ISSN 1725-5104 doi:10.3000/17255104.L_2010.031.mlt |
||
Il-Ġurnal Uffiċjali tal-Unjoni Ewropea |
L 31 |
|
![]() |
||
Edizzjoni bil-Malti |
Leġiżlazzjoni |
Volum 53 |
|
|
IV Atti adottati qabel l-1 ta' Diċembru 2009 skont it-Trattat tal-KE, it-Trattat tal-UE u t-Trattat Euratom |
|
|
|
2010/55/KE |
|
|
* |
|
|
|
(1) Test b’relevanza għaż-ŻEE |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġislattivi
REGOLAMENTI
3.2.2010 |
MT |
Il-Ġurnal Uffiċjali tal-Unjoni Ewropea |
L 31/1 |
REGOLAMENT TAL-KUMMISSJONI (UE) Nru 91/2010
tat-2 ta’ Frar 2010
li jemenda r-Regolament (KE) Nru 1982/2004 li jimplimenta r-Regolament (KE) Nru 638/2004 tal-Parlament Ewropew u tal-Kunsill dwar l-istatistika Komunitarja relatata mal-kummerċ ta’ merkanzija bejn l-Istati Membri, fir-rigward tal-lista ta’ prodotti esklużi mill-istatistika, l-komunikazzjoni ta’ informazzjoni mill-amministrazzjoni tat-taxxa u l-valutazzjoni tal-kwalità
IL-KUMMISSJONI EWROPEA,
Wara li kkunsidrat it-Trattat dwar il-funzjonament tal-Kummissjoni Ewropea,
Wara l-kkunsidrat ir-Regolament (KE) Nru 638/2004 tal-Parlament Ewropew u tal-Kunsill tal-31 ta’ Marzu 2004 dwar l-istatistika Komunitarja relatata mal-kummerċ ta’ merkanzija bejn l-Istati Membri u li jħassar ir-Regolament tal-Kunsill (KE) Nru 3330/91 (1), u b’mod partikolari l-Artikoli 3(4) u (5), 8, 2 u 13 tiegħu,
Billi:
(1) |
Ir-Regolament (KE) Nru 638/2004 ġie implementat bir-Regolament (KE) Nru 1982/2004 (2). |
(2) |
L-aċċess mill-awtoritajiet nazzjonali għad-dejta disponibbli fuq id-dikjarazzjonijiet tal-VAT ta’ rikapitolazzjoni msemmija fl-Artikolu 6 tar-Regolament (KE) Nru 1982/2004 għandu jiġi estiż biex tkun żgurata l-kwalità tad-dejta statistika. |
(3) |
Il-modalitajiet u l-istruttura tar-rapport ta’ kwalità msemmija fl-Artikolu 26 tar-Regolament (KE) Nru 1982/2004 għandhom jiġu emendati sabiex jiġi żgurat qafas ta’ assigurazzjoni tal-kwalità integrata li jkun konformi mal-Kodiċi ta’ Prattika għall-Istatisika Ewropea (3). |
(4) |
Il-lista fl-Anness I tar-Regolament (KE) Nru 1982/2004 li jistabbilixxi l-prodotti esklużi mill-istatistika relatata mal-kummerċ ta’ merkanzija bejn l-Istati Membri biex jiġu trażmessi lill-Kummissjoni (Eurostat) għandha tiġi adattata biex tkun iktar konformi mar-rakkomandazzjonijiet internazzjonali addottati mill-Kummissjoni tal-Istatistika tan-Nazzjonijiet Uniti u biex jiġi iktar iċċarat l-ambitu tad-dejta miġbura. |
(5) |
Ir-Regolament (KE) Nru 1982/2004 għandu għalhekk jiġi emendat skont dan. |
(6) |
Il-miżuri stipulati f’dan ir-Regolament huma konformi mal-opinjoni tal-Kumitat għall-istatistiċi fuq il-kummerċ tal-merkanzija bejn l-Istati Membri. |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1982/2004 għandu għalhekk jiġi emendat kif ġej:
(1) |
L-Artikoli 5 u 6 huma sostitwiti b’dan li ġej: “Artikolu 5 Informazzjoni fuq id-denunzji tal-VAT 1. L-amministrazzjoni responsabbli mit-taxxa f’kull Stat Membru għandha tipprovdi lill-awtoritajiet nazzjonali bl-informazzjoni li ġejja sabiex jiġu identifikati persuni li jkunu ddikjaraw akkwisti intra-UE u provvisti ta’ merkanzija għall-finijiet fiskali:
2. L-amministrazzjoni responsabbli mit-taxxa f’kull Stat Membru għandha tipprovdi lill-awtoritajiet nazzjonali, għal kull persuna taxxabbli:
Artikolu 6 Informazzjoni dwar id-dikjarazzjonijiet ta’ rikapitolazzjoni tal-VAT 1. Għal kull persuna taxxabbli, l-amministrazzjoni responsabbli mit-taxxa f’kull Stat Membru għandha tipprovdi lill-awtoritajiet nazzjonali għall-inqas b’din l-informazzjoni:
2. Malli tirċievi l-informazzjoni, l-amministrazzjoni responsabbli mit-taxxa f’kull Stat Membru għandha tagħmilha disponibbli għall-awtoritajiet nazzjonali mingħajr dewmien.” |
(2) |
L-Artikolu 26 għandu jiġi sostitwit b’dan li ġej: “Artikolu 26 1. F’konformità mal-kriterji ta’ kwalità definiti fl-Artikolu 13 tar-Regolament (KE) Nru 638/2004, il-Kummissjoni (Eurostat) għandha twettaq evalwazzjoni annwali tal-kwalità abbażi tal-indikaturi tal-kwalità u l-ħtiġiet miftiehma minn qabel mal-awtoritajiet nazzjonali. 2. Il-Kummissjoni (Eurostat) għandha tipprepara abbozz ta’ rapport ta’ kwalità parzjalment ikkompilat għal kull Stat Membru. L-abbozzi tar-rapporti ta’ kwalità għandhom jintbagħtu lill-Istati Membri sat-30 ta’ Novembru, wara s-sena ta’ referenza. 3. L-Istati Membri għandhom jipprovdu lill-Kummissjoni (Eurostat) bir-rapporti ta’ kwalità tagħhom kompluti fi żmien tmien ġimgħat mill-wasla tal-abbozzi tar-rapporti ta’ kwalità parzjalment ikkompilati. 4. Il-Kummissjoni (Eurostat) għandha tevalwa l-kwalità tal-istatistika trażmessa abbażi tad-dejta u tar-rapporti ta’ kwalità pprovduti mill-Istati Membri u għandha tipprepara rapport ta’ valutazzjoni għal kull Stat Membru. 5. Il-Kummissjoni (Eurostat) għandha tipprepara u tqassam sommarju tar-rapport ta’ kwalità li jkopri l-Istati Membri kollha. Dan ikun jinkludi l-indikaturi ewlenin ta’ kwalità u l-informazzjoni miġbura permezz tar-rapporti ta’ kwalità.” |
(3) |
L-Anness I għar-Regolament (KE) Nru 1982/2004 għandu jinbidel bit-test fl-Anness għal dan ir-Regolament. |
(4) |
L-Anness VI għar-Regolament (KE) Nru 1982/2004 huwa mħassar. |
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Komunità Ewropea.
Dan ir-Regolament għandu japplika mill-1 ta’ Jannar 2010.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussel, it-2 ta’ Frar 2010.
Għall-Kummissjoni
José Manuel BARROSO
Il-President
(2) ĠU L 343, 19.11.2004, p. 3.
(3) COM(2005) 217 finali.
ANNESS
“ANNESS I
Lista ta’ oġġetti esklużi mill-istatistika relatata mal-kummerċ ta’ merkanzija ma’ Stati Membri, li għandha tintbagħat lill-Kummissjoni (Eurostat)
(a) |
deheb monetarju; |
(b) |
mezzi ta’ ħlas li huma valuta legali u titoli, inklużi mezzi li huma ħlasijiet għal servizzi bħal posta, taxxi, onorarji għall-utent; |
(c) |
merkanzija għal jew wara użu temporanju, (eż. kiri, self, kiri operattiv), sakemm il-kundizzjonijiet kollha li ġejjin ikunu sodisfatti:
|
(d) |
merkanzija spustjata bejn:
L-enklavi territorjali jinkludu l-ambaxxati u l-forzi armati nazzjonali stazzjonati barra mit-territorju tal-pajjiż ta’ oriġini; |
(e) |
merkanzija użata biex tinġarr informazzjoni personalizzata, inkluż is-software; |
(f) |
software mniżżel mill-Internet; |
(g) |
oġġetti fornuti bla ħlas li minnhom infushom mhumiex suġġetti ta’ tranżazzjoni kummerċjali, sakemm il-moviment huwa bl-intenzjoni waħdanija ta’ preparazzjoni jew ta’ sostenn ta’ tranżazzjoni kummerċjali maħsuba sussegwenti billi jintwerew il-karatteristiċi ta’ prodotti jew servizzi bħal:
|
(h) |
merkanzija għat-tiswija jew wara t-tiswija u l-partijiet tal-bdil li huma inkorporati fil-qafas tat-tiswija u partijiet difettużi sostitwiti; |
(i) |
mezzi tat-trasport li jkunu qed jivvjaġġaw fil-kors tax-xogħol tagħhom, inkluż apparat tat-tfigħ ta’ vetturi spazjali fil-mument tat-tfigħ.” |
3.2.2010 |
MT |
Il-Ġurnal Uffiċjali tal-Unjoni Ewropea |
L 31/4 |
REGOLAMENT TAL-KUMMISSJONI (UE) Nru 92/2010
tat-2 ta’ Frar 2010
li jimplimenta r-Regolament (KE) Nru 471/2009 tal-Parlament Ewropew u tal-Kunsill dwar l-istatistika Komunitarja relatata mal-kummerċ estern ma’ pajjiżi li mhumiex membri, fir-rigward ta’ skambju ta’ dejta bejn l-awtoritajiet doganali u l-awtoritajiet tal-istatistika nazzjonali, il-kompilazzjoni tal-istatistika u l-valutazzjoni tal-kwalità
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 471/2009 tal-Parlament Ewropew u tal-Kunsill tas-6 ta’ Mejju 2009 dwar statistika Komunitarja relatata mal-kummerċ estern ma’ pajjiżi li mhumiex membri u li jħassar ir-Regolament tal-Kunsill (KE) Nru 1172/95 (1), u b’mod partikolari l-Artikolu 6(1), l-Artikolu 7(3), Artikolu 8(3) u l-Artikolu 9(3) tiegħu,
Billi:
(1) |
Ir-Regolament (KE) Nru 471/2009 jistabbilixxi qafas komuni għall-produzzjoni sistematika ta’ statistika Ewropea rigward il-kummerċ ta’ merkanzija ma’ pajjiżi li mhumiex membri. |
(2) |
Huwa meħtieġ li jiġu speċifikati l-proċeduri għall-iskambju tad-dejta bejn l-awtoritajiet doganali u l-awtoritajiet tal-istatistika nazzjonali biex jiġi żgurat il-ġbir komprensiv tal-istatistika kummerċjali esterna. |
(3) |
Għandhom jiġu stabbiliti dispożizzjonijiet fuq il-kumpilazzjoni ta’ statistiċi ta’ kull xahar biex jinkisbu riżultati armonizzati u komparabbli mill-Istati Membri kollha, inklużi regoli għall-aġġustamenti ta’ dokumentazzjoni mdewma jew mhux kompluta u dejta affettwata b’dispożizzjonijiet ta’ kunfidenzjalità. |
(4) |
Sabiex tkun tista’ tiġi valutata l-kwalità tal-istatistika trażmessa lill-Kummissjoni (Eurostat), huma meħtieġa miżuri ta’ implimentazzjoni rigward il-modalitajiet u l-istruttura tar-rapport ta’ kwalità. |
(5) |
Il-miżuri provvduti f’dan ir-Regolament huma fi qbil mal-opinjoni tal-Kumitat tal-Istatistka li għandha x’taqsam mal-kummerċ ta’ merkanzija ma’ pajjiżi li mhumiex Membri, |
ADOTTAW DAN IR-REGOLAMENT:
Artikolu 1
Modalitajiet ta’ skambju ta’ dejta bejn awtoritajiet doganali u awtoritajiet tal-istatistika nazzjonali
1. L-awtoritajiet doganali nazzjonali għandhom jipprovdu lill-awtoritajiet tal-istatistika nazzjonali tagħhom mingħajr dewmien u mhux aktar tard mix-xahar ta’ wara x-xahar li fih ġew aċċettati d-dikjarazzjonijiet doganali jew li fih dawn kienu suġġetti għal deċiżjonijiet doganali marbuta magħhom, id-dokumentazzjoni fuq l-importazzjoni u l-esportazzjoni msejsa fuq id-dikjarazzjonijiet doganali ppreżentati magħhom.
2. B’effett mid-data tal-implimentazzjoni tal-mekkaniżmu tal-iskambju reċiproku ta’ dejta b’mezzi elettroniċi skont l-Artikolu 7(2) tar-Regolament (KE) Nru 471/2009, l-awtoritajiet doganali għandhom jipprovdu ta’ kuljum kopji tad-dejta mid-dikjarazzjonijiet doganali ppreżentati magħhom lill-awtorità doganali tal-Istat Membru indikat fuq id-dokumentazzjoni bħala:
(a) |
l-Istat Membru tad-destinazzjoni aħħarija, fuq l-importazzjoni, |
(b) |
l-Istat Membru tal-esportazzjoni attwali, fuq l-esportazzjoni. |
L-awtorità doganali fl-Istat Membru tad-destinazzjoni, fuq l-importazzjoni, u l-Istat Membru tal-esportazzjoni attwali, fuq l-esportazzjoni, għandhom jibagħtu d-dokumentazzjoni tal-importazzjoni u tal-esportazzjoni minn dawn id-dikjarazzjonijiet doganali mingħajr dewmien, u mhux aktar tard mix-xahar ta’ wara x-xahar li fih id-dikjarazzjonijiet doganali ġew aċċettati jew kienu suġġetti għal deċiżjonijiet doganali marbuta magħhom, lill-awtoritajiet tal-istatistika nazzjonali tagħhom.
3. L-awtoritajiet doganali għandhom jipprovdu lill-awtoritajiet tal-istatistika nazzjonali dokumentazzjonijiet riveduti dwar l-importazzjonijiet u l-esportazzjonijiet fejn id-dejta tal-istatistika diġà provduta hija emendati jew mibdula.
4. L-awtoritajiet doganali għandhom jivverifikaw, fuq talba tal-awtoritajiet tal-istatistika nazzjonali, il-korrettezza u l-kompletezza tad-dokumentazzjonijiet dwar l-importazzjonijiet u l-esportazzjonijiet pprovduti minnhom.
Artikolu 2
Kompilazzjoni ta’ statistika Ewropea dwar l-importazzjonijiet u l-esportazzjonijiet ta’ merkanzija
1. L-awtoritajiet tal-istatistika nazzjonali għandhom jikkompilaw l-istatistika ta’ kull xahar minn:
(a) |
dokumentazzjonijiet dwar l-importazzjonijiet u l-esportazzjonijiet previsti mill-awtoritajiet doganali skont l-Artikolu 1; |
(b) |
dejta pprovduta mill-operatur ekonomiku fil-każ ta’ simplifikazzjonijiet doganali skont l-Artikolu 4(2) tar-Regolament (KE) Nru 471/2009; |
(c) |
sorsi ta’ dejta għall-prodotti u spostamenti speċifiċi skont l-Artikolu 4(4) tar-Regolament (KE) Nru 471/2009. |
2. L-awtoritajiet tal-istatistika nazzjonali għandhom jikkompilaw l-istatistiċi kummerċjali esterni ta’ kull xahar skont:
(a) |
l-Istat Membru tal-kompilazzjoni, waqt li jindikaw l-istatistiċi kummerċjali esterni rrapurtati minn dak l-Istat Membru lill-Eurostat; |
(b) |
il-perjodu ta’ referenza; |
(c) |
il-fluss tal-kummerċ; |
(d) |
il-valur tal-istatistika fil-munita nazzjonali mingħajr deċimali; |
(e) |
il-kwantità espressa f’kg mingħajr deċimali; |
(f) |
il-kwantità espressa f’unitajiet supplimentari; |
(g) |
il-kodiċi tal-merkanzija; |
(h) |
l-Istat Membru fejn id-dikjarazzjoni doganali tiġi ppreżentata; |
(i) |
l-Istat Membru tad-destinazzjoni fuq l-importazzjoni. Madankollu, għal dawk id-dokumentazzjonijiet ta’ importazzjoni fejn id-dejta doganali fuq l-Istat Membru ta’ destinazzjoni ma tkunx disponibbli, il-kodiċi tal-pajjiż QV għandu jkun indikat meta jkun preżunt li l-Istat Membru tad-destinazzjoni hu differenti mill-Istat Membru fejn id-dikjarazzjoni doganali hija ippreżentata; |
(j) |
l-Istat Membru tal-esportazzjoni attwali fuq l-esportazzjoni. Madankollu, għal dawk id-dokumentazzjonijiet ta’ esportazzjoni fejn id-dejta doganali fuq l-Istat Membru tal-esportazzjoni attwali ma tkunx disponibbli, il-kodiċi tal-pajjiż QV għandu jkun indikat meta jkun preżunt li l-Istat Membru tal-esportazzjoni attwali hu differenti mill-Istat Membru fejn id-dikjarazzjoni doganali hija ippreżentata; |
(k) |
il-pajjiż tal-oriġini fuq l-importazzjoni; |
(l) |
il-pajjiż tal-kunsinna/dispaċċ fuq l-importazzjoni. Madankollu, jekk il-pajjiż tal-kunsinna/dispaċċ huwa Stat Membru, il-pajjiż ta’ oriġini għandu jkun indikat jekk ma jkunx fl-UE jew, fin-nuqqas ta’ dan, għandu jintuża l-kodiċi tal-pajjiż QW; |
(m) |
il-pajjiż tad-destinazzjoni l-aħħar magħrufa fuq l-esportazzjoni; |
(n) |
il-proċedura statistika; |
(o) |
in-natura tal-kodiċi ta’ tranżazzjoni b’wieħed jew b’żewġ numri. Madankollu, għal dawk id-dokumentazzjonijiet doganali fejn id-dejta dwar in-natura tat-tranżazzjoni ma tkunx disponibbli, il-kodiċi 0 għandu jiġi indikat fuq livell ta’ numru wieħed; |
(p) |
il-kodiċi mogħti preferenza fuq l-importazzjoni; |
(q) |
il-metodu ta’ trasport fuq il-fruntiera; |
(r) |
il-mod tat-trasport; |
(s) |
il-kontejner. |
3. L-istatistiċi għandu jkun fihom aġġustamenti fuq id-dokumentazzjonijiet imdewma jew mhux kompluti. L-aġġustamenti għandhom jindikaw il-valur statistiku mill-inqas b’tqassim skont il-pajjiż imsieħeb, il-kodiċi tal-merkanzija fil-livell tal-kapitolu tan-Nomenklatura Magħquda u l-perjodu ta’ referenza ta’ kull xahar. L-aġġustamenti għandhom ikunu abbażi ta’ metodi ta’ evalwazzjoni jew metodi xjentifiċi sodi u kompetenti.
4. L-Istati Membri jistgħu jiġbru informazzjoni inqas dettaljata minn dik speċifikata fl-Artikolu 6(1) tar-Regolament (KE) Nru 471/2009 għal tranżazzjonijiet individwali taħt il-limitu tal-valur statistiku. Madankollu, bħala minimu, id-dejta dwar il-valur statistiku totali ta’ kull xahar kemm tal-importazzjonijiet kif ukoll tal-esportazzjonijiet għandha tiġi trażmessa lill-Kummissjoni (Eurostat).
5. L-istatistiċi għandu jkun fihom dejta protetta mid-dispożizzjonijiet tal-kunfidenzjalità fl-Istat Membru tal-kompilazzjoni. L-awtoritajiet tal-istatistika nazzjonali għandhom jimmarkaw id-dejta li għandha tiġi kkunsidrata bħala kunfidenzjali b’tali mod li jkun possibbli li l-informazzjoni tixxerred, għall-inqas fuq il-livell tal-kapitolu tan-Nomenklatura Magħquda, sakemm il-kunfidenzjalità tibqa’ b’hekk żgurata.
Artikolu 3
Evalwazzjoni tal-kwalità
1. F’konformità mal-kriterji ta’ kwalità definiti fl-Artikolu 9(1) tar-Regolament (KE) Nru 471/2009, il-Kummissjoni (Eurostat) għandha twettaq evalwazzjoni annwali tal-kwalità bbażata fuq indikaturi tal-kwalità u l-ħtiġiet miftiehma minn qabel mal-awtoritajiet tal-istatistika nazzjonali.
2. Il-Kummissjoni (Eurostat) għandha tipprepara abbozz ta’ rapport ta’ kwalità parzjalment mimli minn qabel għal kull Stat Membru. Abbozzi ta’ rapporti ta’ kwalità għandhom jintbagħtu lill-Istati Membri sat-30 ta’ Novembru, wara s-sena ta’ referenza.
3. L-Istati Membri għandhom jipprovdu lill-Kummissjoni (Eurostat) bir-rapporti tal-kwalità tagħhom kompluti fi żmien tmien ġimgħat mill-wasla tal-abbozzi ta’ rapporti ta’ kwalità mimlija minn qabel.
4. Il-Kummissjoni (Eurostat) għandha tevalwa l-kwalità tal-istatistika trażmessa abbażi tar-rapporti ta’ dejta u ta’ kwalità pprovduti mill-Istati Membri u għandha tipprepara rapport ta’ valutazzjoni għal kull Stat Membru.
5. Il-Kummissjoni (Eurostat) għandha tipprepara u tqassam sommarju tar-rapport ta’ kwalità li jkopri l-Istati Membri kollha. Dan ikun jinkludi l-indikaturi ewlenin ta’ kwalità u l-informazzjoni miġbura permezz tar-rapporti ta’ kwalità.
Artikolu 4
Id-dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandha tapplika mill-1 ta’ Jannar 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Frar 2010.
Għall-Kummissjoni
Il-President
José Manuel BARROSO
(1) ĠU L 152, 16.6.2009, p. 23.
3.2.2010 |
MT |
Il-Ġurnal Uffiċjali tal-Unjoni Ewropea |
L 31/7 |
REGOLAMENT TAL-KUMMISSJONI (UE) Nru 93/2010
tat-2 ta’ Frar 2010
li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI EWROPEA,
Wara li kkunsidrat it-Trattat dwar il-funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,
Billi:
Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,
ADOTTAT DAN IR-REGOLAMENT:
Artikolu 1
Il-valuri fissi tal-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fit-3 ta’ Frar 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Frar 2010.
Għall-Kummissjoni, f’isem il-President,
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 350, 31.12.2007, p. 1.
ANNESS
il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss tal-importazzjoni |
0702 00 00 |
IL |
106,9 |
JO |
75,8 |
|
MA |
68,1 |
|
TN |
117,1 |
|
TR |
100,1 |
|
ZZ |
93,6 |
|
0707 00 05 |
JO |
101,4 |
MA |
76,9 |
|
TR |
131,1 |
|
ZZ |
103,1 |
|
0709 90 70 |
MA |
129,1 |
TR |
140,5 |
|
ZZ |
134,8 |
|
0709 90 80 |
EG |
85,3 |
ZZ |
85,3 |
|
0805 10 20 |
EG |
51,6 |
IL |
55,6 |
|
MA |
51,7 |
|
TN |
44,6 |
|
TR |
55,8 |
|
ZZ |
51,9 |
|
0805 20 10 |
IL |
154,5 |
MA |
82,2 |
|
TR |
62,0 |
|
ZZ |
99,6 |
|
0805 20 30 , 0805 20 50 , 0805 20 70 , 0805 20 90 |
CN |
52,9 |
EG |
55,8 |
|
IL |
76,2 |
|
JM |
92,7 |
|
MA |
81,2 |
|
TR |
79,1 |
|
ZZ |
73,0 |
|
0805 50 10 |
EG |
88,6 |
IL |
81,9 |
|
TR |
69,2 |
|
ZZ |
79,9 |
|
0808 10 80 |
CA |
87,8 |
CL |
60,1 |
|
CN |
68,5 |
|
MK |
24,7 |
|
US |
122,2 |
|
ZZ |
72,7 |
|
0808 20 50 |
CN |
82,9 |
US |
101,8 |
|
ZA |
93,3 |
|
ZZ |
92,7 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
IV Atti adottati qabel l-1 ta' Diċembru 2009 skont it-Trattat tal-KE, it-Trattat tal-UE u t-Trattat Euratom
3.2.2010 |
MT |
Il-Ġurnal Uffiċjali tal-Unjoni Ewropea |
L 31/9 |
DEĊIŻJONI TAL-KUMMISSJONI
tat-13 ta’ Lulju 2009
dwar l-għajnuna għas-salvataġġ tal-kumpanija “Les Volailles du Périgord” u l-bidla tagħha f’għajnuna għar-ristrutturar (C 31/08 (ex N 681/06))
(notifikata bid-dokument numru C(2009) 5494)
(It-test bil-Franċiż biss huwa awtentiku)
(2010/55/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea, u b’mod partikolari l-ewwel subparagrafu tal-Artikolu 88(2) tiegħu,
Wara li, b’mod konformi mal-ewwel subparagrafu tal-Artikolu 88(2) tat-Trattat, intimat lill-partijiet interessati biex jippreżentawlha l-osservazzjonijiet tagħhom u wara li kkunsidrat dawk l-osservazzjonijiet,
Billi:
I. PROĊEDURA
(1) |
Permezz tal-ittra C(2007) 3564 tad-19 ta’ Lulju 2007, il-Kummissjoni awtorizzat, taħt in-Nru N 681/06, għajnuna għas-salvataġġ tal-kumpanija “Les Volailles du Périgord” ta’ miljun euro. It-tul ta’ żmien ta’ din l-għajnuna ġie stabbilit għal sitt xhur. |
(2) |
Wara n-notifika tal-għajnuna għas-salvataġġ, l-awtoritajiet Franċiżi impenjaw ruħhom li jissottomettu lill-Kummissjoni pjan ta’ ristrutturar, pjan ta’ stralċ jew prova li s-self ġie mħallas lura kollu, sa mhux aktar tard minn sitt xhur wara l-awtorizzazzjoni tal-għajnuna għas-salvataġġ mill-Kummissjoni. Dan iż-żmien skada fid-19 ta’ Jannar 2008 mingħajr ma l-Kummissjoni rċeviet xi wieħed mid-dokumenti meħtieġa. |
(3) |
B’ittra tas-7 ta’ Mejju 2008, il-Kummissjoni talbet lil Franza tippreżenta d-dokumenti meħtieġa fl-iqsar żmien possibbli u ħabbret li jekk ma tagħmilx dan hija tkun obbligata tiftaħ il-proċedura prevista fl-Artikolu 88(2) tat-Trattat, b’mod konformi mal-punt 27 tal-linji gwida Komunitarji dwar l-għajnuniet mill-Istat għas-salvataġġ u għar-ristrutturar ta’ impriżi f’diffikultà (1). |
(4) |
Peress li Franza kienet naqset milli tibgħat pjan ta’ ristrutturar jew pjan ta’ stralċ jew il-prova li s-self ġie mħallas lura kollu, il-Kummissjoni infurmat lill-awtoritajiet Franċiżi, bl-ittra C(2008) 3540 finali tas-16 ta’ Lulju 2008, bil-ftuħ tal-proċedura ta’ investigazzjoni formali fis-sens tal-Artikolu 88(2) tat-Trattat tal-KE u tar-Regolament (KE) Nru 659/1999 tal-Kunsill (2) dwar l-applikazzjoni tal-għajnuna għas-salvataġġ. |
(5) |
Il-Kummissjoni ħeġġet lil Franza biex tippreżenta l-osservazzjonijiet tagħha, biex tipprovdi l-informazzjoni dwar is-sitwazzjoni attwali tal-kumpanija “Les Volailles du Périgord” u biex tipprovdi pjan ta’ ristrutturar, jew pjan ta’ stralċ jew il-prova li s-self tħallas lura kollu, fi żmien xahar mid-data tal-wasla tal-ittra msemmija qabel. |
(6) |
Intbagħtet nota ta’ tfakkir lill-awtoritajiet Franċiżi fil-5 ta’ Settembru 2008 (AGRI D/21337). |
(7) |
B’e-Mail tat-18 ta’ Settembru 2008, Franza ppreżentat pjan ta’ ristrutturar. B’ittra tal-4 ta’ Diċembru 2008, il-Kummissjoni talbet aktar informazzjoni dwar il-pjan ta’ ristrutturar u l-użu tal-għajnuna għas-salvataġġ. B’e-Mail tat-8 ta’ Diċembru 2008, l-awtoritajiet Franċiżi talbu għal żmien addizzjonali biex jagħtu l-informazzjoni. Dan iż-żmien addizzjonali ngħata mill-Kummissjoni. Franza bagħtet aktar informazzjoni b’e-Mails tat-12 ta’ Frar 2009 u tas-26 ta’ Ġunju 2009. |
II. DESKRIZZJONI (3)
(8) |
Bl-ittra C(2007) 3564 tad-19 ta’ Lulju 2007, il-Kummissjoni awtorizzat għajnuna għas-salvataġġ tal-kumpanija “Les Volailles du Périgord”, li hija impriża attiva fit-tbiċċir tat-tiġieġ u tad-dundjani u li ġiet affettwata mill-kriżi tal-influwenza tat-tjur. |
(9) |
Il-kumpanija, li hija 100 % proprjetà tal-familja Gaye, kienet tħaddem, fl-2006, 236 impjegat, u kien ikollha, fl-aħħar tas-sena finanzjarja 2006/07, fatturat ta’ madwar EUR 43 miljun (4). Il-kumpanija kienet tbigħ il-maġġoranza tal-prodotti tagħha lis-supermarkets fi Franza. 70 % tal-prodotti tagħha kienu jinbigħu bħala qatgħat, il-bqija bħala tjur sħaħ u lesti għat-tisjir. L-esportazzjoni tal-kumpanija kienet marġinali. |
(10) |
“Les Volailles du Périgord” kibret malajr matul l-għaxar snin ta’ bejn l-1990 u l-2000 u kompliet tikber sas-sena finanzjarja 2001/2002. Dan it-tkabbir madankollu kien ikkontrollat ħażin, minħabba, b’mod partikolari, maniġment żgħir wisq u orjentazzjoni kummerċjali lejn il-Hard Discount. Dawn id-dgħjufijiet ħarġu bis-sħiħ fl-okkażjoni tal-bidla fis-sitwazzjoni li wasslet biex il-kumpanija jkollha defiċit strutturali. It-telf aggregat tan-negozju fuq it-tliet snin finanzjarji 2002/2003-2004/2005 kien ta’ EUR 5.3 miljun. Il-maniġment tal-impriża rreaġġixxa billi ħadem fuq il-produttività, b’aktar kontroll fuq in-nefqa tal-pagi u fuq l-użu ta’ persunal estern u bi tnaqqis tas-servizzi u l-ispejjeż esterni. Dawn il-miżuri meħuda ppermettew li jinkiseb riżultat operattiv għall-aħħar semestru tal-2005. B’mod parallel, l-azzjonisti daħħlu EUR 3 miljun f’kontijiet kurrenti biex isaħħu l-likwidità. Il-kriżi tal-influwenza tat-tjur affettwat ħafna l-impriża, li diġà kienet f’qagħda fraġli. Il-fatturat nett naqas b’madwar EUR 5 miljun fis-sena finanzjarja 2005/2006 meta mqabbel mas-sena finanzjarja preċedenti. It-telf fin-negozju kien jammonta għal madwar EUR 168 000. Il-likwidità kompliet tmur għall-agħar minħabba t-telf u ż-żieda tal-istokks ta’ tjur iffriżati. Il-kumpanija rnexxielha tiffinanzja ruħha bl-użu ta’ overdraft mill-bank li ngħata sakemm isir il-ħlas tal-għajnuna għas-salvataġġ (fil-każ li din l-għajnuna ma titħallasx, dan kien isir dovut u kien iwassal għad-dikjarazzjoni tal-waqfien tal-pagamenti u l-istralċ volontarju tal-kumpanija). |
(11) |
Il-ħtieġa ta’ likwidità tal-kumpanija għat-tieni semestru tal-2007 kienet laħqet madwar EUR 1.2 miljun f’Lulju u kellha, skont it-tbassir, tonqos ftit matul it-tieni nofs tas-sena 2007. |
(12) |
L-għajnuna għas-salvataġġ ta’ miljun euro ingħatat, fil-forma ta’ self rimborsabbli, għal żmien ta’ sitt xhur u kellha titħallas, parti minnha, mill-Istat (EUR 850 000) u, parti oħra, mill-Kunsill Reġjonali tal-Aquitaine (EUR 150 000). Din ingħatat fuq il-bażi taċ-ċirkulari tal-Ministru tal-agrikoltura u tas-sajd DPEI/SDEPA/C2006-4019 tal-15 ta’ Marzu 2006. |
(13) |
L-awtoritajiet Franċiżi kienu kkonfermaw li r-rata ta’ imgħax applikata kellha tkun ir-rata ta’ referenza tal-Kummissjoni li tapplika għaż-żmien tal-għoti tas-self. |
(14) |
Fl-ittra tagħha C(2008) 3540 finali tas-16 ta’ Lulju 2008, li tiftaħ il-proċedura ta’ investigazzjoni formali dwar l-applikazzjoni ta’ din l-għajnuna għas-salvataġġ, il-Kummissjoni nnotat li kien probabbli li l-għajnuna kienet estiża b’mod illegali sa aktar miż-żmien ta’ skadenza ta’ sitt xhur u esprimiet id-dubji tagħha dwar il-kompatibbiltà tal-miżura inkwistjoni mas-suq komuni. |
III. OSSERVAZZJONIJIET IPPREŻENTATI MINN PARTIJIET TERZI
(15) |
L-ebda parti terza ma ppreżentat osservazzjonijiet fil-qafas tal-proċedura ta’ investigazzjoni formali. |
IV. OSSERVAZZJONIJIET IPPREŻENTATI MINN FRANZA
(16) |
Bl-e-Mail tat-18 ta’ Settembru 2008 Franza ppreżentat l-osservazzjonijiet tagħha dwar id-deċiżjoni tal-Kummissjoni li tiftaħ il-proċedura prevista fl-Artikolu 88(2), tat-Trattat kontra l-applikazzjoni tal-għajnuna għas-salvataġġ tal-kumpanija “Les Volailles du Périgord”. Hija ppreżentat pjan tar-ristrutturar tal-kumpanija kif ukoll talba għall-bidla tal-għajnuna għas-salvataġġ f’għajnuna għar-ristrutturar. Intbagħtet aktar informazzjoni bl-e-Mail tat-12 ta’ Frar 2009. |
(17) |
Skont l-informazzjoni pprovduta, fl-2006/07 il-kumpanija “Les Volailles du Périgord” kienet baqgħet f’qagħda diffiċli minħabba li l-orjentazzjoni tagħha kienet għadha wisq lejn il-hard discount, in-nuqqas ta’ prodotti mqattgħin u pproċessati, l-għodda għas-saturazzjoni u l-maniġment fuq skala żgħira. |
(18) |
Skont l-awtoritajiet Franċiżi, l-ammont ta’ EUR 150 000 tal-għajnuna għas-salvataġġ tħallas fid-9 ta’ Awwissu 2007 u l-bilanċ ta’ EUR 850 000 fil-11 ta’ Settembru 2007. Il-pjan tar-ristrutturar ġie stabbilit mill-kumpanija matul is-sena finanzjarja 2007/08 u ġie implimentat minn Jannar 2008 (miżuri stabbiliti fl-ewwel semestru 2008: ħatra ta’ direttur ġenerali ġdid; waqfien ta’ ċerti attivitajiet ta’ defiċit; talba għal stima għat-twettiq tal-investimenti meħtieġa għall-orjentazzjoni mill-ġdid tal-kumpanija; titjib tas-sistema informatika). |
Sitwazzjoni attwali tal-kumpanija
(19) |
Skont l-informazzjoni pprovduta, fl-aħħar tas-sena finanzjarja 2007/08 il-kumpanija kellha fondi proprji negattivi ta’ madwar EUR 2,5 miljun. Sat-30 ta’ Ġunju 2007 ir-riżultati kienu qed juru defiċit u l-bilanċ ittrasferit kien negattiv b’madwar EUR 4,7 miljun. |
(20) |
Il-kumpanija kisbet l-ewwel riżultat pożittiv ta’ madwar EUR 525 000 wara s-sena finanzjarja 2007/08 (irreġistrat fit-30/06/2008). Barra minn hekk, il-kumpanija diġà wriet kapaċità ta’ awtofinanzjament ta’ aktar minn miljun euro. Skont l-awtoritajiet Franċiżi, dan kien possibbli minħabba miżuri ta’ ristrutturar li kienu diġà stabbiliti fl-ewwel semestru tal-2008. |
(21) |
Skont l-awtoritajiet Franċiżi, fin-nuqqas tal-għajnuna, l-impriża ma tkunx tista’ twettaq il-pjan tar-ristrutturar tagħha u ma tkunx tista’ terġa’ ssir vijabbli. Mingħajr għajnuna, ma tkunx tista’ terġa’ ssib struttura finanzjarja b’saħħitha li tippermettiha tiffinanzja l-attività tagħha waħedha. |
Pjan tar-ristrutturar
(22) |
Il-pjan tar-ristrutturar ikopri perjodu ta’ tliet snin finanzjarji, li huma mill-2007/08 sal-2009/10. |
Is-suq
(23) |
Il-kumpanija “Les Volailles du Périgord” hija attiva fit-tbiċċir tat-tiġieġ u tad-dundjani. Fl-2006/07 kienet tbigħ 70 % tal-prodotti tagħha bħala qatgħat, u l-bqija bħala tjur sħaħ u lesti għat-tisjir. Kienet tagħmel 44 % tal-fatturat tagħha (F) mis-supermarkets, 32 % mill-Hard Discount, 14 % mil-laħam u l-laħam imħejji b’mod tradizzjonali u 10 % mit-take aways. Skont l-informazzjoni pprovduta, l-iskjerament ġeografiku kummerċjali tal-kumpanija huwa nazzjonali. Skont l-istess informazzjoni hija għandha parti mis-suq Franċiż ta’ madwar 1 %. |
(24) |
Bl-e-Mail tat-12 ta’ Frar 2009 l-awtoritajiet Franċiżi ssottomettew, fl-Anness tal-pjan tar-ristrutturar tal-kumpanija, studju tas-suq imsejjaħ “L-Industrija u l-Kummerċ tat-Tjur”, imwettaq mill-kumpanija “Xerfi” f’Lulju 2008 (5). |
(25) |
Skont dan l-istudju, il-produzzjoni tal-laħam tat-tjur hija parti kbira tal-industrija tal-laħam fi Franza. Is-settur tat-tjur huwa relattivament ikkonċentrat: l-impriżi ta’ aktar minn 500 impjegat jiġġeneraw aktar min-nofs il-F tas-settur. Fl-ewwel post fis-suq Franċiż jinsab il-grupp LDC li għandu, b’F konsolidat ta’ madwar EUR 1,8 biljun, sehem fis-suq ta’ 25,5 %. Wara l-LDC hemm il-grupp GASTRONOME b’sehem fis-suq ta’ 14 % u l-grupp ARRIVE b’sehem fis-suq ta’ 9 %. |
(26) |
Skont l-informazzjoni pprovduta, fl-2007 is-suq tat-tjur innormalizza ruħu wara li għadda mit-tfixkil kbir ikkawżat mill-kriżi tal-influwenza tat-tjur fl-2006. Is-sena 2007 madankollu kienet ukoll immarkata minn żieda fil-prezz tal-materji primi agrikoli li għolliet l-prezz tal-għalf għat-tjur u, għalhekk, l-ispiża tal-produzzjoni. Fi ħdan is-suq tal-laħam, it-tjur għalhekk kienu l-ispeċi li l-prezz tal-bejgħ tagħhom għall-konsum żdied l-aktar fl-2007. |
(27) |
Skont l-awtoritajiet Franċiżi, il-kapaċitajiet ta’ produzzjoni fuq skala Komunitarja kienu qegħdin jiżdiedu għal bosta snin, u dan iwassal għal żieda fit-tbiċċir. Huwa previst li fi żmien medju t-tbiċċir tat-tjur jonqos bi ftit aktar minn 2 % minħabba n-nuqqas fil-konsum fil-kuntest tal-kriżi attwali. Il-prezzijiet iżda għandhom jiżdiedu fl-istess żmien. |
Ċirkostanzi li wasslu għad-diffikultajiet tal-impriża
(28) |
Skont l-awtoritajiet Franċiżi l-fatturi ewlenin li ġabu l-kumpanija f’sitwazzjoni ta’ diffikultà kienu l-influwenza tat-tjur, strateġija kummerċjali orjentata lejn swieq bi ftit qligħ kif ukoll il-kuntest ekonomiku (ara l-premessa 10) (6). |
Strateġija futura proposta
(29) |
Il-pjan tar-ristrutturar ta’ “Les Volailles du Périgord” jipprevedi modifika tal-istrateġija kummerċjali tal-kumpanija. Il-prodotti li ma jagħmlux ħafna qligħ bil-bejgħ (il-prezz bażiku l-aktar baxx) imwettqa bix-xiri tal-kummerċ, bħal pereżempju tiġieġ jew fargħun, għandhom jitnaqqsu ħafna biex iħallu post għall-prodotti b’valur miżjud aktar għoli u/jew ta’ kwalità aktar għolja. Dawn il-prodotti, li l-ispejjeż ta’ produzzjoni tagħhom huma totalment ikkontrollati upstream, jiġifieri fit-trobbija, għandhom jinqatlu u jiġu pproċessati mill-kumpanija. |
(30) |
Għalhekk, it-tjur tal-Label Rouge u tal-Bio għandhom jiġu żviluppati u kkumerċjalizzati f’imballaġġ innovattiv u li jagħti aktar valur miżjud (f’atmosfera) jew ikkummerċjalizzati fi swieq tax-xiwi tal-laħam li għalihom il-marġnijiet huma akbar. |
(31) |
Il-prodotti tal-“prezz l-aktar baxx” li huma meħtieġa fis-supermarkets f’prodotti addizzjonali ta’ kwalità għolja għandhom ikunu miżjuda bi prodotti b’valur miżjud aktar għoli (koxox, kebabs, prodotti mħawra). Barra minn hekk, il-kumpanija għandha żżomm parti kbira tal-bejgħ tagħha taħt il-marka tagħha “Le Croquant”. |
Miżuri tar-ristrutturar
(32) |
Il-pjan tar-ristrutturar ta’ “Les Volailles du Périgord” jipprevedi t-titjib tal-produzzjoni permezz ta’ investimenti fl-għodda u permezz tal-organizzazzjoni mill-ġdid tal-attività kif ukoll organizzazzjoni mill-ġdid tal-kumpanija. |
(33) |
Somma ta’ aktar minn EUR 4 miljun hija prevista biex tiġi mmodernizzata l-għodda tal-kumpanija. Xi investimenti ser jikkonċernaw il-bini (estensjoni tal-pjattaforma ta’ riċezzjoni tat-tjur), il-materjal ta’ produzzjoni (pjattaforma Maxiload tiġieġ u dundjani, moduli Maxiload, trakkijiet, linja ta’ kalibratura tal-ajru, imballaġġ f’atmosfera modifikata) u s-sistema ta’ informazzjoni (soluzzjoni SAP, tiġdid tal-infrastruttura informatika). |
(34) |
Skont l-informazzjoni pprovduta, il-moduli Maxiload sejrin jippermettu tagħbija aktar rapida u aktar faċli tat-tjur ħajjin fi trobbija u mbagħad fit-trakkijiet, rata ta’ tagħbija aħjar tal-vetturi u fl-aħħar nett it-tneħħija tat-tagħbija b’mod aktar faċli fil-post tat-tbiċċir. L-investimenti fuq il-pjattaforma fejn jaslu t-tjur sejrin jippermettu li x-xogħol isir inqas iebes u jitnaqqsu l-ispejjeż tal-ġbir. Ix-xiri ta’ għodda ta’ kalibrazzjoni għandu wkoll itejjeb il-kwalità tal-produzzjoni bi tjur magħżulin aħjar, iħaffef l-ipproċessar u l-imballaġġ tal-prodotti u jnaqqas in-numru ta’ persunal fil-post ta’ għażla. Barra minn hekk, dan l-investiment ser ikun meħtieġ għall-iżvilupp tas-swieq tax-xiwi li jeżiġu tiġieġ ikkalibrati. Ix-xiri tal-magna tal-imballaġġ f’atmosfera modifikata huwa indispensabbli biex jiġi sodisfatt is-suq tas-supermarkets, li huwa s-suq ewlieni tal-kumpanija. |
(35) |
Skont l-informazzjoni pprovduta, il-kumpanija m’għandhiex sistema ta’ informazzjoni integrata s’issa. L-investimenti fl-infrastruttura informatika u soluzzjoni SAP jippermettu li jsir titjib konsiderevoli fil-ġestjoni tal-impriża, mill-analiżi tal-qligħ ta’ kull segment prodott/suq sat-tbassir tal-iżvilupp tas-swieq tagħha. |
(36) |
Illum il-kumpanija għandha 205 impjegati, li 55 minnhom għandhom kuntratt għal żmien definit u 150 kuntratt għal żmien indefinit. Wara t-twettiq tal-investimenti previsti ser ikun hemm tnaqqis ta’ 9 persuni mill-persunal, jiġifieri ffrankar definittiv ġenerali ta’ aktar minn EUR 430 000. Barra minn hekk, bit-tnaqqis tal-bejgħ tagħha lejn il-Hard Discount, l-impriża ser tnaqqas il-persunal tagħha b’madwar 30 persuna permezz ta’ waqfien ta’ 55 % tal-kuntratti tagħha għal żmien definit. Dan ser jippermetti, skont l-informazzjoni pprovduta, li jiġu ffrankati aktar minn miljun euro. L-ispiża tas-sensji hija stmata għal madwar EUR 170 000. Direttur ġenerali ġdid tal-kumpanija diġà nħatar fl-ewwel semestru tal-2008. Barra minn hekk, il-pjan tar-ristrutturar jipprevedi li jiġi impjegat kontrollur tal-ġestjoni u persuna fuq bejgħ u marketing, biex imexxu l-orjentazzjonijiet ġodda meħuda mill-kumpanija. |
(37) |
Il-kumpanija bdiet twettaq il-miżuri tar-ristrutturar mill-ewwel semestru tal-2008 (ara l-premessa 18). Il-maġġoranza tal-investimenti ser titwettaq matul is-sena finanzjarja 2008/09. Il-proġett ta’ skjerament kummerċjali mill-ġdid, li beda fl-2008, ser jitkompla matul is-snin finanzjarji 2008/09 kif ukoll 2009/10. |
Pjan finanzjarju tar-ristrutturar
(38) |
Skont l-informazzjoni pprovduta, il-pjan finanzjarju tar-ristrutturar ser ikun dan li ġej: Volailles du Périgord - Pjan finanzjarju tar-ristrutturar
|
(39) |
Il-kiri, li bih sejra tiġi ffinanzjata l-parti l-kbira tal-investimenti, ser isir fuq kuntratt ta’ perijodu minn 4 sa 5 snin. L-awtoritajiet Franċiżi ppreżentaw lill-Kummissjoni l-proposta ta’ kuntratt ta’ finanzjament mill-kumpanija ETICA, tal-grupp Crédit Agricole Leasing. |
(40) |
Mill-kontribuzzjoni totali ta’ EUR 900 000 tal-azzjonisti, EUR 850 000 ser jiddaħħlu f’kontijiet kurrenti u sejrin iservu għar-ristrutturar finanzjarju tal-ħtiġijiet tal-finanzjament tal-kapital. Skont l-informazzjoni pprovduta, dan ir-ristrutturar finanzjarju ser jippermetti lill-kumpanija jerġa’ jkollha struttura finanzjarja b’saħħitha u, għalhekk, li terġa’ ssib il-kapaċità li tiffinanzja ruħha permezz tal-użu tas-sorsi tas-suq. |
Il-pjan tan-negozju
(41) |
Bl-e-Mail tat-18 ta’ Settembru 2008 l-awtoritajiet Franċiżi ppreżentaw pjan tan-negozju għall-perijodu sal-aħħar tas-sena finanzjarja 2009/10. Dan il-pjan tan-negozju li, skont l-informazzjoni pprovduta, juri ipoteżi medjana għal “Les Volailles du Périgord”, diġà jinkludi r-riżultati miksuba b’mod effettiv fis-snin finanzjarji 2006/07 kif ukoll 2007/08. Bl-e-Mail tat-12 ta’ Frar 2009 l-awtoritajiet Franċiżi ppreżentaw ukoll pjanijiet tan-negozju għal xenarji ottimisti u pessimisti tal-kumpanija. |
(42) |
Il-pjan tan-negozju medjan huwa bbażat fuq l-iżvilupp li ġej tal-F u tal-medda ta’ prodotti: Volailles du Périgord - Żvilupp tal-Fatturat u tal-volumi għal kull grupp ta’ klijenti
|
(43) |
Il-pjan tar-ristrutturar jimmira għat-titjib tal-valorizzazzjoni tal-produzzjoni tal-“Volailles du Périgord” permezz ta’ ċentralizzazzjoni mill-ġdid fuq l-attivitajiet li jagħmlu jrendu l-aktar. Bħala total, il-kumpanija sejra tnaqqas l-attività tagħha f’volumi ta’ 23 % fil-perijodu ta’ ristrutturar (2006/07-2009/10). It-tnaqqis ser isir fil-hard discount (– 60 %) kif ukoll fil-ħwienet tal-laħam (– 45 %). Iżda, il-bejgħ f’volumi sejrin jiżdiedu b’1 % fis-supermarkets kif ukoll b’31 % fil-ħwienet tax-xiwi speċjalizzati u fit-take aways (li huwa, skont l-informazzjoni pprovduta, ċirkwit fejn il-previżjonijiet f’termini ta’ żvilupp tad-domanda huma tajbin). |
(44) |
Minkejja dan it-tnaqqis ġenerali konsiderevoli tal-volumi, il-F ser jonqos b’8 % biss matul l-istess perijodu. Skont l-awtoritajiet Franċiżi, wara l-perijodu tar-ristrutturar il-kumpanija ser ikollha sehem fis-suq (nazzjonali Franċiż) ta’ 0.8 %. |
(45) |
Iċ-ċifri ewlenin tal-pjan tan-negozju medjan jistgħu jiġu miġbura fil-qosor kif ġej: Volailles du Périgord - ċifri ewlenin tal-pjan tan-negozju
|
(46) |
Il-pjan tan-negozju medjan jipprevedi, flimkien mat-titjib tal-valorizzazzjoni tal-prodott, tnaqqis tal-ispejjeż esterni (l-inqas użu tas-servizz intermedjarju; tnaqqis fl-ispejjeż għall-enerġija) u tal-ispejjeż tal-persunal (tnaqqis tan-numru tal-persunal). Għalekk huwa previst li r-riżultat ser jitjieb b’mod ċar matul il-perijodu tar-ristrutturar, biex jilħaq madwar 1.7 % (fuq il-bażi tar-riżultat kontabbli) fl-2009/10. Il-kapaċità ta’ awtofinanzjament annwali għandha tilħaq livell ta’ madwar EUR 1.2 miljun fl-2009/10 u huwa previst li l-fond tal-kapital jista’ jitjieb b’madwar EUR 3.4 miljun matul il-perijodu ta’ ristrutturar. |
(47) |
Il-pjan tan-negozju medjan jipprevedi titjib konsiderevoli fl-istruttura finanzjarja tal-kumpanija. Il-fondi proprji ser jerġgħu jiġu pożittivi mis-sena finanzjarja 2008/09 (7). Minkejja żieda fid-djun fuq żmien twil u medju fl-2008/09 (kiri li bih ser tiġi ffinanzjata l-parti l-kbira tal-invetimenti previsti), il-kapaċità ta’ ħlas lura (kif inhi definita fil-punt 0) sejra tilħaq biss 2.48 fl-aħħar tal-perjodu tar-ristrutturar. Il-likwidità għandha ssir pożittiva wkoll mis-sena finanzjarja 2008/09. |
(48) |
Skont l-awtoritajiet Franċiżi, dan l-iżvilupp huwa kkonfermat bir-riżultati pożittivi li nkisbu b’mod effettiv fis-sena finanzjarja 2007/08 (ara l-premessa 20). |
(49) |
Ix-xenarji ottimisti u pessimisti għall-iżvilupp ta’ “Les Volailles du Périgord”, ippreżentati wkoll mill-awtoritajiet Franċiżi (ara l-premessa 41), huma bbażati fuq l-ipoteżijiet li ġejjin: |
(50) |
Ipoteżi ottimista: tunnellati ekwivalenti għal dawk previsti fl-ipoteżi medjana, bi ftit titjib fl-iżvilupp tal-volumi fit-take aways u prezz medju apparenti ta’ EUR 3,56 meta mqabbel ma’ EUR 3,53 fl-ipoteżi medjana. Ipoteżi pessimista: tunnellati li qegħdin jonqsu fis-supermarkets fl-2009/10 kontra għal dak li huwa previst fix-xenarju medjan; tunnellati wieqfa fit-take aways bi żvilupp ta’ dan is-suq insuffiċjenti; prezz medju apparenti ta’ EUR 3,48 meta mqabbel ma’ EUR 3,53 fl-ipoteżi medjana. |
(51) |
Ix-xenarju ottimist jipprevedi titjib ċar tal-qligħ fil-perijodu. Ir-riżultat jidher li jiżdied b’EUR 1,3 miljun meta mqabbel mal-ipoteżi medjana. F’termini ta’ sitwazzjoni finanzjarja, din ser twassal għal rikostituzzjoni tal-fond tal-kapital li jiġi bbilanċjat. Ix-xenarju pessimist iwassal għal tnaqqis tal-qligħ b’riżultati ta’ miljun euro inqas meta mqabbla mal-ipoteżi medjana. F’termini ta’ sitwazzjoni finanzjarja, din sejra twassal għal nuqqas ta’ rikostituzzjoni tal-likwidità, li titjieb matul il-perijodu iżda tibqa’ negattiva fl-2009/10. |
Affarijiet oħra
(52) |
Skont l-informazzjoni pprovduta mill-awtoritajiet Franċiżi, mhuwiex previst li l-kumpanija “Les Volailles du Périgord” tirċievi għajnuniet oħra qabel it-tmiem tal-perijodu tar-ristrutturar tagħha. |
V. EVALWAZZJONI
(53) |
Il-kumpanija “Les Volailles du Périgord” hija attiva fit-tbiċċir tal-tiġieġ u tad-dundjani. Il-Kummissjoni tinnota li l-Artikoli 92, 93 u 94 tat-Trattat (li saru l-Artikoli 87, 88 u 89) japplikaw għall-produzzjoni tal-laħam tat-tjur, skont l-Artikolu 19 tar-Regolament (KEE) Nru 2777/75 tal-Kunsill tad-29 ta’ Ottubru 1975 dwar l-organizzazzjoni komuni fis-suq tal-laħam tat-tjur (8), li kien japplika fil-mument tal-għoti tal-għajnuna (9). |
1. Preżenza ta’ għajnuna fis-sens tal-Artikolu 87(1) tat-Trattat
(54) |
Skont l-Artikolu 87(1) tat-Trattat, l-għajnuniet mogħtija mill-Istati jew permezz tar-riżorsi tal-Istat ta’ kwalunkwe forma li twassal għal distorsjoni jew theddida ta’ distorsjoni għall-kompetizzjoni billi tiffavorixxi ċerti impriżi jew ċerti produzzjonijiet, mhumiex kumpatibbli mas-suq komuni, minħabba li jaffettwaw il-kummerċ bejn l-Istati Membri. |
(55) |
L-għajnuna hija mogħtija mill-Istat u mill-Kunsill Reġjonali tal-Aquitaine (ara l-premessi 12 u 18) u tiffavorixxi impriża partikolari. Skont ġurisprudenza kostanti huwa meqjus li l-kummerċ huwa affettwat meta l-impriża benefiċjarja teżerċita attività ekonomika u ssib ruħha f’kompetizzjoni mal-prodotti li ġejjin minn Stati Membri oħrajn (10). Is-sempliċi fatt li l-kompetittività ta’ impriża tiġi msaħħa meta mqabbla ma’ impriżi kompetituri billi tikseb vantaġġ ekonomiku li kieku ma kinitx tirċievi fl-eżerċizzju normali tal-attività tagħha, jindika li hemm riskju ta’ distorsjoni tal-kompetizzjoni (11). “Les Volailles du Périgord” topera f’settur fejn hemm kummerċ bejn l-Istati Membri (12). Kif il-Kummissjoni nnotat diġà fl-ittra tagħha C(2007) 3564 tad-19 ta’ Lulju 2007, l-għajnuna mogħtija għalhekk tista taffettwa l-kompetizzjoni u l-kummerċ bejn l-Istati Membri u għalhekk tikkostitwixxi għajnuna mill-Istat fis-sens tal-Artikoli 87(1) tat-Trattat. |
2. Kompatibbiltà mas-suq komuni skont l-Artikolu 87(3)(c) tat-Trattat
(56) |
L-Artikolu 87(3)(c) tat-Trattat jipprevedi madankollu li jistgħu jitqiesu bħala kumpatibbli mas-suq komuni l-għajnuniet intenzjonati biex jiffaċilitaw l-iżvilupp ta’ ċerti attivitajiet jew ta’ ċerti reġjunijiet ekonomiċi meta ma jbiddlux il-kundizzjonijiet tal-kummerċ b’mod li jmur kontra l-interess komuni. |
(57) |
Sabiex din id-deroga tkun applikabbli, id-dispożizzjonijiet rilevanti li jirregolaw l-għoti tal-għajnuniet għandhom jiġu ssodisfati. |
Għajnuna għas-salvataġġ
(58) |
Il-Kummissjoni eżaminat l-għajnuna għas-salvataġġ tal-kumpanija “Les Volailles du Périgord”, fid-dawl tal-linji gwida li kienu japplikaw fid-data tan-notifika, jiġifieri l-linji gwida tal-Komunità dwar l-għajnuniet mill-Istat fis-settur agrikolu (13) u l-linji gwida Komunitarji dwar l-għajnuniet mill-Istat għas-salvataġġ u għar-ristrutturar ta’ impriżi f’diffikultà (14) (“linji gwida”). |
(59) |
Bl-ittra tad-19 ta’ Lulju 2007 C(2007) 3564 hija ddeċidiet li tikkunsidra l-għajnuna bħala kumpatibbli mas-suq komuni b’applikazzjoni tal-Artikolu 87(3)(c) tat-Trattat. |
(60) |
Skont il-punt 25(a) tal-linji gwida, l-għajnuniet għas-salvataġġ għandhom jikkonsistu f’għajnuniet ta’ likwidità fil-forma ta’ garanziji ta’ krediti jew ta’ krediti, li jkunu sottomessi għal rata mill-inqas komparabbli mar-rati osservati għas-self lil impriżi b’saħħithom, u b’mod partikolari mar-rati ta’ referenza adottati mill-Kummissjoni. Kwalunkwe self għandu jiġi mħallas lura u kwalunkwe garanzija għandha tintemm fi żmien mhux aktar minn sitt xhur minn meta titħallas l-ewwel parti lill-impriża. |
(61) |
L-għajnuna approvata għandha tieħu l-forma ta’ self rimborsabbli li jkun sottomess għal rata ta’ imgħax annwali ugwali għar-rata ta’ referenza tal-Kummissjoni li tapplika fil-mument meta jingħata s-self (4,62 % mill-1 ta’ Lulju 2007). |
(62) |
L-awtoritajiet Franċiżi indikaw li s-self ser jiġi mħallas lura fi żmien sitt xhur mill-ewwel ħlas tas-somom mislufa lill-impriża. B’mod konformi mad-dispożizzjonijiet tal-punt 25(c) tal-linji gwida, huma impenjaw ruħhom li jissottomettu lill-Kummissjoni pjan ta’ ristrutturar, pjan ta’ stralċ jew il-prova li s-self tħallas lura kollu, sa mhux aktar tard minn sitt xhur wara l-awtorizzazzjoni tal-għajnuna għas-salvataġġ mill-Kummissjoni. |
(63) |
Peress li Franza naqqset milli tippreżenta d-dokumenti meħtieġa, il-Kummissjoni, bl-ittra C(2008) 3540 finali tas-16 ta’ Lulju 2008, fetħet il-proċedura ta’ investigazzjoni formali fis-sens tal-Artikolu 88(2) tat-Trattat u tar-Regolament (KE) Nru 659/1999 dwar l-applikazzjoni tal-għajnuna għas-salvataġġ. F’din l-ittra l-Kummissjoni nnotat li kien probabbli li l-għajnuna għas-salvataġġ kienet ġiet estiża illegalment għal aktar minn 6 xhur, u esprimiet id-dubji tagħha dwar il-kompatibbiltà tal-miżura inkwistjoni mas-suq komuni. |
(64) |
Bl-e-Mail tat-18 ta’ Settembru 2008, Franza ppreżentat pjan tar-ristrutturar. Intbagħtet aktar informazzjoni bl-e-Mail tat-12 ta’ Frar 2009. L-awtoritajiet Franċiżi enfasizzaw li għalkemm il-kumpanija “Les Volailles du Périgord” damet biex tapplika għal għajnuna għar-ristrutturar, il-pjan tar-ristrutturar ġie implimentat minn Jannar 2008 (ara l-premessa 22). Il-Kummissjoni esprimiet dispjaċir li Franza ma rrispettatx l-impenn tagħha li tissottometti d-dokumenti meħtieġa fi żmien sitt xhur. |
(65) |
Skont il-punt 29 tal-linji gwida, l-awtorizzazzjoni ta’ għajnuna għas-salvataġġ ma timplikax neċessarjament li l-għajnuniet li jirrigwardjaw pjan tar-ristrutturar ikunu awtorizzati minħabba f’hekk, peress li dawn għandhom jiġu eżaminati fuq il-merti tagħhom. |
(66) |
Għalhekk għandu jiġi eżaminat jekk l-għajnuna għar-ristrutturar tal-kumpanija “Les Volailles du Périgord”, fil-forma ta’ bidla tal-għajnuna għas-salvataġġ ta’ EUR 1miljun, hijiex kumpatibbli mas-suq komuni. |
Għajnuna għar-ristrutturar
(67) |
Il-pjan tar-ristrutturar ta’ “Les Volailles du Périgord”, għall-finanzjament parzjali li għalih din l-għajnuna qiegħda tiġi mitluba, ġie applikat minn Jannar 2008. F’dan il-mument, il-linji gwida tal-Komunità rigward l-għajnuniet mill-Istat fis-settur agrikolu u tal-foresti 2007 sa 2013 (15) kienu japplikaw. Dawn il-linji gwida agrikoli jirreferu, fil-punt 145, għal-linji gwida għall-eżaminazzjoni tal-għajnuniet għas-salvataġġ u għar-ristrutturar ta’ impriżi f’diffikultà. |
(68) |
Is-sezzjoni 3.2 tal-linji gwida tisabbilixxi r-regoli għall-għajnuniet għar-ristrutturar. |
Eliġibbiltà tal-impriża
(69) |
Skont il-punt 33 tal-linji gwida, l-impriżi f’diffikultà biss fis-sens tal-punti 9 sa 13 huma eliġibbli għal għajnuna għar-ristrutturar. Is-sezzjoni 2.1 tal-istess linji gwida tistabbilixxi dan il-kunċett. |
(70) |
Il-punt 10 jelenka l-kriterji li għandhom jiġu ssodisfati sabiex kumpanija tiġi meqjusa ex officio bħala waħda f’diffikultà (l-għibien ta’ aktar min-nofs tal-kapital azzjonarju jew tal-fondi proprji jew l-eżistenza ta’ kundizzjonijiet ta’ sottomissjoni għal proċedura kollettiva ta’ insolvenza tad-dritt nazzjonali). Il-punt 11 jipprevedi, madankollu, li anke jekk l-ebda waħda mill-kundizzjonijiet stabbiliti fil-punt 10 ma tiġi sodisfatta, impriża xorta tista’ titqies bħala waħda f’diffikultà, b’mod partikolari jekk ikunu jeżistu l-indikaturi tipiċi ta’ impriża f’sitwazzjoni ta’ diffikultà, bħal pereżempju, telf dejjem jiżdied, żieda fl-istokks jew żieda fid-dejn. |
(71) |
Il-kumpanija “Les Volailles du Périgord”, li għandha defiċit strutturali iżda li qiegħda tirpilja, ġiet affettwata ħafna mill-kriżi tal-influwenza tat-tjur: Il-fatturat nett naqas b’madwar EUR 5 miljun fis-sena finanzjarja 2005/2006 meta mqabbel mas-sena finanzjarja preċedenti u l-likwidità kompliet tonqos minħabba t-telf u ż-żieda tal-istokks ta’ tjur iffriżati. L-overdraft tal-bank, li bih il-kumpanija setgħet tkompli tiffinanzja ruħha fl-ewwel semestru tal-2007, ġie awtorizzat biss sakemm tiġi mħallsa l-għajnuna għas-salvataġġ. Fil-każ li din l-għajnuna ma tingħatax, dan kien isir dobut u kien iwassal għad-dikjarazzjoni tal-waqfien tal-pagamenti u l-istralċ volontarju tal-kumpanija (ara l-premessa 10). Għalhekk il-Kummissjoni nnotat li l-kumpanija setgħet titqies bħala waħda f’diffikultà fis-sens tal-punt 11 tal-linji gwida (16). |
(72) |
Parti mill-għajnuna għas-salvataġġ ta’ miljun euro ġiet imħallsa f’Awwissu 2007 u parti oħra f’Settembru 2007 (ara l-premessa 18). L-ewwel miżuri tar-ristrutturar ittieħdu minn Jannar 2008 (ara l-istess premessa 18). Ir-riżultat ftit pożittiv tas-sena finanzjarja 2007/08 jirrifletti l-miżuri diġà meħuda wara l-ħlas tal-għajnuna għas-salvataġġ (ara l-premessa 20). Il-fondi proprji kif ukoll il-likwidità kienu għadhom negattivi, b’ammont ta’ madwar EUR 2.5 miljun u madwar EUR 1.3 miljun rispettivament, wara din is-sena finanzjarja. Il-pjan tan-negozju medjan jipprevedi li jerġgħu jkunu pożittivi l-fondi proprji kif ukoll il-likwidità, li fl-aħħar tal-perijodu tar-ristrutturar fl-2009/10 sejrin jilħqu livell ta’ madwar EUR 800 000 rispettivament (ara l-premessa 45). Peress li l-pjan tan-negozju jinkludi l-għajnuna għar-ristrutturar ta’ miljun euro, il-Kummissjoni tirrikonoxxi li l-kumpanija mhux ser tkun tista’ tlesti l-pjan tar-ristrutturar tagħha u ma tkunx tista’ terġa’ tibda tagħmel qligħ mingħajr għajnuna. Din is-sitwazzjoni tfixkel lill-kumpanija milli ssib struttura finanzjarja b’saħħitha li tippermettiha tiffinanzja waħedha l-attività tagħha. Il-Kummissjoni tinnota, għalhekk, li fil-bidu tal-perijodu tar-ristrutturar f’Jannar 2008, il-kumpanija “Les Volailles du Périgord” tista’, mingħajr din l-għajnuna (jiġifieri fil-każ li terġa’ titħallas lura l-għajnuna għas-salvataġġ), xorta titqies bħala waħda f’diffikultà fis-sens tal-linji gwida. |
L-irkupru tal-vijabbiltà fuq żmien twil
(73) |
Skont il-punti 34 sa 37 tal-linji gwida, l-għoti tal-għajnuna għandu jkun soġġett għall-implimentazzjoni ta’ pjan tar-ristrutturar li għandu jippermetti l-irkupru fi żmien raġonevoli tal-vijabbiltà fit-tul tal-impriża. Dan it-titjib tal-vijabbiltà għandu jirriżulta l-aktar minn miżuri interni u ma jistax jiġi bbażat fuq fatturi esterni, li l-impriża ma tantx ikollha kontroll fuqhom (varjazzjoni tal-prezzijiet, tad-domanda, eċċ). Il-pjan tar-ristrutturar għandu jqis is-sitwazzjoni attwali u l-iżvilupp li jista’ jiġi previst tal-provvista u tad-domanda. Xenarji li juru ipoteżijiet ottimisti, pessimisti u medjani għandhom jiġu inklużi. Il-pjan tar-ristrutturar għandu jipprevedi tali tibdil fl-impriża li din tkun tista’ tkopri, wara li jitlesta r-ristrutturar, l-ispejjeż kollha tagħha, inklużi l-ispejjeż ta’ diprezzament u l-ispejjeż finanzjarji. Il-qligħ mistenni mill-kapitali proprju tal-impriża ristrutturata għandu jkun biżżejjed biex jippermettilha tiffaċċja l-kompetizzjoni u tiddependi biss fuq il-forzi tagħha stess. Jekk id-diffikultajiet tal-impriża jirriżultaw minn difetti fis-sistema ta’ tmexxija tagħha, dan għandu jkun soġġett għal adattamenti meħtieġa. |
(74) |
L-awtoritajiet Franċiżi ppreżentaw lill-Kummissjoni pjan tar-ristrutturar tal-kumpanija għal tliet snin finanzjarji, li huma mill-2007/08 sal-2009/10. Dan il-pjan tar-ristrutturar ġie implimentat minn Jannar 2008. Huwa bbażat fuq pjan tan-negozju li juri l-ipoteżi medjana u li jinkludi diġà r-riżultati realment miksuba fis-snin finanzjarji 2006/07 kif ukoll 2007/08 (ara l-premessa 41). Il-pjan tar-ristrutturar sar flimkien ma’ studju tas-suq li sar f’Lulju 2008, imwettaq mill-Kumpanija “Xerfi” (ara l-premessa 24). |
(75) |
Il-pjan tar-ristrutturar jimmira għat-titjib tal-valorizzazzjoni tal-produzzjoni permezz ta’ ċentralizzazzjoni mill-ġdid fuq l-attivitajiet li li jrendu l-aktar. Bħala total, il-kumpanija sejra tnaqqas, fl-ipoteżi medjana, l-attività tagħha f’volumi ta’ 23 % u f’F ta’ 8 % fuq il-perijodu tar-ristrutturar (ara l-premessa 43 u 44). Skont l-awtoritajiet Franċiżi, il-pjan tar-ristrutturar ser jippermetti lill-kumpanija terġa’ ssib il-kapaċità tagħha li tiffinanzja ruħha permezz tal-użu tas-sorsi tas-suq. Skont il-pjan tan-negozju medjan, ir-riżultat kontabbli ser jilħaq madwar 1,7 % tal-F f’2009/10. Il-kapaċità ta’ awtofinanzjament annwali għandha tilħaq livell ta’ madwar EUR 1.2 miljun u huwa previst li l-fond tal-kapital jista’ jitjieb b’madwar EUR 3,4 miljun matul l-istess perjodu. L-istruttura finanzjarja tal-kumpanija għandha titjieb b’mod konsiderevoli. Huwa previst li l-fondi prorpji jerġgħu jiġu pożittivi mis-sena finanzjarja 2008/09 u, minkejja żieda tad-debiti fuq żmien twil u medju fl-2008/09 (finanzjament permezz tal-kiri), il-kapaċità ta’ ħlas lura sejra tilħaq biss 2,48 fit-tmiem tal-perijodu tar-ristrutturar. Il-likwidità għandha wkoll issir pożittiva mis-sena finanzjarja 2008/09 (ara l-premessi 46 u 47). |
(76) |
Barra minn hekk, pjanijiet tan-negozju li juru x-xenarji ottimisti u pessimisti ġew ippreżentati lill-Kummissjoni (ara l-premessa 49). Il-pjan tan-negozju bbażat fuq l-ipoteżi ottimista jipprevedi titjib ċar tal-qligħ fil-perijodu. F’termini ta’ sitwazzjoni finanzjarja, jirriżulta rikostituzzjoni tal-fond tal-kapital li jerġa’ jikseb il-bilanċ. Ix-xenarju pessimist iwassal għal tnaqqis tal-qligħ b’riżultati ta’ miljun euro inqas minn dawk tal-ipoteżi medjana. F’termini ta’ sitwazzjoni finanzjarja, jirriżulta nuqqas ta’ rikostituzzjoni tal-likwidità, li titjieb matul il-perijodu iżda tibqa’ negattiva fl-2009/10 (ara l-premessa 51). |
(77) |
Biex titjieb u tissaħħaħ il-ġestjoni tal-kumpanija, diġà nħatar direttur ġenerali fl-ewwel semestru tal-2008. Barra minn hekk, il-pjan tar-ristrutturar jipprevedi li jiġi impjegat kontrollur tal-ġestjoni u persuna fuq bejgħ u marketing, biex imexxu l-orjentazzjonijiet ġodda meħuda mill-kumpanija. |
(78) |
Il-Kummissjoni tinnota li t-tul tal-pjan tar-ristrutturar ta’ tliet snin finanzjarji (2007/08-2009/10) huwa l-iqsar possibbli biex jippermetti lill-kumpanija twettaq l-orjentazzjoni kummerċjali mill-ġdid tagħha, timplimenta l-miżuri tar-ristrutturar previsti u tistabbilizza, wara l-bidla, is-sitwazzjoni ekonomika u finanzjarja tagħha b’mod sostenibbli. |
(79) |
Għalhekk, il-Kummissjoni tikkunsidra li dan il-pjan tar-ristrutturar tal-“Volailles du Périgord” jista’ jerġa’ jistabbilixxi fi żmien raġonevoli l-vijabbiltà fuq żmien twil tal-impriża. |
Prevenzjoni ta’ kwalunkwe distorsjoni eċċessiva tal-kompetizzjoni
(80) |
Skont il-punti 38 sa 42 tal-linji gwida, kwalunkwe distorsjoni eċċessiva tal-kompetizzjoni għandha tiġi evitata. Fit-termini tal-punt 38, għandhom jittieħdu miżuri ta’ kumpens sabiex l-effetti li jisfavorixxu l-kundizzjonijiet tal-kummerċ ikunu mnaqqsa sal-minimu. Skont il-punt 40, il-kontropartijiet għandhom ikunu proporzjonati mal-effetti ta’ distorsjoni kkawżati mill-għajnuna, u b’mod partikolari mad-daqs u mal-piż relattiv tal-impriża fis-suq jew fis-swieq li topera fihom. Dawn għandhom jirrigwardaw, b’mod partikolari, is-suq jew is-swieq fejn l-impriża ser ikollha pożizzjoni importanti wara r-ristrutturar. Il-waqfien tal-attivitajiet b’defiċit li fi kwalunkwe każ ser ikun meħtieġ biex terġa’ tiġi stabbilita l-vijabbiltà mhux ser jiġi kkunsidrat bħala tnaqqis tal-kapaċità jew tal-preżenza fis-suq. |
(81) |
Skont l-informazzjoni pprovduta, l-iskjerament ġeografiku kummerċjali tal-kumpanija “Les Volailles du Périgord” huwa nazzjonali u għandha sehem f’dan is-suq ta’ madwar 1 % (ara l-premessi 23). Għalhekk, wieħed jista’ jikkunsidra li fuq livell Komunitarju s-sehem fis-suq tal-“Volailles du Périgord” għadu inqas sinifikattiv. Il-kumpanija hija, madankollu, obbligata fil-pjan tan-negozju tagħha li tnaqqas l-attività tagħha f’volumi ta’ 23 % u f’F ta’ 8 % (ipoteżi medjana) matul il-perijodu tar-ristrutturar (ara l-premessi 43 u 44). It-tnaqqis ser isir fil-hard discount (– 60 % f’volumi) kif ukoll fil-ħwienet tal-laħam (– 45 % f’volumi). L-awtoritajiet Franċiżi kkonfermaw li l-attivitajiet li ser jitnaqqsu fil-qafas tal-pjan tar-ristrutturar ma kinux attivitajiet b’defiċit. Dawn l-attivitajiet, madankollu, kienu jiġġeneraw marġni medja ċara inqas għolja minn dik li tista’ titwettaq bil-prodotti għas-supermarkets, għall-ħwienet tax-xiwi speċjalizzati u għat-take aways (0,4 EUR/kg vs. 0,6 EUR/kg). |
(82) |
Skont l-awtoritajiet Franċiżi, is-sehem fis-suq tal-kumpanija, minħabba t-tnaqqis tal-attività tagħha, ser jonqos matul il-perijodu tar-ristrutturar sa 0,8 % tas-suq nazzjonali. Meta titqies l-importanza ferm żgħira tal-kumpanija fis-suq Ewropew tat-tiġieġ u tad-dundjani, u l-fatt li t-tnaqqis fil-produzzjoni ma jirriżultax minn ħtieġa li jitwaqqfu l-attivitajiet b’defiċit, il-Kummissjoni nnotat li l-miżuri ta’ kumpens proposti huma adegwati. |
Limitazzjoni tal-għajnuna għall-minimu
(83) |
Skont il-punti 43 sa 45 tal-linji gwida, l-għajnuna għandha tkun limitata għall-minimu meħtieġ. Skont il-punt 43, il-benefiċjarju tal-għajnuna għar-ristrutturar għandu jikkontribwixxi ħafna għall-pjan tar-ristrutturar mir-riżorsi proprji tiegħu, inkluż permezz tal-bejgħ ta’ assi li mhumiex indispensabbli għas-sopravivenza tal-impriża jew permezz ta’ finanzjament estern miksub skont il-kundizzjonijiet tas-suq. Din il-kontribuzzjoni għandha tkun reali, jiġifieri effettiva, b’esklużjoni ta’ kwalunkwe benefiċċju potenzjali, bħal pereżempju il-fluss ta’ flus. Fit-termini tal-punt 44, din il-kontribuzzjoni reali għandha normalment tkun mill-inqas 40 % għall-impriżi ta’ daqs medju. Il-punt 45 jistipola li l-ammont tal-għajnuna għandu jkun ta’ natura li jevita li l-impriża jkollha likwiditajiet eċċessivi u li l-għajnuna m’għandha bl-ebda mod isservi biex tiffinanzja investimenti ġodda li mhumiex indispensabbli għall-irkupru tal-vijabbiltà tal-impriża. |
(84) |
Skont l-informazzjoni pprovduta mill-awtoritajiet Franċiżi, l-ispejjeż tar-ristrutturar ta’ EUR 5 165 150 sejrin jiġu ffinanzjati, minbarra minn din l-għajnuna ta’ miljun euro, sa EUR 3 265 150 mill-kiri u sa EUR 900 000 permezz ta’ kontribuzzjoni mill-azzjonisti (ara l-premessa 38). Is-sehem proporzjonali tal-kontribuzzjoni tal-impriża għall-ispiża totali tar-ristrutturar għalhekk jirrappreżenta madwar 81 %. B’inqas minn 250 impjegat u fatturat ta’ inqas minn EUR 50 miljun, il-kumpanija “Les Volailles du Périgord” taqa’ taħt il-kriterji tal-impriżi ta’ daqs medju, li minnhom hija mitluba kontribuzzjoni reali ta’ mill-inqas 40 % skont il-linji gwida. Il-kontribuzzjoni reali tal-impriża għalhekk hija konformi ma’, u anke taqbeż, ir-rekwiżiti tal-linji gwida. Skont l-awtoritajiet Franċiżi l-kumpanija m’għandhiex likwiditajiet eċċessivi. Huma enfasizzaw li l-likwidità tal-kumpanija kienet għadha negattiva b’madwar EUR 1.5 miljun fit-30 ta’ Ġunju 2008. F’dan il-kuntest il-Kummissjoni tinnota li awtorizzazzjoni ta’ din l-għajnuna mhux ser twassal għal kontribuzzjoni ta’ likwidità supplementari għall-kumpanija, iżda pjuttost ser tikkonsisti f’bidla tal-għajnuna għas-salvataġġ, li kienet diġà mħallsa f’Awwissu u f’Settembru 2007. L-awtoritajiet Franċiżi wrew li l-investimenti previsti (ara l-premessi 33 sa 35) huma indispensabbli għall-irkupru tal-vijabbiltà tal-impriża. Billi kkunsidrat l-elementi esposti hawn fuq, il-Kummissjoni tinnota li din l-għajnuna hija limitata għall-minimu meħtieġ, b’mod konformi mal-punti 43 sa 45 tal-linji gwida. |
Dispożizzjonijiet oħra
(85) |
Skont il-punt 47 tal-linji gwida, l-impriża għandha timplimenta totalment il-pjan tar-ristrutturar. Il-Kummissjoni ser tqis kwalunkwe nuqqas ta’ eżekuzzjoni tal-pjan bħala applikazzjoni abużiva tal-għajnuna mingħajr preġudizzju għall-Artikolu 23 tar-Regolament (KE) Nru 659/1999 u għall-possibbiltà li jittieħdu passi quddiem il-Qorti tal-Ġustizzja, b’mod konformi mat-tieni subparagrafu tal-Artikolu 88(2) tat-Trattat. |
(86) |
Skont il-punt 49 tal-linji gwida, il-Kummissjoni għandha tkun tista’ tiżgura l-implimentazzjoni tajba tal-pjan tar-ristrutturar, permezz ta’ rapporti regolari dettaljati li għandhom jiġu ppreżentati lilha mill-Istat Membru. Skont il-punt 51 tal-linji gwida, il-preżentazzjoni annwali ta’ kopja tal-kont tal-qligħ u t-telf u tal-bilanċ tal-kumpanija mogħtija l-għajnuna normalment tkun biżżejjed għal SMEs. Wara l-awtorizzazzjoni ta’ għajnuna għar-ristrutturar, il-pjan tar-ristrutturar jista’ biss jiġi mmodifikat (matul il-perijodu tar-ristrutturar) jekk il-modifiki jkunu konformi mal-punt 52 tal-linji gwida u jekk ikunu awtorizzati mill-Kummissjoni. L-awtoritajiet Franċiżi impenjaw ruħhom li jirrispettaw dawn il-kundizzjonijiet. |
(87) |
Fit-termini tal-punt 70 tal-linji gwida, kwalunkwe għajnuna oħra mogħtija lill-impriża matul il-perijodu tar-ristrutturar, inklużi l-għajnuniet mogħtija b’mod konformi ma’ skema awtorizzata, għandha tiġi nnotifikata b’mod individwali lill-Kummissjoni. |
(88) |
L-awtoritajiet Franċiżi kkonfermaw li l-kumpanija għadha ma bbenefikatx minn għajnuna għar-ristrutturar fil-passat, u dan huwa konformi mar-regola ta’ “darba waħda għall-aħħar darba”, stabbilita mis-sezzjoni 3.3 tal-linji gwida. |
(89) |
Is-sezzjoni 5 tal-linji gwida tistabbilixxi dispożizzjonijiet speċifiċi li japplikaw għall-għajnuniet għar-ristrutturar fis-settur agrikolu. Dawn id-dispożizzjonijiet madankollu japplikaw biss għall-produzzjoni primarja tal-prodotti agrikoli. Il-kumpanija “Les Volailles du Périgord” hija attiva fit-tbiċċir, it-tqattigħ u l-imballaġġ tat-tjur u għalhekk taqa’ taħt l-ambitu tal-ipproċessar u l-kummerċjalizzazzjoni tal-prodotti agrikoli. Id-dispożizzjonijiet speċifiċi għas-settur agrikolu għalhekk ma japplikawx f’dan il-każ. |
(90) |
Peress li din l-għajnuna ser tingħata b’mod konformi mal-linji gwida Komunitarji dwar l-għajnuniet mill-Istat għas-salvataġġ u għar-ristrutturar ta’ impriżi f’diffikultà u abbażi tal-kunsiderazzjonijiet imsemmijin qabel, il-Kummissjoni tikkonkludi li l-miżura m’għandhiex taffettwa l-kundizzjonijiet tal-kummerċ b’mod li jmur kontra l-interess komuni. Għalhekk hija tista’ tibbenefika mid-deroga prevista fil-Artikolu 87(3)(c) tat-Trattat. |
VI. KONKLUŻJONI
(91) |
Il-Kummissjoni tesprimi dispjaċir li Franza tat l-għajnuna għar-ristrutturar tal-impriża “Les Volailles du Périgord” bi ksur tal-Artikolu 88(3) tat-Trattat. |
(92) |
L-għajnuna mill-Istat mogħtija minn Franza fil-forma ta’ bidla tal-għajnuna għas-salvataġġ tal-kumpanija “Les Volailles du Périgord” f’għajnuna għar-ristrutturar, bi ksur tal-Artikolu 88(3) tat-Trattat, hija madankollu kompatibbli mas-suq komuni, |
ADOTTAT DIN ID-DEĊIŻJONI:
Artikolu 1
L-għajnuna mill-Istat ta’ miljun euro, mogħtija permezz tal-bidla tal-għajnuna għas-salvataġġ tal-kumpanija “Les Volailles du Périgord” f’għajnuna għar-ristrutturar, li Franza tat illegalment bi ksur tal-Artikolu 88(3) tat-Trattat, hija kompatibbli mas-suq komuni.
Artikolu 2
Din id-Deċiżjoni hija indirizzata lir-Repubblika ta’ Franza.
Magħmula fi Brussell, it-13 ta’ Lulju 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU C 244, 1.10.2004, p. 2.
(3) Għal deskrizzjoni fid-dettall tal-għajnuna għas-salvataġġ Nru N 681/16 u tal-kumpanija “Les Volailles du Périgord”, irreferi għall-ittra C(2007) 3564 tad-19 ta’ Lulju 2007 tal-Kummissjoni, li tinsab fuq http://ec.europa.eu/community_law/state_aids/agriculture-2006/n681-06.pdf
(4) B’inqas minn 250 persuna u fatturat annwali li ma jaqbiżx EUR 50 miljun, il-kumpanija tidħol taħt il-kriterji tal-SMEs, skont l-Anness I għar-Regolament tal-Kummissjoni (KE) Nru 800/2008 (ĠU L 214, 9.8.2008, p. 3).
(5) Dan l-istudju jkopri s-suq nazzjonali Franċiż.
(6) Għal analiżi dettaljata tal-fatturi li wasslu għad-diffikultajiet tal-kumpanija rreferi għall-ittra C(2007) 3564 tad-19 ta’ Lulju 2007 tal-Kummissjoni, li tawtorizza l-għajnuna għas-salvataġġ Nru N 681/16.
(*) Take aways
(**) Kapaċità ta’ awtofinanzjament
(***) Djun fuq żmien twil u medju
(****) DŻTM/KAF
(7) L-għajnuna għar-ristrutturar ta’ miljun euro hija inkluża fil-fondi proprji mis-sena finanzjarja 2008/09.
(8) ĠU L 282, 1.11.1975, p. 77.
(9) Dan ir-Regolament ġie rrevokat mill-1 ta’ Lulju 2008 mir-Regolament (KE) Nru 1234/2007 tal-Kunsill, (ĠU L 299, 16.11.2007, p. 1). L-Artikolu 180 tar-Regolament (KE) Nru 1234/2007 jiddikjara l-Artikoli 87, 88 u 89 tat-Trattat applikabbli għall-produzzjoni u għall-kummerċ tal-laħam tat-tjur.
(10) Ara b’mod partikolari s-sentenza tal-Qorti tal-Ġustizzja tat-13 ta’ Lulju 1988, Kawża 102/87, Ir-Repubblika Franċiża vs Il-Kummissjoni tal-Komunitajiet Ewropej, Ġabra 1988, p. 4067.
(11) Sentenza tal-Qorti tal-Ġustizzja tas-17 ta’ Settembru 1980, Kawża 730/79, Philip Morris Holland BV vs Il-Kummissjoni tal-Komunitajiet Ewropej, Ġabra 1980, p. 2671.
(12) Fl-2005, madwar 2.9 miljuni ta’ tunnellati ta’ laħam tat-tjur kienu soġġetti għal kummerċ intrakomunitarju. (Sors: Eurostat).
(14) Ara in-nota 1 ta’ qiegħ il-paġna.
(15) ĠU C 319, 27.12.2006, p. 1
(16) Ara l-paragrafu 29 tal-ittra tal-Kummissjoni C(2007) 3564 tad-19 ta’ Lulju 2007, li tawtorizza l-għajnuna għas-salvataġġ tal-kumpanija “Les Volailles du Périgord”.