13.11.2009   

MT

Il-Ġurnal Uffiċjali tal-Unjoni Ewropea

L 297/1

13.11.2009   

MT

Il-Ġurnal Uffiċjali tal-Unjoni Ewropea

L 297/3

(1)

Ir-Regolament tal-Kummissjoni (KE) Nru 676/2009 (2) fetaħ sejħa għall-offerti għat-tnaqqis massimu fid-dazju tal-importazzjoni fi Spanja tal-qamħirrum minn pajjiżi terzi.

(2)

Skont l-Artikolu 8 tar-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3), il-Kummissjoni tista', skont il-proċedura prevista fl-Artikolu 195(2) tar-Regolament (KE) Nru 1234/2007, tiddeċiedi li tistabbilixxi tnaqqis massimu fid-dazju tal-importazzjoni. Biex din il-kwantità tiġi stabbilita, għandhom jitqiesu l-kriterji mniżżla fl-Artikoli 7 u 8 tar-Regolament (KE) Nru 1296/2008.

(3)

Il-konċessjoni tingħata lil kull min tefa' offerta li ma taqbiżx l-ammont tat-tnaqqis massimu fid-dazju tal-importazzjoni.

(4)

Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni tiegħu fil-limitu tażżmien stabbilit mill-president tiegħu,

13.11.2009   

MT

Il-Ġurnal Uffiċjali tal-Unjoni Ewropea

L 297/4

(1)

Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta' dan ir-Regolament. Jakkumpanjaw din l-applikazzjoni kien hemm id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni ta' preparazzjoni ta’ enżimi tal-endo-1,4-beta-xylanase prodotti minn Trichoderma reesei (ATCC PTA 5588), subtilisin prodott minn Bacillus subtilis (ATCC 2107) u alpha-amylase prodott minn Bacillus amyloliquefaciens (ATCC 3978) bħala addittiv tal-għalf għat-tiġieġ għat-tismin, għad-dundjani għat-tismin u l-papri, li għandha tiġi kklassifikata fil-kategorija tal-addittivi “addittivi Żootekniċi”.

(4)

L-Awtorità kkonkludiet fl-opinjonijiet tagħha tas-17 ta’ Ġunju 2009 (2) li l-preparazzjoni ta’ enżimi endo-1,4-beta-xylanase prodott minn Trichoderma reesei (ATCC PTA 5588), subtilisin prodott minn Bacillus subtilis (ATCC 2107) u alpha-amylase prodott minn Bacillus amyloliquefaciens (ATCC 3978) m'għandhiex effett negattiv fuq is-saħħa tal-annimali, is-saħħa tal-bniedem jew l-ambjent u li l-użu ta' dik il-preparazzjoni ittejjeb il-parametri produttivi tal-annimali. L-Awtorità ma tqisx li hemm il-ħtieġa ta’ rekwiżiti speċifiċi għas-sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

(5)

L-evalwazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament.

(6)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

13.11.2009   

MT

Il-Ġurnal Uffiċjali tal-Unjoni Ewropea

L 297/6

(1)

Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni.

(2)

B’konformità mal-Artikolu 7 tar-Regolament (KE) Nru 1831/2003, intbagħtet applikazzjoni għall-awtorizzazzjoni tal-preparazzjoni stipulata fl-Anness ta' dan ir-Regolament. Din l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(3)

L-applikazzjoni tikkonċerna l-awtorizzazzjoni għal użu ġdid tal-preparazzjoni tal-enzim 6-phytase prodott mill-Aspergillus oryzae (DSM 17594) bħala addittiv fl-għalf għal-ħnienes miftuma, għal-qżieqes tas-simna, għat-tjur tas-simna u tal-bidien, biex jiġi kklassifikat fil-kategorija tal-addittivi “addittivi żootekniċi”.

(4)

L-użu ta’ din il-preparazzjoni kien awtorizzat għal għaxar snin bir-Regolament tal-Kummissjoni (KE) Nru 270/2009 (2) għat-tiġieġ għat-tismin.

(5)

Ġew imressqa dejta ġodda b’appoġġ għall-applikazzjoni tal-awtorizzazzjoni tal-użu fil-każ tal-ħnienes miftuma, tal-qżieqes tas-simna, tat-tjur tas-simna u tal-bidien. Fl-opinjoni tagħha tal-14 ta’ Mejju 2009 (3), l-Awtorità Ewropea tas-Sigurtà fl-Ikel (“l-Awtorità”) ikkonkludiet li l-preparazzjoni tal-enżim 6-phytase prodott mill-Aspergillus oryzae (DSM 17594) ma għandhiex effett ħażin fuq saħħet l-annimali, fuq is-saħħa tal-bniedem jew fuq l-ambjent, u li l-użu ta’ dik il-preparazzjoni jista’ jkollu benefiċċju sinifikanti fuq id-diġestjoni tal-fosfru. L-Awtorità ma tqisx li hemm il-ħtieġa ta’ rekwiżiti speċifiċi għas-sorveljanza wara t-tqegħid fis-suq. Hija vverifikat ukoll ir-rapport dwar il-metodu ta’ analiżi tal-addittiv tal-għalf fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

(6)

L-evalwazzjoni ta’ dik il-preparazzjoni turi li l-kundizzjonijiet għall-awtorizzazzjoni, stipulati fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament.

(7)

Bħala konsegwenza tal-għoti ta' awtorizzazzjoni ġdida skont ir-Regolament (KE) Nru 1831/2003, ir-Regolament (KE) Nru 270/2009 għandu jitħassar.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

13.11.2009   

MT

Il-Ġurnal Uffiċjali tal-Unjoni Ewropea

L 297/9

(1)

Taħt id-Deċiżjoni tal-Kunsill 2002/167/KE tat-18 ta’ Frar 2002 (2) il-Portugall ġie awtorrizzat biex japplika rati mnaqqsa tat-taxxa tas-sisa fir-reġjun awtonomu tal-Madejra fir-rigward ta’ rum u likuri prodotti u kkonsmati lokalment u fir-reġjun awtonomu tal-Ażores fir-rigward ta’ likuri u eaux-de-vie prodotti u kkonsmati lokalment. L-applikazzjoni ta’ rata tat-taxxa tas-sisa mnaqqsa fuq dawk il-prodotti ġiet ikkunsidrata bħala meħtieġa għas-sopravivenza tal-industrija lokali li qiegħda tipproduċi u tikkummerċjalizzahom. Fid-dawl tal-ispejjeż għoljin ta’ dawk l-attivitajiet, li jinqalgħu prinċiplament minnħabba fatturi inerenti għas-sitwazzjoni tal-Madejra u tal-Ażores bħala regjuni l-aktar imbegħdin (pożiżżjoni mbiegħda, insularità, ċokon, topografija u klima) ġie kkunsidrat li l-prodotti kkonċernati mmanufatturati u kkonsmati lokalment jistgħu jibqgħu jikkompetu biss, fuq l-istess livell ma’ prodotti simili importati jew fornuti minn partijiet oħra tal-Komunità, permezz ta’ tnaqqis fir-rata tat-taxxa tas-sisa dovuta fuqhom, biex b’hekk tiġi żgurata s-sopravivenza tal-industriji. Skont l-istess Deċiżjoni, il-Portugall jista’ japplika, fir-rigward ta’ dawk il-prodotti, rata tat-taxxa tas-sisa baxxa aktar mir-rata massima imposta fuq l-alkoħol li ġiet stipulata fl-Artikolu 3 tad-Direttiva 92/84/KEE (3), u baxxa aktar mir-rata minima tat-taxxa tas-sisa fuq l-alkoħol kif ġiet stabbilita minn din id-Direttiva iżda li mhijiex anqas minn 75 % tar-rata tat-taxxa tas-sisa normali nazzjonali fuq l-alkoħol. Din il-miżura kienet applikabbli mill-1 ta’ Jannar 2002 sal-31 ta’ Diċembru 2008.

(2)

Permezz tat-talbiet tas-16 ta’ Ġunju 2008 u l-20 ta’ Ġunju 2008, il-Portugall talab awtorazzazzjoni suġġetta għall-istess termini, għall-perjodu mill-1 ta’ Jannar 2009 sal-31 ta’ Diċembru 2013.

(3)

L-għoti tal-awtorizzazzjoni l-ġdida mixtieqa hija ġustifikata sabiex ikun evitat li jitpoġġa fil-periklu l-iżvilupp ta’ dawk ir-reġjuni l-aktar imbegħdin. L-industrija lokali timpjiega madwar 130 ħaddiem fil-Madejra u madwar 90 ħaddiem fl-Ażores. Fil-Madejra, il-kultivazzjoni u l-ipproċessar tal-kannamieli u frott jipprovdu xogħol għal madwar 1 000 azjenda agrikola li huma proprjetà ta’ familja. Minħabba li dawn ir-reġjuni iħabbtu wiċċhom ma’ diffikultajiet biex jesportaw ‘il barra mit-territorju tagħhom, dawk il-prodotti jistgħu jinbigħu biss fis-swieq reġjonali.

(4)

Tnaqqis fir-rata tat-taxxa tas-sisa għandha tibqa’ tkun awtorizzata fil-livell mitlub biex b’hekk tingħata l-għajnuna biex tpatti għall-iżvantaġġ kompetittiv li qiegħed iħabbat wiċċu miegħu ix-xorb alkoħoliku ddistillat prodott fil-Madejra u fl-Ażores bħala riżultat ta’ spejjeż ta’ produzzjoni u ta’ kummerċjalizzazzjoni ogħla.

(5)

Tabilħaqq, materjali mhux ipproċessati ta’ oriġini agrikolu huma ogħla milli kienu jkunu taħt kundizzjonijiet ta’ produzzjoni normali, minħabba d-daqs żgħir, in-natura fframmentata u l-mekkanizzazzjoni baxxa tal-impriżi agrikoli. Fil-każ tal-Madejra, l-eżitu mill-ipproċessar tal-kannamieli huwa inqas minn dak ta’ reġjuni l-aktar imbegħdin oħra, minħabba t-topografija, il-klima, il-ħamrija u l-produzzjoni artiġjanali. It-trasport lejn il-ġżejjer ta’ ċerti materjali mhux ipproċessati u ta’ imballaġġ li ma ġewx prodotti lokalment iwassal għal spejjeż addizzjonali, meta mqabbel mat-trasport tal-prodott finali biss. Fil-każ tal-Ażores, l-insularità hija doppja, peress illi l-gżejjer huma mifruxin fuq żona kbira. It-trasport u l-installazzjoni tat-tagħmir f’dawk ir-reġjuni mbegħdin u insulari jkompli jżiedu l-ispejjeż addizzjonali. L-istess japplika għal ċerti żjarat u konsenji neċessarji minn fuq il-baħar lejn l-art prinċipali Spejjeż addizzjonali għall-ħażna tal-prodotti finali jinqalgħu minħabba li l-konsum lokali mhuwiex kapaċi jassorbi l-produzzjoni hekk kif din isseħħ, iżda jsir gradwalment matul is-sena. Iċ-ċokon tas-suq reġjonali jżid l-ispejjeż għal kull unità f’diversi modi, notevolment permezz ta’ relazzjonijiet mhux favorevoli bejn l-ispejjeż fissi u l-eżitu, kemm fir-rigward tat-tagħmir kif ukoll tal-ispejjeż li jridu jsiru biex jintlaħħqu n-normi ambjentali. Barra minn hekk, il-produtturi tar-Rum fil-Madejra huma obbligati li jittrattaw l-iskart li jirriżulta mill-ipproċessar tal-kannamieli, filwaqt li produtturi li jinsabu f’reġjuni oħra jistgħu jirreċiklaw dawn il-prodotti. Fl-aħħar nett, il-produtturi kkonċernati jħallsu wkoll spejjeż żejda li ġeneralment ibatu l-ekonomiji lokali, b’mod partikolari, żieda fi spejjeż marbutin max-xogħol u mal-enerġija.

(6)

It-tnaqqis ta’ 75 % ma jmurx lil hinn minn dak li huwa meħtieġ bħala kontro-bilanċ tal-livelli ta’ spejjeż addizzjonali li jridu jitħallsu mill-operaturi bħala riżultat tal-karatteristiċi partikolari msemmijin tal-Madejra u tar-regjuni tal-Ażores bħala reġjuni l-aktar imbegħdin.

(7)

Analiżi akkurata tas-sitwazzjoni turi li huwa essenzjali li t-talba tal-Portugall tintlaqa’ sabiex jiġi żgurat li l-industrija tal-alkoħol tinżamm vijabbli fir-reġjuni l-aktar imbegħdin.

(8)

Peress li l-vantaġġ fit-taxxa huwa limitat għal dak li huwa neċessarju biex ipatti għall-ispejjeż addizzjonali u peress li l-volumi kkonċernati huma modesti u l-vantaġġ fit-taxxa huwa limitat għall-konsum fir-reġjuni kkonċernati, il-miżura ma’ tpoġġix fil-periklu l-intergrità u l-koerenza tal-ordni legali tal-Komunità.

(9)

Billi titqabbel il-ħtieġa li tistabbilixxi limitu ta’ żmien fuq id-derogazzjonijiet tat-taxxa mal-ħtiega tal-operaturi ekonomiċi li jakkwistaw is-sigurtà meħtieġa biex ikunu jistgħu jiżviluppaw l-attivitajiet kummerċjali tagħhom, huwa xieraq li l-awtorizzazzjoni għandha tingħata għal perjodu ta’ ħames snin.

(10)

Għandu jiġi żgurat li l-Portugall jista’ japplika t-tnaqqis ikkonċernat hekk kif tiskadi l-awtorizzazzjoni analoga li ngħatat permezz tad-Deċiżjoni 2002/167/KE għall-perjodu ta’ qabel. L-awtorizzazzjoni l-ġdida mitluba għandha għalhekk tingħata b’effett mill-1 ta’ Jannar 2009.

(11)

Is-sottomissjoni ta’ rapport intermedju għandha tiġi mitluba, sabiex il-Kummissjoni tkun tista’ teżamina jekk il-kondizzjonijiet li jiġġustifikaw l-għotja ta’ deroga bħal din għadhomx relevanti.

(12)

Id-Deċiżjoni preżenti hija bla ħsara għall-applikazzjoni possibbli tal-Artikoli 87 u 88 tat-Trattat,

(1)

fil-Madejra

(2)

fl-Ażores

13.11.2009   

MT

Il-Ġurnal Uffiċjali tal-Unjoni Ewropea

L 297/12

(1)

L-Anness V tal-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (1) (“il-Ftehim ta’ Sħubija AKP-UE”) u l-Protokolli tiegħu, fosthom il-Protokoll 1 dwar id-definizzjoni tal-kunċett tal-“prodotti li joriġinaw” u l-metodi tal-kooperazzjoni amministrattiva, li skada fil-31 ta’ Diċembru 2007, skont l-Artikolu 37(1) ta’ dak il-Ftehim.

(2)

Kif previst fl-Artikolu 37(1) tal-Ftehim ta’ Sħubija AKP-KE, il-Ftehimiet ta’ Sħubija Ekonomika (“FSE”) ġew innegozjati ma’ gruppi reġjonali ta’ Stati Afrikani, tal-Karibew u tal-Paċifiku (“Stati tal-AKP”). Dawk il-FSE qed jiġu ffirmati progressivament sa mill-1 ta’ Jannar 2008.

(3)

L-Artikolu 39 tal-Protokoll I dwar id-definizzjoni tal-kunċett ta’ “prodotti li joriġinaw” u l-metodi tal-kooperazzjoni amministrattiva (‘il-Protokoll tal-Oriġini’) tal-Ftehim ta’ Sħubija Ekonomika bejn l-Istati tal-CARIFORUM, minn naħa waħda, u l-Komunità Ewropea u l-Istati Membri tagħha, min-naħa l-oħra (2) - l-ewwel FSE ffirmat mal-Istati tal-AKP - jipprevedi proċedura għall-għoti ta’ derogi mir-regoli tal-oriġini fuq talba ta’ Stat tal-AKP firmatarju għall-FSE. Id-derogi għandhom jiġu adottati minn Kumitat kompetenti. Huwa xieraq li tiġi prevista proċedura għall-istabbiliment ta’ pożizzjoni Komunitarja f’dak il-Kumitat b’mod li tkun tista’ tapplika wkoll għal dispożizzjonijiet simili ta’ Protokolli tal-Oriġini għal FSE oħrajn li għandhom jiġu ffirmati mal-Istati tal-AKP fil-futur.

(4)

L-Artikolu 39(8) tal-Protokoll tal-Oriġini jipprevedi li deċiżjoni għandha tittieħed malajr kemm jista’ jkun u fi kwalunkwe każ mhux aktar tard minn 75 jum ta’ xogħol minn meta t-talba tasal għand il-Komunità. Jekk il-Komunità ma tinfurmax lill-Istat tal-AKP li jkun għamel talba għal deroga dwar il-pożizzjoni tagħha rigward it-talba matul dan il-perijodu, it-talba għandha titqies li ġiet aċċettata.

(5)

Huwa għalhekk meħtieġ li tiġi adottata proċedura li tiżgura li l-pożizzjoni Komunitarja tista’ tiġi adottata u kkomunikata lill-Istati tal-AKP firmatarji għall-FSE kmieni biżżejjed sabiex jiġi żgurat li d-deċiżjoni rilevanti tkun tista’ tittieħed qabel dik l-iskadenza.

(6)

Id-Deċiżjoni tal-Kunsill 2000/399/KE tas-16 ta’ Ġunju 2000 dwar il-proċedura li tikkonċerna d-derogi mir-regoli tal-oriġini mniżżla fil-Protokoll Nru 1 tal-Ftehim ta’ Sħubija tal-AKP-KE (3) ipprevediet delegazzjoni ta’ poteri lill-Kummissjoni fir-rigward tal-adozzjoni ta’ pożizzjoni komuni tal-Komunità wara talba mill-Istati tal-AKP għal deroga mir-regoli tal-oriġini stabbiliti fil-Protokoll 1 tal-Anness V tal-Ftehim ta’ Sħubija tal-AKP-KE.

(7)

Delegazzjoni simili ta’ poteri lill-Kummissjoni għandha issa tkun prevista fir-rigward ta’ talbiet għal derogi mir-regoli tal-oriġini stabbiliti fil-Protokolli tal-Oriġini tal-FSE.

(8)

Id-Deċiżjoni 2000/399/KE għandha għalhekk tiġi mħassra,

13.11.2009   

MT

Il-Ġurnal Uffiċjali tal-Unjoni Ewropea

L 297/14

(1)

Permezz tar-Regolament tal-Kunsill (KE) Nru 613/2009 (2) ġew stabbiliti, b’applikazzjoni tal-ewwel paragrafu tal-Artikolu 13 tal-Anness X tar-Regolamenti tal-Persunal, il-koeffiċjenti korrettivi li, mill-1 ta’ Lulju 2008, jaffettwaw il-pagi tal-uffiċjali, l-aġenti temporanji u l-aġenti kuntrattwali tal-Komunitajiet Ewropej assenjati fil-pajjiżi terzi, li huma mħallsin fil-valuta tal-pajjiż fejn huma assenjati.

(2)

Jeħtieġ li jiġu adattati, f’konformità mal-paragrafu 2 tal-Artikolu 13 tal-Anness X tar-Regolamenti tal-Persunal, mill-1 ta’ Awwissu 2008, l-1 ta’ Settembru 2008, l-1 ta’ Ottubru 2008, l-1 ta’ Novembru 2008, l-1 ta’ Diċembru 2008 u l-1 ta’ Jannar 2009, uħud minn dawn il-koeffiċjenti korrettivi, minħabba li, fid-dawl tal-istatistika li għandha l-Kummissjoni, irriżulta li l-varjazzjoni fl-għoli tal-ħajja, ikkalkulata skont il-koeffiċjent korrettiv u r-rata tal-kambju korrispondenti, qabżet il-5 % minn meta dawn il-koeffiċjenti korrettivi ġew aġġustati l-aħħar,

13.11.2009   

MT

Il-Ġurnal Uffiċjali tal-Unjoni Ewropea

L 297/18

(1)

Fl-20 ta’ Lulju 2001 il-Kunsill adotta l-Azzjoni Konġunta 2001/555/PESK dwar it-twaqqif ta’ Ċentru tas-Satelliti tal-Unjoni Ewropea (1).

(2)

Fit-3 ta’ Settembru 2009 l-Kumitat Politiku u ta’ Sigurtà (KPS) qabel li l-membri kollha tal-Organizzazzjoni tat-Trattat tal-Atlantiku tat-Tramuntana għandhom ikunu intitolati li jiġu involuti fl-attivitajiet taċ-Ċentru u li prodotti taċ-Ċentru li jirriżultaw minn talbiet mill-Kunsill ikunu jistgħu jiġu distribwiti lil Stati terzi b’deċiżjoni tal-KPS.

(3)

L-Azzjoni Konġunta 2001/555/PESK għandha tiġi emendata kif meħtieġ,

1.

Fl-Artikolu 5, għandu jiżdied il-paragrafu li ġej:

“4.   Il-Kumitat Politiku u ta’ Sigurtà jista’ jagħti istruzzjonijiet lis-Segretarju Ġenerali/Rappreżentant Għoli biex jagħmel prodotti taċ-Ċentru li jirriżultaw minn talbiet magħmula skont l-Artikolu 2(1) disponibbli għal kull Stat terz stabbilit fuq bażi ta’ każ b’każ.”;

2.

L-Artikolu 21 għandu jiġi sostitwit b’dan li ġej:

“Artikolu 21

Assoċjazzjoni ta’ Stati terzi

Minkejja l-Artikolu 5, Membri tan-NATO li mhumiex fl-UE u Stati oħra li huma kandidati għall-adeżjoni mal-UE għandhom ikunu intitolati li jiġu involuti fl-attivitajiet taċ-Ċentru skont id-Dispożizzjonijiet stipulati fl-Anness.”.