16.1.2010   

MT

Il-Ġurnal Uffiċjali tal-Unjoni Ewropea

L 11/1

16.1.2010   

MT

Il-Ġurnal Uffiċjali tal-Unjoni Ewropea

L 11/3

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet tan-NM 1001 10 00, 1001 90 91, ex 1001 90 99 (qamħ durum ta' kwalità għolja), 1002, ex 1005 minbarra ż-żrieragħ ibridi, u ex 1007 minbarra l-ibridu għaż-żrigħ, id-dazju tal-importazzjoni huwa daqs il-prezz tal-intervent li jgħodd għal dawn il-prodotti fil-waqt tal-importazzjoni, biż-żieda ta' 55 % u bit-tnaqqis tal-prezz tal-importazzjoni CIF applikabbli għall-kunsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)

L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju tal-importazzjoni msemmija fil-paragrafu 1 tal-Artikolu msemmi, għall-prodotti kkonċernati kull tant żmien jiġu stabbiliti prezzijiet rappreżentattivi CIF għall-importazzjoni.

(3)

Skont l-Artikolu 2(2) tar-Regolament (KE) Nru 1249/96, il-prezz li għandu jintuża għall-kalkolu tad-dazju tal-importazzjoni tal-prodotti li jaqgħu taħt il-kodiċijiet NM 1001 10 00, 1001 90 91, ex 1001 90 99 (qamħ durum ta' kwalità għolja), 1002 00, 1005 10 90, 1005 90 00 u 1007 00 90, huwa l-prezz rappreżentattiv tal-importazzjoni CIF tal-ġurnata stabbilit skont il-metodu pprovdut fl-Artikolu 4 tar-Regolament imsemmi.

(4)

Jeħtieġ li jiġu stabbiliti d-dazji tal-importazzjoni għall-perjodu mis-16 ta’ Jannar 2010, applikabbli sakemm jidħlu fis-seħħ dazji tal-importazzjoni ġodda,

16.1.2010   

MT

Il-Ġurnal Uffiċjali tal-Unjoni Ewropea

L 11/6

(1)

L-Artikolu 3(1) u (2) tal-Protokoll Nru 1 (3) tal-ftehim Ewro-Mediterranju li jistabbilixxi l-assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika Tuneżina min-naħa l-oħra (4), jistabbilixxi kwota tariffarja b’dazju doganali ta’ żero għall-importazzjoni taż-żejt taż-żebbuġa mhux raffinat li jaqa’ taħt il-kodiċijiet tan-NM 1509 10 10 u 1509 10 90, prodott kollu kemm hu fit-Tuneżija u ttrasportat direttament minn dak il-pajjiż lejn il-Komunità, fil-limiti stipulati għal kull sena.

(2)

L-Artikolu 2(2) tar-Regolament tal-Kummissjoni (KE) Nru 1918/2006 tal-20 ta’ Diċembru 2006 li jiftaħ u jistabbilixxi regoli komuni għall-amministrazzjoni ta’ kwoti tariffarji f’dak li jirrigwarda ż-żejt taż-żebbuġa li joriġina fit-Tuneżija (5) jipprovdi għal limiti kwantitattivi ta’ kull xahar għall-ħruġ tal-liċenzji tal-importazzjoni.

(3)

F’konformità mal-Artikolu 3(1) tar-Regolament (KE) Nru 1918/2006, tressqu applikazzjonijiet għand l-awtoritajiet kompetenti għall-ħruġ tal-liċenzji tal-importazzjoni għal kwantità totali li taqbeż il-limitu pprovdut għax-xahar ta’ Jannar fl-Artikolu 2(2) tar-Regolamernt imsemmi.

(4)

F’dawn iċ-ċirkostanzi, il-Kummissjoni għandha tiffissa koeffiċjent ta’ allokazzjoni li jippermetti l-ħruġ tal-liċenzji tal-importazzjoni pro rata għall-kwantità disponibbli.

(5)

Ġaladarba ntlaħaq il-limitu għax-xahar ta’ Jannar, għax-xahar imsemmi ma tista’ tinħareġ l-ebda liċenzja tal-importazzjoni,

16.1.2010   

MT

Il-Ġurnal Uffiċjali tal-Unjoni Ewropea

L 11/7

(1)

Permezz ta’ ittra li ġġib id-data tal-11 ta’ Settembru 2001, irreġistrata fit-13 ta’ Settembru 2001, ir-Rappreżentanza Permanenti Taljana għall-Unjoni Ewropea għarrfet lill-Kummissjoni, skont l-Artikolu 88(3) tat-Trattat tal-KE, bit-test tal-Artikolu 257 tal-Liġi Reġjonali Nru 10 tal-10 ta’ Mejju 2001, li jemenda l-Artikolu 2 tal-Liġi Reġjonali Nru 52 tal-31 ta’ Ottubru 1994.

(2)

Permezz ta’ ittra li ġġib id-data tad-19 ta’ April 2002, irreġistrata fit-22 ta’ April 2002, ir-Rappreżentanza Permanenti Taljana għall-Unjoni Ewropea bagħtet lill-Kummissjoni t-tagħrif addizzjonali dwar id-dispożizzjonijiet imsemmija hawn fuq li l-Kummissjoni kienet talbet lill-awtoritajiet Taljani jibagħtulha permezz ta’ ittra li ġġib id-data tad-9 ta’ Novembru 2001.

(3)

Wara li eżaminat dan it-tagħrif, il-Kummissjoni talbet lill-awtoritajiet Taljani jibagħtulha iktar tagħrif fi żmien erba’ ġimgħat, permezz ta’ ittra li ġġib id-data tas-17 ta’ Ġunju 2002.

(4)

Minħabba li l-Kummissjoni ma kienet irċeviet l-ebda tweġiba sad-data ta’ skadenza stabbilita fl-ittra li ġġib id-data tas-17 ta’ Ġunju 2002, bagħtet ittra ġdida li ġġib id-data tad-19 ta’ Awwissu 2003, li fiha talbet li tingħata t-tagħrif li kien intalab qabel mill-aktar fis possibbli.

(5)

Permezz ta’ ittra li ġġib id-data tat-23 ta’ Ottubru 2003, irreġistrata fid-29 ta’ Ottubru 2003, ir-Rappreżentanza Permanenti Taljana għall-Unjoni Ewropea bagħtet lill-Kummissjoni t-tagħrif addizzjonali li l-Kummissjoni kienet talbet lill-awtoritajiet Taljani jibagħtulha fl-ittra li ġġib id-data tas-17 ta’ Ġunju 2002.

(6)

Permezz ta’ ittra li ġġib id-data tal-11 ta’ Diċembru 2003, il-Kummissjoni għarrfet lill-Italja bid-deċiżjoni tagħha li tibda l-proċedura li dwarha hemm dispożizzjoni fl-Artikolu 88(2) tat-Trattat tal-KE b’rabta mad-dispożizzjonijiet tal-Artikolu 257 tal-Liġi Reġjonali Nru 10 tal-10 ta’ Mejju 2001 (minn hawn ‘il quddiem imsejħa “il-Liġi Nru 10/01”) u mal-għajnuna mħallsa bejn l-1 ta’ Jannar 1998 u l-20 ta’ Mejju 2001 (id-data li fiha daħlet fis-seħħ il-Liġi Nru 10/01) skont l-iskema tal-għajnuna li kellha tkun iffinanzjata mill-ġdid bl-allokazzjoni tal-baġit li dwarha hemm dispożizzjoni f’dak l-Artikolu (1).

(7)

Id-deċiżjoni tal-Kummissjoni li tibda l-proċedura kienet ippubblikata f’Il-Ġurnal Uffiċjali tal-Unjoni Ewropea  (2). Il-Kummissjoni stiednet lill-partijiet interessati jressqu l-kummenti tagħhom.

(8)

Il-Kummissjoni ma rċeviet l-ebda kummenti mingħand il-partijiet interessati. Madanakollu, l-awtoritajiet Taljani ltaqgħu mal-persunal tal-Kummissjoni sabiex jiċċaraw l-affarijiet b’rabta mal-kummenti li għamlet il-Kummissjoni wara li nbdiet il-proċedura skont l-Artikolu 88(2) tat-Trattat tal-KE.

(9)

Permezz ta’ ittra elettronika li ġġib id-data tat-3 ta’ April 2009, ir-Rappreżentanza Permanenti Taljana għall-Unjoni Ewropea bagħtet ittra tal-awtoritajiet Taljani lill-Kummissjoni li fiha kien hemm taqsira tad-diskussjonijiet li saru matul il-laqgħa msemmija fil-paragrafu ta’ qabel.

(10)

L-Artikolu 257 tal-Liġi Nru 10/01 jipprovdi għal allokazzjoni addizzjonali ta’ ITL 400 miljun (EUR 206 583) bħala sussidju fuq ir-rati tal-imgħax fuq self għal perjodu ta’ 15-il sena maħsub għall-konsolidazzjoni tad-djun il-kbar tal-koperattivi agrikoli, tal-gruppi ta’ dawn il-koperattivi u tal-azjendi agrikoli skont il-Liġi Reġjonali Nru 52 tal-31 ta’ Ottubru 1994 (minn hawn ‘il quddiem imsejħa “il-Liġi Nru 52/94”), kif emendata mil-Liġi Nru 13 tad-29 ta’ April 1996 (minn hawn ‘il quddiem imsejħa “il-Liġi Nru 13/96”). Dan jibdel ukoll l-Artikolu 2 tal-Liġi Nru 52/94 billi jwessa’ l-possibbiltà li wieħed jirċievi l-għajnuna li dwarha hemm dispożizzjoni f’dik il-liġi għad-djun il-kbar li kienu jeżistu fil-31 ta’ Diċembru 2000. Barra minn hekk, jinkludi klawżola li biha l-għajnuna li dwarha hemm dispożizzjoni tista’ tiġi implimentata biss wara l-pubblikazzjoni tar-riżultat pożittiv tal-eżami mwettaq mill-Kummissjoni skont l-Artikoli 87 u 88 tat-Trattat tal-KE fil-Bollettino ufficiale della Regione Lazio [il-Bulettin uffiċjali tar-reġjun tal-Lazio].

(11)

Il-Liġi Nru 52/94, li tifforma l-bażi legali għall-konsolidazzjoni, kienet tipprovdi għal dan li ġej:

(12)

Il-Kummissjoni bdiet il-proċedura ta’ stħarriġ skont l-Artikolu 88(2) tat-Trattat tal-KE (li qabel kien l-Artikolu 93), b’rabta mal-għajnuna li dwarha hemm dispożizzjoni fil-liġi kkonċernata (3), minħabba li ma kinetx ċerta jekk din l-għajnuna kinetx konformi mal-kriterji użati dak iż-żmien għall-analiżi tagħha.

(13)

Skont dawk il-kriterji, il-Kummissjoni qieset din it-tip ta’ għotja bħala għajnuna operattiva li, fil-prinċipju, setgħet titqies li kienet kompatibbli mas-suq komuni biss jekk ikunu ssodisfati t-tliet kundizzjonijiet li ġejjin:

(14)

Wara li kienet inbdiet il-proċedura, l-awtoritajiet Taljani emendaw il-Liġi Nru 52/94 permezz tal-Liġi Nru 13/96. Abbażi ta’ dan, il-Kummissjoni setgħet tagħlaq il-proċedura billi tiddikjara li l-għajnuna, kif mibdula b’dik il-liġi, kienet kompatibbli mas-suq komuni (8).

(15)

Il-Liġi Nru 13/96 biddlet l-iskema bil-mod li ġej:

(16)

L-iskema tal-għajnuna, li kienet approvata fid-dawl ta’ dawn it-tibdiliet, baqgħet ma nbidlitx sa ma l-Kummissjoni ddeċidiet li tagħti bidu għall-proċedura li dwarha hemm dispożizzjoni fl-Artikolu 88(2) tat-Trattat tal-KE b’rabta mad-dispożizzjonijiet tal-Artikolu 257 tal-Liġi Nru 10/01.

(17)

Il-Kummissjoni bdiet il-proċedura li dwarha hemm dispożizzjoni fl-Artikolu 88(2) tat-Trattat tal-KE b’rabta mad-dispożizzjonijiet tal-Artikolu 257 tal-Liġi Nru 10/01 u mal-għajnuna mħallsa bejn l-1 ta’ Jannar 1998 u l-20 ta’ Mejju 2001 (id-data li fiha daħlet fis-seħħ il-Liġi Nru 10/01) skont l-iskema tal-għajnuna li kellha tkun iffinanzjata mill-ġdid bl-allokazzjoni tal-baġit li dwarha kien hemm dispożizzjoni f’dak l-Artikolu, minħabba li kellha dubji dwar kemm l-għajnuna kkonċernata kienet kompatibbli mas-suq komuni, b’mod partikulari f’dak li għandu x’jaqsam mal-aspetti li ġejjin:

(18)

Permezz ta’ ittra li ġġib id-data tat-2 ta’ Lulju 2004, irreġistrata fis-7 ta’ Lulju 2004, ir-Rappreżentanza Permanenti Taljana għall-Unjoni Ewropea bagħtet lill-Kummissjoni l-kummenti tal-awtoritajiet Taljani wara li nbdiet il-proċedura skont l-Artikolu 88(2) tat-Trattat b’rabta mad-dispożizzjonijiet tal-Artikolu 257 tal-Liġi Nru 10/01 u mal-għajnuna mħallsa bejn l-1 ta’ Jannar 1998 u l-20 ta’ Mejju 2001 (id-data li fiha daħlet fis-seħħ il-Liġi Reġjonali) skont l-iskema tal-għajnuna li kellha tkun iffinanzjata mill-ġdid bl-allokazzjoni tal-baġit li dwarha kien hemm dispożizzjoni f’dak l-Artikolu.

(19)

F’dik l-ittra, l-awtoritajiet Taljani l-ewwel ħabbru li kienet se tiġi rtirata n-notifika tal-Artikolu 257 tal-Liġi Nru 10/01 u li kienet se titnieda l-proċedura biex jitħassar, filwaqt li stqarrew li ma kienu ġew adottati l-ebda miżuri ta’ implimentazzjoni u li ma kienet tħallset l-ebda għajnuna skont dak l-Artikolu.

(20)

L-awtoritajiet Taljani saħqu wkoll li, fl-ittra li biha approvat il-Liġi Nru 52/94, il-Kummissjoni kienet stqarret li l-għajnuna kkonċernata kienet konformi mal-kriterji li kienu japplikaw għaliha u li b’hekk setgħet tibbenefika mill-eżenzjoni skont il-paragrafu 3(c) tal-Artikolu 92 (issal-Artikolu 87) tat-Trattat tal-KE, minħabba li dawn kienu miżuri maħsubin biex jiffaċilitaw l-iżvilupp ta’ ċerti attivitajiet jew ċerti oqsma ekonomiċi, mingħajr ma kienu se jaffettwaw ħażin il-kundizzjonijiet tal-kummerċ tant li jmorru kontra l-interess komuni, u li ma kenitx irreferiet għal-Linji ta’ gwida tal-Komunità dwar l-għajnuna mill-Istat għas-salvataġġ u r-ristrutturar tal-azjendi li jinsabu f’diffikultà.

(21)

Fl-opinjoni tagħhom, hekk kif jidher mill-korrispondenza tagħhom ta’ bejn l-1994 u l-1996 mal-Kummissjoni, kien ċar li l-għan tal-Liġi Nru 52/94 kien li jiġu evitati sitwazzjonijiet li fihom l-azjendi agrikoli jkollhom iħabbtu wiċċhom ma’ rati tal-imgħax ferm ogħla mir-rati tas-suq huma u jagħmlu l-investimenti minħabba l-varjazzjonijiet f’kemm jiswew il-flus, u b’hekk jispiċċaw f’diffikultajiet. Barra minn hekk, l-awtorità reġjonali tal-Lazio dejjem żgurat li kienet se tiġi ċċekkjata l-vijabbiltà tal-azjendi li kienu qed jibbenefikaw, b’referenza partikulari mogħtija lill-pjanijiet ta’ rkupru li dawn tal-aħħar kellhom l-obbligu li jibagħtu skont il-Liġi Nru 52/94 u l-emendi tagħha.

(22)

F’dan il-kuntest, l-awtoritajiet Taljani qalu li l-għajnuna skont il-Liġi Nru 52/94 setgħet tibbenefika mill-eżenzjoni skont l-Artikolu 87(3)(c) tat-Trattat tal-KE.

(23)

Fl-ittra tagħhom tat-2 ta’ Lulju 2004, l-awtoritajiet Taljani staqsew ukoll jekk, f’dan il-każ speċifiku, f’dak li għandu x’jaqsam mas-salvataġġ u r-ristrutturar tal-azjendi li jinsabu f’diffikultà, kienx se jkun possibbli li l-għajnuna mħallsa bejn l-1998 u l-2000 (11) għas-self li kien hemm fil-5 ta’ Diċembru 1994 tkun koperta mill-punt 2.5 tal-Linji ta’ gwida tal-1997, skont liema punt “il-linji ta’ gwida huma wkoll mingħajr ħsara għall-applikazzjoni tal-iskemi tal-għajnuna awtorizzati għal għanijiet oħra u mhux għas-salvataġġ u r-ristrutturar, bħall-iżvilupp reġjonali [u] l-iżvilupp tal-SMEs”, minħabba li l-miżuri li dwarhom hemm dispożizzjoni fil-Liġi Nru 52/94 kienu ġew approvati bħala miżuri maħsubin biex jiffaċilitaw l-iżvilupp ta’ ċerti attivitajiet jew ċerti oqsma ekonomiċi, mingħajr ma kienu se jaffettwaw ħażin il-kundizzjonijiet tal-kummerċ tant li jmorru kontra l-interess komuni.

(24)

Fl-aħħar nett, bi tweġiba għall-punt 29 tal-ittra tal-Kummissjoni tal-11 ta’ Diċembru 2003 (ara n-nota 1), li fiha l-Kummissjoni talbet lill-awtoritajiet Taljani jibagħtulha għadd ta’ Deċiżjonijiet tal-Awtorità Reġjonali tal-Lazio u estratti tal-Liġijiet Finanzjarji kollha adottati b’seħħ mill-1 ta’ Jannar 1998, sabiex tkun tista’ tistabbilixxi l-valur eżatt tal-allokazzjonijiet ippjanati kull sena għall-finanzjament tal-iskema kkonċernata, l-awtoritajiet Taljani spjegaw li:

(25)

Fl-ittra li bagħtu lill-Kummissjoni fit-3 ta’ April 2009, l-awtoritajiet Taljani ċċaraw il-fatt li l-applikazzjonijiet kollha għall-għajnuna skont l-iskema kienu ntbagħtu qabel l-1 ta’ Jannar 1998.

(26)

Skont l-Artikolu 87(1) tat-Trattat tal-KE, kwalunkwe għajnuna mogħtija minn Stat Membru jew pemezz tar-riżorsi tal-Istat, fi kwalunkwe forma li tgħawweġ jew thedded li tgħawweġ il-kompetizzjoni billi tiffavorixxi ċerti impriżi jew il-produzzjoni ta’ ċerti prodotti, sa fejn taffettwa l-kummerċ bejn l-Istati Membri mhijiex kompatibbli mas-suq komuni.

(27)

Il-miżura kkonċernata tissodisfa din id-definizzjoni, sa fejn tiffavorixxi ċerti impriżi (dawk fis-settur agrikolu li għandhom djun kbar) u tista’ taffettwa l-kummerċ, minħabba l-pożizzjoni tal-Italja fis-settur tal-produzzjoni agrikola (per eżempju, fl-2006 l-Italja kienet it-tielet l-ikbar produttur taċ-ċanga u tal-vitella u l-ikbar produttur tat-tadam fl-Unjoni).

(28)

Madanakollu, fil-każijiet li dwarhom hemm dispożizzjoni fl-Artikolu 87(2) u (3) tat-Trattat tal-KE, b’deroga, it-tali miżuri jistgħu jitqiesu li huma kompatibbli mas-suq komuni.

(29)

F’dan il-każ, minħabba t-tip ta’ skema kkonċernata, l-unika deroga li tista’ tkun invokata hi dik stipulata fl-Artikolu 87(3)(c) tat-Trattat tal-KE. Skont din, l-għajnuna tista’ titqies li hi kompatibbli mas-suq komuni jekk tkun maħsuba biex tiffaċilita l-iżvilupp ta’ ċerti attivitajiet jew ċerti oqsma ekonomiċi, dejjem jekk din ma taffettwax ħażin il-kundizzjonijiet tal-kummerċ tant li tmur kontra l-interess komuni.

(30)

Qabel ma teżamina kemm tapplika dik id-deroga, il-Kummissjoni tixtieq tirrimarka li, fl-ittra tagħhom tat-2 ta’ Lulju 2004, wara li nbdiet il-proċedura skont l-Artikolu 88(2) tat-Trattat tal-KE, l-awtoritajiet Taljani kienu stqarrew li kienet tnediet il-proċedura sabiex jitħassar l-Artikolu 257 tal-Liġi Nru 10/01 u li ma kienet tħallset l-ebda għajnuna skont dak l-Artikolu. Permezz ta’ teleks li jġib id-data tal-20 ta’ Settembru 2005, il-Kummissjoni talbet lill-awtoritajiet Taljani jagħtuha provi li l-Artikolu 257 tal-Liġi Nru 10/01 kien tħassar tassew.

(31)

Il-Kummissjoni rċeviet tweġiba għal dak it-teleks permezz ta’ ittra li ġġib id-data tas-16 ta’ Lulju 2008, li fiha ngħatat konferma li d-dispożizzjonijiet tal-Artikolu 257 tal-Liġi Nru 10/01 li dwarhom kien hemm it-tilwim u li xorta waħda ma kinux qed jiġu applikati sa minn meta nbdiet il-proċedura skont l-Artikolu 88(2) tat-Trattat tal-KE, kienu tħassru permezz tal-Artikolu 27(2) tal-Liġi Reġjonali Nru 4 tat-28 ta’ April 2006. Barra minn hekk, fl-ittra tagħhom tat-2 ta’ Lulju 2004, l-awtoritajiet Taljani ħabbru li li kienet se tiġi rtirata n-notifika tal-Artikolu 257 imsemmi hawn fuq.

(32)

Fid-dawl ta’ dan ta’ hawn fuq, il-Kummissjoni m’għandhiex għalfejn tkompli bl-istħarriġ tagħha dwar id-dispożizzjonijiet tal-Artikolu 257 tal-Liġi Nru 10/01 u tista’ tagħlaq il-proċedura tal-eżami tagħha.

(33)

F’dak li għandu x’jaqsam ma’ kemm tapplika d-deroga skont l-Artikolu 87(3)(c) tat-Trattat b’rabta mal-għajnuna mogħtija bejn l-1 ta’ Jannar 1998 u l-31 ta’ Diċembru 2000 (ara n-nota ta’ qiegħ il-paġna 11), il-Kummissjoni tinnota li, fil-kummenti li saru wara li kienet inbdiet il-proċedura skont l-Artikolu 88(2) tat-Trattat u fil-laqgħa ta’ wara, l-awtoritajiet Taljani ċċaraw li din l-għajnuna kienet iffinanzjata b’mod esklużiv mill-ammonti mniżżlin fil-baġit għall-iskema Nru C 43/95 li kienet approvata mill-Kummissjoni (ara l-premessa 24). Mill-ittra tal-awtoritajiet Taljani li ġġib id-data tat-3 ta’ April 2009, wieħed jista’ jifhem ukoll li l-applikazzjonijiet kollha għall-għajnuna kienu tressqu qabel l-1 ta’ Jannar 1998 (ara l-premessa 25).

(34)

Minħabba li dawn il-kjarifiki juru li l-ammonti wżati bejn l-1998 u l-2000 kienu diġà koperti minn Deċiżjoni tal-Kummissjoni u li ma tressqet l-ebda applikazzjoni wara d-data li warajha kwalunkwe applikazzjoni ġdida kellha tkun konformi mad-dispożizzjonijiet il-ġodda dwar l-għajnuna għas-salvataġġ u r-ristrutturar tal-azjendi li jinsabu f’diffikultà (ara l-premessa 17), il-Kummissjoni m’għadx għandha għalfejn tieħu deċiżjoni ġdida, fid-dawl ta’ dawn id-dispożizzjonijiet, dwar kemm tapplika d-deroga skont l-Artikolu 87(3)(c) tat-Trattat għall-għajnuna mogħtija bejn l-1998 u l-2000, li, fil-prattika, hija tkomplija tal-finanzjament li jirriżulta mill-applikazzjonijiet għall-għajnuna mressqa qabel l-1 ta’ Jannar 1998 u li kienu konformi mal-kundizzjonijiet imsemmija fil-premessa 15 u kienu diġà approvati mill-Kummissjoni (ara l-premessa 14). B’hekk, il-proċedura li nbdiet b’rabta mal-għajnuna mogħtija bejn l-1998 u l-2000 wkoll tista’ tingħalaq,

16.1.2010   

MT

Il-Ġurnal Uffiċjali tal-Unjoni Ewropea

L 11/12

(1)

Calendula officinalis L u Pimpinella anisum L jikkonformaw mar-rekwiżiti stipulati fid-Direttiva 2001/83/KE tal-Parlament Ewropew u tal-Kunsill tas-6 ta’ Novembru 2001 (2). Calendula officinalis L u Pimpinella anisum L jistgħu jitqiesu bħala sustanzi veġetali, preparazzjonijiet veġetali jew kumbinazzjonijiet tagħhom.

(2)

Għalhekk ikun xieraq li Calendula officinalis L u Pimpinella anisum L jiġu inklużi fil-lista ta’ sustanzi veġetali, preparazzjonijiet u kumbinazzjonijiet tagħhom għall-użu fi prodotti mediċinali veġetali tradizzjonali stabbiliti fl-Anness I tad-Deċiżjoni tal-Kummissjoni 2008/911/KE.

(3)

Id-Deċiżjoni 2008/911/KE għandha għalhekk tiġi emendata skont dan.

(4)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Prodotti Mediċinali għall-Użu mill-Bniedem,

(1)

L-Anness I huwa emendat skont l-Anness I ta’ din id-Deċiżjoni.

(2)

L-Anness II huwa emendat skont l-Anness II ta’ din id-Deċiżjoni.