(1)

Ir-Regolament (KE) Nru 1342/2008 jistabbilixxi fl-Artikolu 32 li jistgħu jiġu adottati regoli dettaljati għall-applikazzjoni tal-Artikoli 11(3), 14, 16 u 17 ta’ dak ir-Regolament.

(2)

Ċerti gruppi ta’ bastimenti jistgħu jiġu esklużi mir-reġim tal-isforz tas-sajd stipulat fil-Kapitolu III tar-Regolament (KE) Nru 1342/2008 abbażi tal-parir mill-Kumitat Xjentifku, Tekniku u Ekonomiku għas-Sajd (STECF) imsemmi fl-Artikolu 11(2) ta’ dak ir-Regolament. Huwa xieraq li jsir provvediment għal proċedura u għal rekwiżiti sabiex l-Istati Membri jippreżentaw l-informazzjoni meħtieġa biex jippermettu lill-STECF tivvaluta jekk il-kundizzjonijiet għall-eżklużjoni kinux u jekk għadhomx sodisfatti. Huwa partikolarment importanti li l-informazzjoni ppreżentata mill-Istati Membri tkun dettaljata biżżejjed u akkumpanjata minn provi dokumentati.

(3)

L-informazzjoni ppreżentata mill-Istati Membri dwar l-issodisfar tal-kundizzjonijiet stipulati fl-Artikolu 11(2) tar-Regolament (KE) Nru 1342/2008 għandha tindika grupp ta’ bastimenti li jista’ jingħaraf b’mod ċar mill-bastimenti l-oħra fil-grupp tal-isforz konċernat u għall-attivitajiet speċifiċi tal-grupp ta’ bastimenti li jiddeterminaw il-qabdiet tal-merluzz ta’ 1,5 % jew anqas tal-qabdiet totali.

(4)

L-Artikolu 14 tar-Regolament (KE) Nru 1342/2008 jitlob lill-Istati Membri jiżguraw li għal kull waħda miż-żoni stipulati fl-Anness I ta’ dak ir-Regolament, il-kapaċità totali tal-bastiment b’permessi speċjali tas-sajd ma tkunx akbar mill-kapaċità totali għall-2006 jew l-2007. Huma meħtieġa regoli dettaljati għall-kalkolu u l-aġġustar tal-livelli massimi ta’ kapaċità, b’mod partikolari fir-rigward tat-trattament ta’ kapaċità mneħħija permezz tal-għajnuna pubblika jew trasferita bejn żoni ġeografiċi skont l-Artikolu 16 ta’ dak ir-Regolament.

(5)

Sabiex tkun żgurata l-kontrollabbiltà, jeħtieġ li jiġu stipulati ħtiġijiet u formati dettaljati għall-permessi speċjali tas-sajd li jinħarġu lill-bastimenti tas-sajd b’irkaptu regolat fiż-żoni ġeografiċi li huma soġġetti għar-reġim tal-isforz tas-sajd, u għal-listi ta’ bastimenti li għalihom inħarġu permessi speċjali tas-sajd.

(6)

Għandhom jiġu stipulati regoli dettaljati li jippermettu lill-Istati Membri sabiex jadattaw l-isforz tas-sajd massimu permess mill-Istati Membri skont l-Artikolu 16 tar-Regolament (KE) Nru 1342/2008 jew wara trasferimenti ta’ sforz bejn gruppi tal-isforz skont l-Artikolu 17 ta’ dak ir-Regolament. Regoli bħal dawn għandhom jispeċifikaw il-proċeduri u l-metodi tal-kalkolu li għandu jiġi applikat mill-Istati Membri.

(7)

L-użu ta’ mezzi elettroniċi għall-iskambju tal-informazzjoni jissimplifika l-proċeduri, jagħmilhom aktar effiċjenti u trasparenti u jiffrankaw il-ħin. Sabiex dawn il-vantaġġi jkunu sfruttati totalment filwaqt li tkun żgurata komunikazzjoni sigura, u bil-għan li tkun stabbilita sistema komuni tal-kompjuter għall-ġestjoni tad-dejta dwar il-mobilitazzjoni tal-isforz tas-sajd minn bastimenti tas-sajd Komunitarji, huwa meħtieġ li l-format għal kull dokument ikun speċifikat u li tkun ipprovduta deskrizzjoni dettaljata tal-informazzjoni li għandu jkun hemm f’dokumenti bħal dawn.

(8)

Il-miżuri pprovduti f’dan ir-Regolament huma skont il-fehma tal-Kumitat għas-Sajd u l-Akkwakultura,

(1)

L-Anness V għar-Regolament (KE) Nru 1333/2008 jipprovdi lista ta’ koloranti tal-ikel li għalihom it-tikketta jrid ikun fiha l-informazzjoni miżjuda li dawk il-koloranti jistgħu jkollhom effett negattiv fuq l-attività u l-attenzjoni tat-tfal.

(2)

Eċċezzjoni għal din ir-regola hija diġà prevista fl-Anness V għar-Regolament (KE) Nru 1333/2008 għall-oġġetti tal-ikel li fihom il-kolorant intuża għal għanijiet ta’ saħħa jew fil-marki fuq il-prodotti tal-laħam jew għall-ittimbrar jew bħala kuluri dekorattivi fuq il-qxur tal-bajd.

(3)

Il-koloranti elenkati fl-Anness V għar-Regolament (KE) Nru 1333/2008 jistgħu jintużaw f’ċerti xarbiet alkoħoliċi, bħall-inbejjed aromatizzati, ix-xarbiet aromatizzati b’bażi ta’ nbid u koktejls aromatizzati prodotti mill-inbid, inbejjed tal-frott, is-sajder, il-perri u ċerti xarbiet b’kontenut għoli ta’ alkoħol. Billi l-prodotti li fiħom kontenut ta’ aktar minn 1,2 % volum ta’ alkoħol mhumiex maħsubin għall-konsum tat-tfal, l-ittikettjar miżjud previst fl-Anness V għar-Regolament (KE) Nru 1333/2008 għalhekk la hu meħtieġ u lanqas mhu xieraq għal dawn l-oġġetti tal-ikel.

(4)

Għaldaqstant l-Anness V għar-Regolament (KE) Nru 1333/2008 għandu jiġi emendat skont dan.

(5)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u ma ġewx ikkontestati la mill-Parlament Ewropew u lanqas mill-Kunsill,

“(*)

(1)

Id-Direttiva 91/496/KEE tistabbilixxi l-kundizzjoni tal-kwarantina fir-rigward tal-annimali ħajjin importati minn pajjiżi terzi, inklużi l-kundizzjonijiet ġenerali li għandhom jiġu ssodisfati miċ-ċentri tal-kwarantina li jinsabu fl-Unjoni. L-Anness B ta’ dik id-Direttiva jistipula lista ta’ kundizzjonijiet ġenerali għall-approvazzjoni ta’ dawn it-tipi ta’ ċentri.

(2)

L-Artikolu 10(4)(b) tad-Direttiva 91/496/KEE, kif emendat permezz tad-Direttiva tal-Kunsill 2008/73/KE tal-15 ta’ Lulju 2008 li tissimplifika l-proċeduri tal-elenkar u l-pubblikazzjoni ta’ informazzjoni fl-oqsma veterinarji u żutekniċi (3), introduċa proċedura simplifikata għall-elenkar u l-pubblikazzjoni ta’ lista ta’ ċentri tal-kwarantina approvati fejn jitpoġġew l-annimali ħajjin fi kwarantina jew f’iżolament jekk il-leġiżlazzjoni tal-Unjoni tkun titlob dan. Skont dik il-proċedura l-ġdida, li tapplika mill-1 ta’ Jannar 2010, il-kompetenza tal-istabbiliment tal-lista ta’ ċentri tal-kwarantina approvati li jikkonformaw mal-kundizzjonijiet ġenerali stipulati fl-Anness B ta’ dik id-Direttiva tgħaddi mingħand il-Kummissjoni għal għand l-Istati Membri.

(3)

Ir-Regolament tal-Kummissjoni (KE) Nru 318/2007 (4) jistabbilixxi l-kundizzjonijiet tas-saħħa tal-annimali għall-importazzjonijiet lejn l-Unjoni ta’ ċerti għasafar għajr it-tjur tal-irziezet. L-Artikolu 6 ta’ dak ir-Regolament jipprevedi li l-faċilitajiet u ċ-ċentri tal-kwarantina approvati għandhom jissodisfaw ukoll il-kundizzjonijiet minimi stipulati fl-Anness IV tiegħu. Barra minn hekk, l-Anness V ta’ dak ir-Regolament jistabbilixxi lista ta’ faċilitajiet u ċentri tal-kwarantina approvati.

(4)

Fl-interessi tas-simplifikazzjoni tal-leġiżlazzjoni tal-Unjoni, jeħtieġ li jiġi emendat l-Artikolu 6 tar-Regolament (KE) Nru 318/2007 u li jitħassar l-Anness V tiegħu sabiex jirrifletti l-proċeduri l-ġodda għall-approvazzjoni u l-elenkar tal-faċilitajiet u ċ-ċentri tal-kwarantina previsti fid-Direttiva 91/496/KEE, kif emendata mid-Direttiva 2008/73/KE. Xi Stati Membri diġà bdew ifasslu listi ta’ ċentri tal-kwarantina approvati sabiex jittrasponu d-dispożizzjonijiet tal-Artikolu 10(4)(b) tad-Direttiva 91/496/KEE. Għaldaqstant, fl-interessi taċ-ċarezza tal-leġiżlazzjoni tal-Unjoni, jixraq li l-emendi tar-Regolament (KE) Nru 318/2007 jkunu applikabbli mill-istess data tal-applikazzjoni tad-Direttiva 91/496/KEE.

(5)

Ir-Regolament (KE) Nru 318/2007 għalhekk għandu jiġi emendat skont dan.

(6)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

L-Artikolu 6 għandu jinbidel b’dan li ġej:

(2)

L-Anness V jitħassar.

(1)

Fl-24 ta' Lulju 2008, il-Kunsill adotta l-Azzjoni Konġunta 2008/612/PESK (1) dwar il-ħatra ta' Rappreżentant Speċjali tal-Unjoni Ewropea (RSUE) fl-Afganistan.

(2)

Is-Sur Vygaudas USACKAS għandu jinħatar bħala RSUE fl-Afganistan mill-1 ta' April 2010 sal-31 ta' Awwissu 2010. Madankollu, il-mandat tar-RSUE jista' jiġi tterminat qabel, jekk il-Kunsill jiddeċiedi hekk, fuq rakkomandazzjoni tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà (RGħ) wara d-dħul fis-seħħ tad-Deċiżjoni li tistabbilixxi s-Servizz Ewropew għall-Azzjoni Esterna.

(3)

Ir-RSUE fl-Afganistan ser jimplimenta l-mandat tiegħu fil-kuntest ta' sitwazzjoni li tista' tiddeterjora u li tista' tagħmel ħsara lill-objettivi tal-Politika Estera u ta' Sigurtà Komuni stabbiliti fl-Artikolu 21 tat-Trattat,

(a)

jikkontribwixxi għall-implimentazzjoni tad-Dikjarazzjoni Konġunta UE-Afganistan u jmexxi l-implimentazzjoni tal-Pjan ta' Azzjoni tal-UE dwar l-Afganistan u l-Pakistan, fejn dan ikun jikkonċerna lill-Afganistan, b'hekk jaħdem mar-rappreżentanti tal-Istati Membri tal-UE fl-Afganistan;

(b)

jappoġġa r-rwol ċentrali li għandhom in-Nazzjonjijet Uniti (NU) fl-Afganistan b'enfasi partikolari fuq il-kontribut għal assistenza internazzjonali kkoordinata aħjar, b'hekk jippromwovi l-implimentazzjoni tal-London Conference Communiqué, il-Ftehim mal-Afganistan kif ukoll Riżoluzzjonijiet rilevanti tan-NU.

(a)

jippromwovi l-fehmiet tal-Unjoni dwar il-proċess politiku u l-iżviluppi fl-Afganistan;

(b)

iżomm kuntatt mill-qrib, u jappoġġa l-iżvilupp ta' istituzzjonijiet Afgani rilevanti, b'mod partikolari l-gvern u l-parlament kif ukoll l-awtoritajiet lokali. Għandu wkoll jinżamm kuntatt ma' gruppi politiċi Afgani oħra u atturi rilevanti oħra fl-Afganistan;

(c)

iżomm kuntatt mill-qrib ma' partijiet interessati internazzjonali u reġjonali rilevanti fl-Afganistan, b'mod partikolari mar-Rappreżentant Speċjali tas-Segretarju-Ġenerali tan-NU u r-Rappreżentant Ċivili Superjuri tal-Organizzazzjoni tat-Trattat tal-Atlantiku tat-Tramuntana (NATO) u ma' msieħba u organizzazzjonijiet ewlenin oħrajn;

(d)

jagħti parir dwar il-progress miksub biex jintlaħqu l-objettivi tad-Dikjarazzjoni Konġunta UE-Afganistan, il-Pjan ta' Azzjoni tal-UE għall-Afganistan u l-Pakistan, sa fejn dan jirrigwarda l-Afganistan, il-Ftehim mal-Afganistan u l-London Conference Communiqué, b'mod partikolari fl-oqsma li ġejjin:

(e)

jipparteċipa b'mod attiv f'fora ta' koordinazzjoni lokali bħall-Bord Konġunt ta' Koordinazzjoni u Monitoraġġ (JCMB), waqt li jżomm l-Istati Membri mhux parteċipanti infurmati bis-sħiħ dwar id-deċiżjonijiet meħudin f'dawn il-livelli;

(f)

jagħti parir dwar il-parteċipazzjoni u l-pożizzjonijiet tal-Unjoni fil-konferenzi internazzjonali fir-rigward tal-Afganistan u jikkontribwixxi għall-promozzjoni tal-kooperazzjoni reġjonali.

(a)

jistabbilixxi pjan ta' sigurtà speċifiku għall-missjoni bbażat fuq il-gwida tas-Segretarjat Ġenerali tal-Kunsill, li jinkludi miżuri ta' sigurtà fiżiċi, organizzattivi u proċedurali speċifiċi għall-missjoni, il-ġestjoni tal-moviment sigur ta' persunal lejn, u ġewwa, iż-żona tal-missjoni, kif ukoll il-ġestjoni ta' inċidenti ta' sigurtà u li jinkludi pjan ta' kontinġenza u evakwazzjoni tal-missjoni;

(b)

jiżgura li l-persunal kollu skjerat barra mill-Unjoni jkun kopert b'assigurazzjoni ta' riskju għoli kif meħtieġ mill-kondizzjonijiet fiż-żona tal-missjoni;

(c)

jiżgura li l-membri kollha tal-grupp tiegħu li jridu jiġu skjerati barra l-Unjoni, inkluż persunal kkuntrattat lokalment, ikunu ħadu taħriġ ta' sigurtà xieraq qabel u mal-wasla fiż-żona tal-missjoni, ibbażat fuq il-klassifikazzjoni ta' riskju mogħtija liż-żona ta' missjoni mis-Segretarjat Ġenerali tal-Kunsill;

(d)

jiżgura li jiġu implimentati r-rakkomandazzjonijiet kollha maqbula, magħmula wara valutazzjonijiet regolari ta' sigurtà, u jippreżenta lir-RGħ, lill-Kunsill u lill-Kummissjoni rapporti bil-miktub dwar l-implimentazzjoni tagħhom u dwar kwistjonijiet oħra ta' sigurtà fil-qafas tar-rapport intermedju u tar-rapport dwar l-implimentazzjoni tal-mandat.

(1)

L-Anness III tad-Direttiva tal-Kummissjoni 2002/72/KE tas-6 ta’ Awwissu 2002 dwar materjali u oġġetti tal-plastik maħsuba sabiex jiġu f’kuntatt mal-ikel (2) tistabbilixxi lista tal-Unjoni ta’ addittivi li jistgħu jintużaw għall-manifattura ta’ materjali u oġġetti tal-plastik. Skont l-Artikolu 4a(1) ta’ dik id-Direttiva, wara li tintbagħat applikazzjoni u l-valutazzjoni xjentifika tagħha mill-Awtorità Ewropea dwar is-Sigurtà fl-Ikel, addittiv ġdid jista’ jiżdied ma’ din il-lista.

(2)

Fit-23 ta’ Marzu 1998 RCC Registration Consulting bagħtet dejta għall-valutazzjoni tas-sigurtà ta’ 2,4,4’-trichloro-2’-hydroxydiphenyl ether f’isem Ciba Inc biex jintuża fil-manifattura tal-materjali u oġġetti tal-plastik maħsuba biex jiġu f’kuntatt mal-ikel.

(3)

Skont l-Artikolu 4a(5) tad-Direttiva 2002/72/KE 2,4,4’-trichloro-2’-hydroxydiphenyl ether iddaħħal fil-lista provviżorja ta’ addittivi stipulata fl-Artikolu 4a(3) tagħha.

(4)

Fl-opinjoni tagħha tal-15 ta’ Marzu 2004, l-Awtorità Ewropea dwar is-Sigurtà fl-Ikel ikkonkludiet li l-użu mitlub ta’ 2,4,4’-trichloro-2’-hydroxydiphenyl ether jista’ jiġi aċċettat, kemm-il darba s-sustanza ma tgħaddix fl-ikel b’aktar minn 5 mg kull kg ta’ ikel.

(5)

Fil-21 ta’ April 2009 Ciba Inc għarrfet lill-Kummissjoni dwar id-deċiżjoni tagħha li tirtira l-applikazzjoni għall-awtorizzazzjoni tas-sustanza bħala addittiv fil-manifattura ta’ materjali u oġġetti tal-plastik maħsuba biex jiġu f’kuntatt mal-ikel. Il-kumpanija ma tqisx iktar bħala xieraq l-użu tas-sustanza fil-plastik maħsub biex jiġi f’kuntatt mal-ikel.

(6)

Billi ma għadx hemm iktar applikazzjoni valida għall-użu ta’ 2,4,4’-trichloro-2’-hydroxydiphenyl ether bħala addittiv fil-plastik maħsub biex jiġi f’kuntatt mal-ikel, is-sustanza ma għandhiex tiġi inkluża fl-Anness III tad-Direttiva 2002/72/KE.

(7)

Għaldaqstant, skont il-punt (b) tal-Artikolu 4a(6) tad-Direttiva 2002/72/KE, is-sustanza għandha titneħħa mil-lista provviżorja ta’ addittivi.

(8)

Meta jitqies li 2,4,4’-trichloro-2’-hydroxydiphenyl ether seta’ ntuża fil-manifattura ta’ materjali u oġġetti tal-plastik maħsuba biex jiġu f’kuntatt mal-ikel, għandu jiġi introdott perjodu tranżizzjonali għat-tqegħid fis-suq ta’ materjali u oġġetti tal-plastik li fihom din is-sustanza.

(9)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponihom,

(1)

L-istandard Ewropew EN 353-1:2002 “Tagħmir personali protettiv li jwaqqaf waqgħa mill-għoli – Parti 1: Tip ta’ tagħmir iggwidat li jinkludi ħabel riġidu li jwaqqaf il-waqgħa”, ġie adottat mill-Kumitat Ewropew għall-Istandardizzazzjoni (CEN) fit-12 ta’ Marzu 2002. Ir-referenza tal-istandard ġiet ippubblikata għall-ewwel darba f’Il-Ġurnal Uffiċjali tal-Unjoni Ewropea fit-28 ta’ Awwissu 2003 (3).

(2)

Ir-Renju Unit ressaq oġġezzjoni formali rigward l-istandard EN 353-1:2002.

(3)

Rigward il-klawsola 4.7 ta’ EN 353-1:2002, ir-Renju Unit jikkunsidra li l-ispeċifikazzjonijiet marbutin mal-istruzzjonijiet għall-utenti ma jissodisfawx ir-rekwiżiti stipulati fit-taqsima 1.4(a) u (b) tal-Anness II għad-Direttiva.

(4)

Rigward il-klawsola 5 tal-istandard EN 353-1:2002, ir-Renju Unit jikkunsidra li l-metodu tat-test preskritt ma jittestjax għal kundizzjonijiet tal-waqgħa li wieħed jista’ raġonevolment jistennihom, bħal “waqgħa lura” jew “waqgħa għall-ġenb”, u dan iwassal għar-riskju konsiderevoli tal-falliment tat-tagħmir. Għaldaqstant, ir-Renju Unit jikkunsidra li l-istandard ma jissodisfax ir-rekwiżiti stipulati fit-taqsimiet 1.1.1. u 3.1.2.2 tal-Anness II għad-Direttiva.

(5)

Wara li studjat l-istandard EN 353-1:2002 il-Kummissjoni ddeterminat li ma jissodisfax kompletament il-ħtiġiet essenzjali tas-saħħa u s-sigurtà stipulati fit-taqsimiet 1.1.1, 1.4 u 3.1.2.2 tal-Anness II għad-Direttiva 89/686/KEE.

(6)

Ir-referenza tal-istandard EN 353-1:2002 għalhekk għandha tiġi rtirata mil-lista ta’ standards armonizzati f’Il-Ġurnal Uffiċjali tal-Unjoni Ewropea, u b’riżultat ta’ dan, il-konformità mal-istandards relevanti nazzjonali li jittrasponu l-istandard armonizzat EN 353-1:2002 ma għadhiex tikkonferixxi preżunzjoni ta’ konformità mar-rekwiżiti bażiċi tad-Direttiva 89/686/KEE,

(1)

Id-Deċiżjoni tal-Kummissjoni 2009/177/KE tal-31 ta’ Ottubru 2008 li timplimenta d-Direttiva tal-Kunsill 2006/88/KE fir-rigward tas-sorveljanza u l-programmi ta’ qerda u l-istatus ta’ ħelsien mill-mard tal-Istati Membri, żoni u kompartimenti (2) tistabbilixxi lista ta’ Stati Membri, żoni u kompartimenti soġġetti għal programmi ta’ sorveljanza approvati, fir-rigward ta’ wieħed jew aktar mill-mard mhux eżotiku mniżżel fil-Parti II tal-Anness IV tad-Direttiva 2006/88/KE (“mard mhux eżotiku”). Id-Deċiżjoni 2009/177/KE tistabbilixxi wkoll lista ta’ Stati Membri, żoni u kompartimenti ddikjarati ħielsa mill-mard fir-rigward ta’ wieħed jew aktar minn dan il-mard.

(2)

Parti A tal-Anness I tad-Deċiżjoni 2009/177/KE tistabbilixxi lista ta’ Stati Membri, żoni u kompartimenti soġġetti għal programmi ta’ sorveljanza approvati u Parti C ta’ dak l-Anness tistabbilixxi l-lista ta’ Stati Membri, żoni u kompartimenti ddikjarati ħielsa mill-mard fir-rigward ta’ wieħed jew aktar mill-mard mhux eżotiku.

(3)

L-Irlanda u l-Ungerija ppreżentaw applikazzjonijiet lill-Kummissjoni għall-approvazzjoni ta’ programmi ta’ sorveljanza mutliannwali fir-rigward tal-marda tal-virus tal-erpete tal-Koi (KHV). Dawn il-programmi jikkonformaw mar-rekwiżiti għall-approvazzjoni stabbiliti fid-Direttiva 2006/88/KE u d-Deċiżjoni 2009/177/KE. Skont dan, dawn għandhom ikunu approvati u inklużi fil-lista fil-Parti A tal-Anness I tad-Deċiżjoni 2009/177/KE.

(4)

It-territorju kollu tal-Irlanda, għajr il-Gżira Cape Clear, bħalissa hu mniżżel fil-Parti C tal-Anness tad-Deċiżjoni 2009/177/KE, bħala ddikjarat ħieles mill-mard għas-settiċemija emorraġika virali (VHS). L-Irlanda nnotifikat lill-Kummissjoni dikjarazzjoni ta’ ħelsien minn dik il-marda għall-Gżira Cape Clear. Din id-dikjarazzjoni ġiet miżjuda mal-aġenda tal-laqgħa tal-Kumitat Permanenti dwar il-Katina Alimentari u s-Saħħa tal-Annimali fit-12 ta’ Jannar 2010. Id-dikjarazzjoni tikkonforma mar-rekwiżiti għal dikjarazzjoni ta’ ħelsien minn mard stabbiliti fid-Direttiva 2006/88/KE u d-Deċiżjoni 2009/177/KE. Skont dan, it-territorju kollu tal-Irlanda għandu jiġi ddikjarat ħieles mill-VHS. Parti C tal-Anness I tad-Deċiżjoni 2009/177/KE għandha tiġi emendata kif jeħtieġ.

(5)

Id-Deċiżjoni 2009/177/KE għandha għaldaqstant tiġi emendata skont dan.

(6)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

(1)

Skont id-Direttiva 1999/2/KE oġġett tal-ikel ittrattat b’radjazzjoni li tionizza ma jistax jiġi importat minn pajjiż terz sakemm ma jkunx ġie ttrattat f’faċilità ta’ radjazzjoni approvata mill-Komunità.

(2)

Lista ta’ faċilitajiet approvati kienet stabbilita permezz tad-Deċiżjoni tal-Kummissjoni 2002/840/KE (2).

(3)

Il-Kummissjoni rċeviet applikazzjoni għall-approvazzjoni ta’ tliet faċilitajiet ta’ radjazzjoni fl-Indja permezz tal-awtoritajiet kompetenti tagħhom. Esperti tal-Kummissjoni spezzjonaw il-faċilitajiet ta’ radjazzjoni biex jivverifikaw jekk jikkonformawx mar-rekwiżiti tad-Direttiva 1999/2/KE u b’mod partikolari jekk superviżjoni uffiċjali tiggarantixxix li jikkonformaw mar-rekwiżiti tal-Artikolu 7 ta’ dik id-Direttiva.

(4)

Il-faċilitajiet fl-Indja kkonformaw mal-biċċa l-kbira tar-rekwiżiti tad-Direttiva 1999/2/KE. In-nuqqasijiet identifikati mill-Kummissjoni ġew indirizzati b’mod adegwat mill-awtoritajiet Indjani kompetenti.

(5)

Għalhekk id-Deċiżjoni 2002/840/KE għandha tiġi emendata skont dan.

(6)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

Id-Deċiżjoni 2007/435/KE ġiet implimentata mid-Deċiżjoni tal-Kummissjoni 2008/457/KE (2).

(2)

Fir-rigward tal-prinċipju ta’ amministrazzjoni finanzjarja soda, huwa xieraq li jiġi stabbilit limitu għat-total kumulattiv ta’ pagamenti minn qabel il-finanzjament li għandhom jingħataw lill-Istati Membri għal programmi annwali.

(3)

Skont l-Artikolu 3 tal-Protokoll dwar il-pożizzjoni tar-Renju Unit u tal-Irlanda, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, ir-Renju Unit huwa marbut bl-att bażiku u, konsegwentement, b’din id-Deċiżjoni.

(4)

Skont l-Artikolu 3 tal-Protokoll dwar il-pożizzjoni tar-Renju Unit u tal-Irlanda, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, l-Irlanda hija marbuta bl-att bażiku u, konsegwentement, b’din id-Deċiżjoni.

(5)

Skont l-Artikoli 1 u 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhix marbuta b’din id-Deċiżjoni u lanqas m’hija suġġetta għall-applikazzjoni tagħha.

(6)

Id-Deċiżjoni 2008/457/KE għandha għalhekk tiġi emendata skont dan,

(1)

It-titolu tal-Artikolu 24 jinbidel b’dan li ġej:

“Progress u rapporti finali dwar l-implimentazzjoni ta’ programmi annwali u rikjesti għal pagamenti”.

(2)

Fl-Artikolu 24 jiżdied il-paragrafu 4 li ġej: