4.7.2009   

MT

Il-Ġurnal Uffiċjali tal-Unjoni Ewropea

L 175/1

4.7.2009   

MT

Il-Ġurnal Uffiċjali tal-Unjoni Ewropea

L 175/3

(1)

Is-sustanzi farmakoloġikament attivi kollha użati fil-Komunità fil-prodotti mediċinali veterinarji maħsuba għall-annimali mrobbija għall-ikel għandhom ikunu vvalutati skont ir-Regolament (KEE) Nru 2377/90.

(2)

Is-sustanza gamithromycin hija inkluża fl-Anness III għar-Regolament (KEE) Nru 2377/90 għall-ispeċi bovina, applikabbli għax-xaħam, il-fwied u l-kliewi, minbarra l-annimali li jipproduċu l-ħalib għall-konsum mill-bniedem. Il-limiti massimi ta’ residwi provviżorji (minn hawn ‘il quddiem “MRLs”) għal dik is-sustanza stabbilita f’dak l-Anness se jiskadu fl-1 ta’ Lulju 2009. Ġiet ipprovduta u eżaminata dejta addizzjonali li wasslet lill-Kumitat għall-Prodotti Mediċinali għall-Użu Veterinarju biex jirrakkomanda li l-MRLs provviżorji għall-gamithromycin għandhom jiġu stabbiliti bħala definittivi u għalhekk inklużi fl-Anness I għar-Regolament (KEE) Nru 2377/90 għall-ispeċi bovina, applikabbli għax-xaħam, il-fwied u l-kliewi, minbarra l-annimali li jipproduċu l-ħalib għall-konsum mill-bniedem.

(3)

Ir-Regolament (KEE) Nru 2377/90 għandu għalhekk jiġi emendat skont dan.

(4)

Jinħtieġ li jiġi stipulat perjodu xieraq qabel ma jsir applikabbli dan ir-Regolament, biex l-Istati Membri jkunu jistgħu jagħmlu kull aġġustament meħtieġ fir-rigward tal-awtorizzazzjonijiet eżistenti biex iqiegħdu fis-suq il-prodotti mediċinali veterinarji kkonċernati li ngħataw skont id-Direttiva 2001/82/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (2).

(5)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

4.7.2009   

MT

Il-Ġurnal Uffiċjali tal-Unjoni Ewropea

L 175/5

(1)

Is-sustanzi farmakoloġikament attivi kollha użati fil-Komunità fil-prodotti mediċinali veterinarji maħsuba għall-annimali mrobbija għall-ikel għandhom ikunu vvalutati skont ir-Regolament (KEE) Nru 2377/90.

(2)

Is-sustanza diclofenac hi inkluża fl-Anness I tar-Regolament (KEE) Nru 2377/90 għall-ispeċi tal-bovini, fir-rigward tat-tessuti tal-muskoli, tax-xaħam, tal-fwied u tal-kliewi, bl-esklużjoni tal-annimali li jipproduċu l-ħalib għall-konsum mill-bniedem. Saret talba lill-Kumitat għall-Prodotti Mediċinali għall-Użu Veterinarju biex jiġi kkunsidrat jekk l-annotazzjoni eżistenti għad-diclofenac, għall-ispeċi tal-bovini fl-Anness għandhiex tiġi estiża biex jiġu inklużi l-limiti massimi ta’ residwi applikabbli għall-ħalib. Wara l-eżaminazzjoni tat-talba, qed jitqies xieraq li tiġi emendata l-annotazzjoni għad-diclofenac fl-Anness I għall-ispeċi tal-bovini biex jiġu stabbiliti l-limiti massimi ta’ residwi applikabbli għall-ħalib.

(3)

Ir-Regolament (KEE) Nru 2377/90 għandu għalhekk jiġi emendat skont dan.

(4)

Meħtieġ li jkun ipprovdut perjodu adegwat qabel ma dan ir-Regolament jiġi applikat, sabiex l-Istati Membri jkunu jistgħu jagħmlu l-aġġustamenti neċessarji fir-rigward tal-awtorizzazzjonijiet eżistenti biex jitpoġġew fis-suq il-prodotti mediċinali veterinarji kkonċernati li ngħataw skont id-Direttiva 2001/82/KE tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (2).

(5)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

4.7.2009   

MT

Il-Ġurnal Uffiċjali tal-Unjoni Ewropea

L 175/7

(1)

Skont l-Artikolu 6(2), u bi qbil mal-Artikolu 17(2) tar-Regolament (KE) Nru 510/2006, it-talba tal-Italja għar-reġistrazzjoni tad-denominazzjoni “Aceto Balsamico di Modena” ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Il-Ġermanja, il-Greċja u Franza ddikjaraw rwieħhom kontra r-reġistrazzjoni skont l-Artikolu 7(1) tar-Regolament (KE) Nru 510/2006. Dawn l-oġġezzjonijiet tqiesu eliġibbli abbażi tal-Artikolu 7(3), l-ewwel subparagrafu, il-punti a) sa d) tar-Regolament imsemmi.

(3)

Id-dikjarazzjoni ta’ oġġezzjoni tal-Ġermanja kienet dovuta l-aktar minħabba l-biża’ li r-reġistrazzjoni tal-indikazzjoni ġeografika protetta “Aceto Balsamico di Modena” ma tirriflettix il-fatt li hemm prodotti oħra li ilhom fis-suq legalment għal talanqas ħames snin u li nbigħu bid-denominazzjonijiet Balsamessig/Aceto balsamico, kif ukoll skont il-karattru ġeneriku tagħhom marbut ma’ dawn id-denominazzjonijiet. Il-Ġermanja wriet ukoll in-nuqqas ta’ ċarezza f’dak li jirrigwarda l-fażijiet tal-produzzjoni li għandhom isiru fil-post tal-oriġini.

(4)

L-oġġezzjoni ta’ Franza tirrigwarda b’mod partikolari l-fatt li l-“Aceto Balsamico di Modena” ma għandhiex reputazzjoni għaliha nnifisha, differenti minn dik tal “Aceto balsamico tradizionale di Modena” li diġà ġiet reġistrata bħala denominazzjoni tal-oriġini protetta skont ir-Regolament tal-Kunsill (KE) Nru 813/2000 (3). Skont Franza, il-konsumaturi setgħu jitqarrqu fir-rigward tan-natura u l-oriġini ta’ dan il-prodott.

(5)

Il-Greċja saħqet fuq l-importanza tal-produzzjoni tal-ħall balsamiku fuq it-territorju tagħha, li jinbiegħ taħt l-ismijiet “balsamico”“jew”“balsamon” u l-impatt żvantaġġuż, li r-reġistrazzjoni tad-denominazzjoni “Aceto Balsamico di Modena” jkollha fuq dawn il-prodotti li ilhom fis-suq legalment għal talanqas ħames snin. Il-Greċja ssostni wkoll li l-ismijiiet “aceto balsamico”, “balsamiku” eċċ huma ġeneriċi.

(6)

Il-Kummissjoni, bl-ittri tal-4 ta’ Marzu 2008, stiednet lill-Istati Membri konċernati jilħqu qbil bejniethom skont il-proċeduri interni tagħhom.

(7)

Peress li l-ebda qbil ma ntlaħaq bejn Franza, il-Ġermanja u l-Greċja u l-Italja fiż-żmien stipulat, il-Kummissjoni jkollha tadotta deċiżjoni skont il-proċedura stipulata fl-Artikolu 15(2) tar-Regolament (KE) Nru 510/2006.

(8)

Il-Kummissjoni talbet għall-opinjoni tal-Kumitat Xjentifiku dwar l-ismijiet tal-oriġini, l-indikazzjonijiet ġeografiċi u ċ-ċertifikati tal-ispeċifiċità, li ġie stabbilit bid-Deċiżjoni 93/53/KE (4) biex dan jivverifika jekk ġewx sodisfatti l-kundizzonijiet għar-reġistrazzjoni. Fl-opinjoni unanima tiegħu tas-6 ta’ Marzu 2006, il-Kumitat qies li d-denominazzjoni “Aceto Balsamico di Modena” għandha reputazzjoni indiskutibbli fis-suq nazzjonali, kif ukoll internazzjonali, u li l-bosta riċetti tat-tisjir f’ħafna Stati Membri, il-preżenza mifruxa tagħha fuq l-Internet u fl-istampa jew fil-midja huma xhieda tal-utilizzazzjoni frekwenti tagħha. L-“Aceto Balsamico di Modena” jissodisfa wkoll ir-rekwiżit inerenti ta’ reputazzjoni speċifika għal prodott li jikkorrispondi għal din id-denominazzjoni. Il-Kumitat jinnota l-koeżistenza ta’ dawn il-prodotti fis-swieq għal mijiet ta’ snin. Bl-istess mod il-Kumitat iddeċieda li l-“Aceto Balsamico di Modena” u l-“Aceto balsamico tradizionale di Modena” huma prodotti differenti minħabba l-karatteristiċi tagħhom, il-klijentela li jattiraw, l-użu tagħhom, u l-mod ta’ distribuzzjoni tagħhom kif ukoll il-preżentazzjoni u l-prezz tagħħhom, u b’dan il-mod it-trattament ugwali tal-produtturi konċernati tagħhom huwa żgurat u ma jagħtux lok għal ingann tal-konsumatur. Il-Kummissjoni tikkonferma dawn il-kunsiderazzjonijiet.

(9)

Bil-għan li tissaħħaħ id-differenzjazzjoni bejn dawn il-prodotti, ġie ppreċiżat li ddaħħlu termini numeriċi fil-projbizzjoni ġenerali dwar l-użu ta’ termini oħrajn ħlief dawk li huma espressament previsti fl-ispeċifikazzjonijiet tekniċi. Barra minn hekk, l-ispeċifikazzjonijiet tal-“Aceto Balsamico di Modena” saru għadd ta’ emendi żgħar bil-għan li jiġu eliminati l-ambigwitajiet li jista’ jkun hemm.

(10)

Jidher li l-Ġermanja u l-Greċja, fl-oġġezzjonijiet tagħhom dwar il-karattru ġeneriku tal-isem propost għar-reġistrazzjoni, ma qisux d-denominazzjoni msemmija kollha kemm hi, jiġifieri l-“Aceto Balsamico di Modena”, iżda biss biss partijiet minnha, jiġifieri t-termini “aceto”,“balsamico” u “aceto balsamico”, jew it-traduzzjonijiet tagħhom. Madankollu, il-protezzjoni hija kkonferita fuq id-denominazzjoni ta’ “Aceto Balsamico di Modena”. It-termini individwali mhux ġeografiċi tad-denominazzjoni komposta, ukoll jekk jintużaw flimkien, kif ukoll it-traduzzjoni tagħhom, jistgħu jiġu utilizzati fit-territorju komunitarju skont il-prinċipji u r-regoli applikabbli tal-liġi Komuniatrja.

(11)

Fid-dawl ta’ dawn l-elementi, id-denominazzjoni “Aceto Balsamico di Modena” għalhekk għandha tiddaħħal fir-“Reġistru ta’ denominazzjonijiet tal-oriġini protetta u tal-indikazzjonijiet ġeografiċi protetti”.

(12)

Il-miżuri pprovduti f’dan ir-Regolament huma konformi mal-opinjoni tal-Kumitat Permanenti għall-indikazzjonijiet ġeografiċi u għad-denominazzjonijiet protetti tal-oriġini,

4.7.2009   

MT

Il-Ġurnal Uffiċjali tal-Unjoni Ewropea

L 175/12

(1)

Fil-konklużjonijiet tal-laqgħa tiegħu dwar l-Affarijiet Ekonomiċi u Finanzjarji tat-28 ta’ Novembru 2006, il-Kunsill qabel li jistabbilixxi Strateġija Kontra l-Frodi Fiskali implimentata fil-livell Komunitarju, speċjalment għall-frodi tat-taxxa fil-qasam tat-tassazzjoni indiretta, sabiex tikkomplimenta l-isforzi nazzjonali.

(2)

Ċerti miżuri li ġew diskussi f’dak il-kuntest jeħtieġu emenda tad-Direttiva 2006/112/KE tat-28 ta’ Novembru 2006 (3).

(3)

L-importazzjoni tal-merkanzija hija eżentata mit-taxxa fuq il-valur miżjud (VAT) jekk din tiġi segwita mill-provvista jew mit-trasferiment ta’ dik il-merkanzija lil persuna taxxabbli fi Stat Membru ieħor. Il-kondizzjonijiet li bihom tingħata dik l-eżenzjoni huma stabbiliti mill-Istati Membri. Madankollu, l-esperjenza turi li d-diverġenzi fl-applikazzjoni huma sfruttati min-negozjanti biex jevitaw li jħallsu l-VAT fuq merkanzija importata skont dawk iċ-ċirkostanzi.

(4)

Sabiex tiġi evitata dik l-esplojtazzjoni huwa meħtieġ li jiġi speċifikat, għal transazzjonijiet partikolari, f’livell Komunitarju sett ta’ kondizzjonijiet minimi li taħthom tapplika din l-eżenzjoni.

(5)

Ladarba, minħabba dawk ir-raġunijiet, l-għan ta’ din id-Direttiva, jiġifieri li tiġi indirizzata l-problema tal-evażjoni tal-VAT, ma jistax jinkiseb suffiċjentement mill-Istati Membri nfushom u jista’, għalhekk, jinkiseb aħjar fil-livell Komunitarju, il-Komunità tista’ tadotta miżuri konformement mal-prinċipju tas-sussidjarjetà kif stabbilit fl-Artikolu 5 tat-Trattat. Konformement mal-prinċipju tal-proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li hu meħtieġ sabiex jinkiseb dak l-għan.

(6)

Konformement mal-punt 34 tal-Ftehim Interistituzzjonali dwar it-tfassil aħjar tal-liġijiet (4), l-Istati Membri huma mħeġġa jfasslu, għalihom u fl-interessi tal-Komunità, it-tabelli tagħhom stess, li juru sa fejn hu possibbli l-korrelazzjoni bejn id-Direttiva u l-miżuri ta’ traspożizzjoni, u jagħmluhom pubbliċi.

(7)

Id-Direttiva 2006/112/KE għandha għalhekk tiġi emendata kif meħtieġ,

(1)

l-Artikolu 22 għandu jiġi sostitwit b’dan li ġej:

“Artikolu 22

L-applikazzjoni mill-forzi armati ta’ Stat li hu parti għat-Trattat tal-Atlantiku tat-Tramuntana, għall-użu tagħhom jew għall-użu tal-istaff ċivili li jakkumpanjahom, ta’ merkanzija li ma jkunux xtraw soġġett għar-regoli ġenerali li jirregolaw it-tassazzjoni fis-suq domestiku ta’ Stat Membru, għandha tiġi ttrattata bħala akkwist intra-Komunitarju ta’ merkanzija bi ħlas, fejn l-importazzjoni ta’ dik il-merkanzija ma tkunx eliġibbli għall-eżenzjoni prevista fil-punt (h) tal-Artikolu 143(1).”;

(2)

fl-Artikolu 140, il-punt (b) għandu jiġi sostitwit b’dan li ġej:

(3)

l-Artikolu 143 għandu jiġi emendat kif ġej:

4.7.2009   

MT

Il-Ġurnal Uffiċjali tal-Unjoni Ewropea

L 175/14

(1)

Il-Bord tal-Gvernaturi tal-Impriża Konġunta “Clean Sky” approva u ressaq abbozz tal-emenda li jibdel l-Artikolu 23(4) tal-Anness I tar-Regolament (KE) Nru 71/2008 b’test differenti sabiex jippermetti li d-drittijiet għall-aċċess ikunu ddefiniti mhux biss għall-użu fir-riċerka iżda wkoll għall-użu kummerċjali fil-ftehim tal-għotja.

(2)

Filwaqt li din l-emenda, li ma taffettwax l-elementi essenzjali tal-Istatuti tal-Impriża Konġunta “Clean Sky”, hija ġġustifikata skont l-Artikolu 15 tar-Regolament (KE) Nru 71/2008, il-politika dwar id-drittijiet intellettwali tal-Impriża Konġunta “Clean Sky” għandha tissejjes fuq il-prinċipji mogħtija fir-Regolament (KE) Nru 1906/2006 (2), li fih id-drittijiet għall-aċċess għall-użu jinkludu l-użu għall-isfruttament kummerċjali, u għandha tippromwovi mhux biss il-ħolqien tal-għarfien iżda wkoll l-isfruttament tiegħu (ara l-Premessa nru 29 u l-Artikolu 23(2) tal-Anness I għar-Regolament tal-Parlament Ewropew u tal-Kunsill (KE) Nru 71/2008),

L-Impriża Konġunta “Clean Sky”

c/o Liam Breslin

Il-Kummissjoni Ewropea – id-DĠ RTD

Id-Direttur Eżekuttiv Temporanju tal-Impriża Konġunta “Clean Sky”

CDMA 04/166

BE-1049 Brussell

4.7.2009   

MT

Il-Ġurnal Uffiċjali tal-Unjoni Ewropea

L 175/16

(1)

L-ewwel subparagrafu tal-Artikolu 16(2) tad-Direttiva 98/8/KE (minn hawn ‘il quddiem imsemmija “id-Direttiva”) jipprovdi li l-Kummissjoni għandha tibda programm ta’ ħidma ta’ għaxar snin sabiex b’mod sistematiku teżamina s-sustanzi attivi kollha li diġà kienu fis-suq fl-14 ta’ Mejju 2000 (minn hawn ‘il quddiem imsemmi “il-programm tar-reviżjoni”).

(2)

Il-Malathion (Nru tal-KE 204-497-7; Nru CAS 121-75-5) ġie identifikat li kien disponibbli fis-suq qabel l-14 ta’ Mejju 2000 bħala sustanza attiva fil-prodotti bijoċidali għal skopijiet barra dawk imsemmija fl-Artikolu 2(2)(c) u (d) tad-Direttiva.

(3)

Ladarba ebda dokument komplut ma tressaq biex jappoġġa l-inklużjoni tal-malathion fl-Anness I, IA jew IB tad-Direttiva sad-data tal-iskadenza preskritta fil-parti B tal-Anness V għar-Regolament tal-Kummissjoni (KE) Nru 2032/2003 (2), il-Kummissjoni ddeċidiet, bid-Deċiżjoni tal-Kummissjoni 2007/565/KE (3), li l-malathion ma għandux jiġi inkluż fl-Annessi I, IA jew IB tad-Direttiva. Skont l-Artikolu 4(1) tar-Regolament (KE) Nru 1451/2007 (4), il-prodotti bijoċidali li fihom il-malathion mhux se jibqgħu jitqiegħdu fis-suq.

(4)

L-Artikolu 15(1) tad-Direttiva jistabbilixxi l-kundizzjonijiet li bihom l-Istati Membri jistgħu jagħtu awtorizzazzjoni provviżorja għal perjodu li ma jaqbiżx 120 jum għat-tqegħid fis-suq tal-prodotti bijoċidali li ma jikkonformawx mad-dispożizzjonijiet tad-Direttiva. Awtorizzazzjoni provviżorja bħal din tista’ tingħata biss għall-użu limitat u kontrollat kemm-il darba din il-miżura tkun meħtieġa minħabba xi periklu mhux previst u li ma jistax jiġi kkontrollat mod ieħor. F’dan il-każ, l-Istat Membru ikkonċernat għandu jgħarraf minnufih lill-Istati Membri l-oħra u lill-Kummissjoni bl-azzjoni tiegħu u bil-ġustifikazzjoni għaliha. Il-miżura provviżorja tista’ tittawwal b’deċiżjoni meħuda skont il-proċedura tal-ġestjoni msemmija fl-Artikolu 28(2) tad-Direttiva.

(5)

Franza għarrfet lill-Kummisjoni u lill-Istati Membri l-oħra dwar id-deċiżjoni tagħha tas-27 ta’ Frar 2009 biex tagħti awtorizzazzjoni provviżorja għat-tqegħid fis-suq tal-prodotti bijoċidali li fihom il-malathion għall-prodotti tat-tip 18 kif inhu definit fl-Anness V tad-Direttiva 98/8/KE (insettiċidi, akariċidi u prodotti li jikkontrollaw artropodi oħra). L-awtorizzazzjoni ngħatat għal perjodu ta’ 120 jum li jibda mit-3 ta’ Marzu 2009 u kien validu biss għall-kontroll tal-mard li jittieħed permezz tal-insetti li jġorru l-parassiti mwettaq minn operaturi pubbliċi fid-Dipartiment tal-Gujana Franċiża. Skont l-informazzjoni pprovduta minn Franza, l-awtorizzazzjoni provviżorja tal-prodotti bijoċidali li fihom il-malathion kienet meħtieġa minħabba t-tixrid rapidu tal-epidemija tad-dengue fil-Gujana Franċiża. L-awtoritajiet lokali ma kellhomx prodotti insettiċidi effettivi oħra disponibbli għall-użu fuq skala kbira għal kontra n-nemus adult.

(6)

Fit-28 ta’ April 2009, Franza talbet lill-Kummissjoni biex tiddeċiedi li l-azzjoni tista’ tittawwal jew tiġi ripetuta skont l-Artikolu 15(1) tad-Direttiva 98/8/KE. It-talba saret abbażi tar-riskju li xorta ma jkun hemm l-ebda prodott alternattiv xieraq għall-kontroll tan-nemus li jġorr il-parassiti disponibbli fil-Gujana Franċiża fl-1 ta’ Lulju 2009 meta l-awtorizzazzjoni tal-bidu tiskadi.

(7)

Fir-rigward tal-importanza tal-epidemija tad-dengue fid-Dipartiment Franċiż extra-Ewropew tal-Gujana, in-nuqqas ta’ disponibbiltà ta’ prodotti insettiċidi li hemm bħalissa barra l-malathion fid-dipartiment imsemmi, kif ukoll ir-riskju li l-alternattivi ma jkunux disponibbli meta l-awtorizzazzjoni provviżorja mogħtija minn Franza tiskadi, huwa xieraq li Franza tkun tista’ ttawwal l-awtorizzazzjoni provviżorja sakemm prodotti insettiċidi alternattivi jkunu disponibbli sa mhux iktar tard mill-1 ta’ Novembru 2009.

(8)

Il-miżuri pprovduti f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,

(a)

prodotti bijoċidali bħal dawn għandhom jintużaw biss taħt il-kontroll tal-awtoritajiet pubbliċi;

(b)

prodotti bijoċidali bħal dawn għandhom jintużaw biss sakemm prodotti bijoċidali alternattivi xierqa li jissodisfaw id-dispożizzjonijiet tad-Direttiva 98/8/KE isiru disponibbli fid-Dipartiment tal-Gujana Franċiża.

4.7.2009   

MT

Il-Ġurnal Uffiċjali tal-Unjoni Ewropea

L 175/18

(1)

Skont l-Artikolu 18.1 tal-Istatut tal-SEBĊ, banek ċentrali nazzjonali tal-Istati Membri li adottaw l-euro (minn hawn ‘il quddiem il-“BĊNi”) u l-Bank Ċentrali Ewropew (BĊE) (minn hawn ‘il quddiem il-“banek ċentrali tal-Eurosistema”) jistgħu joperaw fis-swieq finanzjarji billi, fost affarijiet oħra, jixtru u jbiegħu strumenti negozjabbli immedjatament.

(2)

Fis-7 ta’ Mejju 2009 u sussegwentement fl-4 ta’ Ġunju 2009, il-Kunsill Governattiv iddeċieda li minħabba ċ-ċirkustanzi eċċezzjonali kurrenti li jeżistu fis-suq għandu jinbeda programm (minn hawn “il quddiem il-“programm ta’ xiri ta” bonds garantiti” jew il-“programm”) li bih il-BĊNi u eċċezzjonalment il-BĊE f’kuntatt dirett mal-kontropartijiet, jistgħu skont is-sehem allokat tagħhom, jixtru immedjatament bonds garantiti eliġibbli. Il-banek ċentrali tal-Eurosistema fi ħsiebhom jimplimentaw il-programm ta’ xiri ta’ bonds garantiti gradwalment, wara li jqisu l-kundizzjonijiet tas-suq u l-bżonnijiet tal-politika monetarja tal-Eurosistema. L-għanijiet ta’ dan ix-xiri huma biex jikkontribwixxu għal (a) promozzjoni tat-tnaqqis kontinwu fir-rati tal-imgħax tas-swieq tal-flus; (b) taffija tal-kundizzjonijiet tal-iffinanzjar għall-istituzzjonijiet ta’ kreditu u impriżi; (c) inkoraġġiment tal-istituzzjonijiet ta’ kreditu biex iżommu u jespandu s-self tagħhom lill-klijenti; u (d) titjib tal-likwidità tas-suq f’setturi importanti tas-suq tat-titoli tad-dejn privat.

(3)

Bħala parti mill-politika monetarja waħda, ix-xiri immedjat ta’ bonds garantiti eliġibbli mill-banek ċentrali tal-Eurosistema taħt il-programm għandu jiġi implimentat b’mod uniformi, skont dak li tgħid din d-Deċiżjoni,

(1)

Għandhom ikunu jew (i) bonds garantiti maħruġin skont il-kriterji msemmijin fl-Artikolu 22(4) tad-Direttiva UCITS (2) (minn hawn ‘il quddiem il-“bonds garantiti konformi mal-UCITS”), jew (ii) bonds garantiti strutturati li bank ċentrali tal-Eurosistema fid-diskrezzjoni tiegħu biss jikkunsidra li joffru salvagwardji simili għall-bonds garantiti konformi mal-UCITS.

(2)

Kull ħarġa ta’ bonds garantiti għandhom, bħala regola, ikollhom, daqs ta’ ħruġ minimu ta’ EUR 500 miljun. F’każijiet speċjali, bank ċentrali tal-Eurosistema jista’ jiddeċiedi li jixtri immedjatament bonds garantiti b’daqs ta’ ħruġ ta’ anqas minn EUR 500 miljun, iżda id-daqs tal-ħruġ m’għandux ikun anqas minn EUR 100 miljun, meta dan il-bank ċentrali tal-Eurosistema jiddeċiedi fid-diskrezzjoni tiegħu biss li hemm ċirkustanzi tas-suq speċifiċi jew kunsiderazzjonijiet tal-immaniġġar tar-riskju li jeħtieġu dan ix-xiri.

(3)

Il-ħruġ ta’ bonds garantiti, bħala regola, ikollhom klassifikazzjoni minima ta’ “AA” jew ekwivalenti, mogħtija minn tal-anqas aġenzija ta’ klassifikazzjoni ewlenija waħda.

(4)

Jekk minn joħroġ il-bond garantit hija entità (minbarra istituzzjoni ta’ kreditu) inkorporata fiż-żona tal-euro, il-kundizzjonijiet għandhom ikunu li (i) dik l-entità toħroġ biss bonds koperti u (ii) il-bonds garantiti ikunu ggarantiti b’mod sodisfaċenti għall-bank ċentrali tal-Eurosistema rilevanti minn istituzzjoni ta’ kreditu inkorporata fiż-żona tal-euro, jew, alternattivament, ikollhom salvagwardji ta’ natura simili li jissodisfaw ir-rekwiżiti tal-bank ċentrali tal-Eurosistema rilevanti.

(5)

Il-bonds garantiti għandhom jinħarġu bis-saħħa tal-leġiżlazzjoni li tirregola l-bonds garantiti li hija fis-seħħ fi Stat Membru li qiegħed fiż-żona tal-euro. Fil-każ ta’ bonds garantiti strutturati, il-liġi li tirregola d-dokumentazzjoni tal-bonds garantiti għandha tkun il-liġi tal-Istati Membru taż-żona tal-euro.