9.1.2010   

MT

Il-Ġurnal Uffiċjali tal-Unjoni Ewropea

L 6/1

(1)

Ir-Regolament (KE) Nru 689/2008 jimplimenta l-Konvenzjoni ta’ Rotterdam dwar il-proċedura ta’ kunsens informat minn qabel (il-proċedura tal-PIC) għal ċerti kimiki u pestiċidi fil-kummerċ internazzjonali, iffirmata fil-11 ta’ Settembru 1998 u approvata, f’isem il-Komunità, permezz tad-Deċiżjoni tal-Kunsill 2003/106 tad-19 ta’ Diċembru 2002 li tikkonċerna l-approvazzjoni, f’isem il-Komunità Ewropea, tal-Konvenzjoni ta’ Rotterdam dwar il-Proċedura għall-Kunsens Infurmat bil-Quddiem għal ċerti kemikali [kimiċi] u pestiċidi perikolużi fil-kummerċ internazzjonali (2).

(2)

L-Anness I għar-Regolament (KE) Nru 689/2008 għandu jiġi emendat sabiex titqies l-azzjoni regolatorja f’dak li għandu x’jaqsam ma’ ċerti kimiki skont ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (3), id-Direttiva tal-Kunsill Nru 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (4) u d-Direttiva Nru 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (5).

(3)

Ġie deċiż li s-sustanzi 1,3-dikloropropan, benfurakarb u trifluralin ma jkunux inklużi bħala sustanzi attivi fl-Anness I għad-Direttiva 91/414/KEE, bl-effett li dawk is-sustanzi attivi jiġu pprojbiti għall-użu bħala pestiċidi u għalhekk għandhom jiżdiedu mal-listi ta' kimiki li hemm fil-Partijiet 1 u 2 tal-Anness I għar-Regolament (KE) Nru 689/2008. Minħabba li tressqu applikazzjonijiet ġodda li jeħtieġu deċiżjonijiet ġodda dwar l-inklużjoni fl-Anness I għad-Direttiva 91/414/KEE, ma għandhiex tapplika ż-żieda mal-lista ta’ kimiki li hemm fil-Parti 2 tal-Anness I għar-Regolament (KE) Nru 689/2008 sakemm jittieħdu d-deċiżjonijiet il-ġodda dwar l-istatus ta’ dawn il-kimiki.

(4)

Ġie deċiż li s-sustanza tal-metomil ma tkunx nkluża bħala sustanza attiva fl-Anness I għad-Direttiva 91/414/KEE u li ma tkunx inkluża s-sustanza tal-metomil bħala sustanza attiva fl-Anness I, IA jew IB għad-Direttiva 98/8/KE bl-effett li din is-sustanza attiva tiġi pprojbita għall-użu bħala pestiċida u għalhekk għandha tiżdied mal-listi ta' kimiki li hemm fil-Partijiet 1 u 2 tal-Anness I għar-Regolament (KE) Nru 689/2008. Minħabba li tressqet applikazzjoni ġdida li teħtieġ tittieħed deċiżjoni ġdida dwar l-inklużjoni fl-Anness I għad-Direttiva 91/414/KEE, ma għandhiex tapplika ż-żieda mal-lista ta’ kimiki li hemm fil-Parti 2 tal-Anness I għar-Regolament (KE) Nru 689/2008 sakemm jittieħdu d-deċiżjonijiet il-ġodda dwar l-istatus ta’ dawn il-kimiki.

(5)

Ġie deċiż li ma jkunux inklużi s-sustanzi tad-diazinon, tad-diklorvos u tal-fenitrothion bħala sustanzi attivi fl-Anness I għad-Direttiva 91/414/KEE, bl-effett li dawk is-sustanzi attivi jiġu severament ristretti għall-użu bħala pestiċidi u b’hekk għandhom jiżdiedu mal-lista ta’ kimiki li jinsabu fil-Parti 2 tal-Anness I għar-Regolament (KE) Nru 689/2008, minħabba li kwalunkwe użu huwa effettivament ipprojbit minkejja l-fatt li dawk is-sustanzi ġew identifikati u notifikati sabiex jiġu evalwait skont id-Direttiva 98/8/KE u għaldaqstant jistgħu jibqgħu jiġu awtorizzati mill-Istati Membri sakemm tittieħed deċiżjoni skont dik id-Direttiva.

(6)

Id-Direttiva 91/414/KEE tipprovdi fl-Artikolu 8(2) għal terminu ta' żmien ta' 12-il sena li matulhom l-Istati Membri jitħallew jawtorizzaw it-tqegħid fis-suq ta' prodotti għall-protezzjoni tal-pjanti li fihom ċerti sustanzi attivi. Dak il-perjodu ta' żmien ġie estiż bir-Regolament tal-Kummissjoni (KE) Nru 2076/2002 tal-20 ta’ Novembru 2002 li jestendi t-terminu msemmi fl-Artikolu 8(2) tad-Direttiva tal-Kunsill 91/414/KEE u dwar in-nuqqas ta' inklużjoni ta' xi sustanzi attivi fl-Anness I ta’ dik id-Direttiva u l-irtirar ta' awtorizzazjonijiet ta’ prodotti għall-ħarsien tal-pjanti li fihom dawn is-sustanzi (6). Madankollu, peress li s-sustanzi attivi ażinfos-metil u vinklożolin ma kinux approvati għall-inklużjoni fl-Anness I għad-Direttiva 91/414/KEE qabel tmiem dak il-perjodu, l-Istati Membri kellhom jirtiraw l-awtorizzazzjonijiet nazzjonali tal-prodotti għall-ħarsien tal-pjanti li fihom dawk is-sustanzi mill-1 ta’ Jannar 2007. Bħala riżultat is-sustanzi attivi ażinfos-metil u vinklożolin huma għalhekk ipprojbiti għall-użu bħala pestiċidi u għalhekk għandhom jiżdiedu mal-lista ta' kimiki li hemm fil-Parti 2 tal-Anness I għar-Regolament (KE) Nru 689/2008.

(7)

Ġie deċiż li l-użu tas-sustanzi tal-fenarimol, tal-metamidofos u tal-proċimidon ikun severament ristrett permezz ta’ bosta miżuri fosthom li dawk is-sustanzi attivi kienu inklużi biss għall-perjodu qasir ħafna fl-Anness I għad-Direttiva 91/414/KEE. Wara t-tmiem ta' dan il-perjodu dawk is-sustanzi attivi ma jkunux jistgħu jintużaw iktar bl-effett li jkunu pprojbiti fil-kategorija “Pestiċida” u għalhekk għandhom jiżdiedu mal-lista ta' kimiki li hemm fil-Partijiet 1 u 2 fl-Anness I għar-Regolament (KE) Nru 689/2008.

(8)

Ġie deċiż li tkun inkluża s-sustanza tal-parakwat bħala sustanza attiva fl-Anness I għad-Direttiva 91/414/KEE permezz tad-Direttiva tal-Kummissjoni 2003/112/KE tal-1 ta’ Diċembru 2003 li temenda d-Direttiva tal-Kunsill 91/414/KEE biex ikun inkluż il-parakwat bħala sustanza attiva (7). Madankollu, id-Direttiva tal-Kummissjoni 2003/112/KE kienet annullata permezz tas-sentenza tal-Qorti tal-Prim Istanza tal-Komunitajiet Ewropej fil-kawża T-229/04 tal-11 ta’ Lulju 2007 (8), bl-effett li din is-sustanza attiva hi pprojbita għall-użu bħala pestiċida u għaldaqstant għandha tiżdied mal-lista ta’ kimiki li hemm fil-Partijiet 1 u 2 tal-Anness I għar-Regolament (KE) Nru 689/2008,

(9)

Ġie deċiż li l-użu tal-prodotti għall-ħarsien tal-pjanti li fihom is-sustanza tat-tolilfluwanid ikun ristrett taħt ċerti kundizzjonijiet permezz tad-Deċiżjoni tal-Kummissjoni 2007/322/KE tal-4 ta’ Mejju 2007 li tistipula miżuri ta’ ħarsien dwar l-użi ta' prodotti għall-ħarsien tal-pjanti li fihom it-tolilfluwanid li jwassal għall-kontaminazzjoni tal-ilma għax-xorb (9). Barra minn dan, ġie deċiż mill-industrija li din tirtira prodotti għall-ħarsien tal-pjanti li fihom is-sustanza attiva tat-tolilfluwanid mis-suq sabiex tħares is-saħħa tal-bniedem bl-effett li din is-sustanza attiva hi pprojbita għall-użu fis-sottokategorija tal-pestiċidi fil-grupp ta' prodotti għall-ħarsien tal-pjanti. Il-projbizzjoni f’din is-subkategorija titqies restrizzjoni severa fil-kategorija “Pestiċida” u għaldaqstant is-sustanza attiva għandha tiżdied mal-lista ta' kimiki li hemm fil-Partijiet 1 u 2 tal-Anness għar-Regolament (KE) Nru 689/2008.

(10)

Ġie deċiż li tkun inkluża s-sustanza tad-dijuron bħala sustanza attiva fl-Anness I għad-Direttiva 91/414/KEE bl-effett li din is-sustanza attiva mhijiex ipprojbita iktar għall-użu fis-subkategorija “Pestiċida” fil-grupp tal-prodotti għall-ħarsien tal-pjanti. Konsegwentament is-sustanza attiva għandha titħassar mill-Parti 1 tal-Anness I għar-Regolament (KE) Nru 689/2008.

(11)

Tressqet applikazzjoni ġdida għas-sustanzi attivi tal-kadusafos, karbofuran, karbosulfan u ħallossifop-R li jeħtieġ tittieħed deċiżjoni ġdida dwar l-inklużjoni tagħhom fl-Anness I għad-Direttiva 91/414/KEE u għalhekk il-kimiki għandhom jitħassru mil-lista ta’ kimiki li hemm fil-Parti 2 tal-Anness I għar-Regolament (KE) Nru 689/2008. Id-deċiżjoni dwar iż-żieda mal-lista tal-kimiki fil-Parti 2 tal-Anness I ma għandhiex tittieħed qabel ma tkun disponibbli d-deċiżjoni l-ġdida li tkun ittieħdet dwar l-istatus tas-sustanzi fl-ambitu tad-Direttiva 91/414/KEE.

(12)

L-Anness I għar-Regolament (KE) Nru 689/2008 għandu għaldaqstant jiġi emendat kif xieraq.

(13)

Il-miżuri provduti f'dan ir-Regolament huma skont l-opinjoni tal-Kumitat stabbilit bis-saħħa tal-Artikolu 133 tar-Regolament (KE) Nru 1907/2006,

9.1.2010   

MT

Il-Ġurnal Uffiċjali tal-Unjoni Ewropea

L 6/6

9.1.2010   

MT

Il-Ġurnal Uffiċjali tal-Unjoni Ewropea

L 6/8

(1)

Fit-8 ta’ Lulju 2009, il-Kummissjoni rċeviet erba’ talbiet mill-Italja skont l-Artikolu 30(4) tad-Direttiva 2004/17/KE, mibgħuta lill-Kummissjoni bl-e-Mail. Il-Kummissjoni talbet informazzjoni addizzjonali b’e-Mail tal-24 ta’ Settembru 2009, li, wara li d-data ta’ skadenza inizjali ġiet estiża, intbagħtet mill-awtoritajiet Taljani b’e-Mail tas-16.10.2009.

(2)

It-talbiet sottomessi mir-Repubblika tal-Italja għan-nom ta’ Poste Italiane S.p.A. (minn hawn ‘il quddiem imsejħa “Poste”) jikkonċernaw diversi servizzi finanzjarji pprovduti minn Poste. Min-naħa tagħhom kull waħda mill-erba’ talbiet separati skont l-Artikolu 30(4) tikkonċerna diversi servizzi finanzjarji li ġew irraggruppati taħt erba’ intestaturi differenti. Fit-talbiet, dawn is-servizzi huma deskritti kif ġej:

(3)

It-talba hija akkumpanjata minn żewġ riżoluzzjonijiet minn awtorità nazzjonali indipendenti (Autorità per la vigilanza sui contratti pubblici di lavori, servizi e furniture, l-Awtorità Taljana ta’ Sorveljanza għall-Kuntratti Pubbliċi). Fl-aħħar riżoluzzjoni tagħha tat-12 ta’ Novembru 2008, hija tisħaq li, jekk l-Artikolu 30(1) jinstab li huwa applikabbli għal xi wħud mis-servizzi konċernati jew għalihom kollha, imbagħad ikun hemm bżonn ta’ miżuri ta’ sorveljanza speċifiċi biex ikun żgurat li r-regoli Komunitarji dwar l-akkwisti pubbliċi jkomplu jiġu applikati kif xieraq għall-akkwisti kollha magħmula minn Poste għat-twettiq ta’ attivitajiet għajr dawk li għalihom l-Artikolu 30(1) ikun instab li hu applikabbli. Konsegwentament ir-riżoluzzjoni tikkonkludi li Poste għandha tieħu miżuri xierqa biex tissepara l-akkwisti skont l-attivitajiet li għalihom ikunu maħsuba.

(4)

Barra dan, it-talba hija akkumpanjata wkoll minn opinjoni maħruġa minn awtorità nazzjonali indipendenti, Autorità garante della concorrenza e del mercato (l-Awtorità Taljana tal-Kompetizzjoni). Hija tisħaq dwar it-traS.p.A.renza tas-settur finanzjarju fl-Italja b’mod ġenerali b’aktar minn 800 bank u ‘il fuq minn 80 grupp bankarju u iżjed minn 170 kumpanija li joperaw fis-settur tal-assigurazzjoni, li 68 minnhom huma fornituri attivi fil-qasam tal-assigurazzjoni tal-ħajja biss, 77 fl-assigurazzjoni mhux tal-ħajja u 17 fl-assigurazzjoni tal-ħajja u mhux tal-ħajja. Is-settur huwa wkoll ikkaratterizzat minn gradi relattivament baxxi ta’ konċentrazzjoni, hekk kif fl-2007 l-ishma tas-suq aggregati tal-ħames l-akbar gruppi kienu jammontaw għal madwar 51,5 % fis-settur bankarju u, fir-rigward tal-fergħat kollha tal-assigurazzjoni tal-ħajja, għal madwar 53 %. Fil-kummenti ġenerali tagħha, l-awtorità ssemmi wkoll il-fatt li Poste tipprovdi s-servizzi finanzjarji tagħha permezz ta’ “netwerk tad-distribuzzjoni bbażat fuq in-negozju postali tagħha, li huma komprensiv ħafna u ma jistax jitqabbel ma’ dak ta’ xi operatur ieħor. In-netwerk huwa magħmul minn madwar 14 000 uffiċċju tal-posta (2), filwaqt li l-grupp bankarju l-aktar importanti li jopera fl-Italja għandu netwerk ġenerali li fih ftit aktar minn 6 000 fergħa.”

(5)

Abbażi tal-prattika tagħha fil-qasam ta’ fużjonijiet tal-banek, l-awtorità ressqet kummenti dettaljati dwar id-diversi servizzi koperti mit-talba u tikkonkludi li: “Il-proċedura varata minn Poste Italiene tirrigwarda firxa wiesgħa ta’ attivitajiet inerenti għas-setturi bankarji, tal-assigurazzjoni u ta’ tfaddil maniġġjat. Fir-rigward ta’ dawk is-setturi, li għalihom l-aċċess jista’ jiġi kkunsidrat li ma fihx restrizzjonijiet, l-Awtorità għall-Kompetizzjoni sabet il-karatteristiċi tipiċi ta’ swieq miftuħa […] F’dan il-kuntest, Poste Italiane fir-rigward tagħha titqies bħala operatur partikolari, kemm minħabba l-limitazzjonijiet normattivi li jirregolaw is-servizzi ta’ Bancaposta kif ukoll minħabba l-grupp ta’ klijenti li hija sservi. Dan huwa kkonfermat minn preċedenti tal-Awtorità, skont liema Poste Italiane qatt ma kienet assimilata b’mod sħiħ jew f’banek jew f’intermedjarji finanzjarji oħrajn li joperaw fis-swieq konċernati. B’mod ġenerali s-servizzi ta’ Bancaposta nstabu li kienu jikkumplimentaw u qrib ta’ dawk tal-banek aktar milli ta’ sostituzzjoni għalihom […] minkejja n-natura speċifika ta’ Poste Italiane, u l-konklużjoni hija li l-forniment ta’ servizzi bankarji, finanzjarji u tal-assigurazzjoni fl-Italja jista’ jitqies li qed iseħħ fil-kuntest ta’ swieq li għalihom l-aċċess mhuwiex ristrett, li fihom hemm diversi operaturi u fejn il-gradi ta’ konċentrazzjoni huma komparabbli mal-medji Ewropej.”

(6)

Madankollu minn dak iż-żmien ‘il hawn l-Awtorità Taljana tal-Kompetizzjoni fetħet proċedura kontra Poste Italiane S.p.A. għal abbuż ta’ pożizzjoni dominanti fil-qasam tal-pagamenti, b’mod aktar speċifiku dak tat-trasferimenti ta’ kreditu permezz ta’ kontijiet postali. Impenji min-naħa ta’ Poste Italiane biex tissolva l-kwistjoni qed jiġu diskussi mal-Awtorità tal-Kompetizzjoni (3).

(7)

Għandu jiġi mfakkar li, skont il-punt (c) tal-Artikolu 6(2) tad-Direttiva 2004/17/KE, il-forniment ta’ servizzi finanzjarji kif definiti fir-raba’ inċiż tal-imsemmi punt (c) huwa kopert minn dik id-Direttiva sakemm tali servizzi jiġu pprovduti minn entitajiet li jipprovdu wkoll servizzi postali fit-tifsira tal-punt (b) ta’ dik id-dispożizzjoni. Poste hija l-unika entità kontraenti fl-Italja li toffri s-servizzi kkonċernati hawnhekk.

(8)

L-Artikolu 30 tad-Direttiva 2004/17/KE jipprovdi biex kuntratti maħsuba biex jippermettu t-twettiq ta’ xi waħda mill-attivitajiet li għalihom tapplika d-Direttiva ma jkunux suġġetti għad-Direttiva jekk, fl-Istat Membru fejn titwettaq, l-attività tkun esposta direttament għall-kompetizzjoni fi swieq fejn l-aċċess ma jkunx ristrett. L-espożizzjoni diretta għal kompetizzjoni hija vvalutata abbażi ta’ kriteji oġġettivi, waqt li jitqiesu l-karatteristiċi speċifiċi tas-settur konċernat. L-aċċess jitqies li mhuwiex ristrett jekk l-Istat Membru jkun implementa u applika l-leġiżlazzjoni Komunitarja relevanti li tiftaħ xi settur partikolari jw parti minnu. Fejn ebda leġiżlazzjoni Komunitarja relevanti ma tkun elenkata fl-Anness XI għad-Direttiva, bħalma huwa l-każ fir-rigward tas-servizzi kkonċernati hawnhekk, it-tieni subparagrafu tal-Artikolu 30(3) jeħtieġ li “għandu jiġi muri li aċċess għax-suq imemmi huwa ħieles de facto u de jure”.

(9)

Rigward is-servizzi finanzjarji, għandu jiġi mfakkar li ġie adottat korp wiesa’ ta’ leġiżlazzjoni fil-livell Komunitarju li hu mmirat biex jilliberalizza t-twaqqif u l-provvediment ta’ servizzi f’dan is-settur. Barra dan, il-Kummissjoni digà sabet fil-kuntest ta’ każijiet differenti ta’ għajnuna mill-Istat li jikkonċernaw lil Poste li “is-settur bankarju kien miftuħ għall-kompetizzjoni għal ħafna snin. Il-liberalizzazzjoni dejjem tiżdied tejbet il-kompetizzjoni li diġà setgħet kienet irriżultat mill-moviment liberu tal-kapital previst fit-Trattat tal-KE.” (4) Għaldaqstant il-kondizzjoni stipulata fl-Artikolu 30(3) relatata mal-aċċess liberu għas-suq tista’ titqies bħala ssodisfata.

(10)

L-espożizzjoni diretta għall-kompetizzjoni f’suq partikolari għandha tkun ivvalutata abbażi ta’ diversi kriterji, li ebda minnhom mhija deċiżiva per se. Fir-rigward tas-swieq ikkonċernati minn din id-deċiżjoni s-sehem tas-suq tal-protagonisti ewlenin f’xi suq partikolari jikkostitwixxi kriterju wieħed li għandu jiġi kkunsidrat. Kriterju ieħor huwa l-grad ta’ konċentrazzjoni fuq dawk is-swieq. Hekk kif il-kondizzjonijiet ivarjaw skont l-attivitajiet differenti li huma kkonċernati minn din id-Deċiżjoni, l-eżami tas-sitwazzjoni kompetittiva għandu jikkunsidra s-sitwazzjonijiet differenti fi swieq differenti.

(11)

Minkejja li f’ċerti każijiet jistgħu jiġu previsti definizzjonijiet tas-suq aktar stretti, id-definizzjoni preċiża tas-suq relevanti tista’ titħalla miftuħa għall-finijiet ta’ din id-Deċiżjoni safejn ikunu kkonċernati għadd ta’ servizzi elenkati fit-talba sottomessa mill-Poste safejn ir-riżultat tal-analiżi jibqa’ l-istess irrispettivament minn jekk ikunx ibbażat fuq definizzjoni stretta jew aktar wiesgħa.

(12)

Din id-Deċizjoni hija mingħajr preġudizzju għall-applikazzjoni tar-regoli dwar il-kompetizzjoni.

(13)

Kif imsemmi fil-Premessa 5 hawn fuq, l-awtorità Taljana tal-kompetizzjoni ttrattat diversi fużjonijiet (5) bejn banek u istituzzjonijiet finanzjarji oħra fl-Italja u sabet li s-servizzi finazjarji pprovvduti minn Poste b’rabta mal-kontijiet postali tagħha kienu “jikkumplimentaw” aktar milli “jissostitwixxu” is-servizzi pprovduti mill-banek permezz tad-diversi forom ta’ kontijiet bankarji. Madankollu, wieħed għandu jħares lejn din il-prattika fil-kuntest tagħha, jiġifieri, li jiġu eżaminati l-possibilitajiet ta’ Poste li toħloq pressjoni kompetittiva fuq il-banek (6). L-analiżi dettaljata mwettqa mill-awtorità Taljana tal-kompetizzjoni jew għaliha turi li l-maġġoranza kbira tal-klijenti (7) li għandhom kont bankarju ma jikkunsudrawx li jagħlqu dak il-kont u jiftħu kont postali. Għalhekk, fl-2005, aktar 28 miljun persuna (ġuridika jew fiżika) kellhom kont bankarju biss, aktar minn 3 miljun kellhom kemm kont bankarju kif ukoll kont postali u anqas minn 2,3 miljun persuna kellhom kont postali biss. Ta’ min jinnota wkoll li l-għadd ta’ persuni li kellhom kont postali biss instab li kien qed jikber anqas mill-għadd tal-persuni li kellhom kemm kont postali kif ukoll kont bankarju. Dawn il-fatti jistgħu fil-parti l-kbira tagħhom jiġu spjegati mil-limitazzjonijiet normattivi li taħthom topera Poste u mis-sitwazzjoni riżultanti fejn hi toffri firxa aktar restritta ta’ servizzi marbuta mal-kontijiet tagħha. Għaldaqstant il-klijenti li l-bżonnijiet tagħhom jinkludu firxa wiesgħa ta’ servizzi jkollhom eżistazzjonijiet biex jikkunsidraw jeqilbu għal kont postali li ma joffrix il-medda ta’ servizzi li jkunu mdorrijin biha (8). Ir-raġuni l-aktar frekwenti li ngħatat l-għaliex wieħed kellu ż-żewġ tipi ta’ kontijiet kienet “il-possibbiltà li wieħed jagħżel minn ħin għall-ieħor l-aktar [mezz] prattiku/ħafif u jew dak l-aktar vantaġġuż/ekonomiku”.

(14)

Il-mira tad-Deċiżjoni preżenti hija li tistabbilixxi jekk is-servizzi offruti minn Poste humiex esposti għal tali livell ta’ kompetizzjoni (fuq swieq li għalihom l-aċċess huwa liberu) li jkun jiżgura li, anke fin-nuqqas tad-dixxiplina mdaħħla mir-regoli dettaljati dwar l-akkwisti kif stipulati fid-Direttiva 2004/17/KE, l-akkwisti minn Poste għat-twettiq tal-attivitajiet ikkonċernati hawnhekk ikunu jitwettqu b’mod traS.p.A.renti u mhux diskriminatorju abbażi ta’ kriterji li jippermettulha tidentifika s-soluzzjoni li b’mod ġenerali tkun l-aktar vantaġġuża ekonomikament. Għal dan il-għan huwa għalhekk meħtieġ li jiġi eżaminat jekk il-banek għandhomx il-possibbiltà li joħolqu pressjoni kompetittiva fuq Poste.

(15)

Il-fatti msemmija fil-Premessa 13 hawn fuq – b’mod partikolari, il-fatt li għal xi klijent ta’ Poste, l-għażla ta’ xi kont bankarju tista’ toffri jew servizzi ġodda jew, tal-anqas, aktar alternattivi meta juża servizzi offruti miż-żewġ tipi ta’ kontijiet – jidher li jissuġġerixxu b’mod qawwi li Poste hija tabilħaqq suġġetta għal pressjoni kompetittiva mill-banek. Dan huwa indikat ukoll mid-Deċiżjoni tal-Kummissjoni C (2006) 4207 Finali tas-26.9.2006 (9), li fiha l-Kummissjoni, waqt li ffukat fuq is-sitwazzjoni kompetittiva ta’ Poste fis-suq tas-servizzi finanzjarji, qalet b’mod espliċitu li “b’mod partikolari, il-kontijiet kurrenti tal-uffiċċju tal-posta huma f’kompetizzjoni mal-kontijiet kurrenti bankarji, fejn kemm il-banek kif ukoll PI għandhom fergħat.” (10). Madankollu, ta’ min jinnota li fil-qasam tal-għajnuna mill-Istat l-analiżi tas-suq issir b’mod ġenerali ħafna, fis-sens li s-swieq ma jiġux iddefiniti u ma jsiru ebda testijiet tas-suq speċifiċi. Għaldaqstant ma tiġi organizzata ebda investigazzjoni tas-suq bħal dawk varati mill-Kummissjoni għal deċiżjonijet dwar kompetizzjoni inġusta.

(16)

Konsegwentament, għall-finijiet tal-Artikolu 30 u mingħajr ħsara għall-applikazzjoni tar-regoli dwar il-kompetizzjoni, huwa meħtieġ li jiġu kkunsidrati s-servizzi offruti mill-banek u l-istituzzjonijiet finanzjarji l-oħrajn meta jiġi stabbilit jekk Poste hijiex esposta direttament għall-kompetizzjoni meta toffri servizzi ta’ tfaddil.

(17)

Ġeografikament, is-swieq għal ġbir ta’ tfaddil huma reġjonali fl-estensjoni tagħhom u s-sehem tas-suq ta’ Poste ivarja minn reġjun għall-ieħor. Skont l-aħħar informazzjoni dispponibbli, mibgħuta mill-awtoritajiet Taljani fis-16 ta’ Ottubru 2009, l-ishma tas-suq ta’ Poste jibqgħu fi ħdan medda li tvarja minn 1,4 % fit-Trentino Alto Adige sa massimu reġjonali ta’ 11,8 % f’Molise. Skont iċ-ċifri disponibbli, is-sehem ta’ Poste fuq il-bażi tal-pajjiż sħiħ kien jammonta għal 5,6 % fl-2006 u jidher li dan baqa’ f’livell komparabbli jew saħansitra aktar baxx fis-snin sussegwenti. Meta wieħed jikkunsidra l-grad ta’ konċentrazzjoni fuq dan is-suq, fejn l-akbar żewġ kompetituri għandhom sehem tas-suq aggregat fuq livell nazzjonali li għall-2008 kien stmat bħala 44,7 %, dawn il-fatturi għandhom jitqiesu bħala indikazzjoni ta’ espożizzjoni diretta għall-kompetizzjoni.

(18)

Is-servizzi kkonċernati taħt din l-intestatura huma deskritti li jkopru t-tislif, jiġifieri kreditu b’ipoteka u self (lil terzi), kreditu lill-konsumatur, u kiri finanzjarju. Minħabba l-limitazzjonijiet normattivi li taħthom topera Poste (hija ma tistax tagħti kreditu lill-pubbliku) din topera essenzjalment bħala intermedjarja li tipprovdi s-servizzi kkonċernati għan-nom ta’ banek u intermedjarji finanzjarji akkreditati. Poste, permezz tad-diviżjoni interna tagħha, BancoPosta, topera “prinċipalment fis-suq tal-bejgħ bl-imnut ta’ servizzi bankarji u finanzjarji lill-klijenti u b’mod marġinali biss fis-suq tas-servizzi tan-negozju u tal-amministrazzjoni pubblika”.

(19)

Is-servizzi kkonċernati hawnhekk jistgħu min-naħa tagħhom jiġu subdiviżi b’ħafna modi differenti skont fatturi bħalma huma r-raġunijiet għalfejn isir self (11) jew il-klijent tipiku (klijenti, SMEs, intrapriżi akbar jew amministrazzjonijiet pubbliċi). Madankollu, kif indikat fil-Premessa 11 hawn fuq, id-definizzjoni eżatta tista’ titħalla miftuħa għall-finijiet tad-Deċiżjoni preżenti.

(20)

Skont il-komputazzjonijiet, is-sehem tas-suq ta’ Poste bħala punt tad-distribuzzjoni għal self personali kien jammonta għal madwar 4,8 % (12) - 5 % fl-2008, filwaqt li l-ishma tas-suq aggregati tat-tliet l-akbar kompetituri tagħha fil-qasam tas-self personali kien jammonta għal 43,6 % fl-istess sena. Għall-kiri finanzjarju, is-sehem tas-suq tagħha kien negliġibbli fl-2008, u kien jammonta għal 0,03 % biss. Is-sehem tas-suq tagħha fir-rigward ta’ krediti b’ipoteka, anke minkejja li kien ogħla, xorta jista’ jitqies bħala negliġibbli għax dan kien jammonta għal 1,6 % biss fl-2008. Għaldaqstant, għall-finijiet ta’ din id-Deċiżjoni, dawn il-fatturi għandhom jitqiesu bħala indikazzjoni ta’ espożizzjoni diretta għall-kompetizzjoni.

(21)

Fil-qasam tal-investiment Poste hija prinċipalment attiva fil-fazi (ta’ distribuzzjoni) downstream għat-tqegħid ta’ strumenti finanzjarji (b’mod partikolari bonds), u t-tqegħid ta’ prodotti ta’ pensjonijiet supplementari u prodotti finanzjarji/tal-assigurazzjoni (b’mod partikolari poloz tal-pensjoni personali). Dawn is-servizzi jistgħu jinqasmu f’ħafna modi differenti (skont it-tip ta’ strument finazjarju, l-istadju fl-katina ta’ mmaniġġjar (upstream/downstream), skont it-tip ta’ klijenti eċċ. Hawnhekk ukoll, id-definizzjoni eżatta tista’ titħalla miftuħa għall-finijiet tad-Deċizjoni preżenti (ara l-Premessa 11 hawn fuq).

(22)

Infatti, skont l-informazzjoni disponibbli, is-sehem tas-suq ta’ Poste fl-oqsma diversi kkonċernati hawn kien jvarja minn relattivament limitat — 19,8 % tad-dħul indirett kollu, inlużi bonds ta’ BancoPosta — għal negliġibbli, bħal fil-każ tal-qasam ta’ fondi reċiproċi, fejn is-sehem tas-suq tagħha fl-2008 kien jammonta għal 0,7 %. Fil-qasam tal-aħħar, l-ishma tas-suq aggregati taż-żewġ kompetituri prinċipali tagħha jammonta għal 43,4 %; meta wieħed iħares lejn ir-rotot ta’ distribuzzjoni diversi għal fondi reċiproċi l-pressjoni kompetittiva ssir aktar notevoli minħabba li d-distribuzzjoni mill-banek (13) u l-promoturi (14) tkopri sehem aggregat ta’ 78,3 % għall-kuntrarju ta’ 0,7 % distribwit minn uffiċċji postali. Fil-qasam tal-assigurazzjonijet tal-ħajja, fl-2008 Poste offriet tipi diversi ta’ assigurazzjonijiet fil-fergħat I u III u ma kinitx attiva fil-fergħat IV, V u VI. Is-sehem tas-suq tagħha ta’ assigurazzjonijiet tal-ħajja fil-fergħa I, imkejjel f’numru ta’ poloz, kien jammonta għal 17,03 %, filwaqt li l-figura li tikkorispondi għal-fergħa III kienet tammonta għal 19,4 %. Meta wieħed iħares lejn l-aggregati għall-fergħat kollha, is-sehem ġenerali tagħha jammonta għal 17,5 % tan-numru ta’ poloz tal-ħajja fl-2008. Meta wieħed iqis il-ġbir ta’ primjums tal-assigurazzjoni tal-ħajja (jiġifieri meta wieħed iqis l-aspett ta’ valur), Poste kisbet sehem tas-suq ta’ 10,1 % mit-total fl-2008 għall-kuntrarju ta’ 43,6 % miġbura mill-banek u s-sehem miġbur mill-aġenti li kien jammonta għal 23,8 % fl-istess sena. Għall-finijiet ta’ din id-Deċiżjoni, dawn il-fatturi għandhom għaldaqstant jitqiesu bħala indikazzjoni ta’ espożizzjoni diretta għall-kompetizzjoni.

(23)

Is-servizzi ta’ pagamenti kkonċernati hawnhekk ikopru s-servizzi ta’ kards ta’ kreditu, inklużi kards ta’ kreditu li jdur, is-servizzi ta’ kards ta’ debitu u servizzi ta’ kards ta’ kreditu mħallas minn qabel. Ir-restrizzjonijiet normattivi msemmija qabel għal Poste għandhom l-effett li, fir-rigward ta’ kards ta’ kreditu, din topera essenzjalment bħala intermedjarja li timposta kards maħruġa minn ħaddieħor li jassumu r-riskju sħiħ ta’ insolvibbiltà. Mill-banda l-oħra, hija tista’ toħroġ kards ta’ debitu (Postamat) u kards ta’ kreditu mħallas minn qabel. Skont l-informazzjoni mibgħuta, is-sehem tas-suq ta’ Poste, imkejjel f’termini ta’ valur, kien jammonta għal 0,8 % fl-2008 (15) fir-rigward ta’ kards ta’ kreditu. Meta jitqiesu l-kards ta’ debitu, Poste kisbet sehem mis-suq ta’ 16,74 % ta’ dan is-suq, li jikkostitwixxi 44,6 % tas-settur ġenerali għall-kards ta’ pagamenti fl-Italja. Il-bqija tas-settur tal-kards ta’ debitu huwa magħmul minn kards ta’ debitu bankarji awtorizzati fil-Punt tal-Bejgħ (Point of Sale - POS) għall-pagamenti. Fir-rigward partikolari ta’ kards ta’ kreditu mħallas minn qabel, Poste kisbet parti pjuttost sostanzjali sa mill-introduzzjoni tal-kard tagħha PostePay f’Novembru 2003, u attwalment għandha sehem tas-suq li niżel minn 59,8 % fl-2007 għal 56,5 % fl-2008. Għall-kuntrarju, matul l-istess perjodu, l-ishma tas-suq aggregati taż-żewġ l-akbar kompetituri telgħu minn 15,7 % għal 20,4 %, filwaqt li l-ishma tas-suq aggregati tat-tliet l-akbar kompetituri telgħu minn 18,8 % fl-2007 għal 24,6 % fl-2008. Minkejja li l-pożizzjoni ta’ Poste f’dan is-suq, li tirrapreżenta 9,7 % tas-settur ġenerali għall-kards tal-pagamenti fl-Italja, tibqa’ tkun b’saħħitha, l-aggregat (li qed jiżdied) tal-ishma tas-suq tat-tliet l-akbar kompetituri tagħha jammonta għal ftit anqas min-nofs ta’ dak ta’ Poste, f’liema livell dawn huma kapaċi jeżerċitaw pressjoni kompetittiva sinifikanti fuq Poste (16). Għall-finijiet ta’ din id-Deċiżjoni, dawn il-fatturi għandhom għaldaqstant jitqiesu bħala indikazzjoni ta’ espożizzjoni diretta għall-kompetizzjoni fil-qasam tal-kards ta’ kreditu, kards ta’ debitu u kards ta’ kreditu mħallas minn qabel.

(24)

Kif imfakkar fil-Premessa 2(d) hawn fuq, it-talba tkopri wkoll servizzi ta’ trasferimenti ta’ flus. Skont l-informazzjoni disponibbli, is-sehem tas-suq ta’ Poste fir-rigward ta’ ordnijiet ta’ flus u ordnijiet bankarji kien jammonta għal 16 % fl-2008. Għaddejjin diskussjonijiet biex ikunu ffaċilitati l-interoperabbiltà u l-kompetizzjoni bejn ordnijiet bankarji u ordnijiet postali. Għal ordnijiet ta’ flus internazzjonali, l-informazzjoni disponibbli ma tinkludix ishma tas-suq speċifiċi għal Poste minħabba problemi li jidher li hemm fil-kisba ta’ statistiċi komparabbli dwar trasferimenti tal-flus internazzjonali fi ħdan is-sistema bankarja. Madankollu, meta jitqies li n-numru ta’ ordnijiet ta’ flus internazzjonali jaqbeż biss ftit aktar minn 2 % tan-numru totali ta’ ordnijiet ta’ flus u ordnijiet bankarji, jista’ jiġi kkunsidrat li dan huwa negliġibbli għall-finijet ta’ din id-Deċiżjoni, anke minħabba l-inizjattivi ta’ liberalizzazzjoni dejjem jiżdiedu fir-rigward ta’ trasferimenti transkonfinali ta’ flus, bħalma hi ż-Żona Unika ta’ Pagament bl-Euro. Għaldaqstant dawn il-fatturi għandhom jitqiesu bħala indikazzjoni ta’ espożizzjoni diretta għall-kompetizzjoni fil-qasam tas-servizzi ta’ trasferimenti ta’ flus.

(25)

Fid-dawl tal-fatturi eżaminati fil-premessi 13 u 24, il-kondizzjoni ta’ espożizzjoni diretta għall-kompetizzjoni stipulata fl-Artikolu 30(1) tad-Direttiva 2004/17/KE għandha tkun ikkunsidrata bħala ssodisfata fl-Italja:

(26)

Minħabba li l-kondizzjoni ta’ aċċess mingħajr restrizzjonijiet għas-suq hija ssodisfata wkoll, id-Direttiva 2004/17/KE ma għandhiex tapplika meta partijiet kontraenti jagħtu kuntratti maħsuba biex jippermettu li s-servizzi elenkati fil-punti (a) sa (d) tal-premessa (25) jitwettqu fl-Italja, u lanqas meta jiġu organizzati kuntesti tad-disinn bil-ħsieb li titwettaq xi attività tali fl-Italja.

(27)

Din id-Deċiżjoni hija bbażata fuq is-sitwazzjoni legali u fattwali minn Lulju sa Ottubru 2009 kif tidher mill-informazzjoni mogħtija mir-Repubblika tal-Italja. Din tista’ tiġi rriveduta, jekk tibdiliet sinifikanti fis-sitwazzjoni legali jew fattwali jkunu jfissru li l-kundizzjonijiet għall-applikabbiltà tal-Artikolu 30(1) tad-Direttiva 2004/17/KE ma jkunux għadhom jistgħu jiġu ssodisfati,

(a)

Ġbir ta’ tfaddil mill-pubbliku permezz ta’ kont kurrenti.

(b)

Self għan-nom ta’ banek u intermedjarji finanzjarji akkreditati.

(c)

Servizzi u attivitajiet ta’ investiment.

(d)

Servizzi ta’ pagamenti u ta’ trasferimenti ta’ flus.

9.1.2010   

MT

Il-Ġurnal Uffiċjali tal-Unjoni Ewropea

L 6/14

1.

Il-mandat ta’ membru jew sostitut jibda fid-data li fiha tidħol fis-seħħ in-nomina tiegħu mill-Kunsill.

2.

Il-mandat ta’ membru jew sostitut jintemm b’riżenja, bi tmiem ta’ mandat elettorali li bih ġie nnominat jew b’mewt.

3.

Membru jew sostitut li jirriżenja għandu jgħarraf bil-miktub lill-President tal-Kumitat bil-ħsieb tiegħu u jispeċifika d-data li fiha tidħol fis-seħħ ir-riżenja tiegħu’. Il-President għandu jgħarraf lill-Kunsill, li għandu jikkonferma li l-post tbattal u jimplimenta l-proċedura ta’ sostituzzjoni.

4.

Membru jew sostitut li l-mandat tiegħu jintemm minħabba li jiskadi l-mandat li bih ġie nominat għandu jgħarraf minnufih lill-President tal-Kumitat dwar dan bil-miktub.

5.

Fil-każijiet imsemmija fit-tieni paragrafu ta’ dan l-Artikolu, għandu jiġi nominat suċċessur mill-Kunsill għall-bqija tal-perijodu tal-mandat.

1.

Kull membru li ma jistax jipparteċipa f’xi sessjoni plenarja jista’ jkun rappreżentat minn xi sostitut mid-delegazzjoni nazzjonali tiegħu, anke f’każ li dan jiġri biss f’ċerti ġranet matul is-sessjoni plenarja. Jeħtieġ li l-membri kollha u s-sostituti tagħhom b’mandat kif dovut jiġu reġistrati fuq lista tal-attendenza.

2.

Kull membru li ma jistax jipparteċipa f’xi laqgħa tal-kummissjoni, jew f’xi laqgħa oħra li ġiet approvata mill-Bureau jista’ jkun rappreżentat minn xi membru ieħor jew sostitut mid-delegazzjoni nazzjonali tiegħu, mill-grupp politiku tiegħu jew mill-grupp interreġjonali tiegħu. Jeħtieġ li l-membri kollha u s-sostituti tagħhom b’mandat kif dovut jiġu reġistrati fuq lista tal-attendenza.

3.

Membru jew sostitut imniżżel fil-lista ta’ dawk li jieħdu post il-membri ta’ grupp ta’ ħidma, stabbilit skont l-Artikoli 36 jew 57, jista’ jieħu post kwalunkwe membru fil-grupp politiku tiegħu.

4.

Sostitut jew xi membru li jieħu post membru ieħor jista’ jaċċetta prokura minn membru wieħed biss. Għandu jkollu l-istess setgħat bħal membru fil-laqgħa rilevanti. Is-segretarjat ġenerali għandu jkun mgħarraf dwar il-prokura tal-vot, b’konformità mal-proċedura ta’ notifika u din in-notifika għandha tintbagħat mhux aktar tard minn ġurnata qabel il-laqgħa.

5.

Għal kull sessjoni plenarja għandu jingħata rimborż wieħed biss tal-ispejjeż lill-membru jew lis-sostitut. Il-Bureau jispeċifika dan fl-istruzzjonijiet tiegħu dwar l-ispejjeż tal-ivvjaġġar u l-indennizzi ta’ kuljum.

6.

Sostitut li jiġi nominat relatur jista’ jattendi s-seduta tas-sessjoni plenarja u jippreżenta l-abbozz ta’ opinjoni jew rapport li jaqa’ taħt ir-responsabbiltà tiegħu f’dik is-sessjoni plenarja li għandha fuq l-aġenda tagħha l-abbozz ta’ opinjoni jew rapport anke jekk il-membru li tiegħu huwa sostitut jinsab preżenti wkoll fil-laqgħa. Il-membru jista’ jiddelega d-dritt tal-vot tiegħu lis-sostitut waqt li l-abbozz ta’ opinjoni jew rapport imsemmi jkun qiegħed jiġi diskuss. Is-Segretarju Ġenerali għandu jkun mgħarraf bil-miktub dwar il-prokura tal-vot qabel il-laqgħa rilevanti.

7.

Mingħajr preġudizzju għall-Artikolu 23(1), kull prokura titlef il-validità tagħha meta l-membru li ma jkunx jista’ jipparteċipa ma jibqax membru tal-Kumitat.

1.

Il-membri u s-sostituti minn kull Stat Membru għandhom jikkostitwixxu delegazzjoni nazzjonali. Kull delegazzjoni nazzjonali għandha tistabbilixxi l-organizzazzjoni interna tagħha u tagħżel president. Il-President tal-Kumitat għandu jkun uffiċjalment mgħarraf bl-isem tal-persuna magħżula.

2.

Is-Segretarju Ġenerali għandu jara li, fi ħdan l-amministrazzjoni tal-Kumitat, id-delegazzjonijiet nazzjonali jirċievu għajnuna li tippermetti li kull membru individwali jirċievi tagħrif u għajnuna bl-ilsien uffiċjali tiegħu. Din l-għajnuna għandha tagħmel parti minn servizz speċifiku li jikkonsisti f’uffiċjali jew impjegati oħrajn tal-Kumitat tar-Reġjuni u dan is-servizz għandu jiżgura li d-delegazzjonijiet nazzjonali jistgħu jagħmlu użu adegwat mill-faċilitajiet tal-Kumitat. Is-Segretarju Ġenerali għandu jipprovdi b’mod partikolari lid-delegazzjonijiet nazzjonali b’mezzi adatti sabiex isejħu laqgħat immedjatament qabel jew matul is-sessjonijiet plenarji.

3.

Id-delegazzjonijiet nazzjonali għandhom ukoll għad-dispożizzjoni tagħhom l-għajnuna tal-koordinaturi nazzjonali, li mhumiex parti mill-persunal tas-Segretarjat Ġenerali. Dawn jiffaċilitaw it-twettiq tal-mandat tal-membri fi ħdan il-Kumitat.

4.

Il-koordinaturi nazzjonali jibbenefikaw minn appoġġ adegwat min-naħa tas-Segretarju Ġenerali, bħall-użu tal-faċilitajiet tal-Kumitat.

1.

Il-membri u s-sostituti jistgħu jiffurmaw gruppi li jirriflettu l-affiljazzjoni politika tagħhom. Il-kriterji għas-sħubija għandhom jiġu preskritti fir-regoli interni ta’ kull grupp politiku.

2.

Huwa meħtieġ minimu ta’ tmintax-il membru jew sostitut, li tal-anqas nofshom għandhom ikunu membri, li b’kollox jirrappreżentaw tal-inqas wieħed minn kull ħames Stati Membri sabiex jiġi ffurmat grupp politiku. Membru jew sostitut jista’ jagħmel parti minn grupp politiku wieħed biss. Grupp politiku għandu jxolji jekk in-numru tal-membri neċessarju sabiex jitwaqqaf ikun inqas minn dak meħtieġ.

3.

Il-President tal-Kumitat għandu jkun mgħarraf bi stqarrija meta jitwaqqaf, ixolji jew b’xi mod jinbidel xi grupp politiku. L-istqarrija dwar it-twaqqif ta’ xi grupp politiku għandha tispeċifika l-isem tal-grupp politiku, il-membri tiegħu u l-bureau.

4.

Kull grupp politiku għandu segretarjat magħmul minn persunal minn fost l-impjegati tas-Segretarjat Ġenerali. Il-gruppi politiċi jistgħu jibagħtu proposti lill-awtorità li għandha s-setgħa li tinnomina dwar l-għażla, l-impjieg u l-promozzjoni tal-persunal ta’ dawn is-segretarjati u t-tiġdid tal-kuntratti tagħhom. L-awtorità li tinnomina għandha tasal għad-deċiżjoni tagħha wara li tikkonsulta l-president tal-grupp politikukkonċernat.

5.

Is-Segretarju Ġenerali għandu jipprovdi lill-gruppi politiċi u lill-korpi kostitwenti tagħhom b’riżorsi adatti għal-laqgħat, attivitajiet u pubblikazzjonijiet u għax-xogħol tas-segretarjati tagħhom. Ir-riżorsi għal kull grupp politiku għandhom jiġu speċifikati fil-baġit. Il-gruppi politiċi u s-segretarjati tagħhom jistgħu jagħmlu użu adatt mill-faċilitajiet tal-Kumitat.

6.

Il-gruppi politiċi u l-bureau tagħhom jistgħu jiltaqgħu immedjatament qabel jew matul is-sessjonijiet plenarji. Jistgħu jsejħu laqgħa straordinarja darbtejn fis-sena. Sostitut li jattendi għal dawn il-laqgħat huwa intitolat għall-ispejjeż tal-ivvjaġġar u għall-indennizzi ta’ kuljum jekk ikun qiegħed jirrappreżenta xi membru mill-grupp politiku tiegħu.

7.

Il-membri mhux affiljati għandu jkollhom appoġġ amministrattiv. Id-dispożizzjonijiet relatati ma’ dan għandhom jiġu stabbiliti mill-Bureau fuq proposta tas-Segretarju Ġenerali.

1.

Matul l-ewwel laqgħa, il-president interim għandu jgħarraf lill-Kumitat bil-komunikazzjoni mill-Kunsill relatata man-nomina tal-membri u jagħti rendikont tal-miżuri li jkun ħa biex jirrappreżenta lill-Kumitat. Jekk jintalab, il-president interim jista’ jiddeċiedi li jivverifika n-nomina u l-kredenzjali tal-membri qabel ma jiddikjara l-bidu tal-kariga tal-Kumitat għall-mandat il-ġdid.

2.

Il-Bureau interim għandu jibqa’ fil-kariga sal-istqarrija tar-riżultati tal-elezzjonijiet tal-membri tal-Bureau.

(a)

li tadotta opinjonijiet, rapporti u riżoluzzjonijiet;

(b)

li tadotta l-abbozzi tal-estimi preliminari tad-dħul u l-infiq tal-Kumitat;

(c)

li tadotta l-programm politiku tal-Kumitat fil-bidu ta’ kull mandat;

(d)

li teleġġi l-President, l-ewwel Viċi President u l-bqija tal-membri tal-Bureau;

(e)

li twaqqaf kummissjonijiet;

(f)

li tadotta u tirrevedi r-Regoli ta’ Proċedura tal-Kumitat;

(g)

li tieħu deċiżjoni dwar l-introduzzjoni ta’ rikors quddiem il-Qorti tal-Ġustizzja tal-Unjoni Ewropea wara verifika tal-kworum preżenti, kif stabbilit fl-ewwel sentenza tal-Artikolu 21(1), u b’maġġoranza tal-voti mitfugħa għall-proposta tal-President tal-Kumitat jew tal-kummissjoni rilevanti li taġixxi b’konformità mal-Artikoli 53 u 54. Ladarba tiġi adottata din id-deċiżjoni, il-President għandu jressaq ir-rikors f’isem il-Kumitat.

1.

Il-President tal-Kumitat għandu jsejjaħ l-Assemblea Plenarja tal-inqas darba kull tliet xhur. Id-dati tas-sessjonijiet plenarji għandhom jiġu stabbiliti mill-Bureau matul it-tielet kwart tas-sena ta’ qabel. Sessjoni plenarja tista’ tiltaqa’ f’jum wieħed jew aktar ta’ seduta.

2.

Fuq talba bil-miktub ta’ mill-inqas kwart tal-membri, il-President huwa marbut li jsejjaħ sessjoni plenarja straordinarja, li għandha sseħħ mhux qabel gimgħa u mhux aktar tard minn xahar wara d-data tat-talba. It-talba bil-miktub għandha tindika s-suġġett li ser ikun diskuss fis-sessjoni plenarja straordinarja. Ma jista’ jidher l-ebda suġġett ieħor fl-aġenda.

1.

Il-Bureau jħejji l-abbozz preliminari ta’ aġenda li jkun fih lista provviżorja tal-abbozzi ta’ opinjonijiet, ta’ rapporti jew ta’ riżoluzzjonijiet għad-diskussjoni fis-sessjoni plenarja ta’ wara dik li jkun imiss flimkien mad-dokumenti l-oħra kollha li jeħtieġu deċiżjoni (dokumenti għal deċiżjoni).

2.

Tal-anqas għoxrin jum ta’ xogħol qabel il-ftuħ tas-sessjoni plenarja, il-President għandu jibgħat l-abbozz ta’ aġenda flimkien mad-dokumenti kollha mniżżla fih li jeħtieġu deċiżjoni bil-posta elettronika lill-membri u s-sosituti tagħhom; id-dokumenti kollha tal-laqgħa għandhomikunu disponibbli bl-ilsna uffiċjali rispettivi tagħhom. Simultanjament, id-dokumenti għandhom ikunu aċċessibbli elettronikament.

3.

B’mod ġenerali, l-abbozzi ta’ opinjonijiet, ta’ rapporti u ta’ riżoluzzjonijiet jitniżżlu fl-aġenda fl-ordni li ġew adottati mill-kummissjonijiet jew li ġew ippreżentati b’konformità mar-Regoli ta’ Proċedura u b’konsiderazzjoni għar-rabta bejn il-kontenut tad-diversi punti tal-aġenda.

4.

F’ċerti każijiet eċċezzjonali u għal raġunijiet adatti fejn l-iskadenza msemmija f’punt 2 ma tistax tiġi rispettata, il-President jista’ jiddeċiedi li jinkludi dokument li jeħtieġ deċiżjoni fl-abbozz ta’ aġenda sakemm id-dokument imsemmi jkun intbagħat lill-membri u lis-sostituti fl-ilsien uffiċjali tagħhom tal-anqas ġimgħa qabel il-ftuħ tas-sessjoni plenarja. Il-President għandu jagħti r-raġuni tal-użu ta’ din il-proċedura fuq il-paġna ta’ quddiem tad-dokument għal deċiżjoni.

5.

L-emendi bil-miktub fl-abbozz ta’ aġenda għandhom jintbagħtu lis-Segretarju Ġenerali mhux aktar tard minn tlett ijiem ta’ xogħol qabel il-ftuħ tas-sessjoni plenarja.

6.

Il-Bureau għandu jistabbilixxi l-abbozz ta’ aġenda finali fil-laqgħa tiegħu immedjatament qabel il-ftuħ tas-sessjoni plenarja. F’din il-laqgħa l-Bureau jista’ jiddeċiedi, b’maġġoranza ta’ żewġ terzi tal-voti mitfugħa, li jinkludi fl-aġenda kwistjonijiet ta’ natura urġenti jew topiċi li l-analiżi tagħhom ma tistax tistenna sas-sessjoni plenarja li jmiss.

7.

Fuq proposta tal-President, ta’ grupp politiku jew ta’ 32 membru, il-Bureau jew l-Assemblea Plenarja jistgħu jiddeċiedu li:

Din id-dispożizzjoni ma tapplikax f’każijiet meta, minħabba l-iskadenza stabbilita mill-Kunsill, mill-Kummissjoni jew mill-Parlament Ewropew, l-adozzjoni ta’ dokument għal deċiżjoni ma tkunx tista’ tiġi posposta.

Id-dokument għal deċiżjoni li jiġi pospost għas-sessjoni segwenti tal-Assemblea Plenarja għandu jinkludi l-emendi kollha mressqa b’mod validu li huma marbuta miegħu.

Meta dokument jintbagħat lura lill-kummissjoni kkonċernata, l-emendi relatati miegħu ma jibqgħux validi u r-relatur jista’ jeżamina b’liema mod il-kontenut tad-dokument

Id-dokument jitqiegħed fuq l-aġenda tal-kummissjoni għal deċiżjoni.

1.

Is-sessjonijiet plenarji huma miftuħin għall-pubbliku, sakemm l-Assemblea Plenarja ma tiddeċidix mod ieħor fir-rigward tal-laqgħa jew xi punt speċifiku fuq l-aġenda.

2.

Ir-rappreżentanti tal-Parlament Ewropew, tal-Kunsill u tal-Kummissjoni jistgħu jattendu għas-sessjonijiet plenarji u jistgħu jintalbu jindirizzaw il-laqgħa.

3.

Il-President, fuq inizjattiva proprja jew fuq talba tal-Bureau, jista’ wkoll jistieden personalitajiet esterni sabiex jipparteċipaw fis-sessjonijiet plenarji u jindirizzaw l-Assemblea Plenarja. Wara dawn l-interventi jista’ jkun hemm dibattitu ġenerali, li matulu għandhom japplikaw id-dispożizzjonijiet ġenerali dwar il-ħin għad-diskorsi.

4.

Il-Bureau jista’, b’konformità mal-Artikolu 15(1) u (6), jipproponi lill-Assemblea Plenarja li jkun hemm dibattitu ġenerali dwar kwistjonijiet politiċi topiċi ta’ rilevanza reġjonali jew lokali (slott għal dibattitu topiku). Għandhom japplikaw id-dispożizzjonijiet ġenerali dwar il-ħin għad-diskorsi.

1.

Fil-bidu tas-sessjoni plenarja u fuq proposta tal-Bureau, l-Assemblea Plenarja għandha tistabbilixxi l-ħin għad-diskorsi għal kull punt fuq l-aġenda. Matul is-sessjoni plenarja, il-President jista’, fuq inizjattiva proprja jew fuq talba ta’ xi membru, jiddeċiedi li jillimita l-ħin għad-diskorsi.

2.

Il-President, fuq proposta tal-Bureau, jista’ jipproponi lill-Assemblea Plenarja li meta jsiru d-dibattiti fuq xi kwistjonijiet ġenerali jew fuq xi temi speċifiċi, il-ħin għad-diskorsi jinqasam bejn il-gruppi politiċi u d-delegazzjonijiet nazzjonali.

3.

Bħala regola ġenerali, il-ħin għad-diskorsi għandu jkun limitat għal minuta għall-kummenti fuq il-minuti, għal points of order u l-modifiki għall-abbozz finali ta’ aġenda jew l-aġenda.

4.

Jekk xi kelliem jaqbeż il-ħin merfugħ għalih, il-President jista’, wara li jiġbidlu l-attenzjoni, iwaqqfu milli jkompli jitkellem.

5.

Kull talba minn xi membru sabiex jitwaqqaf id-dibattitu għandha tgħaddi għall-vot mill-President.

1.

L-ismijiet tal-membri li jitolbu jitkellmu jitniżżlu f’lista fl-istess ordni li fih ikunu waslu t-talbiet tagħhom. Il-President għandu jsejjaħ lill-membri sabiex jitkellmu fuq il-bażi ta’ din il-lista billi jiżgura kemm jista’ jkun li kelliema ta’ fehma politika differenti u minn delegazzjonijiet nazzjonali differenti jinstemgħu wara xulxin.

2.

Madankollu, tista’ tingħata prijorità, fuq it-talba tagħhom, lir-relatur tal-kummissjoni kkonċernata u lir-rappreżentanti tal-gruppi politiċi u tad-delegazzjonijiet nazzjonali li jixtiequ jitkellmu f’isem il-kummissjoni, il-grupp jew id-delegazzjoni tagħhom.

3.

Ħadd ma jista’ jindirizza l-laqgħa aktar minn darbtejn fuq l-istess suġġett, ħlief bil-permess tal-President. Madankollu, il-President u r-relaturi tal-kummissjonijiet kkonċernati għandhom jitħallew jitkellmu fuq talba tagħhom għal tul ta’ żmien skont kif jiddeċiedi l-President.

1.

Membru li jixtieq jippreżenta point of order jew li jixtieq jiġbed l-attenzjoni tal-President minħabba xi nuqqas fir-rigward tar-Regoli ta’ Proċedura għandu jitħalla jitkellem. Il-point of order għandha tkun relatata mal-aġenda jew mas-suġġett tad-diskussjoni.

2.

Talba għal point of order għandha tieħu preċedenza fuq kull talba oħra li wieħed jitkellem.

3.

Il-President għandu jieħu deċiżjoni minnufih dwar il-points of order, b’konformità mar-Regoli ta’ Proċedura u għandu jħabbar id-deċiżjoni tiegħu minnufih wara li tkun saret il-point of order. M’għandu jittieħed l-ebda vot dwar id-deċiżjoni tal-President.

1.

Jintlaħaq kworum fl-Assemblea Plenarja jekk aktar minn nofs il-membri huma preżenti. Il-kworum jiġi verifikat fuq talba ta’ membru u b’kondizzjoni li minn tal-anqas ħmistax-il membru jivvutaw favur it-talba għall-verifika tal-kworum. Jekk il-verifika tal-kworum ma tintalabx, il-voti kollha għandhom ikunu validi jkun kemm ikun in-numru ta’ dawk preżenti. Il-President jista’ jwaqqaf is-sessjoni plenarja għal mhux aktar minn għaxar minuti qabel ma jgħaddi għall-verifika tal-kworum. Il-membri li jkunu talbu verifika tal-kworum iżda li jkunu ħallew il-kamra tas-Sessjoni Plenarja għandhom jitqiesu bħala preżenti għall-finijiet tal-għadd. Jekk hemm anqas minn ħmistax-il membru preżenti, il-President jista’ jiddeċiedi li ma ntlaħaqx kworum.

2.

Jekk ikun konkluż li ma ntlaħaqx kworum, il-punti kollha fuq l-aġenda li jeħtieġu votazzjoni għandhom jiġu posposti għall-jum tal-laqgħa li jmiss, f’liema ħin l-Assemblea Plenarja tista’ tgħaddi għall-votazzjoni valida ta’ dawn il-punti li jkunu s-suġġett ta’ rapport, ikun kemm ikun in-numru tal-membri preżenti.

1.

L-Assemblea Plenarja tiddeċiedi b’maġġoranza tal-voti mitfugħa, sakemm ir-Regoli ta’ Proċedura ma jipprevedux mod ieħor.

2.

Il-forom validi ta’ vot għandhom ikunu “favur”, “kontra” jew “astensjoni”. Fil-kalkolu tal-maġġoranza, għandhom jitqiesu biss il-voti mitfugħa favur jew kontra. F’każ ta’ voti ndaqs, it-test jew il-proposta għandha titqies bħala li m’għaddietx.

3.

Jekk ir-riżultat tal-għadd tal-voti jiġi kkontestat, jista’ jintalab li jittieħed vot mill-ġdid mill-President jew fuq talba ta’ membru bil-kondizzjoni li minn tal-inqas ħmistax-il membru jivvotaw favur dit-talba li jittieħed vot mill-ġdid.

4.

Fuq proposta tal-President, ta’ grupp politiku jew ta’ 32 membru li jkunu preżenti qabel l-approvazzjoni tal-aġenda finali, l-Assemblea Plenarja tista’ tiddeċiedi li jittieħed vot reġistrat fuq punt wieħed tal-aġenda jew aktar u dan jitniżżel fil-minuti tas-sessjoni plenarja. Sakemm l-Assemblea Plenarja ma tiddeċidix mod ieħor, m’għandux jintalab vot reġistrat fil-każ tal-emendi.

5.

Fuq proposta tal-President, ta’ grupp politiku jew ta’ 32 membru, jista’ jiġi deċiż li ssir votazzjoni sigrieta jekk il-kwistjoni mressqa għall-votazzjoni tolqot lill-persuni.

6.

Il-President jista’ f’kull ħin jiddeċiedi li l-votazzjoni ssir b’mezzi elettroniċi.

1.

Il-membri u s-sostituti b’mandat kif dovut biss u kwalunkwe sostitut mingħajr mandat li jkun relatur ta’ rapport imfassal minnu stess jistgħu jressqu emendi għal dokumenti għal deċiżjoni b’konformità mad-dispożizzjonijiet ta’ tressiq tal-emendi.

Id-dritt li jitressqu l-emendi għal sessjoni plenarja jista’ jintuża b’mod esklużiv biss minn membru jew mis-sostitut tiegħu b’mandat kif dovut. L-emendi debitament imressqa qabel ma membru jew sostitut fi ħdan il-Kumitat ma jibqax tali jew qabel ma tingħata jew tiġi rrevokata delega jibqgħu validi.

2.

Mingħajr preġudizzju għad-dispożizzjonijiet tal-Artikolu 26(1), l-emendi għal dokumenti li jeħtieġu deċiżjoni għandhom jiġu ppreżentati minn grupp politiku jew tal-inqas sitt membri jew sostituti b’mandat kif dovut u fuqhom għandu jitniżżel isimhom. Id-delegazzjonijiet nazzjonali li huma magħmula minn anqas minn sitt membri jistgħu jressqu emendi bil-kondizzjoni li jitressqu mill-istess numru ta’ membri mid-delegazzjoni jew mis-sostituti b’mandat kif dovut u fuqhom għandu jitniżżel isimhom.

3.

L-emendi għandhom jintbagħtu lis-Segretarju Ġenerali tal-anqas disat ijiem ta’ xogħol qabel il-ftuħ tas-sessjoni plenarja. L-emendi għandhom ikunu disponibbli elettronikament malli ssir it-traduzzjoni tagħhom, iżda tal-anqas erbat ijiem ta’ xogħol qabel il-ftuħ tas-sessjoni plenarja.

L-emendi għandhom jingħataw prijorità fil-proċess tat-traduzzjoni u mbagħad jintbagħtu lir-relatur sabiex ikun jista’ jressaq l-emendi tiegħu quddiem is-Segretarjat Ġenerali tal-anqas jumejn ta’ xogħol qabel il-ftuħ tas-sessjoni plenarja. L-emendi tar-relatur għandhom ikunu marbuta ma’ emenda jew għadd ta’ emendi li ssir referenza għalihom fil-paragrafu 1. L-emendi tar-relatur ikunu jistgħu jiġu kkonsultati biss meta tibda s-sessjoni plenarja.

F’każijiet fejn japplika l-Artikolu 15 (4), il-President jista’ jiddeċiedi li jnaqqas l-iskadenza biex jintbagħtu l-emendi għal tlett ijiem ta’ xogħol qabel il-ftuħ tas-sessjoni plenarja. L-iskadenza m’għandhiex tapplika fil-każ ta’ emendi ta’ affarijiet urġenti skont l-Artikolu 15(6).

4.

L-emendi kollha għandhom jitqassmu fost il-membri qabel il-bidu tas-sessjoni plenarja.

1.

Jekk xi emenda jew aktar jitressqu għal xi parti ta’ xi test ta’ dokument għal deċiżjoni, il-President, ir-relatur jew l-awturi ta’ dawn l-emendi jistgħu, b’mod eċċezzjonali, jipproponu emendi ta’ kompromess matul id-dibattitu. Jekk ikun possibbli, it-test ta’ emenda ta’ kompromess għandu jintbagħat bil-miktub lill-President u s-segretarjat qabel ma jiġi diskuss is-suġġett ikkonċernat.

2.

Il-votazzjoni fuq l-emendi għandha ssegwi l-ordni tal-punti fit-test u skont din il-prijorità:

Meta jiġu adottati, l-emendi tar-relatur u l-emendi ta’ kompromess iħassru kwalunkwe emenda preċedenti oħra.

Il-President jista’ jordna joint vote fuq emendi li l-kontenut jew l-għan tagħhom huwa simili.

3.

Mal-emendi ppreżentati għall-abbozz ta’ opinjoni jew rapport, ir-relatur jista’ jippreżenta lista ta’ dawk fosthom li jirrakkomanda li jiġu adottati. Jekk rakkomandazzjoni ta’ vot hija disponibbli, il-President jista’ jiddeċiedi li l-emendi kollha koperti mir-rakkomandazzjoni għandhom jiġu vvotati flimkien. Kull membru jista’ joġġezzjona għar-rakkomandazzjoni ta’ vot; f’dan il-każ irid jispeċifika liema huma l-emendi li għandhom jiġu votati separatament.

4.

L-emendi għandu jkollhom prijorità fuq it-test li miegħu huma marbuta u għandhom jiġu vvotati qabel it-test.

5.

Jekk żewġ emendi jew aktar li jeskludu lil xulxin jitressqu għall-istess parti ta’ xi test, l-emenda li titbiegħed l-aktar mit-test oriġinali għandu jkollha prijorità u tiġi vvotata l-ewwel.

Qabel ma ssir il-votazzjoni l-President għandu jgħid jekk l-adozzjoni ta’ emenda hux ser twaqqa’ emenda waħda jew għadd ta’ emendi oħra, jew għax dawn l-emendi jkunu jeskludu lil xulxin billi jkunu jirreferu għall-istess parti tat-test, jew għax dawn jintroduċu kontradizzjoni. Emenda invalida m’għandhiex titressaq għall-votazzjoni sakemm l-awturi tagħha ma jikkuntestawx l-invalidità tagħha u l-Assemblea Plenarja ma taċċettax li tressaqha għall-votazzjoni.

6.

Il-vot finali għandu jkun fuq it-test sħiħ, sew jekk huwa emendat sew jekk le. Opinjoni li ma ġġibx il-maġġoranza tal-voti kollha mitfugħa għandha tkun rinvjata lill-kummissjoni kompetenti jew taqa’.

1.

Abbozzi ta’ opinjonijiet jew rapporti adottati unanimament minn xi kummissjoni (ewlenija, jekk jagħti l-każ), għandhom jintbagħtu lill-Assemblea Plenarja għall-adozzjoni mingħajr tibdil sakemm tal-inqas 32 membru jew sostitut b’mandat kif dovut jew grupp politiku ma jiddepożitax emenda skont l-ewwel sentenza tal-Artikolu 23(3). F’dan il-każ, l-emenda għandha titqies mill-Assemblea Plenarja. L-abbozz ta’ opinjoni jew rapport għandu jkun ippreżentat mir-relatur fis-sessjoni plenarja u jista’ jkun is-suġġett ta’ dibattitu. Dan għandu jintbagħat lill-membri flimkien mal-abbozz ta’ aġenda.

2.

Jekk il-kummissjoni (ewlenija, jekk jagħti l-każ) hija tal-fehma li l-Kumitat m’għandux għaliex jikkummenta dwar, jew jipproponi tibdil għal, xi dokument mgħoddi lilha, tista’ tipproponi li ebda oġġezzjoni ma ssir dwar id-dokument. Il-proposta għandha tgħaddi għand l-Assemblea Plenarja għall-adozzjoni mingħajr dibattitu.

1.

Il-Kumitat jagħraf u jadotta dawn is-simboli tal-Unjoni:

2.

Il-Kumitat jiċċelebra Jum l-Ewropa fid-9 ta’ Mejju.

3.

Il-bandiera għandha tidher fil-bini tal-Kumitat u fl-avvenimenti uffiċjali.

4.

L-innu għandu jindaqq fiċ-ċerimonja tal-ftuħ fil-bidu tal-mandat u f’okkażjonijiet formali oħra, b’mod speċjali għall-akkoljenza tal-Kapijiet ta’ Stat jew Gvern, jew għall-akkoljenza tal-membri l-ġodda wara t-tkabbir.

(a)

il-President;

(b)

l-ewwel Viċi-President;

(c)

Viċi President għal kull Stat Membru;

(d)

27 membru ieħor;

(e)

il-presidenti tal-gruppi politiċi.

—

:

3 siġġijiet

:

Franza, il-Ġermanja, l-Italja, Spanja, il-Polonja u r-Renju Unit,

—

:

2 siġġijiet

:

l-Awstrija, il-Belġju, il-Bulgarija, ir-Repubblika Ċeka, id-Danimarka, il-Finlandja, il-Greċja, l-Irlanda, il-Litwanja, il-Pajjiżi l-Baxxi, il-Portugall, ir-Rumanija, is-Slovakkja, l-Isvezja u l-Ungerija,

—

:

siġġu wieħed

:

l-Estonja, Ċipru, il-Latvja, il-Lussemburgu, Malta u s-Slovenja.

1.

Għall-membri tagħha tal-Bureau, bl-eċċezzjoni tal-President u tal-ewwel Viċi President, kull delegazzjoni nazzjonali għandha taħtar membru jew sostitut bħala rappreżentant ad personam mid-delegazzjoni stess.

2.

Għal president kull grupp politiku għandu jaħtar minn fostu membru jew sostitut bħala rappreżentant ad personam.

3.

Rappreżentant ad personam għandu dritt jipparteċipa fil-laqgħat u jkollu d-dritt li jitkellem u jivvota biss meta jkun qiegħed jissostitwixxi dan il-membru tal-Bureau. Il-prokura tal-vot għandha tiġi mgħarrfa bil-miktub lis-Segretarju Ġenerali qabel il-laqgħa kkonċernata.

1.

Il-Bureau għandu jiġi elett mill-Assemblea Plenarja għal sentejn u nofs.

2.

L-elezzjoni għandha ssir taħt il-presidenza tal-President interim bl-istess mod kif previst fl-Artikoli 11 u 12. L-applikazzjonijiet kollha għandhom jintbagħtu bil-miktub lis-Segretarju Ġenerali mhux aktar tard minn siegħa qabel il-bidu tas-sessjoni plenarja. L-elezzjoni tista’ ssir biss jekk ikunu preżenti minn tal-inqas żewġ terzi tal-membri.

1.

Qabel l-elezzjonijiet għall-postijiet ta’ President u tal-ewwel Viċi President, il-kandidati jistgħu jagħmlu stqarrija qasira quddiem l-Assemblea Plenarja. Ikollhom għad-dispożizzjoni tagħhom l-istess ammont ta’ ħin għad-diskors, stabbilit mill-President interim.

2.

L-elezzjoni tal-President u dik tal-ewwel Viċi President għandhom isiru separatament. Għandhom jiġu eletti bil-maġġoranza tal-voti mitfugħa.

3.

Il-forom validi ta’ vot għandhom ikunu “favur” jew astensjoni. Huma l-voti “favur” biss li jiġu kkunsidrati sabiex tiġi kkalkulata jekk intlaħqitx il-maġġoranza.

4.

Jekk l-ebda kandidat ma jikseb il-maġġoranza fl-ewwel votazzjoni, issir it-tieni votazzjoni li matulha jiġi elett il-kandidat li jikseb l-ogħla numru ta’ voti. Fil-każ ta’ voti indaqs, tittieħed deċiżjoni bix-xorti.

1.

Tista’ tiġi stabbilita lista komuni tal-kandidati mid-delegazzjonijiet nazzjonali li jippreżentaw kandidat wieħed biss għal kull wieħed mis-siġġijiet merfugħa għalihom fil-Bureau. Din il-lista tista’ tiġi adottata b’votazzjoni waħda jekk tikseb il-maġġoranza tal-voti mitfugħa.

F’każijiet fejn ma tiġix adottata lista komuni jew fejn in-numru ta’ kandidati propost għas-siġġijiet ta’ delegazzjoni nazzjonali fil-Bureau jaqbeż in-numru ta’ siġġijiet disponibbli, kull wieħed minn dawn is-siġġijiet għandu jiġi deċiż b’votazzjoni separata; f’dan il-każ ir-regoli tal-elezzjoni li huma applikati huma dawk tal-President u tal-ewwel Viċi President, kif stabbiliti fl-Artikoli 31 u 32(2) sa (4).

2.

Fid-dawl tal-elezzjoni tal-presidenti tal-gruppi politiċi bħala membri tal-Bureau, għandha tintbagħat lista nominali għal adozzjoni lill-Assemblea Plenarja.

(a)

it-tħejjija u l-preżentazzjoni lill-Assemblea Plenarja tal-programm politiku tiegħu fil-bidu tal-mandat tiegħu u l-kontroll tat-twettiq ta’ dan. Fi tmiem il-mandat tiegħu jippreżenta lill-Assemblea Plenarja rapport dwar l-implimentazzjoni tal-programm politiku tiegħu;

(b)

l-organizzazzjoni u l-koordinazzjoni tax-xogħlijiet tal-Assemblea Plenarja u tal-kummissjonijiet;

(c)

l-adozzjoni, fuq proposta tal-kummissjonijiet, tal-programm ta’ ħidma annwali tagħhom;

(d)

ir-responsabbiltà ġenerali għall-kwistjonijiet ta’ natura finanzjarja, organizzattiva u amministrattiva dwar il-membri u s-sostituti, l-organizzazzjoni interna tal-Kumitat u tas-Segretarjat Ġenerali tiegħu, inkluż il-pjan ta’ organizzazzjoni u l-korpi kostitwenti tiegħu;

(e)

Il-Bureau jista’:

(f)

l-impjieg tas-Segretarju Ġenerali u tal-uffiċjali u l-impjegati l-oħra msemmija fl-Artikolu 69;

(g)

il-preżentazzjoni lill-Assemblea Plenarja tal-abbozz preliminari tad-dħul u l-infiq tal-Kumitat, b’konformità mal-Artikolu 72;

(h)

l-awtorizzazzjoni tal-laqgħat barra l-postijiet tax-xogħol tas-soltu;

(i)

it-teħid ta’dispożizzjonijiet dwar il-kompożizzjoni u l-metodi ta’ xogħol tal-gruppi ta’ ħidma, tal-kumitati konġunti kostitwiti mal-pajjiżi kandidati għall-adeżjoni jew ta’ korpi politiċi oħra li jieħdu sehem fihom il-membri tal-Kumitat;

(j)

tittieħed deċiżjoni dwar l-introduzzjoni ta’ rikors quddiem il-Qorti tal-Ġustizzja tal-Unjoni Ewropea, jekk l-Assemblea Plenarja ma tkunx tista’ tieħu deċiżjoni fiż-żmien li jingħatalha, wara verifika tal-kworum preżenti, kif stabbilit fl-Artikolu 37(2) l-ewwel sentenza, b’maġġoranza tal-voti li jintefgħu għall-proposta kemm tal-President tal-Kumitat, kif ukoll tal-kummissjoni rilevanti li taġixxi b’konformità mal-Artikoli 53 u 54. Ladarba tiġi adottata din id-deċiżjoni, il-President għandu jippreżenta r-rikors f’isem il-Kumitat u waqt is-sessjoni plenarja li jmiss jirreferi lill-Assemblea dwar id-deċiżjoni taż-żamma tar-rikors. Jekk wara l-verifika tal-kworum preżenti kif stabbilit fl-Artikolu 21(1) l-ewwel sentenza, l-Assemblea Plenarja tiddeċiedi b’maġġoranza skont l-Artikolu 13(g) kontra r-rikors, il-President jirtira dan.

1.

Il-Bureau jitlaqqa’ mill-President, li għandu jistabbilixxi d-data tal-laqgħa u l-aġenda bi ftehim mal-ewwel Viċi President. Il-Bureau għandu jiltaqa’ minn tal-inqas darba kull tliet xhur, jew mhux aktar tard minn 14-il jum wara r-riċevuta ta’ talba bil-miktub li ssir mingħand tal-inqas kwart mill-membri tiegħu.

2.

Il-kworum tal-Bureau jintlaħaq jekk minn tal-inqas nofs il-membri tiegħu huma preżenti. Il-kworum jiġi verifikat fuq it-talba ta’ membru u bil-kondizzjoni li minn tal-inqas sitt membri jivvotaw favur din it-talba. Meta l-verifika tal-kworum ma tintalabx, kull vot huwa validu jkun xi jkun in-numru tal-preżenti. Jekk jiġi stabbilit li l-kworum ma ntlaħaqx, il-Bureau jista’ jkompli bid-diskussjonijiet iżda l-votazzjoni ssir fil-laqgħa segwenti.

3.

Id-deċiżjonijiet jitteħdu b’maġġoranza ta’ voti mitfugħa, ħlief fejn hemm previst mod ieħor f’dawn ir-Regoli ta’ Proċedura. Għandhom jiġu applikati d-dispożizzjonijiet tal-Artikolu 22(2) u (5).

4.

Sabiex jitħejjew id-deċiżjonijiet tal-Bureau, il-President jagħti r-responsabbiltà lis-Segretarju Ġenerali sabiex iħejji d-dokumenti ta’ diskussjoni u r-rakkomandazzjonijiet għal deċiżjoni fuq kull tema li trid tiġi eżaminata u dawn jinhemżu mal-abbozz ta’ aġenda.

5.

Id-dokumenti għandhom jintbagħtu bil-posta elettronika lill-membri minn tal-inqas għaxart ijiem qabel il-ftuħ tal-laqgħa. L-emendi għad-dokumenti tal-Bureau għandhom jaslu għand isSegretarju Ġenerali mhux aktar tard mit-tielet jum ta’ xogħol qabel il-ftuħ tal-laqgħa tal-Bureau, filwaqt li jiġu rispettati l-proċeduri mitluba tat-tressiq, u għandhom ikunu elettronikament disponibbli malli jiġu tradotti.

6.

F’każijiet eċċezzjonali, il-President jista’ jirrikorri għal proċedura bil-miktub għall-adozzjoni ta’ deċiżjonijiet oħra li ma jikkonċernawx lill-individwi. Il-President jibgħat il-proposta ta’ deċiżjoni lill-membri u jitlobhom sabiex iressqu, bil-miktub u fi żmien ħamest ijiem ta’ xogħol, kwalunkwe oġġezzjoni. Jekk ma ssir l-ebda oġġezzjoni, id-deċiżjoni tiġi adottata.

1.

Il-President għandu jmexxi x-xogħol tal-Kumitat.

2.

Il-President jirrappreżenta lill-Kumitat. Hu jista’ jiddelega dawn is-setgħat.

3.

Jekk il-President ikun assenti jew ma jistax jattendi, għandu jkun irrappreżentat mill-ewwel Viċi President; jekk l-ewwel Viċi President huwa wkoll assenti jew ma jistax jattendi, il-President għandu jkun irrappreżentat minn wieħed mill-Viċi Presidenti l-oħra.

(a)

meta jiġi kkonsultat mill-Parlament Ewropew, mill-Kunsill jew mill-Kummissjoni meta t-Trattati jipprevedu dan fil-każijiet l-oħra kollha, partikolarment dawk li jikkonċernaw il-koperazzjoni transkonfinali, li fihom waħda minn dawn l-istituzzjonijiet tikkunsidra li jkun adatt;

(b)

fuq l-inizjattiva tiegħu stess fil-każ meta dan iqisu utli;

(c)

meta, fil-każ li jiġi kkonsultat il-Kumitat Ekonomiku u Soċjali skont l-Artikolu 304 tat-Trattat dwar il-Funzjonament tal-Unjoni Ewropea, il-Kumitat jikkunsidra li huma involuti interessi speċifiċi reġjonali.

1.

Meta jirċievi talbiet ta’ tħejjija ta’ opinjoni min-naħa tal-Kunsill, tal-Kummissjoni jew tal-Parlament Ewropew fuq xi dokumenti, il-President jgħaddihom lill-kummissjonijiet kompetenti, u l-Bureau jiġi mgħarraf matul il-laqgħa segwenti.

2.

Jekk is-suġġett ta’ xi opinjoni jew rapport jaqa’ fil-kompetenzi ta’ aktar minn kummissjoni waħda, il-President għandu jaħtar kummissjoni prinċipali u, jekk ikun neċessarju, jista’ jipproponi li l-Bureau jwaqqaf grupp ta’ ħidma li jkun fih rappreżentanti mill-kummissjonijiet ikkonċernati.

3.

Jekk xi kummissjoni ma taqbilx ma’ xi deċiżjoni meħuda mill-President skont il-paragrafi 1 u 2, din tista’, permezz tal-president tagħha, titlob lill-Bureau sabiex jieħu deċiżjoni.

1.

F’każ li l-kummissjoni kkonċernata ma tistax tħejji abbozz ta’ opinjoni jew rapport sad-data tal-għeluq stabbilita mill-Kunsill, mill-Kummissjoni jew mill-Parlament Ewropew, il-Bureau jista’ jipproponi li l-Assemblea Plenarja taħtar relatur ġenerali, li għandu jippreżenta direttament lill-Assemblea Plenarja abbozz ta’ opinjoni jew ta’ rapport.

2.

F’każ li data tal-għeluq stabbilita mill-Kunsill, mill-Kummissjoni jew mill-Parlament Ewropew ma tħallix biżżejjed ħin lill-Assemblea Plenarja tal-Kumitat sabiex taħtar relatur ġenerali, ir-relatur ġenerali jista’ jinħatar mill-President u l-Assemblea Plenarja għandha tkun mgħarrfa matul il-laqgħa tagħha segwenti.

3.

Fiż-żewġ każijiet, il-kummissjoni kkonċernata għandha tiltaqa’, fejn ikun possibbli, sabiex isir dibattitu ġenerali esplorattiv dwar is-suġġett tal-opinjoni jew tar-rapport.

1.

It-talbiet għal tħejjija ta’ opinjonijiet jew rapporti fuq inizjattiva proprja jistgħu jintbagħtu lill-Bureau minn tlieta mill-membri tiegħu, minn kummissjoni permezz tal-president tagħha jew minn 32 membru tal-Kumitat. Dawn it-talbiet għandhom jaslu għand il-Bureau, akkumpanjati mir-raġunijiet, flimkien mad-dokumenti l-oħra kollha ta’ diskussjoni skont l-Artikolu 37(4), u fejn ikun possibbli, qabel ma jiġi adottat il-programm ta’ ħidma annwali.

2.

Il-Bureau għandu jiddeċiedi dwar talbiet għal abbozzar ta’ opinjonijiet jew rapporti fuq inizjattiva proprja b’maġġoranza ta’ tliet kwarti tal-voti mitfugħa. L-opinjonijiet jew ir-rapporti għandhom jgħaddu għand il-kummissjoni kompetenti b’konformità mal-Artikolu 40. Il-President jinforma lill-Assemblea Plenarja dwar id-deċiżjonijiet kollha tal-Bureau relatati mal-approvazzjoni u mal-attribuzzjoni tal-opinjonijiet jew tar-rapporti fuq inizjattiva proprja.

3.

Dan l-Artikolu jiġi applikat mutatis mutandis fil-każ ta’ opinjonijiet imfassla skont id-dispożizzjonijiet tal-Artikolu 39(c).

1.

Jistgħu jitqiegħdu fuq l-aġenda dawk ir-riżoluzzjonijiet li jirreferu għal temi dwar l-oqsma ta’ attività tal-Unjoni Ewropea, li jikkonċernaw tħassib importanti tal-awtoritajiet reġjonali u lokali u li għandhom natura ta’ attwalità.

2.

Il-proposti ta’ riżoluzzjonijiet jew it-talbiet ta’ tħejjija ta’ riżoluzzjoni għandhom jintbagħtu lill-Kumitat mingħand tal-inqas tnejn u tletin membru, jew minn xi grupp politiku. Il-proposti jew it-talbiet kollha għandhom jiġu ppreżentati lill-Bureau bil-miktub u jindikaw l-isem tal-membri jew tal-grupp politiku li jappoġġjawhom. Għandhom jaslu għand is-Segretarju Ġenerali mhux aktar tard minn tlett ijiem ta’ xogħol qabel il-ftuħ tal-laqgħa tal-Bureau.

3.

Jekk il-Bureau jiddeċiedi li l-Kumitat għandu jiddiskuti xi abbozz jew talba ta’ riżoluzzjoni jista’:

4.

Abbozzi ta’ riżoluzzjonijiet li huma marbutin ma’ xi avveniment imprevedibbli li jseħħ wara d-data tal-għeluq stabbilita fil-paragrafu 2 (riżoluzzjonijiet ta’ urġenza) u li jħarsu d-dispożizzjonijiet tal-paragrafu 1, jistgħu jitressqu fil-bidu tal-laqgħa tal-Bureau. Jekk il-Bureau jiddeċiedi li l-proposta tmiss il-qofol tax-xogħol tal-Kumitat, il-proposta titqies b’konformità mal-paragrafu 3(c). L-emendi għall-abbozzi ta’ riżoluzzjonijiet ta’ urġenza jistgħu jitressqu minn kull membru matul is-sessjoni plenarja.

1.

Fil-bidu ta’ kull mandat kwinkwennali, l-Assemblea Plenarja tikkostitwixxi kummissjonijiet sabiex jippreparawlha xogħolha. Għandha tiddeċiedi dwar il-kompożizzjoni u s-setgħat tagħhom fuq proposta mill-Bureau.

2.

Il-kompożizzjoni tal-kummissjonijiet għandha tirrifletti r-rappreżentanza tal-Istati Membri fil-Kumitat.

3.

Il-membri tal-Kumitat għandhom jagħmlu parti ta’ mill-inqas kummissjoni waħda iżda mhux aktar minn żewġ kummissjonijiet. Jistgħu jsiru eċċezzjonijiet mill-Bureau għall-membri li jappartjenu għal delegazzjonijiet nazzjonali li n-numru ta’ membri tagħhom ikun anqas min-numru ta’ kummissjonijiet.

1.

Fl-ewwel laqgħa tagħha kull kummissjoni għandha taħtar minn fost il-membri tagħha President, l-ewwel Viċi President u, jekk ikun neċessarju, massimu ta’ żewġ Viċi Presidenti.

2.

Fejn in-numru ta’ kandidati jaqbel man-numru ta’ siġġijiet li jridu jimtlew, il-kandidati jistgħu jiġu eletti b’akklamazzjoni. F’każ kontrarju jew fuq talba ta’ wieħed minn kull sitt membri tal-kummissjoni, il-kandidati jiġu eletti b’votazzjoni skont id-dispożizzjonijiet tal-Artikolu 32(2) sa (4) li jirregolaw il-proċeduri tal-elezzjoni tal-President u tal-ewwel Viċi President tal-Kumitat.

3.

Jekk membru ma jibqax jagħmel parti mill-Kumitat jew jirriżenja mill-post tiegħu ta’ President jew ta’ Viċi President, il-post battal għandu jimtela skont id-dispożizzjonijiet ta’ dan l-Artikolu.

1.

B’konformità mal-kompetenzi li jiġu attribwiti lilhom mill-Assemblea Plenarja skont l-Artikolu 45, il-kummissjonijiet jiddiskutu politiki tal-Unjoni. Huma għandhom b’mod partikolari jħejju l-verżjonijiet tal-abbozzi tal-opinjonijiet, tar-rapporti u tar-riżoluzzjonijiet li mbagħad jintbagħtu lill-Assemblea Plenarja għal adozzjoni.

2.

Għandhom iħejju l-programmi annwali tagħhom ta’ ħidma skont il-prijoritajiet politiċi tal-Kumitat u jibagħtuhom lill-Bureau għal adozzjoni.

1.

Id-data u l-aġenda tal-laqgħa ta’ kummissjoni jiġu ddeterminati mill-President tagħha, bi qbil mal-ewwel Viċi President.

2.

Kummissjoni għandha titlaqqa’ mill-President tagħha. Il-konvokazzjoni għal laqgħa ordinarja flimkien mal-aġenda għandha tasal għand il-membri mhux aktar tard minn erba’ ġimgħat qabel id-data tal-laqgħa.

3.

Jekk minn tal-inqas kwart mill-membri jagħmlu talba bil-miktub, il-President huwa obbligat li jsejjaħ laqgħa straordinarja tal-kummissjoni, li għandha ssir mhux aktar tard minn erba’ ġimgħat wara li tintbagħat it-talba. L-aġenda ta’ laqgħa straordinarja għandha titfassal mill-membri li jibagħtu t-talba għal laqgħa bħal din. Għandha tintbagħat lill-membri flimkien mal-konvokazzjoni.

4.

L-abbozzi kollha ta’ opinjonijiet u d-dokumenti l-oħra tad-diskussjoni li jridu jiġu tradotti u jsiru disponibbli qabel xi laqgħa għandhom jintbagħtu lis-Segretarjat tal-kummissjoni kkonċernata mhux aktar tard minn ħames ġimgħat qabel id-data stabbilita għal-laqgħa. Għandhom jintbagħtu lill-membri mhux aktar tard minn għaxart ijiem ta’ xogħol qabel id-data tal-laqgħa bil-posta elettronika. F’każijiet eċċezzjonali, id-dati tal-għeluq imsemmija jistgħu jiġu emendati mill-President.

1.

Il-laqgħat tal-kummissjonijiet huma miftuħin għall-pubbliku, sakemm xi kummissjoni ma tiddeċidix mod ieħor fir-rigward tal-laqgħa kollha jew ta’ xi punt speċifiku fuq l-aġenda tagħha.

2.

Ir-rappreżentanti tal-Parlament Ewropew, tal-Kunsill u tal-Kummissjoni, kif ukoll personalitajiet oħrajn, jistgħu jkunu mistiedna sabiex jipparteċipaw fil-laqgħat tal-kummissjonijiet u sabiex iwieġbu għall-mistoqsijiet tal-membri.

1.

Il-kummissjonijiet jippreżentaw l-abbozzi ta’ opinjoni jew ta’ rapport qabel id-data tal-għeluq prevista fil-kalendarju interistituzzjonali. In-numru ta’ laqgħat għall-analiżi ta’ abbozz ta’ opinjoni jew ta’ rapport m’għandux ikun aktar minn tnejn, mingħajr ma tiġi inkluża l-ewwel laqgħa li fiha jiġi organizzat ix-xogħol.

2.

F’każijiet eċċezzjonali, il-Bureau jista’ jawtorizza laqgħat supplimentari sabiex jiġi analizzat abbozz ta’ opinjoni jew ta’ rapport, jew jista’ jġedded id-data tal-għeluq għall-preżentazzjoni tal-abbozz.

1.

Opinjoni jew rapport tal-Kumitat tippreżenta l-fehmiet u r-rakkomandazzjonijiet tal-Kumitat dwar is-suġġett inkwistjoni, kif ukoll, f’każ ta’ bżonn, proposti konkreti għal modifikazzjoni fid-dokument diskuss.

2.

L-opinjonijiet tal-Kumitat għandhom jagħmlu referenza espliċita għall-applikazzjoni tal-prinċipji tas-sussidjarjetà u l-proporzjonalità.

3.

Dawn l-opinjonijiet u r-rapporti għandhom ukoll, fejn huwa possibbli, jindirizzaw l-effetti mistennija fil-livell tal-amministrazzjoni u fuq il-finanzi reġjonali u lokali.

4.

F’każ ta’ bżonn, għandha titħejja dikjarazzjoni ta’ spjega mir-relatur u m’għandhiex titressaq għall-votazzjoni. Għandha, iżda, taqbel mat-test tal-opinjoni li tressaq għall-vot.

1.

Matul il-perijodu ta’ wara l-adozzjoni ta’ opinjoni, il-president u r-relatur tal-kummissjoni li tkun ġiet inkarigata mit-tħejjija tal-abbozz ta’ opinjoni għandhom, bl-għajnuna tas-Segretarju Ġenerali, isegwu l-proċedura li fuqha tkun imsejsal-konsultazzjoni tal-Kumitat.

2.

Jekk tħoss li huwa meħtieġ, il-kummissjoni tista’ titlob lill-Bureau jawtorizzaha tħejji abbozz ta’ opinjoni rivedut dwar l-istess suġġett u, jekk jista’ jkun, dan għandu jitħejja mill-istess relatur bil-għan li jiġu kkunsidrati u indirizzati l-iżviluppi tal-proċedura li fuqha tkun imsejsal-konsultazzjoni tal-Kumitat.

3.

Jekk jista’ jkun, il-kummissjoni għandha tiltaqa’ biex tiddiskuti u tadotta l-abbozz ta’ opinjoni rivedut li għandu jiġi ppreżentat fis-sessjoni plenarja li jmiss.

4.

F’każ li l-proċediment tal-proċedura fil-bidu tal-konsultazzjoni tal-Kumitat ma tħallix biżżejjed ħin lill-kummissjoni biex tippreżenta l-fehma tagħha, il-president ta’ din il-kummissjoni għandu jinforma lill-President tal-Kumitat direttament dwar dan sabiex ikun permess ir-rikors għall-proċedura ta’ ħatra ta’ relatur ġenerali kif imsemmi fl-Artikolu 41.

1.

Il-President tal-Kumitat jew il-kummissjoni inkarigata mit-tħejjija tal-abbozz ta’ opinjoni jistgħu jipproponu li jitressaq rikors quddiem il-Qorti tal-Ġustizzja tal-Unjoni Ewropea għall-ksur tal-prinċipju tas-sussidjarjetà minn att leġiżlattiv li, skont it-Trattat dwar il-Funzjonament tal-Unjoni Ewropea, il-Kumitat għandu jiġi kkonsultat dwaru qabel ma jiġi adottat.

2.

Il-kummissjoni tieħu deċiżjoni b’maġġoranza tal-voti mitfugħa, wara verifika minn qabel li jkun intlaħaq il-kworum ta’ preżenza skont l-Artikolu 59(1). Il-proposta tal-kummissjoni għandha tiġi indirizzata għal deċiżjoni lill-Assemblea Plenarja b’konformità mal-Artikolu 13(g) jew lill-Bureau fil-każijiet imsemmija fl-Artikolu 36(j). Il-kummissjoni għandha tagħti raġuni għall-proposta tagħha f’rapport dettaljat li jkun jinkludi, jekk meħtieġ, il-bżonn li tittieħed deċiżjoni minnufih fuq il-bażi tal-Artikolu 36(j).

1.

Jekk il-Kumitat tar-Reġjuni ma jiġix ikkonsultat fil-każijiet stabbiliti mit-Trattat dwar il-Funzjonament tal-Unjoni Ewropea, il-President tal-Kumitat jew waħda mill-kummissjonijiet jistgħu jipproponu lill-Assemblea Plenarja b’konformità mal-Artikolu 13(ġ) jew lill-Bureau fil-każijiet imsemmija fl-Artikolu 36(j), li jitressaq rikors quddiem il-Qorti tal-Ġustizzja tal-Unjoni Ewropea.

2.

Il-kummissjoni tieħu deċiżjoni b’maġġoranza tal-voti mitfugħa, wara verifika minn qabel li jkun intlaħaq il-kworum ta’ preżenza skont l-Artikolu 59(1). Il-kummissjoni għandha tagħti raġuni għall-proposta tagħha f’rapport dettaljat li jkun jinkludi, jekk meħtieġ, il-bżonn li tittieħed deċiżjoni minnufih fuq il-bażi tal-Artikolu 36(j).

1.

Kull kummissjoni, fuq proposta tal-President tagħha, għandha tinnomina relatur jew, f’każijiet b’raġuni adatta, żewġ relaturi sabiex ifasslu abbozz ta’ opinjoni jew ta’ rapport.

2.

Fil-ħatra tar-relaturi, kull kummissjoni għandha tiżgura allokazzjoni ġusta u bbilanċjata tal-opinjonijiet u tar-rapporti.

3.

F’każ urġenti, il-president tal-kummissjoni jista’ jirrikorri għal proċedura bil-miktub sabiex jaħtar relatur. Il-president jitlob lill-membri tal-kummissjoni sabiex iressqu, bil-miktub u fi żmien tlett ijiem ta’ xogħol, kwalunkwe oġġezzjoni għall-ħatra tar-relatur propost. F’każ ta’ oġġezzjoni, il-President u l-ewwel Viċi-President jiddeċiedu bi qbil komuni.

4.

Jekk il-President jew wieħed mill-Viċi Presidenti ta’ kummissjoni jinħatar bħala relatur, huwa għandu, matul l-analiżi tal-abbozz tal-opinjoni jew tar-rapport, jgħaddi l-presidenza tal-laqgħa lil xi Viċi President ieħor jew lill-aktar membru anzjan preżenti.

5.

Meta relatur ma jibqax membru jew sostitut tal-Kumitat, għandu jinħatar relatur ieħor tal-istess grupp politiku fi ħdan il-kummissjoni, jekk ikun hemm bżonn billi tintuża l-proċedura stabbilita fil-paragrafu 3.

1.

F’ċerti sitwazzjonijiet li jesiġu dan, il-kummissjonijiet jistgħu jwaqqfu, bl-approvazzjoni tal-Bureau, gruppi ta’ ħidma. Il-membri tal-gruppi ta’ ħidma jistgħu wkoll jiġu minn kummissjoni oħra.

2.

Membru ta’ grupp ta’ ħidma li ma jistax jattendi laqgħa jista’ jiġi rrappreżentat minn membru jew minn rappreżentant tal-grupp politiku tiegħu li jidher fil-lista ta’ sostituti għal dan il-grupp ta’ ħidma.

3.

Kull grupp ta’ ħidma jista’ jaħtar president u viċi president minn fost il-membri tiegħu.

1.

Il-membri tal-kummissjonijiet jistgħu jiġu megħjuna minn espert.

2.

Kummissjoni tista’ taħtar esperti li jgħinuha f’ħidmietha jew jassistu lill-gruppi ta’ ħidma mwaqqfa minnha. Fuq stedina tal-president, dawn l-esperti jistgħu jipparteċipaw fil-laqgħat tal-kummissjoni jew ta’ wieħed mill-gruppi tagħha ta’ ħidma.

3.

L-esperti tar-relaturi u l-esperti mistiedna mill-kummissjoni biss għandhom id-dritt għar-rimborż tal-ispejjeż tal-ivvjaġġar u tal-indennizzi ta’ kuljum.

1.

Il-kworum ta’ kummissjoni jintlaħaq meta aktar minn nofs il-membri jkunu preżenti.

2.

Il-kworum jiġi verifikat fuq it-talba ta’ membru u bil-kondizzjoni li minn tal-inqas għaxar membri jivvotaw favur din it-talba. Jekk il-verifika tal-kworum ma tintalabx, il-voti kollha għandhom ikunu validi hu kemm hu n-numru ta’ nies preżenti. Jekk jitqies li l-kworum ma ntlaħaqx, il-kummissjoni tista’ tipproċedi għall-analiżi tal-punti li għadhom fuq l-aġenda li ma jeħtiġux vot waqt li tippostponi għal-laqgħa segwenti d-diskussjonijiet u l-votazzjonijiet fuq il-punti tal-aġenda li għadhom sospiżi.

1.

Id-deċiżjonijiet għandhom jittieħdu b’maġġoranza tal-voti mitfugħa. Għandhom jiġu applikati d-dispożizzjonijiet tal-Artikolu 22(2).

2.

Jekk kummissjoni tinterrompi votazzjoni fuq opinjoni, tista’ tiddeċiedi, b’maġġoranza tal-voti mitfugħa, sabiex terġa’ tippreżenta għall-votazzjoni l-emendi li diġà saret votazzjoni fuqhom meta tieħu deċiżjoni fuq it-test kollu.

1.

L-emendi għandhom jintbagħtu lis-Segretarjat tal-kummissjoni mill-inqas sebat ijiem ta’ xogħol qabel id-data tal-laqgħa. F’każijiet eċċezzjonali, id-data ta’ għeluq tista’ tiġi emendata mill-President.

L-emendi tal-kummissjoni jistgħu jitressqu biss mill-membri ta’ din il-kummissjoni, jew mill-membri jew sostituti b’mandat kif dovut skont il-kondizzjonijiet stabbiliti fl-Artikolu 5(2), kif ukoll f’dak li jirrigwarda r-rapport tiegħu mill-membru sostitu mhux b’mandat iżda maħtur bħala relatur.

Id-dritt li jitressqu l-emendi għal laqgħa tal-kummissjoni jista’ jintuża b’mod esklużiv biss minn membru ta’ din il-kummissjoni jew minn membru ieħor jew minn sostitut b’mandat kif dovut. L-emendi debitament imressqa qabel ma membru jew sostitut fi ħdan il-Kumitat ma jibqax tali jew qabel ma tingħata jew tiġi rrevokata delega jibqgħu validi.

L-emendi għandhom jingħataw prijorità fil-proċess tat-traduzzjoni u mbagħad jintbagħtu lir-relatur sabiex ikun jista’ jressaq l-emendi tiegħu quddiem is-segretarjat ġenerali mill-inqas jumejn ta’ xogħol qabel id-data tal-laqgħa. L-emendi tar-relatur għandhom ikunu marbuta ma’ emenda jew għadd ta’ emendi li ssir referenza għalihom fil-paragrafu 1. L-emendi tar-relatur għandhom ikunu disponibbli b’mod elettroniku hekk kif jiġu tradotti u għandha titqassam kopja stampata mill-inqas waqt il-ftuħ tas-sessjoni plenarja.

Jiġu applikati mutatis mutandis id-dispożizzjonijiet tal-Artikolu 24(1) u (5).

2.

Il-votazzjonji fuq l-emendi għandha timxi bl-istess ordni tal-punti tal-abbozz ta’ opinjoni jew ta’ rapport li qiegħed jiġi analizzat. Wara dan, it-test sħiħ għandu jgħaddi għall-votazzjoni.

3.

Meta l-opinjoni jew ir-rapport jiġi adottat fil-Kummissjoni għandu jintbagħat mill-President tal-kummissjoni lill-President tal-Kumitat.

1.

F’ċirkostanzi eċċezzjonali, il-president ta’ kummissjoni jista’ jirrikorri għal proċedura bil-miktub sabiex tiġi adottata deċiżjoni dwar it-tħaddim tal-kummissjoni tiegħu.

2.

Il-president jibgħat il-proposta għal deċiżjoni lill-membri u jitlobhom sabiex iressqu kwalunkwe oġġezzjoni bil-miktub, fi żmien tlett ijiem ta’ ħidma.

3.

Jekk ma ssir l-ebda oġġezzjoni, id-deċiżjoni tiġi adottata.

1.

Fil-każ ta’ konsultazzjonijiet li għalihom ikun jidher li hu mixtieq li l-Kumitat jirrispondi, iżda li, għal raġunijiet ta’ prijorità u/jew għaliex diġà ġew adottati opinjonijiet rilevanti fil-passat reċenti, ma tkunx meħtieġa opinjoni ġdida, il-kummissjoni inkarigata tista’ tiddeċiedi li ma toħroġx opinjoni. F’dan il-każ, il-Kumitat jista’ jirrispondi lill-Istituzzjonijiet tal-Unjoni Ewropea b’ittra ffirmata mill-President tal-Kumitat.

2.

L-ittra għandha titħejja mill-president tal-kummissjoni responsabbli b’konsultazzjoni mar-relaturi tal-opinjonijiet preċedenti dwar l-istess suġġett.

3.

Jekk iż-żmien ikun jippermetti, l-ittra għandha tiġi ppreżentata għad-diskussjoni fl-ewwel laqgħa disponibbli tal-kummissjoni relevanti, qabel ma tiġi ppreżentata lill-President tal-Kumitat għall-firma.

1.

Il-Kumitat huwa assistit minn Segretarjat Ġenerali.

2.

Is-Segretarjat Ġenerali għandu jkun immexxi minn Segretarju Ġenerali.

3.

Il-Bureau, fuq proposta tas-Segretarju Ġenerali, għandu jorganizza s-Segretarjat Ġenerali b’tali mod li dan tal-aħħar ikun kapaċi li jiżgura t-tħaddim effiċjenti tal-Kumitat u l-korpi kostitwenti tiegħu u jassisti lill-membri tal-Kumitat fil-qadi ta’ dmirijiethom. B’dan il-mod jistabbilixxi s-servizzi li l-amministrazzjoni trid tipprovdi lill-membri, lid-delegazzjonijiet nazzjonali, lill-gruppi politiċi u lill-membri mhux affiljati.

4.

Is-Segretarjat Ġenerali jistabbilixxi l-minuti tal-laqgħat tal-korpi kostitwenti tal-Kumitat.

1.

Is-Segretarju Ġenerali għandu jkun responsabbli għat-twettiq tad-deċiżjonijiet li jittieħdu mill-Bureau jew mill-President, b’konformità ma’ dawn ir-Regoli ta’ Proċedura u l-qafas legali applikabbli. Huwa għandu jattendi l-laqgħat tal-Bureau bi rwol konsultattiv u għandu jżomm il-minuti ta’ dawn il-laqgħat.

2.

Is-Segretarju Ġenerali għandu jaqdi dmirijietu taħt id-direzzjoni tal-President, li jirrappreżenta ‘l Bureau.

1.

Il-Bureau għandu jimpjega lis-Segretarju Ġenerali b’deċiżjoni li tittieħed mill-maġġoranza ta’ żewġ terzi, u wara li jiġi verifikat il-kworum tal-preżenzi skont l-ewwel sentenza tal-Artikolu 37(2), waqt li jiġu applikati d-dispożizzjonijiet tal-Artikolu 2 u tad-dispożizzjonijiet korrispondenti tal-Kondizzjonijiet tal-impjieg applikabbli għall-ħaddiema l-oħra tal-Komunitajiet Ewropej.

2.

Is-Segretarju Ġenerali għandu jiġi impjegat għal ħames snin. Id-dispożizzjonijiet partikolari tal-kuntratt ta’ impjieg tiegħu għandhom jiġu stabbiliti mill-Bureau.

Is-Segretarju Ġenerali jista’ jiġi impjegat mill-ġdid għal perijodu wieħed ieħor biss ta’ mhux aktar minn ħames snin.

3.

Is-setgħat li l-Kondizzjonijiet tal-impjieg applikabbli għall-ħaddiema l-oħra tal-Komunitajiet Ewropej jikkonferixxu lill-awtorità responsabbli sabiex tikkonkludi l-kuntratti ta’ impjieg jiġu eżerċitati, fil-każ tas-Segretarju Ġenerali, mill-Bureau.

1.

Is-setgħat li r-Regolamenti tal-Persunal tal-uffiċjali tal-Komunitajiet Ewropej jikkonferixxi lill-awtorità li għandha s-setgħat ta’ ħatra għandhom jiġu eżerċitati kif ġej:

2.

Is-setgħat li l-Kondizzjonijiet tal-impjieg applikabbli għall-ħaddiema l-oħra tal-Komunitajiet Ewropej jinkkonferixxu awtorità responsabbli sabiex tikkonkludi l-kuntratti ta’ impjieg għandhom jiġu eżerċitati kif ġej:

Il-ħaddiema temporanji impjegati fl-uffiċċju privat tal-President jew tal-ewwel Viċi President għandhom jibqgħu ingaġġati sat-tmiem tal-mandat tal-President jew tal-Viċi President.

1.

Il-Bureau jistabbilixxi, skont l-Artikolu 36, Kummissjoni Konsultattiva għall-Affarijiet Finanzjarji u Amministrattivi, li tiġi preseduta minn membru tal-Bureau.

2.

Il-Kummissjoni għall-Affarijiet Finanzjarji u Amministrattivi għandu jkollha l-kompiti li ġejjin:

3.

Il-president tal-Kummissjoni għall-Affarijiet Finanzjarji u Amministrattivi jirrappreżenta lill-Kumitat fir-rigward tal-awtoritajiet baġitarji tal-Unjoni.

1.

Il-Kummissjoni għall-Affarijiet Finanzjarji u Amministrattivi għandha tibgħat lill-Bureau l-abbozzi preliminari tal-infiq u d-dħul tal-Kumitat għas-sena finanzjarja segwenti. Il-Bureau għandu jibgħat dan l-abbozz preliminari lill-assemblea plenarja għall-adozzjoni.

2.

L-Assemblea Plenarja tadotta l-abbozzi preliminari tal-infiq u d-dħul tal-Kumitat u tibgħathom lill-Kummissjoni, lill-Kunsill u lill-Parlament Ewropew fil-ħin sabiex tiżgura li d-dati tal-għeluq preskritti fir-regolament baġitarju jiġu rispettati.

3.

Il-President tal-Kumitat, wara li jikkonsulta lill-Kummissjoni għall-Affarijiet Finanzjarji u Amministrattivi, għandu jipproċedi għall-attwazzjoni tar-rendikont tal-infiq u d-dħul, jew jara li jkun attwat, skont ir-regoli finanzjarji interni adottati mill-Bureau. Huwa għandu jaqdi dawn il-funzjonijiet skont id-dispożizzjonijiet tar-Regolament Finanzjarju applikabbli għall-baġit ġenerali tal-Komunitajiet Ewropej.

1.

L-opinjonijiet u r-rapporti tal-Kumitat, kif ukoll il-komunikazzjonijiet relatati mal-applikazzjoni ta’ proċedura ssemplifikata skont l-Artikolu 26 jew mar-rinunċja tat-tħejjija ta’ opinjoni jew ta’ rapport skont l-Artikolu 62, għandhom ikunu indirizzati lill-Kunsill, lill-Kummissjoni u lill-Parlament Ewropew. Bħalma jiġri fil-każ tar-riżoluzzjonijiet, għandhom jintbagħtu mill-President.

2.

L-opinjonijiet, ir-rapporti u r-riżoluzzjonijiet huma ppubblikati f’Il-Ġurnal Uffiċjali tal-Unjoni Ewropea.

1.

Kull ċittadin tal-Unjoni, u kull persuna fiżika jew ġuridika residenti jew stabbilita fi Stat Membru, għandha dritt għal aċċess għad-dokumenti tal-Kumitat, b’konformità mad-dispożizzjonijiet tat-Trattat dwar il-Funzjonament tal-Unjoni Ewropea, iżda b’riserva skont il-prinċipji, kondizzjonijiet u limiti stabbiliti mir-Regolament (KE) Nru 1049/2001 tal-Parlament Ewropew u tal-Kunsill u b’konformità mad-dispożizzjonijiet stabbiliti mill-Bureau tal-Kumitat. L-aċċess għad-dokumenti tal-Kumitat għandu jingħata, fejn possibbli, bl-istess mod lill-persuni fiżiċi jew ġuridiċi l-oħra.

2.

Il-Kumitat għandu jistabbilixxi reġistru tad-dokumenti tiegħu. Għal dan il-għan, il-Bureau jadotta r-regoli interni dwar l-aċċess u jagħmel lista ta’ dokumenti li huma direttament aċċessibbli.

(a)

Id-dibattiti tal-Kumitat għandhom ikunu disponibbli bl-ilsna uffiċjali, sakemm il-Bureau ma jiddeċidix mod ieħor.

(b)

Kull membru għandu d-dritt jesprimi ruħu quddiem is-sessjoni plenarja bl-ilsien uffiċjali li jagħżel hu. Kull intervent li jsir b’ilsien uffiċjali jinqaleb simultanjament għall-ilsna uffiċjali l-oħra u għal kwalunkwe ilsien ieħor jekk il-Bureau jaħseb li hemm bżonn.

(c)

Fil-każ tal-laqgħat tal-Bureau, tal-kummissjonijiet, u tal-gruppi ta’ ħidma, l-interpretazzjoni hija disponibbli bl-ilsna u mill-ilsna li jintużaw mill-membri li jkunu kkonfermaw l-attendenza tagħhom għal-laqgħa kkonċernata.

1.

L-Assemblea Plenarja għandha tiddeċiedi b’maġġoranza tal-membri tagħha jekk hemmx ħtieġa li tirrivedi dawn ir-Regoli ta’ Proċedura, parzjalment jew fl-intier tagħhom.

2.

Għandha tinnomina kummissjoni ad hoc li tkun responsabbli għat-tħejjija ta’ rapport u ta’ abbozz ta’ test li fuq il-bażi tiegħu tipproċedi għall-adozzjoni tad-dispożizzjonijiet il-ġodda b’maġġoranza tal-membri tagħha. Id-dispożizzjonijiet il-ġodda għandhom jidħlu fis-seħħ fil-jum ta’ wara l-pubblikazzjoni tagħhom f’Il-Ġurnal Uffiċjali tal-Unjoni Ewropea.

9.1.2010   

MT

Il-Ġurnal Uffiċjali tal-Unjoni Ewropea

L 6/32

(1)

B’ittra datata t-30 ta’ April 2008, irreġistrata għand il-Kummissjoni fl-istess jum, l-awtoritajiet Ġermaniżi nnotifikaw lill-Kummissjoni b’żewġ miżuri li jirrigwardaw id-debitu għat-taxxa tal-kummerċ u l-eżenzjoni mir-restrizzjoni fuq it-trasferiment tat-telf għas-sena suċċessiva (carry-forward) (N 221/08), għall-finijiet ta’ ċertezza legali. Bl-ittri datati s-26 ta’ Ġunju u t-23 ta’ Ottubru 2008 il-Kummissjoni talbet għal informazzjoni addizzjonali. Il-Ġermanja wieġbet bl-ittri datati l-24 ta’ Lulju u l-21 ta’ Novembru 2008, irreġistrati fl-istess jum.

(2)

B’ittra datata t-22 ta’ Awwissu 2008, irreġistrata għand il-Kummissjoni fl-istess jum, l-awtoritajiet Ġermaniżi nnotifikaw lill-Kummissjoni b’miżura oħra li tikkonċerna il-benefiċċji fiskali għall-investituri privati (N 413/08), għall-finijiet ta’ ċertezza legali. Saret laqgħa bejn l-awtoritajiet Ġermaniżi u d-DĠ COMP fid-9 ta’ Ottubru 2008. Il-Ġermanja imbagħad issottomettiet informazzjoni addizzjonali b’ittra datata d-19 ta’ Novembru 2008, irreġistrata fl-istess jum.

(3)

Fit-28 ta’ Jannar 2009 il-Kummissjoni fetħet il-proċedura ta’ investigazzjoni formali għat-tliet miżuri kollha. Is-sommarju tad-Deċiżjoni ġie ppubblikat fil-Ġurnal Uffiċjali fl-14 ta’ Marzu 2009 (2). L-awtoritajiet Ġermaniżi ssottomettew l-osservazzjonijiet tagħhom f’ittra datata t-3 ta’ Marzu 2009, irreġistrata fl-istess jum. Il-partijiet terzi ssottomettew il-kummenti tagħhom f’ittri datati d-9 u l-14 ta’ April 2009, irreġistrati fl-istess jum. Il-Ġermanja ġiet infurmata b’dawn il-kummenti fit-23 ta’ April 2009 u ssottomettiet ir-risposta tagħha fuq dawn f’ittra datata t-22 ta’ Mejju 2009, irreġistrata fl-istess jum.

(4)

In-notifiki jirrigwardjaw tliet miżuri fiskali u jinkludu żewġ definizzjonijiet ta’ benefiċjarji. Il-miżuri kollha ġew inkorporati fl-Abbozz biex Jimmodernizza l-Kundizzjonjiet Ġenerali tal-Investimenti Kapitali (Gesetz zur Modernisierung der Rahmenbedingungen für Kapitalbeteiligungen, aktar ‘il quddiem il-“MoRaKG”). Dawn il-miżuri għandhom l-objettiv komuni li jiffaċilitaw il-provvista ta’ kapital ta’ riskju privat lil grupp speċifiku ta’ kumpaniji, definiti bħala “impriżi destinatarji” (aktar ‘il quddiem “ID”).

(5)

L-ewwel miżura (irreġistrata taħt N 221/08) għandha l-għan li tiffaċilita l-provvista ta’ kapital ta’ riskju billi tapplika kriterji ta’ eliġibbiltà speċifiċi għal “kumpaniji b’kapital ta’ riskju” (aktar ‘il quddiem “KKR”) li għandhom jiġu eżentati mid-debitu tat-taxxa tal-kummerċ (Gewerbesteuerpflicht). Il-Ġermanja tistma t-telf annwali tat-taxxa minn din il-miżura għal EUR 90 miljun.

(6)

It-tieni miżura (irreġistrata wkoll taħt N 221/08) ittaffi r-regoli restrittivi kontra l-abbuż fuq it-tnaqqis tat-telf, u dan jippermetti lill-ID jittrasferixxu t-telf għas-sena suċċessiva jekk KKR takkwista l-ishma tagħhom. Il-Ġermanja tisma t-telf annwali tat-taxxa minn din il-miżura għal EUR 385 miljun.

(7)

Taħt it-tielet miżura (irreġistrata taħt N 413/08), il-persuni fiżiċi li qegħdin jinvestu fl-ID (aktar ‘il quddiem imseħjin ukoll “investituri privati”) huma intitolati għal benefiċċji fiskali fuq id-dħul fil-każ ta’ qligħ kapitali fuq divestimenti. Għalkemm il-benefiċċju fiskali jingħata direttament lill-investituri privati, l-ID jistgħu jibbenefikaw indirettament minn din il-miżura billi jirċievu aktar investiment. Il-Ġermanja tistma t-telf annwali tat-taxxa minn din il-miżura għal EUR 30 miljun.

(8)

Il-benefiċjarji tat-tliet miżuri fiskali fil-MoRaKG huma KKR u ID kif definiti mill-MoRaKG u l-investituri privati, l-aktar business angels, skont kif ġej:

(9)

Il-KKR huma kumpaniji li huma rikonoxxuti bħala tali mill-Awtorità Federali għas-Sorveljanza Finanzjarja (Bundesanstalt für Finanzdienstleistungsaufsicht – BaFin) u li mhumiex irreġistrati fl-istess ħin bħala kumpanija ta’ investiment tal-ekwità (3) (Unternehmensbeteiligungsgesellschaft). Kriterji oħra għall-kwalifikazzjoni bħala KKR huma dawn li ġejjin.

(10)

L-ID għandhom ikunu impriżi inkorporati (Kapitalgesellschaft) u jissodisfaw il-kundizzjonijiet li ġejjin:

(11)

Il-miżura ma telaborax fuq id-defnizzjoni ta’ ID fir-rigward tad-definizzjoni ta’ impriżi f’diffikultà (4).

(12)

It-taxxa tal-kummerċ Ġermaniża (Gewerbesteuer) tinġabar mill-awtoritajiet lokali fir-rigward ta’ attivitajiet ekonomiċi mwettqa minn stabbilimenti tan-negozju permanenti fuq it-territorju ta’ komunità/muniċipalità. L-idea hija li dawn l-istabbilimenti tan-negozju permanenti jikkontribwixxu għall-ispejjeż tal-infrastruttura lokali li jużaw. It-taxxa tal-kummerċ għandha titħallas mill-impriżi kollha, ikun xi jkun l-istatus legali tagħhom, jekk jagħmlu attivitajiet kummerċjali (gewerblich tätig) skont il-liġi tat-taxxa tal-kummerċ u tat-taxxa fuq id-dħul. L-impriżi inkorporati (Kapitalgesellschaften) dejjem jiġu kkunsidrati bħala impriżi li jwettqu attivitajiet kummerċjali. Għas-soċjetajiet (Personengesellschaft), issir distinzjoni fir-rigward tal-attività tagħhom; jekk impriża hija soċjetà u twettaq biss attivitajiet tal-immaniġġjar tal-assi (vermögensverwaltend), ma tkunx soġġetta għat-taxxa tal-kummerċ. Min-naħa l-oħra, is-soċjetajiet li jagħmlu attivitajiet kummerċjali huma soġġetti għat-taxxa tal-kummerċ.

(13)

Il-Ministeru Federali tal-Finanzi ħareġ ittra (5) (aktar ‘il quddiem “l-ittra tal-2003”) dwar id-distinzjoni bejn l-attivitajiet tal-kummerċ u l-attivitajiet tal-immaniġġjar tal-assi ta’ fondi kapital ta’ riskju u fondi tal-ekwità privati (aktar ‘il quddiem “FKR/FEP”). Fuq il-bażi ta’ din l-ittra, il-FKR/FEP huma soġġetti għat-taxxa tal-kummerċ jekk l-attività tagħhom tkun ikkunsidrata bħala attività kummerċjali. Madankollu, jekk jagħmlu biss attività tal-immaniġġjar tal-assi, ma jkunux soġġetti għat-taxxa tal-kummerċ. Din l-ittra tal-2003 hija bbażata fuq sentenza tal-Qorti Federali tal-Finanzi (BFH) tal-25 ta’ Lulju 2001 (6), skont liema l-FKR/FEP ma jwettqux attività kummerċjali jekk il-kriterji li ġejjin ikunu ssodisfati:

(14)

Essenzjalment, dawn il-kriterji għandhom l-għan li jiċċaraw id-distinzjoni tradizzjonali stabbilita fil-liġi tat-taxxa Ġermaniża bejn l-attivitajiet kummerċjali u mhux kummerċjali tal-FKR/FEP. L-immaniġġjar tal-assi huwa meqjus bħala attività mhux kummerċjali. Id-distinzjoni bejn l-attivitajiet kummerċjali u mhux kummerċjali hija żgħira ħafna u hija s-suġġett ta’ bosta deċiżjonijiet tal-qorti, inter alia tal-Qorti Federali tal-Finanzi. Bħala regola ġenerali, l-FKR jew l-FEP huma involuti f’attivitajiet kummerċjali kull meta l-kummerċ tal-assi (perijodi żgħar bejn l-akkwist u l-bejgħ tal-assi, bħall-garanziji) jirrappreżenta parti sinifikanti tal-attivitajiet tagħhom (9).

(15)

Skont in-notifika, l-Artikolu 1 Sezzjoni 19 tal-MoRaKG jinkludi “kjarifika” tal-ittra tal-2003, u allegatament m’hemm l-ebda differenza sustanzjali bejn it-tnejn li huma.

(16)

Skont id-dispożizzjoni ta’ hawn fuq, il-KKR fil-forma legali ta’ soċjetajiet li huma involuti biss fl-akkwist, iż-żamma, l-immaniġġjar u l-bejgħ ta’ ishma kapitali b’riskju u li għandhom ishma f’kumpaniji inkorporati biss għandhom jitqiesu għall-finijiet tat-taxxa tad-dħul bħala kumpaniji li qegħdin iwettqu atttivitajiet tal-immaniġġjar tal-assi. Il-KKR jiċċaħħdu mill-istatus mhux kummerċjali tagħhom b’mod partikolari meta jkunu involuti fl-attivitajiet li ġejjin jew attivitajiet simili:

(17)

L-akkwist u ż-żamma tal-bini tan-negozju tagħha u organizzazzjoni tan-negozju xierqa ma jċaħħdux lil KKR milli tiġi kkusidrata biex tmexxi attivitajiet tal-immaniġġjar tal-assi. L-attivitajiet taħt il-premessa 16 hawn fuq jistgħu, madankollu, jitwettqu minn sussidjarja li tappartjeni kollha lill-KKR.

(18)

It-telf li jkollha kumpanija f’sena taxxabbli normalment ikun jista’ jiġi ttrasferit għas-sena suċċessiva. Dan ifisser li jista’ jiġi kkumpensat bil-qligħ fi snin taxxabbli futuri. It-trasferiment tat-telf għas-sena suċċessiva jippermetti li jiġi kkunsidrat dan it-telf matul iċ-ċiklu tal-ħajja ta’ kumpanija. Madankollu, dan jista’ jwassal ukoll għal abbuż fil-forma ta’ “kumpaniji finti” (shell companies) li huma kumpaniji li waqqfu l-attivitajiet tagħhom iżda madankollu jinbiegħu peress li t-telf tagħhom ittrasferit għas-sena suċċessiva jirrappreżenta valur reali: x-xerrejja ta’ tali kumpaniji finti jibbenefikaw minn kumpens ta’ qligħ taxxabbli futur u għalhekk iħallsu inqas taxxa skont ir-rata tat-taxxa li tapplika.

(19)

Il-Ġermanja introduċiet miżuri kontra l-abbuż rigward it-traffikar tat-telf fl-Att Ġermaniż tat-Taxxa fuq id-Dħul tal-Impriżi (aktar ‘il quddiem: ATDI). Il-Liġi tal-Kontinwazzjoni tar-Reforma tat-Taxxa għall-Kumpaniji tal-1997 waqqfet it-traffikar tat-telf fil-forma ta’ kumpaniji finti. Il-Ġermanja saħħet il-miżuri kontra l-abbuż permezz tal-Att tar-Riforma tat-Tassazzjoni għall-Kumpaniji tal-2008 (Unternehmenssteuerreformgesetz 2008). Dan l-Att għandu impatt fuq il-bidliet kollha fl-ishma diretti u indiretti ta’ aktar minn 25 % fi żmien ħames snin. L-ATDI jipprovdi għal tnaqqis pro rata tat-telf jekk, matul perjodu ta’ ħames snin, aktar minn 25 % tal-kapital sottoskritt, drittijiet tas-soċjetà, drittijiet tal-parteċipazzjoni jew id-dritt għall-vot direttament jew indirettament ikun ittrasferit lil xerrej. Telf mhux użat b’ebda mod ma jista’ jitnaqqas jekk fi żmien ħames snin aktar minn 50 % tal-kapital sottoskritt jew tad-drittijiet imsemmijin hawn fuq jiġu ttrasferiti direttament jew indirettament lil xerrej.

(20)

IIl-MoRaKG jillaxka r-regoli tat-trasferiment tat-telf għas-sena suċċessiva għall-ID li jiġu akkwistati minn KKR, għax jippermetti lill-ID bi struttura ta’ pussess immodifikata b’mod sinifikanti biex jittrasferixxu telf li taħt ir-regola bażika jitlef il-validità tiegħu.

(21)

Skont l-Artikolu 4 tal-MoRaKG, jekk isir akkwist dirett minn KKR ta’ parteċipazzjoni f’ID, it-telf tal-ID ikun jista’ jkompli jitnaqqas sal-limitu tar-riżervi moħbija tal-assi domestiċi taxxabbli tal-ID. L-istess japplika jekk isir akkwist dirett minn kumpanija li mhijiex KKR ta’ parteċipazzjoni f’ID minn KKR, jekk:

(22)

Sa kull kwinta tat-telf li jista’ jitnaqqas tista’ titnaqqas taħt l-arranġamenti għat-tnaqqis tat-telf tal-Att tat-Taxxa fuq id-Dħul fis-sena tal-akkwist; f’kull waħda mill-erba’ snin ta’ wara dan in-numru jiżdied bi kwinta tat-telf li jista’ jitnaqqas.

(23)

Il-MoRaKG għandu l-għan li jħeġġeġ investituri privati bħal pereżempju business angels jinvestu fl-ID billi joffri vantaġġi tat-taxxa għall-qligħ li ġej mill-investiment tagħhom.

(24)

Skont l-Artikolu 1 Sezzjoni 20 tal-MoRaKG, il-qligħ kapitali fuq il-bejgħ ta’ ishma f’ID għandhom ikunu mqassma b’mod proporzjonali fost l-investituri skont il-parteċipazzjoni tagħhom. L-ammont li jirriżulta jitqies għat-tassazzjoni fuq id-dħul tal-investituri privati/business angels.

(25)

Il-benefiċċju fiskali jidħol fis-seħħ biss jekk ikun hemm qligħ kapitali mwettaq. Il-parteċipazzjoni ta’ investituri privati/business angels fl-ID għandha tkun bejn 3 % u 25 % fi kwalunkwe mument fil-ħames snin preċedenti bi żmien massimu ta’ żamma ta’ għaxar snin. Kull investitur privat/business angel huwa intitolat għal qligħ eżentat mit-taxxa sa EUR 50 000 (EUR 200 000 immultiplikat b’0,25) għal kull investiment, li jikkorrispondi għall-parteċipazzjoni massima ta’ 25 %. Għalhekk il-vantaġġ massimu tat-taxxa għal kull business angel u għal kull investiment huwa ta’ madwar EUR 22 500, skont il-kalkoli tal-Ġermanja. Il-benefiċċju fiskali jitnaqqas b’mod proporzjonali għall-qligħ ‘il fuq minn EUR 800 000 għal kull investiment, u jitnaqqsu totalment jekk il-qligħ totali jilħaq EUR 1 000 000.

(26)

Kif stabbilit fil-premessa 3, il-Kummissjoni ddeċidiet fit-28 ta’ Jannar 2009 li tibda l-proċedura ta’ investigazzjoni formali (aktar ‘il quddiem “Deċiżjoni tal-ftuħ”). Fid-Deċiżjoni tal-ftuħ il-Kummissjoni esprimiet l-opinjoni preliminari tagħha li t-tliet miżuri kollha jikkostitwixxu għajnuna mill-Istat.

(27)

Fuq il-bażi tat-tqabbil tagħha tal-ittra tal-2003 mal-“kjarifika” fil-MoRaKG, il-Kummissjoni esprimiet dubji fuq jekk l-istqarrija tal-Ġermanja li l-MoRaKG joħloq biss “kjarifika” statutorja tal-ittra tal-2003 hijiex korretta għax jidher li l-liġi tipprovdi ċerti vantaġġi fuq it-taxxa għall-kategorija speċifika ġdida ta’ kumpaniji b’kapital ta’ riskju definiti mill-MoRaKG. Fil-fatt, deher li l-“kjarifika” tiddevja mill-ittra tal-2003, u tista’ tipprovdi għal kriterji inqas stretti biex ċerti KKR ikunu jistgħu jibbenefikaw mill-eżenzjoni mit-taxxa tal-kummerċ.

(28)

Fuq il-bażi ta’ dawn id-dubji l-Kummissjoni nnotat li l-miżura tat-taxxa tal-kummerċ tiffavorixxi ċerti KKR fuq kumpaniji ta’ investiment oħrajn li jistgħu jkunu qegħdin jagħmlu l-istess attivitajiet eżatt jew attivitajiet simili. Madankollu, l-eżenzjoni mit-taxxa tal-kummerċ tinvolvi telf tat-taxxa annwali stmata għal madwar EUR 90 miljun, li jista’ jindika li l-MoRaKG mhux sempliċement “jikkjarifika” l-ittra tal-2003.

(29)

Fil-prinċipju l-Ġermanja ma eskludietx li l-miżura dwar it-trasferiment tat-telf għas-sena suċċessiva hija selettiva u għalhekk tiffavorixxi l-ID u l-KKR. Il-Ġermanja ddikjarat, madankollu, li dan huwa ġġustifikat min-natura u l-loġika tas-sistema Ġermaniża tat-taxxi. Peress li, skont il-Ġermanja, l-introduzzjoni tar-restrizzjoni ġenerali fuq l-użu tat-telf fuq it-taxxa fl-2008 affettwa ħafna s-suq tal-kapital ta’ riskju, il-possibbiltà li jintuża t-telf fuq it-taxxa għandha tkompli teżisti għal dan is-suq, u għalhekk il-miżura tissodisfa l-kriterji stabbiliti fl-Avviż tal-Kummissjoni dwar l-applikazzjoni tar-regoli dwar l-għajnuna mill-Istat għal miżuri li jirrigwardjaw it-tassazzjoni tan-negozju diretta (12) (aktar ‘il quddiem “Avviż dwar it-Tassazzjoni tan-Negozju”).

(30)

Il-Kummissjoni nnotat, madankollu, li kumpaniji ta’ investiment oħra (li jaqgħu ‘il barra mill-iskop tad-definizzjoni tal-KKR) m’għandhomx jiġu esklużi, jekk il-miżura hija ġġustifikata bin-natura u l-loġika tas-sistema tat-taxxa Ġermaniża, peress li kumpaniji li mhumiex KKR jistgħu wkoll jinvestu f’ID u għandhom ukoll jibbenefikaw mill-istess dritt li jużaw dan it-telf. Iżda dan mhuwiex il-każ, għax ID li jappartjenu b’mod konġunt lil kumpaniji li mhumiex KKR jistgħu biss jittrasferixxu t-telf tagħhom jekk il-kumpanija li mhijiex KKR tkun xtrat il-parteċipazzjoni minn KKR taħt il-kundizzjonijiet deskritti fil-premessa 21.

(31)

Il-Ġermanja ddikjarat ukoll li l-miżura ma taffettwax il-kummerċ bejn l-Istati Membri fis-sens tal-Artikolu 87(1) tat-Trattat KE, għax għandha “objettiv intern” li huwa kompatibbli mal-Avviż dwar it-Tassazzjoni tan-Negozju. Il-miżura tirrappreżenta biss eċċezzjoni għal regola stretta, li għaliha mhemm l-ebda ekwivalenti fi Stati Membri oħra, għalhekk il-miżura ma jistax ikollha effett transkonfinali fuq il-kompetizzjoni jew il-kummerċ.

(32)

Madankollu, il-Kummissjoni enfasizzat li l-benefiċjarji ta’ din il-miżura jistgħu jkunu involuti fil-kummerċ ma’ Stati Membri oħra u li għalhekk il-miżura jista’ jkollha effett fuq il-kummerċ. Barra minn hekk, fid-determinazzjoni ta’ jekk miżura fiskali tagħtix vantaġġ selettiv għal ċerti impriżi, wieħed għandu jeżamina s-sistema li tapplika b’mod ġenerali fl-Istat Membru kkonċernat; il-kwistjoni ta’ liema regoli għandhom japplikaw fi Stati Membri oħra hija, fil-prinċipu, irrilevanti.

(33)

Il-Ġermanja ddikjarat li l-benefiċjarji ta’ din il-miżura huma persuni fiżiċi u li għalhekk ma’ tikkostitwix għajnuna mill-Istat. Madankollu, peress li l-miżura tagħmel l-investimenti f’ċerti kumpaniji (ID) aktar attraenti għall-investituri, tista’ tiffavorixxi b’mod indirett ċerti impriżi, b’mod partikolari ID (13).

(34)

Il-Kummissjoni għalhekk ikkunsidrat li l-kriterji ta’ “vantaġġ” u “selettività” huma sodisfati. Barra minn hekk, l-implimentazzjoni tal-miżura ser tinvolvi telf tat-taxxa annwali stmat għal madwar EUR 30 miljun.

(35)

Il-Kummissjoni esprimiet dubji dwar il-kompatibbiltà tal-miżuri mal-linji gwida tal-Komunità dwar l-għajnuna mill-Istat biex tippromwovi investimenti ta’ kapital ta’ riskju f’impriżi ta’ daqs żgħir u medju (14) (aktar ‘il quddiem “Linji Gwida KR”), peress li l-Linji Gwida KR jipprevedu li l-għajnuna mill-Istat fil-forma ta’ kapital ta’ riskju ma tistax tingħata lil impriżi kbar (15), lil impriżi f’diffikultà u lil impriżi fl-industrija tal-bini ta’ bastimenti, faħam u azzar. F’dan il-każ, madankollu, l-impriżi msemmijin hawn fuq jistgħu jibbenefikaw mill-miżuri, għalhekk l-iskop tal-miżuri (fir-rigward tal-benefiċjarji) mhuwiex definit b’mod konformi mal-Linji Gwida KR.

(36)

Barra minn hekk, skont il-punt 4.3 tal-Linji Gwida KR, l-għajnuna mill-Istat għandha timmira lejn falliment tas-suq speċifiku li għall-eżistenza tiegħu jkun hemm biżżejjed evidenza. Tali evidenza ma ġietx sottomessa mill-Ġermanja.

(37)

Fl-aħħar nett, il-Kummissjoni ddubitat ukoll jekk ir-rekwiżiti l-oħra stabbiliti fil-Kapitolu 4 tal-Linji Gwida KR kinux issodisfati. Barra minn hekk, il-Kummissjoni nnotat li r-restrizzjoni tal-benefiċċju fiskali għal KKR li qegħdin jinvestu f’impriżi inkorporati dehret li kienet qiegħda tikkontradixxi l-objettiv allegat tal-miżura, b’mod partikolari biex tippromwovi l-provvista ta’ kapital ta’ riskju lill-kumpaniji kollha li għandhom bżonnha. Fil-fatt, kumpaniji żgħar innovattivi fil-bżonn ta’ kapital ta’ riskju jistgħu jieħdu għamla legali oħra milli dik ta’ kumpaniji inkorporati. Għalhekk, kumpaniji żgħar innovattivi fil-forma ta’ soċjetà ma jibbenefikawx mill-miżura.

(38)

Il-Kummissjoni ddubitat il-kompatibbltà tal-miżuri mar-regoli tas-suq komuni. Sabiex tikkwalifika bħala KKR, impriża għandu jkollha d-domiċilju legali tagħha (Sitz) u t-tmexxija tal-impriża tagħha fil-Ġermanja. Jidher li ċerti impriżi, b’mod partikolari stabbilimenti tan-negozju permanenti/fergħat u sussidjarji tal-UE u kumpaniji taż-ŻEE b’domiċilju legali (Sitz) ‘il barra mill-Ġermanja, ma jkunux eliġibbli. Din il-kundizzjoni tista’ tfixkel il-libertà tal-istabbiliment fis-sens tal-Artikolu 43 tat-Trattat KE.

(39)

Il-Ġermanja tiddikjara li l-kumpaniji b’domiċilju legali ‘l barra mill-Ġermanja ma jistgħux jiġu ssorveljati mill-BaFin u jkunu jistgħu jibbenefikaw minn vantaġġ kompetittiv mhux ġustifikat fuq il-KKR Ġermaniżi. Iżda l-Kummissjoni ddubitat l-idea li l-istabbilimenti tan-negozju permanenti ta’ kumpaniji barranin irreġistrati fil-Ġermanja, li huma de facto f’kompetizzjoni mal-KKR, ma jistgħux jiġu sorveljati b’mezzi oħra. Dak iż-żmien, il-Kummissjoni għalhekk wasslet għall-konklużjoni li ma kien hemm l-ebda ġustifikazzjoni għall-esklużjoni ta’ tali impriżi mill-iskema. Huwa għalhekk li l-Kummissjoni ddubitat ukoll jekk il-miżuri li għandhom joħorġu jistgħux jiġu ddikjarati kompatibbli mas-suq komuni.

(40)

B’ittra datata t-3 ta’ Marzu 2009, il-Ġermanja ssottomettiet il-kummenti tagħha fuq id-deċiżjoni biex tibda l-proċedura stabbilita fl-Artikolu 88(2) tat-Trattat KE. Il-kummenti kkonċernaw it-tliet miżuri kollha. Fil-qosor, il-Ġermanja reġgħet tenniet il-fehma tagħha li dawk il-miżuri ma kinux jikkostitwixxu għajnuna mill-Istat.

(41)

Il-Ġermanja reġgħet tenniet il-fehma tagħha li l-miżura dwar t-taxxa tal-kummerċ ma teżentax lill-kumpaniji mit-taxxa tal-kummerċ. Pjuttost, tikkjarifika d-distinzjoni bejn l-attivitajiet tal-kummerċ u l-immaniġġjar tal-assi u għalhekk għandha valur dikjaratorju (deklaratorische Bedeutung) biss. Il-valutazzjoni finali ta’ jekk kumpanija b’kapital ta’ riskju hijiex involuta f’attivitajiet ta’ kummerċ jew tal-immaniġġjar tal-assi għandha ssir b’mod konformi mal-ġurisprudenza tal-qorti suprema Ġermaniża, li hija miġbura fil-qosor fl-ittra tal-2003.

(42)

Rigward it-telf stmat ta’ EUR 90 miljun fit-taxxa fuq id-dħul, il-Ġermanja spjegat li qiegħda tistenna li l-kjarifika tal-MoRaKG sejra twassal għal inqas arranġamenti “difettużi” (verunglückte Vertragsgestaltungen), li fihom it-taxxi huma dovuti biss minħabba l-arranġamenti difettużi tal-kuntratt.

(43)

Il-Ġermanja reġgħet tenniet il-fehma tagħha li r-regoli fuq it-tnaqqis tat-telf fuq livell ta’ ID huma ġġustifikati minħabba n-natura u l-loġika tas-sistema tat-taxxa, anke jekk il-kumpaniji ta’ investiment li jaqgħu ‘il barra mill-iskop tad-definizzjoni tal-MoRaKG jinvestu f’ID ukoll.

(44)

Il-Ġermanja argumentat li t-twettiq ta’ distinzjoni bejn KKR u kumpaniji ta’ investiment oħra taqa’ taħt il-marġini ta’ manuvrar tal-leġiżlatur (Gestaltungsspielraum) għax hemm differenzi oġġettivi bejn KKR u kumpaniji ta’ investiment oħra. F’dan is-sens, skont il-paragrafu 24 tal-Avviż dwar it-Tassazzjoni tan-Negozju, trattament differenti huwa ġġustifikat.

(45)

Barra minn hekk, il-KKR huma f’sitwazzjoni speċjali. Peress li tipikament dawn jinvestu f’ID b’trasferiment tat-telf għas-sena suċċessiva, it-tieni miżura għalhekk mhijiex għajnuna mill-Istat iżda arranġament ta’ kumpens għall-iżvantaġġi speċifiċi (Nachteilsausgleichsregelung) tas-sistema attwali fir-rigward tas-settur tal-kapital ta’ riskju.

(46)

Il-Ġermanja tikkunsidrat li l-miżura dwar il-benefiċċji tat-taxxi m’għandhiex effett konsiderevoli fuq il-kummerċ bejn l-Istati Membri, b’mod partikolari għax il-benefiċċju tat-taxxa għal kull investitur huwa limitat għal EUR 22 500. Barra minn hekk, dawk ir-regoli japplikaw b’mod ugwali għall-ID b’domiċilji legali fl-Istati Membri l-oħra, bl-ebda distinzjoni bejn ID Ġermaniżi u ID minn Stati Membri oħra.

(47)

Il-Ġermanja tenfasizza wkoll li l-benefiċjarji diretti huma persuni fiżiċi li mhumiex koperti mir-regoli tal-għajnuna mill-Istat. Barra minn hekk, tenfasizza li minħabba l-istruttura speċifika tal-miżura l-ID ma jingħataw l-ebda vantaġġ kwantifikabbli (kein irgendwie quantifizierbarer Vorteil), li dan stess jelimina kwalunkwe element ta’ għajnuna fil-miżura.

(48)

Il-Ġermanja ssostni li l-benefiċċju tat-taxxa huwa relatat mat-trasferiment tal-parteċipazzjoni fl-ID (Veräußerungsvorgang), u għalhekk m’għandux rabta diretta mal-investiment.

(49)

Fl-opinjoni tal-Ġermanja, il-MoRaKG ma jiksirx il-libertà ta’ stabbiliment skont l-Artikolu 43 tat-Trattat KE, għax ristrezzjoni tal-libertà ta’ stabbiliment tkun ġustifikata jekk ir-rekwiżit tad-domiċilju legali kien jagħti l-unika opportunità biex tiġi żgurata l-konformità mal-kundizzjonijiet legali.

(50)

Fl-ittri datati d-9 ta’ April 2009 (Bundesverband Deutscher Kapitalbeteilungsgesellschaften – Assoċjazzjoni Ġermaniża tal-Ekwità Privata u l-Kapital tar-Riskju e.V. (BVG)) u l-14 ta’ April 2009 (Biotechnologie-Industrie-Organisation Deutschland e.V. (BIO) u Business angels Network Deutschland e.V. (BAND)), tliet partijiet interessati ssottomettew il-kummenti tagħhom dwar id-deċiżjoni tal-ftuħ.

(51)

Il-BVK iddikjarat li l-introduzzjoni ta’ kriterji legali fil-MoRaKG għall-klassifikazzjoni ta’ KKR bħala waħda li ma tagħmilx kummerċ għall-finijiet ta’ taxxi ma tirriżultax f’inċentiv fiskali għall-KKR. Bil-kontra, il-MoRaKG ser jikkontribwixxi aktar għall-inċertezza fis-settur.

(52)

Skont il-BVK, il-“kjarifika” mhijiex inqas stretta mill-ittra tal-2003, għax il-Kumitat tal-Finanzi tal-Bundestag Ġermaniż kien tal-fehma li l-ittra tal-2003 tkompli tapplika wkoll flimkien mal-MoRaKG (16). Bħala riżultat, id-dikjarazzjonijiet ġenerali stabbiliti fl-Artikolu 1 Sezzjoni 19 tal-MoRaKG għandhom jingħataw effett konkret permezz tal-ittra tal-2003. Minħabba din it-teknika regolatorja mhux sodisfaċenti, il-kriterji fl-ittra tal-2003 ikomplu japplikaw ukoll għall-KKR. Għalhekk, fl-opinjoni tal-BVK, huwa diffiċli li jiġi vverifikat it-telf fid-dħul mit-taxxa, stmat mill-Gvern Federali għal madwar EUR 90 miljun.

(53)

Il-BVK tappoġġa espressament kundizzjonijiet ta’ qafas uniformi għall-kumpaniji tal-ekwità privata domestiċi u barranin – b’mod partikolari dawk minn Stati Membri oħra – u l-investituri domestiċi u barranin tagħhom fil-Ġermanja.

(54)

Il-BIO targumenta li l-MoRaKG ma jipprovdix lill-kumpaniji ta’ kapital ta’ riskju eżenzjoni preferenzjali mit-taxxa tal-kummerċ. Il-MoRaKG huwa magħmul biex jistabbilixxi fil-liġi l-prattika diġà komuni, murija fl-ittra tal-2003, li teżenta l-fondi tal-immaniġġjar tal-assi mit-taxxa tal-kummerċ.

(55)

Il-BVK hija tal-opinjoni li l-leġiżlazzjoni Ġermaniża għandha tittratta l-kumpaniji b’kapital ta’ riskju u tal-ekwità privata kemm domestiċi kif ukoll barranin bl-istess mod bħall-kumpaniji b’kapital ta’ riskju fis-sens tal-MoRaKG. Il-BVK hija wkoll tal-fehma li dan l-objettiv jista’ jintlaħaq biss permezz ta’ kundizzjonijiet ta’ qafas fiskali u legali uniformi għall-kumpaniji ta’ ekwità privata kollha. Il-BVK tissuġġerixxi li dawk il-kumpaniji b’kapital ta’ riskju li ma jaqgħux taħt id-definizzjoni tal-MoRaKG għandhom jingħataw il-possibbiltà li jieħdu vantaġġ mit-tnaqqis tat-telf b’mod mhux diskriminatorju. Il-BVK terġa’ ttenni li l-projbizzjoni fuq it-tnaqqis tat-telf fl-ATDI tfixkel ħafna l-investimenti tal-kumpaniji b’kapital ta’ riskju u ta’ ekwità privata.

(56)

Il-BIO Deutschland jara Il-MoRaKG bħala titjib fuq l-istatus quo fir-rigward tat-trasferiment tat-telf għas-sena suċċessiva. Il-BIO tikkonċentra fuq it-trasferiment tat-telf għas-sena suċċessiva u taħseb li r-rimedjar immirat ta’ żvantaġġ ma jikkostitwix għajnuna. Peress li b’mod partikolari l-SMEs innovattivi huma żvantaġġati mir-regoli tat-tnaqqis tat-telf eżistenti, il-MoRaKG għandu jitqies bħala regolament ta’ kumpens għall-iżvantaġġ fiskali (Steuerbenachteiligungsausgleichsregelung). Il-BIO ssostni li l-MoRaKG tippermetti li wieħed jiddistingwi l-kumpaniji ta’ investiment kapitali li jipprovdu kapital lill-impriża b’mod ċar u meħtieġ.

(57)

Il-BVK tilqa’ l-objettiv ġenerali ta’ benefiċċji fiskali għal investituri privati stabbiliti fil-MoRaKG. Għall-BVK il-miżura dwar il-benefiċċju fiskali tikkostitwixxi inċentiv raġonevoli għal individwi li jinvestu fis-settur ta’ riskju għoli tal-iffinanzjar fi stadju bikri indirizzat fil-MoRaKG.

(58)

Il-BAND jenfasizza li tali benefiċċji fiskali għal persuni privati li qegħdin jinvestu f’kumpaniji li għadhom kif ġew stabbiliti huma komuni u aktar ġenerużi fi Stati Membri oħra. Il-BAND jilqa’ l-introduzzjoni tal-benefiċċji fiskali għal investituri privati u għalhekk jilqa’ l-MoRaKG. Fl-istess ħin, il-BAND jesprimi dubji fuq jekk il-MoRaKG ikollux effett konsiderevoli ta’ inċentiv fuq il-business angels, minħabba l-vantaġġi tat-taxxa pjuttost baxxi li jseħħu biss wara ħruġ b’suċċess. Il-BAND jikkunsidra li minħabba l-proċedura ta’ dħul parzjali (Teileinkünfteverfahren), il-vantaġġ fiskali minimu għal kull investitur huwa madwar EUR 14 210 u mhux, kif indikat mill-Ġermanja, madwar EUR 22 500. Il-BAND iqis ukoll li l-għajnuna indiretta lill-ID fir-realtà dejjem sejra tkun aktar baxxa mil-livell tal-limitu de minimis ta’ EUR 200 000. Il-vantaġġ iseħħ biss, dejjem jekk iseħħ, fiż-żmien tal-ħruġ tal-investitur.

(59)

Il-BIO taħseb li l-vantaġġ massimu li jingħata lil investitur privat, li jista’ jseħħ biss meta jiġu ssodisfati kundizzjonijiet speċifiċi, huwa ta’ EUR 22 500. Dan l-ammont huwa minimu, mhux konness mal-investiment (li jirriżulta pjuttost mill-bejgħ ta’ ishma) u għalhekk mhux trasferibbli lill-ID.

(60)

B’ittra datata t-22 ta’ Mejju 2009 il-Ġermanja tat ir-reazzjonijiet tagħha għall-osservazzjonijiet tal-partijiet interessati.

(61)

Il-Ġermanja tinnota li minkejja l-kritika tagħha tal-MoRaKG, il-BVK tikkonferma li l-MoRaKG ma jmurx kontra l-liġi fir-rigward tad-distinzjoni bejn l-attivitajiet kummerċjali u tal-immaniġġjar tal-assi.

(62)

Il-Ġermanja tinnota li l-proposta tal-BVK biex tiġi estiża l-miżura għas-settur kollu tal-ekwità privata sejra tikkawża qligħ mhux previst mhux ġustifikat (ungerechtfertigte Mitnahmeeffekte). Sabiex tiġi mmirata l-miżura, il-Ġermanja ddeċidiet favur id-distinzjoni meħtieġa.

(63)

Il-Ġermanja tenfasizza li l-argumenti tal-BIO jappoġġaw il-fehma tagħha li l-MoRaKG jipprevedi distinzjoni koerenti bbażata fuq kriterji oġġettivi sabiex jiġi evitat l-użu eċċessiv tat-telf (Verlustausnutzung).

(64)

Il-Ġermanja tikkunsidra li l-kummenti mill-partijiet interessati jappoġġaw il-fehma tagħha li l-miżura, peress li hija indiretta u insinifikanti, orjentata lejn il-qligħ u mmirata għall-ID fi kwalunkwe post fl-UE, ma tikkostitwix għajnuna mill-Istat.

(65)

Il-proċedura ta’ investigazzjoni formali ma neħħietx id-dubji tal-Kummissjoni rigward il-“kjarifika” legali allegata fil-MoRaKG tal-ittra tal-2003 fir-rigward tal-eżenzjoni mid-debitu għat-taxxa tal-kummerċ.

(66)

Il-Ġermanja temmen li din il-miżura sejra timplika telf annwali fid-dħul mit-taxxa ta’ EUR 90 miljun. Hija tispjega dan it-telf minħabba inqas “arranġamenti kuntrattwali difettużi”. Il-Kummissjoni ma taħsibx li din il-ġustifikazzjoni hija konvinċenti. Huwa tassew diffiċli li wieħed jemmen li l-kumpaniji b’kapital ta’ riskju għandhom għarfien daqshekk ħażin tal-liġi tat-taxxa li ma jistgħux jevitaw tali “arranġamenti kuntrattwali diffettużi” u d-debitu tat-taxxa li jikkorrispondi. Barra minn hekk, l-opinjoni tal-Kummissjoni hija kkonfermata b’mod ċar minn partijiet terzi, għax il-BVK taħseb li l-MoRaKG ser jikkontribwixxi aktar għall-inċertezza fis-settur.

(67)

Fi kwalunkwe każ, il-Kummissjoni tinnota li huwa ċert li l-miżura sejra timplika telf fir-riżorsi tal-Istat li kieku (fis-sitwazzjoni preċedenti) kien imur favur l-Istat. Il-Kummissjoni għalhekk tikkonkludi li l-miżura tingħata mir-riżosrsi tal-Istat.

(68)

Mingħajr ma titqies il-kwistjoni tal-kompatibbltà tal-ittra tal-2003 man-natura u l-loġika tas-sistema tat-taxxa Ġermaniża, li hija irrilevanti għal dan il-każ, il-Kummissjoni nnotat fid-deċiżjoni tal-ftuħ tagħha li l-MoRaKG jidher li jmur kontra l-ittra, peress li:

(69)

Il-kummenti rċevuti matul l-investigazzjoni formali ma neħħewx dawn id-dubji. Għalhekk il-Kummissjoni għandha tikkonkludi li l-MoRaKG tkabbar il-grupp ta’ benefiċjarji possibbli li m’għandhomx iħallsu t-taxxa tal-kummerċ għaliex huwa possibbli li xi KKR li, skont l-ittra tal-2003, kellhom iħallsu t-taxxa tal-kummerċ jistgħu jkunu eżenti mit-taxxa tal-kummerċ skont il-MoRaKG. Għalhekk, il-miżura li qiegħda tiġi eżaminata tagħti benefiċċju fiskali lil ċerti KKR għaliex tippermettilhom iwettqu ċerti attivitajiet filwaqt li jibbenefikaw mill-eżenzjoni mill-ħlas tat-taxxa, mhux bħall-FKR/FEP kollha l-oħra, li huma soġġetti biss għall-ittra tal-2003 u għalhekk ikollhom jibdew iħallsu t-taxxa jekk iwettqu dawn l-attivitajiet.

(70)

Barra minn hekk, il-miżura tagħti vantaġġ selettiv lil ċerti KKR biss li jaqgħu taħt l-iskop tal-MoRaKG meta mqabbla mal-FKR/FEP. Fil-fatt, il-KKR jibbenefikaw minn din il-miżura biss jekk jikkonformaw mad-definizzjoni stabblitia fil-MoRaKG. Għalhekk l-FKR/FEP li għandhom inqas minn 70 % tal-assi totali tagħhom f’ishma tal-ekwità f’ID ma jistgħux jibbenefikaw mill-miżura anke jekk iwettqu attivitajiet sostanzjalment identiċi. L-istess raġunament japplika għall-FKR/FEP li la għandhom id-domiċilju legali u lanqas it-tmexxija tal-impriża tagħhom fil-Ġermanja. Bħala riżultat, il-FKR/FEP li għandhom stabbiliment ta’ negozju permanenti biss fil-Ġermanja ma jistgħux jibbenefikaw mill-MoRaKG, anke jekk jagħmlu l-istess attivitajiet eżatt bħall-KKR.

(71)

Għalhekk, il-kumpaniji li jappartjenu għal dan il-grupp limitat biss jinħelsu, permezz tar-riżorsi tal-Istat, minn parti mill-ispejjeż operattivi tagħhom (b’mod speċifiku l-ħlas ta’ ċertu taxxa) li normalment ikollhom iħallsu taħt il-qafas legali attwali. Il-benefiċjarji ta’ dan il-vantaġġ huma essenzjalment attivi fil-provvista ta’ ekwità privata u kapital ta’ riskju u huma f’kompetizzjoni ma’ fornituri oħra stabbiliti fil-Ġermanja jew Stati Membri oħra. Għalhekk, din il-miżura fiskali, billi żżid il-mezzi finanzjarji disponibbli għall-benefiċjarji biex iwettqu l-attività tagħhom, issaħħaħ il-pożizzjoni tagħhom f’relazzjoni ma’ kompetituri oħra fl-UE. Il-miżura ta’ għajnuna għalhekk tista’ taffettwa l-kompetizzjoni u l-kummerċ bejn l-Istati Membri.

(72)

Il-Kummissjoni għalhekk tikkonkludi li l-miżura notifikata tat-taxxa tal-kummerċ tikkostitwixxi għajnuna mill-Istat lil ċerti KKR fis-sens tal-Artikolu 87(1) tat-Trattat KE.

(73)

Kif imsemmi taħt il-punt 4.2, il-Ġermanja taqbel fil-prinċipju li l-istabbiliment mill-ġdid ta’ trasferiment tat-telf għas-sena suċċessiva għall-KKR li qegħdin jinvestu f’ID huwa selettiv u jiffavorixxi l-ID u l-KKR. Madankollu, il-Ġermanja targumenta li l-KKR u l-ID kienu differenzjati b’mod aċċettabbli u prattiku u li d-distinzjoni hija ġustifikata b’differenzi oġġettivi bejn persuni taxxabbli b’konformità mal-paragrafu 24 tal-Avviż dwar it-Tassazzjoni tan-Negozju (li jiddikjara li xi distinzjonijiet fis-sistema tat-taxxa jistgħu jiġu ġġustifikati b’differenzi oġġettivi bejn il-persuni taxxabbli), għaliex l-introduzzjoni tar-restrizzjoni ġenerali fuq l-użu tat-telf tat-taxxa fl-2008 affettwaw ħafna lis-suq tal-kapital ta’ riskju.

(74)

L-ewwel nett, il-Kummissjoni tenfasizza li l-miżura hija marbuta b’mod ċar ma’ telf tar-riżorsi tal-Istat u għalhekk tingħata permezz tar-riżorsi tal-Istat. Dan it-telf tat-taxxa jibbenefika lill-ID u lill-KKR għaliex huma l-benefiċjarji ta’ din il-miżura. It-termini aktar ġenerużi għat-tnaqqis tat-taxxa tat-trasferiment tat-telf għas-sena suċċessiva li japplikaw għall-ID jekk jiġu akkwistati minn KKR jikkostitwixxu vantaġġ ekonomiku għal dawn iż-żewġ gruppi ta’ kumpaniji għaliex jippermettihom jevitaw il-ħlas tat-taxxa. Fil-fatt, l-ID jibbenefikaw minn trasferiment tat-telf għas-sena suċċessiva għaliex dan jippermettihom li jikkumpensaw għal telf u għalhekk iħallsu inqas taxxa, li kieku kienet tiġi eskluża permezz tar-regoli kontra l-abbuż. Il-KKR huma wkoll kważi benefiċjarji diretti fis-sens li xerrejja oħra ma jistgħux jibbenefikaw mill-kumpens addizzjonali.

(75)

Peress li l-evitar tal-ħlas tat-taxxa huwa essenzjalment disponibbli biss jekk il-KKR jinvestu f’ID, il-miżura tiffavorixxi wkoll lill-ID indirettament. Fil-fatt, din tikkostitwixxi inċentiv għall-KKR biex jinvestu f’ID milli f’kumpaniji oħra li jistgħu jkunu mmirati minn investituri ta’ kapital ta’ riskju fuq il-bażi ta’ kunsiderazzjonijiet purament ekonomiċi. L-ID għalhekk huma f’pożizzjoni li jirċievu kapital ta’ riskju f’ammonti u taħt kundizzjonijiet li ma kinux ikunu possibbli mingħajr il-miżura. Il-miżura għalhekk tista’ ssaħħaħ indirettament il-bażi kapitali tal-ID.

(76)

Jidher xieraq ukoll li wieħed jirrifjuta l-argument tal-Ġermanja skont liema, anke jekk ma jistax jiġi eskluż li d-definizzjoni tal-ID tkopri impriżi f’diffikultà, din il-miżura ma tirrappreżentax vantaġġ għal tali kumpaniji. Fil-fatt, il-Ġermanja targumenta li jekk ID tkun f’diffikultà, mhux sejra tagħmel qligħ li jista’ jikkumpensa għat-telf tagħha u tista’ tiġi ntaxxata. Għaljekk huwa irrilevanti jekk tali impriża tistax tuża t-telf ta’ perijodi preċedenti jew le. Bħala riżultat, skont il-Ġermanja, il-MoRaKG ma joffri l-ebda vantaġġ lill-impriżi f’diffikultà kif definit mid-dritt Komunitarju. Il-Kummissjoni taħseb li dan l-argument mhuwiex plawżibbli, għaliex xerrej ta’ impriża f’diffikultà jew ta’ “kumpanija finta” jista’ fil-fatt ikun b’mod partikolari interessat fit-trasferiment tat-telf għas-sena suċċessiva għal finijiet ta’ taxxa.

(77)

Dawn il-vantaġġi jistgħu jaffettwaw il-kummerċ u l-kompetizzjoni. Għall-KKR, il-Kummissjoni eżaminat dan ir-rekwiżit fir-rigward tar-regola tat-taxxa tal-kummerċ fil-premessa 71. Fir-rigward tal-ID, il-Kummissjoni tinnota li dawn il-kumpaniji jistgħu joperaw fi kwalunkwe settur ekonomiku, inklużi dawk li jinvolvu jew li jistgħu jinvolvu kummerċ intra-Komunitarju. Għalhekk, il-vantaġġ ekonomiku li jingħatalhom jista’ jaffettwa l-kompetizzjoni u l-kummerċ bejn l-Istati Membri.

(78)

It-tieni nett, il-Kummissjoni tinnota li l-miżura hija mingħajr dubju selettiva.

(79)

It-tielet nett, il-Kummissjoni taħseb li l-Ġermanja ma rnexxilhiex turi li l-miżura hija kompatibbli man-natura u l-loġika tas-sistema tat-taxxa Ġermaniża. Anke jekk kien veru li s-suq tal-kapital ta’ riskju kien affettwat b’mod partikolari mir-restrizzjoni fuq l-użu tat-telf tat-taxxa u għalhekk kien hemm ġustifikazzjoni għal trattament speċjali, il-Kummissjoni taħseb li d-distinzjoni magħmula mill-Ġermanja bejn il-persuni taxxabbli mhijiex ġustifikata b’dan ir-raġunament għaliex parti biss mis-settur tal-kapital ta’ riskju hija eżentata mill-projbizzjoni fuq it-trasferiment tat-telf għas-sena suċċessiva. Jekk id-dikjarazzjonijiet tal-Ġermanja kienu tajbin, ma kienx ikun hemm raġuni oġġettiva biex il-kumpaniji li mhumiex KKR ma jibbenefikawx mill-miżura meta jinvestu fl-istess ID. Madankollu, il-kumpaniji li mhumiex KKR jibbenefikaw mill-miżura biss fil-każ rari li jixtru parteċipazzjoni f’ID minn KKR. Dawn il-fehmiet huma kkonfermati wkoll mill-kummenti tal-BVK fil-punt 0.

(80)

Barra minn hekk, il-miżura ma tidhirx li tikkonforma man-natura u l-loġika tas-sistema tat-taxxa Ġermaniża għaliex il-Ġermanja ma wrietx għaliex il-KKR jistgħu jkunu partikolarment affettwati mir-restrizzjoni fuq l-użu tat-telf tat-taxxa meta jinvestu f’ID u mhux meta jwettqu l-istess attività li jipprovdu kapital lil kumpaniji oħra bħal soċjetajiet li jistgħu wkoll ikollhom diffikultajiet li jaċċessaw għal kapital tar-riskju (b’mod partikolari kumpaniji innovattivi li stabbilixxew ruħhom reċentement).

(81)

Il-Kummissjoni tinnota wkoll li meta l-Ġermanja saħħet il-miżuri kontra l-abbuż fuq it-trasferiment tat-telf għas-sena suċċessiva permezz tal-Att tar-Riforma tat-Tassazzjoni għall-Kumpaniji tal-2008, kif iddikjarat fil-punt 2.4.1, hija stabbiliet ir-regolament ġenerali tat-taxxa l-ġdid f’dan il-qasam. Billi tippermetti għal termini aktar ġenerużi għat-trasferiment tat-telf għas-sena suċċessiva għal grupp ta’ kumpaniji magħżul, dawn il-miżuri kontra l-abbuż ikunu parzjalment irrevokati; dan ma jidhirx li huwa ġġustifikat min-natura u l-loġika tas-sistema tat-taxxa fis-seħħ mill-2008.

(82)

Il-Kummissjoni għalhekk tikkonkludi li l-miżura nnotifikata dwar it-trasferiment tat-telf għas-sena suċċessiva tikkostitwixxi għajnuna mill-Istat lill-ID u lill-KKR fis-sens tal-Artikolu 87(1) tat-Trattat KE.

(83)

Kif imsemmi fil-punt 4.3, il-Ġermanja ssostni li peress li l-benefiċjarji huma persuni fiżiċi, il-miżura ma’ tistax tikkostitwixxi għajnuna mill-Istat. Il-Ġermanja ssostni wkoll li l-miżura m’għandha l-ebda vantaġġ li jista’ jiġi vverifikat u kkwantifikat għall-ID u għalhekk m’għandha l-ebda impatt fuq il-prezz tal-ishma. L-ammont ta’ taxxa mhux imħallsa minn investituri privati huwa pjuttost żgħir u jingħata biss jekk l-investitur jagħmel ħruġ b’suċċess. Għalhekk, kif targumenta l-Ġermanja, il-miżura għandu jkollha effett ta’ inċentiv limitat biss biex l-individwi jinvestu f’ID. Għalhekk għandu jkollha wkoll effett ta’ tfixkil limitat fuq il-kompetizzjoni bejn l-ID u impriżi li mhumiex ID.

(84)

Kif iddikjarat fil-punt 2.1, din il-miżura timplika telf ta’ riżorsi tal-Istat stmati mill-Ġermanja għal EUR 30 miljun kull sena. Il-miżura għalhekk tingħata permezz tar-riżorsi tal-Istat.

(85)

Il-miżura inkwistjoni tipprovdi lill-individwi inċentivi tat-taxxa biex jinvestu fi grupp magħżul ta’ impriżi (jiġifieri ID) milli f’kumpaniji oħra li jistgħu jkunu mmirati minn investituri f’kapital ta’ riskju fuq il-bażi ta’ kunsiderazzjonijiet purament ekonomiċi. L-ID għalhekk huma f’pożizzjoni li jirċievu kapital ta’ riskju f’ammonti u taħt kundizzjonijiet li ma kinux ikunu possibbli mingħajr il-miżura u taħt kundizzjonijiet normali tas-suq. Il-miżura għalhekk tista’ b’mod indirett issaħħaħ il-bażi kapitali tal-ID. Din l-analiżi hija valida wkoll anke jekk il-vantaġġ fiskali mogħti lill-investituri huwa kontinġenti fuq qligħ futur u l-ammont huwa relattivament limitat, kif enfasizzat mill-Ġermanja u l-partijiet terzi. Fil-fatt, minħabba n-natura tal-miżura huwa estremament diffiċli li jiġi kkwantifikat b’mod preċiż il-vantaġġ li l-ID sejrin jirċievu ex ante  (17). Għalhekk, huwa impossibbli li wieħed jikkonkludi li l-għajnuna mogħtija lill-ID dejjem sejra tkun de minimis. Barra minn hekk, il-fatt li benefiċċju fiskali lill-individwi li qegħdin jinvestu f’ċerti kumpaniji jista’ jinvolvi għajnuna lil dawn il-kumpaniji, ikun xi jkun il-kobor ta’ tali vantaġġi, ġie kkonfermat mill-Qorti (18).

(86)

Għalhekk, il-Kummissjoni tikkonkludi li l-miżura dwar il-benefiċċju tat-taxxa fuq id-dħul hija selettiva u tiffavorixxi numru limitat ta’ kumpaniji billi tagħtihom aċċess aħjar għal kapital ta’ riskju milli taħt kundizzjonijiet normali tas-suq. Dan il-vantaġġ jingħata permezz tar-riżorsi tal-Istat għaliex bażikament huwa t-telf tad-dħul mit-taxxa li joħloq l-inċentiv tas-suq għal individwi privati biex jipprovdu kapital lill-ID milli lil kumpaniji oħra li normalment kienu jkunu mmirati fuq il-bażi tal-prospetti tal-qligħ fuq l-investiment li joffri.

(87)

L-estent sa fejn din l-għajnuna tista’ taffettwa l-kompetizzjoni u l-kummerċ bejn l-Istati Membru huwa stabbilit fil-premessa (77) hawn fuq.

(88)

Il-Kummissjoni għalhekk tikkonkludi li l-miżura emendata dwar il-benefiċċju għat-taxxa fuq id-dħul tikkostitwixxi għajnuna tal-Istat lill-ID fis-sens tal-Artikolu 87(1) tat-Trattat KE.

(89)

Billi nnotifikaw il-MoRaKG qabel ma implimentawh, l-awtoritajiet Ġermaniżi ssodisfaw l-obbligi tagħhom taħt l-Artikolu 88(3) tat-Trattat KE. Peress li l-miżuri kollha fil-MoRaKG għandhom l-istess objettiv li jappoġġaw il-provvista ta’ kapital ta’ riskju lill-kumpaniji, il-Kummissjoni analizzat il-kompatibbiltà tagħhom mas-suq komuni fuq il-bażi tar-regoli stabbiliti fil-Linji Gwida KR.

(90)

Il-Kummissjoni vvalutat ukoll l-applikabbiltà ta’ oqfsa u regolamenti oħra dwar għajnuna mill-Istat għall-miżuri disponibbli, b’mod speċifiku l-qafas Komunitarju għall-għajnuna mill-Istat għar-riċerka u l-iżvilupp u l-innovazzjoni (19), ir-Regolament tal-Kummissjoni (KE) Nru 800/2008 tas-6 ta’ Awwissu 2008 li jiddikjara ċerti kategoriji ta’ għajnuna kompatibbli mas-suq komuni (Regolament għal Eżenzjoni Ġenerali Sħiħa) skont l-Artikoli 87 u 88 tat-Trattat (20) (aktar ‘il quddiem “GBER”) u r-Regolament tal-Kummissjoni (KE) Nru 1998/2006 tal-15 ta’ Diċembru 2006dwar l-applikazzjoni tal-Artikoli 87 u 88 tat-Trattat dwar l-għajnuna de minimis  (21). B’mod differenti mill-miżuri li qegħdin jiġu eżaminati, dawn l-oqfsa u r-regolamenti jeskludu mill-iskop tal-għajnuna l-impriżi f’diffikultà u l-impriżi fl-industrija tal-bini tal-bastimenti, tal-faħam u tal-azzar u/jew jillimitaw l-għajnuna għall-SMEs. Fid-dawl ta’ dak li ntqal hawn fuq il-Kummissjoni hija tal-fehma li minħabba l-iskop ta’ dawn l-oqfsa u r-regolamenti, dawn mhumiex applikabbli għall-miżuri nnotifikati.

(91)

Bħal ma ġie ddikjarat fil-punt 7.1.1, il-miżura dwar t-taxxa tal-kummerċ tikkostitwixxi għajnuna mill-Istat lill-KKR. Madankollu, din il-miżura ma tipprovdix b’mod espliċitu inċentivi lill-KKR biex jagħmlu investimenti f’kapital ta’ riskju, tippermettihom biss li jkollhom riżorsi finanzjarji akbar għad-dispożizzjoni tagħhom, li jistgħu jużaw għal kwalunkwe fini (jiġifieri distribuzzjoni tal-benefiċċji akbar lill-imsieħba tagħhom).

(92)

B’mod differenti minn din il-miżura, taħt il-Linji Gwida KR, l-għajnuna mill-Istat fil-forma ta’ kapital ta’ riskju ma tistax tingħata lil impriżi kbar, impriżi f’diffikultà jew impriżi fl-industrija tal-bini ta’ bastimenti, tal-faħam u tal-azzar. Il-miżura dwar it-taxxa tal-kummerċ, min-naħa l-oħra, tista’ tibbenefika lil tali impriżi, speċjalment impriżi kbar. Għalhekk, l-iskop ta’ din il-miżura mhuwiex kumpatibbli mal-Linji Gwida.

(93)

Il-miżura ma tistax titqies bħala waħda kumpatibbli mal-Kapitolu 4 tal-Linji Gwida KR għaliex il-kundizzjonijiet speċifiċi għall-applikazzjoni ta’ dan il-Kapitolu mhumiex issodisfati. Pereżempju, il-Kapitolu 4 jirrikjedi li l-livell massimu ta’ serje ta’ investimenti ma jistax jaqbeż EUR 1,5 miljun għal kull benefiċjarju fuq perijodu ta’ 12-il xhar. Il-miżura li qiegħda tiġi eżaminata m’għandhiex tali limitu. Barra minn hekk, il-Linji Gwida KR jirrikjedu wkoll li l-miżura tiġi ristretta li tipprovdi finanzjar biss sal-istadju ta’ tkabbir għall-impriżi żgħar jew sal-istadju bikri għall-impriżi ta’ daqs medju. Dawn id-dispożizzjonijiet ma ġewx issodisfati għaliex l-ID jistgħu jkunu impriżi kbar.

(94)

Il-miżura mhijiex konformi mar-rekwiżiti ta’ kumulazzjoni u rapportar stabbiliti fil-Kapitolu 6 u fil-punt 7.1 tal-Linji Gwida KR.

(95)

Fl-aħħar nett, il-Kummissjoni mhijiex f’pożizzjoni li tevalwa l-kompatibbiltà tal-miżura skont il-Kapitolu 5 tal-Linji Gwida KR. Fil-fatt, skont il-Linji Gwida KR, l-għajnuna mill-Istat għandha timmira għal falliment tas-suq speċifiku li għall-eżistenza tiegħu jkun hemm biżżejjed evidenza. Il-Ġermanja ma ssottomettiet l-ebda evidenza li l-ID huma affettwati minn falliment tas-suq partikolari.

(96)

Il-Kummissjoni għalhekk tikkonkludi li l-miżura dwar it-taxxa tal-kummerċ mhijiex kompatibbli mas-suq komuni.

(97)

Kif stabbilit fil-punt 7.1.2, il-miżura dwar it-trasferiment tat-telf għas-sena suċċessiva tikkostitwixxi għajnuna mill-Istat fuq livell tal-KKR u tal-ID. Il-forma tal-miżura dwar l-għajnuna hija inċentiv fiskali fis-sens tal-punt 4.2(d) tal-Linji Gwida KR.

(98)

Għall-istess raġunijiet kif enfasizzati hawn fuq fil-premessi 92, 93, 94 u 95, il-Kummissjoni ma tistax tqis din il-miżura kompatibbli mas-suq komuni għaliex la tissodisfa l-kriterji ta’ esklużjoni tal-punt 2.1 tal-Linji Gwida KR, u lanqas ir-rekwiżiti ta’ kumulazzjoni u rappurtar imsemmijin fil-Kapitolu 6 u fil-punt 7.1 tal-Linji Gwida, u lanqas il-kundizzjonijiet stabbiliti fil-Kapitolu 4 tal-Linji Gwida; lanqas m’hemm evidenza ta’ falliment tas-suq partikolari li jaffettwa l-ID u l-KKR li tista’ tippermetti lill-Kummissjoni tniedi evalwazzjoni dettaljata tal-kompatibbiltà ta’ dawn il-miżuri taħt il-Kapitolu 5 tal-Linji Gwida KR.

(99)

Din il-miżura ma teskludix l-akkwist ta’ ishma eżistenti (kapital ta’ sostituzzjoni) fl-ID. Il-finanzi ta’ sostituzzjoni huma, madankollu, esklużi mid-definizzjoni ta’ kapital ta’ riskju fil-Linji Gwida KR.

(100)

Barra minn hekk, il-Kummissjoni tinnota li l-benefiċċju fiskali restrittiv lill-KKR li qegħdin jinvestu f’impriżi inkorporati jidher li jikkontradixxi l-objettiv iddikjarat tal-miżura, b’mod aktar preċiż biex jippromwovi l-kapital ta’ riskju. Fil-fatt, kumpaniji żgħar innovattivi li jeħtieġu kapital ta’ riskju jistgħu jieħdu forom legali li mhumiex dik ta’ kumpaniji inkorporati. Għalhekk, kumpaniji żgħar innovattivi fil-forma ta’ soċjetà ma jibbenefikawx mill-miżura.

(101)

Il-Kummissjoni għalhekk tikkonkludi li l-miżura dwar it-trasferiment tat-telf għas-sena suċċessiva mhijiex kompatibbli mas-suq komuni.

(102)

Kif stabbilit fil-punt 0, il-miżura dwar il-benefiċċju għat-taxxa fuq id-dħul tikkostitwixxi għajnuna mill-Istat b’mod indirett fuq livell tal-ID. Peress li l-miżura toħloq inċentivi għal investituri privati biex jinvestu f’ID, din tista’ tiffavorixxi investimenti ta’ kapital ta’ riskju skont il-punt 4.2(d) tal-Linji Gwida KR.

(103)

Għall-istess raġunijiet imsemmijin hawn fuq fil-premessi 92, 93, 94 u 95, il-Kummissjoni ma tistax tqis din il-miżura bħala kompatibbli mas-suq komuni għaliex la tissodisfa l-kriterji ta’ esklużjoni tal-punt 2.1 tal-Linji Gwida KR, lanqas ir-rekwiżiti ta’ kumulazzjoni u rapurtar imsemmijin fil-Kapitolu 6 u fil-punt 7.1 tal-Linji Gwida, u lanqas il-kundizzjonijiet stabbiliti fil-Kapitolu Chapter 4 tal-Linji Gwida; lanqas m’hemm evidenza ta’ falliment tas-suq partikolari li jaffettwa l-ID u l-KKR li tista’ tippermetti lill-Kummissjoni tniedi evalwazzjoni dettaljata tal-kompatibbiltà ta’ dawn il-miżuri taħt il-Kapitolu 5 tal-Linji Gwida KR.

(104)

Għalhekk, il-Kummissjoni tikkonkludi li l-miżura dwar il-benefiċċju fiskali fuq id-dħul kif inhi ma tistax titqies bħala kompatibbli mas-suq komuni fuq il-bażi tal-Linji Gwida KR. Madankollu, il-miżura għandu jkollha effett ta’ tfixkil limitat biss fuq il-kompetizzjoni bejn l-ID u l-impriżi li mhumiex ID peress li l-inċentiv mogħti lil individwi biex jipprovdu kapital favur l-ID huwa relattivament limitat u għalhekk wieħed jista’ jassumi li l-vantaġġ mogħti lill-ID ser ikun limitat ukoll. Barra minn hekk, il-miżura jista’ jkollha effett ġenerali pożittiv fis-sens li tistimola l-provvista ta’ kapital ta’ riskju lil kumpaniji li jistgħu jeħtieġu kaptial ta’ riskju, fuq il-bażi ta’ evalwazzjoni ekonomika xierqa. Fil-fatt, investituri privati sejrin jagħżlu l-ID inkwistjoni fuq il-bażi tal-prospett li jagħmlu qligħ fuq l-investiment tagħhom. Għalhekk, il-Kummissjoni taħseb li l-miżura tista’ tiġi aġġustata għar-rekwiżiti tal-Linji Gwida KR billi jiġi żgurat li l-kundizzjonijiet tal-Artikolu 3 hawn taħt jiġu ssodisfati.

(105)

Il-miżura dwar it-taxxa tal-kummerċ u l-miżura dwar it-trasferiment tat-telf għas-sena suċċessiva, li jistgħu jiffavorixxu lill-KKR, qegħdin jiksru r-regoli tas-suq komuni, b’mod partikolari fir-rigward tal-libertà ta’ stabbiliment fis-sens tal-Artikolu 43 tat-Trattat KE (ara l-punt 3.5).

(106)

Skont il-Ġermanja, il-MoRaKG fih regoli dettaljati dwar l-istruttura u l-attivitajiet ta’ negozju tal-KKR. Dawn jinkludu b’mod partikolari regolamenti dwar tipi ta’ tranżazzjonijiet u l-politika ta’ investiment tal-KKR, il-kwistjoni tal-integrazzjoni tagħhom fi strutturi ta’ gruppi u d-denominazzjoni minima ta’ investimenti f’tali kumpaniji. Dawn ir-regolamenti sejrin japplikaw għall-KKR kollha. Fil-każ tal-istabbilimenti Ġermaniżi permanenti ta’ kumpaniji ta’ investiment barranin, mhuwiex possibbli li jiġi ggarantit li l-kumpanija sħiħa sejra tikkonforma mar-regolamenti. Rikonoxximent limitat biss tal-istabbiliment Ġermaniż permanenti jista’ jagħti l-possibbiltà li r-regoli jiġu evitati u għalhekk, de facto, invalidati. Regolaturi tas-suq finanzjarju jimmonitorjaw l-impriżi fi ħdan l-oqsma ta’ responsabbiltà tagħhom stess skont ir-regolamenti nazzjonali tagħhom stess, li proporzjon sinifikanti tagħhom huwa armonizzat mal-liġi tal-UE. Fil-qasam tal-iffinanzjar tal-kapital ta’ riskju, madankollu, ir-regolamenti ta’ sorveljanza mhumiex armonizzati mal-liġi tal-UE b’dan il-mod.

(107)

Id-dubji tal-Kummissjoni ma tneħħewx. L-ewwel nett, il-kumpaniji tal-KE u taż-ŻEE b’domiċilju legali (Sitz) ‘il barra mill-Ġermanja u stabbiliment tan-negozju permanenti fil-Ġermanja għandhom fil-prinċipju jkunu eliġibbli meta jkunu jistgħu juru li jikkonformaw mal-kundizzjonijiet stabbiliti fl-iskemi ta’ għajnuna u mar-regoli dwar l-istruttura u l-attivitajiet tan-negozju tal-KKR (jekk wieħed jassumi li huma kompatibbli mat-Trattat KE). L-argument li BaFin mhuwiex f’pożizzjoni li jissorvelja dawn il-kumpaniji ma jimplikax neċessarjament li jistgħu jibbenefikaw minn vantaġġ kompetittiv fuq kumpaniji li huma stabbiliti fil-Ġermanja, u lanqas li ma jikkonformawx de facto mal-kundizzjonijiet stabbiliti fl-iskemi ta’ għajnuna u mar-regoli dwar l-istruttura u l-attivitajiet tan-negozju tal-KKR. Għalhekk dan l-argument mhuwiex biżżejjed per se biex jidderoga minn regola fundamentali tat-Trattat KE.

(108)

Fil-qosor, jidher li l-Ġermanja tista’ tasal għall-istess objettiv billi tuża inqas mezzi diskriminatorji (22). Il-konformità mal-kundizzjonijiet stabbiliti fl-iskemi ta’ għajnuna tista’ tiġi vverifikata, pereżempju permezz ta’ sottomissjoni volontarja għal eżaminazzjoni mill-BaFin, permezz ta’ konfermi mill-awtorità ta’ sorveljanza barranija jew permezz ta’ rapporti ta’ verifika indipendenti. Il-Ġermanja għandha tagħti lill-kumpaniji barranin bi stabbiliment permanenti fil-Ġermanja l-possibbiltà li juru li jikkonformaw mal-kundizzjonijiet stabbiliti fl-iskemi ta’ għajnuna u mar-regoli dwar l-istruttura u l-attivitajiet tan-negozju tal-KKR.

(109)

Għalhekk, il-Kummissjoni taħseb li l-miżura dwar it-taxxa tal-kummerċ u l-miżura dwar it-trasferiment tat-telf għas-sena suċċessiva mhumiex kompatibbli mas-suq komuni għaliex ifixklu l-libertà ta’ stabbiliment fis-sens tal-Artikolu 43 tat-Trattat KE.

(110)

Il-Kummissjoni temmen li l-miżura ta’ għajnuna dwar il-ħlas tat-taxxa tal-kummerċ għall-KKR mhijiex kompatibbli mat-Trattat KE.

(111)

Il-Kummissjoni tikkunsidra li l-miżura ta’ għajnuna dwar it-trasferiment tat-telf għas-sena suċċessiva għal ID akkwistati minn KKR mhijiex kompatibbli mat-Trattat KE.

(112)

Il-Kummissjoni tikkunsidra li l-miżura dwar il-benefiċċji fiskali għal investituri privati tista’ ssir kompatibbli mat-Trattat KE taħt il-kundizzjonijiet elenkati hawn taħt fl-Artikolu 3,

—

id-definizzjoni ta’ impriżi destinatarji għandha tiġi limitata għall-impriżi ta’ daqs żgħir u medju (SMEs) kif definit fl-Anness I tar-Regolament għal Eżenzjoni Ġenerali Sħiħa (23);

—

id-definizzjoni ta’ impriżi destinatarji għandha teskludi l-kumpaniji f’diffikultà u l-kumpaniji mill-industrija tal-bini ta’ bastimenti, tal-faħam u tal-azzar;

—

is-serje massima ta’ investimenti m’għandhiex taqbeż EUR 1.5 miljun għal kull SME destinatarja fuq kull perijodu ta’ tnax-il xhar u għandha tiġi ristretta għall-finanzjament inizjali (seed financing), il-finanzjament ta’ bidu (start-up) u l-finanzjament ta’ espansjoni;

—

Il-Ġermanja għandha tiżviluppa mekkaniżmu biex tiżgura li l-miżura tikkonforma mar-regoli ta’ kumulazzjoni u rappurtar stabbilit fil-Kapitolu 6 u fil-punt 7.1 tal-Linji Gwida KR;

—

l-akkwist ta’ ishma eżistenti (kapitali ta’ sostituzzjoni) f’SME destinatarja għandu jiġi eskluż;

—

m’għandux ikun hemm rekwiżiti speċjali fir-rigward tal-forma legali tal-impriża destinatarja.