6.5.2009

MT

Il-Ġurnal Uffiċjali tal-Unjoni Ewropea

L 112/1

---

REGOLAMENT TAL-KUMMISSJONI (KE) Nru 365/2009

tal-5 ta’ Mejju 2009

li jistabbilixxi l-valuri fissi tal-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

Fl-applikazzjoni tal-konklużjonijiet tan-negozjati kummerċjali multilaterali taċ-Ċiklu tal-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi tal-importazzjoni minn pajjiżi terzi, għall-prodotti u għall-perjodi msemmijin fl-Anness XV, it-Taqsima A tar-Regolament imsemmi,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stipulati fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fis-6 ta’ Mejju 2009.

---

(1)  ĠU L 299, 16.11.2007, p. 1.

(2)  ĠU L 350, 31.12.2007, p. 1.

---

---

6.5.2009

MT

Il-Ġurnal Uffiċjali tal-Unjoni Ewropea

L 112/3

---

REGOLAMENT TAL-KUMMISSJONI (KE) Nru 366/2009

tal-5 ta' Mejju 2009

li jirreġistra denominazzjoni fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti Lapin Poron liha (DPO)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u tad-denominazzjonijiet tal-oriġini tal-prodotti agrikoli u l-oġġetti tal-ikel (1), u b'mod partikolari l-ewwel subparagrafu tal-Artikolu 7(5) tiegħu,

Billi:

(1)	Skont l-Artikolu 6(2) tar-Regolament (KE) Nru 510/2006 u b'applikazzjoni tal-Artikolu 17(2) tar-Regolament imsemmi, it-talba mressqa mill-Finlandja għar-reġistrazzjoni tad-denominazzjoni “Lapin Poron liha” kienet ippubblikata f’Il-Ġurnal Uffiċjali tal-Unjoni Ewropea  (2).

(2)

Fis-26 ta’ Ġunju 2008, il-Kummissjoni ġiet innotifikata b’dikjarazzjoni ta' oġġezzjoni mill-Iżvezja, skont l-Artikolu 7 tar-Regolament (KE) Nru 510/2006. Din l-oppożizzjoni tissejjes fuq l-Artikolu 7(3), l-ewwel subparagrafu, il-punti a), c) u d), tar-Regolament imsemmi. Fid-dikjarazzjoni ta’ oppożizzjoni tagħha, l-Iżvezja qieset li ma kinux sodisfatti l-kundizzjonijiet imsemmija fl-Artikolu 2 tar-Regolament imsemmi rigward ir-reġistrazzjoni; li r-reġistrazzjoni tad-denominazzjoni konċernata tkun ta’ ħsara għal denominazzonijiet, marki jew prodotti eżistenti, u li d-denominazzjoni konċernata hija ġenerika.

(3)	Il-Kummissjoni qieset li l-oppożizzjoni msemmija kienet aċċettabbli, u, b’ittra tal-4 ta' Awwissu 2008, lill-Istati Membri konċernati stednithom jilħqu qbil bejniethom skont il-proċeduri interni tagħhom.

(4)

Intlaħaq qbil, innotifikat lill-Kumissjoni fis-27 ta’ Frar 2009, bejn il-Finlandja u l-Iżvezja f’perjodu ta’ sitt xhur. Skont dan il-qbil, l-Iżvezja ma topponix ir-reġistrazzjoni tad-denominazzjoni “Lapin Poron liha”. Inqabel li l-modalitajiet tat-tikkettar tal-laħam tar-renni jew tal-prodotti magħmula mil-laħam tar-renni li joriġinaw fil-Lapponja Żvediża għandhom jirrispettaw l-Artikolu 13 tar-Regolament (KE) Nru 510/2006.

(5)	Dan il-qbil ma jibdilx l-informazzjoni ppubblikata skont l-Artikolu 6(2) tar-Regolament (KE) Nru 510/2006. Għaldaqstant, id-denominazzjoni “Lapin Poron liha” għandha tkun irreġistrata skont l-Artikolu 7(4) tar-Regolament imsemmi,

ADOTTAT DAN IR-REGOLAMENT:

Artikolu 1

Id-denominazzjoni msemmija fl-Anness għal dan ir-Regolament b’dan hija rreġistrata.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  ĠU L 93, 31.3.2006, p. 12.

(2)  ĠU C 19, 25.1.2008, p. 22.

---

---

6.5.2009

MT

Il-Ġurnal Uffiċjali tal-Unjoni Ewropea

L 112/5

---

REGOLAMENT TAL-KUMMISSJONI (KE) Nru 367/2009

tal-5 ta’ Mejju 2009

li jintroduċi denominazzjoni fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti (Znojemské pivo (IĠP))

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u l-prodotti tal-ikel (1), u b'mod partikolari l-Artikolu 7(4) tiegħu,

Billi:

(1)	Skont l-Artikolu 6(2), tar-Regolament (KE) Nru 510/2006, it-talba mressqa mir-Repubblika Ċeka għar-reġistrazzjoni tad-denominazzjoni “Znojemské pivo” kienet ippubblikata f’Il-Ġurnal Uffiċjali tal-Unjoni Ewropea  (2).

(2)	Ġaladarba l-Kummissjoni ma rċeviet l-ebda dikjarazzjoni ta' oġġezzjoni skont l-Artikolu 7 tar-Regolament (KE) Nru 510/2006, din id-denominazzjoni għandha tkun irreġistrata,

ADOTTAT DAN IR-REGOLAMENT:

Artikolu 1

Id-denominazzjoni msemmija fl-Anness għal dan ir-Regolament għandha tkun irreġistrata.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

---

(1)  ĠU L 93, 31.3.2006, p. 12.

(2)  ĠU C 244, 25.9.2008, p. 23.

---

---

6.5.2009

MT

Il-Ġurnal Uffiċjali tal-Unjoni Ewropea

L 112/7

---

REGOLAMENT TAL-KUMMISSJONI (KE) Nru 368/2009

tal-5 ta’ Mejju 2009

li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti bir-Regolament (KE) Nru 945/2008 għas-sena tas-suq 2008/2009

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 951/2006 tat-30 ta’ Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam ma' l-iskambji mal-pajjiżi terzi fis-settur taz-zokkor (2), u b'mod partikolari l-Artikolu 36(2), it-tieni subparagrafu, it-tieni sentenza tiegħu,

Billi:

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2008/2009 ġew stabbiliti bir-Regolament tal-Kummissjoni (KE) Nru 945/2008 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 362/2009 (4).

(2)	L-informazzjoni li l-Kummissjoni għandha f'idejha llum twassal biex dawn l-ammonti jiġu mmodifikati, skont ir-regoli ddettaljati pprovduti fir-Regolament (KE) Nru 951/2006,

ADOTTAT DAN IR-REGOLAMENT:

Artikolu 1

Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti bir-Regolament (KE) Nru 945/2008 għas-sena tas-suq 2008/2009, huma b'dan mmodifikati skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fis-6 ta’ Mejju 2009.

---

(1)  ĠU L 299, 16.11.2007, p. 1.

(2)  ĠU L 178, 1.7.2006, p. 24.

(3)  ĠU L 258, 26.9.2008, p. 56.

(4)  ĠU L 111, 5.5.2009, p. 3.

---

---

6.5.2009

MT

Il-Ġurnal Uffiċjali tal-Unjoni Ewropea

L 112/9

---

DEĊIŻJONI TAL-KUMITAT POLITIKU U TA’ SIGURTÀ ATALANTA/3/2009

tal-21 ta’ April 2009

dwar l-istabbiliment tal-Kumitat ta’ Kontributuri għall-operazzjoni militari tal-Unjoni Ewropea bi ħsieb ta’ kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ‘l barra mix-xtut tas-Somalja (Atalanta)

(2009/369/PESK)

IL-KUMITAT POLITIKU U TA’ SIGURTÀ,

Wara li kkunsidra t-Trattat dwar l-Unjoni Ewropea u, b’mod partikolari t-tielet subparagrafu tal-Artikolu 25 tiegħu,

Wara li kkunsidra l-Azzjoni Konġunta tal-Kunsill 2008/851/PESK tal-10 ta’ Novembru 2008 dwar l-operazzjoni militari tal-Unjoni Ewropea bil-ħsieb ta’ kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ‘l barra mix-xtut tas-Somalja (1) (Atalanta), u b’mod partikolari l-Artikolu 10(5) tagħha,

Billi:

(1)	Skont l-Artikolu 10(5) tal-Azzjoni Konġunta 2008/851/PESK, il-Kunsill awtorizza lill-Kumitat Politiku u ta’ Sigurtà (KPS) sabiex jieħu deċiżjonijiet rilevanti għall-istabbiliment ta’ Kumitat ta’ Kontributuri (KK) għall-Operazzjoni Atalanta.

(2)	Il-Konklużjonijiet tal-Kunsill Ewropew ta’ Nizza tas-7, t-8 u d-9 ta’ Diċembru 2000 u dawk ta’ Brussell tal-24 u l-25 ta’ Ottubru 2002 stabbilixxew l-arranġamenti għall-parteċipazzjoni ta’ Stati terzi f’operazzjonijiet ta’ maniġġar ta’ kriżijiet u fl-istabbiliment ta’ KK.

(3)

Il-KK ser ikollu rwol ċentrali fil-ġestjoni ta’ kuljum tal-Operazzjoni Atalanta. Huwa ser ikun il-forum prinċipali fejn l-Istati kontribwenti kollettivament jindirizzaw kwistjonijiet relatati mal-impjieg tal-forzi tagħhom fl-Operazzjoni. Il-KPS, li jeżerċita l-kontroll politiku u d-direzzjoni strateġika tal-Operazzjoni, ser jieħu kont tal-opinjonijiet espressi mill-KK.

(4)

Skont l-Artikolu 6 tal-Protokoll dwar il-pożizzjoni tad-Danimarka anness għat-Trattat dwar l-Unjoni Ewropea u għat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u l-implementazzjoni ta’ deċiżjonijiet u azzjonijiet tal-Unjoni Ewropea li jkollhom implikazzjonijiet ta’ difiża,

IDDEĊIEDA KIF ĠEJ:

Artikolu 1

Stabbiliment u termini ta’ referenza

Huwa b’dan stabbilit Kumitat ta’ Kontributuri (KK) għall-operazzjoni militari tal-Unjoni Ewropea bi ħsieb ta’ kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ‘l barra mix-xtut tas-Somalja (Atalanta). It-termini ta’ referenza tiegħu huma stabbiliti fil-Konklużjonijiet tal-Kunsill Ewropew ta’ Nizza ta’ Diċembru 2000 u dawk ta’ Brussell ta’ Ottubru 2002.

Artikolu 2

Kompożizzjoni

1.   Il-membri tal-KK għandhom ikunu kif ġej:

—	rappreżentanti tal-Istati Membri kollha,

—	rappreżentanti tal-Istati terzi parteċipanti fl-Operazzjoni u li jipprovdu kontributi militari sinifikattivi, kif imsemmi fl-Anness.

2.   Il-Kmandant tal-Operazzjoni tal-UE, id-Direttur Ġenerali tal-Persunal Militari tal-Unjoni Ewropea, jew ir-rappreżentanti tagħhom u r-rappreżentanti tal-Kummissjoni għandhom jattendu l-laqgħat tal-KK.

3.   Jistgħu jiġu mistiedna terzi persuni għal partijiet rilevanti tad-diskussjoni, skont il-każ.

Artikolu 3

Presidenza

Mingħajr preġudizzju għall-prerogattivi tal-Presidenza, il-KK għandu jkun ippresjedut mis-Segretarju Ġenerali/Rappreżentant Għoli jew mir-rappreżentant tiegħu f’konsultazzjoni mill-qrib mal-Presidenza u mal-President tal-Kumitat Militari tal-Unjoni Ewropea (CEUMC) jew mir-rappreżentant tiegħu.

Artikolu 4

Laqgħat

1.   Il-KK għandu jitlaqqa’ mill-President tiegħu fuq bażi regolari. Fejn iċ-ċirkostanzi jitolbu hekk, jistgħu jissejħu laqgħat ta’ emerġenza fuq l-inizjattiva tal-President, jew fuq it-talba ta’ membru.

2.   Il-President tal-KK għandu jiċċirkola minn qabel aġenda provviżorja u dokumenti relatati mal-laqgħa. Għandu jiġi ċċirkolat suċċint wara kull laqgħa tal-proċedimenti tal-laqgħat.

Artikolu 5

Proċedura

1.   Ħlief kif previst fil-paragrafu 3 u mingħajr preġudizzju għall-kompetenzi tal-KPS u għar-responsabbiltajiet tal-Kmandant tal-Operazzjoni tal-UE,

—	għandha tkun neċessarja l-unanimità tar-rappreżentanti tal-Istati li jikkontribwixxu għall-Operazzjoni sabiex il-KK jieħu deċiżjonijiet dwar il-ġestjoni ta’ kuljum tal-Operazzjoni,

—	għandha tkun neċessarja l-unanimità tal-membri tal-KK sabiex il-KK jagħmel rakkomandazzjonijiet dwar aġġustamenti possibbli għall-ippjanar operattiv, inklużi aġġustamenti possibbli għall-objettivi.

L-astensjoni ta’ membru m’għandhiex tipprekludi l-unanimità.

2.   Il-President għandu jistabbilixxi li l-maġġoranza tar-rappreżentanti tal-Istati intitolati li jieħdu sehem fil-deliberazzjonijiet tkun preżenti.

3.   Il-kwistjonijiet proċedurali kollha għandhom jiġu riżolti b’maġġoranza sempliċi tal-membri preżenti fil-laqgħa.

4.   Id-Danimarka m’għandha tieħu sehem f’ebda deċiżjoni tal-KK.

Artikolu 6

Kunfidenzjalità

1.   Ir-Regolamenti tal-Kunsill dwar is-Sigurtà għandhom japplikaw għal-laqgħat u l-proċedimenti tal-KK. B’mod partikolari, ir-rappreżentanti fil-KK għandhom ikunu fil-pussess ta’ awtorizzazzjonijiet ta’ sigurtà adegwati.

2.   Id-deliberazzjonijiet tal-KK għandhom ikunu koperti mill-obbligu ta’ segretezza professjonali, ħlief meta l-KK b’mod unanimu jiddeċiedi mod ieħor.

Artikolu 7

Dħul fis-seħħ

Din id-Deċiżjoni għandha tidħol fis-seħħ fil-jum tal-adozzjoni tagħha.

---

(1)  ĠU L 301, 12.11.2008, p. 33.

---