21.5.2009   

MT

Il-Ġurnal Uffiċjali tal-Unjoni Ewropea

L 125/1

(1)

F’Ottubru 1999, il-Kummissjoni nediet investigazzjoni (2) fir-rigward tal-importazzjoni ta’ fibri diskontinwi tal-poljester (“PSF”) li joriġinaw mir-Repubblika tal-Korea (“l-investigazzjoni oriġinali”). F’Lulju 2000 ġew imposti dazji proviżorji anti-dumping permezz tar-Regolament tal-Kummissjoni (KE) Nru 1472/2000 (3) u f’Diċembru 2000 ġew imposti dazji definittivi anti-dumping permezz tar-Regolament tal-Kunsill (KE) Nru 2852/2000 (4).

(2)

Skont l-Artikolu 11(3) tar-Regolament bażiku, f’Diċembru 2003 l-Kummissjoni nediet (5) analiżi interim (“analiżi investigattiva”) tad-dazji anti-dumping fuq l-importazzjoni tal-PSF li joriġinaw, inter alia, fir-Repubblika tal-Korea. Id-dazji fuq l-importazzjoni mir-Repubblika tal-Korea ġew emendati permezz tar-Regolament tal-Kunsill (KE) Nru 428/2005 (6), minn hawn ‘il quddiem imsejjaħ “ir-Regolament 428/2005”.

(3)

Fl-10 ta’ Ġunju 2005, il-Korporazzjoni Huvis (“Huvis”) ressqet talba (7) quddiem il-Qorti tal-PrimiIstanza tal-Komunitajiet Ewropej (“QPI”) sabiex tannulla l-Artikolu 2 tar-Regolament 428/2005 f’dak li għandu x’jaqsam mar-rata tad-dazju anti-dumping fir-rigward ta’ Huvis.

(4)

Fit-8 ta’ Lulju 2008, il-QPI (8) annullat l-Artikolu 2 tar-Regolament 428/2005 fir-rigward ta’ Huvis.

(5)

Il-QPI sabet, inter alia, li l-Istituzzjonijiet ma ġġustifikawx biżżejjed l-użu ta’ metodoloġiji differenti applikati fl-investigazzjoni oriġinali minn naħa waħda u fl-analiżi investigattiva min-naħa l-oħra meta kkalkulaw ir-rata ta’ dazju individwali għal Huvis. Is-sejbiet tal-Istituzzjonijiet f’dan ir-rigward tqiesu għalhekk bħala inkonsistenti mal-Artikolu 11(9) tar-Regolament bażiku.

(6)

L-Artikolu 2 tar-Regolament 428/2005 ġie minħabba f’hekk annullat sal-punt fejn id-dazju anti-dumping impost fuq l-esportazzjoni lejn il-Komunità Ewropea ta’ oġġetti prodotti u esportati minn Huvis kien jisboq id-dazju li kien ikun applikabbli kieku ntuża l-metodu applikat fl-investigazzjoni orġinali.

(7)

Il-Qrati jirrikonoxxu (9) li, f’każijiet fejn proċediment ikun jikkonsisti f’għadd ta’ stadji, l-annullament ta’ wieħed minn dawk l-istadji ma jannullax il-proċediment kollu kemm hu. Il-proċedura kontra d-dumping hi eżempju ta’ proċedura li tikkonsisti f’diversi stadji. Għaldaqstant, l-annullament ta’ partijiet tar-Regolament anti-dumping definittiv ma jimplikax l-annullament tal-proċedura kollha kemm hi qabel l-adozzjoni tar-Regolament inkwistjoni. Min-naħa l-oħra, skont l-Artikolu 233 tat-Trattat li jistabbilixxi l-Komunità Ewropea, l-Istituzzjonijiet Komunitarji huma obbligati li jikkonformaw mas-Sentenzi tal-Qrati tal-Komunitajiet Ewropej. Għaldaqstant, l-Istituzzjonijiet Komunitarji, meta jikkonformaw mas-Sentenza, għandhom il-possibilità li jirrimedjaw l-aspetti tar-Regolament ikkontestat li jkunu wasslu għall-annullament tiegħu, filwaqt li ma jbiddlux il-partijiet mhux ikkontestati li ma jkunux milquta mis-Sentenza (10).

(8)

Dan ir-Regolament ifittex li jirrimedja l-aspetti tar-Regolament 428/2005 li nstab li huma inkonsistenti mar-Regolament bażiku, u li għalhekk wasslu għall-annullament ta’ xi partijiet minn dak ir-Regolament. Fl-istess waqt jiġbed l-attenzjoni, fir-rigward tal-esportaturi fir-Repubblika tal-Korea li kienu aċċettaw li jikkooperaw fl-investigazzjoni li wasslet għar-Regolament 428/2005, għall-konsegwenzi mill-Art. 9(6) tar-Regolament Bażiku. Is-sejbiet l-oħra kollha magħmula fir-Regolament 428/2005, li ma kinux ikkontestati fil-limiti taż-żmien determinat għal rikuża u li għalhekk ma ġewx ikkunsidrati mill-QPI u ma wasslux għall-annullament tar-Regolament ikkontestat, jibqgħu validi.

(9)

Għaldaqstant, skont l-Artikolu 233 tat-Trattat li jistabbilixxi l-Komunità Ewropea, ir-rata ta’ dazju anti-dumping għal Huvis inħadmet mill-ġdid abbażi tas-sentenza tal-QPI.

(10)

F’dan ir-Regolament, l-aspett tas-sentenza li qed jiġi indirizzat huwa l-kalkolu tal-marġni ta’ dumping, jew b’mod iktar speċifiku l-kalkolu tal-aġġustament magħmul fil-valur normali għad-differenzi bejn il-prezz tal-esportazzjoni u l-valur normali fi ħlasijiet mitluba fuq l-importazzjoni skont l-Artikolu 2(10)(b) tar-Regolament bażiku.

(11)

Kif deskritt fil-premessi (127) u (128) tar-Regolament 428/2005, intużaw metodoloġiji differenti sabiex jinħadem l-aġġustament fuq il-valur normali minn naħa waħda fl-investigazzjoni oriġinali u min-naħa l-oħra fl-analiżi interim imsemmija hawn fuq.

(12)

Bla ma tat deċiżjoni dwar il-legalità nfisha tal-metodu użat fl-analiżi interim sabiex jinħadem l-aġġustament imsemmi hawn fuq, il-QPI, fis-Sentenza tagħha, sabet li l-Istituzzjonijiet Komunitarji ma wrewx l-eżistenza ta’ xi bidla fiċ-ċirkostanzi li setgħet tiġġustifika l-użu ta’ metodu differenti minn dak użat fl-investigazzjoni oriġinali, kif mitlub mill-Artikolu 11(9) tar-Regolament bażiku. Għaldaqstant hi annullat l-Artikolu 2 tar-Regolament tal-Kunsill 428/2005 sal-punt fejn id-dazju anti-dumping impost fuq l-esportazzjoni lejn il-Komunità ta’ merkanzija prodotta u esportata minn Huvis kien jisboq id-dazju li kien ikun applikabli kieku l-metodu użat fl-investigazzjoni inizjali kien intuża biex jinħadem l-aġġustament għall-valur normali fuq il-ħlasijiet mitluba fuq l-importazzjoni.

(13)

Għalhekk, l-aġġustament għall-valur normali fil-każ tad-dazji tal-importazzjoni nħadem mill-ġdid abbażi tal-metodu użat fl-investigazzjoni oriġinali.

(14)

Il-paragun bejn il-valur normali tal-medja mwieżna maħdum b’dan il-mod u l-prezz medju u differenzjat tal-esportazzjoni kif misjub matul l-analiżi interim skont it-tip tal-prodott fuq bażi ta’ meta joħroġ mill-fabbrika wera l-eżistenza ta’ dumping. Il-marġni ta’ dumping stabbilit, espress bħala perċentwali tal-prezz tal-importazzjoni CIF fil-fruntiera tal-Komunità, bid-dazju mhux imħallas, huwa ta’ 3,9 %.

(15)

Ir-rata individwali kkalkulata għal Huvis kienet għamlet parti mill-bażi li fuqha nħadem id-dazju medju differenzjat li għandu japplika għall-esportaturi Koreani li kkooperaw imma li ma ntgħażlux għall-kampjun. Għaldaqstant il-marġni ta’ dumping għall-kumpaniji li kkooperaw imma li ma ntgħażlux għall-kampjun inħadem mill-ġdid. Il-marġni l-ġdid ta’ dumping għall-produtturi esportaturi li kkooperaw imma li ma ntgħażlux għall-kampjun stabbilit abbażi ta’ marġni ta’ dumping medju differenzjat huwa ta’ 4,4 %.

(16)

Kumpanija waħda, Woongjin Chemical Co., Ltd. (li qabel kienet magħrufa bħala Saehan Industries Inc.), ikkuntattjat lill-Kummissjoni u argumentat li d-dazju tagħha għandu jiġi adattat ukoll. Madankollu, billi dik il-kumpanija ma talbitx li jkun hemm annullament tad-dazju tagħha mill-QPI, id-dazju tagħha sar wieħed definittiv.

(17)

Il-partijiet kollha interessati kkonċernati mill-implimentazzjoni tas-sentenza ġew infurmati dwar il-proposta sabiex jiġu riveduti r-rati tad-dazju anti-dumping applikabbli għall-Korporazzjoni Huvis u l-kumpaniji li kkooperaw imma li ma ntgħażlux għall-kampjun. Skont id-dispożizzjonijiet tar-Regolament bażiku, dawn ingħataw ukoll perjodu li fih setgħu jagħmlu rappreżentazzjonijiet sussegwenti għal din l-informazzjoni żvelata. Ġew meqjusal-kummenti meta dawn kienu ġustifikati u sostanzjati suffiċjentement.

(18)

Abbażi ta’ dan t’hawn fuq, ir-rata tad-dazju applikabbli għal Huvis u l-produtturi esportaturi li kkooperaw li mhumiex inklużi fil-kampjun għandha tiġi emendata skont dan. Ir-rati emendati għandhom japplikaw b’lura mid-data meta dak ir-Regolament (KE) Nru 428/2005 daħal fis-seħħ,

21.5.2009   

MT

Il-Ġurnal Uffiċjali tal-Unjoni Ewropea

L 125/4

21.5.2009   

MT

Il-Ġurnal Uffiċjali tal-Unjoni Ewropea

L 125/6

(1)

Ir-Regolament (KE) Nru 648/2005 tal-Parlament Ewropew u tal-Kunsill (2) introduċa fir-Regolament (KEE) Nru 2913/92 l-obbligu li jitressqu d-dikjarazzjonijiet fil-qosor tad-dħul u l-ħruġ b’mezzi elettroniċi. Mill-1 ta' Lulju 2009, wieħed jista’ jressaq dikjarazzjoni doganali tal-esportazzjoni fuq il-karta biss meta s-sistema kompjuterizzata tal-awtoritajiet doganali ma tkunx qiegħda taħdem jew meta l-applikazzjoni elettronika tal-persuna li qiegħda tressaq id-dikjarazzjoni ma tkunx qiegħda taħdem.

(2)

Verżjoni alternattiva tad-Dokument ta’ Akkumpanjament fit-Tranżitu (id-“Dokument ta' Akkumpanjament fit-Tranżitu/Sigurtà”) u l-lista relatata tal-oġġetti għandhom ikunu stabbiliti sabiex jinkludu d-dejta meħtieġa fl-Anness 30A tar-Regolament tal-Kummissjoni (KEE) Nru 2454/93 (3) sabiex tissaħħaħ is-sigurtà.

(3)

Id-“Dokument ta’ Akkumpanjament fl-Esportazzjoni” u l-lista relatata ta' oġġetti pprovduti fl-Artikolu 796a tar-Regolament (KEE) Nru 5454/93 għandhom ikunu adatti wkoll sabiex jinkludu d-dejta stabbilita fl-Anness 30A tar-Regolament (KEE) Nru 2454/93.

(4)

Meta l-persuni li jressqu d-dikjarazzjoni ma jkunux jistgħu jipprovdu l-istqarrijiet tad-dejta fil-qosor tal-esportazzjoni u l-ħruġ lill-awtoritajiet doganali bl-użu ta’ proċeduri normali kompjuterizzati minħabba li s-sistema kompjuterizzata tal-awtoritajiet doganali jew l-applikazzjoni elettronika tal-persuna li tressaq d-dikjarazzjoni ma tkunx qiegħda taħdem, għandhom jitħallew jużaw proċedura fuq il-karta bħala alternattiva li tgħinhom jipprovdu l-informazzjoni meħtieġa lill-awtoritajiet doganali. Għal dan il-għan, hu meħtieġ li wieħed jipprovdi għall-użu ta’ formola, id-“Dokument Amministrattiv Uniku dwar l-Esportazzjoni/Sigurtà”, li jista’ jkun fih kemm dejta dwar id-dikjarazzjoni tal-esportazzjoni u kemm dejta fil-qosor dwar id-dikjarazzjoni tal-ħruġ.

(5)

Għal sitwazzjonijiet meta s-sistema kompjuterizzata tal-awtoritajiet doganali ma tkunx qiegħda taħdem jew meta l-applikazzjoni elettronika tal-persuna li qiegħda tressaq id-dikjarazzjoni ma tkunx qiegħda taħdem huwa meħtieġ li wieħed jipprovdi “Dokument tas-Sigurtà u s-Sikurezza” fuq il-karta li għandu jintuża għad-dikjarazzjonijiet fil-qosor tad-dħul u għad-dikjarazzjonijiet fil-qosor tal-ħruġ. Għandu jkun fih id-dejta definita fl-Anness 30A tar-Regolament (KEE) Nru 2454/93 u għandu jkun issupplimentat b’lista ta’ oġġetti f'każ li l-kunsinna tikkonsisti f'iktar minn oġġett wieħed.

(6)

Sabiex wieħed jagħti lill-operaturi ekonomiċi l-ikbar possibilità tal-firxa tal-għażliet sabiex jipprovdu d-dejta meħtieġa f’każ li s-sistemi kompjuterizzati doganali u privati kollha ma jkunux qegħdin jaħdmu, huwa meħtieġ li huma jħallu lill-awtoritajiet doganali jawtorizzawhom sabiex jikkomunikaw din id-dejta permezz ta’ dokumenti kummerċjali sakemm d-dokumenti mgħoddija lill-awtoritajiet doganali jkun fihom id-dettalji għad-dikjarazzjonijiet tad-dħul u l-ħruġ stabbiliti fl-Anness 30A tar-Regolament (KE) Nru 2454/93.

(7)

Sakemm id-dispożizzjonijiet tar-Regolament tal-Kummissjoni (KE) Nru 1875/2006 (4) dwar is-sikurezza u s-sigurtà japplikaw mill-1 ta’ Lulju 2009, id-dispożizzjonijiet stabbiliti f’dan ir-Regolament għandhom japplikaw minn dakinhar ukoll. Għalhekk ir-Regolament tal-Kummissjoni (KEE) Nru 2454/93 għandu jiġi emendat skont dan.

(8)

Il-miżuri stipulati f'dan ir-Regolament huma skont l-opinjoni tal-Kumitat tal-Kodiċi Doganali,

(1)

L-Artikolu 183(2) huwa emendat kif ġej:

(2)

Fl-Artikolu 340b, jiddaħħal il-punt 6a li ġej:

(3)

L-Artikolu 358 huwa emendat kif ġej:

(4)

Fl-Artikolu 787, il-paragrafu 2 qiegħed jinbidel b'dan li ġej:

“2.   Meta s-sistema kompjuterizzata tal-awtoritajiet doganali ma tkunx qiegħda taħdem jew meta l-aplikazzjoni elettronika tal-persuna li tkun ressqet id-dikjarazzjoni tal-esportazzjoni ma tkunx qiegħda taħdem, l-awtoritajiet doganali għandhom jaċċettaw dikjarazzjoni tal-esportazzjoni fuq il-karta sakemm jintuża wieħed minn dawn il-modi li ġejjin:

Il-formola għandu jkun fiha l-lista ta’ dejta minima li tinsab fl-Anness 37 u fl-Anness 30A għall-proċedura tal-esportazzjoni.”

(5)

L-Artikolu 796a huwa emendat kif ġej:

(6)

Fl-Artikolu 796c it-tieni paragrafu, il-kliem “Anness 45c” huma mibdula bi “Anness 45g”.

(7)

L-Artikolu 842b(3) huwa emendat kif ġej:

(8)

Fl-Artikoli 183, 359(1), 361(3) u (4), 406(1) u (2), 408(1)(d), 454b(4), 454b (2) u (4), 455(1) and 457b(2) u (3), il-kliem “Dokument ta’ Akkumpanjament fit-Tranżitu” jinbdiel b’“Dokument ta’ Akkumpanjament fit-Tranżitu” - “Dokument ta’ Akkumpanjament fit-Tranżitu/Sigurtà”.

(9)

L-Anness 37d huwa emendat kif ġej:

(10)

L-Annessi 45c u 45d huma mħassra.

(11)

L-Anness 45e, li jinsab fl-Anness I ta' dan ir-Regolament, huwa miżjud.

(12)

L-Anness 45f, li jinsab fl-Anness II ta' dan ir-Regolament, huwa miżjud.

(13)

L-Anness 45g, li jinsab fl-Anness III ta' dan ir-Regolament, huwa miżjud.

(14)

L-Anness 45h, li jinsab fl-Anness IV ta' dan ir-Regolament, huwa miżjud.

(15)

L-Anness 45i, li jinsab fl-Anness V ta' dan ir-Regolament, huwa miżjud.

(16)

L-Anness 45j, li jinsab fl-Anness VI ta' dan ir-Regolament, huwa miżjud.

(17)

L-Anness 45k, li jinsab fl-Anness VII ta' dan ir-Regolament, huwa miżjud.

(18)

L-Anness 45l, li jinsab fl-Anness VIII ta' dan ir-Regolament, huwa miżjud.

21.5.2009   

MT

Il-Ġurnal Uffiċjali tal-Unjoni Ewropea

L 125/52

(1)

Id-Direttiva tal-Kummissjoni 2007/68/KE (2) tistabbilixxi lista ta’ ingredjenti jew sustanzi tal-ikel esklużi mir-rekwiżiti tal-ittikkettjar.

(2)

Minħabba li l-bidliet fit-tikkettjar jaffettwaw l-industrija, prinċipalment l-intrapriżi żgħar u ta’ daqs medju, li jridu perjodu ta' adattazzjoni biex iwittu t-triq għal tranżizzjoni mingħajr tfixkil lejn rekwiżiti tat-tikkettjar ġodda, id-Direttiva 2007/68/KE tipprovdi għal miżuri temporanji biex tiġi ffaċilitata l-applikazzjoni ta’ regoli ġodda billi titħalla l-kummerċjalizzazzjoni ta’ oġġetti tal-ikel li jitqiegħdu fis-suq jew jiġu ttikkettjati qabel il-31 ta’ Mejju 2009 li jikkonformaw mad-Direttiva tal-Kummissjoni 2005/26/KE (3) sakemm jispiċċaw l-istokkijiet.

(3)

Ir-Regolament tal-Kunsill (KE) Nru 479/2008 tad-29 ta' April 2008 dwar l-organizzazzjoni komuni tas-suq tal-inbid, li jemenda r-Regolamenti (KE) Nru 1493/1999, (KE) Nru 1782/2003, (KE) Nru 1290/2005, (KE) Nru 3/2008 u li jħassar ir-Regolamenti (KEE) Nru 2392/1986 u (KE) Nru 1493/1999 (4) jorganizza mill-ġdid il-mod kif jiġi mmaniġjat is-suq tal-inbid tal-UE. Skont l-Artikolu 129(1)(e) ta’ dak ir-Regolament, il-Kapitoli II, III, IV, V u VI tat-Titolu III, l-Artikoli 108, 111 u 112 u d-dispożizzjonijiet korrispondenti b'mod partikolari fl-Annessi rilevanti għandhom japplikaw mill-1 ta' Awwissu 2009 ħlief jekk ikun previst xort'oħra bħala regolament li għandu jiġi adottat skont il-proċedura msemmija fl-Artikolu 113(1). Ir-regoli ta’ implimentazzjoni ta’ dak ir-Regolament, li inter alia jipprovdi għal regoli speċifiċi ta' tikkettjar applikabbli lis-settur tal-inbid, qed jitħejjew bħalissa u, minħabba l-applikabbilità tagħhom sa mill-1 ta’ Awwissu 2009, huwa previst perjodu ta' tranżizzjoni sabiex titħaffef it-tranżizzjoni mil-leġiżlazzjoni ta' qabel tas-settur tal-inbid, notevolment ir-Regolamant tal-Kunsill Nru 1493/1999 tas-17 ta’ Mejju 1999 dwar l-organizzazzjoni komuni tas-suq tal-inbid (5) għar-Regolament (KE) Nru 479/2008 biex l-operaturi ekonomiċi jitħallew jikkonformaw mar-rekwiżiti ġodda ta’ tikkettjar.

(4)

Minħabba li l-operaturi tal-inbid ikunu suġġetti għal żewġ ġabriet ta’ rekwiżiti ta’ tikkettjar, dawk previsti skont id-Direttiva 2007/68/KE u dawk tar-regoli ta’ implimentazzjoni tar-Regolament (KE) Nru 479/2008 u sakemm il-perjodi tagħhom ta’ tranżizzjoni ma jikkoinċidux, hekk skont id-Direttiva 2007/68/KE, l-oġġetti tal-ikel imqiegħda fis-suq jew ittikkettjati qabel il-31 ta’ Mejju 2009 li jikkonformaw mad-Direttiva 2005/26/KE jistgħu jiġu kkummerċjalizzati sakemm jispiċċaw l-istokkijiet, fl-interess ta’ amministrazzjoni tajba u biex jiġu evitati piżijiet bla ħtieġa fuq l-awtoritajiet tal-Istati Membri kif ukoll fuq l-operaturi ekonomiċi, għandha tiġi stabbilita data għall-applikazzjoni obbligatorja tas-settur tal-inbid fid-Direttiva 2007/68/KE u tar-regoli ta’ implimentazzjoni adottati fil-qafas tar-Regolament (KE) Nru 479/2008.

(5)

Fir-rigward ta’ prodotti koperti bir-Regolament (KE) Nru 479/2008, l-aħħar tal-perjodu ta’ tranżizzjoni previst fid-Direttiva 2007/68/KE għandu għalhekk jiġi stabbilit għall-31 ta’ Diċembru 2010.

(6)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

21.5.2009   

MT

Il-Ġurnal Uffiċjali tal-Unjoni Ewropea

L 125/54

(1)

L-Artikolu 67(2) tar-Regolament (KE) Nru 1234/2007 jipprovdi li l-produtturi jista’ jkollhom kwota individwali waħda jew tnejn, waħda għall-kunsinni u l-oħra għall-bejgħ dirett u li l-kwantitajiet jistgħu jinbidlu minn kwota waħda għall-oħra mill-awtorità kompetenti tal-Istat Membru biss, fuq talba ġġustifikata b’mod xieraq min-naħa tal-produttur.

(2)

Ir-Regolament tal-Kummissjoni (KE) Nru 415/2008 tat-8 ta’ Mejju 2008 dwar id-diviżjoni bejn “konsenji [kunsinni]” u “bejgħ dirett” ta’ kwantitajiet ta’ referenza nazzjonali stabbiliti għall-2007/2008 fl-Anness I għar-Regolament tal-Kunsill (KE) Nru 1788/2003 (2) jistipula d-diviżjoni bejn il-“kunsinni” u l-“bejgħ dirett” għall-perjodu mill-1 ta’ April 2007 sal-31 ta’ Marzu 2008 għall-Istati Membri kollha.

(3)

Skont l-Artikolu 25(2) tar-Regolament tal-Kummissjoni (KE) Nru 595/2004 tat-30 ta’ Marzu 2004 li jniżżel regoli dettaljati biex japplika r-Regolament tal-Kunsill (KE) Nru 1788/2003 li jistabbilixxi imposta fis-settur tal-ħalib u tal-prodotti tal-ħalib (3), l-Istati Membri nnotifikaw il-kwantitajiet li nbidlu definittivament fuq talba tal-produtturi bejn kwoti individwali għall-kunsinni u għall-bejgħ dirett.

(4)

Skont ir-Regolament tal-Kunsill (KE) Nru 248/2008 tas-17 ta’ Marzu 2008 li jemenda r-Regolament (KE) Nru 1234/2007 rigward il-kwoti nazzjonali fuq il-ħalib (4), il-kwoti nazzjonali totali tal-Istati Membri kollha żdiedu b’effett mill-1 ta’ April 2008 ’l quddiem. L-Istati Membri, minbarra Malta li ma għandha l-ebda parti mill-kwota nazzjonali tagħha li hija għall-bejgħ dirett, innotifikaw lill-Kummissjoni dwar id-diviżjoni bejn il-“kunsinni” u l-“bejgħ dirett” tal-kwota addizzjonali.

(5)

Għalhekk huwa xieraq li tiġi stabbilita d-diviżjoni, applikabbli għall-perjodu mill-1 ta' April 2008 sal-31 ta' Marzu 2009, bejn il-“kunsinni” u l-“bejgħ dirett” tal-kwoti nazzjonali stabbiliti fl-Anness IX għar-Regolament (KE) Nru 1234/2007.

(6)

Il-miżuri pprovduti f'dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/56

(1)

Skont l-Artikolu 6(2) tar-Regolament (KE) Nru 510/2006, u skont l-Artikolu 17(2) tal-istess Regolament, it-talba li ressqet ir-Repubblika Ċeka għar-reġistrazzjoni tad-denominazzjoni “Mariánskolázeňské oplatky” ġiet ippubblikata f'Il-Ġurnal Uffiċjali tal-Unjoni Ewropea  (2).

(2)

Skont l-Artikolu 7(3)(a) u (d) tar-Regolament (KE) Nru 510/2006, il-Ġermanja ddikjarat l-oġġezzjoni tagħha għal din ir-reġistrazzjoni.

(3)

Permezz ta’ ittra tal-5 ta’ Marzu 2008, il-Kummissjoni stiednet lill-partijiet interessati sabiex jikkonsultaw b’mod xieraq bejniethom. Għalkemm ma ntlaħaq l-ebda qbil bejn ir-Repubblika Ċeka u l-Ġermanja fi żmien sitt xhur, fit-12 ta’ Marzu 2009 l-Ġermanja rtirat l-oġġezzjoni tagħha.

(4)

B’hekk dan l-isem għandu jiddaħħal fir-reġistru,

21.5.2009   

MT

Il-Ġurnal Uffiċjali tal-Unjoni Ewropea

L 125/58

(1)

Skont l-Artikolu 6(2) tar-Regolament (KE) Nru 510/2006, it-talba mressqa minn Franza għar-reġistrazzjoni tad-denominazzjoni “Petit Épeautre de Haute Provence” kienet ippubblikata f’Il-Ġurnal Uffiċjali tal-Unjoni Ewropea  (2).

(2)

Ġaladarba l-Kummissjoni ma rċeviet l-ebda dikjarazzjoni ta' oġġezzjoni skont l-Artikolu 7 tar-Regolament (KE) Nru 510/2006, din id-denominazzjoni għandha tkun irreġistrata,

21.5.2009   

MT

Il-Ġurnal Uffiċjali tal-Unjoni Ewropea

L 125/60

(1)

Skont l-ewwel subparagrafu tal-Artikolu 6(2) tar-Regolament (KE) Nru 510/2006 u b’applikazzjoni tal-Artikolu 17(2) tal-istess Regolament, it-talba mressqa minn Franza għar-reġistrazzjoni tad-denominazzjoni “Kiwi de l'Adour” ġiet ippubblikata f’Il-Ġurnal Uffiċjali tal-Unjoni Ewropea  (2).

(2)

Ġaladarba l-Kummissjoni ma rċeviet l-ebda dikjarazzjoni ta' oġġezzjoni skont l-Artikolu 7 tar-Regolament (KE) Nru 510/2006, din id-denominazzjoni għandha tkun irreġistrata,

21.5.2009   

MT

Il-Ġurnal Uffiċjali tal-Unjoni Ewropea

L 125/62

(1)

Ir-Regolament tal-Kummissjoni (KE) Nru 619/2008 tas-27 ta’ Ġunju 2008 li jiftaħ sejħa permanenti għall-offerti dwar ir-rifużjoni tal-esportazzjoni li tikkonċerna ċerti prodotti tal-ħalib (2) jipprovdi stedina permanenti għall-offerti.

(2)

Skont l-Artikolu 6 tar-Regolament tal-Kummissjoni (KE) Nru 1454/2007 tal-10 ta’ Diċembru 2007 li jistipula regoli komuni biex tkun stabbilita proċedura ta’ offerta għall-iffissar ta’ rifużjonijiet fuq l-esportazzjoni għal ċerti prodotti agrikoli (3) u wara stħarriġ tal-offerti mressqa b’reazzoni għas-sejħa għall-offerti, jeħtieġ li jiġi ffissat ammont massimu ta' rifużjoni tal-esportazzjoni għall-perjodu tat-tressiq tal-offerti li jintemm fid-19 ta’ Mejju 2009.

(3)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/64

(1)

Ir-Regolament tal-Kummissjoni (KE) Nru 619/2008 tas-27 ta’ Ġunju 2008 li jiftaħ sejħa permanenti għall-offerti dwar ir-rifużjoni tal-esportazzjoni li tikkonċerna ċerti prodotti tal-ħalib (2) jipprovdi stedina permanenti għall-offerti.

(2)

Skont l-Artikolu 6 tar-Regolament tal-Kummissjoni (KE) Nru 1454/2007 tal-10 ta’ Diċembru 2007 li jistipula regoli komuni biex tkun stabbilita proċedura ta’ offerta għall-iffissar ta’ rifużjonijiet fuq l-esportazzjoni għal ċerti prodotti agrikoli (3) u wara stħarriġ tal-offerti mressqa b’reazzoni għas-sejħa għall-offerti, jeħtieġ li jiġi ffissat ammont massimu ta' rifużjoni tal-esportazzjoni għall-perjodu tat-tressiq tal-offerti li jintemm fid-19 ta’ Mejju 2009.

(3)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/65

(1)

Skont l-Artikolu 162(1) tar-Regolament (KE) Nru 1234/2007, id-differenza bejn il-prezzijiet fis-suq dinji tal-prodotti msemmija fil-parti XIX tal-Anness I għar-Regolament imsemmi u l-prezzijiet fil-Komunità tista' tkun koperta minn rifużjoni fuq l-esportazzjoni.

(2)

Fid-dawl tal-qagħda attwali fis-suq tal-laħam tat-tjur, jeħtieġ li jiġu ffissati rifużjonijiet għall-esportazzjoni f'konformità mar-regoli u l-kriterji pprovduti fl-Artikoli 162 sa 164, 167, 169 u 170 tar-Regolament (KE) Nru 1234/2007.

(3)

L-Artikolu 164(1) tar-Regolament (KE) Nru 1234/2007 jipprovdi li r-rifużjonijiet jistgħu jvarjaw skond id-destinazzjoni, speċjalment fejn dan ikun meħtieġ minħabba fis-sitwazzjoni tas-suq dinji, il-ħtiġijiet speċifiċi ta' ċerti swieq, jew l-obbligi li jirriżultaw minn ftehimiet konklużi skont l-Artikolu 300 tat-Trattat.

(4)

Ir-rifużjonijiet ma għandhomx jingħataw ħlief għall-prodotti awtorizzati għall-moviment ħieles fil-Komunità u li jissodisfaw l-esiġenzi tar-Regolament tal-Parlament Ewropew u tal-Kunsill (KE) Nru 852/2004 tad-29 ta' April 2004 dwar l-iġjene tal-oġġetti tal-ikel (2), dawk tar-Regolament (KE) Nru 853/2004 tal-Parlament Ewropew u tal-Kunsill (KE) tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (3), kif ukoll il-kundizzjonijiet ta' mmarkar definiti bil-punt A tal-Anness XIV tar-Regolament (KE) Nru 1234/2007.

(5)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/67

(1)

Għas-sena 2009, ir-Regolament (KE) Nru 1529/2007 fetaħ u pprovda għall-ġestjoni ta' kwota tariffarja annwali għall-importazzjoni ta' 250 000 tunnellata ross, espressa fl-ekwivalenti ta' ross imqaxxar, li joriġina mill-Istati li huma parti mir-reġjun CARIFORUM (numru tas-serje 09.4220), kwota tariffarja għall-importazzjoni ta' 25 000 tunnellata ross, espressa fl-ekwivalenti ta' ross imqaxxar, li joriġina mill-Antilli Olandiżi u minn Aruba (numru tas-serje 09.4189) u kwota tariffarja għall-importazzjoni ta' 10 000 tunnellata ross, espressa fl-ekwivalenti ta' ross imqaxxar, li joriġina mill-Pajjiżi u t-Territorji extra-Ewropej (OCT) l-anqas żviluppati (numru tas-serje 09.4190).

(2)

Is-subperjodu tax-xahar ta’ Mejju huwa t-tieni subperjodu għal dawn il-kwoti, imsemmija fl-Artikolu 1(1) u (2) tar-Regolament (KE) Nru 1529/2007.

(3)

Mill-komunikazzjoni li saret skont l-Artikolu 6(a) tar-Regolament (KE) Nru 1529/2007, jirriżulta li għall-kwoti bin-numri tas-serje 09.4220, 09.4189 u 09.4190, l-applikazzjonijiet imressqa matul l-ewwel sebat ijiem tax-xogħol tax-xahar ta' Mejju 2009, skont l-Artikolu 2(1) tal-istess Regolament, jirrappreżentaw kwantità ekwivalenti ta' ross imqaxxar iżgħar minn [jew daqs] dik disponibbli.

(4)

Għaldaqstant, jeħtieġ li jiġu ffissati, għall-kwoti bin-numri tas-serje 09.4220, 09.4189 u 09.4190, il-kwantitajiet totali disponibbli għas-subperjodu tal-kwoti li jmiss, skont l-Artikolu 4(1) tar-Regolament (KE) Nru 1529/2007,

21.5.2009   

MT

Il-Ġurnal Uffiċjali tal-Unjoni Ewropea

L 125/69

(1)

Ir-Regolament tal-Kummissjoni (KE) Nru 1484/95 (2) stipula r-regoli dettaljati għall-implimentazzjoni tas-sistema tad-dazji addizzjonali fuq l-importazzjoni u stipula l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd.

(2)

Minn kontrolli regolari tal-informazzjoni li tipprovdi l-bażi għad-determinazzjoni tal-prezzijiet rappreżentattivi għall-prodotti tas-setturi tal-laħam tat-tjur u tal-bajd kif ukoll għall-albumina tal-bajd, jirriżulta li l-prezzijiet rappreżentattivi għall-importazzjoni ta’ ċerti prodotti għandhom ikunu emendati biex jitqiesu l-varjazzjonijiet fil-prezzijiet skont l-oriġini. Jeħtieġ għalhekk li jiġu ppublikati prezzijiet rappreżentattivi.

(3)

Fid-dawl tas-sitwazzjoni tas-suq, jeħtieġ li din l-emenda tiġi applikata malajr kemm jista’ jkun.

(4)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/71

(1)

Ir-Regolament tal-Kummissjoni (KE) Nru 186/2009 (2) fetaħ ix-xiri ta’ butir bi proċedura ta’ sejħiet għall-offerti għal perijodu li jiskadi fil-31 ta’ Awwissu 2009, skont il-kundizzjonijiet ipprovduti fir-Regolament tal-Kummissjoni (KE) Nru 105/2008 tal-5 ta’ Frar 2008 li jistipula regoli ddettaljati għall-applikazzjoni tar-Regolament tal-Kunsill (KE) Nru 1255/1999 li jirrigwarda l-intervent fis-suq tal-butir (3).

(2)

Skont l-offerti li saru b'risposta għal stediniet individwali għall-offerti, għandu jiġi ffissat prezz massimu tax-xiri jew inkella jiġi deċiż li ma tintlaqa' l-ebda waħda mill-offerti, skont l-Artikolu 16(2) tar-Regolament (KE) Nru 105/2008.

(3)

Fid-dawl tal-offerti li saru b'risposta għat-5 stedina individwali għall-offerti, jeħtieġ li jiġi ffissat prezz massimu tax-xiri.

(4)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/72

(1)

Ir-Regolament tal-Kummissjoni (KE) Nru 310/2009 (2) fetaħ ix-xiri tat-trab tal-ħalib xkumat permezz ta’ proċedura tas-sejħiet għall-offerti għall-perijodu li jiskadi fil-31 ta’ Awwissu 2009, skont il-kundizzjonijiet ipprovduti fir-Regolament tal-Kummissjoni (KE) Nru 214/2001 tat-12 ta’ Jannar 2001 li jistipula regoli ddettaljati għall-applikazzjoni tar-Regolament tal-Kunsill (KE) Nru 1255/1999 li jirrigwarda l-intervent fis-suq tat-trab tal-ħalib xkumat (3).

(2)

Skont l-offerti li saru b’risposta għal stediniet individwali għall-offerti, għandu jiġi ffissat prezz massimu tax-xiri jew inkella jiġi deċiż li ma tintlaqa’ l-ebda waħda mill-offerti, skont l-Artikolu 17 tar-Regolament (KE) Nru 214/2001.

(3)

Fid-dawl tal-offerti li saru b’risposta għall-3. stedina individwali għall-offerti, jeħtieġ li jiġi ffissat prezz massimu tax-xiri.

(4)

Il-Kumitat ta' Ġestjoni għall-Organizzazzjoni Komuni tas-Swieq Agrikoli ma tax opinjoni tiegħu fil-limitu tażżmien stabbilit mill-president tiegħu,

21.5.2009   

MT

Il-Ġurnal Uffiċjali tal-Unjoni Ewropea

L 125/73

(1)

L-Artikolu 162(1) tar-Regolament (KE) Nru 1234/2007 jipprovdi li d-differenza bejn il-prezzijiet fin-negozju internazzjonali għall-prodotti li ssir referenza għalihom fl-Artikolu 1(1)(s) u elenkati fil-Parti XIX ta’ l-Anness I ta’ dak ir-Regolament u l-prezzijiet fil-Komunità jistgħu jaqgħu taħt rifużjoni fuq l-esportazzjoni fejn dawk l-oġġetti huma esportati fil-forma ta’ oġġetti elenkati fil-Parti V ta’ l-Anness XX ta’ dak ir-Regolament.

(2)

Ir-Regolament tal-Kummissjoni (KE) Nru 1043/2005 tat-30 ta' Ġunju 2005 li jimplimenta r-Regolament tal-Kunsill (KE) Nru 3448/93 dwar is-sistema ta’ l-għoti ta’ rifużjonijiet fuq l-esportazzjoni fuq ċerti prodotti agrikoli esportati fil-forma ta’ oġġetti mhux koperti mill-Anness I tat-Trattat, u l-kriterji għat-twaqqif ta’ ammont ta’ tali rifużjonijiet (2), jispeċifika l-prodotti li għalihom rata ta’ rifużjoni għandha tiġi stabbilita u li għandha tiġi applikata meta dawn il-prodotti huma esportati fil-forma ta’ oġġetti mniżżla fil-forma ta’ oġġetti elenkati fil-Parti V ta’ l-Annexss XX tar-Regolament (KE) Nru 1234/2007.

(3)

Skond l-Artikolu 14(2)(b) tar-Regolament (KE) Nru 1043/2005, ir-rata ta’ rifużjoni għal kull 100 kilogramma għal kull wieħed mill-prodotti bażiċi inkwistjoni tkun stabbilita għal perjodu ta’ żmien ta’ l-istess tul bħal dawk li għalihom rifużjonijiet huma stabbiliti għall-istess prodotti li huma esportati fi stat mhux ipproċessat.

(4)

L-Artikolu 11 tal-Ftehim dwar l-Agrikoltura konkluża taħt l-Uruguay Round jistipula li r-rifużjoni fuq l-esportazzjoni għal prodott li jinstab f’oġġett ma jistax jaqbeż ir-rifużjoni applikabbli għal dak il-prodott meta esportat mingħajr ipproċessar ulterjuri.

(5)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni għall-Organizzazzjoni Komuni tas-Swieq Agrikoli,

21.5.2009   

MT

Il-Ġurnal Uffiċjali tal-Unjoni Ewropea

L 125/75

(1)

Id-Direttiva tal-Kunsill 90/219/KEE tat-23 April 1990 dwar l-użu fil-magħluq ta’ mikro-organiżmi modifikati ġenetikament (3) ġiet emendata kemm-il darba b’mod sinifikanti (4). Ladarba għandhom isiru emendi ġodda fid-direttiva msemmija, fl-interess taċ-ċarezza huwa mixtieq li d-dispożizzjonijiet imsemmija jiġu mfassla mill-ġdid.

(2)

Taħt it-Trattat, l-azzjoni mill-Komunità li tirrigwarda l-ambjent għandha tkun ibbażata fuq il-prinċipju li għandha tittieħed azzjoni preventiva u li l-iskop tagħha għandu jkun, fost affarjiet oħra, il-preżervazzjoni, il-protezzjoni u titjib ta’ l-ambjent u biex tipproteġi s-saħħa tal-bniedem.

(3)

Il-miżuri dwar l-evalwazzjoni u l-aqwa użu tal-bioteknoloġija fir-rigward tal-ambjent huma qasam ta’ prijorità li fuqhom għandha tikkonċentra l-azzjoni Komunitarja.

(4)

L-iżvilupp tal-bioteknoloġija huwa tali li jikkontribwixxi għall-espansjoni ekonomika tal-Istati Membri. Dan jinvolvi l-użu ta’ mikro-organiżmi ġenetikament modifikati (genetically modified micro-organisms, GMMs) f’operazzjonijiet ta’ tipi u ta’ skali diversi.

(5)

L-użu konfinat ta’ GMMs għandu jkun tali li jiġu limitati l-konsegwenzi possibbli li jkunu negattivi għas-saħħa tal-bniedem u għall-ambjent, waqt li tingħata importanza lill-prevenzjoni tal-aċċidenti u l-kontrol tal-iskart.

(6)

GMMs li jintremew mingħajr disposizzjonijiet adatti għal miżuri speċifiċi ta’ konteniment sabiex jiġi limitat il-kuntatt tagħhom mal-popolazzjoni ġenerali u ma’ l-ambjent ma jaqgħux taħt l-iskop ta’ applikazzjoni ta’ din id-Direttiva. Tista' tapplika leġislazzjoni Komunitarja oħra bħad-Direttiva 2001/18/KE tal-Parlament Ewropew u tal-Kunsill tat-12 ta’ Marzu 2001 dwar it-tixrid volontarju ta’ organiżmi modifikati ġenetikament (5).

(7)

Il-mikro-organismi, jekk jiġu meħlusa fl-ambjent fi Stat Membru wieħed matul l-użu konfinat tagħhom, jistgħu jirriproduċu u jinfirxu, jaqsmu fruntieri nazzjonali u b’hekk jaffettwaw Stati Membri oħra.

(8)

Sabiex jintlaħaq żvilupp sigur tal-bioteknoloġija fil-Komunità kollha, huwa meħtieġ li jiġu stabbiliti miżuri komuni għall-evalwazzjoni u tnaqqis tar-riskji potenzjali li jinħolqu matul l-operazzjonijiet kollha li jinvolvu l-użu konfinat ta’ GMMs u li jistabilixxu kondizzjonijiet xierqa ta’ użu.

(9)

In-natura preċiża u l-iskala tar-riskji assoċjati ma’ l-użu konfinat tal-GMMs għadhom m' humiex magħrufa għal kollox u r-riskju nvolut għandu jiġi evalwat separatament. Sabiex jiġi evalwat ir-riskju għas-saħħa tal-bniedem u għall-ambjent, huwa meħtieġ li jiġu stabbiliti r-rekwiżiti għall-evalwazzjoni tar-riskju.

(10)

L-użu konfinat ta’ GMMs għandu jkun kklassifikat għar-rigward tar-riskji li dawn jippreżentaw għas-saħħa tal-bniedem u għall-ambjent. Din il-klassifikazzjoni għandha tkun konformi mal-prassi internazzjonali u għandha tkun ibbażata fuq valutazzjoni tar-riskju.

(11)

Sabiex jiġi żgurat livell għoli ta’ protezzjoni, il-konteniment u l-miżuri protettivi l-oħra applikati għal użu konfinat għandhom jikkorrispondu għall-klassifikazzjoni tal-użu konfinat. F’każ ta’ inċertezza, il-konteniment adegwat u miżuri protettivi oħra għall-klassifikazzjoni aktar għolja għandhom jiġu applikati sa meta jkunu ġustifikati, permezz ta’ data adegwata, miżuri anqas strinġenti.

(12)

Għall-attivitajiet l-oħrajn kollha li jinvolvu l-GMMs il-prinċipji ta’ prassi mikrobijoloġika tajba u sigurtà u iġjene tajba fuq ix-xogħol għandhom japplikaw taħt il-leġislazzjoni Komunitarja relevanti.

(13)

Għandhom jiġu applikati miżuri adegwati ta’ konteniment fid-diversi stadji ta’ operazzjoni sabiex jiġu kontrollati l-emissjonijiet u r-rimi ta’ materjal mill-użu konfinat tal-GMMs, u sabiex jiġu evitati l-aċċidenti.

(14)

Kull persuna, qabel ma tagħmel għall-ewwel darba użu konfinat minn GMMs f’installazzjoni partikolari, għandha tibgħat notifika lill-awtorità kompetenti sabiex dik l-awtorità tkun sodisfatta li l-installazzjoni proposta hija adegwata biex l-attività titwettaq b’mod li ma jinħoloqx perikolu għas-saħħa tal-bniedem u għall-ambjent.

(15)

Huwa wkoll neċessarju li jiġu stabbiliti proċeduri adegwati għall kull notifika ta’ kull każ ta’ operazzjonijiet speċifiċi li jinvolvu l-użu konfinat ta’ GMMs, b'kont meħud tal-grad tar-riskju involut.

(16)

Fil-każ ta’ operazzjonijiet li jinvolvu riskju għoli, għandu jinkiseb il-kunsens tal-awtorità kompetenti.

(17)

Il-konteniment u l-miżuri protettivi oħra applikati għall-użu konfinat għandhom jiġu riveduti perjodikament.

(18)

Jista' jitqies li huwa xieraq li jiġi kkonsultat il-pubbliku dwar l-użu konfinat ta’ GMMs.

(19)

Il-persuni involuti fl-użu konfinat għandhom jiġu kkonsultati konformement mar-rekwiżiti tal-leġislazzjoni Komunitarja relevanti, b’mod partikolari Direttiva 2000/54/KE tal-Parlament Ewropew u tal-Kunsill tat-18 ta’ Settembru 2000 dwar il-protezzjoni tal-ħaddiema minn riskji relatati ma’ l-esposizzjoni għal aġenti bioloġiċi fuq ix-xogħol (is-seba' Direttiva individwali fis-sens tal-Artikolu 16(1) tad-Direttiva 89/391/KEE) (6).

(20)

Għandhom jittieħdu miżuri adegwati sabiex tiġi mgħarrfa kull persuna li x’aktarx tista' tiġi affetwata minn xi aċċident dwar il-miżuri kollha li jirrigwardaw s-sigurtà.

(21)

Għandhom jiġu stabbiliti pjanijiet ta’ emerġenza sabiex l-aċċidenti jiġu indirizzati b’mod effettiv.

(22)

Jekk iseħħ xi aċċident, l-utent għandu jinforma minnufih lill-awtorità kompetenti u jikkomunika l-informazzjoni meħtieġa għall-evalwazzjoni tal-impatt tal-aċċident u sabiex tittieħed l-azzjoni adegwata.

(23)

Huwa xieraq li l-Kummissjoni, waqt li tikkonsulta lill-Istati Membri, tistabbilixxi proċedura għall-iskambju ta’ informazzjoni dwar aċċidenti u li l-Kummissjoni tistabbilixxi reġistru ta’ dawn l-aċċidenti.

(24)

L-użu konfinat ta’ GMMs ġewwa l-Komunità għandu jiġi sorveljat u għal dan il-għan l-Istati Membri għandhom jagħtu ċerta informazzjoni lill-Kummissjoni.

(25)

Sabiex ikunu kunsidrati siguri għas-saħħa tal-bniedem u għall-ambjent, il-GMMs għandhom jissodisfaw il-lista ta’ kriterji kif definiti fl-Anness II, Part B. Sabiex tiġi kkunsidrata l-ħeffa li biha qiegħda tavvanza l-bijoteknoloġija, in-natura tal-kriterji li jridu jiġu żviluppati u l-iskop limitat ta’ din il-lista, huwa xieraq li l-Kunsill jirrivedi dawn il-kriterji, li għandhom ikunu, fejn neċessarju, supplimentati b’noti dettaljati ta’ gwida sabiex jiġi facilitat l-applikazzjoni tagħhom.

(26)

Il-miżuri meħtieġa għall-implimentazzjoni u għall-adozzjoni ta’ din id-Direttiva għandhom jiġu adottati konformement mad-Deciżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti lill-Kummissjoni (7).

(27)

B'mod partikolari, il-Kummissjoni għandha tingħata s-setgħa sabiex tadotta l-emendi meħtieġa biex tadatta l-Annessi II, III, IV u V għall-progress tekniku, u biex tadatta l-Anness II, Parti C. Ladarba dawn il-miżuri huma ta’ ambitu ġenerali u huma mfassla biex jemendaw elementi mhux essenzjali ta’ din id-Direttiva, jeħtieġ li dawn jiġu adottati konformement mal-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(28)

L-elementi ġodda introdotti f'din id-Direttiva jikkonċernaw biss il-proċeduri tal-kumitati. Għalhekk m'hemmx bżonn li jiġu trasposti mill-Istati Membri.

(29)

Din id-Direttiva għandha tkun mingħajr preġudizzju għall-obbligi tal-Istati Membri rigward il-limiti ta’ żmien għat-traspożizzjoni fil-liġi nazzjonali tad-Direttivi elenkati fl-Anness VI, Parti B,

(a)

“mikro-organiżmu” jfisser kull entità mikrobijoloġika, ċellulari jew mhiex ċellulari, li kapaċi li tirreplika ruħha jew li tittrasferixxi materjal ġenetiku, inklużi virus, virojdi, u ċelloli tal-annimali u tal-pjanti f’kultura;

(b)

“mikro-organiżmu modifikat ġenetikament” (GMM) jfisser mikro-organiżmu li fih il-materjal ġenetiku nbidel b’mod li ma jseħħx b’mod naturali bit-tgħammir u/jew b’rikombinazzjoni naturali; taħt din id-definizzjoni:

(c)

“użu konfinat” tfisser kull operazzjoni li fiha l-mikro-organiżmi jiġu modifikati ġenetikament jew li fihom l-mikro-organiżmi modifikati ġenetikament huma kkulturati, preżervati, trasportati, meqruda, mormija jew b'xi mod ieħor użati u li għalihom jiġu użati miżuri speċifiċi ta’ konteniment biex jillimitaw il-kuntatt tagħhom mal-popolazzjoni ġenerali u l-ambjent, kif ukoll sabiex jipprovdu għal livell għoli ta’ sigurta għall-popolazzjoni ġenerali u għall-ambjent;

(d)

“aċċident” ifisser kull inċident li jinvolvi r-rilaxx sinifikanti u involontarju ta’ GMMs matul l-użu konfinat tagħhom li jista’ jippreżenta perikolu immedjat jew ritardat għas-saħħa tal-bniedem jew għall-ambjent;

(e)

“utent” tfisser kull persuna fiżika jew ġuridika responsabbli għall-użu konfinat ta’ GMMs;

(f)

“notifika” tfisser il-preżentazzjoni tal-informazzjoni rekwiżita lill-awtoritajiet kompetenti ta’ Stat Membru.

(a)

fejn il-modifikazzjoni ġenetika tinkiseb permezz tal-użu ta’ teknika/metodi elenkati fl-Anness II, Parti A; jew

(b)

għal kull użu konfinat li jinvolvi biss tipi ta’ GMMs li jissodisfaw l-kriterji elenkati fl-Anness II, Parti B li s-sigurtà tagħhom għas-saħħa tal-bniedem u għall-ambjent tiġi stabbilita. Dawn it-tipi ta’ GMMs għandhom jiġu elenkati fl-Anness II, Parti Ċ.

Klassi 1

:

attivitajiet b’ebda riskju jew b’riskju negliġibbli, jiġifieri attivitajiet li għalihom il-livell 1 ta’ konteniment huwa adegwat biex jipproteġi s-saħħa tal-bniedem u l-ambjent.

Klassi 2

:

attivitajiet ta’ riskju baxx, jiġifieri attivitajiet li għalihom il-livell 2 ta’ konteniment huwa adegwat biex jipproteġi s-saħħa tal-bniedem u l-ambjent.

Klassi 3

:

attivitajiet ta’ riskju moderat, jiġifieri attivitajiet li għalihom il-livell 3 ta’ konteniment huwa adegwat biex jipproteġi s-saħħa tal-bniedem u l-ambjent.

Klassi 4

:

attivitajiet ta’ riskju għoli, jiġifieri attivitajiet li għalihom il-livell 4 ta’ konteniment huwa adegwat biex jipproteġi s-saħħa tal-bniedem u l-ambjent.

(a)

il-miżuri ta’ konteniment applikati m’għadhomx adegwati jew il-klassi assenjata għall-użu konfinat m’għadhiex korretta, jew

(b)

ikun hemm raġuni li tiġġustifika s-suspett li l-valutazzjoni m’għadhiex adegwata meta ġudikata fid-dawl ta’ konoxxenza xjentifika jew teknoloġika ġdid.

(a)

sa m’hux aktar tard minn 45 jum wara l-preżentata tan-notifika l-ġdida, fil-każ ta’ fond li ġie indikat f’notifika preċedenti biex jitwettaq użu konfinat tal-klassi 3 jew klassi ogħla u fejn kull rekwiżit ta’ kunsens relatat ikunu ġie sodisfatt għall-istess klassi jew klassi ogħla minn dik tal-użu konfinat li jkun prospettat li jsir;

(b)

sa m’hux aktar tard minn 90 jum wara l-preżentata tan-notifika, f’każijiet oħrajn.

(a)

tesiġi mill-utent aktar informazzjoni jew titolbu jimmodifika l-kondizzjonijiet tal-użu konfinat propost jew biex jemenda l-klassi assenjata għall-użu konfinat. F’dan il-każ, l-awtorità kompetenti tista’ teħtieġ li l-użu konfinat, jekk ikun propost, ma jibdiex, jew, jekk ikun għaddej, li jiġi sospiż jew mitmum, sa meta l-awtorità kompetenti tkun tat l-approvazzjoni tagħha fuq il-bażi tal-informazzjoni ulterjuri miksuba jew tal-kondizzjonijiet modifikati tal-użu konfinat;

(b)

tillimita ż-żmien li għalih l-użu konfinat għandu jkun permess jew tagħmlu suġġett għall-ċerti kondizzjonijiet speċifiċi.

(a)

tkun qed tistenna xi informazzjoni ulterjuri li hija tkun talbet mingħand in-notifikant taħt il-punt (a) tal-paragrafu 3, jew

(b)

tkun qiegħda twettaq inkjesta jew konsultazzjoni pubblika taħt l-Artikolu 12 m’għandux jitqies.

(a)

jitfassal pjan ta’ emergenza għall-użu konfinat meta l-falliment ta’ miżuri ta’ konteniment jistgħu jwasslu għal perikolu serju, kemm immedjat jew ritardat, lill-bnedmin barra l-fond u/jew lill-ambjent, ħlief fejn tali pjan ta’ emerġenza ikun tfassal taħt leġislazzjoni Komunitarja oħra;

(b)

l-informazzjoni dwar pjanijiet bħal dawn ta’ sigurtà, inklużi l-miżuri ta’ sigurtà rilevanti li jkollhom jiġu applikati, tingħata b’mod adegwat, u mingħajr ma jkollhom bżonn jitolbuha, lill-korpi u awtoritajiet li x’aktarx ikunu affettwati mill-aċċident. L-informazzjoni għandha tiġi aġġornata f’intervalli xierqa. Din għandha tkun ukoll disponibbli għall-pubbliku.

(a)

iċ-ċirkustanzi tal-aċċident;

(b)

l-identità u l-kwantitajiet ta’ GMMs konċernati;

(c)

kull informazzjoni meħtieġa biex issir stima tal-effetti tal-aċċident fuq is-saħħa tal-popolazzjoni ġenerali u l-ambjent;

(d)

il-miżuri ta’ emergenza li ttieħdu.

(a)

jiżguraw li tittieħed kull miżura meħtieġa, u li javżaw minnufih lil kull Stat Membru li jista’ jkun affettwat mill-aċċident;

(b)

jiġbru, fejn ikun possibbli, l-informazzjoni neċessarja għall-analiżi sħiħa tal-aċċident u, fejn ikun il-każ, jagħmlu rakkomandazzjonijiet biex jiġu evitati aċċidenti simili fil-futur u jillimittaw l-effetti tagħhom.

(a)

jikkonsultaw ma’ Stati Membri oħra, li x’aktarx ikunu affetwati fil-każ ta’ aċċident, dwar l-implimentazzjoni proposta ta’ pjanijiet ta’ emerġenza;

(b)

jinformaw lill-Kummissjoni mill-aktar fis possibbli b’kull aċċident fl-ambitu ta’ din id-Direttiva, filwaqt li jagħtu dettalji taċ-ċirkustanzi tal-aċċident, l-identità u l-kwantitajiet ta’ GMMs konċernati, il-miżuri meħuda bħala risposta għall-emerġenza u l-effikaċja tagħhom, u analiżi tal-aċċident, inklużi r-rakkommandazzjonijiet maħsuba biex jillimitaw l-effetti tiegħu u jevitaw aċċidenti simili fil-futur.

(a)

il-karatteristiċi ġenerali tal-GMMs, l-isem u l-indirizz tan-notifikant, il-post tal-użu;

(b)

il-klassi ta’ użu konfinat u l-miżuri ta’ konteniment;

(c)

l-istima tal-effetti prevedibbli, b’mod partikolari kull effett dannuż fuq saħħet il-bniedem u l-ambjent.