13.3.2009   

MT

Il-Ġurnal Uffiċjali tal-Unjoni Ewropea

L 68/1

13.3.2009   

MT

Il-Ġurnal Uffiċjali tal-Unjoni Ewropea

L 68/3

(1)

Fis-7 ta’ Ottubru 2008, il-Kunsill qabel li l-istabbiliment mill-ġdid tal-fiduċja kif ukoll it-tħaddim kif suppost tas-settur finanzjarju għandhom jingħataw prijorità. Huwa impenja ruħu li jieħu l-miżuri kollha meħtieġa biex id-depożiti ta’ individwi li għandhom kontijiet ta’ tfaddil jiġu protetti u laqa’ l-intenzjoni tal-Kummissjoni li tressaq b’mod urġenti proposta adatta li tippromwovi l-konverġenza ta’ skemi ta’ garanzija għad-depożiti.

(2)

Id-Direttiva 94/19/KE tal-Parlament Ewropew u tal-Kunsill (3) diġà tipprevedi kopertura bażika għad-depożitanti. Madankollu, it-taqlib finanzjarju li għaddej bħalissa jesiġi titjib f’ dik il-kopertura.

(3)

Il-livell minimu attwali ta’ kopertura previst fid-Direttiva 94/19/KE huwa ffissat għal EUR 20 000 bil-fakultà li l-Istati Membri jiddeterminaw kopertura ogħla. Madankollu, intwera li għal għadd kbir ta’ depożiti fil-Komunità dan mhuwiex adegwat. Sabiex tinżamm il-fiduċja tad-depożitanti u tintlaħaq stabbiltà akbar fis-swieq finanzjarji, il-livell minimu ta’ kopertura għandu għalhekk jiżdied għal EUR 50 000. Sal-31 ta’ Diċembru 2010, il-kopertura għad-depożiti aggregati ta’ kull depożitant għandu jkun iffissat għal EUR 100 000, ħlief jekk valutazzjoni tal-impatt mill-Kummissjoni, ippreżentata lill-Parlament Ewropew u lill-Kunsill sal-31 ta’ Diċembru 2009, tikkonkludi li din iż-żieda u din l-armonizzazzjoni mhumiex adegwati u finanzjarjament vijabbli għall-Istati Membri kollha biex ikun żgurat il-ħarsien tal-konsumatur u l-istabbiltà tas-swieq finanzjarji fil-Kommunità kif ukoll biex jiġu evitati distorsjonijiet tal-kompetizzjoni bejn l-Istati Membri. Fil-każ li l-valutazzjoni tal-impatt turi li din iż-żieda u din l-armonizzazzjoni mhumiex adatti, il-Kummissjoni għandha tippreżenta proposti adatti lill-Parlament Ewropew u lill-Kunsill.

(4)

L-istess livell ta’ kopertura għandu japplika għad-depożitanti kollha irrispettivament minn jekk il-munita tal-Istat Membru hijiex l-euro jew le. L-Istati Membri li mhumiex fiż-żona tal-euro għandhom il-possibbiltà li jaġġustaw l-ammonti li jirriżultaw minn din il-konverżjoni għall-eqreb numru sħiħ mingħajr ma jikkompromettu il-ħarsien ekwivalenti tad-depożitanti.

(5)

Ir-rapport li għandu jiġi ppreżentat lill-Parlament Ewropew u lill-Kunsill mill-Kummissjoni għandu janalizza l-kwistjonijiet relatati kollha bħall-tpaċija u l-kontrotalbiet, id-determinazzjoni tal-kontributi għall-iskemi, l-ambitu tal-prodotti u depożitanti koperti, u l-effikaċja tal-kooperazzjoni transkonfini bejn l-iskemi ta’ garanzija għad-depożiti u r-rabta bejn l-iskemi ta’ garanzija għad-depożiti ma’ modi alternattivi għar-rimbors lid-depożitanti, bħall-mekkaniżmi ta’ rimbors ta’ emerġenza. Għall-fini ta’ dak ir-rapport, l-Istati Membri għandhom jiġbru d-data rilevanti u jippreżentawha lill-Kummissjoni fuq talba.

(6)

Xi Stati Membri stabbilixxew skemi ta’ garanzija għad-depożiti skont id-Direttiva 94/19/KE li jipprevedu kopertura sħiħa għal ċerti tipi ta’ depożiti fit-tul, bħal talbiet dwar il-pensjonijiet. Jeħtieġ li jiġu rispettati dawk id-drittijiet u l-aspettattivi tad-depożitanti fi skemi bħal dawn.

(7)

Xi Stati Membri stabbilixxew jew qed jippjanaw li jistabbilixxu skemi ta’ garanzija għad-depożiti skont id-Direttiva 94/19/KE li jipprovdu kopertura sħiħa għal ċerti tipi ta’ bilanċi tal-kontijiet li żdiedu temporanjament. Il-Kummissjoni għandha tevalwa, sal-31 ta’ Diċembru 2009, jekk għandhiex tinżamm jew tiġi introdotta kopertura sħiħa għal ċerti tipi ta’ bilanċi tal-kontijiet li żdiedu temporanjament.

(8)

Il-funzjonament ta’ sistemi li jipproteġu l-istituzzjoni ta’ kreditu nnifisha u, b’mod partikolari, jiżguraw il-likwidità u l-kapaċità għall-ħlas tagħha, li b’hekk jiggarantixxu ħarsien għad-depożitanti għall-inqas ekwivalenti għal dak provdut minn skema ta’ garanzija għad-depożiti, u sistemi volontarji ta’ kumpens għad-depożitanti li mhumiex introdotti jew rikonoxxuti uffiċjalment minn Stat Membru, m’għandhomx ikunu affettwati minn din id-Direttiva.

(9)

L-Istati Membri għandhom jinkoraġġixxu skemi ta’ garanzija għad-depożiti li jikkunsidraw id-dħul fi ftehim jew it-titjib ta’ ftehim eżistenti dwar l-obbligi rispettivi tagħhom.

(10)

Il-perijodu ta’ tliet xhur previst attwalment għar-rimbors, li jista’ jiġġedded għal disa’ xhur, imur kontra l-ħtieġa li tinżamm il-fiduċja tad-depożitanti u ma jissodisfax il-ħtiġijiet tagħhom. Iż-żmien għar-rimbors għandu għalhekk jitnaqqas għal perijodu ta’ għoxrin jum ta’ xogħol. Dak il-perijodu għandu jkun estiż biss taħt ċirkostanzi eċċezzjonali u wara approvazzjoni tal-awtoritajiet kompetenti. Sentejn mid-dħul fis-seħħ ta’ din id-Direttiva l-Kummissjoni għandha tippreżenta lill-Parlament Ewropew u lill-Kunsill rapport dwar l-effettività u ż-żmien tal-proċeduri għar-rimbors li jevalwa jekk tnaqqis ieħor taż-żmien għal 10 ijiem ta’ xogħol ikunx adatt.

(11)

Barra dan, fil-każijiet fejn ir-rimbors iseħħ skont determinazzjoni tal-awtoritajiet kompetenti, il-perijodu ta’ deċiżjoni ta’ 21 jum previst attwalment għandu jitnaqqas għal ħamest ijiem ta’ xogħol sabiex ma jkunx imfixkel ir-rimbors rapidu. Madankollu, l-awtoritajiet kompetenti għandhom l-ewwel ikunu sodisfatti li istituzzjoni ta’ kreditu naqset milli tħallas lura depożiti li huma dovuti u pagabbli. Dik l-evalwazzjoni għandha tkun soġġetta għall-proċeduri ġudizzjarji jew amministrattivi tal-Istati Membri.

(12)

Id-depożiti jistgħu jitqiesu mhux disponibbli ladarba l-miżuri ta’ intervent bikri jew ta’ riorganizzazzjoni ma jkollhomx suċċess. Dan m’għandux iżomm lill-awtoritajiet kompetenti milli jagħmlu aktar sforzi ta’ ristrutturar matul il-perijodu ta’ rimbors.

(13)

L-Istati Membri għandu jkollhom l-għan li jiżguraw il-kontinwità tas-servizzi bankarji u l-aċċess għal-likwidità tal-banek, partikolarment f’perijodi ta’ diffikultà finanzjarja. Għal dan il-għan, l-Istati Membri huma mħeġġa jagħmlu arranġamenti malajr kemm jista’ jkun sabiex jiżguraw il-ħlas ta’ emerġenza ta’ ammonti adegwati meta ssir applikazzjoni tad-depożitant affettwat, fi żmien mhux aktar minn tlett ijiem minn din l-applikazzjoni. Minħabba li t-tnaqqis taż-żmien attwali għar-rimbors, li hu ta’ tliet xhur, ser ikollu impatt pożittiv fuq il-fiduċja tad-depożitanti u l-iffunzjonar tajjeb tas-swieq finanzjarji, l-Istati Membri u l-iskemi ta’ garanzija għad-depożiti tagħhom għandhom jiżguraw li ż-żmien għar-rimbors ikun kemm jista’ jkun qasir.

(14)

Id-Direttiva 94/19/KE tipprevedi l-possibbiltà li l-Istati Membri jillimitaw il-kopertura għal persentaġġ speċifikat. Intwera li dik il-fakultà timmina l-fiduċja tad-depożitanti u għalhekk għandha titwaqqaf.

(15)

Il-miżuri meħtieġa għall-implimentazzjoni tad-Direttiva 94/19/KE għandhom jiġu adottati skont id-Deċiżjoni tal-Kunsill 1999/468/KE tat-28 ta’ Ġunju 1999 li tipprovdi l-proċeduri għall-eżerċizzju tas-setgħat tal-implimentazzjoni konferiti fuq il-Kummissjoni (4).

(16)

B’mod partikolari, il-Kummissjoni għandha tingħata s-setgħa li taġġusta l-livell ta’ kopertura skont l-inflazzjoni fl-Unjoni Ewropea abbażi ta’ bidliet fl-indiċi armonizzat tal-prezzijiet tal-konsumatur ippubblikat mill-Kummissjoni. Billi dik il-miżura għandha kamp ta’ applikazzjoni ġenerali u hija mfassla biex temenda l-elementi mhux essenzjali tad-Direttiva 94/19/KE, din għandha tiġi adottata skont il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.

(17)

Minħabba li l-għanijiet ta’ din id-Direttiva, jiġifieri l-armonizzazzjoni tal-livelli ta’ kopertura u taż-żmien għar-rimbors, ma jistgħux jintlaħqu b’mod suffiċjenti mill-Istati Membri minħabba l-għadd kbir ta’ regoli differenti li jeżistu fis-sistemi legali tad-diversi Stati Membri u għalhekk jistgħu jintlaħqu aħjar f’livell Komunitarju, il-Komunità tista’ tadotta miżuri, skont il-prinċipju ta’ sussidjarjetà kif stabbilit fl-Artikolu 5 tat-Trattat. Skont il-prinċipju tal-proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li hu meħtieġ sabiex jinkisbu dawk l-għanijiet.

(18)

Għalhekk, id-Direttiva 94/19/KE għandha tiġi emendata kif meħtieġ,

(19)

Skont il-punt 34 tal-Ftehim Interistituzzjonali dwar it-tfassil aħjar tal-liġijiet (5), l-Istati Membri huma mħeġġa biex ifasslu, għalihom infushom u fl-interess tal-Komunità, it-tabelli tagħhom stess li juru, safejn ikun possibbli, il-korrelazzjoni bejn din id-Direttiva u l-miżuri ta’ traspożizzjoni u jagħmluhom pubbliċi,

(1)

fil-punt 3(i) tal-Artikolu 1, it-tieni paragrafu għandu jiġi sostitwit b’dan li ġej:

“L-awtoritajiet kompetenti għandhom jagħmlu dik id-determinazzjoni malajr kemm jista’ jkun u fi kwalunkwe każ mhux aktar tard minn ħamest ijiem ta’ xogħol wara li l-ewwel ikunu sodisfatti li istituzzjoni ta’ kreditu tkun naqset milli tħallas lura depożiti li huma dovuti u pagabbli; jew”;

(2)

l-Artikolu 4 għandu jiġi emendat kif ġej:

(3)

L-Artikolu 7 għandu jiġi emendat kif ġej:

(4)

Għandu jiddaħħal l-Artikolu li ġej:

“Artikolu 7a

1.   Il-Kummissjoni għandha tkun assistita mill-Kumitat tal-Banek Ewropej, stabbilit bid-Deċiżjoni tal-Kummissjoni 2004/10/KE (*).

2.   Meta ssir referenza għal dan il-paragrafu, l-Artikolu 5a(1) sa (4), u l-Artikolu 7 tad-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti fuq il-Kummissjoni (**) għandhom japplikaw, b’konsiderazzjoni għad-dispożizzjonijiet tal-Artikolu 8 tagħha.

(*)  ĠU L 3, 7.1.2004, p. 36."

(**)  ĠU L 184, 17.7.1999, p. 23.”;"

(5)

fl-Artikolu 9, il-paragrafu 1 għandu jiġi sostitwit b’dan li ġej:

“1.   L-Istati Membri għandhom jiżguraw li l-istituzzjonijiet ta’ kreditu jagħmlu disponibbli lid-depożitanti attwali u lil dawk li jkollhom l-intenzjoni li jagħmlu depożitu, l-informazzjoni meħtieġa għall-identifikazjoni tal-iskema ta’ garanzija għad-depożiti li tagħha l-istituzzjoni jew il-fergħat huma membri fil-Komunità jew xi arranġament alternattiv previst fit-tieni subparagrafu tal-Artikolu 3(1) jew fl-Artikolu 3(4). Id-depożitanti għandhom jiġu infurmati bid-dispożizzjonijiet tal-iskema ta’ garanzija għad-depożiti jew kwalunkwe arranġament alternattiv applikabbli, inkluż l-ammont u l-iskop tal-kopertura offruti mill-iskema ta’ garanzija għad-depożitu. Meta depożitu ma jkunx garantit permezz ta’ skema ta’ garanzija għad-depożitu skont l-Artikolu 7(2), l-istituzzjoni ta’ kreditu għandha tinforma lid-depożitant kif meħtieġ. L-informazzjoni kollha għandha tkun disponibbli b’mod faċli u komprensibbli.

L-informazzjoni dwar il-kondizzjonijiet għall-kumpens u l-formalitajiet li għandhom jitlestew biex jingħata l-kumpens għandha tingħata fuq talba.”;

(6)

L-Artikolu 10 għandu jiġi emendat kif ġej:

(7)

l-Artikolu 12 għandu jiġi sostitwit b’dan li ġej:

“Artikolu 12

1.   Il-Kummissjoni għandha tippreżenta lill-Parlament Ewropew u lill-Kunsill sal-31 ta’ Diċembru 2009 rapport dwar:

Jekk ikun meħtieġ, il-Kummissjoni għandha tressaq proposti adegwati biex temenda din id-Direttiva.

2.   L-Istati Membri għandhom jinfurmaw lill-Kummissjoni u lill-Kumitat tal-Banek Ewropej jekk ikollhom l-intenzjoni li jbiddlu l-kamp ta’ applikazzjoni jew il-livell ta’ kopertura għad-depożiti u dwar kwalunkwe diffikultà li jiltaqgħu magħha meta jikkooperaw mal-Istati Membri l-oħrajn.”;

(8)

l-Anness II għandu jitħassar.

13.3.2009   

MT

Il-Ġurnal Uffiċjali tal-Unjoni Ewropea

L 68/8

(1)

Permezz tal-ittra tas-16 ta’ Marzu 2005, ir-Rappreżentanza Permanenti Ċeka nnotifikat skema ta’ għajnuna biex tappoġġa t-trasport ikkombinat. L-għajnuna ġiet irreġistrata taħt N 132/05. Permezz tal-ittra tad-19 ta’ Mejju 2005, il-Kummissjoni staqsiet aktar mistoqsijiet rigward din l-iskema u l-awtoritajiet Ċeki wieġbu għal din l-ittra permezz tal-ittra rreġistrata minn DĠ TREN fil-11 ta’ Lulju 2005. Fl-14 ta’ Ġunju 2005 saret laqgħa teknika bejn l-awtoritajiet Ċeki u s-servizzi tal-Kummissjoni. It-tieni talba għall-informazzjoni ntbagħtet permezz tal-ittra tal-5 ta’ Settembru 2005. It-tweġiba għal din it-talba ntbagħtet mill-awtoritajiet Ċeki permezz tal-ittra tal-5 ta’ Ottubru 2005. It-tielet talba għall-informazzjoni ntbagħtet permezz tal-ittra tal-1 ta’ Diċembru 2005. It-tweġiba għal din it-talba ntbagħtet mill-awtoritajiet Ċeki permezz tal-ittra tad-9 ta’ Jannar 2006.

(2)

Permezz tal-ittra tal-4 ta’ April 2006, il-Kummissjoni għarrfet lir-Repubblika Ċeka li kienet iddeċidiet li tibda l-proċedura stipulata fl-Artikolu 88(2) tat-Trattat tal-KE fir-rigward ta’ miżura speċifika waħda li tikkonċerna l-għajnuna għax-xiri ta’ ċerti tipi ta’ vaguni għall-użu għat-trasport ikkombinat u ddeċidiet li ma tqajjem l-ebda oġġezzjoni li tikkonċerna l-bqija tal-miżuri ta’ għajnuna.

(3)

Id-deċiżjoni tal-Kummissjoni biex tinbeda l-proċedura ġiet ippubblikata f’Il-Ġurnal Uffiċjali tal-Unjoni Ewropea  (2). Il-Kummissjoni talbet lill-partijiet interessati biex iressqu l-kummenti tagħhom.

(4)

Il-Kummissjoni ma rċeviet l-ebda kumment mingħand partijiet interessati.

(5)

L-awtoritajiet Ċeki ressqu l-kummenti tagħhom għad-Deċiżjoni tal-Kummissjoni tal-4 ta’ April 2006 lill-Kummissjoni permezz tal-ittra tad-9 ta’ Mejju 2006.

(6)

Permezz tal-ittra tal-1 ta’ Frar 2007 l-awtoritajiet Ċeki għarrfu lill-Kummissjoni dwar il-modifiki introdotti fl-iskema ta’ għajnuna nnotifikata rigward ix-xiri ta’ ċerti tipi ta’ vaguni għall-użu għat-trasport ikkombinat. Informazzjoni addizzjonali ntbagħtet lill-Kummissjoni fis-27 ta’ April 2007. Permezz tal-ittra tat-28 ta’ Ġunju 2007, l-awtoritajiet Ċeki għarrfu lill-Kummissjoni dwar il-modifiki ġodda introdotti fl-iskema rigward ix-xiri ta’ ċerti tipi ta’ vaguni għall-użu għat-trasport ikkombinat.

(7)

L-għan tal-iskema huwa li tiżviluppa trasport ikkombinat sabiex tikseb bidla fit-traffiku mit-trasport ta’ merkanzija bit-triq għall-modi oħra ta’ trasport. L-iskema tikkonsisti minn għadd ta’ sottoprogrammi;

(8)

L-iskema għandha primarjament iżżid l-użu tat-trasport ikkombinat mhux akkompanjat billi ttejjiblu l-kompetittività.

(9)

Il-bażi legali se tkun ir-Riżoluzzjoni tal-Gvern tar-Reppubblika Ċeka dwar il-politika ta’ qafas għall-iżvilupp tat-trasport ikkombinat u l-appoġġ għalih fil-perjodu 2006-2010.

(10)

Il-benefiċjari se jkunu l-operaturi tat-trasport ikkombinat, it-trasportaturi ferrovjarji u l-operaturi tat-terminali.

(11)

Il-kumpaniji kollha tal-UE li għandhom uffiċċji, aġenziji, fergħat u sussidjarji rreġistrati fir-Repubblika Ċeka jkollhom aċċess għall-għajnuna.

(12)

L-għajnuna se tkun fil-forma ta’ sussidji mhux rimborsabbli.

Is-sottoprogramm 2 jipprovdi għal għajnuna f’forma ta’ għotjiet ta’ investiment għall-akkwist ta’ tagħmir tat-trasport ikkombinat, inkluż ix-xiri ta’ ċerti tipi ta’ vaguni għat-trasport ikkombinat

(13)

Il-miżuri ta’ għajnuna mill-istat inklużi fis-sottoprogrammi 1 u 3 u dawk fis-sottoprogramm 2 bl-esklużjoni tal-għajnuna għax-xiri ta’ ċerti tipi ta’ vaguni għall-użu fit-trasport ikkombinat kienu l-għan tad-Deċiżjoni tal-Kummissjoni adotatta fl-4 ta’ April 2006 li permezz tagħha nfetħet il-proċedura investigattiva attwali. Il-Kummissjoni ddeċidiet li ma tqajjem l-ebda oġġezzjoni fir-rigward tal-miżuri l-oħra kollha ħlief għax-xiri ta’ ċerti tipi ta’ vaguni għall-użu fit-trasport ikkombinat. Konsegwentement, id-deċiżjoni attwali tikkonċerna biss l-għajnuna għax-xiri ta’ ċerti tipi ta’ vaguni għall-użu fit-trasport ikkombinat.

(14)

L-awtoritajiet Ċeki jikkunsidraw fin-notifika tagħhom li dawn il-vaguni speċjali ma jistgħux jintużaw għas-servizzi ferrovjarji tradizzjonali, iżda esklussivament u biss għat-trasport ta’ unitajiet ta’ trasport intermodali. Dawn il-vaguni għandhom kostruzzjoni speċjali, immodifikata għat-trasport ta’ unitajiet ta’ trasport intermodali biss, u għalhekk huwa impossibbli li dawn il-vaguni jintużaw biex tinġarr merkanzija bħalma tinġarr minn vetturi ferrovjarji tradizzjonali – pereżempju, il-vaguni ma’ għandhomx twavel tal-qiegħ, tal-ġnub jew tat-truf, iżda huma mgħammra b’biċċiet li jidħlu f’xulxin (twistlocks). Is-sussidju se jingħata biss għal dawn il-vaguni ferrovjarji speċjali u l-applikant ikollu jipprovdi l-ispeċifikazzjoni preċiża tagħhom u jużahom għal linja ġdida tat-trasport ikkombinat speċifika. L-għan ewlieni tal-appoġġ huwa li jiżgura l-għadd meħtieġ ta’ vaguni ferrovjarji għal-linja tat-trasport ikkombinat rispettiva, jew il-vaguni ferrovjarji għas-sistemi “ġodda” tat-trasport ikkombinat (eż. it-tħejjija tat-trejlers ta’ fuq it-toroq), li s’issa għadhom ma tħaddmux fir-Repubblika Ċeka. L-istess prinċipju se jintuża wkoll għall-vetturi speċjali tat-trasport ikkombinat bit-triq, u l-appoġġ se jiġi estiż ukoll għall-unitajiet tat-trasport intermodali bl-eċċezzjoni tal-kontejners ISO.

(15)

L-intensità tal-għajnuna hija 30 % tal-ispejjeż eliġibbli.

(16)

Il-baġit mistenni għall-perjodu 2006-2010 huwa ta’ CZK 1 580 miljun (EUR 55 702 450) għall-programm kollu.

(17)

Il-proċedura biex tingħata l-għajnuna, il-valutazzjoni tal-proġett, il-miżuri ta’ akkumulazzjoni u ta’ kontroll huma identiċi għal dawk awtorizzati mill-Kummissjoni fid-Deċiżjoni tagħha tal-4 ta’ April 2006.

(18)

Fir-rigward tal-parti speċifika tal-għajnuna li tikkonċerna l-vaguni speċjali għat-trasport ikkombinat, il-Kummissjoni kellha dubji dwar jekk setgħetx tkun iddikjarata kompatibbli mat-Trattat tal-KE.

(19)

Fid-dawl tal-politika tal-Kummissjoni li tinkoraġġixxi t-trasport ikkombinat, it-tali miżura tista’ titqies bħala kompatibbli fuq il-bażi tal-Artikolu 87(3)(c) tat-Trattat tal-KE jekk, b’mod partikolari jkun żgurat li l-vaguni, li x-xiri tagħhom huwa appoġġat mill-għajnuna, jistgħu jintużaw biss għall-ħidmiet tat-trasport ikkombinat. Fl-istadju tal-ftuħ tal-proċeduri, il-Kummissjoni ma kellhiex biżżejjed tagħrif disponibbli sabiex tistabbilixxi definittivament li dawn il-vaguni jistgħu biss u esklussivament jintużaw fi ħdan il-qafas ta’ servizz tat-trasport ikkombinat.

(20)

Alternattivament, l-għajnuna mogħtija għall-akkwist ta’ vetturi ferrovarji li ma jintużawx esklussivament għat-trasport ikkombinat tista’ tkun iddikjarata kompatibbli jekk il-benefiċjarji tal-għajnuna jkunu biss impriżi żgħar jew ta’ daqs medju (“SMEs”). L-Artikolu 4(5) tar-Regolament tal-Kummissjoni (KE) Nru 70/2001 tat-12 ta’ Jannar 2001 dwar l-applikazzjoni tal-Artikoli 87 u 88 tat-Trattat tal-KE għall-impriżi żgħar u ta’ daqs medju (3) jippermetti investimenti ta’ għajnuna fil-vaguni ferrovjarji għall-SMEs. B’mod partikolari, l-intensità tal-għajnuna ffissata bl-Artikolu 4(2) hija 15 % għall-impriżi żgħar u 7,5 % għall-impriżi ta’ daqs medju. Sabiex tapplika dawn id-dispożizzjonijiet, il-Kummissjoni talbet il-konferma li l-miżura intenzjonata tkun ta’ benefiċċju biss għal impriżi żgħar u ta’ daqs medju u fi ħdan dawn il-limiti.

(21)

Permezz tal-ittra tagħhom tad-9 ta’ Mejju 2006, l-awtoritajiet tar-Repubblika Ċeka ressqu l-kummenti li ġejjin.

(22)

L-għajnuna proposta tkopri x-xiri ta’ vaguni ferrovjarji speċjali intenzjonati għall-użu fit-trasport ikkombinat biss, li ma jistgħux jintużaw għal skopijiet oħra ta’ trasport ferrovjarju minħabba d-diżinn speċjali tagħhom.

(23)

Skont is-sistema internazzjonali ta’ mmarkar bl-itti UIC, dawn huma vaguni fil-kategorija S, jew possibilment fil-kategorija L. Il-kategorija “S” tfisser vagun ċatt ta’ għamla speċifika bir-roti u b’fusien armati flimkien (bogies), filwaqt li l-kategorija “L” tfisser vagun ċatt, b’żewġ fusien ta’ għamla speċifika. Il-vaguni f’dawn il-kategoriji huma ta’ diżinn speċjali (għamla speċifika), adattati esklussivament għat-trasport ta’ unitajiet tat-trasport intermodali, li ma jippermettix l-użu ta’ dawn il-vaguni għall-ġarr ta’ merkanzija bl-istess mod ta’ vaguni ferrovjarji oħra. Iż-żona tat-tagħbija tal-vaguni f’dawn il-kategoriji hija magħmula minn struttura f’forma ta’ qafas b’pinnijiet għat-twaħħil jew komponenti speċjali oħra jew apparati li huma essenzjali biex jitwaħħlu jew jiġu mmaniġġati l-unitajiet tat-trasport intermodali. Għalhekk ma’ għandhomx qiegħ sħiħ, ġnub jew pilastri jew tarf, u għalhekk mhuwiex possibbli li jitwaħħlu ma’ kwalunkwe tip ta’ tagħbija ħlief mal-unitajiet tat-trasport intermodali. Hemm madwar 100 tip ta’ vagun f’dawn il-kategoriji fl-Ewropa.

(24)

L-għan tal-għajnuna għax-xiri tat-tali vaguni huwa li jkunu assigurati l-vaguni ferrovjarji speċjali għar-rotot ġodda tat-trasport ikkombinat, jew il-vaguni ferrovjarji “ġodda” għas-sistemi tat-trasport ikkombinat, li sal-lum qatt ma tħaddmu fir-Repubblika Ċeka (eż. it-trasport tas-semikarrijiet bit-triq) jew li tħaddmu ftit (eż. it-trasport ta’ swap bodies).

(25)

Il-vaguni ferrovjarji speċjali, li l-akkwist tagħhom ikun iffinanzjat mir-riżorsi pubbliċi, ikunu jistgħu jintużaw biss fil-kuntest ta’ rotta ġdida tat-trasport ikkombinat u skont il-kundizzjonijiet stipulati minn qabel fir-riżoluzzjoni tal-gvern imsemmija fil-premessa 9. L-għotja tista’ tilħaq massimu ta’ 30 % tal-ispejjeż globali tal-akkwist. Il-kumitat ta’ evalwazzjoni jivvaluta l-għadd ta’ vaguni akkwistati, l-ammont tal-għotja, l-osservazzjoni tal-kundizzjonijiet tal-Programm u l-kwalità tal-pjan ta’ ħidma

(26)

F’intervalli regolari ta’ tliet xhur matul perjodu preskritt, il-benefiċjarju għandu jibgħat lill-Ministeru tat-Trasport, inter alia, informazzjoni dwar it-tħaddim tar-rotta l-ġdida u l-użu tal-vaguni ferrovjarji akkwistati permezz tal-għotja. Barra minn hekk, il-monitoraġġ tal-Ministeru tat-Trasport se jiffoka fuq ir-reġistri ta’ kontabilità u ta’ inventarji u kontrolli fiżiċi fuq bażi aleatorja fuq il-vaguni konċernati.

(27)

Il-konverżjoni ta’ dawn il-vaguni hija diffiċli mil-lat tekniku u tqum ħafna flus. Il-konverżjoni tkun tinvolvi wkoll bidla fl-immarkar tal-vaguni, li naturalment teħtieġ l-approvazzjoni tal-Awtorità Amministrattiva Ferrovjarja, korp tal-Istat Ċek. Il-konverżjonijiet tal-vaguni tkun tidher ukoll fir-reġistri tal-inventarji, li jkunu soġġetti għall-kontrolli mill-Ministeru għat-Trasport.

(28)

Ir-Repubblika Ċeka temmen li appoġġ għax-xiri ta’ vaguni ferrovjarji tas-serje S jew L huwa kompatibbli mat-Trattat li jistabbilixxi l-Komunità Ewropea, għaliex huwa proprju d-diżinn ta’ dawn il-vaguni li ma jippermettix l-użu tagħhom fit-trasport ferrovjarju ordinarju u l-konverżjoni ta’ dawn il-vaguni jkun diffiċli mil-lat tekniku u jkun iqum ħafna flus. Il-monitoraġġ tal-użu tar-riżorsi finanzjarji se jkun ibbażat, l-ewwel nett, fuq it-tagħrif li l-benefiċjarju huwa obbligat li jibgħat lill-Ministeru għat-Trasport, inter alia, li jikkonċerna t-tħaddim ta’ rotta ġdida u l-użu tal-vaguni ferrovjarji akkwistati permezz tal-għotja u, t-tieni, dwar il-verifika tar-reġistri ta’ kontabilità u ta’ inventarji tal-benefiċjarju, inklużi l-kontrolli fiżiċi fuq bażi aleatorja fuq dawn il-vaguni.

(29)

Fl-ittra tagħhom tal-1 ta’ Frar 2007 l-awtoritajiet Ċeki nnotifikaw lill-Kummissjoni dwar modifika tal-iskema ta’ għajnuna fir-rigward tal-intensità tal-għajnuna għax-xiri ta’ ċerti tipi ta’ vaguni għall-użu fit-trasport ikkombinat sabiex ikunu adattati għar-rekwiżit tar-Regolament (KE) Nru 70/2001. Madanakollu, permezz tal-ittra tat-28 ta’ Ġunju 2007, l-awtoritajiet Ċeki għarrfu lill-Kummissjoni dwar il-modifiki l-ġodda introdotti fl-iskema rigward ix-xiri ta’ ċerti tipi ta’ vaguni għall-użu għat-trasport ikkombinat sabiex jinżammu d-dispożizzjonijiet tan-notifika oriġinali.

(30)

Skont l-Artikolu 87(1) tat-Trattat tal-KE, kwalunkwe għajnuna fi kwalunkwe forma li tkun mogħtija minn Stat Membru jew permezz ta’ riżorsi tal-Istat li tfixkel jew thedded li tfixkel il-kompetizzjoni billi tiffavorixxi ċerti intrapriżi jew id-dispożizzjoni ta’ ċertu merkanzija għandha, safejn tolqot il-kummerċ bejn l-Istati Membri, tkun inkompatibbli mas-suq komuni, ħlief jekk stipulat mod ieħor fit-Trattat.

(31)

Fir-rigward tal-kundizzjoni tal-użu tar-riżorsi tal-istat, il-miżura prevista tistabbilixxi li l-benefiċjarji magħżula se jirċievu kontribut tal-istat. L-istat huwa responsabbli għall-provvediment ta’ dawn it-tipi ta’ kontributi finanzjarji. Il-Kummissjoni tikkonkludi li l-miżura timplika l-użu tar-riżorsi tal-istat.

(32)

Fir-rigward tal-kundizzjoni ta’ vantaġġ ekonomiku selettiv, il-miżura ta’ għajnuna tapplika biss għall-kumpaniji ferrovjarji li joperaw trasport ikkombinat fir-Repubblika Ċeka. Għalhekk tiffavorixxi ċerti intrapriżi jew il-provvediment ta’ ċertu merkanzija.

(33)

Fir-rigward tal-kundizzjoni ta’ tgħawwiġ tal-kompetizzjoni u l-kummerċ bejn l-Istati Membri li qed jintlaqtu, meta għajnuna mogħtijia minn Stat Membru ssaħħaħ il-pożizzjoni ta’ intrapriża meta mqabbla ma’ intrapriżi oħra li jikkompetu fil-kummerċ intra-Komunitarju, dawn tal-aħħar jeħtieġ li jitqiesu li nltaqtu minn dik l-għajnuna. (4)

(34)

Id-Direttiva tal-Kunsill 92/106/KEE tas-7 ta’ Diċembru 1992 dwar it-twaqqif ta’ regoli komuni għal ċertu tip ta’ trasport ikkombinat ta’ merkanzija bejn l-Istati Membri (5) mill-1 ta’ Lulju 1993 illiberalizzat il-ħidmiet tat-trasport ikkombinat imsemmi fl-Artikolu 1 tagħha mis-sistemi ta’ kwota u ta’ awtorizzazzjoni kollha. Minn dakinhar ‘l hawn, l-intrapriżi qed isiru progressivament aktar attivi f’diversi Stati Membri, u l-kummerċ intra-Komunitarju beda jiżviluppa. Il-kompetizzjoni bejn l-entitajiet ekonomiċi attivi fit-trasport ikkombinat tal-merkanzija qiegħed għalhekk jiżviluppa lil hinn mill-konfini tal-Istati Membri differenti. Minħabba l-pożizzjoni ġeografika tar-Repubblika Ċeka l-iżvilupp tal-kompetizzjoni bejn l-operaturi tat-trasport ikkombinat fi ħdan u lil hinn minn dan l-Istat Membru huma relattivament aktar f’saħħithom minn dawk f’partijiet oħra tal-Komunità. Il-miżura maħsuba se tappoġġa l-operaturi tat-trasport ikkombinat li jiżviluppaw attività fir-Repubblika Ċeka, f’kompetizzjoni ma’ operaturi oħrajn li jiżviluppaw l-attività tagħhom fl-Istati Membri ġirien. Fil-fatt, tista’ twassal għal tgħawwiġ tal-kompetizzjoni u tolqot il-kummerċ bejn l-Istati Membri.

(35)

Fid-dawl ta’ dawk il-fatti, il-Kummissjoni tqis li l-iskema ta’ għajnuna nnotifikata tinvolvi għajnuna skont it-tifsira tal-Artikolu 87(1) tat-Trattat tal-KE, u għalhekk, fil-prinċipju, mhijiex permessa skont dak l-Artikolu, sakemm ma titqiesx kompatibbli mas-suq komuni skont kwalunkwe waħda mill-eżenzjonijiet stipulati fit-Trattat jew fil-leġiżlazzjoni sekondarja.

(36)

Fin-nuqqas ta’ dispożizzjoni aktar speċifika, l-iskema nnotifikata tista’ tiġi vvalutata biss fuq il-bażi tal-Artikolu 87(3)c tat-Trattat.

(37)

L-Artikolu 87(3)(c) jistipula li l-għajnuna maħsuba biex tiffaċilita l-iżvilupp ta’ ċerti attivitajiet jew ta’ ċerti reġjuni ekonomiċi tista’ titqies kompatibbli mas-suq komuni basta dik l-għajnuna ma tfixkilx il-kundizzjonijiet tal-kummerċ sa grad li jkun kuntrarju għall-interess komuni.

(38)

Il-Komunità ilha għal ftit żmien tmexxi politika biex tikseb sistema bilanċjata ta’ trasport intermodali u t-trawwim tal-kompetittività tat-trasport ikkombinat imqabbel mat-trasport bit-triq huwa parti essenzjali minn din il-politika. L-għan tal-politika tal-KE għat-trasport ikkombinat huwa li titwettaq bidla modali minn trasport bit-triq għall-modi oħra ta’ trasport.

(39)

Strumenti Komunitarji bħad-Direttiva 92/106/KEE għandhom l-għan espliċitu li jrawmu l-iżvilupp tat-trasport ikkombinat, kif ikkonfermat fir-raba’ premessa ta’ dik id-Direttiva. Il-White Paper dwar il-Politika tat-Trasport (6) tinkoraġġixxi l-użu tat-trasport ferrovjarju u ta’ trasport ieħor li ma jagħmilx ħsara lill-ambjent sabiex isiru alternattivi kompetittivi għat-trasport bit-triq.

(40)

Il-politika intermodali hija inizjattiva biex titneħħa l-pressjoni minn fuq is-settur tat-trasport tal-merkanzija bit-triq, u taqbel mal-konklużjonijiet tal-Kunsill Ewropew ta’ Gothenburg ta’ Ġunju 2001 li ddikjara li miżuri li jgħinu bidla mit-trasport bit-triq għal modi ta’ trasport li jagħmlu inqas ħsara lill-ambjent huma fil-qalba tal-politika tat-trasport sostenibbli (7).

(41)

Barra minn hekk, illum il-ġurnata, l-industrija Ewropea żżomm jew iżżid il-kompetittività tal-produzzjoni tagħha bbażata fl-Ewropa permezz ta’ loġistika avvanzata, titjib fil-produzzjoni u fid-distribuzzjoni, u bil-ħolqien ta’ valur fil-proċess. Dawn il-ktajjen ta’ provvista sofistikati huma dejjem aktar vulnerabbli għall-kredibbiltà li dejjem tonqos u għall-ispejjeż dejjem ogħla tat-trasport tal-merkanzija bit-triq. Għalhekk il-loġistika intermodali jkollha ssir attività ewlenija għall-industrija tal-produzzjoni tal-Ewropa, sabiex jinżammu assi u proċessi produttivi fl-Ewropa.

(42)

It-trasport intermodali huwa għażla kkumplikata ta’ trasport, li tinvolvi partijiet interessati varji flimkien ma’ mudelli ta’ kummerċ varji, f’ambjent frammentat u fuq skala żgħira, li spiss huwa sseparat minn kulturi modali u skont linji nazzjonali. Il-Kummissjoni tagħraf li l-ħidma biex jittejjeb it-trasport intermodali fis-swieq hija primarjament ir-responsabbiltà tal-operaturi tas-suq, li l-aċċess għalihom huwa liberu u fejn il-kompetizzjoni ħielsa, il-provvista u l-forniment jiddominaw. Madankollu, sabiex jiġi sfruttat il-potenzjal sħiħ tat-trasport intermodali, ir-rieda li jittieħdu riskji inerenti għall-bidla mit-toroq għall-modi alternattivi, jeħtieġ li tiġi stimulata.

(43)

Ħafna kumpaniji tat-trasport illum il-ġurnata qed joperaw fi swieq li qegħdin f’ristrutturazzjoni sħiħa. Il-qligħ huwa baxx, l-ippjanar huwa iebes, u l-futur huwa inċert. Għalhekk, jeħtieġ li jitfasslu programmi ta’ appoġġ prattiċi u orjentati lejn is-suq sabiex jgħinu lis-settur intermodali jieħu riskji u jirrispondi għall-isfida li tintlaħaq bidla sostenibbli u kbira, skont il-miri stipulati fil-White Paper tal-Kummissjoni tal-2001.

(44)

L-għajnuna proposta tkopri x-xiri ta’ vaguni ferrovjarji speċjali intenzjonati għall-użu fit-trasport ikkombinat biss, li ma jistgħux jintużaw għal skopijiet oħra ta’ trasport ferrovjarju minħabba l-għamla speċjali tagħhom.

(45)

Il-Kummissjoni tikkunsidra li l-ispjegazzjonijiet mogħtija mill-awtoritajiet Ċeki fl-ittra tagħhom tad-9 ta’ Mejju 2006, imsemmija fil-premessi 20 sa 27 ta’ din id-Deċiżjoni, jindikaw b’mod ċar li l-vaguni speċjali huma esklussivament iddedikati għall-ħidmiet tat-trasport ikkombinat minħabba d-diżinn speċjali tagħhom (għamla speċifika), adattati esklussivament biex iġorru l-merkanzija bl-istess mod ta’ vaguni ferrovjarji oħra.

(46)

Il-Kummissjoni fil-prattika tagħha kkunsidrat li għajnuna mill-Istat għall-akkwist ta’ tagħmir iddiżinjat esklussivament għat-trasport ikkombinat (8), b’mod partikolari vaguni ta’ kundizzjonijiet daqshekk speċifiċi (9), hija kompatibbli mar-regoli tat-Trattat. Barra minn hekk, il-Kummissjoni tikkunsidra li (10) jeħtieġ li jkunu mmodernizzati jew imġedda l-vetturi ferrovjarji fil-qasam tat-trasport ferrovjarju sabiex jiġi evitat tnaqqis fis-sehem tas-suq tat-trasport meta mqabbel ma’ modi ta’ trasport oħra inqas sostenibbli u aktar ta’ ħsara għall-ambjent.

(47)

Il-Kummissjoni tikkunsidra li skont il-prattika stabbilita (11), il-limitazzjoni tal-intensità tal-għajnuna għal 30 % tiżgura li l-kundizzjonijiet ta’ kummerċ ma jkunux milquta b’mod li jmur kontra l-interess komuni.

(48)

Għalhekk il-Kummissjoni tikkonkludi li l-għajnuna għax-xiri ta’ ċerti tipi ta’ vaguni għall-użu fit-trasport ikkombinat ikkonċernat f’dan il-każ jista’ jiġi kkunsidrat kompatibbli mat-Trattat tal-KE skont l-Artikolu 87(3)(c) tat-Trattat għaliex mhux se jfixklu l-kummerċ b’mod li jmur kontra l-interess komuni,

13.3.2009   

MT

Il-Ġurnal Uffiċjali tal-Unjoni Ewropea

L 68/14

(1)

Il-Ftehim bejn il-Komunità Ewropea u l-Konfederazzjoni Żvizzera daħal fis-seħħ fl-1 ta’ Jannar 2007 u fih l-Anness A li jikkonċerna atti ġuridiċi fil-qasam tal-istatistika.

(2)

Ġew adottati atti ġuridiċi ġodda fil-qasam tal-istatistika u għandhom jiġu miżjuda mal-Anness A. Għaldaqstant, l-Anness A għandu jiġi rivedut.

13.3.2009   

MT

Il-Ġurnal Uffiċjali tal-Unjoni Ewropea

L 68/28

(1)

Fit-28 ta’ Ottubru 2005, il-Bayer CropScience AG ippreżentat lill-awtorità kompetenti tar-Renju Unit applikazzjoni, skont l-Artikoli 5 u 17 tar-Regolament (KE) Nru 1829/2003, għat-tqegħid fis-suq ta’ ikel, ingredjenti tal-ikel, u għalf li fihom, jew huma prodotti miż-żrieragħ tal-kolza T45.

(2)

L-applikazzjoni tkopri wkoll it-tqegħid fis-suq ta’ prodotti oħra li fihom iż-żrieragħ tal-kolza T45 għall-istess użi bħal kull żrieragħ tal-kolza oħra għajr il-kultivazzjoni. Għalhekk, skont id-dispożizzjoni tal-Artikoli 5(5) u 17(5) tar-Regolament (KE) Nru 1829/2003, din tinkludi d-dejta u t-tagħrif meħtieġa mill-Annessi III u IV tad-Direttiva 2001/18/KE tal-Parlament Ewropew u tal-Kunsill tat-12 ta’ Marzu 2001 dwar ir-rilaxx intenzjonat fl-ambjent ta’ organiżmi modifikati ġenetikament u li tħassar id-Direttiva tal-Kunsill 90/220/KEE (2) u tagħrif u konklużjonijiet dwar il-valutazzjoni tar-riskju mwettqa skont il-prinċipji stipulati fl-Anness II tad-Direttiva 2001/18/KE.

(3)

Fis-17 ta’ April 2007, il-Bayer CropScience AG ressqet applikazzjoni lill-Kummissjoni, skont l-Artikoli 8(4) u 20(4) tar-Regolament (KE) Nru 1829/2003, għall-awtorizzazzjoni ta’ prodotti eżistenti prodotti miż-żrieragħ tal-kolza T45 (addittivi tal-ikel, materjali tal-għalf prodotti miż-żrieragħ tal-kolza T45).

(4)

L-applikant indika fl-applikazzjoni tiegħu u fil-komunikazzjonijiet lill-Kummissjoni li l-kummerċjalizzazzjoni taż-żrieragħ tal-kolza T45 twaqqfet wara l-istaġun tat-tħawwil tal-2005.

(5)

Għalhekk, l-uniku għan ta’ dawn l-applikazzjonijiet huwa li jkopri l-preżenza taż-żrieragħ tal-kolza T45 ġejja mill-koltivazzjoni tagħha ta’ qabel fil-pajjiżi terzi.

(6)

Fil-5 ta’ Marzu 2008, l-Awtorità Ewropea dwar is-Sikurezza fl-Ikel (“EFSA”) tat opinjoni favorevoli għaż-żewġ applikazzjonijiet skont l-Artikoli 6 u 18 tar-Regolament (KE) Nru 1829/2003 u kkonkludiet li ma kienx probabbli li t-tqegħid fis-suq tal-prodotti li fihom jew huma prodotti miż-żrieragħ tal-kolza T45 kif deskritti fl-applikazzjonijiet (“il-prodotti”) se jkollhom effetti ħżiena fuq is-saħħa tal-bniedem jew tal-annimali jew fuq l-ambjent fil-kuntest tal-użi maħsuba tagħhom (3). Fl-opinjoni tagħha, l-EFSA qieset il-mistoqsijiet speċifiċi kollha u t-tħassib li tqajmu mill-Istati Membri fil-kuntest tal-konsultazzjoni tal-awtoritajiet kompetenti nazzjonali kif stipulat fl-Artikoli 6(4) u 18(4) ta’ dan ir-Regolament.

(7)

B’mod partikolari l-EFSA kkonkludiet li billi l-ebda indikazzjoni ta’ bidliet bijoloġikament rilevanti ta’ kompożizzjoni jew agronomija ma ġiet identifikata għaż-żrieragħ tal-kolza T45 minbarra l-preżenza tal-proteina PAT, mhumiex meħtieġa iktar studji ta’ sikurezza tal-annimali bl-ikel/l-għalf komplet (eż. studju ta’ tossiċità fil-firien għal 90 ġurnata).

(8)

Fl-opinjoni tagħha, l-EFSA kkonkludiet ukoll li l-pjan ta’ monitoraġġ ambjentali, li jikkonsisti fi pjan ta’ sorveljanza ġenerali, imressaq mill-applikant huwa b’konformità mal-użu maħsub għall-prodotti. Madankollu, minħabba l-karatteristiċi fiżiċi taż-żrieragħ tal-kolza u l-metodi tat-trasport, l-EFSA rrakkomandat li għandhom jiġu stabbiliti sistemi xierqa ta’ ġestjoni biex inaqqsu it-telf jew it-tixrid aċċidentali ta’ żrieragħ tal-kolza transġenika waqt it-trasport, il-ħażna, il-ġarr u l-ipproċessar. Il-pjan ta’ monitoraġġ ippreżentat mill-applikant kien modifikat biex ikun konformi ma’ din ir-rakkomandazzjoni tal-EFSA.

(9)

Sabiex tiġi ssorveljata t-tneħħija gradwali taż-żrieragħ tal-kolza T45, il-preżenża tagħhom fil-prodotti importati għandhom jiġu rrapportati regolarment.

(10)

Waqt li jitqiesu dawn il-kunsiderazzjonijiet, huwa xieraq li tingħata awtorizzazzjoni li tkopri l-preżenza fil-prodotti taż-żrieragħ tal-kolza T45 ġejjin mill-kummerċjalizzazzjoni taż-żrieragħ tal-kolza T45 fil-pajjiżi terzi sal-2005.

(11)

Għandu jiġi assenjat identifikatur uniku għal kull OMĠ kif stipulat fir-Regolament tal-Kummissjoni (KE) Nru 65/2004 tal-14 ta’ Jannar 2004 li jistabbilixxi sistema għall-iżvilupp u l-assenjazzjoni ta’ identifikaturi uniċi għall-organiżmi modifikati ġenetikament (4).

(12)

Fuq il-bażi tal-opinjoni tal-EFSA, ma jidher li hemm bżonn tal-ebda rekwiżiti ta’ ttikkettjar speċifiċi għajr dawk stipulati fl-Artikoli 13(1) u 25(2) tar-Regolament (KE) Nru 1829/2003 għall-ikel, l-ingredjenti tal-ikel u għalf li fihom, jew huma prodotti miż-żrieragħ tal-kolza T45. Madankollu, sabiex jiġi żgurat l-użu tal-prodotti fi ħdan il-limitu ta’ din l-awtorizzazzjoni prevista minn din id-Deċiżjoni, it-tikkettjar tal-għalf li fih l-OMĠ u prodotti oħra għajr l-ikel jew l-għalf li jkun fihom l-OMĠ li għalihom ntalbet l-awtorizzazzjoni, għandhom ikunu kkumplimentati b’indikazzjoni ċara li l-prodotti kkonċernati ma għandhomx jintużaw għall-kultivazzjoni.

(13)

Bl-istess mod, l-opinjoni tal-EFSA ma tiġġustifikax l-impożizzjoni ta’ kondizzjonijiet jew restrizzjonijiet speċifiċi għat-tqegħid fis-suq u/jew kondizzjonijiet jew restrizzjonijiet speċifiċi għall-użu u l-immaniġġjar, inklużi r-rekwiżiti ta’ monitoraġġ ta’ wara t-tqegħid fis-suq, jew ta’ kondizzjonijiet speċifiċi għall-protezzjoni ta’ ekosistemi/ambjent u/jew żoni ġeografiċi partikolari, kif previst fil-punt (e) tal-Artikoli 6(5) u 18(5) tar-Regolament (KE) Nru 1829/2003.

(14)

L-informazzjoni rilevanti kollha dwar l-awtorizzazzjoni tal-prodotti għandha tiddaħħal fir-reġistru Komunitarju tal-ikel u l-għalf modifikat ġenetikament, kif previst fir-Regolament (KE) Nru 1829/2003.

(15)

L-Artikolu 4(6) tar-Regolament (KE) Nru 1830/2003 tal-Parlament Ewropew u tal-Kunsill tat-22 ta’ Settembru 2003 dwar it-traċċabilità u t-tikkettjar ta’ organiżmi modifikati ġenetikament u t-traċċabilità ta’ prodotti tal-ikel u l-għalf immanifatturati minn organiżmi modifikati ġenetikament u li jemenda d-Direttiva 2001/18/KE (5), jistipula l-ħtiġijiet tal-ittikkettjar għal prodotti li jikkonsistu minn jew li fihom OMĠ.

(16)

Din id-Deċiżjoni għandha tiġi nnotifikata permezz tal-Clearing House dwar il-Bijosigurtà lill-Partijiet fil-Protokoll ta’ Cartagena dwar il-Bijosigurtà għall-Konvenzjoni dwar id-Diversità Bijoloġika, skont l-Artikoli 9(1) u 15(2)(c) tar-Regolament (KE) Nru 1946/2003 tal-Parlament Ewropew u tal-Kunsill tal-15 ta’ Lulju 2003 dwar il-movimenti transkonfinali ta’ organiżmi modifikati ġenetikament (6).

(17)

L-applikant ġie kkonsultat dwar il-miżuri stipulati f’din id-Deċiżjoni.

(18)

Il-Kumitat Permanenti dwar il-Katina Alimentari u s-Saħħa tal-Annimali ma tax opinjoni fil-limitu taż-żmien stabbilit mill-President tiegħu. Il-Kummissjoni għalhekk ippreżentat proposta lill-Kunsill fit-30 ta’ Ottubru 2008 skont l-Artikolu 5 tar-Regolament (KE) Nru 1999/468/KE (7), fejn il-Kunsill ġie mitlub biex jaġixxi fi żmien tliet xhur.

(19)

Madankollu, il-Kunsill ma kienx aġixxa fil-limiti taż-żmien mitluba; issa għandha tiġi adottata Deċiżjoni mill-Kummissjoni,

(a)

ikel u ingredjenti tal-ikel li fihom jew prodotti miż-żrieragħ tal-kolza ACS-BNØØ8-2;

(b)

għalf li fih jew li ġie prodott miż-żrieragħ tal-kolza ACS-BNØØ8-2;

(c)

prodotti għajr ikel u għalf li fihom iż-żrieragħ tal-kolza ACS-BNØØ8-2 għall-istess użi bħal kwalunkwe żrieragħ tal-kolza oħra għajr għall-kultivazzjoni.