I Atti adottati skont it-Trattati tal-KE/Euratom li l-pubblikazzjoni tagħhom hija obbligatorja

9.6.2009

Il-Ġurnal Uffiċjali tal-Unjoni Ewropea

L 144/1

REGOLAMENT TAL-KUNSILL (KE) Nru 472/2009

tal-25 ta’ Mejju 2009

li jemenda r-Regolament (KE) Nru 637/2008 fir-rigward tal-programmi nazzjonali ta’ ristrutturar għas-settur tal-qoton

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari t-tielet subparagrafu tal-Artikolu 37(2) tiegħu,

Wara li kkunsidra l-Att ta’ Adeżjoni tal-1979, u b’mod partikolari l-paragrafu 6 tal-Protokoll Nru 4 anness miegħu dwar il-qoton (1),

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew,

Billi:

(1)

Il-Kapitlu 2 tar-Regolament tal-Kunsill (KE) Nru 637/2008 tat-23 ta’ Ġunju 2008 li jemenda r-Regolament (KE) Nru 1782/2003 u li jistabbilixxi programmi nazzjonali ta’ ristrutturar għas-settur tal-qoton (2) fih dispożizzjonijiet dwar programmi nazzjonali ta’ ristrutturar ta’ erba’ snin li għandhom jiġu deċiżi fil-livell tal-Istat Membru biex jiġu ffinanzjati, inter alia, miżuri speċifiċi li jgħinu l-industrija tal-ħalġ.

(2)

B’riżultat tal-iżviluppi riċenti fil-qagħda ekonomika tas-settur tal-qoton fil-Komunità, u konsegewntement, il-bżonn li jitwettqu immedjatament operazzjonijiet sostanzjali ta’ ristrutturar, u sabiex jiġu inklużi l-kumpaniji tal-ħalġ ikkonċernati, l-introduzzjoni ta’ perjodu ta’ pprogrammar ta’ ristrutturar ta’ tmien snin huwa ġustifikat. Meta Stat Membru jintroduċi tali programm ta’ ristrutturar, it-trasferiment għal-limitu nazzjonali kif determinat fl-Anness VIII għar-Regolament tal-Kunsill (KE) Nru 73/2009 tad-19 ta’ Jannar 2009, li jistabbilixxi regoli komuni għal skemi ta’ appoġġ dirett għall-bdiewa taħt il-politika agrikola komuni u li jistabbilixxi ċerti skemi ta’ appoġġ għall-bdiewa (3) għandhom isegwu immedjatament.

(3)

L-Artikolu 7(2)(a) tar-Regolament (KE) Nru 637/2008 jipprevedi li l-benefiċjarji tal-għajnuna taħt il-Kapitlu IV tar-Regolament tal-Kunsill (KE) Nru 1051/2001 tat-22 ta’ Mejju 2001 dwar għajnuna ta’ produzzjoni għall-qoton (4) fis-sena tas-suq 2005/2006 huma l-benefiċjarji tal-miżuri msemmija fl-Artikolu 7(1)(a), (b) u (d) tar-Regolament (KE) Nru 637/2008. Madanakollu, peress illi uħud mill-fabbriki tal-ħalġ ma kinux imħaddma mis-sidien tagħhom tul dik is-sena tas-suq taħt referenza u dawk is-sidien ma kinux benefiċjarji skont il-Kapitlu IV tar-Regolament (KE) Nru 1051/2001, dawk is-sidien tal-fabbriki tal-ħalġ kienu esklużi mill-parteċipazzjoni fil-proċess ta’ ristrutturar. Sabiex il-programmi nazzjonali ta’ ristrutturar ikunu effikaċi l-fabbriki kollha tal-ħalġ li kienu attivi fis-sena tas-suq taħt referenza 2005/2006 u li huma eliġibbli għal appoġġ skont il-Kapitlu IV tar-Regolament (KE) Nru 1051/2001, għandhom ikunu koperti bil-miżuri skont l-Artikolu 7(1)(a), (b) u (d) tar-Regolament (KE) Nru 637/2008. Għalhekk, huwa xieraq li fir-rigward ta’ dik is-sena tas-suq, s-sid tal-fabbrika għandu jikkwalifika bħala l-benefiċjarju taħt il-programmi ta’ ristrutturar ikkonċernat.

(4)	Għalhekk ir-Regolament (KE) Nru 637/2008 għandu jiġi emendat skont dan,

ADOTTA DAN IR-REGOLAMENT:

Artikolu 1

Ir-Regolament (KE) Nru 637/2008 huwa b’dan emendat kif ġej:

(1)

fl-Artikolu 4(1) is-subparagrafu li ġej għandu jiġi inserit qabel l-ewwel subparagrafu:

“B’deroga mill-ewwel subparagrafu, l-Istati Membri jistgħu jagħżlu li jippreżentaw lill-Kummissjoni, sal-31 ta’ Diċembru 2009, abbozz uniku ta’ programm ta’ ristrutturar emendat għal tul ta’ żmien ta’ tmien snin.”;

(2)

fl-Artikolu 5(2) għandu jiġi miżjud is-subparagrafu li ġej:

“Madankollu, jekk Stat Membru jagħżel li jippreżenta abbozz ta’ programm ta’ ristrutturar modifikat għal tul ta’ żmien ta’ tmien snin, kif previst fit-tieni subparagrafu tal-Artikolu 4(1), il-baġit annwali tiegħu kif imsemmi fil-paragrafu 1 ta’ dan l-Artikolu għandu jiġi ttrasferit għal-limitu nazzjonali tiegħu kif determinat fl-Anness VIII għar-Regolament (KE) Nru 73/2009 fis-sena finanzjarja 2018 u għandu jkun applikabbli għal pagamenti diretti mħallsa f’dik is-sena. Qabel l-1 ta’ Jannar 2018 l-Istat Membru konċernat għandu jippreżenta komunikazzjoni dwar l-implimentazzjoni tal-programm ta’ ristrutturar u l-ksib tal-għanijiet tiegħu.”;

(3)

fl-Artikolu 7(2), il-punt (a) għandu jiġi sostitwit b’dan li ġej:

“(a)	Is-sidien tal-faċilitajiet tal-ħalġ li lilhom ingħatat l-għajnuna skont il-Kapitlu IV tar-Regolament tal-Kunsill (KE) Nru 1051/2001 (*) fis-sena tas-suq 2005/2006, għal għajnuna taħt il-miżuri msemmija fil-paragrafu 1(a), (b) u (d) ta’ dan l-Artikolu;

(*) ĠU L 148, 1.6.2001, p. 3”."

Artikolu 2

Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

Magħmul fi Brussell, 25 ta’ Mejju 2009.

Għall-Kunsill

Il-President

J. ŠEBESTA

(1) ĠU L 291, 19.11.1979, p. 174.

(2) ĠU L 178, 5.7.2008, p. 1.

(3) ĠU L 30, 31.1.2009, p. 16.

(4) ĠU L 148, 1.6.2001, p. 3.

9.6.2009

Il-Ġurnal Uffiċjali tal-Unjoni Ewropea

L 144/3

REGOLAMENT TAL-KUNSILL (KE) Nru 473/2009

tal-25 ta’ Mejju 2009

li jemenda r-Regolament (KE) Nru 1698/2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u r-Regolament 1290/2005 dwar il-finanzjament tal-politika agrikola komuni

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikoli 36 u 37 tiegħu,

Wara li kkunsidra l-proposta mill-Kummissjoni,

Wara li kkunsidra l-Opinjoni tal-Parlament Ewropew (1),

Billi:

(1)

Il-Kunsill Ewropew, fil-laqgħa tiegħu fil-11 u t-12 ta’ Diċembru 2008, approva Pjan Ewropew għall-Irkupru Ekonomiku (PEIE), li jipprevedi l-bidu ta’ azzjonijiet prijoritarji biex l-ekonomiji tal-Istati Membri jkunu jistgħu jaġġustaw b’rata aktar mgħaġġla għall-isfidi attwali. Il-PEIE huwa bbażat fuq sforz ekwivalenti totalment għal madwar 1,5 % tal-PDG tal-Unjoni Ewropea, ċifra li tammonta għal madwar EUR 200 biljun.

(2)

Minn dan l-ammont, EUR 1 020 miljun għandhom ikunu disponibbli għall-Istati Membri kollha permezz tal-Fond Agrikolu Ewropew għall-Iżvilupp Rurali (FAEŻR) bil-għan li jiġi żviluppat l-Internet tal-broadband f’żoni rurali u li jissaħħu l-operazzjonijiet marbuta mal-prijoritajiet stabbiliti fil-punti (a) sa (f) tal-Artikolu 16a(1) tar-Regolament (KE) Nru 1698/2005 (2) (minn hawn ‘il quddiem “sfidi ġodda”).

(3)

Huma meħtieġa diversi emendi għar-Regolament (KE) Nru 1698/2005, sabiex jiġi stabbilit il-qafas legali biex l-Istati Membri jkunu jistgħu jużaw l-ammont ta’ EUR 1 020 miljun, f’kontinwità mal-emendi introdotti bir-Regolament (KE) Nru 74/2009 (3) li jippermetti l-użu mill-Istati Membri ta’ ammonti li jirriżultaw minn modulazzjoni obbligatorja miżjuda u fondi mhux użati ġġenerati skont l-Artikolu 136 tar-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett skont il-politika agrikola komuni u li jistabbilixxi ċerti skemi ta’ appoġġ għall-bdiewa (4) dwar operazzjonijiet marbuta mal-isfidi ġodda.

(4)

Minħabba l-piż partikolari fil-baġit ġenerali tal-Komunitajiet Ewropej tar-riżorsi msemmija fil-punt (c) tal-Artikolu 2(1) tad-Deċiżjoni tal-Kunsill 2007/436/KE, l-Euratom tas-7 ta’ Ġunju 2007 dwar is-sistema tar-riżorsi proprji tal-Komunitajiet Ewropej (5), huwa adatt li jkompli jiġi previst, b’mod eċċezzjonali, li l-Kunsill, waqt li jaġixxi b’maġġoranza kwalifikata fuq proposta mill-Kummisjoni, jadotta d-deċiżjoni meħtieġa dwar l-ammont tal-appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu kif ukoll l-ammont minimu li għandu jkun ikkonċentrat fir-reġjuni eliġibbli taħt l-Objettiv ta’ Konverġenza.

(5)

Minħabba r-riżorsi addizzjonali li għandhom isiru disponibbli bħala appoġġ Komunitarju għall-iżvilupp rurali taħt il-PEIE, huwa meħtieġ li l-Istati Membri jirrivedu l-Pjan Strateġiku Nazzjonali (NSP) tagħhom. Peress li l-Istati Membri kollha ser jirċievu fondi addizzjonali mill-2009, kollha għandhom ikunu meħtieġa li jirrivedu l-NSP tagħhom sal-15 ta’ Lulju 2009.

(6)

Il-Konklużjonijiet tal-Kunsill Ewropew tat-12 ta’ Diċembru 2008 jfakkru l-appoġġ tal-Kunsill Ewropew għall-PEIE, b’mod partikolari, l-iżvilupp tal-Internet tal-broadband, inkluż f’żoni li mhumiex moqdija tajjeb. Minħabba li ż-żoni rurali kemm-il darba jbatu minn nuqqasijiet fl-aċċess għall-Internet, l-appoġġ għall-infrastrutturi tal-broadband fiż-żoni rurali għandu jissaħħaħ bl-appoġġ tal-FAEŻR. Minħabba l-importanza ta’ din il-prijorità, l-Istati Membri, skont il-ħtiġijiet tagħhom, fil-programmi tagħhom għandhom jipprevedu l-operazzjonijiet marbuta ma’ din il-prijorità sa tmiem l-2009. Lista tat-tipi ta’ operazzjonijiet marbuta mal-infrastrutturi tal-broadband għandha tiġi stabbilita sabiex tgħin lill-Istati Membri jidentifikaw l-operazzjonijiet rilevanti fil-kuntest tal-qafas legali għall-iżvilupp rurali.

(7)	Peress li l-fondi addizzjonali mill-PEIE ser isiru disponibbli għall-Istati Membri kollha fl-2009 u l-2010, l-Istati Membri kollha fil-programmi tagħhom tal-iżvilupp rurali għandhom jipprevedu tipi ta’ operazzjonijiet relatati mal-isfidi l-ġodda diġà mill-2009.

(8)	L-obbligu li sal-15 ta’ Lulju 2009 għandom jiġu ppreżentati programmi riveduti tal-iżvilupp rurali għandu, għalhekk, japplika għall-Istati Membri kollha.

(9)

Minħabba l-użu addizzjonali, speċifiku u vinkolanti tar-riżorsi finanzjarji, li jirriżulta mill-applikazzjoni tal-modulazzjoni obbligatorja skont ir-Regolament (KE) Nru 73/2009, tal-ammonti ġġenerati skont l-Artikolu 136 ta’ dak ir-Regolament u tal-ammonti li għandhom isiru disponibbli bħala appoġġ Komunitarju għall-iżvilupp rurali skont il-PEIE, il-bilanċ stabbilit bejn l-objettivi ta’ appoġġ għall-iżvilupp rurali m’għandux ikun affettwat minn dawk ir-riżorsi finanzjarji.

(10)

Iż-żoni rurali ta’ spiss tonqoshom l-infrastruttura tal-broadband, kemm fuq skala żgħira kif ukoll fuq skala akbar. Din tal-aħħar tista’ tkun kruċjali biex jinqdew żoni rurali anqas aċċessibbli. Sabiex jiġi żgurat l-użu l-aktar effikaċi tar-riżorsi disponibbli u sabiex ikun jista’ jseħħ l-iżvilupp sostantiv tal-Internet tal-broadband fiż-żoni rurali, l-operazzjonijiet pertinenti għandhom jitqiesu bħala eliġibbli mingħajr limitu fid-daqs tal-infrastruttura relatata. Għalhekk, il-limitu li jeżisti fid-daqs għall-infrastruttura tas-servizzi bażiċi għall-ekonomija u l-popolazzjoni rurali m’għandux japplika għall-operazzjonijiet relatati mal-infrastrutturi tal-broadband.

(11)

Sabiex jinkisbu l-objettivi speċifiċi ta’ politika li jissaħħu l-operazzjonijiet relatati mal-isfidi l-ġodda u li jiġu żviluppati l-infrastrutturi tal-Internet tal-broadband, huwa meħtieġ li jkun ipprovdut li r-riżorsi finanzjarji li jsiru disponibbli bħala appoġġ Komunitarju għall-iżvilupp rurali taħt il-PEIE, għandhom jintużaw għal ċerti għanijiet speċifiċi u li dan l-obbligu għandu jiġi kkombinat mal-obbligu eżistenti għall-ammonti li jirriżultaw mill-modulazzjoni obbligatorja u l-ammonti ġġenerati taħt l-Artikolu 136 tar-Regolament (KE) Nru 73/2009.

(12)	Minħabba l-importanza tal-operazzjonijiet tal-broadband fil-livell Komunitarju, iż-żieda tal-kontribut tal-FAEŻR previst fir-Regolament (KE) Nru 74/2009 għandha tapplika wkoll għal tali tipi ta’ operazzjonijiet biex tiġi ffaċilitata l-implimentazzjoni tagħhom.

(13)	Sabiex jiġu faċilitati l-Istati Membri li huma partikolarment affettwati mill-kriżi ekonomika u li għandhom diffikultajiet biex jipprovdu r-riżorsi finanzjarji nazzjonali biex jintużaw il-fondi disponibbli tal-FAEŻR, għandhom ikunu permessi rati ogħla ta’ kofinanzjament eċċezzjonalment fl-2009.

(14)	Ladarba l-miżuri previsti fl-emendi proposti ma jippreġudikawx l-aspettattivi leġittimi tal-operaturi ekonomiċi u għandhom ikopru l-2009, dan ir-Regolament għandu japplika mill-1 ta’ Jannar 2009.

(15)	Għalhekk ir-Regolament (KE) Nru 1698/2005 għandu jiġi emendat kif meħtieġ.

(16)

Sabiex ikun żgurat li jittieħed kont tal-PEIE għad-dixxipplina baġitarja, hu meħtieġ li jiġu adatti d-dispożizzjonijiet dwar il-livell massimu tal-baġit għan-nefqa ffinanzjata mill-Fond Agrikolu Ewropew ta’ Garanzija (FAEG) imsemmija fl-Artikolu 12 tar-Regolament (KE) Nru 1290/2005 (6) billi jittieħed ukoll kont tas-somom iffissatti skont l-Intestatura 2 għall-iżvilupp rurali taħt il-pakkett ta’ rkupru skont id-Deċiżjoni tal-Kunsill 2009/434/KE tal-25 ta’ Mejju 2009 li temenda d-Deċiżjoni 2006/493/KE li tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza (7) u l-ammont għal proġetti fil-qasam tal-enerġija li jista’ jiġi deċiż skont il-proċedura stabbilita fid-Dikjarazzjoni tal-Parlament Ewropew, il-Kunsill u l-Kummissjoni dwar il-finanzjament ta’ proġetti fil-qasam tal-enerġija u l-Internet tal-broadband kif ukoll il-Verifika tas-Saħħa tal-PAK fil-qafas tal-Pjan Ewropew ta’ Rilanċ Ekonomiku (8). Ir-Regolament (KE) Nru 1290/2005 għandu għalhekk jiġi emendat kif meħtieġ,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1698/2005 huwa b’dan emendat kif ġej:

(1)

l-Artikolu 12a jinbidel b’dan li ġej:

“Artikolu 12a

Reviżjoni

1. L-Istati Membri għandhom jirrivedu, skont il-proċedura msemmija fl-Artikolu 12(1), il-pjani ta’ strateġija nazzjonali tagħhom skont ir-reviżjoni tal-linji gwida strateġiċi Komunitarji kif imsemmija fl-Artikolu 10.

2. Il-pjan ta’ strateġija nazzjonali rivedut imsemmi fil-paragrafu 1 għandu jintbagħat lill-Kummissjoni mhux aktar tard mil-15 ta’ Lulju 2009.”;

(2)

l-Artikolu 16a jinbidel b’dan li ġej:

“Artikolu 16a

Operazzjonijiet speċifiċi relatati ma’ ċerti prijoritajiet

1. Sal-31 ta’ Diċembru 2009, l-Istati Membri, fil-programmi tal-iżvilupp rurali tagħhom, skont il-ħtiġijiet speċifiċi tagħhom, għandhom jipprevedu tipi ta’ operazzjonijiet li għandhom il-prijoritajiet li ġejjin kif deskritti fil-linji gwida strateġiċi Komunitarji u speċifikati aktar fil-pjani ta’ strateġija nazzjonali:

(a)	tibdil fil-klima,

(b)	enerġiji rinovvabbli,

(c)	ġestjoni tal-ilma,

(d)	bijodiversità,

(e)	miżuri anċillari għar-ristrutturar tas-settur tal-ħalib,

(f)	innovazzjoni marbuta mal-prijoritajiet imsemmija fil-punti (a) sa (d),

(g)	infrastruttura tal-Internet tal-broadband fiż-żoni rurali.

It-tipi ta’ operazzjonijiet li għandhom jintrabtu mal-prijoritajiet imsemmija fil-punti (a) sa (f) tal-ewwel subparagrafu għandhom ikunu mmirati lejn il-kisba ta’ effetti bħall-effetti potenzjali msemmija fl-Anness II. Lista indikattiva ta’ tali tipi ta’ operazzjonijiet u l-effetti potenzjali tagħhom tinsab fl-Anness II. Lista ta’ tipi ta’ operazzjonijiet marbuta mal-prijorità msemmija fil-punt (g) tal-ewwel subparagrafu tinsab fl-Anness III.

Il-programmi riveduti tal-iżvilupp rurali, relatata mal-operazzjonijiet imsemmija f’dan il-paragrafu għandhom jintbagħtu lill-Kummissjoni sa mhux aktar tard mil-15 ta’ Lulju 2009.

2. Mill-1 ta’ Jannar 2009, għal tipi ta’ operazzjonijiet imsemmija fil-punti (a) sa (f) tal-paragrafu 1, ir-rati tal-intensità tal-għajnuna ffissati fl-Anness I jistgħu jiżdiedu b’10 punti perċentwali.

3. Sal-31 ta’ Diċembru 2009, kull programm tal-iżvilupp rurali għandu jinkludi wkoll:

(a)	il-lista tat-tipi ta’ operazzjonijiet u l-informazzjoni imsemmija fl-Artikolu 16(c) dwar it-tipi speċifiċi ta’ operazzjonijiet imsemmija fil-paragrafu 1 ta’ dan l-Artikolu;

(b)

tabella li tistabbilixxi, għall-perijodu mill-1 ta’ Jannar 2009 sal-31 ta’ Diċembru 2013, bil-miżura l-kontribut totali tal-Komunità għal tipi ta’ operazzjonijiet imsemmija fil-punti (a) sa (f) tal-paragrafu 1 u l-kontribut Komunitarju għal tipi ta’ operazzjonijiet imsemmija fil-punt (g) tal-paragrafu 1.”;

(3)

fl-Artikolu 17, il-paragrafu 3 jinbidel b’dan li ġej:

“3. L-ammonti ekwivalenti għal dawk li jirriżultaw mill-applikazzjoni tal-modulazzjoni obbligatorja skont l-Artikolu 69(5a) u mill-2011, flimkien mal-ammonti ġġenerati skont l-Artikolu 136 tar-Regolament (KE) Nru 73/2009 tad- 19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa (*) u l-ammont imsemmi fl-Artikolu 69(2a) ta’ dan ir-Regolament m’għandhomx jitqiesu fil-kontribut totali tal-FAEŻR li minnu l-kontribut finanzjarju Komunitarju minimu għal kull assi jiġi kkalkulat kif previst fil-paragrafi 1 u 2 ta’ dan l-Artikolu.

(*) ĠU L 30, 31.1.2009, p. 16.”;"

(4)	fl-Artikolu 56 tinżied is-sentenza li ġejja: “Il-limitazzjoni fid-daqs għall-infrastruttura m’għandhiex tapplika għall-operazzjonijiet imsemmija fil-punt (g) tal-Artikolu 16a(1).”;

(5)

l-Artikolu 69 huwa b’dan emendat kif ġej:

(a)

jiddaħħal il-paragrafu li ġej:

“2a. Il-parti tal-ammont imsemmi fil-paragrafu 1 li tirriżulta miż-żieda tal-impenji globali kif stabbiliti bid-Deċiżjoni tal-Kunsill 2006/493/KE tat-13 ta’ Diċembru 2006 li tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza (**) kif emendata bid-Deċiżjoni 2009/434/KE (***) għandha tkun allokata għal tipi ta’ operazzjonijiet relatati mal-prijoritajiet stabbiliti fl-Artikolu 16a(1) ta’ dan ir-Regolament.

(**) ĠU L 195, 15.7.2006, p. 22 (MT: ĠU L 335 M, 13.12.2008, p. 370)."

(***) ĠU L 144, 9.6.2009, p. 25.”;"

(b)

il-paragrafi 5a u 5b jinbidlu b’dan li ġej:

“5a. Ammont ekwivalenti għall-ammonti li jirriżultaw mill-applikazzjoni tal-modulazzjoni obbligatorja skont l-Artikolu 9(4) u l-Artikolu 10(3) tar-Regolament (KE) Nru 73/2009 flimkien ma’, mill-2011, l-ammonti ġġenerati skont l-Artikolu 136 ta’ dak ir-Regolament għandu jintnefaq esklussivament mill-Istati Membri fil-perijodu mill-1 ta’ Jannar 2010 sal-31 ta’ Diċembru 2015 bħala appoġġ Komunitarju taħt il-programmi attwali tal-iżvilupp rurali għal operazzjonijiet tat-tipi msemmija fil-punti (a) sa (f) tal-Artikolu 16a(1) ta’ dan ir-Regolament.

Għall-Istati Membri l-ġodda, kif definit fl-Artikolu 2(g) tar-Regolament (KE) Nru 73/2009, il-perijodu msemmi fl-ewwel subparagrafu ta’ dan l-Artikolu għandu jkun mill-1 ta’ Jannar 2013 sal-31 ta’ Diċembru 2015.

L-ewwel żewġ subparagrafi m’għandhomx japplikaw għall-Bulgarija u r-Rumanija.

Is-sehem tal-Istati Membri tal-ammont imsemmi fil-paragrafu 2a għandu jintefaq esklussivament mill-Istati Membri fil-perijodu mill-1 ta’ Jannar 2009 sal-31 ta’ Diċembru 2015 bħala appoġġ Komunitarju taħt il-programmi attwali tal-iżvilupp rurali għal-operazzjonijiet tat-tipi msemmija fl-Artikolu 16a(1).

5b. Jekk fl-għeluq tal-programm, l-ammont reali tal-kontribuzzjoni Komunitarja li jkun intefaq fuq l-operazzjonijiet imsemmija fl-Artikolu 16a(1), jkun anqas mill-ammont imsemmi fil-paragrafu 5a ta’ dan l-Artikolu, id-differenza għandha tkun rimborżata mill-Istat Membru lill-baġit ġenerali tal-Komunitjiet Ewropej sal-ammont li bih l-allokazzjonijiet totali disponibbli għall-operazzjonijiet minbarra dawk imsemmija fl-Artikolu 16a (1) jkunu nqabżu.

Barra minn hekk, jekk, fl-għeluq tal-programm, l-ammont reali tal-kontribuzzjoni Komunitarja li jkun intefaq fuq l-operazzjonijiet imsemmija fil-punti (a) sa (f) tal-Artikolu 16a (1), ikun anqas mill-ammont imsemmi fl-ewwel subparagrafu tal-paragrafu 5a ta’ dan l-Artikolu, id-differenza għandha tkun rimburżata mill-Istat Membru lill-baġit ġenerali tal-Komunitajiet Ewropej sal-ammont li bih l-ammont tal-kontribuzzjoni Komunitarja li ntefaq fuq l-operazzjonijiet imsemmija fil-punt (g) tal-Artikolu 16a (1) ikunu qabeż l-allokazzjonijiet disponibbli skont ir-raba’ subparagrafu tal-paragrafu 5a ta’ dan l-Artikolu. Madankollu, jekk l-ammont reali tal-kontribuzzjoni Komunitarja li jintefaq fuq operazzjonijiet minbarra dawk imsemmija fl-Artikolu 16a(1) ikun anqas mill-allokazzjonijiet disponibbli għal dawk it-tipi ta’ operazzjonijiet, l-ammont li għandu jkun rimburżat għandu jitnaqqas b’dik id-differenza.”;

(6)

l-Artikolu 70 jinbidel kif ġej:

(a)

fil-paragrafu 4, it-tieni subparagrafu jinbidel b’dan li ġej:

“Minkejja l-limiti stabbiliti fil-paragrafu 3, il-kontribuzzjoni tal-FAEŻR tista’ tiżdied sa 90 % għar-reġjuni ta’ konverġenza u għal 75 % għar-reġjuni mhux ta’ konverġenza għall-operazzjonijiet tat-tipi msemmija fl-Artikolu 16a(1), sal-ammont li jirriżulta mill-applikazzjoni tal-modulazzjoni obbligatorja skont l-Artikolu 9(4) u l-Artikolu 10(3) tar-Regolament (KE) Nru 73/2009, l-ammont imsemmi fl-Artikolu 69(2a) ta’ dan ir-Regolament u, mill-2011, l-ammonti ġġenerati skont l-Artikolu 136 tar-Regolament (KE) Nru 73/2009.”;

(b)

jiddaħħal il-paragrafu li ġej:

“4b. B’deroga mil-limiti stabbiliti fil-paragrafi 3 u 4, ir-rata tal-kontribuzzjoni tal-FAEŻR tista’ tiżdied b’massimu ta’ 10 punti perċentwali addizzjonali għal nefqa li għandha titħallas mill-Istati Membri fis-sena 2009. Il-limiti stabbiliti fil-paragrafi 3 u 4 għandhom, madankollu, jkunu rispettati għan-nefqa pubblika totali li ssir matul il-perjodu ta’ programmazzjoni.”;

(7)	fl-Anness II, it-titolu jinbidel b’ dan li ġej: “Lista indikattiva b’tipi ta’ operazzjonijiet u l-effetti potenzjali relatati mal-prijoritajiet imsemmija fil-punti (a) sa (f) tal-Artikolu 16a(1).”;

(8)	jiżdied Anness, li t-test tiegħu jinsab fl-Anness ma’ dan ir-Regolament.

Artikolu 2

Ir-Regolament (KE) Nru 1290/2005 huwa b’dan emendat kif ġej:

Fl-Artikolu 12, il-paragrafu 1 jinbidel b’dan li ġej:

“1. Il-limitu annwali għan-nefqa tal-FAEG għandu jkun kostitwit bl-ammonti massimi stabbiliti għalih skont il-qafas finanzjarju pluriennali previst fil-Ftehim Interistituzzjonali, nieqes l-ammonti msemmija fil-paragrafu 2, u:

(a)

nieqes l-ammont miżjud għall-Appoġġ għall-Iżvilupp Rurali bid-Deċiżjoni tal-Kunsill 2009/434/KE tal-25 ta’ Mejju 2009 li temenda d-Deċiżjoni 2006/493/KE li tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza (****) li mhijiex koperta bil-marġni taħt l-Intestatura 2 tal-qafas finanzjarju tal-Ftehim Interistituzzjonali li jeżisti barra s-sublimitu għan-nefqa tal-FAEG

(b)

nieqes kwalunkwe tnaqqis possibbli tal-limitu tal-Intestatura 2 fir-rigward tal-finanzjament tal-proġetti fil-qasam tal-enerġija, li jista’ jiġi deċiż skont il-proċedura stabbilita fid-Dikjarazzjoni tal-Parlament Ewropew, il-Kunsill u l-Kummissjoni ta’ dwar il-finanzjament ta’ proġetti fil-qasam tal-enerġija u l-Internet tal-broadband kif ukoll il-Verifika tas-Saħħa tal-PAK fil-qafas tal-Pjan Ewropew ta’ Rilanċ Ekonomiku (*****).

Artikolu 3

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Jannar 2009.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, il-25 ta’ Mejju 2009.

Għall-Kunsill

Il-President

J. ŠEBESTA

(1) L-Opinjoni tas-6.5.2009 (għadha ma ġietx ippublikata fil-Ġurnal Uffiċjali)

(2) ĠU L 277, 21.10.2005, p. 1.

(3) ĠU L 30, 31.1.2009, p. 100.

(4) ĠU L 30, 31.1.2009, p. 16.

(5) ĠU L 163, 23.6.2007, p. 17.

(6) ĠU L 209, 11.8.2005, p. 1.

(7) Ara paġna 25 ta’ dan il-Ġurnal Uffiċjali.

(8) ĠU C 108, 12.5.2009, p. 1.

ANNESS

“ANNESS III

Lista bit-tipi ta’ operazzjonijiet relatati mal-prijorità msemmija fil-punt (g) tal-Artikolu 16a(1)

Prijorità: Infrastruttura tal-broadband fiż-żoni rurali
Tipi ta’ operazzjonijiet	Artikoli u miżuri
Il-ħolqien ta’ u l-kapaċità għall-aċċess għall-infrastruttura tal-broadband li tinkludi faċilitajiet għat-twassil tas-servizzi (backhaul) u ta’ tagħmir tal-art (eż. teknoloġiji fissi, teknoloġiċi terrestri bla fili, ibbażati fuq is-satelliti jew kombinazzjoni ta’ teknoloġiji)	Artikolu 56: servizzi bażiċi għall-ekonomija u għall-popolazzjoni rurali
Titjib tal-infrastruttura tal-broadband eżistenti	Artikolu 56: servizzi bażiċi għall-ekonomija u għall-popolazzjoni rurali
Installazzjoni tal-infrastruttura tal-broadband passiva (pereżempju: xogħlijiet ta’ inġinerija ċivili bħal kanali, u elementi ta’ netwerk oħrajn bħal fibra skura eċċ) ukoll f’sinerġija ma’ infrastrutturi oħrajn (netwerks ta’ enerġija, trasport, ilma, dranaġġ eċċ).	Artikolu 56: servizzi bażiċi għall-ekonomija u għall-popolazzjoni rurali”

9.6.2009

Il-Ġurnal Uffiċjali tal-Unjoni Ewropea

L 144/9

REGOLAMENT TAL-KUMMISSJONI (KE) Nru 474/2009

tat-8 ta’ Ġunju 2009

li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fid-9 ta’ Ġunju 2009.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 8 ta’ Ġunju 2009.

Għall-Kummissjoni

Jean-Luc DEMARTY

Direttur Ġenerali għall-Agrikoltura u l-Iżvilupp Rurali

(1) ĠU L 299, 16.11.2007, p. 1.

(2) ĠU L 350, 31.12.2007, p. 1.

ANNESS

il-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

(EUR/100 kg)
Kodiċi NM	Kodiċi tal-pajjiż terz (1)	Valur fiss tal-importazzjoni
0702 00 00	MA	32,7
	MK	43,9
	TR	57,4
	ZZ	44,7
0707 00 05	JO	162,3
	MK	24,8
	TR	103,6
	ZZ	96,9
0709 90 70	TR	114,5
0709 90 70	ZZ	114,5
0805 50 10	AR	61,9
	TR	60,0
	ZA	62,7
	ZZ	61,5
0808 10 80	AR	103,0
	BR	81,3
	CA	69,7
	CL	72,2
	CN	92,2
	NA	101,9
	NZ	98,4
	US	121,5
	ZA	73,8
	ZZ	90,4
0809 10 00	TN	169,2
	TR	199,3
	ZZ	184,3
0809 20 95	TR	177,9
	US	453,6
	ZZ	315,8

(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.

9.6.2009

Il-Ġurnal Uffiċjali tal-Unjoni Ewropea

L 144/11

REGOLAMENT TAL-KUMMISSJONI (KE) Nru 475/2009

tal-5 ta’ Ġunju 2009

li jikkonċerna l-klassifikazzjoni ta’ ċerti prodotti fin-Nomenklatura Magħquda

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (1), u speċjalment l-Artikolu 9(1)(a) tiegħu,

Billi:

(1)	Sabiex tiġi żgurata l-applikazzjoni uniformi tan-Nomenklatura Maqgħuda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmijin fl-Anness ta’ dan ir-Regolament.

(2)

Ir-Regolament (KEE) Nru 2658/87 stabilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi fuqha, jew li żżid kwalunkwe subdiviżjoni magħha u li hija stabbilita minn dispożizzjonijiet Komunitarji speċifiċi, bil-għan tal-applikazzjoni ta’ tariffi u miżuri oħra relatati mal-kummerċ tal-oġġetti.

(3)	Skont dawk ir-regoli ġenerali, il-prodotti msemmija fil-kolonna 1 tat-tabella li tinsab fl-Anness għandha tkun ikklassifikata taħt il-kodiċi NM indikat fil-kolonna 2, għar-raġunijiet imsemmija fil-kolonna 3 ta’ dik it-tabella.

(4)

Huwa xieraq li jkun stipulat li informazzjoni tariffarja vinkolanti maħruġa mill-awtoritajiet doganali tal-Istati Membri, li għandha x’taqsam mal-klassifikazzjoni tal-prodotti fin-Nomenklatura Magħquda, iżda li ma tikkonformax ma’ dan ir-Regolament tista’, għal perjodu ta’ tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali tal-Komunità (2).

(5)	Il-miżuri previsti f’dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

Il-prodotti deskritti fil-kolonna 1 tat-tabella mfassla fl-Anness għandhom ikunu klassifikati fi ħdan in-Nomenklatura Maqgħuda taħt il-kodiċi NM indikata fil-kolonna 2 ta’ dik it-tabella.

Artikolu 2

Informazzjoni tariffarja vinkolanti maħruġa mill-awtoritajiet doganali tal-Istati Membri, li ma tikkonformax ma’ dan ir-Regolament, tista’ tibqa’ tkun invokata għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.

Magħmul fi Brussell, 5 ta’ Ġunju 2009.

Għall-Kummissjoni

László KOVÁCS

Membru tal-Kummissjoni

(1) ĠU L 256, 7.9.1987, p. 1.

(2) ĠU L 302, 19.10.1992, p. 1.

ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

Prodott magħmul minn diversi tipi ta’ plastik (li jissejjaħ “siġill tal-kejbils”) (*) ta’ qisien globali ta’ bejn wieħed u ieħor 1 cm (diametru) × 0,8 cm (tul).

Il-prodott għandu toqba fin-nofs u huwa mdawwar b’qafas biex isaħħaħ l-istruttura tiegħu.

Il-prodott huwa maħdum biex jintuża ma’ konnetturi tal-elettriku f’vetturi bil-mutur u jipproteġi l-konnessjoni tal-elettriku mit-trab, mill-umdità, miż-żejt u minn elementi oħra li s-soltu nsibu fl-ambjent ta’ karozza.

3926 90 97

Il-klassifikazzjoni hija determinata permezz tar-Regoli Ġenerali 1 u 6 għall-interpretazzjoni tan-Nomeklatura Maqgħuda u mill-kitba fil-kodiċi NM 3926 , 3926 90 u 3926 90 97 .

Il-prodott mhuwiex ikkunsidrat li jagħmel parti minn xi tip ta’ apparat tal-elettriku fi ħdan it-tifsira tan-Nota 2(b) tas-Settur XVI, peress illi l-konnettur jaħdem xorta waħda mingħajru u l-prodott qiegħed hemm biss biex itejjeb il-funzjoni tal-konnettur. Għalhekk, il-klassifikazzjoni taħt l-intestatura 8538 li tiddiskrivi l-prodott bħala wieħed adattat biss jew prinċipalment, biex jintuża ma’ apparat li jaqa’ taħt l-intestatura 8536 , se tiġi eskluża.

Il-prodott mhuwiex ikkunsidrat bħala armar ta’ insulazzjoni għal apparat tal-elettriku li jaqa’ taħt l-intestatura 8547 peress illi mhuwiex maħdum speċifikament għal skopijiet ta’ insulazzjoni iżda biex jipproteġi l-konnessjonijiet tal-elettriku b’mod ġenerali.

Għalhekk il-prodott għandu jiġi kklassifikat taħt il-kodiċi NM 3926 90 97 , bħal prodotti oħra magħmulin minn diversi tipi ta’ plastik.

(*) L-istampa għandha tintuża biss għal raġunijiet ta’ informazzjoni.

9.6.2009

Il-Ġurnal Uffiċjali tal-Unjoni Ewropea

L 144/13

REGOLAMENT TAL-KUMMISSJONI (KE) Nru 476/2009

tal-5 ta’ Ġunju 2009

li jikkonċerna l-klassifikazzjoni ta’ ċerti prodotti fin-Nomenklatura Maqgħuda

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana, (1) u b’mod partikolari l-Artikolu 9(1)(a) tiegħu,

Billi:

(1)	Sabiex tiġi żgurata l-applikazzjoni uniformi tan-Nomenklatura Maqgħuda mehmuża mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-prodotti msemmijin fl-Anness ta’ dan ir-Regolament.

(2)

Ir-Regolament (KEE) Nru 2658/87 stabilixxa r-regoli ġenerali għall-interpretazzjoni tan-Nomenklatura Maqgħuda. Dawk ir-regoli japplikaw ukoll għal kwalunkwe nomenaklatura oħra li hija bbażata, parzjalment jew kollha kemm hi fuqha, jew li żżid kwalunkwe sottodiviżjoni magħha u li hija stabbilita minn dispożizzjonijiet Komunitarji speċifiċi, bil-għan tal-applikazzjoni ta’ tariffi u miżuri oħra relatati ma’ kummerċ tal-oġġetti.

(3)	Skont dawk ir-regoli ġenerali, il-merkanizja msemmija fil-kolonna 1 tat-tabella li tinsab fl-Anness għandha tkun ikklassifikata taħt il-kodiċi NM indikat fil-kolonna 2, għar-raġunijiet imsemmija fil-kolonna 3 ta’ dik it-tabella.

(4)

Huwa xieraq li jkun stiplulat li informazzjoni tariffarja li torbot li nħarġet mill-awtoritajiet doganali tal-Istati Membri rigward il-klassifikazzjoni ta’ oġġetti fin-Nomenklatura Magħquda, iżda li mhijiex skont dan ir-Regolament, tista’, għal perjodu ta’ tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali tal-Komunità (2).

(5)	Il-Kumitat tal-Kodiċi Doganali ma tax opinjoni fil-limitu ta’ żmien stabbilit mill-President tiegħu,

ADOTTAT DAN IR-REGOLAMENT

Artikolu 1

Il-prodotti deskritti fil-kolonna 1 tat-tabella mfassla fl-Anness għandhom ikunu klassifikati fi ħdan in-Nomenklatura Maqgħuda taħt il-kodiċi NM indikata fil-kolonna 2 ta’ dik it-tabella.

Artikolu 2

Informazzjoni tariffarja li torbot, maħruġa mill-awtoritajiet doganali tal-Istati Membri, li mhijiex skont dan ir-Regolament, tista’ tibqa’ tkun invokata għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament għandu jidħol fis-seħħ fl-għoxrin ġurnata wara dik tal-pubblikazzjoni tiegħu fil-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.

Magħmul fi Brussell, 5 ta’ Ġunju 2009.

Għall-Kummissjoni

László KOVÁCS

Membru tal-Kummissjoni

(1) ĠU L 256, 7 9 1987, p. 1.

(2) ĠU L 302, 19.10.1992, p. 1.

ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

Sistema li tikkonsisti mill-elementi li ġejjin:

—	kamera għat-televiżjoni b’riżoluzzjoni għolja armata fuq vettura li titniżżel taħt wiċċ il-baħar (magħrufa bħala “Remote Operated Vehicle/Vettura li hi Operata mill-Bogħod (ROV)”),

—	apparat ta’ kontroll, li jinkludi display, għall-kontroll mill-bogħod tal-vettura u tal-kamera, eżempju permezz ta’ joystick, u l-viżwalizzazzjoni tal-immaġini meħuda bil-kamera,

—	kejbil tal-elettriku.

L-ewwel komponent jiżen madwar 3,6 kg. Il-piż totali tas-sistema hi madwar 32 kg.

Is-sistema tintuża għal operazzjonijiet ta’ taħt wiċċ il-baħar li jinvolvu t-teħid ta’ immaġni u t-trasferiment tagħhom bil-kejbil lid-display fuq l-apparat ta’ kontroll. Hi operattiva sa fond ta’ madwar 90 m.

8525 80 19

Il-klassifikazzjoni hija ddeterminata mir-Regoli Ġenerali nri 1, 3(b) u 6 għall-interpretazzjoni tan-Nomenklatura Magħquda, min-Nota 4 sas-Sezzjoni XVI u mill-kliem tal-kodiċijiet NM 8525 , 8525 80 u 8525 80 19 .

Il-karattru neċessarju tal-komponent, li jikkonsisti minn kamera tat-televiżjoni (tal-kodiċi NM 8525 80 19 ) armata fuq vettura li titniżżel taħt wiċċ il-baħar, hu provdut bil-kamera u mhux mill-vettura, li tittrasporta biss il-kamera għal distanza limitata.

Konsegwentament, jekk ippreżentat għalih waħdu, dan il-komponent għandu jiġi kklassifikat taħt il-kodiċi NM 8525 80 19 .

Peress li l-komponenti individwali huma interkonnessi u s-sistema hi magħmula minn komponenti individwali maħsubin biex jikkontribwixxu flimkien għal funzjoni definita ċar, li hi koperta minn wieħed mill-intestaturi fil-Kapitolu 84 jew 85, tista’ tkun applikata n-Nota 4 fis-Sezzjoni XVI.

Il-funzjoni tas-sistema hi li tieħu immaġni mingħajr ma tgħażilhom. Għaldaqstant, is-sistema kollha għandha tiġi klassifikata taħt il-kodiċi NM 8525 80 19 bħala kamera tat-televiżjoni.

9.6.2009

Il-Ġurnal Uffiċjali tal-Unjoni Ewropea

L 144/15

REGOLAMENT TAL-KUMMISSJONI (KE) Nru 477/2009

tal-5 ta’ Ġunju 2009

li jikkonċerna l-klassifikazzjoni ta' ċerti prodotti fin-Nomenklatura Maqgħuda

IL-KUMMISSJONI TAL-KOMUNITAJIET EWROPEJ,

Wara kkunsidra it-Trattat li jistabilixxi l-Komunità Ewropea,

Wara kkunsidra ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u b'mod partikolari l-Artikolu 9(1)(a) tiegħu,

Billi:

(1)	Sabiex tkun żgurata l-applikazzjoni b’mod uniformi tan-Nomenklatura Magħquda annessa mar-Regolament (KEE) Nru 2658/87, jeħtieġ li jiġu adottati miżuri rigward il-klassifikazzjoni tal-oġġetti msemmija fl-Anness ma’ dan ir-Regolament.

(2)

Ir-Regolament (KEE) Nru 2658/87 stabilixxa r-regoli ġenerali għall-interpretazzjoni tan-Nomenklatura Maqgħuda. Dawk ir-regoli japplikaw ukoll għal kwalunkwe nomenaklatura oħra li hija bbażata, parzjalment jew kollha kemm hi fuqha, jew li żżid kwalunkwe subdiviżjoni magħha u li hija stabbilita minn dispożizzjonijiet Komunitarji speċifiċi, bil-għan tal-applikazzjoni ta’ tariffi u miżuri oħra relatati mal-kummerċ tal-oġġetti.

(3)	Skont dawk ir-regoli ġenerali, il-merkanizja msemmija fil-kolonna 1 tat-tabella li tinsab fl-Anness għandha tkun ikklassifikata taħt il-kodiċi NM indikat fil-kolonna 2, għar-raġunijiet imsemmija fil-kolonna 3 ta' dik it-tabella.

(4)

Huwa xieraq li jkun stiplulat li informazzjoni tariffarja vinkolanti maħruġa mill-awtoritajiet doganali tal-Istati Membri, li għandha x'taqsam mal-klassifikazzjoni tal-prodotti fin-Nomenklatura Magħquda, iżda li ma tikkonformax ma' dan ir-Regolament tista', għal perjodu ta' tliet xhur, tibqa’ tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2).

(5)	Il-miżuri previsti f'dan ir-Regolament huma konformi mal-opinjoni tal-Kumitat tal-Kodiċi Doganali,

ADOTTA DAN IR-REGOLAMENT:

Artikolu 1

Il-prodotti deskritti fil-kolonna (1) tat-tabella mniżżla fl-Anness għandhom ikunu kklassifikati fi ħdan in-Nomenklatura Magħquda taħt il-kodiċi tan-NM indikati fil-kolonna (2) ta' dik it-tabella.

Artikolu 2

Informazzjoni tariffarja vinkolanti maħruġa mill-awtoritajiet doganali tal-Istati Membri, li ma tikkonformax ma' dan ir-Regolament, tista' tibqa’ tkun invokata għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.

Magħmul fi Brussell, 5 ta’ Ġunju 2009.

Għall-Kummissjoni

László KOVÁCS

Membru tal-Kummissjoni

(1) ĠU L 256, 7.9.1987, p. 1.

(2) ĠU L 302, 19.10.1992, p. 1.

ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

1.	Prodott li jikkonsisti fi pjanċa rettangulari ta’ ħġieġ semi-ittemprat li fuqha jkunu mwaħħlin diversi saffi ta’ plastik assorbenti u li ma jirriflettix. Dan il-prodott mhux inkwadrat. Mhux użat fil-manifattura tal-monitors plasma.

9001 90 00

Il-klassifikazzjoni hija determinata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda kif ukoll bil-kliem tal-Kodiċi NM 9001 and 9001 90 00 .

Is-saffi tal-plastik jagħtu lill-prodott il-karatteristiċi ta’ element ottiku. Klassifikazzjoni taħt l-intestatura 7007 bħala ħġieġ reżistenti (ittemprat) jew ħġieġ laminat, hi għaldaqstant eskluża.

Elementi ottiċi ta’ plastik li mhumiex immuntati huma koperti mill-intestatura 9001 , kemm jekk ikunu maħduma b’mod ottiku u kemm jekk le (ara wkoll in-Noti ta' Spjegazzjoni HS għall-intestatura 9001 (D)).

Għaldaqstant, il-prodott għandu jiġi kklassifikat taħt il-kodiċi tan-NM 9001 90 00 bħala elementi ottiċi oħrajn.

2.	Prodott li jikkonsisti fi pjanċa rettangulari ta’ ħġieġ semi-ittemprat li fuqha jkunu mwaħħlin diversi saffi ta’ plastik assorbenti u li ma jirriflettix. Dan il-prodott hu inkwadrat b’bordura tal-metall. Jintuża fil-manifattura tal-plasma monitors.

9002 20 00

Il-klassifikazzjoni hija determinata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda kif ukoll bil-kliem tal-Kodiċi NM 9002 u 9002 20 00 .

Is-saffi tal-plastik jagħtu lill-prodott il-karattereistiċi ta’ element ottiku/filtru ottiku. Il-klassifikazzjoni taħt l-intestatura 7007 bħala ħġieġ ta’ sikurezza, li jikkonsisti fi ħġieġ reżistenti (ittemprat) jew ħġieġ laminat, hi għaldaqstant eskluża.

Elementi ottiċi ta’ plastik li mhumiex immuntati huma koperti mill-intestatura 9002 , kemm jekk ikunu maħduma b’mod ottiku u kemm jekk le (ara wkoll in-Noti ta' Spjegazzjoni HS għall-intestatura 9001 , (D) u 9002 ).

Għaldaqstant, il-prodott għandu jiġi kklassifikat taħt il-kodiċi tan-NM 9002 20 00 bħala filtru ottiku.

9.6.2009

Il-Ġurnal Uffiċjali tal-Unjoni Ewropea

L 144/17

REGOLAMENT TAL-KUMMISSJONI (KE) Nru 478/2009

it-8 ta’ Ġunju 2009

li jemenda l-Annessi I u III tar-Regolament tal-Kunsill (KEE) Nru 2377/90 li jistabbilixxi kull proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-monepantel

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jistabbilixxi kull proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali (1), u b’mod partikolari l-Artikoli 2 u t-tielet paragrafu tal-Artikolu 4 tiegħu,

Wara li kkunsidrat l-opinjonijiet tal-Aġenzija Ewropea tal-Mediċini fformulati mill-Kumitat għall-Prodotti Mediċinali għal Użu Veterinarju,

Billi:

(1)	Is-sustanzi farmakoloġikament attivi kollha użati fil-Komunità fil-prodotti mediċinali veterinarji maħsuba għall-annimali li jagħtuna l-ikel għandhom ikunu vvalutati skont ir-Regolament (KEE) Nru 2377/90.

(2)

Applikazzjoni sabiex jiġu stabbiliti l-limiti massimi ta’ residwi għall-monepantel, aġent li jaġixxi kontra l-endoparassiti, intbagħtet lill-Aġenzija Ewropea għall-Mediċini. Fuq il-bażi tar-rakkomandazzjoni tal-Kumitat għall-Prodotti Mediċinali għall-Użu Veterinarju, din is-sustanza għandha tiżdied mal-Anness I tar-Regolament (KEE) Nru 2377/90 għall-ispeċi ovini applikabbli għall-muskoli, ix-xaħam, il-fwied, il-kliewi, esklużi l-annimali li jipproduċu l-ħalib għall-konsum mill-bniedem.

(3)

Is-sustanza triclabendazole hija inkluża fl-Anness I tar-Regolament (KEE) Nru 2377/90 għall-ispeċijiet tal-bovini u ovini, għall-muskoli, il-kliewi u l-fwied, esklużi l-annimali li jipproduċu l-ħalib għall-konsum mill-bniedem. Il-limiti massimi provviżorji stabbiliti f’dan l-Anness għal din is-sustanza għandhom jiskadu fl-1 ta’ Jannar 2011.

(4)

Għal raġunijiet ta’ ċarezza, huwa xieraq li tiżdied sottodiviżjoni oħra intitolata “Oħrajn” mal-Annessi I u III, peress li l-monepantel hija klassi ġdida ta’ kompost li ma jidħolx fis-sottodiviżjonijiet eżistenti. Fl-ambitu tas-sottokategorija tal-“Aġenti li jaġixxu kontra l-endoparassiti” s-sottodiviżjonijiet eżistenti huma bbażati fuq il-kimika tal-komposti u għadd ta’ dawn is-sottodiviżjonijiet kimiċi jinkludu sustanzi waħedhom biss. Huwa preferibbli li tinħoloq sottodiviżjoni “Oħrajn” milli jkomplu jinħolqu sottodiviżjonijiet kimiċi ġodda għal kull klassi ta’ sustanza ġdida li jwassal għal għadd dejjem jiżdied ta’ sottodiviżjonijiet li fihom sustanzi waħedhom. Għall-monepantel mhux ċar liema parti tal-molekula hija kruċjali għall-effett farmakoloġiku u għaldaqstant mhux ċar x’għandu jkun l-isem xieraq għal sottodiviżjoni kimika ġdida għall-monepantel.

(5)	Ir-Regolament (KEE) Nru 2377/90 għandu għalhekk jiġi emendat skont dan.

(6)

Għandu jitħalla perjodu adegwat qabel ma jsiru applikabbli l-emendi li fih dan ir-Regolament sabiex jippermetti lill-Istati Membri jagħmlu kwalunkwe aġġustament li jista’ jkun meħtieġ fid-dawl ta’ dan ir-Regolament fir-rigward tal-awtorizzazzjonijiet biex jitqiegħdu l-prodotti mediċinali veterinarji kkonċernati fis-suq li ngħataw skont id-Direttiva 2001/82/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (2), biex jitqiesu d-dispożizzjonijiet ta’ dan ir-Regolament.

(7)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji,

ADOTTAT DAN IR-REGOLAMENT:

Artikolu 1

L-Annessi I u III tar-Regolament (KEE) Nru 2377/90 huma emendati kif stabbilit fl-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mit-8 ta’ Awwissu 2009.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 8 ta’ Ġunju 2009.

Għall-Kummissjoni

Günter VERHEUGEN

Viċi President

(1) ĠU L 224, 18.8.1990, p. 1.

(2) ĠU L 311, 28.11.2001, p. 1.

ANNESS

(1)

Punt 2.1.8 ġdid “Oħrajn” li jinkludi s-sustanza l-ġdida “Monepantel” jiżdied mal-Anness I (Lista ta’ sustanzi farmakoliġament attivi li ġew iffissati l-limiti massimi ta’ residwi għalihom), kif ġej:

2. Aġenti antiparassitiċi

2.1. Aġenti li jaġixxu kontra l-endoparassiti

“2.1.8 Oħrajn

Sustanza/i farmakoloġikament attivi	Residwu markatur	Speċi tal-annimali	MRLs	Tessuti fil-mira	Dispożizzjonijiet oħra
Monepantel	Monepantel-sulfone	Ovini	700 μg/kg	Muskoli	Mhux għall-użu fl-annimali li jipproduċu l-ħalib għall-konsum mill-bniedem”
			7 000 μg/kg	Xaħam
			5 000 μg/kg	Fwied
			2 000 μg/kg	Kliewi

(2)

Punt 2.1.8 ġdid “Oħrajn” li jinkludi s-sustanza l-ġdida “Monepantel” jiżdied mal-Anness III (Lista ta’ sustanzi farmakoliġament attivi użati fi prodotti mediċinali veterinarji li ġew iffissati l-limiti massimi provviżorji ta’ residwi għalihom), kif ġej:

2. Aġenti antiparassitiċi

2.1. Aġenti li jaġixxu kontra l-endoparassiti

“2.1.8. Oħrajn

Sustanza/i farmakoloġikament attivi	Residwu markatur	Speċi tal-annimali	MRLs	Tessuti fil-mira	Dispożizzjonijiet oħra
Monepantel	Monepantel-sulfone	Kaprini	700 μg/kg	Muskoli	Mhux għall-użu fl-annimali li jipproduċu l-ħalib għall-konsum mill-bniedem. Il-limitu massimu provviżorju ta’ residwi jiskadi fl-1 ta’ Jannar 2011”
			7 000 μg/kg	Xaħam
			5 000 μg/kg	Fwied
			2 000 μg/kg	Kliewi

II Atti adottati skont it-Trattati tal-KE/Euratom li l-pubblikazzjoni tagħhom mhijiex obbligatorja

9.6.2009

Il-Ġurnal Uffiċjali tal-Unjoni Ewropea

L 144/20

DEĊIŻJONI TAL-KUNSILL

tal-4 ta' Novembru 2008

dwar l-iffirmar tal-Protokoll li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u r-Repubblika Popolari taċ-Ċina, min-naħa l-oħra

(2009/432/KE)

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 80(2) flimkien mal-ewwel sentenza tal-ewwel subparagrafu tal-Artikolu 300(2), u l-ewwel subparagrafu tal-Artikolu 300(3) tiegħu,

Wara li kkunsidra l-Att ta’ Adeżjoni tal-2005, u b’mod partikolari l-Artikolu 6(2) tiegħu,

Wara li kkunsidra l-proposta mill-Kummissjoni,

Billi:

(1)	Il-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u l-Gvern tar-Repubblika Popolari taċ-Ċina, min-naħa l-oħra,minn hawn ’il quddiem imsejjaħ “il-Ftehim”, ġie iffirmat fi Brussell fis-6 ta’ Diċembru 2002 u daħal fis-seħħ fl-1 ta’ Marzu 2008 (1).

(2)	Fit-23 ta’ Ottubru 2006, il-Kummissjoni ġiet awtorizzata mill-Kunsill biex tinnegozja Protokoll maċ-Ċina li jemenda l-Ftehim sabiex jittieħed kont tal-adeżjoni tar-Repubblika tal-Bulgarija u tar-Rumanija fl-Unjoni Ewropea.

(3)	Il-Protokoll ġie inizjalat miż-żewġ partijiet fit-28 ta’ Frar 2008.

(4)	Il-Protokoll għandu għalhekk jiġi ffirmat, suġġett għall-konklużjoni tiegħu wara t-tlestija tal-proċeduri kostituzzjonali u istituzzjonali neċessarji,

IDDEĊIEDA KIF ĠEJ:

Artikolu 1

L-iffirmar tal-Protokoll li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u r-Repubblika Popolari taċ-Ċina, min-naħa l-oħra, huwa b’dan approvat f’isem il-Komunità u l-Istati Membri tagħha, suġġett għad-Deċiżjoni tal-Kunsill dwar il-konklużjoni ta’ tali Protokoll.

It-test ta’ dan il-Protokoll huwa mehmuż ma’ din id-Deċiżjoni.

Artikolu 2

Il-President tal-Kunsill huwa b’dan awtorizzat jinnomina il-persuni mogħtija s-setgħa li jiffirmaw il-Protokoll, f’isem il-Komunità Ewropea u l-Istati Membri tagħha, suġġett għall-konklużjoni tiegħu.

Magħmul fi Brussell, 4 ta’ Novembru 2008.

Għall-Kunsill

Il-President

C. LAGARDE

(1) ĠU L 46, 21.2.2008, p. 25.

PROTOKOLL

li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u l-Gvern tar-Repubblika Popolari taċ-Ċina, min-naħa l-oħra

IR-RENJU TAL-BELĠJU,

IR-REPUBBLIKA TAL-BULGARIJA,

IR-REPUBBLIKA ĊEKA,

IR-RENJU TAD-DANIMARKA,

IR-REPUBBLIKA FEDERALI TAL-ĠERMANJA,

IR-REPUBBLIKA TAL-ESTONJA,

L-IRLANDA,

IR-REPUBBLIKA ELLENIKA,

IR-RENJU TA’ SPANJA,

IR-REPUBBLIKA FRANĊIŻA,

IR-REPUBBLIKA TALJANA,

IR-REPUBBLIKA TA’ ĊIPRU,

IR-REPUBBLIKA TAL-LATVJA,

IR-REPUBBLIKA TAL-LITWANJA,

IL-GRAN DUKAT TAL-LUSSEMBURGU,

IR-REPUBBLIKA TAL-UNGERIJA,

MALTA,

IR-RENJU TAL-OLANDA,

IR-REPUBBLIKA TAL-AWSTRIJA,

IR-REPUBBLIKA TAL-POLONJA,

IR-REPUBBLIKA PORTUGIŻA,

IR-RUMANIJA,

IR-REPUBBLIKA TAS-SLOVENJA,

IR-REPUBBLIKA TAS-SLOVAKKJA,

IR-REPUBBLIKA TAL-FINLANDJA,

IR-RENJU TAL-IŻVEZJA,

IR-RENJU UNIT TAL-GRAN BRITTANJA U L-IRLANDA TA’ FUQ

minn hawn ’il quddiem imsejħa l-“Istati Membri”, rappreżentati mill-Kunsill tal-Unjoni Ewropea, u

IL-KOMUNITÀ EWROPEA, minn hawn ’il quddiem imsejħa “il-Komunità”, rappreżentata mill-Kunsill tal-Unjoni Ewropea,

minn naħa l-waħda, u

IL-GVERN TAR-REPUBBLIKA POPOLARI TAĊ-ĊINA,

min-naħa l-oħra,

WARA LI KKUNSIDRAW l-adeżjoni tar-Repubblika tal-Bulgarija u r-Rumanija fl-Unjoni Ewropea, u b’hekk ukoll għall-Komunità, fl-1 ta’ Jannar 2007,

FTIEHMU KIF ĠEJ:

Artikolu 1

Ir-Repubblika tal-Bulgarija u r-Rumanija għandhom ikunu Partijiet għall-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u l-Gvern tar-Repubblika Popolari taċ-Ċina, min-naħa l-oħra, li ġie ffirmat fi Brussell fis-6 ta’ Diċembru 2002 u daħal fis-seħħ fl-1 ta’ Marzu 2008 (minn hawn ’il quddiem “il-Ftehim”).

Artikolu 2

It-testi tal-Ftehim fil-lingwa Bulgara u fil-lingwa Rumena, mehmuża ma’ dan il-Protokoll, għandhom ikunu awtentiċi taħt l-istess kundizzjonijiet bħall-verżjonijiet lingwistiċi l-oħra mfassla skont l-Artikolu 14 tal-Ftehim.

Artikolu 3

Il-Partijiet Kontraenti għandhom jinnotifikaw lil xulxin rigward it-tlestija tal-proċeduri legali interni għad-dħul fis-seħħ ta’ dan il-Protokoll. Dan il-Protokoll għandu jidħol fis-seħħ fid-data li fiha tiġi rċevuta l-aħħar notifika bil-miktub.

Artikolu 4

Dan il-Protokoll huwa mfassal duplikatament fi Brussell, fil-wieħed u tletin jum ta’ Marzu tas-sena elfejn u disgħa, bil-Bulgaru, biċ-Ċek, bid-Daniż, bl-Olandiż, bl-Ingliż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ungeriż, bit-Taljan, bil-Latvjan, bil-Litwan, bil-Malti, bil-Pollakk, bil-Portugiż, bir-Rumen, bis-Slovakk, bis-Sloven, bl-Ispanjol, bl-Iżvediż u biċ-Ċiniż, b’kull test ugwalment awtentiku.

За държавите-членки

Por los Estados miembros

Za členské státy

For medlemsstaterne

Für die Mitgliedstaaten

Liikmesriikide nimel

Για τα κράτη μέλη

For the Member States

Pour les États membres

Per gli Stati membri

Dalībvalstu vārdā

Valstybių narių vardu

A tagállamok részéről

Għall-Istati Membri

Voor de lidstaten

W imieniu państw członkowskich

Pelos Estados-Membros

Pentru statele membre

Za členské štáty

Za države članice

Jäsenvaltioiden puolesta

På medlemsstaternas vägnar

За Европейската общност

Por la Comunidad Europea

Za Evropské společenství

For Det Europæiske Fællesskab

Für die Europäische Gemeinschaft

Euroopa Ühenduse nimel

Για την Ευρωπαϊκή Κοινότητα

For the European Community

Pour la Communauté européenne

Per la Comunità europea

Eiropas Kopienas vārdā

Europos bendrijos vardu

Az Európai Közösség részéről

Għall-Komunità Ewropea

Voor de Europese Gemeenschap

W imieniu Wspólnoty Europejskiej

Pela Comunidade Europeia

Pentru Comunitatea Europeană

Za Európske spoločenstvo

Za Evropsko skupnost

Euroopan yhteisön puolesta

På Europeiska gemenskapens vägnar

За правителството на Китайската народна република

Por el Gobierno de la República Popular China

Za vládu Čínské lidové republiky

For Folkerepublikken Kinas regering

Im Namen der Regierung der Volksrepublik China

Hiina Rahvavabariigi valitsuse nimel

Για την κυβέρνηση της Λαϊκής Δημοκρατίας της Κίνας

For the Government of the People's Republic of China

Pour la gouvernement de la République populaire de Chine

Per il Governo della Repubblica popolare cinese

Kīnas Tautas Republikas vārdā

Kinijos Liaudies Respublikos Vyriausybės vardu

A Ķīnas Népköztársaság kormánya részéről

Għall-Gvern tar-Repubblika Popolari taċ-Ċina

Voor de regering van de Volksrepubliek China

W imieniu rządu Chińskiej Republiki Ludowej

Pelo Governo da República Popular da China

Pentru Guvernul Republicii Populare Chineze

Za vládu Čínskej l'udovej republiky

Za Vlado Ljudske republike Kitajske

Kiinan kansantasavallan hallituksen puolesta

På Folkrepubliken Kinas regerings vägnar

9.6.2009

Il-Ġurnal Uffiċjali tal-Unjoni Ewropea

L 144/25

DEĊIŻJONI TAL-KUNSILL

tal-25 ta’ Mejju 2009

li temenda d-Deċiżjoni tal-Kunsill 2006/493/KE li tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza

(2009/434/KE)

IL-KUNSILL TAL-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra r-Regolament tal-Kunsill (KE) Nru 1698/2005 tal-20 ta’ Settembru 2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) (1), u b’mod partikolari l-Artikolu 69(1) tiegħu,

Wara li kkunsidra l-proposta mill-Kummissjoni,

Billi:

(1)	Id-Deċiżjoni 2006/493/KE (2) tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza.

(2)	Il-Kunsill Ewropew, fil-laqgħa tiegħu fil-11 u t-12 ta’ Diċembru 2008, approva Pjan Ewropew għall-Irkupru Ekonomiku (PEIE) li jipprevedi l-bidu ta’ azzjonijiet prijoritarji biex l-ekonomiji tal-Istati Membri jkunu jistgħu jaġġustaw b’rata aktar mgħaġġla għall-isfidi kurrenti.

(3)

Il-PEIE huwa bbażat fuq ekwivalent ta’ sforz totali ekwivalenti ta’ madwar 1,5 % tal-PGD tal-Unjoni Ewropea, ċifra ta’ madwar EUR 200 biljun. Minn dak l-ammont, għandhom ikunu disponibbli EUR 1 020 miljun għall-Istati Membri kollha permezz tal-Fond Agrikolu Ewropew għall-Iżvilupp Rurali bil-għan li jiġi żviluppat l-Internet tal-broadband f’żoni rurali, u li jissaħħu l-operazzjonijiet marbuta mal-prijoritajiet stipulati fil-punti (a) sa (f) tal-Artikolu 16a tar-Regolament (KE) Nru 1698/2005. Skont id-Dikjarazzjoni tal-Parlament Ewropew, il-Kunsill u l-Kummissjoni dwar il-finanzjament ta’ proġetti fil-qasam tal-enerġija u l-Internet tal-broadband kif ukoll il-Verifika tas-Saħħa tal-PAK fil-qafas tal-Pjan Ewropew ta’ Rilanċ Ekonomiku (3), EUR 600 miljun għandhom ikunu disponibbli fl-2009 filwaqt li EUR 420 miljun għandhom ikunu żgurati permezz ta’ mekkaniżmu ta’ kumpens fil-konċiljazzjoni tal-proċedura baġitarja Komunitarja tal-2010 u għandhom ikunu disponibbli fl-2010.

(4)	Id-Deċiżjoni 2006/493/KE għandha għalhekk tiġi emendata kif meħtieġ,

IDDEĊIEDA KIF ĠEJ:

Artikolu 1

L-Anness tad-Deċiżjoni 2006/493/KE jinbidel bit-test li jidher fl-Anness ta’ din id-Deċiżjoni.

Artikolu 2

Din id-Deċiżjoni għandha tapplika mill-1 ta’ Jannar 2009.

Magħmul fi Brussell, 25 ta’ Mejju 2009.

Għall-Kunsill

Il-President

J. ŠEBESTA

(1) ĠU L 277, 21.10.2005, p. 1.

(2) ĠU L 195, 15.7.2006, p. 22. Edizzjoni Speċjali bil-Malti ĠU L 335M, 13.12.2008, p. 370.

(3) ĠU C 108, 12.5.2009, p. 1.

ANNESS

“ANNESS

L-ammont totali ta’ approprjazzjonijiet tal-impenji għall-2007–2013 (prezzijiet kostanti tal-2004), tqassim annwali u ammont annwali li għandu jiġi kkonċentrat f’reġjuni eliġibbli taħt l-Objettiv ta’ Konverġenza (*)

Prezzijiet tal-2004 f’EUR (**)	2007	2008	2009	2010	2011	2012	2013	Total
L-ammont totali għall-UE-25 flimkien mal-Bulgarija u r-Rumanija	9 325 497 783	10 788 767 263	11 058 446 242	10 651 531 634	9 824 886 713	9 588 187 168	9 356 225 581	70 593 542 384
L-ammont minimu għar-reġjuni eliġibbli taħt l-Objettiv ta’ Konverġenza								27 676 975 284

L-ammont totali ta’ approprjazzjonijiet tal-impenji għall-2007–2013 (prezzijiet attwali), tqassim annwali u ammont annwali li għandu jiġi kkonċentrat f’reġjuni eliġibbli taħt l-Objettiv ta’ Konverġenza (***)

Prezzijiet Kurrenti f’EUR (****)	2007	2008	2009	2010	2011	2012	2013	Total
L-ammont totali għall-UE-25 flimkien mal-Bulgarija u r-Rumanija	9 896 292 851	11 678 108 653	12 209 418 209	11 995 354 634	11 285 706 554	11 234 089 442	11 181 555 662	79 480 526 005
L-ammont minimu għar-reġjuni eliġibbli taħt l-Objettiv ta’ Konverġenza								31 232 644 963

(*) Qabel il-modulazzjoni u t-trasferimenti oħrajn minn infiq marbut mas-suq u l-ħlasijiet diretti tal-politika agrikola komuni għall-iżvilupp rurali.

(**) L-ammonti huma approssimati għall-eqreb euro

(***) Qabel il-modulazzjoni u t-trasferimenti oħrajn minn infiq marbut mas-suq u l-ħlasijiet diretti tal-politika agrikola komuni għall-iżvilupp rurali.

(****) L-ammonti huma approssimati għall-eqreb euro”

		ISSN 1725-5104 doi:10.3000/17255104.L_2009.144.mlt
Il-Ġurnal Uffiċjali tal-Unjoni Ewropea		L 144

Edizzjoni bil-Malti	Leġiżlazzjoni	Volum 52 9 ta' Ġunju 2009

Werrej		I Atti adottati skont it-Trattati tal-KE/Euratom li l-pubblikazzjoni tagħhom hija obbligatorja	Paġna
		REGOLAMENTI
	*	Regolament tal-Kunsill (KE) Nru 472/2009 tal-25 ta’ Mejju 2009 li jemenda r-Regolament (KE) Nru 637/2008 fir-rigward tal-programmi nazzjonali ta’ ristrutturar għas-settur tal-qoton	1
	*	Regolament tal-Kunsill (KE) Nru 473/2009 tal-25 ta’ Mejju 2009 li jemenda r-Regolament (KE) Nru 1698/2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u r-Regolament 1290/2005 dwar il-finanzjament tal-politika agrikola komuni	3
		Regolament tal-Kummissjoni (KE) Nru 474/2009 tat-8 ta’ Ġunju 2009 li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix	9
	*	Regolament tal-Kummissjoni (KE) Nru 475/2009 tal-5 ta’ Ġunju 2009 li jikkonċerna l-klassifikazzjoni ta’ ċerti prodotti fin-Nomenklatura Magħquda	11
	*	Regolament tal-Kummissjoni (KE) Nru 476/2009 tal-5 ta’ Ġunju 2009 li jikkonċerna l-klassifikazzjoni ta’ ċerti prodotti fin-Nomenklatura Maqgħuda	13
	*	Regolament tal-Kummissjoni (KE) Nru 477/2009 tal-5 ta’ Ġunju 2009 li jikkonċerna l-klassifikazzjoni ta' ċerti prodotti fin-Nomenklatura Maqgħuda	15
	*	Regolament tal-Kummissjoni (KE) Nru 478/2009 it-8 ta’ Ġunju 2009 li jemenda l-Annessi I u III tar-Regolament tal-Kunsill (KEE) Nru 2377/90 li jistabbilixxi kull proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-monepantel ( 1 )	17

	II Atti adottati skont it-Trattati tal-KE/Euratom li l-pubblikazzjoni tagħhom mhijiex obbligatorja
	DEĊIŻJONIJIET
	Il-Kunsill
	2009/432/KE
*	Deċiżjoni tal-Kunsill tal-4 ta' Novembru 2008 dwar l-iffirmar tal-Protokoll li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u r-Repubblika Popolari taċ-Ċina, min-naħa l-oħra	20
	Protokoll li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, minn naħa waħda, u l-Gvern tar-Repubblika Popolari taċ-Ċina, min-naħa l-oħra	21
	2009/433/KE
*	Deċiżjoni tal-Kunsill tal-5 ta’ Mejju 2009 dwar l-adeżjoni tal-Komunità Ewropea mar-Regolament Nru 61 tal-Kummissjoni Ekonomika tan-Nazzjonijiet Uniti għall-Ewropa dwar dispożizzjonijiet uniformi għall-approvazzjoni ta’ vetturi kummerċjali fir-rigward tal-isporġenzi esterni tagħhom ’il quddiem mill-pannell posterjuri tal-kabina	24
	2009/434/KE
*	Deċiżjoni tal-Kunsill tal-25 ta’ Mejju 2009 li temenda d-Deċiżjoni tal-Kunsill 2006/493/KE li tistabbilixxi l-ammont ta’ appoġġ Komunitarju għall-iżvilupp rurali għall-perijodu mill-1 ta’ Jannar 2007 sal-31 ta’ Diċembru 2013, it-tqassim annwali tiegħu u l-ammont minimu li għandu jiġi kkonċentrat f’reġjuni eliġibbli taħt l-Objettiv ta’ Konverġenza	25


	(1) Test b’relevanza għaż-ŻEE