ta’ fuq ta’ dirgħajn is-sewwieq għandhom ikunu maġenb it-torso bil-linji taċ-ċentru viċin kemm jista’ jkun tal-pjan vertikali.
2.2.2. Il-parti ta’ fuq ta’ dirgħajn il-passiġġier għandhom ikunu f’kuntatt mad-dahar tas-sit u l-ġnub tat-torso.
2.3. L-idejn
2.3.1. Il-kfief ta’ idejn il-manikin sewwieq tat-test għandhom ikunu f’kuntatt mal-parti ta’ barra tax-xifer tal-istêring fil-linja taċ-ċentru orizzontali tax-xifer. Is-swaba’ l-kbar tal-idejn għandhom ikunu fuq ix-xifer tal-istêring u għandhom ikunu marbuta ħafif bit-tejp max-xifer tal-istêring sabiex jekk l-id tal-manikin tat-test tiġi mbuttata 'l fuq b’forza mhux inqas minn 9 N u mhux aktar minn 22 N, it-tejp għandu jħoll l-id minn max-xifer tal-istêring.
2.3.2. Il-kfief ta’ jdejn il-manikin tat-test passiġġier għandhom ikunu f’kuntatt mal-parti ta’ barra tal-koxxa. Is-seba’ ż-żgħir għandu jkun f’kuntatt mal-kuxxin tas-sit.
2.4. It-torso
2.4.1. F’vetturi mgħammra b’sits sħaħ, il-parti ta’ fuq tat-torso tal-manikini tat-test tas-sewwieq u tal-passiġġier għandhom jistrieħu mad-dahar tas-sit. Il-pjan saġittali tan-nofs tal-manikin tas-sewwieq għandu jkun vertikali u parallel għal-linja taċ-ċentru lonġitudinali tal-vettura, u jgħaddi miċ-ċentru tax-xifer tal-istêring. Il-pjan saġittali tan-nofs tal-manikin passiġġier għandu jkun vertikali u parallel għal-linja taċ-ċentru lonġitudinali tal-vettura u fl-istess distanza mil-linja taċ-ċentru lonġitudinali tal-vettura bħall-pjan saġittali tan-nofs tal-manikin tas-sewwieq.
2.4.2. F’vetturi mgħammra b’sit(s) individwali, il-parti ta’ fuq tat-torso tal-manikin tat-test sewwieq u l-manikin tat-test passiġġier għandhom jistrieħu mad-dahar tas-sit. Il-pjan saġittali tan-nofs tal-manikin tal-manikin sewwieq u tal-manikin passiġġier għandhom ikunu vertikali u għandhom jikkoinċidu mal-linja taċ-ċentru lonġitudinali tas-sit(s) individwali.
2.4.3. Il-parti t’isfel tat-torso
2.4.3.1. Il-punt “H”
Il-punt “H” tal-manikin tat-test sewwieq u tal-manikin tat-test passiġġier għandhom jikkoinċidu b’varjazzjoni ta’ 13 mm fid-dimensjoni vertikali u 13 mm fid-dimensjoni orizzontali, b’punt 6 mm aktar 'l isfel mill-pożizzjoni tal-punt “H” iddeterminat bl-użu tal-proċedura deskritta fl-Anness 6, ħlief li t-tul tas-segmenti tal-parti t’isfel tar-riġel u tal-koxxa tal-magna tal-punt “H” għandhom ikunu aġġustati għal 414 u 401 mm, minflok għal 417 u 432 mm rispettivament.
2.4.3.2. L-angolu pelviku
Kif iddeterminat bl-użu tad-disinn 78051-532 tal-kejl tal-angolu pelviku (GM) inkorporat b’referenza fil-Parti 572 li tiddaħħal fit-toqba tal-kejl tal-punt “H” tal-manikin, l-angolu mkejjel mill-orizzontali fuq il-wiċċ ċatt ta’ 76,2 mm tal-istrument tal-kejl għandu jkun ta’ 22 1/2 gradi b’2 1/2 gradi aktar jew inqas.
2.5. Ir-riġlejn
Il-partijiet ta’ fuq ta’ riġlejn il-manikin tat-test sewwieq u l-manikin tat-test passiġġier għandhom jistrieħu kontra l-kuxxin tas-sit sakemm jitħallew jagħmlu dan mit-tqegħid tas-saqajn. Id-distanza inizjali bejn il-wiċċ ta’ barra tal-irkoppa tal-flanġ b’ħolqa forma ta’ U għandha tkun ta’ 270 mm ± 10 mm. Sakemm huwa prattikabbli, ir-riġel tax-xellug tal-manikin tsewwieq u r-riġlejn tal-manikin passiġġier għandhom ikunu fi pjani vertikali lonġitudinali. Sakemm huwa prattikabbli, ir-riġel tal-lemin tal-manikin sewwieq għandu jkun fi pjan vertikali. Jitħalla jsir aġġustament finali sabiex ikun hemm fejn jitqiegħdu r-riġlejn, skond il-paragrafu 2.6, għall-konfigurazzjonijiet differenti tal-kompartiment tal-passiġġieri.
2.6. Is-saqajn
2.6.1. Is-sieq il-leminija tal-manikin tat-test sewwieq għandha tistrieħ fuq l-aċċeleratur mhux magħfus bil-punt l-aktar fuq wara tal-għarqub fuq il-wiċċ tal-art fil-pjan tal-pedala. Jekk is-sieq ma tistax titqiegħed fuq il-pedala tal-aċċeleratur, din għandha titqiegħed perpendikulari għall-qasba tas-sieq u ’il quddiem kemm jista’ jkun fid-direzzjoni tal-linja taċ-ċentru tal-pedala bil-punt l-aktar fuq wara tal-għarqub jistrieħ fuq il-wiċċ tal-art. L-għarqub tas-sieq ix-xellugija għandu jitqiegħed ’il quddiem kemm jista’ jkun u għandu jistrieħ fit-toqba fl-art. Is-sieq ix-xellugija għandha tkun titqiegħed ċatta kemm jista’ jkun taħt id-daxbord maġenb il-pedali. Il-linja taċ-ċentru lonġitudinali tas-sieq ix-xellugija għandha titqiegħed parallela kemm jista’ jkun għal-linja taċ-ċentru lonġitudinali tal-vettura.
2.6.2. L-għarqbejn taż-żewġ saqajn tal-manikin tat-test passiġġier għandhom jitqiegħdu 'l quddiem kemm jista’ jkun u għandhom jistrieħu fuq id-daħla ma’ l-art. Iż-żewġ saqajn għandhom jitiqegħdu ċatti kemm jista’ jkun taħt id-daxbord maġenb il-pedali. Il-linja taċ-ċentru lonġitudinali tas-saqajn għandha titqiegħed parallela kemm jista’ jkun għal-linja taċ-ċentru lonġitudinali tal-vettura.
2.7. L-istrumenti tal-kejl installati m’għandhom jaffetwaw bl-ebda mod il-moviment tal-manikin matul l-impatt.
2.8. It-temperatura tal-manikini u s-sistema ta’ strumenti tal-kejl għandha tkun stabbilizzata qabel it-test u miżmuma sakemm huwa possibbli fil-marġni bejn 19 °C u 22 °C.
2.9. L-ilbies tal-manikini
2.9.1. Il-manikini bl-istrumenti għandhom jitlibbsu bi ħwejjeġ li jiġġebdu skond il-forma magħmulin mid-drapp tal-qoton bi kmiem qosra u bi qliezi twal sa nofs il-pexxul tar-riġel kif speċifikat f’FMVSS 208, fid-disinni 78051-292 u 293 jew l-ekwivalenti tagħhom.
2.9.2. Żarbun ta’ daqs 11XW, li għandu l-ispeċifikazzjonijiet ta’ daqs, qiegħ u ħxuna tal-għarqub tal-istandard militari fl-Istati Uniti MIL S 13192, reviżjoni P u li l-piż tiegħu huwa ta’ 0,57 0,1 kg, għandu jitqiegħed u jintrabat fuq kull sieq tal-manikini tat-test.
3. L-AĠĠUSTAMENT TAS-SISTEMA TAT-TRAŻŻIN
Bil-manikin tat-test bilqiegħda fil-post indikat għalih kif speċifikat mill-kundizzjonijiet meħtieġa xierqa tal-paragrafi 2,1 sa 2,6, poġġi ċ-ċinturin madwar il-manikin tat-test u aqfel il-lukkett. Isikka l-partijiet merħija taċ-ċinturin ta’ fuq il-ħoġor. Iġbed l-istrixxi tal-parti ta’ fuq tat-torso 'l barra mill-apparat li jiġbed lura u ħallihom jinġibdu lura. Irrepeti din il-proċedura erba’ darbiet. Applika piż ta’ tensjoni ta’ bejn 9 u 18 N fuq iċ-ċinturin tal-ħoġor. Jekk is-sistema taċ-ċinturin hija mgħammra bi strument li jerħi t-tensjoni, introduċi l-ammont massimu ta’ telqa fiċ-ċinturin tal-parti ta’ fuq tat-torso li huwa rrikkmandat mill-manifattur għall-użu normali fil-manwâl tal-propjetrju tal-vettura. Jekk is-sistema taċ-ċinturin m’hix mgħammra bi strument li jerħi t-tensjoni, ħalli l-istrixxa taċ-ċinturin tal-ispalla żejda tinġibed lura bil-forza mill-apparat li jiġbed lura.
ANNESS 6
Il-proċedura għad-determinazzjoni tal-punt “H” u tal-angolu reali tat-torso għall-pożizzjonijiet bilqiegħda f’vetturi bil-magna
1. L-GĦAN
Il-proċedura deskritta f’dan l-anness hija użata sabiex ikun stabbilit fejn jinsab il-punt “H” u l-angolu reali tat-torso għal pożizzjoni waħda jew aktar bilqiegħda f’vettura bil-magna u għall-verifika tar-relazzjoni ta’ data mkejla skond l-ispeċifikazzjonijiet tad-disinn mogħtija mill-manifattur tal-vettura. (1)
2. ID-DEFINIZZJONIJIET
Għall-finijiet ta’ dan l-Anness:
2.1. |
“Id-data ta’ referenza” tfisser waħda jew diversi mill-karatteristiċi li ġejjin tal-pożizzjoni bilqiegħda:
|
2.2. |
“Il-magna tridimensjonali tal-punt ‘H’ ” (il-magna 3-D H) tfisser l-istument użat għad-determinazzjoni tal-punti “H” u tal-angoli attwali tat-torso. Dan l-istrument huwa deskritt fl-Appendiċi 1 ta’ dan l-Anness; |
2.3. |
“Il-punt ‘H’” ifisser il-parti ċentrali tat-torso u tal-koxxa tal-magna 3-D H installata fis-sit tal-vettura skond il-paragrafu 4 aktar ’l isfel. Il-punt “H” jinstab fiċ-ċentru tal-linja taċ-ċentru tal-istrument li huwa bejn is-sight buttons tal-punt “H” fuq kull naħa tal-magna 3-D H. Il-punt “H” jikkorrispondi, fit-teorija, mal-punt “R” (għat-tolleranzi ara l-paragrafu 3.2.2 aktar ’l isfel). Ladarba jkun iddeterminat skond il-proċedura deskritta fil-paragrafu 4, il-punt “H” huwa kkunsidrat fiss b’relazzjoni għall-istruttura tal-kuxxin tas-sit u għandu jiċċaqlaq miegħu meta s-sit ikun aġġustat; |
2.4. |
“Il-punt ‘R’” jew “il-punt ta’ referenza għas-sit” ifisser punt ta’ disinn definit mill-manifattur tal-vettura għal kull pożizzjoni bilqiegħda u stabbilit skond is-sistema ta’ referenza tridimensjonali; |
2.5. |
“Il-linja tat-torso” tfisser il-linja taċ-ċentru tas-sonda tal-magna 3-D H bis-sonda fil-pożizzjoni kemm jista’ jkun lura; |
2.6. |
“L-angolu reali tat-torso” ifisser l-angolu mkejjel bejn linja vertikali li tgħaddi mill-punt “H” u l-linja tat-torso bl-użu tal-kwadrant tal-angolu tad-dahar tal-magna 3-D H. L-angolu reali tat-torso jikkorrispondi, b’mod teoretiku, għall-angolu tat-torso skond id-disinn (għat-tolleranzi ara l-paragrafu 3.2.2 aktar ’l isfel): |
2.7. |
“L-angolu tat-torso skond id-disinn” ifisser il-kejl tal-angolu bejn linja vertikali li tgħaddi mill-punt “R” u l-linja tat-torso f’pożizzjoni li tikkorrispondi mal-pożizzjoni skond id-disinn tad-dahar tas-sit stabbilita mill-manifattur tal-vettura; |
2.8. |
“Il-pjan taċ-ċentru ta’ min jokkupa l-vettura” (C/LO) ifisser il-pjan medjan tal-magna 3-D H imqiegħed f’kull pożizzjoni bilqiegħda ddeżinjata; Għal sits individwali, il-pjan taċ-ċentru tas-sit jikkoinċidi mal-pjan taċ-ċentru ta’ min jokkupah. Għal sits oħra, il-pjan taċ-ċentru ta’ min jokkupah huwa speċifikat mill-manifattur; |
2.9. |
“Is-sistema ta’ referenza tridimensjonali” tfisser sistema kif deskritta fl-Appendiċi 2 ta’ dan l-Anness; |
2.10. |
“Il-marki ta’ riferiment” huma punti fiżiċi (toqob, uċuh, marki jew inċiżjonijiet) fuq il-bòdi tal-vettura kif iddefiniti mill-manifattur; |
2.11. |
“Il-pożizzjoni sabiex titkejjel il-vettura” tfisser il-pożizzjoni tal-vettura kif iddefinita mill-koordinati tal-marki ta’ riferiment fis-sistema ta’ referenza tridimensjonali. |
3. IL-KUNDIZZJONIJIET MEĦTIEĠA
3.1. Il-preżentazzjoni tad-data
Għal kull pożizzjoni bilqiegħda, fejn tintalab data ta’ referenza sabiex tintwera konformità mad-dispożizzjonijiet tar-Regolament preżenti, id-data li ġejja kollha jew parti xierqa minnha għandha tkun ippreżentata fil-formola indikata fl-Appendiċi 3 ta’ dan l-Anness:
3.1.1. |
il-koordinati tal-punt “R” relattivi għas-sistema ta’ referenza tridimensjonali; |
3.1.2. |
l-angolu tat-torso skond id-disinn; |
3.1.3. |
l-indikazzjonijiet kollha neċessarji għall-aġġustament tas-sit (jekk jista’ jkun aġġustat) għall-pożizzjoni ta’ kejl iddikjarata fil-paragrafu 4.3 aktar ’l isfel. |
3.2. Ir-relazzjoni bejn data mkejla u l-ispeċifikazzjonijiet skond id-disinn
3.2.1. |
Il-koordinati tal-punt “H” u l-valur tal-angolu reali tat-torso miksub mill-proċedura ddikjarata fil-paragrafu 4 aktar ’l isfel għandhom jitqabblu, rispettivament, mal-koordinati tal-punt “R” u l-valur tal-angolu tat-torso skond id-disinn indikat mill-manifattur tal-vettura; |
3.2.2. |
Il-pożizzjonijiet relattivi tal-punt “R” u tal-punt “H” u r-relazzjoni bejn l-angolu tat-torso skond id-disinn u l-angolu reali tat-torso għandhom jitqiesu sodisfaċenti għall-pożizzjoni bilqiegħda konċernata jekk il-punt “H”, kif iddefinit mill-koordinati tiegħu, qiegħed fi ħdan kwadru b’ġenb twil 50 mm, bi ġnub orizzontali u vertikali li d-dijagonali tagħhom jaqtgħu lil xulxin fil-punt “R”, u jekk l-angolu reali tat-torso għandu varjazzjoni ta’ 5° mill-angolu tat-torso skond id-disinn; |
3.2.3. |
Jekk jintlaħqu dawn il-kundizzjonijiet, il-punt “R” u l-angolu tat-torso skond id-disinn, għandhom jintużaw sabiex juru konformità mad-dispożizzjonijiet ta’ dan ir-Regolament; |
3.2.4. |
Jekk il-punt “H” jew l-angolu reali tat-torso ma jissodisfawx il-kundizzjonijiet tal-paragrafu 3.2.2 t’hawn fuq, il-punt “H” u l-angolu reali tat-torso għandhom jerġgħu jkunu ddeterminati darbtejn oħra (tliet darbiet b’kollox). Jekk ir-riżultati ta’ tnejn minn dawn it-tliet operazzjonijiet jissodisfaw il-kundizzjonijiet meħtieġa, għandhom japplikaw il-kundizzjonijiet tal-paragrafu 3.2.3 t’hawn fuq; |
3.2.5. |
Jekk ir-riżultati ta’ mill-inqas tnejn mit-tliet operazzjonijiet deskritti fil-paragrafu 3.2.4 t’hawn fuq ma jissodisfawx il-kundizzjonijiet tal-paragrafu 3.2.2 t’hawn fuq, jew jekk il-verifika ma tistax isseħħ għax il-manifattur tal-vettura ma pprovdiex l-informazzjoni dwar il-pożizzjoni tal-punt “R” jew dwar l-angolu tat-torso skond id-disinn għandha tintuża u tkun ikkunsidrata bħala applikabbli fil-każijiet kollha fejn hemm referenza għall-punt “R” jew għall-angolu tat-torso skond id-disinn f’dan ir-Regolament, il-forma ta’ ċirku magħmula mit-tliet punti mkejla jew il-medja tat-tliet angoli mkejla. |
4. IL-PROĊEDURA GĦAD-DETERMINAZZJONI TAL-PUNT “H” U TAL-ANGOLU REALI TAT-TORSO
4.1. Il-vettura għandha tkun ikkundizzjonata minn qabel fid-diskrezzjoni tal-manifattur, f’temperatura ta’ 20 ± 10 °C sabiex ikun assigurat li l-materjal tas-sits laħaq it-temperatura normali tal-kamra. Jekk is-sit li għandu jkun ikkontrollat qatt ħadd ma poġġa fuqu, persuna jew strument li tiżen 70 sa 80 kg għandha tpoġġi fuq is-sit darbtejn għal minuta sabiex tgħawweġ il-kuxxin u d-dahar. Fuq talba tal-manifattur, l-immuntar kollu tas-sits għandu jibqa’ mhux mgħobbi għal perjodu minimu ta’ 30 minuta qabel l-installazzjoni tal-magna 3-D H.
4.2. Il-vettura għandha tkun fil-pożizzjoni tal-kejl iddefinita fil-paragrafu 2.11 aktar ’il fuq.
4.3. Is-sit, jekk jista’ jkun aġġustat, għandu jkun aġġustat l-ewwelnett għall-pożizzjoni normali l-aktar lura tas-sewqan jew dik tal-irkib kif indikat mill-manifattur tal-vettura, dejjem jitqies biss l-aġġustament lonġitudinali tas-sit, eskluż iċ-ċaqliq tas-sit għal finijiet oħra li mhux il-pożizzjonijiet normali tas-sewqan jew tal-irkib. Fejn jeżistu modi oħra ta’ aġġustament tas-sit (vertikali, angulari, tad-dahar tas- sit, eċċ.) dawn imbagħad għandhom ikunu aġġustati għall-pożizzjoni speċifikata mill-manifattur tal-vettura. Għal sits tas-suspenxin, il-pożizzjoni vertikali għandha tkun iffissata b’mod riġidu li tikkorrispondi għal pożizzjoni normali ta’ sewqan kif speċifikata mill-manifattur.
4.4. L-erja tal-pożizzjoni bilqiegħda f’kuntatt mal-magna 3-D H għandha tinkesa bil-musulina, ta’ daqs suffiċjenti u b’nisġa xierqa, deskritta bħala materjal ordinarju tal-qoton li għandu 18.9 ħajtiet għal kull ċmÿ u li jiżen 0,228 kg/mÿ jew materjal innittjat jew mhux minsuġ b’karatteristiċi ekwivalenti. Jekk it-test isir fuq sit barra mill-vettura, l-art li fuqu jitqiegħed is-sit għandu jkollha l-istess karatteristiċi essenzjali (2) bħall-art tal-vettura li fiha s-sit huwa maħsub li se jintuża.
4.5. Poġġi l-immuntar tas-sit u tad-dahar tal-magna 3-D H ħalli l-pjan taċ-ċentru ta’ dak li jokkupah (C/LO) jikkoinċidi mal-pjan taċ-ċentru tal-magna 3-D H. Fuq talba tal-manifattur, il-magna 3-D H tista’ titressaq ’il ġewwa l-vettura meta mqabbla mal-C/LO jekk il-magna 3-D H tinsab tant ’il barra li t-tarf tas-sit mhux ser iħalli l-illivellar tal-magna 3-D H.
4.6. Waħħal l-immuntar tas-sieq u tal-parti t’isfel tar-riġel ma’ l-immuntar tad-daħla fis-sit, jew b’mod individwali jew bl-użu tat-T-bar u l-immuntar tal-parti t’isfel tar-riġel. Linja li tgħaddi mis-sight buttons tal-punt “H” għandha tkun parallela għall-art u perpendikulari għall-pjan taċ-ċentru lonġitudinali tas-sit.
4.7. Aġġusta l-pożizzjonijiet tas-saqajn u tar-riġlejn tal-magna 3-D H kif ġej:
4.7.1. |
Il-pożizzjoni bilqiegħda indikata: sewwieq u l-passiġġier ta’ quddiem tan-naħa ta’ barra
|
4.7.2. |
Il-pożizzjoni bilqiegħda indikata: fuq in-naħa ta’ barra fuq wara Għas-sits ta’ wara jew għas-sits awżiljarji, ir-riġlejn jitqiegħdu kif speċifikat mill-manifattur. Jekk is-saqajn imbagħad jistrieħu fuq partijiet mill-art li huma f’livelli differenti, is-sieq li tiġi l-ewwel f’kuntatt mas-sit ta’ quddiem għandha sservi ta’ referenza u s-sieq l-oħra għandha tkun irranġata b’mod li l-invell li jagħti l-orjentament trasversali tas-sit tal-istrument jindika dak orizzontali; |
4.7.3. |
Pożizzjonijiet bilqiegħda indikati oħra: Il-proċedura ġenerali indikata fil-paragrafu 4.7.1 t’hawn fuq għandha tkun segwita għajr għalli s-saqajn għandhom jitqiegħdu kif speċifikat mill-manifattur tal-vettura. |
4.8. Applika piżijiet mal-parti t’isfel tar-riġel u mal-koxox u llivella l-magna 3-D H.
4.9. Inklina d-daħla fid-dahar ’il quddiem sal-waqqafa ta’ quddiem u iġbed il-magna 3-D H lil hinn mid-dahar tas-sit bl-użu tat-T-bar. Erġa’ qiegħed il-magna 3-D H fuq is-sit b’wieħed mill-metodi li ġejjin:
4.9.1. |
Jekk il-magna 3-D H għandha t-tendenza li tiżloq lejn in-naħa ta’ wara, uża l-proċedura li ġejja. Ħalli l-magna 3-D H tiżloq lejn in-naħa ta’ wara sakemm m’hux aktar neċessarju piż li jrażżan orizzontali minn quddiem fuq it-T-bar, jiġifieri sakemm id-daħla fis-sit tagħmel kuntatt mad-dahar tas-sit. Jekk ikun neċessarju, erġa ppożizzjona l-parti t’isfel tar-riġel; |
4.9.2. |
Jekk il-magna 3-D H m’għandhiex tendenza li tiżloq lejn in-naħa ta’ wara, uża l-proċedura li ġejja. Żerżaq il-magna 3-D H lejn in-naħa ta’ wara billi tapplika piż orizzontali lejn in-naħa ta’ wara fuq it-T-bar sakemm id-daħla fis-sit tiġi f’kuntatt mad-dahar tas-sit (ara l-figura 2 tal-Appendiċi 1 ta’ dan l-Anness). |
4.10. Applika piż ta’ 100 ± 10 N fuq l-immuntar tad-dahar u tad-daħla tal-magna 3-D H fl-intersezzjoni tal-kwadrant tal-angolu tal-ġenb u tal-kisi tat-T-bar. Id-direzzjoni tal-applikazzjoni tal-piż għandha tinżamm tul linja li tgħaddi minn ħdejn l-intersezzjoni t’hawn fuq għal punt eżatt fuq il-kisi tal-iżbarra tal-koxxa (ara l-figura 2 tal-Appendiċi 1 ta’ dan l-Anness). Imbagħad reġġa’ lura b’attenzjoni id-daħla fid-dahar lejn id-dahar tas-sit. Trid tingħata attenzjoni matul il-bqija tal-proċedura sabiex il-magna 3-D H ma titħalliex tiżżerżaq ’il quddiem.
4.11. Installa l-piżijiet tan-nâtka tal-lemin u tax-xellug u wara, b’mod alternat, it-tmien piżijiet tat-torso. Żomm il-magna 3-D H livell.
4.12. Inklina d-daħla fid-dahar ’il quddiem biex teħles it-tensjoni ta’ fuq id-dahar tas-sit. Bandal il-magna 3-D H minn-naħa għall-oħra f’ark ta’ 10° (5° kull naħa tal-pjan taċ-ċentru vertikali) għal tliet ċikli kompleti sabiex terħi kwalunkwe frizzjoni miġmugħa bejn il-magna 3-D H u s-sit.
Waqt it-tbandil, it-T-bar tal-magna 3-D H jista’ jkollha t-tendenza li titbiegħed mill-allinjament orizzontali u vertikali speċifikat. It-T-bar għalhekk trid tkun imrażżna billi jkun applikat piż laterali xieraq matul it-tbandil. It-T-bar għandha tinżamm b’ċerta attenzjoni, bl-istess attenzjoni tingħata meta tiġi mbandla l-magna 3-D H sabiex ikun assigurat li l-ebda piż esterjuri involontarju ma jkun applikat f’direzzjoni vertikali jew ’il quddiem u lura.
Is-saqajn tal-magna 3-D H m’għandhomx ikunu mrażżna jew miżmuma matul dan il-pass. Jekk is-saqajn ibiddlu l-pożizzjoni tagħhom, dawn għandhom jitħallew f’dik il-pożizzjoni għal dak il-mument.
Irritorna b’attenzjoni id-daħla fid-dahar lejn id-dahar tas-sit u kkontrolla ż-żewġ invelli għall-pożizzjoni żero. Jekk kien hemm kwalunkwe moviment tas-saqajn matul l-operazzjoni ta’ tbandil tal-magna 3-D H, dawn iridu jerġgħu jitqiegħdu kif ġej:
L-ewwel għolli sieq mill-art, imbagħad għolli l-oħra l-ammont minimu neċessarju sakemm ma jkun hemm l-ebda moviment addizzjonali tas-saqajn. Matul dan l-irfigħ, is-saqajn iridu jitħallew liberi li jduru; u l-ebda piż fuq quddiem jew laterali m’għandu jkun applikat. Meta kull sieq titqiegħed lura fil-pożizzjoni t’isfel, l-għarqub irid ikun f’kuntatt ma’ l-istruttura maħsuba għalhekk.
Ikkontrolla l-invell laterali għall-pożizzjoni żero; jekk ikun neċessarju, applika piż laterali fil-quċċata tad-daħla fid-dahar suffiċjenti biex tillivella d-daħla fis-sit tal-magna 3-D H fuq is-sit.
4.13. Filwaqt li żżomm it-T-bar biex ma tħallix li l-magna 3-D H tiżżerżaq ’il quddiem fuq il-kuxxin tas-sit, kompli kif ġej:
(a) |
irritorna d-daħla fid-dahar lejn id-dahar tas-sit; |
(b) |
alternattivament applika u erħi piż orizzontali lejn in-naħa ta’ wara, li ma jeċċedix il-25 N, lejn l-iżbarra tal-angolu tad-dahar f’għoli bejn wieħed u ieħor fiċ-ċentru tal-piżijiet tat-torso sakemm il-kwadrant tal-angolu tal-ġenbejn jindika li ntlaħqet pożizzjoni stabbli wara li ntreħa l-piż. Trid tingħata attenzjoni sabiex ikun assigurat li l-ebda piż esterjuri ’l isfel jew lejn il-ġenb ma jkun applikat lill-magna 3-D H. Jekk ikun neċessarju aġġustament ieħor tal-livell tal-magna 3-D H, dawwar id-daħla fid-dahar ’il quddiem, erġa’ llivella, u rrepeti l-proċedura mill-paragrafu 4.12. |
4.14. Ħu l-kejl kollu:
4.14.1. |
Il-koordinati tal-punt “H” jitkejlu skond is-sistema ta’ referenza tridimensjonali; |
4.14.2. |
L-angolu reali tat-torso jinqara fil-kwadrant tal-angolu tad-dahar tal-magna 3-D H bis-sonda f’pożizzjoni kompletament lejn in-naħa ta’ wara. |
4.15. Jekk tkun mixtieqa ripetizzjoni tal-installazzjoni tal-magna 3-D H, l-immuntar tas-sit għandu jibqa’ mhux mgħobbi għal perjodu minimu ta’ 30 minuta qabel ir-ripetizzjoni. Il-magna 3-D H m’għandhiex titħalla mgħobbija fuq l-immuntar tas-sit għal aktar ħin minn dak neċessarju sabiex jitwettaq it-test.
4.16. Jekk is-sits fl-istess filliera jistgħu jitqjiesu bħala simili (sit ta’ wara f’vettura għal tnejn minn-nies jew aktar, sits identiċi, eċċ.) punt “H” wieħed u “angolu reali tat-torso” wieħed biss għandhom ikunu ddeterminati għal kull filliera ta’ sits, il-magna 3-D H deskritta fl-Appendiċi 1 ta’ dan l-Anness titqiegħed bilqiegħda f’post meqjus bħala rappreżentattiv għal dik il-filliera. Dan il-post għandu jkun:
4.16.1. |
fil-każ tal-filliera ta’ quddiem, is-sit tas-sewwieq; |
4.16.2. |
fil-każ tal-filliera jew tal-fillieri ta’ wara, sit fuq in-naħa ta’ barra. |
(1) Fi kwalunkwe post bilqiegħda barra mis-sîts ta’ quddiem fejn il-punt “H” ma jistax ikun iddeterminat bl-użu tal-“Magna tridimensjonali tal-punt ‘H’ ” jew bil-proċeduri, bil-punt “R” indikat mill-manifattur jista’ jittieħed bħala referenza fid-diskrezzjoni ta’ l-awtorità kompetenti.
(2) L-angolu ta’ inklinazzjoni, id-differenza fl-għoli ma’ l-immuntar tas-sît, il-konsistenza tal-wiċċ, eċċ.
Appendiċi 1
ID-DESKRIZZJONI TAL-MAGNA TRIDIMENSJONALI TAL-PUNT “H” (*)
(il-magna 3-D H)
1. Id-daħliet fid-dahar u fis-sits
Id-daħliet fid-dahar u fis-sits huma magħmula minn plastik rinfurzat u metall; huma jirriproduċu b’mod artifiċjali t-torso u l-koxxa ta’ bniedem u huma impernjati b’mod mekkaniku fil-punt “H”. Kwadrant huwa marbut mas-sonda li hija impernjata fil-punt “H” sabiex tkejjel l-angolu reali tat-torso. Żbarra tal-koxxa li tista’ tiġi aġġustata, imwaħħla mad-daħla fis-sit, tistabbilixxi l-linja taċ-ċentru tal-koxxa u sservi bħala linja ta’ bażi għall-kwadrant tal-angolu tal-ġenbejn.
2. L-elementi tal-ġisem u tar-riġlejn
Is-segmenti tal-parti t’isfel tar-riġel jintrabtu ma’ l-immuntar tad-daħla fis-sit mat-T-bar li tgħaqqad l-irkopptejn, li hija estensjoni laterali tal-iżbarra tal-koxxa li tista’ tiġi aġġustata. Il-kwadranti huma inkorporati fis-segmenti tal-parti t’isfel tar-riġel biex ikejlu l-angoli tal-irkopptejn. L-immuntar taż-żarbun u tas-saqajn huma kkalibrati biex ikejlu l-angolu tas-sieq. Żewġ invelli jorjentaw l-istrument fl-ispazju. Piżijet tal-elementi tal-ġisem jitqiegħdu fiċ-ċentri ta’ gravità korrispondenti sabiex jipprovdu dħul ’il ġewwa tas-sit ekwivalenti għal raġel ta’ 76 kg. Il-ġogi kollha tal-magna 3-D H iridu jkunu kkontrollati għall-moviment liberu mingħajr ma jkun hemm l-ebda frizzjoni tidher. Back pan – Id-daħla fid-dahar; Torso weight hanger – Post fejn jiddendel il-piż tat-torso; Back angle level – Il-livell tal-angolu tad-dahar; Hip angle quadrant – Il-kwadrant tal-angolu tal-ġenbejn; Seat pan – Id-daħla fis-sit; Thigh weight pad – Post fejn jitqiegħed il-piż tal-koxxa; T-Bar joining the knees – It-T-bar li tgħaqqad l-irkopptejn; Head room probe – Is-sonda tar-ras; Back angle quadrant – Il-kwadrant tal-angolu tad-dahar; H-point sight button – “Sight button” tal-punt “H”; H-point pivot – Pern tal-punt “H”; Lateral level – Livell laterali; Thigh bar – L-iżbarra tal-koxxa; Knee angle quadrant – Il-kwadrant tal-angolu tal-irkoppa; Foot angle quadrant – Il-kwadrant tal-angolu tas-sieq Dimensions in millimetres – Dimensjonijiet f’millimetri;Direction and point of application of load – Id-direzzjoni u l-punt fejn jiġi applikat il-piż; Variable from 108 to 424 – Ivarja minn 108 għal 424; Torso weight – Il-piż tat-torso; Buttock weight – Il-piż tan-nâtka; Thigh weight – Il-piż tal-koxxa; Leg weight – Il-piż tar-riġel
Figura 1
tfassila tal-magna 3-D H
Figura 2
Dimensjonijiet tal-elementi tal-magna 3-D H u d-distribuzzjoni tat-tagħbija
(*) Għad-dettalji tal-kostruzzjoni tal-magna 3-D H irreferi għas-Society of Automobile Engineers (SAE), 400 Commonwealth Drive, Warrendale, Pennsylvania 15096, United States of America.
Il-magna tikkorrispondi għal dik deskritta fl-ISO Standard 6549-1980.
Appendiċi 2
IS-SISTEMA TA’ REFERENZA TRIDIMENSJONALI
1. |
Is-sistema ta’ referenza tridimensjonali hija ddefinita minn tliet pjani ortogonali stabbiliti mill-manifattur tal-vettura (ara l-figura). (*) |
2. |
Zero X plane (vertical transverse zero plane) – Il-pjan X żero (il-pjan żero vertikali trasversali); Zero Y plane (vertical longitudinal zero plane) – Il-pjan Y żero (il-pjan żero vertikali lonġitudinali); |
3. |
Zero Z plane (horizontal zero plane) – Il-pjan Z żero (il-pjan żero orizzontali); Supporting surface – Il-wiċċ ta’ appoġġ |
(*) Is-sistema ta’ referenza tikkorrispondi għall-ISO standard 4130, 1978.
Appendiċi 3
ID-DATA TA’ REFERENZA LI TIKKONĊERNA L-POŻIZZJONIJIET BILQIEGĦDA
1. Il-kodifikazzjoni tad-data ta’ referenza
Id-data ta’ referenza hija elenkata b’mod konsekuttiv għal kull pożizzjoni bilqiegħda. Dawn il-pożizzjonijiet huma identifikati b’kodiċi li fih żewġ numri. L-ewwel numru huwa numru Għarbi u jindika l-filliera tas-sits, meta wieħed jgħodd minn quddiem għal wara tal-vettura. It-tieni numru huwa ittra kapitali li tindika l-pożizzjoni bilqiegħda f’filliera, kif jidher fid-direzzjoni tal-moviment ’il quddiem tal-vettura; għandhom jintużaw dawn l-ittri:
L= xellug
C= ċentru
R= lemin
2. Id-deskrizzjoni tal-pożizzjoni sabiex titkejjel il-vettura
2.1. Il-koordinati tal-marki ta’ riferiment
|
X … |
|
Y … |
|
Z … |
3. Il-lista tad-data ta’ referenza
3.1. Il-pożizzjoni bilqiegħda: …
3.1.1. Il-koordinati tal-punt “R”
|
X … |
|
Y … |
|
Z … |
3.1.2. L-angolu tat-torso skond id-disinn: …
3.1.3. L-ispeċifikazzjonijiet għall-aġġustament tas-sit (*)
|
orizzontali: … |
|
vertikali: … |
|
angulari: … |
|
angolu tat-torso: … |
Nota: Elenka d-data ta’ referenza għal aktar pożizzjonijiet bilqiegħda taħt 3.2, 3.3, eċċ.
(*) Aqta’ fejn ma japplikax.
ANNESS 7
IL-PROĊEDURA TAT-TEST BIT-TROLI
1. L-INSTALLAZZJONI U L-PROĊEDURA TAT-TEST
1.1. It-Tròli
It-tròli għandu jkun mibni b’tali mod li l-ebda deformazzjoni permanenti m’għandha tidher wara t-test. Għandu jkun iggwidat b’tali mod li, matul il-fażi tal-impatt, id-devjazzjoni fil-pjan vertikali ma teċċedix il-5° u ż-2° fil-pjan orizzontali.
1.2. L-istat tal-istruttura
1.2.1. Ġenerali
L-istruttura ttestjata għandha tkun rappreżentattiva tal-produzzjoni f’serje tal-vetturi konċernati. Uħud mill-komponenti jistgħu jkunu sostitwiti jew imneħħija fejn tali sostituzzjoni jew tneħħija jidher biċ-ċar li m’hu se jkollha l-ebda effett fuq ir-riżultati tat-test.
1.2.2. Aġġustamenti
L-aġġustamenti għandhom ikunu konformi ma’ dawk stabbiliti fil-paragrafu 1.4.3. tal-Anness 3 ta’ dan ir-Regolament, skond dak li huwa ddikjarat fil-paragrafu 1.2.1.
1.3. It-twaħħil tal-istruttura
1.3.1. L-istruttura għandha tkun imwaħħla sew mat-tròli b’tali mod li ma jkun hemm l-ebda spostament relattiv waqt it-test.
1.3.2. Il-metodu użat għall-irbit tal-struttura mat-tròli m’għandux ikollu l-effett li jsaħħaħ l-ankoraġġi tas-sits jew l-istrumenti tat-trażżin, jew li jipproduċi kwalunkwe deformazzjoni mhux normali tal-istruttura.
1.3.3. L-istrument għat-twaħħil irrikkmandat huwa dak fejn struttura tistrieħ fuq appoġġi mqiegħda bejn wieħed u ieħor fl-assi tar-roti jew, jekk huwa possibbli, fejn l-istruttura hija marbuta mat-tròli bl-irbit tas-sistema tas-suspenxin.
1.3.4. L-angolu bejn l-assi lonġitudinali tal-vettura u d-direzzjoni tal-moviment tat-tròli għandha tkun ta’ 0° ± 2°.
1.4 Il-manikini
Il-manikini u l-pożizzjoni tagħhom għandhom jikkonformaw ma’ l-ispeċifikazzjonijiet fil-paragrafu 2 tal-Anness 3.
1.5. L-apparat għall-kejl
1.5.1. Tnaqqis fil-veloċità tal-istruttura
Il-pożizzjoni tat-transducers (apparati maħsuba biex jikkonvertu l-enerġija) li jkejlu it-tnaqqis fil-veloċità tal-istruttura waqt l-impatt għandha tkun parallela ma’ l-assi lonġitudinali tat-tròli skond l-ispeċifikazzjonijiet fl-Anness 8 (CFC ta’ 180).
1.5.2. Qisien li jridu jsir fuq il-manikini
Il-qisien kollha neċessarji għall-kontroll tal-kriterji elenkati huwa ddikjarat fil-paragrafu 5 tal-Anness 3,.
1.6. Il-kurva tat-tnaqqis fil-veloċità tal-istruttura
Il-kurva tat-tnaqqis fil-veloċità tal-istruttura matul il-fażi tal-impatt għandha tkun tali li l-kurva tal-“varjazzjoni fil-veloċità relatata mal-ħin”, miksuba mill-integrazzjoni, fl-ebda punt ma tvarja b’iktar minn ± 1 m/s mill-kurva ta’ referenza tal-“varjazzjoni fil-veloċità relatata mal-ħin” tal-vettura konċernata, kif iddefinita fl-appendiċi ta’ dan l-Anness. Spostament fl-assi tal-ħin tal-kurva ta’ referenza jista’ jintuża biex tinkiseb il-veloċità tal-istruttura fil-kuritur.
1.7. Il-kurva ta’ referenza ÿV = f(t) tal-vettura kkonċernata
Din il-kurva ta’ referenza tinkiseb bl-integrazzjoni tal-kurva tat-tnaqqis fil-veloċità tal-vettura konċernata mkejla fit-test tal-kolliżjoni frontali kontra ostaklu kif ipprovdut fil-paragrafu 6 tal-Anness 3 ta’ dan ir-Regolament.
1.8. Metodu ekwivalenti
It-test jista’ jitwettaq b’xi metodu ieħor differenti minn dak tat-tnaqqis fil-veloċità tat-tròli, sakemm tali metodu huwa konformi mal-kundizzjoni meħtieġa li tikkonċerna l-marġni ta’ varjazzjoni fil-veloċità deskritt fil-paragrafu 1.6.
Appendiċi
Il-kurva ta’ ekwivalenza – il-limitu ta’ tolleranza għall-kurva δv = f(t)
ANNESS 8
IT-TEKNIKA TAL-KEJL F’TESTIJIET TAL-KEJL: L-ISTRUMENTI TAL-KEJL
1. ID-DEFINIZZJONIJIET
1.1. Il-kanal tad-data
Kanal tad-data jinkludi l-istrumenti kollha tal-kejl minn transducer (jew transducers multipli li l-prodotti tagħhom huma magħquda b’xi mod speċifikat) sa, u inkluża, kwalunkwe proċedura ta’ analiżi li tista’ tbiddel il-kontenut ta’ frekwenza jew il-kontenut ta’ estensjoni tad-data.
1.2. It-transducer
L-ewwel strument f’kanal tad-data użat biex jikkonverti kwantità fiżika li trid titkejjel fi kwantità oħra (bħal per eżempju vultaġġ elettriku) li jista’ jkun ipproċessat mill-bqija tal-kanal.
1.3. Il-klassi tal-estensjoni tal-kanal: CAC
L-isem għal kanal tad-data li jilħaq ċerti karatteristiċi ta’ estensjoni kif speċifikati f’dan l-Anness. In-numru tal-CAC huwa daqs, b’mod numeriku, għal-limitu ta’ fuq tal-marġni tal-kejl.
1.4. Il-frekwenzi karatteristiċi FH, FL, FN
Dawn il-frekwenzi huma ddefiniti fil-Figura 1.
1.5. Il-klassi ta’ frekwenzi tal-kanali: CFC
Il-klassi ta’ frekwenza tal-kanal hija indikata minn numru li juri li r-reazzjoni tal- frekwenza tal-kanal tinsab fil-limiti speċifikati fil-Figura 1. Dan in-numru u l-valur tal-frekwenza FH f’Hz huma ndaqs b’mod numeriku.
1.6. Il-ko-effiċjent tas-sensittività
Iż-żerżieqa tal-linja dritta li tirrapreżenta bl-aqwa mod il-valuri tal-kalibrar iddeterminati mill-metodu tal-inqas kwadru fil-klassi tal-estensjoni tal-kanal.
1.7. Il-fattur tal-kalibrar ta’ kanal tad-data
Il-valur medju tal-ko-effiċjenti tas-sensitività kkalkulat fuq frekwenzi li huma mqassmin b’mod bilanċjat tul skala logaritmika bejn FL u FH/2,5
1.8. Żball fil-kwalità lineari
Il-proporzjon, f’persentaġġ, tad-differenza massima bejn il-valur tal-kalibrar u l-valur korrispondenti li jinqara mil-linja dritta ddefinita fil-paragrafu 1.6. fil-limitu ta’ fuq tal-klassi tal-estensjoni tal-kanal.
1.9. Is-sensitività trażversali
Il-proporzjon tas-sinjal prodott għas-sinjal tal-input, meta jkun applikat kurrent elettriku lit-transducer b’mod perpendikulari għall-assi tal-kejl. Dan huwa rrapreżentat bħala persentaġġ tas-sensittività tul l-assi tal-kejl.
1.10. Il-ħin ta’ dewmien il-fażi
Il-ħin ta’ dewmien il-fażi ta’ kanal tad-data huwa daqs idewmien il-fażi (f’unitajiet ta’ angoli li huma ugwali għall-angolu fiċ-ċentru ta’ ċirku, radians) ta’ sinjal sinusojdali, diviż mill-frekwenza angulari ta’ dak is-sinjal (f’unitajiet ta’ angoli li huma ugwali għall-angolu fiċ-ċentru ta’ ċirku/sekonda).
1.11. L-ambjent
Is-somma, f’mument speċifikat, tal-kundizzjonijiet u l-influwenzi esterni kollha li għalihom huwa suġġett il-kanal tad-data.
2. IL-KUNDIZZJONIJIET TA' RENDIMENT MEĦTIEĠA
2.1. Żball fil-kwalità lineari
Il-valur assolut tal-iżball fil-kwalità lineari tal-kanal tad-data fi kwalunkwe frekwenza fil-CFC, għandha tkun daqs għal jew inqas minn 2,5 fil-mija tal-valur tal-CAC, fuq il-marġni kollu tal-kejl.
2.2. L-estensjoni kontra l-frekwenza
Ir-reazzjoni tal-frekwenza ta’ kanal tad-data għandu jkun fil-kurvi li jillimitaw li jidhru fil-Figura 1. Il-linja dB żero hija ddeterminata mill-fattur tal-kalibrar.
2.3. Il-ħin ta’ dewmien il-fażi
Il-ħin ta’ dewmien il-fażi bejn is-sinjal tal-input u s-sinjal ta’ dak li ġie prodott ta’ kanal tad-data għandu jkun iddeterminat u m’għandux ivarja b’iktar minn 1/10 FH sekondi bejn 0,03 FH u FH.
2.4. Il-ħin
2.4.1. Il-bażi tal-ħin
Bażi ta’ ħin għandha tkun irreġistrata u għandha tagħti tal-inqas 1/100 s b’eżattezza ta’ 1 fil-mija.
2.4.2. Id-dewmien relattiv fil-ħin
Id-dewmien relattiv fil-ħin bejn is-sinjal ta’ żewġ kanali tad-data jew aktar, mingħajr ma jingħata kas tal-klassi tal-frekwenza tagħhom, m’għandux jeċċedi 1 ms eskluż id-dewmien ikkawżat minn bidla fil-fażi.
Żewġ kanali tad-data jew aktar li s-sinjali tagħhom ingħaqdu flimkien għandu jkollhom l-istess klassi ta’ frekwenza u m’għandux ikollhom dewmien relattiv fil-ħin ta’ aktar minn 1/10 FH sekondi.
Din il-kundizzjoni meħtieġa tapplika għas-sinjali analogi u wkoll għall-vibrazzjonijiet ta’ sinkronizzazzjoni u għas-sinjali diġitali.
2.5. Is-sensitività trażversali tat-transducer
Is-sensitività trażversali tat-transducer għandha tkun ta’ inqas minn 5 fil-mija fi kwalunkwe direzzjoni.
2.6. Il-kalibrar
2.6.1. Ġenerali
Kanal tad-data għandu jkun ikkalibrat mill-inqas darba fis-sena ma’ tagħmir ta’ referenza traċċabbli għal standards magħrufa. Il-metodi użati biex isir paragun ma’ tagħmir ta’ referenza m’għandux jintroduċi żball akbar minn 1 fil-mija tal- CAC. L-użu ta’ tagħmir ta’ referenza huwa llimitat għall-marġni ta’ frekwenza li għalih ġew ikkalibrati. Is-sottosistemi ta’ kanal tad-data jistgħu jkunu vvalutati b’mod individwali u r-riżultati jinqasmu f’fatturi jew komponenti fl-eżattezza tal-kanal tad-data totali. Dan jista’ jsir, per eżempju, b’sinjal elettriku ta’ estensjoni magħrufa li jirriproduċi b’mod artifiċjali is-sinjal tal-prodott tat-transducer li jippermetti li jsir kontroll tal-fattur tal-amplifikazzjoni tal-kanal tad-data, minbarra t-transducer.
2.6.2. L-eżattezza tat-tagħmir ta’ referenza għall-kalibrar
L-eżattezza tat-tagħmir ta’ referenza għandu jkun iċċertifikat jew approvat minn servizz ta’ metroloġija uffiċjali.
2.6.2.1. Il-kalibrar statiku
2.6.2.1.1. L-aċċellerazzjonijiet
L-iżbalji għandhom ikunu inqas minn ± 1,5 fil-mija tal-klassi tal-estensjoni tal-kanal.
2.6.2.1.2. Il-forzi
L-iżball għandu jkun ta’ inqas minn ± 1 fil-mija tal-klassi tal-estensjoni tal-kanal.
2.6.2.1.3. L-ispostamenti
L-iżball għandu jkun ta’ inqas minn ± 1 fil-mija tal-klassi tal-estensjoni tal-kanal.
2.6.2.2. Il-kalibrar dinamiku
2.6.2.2.1. L-aċċellerazzjonijiet
L-iżball fl-aċċellerazzjonijiet ta’ referenza rrapreżentati bħala persentaġġ tal-klassi tal-estensjoni tal-kanal għandu jkun ta’ inqas minn ± 1,5 fil-mija ’l isfel minn 400 Hz, inqas minn ± 2 fil-mija bejn 400 Hz u 900 Hz, u inqas minn ± 2,5 fil-mija ’l fuq minn 900 Hz.
2.6.2.3. Il-ħin
L-iżball relattiv fil-ħin ta’ referenza għandu jkun ta’ inqas minn 10-5.
2.6.3. Il-ko-effiċjent ta’ sensitività u l-iżball fil-kwalità lineari
Il-ko-effiċjent ta’ sensitività u l-iżball fil-kwalità lineari għandhom ikunu ddeterminati billi jitkejjel is-sinjal tal-prodott tal-kanal tad-data meta mqabbel ma’ sinjal ta’ input magħruf għal valuri differenti ta’ dan is-sinjal. Il-kalibrar tal-kanal tad-data għandu jkopri l-marġni kollu tal-klassi tal-estensjoni.
Għall-kanali b’żewġ direzzjonijiet, għandhom jintużaw kemm il-valuri pożittivi u kemm dawk negattivi.
Jekk it-tagħmir tal-kalibrar ma jistax jipproduċi l-input meħtieġ minħabba l-valuri wisq għolja tal-kwantità li trid titkejjel, il-kalibrar għandu jsir fil-limiti tal-istandards tal-kalibrar u dawn il-limiti għandhom ikunu rreġistrati fir-rapport tat-test.
Kanal totali tad-data għandu jkun ikkalibrat bi frekwenza jew b’firxa ta’ frekwenzi li għandhom valur sinifikanti bejn FL u (FH/2,5)
2.6.4. Il-kalibrar tar-reazzjoni tal-frekwenza
Il-kurvi tar-reazzjoni tal-fażi u tal-estensjoni mqabbla mal-frekwenza għandhom ikunu ddeterminati billi jitkejlu s-sinjali tal-prodott tal-kanal tad-data f’termini ta’ fażi u estensjoni meta mqabbla ma’ sinjal ta’ input magħruf, għal valuri differenti ta’ dan is-sinjal li jvarjaw bejn FL u 10 darbiet il-CFC jew 3 000 Hz, liema minnhom huwa l-aktar baxx.
2.7. L-effetti tal-ambjent
Għandu jsir kontroll regolari sabiex tkun identifikata kwalunkwe influwenza mill-ambjent (bħal fluss elettriku jew manjetiku, veloċità tal-kejbil, eċċ.). Dan jista’ jsir, per eżempju, billi tkun irrekordjata l-produzzjoni ta’ kanali żejda mgħammra bi transducers finti. Jekk jinkisbu sinjali ta’ produzzjoni sinifikanti għandha tittieħed azzjoni korrettiva, per eżempju billi jinbidlu l-kejbils.
2.8. L-għażla u l-indikazzjoni tal-kanal tad-data
Il-CAC u l-CFC jiddefinixxu kanal tad-data.
Il-CAC għandu jkun 1, 2 jew 5 immultiplikat bih innifsu għal għaxar darbiet.
3. L-IMMUNTAR TAT-TRANSDUCERS
It-transducers għandhom ikunu mwaħħlin sew ħalli l-irrekordjar tagħhom ikunu affettwati l-inqas possibbli mill-vibrazzjoni. Kwalunkwe immuntar li għandu l-iktar frekwenza baxxa ta’ reżonanza daqs, mill-inqas, 5 darbiet il-frekwenza FH tal-kanal tad-data kkunsidrat għandu jitqies validu. It-transducers tal-aċċellerazzjoni, b’mod partikolari, għandhom ikunu mmuntati b’tali mod li l-angolu inizjali tal-assi tal-kejl reali ma’ l-assi korrispondenti tas-sistema tal-assi ta’ referenza ma jkunx ikbar minn 5°, sakemm ma ssirx valutazzjoni analitika jew sperimentali tal-effett tal-immuntar fuq id-data miġbura. Meta għandhom jitkejlu l-aċċellerazzjonijiet ta’ diversi assi f’punt wieħed, kull assi ta’ transducer tal-aċċellerazzjoni għandu jgħaddi mhux aktar minn 10 mm minn dak il-punt, u ċ-ċentru tal-massa sismika ta’ kull aċċelerometru trid tkun ta’ mhux aktar minn 30 mm minn dak il-punt.
4. L-IRREĠISTRAR
4.1. Ir-rekorder analogu manjetiku
Il-veloċità tat-tejp trid tkun stabbli sa mhux aktar minn 0,5 fil-mija tal-veloċità tat-tejp użata. Il-proporzjon tas-sinjal għal tfixkil tar-rekorder irid ikun ta’ mhux inqas minn 42 dB fil-veloċità massima tat-tejp. It-tagħwiġ armoniku totali irid ikun ta’ mhux inqas minn 3 fil-mija u l-iżball tal-kwalità lineari jrid ikun inqas minn 1 fil-mija tal-marġni tal-kejl.
4.2. Ir-rekorder diġitali manjetiku
Il-veloċità tat-tejp trid tkun stabbli sa mhux aktar minn 10 fil-mija tal-veloċità tat-tejp użata.
4.3. It-tejprikorder tal-karti
F’każ ta’ reġistrazzjoni diretta tad-data l-veloċità tal-karta f’mm/s trid tkun ta’ mill-inqas 1,5 drabi tan-numru li jirrappreżenta FH f’Hz. F’każijiet oħra, il-veloċità tal-karta għandha tkun tali li tintlaħaq riżoluzzjoni ekwivalenti.
5. L-IPROĊESSAR TAD-DATA
5.1. L-iffiltrar
L-iffiltrar li jikkorrispondi għall-frekwenzi tal-klassi tal-kanal tad-data jista’ jsir jew matul ir-reġistrazzjoni jew l-ipproċessar tad-data. Madankollu, qabel ir-reġistrazzjoni, għandu jsir iffiltrar analoġiku f’livell ogħla mill-CFC sabiex jintuża mill-inqas 50 fil-mija tal-limitu dinamiku tar-rekorder u biex jitnaqqas ir-riskju li r-rekorder ma jlaħħaqx ma’ frekwenzi għolja jew li dawn iwasslu għal żbalji li jġibu tagħwiġ statiku fil-ħoss diġitali minħabba r-rata baxxa ta’ teħid ta’ kampjun.
5.2. Il-konverżjoni f’sinjal diġitali
5.2.1. Il-frekwenza tal-ġbir ta’ kampjuni
Il-frekwenza tal-ġbir ta’ kampjuni għandha tkun daqs, mill-inqas, 8 FH. Fil-każ ta’ reġistrazzjoni analoġika, meta l-veloċitajiet tal-irreġistrar u tal-qari huma differenti, il-frekwenza tal-ġbir ta’ kampjuni tista’ tkun diviża bil-proporzjon tal-veloċità.
5.2.2. Ir-riżoluzzjoni tal-estensjoni
Id-daqs tal-kliem diġitali m’għandux ikun ta’ inqas minn 7 bits u bit ta’ parità (il-kwalità biż-żewġ jew bil-fart tan-numri 1 jew 0 f’kowd binarju, ta’ spiss użat biex tkun iddeterminata l-integrità tad-data, l-aktar wara t-trażmissjoni).
6. IL-PREŻENTAZZJONI TAR-RIŻULTATI
Ir-riżultati jridu jkunu ppreżentati fuq karta ta’ daqs A4 (ISO/R 216). Ir-riżultati ppreżentati bħala dijagrammi għandu jkollhom l-assi skont il-qisien b’unità ta’ kejl li tikkorrispondi għal multiplu xieraq tal-unità magħżula (per eżempju, 1, 2, 5, 10, 20 millimetri). Għandhom jintużaw unitajiet SI, minbarra għall-veloċità tal-vettura, fejn jista’ jintuża km/s, u għal aċċellerazzjonijiet kkawżati minn impatt fejn tista’ tintuża g, b’g = 9,81 m/s2.
Figura 1
Il-kurva tar-rispons tal-frekwenza
ANNEX 9
ID-DEFINIZZJONI TAL-OSTAKLU LI JISTA’ JIĠI DDEFORMAT
1. L-ISPEĊIFIKAZZJONIJIET GĦALL-KOMPONENTI U GĦALL-MATERJALI
Id-dimensjonijiet tal-ostaklu jintwerew fil-Figura 1 ta’ dan l-Anness. Id-dimensjonijiet tal-komponenti individwali tal-ostaklu huma elenkati b’mod separat aktar ’l isfel.
1.1. Il-blokka prinċipali tal-arranġament ta’ sezzjonijiet eżagonali
Dimensjonijiet:
Għoli |
: |
650 mm (fid-direzzjoni tal-assi taż-żagarella tal-arranġament tas-sezzjonijiet eżagonali) |
Wisa’ |
: |
1 000 mm |
Fond |
: |
450 mm (fid-direzzjoni tal-assi taċ-ċellula tal-arranġament ta’ sezzjonijiet eżagonali) |
Id-dimensjonijiet kollha t’hawn fuq għandhom jippermettu tolleranza ta’ ± 2,5 mm
Materjal |
: |
Aluminju 3003 (ISO 209, Part 1) |
Ħxuna tal-fojl |
: |
0,076 mm ± 15 % |
Daqs taċ-ċellula |
: |
19,1 mm ± 20 % |
Densità |
: |
28,6 kg/m3 ± 20 % |
Saħħa tat-tfarrik |
: |
0,342 MPa + 0 % – 10 % (1) |
1.2. L-element tal-bamper
Dimensjonijiet:
Għoli |
: |
330 mm (fid-direzzjoni tal-assi taż-żagarella tal-arranġament tas-sezzjonijiet eżagonali) |
Wisa’ |
: |
1 000 mm |
Fond |
: |
90 mm (fid-direzzjoni tal-assi taċ-ċellula tal-arranġament ta’ sezzjonijiet eżagonali) |
Id-dimensjonijiet kollha t’hawn fuq għandhom jippermettu tolleranza ta’ ± 2,5 mm
Materjal |
: |
Aluminju 3003 (ISO 209, Part 1) |
Ħxuna tal-fojl |
: |
0,076 mm ± 15 % |
Daqs taċ-ċellula |
: |
6,4 mm ± 20 % |
Densità |
: |
82,6 kg/m3 ± 20 % |
Saħħa tat-tfarrik |
: |
1,711 MPa + 0 % – 10 % (1) |
1.3. Il-folja ta’ wara
Dimensjonijiet
Għoli |
: |
800 mm ± 2,5 mm |
Wisa’ |
: |
1 000 mm ± 2,5 mm |
Ħxuna |
: |
2,0 mm ± 0,1 mm |
1.4. Il-folja tal-kisi
Dimensjonijiet
Tul |
: |
1 700 mm ± 2,5 mm |
Wisa’ |
: |
1 000 mm ± 2,5 mm |
Ħxuna |
: |
0,81 ± 0,07 mm |
Materjal |
: |
Aluminju 5251/5052 (ISO 209, parti 1) |
1.5. Il-folja ta’ kisi tal-bamper
Dimensjonijiet
Għoli |
: |
330 mm ± 2,5 mm |
Wisa’ |
: |
1 000 mm ± 2,5 mm |
Ħxuna |
: |
0,81 mm ± 0,07 mm |
Materjal |
: |
Aluminju 5251/5052 (ISO 209, parti 1) |
Is-sustanza li twaħħal
Is-sustanza li twaħħal, li għandha tintuża matul il-proċess trid tkun poliuretejn f’żewġ partijiet (bħal, per eżempju, ir-reżina Ciba-Geigy XB5090/1 bis-sustanza li twebbes XB5304, jew ekwivalenti).
2. IĊ-ĊERTIFIKAZZJONI TAL-ALUMINJU F’ARRANĠAMENT TA’ SEZZJONIJIET EŻAGONALI
Proċedura sħiħa tal-ittestjar għaċ-ċertifikazzjoni ta’ aluminju f’arranġament ta’ sezzjonijiet eżagonali tingħata f’ NHTSA TP-214D. Dan li ġej huwa ġabra fil-qosor tal-proċedura li trid tkun applikata għall-materjali għall-ostaklu tal-impatt frontali, b’dawn il-materjali jkollhom saħħa tat-tfarrik ta’ 0,342 MPa u 1,711 MPa rispettivament.
2.1. Fejn jinsabu l-kampjuni
Sabiex tkun assigurata uniformità ta’ saħħa tat-tfarrik mal-faċċata kollha tal-ostaklu, għandhom jittieħdu tmien kampjuni minn erba’ postijiet spazjati b’mod uniformi mal-blokka b’arranġament tas-sezzjonijiet eżagonali. Biex il-blokka tgħaddi miċ-ċertifikazzjoni, seba’ minn dawn it-tmien kampjuni għandhom jissodisfaw l-obbligi tas-saħħa ta’ tfarrik tas-sezzjonijiet li ġejjin.
Fejn jinsabu l-kampjuni jiddependi mid-daqs tal-blokka b’arranġament tas-sezzjonijiet eżagonali. L-ewwelnett, erba’ kampjuni, kull wieħed b’daqs ta’ 300 mm × 300 mm × 50 mm ta’ ħxuna għandhom jitqattgħu mill-blokka tal-materjal tal-faċċata tal-ostaklu. Jekk jogħġbok irreferi għall-Figura 2 sabiex tara kif issib fejn qegħdin dawn is-sezzjonijiet fil-blokka b’arranġament tas-sezzjonijiet eżagonali. Kull wieħed minn dawn il-kampjuni aktar kbar għandu jitqatta’ f’kampjuni għall-ittestjar ta’ ċertifikazzjoni (150 mm × 150 mm × 50 mm). Iċ-ċertifikazzjoni għandha tkun ibbażata fuq l-ittestjar ta’ żewġ kampjuni minn kull wieħed minn dawn l-erba’ postijiet. It-tnejn l-oħra jridu jkunu disponibbli għall-applikant, meta jintalbu.
2.2. Id-daqs tal-kampjun
Għandhom jintużaw kampjuni b’dawn id-daqsijiet għall-ittestjar:
Tul |
: |
150 mm ± 6 mm |
Wisa’ |
: |
150 mm ± 6 mm |
Ħxuna |
: |
50 mm ± 2 mm |
Il-ġnub ta’ ċelluli mhux kompluti madwar it-tarf tal-kampjun għandhom ikunu mnaqqsa kif ġej:
|
Fid-direzzjoni “W”, il-borduri m’għandhomx ikunu akbar minn 1,8 mm (ara l-Figura 3). |
|
Fid-direzzjoni “L”, nofs it-tul ta’ ġenb ta’ ċellula waħda marbuta (fid-direzzjoni taż-żagarella) għandu jitħalla f’kull tarf tal-kampjun (ara l-Figura 3). |
2.3. Il-kejl tal-erja
It-tul tal-kamjun għandu jitkejjel fi tliet postijiet, 12.7 mm minn kull tarf u fin-nofs, u rreġistrat bħala L1, L2 u L3 (il-Figura 3). Bl-istess mod, il-wisa’ għandha titkejjel u tkun irreġistrata bħala W1, W2 u W3 (il-Figura 3). Dawn il-qisien għandhom jitkejlu mil-linja taċ-ċentru tal-ħxuna. L-erja tat-tfarrik għandha għalhekk tkun ikkalkulata bħala:
2.4. Ir-rata u d-distanza tat-tfarrik
Il-kampjun għandu jkun imfarrak b’rata ta’ mhux inqas minn 5,1 mm/min u mhux aktar minn 7,6 mm/min. id-distanza minima ta’ tifrik għandha tkun ta’ 16,5 mm.
2.5. Il-ġbir tad-data
Id-data dwar il-forza kontra l-liwi għandha tinġabar jew f’forma analoga jew f’forma diġitali għal kull kampjun ittestjat. Jekk tinġabar data analoga allura għandu jkun disponibbli mezz kif din tinqaleb għal forma diġitali. Id-data diġitali kollha għandha tinġabar b’rata ta’ mhux inqas minn 5 Hz (5 punti għal kull sekonda).
2.6. Id-determinazzjoni tas-saħħa ta’ tfarrik
Injora kull data ta’ qabel is-6,4 mm ta’ tfarrik u wara s-16,5 mm ta’ tfarrik. Iddividi d-data li tibqa’ fi tliet sezzjonijiet jew intervalli ta’ spostament (n = 1, 2, 3) (ara l-Figura 4) kif ġej:
(1) |
06,4 mm - 09,7 mm inklużi, |
(2) |
09,7 mm - 13,2 mm esklużi, |
(3) |
13,2 mm - 16,5 mm inklużi. |
Sib il-medja għal kull sezzjoni kif ġej:
fejn m tirrapreżenta n-numru ta’ punti ta’ data mkejla f’kull wieħed mit-tliet intervalli. Ikkalkula s-saħħa tat-tfarrik ta’ kull sezzjoni kif ġej:
2.7. L-ispeċifikazzjoni għas-saħħa tat-tfarrik tal-kampjun
Sabiex kampjun b’arranġament ta’ sezzjonijiet eżagonali jgħaddi minn din iċ-ċertifikazzjoni, għandhom jintlaħqu l-kundizzjonijiet li ġejjin:
|
0,308 MPa ≤ S(n) ≤ 0,342 MPa għal 0,342 MPa materjal |
|
1,540 MPa ≤ S(n) ≤ 1,711 MPa għal 1,711 MPa materjal |
n = 1, 2, 3.
2.8. L-ispeċifikazzjoni għas-saħħa tat-tfarrik tal-blokka
Tmien kampjuni jridu jiġu ttestjati minn erba’ postijiet, spazjati b’mod uniformi tul il-blokka. Sabiex blokka tgħaddi miċ-ċertifikazzjoni, sebgħa mit-tmien kampjuni għandhom jilħqu l-ispeċifikazzjoni ta’ saħħa tat-tfarrik tas-sezzjoni ta’ qabel.
3. IL-PROĊEDURA TAL-IRBIT B’SUSTANZA LI TWAĦĦAL
3.1. Immedjatament qabel jintrabtu, l-uċuh tal-folji tal-aluminju li jridu jintrabtu għandhom jitnaddfu sew bl-użu ta’ solvent xieraq, bħall-1-1-1 Trichloroethane. Dan għandu jsir mill-inqas darbtejn jew kemm ikun meħtieġ sabiex jitneħħew depożiti ta’ griż jew ħmieġ. L-uċuh imnaddfa mbagħad għandhom jinbarxu bl-użu ta’ karta għall-brix biż-żrar 120. M’għandhiex tintuża karta tal-brix Metallika/Karbur tas-Silikon. L-uċuh għandhom jinbarxu sew u l-karta tal-brix għandha tinbidel b’mod regolari matul il-proċess sabiex ikun evitat li jistaddu, li jista’ jwassal biex l-uċuh ikunu llustrati. Wara l-brix, l-uċuh għandhom jitnaddfu sew għal darb’oħra, kif imsemmi hawn fuq. B’kollox, l-uċuh għandhom jitnaddfu permezz ta’ solvent għal mill-inqas erba’ darbiet. Il-ħmieġ u d-depożiti kollha li jibqgħu mill-proċess tal-brix għandhom jitneħħew, għaliex dawn jaffetwaw l-irbit b’mod ħażin.
3.2. Is-sustanza li twaħħal għandha tkun applikata ma’ faċċata waħda biss, bl-użu ta’ romblu tal-lastku bil-linji mqabbża ’l barra. Fil-każi fejn arranġament ta’ sezzjonijiet eżagonali ser tintrabat ma’ folja tal-aluminju, is-sustanza li twaħħal għandha tkun applikata biss fuq il-folja tal-aluminju.
Għandu jkun applikat b’mod uniformi massimu ta’ 0,5 kg/m2 fuq il-faċċata, li jagħti ħxuna massima tal-filament ta’ 0,5 mm.
4. IL-KOSTRUZZJONI
4.1. Il-blokka prinċipali b’arranġament ta’ sezzjonijiet eżagonali għandha tintrabat mal-folja ta’ wara b’sustanza li twaħħal tali li l-assi taċ-ċelluli jkunu perpendikulari għall-folja. Il-kisi għandu jitwaħħal mal-faċċata ta’ quddiem tal-blokka b’arranġament ta’ sezzjonijiet eżagonali. L-uċuh ta’ fuq u t’isfel tal-folja tal-kisi m’għandhomx jintrabtu mal-blokka b’arranġament ta’ sezzjonijiet eżagonali prinċipali imma għandhom jitiqiegħdu qribha. Il-folja tal-kisi għandha tintrabat b’sustanza li twaħħal mal-folja ta’ wara mal-flanġi tal-immuntar.
4.2. L-element tal-bamper għandu jintrabat permezz ta’ sustanza li twaħħal mal-parti ta’ quddiem tal-folja tal-kisi b’tali mod li l-assi taċ-ċelluli jkunu perpendikulari għall-folja. Il-qiegħ tal-element tal-bamper għandu jkun flaxx mal-wiċċ tal-qiegħ tal-folja tal-kisi. Il-folja tal-kisi tal-bamper għandha tintrabat b’sustanza li twaħħal mal-parti ta’ quddiem tal-element tal-bamper.
4.3. L-element tal-bamper għandu mbagħad jitqassam fi tliet sezzjonijiet indaqs permezz ta’ żewġ xquq orizzontali. Dawn ix-xquq għandhom jinqatgħu tul il-fond kollu tas-sezzjoni tal-bamper u jestendu għall-wisa’ kollu tal-bamper. L-ixquq għandhom jinqatgħu permezz ta’ serrieq; il-wisa’ tagħhom għandha tkun il-wisa’ tax-xafra użata u m’għandhiex tkun aktar minn 4,0 mm.
4.4. It-toqob biex jiġi mmuntat l-ostaklu għandhom jittaqqbu bit-trapan fil-flanġi tal-immuntar (kif muri fil-Figura 5). It-toqob għandu jkollhom dijametru ta’ 9,5mm. Għandhom jittaqqbu bit-trapan ħames toqbiet fil-flanġ ta’ fuq f’distanza ta’ 40 mm mix-xifer ta’ fuq u ħamsa fil-flanġ t’isfel, 40 mm mix-xifer tal-qiegħ ta’ dak il-flanġ. It-toqob għandhom ikunu f’100 mm, 300 mm, 500 mm, 700 mm, 900 mm minn kull naħa tal-ostaklu. It-toqob kollha għandhom jittaqqbu bit-trapan b’varjazzjoni ta’ ± 1 mm mid-distanzi nominali. Il-postijiet tat-toqob li ngħataw huma biss rakkomandazzjoni. Jistgħu jintużaw pożizzjonijiet alternattivi li tal-inqas joffru saħħa għall-immuntar u sigurtà pprovduta mill-ispeċifikazzjonijiet għall-immuntar imsemmija hawn fuq
5. L-IMMUNTAR
5.1. L-ostaklu li jista’ jiġi ddeformat għandu jitwaħħal sew tant li ma jiċċaqlaqx mat-tarf ta’ massa ta’ mhux inqas minn 7 × 104 kg jew ma’ xi struttura mwaħħla ma’ dan. It-twaħħil tal-faċċata tal-ostaklu għandha tkun tali li l-vettura m’għandha tidħol f’kuntatt ma’ l-ebda parti tal-istruttura għal aktar minn 75 mm mis-wiċċ ta’ fuq tal-ostaklu (eskluż il-flanġ ta’ fuq) matul kwalunkwe stadju tal-impatt (2) o u perpendikulari b’varjazzjoni ta’ ± 1o għall-assi tal-mogħdija tar-rankatura. Il-wiċċ imwaħħal m’għandux ikun imċaqilqa minn postha b’iktar minn 10 mm matul it-test. Jekk ikun neċessarju, għandu jintuża aktar ankoraġġ jew tagħmir li jwaqqaf sabiex ma jħallix li l-blokka tal-konkrit tiċċaqlqa minn postha. It-tarf tal-ostaklu li jista’ jiġi ddeformat għandu jinġieb f’linja mat-tarf tal-blokka tal-konkrit xierqa għall-ġenb tal-vettura li ser ikun ittestjat.
5.2. L-ostaklu li jista’ jiġi ddeformat għandu jitwaħħal mal-blokka tal-konkrit permezz ta’ għaxar viti, ħamsa fil-flanġ tal-immuntar ta’ fuq u ħamsa f’tal-qiegħ. Dawn il-viti għandu jkollhom dijametru ta’ mill-inqas 8 mm. Strixxi tal-azzar li jrossu b’morsa għandhom jintużaw kemm għall-flanġi tal-immuntar ta’ fuq u kemm għal dawk t’isfel (ara l-Figuri 1 u 5). Dawn l-istrixxi għandhom ikunu għoljin 60 mm u wesgħin 1 000 mm u jkollhom ħxuna ta’ mill-inqas 3 mm. It-truf tal-istrixxili jrossu b’morsa għandhom ikunu llixxati sabiex l-ostaklu ma jitqattax ma’ l-istrixxa waqt l-impatt. It-tarf tal-istrixxa għandu jitqiegħed mhux aktar minn 5 mm ’il fuq mill-bażi tal-flanġ li jiġi mmuntat fuq il-parti ta’ fuq tal-ostaklu, jew 5 mm ’l isfel mill-parti ta’ fuq tal-flanġ li jiġi mmuntat fuq il-parti t’isfel tal-ostaklu. Ħames toqob biex jiġi mmuntat l-ostaklu b’dijametru ta’ 9,5 mm iridu jittaqqbu bit-trapan fiż-żewġ strixxi sabiex jikkorrispondu ma’ dawk fil-flanġ tal-immuntar ta’ fuq l-ostaklu (ara l-paragrafu 4). L-istrixxa tal-immuntar u t-toqob tal-flanġ tal-ostaklu jistgħu jitwessgħu minn 9,5 mm sa massimu ta’ 25 mm sabiex jikkumpensaw għad-differenzi fl-arranġamenti tal-pjanċa ta’ wara u/jew il-konfigurazzjonijiet tat-toqob fil-ħajt taċ-ċelluli tal-piż. L-ebda wieħed mill-apparat m’għandu jfalli fit-test tal-impatt. L-ebda wieħed mill-apparat m’għandu jfalli fit-test tal-impatt. Fil-każ fejn l-ostaklu li jista’ jiġi ddeformat huwa mmuntat fuq ħajt taċ-ċelluli tal-piż (LCW) ta’ min jinnota li l-kundizzjonijiet meħtieġa għad-dimensjonijiet tal-immuntar t’hawn fuq huma maħsuba bħala l-minimu. Fejn huwa preżenti LCW, l-istrixxi tal-immuntar jistgħu jkunu estiżi sabiex jiġu adatti t-toqob tal-immuntar għola għall-viti. Jekk hemm bżonn li l-istrixxi jkunu estiżi, allura għandu jintuża azzar eħxen skond il-ħtieġa, b’tali mod li l-ostaklu ma jinġibidx mill-ħajt, jitgħawweġ jew jitqatta’ matul l-impatt. Jekk jintuża metodu alternattiv għall-immuntar tal-ostaklu, għandu jkun tal-inqas żgur daqs dak speċifikat fil-paragrafi t’hawn fuq.
Figura 1
L-ostaklu li jista’ jiġi ddeformat għall-ittestjar ta’ impatt frontali
Figura 2
Fejn jinsabu l-kampjuni għaċ-ċertifikazzjoni
Figura 3
L-assi tal-arranġament b’sezzjonijiet eżagonali u d-dimensjonijiet imkejla
Figura 4
Il-forza tat-tfarrik u l-ispostament
Figura 5
Il-pożizzjonijiet tat-toqob biex jiġi mmuntat ostaklu
(1) Skond il-proċedura ta’ ċertifikazzjoni deskritta fil-paragrafu 2 ta’ dan l-Anness.
(2) Massa, li t-tarf tagħha huwa għoli bejn 125 mm u 925 mm u hija fonda tal-inqas 1 000 mm, titqies bħala li tissodisfa din il-kundizzjoni meħtieġa.
ANNESS 10
IL-PROĊEDURA TA’ ĊERTIFIKAZZJONI GĦALL-PARTI T’ISFEL TAR-RIĠEL U TA’ SIEQ IL-MANIKIN
1. IT-TEST TAL-IMPATT TAL-PARTI TA’ FUQ TAS-SIEQ
1.1. L-għan ta’ dan it-test huwa li titkejjel ir-reazzjoni tas-sieq u tal-għaksa tal- Hybrid III għall-impatti frontali qawwija b’moviment ta’ pendlu li huma ddefiniti sew.
1.2. L-immuntar komplet tal-parti t’isfel tar-riġel tal-Hybrid III, tax-xellug (86-5001-001) u tal-lemin (86-5001-002), mgħammar bl-immuntar tas-sieq u tal-għaksa, tax-xellug (78051-614) u tal-lemin (78051-615), għandu jintuża, inkluż l-immuntar tal-irkoppa.
Is-simulatur taċ-ċellula tat-tagħbija (78051-319 Rev A) għandu jintuża biex jorbot sew l-immuntar tal-irkoppa (79051-16 Rev B) mal-apparat tat-test.
1.3. Il-proċedura tat-test
1.3.1. Kull immuntar tar-riġel għandu jinżamm (imxarrab) għal erba’ sigħat qabel it-test f’temperatura ta’ 22 ± 3°C u f’umdità relattiva ta’ 40 ± 30 fil-mija. Il-perjodu biex jixxarrab m’għandux jinkludi l-ħin neċessarju biex jintlaħqu kundizzjonijiet ta’ stat stabbli.
1.3.2. Naddaf il-wiċċ tal-impatt tal-ġilda u wkoll il-faċċata tal-apparat tal-impatt b’ bl-alkoħol isopropyl jew ekwivalenti qabel it-test. Ferrex it-terra.
1.3.3. Qiegħed l-aċċelerometru tal-apparat tal-impatt f’linja mal-assi sensittiv tiegħu parallel għad-direzzjoni tal-impatt f’kuntatt mas-sieq.
1.3.4. Immonta l-immuntar tar-riġel mal-apparat muri fil-Figura 1. L-apparat tat-test għandu jintrabat sew sabiex ma jkunx hemm moviment matul l-impatt. Il-linja taċ-ċentru tas-simulatur taċ-ċellula tat-tagħbija tal-wirk (78051-319) għandha tkun vertikali b’tolleranza ta’ ± 0,5o. Aġġusta l-immuntar b’mod li l-linja li tgħaqqad il-ġog tal-parti forma ta’ “U” irkoppa u s-sokra li bih titwaħħal l-għaksa tkun orizzontali b’tolleranza ta’ ± 3o, bl-għarqub jistrieħ fuq żewġ folji b’wiċċ ċatt ta’ frizzjoni baxxa (folja PTFE). Assigura ruħek li l-mili tal-qasba tas-sieq jitqiegħed kompletament lejn in-naħa tal-irkoppa tal-qasba tas-sieq. Aġġusta l-għaksa b’mod li l-pjan tal-qiegħ tas-sieq ikun vertikali u perpendikulari għad-direzzjoni tal-impatt b’tolleranza ta’ ± 3o u sabiex il-pjan saġittali tan-nofs tas-sieq jinġieb f’linja mad-driegħ tal-pendlu. Aġġusta l-ġog tal-irkoppa għal marġni ta’ 1,5 ± 0,5 g qabel kull test. Aġġusta l-ġog tal-għaksa ħalli dan ikun liberu u imbagħad issikka biżżejjed sabiex is-sieq tinżamm stabbli fuq il-folja PTFE.
1.3.5. L-apparat riġidu tal-impatt jinkludi ċilindru orizzontali b’dijametru ta’ 50 ± 2 mm u driegħ li jsostni l-pendlu b’dijametru ta’ 19 ± 1 mm (il-Figura 4). Iċ-ċilindru għandu massa ta’ 1,25 ± 0,02 kg li tinkludi l-istrumenti għall-kejl u kwalunkwe parti mid-driegħ li jsostni fiċ-ċilindru. Id-driegħ tal-pendlu għandu massa ta’ 285 ± 5 g. Il-massa ta’ kwalunkwe parti li ddur tal-fus li miegħu huwa mqabbad id-driegħ li jsostni m’għandhiex tkun akbar minn 100 g. It-tul bejn l-assi ċentrali orizzontali taċ-ċilindru tal-apparat tal-impatt u l-assi ta’ rotazzjoni tal-pendlu kollu għandu jkun ta’ 1 250 ± 1 mm. Iċ-ċilindru tal-impatt huwa mmuntat bl-assi lonġitudinali tiegħu orizzontali u perpendikulari għad-direzzjoni tal-impatt. Il-pendlu għandu jolqot il-qiegħ tas-sieq, f’distanza ta’ 185 ± 2 mm mill-bażi tal-għarqub li jistrieħ fuq il-pjattaforma orizzontali riġida, sabiex il-linja taċ-ċentru lonġitudinali tad-driegħ tal-pendlu taqa’ b’varjazzjoni ta’ 1o minn linja vertikali ma’ l-impatt. L-apparat tal-impatt għandu jkun iggwidat sabiex jeskludi moviment sinifikanti laterali, vertikali jew ta’ rotazzjoni.
1.3.6. Ħalli perjodu ta’ mill-inqas 30 minuta bejn testijiet suċċessivi fuq l-istess riġel.
1.3.7. Is-sistema tal-kisba ta’ data, inklużi t-transducers, għandha tikkonforma mal-ispeċifikazzjonijiet għall-CFC 600, kif deskritt fl-Anness 8.
1.4. L-ispeċifikazzjoni tar-rendiment
1.4.1. Meta kull ballun tas-sieq jintlaqat b’6,7 (± 0,1) m/s skont il-paragrafu 1,3, il-momentum massimu tal-liwja tal-parti t’isfel tal-qasba tas-sieq madwar l-assi y (My) għandu jkun ta’ 120 ± 25 Nm.
2. IT-TEST TAL-IMPATT TAL-PARTI T’ISFEL TAS-SIEQ MINGĦAJR ŻARBUNA
2.1. L-għan ta’ dan it-test huwa li titkejjel ir-reazzjoni tal-ġilda u l-inserzjoni tas-sieq tal-Hybrid III għal impatti frontali qawwija b’moviment ta’ pendlu li huma ddefiniti sew.
2.2. L-immuntar komplet tal-parti t’isfel tar-riġel tal-Hybrid III, tax-xellug (86-5001-001) u tal-lemin (86-5001-002), mgħammar bl-immuntar tas-sieq u tal-għaksa, tax-xellug (78051-614) u tal-lemin (78051-615), għandu jintuża, inkluż l-immuntar tal-irkoppa.
Is-simulatur taċ-ċellula tat-tagħbija (78051-319 Rev A) għandu jintuża biex jorbot sew l-immuntar tal-irkoppa (79051-16 Rev B) mal-apparat tat-test.
2.3. Il-proċedura tat-test
2.3.1. Kull immuntar tar-riġel għandu jinżamm (imxarrab) għal erba’ sigħat qabel it-test f’temperatura ta’ 22 ± 3 °C u f’umdità relattiva ta’ 40 ± 30 fil-mija. Il-perjodu biex jixxarrab m’għandux jinkludi l-ħin neċessarju biex jintlaħqu kundizzjonijiet ta’ stat stabbli.
2.3.2. Naddaf il-wiċċ tal-impatt tal-ġilda u wkoll il-faċċata tal-apparat tal-impatt b’ bl-alkoħol isopropyl jew ekwivalenti qabel it-test. Farfar bit-terra. Ikkontrolla li m’hemm l-ebda dannu viżibbli fl-inserzjoni li tassorbi l-enerġija fl-għarqub.
2.3.3. Qiegħed l-aċċelerometru tal-apparat tal-impatt f’linja mal-assi sensittiv tiegħu b’mod li jkun parallel għal-linja taċ-ċentru lonġitudinali tal-apparat tal-impatt.
2.3.4. Immonta l-immuntar tar-riġel mal-apparat muri fil-Figura 2. L-apparat tat-test għandu jintrabat sew sabiex ma jkunx hemm moviment matul l-impatt. Il-linja taċ-ċentru tas-simulatur taċ-ċellula tat-tagħbija tal-wirk (78051-319) għandha tkun vertikali b’tolleranza ta’ ± 0,5o. Aġġusta l-immuntar b’mod li l-linja li tgħaqqad il-ġog tal-parti forma ta’ “U” irkoppa u s-sokra li bih titwaħħal l-għaksa tkun orizzontali b’tolleranza ta’ ± 3o, bl-għarqub jistrieħ fuq żewġ folji b’wiċċ ċatt ta’ frizzjoni baxxa (folja PTFE). Assigura ruħek li l-mili tal-qasba tas-sieq jitqiegħed kompletament lejn in-naħa tal-irkoppa tal-qasba tas-sieq. Aġġusta l-għaksa b’mod li l-pjan tal-qiegħ tas-sieq ikun vertikali u perpendikulari għad-direzzjoni tal-impatt b’tolleranza ta’ ± 3o u sabiex il-pjan saġittali tan-nofs tas-sieq jinġieb f’linja mad-driegħ tal-pendlu. Aġġusta l-ġog tal-irkoppa għal marġni ta’ 1,5 ± 0,5 g qabel kull test. Aġġusta l-ġog tal-għaksa ħalli dan ikun liberu u imbagħad issikka biżżejjed sabiex is-sieq tinżamm stabbli fuq il-folja PTFE.
2.3.5. L-apparat riġidu tal-impatt jinkludi ċilindru orizzontali b’dijametru ta’ 50 ± 2 mm u driegħ li jsostni l-pendlu b’dijametru ta’ 19 ± 1 mm (il-Figura 4). Iċ-ċilindru għandu massa ta’ 1,25 ± 0,02 kg li jinkludi l-istrumenti għall-kejl u kwalunkwe parti mid-driegħ li jsostni fiċ-ċilindru. Id-driegħ tal-pendlu għandu massa ta’ 285 ± 5 g. Il-massa ta’ kwalunkwe parti li ddur tal-fus li miegħu huwa mqabbad id-driegħ li jsostni m’għandhiex tkun akbar minn 100 g. It-tul bejn l-assi ċentrali orizzontali taċ-ċilindru tal-apparat tal-impatt u l-assi ta’ rotazzjoni tal-pendlu kollu għandu jkun 1 250 ± 1 mm. Iċ-ċilindru tal-impatt huwa mmuntat bl-assi lonġitudinali tiegħu orizzontali u perpendikulari għad-direzzjoni tal-impatt. Il-pendlu għandu jolqot il-qiegħ tas-sieq, f’distanza ta’ 62 ± 2 mm mill-bażi tal-għarqub li jistrieħ fuq il-pjattaforma orizzontali riġida, sabiex il-linja taċ-ċentru lonġitudinali tad-driegħ tal-pendlu taqa’ b’varjazzjoni ta’ 1o minn linja vertikali mal-impatt. L-apparat tal-impatt għandu jkun iggwidat sabiex jeskludi moviment sinifikanti laterali, vertikali jew ta’ rotazzjoni.
2.3.6. Ħalli perjodu ta’ mill-inqas 30 minuta bejn testijiet suċċessivi fuq l-istess riġel.
2.3.7. Is-sistema tal-kisba ta’ data, inklużi t-transducers, għandha tikkonforma mal-ispeċifikazzjonijiet għall-CFC 600, kif deskritt fl-Anness 8.
2.4. L-ispeċifikazzjoni tar-rendiment
2.4.1. Meta kull għarqub tas-sieq jintlaqat b’4,4 ± 0,1 m/s skont il-paragrafu 2,3, l-aċċellerazzjoni massima tal-apparat tal-impatt għandha tkun ta’ 295 ± 50 g.
3. IT-TEST TA’ IMPATT TAL-PARTI T’ISFEL TAS-SIEQ (BIŻ-ŻARBUNA)
3.1. L-għan ta’ dan it-test huwa li tkun ikkontrollata r-reazzjoni taż-Żarbun u l-ġilda tal-għarqub u l-ġog tal-għaksa tal-Hybrid III ma’ impatti frontali qawwija b’moviment ta’ pendlu li huma ddefiniti sew.
3.2. L-immuntar komplet tal-parti t’isfel tar-riġel tal-Hybrid III, tax-xellug (86-5001-001) u tal-lemin (86-5001-002), mgħammar bl-immuntar tas-sieq u tal-għaksa, tax-xellug (78051-614) u tal-lemin (78051-615), għandu jintuża, inkluż l-immuntar tal-irkoppa. Is-simulatur taċ-ċellula tat-tagħbija (78051-319 Rev A) għandu jintuża biex jorbot sew l-immuntar tal-irkoppa (79051-16 Rev B) mal-apparat tat-test. Is-sieq għandha tkun mgħammra biż-żarbuna speċifikata fil-paragrafu 2.9.2 tal-Anness 5.
3.3. Il-proċedura tat-test
3.3.1. Kull immuntar tar-riġel għandu jinżamm (imxarrab) għal erba’ sigħat qabel it-test f’temperatura ta’ 22 ± 3 °C u f’umdità relattiva ta’ 40 ± 30 fil-mija. Il-perjodu biex jixxarrab m’għandux jinkludi l-ħin neċessarju biex jintlaħqu kundizzjonijiet ta’ stat stabbli.
3.3.2. Naddaf il-wiċċ tal-impatt tal-qiegħ taż-żarbuna b’biċċa nadifa u l-faċċata tal-apparat tal-impatt bl-alkoħol isopropyl jew ekwivalenti qabel it-test. Ikkontrolla li m’hemm l-ebda dannu viżibbli fl-inserzjoni li tassorbi l-enerġija fl-għarqub.
3.3.3. Qiegħed l-aċċelerometru tal-apparat tal-impatt f’linja mal-assi sensittiv tiegħu b’mod li jkun parallel għal-linja taċ-ċentru lonġitudinali tal-apparat tal-impatt.
3.3.4. Immonta l-immuntar tar-riġel mal-apparat muri fil-Figura 3. L-apparat tat-test għandu jintrabat sew sabiex ma jkunx hemm moviment matul l-impatt. Il-linja taċ-ċentru tas-simulatur taċ-ċellula tat-tagħbija tal-wirk (78051-319) għandha tkun vertikali b’tolleranza ta’ ± 0,5o. Aġġusta l-muntatura sabiex il-linja li tgħaqqad il-parti forma ta’ “U” tal-irkoppa u s-sokra li minnha titwaħħal l-għaksa tkun orizzontali b’tolleranza ta’ ± 3o, bl-għarqub taż-żarbuna jistrieħ fuq żewġ folji b’wiċċ ċatt ta’ frizzjoni baxxa (folja PTFE). Assigura ruħek li l-mili tal-qasba tas-sieq jitqiegħed kompletament lejn in-naħa tal-irkoppa tal-qasba tas-sieq. Aġġusta l-għaksa sabiex pjan f’kuntatt mal-għarqub u mal-pett tal-qiegħ taż-żarbuna jkun vertikali u perpendikulari għad-direzzjoni tal-impatt b’tolleranza ta’ ± 3o u sabiex il-pjan saġittali tan-nofs tas-sieq u taż-żarbuna jinġieb f’linja mad-driegħ tal-pendlu. Aġġusta l-ġog tal-irkoppa għal marġni ta’ 1,5 ± 0,5 g qabel kull test. Aġġusta l-ġog tal-għaksa ħalli dan ikun liberu u imbagħad issikka biżżejjed sabiex is-sieq tinżamm stabbli fuq il-folja PTFE.
3.3.5. L-apparat riġidu tal-impatt jinkludi ċilindru orizzontali b’dijametru ta’ 50 ± 2 mm u driegħ li jsostni l-pendlu b’dijametru ta’ 19 ± 1 mm (il-Figura 4). Iċ-ċilindru għandu massa ta’ 1,25 ± 0,02 kg inklużi l-istrumenti għall-kejl u kwalunkwe parti mid-driegħ li jsostni fiċ-ċilindru. Id-driegħ tal-pendlu għandu massa ta’ 285 ± 5 g. Il-massa ta’ kwalunkwe parti li ddur tal-fus li miegħu huwa mqabbad id-driegħ li jsostni m’għandhiex tkun akbar minn 100 g. It-tul bejn l-assi ċentrali orizzontali taċ-ċilindru tal-apparat tal-impatt u l-assi ta’ rotazzjoni tal-pendlu kollu għandu jkun ta’ 1 250 ± 1 mm. Iċ-ċilindru tal-impatt huwa mmuntat bl-assi lonġitudinali tiegħu orizzontali u perpendikulari għad-direzzjoni tal-impatt. Il-pendlu għandu jolqot l-għarqub taż-żarbuna fi pjan orizzontali li huwa f’distanza ta’ 62 ± 2 mm ’il fuq mill-bażi tal-għarqub tal-manikin meta ż-żarbuna tistrieħ fuq il-pjattaforma orizzontali riġida, sabiex il-linja taċ-ċentru lonġitudinali tad-driegħ tal-pendlu taqa’ fi grad wieħed minn linja vertikali mal-impatt. L-apparat tal-impatt għandu jkun iggwidat sabiex jeskludi moviment sinifikanti laterali, vertikali jew ta’ rotazzjoni.
3.3.6. Ħalli perjodu ta’ mill-inqas 30 minuta bejn testijiet suċċessivi fuq l-istess riġel.
3.3.7. Is-sistema tal-kisba ta’ data, inklużi t-transducers, għandha tikkonforma mal-ispeċifikazzjonijiet għall-CFC 600, kif deskritt fl-Anness 8.
3.4. L-ispeċifikazzjoni tar-rendiment
3.4.1. Meta l-għarqub taż-żarbun jintlaqat b’6,7 ± 0,1 m/s skont il-paragrafu 3.3, il-forza ta’ kompressjoni massima tal-qasba tas-sieq (Fz) għandha tkun ta’ 3,3 ± 0,5 kN.
Figura 1
It-test tal-impatt tal-parti ta’ fuq tas-sieq
L-ispeċifikazzjonijiet biex isir it-test
Figura 2
It-test tal-impatt tal-parti t’isfel tas-sieq (mingħajr żarbun)
L-ispeċifikazzjonijiet biex isir it-test
Figura 3
It-test tal-impatt tal-parti t’isfel tas-sieq (biż-żarbuna)
L-ispeċifikazzjonijiet biex isir it-test
Figura 4
Il-pendlu tal-apparat tal-impatt